ميلت شفايفي زعلانة عليهه كعدت سارة وهم رجعت سألت عن حالهه اجاباتهه مختصرة متنطي من نفسهه واضح التعب على عيونهه وجسمهه..

-سارة: امشي نتريك

-مريم: ماريد اشوفه

-رقية: لا اكيد طلع للدوام بالتسعة ونص هسة

-سارة: اي صح، مريم انتِ مو تداومين وياهم؟






-مريم: دزيت رسالة للسكرتيرة مالته طلبت اجازة

هزينه روسنه واخذناهه ويانه جوه متقبل تنزع الحجاب شكد حاولنه وياهه قافلة خصوصاً من شافت الي يشتغل بالحديقة طاب طالع للمخزن..

-سارة: راح اطلب منه ميرجع بعد

فعلاً من گلتله سارة بعد ما اجه وفلت مريم حجابهه، كعدنه على الميز تسويلنه اكل المساعدة اسولف واهذري بروسهن وهنه ساكتات شوية واجت غدير..

-غدير: هاا شو هنا

-سارة: اجينه نتريك

-غدير: خوش خوش امي تكول تطلعن للسوك اليوم فهمتن

-رقية: شعدنه بالسوك ماريد شي اني

-سارة: ولا اني

-غدير: لااااا بله عيني سويرررة ترحين للرجال بذني جرودچ وتحرميي

صفنت سارة ما مستوعبة كلام غدير وصفنت وياهه، مريم ساكتة بيدهه كوب الحليب وتوزع نظراتهه بيناتنه والصدمنه اكثر من غدير كالت..

-تره حمزة يحب البنية الجريئة يضوج من الفاهيات ما اوصيچ گبعي وگعدي گدامه سدي نفسه

شهكت مريم واني وياهه هاي معقولة لهدرجة متغار على حمزة؟؟ هاي شنو مبدليهه واحنه مندري!!

-سارة: غدير كلامج سخييييف كلش ومالي خلگ اناقشچ

-غدير: هه مسترجلة الله يساعدك حبيبي شلون راح تگابلهه وتكعد

عافتنه وراحت نزلت راسهه سارة ترجف لزمت ايدهه مريم تفتهم شكو وهاي اختي متكدر حتى تنطق من الصدمة..

-مريم: شصاير سارة، رقية شبيهه اختج ترجف؟؟

ذبيت نفس مؤلم عميق وبديت اسولفلهه شنو صار قبل كم يوم من اجه ابو حمزة يخطب لولده..

-ابو حمزة: ربي يسمع منك ابو الاطلس، اني جاي ومتعني وجايب ولدي وحزام ظهري وعكازتي كدام هاي الوجوه الطيبة المُنيرة كلني شرف اطلب ايد المحروسة اسيل لوليدي مسلم، وسارة لوليدي حمزة

شهگت شهگة من عمق روحي ردت اتقيء بسببهه گلبي راح يطلع من صدري واني جاحظة عيوني على مسلم وحمزة الي واحد بيهم فرحان والثاني مصدوم نفس صدمتي وزيادة..

ساد صمت غريب بالمكان محد نطق من الولد ابوية اخذله صفنة مذهول ميعرف شيحجي، فركت صدري ميتة گلبي يتگطع راح افضح روحي وابجي هنا..

اباوع لمسلم الضحكة تارسة وجهه متت من وجع روحي ضليت اعض بشفتي اريد اللهي نفسي بس ماكدرت اقاوم نزلت دمعة من عيني مسحتهه فوراً قبل لا احد ينتبه..






-محمد: احم.. ابو حمزة ونعم منك ومن ولدك بس..

-حمزة: يابة كأن الوقت مو مناسب!

-ابو حمزة: لا بابا ليش مو مناسب، ها عيني محمد ما يحتاجلهه تفكير ولدي ما ينعابون ههههه

-محمد: لا ونعم منهم بس حمزة متزوج غدير شنو طلگهه ويريد ياخذ سارة؟؟

-حمزة: يابة!!

اشرله ابوه يسكت وهو يلوب بگعدته انتبهت لمسلم يضغط على ايده يهدأه وعلي يحرك برجله متوتر وعمر الهم والغم تارس وجهه..

-حصة: هااو بو حمزة الوضع غريب ولا فيني شي

-محمد: لا فعلاً غريب

-ابو حمزة: اسمحولي، غدير الله يحفظهه طلبت الطلاق من وليدي حمزة والسبب تعرفو طبعاً، وحمزة ما ينعاب زلمة معدل حايفكم حوف من عمر واحنه حابين نبقى مناسبيكم ليش ما ياخذ سارة ونحل السالفة

يحجي بأريحية وابوية وامي فاكين حلوگهم، بلعت ريگ وياه غصتي من اردف..

-ابو حمزة: ومسلم حاب اسيل ورايدهه من زمان وماشوف بيهه شي لو تزوجو بنفس اليوم وتصير الفرحة فرحتين

-محمد: ابو حمزة اسيل ومسلم خوب افتهمنه بس حمزة طليق غدير شلون رهمتوهه والله ما صايرة هاي

-حمزة: عمي اني...

-ابو حمزة: بابا لا تدخلون انتو، ابو الاطلس السالفة ما ينرادلهه كل هذا روح اسأل البنات وشوف رأيهن

-حصة: من دون ما نسألهم نحنه رافضين وااي يحسرتي تتزوج طليق اختهه

-ابو حمزة: براحتكم بعد بس انتو تعرفون حمزة شنو ومنو، ما يحتاج امدح بأبني

-محمد: خو اي على راسي بس ياخي واگفة كسرة بغدير هاي

-ابو حمزة: كلتلكم استشيرو البنات وردولنه خبر ابني ما يتعيب هسة اخطبله احلى واغنى البنات بس احنه رايدين الگرب منكم.. يله بابا يله ولدي من رخصتكم حبايب

طلعو وعافونه بصدمتنه ابوية وامي واحد صافن بوجه الثاني، طلعو علي وعمر واني رحت اصعد فوگ موتت روحي من البجي اختنكت شفت سارة نايمة على فراشهه تگلب بموبايلهه رحت عليهه اعيط..

-حمزززة خطبج

-سارة: شنوو

-خطببج خططبج راح تتزووجون

تركتهه جامدة بمكانهه ورحت لغرفتي ابجي واحاول اهدأ روحي، ليش مصدومة رقية انتِ تعرفيهم يحبون بعض شفتهم بعيني بالسفرة وشفت نظراتهم لبعض لگفت اسيل تحجي وياه بالحمام بالهمسة وتگله ماكدر اكسر رقية احبهه ماكدر اواجههاا..






شكد تحطمت متت وانهاريت بوكتهه بس سكتت بلعتهه بداخلي وما شاركت اسيل ماردت اخرب عليهم خصوصاً من عرفت بي تحبه قبلي بحوشت بموبايلهه واكتشفت علاقتهم صارلهه كم سنة..

ذبيت روحي على الفراش ابجي بلكت ينغسل گلبي وانساه بلكت يكون هذا كابوس وراح اصحى منه بس للاسف كان واقع..

ثاني يوم صارت سالفة الاطلس وراهه بيومين ابوية اجتمع بغدير وسارة، غدير كالت هي موافقة ان سارة تتزوج حمزة وماعدهه مانع اما سارة اعترضت وكالت متريد تتزوجه..

لكن كالعادة غدير عدهه اسلوب اقناع رهيب وگالت بالضبط..

-بابا اني بدالك ما اخسر حمزة تره حمزاوي العامود الفقري مال شركتك واذا راح تزوج غير بنية اكيد راح يسحبوه الهم ونخسره

-محمد: اختج ما راضية شبيدي اني

-غدير: مو بكيفهه اني اعرفهه علمودي متقبل عود متريد تكسر خاطري

-محمد: اي چا شنسوي ما ترضى

-غدير: يااا بابا صدك تحجي سارة زعطوطة وهي تخاف تتزوج بسبب حالتهه نسيت

-حصة: صج؟

-غدير: طبعاً، ماما بابا لتضيعون حمزة من ايدينه والله منلگه احسن من عنده هم يستر على سارة ويتزوجهه وهم نخلص من فاهد وملاحقته النه

-حصة: مادري ماريد نكسرهه اكثر ونحسسهه هي بيهه عيب

-غدير: بس هي معيوبة! ليش نجذب على اروحانه على الاقل خلي حمزة يتزوجهه يستر عليهه وتنسد السالفة واذا تخافون من كلام الناس طزز بالكل سارة وانتو الخسرانين تبور على گلبكم محد يتزوجهه بعد

بدت تزن وترسم كلام منطقي براس ابوية وامي اقتنعو وخلتهم همه يتمنون حمزة يتزوج سارة، راحت امي تريد تحجي ويه سارة وغدير ماقبلت..

-غدير: هم راح ترفض متعرفوهه خجولة انتو

-محمد: حتى لو لازم ناخذ رأيهه ما يصير بنتي

-غدير: متعرف مصلحتهه يا حبيبي انتو ردولهم موافقة واني اعرف شلون اقنع سارة

-حصة: لا لا ما ارضى چذي ما يصلح لازم توافق

-غدير: يمة راح توافق شبيچ صدكوني

تلملمت السالفة وصارت بسرعة بسرعة دگت ولطمت سارة تخبلت وتعاركت ويه غدير وتعمدت غدير تفتح وياهه الموضوع من امي وابوية طالعين حتى ميسمعون رفضهه..

-غدير: بكيفج تتزوجين حمزة لو تنفضحين

-سارة: انفضحح






-غدير: بكيفج حبي فاهد خو ميقصر

-سارة: الااا اخابر حمزة واحجيله كلشييي اصبريليي

-غدير: ههههههه وعبالج راح يتراجع؟؟ اصلاااً ميكدر يتراجع ابوه يريده يتزوجچ معناهه غصبااااً عليه يتزوجچ

-سارة: حسبي الله ونعم الوكيل على هالقوانيننن الزززفت

-غدير: هذا الموجود يروحي

عافتهه تلطم منهارة رجع ابو حمزة وره ثلاثة ايام وحددو موعد عرسهم الرباعي راح يتزوجون اسبوع الجاي هو عقد هو عرس..

-مريم: شنوووو بهاي السرعة والسهولة؟؟؟

-سارة: اي

-مريم: هااي ليشش سارة شبيچ چان گلتي لحمزة ماريدك

-سارة: ميفيد

-مريم: شلون ميفيد شلوون

-رقية: ابو حمزة خطب وعيبة وكسرة بسارة اذا يتراجعون تصير كارثة اذا سحب كلامه وسحب الخطبة معناهه الخلل من سارة

-مريم: ميخالف ميخالف انتِ سارة انتِ كولي ماريد

-سارة: ابوية ميقبل

حچتهه وبچت حضنتهه مريم تصبر بيهه تسكتهه وتستغفر وتأفأف، ماتحملت تبقى ساكتة ورجعت تكول..

-مريم: الناس شتكول عليكم شلون ابوج يتقبلهه طليق اختج يتزوجچ!!

-سارة: مادري مادري

-رقية: مريم

باوعتلي عضيتلهه شفه حتى متزيد النار حطب، بقينه كاعدات فترة شوية ورجعت غدير مبدلة وتحرك بيدهه..

-يله خاتونات

-سارة: ماروح

-غدير: مو هو بكيفج دگووميي

عتتهه من ياختهه تسحلهه وسارة تتعارك بيدهه وكفت بيناتهن ماريد ننفضح كدام مريم همست بيناتنه بدون لا تسمعنه..

-رقية: لتفضحونه كدام البنية حبابات

-غدير بهمس: خلي اختج تتأدب وتروح تبدل لعد

-سارة: الله ياخذج

-غدير: وياخذج وياي موااح

عافتنه وراحت صعدت سارة لغرفتهه ومريم على وكفتهه، اقترحت عليهه تروح وياهه حتى منعوف سارة وحدهه بسرعة قبلت وطلعن للسوك سوه..






**

"مريم"
شكد ما احجي واكول الوضع هنا غريب ما راح اكدر اعبر، كلشي مختلف حتى زواجاتهم البنية مالهه رأي ولا الرجال اله رأي الاهل يتحكمون بكلشي ويركضون وره المصلحة!

طلعت ويه سارة وغدير وخالة حصة للسوك رقية ماقبلت تجي ماعرفت ليش، مرينه على بيت الاطلس اخذنه اسيل ويانه حتى تجهز ويه سارة بس شافتني حضنتني وتسالمنه سلام حار..

-همست: شلون صحتج؟

-اسيل: كلش زينة الحمد لله

-مريم: متأكدة تكدرين تفترين خاف مو زين على الطفل؟

-اسيل: ماتعب نفسي

هزيت راسي واخذنه الصمت الى ان وصلنه للسوك، نزلت مكمشة بأيدين سارة الگالبة وجهها واسيل تمشي وحدهه وعيونهه تلمع فرح..

-غدير: سمعن مو تصيرن فاهيات وتشلعن الگلب على شنو أشر تاخذن فهمتن

-اسيل: حاضر

-غدير: اي عفية سويرة صيري نفس اسيله لا تبزعيني

هزت راسهه من لا چارة وتمشينه بالسوك، شنو تأشر عليه غدير لازم يفوتن يقيسن شكد انزعجت من اشوف البنات ما طايقات تصرف غدير الساحرة بس ميكدرن يحجن حصة قضتهه تعضلهن شفة وتسوي براسهه ميخالف..

تعدينه من محل اللبسة نسائية وگفنه بالباب كله يبيعون فساتين داخلية وملابس نوم، ضحكت غدير وكالت..

-سارة تعالي هنا

-سارة: ماريد هيج ملابس

-غدير: هو بكيفج!!

-حصة: غديرر حسچ يما حسچ

-غدير: غصباً عليهه تشتري شنو تردين تنشفيهه على الرجال اووع لا شكل ولا جسم

-سارة: تره لعبت نفسي من تصرفاتج شبيچ انتِ

-غدير: سمعي لچ اني ما اقبل على حمزة شنو تردين تحرمي؟؟

-سارة: اي بكيفي

-غدير: دنچبيي هو وين متعلم هيج چنت يومييه اللبسله شكل وادللة واحارشه لتصيرين مطيي

فاكة حلگي ما مصدكة هاي الانسان طبيعية، من باب واضح وضوح الشمس هي لسه تحبه وميتة عليه ومن باب تريد اختهه تتزوجه وتتحارش بي وتلبسله دتشوفون التناقض؟؟؟

غصب دخلتهن للمحل بعدما خالة حصة كالت واجب يشترون ملابس نوم، اخذن قطع هواي واكيد كله غدير وخالة يختارولهن..






لاحظت ملامح غدير من انكلبت بالكامل من ام المحل كالت لسارة جسمهه حلو وعدهه مفاتن انثوية راح تزيد اللبس جمال فوك جمالهه..

-غدير: ديلا يلا شتلبسين تخزين انتِ

-مريم: لا بالعكس سارة تخبل متأكدة كلشي يطلع عليج حلو حبيبتي

-غدير: لا بله يعني تكولين جسمهه احلى من جسمي

رافعة تك حاجب وتحجي بحرگة جسمهه يرجف من العصبية والغيرة ذيج وينهه مبينة راح تموت، ماكدرت اجذب فعلاً سارة جسمهه احلى من غدير متروس اكثر..

-مريم: ثنينكم جسمكم حلو

-غدير: منو احلى؟؟؟

-مريم: مادري ثنينكم

-غدير: يمةة منو احلى جسميي لو جسم سارة؟؟

-حصة: انتِ يمة انتِ

-غدير: هه بعد شكو

اشترت دشداشة نوم لروحهه شنو تاخذ سارة تاخذ لنفسهه اباوعلهه وبداخلي ممصدگة هاي الانسانة طبيعية، والزيد حيرتي اخذتلهن فستان نوم ابيض واندارت على العرايس..

-غدير: اسيله سويرة هاي بيوم العرس تلبسنه من ترحون للفندق اطيح حظهه التلبس تراك

-اسيل: لا اني بلقيس اشترتلي

-غدير: كلتت تلبسن هذا شوفنه مشلتح حلو لتصيرن غبرات شبعي عيون رجلچ بيج لا تخلي يروح لغيرج

-سارة: خلي يروح لغيري

-غدير: سااارة تره اني على اعصابيي واگفة!!

-حصة: ههههه شفيكم يبنات لا تخربون الاجواء، حبيبتي مريومة حتى انتِ تعالي اشتري هذا

جرت دشداشة قصيرة كيمونة توصل لنص الفخذ لونهه احمر ص
طوخ، كالت بحماس..

-اطلس يحب لون الاحمر وايد متأكدة راح يحبه عليج

-مريم: ماحب ماريد

-حصة: ليش ليشش

-مريم: خالة هسة مو وكتهه اني عندي هواي ملابس خلينه دنجهز للعرايس

-غدير: حتى لو اخذي جيبيلنه وحدة لقياسي هم

سكتت ما جاوبت اخذتلي وحدة الي والهه بقيت بس افر براسي اريد افتهم سالفة هاي البنية ما جاي يجي ببالي شي..

-غدير: تعالي سارة كدري هنا هاي اللبسة

-سارة: ميصير ميقبلون ذني داخليات






-غدير: مو بكيفهن عود ندفع فلوسهه حتى لو مارهمت

غصبتهه غصب تدخل للمنزع وتلبس فستان نوم لونه اسود شكد انقهرت عليهه متكدر تكول لا واذا كالت لا غدير تفضحهم بعياطهه وعصبيتهه وخالة تعضلنه شفه حتى نماشيهه..

كملت لبس سارة وصاحت صار على گدهه فوراً چفتت عليهه غدير للمنزع رحت وراهه خفت تضوجهه اي والله هاي البنية مو طبيعية اجتني افكار سودة لثانية..

سارة وجهها احمر والدمعة بعينهه وتنزل بالفستان من كدما قصير، باوعتلهه شكد حلوة شكد جذابة وانثوية طلعت بي ابتسمت وسويتلهه اوكي بأصبعي..

-اتخبليييييييين

-غدير: لااااا مو حلو

-مريم: تره يجنن باعي شلون راهم على جسمهه ولون بشرتهه البيضة

-غدير: لا لا لا لا مو حلو ابد مو حلو نزعي

-سارة: اريده

-غدير: هو بكيفج كتلج متاخذيي

-سارة: الا اخذه

-غدير: تتحدينيي ولج هي سالفة عنااد يلعب النفسس عليجج

-سارة: اي اريده

شاطت غدير حسيتهه شوية وراح تبجي من گدما سارة طالعة حلوة اكتشفت غدير تغار منهه غيرة عمياء لدرجة دخلت للمنزع وجرت الفستان تنزع سارة..

-ماكو متاخذذي مااكو

-مريم: غدير حبي على كيفج هي تنزعه

-سارة: اخذه يعني ااخذه

-غدير: چللبة سااقطة انتِ طبعاً ترددي باعيي جسمچ شلون مبين يا سااقطة

-مريم: غدورة هو مال نوم شبيچ

-غدير: ماااكو متااخذه متااخذي

طلعتنه سارة من المنزع واشوف ايد غدير ترجف وشفايفهه ترعش انهارت اعصابهه اجت خالة تسأل شبينه مجاوبنه طلعت من المحل وكالت انتو حاسبو..

دقايق وطلعت سارة منتصرة اخذت الفستان ودفعنه فلوس الباقيات اسيل ماقبلت كالت نانا موصيتهه تدفعلهه فلوس الملابس بس خالة حصة ما رضت..

-مريم: ولج سارونة هاي شبيهه اختج

-سارة: مخبلة بالغيرة على حمزة

-مريم: لعد شلون تريدج تتزوجي؟؟

-سارة: مادري






-مريم: هههه بس ضحكت والله اخذتي عناد بيهه يا وكحة

-سارة: صدگتي اللبسه لو اموت شنو تخبلت واللبس هيج لبس كدامه

-مريم: لعد ليش اخذتي؟

-سارة بغمزة: وانتِ ليش اخذتي الدشداشة الحمرة

-مريم: ما اللبسهه شبيچ بس استحيت من خالة

-سارة: واني اخذته عناد بغدير

ضحكنه ثنينه ومشينه ايد بأيد نضحك ونتداهر تغيرت نفسيتي ويه سارة كلش حبيتهه وحبيت شخصيتهه محبوبة وبسيطة عكس غدير بكلشي..

-حصة: هذا حمزة معرسنا يتصل

ضحكت وجاوبت على التلفون تضحك مكيفة ومتحمسة سارة همستلي..

-سارة: بله عليج شايفة هيجي شي من قبل مكيفة لان طليق بنتهه راح يتزوج بنتهه الثانية

-مريم: صراحة اول مرة اشوف يمكم

-سارة: بكلشي عكس العالم احنه نلعب النفس

-مريم: يلة سارة لتضوجين شبيچ حمزة خوش رجال

-سارة: ماختلف وياچ بس الموضوع غريب

هزيت راسي ساكتة الوضع مو بس غريب الوضع مخربط، وگفنه بباب كوفي وخالة كالت ندخل نشرب شي..

-حصة: هاا صبايا شتبون تاكلون

-غدير: اريد شي يبرد على گلبي فحطني ذني البومات

-اسيل: خالة اني لو ارجع احسن

-حصة: لا شفيچ ركدي

طلبنه عصاير وغدير خازرتنه ومنفسة وكل شوية ذابتلهه بسمار عن علاقتهه بحمزة قبل خبصتنه خبص..

-حصة: وااي نسيت بنات ماشتريتو الخواتم للحين

-سارة: ماما انتو اشترولي اني ماريد

-حصة: لا هااو گلت لحمزة ومسلم يجون بعد شوي عشان تختارون مع بعض

-سارة: يممااا

-مريم بهمس: شبيچ اختاري احسن مما تختارلج غدير

-سارة: اتوتر مريم ماكدر اشوفه

-مريم: ميخالف حبي خطية باعي اسيل شلون فرحانة لتخربين فرحتهه

سكتت موافقة فعلاً نص ساعة واجو الولد وياهم علي ضحكت خالة من شافته وهو يعوج بحلگه وگالب وجهه..






-حصة: هاا عليوي جاي وياهم

-علي: حمزة جرني مثل الطلي

-حمزة: شكد تللح يالكائنات شبيك، شلونكم خالة.. بنات شلونكم

سلم علينه واشوف شكد متوتر ايده ترجف ويهمس لعلي ومسلم ميعوفو وحده ضحكت من كل گلبي واني اشوف توترهم ثنينهم، انتبهت عليه سارة گرصتني من ايدي بخفة وهمست..

-سارة: لتضحكين

-باعي جاب علي وياه يستحي يبقى وياچ وحده

-سارة: ولج لا يخاف من غدير لا تغتصبه على الاقل علي دفاع

ضحكنه ثنينه بصوت وكممت حلكي، اندارت علينه غدير خازرتنه ماهتمينه قوينه بعض ببعض..

-حصة: ها يله تبون تشربون شي لو نروح؟

-علي: اي ابي

-حمزة: علي عليك الزهرة مو وكتهه

-علي: اشو ابي وابي

-مسلم: حتى اني ابي

غمز لأسيل صارت حمرة ونزلت عيونهه هلو هلو العشاق ميكدرون يلزمون ارواحهم.. كعدو ويانه على الطاولة وخالة كالت..

-لو جاي الاطلس وياكم

-حمزة: تعبان ما كدر يجي

شهگت خالة دگت صدرهه وباوعتلي ماهتميت ولا سألت لهيت نفسي بالعصير اشرب منه..

-حصة: شفي وليددي

-حمزة: مابي شي بس ضغط عمل

-غدير: يعني مو مريض لو شي؟؟

-حمزة: لا يابة بس تعبان من الشغل حتى استراحة ما اخذ

ذبت نفس سارة باوعتلهه وحركت براسي شبيچ همست بصوت خافت..

-سارة: ما راضي الاطلس على زواجي من حمزة يكول الوضع صاير لا يطاق عدنه

-مريم: لاول مرة اتفق وياه

-سارة: شبيدي مريم ابوية كتل نفسه حتى يتم الزواج

-مريم: لتزعلين روحج حبي يوم يومين يرضى

-سارة: من يوم عرف بالموضوع لليوم هو ميحجي ويايه ويلومني

-مريم: ما حاولتي تحجيله

-سارة: حجيت وگتله اني ماريد اتزوج وراح يتعارك ويه بابا وتعارك ويه غدير يووه مريم صارتلج دگ مكاتل وابوية قفل گله لتجي لعرسهه اذا ما عاجبك






-مريم: شلون نرفزة

-سارة: شنسوي بعد

-مريم: بس الاطلس گلبه طيب ويموت عليج متأكدة ميعوفج بهيج يوم

-ان شاء الله

غيرنه مجرى الحديث واني وسارة عيونه ما فارقت حمزة ايده ترعش ويمسح بگصته گوة كاتمة ابتسامتي وسارة تخزر بيه حتى اسكت، شفته طلب جگارة من علي وحطهه بحلگه يريد يشعلهه وسارة نطت..

-حمززة من شوكت تدخن

-حمزة: هاا

-غدير: اي من شوكت تدخن انتَ؟؟

-حمزة: مادخن بس عجبني ادخن هسة

-علي: دخلنه يدخن شبيچن الله يساعدك خوية صارن ثنين

-حمزة: علييي

-حصة: خلو يدخن بنات شفيكم لا تزعلو

ضحكت هاي خالتي كل شوية فازعة لواحد، ترك الجكارة بيده ما دخنهه كاعد مقابيلنه ونحس برجله تهتز جوه الطاولة همست لسارة..

-كل هالتوتر لان راح تشترون حلقات؟

-سارة: مادري

-لج الرجال انكلب احمر شسالفة

-سارة: دسكتيي ولج شمدريني

-اكلج همزين ما اجه اخوج طوطي چان فجرته بالسوگ

هستوني حچيتهه وفزيت على صوته وره ظهري يكول..

-مساء الخير

-مريم بهمس: مساء النعل

-حصة: واااي وليددي اجيت

-الاطلس: اي حبيبة گلبي گلت مافوت هيج مناسبة واخرب فرحة اختي وحمزاوي

لمعت عيون سارة وطيف ابتسامة انرسم على وجهها، بقيت منطيته ظهري ممهتمة جر كرسي بجانبي وكعد عليه..

-الاطلس: احم شلونكم

-سارة: بشوفتك صرنه زينين

-مريم بهمس: ليش تچذبين اني تعكر مزاجي

-الاطلس: تحمليني شوي مريم

-مريم: لو تموت

-الاطلس: يمة يله شو طولتو راح تصير صلاة المغرب مريم ما تحب تأخر صلاتهه

-حصة: يحليلج يمريم صج والله انتِ چذي؟

ابتسمت وهزيت راسي اي گمنه كلنه نروح لسوك الذهب والمجوهرات دلونه على محلات تابعة الهم وتابعة لورشاتهم دخلنه سوه لمحل كلش جبير من شافهم ابو المحل أهل وسهل بيهم وخلانة نكعد وجابلنه قهوة..






-حصة: بو حامد هلا فيك ورينه العندك

سأل عن العرايس اشرت خالة على سارة واسيل وراح ابو حامد يجيب ويحط كدام البنات مسلم واسيل مثل طيور الحب هو ينزعهه ويلبسهه خواتم ويختار وياهه ويتغزل بيهه..

-اسيل: كافي مسلم شبيك مو كدامهم

-مسلم: انچبي ولبسي

-اسيل: مسلممم

ضحكنه عليهم وعيني على اسيل صايرة حمرة وايدهه ترعش كل شوية تباوعله وهو يغمزلهه لو يكرصهه لو يبوسهه بالهوا من خالة واطلس يدورون وجههم عنهم..

-مريم: دباعي شحلاتهم شبيچ انتِ مبومة

-سارة: مريم انتِ اخر وحدة تحجي

-الاطلس: اتفق

نافخت من حسيت بي اذنه ويانه مانطيته اهمية وكمت ويه سارة نشوفلهه خاتم..

-سارة: مريم لتخلين حمزة يجي حبابة

-مريم: اوكي حبي

-حصة: حمزاوي تعال اختار ويه سارونة

-غدير: ماكو دااعي

گولبت عيوني اصلاً ماعرف شعدهه ويانه شهالخربطة هاي..

-حصة: غدير شفيج يما خليهم براحتهم انتِ مو موافقة على زواجهم

-الاطلس: شسالفة انتِ اصلاً شجابچ وياهم غدير؟

-غدير: بكيفي لعد مو اختيي

-سارة: شلون ورطة هاي

-غدير: شنوو عينييي؟؟؟

-الاطلس: شهاللعبان نفس اني صوچي اجيت وياكم

-غدير: لااا ابقى

-مريم: صلو على محمد ليش كل هالعصبية

-سارة: ماما خلينه نرجع

-حصة: يحسررتي سارة بسچ عااد

-غدير: لو منطيهه حلقتي القديمة ومچبوبة مو احسننن

-حمزة: هااي شكو يابة انعل ابوو اليشتري حلقة ديلاا

-علي: يابة انعل ابو اليجي وياكم خزيتونه والعباس

-مسلم: خربتو فرحتنة تفووو عليكم

-اسيل: بنات شبيكم

-سارة: اني شعلييه اجيت اشتري حلقة انيي وخطيبي هي شكو حاطة روحهه بيناتنه






كممت حلگي اخفي ضحكتي لكفت حمزة مبتسم ويباوعلهه وهي مفرفحة وجهها صاير احمر..

-غدير: انلصميي خطيبج بعيننج

-سارة: لعد شنوو تسميي عينيي اخووي؟؟؟

-علي: وعلي انفضحنه

-الاطلس: كافيي ولجن امشن نرجع صوچ اليطلعكمم خزيتونه

-ابو حامد: احم.. تحبون نراويكم غير تصاميم

انداريت عليه نسيت وجوده عزه شكد فشلة انوب العمال صافنين علينه واحنه نتعارك، اللتفتت سارة وكالت بحرگة هادئة..

-اي ابو حامد اريد اللماس

-ابو حامد: اللاماس للالماس

الاطلس وحمزة ثنينهم نترو سوه..

-شسالفة!!!

-ابو حامد: العفو شباب ماقصد

-علي: خوية ابو حامد طلعلنه نعل خلي نختار

-ابو حامد: ماعدنه نعل هنا مسيو علي

الاطلس خزر علي ونتر بي يلزم لسانه وذاك يأفأف..

-مسلم: كضو رواحتكم مو بالبيت احنه مو مدراء وصخام بعينه

-علي بهمس: قنادر احنه

-مسلم: احجي عن نفسك، عيني ابو حامد اريد لخطيبتي اللماس راوينه احلى شي عندك

-اسيل: لا مسلم ماكو داعي

-مسلم: اشش ماعليج انتِ تستاهلين المحل كله قحط اللماس

-مريم بهمس: هاج تفضلي باعي الرومانسية ظلي انتِ ظلي

-سارة: مريممم

-مريم: شكو هسة شحجيت اني

-سارة: اشتري اللماس؟

-مريم: اي وشكو هسة

-خاف عيب

-يا ليش عيب اني حلقتي اللماس طوطي جابلي

-سارة بضحك: مو طوطي ابو طوطي جابلج

-مريم: نفس الشي

ضحكت ورحنه واجه حمزة وكف بصفهه يطلع بالحلقات ينطيهه وهي تلبس ايديهم ثنينهم يرجفن رجيف وهو يمسح بجبينه وما ملحگ..

-حمزة: ها عجبج

-سارة: هاا

-حمزة: عجبج؟






صوته مبحوح وعيونه على ايدهه ميرفعهن لوجهها، واكفة بصفهه اني بطلب منهه حتى متجي غدير وهذيج محترگة حرگ واگفة تنطط..

-غدير: دجاااوبييي

-سارة: لا حمزة ما عجبني

-حمزة: نروح لغير مكان؟

-مريم: سارونة باعي الخاتم البيدج يجنن

-سارة: هاا.. مادري مادري

-حمزة: تشوفين هذا؟

اخذ واحد بي فص اللماس وداير مدايره فصوص احمر يخبل كلش عجبني..

-حمزة: حلو احمر نفسج

وردت خدودهه ونزلت راسهه تلعب بأصبعهه، بغض النظر عن زواجهم الغريب وهو جان زوج اختهه بس التناغم البيناتهم عجيب ويجبرني ابقى انتبه على تفاصيلهم وهدوئهم..

-سارة: حلو مو مريم؟

-مريم: اممم يجنن

-سارة: اخذه؟

-حمزة: بكيفج كناري

ابتسمت وباوعتلهه شكد حلو يصيحلهه كناري، هزت راسهه موافقة ورجعته الخاتم تهمس..

-سارة: اريده

-حمزة: بعيوني

-حصة: بالخير والبركة حبايبي، تعالي مريم شوفي هذا الخاتم الج

-لا خالة ماريد اني

-حصة: لا ترديني عيب

سكتت وهي تختارلي خواتم واني بس اهز براسي لو اي لو لا، مجنت ادري ولا فاطنة اطلس الي مأشرلهه ومنبهها تشتريلي واحد من شافني معجبة بالخواتم..

اشتريت واحد وخالة جبرتني اللبسه استحيت لان هو حلقة وهيج راح ابين اني مقتنعة بزواجي ورغم هذا ما كسرت خاطرهه ولبسته..

-علي: چا بقت عليه خليني اتزوج

-مسلم: اي ولك الزواج حلو

-علي: ادعولي الله يهديني واتزوج

-الاطلس: شباب ما اختاريتو حلق انتو؟

-حمزة: نشتري وحدنه

-حصة: لا لا ما يصير تعالو نختار سوه

حرجتهم وطلبت يطلعون حلقات رجالية وصاحت لاطلس يشتري وياهم ما كال لا وكف يختار وهي مكيفة كل شوية تهوسلهم بالخنسة متنه ضحك على سوالفهه..






-الاطلس: عجبتني هاي

اختارهه سودة كلهه وحمزة ومسلم هم اختارو، مسلم شنو يشوف يراوي اسيل حبه واضح واهتمامه بيهه يجنن هي تخجل وبس تأشر براسهه وهو مُصر يخليهه تحجي وتختارله..

طلعنه من المحل اطلس بقى لابس حلقته واني لابسة حلقتي هاي الافلام الهندية مو عليه ابو ريحة، كمت ونزعت مالتي ضميتهه بالجنطة..

صعدنه بالسيارة فتحت الباب الخلفي حتى نصعد وخالة صاحت..

-لا مريم تعالي هني

-لا خالة ماريد

ركضت اكعد وره قبل لا تحرجني، غدير مبوزة واني وسارة نتهامس وماخذات اطلس محتوى..

-مريم: اكلج چنه اخوج ما شايف وشاف

-سارة: يا ليش

-عود شبي يغسل بالعطور هيج باعي السيارة (لزمت ايدي اشمهه ورجعتهه) لج حتى بيدي صار من عطره من فتحت الباب

-هو مهووس بالعطور لو تشوفين غرفته خانات كاملة عطورات معرض عنده

-شفت شفت امداه

-ليش ولج هاي فوكما مرتب ونظيف

-دخيولي ابو ريحة

-يااااا

-اشش صوتج ليسمع

-مريم تره احب اطلس لتحجين عليه ما ارضى

-تسكتين لو احجي عليج هم

-لا لا خيولي احجي عليه

-ههههههههههههه خرب شكد حبيتج

-واني حبيتج عمري

-صرنه صديقات مو؟

-طبعاً طبعاً

-عندج صديقات سويرة؟

-لا بس رقية اختي واسيله

-اسيل ليش هيج خجولة احسهه ما ماخذه راحتهه وياكم؟

-لا بالعكس اني ورقية كلش قريبات عليهه بس تخاف من غدير هي

-منو ميخاف من غدير چنهه عتوي، عزه اسفة خاف متقبلين لان اختج

-لا ختولي احجي عليهه براحتج

-لا غيبة حرام ذكريني اتباره الذمة وياهه من نوصل

ضحكنه بصوت ونبسبس اشوف اطلس عيونه بالمراية وينافخ متوتر ومتنرفز، شوية وكال..






-اووووففف

-حصة: شفيك يما

-الاطلس: متنرفز

-غدير: من شنو

-الاطلس: هيييچ من الله

-حصة: لا يا يمة لا تزعل ولا تتنرفز يروحي

-الاطلس: صار

طگينه ضحك احنه الاربعة الكاعدات وره وخالة حصة عصبت وكالت..

-هااو تطنزون عليي

-الاطلس: يمة چا اكلج متنرفز تكليلي لا تتنرفز شنوو هي دگمة وادوسهه

-حصة: اي غير اواسيك يا ماما

-حبيبتي اروحلج فدوة

جر ايدهه باسهه وحطهه على خده كيفت ونشنشت روحهه نزلت سيل من الغزل والكلام الحلو وهو يسمعلهه ومبتسم..

-حصة: شفتوو هذا وليدي هذاا الفحل اليي

-الاطلس: يوم لا تصيحيلي فحل لعبت روحي منهه

-ليش يمة شفيهه الكلمة حلوة وتدل على الرجولة

-الاطلس: لااا معناهه يحب النسوان وعنده شهوة شديدة تجاههن

فطسن خواته بالضحك وهو عكمش وجهه متنرفز ضحكت امه وكالت بغمزة..

-الدايح ابو النسوان

-الاطلس: يمماااا

زادن بالضحك وهو راح يطگ من العصبية، اي اي اجاك لقب جديد يالدايح يا ابو النسوان ويگلي ماحب النسوان هواي صدگتك..

اذن واحنه بالطريق تعمد يدخل بأزدحامات عناد بيه وطلع جكارة وكام يدخن بالسيارة وهو يعرف اني ماتحمل..

-سارة كوليله خلي يطفي الجكارة ماتحمل

-سارة: حبيبي اطلس طفي جگارتك

-الاطلس: ها يروحي

-سارة: طفيهه متتحمل مريم

-الاطلس: ها نسيت

طفاهه وفتحلي الشباك اختنكت حابسة الكحة واللوب، باوعتلي غدير تفر بيدهه وتعوج بحلكهه..

-غدير: اسيييل

-اسيل: ها

-غدير: مردتيني مرد شبييج شو لاطشة بيه وخري






-اسيل: مو ماكو مكان

-غدير: طلعي هيج كدام

خلتهه تمد ظهرهه كدام خطية راح يأذيهه هيج وهي حامل انزعجت اكو مجال هاي شبيهه نحسة..

-مريم: كعدي عدل اسيل اني وسارة لزگنه ببعض

ابتسمت سارة ولطشنه ببعض باوعتلي اسيل تحرك عيونهه بطريقة تتشكرني ورجعت وره انقهر عليهه ليش كل هالقسوة غدير تنرفززز..

وصلنه للبيت بسرعة توضيت ووكفت اصلي وفوراً نمت جريتهه نومة مادري بالوقت محد كعدني، تحركت بالفراش مرتاحة كلش وشبعانة نوم مطيت ايدي ووخرت شعري من عيوني..

-صح النوم

فزيت من مكاني مخروعة اطلس واكف كدامي مچتف ايده وصافن عليه، گلبي صار بي خفقان من الصدمة اخذتلي دقايق استقر وضعي ياله حجيت..

-شعندك هنااا

-انتِ تنبل صار شكد انتظرج تكعدين

-اطلععع براااا

-ما يعجبني

-وين البنات وين سارة؟؟؟

-خطفتهه

-اطلسسسس

-هممم

-شتسوي هنا شكوو ساعة بيش؟؟

-بـ 2 بالليل

-نمت كل هالوقت؟؟

-اي

-شكو شتريد شكو صافن عليه متستحي

-عجبني اصفن حلوة من تنامين رجل بالشمال ورجل بالجنوب وسبالاتج على وجهج وفاكة حلكج

-اطلعععع برااا

-وجع صوتج لا تكعدين الوادم نايمة

-لتغلطط

-صوتج نصي مريم

-شتريد انتَ ليش هنا هسة غير افتهم

مجاوبني تقرب جاب كرسي وحطه كدامي وكعد عليه، عدلت كعدتي ووخرت شعري حطيته على جهة ابتسم وكال..

-شكد حلوة بدون حجاب

بلعت ريك فوراً حطيت اللحاف على راسي ضميت شعري وهو يضحك ويفر بيده..

-بوية العناد بوية

-شتريد اطلس احجي بسرعة






-اجيت انام شبيچ

-شنوو شكو وين تنام

-اي غير انام صار ساعة انتظرج تسويلي مجال ماخذه السرير طول بعرض چنچ سحلية

-اطلللس

-ماجذبت تره حرامات ما صورتج

-تعال نام اني كايمة

-طار نوم عيني من المنظر

-اففف شكد تلححح

-قصرت ماصورتج وعلي

-اوكف اصلاً هاي غرفة سارة شكو جاي ليش تجذب يمته تنام هنا انتَ

-اي چا غير مرتي نايمة هنا ولازم وياهه

-كأن مصدك روحك زيادة عن اللزوم؟

-ليش مو مرتي انتِ؟

ما هتميت لميت شعري ونهضت نفسي اريد اكوم وصاح بيه ارجع اكعد باوعتله مستغربة افعاله ومستغربة صوته ينتر نتر..

-شبيك

-نامي طالع اني

-وين رايح

-ادييييح

كالهه بعياط وطلع من الغرفة ذبيت نفس مقهورة منه نار بگلبي تسعر شوكت اخلص منك تعبتني، كمت غسلت ولبست شال على راسي نزلت على اطراف اصابيعي ادور على البنات ماندل شي بهذا البيت العملاق يدوخ..

رحت للمطبخ وحطيت موبايلي بصدري خاف اتيهه ويضيع، رحت افتح الثلاجة بطني تقرقر جوعانة شفت معكرونة وبيهه صلصة مادري شنو اخذت الصحن كله وشوكة وياه وحرت وين اكعد..

باوعت على الميز بالمطبخ خاف احد يكعد ويشوفني استحي دورت بعيوني وتذكرت الحديقة الخلفية من اجيت هنا ذيج المرة جان بيهه ميز وكراسي..

اخذت اكلي ورحت اتسحب الحديقة مضواية بأضوية هادئة لطيفة تجنن فزيت من شفت القفص الاسود الجبير موجود بي طائر النسر تذكرت من اخترعت ذيج المرة من شفته..

كملت طريقي وكعدت على الكرسي والميز شجرة مغطيتهن الكعدة تونس هنا والجو شوية بي برودة ليل الربيع بعد..

اكلت كومة انتخمت عفت الصحن على الميز وكعدت مستمتعة بالاجواء وافكر شلون راح اكمل حياتي.. ابقى بهاي الذلة ابوية نابذني واطلس يعرف ماعندي غيره؟ هيج راح يستضعفني هاي اذا ما اذاني واستغلني..

ذبيت نفس وتفكيري اخذني لغير مرسى ماعرف شكد مر من الوقت واني حاطه راسي على الميز وافكر، سمعت صوت خطوات شخص يمشي رفعت راسي اشوف منو لگيته عمو محمد..






بقيت بمكاني اباوعله شكله مانتبه لوجودي يجوز ما ابين الشجرة كدامي مغطيتني، بقيت اتابعه بنظراتي اشوف واكف كدام القفص يباوع للنسر النايم..

بقى فترة مو قليلة على هذا الوضع اخيراً تحرك لمقدمة القفص وتلمس شي بيده، عكدت حاجبي وضيقت نظراتي ماشوف من بعيد شنو هذا الشي الي تقرب يشمه ويحطه على وجهه..

ماهتميت كلش وردت ارجع اسرح بأفكاري لولا طلعة الاطلس من البوابة ظهر نفسه، قهقه بخفة واللتفت عمو عليه بسرعة رفع راسه واطلس يتقدم..

-الاطلس: اممممم لطيف

-محمد: ليش كاعد؟

-الاطلس: وانتَ ليش كاعد

-محمد: شنو تحاسبني حضرتك؟!

-الاطلس: لا، جاي نسولف

-محمد: امشي ارجع نام

-الاطلس: شنو جنت تسوي؟

-محمد: ما يخصك بابا ارجع نام

-الاطلس: چنك اشتاقيت لايام الخوالي ههههه

تأفأف عمو ضايج ووگف بمكانه منطيني ظهره، وگف الاطلس بجانبه وبقو على وضعهم فترة يتأملون طير النسر..

خجلت من كعدتي بس ماكدر اكوم انحطيت بموقف مو حلو فـ بقيت بمكاني عود اذا انتبهو اسوي روحي ممهتملهم..

-الاطلس: كبر

-محمد: اي ودائماً خامل

شعل جكارة اطلس وعمو اخذ منه هم وحدة ووگفو يدخنون..

-الاطلس: جاي تاخذ علاجك؟

-لا

-شنوووو

اللتفت عليه خازره بقوة وعمو يضحك ويداهر بي، دفه بعكسه وكال بضحكة مشاكسة..

-محمد: جاي اخذ شبيك

-چا ليش تجذب عليه!

-جاي اخذ

-احلف ملتزم بي!

-وروح امي ملتزم بالعلاج

-الاطلس: يابة ممنوع تتركه دخيلك

-ماتركه، وانتَ ملتزم بعلاجك؟؟

-اي

-لا تجذب

-وعيون امي ملتزم بي






ضحك عمو وطبطب على ظهر ابنه جر وجه اطلس باسه من خده وجر ايده يبوس بيهه ويشمهه، فكيت عيوني شديصير؟

-الاطلس: هاا بدينه

-اشششش اسكت

-اي هواي ملتزم بالعلاج

-محمد: ملتزم والعباس ابو فااضل

-ماطول حلفت بالعباس صدگتك

هز راسه بس ملامحه تغيرو جر اطلس حضنه ويعصره فكيت حلگي ممصدگة الي جاي اشوفه خصوصاً من عمو رجع يلزم بوجه ابنه ويبوسه بخدوده حييل شلع خده شلع..

-الاطلس: كافي بابا

-محمد: وليدي الفحل

ذب نفسك وبعده عنه وگفو بصف بعض يبسبس اطلس وياه ما افتهم شديكول ما جاي اللقط كلامه ممفهموم شوية ورجعو ثنينهم جوه..

مسحت وجهي وگلبي يدگ راح يطلع من صدري مادري الصار غريب لو اني جاي ابالغ عمو محمد تصرفه مو طبيعي ومخيف..

قررت ارجع واشرد للغرفة انام ماريد ابقى هنا وحدي، اخذت الصحن وكفت اغسله بالمطبخ وانهز شي بصدري..

-مريم: يمممةةة دخيلج يا ام البنييين

ذبيت الصحن من ايدي انكسر بالمغسلة واطرافي ترعش نسيت حاطه تلفوني هنا، وكفت عدل اطلعه ونزيت مرة ثانية على صوته..

-شصاااير

-يمممةةةة

-الاطلس: وصمممه شكووو

-شبييك اخترعت هو هييچ

-الاطلس: شصاير شبيچ تصيحين؟؟

-اخترعت من صوتك

-قبل صوتي صحتي انتِ

-اي مو تلفوني هز و.. وهذا

-شنو هذا

-اي هز تلفوني ونزيت

-شهز خصره؟

-اهوووو بنص الليل تخفف دم حضرتك

-اي غير نفتهم شهز

ما جاوبته وانطيته ظهري طلعت موبايلي من مخدعه وشفت رسالة منه كاتب "نمتي؟" انداريت عليه متنرفزة وشهكت من شفته بظهري ماد راسه يباوع..

-مريم: شهالقلة الادددب

-شبيچ خنشوف

-شتشوووف

-شو بله

يلزم ياختي يريد يجرهه دفعت ايده وحجيت معصبة..

-اطلس شكد فحل انتَ!!

-شنو

-فحححل

-ههههههههههههههههههههههههههههههههه

يضحك ما وكف ضحك ميت اختنك ويكحكح ويدك على صدره يسكت ويرجع يضحك وبقى هيج يمكن ثلاث دقايق..

-شبيك يحتاج كل هالضحك؟؟

-هههههههههه عاد تعلمتلهه كلمة

-ليش جذب مو فحل انتَ؟؟

-اي فحل

-بعد شكو ابو النسوان

-لااا هنا حدچ اني مو ابو نسوان

-ايي خطية خالة يومية تكولهه

-لان امي ماخذة فكرة غلط عني

-تره امك هاي امك هي الربتك وتعرفك شنو

-اممم

-وخر عني صار عندي خفقان

-شبيچ شصار

-گلبي ااايي

حطيت ايدي على گلبي دخت كلش والخفقان دمرني من وره الخرعة، لزم ايدي يفرك بيهه ويريد يمرغ صدري ودفعت ايده..

-الاطلس: ما مسوي شي شبيچ

-وخر استاذ خليني اتعده

-الله

-شكو

-شو عيديهه

-شنو هي؟

-استاذ كوليهه مرة ثانية

-ليش يمة!

-مشتاقلهه ميت عليهه

-اكلك تره الوقت فجر شبيك لايحك جفاف عاطفي لو شنو؟

-كلش

-انتَ اصلاً ليش سهران؟!

-كل يوم اسهر

-شلون تشبع نوم لعد؟؟

-اربعة ساعات نوم تكفيني

-صج؟؟

-هههههههههه صجين

-شو نشيط ممبين عليك تنام قليل






-من هلگدوتني شالع گلب امي بالنوم اتخبل من النوم

-اني اموت على النوم

-ادري تنبل

-وخر شكو دا احجي وياك اني خليني اروح انام

-ما بقى شي لصلاة الفجر لا تنامين يا شيطانة

-لتخاف اوقت موبايلي

-عود اني اكعدج ما يهم

-ماريد شكراً

تركته دا اعبر منه وجرني من ايدي انداريت عليه خازرته جرني عليه ضربني بجسمه فتحت عيوني على تصرفه ما خلاني احجي فوراً همس..

-مشتاقلج ميت عليج

-وخررر

-صوتج مرمر لا تفضحينه

-شبيكك انتَ شبييك هدني وخر مغتصبب الفتياات

-مريم بس خليني افهمج ادري السويته غلط بس اني..

-بس انتَ شنو؟؟ اطلس فهمني شنوو شلون تبرر لروحك هالفعل المقررف

-ما ابرر لروحي ادري اني غلطان واني اسف

-نگع اسفك واشرب ميّه

شدني عليه اكثر ردت اعيط وكمم حلگي بيدي دفعني على الثلاجة فكيت عيوني جاحظتهن خايفة يتصرف شي غبي..

-الاطلس: مريم لا تهربين مني خلينه نتواجه لا يطلع صوتج..

اختنكت منه ارافس اريده يوخر ايده شكبرهه مغطية خشمي وحلگي راح اموت..

-راح اوخر ايدي عن حلگچ بس لا تصيحين عليج الله

حركت راسي اي باوعلي بعيوني متوسلة حتى ماعيط حركت راسي اكثر ياله وخر ايده..

-مريم: ابتعد عني

-ماوخر خلينه نسولف هيج

-شبيك بله احد دخل شيكول علينه

-عادي متزوجين وحبو يتسوفلون بالمطبخ

دفعته عني مقهورة فوگ شينه قوة عينه شكد مقرف..

-مريم: لا تلمسني مرة ثانية نتفاهم واحنه بعاد

-ماشي

-انتَ كلت تطلگني وچذبت عليه

-ماچذبت سمعتي ابوي ماگدرله

-ليش عيني مو رجال شنو ماعندك كلمة انتَ تره اني مرتك مو مرته اله!






بلع ريگ ساكت نزل راسه حاير حسيت قسيت عليه بكلامي واضح كلهم ميكدرون يناقشون ابائهم وديعانون من هالشي..

-مريم: اطلس اريدك تطلگني ماريد اعيش وياك

-تأمرين

-شوكت؟؟

-انطيني مجال اقنع ابوي مريم بس احتاج وقت

-شكد وقت تحتاج؟؟

-مادري بس انطيني مهلة ابوي صعب مريم كلش صعب

-انطيني وقت على الاقل يصير عندي امل واحسبله

-شنو سجن وتحسبين يوم الافراج

-اتعس من السجن

سكت مقهور مني بس قهرتي اكبر كارهته كره العمى مدا اكدر اتقبله لو شكد ما سوه وشكد ما اعتذر ماكدر اسامحه..

-مريم: بس اريد اكلك شغلة وحدة اطلس

-شنو هي

-دمرتني

-شنو

-انتَ دمرتني، من يوم الي تزوجتك لليوم اني من كسرة للثانية

نزل عيونه ميجاوب ماكدرت اسيطر على دموعي ونزلن دمعة تتلو الاخرى كأن صارلي سنين حابستهن..

-تعرضت لكلشي ودست على نفسي وعلى كرامتي، تأذيت وتمرمرت تعبت حيييل تعبت

-اني اسف

-لا لا لا المريت بي متفيده كلمة اسف اطلس اني.. اني.. اني انكسر ظهري وانكسرت عيني بيوم الابوية باعني الك

-مريم انسي الصار...

مسحت دموعي ورجعن ينزلن من جديد وكملت اقاطعه..

-اني مريم الي ما يوم نزلت دمعتهه اكلت طن تعب وطن رزايل وكتل من ابوية وما نزلت دمعتي.. كل يوم اكول راح يجي يومي الحلو الله راح يعوضني على كل تعب عشته على كل ليلة ما غفت عيني واني اروح اسقي الزرع.. على كل جرح صاب رجليه واني امشي بين الشوك والرمل الخشن..

على كل لحظة ابوي صخرني بيهه على كل لوعة ضگتهه من كتل ابوية ورزايله الما تخلص، على كل ضربة شمس وبرد المطر على كل تعب ولهثة لهثتها واني اسلك كل يوم طريق ساعة مشي ذهاباً وساعة رجوع بس حتى اكمل تعليمي واخذ شهادة اكول هاي سلاحي راح يجي يوم تنفعني..

-مريم كافي الله يخليج

-رغم اني بنت بادية يعني الي مثلي مستحيل راح تحتاج الشهادة بيوم مستحححيل راح تفيدهه لان مصيري بين الزرع واسرح بالحلال مصيري ايدي تتگرضم وتتجرح ورجليه تموت واني واگفة اشتغل.. مصيري بين امي وابوية اشتغل جوه رجليهم واخدمهم بعيوني وما ندمانة على كل لحظة خدمتهم بيهه...






مصيري ابقى اجدي الكلمة الحلوة من زوجي المستقبلي واصير مكينة تخلف اله ويجيني نص الليل يفرغ شهوته مثل الحيوان وماكدر اكول لا! ميصير اكول لا!

-كافي

-بس تدري اطلس بعمري ما رضيت بهذا الشي دائماً طموحي چانت عالية وچانت عندي ثقة الله راح يختارلي شي يرضيني، ربي ميعوفني ولا يخليني محتارة من جنت ارفع ايديناتي واني احوش الزرع لو من اشتغل بنصاص الليالي ابجي من التعب والوجع جنت ادعي واني متيقنة من دليل الاجابة جنت اعرف الله راح يساعدني وراح ينهضني، ونهضني وساعدني وفتحلي الطريق بس...

نزلت راسي اشهگ كلماتي تبعثرت رجعت ارفع راسي حطيت عيني بعينه وكملت..

-تالي يجي واحد مثلك يدوسني؟؟ يجيني واحد مدلل امه وابوه يشكك بشرفي ويريد يلوي ذراعي؟! يعايرني لان ابويه باعني بفلوس مهر ما شفت منهن فلسس؟؟

-مريم كاافي

-لا والله تخسي ويخسي اكبر واحد يشكك بيه ويذلني، اكسر راسك واللوي خشمك العالي وما يرفلي جفننن شعررة ما تهز مني شعرررة

ارجف واحجي لزمني من متوني حيل يثبتني وخازرني رجعتله الخزرة ونترت..

-تخسي ابقى يمك دقيقة ما اتقبلك زوج لو يصبوك ذهب وانتَ طاعني وهايني بكل مكان وزمان

-مريم وحق الحقق وحق الي خلق السماوات السبعة اني ماادري بيج زوجتي كل الحچيته وسويته ردة فعل صابتني

فلتت من ايده ودفعته من صدره حيل..

-ولك اني يتعرضولي زلم سكارى يعتدون عليه ويشوفوني بنت لييل يردون يتونسون بيهه!!!

-شنو منو

-اثخن شارب ازينه اطلس لا تتحداني تره لحميي مُرر علگمم

دفعته عني اريد اروح ورجع يسحبني للحديقة احاربه واتملص من ايده وشادني حيل ارجع واكول اعصابه قوية ماكدرله من يكون بقوته..

-منو يعتدي عليج مرريم؟؟

-وخرر لا تنرفزني وخرر لا اللم الدنيا عليييك

-جاوبينييي

-بيوم العرررس ثنين اجوني وقفلو عليه الباااب يتعاركون عليه واذونيي وسرقوو كلادة التخم مالتيي لولا لطف رب العالمين چان الله اعلم شصار بيبه

-شنوووو هاااي شوووكتت صاااار ليش ماادري بييي

-شلوون راح تعررف وانتَ نابذذذنيي نانا تحجي وياااك وانتَ تكول سعرهه بسعععر قندرة من قنااادري ماريدد اشوف خلقتهه






-مريم.. مررريم شلون شكلهم؟؟؟

-هددني لا تلمسنييي هسسة ياله اهتميت هسة ياله تحركت غيرتك اطلسس وين جنت قبل سنننة واني دخلت بصدمة شهرررين اتخطى الاعتدااء لا ليلي ليل ولا نهاري نهاار منتهية وميتة بالفرراش كلماا احط راسي على المخدة اتخيلهم كملو سوايتهم ودمرو حاضرري ومستقبليي

-مريم والله العظيم وغلاوة امي وعيوونج مادري بكل هذا محد حچالي محددد نطق ما گالوو

-وليش يحجون لواحد ما مهتمم اصلاً؟؟؟ واحد شمر زوجته ما تعب نفسه وقره عقد زواجهمم ما كلف على عمره وسأل عن اسمهها!!

-لان جنت كاارهج وما طايقج ما رايدج ولا اريد اللتقي بيج كرهتت الموقف النحطيت بيي كرهت كلشي يخص زواجي كلشييي وكرهتج وياه

تقربت منه ودكيت على صدره بخفة ايدي..

-اي ابقى كارهني، انتظر ورقة طلاقي اليوم قبل باجر

-لا ترحين مررريم

يسحب بيدي ويجرني عليه تعبت انهد حيلي بقيت بمكاني وهو يحجي ويتوسل..

-كلشي ينحل بس انطيني وقت، نعدل كلشي واعوضج على كل العشتي واخذ خقج من الكل وربي حتى من نفسي اخذ حقج

-اي تاخذ حقي تروح تغتصبني شو دوخرر

-مريم بس اطلب منج فرصة

-اطلس لا تطولهه وهي قصيرة انتَ طلبت مني مهلة تقنع ابوك واني راح انطيك هاي المهلة لا تخذلني مثل كل مرة

-انطينه فرصة مريم كل انسان يستحق فرصة

-سنة اني منطيتك فرصة وبكل يوم احط راسي على المخدة وانتَ مو بصفي تخذلني وتكسر شي جواية اتوقع كافي فرص

-اعوضج على كلشي لا توجعين گلبي، السويتي بيه مو قليل اخذتي حقج وزيادة

-حقي وزيادة؟؟ هههههه اطلس كتلك الك بس هاي المهلة وكلشي ينتهي بيناتنه بس حددلي شكد هاي المهلة؟ يوم يومين شهر شهرين شكدد؟؟

عض على شفته ونزل راسه دفيت على صدره ارجع عقله وياي همس بخفوت..

-سنة

-لااااااا والله؟؟

-ماكدر صدكيني احتاج طريقة اقنعه بيهه احنه ما نرهم لبعض

-اني سنة من عمرري ضيعتهه ويااك تريدني اضيع بعد سنة؟؟؟

-شتسووين تطلگين مني وين ترحيننن






-يمكن يجي نصيبي واتزوج غيرك

فتح عيونه على وسعهن نَفَسه وگف احس بگلبه يرعد بنص صدري من قوة نبضاته..

-يعني هذا الي ببالج؟

-يجوز

-انتِ شنو شجاي تسوين انتِ مررريم

-انتَ شيخصك؟ راح اتنازل وانطيك سنة تقنع ابوك ونتطلك بس بشروطي

-لا تخبليينيي يعني اكو احد ببالج؟؟؟

-حالياً لا بس يمكن يجي وره ما انفصل منك

عصر عيونه ونفسه زاد وجهه تغير خفت عليه وتندمت على حچايتي لزمته من ايده ورحت اگعده على نفس الكرسي الجنت كاعدة عليه..

-اطلس كافي ماريد نتناقش اكثر

-تعالي..

لزمني من ايدي عاصرهه حيل بقيت واكفة بصفة اشوف وضعه الي صار يخوف، بقينه هادئين لفترة وهو ضاب على ايدي بقوة ومغمض عيونه استقر وضعه شوية وحچى بخفوت..

-شتردين مريم

-ننفصل

-انطيني سنة وحدة بس

-ماشي بس كتلك بشروطي

-شنو شروطج

-ارتاح هسة خاف تتأذه

-شنو شروطج مريم

-مالك حق تدخل بيه ومتتحكم بيه، كلمن اله غرفة، تعيش لنفسك واعيش لنفسي

-وتصاحبين وتطلعين وتطبين وتلعبين جولة بس حتى تحرگيني وتموتيني من الغيرة

-لتخاف ما اسوي شي حرام وبعدني على ذمتك، بس بعدين اي بكيفي اتزوج واكمل حياتي شبيه شناقصني

-كاافي لا تحجين كافي

يحچي گوة سكتت ما لاسنت اكثر وضعه تعب وخفت لا تجيله النوبة، ذب نفس وكمل..

-كلشي الج حق بي بس النومة ماكدر لازم بغرفتي تجين

-ماريد

-اهلي يشكون مريم ماريدهم يشكون حتى يقبلون نتطلگ بدون مشاكل

صفنت افكر بكلامه واخيراً هزيت راسي..

-ماشي بس مو على نفس الفراش

-ماشي

-تعيش لنفسك واعيش لنفسي اطلس مالي علاقة بيك لو تروح لاخر الدنيا لا تنتظر مني بيوم اغار عليك لو اتدخل بحياتك






-طيب

-وهسة تصبح على خير

-تنامين بغرفتي تندليهه؟

-لا باجر نبدي هسة اروح لغرفة سارة

تركته دا امشي وشدد قبضته على ايدي اللتفتت عليه گال..

-اني هم الي شروط

-نعم؟!

-شرط بسيط لا تخافين

-شنو هو

-نعيش هنا ببيت اهلي

-اساساً ماقبل ارجع وياك لبيتك وحدنه

-لطيف

-مريم: ونانا؟

-نجيبهه هنا

-ماشي

-طلب ثاني، لا تعامليني بحقارة كدام اهلي لا تكسرين گلب امي فرحانة بيج وما مصدكة چنتهه كدام عينهه

-صار

عفته وطلعت من الحديقة وبوجهي لغرفة سارة، كعدت على السرير وعقلي شارد عضيت على اصبعي بندم شلون تنزل دموعي گدامه شلون يشوفني ضعيفة ليش حچيتله من شنو جنت اعاني..

حطيت راسي على المخدة ادور عيوني بالغرفة سارة وينهه ليش تركتني وما نامت هنا معقولة زعجتهه بنومي المخربط؟

كمت صليت الفجر ورجعت انام كعدت الصبح مصحصحة وكلني نشاط، ردت اسبح وماعندي ملابس نزلت اشوف البنات وصارت بوجهي رقية..

-رقية: يا صباح الخيييير

-مريم: صباح النور حبيبتي

-رقية: اشتاقينه لوجهچ الحلو وينج مختفية

-مريم: شوفي خية تره اني تنبل مال نوم هواي انام

-نامي نامي شعدنه غير النوم احنه طبه طلعة

هزيت راسي اضحك مأيدتهه طلبت منهه ملابس راحت جابتلي تراك رياضي اخذته وفتت سبحت وهكذا مرت ثلاثة ايام اني مجازة والاطلس ما اللتقي بي نهائياً، طلبت منه ما انام بغرفته الا وره عرس سارة تحججت ماردت ابقى وياه بمكان منغلق وحدنه صراحة ما اضمن تصرفاته هو مو راحة..

وكفت بنص الطريق المؤدي لغرفته گال جابلي ملابسي وحطهن هناك شلون نذالة عنده گوة يخليني اروحله..

تمشيت على كيفي على اطراف اصابعي وكفت بباب الغرفة وذبيت نفس خاف موجود ويصير مشهد سخيف مابيه حيل..






قررت اتنازل عن الملابس واعود ادراجي هستوني دا اتحرك وانفتحت باب غرفته انرعصت صار بيه صرع بالباب عيوني طلعت وايدي ترجف من وحدهه عبالك شفت ملك الموت..

-الاطلس: مريم انتِ بخير؟

حطيت ايدي على گلبي انضم دقاته وذبيت نفس محتارة..

-اي اي

-چا شكو واگفة هنا

-اخذ مراد

خفه ضحكته واشرلي ادخل ماقبلت درت وجهي اروح وسحبني على الباب دفعني..

-هم رجعت لسوالفك!!

-لا بس هاي الطريقة الوحيدة الي اكدر اعاين لعيونج بيهه

نافخت بوجهه واحرك بيدي اريد ابعده كله على الصامت نتعارك لا احد يحس وننفضح ونصير بلسان خالة حصة..

-اطلسسسسسسسسسسسس

-هاي شبيچ انگلبتي حية

-اطلس شبيك ولك اختننگ وخرر

-شو اني ما مختنگ اوگفي بله

عصرني بالباب اكثر يمة ردت اموت راح تطلع روحي كمت ارافس وهو يدفع اكثر ويسوي حركة بوجهه..

-الاطلس: اي شوية اختنگت هسة

-ولك وخر وخرررر

-مريم بس عايني عليه

باوعتله بس حتى يبتعد شو هذا قرب وجهه مني بطريقة ادبسز دفعت حنچه عني وضميت شفايفي..

-الاطلس: ماردت ابوسج

-لعد شتريد تسووي

-الاطلس: تره اني ضايج منج على كيفج حبيبي

-شكو ضايج هم الك عين؟؟

-اي عندي عيون ثنين

-شكد غثة

-كضي لسانج مريم

-وخر لا تجي خالة وننفضح

-تره همه منتظرين زعطوطنه

-لو تموووووووت

-شو هواي مصدگة روحج منو كال اريد منج جاهل

-هه طايح بيدك

-شنو؟

-يعني علساس هالشي بيدك وانتَ متريده






-طبعاً بيدي هاا اهاا جاي اتحسس

يعصر بمتوني شكد طايح الحظظ دفعته عني ماكو تبسمر وتد تعبني..

-مرمر

-هاااا

-احجي عدل لا تخربين الاجواء

-يا اجواء هااي

-اجوائنه الرومانتيكية

-اكلك اطلس

-هااااا

-احجي عدل لا تخرب الاجواء

-اطلس بضحك: يا اجواء

-اجوائنه النعلية

-ههههههههههههههههههه خرب روحج مو لسان رشاشة

-اطلس

-عيوني

-اطلس

-روحي

-اطلس

-احجي بساع خلصت كلماتي الغزلية

-اطلس عوفني وانطيك چكليته

-انطيني هاي

يأشر على وجهي بريدني ابوسه من حرگتي مديتله لساني اعيب..

-وخر فاسق

-مو تكولين اني فحل

-اي فحححل الفحووول

-هههههههه حلو حلو

-اطلس

-كرهت اسمي شكو

-اي اكرهه اكلك انتَ شلون عايش واسمك المحيط الاطلسي؟

-تره اسمي الاطلس لا تمصخيهه

-اي هو بس اسمك بي طن تنمر

-مريم

-هاا

-مريم تعالي للغرفة نسولف مشتاقلج

-ماا

-هيج نتفه نكعد سوه

-ماا

-بس نعاين لبعض ما نسولف

-ماحب عيونك

-بس اني هايم بعيونچ

صفنت بوجهه عيني بعينه توترت واوضاعي تخربطت گلبه من گدما يدگ احس نبضاته بصدري..






-مرمرتي

-ها

قرب وجهه ابتعدت متوترة غمضت عيوني ولويت رگبتي من الجهة الثانية ضحك وكال..

-ما تنطي مجال بت الاوادم

-اطلس روح ممنوع

-اكلج تره هذا حقي ابوس مرتي

-لو چانت علاجك هم مانطيك

-ادمنت مريم مو بس علاجي

رفعت عيوني عليه ملامحه ذبلانة ورايح لغير عالم، من شافني اباوعله ابتسم بوجهي وحررني من ايده باس ايدي وكال..

-تصبحين على خير مدامتي ام عيون كحيلة..

دخل لغرفته وتركني واگفة مثل المطي بره غميت روحي على الموقف الصار ورحت اركض لغرفة سارة..

نايمات على الچرباية اني واسيل ورقية صافنات على سويرة الكاعدة تاكل بأظافرهه وتتلاطم..

-رقية: شكد دراما

-سارة: اييي انتِ تزوجي رجل اختج وشوفي الدراما على اصولهه

-مريم: شوفي سويرة الصراحة حمزة يشگ شگ

صفنن عليه ثلاثتهن واني اخذتلي صفنة على جملتي الطياح حظهه هاي شبيه تخبلت شنو هاللعبان نفس..

-مريم: اقصد.. اقصد يعني خوش رجال شبيجننن

-اسيل: صح صح هذا جان قصدج امم

-مريم: والله هذا قصدي والله بس دعاء وبسملة خواتي كلما يشوفن واحد فول مواصفات يكولون هاي الكلمة منقصد شي بس.. شسمه يعني مادري احنه خوات ونفتهم على بعض ونعرف نية بعض

-سارة: اوكي حبي ما اختلفنه يشگ شگ بس چان متزوج اختييي

-اسيل: باع هاي ولج الله يحبه انفصل من البومة غدير عاد انتِ عوضي عن سنين العجاف العاشهن وياهه

-رقية: اتفققق مليون بالمية

-سارة: صخام يمة صخام

-مريم: حبيبتي شو تعالي تعالي افلي راسج

-سارة: مرررريم

-مريم: شبيچ خبلة انتِ بنيتي انسي سالفة هو جان زوج اختج انسيههاا

جذب مستحيل تكدر تنسى بس دنحاول نخليهه تنسى لان راح تبقى بتعاسة وياه ويبقون بالرسميات وتدمر حياتهم..






-رقية: اسيله

-اسيل: ها

-رقية: انتِ ليش ما كلتيلي تحبين مسلم

فزت اسيل من مكانهه وجهها انخطف لونه فوراً نزلت راسهه تلعب بشرشف الجرباية..

-رقية: اسيل اني ممقهورة ابد ليش تتهربين مني صارلج كم يوم

-اسيل: رقية كلش اسفة والله ماعرف شلون حبيته ماعرف

-رقية: اساساً حبيتي قبلي معناهه اني دخيلة عليكم ههههههه

-اسيل: بس هو ابن خالتج

-رقية: ميهم، بيناتكم حب متبادل يعني حبكم الي راح يفوز اسيل والله اني ما زعلانة عليج ولا ضايجة بالعكس ادعيلكم بالسعادة من كل گلبي لان انتِ تستاهلين ومسلم يستاهل

ابتسمت على كلامهه الغصة ببلعومهه تسولف هي شكد مقهورة وحزينة بس غطتهه من تحاضنن وتصافن بيناتهن..

نمت هاي الليلة ويه سارة وبقينه نسولف للصبح تحجيلي حمزة شكد قريب منهه وشكد يحبهه ومتعلق بيهه هي تحجي واني صافنة حُبه وتعلقه ما احسه حب اخوي مثل ما هي عبالهه ليش اجاني احساس حمزة يحبهه وعاشقهه؟

-مريم: هو الوحيد بصيحلج كناري؟

-اي بس هو

-گلتي يفرح من تجيهم قبل؟

-اي كلش يفرحون همه كل ولد خالتي

-بس حمزة اكثر شي

-اي مو كتلج ربينه سوه

-هاا وغدير من تروحلهم شلونه؟

-بيني وبينج احسه يضوج واكثر شي يحجي ويايه بس غدير تحبه من زمان ومتخليني احاچي چانت حتى عقاب تعاقبني على مرتين شوفي..

جرت ياخة التشيرت من عند صدرهه تراويني اثر شخطتين..

-مرة من رجعنه تخبلت عليه وتعاركنه عركة چبيرة چان بيدهه مفتاح البيت كامت وحفرت صدري منا

-عزززززززاااا

-اي والمرة الثانية چوتني واني نايمة

-جذابة جذااابة

-والله العظيم وكل اهلي شاهدين وبوكتهه كلتلي مو تكولين لحمزة تره تلعب نفسه منج يكول عنج مشوهه وبعد ما يحاچيچ

-سارة هاي مو طبيعية

-اي دائماً اكول اني، ههه عذريني مريم يمكن انصدمتي بس ماعرف ليش دا احجيلج هالشي بس حبيتج كلش






-حبيبة گلبي، زين اطلس ميعرف بهالشغلات كلهه؟

-يعرف يعرف شلون لعد، ويتعارك وياهه عركات جبيرة مرة والله لسه اتذكر هو يرزل بيهه وهزأهه وراد يقفل عليهه الباب وهي من وحدهه تعالي وطببي اصبعچ بعينه عمت عين من عيونه الا شوية رادت تنطفي ومن واجهناهه كامت تبجي عليه وتكول بالغلط بالغلط وملخت روحهه تملخ حتى اطلس بهت ميعرف شيحجي

-لج شلووون هيجي تاركيهه انتوو

-شنسوي تعبنه منهه ومحد واكع بيهه غير اطلس الوحيد الي اسولفله وخطية كل مرة يجي احير شحجي وابجي بحضنه ويبقى يصبرني وياخذ حقي من غدير

-يكتلهه؟

-لا هو ميكتل ابد ماعنده هذا الاسلوب بس يعاقبهه لو يسحب موبايلهه لو يقفل الباب عليهه لو يحرمهه من الطلعة بس شنو هي تنجن تظل تعيط وتتوعدلي

-اوف گلبي عصرني سارة

-عيشي وشوفي هههههه راح تهجين من تعرفيهه عدل

هزيت راسي ساكتة وهي تكمل عن علاقتهه بحمزة قبل وشلون تحب اخوهه وشلون يدافعلهه دائماً ويتعارك ويه ابوه علمود خواته عجبتني هالخصلة بي بس ماعلقت..

غفيت واحنه نسولف وحسيت على ايدين تلعب بشعري وتبوس بخدي، زفرت متنرفزة هذا ميبطل سوالفه!!

-شكووووووو

-وجعععع وجععع وسمم وزقنبوووت

فتحت عيوني مخروعة وچان اشوف اختي دعيوة بوجهي كمت اگمز من الفرحة حضنتهه وهي تنطط ويايه وتغلط عليه واغلط عليهه..

-مريم: حقيررة چلبة ولج شجاابچ

-دعاء: اجينه نشوف قصر اووختي عيني عينيي

-گولي قبر اختج

-اسم الله انچبي لا تحجين هيج

-تعالي منو جابچ؟؟ شكو شعندج جاية

-ولج طووطي عزمنه على عرس اخته اجينه كلنه اني وامي وبسملة وابوية

-الاطلس عزمكم؟؟

-اي والله هو اتصل بأبوية وگله على عرس سارة واسيل وعزمنه

سرحت ساكتة بس ما خلتني ابقى بصفنتي دخلت بسملة سوت انبطاح على الجرباية وترافس ترافس ترافس برجليهه وتنطط كل مكان وتعيط..

-مرررراايمم ولدكم صااااكييييين يشگووون شگ🌹

-مرررراايمم ولدكم صااااكييييين يشگووون شگ

-مريم: هااا شلحگتي ولج ابو بريص هاي بدال ما تسلمين عليه

-بسملة: تعالي ابوسج تعالي

حضنتني تبوس وخرت عني بسرعة وكالت بضحكة خجل..

-بوجهي صار ترس واحد عنده شامة بخده عيني يخبل ويگلي تفضلي يا آنسة

-مريم: ولج هذا العريس مسلم

-بسملة: ياا حرامات كلت حلو

-دعاء: هههه شكد ادبسز هالبنية

-مريم: بنات فرحانة بوجودكم الله ياخذك طوطي

-دعاء: ليش تدعين علييه هاي فوگماا عزمنه

-مريم: ميهمني عود ديرشيني حتى اسامحه

-بسملة: اكلج خلينه ننزل نشوف امي گالت لتطولن فوگ خطية متكدر تكعد ويه الطبقة المخملية هواي تخاف تچفص

-مريم: قصدج الهوامييييييير

-دعاء: شنو

-مريم: هوامير مادري مسامير شمدريني بس يعني ذولة الي عدهم مال قارون ويملكون نصف الكرة الارضية

ضحكنه وكمت غسلت وبدلت نزلت جوه اشوف العائلة الكريمة كلهه ملتمة الكل مشغول يحجي بالعرس الضخم المنتظر وابوية كاعد خانس وعمو محمد مشغول يحجي ويه ابو حمزة..

رحت للمطبخ اكل شي جوعانة هستوني لفيت اللفة وحطيتهه بحلگي وحسيت بصوت عياط قوي وصريخ صار بالصالة جفلت بمكاني اباوع لدعاء الي وجهها انخطف لونه من الخرعة شنو شصار؟؟؟......

يتبع ♠️💸...

• ━━━━━━❪♣❫━━━━━━ •

#الاطلس "دمليج أسود" -

#Part 24 -

#الاطلس "دمليج أسود"


"سأعدك وعداً عراقياً"
مانرجع بعد لو أيه تنزل بيك .

• ━━━━━━❪♣❫━━━━━━ •

رحت للمطبخ اكل شي جوعانة هستوني لفيت اللفة وحطيتهه بحلگي وحسيت بصوت عياط قوي وصريخ صار بالصالة جفلت بمكاني اباوع لدعاء الي وجهها انخطف لونه من الخرعة شنو شصار؟؟؟

ركضنه بره واذا اشوف حمزة منكلب احمر يصيح ويهدد ماد اصبعه ويكول..

-وشرفيي اذا اجه واحد منهم للعرررس ما احضررر

-الاطلس: انتو من كل عقلكم؟؟ بوية تخبلتوو تردون جماعة شمسون يجون للعررس

-محمد: ما يصير يا ابني هاي الاصول

-حمزة: طااح حظ هيج اصوول الي تخلينه نلفيي ذولة الناقصين غيررة

-مسلم: اني بس اريد افتهم شنو الغاية من عزيمتهم؟؟ يابة فهمنه انتَ

-ابو حمزة: عن نفسي ماعندي غاية بس ابو الاطلس يريد يعزمهم

-محمد: اي چا غير عرس بنتي ليش ما اعزم الوادم ونفرح

ضحك اطلس بصوت مسموع ودك على محجر الدرج..

-الاطلس: هذااا المحجرر الجماااااد يعرف جماعة شمسوون انگسسس خلق الله تريد تجيبهم بيناتنه وتورجهم على بناتنه لييييييش

-محمد: ليش كل هاي العصبية يا ولدي

يحجي بهدوووء عجيب بقينه اني ودعاء وبسملة وحدة تباوع لوجه الثانية، همست بسملة وهي تعلج..

-حتى عركاتهم مال مثقفين

-مريم: وين الثقافة؟؟

-بسملة: باعي بناتهم شلون هادئات هاي لو احنه چان شگينه زيجنه

حصرتني الضحكة گوة لزمت روحي وبقيت اتفرج بحيرة وبسملة كل شوية حاچيتلهه حچاية..

-بسملة: هذا الطويل عجبتني شخصيته شسمه هذا مرايم

-مريم بهمس: حمزة






-بسملة: مرتب حتى من يعيط نبرة صوته حلوة عبالك جاي يغني

-دعاء: بسملة اسكتي عاد

درنه وجوهنه على العركة وگوة لزمنه بسملة الناقدة حتى تسكت، ابوية وامي خانسين بس يفرفرون بعيونهم وخالة حصة گاعدة وتعضعض بشفتهه..

-حصة: محمد وش السالفة شفيك

-محمد: ام الاطلس فهمي ابنج الوضع ما يحتاجله كل هاي العصبية ليش هيج بابا ليش وليدي معصب وتتعب نفسك

-الاطلس: راح تموووتني شي يوووم اي وعليييي

ركضت خالتي على اطلس تهدأ بي وتعصر بيده وتفرك على صدره تهمسله كلمات مبين دتهدأه وهو بس ينافخ وشرايينه متفجرة بوجهه..

-حمزة: يعني مُصرين تعزموهم؟!!

-محمد: نعم

-حمزة: چا مانريد حتى عرس ما نسوي بعد ديلا

شهگن البنات واشوف غدير واكفة على اعصابهه حچت من مكانه..

-غدير: بااابا شبيك انتَ صدك تحجيي شكو جايبهم يخربون علينه

-بسملة بهمس: ها ولچن طلع صوتچن شنو حسدناچن

-حصة: واااي انفضحنه بسك عاد محمد عدنه ضيووف شفيك انت

-محمد: نعم ادري عدنه ضيوف، على كيفكم بابا مو وكتهه نتناقش بهيج مواضيع حساسة

-الاطلس: لا يابة حتى نقاش ماكوو سوي الي يعجبكك اذا طخت رجل مالك لو فااهد بيتنه وحق محمدددد ما تشوف خلقتيي بعد

ختم العياط بهاي الجملة وصعد فوك، حمزة واكف على اعصابه يرجف رجيف ومسلم وجهه ميگصه السيف والبنات واكفات على جهة وحدة تصفن بوجه الثانية وعمو محمد الوضع عنده فد هادئ ولا كأن گوم البيت ما گعده..

-دعاء: مريم شبي عمچ ليش يريد مالك وفاهد يجون للعرس؟

-مريم: مادري اساساً كالو العرس راح يكون ململم بس الاقارب يجون

-دعاء: يعني احنه من الاقارب؟

-مريم: مادري غير انتو اهلي واني چنتهم بعد عيني

هزت راسهه متفهمة بقينه واكفات بباب المطبخ محد تحرك لفترة، مسلم جر حمزة يتهامسون لنهاية الصالة وغدير واكفة وتلوب راحت لابوهه تحجي وياه هم بالهمسة..

-حصة: حي الله من جانا بو مريم ام مريم شرايكم ترتاحون شوي بين ما يصير القده (الغده)






-ام مريم: براحتكم حبيبتي ام الاطلس

هزت راسهه فرحانة بيهم واخذتهم لنهاية البيت الظاهر اكو غرف خاصة للضيوف هناك، صارلي كم يوم هنا ولا فد يوم افتريت وشفت البيت استحي..

-مريم: بنات روحو وياهم ارتاحو اذا تعبانات

ماقبلن وبقينه واكفات نسولف ونزل اطلس من فوك مبدل وكاشخ على اخر حباية باوعلي ورجع انظاره على ابوه الي يتسائل..

-محمد: وين رايح بابا

-الاطلس: اجيب نانا

-محمد: هاا، حبيبي وليدي عود بعدين نسولف بموضوع شركة شمسون لا تزعل

-الاطلس: لا ماحجي لا هسة ولا بعدين العندي گلته وانتهى

هز راسه عمو متفهم وطلع الاطلس من البيت لعد شلون يكولون ماله كلمة شو متحكم هسة وسكت عمو وسوه الي براسه؟

-حمزة: من رخصتكم

-محمد: وين ابني

-حمزة: عندي شغل بالشركة لازم اكمله

-غدير: لا حمزة لتروح حباب

تحولت انظار الجميع لغدير حتى سارة صفنت عليهه، دعاء دغتني بكتفي عود تگلي باعي شلون تحجي وياه..

-حمزة: عندي شغل

-غدير: أجل شغلك لوره الغده

-سارة: اي حمزة اذا تگدر أجله لتطلع جوعان

-غدير: انتِ شكو حشرتي نفسج؟؟؟

-محمد: بنات!!.. حمزة وليدي اذا الموضوع مو مهم عوف السالفة عدنه خطار عيب

سكت حمزة يهز براسه اخذله موقع يكعد على التخم وبصفه مسلم والبنات هم گعدن مقابيلهم اربعتهن..

-دعاء: جاي تشوفين مريم؟؟

-مريم: ما شفتي شي حبي

صاحلي عمو حتى اكعد وياهم وجريت دعاء وبسملة بصفي، فتحو احاديث هواي نعست من مواضيع الشغل عيني صارت على سارة الكاعدة تبسبس ويه اسيل من شافتني اباوعلهن سوت حركة عود تريد تتقيء من وره حديثهم..

همستلهه تقره شفايفي "خلينه نصعد فوك" اشرتلي براسهه لا وهمست "امي تموتنه وغدير تاكل راسي" هزيت راسي اضحك ونزيت على صوت خالتي تكول بحماس..

-حصة: يحليلكم توا نوّر البيت حبايبي

فاتحة ايديهه بوضع الترحيب مديت راسي اشوف علي وعمر هستوهم داخلين من الباب لزمتهم ثنينهم تبوس بيهم وتأهل وتسهل..






-حصة: وينك عمر گاطع

-عمر: شغل والله عمة

بوسته مرة ثانية وعلي واكف مطنگر ضحكت وضربته من كتفه وجرته تبوسه، دخلت بيهم للصالة لازمة كل واحد من ايد..

-عمر: مساء الخير

-علي: سلامُ اللهِ عليكم

-محمد: حي الله من جانا هلا بولد اختي

سلمو عليه واندارو يسلمون على الباقين وصلو للبنات داهروهن وعلي حاط دوبه من دوب رقية واضحة علاقتهم ميانة كلش وقوية هم..

اندارو علينه وگح عمر گحة قوية وعلي عدل قميصه وگال بأبتسامة..

-علي: هاي شنو مريم وخواتهه هنا

-مريم: علي راح يصيرلي اسبوع هنا

-علي: دسكتي منو بحالج جنت اقصد خواتج بس استحيت منج

حچاهه بضحك، ضحكت فاتحة عيوني وهو يسوي هاي الحركة بخشمه من يعكمشه..

سلمو علينه وگعدو على كراسي جانبية، انداريت على دعاء تلعب بأيدهه ومنزلة راسهه وجناتهه وردية ومتوترة وبسملة ماخذه وضع الانبطاح الي يشوفهه يكول كاعدة ببيت ابوهه متربعة وتطگ بعلچهه، همستلهه..

-مريم: ذبي علچچ بسملة لا تفشلينه

-بسملة: اكلج شو ذولة هواي يتشابهون

-مريم: اي توأم، ذبيي العلج

-بسملة: لا حب قلبي مستحيل ماكدر اعيش من دونه

-دعاء: روحي ولي كعدي ويه امي وابوية بالغرفة

-بسملة: حتى اخزيكم بالعياط والعرايك خلوني يمكم بنات حبابات

-مريم: لعد عوفي العلج بحلكج بس لتعلچي چنچ هايشة

-بسملة: حاضر من عيوني الحلوة

مشى الوقت احنه على گعدتنه متململات كلما نريد نكوم خالة متقبل وتأشرلنه گعدو، عيوني ما فارقت حمزة طول الكعدة واني اشوفه يتحجج حتى يباوع لسارة..

تحجي يظل صافن عليهه وعيونه تاكلهه اكل ومن تفرك بيدهه يقلق وينتبه لتوترهه ومن يتخازرن هي وغدير يظل يلوب بگعدته، ضحكت ماكدرت اللزم روحي والقران يحبهه ومو بس يحبهه هذا ميت عليهه شلون سارة ما منتبهه على هالشي من قبل!!

صبو الغده واطلس لسة مارجع اتصل بي عمو وكايله الطرق مزدحمة لينتظروهم، ماقبل عمو احد ياكل كال الا الاطلس يرجع أيدته خالة واحنه كاعدات نتگرظم راح اللطم دخلينه نكوم شنو هالعذاب..






-علي: هسة فد قندرة هو الاطلس وننتظره

-محمد: عليوووي

-علي: اسف خالي بس گلبي شعوط منهم ما تعرف شسووا بيه من رحنه نشتريلهم السلابات

-عمر: سلابات شني

-علي: الحلقات لعبو بيه طوبة خزوني وخربو برستيجي

-ابو حمزة: هههههههه زين سووا من اخذوك بلكت يصيرلك واهس تتزوج وتفرح امك

-علي: افرح امي شني؟ تره امي ميته عمي ابو حمزة ماسمحلك تطلع اشاعات عليهه

-محمد: ياا بوية ردينه عليوي ردينه

-عمر: خالي اني ويه عليوي چا اشايفين من امنه احنه اتصل بيهه تنطيني رفض وتدزلي رسالة تكول ماكدر اسمع صوتك اشعر بالحزن

-علي: اكتبلهه شلونچ يمة تدزلي سمايل احزنني

ضحكنه كلنه وهمه يحجون من كل گلبهم انقهرت لدقايق واضح شكد متعلقين بأمهم وهي ممهتمة..

-حصة: انا امكم لا تزعلون

-علي: غصباً عليج تصيرين امنه اي والله شفايتلج عندج هيج توأم حات محتحت

-محمد: چان تبريت منكم من زمان لو انتو ولدي

-عمر: هاااا خالي هيج صارت

ضحكو سوه وابو حمزة وحمزة يداهرون بيهم ومسلم كل شوية مفجرله حچاية يخلي علي يشوط..

-مسلم: عمير ما تتزوج خوية بلكت تنفك چبسة عليوي ونخلص

-عمر: عن نفسي ما مفكر بالزواج حالياً، خوية عليوي انتَ راح تصير مچبوس لحم ودياي اذا تبقى عليه

-علي: لا ان شاء الله اتزوج اخلي عمة حصة تخطبلي ختولي امي

-محمد: هااا ولك تره اسجل صوتك وادزه الهه

-علي: بالعباس اموت عليج يمة بس انتِ عالستنه شنسوي برواحتنه

بين الضحك والسوالف دخل الاطلس وياه نانا كمت بسرعة حضنتهه وبوستهه مشتاقتلهه كلش وهي تمسح على راسي وعلى خدودي وتكول..

-الكاطعة عفتيني وحدي هيج مريم تجازيني

-حبيبة گلبي ناناتي شسوي المحيط ماقبل ياخذني الج

-نانا: اشش اشش يمة ياللسان شكد مشتاقتله

-مريم: قابل چذب، ولج نانا هاي شنوو صايرة تخبلين خرب عرضج






-نانا: ههههه ملعونة من يوم يومي اخبل

تغمز وتضحك، دخلت جوه سلمت على الكل وراحو يصيحون لاهلي حتى نتغده، كعدنه حول الطاولة ما كفت قسمونه على طاولتين الشباب وحد والكبار وحد وهم ما كفت الطاولة لكل الشباب اضطرينه نجيب كراسي اضافية، تدنت بسملة عليه وكالت بحماس يقهر..

-بسملة: هاي مائدة الطبقة المخملية

-دعاء: مائدة الحواميرر

ضحكت بصوت النكتة ميحتاجلهه ضحك بس متحمسة وفرحانة بشوفة خواتي وكلشي ديخليني اضحك مرتاحة..

خواتي يگرصن بيه گوة لزمت روحي، غمزولي سارة ورقية عود شكو اشرتلهن بعدين اگلچن وفعلاً كلتلهن بعدين واخذناهم محتوى..

الاطلس گعد بصفي واحس بي يباوعلي من جوه الجوه ويبتسم ويايه من يشوفني احاچي خواتي..

-عمر: عليوي

-علي: ها شكو بعدني ما كلت بسم الله

-عمر: خرب بس بادلني اريد اشبع شوف من مسلم

تبادلو بين بعض عرفت السبب ليش غير مكانه صايره گعدته بوجه اسيل لاحظت توتره وارتباكه..

-الاطلس بأبتسامة: حي الله من جانا

گالهه لخواتي بهدوء ورزانة اشوف ذني المصلبخات ماعن ونزلن روسهن خجلانات، گرصت دعاء ورجعتلي الگرصه رفعت راسهه وهمست..

-دعاء: الله يحييك رجل اختي

خزرتهه واطلس اتسعت ابتسامته وحيى الباقين بطريقة لبقة محترمة وطلب من عدنه ناكل واذا احد ما عجبه الاكل لا يخجل حتى يجيبوله غير شي..

-بسملة: اكلج مريم

-مريم: ها حبيبتي

-بسملة: هذا رجلج خوش رجال حبيته فدوة لعيونه الخضر

-مريم: بسملة

-بسملة: ها حبي

-مريم: انچبي

-بسملة: حاضر

بدينه بالاكل واللمة من صدك حلوة تونست كلش رغم هو بس غده عادي بس الاجواء تجنن، بين سارة المتوترة من همسات حمزة وياهه ماخذين راحتهم لان غدير ما كعدت ويانه، وبين مسلم واسيل طيور الحب وبين عمر وعلي ومداهرهم وبين خواتي المخبلات..

-الاطلس: ليش ما جاي تاكلين عيوني

انداريت لجهته انتبهت ديحجي ويايه هزيت راسي جاي اكل، فوراً جر ماعوني وصبلي تمن ولحم وحطلي زلاطة بكاسة وصبلي كلاص مي، جر خاشوگتي حطهه بالماعون وهمس بيني وبينه..






-اكلي آنستي

خفيت ابتسامتي بعده يصيحلي آنستي ماخذ لسانه، اكلت وكل شوية يجيبلي شي يحط كدامي وحمزة يداهر بينه ويكول..

-حمزة: عمي هو هذا الزواج لو هيج الزلمة لو ما ينراد

غمز لاطلس من حچاهه ضحكله واشرله براسه مافهمت حركاتهم غلست، كملنه اكلنه وگمنه نكعد بالصالة واجتمعت كل العائلة مرة ثانية بس هم الشباب على صفحة والكبار على جهة..

اشوف عمر طول الوقت صافن عليه حتى من چنه ناكل من تصير عيني بعينه ينزل راسه او يبتسم..

-عمر: اووف

-الاطلس: خيرك

-عمر: ما جاي اصدگ احساس غريب محاوطني ياخي

هز راسه علي يأيده، ذب نفس عالي وكال بخجل..

-علي: افتهمتك اي حتى اني

-مسلم: اهوو راح يمشون هاي كلاوات التوأم علينه احچو شكو ماريد يتأجل عرسي

-عمر: ما يتأجل نعالك جاي نحجي على مريم

-الاطلس: شبيكم وياهه شكو

-عمر: ما جاي اصدك مريم هي مريم

-مريم: قصدك الموظفة والزوجة؟

-علي: اي بعلي تره السالفة داچة حيل

-عمر: ما جاي تدخل عقلي شلون فريتينه فر وانتِ هالطولچ

-حمزة: چا چذبو من گالو ان كيدهن عظيم

ضحكو البنات منتعشة روحهن بس الاطلس يسمعهم وساكت واضح عليه مزعوج من الحديث..

-عمر: چا لازم نفكر بهديتكم عليوي شنجيبلهم؟

-علي: كاروك؟

-عمر: هاا

-علي: وعلي نريد زعطوط ترسو حضني

-مسلم: گام يمسلت

-حمزة: حضنك شعليه

-علي: اريد طفل بنفسي اصير ابو

-عمر: وشعليك بأبن الاطلس ومريم

-علي: ما يهم كلنه واحد لو نسيتو

-مسلم: عن نفسي ما نسيت بس اذا الضلوع غلسو بعد بكيفهم

-عمر: منو يغلس ماكو ممنوع احنه متفقين اتفاق

-سارة: يا اتفاق شكو؟






ضحكو خجلانين وحمزة اندار عليهه يحاچيهه..

-متفقين جهالنه يصيحون لكل الشلة بابا ولنسوانه ماما

-عمر: بما ان اني ماكو امل اصير اب فـ اني بعدني على الاتفاق

-مسلم: عن نفسي بعدني جهالي يصيحولكم ماما وبابا

-الاطلس: ولكم چان عمرنه 14 سنة مزعطة

-حمزة: هستوهه طاگة شواربنه

-علي: چنهن لمة عفطية

متنه ضحك والولد غصو وكل شوية واحد متنمر على الثاني اخير شي علي كال..

-علي: عليه العباس ابو فاضل اليصير عنده طفل وما يخلي يصيحلي بابا ولكم خلوني احس بالابوه لا تخلوهه بنفسي

-الاطلس: خوش خوش بس لا تبچي

-عمر: اطلس بشرفك كول لمريم شنو تريد تسمي ابنك

-الاطلس: عمررر

يعضله شفه حتى يسكت وهذاك حصره اله يحجي، انداريت لحمزة يضحك وبسملة تباوعلي متحمسة تريد تعرف..

-بسملة: كول كول نسيبي سرك بحضن ام ميساء الحفافة

-الاطلس: جنت صغيرر وعلي كله عمري 15 سنة

-حمزة: هاااا هيج صارت ولك شبساع غيرت رأيك

-سارة: هسة غير نعرف الاسم احچوو

ماقبل يحجي وجهه صار احمر ومنزل راسه يحركه لا اخيراً حمزة طگهه وگال بطريقة مداهر..

-حمزة: خوية مريم الاطلس يريد يسمي ابنه حمزة من هلگدوته هو يتمنى يصير عنده ولد ويسمي حمزة على اسمي

-الاطلس: الله ياخذك

-حمزة: قابل مچذب

-عمر: الاطلس چان مكرش على حمزة ههههههههههههه

-الاطلس: لا تخليني اهينك وين مكررش بس جنت احبه اكثر واحد

-حمزة: جنت؟؟ لا لا لا مع الاسف اطلس انتَ من تزوجت تغيرت عليه

-الاطلس: حمزززة شبييييك

-حمزة: لا مابيهه مجال شكد صعبة من تنخان صدك من كالو الاقربون طعناتهم اخطر فهي تأتي من مسافة اقصر

-علي: حمزة بوية ذات يوم وثقت بمكانتك عند احدهم وجل من لا يخطئ عمت عيني عليك يا خوية






-الاطلس: بعدني عند قراري اسمي حمزة بس فكونه

-عمر: تتذكرون شكد مسلم جان يغار من علاقتكم

-رقية: سولفو حبابين سولفوو شو احنه منعرف اطلس چان مكرش على حمزة

-الاطلس: ولجج شنو مكررش ما تستحون انتمم

-حمزة: لا ابوية لا ما مكرش شنو السالفة بنات چان عاشگ بس

الاطلس صار عصبي وهمه يضحكون عكد حاحبه خازرهم واحنه ميتات من الضحك اول مرة اضحك هيج ضحك صار مدة طويلة..

-حمزة: هههههه نشاقيك حبيبي، لا ما مكرش بس چان دائماً يكول حمزة اخوي بصغره چان خيالي وين ماروح ورايه ويقلدني ويقلد تصرفاتي من كبر تغير صارت عنده شخصية منفردة وتزومل

-الاطلس: خرررب روحكك

-علي: لليوم اتذكر جان يروح لعمة حصة يگلهه يمة اني ليش عيوني خصر اريدهن سود نفس حمزة

-الاطلس: ولحد الان اتمنى عيوني سود

-مريم: لااااا لييييش

اندار بكل جسمه عليه ضميت شفايفي بسرعة يبوو شلون چفصة خرب خرب شلون ارگعهه انوب ابتسملي وصدگ نفسه هذا..

-الاطلس: اممم تحبين العيون الملونة

-مريم: هه لا هه اصلاً ولا احب هه هه

-الاطلس: هه صح هه صدگت هه

-حمزة: شسالفة الأهأهة عدكم؟

-علي: حبيبي سوالف متزوجين مالنه علاقة احنه

ضحكو ضحكة جماعية وياهم المهجوم مالتي تغيرت كل ملامحه بعد چفصتي ظل يضحك للهوا..

ما انشلعنه من الولد الا من اجت غدير ترزلنه تكول متستحن گاعدات يم الزلم فاكات حلوگچن لسوالفهم..

-رقية: والله سوالفهم احلى من سوالفنه شنسوي

-بسملة: اي والله خوش سوالف حفظت كم سالوفة بعقلي كلما اضوج ارجع اتذكرهه حتى اضحك

ضحكنه وياهه وغدير على وگفتهه خازرتنه همستلنه سارة حتى نروح لغرفتهه وفعلاً كلنه صعدنه عدى غدير طبعاً..

-سارة: شكد ايععععععع

-مريم: والله صدقتي وهالمرة لا استغفر ولا اروح اتباره الذمة وياهه

-دعاء: سارة رقية اسيل اسفة بس اختكم فد غثثثة وتنعثل

-اسيل: لا لا يمة هاي مو اختي الحمد لله






-رقية: اوووف نيالج دخيلك ربي تطلع مو اختنه مخربطين وجايبيهه لامي بالغلط ربييي انتَ اعلم بحالنه

-سارة: الله يساعدك حمزاوي شلون چنت مگابلهه اوووي

-مريم: امممم الله يساعدك حمزاوي واووي وكذاا

گلبت عيونهه تضحك ونامت على ظهرهه گرصتهه من ايدهه فزت تضحك وتأشرلي بالهمسة "شكو"..

-مريم: سلامتج حبي سلامتج بس شفتكم تسولفون على الغده ومنسجمين وكذااا

-سارة: سوالف عادية نفس قبل ام كذاا

-مريم: عود احاول اصدك

-سارة: وانتِ اطلس يحط بصحنج اكل وكل شوية هامسلج وكذاا

-مريم: اهووو متعرفين بأخوج مو راحة انتِ

-سارة: اي اي احاول اصدك

غلسنه ومشى الوقت واحنه نتداهر ونحجي ويه بعض، كعدنه نلمع بالعرايس وابرد اظافرهن ونصبغلهن وسارة كل شوية لاطمة واني اكفخهه حتى تكعد..

-مريم: والله اموتج بعد اذا تحركتي سويرة

-سارة: ولج راح اموت خوف بعد ثلاث ايام عرسي يبووو على حظج يسويرة

-رقية: اي عيني محد مرتاحة غير اسيل لو بيدهه تشدلهه وصلة وتهز للصبح

-اسيل: انچبيي رقية مو هيج اني والله

-رقية: اي اي صدكناج حب صدگنه

-بسملة: اكلج اسيل انتِ تخبلين بس رجلج يخبل اكثر

شهگنه اني ودعاء واندارينه عليهه دعاء لطمت خدهه وتأشرلي هاي خزتنه..

-مريم: بسمللللة

-بسملة: اقصد حباب شبيكم

-اسيل: ههههه ادري حبي بسملة رجلي صدك يخبل

ضحكنه وياهه نرگع السالفة اووف من لسانهه موتتني هالبنية من قبل متكعد راحة، كمت لبست شالي وجريتهه وطلعتهه ويايه نزلنه جوه للمطبخ اطلع عصير للبنات واحط بالكاسات واحجي وياهه تلزم لسانهه لا ننفضح كدام العالم..

-بسملة: اسفة مريم اني ماقصد شي مو زين

-مريم: بسملة اني اختج واعرف قصدج بس هنه ميعرفن نيتج شنو عيب يا حبيبتي ميصير تحجين كدامهن هيج

-بسملة: اسفة بعد متنعاد وعد

-حبيبة گلبي عفية عليج






حطيت الكلاصات بالصينية وانداريت على صوت رجال وراية ابتسمت من شفته عمر..

-عمر: ها الشيطانة هنا

-مريم: بعد شيخلصني

-عمر: هههههه شلونچ مرايم

-اني بخير وانتَ شلونك

-بخير

شكله ما يوحي هو بخير ابد حتى من يضحك او يتشاقى مثل عادته الكسرة واضحة بي بس ديحاول يسوي الامور تمام..

-عمر: هاي منو وياچ مريم؟

-مريم: هاا ماعرفتكم اني هاي اختي الصغيرة بسملة

حط ايده على صدره وگال بأبتسامة مرحبة..

-اهلاً وسهلاً بيج آنستي

اندارت بسملة عليه تسوي روحهه دتعدل بالكلاصات وتهمس..

-بسملة: شو هذا يگلي آنستي ميعرف اني اتسرسح على هالحجي

حجيت من بين اسناني..

-مريم: انچبي.. هههه بسملة شوية خجولة اعذرهه

-معذورة اكيد، من رخصتكم بنات

اخذ كلاص مي وطلع باوعتلي بسملة ضامة وجهه وتضحك ما مصدكة احد گللهه آنستي..

-مريم: امشي امشي

-بسملة: شكد حلوة حبيتهه الله

-مريم: ولج بسوم من شوكت انتِ هيج زاحفة

-بسملة: لا مو زاحفة بس كلمة آنستي حلوة حسسني اني اميرة

ضحكت اهز براسي حتى اني احس روحي فدشي من المحيط يصيحلي آنستي، رجعنه فوك وبتنه الليلة كلنه بغرفة سارة شكد ما اكول تونسنه قليل..

الليل كله دعاء تخوف بسارة ونضحك عليهه خطية فد خوافة وكل شوية كامزة..

-سارة: رايحة احجي وياه

-مريم: شتحجين ولج كعدي لتفضحينه

-سارة: ماكدر لا لا ماكدر اتزوج بنات فهموني راح اموت

-رقية: اححححح بعد كم شهر تجينه بطنج واصلة لخشمج

-اسيل: دكعدي ولج سويرة لتتخبلين

-سارة: گلبي راح يوكف اكلجن تعالو تعالو عندي فكرة

-دعاء: اي خية اتحفينه






-سارة: اگله تعال نعيش هنا بغرفتي

-بسملة: ههههههههههههااااااااييي اي هواي راح يقبل

-سارة: شبيكم يقبل اني اعرفه هو حباب

-مريم: سارة كعدي غبية مو عندج بيت وحدج مثل الاوادم شبيچ تجيبين الضيم لروحج

-سارة: مو انتِ هم عندج بيت وحدج مثل الاوادم شكو جبتي الضيم لروحج

-مريم: اني حالات خاصة

-سارة: اني هم حالات خاصة

-رقية: بنات اريد اعض

-بسملة: شتعضين ولج

-اسيل: لااااااا وخري عني وخررري

-سارة: يبووووووو اجتهه الحالة بنات ابتعدو عنهه تره تتحول كلب مسعور

اشوفهن طفرن ورقية كامت تضحك ضحكة شريرة ولزمت بسملة گطعتهه بالعض هاي تعيط وترافس وذيج موتتهه تموت كوة جريناهه..

-بسملة: ادررري چلللب خوما چلللب اشتعلت صفحتج

-رقية: الله هسة ارتاحيت

-دعاء: خرب ولج شنو هالحالة عندج

-سارة: هاي تجيهه فترات تگزگز مثل الچلاب والا تعض واحد ياله ترتاح

-اسيل: اغلب الاوقات ندفعهه على علاوي تشبعه عض وهو ماكو لا احساس ولا ضمير ولا يهتم

-رقية: الله اشتهيت ايدين علي

تخوصرت دعاء رافعة تك حاجب..

-دعاء: شنو قصدج

-رقية: اريد املخهههاا

-دعاء: وشمعنه الا علي ليش عود الا علي؟؟

-سارة: حبي مو هو عادي عنده عكس الباقين محد يقبل تعضه بس علي

-دعاء: يعني شنو انتو هيج قريبين على بعض؟

-رقية: عليوي ضلع ضلعي هذا

-دعاء: اها

انعفصت وكعدت بمكانهه تفكر ما حجينه شي بعد كلمن حطت راسهه ونامت بس اني وسارة سهرنه نسولف..

كعدت على صوت المنبه اليوم لازم اداوم هواي اخذت اجايز ماريد احد يحس اني مختلفة عن الموظفين، كمت اتسحب على اطراف اصابيعي لغرفة الاطلس..

تعمدت اوقت الموبايل بالستة الصبح حتى يكون بعده ما كاعد ماريد نتواجه، فتحت باب غرفته على كيفي كلش ظلمة الغرفة وباااردة عبالك داخلة ثلاجة.. ضويت بموبايلي ادور عليه شفته نايم ومتغطي بس قرص وجهه طالع..






-شنو هاللذة من الفگر دنصي التبريد

رحت ادور على اغراضي شفتهن بعدهن بالجنط ومركونات بزاوية الغرفة، فتحت الجنطة وطلعت اول لبسة لاحتهه ايدي بعدني دا اشوف الاحذية وصار صوت طگه..

-نانا

بقيت جامدة وساكتة بمكاني، كرر اسمهه بصوت ناعس بس مبين كاعد خفت يرفع راسه ويشوفني خشنت صوتي وكلت..

-همممم

-الاطلس: ماعندي ملابس وصخة نانا

كمت بسرعة ركض وطلعت من الغرفة اللقط انفاسي، تعبت حاطه ايدي على گلبي خفقان اجاني رحت للحمام بدلت بسرعة ورحت للمطبخ اشوف شي اكله..

جريت خبزة حطيت عليهه جبن لفيتهه ورحت اكعد بالحديقة انتظر الوقت يمشي، مليت كاعدة وحدي باوعت للساعة صارت بالسبعة الا عشرة كمت اخذت تكسي وتوجهت للشركة..

وصلت بعدهه فارغة محد موجود بس كم شخص رحت للكافتيريا ودزيت رسالة لتينا وضحى حتى نلتقي هنا صدك شوية واجوني مكيفات..

تسالمنه وكعدنه نسولف طلبنه قهوة واحنه من حديث لاخر شبعني اسئلة واجاوبهن على گد السؤال متوترة ممتعودة على هالعيشة..

بده وقت الدوام وتفرقنه كلمن لشغلهه اول ما دخلت للمكتب تسالمت ويه البنات وسألوني عن سبب الاجايز گلتلهم صار عندي ظرف..

بده اليوم حلو وهادئ الى ان وصل الاطلس عبر مكتبنه بدون لا حتى يباوع كيفت همزين خلصت منك صار وقت الاستراحة كمت انزل نتغده وتينا اقترحت نطلع للمطعم القريب من الشركة نروح ناكل بي..

-مريم: خاف ميقبلون نطلع؟

-ضحى: لا عادي قبل چنه اني وتينا كومة نطلع وحتى ناخذ ساعة اجازة بيهه نروح للسوك

فرحت كلتلهن يله نروح كعدنه بمطعم ناكل ومتونسات، كملنه اكل طلعت تلفوني حتى اطلب ساعة اجازة وشفت متصل عليه رقم غريب اربعة مرات ما اهتميت واتصلت على منار ما جاوبت..

-بنات منار متجاوب روحو انتو اني راح ارجع للشركة

-تينا: لاا حرامات تعالي ويانه

-مريم: لا خيرهه بغيرهه روحو تونسو انتو

هزن راسهن وراحن بقيت واكفة انتظر السير ينقطع حتى اعبر وانتبهت لصوت بجانبي يكول..

-صدفة حلوة

اللتفتت عليه واذا اشوفه مالك واكف بجانبي مبتسم، مانطيته اهمية وردت اعبر لولا موقفني بكلامه..






-مالك: جذبت مو صدفة اجيت اشوفج آنسة مريم، اتصلت كذا مرة عليج ما تجاوبين اضطريت اجيچ والصدفة هي من لكيتج هنا

-تفضل استاذ مالك شلون اكدر اخدمك؟

-ممكن ندخل جوه نحجي براحتنه

اشر على الكوفي هزيت راسي لا وشلت جنطتي عدل على كتفي..

-اعذرني مستعجلة

-دقايق آنسة مريم ما اخذ من وقتج هواي

-استاذ اني ذكرت ما اطلع ويه شباب ولا اكعد وياهم وحدي

-اعتبريني بنية ههههههه

باوعتله عاكدة حاجبي متنرفزة من ضحكته واسلوبه هذا شبي، هزيت راسي "لا" للمرة الثانية ورفعت تلفوني..

-ماكدر اعذرني

-مريم لا تخليني اتخذ غير اسلوب

حچاهه بحدة خفت من نبرة صوته بس ما بينت، تململت بوگفتي وميلت زاوية فمي..

-اوكي بس خليني انطي خبر لأمي ماحب اسوي شي من وره ظهرهه

باوعلي بنظرة لا بله اشرتله بيدي شكو..

-مريم: خير استاذ عندك مانع؟

-مالك: لا اخذي راحتج

طلعت موبايلي بأطراف راعشة حاولت اسيطر على نفسي وما ابين كدامه ماعرف ليش هالبشر يوترني رغم شكله مابي شي بس ارتبك بوجوده..

دست رقم "الاطلس" اول شخص اجه ببالي حسيت لازم انطي خبر كلشي يصير، دگ دگه كاملة ما جاوب تأفأفت ورجعت اتصل..

-مالك: ها عيني

-مريم: يمكن جاي تغسل مواعين الغده ياخي خلينه ننطيهه مجال...

بين كلامي جاوب بأستغراب بصوت مستعجل يلهث عبالك ديمشي سريع..

-الاطلس: ها مريم

-مريم: هلو ماما وينج مو اتصل عليج

-الاطلس: شنو؟ متيهه انتِ مريم مو امج اني

-مريم: هاا خوش الله يساعدج، اگلج اني راح اطلع ويه واحد من مدراء شركة شمسون.. اي راح ادخل وياه بفد كوفي يم الشركة

-الاطلس: لاااا بله منوو هذااا وينننج انتِ

-ماما شبيچ يا حبيبتي الوضع طبيعي لتتوترين حبابه خليني اروح هذا خوش رجال مؤدب






-الاطلس: ويه مالك؟؟؟ وينج بيا كوفي رايحة احجيي بسااع

-مريم: شمدريني شسمه يم الشركة قريب حبي ما اتأخر ديلا شكراً باي كولي لخواتي يكعدن راحة لا اطيح حظهن

سديته ومالك يضحك ويفر بيده اشرتله على موبايلي وحجيت بينما ندخل للكوفي..

-لازم انطيهه خبر عيب استاذ مو من اخلاقي اسوي شي من دون علم اهلي

-لا عاشت ايدج

كعدنه على طاولة وطلب قهوة أصر اخذ شي وياه ماقبلت مالي نفس، سأل عن احوالي يسولف عبالك صارله عمر يعرفني ديلا فضنه احجي اني بيا حال وهذا يريد يدگ سوالف..

-مالك: ليش متوترة آنسة مريم؟

-كتلك ماطلع ويه شباب بله ابوية شافني شحجي شكول

-كوليله جايچ بشغل

-شغل؟

-اي، يا آنسة اني اعرف علاقتج متوترة ويه الاطلس او جاي تلعبين عليه مو مهم هذا الشي عندي حالياً، اني اجيتج بشغل مرتب وبمكان حلو وراتب قوي

-وين هالمكان؟

-شركتنه

حجاهه بأبتسامة، اشر بأصبعه شلون الي ديدليني..

-تبعد منا شارعين هذا فرع وعدنه فرع بمراكش

-يعني انتو من چنتو بمراكش جاين لشركتكم؟

-اي نعم

-هاا

-ها شگلتي؟ خوش اتفاقية هاي ما تتعوض

-لا استاذ حالياً اني وضعي تمام مو حابة اغيره

تغيرت ملامح وجهه غيم شكله كله، صفنت على عيونه ضاگن وصوته تغير..

-مالك: فرصة ذهبية هاي مريم احسن من مكانج هنا

-مو عندي صديقات هنا ماحب اعوفهن

-نجيبهن!!

-لا استاذ فشلة من بيت عيالي شيكولون عليه

-مريم انتِ شنو جاي تلعبين عليه؟؟ لو مستهزأة بطلبي؟!!

-لا العفو ليش استهزأ خوش فرصة بس كتلك هالفترة ممتحضرة

-تمام.. ماشي ماشي تمام

مسح على لحيته يحاول يهدأ من نفسه عدل رباطه وكال..






-الشريحة شصار عليهه؟

-يا شريحة؟

-الكتلج احتاجهه ما ماكدرتي تحصليهه هاا مرايم؟؟

-استاذ كأن ماخذ راحتك زيادة عن اللزوم

انتبه لتصرفه تنرفزت شبي هذا شو فد مرة، ابتسم متوتر وكال وهو يوخر شعره من گصته..

-مريم الشريحة كلش مهمة شركة الاطلس سرقوهه من عدنه كلشي خاص بينه موجود بيهه حرام ما يجوز انتِ ترضين بالسرقة؟؟ اني اشوفج انسانة ملتزمة دينيا واخلاقياً اكيد ما ترضين بهذا الشي

-لا ما ارضى اكيد بس اكو شرطة يكدرون يرجعولكم حقكم

-لا لا شوفي سمعيني عدل..

اجه الكرسون حط القهوة مالته على الطاولة وراح..

-مالك: الشريحة مهمة وهي تابعة النه يعني لو الشرطة تدخلت محمد والاطلس وجماعته كلهم ينجرون سجن واحنه مهما يكون بيناتنه زاد وملح ما نحب توصل هيج

-بس هذا حقكم همه تجاوزو عليكم واخذو شي خاص بيكم وحكم السجن جزائهم

كلش ارتبكت واشوفه زاد بالعصبية رجع يمسح على لحيته الكثيفة ونزل عيونه على ايده..

-مالك: مريم تساعدينه لو لا؟؟

-اسمحلي هذا الشي اني ماكدر اتدخل بي هذا شغل خاص بيناتكم لازم تحلو بيناتكم لتدخلون هواي اطراف تره تخرب السالفة

-ماشي تمام

هز راسه متوعد لزمت ايديه ثنينهن وحطيتهن بحضني اخفي رجفتهن، ذب نفس وكال بهدوء وابتسامة..

-سمعت عدكم مناسبة؟

-مريم: مناسبة؟

-اي مادري كالو عدكم عرس مادري شنو

-اي

-هاا على الخير منو راح يعرس؟

حرت ماعرفت شكول عضيت لساني من التوتر ونزيت على وجعه غمضت عيوني عاصرتهم حس عليه ولزمني من ذراعي بعدت ايده عني فوراً..

-مالك: اعتذر اسف، شبيچ انتِ زينة؟

-اي زينة من رخصتك هاي امي جاي تتصل

الاطلس ثبرني بالاتصالات مسويته صامت والموبايل بس يهتز بالجنطة، ضحك مالك وكال وهو يأشر بيده عليهه..

-جاوبيهه جاوبيهه شكد تخاف عليج

-لا راجعة اني حتى متكول طولت تعرف الامهات وتفكيرهن وقلقهن






-لا ماعرف

سكتت صافنة بوجهه چان يحجي بجدية تذكرت كلام اطلس من كال عنه ابن غير شرعي وميعرف امه، ابتسمت بهدوء وكمت..

-مريم: اعتذر لان ماكدر اساعدكم استاذ بس ماحب هاي الشغلات مو ثوبي

-مو مشكلة

تركته وطلعت كلني ارجف اعصابي تلفت عشر دقايق كعدت وياه حسيتهن مية سنة، وكفت دا اعبر الشارع وحسيت بأيد قوية لزمتني تعبرني انداريت فازة واشوفه الاطلس يمشي ويايه..

-مريم: اخترعت گلبي راح يوكف

-سلامة گلبچ، امشي بساع مريم

مشينه بسرعة شبه نهرول وكل شوية اللتفت اخاف مالك يطلع ويشوفنه ما ذبيت نفس الا من وصلت للشركة هديت ايده وصعدنه المصعد سوه اشوفه يلوب يريد يحجي وميكدر ويانه ناس بالمصعد..

وصلنه لقسمنه وكال بصوت مسموع..

-آنسة مريم لمكتبي رجاءً

هزيت راسي اي ورحت وراه شافتني منار ووكفت بسرعة اشرلهه اطلس يريد مي هزت راسهه واحنه فتنه جوه..

-الاطلس: شصار احجي شكو وين اخذج هذا ابن الحررام

-اوكف خليني اجر نفس

حاطة ايدي على گلبي تخربطت الرجفة لازمتني كوة مشيت ماكدرت اوكف اكثر كعدت على القنفة واجه عليه يركض يريد يلزم ايدي ضميتهن بحضني وبقيت منصية..

دخلت منار بيدهه المي شافت وضعي رادت تحجي بس ترددت وطلعت بره..

-الاطلس: شبيچ مريم.. شبيييج شسووالج

-ما سوالي بس عندي فقر دم وادوخ

كام بسرعة راح للثلاجة الصغيرة طلع منهه باكيت عصير فتحه ولازمه بيده خلاني اشربه يجبرني عليه كملته كله ياله وخره عني..

-على كيفج لا تتوترين

-مريم: صرت احسن الحمد لله

-جيد، تكدرين تحجين؟

-اي، انتَ وين جنت شلون اندليتني؟

-شكيت بيج هناك ورحت اراقبكم من بعيد

-دخلت الكوفي يعني؟؟

-اي كعدت بالنهاية ما شفتيني؟

-لا ابد ولا انتبهت

-احسن، المهم احجي شصار

سولفتله كلشي ما نقصت كلمة هو صافن على شفايفي ومركز بكل حواسه كلما انسى شي ينطيني مي لو چكليته حتى ارتاح وارجع اكمله..






-الاطلس: گلتيله عرس حمزة وسارة؟؟؟

-لا لا مستحيل اني سمعتكم من تعاركتو مبين متردون احد يعرف بالعرس

ابتسم يهز براسه ويهمس "كفو عليج" مسحت وجهي وعدلت حجابي رجعت انظاري عليه سارح وعقله فصل عني..

-شبيك

-شمسون ما راح يفوتون السالفة هيج

-شنو قصدك؟

ذب نفس وضرب على القنفة بيده حيل، عض على قبضة ايده متحلف وطلع جكارة حطهه بحلگه بدون ميشعلهه وبقى سارح ويفكر..

-اطلس شبيك شنو تتخيل راح يصير؟

-ولا شي لا يظل بالج

سكتنه شوية وضعه مو مريح يحرك بالجكارة بين شفايفه ويضغط متوتر عيني صارت عليهه اشوف حركاته..

-اطلس

-همم

-اريد اكلك شي

-ها كولي

اللتفت عليه بكل جسمه ردة فعله خلتني اتوتر ونسيت شنو ردت احجي، بقى يباوعلي منتظرني احجي انحرجت كلش شنو اكوله نسيت شردت اكول شلون فشلة..

-اكلك احم.. اني.. اني ماشتريت ملابس للعرس

تغيرت ملامحه بخذلان كأن توقع احجي غير شي، هز براسه وكال وهو يكوم..

-روحي باجر ويه نانا اشتري الي يعجبج

-لا راح اطلع ويه امي وخواتي واصلاً ماعرف ليش دا اكلك بس يعني كلت اكول

-اممم

-اطلس

-ها عيني

-تحس مالك راح يأذيكم؟

هز راسه اي وفوراً عدل وگفته راح للمكتب مالته واشرلي..

-تجين تشتغلين وياي هنا؟

-لا ارجع لمكتبي

طلعت منه ورجعت لمكتبنه فارغ البنات داخلات اجتماع ويه استاذ مسلم بس اني موجودة، بقيت اشتغل فترة واندكت الباب رفعت راسي اشوفه وابتسمت..

-تفضل استاذ عمر

-عمر: عيني مريم اريدج تشوفيلي حسابات قسم الموناتج يكولون عدهم نقص بالرواتب

-ها تمام

جاب ملف يمي وكعدت ادقق بي بين الملف والحاسبة هو كعد بصفي يباوع لشغلي، هالطبع ولا يبطله واني اتخبل من واحد بنتبه لشي دا اسوي اتوتر واتحول لمطي متوحش..






-استااذ

جاوبني فاز وفاتح عيونه..

-عمر: هاا

-لا هيج

انتبهت لظرف بيده شافني اباوعله مده الي مبتسم يراويني..

-عمر: راح اسافر

-شنووو

-اسافر اسافر اركب طيارة اسوي باي لعليوي

-صدك والله ليشش

-رحلة عمل

-هااااااا

-ايييييي

-اخترعت والله العظيم كلت راح من وره عرس مسلم واسيل

ابتسم يهز راسه لا، حط رجل على رجل وكال بطريقة يمثل البرود..

-سفرتي ثاني يوم عرسهم الوضع تمام التمام يمي

-اي ان شاء الله

-اي والله شبيچ يعني شسوي اظل اللطم على البنية شسالفة

-لا اكيد

-اي هو

-اي

سكتنه اكمل شغلي واشوفه صافن على ايده، ضحك خجلان وحك على خده..

-اكلج خواتج شكد اعمارهن؟

-مريم: دعاء 23 ونور اختي 21 وبسملة هستوهه دخلت ال 19

-عمر: اففف صغيررة

-منو؟

-اختج بسملة

-اي ليش مبين عليهه اكبر من هالعمر؟

-لا هو مبين عليهه صغيرة متشوفيني سألت

-اي هي صغيرة بس طويلة اطولنه ههههه

-اي ما شاء الله وحتى متشبهج تدرين

-ابد لا هي ولا نور اليشوفنه ميكول احنه خوات عكس دعاء

-ابد ابد ولا يمج بسملة حتى شخصيتهه تختلف كأنهه مو؟

-اي صح

-اممم

تسائلت بگلبي ليش كل هالاسئلة عن بسملة بس مانطيت اهمية شوية ورجع كال بهمس..

-اكلج

-ها

-علي ودعاء بينهم شي برأيج؟






فتحت عيوني عليه فوراً عدل حچايته..

-انسي انسي اسف شلون سؤال سخيف

كام يطلع من المكتب كملت الشغل ورحت اخذله الملفات وهيج كمل اليوم، بالليل دا اطلع والاطلس دزلي رسالة كاتب..

"لا تطلعين انتظريني"

بقيت بالمكتب مالتي اجه وبيده جنطة مال رجال الاعمال اشرلي من الباب اطلع ومشى بيه مستعجل اشوفه شكد يتعب بعمله وشلون ياخذ حيله انقهر اوقات بس ما ابين..

-اوصلج لا ترحين وحدج

-ماشي

-مريم ابد لا تطلعين وحدج الله يخليج ابقي وياي ابد لا تغفلين عن عيني

-ليش صاير شي؟

هز راسه لا بس ملامحه تكول غير هالشي اشوفه متوتر كلش ووجهه اصفر بسرعة كتله بدون جدال..

-اي هذا هو

-يله امشي

اشرلي صعدت سيارته بعدما تأكدت ماكو احد، مشينه الطريق طويل حيل بين الشركة والبيت ماعرف ليش شامرين ارواحهم ذيج الشمرة..

-الاطلس: اليوم خميس

-مريم: اي اخيراً باجر عطلة

-اليوم ليلة الجمعة

-اي هو باجر عطلة

-اليوم شنو؟

-يااا

انداريت عليه مزعوجة ضحك بلطف وفتح شي بموبايله ربطه بالسيارة وانفتح صوت بالسيارة قران..

-مريم: سورة صاد!!!

-اخيراً تذكرتي

-صدك والله بعدك تقراهه؟؟

-اي هو من يوم كلتيلي ما تركتهه ولا خميس

-شفت عليهه نتائج؟؟؟

احجي متحمسة وفرحانة ماتوقعته راح يتأثر بكلامي وراح يلتزم، دار وجهه الي وكال بأبتسامة صادقة..

-اي شفت

-شنو شفت بله شاركني ممكن؟

-اكيد ممكن، ربحت صفقة قوية لصالح شركتنه وابوي اقتنع نأجل حفل افتتاح مجموعتنه الجديدة اخيررراً

حجاهه بتعب زهگان ضحكت ادري بهذا الكلام هزيتله راسي فرحانة وغابت ابتسامتي من كال بأبتسامة الهه معنى..






-وعرفت ان انتِ تكونين زوجتي

بقى وجهي مستقيم يتابع الطريق ما علقت ولا تفاعلت ويه كلامه، رجع همس بصوت مسموع..

-واشوفه اعظم انتصاراتي

-اكلك شوكت نوصل للبيت انتو ليش عايشين بتلفات الدنيا

-اي اي غيري الموضوع

-ما جاوبتني

-قسمتنه

-شنو قسمتكم يعني اضطريتو تعيشون هناك؟

-لا بس ابوي يحب الوحدة ما يحب يختلط هواي

-هااا واني اكول لا جيران لا ناس شنو السالفة

سكتنه وهو يسوق قرينه سورة "ص" سوه خليته يحجيهه بصوت عالي كملناهه وعلگنه زيارة عاشوراء يقره مبتسم حسيته تذكر اول مرة قريناهه سوه من گتله صوته يجنن..

-الاطلس: تقبل الله

-مريم: منا ومنكم

درت وجهي على الجامة اتابع الشارع المظلم الجو هادئ ولطيف راح اغفى بس قاومت..

-مريم

-ها

ما حچى اجاله اتصال جاوب بالانكليزي ويحجي منطلق يضحك ويه الطرف الثاني بالجذب مبين ديجامل كل شوية وكال "Thank you" شويه وسده كال وهو يعفس خشمه..

-شكد زاحفة

-مريم: منو؟

-هاي الحاچيتهه

-صدك شلون؟

-تگلي sir you have a beautiful voice

-يعني؟

-تگلي صوتك حلو

-صدددك

-اي والله

-عزه معقولة هو صوت هههههه

-ختولي هي شافت صورتي وتحججت بصوتي

-اي اي عاد صدكت روحك

-والعباس شبيچ صورتي موجودة بالموقع يمهم

-اي وتريد تقنعني زحفت على شكلك وتحججت بصوتك؟

-اي

-هه هه اي خوش

ضحك ممنطي اهمية انزعجت من غروره وثقته، انداريت بكل جسمي عليه..






-مريم: انتَ تحجي صدك من كل عقلك؟؟

-اممم

-اطلس تره كلش مغرور انتَ شدعوة

-مو مغرور هسة تجي وتشوفين

-ششوف؟

-مستثمرين اجانب ذولة كم يوم ويجون وشوفي بعينج

-قصدك راح تگلك انتَ حلو؟

-اي

-لا لا لا الثققققة العندك كااارثة

ضحك بقوة ويهز براسه بعشوائية، فتحت الجام ساكتة وكل شوية اتذكر ثقته واضحك عجيب هالرجال مو طبيعي..

-الاطلس: مريم ليش عبالج جاي ابالغ؟

-لان فعلاً تبالغ

-هههههه واذا اكلج صار هالموقف ذيج السنة

-ويه نفس المرة؟؟

-لا بس من جماعتهم هم كلتلي نفس الشي صوتك حلو ومن اجت كلتلي انتَ hott و... لا انسي الثانية

-كلتلك انتَ حار؟

-ههههههههههههههههههههه

-تره الحار مو حلو هاي تعيب عليك

-صحيح

-وسبحااان الله هم كلتلك صوتك حلو ومن اجيت كلتلك انتَ حار وهسة انعادت نفس السالفة امممم واضحة السالفة ملعوب منك

-بكيفج

-يعني صدك

-شبيچ والله العظيم بعد بيمن احلف

-وانتَ كيفت گضيتهه ثانكيو وثانكيو

-هههه چا شگول وحدة كعدت تتغزل بيه اگلهه لا تحجين مرتي ما ترضى