‏عجزت لا أعين مع الناس إندماج
‏حتى و أنا لا شغله ؟.. ولا مشغله

‏يلج في راسي .. مثل" لجة حراج "
‏الضاهر اني واصل .. آخر مرحله

‏خلوني أعيّن من ( الواقع ) خراج
‏عشان آخلّي الشعر .. و آخلّي هله

‏عانيت واجد !.. من تقلاب المزاج
‏و المشكله : مانيب أعرف المشكله

- محمد ظافر

يجيب القمر طاريك لا والله إن طاريك
معي فالليالي المظلمة.. وإنشدي ربي

أنا كل ما افهق غترتي يوم اهوجس فيك
تقول إني افهق كل الأشخاص من قلبي

- سعد الحرش

‏لدي متلازمة عدم الالتفات، عدم الانبهار بنقطة إنجذاب الجميع؛ يجذبني الشيء الذي لا تتواجد حوله جُموع الناس.

‏-في روايه اخرى
‏والله أن الحاجه اللي متاحه للجميع
‏ترخص ويرخص ثمنها ويخسر سوقها

‏في مجريات الحياه ، العقل دربه دليل
‏أسرافك الزايد بطيبك بلا فايده

‏حاول تجي معتدل ، ويصير مالك مثيل
‏ماينكب الطيّب إلا الطيبه الزايده )؛

‏ما كل ردة فعل ل الجرح مثل العلاج
‏أحياناً الرد ينهي له عمر ب أكمله

‏إللي يدور ورا المقفين ضحك الحجاج
‏يعيش ويموت وإسم المجد ما يشمله

‏يسد عن كثرة التاييد و الأحتجاج
‏الفعل منه أندره والقول منه أجمله

‏عشان الإنسان يكسب له هداوة مزاج
‏لازم يوسّع نطاق السلّه المهمله

‏عبّر صياف الحربي رحمة الله عليه عدم اكتراثه بمفتعلي الزعل والمشكلات في بيت جميل يقول:
إن زعل يشرب بحر وإن رضى يشرب غدير
لا يشب النار ويطير مع دخانها

‏الدين ساس الرجوله و إتزان العقل
‏رح أنشد العاقل إللي حظه محالفه

‏من يعرفون التواضع يعرفون الثقل
‏لو أكثر الناس متّفقه و متخالفه

‏مهما تزيد التجارب معك ولا تقل
‏الصالحه صالحه و التالفه تالفه

‏بعض الأوادم خلقه الله وسيلة نقل
‏يا موديٍ سالفه يا جايبٍ سالفه

احيان ماودك توايق على المستور
‏من خوف لا تفقد اللي ماتبى فقده

‏شفت الإنسان الخدوم الطيّب وسيع البنايد؟ اللي يعدي لك الزلات والاخطاء ، أناااا نذيرك لا تحده على أقصاه

‏واعر الدرب ان سألت النفس واستقوى وهنها
‏واردفتلي الاجوبه كنها تقول الدرب سالك

‏أسأله ياخذني التفكير فيها الا منّها
‏من تساهلها يحس القبر مثل الليل حالك

‏من هو ربك وش هو دينك من نبيك نحسب انها
‏أسأله سهله وتشبه من عمامك من خوالك

‏صاحبي والنفس تطلب والعقل يامر وينهى
‏العقل رضوان شده يوم شد النفس مالك

‏ويل نفسي لا قعدت اطلب رضاها واهدنها
‏لين تمسي راضيه بالضيعه ودرب المهالك

‏ما ملكت النفس لكن كفي مجود رسنها
‏كل ما قامت تفلت اتجّلد واتمالك

‏بأمر ربي لو يمر الغي فيها ما سكنها
‏لا فتح لي التيّه مسلك الهدى يفتح مسالك

‏"لو تسال شلونك بقول بخير لو ماني بخير
‏والله ما اقول الكلمه اللي مستحيل اقولها"
‏نـذر ماقولها.

‏لو قضيت العمر حلمي في حياتي هايت
‏ما علي ما دام في صدري تهب النسمه

‏الغنايم روحت مرواح وقتٍ فايت
‏يوم عاد الخيل تسرج والغنايم دسمه

‏الكلام المتزن غير الكلام البايت
‏ودك الرجال يفرق ف الوسايم وسمه

‏من يحسب ان مارد الامجاد مارد وايت
‏راح عمره ما قدر يثبت وجوده و اسمه

‏القلق والحزن والعزله وحبة نايت
‏مستحيل تخفي الدمعه وتزرع بسمه

‏لو قدرنا نملك الدنيا ب شغل مزايت
‏يمدي الرجال ياخذ في حياته قسمه

‏يصالي شمس عزّه لو تهيّا عن هجيره ظلّ
‏يفضّل وقفته في شِدها عن برد مجلاسه
‏- فهد بن بجاد

‏من مبهِّت هالحياة ولونها في عيني؟
‏عشت عمري يومٍ ارضى به وعشر أتضجَّر

‏توّها أحلامي صبيَّه ! والعمر عشريني
‏والشغف ماكنّه الا شايبٍ متحجِّر .

‏ودّي أحافظ على اللّي بقى لي من مزاج
‏تطحن الأيام روسٍ ما يطحن حَبها

‏- جابر بن علوش

‏" أتقيّد بـ المدارى .. وانا حُر طليق
‏ماني بطيرٍ يوقع على غصن شجرة "

‏الحالة السكيولوجية:
‏"أبي لي كذوبٍ قد وهب قدرة الإقناع
‏يقول أن تالي العمر خيرٍ من الماضي".

‏«دعيتك والكفوف المستغيثة خاليات يدين
‏يا ربّي لا تعوّد خاليات .. الَّا من ذنوبي»
‏— محمد العذبه

‏كل ماتشعر بوخزة ضمير ونبض خوف
‏اعرف انك طيب عموق واصلك من عرب
‏
‏تكرب الدنيا حبالك وتشتد الظروف
‏والله يناديك ياعبدي ( اسجد واقترب )

- ناصر الحمادين

‏شريط الذاكره واقف على الأطلال
‏يدوّر نسمةٍ تطويه وتفلّه

‏على الماضي وجيه العابرين طوال
‏خذوا مستقبل أحلام العمر كله .