ضحك بصوت عالي واني الضحكة شاكة حلكي واباوع للباب لازمه دشداشتي بأيدي خجلانة كعدت يمه اكلنا سوا وكل شوي اصفن بوجهه وعيوني تدمع ويسأل باستغراب شبيج كمت اريد انزل الصينية گال







- ارجعي يمي

نزلتها غسلت المواعين وصعدت للمخزن خفت اروح يمه خايفة ما أسيطر على لساني واحجي شي زايد لو اجفص هي تجي وحدها الحجاية

تمددت بفراشي هستوني غفيت وفزيت على بوسة بشفتي رجعت راسي ليورا فازه منعني خله ايده ورا راسي ورجع يبوسني ذابت روحـــي بأيده الحد ما نفسي نگطع ابتعد وسحبني على صدرة حاضني واني مغمضة عيني وفاصلة حرك ايده على أيدي

- شومه

- هممم

- ليش هيج ضعيفة

سكتت مختله راسي برگبته ومغمضة احس روحـــي بغير عالم

- شــام مو احاجيج

- ها

- ما تخافين تنامين بحضني

- لا

- خايف يجي يوم ويتحول هالامان البعيونج خوف

تقربت الرگبته اكثر خشمي طخ بيها تنهد بحسرة عبرت ايدي احضن خصرة وهمست

- أبقى طول عمــري مأمنه وثاقة بيك

- ما تبقين

رفعت وجهي اباوع لملامحه التنشاف بالكوه بسته بشفته ابتعدت اهمس
- حتى لو اعرف كلشي ما اعوفك وأبقى ثاقة بيك معلي بالعشته قبلي مو ذنبك

وخرني يباوع لوجهي مد ايده تحسس بشرتي ورجعني يبوسني إبتعد يسأل
- تعرفين ؟

سكتت خانسة
- شــام تعرفين ؟

حضنته حيل خايفة والوم بنفسي لان حجيت وحسسته اني اعرف عصر خصري قوي

- اي لو لا ؟

سكتت رخت ايدي منه نگلب صار مقابيلي مد ايده لزم فكي ويحرك ابهامه على شفتي يحجي بهدوء

- تعرفين ؟

- اخاف احجي ؟







- شــام شــام لا تكولين أخاف

- ما اخاف

- تعرفين مو ؟

- امم رويــده حجتلي سد الموضوع يله ما اريد احجي بيه وتضوج .

- شنو حجت؟

- عفيه هجــام .

قرب وجهه باسني ورجع أبتعد مسح شفايفي
- احجي شــام

بقيت مغمضة عبالك عرف شنو نقطة ضعفي رجع تقرب باسني وطول ابتعد يسأل
- شنو حجتلج رويــده ؟

- حجت ليش تحب عيوني ويشبهن عيون منو

- بس ؟

- اممم

تقرب باس خدودي عيوني ورجع الشفتي ويحجي بهدوء

- يعني عرفتي كلشي ؟

- اممم

- ضجتي من عندي ؟

- لا .

حضني حيل يبوس بشعري غمضت عيني ايدي على شفايفي وراسي على صدرة يلعب بشعري واني اغفي

- هجــام

- يمج

- احبك

حضني حيل وباس شعري بحسرة
- اعشگج

- لا تعوفني

- ارجعيلي اذا اعوفج

- ما ارجع والله إبتعد

سكت متحسر ابتسمت همست

- طلعت تعرفني من واني طفلة .

رخت أيده الحاضني بيها وخرني من صدرة وطلع من يمي رجع الغرفتة كعدت على حيلي اباوع وراه باستغراب هزيت ايدي گـــلبي تگطع سديت باب المخزن وجريت فراشي ورا الباب ولا اخليك تجي يمي بعد ولا اروحلك .







نزلت الصبح بعدني على الدرج والمح رويــده مفرفحة تتعارك ويا سجود وكرار وهم يضحكون بشماتة التفتت علي وراحت الغرفتها ترجف دخلت وراها لكيتها تتصل احاجيها وهي ملتهيه بالتليفون

- الو يسر ، محتاجتك

شــام :: تلفتت بالغرفة أدور على أفاطم ماكو

رويــده. :: احسبني بنيه غريبة ونختك

- جايج رويــده

-بس أسمعني بالاول

- احجي كطعتي گـــلبي شبيج هجــام بيه شي ؟

- لا لااا اختي الصغيرة أفاطم ، ابويه اخذها ما ادري وين راح يوديها اخاف يعيشونها نفس حال هجــام

شــام :: تبجي رويــده وتسولفله واني گـــلبي . ممرود بس فاتحة عيني سدت المكالمة من يُســر وكعدت تبجي كعدت كدامها متخبلة گالت

- غافلوني واخذوها ابوي الحقير الله يحرك گلبه وين راح يوديها

حضنتها ابجي ونفتح باب الغرفة سجود تضحك كالتلها

- عليمن تبجين ارجعها الج نفس هجــام

وكفت رويــده بعصبية

- والله ما اخليج تعيدين السويتيه بهجام لو على كص رگبتي

- ههههها نشوف

طلعت وسدت الباب وراها باوعتلي رويــده تمسح بدموعها

- شــام تنطين من اسوارات امج ؟

فتحت عيني مصدومة

- لا اسوارات امي ليش ؟

- تخابرين ابوي تگليله رجع افاطم وانطيك اسوار من اسوارات امي







- هو وين راح يوديها

- ما ااادري ما ادري

سكتت محتارة وكلبي يدك حيل بجت هي مغطية وجهه بأيدها وتحجي

- اذا اكول الهجام اريد افلوس ما ينطيني الا يعرف السبب

- خابري ابوج .

فتحت عيونها مختنگة وتشهك مسحت دموعي إتصلت على ابوها يرفضها فرفحت تبجي روحها رايحه رجعت اتصلت لحت حيل يله جاوبها يصيح

- شتردين بنت النعال

- عمو اني اني شــام

- شتردين هم انتِ بت النعال

- وين افاطم ؟

- شعليج

- عمو رجعها وانطيك اسوار من اسوارات امي وما اكول الهجام ياخذه منك

فشر عليَ يسب ويغلط وشنو تحاجيني هيج واشايفتني ابيع بنتي باسوار هيج هيج من اهلج وهيج هيج من امج واني ورويده بس نبجي شوية وگال

- اسوارين تطيني؟

رفعت عيني اباوع لرويده عضت اصابعها بقهر بجيت مختنگه اغراض امي عزيزات عليَ

- ميخالف بس رجع أفاطم

سد التليفون بوجهنا ورويده فرفحت فرفحت من القهر روحها راحت مسحت دموعها من دك تليفونها

رويــده :: اني الاعرف شلون اخلص أفاطم جاوبت يُســر كال

- جاي انا رويــده

- لا تجي وحدك

- شنو ؟

- يُســر تساعدني ؟

- بس اشري .

- تنقذ يتيمه كل الدنيا ضدها تعبـــت وما جاي اگدر احميها

- هو انا جاي بس افهم وين وداها

- لا راح يرجعها للبيت بس

- شنو رويــده احجي

- تعال اخطبها

سكت واني گـــلبي متگطع شوية وسمعت ضحكته

- شبيج رويــده اكلج اريد اخطبج تگليلي تعال اخطب اختي صاحيه انتِ ؟

- تنقذها

- عجيب تفكيرج ، ديربالج تعيدين هالسالفة

- يُســر عفيه

سد التليفون بوجهي مسحت دموعي محتارة الا اموت ابوي يله ارتاح واحمي أفاطم ماعندي غير هالحل صعدت شــام نزلت اسوارين من اسوارات امها تباوعلهن بحسرة واني روحـــي متگطعه

رجع أبوي وافاطم وياه عبالك جثة لازمها من زندها وين ما يعتها تروح شافتها سجود وتخبلت شنو مرجعها وهو يگلها بنتي غصبًا عليج تبقى يمي همست شــام

شــام :: سوده عليَ شگد حنين

راحت رويــده اخذت افاطم من ايد ابوها تحضن وتبوس بيها وهو يباوعلي بحقد دخلناها للغرفة نسأل وين اخذج وهي ساكته بس مخليه راسها على كتف رويــده وساكته شوية ودخل عمو حسين ماد ايده

- وين الذهب ؟

وكفت رويــده طلعتهن واني گـــلبي فرفح مدتهن اله وگالت

- اخليهن على گبرك

ضربها بظهر ايده طكت شفتها دم تفل علينا اخذهن وراح وافاطم تضحك

- اشتريتني باسوارات ؟

- لا تحجين هيج افاطم

كعدت رويده يمها حاضنتها واني كوه لازمه دموعي عفتهن وصعدت فوك بجيت الحد ما تعبـــت مسحت دموعي وكمت اريد انزل لمحت باب غرفة هجــام مفتوح دخلت اباوعله نايم بنفس المكان تقربت يمه ايده بيهم حبر اسود التفتت على الحايط شخابيط وبالنهاية كتابة واضح جديدة كاتب

" يظنون انهم عرفوا الحقيقة بينما هي غطاء لجريمة "


يتبع 🦋

نوائب شام - البارت ١٨ -
""""""""""""""""""""""""""""

" يظنون انهم عرفوا الحقيقة بينما هي غطاء لجريمة "

شــام :: عكدت حاجبي مستغربة اباوعله واباوع للكتابة وكلبي يدك حيل

بس تحركت فز بخرعة بمجرد لمحني كدامه كعد على حيله ساند ظهره على الحايط مغطي الكتابة بظهره دنك يعصر راسه بين ايدي واني بس اباوعله ساكته شوية وباوعلي

- شــام ، بيج شي ؟

هزيت راسي لا وبمجرد حركت راسي نزلن دموعي تخبل سحب أيدي يسأل

- منو وياج حاجيني

ضميت وجهي بأيدي اشهك وهو يجر بايدي يريد يباوع لوجهي ويسأل شبيج منو محاجيج رفعت عيني العينه مختنگه

- عمو حسين اخذ اسوارات امي

- اخذهن ؟

- اني نطيتهن اله

- ليش

- حتى يرجع أفاطم لان راد يوديها لل مدري وين لكيناه ماخذها ورايح وخفنه نطيته سوارات امي حتى يرجعها وهسه اريدهن اموت من القهر مالات امي بس هن بقن الي منها

ابجي واحجي بحركة مفرفحة هز راسة موافق ومد ايده جوا الجرباية سحل الساطور فتح الجلده منه طلعه وكام باوعلي أشر بايده

- ابقي هنا

مسحت دموعي وهزيت راسي اي گـــلبي يدك حيل وارجف خايفة بس اريدهن مو بأيدي ماكدر أتخلى عن شي الي دام اكو شخص كادر يرجعهم هستوه نزل وكب الصياح وصوت رويــده وهي تصيح لا هجــام اوكف

زدت بالبجي خفت حيل خفت يسوي شي واتندم دقايق ودخل للغرفة اعصاب ، عيونه حمر والاسوارات بأيده باوعتله كعد كدامي ثاني ركبته خلاهن بحضني ومد أيده يمسح دموعي

- لا تبجين تسود الدنيا بعيوني أكثر من ما هي سوده.

- اخاف ياخذ أفاطم مره الثانية.

- حتى اذبحه من يريد ياخذها كليله هذا بيت زوجي اذا أفاطم تطلع منه اطردك انتَ هم

- لااا والله ما بيه حيل انضرب

- تنضربين تنضرربين ؟؟

- لا لا

جر الساطور وكام واني مجلبه بيه واصيح

-لاااا ولك لا لا







جريته كعد يمي يحجي بحركة

- مرتي انتِ صرتي محد يحاجيج البيت الج اليفك حلكه وياج اطرديه

- اي تمام بس عوف الساطور والله يخوف

دفعه جوا الجرباية باوع لوجهي ومد ايده على خدي متحسر
- هواي جاي تتعبين من عندي انتِ

خليت أيدي فوك أيده مغمضة عيني
- يهون ميخالف

فتحت اباوعله مبتسم
- محد حابني مثلج

- رويــده تحبك هواي عندها انتَ بعز الهواء

- رويــده تختلف امي أحسها

- واني شنو تحسني ؟

- انتِ الشي الصعب ينوصف .

باوعت باستغراب وهو عيونه ما فارگت عيوني

- ليش صعب انوصف ؟

- روحـــي انتِ ، ذرة العقل الباقية عندي .

مديت ايديه ثنينهم لوجهه امسح على راسه مبتسمه
- عقلك يوزن بلد

- هههههههه

-هجــام

- لا تتموعين

- هههه ما متموعه

- اي لا تجرين اسمي هيج هجاام

خشنت صوتي وكتله
- هجــام

- هااه

حجاها وحضني يبوس بخدي سحبني الحضنه شالا الاسوارات خلاهم بأيدي

- شكرًا هجــام كلش شكرًا

باوعلي بابتسامه حضن وجهي بين ايديه

- تدللين مدام متسرسحه

- شنو ؟

- انتِ بس الزمج تتسرسحين كمت اخاف عليج اذا واكفه اخاف اكضج لان تروح روحج ما تضلين واكفه بمچانج مثل هيج

حجاها وعصر خدودي نطن شفايفي وتقرب يبوسني غمضت ضايعه بأيده كل لمساته بحنية يعيشني شعور غريب بحيث احس روحي وياه بغير عالم وحدنا عالم يخصني ويخصه استسلم بأيده لان كلي ثقة هالايد من تلزمني بحب شفايفة من تحتضن شفايفي مليانه مشاعر ، ابتعد ضحك ورجع وجهه الركبتي واني فاصلة سكرانة بأيده باوع لوجهي دنكت خجلانة كرص خدي

- شفتي شلون تتسرسحين .

فتحت عيني كلها فشلانة وخرت من حضنه احس وجهي راح ينفجر من الخجل ضحك بصوت رأسًا باوعت للباب أتمنى كل ما يضحك رويــده تسمعه


- شحلو روحج شمه

دنكت راسي خجلانة بقى ساكت فترة رفعت راسي يباوع بدون ابتسامة وباستغراب راحت ابتسامتي وبس صارت عيني بعينه أبتسم
وكفت اريد اطلع ورجعت شفت الكتابة بقيت اباوعلها افتر كعد بجهة الحايط مغطيها







- هجــام

هز راسه لا وآني بعدني ما حاجيه شي كعدت كدامه على اركبي
- هجــام شنو هاي الكتابة ؟

دنك ساكت تقربت أكثر رفعت وجهه بين ايدي مغمض حيل حجيت بصوت ناصي خايفة
- هجــام تقصدني مو ؟ تقصد العرفتة من رويــده مو حقيقة

وهو مغمض يهز براسة لا وايده رجفت حركت وجهه بين ايدي اجبره يحجي

- هجــام احجي شنو ضام عليَ اني وياك

- ماضام شي روحـــي منا روحـــي

- ما اروح مو كل مره تطردني واروح ، حاول مره تشاركني كلشي

بقى يهز براسة حيل لاا ويرجف احس روحـــي فرفحت أفكر متقصد يسوي هيج حتى يسكتني هزيته حيل اصيح

- لا تجذب لا تجذب كلشي ما بيك لا تسوي هيج

بمجرد نطقتها ندفعت بقوة طحت ليورا على ايدي صارن أصابعي ورا ظهري احس ثنين من اصابعي نلون صرخت الزم بيهن اباوعلهن ومفرفحة نعوجن وهو اجه يركض بس يريد يلزم ايدي واني افتر بالغرفة مثل المخبله روحـــي راحت ابجي وأصيح ما اخليه يلزمني شهك ووكف بمكانه يباوعلي ومدنك لازم اركبه دخلت رويــده تركض

واني انكز ميته وروحي مفرفحة باوعت الاصابعي وفتحت عيونها بوجع التفتت الهجام كعد على حيله بالگاع ايده على گلبه وهي بس تريد تلزم ايدي واني اصرخ مفرفحه

- بس خلي اشوف شــام بس اشوف

سحبت ايدي غصب عني لزمت اصابعي وبسرعة لوتهن ترجعهن المكانهن شهكت ، عيوني طلعن من مكانهن وكلبي حسيته وكف ماكدرت أبقى واكفه على رجلي ما حسيت بروحي الا واني بحضن رويــده وتضرب على خدي خفيف

- شــام شــام لا توكفين گـــلبي .

فتحت عيوني بتعب اباوعلها گـــلبي ممرود من الوجع كعدتني من حضنها وهي تحجي بقهر

- كومي اخذج للمستشفى

درت عيوني اباوعله كاعد بصف الچرباية عيونه مدمعه يباوع لرويده نزلن دموعي ساكته

رويــده :: كومي تعالي

وكفت سحبتني من اكتافي توكفني همس صوته رايح

- انا اخذكم رويــده

وهي ما جاوبت طلعتني من غرفتة للمخزن ساكته ثنينا دموعنا تنزل سكته لفت الشال على راسي والعباية باوعت لوجهي وشفايفها ترجف رفعت ايدها مسحت دموعي وحجت بقهر

- عوفيه شــام كتلج يفقد ويأذي بدون ما يحس عوفيه ما مجبورة تتحملين اذية البيج كافيج ماعايزه انتِ .







دنكت اهز براسي اي وابجي نزلنا لكيناه مبدل وكاعد على الدرج يهز برجله سجود وعمو يباوعلي ساكتين عبرناه وكفنا بالصالة ورويده دخلت للغرفة تبدل باوعت لعمو حسين واني لازمه اصابعي ودموعي على خدي ابتسم بحقارة درت وجهي لهجام مدنك ويهز برجله طلعت رويــده وافاطم وياها هم صاح عمو

- وين موليه ردي انتِ

وبمجرد حجه تقدم هجــام ركض يريد يضربه ركضت رويــده لزمته صيح

هجــام :: طابكات ترا احركك واحرك البيت من اسمع حسك اششششش اششششش ما اررررريد ولا نفس

وعمو هز أيده باستهزاء ساكت يباوع لافاطم بخزر طلعنا وياه رويــده كعدت يمه واني وافاطم ورا صافنه بالشارع ودموعي تنزل التفتت على لمسة بارده صارت على اصابعي الاحسهن جمر باوعتلها

أفاطم:: وكعتي عليها ؟

درت عيوني اباوع الهجام بالمرايه رجعت اباوع الافاطم المنتظرة جوابي هزيت راسي اي حركت اصابعها بهدوء على أيدي وجها كاش عبالك هي الموجوعة الحد ما وصلنا للمستشفى لمحته مد فلوس لرويده وهي ما اخذتهن منه بقى يباوع وراها نزلت وافترت نزلتني وافاطم ويانا


دخلنا للمستشفى كل الوجع بصفحة ووجع گـــلبي بصفحة ثانية
اخذوا الأشعة وكعدنا منتظرين اريد اصرخ كد ما موجوعه كوه على روحـــي كاتمة وجعي وساكته واحد من اصابعي تمزق وواحد كسر
جبروها الي ورويده ممرود كلبها علي تباوعلي وميته قهر أخذنا علاج وطلعنا

صعدنا وياه ساكتين روحـــي احسها تعبانة خليت راسي على الجامة وغفيت الحد ما وصلنا فزيت على صوت رويــده نرلتني وافاطم ورانا التفتت رويــده الهجام بقى بالسياره باوعت وياها رجع السيارة ليورا بقوة عافتني وراحت ورا تصيح

- هجــام اوكف

- وهو ما اهتم بسرعة شخط السيارة وراح ورويده تنشال وتنركع من القهر فرفحت رجعت علي ايدها بايدي دخلتني للبيت تلكاها ابوها هستوه فتح حلكه وحجه وهي صرخت بكل صوتها تلطم على حلكها وتصيح بحركة


- اسكتتتتتت اسكتتتتتتت تخبل تخبل هذا التردونه هذااااا هسه يسويله مصيبة ارتاحوا الحد ما يكتل واحد منكم

- اي متعود بعد هوه

ورويده تخبلت تبجي وتصيح كالها

- ومرض المرضج سكتت شكتلج هسه انا

وكفت تمسح بدموعها كادتنا إني وافاطم سحبت ايدي منها

- اريد أصعد فوك

باوعتلي وباوعت الافاطم بحيرة

- اصعدي هسه اجي وراج

صعدت للمخزن بدلت وكعدت اباوع الأيدي واحجي ويا نفسي هم كولي مريض ومو بأيده ورطتي روحج بشي غلط من الأساس شوية واجت رويــده بأيدها كلاص عصير كعدت يمي اخذته من أيدها شربته وهي تليفونها بأيدها تتصل ومحد يجاوب







- تتصلين على هجــام ؟

باوعتلي هزت راسها اي متوتره وخايفة

- هالمره تقصد يأذيني رويــده

- لا لا مستحيل يتقصد اذيتج بس والله مو بأيده ، ما جاي ابرر افعاله حتى تنسين السواه وترجعيله أصلًا ما اريد ترجعين ولا هو راح يقبل ومتأكده هالمره راح يبتعد وما يرجع يتقرب منج حتى ما يأذيج .

- دفعني عن قصد !

- مو عن قصد شــام مو عن قصد انتِ ما تدرين هجــام شنو من مكانه مخليلج حاول يبتعد منج اول ما حس هو سبب اذية الج وما كدر وهسه راح يجبر نفسه حتى لو يتعذب

سكتت اباوعلها بقهر وهي هم مفرفحة شوية ونزلت شربت علاجي ونمت ما حسيت على شي الا من اجت رويــده كعدتني واني مابيه افتح عيوني باوعتلها أسأل

- هجــام رجع ؟

-اي

- ما بيه شي ؟

- تكعدين تاكلين حتى تاخذين علاجج

- لا اريد انام

رجعت غمضت مسحت على راسي وطلعت بسرعة رجعت غفيت .

رويــده :: باوعت الباب غرفتة وباب المخزن وللدرج ثلاثة ومشلوع گـــلبي بينهم

نزلت اخذت اكل هجــام وصعدت فتحت الباب بأيده جهاز الوشم باوعت الايده كعدت ساكته الحد ما خلص ضم الجهاز دخل للحمام غسل ورجع كعد ساكت تقربت يمه

- هجــام

باوعلي مسح وجهه ودار يباوع للشباك مديت ايدي بهدوء سحبته الحضني تمدد غطه وجهه بشالي وشهك بقهر

- أذيتها رويــده أذيتها كسرت أصابعها ريتني بالموت

- اسم الله عليك اسم الله لا تحجي هيج

- مو كتلج هي فراشة واذا بقت يمي اكسر جناحها

- ليش هيج هجــام ليش ما تشوفها هاي شامك التحبها من تعصب باوعلها باوع لعيونها ماراح تأذيها

- ما اشوف أحد عيوني يتغطن اشوف اشوف بس

- اششش ، تكدر تشوف شــام

هز راسه لا نزلن دموعي من لمحت دموعه وشهكته

- رويــده والله احبها بس اسببلها اذيه أبعدها وابتعد احسن شي ، ما جاي اكدر احميها من خبالي شنو ذنبها كل ما يصير بعقلي شي تتأذى ، رويــده گـــلبي يتوذر من تنوجع وانا السبب احس الهوى يضيك بصدري من اشوف دموعها روحـــي تغدي نار







مديت ايدي اريد اوخر الشال من وجهه وأمسح دموعه دفع ايدي وضم وجهه اكثر

- اذا هلكد حابها راح تكدر تواجهه كلشي الخاطرها تكدر تتحكم بنفسك تكدر تحميها منك اليحب يحاول هجــام

- بكل الأحوال تالي تعوفني .

- ليش هالكد متاكد ؟

سكت مسدت على شعره گـــلبي يوجعني على اخوي
- كون ميت كون صاير بيه شي گبل لا ادفعها وينكسرن أصابعها.

سديت حلكه ارجف
- فدوه لا تحجي هيج توجع گـــلبي .

- اريد اموت رويــده اريد اموت انا
" تعبان حيييل بس الله يدري بتعب گـــلبي "

- اسم الله على گلبك لا جاسك التعب واني اختك اشيل تعبك بروحي بس خليك قوي مثل ما اعرفك لا تضعف ولا تستسلم تكدر ترجع مثل قبل

- شيرجعني ، اخوج الچنتي تتشيمين بيه بين الناس ، راح صفه بمچانه مخبل لا عقل ولا ادراك .

- لو تقبل تراجع دكتور كلشي ير...

-اسكتي اسكتي

-سكتتت اكعد اكل

- شــومه اكلت ؟

- لا ما قبلت كالت اريد انام

- وكليها عفيه

- اكعد هسه اكل

- ما اريد روحـــي نامي ، مخابره غــزل ؟

-لا والله ما ملحكه مرتين لكيتها متصله وما ادري بالتليفون ، هسه فدوه اكل لا تشلع گـــلبي







- ما اريد شبعان اخذي وروحي

كام من رجلي راح تمدد بالجرباية وتغطى

- هجام كوم اعتذر من شام

- لا اشوفها ولا تشوفني بعد ، عوفي البنيه تعيش بدون أذية بدون هجــام هاي هيه بعد انتهت دام انا سبب اذيتها لو تصيرلي الهواء وبدونه اموت ما اجي واشتمها ولج حسي بالبگلبي اجت يمي محتميه وتدور امان لكتني أذيه يا وجع روحـــي عليها شكدوتني صرت بعيونها .

-هجــام

- روحـــي رويــده روحـــي

ضرب ايده بالحايط ميت قهر أخذت الصينية ونزلت رجعت صعدت اباوع الشام غاطة بالنوم عفتها ورحت يم أفاطم هم نايمه باوعت الساعة ١١ فتحت تليفوني غــزل كاتبة

- زعلانه ليش ما تردين

وراها كاتبه
- رويــده خفت

اتصلت عليها جاوبت بخوف

غــزل :: يمه وكفتي گـــلبي ليش ما تردين

- والله ما ملحكه ، شلونج رجلج شلونها

- الحمدلله انتم شخباركم ، رجلي زينه كمت امشي على عكازة بعد شهر ويسوولي عمليه يشيلون البلاتين

- ها رحتي للدكتور شنو

- اي حيــادر كل فترة ياخذني

- ايه شلونها

غــزل :: سكتت اكرهه روحـــي من اجذب عليها كالت

- وينج غــزل

- ها وياج شلون صارت أفاطم

- ادعيلها ، خلصتي امتحانات

- باجر اخر أمتحان رويــده اشتاقيتلكم اريد اجي حبابة







- والله تتعبين والقرآن سجود وسمها المايخلص نوب خاف تدفعج وترجع تكسر رجلج شسوي اني

- اااي حتى تكمل نوب الدكتور يطردني يكلي شنو يوميه كاسرتها هاي من رجعت نكسرت ورجعناله شسوا بينا اني وحيادر يبووي وكلنا تبن


- شنوووو ؟

- اا شنو

- نكسرت مره الثانية ؟ شتحجين غــزل شتحيجين ؟

- لا ما كلت هيج

- يمه گـــلبي يمه احجي رجلج شبيها غــزل لا تموتيني

- بس على كيفج والقرآن هسه مابيها شي وكمت امشي على عكازه حتى بدون كرسي بس على كيفج لا تبجين فدوه

- احجي گـــلبي راح

- ورا العملية الأولى من بدت تتحسن وكمت شوي اكدر اكوم عليها ، دخلت للحمام وحدي وزلكت ورجعت انكسرت

- صخاام الصخمني صخااام الصخمني

- وغلاة هجــام صرت زينه لا تبجين رويــده حبابه

-ليش هيج تسوين بيه ليش توجعين گـــلبي ليش ما اتصلتي

- حيــادر ما قبل والله

غــزل :: بالكوه كدرت أقنعها وسكتت بقيت تسأل شكد صورتلها واني واكفه على العكازة ودزيتها الها بقينا ساعة نسولف وراحت سديت التليفون هستوني اريد انام وطفت شغلت الضوء مختنكه اتخبل من الظلمة تخنكني تحسسني ماكو هواء ندك باب الغرفة على كيف

- غــزل

- ها

فتح الباب يضوي بتليفونه على وجهي غمضت عيني من الضوء كال
- ما طلع صوتج خفت







- شنو ماكو مولده ؟

- عطلانه

مسحت على گـــلبي احس اختنكت ومنا گـــلبي يوجعني لان بجيت رويــده ، كعد بباب الغرفة فاتح الباب وساند ظهره عليه رجعت راسي على تاج الجرباية مستغربة لييش گـــلبي تختلف دكته من اباوع الحيادر وانكر شعوري واكرهه نفسي .

- غــزل

- همم

- خنستي؟شنو تخافين من الظلمة ؟

- اي تخنگني كلش اختنك منها

- نامي هاي تلفوني ابقي هنا طفي تليفونج

سكتت اباوعله دار وجهه باوع للصاله واني مدري شبيه مختنگه من جهه مشاعري الما اعرف افسرها تجاهه ومن جهه مشتاقه الهجام ورويده ومن جهه تعبانه من رجلي والامتحانات كتمت صوتي ودموعي ينزلن سكته

ألتفت بسرعه شال التليفون من الگاع يضوي على وجهي
- تبجين ؟

مسحت دموعي اهز راسي لا اجه يمي كعد على طرف الچرباية
- ليش ليش هالبجي منو مزعلج

شهكت صوتي رايح :: مابيه شي .

مد ايده يوخر ايدي من عيوني لان بقيت افرك بيهن
- حاجيني سولفي البگلبج ليش تبجين من شنو ضايجه

- مشتاقة الأهلي

صفن بوجهي مد ايده لزم زندي وسحبني الحضنه غمضت مصدومه وكلبي راح يطلع من مكانه وهو عبالك عادي عنده يحجي بابتسامه

- احسبيني اهلج ههه ، تدللين تكملين امتحانات واخذج يوم ونرجع لان عندج مراجعه يم الدكتور .

وخرني من حضنه يباوع الوجهي مبتسم واني اركز بملامحه وامسح بدموعي مد ايده لزم حنكي رفع وجهي

- لا تبجين تردين نطلع نفتر بالشارع تغيرين جو ؟

-لا لا بس خلي تجي الكهرباء وانام !

هز راسه موافق عيونه بعيوني رجف گـــلبي وبلعت ريك متوتره من صارن عيونه على شفتي سحب أيده مبتعد نزلت راسي على المخده وهو بصفي كعد على طرف الميز باوعلي







-نامي انا يمج لا تخافين

- ماخايفة مختنگة

مد ايده على شعري مسد عليه
- غمضي وتخيلي نفسج بمكان تحبينه هسه تنامين

حيــادر:: سحبت نفس بقوة وغمضت عيونها اباوع لوجهه وامسد على شعرها ابتسمت وهي مغمضة تحركت تخلي ايديها جوه خدها الحد ما غفت ، دنكت بستها من راسها
لو بس المح روحـــي بعيونج مستحيل اعوفج

حركت أصابعي على ملامح وجهه ورجعت سحبت أيدي اباوعلها من بعيد خايف حتى من تفكيري بيها تمنيت اگدر اقترب اكدر احس بحضنها بس ما اكدر ما اكدر أستغلها

باوعت الشحن تليفوني راح يطفى هستوني طفيت الضوء وصاحت بخوف

-حياادر

-اسم الله ها ها يمج

غــزل :: كعدت على حيلي أيدي على گـــلبي
- لا تطفي الضوء

- مو رااح يطفى شحن

- حتى تليفوني مابيه شحن

افتر اجه يمي شغل تليفونه عافة على الميز وكعد على الطرف سند رأسه على تاج الجرباية
- نامي هسه تجي الكهرباء

- تبقى يمي ؟

هز راسه اي
-خاف عيب عليك ؟

-بكيفج غــزل اروح ؟

- لا لا أبقى مو عيب من تشتغل روح .

أبتسم ساكت تمددت ، ايده مادها بصفي اباوعلها وأتمنى ترجع الشعري مثل قبل شوية بديت اغفي وحسيت بايده تمسد خصلات شعري يحجي بصوت ناصي

-نامي يله وراج امتحان

ابتسمت اغفي الحد ما نمت فزيت من صار ضوء بعيوني اجت الكهرباء فتحت عيوني بصدمه من لكيت حيــادر نايم بصفي راسي على أيده وايدي فوك بطنه لازمها بايده الثانية گـــلبي احس كمت اسمع دكاته رجعت راسي على ايده اباوع لوجه شوية شعره صاير مخربط على كصته .

ابتسمت اول مره اباوعله بهيج تركيز لحيته بيها شكار كبرت ابتسامتي مدري شبيه شعور ايده جوا راسي وايدي على خصره ونايمه بصفه لعب بمشاعري وفجأة اجه ببالي هجــام

واتخيله يدفر الباب ويشوفني ويگول عيب عليج غــزل نايمه يم حيــادر مو عيب

سحبت ايدي من عنده وكعدت تحرك نام على جهه غطيته واخذت غطى وطلعت على تك رجل تمددت على قنفات الصالة وكل شوية اتذكر شلون جنت بحضنه وكلبي يدك حيل الحد ما رجعت نمت وفزيت الصبح على ايده







الحلو بيه يعدي الشي مايحجي بيه ويحرجني كعدت اراجع وهو سوا الريوك وصلني القسمي وراح امتحنا اني وبراء سوا وطلعنا بنفس الوقت طلعنا كعدنا بالكافتيريا شفنا عبد علي هم جكارته بأيده رغم ممنوع بس ما يهتم باوع لبراء بخزر وراح درت عليها

- شكو

- متعاركين .

- شنو متعاركين ليش شوكت شو ما ادري وانتِ أربعة وعشرين ساعة وياي

- شــام بينا تواصل صار فترة

- جذذذذذب

- والله

- عزززززا

- شبييج

- وما تحجيلي ؟ وهو هم ولا يبين

براء :: هو هيج كم مره صارت بينا مكالمة وكم مره راسلته الحد ما يوم من الأيام فزيت على صوت التليفون باوعت لكيته هو خفت الوقت متأخر وهو متصل جاوبته بس گـــلبي يرجف بس كتله الو كال

- دحكي يبت الناس انا هاويج ورايدج على سنة الله ورسوله
ان جنتي مثلي انا جايب اهلي وجاي ادك باب اهلج لان سالفة هالاتصالات تالي الليل وبالحرام ما يهواها گـــلبي ولا انا الگادر اكضب روحـــي عنج

يمه يبس الدم بجسمي اريد انطق ما اكدر عركت وافتر بمكاني گـــلبي راد يوكف فرح وخوف ارجف كمت كال

- يبوي جاوبي لا تشليني

- احم ،يعني شنو اكلك

- اليهواه كلبج احجيه

- عبد

- دخيل الله ودخيل صوتج

- والله اخاف خلي اعرفك اكثر







- تخافين من يمي ؟ عجل اطم روحـــي

- لا مو هيج بس ماعرف طبعك هواي شغلات ما اعرفهن عنك واخاف انصدم بشي خلي شوي شوي اتعود عليك

رأسًا عصب ونتر
- ما كادر انا رايدج حد الموت

- بس شهر وراها تعال الأهلي

- وهالشهر شيكضبني عنج ؟

- عبد حباب

- دوهنتيني وحك عرشة ، شهر شهر براء واجي ما عدي صبر بعد

- هاي هي متفقين .

- اسألي شنو تردين تعرفين

- كلشي

- مثلًا ؟ عائلتي ، اخوي اصغر مني واخوات أثنين وامي وابوي صارلنا عايشين ببغداد ستة سنوات ، امي واخواتي احن من كلبهن ماكو وأخوي ما علي بأحد مهتم بس النفسه وهم فطير ابوي شوي صعب

وانا كدامج كتاب مفتوح طبعي عرفتيه وان شاء الله تعرفيني أكثر خلال هالشهر

- عصبيتك تضوج احس هواي تعصب ؟

- بس ابرد بساع

-خاف من نتزوج تطلع من هذول اليضربون زوجاتهم يمه

- ههه لا عدنا اليضرب مره ما ينعد على الزلم

- يعني ما تضربني

- صيري بحضني وشوفي

-احم

-صحه صحه

- واذا غلطت تطلكني؟







- لا انا ما اصدك اهلج ينطوج مخبل اطلك ، اذا تغلطين انا اعرف شلون اخليج تصححين غلطج

- واذا كررت الغلط

- براء من الاخير وين تردين توصلين ؟

- احسك جذاب تضرب ، لان مره كاعدين بالكافتيريا وضحكت بصوت عالي كتلي اسطرج سطرة انسيج بيا قسم داخله

- تعالي صدك انتِ ما تستحين تكعدين بالكافتيريا وصوت ضحكج يجيب التايه

- ترا هيه هاي ضحكتي

- اويلي الله اذا اسمعج بعد تضحكين هيج كدام الطلاب .

- ااي شتسوي هاا من هسه تريد تضرب ؟

- اذا ما شلعت شفايفج التطلع منهن هالضحكة انا مو عبد علي

فتحت عيوني على وسعهن مصدومة وسديته بوجهه دزلي
- يالماتستحين احترمي شلون تسدينه بوجهي

- ترا انتَ حيل سخيف

- الما يريد الحلال شنسويله عاجبج اتمرمر بالحرام

غلست على رسالته وراها دزلي
- للخمسة مسهرتني ماكادر انام من وراج اذا ما طلعت هالسهر من عيــونج

اني خقت من عنده حضرته وهسه ما يحجي وياي

- ياا الووو غــزل

- كملي عفيه كملي

- شأكمل ولج شو سنحتي ؟


- تخبلوون والله تخبلون

- خاف اهلي ما ينطون شلون ؟







- ليش ترا عبد علي سبع وما اعتقد احد عاقل يرفضة

- منو كالج اهلي عاقلين ، مجلبين بنت العم الابن العم هالعادات الخايسه شوكت تنطم وتخلص ما أدري

- يبوووي المهم خلي يجي يخطب والله كريم

- خلي اعرفه اكثر ولج يخوف والله خايفة يطلع من هذول اليضربون يمه ايده شكدها اموت اذا سطرني راشدي بيها

غــزل :: ضحكنه نسولف هي شوية وطلعت واني بقيت بالكافتيريا كاعده وحدي شوية واجت ايه مقهورة وعيونها حمر سلمت وكعدت يمي

- شبيج ايوته

نزلن دموعها ومسحتهن مختنگه وتاكل بشفتها

- غــزل اني حامل

شهكت فاتحه عيوني على وسعهن وهي بس دموعها ينزلن گـــلبي نمرد عليها گالت
- الحقير عافني

- اياااا ابن الكلب

غطت وجهه بأيدها تشهك رفعت وجهه تباوعلي كالت بقهر
- لازم إنزل الطفل

- يمه حرام قتل هذا

- شسوي شسوي حاجيني

- يدري بيج حامل ؟

- اي هو من كتله حامل طلكني وفلت يگول مو ابني تردين تبليني. لج والله بعمري ماشفت غيره ااااخ اريد اموت من القهر

- الله لا يوفقة

مسحت دموعها عيونها صارن حمر ومنفخات تباوعلي بقهر
- حاجيني غــزل اعتبريني جاهله وما أعرف اتصرف كليلي شسوي







- احجي الاهلج الحقيقة كليلهم تزوجت بالسر وهسه حامل

- ابوي يذبحني ما يتفاهم

- وشلون عفيه شلون لازم تلكين حل غير القتل اذا موتي الطفل حرام عليج

- الله لا يوفقك يا حيــادر كله منه لو من الأول من كتله ما أريدك أرفض عرض ابوي وعايفني بحالي جان هسه اني متزوجه بالعلن وابني بحضني

- ايه لا تدعين عليه هذا قدر وقسمه حرام تدعين عليه

باوعتلي بخزر ونترت
- ها غــزل حبيتيه ؟

بلعت ريك اباوعلها واحس برجفة وضربة على راسي وهي تبجي همست صوتي رايح
- عيب عليج

- ترا واضح لا تنكرين

- ايه ليش هيج تحجين

- لان حاسه بيج تحبينه

- لاا عيب عليج هالحجي

- هسه حبيه كرهيه طبه الف مرض بس ساعديني ساعديني شسوي

دنكت ساكته محتارة ومقهورة كالت
- كومي نطلع اختنگت راح اموت

- وين نروح ب١٢ لازم أروح الحيادر نطلع للبيت .

باوعت بساعتها كالت
- بعد ساعتين نرجع عود

- ايه بس

- اهوو غــزل شبيج شبيج والله تعبانه محتاجة احد يمي وماعندي غيرج شسالفة حتى انتِ ضدي







مسحت وجهي محتارة كتلها
- يله بس ما نتأخر

- ابقي اجيب سيارتي واجي

هزيت راسي موافقة طلعت هي واني بقيت اكل باظافري وافكر بكلامها مقهورة منها وعليها شوية واتصلت كالت

- طلعي ما قبلوا أدخل السيارة

- يله راح اجي

طلعت من الكافيتريا امشي خطوة واحس بالجاي اسوي خطأ وكلبي ما مرتاح كعدت على المسطبات والعكازات بصفي طلعت تليفوني من الجنطة إتصلت على هجــام وكلبي يدك حيل رد واني نبلع الساني

- ها غزوله

- هجــام عادي اكلك شي

- ااي احجي

- صديقتي ضايجة ومختنگة كالت تعالي نطلع من الجامعة ساعتين ونرجع تقبل اروح وياها ؟

- يعني وين ترحن ؟

- ما ادري والله هي حيل ضايجة وماعندها غيري

- اي غير اعرف وين ترحن ؟

- يمكن المطعم

- منو وياجن ؟

- والعباس بس اني وياها ما ويانا ولا ولد

- منو هاي صديقتج شسمها

- اسمها ايه

- زوجة حيــادر ؟

سكتت ابلعم رجع سأل
- غــزل

- اي زوجة حيــادر ، ها هجــام اروح لو لا

- روحـــي ،من أتصل جاوبي .

سديت التليفون منه شي بيه ارتاح لان كتله رجعت ايه اتصلت تبجي
- جايه يمعوده غير ماكدر امشي







سديت التليفون وطلعت حركت السيارة ودموعها ما بطلن مردت گـــلبي انصدمت بيها وكفت كدام بيت

- وين جايين ايه ؟

- البيتي !

- عندج بيت ؟

- اي من ابوي

- عايشة بيه انتِ ؟

- لا مأجرته الخالتي بس هسه هي بالشمال سفرة رايحه

افترت ساعدتني انزل وانطتني العكاز دخلت وياها كعدت تبجي وتدور حلول واني بس اصفن ماعندي اي حل إلها اني كاعده على القنفة وماده رجلي لان اخاف وهي كاعده مقابيلي كامت نزلت من القنفة ودموعها عشرة عشرة كعدت بالگاع لزمت أيدي باستها سحبتها منها مصدومة

- غــزل اريد ارجع الحيادر بس اجيب أبني واعوفه والله اعوفة

باوعتلها مصدومة واحس راح اتقيئ گـــلبي فزيت على صوت الإتصال باوعت هجــام ايدي ترجف جاوبته

- الو

- ها رجعتي

- لا

- وين انتِ ؟

- يم ايه

- وين ؟

- بالبيت

اشرتلي جيبي التليفون اخذته من ايدي كالتله
- ها خوية رجعنا للبيت لا يضل بالك اي والله

وسدت التليفون خلته بصفي تباوعلي بتوسل درت عيوني ارجف روحـــي راحت

- ساعديني غــزل لا تصيرين انتِ هم ضدي


مسحت دموعي النزلن احجي مختنگه
- يعني تگولين الحيادر الحقيقة

- هزت راسها لا

- حرام عليج لا تسوين هيج لا تخدعينه







لطمت على وجهه تملخ بروحها وتصيح
- شسووي شسوي اقتل البطني حرام اقتل روحـــي حرام احجي الاهلي يذبحوني وين اروح شسوي حاجيني شسوي غــزل ما عندي غير هالحل نفصلي من حيــادر خلي ارجعله وبس يجي ابني انفصل

بجيت اشهك مدري شلون طلعت من عندي وهزيت راسي لا مغمضة واهز براسي لا وهي كطعت صوتها فتحت عيوني المغوشات من الدمع اباوعلها مصدومة گالت

- عرفتج حبيتيه عرفت والله

بجيت بصوت اشهك وهي رجعت تلطم محتارة واني مدري شسوي روحـــي راحت عبالك هسه أكتشفت روحـــي حابه حيــادر هسه يله اقتنعت وعرفت شنو مشاعري مسحت دموعها تشهك كالت

- هاي هي راح اروح انزل الطفل بس بذمتج انتِ السبب بموته

فتحت عيوني على وسعهن
- اني شنو ذنبي ؟

واحس بضربة قوية على وجهي صيحت بصوت عالي
- لا تكولين شنو ذنبي لا تكولين شنو ذنبي انتِ لو ما موجوده ارجع الحيادر بسهولة وما اضطر اقتل أبني

لميت رجلي الصدري ابجي مسحت دموعها عبالك تذكرت شي سحبت تليفوني تصيح

- افتحي خلي ارويج افتحي

مسحت دموعي اشهك فتحت الرمز سحبت تليفونها صورت تليفوني وشمرته بحضني دارت تليفونها علي تراويني الصورة الصورتها رقم هجــام كالت

- جبرتيني استخدم وياج هالاسلوب ، اذا ما عفتي حيــادر راح ابلغ هجــام بكلشي راح اكله كم شهر صار اني منفصلة وانتِ شكد عشتي ويا حيــادر وحدكم وعلى زواجكم وصدكي اثبتله كلشي لان هاي محادثة حيــادر وهو يطلب اتواجد بالبيت حتى هجام ما يشك بشي موجوده عندي








هزيت راسي لا ما مصدكة ايه تحجي هيج كالت
- وخاف حسبالج هجــام يعديها هيج ترا بس يعرف يكتل حيــادر موت

- ايه شبيج

- شبيه شبيييييه

مدت ايدها عصرت رجلي حيل شهكت ابجي وادفع بأيدها صاحت
- منو ساعدج منو وكفلج من نكسرتي ولج بأيدي ادخلج للحمام واوكلج واغسل ملابس وابدل وامشط ومن احتاجج توكفين ضدي

شوفي غــزل اني ماعندي لعب هسه إتصل على هجــام واحجيله كلشي يا تكولين اي اعوف حيــادر وأبتعد يا هسه اخابر اخوج وخلي يكون بعلمج متأكدة يكتل حيــادر لان ضحك عليج وغشج بالزواج مستحيل يعبرها اله .

متت بجي اريد انطق ما اعرف شنو احجي وهي تهدد وتفتر كدامي بعصبية مسحت دموعي مختنگة

- رجعيني للجامعة

- تعوفينه ؟

هزيت راسي اي لزمت فكي بقوة أيدها ترجف

- اذا لعبتي وياي والله ابهذلج

دفعت أيدها من وجهي وكفت رجلي ترجف وحيلي رايح من الصدمه ، اخذت العكازات استند عليهن وطلعت للطارمة لبست حجابها ولحكتني أشرت على المغسلة

- غسلي وجهج

مسحت عيوني بشالي وطلعت للباب اجت وراي صعدت ساكته ما مستوعبة وهي طول الطريق ساكته صرنا بازدحام وانصدم بيها تكفر اباوعلها ورجعن دموعي ينزلن

- ليش هيج ايه ليش تغيرتي شبيج ؟

بجت ومسحت دموعها بسرعة باوعتلي
- تجبروني استخدم وياكم هيج اسلوب

- بس اني ما أذيتج بشي

- غــزل اذا ما عفتي حيــادر راح انزل الطفل وبذمتج وهم احجي الهجام كلشي ويقتل حيــادر وهذا بذمتج لان لو مبتعده ما يصير كل هذا







سكتت امسح بدموعي وتليفوني بحضني حيــادر يتصل اريد اجاوبة بقت تصيح عفته وهو كل ما تنتهي المكالمة يرجع يتصل واحنا بازدحام ماجاي نطلع من عنده جاوبته عاضه شفتي بقهر

- غــزل وينج وينج حاجيني صار ساعة ادور عليج

- هسه راح اجي

- وين انتِ طالعة ؟

- اي استأذنت من هجــام

- منتظرج بالكراج

حجاها بدون بقهر سد التليفون وايه تسب بيه وبالساعة العرفتة بيها
وصلنا للجامعة لمحته واكف يم السيارة لابس نظاراته ويتلفت يدور نزلت وايه افترت خلت أيدها على ظهري

- لا تبينين روحج ضايجه

باوعتلها ودرت اباوع الحيادر لمحني من بعيد نزع النظارات يباوع باستغراب وصلنا يمه اجه عليَ ، ايه كالتله

-شلونك حيــادر

مارد عليها تقرب يباوع لوجهي يسأل

- شبيج غزوله باوعيلي شبيج

ايه :: تعبـــت شوي واخذتها للمستشفى

- شبيج شنو وكعتي على رجلج ؟

هزيت راسي لا رفعت عيوني اباوع للخوف البعيونه وايه تحجي وياه ما يلتفت ولا يرد عليها اخذ العكازات من ايدي ومد ايده استند عليها وصلني للسيارة وايه ابتعدت من كدام السيارة وكفت على جهه تباوع خله العكازات ورا وافتر صعد حرك السيارة وعيوني على ايه الخازرتني بس طلعنا من الجامعة رجع يسأل

- شنو الصار شبيج

درت وجهي اباوعله يباوعلي بقلق وخوف ويرجع يباوع للشارع مد أيده لزم ايدي عصرها قوي

- غــزل حاجيني ليش ساكته

- احم ما بيه شي دخت شوية

- ليش ما اتصلي عليَ ليش تطلعين وياها







- مو هي جانت يمي وهجام اتصل كتله وقبل اروح وياها

- وانا ؟ ما فكرتي اكو شخص منتظرج اكو شخص راح يخاف من ما يلكاج بقسمج

- نسيت اكلك آسفه

زفر نفس بقوة مقهور وصلنا للبيت واحس جبل على گـــلبي بدلت وكعدت بالغرفة صافنة وهو راح يجيب غدا شوية واجه دك باب الغرفة ودخل مبتسم

- شلون جبتلج سمج اليوم يحبه گلبج .

واختفت ابتسامته من ما ابتسمت ولا رديت طلعت كعدت يمه مدنكه وكوه أبلع اللكمة وهو ولا مد ايده على الاكل طبك ايديه جوه فكه يسأل

- غــزل بيج شي مو طبيعية اليوم ؟

باوعتله متوتره اشرد بعيوني من عيونه هزيت راسي لا
- مابيه شي بس لان تعبانه. ودايخه

- كملي اكلج ونامي العصر اخذج للدكتور

- لااا ما اريد شوية واصير زينه

سكت ما مرتاح دنكت اكل بس اريد الوكت يمشي وافكر بلكي الكه حل رفعت عيني من مدلي لفة

- اكل انتَ .

- اخذيها اشتهيتها الج

اخذتها من ايده احس نار بكلبي كوه اكل وبس كملنا اكل رجعت للغرفة ختلت بفراشي شوية واجه بأيده كوب جاي كعدني وكعد مقابيلي

- صدك تحجين شبيج ؟ كومي لا تنامين خلي نروح للدكتور

-مابيه شي ما اريد اروح

-انتِ شايفه وجهج شلون اصفر ؟

نزلن دموعي مختنكه اعض بشفتي اريد بس اسكت ماكدرت تخبل لزم وجهي باثنين ايديه يريد بس اسكت واني اشهك







- حاجيني بس حاجيني شبيج ها شبيج منو وياج

رفعت ايدي فوك ايده نزلتها ومسحت دموعي باوعت بوجهه
- اريد نفك العقد يعني تطلكني

اتسعت فتحة عيونة بلع ريك ساكت واني بس دموعي تنزل فرك وجهه بقهر

- ليش ؟

- لآن اضوج احس روحـــي زوجتك

- غــزل حجي هذا ؟ شبيه انا ؟

-عفيه حيــادر ما اريد احجي بشي بس عوفني ما اريد عقد من الأول اني ما رايدته

وكف بعصبية افتر بالغرفة واني ابجي بقهر گـــلبي متگطع رجع كعد كدامي لزمني من اكتافي

- فهميني ليش ؟ شنو هيج تكرهيني ؟

- ما اكرهك بس ما اريد العقد

- غلطان بشي وياج خاف لان لكيتيني نايم يمج ، ترا ما حسيت بروحي من نمت خفت تفزين وتخافين نجبرت أبقى يمج

هزيت راسي اي عبالك انطاني فد عذر اقنعه بيه
- بس انا ما متقصد انام يمج

- اي ما اريد ضجت عفيه حيــادر فك العقد وخلصني

هز راسه لا وكف يباوعلي ويحجي باصرار
- ما اطلك

مسحت دموعي بظهر ايدي
- بس انتَ كتلي بعدين اطلكج

- اي كتلج من تردين تتزوجين او تخلصين جامعة

- اذا ما فكيت العقد اكول الهجام

- خابريه كولي ما يهمني شي بعد ، طلاك ما اطلك عود من تكملين جامعة او اذا اجاج الأنسان اليستحقج اطلكج .

عافني وطلع من الغرفة بجيت بقهر مفرفحة شوية واتصلت ايه جاوبتها ابجي وانتر بقهر

- شتردين هااا شتردين ، ما يقبل يكول ما اطلك

- شنو عيني شنو

- ايه والله كتله وحتى هددته احجي الهجام كالي كليله ما يهمني ما اطلك الا تكملين جامعة لو يجي الانسان اليستحقج وكتها اطلكج

هي سكتت واني ابجي اريد هجــام ورويده هم يحلون هالشي الطحت بيه بس اخاف احجيلهم لاول مره اضم شي عليهم

- غــزل سمعيني

- ها ايه

- كليله احب

- شنو

- اي كليله أحب أسلام وراح يجي يخطبني

- شنو ايه شتحجين يا اسلام شبيج منو كالج احب نعال منووو

- الولد يحبج وميت عليج شتردين اكثر

- ما اريده ما اريده

- مو بكيفج ترا شلعتي گـــلبي شوفي لج بالقرآن اليوم اذا ما حسمتي الموضوع يوصل كلشي الهجام حاجيه كليله أحب اسلام وراح يخطبني واني اخلي اسلام يجيلكم

- مااااا والله ما شبيج ايه شبيج

- والقرآن احجي كلشي الهجام وهم انتحر وقبلها اكتب رسالة واخلي كلشي براسج اموت بس ابهذلج وابهذل هجــام

سدت التليفون بوجهي وخلتني افرفح من القهر انشال وانركع

"""







شــام :: جبت النتيجة مصدومة بدرجة الانگليزي ثلاثين رغم اني مجاوبة بس تكلي الشهريات راسبه بيهن رجعت الطريق كله ابجي كابلت أفاطم ورويده مفرفحة

رويــده :: اجيبلج ملازم ؟ شنو التردينه يساعدج

مسحت دموعي ميته قهر
- عادي ادرس على تليفونج محاضرات

- يا طبعاً عادي اخذي شكد ما تردين بس انجحي يابه فداج التليفون

عفتها وصعدت فوك احارب عيوني حرب حتى ما تباوع الباب غرفتة دخلت للمخزن مكابلة النتيجة وابجي درجاتي البقية اقل درجة سبعين والثلاثين بالنص مشوهه نتيجتي وجواها احمر گـــلبي فرفح

الحد ما تعبـــت ونزلت يم البنات رويــده خايفة من افاطم لان تباوع بتركيز عبالك احد يخطط الشي ورويده طاير كلبها ابد ما تعوفها وحدها سجود تفتر هالفترة تدور بنيه الكرار تريد تزوجه وكل ما تنرفض ترجع عليَ متحلفة اول كلام تحجيه

- ارجعه للشماعيه واربيج

- سدي حلكج لا اطردج من بيت زوجي

فتحت عيونها بصدمه ورويده هم مصدومة تباوعلي باستغراب سجود كالت

- خلي يجي حسين وسهله اعلمج شلون تحاجيني هيج

- حتى هو اطرده بكيفي

سوتلي بايدها سهله وراحت ورويده بس تباوعلي رفعت اكتافي مبتسمه

- شبيج ؟

- تهددين وكذا ماعرفتج

أفاطم::مأثر بيها هجــام ابو ساطور

رويــده:: يتخبل من واحد يكله ابو ساطور سكتي

شــام :: ضحكت نشتغل ورويده كل شوية تغمزلي جلبت جلبت اخر شي كتلها

- سكتي يسوري

نلصمت واني اضحك وافاطم ضحكت رافعه ايديها







- همزين اني ماعندي احد تجلبلي بيه

رويــده :: يجي وكتج

- ما يجي

- وحد ما يجي ؟

- اي شعرفج يمكن اموت

باوعتلي رويــده بخوف ورجعت تباوع الافاطم كعدت يمها حضنتها
- يمه غير أموت

- تنسين

- لا أفاطم لا تحجين هيج اخواتي انتن اتخبل اذا صار بيجن شي

سكتت افاطم مبتسمه ما مرتاحيلها بيها شي رجعنا للغرفة كعدنا رويــده طلعت علاليك ملابس جديدة تحاول ما تحرجني ثلث علاليك خلت بحضني وحده وبحضن افاطم وحده والها وحده مبتسمه وتحجي


- بقت غــزل ختولي هستوها قاطة هجــام بميتين

- شنو هذن

- ريش طشيه بالمخزن ، شتشوفين غير ملابس

- ها المن

- هيج والله كلت نجيبهن ندفي بيهن الكناتير خاف يبردن

- ههههه شبيج غير اسأل

- صايرة اسئلتج تافهه ولج شــام ام السان ام جفصة

ضحكت مدنكه بقينا لليل سوا كمت اكثر وقتي اخلصة يمهن حتى ما ابقى احوس واروح الهجام رغم گـــلبي متگطع وحيل مشتاقتله بس كل ما أشوف أصابعي اقاوم اشتياقي وما اروح صعدت للمخزن اسد الباب واسند ظهري عليه ومن انام هم افرش بصف الباب بس ما يجي عرفت من رويــده انتهت وبعد ما يجي بقيت ادرس اكثر شي اكابل الانگليزي اموت قهر من اتذكر درجتي بيه ساعتين ونعست

ردت افرش بصف الباب وترددت متاكده ما يجي فرشت بمكاني عيوني على الباب غرفتة مقابيل المخزن يمكن هسه نايمين نفس الاتجاه غمضت عيوني اتذكر حضنه ودفوا أيده على بشرتي







ابتسمت بهيام ضايعه من تذكرت شلون اسكر بأيده واريد بس انام
وبمجرد تذكرت حسيت بروحي اريد اغفى غمضت عيوني نمت وفزيت على صوت باب المخزن من نفتح وصوت هجــام يهمس للباب

- اششش

حسيت گـــلبي راح يوكف نسد الباب وحسيته كعد ورا ظهري حرب بين عقلي وكلبي شي يريد يرفض قربة وشي بيه يريده قابل بوجوده غمضت حيل اسوي نفسي نايمه ما اخلي يحس اني قابلة بوجوده

وهو بلمسات متردده وخايفة تلمس شعري حسيت بيه دنك بهدوء
وبدون ما يطخ رگبتي سحب نفس يهمس

- يا روحـــي يا عمــري انتِ

خنست احس صوت دكات گـــلبي مسموع تنهدت ذايبة من حسيت بدفو شفايفة على خدي

- مشتاقلج فد نوب

روحـــي راحت تحركت اسوي نفسي نايمه بلكي ما يشك بيه وهو رأسًا سحب ايده مبتعد ومن ثبتت رجع تقرب حسيته سحب الغطاء على كيف وتمدد يمي بلا ما يطخني خطواته هادئة بخوف شوية وحسيته كعد افتر للجهه الثانية اصابعي المكسورات مخليتهن على بطني تقلصت من حسيت بنفسه صار على بطني وشفايفة على ايدي باسهن اصبع اصبع رجفت ايدي جوا شفته إبتعد واني ما كدرت اكتم نفسي اكثر طلعت مني شهكة ودموعي نزلت اذا هلكد تحبني ليش تأذيني

رأسًا طلع من المخزن كعدت على حيلي ابجي شوية وصار الآذان كمت شغلت الضوء أنتبهت كارتون على الاغراض مرسوم عليه ايباد سحبته افتحه طلعته من الكارتون بدون رمز بس مشحون وبيه شبكه تصفحته جديد

- هاي سوالف رويــده اكيد هي كالتله

صليت ورجعت اتصفح بيه بحثت عن محاضرات وكعدت اكتب وياهم وأشر نوب صارت عندي عزة نفس ليش اخذه منه اني مو ما احجي وياه مو عافني وعفته خلي اكمل هاي المحاضرة وانطي الرويده ترجعه
بقيت ادرس محاضرة تجر محاضرة صادف يوم جمعة للساعة بثمانية احس قفلت نمت وفزيت على رويــده

- شهالنوم

كعدت على حيلي افرك بعيوني
- لا كعدت ادرس ويا الصلاة وتعبت ورجعت نمت

رفعت الايباد خليته بأيدها فكت حلكها

- شنو هذا

- خيولن لا تسوين نفسج مصدومة

- يااا

- هجــام البارحه دخل خلاه يم راسي

- اوي يا روح اختك فدوه لحنيتك

- يا حنيه اذا ما طلعتي انتِ موصيته

- والله لا بس كتله اريد تليفونك القديم اخلي بيه رقمي وانطي هذا الشام تدرس عليه

- اخذي الايباد رجعي اله كليله ما تريده

شمرته بحضني تضحك وصعد حسن اخوها گالها

- اجو اخوالج

فتحت عيونها بصدمة هو نزل وهي كعدت على حيلها ترجف

- شبيج رويــده ؟

خلت أيدها على حلكها ونزلن دموعها

- اجه يُســر يخطب أفاطم ، گـــلبي راح يوكف احبه واحب اختي شسوي الگلبي

هجــام :: شنووو ؟


يتبع 🦋

نوائب شام - البارت ١٩ -

""""""""""""""""""""""""""""

هواي أشتاگلها وما اعيش من دونها
و أكبر من مشاكل بيتنا عيونها.

""""""""""""""""""""""

هجــام :: شنووو ؟

شــام :: وكفنا ثنينا اني ورويده شهكنا مصدومين وهو عيونه طلعن بخزر ورويده بس تباوعله فاتحه عينها بصدمة ووجهه صار احمر خازرها وعاكد حاجبة

دخل للمخزن سد الباب ركع ، والباب لان خربان رجع عليه نفتح وهو تخبل يركع بالباب ويضرب بيه مثل المخبل يتعارك ويا الباب وكل هالضرب والباب رجع نفتح وهذا انجن ملخ الخشب يريد يشلع الباب

لزمته رويــده من كتفه دفع ايدها والتفت عليها سحبها بنتر كعدها وهو واكف كدامها التفت عليَ رأسًا كعدت بلعت ريك بخوف ورويده مدنكه راسها ساكته مد ايده على فكها رفع وجهه

- عيدي شنو حجيتي

- هجــام

- نعلعله روحه لصخام عيدددي عيددددي عيدددي الحجيتي

- صوتك لا تشمتهم بيه

غمض عينه وافتر بحيرة رجع كعد كدامها صار انصى منها خله ايديه على اركبها ورفع راسه يباوعلها هي كاعده على الاغراض گالها

- عيدي وفهميني

- بدون عصبية واني احجيلك

وهو بأثنين ايديه غطه وجهه بس بقوة متحركن ويفور رجع هز راسه الها اي باوعت بوجهه وحجت بهدوء

- طلبت من يُســر يجي يخطب أفاطم لان ابوي كلش ظلمها والبنيه حتى كامت ما تدافع على نفسها اريدها تخلص وتعيش مرتاحه واعرف يُســر ما يقصر

- لااا لاا ما عليَ بهالحجي انا ما عليَ احجي السالفة كامله

تحسرت رويــده تمسح بوجهه ونزلن دموعها تباوع لوجه وهو منتظر بس يريد تنطق كالتله بحسرة

- شنو التريده

- سمعتج كلتي احب يُســر ؟؟؟؟؟







هزت راسها اي ودموعها عشرة عشرة دار وجهه اعصاب ويرجف رجع باوعلها رفع نفسه مسح دموعها وحجه بسرعة

- بينكم شي ؟

باوعتله رويــده فاتحه عينها بصدمه وحجت بقهر
- اني رويــده هجــام رويــده الربيتها على ايدك لا تفكر اسوي شي ينزل راسك ، كل البگلبي مشاعر قديمة وبقت بگلبي وأنتهت ، طلبت من عنده يخطب أفاطم لا اكثر ولأ اقل


سكت يباوع لعيونها وهي من كد ما تركز بعيونه حتى ما ترمش لحظته حتى ويا رويــده كون من تحاجي عينها بعينه سحبها الصدره حضنها وهي نفجرت تبجي بصوت وتهمس بخنك

- لا تشك بيه اموت

وخرها من حضنه مسح دموعها وگالها

- غاثج بشي يُســر ؟

-لااا

- لا مبين صاير شي قاهرج ؟

- لا هجــام لا يُســر صاحبك وتعرف تربيته وشهامته والله نظرة ما يباوعلي ، ابن خالتك وانتَ أكثر واحد تعرفه .

- يدري بيج يعني يدري صخام

نتر بعصبيه :: يدري تحبينه ؟

هزت راسها اي صفن بحيرة كالها
- يدري وجاي يخطب أفاطم ؟

- اني طلبت من عنده

- وليش هيج تضحين ؟

- اختي أولى من گـــلبي .

- لااا لا هو مو هيج الموضوع اكو اكثر انتوا رايدين بعض وسوالفكم عشك بس ما تردين تتزوجين لان انا مريض مو ؟ البعمرج تزوجن بس انتِ باقيه علمودي ؟

مسحت دموعها ومدت ايديها حضنت وجهه
- انا روحـــي وعمري يرحن فدوه لسنينك بس صير زين وخلي اخلص عمــري مكابلتك كلشي ما اريد







- عوفيني تزوجي انتِ تحبين لا تضحين كافي

- لو على كص رگبتي يا هجــام ما عفتك يا زواج هذا يا حب ما رايده من الدنيا بس انتَ

حضنها حيل يريد يدخلها لضلوعه اباوع الايده ترجف ورويده بس دموعه تنزل رجعت منسه صعدت من لكت هجــام سكتت خايفة وهو بس يباوعلها باوعت لرويده كالتلها

- امي تگول انزلي الاخوالج

حجت وراحت ركض تنزل وكف هجــام يباوع لرويده بحيره گالها

- اذا خطب أفاطم اكتله

- هجاااام

- اششش لا طلبتي منه ولا صخام خلي يخطب افاطم وعاتبيني اذا ما ذبحته


حجه وطلع ورويده تخبلت تبجي وتضرب على خدها كعدت يمها الزم بأيدها
- رويــده غلطتي ترا اذا يُســر خطب أفاطم حتى ما يكسر بخاطرج راح يظلم نفسه ويظلم أفاطم اكثر من ما هي مظلومة وبعدين انتِ عاقلة ؟ أفاطم تدري بيج تحبين يُســر وتدري بيه يحبج شلون راح تقبل ؟

بقت تبجي واجت زهراء تنتر شلون تاخرت وما نزلت

رويــده :: مسحت دموعي وكمت اريد انزل طلع هجــام كدامي يباوعلي بزعل سبقني ونزل بخطوات سريعه باوعت الشام نزلت وياي وتلكتنه سجود

- ها شعدهم لافين علينا اليوم

- بيت ابن خالتهم يجون شوكت ما يعجبهم

اجت بحرگة گلب تريد تمد أيدها علي دفعتها اتلفتت تباوع للباب خاف يرجع هجــام كالت

- اسودنجن والله اسودنجن

عفتها ودكيت الباب على افاطم فتحته ورجعت للچرباية كالت شــام

- بدلي وروحي سلمي راح احضر الماي والچاي







هزيت راسي موافقة هي طلعت واني طلعتلي ملابس أباوع الافاطم ساكته بدلت ورجعت يمها باوعتلي وهمست

- شنو صاير رويــده

بلعت ريك محتارة هزيت راسي ماكو شي وتقربت كعدت يمها جانت جنها شمس وهسه انطفت خليت أيدي على خدها

- أفاطم اني ما اعوفج ابد

- ادري بيج

- ارجعيلي مثل اول ما اجيتي ، هاي شام مثلج اول ما اجت قوية وراها تعبـــت وضعفت وراها رجعت قوية ما استسلمت

- اني اندفنت ويا اخويه روحـــي ماتت ويا رسول تستوعبين المر عليَ احترك بأيدي ماكدرت اطفية

حجت ودموعي ودموعها نزلن نفس الوكت شهكت تهمس
- كل يوم اشوفه كل ما اغمض عيني يعاتبني ليش ما طفيته ليش ما احتركت ويا ليش ما حميته ، احلم بأمي تگلي انتِ مو گد الأمانة
متحمله اشوف سجود تفتر كدامي واني ادري بيها هي الحركته كل يوم اشوف القتلت اخوي كدامي تفتر رويــده كدامي

سحبتها الحضني ابجي
- رب العالمين راح ياخذ حق الكل منها

-ههههه شوكت صار سنين ظالمتكم ويوم عن يوم تزيد

- قال تعالى::(( اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ ))


رجعت تضحك وخرتها من حضني مسحت دموعها وطلعت للديوان الخارجي گـــلبي يدك حيل ومرتبكة اول ما فتحت الباب صار بوجهي هجــام مبتسم باستهزاء يباوع الابوي باوعت الخالتي
-السلام عليكم

حجيتها ودخلت سلمت على خالتي باوستها وكمت التفتت خايفه اخلي عيني بعين يُســر رفعت راسي على صوت موسى وضحكته







موسى:: لك لك هاي منو الصاير يطك بالگاع

ابتسمت وهو بسرعة تقدم ماد أيده ويضحك واني اباوعله واباوع الهجام الخازره وموسى ما مهتم من ما مديتله ايدي جراني غصب عبر أيده فوك راسي وعصر وجهي يحجي بضحك

- بنت الأوادم مشتاقتلج وعلي

يُســر :: موسى

- حجه الشيخ

وخر موسى هجــام ويسر يردون ياكلونه وهو يضحك باستفزاز يدري بيهم ما يقبلون بس هو هيج يشاقي ويختلف عن يُســر وعن اخوهم الأكبر

- هلا بيج رويــده

رفعت عيني باوعتله ودنكت بسرعة رجعت كعدت يم خالتي ، ابوي يسولف ويا يُســر ويسأل

كالت خالتي :: شلون صارت غــزل
- زينه الحمدلله
- سوده عليه مالحكت اروح أشوفها بعد ، موسى ودراسته ماكدر اعوفه

باوعتلها ساكته وكلبي تفتت من ابوي كالهم بضحك مكيف

- تتغدون يمنا لو ترحون حتى نحضر

يُســر :: لا عمي جزاك الله خير نروح ان شاءالله

سكتت اباوع الهجام متحركن خاله كالتله
- يمه هجــام تعال يمي

باوعلها وكف أعصاب كعد يمها مضيك عينه يباوع لعيونها مدت ايدها الوجه نزلها هستوها تريد تحجي وكالها

- ليش ما تروح للطبيب ما كافي ليش يمه

خله خاله فاتحه حلكها لا هي حاجيه ولا هي ساكته عاف ايدها بحضنها وكالها
- حفظتها ماكو داعي تعيدينها

- غير علمودك يا خاله

- اشكرج

يُســر :: يمه

باوعتله خاله وسكتت ضايجه وهجام كام وكف فتح الباب وبقى واكف يمه الحد ما بدأ يُســر يحجي واني عركت وكلبي حسيته راح يوكف ويا كل كلمة يحجيها اباوع الهجام وهو يباوعلي متحلف ويسر ما خله حديث وايه عن اليتيم والظلم ما حجاها وابوي يكله اي والله صدقت

يُســر :: المهم عمي احنا داكين بابكم وأتمنى ما تردونه ما الكه الموسى أحسن من نسبكم وعرفت عندك بنيه صغيرة







حجاها وباوعلي واني احس اذني تصفر ودكات گـــلبي تضاعفت وموسى يباوعلي ويهز براسه مضيك عينه ويسر كمل كلامه يباوع الهجام

- وأتشرف اناسب هجــام برويده

فتحت عيني جامده وهجام ضحك يهز بأيده يبس الدم بجسمي احس رجلي انتهت بعد ما اكدر اكوم وابوي گاله

- لا لا اني منطيكم رويــده الك وغزل الموسى

هو حجه وهجام تخبل يريد يطكه ويسر كوه لازمه وهجام يصيح

- هو انتَ منو وتنطيهن ؟ تلعب بكيفك؟ حلكك وحلك الخلفك اشكه

وابوي يصيح على يُســر

- ترا هاي كلهم هيج ثلاثتهم مسودنين هاي اخواته هم مثله لا عبالكم ، اي انا اكلكم من هسه مو بعدين تكولون غشيتنه

وهو فرفح بس يريد يلزمه دفع يُســر حيل يصيح بوجه
- وخرررر

- كااافي شبيك تخبلت شوية احترم خالتك كاعده

باوع الخاله وكالها
- خاله كومي اوكفي

موسى :: هجــام ما يصير هيج خلي نتفاهم هسه شبيك معصب

- غــزل حتى ببالك لا تخطر

موسى:: يابه هسه ياهو الجاي على غــزل صدك جذب مكرود يا موسى

يُســر :: بالله العظيم فلا تنطي مجال وتخلي الواحد يحجي هجــام هيج هيه شنو فلمك ؟

رجع هجــام ليورا يفتر بعصبية كعدوا يُســر وموسى كال يُســر

- عمي احنا جايين على رويــده وافاطم ، تنطي خير على خير ما تنطي كول كوموا روحوا الاهلكم

- انطي انطي بس انا بناتي عزيزات مهرهن غالي







- سهله يابه سهله ، ها هجــام شتكول انتَ ؟

رفعت عيوني الهجام اشوفة يباوعلي ساكت فرك وجهه باوع اليسر گاله

- بكيفها .

ويسر هز راسه موافق وخالتي بس تتحسر واضح وضوح الشمس ما قابلة يُســر گاله

- عمي أخذ رأيهم وشوف شنو ردهم

وكف ابوي وهو يأكد على موافقتنا بس التفت يُســر الي خزرته كل عقلك أقبل كل عقلك ؟ اني بيا حال ، كمت ويا ابوي طلعنا وهجام وراي يمشي ويسر وموسى وخاله طلعوا للبستان

دخل ابوي يصيح على افاطم وسجود تكله
- ارفض شني تطي أفاطم ؟

- سدي حلكج خلي أفتك

سكتت من دخل هجــام تربع وكعد على الدرج مخنزر وشام تباوع بخوف دكيت الباب على أفاطم وطلعت مجلبه بيه كالها ابوي

- ابن خالة رويــده اجه عليج وانطيتج

باوعتلي وباوعتله ساكته رجع باوعلي كال

- وانتِ كون عندج اعتراض ؟

بلعت ريك باوعت الشام والهجام مسحت وجهي وكتله
- اي عندي ما قابلة

- شني ما قابلة انتِ متعافيه

هجــام :: اشششششش من تحجي وياها نصي صوتك ، بكيفها تقبل ترفض بكيفها

وابوي تخبل من ماكدر يحاجيني يريد يطلع حركته بافاطم البقت ترجف وتصيح

- ما اتزوج اني ما اريد ما اريد ما اتززوج

صرخت حيل وهو يريد يضربها دخلتها للغرفة سدت الباب تبجي باوعت الهجام متحركنه ابوي أعصاب ويصيح على افاطم

هجــام :: تنصي صوتك لو شلووون ، ما يردن هاي هيه

- مو ولد خالتك ما تستحي يرجعون فارغين ؟

- لا ما استحي ، أستحي اذا اجبر وحده منهن على شخص ماتريده








سكت ابوي بحيره يفتر يريد يدخل الافاطم بس خايف من هجــام دكيت الباب عليها واجت شــام وراي دخلت يمها ترجف كلها حضنتها وكعدت

- ليش ما تقبلين أفاطم ؟

- ما اريد رويــده أنتحر والله

-بس كليلي ليش

- ما اريد إطلع من هالبيت

- ليشش ليش هو اني بس اريد اطلعج منا

- والله وروح رسول اذا حاول ابوي يجبرني أنتحر واخلص

لميتها بحضني ارجف
- لا هاي هي هاي هي ما بلازم

راح ابوي حتى يكلهم رفضنا خجلت اطلع واباوع بوجهه يُســر هسه شيحجي وشيگول عليَ رجع ابوي ينتر كال

- تعالي وياي هم اخوالج لو اخوالي

مسحت وجهي وطلعت وياه للديوان دخلنا مدنكه كالهم ابوي

- بنات متعافيه شنسويلهم

يُســر :: كلهن خير وبركه

- لا والله متعافيات ما يردن وهذا المسودن واكف وياهن حسره افك حلكي واحاجي وحده ولنه جار ساطوره وجايني يبوي واني مالي حيله وداعتك وداعت شيباتي لو علي اكبعهن واطيكم

مدنكه ساكته وفزيت على صوت موسى وهو يگول ويجر الكلمة جر

- ايا ادبسززز

موسى:: نصدمت بالرفض وانا نافخ روحـــي على يُســر صارله شكد يتوسل ويقنع الحد ما كال بنيه يتيمه وتنضرب وبس تعقد عليها تنازلت وعبالي راح تجلب بيه باوعت اليسر خازرني بس بعد الضحكة ما تنلزم طلعنا من يمهم بس صعدت بالسياره ضحكت

-ارتاحيت أستاذ يُســر وعلي والله فشله اجينا على أثنين ورجعنا ولا وحده

- سد حلكك وحك هو الكفل زينب انزلك بالشارع واروح

-اجي عبرية وعلي

كالت امي
- يُســر كون من هاي وترد ارتاحيت هسه مو كتلك عوف هالسالفة عوفها

"""

رويــده :: سالفة وصارت بحلك ابوي شيخلصها طول اليوم يحجي ويغلط حد الليل دك تليفوني ورجفت من عرفته يُســر باوعت الافاطم نايمه جاوبته اهمس بصوت ناصي وهو ساكت

- راح اروح

- شنو هالتصرف ؟

-شنو ؟







- رويــده ليشش رفضتي ، واختج هم رفضت

- ما حسبالي راح ترفض توقعت تفرح لان تخلص بس ما قبلت

- وانتِ

-جوابي تعرفة من الاول

- اجيت الباب بيتكم وطلبتج بالحلال شلون انطاج كلبج ترجعيني ؟

سكتت اعض بشفتي گـــلبي متملخ وهو أعصاب وينتر ومن بقيت ساكته سكت وحجه بهدوء

- حرام عليج

-شمسوية ؟

-موتيني

-يُســر

سكت مختنك ويكح مبتعد شوية ورجع للتليفون يحجي بتعب
- ها وياج

-شكرًا لان حاولت تساعدني وتخلص أفاطم واسفه لان هي رفضت ما توقعت ترفض

- وانتِ وانتِ ؟

- مو الك

-رويــده ، استغفر الله يا اللهي ، مو أعتذرت شنو تردين اكثر كتلج تسرعت وغلطت

- ما يفيد شي بعد اني باقيه ويا هجــام

- اذا رحت ما راح ارجع بعد حتى لو نفسي بيج

- ما منتظرتك ترجع ، مع السلامة

حجيتها وسديت التليفون حضرت رقمه مختنكه بس لازم أتصرف هيج .


شــام :: فرشت فراشي ورا الباب كلش ما اريده يرجع يجي واستسلم من كد ما مشتاقتله باوعت الاصابعي بعد أسبوع وافتحهن كثرن اثار هجــام بجسمي الوشم الجرح الكسر ابتسمت متحسرة

سحبت الايباد بقى يمي درست عليه شوية وعفته تغطيت بجرجف لان الجو بدأ يحتر والمخزن مابيه لا سبلت ولا مبرده غمضت هستوني غفيت واحس الباب ندفع بهدوء فزيت وما تحركت من مكاني وهو من حس اكو شي ساد الباب بعد ما دفعه بقوة بهدوء يدفع الباب بس يحاول يفتحه واني ارجع بجسمي على الباب مانعته ينفتح

گـــلبي متگطع مشتاقتله حيل وزعلانه منه حيل حسيت بيه كعد ساند ظهره على الباب لان بعدني احس بالباب بس اوخر منه يندفع وينفتح

-بس ردت اشمج الهواء ضاك بصدري

اسمعه يهمس واني خانسه وكلبي يرجف مديت ايدي على الباب لزمته وكعدت سندت ظهري عليه مغمضة عيني بلعت ريك ارجف ويا كلماته

- لا تجيني وتتعبين انا الاجيج
لا تحبيني وتتعذبين انا الاعشگج

يابه شسوا بيه كوه لازمه نفسي وما افتح الباب رجع همس
- حتى وانتِ نايمه نحرمت منج

حجاها وحسيت الباب رخه وصوت باب غرفتة انسد راح سحبت فراشي مبتعده من الباب ضميت وجهي بالمخده ابجي متگطعه ردت بس ارجع انام ما كدرت سمعت باب غرفتة رجع نفتح بسرعة كعدت اباوعله من الكسر الي بالباب راح الغرفة ملاك گـــلبي وجعني عليه

انتظرت انتظرت ردت بس يرجع الغرفتة واطمئن أكثر من ساعة مرت يله سمعت باب غرفة ملاك نفتح خنست اباوع بخوف مشه بهدوء الغرفتة تنفست براحه رجعت لفراشي يمكن عشر دقايق ونفتح باب المخزن فتحت عيني على وسعها كاتمه نفسي بأيدي نسد الباب

وحسيت بيه تمدد ورا ظهري سحب الجرجف بهدوء تغطة وياي لاول مره البس اتراك من الانطتهم الي رويــده جلبت بالجرجف ما اريد يرفعه ويشوف شي رغم المخزن أظلم وهو يحاول ما يفززني غمضت عاصره عيوني بقوة من حسيت زندي طخ بصدرة هدئ على غفلة مستغرب

ومد ايده برخاوة اصابعه يرجفن مشاهن على زندي يتحسس بشرتي بهدوء رجف كل جسمي وخفت يقشعر جسمي ويحس بيه كاعده وخر ايده وحسيت بثگل راسه بصف راسي يشم شعري ويهمس

- ما كادر على بعدج بس تعز عليَ اذيتج

صوته همس يريد يقترب وما يريد احس بيه حسيت بيه عبر ايده يحضن بدون ما يطخني ورجع وخرها محتار شلون يقربني اله بلا ما يفززني واعرف بوجوده حسيت خصلات شعري بأيده يقرب وجهه منهن يشمهن وحسرته تهد الحيل

- يا ريت ما تفزين واحضنج شلون ما اريد .

حجاها وطبع شفافية على زندي ونفسه الحار يطخ ببشرتي كعد على حيله ودنك الايدي بهدوء باس اصابعي المكسورات

ورجع تمدد ورا ظهري ما مرتاح حاير شلون يلمني بحضنه نفسه عالي احسه يحارب روحه وما كدر ، ورا إذني باسني حيل ما مهتم اذا افز او لا حجه بغصة

- لميني الحضنج تعبـــت ببعدج

واني ساكته بس دموعي تنزل خانسه خله وجهه بركبتي
ابتعدت ونگلبت الجهته رجع راسه على المخده نايم على ظهره

- ليش اجيت هنا ؟

بقى ساكت مديت ايدي على صدره اسحب الجرجف من عنده لزم أيدي واخذها بهدوء الرگبته على النبض غمضت عيني مقشعر بدني من دفوا جسمه همس صوته رايح

- شومه

بلعت ريك متوتره حركت أصابعي على رگبته زفر نفس براحه واني باطراف اصابعي اتحسس بشرته همس

- صار يومين ما كادر أنام واذا ما نمت اتعب حيل أتعب







- ليش ما تنام ؟

- اريدج شــام حيل اريدج

- انت العفتني

- اي انا ، كل ما تجين يمي يصير بيج شي اخاف عليج حيل أخاف

نگلب على جهه مقابيلي صار ورفع ايدي من رگبته الاذنه وشعره

- شومه

- همم

- لا تكرهيني .

يحجي وصوته رايح حركت ايدي على شعره وتلمست إذنه تحسر

- ما اكرهك هجــام اني روحـــي بيك

- حضنيني عفيه

حجاها يتوسل مسحت دموعي ورجعت نمت على ظهري تقرب خله راسه على صدري حضنته باثنين ايدي بسته بشعره

- احبنج شومه

- آمم الصبح تروح وتنسه كلشي حجيته

- اممم انتِ هم إنسي

- خوش ،

سكت حاضني بقوة ونفسه من يزفره احس بيه على رگبتي شوية وحجيت بهدوء

- هجــام

غافي وفز همس
- همم

- هيج ، نام

ثگل نفسه واني رغم ما مرتاحه بنومتي غفيت وفزيت من أنفتح الباب مالكيته يمي باوعتلي رويــده كالت

- خفت عليج لان ما نزلتي

كعدت على حيلي اعصر براسي
- بيش الساعة

- بالتسعه

- هجــام وين ؟

- بغرفتة

تحسرت ساكته نزلت ويا رويــده لعبانه روحـــي من سجود وهي بس تحجي وافاطم تباوعلها بابتسامه وهذيج تتخبل شلون هيج تباوعلها شوية واجه عمو حيدر صاحوا على چاي سويتلهم نطيته اله گال

- رجلج وين ؟

باوعتله متوتره همست :: بغرفتة

ضحكت سجود تهز بأيدها وهم ثنينهم باوعولها كالتلهم

- هي كبل لا يتزوجها عاشت بغرفته ومن تزوجها شمرها بالمخزن







باوعلي عمو حيدر بعصبية گال
- صدك ولج بعدج تنامين بالمخزن

التفتت اباوع لرويده نظراتها الي بقهر رجعت اباوع العمو حيدر هزيت راسي اي
- عمو عندي دراسة لازم اكعد وحدي

- نجبي ملطلطه يضحك علينا لا خلانه نزوجها ولا هو متزوجها

سجود :: هههههه جا هوه دوم يضحك عليكم

يحجون وينترون باوعت الرويده صعدت فوك شوية ونزلت وهم بعدهم يحجون بنتر نزل وراها هجــام بس بالبنطلون كعد على بايات الدرج يباوعلهم مضيك عينه كاله عمو حيدر

- طلكها انا اريدها الولدي شكو شامرها بالمخزن

- اي وبعد شتريد ؟

- هجــام لو تحجي عدل لو ترجع منين ما اجيت ، اذا ما تريدها ليش تزوجتها المن عايفها بالمخزن تكش ذبان

- اي كثران ببيتي لازم واحد يكشه

وعلكت بينهم ورويده ترجف خايفه على هجــام الي اول مره يحجي ببرود باوعلهم يضحك كالهم

- البيت بيتها تكعد بالغرفة التريدها

سكتوا خازرينه شوية وراحوا وهو رجع الغرفتة كالت رويــده

- تعالي نخابر غــزل نحاجيها شوية وروحي ادرسي

هزيت راسي موافقة دخلنا يم افاطم تتصل على غــزل ما ترد تنطيها رفض ورويده تخبلت

غــزل :: مسحت دموعي ميته قهر مخلصتها بجي صار يومين بس انتظر تروح مال البجي من صوتي واجاوب رويــده رفضتها مرتين وراسلتني معصبة كتبتلها

- اوكفي هسه ارد

- شلعتي گـــلبي

- جاي ادرس

- مو خلصتي ؟

- اي بس هيج زياده هاي

- غــزل ردي احاجيج







رجعت إتصلت جاوبتها مالي خلك شي وهي ما مرتاحتلي كوه عافتني وسدته قفلت التليفون وكمت على العكازات طلعت من الغرفة حيــادر عنده دوام وبس اني بالبيت دخلت للمطبخ مخليلي ريوك ومغطيه كعدت اكل ودموعي تنزل مقهورة ومفرفح گـــلبي فززني صوت التليفون

كمت بهدوء وعلى ما وصلته المكالمه مخلصه بس لزمته رجعت اتصلت ايه كعدت على الجرباية وجاوبتها تنتر بصياح

- اني شكتلج ؟ ولج شلون ما تردين صار يومين اتصل حيوانة

- انجبي انتِ الحيوانه

- غزززل هاي وياي ؟ اذا ما طيحت حظج اني مو ايه

- انتِ شتردين من عندي ؟ والقرآن احجي الحيادر كلشي واكله حامل وتريد تخلي الطفل براسك أسوي مثلج انتِ مو صرتي حقيرة اني هم اصير حقيرة

سكتت واني امسح بدموعي واحجي مختنكة سدت التليفون بوجهي ووصلني رسائل وحده ورا الثانية دخلت عليهم وفتحت عيني على وسعها گـــلبي حسيته يدك براسي مصدومه ، اگلب بالصور وارجف اول ما نكسرت رجلي واني نايمه بالسدية حيــادر نايم بصفي ووجهه يم رگبتي وصورة ثانية نايم على الكرسي وراسه على السديه وايدي يم شفته


كاتبة
- خوش حجي هاي الصور راح يوصلن الهجام

بجيت ارجف اكتب وما اسيطر على ايدي
- اوكفي اوكفي ايه شنو تردين

- ما اريد شي هاي هيه

- اذا تحبين الإمام العباس لا تدزينهن حرام عليج والله حرام

- نجبي لج دروحي صرتي شريفة هسه قبل شوية تغلطين

- جا حركتي گـــلبي .

- انعل ابوج لا ابو كلبج حيوانه تسوين الاكوله لو شلون

بجيت محتارة وميته قهر كتبتلها اي وابجي بصوت عالي كالت
- كليله احب اريد اتزوج طلكني وخابري اهلج يجون ياخذونج واسلام راح يجي يخطبج







- ما ارررريد اسلام

- لو تموتين ما تلكين واحد يحبج مثله شنو تردين عيني ؟ شخصية وفلوس ودارس ويحبج شو تتمضيكين انتِ

- مو حيــادر هم هيج وانتِ ما ردتيه اني هم ما اريد اسلام شنو بكيفج هيه انتي شعليج اني ما اريد أتزوج هسه يفك العقد واخذيه وفكيني منج


- لا حبيبتي لا ، تكليله أريد أسلام بالحرف الواحد وإسلام يجي يخطب حجي زايد ما اريد والا والخله هالحمل ببطني أوصل كلشي الهجام والعب بيكم لعب خاف عبالج ما ادري باخوج صاحب سوابق ، كلشي ادري واعرف بمجرد يدري بحيادر عاقد عليج يقتله ويرجع للسجن


نكتم نفسي اشهك ايدي على حلكي سدت التليفون بوجهي بجيت روحـــي رايحه اني حماره اني ما اعرف أتصرف شجابني هنا شورطني وينج رويــده تعالي وانتِ حلي الطحت بيه
تعبـــت
مسحت دموعي وكمت غسلت كعدت بالصاله صافنه بالفراغ
اذا احاجي هجــام راح يسمعني احجيله كلشي وهو يفهم ليش هيج سويت ، لااا ما احجي هو شاف أسلام لازم الكرسي مالتي كسره اذا يعرف حيــادر متزوجني يذبحه
ضميت وجهي بأيدي ورجعت ابجي مفرفحه الحد ما سمعت باب الكراج نفتح مسحت دموعي بسرعة اباوعله دخل سلم بهدوء باوع الرجلي رافعتها على الطبله باوع الوجهي يسأل

-شنو توجعج ؟

هزيت راسي لا سكت فات الغرفتة بدل وصلى واجه يمي للصاله شال التليفون ويحجي بدون ما يباوعلي اتملخ من يعاملني هيج كال

- شنو تردين غدا ؟

بقيت ساكته عيوني مليانه دموع رفع رأسه باوعلي تحسر عينه بعيني عاف التليفون واجه كعد يمي سحب راسي الصدره بجيت مغطيه وجهي بايدي

- ليش يا روحـــي ليش هالبجي والله تعبتيني

- طلكني عفيه طلكني

وخرني من حضنه لزم وجهي باديه مسح دموعي بابهامه







- بس كليلي ليش دتموتيني بهالكلمه

شهكت مختنكه
- ما اريد

رجعني الحضنه حيل حاضني باس شعري يحجي مختنك
- كل هالبجي علمود العقد

هزيت راسي اي وخرني من حضنه وحجه باصرار
- ما اكدر اذا طلكتج ما يصير نبقى نفس البيت

بلعت ريك مسحت دموعي اباوع لوجهه وهو لام شفته الداخل حلكه حجيت كلمة كلمة واحس نار تطلع من گـــلبي

- انت كلت من تردين تتزوجين اطلكج ، أسلام راح يروح الهجام حتى نتزوج بعد طلكني انتَ

فتح عيونه بصدمة وكف مبتعد عني افتر بالصالة ورجع كعد لزمني من اكتافي بقوة شهكت ابجي كال

- شعندج وياه ؟

هزيت راسي لاا
- ماعندي شي والعباس

- غــزل احجي سولفي

- هو يحبني وانا اريد اتزوجه

رفع ايده غمضت عيني خايفة يضربني لماها وعضها حيل شايطة روحه كال

- هجــام مستحيل يقبل ينطيج الإسلام

- معليك انتَ

وهذا ثاني كلام من عندي يصدمة عاف البيت وطلع بجيت الحد ما ورمن عيوني ونمت واني على القنفة فزيت على ايده يتلمس بشرتي فتحت عيوني اباوعله كاعد بالكاع مقابيل القنفة النايمه عليها وايده على خدي نزلها الحنكي

- كعدي اكلي

كعدت على حيلي كمت غسلت وهو يباوعلي رجعت للصالة قرب الطاولة الي همست

- ما اريد

شمر الخاشوكة محتار تنفس بغضب
- شتردين ؟

- فك العقد

- اطلك بس عوفي أسلام

- حيــادر حباب ما عليك بيه بعد بس عوفني

لم شفته الداخل حلكه بقهر رفعت ايدي امسح دموعي حجه بخنگه
- هاي هي بس لا تبجين والتردينه يصير







حجاها وطلع من الصالة غطيت الاكل وعفته بمكانه كمت اريد اشوفة وين لكيته بالكراج كاعد يدخن ويصفن بحيرة رجعت للغرفة ايه تتصل رفضتها وكتبتلها رسالة

- ارتاحي قبل

- هههه غصباً عليج وعليه ، بس لا تخافين تتزوجين أسلام وترجعين البغداد نرجع صديقات

- والله اصادق احماره من الشارع وانتِ ما اصادقج

- ايا حماره سهله اني اعرف شلون تتأدبين

- نجبي يله بعد ما اغلط عليج

- سهله غــزل سهله

اوووه شمرت التليفون ابجي شكد حقيرة مسحت دموعي من حيــادر صاح

- غــزل تعالي اكلي مردتي گـــلبي ترا

طلعت من الغرفة احجي بدون ما اباوعله

- ما اريد شبعانه

هز رسه موافق وشال الاكل مثل ما هو رجعه مشيت ورا للمطبخ

- حيــادر شوكت تفك العقد ؟

سكت منطيني ظهره تحمحم وحجه بقهر
- باجر أجيب السيد يفكه على كولتج


رجعت للغرفة گـــلبي متگطع أتمنى اكدر اكله والله اني احبك ما اريد تفك العقد بس ايه خبيثة تهددني بس مجرد امنيه ما اكدر اسويها واحجي اخاف حيل اخاف تحجي كلشي الهجام ويكتل حيــادر ويرجع ينسجن لو يروح للمصحه ما طلعت من الغرفة بعد ثاني يوم هو راح للدوام وايه رجعت تتصل سويته صامت واشوف رسائلها من برا دزت صوره دخلت عليها

داخله على رقم هجــام مختارة الصورة البيها اني وحيادر بس ما دازتها ماخذه سكرين ودازته الي كاتبه

- غلسي على اتصالاتي وشوفي شيصير

رجعت اتصلت احس گـــلبي خلص وكوه احجي
- شتردين ايه

- خلصيني تطلكتوا

- من يرجع من الدوام يروح يجيب السيد

- صلوات ، شوكت ترحين الاهلج ؟

- باجر







- هو ياخذج ؟

- اي

- عكب باجر اسلام يجي الاهلج يخطب

- تف عليج الحقيرة الحيوانيه الحماره الجلبه كل الحيوانات انتِ امداج امداج الف مره امداج شكد اغلط عليج احس بعد اريد اغلط
ان شاءالله يا رب يجي واحد يهددج مثلي

احجي بحركه وابجي وهي تضحك كالت
- والله ربي شاهد احبج بس انتِ تجبريني هيج اسوي

حجت وسدته بوجهي كمت مختنگه دخلت الغرفة حيــادر ودموعي على خدي فراشة مخربط عدلته واباوع الاغراضة شي شي طلعت من الغرفة للمكتب كعدت بمكانه المحبس مالته عايفه بصف الابتوب قلم ودفتر ملاحظات مفتوح باوعت بيه عباره عن جداول امتحانات وخطط دراسة

خليت المحبس بايدي يطيح عفته سحبت دفتر الملاحظات رحت للصفحات الاخيرة الفارغة اخذت القلم گـــلبي يدك حيل وكل حرف تخطه ايدي طالع من نص گـــلبي كتبت بايد ترجف

- احبك بس انتَ والعباس اني ما احب اسلام احبك انتَ حيــادر

باوعتلها ودموعي تنزل سمعت صوته وكفت بخوف ضغطت على رجلي حيل بلغلط شاطت روحي كتمت صوتي. وشكيت الورقة خايفه عصرتها حيل بايدي وافتر اريد اعرف وين اوديها شمرتها ورا رفوف الكتب المرتبهن هو. ونفتح باب المكتب

التفتت عليه عركانه ومتوتره عكد حاجبه يباوع الحالي ويباوع للعكازات واحد بأيدي وأحد بالگاع دنك شاله من الگاع خلاها بايدي ستندت عليها هز راسه شكو

- ماكو شي

- شتسوين هنا ؟

- هيج ضجت واجيت اباوع بكتبك

هز راسه موافق ذب نفس بحسرة باوع بعيوني مركز بدون ما يرمش واني احس ما اريد اشيل عيوني اريد احفظ لون عيونه زين بلع ريك حجه بصوت ناصي والكلمه كوه تطلع منه

- البسي شي وتعالي وياي


رمشت بثگل دك گـــلبي بخوف

- وين

دنك متحسر فرك وجهه ورجع باوعلي ابتسم
- تخلصين من عندي حتى بعد ما تبجين جبت السيد يفك العقد مثل ما تكولينها انتِ







شهكت شهكه احسها زرفت گـــلبي ورجفت شفتي باوعلي باستغراب دنكت دموعي يطيحن وحده ورا وحده صاح بقهر

- موتيني غــزل موتيني شنو التردينه

هزيت راسي ماريد شي وفتت من يمه دخلت للغرفة مختنكه گـــلبي راح يوكف النفس كمت كوه اسحبه لبست بشت وايدي ترجف من التوتر والعصبية سحبت الشال ورجعت ليورا نضربت رجلي المكسورة بحافة الجرباية متت صيحت ابجي وكعدت على الجرباية

دخل خايف واني بدون ما يسأل شكيت
- رجلي طكت بالجرباية

مسح عليها باثنين ايديه يحجي بتعب
- غير تنتهين شبيج ليش توجعين روحـــي عليج ليشش

هو يحجي واني ازيد بالبحي كال
- هالكد توجعج كومي اخذج للمستشفى

مسحت دموعي بظهر ايديه
- لا ما توجعني صارت زينه

دنك رفع شالي من الگاع واجه يمي هو واكف واني كاعده على الجرباية وماده رجلي خلاه على شعري ضم الشعر الطالع يحاول يلفه عدل مسح عيوني ورفع وجهي ليفوك باوعتله اشهك بلع ريك ايديه الحاضنات وجهي وحده منهن نزلت لشفتي تحسسها باصابعة حسيت ببطني تشنجت رفع عيونه لعيوني همس بصوت ناصي

- راح اطلكج بعد ما اكدر الزمج هيج .

هزيت راسي اي وهو بين ايديه رجع عينه الشفتي تحسسها بين اصابعه من جديد وجهه صار أحمر وعرك
- غــزل أسف بس اذا عفتج بهالحظه أبقى متندم طول عمــري


حجاها ودنك بسرعة شهكت فاكه عيني على وسعها من خله شفته على شفتي يبوسني واني بس فاتحه عيني بصدمة وكلبي يدك بقوة جسمي كله حسيته تقلص وهو لازم وجهي قوي ويحركني مثل ما يريد نگطع نفسي أبتعد وكعد بصفي بعده حاضن وجهي وساند كصته على كصتي اتنفس بقوة ارجف كل جسمي يرجف وهو صوت نفسه عالي مغمض عيونه ويحرك كصته على كصتي


اريد طاقة وقوة احجي ما اكدر رجع رفع راسي وهو مغمض وعاد السواه من جديد شهكت ايدي على صدره ادفعه أريد اتنفس صيحت بوجع ابتعد مديت ايدي على شفتي امسحها وابجي بس شفت بايدي دم من شفتي تخبلت بجيت اصيح

- دم

باوعلي متوتر مد ايده سحب كلينكس وكعد كدامي يمسحها

- اشش لا تبجين

- ما ، ابجي والله ابجي







حجيتها واشهك بصوت وخر الكلينكس من شفتي باوعت لوجهه

- مو عيب عليك

هز راسه اي
- والله عيب عليك والعباس عيب عليك

- ادري ادري

- ما تستحي معلم عود انتَ ، أستاذ، دكتور اقصد .

وكف منطيني ظهره وندك باب الغرفة دخلت زوجة عمه كالتله

- يله عمه فضها

هز راسه اي وطلع من الغرفة اجت يمي كالت
- شجاج تعوفينه هو المثل حيــادر هم ينعاف غزوله ؟

سكتت بس دموعي تنزل اخذتني وطلعنا عمه والسيد وزوجة عمه باوع بعيوني نطق اسمي والطلاق وعيونه حمر دم .


شــام :: رجعت من المدرسة رأسًا نمت كعدتني رويــده باوعتلها كوه فاتحه عيني وهي مقهوره

- شكو شبيج رويــده ؟

- ماكو شي انتِ صايرة بس نوم ما تكعدين تدرسين

- اكلج يردون من عدنا صور للبطاقة مال الامتحان واني ماعندي ولا صورة

- سهله شوكت يردونهن

- هذا الأسبوع

- شــام والله خجلانه من عندج بس حبابه ساعديني هجــام من امس لا ماكل ولا شارب علاج ويخوف وضعه تكدرين تاخذليه اكل


دنكت هزيت راسي لا وادري بروحي جذابة هسه اروحله ركض لان بمجرد ذكرت اسمه گـــلبي دك حيل سكتت رويــده تباوعلي بقهر كالت

- الخاطري

- هم يدفعني لو يضربني بلا ما يحس

- شــام هجــام مستحيل يسوي هيج اذا ما انتِ ضاغطة عليه او سأله على شي محذرتج منه اني







- شفتي شنو كاتب على الحايط ؟

- يا حايط

- بغرفتة

- لا كلشي ما شفت قبل شوي نظفتها

- هو قبل لا يدفعني وينكسرن أصابعي قبلها بليلة اجه للمخزن وحجينا سألني انتِ تعرفين كلشي وكتله اي

- اي ؟

- المهم من رحت الغرفتة لكيته كاتب يظنون بأنهم عرفوا الحقيقة بينما هي غطاء لجريمه .

بلعت ريك ودارت عيونها من عيوني لزمت أيدها
- اكو شي والله من تسوين هيج اكو شي

- ماكو شي سألتي وجاوبتج

- بعد ، جذب ملاك وامها ما ماتوا بهالطريقة ؟ جذبتي عليَ

- والقرآن وروح امي وغلاة هجــام هذا الماعندي اعز منه ما جذبت عليج بحرف يا شــام والله ما توقعتج تجذبيني .

حجتها وكامت بزعل صحت وراها وما رجعت نزلت ، كمت نزلت وراها لكيتها تشتغل بالمطبخ جلبتلها
- رودي اسفه

وهي مطنشة
- اوووي شدعوه عليج هي جفيصه هلكدوتها

وبقت مغلسه تفتر بالمطبخ ساكته واني وراها اطخ بيها واحجي
- اختنكت راح اموت احجي وياي يمه اختنكت اختنكت بعد ما اتنفس

احجي واباوع الوجها كوه لامه حلكها كملت الصينية خلتها بأيدي
كالت
- اذا اكل هجــام انسه جفصتج الهلكدوتها

- يابه خاف يخلي الصينيه براسي

- نمونه واذا خلاها هيه صينيه هلكدوتها







ضحكت اخذتها وصعدت گـــلبي يدك حيل وكفت بباب غرفتة متوتره واحاجي روحـــي مو حلفتي بعد ما تدخلينها الخنيثة البلا كرامه امداج المضحكة القشمر رجعتي رجعتي ، رزلت روحـــي زفرت نفس ودخلت

كاعد يم الشباك النركيله بأيده والغرفة صايرة تخنك ما التفت الحد ما تقدمت كم خطوه ، القامجي بحلكه يريد يسحب نفس منطيني ظهره وجمد التفت فاز رأسًا ابتسم واختفت ابتسامته بسرعة مركز بوجهي دنكت عيني متوتره والصينية بأيدي رجعت رفعت راسي بعده يباوعلي

خليت الصينية بالگاع حجيت بدون ما اباوعله
- اكل حتى تشرب علاج مو زين عليك

وهو ساكت باوعتله متوتره تقرب خطوة خطوة رجفت بخوف طخ ظهري بالميز وهو يتقدم الحد ما وصلني وما يفصلنا اي شي

- هجــام

- بعد

باوعت بعيونه خله ايديه وره ظهره ويباوع الوجهي غمض وقرب وجهه الي

واني كاتمه حتى نفسي اباوعله وارجف ميته من التوتر فتح عيونه ورفع أيده بهدوء غمضت حيل رخت روحـــي من سحب الشال من شعري عافه على الميز وركز عيونه على ركبتي همست صوتي رايح

- هجــام

رفع عيونه لعيوني وحجه بهدوء
- هاه

- اكلك برد

- خلي يبرد

ابتعدت من كدامه رجلي ما شايلتني كعد كدام الصينية كال
- اكلي وياي

- شبعانه
دفع الصينية الي
- اخذيها ما اريد

- لا يله جوعانه

دنك مبتسم اكلت وياه كام غسل ورجع كعد مقابلي باوع الصدري ومد ايده الي
- وين علاجي ؟

يحجي وعيونه على صدري عباله هم ضامته هنا
- هسه رويــده تجيبه يمها

باوع بوجهي مقهور كال
- لو ادري ولا ماكل

- هههههههه

التفت علي بفزة مبتسم

- شحلوج وشحلو ضحكتج

دنكت خجلانه واجت ببالي الزوج القشمر هم ضحك عليج بكلمتين
خفيت ابتسامتي وكمت اخذت الصينية ونزلت ورويده صعدتله العلاج رجعت للمخزن بس طلعت من غرفته اشرتلها تعاالي
اجت للمخزن كعدت عاكده حاجبها

- شكو

- رويــده اني ما اجذبج واسفه اذا تفكرين هيج بس يعني انتِ صيري بمكاني ترا اني عقلي راح يوكف

مسحت وجهه محتاره وباوعتلي
- اسألي راح تموتيني

- لا تخبليني ملاك عيونها يشبهن عيوني

- عيوني هم يشبهن عيــونج ترا !

باوعت بعيونها
- بس ملاك هواي هوواي تشبهني

- مو هي أصلًا تعودلج .

يتبع .. 🦋

نوائب شام - البارت ٢٠ -


طلعت شربت ماي وصعدت فوك اريد افوت للمخزن ولمحت باب غرفة ملاك مفتوح على كيف وهنا العرك بين عقلي وكلبي يصير اخاف اروح وفضولي ما يخليني اغلس واسوي نفسي ما شايفه شي جبرت نفسي. اريد ادخل للمخزن وسمعت صوت همس  بلعت ريك وتقربت على الباب

بخوف وارجف لمحته متمدد بالگاع حاضن صورتها يشهك ويهمس
- موتج بابا موتج بايدي موتج يا روح ابوج يا نظر عيني

كعدت على حيلي ايدي على حلكي ودموعي ويا دموعه ينزلن اسمع كلامه وكلبي يدك حيل  اباوعله شلون لام روحه وحاضن الصورة
- شلون انسه ملوكه بابا شلون انسه وانا الكاتلج

شهكت شهكه حسيتها زرفت گـــلبي   سديت حلكي بأيدي ارجف ثواني وحسيته فوك راسي رفعني من اكتفاي لاطشتي بالحايط غمضت بوجع وبس دموعي تنزل  فتحت اباوع لعيونه   دفعني مبتعد وحجه

- روحـــي روحـــي روحـــي

- هجــام*

*دفعني على الحايط قوي وسد حلكي بأيده وايده الثانيه على حلكه يسويلي
- اشششششش ،
رجفن شفايفه يباوع لعيوني غمض عينه حيل وهمس
- لا تخليني أأذيج روحـــي*

*دفعت أيده من حلكي ورحت للمخزن اتلفت عليه بقى ساند راسه على الحايط  دخلت وسديت الباب جسمي يرجف ودموعي تنزل هو الكاتلهم هوووه   ابجي بحركة وخوف ما ادري شلون كدرت اغفى وكعدت بلاعيمي مطبكه وصوتي رايح  اجت رويــده يمي كتلها ما أداوم

رويــده ::  مديت أيدي تحسست كصتها مصخنه
- هسه اجيبلج ريوك واجي

تغطت ساكته  نزلت اكمل شغلي جوا واصعدلهم هي وهجام  شلعت گـــلبي . ما قبلت تاكل للساعة بالعشرة اجه ابوي بهمه كال

- الديوان نظيف وادم جايتنا

- اي نظيف ، منو جاي

سكت ما رد درت ااريد احاجي افاطم وغزل اباوع الغزل كوه تجر النفس وتشهك تخبلت غسلتلها  گـــلبي  رايح شوية وطبكن سيارات عاليه سود إثنين اباوعلهم من الشباك نزلن نسوان ثنين وبنيه وولد شاب والسيارة الثانية ثنين معگلين وواحد لابس قاط  ما اعرف اي احد بيهم  دخلهم ابوي للديوان  وسجود راحت تتنصت عليهم شوية ورجعت بحركه تريد تضرب غزل تحجي وتنتر

- ام الززززلم رايحه للكليه تصاحبين

-  ايدج ااايدج واحجي عدل

نترت ايدي بقوة وتسوي حركات مقرفة بأيدها ترجف كلها وتصيح

- جايين يخطبونهاااا وياهاااا من الكليه

هجــام :: يخطبون منو ؟

التفتت عليه مرتبكة وغزل مجلبه بيه  خاتله بظهري وترجف مد راسه يباوعلها

- غزوله تعالي بابا شكو ؟

وهي تهز راسها لا وتبجي كالتله سجود

- ماكو شي ناس جايين عليها من الكليه ولد يحبها  وجايين عليها
- اشششششششش اشششش ما سألتج

دخل ابوي يحجي بحزم وإصرار
- ها هجــام ، هذا شلون ولد دره جاي على غــزل تعال شوفهم

وهجام عيونه ما فاركت غــزل وابوي كال
- تعرفينه غــزل طبعًا تعرفينه أسلام*

*هو نطق إسمه وهجام فتح عينه على وسعهن وطلع للديوان ركض بدون تشيرت وابوي يصيح وراه  بس ردت اكعد غــزل واروحله ما لحكت اسمع صياح  الزلم وصريخ النسوان وكلبي يرجف

يتبع 🦋