ㅤㅤㅤㅤㅤ

‏لا اندبل كبد البنادم ومّل من القصيد
‏ما ازين من الغيبه اللي مايدرا وينها
‏
‏الغياب ابرك من الحاجه اللي ماتفيد
‏والخواطر تنجبر لا انكسر روتينها
‏
‏مابغيت اقاطع المجتمع واجلس وحيد
‏لين شفت النفس مالله عليه ايعينها
‏
‏من تبع شف العرب من قريب ومن بعيد
‏ماقدر يملك رضاها ويترس عينها .

ㅤㅤㅤㅤㅤ

ظروف الايام لا قامت تعثر بي
‏شعرت أن الزمان قام يتحداني

‏اشره على الوقت لاقام يتأخر بي
‏والوم نفسي ليا من صرت وحداني

‏تكبر ظروف الزمن ولا تصاغر بي
‏انا خصيم الظروف ان الله احياني .

ㅤㅤㅤㅤㅤ

على صدري الضايق لاهب الهوى ذعذاع
تنهت من صادق ما كنيت في صدريي

لذيذ الكرى والراحه الي ماهيب تنباع
ما علمي بها علم ولاهي اللي على خبري

يجول الحزن في صدري الحاير الملتاع
ولاعاد فيني غير صبري على صبري

خوافي الضماير سرها باقي ما انذاع
وانا حالفً بـ ان جمله الناس ماتدري .

اتركوني يوم وقتي عابثٍ باغراضي
‏وارفقو بي من حكاكم لا حدٍ يحزني .

ㅤㅤㅤㅤㅤ

الا والله ان الحال ماهوب بذاك الزود
يا كم حلم كنت ابغاه فيه النظر غابي

وآنت الله الله لا اتضايق وانا موجود
لا ديني ودين الضيق لا انشاف فاصحابي
ㅤ
تبانا نرد القوم ولا نرد الذود
ترا اسهل علي من بلع زادي ومشرابي
ㅤ
واذا حال عن ضحكت حجاجك أمر معقود
نحله لو إن دونه معاصير الاشنابي
ㅤ
واذا مت من دونك فهو يومي الموعود
لاتبكي على قبري ولو يوجع غيابي ): .

ㅤㅤㅤㅤㅤ

‏إذا ما لقينا من هل الدار طيبة فال
‏نشوم ونخليها لمن هو سكن فيها
‏ㅤ
‏صحيح الفراق مضر لكن على ما قال
‏ماهي تحرق الجمره سوا واحدً واطيها
‏ㅤ
‏عرفنا بعز النفس من عادنا جهال
‏وكبرنا ومن له عادةٍ ما يخليها .

ㅤㅤㅤㅤㅤ