‼️⚡️ У дачыненні да Андрэя Стрыжака дадаткова распачата крымінальная справа па ч.2 арт.361-3 Крымінальнага кодэкса за фінансаванне і іншае матэрыяльнае забеспячэнне ўдзелу на тэрыторыі замежнай дзяржавы ва ўзброеным фармаванні, узброеным канфлікце, ваенных дзеяннях.

📌 У Беларусі на Стрыжака ўжо распачата некалькі крымінальных спраў, у тым ліку за ўдзел у экстрэмісцкім фармаванні і фінансаванне экстрэмісцкай дзейнасці.

#Андрэяй_Стрыжак #апазіцыя #крымінальная_справа #пераслед_актывістаў #экстрэмісцкія_фармаванні

‼️⚡️ На суд над актывісткай прафсаюза РЭП Зінаідай Міхнюк не пусцілі нават мужа.

📌 Жанчыну абвінавачваюць у абразе Лукашэнкі, кваліфікаваўшы гэта па ч. 1 арт. 368 Крымінальнага кодэкса.

📌 Зінаіда Міхнюк — актывістка прафсаюза РЭП, была затрыманая 25 сакавіка пасля вобшукаў у яе дома і ў офісе арганізацыі. Жанчыну да суда змясцілі ў СІЗА №7 Берасця.

Больш на сайце Радыё Рацыя.

#Зінаіда_Міхнюк #Берасце #пераслед_прасаюзных_актывістаў #суды #абраза_Лукашэнкі

📌 15 чэрвеня ў маларыцкім судзе распачнецца суд над палітзняволенай Людмілай Рамановіч. 📌Актывістку затрымалі 4 красавіка, а потым змясцілі ў берасцейскае СІЗА.📌 Людмілу абвінавачваюць у абразе Лукашэнкі з-за ліста, які жанчына даслала ў Следчы камітэт.

#Людміла_Рамановіч #палітвязні #Следчы_камітэт #Маларыта #пераслед_актывістаў

📌 Праваабаронца Алесь Рамановіч звярнуўся да кіраўніцтва Пінскай міжраённай пракуратуры. 📌 Яго выклікалі ў гэтае ведамства, каб ён напісаў заяву пра выхад з прафсаюза РЭП, і афіцыйна папярэдзілі пра адказнасць за ўдзел у так званым “экстрэмісцкім фарміраванні”. 📌 У сваім лісце праваабаронца просіць патлумачыць, на якой падставе пракуратура збірае такія заявы.

#прафсаюз_РЭП #Алесь_Рамановіч #экстрэмісцкае_фарміраванне #пераслед #рэпрэсіі

Больш на сайце Радыё Рацыя.

📌 Стала вядома, што Анджэю Пачобуту сталі моцна блакаваць перапіску з сынам. 📌 Хутчэй усяго таму, што яны пішуць адзін аднаму на польскай мове. 📌 Жонка журналіста Аксана Пачобут паведаміла, што вярнуўся чарговы ліст з пазнакай “НЕ ПРОШЛО ЦЕНЗУРУ”.

#Анджэй_Пачобут #палітвязні #пераслед_палякаў_у_Беларусі #блакаванне_перапіскі #цэнзура

Больш на сайце Радыё Рацыя.

📌‼️ У Менскім абласным судзе пачаўся суд у «справе БелаПАН». Ён адбываецца ў закрытым рэжыме.

📌 Андрэю Аляксандраву і Ірыне Злобінай інкрымінуюць падрыхтоўку не менш як 260 чалавек для «ўдзелу ў групавых дзеяннях, што груба парушаюць грамадскі парадак». Яны аплочвалі адміністрацыйныя штрафы, рахункі за паслугі адвакатаў.

Андрэю Аляксандраву, Дзмітрыю Наважылаву і Ірыне Леўшынай інкрымінуюць стварэнне з ліку работнікаў ЗАТ «БелаПАН» групы грамадзян, якая «ажыццяўляла экстрэмісцкую дзейнасць у выглядзе стварэння і размяшчэння на інтэрнэт-рэсурсах гэтага ЗАТ матэрыялаў з прыкметамі экстрэмізму, а таксама кіраўніцтва такім фармаваннем».

#пераслед_журналістаў #суды_над_журналістамі #Андрэй_Аляксандраў #Ірына_Леўшына

svaboda.org

📌📖 Выдавец Андрэй Янушкевіч па-ранейшаму знаходзіцца за кратамі

📌 Яго і супрацоўніцу Насту Карнацкую затрымалі 16 траўня пасля ператрусу ў новай кнігарні “Кнігаўка”. Андрэй Янушкевіч быў асуджаны на 10 сутак адміністрацыйнага арышту, але пасля на волю ён не выйшаў. Яго асудзілі яшчэ на 10 сутак. Ён зноў не выйшаў.

📌 Наста Карнацкая была пачаткова прысуджана да 13 сутак арышту, але на волю таксама не выйшла.

#пераслед_выдаўцоў #Андрэй_Янушкевіч #Наста_Карнацкая #кнігарка_Кнігаўка

📌 Нашаніўцаў Ягора Марціновіча і Андрэя Скурко накіравалі ў калоніі

📌 20 траўня Менгарсуд пакінуў прысуды палітвязням Ягору Марціновічу і Андрэю Скурко без зменаў.

📌 6 чэрвеня стала вядома, што Марціновіча накіравалі ў бабруйскую калонію № 2, а Скурко — у магілёўскую калонію № 15, паведамляюць праваабаронцы.

📌 Нагадаем, 15 сакавіка суд Заводскага раёна Менска прысудзіў галоўнаму рэдактару «Нашай нівы» і кіраўніку аддзелу маркетынгу і рэкламы па два з паловай гады калоніі.

За кратамі іх утрымліваюць ужо амаль 10 месяцаў.

#Ягор_Марціновіч #Андрэй_Скурко #палітвязні #пераслед_журналістаў #газета_Наша_Ніва

‼️⚡️📖 Вядомага расейскага пісьменніка Дзмітрыя Глухоўскага аб'явілі ў вышук у Расеі. Яго картка з'явілася ў базе даных асоб, якія адшукваюцца МУС РФ.

📚 Глухоўскі – аўтар антыўтопіі «Метро 2035», пастапакаліптычных раманаў «Метро 2033», «Метро 2034», «Пост», раманаў «Тэкст» і «Змрок».

‼️⚡️Глухоўскі асудзіў уварванне Расеі ва Украіну. «Гэта братазабойчая драпежніцкая вайна, якую развязаў звар'яцелы тыран. Прабач нас, Украіна!» – напісаў ён у фэйсбуку 24 лютага.

#Дзмітрый_Глухоўскі #вайна_ва_Украіне #не_вайне #пераслед_за_пратэсты_супраць_вайны

Фота: facebook.com/dmitry.glukhovsky

reform.by

📌‼️ ⚓️ Сваякоў маракоў з патопленага крэйсера "Масква" прымушаюць замоўчваць інфармацыю пра загінуўшых. Пра гэта паведамляе ГУР Мінабароны Украіны.

📌 "Сваякоў спрабуюць угаварыць ні з кім не мець размоваў пра сваіх сынаў і мужоў, якія служылі на крэйсеры. У выпадку адмовы ім пачынаюць пагражаць нявыплатамі кампенсацый і крымінальным пераследам", - паведамляе ГУР.

📌 Паводле звестак разведкі, у Севастопалі падчас сустрэчы камандуючага Чарнаморскім флотам са сваякамі загінуўшых маракоў Дом афіцэраў флоту ахоўвала ваенная паліцыя, а самога камандуючага суправаджала група спецназаўцаў. Частка сваякоў у знак пратэсту на сустрэчу з камандаваннем флота не прыйшла.

#крэйсер_Масква #вайна_ва_Украіне #не_вайне #пераслед_за_пратэсты_супраць_вайны

📷 Фота: EPA

news.liga.net

‼️⚡️ Журналістку Ціну Палынскую аштрафавалі на вялізную суму за жоўтыя і сінія стужкі

‼️⚡️ 3200 рублёў штрафа прысудзілі журналістцы з Полацка Ціне Палынскай за жоўтыя і сінія стужкі, паведамляе «Еўрарадыё».

📌 Жыхарку Полацка затрымалі 5 чэрвеня пасля ператрусу ў яе дома. Нагодай стаў крытычны пост у "Фэйсбуку" пра візіт у Беларусь патрыярха Кірыла.

#Ціна_Палынская #Полацк #пераслед_актывістаў #суды
#штраф

novychas.online

📌‼️ Палітзняволенага журналіста і грамадскага актывіста Міколу Дзядка працягваюць утрымліваць у памяшканні камернага тыпу у калоніі №9 у Горках Магілёўскай вобласці. Па словах яго бацькі, былога суддзі Аляксандра Дзядка, патрапіў у ПКТ яго сын за тое, што адмовіўся ад працы, пратэстуючы супраць пазбаўленне яго права на ліставанне:

📌 - Зараз ён не атрымлівае лістоў ні ад бацькоў, ні ад сяброў, ніадкуль не атрымлівае. І яго лісты знішчаюцца, прычым знішчаюцца цынічна, у яго прысутнасці, і яшчэ ад яго патрабуць падпісваць акт аб знішчэнні. І калі яму не патлумачылі, для чаго гэта робіцца, ён адмовіўся ісці працаваць. І за гэта, у пакаранне, яго накіравалі ў памяшканне камернага тыпу на 4 месяцы.

#Мікола_Дзядок #беларускія_анархісты #пераслед #катаванні_ў_турмах #Аляксандр_Дзядок

Беларускае Радыё Рацыя