📌 55% шпіталізаваных з COVID-19 не акрыялі і за два гады.

📌 Больш чым у паловы людзей, шпіталізаваных з COVID-19, тыя ці іншыя сімптомы хваробы застаюцца нават праз два гады. Вярнуць працаздольнасць не можа кожны дзясяты. Такія вынікі самага доўгага назіральнага даследавання, якое правялі ў Ухані. Пра яго распавядае The Guardian.

📌 31% пацыентаў скардзіліся на стамляльнасць і слабасць у мышцах альбо парушэнні сну. У кантрольнай групе гэтыя сімптомы былі адпаведна ў 5% і 14%. Таксама тыя, хто перахварэў, часцей скардзіліся на іншыя праблемы, уключаючы боль у суставах, пачашчанае сэрцабіцце, галавакружэнне, галаўныя і іншыя болі, дыскамфорт, трывогу, дэпрэсію.

#кавід #пандэмія #каронавірус #COVID_19
#The_Guardian #наступствы_каронавіруса

‼️ Расея выйшла з-пад юрысдыкцыі Еўрапейскага суда па правах чалавека

📌 Дэпутаты расейскага парламента прагаласавалі за выхад Расеі з-пад юрысдыкцыі Еўрапейскага суда па правах чалавека (ЕСПЧ). Аб гэтым піша брытанскае выданне The Guardian.

📌 Дзяржаўная Дума Расеі адобрыла два законапраекты, адзін з якіх выводзіць краіну з-пад юрысдыкцыі суда, другі ўстанаўлівае 16 сакавіка ў якасці лімітавага тэрміну, пасля якога рашэнні суда супраць Расеі не падлягаюць выкананню.

📌 Пасля галасавання спікер ніжняй палаты парламента Вячаслаў Валодзін заявіў, што Еўрапейскі суд па правах чалавека стаў інструментам палітычнай барацьбы супраць Расеі ў руках заходніх палітыкаў.

📌 Апеляцыі ў ЕСПЧ былі апошняй інстанцыяй для пазоўнікаў у некалькіх гучных справах, адхіленых расейскімі судамі.

#Расея #Еўрапейскі_суд_па_правах_чалавека #правы_чалавека #ЕСПЧ
#The_Guardian

news.liga.net