#ﺍﻟﺠﺰﺀ ﺍﻻﻭﻝ
#ﺍﻟﺸﻴﻬﺎﻧﺔ
ﺍﻟﺸﻴﻬﺎﻧﺔ .. ﺍﻧﺜﻰ ﺍﻟﺼﻘﺮ ﻭﺗﺘﻤﻴﺰ ﺑﺼﻼﺑﺘﻬﺎ ﻭﻗﻮﺗﻬﺎ ﻭﻋﺰﺓ ﺍﻟﻨﻔﺲ
ﻣﺎﺗﺄﻛﻞ ﺍﻟﺠﻴﻔﺔ ﻭﻻ ﺗﺘﺮﻭﺽ ﺑﺨﺸﻮﻧﺔ
ﺗﻔﺮﺽ ﻧﻔﺴﻬﺎ ﺑﺼﻔﺎﺗﻬﺎ ﺍﻟﻤﻤﻴﺰﺓ ...
***************************
ﻳﻮﻡ ﺍﻻﺣﺪ ﻣﺤﺎﺿﺮﺓ ﺍﻟﻤﻘﺎﻟﺔ .. ﺍﻻﺳﺘﺎﺫ ﺟﺪﻳﺪ ﻣﻮ ﻣﻦ ﺍﺳﺎﺗﺬﺗﻨﺎ
ﺍﻟﻘﺪﻣﺎﺀ ..
ﺑﺲ ﺍﻟﻴﻮﻡ ﻣﺎﻋﺎﺟﺒﻪ ﻳﺪﺭﺳﻨﺎ ..
ﻣﺨﻠﻲ ﻛﺪﺍﻣﻪ ﺳﺠﻞ ﻭﻳﺸﺘﻐﻞ ..
ﻭﺣﺬﺭﻧﺎ ﻛﻌﺪﻭ ﻫﺎﺩﺋﻴﻦ ﺑﻼ ﺳﻮﺍﻟﻒ ..
ﺍﺳﻤﻪ ﺑﻬﺎﺩﺭ ﻣﻮﺍﻟﻴﺪ ﺛﻤﺎﻧﻴﻨﻴﺎﺕ ..
ﻣﻦ ﺟﺎﻥ ﻃﺎﻟﺐ ﻣﺎﺳﺘﺮ ﻫﻮ ﺭﺍﻳﺪ ﺣﻨﻴﻦ ﺑﺖ ﻋﻤﻲ ..
ﺣﻨﻴﻦ ﺍﻗﺮﺑﻠﻲ ﻣﻦ ﺭﻭﺣﻲ ﻭﺍﺣﺴﻬﺎ ﺍﺧﺘﻲ ..
ﻻﻥ ﻣﺎﻋﻨﺪﻱ ﺍﺧﻮﺍﺕ ..
ﻭﻣﻦ ﻃﻔﻮﻟﺘﻨﺎ ﺍﺣﻨﺎ ﻗﺮﻳﺒﺎﺕ ﻟﺒﻌﺾ .. ﻭﺍﻻﺣﻠﻰ
ﻃﻠﻌﻨﺎ ﻧﻔﺲ ﺍﻟﻜﻠﻴﺔ ﻭﻧﻔﺲ ﺍﻟﻘﺴﻢ ..
ﺍﻻﺳﺘﺎﺫ ﻳﻜﺘﺐ ﻭﻛﻠﺴﺎﻉ ﻭﻛﺎﻝ ﺑﻼ ﻛﻼﻡ ..
ﻟﻮ ﻳﺮﻓﻊ ﺭﺍﺳﻪ ﻳﺨﺰﺭﻧﺎ ﻭﻳﺮﺟﻊ ﻳﺸﺘﻐﻞ ..
ﺟﺮﻳﺖ ﺍﻟﺴﺠﻞ ﻭﻛﺘﺒﺘﻠﻬﺎ .. ﺍﻛﻠﺞ ﻣﺎﺗﺮﻭﺣﻴﻦ ﺣﻤﺎﻡ ﺷﻲ
ﺧﻞ ﻧﻄﻠﻊ ..
ﺍﺧﺬﺕ ﺍﻟﻘﻠﻢ ﻣﻦ ﺍﻳﺪﻱ ﻭﻛﺘﺒﺖ ..
ﻻ ﻣﺎﺍﻃﻠﻊ ﺧﻠﻴﻨﻲ ﻛﺎﻋﺪﺓ ﺣﺘﻰ ﺍﺷﺒﻊ ﻣﻦ ﺍﻟﻘﻠﺐ ..
ﺍﻣﺪﺍﺝ ﺷﻠﻮﻥ ﻗﻠﺐ ﻉ ﺍﺳﺎﺱ .. ﺩﺍﻳﺴﺘﻪ ﺳﻴﺎﺭﺓ
ﻭﻃﺎﻓﺮﺓ ﻋﻠﻴﻪ ﺑﺰﻭﻧﺔ ﺍﻣﺸﻌﺘﻪ ..
ﻣﻌﻠﻴﺞ ﺍﻧﺖ ﻣﺎﻋﻨﺪﺝ ﺫﻭﻕ ﻭﻣﺘﻌﺎﻟﻴﺔ ..
ﻣﻮ ﺗﻌﺎﻟﻲ ﺑﺲ ﻣﺎﻳﺸﺠﻊ ﻭﺍﺡ .. ﻗﺒﻞ ﻻ ﺍﻛﻤﻞ ﺍﻟﻜﻠﻤﺔ ..
ﺳﺪﺕ ﺣﻨﻴﻦ ﺍﻟﺴﺠﻞ ﻭﺟﺮﺗﻪ ﺑﺤﻀﻨﻬﺎ ..
ﺭﻓﻌﺖ ﺭﺍﺳﻲ ﻭﺍﺷﻮﻑ ﺍﻻﺳﺘﺎﺫ ﻭﺍﻛﻒ ﻓﻮﻙ ﺭﺍﺳﻨﺎ ..
ﺣﺠﻪ ﻭﻫﻮ ﻳﺒﺎﻭﻉ ﻟﺤﻨﻴﻦ .. ﺍﻧﻄﻴﻨﻲ ﺍﻟﺴﺠﻞ ..
ﺍﺳﻔﺔ ﺍﺳﺘﺎﺫ ﺑﺲ ﻣﺎﺑﻲ ﺷﻲ ..
ﻫﻮ ﺧﺰﺭﻧﻲ ﻭﺍﻧﺪﺍﺭ ﻟﻠﻄﻼﺏ .. ﺍﺧﺬﻭ ﺭﺍﺣﺘﻜﻢ ﻃﻼﺏ ..
ﺷﺎﻫﺎ ﻭﺣﻨﻴﻦ ﺍﺑﻘﻮ ﻻ ﺗﻄﻠﻌﻮﻥ ..
ﺭﺟﻊ ﻟﻠﻜﺮﺳﻲ ﻛﺎﻟﺘﻪ ﻭﺍﻟﻄﻼﺏ ﺑﺪﻭ ﻳﻄﻠﻌﻮﻥ ..
ﺣﻨﻴﻦ ﺗﺮﺟﻒ ﻭﺗﺒﺎﻭﻋﻠﻲ .. ﻭﻟﺞ ﺷﻠﻮﻭﻭﻥ ..
ﺷﺒﻴﺞ ﺭﺍﺟﻔﺔ ﺍﺣﻨﺎ ﺷﻤﺴﻮﻳﻦ ؟؟
ﺟﺮﻳﺖ ﺍﻟﺴﺠﻞ ﻣﻦ ﺍﻳﺪﻫﺎ ﻭﺷﺨﺒﻄﺖ ﻛﻼﻣﻨﺎ ﻛﻠﻪ ..
ﻫﺎﺝ ﺣﺘﻰ ﻣﻦ ﻳﻔﺘﺤﻪ ﻣﺎﻳﻜﺪﺭ ﻳﻘﺮﺍ ﺷﻲ ..
ﺑﻘﺖ ﻛﺎﻋﺪﺓ ﻭﻣﺘﻮﺗﺮﺓ ﻟﺤﺪ ﻣﺎﻓﺮﻏﺖ ﺍﻟﻘﺎﻋﺔ ..
ﺍﺣﻨﺎ ﻛﻤﻨﺎ ﻭﻫﻮ ﻛﺎﻡ ﻭﻛﻒ ..
ﺣﺠﻪ ﻭﻳﺒﺎﻭﻋﻠﻲ ﺑﺨﺰﺭﺓ .. ﺍﺣﺴﻪ ﻛﻠﺶ ﻣﺎﻳﺮﺗﺎﺣﻠﻲ
ﺍﺑﺪﺩﺩ ..
ﺷﺎﻫﺎ ﺍﻧﺎ ﺷﻨﻮ ﻛﻠﺖ؟؟ﻣﻮ ﻛﻠﺖ ﻛﻌﺪﻭ ﺑﻼ ﻛﻼﻡ؟؟
ﻧﻌﻢ ﺍﺳﺘﺎﺫ ﻭﺍﺣﻨﺎ ﻣﺎﺟﻨﺎ ﻧﺤﺠﻲ ..
ﻭﺷﻨﻮ ﻣﻌﻨﺎﻩ ﺍﻟﻜﺘﺎﺑﺔ ﻉ ﺍﻟﺴﺠﻞ؟
ﺣﻨﻴﻦ ﺭﺍﺩﺕ ﺗﻄﻠﻊ ﻟﻠﺤﻤﺎﻡ ﺑﺲ ﺗﺨﺠﻞ ﺗﺤﺠﻲ ..
ﺑﻌﺪﻧﻲ ﻣﺎﻣﻜﻤﻠﺔ ﺣﺠﺎﻳﺘﻲ .. ﺍﺷﻮ ﻫﺬﺍ ﺍﻧﺪﺍﺭ ﻟﺤﻨﻴﻦ
ﻭﺳﺒﻞ ﻋﻴﻮﻧﻪ ..
ﻟﻴﺶ ﻣﺎﺣﺠﻴﺘﻲ ﺷﺒﻴﺞ ﺧﻮ ﻣﺎﺗﻌﺒﺎﻧﺔ؟
ﺟﺎﻭﺑﺘﻪ ﺑﺮﺟﻔﺔ .. ﻻﺍ ﻻ ﺑﺲ ﻋﻄﺸﺖ ..
ﻣﺪﺍﻡ ﻫﻴﺞ ﺍﻧﺎ ﺍﻻﻋﺘﺬﺭ ﻟﻬﺴﻪ ﻋﻄﺸﺎﻧﺔ ﻭﻣﻨﺘﻈﺮﺓ
ﺑﺴﺒﺒﻲ ..
ﻋﺎﺯﻣﺞ ﻋﻠﻰ ﻋﺼﻴﺮ ﺍﺫﺍ ﺗﻘﺒﻠﻴﻦ ..
ﺍﻟﺘﻔﺘﺖ ﻋﻠﻴﻪ ﻭﻫﻲ ﻣﺒﺘﺴﻤﺔ .. ﺍﻱ .. ﺍﻣﻢ ﺍﻭﻛﻲ ..
ﻣﺸﺖ ﻛﺪﺍﻣﻲ ﻭﺍﻧﺎ ﻣﺸﻴﺖ ﻫﻮ ﺷﺎﻝ ﺍﻭﺭﺍﻗﻪ ﻭﻣﻦ ﻃﻠﻊ
ﻛﺎﻝ ..
ﺍﻟﻴﻮﻡ ﺍﻧﺤﺴﺒﺘﻲ ﻏﻴﺎﺏ ..
ﺑﺎﻭﻋﺖ ﺑﺎﺳﺘﻐﺮﺍﺏ ﻭﺍﻟﻄﻼﺏ ﺳﻤﻌﻮ ﻻﻥ ﻫﻮ
ﺣﺠﺎﻫﺎ ﺑﺎﻟﺒﺎﺏ ﻭﺟﺎﻧﻮ ﻭﺍﻛﻔﻴﻦ
ﺳﻜﺘﺖ ﻣﺎﺭﺩﺕ ﺍﺟﺎﺩﻝ ﻟﺨﺎﻃﺮ ﺣﻨﻴﻦ .. ﺭﺍﺣﻮ ﻳﻤﺸﻮﻥ
ﺳﻮﺍ ﻭﺍﻟﻄﻼﺏ ﺳﺎﻟﻮﻧﻲ ..
ﺷﻜﻮ ﻟﻴﺶ ﺳﺠﻠﺞ ﻏﻴﺎﺏ ﻭﻟﻴﺶ ﺭﺍﺣﺖ ﺣﻨﻴﻦ؟
ﻻﻥ ﺟﻨﺎ ﻧﺴﻮﻟﻒ ﺑﺎﻟﺴﺠﻞ .. ﻳﻼ ﻋﺎﺩﻱ ﻫﻬﻪ ..
ﺑﻘﻮ ﻳﻀﺤﻜﻮﻥ ﻛﺎﻟﻮ ﻫﺬﺍ ﻣﺰﻋﺞ ﻭﻳﺪﻭﺭ ﺣﺠﺞ
ﻭﺍﺣﻨﺎ ﺟﻨﺎ ﻧﺤﺠﻲ ﻭﻣﺎﻋﺎﻗﺒﻨﺎ .. ﻃﺒﻌﺎ ﺍﻏﻠﺒﻬﻢ ﻣﺎﻳﺤﺒﻮ
ﻻﻥ ﺍﺳﻠﻮﺑﻪ ﺟﺎﻑ ﻛﻠﺶ ﻣﺎﻋﻨﺪﻩ ﻣﺮﻭﻧﺔ ﺑﺎﻟﺘﻌﺎﻣﻞ ..
ﺑﻘﻴﺖ ﻳﻢ ﺍﻟﺒﻨﺎﺕ ﻭﺍﻛﻔﻴﻦ ﻗﺮﻳﺐ ﺍﻟﻘﺎﻋﺔ ﻭﻧﺴﻮﻟﻒ ..
ﺍﺟﻪ ﻭﻛﺖ ﺍﻟﻤﺤﺎﺿﺮﺓ ﺍﻟﺜﺎﻧﻴﺔ ﻭﺣﻨﻴﻦ ﻣﺎﻛﻮ ..
ﺩﺧﻠﺖ ﻭﺩﺯﻳﺘﻠﻬﺎ ﺭﺳﺎﻟﺔ .. ﺍﻧﺎ ﺍﻟﺞ ﻳﺎﺣﻘﻴﺮﺓ ..
ﻭﺑﻘﻴﺖ ﻃﻮﻝ ﺍﻟﻤﺤﺎﺿﺮﺓ ﺑﺎﻟﻲ ﺷﺎﺭﺩ ﻭﺍﻓﻜﺮ ﺑﻴﻬﺎ
ﺗﺄﺧﺮﺕ ﻭﻱ ﻫﺬﺍ ﺍﻟﻤﻬﺘﻠﻒ .. ﺭﻋﻨﺔ ﻣﺎﺻﺪﻛﺖ ﺣﺎﺟﺎﻫﺎ
ﺑﺴﺮﻋﺔ ﺭﺍﺣﺖ ..
ﺧﻠﺼﺖ ﺍﻟﻤﺤﺎﺿﺮﺓ ﻭﻃﻠﻌﺖ ﻟﻜﻴﺘﻬﺎ ﺩﺍﺯﺗﻠﻲ ﺭﺳﺎﻟﺔ
ﺗﻨﺘﻈﺮﻧﻲ ﺑﺎﻟﺤﺪﻳﻘﺔ ..
ﺭﺣﺖ ﺗﻤﺸﻴﺖ ﻭﺑﺲ ﺷﺎﻓﺘﻨﻲ ﺍﺟﺖ ﺭﻛﺾ ﻭﻣﺒﺘﺴﻤﺔ ..
ﻫﺎ ﺍﺷﻮ ﺗﻤﺸﻴﻦ ﻋﻠﻰ ﺍﺳﺘﺤﻴﺎﺀ .. ﺣﺠﻴﺖ ﺑﺎﺳﺘﻬﺰﺍﺀ ﻭﻳﺎﻫﺎ ..
ﻋﺎﺑﺘﻠﺞ ﻭﻟﺞ ﺣﻤﻮﻭﻭﺕ ﺑﺎﺭﻛﻴﻠﻲ ﺑﺎﺭﻛﻴﻠﻲ ..
ﻫﺎ ﺷﻜﻮ؟
ﺑﻬﺎﺩﺭ ﺧﻄﺒﻨﻲ .. ﺣﺠﺘﻬﺎ ﻭﺧﻠﺖ ﺍﻳﺪﻫﺎ ﻉ ﺣﻠﻜﻬﺎ ..
ﻳﻮﻭﻭ ﻉ ﻛﻴﻔﺞ ﻻ ﺗﻨﺠﻠﻄﻴﻦ .. ﻫﻮ ﻳﺤﻠﻢ ﻳﻌﻠﻢ ﺑﻬﻴﺞ
ﺟﻬﺮﺓ ﻭﻫﻴﺞ ﻧﺴﺐ ..
ﺩﻛﺎﻓﻲ ﻋﺎﺩ ﺷﺎﻫﺎ ﻫﻮ ﻣﻮ ﻗﺼﺪﻩ ﻳﻐﺜﺞ ﺣﺘﻰ ﻣﻦ
ﻛﻌﺪﻧﺎ ﻧﺤﺠﻲ ﺍﻭﻝ ﺷﻲ ﻋﺎﺗﺒﺘﻪ ﻻﻥ ﺳﺠﻠﺞ ﻏﻴﺎﺏ ..
ﻛﺎﻝ ﻫﻴﺞ ﺍﻏﺜﻬﺎ ﻣﻮ ﺻﺪﻙ ..
ﺯﻳﻦ ﺷﺒﻴﺞ ﻭﺟﻬﺞ ﻳﺮﻛﺺ ﻭﺣﻮﺍﺟﺒﺞ ﺍﺣﺴﻬﺎ ﻣﺸﻐﻠﺔ
ﺧﺸﺎﺑﺔ ..
ﺷﺒﻜﺘﻨﻲ ﺣﻴﻞ ﻭﻛﺎﻟﺖ .. ﻭﻟﺞ ﺍﺣﺒﻪ ﺍﺣﺒﻪ ﻭﻣﺎﻣﺼﺪﻛﺔ
ﺧﻄﺒﻨﻲ ﺑﻬﺎﻟﺴﺮﻋﺔ ..
ﺑﻌﺪﺗﻬﺎ ﻣﻦ ﺣﻀﻨﻲ ﻭ ﺿﺮﺑﺘﻬﺎ ﺑﺎﺻﺎﺑﻌﻲ ﻉ ﻛﺼﺘﻬﺎ ..
ﻳﺎﺳﺮﻋﺔ ﻭﻟﺞ ﻣﻮ ﺻﺎﺭﻟﻜﻢ ﺛﻠﺚ ﺳﻨﻮﺍﺕ ﻋﻴﻮﻧﻜﻢ
ﺗﺰﺭﺯﺭ ..
ﺍﻱ ﺑﺲ ﻓﺎﺗﺤﻨﻲ ﺑﺎﻟﻤﻮﺿﻮﻉ ﺭﺳﻤﻴﺎً ..
ﻭﻛﺎﻝ ﻫﻮ ﻳﺤﺒﻨﻲ ﻣﻦ ﺍﻭﻝ ﻣﺎﺷﺎﻓﻨﻲ ..
ﻓﺮﺣﺎﻧﺔ ﻭﻟﺞ ﺭﺡ ﺗﻄﻴﺮﻳﻦ ﺛﻜﻠﻲ ﺣﻘﻴﺮﺓ ﺗﺮﻳﺪ ﺗﻌﺮﺳﻴﻦ
ﻭﺗﻌﻮﻓﻴﻨﻲ ..
ﺷﻠﻮﻥ ﺍﻋﻮﻓﺞ ﻏﻴﺮ ﺍﻧﺖ ﺍﻟﻨﺒﺾ ..
ﺑﻌﺪﻳﻦ ﻫﻮ ﻣﻮ ﺑﻌﻴﺪ ﺑﻴﺘﻬﻢ ﻫﻨﺎ ﻛﺪﺍﻡ ﺍﻟﺠﺎﻣﻌﺔ ..
ﻋﺰﺍﺍﺍ ﻭﻟﺞ ﺑﻌﻴﻴﻴﺪ ﻗﺎﺑﻞ ﺭﺡ ﺍﺑﻘﻰ
ﺩﻭﻡ ﻫﻨﺎ ﺍﺩﺍﻭﻡ ﻭﻗﺮﻳﺐ ..
ﻻ ﻋﻔﻴﺔ ﺣﻨﻮﻧﺔ ﻻ ﺗﻘﺒﻠﻴﻦ ﻓﺪﻭﺓ ..
ﺳﻴﺎﺭﺓ ﻣﻮﺟﻮﺩﺓ ﻭﺩﻭﻡ ﻧﺘﺰﺍﻭﺭ ﺷﺒﻴﺞ ﻋﻮﻳﺘﻲ
ﻣﻦ ﻫﺴﻪ ..
ﻻﻥ ﺍﻧﺖ ﺍﻣﺒﻴﻦ ﺿﺎﻣﻨﺔ ﺍﻟﻤﻮﺍﻓﻘﺔ ﻭﻣﺎﺳﺘﻐﺮﺏ
ﺍﺫﺍ ﺳﻮﻳﺘﻮ ﺍﻟﺨﻄﻮﺑﺔ ﻫﺎﻟﺠﻤﻌﺔ ..
ﺍﻱ ﺗﺪﺭﻳﻦ ﺑﺎﻫﻠﻲ ﻣﺎﻋﺪﻫﻢ ﺍﻋﺘﺮﺍﺽ ﻣﺪﺍﻡ
ﺍﻧﺎ ﻣﻮﺍﻓﻘﺔ ..
ﻭﺧﺼﻮﺻﺎ ﻫﻮ ﻣﺎﻳﻨﺮﻓﺾ ..
ﺍﻱ ﺑﻬﺬﺍ ﺑﻨﻄﺮﻭﻧﻪ ﺟﻨﻪ ﺗﻨﻮﺭ ﻃﻴﻦ ﻣﺎﻳﻨﺮﻓﺾ ..
ﺍﻧﺠﺒﻲ ﻟﺠﺠﺠﺞ ...
ﻫﻬﻬﻪ ﺩﻛﻮﻣﻲ ﺍﺟﻪ ﺍﻟﺴﺎﻳﻖ ..
ﺻﻌﺪﻧﺎ ﺑﺎﻟﺴﻴﺎﺭﺓ ﻭﻳﺎﻧﺎ ﺑﻨﻴﺔ ﺑﻐﻴﺮ ﻛﻠﻴﺔ ﺑﺲ ﻫﻢ
ﻋﻼﻗﺘﻨﺎ ﺑﻴﻬﺎ ﻗﻮﻳﺔ ﺍﺳﻤﻬﺎ ﺭﺷﺎ ..
ﻭﻫﻢ ﺗﺪﺭﻱ ﺑﺤﻨﻴﻦ ﻭﺑﻬﺎﺩﺭ ﻭﻣﻦ ﺻﻌﺪﻧﺎ
ﺍﺳﺘﺠﻮﺑﻨﺎ ﺣﻨﻴﻦ ﻭﺧﻠﻴﻨﺎﻫﺎ ﺗﺴﻮﻟﻒ ﺷﻨﻮ ﺣﺠﻮ
ﻫﻲ ﻭﻳﺎ ﻟﺤﺪ ﻣﺎﻭﺻﻠﻨﺎ ﻟﻠﺒﻴﺖ ..
ﻭﺍﺻﻼ ﺑﻴﺖ ﻋﻤﻲ ﺍﺑﻮ ﺣﻨﻴﻦ ﺑﺼﻒ ﺑﻴﺘﻨﺎ ...........
ﺍﺳﻤﻲ ﺷﺎﻫﺎ ﻋﻤﺮﻱ ٢٠ ﺳﻨﺔ ﻣﻦ ﺍﻟﺒﺼﺮﺓ .. ﻃﺎﻟﺒﺔ
ﻛﻠﻴﺔ ﻣﺮﺣﻠﺔ ﺛﺎﻟﺜﺔ ﻟﻐﺔ ﺍﻧﻜﻠﻴﺰﻳﺔ ..
ﻋﻨﺪﻱ ﺍﺧﻮﺍﻥ ﺛﻨﻴﻦ .. ﺍﻟﻜﺒﻴﺮ ﻣﺤﻤﺪ ﻣﺘﺨﺮﺝ ﻭﻳﺸﺘﻐﻞ ﻭﻱ
ﺑﺎﺑﺎ ﺑﺎﻟﻤﻴﻨﺎﺀ ..
ﻭﺍﻟﺜﺎﻧﻲ ﺣﺴﻦ ﻣﺨﻠﺺ ﻣﻌﻬﺪ ﻭﻳﺸﺘﻐﻞ ﺑﺎﻟﺮﻣﻴﻠﺔ ﺑﺸﺮﻛﺔ
ﻳﺎﺑﺎﻧﻴﺔ ..
ﺍﻣﺎ ﺍﻧﺎ ﺍﻻﺧﻴﺮﺓ ﺍﻋﺘﺒﺮ .. ﻻﻥ ﺻﺎﺭﺕ ﻭﺭﺍﻱ ﺑﻨﻴﺔ ﺑﺲ
ﻣﺎﺗﺖ ﺑﻌﻤﺮ ﺻﻐﻴﺮ ..
ﻣﺎﻣﺎ ﺟﺎﻧﺖ ﻣﻮﻇﻔﺔ ﺑﺲ ﺗﺮﻛﺖ ﺍﻟﻌﻤﻞ ﺑﺴﺒﺒﻨﺎ
ﻣﺎﻛﺪﺭﺕ ﺗﻮﻓﻖ ﻭﺍﺧﺘﺎﺭﺕ ﺗﺘﻔﺮﻍ ﻟﺤﻴﺎﺗﻬﺎ ﻭﺍﻃﻔﺎﻟﻬﺎ ..
ﺍﻫﻠﻲ ﻋﺪﻫﻢ ﺍﻧﺎ ﺑﺎﻟﺪﺭﺟﺔ ﺍﻻﻭﻟﻰ ﻻﻥ ﻫﻢ ﺍﻟﺼﻐﻴﺮﺓ ﻭﻫﻢ
ﺍﺧﺘﻲ ﺗﻮﻓﺖ ﻭﺻﺎﺭ

ﻋﺪﻫﻢ ﺣﺮﺹ ﻭﺣﺐ ﺍﻟﻲ
ﻣﻀﺎﻋﻒ ..
ﺑﻴﻮﻣﻬﺎ ﺭﺟﻌﺖ ﻟﻠﺒﻴﺖ ﻭﻣﺜﻞ ﻣﺎﻣﺘﻌﻮﺩﺓ ﻳﻮﻣﻴﺔ ..
ﺍﺭﺟﻊ ﺍﺣﻀﺮ ﻭﻱ ﺍﻣﻲ ﺍﻟﺴﻔﺮﺓ ﻭﻧﺤﻀﺮ ﻻﻥ ﺑﺎﺑﺎ
ﻭﻣﺤﻤﺪ ﻳﺠﻮﻥ ﺑﺤﺪﻭﺩ ﺳﺎﻋﺔ ﺛﻼﺛﺔ ..
ﻛﻠﺸﻲ ﻣﺎﺍﻋﺮﻑ ﻏﻴﺮ ﺍﺻﺐ ﺍﻻﻛﻞ ﺑﻤﻮﺍﻋﻴﻦ ﻻ ﻃﺒﺦ
ﻭﻻ ﻏﻴﺮﻩ ..
ﺑﺲ ﺗﻨﻈﻴﻒ ﺷﺎﻃﺮﺓ ﺑﻲ ﻣﻦ ﺻﻐﺮﻧﺎ ﺍﻣﻲ ﻋﻠﻤﺘﻨﺎ ﻧﻨﻈﻒ
ﻏﺮﻓﻨﺎ ﺣﺘﻰ ﺍﻟﻮﻟﺪ ﺗﻌﻮﺩﻭ ﻉ ﺍﻟﻨﻈﺎﻓﺔ ﻛﻠﺶ ..
ﻛﺎﻋﺪﻳﻦ ﺍﻧﺎ ﻭﻣﺎﻣﺎ ﻧﺴﻮﻟﻒ ﻭﻛﺘﻠﻬﺎ ﺣﻨﻴﻦ ﺧﻄﺒﻬﺎ
ﺍﻻﺳﺘﺎﺫ ﻧﻔﺴﻪ ﺍﻟﻲ ﺣﺎﺟﻴﺘﻠﻬﺎ ﻋﻨﻪ ﻗﺒﻞ ..
ﺍﻧﺎ ﻣﺴﻮﻟﻔﻪ ﻻﻣﻲ ﻋﻨﻪ ﻻﻥ ﻣﺎﺭﺗﺎﺣﻠﻪ ﻭﺍﺣﺴﻪ ﻫﻤﺠﻲ
ﻛﻠﺶ ..
ﺣﺘﻰ ﺍﻣﻲ ﺗﻜﻠﻬﺎ ﺣﻨﻴﻦ ﺍﺧﺘﺎﺭﻱ ﺯﻳﻦ ﻻ ﺗﻤﺸﻴﻦ
ﻭﺭﺍ ﻗﻠﺒﺞ ﻭﺣﻜﻤﻲ ﻋﻘﻠﺞ
ﻣﻦ ﻗﺒﻞ ﺗﻜﻠﻬﺎ ﻫﻴﺞ ..
ﺍﺟﻪ ﺑﺎﺑﺎ ﻭﻣﺤﻤﺪ ﻭﺣﺴﻦ ﻳﺮﺟﻊ ﺏ٧ ﺍﻟﻤﻐﺮﺏ ﻫﻮ ﺩﻭﺍﻣﻪ
ﻳﺮﻭﺡ ﺑﺎﻟﺴﺘﺔ ﺍﻟﺼﺒﺢ ﻳﺮﺟﻊ
ﺍﻟﻤﻐﺮﺏ ..
ﺗﻐﺪﻳﻨﺎ ﻭﻧﻈﺎﻣﻨﺎ ﺍﻟﻴﻮﻣﻲ ﻧﻔﺴﻪ .. ﻧﺘﻐﺪﻯ ﻭﻛﻠﻤﻦ ﻟﻐﺮﻓﺘﻪ
ﻳﺮﺗﺎﺡ ..
ﺍﻧﺎ ﻧﺎﻡ ﻭﺍﻛﻌﺪ ﺍﻟﻤﻐﺮﺏ ..
ﻛﻌﺪﺕ ﺍﻟﻤﻐﺮﺏ ﻉ ﺻﻮﺕ ﺍﻻﺫﺍﻥ ﻭﻓﺘﺤﺖ ﺟﻬﺎﺯﻱ
ﻟﻜﻴﺖ ﺣﻨﻴﻦ ﻣﺮﺍﺳﻠﺘﻨﻲ ﻭﺻﺪﻳﻘﺎﺗﻲ ..
ﺣﻨﻴﻦ ﻛﺎﻳﻠﺔ ﻻﻫﻠﻬﺎ ﻭﻛﺎﻳﻠﻴﻦ ﺧﻞ ﻳﺠﻲ ﺑﺎﻱ ﻭﻗﺖ ﻳﺤﺐ ..
ﺩﺯﻳﺘﻠﻬﺎ ﻫﻠﻬﻮﻟﺔ ﻃﻮﻳﻠﺔ .. ﺑﺲ ﻣﻘﻬﻮﺭﺓ
ﺍﻭﻻ ﻫﺬﺍ ﻣﺎﺍﺭﺗﺎﺣﻠﻪ ﺍﺣﺴﻪ ﺧﺒﻴﺚ .. ﻭﺛﺎﻧﻴﺎ ﺭﺍﺡ ﺗﺒﻌﺪ
ﻋﻨﻲ ﻫﻮﺍﻱ ..
ﺍﺣﻨﺎ ﺑﺎﻟﻤﺮﻛﺰ ﻭﻫﻮ ﺍﻃﺮﺍﻑ ..
ﻭﺍﻣﺒﻴﻦ ﻋﻘﺪﺓ ﻛﻠﺶ ﻣﻮ ﻣﺎﻝ ﻳﻄﻠﻌﻬﺎ ..
ﻛﻤﺖ ﺻﻠﻴﺖ ﻭﺭﺣﺖ ﻟﻠﻤﻄﺒﺦ ﺍﻣﻲ ﻣﺴﻮﻳﺔ ﻛﺒﺔ
ﻣﺮﻙ ﻭﺍﻟﺮﻳﺤﺔ ﺗﻔﻮﺡ ..
ﻟﺒﺴﺖ ﻛﻔﻮﻑ ﻭﺛﺮﻣﺖ ﺯﻻﻃﺔ ﻻﻥ ﻛﻞ ﻣﺎﺍﺛﺮﻡ
ﺍﻛﺺ ﺍﻳﺪﻱ ..
ﻣﺪﺭﻱ ﺷﻠﻮﻥ ﻳﺜﺮﻣﻮﻥ ﺑﻼ ﻣﺎﻳﻨﺠﺮﺣﻮﻥ ..
ﺧﻠﺼﺖ ﺍﻟﻤﺎﻋﻮﻥ ﺑﺤﺬﺭ ﻭﺧﻠﻴﺘﻪ ..
ﺩﺧﻠﺖ ﺟﻮﺍ ﻭﺑﺎﺑﺎ ﻛﺎﻋﺪ ﺑﺎﻟﺼﺎﻟﺔ ﻭﺍﻣﻲ ﺗﻬﻤﺰ ﺑﺮﺟﻠﻴﻪ ..
ﻫﺎ ﺑﺒﺎ ﺗﻌﺒﺎﻥ ﺍﻧﺎ ﺍﺩﻭﺳﻠﻚ ﺭﺟﻠﻴﻚ ..
ﻫﻬﻬﻪ ﻻ ﺑﺎﺑﺎ ﺍﻣﺞ ﻣﺎﻗﺼﺮﺕ ﻛﺎﻓﻲ ﻓﻴﺤﺎﺀ ﻋﺎﺷﺖ ﺍﻳﺪﺝ ..
ﺗﻌﺎﻱ ﺑﻠﺔ ﺍﻧﻄﻴﻨﻲ ﺍﻟﺮﻳﻤﻮﺕ ﺧﻞ ﺍﺩﻭﺭﻩ ﻧﺸﻮﻑ
ﺍﺧﺒﺎﺭ ﺷﻲ ..
ﻻﺍﺍﺍ ﺣﺒﻮﺑﻲ ﺗﺮﻳﺪ ﺗﺸﺮﺩﻧﻲ ..
ﺑﺎﻭﻋﻠﻲ ﺑﻄﺮﻑ ﻋﻴﻨﻪ ﻭﺍﺑﺘﺴﻢ .. ﺍﻱ ﺍﺭﻳﺪ ﺍﺷﺮﺩﺝ
ﺣﺘﻰ ﺍﺗﻐﺰﻝ ﺑﺎﻣﺞ ..
ﻭﺑﻘﻰ ﻳﺴﻮﻟﻒ ﻭﻳﺎﻱ ﻉ ﺍﻟﺪﻭﺍﻡ ﻟﺤﺪ ﻣﺎﺍﺟﻪ ﻣﺤﻤﺪ
ﻣﻦ ﺑﺮﺍ ﻭﺗﻌﺸﻴﻨﺎ ..
ﻭﺳﻬﺮﻧﺎ ﺷﻮﻳﺔ ﻭﻛﻠﻤﻦ ﺭﺍﺡ ﻟﻐﺮﻓﺘﻪ ..
ﻳﻮﻡ ﺛﺎﻧﻲ ﺍﺟﻪ ﺍﻟﺨﻂ ﻭﻃﻠﻌﺖ .. ﺣﻨﻴﻦ ﻛﺎﻋﺪﺓ
ﺑﺎﻟﺴﻴﺎﺭﺓ ﻭﻻﺑﺴﺔ ﻋﺒﺎﻳﺔ ﺧﻠﻴﺠﻲ ﻭﻣﻜﻴﺎﺝ ﻗﻠﻴﻞ ﻛﻠﺶ ..
ﺑﺎﻭﻋﺘﻠﻬﺎ ﺑﺘﻚ ﻋﻴﻦ ..
ﻭﺍﻟﺘﻔﺘﺖ ﻋﻠﻰ ﺭﺷﺎ .. ﺷﻨﻮ ﺍﻟﻮﺿﻊ ﺣﺠﻴﺖ ﻭﺍﻧﺎ ﺍﺍﺷﺮ ﺑﻌﻴﻮﻧﻲ
ﻉ ﺣﻨﻴﻦ ..
ﺭﺷﺎ ﺗﻜﻠﻲ ﺍﻧﻬﺎ ﺍﻟﻬﺪﺍﻳﺔ ﻳﺎﺍﺧﺘﻲ ..
ﺿﺤﻜﺖ ﺣﻨﻴﻦ ﻭﺑﺎﻭﻋﺖ ﺑﻔﺮﺡ .. ﺣﻠﻮﺍﺕ ﻋﻠﻴﻪ ﻣﻮ؟
ﺍﻱ ﺣﻠﻮﺍﺕ ﺑﺲ ﺧﻮﺵ ﺍﻟﻪ ﺗﺄﺛﻴﺮ ﻋﻴﻨﻲ ﺑﺴﺮﻋﺔ
ﺑﺮﻣﺠﺞ ..
ﻫﻬﻪ ﻻ ﻫﻮ ﻛﻠﻲ ﺑﺎﻻﻣﺘﺤﺎﻧﺎﺕ ﻣﺮﺓ ﺍﺟﻴﺘﻲ ﺑﻌﺒﺎﻳﺔ
ﻛﻠﺶ ﻻﻳﻜﺘﻠﺞ .. ﻟﻮ ﺗﺴﺘﻤﺮﻳﻦ ﻋﻠﻴﻬﺎ ﺍﺳﺘﺮﻟﺞ
ﻣﻦ ﺍﻟﻤﻼﺑﺲ ﺍﻟﻤﺘﺒﺮﺟﺔ ..
ﺿﺤﻜﺖ ﻭﺑﺎﻭﻋﺘﻠﻬﺎ ﺑﺎﺳﺘﻐﺮﺍﺏ .. ﺍﺱ ﺳﺒﺤﺎﻥ ﻣﻐﻴﺮ
ﺍﻻﺣﻮﺍﻝ ..
ﺟﺎﻧﺖ ﺣﻨﻴﻦ ﺍﺫﺍ ﺷﺎﻓﺖ ﻭﺣﺪﺓ ﻻﺑﺴﺔ ﻋﺒﺎﻳﺔ ﺧﻠﻴﺠﻴﺔ
ﺍﻭﺟﺒﺔ ﺗﻜﻮﻝ
ﻟﻴﺶ ﻣﻜﺒﺮﺓ ﻧﻔﺴﻬﺎ ﻭﻣﻦ ﻫﺎﻟﺤﺠﻲ ..
ﺍﻟﻈﺎﻫﺮ ﻃﺎﻋﺘﻬﺎ ﺍﻟﻪ ﻋﻤﻴﺔ ..
ﻭﺻﻠﻨﺎ ﻟﻠﻜﻠﻴﺔ ﻭﺍﺧﺬﻧﺎ ﻣﺤﺎﺿﺮﺗﻴﻦ
ﻭﺍﻟﺜﺎﻟﺜﺔ ﺟﺎﻧﺖ ﻣﻘﺎﻟﺔ ﺍﺟﻪ ﺑﻬﺎﺩﺭ ﻭﺷﺮﺡ ﻭﻃﻮﻝ
ﺍﻟﻤﺤﺎﺿﺮﺓ ﻳﻤﺴﺠﻮﻥ ﺑﻌﻴﻮﻧﻬﻢ ﻟﺒﻌﺾ ﻫﻮ ﻭﺣﻨﻴﻦ ..
ﺑﺲ ﺧﻠﺼﺖ ﺍﻟﻤﺤﺎﺿﺮﺓ ..
ﺟﺎﻱ ﻧﻄﻠﻊ ﻭﺻﺎﺣﻬﺎ .. ﺑﻘﺖ ﻫﻲ ﻭﺍﻧﺎ ﻃﻠﻌﺖ
ﺍﻟﺒﻨﺎﺕ ﺑﺮﺍ ﺳﺄﻟﻮﻧﻲ ..
ﺷﺎﻫﺎ ﺻﺪﻙ ﺍﺳﺘﺎﺫ ﺑﻬﺎﺩﺭ ﺧﻄﺐ ﺣﻨﻴﻦ؟؟
ﻫﺎ ﻣﻨﻮ ﻳﻜﻮﻝ؟
ﺍﻳﻤﻦ ﺑﺸﻌﺒﺘﻨﺎ ﻳﻜﻮﻝ ﺳﺄﻟﻨﻲ ﻋﻠﻴﻬﺎ ﺍﺳﺘﺎﺫ ﺑﻬﺎﺩﺭ
ﺷﻠﻮﻧﻬﺎ
ﺗﺼﺮﻓﺎﺗﻬﺎ ﺩﺍﺧﻞ ﺍﻟﺸﻌﺒﺔ ..
ﻭﻫﻮﺍﻱ ﺳﺎﺋﻞ ﻋﻨﻬﺎ ..
ﺑﺲ ﺑﺼﺮﺍﺣﺔ ﺷﺎﻫﺎ ﻣﺘﻨﺎﺳﺒﻴﻦ ﻫﻮ ﻭﺣﻨﻴﻦ ..
ﻫﻬﻪ ﺍﻟﻠﻪ ﻳﺴﻌﺪﻫﻢ ﺑﺲ ﻭﻳﻦ ﻣﺘﻨﺎﺳﺒﻴﻦ ﻏﻴﺮ
ﺣﻨﻴﻦ ﺍﺭﻳﺤﻴﺔ ﻭﻫﻮ ﺷﻮﻱ ﻋﻘﺪﺓ ..
ﻻ ﺍﺻﻼ ﺍﻟﻌﻜﺲ ﻫﻬﻬﻬﻪ ...
ﺑﻘﻴﺖ ﺑﺮﺍ ﺍﻧﺘﻈﺮﻫﺎ ﺷﻮﻳﺔ ﻭﻃﻠﻌﺖ ﻭﻫﻮ ﺑﻘﻰ
ﺑﺎﻟﻘﺎﻋﺔ ﻻﻥ ﻋﻨﺪﻩ ﻣﺤﺎﺿﺮﺓ ﻭﻱ ﻏﻴﺮ ﻣﺮﺣﻠﺔ ..
ﺍﺟﺖ ﻣﺒﺘﺴﻤﺔ ﻭﺗﻤﺸﻲ ﺑﺨﺠﻞ ﻣﺎﻣﺴﺒﻮﻕ ..
ﻫﺎ ﻭﻟﺞ ﺷﺒﻴﺞ ﺫﺍﻳﺒﺔ !
ﺷﺎﻫﺎ ﺭﺡ ﻳﺠﻮﻭﻭﻥ ﺍﻟﻴﻮﻡ ..
ﺗﺤﺠﻲ ﻭﻋﻴﻮﻧﻬﺎ ﺗﻠﻤﻊ ﺑﻔﺮﺡ ..
ﻛﻌﺪﻧﺎ ﺑﺎﻟﻜﺎﻓﺘﺮﻳﺎ ﻭﻧﺤﺠﻲ .. ﺯﻳﻦ ﻭﺿﻌﻪ ﻳﻨﺎﺳﺒﺞ
ﺣﻨﻴﻦ ﺧﺎﻑ ﺗﺘﺄﺫﻳﻦ ﺗﺎﻟﻲ ..
ﻻ ﻣﺪﺍﻡ ﺍﺣﺒﻪ ﻣﺎﻳﻮﻛﻒ ﺑﻮﺟﻬﻨﺎ ﺷﻲ .. ﻫﻮ ﻋﺪﻫﻢ ﻛﺎﻉ
ﻛﻠﺶ ﺟﺒﻴﺮﺓ ﻭﺑﻴﺖ ﺍﻟﻌﺎﺋﻠﺔ ﻛﺎﻋﺪﻳﻦ ﺑﻲ
ﻫﻮ ﻭﺍﺧﻮﺍﻥ ﺛﻨﻴﻦ ﻣﺘﺰﻭﺟﻴﻦ ﻭﻭﺍﺣﺪ ﺍﻋﺰﺏ
ﻭﺑﻨﺎﺗﻬﻢ ﺛﻼﺛﺔ ﻣﺘﺰﻭﺟﺎﺕ ﻭﻋﻨﺪﻩ ﻣﺮﺕ ﺍﺑﻮﻫﻢ ﺑﺲ ﻣﺎﻣﺨﻠﻔﺔ ..
ﻳﺒﻮﻭﻭ ﻭﻟﺞ ﺫﻭﻻ ﻛﻠﻬﻢ ﺑﺒﻴﺖ ﻭﺍﺣﺪ؟
ﺷﺒﻴﺞ ﺷﺎﻫﺎ ﻗﻠﻌﺔ ﺑﻴﺘﻬﻢ ﺷﻜﺒﺮﺓ ﻭﺷﻜﺪﻩ ﻭﺍﺑﻮﻫﻢ ﻣﺎﻳﻘﺒﻞ
ﻳﻄﻠﻌﻮﻥ ﻳﺤﺐ ﺍﻟﻠﻤﺔ ..
ﻭﺻﺪﻙ ﺣﻠﻮﺓ ﺍﻟﻠﻤﺔ ﺗﺮﻯ ﺟﻨﺎﻳﻦ ﻭﺟﻬﺎﻝ ﻫﻴﺞ ﺣﻴﺎﺓ
ﺣﻠﻮﺓ ..
ﺑﻌﺪ ﻛﻴﻔﺞ ﺻﺮﺍﺣﺔ ﺍﻧﺖ ﺍﻋﺮﻑ .. ﺑﺲ ﻉ ﻛﻮﻟﺔ
ﻣﺎﻣﺎ ﺣﻜﻤﻲ ﻋﻘﻠﺞ ..
ﻛﻠﺶ ﻣﻘﺘﻨﻌﺔ ﻭﻗﺎﺑﻠﺔ ﺍﻋﻴﺶ ﻭﻳﺎﻫﻢ ﻻﻥ ﺍﺑﻮﻫﻢ ﻣﻌﺘﻤﺪ ﻋﻠﻴﻬﻢ
ﺍﺑﻮﻫﻢ ﻓﺨﺬ ﻋﺸﻴﺮﺓ ﺍﻝ ...
ﺍﻣﻤﻢ ﻣﺎﻋﺮﻑ ﺑﻬﺎﻟﺴﻮﺍﻟﻒ ﻻ ﻓﺨﺬ ﻭﻻ ﺟﻨﺢ ﺑﺲ ﺍﻣﺒﻴﻦ
ﻣﻬﻢ ﻭﺭﺍﺡ ﺗﺸﺒﻌﻴﻦ ﺧﻄﺎﺭ ﻭﻧﺎﺱ ﺭﺍﻳﺤﺔ ﺭﺍﺟﻌﺔ ..
ﺍﻱ ﺍﺣﻠﻰ ﺍﺻﻴﺮ ﻣﻬﻤﺔ ﻭﺭﺟﻠﻲ ﻣﻬﻢ ﺍﺻﻼ ﻓﺮﺣﺎﻧﺔ ..
ﺭﺑﻲ ﻳﺪﻳﻤﺞ ﻓﺮﺣﺔ ﺍﻧﺖ ﻭﺍﺑﻮ ﻗﻤﻴﺺ ﺍﻟﺒﺮﺗﻘﺎﻟﻲ ..
ﻫﻬﻬﻪ ﻋﺎﺑﺘﻠﺞ ﻳﺨﺒﻞ ..
ﺭﺟﻌﻨﺎ ﻟﻠﺒﻴﺖ ﻭﺍﻧﺎ ﺍﻓﻜﺮ ﺑﻴﻬﺎ ﻭﺧﺎﻳﻔﺔ ﻋﻠﻴﻬﺎ ﻣﺎﻋﺮﻑ
ﺍﻛﻮ ﺍﺣﺴﺎﺱ ﺑﺪﺍﺧﻠﻲ ﻫﺬﺍ ﻣﻮ ﻣﺮﻳﺢ ..
ﺭﻏﻢ ﻫﻮ ﺭﺍﻳﺪﻫﺎ ﺑﺲ ﺷﺨﺼﻴﺘﻪ ﻭﻃﺒﻌﻪ ﻭﺗﺼﺮﻓﺎﺗﻪ
ﻛﻠﻬﺎ ﻣﺎﺍﺗﻤﻨﺎﻫﺎ ﻟﺤﻨﻴﻦ .. ﺑﺲ ﺑﻌﺪ ﺗﺤﺒﻪ ﻳﺎﺭﻳﺖ ﻳﺴﻌﺪﻫﺎ
ﻣﻦ ﺻﺪﻙ ..
ﺑﻴﻮﻣﻬﺎ ﺍﻟﻌﺼﺮ ﺩﺯ ﻋﻤﻲ ﻉ ﺑﺎﺑﺎ .. ﻭﺭﺍﺡ ﺍﻟﻬﻢ
ﻫﻮ ﻋﻨﺪﻩ ﻋﻠﻢ ﻗﺒﻠﻬﺎ ﺧﺎﺑﺮﻩ ﻋﻤﻲ ﻭﻛﻠﻪ ﺟﺎﻳﻴﻦ ﺧﻄﺎﺑﺔ
ﻟﺤﻨﻴﻦ ..
ﺭﺣﺖ ﻭﻳﺎ ﻃﺒﻌﺎ ﺩﺧﻠﺖ ﻫﻨﺪ ﺑﺖ ﻋﻤﻲ ﺗﺤﻀﺮ
ﺑﺎﻟﻤﻄﺒﺦ ﻛﺎﻟﺖ ﺭﻭﺣﻲ ﻟﻠﺨﺒﻠﺔ ﺗﺮﻳﺪ ﺗﻄﻠﻊ
ﺑﺪﺷﺪﺍﺷﺔ ..
ﺻﻌﺪﺗﻠﻬﺎ ﺭﻛﺾ ﻭﺍﻧﺎ ﺍﺿﺤﻚ ﺍﻛﻮ ﺍﺣﺪ ﻳﺴﺘﻘﺒﻞ ﺍﻟﺨﻄﺎﺭ
ﺑﺪﺷﺪﺍﺷﺔ .. ﺍﻧﻮﺏ ﺧﻄﺎﺑﺔ ..
ﻟﻜﻴﺘﻬﺎ ﺻﺪﻙ ﻻﺑﺴﺔ ﻛﻼﺑﻴﺔ ﻭﺭﺩﻱ ﻭﺷﻌﺮﻫﺎ ﺷﺎﻳﻠﺘﻪ ﺑﻘﺮﺍﺻﺔ
ﻭﻭﺟﻬﻬﺎ ﻗﻠﻴﻞ ﻛﻠﺶ ﻣﻜﻴﺎﺝ ..
ﻫﺎﻱ ﺷﻨﻮﻭﻭ ﻭﻟﺞ ﻟﺒﺴﻲ ﺷﻲ ﺑﻲ ﺣﻆ ..
ﻻ ﺑﻬﺎﺩﺭ ﻛﻠﻲ ﻟﺒﺴﻲ ﻫﻴﺞ ﺍﺣﺴﻦ ﺑﻌﺪ ﻫﻮ ﺍﺧﺘﺎﺭﺍﻱ ..
ﻓﺘﺤﺖ ﺣﻠﻜﻲ ﺗﺎﻟﻲ ﺿﺤﻜﺖ .. ﺑﻬﺎﺩﺭ ﺣﺎﻃﻠﻪ ﺭﻳﻤﻮﺕ
ﻭﻳﺪﻭﺭ ﺑﻴﺞ ..
ﺩﻳﻠﺔ ﺍﻣﺸﻲ ﻧﺰﻟﻲ .. ﺍﺧﺬﺕ ﺍﻟﻌﻄﺮ ﻭﺭﺷﻴﺖ ﻋﻠﻴﻬﺎ
ﻭﻫﻲ ﺗﻤﺸﻲ ﻛﺪﺍﻣﻲ ﻭﺗﻜﺮﺹ ﺑﺨﺪﻭﺩﻫﺎ ..
ﺭﺍﺣﺖ ﺩﺧﻠﺖ ﺍﻟﻬﻢ ﻭﺍﻧﺎ ﻭﻫﻨﺪ ﻭﻛﻔﻨﺎ ﻭﺭﺍ ﺍﻟﺒﺎﺏ ..
ﻟﻌﺪ ﺍﻛﻠﺞ ﻋﻤﻮ ﺟﻮﺍ؟
ﻟﺞ ﻻ ﺑﺲ ﻧﺴﻮﺍﻥ ﺟﺎﻳﺎﺕ ﺑﺎﺑﺎ ﻭﺍﺑﻮﺝ ﻛﻌﺪﻭ ﺑﻐﺮﻓﺘﻪ
ﻳﺴﻮﻟﻔﻮﻥ ..
ﺍﻣﻤﻢ ﺳﻜﺘﻲ ﺧﻞ ﻧﺴﻤ

ﻊ ..
ﺍﻟﻤﺸﻜﻠﺔ ﺍﻟﺴﺒﻠﺖ ﻣﻔﺘﻮﺡ ﻭﺍﻟﺼﻮﺕ ﻣﻮ ﻛﻠﺶ ﻭﺍﺿﺢ ..
ﺭﺟﻌﻨﺎ ﻛﻌﺪﻧﺎ ﺑﺎﻟﻤﻄﺒﺦ ﻧﺴﻮﻟﻒ ﺍﻧﺎ ﻭﻫﻨﺪ
ﺷﻮﻳﺔ ﻭﻃﻠﻌﺖ ﺍﺭﺑﻊ ﻧﺴﻮﺍﻥ ﻣﺒﺮﻛﻌﺎﺕ ﺑﺲ ﺭﺍﻓﻌﺎﺕ
ﺍﻟﺒﺮﻛﻊ ﻓﻮﻙ ﺭﺍﺳﻬﻢ ..
ﺑﺎﻭﻋﻮﻧﺎ ﺍﻧﺎ ﻭﻫﻨﺪ ﺑﺎﺳﺘﻐﺮﺍﺏ ﺍﻧﺎ ﺟﻨﺖ ﻻﺑﺴﺔ ﺑﻨﻄﺮﻭﻥ
ﺟﻴﻨﺰ ﻭﺑﺪﻱ ﻋﺮﻳﺾ ﻭﺷﻌﺮﻱ ﻣﻔﺘﻮﺡ ﻻﻥ
ﻗﺼﻴﺮ ﻛﻠﺶ ﻟﺤﺪ ﺍﻋﻞ ﻛﺘﻔﻲ ..
ﺳﻠﻤﻮ ﻋﻠﻴﻨﺎ ﻭﻣﺮﺕ ﻋﻤﻲ ﻋﺮﻓﺘﻬﻢ ﺑﻴﻨﺎ ﻭﺍﻡ
ﺍﻟﻮﻟﺪ ﻳﺎﺍﺍﺑﻪ ﻋﺒﺎﻟﻚ ﻃﺎﺑﻌﻴﻦ ﺑﻬﺎﺩﺭ ﻣﻨﻬﺎ ..
ﺑﺲ ﻭﺟﻬﻬﺎ ﻳﺨﻮﻑ ﺷﻜﻠﻬﺎ ﺟﺒﺎﺭﺓ ..
ﻃﻠﻌﻮ ﻭﺍﺣﻨﺎ ﻓﺘﻨﺎ ﺑﺴﺮﻋﺔ ﻟﻜﻴﻨﺎ ﺣﻨﻴﻦ ﻭﺍﻛﻔﺔ ﺟﻮﺍ ﺗﻨﺘﻈﺮﻫﻢ ﻳﻄﻠﻌﻮﻥ
ﺣﺘﻰ ﺗﺠﻲ ..
ﺍﺟﺖ ﻣﺮﺕ ﻋﻤﻲ ﻭﻫﻲ ﺗﻀﺤﻚ .. ﻭﻳﻨﻪ ﺍﺑﻮﻛﻢ ﻟﻌﺪ ..
ﺟﻮﺍ ﺩﺧﻠﻮ ﺧﺎﻟﺔ ﺷﻨﻮ ﻛﺎﻟﻮ ﺷﻨﻮ ﺍﻻﺧﺒﺎﺭ ..
ﻛﻠﺶ ﺍﻧﻌﺠﺒﻮ ﺑﻴﻬﺎ ﻭﺑﻴﺞ ﺑﻌﺪ ..
ﻳﺎﺍﺍ ﺩﺧﻴﻠﺞ ﻻﺍﺍ ﻣﺸﻜﻮﺭﺓ ﻫﻬﻬﻪ ..
ﻭﻟﺞ ﺍﻣﻪ ﺗﻜﻠﻲ ﺷﻨﻮ ﺑﺖ ﺣﻤﺎﺝ ﻋﺎﻳﺸﺔ ﻫﻨﺎ ﻟﻮ ﺟﺎﻳﺔ
ﻣﻦ ﺍﻟﺨﺎﺭﺝ ..
ﻣﺎﺍﺍﻣﺎ ﻫﺴﻪ ﻋﻮﻓﺞ ﻣﻦ ﺑﺖ ﺣﻤﺎﺝ ﻛﻠﻴﻠﻨﺎ ﺷﻜﺎﻟﻮ
ﻋﻦ ﻫﺎﻟﺨﺒﻠﺔ ﺑﺘﺞ ..
ﻛﻠﺶ ﻋﺠﻴﺘﻬﻢ ﻭﻛﺎﻟﻮ ﻧﻨﺘﻈﺮ ﺭﺩﻛﻢ ﻭﺍﻧﻄﻮﻧﻲ ﺍﻟﻌﻨﻮﺍﻥ
ﺣﺘﻰ ﻧﺴﺎﻝ ﻋﻨﻬﻢ ﻭﺍﺫﺍ ﻛﻤﻠﻨﺎ ﺳﺆﺍﻝ
ﺑﻌﺪ ﺍﺑﻮﻛﻢ ﻳﺸﻮﻑ ﺍﻟﻮﻟﺪ ﻭﻳﺼﻴﺮ ﺧﻴﺮ ..
ﺣﺠﺖ ﻣﺮﺕ ﻋﻤﻲ ﻭﺩﺧﻠﺖ ﻭﺍﺣﻨﺎ ﺍﺧﺬﻧﺎ ﺣﻨﻴﻦ
ﻭﺻﻌﺪﻧﺎ ..
ﺑﻘﺖ ﺗﺤﺠﻲ ﻋﻦ ﺍﻣﻪ ﻭ ﻣﺮﺕ ﺍﺧﻮ ﻭﺧﺎﻟﺘﻪ ﻭﺍﺧﺘﻪ ﺟﺎﻳﺎﺕ ..
ﻭﺷﻠﻮﻥ ﻳﺘﻐﺰﻟﻦ ﺑﻴﻬﺎ ﺑﻌﺪ ﻫﺬﺍ ﺣﺠﻲ
ﻛﻞ ﻭﺣﺪﺓ ﺗﺠﻲ ﺗﺨﻄﺐ ﻻﺑﻨﻬﺎ ..
ﻛﻮﻣﺔ ﺳﺎﻣﻌﺘﻪ ﻣﻦ ﻳﺠﻮﻥ ﻳﺨﻄﺒﻮﻧﻲ ﻳﺘﻐﺰﻟﻦ
ﺑﻴﻪ ..
ﻳﻮﻡ ﺛﺎﻧﻲ ﺩﺍﻭﻣﻨﺎ ﻭﺣﻨﻴﻦ ﻭﺑﻬﺎﺩﺭ ﺍﺧﺬﻭﻟﻬﻢ ﺳﺎﻋﺘﻴﻦ
ﻛﺎﻋﺪﻳﻦ ﺑﺎﻟﺤﺪﻳﻘﺔ ﻳﺴﻮﻟﻔﻮﻥ ..
ﻟﺤﺪ ﺍﻟﺴﺎﻋﺔ ﺏ١١ ﺍﺟﺖ ﺣﻨﻴﻦ ﺍﻧﺎ ﺟﻨﺖ ﻛﺎﻋﺪﺓ ﺑﺎﻟﻘﺎﻋﺔ
ﺍﻧﺘﻈﺮﻫﺎ ﻭﻣﺘﺖ ﺟﻮﻉ ..
ﻫﺎ ﻋﺮﻭﺱ ﺷﺮﻓﺘﻲ ﻣﻮ ﺑﻄﻨﻲ ﺗﻮﺻﻮﺹ ..
ﺳﻮﺩﺓ ﻋﻠﻴﻪ ﺗﻌﻲ ﺍﻭﻛﻠﺞ ﻉ ﺣﺴﺎﺑﻲ ..
ﻻ ﻋﻴﻨﻲ ﻣﺸﻜﻮﺭﺓ ﺷﻌﺠﺐ ﺍﺟﻴﺘﻲ ﻣﺎﺑﻘﻴﺘﻲ ﺗﺘﺴﺎﻣﺮﻳﻦ ..
ﻟﻮ ﺑﻴﺪﻱ ﺍﺑﻘﻰ ... ﺑﺲ ﺍﺧﻮ ﺧﺎﺑﺮﻩ ﺍﺟﻪ ﻟﻠﻜﻠﻴﺔ ﻋﻨﺪﻩ
ﺷﻐﻞ ﻭﺭﺍﺡ ..
ﻳﺎ ﺑﺲ ﻻ ﻫﺬﺍ ﻋﻴﻮﻧﻪ ﺷﺎﺭﻛﺔ ﺣﻠﻜﻬﺎ ..
ﺍﻣﺪﺍﺝ ﻋﻴﻮﻧﻪ ﻣﺜﻞ ﻋﻴﻮﻥ ﺍﻟﺬﻳﺐ ﺗﺨﺒﻞ ﻭﻣﺒﺘﺴﻤﺔ ﺩﻭﻡ ..
ﺍﺗﺨﺒﻞ ﻣﻦ ﻋﻴﻮﻥ ﻣﺒﺘﺴﻤﺔ ﻭﻭﺟﻪ ﻫﻴﺞ ﻣﻘﻮﺱ
ﺗﺤﺴﻲ ﻳﺬﺏ ﺳﻢ ..
ﻃﺒﻌﺎ ﺑﻬﺎﺩﺭ ﻫﻢ ﻳﺬﺏ ﺳﻢ ﻫﻬﻬﻪ ﺑﺲ ﻣﺎﻳﺸﺎﺑﻬﻮﻥ ..
ﻭﻫﺴﻪ ﺭﻭﺣﻲ ﺟﻴﺒﻴﻠﻲ ﺍﻛﻞ ﻣﺘﺖ ﺟﻮﻉ ...
ﺭﺍﺣﺖ ﺻﺪﻙ ﺍﺷﺘﺮﺗﻠﻲ ﻭﻫﻲ ﺗﻐﻠﻂ ﻻﻥ ﺑﻬﺎﺩﺭ
ﻋﺸﺘﻮ ﻣﺎﻧﻌﻬﺎ ﺗﺸﺘﺮﻱ ﻫﻮًﻳﺸﺘﺮﻳﻠﻬﺎ ﻳﻐﺎﺭ ﻋﻠﻴﻬﺎ ..
ﺍﺟﺖ ﺟﺎﺑﺖ ﺍﻟﻠﻔﺎﺕ ﺟﺎﺏ ﻧﺎﻛﻞ ﻭﺩﺧﻠﻮ ﻫﻮ ﻭﺍﺧﻮ ..
ﻣﺮﺗﻴﻦ ﺍﻭ ﺛﻼﺛﺔ ﺷﺎﻳﻔﻴﻨﻪ ﻳﺠﻴﻠﻪ ﺍﺧﻮ ..
ﺷﻜﻠﻪ ﺍﺑﻦ ﺑﺎﺩﻳﺔ ﺑﺎﻣﺘﻴﺎﺯ ..
ﻭﻧﻈﺮﺍﺗﻪ ﻛﻠﺶ ﻣﻮ ﻣﺮﻳﺤﺔ ﺭﻏﻢ ﻋﻴﻮﻧﻪ ﺿﺎﺣﻜﺔ ﺑﺲ
ﻣﺎﻳﻨﻄﺎﻕ ﻭﻫﻢ ﺑﻴﺖ ﺑﻬﺎﺩﺭ ﻛﻠﻬﻢ ﻣﻜﺮﻭﻫﻴﻦ ..
ﻭﺍﺣﻨﺎ ﻧﺎﻛﻞ ﻭﻫﺬﺍ ﺑﻬﺎﺩﺭ ﻳﺒﺎﻭﻉ ﻭﻳﺨﻮﺯﺭ ﺣﻨﻴﻦ
ﻣﺎﻛﻤﻠﺖ ﻟﻔﺘﻬﺎ ..
ﺍﻧﺎ ﻣﻦ ﺷﻔﺖ ﻫﻴﺞ ﺍﻟﻮﺿﻊ ﻛﺘﻠﻬﺎ ﻛﻮﻣﻲ ﻧﻄﻠﻊ
ﺍﺷﻮ ﺫﺍﻙ ﺍﺧﻮ ﻋﻴﻮﻧﻪ ﺗﺸﺒﺮ ﻭﻫﺬﺍ ﻋﻴﻮﻧﻪ ﺗﺨﺰﺭ ..
ﻃﻠﻌﻨﺎ ﻟﻠﺤﺪﻳﻘﺔ ﺷﻮﻳﺔ ﻭﺩﺧﻠﻨﺎ ﻣﺤﺎﺿﺮﺓ ..
ﻭﺣﻨﻴﻦ ﺍﺣﺴﻬﺎ ﺿﺎﻳﺠﺔ ﻣﺎﻣﺮﺗﺎﺣﺔ .. ﺗﻜﻮﻝ ﺧﺎﻳﻔﺔ
ﻭﺗﻔﻜﺮ ﺑﺎﻟﺨﻄﻮﺑﺔ ..
ﺧﻠﺼﻨﺎ ﻣﺤﺎﺿﺮﺍﺕ ﻭﺧﺎﺑﺮﺕ ﺍﻟﺴﺎﻳﻖ ﻭﻛﻌﺪﻧﺎ
ﺑﺎﻟﺤﺪﻳﻘﺔ ﻧﺴﻮﻟﻒ ..
ﻛﺘﻠﻬﺎ ﺭﺍﻳﺤﺔ ﺍﺟﻴﺒﻠﻨﺎ ﻣﻮﻃﺎ ﻭﺍﺟﻲ ﻻﻥ ﺣﺎﺭﺓ ..
ﺭﺣﺖ ﻟﻠﻜﺎﻓﺘﺮﻳﺎ ﺟﺒﺖ ﻭﺍﺟﻴﺖ ..
ﺷﻔﻨﺖ ﺑﻬﺎﺩﺭ ﻭﺍﺧﻮﻩ ﻭﻭﻳﺎﻫﻢ ﻭﺍﺣﺪ ﻳﺒﻴﻦ ﺍﺭﺑﻌﻴﻨﻲ ﺗﻘﺮﻳﺒﺎ ..
ﻭﺍﻛﻔﻴﻦ ﺑﺒﺎﺏ ﺍﻟﻘﺴﻢ ﻭﻱ ﺭﺋﻴﺲ ﻗﺴﻢ ﺍﻟﺘﺎﺭﻳﺦ ﻭﻳﺴﻮﻟﻔﻮﻥ
ﻗﺒﻞ ﻻ ﺍﻭﺻﻞ ﺭﺍﺡ ﺍﻻﺳﺘﺎﺫ ﻭﺍﻟﺮﺟﺎﻝ ﺍﻟﻲ
ﻭﻱ ﺑﻬﺎﺩﺭ ﺍﻟﺘﻔﺖ ﻟﺤﻨﻴﻦ ..
ﺍﻟﻈﺎﻫﺮ ﺍﺧﻮﻩ ﻭﺟﺎﻱ ﻳﺸﻮﻓﻬﺎ ﺍﻟﻪ ..
ﺍﻧﺎ ﺑﻘﻴﺖ ﻣﺎﺗﻘﺮﺑﺖ ﻳﻤﻬﺎ .. ﻓﺘﺤﺖ ﺍﻟﻤﻮﻃﺎ ﻭﺑﻘﻴﺖ
ﺍﻛﻞ ﻭﻫﻢ ﺟﺎﻧﻮ ﻳﺘﻨﺎﻗﺸﻮﻥ ﺷﻔﺘﻪ
ﺩﺍﺭ ﻋﻦ ﺣﻨﻴﻦ ... ﺭﺣﺖ ﻳﻤﻬﺎ .. ﻛﻌﺪﺕ ﻭﺍﺍﻧﺎ ﺍﻛﻞ ..
ﻟﺞ ﻣﻨﻮ ﻫﺬﺍ ﺟﺎﻧﻮ ﻳﺸﻮﻓﻮﺝ ﺍﻟﻪ؟
ﻫﺎ ﻣﺎﺩﺭﻱ ﻳﺠﻮﺯ ﺍﺧﻮﻫﻢ ﺍﻟﻜﺒﻴﺮ ..
ﺑﻨﻔﺲ ﺍﻟﻮﻗﺖ ﺭﺟﻊ ﺑﺎﻭﻉ ﻫﺬﺍ ﺍﻟﻮﻳﺎﻫﻢ ﺑﺠﻬﺘﻨﺎ .. ﺑﺲ ﻣﻦ ﺷﺎﻓﻨﻲ
ﻋﺒﺎﻟﻚ ﺷﺎﻳﻒ ﺍﺣﺪ ﻳﻌﺮﻓﻪ ﻭﻣﻤﺘﻮﻗﻊ ﻳﺸﻮﻓﻪ ..
ﺑﻘﺖ ﻧﻈﺮﺍﺗﻪ ﻋﻠﻴﻪ ﻧﺎﺑﺘﻪ ﻣﺜﻞ ﺍﻟﺴﻬﻢ ..
ﻟﻠﺤﻜﺎﻳﺔ ﺑﻘﻴﺔ

الشيهانة
الجزء الثاني
بقى مركز عليه انوب بهادر ضل يخزر وذاك اخو
عيونه نطت من الغضب..
حنين جرت الموطا من ايدي وذبتها بالزبل..
هي كلها لحظات الي صار بيها
هالشي..
بس استغربت من ردة فعل حنين وي نظراته
هذول..
حجت وهي تكوم..امشي شاها امشي راح
تتطين عيشتي من وراج!
كمت وانا مافاهمة شتحجي..
ليش شبيج صبري خل نفهم..حجيتها وانا
امشي وراها..
بعدنا عنهم شوية..وهي وكفت وعيونها
مدمعة..
شاها بهادر محذرني احترم نفسي واحافظ
على سمعتي احنا شسوينا..
شنوو؟؟شجاب السمعة وشسوينا؟؟؟
اي ماتشوفيهم شلون يخزرون لان جنا
ناكل موطا كدام الطلاب..
بربج؟يعني واكفة وتتراجفين لان حضرته
مانعج من الاكل والشرب كدام الناس..
يعني بالكافتريا مو تاكلين ويا؟
اي بس هناك هو وياي..
اي هو وياج بدي كارد ويعمي كل واحد يباوع
لحلكج الفاهي وانت تاكلين..
باعي هالتمزعط هذا اكرهه ..الاكل والشرب
ربنا حلله كدام الناس وماكال اكلو بالخفاء..
لا عباله احنا جايين من تياترو ع كولة بيبي..
يااا انصمي ولج شهرتينا..
انت انصمي وسمعيني عدل..جاي احجي وخابر
السايق..
مشينا للسيارة واول ماصعدنا كتلها لرشا تعاي
سمعي..
المدام خطيبها الي بعده قيد التنفيذ ..لا تاكلون
لا تشربون لا تاكلون موطا ..
حجت رشا بضحكة..شاها ترى مو هو السبب هي..
اعرف هي وهي ناطيته مجال اكثر من لازم..
جاوبت حنين بقهر..اي غير من حبه الي..
ونصو صوتكم لا يسمعنا السايق..
صوتنا ناصي ونعرف حدودنا من نحجي..
بس بهادر مصخها ..ترى طالعين من بيوت ناس
ينحلف بشرفها..
وراح نتخرج واحنا الجامعة كلها تمدح باخلاقنا..
مو لبسج عباية عباله جنتي عريانة..
ترى مو بس العباية ستر اي لبس جان مستور
هو ستر وخلاص لهنا وكافي..حطيلج شخصية
باجر يدوسون فوك راسج..
درت وجهي عنها وهي حاولت تحاجيني ماجاوبت..
جنت كاعدة بالطرف وهي بالنص..
دارت ع رشا وبقت تحاجيها رشا وتنصحها..
انا كلش ماشاركت لحد ماوصلنا..
دخلت للبيت امي كاعدة بالهول تباوع تلفزيون
حست عليه ضايجه..
بس ماحجيت كلت ماتسوى السالفة احجي
بيها..
بدلت وحضرنا الغدا وتغدينا ..
رحت نمت شوية وكعدت ع صوت اتصال..
باوعت حنين ..ماجاوبت..
سويته سايلنت ورجعت نمت..
بيومها لليل هي تخابر وماجاوبها..
يوم ثاني داومت وحتى بالسيارة ماحاجيتها..
وهي ماتكدر تلح لان خاف يعلى صوتي
والسايق موجود..
بس نزلنا من السيارة..لزمت ايدي وبقت تبجي..
كافي عااد حقودة من امس اخابرج وانت
مغلسة عليه..
انقهرت من شفتها بجت ..انطيتها كلينكس وجريت
ايدها وكعدنا..
كافي لتنقهرين بس ردت الوي اذنج حتى
تخليلج شخصية وماتخلي يتدخل زيادة..
لا هذا هو بس لا تزعلين عليه بعد ..
بوستها ودخلنا سوا للقسم..
اخذنا محاضرات واليوم بهادر مو عدنا
فكة..
وهي طول اليوم تعتذر مني وتكلي لا تضوجين هو
من حرصه هيجي يحجي..
ومرت كم يوم بيت عمي سالوًعنهم وردولهم
الموافقة..
وتحددت خطوبتها بنص الشهرالرابع..
وطبيعتهم هم يشترون نيشان
مرت عمي بالاول ماقبلت وحتى ماما كلتلها
خليلج شخصية لا يدوسوج
بس هي تكول هذا كله عابر ومايسوى زعل..
وفعلا اهله التكفلو بكلشي بس هي الصالون
حجزت يمنا قريب متعودين نروحله
وعنده بدلات هم..
انا قبل ثلث ايام اخذني اخوي حسن بالليل
وويانا ماما اشتريت فستان زيتوني طويل
وضيق مقسم ع الجسم ..
وماما اشترت هم فستان بس ردن كاملة
ومستور يعني ينطلع بي وي الحجاب
نفس اللون بالحفلات نشتري دائما..
بيوم الخطوبة رحنا وين حنين للصالون ورجعنا
من وكت لان هم كالو يجون من وكت..
جانو محضريلها بنات عمي وبنات خالاتها
ميز كامل ومجهزي من كلشي..
احنا مخلين دي جي ومتونسين وهي تركص
والشباب كلها برا ينتظرون اهل بهادر يجون..
شوي وكالو اجو..عم الهدوء والكل كعد
وتحضر..
دخلو نسوانهم اغلبهم مبركعات يمكن بس ثنين
صغار بالابتدائية مامبركعات..
اول مادخلو هلهلو ويسوون هوسات ..
احنا التهينا بالمطبخ نحضر..
بسرعة كالو خل يعقدون ..دزت عليه حنين
تريدني يمها ..
رحت وشفت امه ويمها بعد بنات خمسة وحنين
مغطاية بالابيض وهن يمها يعقدن بالغطا مالتها..
اول ماشافتني امه سلمت عليها وكالت تعاي
احبنج..
كتلها شكرا ً..
كالت تعاي صوبي شمالج..
يمها بنية كالت الحجية قصدها تبوسج يعني..
تقربت بوستها وابتسمت للبنات اليمهم اشو عابسات
ويباوعن بنص عين ..
حنين لزمت بايدي وفرحانة وتكلي لزمي الجلوة..
شنو جلوة؟
هذا الغطا يسمو جلوة ماتشوفين يعكرو البنات ياخذن
منه مراد حتى يتزوجن..
دنكت شاورتها ..
لا دخيلج خاف اخذ مثل بهادر..
بقت تضحك وصاحو علينا سكتو اجه الشيخ من ورا
الباب..
عقد الشيخ وكمل وانا فزيت فزة من هلهولة امه
طفرت من مكاني..
انوب صار الضحك عليه لان منظري صدك مضحك..
وضلن يركصن ويهوسلها بس
كم وحدة كاعدات ويسولفن ويباوعن علينا..
لحد ماكالو رح يدخل البنا لبسو وانا رحت
للمطبخ كلت عليمن اخرب شعري وهو شوي
وطالع..
بنت عمي اجت وياي كتلها مدام التهو خناكل
كيك متت جوع..
وكفنا ناكل واندك الباب..
طلع ابن عمي راد كلنكس وكال خدرو جاي
بسرعة..
ا

نا ماعرف اسوي كلت لبنت عمي انت سوي كالت
انا وين اضبطه وذولا اهل مضايف
مايشربون اي جاي..
بقينا محتارين تالي كتلها خنسوي الاكياس الصغار
ونحطهم بالغلاية..
صدك طلعنا تقريبا باكيت الا شويه
وحطيناه بالغلاية وحضرنا
استكاين
بس ماندري شكد نصب..
بقينا ننتظر ابن عمي على مااجه وانطانا العدد
كال تسعة..
لان اغلبهم طلعو..
صبينا واخذه وراح ..وي روحته طلع بهادر واحنا
رجعنا جوا ولكينا نسوانهم تتحضر
تريد تطلع..
شوية وطلعو واحنا جاي نلم الهوسة ودخل بابا..
ولكم من سوت الجاي فشلتونا ..باوعنا عليه
انا وبت عمي بخوف..
شبي ليش..
بس لا انت يا يابة هههه..
ولك مسويته اسود ماينبلع يجلب باللهاة ..
انوب مرت عمي وماما كالو غير تحجين
هسه يلزموها علينا..
امبينين يدورون زلات كتلهم سويت الاكدرله..
من بعد ما ساعدناهم وحنين صعدت لغرفتها
كالت وصاني اخابره بس نخلص..
ودعتها وطلعت وي ماما والاقارب
كلها راحت..
رجعنا تعبانين تمددنا بالهول والولد صعدو
لغرفهم..
بابا كال..اهله خوش ناس امبين عليهم
بس هو مو كلش مريح..
ماما لوت شفتها وكالت..امه كلش مو مريحة
وطبعهم مو حلو يتهامزون كدام الناس
وهو اصلا كلش عقدة امبين..
بس الله يهديهم الها ويوفقها ..
انا ماكدرت اضيف شي لان رأيي نفس رأيهم..
بيومها لان تعبانة نمت وكت وصادف يوم
ثاني سبت عطلة همزين..
كعدت بالوحدة الظهر عبالك جنت بغيبوبة
دخلت عليهم بالهول كتلهم انا وين..
حسن كال بالبرزخ ومحمد بقى يهز براسه
ويبتسم..
كالو جعنا وننتظرج غسلي وتعاي..
رحت غسلت وتغدينا وجاي اساعد ماما
بتعزيل المطبخ كالت..
تدرين البارحة شمتفقين اهل بهادر وي عمج؟
لا شنووو..
بعد اسبوعين العرس ..
يااا شسالفة صدك يحجي هذا..
اي ابوج حجالي كايل هو محضر كلشي
غرفة وتجهيزها..
ضوجتيني ماما كلش..
بعد هاي الحياة ماما انت انشالله يجي نصيبج
خو ماتضلون طول عمركم وي بعض..
بقيت ضايجة من سمعت كلام ماما ورحت
خابرتها الحقيرة مشغول اي طبعا
نستني..
رحت سبحت وعزلت كنتوري وتمددت اكلب بالفون
وخابرتني حنين..
ها من لكى احبابه نسى اصحابه..
ههه لا بس جنا نحجي بتجهيزات بعد سمعتي..
اي شعدج مستعجلة..
اشو كطعته بوجهي يا رعنة يمكن خابرها
هذا..
هفتها براحتها كلت ماسببلها احراج..
يوم ثاني كات ماتداوم تروح للمحكمة حتى تعقد..
داومت وحدي وضايجة صح انا علاقتي
بالطالبات كلها زينة بس حنين
رفيقة دربي..
جان عدنا ريست ب١١ ونص ..رحت
اخذتلي عصير ورحت كعدت يم بنات
القسم ..
شوية وشفت اخو بهادر اجه ..درت وجهي
سويت نفسي مااشوفه..
بس استغربت من تقرب باتجاهي..
كمت بسرعة ..من رخصتكم بنات..
مشيت من يمهم هو اجه مشى وراي..
عبرنا الممر ووكفني صوته..
شاها من رخصتج اريدج بحجاية..
وكفت بلا ماادور عليه..
ممكن؟؟
درت عليه واول مرة اكون هالقرب منه..
وجهه صار بوجهي دنكت..
تفضل نعم شنو ردت..
نكدر نكعد؟؟
نعم تفضل..كعدنا ع المصطبة بالممر ..
باوعت عليه وجهه ضعيف وملامحه حادة
عيونه مجروره حلكه عريض وخشمه مسطح
احس عبالك مكابلة ذيب..وانا شكد
اضوج من هيج شكل ومكابلني بعد..
احمم..شاها تعرفيني اكيد..
الاعرفه انت اخو بهادر..
اي اسمي حيادر واصغر من بهادر بعشر اشهر..
الله يحفظكم..
ويحفظج..اجيت اليوم اريد احجي وياج بموضوع
يخصنا ثنينا..
؟؟باوعتله باستغراب..بس نظراته الجريئة
خلتني ادور نظري عنه..
انت مرتبطة؟؟
ليش؟
بس اريد جواب اي او لا..
لا وماافكر هسه نهائي يمكن بعد عشر سنوات يلا
افكر ..
ابتسم وفر سبحته..جواب شافي هذا..
يعني اذا تقدملج احد هسه ماتوافقين؟
انا كلت هذا شاف حنين قبلت باخو دار عليه
خل اكطع امله كلش..
لااا مااقبل نهائي ولا ببالي هالفكرة مطلقاً..
كام وكف وعدل سترته..انا اترخص وعذريني
اذا زعجتج..
ومرة ثانية اخذي حذر من تاكلين كدام الناس..
بقيت صافنة اشو هذا سالفته لا الها بداية لا نهاية
بس كعد سال وكام لا ادري بي خاطبني
لروحه لا ادي لغيره ..وفوكها
يتدخل حتى باكلي..
يلا بعد اخو بهادر
لازم يصير مريب..
بقيت كاعدة بمكاني حتى ماكمت من سلم
عليه وراح..
ناقصني بس ارتبط بهيج ناس اوي..
لحد ماصار وكت المحاضرة وكمت دخلت
وبقيت بالقاعة لحد وكت الطلعة يلا طلعت..
رجعت تغديت وخابرت حنين اشوفهم كملو عقد
دكيت عليها فصلته..
عفتها ونمت كعدت ورا المغرب واول ماكعدت
فتحت الفون ..
مامخابرتني الحقيرة انا الها..
طلعت لكيت امي بالمطبخ تسوي كباب
عروك للعشا..
ها صح النوم..
صح بدنج ماميتي..شخبار حنين ماتدرين كملو لا..
اي وعازميها عيالها العصر اجت..
اممم اكول ماذكرتني..
بعد ملتهية اكيد مافرغت..
ايي صح..
ساعة عشر ونص خابرتني..شلونها حبيبتي..
هسه تذكرتي لو منتظرة شوية ..
هههه تغارين عليه..
اي من كرد حظي..عقدتو..
ايي ههه..
مبرووك حقيرتي تستاهلين..
ههه احلى مباركة اجتني..
اخذج لاهله ها عيني ها..
ايي وبيتهم يخبل عبالك قصر بعد احلى من بيتنا.
واهله شلونهم وياج؟
ماكو احسن منهم والغرفة تخبل مسويها وكاملة..
رحتي للغرفة ولج..
اي غير غرفتي ولازم اشوفها..
تريد تقنعيني

بس شفتيها ؟
اي اي اصلا احنا فقرا ههههه..
مالت عليج وعليه هسه جيمس بوند هو عاد..
اويلي واحلى من جيمس بوند ..
لا انت واصلة مرحلة متقدمة مالج علاج..
عهههه ماتفرحيلي لج..
امشي انت روحي طبعا افرحلج..
فدوة لروحج شخبارج اليوم بالدوام..
اليوم صار شي مو بالحسبان..
لا صدك شنوو!
اخو بهادر حاجاني..
منو حيادر؟
اي كال اذا تقدملج احد تقبلين..
كتله لا وقطعت امله..
ماحجه كدامج بهادر يعني ماسمعتي هيجي شي؟
هو كال حيادر انعجب بينا وبنسبنا كال خوش
ناس..
بس يكول يريد وحدة تلبس عباية وبركع وماتداوم..
بعد خيحطها بصندوق ويقفله ويذبه بشط العرب
مالت عليج وعلى عيالج..
عابت هسه هو خطبج قابل هو بهادر يسولف عنه
يكول شكاك ومعقد ويتدخل بكلشي
حاط روحه بسوالف النسوان..
مو اكلج مالت عليكم ..
هههههه يروحلج فدوة انت خطابتج كلها مثقفين وهاي
كلاس شنو تاخذين هذا الشكاك..
مااخذه شبيه تخبلت اول تالي اترك عز اهلي ودلالهم
واخذلي استاذ حيادر
حتى يغلفني ويحبسني بالبيت لانه حضرته شكاك..
هسه عوفج منه باجر تداومين؟
اي اداوم طبعا ..
يلا روحي لعد انا احضرلي لبسه وانام..
سديت الخط منها وحضرتلي ملابس ونمت..
الصبح اجه الخط وطلعت..
صعدت بالسيارة واشوف حنين بنيو لوك..
عباية راس وتحنيكة حجاب..
للحكاية بقية

الشيهانة
الجزء الثالث
صباح الخير فاشنيستا حنين..
ابتسمت وحجت بصوت ناصي..حلوات عليه صح؟
هه كلش حلوات بس يومية زي جاي تصدمينا..
رشا كالت النهاية معروفة وغمزتلي..
وهي تضحك بهدوء واليوم حتى صوتها مايطلع..
اول ما وصلنا للكلية خابرت بهادر..
شاها حبيبي ينتظرني
رايحتله..
اي روحي انا رح اكعد بالقاعة ..
هي راحت وانا تمشيت للقاعة طلعت كتابي
وكعدت اقرا..
اجه الاستاذ وحنين ماكو ..امبينه حتكضيها
فرة وي هذا همزين رح نخلص المواد جان
رسبت..
وخلصت المحاضرة وخابرتها بس ماتجاوب!
عجيب وين راحت..
اجه الاستاذ ومحاضرة ثانية وهي ماكو..
جان وراها ريست..
بس خلصت اخذت جنطتي وخليت كتبي بمكانهم
لان عدنا بعد محاضرة هنا..
وطلعت خابرتها ماكو سالت البنات ماشفتوها
محد شايفها من الصبح!
رحت للكافتيريا اشتريتلي لفة بيبسي وكعدت
اكل..
توني بديت اكل ودخل حيادر..لابس سترة رصاصي
وبنطرون كتان ..
اول مرة اركز بملابسة لان من كعد يمي انتبهتله
ملابسه كلش نازكة وعطره خليجي خشن ..
الفرق بينه وبين بهادر شاسع بالشكل وبالللبس
وبالاسلوب..
سويت نفسي مامنتبهة عليه وفتحت فوني
فتحت فيس وبقيت مدنكة ..
هو تقرب وشاف ميز قريب
مني كعد..
اهوو بس لا يرجع يحاجيني..
عفت اللفة نصها ..
وهو دك فونه وكام بسرعة..اي انا اجي لا لا تجي
انت انا اجيك..
كام اخذ كوب جاي بيده وطلع..
انا هم شبعت اخذتلي كوب كابتشينو وطلعت
تمشيت وشفته هو وهذا الرجال الي وياه
بيوم تعاركت وي حنين ابو نظرات الماتتفسر..
جان لابس دشداشة بيضا..
وهو طويل بس مو كلش وضخم يعني
متناسق..
وهواي بي شبه من حيادر ..
نفس الملامح العيون المجرورة وصفر
كلش والخشم الرفيع
لدرجه احسه مسطح ..
ويشبهون حلك الامريكان يكون عريض
بالنسبة للبنات يشوفوهم جذابين او صفة جمالية
عدهم ..
حتى مرة من اجه وي بهادر البنات كلهم يكولون
جميل بس انا هيج نوع من الشكل مااطيقه
احسه مسموم واحسه جلد ..مااعرف شلون اوصفه
بس مااحبه وهذا اليخليني اشوفه مو حلو
رغم شكلهم الحلو..
كملت طريقي وكعدت يم كروب شعبتنا
جانو متجمعين يم القسم..
هاي گايز..
هلاا.. خو جيبي وياج كوب زايد لو عزمينا..
جاوبني زيد طالب بكروبنا..
حطيت عينك عليه هاك اخذه..
بقى يضحك ..مشكورة بالعافية..
بقيت كاعدة يمهم لحد وقت المحاضرة ومابينت
حنين
بنهاية الدوام قبل لا يجي السايق بشوية..
جنت كاعدة بالقاعة انتظره
خابرتني حنين ..هلا شاها وين انت ؟
بمجمع القاعات  ..انتظر السايق ..
وين جنتي حتى ماكلتي رح اتاخر؟؟
يلا اوكي انتظرج يم النافورة..
هوب مو احاجيج..
سدت الخط بوجهي الرعنة ..
اخذت كتبي وطلعت من المجمع
الكلية قليل طلاب باقين
اغلبها طلعت..
وصلت قريب النافورة ..هي وبهادر كاعدين
ويباوعولي من اجيت امشي..
تقربت يمهم..هاي..
وعليكم السلام ..جاوب بهادر وهي ضحكت..
باوعت عليها بنظرات مال وحدة متحلفة ..
لا تضوجين ههه امشي اليوم بهادر يوصلنا
ومعزوم يمنا ع الغدا..
والسايق؟
خابره بهادر وكله انا اوصلهم لا تنتظرهم..
ها..
كام هو مشى كدامنا ..وانا وحنين نمشي وراه..
كرصتها بايدها كرصة معدلة وانا مشهورة
بكرصتي بالعائلة ..
صاحت ااي ..التفت علينا بخزرة ودار وجهه..
وهي سكتت وتاشرلي سكتي..
باوعتلهم ثنينهم ذول شيحسون..
وصلنا للسيارة وانا على عيني جاية وياهم
لان بهادر كلش مااطيقه..
صعدت انا ورا وهو كلها لا تصعدين
كدام..
ووكف برا خابر وصعد ورانا..
عدل الجامة صارت عيني بعينه درتها
وتقربت يم الباب حتى لا اصادفه كلساع..
حجه ونبرة امر..
حنينة مرة التجي اذا على صوتج اخفيه
للابد..
انا نطيت عيوني ودرت عليها متفاجئة
اشو هي تكله حاضر حبيبي!!
بقيت اباوعلهم مثل الثولة..انوب بقى
واكف ماشغل السيارة شكد اريد
اتحمل افف..
شوية واباوع واحد فتح الباب الكدام
وكعد!نفسه الجان وياهم ابو
نظرات مزعجة..سلم وهو يكعد..
السلام عليكم شلونكم..
جاوبه بهادر..هلا ومية هلا..
جا حيدرة وينة يلفظها حَيدَر يفتح الحروف
كلها..
حيادر راح گبلي عده شغل وانا هاي فرغتي..
شونكم بوية..شونج حنين خالي..
جاوبت حنين بصوت ناصي..
بخير خالو الله يحفظك!!
وانا اطرش بالزفة شنو خالو وحنين وصوتها
الماينسمع اللطيف هه..
جا بهادر غير تعرفني على نسيبتك ..
اي شاها بت عم المرة..
ياهلا والف هلا انا خال بهادر ..يحجي باسلوب
لبق و لهجته تختلف عن لهجتنا ..
اهلا وسهلا تشرفت بيك استاذ ..
كل الهلا بيج والنعم..
سكتنا بعدها وصار هدوء والسيارة
تمشي..بس هو كل شوي يباوع
بالجامة الجانبية ..
انا طلعت الفون والتهيت يي حتى ماارفع
راسي واشوفه..
ماجنهم ولد عرب ولازم يكونون نظرتهم
للبنات نظيفة..
نظراتهم كلش جسرة..
بنص الطريق كال لبهادر هنا انزل
لان جان هنده شغل بهالمنطقة..
هو نزل واحنا كملنا طريقنا
للبيت..
بنزلتي كالت حنين تعاي ويانا ع الواهس
لان بابا هم عازمي هم..
بس تعذرت بتعبانة واريد انام..
دخلت للبيت لكيت بس ماما
لان محمد وبابا جايين من وكت وببيت عمي..
تغدينا انا وماما وبقينا نسولف..
تالي كالت..
مرت عمج تريدني اطلع

وياها للسوك
ماتجين..
لا ماما كلش دايخة ونعسانة..بس شوفي
اذا شي حلو نازل اشتريلي..
شعاجبج كولي وانا اجيب لان اعرف ذوق
ماينحزر..
انت ام الذوق ست فيحاء فديتج..
اروح فدوة لام لسان..حجتها وهي تباوعلي بنظرة
حب..
اريد كولون اسود خفيف حتى البس
التنورة القصيرة باجر
وادا شفتي قميص بدي جيبي صار هواي
مامجددة..
بعيوني ..يلا انا رايحة ابدل حتى بس
يطلع عذولج اروح..
كرصت خدي وكامت..
رحت لفراشي وانا افكر صدك عذولي
اخذ حنين مني كلش..
انا ليش اضوج منه لان اخذها مني ولان هو مزعج..
نمت ولورا المغرب يلا كعدت..
لكيت ماما جاية وبابا والولد كاعدين بالحديقة..
كعدت يمهم اتثاوب..
هاااي..
حجه حسن ..
هايات همزين اجيتي الوالد مايقبل
ناكل اللفات جعنا..
لفات شنو جوعانة..انطيني اشو لفة..
اخذت لفة من ايده وماما كالت..كملي اكلج
وقيسي قميصج شوفي يعجبج..
امم خل اكل سريع لعد..
بابا بقى يلوم بيها ليش تكليلها هسه تعوف
اكلها وماتاكل وحسن يكله بلكت تفكر بيه
مثلها..
ومحمد كالعادة بس يبتسم..
محمد كلشش رزن ونفس الوقت قصته
قصة..
ورا الاكل جربت القميص الجايبته ماما
بس كلش حلو..ابيض وبي كتابة انكليزية ناعمة
بالجهة اايسرى من فوك..
وقماشه يكعد فت ع الجسم ..
جربته وي تنورتي القصيرة وحذائي العالي
كلش مرتب..
علكتهم بالكنتور ورجعت يمهم كاعدين
بالصالة..
اباوع للفون حتى ماتضلت حنين ولا حجت..
وجنا طول اليوم نسولف واتساب لو تجي
يمي للبيت ..
انقهرت كلش وحصرتني البجية
شوي وكمت من كآبتي نمت..
يوم ثاني طلعت للخط بس شفت بس رشا
كالت حنين تكول اجي بعدين وي خطيبي..
هزيت راسي وسكتت سالتني شكو كتلها
مادري..!
علقت على قميصي كالت كلش حلو واليوم طالعة
تخبلين..
جاوبتها شكرا بس بقهر لان واهسي راح
بسبب حنين..
وصلنا واخذت محاضرتين وعدنا وراهن
ريست..
تمشيت للكافتريا وبطريقي شفت حيادر واكف
وي واحد يحجون..
جان حاط نظارة شمسية ع راسه..
من شافني نزلها وبقى يسولف بس احسه
عينه وياي..
رحت اخذتلي لفة وبيبسي وكعدت اكل..
شوية ودخل حيادر اشترى جاي واجه وكف
كدامي..
اكدر اكعد؟
تفضل..
كعد وحط الكوب ع الميز..
خو ماتضوجين خاف احد الطلاب ينتقدج او يكول
كاعدة وي واحد ..
واثقة بنفسي الحمدلله..واكيد الطالب اليعرفني
يعرف بنت عمي خطيبة اخوك..
يعني انت مو غريب ع الكلية او علي..
صح..ولو طلابكم نصهم اعرفهم بحكم شغلي
هالفترة تعرفت
ع هواي طلاب..
طبعا هو نشوفه بفترات متباعدة كلش بس
ياخذله اسبوعين او اكثر يجي يومية من يخلص
شغل بعد مانشوفه..
هزيتله راسي وانا اكل..
نزع نظارته حطها ع الميز..عيونه ضاربه بيهم
الشمس وصاير الصفار كلش قوي
احمم..اليوم وحدج شعجب..
حنين مامداومة عدها شغل كالت تجي بعدين ..
وانا اكل صفن بوجهي عينه صعدت لكذلتي
الطالعة من الشال ونزلت لوجهي لقميصي
حسيته متقصد بنظرته..
انزعجت خليت باقي اللفة بالجيس
وكمت..
باباوعلي ورفع حاجب..
راح اروح كتبي بقو بالقاعة لازم اجيبهم
من القسم
عن اذنك..
كام وياي ..تفضلي انا هم عندي شغل بالقسم..
كلش ضجت منه وتحملته كوة كلت اصبر شوية
اذا سوا تصرف زايد اعيط بي..
هو اسلوبه كلش راقي بس نظراته من جنت كاعدة
كلش نرفزتني..
مشت للقسم بس سريع وهو خطواته طويله
كل ماريد اسبقه يلحكني..
وصلت للقسم وصعدت الدرج هو وراي..
قبل لا نوصل للطايبق البي قسمنا..
وكفني صوته وهو يحجي بنبرة جدية كلش..
شاها اوكفي شوية..
وكفت وباوعت عليه..تفضل؟
تنهد فرك بسبحته..باعي انا مالي حگ اتدخل..
بس تنورتج كصيفةوانت الله يستر عليج تجذبين..
باوعتله بخزرة ..عقد حاجبه وابتسم..
مو تدخل بس دامج من عرضنا واجب انبهج..
جورابج خفيف ورجلج تبرج وقميصج يستغيث
وتنورتج تفاهج!!
باوعتله من جوا عيوني هذا يمدح يذم مافهمت
حجيه..
هز راسه بتأييد..
لا تحسبي تدخل ..روحي اخذي راحتج اعرف
اجيتي هنا تريد تشردين مني..
بس ماردت احد يضايكج وانت ماشيه بحدج..
روحي بس اكلج سالفة..
لا تصعدين الدرج كدام زلمة من هاليوم..
ان چانچ زليخة ترى مابين الزلم موجود يوسف
كلها ذياب ان مو بالنفس بالعيون..حجاها وابتسم..
عفته ومشيت بسرعة..
بس عزا هذا شيحجي انوب سواني زليخة..صح
هو نصحني باسلوب ولو مو شغله..
بس ما فرض نفسه..
لحظة هو كال ذيب اذا مو بنفس بالعيون!!يعني
يدري بيه اكول جنه عيون ذيب!!!
مقولة حنين حاجية كدام بهادر وموصله!!
انا لازم اكعد وياها وافتهم هواااي امور..
بقيت كاعدة فوك وفاتني وقت المحاضرة
ومارحت..
قبل لا تصير بالوحدة خابرتني حنين..
وينها حبيبتي المشتاقتلها..
دولي لا احبج ولا اعرفج..
لا صدك وينج انا يم القسم تعاي شعجب ماداخلة
محاضرة..
ماكدرت ..هسه اجيج ابقى لا تكومين..
نزلت وانا اباوع واتذكر حجاية حيادر
لا تصعدين الدرج كدام ولد..
يعني معقولة عيب وانا مادري..
ولو هم بيت بهادر كلشي عدهم عيب..
طلعت من القسم شفت حنين كاعدة ع جهة اليمين..
وصلت يمها وانا اباوعلها بزعل..
باوعتلي من فوك لجوا وصفرت..
هههه خوش لابسة عباية وتحنيكة وتصفر ..
جرتني من ايدي وكعدتني..
لج

قميصج يخبل بس ضيك ويخيل ترى وكولونج
شفاف كلش..
وينه شفاف ثخين..
اي شاها لو تعوفين هذا اللبس ولج انت جميلة
وذول عيونهم وصخة..
العينه وصخة يغسلها...
بعدين ماريد احجي وياج حقيرة..امس واليوم
مدري وين تروحين وحتى ماتكليلي..
ههه وج مو رحنا اشترينا اشياء للغرفة ..
وبعد ملابس هو عاجبه ع ذوقه اشترينا..
حتى ماكدرت اراويج لان اخذهن ويا للبيت..
باعي مو اكلج اخذج مني..
محد ياخذني منج غير احنا توأم يروحي..
اي توأم وعايفتني حماج يترصدلي..
حيادر!!
اي قبل شوي اجه يمي للكافتريا انوب شردت منه
رحت للقسم كام وياي تمشى ..
يوي لا تنطي وجه..هو اصلا شكاك ويكول بهادر
عده البنات كلهم مو زينات بنظره..
Move To Canada From Iraq With The Help Of CanadianVisa.org
اشو ماامبين!اسلوبه حلو ومثقف احسه اثقف من رجلج
العاصي..ولو هذا هم عاصي بس اسلوب عنده..
شوف حظي ولج بهادر نفسه نظيفة وطيب
مايتلون البقلبه ع لسانه..
اممم مادري تعاي صدك هذا خالهم اشو صغير جنه..
اي هو مو جبير وصاك كلش ..
منيله صاك يشبه حيادر..
اي حيادر حلو بس شخصيته مو حلوة..
اوي هسه شببنا مدوخين روحنا بيهم.. بس بعد
لا تعيديها وياي سوالفج وتعوفيني..
غير جاي اكمل بقالي بس الاسبوع اليجي ولج
ماكو وكت..
اي صحيح ..اكلج تصبغين شعرج كالت ماما..
اي بهادر يريد ميش وراح اميش ..سوي وياي ع واهس.
لا عاجبني لون شعري مااغيره..
وهم احسه نشاز يطلع من الحجاب اصفر
جني دكاكة..
لعد ضمي احسن ههه..
انت ولي مو تطلعين عقد بهادر براسي..
ههه فديته ..كومي نروح بس هالمحاضرة اليتيمة
ندخلها ..
صدك يتيمة من حضورج خبيثة عايفتني..حجيتها
وانا اكوم ..
وتمشينا سوا للمحاضرة..
بعدها خلصنا وطلعنا للبيت..
ومرت كم يوم هي يومية تطلع ساعة ساعتين وي
بهادر والعصر تجي امه تاخذها..
رادتني اروح وياهم كتلها امه موجودة ماكدر اتدخل
وجان الجهاز التشتري ياخذو وياهم
كبل يكولون احنا نرتبة بعد عليمن هواي
جنط تتجمع بيوم واحد ..
رغم ضوجتي من بعدها عني بس فرحانتلها
كلش..
صار الاسبوع الثاني الي نهايته حيكون عرسها..
يوم الاثنين اخر يوم داومت..
بنات الشعبة سوولها حفلة صغيرة بالحديقة
جابو اكل وكيكة وشموع ..
وانا اخذت الكاميرا مالت حسن اخوي..
وصورت بيها الحفلة..
جنت لابسة فستان مخطط رصاصي واسود
طوله وسط نازل للسااق
وحذاء عالي رصاصي ..تذكرت حجي حيادر
ع القصير بس هذا مو قصير زين..
خلصت الحفلة ووزعنا للطلاب هم اكل..
وخابرنا السايق من وكت لان تعبنا..
بقينا كاعدين انا وياها يم النافورة نسولف..
النافورة تصير بمدخل الكلية كدام الباب..
الطلاب يتجمعون يمها يكعدون لان يمهما
هواي مقاعد واصلا هي ينكعد داير مدايرها..
خابر بهادر على حنين وكامت بسرعة..
شاها راح اروح بهادر يريدني ..
والسايق لعد موكال جاي بالطريق؟
لا ارجع بسرعة ..
كيفج بس لا تتاخرين عيب نخلي ينتظر..
دك فونها مرة ثانية جاوبت..
ها انا اجي لا..قبل لا تكمل سكتت امبين
سد الخط بوجهها بس مابينتلي..
شوية وشفت بهادر اجه باتجاهنا..
يباوع من ورا خشمه كالعادة وبنطرونه عرييض
وقميصه اصفر خفيف جنه حايط ماطرة عليه
الدنيا..
احشش عليه بداخلي واضحك..
وصل يمنا ورافع حاجبه..
ها شعجب كاعدين هنا؟
جاوبت حنين بهدوء..مو بعد كتلك راح يجي السايق..
ها خير انشالله..
حنين تعاي شوي اريدج..
وكف هو وياها ع جهة ..بس قريب مني اسمع..
اباوعله يحجي وياشر باصبعه عليه..
هايه شلابسة وشلون قابل عمج تطلع
بهالتعري..
للحكاية بقية

الشيهانة
الجزء الرابع
من سمعته صدك انقهرت اجيت اكوم ارده..
بس حنين جوابها وكفني..
لا عفية حبيب لا تسمعك فدوة لا تزعل وكلشي
ولا زعلها تدري بمعزتها..
ولزمته من ذراعه ومشو بعيد عني..
وكفو جو الشجرة وهي شابكة ذراعها
بذراعه واباوعلهم يحجون بهدوء..
زين خفت يتعاركون بسببي..
اكدر اكوم وارد عليه بس خطية حنين هاي
اخير يومين وياي وماريد اخشن خاطرها
بس اذا عادها وياي اكول لبابا
عليه واخلي يرده..
بقيت انتظرهم واكفين يسولفون بس كلش
انقهرت وحصرتني البجية..
مامتعودة احد هيجي يحجي بيه..
شوية
وخابر السايق..
تسحبت بلا ماينتبهولي ورحت للسيارة..
دزيتلها مسج وصعدت كعدت..
كتله هسه تجي حنين ..
شوية ماطولت واجت ..
كعدت مبتسمة ومعتقدة انا ماسمعت شي..
ليش ماصحتيلي نجي سوا خو ماصارلكم هواي
تنتظرون؟
شفتكم جاي تسولفون بعد استحيت اجي
وهم ماصارله هواي هسه اجه..
لعد شبيج شكلج ضايج يروحي..
هه مابيه بس افكر بفراقج شلون..
مايهمنا المسافة احنا دوم قلوبنا سوا..حجتها
ولزمت ايدي قوي..
هزيت راسي بلا مااحجي شي..
وصلنا للبيت وجنا متفقين بس ابدل اروح يمها
حتى اساعدها بتحضيرات ..
كالت انزل وياج انتظرج بدلي واتغدى
وياج ونروح لبيتنا..
هي تعرف انا سمعت بس ماتريد تصارح
نفسها او تصارحني ..
اجت وياي وتغدينا قبلهم لان بابا ومحمد
ماجايين بعدهم..
بدلت ملابسي ورحت وياها للبيت بنات عمي
الثاني هم موجودات..
هو عمي عنده بس حنين وهند
والثاني عنده اريع ولد وبنات ثلاثة
ساعدناها بترتيب كم شغلة بقن عدها لان
اهل بهادر يشترون الملابس
والاغراض جانو وياخذوها كبل..
طبعا حفلة حنة مارادت تسوي كالت
ماريد رغم جنا متحضريلها بس
رفضت كالت تتعب..
وهم باجر وراها روحة لمركز التجميل
تسوي الامور الكمالية كلها..
بقيت يمها لحد ماتعشينا ودك عليها بهادر
صعدت مانزلت..
بقينا انا وبنات عمي جوا نسولف ويمنا
مرت عمي وهند بقو يحجون على حنين
ويضحكون ..
يكولون مانشوفها من انخطبت لهسه دىمها
مختفية..
وبقت مختفية لحد ساعة عشرة نعست وراي
يوم ثاني دوام
رجعت للبيت سبحت وطفيت الاضوية
وعليت السبلت وتمددت ..
ماعرف شنو احس بس مقهورة..
صح هي سنة الحياة وكل بنية تتزوج
وتكون عائلة تلتهي..
بس حنين احسها التهت من وكت ..او
انسحبت فجأة..
دعيتلها ربي يوفقها وشوية وغفيت..
كعدت الصبح متكسرة واحس الجو
حار كلش..
اباوع السبلت مفتوح لعد ليش هيج محترة..
تلمست كصتي كلش حارة..
بلاعيمي مقبطة كلش..
انا طبعي هيج اقل شي تطك بلاعيمي..
تثاوبت شاغت روحي..
كمت للحمام سبحت بماي بارد ..
احس احسن ارتاحيت..
بدلت وشربت حليب سوتلي ماما..
طلعت للخط باوعت مكان حنين فارغ..
لازم اتعود ع غيابها من اليوم..
سلمت عليهم كوة طلع صوتي مشحوط..
رشا تكلي بعده ماصار العرس جان كلت
من الهلاهل..
ابتسمتلها وهي حست بضوجتي ..
بقت طول الطريق تسولف وياي..
وصلت للكلية ورحت كبل للقاعة كعدت
لا الي خلك ولا حيل..
مادري هالايام شون حتخلص بلا حنين
ولو هي كم يوم ونكعد للامتحانات ..
بس هي اليوم بدونها مايمشي..
اخذنا كم محاضرة..وانطونا السعي مالتنا..
اجت محاضرة المقالة واجه بهادر..
اباوعله لحيته خفيفه مخربطة وقميصه
عريض كلش وردي
وبنطرونه بي كسرتين..
استغفر الله هسه انا ليش كارهته شعليه
بي..
صاح اسماء الحضور ..رفعت ايدي..
باوعلي كال الاصيح باسمه يكول نعم..
جاوبه زيد طالب بشعبتنا..استاذ شاها ماتكدر
تحجي بلاعيمها..
انا تعودو عليه الطلاب من مرحلة اولى ..
تصير عندي هيج حالة صوتي كلش ينشحط
والاستاذة هم يعرفون ..
حتى مايحرجوني ويكوموني اشرح..
باوع بهادر لزيد وكمل رد الاسماء بلا
مايعلق..
اخذنا شوية مادة وبعدها انطانا السعي..
بس جانت السعيات دمار..لا شاطر ولا كسلان
ماخذ حقه..
انصدمنا كلنا..
وانا من وصل لاسمي..كال السعي مالتج ١١؟
نطيت عيوني وكحيت..
حجيت وصوتي مخنوك ..ليش استاذ انا
مستواي زين؟
شاها لا تحجين لان ماافهم منج شي
ومااريد اعتراض..ورفع ايده بمعنى كافي..
هنا احس فوك صخونتي حرارتي ارتفعت بزايد..
بقيت كاعدة واهز برجلي متوترة..
لو اريد اجادله هسه اسكته..بس مو اخلاقي
اتجاوز حدودي وي استاذ..
كتمت قهري كوة لحد ماطلع..
الطلاب كلهم ضايجين لان باخس حقنا
كلنا ..بس مو مثلي ابد
انا اوطى سعي بيهم..
بعد ماعدنا بس محاضرة وحدة ورا
ساعة..
رحت للكافتيريا كلت اكل شي خفيف كلش
جعت.. اخذتلي بسكت وجاي لان
وحتى بلعومي يفك شوية..
كعدت وخليت الاكل ع الميز..
صارت عيني ع الميز بالاخير..
كاعدين بي حيادر وهذا الرجال
خالهم..
اجيت اكوم تالي كلت اريد واحد منهم
اليوم يحجي لو يندك بيه
الا امسح بي الكلية واطلع قهر بهادر التبن
بي..
اكلت البسكت وشربت الجاي وانا مدنكة
ابدا ماباوعت باتجاهم..
خلصت ذبيت العلاكة بالسلة وطلعت..
بعدني ماشية خطوتين واسمع صوت
خالهم وراي..
شلونج شاها..
وكفت وهو مشى صار كدامي..
حجيت بخنكة..اهلا..
هو باوع باستغراب ..خيرج شبيج..
اشرتله ع بلاعيمي وماحجيت كلت حتى
يحس ع نفسه ويروح..
بهاللحظة حيادر اجه..
ال

سلام عليكم ..
وعليكم السلام..
عدج العافية امبينة بلاعيمج..
هزيت راسي ..
اخذي راحتج ..يلا ابو امير ورانا شغل
هم يلا نلحك..
انا ترخصت ومشيت..وبالي هذا عيونه
عوزها ما تطفر من وجهه
طلع متزوج وعنده طفل..
عاابت..
رجعت للقاعة كملت المحاضرة ورجعت للبيت..
وانا افكر بالسعي مالتي كلش ناصي
مرة اكول اروح لرئيس القسم مرة اكول لبابا..
ومادري شسوي..
بس مااجيب سيرة لحنين خاف يتعاركون
بسببي وهسه مو وكتها..
بس بدلت وتغديت وماما انطتني علاج
زين صخوتي راحت ..
ماكدرت انام لان هم
تريدني وياها اليوم اروح ..
بدلت ورحت لبيتهم لكيتها تنتظرني هي
ومرت عمي..
اخذنا عمي لمركز التجميل..
اشتغلوها تقشير وتنظيف وهالامور..
وميشت شعرها حسب طلب بهادر..
من رجعنا ردت اروح لبيتنا ماقبلت..
كالت اليوم وباجر تباتين يمي..
صدك بقيت وياها واحس رجعنا لايامنا
الحلوة ..
سوالف وضحك واكل بحيث فات الوكت
واحنا ماحاسين..
نمنا بوقت متاخر وبقينا لحد الظهر..
كعدونا بنات خالاتها بالهلاهل والاغاني..
بحيث كمنا من الفراش ماندري نركص
لو نتثاوب ..
ماما هم لكيتها جاية وخالات حنين ثنين وبانتهم
ومسويات حفلة معدل..
لان ماتسوي حنة كالو هيجي نسويلها
وداعية..
وبقينا لليل كل شوية ركص وهلاهل وماخدين
راحتنا لان عمو راح لبيتنا
يم بابا واخواني..
اليوم الخميس..يوم عرس اختي وصديقتي
وتوأمي..
مشاعري متضاربة بين قهر لفراقها وبين
فرحة الها تزوجت رجل احلامها..
كعدنا تريكنا واخذنا اغراضنا بالجنطة
ورحنا للصالون..
انا لبست فستان اوف وايت طويل وبي
ذيل شوية من جوا..
والردان بيها شغل وشوارفزكي..
مكيجت بس مو طوخ لان عيوني سودا
والمكياج الطوخ يخلي عيوني يلفتن
نظر..
لهذا ماما كالت خففي لان احنا رايحين لناس
مو مثل عاداتنا
وعيب لازم نحترم عاداتهم..
لان هم بالريف صح مو كلش ريف يعني
بدايته..
بس طبعهم مغلق ومو بس محافظين لان
نظراتهم للشخص تخلي يشك
بنفسه..
خلصنا شغل واجه علينا عمو اخذنا..
حنين بدلتها مستورة لان اصلا موديل
الردان وهالايام البدلات موديلها اغلبها
ردان صح خفيف بس طويل..
رحنا لبيت عمي ساعة ٢ ونص ..
تونا داخلين وخابر بهادر كال حيجون..
هم صح رادوها من وكت بس مو هيج
سرعة..
بس هي عوبة فرحانة تكول احسن..
بالاول اجه هو عليها وابن عمه المتبرع
يزفهم..
اخذها للتصوير صورو وكملو ورجعها للبيت ..
ورا دقايق وصلو اهله..
بس نسوان الكبار جايات وجهال بس شابات ماكو..
دخل ابوهم ووياه بهادر ..
وعمو سلمها الهم ووصاهم..
وطلعو بهلاهل وهوسات حلوة..
انا وماما ماصعدنا بسباراتهم بابا كال
انا اخذكم..
بس بطلعتنا امه كالت تعالو ويانا بالسيارة..
ماما ماقبلت كلتلها ابو محمد يوصلنا..
بس امه اصرت ولازمة بايدي وماتقبل
نروح..
تكلها لا جيبيها نتباهى بيها بين نسوانه
وامي بقت صافنة باوعتلها وضحكت
وهي هم ضحكت..
واخذتني ولازمة بايدي وامي وراي
وصلنا لسيارة جكسارة سودا..
فتحت الباب ماانفتح..سمعنا صوت رجال حجه..
ها حجيتنا ..يحجي بصوت عالي لان
ماينسمع من الموسيقى مالت العرس..
باوعتله هذا خالهم يبوووو وانا شاردة منه..
سلم علينا وفتحنا السيارة ودخلنا..
وصته علينا وراحت..
اول مامشينا بقى يسولف وماما تسولف
ويا وهو اسلوبه يخلي الشخص يسولف
بلا مايحس يعني اجتماعي بحت..
انا خليت الكلينسة ع حلكي حتى اذا انتبهلي
يتذكر ماكدر احجي خاف اله نية
يشاركني بموضوعه..
بس هذا مايمنعه كل شوي يدير نظره الي بالجامة..
الطريق كلش طويل صار لان اصلا يوم
الخميس ازدحامات..
ع ماوصلنا ودخلو العرسان وشوي انتظرنا الطريق
يصير بي مجال حتى نكدر ندخل..
نزلت انا وماما وياي مخلية ايدها ورا
ظهري..
وهو خالهم يمشي كدامنا..
بس جانو رياجيل كلش هواي وهو بيتهم
ع شارع عريض..
باوعتله وتذكرت حجي حنين قلعة تكول..
فعلا هو قلعة ماكذبت ..
طبعا بعيشون بي اربع عوائل ماعرف شكد..
شكله يكفي عشر عوائل..
مشينا انا وماما سريع واشوف واحد اجه
يمنا بسرعة..
لابس بشت وجفية وعگال..
صار ورانا وصاح سوو مجال ..من صوته
عرفته حيادر لان ماباوعت بوجهه ..
دخلنا للبيت بسرعة وكال لخاله اخذ راحتك
ماقصرت..حجه بصوت عالي.. تفضلو ..تفضلو..
نهلة تعاي خوية تلكو ضيوفكم..
تشكرته امي وسلمنا ع البنية ودخلنا..
اعداد هائلة من النسوان وهلاهل وهوسة وركص..
ودتنا يم حنين كاعدة بصالة واسعة حيل وبيها
درج بالنص ..
كعدنا يمها وهي متوترة وتكول ولج بردت ..
دكعدي راحة انا عركت ..حجيتها وكحيت..
شاها سكتي صوتج يوترني بالزايد جنج مشنوقة..
مو صوجج ههه..
بقينا نسولف والنسوان تركص وامهم دخلت
بنص ورافعة عبايتها وتهوس..
*هاي فرحتنا التمام فرحت كل العمام..وبعد فرحتنا
الجبيرة نفرح كل العشيرة..*
تردح بعباتها لحد ماوصلت يمي..
انا لزكت بحنين كلت لان هالمرة مدري
شسالفتها وياي جنها نظرات اخوها..
ها يمة حضروها نصعدها فوك لحجرتها
حتى الوادم تتعشى..
اي خالة يلا كومي نونة..
ههه دهر خوش اسم نونة..ضكريني كبل لا ترحين
عدنا وحدة خليها تجرلج بلاعيمج وتطيبين..
حجتها وراحت تمش

ي وتردح وتحاجي البنات..
ساعدنا حنين صعدناها لغرفتها انا وبناتنا وماما
وامها..
ويانا اختة الجبيرة هي الصعدتنا وفتحت النا
الباب..
دخلت وجان الضوا مفتوح..هلهلت وصلت على
محمد وال محمد وكالت اخذن راحتجن
حبايب..
اباوع للغرفة صبغها ضلع وردي وضلع
ابيض وبي نقش بنفسجي
التحفيات كبار ومتروسة ترس ورد
نشرات ثنين ع حايط..
ضاك نفسي ماتوقعت ابدا هيجي شي..
شي مو يم الذوق ابد ..
بس هي اباوعلها فرحانة وتباوع
للغرفة يعني مو مال ماقابلة بهيج ذوق..
وجوهنا كلنا بينت عليها الصدمة من الغرفة
كلساع وحدة تباوع للثانية..
بس ماحسسناها لان مدامها مقتنعة احنا معلينا..
جاي نسولف ودخلن بنات جابن
الاكل ..
فرشو بالارض وكامو بناتنا ساعدوهم..
بس اكلنا شي كلش قليل ..رغم مخلين
هواي صواني ومليانة اكل ..
بس احنا كلنا كعدنا ع صينية وحدة كلنا
حرامات نخرب البقية بلكمة لكمتين ونعوفها..
بعدها تحضرنا ردنا نروح واجو البنات شالو
الاكل وبقو يعتبون مااكلتو ..
كالت اخت احنا عزلنا اكل لزلمكم اخذو وياكم
هيج طبعنا بالاعراس ترى ..
وحيادر وصى من تردن ترحن كولن
واهو يوصلجن..
تشكرنا منهم  ومرت عمي كالت علواه اذا
ماتصير كلفة لان هسه نريد نروح..
كالت تامرن امر وراحت ..
سلمنا على حنين وودعناها ..
وانا دموعي مطر مايقبلن يوكفن..
امي حاطة راسي ع صدرها وتصبر بيه ..
ومرت عمي جانت تبجي عافت البجي
وبقت تصبر بية..
الى ان اجت اخته ..
يلا حبايب يتانيجن حيادر بالباب..
يلا مشكورين ودربالكم ع حنين بعد هي
بتكم صارت انشالله..حجت مرت عمي..
بوسط العيون حجية لا تشيلين همها بتنا هي..
تونا نريد نطلع من المطبخ واجتنا امهم..
ها ام محمد صبرن خية بعد وكت..
لا حجية بعد طريق طويل هم يلا نلحك..
زين جيبي بنيتج تدهنها امينة خوش تجر
البلاعيم..
يا مو الولد خطية ينتظرونا بالباب..
مامنها شي يرحن الحبايب وضلي
انت وبنيتج بسرعة ماتطول..
انا اتلافت واخزر بماما ماريد بس ماهتمتلي..
كلت للبنات طلعو هسه نلحككم..
واخذتنا امهم لغرفة بعيده تصير نهاية ممر جوا..
تعالن دخلن استريحن..
دخلتنا وراحت..وانا بقيت الوب..
ماما عفية ماريد خاف تاذيني..
ماما بس تخلي ايديها جوا بلعومج وتدهن ماتسوي شي..
ماريد ليش ماكلتي ماريد..
لعد عاجبج صوتج هسه كوة ينفهم..
ميخالف ولا..بعدني مامكملة وانفتح الباب..
دخلت بنية بعدها شابة وجميلة بشكل..
لابسة دراعة حمرة مزخرفة وشال ابيض ومرتبة ..
السلام عليكم شلونجن حبايب..
اهلا بيج حبيبتي ..جاوبتها ماما ووانا هم..
انا مرت الشيخ رسن ..
يا حياج زين تعرفنا عليج لان ماشفناج ولا مرة..
اي بعد ماصارت..خل اسويلج بلاعيمج حبوبة..
تعوريني ؟
ههه لا تخافين ايدي خفيفة كلها تعرفني..
تقربت مني ونزعت الشال..
جابت لوشن خلت ع ركبتي وانا لازمة ايدها..
فدوة مو حيل..
صار صار ولا يهمج بس كعدي..
كعدت وهي لزمت بلاعيمي بيديها الاثنين وبقت تضغط
وانا اجيت اشرد وامي لازمتني..
اختنكت نطت عيوني وهي تدهن بيهن بقيت ابجي
احس روحي طلعت..
بقيت اكح حيل يلا هدتني..
هذا هو بالعافية باجرتصبحين صوتج كناري..
مشكورة خية ينطيج العافية تعبناج..حجت ماما
وانا لازمة بلعومي واكح..شكراا..
عدج العافية عيوني..
كمت لفيت شالي ومسحت عيوني كد البجي
ورمن ..
وتشكرنا من البنية وطلعنا..
بس يباوعولنا عبالك كائن غريب..
مدري طبعهم هيج او انا يتهيأ الي..
سلمنا ع امه وطلعنا طلعت ويانا للسيارة..
بالباب كلش واكفة السيارة جانت فان لان احنا
هواي ماتكفينا صغيرة..
المقاعد الورا مليانة ومخلين النا الكدام فارغات..
اول مادخلنا استلمنا البنات تأخرتو والولد كلساع يجي
ويروح ينتظركم..
سكتو من شافو اجه فتح الباب وصعد..
ياالله ..السلام عليكم..
وعليكم السلام..جاوبنا كلنا..
جا مابقيتو لحد مازفيناهم..
جاوبت مرت عمي..لا خالة بعد طريق طويل
ومانريد نزاحمكم عدكم شغل..
منا وبينا حجية تامرين امر..
الله يحفظك ماما ..
بعدها صار هدوء والسيارة تمشي ودموعي تصب ..
كل ماتسرع كل ماتسرع دموعي..
ماما حاطتني ع صدرها وتطبطب ع ظهري..
بس ماكدر استوعب خنين ابتعدت عني..
لحد ما وصلنا للبيت انا خويت من البجي..
فتح الضوا حتى ننزل..
اجت عيني بعينه..
غمض عيونه حيل وفتحها..
اباوع لماما انتبهت ..لزمتني من ايدي ونزلنا بسرعة..
للحكاية بقية

الشيهانة
الجزء الخامس
لزمت ايدي قوي ماما ونزلنا..
مع السلامة خالة مشكور تعبناك..
بخدمتج حجية العفو..
خادم ربك ..حجتها وهي تعصر بيدي ودخلنا
للبيت..
وبقية البنات راحو لبيت عمي ..
اول مادخلنا للبيت فتحت باب المطبخ ماما
ودخلت..
دخلت وراها وهي سدت الباب ومدت راسها جهة
الصالة خاف احد موجود..
ورجعت باوعتلي وحجت بصوت ناصي..
شاها صارحيني وجاوبيني بصدق ..عندج
شي وهذا؟؟
انا فركت عيوني وهزيت راسي..منوو ماما..
حيادر الي وصلنا هسه !
مستحيل ماما تدرين شنو انا ماتعرفيني يعني..
لان اعرفج اسألج..اعرف بيج نقية وماتعرفين
هيج ناس شتفكر ..
طول الطريق هو عينه عليج ويتنفس بحسرة
واخر شي من نزلنا اعتقد شفتي نظرته؟
معليه بي ولا انتبهتله تعرفين انا بيا حال..حجيتها
وبرطمت..
جرتني بحضنها وبقت تهدي بيه..
كافي بجي ذبلت عيونج حبيبة امج كافي ..
ولا تضوجين لان سالتج تعرفين اريد مصلحتج..
وخصوصا سمعت من نسوانهم يردون يخطبوج
واشوف امه تحوم عليج وانا مستحيل انطيج
لهيج عائلة..
بيت عمج عادي عدهم يمكن هم لخاطر حنين
تنازلو هواي..
بس انت وحيدتنا نريدلج واحد يناسبج..
اكيد ماما اخذ التختارو الي اعرف تريدولي
احسن رجال
واصلا تدرين بيه الزواج هسه ابدا ماريد ..
ماكدر ع مسؤولية هسه احس نفسي
مو كدها..
انشالله ماما كلشي بوقته حلو..
بعدها رحت لغرفتي اخذتلي ملابس
سبحت ودخلت بفراشي..
اريد اهرب من الواقع كلش احس نفسي مخنوكة..
خليت هيدفون بأذني وفتحت قرآن وغمضت
عيوني..
شوية حسيت نفسي وانا اسمع ارتاحيت
والضيق بصدري انزاح..
باوعت للساعة تعدت الثمانية..بقيت
بقلق عليها اريد اخابرها بس استحي..
تالي خابرت مرت عمي كالت اي خابرتني
قبل شوية الحمدلله امورها تمام..
تطمنت عليها وارتاحيت..
دزيتلها مسج..مبروك يااغلى الخوات
شنو الاخبار استحي اتصل ..
شوية وجاوبتني..يروحي وتوأم روحي
يوم الج وافرح بيج كل اخباري تمام
بس هسه ماكدر اخابر باجر تعاي وياهم..
واذا مااجيتي ازعل عليج للابد..
لج استحي بس لخاطرج رح اجي ..اعشقج
انا..
مجرد راسلتها ارتاحيت وكدرت انام بسهولة..
يوم ثاني العصر ماما وامها وهند وانا تحضرنا
حتى نروح ..
بس ماما متضايقة تكول ياريت ماتروحين
بس عيب من حنين..
انا فهمتها اصلا ماعاجبني اروح ..
بس هذا موقف ينذكر طول العمر اذا
مارحتلها.:
لبست قميص ابيض وبس ورد اصفر
شوية نازل من الورك
وبنطرون بيجي وترانشوز ..باختصار
بدلت مالي خلك هيج كاجول..
وصلنا محمد وكال انا راح اروح هنا للشط
ع ماتخلصون وخابروني..
دكينا الباب فتحه ولد عمره بالطعشات
بس نفس شمرتهم عاقد حواجبه ومن شافنا
نسوان ابتعد وومشى كدامنا..تفضلو
تفضلو ..
هند تكله ولك اوكف مانكهرب احنا..
مدري سمعها او لا بس خلتنا داخلين
وكاتمين الضحكة..
هم نظام بيتهم باب كلش واسعة عبالك
باب حصن ..
من تنفتح حديقة شاسعة وكراج ع جهة..
وبصف الكراج ديوان كلش كبير بي باب
ع البيت
وباب ع الشارع ..بس جان باب
الي ع البيت مفتوح والظاهر بس خطار..
دخلنا جوا بصالة مفروشة جلسة عربية
بيتهم كلش نظيف وريحة بخور وحرمل
طيبة..
اول ماكعدنا ..دخلت امهم ووياها بنية
شايلة صينية ..
ياهلا بالحبايب شلونجن بعد عمري..
كمنا وسلمنا عليها..وانا تشمني شم
وسألتني..شلونهن بلاعيمج..
لا الحمدلله حجيت بصوت واضح
صح مو مية بالمية..بس كلش فرق
واصلا ارتاحيت المهن راح..
عساج دومج طويبة حبيبة..
البنية سلمت علينا مرت اخو الجبير
منذراسما ام عادل..
كالو حنين بغرفتها هسه تنزل ..وبقو يسولفون
وامي عين على امهم وعين عليه..
شوية ودخلت حنين لابسة دراعة بيضا وبيها خرز
وتطريز احمر من كدام..
هي حنين جان ذوقها زين بس اشو هسه
صايرة تخبط ..يعني معقولة بشر
لخاطر اليحبه يتخلى عن ذوقه..
سلمت عليهم كلهم وانا اخر شي..
شبكتني حيل وانا بس شبكتها بقيت اشهك
بالبجي..
وامهم تكول مهو زين لا تبجن انشالله
تجرج وراها وتعرسين..
كعدنا انا وحنين وحدة الثانية ونسولف..
شكلج مفرفش ولج لئيمة ع فراكي لو عندج
بهادر بعد شلج بيه..
ههه لا ثنينكم احبكم مووت ..
اسم الله عليج حقيرتي باعي اريد اسألج..
قاطعتنا امهم ..شجاي تبشبشن جنجن فناجس..
ابتسمت مرت عمي..من صغرهن هيجي
وحدة ترهم ع ثانية..
اي واذا ربج راد يضلن طول العمر
مترافگات..
رحم الله والديج حجية..
بقينا نسولف شوية وخابرنا محمد اجالنا..
وماقبلو نطلع يردونا نتعشى بس كنالهم محمد
عنده شغل لان هم رادو يلزمون بي..
رجعنا للبيت وماما تكلي اخير مرة تروحين
بعد مانروح..
وانا اجاوب ماما انا مثلج هم مقررة هالشي
ليش تشغلين بالج..
مادري من شنو خايفة هي وهلكد تفكر تعرفني
ممفكرة بزواج..
مر هالاسبوع وجان عطلة حتى تبلش امتحانات ..
درست المواد والي ممسيطرة عليه لحيت بي..
يومية اخابر حنين لو اراسلها..بس مااطول بسرعة
واسده..
اكول عيب لان هي تةول خطار طول اليوم والاقارب
كل شوية يجون..
اليوم اول يوم امتحان جان عدنا نحو (grammar)
مادة اساسية وصعبة..
درستها وكعدت من ثنتين بالليل ومانمت جريتها
للصبح..
انا طبعي ب

الامتحانات انام بالنهار وادرس المادة
من الليل واروح بلا نوم..من ارجع انام..
المفروض اليوم حنين تداوم لان امتحانات
بس خابرتها ماجاوبت..
بلشنا امتحان وجاوبت جواب تمام..
وناوية بس اطلع اروح احاجي بهادر ع درجتي
لازم يغيرها لان هيجي ماراح انجح
وهم بطريقي اشوف حنين ليش مااجت..
تمشيت للقسم مالتنا..
رحت لغرفة بهادر ماموجود..سألت العاملة كالت
قبل شوية شفته يمكن راح لغرفة اللجنة
الامتحانية..
اشتريت منها عصير ووكفت اشرب
وانتظره..
شوية واجه..شافني من بعيد عقج وجهه..
تقرب..انا ذبيت العصير وسلمت..
مرحبا استاذ شلونك..مبروك..
عليكم السلام شكرا..
استاذ اجيت احاجيك ع درجتي ..
شاها كلمن اخذ استحقاقه ترى..
بس انا بالاشهر ناجحة..يعني ال١١ حتى مو نص
درجتي..
تجذبيني؟؟وبعدين شنو قابل غابنج؟؟
انت اليومي مالتج صفر لان ماعندج سلوك..
عفوا؟؟يعني شنو قصدك استاذ؟؟
شاها وكفتج هيج وتراددين راح تعم عليج..
احولج لمجلس تأديبي..ويلا روحي متيصير
تجين للغرف لا تتعودين ع هالشي..
عافني ودخل لغرفته!!
انا بسرعة دمعتي طاحت..
مو ضعف مني بس انصدمت ..حتى رجولة
ماعنده وكال بت عم مرتي شلون اهينها
هيج..
واصلا انا ماغلطانة لان طالبت بحقي..
بس الظاهر لازم اصير احقر منه
واروح لرئيس القسم اشتكي..
بالاول كلت عيب اقلل من قيمته واشتكي
بس امبين هو يريد واحد يقلل من قيمته..
مسحت دموعي ورحت للسكرتارية..
سلمت ع البنية وسالتها ..كالت عنده ضيف
خل يطلع ودخلي..
بقيت منتظرة يمها واحل بأسئلة النحو ..
شوية وسمعت صوت واحد سلم..وانا مدنكة عرفته
حيادر..
بقيت مدنكة سويت نفسي مشغولة..
رحبت بي البنية وكلتله تفضل استريح
اكيد تعرفه لان هم الاستاذة يعرفو
هو مقاول ومن يصير عدهم شغل بفترات
يجي للكلية باستمرار لحد
مايخلص شغلهم..
كعد هو وانا نفس وضعي مدنكة وادور
بالكتاب..
شلونج اليوم مجاوبة؟
صعبة اسئلتكم ..
رفعت راسي..جان كاعد وظهره مستقيم..
هو كلش طويل ورشيق ..
واصابعه اذا يسبح بيهم مرتين يطب للجنة
كد ماايده طويلة..
لازم السبحة بيدة وييفرك بالخرز..
جاوبته بخنكة لان اصلا مقهورة وحاصرتني
بجية..
لا مو صعبة بس مركزة ..الحمدلله مجاوبة..
موفقة ..
ابتسمت ورفعت كتفي بمعنى شكراً..
ورجعت دنكت ع الكتاب..
طلع الضيف من غرفة رئيس القسم..
باوعتلي البنية وكالت..
شغلتج تطول لو بسرعة؟لان هو ينتظر
استاذ حيادر..
ها ماعرف ..بس انا جاية اعترض ع درجتي..
يعني سعيج قصدج؟
اي بمادة المقالة عندي ١١ وانا شهرين ناجحة..
استغربت وكالت..راح انطي خبر انتظري
شوية..
بس راحت السكرتيرة..حيادر كام وكف..
شاها اكدر احاجيج شوية؟؟
نعم..
عوفي سالفة الشكوى مالها داعي لان راح
يشد وياج الاستاذ
انا اخلي بهادر يحاجي..
هو اصلا استاذ بهادر ابو المقالة..حجيتها ولزمتني
البجية..
مشى كدامي وكال تعاي تعاي..
طلعت وراه بالممر..
شنو بهادر وليش اذا ناجحة هيجي يسوي؟
بهادر ميطيقني ماعرف ليش..ويكلي
ماعندج سلوك حتى انطيج عليه يومي..
ليش هيجي يسوي وياي..
اولا لا تبجين ..وبهادر حاجيتي وشنو
كلج؟؟
كلي هذا استحقاقج وماكو غيره..انا اصلا
كلت عيب اشتكي عليه هو رجل اختي..
بس هو طردني من شافني انتظره
يم غرفته..
لا تنتظرين استاذ يم غرفته..انتظري
يجي للقاعة وحاجي ..حتى شنو يصير
الطلاب يكونون شهود وينصفونج ويشهدون..
مادري بس هي اول مرة اجي وحسبته
مو غريب يعني..
ماكو غريب انشالله وانت بتنا واعتبري
حقج راجعلج ودرجتج تغيرت..
شنو تردين تعاي واحجي وحاجتج مكضية..
امم ..شكرا هواي الك ..
باوعلي واومأ براسه بابتسامة..
ترخصت منه ونزلت..شكد فرق
بينه وبين ذاك الحقير المبهذل ..
لا اسلوب ولا جهرة ولا لبس جنه جنطة
مفتوحة وطايحات منا ملابس..
رجعت للبيت وبس اكلت نمت ..
كعدت تالي الليل كلش..
تعشيت وسبحت واخذت كتابي طلعت
بالحديقة..
فتحت فوني لكيت حنين مراسلتني..
راح تاجل امتحاناتها للدور الثاني..
لان هسه تعبانة وخطار وماتكدر..رجعتلها
براحتج والله يسهل ..ماردت اكتب هواي
خاف هذا يمها واسببلها احراج..
ورا امتحانين جان عدنا مقالة ..واحنا
كاعدين بقاعة الامتحان اجه بهادر..
كال العنده سؤال يسأل ..بس جانت الاسئلة
ماتنفهم اصلا..
الطلاب كلهم ضاجو وكاساع يحجون والمراقبين
يكولون كافي حجي..
تقرب يم الاستيج مالتي..درجتج تغيرت..
حجاها وتعداني يفتر يباوع للدفاتر مالت
الطلاب..
كلت بداخلي ع اساس مسوي فضل انت ..
اول مرة تلبسلك بنطرون مكوي عدل مابي
كسرتين..
كملت امتحاني وطلعت بوجهي للكافتريا
كلش عطشانة..
واكفة اشتري وشفت حيادر اجه..
تقرب وبس كملت الاشياء الاشتريتها
مد ايده ودفع فلوس..وباوعلي بنظرات
بمعنى لا تحجين شي..
اخذت علاكتي وكعدت ..هو جابله
كوب جاي وتقرب..
اكدر اكعد؟
تفضل..حجيتها وانا افتح العصير..
شلونها المقالة؟
تدوخ الاسئلة بس حليت ومجاوبة ..
تنجحين انشالله ودرجتج تغيرت..
اي كلي اليوم..حجيتها وشربت العصير
فد مرة لان كلش عطشانة..
هو صافن ولازم كوب الجاي بيده اليمنى..
لابس محبس بالبنصر ..شذرته حمرا مثل الد

م
متموجة..صارت عيني عليه هو والسبحة
نفس الحجر جنها..
شاها..
خليت بطل العصير ع جهة واخذت الكاكاو فتحته..
نعم..!
متضايكة من كعدتي يمج؟
رفعت اكتافي..لا بالعكس..اصلا قبل جنت اضوج
منك ..حجيتها وخليت ايدي ع حلكي..
هز راسه مبتسم..ادري ادري ههه المهم هسه..
ماتضوجين مو؟
لا يعني طلعت حباب حيل وراقي..
باوعلي بنظرات احسه يكول يلهوي ههه بحيث
نظرته حيرتني..
كملت الكاكاو وشريت ماي..
بالعافية ..
الله يعافيك ..
شاها انا كايم لان عندي شغل ..بس عندي
حجاية من ثلث سنين هي براسي..
فتحت عيوني باستغراب..
يابت الحلال شعرج يجيب التايه وانت حلوة..
وكل نظرة لو نغزة بكلب احد انت تاخذين
ذنوبها..
يابت الناس اليشوف شعرج مايع ويلاجي
الليل ..هذا ذنبه جيير وسالني انا عن هالشي..
كمت وكفت..رفع ايده بمعنى اوكفي..
لا تحسبينه تدخل ولا تحسبينه تحكم..بس
دامج صرتي بتنا يعني نمون..
وانت حرة والراي رايج..
من رخصتج وداعة الله..
راح مشى وانا رجعت كعدت..
اباوع الكافتريا قليل طلاب همزين
ولا اكيد منظرنا ملفت كمنا وهو راح وانا كعدت ..
بس زين ملتهين بكتبهم
ظاريد اخذ كتابي وانتبهت سبحته ع الميز..
شلتها ضميتها بالجنطة وبقيت صافنة..
حجي حيادر وياي مو طبيعي..
وتقبلي اله مو طبيعي..
مو انا الي جنت اموت منه واكره كلشي
يخص بهادر..؟
بس هو اصلا ماقصده شي يعني نصحني من باب
قريبتهم صرت..
زين يعني هيجي الشعر يغري ويكلي ضمي؟
استغفر الله يعني سببي الناس تتحمل ذنب..
بس اذا ضميته خاف يكول طاعتني!
لا لا معليه باليكوله المهم ماتحمل ذنب بعد..
للحكاية بقية

الشيهانة
الجزء السادس
خابر عليه السايق وكمت ..مشيت وانا
اتلمس شعري الطالع من مقدمة
شالي..
دفعته ليجوا وجريت الشال..ماتغطى عدل..
طلعت الفون وباوعت لروحي بالكاميرا..
عدلته ودخلته جوا..
استغربت شكلي..
اول مرة بحياتي اشوف كصتي طالعة ههه..
بس فعلا احسن ..اذا هذا الشي يخليني
اتحمل ذنب احد ..يولي بلاه..
وصلت للسيارة ودخلت..رشا كاعدة باوعتلي
من جوا حواجبها..
يبو كذيلة وشعر سارح وين كذيلتك ههه..
خية ضميتها حجيت وحطت ايدي ع حلكي..
رفعت حاجبها..والسبب؟؟
ماريد ذنوب..
عاشت ايدج احسن خطوة..ولو احس وراها ان..
لا ماطيع بشر انا بامور الدين..الا بكامل قناعتي..
اعرفج وردة انت شاها..
تسسلميلي..
وصلت للبيت واول مادخلت ماما بالمطبخ جانت
تنظف الخضرا..
الله يساعدج ماما..
التفتت عليه..ويساعدج ..شلو...كطعت حجايتها
من شافت شعري مضموم..
اللهم صل على محمد وال محمد..شنو هالحسن
هذا..
ها حلوة ماما..تقربت يمها وحجيت..
احلى بهواي..بس شعجب؟
سمعت كل واحد يباعلها ساخذ ذنب ..كلت
عليمن اتحمل ذنب غيري..
الله يهديج ويزيدج هدى ...الحمدلله ماما..
مسوتلج دولمة اليوم روحي بدلي وتعاي اكلي
حتى تنامين وترتاحين..
ايي رايحة..
رحت سبحت ولكيت ماما محضرتلي الغدا
كعدت اتغدا واراسل حنين..
بس راسلتها خابرت..
هلا برويحتي شلونج..
رويحتي يا يا تعلمتي كلمات جديدة ههه..
ايي هواي حجايات ههه ..
مدام هيج خل اسألج عن معاني كم حجاية..
بس بالاول شلونج شوضعج ..
احسن حال ماتتخيلين شكد مرتاااحة..ولو عمتي
شوية تغثني..
يمه ليش شبيها..
ههه عادي شبيج انت خوافة ..
ماتخيل اتزوج وتصير عندي عمة وتعاركني ..
بسرعة اخابر بابا واخلي ياخذني..
لا انا كدها واشرّد مااشرد..
صايرة خطيرة عيني..صدك اكلج شنو معنى
يلاجي الليل؟
منو هذا يلاجي الليل؟
شعري ههه..
منو كلج ولج..
حيادر ههه..اليوم اجه ولاكاني
بالكافتيريا..ودفعلي فلوس الحلويات ههه..
يااا وشلون تقبلين انت؟
لان بابا من قبل يكول اذا رجال دفعلج مايصير
ترفضي يعتبر عيب..
يعني عيب عليه اعتبر مقلله من احترامه..
وشنو كعدتو سوا ؟
ايي وسولف قليل بس كلي صارلي
ثلث سنوات ببالي حجاية..
واريد اكلج ياها..
يا يعني من اول ماداومنا ؟
اي اكيد لان احنا اول ماداومنا جنا نشوفه وي
بهادر يجي فترات..
صحيح بس شنو هالحجاية بلة؟
كلي شعرج يلمع ويلاجي الليل وهواي شباب
تتحمل ذنب بسببج..بس كلي انت حرة
والرأي الج..زين شنو يلاجي الليل؟
يعني كد مااسود يشبه الليل او يتسابق وياه..
يا ههه شكد حلووو ..
اي عيني حلوو طبعا اشوفج كلش تفكرين بي..
لا بس هو حباب واسلوبه راقي يعني مو مثل
رجلج جاف بالحجي..
اي رجلي مايدور نسوان هذا يجر البنات
بأسلوبه..
ليش بس اليدور نسوان عنده اسلوب قابل؟
شاها لا يغرج اسلوبه انا اعرفه هسه مو
معاشرته ..شكاك وبكلشي يحط
روحه حتى بالمسواك..
مادري اوي هسه شعليه انا ..اروح انام تعبانة
ميتة..
ههه روحي بااي..
كمت غسلت ورحت لغرفتي ..ببالي كلام
حنين عن حيادر ..معقولة هيجي
طبعه سيء بس يتلون !بس ماامبين هالشي
بنبرته من يحجي..احسه صادق..
طلعت سبحته من الجنطة ..مساع ماباوعتلها
خفت احد ينتبهلي..
سبحة حلوة ومميزة ..حجرها احمر ملفت
للنظر..
بقيت اباوعلها وجذبتني الريحة..عطر
بخور او عطر خليجي..احسه طيب
حيل..
بقيت حاطتها بيدي وصافنة شلون ارجعها اله؟
ومادري بي اذا يدري بيها موجودة
عندي او لا..
يمكن عباله ضاعت ومايتدكر نساها يمي..
قررت اخليها بجنطتي ومن اشوفه
انطيها اله..
بس شلون ومابقى بس امتحانين وتخلص
السنة!
يلا انطيها لحنين عود تنطيها
اله..
يوم ثاني عطلة عندي وراها امتحان..
داومت ولافة الشال عدل وضامة شعري..
الاحظ نظرات الناس عليه مختلفة..
حسيت نفسي جنت غلطانة..المفروض من اول
هيجي اضمه..
ارتاحيت لهاي الخطوة واحس نفسي
ممنونة لحيادر..
وانتظرته حتى انطي السبحة بس ما
لكيته..
اخر يوم الامتحانات خلصت من وكت
لان جانت مادة بسيطة..
طلعت من وكت كلش..خابرت السايق
كتله تعال عليه لان رشا تتاخر..اخر يوم
الطلاب كلها تتاخر..
بس انا ضجت وحدي ..وين جانت حنين
وياي نفتر ونتونس ومانخلي كلية
مانروحلها..
كعدت بالحديقة انتظر السايق..
دقايق وشفت حيادر اجه..
كمت وكفت..هو باوعلي وابتسم..
نزع نظارته ووكف..
صباح الخير..يحجي ويباوع لمقدمة شالي
وشافني ضامة شعري..
صباح الخير..حجيها وابتسمت بخجل..
عاشت ايدج كلش ارتب صرتي ..وشكلج
صار مهيوب..
امم شكرا ..
عندي موضوع وياج نكعد لو مرتاحة
بالوكفة؟
ها ..ماعرف كيفك..
جا خلينا واكفين ..
امم..
شاها انت تعرفين اهلي وبت عمج واختج
ماخذة اخوي..
وشفتيها مرتاحة الحمدلله..صح؟
اي يعني لان هم اختارو بعض
اكيد تكون مرتاحة..
اكيد الاختيار هو الاساس..
وانا اختاريتج من اول شوفة الج..
واظنج حاسة بهالشي..
ثلث سنين وانا صابر وانتظر..
تقبلين بيه اذا خطبتج؟
شنو؟حجيتها وغمضت عيوني..
رايدج حالي وحلالي..
ااا..انت سالتني قبل بهيج موضوع..
وعرفت رايي يعني كتلك ممفكرة بزواج..
سألتج اذا تقدملج احد شنو رأي

ج..
ماسألتج اذا خطبتج انا..انت حاسبتني حالي
حال اي احد؟
صح انت انسان مثقف بس مااريد ارتبط
يعني مو هسه..
واصلا اهلي ابدا مايقبلون..
بس انت واعية وشخصتج قوية يعني ماله
داعي تتخوفين من الزواج هيج..
بصراحة..ماافكر ارتبط باحد من طرف بهادر..حجيتها
وعضيت شفتي وباوعتله ..
عقد حاجبه وتنهد..شايفتني مثل بهادر؟
ابدا مو مثله..بس يعني ماكدر اتأقلم هناك
واصلا بهادر يضوج مني..حتى من يعرف بيك تريد
تخطبني مايوافقك الرأي..
انا ماانتظر رأي احد..شاها ..حجه واستغفر الله..
باوع بوجهي ركز نظراته بعيوني..
شاها..انا احبج ..
فترت عيوني وخليت ايدي
ع حلكي..ماعرفت شنو اجاوبه
انصدمت رغم جنت ادري بس
اخادع نفسي..
ماعرف شسوي هسه وشنو احجي..
ليش ساكتة؟انت مارافضتني..انا احس
بهالشي..
انت خام ماتعرفين تضمين..رجفة شفافج..
عيونج الذبلت ونظراتها تتهرب..
ذني كلهن دليل انت تبادليني احساسي..
لا ..ماابادلك شي..ماكدر ..اعذرني التريده
مرفوض ..وارتباطي بيك مو مناسب..
عن اذنك..
درت وجهي اريد امشي..
وكفني صوته..شاها رافضتني لو رافضة وضعي؟؟
درت عليه وحجيت وانا مدنكة..
رافضة الموضوع كله..
رفعي راسج وحاجيني..ببالج احد غيري؟؟
هزيت راسي ..لا..
ماترديني لشخصي؟؟
ماعرف..حجيتها ونظراتي ضايعة..
هذا هو براحتج مااضغط عليج..
مع السلامة..عافني ومشى..بقيت واكفة
اباوعله متحيرة..
انا شبيه..وليش ضايجة هسه؟
مو انا اصلا مااطيقهم كلهم هالعائلة!
بس لا هو يختلف..
ماعرف ليش بقست ابجي..دموعي تنزل
وماعرف سببها..
خابر السايق..مسحت دموعي ولبست
النظارة حتى لا يبين باجية..
رحت لكيته ينتظرني..صعدت وسلمت عليه..
نصى المسجل ..جان مخلي اغنية محمد
بوية محمد..
انا مااسمع هيج اغاني..بس هالاغنية كلش
احبها..
ابتسمت وكتله عليها..علاها وشغل التبريد
وجاي يمشي ..صارت سيارة حيادر
بوجه سيارتنا ..مسافة قليلة
عن الدعمة..
بس السايق عبره بسرعة وبقى يلوم
بنفسه لان ملتهي جان بالمسجل..
ضجت من شفته وخفت..اول مرة اخاف
من واحد غريب صايرعصبي..
بالعادة بس من اهلي اذا تعصبو اخاف..
بس حيادر وعقدة حاجبه وعيونه الي دوم
ضاحكات احس هسه بيهن شرار..
لهيت نفسي بالاغنية..بس لحكت ع اخر كلمات..
كتله عيدها اريد اسمع ..عادها من جديد
وانا مركزة وياها واردد وي روحي..
يمحمد خاف من الله ..يمحمد مو هذا الله..
واردد وياها ومبتسمة..
تالي صفنت لروحي كلت شبيه تخبلت..
خلصت وطلع وراها اغاني ثانية
هم ريفية بس مانتبهت..
وصلت للبيت وبسرعة بس سبحت واكلت
رحت نمت..
كعدت ب١ بلليل..شبعانة نوم كلش..
رحت سبحت وصبيتلي اكل..
فتحت الT.Vوخليتلي فلم..
وجبت الفون مالتي فتحته..رسائل كومة من
كروبات الاقارب والصديقات..
اني عندي صديقات هواي بس رسميات
الوحيدة حنين هي اختي وروحي..
لكيتها مراسلتني وكاتبة بذات ناسيتني..
باوعت للساعة ماترهم اراسلها ..
ضجت وتذكرت قبل اني وياها نخابر
الفجر لو بنص الليل عادي..
لو تجي تبات يمنا او ابات يمها..
للحظة اجه ببالي طلب حيادر..
وربط عقلي انا رح اكون وي حنين
بنفس البيت..
بس طردت هالفكرة من راسي..ماريد
افكر بهالموضوع..
بقيت كاعدة اباوع فلم وسويتلي لبن حتى ارجع
نعس..كلش ملل وحدي..
اخواني بغرفهم وامي وابوي ينامون من وكت..
مليت اخر شي ورجعت للغرفة..
تمددت وغمضت عبوني..
وتذكرت ماانطيته سبحته يااا..
اخذتها من الجنطة وخليتها بيدي وتمددت..
ماعرف شنو مخليني الزمها وليش العطر
من اشمه اشوف حيادر كدامي ..
بقيت العب بيها الى ان غفيت..
كعدت الصبح ع صوت امي..
فتحت عيوني لكيتها واكفة يم فراشي..
كعدي مو تريد تروحين للسوك اليوم؟بس نبرتها
غاضبة..
كعدت لحيلي وتذكرت السبحة عزااا..
باوعت بصف الجرباية ماكو..هي باوعتلي
ورافعة حاجبها..
ليش هاي السبحة عندج؟؟
ها ماما مو ..
مو شنو؟؟
سبحة حيادر ؟؟؟ونايمة وهي يمج ع جربايتج؟؟؟
شمرتها بوجهي فزيت ورجعت ليورا برعب..
نزلت دموعي وحجيت..بس افهمج ماما..
ماقصدي اخذها بس نساها يمي..
وشعده يمج اصلا هااا؟
ولج واثقة بيج واكول تربية ايدي..وحاولت
قدر الامكان ايعدج عن هالعائلة..
ادخل لغرفتج الكى سبحته بحضنج وانت نايمة؟؟
عفتي الناس كلها رحتي لهذا العربي؟؟عائلة
مشكلبة وماتنحمل..
وحسيت بي وكتلج اكلج بعيونه اكل طول الطريق..
وتكليلي ماكو شي؟؟تحجي وتصيح ووجها
صار احمر وعيونها تخزر..
وانا ارجف وماعرف شجاوبها..
جمعت الحجي بالكوة وحجيت..
مابينا شي ماما بس فهميني ..هو خطبني وانا
كتله لا..
وفوكها رافضة الخطوبة؟؟عاجبج تديحين وياا
ولج تريد تموتيني؟؟؟
للحكاية بقية

الشيهانة
الجزء السابع
ماما ولله مارايحة ويا ولا بينا علاقة..
بس خل افهمج فدوة..
فركت وجهها وحجت باعصاب..احجي كلشي
لا اكطع النعال عليج هسه..
لا عفية ماما لاا تضربيني الله يخليج..حجيتها
وانا ارجف..انهاريت لان اول مرة امي تتصرف
هيجي وياي..اعرفها عصبية وقوية وبوقت
تتعصب نبقى نرجف منها..بس اول مرة
انحط بهيج موقف..
هسه تحجين لو احط الحجاية بحلك ابوج واخوانج؟؟
حجيت برجفة وانا اريد انطق ماكدر..
جريت نفس ومسحت دموعي..ماما هو مرتين او ثلاثة
حاجاني..
بس مو شي شخصي ابد وغلاتج ..حجيتها وبجيت..
عوفي البجي وكملي ..
اي هو ساعدني ع مود الدرجة لان بهادر حاطلي
مو استحقاقي..
وليش ماحاطلج درجة زينة؟؟
ماما مو تعرفي يكرهني ..
اعرف عايت ذيج الكصة وانت غير تكليلنا
جان ابوج راح حطه عد حده..
بعد هي صارت صدفة وعرف حيادر وساعدني
وامس ..اجه..
اي واجه شراد؟
خطبني وكال انا ..
يحبج؟؟
هزيت راسي وانا مدنكة..
اي ادري بي حاط عينه عليج وامه تلوب عليج
ونسوانهم يكولن هاي التريد تخطبها ام منذر..
حاولت ابعدج عنهم لان مايناسبوج..
ماما انت مدللة وعشتج تختلف..يعجبج تصيرين
مثل حنين؟؟تسولف امها تكعد الصبح وتخبز
وياهن وطول اليوم كراب ومخطار طاب طالع..
تتحملين هيج عيشة انت؟؟
هزيت راسي ..لا ورفضته اصلا وكتله طلبك
مرفوض..
وشلون اخذتي السبحة؟
نساها وراح كلت خطية تبقى ..بس كلت من
اشوف حنين انطيها الها..
لا خليها يمي وانا اتصرف..وحجيج راح
اخذه راس مال واصدك مابينكم شي..
بس اذا عرفت مجذبة عليه يا شاها الكلية تنسيها
وازوجج لاول واحد يخطبج..
بس ماانطيج لهذا المتخلف فاهمة؟؟
هزيت راسي وسكتت..هي طلعت وخلت الباب
مفتوح وراها..
انقهرت لان انهزت ثقتها بية..
قررت اسد هالموضوع نهائياً وماافكر بي..
ماريد ماما تبقى تشك بيه واصلا انا فعلاً
مااتوافق وياه ولا اكدر اعيش
عيشته...
رجعت غطيت راسي بالللحاف وبقيت
ابجي..
مر وقت شوية وصاحت عليه ..شاهااا..كومي
تأخرنا صارت ظهر..
كمت غسلت وجهي ورحت لكيتها بغرفتها..
باوعتلي وهي تلف بحجابها..
شمنتظرة مامبدلة؟
مابيه حيل ماما ماريد اروح..
روحي بدلي وتعاي بسرعة..
ماكدرت اجادلها..رحت بدلت واجيت..
طلعنا وهي ساكتة..
لحد ماوصلنا للسوك وحاجتني..
لا تبقين مغيمة..حجيي وياج لمصلحتج..
ولو جان غير واحد مااتصرف هيج..
بس هالعائلة تنسيها وتنسين شي اسمه
حيادر..
ابد ماافكر بي بعد بس انت لا تزعلين مني
ولا تفكرين..
لا مخلية ثقتي بيج بس اخاف من هيج اشكال..
ابن العرب اذا رادله واحدة يسوي الممكن
والمستحيل حتى ياخذها..
بس مدام انت رافضته ممكن نخلص منه ..
تطمني ماما وافضته وبعد اخر مرة نحجي
بهذا الموضوع..
عفية عليج هيج اريدج..
كملنا مسواك ورجعنا اخذنا بطريقنا
غدا..
لكينا بابا ومحد جايين..
كعدنا تغدينا بس بابا مرتين سالني شبيج
واكله نمت هواي تالي كال امبينة مشتاقة
لحنونة تردين ناخذج..
ماما بسرعة جاوبت..لا هالايام يعزموها
اهلها وتشوفها ..
شكد فرحت من سمعت هالايام يعزموها
بس هي ماكالت يمكن بعدها ما تدري..
ورا ماخلصنا اكل رحت لغرفتي..
لزمت الفون راسلت حنين شوية وجاوبتني..
حجيتلها الصار وعن خطوبة حيادر وماما
شافت السبحة..
بقت الوم بيه وتحجي عليه وانا غلطانة وتصرفي
غلط..وانا اعرف تصرفي غلط بس جنت
اريد ابرر لنفسي..
سالتها ع العزيمة كالت عكب باجر..
فرحت كلش وحتى الضوجة راحت..
كمت وكفت كدام المرايا..كصيت كذلة
قصيرة وشسورتها ..
سويت شعري كرون صغار لان اصلا كلش قصير..
لبست بجامتي واخذت الفون وتمددت..
غفيت شوية وحسيت حركة بالغرفة..
فتحت عيوني لكيت ماما جايبتلي كاستر
عبالها كاعدة..
ها نايمة ..ابقي كملي نومتج عبالي كاعدة..حجت وهي
تخلي ع الميز..
لا شوي غفيت ..عاشت ايدج مشتهيته ويا جلي..حجيت
وانا اكوم..
اي صبيت فوكه جلي..
تقربت منها وحضنتها واعتذرت..
واخذت ماعوني وطلعت اكلت وياهم..
مرن يومين وصارت عزيمة حنين..
رجنا من الصبح لبيت عمو..حضرنا
الاكل والحلويات وجهزنا كلشي..
جانو عازمين حنين وبهادر وامهم وابوهم..
ماما مثل المحتارة بوجودي هناك..
لا تكدر تمنعني اروح ولا ترتاح لوجودي
وياهم..
اول مااجو هم كعدو بالاستقبال وحنين اجت
يمنا بالمطبخ..
امي وامها جوا يمهم وبس هند بمنا..
هي تقربت يمي وتسولف..
شاها تدرين حيادر رح يخطب..
فتحت عيوني ع وسعهم واحس نغزة بقلبي صارت..
يخطب منو!؟
بت خالته من قبل رايدها وكالو يمشون عليها الخميس
الجاي..
يعني هو كال؟يعني طلب منهم يمطبوله..
اي كال لعمتي روحو خطبوها كافي هواي انتظرتها
وهي تتعزز..
عاد عمتي خابرتهم كالو قابلة..
اختنكت من حجي حنين وانقهرت..ليش مسوي
نفسه يحبني ومستقتل عليه؟؟
ليش طلع حاجز بت خالته وانا يمكن رايدني
بس لعب ودخل بدرب الخطوبة حتى
يطيحني بشباكه..
لزمتني البجية وماعرف اكتم بجيتي انا ابد..
امسح دمعتي وتنزل..
اخذتني للحمام غسلنا وبقت تحقق وياي
ليش ضجت وشنو احبه كتلها لا بس انقهرت لان
نصب عليه..
حاولت تغيرلي الجو وكالت امشي سلمي عليهم..
لبست كاب فوك البنط

رون مالتي والبدي
الاسود النص ردن ..ولفيت شالي ودخلت..
دخلت سلما وابوهم جاوبني هلا بوية..
امهم بوستني وتهلي بيه..
البنية الوياهم نفسها امينة الدهنت بلاعيمي ..
مرت ابوهم الثانية..هم بوستني واسلوبها
كلش لطيف وهادئة..
اما بهادر اصلا مارد السلام..
كعدت شوية وماما يبستني بالخزر مالتها..
بسرعة كمت رحت للمطبخ حضرنا الميز
بالصالة..
ورتبنا كلشي حتى بس ياذن نصب..
وي الاذان بس صلو ..
احنا حمينا الاكل ونريد نصب..
دخلو نسوانهم للمطبخ..كالو نساعدكم بس ماما
ما قبلت واخذتهم للصالة..
واحنا ننقل الاكل..
لحد ماخلصنا واباوع لماما وجهها احتقن ..
كعدنا كلنا سوا ع الاكل وبابا جان موجود هم..
وشكله هم ضايج..
اكلت لكمتين وكمت بسرعة..لشوية حنين لحكتني
وهند قبلها..
بس حنين بقت نفسها تلعب وتلوب..
راحت للحمام ركض وسدته..
سمعتها تتقيأ وماتقبل ادخل ..تدري بيه اذا شفت
احد تقيأ كدامي اتقيأ ويا ..
بقيت ادك بالباب شوية وطلعت..تنشف وجهها
بالخاولي وفحطانة..
لج شبيج حتى مااكلتي شي بس لا تسممتي؟؟
حجت وهي تمشي للمطبخ..
لا بس شاكة حامل بعدني ما متأكدة..
ضحكت بسرعة وشبكتها..وهي تكلي بعدني
مامتتكدة..
كعدتها ماخليتها تشتغل..وانا وهند نغسل مواعين
وهي تسولف يمنا..
بس نص حديثها غفلت عنه بصفنتي بحيادر..
حذرتني منه وكالت ابو نسوان بس ماصدكت..
بس ابد ماامبين عليه..
زين ليش مقهورة انا!
مااعرف بس احس قلبي واحد واكف ويدوس
عليه برجله ..
حاولت ماابين بس مااكدر..وانا تفكيري ازدحم
بقفلة امي وابوي لو خطبة حيادر لو شنو بضبط
ماعرف افكر بعد..
شوية واجو جابو المواعين واخذو الجاي..
ومرت ابوه بقت يمنا ماقبلت الا تساعدنا
بالمواعين..
انا جاي امسح الكاونتر وصاحو ع حنين
زوجها يريدها..
بس دخلت مرت ابوهم باوعت لهند وحجت..
اكلج حبيبة فدوة لعينج بس شوفي اذا خلصو
جاي نصبلهم بعد ..لان الشيخ يحب يشرب
ورا السمج فد استكانين..
ركضت هند..اي تدللين صار..
بس طلعت باوعتلي وحجت..شاها ليش رفضتي حيادر؟؟
استغربت..امم هو يحب بنت خالته وخطبها
انا شنو؟؟
انت اوله وتاليه..حيادر يريدج الج..ويحبج
من اول ماشافج بصف الاول..
يعني ماخطب؟
لا مايخطب اص.. قبل لا تكمل اجت هند جابت
الاستكاين ..
هي حولت بسرعة..عادي كل مايطكن انا ادهنهن
الج تدللين بس تعاي..
وهند شاركتنا الحديث وبقت تحجي عن بلاعيمي
شون اخذلي ايام صوتي يختفي..
لحد ماخلصنا ودخلو جوا..بقينا بس انا وهند
بالمطبخ..
اجت امي بسرعة..
شاها لبسي وروحي للبيت بسرعة..
ها ماما شنو صار..؟
ماصار شي..ودعي حنين وروحي للبيت
فاهمة؟؟
اي اوكي بس صيحي حنين..
راحت صاحت حنين واجت..توسلت ابقى
كتلها اتلفت ماي من المواعين صرت زفرة
رايحة اسبح..وهي تدري بيه
نحسه من اقل ريحة الزم الحمام ..
ودعتها ورجعت لبيتنا وانا التفكير ذابحني..
اكيد حيادر حجه كدام حنين يريد يخطب
حتى يغيضني..
ومرت ابوه باعتبارها تعرف اسرارهم وكشفت
جذبته..
بس انا ليش فرحانة! بس صدك مرت ابوه
شلون تعرف بي يريدني!
زين بعني علاقته قوية بيها..
اشو حنين تكول ميحبوها ودوم عرايك!
لا صدك دخت وماعرف راسي من رجليه..
سبحت وطلعت للمطبخ سويتلي جاي وكعك
لان مااكلت بالغدا..
توني كاعدة اكل ودخلو ماما وبابا..
بابا دخل للبيت وماما جرت الكرسي وكعدت يمي..
بقت صافنة عليه..انا دنكت بسرعة..
تنهدت وكامت..
انا شلت ماعوني ودخلت..
لكيتهم كاعدين بالصالة..
كعدت يمهم ..بابا باوعلي وحجه..
ذول صدك ماعدهم منطق ولا ذرة عقل..
باوعتله ماما جنها ماتريده يحجي..
هو باوعلي وحجه..
تدرين خطبوج من عدنا؟
انا هنا خرطت رجليه وبدت ..
هه ضحك باستهزاء..رجال متزوج وعنده ست اطفال
يخطبون اله بنيه بالعشرين ؟شنو
هالعقل التنك هذا..
للحكايةبقية