على صدري الضايق لاهب الهوى ذعذاع
تنهت من صادق ما كنيت في صدريي

لذيذ الكرى والراحه الي ماهيب تنباع
ما علمي بها علم ولاهي اللي على خبري

يجول الحزن في صدري الحاير الملتاع
ولاعاد فيني غير صبري على صبري

خوافي الضماير سرها باقي ما انذاع
وانا حالفً بـ ان جمله الناس ماتدري .

اتركوني يوم وقتي عابثٍ باغراضي
‏وارفقو بي من حكاكم لا حدٍ يحزني .

ㅤㅤㅤㅤㅤ

الا والله ان الحال ماهوب بذاك الزود
يا كم حلم كنت ابغاه فيه النظر غابي

وآنت الله الله لا اتضايق وانا موجود
لا ديني ودين الضيق لا انشاف فاصحابي
ㅤ
تبانا نرد القوم ولا نرد الذود
ترا اسهل علي من بلع زادي ومشرابي
ㅤ
واذا حال عن ضحكت حجاجك أمر معقود
نحله لو إن دونه معاصير الاشنابي
ㅤ
واذا مت من دونك فهو يومي الموعود
لاتبكي على قبري ولو يوجع غيابي ): .

ㅤㅤㅤㅤㅤ

‏إذا ما لقينا من هل الدار طيبة فال
‏نشوم ونخليها لمن هو سكن فيها
‏ㅤ
‏صحيح الفراق مضر لكن على ما قال
‏ماهي تحرق الجمره سوا واحدً واطيها
‏ㅤ
‏عرفنا بعز النفس من عادنا جهال
‏وكبرنا ومن له عادةٍ ما يخليها .

ㅤㅤㅤㅤㅤ

كثر التشره والعتب يوجع الراس
ومن لايجوز لك لاتعتني له وتوده

وانكان مالك في حياتك مقياس
لاترتجي من الوقت شيً ترده

بلاوي الوقت مالها أنذار وزر حساس
كل شجاعً في بلاويها تنصاه وتحده

وختام الهرج خاطري بلاه الياس
وأنعزالي عن العالم اظن بهده .

ㅤㅤㅤㅤㅤ

الوقت ياصاحبي ف اخوك ماقصر
عطاني من دروس الي ملت راسي

لكن زمان الشقا ومصادمه بكر
ونا احسب معه ماينثني باسي

ياما تحملت لكنه علي كثر
اكتم على ما جرى لين امتلى كاسي

دقيت رقم الصبر لكنه مسكر
حاولت حاولت لين اصبح متواسي

جوي من الوقت والايام متعكر
وان قلت محتاس عز الله محتاسي

دنيا عسى الله يعّدي يومها الاقشر
من ظن فيها الغني يبشّر بالافلاسي

يشرب عناها الشقى ويقوم ماشكر
واليا أقبل الليل دك الراس هوجاسي

نجامل الناس وبعض الناس مافكر
ماحد عليه من احد ياوقتنا القاسي

حتى رفيقك ليا من جيت له كشر
للبعد يا رفقة مانتي على ساسي

لا وحلالاه يا اللي عقله مهكر
سالم من الناس ولايشره على الناسي .

ㅤㅤㅤㅤㅤ

‏صار السهر عاده وانا راعي محل
‏لاقبل ظلامه قلتله العهد قريب .