Құрметті Қызылорда қаласы тұрғындары мен қонақтары!
 
Қызылорда облысының аумақтық қорғанысбригадасымен арнайы-тактикалық оқу-жаттығуды дайындау және өткізу жөніндегі іс-шараларжоспарына сәйкес 2024 жылғы 16-17 қазанаралығында Қызылорда қаласында әскери жиын өткізілуде.
Осыған орай, әскери жиын барысындағы қалалық ипподромда өтіп жатқан атыс-ұрыс жаттығуларына түсінушілік танытуларыңызды сұраймыз.
 
 
Облыстық жұмылдыру дайындығы басқармасы

💬 "Жыл басынан бері 44 мың адамның мерзімі өткен несиесі кешірілді"

Қаржы нарығын реттеу және дамыту агенттігінің төрағасы Мәдина Әбілқасымова, қоғамның осал топтарының несиесін кешіру мәселесі бойынша сөз қозғады. Алдағы уақытта бұл тізімге кімдер енетіні нақтыланып жатқанын айтты.

Ақпарат көзі: stan.kz

👀 Қазақстан азаматтары SIM-картаны eGov арқылы алуы мүмкін

Бұл туралы цифрлық даму, инновациялар және аэроғарыш өнеркәсібі вице-министрі Асхат Оразбеков айтты.

Вице-министрдің сөзінше, заң аясында нөмір жоспарын мемлекетке қайтару ұсынылмақ.

Осылайша, азаматтар нөмірді электронды үкімет порталы арқылы алады.

Вице-министр жеке тұлғаға берілетін нөмір саны шектелетінін де айтты.

Қажет болған жағдай артық SIM-карта қолданатындар не үшін қолданатынын түсіндіруі керек.

Енді әскерден қашқандарға 3,5 млн теңге айыппұл салынады

Қорғаныс министрлігінің мәліметінше, айыппұлмен қоса қылмыстық іс қозғалмақ. Сол себепті министрлік, әскер қатарына шақырылған барлық азаматты әскери комиссариатқа келуге міндетті.

Қазіргі күзгі науқанда Отан алдындағы борышын өтеуге тиіс азаматтарға шақыру қағазы хат түрінде және SMS-пен жолданып жатыр. Ал шақыруға өздігімен келмейтін азаматтар әскери комиссариатқа ішкі істер органдарының көмегімен жеткізіледі.

Қайырлы күн! Күндеріңіз сәтті өтсін, оқырман!

СІЗДІҢ ҮЙІҢІЗГЕ ЖЫЛУ БЕРІЛДІ МЕ?

📌 🚘 Қазақстандықтар көлігін утилизацияға өткізгені үшін қанша теңге ала алады

Ақша мөлшері көлік түріне байланысты:

🔶 жеңіл көлік — 315 мың теңге;

🔶 микроавтобус — 550 мың теңге;

🔶 автобус — 750 мың теңге;

🔶 12 тоннаға дейінгі жүк көлік — 550 мың теңге;

🔶 ауыр жүк көліктері — 750 мың теңге;

🔶 трактор — 560 мың теңгеден 1 миллион теңгеге дейін;

🔶 комбайн — 1.5-2 миллион теңге.

Көлік қалдықтарын қабылдау 2024 жылдың желтоқсан айының ортасында басталады.

Қазақстанда күздің соңғы айы мемлекеттік немесе ұлттық мерекелерсіз өтеді, сондықтан ел тұрғындары тек демалыс күндері демалады.

Қарашадағы демалыс күндерінің саны жұмыс аптасына байланысты болады: аптасына бес күн жұмыс істейтіндер 9 күн демалады, ал алты күндік жұмыс істейтіндер тек 4 күн демалады.

Прокурор Бишімбаевтың туыстарынан 100 миллион теңге жымқырған әйелді 11 жылға соттауды сұрады

Айыпталушы Людмила Грачева, экс-министрдің 1995 жылы жасаған қылмысын ашу үшін Бишімбаевтар әулетімен қайта байланысқа шыққанын айтты. Ал прокурор әділдікті қалайтын адам Грачева секілді әрекетке бармайтынын жеткізді.

"Оның шынайы ниеті – жәбірленушілердің сеніміне кіріп, қаражатын иелену. Ал оның ескі қылмыс туралы әңгімесі ойдан шығарылған", – деді прокурор Азамат Тоқтарбай.

Оның айтуынша, филологиялық сараптама Грачеваның өзі Бишімбаевтың анасына алқабилерге пара беруді ұсынып, оны қылмыс жасауға көндіргенін растады. Жарыссөзде Людмила Грачеваны барлық баптар бойынша кінәлі деп тану сұралды.

Бұған дейін, 21 маусымда астаналық Бишімбаевтың жазасын жеңілдетемін деген желеумен 100 миллион теңгені жымқырды деген күдікке ілінген еді.

Жеңілдетілген талаппен үйді кімдер ала алады

Елімізде үй беру тәртібі өзгереді. Бұдан былай кезекте тұрғандарға баспана есепке тұрған күні мен табыс деңгейіне қарай беріледі. Бүгін Сенат «Тұрғын үй саясатын реформалау» туралы заң жобасына түзетулер енгізіп, Мәжіліске кері қайтарды. Депутаттар апатты жағдайдағы үйлерге қатысты кейбір нормаларды да қайта қарау керек дейді. Сондай-ақ, үйге мұқтаж азаматтардың тізіміне соғыс ардагерлеріне теңестірілген азаматтарды қосуды ұсынып отыр.

ХАМАС жетекшісі Яхия Синвар қаза болды

Бұл туралы Израиль әскері хабарлады.

Ол 16 қазанда Газаның оңтүстігінде қаза болған.

Айыппұл арқаламау үшін көлік иелері қашанға дейін дөңгелегін ауыстырып үлгеруі керек?

Полиция департаменті әкімшілік полиция басқармасының бастығы Асхат Құлбаев айтты.

Оның айтуынша, "Дөңгелекті көлік құралдарының қауіпсіздігі туралы" Кеден одағының техникалық регламентінің (ТР КО 018/2011) талаптарына сәйкес, жазғы маусымда (маусым, шілде, тамыз) сырғанауға қарсы тікенектері бар шиналарды пайдалануға тыйым салынса, қысқы кезеңде (желтоқсан, қаңтар, ақпан) қысқы шиналарсыз көлік құралдарын басқару заңмен шектеледі.

Бұл ретте қысқы шиналар көліктің барлық дөңгелегіне ауыстырылуға тиіс. 1 желтоқсаннан кейін осы талаптарды орындамаған жағдайда ҚР Әкімшілік құқықбұзушылық туралы кодексінің 590-бабының 5-бөлігіне сәйкес көлік иелеріне 5 АЕК (18460 теңге) мөлшерінде айыппұл салынады. Полиция департаменті жол қауіпсіздігі мәселесіне ерекше көңіл бөлуді сұрайды.

😍 Ризабек Айтмұқан үш дүркін әлем чемпионы атанды

Тиранада (Албания) 23 жасқа дейінгі жастар арасында еркін күрестен өтіп жатқан әлем чемпионатында қазақстандық Ризабек Айтмұқан жеңімпаз атанды.

Отандасымыз 97 келіге дейінгі салмақтағы ақтық сында ирандық Махди Морафамен белдесті.

Айта кетейік, Ризабек Айтмұқан 2023 жылы ересектер арасында әлем чемпионы атанса, биыл 20 жасқа дейінгілер арасында топ жарған болатын.

ФУТБОЛ ЖАНКҮЙЕРЛЕРІНІҢ НАЗАРЫНА!

🏆Бүгін "Алтын Доп"-2024 табыстау рәсімі өтеді

🔥Салтанатты шара 00:45 басталады.

Бүгін ерлер, әйелдер және жастар арасындағы ең үздік ойыншы, ең үздік қақпашы, ерлер және әйелдер арасындағы ең үздік клуб, ерлер және әйелдер арасындағы ең үздік бапкер мен алаңнан тыс жасаған қайырымды ісі үшін арнайы Сократес сыйлықтары табысталады.

✅Салтанатты шараға сілтеме алдағы уақытта беріледі.

30 қазанда елімізде теледидар мен радио жұмыс істемейді

"Қазтелерадио" телерадио хабарларын таратуды үздіксіз және сапалы қамтамасыз ету мақсатында спутниктік, цифрлық және аналогтық жерүсті желілерінің техникалық құралдары бойынша қызметтерді тоқтата отырып, тоқсан сайын жоспарлы профилактикалық жұмыстар жүргізілетінін атап өтті.