❗️Палітзняволенай Сафіі Сапезе прысудзілі 6 гадоў калоніі

Гарадзенскі абласны суд вынес прысуд грамадзянцы Расеі і палітзняволенай Сафіі Сапезе, якую абвінавачвалі адразу паводле сямі артыкулаў Крымінальнага кодэкса.

Нагадаем, Сафію затрымалі 23 траўня 2021 года разам з Раманам Пратасевічам — самалёт авіякампаніі Ryanair, у якім яны ляцелі, прымусілі зрабіць пасадку ў Нацыянальным аэрапорце «Мінск».

Крыніца: https://t.me/viasna96

#Сапега #прысуд #Гародня #суд #Пратасевіч

📌 Незалежны прафсаюз «Гродна Азот» улады Беларусі прызналі экстрэмісцкай арганізацыяй.

📌 Старшыню прафсаюза «Гродна Азот» Андрэя Ханевіча затрымалі ў канцы красавіка ў хвалі з іншымі прадстаўнікамі незалежных прафсаюзаў.

Яшчэ некалькі завадчан сядзяць з мінулага верасня, іх падазраюць у «здрадзе дзяржаве».

#рэпрэсіі #Гродна_Азот #Гародня #незалежныя_прасаюзы #пераслед_прафсаюзных_актывістаў

Радыё Рацыя.

Музей Багдановіча ў Гародні. Як паўплываў набеларускі нацыянальны рух? Чым найбольш вядомы?

Пра гэта распавяла сённяшні "Госць Рацыі" Данута Бічэль.

00:00 З чаго пачынаўся музей
02:08 Якое месца займала Гародня у жыцці Максім Багдановіча
03:59 Як музей паўплываў на беларускі нацыянальны рух
05:33 Ці запатрабаваны Багдановіч у нашых часах?


#Багдановіч #Гародня

🎼 Фестываль акадэмічнай арганнай музыкі “Ars Magna Organi” (“Вялікае мастацтва аргана”) пройдзе з 18 чэрвеня па 18 верасня ў 12-ці мясцовасцях краіны.

#фестываль_арганнай_музыкі_Ars_Magna_Organi #Пінск #арганы_Беларусі #Ліда #Гародня

Больш на сайце Радыё Рацыя.

❗️Дзяніс Івашын другі год запар сустракае дзень народзінаў за кратамі. Гарадзенскаму журналісту сёння спаўняецца 43 гады.

📌Палітвязень Дзяніс Івашын ужо амаль 15 месяцаў знаходзіцца ў турме №1 у Гародні па абвінавачаннях ва ўмяшанні ў справы супрацоўнікаў унутраных органаў і здрадзе дзяржаве.

Яго жонка Вольга ў інтэрв’ю выданню “Новы Час” расказала пра тое, што за час зняволення Дзяніс не згубіў аптымізму, верыць у перамогу і сваё вызваленне, загартаваў волю, характар і дух, пашырыў свой жыццёвы і прафесійны досвед, пераасэнсаваў каштоўнасці і змяніў прыярытэты, але застаўся верным і адданым патрыётам Беларусі⚪️🔴⚪️.

Фота з сямейнага архіву #Дзяніс_Івашын #СМІ #Гародня #палітвязні

📌 Паўтара года "хатняй хіміі" — за каментар у 2020 годзе, паведамляе Вясна.

📌 21 чэрвеня 2022 года ў судзе Ленінскага раёна Гародні вынесены прысуд 58-гадовай Юліі Каваленка.

📌 Пацярпелыя па справе — былая супрацоўніца гарадзенскага АМАПа Марыя Мазуркевіч і цяперашняя супрацоўніца гродзенскага АМАП Дар'я Бандарчук. Яны вядомыя тым, што 9 жніўня ў Гародні жорстка збілі фармацэўтку Марыну Палікарпаву. 17 снежня жанчыне прысудзілі два года "хатняй хіміі": абараняючыся ад прыёму здушэння, жанчына інстынктыўна ўкусіла адну з супрацоўніц міліцыі.

📌 Згодна з тэкстам абвінавачання, маючы намер публічна абразіць прадстаўнікоў улады, 4 верасня 2020 года Юлія Каваленка у суполцы "Hrodna.life" на Facebook пакінула абразлівы каментар у бок Мазуркевіч і Бандарчук.

📌 Пракурор Аляксандр Седач папрасіў пакараць Юлію Каваленку 1,5 гадамі абмежавання волі без накіравання ў ПУАТ — "хатняй хімііі". Суддзя Руслан Гурын пагадзіўся з тэрмінам.

#Юлія_Каваленка #Гародня #суды #хімія #Марыя_Мазуркевіч

🎥 22 чэрвеня гістарычны клуб «Beer&History» ладзіць сваю першую сустрэчу і запрашае ўсіх на сумесны прагляд фільма Руслана Кулевіча пра Гародню 1930-40-х «Апошнія сведкі старога Гродна». Пачатак а 19.00.

Месца: B4 / Beer4u, Legionowa 14/16 lok. 2, Беласток.

🎬🎥 У цэнтры сюжэта — гісторыі карэнных гарадзенак пра 1930-я, савецкае «вызваленне» ў 39-м, нямецкую акупацыю і вымушаны ад’езд на Захад.

#клуб_Beer_History #Гародня #Беласток #міжваенная_Гародня #Руслан_Кулевіч

😢Памерла стваральніца гарадзенскага хору „Бацькаўшчына” Вера Кунцэвіч😢

🔸 Пасля працяглай хваробы памерла стваральніца і нязменная кіраўнічка гарадзенскага хору „Бацькаўшчына” Вера Кунцэвіч.

🔸Пра гэта ў фэйсбуку паведаміў гарадзенскі журналіст Вітаўт Руднік.

🔸 Спадарыня Вера была актывісткай беларускага грамадскага руху, выязджала з хорам і выступала па Беларусі і за мяжой, спявала на святах у Гарадзенскай грэка-каталіцкай парафіі, плённа працавала ў культурных праектах Універсітэта Залатога Веку.

‼️Светлая памяць руплівіцы беларускай справы…

#Кунцэвіч #Гародня #хор #Руднік #хвароба

⁉️ Як вы лічыце, ці трэба пашыраць досвед Гародні 2020 года?

📌 “Мы знайшлі агульную мову перш за ўсё паміж сабой, адкінулі ўласныя амбіцыі, дамовіліся працаваць разам. Прычым вельмі хутка і вельмі розныя бакі. Гэта, напэўна, адно з найвялікшых дасягненняў Гародні на той час”.

📌 Кажа намеснік старшыні Партыі БНФ Вадзім Саранчукоў.

Больш на сайце Радыё Рацыя

📷 Радыё Рацыя

#Саранчукоў #досвед #Гародня #пратэсты #апазіцыя

🌞 У Гародні на пляжы заснулі дзве дзяўчыны, іх шпіталізавалі з сонечнымі апёкамі 🌞

🔸 У першы дзень іх стан ацэньваўся як сярэдняй ступені цяжкасці. Было зафіксавана паражэнне да 40% плошчы цела. На шчасце, твары пацярпелі ў меншай ступені, кажуць лекары.

🔸 Яшчэ дзве дзяўчыны «ўзмоцнена загаралі» і таксама атрымалі апёкі. Іх шпіталізавалі ў лякарню хуткай медыцынскай дапамогі. Усе пацярпелыя ва ўзросце ад 18 да 20 гадоў.

#Гародня #пляж #апёкі #дзяўчыны #загар

‼️ Рэпрэсіі ў Беларусі працягваюцца

📌 Cуд Кастрычніцкага раёна Гародні вынес рашэнне па справе Таццяны Мацяеўскай. Пенсіянерку абвінавацілі ў абразе Лукашэнкі. Справу разглядаў суддзя Уладзімір Пазняк.

📷 Радыё Рацыя

Больш на сайце Радыё Рацыя

#суд #Мацяеўская #Пазняк #Гародня #прысуд

‼️ Мікалай Аўтуховіч паскардзіўся на ўмовы зняволення

Ягоную скаргу да турмы №1 Гародні сёння разгледзіць суддзя Артур Лешык.

#Аўтуховіч #суд #Гародня #Лешык

‼️ Адвакатку Юлію Юргілевіч перавялі ў СІЗА

Яна не выйдзе на волю праз 72 гадзіны пасля затрымання.

🔻 Нагадаем, Юргілевіч працавала адвакатам амаль 18 год. Яна абараняла ў судзе палітвязняў Алеся Пушкіна, Арцёма Баярскага, Ігара Банцара, Андрэя Аўсіевіча, Андрэя Сакалоўскага.

🔻 23 лютага 2022 года яе выключылі са складу Гарадзенскай абласной калегіі адвакатаў за «сістэматычныя парушэнні заканадаўства».

🔻Паводле папярэдняй інфармацыі, адвакатка ў лютым з’ехала з Беларусі, але вярнулася ў Гародню, дзе і была затрымана.

#Юргілевіч #адвакат #СІЗА #Гародня