⚪️🔴⚪️Беласток далучаецца да Дня міжнароднай салідарнасці з беларусамі

Быць салідарнымі з беларусамі - гэта дапамагаць тым, хто добраахвотнікам абараняе Украіну, нявінным зняволеным, фондам і ініцыятывам, якія збіраюць гуманітарную дапамогу ахвярам рэжыму. Дзякуючы гэтай салідарнасці людзі бачаць, што беларусы – гэта не рэжым.

❗️Беларуская дыяспара Беластока запрашае ўсіх неабыякавых далучыцца да акцыі, якая адбудзецца 29 траўня а 15-й гадзіне ля Генконсульства Беларусі па адрасе вуліца Электрычная, 9

#беларусы_Беластока #салідарнасць #рэпрэсіі #акцыі_салідарнасці #Беласток

📌 Суд над Уладзімірам Мацкевічам пачнецца 9 чэрвеня. Працэс пройдзе ў Менскім гарадскім судзе.

#Уладзімір_Мацкевіч #Мінскі_гарадскі_суд #палітвязні #суды #рэпрэсіі

Больш на сайце Радыё Рацыя.

📌 У мабільных дадатках Telegram больш не працуе праўладны тэлеграм-канал «Жёлтые сливы».

📌 На ім, апроч іншага, публікаваліся «пакаяльныя відэа» і асабістыя звесткі затрыманых па палітычных матывах.

#лукашэнкаўся_ідэалогія #жоўтыя_слівы #рэпрэсіі #тэлеграм_каналы

📌 Праваабаронца Алесь Рамановіч звярнуўся да кіраўніцтва Пінскай міжраённай пракуратуры. 📌 Яго выклікалі ў гэтае ведамства, каб ён напісаў заяву пра выхад з прафсаюза РЭП, і афіцыйна папярэдзілі пра адказнасць за ўдзел у так званым “экстрэмісцкім фарміраванні”. 📌 У сваім лісце праваабаронца просіць патлумачыць, на якой падставе пракуратура збірае такія заявы.

#прафсаюз_РЭП #Алесь_Рамановіч #экстрэмісцкае_фарміраванне #пераслед #рэпрэсіі

Больш на сайце Радыё Рацыя.

📌 ‼️ Беларускую раду культуры прызналі «экстрэмісцкім фармаваннем»

📌 МУС прызнала «экстрэмісцкім фарміраваннем» праект «Беларуская Рада культуры», ягоны сайт і акаўнты ў сацыяльных сетках. Усё гэта ўнесена ў спіс на афіцыйным сайце ведамства.

📌 "Беларуская Рада культуры" — праект, створаны ў 2020 годзе, які раней называўся "Беларускі фонд культурнай салідарнасці". У афіцыйным паведамленні на сайце праекта гаворыцца, што яго дзейнасць накіравана на захаванне беларускай культуры (падтрымку артыстаў, выканаўцаў, артыстаў і арт-мэнэджараў), развіццё новых творчых праектаў, аб'яднанне культурнай супольнасці і папулярызацыю нацыянальнай культуры ў свеце.

#Беларускуя_рада_культуры #МУС_прызнала_экстрэмісцкім_фарміраваннем #рэпрэсіі #беларуская_культура

‼️Рэпрэсіі супраць мірнага насельніцтва ў Беларусі не спыняюцца

🔻У прыватнасці ў Бярозе і Белаазёрску вышукваюць і караюць тых, хто пісаў рэпосты ў 2020 годзе, або затрымліваюць перыядычна на некалькі сутак тых, хто быў актыўным падчас акцый⚪️🔴⚪️.

❗️«Зноў забіралі на суткі. Два дні прасядзеў. Умовы, як і для ўсіх палітычных: без матрацаў, без бялізны, без перадач. Чатыры разы на ноч будзяць. Трэба падысці да дзвярэй і назваць сябе. А днём абшуквалі толькі раніцай. Пакуль не білі,» - расказвае жыхар Бярозы Уладзімір.

Уладзімір разам з жонкай удзельнічалі ў акцыях у 2020 годзе. Іх затрымлівалі, кідалі ў нечалавечыя ўмовы ў ІЧУ Бярозаўскага РАУС. Судзілі, каралі штрафамі, пазбавілі працы. І хоць пасля выбараў прайшло амаль два гады, рэпрэсіі супраць іх сям'і, як і супраць іншых, не спыняюцца.

#рэпрэсіі #Бяроза #пратэсты #ІЧУ #гвалт

‼️Яшчэ 10 чалавек прызналі ў Беларусі палітвязнямі

❗️Іх справы праваабаронцы лічаць палітычна матываванымі і патрабуюць неадкладнага вызвалення палітвязняў.

Амаль усе прызнаныя сёння палітвязнямі праходзяць па справах аб "групавых дзеяннях, якія груба парушаюць грамадскі парадак", двое
— фігуранты крымінальнай справы аб "змове з мэтай захопу дзяржаўнай улады неканстытуцыйным шляхам" (справа Фядуты-Зянковіча-Кастусёва).

❗️Цяпер у Беларусі налічваецца 1232 палітвязні.

📷 defensoria.rj.def.br

#палітвязні #праваабаронцы #рэпрэсіі #вязні #турмы

📌‼️ Генеральная пракуратура накіравала ў суд крымінальную справу паводле абвінавачвання Юрася Зянковіча, Аляксандра Фядуты, Рыгора Кастусёва ў змове, учыненай з мэтай захопу дзяржаўнай улады неканстытуцыйным шляхам (ч. 1 арт. 357 Крымінальнага кодэкса Рэспублікі Беларусь); Вольгі Галубовіч і Дзяніса Краўчука — за актыўны ўдзел у групавых дзеяннях, якія груба парушаюць грамадскі парадак (ч. 1 арт. 342 Крымінальнага кодэкса Рэспублікі Беларусь). Пра гэта паведамляецца ў тэлеграм-канале Генпракуратуры.

📌 Крымінальная справа знаходзілася ў вытворчасці следчага ўпраўлення Камітэта дзяржаўнай бяспекі.

📌 Таксама адзначаецца, што пры накіраванні крымінальнай справы ў суд намеснік генеральнага пракурора пакінуў без змены раней абраную ў дачыненні да абвінавачаных меру стрымання ў выглядзе заключэння пад варту.

#Юрась_Зянковіч #Аляксандр_Фядута #Рыгор_Кастусёў #рэпрэсіі #КДБ

📌‼️ Палітзняволенаму рэдактару «Ежедневника» Сяргею Сацуку выставілі абвінавачанні па новых артыкулах, паведамляюць праваабаронцы.

📌‼️ Раней Сяргея вінавацілі ў атрыманні хабару. Нядаўна сканчаўся максімальна магчымы гранічны тэрмін утрымання рэдактара пад вартай па гэтым артыкуле. І літаральна некалькі дзён таму Сацук паведаміў у лісце з СІЗА пра новыя абвінавачанні.

📌 @bajby удалося высветліць праз былога сукамерніка Сяргея, што цяпер рэдактара вінавацяць яшчэ і ў распальванні варажнечы (арт.130 КК) і перавышэнні ўлады альбо службовых паўнамоцтваў (арт.426 КК). Якіх канкрэтна дзеянняў рэдактара тычацца абвінавачанні, невядома.

#Сяргей_Сацук #пераслед_журналістаў #рэпрэсіі #газета_Ежедневник #суды

📌‼️ У Беларусі з'явілася новае экстрэмісцкае фармаванне – «Мая краіна Беларусь».

📌‼️ У яго ўваходзіць група грамадзян, аб'яднаных з дапамогай тэлеграм-каналаў "Вусы Лукашэнка", "Элехтарат", "Historyja", чатаў "Чат Элехтарата", "Чат Вусы Лукашэнка", "Рынкавы пляц каля ратушы", ютуб-канала "Сяргей Бяспалаў", старонак «Мая краіна Беларусь» у Twitter, Facebook, VKontakte, Instagram.

📌‼️«Экстрэмісцкімі фармаваннямі» ў Беларусі прызнаныя ўжо больш за два дзясяткі аб'яднанняў, фондаў, телеграм-каналаў і медыя.

#рэпрэсіі #экстрэмісцкае_фармаванне #Мая_краіна_Беларусь #апазіцыйныя_тэлеграм_каналы #супраціў

Крыніца: @mediazona_by