اسمه محمد
هههههه مدري اضحك مدري ابجي
لجن انه جكد جنت غبي٠٠٠بس يكلون الدم يحن يمكن هذا السبب
الي خلاني اامن اله واخلي يدخل البيت ويسوي الي سواه
المصيبه والطامه الي اكبر
واحنه جاعدين نسولف بعد ماطبينه جوه وجدي سولفلي كل الي سواه ابوي بيهم
وانه هم انطيتهم العذر٠٠٠ بس مو مال يخطفون خيتي
وهاي وحدهة وراهة فصل وكاتل ومكتول بس
الخاطر امي يطيح كلشي
واحنه مهما يكون بينه دم ولزمن الگلوب تتصافه
وانه من جهتي
راح اصير واسطه خير بين ابوي وبينه
وجدي بس يصفن علينه وعيونه تدمع ومدري شيكول بگلبه بس اشوفن شفایفه تتحرك٠ ٠٠٠ كل شويه يا يحضن امي ياا انه
المهم
من طب خالي الثاني جعفر انه هنا
صدك صدك
غميت روحي
اشلون ماعرفته
خالي جعفر يشبه امي حيل
الي يشوفهم يكول توم
والله وطلعت انه اكبر غبي بعد ماجنت متصور روحي ذيب شلون خطه جهنميه رسملي ٠٠٠
كتله الي يتشفعلك الهديه ٠٠ كلي شلونهة ؟؟
كلت احلى هديه
جعفر
طاح الزعل 
ابتسمت شكله بعد ماكلي جدي
جدي
لا تخاف اختك مثل بنتي وهيه هنا بلبيت روح اسألهة اذا ا احد جاسهة بطرف
علي
اخذت المفتاح وفتحت الباب
بعد مادلاني عليه
شفتهة كاعده وكدامه تلفزيون مشغلته ولفات وعلب ببسي  وكرزات
ضحكت من تذكرت امهة وهيه مكطعه روحه عليهة
خل تجي وتشوف 
طيبه
بس شفت اخوي كمزت عليه حضنته
جنت خايفه لا محد يجي
ولو همه مااذوني وانه الي ظليت اسب والعن بيهم
الحد ماهددني
الولد الي خطفني
يرميني بطلقه ويشمرني باقرب حاويه 
انه من شفت عيونه شلون حمره ويهدد كلت بگلبي
هذا يسويهة
عاد هديت شويه
الشايب كال شغللهه تلفزيون وروح جيبلهة اكل وحلويات لا تقصر
جعفر
شنو القصه بويه
بس عوز ادكلي روح حضرلهه النرگیله۰۰۰
لو كل الي ينخطفون هيج جان العالم امنت اوو
خلصت من بناتهن
الشايب
صار اعصاب صاح بي روححح لا اكسرك سوي الي اكلك عليه ولا تحجي هواي ودوخ راسي
هو عاد طلع بس طالعه روحه
ظليت ابجي لحد ما  ما فهمني هوه مرايد شي غير يرجع
بنته الي هيه ام علي وابوي معرت بيه
وكل الي سواه لجل يرجعهة
وبعدهة
كلي
اخوج علي خابر وراح يجي ويجيب بنتي وانتي ترجعين الاهلج
انه بوكته ارتاحيت شويه ولو بعدني خايفه من ابوي وعمامي ليجتلوني
السالفه موشش هينه عدهم
بعد مادخل اخوي علي
ضميته فرحانه راح ارجع
وطمني انحلت السالفه
مدريت  ربي يريد يعاقبني علي سويته الا بعد
ماكاظم هد علينه وجايب عمامي
مدري منين عارفين بسالفه الخطف وجايين يردون يذبحوني ويفصلون اجداد علي اخوي
*
علي
رجعت  طيبه او والدتي وياي بعد مااقسمت لجدي  اجيبه كل جمعه نبات يمه
وحلفتله ابوي
مرجعهة  على ذمته
خطيه والله يكسر الخاطر  ٠٠ اعرف كبر المصيبه الي سواهة بس عذرته حبه الامي خلاه ميتحكم بتصرفاته
رجعت طيبه الامهة وكلت هذا هو نحلت
بسس منين انه الظاهر ممكتوبلي ارتاح
منا
الي شالعه گلبي ومراضيه تلين وشما اسوي بعدهة
مطنكره ويابس خشمهة ابوي وجدي الي جانت واصله وياهم ثارات ٠٠ هم مسووا  سوايتهة
بديت امل من تصرفاتهة شكد مااعتذر واحاول اتقرب
تجرحني اكثر
اشك هيه حبتني بيوم
كل كلامهة جان جذب ٠٠٠ لون بس تمرضت تركتني
وصارت حجتهة  متكدر تنسى الي صار بيهة
صار يادعاء  براحتج حكج٠٠٠ مالومج الحب موشش جبر ولا كوه ٠٠٠٠
  براحتج٠٠٠ وصدكي بعد مااوصل ولا اتوسل
بديت اخذ دوايه وجسمي يستجيب للعلاج
والحمد لله ورجليه اليسرى احس بيهة من ادوس عليه توجع ٠٠٠٠
خابرت
الدكتور كلي يرادلك
مساج طبيعي يعني تدليك وهذا الا بغداد ولزمن اروحن اسبوع لحد ما اتحسن
بعد اسبوع من سالفه الخطف
قررت اروحن لون انحلت السالفه بين ابوي وجدي والحمد لله
جنت  قريب من المطبخ
اصيح
فاطمه تجي تحضر الجنطه
وتخليلي ملابس مال اسبوع
شفتهة اهي وياهة تسوي زلاطه
والبنات كل وحده لازمه شغله
علي
فاطمه خيتي خلصي الي بيدج وتعاليلي لون اريدج
تحضريلي جنطتي
اشوفهة وكفت عن الثرم تريد تسمع
دعاء
تفاجئت من كال ارد اروحن البغداد وهل الايام روحاته كثرن  بحجه مريض ويتعالج
بديت اشك يروح للعلاج .
خصوصا من سمعت اهو مشتري بيت هناك
واسمع من امه وهيه تحجي عن وحده بغداديه اسمهة ساره اداري بيهة واهي حيل تحبهة
ضجت حيل ومااعرف ليش بس نار تشب بيه من اسمعهم يحجون عنهة حته الشيخ
حسين يمدح بيهة
اليوم
صاح فاطمه واحنه بلمطبخ تعوف الي بيديهة وتحضرله الجنطه
يريد يبقى اسبوع بحجه العلاج
بسيطه شكو بيهة انت روح وانه هنا اظل اكل بروحي
علي
دك موبايلي
رقم ام ساره ٠٠٠ كلت بروحي اكيد صاير شي همه ميخابرون يمكن خالهة اندل مكانهم  لان بذيج روحتنه جان مراضي على كعدتهم وحدهم
والله هذا عجيب ان كعدوا وياه صارن عاله عليه ٠٠٠ طردهم وان كعدوا وحدهن صار ن عار عليه 
شنو من زلمه هذا
شلت الموبايل
لن صوت  ساره
انه هنا كلت ضني ابمحله خالهم متعارك وياهن وهل تخابر تشتكي
صحت بصوت عالي الكل سمعه
هااا ساره خيرج 
ساره
شيخنه شلونك شلونهة صحتك
علي
شفت الكل يباوعلي ومراقبني
واهي

اباوعلهة
كاظه السجين وتضغط على التخت  جنه تطعن بي طعن وعيونه تخوزر
وانه جاوبت منصي
الله يسلمج زين  والحمد لله انتم شلونكم امج خو مااحد ضايقكم
اذا خالج اجه كوليله
انه جاي باجر واتفاهم وياه  ويصير خير انشاءالله
ساره
لا شيخنه خالي اجه وامي كلتله الشيخ رايح يجي
وهو يتغاهم وياك
علي همست وانه اباوع للعيون الي جدامي شلون مخوزره بودهة تجيت علي
كتلهة
منين عرفتي انه جاي
ساره
الشيخ حسين خابر الحارس نحضر المسواك والبيت
لان راح تبقى اسبوع
علي
اي صح ابقى اسبوع
ساره
هله بيك بسس  ردت اسأل قصدي٠٠٠٠ امي تسأل شتحب انسويلك على الغده باجر
  علي
بويه شما تسوون من ايدكم طيب لون نفسكم طيبه
علي
انه هيج حجيتةماادري الا واسمع صرخه دعاء والبنات وراهة
لن
ماخذه اصبعه وثارمته واهي تثرم
مااعرف غلقت الموبايل لو لا خليته بجيبي ورحت ليهة
وهي تبجي مثل الجهال الصغار
اخ يعيونهة ماتحمل اشوفهن هيجي  ينمرد گلبي
علي صحت
جيبولي الشاش والمعقم بسرعه
دعاء
عفته وسلمته ايدي وانه مثل الجاهله ابجي والله موش من الجرح من الي سمعته طكت روحي متحملت اتذكرته يخوني وياهة وتخيلتهم ٠ وهمه كبالي
وجرحت روحي
ياضيم گلبي معولت خلصت من الحيه ادور اجت هاي بت بغداد
اكولن٠٠٠٠ مايباوعلي ابد صاير ولا يتوسل مثل قبل
ثاري شايف غيري
مايتوب  ابن نسرين كل يوم هبطه اقوى من الي قبلهة
اووف ياضيم  گلبج يادعاء
علي
بعد ماضمدت الجرح 
جان كلش غميج شلون جارحه روحه الخبله نزفت هواي وانه ماتحمل اشوفهة هيج اتخبل ٠٠ متحملت كتلهة
شوف النسوان المعدله ٠٠ تطبخ اشكال والوان وانتي زلاطه مادبرتيهة
شفته تعصبت جرت ايديهة مني
دعاء
متحملت يمدح بيهة جدامي
جريت ايدي وكلت
شعندك باقي يمي روح للنسوان المعدله انه مافيدك
علي
حقج بويه حقج انه صوجي ظال اتوسل وجن  الله الي خلقج ماخلق غيرج
دعاء
اتخبلت من جوابه هاي بدال مايواسيني وياخذني الحضنه
بديت اكل بروحي حته غده مشتهيت
صعدت الغرفتي وانه افكر شلون اخلي يبطل يروح
**
حميد
كعدت انه وابوي ومرتضى نتشاور شلون نجاوبهم
في حال اجو
بعد ما كملت
الاوراق كلهة٠٠٠وصار كلشي  جاهز
المحامي الي سلمنا القضيه
دز علينه يم القاضي وعقدنه٠٠٠ زهره صارت زوجتي
شرعا وقانونا
بعد ماعدهم اي حجه ياخذوهة
بقت بس الزفه
زهره كل شويه تخابرني خايفه
وانه اطمنهة
حميد
يابعد روحي انتي ليش خايفه بعد ماعنده
اي حق يطالب بيج
ايغير احسب الله مخلقه انتي صرتي زوجتي امام الله والقانون عليمن بعد خايفه
زهره
هو انهزم لجل ينفذ تهديده
حميد
وانه منتضر خله ٠٠٠اشوفن شلون ينفذ تهديده٠٠ بعد روحي
افرحي ولا تخلين يكدر علينه ويخرب فرحتنه
هاي الي  جنت اتمناه عمري من وانه صغير اريدج الي واليوم اتحقق حلمي لا تضوجيني بداعت العزاز
زهره
هو ياهمه العزاز غيرك ٠٠ انت اعز من روحي عندي
حميد
اييهه
ابقي هيج سمعيني طربيني هذا الكلام الحلو والي اجه بوكته موش اخافن ماادري شني
زهره
بقينه واحد يتغزل بلاخ الحد ماغفينه ونمنه وهاي كل ليله هيج
مرتضى
حميد
الزفه لازم تكون بحضور الكل اعمامنه وعمامهم وانه بلغت راح تصير الجمعه الجايه
رضى
بلغت الشيخ حسين وابنه
مرتضى
اي بويه خبرته والشيخ علي كلي
عندي روحه البغداد وانشاءالله اجي الجمعه
رضى
الله يتممه بلخير
****
مرتضى
بعد الي سوته ايه وشفت الصور اتخبلت النذل طلع مصورهة بلمطعم واهي ماتدري
غبيه كرهتهة متحملت رجعت ضربتهة
وكتلهة ترحين الهلج واتذبين الصوح بيج انتي مرايده مو الكاج باجر جايبه ابوج وجايتني
ايه
اشكد توسلت بي بس هو جان كلامه واحد
مااريدج بعد اطلعي من حياتي اذا بقيتي اكرهج اكثر
وااذيج
ليش اخش بخطيتج يابت الناس
ارحملج وارحملي ترحين الهلج وكلمن يشوف طريقه
ولتكلين مني الصوج كل الي صار منج ومن ايدج
ورقتج توصلج  وانه اعرف كلش زين ٠٠٠٠مو حامل
حافظي على ماي وجهج ولا تشوفينياه بعد
اما بلنسبه للولد الي اسمه عصام
خابرتني حنين تسب وتغلط طلع صاحبهة وتريد تجمع فلوس حته يجي يخطبهة
وبراس من براس الزواج
امثال ايه وغيرهة
كتلهة روحي شوفي بفلان مستشفى مكسره الج وكليله عندي عليه دليل يخلي بلحبوس
  ساعته
تنحرمين منه طول عمرج
وحلمج بلزواج منه مايصير هذا اذا ما كلت الهلج علي تسوي من وراهم واذا جان عدهم شويه شرف تهزههم السالفه وياأما يذبحوج لو يزوجج الغيرهة
ويطمون عارهم
فاحسنلج  روحي وحلي مصيبتج وبعد لا تندكين بيه
غلقت الموبايل
وبعد مخابرت
يجوز توبتهة ويجوز سكتت وضمتهة الي
وانه جاهز للحرب يمته تريد هيه والكيكي مالتهة
وبديت اجهز روحي الزفتي انه وحميد الي قررنا
الجمعه الجايه
*
يتبع

بارت ٤٤
دعاء
صممت اله أخلي ما يطلع٠٠٠٠٠ اليوم ياانه ياروحته ال بغداد
هاي الايام كثرت روحاتك يلشيخ٠٠ هدور سالفه المساج الطبيعي  هاي منين طلعتلي
ساره؟؟؟ سالفتك مووخاليه اكيد بيهة انه٠٠٠٠
الي خبلني ٠٠٠٠ كل شويه تليفونه يدك ٠٠٠يمد ايده بجيب الدشداشه   اوو
يتسحب مثل الحرامي ٠٠٠ 
الفار كرض  عبي كرض  مو بس لعب ٠٠٠
اخخخ بويه لو بس اشوفنهة  جا ارتاحيت٠٠٠٠
احلى مني ؟؟ اصغر ؟؟ بيضه حمره شكره ٠٠٠٠
لا وكل شويه تخابره ماتستحي ؟؟ماتخجل مادكول زلمه متزوج وهيه بت بعدهة ماتخاف على سمعتهة ؟؟؟ وينهة امهة عنهة ؟؟،
هاي شبيه ؟؟يمكن امهة مكيفه عليهة وتشجعهة
وين لاكيهة
مال اوو جما٠٠٠٠٠اووف يگلبي هدور كلما يروح يبدل ويكشخ جنه عريس بيوم زفته
بديت بقلق تعبت اسأل روحي واجاوبهة ٠٠ اكلت  اضافيري من القهر
  تاخذني حسبه وتجيبني حسبه
يجوز  صاير شي بينهم مثل خطبه زواج لا مو يجوزن اكيد
هل تحاجي بكل صلافه لا كالت عيب خافن حرمته
تضوج تغار لا وهو ماخذ راحته وياهة
ولا جن انه موجوده بحياته حامل باابنه٠٠٠
والله ان طلع ظني صح لا افلش البيت على روسهم
شني لعبه بيديه انه يضحك علييي٠٠٠٠لا الي يموتني يقشمرني بهل الكلمتين 
( يابعد روحي وام اوليدي وانه احبج ومااكدر بلياج )
عليمن ياالجذاب
مادرت وجهي اله وجبتلي مصيبه  ٠٠٠٠
زين انه عليمن خابصه روحي ٠٠٠٠
خله يولي ٠٠٠ خل تاخذه وتشبع بي هيه بس تعرفه على حقيقته اكيد تشرد منه بليله  ظلمه٠٠٠ هذاااا ابووو العقد ٠٠
دعاء
هذا هو قررت ماافتح هذا الموضوع اغلقه نهائيا
بس ٠٠٠٠٠٠٠
الي صار بعدهة خلاني مو بس افتحه لا واعلن الحرب وياه
اجتني فاطمه تسأل
شلونه جرحج يوجعج بعده؟؟؟
دعاء
زين لا مايوجع( تنهدت)
فاطمه
شمالج كصيتي اصبعج اله شويه وين راح فكرج ؟؟
دعاء
كلت فرصه  خل افتح الموضوع الفضول كتلني
اكلج
فاطمه
هااا
تعالي شمالج واكفه ٠٠ اكعدي خل اسألج كم سؤال
فاطمه ( خفت عبالي راح تفتح موضوعي انه وكمال يمكن شكت بيه )
كتلهة
بعدين هساع رايحه احضر جنطه عليوي مستعجل
رايح االبغداد من باجر الصبح
دعاء
مستعجللل؟؟؟
ادري مأاخرج تعالي شبيج خايفه
هو انه ارد اسألج على هاي روحاته شني ماشني
فاطمه
شنو قصدج
دعاء
متحملت سؤالي اجه چفت
انتي تعرفيهة الهاي ساره ؟؟؟
فاطمه
هاااا سويره ۰۰۰۰
دعاء
اممم صارت اسويره
فاطمه
هذا دلع ابوي هههه وعليوي
دعاء
مدري شصار بيه جيت اطك بوجهة ادور يدلعوهة
احتركت حرگ بگلبي۰۰٠٠
صرت اعصاب
مو عيب من اخوج
يروح ابيت بي بس نسوان وحدهن  ميخاف على سمعت البت ؟؟، وبعدين هوو
ليش مشتري بيت شگبره شعرضه وخالهم يسرحن ويمرحن وحدهن ولا سداد ولا رداد۰۰۰۰  اكيد اكو سبب ؟؟؟غير الي كالوا عليه 
انتي  هم اتشوفين هيج مثلي
فاطمه ضحكت
هاااا ولج  اجيب المطفايه شو اشوف وجيتي
دعاء
لا وليش اغار هو هذا اخوج اصلا مايستحي كل يوم
ويه وحده شكل٠٠٠٠ وترديني ارجعله بعد لا تذبون الصوج بيه لمن اعوفله البيت واطلع
فاطمه
ولج اسكتي ليسمعج
دعاء
خله يسمع وخل يسمع  الكل  عمايل ابنهم الشيخ 
ابغداد بحجه العلاج٠٠٠٠ عشتوا ٠٠٠
دا  ٠٠٠أعالج روحي ومريض٠٠و مدري شني
ثاري رايح استغفر الله
وانه كلشي ماسويت بس شك راح يذبحني
واللهي اله افضحه
فاطمه ولج اتهدي لا تصيرين خبله وتضيعين الزلمه منج
دعاء
هو بعده ماضاع ؟؟جا روحاته وجياته عليمن ؟؟
اكيد اكو حلاوه  هناك ولازكلهة  والحلاوه  هاي سوووويررره
فاطمه
من ايدج
دعاء
طبعا اخته تفزعيله
فاطمه
انتي تاركتله الحبل وهو زلمه حوصلته صغيره
مايكدر يتحمل هلكثر
دعاء
والي سواه بيه قليل انه هم كرهته
فاطمه
جا عليمن ضايجه ؟؟؟
دعاء
هااا موو٠٠ اشوفنه مستصغرني ولا جن عنده حرمه ٠ميراعي احساسي ميكولن هاذي حامل خل اراعي مشاعرهة ولا اخابر جدامهة
فاطمه
يعني انتي راضيه يدور وراج بس كون مو چدامج
دعاء
تعصبت نترت
شحدددده ولچ افهمیني شمالج انتي اليوم
فاطمه
ماافتهمناج خيه انتي شرايده من الزلمه ٠٠خل اروحن انتي الظاهر الحمل مأثر بيج
دعاء
جريتهة من ذيل الدشداشه كوه كعدتهة
تعالي كعدي لا اسوي سوايه بهل اليوم
فاطمه
ياا يااا ياا انتي شجرالج ماتكليلي؟؟
دعاء
فهميني شني قصتهة وياه كل شويه تخابره
فاطمه
ماعدهة ٠٠البت طردهة خالهة هيه وامهة واخوي اتكفل بعيشتهم تعرفين بخوي
دعاء
تكليلي عليه الشيخ علي ٠٠٠
صاحب نخوه 
فاطمه
انه اعرفج شرايده ٠٠٠تردين تعرفين بين اخوي وسويره شي
دعاء
ابوج الله يرحمه شكد فطنه انتي 😥
فاطمه
(كلت بروحي مادام اشتغلت الغيره يعني بعدهة تحبه وخل اكثر البهارات حته تلحك تصالحهة)
والله خيه ان جان على اخوي٠٠٠ ماعدهة شي وياهة
بس البت عينه منه وتعرف قصتكم كلهة
ومثل مااشوفن واسمع اذا بقيتي هيجي فاتحتلهة المجال٠٠٠ تاركه زلمتج  يسرح ويمرح بليه ماتشدين حبل ٠٠٠يمكن تحقق مرادهه وتاخذه منج امبين عليهة ذكيه تعرف اتجيبه للطريق مو مثلج يلفاهيه
انتي ينطبق عليج مثل چدتي سعديه من ادكلهة  الامي
(يالفاهيه چدرچ فار ۰۰ ورچلچ علی النسوان دار)
لون كلش

زين اعرفه الاخوي
مايظل يتوسل
هو يحس انتي مرايدته  چي مريض وهذا الي يخلي يتشجع يشوف غيرج حته يعيد ثقته بروحه ماتعرفين الزلمه شلون يفكر ٠٠
دعاء.
شنوو يعني ناوي  يطلكني؟؟بزع مني
فاطمه
مااظن اخوي مايطلك بس يمكننن
دعاء
شنوو سامعه شي ليش ماتكملين احجييي
فاطمه
.تردين الصدك٠٠٠ الزلمه مايظل  بدون حرمه وانتي زعلج طال
دعاء
ان جان رايدني الهل الغرض وبس يعني مايحبني لون
هذا كلامه كله چذب ؟؟
فاطمه
ولج انه اكلج يمين تكليلي يسار انتي ماترتاحين اله تبزعين  الزلمه منج   ؟؟والعباس٠٠٠٠ ذاك الوكت خل يفيدج عنادج
هو
شوفي انه اكلج چلمتین  خليهة ترجيه بأذنج
كظي طيرج ليفر من  عشج  وساعته مايفيدج ندم
اعرفج تحبي عليمن هل التكبر؟؟ عشتوا
دعاء.
حچي فاطمه وعاني على روحي صحيح انه هواي
طولتهة  ویاه
الحياه ٠٠٠٠ بيهة مد وجزر وانه حته تستمر والخاطر ابني لزمن
اتنازل
وارفع الرايه البيضه واعلن استسلامي ٠٠الحد مااا
تمر هل العاصفه بسلام
اووف يادعيوه
جنتي مرتاحه بنيه ابيت ابوج
راسج بارد٠٠٠ تفكيرج على كد حالج
وهساع لزمن تراضين جميع الاطراف حته حياتج
تستمر
وهذا الشيخ طلعلي بحياتي گلبهة گلاب وميخليني
ولا يوم مرتاحه
سلطان زمانه
فاطمه
هاا خيه وين راح فكرج دانشي روحج زين ولا تنسين نصيحتي تراني احبج واريد مصلحتج يالله
انه اكومن
دعاء
اكلج عوفي الملابس انه اجهزهن
فاطمه
(ظليت صافنه بوجهة )
كلت على شنو ناويه دعيوه
دعاء
مالج غرض بعدين تجيج الاخبار
فاطمه
هيجي؟؟؟ههههه لچن
خل اكومن اروحن اكمل شعلي
دعاء
ايي روحي٠٠٠٠٠
كمت بعد ماراحت فاطمه الغرفتنه الي صار هواي
مطابلهة بس ملابسه بعدهن يمي
جانت اكو جنط سفر حجم وسط  اثنين  ابطن الكنتور طلعتهن
نزلت هدومي وكلشي احتاجه لمده اسبوع
والجنطه الثانيه
نزلت ملابسه وهم كل الي يحتاجه
سديت الجنط  بيهن چروخ دفعتهن بصف الكنتور على الحايط
نزلت جوه والكيهم بعدهن بلشغل استحيت منهن
ساعدتهن بكم شغله وظليت جوه يمهن وه  يم جماعته بلمضيف بعدهم بسالفه امه وجداده والي صار
الحد مااجه
  الليل كملنه عشه وغسل المواعين وكلمن الغرفتهة
صعدت الغرفتي اسبح وابدل واصلي بعدهة انام ورايه سفر من الصبح
وقت الساعه على الخمسه
علي
جنت طول اليوم ملتهي بسالفه ابوي وجدي لازم تتصافه الگلوب فقررت
اعزم جدي يمنه بعد مااجي من السفر ويكون مكمل علاجي ولون جدي راح يبقى هنا قريب من امي وكلي
اشوفله بيت يشتري حته يبقى هنا قريب منهة
وصاني بس انزل  اشوف شراي للبيت الي ابغداد
اخذتنه سوالف وناس رايحه وناس جايه
الحد مصار الليل اتعشينه
دورت بعيوني عليهة مامش يمكن نايمه لون الجرح
الي بيديهة جبير مردت گلبي هل البت شما تجافيني ووو
اتلوع بنارهة ٠٠٠ ارجع افكر بيهة
يمكن موش مريم الي ساحرتني اهي الي سحرتني
بعيونهة اوفيشش يالعشك ماينحمل رايدلهة گلب چبير وانه گلبي اشوفه مايحمل
الله يهديج عليه يادعيوه والكاج بين يوم وليله تردين الحضني
اووف رايدلهة بخت مو بعيده عليك ابو خيمه زركه
ان كلت كون فيكون
سالت
فاطمه جهزتي الجنطه
فاطمه
هااا لا ٠٠٠اي٠٠٠
علي
شمالج بالعه خرزه
فاطمه
خويه  انه مالي غرض اسأل مريتك
علي
شني مريتي شلهة غرض انه الي كتلج  جنطتي حضريهة
فاطمه
اسالهة هيه مارضت
علي
شنيييي؟؟، شجرالج  انتي شو جنج تمسلتين ٠٠٠بس عوزي اخذ اذن منهة روحييييي حضريهة للجنطه   ساعه والكاهة حاضره
فاطمه
صار اخوي٠٠٠٠
رحت اركض الدعيوه الي ورطتني وصعدت لفت راسهة ونامت وخلتني بحلك المدفع
طبيت للغرفه٠٠٠ الكاهة نايمه التفتت لكيت جنط اثنين مركونات بصف الكنتور
اكيد محضرتهن
طفيت الضوء وسديت الباب
نزلت
فاطمه
خويه الجنط جاهزات  وانه الصبح انزلهن
علي
شبسرعه توج كلتي مامجهزه
فاطمه
مريتك الي جهزته هلمره موش انه
علي
كلت بروحي شصار وشنو الي جره يمكن وهل الله هداهة عليي
هيج انه بخيت وربي استجاب دعائي ؟؟؟والله اركصلهة چوبي
طبيت ابغرفتي الثانيه من جانت مريم صاراي فتره انام بيهة موقت
منتضر رحمه الله تنزل وينحنن گلبهه  علييي
وقت الساعه  تمددت اوووجريتهة نومه الحد
ما اذن الفجر
صاح منبه الموبايل االه واكبر
كمت سبحت وبدليت وصليت
نزلت جوه انده وحده من البنات يجهزولي الريوك واكعد امي متتريك وتاخذ دواهة قبل لا اروح
اطمن ماخذته واوصي فاطمه تنطيهة بموعدهة
لن اسمع صوت بلمطبخ وريحه المخلمه طبت
بخشمي
دعاء
دك المنبه
توضيت وصليت ودعيت ربي يساعدني واتحمل مغثته  نزلت حطيت القوري على النار مابين يفور وبعدهة احط الجاي  حضرت الاجبان والبيض
اليوم ناويه اسوي مخلمه
تعلمتهة من امي  طيبه كلش اتسويهة
لزمت البصل  انه كوه اثرم ايدي مشدوده وتوجعني
بس هم ميخالف نتحمل وخل انشوف تاليتهة
حضرت الفلغل الاخضر واللحم والطماطه وثرمتهن بلمثرامه اليدويه
حميت الزيت وذبيت اللحم المثروم بعد ماموعته وصفيته من الدم والله لعبت روحي
نضال احس روحي اناضل
طول عمري اكره المطبخ والطبخ
ذبيت المواد وبعده البهارات وع نا

ر هاديه
خلط البيض وشمرت فوكاهن وملحته وغطيته
اباوع
ايييي كلشي تمام تمت العمليه بسلام
علي
من شفتهة كبالي ممصدك
اول تالي هيه تطبخ
اكيد جره ماجرى ابتسمت
علي
صباح الخير
دعاء
صباح الخير
علي
لااء اكيد احلم لا وردت علي كرصت روحي
كتلهة
خل اشوفن روحي بعدني نايم لو صاحي
يمكن بركه دعاء الوالدين
كلتهة بصوت مسموع
دعاء
التفتت علي وهيه تصب الجاي
هزت راسه ورجعت تصب الي والهة
كلت مادام الله هاديهة علي يمكن حلمانه بيه
خل ابدي احاجيهة
شنو هذا الدلال؟؟  انه يمكن انه دااحلم ؟؟
فاطمه كلتلي انتي الي حضرتي جنطتي؟،،
دعاء
هزيت راسي اي
علي
ابتسمت فرحان بگلبي
لاكن ماعرفت هذا كله مخطط وهو الهدوء الذي يسبق العاصفه
طبوا ابوي  امي وصبحوا ردينه اثنينه
ابوي ابتسم متفاجئ مثلي وفرحانلي
تريكنه سويه اربعتنه
امي انطيتهة العلاج
وصيت فاطمه ماتنسى اعتمد عليهة هيه اداوم على علاجهة
وانه يوميه اخابر واذا رادت شي تخابرني ودير بالهة من نبض گلبي
دعاء
بعد ماكملنه ريوك غسلت المواعين بسرعه
وصعدت الغرفتي اسبح واجهز روحي الطريق طويل
اختاريت جبه وشال وحذاء وجنطه رهمتهن طلعن كلش حلوات مع بعض
مكيجت خفيف
ورشيت عطري الي بدت الشيشه تخلص اكيد من اروح البغداد اتسوك
هواي شغلات محتاجتهن راح اشتريهن مناك
اجت فاطمه تسأل
وين الجنطططط
اشرتلهة هناك مجهزتهن بس نزليهن
فاطمه فكيت حلكي
هاي شنووو وين رايحه من الصبح لهلج زعلانه
انتي  ماتركدين ؟؟؟ ليش تخلين اخوي يتعصب وهو مريض
يول والله يحبج
دعاء
ابتسمت
وانه شكايله
فاطمه
لون ليش رايحه االهلج
دعاء
من كلج رايحه الهلي
فاطمه
جا شني وينننن اهااا رايحه وياه البغداد
تصافيتوا؟؟ عفيه عليج بس هو كلج تعالي شو جنه ماله علم وهو كلي جيبي جنطه وحده موش اثنين
دعاء
ميلي خل اروحن مو هو بكيفه
فاطمه.
جا بكيف من ؟؟ تعالي هنا لا تخبصين ليتعصب
دعاء
عليمن انه هم رايحه للعلاج اريد دكتوره زينه
فاطمه
فريت بيدي واخذت الجنط ونزلت قبلهة
علي.
نزبت فاطمه
والكاهة
جايبه جنطتين بيديهة
علي
علي اثنين شدعوه المن هاي الملابس كلعة هو اسبوع اغيبن موش شهر
لن اسمعهة
دعاء
الثانيه الي
علي
رفعت راسي والكاهة مجهزه روحه تجي وياي
ضحكت.
انتي من كل عقلج
دعاء
طبعا احد كلك انه مجنونه
علي
التفت الفاطمه
ردي جنطتهة ماتروح
دعاء
هاي الجنطه ان ردت ترد البيت ابوي ومااظن بعدهة تشوف وجهي لو جبت السلف كله
علي
تهدديني
دعاء
انه ماهدد بس رجلي على رجلك نفسيتي تعبانه ومن يوم الي تزوجت ماشفت ولا طلعت المكان
علي
صفنت بوجهة
هاي شناويه كلامهة مايوحي على خير
الله الي يستر  منجن نسوان محد يحزر الي بعقولجن
بس هم حقهة خل تجي مخسران انه
بلكت بهل السفره
يحن گلبهه علي
كتلهة
انه ماتهدد بس٠٠ ارد اريحج الي تردي يجرالج لجن لا تگلین
هو مقصر ویاي
طلعنه
واهي كعدت اليجدام وعيوني عليهة
بكت الله هداهة
فرصه
خليت اغنيه
الياس خضر
(حن وانه حن )
واهي بس تخوزر
ياساتر تبدلهة المفاجى خلاني بحيره٠٠٠ اشك اكو سالفه بلموضوع
عيونه مو مال وحده تريد سلام
جنه تريد تتهاوش
وهيه فعلا كامت تتهاوش بس ويه الذبان الي كمز علبنه فرد كمزه بس فتحت الجام
واخذت بطلين مي بارد من الولد
دعاء.
الذبان كام يكرص بيه وانه تلعب روحي منه
ناقصته انه
كمت العن واسب
وهو بس يضحك
وصلنه البغداد
وبعدهة
هيه هاي بغداد
بيوته صحيح متحضره ومحلاته وعماير  بس هم بيوتنه حلوه  وخضار كاعنه يرد الروح
جعت بطني كامت تصوصي بس شفت المطاعم
اشكال الوان ومحلات الحلويات
يابويه مابيه اصبر
جيت اجيت من الجام
وهو ولا يحس من يمه يوكفني يم شي محل مال مرطبات
گلبي صار حار كلشش
علي
اباوعلهة تلتفت على المحلات مستغربه
اعرف بيهة ام نفس دنيه كلشي تشتهي وهذا ابني هم طالع مثلهة
يزود عليه مشتهاتهة
بسسس
اله اخليهة تطلب بنفسهة وتتوسل
وكفت يم
مرطبات الفقمه جني اجيك السياره
واهي بعد متحملت
لون بس مسحت ايدي الي بيهة دهن  بقطعه البازه الي  وراي
صاحت
انت ماعندك كل ذوق
ابتسمت بگلبي وكلت انه الج يم خشم اليابس اله انزله الج
عرفت نقطه ضعفج
رديت
رحمه الله والديج هاي عليمن علييي
دعاء
تخبلت انه صايره نار ابنه ابطني كل شويه يشتهي
اكله وهو ولا حاسس
يجاوبني بكل برود
كتله
انت مااتحس بابنك انه طبني مرض هذا الي ابطني
شنو ذنبه تجوعه وياي
ماتكلي الساعه ابيش عدت الوحده واحنه من ال٦ تريكنه
انت تتحمل انه حامل ابطني جاهل مايتحمل
علي
اضحك وفرحان بگلبي بودي احضنهة الحد مااطكطك عضامهة من لهفتي وشوكي ليهة
هيه هاي حبيبتي
كلشي مستعده تتنازل عنه اله الاكل
مستحيل
اباوع الشفايفه واهي تحجي
بودي اخذ هن الشفايفي  الحد ماافوخ گلبي
جنت ناوي اكعدهة ابمطعم
لاكن اجاني اتصال من ام ساره
شلته
علي
وعليكم السلام
اي وصلت وانه قريب منكم
هاا غده لا والله بعدنه
لجن خوشش مراح نتغده لا لا تحلفين ٠٠٠٠ خلص
جينه
لا انه وحرمتي
فيماالله
دعاء
اتخبلت جيت اخذ الموب

ايل منه واذبه بلشارع
اكيد هنه خابرنه لجل الغده وانه شكد احبهن
حته اكل من ايديهن
بس هينه انه الجن
خل اشوفن تاليتهة وياجن
علي
شبيج ضايجه عيب من المريه مجهزه غده وتعبانه مايصير بعد اردهة بس  والله عدهن نفس بالكل يخبل
هسع اتضوكينه وتحكمين
اتظلين ماتحبين تاكلين اله من ايديهة
ولو انتي بديتي تتعلمين
المخلمه مالت الصبح كلش طيبه بس عوزه ملح شويه
والفلفل هم
دعاء
هذا مدح لو ذم
علي
هههههه
دعاء
شوكت نوصل تعبانه ارد ارتاح احس بلويه ابطني
علي
موش كتلج لا تجين مو زين عليج الطريق طويل ماسمعتي كلام
اشطيح حظي غير هذا عنادج
عنيده وراسج يابس والي تردينه لزمن يصير
دعاء
على كيفك انه بس شويه تعبانه من الطريق  وبعدين انت مدري شبيك كبرتهة للسالفه
اتريدلك حجه وياي جنك ماردتني اجي حته تاخذ راحتك
علي
اخذ راحتي؟؟؟
عليمن بويه متشوفيني مكسر وجاي للعلاج
دعاء
الله وحده بس يعلم
كلت بگلبي
ظلينه ساكتين الحد ماوكفنه يم بيت
دك هورن
انفتح الباب
ولن اشوف ابنيه بيضه ضعيفه بليه حجاب
اجت تسلم
اباوعلهة لابسه تراكسود لزك وفاكه حلكه متر تين تضحك
ساره
ياهله بلشيخ علي ياهله وميت هله
دعاء
جيت اكمز عليه روحي طافره منهة وافوخ وجع بطني بيهة  من شفتهه
تنعوص وهي تسلم واكلته بلسلام
فرت بعز ٠٠٠ واهي داخله جوه تخلي مجال للسياره
حته تفوت للكراج
اخخخ بويه بودي انهش عظامه هل بت
علي
انزلي وصلنه
****
حمزه
بعد ماسمعت بزواجهة ويوم الجمعه الزفه
بديت اخطط شلون
اكلبله عزه على روسهم
***
يتبع

#هديه_مرفوضه
#البارت٤٥
دعاء
فتحت الباب تفرلي بعز٠٠٠ ولاجني انه موجوده
متجاهلتني  اشكد كرهتهة
مرتاحيتلهة حيل هل البت ٠٠٠٠اكيد وراهة سالفه
ولازم اكشفهة
علي
انزلي وين صفنتي
دعاء
باوعتله صفح  وانه بعدني كاعده ابمجاني
مني هاي
علي
سويره
دعاء
وهاي سويره اخت ساره لو هيه نفسهة
علي
هااااا لا نفسهة
دعاء
امممم كلتلي
نزلت وانه افر براسي اتفحص البيت ٠٠٠وانه اتمشى
على كيفي٠٠
جبير ونفه اول شي الحديقه ٠٠٠ريحت الزرع تخبل 
ومبين راشينه وغاسلين الكراج٠٠٠خوش متحضرين  الجماعه 
الدور كلما اتقرب اشم ريحت الاكل  تجنن
حقه اذا شايف كل هل الدلال ليش مايعوفلج البيت وينزل  البغداد ٠٠٠اجت
حرمه تلكتني  عمرهة با الخمسين اظن٠ ٠٠٠ فاتحه الحلك فرحانه ترحب ٠٠٠
كصيره وسمينه بس بيضه ثلج والشعر اصفر عود حاطه شال ع راسهة ٠٠عشتوا كله طالع اذا الام هيجي لا عتب عل البت
عود يعرفني عليهة
علي
ام سوير٠٠٠قصدي ساره
اباوعله مخنزره وانه بودي  اتعارك حته لو ويه ذبان الواكف ع وجهي ولو ماشفت ذبان هنا ٠٠٠
معتنين بنظافه البيت بشكل
علي
دعاء حرمتي وام الشيخ الصغير گریب انشاءالله
كيفت جي كال  هيج چدامهم حسيت واحد لازم بم اوو نفخني نفخ بعد ماحسيت  لوهله روحي ضعيفه
ام ساره
ياهله وميت هله بحرمه الشيخ هاي الساعه المباركه
تشرفنه بملكاج
دعاء
(الله عليج ؟؟من كل گلبچ)
كلت بروحي.
رديت السلام واهي شو سحبتني وضمتني الحضنهة
تبوس بيه
اباوع اليكدام البتهة الي صارت كبالي واكفه بلمطبخ
واهي عينهة منزلت منه  ونظراتهة حيل معجبتني
فريت راسي عليه هو مدنك على الموبايل٠٠٠
اخخخ بويه كون اكظهة املخ شعثتهة بيدي  جان فوخت گلبي
وبعدهة اجرهة واسحله سحل واكلله اطلعييي٠٠٠٠   اطردهة من البيت ومن حياتي بعد٠٠٠٠
اجت بعدهة
يااا هاييييي انتي دعاءءءء
خرب حظي هنوب تنعوص كون اصخونه مال حصونه تصيبج ماتفكج
رديت
اي حبيبتي انه بشحمهة ولحمهة ٠٠٠٠  وانتي ساررره
امهة ردت
اي هاي بنتي ساره ماعندي غيره الوحيده مدلله هههه
اباوعلهة بغير وادي
نظراتهه كلها على الزلمه٠٠٠ تريد تاكله اكل اظن بعد شويه وو
تركض الحضنه 
هاذ عود  انه جدامهة لا استحت لا خجلت ٠٠٠
ولو مااظن هيج وحده تخجل من لبسهة ا٠٠٠
هو انه شك بيه راد يذبحني٠٠٠٠ وهاي جدامه تتمركص وتنعوص وهو مايكول حرام علييي شلون مايصير ٠٠٠
اتحشمي ٠٠٠٠ انه استحرم  ؟؟؟؟؟ لا او عليمن امبين مسلطن عل الوضع وطاكلهة  أصبعتين
ام ساره
ساره بنيتي ودي حرمه الشيخ دليهة غرفتهة اخاف تريد تبرد جسمهة من الطريق الحد ما اجهز الغده
صحت
ميحتاج هذا بيتي مو حاجه  احد يدليني
اباوعله هو
اتفاجئ جان مدنك بلتليفون رفع راسه فك عينه بوسعهن
ام ساره
اكيد بيتج واحنه خطارج٠٠٠ بس بتي ساره  جهزتلج  غرفه ثانيه غير الي جان يبات بيهة الشيخ تحجي واهي تلتفت عليه
انصدمت شنو معناهه وشتقصد ؟؟ اخخ بويه ٠٠ثاري هيجي الحجييي ٠٠٠٠ليون واصله٠٠٠ من هاي ماخذه راحتهه عل الاخر ٠٠٠
واكيد تريد تقهرني عودن انه اعرف بطبيعه  علاقتكم مايحتاج ٠٠٠
ضجت حيل وفار دمي
رديت
وانه التفت العلي
ليش الغرفه الي جنت  تبات بيه صغيره الهل درجه ؟؟ ماتكفينه ؟؟
اباوعله ۰۰٠ هو التفت الساره
اباوعلهة الساره
جنهة انضربت بگرك ۰۰۰
علي
وهو عينه عليهة ويرد علييي
لا٠٠ اكيد مو صغيره كل الغرف الي فوك نفس الحجم
دعاء
جا ليش نبدل غرفتنه
علي😮
ام ساره☹
علي
كيفت ممصدك٠٠ اكيد ناويه ع الصلح
كتلهة لا طبعا متتبدل هيه نفسهة  تظل ماتتبدل
دعاء
ضجت حيل ٠٠٠هينه
كلت
يالله امشينه ساره وجيبي وياج الجنط
ثكال كلششش مو زين علييي 
لزمت ظهري
عودن حامل مااكدر اشيل ثكل
اباوعله بطرف عيني٠٠٠٠ اشوفنه  يراقبني وانه اصعد 
الدرج وجنه ممصدك هاي انه ٠٠
علي
ولو جنت مستغرب من ترصفاتهة وتغيرهة المفاجئ
٠٠
من الصبح مصدوم بيهة وبهل التغيير
بس جتي الصالحي
واخيرا راح نصير انه وياهة بغرفه وحده
ولابد الصايم يجي يوم ويفطر وانه صيامي طول
وصرت بلهفه للعيد
ايههه يافرحه گلبي
يمته تحنین علییی
دعاء
صعدت جدامي وانه وراهة اشوفنهة
متذمره تنفخ ٠٠٠  معاجبهة شيلتهة للجنط
تمشي وتهز بقوه على البايه ۰۰۰۰
صارن   ٣ غرف اکبالي
وكفتني يم باب غرفه بلوسط صايره وكالت
هي هاي غرفه الشيخ
دعاء
هاي هيه روحي اتشكر منج تعبتج٠٠٠ صدك الجنط ثكال ٠٠٠
بس انتي تحملتيهن عفيه عليج سباعيه
اباوع الوجهة انگلب هاي شبيهة انه عود مدحتهة
ماذميته 😁
رادت تروح ٠٠صحته
تعالي بالله ٠٠٠رجعت
ساره
هااا رايده بعد شي حضرتج
دعاء
اولا عدلي روحج وانتي تحاجيني ٠٠٠
ثانيا اسمي شيخه دعاء٠٠٠ لا دعاء حاف  ولا حضرتج ٠٠٠
حسيت بيهة راح اطك اله شويه
ساره
صار رررشيخخخخه دعاء
دعاء
هااا ومن اوغاد لبسي لبس محتشم اهنا زلمه غريب مو اخوج ولا ابوج وحته لو  ٠٠٠ هم عدنه مايصير عيبه البت تلبس هيجي لبس جدام ابوهة واخواتهة
كلشي اله اصول
والاصول يكول هذا اللبس مايصير عيب
ساره
لاااء لهنا وحدج
اشفتيني جايتج من الملاهي٠٠٠ من بيت الدعاره

 
انتي العيب عليج تغلطين عليه
دعاء
انه الي غلطت ؟؟،
اي انتي تغلطين
دعاء
علت صوته ماعرفتهة هيجي عرمه٠٠٠ اجه هو يركض
وامهة براه
علي
من شفت حركه عيونه الي واهي تخوزر بشوفتهة الساره٠٠٠٠ كلت الله يستر
اليوم ميعدي على خير
صحيح
ساره كلما اجي انبه امهة على هذا لبسهة  انطيتهة بذيج جيتي فلوس حته تشتري دشاديش مستره
بس الظاهر البت ماترضى عنوديه ومعانده  انه هم مو اختي ولا حرمتي حته اجبرهة
مو بيدي شي
جاني اتصال من جدي انطاني عنوان البيت الي ابغداد
كلتله خلص راح اشوفه الك واسأل الدلال ابيش
ينباع
وبس سديته لن اسمع صوت ساره
واهي تصيح
عيب عليج تغلطين عليه
عرفت صارت مشكله لون دعاء ماتتحمل
صعدت عل كيفي٠٠٠٠ رجلي بعدهة تأذيني   ٠٠وام ساره وراي
علي
شني القصه شصاير هنا؟؟
ساره
علي زوجتك متحترم
دعاء
فكيت حلكي مصدومه كتلهة
هوب هوب ٠٠٠ شني علي حاف ؟؟؟هو اخوج ولا ابوج ولا من بقيه اهلج شيخ شكبره وشعرضه
تكليلهة علي حاف هو انه حرمته لليوم مصحته بأسمه حاف  ٠٠٠
انتي صحيح ممتربايه جان لازم اعرف من هذا لبسج
علي
دعاءءء
دعاء.
شني متشوفهة
ام ساره
احنه اسفين شيخنه بنتي صغيره ماتفهم الاصول  حقكم علينه
ساره
شنو تعتذريله هيه ابيش كيلو كلهة خلك هديه
علي
صرخت
ساررره ٠٠٠
ماأسمحللللج
دعاء
متحملت دفعت باب الغرفه الي اكبالي وطبيت جوه وانه ابجي
اسمعه يكللهة الام ساره
اخذيها مناااا خلهة تنزل جوه
ام ساره
امشي يامكموعه وين  ماترحين  تخلقيلي مشكله
امشي
دعاء
الدنيا ظلمت بوجهي ٠٠٠انه وين مااروح
يظل هذا اللقب لاحكني
هديه
اي انتي هديه ليش تزعلين؟؟؟ ٠٠مايحقلج تشوفين   روحج  ٠٠مثل بقبه البشر ٠٠٠
هاي الكلمه صارت لعنه ملاحكتني وين ماروح 
دموعي نزلن غصب عني عود جيت اكابر بس ماتحملت
علي
هاي ساره عقلهة مال صغار ومتعبه امهة والحرمه
دائما تتعذرلي من تصرفاتهة
ادكلي جان ابوهة مدللهة وكلشي تريده يجيبه الهة حته لو يعرف يبيع القميص الي عليه
ومن مات
تغيرت تصرفاتهة
صارت تشوف نفسهة على العالم ومتحترم ٠٠٠
والي ينصحهة تعتبره اهانه الهة
صحيح ملابسه ممستوره وانه رايح جاي عليهم  ٠٠٠ بس
احاول اغض النظر ولو هيه ماتكعد راحه اشوفهة
كم مره تباوعلي بنظرات
ماارتاحلهة٠٠٠ عمر مراهقه وحكم الدلال وبعدهة الحرمان ٠٠٠ خلاهة هيج تتصرف
وهذا لو جان واحد  غيري جان استغل الفرصه ٠٠٠ حمدت الله انوا تلاحكتلهة اهي وامهة لا جان غيري اخذهن وعمل بيهم ماعمل نسوان اثنين وبلشارع
وهاي 
الملوعه چبدي ماتفهمني كل الي اسويه حته اكسب اجر
لمه سمعته اتعدت على حرمتي لا بعد مابيهة مجال
لزمن الكالهة حل
اول شي
كلت خلن اطب اهديهة شويه هيه هم  حقهة 
طوختهة سويرره وياهة بس بسيطه وهينه احاول احلهة٠٠٠ ومااكبرهه السالفه واهي صغيره
فتحت الباب ولن كاعده على الجربايه
وعيونه مدمعه الظاهر باجيه
كلتلهة
يااا بعد بيت الشيخ وهله توههة الغرفه نورت وزهت  
اوفيشش شهل العطر الي ترس ريتي ورد عافيتي ٠٠٠
يابعد روح للشيخ وين جنتي عنهة 
دعاء
جانت روحي طاكه ٠٠بودي ادير النفط على البيت كله واشرد
اكيد بينهم شي جاا
شمدريهة؟؟، ٠٠٠ الشك كبر بگلبي
جكد جنت غبيه طول هاي الفتره ولا كشفتهم
طب يريد يغطي على مصيبته ٠٠٠وانه كلش مطايقته
اتقرب مني وانه ابجي همس بأذني ٠٠٠٠ احسن بحراره
نفسه طخت  وجهي  ٠٠٠ 
تدرين انه صعدت الدرج بدون عصاه
التفتت عليه
وانه عيوني تعاتبه
علي
لا تباعيلي هيجي مو اشتعل اوبي اوبييي
دعاء
روحح مالي خلكك هساع ٠٠احسن بنار بصدري اوو
بس اتبزني  توج بوجهك
علي
خلهة ٠٠٠ خلهة توج  جا ذيج الساعه الي توج نارج
اطفيهة الج وعلي حاضر 
ابتسمت٠٠٠ حجيه اله مغزه بعيد عن مغزه كلامي
تضحكين علي
اكلج وروح جدي يمي المطفايه ومستعد
لا هيجي دخلنه بلمحظور
دفعته وهو يتقرب مني
رووح عني لا احرك روحي منك
علي.
عليش بويه انه غلطت ؟؟؟
دعاء
لا تحاول تبدل الموضوع الي احنه بي
علي
جا انه الي امبدله لو انتي
دعاء
شيخخخ
علي
انهجم بيته واهله وعشيرته شتردين امري
دعاء.
انت ليش امبقيهن بهل البيت ماتشوف لبسهة وتصرفاته لو عاجبتك  ومتونس عليهة 
علي
لا وربج وربي انه اشوفهة صغيره وبعدهة مافاهمه الدنيا
مايصير اطردهة  للشارع ٠٠٠  واخليهم ينهشون بلحمهة
هم اتحاسب عد ربي شنو فرقي عن الخسيس خالهة
اريد اكسب اجر هلبت
الله يرضى عني ويصون لحمي بعدي وهاي دنيا
ومحد دايم ٠٠وعاد خل انسوي هم الاخرتنه 
انتي ماتردين الاخره؟؟
دعاء
باوعتله صفح ادور عذر انت ؟؟؟
علي
شني اعذار عليمن بويه يكون بفكرج بيني وبينهة شي استغفر الله ٠٠ اشوفن تلمحين لو متوهم ؟؟
بويه عيب هل الحجي انتي تعرفين  نفسج كاعده تغلطين
دعاء
اشوفه تعصب وعيونه صارن حمر
علي
انه الشيخ علي ابن الشيخ حسين  الي الكل تعرفني وتعرف اصلي وفصلي ماحاجه ٠٠ مافد يوم تدنت نفسي عل حرمه بلحرام
وان نويت فبلحلال
دعاء
عرفته تعصب
انه ماااقصدي وانته بالك راح البعيد بسس
علي
شني التبسبس خل افهم٠٠٠
دعاء
٠٠ اه

ي شمعلمهة بسرارنه ٠٠٠ تعرف كل صغيره وجبيره عني وعنك
علي
مااعرف بس  يمكن عرفت من غيري وماكو شي ينظم بين النسوان
دعاء
وليش هلكد مهتمه وتسأل عنك
علي
اشتم ريحه حرك
دعاء
وعليمن انه من زمان غسلت ايدي منك
علي
جا عليمن بويه  جايه هذا الطريق كله ٠٠٠ ومتعاركه ويه البت وساحلتهة سحل
دعاء
لتشوف روحك انه مجاي على مودك ولا البت تهمني
تستاهل من ايديهة متحترم ومو محتشمه
وبعدين
انه جيت لجل الدكتوره
علي
باوعنلهة صغح
يادكتوره ؟؟
دعاء
دكتوره نسائيه تجيك حملي
دعاء
اشوفن اتقرب مني ٠٠مد ايده ٠٠ ذب الشال من راسي
و يشم بشعري ونزل الركبتي
حركته هاي خردلتني .انفاسه قويه صدري كام يصعد وينزل تفاجئت٠٠
مدري اشبينه الثنين ٠٠٠احسن دقايق اوو
صرنه مثل النار والبانزين
كعد بصفي واخذني الحضنه بقوه ٠٠٠و بلهفه مفارك حبيبه اسنين
اخذ شفايفي بسرعه ٠٠ ماكدرت امنعه ٠٠
و هو جان اسرع مني
ومانكر انه هم تجاوبت وياه
محرومه منه زلمتي  ٠٠٠واحبه٠٠٠ اثنينه وجينه
اسمعه
يسب ويلعن بروحه
علي
اشتعلوا عشيرتك عليوي
ولهناك اسمع صوت الباب تندك وبقوه
دعاء
الباب ٠٠٠بهمس
علي
خل يولن هذا الباب بس انتي تسمعي
لو ناويه تشردين مني ؟؟؟
علي طفيت كلش نسيت روحي كمت حته دكت الباب
مأاسمعه
ولن الدك
صار اقوى
علي
ياهووووو
ساره
شيخ علي امي ادكولك الاكل حاضر خل ينزل يتغده
دعاء بس سمعتهة
اكيد جايه تغثني لا وبس شيخنه وتعال عل الغده
انه ماكو اكيد تتفرعن موش هو الي منطيهة مجال
هاي دكتهة بيه قصد٠٠٠
كام مني
باسني من كصتي كاللهة جاي ياالله  جاي
***
كاظم
اليوم سمعت خبر من صديق قديم بس ماصدكته
رحت
بنفسي استفسرت وطلع الخبر صحيح
والله وكظيت  ركبتك بيدي ياعليوي
رحت البوي كتله
انت طول عمرك مفشلني جدام الوادم ومحاسبني
زلمتك وطول عمرك تمدح بعليوي ابن الكرديه٠٠٠٠٠
عليوي الي شايفه زلمه وشايله عل راسك دوم
وين ماتكعد وبلمضايف
اخته الي هيه بت عمي انهبت والي نهبهة نعرفه حق المعرفه
وهو مسوالهم شي وغطا على المصيبه
وجن واحد مايعرف٠٠٠٠ السبب اهل امه ٠٠خواله
،لن الناهبه من بيت جده٠٠٠
ابو كاظم
انجبببب ولك منين جبت هل السالفه انت مستعد تفضح بت عمك كله الخاطر توصل المرادك ٠٠٠٠٠ وتبرهن هو مو كفواوتشيله من المشيخه٠٠٠
ولك انت مايصيرلك جاره ؟؟؟
كاظم
عرفتك متصدك بيه لهذا جبتلك دليل
ابو كاظم
صدك مااصدكته الحد ما جابلي الدليل
شلون اخوي حسين ساكت معقوله
احنه هيجي انفضحنه وهو ساكت عل السالفه
لميت اخوتي ورحتله
حسين
اجو اخوتي كلهم لمه وحده وياهم هذا الخسيس
ابن اخوي الي يكره عليوي ويتمناله الزله ٠٠
عرفت ساعتهة سامعين السالفه
ظلوا ناس تصيح وناس تهدي
صحت بيهم.
انتوا ماتثقون بيه؟؟؟؟ لون ماتثقون ليش مسسلمينه المشيخه الي والابني
صارلي سنين وانه لازمهه ويامه مشاكل
حليتهة ٠٠٠ولا يوم اجتني حجايه من غريب كل الوادم تعرفني الصديق والعدو
تجون اليوم تشككون بيه وبيتي  ٠٠٠انتم  اهلي ٠٠٠
شتعرفوني واحد يجيس عرضي و
اسكت ؟؟؟ (بصياح )
ابو كاظم
الي كالنه من  اهل بيتك
حسين
ياهو الي كلك كولي عل اسمه حته اعرفه خاين ومن اهل بيتي ؟؟؟،
مايستاهل زادي وهو خايني
ينطرد ٠٠٠لازم  اكشفه٠٠٠ واطلع جذبته جدام العشيره
وانت يابو كاظم تحقق من السالفه تذكر الايه الكريمه
بسم الله الرحمن الرحيم 
(يا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ)
ردوا
صدق الله العلي العظيم
ابو كاظم
خجل٠٠٠٠
والله مااعرف شكلك بس ياخوي لو مااخو مريتك اهوو الي كالي جان ماصدكت
اشلون خال يفضح بت اخته والله زمن هذا
حسين
طلعوا وهم مابين مصدكين ومجذبين
انه روحي صارت بخشمي
لازم اسوي حل الهل مصيبه  ان ظل الحجي هيج
راح اصير علج بحلك اليسوه والي مايسوه
وتضيع هيبتي وسمعه بيتي وبناتي
*
علي
اتغدينه وكملنه ٠٠٠خابرت الدلال اروحله العصر بعد زيارتي لطبيب المساج
دعاء
نزلت شفتهن
طابخات اشكال وانواع
حتى حلويات مسويات
وكل شويه
امهة تحمد ابتهة جنهه تريد تزوجهة واحنه خطابه جاييهة
علي
بس يهز براسه لو يحط اللحمه جدامي
اكلي انتي حامل تحتاجين غذه  
واهي بس تخوزر بيه عبالك ماكله من جدرهة
حبيبتي هذا چد رجلي اخاف متعرفين (كلت بروحي )  اردلهة الخزره
هو عود يخاف الله مااا
حاسبهم غربه لو يخدمونه
مأكل اله وكلنه سويه يريد يسممني مو يوكلني
كملنه 
كلت اصعد فوك انامن شويه
علي.
انه رايح للدكتور  ومناك اروح بشغله يمكن اتاخر
لا يظل بالج
دعاء
اي روح بس لا تبقى هنا يمهة
لان وصلت حدهة  (كلت بروحي )
هو طلع وانه صعدت
اسمعهة تكل الامهة
عود مأمنه   رجلهة طالع للدكتور ههههه وهيه راحت نامت عشتوا نسوان اخر وكت
امهة كلتلهة
اششش انتي ماتجوزين اله يطردونه
ساره
هو اني اشكلت مو زين انبهة تروح تشوفه وين رايح
بكل مره يجي هنا يكشخ ويبدل ويطلع.
اسمع امهة ترد
ولج

حرام عليج الرجال مريض
ساره
ههههه مريض ؟؟هذا ياهو علي ؟؟؟
خل تروح اتشوفه هسه اكيد متمدد والبنات اشكال والوان
دايرر ٠٠٠مدايره
نزلت متحملت كتلهة
لااء انتي مايصيرلج جاره على شنو ناويه
ردت.
هاي فوكاهة؟؟ غير مصلحتج اوعيج على رجلج
دعاء
اعرفه وكلشش زين ماحاجه
ساره
بكيغج بس اله اراويج الدليل حته تصدكيني
اني ماجذب
دعاء .من كالت هيجي تعصبت صرت بصراع وياهة اوو ويه نفسي
كتلهة
وانه منتضرتج ٠٠ جيبيلي الدليل ولو ماصدكج مستحيل
عرفت بنفسي ضوجتهة
باوعتلي وعيونه تضحك.
بسيطه
اجيبه ليش لا 
*
علي طلعت من الدلال وطلع البيت قديم ميسوه
بس تنباع بس كاع كلت اخابره الجدي  واشوفه ان
قبل
طلعت منه
وكبل للدكتور ٠٠٠ جان بعده مجاي بس مراجعين ٠٠انتضرته ولهناك اجه
الدكتور
لا ماشاءالله متحسن بس يرادلك
مقويات ٠٠٠ كبل لابو المساج هنا خطوتين
هذا اسمه وعنوانه
اخذت العنوان وطلعت
سألت٠٠٠
دلوني ميتيه  صدك خطوتين
طبيت لن 
ماشاءالله تبارك الله
البنات اشكال والوان
وحدتهن تكل للكمر
وخر وانه اكعد ابمجانك
بويه
يتبع

#هدية_مرفوضه
#بارت٤٦
حمزه
حضرت الجواز
جاسم الشهير ب(جويسم) هز راسه
جبتهن هاك ٠٠٠٠وهاي هم الفلوس لو تعرف شلون دبرتهن
بس گلي وين ناوي تروح
حمزه
التركيا  ٠٠٠ قبلها عندي كم شغله ناوي انفض ايدي منهن
جاسم٠٠ توسعت عيونه يعرف اخوه ميعديهة على خير
اذا ناوي عل شر ترى الشرطه جاي تراقب البيتين
وكلها توكع براس اخوك  مثل الي قبلها ٠٠٠
ليش ماتفك منهة وتنهيهة للسالفه  تراهة  صارت على ذمه رجال ٠٠٠٠يعني
شنو ناوي اطلكهة؟؟؟ وتعرفهة كلش زين٠٠٠٠ زهره انت شنو بلنسبه الهة ٠٠
حمزه
عيونه صارن دم وانبرزت عضلات وجه من سمع كلام اخوه
ضرب صدره بكل قوه بچف ایده
خویه لا تگل انهيهة
انه اريد هذا يرتاح
ضرب على كصته بطرف اصابعه
وهذا ينام
اخوك تعبان ٠٠٠ليله مينامه ٠٠وتكلي ارتاح وحك الله     اله اندمهة وماخليهة تتهنه بي
جاسم
اتنهد
يعني ناوي على شر
حمزه
ترضاهة الخوك ينوخذ حقه؟؟
جاسم
اكلك البت ماتر يدك مماخذهة چبر
جاسم
زهره الي واهو اخذهة بحيله وانتم كلكم تعرفون وسلمتوهة لجل تبردون روسكم من الطلابه وتسدوهة
والبركه بلشيخ حسين صايرلنه  سجينه خاصر
جاسم
ادور على الشيخ حسين
حمزه
روح مالك غرض بيه الله وياك وانت العليك سويته بعد لا تجيني من باجر انه مبدل مچاني
جاسم ٠مابيده شي٠٠٠ اخو ٠٠٠٠طول عمره الي يجي براسه يسويه  ٠٠٠ الي اثر عليه اصدقاء السوء
ولو حبهة الزهره منعه منهم الفتره بس هم رجعلهم
طلع وهو يوصي بس هو  ظل مصر رر
اله ياخذ حقه
خصوصا من سمع الي خبر عليه هو حميد نفسه
تحلفله ٠٠٠٠وقرر ينهزم حته  ينتقم منه ومنهة  
وفعلا جرح بلعومه باظافره وخلاهة ينزف دم
كالوا( تيفو) ويزوع دم
اخذوه للمستشفة وهناك رشه الممرض
انهزم وهو هلمره ناوي على شر
****
علي
صارت كبالي
المسؤوله على العاملات (غدير )
الشعر مفتوح ومصبوغ والوجه لاعبه لعب
والبنطلون الضيج باين كل تقاطيعهة  ٠٠استغفر الله
كربتلي بيدهة ورقه وقلم
غدير
مساج لووو حمام ساونه لوو تدليك طبيعي  لوووو
احنه عدنه هنا كل وسائل الترفيه والراحه
علي
اكلج بويه
شني القصه شو كلجن نسوان   ماكو هنا زلم تشتغل؟؟؟
غدير
ههههه امبين انت مو منا ؟؟؟بس الي يشوف اناقتك يكول غير شي
علي
الوادم  ماتنحكم ابمظهرهة ولو اشوفن  عدكم
مكلوبه المعادله
غدير
هههههه انت عجبتني ٠٠٠من وين حضرتك
علي
معجبه الوضع راد يسدهة وياهة ويطلع فهم السالفه
خيتي سؤال بليه زحمه
غدير
اتفضل
علي
ماكو مركز تدليك للزلم وبس
غدير.
شنووو هل التخلف الي عدكم متبطلون عاد؟؟؟ شوفوا العالم ليوين وصلت
علي
فار دمي سمعتهة  تغلط
صحت بيهة
احترمي نفسج ٠٠٠ والله لو ما حرمه جان عرفت شلون اجاوبج بس اخخ (عظ اصبعه)ودك على رجله
حررراماتتتت
التمن بنات المركز من سمعنه وبسرعه دك
المدير
نادى غدير بلهيتفون
غدير
تحاجيه
ماادري
لااء واحد جديد مو منا
صارر هذا هو صارر
علي
عرفت اكو واحد خابرهة الظاهر زلمه ولابد بغير غرفه ويراقب ٠٠جانت اكو كاميرات داير مدايري لون انه جنت بلرسبشن
صارت تحجي بالاصوليات وعيب ماعيب وهذا مركز
اله سمعته شلون تصرخ اخي ترى اشتكي عليك
لو اخلي الحرس البره يطردوك
علي
هيجي صارت ؟؟
تخسون مو انه الي انطرد ٠٠٠
اصلا انه الي ميشرفني ادخل الهيج اماكن تقزز ٠٠٠ اعوذ بالله من غضب الله
بويه اگلبت الدنیه وصرنه كلشي انشوف قبل جنه
بس نسمع
خيتي نصيحه لله
روحي استغفري ربج واحتشمي
غدير
فرت ايدهة هههه بقه بس يفجرنه
ضحكن بقيه البنات
علي
شكلج غير الله يهديج
غدير
تنهدت من وين طلعنه هذا
ميعاد
امبين مو منا محافظات
غدير
بس تدرون عجبني ٠٠ شخصيه وهيبه اول مادخل ٠٠جنت نايه استلمه بنفس
البنات
ههههه راحت عليج غدوره
***
ساره
الووو
مقداد
هله وميت هلهشنو هل الغيبه
ساره
درووح جذاب جان سالت كلت وين راحت مصدكت
مقداد
ولج بزونه ٠٠اني خصرت عشه الابن خالج بس اريد اجر السانه ماقبل خبيث
هذا رقمج
ساره
ايي ٠بس معلينه هسه جايتك بشغله بس كون تنفذهة الي
مقداد مو من عيني بس بشرط ٠٠٠اشوفج
بس مره وحده ولج مشتاقق وربج مشتاق
خرب ابخالج شدعي عليه
ساره
مو خالي اني
مقداد
صدك ؟؟
وليويش بالله
ساره
عرفتك جذاب مو مال زواج
مقداد
مو كتلج خل اقنع امي متشوفيهة راسهة والف سيف
اله بت اختهة
وانتي حياتم شلونج ماعدج صبر
ساره
هسه معلينه٠٠٠ هيه اريدهة منك وماكو غيرك يكدر عليهة
مقداد
ابو المهمات الصعبه مقداد تحت امرج
ساره
تعرف مركز العنايه بلرجل الي بل٠٠٠٠٠
اي اعرف
صاحبه اعرفه صديقي شلج بي
ساره
اشبيييك ليروح بالك بعيد اني اريدك تصورلي جماعه
هناك
مقداد
منو همه ومنين تعرفيهم
ساره
هاي شبيك مو كتلك جماعه
اله اكولك رجل صديقتي وتشك بي وهو يخونهة
مقداد
اذا هيجي الحجي حاضر بس خل اشوفه وارد اخابرج
بس انطيني اسمه حته اذا اجه اخابرج
ساره
اسمه
علي حسين وهو مومنا من محافظه ال٠٠٠
مقداد
صار حبي كوليله الصاحبتج تدلل لان واسطتهة
قويه
ساره
يالله دروح
**
علي
طلعت وانه دمي فاير
وكوه لزمت روحي
جيت ارجع للدكتور
بس

تراجعت مو صوجه
صوج ضعاف النفوس الي يغطون على عملهم
وباب رزقهم بأشياء تغضب ربهم
تشوفهم
كاتبين بلقطعه الي معلكيهة شي
وطب اتشوف غير شي تنصدم ٠٠٠ اعمال ابليس ميسويهة
تنهدت واستغرت ربي
وهاي المصيبه الي عندي لو تسمع ٠٠٠
لااء انه معولت صالحتهة
ادور تعلن  حرب مالهة نهايه
واتذكرت الي سويته قبل شهر
جريت حسره
حرمه وبتهة٠٠٠٠ ومجان جدامي غير حل
اشلون اذبهن بلشارع  
اخخ ياجمرة گلبي اخافن ينكشف المستور
وتروح بعد ماترد
واليوم
الي سوته ساره ماعجبني
خل اكل الامهة
ان جان ناويه  تعيش اهي  وبتهة بسلام
خلهة تنصحهة ٠٠٠٠لا ٠٠٠٠
والله ذاك الوكت مابيدي حل
غير ابعدهة وابتعد   واحاول ااجر بيت قريب من بيت خالهة
وراتبه يوصللهة كل شهر
 
دعاء حامل وانه اخافن عليهة من الصدمه وساره ماتكعد راحه
طفله وماتعرف تتصرف ٠٠٠ماتعرف طباعنه ومتقدر
قيمه التضحيه الي سويته لاجلهة اهي وامهة
هيه اليوم اتعدت حدودهة
تريد اكثر وبدت تطلب مني وانه ارفض
الظاهر
من شافت العز ٠٠٠٠ طمعت٠٠ وانه مااكدر اكثر من الي سويته
وشرطي عليهم جان من البدايه
  وغرضي جان الستر
**
دعاء
من حجي ساره خلتني اشك اكثر
كثر نزلاته البغداد  تخليني تاكد كلامه
يعني ممكتوبلي الراحه ابد وياك يالشيخ
بسيطه والله ان طلع كلامه صدك لتكون  النهايه وياك
طبيت الغرفتي جانت مخربطه
اتذكرت الي صار
اتاكدت انه شكد ضعيفه يمه ٠٠٠٠
رغم كل  الي يسويه ارجع انسه٠٠٠ لو اخلقله عذر
لون گلبي ينسه بس يمدلي ذراعاته ويضمني الصدره
مو بيدي حبي اله نقطه ضعفي٠٠٠٠
بس هاي الصفره ساره
ماعديهة الهة على خير
اليوم ياانه  ياهمه بلبيت
هيه صممت تجيبلي دليل على خيانته
تريد تكسر خشمي اعرف كلشش زين
تريد تكلي
لا تفرحين وتنفخين ريشج علييي
هو وراج يلعب وديخونج
بسس انه رديتهه
ردت اشوف الفشله بعيونهة
دعاء
خله يلعب تاليه مرجعه الي شمايروح وشمايلعب
يرجع البيته
اشرت الگلبي
لون انه الوحيده الي بگلبه
شفت
وجهة انگلب ٠٠٠صارت اعصاب
على كيفج عيني تراه رجلي مو رجلج عليمن ضايجه ومقهوره
باعت علي بخباثه وابتسمت ابتسامه صفره
جنهة ادكولي
اصبري لا تفرحين ٠٠٠٠٠٠وبحلگلهه سالفه ضامتهة ماعرف شني
عفتهة وصعدت ٠٠٠طبت الامهه
واهي ادردم
*
علي رجعت للبيت وانه ادعي الامور بخير ولو ام ساره اعرفهة
حرمه ماتحب المشاكل تريد بس تعيش بستر اهي وبتهة
دعاء
سمعت صوته نزلت
باوع علي ابتسم بس ابتسامته جانت بحزن
دعاء
اصبلك العشه
علي
اي والله ومن ايدج اريده
دعاء
ضحكت
مو تدلل من عيوني
حميت العشه
جان البلقي من ابغده عروك كليت بتيته وطماطه
ولبن وخضره
كعدنه نتعشه لعد ماراح توضه وصله
رجع لابس دشداشه بيضه زكاف ردانه
اخذتني الصفنه
التول يوم زواجنه ٠٠ ماادري يمكن جي  صارلنه هوايه مكاعدين هل الكعده انه وياه
والدشداشه هم ذكرتني
ااباوع الايديه
بيهن شعر خفيف والحلقه بيده فضه
والساعه لونه فضي
اباوع الحيته خفيفه محددهة شواربه لايكتله تخبل عليه
منطيته اكبر من عمره صحيح واهو ضخم.اباوع التفاصيله واهو ياكل
احس روحي بديت اعشكهة واعشك تفاصيله
علي
ابتسم
ماتمدين ايدج هاي مو عوايدج ٠٠٠ لو اكلتي قبلي ؟؟؟
هم ميخالف
انه راضي تتريكين وتتعشين وتتغدين مرتين وتصيرين بكد
كطيعه
اظل احبج شما يتغير شكلج لو جسمج ٠٠٠
لون الي هنااا
أشر على گلبه
حبچ  ومستحیل یبدلچ لو بمیت مره
دعاء
ابتسمتله وباوعتله صفح واعكد حواجبي
ليش احسك مسويلك مكسوره ؟؟ وبهذا كلامك
اتريد تعتذر ٠٠٠٠
اشوفه غص بلكمته ٠٠٠٠ركضت جبتله مي
اخذ مني يشرب
اسم الله غير تذكر اسم الله شيخنه
رفع راسه وعيونه حمر دم من اثر الغصه
ظل يكح
هو الي يسمع كلامج هذا مايغص انتي دائما تحبين تنغصين عليه لو بالاكل لو بلفراش
دعاء
ابتسمت وانه أ تلفت خجلانه اخاف تجي   ام ساره
تسمعه
دنكت خجلانه
عيب احنه مو وحدنه
علي
دخيل الي يخجل
دخل اشوفج اليوم اله انسيج ابوه
منووو
الخجل
هههههه
خرب عشيرتج مو هيجي كلنه
ساره
ياهله بلشيخ شوكت جيت
علي
خنزرت بيهه تبطل مابطلت اجت بكل عين  صلفه
كعدت
كابلتنه٠٠٠٠ ٠وعيونهة تبتسم  ٠٠٠٠لا هاي ناويه عل الشر
دعاء
شنو هاي الصلافه العدهة اجت وكعدت كبالنه
مدت ايدهه للماعون جرت كبابيه وحطتهة بحلكهة
واهي تتموع
علي
جفيت الشر عفت العشه وكبل للمغسله وبعدهة
الغرفتي 
لاهاي متاويه تكعد راحه
ارد اكعد ويه امهة  احجي  ياهة
انه الي عليي سويته
وخل خالهم يتكفل بلباقي اذا على الفلوس
اسويلهم راتب وخلص
هذا جزه الي يسويله خير
بويه الدنيه صايره ماتتأمن
جريت حسره
لن انفتح الباب
دعاء
اتفضل الجاي
علي
ايي عشتي
دعاء
بوجودك
دعاء
علي
يابعد روحه
انت مو شايفهه عدت الاصول ولزمن تلكالهة حل
عرفت على ساره
علي
لا يظل ابالج كتلج طفله وخبله وامهة جبيره مالهة احد يربيهة
زين موعيب هذا لبسهة جدامك
جاانت مو حرام ماتستحرم
انه غاض النظر عنهة واعتبر تهة  مثل خيتي اول ماعدت رجلهة الهل الدار
وكل مافي الموضوع استخطيتهة
دعاء
ذب الاستكانه من

ايدهة وحطهة هلى الميز الي بصفه
وكال
بعدين احنه شعنده وياهة لا تخليهة تنغص علينه الليله وانه ناويلج نيه كشره
وحالف العب بيج طوبه واطلع القضه والمضه
جرني الحضنه
استلمني
متلهف عبالك مفاركني سنين مو شهر
صحيح تصرفهة  شككتني بينهم شي
بس هو منطاني مجال
بعدني عن الموضوع بسهوله وخلاني استسلم
وانسه روحي وياه
هل الشيخ عنده اسلوبه بلمباغته والاقناع يعجب
وعشنه ليله ولا الف ليله وليله
*
ساره
اسويت *شو لا صورلا فيديو لا محادثات
مقداد
يواش عليه حبي هوانتي انطيني بس مجال
ساره
احجي
مقداد
مدكوليلي رحمه البوج هذا منين جايبيه
ساره
ليش شكو
مقداد
ولج اكو زلمه تطلعله غدير وما يتحرك
ساره
شنو يعني مفهمت
مقداد
ولج يكلي طلعتله غدير مسؤوله المركز بنفسهة
وقدمتله نفسهة
وهو سحلهة سحل  كدام الكل
ساره
يعني افهم ماكو شي صار
مقداد
لا ماكو ٠٠٠  هذا عقده ٠٠٠كوليله الصاحبتج
رجلج تمام مايباوع على غيرج مستحيل
اكولج
عاد هيه هيجي حلوه
ساره
امشيبي عابتلك
غلقت الموبايل
ساره
اخخخ بس لو امي انطتني مجال٠٠٠ جان عرفت شلون اتصرف
عبالهم طفله
بابه عمري ١٨وسنه شنو طفله
وهذا حلم حياتي
مصدكت خالي جبره اله عقد سيد بينه حته نكدر نعيش وياه بهل البيت
اموت على فلوسك
علي
يعني
الفلوس ٠٠٠يعني الكشخه ٠٠٠ يعني الطلعات الزينه
يعني حلم حياتي
كلهن تحققهن بيك
****
دعاء
مرت الايام بسرعه
فرحانه وياه مخله مكان ابغداد  موداني اله
حالتهة صارت الحمد لله احسن
ابو التدليك يجينه للبيت
يوميه نص ساعه ويروح
على الابر والتدليك
رجليهة صارت احسن
ولو العجز مجان قوي من البدايه
يعني جان يكدر يمارس كلشي طبيعي خصوصا بالاسبوع الي قبله بس ضاج من العكازه وراد يشمرهة ويعتمد ع روحه
احلى اياميالي عشتهه  وياه
يمكن جان بهذا الاسبوع
علي
عشت احلى ايام حياتي ويه الي يريدهة وتمناهه گلبي
دعاء
اخذني للدكتوره جيكتني
وكالت الحمد لله الطفل طبيعي بس عندج الرحم شويه نازل لاتتحركين هوايه
جنتي مهدده بالاسقاط يعني
انتي انذار منا الحد مايصير عمره ٩ اشهر
انطتني حبوب وابر
اخذتهن وطلعنه اتعشينه بره
هاي الفتره كلش ارتاحينه انه وياه نحاول نبتعد عن
العالم
خصوصا من رحنه زرنه
االامامين موسى الكاظم ومحمد بن الجواد عليهم السلام
ومناك اجرنه غرفه بفندق
حسيت روحي اليوم صرت عروسته
عيشني بحلم تمنيت  مااصحى منه
اجه يوم الاربعاء
خابرتني امي بليل
عرس اخوتي
حميد ومرتضى بنفس اليوم
فرحتلهم حيل
همه مسويهة بسكوت بس بينه
هم حقهم الب صار بيهم مو قليل
خطيه زهره فرحانه
خابرتني اهي الي تهلهل
وصتني ولحت علي اله اجي
طبعا اجي هو عرس اخوتي اشلون ماجي
زهره
اخاف بگلبچ على حميد سامحيه ٠٠٠هو دائما يتذكر وينقهر يكل ادري بيهة تنظلم وساكته
والصوج كله مني
جنت فاتحه سبيكر لان علي نايم بحضني وانه العب بشعره الحد مايغفه تعود
كلت
كوليله
هو الي انطاني هديه
واحلى هديه بحياتي
علي وكرار
علي
علي وافتهمنه كرار ياهو؟؟،
دعاء
ابنه
علي
اخذ الموبايل من زهره وبدون مااسلم
سده
واخذني الحضته
**
اليوم الخميس
كعدت سبحت وجهزت روحي 
كعدت
علي
هااا ولج شعندج كاعده من الصبح
اخذني الحضنه يبوس
انت ماتشبع
انه منج لا ابد مااشبع
عسل مريتي عسل
تعالي ولج وين رايحه
دعاء.نسيت اليوم حنت اخوتي ولازم اروح للبيت
انجيب ملابسنه
علي
اي والله شلون نسوه
دعاء
طلعنه من الفندق للبيت
وهناك
جانت باستفبالنه
اجت  فتحت الباب
المره سامعه الكلام ٠٠٠ لابسه دشداشه بس
ياريت لو ملابسته
كله دلع ونص ردان ومخصر
يعني تتعمد
هاي البت
انه شلي غرض راح اروحن وكلما ينوي يجي البغداد
رجلي على رجله  ماعوفه
اتاكدت من حبه الي
عليمن خايفه
ام ساره
ابد ميصير اتغدوا وروحوا
علب تونه تربكنه كعدنه متاخربن
دعاء
.اشوفهة  اتخوزر بيه
هاي صدك طفله
ام ساره
ابد احلف ميت بداعت امك وعزازك اله تتغده
هلمره سويت باچه
اعرف تحبهة وبعدين الطريق طويل وياالهل ازدحامات
انتوا والليل
علي
صدك تحجين
دعاء
ضجت مابيه اشوف وجهة وتغمز وتلمزهة
علي
شفتهة ضاجت
كتلهة عيب تعبانه المره عاد بس شويه
وياريتني اخذتهة بذاك اليوم وطلعت ولا صار الي صار
دعاء
طبيت الغرفتي اشوف ناسيه شي والم الباقي
تسوكت هواي ملابس بروحتي للزياره
لميتهن كولهن
الجنطه منسدت
لازم بعد جنطه
نزلت اسأل ام ساره بلكي اكو وحده
لن اسمعهة تكل الامهة
باعي هاي اخر انذار ياتكليله يعلن زواجنه
يا احرك الاخصر واليابس
انه هنا شكيت شنو منزوجه منوا الي ماخذهة وليش
ماتعلن زواجهة البتهة وشنوا معناهه
تخفيه وبلسر
اله اكو انه بلموضوع
بعدهة سمعت الي
حطملي حياتي وخلاني استطعم بعدهة كلشي
حلو بهل الحياه
ام ساره
ولج اسكتي لتسمعج مرته
خل تسمع ليش بس هيه مرته واني شنو
امبقيني معلكه بي يجي ياكل وينام
فندق مو بيت هذا
علب خابرني ابوي كلي الحك
حميد انچتل ٠٠٠٠انجنيت سلون وهذا عريس وبيوم عرسه
ياهو الي يكتله
حرت شلون اوصللهه الخبر
جنت بلحديقه

كربت
لن هيه على الدرج باوعتلي
وجهة اصفر
عرفت درت
كتلهة البقيه بحياتج هذا امر الله وحميد شهيد
دعاء
خبرين بنفس اليوم وحده اقوى من اللوخ
الي كتلني بوقتهة
استجاب دعائي
من سمعتهن يحجن
دعيت على الي كان السبب بتعاستي
وكعت وماأدري شصار بعدهة
علي
اباوعلهة
واهي توكع من بايات الدرج
وانه واكف مصدوم ملحكت عليهة
ام ساره
شوفي زماله تبقين طول عمرج
مو كتلج اسكتي لتسمعج
التفتت شافتني
وانه التفت ماعرف شنو الي سمعته
خبر حميد لو خبر زواجي الي ع الورق
يتبع

البارت السابع والاربعين
دعاء
اليوم يصادف
عيد ميلاد ابني حميد الثالث ٢٠١٧/٦/٤
ابو جاي ياخذه لون جدته دازه عليه تريد تحتفل بعيد ميلاده هيه والشيخ حسين وعماته
هاي
اول سنه يحتفلون ٠٠٠شكد دزت عليه واجت بنفسهه
رفضت٠٠٠كتلهة احتفلوا براحتكم بلنسبه الي انه
عفت الفرح من سنين ٠٠وهيه هم عافتني٠٠٠٠٠٠
الي صار بيه نستني الابتسامه  ٠٠٠ مو بس الفرح
بعد ماراحوا العزاز ٠٠٠٠
ابوي ٠٠٠ اخوي حميد ٠٠٠٠
وامي هل  وكعه ٠٠٠وكعه
حالهة هيه والميته سوه
مفاد وياهة دكاتره السلف كلهة وحته دكاتره  بغداد
حالتهة نفسيه ٠٠هيه مراضيه اطيب٠٠٠ ترفض  تشرب  اي دوه٠٠٠ ودومهة تنعي لحد ماعيونه راحن من البجي
كلما احجي وياهة
تكلي جملتين حفظتهن صم٠٠٠٠
ا(انه اريد اموتن حته اروح ليهم شعندي ظاله ايقابل انه اعز منهم من امداني بعدني  اشم الهوى وعزازي حدر التراب)
عجزت من كد مااقنع بيهة ماتقتنع
اكلهة يمه انه هم ظاله اكل بروحي مظل عندي غيرج
ونيس الي بهل الدنيا
هجرتهة مثلج٠٠٠٠٠ وهل جاعده بس مكابله الحياطين٠٠٠ومكابلتج
السوالف الي بگلبي جثيره
المن اسولفهن
اوووففف ٠٠٠٠ لو تدرين بهموم الي بيه يايمه٠٠٠
جا ن عذرتيني
لا ظل عندي صاحب ولا صديق
زهره٠٠٠ الي جنت احجيلهة همومي٠٠٠واهي بيوم ماراح حميد  مامش
يكلون انهبت
والي نهبهة حمزه
چتال اخوي اخ لو بس يكظونه جا سويت بيه العمايل ٠٠٠
اخوتي ماقصروا هدوا على بتهم وهمه هجوا بليله سوده ومحد يندل مجانهم
يكلون سافر  ونهب زهره
بيت زهره هم هجوا من حجي الوادم عليهم
اووف يازهره وين ا راضيج؟؟؟؟؟
وانه هل بازعه من الدنيا
حته اخوتي بزعوا مني
مرتضى
اجه عمي وجاب بنته نبأ  البيتنه  بدون زفه ٠٠٠٠ اذا المصايب وحده وره الثانيه ماانطتنه
مفكه
السنه الي راح بيهة حميد
بعده باقل من سنه ٠٠٠ ابوي متحمل الحزن وراح وراه٠٠
بعد عليمن ٠٠٠٠  الگلوب اتعودت ع الحزن والثوب  الاسود
نبأ
صباح الخير
دعاء
صباح الخير
نبأ
شلونهه عمتي اليوم
دعاء
هل تشوفينهة ظلت يمه الله بعد ٠٠٠٠كوه جاي اقنعه تاكللهة لگمه
نزلن دموعي ٠٠وانه احجيلهة مخاوفي
دعاء
اخافن هيه هم تعوفني وتروح ومايظل الي احد
نبأ
اسم الله لا تكلين هيجي ٠٠٠اليوم مرتضى خابر قاسم وحيدر وهمه ناويين يطلعوهه زياره
انتي هم روحي وياهم صارلج هواي ماطالعه
مااظن انه اروحن خلهم يرحون ٠٠٠مااريد اشوفن احد ولااحد يشوفني٠٠٠
نبأ
لاااء انتي طوختيهة ٠٠٠
مو بسج حزن هذا اوليدج محتاجج ٠٠خطيه٠٠٠ ظل متعلعل بينكم انتي و ابو ٠٠٠
يروح هناك يبجي عليج وكوه يسكتونه  البنات
يرد للبيت يجلب بدشداشت ابو٠٠٠٠٠مايرضه ٠٠٠ حته انتي كوات اتسكتينه٠٠
وهو
  هل تشوفينه كل يوم والثالث يم اخوتج  جاعد  ومايرد الحد ماااينام اوليده٠٠٠٠
خطيه رحمي حالتهم ظالين متهجولين اثنينهم
دعاء
من يفتحون الموضوع لو يجيبون طاريه
مادري شيصير بيه ۰۰بودي افلش كلشي جدامي حته روحي اضربهه
چن الي صار اليوم موش من ٣ سنين وكم شهر
دعاء
انتوا ليش دايما تنطونه العذر ؟؟؟يمكن بزعتوا  وتردون تخلصون مني لون تعرفون كلش زين انه حذرتكم  بس تفتحون السالفه احركهة الروحي
تعرفون حميد ابني اهو الي مانعني ٠٠٠ مااريدن يظل بليه ام٠٠٠٠ لو٠٠٠ تربيه مرت اب
ماشاالله عليه  مايتحمل يظل بليه حرمه هل تشوفيه لو معايز ٠٠ماضيه يشهد
نبأ
اعرف بت عمي دعاء بكل مره افتح وياهة الموضوع
يكون ردهة الي بهل الشكل
تعبنه انه واخوتهة
الشيخ علي عجز طول هل الفتره وهو يتوسل ويعتذر
جاب شيوخ الحد مامل
مرتضى أولد عمي بلبدايه جانوا ضده
لاچن من شافوا الي سواه لجل تعود الزلمتهه والبيتهه ٠٠٠همه بزعوا ۰۰۰۰واهو مابزع٠٠٠٠ظل يرد عليه ويلح٠٠تالي
وكفوا وياه ٠٠٠حاولوا  ٠٠واهي رافضه وقافله  الرجعه كلششش
٣ سنين مو گلیله
كم مره طلبت الطلاك ٠٠٠٠
وهو مراضي يطلك
اخر مره هددهة جدام اخوتهة
ان عادت سالفه الطلاك٠٠٠٠
تتنازل عن اوليدهة  ويتزوج
كللهم
خلج ابيت هلج قابل ٠٠بس طلاك ماكوو لا تفكرين
***
دعاء
نظفنه البيت وسوينه الغده٠٠٠٠ لون هيه الوجبه الوحيده الي الكل يكون موجود بيهة
يلتمون على سفره وحده
حته امي الله يحفظهة النه هل يحاولون اخوتي وياهة
قاسم
دعاء تحضروا باجر الفجر طالعين زياره
حيدر
انتي وامي
مرتضى
وانه ومرتي هم جايين بقت علينه
نبأ ٠٠٠٠اي والله صاراي هواي مزايره
قاسم
تعالوا٠٠٠ ليش لا٠٠٠ انه أجرت كيه ٠٠  والي يريد يجي
هله بي
قاسم
دعاء حميد خل يظل  يم ابو الطريق طويل واهو مايتحمل الحر٠٠٠ لون
عنده حساسيه واخافن يحرمج الزياره
دعاء
چا ماروحن خلني هنا انتم روحوا
نبأ
انتي ماكلتيلي مشتاگه البوي والاخوي
دعاء
انتم رايحين البوي وحميد؟؟؟
قاسم هز براسه
سكينه ٠٠٠٠دنكت جرت  حسره طويله
دعاء
جا انه رايحه وياكم
قاسم
خوش لجن اليوم من يجي علي خله يبقه يمه يبات
دعاء
مجبوره وعلى اعصابي لزمن اتحمل  ٠٠٠  بكل مره يجي وياخذ حميد احاول مااشوفه بس دورات تصير بينه مواجهة ٠٠ودلت عيونه تتعذر  وتتوسل هه٠٠
  خلص  مو بيدي الحب من الله٠٠وه

و من عمايله كرهني بيه
صارت الساعه ب٣ الظهر سبحت حميد ٠٠٠لبسته دشداشه بيضه جايبهة ابو بذيج جيته من الخياط
طلع يجنن عليه مشطتله يمااه بوسته من خده جريتهن الحد مابجه
اباوع الخده ٠٠٠سوده عليه شمالي اتخبلت صارت المنطقه حمره ٠٠٠
حميد يشبه ابوه هواي حته الشامه الي بخده
كلش نسخه منه
عيونه حواجبه من يضوج
بسسس
كلما اباوعله
اتذكر مصايبه وياي٠٠٠٠ شگد كرهته بعد ماظل بگلبي اله اي محبه
نزعته من كل حياتي ٠٠٠ وطلبت الطلاك واهو مراضي
يكول سامحيني وغصب عني ومجبور
هذا  حجي يفيده
لون حياتي وياه صارت مثل لعبه البزون والفار
اركض وراه طول عمري
وهو يوميه وحده ويوميه طعنه
اتحمل كلشي ولا خيانته الي٠٠٠
ابني جان خسرته لو مارب العالمين رأف بحالي بذاك اليوم ٠٠٠٠
لوما٠٠وكعتي جانت من البايتين الاخيره 
بسسس  ٠٠جان فقدت ابني واتكسرت
من
سمعت كلامهة ويه امهة
وانه چن وصله سوده صارت كبال عيوني
خبر موتت اخوي حميد ٠٠٠٠وخبر زواجه من ساره
صدمتين ٠٠٠ ضربتين براسي وبگلبي متحملت
حسيت روحي بغير عالم الناس تركض تصيح
لحكولهة راح تموت ولن اشوف روحي طايره
والدنيا بيضه اشعه قويه صارت بعيوني ولن اخوي حميد يمد ايده یگلي تعاي٠٠٠وانه احاول اوصله
بس صار بيني وبينه چاهل صغير ٠٠٠صوت البجي ماله صحاني ٠٠٠
على صوت ممرضات يصيحن
أجت الدكتوره
دكتوره  ميس
شوكت جابوهة
السستر
قبل ربع ساعه
ميس
خوش٠٠٠ وين السونر ٠٠٠
السستر
هذا هو
ميس
اممم
الطفل بعده بي نبض ٠٠٠٠ بسرعه خدروهة وللعمليات
اسمع صوته وانه اتقزز اريد اصرخ بس صوتي كواته يطلع
دعاء
مارررريده مجرررررم خله يوليييي
علي
اسمعهة حقهة شما تحجي انه انطيهة كل الحق
علي
اهم شي الام ديري بالج عليهة
ميس
احنه راح انحاول  الطفل بي نبض بس
لازم انوقف النزف الي بسببه اخاف نفقده
راح  نسويلهة ربط والي بيدنه انسوي 
ونتوكل ع الله
علي
ايده ترجف٠٠٠٠ وهو يفرك بيهن يريد يظل ثابت ويسيطر عليهن وعلى روحه
وانه راح الزم سجادتي واصلي الحين ماتخلصين
دعاء .مااعرف بعد اله لما فاتت ساعه
ولن
اهوو يسمح كصتي اوجهي بكلينس
دفعت ايده
وخر عني ٠٠بنتره
علي
حقج شما تحجين بويه حقج ٠٠٠بس لا تظلميني وتظلمين روحج لا تخلين عنادج يضيعج ابنج ٠٠٠
خل اولي انه طبي مرض وستين مرض بس انتي
اهدي وكل الي تردي يصير
دعاء
طلكني ٠٠مستحيل بعد الي صار اعيشن وياك
علي
الي ترديه يجرالج بس هدي
دعاء
تذكرت حميد
كمت ابجي واصرخ هو تخردل صاح الممرضه
الي بسرعه اجت ونطتني ابره بجيس المغذي
المشكلينه
بعدهة ماعرف شصار
نبأ
ياصدقه الله شلون شيخ معكل٠٠٠ وهيبته عشيرتنه
دعاء
خطيه نبأ ميصير عدهة الحد هسه جاهل  والسبب من اخوي لازم يعالج روحه
الدكتور يكول
نسبه الحيامن عنده كلش نازله ولازم مقويات وابر
طبعا هذا كله بسبت الي صار ٠٠٠٠  وهو سوده عليه
بيوم زفته وزفت حميد انهبط
جان قريب منه لمه رموا
الچلاب
شخطوا بسياره قريبه من سياره الزفه ورموا بوسط الهوسه
والضربه جانت براسه
وكع بلحظتهة ومات
ومرتضى ملحك عليه
دشداشته انملت بدم اخو العريس
بعد هذا كله اشلون يصير عنده خلفه مو الله يساعده
دعاء
يوم الج تتهنين وترسين حظنج بوليد
نبأ
الله يسمع منج بلجي٠٠
بزيارتي هاي البو الحسنين انه ومرتضى ربي يرضى عنه وينولنه الي نريده
دعاء
انشاءالله
نبأ
البارحه سمعت ايه مزوجيهة الابن خالهة
دعاء
لويش عمي ماكل
نبا
يستحي من الولد٠٠٠ مسويه سكته يعني بينهم يكلج صار شهر من عاقد عليهة والبارحه تزوجت
دعاء
بلكي تخلصين من نفسهة عليج وترتاحون انتي ومرتضى
نبأ
انه هم كلت هيجي
دعاء
واخوي يدري
نبأ
اي هو اجه قاسم وخبره
وشكال
ابتسم وجر حسره وبعده كال٠٠٠٠٠٠ الله يسعدهة بلجي هلمره تستقر حتى يرتاح بالي ماكون كسرته وتطلع من خطيتي
دعاء
شوفي
طلاكه من ايه هم سبب لان مرتضى يشبه ابوي الله يرحمه ٠٠عاطفي
نبأ
اشم ريحه جدر البرياني بس لا احترك طبخته الباجر للزياره ياصخاممم الصخمج نبأ
دك الباب
نبأ
يمكن مرتضى راح يجيب العصاير
دعاء
روحي الجدرج انه افتح
دعاء
جنت لابسه دشداشه سوده بدلعه من الصدر ودلعته  صايره جبيره بكد ماعرت بيهة حميد من جنت اسبحه مايرضه يسبح يخبلني٠٠٠٠٠ وجانت  طويله  ومخصره وضيجه بس انه
ضعفانه وصاير خصري محبس
على كوله نبأ
وشعري مفتوح ومنفوش ٠٠ جنت ظافرته وفتحته لون محضره روحي اسبح
بس اخلي حميد يم نبا الحد مايجون اهله ياخذونه
يعني حالتي حاله ٠٠٠٠
رحت افتح الباب وع بالي الي بلباب حميد
دعاء
اجيت اخوي اجيتك
وانه افتح السركي
ولن اهو صار جدامي
اول ماشافني
اخذله صفنه ٠٠٠  وعيونه ذبلت وهو يمررهة علي ويكصني كص من فوك اليجوه حسيت روحي وحده
مو خوش من ذني الي يعرفهن  ٠٠لعبت روحي وكشت ٠٠٠٠
صحت وانه الم بدلعتي
شلم ٠٠٠٠ الدلعه لو شعري المنفوش وحالته حاله جني جنت نايمه وهستوني كعدت حته عيوني مورمه وحمر من البجي الي صار عاده الي كلما اتذكر الي صار
دعاء
اشششبيك وخر عيونك عني ماتستحي هو انت وينك وين المستحه؟؟؟؟
اشو

فه
انگلب طنطل علييي
علي
انه شفته بهل المنظر ٠٠مدري شصار بيه كبيت نار  وجيت ٠٠
هو انه الي اسمي زلمتهة ماشفتهة بيوم بهي حالتهة ٠
اتمنيتهة يمي والعب بيهة فلك نسيت روحي ٠٠ نسيت هيه غضبانه ٠٠٠٠ صرت انه ابو الحق
حرمتي ياهل الناس حلالي ومشتاك ليهة  احبه موت٠٠وبعد
ماعندي صبر
واول حب الي واخره بعدهة گلبي ماخفگ ولا اظنه يخفگ الغيرهة
اشتعلت بودي اخذهة الحضني
والدور صارت اهي ام الراهي تكلي شلون متغظ نظرك عني
ههههه هيه هاي اكبر نكته سمعتهة ٠٠٠
هاي فوك ما محروم عنهة واهي حلالي وام اوليدي
وكاتم وصابر
صحت بوجهة
شلووون تفتحييين الباببببب وانتي بهاي الحاله ؟؟؟
دعاء
اولا لتصرخ امي مريضه ٠ ٠٠٠ وثانيا انت جاي تاخذ ابنك وبس وهساع يجيك
والمره بعد من تجي وتوصل للباب
اكو شي اسمه تليفون
خبرنه مو تجفت جفت
البيت اله حرمته  ٠٠ وانت سيد العارفين ٠٠٠يااالشيخ
علي
عافتني وراحت تتمندل ابمشيتهة ٠٠٠
مدري هيه هاي مشيتهة وجنت غافل عنهة ٠٠٠
يابوووويه سهم وصابني
مزعلت منهة بكد مااشتاگیت الهه
وأصريت اله أرجعهة الحضني هل العنوديه
دعاء
صحت نبأ تاخذ ابنه اله ماريد ارجع واشوفه
بكل مره يزيد كرهي اله وانه اتذكر الي صار٠٠
ترسته عطري الي احبه والي منعته عن روحي
وصرت اخلي الحميد ابني
احب اشمه عليه
نبأ اصبريلي شويه
شميته بقوه
اوفيششش٠٠٠٠ بسته هلمره من ركبته بقوه مدري شصابني گلت خل اشبع منه لون هلمره يبات يم ابو
وراح اشتاكله
نبأ
دعوفينه للوليد متشوفينه ازرك من البجي
دعاء
صدك حميد زورك من البجي بس سمع بيهة طلعه وابو جاي ياخذه
ابن ال٠٠٠ نسه امه بسرعه
دعاء
هاج اخذي
اتنسين تكليله راح يبات يمهم الليله وباجر العصر يمر
مرتضى عليه
هاج ملابسه وحليبه والممات  اثنين الي للحليب الزركه والورديه للمي والشرابت
لتنسين وكلشي موجود بلجنطه لتخليهم يحطوله بودره عنده حساسيه يهيج عليه ٠٠وهذا عطره بس لا يكثرون
نبأ
دنطيني الولد عيب من الزلمه شتلتينه بلباب حته ماكلتيله اتفضل  جوه ولا جاي لا ماي ٠٠سويتيهة فد دوره ماتخجلين
دعاء.
عليمن خله ايولي هو جاي ياخذ ابنه هذا شيخ تعرفين شنو يعني
الناس كلهه تقدره  وتحسبله احساب حتى اخوتج
ماقصر وياهم
عيب منه ٠٠٠مصختيهة
دعاء
دروحيي والله خوش محاميين حاطله حته اخوتي
گلبهم‌علييي
علي
شويه  اجه حميد
يابعد گلب ابوك و وهله  وكل طوايفه
اشلونك حميد يلصگر لیش تبچي
حميد
ببببااااه
هااا ياروحه وعشيرته
دعاء
اخذتني رجلي وره الباب وانه اراقبه وهو ياخذ حميد من نبأ
وشلون يحاجيه
شمه شمه قويه وهو يبوسه
نفس المكان الي بسته بيه
ركبته وخده
علي
همست بأذنه الحميد
هااا ياريحه امك وشميته
اباوع الخده وركبته بيهن طبع  مزورك مكان بوستهة
اكيد ٠٠٠
جيت احجي عليهة شلون مزوركه الطفل هيجي ٠٠٠
ماانكر انه هم صابتني الغيره  ٠٠٠
من اوليدي
التفتت ولن عيونه تراقبني ٠٠٠٠ شافتني رجعت لبدت
ورى الباب
انه هم اخذت مكان البوسه مالتهة وانه اكولن
افيسشش هسه برد گلبي
دعاء
من شفته هيج مدري شصار بيه
عغتهم ورحت للحمام اسبح
يتبع

#هديه_مرفوضه
#بارت٤٨
علي
اخذت الولد وانه فاير دمي ٠٠٠
طلعت بسيارتي البيتنه وهناك
بس لمحوني جاي
طلعن البنات ركض على هذا الي وياي
كمت اغار منه
ماخذ المحبه كلهة اله وانه صرت صفر بلشمال
محبه امي وابوي وخواتي
اولهم
الي اموته چبدي امه ٠٠٠لا  ولاچني موجود   ٠٠٠ماكالت اتفضل
وساعه وانه مشتول ابابهم ٠٠تالي دزته بيد حرمه اخوهه
انه الج يصير خير
اذا ماخليتج تردين وراسج فوك ركبتج انه مو ابن ابوي٠٠
فاطمه
وين الغده
فاطمه
اي هسه جاهز٠٠٠بس خلني اشبع من هذا
علي
ولكم كافييي متشوفونه يصرخ من ايديكم
٠٠وينه امي عنكم
مها
خويه ايغير هذا العزيز والمدلل ومحرومين منه صارلنه هواي واليوم مصدكنه شفناه
فاطمه
اي انت يوميه شايفه يعني شبعان من شوفته ٠٠خله النه اليوم
صاحت نسرين وهيه تمد ذراعاتهة ترحيبا بحفيدهة
ياهله ٠٠وميت هله٠٠٠٠٠٠برويحتي ياهله بگلیبي ياهله بلشيخ الصغير ورفعه راسي وهيبتي
اسد ابن اسد طالع البوك اموححح ٠٠افيشش هسه برد گلبي
علي
اشوف ابني كمز عليهة ويستلم  البوسات من هل الخد ومن هل الخد وهو يفر براسه ويضحك
حميد
ببببيييي
يابعد بيبي واهله وناسه ولك مشتاكتلك غير ادكول ودوني البيبي؟؟
حسين
اخ ٠٠هذا ياهو ؟؟حميد ٠٠تعال يبعد جده وطوايفه
امواححح
علي
على كيفكم شني شو  وهكتوا الولد ولا جن عنده صاحب
نسرين
شتريد ولك انت مالك دخل
علي
شلووون جا غير ابوو انه
علي
اشوفنهة اخذته للغرفه وهي تكلي
بعدين ٠٠٠بعدين نتباحث بهل الموضوع
فريت بيدي وانه اضحك
صدك كمت اغار من ابني هذا مرض صابني اشوفن يمكن
صعدت فوك الغرفتي٠٠٠٠ اسبح وابدل ولحك اخلي لكمه بحلكي قبل لاتجي الوادم
اليوم امي وابوي
ممخلين واحد معازمينه
وانه الي وكعت بيهة جيب هذا  اخذ هذا
اوصي بهل الكيك والحلويات توصاه
والشرابت
اليوم مو جنه عيد ميلاده ٠٠٠مسوينه عرسه
خطيه حتى من طهرته مكدرت احتفل لون اجداده جانوا حزنانين
هم حقهم والواجب احترم حزنهم
وانشاءالله اخر الاحزان
هيه صحيح فرحتي مكامله بدونهة واحسهة ناقصه
وادعي من الله يهديهة علييي وتبطل من عنادهة
سبحت وبدلت نزلت ٠٠٠ليكتهم يجهزون بلزينه
وامي وخواتي كالبين البيت
شي نفاخ ٠٠وشي ورق ملون على شكل طوبات
والقزموز حميد  يطك بيهن وهنه يضحكن عليه
ويشجعنه٠٠٠
امي
تعال عليوي انفخ ويانه
علي
اشدعوه بويه هل النفاخ كله ٠٠ وبعدين خله انت لا تظل اطك بيهن متشوفهن يلهثن من النفخ تعبانات
طب كمال
السلام عليكم
علي
اييهه ابو النسب تعال جيت بوكتك ساعد مرتك وخيتك
وانه رايح اتغده عصافير بطني تزقزق من الجوع
كمال
وهو يباوع الفاطمه الي هلكانه وصايره حمره وكل شو يه تعدل بشالهة ويوكع منهة
كمال
والله ونسه رديت٠٠وانه ابتسمله واغمز متونس على هل المنظر عيد واجالي
ليشش لا اساعد واني بذيج الساعه
علي
عرفت شيقصد خليته براحته ٠٠خطيه الحد هسه ميكدر يختلي باختي فاطمه ٠٠ رغم ماصار زوجهة حكم ابوي اله تصير الزفه
استخطيتهم ٠٠هو يحبهة واهي هم احسهة تبادل نفس الشعور
هواي معوقات صارت بحياتهم ٠٠٠
عانوا الحد ماوافق ابوي يزوجهم
حكم القوي ٠٠٠هههه امي هيه الي قنعته ؟؟؟؟
السبب٠٠كمال مجان ابن جدي جان ابن ابنه وهو مربي  يعني ابن عمهة الامي هههه والله ابوي عليهة سوالف ٠٠متنحجي خل اسكت احسن
بعد عقول ٠٠٠٠٠اشسوي
كمال
اشوفهة تعبانه وصدرهة يصعد ينزل وخدودهة صايرات دم
كلت
انتوا من كل عقلكم هذا النفاخ كله تردون مرتي تنفخه
نسربن
اشبيك عيني ؟ قابل هيه بس وحدهة مو كلنه وياهة
كمال
لا حته لو مااقبل تكربون ابمرتي
مها
صدك تحجي ؟؟جا احنه وين صرنه
كمال
هاا اشوفن صرتوا عليه
نسرين
لعد شلون مو انته الي بديت
كمال
خوش اني راح اجيب شي  واجي مااريدن احد يطخ وحده
التفت الحميد
وانت بسك عاد اطك بيهن متشوف مرتي تعبت
حميد
برطم جاي يبجي حس بيهة رزاله
نسرين
لا تصرخ بوجه ابني علمود مرتك افتهمت
علي
سويتلي لكمه واسمع امي واخوهة يتعاركون
بلشقه
هاااا صدك تحجون
احباب صارلكم عمر تالي هذا الزعطوك يخرب بينكم
راح اخذه الحد ماتكملون خوششش
كمال
واني راح اجيب المنفاخ واجي
فاطمه
ابتسمت وانه فرحانه من كل گلبي باهتمامه بي
كمال حبيته٠٠لانوا عطوف  يحس بيه ورغم كل المصاعب الي  واجهتنه بلبدايه لكن الحمدلله
صرنه البعض وعن قريب زواجنه
علي
اخذت ابني وصعدته فوك حته ينامله شويه قبل ميجون المعازيم وانه هم  ارتاح وامدد جسمي تعب اليوم
خليت ايدي جوه راسه وسحبته عليي بسته من كصته
تعال يبعد طوايفي٠٠٠٠ افيششش بيك ريحه الغاليه
اباوعله الحميد٠٠٠٠ صحيح اهو يشبهني ٠٠٠لاجن عنده اطباع امه
مثلا ٠٠٠انه مراقبه ٠٠٠كلما اسحبه عليه وابدي احضنه وابوسه من خدوده لو وجهة بقوه
يغمض عيونه بقوه ويعقج وجهة كلهة
اكيف ارجع اعيد الكره
وهو يعيدهة
الحد مايصرخ بوجهي ٠٠مدري شيحجي ابن الچلیب يمكن يغلط علييي
عاد ارجع اهدي ومايسكت اله احجيله قصه
ومو
هللهله قصه لزمن تكون عن الحيوانات المفترسه
الي
تاكل وادم٠٠٠٠ معوده
هههه اتذكرت ذيج المره نهتني امك ماا

حجيلك هيجي قصص تخاف عليك
تريد تسويك كيكي خلهة تولي  ٠٠٠شو٠٠اله احجيلك اليوم قصه عود ماوصيك روح فتنلهة
علي
اباوعله فاك عيونه مصدوم ابن الكلب
جا لعد ياهو كلهة انه احجيلك مثل هيجي قصص
هااا؟؟؟
***
دعاء
البيت صار وحشه من راح حميد
رجعت الكأبه وانه رجعتلي الخنكه مدري شبيه هل الايام صرت مااتحملهة الروحي
صحيح يمكن نبأ على حق لزمن اغير جو
ليروح يصير بيه شي
وابني يظل بلياي
وهذا ابو اعرفه من عين باجر يتزوج
والدور حميد يصير بيديه
مجرد هل الشعور صابني بخوف ورعشه صابت جسمي
تعشينه خفيف لون ور انه نوم من وكت وكعده من الفجر
صعدت الغرفتي صارت وحشه عليي حميد رغم وكاحته مالي عليه حياتي٠٠
تمددت بعد ماوقت الساعه
ولن
اشوف حيه سوده وضخمه  جايه عليه
وانه شايله حميد اركض منا ومنا٠٠٠ ارد اخلص منهة
اصيح٠٠٠ ماكو احد ظليت اصرخ من اشوفهة كربت كلششش علينه
اشوفن من بعيد
فارس على حصانه الاسود
شبهت بيه
واهي التفتت عليه
وهو تكرب
لن علي
مد ايده
تعالي وياي صعدي
انه مجان عندي غير هل الخيار لجل انقذ ابني
لكن هيه غافلتنه من  مديت ايدي وكعت حميد مني
ولن كربت تاخذه
وانه صرخت
حميددددد اوليديييي
فزيت
الكه نبأ ومرتضى على راسي
وانه  عركانه  وجني راكضه والهث ٠٠
اجر النفس گوه
نبأ
اسم الله عليج هذا حلم لاتخافين سمي باسم الله ونعلي الشيطان
تعشيتي ونمتي هو هذا السبب
دعاء
حلم ٠٠حلمت بكابوس انه خايفه على اوليدي
مرتضى
ماكو شي هو كابوس مثل ماكالت نبأ ٠٠تعشيتي والاكل ظل على گلبج
يالله جهزوا رواحكم هم يالله صلاه الفجر وامي هم جهزوهة
طلع مرتضى
دعاء
نبأ دكيلي على على فاطمه
نبا
صدك تحجين ٠٠٠٠ الوادم اكيد نايمه
دعاء
مااصبر ( گلبي يرجف) اذا مخابرتيهة اظل الطريق كله اوهوس وخايفه وممرتاحه
نبا
امري لله اخابرهة
جيبي تليفونج
نبأ
دكيت٠٠
دعاء
مايمي غير اتصل بيه هو
**
علي
جان عيد ميلاد حميد ٠٠٠عرس
ابوي حار شيسوي
الذبايح والعشه اشكال والفواكه وبعدهة الكيك والحلويات
الوادم تخمت
ماخله بيت بلسلف ماعزمه والماكدر وده ليهم ولبيوتهم
الله تالي وكت يجي هذا الزعطوط يغيره وبشبع
منه دلال ٠٠
وانه الي شبعت ضيم وكفخات من ايده
صحيح انه ناقصه فرحتي لاجن من شفت
الضحكه بوجه ابني  فرحت
الفرحهم
وانه اشوفه يكمز وهو يستلم الهدايه
اشكال سيارات ٠٠طيارات  الي حالته ميسوره
ينطي فلوس
ابن الكلب اخذهن كلهن مايرضى احد ياخذه منه
والي يسترجي
يصرخ بوجه
ماتيييي
بخيل عليمن ماادري ٠٠هههههه
تعب وتعبنه
كضت الحفله والبنات استلمن
سبحنه ونيمنه
وانه استلمت المخده حته ماعرفت شلون نمت
بدشداشتي
دك موبايلي مهتميت ٠٠تعبان
اباوع بتك عين
٠٠والكه حميد بصفي نايم مثل امه  ماخذ وضع الجنين ههههه
الموبايل مابطل دك
خفت لا يكعد ادور شيسكته  اله امه
شلته
اباوع رقم مرتضى٠٠٠داك ٣ مرات
اباوع على الساعه بل٤
لازم اهي الي وصته ٠٠٠ادري بيهة ماتتحمل بلياه
هاي اول مره يبات بعيد عنهة
شلت وانه بعدني بنومتي متمدد من صو تي امبين
توني كاعد
علي
الووو
دعاء
بس سمعت صوته ٠٠مدري شصار بيه
اتذكرت ايامي الحلوه وياه من جنه بلزياره
حسيت بيه توه كاعد٠٠٠ بعده متمدد وهو يحاجيني
سكتت
علي
محد رد
كلت
الوو مرتضى وينك ترى انه ابليسي كامز مو وكت شقه٠٠
دعاء
من سمعته هيجي حجه استحيت ارد
صدك انه ليش خابرته بهل الوكت
ليش مخابرته الصبح هسه شيكول عليه تتحجج
سكتت٠٠٠ وانه بعدني فاتحه الخط
طبت نبا
خابرتي ابوه
علي
سمعت مرت مرتضى  انه استعدلت نومتي هاي اكيد اهي جانت
كلتلهة
احجي يابعد روحي  اذا مشتاقه للوليد هاذ هو بصفي ٠٠فتحي كاميره وشوفي
واذا البووو هم هنا وتحت امرج اجيج طاير
دعاء
هذا شيقصد بكلامه ٠٠
انه ميته عليهة  وداتحججج بأبني
كلت خل اسمعه شكم كلمه حته افوخ گلبي
دعاء
لو تبقى بس انت لو تموت مايرف نبض واحد من نبضات گلبي الك
انت طلعت من زمان ومستحيل تدخله
علي
ضجت حيل من ردهة
رديت
وهسه شرايده مخابرتني تالي الليل
دعاء
هذا الفجر موش تالي الليل ولو انت صرت متميز
الليل من النهار
  تظل٠٠الليل كله جاعد  وبلنهار  نايم
علي
صحيح ٠٠ وانتي شدراج لازم حاطه مخبرين
يوصلولج اخباري اول باول
دعاء
اشحاسب روحك ؟؟؟
علي
عبد من عباد الله
دعاء
خبلني وعصبني ٠٠نساني حته المن مخابرته
سكتت
دعاء
شرايده
دعاء
هااا هيج اسأل ٠٠
علي
على حميد اكيد
دعاء
اكيد جا عليمن ٠٠ ابوه طلع كتلك من گلبي من يوم الي خاني وباعني ٠٠ وياريت وحده تسوه٠٠٠
علي
كوليلي
الى متى ؟؟تعبت صارلي ٣ سنين اعاني ٠٠٠وانه ادفع سبب هل الغلطه ٠٠
متهجول انه وابني وممرتاح ٠٠ادري كفرت خوما كفرت
انه الوحيد الي غلط
اتتي تعرفين كلش زين انه مجان قصدي
اعترف ٠٠٠ بدايه حياتي عذبتج
وحسبتج   هديه مرفوضه
وانتي كلش زين تعرفين السبب
دعاء٠٠انه ماعشت حياتي من وانه طفل مثل البقيه
امي  ابوي  الي صار بينهم سببلي عقده
عانيت منهة عمري كله
حسيت العالم كلهة ضدي
من وانه طفل
يعيروني بأمي وشلون شردت وعاف

ت ابوي الشيخ
وين مالتفت الكاهم يتهامسون بينهم عليي
كرهت امي وقررت اكره  كل حرمه على وجه الارض
ومن هدوج الي رفضتج عاندت ابوي معرفت هاي الهديه ٠٠هديه ربي الي
٠٠صرتي   ناري ٠٠وجنتي
لا اكدر اكرهج ٠٠ولا احبج
بعدهة حبيتج وانتي اول واخر حب بحياتي 
مريم تعرفين شلون دخلت الحياتي والاسباب
والثانيه ساره ٠٠ جنت خايف لا ربي يعاقبني بخواتي
وانه بيدي اامن عليهة واصون عرضه
الحد ماتكمل دراسه وتروح الحال سبيلهة
مجنت اعرف زينيتي هاي اتصير نقمه على حياتي
دعاء
لاكن بعدهة على ذمتك
علي
ياهو الي كلج٠٠انه طلكتهة جدام خالهة وجدام الكل
من اجو للبيت اهي وامهة وخالهة
وطردتهم واخوج جان حاضر وشاهد ماكلج؟؟؟
دعاء
انه شعلي ادكلي هذا الحجي ٠٠الي بينه خلص
علي قاطعتهة
لا ماخلص الي بينه حميد لاتخلين مصيره يصير مثل مصيري
دعاء
هو عنده ام ماتبخل عليه بلحنان
علي
هيجي صارت ٠٠بعد كول الي حجيته ؟؟
لجن انه منطيج مهله لون تعبت منج ٠٠٠
يومين  تفكرين بيهن  ٠٠٠ان مارديتي  علييي
اقسسم يمين الله يادعاء
اتزوج
ماظل اتوسل بيج واذا انتي صدك خايفه على حميد
تسمعين كلامي وتردين البيتج
والام الحنينه تفدي روحه الجل اوليدهة وانتي الجله ماتتنازلين 
الجل يرتاح من التشتت الي هو بي
سمعي كلام وردي
اهنا سمعت صوت نبأ
يالله دعاء امشينه اجو اخوتج
سديت بدون ماارد
كملت اموري وعباتي راسي لن الكل بلسياره
حته امي٠٠٠ سلمت
جاوبوني
وعليكم السلام
صعدت٠٠ ٠٠وكعدت بصفهة
والطريق كله افكر بكلامه وبحلمي
يجوز هذا الحلم
الحيه٠٠٠٠ اهي حرمته الي يتزوجهة ٠٠
وحميد ؟؟؟،
شهكت
اتذكرته
اكيد تخلص  منه حتى يحلاله الجوو
يتبع