درة جبيرة وعالية وتوجع صدره ولزم ظلوعه...ونام عالأرض تألم انفاسه انكطعت...وغير شراميخ الشوك....
ركضن اله البنات..وزهراء لزمته..وتصيحله يكوم..

زهراء بخوف:نواف عمري شبيك توجعت...ولازمة ظلوعه ونواف تشنج ومن الألم اغمه عليه...خافت وظلت تهزه...

خالد صاح بصوت عالي:يابه الحك نواف طاح ومات..ويصيح نواف مات يابه...ولازمه يهزه...

سمعو صوته هيج يكول لو الزلم كلهم اجو من الفزع..ونور انفجع وهو يسمع اسم ابنه وياه كلمة مات...

اجه شافه امدد كلبه وكف عن ضخ الدم..واخذ راسه لحظنه ويضرب على وجهه...وادريس يعتذر ويكلهم ماقصد أذيه جنت امزح وياه....

نور يضرب على وجهه بخفيف:نواف بويه كوم شبيك..عمري على عمرك بويه كوم لتخوف ابوك

زهراء خافت ودموعها ظلن يطيحن وايناس همين...

نواف فتح عيونه:يابه والله دمعت عيوني اول مرة اعرف بيك تحبني هل كثر

كلهم بخوفهم انفجرو ضحك حتى جده الشيخ ابو نور...

نور نفض راسه من حظنه:يا طايح الحظ وانه جيت راكض وكف كلبي من الخرعة وانته طلعت تشاقه

نواف ضحك وهمسله:يابه هسة بيضت صفحتك..ترا بت عمك جاي تباوعلنه وشوف وجهها كمر يضوي بالنهار

نور كام وعافه:خالد صكر نويف شمروه بالبير عقاب اله على هالمقلب

نواف كام ولازم ظلوعه:يابه والله مو مقلب

ادريس:آسف هواي والله اقسم ماقصدت اطيحك

نواف:لا تعتذر مصار شي مابيه شي..وخطه خطوة وصاح بألم..ولزم ظلوعه..خالد وادريس لزموه..وصكر ابن عم نور...

نواف:مابيه شي لا تخافون وهاي رايح اشلع النخلة وياكم..وراد يتحرك وصاح بعلو صوته ولازم ظلوعه وتألم حتى عيونه دمعن...

كلهم اجوه الولد وهو مصر مابي شي..هنوب ظل مايكدر يحجي يختنك وظل يصيح من ألم ظلوعه..نور اختبص من جديد وكال شبي شنو تكسرن ظلوعه...

والولد يهدونه يكلوله مابي شي..وخذوه للمستشفى..وتأخرو للساعة 7 بالليل بالمستشفى نور وياه والولد...

وطبعاً رجعو كلمن بيتهم...

والبنات قلقات ويفكرن..وحتى العشه ماسون..واجو من المستشفى واستقبلوهم البنات..كلولهم كلشي مابي نويف جنه حصان...بس ظلوعه متشنجه...وجم يوم ويصير زين...

وراحن البنات كلهن سوى سون عشه لأن ولد عمهم يم نويف..وماشاء الله همه كومة..سون العشه وب8 ونص صبو وبال10 جابو الولد جمار الهن....

شالعين نخلة جبيرة ومجمريها وجابولهم..ونورسين اكلت منه وكالت طيب...

بالليل زهراء خذت تلفونها وصعدت فوك السطح تكعد تقرا براحتها...البنات نايمات..وتقرا وتضحك...يتبع

#الشيخ_نور_التميمي 
#البارت_الخامس
بالليل زهراء خذت تلفونها وصعدت فوك السطح تكعد تقرا براحتها...البنات نايمات..وتقرا وتضحك..وهم هاي اخر فرصة الها لازم تبدي تدرس...

نواف جان صاعد هو وادريس للسطح شافو زهراء كاعدة تضحك وبيدها تلفونها..وشافتهم تفاجئت بيهم..ونواف اشرلها على حجابها..ولبسته بسرعة..

نواف:شسوين هنا بهالوقت وتضحكين

زهراء:والله العظيم جاي اقرا رواية

نواف:جيبي تلفونج..وخذاه وفتحه على رواية وفتش منا ومنا وماشاف شي...هو يخاف على اخته وهو يحاسبهن اكثر من ابوه...

ادريس:تصرفك هذا يكسر كلبها..خليك واثق بأختك

زهراء:اي صدك عود ليش تشك بيه انته وتدري بيه تربيتكم ما اسوي غلط..واجي هنا اقرا روايات

نواف انطاها تلفونها:انه اخاف عليج الدنيا ما تتأمن وهالزمن يخوف وياكثر البنات الي سحبهم الانترنت..وبدل الروايات مو ادرسين احسن

زهراء:والله العظيم جاي اقرا بس ومو مال هالسوالف..وبس اليوم اقرا والله مهتمة لدروسي

نواف:يالله نزلي نامي مو اشوفج هنا بعد..واخذ ادريس وراح نامو بالديوان..بس ادريس مانام وكعد يفكر بزهراء...

والفجر..نواف كام من فراشه وظلوعه توجعه..لزمهن وكام لبس دشداشته وطلع وراح دخل الصالة يريد يروح يجيب فلوس...

شاف نورسين بيدها لابتوب وجاي تكتب بي ومتربعة على الأرض وحاطة الابتوب على مخدة الجلسة تصير عالية شوي ويابسة...

نواف:يابه صباح الكمر

نورسين رفعت راسها:هلا صباح الورد..وابتسمت..

نواف:بلكي فد ابتسامة لفد ناس ترا معوزين حنان هههه

نورسين:ههههه ومنو هذول المعوزين حنان

نواف:ابوي..أ أ اقصد... ويريد يضيع السالفة..اشو كاعدة

نورسين:اكتب..توني كعدت وبديت

نواف:شتكتبين

نورسين:اني كاتبة وجاي أألف كتاب من مجموعة قصص ملكية

نواف:هلا هلا بالمثقفة هو هذا الي يحتاجه الشيخ كاتبة بلكي تكدر تاخذ كلبه

نورسين مافهمت:شنو قصدك ياشيخ هذا

نواف:هههههه ماعليج خليج كملي..رايح اجيب فلوس واروح سوك السمج واريد اجيبلج زبيدي طويزج..واذا ماكو اجيبلج داكوك لو هامور..اريد اضوكج سمج اهل الملحة

نورسين:امممم اي يالله نشوف..اكلك شنو طويزج ههههههه

نواف:يعني طازج تازه هنا يكولونها ههههه
نورسين:اها..يعني انته تجيب للبيت من جيبك والله عجبتني نواف الكيوت الصاك ههههه

نواف يعدل بشعره:اشكرج اي طالع على ابوي نور اسم على مسمى شفتي..ويغمز الها..

نورسين ضحكت:اي شفته الله يحفظه الكم..اي ماكتلي انته تصرف عالبيت من جيبك

نواف:لا بويه هو انه منيلي جيب..مشكوك وكلما يخيطونه ينشك واطيح منه الفلوس..الله يخلي جيب جدي وابوي

نورسين ضحكت:والله كلامك يضحكني صدك انته مو مريض ليش راح تطلع هالوقت وحدك وين اخوانك ليش ميرحون وياك

نواف:نايمين ومابيه شي هاااا..واطلع هالوقت لأن الصيادين هالوقت يجيبون سمجهم التازه(الطازج)

نور طلع  من غرفته ونزل شاف نواف واكف يم نورسين وهي كاعدة على لابتوها وبس كفاها يشوفه وشعرها المفتوح..ولابسة تشيرت نص ردن وبيجاما...

نواف شافه:هلا يابه صباح الخير

نور:صباح الخير..وين رايح لابس دشداشتك وجفيتك

نورسين التفت لنور:صباح الخير ياشيخ...اول مرة تكله شيخ...هي تعرف شنو شيخ عدهم...

نور ماباوعلها:صباح الخير بت عمي

نواف:يابه رايح سوك السماجة

نور:وماكو احد غيرك يروح خلي عمك مشتاق يروح انته مريض..وخلي ياخذ خالد وياه

نواف:والله عمي مشتاق شكو سمجة عوره يجيبها ويجي..وشكو سمجة ارملة ومطلكه يجيبها ينكسر خاطره عليها

نور ضحك عليه:ولك حتى وانته مريض ماتوب من تحشيشك..امشي روح صلي وارجع لفراشك اليوم ماريدك تطلع مريض انته

نواف ظل يرمش:يابه والله راح يصير بيه جلطة من خوفك عليه مو مصدك هل كثر تحبني

نورسين:شوف هذا شيكول اكو اب ميحب اولاده..اسفة للتدخل

نور ميباوع عليها: لا مو مشكلة..وهاي اجاك الجواب..وانته ليش من احاسبك تعتقد اكرهك..انته لو تعرف حجم الحب الي بكلبي الك جان ماتكول هالحجي..انفتحتلي ابواب الحب من شفتك زغير وفتحت عيونك..وتحققت احلام العمر من شفتك تخطي اول خطوة

نورسين حبت كلامه:والله نواف مايعرف معنى كلامه عذره هو من حبه الك..ماما جانت هيج تكلنه انتم كل احلامي..وباوعت لنور..اني اتركم..وخذت لابتوبها وراحت للحديقة...

نواف:طفرت البنية يابه ليش هيج..لا تكول الكبر خذاني ومو مال عشك..ماشاء الله عليك يابه بعدك شباب

نور رفع سبابته بتحذير:نواف بطل سوالفك هاي ماريد افشلك كدامها الزم السانك هذا..وعاف ابنه وراح...

نواف:ان مادخلتها لراسك ياشيخ واخليك تحاجي نفسك فلا اكون نواف نور علي نور التميمي....
كعدت بالحديقة تفكر بشخصية نور ماتعرفه عدل بس توه كلامه عجبها..ولزمت كيبورد الابتوب وبدت تكتب...

الملك أدريان..ملك مستبد وقاساً ويعيث فساداً في بلاده حيث الشعب جائع وهو مستمر بحفلات الشرب والخمر والفتيات حوله... ولا يحب ملكته..لكنه يحب اولاده...

تأففت وسدت الابتوب...

نورسين:شجاب نور على أدريان الفاسد..ياربي ع

قلي ماعاد يشتغل هل يومين..شوفتهم وتعرفت عليهم تغيرت كل المشاعر الي بداخلي وكل تصوراتي...

وشافت نور طلع بطوله..ابتسمت على امل يباوع عليها وتبتسم بوجهه من باب اللطافة..بس ماباوع عليها..عبست..وتكول نور شنو مشكلته وياي...

نواف طلع واجه كعد يمها وهو لازم ظلوعه:ها شكو معبسة وماتكتبين

نورسين:نواف ابوك شنو مشكلته وياي..من احجي ولا يباوع عليه ولا يحاجيني..احسه مغرور كلش هوايه

نواف:ههههه لا ابد ابوي مو مغرور بس هاي طبيعته ثكيل مايباوع عليج لأنج بلا حجاب

نورسين:اي بررله مو هو ابوك

نواف:والله ماابررله ابوي انسان طيب..وكريم كرم مو طبيعي اتخيلي كل فاتحة تصير بالعائلة اغلبها عليه

نورسين:هلكد كريم..واووو.. وانته تختلف عن ابوك ههههه ماطالع عليه شخصيته تختلف عنك انته مرح وهو هادئ..بس الشكل سبحان الله تشبهه

نواف:لا يغرج هذا الهادئ من يعصب اعصار يمر علينه...يعني لازم اصير عابس حتى اشبه ابوي...بس خالد على خوالي..شفتي زهراء هم تشبه ابوي

نورسين:اي بس خالد لون بشرته تختلف عنها تؤم مختلف..سولفلي قصة امك وابوك تعرفها واذا ذكرها يوجعك انسه الكلته

نواف:لا لا مابيه شي امي قليل اذكر عليها جنت زغير من توفت..سولفولي قصة امي وابوي هو مايسولف بيها بس بيبي سولفتنه..زهراء تكعد تلح عليها كل يوم تسولفلها عنها وانه صرت احب اسمع عنها كلشي..وباوعلها ولمعت عيونه تبين...

والبلوجكتر بعده شاعل لان ظلمة فجر..

نورسين:اي صح كل يوم جنت اكول لبابا سولفلي قصتكم احب سيرتها..وتعلقت ب بابا هواي

نواف:نفس حالنه تعلقنه بأبوي وبيبتي لأن ماعدنه ام..سمعي قصة ابوي..ابوي مالتحق عسكرية بذاك الوقت يكدر يدفع بدل..والجامعي ميروح الا فترة محدودة وهو جان ويه جدي بالديوان بكل زغيرة وجبيرة مادرس ماكمل دراسته.. هي تصير بت عمه وجانت اله من همه زغار..كبرت امي وابوي حبها وحبته خطبوها اله واتزوجها..وجابو العسل الي كبالج

نورسين ضحكت:احب ثقتك بنفسك ههههه وخفة دمك

نواف طلع اسنانه:لا مو انه استحق الحب بداعة امي مو انه..اي اكملج امي جابتني وهنوب جابت خويلد وزهيره وهنوب هيثمو الطويل وهنوب ايناس.. جانت ماتلحك تجي يم شيخنا نور تطلع حامل بزعطوط وتجيبه وينعاد الانتاج لو باقية جان هسة صرنه 15 اخ ههههههه
نورسين ماتت ضحك:وربي ضحكتني ماشفت شخص مثلك انته واخوانك..ابوك تعب عليكم تعجبوني روحكم مرحة وخصوص البنات زهراء وايناس عسل ذني

نواف:بس امي جابت ايناس وتوفت ومحد يعرف شبيها بيبي تكول وبيوم لكوها على ايدها ايناس وهي لا حس ولا نفس..جان عمر ايناس 9 ايام

نورسين:ياربي والله قهر...الله يرحمها يعني مشافت امها..اووف وابوك شنو موقفه خطية

نواف:ماذكر بس ابوي لحد هسة حزين عليها وماتزوج بعدها ابداً وشكد حاولو وياه ماقبل وبت عمه مهره رادته وعنست وهي تنتظره وهسة عمرها 34 سنة وبعدها بلا زواج منتظره بعدها

نورسين:والله خطية تنتظره وليش مايحن عليها شنو كلبه ميت

نواف:مو كلبه ميت بس هو مايريدها كوه هي خو ما كوه..بنات عمي سفيهات بس للضحك انطيهن سوالف وضحك وجهال يموتن على الخلفة...هو انسان طيب وكريم وشجاع ويخاف الله بكلشي

نورسين:اي كل هذا بأبوك امممم خوش شخصية لملك شرايك شتكول

نواف:اي اي والقاسم يلوك عليه ملك..بس غير هو مايحجي.. تردين تخمطين شخصيته لقصة مووو لو موو

نورسين:اي عفية عليك...شخصية ملك بس ساعات اريد اسوي شرير الملك لأن ملل كل ملوك سلسلة الروايات مالتي ملوك عادلة وكل واحد قصته مختلفة بين حب والمملكة..واحد تخلى عن عرشه علمود حب حياته

نواف:اي واي شي تردين تعرفينه عن ابوي موجود يمج انه..حتى لون السروال والفانيلة الي يلبسهن اكلج اياهم ههههههه

نورسين:سخيف ههههههههه كوم روح صلي اذن الأذان

نواف هههههه:اي وانتي هم صلي يابه عوفي الابتوب

نورسين:احم احم اي اكيد شايفني كافرة

نواف:لا حشاج بت شيوخ انتي..وكام..ياالله سلام..اصلي واروح لسوك السمج

نورسين:بعدك مصر وكلام ابوك طيعه وصير عاقل

نواف:هههههه يمعودة لو ماروح انه محد يروح صدكي..وهم اخذلي فرة بسيارة الوالد..مع السلامة...وراح...

نورسين تحاجي نفسها:ههههههه وين اصلي واني بالشهرية...وكعدت تكتب لمن شافت ابوها اجه يروح للديوان يصلون هو وعمها ابو نور وصبحت عليهم وبوستهم ثنينهم...

وبعدين شافت نواف يريد يطلع بسيارة ابوه....ونور بالديوان والولد نايمين بعد ماصلو بالماي مكعدهم نور...وجدهم ابو نور يصلي بعد ماينام لذلك كاعد ويه اخوه ابو ادريس يسولفون ونور يمهم...

نورسين سدت الابتوب وراحت لنواف جاي يسد باب الكراج...

نورسين:نواف اخذني وياك

نواف:وين اخذج يمعودة سوك السمج مرايح للشلالات

نورسين:ههههه اي اعرف اريد اروح وياك اريد اشوف اسواقكم
نواف:حطي على راسج حجاب وتعاي

نورسين:اوك بس ابدل دقايق...وراحت للغرفة وخذت لابتوبها وشهد توها كاعدة تصلي وتصيح على زهراء وايناس يكومن...

نورسين صبحت عليها وطلعت ملابس للطلعة ونزعت التشيرت و

هي بحمالات الصدر...

شهد:وين رايحة ولج وشفنه غراضج..ههههه فديت الاسود الابسته

نورسين:ههههه العندي نفس العندج ومانازعة كلش..رايحة ويه نواف

شهد:وين رايح نواف هذا مو مريض

نورسين:اي وابوه كله متروح بس شكله قنعه ويريد يروح سوك السمج..يالله تأخرت عليه..فدوة لجين لتلعب بجهازي مفتوح تضيع الكتبته كله

شهد:لا هسة اشيله..ديري بالج...وطلعت نورسين وهي لابسة بنطرون وقميص ابيض..عالخصر يجي شلون لاستيكه ومن جوى نص الفخذ...ولبست شال بأهمال وصعدت السيارة كدام...

نواف:جيت اعوفج شنو جنتي تحطين مكياج

نورسين:لاااء شوف وجهي بي مكياج اصلاً ماتأخرت عليك هنه خمس دقايق ليش تكبرهن..وصغرت عيونها اله...

نواف:لا االيوم نص المحافظة تكعد تباوعلنه وهلا هلا نواف ابن الشيخ نور جايب وياه بنية

نورسين:هههههههه لا شسالفة يعني احنه اخوان..وبعدين شعليك بالناس..يالله نروح خلي اشوف اسواقكم

نواف ضحك ويكول لنفسه اليوم احط ابويه براسي الا الينك واخليك طريقك ماتندلاه...

وراحو سوك السمج..ونواف فر نورسين فر وحتى ريكها..ورجعو للبيت...

وقت الغده الكل بالديوان كاعدين..اجو جم واحد من ولد عمهم ومن ضمنهم واحد اسمه سراب ونواف يصنفه تصنيف كلما يجي...

نواف:هلا والله بسريب..ارد اعرف بس شغله عمي من سماك جان شارب الرمين لو ماي غريب

خالد:ولك لا تحجي على سراب هسة يشور بيك ميرزا عنده شاره امه علويه..احنه بخت جدك..دستوركم خخخخ

سراب:اي ادري ابخت جدي عرفناها دستوركم شني هاي سويتنه جن اعوج

خالد:ههههههه اي انته غريب تخوف صراحة يعني شوف حنى رموشك لونهن ابيض بكد ما اشكر  المفروض يسمونك الأشهب

نواف:اي عود هو اشهب هذا غاطس بكونية طحين..هسة صدك حتى رموشك شكر..ادريس باوع لنواف...يابه انته لا تاخذ على روحك انته امك المانية هو امه سودانية مادري منين اجه الاشهب خاف بايكينك من المستشفى ولك

سراب:نويف هسة اكسر خشمك طايح الحظ احشمني انه اكبر منك

مشتاق:ياجماعة هاي طلع طفرة وراثية على اجدادنه قبل واسم سراب هاي جارتهم مسميته شايفته ابيض مثل الكلوب شعره ورموشه شكر حتى شعر صدره شوفو هسة اشكر..فجارتهم كالت سموه سراب
سراب:اي عفية شتوقي هالشي صحيح

مشتاق:ولك شنو شتوقي مو جاي ادافع عنك طاح حظك

سراب ضحك...

نواف:يعني هو الي يعصب منك ويحمك عليك بس يحط حرف زاي بدل السين ويصيحلك هذيج ماريد اكول اسمها استغفر الله استغفر الله

خالد وهيثم ومشتاق طاحو من الضحك...

سراب:نور ولدك راح اجلدهم واحد واحد وياهم مشتاق لا تكلي بعدين شسولك مايحترمون لا زغير ولا جبير

نور:كدام وجهك ادبهم 

سراب رفع ردان دشداشته:والله لغسل شراعكم...وطاحلهم واحد واحد بالنعل وهمه خربانين ضحك لااحساس ابد بس مشتاق سحل سراب ماكدر عليه...

وجدهم يكلهم بويه كافي احترمو شوي انتم اولاد شيوخ صيرو زلم كافي شقه..وهمه سكتو وصارو ملائكة...

نور:وعمر يكلي ليش ما ازوج نواف..هو خل يعقل خل يصير براسه خير اول ويصير رجال ويعتمد على نفسه

نواف:اويلي اشكد احب عمو عمر ينحط عالجرح يبرد والله ما جنه صديق ابوي عكسه تماما دوم مبتسم ويحب الحياة ومزوج مرتين بس ابوي قافل

فارس:وشبي ابوك ولك

نواف:موتني اريده يزوج بلكي يجيبنه جم زعطوط يونسونه

ابو ادريس:وليش تكل لأبوك ازوج كل لعمك مشتاق

مشتاق:انه ماريد ازوج هيج مرتاح وحلو شلي بسالفة الواق ويق وجهال وحفاظات يكرم السامع وحليب وجيب وتعال ودي وروح

ابو ادريس:هههههه ليش بويه احلى ما بالحياة تكون اب الابوة شيء حلو ومايتعوض واكو ناس محرومة

نواف:يعني عمي بربك شوف ابوي احجي وياه بلكي يقنع ويقرر ويزوج حتى يصير اب

مشتاق:هههههه واعمدة الكهرباء العنده شنو مو ابوهم..يالله نور اعترف انته لاكي نواف يم باب بيتنه

خالد:لا لكانه ابطن امنا وسبحان الله لكانه باب البيت ودخلنه بطن امنا ههههههههه

نور:هسة راح اطلعكم من الديوان

سراب:صدك نور ليش ماتزوج مهره بت عمي ترا عنست المرية وتنتظرك

نواف:افيييييه هم مهره اجتي بنصنه..لا يابه ابوي يريد وحدة زغيرة حتى ترجعه شباب

فارس:ولكم انتو ليش مصرين هل كثر على زواج ابوكم

نور:ياخوي العزيز بظنهم اعوفهم وبعد ماكو حسيب ولا رقيب هيج ظنهم حتى وين بأرض الله كاع يطيرون

خالد:لا ابد والله نفكر بيك

هيثم:وانا اشهد يابه انريدك تزوج بعدك مو جبير ترا 

نواف:وانه عندي العروس بس كول تم يابه المهر عليه والله ابيع كليتي وادفعلك المهر بس وافق
نور:اي ماشي لنفرض وازوجت..باجر تجون تشتكون مرت ابوي ومرت ابوي..هيج كالت وهيج سوت

نواف وخالد وهيثم تلاثتهم سويه حجو:يابه مانحجي وهااا..ولزمو حلكهم...

ضحكو عليهم الولد...وابو ادريس يكول اي بعد عمك مافاتك العمر ازوج...وابو نور يكول ايست منه انه اريد ازوج مشتاق...

وكعدو يسولفون الولد ويضحكون بيناتهم..نور خابر على صديقه عمر يجي يمهم يتغده واعتذر وكله زحمة عدكم خطار...نور كله شنو زحمة ياخوي تعال انته اخوي وعمي عمك...

واجه

وياهم عالغده كاعدين..ونواف سحب الصحن من كدام ابوه وحطاه لعمه عمر...

نواف:يابه انته لا تاكل حافظ على رشاقتك هيج حلو لا تسمن ترا هي رشيقة رشيقة يابه وعلي تشك العيون بالطول

نور:منو هاي ولك شتقصد

شاف الكل يباوعون لأبوه والولد صفصفو وظلو ويردون يعرفون يقصدمن نواف...

نواف:هااا اي المشيخة يابه المشيخة..اي انته احكم اذا صرت سمين واجاك واحد يكول هذا الشيخ عنده كرش مينفع ميحل مشكلتنه...

والولد غصو بالأكل من الضحك..حتى ادريس مات ضحك وعمر همين...

نور:ولك انته هم تصير ادمي..شالخرابيط الي تكولها..كوم من يمي روح مناك

عمر:لا اكو شي ثاني بالموضوع نواف مايقصد المشيخة هذا لوتي هههههه نور يمك شي ومتكلي

نور:والله العظيم خلفتي مابيها خير بس البنات..وصدك يكول مشتاق يمكن مكايل بسم الله من سويتهم..نواف يقصد يتعاقب يابويه مايقصد شي 

نواف ولا بالبال:اي يابه عود لو زوجت هل مرة لا تنسه بسم الله ومو تشوف المرية وتنسه الرحمن الرحيم....

بعده مامكمل زمخ بي نور وكله روح تغده بالمطبخ....

نواف كام وبثقة:اي ليش لا اروح اشوف الشمس الضاويه ..يقصد نورسين..بس يخاف يكول ضوء القمر حتى لا يفتهمون ابوها واخوها...

وصدك راح بالمطبخ وكل للبنات حطولي اكل وحطوله وكف عالكاونتر ياكل ويمه سطل روبه(خاثر) مسوين منه لبن البنات هاي عليه صورة جاموسة حاطين...

غسل وراح داخل..وكاعدات ياكلن بعدهن وياكلن على كيف ويسولفن ويضحكن...زهراء جاي تتباهى بجمالها يم البنات وبدور همين...

نواف كعد وراهم وحط رجل على رجل..ويسمعهن يتباهن بجمالهن زهراء وبدور هاي تكول الحلو بيه هيج وهيج...

نواف:والله انه اشوفكم ثنينكم لو لونكم شوي اغمق تصيرون  نسخة من الجاموسة الي على الروبه......

البنات غصن بالضحك وايناس كامت تكركر بصوت عالي وزهراء وبدور يخزرن نواف...

بدور:ولك نويف انه دوم ادافعلك وانته تقصفنه..هاي لأن دوم اكول عنك حلو ياجلب

نواف:ههههههههه هاي قبل جنتو حلوات هسة شوفو ضوى الكمر الي يمكم اتذبكم كشور

نورسين:هههههه هاي عليه ضوى الكمر

نواف:اي بويه اي..اذوب اذوب..اكلج عندي سؤال صارله يومين براسي

نورسين:كول اسأل شنو هو

نواف:هاااا لا بعدين اخذ سيارة الوالد واخذج للشط

نورسين:اوك موافقة..بس البنات ويانه يرحون مو

نواف:لا ناقصني جواميس حسبالهم راعي بقر وجواميس ويطردوني من الكورنيش

زهراء:اياا الشرير واحنه..جواميس مو الا اكل لبابا اصبر..اذا ماتاخذنه

نواف:لا دخيلج خوفتيني..وبكيفي مزاجي افكر اخذكم او لا

بدور:كوم روح يم الزلم بدل ما كاعد هنا تتغزل بنورسين يالسخيف

ام نور:شبيكم على وليدي يشاقه ترا

نواف كعد يم بيبته:هلا بالطيبة الحنينة هلا بيبي الحبوبه..بيبي ابشرج راح ازوج ابوي قريباً..اليوم شكله مشتهي يزوج ومستحي

ام نور ابتسمت:الله وايدك بس منو يزوج ابوك مايسويها من جنتو زغار مازوج هسة يزوج لا ماتصير ابني واعرفه قافل 

ايناس عافت الأكل وكامت..من تسمع يكلون لأبوها تزوج تضوج ماتحب هالسالفة حتى زهراء مايردون ابوهم يزوج.. تاخذ مكانهن وميردون مرت ابو...

عبر اليوم بين ضحك الشباب وسوالفهم وبين نواف وابوه كل شوي يبسمره بحجاية ونور يعرف يقصد نورسين بس ساكت عنه....

وبالليل كلش زهراء كالعادة راحت فوك السطح تقرا رواياتها الي تحبها وتحس بسعادة من تقرا ولو بدت برواية ماتعوفها لمن تكملها حتى لو يومين متنام...وتعوف الدراسة...

واستغلت انشغال نواف ويه الشباب وتسمع ضحكهم بالحديقة كاعدين..طلت شوي من السطح شافتهم مندمجين بالسوالف والضحك وابوها وعمه يسولفون سويه...

رجعت لتلفونها وكعدت تقرا وماتدري ادريس لمحها طلت من سياج السطح لأن بينت وكام كلهم اروح الحمام...وراح للحمام وطلع ودخل داخل البيت...

وراح صعد الدرج ولسطح..شاف ضوى النقال بوجهها ولازمة ضحكتها حتى ميسموعها جوى بالحديقة...

راح كعد بصفها..وكال هلا بالحلوة شتسوين...وهي اخترعت وبسرعة لفت ربطتها الي على جتافها..وابتعدت عن ادريس لأن كعد بصفها كلش...

زهراء تريد تكوم ولزم ايدها وكلها كعدي ترا ما اعض اني وضحك..وهي خجلت...

ادريس:شنو تقرين شفتج اضحكين
......... يتبع ...........

#الشيخ_نور_التميمي

البارت السادس
راح كعد بصفها..وكال هلا بالحلوة شتسوين...وهي اخترعت وبسرعة لفت ربطتها الي على جتافها..وابتعدت عن ادريس لأن كعد بصفها كلش...

زهراء تريد تكوم ولزم ايدها وكلها كعدي ترا ما اعض اني وضحك..وهي خجلت...

ادريس:شنو تقرين شفتج اضحكين.......

جوى بالمطبخ جاي يغسلن اماعين نورسين وشهد..وبدور بغرفتها تبدل لجين وايناس راحت بره يم ابوها...

نورسين:وين راحت زهراء

شهد:فلتت من الماعين تلكيها عالسطح تقرا روايات وعدهم دراسة الحقيرة

نورسين:ردت اساعدها شوي بالانكليزي طلبت مساعدتي

شهد:اي هوين اجتج هاي زهيره ماتصدك تكعد على تلفونها وتكعد تقرا

نورسين:مو حلو هيج ادمان على القراءة وكون تقرا للثقافة مو بس روايات حب وغزل

شهد:والله راح تخرب من ورا هالروايات..مو اكلج مرة نواف يمها جان وجاي تقرا وقاري وياها شوي وهي كالتله شنو حاط وجهك بالمبايل وهو خذه تلفونها كسره ليش تكله هيج وظلت تحجي عليه ونكتلت كتله ونور فكاها منه وصيح عليه بس نواف كله تقلل احترامي اكسرلها عظم..وابوها سألها وسكتت ونور رزلها بس نواف ترزل اكثر وكله ابوه انه اربيها واحجي وياها بس مو تضربها

نورسين:اي ميصير شنو يضربها خطية..بابا ليهسة ما فد يوم مد ايده علينه وهاي ادريس عايش حريته للآخر ومرات ميسمع كلامه بس مايضرب

شهد:اي حتى نور ميضربهم بس مرات يرزل الولد..خيتي والله فلتانين وماكو واحد خلصان من تصنيفهم حتى ابوهم وحتى عمهم فارس ومشتاق

نورسين:هههههههه هذا نواف كارثة بشرية دمارية..مو شفت رمان زغار بالسوك كلت للرجال ليش هيج شالعينه من الشجرة وهو زغينون..الرجال ظل يضحك..نواف يكلي بالسيارة تدرين غازلتي الرجال توه

شهد:ههههههههه اي هاي نواف سوالفه هيج من ياخذنه للسوك يبوووو ولا يخلينه نباوع لا يمين ولا يسار مرة اخذنه انه والبنات نشتري ملابس العيد..اتصدكين زهراء خالفت حجيه ودارت علمود ايناس وطنكر وكال ماكو ملابس ورجعنه للبيت وكال بيبي تجيبلكم ملابس..والله بجن زهيرة وايناس ويكولن بيبي اتجيب ملابس مو على كدنه وذوقها يختلف عنه..انه عادي ماطلع مكان حتى لو ماشتريت ملابس.. والعيد اكضي غسل وشغل بشغل من الخطار

نورسين حزنت عليها:ليش هيج شهد انتي بشر ميصير محبوسة يحقلج اطلعين

شهد:مو كتلج المجتمع هنا ياكل المطلقة اكل وبت عمي طلعت عليه تهمة جبيرة انو انه مصاحبة واحد ويجي يشوفني ويطفر الحايط عليه..وتردين اطلع..عادي تعودت عالبيت واصلا وين ارد اروح يعني عمامي جاي اروحلهم وسوك هم اروح مرات
نورسين:والزواج هم تعيدين نفس التجربة

شهد:هي مو سالفة تجربة..انه جاي اعنس ولا عندي طفل ولا شفت شي من حياتي وغير حجي الناس ونظرتهم وامي شابعة قهر عليه..هسة خالتي الثانية صارلها شكثر مجايتنه بسبب هالسالفة تجي بس بالسنة حسنة لأن ولدها يجون وياها

نورسين:وانتي المشكلة ماعندج شهادة او وظيفة حتى تعتمدين على نفسج بدل مذلة الرجال..هنا اغلب النساء مظلومات تحت مسمى زواج وعادات وتقاليد

شهد:ههههههههه والله جاي اتخيلج تزوجين هنا وهذا حجيج عن المظلومية تظلين اتصيحين بي ههههههههه لا مترهمين ويه احد من هنا

نورسين:ههههههه ومنو كال اتزوج هنا وماكلج اريد اجنبي لا ابد بس ماتزوج الا احبه ويحبني حتى ماخسر شي ويه الأحبه

شهد:واذا حبيتي شتقدمين لحبيبج نورسين كليلي الحقيقة..وحبيتي بحياتج لو لا

نورسين:بحياتي كلها ماحبيت احد ولا حتى انعجبت..واذا وكعت بحب احد اقدمله قلبي بكل نبضاته وكل مشاعري وكل عمري

شهد:انه مرة انعجبت بشخص بس صدمني بعد فترة عزمونه على عرسه..هو يصير ابن عمنه بس مايريد مطلكة واخته سمعتني هالحجي ترس حلكها ليكول زحفت على ركبي وكعدت بباب بيتهم اتوسل يخطبوني

نورسين كرصت خدها:لا يأتي بعد الشدة الا الرخاء ومابعد الكره الا الحب وما بعد الشتات الا لم الشمل..صدكيني هذول عقولهم صغيرة الي يجرحون بالكلام..منو حاصله هيج بنية جميلة وطيبة كلبها تغطي العالم وشنو مطلقة وشنو بنية عذراء..كلهم بشر حرام هيج نظرت المجتمع للبنت

شهد:فدوة لكلبج بت عمي الكمر..امممح..والله حجي وياج يحسسني بالدنيا أمل وكلشي راح يكون حلو...

ظلن يسولفن لمن خلصت الماعين...اما زهراء لازمة ضحكتها حيل وتضحك على كيف على سوالف ادريس يسولفلها عن مواقفه ويه نواف هاليومين...

وتعمق ويسولفلها عن اصدقاءه الي بألمانيا وشلون يسون بي مقالب وهو همين..وهي نست نفسها واندمجت بسوالفه وتضحك...

ادريس رافع شعره بتكه ومسوي ذيل حصان وطايح الباقي..وردان تشيرته طويل بس مرفوع..ويسوي حركات بيده من يحجي يمثللها...

وزهراء ناسية روحها وتباوعله ولجاذبيته وسوالفة وخفت دمه..وجت عيونها بعيونه وسكت وهي سكتت..وفجأة حست بنفسها...

وكامت وخذت تلفونها....

ادريس:وين رايحة مو جاي نسولف

زهراء:هسة كلهم يفقدوني وعندي دراسة..وعافته ونزلت عالسريع..وشافت نواف دخل للصالة وخافت منه وكلبها صعد لبلاعيمها...

ونزل ادريس بعدها مباشرة...

نواف:يمع

ود وين جنت ادورك اثاريك بالسطح
زهراء قرت مية الحمد الله ماشافها نازلة من الدرج وراها ادريس..وكالت بعد ماكعد يمه ولا اصعد السطح لو شايفها نواف يحرك اجدادها مايفهم ماكو شي ولا غير شي..يخاف على اخته...

وكلهم طلعو بره كعدو..وشهد ونورسين همين..وبعدها كلمن راح لفراشه ونامو...والبنات بالغرفة كعدن يسولفن بس زهراء وياهم صافنه...

بعدين كعدت تسولف وياهم وكل شوي تسأل نورسين سؤال عن ادريس بس بصورة غير فجائية حتى ما تفهم عليها...

وبعدها نامن كلمن بفراشها ونورسين تفكر بمليكها(ملك) الجديد شلون راح تسويه شرير لو خير...وكامت كتبت شوي وقفلته ونامت...

صار صبح جديد ومر اليوم عادي بسلام الولد الصبح بمدارسهم..والظهر الكل جانو معزومين بيت عمهم الي بصفهم...بالليل كاعدين الكل بالصالة...

طبعاً نواف طول اليوم بس يلمح لأبوه وكل شوي يسوي حركة بأبوه..وكلما حجه كله اي اولاد العم وكت الهم ..ويغمزله..ونور يخزره بس وساكت عنه ويكمل حجيه...

فاليوم كاعدات البنات وسوالف وضحك لوحدهن والولد همين لوحدهم..ونورسين جاي تسولف لزهراء وايناس عن حياتها بألمانيا...

واليوم مغيرة الروتين وحاطة كحل اسود يخبل عليها بالعادة متحط مكياج..هاي شهد جربت بيها كحلة جديدة واصرت الا تحط منها...ونورسين مامسحتها عجبتها...

نواف همس لأبوه:يابه شوف هي وزهراء وايناس صديقات...

نور تجاهل حجيه هذا ويسولف ويه عمه...شوي عمهم وابوه كال انروح الديوان يردون يحجون عدهم سالفة بيناتهم...

نور لازم سبحته وباوع لولده يحجون ويه ادريس..ابتسم ويكول الحمدلله على كل حال شبيهم ولدي صارو زلم...

وصوت ناعم خلاه يلتفت ويباوع عليها..وباوع لبت عمه الي صار يتجنب النظر الها من اجت ليهسة لأنها بلا حجاب..وباوع بنظرة ثابته...

ويتذكر حجي نواف..اسمها ضوء القمر..يابه والله انته بس التفت عليها انطي نفسك فرصة...

نفض افكاره ويكول الله يلعن بليسك ينواف شنو انطي نفسي فرصة..دوم يسويلي مواقف طايح حظها مثله...وباوع لبناته تشاقيهن ويضحكن...

نور يحاجي نفسه...طبعاً طول هالفترة وانه ماملاحظ

شكلها وكله ادنك من اكون وياها بنفس المكان...

بس ماعرف صوتها خلاني ارفع راسي واباوع الها..وياريتني ماباوعت...سبحان الي مصورها...

عيون بحرر ازرق والكحلة السودة تخرب عقل اكبر عاقل ومتزن وبارزه العيون ولونهن...والشعر اخخخ بويه الشعر البني على شكار...وجهها مثل ضي الكمر...

اسمها نور واسمي نور..شني هذا بت الألمانية فلك طرج حورية لو انسية انتي..وجماله الأبتسامة..هاي لو طلعت بالشارع يصير كعدة فصل....
استغفر الله شجاني فصلت بت العم وهي عرضي وشرفي اعوذ بالله منك ياشيطان..وانه الشيخ نور كاعد اوصف بشكل بت عمي...

يا ضي الكمر شجابج على طريقي..من عرفت معنى اسمها وانه اتخيلها مثل ضي الكمر وصدك طلعت ضي الكمر.........

كاعدة وتسولف ويه بناتي وكل حجيها عن حياتها بألمانيا..هاي شلون سالفة ياشيخ انته العاقل طيرت عقلك لعد شسوي للولد...

اعوذ بالله استغفر الله..زفرت وكمت وانه اصد عنهم واطلع لديواني احسن ماني كاعد هنا وابليس يفتر يم راسي......

وكام ورجع باوع عليها وهي صدفة رفعت عيونها وشافته باوع الها...وابتسمتله وحتى طلعن سطر اللؤلؤ الي بحلكها...

ونور دار وجهه وراح طلع من الصالة..وطلع شم هوى حيييل وكأنه رأته خلص هواها ويريد يسحب هوى جديد......

وصورتها تجي بعينه..ويكول الله يلعن بليسك يانواف..والله لعاقبك على هالسالفة..هسة انه ليش متأثر بحجي نواف...شنو مانخلقن بنات غيرها...

نور من خلال معاشرته للشعراء الي همه اصدقاءه صار مرات ينطق بكلام ويصير قافية ويصير فد شي.....

نور يحاجي نفسه:طفلة ومن شفتها وخذت من فكري اللب..وانه شايب كلبي مابي حيل التعب

لوضحكت لو حجت شفت العجب

مو صوت جنها تعزف على اوتار الكلب...

كعد على كرويته خشب بالحديقة مطلية بلون جوزي..وحاطينها يالحديقة للكعدة وحدة ثانية بصفها...ومرجوحة حديد لجين وايناس يكعدن بيها...

طلع باكيته وفتحه وطلع وحدة شعلها وسحب نفس ونفخ الدخان..وتذكر ذيج الأيام ويه شيخة..وتذكر يوم موتها كلش جان صعب عليه...

يوم لكاها ماتتحرك ولا نفس ولا صوت وجانت على ايدها بتها الي عمرها 9 ايام وابنها عمره سنة هيثم بس جانت ايناس تبجي وخذوها من يمها...

رجع بذاكرته لهذيج الليلة...جانت ام نور يمها نايمة وامها همين..نور جان بالليل من ينامون يجي يمها ويكعد يصفن بوجه بته فرحان بيها...ويبوس بهيثم وهو نايم الي توه عمره سنة...

جان يلاحظها وجهها اصفر ويكلها شبيج يالعمر انتي..شكلج تعبانة تكله مابيه شي...من اشوفك يروح التعب...

وهي كل جهالها خمس ايام وتكوم من الفراش بعد متنام حتى من جابت التؤم بس هالمرة ماتكوم ومابيها حيل وكلما تكوم جانت تطيح بين ايديهم...

ويسندوها وياخذونها للحمام ومن تاكل متكدر تكعد..وهي محد يعرف شبيها...وحتى شهيتها جانت مكطوعة ومتاكل...وبليلة وفاتها جانو مقررين ياخذونها الطبيب بس يطلع الصبح...

بجت ايناس والدنيا كلبتها..سمع صوتها نور وكام يدخل يروح الها...وحتى هيثم فز وكام يبجي...

ام نور:يمه شيخة كومي لبتج رضعيها

ام شيخة كامت تهزها وتكلها شيخة كومي..بس شيخة ماتتحرك وجهها شاحب..لزمت ايدها امها باردة...
بدخلة نور عليهم...ام نور خذت البنية وظلت تضرب على وجهها كومي يمه..بس شيخة ماتتحرك..هالشي خله نور تظلم الدنيا بعينه...

وامها ظلت تلطم وتصيح شيخة يمه بتج تبجي..وام نور..توخرها عنها وتكلها استهدي بالله مابيها شي هسة تكوم...

ونور مصدوم..ومافز من صدمته غير من سمع امه تصيح وتكول يمه شيخة ماتت..وايناس تصرخ جوعانة البنية وصريخ بيبيتها ام امها لم الكل...واجو على الصريخ...

ومن يومها بقاله بس بناته و ولده..ومافكر بعد ابداً يتزوج او هو بعده بشبابه..جان حتى الثلاثين مداخله بس بقه بلا زواج وهاي صار 15 سنة...

رجع للواقع ودنك راسه وايد بيها جكارته والايد الثانية على راسه...

نور:مشتاقلج يالعمر وين رحتي عن اولادج كبرو..وتنهد.. الحمدلله الله عوضني بناتي ولدي...وانه وياج مو نصيبنه نبقه سويه..شكراً لأن جبتيلي ثمرات حبنه وكلهم يسون الدنيا كلها عندي...

كام طفه جكارته..هو اغلب تدخينه مو كدام اولاده ميريدهم يتجرئون ويدخنون كدامه...

اصلاً ميريدهم يجي يوم ويشوفهم يدخنون ويغلطون نفس غلطته يوم جرب الدخان وصار صعب يتركه..جان مراهق...

ومرة كل لنواف ولخالد وهيثم اذا اشوف واحد يدخن لو الزمه عنده جداحة حتى...والله اطفي جكارته بحلكه وتعرفون ابوكم من يكول كلمة يسويها...

وحتى مشتاق مايدخن بس فارس للأسف يدخن..هاي فارس بسبب نور تعلم وليهسة مقهور ويتذكر ويكول جان زغير فارس ويجيبله جكاير حتى ابوهم مايعرف....

ضحك بصوت خافت على هالذكريات..وفارس من كبر يكعدون يذكرون يكل لنور هيج نصير زلم عود بالجكارة ويضحكون ثنينهم...

نور راد يدخل للديوان اندك الباب..راح فتح الباب...

الشيخ محمد باقر:السلام عليكم ورحمة الله وبركاته.شلونك يابو نواف

نور:وعليكم السلام والرحمة هلا بالشيخ ابو علي حياك حياك..تفضل

محمد با

قر:الله يحيك ويزيد فضلك..شخبارك ياخوي وين صار فترة يبو نواف ماكو

نور:والله مشاغل الدنيا ياخوي..ودخله للديوان..وسلم على الشيخ ابو نور وعلى ابو ادريس...

محمد باقر اسمه مركب..وهو شيخ عشيرة ال......بدون ذكر اسماء هالعشائر...هو جبير خوانه من بعد اخوه الشيخ حسين...وابوهم متوفي من همه زغار وجان الشيخ...

ومات وعنده  3 اخوان  وصار الشيخ الكبير من بعده...ومات اخوه وصار الشيخ حسين ابن اخوه الجبير...

وتوفه حسين بمرض نادر وقليل يصيب انسان..وترك ارملة وجهال وتوله المشيخة محمد باقر اخوه...وهو متزوج وعنده بس ولد وبنية....وعمره 35 سنة...
ويكلهم هالمشيخة شكو واحد استلمها رمل مرته ويتم اولاده شكلي راح الحك السابقون...

ابو نور:حيا الله من زارنه..شلونك وليدي

محمد باقر:الله يحيك ياشيخ..الحمدلله على الله

نور:اي ابو علي تفضل آمر

محمد باقر:والله يابو نواف دوم تعرف بكلبي حجي..والله هي سالفة كاع وصايرة مشكلة عليها..المشكلة صاحبها يكول الي وماعنده اثبات وضايع واخوه يكول ملكي مشتريها من فلان والأخ يكول انه مشتريها..وصايرة بالسلاح بين الاخوان واجوني..واريدك نشوفها

نور:ان شاء الله وياك ياشيخ

محمد باقر:المشكلة صايرة جبيرة والله ماتسوى هل الاسلحة والكتل والمكاتل..وسند البيت عند الاخ ويكول مضيعها الورقة وهسة تايه الفرس وين ماندري

نور ابتسم:نلزمه لهذا الفرس نلزمه...وكعدو يتناقشون بالسالفة...وكالو باجر نروح عليهم ونحلها ان شاء الله...

واستأذن الشيخ محمد باقر وراح...والبنات بعدهن بالصالة يضحكن...واجه فارس جان طالع...ودخل وسلم...

فارس:هلا والله كاعدين..شو ماشوف بلوتي يمكم

نورسين:منو بلوتك ههههه

فارس:اقصد مرتي ههههه وين ماكاعدة يمكم

نورسين:وليش تكول عنها بلوة..اشو مغرور انته..فارس ضحك وكعد يمهم...

بدور بالمطبخ جانت وجاي تسوي جاي الولد طلبو جايها ميحبون جاي زهراء خفيف وزفر..وطلعت وهي سمعت حجي فارس...

بدور:شعجب اول مرة تفقدني وتسأل عني

فارس:اي والله صدك حجيج هاي اول مرة والأخيرة

شهد تضيع السالفة:فروسي شنو ماناوي تسويلنه زغيرون ترا والله البيت طاكه الجفاف والملل

فارس اشر على بته:ومو تارسة عينج اميرة ابوها

شهد:اي تجنن لجونه بس اقصد زغينون خدود حمر وحلك زغينون مال بوسات وعضات

فارس باوع لنورسين:شفتي هنا مفترسين مال جهال مو بوسات يردون عضات ادري كعك هو ههههه

نورسين ضحكت:اي حلوين الاطفال بس اني اخاف اشيل طفل اخاف اطيحه..بس احبهم مووت

بدور كامت:انتي ازوجي شهودة وسويلج زغيرون

شهد ضحكت وبالشقه:هو وينه اجه وكلت لاء..اريد اتزوج..فريس شوفلي حتى شايب ميخالف

خالد صاح:عمتي اشو اليوم فاصخة الخجل مو كاعدين يمج اخوانج

نواف:اسكت انته ادور ابن الحلال عمتي قابل مرتكبة جريمة

هيثم:اي مستعجلة على دخلت الغرفة وال..بعده ماكمل اجته صكعه من مشتاق والبنات يضحكن وشهد خجلت...

شهد:عابت اشاقة طاح حظك اي والله

فارس:هسة راح اغسله السرسري

مشتاق طبكه طبكة قويه:تعيد هالحجي لك ناقص عمتك هاي اعلمك الأحترام يعني

هيثم يضحك:توبه والحسين توبه..اشاقه وياها

نواف:هلا هذا شتوقي يحجي عن الأحترام..وباوع يمين ويسار..وينهم اصدقاءك

مشتاق:هسة اكسر ظلوعك خايس..ومنو همه اصدقاءئي

نواف:الصراصير

فارس ضحك وكام:تستاهل السحلة بعد عمك ماعليه انه...ههههههه وراح يبدل...ومشتاق كام لنواف ونواف يلاويه ويكله حسبالك بس انته شقي انه همين...

وشوي وصاح من ظلوعه..ومشتاق ولا همه...وادريس يكله ياخي الرجال ظلوعة لا تكسرهن هنوبه...

والبنات يضحكن حتى نورسين..زهراء بس تراقب صاحب العيون الزرق..وتبتسم..وتتوتر من يكون كاعد بنفس المكان...

شوي وكلمن طش بمكان والولد كعدو بالحديقة يسهرون وضحكهم واصل لآخر الدنيا ساعة يتصافون وساعة يتصارعون مشتاق ونواف...وهل مشتاق عبالك عقله بكد نواف...

نور دخل البيت بهدوء بعد ما عبر عليهم وكلهم لا تسهرون للفجر نامو وراكم مدارس...صعد الدرج بهدوء ومشيته دوم هادئة...يريد يروح لغرفته ينام...

هي جانت غرفته بالطابق الجواني بعد ماعدلو بيتهم غير الغرفة خلاها لولده...وكال من ازوجهم كلمن بيت اله حلاله...
صعد وبنهاية الدرج طلعت بوجهه نورسين......يتبع

#الشيخ_نور_التميمي 

#البارت_السابع
سمعو هاي من لسان حال الشيخ...

انتي زعفران منكع بماي....مثل الهيل بكلشي طيب حتى بالجاي...
نور دخل البيت بهدوء بعد ما عبر عليهم وكلهم لا تسهرون للفجر نامو وراكم مدارس...صعد الدرج بهدوء ومشيته دوم هادئة...يريد يروح لغرفته ينام...

هي جانت غرفته بالطابق الجواني بعد ماعدلو بيتهم غير الغرفة خلاها لولده...وكال من ازوجهم كلمن بيت اله حلاله...

صعد وبنهاية الدرج طلعت بوجهه نورسين..وبيدها لابتوبها ولابسة بيجاما نص ردان وسروال طويل...ابتسمت اله ورادت تحجي بس دار وجهه عنها وراح توجه لغرفته...

نورسين:شهل الغرور يانور..ماتشبه عمي ابد..وشرير..وهااا الملك راح يكون شرير قررت وخلص لعلمك..والتفتت يمين ويسار وسكتت وتكول شبيه احاجي نفسي...

وراحت للحديقة وكعدت على الحشيش وكعدت تكتب..وكامت تتخيل الملك يشبه نور..وماتدري ليش عافت الكيبورد ونامت على الحشيش على ظهرها...

غمضت عيونها..واجه بخيالها نور ممكن يحبها وتحبه..وفزعت من نومتها عالحشيش..وتكول هاي شنو منين اجتي هالفكرة...

نورسين:هو اني شنو شفت منه حتى انعجب بي ههههه..وبعدين هو كبير عليه مستحيل احب شخص اكبر مني بهواي..هسة انه ليش جاي احجي ويه نفسي بنور...

وفزعها صوت نواف وصرخت وكامت الابتوب انشمر...

نواف خرب ضحك:هاي شبيج ههههههههه شنو شفتي جنية

نورسين لزمت كلبها:والله عبالي شبح خوفتني..اسفة فزعت

نواف:لا يابه انه اسف خرعتج ماقصد..شنو جاي تكتبين..كأني سمعت اسم ابوي اخر حجيج توه

نورسين توترت:لا متوهم اني جنت احجي ويه نفسي عن الملك الجديد لقصتي الجديدة

نواف صغر عيونه:امم اي صدكتج هم هو الملك شايل خشمه مدري شبي عليج

نورسين:ياملك هاي

نواف:ابو....اقصد ملكج الي جاي تكتبين عنه

نورسين:نواف اريد طلب زغينوني

نواف :كلبي وغراضه همين

نورسين:يسلم كلبك..اريد تاخذني لمكانات اثرية فدوة لوجهك الصاك

نواف:يمعودة لا يسمعج ابوي تتغزلين بيه يغار عليه ترا

نورسين طكتها ضحكة قوية:نواف انته من الآخر شناوي تسوي ترا مو غبية وافهم عليك..جاي تحاول تخليني التفت لأبوك
نواف:بروح جدج كولي نجحت

نورسين:لااااء ابوك ابن عمي بحكم اخوتي كلكم مستحيل احب من يمكم ومستحيل احب شخص اصيرله بنته

نواف:يعني استسلم

نورسين:اي استسلم..هسة بدل هاي سوي معروف وياي واخذني مكانات اثرية..او احجيلي عن تاريخكم الي تعرفه

نواف كعد:كعدي يابت العم..والله الي يمج صاك وحلو وطيب وحباب وخفيف دم وانحب..ويحرك بشعره بثقة..بس مشكلتي مطي بالتاريخ

نورسين:هههههههه لا حشاك..لعد المن اروح كلي

نواف فكر:امممم ابوي وجدي يعرفون عن قبل

نورسين:ماريد عن هسة وقبل اربعين سنة اريد عن قبل هيج ميتين سنة

نواف طلع تلفونه من جيبه:لحظة ادكلج على جدي الثامن..الو يابه جدي ماتطلع من مكبرتك بلكي تجي اتساعد هالكاتبة الألمانية محتاجة تعرف عن تاريخ قبل ميتين سنة...هااا ماتكدر تجي ازدحامات...يكول جدي جاي يشعلون بخت بختي ماكدر اجي

نورسين:ههههههه سخييف..صدك احجي جد اريد واحد اتزاول التاريخ على السنتهم مثلاً شخص شلون الورث يخليله يحجيله عن التاريخ قبل كلما يصير ابن اله وهيج تستمر لمن وصل هالتاريخ لمسامع شخص بكبر عمي مثلاً

نواف:وين اكو هيج نورسين انتي وين تردين توصلين يمعودة اقري الكتب وهذا هو

نورسين:اي هم صدك..اي حلوة الكتب اقراها ليش لا اصلاً قارئة محترفة ابوي علمني القراءة بالكتب من جنت 8 سنين جان يجيبلي كتاب ويتراهن وياي اخلصه باقرب وقت شرط ما اهمل دراستي

نواف:حلووو والله هاي ابوي دوم يشجعنه نقرا او نتعلم من الكبار عن الاحترام والثقافة لأن همه مادرسو ندمانين..ولذلك ظال معلك ميشتريلي سيارة يكول تتخرج يالله وهنوب ازوجك وسيارة وياها..بالله هاي انه شنو شفت من حياتي بربج حكمي

نورسين:يريد مصلحتك..وبعدين من تتخرج بعمري مو خمسين سنة ههههههههه يعني بال23 سنة

نواف:اووف يابويه عمرج 23 يعني فرق عن ابوي عشرين سنة

نورسين:عمري 24 سنة...اممم يعني ابوك تقريب عمره 43 سنة بس بعدة مامبين عليه..تدري لو سمين جان يكبر اكبر من عمره هههههه

نواف:اليوم ماخليته ياكل من الغده..خليته يشرب ماي بس والله العظيم

نورسين:ليش ولك خطية شسويتله

نواف:كتله يابه سمنان..وكتله شعره بأكلك وعاف الأكل يموت ولا واحد يكول شعره بالأكل يترك السفرة كلها

نورسين:ههههه ليش

نواف:هاي نفسيته..مرة شاف كلينسة طاحت من فرشو السفرة الولد بيدهم باكيتات الكلينكس ويشيلون وينطون..يعني مو من طبخ البنات ونظيفة الكلينسة بس ظل اسبوع يرفع الأكل بالخاشوكة شوي شوي يالله ياكل
نورسين:سبحان الله والله بابا هيج..انوب بابا خطية حاسة شمه قويه وبس يشم ريحة ماطيبة يتقيأ

نواف:اي ورب العباد هيج الشيخ نور..طالع على عمه..حتى جدي هيج وبي وساس مرض جدي يخاف من الأمراض..وعنده سكر وحصوة بالمرارة وضغط

نورسين:اومايكاد..مسكين

نواف:يالله كتبي لو تروحين تنامين..باجر اود

والله احركه بيها بس هي وخل يجي ابوها يحجي الا همين احركه وياها

ابو نور:تخبلت انته شنو تحرك وشنو تحجي على عمك

فارس بغضب:انعل ابو عمي هو وبته..انه زهكت منها وطلعت روحي تفهم بويه جزعتني بدور كرهتني بنفسي..ويجر بفانيلته العليه..والله لا انه مرتاح ولا شايف شي بحياتي مرتي نكدتها عليه

ابو نور:تصيح بوجهي ولك فارس انه ابوك

فارس:اسف بويه والله ماقصد اقلل احترامك..بس بدور ماريدها بعد اطلكها وبالثلاث همين

ابو نور:اكل تبن تطلك بت عمك..وبتك وين توديها وعمك شتكله

فارس:لو احرك نفسي ماتفهمني بويه ماتفهمني..ماريدها مو مرتاح وياها

ابو نور اشر لبدور ترجع داخل الغرفة:انعل الشيطان حط عقلك براسك..وحاول انته تغير حياتك...فارس سكت وكعد عالقنفة ولزم راسه..لو يحرك نفسه هسة محد يفهمه...

نور نزل على صياحه:فارس شبيك تصيح

فارس:نور احلفك بالعزيزة الراحت احجي ويه ابوي..روحو سألوها للمصونة انه شوكت واصل الها..شوكت صرنه مثل مرة ورجال واهتمت الي..كاضيتها مشتكه مني وتروح تترس راس ابوها ويجي يرزلني لتكول طرطور اشتغل عدهم انه...

والبنات كلهن طلعن وايناس ظلت ترجف من شافت عصبية عمها...وامه طلعت تجر برجليها ومخترعة...وعمهم ابو نورسين هم اجه...والولد كلهم...

نور:اهدأ وتعال بالديوان نحجي خرعت الحجية والبنات..كوم

فارس:ماريد اهدا وبدور هسة تروح لبيت ابوها..خل تنام عد ابوها وتقرا براسه عدل..ميهموني بعد وماله احترام لو مو عمي

نور بالكوة مكومة وياه للديوان..وكعدو يحجي وياه..وفهمه فارس موقفه وحياته التعيسة وياها...وكله نور حقك محد يلومك بس هم هي بت عمك شيكولون الناس نص الليل مشاها بيت ابوها...

كله نور اصبر للصبح وتروح لبيت اهلها..فارس كال ماريدها تبقه..لا تحترمني لا تعرف شنو زوجها وتعبت واحاول اصلحها واتحملها ميفيد...واخذه نور ودخلو للصالة وابوه حاجاه...
وابوه كله بدور ماتروح مكان ماتريدها عوفها ونام بالديوان ولا تنام يمها بالغرفة ولمن تهدا بينكم..كلش قفل الشيخ وماخله بدور تروح....

فارس كل لأبوه يجي يوم وتخسرني بسبب معزتك لبدور واخوك..وعافهم وطلع من البيت وكبل لا يطلع كلهم..بدور تحرم عليه بعد وانتم تتحملون ذنب هجراني الها...

نورسين ظلت مصفنة عليه.. وانقهرت على فارس حسته مظلوم..وشكت بي وتكول هو شكله مايريدها وعمي جابره يتحملها...هي حتى مرات كلامها بي نقزات الها...عن شعرها المشكوف كدام الولد...

وتعرف هالنماذج الي يجرحن بالكلام علبو مايقصدون ويقصدون نصيحة بس هي ابد ماتقصد نصيحة بس تخاف زوجها يباوع عليها....

ضاجو كلهم وابو نور كلهم كلمن يروح لفراشه يالله..وكلهم راحو بقت نورسين ونور كاعد وما لابس شماغ ولابس كلبية بيت...

نورسين باوعتله ضاج على اخوه وحاط ايده على راسه وساكت...

هو نور جاي يحس بمعانات فارس اصلاً كل البيت حاسين بس ابوه مايريده يطلكها يكول ليش خلف منها مادام يريد يطلكها وهي بت عمه...وعلمود لجين كله يكله انته علمها انته اصلحها وتحمل وتحمل وجارع المر وساكت....

كلهم راحو لغرفهم..حتى ابو نور..وقبل لا يروح كل لنور خلي بحده لا تحاول تحاجي بعد..ونور هز راسه بأي...

نورسين تسمع بجي لجين داخل الغرفة يم امها..وانقهرت عليها..وطلعت لجين من الغرفة وهي تبجي وشافت عمها راحت لحضنه...

نور باسها ومسح دموعها:بس باباتي لا تبجين الله يهدي امج وابوج..لا تخافين..ويبوسها ونورسين مبتسمة عليهم...

نورسين:اخذها اني منك..واجت كعدت يمهم..وعطرها دك بخشمه...ومو بس دخل رأته دخل لكلبه همين...

نور توه مجان منتبه الها من حجت يالله وحس بنقزه فزت بكلبه من شمة هالعطر..ومالتفت الها..بس هذا الشعور الخاين خلاه يدور وجهه عليها...

وكام بدون كلام..ونورسين خذت لجين..ولاحظت نور حتى ماحجه وياها حرف...حست بداخلها ضاجت ليش هالغرور والتجاهل الها....

وتذكرت حجي نواف تبتسم وتكول يالله اني مو دايمة هنا وفترة اسبوعين هيج وانروح نرجع لألمانيا...وخذت لجين وصعدت يم البنات...

وشافتهن مادات البوز شبرين وكاعدات متكتفات...

نورسين:شبيكم هيج وجوهكم

زهراء:عمي فارس يقهر هي عمه بدور...سكتتها نورسين اشرت على شفتها بسبابتها واشرت براسها لجين...

نورسين:ترا البنت جاي تتأثر وبألف يالله ساكته...وسكتن ولهنها البنات لمن نامت وهنه نامن ونورسين ظلت تفكر بالملك كالعادة...

ويجي ابالها نور..حطت بذانها سماعات وحطت اغنية اجنبية رومنسية....

وتريد تتخيل حوار التالي للملك مالتها..وفجأة صورة نور صارت براسها...توه من صعد بدون مايحاجيها...
وتعرف ترجمة هالأغنية بيها شوي كلمات جريئة..وكامت من مكانها..وطلعت هي وسماعتها للحديقة وشافت فارس دخل للبيت...

شالت السماعات..وباوعتله..وهو اجه كعد يمها بدون كلام...

نورسين التفتت عليه وحجت الماني:ابتسم فالحياة قصيرة ربما غداً لن ترا احد احبابك بجوارك

فارس:والله جاي احسج جاي اتكولين انته واحد غبي وجبان ومتعرف تتصرف وتستاهل الي يصيرلك

نورسين:ل

يج وين تردين

نورسين:واووو يعني وافقت

نواف:اي اكيد..بس ناخذ ادريس والولد ويانه شتكولين

نورسين:اي والبنات فدوة خطية

نواف:اسأل ابوي..يمكن مايقبل البنات يطلعون هاي اذا قبل انتي هم ترحين

نورسين:لا عليك الله لاتكله هو والله احسه وده بالساطور ويفصلني قطع للتماسيح ههههه

نواف:مع الأسف عليج هذا ظنج بأبوي..كتلج ابوي خوش زلمة وبس غير هو مايحجي..هذا طبعه ثكيل

خالد اجه:كضيتكم شتسون ولكم

نواف بشقه:البسي ملابسج بسرعة يمعودة انفضحنه..وباوع لخالد..شنو نسوي شايفنه واحد فوك الثاني

نورسين لزمت حلكها:ياااا سخيييف ولك هههههه

خالد:اي الي يشوفكم بهل الليل وهالكعدة اكيد يشك بيكم هههههه

نواف:طاح حظك..تعال خل امسد شعرك وظهرك

خالد يريد يفلت:اسف والله اشاقه والله

نواف:اي صير خوش وليد..لا اندمك..امشي ولي يالله روح اخمد باجر البوري مال مي يجيبه ابوي علينه بسببك

نورسين ضحكت:هيج نومه ثكيل

نواف:لو تصير الحرب العالمية مايكوم الا بماي الدولكة الي يجيبها يمه بالليل..يعصب ابوي من يكعده للصلاة ومايكوم ويشوووخر يابوويه

خالد:ههههه جذاب لا تصدكينه هاي هو وهيثم هيج

نورسين:امممم بس اني شفت نواف يكعد الفجر من اكعد وبنشاط كاعد..يعني انته النومك سبات دببه بنية هههههه

خالد:هيج زين صرت دب بني بعينها..يااا......باوع لنواف خزره وعقد حواجبه...ياخوي الجبير

نواف: شوفي شكد محترم اخوي حتى لا تكولين يخاف مني

خالد قوس شفايفه ورفع جتافات..ورجع طلع اسنانه بأبتسامة...

نورسين:هههههههه كارثة انتم...وراحو عنها وهي كعدت تكتب...شوي اشو تمللت وعافت الكتابة..وكامت تفتر بالحديقة...

ضاجت وكامت تسوي رياضة...

زهراء شافت شهد طفت تلفونها وايناس همين..كامت طلعت وراحت طلعت من البيتونه...للسطح...

ايناس شافتها طلعت:زهراء تنكتل على سالفة السطح يالله اتوب منه..طبها مرض خل يطيح بيها نواف الا يكتلها يالله ترتاح
شهد:وهي شعدها انتي واخوج ليش شكاكين ابوها يشوفها بالسطح مايحجي ويكعد يمها انتي واخوج بس تحجون عليها

ايناس:عمه انه شعليه هو نواف مايقبل تصعد للسطح

شهد:ديري بالج اسمعج تحجين عليها كدامه

ايناس:لاااا والله ماحجي عليها

شهد:اي عفية بالحلوة

ايناس:اكلج عمة صدك بابا كايل لبيبي راح يتزوج

شهد:منين جايبة هالحجي..ماسمعت هيج هاي سوالف اخوانج مايكول ابوج هيج..وكامت كعدت..وحتى لو كال من حقه يشوف حياته انتم كبرتو

ايناس:لااااء مستحيل اقبل ابوي يزوج ويعوفنه ويجيب وحدة خبيثة تعذبنه

شهد:انتي متأثرة بالمسلسلات الخليجية عمري..نامي نامي..وانتن ليمته باقيات لأبوكم كضه عمره من شبابه وحيد وهسة تتصرفن بأنانية انتي وذيج..وتقلد عليها..باباتي الي متاخذه اي وحدة

ايناس سكتت وماجاوبت عمتها..وحزت بخاطرها هي بلا ام وظلت تبجي بخفية..هاي كل ما تجي هالسيرة ويلحون على نور بالزواج جانو تكعد تبجي ماتقبل هي وزهراء...

جانت ايناس زغيرة وتصيح لعمتها الربتها ماما بس نور مايقبل يكلها عمه هاي لأن يدري بأخته تزوج وتروح مايريد ايناس تتعلق بيها وبعدين تنكسر بزواجها...

لذلك تعلقن بأبوهن وبيبتهم...

زهراء كاعدة تقرا رواية كالعادة..وخلصتها وطفرت عاليوتيوب...وتوها فتحته ادريس صعد للسطح...

ومن شافته انكلبت احوالها وظلت تسمع دكات كلبها بذانها وبلعومها...وهو اتجه يمها وكعد يمها كلش وهي ادنت عنه...

ادريس: شبيج ماكل لحم بشر هههههه

زهراء كامت تنزل ونزلت وعافته..وهو ظل كاعد هناك طلع مبايله وحجه ويه اصدقاءه...

بغرفة فارس وبدور...

بته نايمة على ايده وهو حاظنها ويريد ينام..وحس بدور دارت وجهها..وباوعت للفراغ..وتكول بكلبها هم محسوبة متزوجة انه...

حست بأيده الدافية جوى راسها وسحبها بحظنه وهي كلبها دك حيل..وهي تحس بأنفاسه على شعرها..ابتسمت...

دفن وجهه بركبتها ولزم اطراف ثوبها..وحاول يتخيل نفسه يحبها وظل يبوسها بركبتها...ومن شافته هيج وخرت عنه...

وظلت تحجي وتكله اي انته تذكرني بس بهاي الشي وماتعرفني غير بهل الوقت...

فارس:انتي صدك مايفيد وياج شي..اجيج بالطيب ماتردين اجيج بحقارة ماتردين شتردين كليلي..صارلي 3 اشهر ماعرفج ومالامسج بسببج ومن اجيج مثل العالم والبشر ماتكدرين تلزمين لسانج..شنو دواج انتي..والله مالج دوى..انتي تردين اسلوب حيوانات حتى تتعدلين..وكام..كومي..انتي دواج طلاكج..وزمخ بيها..كومي لمي ملابسج بهالليل اريد اخذج لأبوج
بدور:اي انته بهاي فالح ماتكدر تواجه ابوي تكوم تطردني..لأنك جبان ماتوكف بوجه.....ماكملت اجاها كف وكف ثاني..ودفعها عالأرض...

وصعدت عنده..وصاح بعصبية..كومي انعل ابوج لا الجابج عليه..وانعل ابو الي يتحملج بعد..وصاح كومي...

وهي خافت وظلت تبجي وكامت تلم ملابسها وهي تبجي ولجين فزت وظلت تبجي...

وفارس طلع من الغرفة وهو معصب وركع الباب حييل..وابوه طلع على صياحه...

ابو نور طلع يمشي بتعب:شبيكم شصار فارس شبيك بويه

فارس بعصبية:بدور اذا بعد اشوفها بهل البيت

اااا ابد..بالعكس انته اكثر شخص لطيف شفته هنا انته ونواف..والي كلته ابتسم واسعد نفسك الحياة مو مضمونة

فارس:ياسعادة يمعودة خلص عمري وراح وانه اتحسر بي على سعادة لو يوم واحد

نورسين:مو شرط المحبوب هو السعادة..واذا جان خاين صدكني مايستاهل حتى حزن القلب..والسعادة اشكال.. مثلا بنتك مو اجمل شي صارلك بحياتك لو لا

فارس يباوع الها:اي والله انتي فهمتي الي بيه وماكلته ابد..والي خانتني مازالت بكلبي للأسف وانه هم خنتها..ولو هسة تكون حرة اقسم بداعة بنتي ميهمني اخذها ومحد يهمني بعد

نورسين دارت عليه وتربعت:اموووت عالأكشن احجيلي قصتك وليش خانتك حبيبتك وبأي طريقة..اسفة اذكرك بس الي ميتكلم صدكني تتراكم عليه الاحزان اكثر

فارس:ابوي رفض اتزوجها..حبيتها صدفة صديقتها جيرانه وشفتها مرة ورجعت شفتها بصدفة ثانية...ماعرف حسيتها كامت تجي لصديقتها متعمدة..وهنا كلبي كام ينبض الها..وصرت اعشكها والله العظيم برغم ماجنت احاجيها بس اشوفها

نورسين:مرات القلوب احاسيسها توصل قبل الكلام

فارس:انتي حجيج ماعرف شلون اوصفه

نورسين:هههههه لاني كاتبة فهيج مشاعر الكاتب دوم بأحساس..والله لا يشوفك جنون كاتب بالحب يصير رومنسي وشاعري ههههههه

فارس:لا ربحنه ههههههه..والله على ظيم كلبي اضحك لو اشمر نفسي من عشرين طابق لو شسوي

نورسين:اعرف انته مو جبان ولا غبي بس شخصية عمي المسيطرة وفارض رأيه عليك بحكم القرابة بينك وبين بدور..كملي قصتك

فارس:اي حاجيتها بحبي واعترفت الها وهي همين..وصار تواصل بيني وبينها مدة شهرين واسابيع تقريباً..وصديقتها جانت تعرف..وهي تجي الها حتى نتشاوف..كلت لأبوي وسأل عالعائلة والناس..هي كالتلي ابوي متوفي بس ماكالت عن امها وانو هي مرات تروح يم عمامها..امها استغفر الله جانت مرة مو زينة وهي شاردة منها وعايشة يم عمامها بس تأذت من ولدهم..المهم ابوي عرف بأمها شنو سمع معارفه يحجون..وكال مستحيل بتها تصير النه جنه..ابني ابن شيوخ ويزوج وحدة امها شارع يدوسه الكل..وماقبل حاربتهم وكتلهم اخذها واروح غير ديره..بس مافاد..مابقه شخص ماستعانيت بي لا ظل شيخ لا سيد معمم وماقنع ابوي حتى نور مكدر يقنعه...وراح خطبلي بت عمي المصونه حتى بدون رأيي وكاعد بالديوان ويتفق وانه اخر من يعلم..وانجبرت اقبل كلت ماريدها لو القيامة قامت عليه ابوها كال اتبرا منك هيج تخطب بتي وتعوفها وجيب ودي وتعال وطيحو حظ حظي بهالزواج..ابد ماشفت منها يوم راحة وظليت سنين اكابر واجتني لجين هي فرحة عمري الوحيدة
نورسين:يالهي انتم ليش قصصكم واحد اوجع من الثاني

فارس:منو سولفلج ظيمه بعد شهد مو

نورسين:اي ونواف سولفلي قصة ابوه وشلون فقد امهم...اني هم فقدت ماما بسرطان الرئة كله بسبب التدخين

فارس طلع جكارته:الله يرحمها..على طاريه شكله راح يصيبني بسبب حياتي مو التدخين..وكام..تصبحين على خير بت عمي

نورسين اشرتله وابتسمت..وراح هو وهي كامت رجعت داخل يم البنات..ونامت...

يوم ثاني..

فارس مايحاجي لا ابوه ولا بدور وحجت وياه بالغرفة وهو ياخذ ملابسة يريد يروح يسبح كلها بس ولا كلمة لا اسمع صوتج احركج هنا وهسة...

هي رادت تعتذر منه عالأساس وتكله راح اتغير اوعدك ومن حجي كل مرة ونفس الشي لا تغير...

ونواف راد ياخذ نورسين يفرها بمكانات تاريخية وهيج شي...ورادت تاخذ البنات نور ماقبل كال ماكو روحة لأي مكان...حتى نورسين متطلع ماعدنه بنات يفترون ويه ولد عمهم...

وهي سكتت وانقهرت منه كلش بداخلها هي من تعصب من شي يغثها كلش تصير عكس ذيج اللطيفة والحبابه...

وظلت تباوعله بنظرة خلته يرفعلها حاجب...بس ولا جنه الشيخ الجامد والي مايعترف لا بجمال ولا طول وعرض ولا ميلة خصر...يباوعلها وكأنها اله ومكتوب اسمه على جبينها...وهاي مو طبيعته ابد....

نورسين عقدت حواجبها:بس سؤال ياحضرة الشيخ..انته ليش مغرور هل كثر..من البداية واني متحملة هالتعجرف العندك..ترا اني بت عمك انته مو عمي ولا وصي عليه..وما جيت هنا حتى يحكمني احد

ونور عيونه شعلت بركان بنت عمه وتصير نص عمره وتجي تحاجيه هيج...

نور:شهل الاحترام الزايد بت ألمانيا..لسانج ترا لتكولين جاية خطار يمنه..هنا كلمن اله احترامه..والمايحترم اعلمه الاحترام

نورسين:ومنو حضرتك تعلمني احترم..واني محترمة كلشي هنا..ولتظن اني من البنات الي تخلص دموعها عالمخده من واحد حجه عليها..لاااا اني نورسين بت المانيا على كولتك..لو شوية محترم جيتي يمكم...

وعافته وطلعت ونور عصب منها..هاي لسانها يكنس ويرش حتى زلم بالديوان ميحاجونه هيج...وكال لخاطر عمي راح امشيها وهو خطار ابيتنه...

مر اليوم عادي والكل مصدومين من جرائة نورسين وحجيها هيج ويه نور وتكله مغرور ومتعجرف..بعدين اجت تعتذر العصر...

وراحت للديوان ابوها هناك وعمها ونور..وهي راحت حتى تعتذر هاي مو عادتها ماتحترم بس ماتسكت عن احد يغلط بحقها....

  نورسين سلمت وباوعتله:نور اجيت اعتذر عن كلامي اني مو طبيعتي ما احترم الكبار

نور بهدوء بدون ميباوع

لها:اي ماعليج عتب يبت العم بعدج عقلج مو ناضج وبعدج زغيره.....

وهيلزمت اعصابها وبس شنو بداخلها ودها تسويله حبل وتعلكه من ركبته وتشبعه جلدات...

لأن عصبها موتها بهدوءه وبروده..وبحجايته  عقلج مو ناضج..وبعدج زغيرة....خنكها خنك بهالكلمة ودها تشنقه....

وطلعت من الديوان وتهدي نفيها..نورسين اتحملي عجرفته بس فترة وتروحين..وعصبت..يالله متعجرف بشكل ماينوصف اني زغيرة وعقلي مو ناضج....

ونواف يفكر بخطة شيطانية وراح يوكع ابوه بشبكة...راح لمحل لتنسيق الزهور...وسوالها باقة ورد تجنن...

وراح اخذه الها بالليل ابوه بالديوان..وكلها هاي من ابوي دزاها الج كأعتذار منج على عصبيته ومنعج اطلعين..نورسين اول مرة تخدعها مشاعرها...وصارت غبية هنا...

جانت معصبة كلش من نور..وحتى مسحت سيناريو الكتبته كله وسوت الملك شرير يمشي ويقتل ويعذب الناس....

ومن شافت الباقة الحلوة بيدها وسمعت من نور انجنت وانكلبت موازين مشاعرها كلها..الي يهديها ورد يدلل عليها تحسبه ألطف شي يسوي...

وهي ماعايشة هنا وتعرف كلشي عنهم وماتعرف هنا ماعدهم هيج قليل واحد يجيب الورد..واذا كلش كلش طكت الرومنسية براسه جاب ورد صناعي...هههههه..لو كيكة وياه...

نورسين بأبتسامة:واوووو تجنن الباقة والله تجنن..خلي اروح اشكره عالورد

نواف:هاا لا يمعودة يمه زلم بالديوان..شكري غير مرة ماشي..ويغمز الها..هههههه..

وبدخلت نور للصالة وهو يشوف نواف ونورسين يحجون وبيدها باقت ورد وفكره وداه لبعيييييد وكال لا الاشوفه مو صحيح...

نويف كاعد يزن براسي ليل ونهار يكول اتزوج بت عمك وباوع لبت عمك..وهسة جايبلها ورد السرسري خاف عباله بت ألمانيا ويسويلها شي الا اموته مو ابن الشيخ نور يسوي العيبة والحرام ويه بت عمنه...

نور عقد حواجبه:نووواف..نواف بلع ريجه وكال سلاماً قولاً من رباً رحيم...بس هي حجت قبل لا يكول شي...

نورسين لازمة الورد:شكراً  عالورد شكراً تجنن..والله صراحة عصبتني انته بس بهاي الورد كلش نسيت العصبية..وابتسمتله ببراءة...يتبع

وهلا هلا يمه هلا هلا يمه...يمه ابنج الولهان مضيع دروبه ...ومن عشكي للمحبوب ماصيح التوبه...وعشكي عشك معدان لأسم العروبه....

يمه لو هالمركب..هلا هلا يمه..يمه لو ما اركب هلا هلا يمه

وهلا

#الشيخ_نور_التميمي
#البارت_الثامن 
نور عقد حواجبه:نووواف....ونواف بلع ريجه وكال سلاماً قولاً من رب رحيم...بس هي حجت قبل لا يكول شي...
نورسين لازمة الورد:شكراً نور عالورد شكراً تجنن..والله صراحة عصبتني انته بس بهاي الورد كلش نسيت العصبية..وابتسمتله ببراءة....
نور ظل مصفن:شكرا عالورد؟؟ورد شنو..وباوعلها حاضنه الباقة..ونواف اخذ نعالاته بهدوء..واركض اركض خويه عامر اركض.....
نواف طلع بره ومشتاق تلكاه صار بوجهه...وكله ها ولك شمسوي وجهك صاير اخضر...
نواف:انه لو سأل عليه ابويه كله هاجر ههههههه
مشتاق:شمسوي ولك هههههه ماتوب من ابوك..ترا هو مو صديقك بطل مقالبك
نواف طلع اسنانه:اجمع راسين بالحلال الله شاهد..جبت ورد من محل الورد لست الحسن ام عيون زركه وكتلها ابوي يعتذر منج ودزاها
مشتاق:هلا هلا وشكالت بت العم..ولو ادري كتلك اليوم عمل شعبي وتتوزع ثواب بس يالله خوش عمل خير بأبوك
نواف:ولك طارت فرحة المسكينة شكله محد جابلها ورد بحياتها كلها هههههه وكلت هي مو مثل بناتنه جكليته تجيبلهن يموعن هنوب ورد بس هي اكيد مايهمها بس خطتي نجحت خخخ..ومو راح انكتل عالورد لا كلت ابوي اعتذر منج..يعني مو كتلتي حلال لا راح يجيب سباع ويحطني يمهم بغرفة ويكلهم سمو بسم الله
مشتاق خرررب ضحك:ولك هسة انته ماعندك شغل وعمل حاط عقلك ويه ابوك..وكايل عنه حضرة جنابك ابوي يعتذر منج..ولك ابوك شيوخ مايعتذر الها اذا مو غلطان
نواف:يعني جاي تكلي نواف اشمر نفسك كبل لا يلكفك الاسد وتصير صورك بالمواقع شهيد عمل الخير نواف نور علي نور التميمي
مشتاق:هههههههههههههه لا شهيد الورد الطبيعي ههههههه.....
واجو خويلد وهيثم وادريس جانو يسختون...
وعبر اليوم ونور سكت ماحجه لا كال مجايب الورد ولا كال انه جبتهن وماجابت سيرة الاعتذار لو كايلة يفصل من جلد نواف دشداشة...
(تخيلو الدشداشة من جلد نويف😂😂😂 انه اتخيلتها كصيفة وضيكه لان مامكفي الجلد 😂😂😂)
نورسين حطت الورد بالغرفة وكلت للبنات مزهرية اريد احط الباقة بماي...
جاي تكلب بتلفونها..واجتها رسالة من صديقتها البصراوية..وابتسمت ودخلت الها...كاتبتلها سافلة وينج ماكو...
نورسين:هلا ب لؤي ههههههه انتي الي المختفية
نوسة:ولج حقيرة منو معلمج هيج تحجين ههههههه انه لؤي كح.... شايفة روحج شكرا وانه زركه
نورسين:هههههه انتي قتلتي الانوثة بالغلط والله مو شكلج..ودزتلها ايموجي مطلع لسانه...حزري وين اني
نوسة:وين يعني بالمكبرة اكيد
نورسين:عابت اي والله يامقبرة اني بالعراق بالبصرة
نوسة:جذذذذذذذب
نورسين:والله مو كذب اني يم اهل بابا عمامي ولد عمامي وبناتهم ويجننون شلون حلوين..بس اكو ناس معقدة شوي وصعب فهمها
(تقصد نور😂✋)
نوسة: وانه اكول متعلمة كلمات جديدة هههههه..ولج شوكت اجيتي ومادري..تعاي لبيتي خل اشوفلج واحد ازيرك وازوجج اياه
نورسين:ههههههه شسالفتكم عالزواج كلما حجيت شي كلولي انشوفلج واحد بصراوي..ولج صدك شنو ازيرك
نوسة:ههههههههههههاي ولج يعني ازرك يعني اسود اسمر هنا يكلوله ازرك
نورسين:لا مصطلح مو حلو شنو ازرق شنو ماعنده مشاعر واذا بشرته سمرة كلنه من طين..لون البشرة ماتخلينه مختلفين..شهالعنصرية
نوسة:اي عندج انه زركه وشبيها كلها تكلي دبس اشكر ..بس وداعتج لو ادخل بمكان اخبل الي بي بس حركة شفة لو هزت خلفية
نورسين ما تحب حجيها مرات تصير كلش ساقطة غلط اشكال وتحجي بالخط العريض ولا كأنها بنية...وعاشت تجربة قاسية...
نورسين:والله مرات احسج وحدة رخيصة كولش
نوسة دزت ضحكة طويييلة:ولج الج وحشة مع انو ماشتهيج بس مشتاقة لخلقتج الشكره
نوررسين:هههههههههههه واني مشتاقة لخلقتج السمرة..مع انو ماطيقج وتهيجين الم الغالون العصبي
نوسة:ولج فديتج انتي وعيونج وجمالج وفد يوم انه وياج نطلع سويه ماشي......
طبعا هنه هيج يتمازحن بالحجي هي هاي السمرة روحها مرحة بس للأسف وصخة وتبيع نفسها....
ونورسين ماتعرفها عدل بس تحاجيها لأنها من البصرة..اكثر بنية حجت وياها....
وبالجانب الثاني فوك السطح آه يالسطح راح يجيب مصيبة.. كدر يخليها تكعد يمه بجاذبيته الحلوة...وكاعدة يمه بس بعيد شوي...
وهيج وكعت زهراء بشباك الحب..وبعد جم يوم وزهراء صارت ادمان ادريس وهي همين وصارت تحبه بهالأيام بسرعة وكعت وماتعرف شيصيرلها من تشوفه...
تكعد بالسطح تسولف وياه لوين..ومرات من تسمع احد يجي تلبد وره البيتونة..ومرات تخاف ماتصعد يمه..هي تكعد يمه بس مايجاوز حده محذرته حتى طخة ايدها...
واما نورسين كثران تفكيرها بنور ومرات يصير وياها مواقف ومايقبل نواف يوديها مكان يكول ماعدنه بنات يطلعون يفترون وبهاللبس...
وكدام ابوها وميحجي ابو ادريس يكول يمكن نور يكدر يسيطر عليها بشخصيته وتقتنع بالحجاب بدون اجبار...
وهي تكله بابا احجي شي اجيت للعراق مو حتى انحبس هنا بالبيت شنو مو طير اني....
وابو ادريس يكلها بابا احترمي عاداتهم هنا بنيتي هنا الحجي والمجتمع يختلف عن هناك..وهي ودها تشنق نور حتى ابوها يصير ويا

ه...
بس رغم هاي مرات يصير لطيف وياها مثلاً تسأله هواي اسألة عن الديوان والمشيخة وحتى تسأل عمها...وصارت تعرف نورسين هواي اكثر من قبل عن بلدها العراق...
بس نور بعده ماتغير وياها اغلب الوقت يصد عنها ميباوع عليها بس مرات يخونه شعوره ويلتفت الها...ونواف يسويها خلابة بعيونه....
حتى مرات نواف يروح يم ابوه وجده بالديوان بس يكول هلا بويه مشتاقلك ابوه يطرده من الديوان ويخرب ضحك نواف....
وهي من تكعد يمهم كله تباوع عليه...مرات تضوج وتكول ليش هيج ليش هالشعور لنور ماريد احبه مو الشخص الي اتمناه...
بس هي مو تشوفه مرات يشبه ابوها بالشخصية والتصرف..وظلت تفكر بي وانعجبت بشخصيته..لأن ابوها هو مثالها الاعلى...
وكلش تغيرت هنا صارت مختلفة حتى قصة الملك الاخيرة عافتها وكل شعورها اختلف..وجاي تكتب رواية عن بلدها العراق ومازالت تتسائل بأشياء كثيرة وتحسه لغز هذا الوطن هو وجماله وناسه....
وكتبت عن كل شخص تعرفت عليه هنا بهذا البلد...ومرات تلكه نفسها كله تكتب عن نور...ومرات تشوف نفسها كاتبة تفاصيل عجيبة عنه...
حتى فرت سبحته بيده..وحتى عن محبسه العقيق الاخضر..وتحس نور مسيطر على مشاعرها وماتكدر تمسح الكتبته عنه...
حتى كتبتله هالكلام....
شوصفك يالماتنوصف
يلبيك هيبة تختلف
هيبة مضيف بنص سلف
يامحبسك ماجن عقيق اخضر
جن سحر وبيك ذوبني اكثر
وياااسبحتك سوادها من المرجان
غرت منها لأن غافية بين اصابيعك وشبعانه حنان
ويهندامك ااااخ لوجبل كلبي هم يخر بثوان
دخيل ربك دولبتني وجن ماشايفة بعمري انسان
هاك عيني وشوف نفسك شوف حقي لو كلت
كل الدنيا والبيها ترخصلك ياشيخ كلبي وامني وأمان....
ومسحته كله وتكول شجاني اكتب لرجال يصير مثل بابا..وهو حتى مرات ميصير لطيف وياي ويتجاهلني ومغرور ومتكبر...
اما فارس كاره ام عيشته وبدور مايوصلها ابد..وعايفها وينام بالديوان يم الولد..وابوه حاجاه وهو قافل ميريد بدور..اعتذرت منه جم مرة بس نفس كل مرة يدري بيها تعتذر وترجع نفس الشي....
وحتى نور حجه وياه.. يكله انطيها اخر فرصة بس وهو ظل يفكر وكله هاي اخر فرصة الها اذا ماتغيرت اطلكها  ومحد اله دخل بالموضوع...
نورسين طالعة للمطبخ تاكل شي جاعت..وشافت زهراء نزلت الدرج..ونزل وراها ادريس..وهي ضاجت لاحظتهم واحد عينه للثاني من اجو ليهسة...
نورسين لزمت زهراء:تعالي احاجيج..وباوعت لأدريس..وخذتها لوحدهم..زهراء خل اكلج شغلة..ترا اخوي مو من النوع اليرتبط احذرج
زهراء:شتقصدين وانه شعليه
نورسين:زهراء اني مو غبية اشوفج معجبة بأدريس وتكعدين وياه عالسطح..خايفة عليج اخوي كلشي عنده عادي وانتي بنت شيخ ولا....

كاطعتها زهراء:لا انتي غيرانة وماترديني ارتبط بأخوج..لذلك تكولين هيج..وعافتها وراحت...هي مو تحبه صارت متشوف عيوبه وعدها هو صادق والكل جذابين...وهو المثالي وبس...
نورسين:يالهي هسة شسوي لأدريس شحجي وياه كتله ابتعد عن بنت نور..وشكلها بريئة وغبية..اوووف مثل غبائي..لا انه هاي مشاعر مؤقته تروح لان اشوفه مثل بابا...
وراحت لفراشها حتى اكل ماكلت شبعت من اذكرت نور ومشاعرها اله...وتذكرت موقف البارحة....
من رفعت راسها ولاحظت نور يباوع عليها..ولاحظت نظراته غريبة وبيها نظرات ارتباك...وتكول بكلبها معقول نور يحب...ماكملتها وتكول لا ما اعتقد نور يباوع لشخصية مثلي...
اني مو مثل بناتهم الي هنا واكيد ميباوع عليه...
دنكت راسها وهي تباوع لأظافرها الوردية..وهي تحاجي نفسها...شفته مختلف عن كل شخص عرفته بحياتي..يشبه بابا...
رجعت للواقع ونايمة بفراشها وهي تحاجي نفسها..وتكول..عطره يسببلي دوخة وشعور غريب شعور جميل..ياخذني لعالم مو الارض احسه للقمر ياخذني...
ونافخت...اوووف هسة ليش هل كثر شاغل بالي نور..وغمضت عيونها..وسرحت بخيالها الواسع.........
حست بريحة عطر رجالي قوي..سحبت نفس قوي وفتحت عيونها وشافت طوله كبالها وبالغرفة وماتشوف ملامحه بس طوله...باوعت لليمين ولليسار ولا وحدة من البنات يمها...
وتكول وين راحن ونور شيسوي يمي..مدت ايدها تشوفه تخيل لو سراب..بس شافت انحطت ايدها على كلبه...
وظلت تحس بأحساس غريب انها مغرمة لآخر نفس بهذا الشخص الي كبالها...وشعور حلو ويسعد كلبها..شعور يفوق الواقع...بأضعاف...
رادت تحظنه وماتعرف منين اجتها هالفكرة اصلاً..اشو اختفه من كبالها..وحست بشعور غربة وجع كلبها شلون من فقدت امها...وحزنت وظلت ادوره بكل الغرف...
فجأة فتحت عيونها وباوعت للبنات نايمات..وعرفت هاي حلم بس شعور الغربة بعده بيها..ولزمت كلبها...
نورسين حجت بالألماني: Was passiert mit meinem Herzen, das einen älteren Mann schlägt?....(ماذا يحدث لقلبي الذي ينبض على رجل كبير السن؟)
كامت من الفراش وهي لازمة كلبها..طلعت للحديقة بهدوء..وشافت كفاه كاعد على الكرويته الخشب بالحديقة..وبس دخان الجكاير ينشاف ماتشوف غير كفاه......
كلبها نبض بحيله وكأنها ما شايفة رجال بس هو..وشعور الغربة اختفى وتبدل الى نبضات قلب بنت اول مرة تحب...
اتجهتله وعلى وجهها ابتسامة تذوب القلوب...وكفت كباله شافته يدخن وهو تفاجأ بيها كاعدة بهل الوقت..ولابسة بيجاما وردية وبيها ازرق..وردان طويل...
نورسين كعدت بصفه والتوتر غالبها بوجوده:كاعد لهل الوقت
نور صد بوجهه عنها ونبضاته تخونه:ماجاني نوم واكو مشكلة افكر بيها وبحلها..انتي ليش كاعدة
نورسين:سلامتك فزيت من حلم غريب..لتفكر هواي تتعب استرخي مو مهم شنو ميصير اله حل..وباوعتله يسحب دخان الجكاره وينفخ..قليل اشوفك ادخن بس ليش متعوفها مو زينة لصحتك
نور:تعلمت عليها من انه مراهق..والتفت عليها..صعبة اعوفها..وسكت وهو ميدري ليش كال هالحجي ويقصد الي كدامه...
ترس عيونه بوجهها..ودوم كلبه يخونه خيانة عظمى وينبض الها وغصبن عليه وشكد يحاول يتهرب من هالنبضات ويجذب على نفسه ويكول...
هذاك الزلمة كلبه عشك مرة وهي ام اولاده ولا راح تجي اي مرة تزيح هالعشك الي بكلبه للي غطاها التراب من سنين....
صحاه من صفنته..صوتها...
نورسين:نور اسألك سؤال
نور:تفضلي بت عمي...وهو كلما يحاول يصد عنها مايريد يباوع عليها وهي بلا حجاب..يحسها غالية ويخاف عليها حتى من عيونه...
نورسين:انته ليش ماتزوجت بعد زوجتك
نور باوعلها بأستغراب: ليش هالسؤال
نورسين تباوع بوجهه وتباوعله يدخن:هيج مجرد سؤال..سمعت كنت تحبها
نور:كومي نامي بنيتي السهر مو زين عليج
نورسين كامت وكفت وخذت الجكارة من ايده وشمرتها بالأرض وطفتها بالشحاطة الابستها...وتكله خسرت ماما بسبب التدخين مو زين على صحتك...
ونور ظل مصفن عليها شلون جرأة وخذت الجكارة منه وطفتها..ودارت وجهها تريد تروح وكلتله اسفة ادخلت وسألتك...
نور يباوعلها تدخل واعترف لنفسه:اووف بويه ويايمه لحكيلي ابنج عشك من جديد بس بوكت المشيب وبنية بعمر ابنه..هاي شسميها غضب لو شنو..دخيلك يبو فاضل...
دخلت نورسين وظلت تتكلب بالفراش..ودها تطلع مرة ثانية وكون تلكاه بعده كاعد وتكول اكعد كباله للصبح واتامل عيونه المكحلة...
نورسين كامت:صدك هو يحط كحلل لو شنو سالفة هالعيون..وفتحت حلكها.. عابتلج نورسين مو هو هوبي يحط كحل..هو عيونه كحيلة...
اما هو دخل داخل وراح لغرفته..وراح دخل الحمام...باوع لنفسه بالمراية..اول مرة يشوف نفسه بهالطريقة واول مرة يلاحظ الشيب ويهمه..ويكول الشيب موب بعار الشيب وقار....
ويكول هي بت المانيا ماتشوف غير الي بعمرها والي شباب..والي يلبس مثلها وعقله وتفكيره مثلها..متشوف الي بالعكال والشماغ ولا الي لابس زييه العربي..تشوف جيلها ومجتمعها لا اكثر...
تنهد وحزن وهو بهالعمر يحب بت بكد اولاده..طلع مكينة الحلاقة..وراد يخفف لحيته لعل يختفي الشيب البيها..

.
بس تراجع ورجع المكينه مكانها ويكول لا ابد ياشيخ انته مو هيج...
نور وهو يباوع لأنعكاس وجهه:رجعتني لذيج ايام قبل لأيام شباب الواحد وعشرين...ماجني لامس مرة ولا جني شيخ وابن الأربعين....
غمضت عيونها ويجيها نور بأفكارها...حتى من تسبح وحتى من تاكل وحتى من تكتب..بكل مكان...
نورسين:اويلي بابا بنتك حبت لأول مرة ومنو ابن اخوك الكبير الي ابنه بعمري..لا ياربي
شهد سمعتها:ولج منو هذا الحبيتيه
نورسين فزعت:خوفتيني يابنت
شهد كامت من فراشها وراحت يمها وتلحفت وياها:هاي سولفيها لصفاء الحلاق..سمعتج تحاجين نفسج..والي اله الحب اويلي يمه شكد خاطري افرح بي
نورسين ارتبكت:شفهمتي من كلامي
شهد:عفية انه فهمت الي كلتي حرف حرف بس احجيلي فدوة احس كلبي طار فرحة ولج صدك تحبينه لنور
نورسين:اووويلي..شهد فدوة ماريده يعرف
شهد:ولج ليش..وبعدين منو كال راح اروح اكله نورسين تحبك الحك ياخوي...نورسين لزمت حلكها وتكلها سمعنج البنات...
نورسين:ماريده يعرف..ماتشوفينه شكثر مغرور ومتكبر ومايشوف الكدامه..ماريد انرفض من قبله..والبنات اخاف على مشاعرهم ماريدهن يكرهني
شهد:شعليج بالبنات هنه طيبات ومال مايردن ابوهم يزوج هاي مو بكيفهن شنو يعيشن حياتهن بعدين وابوهم من شبابه وحيد
نورسين سمعت كلمة زواج:شنو بسرعة طفرتي للزواج والارتباط..معقولة نور يرتبط بيه ويحبني..ههههههه لا ماترهم اله هالمتكبر
شهد دفعتها بالخفيف:كافي تحجين على اخوي مو متكبر..وارتباط وشنو بيها ابن عمج
نورسين:هااا لا والله مترهم..اني مختلفة عنه اكيد ماراح يفهمني ولا افهمه وهو اكبر مني..وبالنسبة اليه الاقرباء اخوة
شهد كامت:خل اجيب ساطور واسويج وصل وصل واشمرج يم باب نور واكله شهيدة حبك..ولج تحبينه عوبه شنو اخوة
نورسين سكتت وهي كلبها ينبض الف بالدقيقة..نور وتجاهله الها والشباب وعمها وابوها..والبنات وادريس..اول مرة تحس بالخجل منهم..شلون حبت نور وهو اكبر منها....
ويوم ثاني الصبح..كامت من فراشها من الصبح تدري بي يكعد من وكت ويكعد يم الحجية امه وابوه..وحتى ابوها يكعد...
وهي بيجامتها مالت البارحة..نزلت وشافتهم كاعدين بس الشباب والبنات ميكعدون هسة واليوم عطلة بال9 لو بال10 يكعدون بيوم العطلة بس شهد وبدور يطبخن...
شافته مدنك ويشرب جاي..قلبها طار بنبضاته..وراحت صبحت عليهم وابتسامة على وجهها...وكعدت يم ابوها وباسته بخده...
نور يباوع عليها وشكد يكره لبسها هذا وشعرها المفتوح وفارس كاعد..وده يلفلفها من فوك ليجوى ومحد يشوفها ولا حتى عيونه...
نورسين:اسويلكم كهوة من ايديه
ام نور:سوي يمه
فارس:اي رحمة على موتاج..راسي احسه بكد البيت من كد مايأذيني
بدور كامت:انه وياج..وراحن للمطبخ...بعدها توها داخلة المطبخ نورسين..بدور لزمتها من زندها وسحبتها عليها...
بدور:انتي شتحاولين تسوين..خاف عبالج غبية وحاطه عينج على زوجي..بلبسج وشعرج الطالع كدامه..خجلي من نفسج احنه مو بالخارج
نورسين هدت ايدها منها:انتي شتكولين..انتي الي خجلي من نفسج..زوجج اخ بالنسبة اليه..تفكيرج حسسني بالقرف..اني اباوع لشخص عنده زوجة..ايدج ديري بالج تنمد ناحيتي لا تظنين بت بلدج الي تصرفين هيج وياها
بدور:لا مسويه نفسج بريئة وانتي حاطه عينج على رجلي
نورسين:ههههههههه والله سذاجتج اتضحك..حبيبتي زوجج الج..وضربت على صدرها بخفيف..وضحكت ودارت وجهها تروح تسوي الكهوة..
وبدور اتكلها هسة ضحكي بس ياويلج تقربين على زوجي جمالج هذا اشووهه...نورسين ماهتمت لحجيها ابداً...
وسوت الكهوة ودتها الهم ونور ماكو كايم طالع..وحزنت راح..ضاجت حتى مشربت الكهوة..وجهها عبس..لاحظها ابوها...
ابو ادريس:شبيج بنتي
نورسين:ماكو بابا اني اروح اكتب تريد شي مني..وباسته وكامت...
ابو ادريس:لا بابا سلامتج..لا تكتبين هواي عيونج تتعب
فارس:نورسين شتكتبين انتي
نورسين التفت وعلى وجهها هدوء:جنت اكتب سلسلة روايات ملكية..بس هسة جاي اكتب رواية عن العراق باللهجة الفصيحة
فارس:اهااا لعد كلش حاب اقرا هالرواية من قلمج بت عمي
نورسين:بس تكمل اخليها الك تقراها بعد ماروح المانيا..عن اذنكم..وراحت وبدخلة نور طلع رايح يكعد ولده...
وسمع حجيها من كالت اروح المانيا..ونعصر كلبه من الي سمعه..ويكول اول وتالي راح ترجع لمكانها وبيتها شنو قابل تبقالي للأبد...ياربي دخيلك انه شهالمصيبة الدخلت لكلبي..
عبر اليوم عادي ونورسين كل شوي تروح تكعد بالصالة وتتأمل بلكي يجي صارت تشتاقله كل ثانية...وشهد كل شوي تكلها هاا كاعدة هنا تنتظرين منو وتغمزلها وتضحك...
ونورسين تكلها مجنونة اغلس عنج احسن..الجفاف العاطفي مأثر عليج وشهد تخرب ضحك...
نور كضه يومه بره البيت..ومن رجع مغرب..وشاف الي تخلي كلبه يرجف كاعدة بالصالة تكتب بلابتوبها..
اول مرة يدخل ومايفتقد بناته..سلم وراد يصعد الدرج...
نورسين الابتسامة انرسمت على وجهها وتذكر كلام شهد عن الارتباط بنور وزواج وتصير هي وياه عائلة وتصير ام لطفله...
جسمها كزبر من هاي التخيلات...وصاحتله

نور اكدر اسألك شي...
نور التفت:عيني
نورسين بأبتسامة:هو سؤال واحد وشوي معقد
نور:بس لا نفس سؤال البارحة
نورسين عبست: شكد مغرور..تهمس لروحها..شكرا ماريد اسأل اروح اسأل عمو احسن...ووكامت خذت لابتوبها ودارت وجهها تريد تطلع...
نور:تعاي تعاي وين على الله
نورسين:رايحة للديوان
نور:وبهل الملابس وادخلين الديوان وكل شوي يجي واحد من ولد عمج..يابت الناس الستر حلو ترا
نورسين:وشنو شايفني بلا ملابس ترا هاي ملابسي واني حرة
نور:مو شرط المرة تكون بلا ملابس حتى تكون عارية يابت عمي الستر مو بس تغطية الجلد
نورسين سكتت وهي فهمت كلامه..وباوعت لملابسها لابسة تشيرت نص ردان وجينز ازرق والتشيرت نص الفخذ..وضيك عليها...وهي صح رشيقة بس كل معالم انوثتها تبين...
شافته صعد الدرج وهي لحكته....ولا التفت ابداً واتجه لغرفته..وهي حزنت وحتارت شتسوي..وهالمشاعر غصبن عليها ثبتت بكلبها...
نور دخل غرفته ويحاجي نفسه:حسيتها صعدت وراي بس مال التفتت بعد لا مستحيل..هذا كلبي يرادله عقاب حتى مايتجرأ ويباوع عليها بهالشكل وحتى مايباوع لشي مو اله...
مرت ايام ثانية والمو عجيب نورسين صارت تعشق نور من اعماق روحها..وتنتظر الوقت الي تشوفه بيها لحظة بلحظة...
وحتى الكتابة كلها عن نور...وكتبتله كلام بس ماتكدر تخلي يقراه ابداً...
""اين اجد من يخبرني ان هذه المشاعر التي احملها في جوفي هي كاذبة ولم اقع في غرامك يوماً..اين اجد من يخبرني ان كل ما اشعر به هو مجرد حلم..فأجابني قلبي..تباً لكِ لقد ورطتني في حبه...
وللكلام بقية طويلة...
اما نور هذاك الشخص الي اذا عشك وفه بكل ذرة..بس مو ذاك الشخص الي يعترف بالحب بسهولة...واول مرة بحياته يحس تحرر من حب شيخة وعذاب هذيج السنين...ودخل بعذاب جديد...
جياته قلت للداخل بس من يريد ينام..لأن مايريد يشوفها بلبسها هذا ومايلزم اعصابه ابداً يعرف نفسه...
نور عاصفة من يعصب..وحنون من هادئ..ولبس نورسين مايعجبه ابداً وجم مرة يعصب عليها وبحضور ابوها وميكول شي...
وهي مرات تسمع الكلام وتلبس من البنات طويل بس متعودة على هذاك اللبس..وماتريد نور يتحكم بيها وهو مجرد ابن عمها..حتى عمها ميحجي على لبسها...
هي ونواف مرات يكعدون يضحكون بالحديقة ويجون يمهم كل الشباب وحتى فارس..ونور يعبر عليهم ويرفعلهم حاجب..ويخزر الي كاعدة بنصهم وتضحك...
وهي ترفع اجتافاتها اله..بمعنى..شكووو..ويكلهم صوتكم واصل للشارع منا جيران..كومو دخلو داخل..ويطردهم كلهم لداخل...
هاي كله حتى نورسين ماتكعد بنصهم وتسولف وتضحك...بس هي تدري بي يغثها..لذلك شكو شي يقهره تسوي...
شهد موتتها وتلمح لنور كدام الكل على نورسين..خله نور يشك هاي سوالف نواف...وحتى نواف ملاحظ ابوه متغير...وحتى ملاحظ نورسين تحاول تلفت نظره...
فارس نفس حياته..وتارك بدور ولا يروح يمها ابداً..ينام بنفس الغرفة بس هي بصوب وهو بصوب...وبدور شدت ويه نورسين...
ولجين تحبها وكله يمها وتلاعبها هي وتسولفلها قصص اطفال هي تألفهن..وتعلمها كل يوم شي بالقصة...
اما زهراء واصلة مرحلة بالحب لأدريس..وملاحظتهم نورسين..وتضوج على زهراء...حجت على ادريس كلها مالج علاقة اني احبها...
وحذرته من نور وكلتله حبها محد منعك بس لا تسوي بيها شي ترا ابوها يقتلك..هنا مو مثل هناك...
دنيا عصر ونور يمه صديقه عمر بالديوان...وهو قبل فترة شك بطلعات نواف وكله راقبه..وهسة عنده سالفة طيرت عقله..كله نواف شفته دخل بيت مشبوه...
نور:مستحيل نواف تربيتي مايسويها تعبت على تربيته عمر كول شي ثاني كول غلطان
عمر:ياريت غلطان بس اكلك ابنك دخل بمكان مشبوه..واعرف هذا البيت..هو مارحت وراه بس جنت متعدي وكفت صدفة وهذا البيت اكثر مرة اسمع عنه اشياء مو زينة ماشايف شنو بي بس سامع شرب ومخدرات وبنات اشكال
نور لزم راسه:اذا صدك يعني نواف يضيع بهالسوالف..وبعد منو يكدر يرجعه لطريق الصحيح والله ابني يضيع..هو مرات يطلع بسيارتي بالليل..مرات ما أمن عليه بالليل وماخلي يطلع بس هو زلمة صار وهم اله كلمة وشخصيته..بس شكلي رخيت الحبل اخر فترة
عمر:نور صدكني خوفك على ابنك ماراح يضيع شخصيته بس لاتصير كلش قاسي وياه ترا هنا يضيع..تريد الليلة اخذك لهذاك المكان واذا شفت نواف هناك راح تكدر تلزم اعصابك
نور :الله كريم..وصار عنده وجع بكلبه من سمع هيج نواف يروح هيج مكانات..ويكول لا ماتضيع تربيتي لا بويه...
راح عمر ونور طلع دخل الصالة..نورسين جانت مبدلة وتريد تطلع تريد واحد من الولد ياخذها عازمتها صديقتها...
همه صارلهم ايام هنا وما ملتقية بصديقتها الي هنا بالبصرة وجم مرة تكلها تعاي نطلع بس نورسين تتحجج وماتروح...
اليوم اصرت عليها كلتلها بعد ماحاجيج ولا اشوفيني...
نور باوعلها من فوك ليجوى وبيدها جنطتها زغيرة وحاطتها بركبتها صفح والسير صاير بين صدرها...وهي حست بنظراته على لبسها المايعجبه...
واجت عينها بعينه..وشلون هالعيون تكلب حال شيخنه...
نور بينه وبين نفسه:استغفر الله فوك ظيمي شلون بيها هاي..ابوها بل

ا احساس شسويلهم بالله والأخو اطكع..ياغضب ان ماعلمتج الله حق ماكون نور..واشرلها..يابت شنو وين طالعة بوية
نورسين اشرت على نفسها:اني؟؟ تحجي وياي
نور رفع حاجبه:اي اكو احد غيرج هنا ويريد يطلع
نورسين شكد تحب وكفته هاي ومن يحاسبها تحس نفسها ملكه وهو من حقه يحاسبها..تذوب بالعيون الكحيلة العصبية..وشفته من يحركها وينطق كلماته...
نورسين اخفت هالنبضات:طالعة صديقتي عازمتني..ورجاءاً لا تبدي وتكول ماطلع انته مو ابوي ولا زوجي حتى تحاسبني
نور:لسانج هذا يرادله كص يابت العم..ورفع راسه بثقة..ماطول انتي هنا تحترمين هالمكان وناسه واهله..وهسة روحي انستري وبعدها وين ماتردين روحي
نورسين ماعاندت..وهزت راسها بأي ولا عادتها تطيع اوامر..ودارت وجهها ترجع تصعد تبدل من ملابس البنات...
وهو ابتسم لأطاعتها الحجي وهو يكول بكلبه..بلوة جبيرة طاحت على راسك يابو نواف شيخلصك بعد وين المهرب...
وهو بوده يضحك على حظه الي وكعه هل الوكعه..وكل يوم يدعي لنواف بنفس ما وكعه كون يعشك ومايندله دربه...وبعدين يكول نواف شعلي انته شكلك رجعت مراهق ياشيخ...
نور كعد ويحاجي نفسه:بت ابوها شعلت كلبي من بعد سنين.. فوك ظيمي تالي اريد ارتاح ينزل عليه هذا الغضب..وفوكها ابني راح يضيع...
لحظات وشافها نزلت ولابسة ملابس مستورة وطويلة وحجابها بأهمال صح بس احسن من ملابس مساع...
لبست سالوبيت جينز بس عريض وجواه بدي طويل..
نورسين وكفت على راسه:نور ممكن طلب
نور رفع راسه:من تحترمين طلبات مو طلب..تفضلي
نورسين طلعت سطر اللؤلؤ:ممكن توصلني شكله محد هنا من الولد وطالعين
نور سكت وهو محتار بسالفة نواف كلش شغلت باله حتى كلبه كام يوجعه..و غير ورطته بحب بت الالمانية الي طلعتله صفح..وسالفة ابنه شغلته وجعت كلبه...
نور:وين رايحة انتي بحدج..ترا ماعدنه بنات تطلع بحدها..روحي كعدي عالمسلسلات مثل الباقيات وسويلج شي بالبيت بدل طلعتج..ترا انتي بنت شيوخ وهنا ناس ماترحم
نورسين:شنو هالتناقض توه كتلي روحي وين ماتردين..واني مو من بناتكم لا تنسه فترة واروح من هنا...عندي حريتي الشخصية..ومانتهك حرية الآخرين
نور فوك ما كلبه موجوع هسة وجعته اكثر وتكله فترة وانروح..هاي الكلمة ثقبت روحه وقلبه...
نور:حريتج وماكلنه شي..بس برأيج حلو هيج..ياهو يجي يشوف هالشعر والمفاتن..البنت سترها هو تاجها..وهي شي ثمين وسترها عرشها..بس من عيون الكل تشوفها عرشها يحُتل ويتهدم....
نورسين كلامه دخل لأعماق روحها..وصفنت بوجهه وكلبها ينبض الف نبضة..وتسأل نفسها كل يوم ليش ياقلبي ليش نور بالذات مو فتى احلامي..بس هسة اشوفه فارسي ابو درع لماع...
نورسين وهي تباوع بوجهه:نور عندي شي اكلك اياه قبل لا نرجع لألمانيا
نور وهو يكول بكلبه:وانه يابت المانيا..وشلون اكولج لا ترحين هذا قلبي هواج...ابتسم الها...اي كولي اسمعج..كعدي واحجي
نورسين عضت شفتها على ابتسامته..نور مايبتسم الها بالعادة كله اوامر...حبت نور هذا اليوم كلش حباب..
نورسين:لااا مو هسة اريد احاجيك بشي كلش مهم..وهسة منو ياخذني ماريد اطلع وحدي مثل ماتريد
نور:هسة اخابرلج واحد من الولد يجي..وخابر مشتاق واجه اخذها وقبل لا تروح كلتله شكرا ياشيخ..وسوتله حركة تحية باصابعها السبابة والوسطى..
حطتهم لراسها وخرتهم بمعنى تحية وعلى وجهها ابتسامة..وهو كلبه شاعل نار بنواف...ينتظره يجي يريد يواجهه ويسأله...
وهو ماناوي خير وره السؤال..ونور من يعصب يكلب الدنيا على راسهم يعرفون ابوهم من رايق ياخذون عينه بس من يعصب محد يصير كباله...

وراحت نورسين وبقت ويه صديقتها تسول

يتبع