وراحت وهي كالتها من قبل بس تخوني اعوفك واعوف علاوي واروح اتزوج غيرك " بس والله لاتحلمين اخليج تزوجين غيري ويجي غيري رجال

ردت _ لا ابن أخوي

_هاا عبالي ابنج أني عالعموم ربي يحفظه لكم

_ويحفظج حياتي

_حبيبتي تسلمين ممكن سؤال ؟

_تفضلي ؟

_أنتِ مخطوبة مو

_لاحبيبتي

_متزوجة أكيد

_لامخطوبة ولامزوجة

_لعد هذا منو الولد النشرتي قبل أيام ادري سؤال فضولي بس حبيت اتأكد أني متابعة جديدة وماعرف عنج شي نعجبت بصورج ومنشوراتج وحبيت اتعرف عليج إذا
ماتصير زحمة الحظرتك

عاد انطيتها لايك ماكدر اكمل وياها هسه افضح نفسي قلبي ثول وكام يضخ بدل الدم بحب الها طفيت التلفون وشمرته جوه المخدة وأحاول أنام

ماكدر صارت تجي بالي ذكرياتي ..... الحلوة وياها من اتعارك وياها وتروح تشرد يم أمي وأبوي وأمي وأبوي يدافعولها لو من اكرصها بالغرفة العب بيها جوله

اشتاقيت كلش لأيام زمان وصوت من داخلي يهمس الي " لا تصير عار وتخلي مرتك تروح من ايدك وتصير بين ايدين رجال غيرك انت مو رجال إذا تركتها لغيرك

أنت عار على الزلم راح تصير رائد .

كلمة عار على الزلم راح ...... تصير فوك العشر مرات نعادت براسي صارت مثل الطبل تدك برأسي دك تعصبت وكعدت بفراشي كلشي ماشوف غير الظلام

حلفت بالعباس اخو زينب الا ارجعها البيتي خلال شهرين لا أكثر ولا أقل اكون بعيد ميلاد علاوي هي
هنا موجودة .

قاسم رجعت للبيت والفرحة الي مسك متعاركة وي امي ورايحة زعلانة علمود شغله تافهة ماتسوى اووف ياحظي عزلنا ونفس السطوانة ومنا هي حامل
بالشهر 6 وبيها بنوتة

طلعت بالليل باردة كلش شعلت جكارة وطلعت اروح اجيب مسك العروس الزعلانة صارلها أيام زعلانة ماتقبل ترد على رسائلي ولا اتصالاتي اتصل بأمها بأخوها ماتقبل تحاجيني سيارة جانت بره عايفها كدام الباب
وي طلعتي شفت رائد

جكارة صفح صايرة وصافن ماعرف وين "
هييي رائد وين وين صافن ؟

انتبه علية ملامح وجه تعبانة ...
بضيم الله صافن

_ من يوم يومي متعوب ومهموم شنو الجديد قابل وين طالع

_اروح اجيب المرة

_ليش مرتك وين ؟

_عد أهلها

_من شوكت عد أهلها

_من زمان

_ولايشبعن من بيوت اهلهن

_اي والله وفوك كلشي زعلانة

_زعلانة عليش زعلانة ؟

_هي وامي

_يله تعال لعد روح نجيبها

أخذ نفس طويل من الجكارة وشمرها بالكاع اجه صعد وياي بالسيارة شغلت وحركت عدل لبيت عمي فهمت رائد السالفة هو هم فهمني سالفة من عنده إذا عاندت مسك وماقبلت ترد ويانه المهم وصلنا طلع اخوها ضرغام سلمنا ودخلنا
بالاستقبال طلعت اامها سلمت

وكعدت يمنا كتلهم صيحولي مسك ...دخل رضاوي يركض مامصدك شافني كمت شلته بحضني ابوس بي واشم بي صارلي ١٥ يوم ماشايفه مشتاقله كلش .

ربع ساعة دخلت مسك هذاك المكياج والعطر تكوللها كش تطير ابتسمت بوجهها " شلونج مسك ؟

مسك _والله موزينة وبفضلك طبعآ

قاسم _ليش شسويت

امها _مسك عيب ماما تعاي اكعدي واتفاهمي وي زوجج

كعدت بصف امها تخزر بي ...
إلى متى تبقين بهذا عقلج مسك
تزعلين منورة شغله تافهة

مسك _مو شغله تافهة امك تغلط وتسب بي علمود ماغسلت الماعين وكتلها مابي حيل أنتِ اغسليهم أني كلت هيج لو ابتليت على عمري ولما حامل جان ضربتني

قاسم _ امي جديدة عنج جان خليتي مرت محمد تغسلهن

مسك _ كتلها طلعت عذر تقري الجهال

رائد _مختصر الكلام كومي يابة لمي اغراضج وتعاي وي زوجج خطية مشلوع قلبه صارله ١٥ يوم بالدوام ودك
واجبات يريد يرتاح بجاهكم انتِ وابنه ..

يلا يابة فرديها واضحكي بوجه شوفي
وجه صاير ليمونة

مسك _مارجع الا عمتي تجي ترجعني

مسك _مو شغله تافهة امك تغلط وتسب بي علمود ماغسلت الماعين وكتلها مابي حيل أنتِ اغسليهم أني كلت هيج لو ابتليت على عمري ولما حامل جان ضربتني

قاسم _ امي جديدة عنج جان خليتي مرت محمد تغسلهن

رائد _ليش تصيرين مضحكه الريتاج والسيرين وهن يردنها من الله تزعلين وتعوفين بيتج وعيالج خليج مثل السبع
اكلهن وماخليهن يأكلني

امها _كومي شبيج

مسك _مارجع

قاسم _اهوووووو وتالي وياج

رائد _لا ترجعين يابة ابقي يلا قاسم جيب ابنك وتعال
خل نرجع للبيت ورانه مية شغلة وشغلة

غمزلي عين رائد ماكلت باطل شلت رضاوي وكمت كام
رائد ميك طفرت من مكانها اخوها
طفر امها كذلك

قاسم _ ترجعين ويانه لو تبقين الوحدج

مسك _قاسم رجع رضاوي لا تصير أناني

رائد _والله ياختي ماكو غيرج أنتِ الأنانية حارمة الرجال
منج ليش يابة مو حرام عليج
هيج تسوين

صارت لاخت عسله مسك تصيح وتبجي تريد رضاوي وقاسم المسكين يحبها مايتحمل يشوفها تبجي راد ينطي الها
اخذته من ايده وطلعت كتلها

رائد _يلا عيني ام رضاوي لمي الأغراض
وتعاي ننتظرج بالسيارة

مسك _رائد رجعلي ابني رجعلياه

رائد _قابل بايكينه ياعيني تعاي ويانه واشبعي من ابنج ورجلج من كيفج خاله فدوة الطولج همي ايدج ولمي
الأغراض بسرعة الجو صار بارد...

وراح نتأخر ومنا مانريد نبين للعالم
الأميرة مسك زعلانة

امها _ ثواني خاله وتكون عدكم .. يلا
مسك روحي لمي غراضج

مسك _ رائد لا تصير استغلالي رجع رضاوي

رائد _ والله قلبي مثل النار صاير وماتحمل اشوف حبيب القلب قاسم نار مثل ناري تشتعل بي ادري بي ترف ومايتحمل مومثلي اتحمل وانتِ تعرفي اكثر مني

بعد شكثر يحبج ويعزج على كوله عمتي ام نزار
يلا ام عطوب همي ايدج بسرعة

طلع رائد يضحك شايل رضاوي تباوعلي وتخزر ...
جايب وياك البلية السودة

صاح رائد من الصالة "
اعصابج اميرتنا على اميرنا
اعصابج هههههه

مسك _ رجع رضاوي

رائد _اوووي مانرجع زلم احنا لو تحبين زلمتج
صدك تعاي ويا لبيته

مسك _قاسم اريد رضاوي روح رجعه الي

قاسم_يلا تعاي ورانه انتظرج بالسيارة لا تتأخرين

خليت وطلعت مقهور عليها بس ... بنفس الوقت فرحان رائد خوش اشتغل من أخذ رضاوي منها لكيت رائد كاعد بالسيارة بحضنه يعقوب يلعب بي ومشغله اغاني

بيبي صعدت أضحك...
شنو من عقل عندك ههههه

_ادري بمرتك ماتتحمل افراق ابنها باع طلعوا
الأغراض اجت الأميرة الهاربة ههههه

_ههه اي والله اجت هسه تتعارك وياي بالبيت

_بطريقتك سكتها وراضيها هههه

_ثواني اراضيها بالغرفة مو مثل عد أهلها

_زحمة كدام اهلها على بوسه على كرصة على حضنه ههههه

_هههههه

_هاي اجت مطنكره ههههه

رائد _حرك ابو رضاوي

حركت السيارة مسافة يلا انطاها رضاوي أخذته تبوس بي كاتم ضحكتي رائد يضحك التفت عليها " والله ياريت لو هذيج الصخله مثلج لحكت ابنها

مسك _ ارتحيتوا هسه

قاسم_كلش

رائد _اي والله ارتاحينه نفسيا وجسديا ردينه الأميرة مسك

مسك _ ليش هيج رائد تسوي ؟

رائد _باعي الوجه قاسم خطية مصفر من القهر والبجي سودة علية حبيبي لكيته كاعد بالغرفة وحاضن ملابسج ويبجي شلون ترديني اتحمل اشوفه بهاي الحالة

باوعت الرائد غمزلي عين عود اسكت كتمت ضحكتي اباوع المسك بالمراية ضحكت وكالت " شهل الجذب رائد

رائد _أني ماجذب باوعيلة وشوفي بعيونج أثر البجي
بعيونه دير وجهك لمرتك خل تشوفك

قاسم_مايحتاج

رائد _مو ماتصدك ؟

قاسم_عاد هي من شوكت مصدكه بي علمود هسه تصدك بي

رائد _وسفه عليج ام رضاوي ماتصدكين برجال قسوم
ولج ليش هيج تسوين بالرجال

مسك_ من ايده مايوكف بوجه امه ويكوللها احترمي مرتي وصايرة عنده سوالف من جوه الجوه

رائد _ منو كالج ؟

مسك _ مايحتاج منو كالي هو يعرف نفسه زين

رائد _مو صوجج صوجه هو المنطيج كل المجال والحرية لو غير واحد بمكانه جان من زمان تزوج عليج وشمرج لبيت اهلج بس الرجال متحمل ..

مسك _ رائد ماسمحلك

رائد _وزقنبوت ينام بنص قلبج كافي مصكوعة موتي الولد شلعتي قلبه عربانة من طيح الله حظج تغشمرج سيرين لو ريتاج ولج الرجال يحبج يحبج تعرفين شنو يحبج ؟

مسط_ لو يحبني جان كالي عندي ...

رائد _ربببببي شكو براس هالمرة شكوووو
ولج أنتِ شنو من بني آدم

قاسم _كافي رائد عوفها

رائد _خل افتح الباب واشمر روحي واخلص ولك شلون متحمل بس فهمني شلون متحمل

قاسم _ أحبها واليحب يتحمل

رائد _انعل ابو الحب يابو الحب ليخليك تتحمل نكد
النسوان مسك اسمعي كلامي زييين

رائد _ أقسم بالله العلي العظيم إذا شفتج منكدة فوك راس قاسم ورايحة زعلانة لبيت اهلج وسامعة كلام هذيج وهاي والخالق الكون راح تشوفين شي بعمرج
كله ماشفتي افتهمتي

مسك_وأنت شدخلك بيني وبين قاسم

رائد _ والله جاي اشوف ضيم قاسم وضيم قاسم من ضيمي من تأذين قاسم جاي تأذيني وأني ماتحمل احد يأذي حبيبي قسومي اكعدي عاقله وكبري هذا العقل البراسج
هاي اذا اكو عقل من أساس يعني

مسك _ قاسم نزلني

مسك_وين انزلج

رائد _لتنزلها أني راح اشمر نفسي من السيارة واموت
واخلص من النكد لعند مرتك ولك شلون
متحمل شلوووون .

فتح باب السيارة يريد يجيت صحت بي ...
ولك جاي تسوي رائد

رائد _اريد انتحر بعد ماتحمل النكد

مسك _ولك رائد أرجع لا تموووت رائد مخبل أنت

رائد _هو أني مخبل وشفت خبالج تخبلت بالزايد بعد
ماتحمل ابقى وياج بنفس السيارة وكمية
النكد هائلة عندج

قاسم _ولك ارجع لتوكع من صدك وابتلي بيك

مسك _والقرآن اسكت بس ارجع يمعود استر علينا ابو علاوي

رائد _احلفي تبطلين نكد وتراضين قاسم

مسك_ والله ابطل نكد بس ارجع مو جرشنه من البرد

رائد _من الله ماتحمل النكد اتخبل من المره التنكد
وماتنطي مجال واحد يفهمها

مسك _قاسم مو وياك

رائد _هذا ميت بيج لو أني انكد فوك راسه يبتلي بي لاتشوفي فقيرون وياج ترى بلا اسود هذا قسوم

مسك _فقيرون

رائد _فقيرون بس وياج لأن أنتِ ترف وحبيبته وام ابنه بس وي غيرج أسد مفترس وماينطي مجال واريدج تنطي مجال وتراعي وتهتمين بي خطية

ترى هواي متعذب بالدوام وماشايف راحة تنطي راحة وحل وحنان ترى عمتي الضابط بس تدري بيج هيج تسوين راح تزوجه بالسر وبدون علمج عود من يتزوج دكي وزن

مسك _والله اذبحه بس يتزوج علية

مسك _والله مكاسرة هي الها والكيفها نزلت بي
دوسة ونص عبالك متحمله من أيام علية

قاسم _خلص مسك سدي الموضوع

مسك _ماشي

سدت الموضوع مسك وصلنا للبيت نزلت رائد يم بيتهم ورجعنا للبيت سلمنا على اهلي ورحنا للغرفة عزلت الغرفة ونومت رضاوي بدلت وجت كعدت بحضني

_ اي قسومي سولفلي شسويت ماسويت
بهل ١٥ يوم بدوام

_بشرفج هيج وضع رومانسي جاي تسألين عن ضيم الله

_هههههه

حضنتها قوي في حيث أتمنى اكسر عظام جسمها على زعلها علية كل هاي الفترة اليوم اطلع ضيم الزعل
كله من خشمها .

عافت التلفون فوك الميز واجت رفعت الغطة ودخلت وياي بالفراش لفيتها بحضني ابوس بيها " مسك تحبيني

_شعندي غيرك قويسم احبل اجيب ههه

_ حبج الي عابر الحدود

_والقارات والكرة الأرضية وعابر للفضاء الخارجي

_اويلي يابة

_قسوم

_هاا عيوني ؟

_أحبك

_اموت عليج مسوكتي

حضنتني قوي وتبوس بي " صدك مسك اكولج عمتي راح تجي عدنا جهزي نفسج بالساعات توصل

_هاي باربيل

_يالساعة السودة عدها بنات مامتزوجات

_اي ههههه

_خوما تبقى عدنا

_لعد وين تروح

_خل تروح يم اخواتها مو يمنى

_جا غير بيت أخوها الجبير هوو يوم يمنى ويوم يم عمي ابو صدام وشلون ماشوف هسه لو مصطفى لو رائد
ياخذون وحدة من بناتها

_رائد مستحيل ياخذ من عدهن

_ليش شبيهن ؟

_رائد عشكان

_عشكان منو والج وشمدريج

_هو صح يعشكها بس خلص إنتهى أمرهم هسه عمي
يريد يزوجه واشوف جيه عمتي
موخالي بلاش

_اشوفك لابنات عمتك ولاغيرهن راح يكدرن يغرن ابو علاوي خلص فاقل على ام علاوي واشوفك إذا
ماردها فلا اطلع مسك

_تحجين واثقة من حجاياتج سامعة شي

_لاوالله بس أدري بي وزينب جانت تحجيلي عنه هواي

_الله يسمع من حلكج تردله وترد لابنها علاوي خطية

_اي والله يقهر خطية

_ يلا كومي

_قاسم مو مال اكوم حضنك دافي ههههه

_ولا أني بس شنسوي مجبورين يلا كومي

_ولا أني بس شنسوي مجبورين يلا كومي

كمنا بدلنا وكعدنا رضاوي ويانه .......ونزلنا سوت ريوك مسك وامي كالت واصلين بالطريق ساعة الساعة يوصلون لعدنا انخبص البيت خبص الجناين كلها تنضف

مسك من الناس رضاوي بحضني كملوا شغلهم اجه
مصطفى ورائد اجتمعوا كلها بالمضيف
كعدت بصف رائد

قاسك_ رائد

رائد _هاا

قاسم_سمعت اخبار تكول راح تأخذ مرة من عمتي صدك

باوعلي بضحكه " ومن قال الك هذي الاخبار السارة ؟

_يعني صدك

_والله انت بطران على نفسك أني أخذ مواليد الفين مخبل عاقل أخذ زعطوطة لاوفوك كلشي
من الاقارب العقارب

_شمدريني أني غير سمعت

_مجرد إشاعات كاذبة هاا مصطفى سمعت راح
تاخذ من بنات عمتي حسنة

مصطفى _شنو من كال ؟

محمد _لابشرفك رائد تحجي الصدك

قاسم_شنو منو كال احجي عدل صدك لو لا

رائد _مادري سمعت هيج حجي واجيت أتأكد من ابو الصوف

مصطفى _بالقرأن جذب ماكو هيج كلام

محمد _مادام طلع هذا الكلام لعد راح تصير صدك شدها بعد حيلي راح يعرس ابو الصوف هههههه

رائد _ كللووووش

قاسم_شايف خير ومستاهلها ههههه

محمد _ الا اخلي الفشك ماله والي بعرسك يالهيبة ههههه

مصطفى _ولكم جذب شبيكم ماصدكتوووووا

نصبنه على مصطفى خطية بس ماراد يبجي مايكدر يسكت رائد انفتح حلكه ومحمد بعد انكس وأني طابك وياهم
أنظم للمجموعة أخوي نزار

آخر شي زعل وكام راد يطلع جلب بي محمد ورجعة " أني ماريد من بنات خالاتي ولاعماتي أريد غريبة ماريد الأقارب لا تخلونها براس امي اترجاكم .

رائد _تودينه مطعم وناكل سمك نسكت ماتودينه
مانسكت مو محمد

محمد _اي اي

نزار_صارت الاستغلالية

قاسك_يردونها من الله يستغلون واحد

رائد _اي ههههه

مصطفى _اوديكم والله بس اسكتوا ولا تحجون كدام امي

_هاهية

شوي ودخل احمد كال اجت عمتي مصطفى انخطف لونه خطية من وده مايطلع يسلم شحطة رائد شحط وطلعه
بنات عمتي حسنة تلاثه كلهن أكبر

_هاهية

شوي ودخل احمد كال اجت عمتي مصطفى انخطف لونه خطية من وده مايطلع يسلم شحطة رائد شحط وطلعه
بنات عمتي حسنة تلاثه كلهن أكبر

صغيرتهن مواليد ٢٠٠٣ .. وجبيرتهن مواليد ألفين لابسات كله طويل ومكياج حلوات هن ومرتبات رائد يغمز المصطفى خطية مدنك راسه مايباوعلهن خربت

من الضحك دخلوا جوه مصطفى .... طفر لأهله لحكه رائد يضحك اليوم يسوي ميز من الضحك دخلت جوه الجناين
كلها سلمت وأمي كعدت وكعدت مسك

بصفها ورضاوي بحضن أمي تفاجات بأمي من كالت على مسك "هاي العزيزة مرت العزيز عود ماخليها تشيله وهسة حامل وراح تجيبلنه بنوتة بالطريق

اباوع المسك تباوع لأمي بصدمة محمد كاتم ضحكته ويباوعلي "امي ذكرتني فدضابط من يجون ضباط كبارية يصير هيج يحجي وهو بالحقيقة
شالع قلبنا هههه


قاسم_خرب بيوك هههه

عمتي ماعاجبها الوضع لأن أمي على أساس مدللة مسك عود ماتخليها تشيله وكل ساع تبوس بمسك وهاي العزيزة
الغالية مرت الغالي قسوم .

وصدك سوتها ماخلت مسك تكوم من يمها أبد وعمتي النار شبت بيها خل تكوم تعاون ام ادريس شكو مكعدتها " لا عيني ماتكوم أخاف عليها مامتعودة تشتغل

حسيت أمي سامعة شي كامت مسك رحت
وياها لغرفة أمي خربانة من الضحك ...

_تونست كلش من امك تدافعلي كدام عمتك ههههه

_صدمة الي صارت

_اي والله صدمة صاير شي ؟

دخلت أمي سكتنا دخلت وسدت الباب وراها " أني سمعت اخبار تكول احنا عائلتنا كلها مشاكل ومسك ماتنجرع ومتعاركة وياها قبل فترة ورايحة زعلانة

مسك_بالقرأن مكايلة ولاجايبة طاري

ام نزار_ادري مو انتِ اعرفج أني وحدة من البيت
جاي تنقل أسرار العائلة

قاسم_منو تتوقعين

ام نزار _ اعرفها وحسابي وياها

طلعت أمي متعصبه ..

مسك_منو تتوقع تطلع أسرار البيت ؟

قاسم_ماعرف بس طيح الله حظها شلون تطلع
اسرار البيت كل بيت وله أسراره

مسك _ وعمتي كاعدة بالمرصاد

قاسم_ههه هي دوم بالمرصاد

مسك _اي والله خل اروح اكعد يمها اليوم فرصتي
ابقى مدلله خل استغلها هههه

قاسم _ مخبلة هههه

مسك _ههه

مصطفى تعارك وي امه وأبوه يردونه يأخذ وحدة من بنات عمتي حسنة صار يعيط مثل الجهال المسكين مايريد منهن تعاركت عمتي ماتحملت تدخلت

وتعاركت وياهم وكلتله لم اهدومك وتعال يمي عندي غرفة فاضل فارغة اخذها الك مالك كعدة بهذا البيت تعاركت
عمتي ردت اكوم اشبعها كتل

كوه لازم نفسي رجلها يهادد ويرد " اشووووو اسكت الخاطر الله هسه تأكلون أكله ماتعجبكم ولكم شبيكم أنتو ماكو عقل براسكم شلون تزوجون الولد بنية مايريدها

عمتي_ لعد يريد منو خل يحجي عنده وحدة

ابوي_لعد اجيب الغريبة اشو لايقبل يتزوج من عمامه
ولا عماته ولاخالاته لعد يريد منو خل
يحجي يريد منو

رائد _ماعنده وحدة وعوفوا الولد براحته

عمتي_ولك جاي ا يكبر ماجاي يصغر واريد ازوجه وافرح بي

مصطفى _من كبرني توني دخلت بال٢٧ سنة

ابوي_لايابة بعدك زعطوط من كبرك ولك
احجي منو هاي التريدها

مصطفى _ماعندي الله ماعندي شبيكم تخبلتوا علية
لتخلوني هسه أرجع للدوام واخلص منكم
ومن مشاكلكم .

ركع الباب وطلع " هسه دكوا وزن هججتوا الولد

طلع بره طلعت وراه صار يشكيلي منهم يكول شالعين قلبي تعال تزوج وتعال تزوج فلانة وفلانة وأني
مالي نفس بيهن شلون اتزوجهن

وماتحمل أبقى بعد "

قنعته وأخذته للبيت حجيت لأمي السالفة تعصبت من عمتي انوب طلعلي ابوي من صفحة تعال أنت ويا اخذوا
بنات عمتك حسنة احسن مالغريب يأخذهن

تعاركت ويا.مصطفى هم تعارك زعلنا ودخلنا الغرفتي واحد مكابل الثاني كالبين خلقتنه جابولنا الغدا للغرفة أكلنا ونمته بنفس الجرباية واحد يباوع بوجه

الثاني " فتحنه موضوع فوفو وكال مثل ماتفقنه بعد ثلاث أيام نطلع لاربيل علمود نكمشه ونطلع كل كذبه
مارحت لزوج رهف

_ اتصلت بي وكلتله اريد التقي بحظرتك كال أني
يومين انزل وتعال مر بي فلان مكان

_بالموصل

_اي

_طريق طويل

_اي شنسوي لازم نحل المشاكل ونخلص

_ان شاءالله تنحل

انطاني ظهره مبين نعسان اني ..جبت التلفون وكمت اراسل بزينب على أساس أني بنية أبد مانهي الكلام وياها علمود ابقي المحادثة مفتوحة وارجع احجي

وياها شوكت مايعجبني .

بالليل عمتي ..... معزومة عدنا على العشة وأني ومصطفى طفرنه للمطعم طلعنا عذر عدنا شغله مهمة في سبيل مانبقى بالبيت ونشوف وجه عمتي وبناتها التلاثه .

مارديت بس أرد وأني أعرف نفسي ردي قوي يصير ويزعج ابوي وتكب العيطة زينب دازتلي بصمة صوت وتطلب احجي بصمة حرت بزماني بس احجي بصمة

راح تعرفني رائد باوعت المصطفى ...... وفهمته السالفة كلها ماكال باطل اخذ التلفون وصار يحجي وياها بصمات
وأني كاعد كباله وأضحك

من سمعت صوت بنية آمنت أكثر وحجتلي عن نفسها هي مفصوله عن زوجها وابنها عنده مايقبل يجيبه الها ودا تموت على شوفه ابنها وأتمنى لو أشوفه

الحمدلله مانزلت ....بي دوسة ونص بس كالت بسبب خياتنه الي انفصلنا عن بعض وهسه أريد أشوف ابني محد يقبل ياخذني لبيتهم من هو بالدوام واشوفه

لو يقبلون اشتكي علية كلها تخاف منه .

رائد _ ماعرف اطلع من المحادثة

مصطفى _تمام هاي طلعت هاك التلفون

أخذت التلفون شمرته على الشحن وتقطيت هو هم
راح طفى الضوه واجه تغطة بصفي ..

مصطفى _ليش ماتشوفه علاوي ؟

رائد _ماتستاهل

مصطفى _ انطيها حقها صعبة الخيانة وهي جانت تحبك كلش وتفاجأت من خنتها وي ام سعودي لو انت
بمكانها جان شسويت ؟

رائد _سد الموضوع مصطفى

ثاني يوم اجوي أهل ... مصطفى تصالحوا ويا وردوه للبيت خل يتعلمون مرة الثانية مايجبرون الولد على شي مايريده أبوي جاز مني بعد ماجاب سيرة الزواج .

ويه أبوها وشغت أخلاقها وجمالها وسلوبها بالكلام نعجبت بيها وخطبتها وأني مناه جنت أحب بنية من اهل الحلة
وابوها مجان يقبل ينطيها الي.

لان سني ورهف جانت ماتريد تبقى يم اهلي تريد بيت الواحدها وأني الوحيد باقي يم اهلي وماكدر افارق
أمي لذلك خيرتها بين تعيش يم اهلي

لو نفسخ الخطوبة عاد هي ماقبلت وفسخنه الخطوبة واذا وراها كلمن راح بطريقة لا اعرفها ولاتعرفني صارت والله شاهد عليه هاي القصة كلها

وأني ماعندي شي وي البنية والبنية جدآ محترمة والكلام الطلع عليها كله كذب مجرد تشهير بي وهذا المقدم فائق يكرهني علمود بسببي نقل للموصل

وإذا ماتصدك بي تعال للفوج مالتنا واسأل وشوف شراح يكولون الجنود والضباط علية " وبسبب فائق أنت طلقت مرتك وأني كذلك طلقت مرتي

وذنب أطفالنا وزوجاتنه ينفصلون منورة كلام شخص حقير وسافل وحقير مثل المقدم فائق .

صدك بكلامي لأن كلتله كوم جيب القرآن خل احلفلك على كل كلمة كلتها هو صح جذبت بخصوص البيت والخيار كله
علمود مابين حقيقة رهف القذرة

وي اهلي وشلون حجت عليهم ماريد ازيد الطين بلا
بيناتهم محتمل المرة تغيرت واخذت عبرة
من تركتها .

_حشاك من الجذب ابو علي وان شاءالله نكشف المقدم فائق على حقيقته القذرة ونشوف كلشي العمي ابو يونس
وتنحل كل المشاكل

_ان شاءالله باجر اريدك تجي وياي لاربيل علمود نكشفه

_ان شاءالله الفجر نطلع

_ان شاءالله باجر اريدك تجي وياي لاربيل علمود نكشفه

_ان شاءالله

الحمدلله طلع الرجال متفهم ويحمد برهف يكول خوش مرة ماشفت منها شي وكل ماانزل نروح لاهلي
تساعد أمي بالشغل .

ودائماً توصي بي ماهمل اخواتي واراجعهن المرة زينة بس من سمعت هيج كلام عليها تخبلت وهي صارت تغلط ولاصت الشغلة بيناتنه وبحاله اعصاب

طلقتها والله ندمان طلقتها وأتمنى ارجعها بس اخذ الدليل لعمي ابو يونس وان شاءالله أنت هم ترجع مرتك
وره ماتأخذ الدليل .

ترخصت منه وكمت بوجهنا للموصل .

بالليل كعدت اراسل زينب والصدمة الي من كالتلي
مصفي المنهولة معترف لها بحبه ويريد
يتقدم ويخطبها من بيت أهلها .

#يتبع ...

#عشق_أهل_الأنبار_ج٢......
#بارت١٤

....
بالليل كعدت اراسل زينب والصدمة إلي كالتلي مصفي المنهولة معترف الها بحبه ويريد يتقدم يخطبها من بيت أهلها صرت اضحك من العصبية من كالت مصفي

المنهولة يحبها ويريد يتقدم الها كمت شعلت جكارة وبقيت صافن بالرسالة وكل ثانية اعيد قراءة الرسالة

قررت ارد رد بهدوء "
وأنتِ هم معجبة بي ؟

ثلاث دقائق بالضبط يلا ردت "
لا أبداً

_مستحيل أقبل

_طيب ليش ماتقبلين بي ؟

_مايعجبني هيج شخص

هنا نفخت هوى برتياح ارتاحيت كلش وصرت
اضحك رديت شلون يعني ؟

_مايعجبني مو الرجال الحلم بي

_غير أعرف شبي الولد وماتحلمين بي أني شفته
خوش ولد وحلو ومبين زنكين شتردين
بعد ست زينب

_صعب ادخل إنسان ثاني لحياتي وقلبي مايتحمل يحب

_ليش قلبج عشكان ؟

_ههههه

_وبعدج تحبين ابو علاوي

_اذا كتلج لا اكذب عليج بعدني احبه مثل قبل
ومحتمل أكثر الليل والنهار افكر بي

_بعدج تحبي برغم السواه بيج

_اي

_مجنونه أنتِ اكو وحدة تحب طليقها
الخانها واخذ منها ابنها

_ هو خاني خاني اي وهاي صعبة وكلما اتذكرها اعصب بس ماكدر اكرهه ومال اخذ ابني مني أني اعرف ليش اخذه
مني وحرمني من شوفته

_ليش ؟

_علمود اطر ارجعله

_وهسه إذا تقدم الخطبتج مرة ثانية تقبلين ترجعين

_ والله مادري بس افكر شلون خاني وي ام سعودي اتخبل وعقلي يطير شلون طاوعة قلبه خله هاي الهايشة بحضنه ويبوس بيها وج نفسي تقرف منه

برغم أحبه بعدني بس القرف اكثرمن الحب والمرأة إذا قرفت من رجل ماتكدر تتقبله وأني صعب اتقبل رائد
مرة الخ حتلوه احبه .

_هاي مشكلة

_اي مشكلة هو اكبر مشكلة بحياته عشقه للنسوان
وأني ماكدر اتحمل واحد ابو نسوان

_طيب اذا حلف لج يتوب ويعبدج أنتِ
بدل النسوان ترجعين له

_على كولته " ناووو " ابو طبع مايغير طبعة غير الجفن وهواي حلفلي وكل حلفه جذب بجذب
ماعنده الصدك رائد .

_شمدريج أنتِ ؟

_أعرف رائد شنو مستحيل يتغير ويترك النسوان

_سمعة زفرة ابو النسوان

_هاي سمعته والكل يشهد عليها

_عوفينه من رائد وهسه احجيلي رديتي جوابج لصافي ؟

_اي رديتله الجواب بسرعة

_وشكانت رد فعله

_كال براحتج أني ماجبرج على شي ماترديه وراها راح

_حلو الرجال متفهم

هي بقت تكتب خرجت .... من المحادثة اريد انام باجر اطلع لاربيل نمت بسرعة كعدت الفجر صليت واتصلت بزوج رهف كال هستوني طالع انتظركم بشقتي

بفلان مكان والمفتاح .... تلكاه موجود جوه شتله
الورد اللي بصف الباب "تمام .

رجعت اتصلت بمصطفى كال ......أنتظرك بره بدلت بسرعة وطلعت حتى لأهلي ماكلت طالع لاربيل طلعت بالسيارة شفت ابو الصوف كبال باب أهله ينتظر أخذته وطلعت جانت بنيتي أخذ قاسم بس كلت خطية البارحة تصالح وي مرته

ماريد تكب بي وتكوله رايح لاربيل شعندك تدور نسوان مرته بله أسود مال غيرة ونكد "طول الطريق نحجي بخصوص زينب نسيت فوفو اليوم آخر

يوم اله وراح نطشر عرضة طشر حلفت الا ازين شاربه بإيدي على دكته الناقصة والله وصلنا لاربيل أخذنه رنو وعدل
لشقة زوج رهف وفهمت رنو

اندك الباب واحد يباوع للثاني عبالي هو اجه...
هذا شجابه هسه ؟

مصطفى _شجابه ولك رجل رهف بعده ماجاي

رائد _ كلتله تعال بسرعة هسه شلون ورطة روح
افحص الكاميرات بسرعة رنو روحي
شوفي منو بالباب

راح مصطفى للكاميرات طبكت صفحة رنو باوعت
من الباب رجعت اشرت الي مو هو "

تلفوني رن رفعته جان زوج رهف داز رسالة "أني بالباب "اشرتلها تفتح الباب فتحت الباب دخل يباوعلها من فوك ليجوه جانت لابسة تنورة جلد سودة قصيرة

وستره سوده فاتحه الشعر ومكياج وهي حلوة رجعت
باوعلي يضحك "جايبين غير حاته ههههه

كعد مصطفى كعد زوج رهف بقيت واكف مستند ظهري على الحايط شعلت جكارة جابت ماي رنو لزوج رهف شربه ويباوعلها مصطفى ضاج وصاح بي

مصطفى _مو للبيع هاي

زوج رهف_ ههه لعد لشنو هاي ؟

رنو_ بيعيش ؟

زوج رهف_ شراي وداعتك هههه

مصطفى _عيونك رب الكعبة عيونك شبيك ماشايف بنية

زوج رهف_مو بنية ضيم ولج أنتِ من وين ؟

رنو_من بغداد

مصطفى _لاتحجين وادخلي جوه

رنو_حاظر

زوج رهف_هههه اوف الغيرة ههههه

مصطفى _كشفت معلومة عنك عقلك وسخ ويحب النسوان

بقيت اراقب واشرب جكاير مبتسم بخفه على مصطفى يغار على الكحبة مالته من زوج رهف وزوج رهف
ساقط من طراز الأول .

رفع تلفونه مصطفى وباوعلي ...
فوفو اجه يلا بسرعة دخلوا
بالغرفة

رائد _دخلوا أنتو اني راح افتح الباب اله

زوج رهف_لا تخرب كلشي هسه يشوفك ويفلت

مصطفى _والخطة

رائد _خل تولي أني اعرف شلون اخلي يعترف وينكت
كلشي ارجعي يابة رنو أني أفتح

مصطفى _اترجاك ارجع ولا تخرب كلشي رائد

رائد _ارجع مصطفى

دخلوا جوه رجعت المسدس وره السترة بسرعة اندك الباب باوعت من الباب شفت فوفو لابس بنطرون ازرك وقمصلة سودة طويلة جنه بطريق ههههه

باوعت وره ظهري مصطفى وزوج رهف مادين راسهم من باب الغرفة رنو ماكو وياهم ضحكت رجعت فتحت
الباب وبقيت وراه

فوفو_رنو هاي أنتِ

دخل وي دخلته سديت الباب قوي
انصدم من شافني "رائد

أبتسمت بهدوء "
شلونك فوفو ههههههههه

طكيتها بضحكه عالية خطية مات بدمه راد يطلع بدون كلام وكفت وره الباب "وين فوفو بعدنا
باول السهرة .؟

ضحكت ضحكة مستفزة "
ههههههه

ودخلت للمطبخ اشرتله يستريح "
استريح يابة

_شتريد مني ؟

_استريح يابة شبيك واكف؟ِ!

_ أنت وره كلشي

_طبعآ أني دستريح مو رجلي تكسروا من الوكفة

_ماتحجي عليش هيج سويت ودزيتلي هالبنية ولك
شتريد مني ماكفاك نقلي للموصل لوين
تريد توصل رائد؟

_وغلات علاوي الا انقلك للبصرة واخلي راتبك يصير كراوي


_رائد

زوج رهف_اني ماريد موته اريد اثبت براءة مرتي
هدي رائد وخلني احجي ويا

رائد _ عوفوني

صحت بيهم عافوني عيوني على فائق كعد بالكاع متوجع وجه خريطة صار خشمه طاك دم يمسح بالدم بإيده
رفع رأسه باوعلي بأبتسامة مستفزة

فائق _ حركت قلبك مثل ماحركت قلبي رائد

رائد _فائق ... عوفني مصطفى عوووووفني مصطفى

صحت بي تخبلت اريد اتهمج عليه واكفر بي كفران اجت بالي اكتله واخلص منه دفعت مصطفى بعيد ورحت الفائق
صدني زوج رهف ردت ادفعه

كام فائق راد يفلت كرصة .... مصطفى راحله زوج رهف قبلي تحقيق ويا هو مايجاوب ساكت ربع ساعة يحققون ويا
واني واكف على صفحة ماتدخلت

بس اتدخل اقتله اعرف ......نفسي اعصاب وماكدر اتحكم بأعصابي بزعت روحي رحت للغرفة لكيت رنو كاعدة اول ماشافتني كامت جانت خايفة ومرتبكة

رنو_شراح تسوون بي ؟

رائد _انطيني علاكة

رنو_غير افهم شراح تسوون بالرجال ؟!!

رائد _مالج شغل وياني وياج تسوين حركة طايشة منا
او منا بالقرأن اشمرج من الشباك للكاع
بسرعة علاكة .

سكتت وراحت الكنتور تدور على علاكة لكت علاكة بيضة جابتها الي ترجف من الخوف "ابقي هنا لتطلعين
خارج الغرفة لحفظ سلامتج

رنو_ماطلع بس أريد أرجع هسه باجي تقلق علية

رائد _باجي يايوم تقلق على كحابها بلا عيارة

كامت راحت للجنطة فتحتها .....طلعتلي شفرة صغيرة باللون الوردي أخذتها منها ورجعت الها العلاكة
"اخذتها ورجعتها ليش ؟

_عترف الساقط مراح انسالج هاي الخدمة رنو الجميلة

رنو_ولا يهمك تدلل ابو علاوي

رائد _فديت

طلعت لكيت زوج رهف .... كاعد شاعل جكارة ويباوع الفائق مصطفى كاعد بصف فائق ويرزل بي "تعرف ؟

مصطفى _اي

رائد _سجلتوا اقواله

مصطفى _اي

رائد _كملتوا شغلكم منه لو بعد عدكم شغل ثاني

لزمه مصطفى زين طلعت الشفرة من شافها مات بدمه صار يصيح لزمت وجه وذبيت شاربه كله زوج رهف يباوع
وينفخ دخان باوعتله وابتسمت ...

رائد _هسه حلو يلا عوفه خل يولي

عافه وجره للحمام مخرس كلمة وحدة مايطلع من الخوف يدري بروحة بس يحجي يبتلي على عمره شوي وطلع مصطفى مغسل وجه

باوعتله " جهز نفسك راح انقلك للبصرة
واخلي راتبك يصير كراوي

فائق _لا عليك الله رائد لتنقلني


رائد _ابتليت على عمرك مو تورطت بي تدري بي ورطة شورطك بي جربوع المجاري يلا اشمره من كدامي
لو اشمره من الشباك .

فائق_عوفني مصطفى خل اتفاهم ويا

رائد _كلت اشمره

رائد _مراح يرد خلص من اليوم لا تعرفينه
ولايعرفج في امان الله

رنو _ابو علاوي فهمني ليش ؟

رائد _علمود بقيتي وكسرتي كلمته

رنو_ليش يزعل هذا شغلي وكل يوم وي واحد وهو يدري


زوج رهف_دتعاي انعل ابو مصطفى مو حركتي
اهل اهلي بجمالج هههه

حمه على البنية كدامي خليت وطلعت سديت الباب نزلت لكيت مصطفى كاعد بالسيارة ويجر جكاير صعدت
شغل السيارة قبل لا احرك

رائد _كلتلك ماتفيدك

مصطفى _انتهى امرها بعد

امي_وي رائد ويامن قابل

أبوي _اي اروح بس بسيارتي أني أروح

أمي _هاهية بسيارتك ... يروح يمة

رائد _هاهية لعد جهزوا غراضكم بس اجي
ان شاء الله الفجر نطلع

أمي _وعلاوي ترى هم أخذه مابقي عد الجناين

رائد _بكيفج يمة يلا في أمان الله

امي_الله وياك يمة ديروا بالكم على نفسكم ومن
ترجعون لاتسوقون سريع او خلي
مصطفى يسوقلك .

_ان شاءالله الله وياج يمة

مصطفى _ترحون لزيارة

مصطفى _لعد وين انطي وجي اروح يم عمامي يخبثون علية يم خوالي بس أنت زين وقاسم ومحمد واحد أناني يبقى يضحك علية خل اروح عليك الله


رائد _تعال يابة منو لازمك

مصطفى _أنت الحب والعشق ابو علاوي

رائد _طبعآ الحب هههه

ثاني يوم الصبح .... رجعنا بوجي لغرفتي لفيت رأسي ونمت كعدت العصر روحي بخشمي صايرة شايفين واحد من ينام الظهر ويكعد العصر عبالك جان داخل بحرب


العالمية وكرهان روحه هيج حالتي شفت أمي كاعدة
بالصالة رحت شمرت روحي عليها خليت
رأسي بحجرها

_شبيك يمة

شفت فاضل دخل يفر بالسبحة ...
الله جابك بوجك للمطبخ
سويلي اكل

فاضل _تأمر امر عمي

راح فاضل للمطبخ امي صارت تفرك برأسي بإيدها ...
اي احجيلي شصار وياك وكدرت تحصل
دليل برائتك

باوعتلها مستغرب باوعتلي مبتسمه ...
شمدريج ؟

_أدري بيك احجي حصلت دليل لو لا

_اي حصلته بعدين أشوفه الج

_عفيه عليكم خوش اشتغلتوا شغل وماسويتوا مشاكل وطلايب اريدك هيج تشتغل
شغل دفن وبي نتيجة

_ليش يمة اشيلها من بالي بعد ماجبت دليل
برائتك أكيد راح ترجعلك

_ختولي ماريدها

_رائد عليمن تجذب على نفسك لو على أمك
باوعلي ليش داير انظارك عني

_تعبان ماداير انظاري عنج

_تعب غياب زينب أثر بيك

_ههه لا


_ايي مو لا

_مو رائد فراق مرة يأثر بي

_واضح كلش مامتأثر جيب الطبلة يمة فاضل قبل لأكل

فاضل_هسه يمة

جاب الطبلة فاضل خلاها كدامي كعدت اباوعلها أضحك أني بطبعي مابين حزني وجعي مرات ابين لأمي من أنفرد بيها لو القاسم غير شخص مابين كدامه

ام نزار_شلونك رائد اخبارك

رائد _على الله بخير

مسك_ شلونك رائد

رائد _بخير ام عطوب تعال رضاوي بوس عمو تعال

مسك_لتكول ام عطوب روح لعمو حبيبي روح

رائد _قابل مجذبين ياعمة ههههه

ام نزار _مامجذب ههه

كعدوا يضحكون .... اجه رضاوي لعندي باسني بخدي شلته خليته بصفي شلتله خاشوكه اكل ماكال باطل
فتح حلكه صار ياكل

رائد _موتين الولد جوع

مسك _لا والله اكل وي قاسم هذا هو ياكل
وي الرايح والجاي

قاسم _ مصطفى قبل ضعيف بس هالسنتين
سمن وجسمه هاهية

ام نزار_ياا رائد منو ضعيف مصطفى

رائد _اي عصفور مكسر وزنه كله ٨٣ كيلو وانوب
طويل ويلعب حديد صاير عصفور
معضل ههههههه


قاسم _هذا أنت تعيب على الرايح والجاي ولك كافي تنمر

رائد _ههه مو بإيدي يلا افتح حلكك اجت
الطيارة .. عفيه بالشطور

جاب الضيافة فاضل وشال الصينية الاكل من كدامي كمت غسلت ورجعت امي وام نزار يحجون ويباوعلي مريم
تضحك قاسم كذلك شكيت بالموضوع

رائد _خيركم يول ؟

قاسم_لكينالك شلون مرة

امي_هاي شبيك ؟

قاسم _ههههههههه

مسك _ماناسي لقبها القديم هههههههه

ام نزار_شنو هاي عيب عليك عمه شنو ام الصخول

رائد _هذا لقبها ام الصخول هسه شجابكم شوداكم عليها
بلا مو تطلقنها قبل كم شهر لو أريدها
مجان طلقتها .

مسك _طفي رائد رجاءً مو أنت الطلقت هي طلبت الطلاق وعافت علاوي وشردت منك خطية عبالها انت رجال فاسد اخلاقياً ماتدري بيك رجال صالح

قاسم_كلام مسك صح هي طلبت الطلاق وأنت انجبرت
تنطيها حريتها وادري بيك تحبها وتريدها

ام نزار_لو ماتريدها صدك جان قبلت بنات عمتك وقبلت بالبنات لجبتهن الك قبل فترة خوب يخبلون جنهن ملائكة بس أنت مثل قبل ياهي النجيبها الك ترفضها لان تحب زينب ولحد الآن تحبها خلنه نردلك مرتك ام ابنك وبدون عناد

امي_وياكم أني والله الولد خطية جاي يكبر بدون أمه

رائد باوعتلهم بصفنه أدري بيها راح ترفض وتكسر قلبي عارضت صاروا يلحون هم عارضت اجه أبوي وكال
باجر رايح اخطبها وغصبا على رأسك

رائد _هسه كوه

ابوي_اي كوه اخطبها الك

أمي _تريد ماتريد إحنا رايحين باجر نخطبها الك
وام نزار ومسك تعالوا ويانه

مسك _اول الناس جاية مو قاسم

مسك _اي بكيفنه نريد ام علاوي

رائد _ والله العظيم ماكو غيرج انتِ خليتيها براس قاسم وقاسم اجه حجه وي امه وامه وصلتها لعمي وعمي وصلها لابوي وامي وتفقتوا كلكم منورة ظهري مووو

مسك _اي هههه

رائد _اني اعلمج ام عطوب


قاسم _ ههههه

مسك خربنه ضحك أني وقاسم هو عصب كلش بس عيونه بيهن لمعة واحس بي جاي يمثل علينا رحت يم قاسم اخاف يهفني بمخدة لو بشحاطة وأني حامل منا

مخبل وكلشي يطلع من ايده سوالي حركة اصبريلي سويتله حركه إنتصار رجع قاسم سواها اله " النه الانتصار
بأذن الله ههههه

رائد _الكم الخسارة ان شاءالله

ابو صدام _مو كافييييييي جنك غراب ابكع بس كال قااااق قاااق خلص جاب الفال الاسود للبيت ولك
بطل سوالفك بطل

رائد _اشوفكم إذا مانطرتوا من الباب فلا اطلع ابو
علاوي الورد على كوله ام سعودي
هههه

ابو صدام _انعل ابوك يابو ام سعودي هو شطيح
حظك غيرها ياكلب ياابن الكلب

رائد _تفضل يشتم روحة

قاسم يعض صبعه له يريده .يسكت ويبطل تفاهة تعصب عمي وهفه بالسبحة لزم سبحة عمي اخذها وطلع يفر بيها ويغني بصوت عالي " عريس وربعة يخطبوله من باب
الحوش يطردونه ههههه

كعد عمي متعصب ماخله حجايه لما حجاها عليه هو عار ابن عار ماتصيرله جارة منو وراه شردت المرة شلون مره جانت درة مال ذهب الله ينتقم منه .

ابو الكحاب ما يجوز من درب الكحاب .

كام قاسم شلت رضاوي ورحت وراه لكينه رائد كاعد فوك الدرج يسبح بسبحة عمي يباوعلنا ويضحك

رائد_عود تنتقمين مني ام عطوب علمود رديتج القاسم

مسك_أصلا فرحانه رديتني القاسم وقررت اسوي وياك مثل ماسويت وياي واردلك مرتك علمود تفرح مثل
مااني فرحانه بقاسم حبيبي .

قاسم_شوف مرتي كريمة

رائد _واضح واضح كريمة

رائد _انعل ابوكم يابو الخلفوكم ولكم شبيكم انتو رب
الكعبة بس ترحون يطردونكم من الباب
يردونها من الله يذلونكم

قاسم_متوهم أنت

رائد _ماتوهم

مسك _موعدنا دليل برائتك بعد عليش يطردونا

رائد _دليليش ؟

قاسم_دليل برائتك وصل لابوي من المسؤول ابو يونس قبل كم ساعة ودزنه عليك علمود نردلك المرة وابو يونس كال لو يطر الامر أني اجي وياكم واحجي كلشي في
سبيل ترجع المرة .

رائد _عود يجي يعدل الكحلة بعد ماليصها النذل الله
لاينطي الصحة والعافية شوه سمعتي الحلوة
بين العربان طلعني كواد

قاسم_ام ساندي تسلم عليك ههههه

رائد _تفووو ناقص

مسك_قسوم مو ناقص كامل مكمل

رائد _قصدي ناقص اخلاقيا


مسك_لا والله اخلاقه عالية

قاسم_شفت الرد كل الناس تعرف بس ابو
اخلاق عالية وأنت لا هههههه

رائد _ديلا فد نعال الناس

مسك _ولك لسانك هم العالم منو اقرب الناس الك

رائد _طزز بيهم

مسك _طز بينه رائد صدك

رائد _والله وطزز ومليون طزز بكل شخص ماخذ نظره سيئة عني اني مايهمني رأي العالم بي اهمشي أني اعرف
نفسي شنو ومنو

رائد _وأنتِ هم تعاي خلوني بنصكم وكعدوا قنعوا
بي تعجبني الفكرة مال تقنعون
بي هههههه.

مسك _اكعد بداية الدرج أقنع بيك هههه

رائد _وانت عمو هم تكعد تقنع بي هههههه

مسك_طبعآ يدور عرس حتى يركص ههه

قاسم_ اي ابني يريد يعرس عمه اخو ابوه شدها بعد
حيلي على كوله محمد حرامات ماجه

ضحكنه من سمعنا صوت محمد "
شدها بعد حيلي راح يعرس الهيبة رائدنا
على ام علاوي كللووووش

2
رائد _هسه كملت السبحة

قاسم_اي كملت شراح يخلصك هههههه

رائد _ابو حيلي شجابك

محمد_شميت ريحة عرس واجيت ركض ههههه

رضاوي يضحك مايفهم... شي صعد يم رائد وقاسم خلوا رائد بالنص وكعدوا يقنعون بي وهو مايقبل لا ترحون ولا ترحون هسه مايقبلون وتنهان كرامتنا وكرامتي

طلع عمي وكاله "رايح أني حتلوه يرفضون راح أبقى اروح وارجع لما يبزعون وينطونها الك برغم أنت ماتستاهل بس احنا نستاهل جنه مثلها.

_سوي ليعجبك أني ماعلية

بقينا للمغرب وراها رجعنا للبيت خالي متعصب من ابو يونس ويحجي يكول دمر حياة رائد واحنا ماصدكنه كعد اعاقل واستقر وي المرة ليش هل تخلف

وسوالف الإنتقام تمشي بدمهم ....سمعت هيج كلام عن بتك تعال لعدنا وافتهم السالفة مو تروح وتسوي من رأسك أني رزلته ومن فشلته كال أني مستعد اروح ارجع

وماينغفر عليه بس لانك .... صديقي وبيناتنه ملح وزاد راح افوتها الك .وباجر أني رايح بنفسي وتصلت بشيخهم
كال راح اكون حاظر هناك

كل همي براءة رائد وارجعله كرامته وهيبته حتلوه مارجعت المرة أمشي ترجعله سمعته .الجناين شبن بالنار من سمعوا
راح أروح وياهم ومناك نزور الإمام علي(ع)

من ودهن يشربن .... من دمي ام سارة تخزر بي بس ماتريد تتعارك وياي بس مرت محمد وياي طابكة وتوصي بي إذا نزلتوا سوك شي يجبيلي حلويات


يكولون حلويات النجف طيبة خطية مارايحة ولا مرة للزيارة أني رايحة ويه أهلي وكل مرة أبوي جان ياخذنه للزيارة اما هنا سجن فرعون ماكو طلعة بالبوكة

قاسم يطلعني .

جهزت الجنطة ورضاوي راح اخلي . يم مرت محمد هي تحبه ومن يبقى عدها ومتعود عليها وأمينه نمنه وكعدنا الفجر قاسم أخذ الأغراض خلاهن بالسيارة

وأني نزلت رضاوي هو ونايم انطيته المرت محمد نومته عدها وراها طلعنا أني وعمتي ومحمد وقاسم وعمي اجوي بيت عمي ابو صدام خاله ام صدام وعمي ابو صدام وجابر
واخت رائد الجبيرة ورائد ماكو وعلاوي كذلك

ماكو سألت عمتي "ليش ماجابوا علاوي ؟

عمتي_ رائد مايقبل

مسك _راح يصعب الأمور هيج

عمتي _هو دومه صعب واموره صعبة شسويله

محمد _ مو كتلهم جيبوا وياكم علاوي خل تشوفه امه
بلكت الله تشوفه وقلبها يرف علية
وترجع للهيبة مالتنا

ابو نزار_ لاوين جايبين الطفل الطريق طويل

زينب_ ليش تدخل بالمشاكل

صافي_مستعدل ادخل الجهنم علمودج زينب افهميني والله أحبج وماكدر انساج كل مرة اكول انساج واطلعج من بالي ترجعين تدخلين بالي شسوي أني زينب ماكدر انساج

زينب_استغفرالله صافي إنساني أترجاك
أترجاك إنساني والله مافيدك

صافي_مانساج وتفيديني

زينب_ صافي شبيك

صافي_بيه أنتِ زينب ابوس ايدج انطيني فرصة
وحدة اثبتلج حبي وصدقي الج

زينب_ماكدر صافي ماكدر أفهم

عفته ومشيت مقهورة ....على الولد وتندمت قبلت اداوم بالمدرسة وخليت الولد يتعلق بي وإذا دره بي
رائد راح يشرب من دمه

ودمي ودم أهلي اعرفه واحد أناني لأقصى حد من الحدود ومستعد كلشي يسوي علمود يرضى نفسه وصافي ماعندي أدنى فكرة عن رائد وخباثته وخطورته

حتى مشايفة ولاشايف شكله " ألمهم ثاني درس اجت وحدة من المدرسات وفتحت وياي موضوع صافي ونزلت على رائد دوسة ونص هذا ابن الأنبار الجلح الملح

الكاتله الضيم بالجيش بل سنة حسنه يلا يسبح كاتله الوسخ عليش تدمرين نفسج من وراه وترفضين أستاذ صافي
النظيف الراقي المحترم المثقف .

علمود واحد مثل ...رائد هو منو وشنو كله على بعضه مجرد ضابط بالجيش "تمنيت هسه رائد يسمع هذا الكلام
بحقه جان شرب من دمها هههههه

ضحكت ههههه

_مو بلا كاتله الوسخ بالجيش

جريت النفس بشوق اله وتذكرته من ينزل ينكط ورد
وابتسامة تزين ملامح وجه الحلوة
"ينكط ورد

_تشاقين هههه؟

_والله شبيج نظيف لدرجة ويحب الكشخة
ويعتني بروحة مو شلون مجان

_جذابة ههه

_لاوالله ماجذب

_قابل انظف من استاذ صافي واحلى منه ؟

_اجمل من صافي واكشخ

_اوووي

_ هههه مو لهل درجة يمعودة

_ مو جاي اشوفهم على الانستغرام واليوتيوب

_أنتِ لو تشوفين رائد ولد عمامة وخوالة تطمين نفسج
من شدة جمالهم وهيبتهم واحد يكول للثاني
أني احلى منك واكشخ

_وين اكو انباري بهيج صفات ههههه

_هههه أني جنت مثلج اكول وجنت متخيلة رائد وابن عمه قاسم جلحان ملحان كاتلهم الوسخ
بطرك الشوارب ههههه

_لاوالحلو اسمه قاسم هههههه

_والله العظيم بدون مبالغة قاسم وعلى اسمه

_لا تضحكين علية هههه

_جديات جاي احجي قاسم كلش جميل المظهر
وحتى احلى من استاذ صافي

_تحجين الصدك ؟

_اي والله كلش جميل وهادئ وأخلاق عالية ربي يحفظه ويحفظله مرته مسك وابنه رضاوي

_زين رائد هم يشبهه

_شبه بيناتهم قليل ورائد اكثر سمار من قاسم

_اسمر والعيون وساع جتالة هههه

_اي والله اسمر والعيون وساع جتالة ههههه

_هاا زينب

_ههههه

_تحجين والعيونج تلمع بالفرح لهل درجة تحبي

_حبه راح ويا

_نسيتي

_اي والحمدالله

_الحمدلله والشكر هسه ماعلينا بالانباري علينا باستاذ
صافي فكري بالموضوع زين حرامات تطيرين
هيج صيدة مثل استاذ صافي

_هههه

_شبيج تضحكين

_صيدة شنو

_هو صيدة من صيدة بعده صغيرون وحلو جنه جكليت وزنكين وين تلكين هيج واحد وهسه بالمجتمع المطلقة منبوذة ومايجي عليها غير الشايب

ولعنده عشيرة جهال ... لو مرته ميته لو مطلق وراه عشيرة جهال لو رجال يريدها زواج متعة فوك مرته استاذ صافي لكطة حرامات تطيري من ايدينج

الرجال هاويج وشاريج شبيج يحظي شغلي
عقلج واستغلي الفرصة وقبلي بي .

#يتبع ...

#عشق_أهل_الأنبار_ج٢......
#بارت١٥

انتهى الدوام وجاي اطلع وكف كدامي صافي مبتسم الوجه .
كلامج فرحني وان شاءالله تفرحيني أكثر بقرار
قبول العرض زواج

_الله كريم

_الله كريم عادي اوصلج للباب

_لتعب روحك أني أروح الوحدي في أمان الله

وكلام أحلام صح مراح يجيني رجال براسه خير بعد لأن أني مطلقة والمطلقة مايجي عليها غير الباقي بالدار لو فوك
مرة لو وراه عشيرة مال جهال .

ومنا زيد ابن عمي يريدني لازم افلت قبل لايهيج على عمي ويخلي عمي يتعارك وي اهلي ويأخذني بالغصب رجعت
على البيت بدلت وكعدت أتغدة كملت الغدة

رحت بفراشي لفيت راسي ونمت كعدت على نده امي الي كعدت تعبانه ومطنكرة كوه افتح بعيوني
"هاا شتردين

_وج كومي عيالج يمنا

_عيالي منو ؟

_أهل رائد

_شنووووو ؟

_وج كومي بسرعة بدلي وتعاي

_شيسوون جايين ؟
_مادري كومي صارللهم فوك الربع ساعة .

طفرت من فوك الجرباية مثل المخبلة ماجه بالي غير رائد _خوما جاي وياهم
منو
_أبو النسوان

_ولج ابو النسوان منوو ؟

_ رائد رائد

_كولي رائد .…ابو النسوان شنو ؟😡

_هو ابو النسوان كولي جاي وياهم ؟

_مادري الزلم بالاستقبال والنسوان بالهول

_منو جاي ؟

_امج سهاد وام نزار وجنتها الصغيرة مسك

_وعلاوي هم جايبي

_لامجايبي

_ليش مجابوا لي ؟

_مجايبين اطفال والطريق طويل وباردة شلهم
بالأطفال يلا كافي كلام وتعاي بدلي
وتعاي بسرعة

_ماطلع

_شنو ماتطلعين

_شسوي طالعة ماطلع مادام ماجايبين علاوي ماطلع

_زينب عيب مناك العالم جايين يشوفوج

_ واذا جايين يشوفوني كولي نايمة وخلص او
كولي يم بيت اختي وفلت المشكلة

_زينب لتخبليني مناك العالم عيب طلعي

_اقسم بالله العلي العظيم ماراح اطلع وشيصير خل يصير

_ولج تخبلتي زينب تردين تفشليني مناك العالم

_ماطلع

_زينب تعوذي الشيطان واطلعي

رجعت لفراشي نمت جرت الغطة من فوك راسي
تحجي بتهديد "تطلعين لو لاا ؟

_لا

_خوش

طلعت أمي متعصبه بسرعة طلعت من الغرفة وصعدت القاط الثاني يم بنات أخوي مال اطلع عليهم واواجه امي
سهاد ومسك وام نزار مستحيله

رائد وصل الموت ماتصلت ولا تطمنت عليه وصارت هواي وياهم أشياء ماتصلت هسه تكب بي واني ماعندي مبرر
يبرر افعالي هسه تمسح كرامتي مسح

ومنا يقنعوني ارجع الرائد وأني .... منا مشتاقتله ومشتاقه لابني راح يقشمروني بكلمة كلمتين كعدت فوك الجرباية
بنات اخوي جاي يقرون بالكاع

اندك الباب ودخلت مرت أخوي...
انفضحنه زينب انفضحنه

_شكو ؟

_ولج شلون ماتطلعين للنسوان شلووون

_هو شنو شلون ماريد اطلع قابل كوه اطلع هسه

_ولج تخبلتي شلون ماتطلعين متعنين من الأنبار للحلة
علمود يشوفوج ويحجون وياج وانتِ ضاربه
الكل وصاعدة هنا .

_مجابرتهم يجون من الأنبار للحلة

_زينب شنو هذا كلامج من يمتى أنتِ
هيج تصرفات تصرفين

_من يوم لاخذوا مني ابني وحرموني من شوفته

_أنتِ بنفسج حرمتي نفسج من ابنج محد حرمه
منج لا تذبين الصوج بالعالم

_أني حرمت نفسي من أبني نسيتي شسوه بي رائد

_شسوالج الرجال كص ايدج لو كص رجلج لو كص اركبتج اشو جان مدللج ومشيج على روس اصابيعج وغلط
غلطة بحياته وأنتِ ماصدكتي لكفتيها

وتطلقتي عبالك جنتي منتظره هاي لحظة
علمود تطلقين
_اشو أنتِ هيج تحجين

_كافي ماطلعت وياج أنتِ منو أنتِ وشنو انتِ علمود هيج تسوين وتجاهلين العالم ولج عيب مخازي ماتطلعين
على العالم وتسلمين

_ لزمي حدج ترى محترمتج أني لحد هاي للحظة

_ خايبة لو عندج إحترام لي لو لامج لو لنفسج وللعالم الموجودة جوه جان نزلتي سلمتي وكلتي لعندج مو
شاردة بالغرفة يم البنات

_شبيج اليوم أنتِ

_حلوة هسه المره رزلت امج حلوة امج ادمي
جبير يترزل من وراج

_منو رزل أمي

_ام نزار

_عليش رزلت أمي

_منورة افعالج الغبية الرجال طلع بريئ التهمة وجايبين الدليل امج من شافت الدليل صارت بكد النملة من الخجل وفوك كلشي مسك وخاله سهاد يسألون

عليج ماتعرف شترد وشتكول .

_دليليش ؟

_دليل براءة

_براءة شنو

_براءة رائد شبيج سويتي نفسج فدمرة

_هو شوكت بريئ علمود جايبين دليل براءة رائد خاين خاني ويه ام سعودي العجوزة هو واحد وسخ وابو نسوان
شيبرون بلا شيبرون كليلي شيبرون

_كلتلج التهمة طلعت باطلة

_التهمة صدك

_غلطانة أنتِ التهمة متلبسة براسه من تحت راس واحد ضابط ويا جان وبسبب رائد منقول للموصل والضابط
منتقم ومشوه سمعة رائد كدام

زوج خطيبته رهف وزوج رهف من سامع مرته هيج لازم وطلقها وابوها من سامع رائد على أساس حاجي عليها
متفق وي ام سعودي ومخليها تصورة

هو ونايم ودازة الصور والمقاطع الفيديو الج .

_فلم هندي

_مثل فلمج لكفتيها على الطاير

_شلكفت ؟

_سالفة رائد وي ام سعودي ماتوقعتج هيج أنانية وقلبج
أسود حتى على ضناج ماعندج حنية
للأسف خاب ضني بيج

_شلكفت ؟
_ام رواد شبيج

_ولج أني غريبة على اولاد اخوج ومن اشوف واحد بيهم متأذي عبالك أني المتأذية والمتوجعة بالليل اجي اشوفهم اكثر من مرة لو اروح لبيت اهلي يبقى قلبي يمهم ومايهون علية ابات علمودهم اخاف عليهم

وأنتِ على ابنج ماحنيتي ماخفتي من عفتي طفل بكد كف اليد علمود غرورج وكبريائج وج مارف جفن عين الج كاضيتها بل طبات والطلعات والكشخات وضاربه الدنيا واهلها لو اني بمكانج اموت وره ابني الرضيع
اموووت زينب تعرفين ...

شنو عفتي طفل رضيع وراج تعرفين العالم جاي تحجي عليج تعرفين لا طبعا ماتعرفين لان يضحكون بوجج ويكولولج
عفيه سباعية بس أنتِ من بين

النسوان طلقت رجلها من اول غلطة ولج الزلم تغلط الف غلطة والنسوان ساكته علمود اطفالهم وانتِ طفل واحد
ماوكفتي ويا وسانتي .

وعفتي والحلو بيج ابني أريده كلما شفتيني وكعتي كدامي كافي جذب وخداع زينب أنتِ مليتي من رائد وخلصت
رغبتج تردين تزوجين واحد

جديد اعرف بيج فلا تسوين نفسج فقيرونة
كالت كلامها والدمع بعيونها طلعت كل البقلبها واني اباوعلها بصدمة ماتوقعت ضامة كل هذا الكلام بقلبها تجاهي صرت ابجي من كالتلي هيج كلام

ويعني العالم الأقرب الي جاي يحجون علية حجي مو بي أني اجوي بنات أخوي يحجون وياي شبيج عمه ؟ "ليش ماما تصيح عليج ؟؟؟ ليش طلعت تبجي ؟

_ماكو شي عمه كملوا دروسكم جاي انام أني

كمت نمت فوك الجرباية ابجي بهستيريا أبوي وعلاوي صاروا بين عيوني ليش العالم مادا توكف وياي ليش ماكو احد
يسمع لي ويساندني كلها ضدي صايرين

ورائد شما غلط لازم أني اتنازل واغفر له أخطائه لو خطأنة اني مثل خطأ ابسط جان قتلني لامحال وكال
غسل عار العار صار بس بالنسوان

والزلم لا ماعليهم العار أني نفسي لاعبة من رائد وقرفانه ماكدر استقبل فكرة اكون ويا بعد حتلوه على حساب
ابني علاوي خلص علاوي صار عنده

راح أنسى أبني وأشوف حياتي .

مسك خاله سهاد وعمتي تخبلوا من زينب ماقدرتنه ونزلت رأسن دزت على قاسم كمت وياها كالت "روح كول العمك ولابوك لايفتحون موضوع الخطبة

كولوا جنه بالزيارة وحبينه نشوفكم دليل براءة ابنه

قاسم _احنا موجايين خطابة

سهاد _ختولي ماقدرتنه ونزلت سلمت شايفة نفسها شوفه لو تبقى آخر مرة بالكون ماخذها الرائد لمونه نسوان لو قحط روح بسرعة قبل لايفتحون الموضوع

قاسم _صار خاله

راح قاسم باوعتلها ...
لعد لانطول بالكعدة

_هو مراح أطول شوي بس أشوفهم الدليل ونطلع

_ان شاءالله

رجعنا شوفتهم الدليل وخاله سهاد ماحجت شي على زينب ولاجابت طاريها بعد تدري بيها موجودة بس ماتطلع تسلم صدك استحقرتها من ماطلعت سلمت

عيب هذا التصرف ....حتلوه متعصبه السلام واجب واحنا خطار من مكان بعيد وعيب شوي وكامت خاله سهاد
عمتي واني جلبت بينه نبقى على العشة

ام زينب خاله سهتد ردتها برد خلت دموعها ينزلون خطية المره فقيرونة ومنورة بتها الطايشة تنهان
وتنزل دمعتها الغالية .

ساعة ماكو اجت أمي تعاركت وياي صرنا ملخ أني وياها

حتى اخوي تعصب علية وكال تصرفج غلط عيب عليج مانزلتي وسلمتي على الناس الناس جايين زيارة وحترام وتقدير الج جوي يشوفوج شلون

هيج تتعاملين وياهم معاملة .... عدو مو الغريب ولا تنسين شلون جانوا يعاملوج وفوك كلشي طلع رائد بريئ من
التهمة وأنتِ الغلط طلعتي والرجال الصح .

وبديت اشك أنتِ تضمين شي وره سالفة الطلاق لأن مو اول مرة زوجها يخونها وتطلب الطلاق احجي شضمين علينا
زينب ليش تطلقتي بسرعة وعفتي ابنج

زينب_بالقران كلشي ماضامة

اخوي_كافي جذب زينب كافي ترى محد مسوي سوايتج بالعراق كله أني صح وكفت وياج بدايتها كله علمود
لا تسوين شي وتغلطين وتتهورين بقرارج
عبالي راح ترجعين الزوجج

ولابنج انصدمت من ماخذج مؤمن ومشتكيه ردت احجي منعني عمي وكال لا تدخل بس هسه من عرفت الرجال
بريئ اريد اعرف شكو بيناتكم ليش

هربتي منه احجي زينب احسلج.

كعدت ابجي صاح بي "
ماتحجين شكو بيناتكم ليش هربتي مال خانج
مرة وهربتي منه هاي ماتدخل
بعقلي احجييييي

امي كذلك نزلت .بي اكلوني حاصل فاصل اجه مؤمن بالوقت المناسب ودافعلي كاللهم هذي المقاطع مزورة أكيد
متفقين وي الضابط وي الدعارة

علمود يثبتون براءة رائد أني سألت عليه بالمنطقة وعرفت رائد شنو ومنو اوسخ رجال عدهم وابو نسوان وسمعته
زفت زفت زفت انتو ماصدكتوا بي


ورحتوا انطيتوها بدل الفصل .

صاروا ملخ من وراي طلعت امي واخوي زعلانين مني طلع مؤمن كعدت ابجي حتى مرت اخوي زعلانة مني صار الليل وهم زعلانين حتى اكل ماكلوا

ثاني يوم رحت للمدرسة روحي بخشمي صايرة ماطيق أحد كاعدة الوحدي وأفكر شلون اراضي أهلي واخليهم يرجعون يوثقون بي اخاف ماخذين نظره سيئة

عني لو عندي حبيب وتركت رائد وابني علمود ارتبط بي واذا وافقت على صافي راح أثبت التهمة علية لامحال رحت الصافي كلتله جوابي راد يحجي

_أترجاك لا تسأل ليش !

_تمام براحتج أني آسف

رائد" اجوي أهلي كالبين خلقتهم عرفت ماموافقة وأني أدري ماراح توافق عناد وراسها يابس مثل أبوها ماحجيت
ولا سألت اخذت علاوي وكعدت فوك

الدرج العب بي طلعت أمي فاتحة الشعر
لكتوفها تباوعلي.
ماسألت ؟

_عن ماذا ؟

_صرت تحجي فصحى

_والله يايمة ماكو داعي اسأل وأني أعرف الجواب

_والله يايمة يارائد ماحجينه ولاجبنه طاري
بس برينه تهمتك واجينا

_صدك تحجين

_اي شفت الوجوه مو اوجوه وماحبيت انزل
من قيمتنه وهيبتنه كدامهم

_تعاي خل ابوس راسج وايدج ورجلج
على هذا الكلام الحلو

والله كمت بست راسها ....وايدها فرحان الحمدلله مانزلت كرامتي وكرامتهم حجتلي السالفة شلون ماطالعة مسلمة عليهم وهي موجودة بالبيت

شكد استحقرتها وحلفت إلا اردلها الصاع صاعين على هذا التصرف الغير لائق وي أهلي هم حترموها غصب عني وراحولها هي تجاهلهم وماتطلع

بسيطة ام الصخول أني اعلمج أنتِ والمصفي مالتج
طلع أبوي نفس الكلام ومتعصب منها علمود ماطالعة علية ومامسلمه كتلكم خل تولي لا تكبرون راسها

هاي كبرتوا رأسها صارت تشوف حالها عليكم وهذا هو الإنسان من تقدرة وتنطي قيمة أكبر من حجمه الطبيعي من الله
يرفع راسه عليك ويصير مايشوفك انت
بس ذله وهينه وشوف

شلون يشوفك من بعيد ويسلم ....عليك قبل لا تسلم عليه نفخت ريشاتي على أهلي زينب محد يكدرلها غيري والمهرة العنيدة تريد خيال القوي يركبها


مو خيال ضعيف يكعد يتوسل بيها علمود تخضع له .

بالليل بيت عمي سووه كعدة اجه فائق وي عمامة يعتذر ويتوسل ماينقل للبصرة وأني معند انوب صار يبجي عمي
قلبه رقيق مايتحمل يشوف احد مذلول

ماقبل انقله ماكدرت أكسر كلام .....عمي كدامهم وانزل من قيمته وافقت الرأي ويه عمي ماراح انقله كمنه تصالحنا بس بقلبي شايل عليه وكلت اموت قلوب

شهرين تلاث اربع خمس وانقله للبصرة .

موضوع زينب انسد للابد محد صار .... يجيب طاريها بكلمة وحتى أني ناسيها بهاي الفترة ومافكر بيها أبد بعد ثلاث أيام التحق لدوامي رحت على قاسم

علمود نطلع الكركوك بشغل كال ماكدر اروح وياك عدنا اقارب مسك ولازم أروح ماكدر اتيه مسك الوحدها لازم
اروح وياها وتدري بيها عناد وراسها

3
يابس بس ماروح وخلف بالوعد تكب العيطة
ومابي حيل اخذ وياك محمد ومصطفى..

_مصطفى ماريده راح أخذ محمدنا ولو راح نكضيها
عرايك بس احسن من مصطفى

_اي ترس بطنه هو يسكت ههه

_خرب بيومك ههههه

تفقت وي .محمد باجر نطلع الكركوك طار النذل مايصدك يطلع وكال عازمك على اجازة الجاي بغداد اويلي شنو
بنات اعرف يخبلون ولا تكلي نفسي

لاعبة أعرف بيك تهوه النسوان ..

_ميخالف اروح

_اللهم صل وسلم على نبينا محمد وعلى آله وصحبه

_ههه يلا في أمان الله

_الله وياك رائدنا الهيبة

_خرب بيومك هههههه

_ماتكيف أنفخ بيك

_من يوم يومي انفخ نفسي بنفسي هههه

_نذل هههه

شوي مناكرة وي محمد ورجعت للبيت صار أيام مامراسل ام الصخول ولا فاتح الحساب كلت خل اشوف اخبار حبيبت صخله ام عداي شسوت ماسوت وليش

ماطلعت على أهلي فتحت الحساب والصدمة لي مراسلتني أكثر من مرة فتحت الرسائل كومه
رسائل رديت عليها

_هلاوو زينب شلونج شخبارج حبيبتي اعذريني
ماجان عندي انترنت طمنيني عنج ؟

ماكو دقائق ردت ...
مو زينة عسل مو زينة

_ليش شبيج؟

_أهلي شادين وياي واقرب الناس يشك بي صاير

_شكو شصاير وياج ؟

_منورة رائد النذل دمر حياتي دمرها

_شسوالج رائد شسوالج ؟

_داز اهله علمود يبروه من التهمة وأني ماطلعت عليهم واهلي كبوا بي هي الكبة وكالوا أنتِ السبب الولد مابي شي أنتِ عندج شي وضامته ماكو وحدة

تعوف ابنها عمره أشهر علمود سالفة خيانة النسوان راجلها يخونها ويتزوج عليها تبقى ساكته علمود اطفالها وأنتِ ماصدكتي ولج عبالهم عندي واحد

هنا ارتاحيت كلش أخذت جزاتها من أهلها اي حيل بيج وابو زايد وان شاءالله أكثر يصير وياج رديت "
أخاف صدك عندج واحد يول ؟

_شنو عندي واحد عسل شبيج هم صرتي مثلهم تحجين

_والله مادري أني اول مرة أشوفها وحدة تعوف زوجها علمود نام ويه كحبة هاي مو اقاربي متزوجين اثنين وتلاث ونسوانهم باقية وياهم سالفتج تحير أنتِ
وعفتي وراج طفل صغيرون يرضع حليب شكلتي
النفسج من عفتي ابنج جاوبي شكلتي ؟!!!

_هم اخذوا مني مو أني عفته

_مو تكولين خيروني بين الطلاق وبين الرجوع

_اي

_ليش مارجعتي علمود ابنج

_شلون ارجع لواحد مثل رائد وسخ وقذر
وروحه من الدنيا النسوان

_مو علمودة علمود ابنج

_ماعرفت شختار عقلي جان مشوش وجنت متعصبة ساعديني عسل عليج الله ساعديني
راح اتخبل والله

_بشنو أكدر اساعدج

_أريد ارجع ثقه أهلي بي

_طيب ليش ماطلعتي على أهله ؟

_خفت بس اطلع يقنعوني ارجع الرائد ومناه جنت
متعصبه علمود ماجابوا ابني لي

_هم جايين يردوج؟

_لا جايين زيارة ومارين بينه علمود يبرون براءة رائد

_وأنتِ الغبية عبالج جايين يردوج

_اي

_غلطة وحدة عمت عليج وخلت أقارب
الناس الج يشك بيج

_ايي

_وهسه شلون ؟

_مادري رحت لأمي طردتني من الغرفة وكالت فضحتيني كدام سهاد خليتيني اصير بكد النملة من الخجل الله لاينطيج لو ميته بدال ابوج ولا هاي الإهانة والاذية من وراج .

_ليش شسوت سهاد ؟

_مشوفتها الدليل وأمي مجلبه بيهم على العشة كايله لأمي لقدرناها وحترامناها وفضلناها على ابنه ماطلعت وقدرتنا حتى شلون تردين ابقى كاعدة على الفراش

وإذا بقيت معناها جاي اذل نفسي وأني نفسي عزيزة .

وأمي واخوي متعصبين يكولون .... نهانت كرامتنا من وراج اخوي يروح ويرد يكلي احجي عندج واحد لو اكو شي ثاني صاير وياج بيت عيالج قبل وشرتي

حتى ضناج عفتي وماسألتي عنه

_هاي مشكلة

_اي مشكلة فدوة رحتلج الكيلي حل

_حل شنو الكالج أنتِ طينتي نفسج بنفسج

_ متندمة والله

_على شنو ؟

_حبيت رائد وتعرفت عليه وخلفت منه
طفل لو مامخلفه اشرفلي

عيوني صارو برأسي "
ليش ولج ؟

_كرهت رائد وكرهت نفسي ويا عساني ميته وخلصانة

_لهد درجة تكرهي

_اي عسل لهاي الدرجة اكرهة ونفسي لاعبة منه كله بسببه ماشفت راحة بحياتي من يوم العرفته وأني بنص
المشاكل والتهايم

_غير جان يحبج وحارب الكل علمودج ؟

_هذا مو حب هاي أنانية علمود يرضي نفسه دمر نفسي

_كولي يالله

_تعبت والله تعبت

_ كولي يالله

_يالله

_تمام عزيزتي هسه تردين حل

_اي أريد

_روحي عتذري من عيالج ومن أهلج وبرري موقفج
باسرع وقت كان واذا اطر الأمر اتصلي برائد
وخل يساعدج

_رائد يتقمس بدمي هسه تلكي

_ليش ؟

_علمود ماقدرت اهله وطلعت هو عنده كلشي ولا اهله وامه فوق الجميع إذا تعصبت امه يتعصب وياها وأني ماطلعت عليها وقللت من قيمتها معناها قللت من قيمته هو

_قوية هاي

_اي

_الله يرحمج زينب برحمته الواسعة

_عسل لاتكولين هيج

_جنيتي على نفسج والله

_شهل كلام ؟

_هسه ماعلينا استاذ صافي بعده وراج

_اي بعده

_ وأنتِ بعدج تداومين بالمدرسة ؟

_اي بعدني

_يبدوا عاجبج الوضع صافي وراج يركض مثل الچلب

_عسل شبيج شنو هالكلام

_ ماكو وحدة مثلج والله متحمله مسبه أهلها
وتداوم بمدرسة رجال معجب بيها

_ الرجال معجب بي ويريدني على سنه الله ورسوله
وتجي بالي يوم اوافق عليه واخلص من اهلي
ومن كل المشاكل

بالكوه جريت النفس كتبت لها "
معجبة بي طلعتي

_معجبة بأخلاقة العالية وقررت اقبل بي واخلص من كلشي وشيصير خل يصير بعد ماتحمل أني الإهانة
والاذية من اهلي

_هيج راح تثبتين كلام اهلج وكلام الناس
عليج عندج واحد هو صافي

_شيحجون خل يحجون مايهمني الكلام بعد

بلعت ريجي قلبي صار يدك قوي .....يريد يشك صدري ويطلع تفضل مصفي المنهولة علية أني رائد سلام ابو ابنها
واول حب لها بسيطة أني اعلمج

سجلت مقطع فيديو لها "
أقري الفاتحة على روحج وروح مصفي المنهولة راح اعلمج شلون تقللين من قيمة اهلي ومن قيمتي اني رائد سلام ام الصخول انتظري أيام واسود عيشتج وعيشة
مصفي المنهولة .

دزيته لها ودزيت صورة علاوي وراه ...
وغلات علاوي عندي إلا اندمج واندم مصفي المنهولة وياج تعوفين علاوي وترحين تشوفين حياتج عبالج
الخلاص مني سهل لا مو سهل كلتلج

لو الله ياخذج لو اني اخذج لو أني ..... اخذ روحج بإيدي والظاهر راح اخذ روحج وروح مصفي المنهولة

شافت كلشي شوي وردت ...
رائد هذا أنت

دزيتلها سمايل 😏

_شتريد مني بعد لسويته بي ؟

_أريد روحج

_الله لاينطيك الله لايوفقك دنيا وآخرة

دزيت لها مقطع علاوي يبوس بي ويكول بااااه بابا ويرجع يبوس بي وصل لها شافته شوي وردت " الله لاينطيك حرمتني منه وخليته ينطق بابا بدل ماما

_مو تعمى العين على ماما حركت روحها علية امشي ولي ام الولد اني اعلمج " لغيت الرسائل مني ومنها ماريد يبقى التهديد والمقطع هم حذفته وحضرتها ومشيت

كمت خليت التلفون على الشحن اباوع على التلفون بنظرات فارغة بس اريد أهدي نفسي وماتهور وأروح لها
هسه بنص الليل .

صوت يهمس بأذاني ...
خلها هي تخطبك مو أنت تخطبها ونزل قيمتها مثل
مانزلت قيمتك وقيمه أهلك وقبلت
بمصفي المنهولة .

رائد صارلي ١٢ يوم بالدوام كاعد المغرب ... بره اشرب جكاير كدامي محمد وعمر يأخذون صور بالتلفون وي الغروب عود حبيت اخبث شلت كوم حصو من الكاع

وصرت اشمر عليهم " ههههههه

طفروا من مكانهم يباعولي وكل ماشمر يدنكون روسهم ...
هي مال صور يا چلاب ههههه

عمر_وتالي وياك حتى بهاي خليت نفسك

محمد _راح اعاقبك بالقرأن

رائد _تعال عاقب بسطالي ههههه

عمر_خرررب بيييييك جووووز

محمد _موو صوجك صوجنا احنا متساهلين وياك

عمر_ارفع بي كتاب حالاً

رائد _حالاً لو مالاً ههههه

محمد_ولك جوووز جووووز خلنه بيوم نعيش بسلام

عمر_ارفع بي كتاب حالاً

عمر_ولك بطل خباثه بطل

رائد _احبكم يول احبكم

عمر_انعل ابو هيج حب يجيب بس الاذية

محمد_امشي كام يتلوك

رائد _انجب

محمد _عابت شكلك

رائد _ اووي وليسمع شكلك أحلى من شكلي

عمر_ساعة السودة من خاله سهاد جابتك حلو لو
جايبتك اجرب جان ارتاحينه منك
وجفيتنه شرك

محمد _اي والله جان رتاحينه منه ويخاف يندك بينه

رائد _وهاي سهلة اروح اسوي تجميل واصير كيك
صناعي مزين بأحلى الحلويات

محمد _ولك أنت شنوووو

رائد _اموت عليك من تعصب وتصيح ويطلعن دمارات
اركبتك عبالك ديج ويعوعي ههههه

عمر_خاب امشي هسه يسوي بيك غدة بزردومك من
الصياح والعياط امشي محمد امشي


محمد_اني اعلمك ابو الوسخ

رائد _انجب ولك أنت ابو الوسخ

عمر_ وين وسخ

رائد _باع راسكم كله تراب صارلكم ٦ تيام ماسابحين
هم كولوا جذب

عمر_وأنت مخلي برج مراقبة علينا

رائد _اي هههه

محمد _خرررب بيك ولك بطل تجسس على العالم بطل

محمد_ساعة السودة لجابك بيها ابوي عدنا

عمر_طيح حظنه من جابه عبالنه راح يعقل
انوب تخبل بالزايد

رائد _ديلا فردوها ماحب الوجه العابس جنكم أرامل
بنص جنازة أزواجهن ههههه

عمر_ساعة السودة

مشوا صرت اغنيلهم "
ساعة السودة لعرفتك بيها ههههه

محمد _صايرة دايرة نقيب يتمسخر على رائد
ولك خل نرجع نكسر راسه

رائد _جا غير اسمي رائد ههههه

عمر_خاب دمشي هو يريدها من الله نعيل بي
علمود يسحل بينه الكاع سحل

عمر_ دباع شطوله انوب كام يعرض نفسه ههههه

محمد_خرررب بيك عمي شخلفت ماتكلي شخلفت هههه

رائد _خلف أسد

شفنه عمي من بعيد يمشي ...وراه ثلاث بضباط وجنود كمنا بسرعة صرنا واحد بصف الثاني وكعدنا عقال والله مرت
الأيام كل يوم بيها عرايك وي عمر

ومحمد ومصطفى ... ينكتل بكل عركة مكروها وجابت بنية مصطفى ثاني يوم من نزولي أبوي جايبلي صورة بنية
تصير بت فلان شيخ بالعشيرة

مكملة دراسة عمرها ٢٤ سنة شكلها مقبول بي رفضتها تعارك وياي شتريد لعد ماتكلي شتريد لاهاي اريدها ولاهذيج
اريدها شتريد لعد ماتكلي

قبلت بمصفي المنهولة لو لا ؟
أتصل بي محمد تعال نروح لبغداد نشوف بنات كلتله
ماروح طلع عندي شغل بأربيل راح أخذ
مصطفى وأروح .

رجع كال "أبشرك رهف رجعت الزوجها والبارحة جان العرس

_لابشرفك

_والقرآن ومسوين زفة عرس و عرس جديد مسوين

_ألف مبروك يوم الي

_هههه ملعون تريد تعرس اي كلي لازم عجبتك

_منو

_بت الشيخ منو لتغشمر روحك

_اووي جكمة وجهها طويل جنه وجه مصطفى

_هجم بيت البامية شكد تنفخ

_والله شبيك محلوة

_اذا هاي محلوة لعد منو الحلوة

_ماتعجبني هيج بنية تعرف ذوقي شنو بالبنات

_عرفت ذوقك تريد وحدة مثل المرحومات ام ساندي
وام سعودي وميس يلعبن سبع أرواح
هذا ذوقك

_وذوقك هههه

_نجرات ذني وأني أعشق النجرات ههههه

_كواد ماعليك عتب

_وأنت ابو عذراء خطية

_شجابني على ابو عذراء هذا مؤمن واني فاسد ههههه

_تموته بالقرأن ام عطوب ههههه

_وأنت ماتكتلك ام إدريس

_اشكها بنص غير

_هي خل تحمه عليك عود خوش كول اشكها بالنص

_ماتكدر

_ اجي لعدكم من تروح واكول لمرتك تروح تكول لعمي وخل يدز وراك الاستخبارات لبغداد وخل ينعل شيب الخلفوك
بس يدري بيك رايح للكحاب


_لاعليك الله رائد لتكول استر علينا

_والقرآن ماستر بس تروح اروح اكوله

_رائد لتخليني احلف ماكولك شي بعد

_حلفت ولماحلفت هو أني أدري بيهن

_والقرآن اخربها بس تروح واسوي مشاكل بيتكم احسلك اكعد راحة واخذ مرتك وجهالك طلعهم للمطعم ونسهم احسن ماتصرف فلوسك على كحبة عندك مره
حلوة وتخبل وجنها أميرة

_ولك تتغزل بمرتي

_اروحلها فدوة ام ادريس غير جنها العافية واهل العافية

_ولك ناقص مرتي مرررتي

_شسويلك اني ماتتغزل بمرتك الحلوة ورايح تتغزل
بالكحاب خطية مرتك تبقى بدون ...

_انجب طايح الحظ

_خايب مااتنجب روح تغزل بمرتك واحجيلها
بيوت شعر مثل ماتحجي للكحاب

_شبيك اليوم صاير حنون

_هو أني حنون من يوم يومي يلا عاد روح لمرتك
خطية مشتاقتلك هي والجهال

_شمدريك

_لو قريب يمي جان هفيتك بنعال معدل

_دولي

سد التلفون بوجي ضحكت شكد جبان هالرجال ياربي هسه دخلته إنذار ماراح يروح وراح يلغي الطلعة لامحال طلعت
بره بالمنطقة شفت مصطفى واكف يم

سيارة أبوه بره ويحجي وي امه متخوصرة جانت ومناك العالم صوفرت بصوت عالي وصحت _هيييي عممممه دخلي جووووه دخلللي بسرررعة

مصطفى _شكو ؟

رائد _جووووه بسرعة

دخلت عمتي بسرعة رحت يم مصطفى من بعيد حجيت ويا
أنت شنو من بشر ّ شلون مطلع امك بطرك ثوبها كدام الباب ومتخوصرة ومطلعة الايدين الأبيض

راىد _ ماعندك غيره على أمك كلب

مصطفى _ أني شوف شعبالي صاير

رائد _أول مرة وآخر مرة تخلي امك تطلع توكف ام الباب

مصطفى _هاي شبيك

رائد _ترى للحم لأبوك والعظم راجع النه للحم
ينوكل والعظم يبقى فهمت لو لاا

مصطفى _فهمت بس لا تكفخ عليك الله

رائد _آخر مرة

مصطفى _آخر مرة والله

رائد _جهز نفسك بأجر وراك طلعة من الفجر

مصطفى _وين؟

رائد _ بعدين اكولك .. هاا ولج حية عليش تباعين

طلعت عمتي تخوصرت بالباب...
وأنت شعليك ابو عيون

رائد _ولج ادخلي جوة لو اكسرج ادخلي

عاندت وترفع برجلها وتنزل تطلع صوت الشحاطة صارت "والله الباب بابي والرأي رأيي انت شدخلك
اوكف مااوكف مالك دخل

رائد _نهجم بيتك رائد عمتك حمرة زركة
واكفه بنص الباب

عمتي_ وأنت شعليك

مصطفى _يمة دخلي جوه

عمتي_انجب ولك اكسر حلكك بس تعيده
مرة الثانية حيوان صاير رجال برأسي
ابن ابو صلعة

رائد _هذا عار مو رجال بس الكدامج رجال دخلي جوه

عاندت ورفعت الشال شوي طلعت شعرها أشقر وانوب هي حلوة عمتي وبيضة ثلج وجسمها رشيق لابسة دشداشة مخصرة ومطلعة الايدين ولابسة ذه

ومكياج وطلعت الشعر والركبة صارت تكتل كتل .
"شدخلك بي عيني

رائد _فلك الطرج عمه على هذا الجمال نهجم بيتك ابو
صلعة مطلع مريتك الصاكة بنص الشارع

طكتها بضحكة عالية "
وماينهجم ههههههه

مصطفى _يمة عيب

رائد _ولج اسكتي فضحتنا مناك العاااالم

عمتي_من طزز بيكم وبالعالم أروح فدوة للضباط اني

التفتنه ورانه فات رتل قوات ....... سوات ضابط جبير يمنا بالمنطقة وعمتي مخوصرة وتباوع والجنود كلها تباوع وتضحك ولاهامها جان تكول

_وين الله ويوكع بحبي العميد

تعصبت ورحت عليها ...... بدون كاف لام شلتها فوك جتفي ودخلت بيها جوه دخل وراي مصطفى صارت
تصيح وتضرب بي

شمرتها فوك الكرويتة كل قوتي "
تفووو عليج من عمه صاكة
وصلفة

كعدت عمتي متعصبة ...
ولك شلون تشيلني مناك العالم شلووون

مصطفى _لعد موعيب كاعدين يباعون
عليج وأنتِ بت شيوخ

عمتي_واذا عيني بت شيوخ

رائد _احش رجليج حش بس اشوفج توكفين بالباب
وتخلين مكياج وتطلعين الايدين افتهمتي

عمتي_لا والله مافهمت ولا اراح افهم تفضل اطلع بررره

خليت وكعدت كدامها خليت رجل فوك رجل ...
تدورين عميد كويثر ؟

مصطفى _موعدها ابوي

عمتي_ اي أريد عميد يخلي عينه علية ويحبني
وابوك ابو صلعة تحترك مشاعره
المصلعة مثل رأسه

مصطفى _يمة شبيج موعيب عليج

رائد _شبي ابو صلعة وياج

مصطفى _كلشي مابي والله

رائد _انجب لتدخل الكلام بيني وبين عمتي
تفضلي عمه احجي لبقلبج ؟

عمتي_ابو صلعة جاي يقلل من احترامي والبارحة بالليل تعاركت ويا ومنعته مني تدري شيكلي

عمتي_ابو صلعة جاي يقلل من احترامي والبارحة بالليل تعاركت ويا ومنعته مني تدري شيكلي

رائد _شيكلج ؟

عمتي_يكلي اروح اتزوج بالسر واجيبها مفاجأة الج
تقبلها على عمتك يزوجون عليها
وهي بهذا الجمال

رائد _لاوالله ماقبلها

مصطفى _يشاقه وياج

عمتي_ مايشاقه أني أعرفه چلب والله إذا سواها وتزوج من الصبح اتطلق منه واروح اتزوج عميد لو اللواء
لو فريق أول على عنادة

باوعت المصطفى يباوع لأمه بصدمة ...
لزكة ماتحجي كله بالكبار

عمتي_حذرت أبوك وحذرتك أنت ويا

رائد _ وعلي أني اجيبلج الضابط لترديه
بس اشري بإيدج وماعليج

عمتي_ماتقصر

سمعنه صوت ابو صلعة يكول "
كصري حسج بت القنادر بت الكلب
انعل ابوج يابو الخلفوج

من سمعته شتم عمتي كمت بطولي متعصب شلون يشتم جدي الله يرحمه وكدامي أني حفيدة عمتي كامت
متعصبه مثلي مصطفى انخطف لونه .

سمعنه صوت ابو صلعة يكول "
كصري حسج بت القنادر بت الكلب
انعل ابوج يابو الخلفوج

من سمعته شتم عمتي كمت بطولي متعصب شلون يشتم جدي الله يرحمه وكدامي أني حفيدة عمتي كامت
متعصبه مثلي مصطفى انخطف لونه .

صحت بي بعلوا صوتي "
ابو صلعة تشتم جدي
#يتبع ...

#عشق_أهل_الأنبار_ج٢......
#بارت١٦



دخل جوه وراه ابنه اركان يخزر بي وبعمتي"
منورة لسان عمتك الزفر اغلط

رائد _أولاً لسانها عسل مو زفر ...لاتقاطعني خليتي اكمل كلامي عمتي صوتها جان ناصي ويادوب ينسمع وأنت دخل للبيت تصيح وتغلط عليها على اي اساس
تغلط وتسب بجدي الله يرحمه
عمتي_قليل الأصل

ابو مصطفى _منو قليل الاصل ولج ؟

عمتي_قليل الأصل

ابو مصطفى _منو قليل الاصل ولج ؟

رائد _كو غيرك أنت قليل الاصل لما مو قليل الاصل مجان شتمت عمك لقدرك وحترمك وفضك على غيرك
ونطاك مرة مثل عمتي

عمتي_ساعة السودة لنطوني له

أبو مصطفى _الله يلعن اليوم لنهيت بي عليج
لو ميت ولا ناهي

عمتي_اي والله لو ميت جان هسه أني ماخذه اللواء
وكاعدة بحال ومال مو مكابلة وجك
وراسك الصلع

رائد _دكاااافي اسكتووووا خلوني افتهم السالفة شنووو
واحد يغلط على الثاني وكلشي مامفتهم احجي
ابو صلعة شكو شبيك تعيل بعمتي

أبو مصطفى _سألها خل تجاوبك عليش ؟
رائد _عليش عمه ؟

عمتي_ راسه اصلع كلتله روح ازرع شعر مايقبل

رائد _من كل عقلج دا تحجين ؟

عمتي_اي والله ليشوفه وياي يكول ابوي مايكول رجلي

مصطفى _وج يمة شلون يزرع شعر هو مريض
بي سكر وضغط ترديه يموت

اركان_يمة كافي الخاطر الله والله نفسنه لعبت منكم
يومة مشاكل منورة أشياء تافهة

رائد _مصطفى روح جيب المسدس خل اكتل روحي واخلص ولج عندج عقل أنتِ تتعاركين وي الرجال وشالعة
قلبها علمود يزرع شعر

عمتي_ مليت أني حلوة واخبل هو اصلع يلعب النفس

ابو مصطفى _ماعجبج روحي طلقي وشوفي
غيري ماجابرج تبقين وياي

مصطفى _يابة شبيك

ابو مصطفى _كافي مليت منها كلما اكعد احجي وياها تعير
بي اني عمري ٤٣ سنة وانت ٥٣ سنة مكرهتني
بالدنيا وأهلها أمك المصكوعة

عمتي_ظلموني أهلي من انطوني لك بعمر ١٥ سنة

رائد _وأني هم ظلوني اهلي من خلوني اصير ابن اخو الج

اركان _وهسه شلون نبقى هيج ؟!!

مصطفى _والقرآن راح اهج من البيت منوراج يمة

عمتي_أني اهج واعوف لكم البيت

كعد ابو مصطفى يباوعلها بقهر خطية انقهرت على الرجال اباوع العمتي تعير بي زحمة مرته تعيره وأني مادري هيج السالفة عبالي هو العايل بيها

طلعت هي .... العايلة صاحت عليه تعصبت وسديت حلكها بإيدي من ودي اخنكها "انجبي الله يكطع حسج
على هاي الدكة الناقصة عمه

مصطفى _رائد راح تخنكها

اركان _امي رائد امي راح تموووت عوفهااا

أبو مصطفى _ولك راح تموت المره رائد
عوفهااامو احجي وياااك

جوي علية خلصوهامن أيدي والله اجت بالي اخنكها وخلص ابو صلعة منها خطية الرجال مشلوع قلبه من وراها مثل
حالي مشلوع قلبي منورة ام الصخول


جابني براشدي قوي ابو صلعة "
اكسر ايدك بس تمدها على
مرتي حيواااان

مصطفى _خذي نفس يمة

عمتي_الله لاينطيك تريد تموتني

لزمت خدي بايدي مصدوم من الراشدي لاكلته
باوعتله "تضربني ابو صلعة ؟

ابو مصطفى _واكسر راسك هم اني ماضاربها
انوب أنت تخنكها

رائد _ترى علمودكككككك

ابو مصطفى _شعليك بي ماكلتلك تعال ودافع لي

رائد _مو مسحت بكرامتك الكاع مسح
ابو مصطفى _مالك دخل هذا الشي بيني
وبينها ويلا تفضل بره

رائد _ يلا امشي حية وراي

عمتي _وين ؟

رائد _للبيت مو ماتردين ابو صلعة

(i)
مصطفى _رائد شبيك

عمتي_ ماروح عوفني مخبل تريد تموتني

رائد _لاماموتج بس اخلصج من الصلعة يلا امشي وراي

عمتي_ماروح ولي من عندي ولك ولي فلاح لحكلي فلاح

رحتلها جريتها من ايدها جر مصطفى مايقبل ينطيها عاندت ودفعت مصطفى وكع بالكاع رجع اركان "بس تقترب
اشمرك فوك اخوك

ابو مصطفى _عوفها رائد لا تتخبل ولك عوف مرتي عوفها

رائد _مو ماتريدك وشالعة قلبك خلني اخذها واخلصك
منها وروح شوف غيرها عليش متحمل
نكدها وعيارتها .

عمتي_ولك عوفني ماروح وياك فلاح والله اتوب مانكد فوك راسك بس خلصني منه هذا مخبل هسه يموتني مصطفى الكحليييي مصطفى الكحليييي فلااااح والله احبك فلاااح الحكللللي ولك عوفني ابو النسوان ..

شلتها فوك جتفي وردت اطلع بيها صارت تصيح ابو صلعة تخبل من سمعها تعيط وتصيح عليه مصطفى كام يركض
سد الباب وكف وراه اركان كذلك واكفين

كدام الباب يمنعوني اطلع بيها "
رجع امي رائد

اركان _رجع امي لو تصير موزينة رائد رجعها راح تموووت

ابو مصطفى _ولك رجعها راح انجلط قلبي اخخخ قلببييي

التفتت وره ابو صلعة لازم قلبه ادري بي يجذب حيل أبوي ذني وجاي يبيعهن برأسي " ألف مبروك بربوكة راح يموت
ابو صلعة وتزوجين اللواء

عمتي_ انعل ابو اللواء ولك نزلني راح يروح زلمتي نزلني مخبل نزلني ابو النسووون نزلننني ااااه مصطفى عار تعال اضربه وخلصنيييي مو احجي ويااااك مصطفى

مصطفى _اخاف يمة


اركان _روح مصطفى أنت قوي روح خلص امي
راح يموت ابوي رووووح

مصطفى _هسه يكسر اركبتي أنت روح
اركان_ولك أنت موضابط

مصطفى _دباع شكبره وقوي كلش رائد ابوس
ايدك نزلها راح يموت ابوي

رائد _كلشي مابي جاي يمثل فلم هندي براسنا
دوخروا يابة خل اخذها واطلع

عمتي_تنزلني لو اعضك من راسك نزلني ساقط ابو
النسوان نزلني رائد مو احجي ويااااك

رائد _هههههههههه

خربت من الضحك ونزلتها ماحسيت له بوكس منها بنص بنطي خربني ضحك بالزايد راحت لابو صلعة تركض هو مسوي روحه مجلوط

اركان ومصطفى ركضوا لابوهم اباوعلهم واضحك "
حفلات أنتو والله بيت ابو عمو
فلاح ههههههه

رحت يمهم عمتي .تبجي على ابو صلعه عبالها مجلوط باوعتله غمزلي عين هنا خربت من الضحك صرت
اضحك بهستيريا جاي مثل طلع صدك

كامت عمتي "اروح اجيب العلاج والله إذا صار بي
شي محد يخلصك من بين ايديه رائد

راحت تركض كعد عدل ابو صلعة وكال "
شفتوا طلعت جذابة هههههه

رائد _خرب بيومك ابو صلعة ههههه

مصطفى _مابيك شي يابة ؟!!

اركان _كلشي مابيك يابة طلعت تضحك علينا ؟!!!

رائد _ شيله مصطفى خل نودي للمستشفى

اجت عمتي دفعتني متعصبه وتبجي بقيت اضحك بسكوت انطته علاج وتمدد فوك الكرويتة تحجي وتهدد بي و
تطلب من ولدها ياخذوا للمستشفى

هو مايقبل يكوللها مابي شي بس ودوني لغرفتي استراح
كومته هي بنفسها حتى ولدها ماخلتهم يقتربون اخذته
للغرفة "اشنقك ابو النسوان والله
بس يصير شي بزلمتي

رائد _دخذي بحضنج وشوفي شلون يعدل هههههه

عمتي_ادبسزز

رائد _دخذي وبدلي ولبسي ملابس نوم قصيرة وشوفي
شلون يرجع مثل الحصان خطية فطوم
صارله ايام ههههه

اركان ومصطفى ماتوا من الضحك صارت تغلط وتسب بي وبيهم اخذته ودخلت للغرفة لزمت بطني من الضحك بعد ماتحمل الضحك أكثر راح اموووت
ولكم كافيييي هههههه

اركان _ ههههه أني هم راح اموووت

رائد _امكم مكارة طلعت دخلت بعد ماطلعت ههههه

اركان_ ابوي عدل ههههه

مصطفى _ههه ولكككك كاااافي راح امووووت
هههه ااخخ بطني هههههه

طلعت عمتي .... تصيح وتغلط علينا طفرنا كلنا بره
وخربانين من الضحك وكفت بعتبه الباب
شايله الشحاطة ابو صلعة وتهدد بينه

عمتي_خيركم يوصل لعندي ساقطين سرسرية اهل النسوان تفوو عليكم جان مات رجلي من وراكم وأنت الساقط ابو ام ساندي ام سعودي تعال لعندي تعال

رائد_هههه مو ماتردينه وتردين اللواء ههههه

عمتي_انتو تلاثتكم وعشيرتكم مابدلها بظفر واحد من فلاح
ساقطين وانت مالكم دخله للبيت بعد لسويتوا جبناه
تخافون من رائد ابو النسوان امداكم امداكم

رائد _تعالوا خل نروح نتعشة بالمطعم امكم تريد تسوي
أجواء رومانسية وي ابوكم ههههه

عمتي_شكد ادبسززز أنت شو تعال ابو الرومانسية تعال
وخل اشوفك الرومانسية على اصولها

هفتني بالشحاطة همزين ماجت بي طفرنا تلاثتنه بره نركض خربانين من الضحك اباوع اركان حافي الرجلين مصطفى كذلك بس أني لابس برجلي هههه

رائد _وين الشحاطات هههه

مصطفى _حافين القدمين هههههه

رائد _ههه اليوم شيخلصكم منها

مصطفى _ يمك رائد اليوم أني

رائد _لا أهلا ولا مرحبآ بيك روح البيتك في أمان الله ههه

مصطفى _مو شعلت الحرب وفلتت تعال

اركان _تعال خل نرجع نصالح امي رائد ارجع عليك الله

رائد _صالحت امكم وابوكم واكلت راشدي معدل من ابوكم ابو صلعة وبوكس من امكم تردون اكل شحاطة لو صوندة من امكم المخبلة لاعيني ماقبلها تروح الهيبة ههههه

صاروا يتوسلون بي اجي وياهم عاندت ورحت لبيتي هم وراي يمشون ويتوسلون" عليك الله أرجع خليها تهدي
امي مخبلة هسه تخلينه ننام بره

قلبي رف عليهم خطية اخذتهم ورجعت عمتي تخزر بينه واجت موتتنه من الكتل بالدفرات يلا قنعتها ماخذه على خاطرها من خنكتها كعدت ساعة كامله

ابوس بيها وقنع بيها طلعت روحي لما راضيتها رحت شفت
ابو صلعة مسوي روحة جنازة باركتله على هذا الإنجاز
العظيم ماتوقعت بي يطلع ممثل بارع

وغشمر عمتي سلمت وطلعت "الله يهديهم على بعض زوج عمتي خوش آدمي وفقيرون جنه قملة لايهش ولاينش صح يغلط بس الحقيقة يخاف من عمتي

هي ماتكعد راحة منه ضميتها الهم ابو صلعة ضربني راشدي وهي رزلتني وضربتني سوتني حالي من حال
مصطفى واركان ولدها .

اول مرة ادوس على كرامتي وأبقى ساكت علمود ابو صلعة خطية ماريده يعيش نفس الشعور العيشة أني اتحمل بس
هو مايتحمل فراق عمتي الحية المخبلة

مروا يومين شفت عمتي طلعت لابسة نفنوف أسود وحجاب وردي فاتح وجنطه ورديه بالكتف طالعة تشك شك بالجمال ابو صلعة واكف يمها ويضحك اركان

بالسيارة مصطفى طلع بطرك التراك مامبدل صحت
من مكاني "بفضلي بفضلي ههههه

عمتي_ ولك أنت وين ماروح الكاك كدامي

رائد _دخيل الله عمتي هاي شطالعة طالعة تشكين شك
نهجم بيتك ابو صلعة على الهيجة
لعندك هههههه .

عمتي_يمصخم تتغزل بعمتك بنص الشارع

ابو مصطفى _ ولك اسكت فضحتنا مناك العالم

مصطفى _ هههههه

رائد _عمتي ويلوكلها الغزل هنيالي والله عندي عمه
حية صاكة تعاي انطيني بوسة

عمتي_ ههههه تعال يبعد روح عمتك

رحت عليها فتحت ايديها الاثنين حضنتها قوي على عناد ابو صلعة النذل يغار مني على عمتي شلتها بحضني هي تضحك الملعونة هو تخبل فضحتنا مناك العالم
نزل المرة نزلها

رائد _هالمرة عمتي الصغيرة الجميلة امممح

بستها بخدها كل ... قوتي شلعت خدها شلع على عنادة اريد اطلع الراشدي بي بالغيرة نزلتها تضحك ولاهامها صار يوبخ بي اول مرة اسمحلك تشيل المرتي بالشارع

رائد _عمتي ماعندج عود أذان اشو أذني
مسدودة وماسمع بيها زين هههه

عمتي_ هههههه

مصطفى _هسه اجيبلك

ابو مصطفى _ساقط ماعليك عتب يلا امشي

عمتي_اروحلك فدوة هيبتي امممح

ابو مصطفى _ شبيج ولج شبيج مو عيب

عمتي_هو شنو عيب غير وليدي هذا اوووي شكد متخلف

صعدا بالسيارة مصطفى يباوعلها ويضحك جريته وخليت ايدي على جتفه صعد ابو صلعة حرك
السيارة اركان وراحوا

_وين رايحين ؟

_بيت عمي عبد

_هاا صدك اكولك ابو الصوف

_كول قلبي

_جهزلي نفسك باجر عدنا مهمة

_شبسرعة نرجع رائد

_مو للدوام

_لعد وين ؟

_تعرف مصفي المنهولة

_اي شبي المصخم ؟

_سمعت اخبار من مهدي تكول جاي خطابه على
ام علاوي للبيت البارحة العصر

_ ماتروح أني وراها طمن هسه جهزلي نفسك
خل نسويله جره اذن معدلة

_عد عينك نجر اذنه مثل ماجرينه اذان القبله

_اي

_وأني وياك هسه اجيب كافة المعلومات عنه

_عندي كل المعلومات

_خوش لعد

تفقت ويا شراح نسوي بي هالمرة خله أيده بإيدي ومخاف
ولا تلبك بالعكس حب يكون وياي علمود نرد
ام علاوي العلاوي .

رجعت للبيت امي وابوي كاعدين علاوي بالحجلة يروح ويرجع لمحني فتت صاح " باااباا "صوته خلاني أضحك مديتله رأسي من الباب

رائد _عيون بابا

علاوي_ بااااه بابا اغغغغوو

يناغي ويضحك ويشيل ويدك بنفسه يريدني اشيله بحضني رحت لعنده شلته بحضني امي وابوي ساكتين يباوعولي بنظرات تخوف عبالك يردون يفترسوني

_خيركم ؟

ابوي _ألف مبروك ام علاوي راح تزوج

امي _ الله يطيح حظها على هالسواية

رائد _وإذا تزوجت

امي _شكد بارد أنت

ابوي _عجيب امرك لاحجيت ولا كلت

رائد _شحجي مثلآ؟

امي _نسيتها رائد

رائد _منو هي ؟

ابوي _لتغشمر روحك

رائد_مامغشمر بس ماتذكر ام علاوي شنو جان اسمها
ومنو هي أصلا " حبيبي قلبي عمري
علاوي امممح

كعدت وعلاوي بحضني ابوس بي ولعب بي امي وابوي يباوعلي ويرجعون يباعون البعض مابينت الهم مهتم
لامرها من أساس سويت روحي ماتذكرها
ومايهمني أمرها .

العصر رحنا لبيت عمي وفتحوا موضوعها جايينها خطابة وحسب كلام ام حسن زينب موافقة وأهلها بس ينتظرون
عمها يرجع من ايران علمود يردون الخبر
النهائي هي الموافقة "

حجوا وياي سويت روحي ماتذكرها وكتلهم سدوا
موضوعها رجاءً كعد بصفي قاسم " شنو الخطة ؟


_ياخطة ؟

_خطة تخرب الخطبة كلي شنو الخطة ؟

_موعلية تضم احجي شنو الخطة بسرعة

_كلتلك ماكو

_وسفة عليك تضم علية ماتوقعت مصطفى اخذ مكاني

_محد يكدر يأخذ مكان ب...

اجه محمد كعد بصفي خلوني بالنص "
اي احجي رائدنا

رائد_شحجي ؟

محمد_حجي شراح تسوي ؟

رائد_بخصوص شنو ؟

محمد _اهووو يسوي روحة غشمر بخصوص المصكوعة

رائد_آخر همي المصكوعة

محمد_تحجي صدك؟!!

رائد_الكل مخبوص بيها ولكم لمونه قحط
نسوان الخلقها ماخلق غيرها

قاسم_خلق

محمد_ولك أنت شنيت الحرب عليهم وأخذتها غصب عن خشوم الكل هسه مستسلم للأمر الواقع وعادي
عندك ماتدخل بعقلي

رائد _خلصت رغبتي منها وهسه جاي دور على بت ضابط مسؤول علمود أصير الملك بالفوج هههههه

قاسم _هههه

محمد_ والله تسويها أنت قبل كبلت وي رهف وجبتها
للدرب هسه أيام لكاك مكبل وي بت مسؤول أو
يجوز مكبل وماتكول

رائد _كلشي توقع مني ههه

قاسم مامقتنع بكلامي بس كدام محمد والكل يبين مقتنع
عمي يباوعلي ويرجع يباوع العلاوي يضحك بين
ايدين أحمد ابن نزار

حسيت بعمي مقهور على علاوي مو علية أني ' ترى علاوي مايقهر بالعكس مرتاح بيناتنه والكل تحبه أكثر من أمه
الأنانية وامي روحها من الدنيا علاوي

وأبوي واخواتي .... ولد عمامي كلها تحبه هو هم يحبهم ومايستغرب منهم ويصيح لامي ماما عباله امي أمه هسه لو يشوف أمه مايعرفها أصلا يستغرب منها .

كتلهم باجر أني رايح للموصل عدنا عرس صديقي منو يجي وياي كلها كالت مانجي حتى قاسم كال ماجي وياك طالع
وي عمي وعلي بشغل

محمد كذلك كال عندي شغل وي عمر مصطفى كال أني اجي وياك ماعندي شي والولد هم صديقي وعزمني عيب مانروح هو حظر عرسك وعرس قاسم

قاسم_منو هذا ؟

رائد _النقيب عبد العزيز تذكرته

قاسم _ عبد العزيز ماتذكره والله محمد تذكره

محمد _اي تذكره هو مو نقل للموصل قبل سنة يم ابو يونس

مصطفى _اي وعدنا تواصل ويا

عمي_مابيه شي مثل ماهو قدركم أنتو هم قدروا

زينب "داومت ثاني يوم من تهديد رائد لي وحلفت له أوافق على صافي وشيسوي خل يسوي إلا احرك قلبه مثل ماحرك قلبي وحرمني من ابني وخله أقرب الناس لي يشمت بي ويتتهمني كلام خالي من الصحة .

رديتله الجواب طار من الفرحة رجعت من الدوام كلت لأمي باول رفضت قنعتها وكتلها أني أريده ومقتنعه بي ليش تخربين القسمة اليوم جتني قسمة زينة

باجر ماتجيني القسمة ...واطر ازوج زيد ابن عمي لو واحد وراه عشيرة جهال قتنعت وراحت كالت لأخوي رفض
بس مسلم وأخواتي قنعوا يقبل

بعد عنا أيام قبل ومؤمن معارض وتعارك وكال لو تأخذين زيد لو ماتأخذين تعاركوا ويا أمي واخواتي وخالاتي
مسحوا بي الكاع مسح

وخلوه غصب عنه يقبل رديت الجواب الصافي دزلي بصمة يحجي ويضحك طار من الفرحة وأني دموع تنزل قبلت
بي غصب عن قلبي قلبي رافضه


رفض قاطع ويبجي دم على رائد وعلاوي "كل همي انتقم من رائد وأنزل كرامته مثل مانزل كرامتي وخاني وي ام سعودي ومال التهديد خل يهدد مااخاف منه

العصر جوي ... أخواتي وخالاتي جهزت نفسي مكابله المراية وابجي صرت اتخيل رائد هو أجاني خطابة بدل صافي بس الواقع مؤلم رائد مايريدني حتى

ماكلف نفسه وطلب .... ايدي وره العدة ماصدك خلص مني وهسه مرتاح ونايم بنص النسوان من مرة لمرة ومتونس وعلاوي شامره على امي سهاد

وابوي سلام وضارب الدنيا وأهلها.

أجوي شوي وطلعت عليهم سلمت على أمه وأبوه واخواته أثنين وخالاته أربعة جايات وبنات خير من الله جايين عالم وياهم قدمت العصير يباوعلي ويضحك

مامصدك كعدت كدامه قلبي نقبض عبالك شخص قبض عليه بكف أيده ورائد صار كدامي يخزر بي ويتحلف بي يدفني اني وصافي غمضت اعيوني رجعت فتحتهن

أبتسمت بوجه صافي فتحوا الموضوع ..... اهلي كالوا احنا موافقين والبنية هم موافقة بس يجي عمي ابو مختار من ايران نرجع الجواب النهائي

تقبلوا الكلام ساعتين بالضبط يلا راحوا بوجي رحت للحمام ابجي ودعي على رائد حطمني من خلاني أحبه واتزوجه عن حب وبلاخر خاني وضحك علية

وأخذ ابني مني وشمرني هي الشمرة ماصدك تركني وصار يجذب ويلفق بالكلام أخاف أقنع وارجعله كال أني أشرب
خمر وكل يوم وي بنية شكل

وكلشي طلع كذب في كذب ادري بي مل مني بزع من حياة الزوجيه هو إنسان متحرر من يوم يوما ويحب
الحرية ويكره القيود

حرارتي ارتفعت من البجي والقهر ......طريت اسبح سبحت وصحت على اختي سراب تجيبلي ملابس لأن ماماخذه جابتلي ملابس بدلت وطلعت

امشط بشعري شافت عيوني حمرة ...
شبيهن عيونج حمرة ؟

_فات بيهن شامبو

_غير تنتبهين

_فات بعد صدك شرايج بصافي

_الصراحة خوش ولد ومثقف من طريقة كلامه
وشكله حلو وجسمه حلو ومرتب مابي
ولا غلطة هههههه

_ولا غلطة هههه

_ههه اي والله هيبة من يمشي

صارت قصه بقلبي من كالت هيبة ورائد لقبه الهيبة بين اهله وعمامة والعشيرة كلها ملقبته بالهيبة خانني دموعي ونزلوا بسرعة ماتحملت كعدت فوك الجرباية

غطيت وجي بكفوف ايديه وابجي ..
شبيج زينب ؟!

اجت وكفت كدامي جرت كفوف ايديه وباوعت بوجي ...
شبيج تبجين؟ ولج احجي شبيج
فجأة نهاريتي ؟!

_تعبت سراب تعبت بالقرأن تعبت

_من شنو ؟

_من كلشي

نفخت هوى وكعدت بصفي "
مشتاقة لابنج والرائد
مو صح

_افففف

_عرفت بيج مجبورة على صافي

_ ماعرف

_لا تعرفين بس ما تعترفين احجي زينب تردين صافي لو لا ترى هذا زواج مو لعب جهال تاخذين الرجال وانتِ مالج
نفس بي وروحج ونفسج يم رائد وابنج

حرام عليج تبقين بس جسد يم الرجال وبالج وتفكيرج
كله يم رائد وعلاوي حجي زينب

_أريده وخلص من هاي لحظة راح أنسى ابني ورائد للأبد

_ياريت يطلع كلامج صح

_لا صح كلامي طمني


_تمام قلبي أني رايحة لبيتي ديري بالج على نفسج

باستني وراحت شوي واجوي خالاتي يحمدون بصافي وقهروني من كالت بت خالتي " بس الصراحة ابن
الغربية احلى واكشخ منه عمي الضابط هيبة
ويبقى هيبة الزلم هههههه

خزروها خالاتي خلت وسكتت ابتسمت تذكرت من جان يتعارك وياي ويكلي احمدي ربج واشكري ضابط وهيبة العشيرة حبج واخذج ام الصخول

بعد ماراحوا ... عقلي صار يرجع ليورة ويتذكر ذكريات حلوة عن رائد عبالك يحاول يمنعني من الموافقة ويخليني
اتمسك بحبي الرائد ابو النسوان .

بالليل أخذت ابن اخوي بحضني ابوس واخذتله كم صورة نزلتهن ستوري شوي ويرد صافي "
ربي يحفظكم تخبلوون

رديت "
ويحفظك الله

_شلونج ؟

_زينة وأنت؟

_الحمدلله بخير اي شكو ماكو

_والله سلامتك ماكو شي أنت شكو يمك ؟

_لو تدرين أمي وخالاتي واخواتي من شافوج انصدموا
خطية ماجانوا متوقعين هيج حلوة
ومرتبة أنتِ هههه

_هههه

_فديت ضحكاتج الحلوات يحلوة

خجلت من كلامه رديت "
مو وقت الغزل صافي

_ههه آسف نسيت عبالي صرنا مخطوبين رسمي

_عود من ننخطب رسمي تغزل بكيفك اوك

_اوك هههه

_يلا مرخصتك اروح انام

_مرخوصه عيني تصبحين على خير

_وأنت من أهل

نهيت الكلام مالي نفس احجي . ويا دخلت على الطلبات تفاجأت مصطفى دازلي رسالة صوتية قلبي صار يدك
سريع من الخوف ايديه يرجفون

مابي حيل افتح الرسالة واسمع البصمة الصوت ماكدرت افتح الرسالة واسمع البصمة أكيد رائد هذا اجاني من حساب مصطفى علمود يهدد بي أعرفه

مايجوز من سوالف المافيا ايده والدمار والتهديد يصلح يصير بالمافيا مو ضابط وحامي الوطن أصلا الوطن يخاف من
هيج ضباط عقلهم مدمر

وديت ابن أخوي وطلعت رجعت لفراشي لفيت رأسي ونمت أصلا ماكو نوم للصبح من الخوف والتفكير أخاف صدك ينفذ التهديد ويأذي صافي المسكين