📌 Гарадзенца асудзілі на шэсць гадоў калоніі за заклікі да супраціву

📌 Аляксея Багдзея прызналі вінаватым у арганізацыі масавых беспарадкаў, якія суправаджаліся гвалтам над асобай, пагромамі, падпаламі, знішчэннем маёмасці або ўзброеным супрацівам прадстаўнікам улады (арт. 293 КК). Справу разглядаў суддзя Максім Галубовіч.

Больш на сайце Радыё Рацыя

#Багдзей #суд #прысуд #калонія #Галубовіч

‼️ Сёння суд над журналістам Дзянісам Івашыным

🔻 КДБ абвінаваціў Дзяніса ў супрацы з украінскай выведкай. Журналісту пагражае ад 7 да 15 гадоў няволі. Судовы працэс будзе весці суддзя Валерый Раманоўскі.

Больш на сайце Радыё Рацыя

#Івашын #суд #суддзя #Раманоўскі #КДБ

⁉️ Пінчука будуць судзіць за шпіянаж?

📌 У Пінску 33-гадовага мясцовага жыхара вінавацяць не толькі ў перадачы ў прызнаны ўладамі экстрэмісцкім Telegram-канал здымкаў вайсковых самалётаў, што падпадае пад „садзейнічанне экстрэмісцкай дзейнасці”.

📌 Па версіі следства ён наўмасна збіраў інфармацыю пра размяшчэнне вайскоўцаў у рэгіёне, выязджаў у розныя кропкі, рабіў адпаведныя пазнакі на мапе і перадаў іх ва Украіну. Гэта ўжо падпадае пад „шпіянаж”.

Больш на сайце Радыё Рацыя

#пінчук #суд #шпіянаж #Украіна #вайна #Расея

‼️ Пасяджэнне па справе „пра захоп улады” часова зрабілі закрытым

📌 Суд вырашыў выдаліць слухачоў з працэсу падчас паказанняў Аляксандра Жураўскага. Як вынікае з матэрыялаў справы, менавіта ён быў укаранёны ў групу „змоўшчыкаў”.

📌 Спачатку справа слухалася ў закрытым рэжыме, потым яе працягнулі ў адкрытым і запусцілі прапагандысцкія СМІ. Гэта тая самая справа, пра якую Лукашэнка казаў што для яго сына „змоўшчыкі падрыхтавалі склеп у Гомельскай вобласці”.

#суд #справа #Лукашэнка #Жураўскі #змоўшчыкі

‼️ На судзе над «змоўшчыкамі» абвешчаны перапынак да 26 жніўня

📌 У гэты дзень пачнуцца судовыя спрэчкі бакоў.

📌 17 жніўня ў судзе дапыталі двух сведак – лідара Беларускай партыі левых «Справядлівы свет» Сяргея Калякіна і аглядальніцу газеты «Народная Воля» Святлану Калінкіну.

🔻 Калякін заявіў, што яму не прапаноўвалі ўдзельнічаць у «змове». Калінкіна заявіла, што ніколі не сустракала ў тэкстах Фядуты экстрэмісцкіх матываў, і кампліментарна выказалася на адрас Кастусёва.

📌 Працэс па «змове з мэтай захопу ўлады» праходзіць у Менскім абласным судзе. На лаве падсудных апынуліся пяць чалавек – Юрась Зянковіч, Рыгор Кастусёў, Аляксандр Фядута, Дзяніс Краўчук і Вольга Галубовіч. Следства заяўляе, што яны рыхтавалі дзяржаўны пераварот. Зянковіч заключыў здзелку са следствам.

📷 БелТА

#суд #справа #змоўшчыкі #Калякін #Калінкіна

🔻 «Як бы апісаць свой стан… Я адключылася цалкам, я бачыла толькі Дзяніса. Я крычу: «Сынок, я тут!» Ён пачуў і адказаў: «Мама, у мяне ўсё добра! Не перажывай! Мы пераможам».

🔻 Маці Дзяніса Івашына расказала пра момант, які запомніць на ўсё жыццё.

Больш на сайце Радыё Рацыя

#Івашын #суд #маці #момант

‼️ Чарговы прысуд па «справе Зельцара»

🔻 У Гомелі судзілі 31-гадовага палітвязня Аляксея Качанава па двух артыкулах Крымінальнага кодэкса: абраза прадстаўніка ўлады і распальванне іншай сацыяльнай варожасці. Суд праходзіў у закрытым рэжыме.

Больш на сайце Радыё Рацыя

#суд #прысуд #Гомель #Качанаў #Зельцар

📌 Палітзняволенага Ігара Ледніка будуць судзіць за артыкул, у якім ён нібыта абразіў Лукашэнку

🔻 Палітолаг, сябра БСДП з Барысава Ігар Леднік напісаў для партыйнага часопіса «Пазіцыя» артыкул «Мiжнародна прызнаны нейтралiтэт Беларусi — гарантыя бяспекi ў рэгiёне АБСЭ».

🔻 Пракуратура Беларусі знайшла ў ім абразы і паклёп у адрас Лукашэнкі.

Больш на сайце Радыё Рацыя

#Леднік #палітвязень #суд #абраза #Лукашэнка

‼️ Рэпрэсіі ў Беларусі працягваюцца

📌 Cуд Кастрычніцкага раёна Гародні вынес рашэнне па справе Таццяны Мацяеўскай. Пенсіянерку абвінавацілі ў абразе Лукашэнкі. Справу разглядаў суддзя Уладзімір Пазняк.

📷 Радыё Рацыя

Больш на сайце Радыё Рацыя

#суд #Мацяеўская #Пазняк #Гародня #прысуд

‼️ Мікалай Аўтуховіч паскардзіўся на ўмовы зняволення

Ягоную скаргу да турмы №1 Гародні сёння разгледзіць суддзя Артур Лешык.

#Аўтуховіч #суд #Гародня #Лешык

‼️ У Віцебску затрымалі актывіста Барыса Хамайду

📌 Ён адмовіўся зняць медальён з „Пагоняй”. 25 жніўня Хамайда прыйшоў у суд, каб падтрымаць журналістку Таццяну Мацвееву, якую судзілі па абвінавачанні ў несанкцыянаваным пікетаванні.

📌 Як стала вядома БАЖ, каля паста дзяжурнага Хамайду спыніў супрацоўнік Кастрычніцкага РАУС Уладзіслаў Шышкавец — той самы, што склаў адміністрацыйны пратакол на журналістку. Шышкавец выклікаў службовую машыну, і актывіста павезлі ў пастарунак.

📌На волю Барыс Хамайда так і не выйшаў. Ягоны мабільны тэлефон адключаны. Актывіст не мае сям’і, а паведамляць нешта староннім людзям у міліцыі адмаўляюцца.

#Хамайда #Шышкавец #актывіст #затрыманне #суд

‼️ Камерцыйны дырэктар сеткі кінатэатраў "Silver Screen" Аляксандр Дземідовіч выйшаў на волю

📌 Пра гэта ён паведаміў на сваёй старонцы ў Facebook. Дземідовіч не дадаў, што рашэннем суда ён прысуджаны да 2,5 гадоў “хіміі”.Інфармацыю аб ягоным прысудзе першай апублічыла «Медыязона».

Больш на сайце Радыё Рацыя

#Дземідовіч #суд #хімія #медыязона

‼️ Лекара 1-й кваліфікацыйнай катэгорыі Яўгена Бужынскага са Смаргоні асудзілі на 8 гадоў калоніі

🔻За «распальванне сацыяльнай варожасці» ў інтэрнэце і за хабар, паведамляюць праваабаронцы з «Вясны».

🔻Пры гэтым вядомы сам факт, а ніякіх падрабязнасцяў па справе пакуль няма.

Больш на сайце Радыё Рацыя

#лекар #суд #прысуд #Бужынскі #Смаргонь

‼️ Сваякі Аўтуховіча сабралі грошы на адваката за два дні

Агулам было сабрана больш за 8000 еўра.

Мікалая Аўтуховіча і шэраг звязаных з ім, на думку следства, людзей затрымалі 1 снежня 2020 года.

📌 Улады абвясцілі Аўтуховіча арганізатарам і кіраўніком «тэрарыстычнай групоўкі», якая нібыта дзейнічала на тэрыторыі Гарадзенскай вобласці і падпальвала аўтамабілі і дамы супрацоўнікаў міліцыі. Мікалая абвінавачваюць адразу паводле дзесяці артыкулаў Крымінальнага кодэкса.

#Аўтуховіч #суд #грошы #адвакат

📌Адваката Уладзіміра Ангельскага арыштавалі на 14 сутак

🔻 Яго затрымалі ў Менску яшчэ 31 жніўня. У Маскоўскім РУУСе на адваката склалі пратакол паводле арт. 24.3 КаАП (непадпарадкаванне супрацоўніку міліцыі).

🔻 Вядома, што суддзя Юрый Машкетаў пачаў разгляд справы яшчэ ўчора — 1 верасня. На судзе дапыталі і сведку-міліцыянта, які блытаўся ў паказаннях, а на судзе праз скайп прысутнічаў у балаклаве. У выніку, Уладзіміра прызналі вінаватым у непадпарадкаванні міліцыянту і аршытавалі на 14 сутак.

🔻 Ангельскі — адвакат Менскай абласной калегіі адвакатаў. Да гэтага працаваў у адвакацкім бюро «РЕВЕРА», а таксама быў партнёрам у адвакацкім бюро «Брагінец і Партнёры».

#Ангельскі #адвакат #суд #Машкетаў #суткі

📌 У Менску судзяць Ксенію Луцкіну

Працэс праходзіць у Менскім гарадскім судзе. Яна абвінавачваецца ў змове з мэтай захопу дзяржаўнай улады неканстытуцыйным шляхам (ч. 1 арт. 357 КК).

📌 Журналістка прызнана палітвязнем.

Больш на сайце Радыё Рацыя

#Луцкіна #Менск #суд #журналістка #забастоўка

📌 Палітвязню Ігару Ледніку абвесцяць прысуд 6 верасня

🔻Ігар Леднік мае інваліднасць праз праблемы з сэрцам. Вядома, што ў камеры ён страціў прытомнасць, пасля чаго ў экстранным парадку яму зрабілі аперацыю на страўнікава-кішачным тракце. Паведамлялася, што стан здароўя палітвязня нездавальняючы, ён працягвае скардзіцца на болі ў страўніку.

Больш на сайце Радыё Рацыя

#Леднік #артыкул #суд #прысуд #палітвязень