“Самы час для салідарнасці, для згуртаванасці, для мабілізацыі ўсіх сіл і рэсурсаў – гэта неабходна Украіне🇺🇦. І гэтая песня – наш музычны ўнёсак у барацьбу”, - заявілі музыкі Лявон Вольскі, Юрый Стыльскі, Аляксандр Памідораў і Томаш Арганэк, якія запісалі песню “Героям слава!”.

Яе і навінкі ад прадстаўнікоў незалежнай беларускай сцэны мы пачуем у чарговай праграме Алега Хаменкі “Музыка тыдня”.

У перадачы таксама прагучыць песня ў выкананні гурта “Irdorath ”, музыкі якога кінутыя за краты. Гурт “Крыві” прэзентуе песню “Лісты”, прысвечаную беларускім палітвязням. Пачуем песню Юрыя Стыльскага, прысвечаную батальёну Кастуся Каліноўскага. Аўтар тэксту – добраахвотнік Радзівон Батулін.
Слухаем і аналізуем новыя рэлізы і музыку супраціву.

#Алег_Хаменка #Украіна #музыка #супраціў #Беларусь