ى بالو يطلع للشام هنيك يدرس وانا  مارضيتها روحتو
- اييه خال حك والله عجل هالبلد وكبرو مالو مكان يدرس الا بالشام  !
- ايييه تعرف طيش الشباب .. الحين انا طلبتي منك تأمنلو بيت هين بالانبار وفلوسو واصله اعتبرها
- مايلزم الفلوس خال هين ابنالو بديرتنا
- انته تخير المكان الي يناسبك لكن بالاول اسمع طلبتي الثانيه
- آمر  خال
- اخيتك صفيه لولدي الصغير  عبد الرحمن ودي منك حرمه وتأمن البيت وسياكها
٥٠ ناكه وهالشياه كلها ثمنها وبيعها وكم يطلع ثمنها عطها تشتري فيه الي يحلالها
والنوك زياده فوكهم والبيت من فلوسي انا هديه لهالاثنين العزاز
صفن الشيخ شويه وكال ...
- والله ياخال انته وولدك اعزاز وماردلكم طلب لكن انا خياتي ماجبرهن بزواج لو تأذنلي اسألها وان رفضت لا تحگني عليها ياخال .. الزواج بالكيف
- اسألها اييه لكن خلني احكيلك عنو
ولدي هذا عمرو ٢٩ سنه هو ابن حرمتي الرابعه
-اييه خال اعرفو
-اييه وخلها تسمع هالحكي الها .. انا ولدي رجال فارس ومكدام وعينو عين العكاب نيشانها مايخطأ وهو عندو شهاه الثانويه ونفسو يدرس هين بالجامعات
لكن امو تخاف بعدو كانت وماخلتو يمشي
والحين ودو يمشي للشام ودكت هالسالفه براسو وانا ادحك ان الزواج والبيت هين جايز تشيل هالفكره من راسو وتخله يعاود عنها
- يا زين مافكرت خال ،،ان شاء الله انا اردلك جوابها لبكرا
-اييه ردلي جوابها حتى لو حصل النصيب حنا نزوركم عكب هالاسبوع
ونكرا الفاتحه

- ان شاء الله خير ان شاء الله
الشيخه اباوعلها وجهه ورد وتتبسم وكامت راحت لصفيه واخذتها لغرفتهه وسدت الباب .. ومن راح الشيخ وسأل صفيه كلتله بكيفك وكيف امي رجع سألهه ترضين بي اذا احنه رضينا كالت اي
وهيج الخال فرح وكاللهم الاسبوع الجاي
نجي الجمعه نقرا الفاتحه وحسب ماعرفت من الشيخه ان تقاليدهم هناك بالاعراس بس يكطعون مهر سيد ويزفون البنيه بنفس اليوم لرجلها بس
الشيخ كال لخاله ان يسوون عقد سيد وعقد محكمه بين مايلكون بيت ..
وثاني يوم راح الخال وعاف الحلال كُله للشيخ .. وكاله اعتبر انضافت على النوك الي عندك هناك بديرتنا ٥٠ ناكه ..
و السلاح اخذه ضمه فوك بالغرفه وكالي هاي الغرفه اعتبريها من اليوم صارت مخزن للسلاح بعد لا تتقربيلها ..
حجيت ردت منه يطلعهن لغير مكان ما قبل يكولي انتي تعرفين شي واني اعرف شي ..
صارت الشيخه تحضر لجيه اهلها وخطوبه بنتها هالاسبوع وبيوم الجمعه من اجوي كلها سيارات بيكم ورجال طول بعرض .. كلهم لحايه ومحزمين والخناجر بنص الحزام ..
احنه صاعدين فوك سطح بيت الشيخه ونباوعلهم ترسو الديوان بالعكل ..
والنسوان بس اربعه جايات ..
ام الولد و ٣ نسوان عمه الي هنه نسوان خوال الشيخ ..
مناسك جانت حاضره هالمناسبه هي وبنتها ورده وابنها جمال وجانت حامل بشهرها الرابع ..
نشوف صفيه متوتره من نسألها شبيج تكول احس استعجلت كولو لاخوي ماريد بطلت وخلت الشيخه تتخبل وضلت هي تبجي والنسوان صافنات عليها ..
عاد اخذتها مناسك لغرفه الشيخه وضلت يمها واني اجتني غاليه تكولي ابويه يكول راح يجي السيد ..
كلتلها روحي شاوري وكوليله ماما تريدك لازم نحجي ..
ضليت واكفه يم الباب الورانيه وهو اجاني مستعجل وحاط ايده على عكاله ويكولي ..
- هاا يولو خيرك
- صفيه دتبجي وتكول احس استعجلت ماريد وكالبه الدنيا
- لاااه وش جرالها هاذي الحين
الرجال هين واكفه حدر الباب وش احكيلهم الحين بطلنا !! امشي سوي درب خلي ادحكها
رحت ركض لغرفه الشيخه وكلتلها ..
- صفيه الشيخ يريد يحاجيج
اشرتلي اي وصحتله اجاهه وراح حضنهه وكالهه ...
- اخيتي ماظني هيك فيكي عجل ساعه ماحدرو الرجال هين تتراجعي ليه يولي
- رجالهم تخوف ياخوي كلهم مسلحين هذا على ساعه الساعه يذبحني ماريد اتزوجو ماريد
- هههههه يولي لا يخوفك مظهرو هالرجل كلبو ذهب و رجالهم يولي ما يتطالو على حرمه عجل انتي ماتعرفين رباتي كيف ؟! هي نفسها رباتهم !؟
تهدي وسمي باسم الله وامشي معي وخلي ثقتك بخويك يلاا يالعزيزه يلاا
اخذها ووصلها لباب الهول وراح للزلم الي ضلو واكفين بره ..
وعقدلهم السيد من وره الباب وصارت الكل تهلهل بس هي مدلغمه والشيخه تغطي عليها بالحجي ويه النسوان
بعدين اجتني مناسك تكولي الشيخ يريدج يم الدرج ...
طلعت من الهول ورحتله جان يكولي ..
- حضريها واخذيها هين بغرفه امي واطلعي .. الرجل هين بالباب واكف
ودو يدخل يدحكها
- زين عيني وصيه يهديها شويه يحاجيها خطيه خايفه
- يولو وش احكيلو يعني لا تخليني انفجر الحين
- شبيك عيني هسه شحجيت
- ايييه انا بعمى عيني جايبو لهين اتركيني تين اعصابي تلفانه الحين امشي سوي الي وصيتك عليه يلا تعجلي
- صار عيني صار
رحت اخذتهه للغرفه وطلعت وسمعته من دخل يصيح يالله ..
الشيخ عافهم واجه يمنه بالمطبخ ويفتر ويتأفف .. انطيته مي رجعه ماشرب
شلت  قطعه كيك انطيته وهو بعصبيه اخذهه كلهه وحطهه بحلكه ومتخوصر وياكل وعاكد حواجبه من بلعها كال ..
- لو ماانه ولد خالي كان فرغت البرنو براسو الحين وش عندو بطى هي نظرتين يالله
- خالد اتهدا ياعيني
-اييه اي

ييه
عافنه وراح وكف يم الباب ويحمحم وهذاك جوه ولا يمه ..
راح للمغسله فتحها ويغسل ويكح بصوت عالي ويصيح على جراح و يفتر يم الغرفه واحنه نباوع وخربانين ضحك
وهو يفتر ووجهه احمر وتالي وين يلا طلع عبد الرحمن وضل واكف وحاط ايده وره ظهره ويباوع للشيخ والشيخ يباوعله بغضب ..
عاد عبد الرحمن كال ...
- والنعم يابن عمتي من رباك
- اييه ايييه امشي الحين امش

اخذه وطلع بسرعه والرجال مبتسم وهو مخنزر ..
رحنا لصفيه ولكيناهه على كعدتها ولازمه ركبتها وصافنه ..
كعدنا اني ومناسك يمهه ونهز بيهه ونضحك وهي تكول ..
- يولن هذا فارس احلامي يولن كأنه صابني بخنجرو ساعه الي ناظر عيني
وش هالعين يالله عين عكاب والله مثل ماسماهه خالي مرمشه هيك على طولها ثخينه رمشها
ضلينه اني ومناسك بس نضحك وهي تحجي وعلى صفنتها جان مناسك تجر شعرها حيل وخلتها تعيط يلا صحت
وشفنه بركبتها كلاده فضيه وبيهه ٣ شناشيل وبنهايه كل واحد منهن فص احمر .. ضحكت  وكلتلهه ...
- منين اجتي هالكلاده عيني
- حطت بركبتي من يدو لولد خالي هالفارس المصيت لبسها لي بايدو البارده ياويل حالي ياووويلي
ضلينه نضحك وجريناهه كومناهه واخذناهه للهول وحتى وهي كاعده صافنه وتتلمس بكلادتهه وتبتسم
والشيخه رجع الدم بوجهه من شافتهه تضحك ...
ولليل رجعت لبيتي بعد ماخلصنه تنظيف وعشه هناك .. رحت سبحت واخذت حسين نومته وتمددت اريد انام الشيخ اليوم يم ام جراح  جان اسمع الباب مال الكليدور تندك ..
رحت فتحتهه وشفت الشيخ هنا كلتله ..
- هلا حبيبي شعجب جاي بهالوكت
- تعبانه اعصابي وماارتاح الا هين
- اسم الله عليك ياعمري تعال ياعيني
اخذته ورحنه للغرفه وكفت يمه واخذت عكاله والشماغ علكتهن وجبتله بجامه بدل ملابسه واجه تمدد ونام على ايدي
ضليت العب بشعره وهو يكولي ..
- انا مااتحمل احد يدحك اخياتي تين
عند حريمي انا مااتفاهم واليوم بعد ما مشينا تكاونت معو
- يااا ليش تعاركت
- حكالي يأجر بيت هين صغير ويتزوج هالشهر وبعدها يدور بيت كبير على راحتو وينتقل وانا حكيتلو ما مستعجلين على شي رتب امور بيتك وجهزو يلا تاخذ اخيتي وهو حكالي انا ودي العرس هالشهر وهي الحين حرمتي زين مني مخليها عندكم هالشهر المفروض امشي فيها الحين
وانا هين انهديت عليه ضربتو بنص فكو وتالي مشى زعلان
- ياعيني هو هيج مو خطيه خربت فرحته بهاليوم
- يستاهل عجل انا يحكيلي زين منو مخلي اخيتي عندي ! ويشمر علي بحكيو
لانها صارت حرمتو ول انا الي داريتها كل هالسنين يجي هو الحين ياخذها هيك ويتشرط !!! والله لو ما وكفه خالي بعيني كنت كسرت عظامو لكن خالي تدخل والرجال التمت وهديتو
- انته كل اليوم عصبي شو ماجنت هيج بخطوبه مناسك
- لااا كنت هيك لكن زلمتها كان يعرف حدو وكريب لكلبي هذا انا ماهويتو
- بس صفيه فرحانه بي
وخر من حضني وضل يباوعلي وكال
- وش حكتلك عنو ! وش سوى معها !!
- اهدأ عيوني ماسوالها شي بس هي الظاهر نعجبت بشكله وشخصيته
ومبين محاجيهه باسلوب هادىء وحلو
وماخذ عقلها وهداها كلاده فضه يعني
الولد عرف يكسبها ويهديها شجاك عليه ياعمري خطيه هسه لو تدري متعاركين تخرب فرحتهه
-ايييييه ماتحملتو انا بخياتي مااتفاهم
وهذا الي عندي ان ماعجبو يعاود هو وسياكو ما ضلت عليه
تقربت منه وحضنته وضليت اتلمس بشعره واكوله ..
- حلو الرجال من يريد مرته يمه بسرعه هذا يعني متلهف عليها وحبهه وعجبته
والبنيه تحب تشوف لهفه رجلها عليها
هسه انته مو خطبتني اسبوع وتزوجنا
- اييه وشستفدت انا عشت من بعدها سنه تكميل خطوبه
-ههههههههه هاااا هسه بين الصدك
- اييه عجل انا جاذب ! ما عشنا سنه كاننا مخطوبين ! هو هالمصكوع يكدر يتحمل مثل ماانا تحملت !!
- لاااا انته وحد عنهم حبيبي انته ماكو منك ...رجال صبور بس مو عوضتك على هالسنه لو لا
-لاا بعد ماتعوضت زين
- يااا صدك والله
- اييه جبتيلنا هالدب واخذك مني
-ههههههه شسالفتك وياه خالد متحبه ؟
-لاا احبو لكن ماتحملو بصراحه ماتحمل كل من يكربك وهذا احسو شايلني من كلبك ومتربع فيه وحدو
- يمه حبيبي ضايج من ابنه !!
ياعمري انته الكل بالكل انته روحي وحبيبي هذا محبته تختلف عنك محبه طفل وشعور امومه انته دنيتي كلها
بوست وجهه وهو كالي ..
- وحتى شعور الامومه هذا انا ودي يكون لي منو نصيب ..كُلك لي تين كُلك باسمي انا لا ولدك ولا عشره مثلو يحكلهم ياخذو حبك انا وحدي الي املكو
- هو الك حبيبي بس الك كل العمر حبي يبقى بس الك واني كلي الك ياروحي
- دام هيك عوضيني عجل
-هااا
- اييه الحين عوضيني هذيك السنه يلا خليني ادحك شطارتك بالتعويض اليوم
ضحكت وهو تمدد وجرني عليه وبديت بتعويضه حسب مايحب ويرضى
ثاني يوم اجاني على العشه وكالي
دز خبر لخواله انهم يحضرون البيت وياخذون المره وغير هالحجي مايصير
وهو مكفل جماعه يدورن بيت قريب هنا
وبعد شهر لكو بيت مناسب سعره بس يصبغون ويشترون الغراض ..
والولد جاي لحديثه حتى يشتري غراض البيت ويرتبه ويبات بالديوان وماخلاه يعتب باب البيت ويشوف صفيه بس الشيخه راحت سلمت عليه بالحديقه
وصفيه تصعد للسطح ب

الختله دتباوع عليه من بعيد وتنزل بسرعه حتى لا امهه تدري بيهه ...
وتزوجو بشهر السادس وهم رجع بيوم العرس الشيخ متكئب وعصبي ومحد يوصله بس اني اشاقي واتحارش بي
واتغزل بجماله لحد ماضحك وفك الكئابه
بسنه ال ٢٠٠٠ مصطفى صار عنده ولد وبنيه سماهم اسلام ورؤى
و دعاء صار عدها ولد سمته سرمد
جراح  صار عمره ١٤ سنه وغاليه ٩ سنوات والشيخ صار ياخذهم لصلاه الفجر بالجامع كل يوم ..
يجي يكعد غاليه ويكعدني ويخليني اوكف اتوضى اني وياهه والبسهه ملابس الصلاه وياخذهه ويروح على جراح الي لازم يطلع ينتظره بره واذا لكاه متاخر
يرجع مترزل ..
حسين وعباس وصكر عمرهم اربع سنين
وكحين وروحهم بالشارع وجراح مبتلي بيهم يضل واكف يمهم هو وحسن ابن صياح يضلون يمهم لحد مايشبعون لعب ويرجعوهم ..
والتوم حُر و آسر اعمارهم سنه حلوين
بس ناعمين وهم شُكر بس حر عيونه خضر واسر عيونه عسليه ..
حر عنده وحمه بزنده صغيرونه واسر عنده بدالهه شامه ..
بشهر الثالث كاعده اني والجهال بالهول
نتفرج تلفزيون ودخل الشيخ مخبوص
وكالي ..
- تين اخذي الجهال وادخلي الغرفه وكفلي الباب ومااسمع حس لاحد بالعجل يلا
.
يتبع

✨ حديثتي الشقراء ✨
🔹🔹
البارت 5
بشهر الثالث كاعده اني والجهال بالهول
نتفرج تلفزيون ودخل الشيخ مخبوص
وكالي ..
- تين اخذي الجهال وادخلي الغرفه وكفلي الباب ومااسمع حس لاحد بالعجل يلا
من شفته مخبوص ومستعجل ماسألت شي كبل اخذت الجهال ورحت للغرفه وقفلت الباب وضليت وره الباب اتسمع ..
صوت رياجيل يصعدون الدرج وهو صوته بس يصيح يلا يارجال بالعجل
وره ماراحو صاحلي حتى افتح الباب
فتحته وسألته ..
- شكو شنو الصاير خالد خير !!
- هيك شغل يابه لا تخافي
- شغل شنو هذا الي بنص بيتنا هالرياجيل شجانو يسون هنا شعدهم !!!؟
- يولو هالرجال صعدو السلاح مع البقيه هذيك
- عزا العزاني !!! خالد مسوي بيتي مخزن اسلحه !!! كل يوم جايبلي وجبه
- تهدي يابه ماعليهن شي
- شلون ماعليهن شي !!  طبت علينه الشرطه وفتشت البيت شنكول شنحجي
- يولو لا تثبرينا .. انا اخذهن بعد كم يوم
لحين ماادبر المخزن الجديد اخذهن
- وانته وين جنت حاطهن ! وشعندك بهالكد سلاح تجمع
- هذا ماهو لي يولي هذا سلاح عشيره
كلنه مشتركين به ولزوم عندنا سلاح لوكت الشده  نخزنو وانا عندي مخزن مصرح عند الحكومه خازن فيه كل السلاح المرخص ماعليه شي
- يعني عندك بعد سلاح فوك هذا الي هنا مكوم بالغرفه !!!
- اييه هذا جديد موصي عليهم من زمان والحين وصلو بوجبتين غير الي وصلها خالي
- ياربي سترك خالد ياعيني ديربالك لا تجينه مصيبه مامحسبيلها على هالسلاح
- ما تخافي يابه بعون الله حنا بامان
ودحكي هين بره تلاكي اطوال قماش
خذي منهم الي يكفيكِ وارسلي على الجيره هين ياخذو منو ،، هذا كثير ويكفي الكل
- وهاي شنو النوب شجابهن !!؟
- هههههه نهرب فيهن السلاح يووولي
عجل ينزلن من السما
- دخليك ربي الصبر استر علينه خالد الله يخليك
- ماتخافي يولو انا عارف وش اسوي
يلاا انا امشي الحين
-وين تروح
- لديواني عجل وش عندي غيرو
- زين ارجع من وكت فدوه لا تتاخر
- ان شاء الله وانتي لا تكربي الغرفه ولا تخلي جاهل يصلها زين
- اي عيني صار
بوس خدي وطلع ... رحت  اشوف
الطول مال القماش وجان الكاهن عشر
رولات عراض كل وحده لون وبيهن من فوك وجوه على الفتحه خشبه دائريه وحده مكسوره والثانيه لا ..
عرفت جانو داحسين السلاح بنص الكارتونه مال القماش ..
خفت من شغلهم هذا وافكارهم الي ماتخطر على بال احد مره بالطليان مره بالقماش الله يستر الجاي شيسون ..
ضليت هالاسبوع كل شويه وحده داكه الباب وجايه تشوف القماش وتاخذ الي تريده بلاش الهه ولاقاربهه ..واني اقيس واكصلهن ... وضميت قطع لصفيه ومناسك وحمواتهه وهيج خلصناهن
وخلصت من همهن ...
من هذا القماش خيطت اثواب لغاليه وبجايم وهي كل يوميه نازعه واحد لابسه واحد بكيفهه تلبس واطشر ..
لحد شهر السادس هم رجع جاب وجبه اسلحه جديده وهالمره بصناديك المخضر
ترس بيهن الطرمه كلهه وطلعو مصفطين الاسلحه جوه المخضر وضلو ينبشون بيهن ويطلعون ويصعدون وهم
اخذنا كفايتنا من المخضر ودزيت على الجيران يجون ياخذون شكد مايريدون
وكل وحده ترست علاليك ونجاين وشبعنا المنطقه كلهه منهن ...
صح طرقهم ذكيه وغطو على السالفه بس البيت ضل وضعه خطر واني الخوف كاتلني بالاخص بعد ماصعدت وشفت الغرفه مفروشه فرش بالسلاح والشواجير مليانه طلق مصفطه وحده بصف الثانيه
لاظمهه للغرفه لظم بالسلاح ويجي ينام يمي مرتاح ويضحك ولا كأن اكو مصيبه فوك روسنه ساعه الساعه توكع علينه
بهاي الفتره جراح صار يتعلم سياقه وياخذ سياره ابو القديمه ويطلع بيهه بدون ميدري ولليل مانسمع الا صياح خالد عليه لان يسوقهه بدون علمه بنص الظهريه وكل مره يعتذر ويرجع ياخذله يومين ويخمط السويج ويطلع بيهه
وخالد يكوله اخذ هاي الجديده هذيج مستعز بيهه ماامن عليهه بيدك بس هو ماتعجبه الا هذيج وخالد يحبهه حيل وضلو يتعاركون لحد ما راح خالد
فتح التايرات وكعدهه على طوابيك
يلا ارتاح من جراح وطلعاته بيهه
النوب صار يوكف فوك راسه الظهريه اول مايرجع من الشغل يحصره الا ينطي السويج حتى يطلع بهاي السياره وياخذ غاليه ويروح يفر بيهه لراس الشارع ويرجع وهو خالد يحسبله عشر دقايق اذا زادت يحرمه منهه ... وهو يجي مضبوط بالموعد بس حتى يضل يسوق ..
من اسأل جراح منو علمك تسوق يكولي اني تعلمت اباوعلهم واجرب وتعلمت
كل مايكبرون تكبر عركاتهم وقساوه الشيخ عليهم ..
جراح على ابو يحب السباحه واغلب اوقات العصريه او الصبح هو على الشط ويه حسن ورماح وكل مايجيت يسبح رماح يضل يبجي يريد ينزل وياه وهو بعده عمره ٨ سنين ويخلي يطلع من المي
ويضل كاعد يمه حتى يسكت وكل مره هيج يسوي الى ان بزعت روحه وكام مياخذه وياه ومانحس الا جايه ام جراح تدور على رماح وينه مو يمج ؟ هالسؤال صار كل يوميه ينسأل الصبح ومن اكوللهه لا تروح ادز واحد من ولد الجيران يروح للشط ديكول لجراح يرجع ويجيب اخوه وياه ..
وضلينه على هالرنه الى ان الشيخ حرم على جراح الشط ...
وكاله ماتصله الا يصير اخوك بعمرك
ومن يومها جراح متكئب وغاليه هم متكئبه لان جراح متكئب هذا جوابهه من اسالهه شبيج ..
بعد ما حاولنا ويه الش

يخ يخلي يروح مره بالاسبوع يسبح ويه اصدقائه ويطلعهه من نفسه قبل بس شرط عليه مايروح الا وياه
يعني يروحون اثنينهم ويه ابوهم يسبحون
وهيج رجعت نفسيه جراح زينه ..
من طلعت نتائج البكلوريا مال ثالث ونجح جراح بدرجات عاليه  اشتراله الشيخ
بايسكل جبير وملون وبي سلات كيف عليه جراح وصار يركب مره رماح ومره غاليه ويفرهم بالمنطقه واي شي نريد اندزه يروح بالبايسكل ..
وغاليه تريد تتعلم تركب مثله وهو يمشيهه بي بس ميعوفهه لان متسيطر عليه جبير وعالي وضلت تبجي وطنكرت الا اريد مثل جراح بس هو تجيبوله مال نجاح ..
واشترينالهه واحد صغيرون على كدهه
وواحد لرماح وشوكت مايلتمون نسمع واحد منهم يكول .. ها نسوي سباق هسه؟
ويطلعون ركض كلمن يجر بايسكله ويتسابقون ...
ضلو عباس وصكر شغلتهم الختيله
طلعو بهالسالفه الجديده وخبلونه بيهه
نشوفهم تبسبسو وشردو وكل واحد يختل بمكان ونضل ندور وندور عليهم وتطلع روحنه من الفره وراهم وين مانلكاهم ونجيبهم يرجعون يختلون ..
والاماكن مدري منين يلكطوهه
بنص التانكي المزروف لو يم الصوبات بالمخزن لو وره الزوالي ، جوه الكرويته ويغطون  نفسهم بالمخاد ، وهاي بنص الكنتور مال شيخه كل مانضيعهم نلكاهم هناك ..
تالي كامت الشيخه بالنهار اطلعهم بره بالحديقه وتسد البوب مال البيت وتضل مكابلتهم وكاعده حتى مايطبون ويختلون
حياتنا حلوه بيهم وبطلباتهم وتعبنا عليهم
كل واحد من هذوله السبعه اله معزته الخاصه بكلوبنا وغاليه مترأسه القائمه بالمعزه عدنا لانها البنيه الوحيده بينهم
كلهم مدلليهه حتى عباس وصكر يميلون الهه ويحبوهه ودائماً بالليل يحبون يكعدون يمهه من تكتب لو من تلعب بلعباتهه يجون يلعبون وياهه ويلبسون اللعابه وياهه ويمشوهه ويحجون مثلهه
وجراح هسه اذا نريد ننطي فد تسميه بهالعمر فهو لعباتهه الاولى ..
كل شيطنتهه ودلعهه وطلباتهه وهوستهه كلها تطلعهه عليه .. الولد تحرم عليه النومه وحده اذا مااجتي فوك راسه وتكعده حتى تكوله ليش تنام واني مانايمه ؟!
اذا يريد يطلع يلعب طوبه ويه جماعته تنغصهه عليه ليش يروح يلعب وياهم مو وياهه !! وتالي من يرجع خسران ويطلع عصبيته عليهه تضل تبجي وتصعد لغرفتهه وتسد الباب وتعاند متحجي وياه
وهو يجيب ويراضي بيهه ويتعذرلهه
بس هي تضل اطلع روحه يلا تتصالح وياه وتخلي الشغله السواهه بدونهه يرجع يسويهه وياهه ..
شكد مااحجي واعلم بيهه مايفيد تكولي
ماما اني احبه جراح ماتعبه بس اني احبه
واكوللهه .. اذا هيج المحبه عندج شسويلج بعد ضلي بخبالج وياه ..

اذا تجوع العصريه ماتجي تكولي جوعانه
لا تروح عليه تاخذه لنص البستان حتى يكطعلهه برتقال لو رمان لو عرموط وتاكل وترجع تكولي اكلت من الشجره واجيت ..
وصارت بعمر عشر سنين ومن البسهه فد ترجيه ذهب لو حجل اجيبلهه هي تحب الحجول واني اكضي السنه كلهه اجمعلهه
حتى اشتريلهه حجل من البسهه تضل كاعده تنتظر جراح يجي حتى تمد رجلهه على بطنه وتكوله .. حلو ؟ يكوللهه اي حلو ..ترجع تصعد رجلهه على جتفه وتفر بيهه وتكوله ..تسمعه هسه حلو ؟
وهو يعض رجلهه ويكوللهه ..
وحك شيباتي التاليهن يطلعن من وراج حلووو
هيج تكيف وترتاح نفسيتهه من تعرف الشغله التلبسهه حلوه وعجبت جراح
الحياه ماشيه طبيعي وامان لحد نهايه
٢٠٠٢ بدا خالد يختفي وكعداته قليله ويانه
يطلع من الفجر ومايكول وين رايح ومايرجع للعشره بالليل ودائماً اعصابه متوتره وساكت مايحجي شي
وبعد مالحيت عليه كعد حجالي ان بلدنا
راح يدخل بمعارك ويه امريكا وضل يحجيلي شلون جان يطلع لبغداد ويكعد
بمجالس شيوخ ويتناقلون اخبار البلد
ويحضرون للدفاع اذا صار الهجوم
ومن بعدها بدات الاخبار تكثر ودخلنا ٢٠٠٣ وبدا المعارك والقصف على المطار وعلى البنى التحتيه بغداد
واني لازمه كلبي وكل شويه اخابر مصطفى ويطمني الوضع زين يمهم
لحد ما صارت معركه الي بالاعظميه
وصارت المجزره هناك يلا طلعو اهلي من بغداد وراحو لبيت خوالي على اطراف بغداد ..
وراها صار ضرب الصواريخ على تكريت وانثبرت الامه .. وسقوط تمثال صدام حسين بساحه الفردوس بغداد
علن عن سقوط النظام وصارت البوك والنهب بالوزارات والدوائر والمدارس
والهضيمه من نسمع ان الي يبوك هو ابن البلد هو عراقي يفرهد بلده ..
خالد جان يكول ..
هذا كله من الجوع الي ضلت بي العالم
مو غريب الي يصير هذا ناتج الحرمان
مصطفى من عرف هيج الوضع صاير رجع للبيت يخاف لا هم يبوكوه وضل وحده هناك ومن بعدها انكطعت اخباره
وضليت بقلق عليه وابجي خايفه على اخويه لان القصف كل يوم بمكان والتلفونات انكطعت مااحصله ابد
من شافني هيج خالد راح دز اثنين من جماعته حتى يجيبون مصطفى هنا يمنه
ويوم ثاني يوم المغربيه اجاني خالد وكالي
- تين اهلك وصلو بسلامه هين
- الحمد والشكر الك ربي وينه مصطفى
- مصطفى واهلك كلهم هين عندي بالديوان ،، الي عرفتو ان امك معاوده
لبغداد كبل كم يوم وضاله معو والحين
هي هين معو
- شجابهه مابقت يم اهلهه
- ماعرف والله الحين ارسلهم لك
- خالد يعني اضيفهه بيتي !!! هاي الي عمري عشته بالعذاب بسببهه اكعدهه

وياي !
- ول تين هاذي امك وش هالحكي
- مو امي هي متبريه مني واني كاطعه الصله وياهه شجابهه هسه
- يولو عيب هالفعل الحين وكت شده كلنا نكف يد وحده ما هو وكت احقاد
-مااريد اشوفها لا تجيبها يمي اني بيتي يتعذرها هالمره اني جارعه المر من وراهه
- يولي الحرمه مريضه وكبيره وين اخليها الحين !
- شبيها مريضه النوب
- من كثر الخوف من القصف صار عندها سكر وحالها يكسر الخاطر ما هيك ظني بام كلب الكبير والمضيافه الكريمه الاصل تطرد امها الحين وهي حرمه كبيره !! وان كانت ظالمتك عندك رب الي يحاسبها انتي عليكي بر الوالدين يا يابه لا تظلمي نفسك وتظلميها هالشكل
خجلت بهاللحظه من تصرفي ودنكت
وهو جر راسي لصدره وطبطب على ظهري  .. كلتله ..
- اني اسفه تصرفي مال جهال اعتذر
دزهم كلهم هنا ومااقصر ويه احد منهم ان شاء الله
- ماتكصري انتي ياعيني ولا يهمك الي صار انتي هالايام انفعاليه زياده هههه
- من وره هالحبوب مخليتني اعصاب ولا تعرف طبعي هادئه
- ههههه عجل يابه دوريلك حل غيرها لا تطلعين اعصابك علينا مالنا حيل يابه
- عوف اعصابي هسه جيبهم يلا حباب
طلع واني ضليت واكفه وره الباب انتظر جيتهم .. واول مااسمعت صوتهم فتحت الباب ودخل مصطفى رأساً حضنته الله وحده يعلم شكد جنت خايفه عليه
وعلي شايل الغراض وياه وامي مجلبه بردانه وتمشي ...
بوست علي وباوعتلهه ..سلمت عليهه عادي ومشيت كدامهم ..
ضليت استفسر منهم شصار وياهم هناك ومياده والجهال وينهم .. كالي بقاهم يم اهلهه وهمه راحو لخوالنه يعني منطقه اهل محمد من وصلو لهالموضوع رأساً
ترخصت منهم ورحت اسويلهم عشه
فرشتلهم بالاستقبال هالليله وحجيت ويه الشيخ بالليل علمود يطلع هالاسلحه منا
خاف ساعه الساعه يداهمونا وتصيرلنا بلوه وهو ماقبل وكالي ..
مايعتب حديثه محتل وهالراس يشم الهوا
ومشت الايام واحنه نراقب الاخبار وايدنا على كلوبنا لحد ما بيوم قبل صلاه الظهر
دخل الشيخ للبيت مثل الاعصار ماحسيت بي شوكت اجه وشوكت صعد
رأساً صاح من فوك على مصطفى وعلي وركضوله وصارو ينزلون وياه بالاسلحه
ودخل جراح يركض ويصيح ...
- ياابه عمي مشى بسيارتو كبلك وقلي اوصيك على كل الذخيره لاتخلي شي
-فهمت يابه فهمت احدر عاونا يلاا بالعجل
صعد جراح يمهم وصار ينزل وياهم بالاسلحه واخذو بطانيات لفوهن بيهن
وشالوهن للسياره .. اريد اخلي يوكف احاجي افهم منه شي ماينطي مجال بس يصيح حتى يستعجلون بشيله السلاح
من اخذهن كلهن للسياره رجع عليه ولزم راسي بقوه وكالي ...
- رايح احامي عن ديرتي ياتينه وانتي حامي عايلتي
- دخيل الله خالد لا تروح لا تفجع كلبي بيك دخيلك
- يولو ترضين لي العار ! ترضين اهلنا يكشف عليهم اجنبي !
-لااا لااا
- عجل لا تحاولي تمنعيني انا اوكل رجال هالديره ماشين لمعبر رفح نحامي عن حديثتنا ومااعاود الا ناصر او شهيد
ضليت ابجي واني لازمه ايده وعاصرتهه
وهو ركز بعيني شويه وبعدين جر راسي باسني وكالي ..
- اهلي ومالي امانه بركبتك تين
- امانه عليك خالد ارجعلي سالم حبيبي
-بعون الله ادعيلنا انا اتفائل بدعائك لا توكفي عن الدعاء ولا تضعفي كوي كلبك
وبالك على اهلي ياتين مااوصيكي بعد
- بعيني اخليهم لا توصي .. روح وانته مطمن وديربالك على نفسك ياروحي
لاتنسى اني انتظرك مااسامحك اذا ماترجعلي وتطمن كلبي عليك
حضني بسرعه وخر وكالي ان شاء الله وطلع ...
مسحت دموعي ورفعت ايدي قريت ايه الكرسي وحصنته بيهه ودعيت ربي ينصرهم ويخلصنا من هالمحتل ..
جنت اطلع كل شويه للطرمه وبس اسمع صوت هوسه الرياجيل واحد يستعجل الثاني حتى يطلع يواجه ويه البقيه
ادخل للبيت بس انتخي وادعي والشغله بايدي اشيلها منا وارجعها منا ومادري شسوي ..
امي بس تباوعلي وساكته وغاليه كل شويه تسالني شنو الي ديصير واكوللهه حرب صارت بلدنا ادعيلهم ينتصرون

للعصر رجعو اخواني وركضت عليهم اسألهم شصار وكالولي الوضع خطر هناك جبهه ومفتوحه وهواي انكتلو
من الامريكان بس اجاهم هسه دعم ثاني بالدبابات والولد هناك ماارضو نبقى
خافو لايصير عليهم شي هناك وتبقى البيوت والنسوان وحدهه كالو احمولنه
اهلنه مايصير تضل البيوت بلا محرم
ضل جسمي يرجف رجف من سمعت جاييهم بالدبابات كلت مايضلون هالليله
اخذنا غراضنا ورحنه لبيت الشيخه لكيتهه لازمه القران وتقرا وام جراح
مكابله الشباك وتدعي ..
كعدنا ويمنه الجهال وضلينه ملتمين كلنه سوه بس اخوتي بره يفترون بالمنطقه يشوفون الوضع ويتناقلون الاخبار
وضل هالحال اربع ايام ضبط لا نعرف منو الي انكتل منو الي عاش واي ضربه او صوت كلنه طبولنه الامريكان وكمزنا من مكانه ..
ذهبنا والفلوس كلهن لميناهن وخليناهن
بجيس قماش ولبسناه بركبتنه ..
والعبايات يمنه محضريهه والحجابات
خاف ساعه الساعه يطبولنه نلبسهن ..
لليوم الخامس وره صلاه الفجر سمعنه باب الهول تندك وراح مصطفى ركض يباوع من الشباك منو وراساً فتحهه
ودخل الشيخ شامر شماغه على جتفه
ودشداشته كلها ماطخه دم وتراب
ركضت عليه ووراي الشيخه وحضناه
وهو ساكت ..
دخل كعد بينه والشيخه تسأل بي شلون الوضع شصار ببقي

ه الولد جان يكول
- ديرتنا ضلت حره بدمهم .. هاذي جيتي من دفنه خمس عزاز من رجال ديرتي
وهذا دمهم وترابهم بثيابي
كدام نبره الحزن الي يحجي بيهه كلنا سكتنه وهو كمل حجيه ...
- عدد كبير منهم كدرنا على كتلو ومنهم نص انسحبو وضل الحين كم سياره على بعد واكفه والله العالم بعد هالصباح وش تنزللهم اوامر
مصطفى كال ..
- ان شاء الله ينسحبون كلهم هالمره
- ان شاء الله .. تين
- ياعيني كول
- حضريلي الحمام يابه
-صار عيني
رحت ركض لغرفه ام جراح دكيت بابهه
وهي اجتني مفزوعه وقبل متحجي شي كلتلهه ..
- خيه رجع الشيخ جوه
- يبشرك الله بخير مابه شي
- اي الحمدلله بخير وعافيه بس اريدله ملابس يريد يسبح
- اييه احدري اخذي انا نازله اسلم عليه
نزلت هي واني اخذت الملابس ونزلت حطيتهن بالحمام ورجعت صحتله
وهو كام وتمشى بناحيتي واشرلي امشي كدامه ..
رحت ووكفت يم باب الحمام وكلتله ..
- حبيبي تريد ادخل وياك
- ايييييه ياريت والله
ابتسمت ودخلت وراه واول مانزع دشداشته حضني وهمسلي ..
- انتي حدر عيني ساعه الي اكنصلي واحد منهم
- ياروحي مااسوى شي بدونك كلبي نار عليك ومارتاحيت ولا دقيقه بهالايام كل فكري يمك
- هذا انا حدرك سالم معافى وعاودت لاطمن كلبك
بوست وجهه وابتسمت واخذته للدوش
ضل هو واكف ومغمض واني اغسل جسمه وشعره الي جان كله تراب
نشفتله وصار هو يلبس ،.
من كمل لبس حضنته حيل وكلتله ..
- مشتاقه انومك على ايدي
- عجل تفرغي لي الحين لاني مو نايم غير ساعتين كل يوم ومشتاك لراحتي حدرك
- يابعد عمري ادلل
بوست شفته وطلعنه .. رحت للمطبخ لكيت ام جراح تحضر الريوك وشكلهه
ضايجه تجنبتهه بهاللحظه لاني افهم الي هي بي وحاسه باحساسهه ..
تريكنا كلنه سوه وبعدين هو كال اريد انام
وراح لغرفه الشيخه ضليت اني حايره شلون اروحله واخاف ام جراح هناك
وصدك رحت يم الدرج واشوفهه يمه بالغرفه راساً رجعت للهول وكلت همزين
مارحت ..
اني دائماً اتجنب موقف يخلي بينه غيره
او يبين الشيخ مفضل وحده على الثانيه
حتى تضل عشرتنه طيبه وبدون مشاكل
من طلعت وره شويه هو ضل يصيح تين
عاد رحتله .. سديت الباب وباوعتله وضحكت وهو كالي ..
-عرفتك يولو منتظرتلك فرصه حتى تحدري
-ايييي يعمري زين من صحتني
- ول مشتاكلك احدري هيين احدري
فتحلي ايده ورحت تمددت وحضنته وهو يبوس بركبتي ويشمشم وبعدين حط وجهه على وجهي وضل مغمض ويتنفس بهدوء
جان يكولي ....
- هين عندنا ٧ارامل تين احدري بكرا انتي وامي وخذو بخاطرهم واحكيلهم
هنه واولادهن تحت وصايتي لا يهمن للعيشه دام الله كاتبلي عمر اضل حامل همهم بهالركبه واكبر ولادهم على يدي
- الله يطول بعمرك ويحفظك النه يارووحي انته .. ان شاء الله باجر اروحلهم واقوم بواجبهن
- دحكي بيت كل وحده منهن وش لازمو
واصرفي من الي تحت يدك لاجل تأمينو
ولو عوزتي خذي من الي جامعهن عندك
لا تنكصي عليهم شي تين هذول ايتام
والد كل منهم انا الي سلمتو السلاح بيدي وانا الي عينت مركزو على الساتر كانو رجال نشامى ما هابو الموت اكتلو بالخمسين جندي امريكي وحمو ظهورنا
و عيالهم بذمتي يضلون هذا حك طاعتهم لي ووكفتهم لديرتنا
- الله يرحمهم ويصبر اهلهم ويرحم هالامه ويخلصنا من هالشده والله خلصت كلوبنا من الخوف والقلق بجيتهم

- الله كريم
- نام هسه ارتاح لاتفكر بشي حبيبي
نزل راسه لصدري وضل مغمض واني العب بشعره وامشي ايدي على ظهره
لحد ماحسيته غفى .. خليت ايدي على جتفه وغمضت وهم اخذتني النومه وياه
لحد ما حسيت على صوت حسين يمي
كعدني يريد اكل ..
باوعتله بعده نايم ، سحبت نفسي بهدوء
وخليت راسه ع المخده وهو جر الغطى
على راسه وكمل نومته ..
ضل هاليوم نايم للظهر كعدناه على الغده
وهو اخذ الولد سبعتهم بوسهم وبعدين من كعد على السفره طلب بس غاليه تكعد بصفه .. وقبل ما ياكل وكلهه ويكول للولد
- دحكو يابه اخيتكم اميره البيت الي يزعلها يزعلني والي يرضيها يرضيني
وهالحكي عايش انا ولا ميت يمشي وما يجرى غيرو
غاليه نفخت ريشاتها عليهم بهالحجي وصارت تباوعلهم واحد واحد وتعوج بحلكها وتعدل بشعرها ومن كملنا اكل وهي راحت غسلت واجتي كعدت بصفه وتكوله ..
- يابه انته حبيبي حبيبيي
وتبوس بي وهو مكيف عليهه يضحكلهه وهي تعدل بياخته وتشاوره وهو يخرب ضحك .. وضلت هيج تحرك بكلوب اخوتهه لحد ما شبعت وكامت حولت على جراح وتكوله ...
- جناح اذا انا امينه انتو شو
- يولو احنه هم امراء عجل وحدك اميره
- لاااا ابوي خصصني انا وحدي امينه ماحكى جناح امين
- اييه انا وحدي اخصص روحي امير ماخصك انتي زين
- اممم صح صح انته هم امين لان انا امينه لزوم انته امين عجل وحدي اصين
- هم خلف الله حصلت كلمتين زينه منك
- جنااااااح
- هاا يولو ودك شي لو نعويصه
- هههه نعويصه
ضلت تضحك وتجر بخشمه وهو يدفع بيهه واني منتبهه عليهم وعايفه البقيه
لحد ماسمعت الشيخ كال ...
- يلاا انا الحين اترخص لزوم اعاود وادحك وش الحال عندهم
وكف وكلنه وكفنا وياه ودعوه الجهال بالاول وهو يوصي بيهم يضلون عقال ويديرون بالهم على اختهم ومن ديلبس شحاطته كلتله ..
-

شييخ الله يخليك لا تنسى
- بعون الله
ابتسملي وطلع ولاكوه بره اخوتي راحو وياه ورجعنا للقلق مره ثانيه ..
امي احسها صدك تغيرت بعد هالاوضاع
صارت منعزله مالها دخل بيه ولا بجهالي كأنها ماتشوفنا بس تسولف ويه الشيخه وكعدتها كلها وياهه وحتى من تنام هم بغرفتها وجراح ينام يم اخوتي ورماح بالهول واني وغاليه وحسين وصكر وعباس بالاستقبال وام جراح فوك هي والتوم حر واسر ..
ايام ثانيه مرت والشيخ بعيد عنا
يروحله مصطفى كل ليله يشوف شنو الاخبار وياخذلهم اكل وملابس ويرجع
رحنا اني والشيخه لبيوت الشهداء واخذنا
مسواك لكل عائله وكل وحده من هذني النسوان كعدت حجيت وياهه ووصلتهه حجي الشيخ وكلتلهن باب بيتنه مفتوح
بكل صغيره وجبيره تمر بحياتكم
تلكونه واكفين وياكم ...
كل الكلام لو مهما جان مؤثر وتعويض جبير مايسد الفراغ الي دخل بحياتهم
الي كدرنا عليه بس نسد احتياجاتهم
خلال شهر ونص كدرو رجال حديثه يصدون الامريكان عن مدينتهم وانسحبو كلهم وعلى كد كلمتهم ماخلو اجنبي يعتب حديثه ..
من يومها صار الشيخ يقسم رجاله بمناوبات على اطراف حديثه حتى يحرسوهه ويه رجال الشيوخ البقيه
رجعت الحياه طبيعيه .. الجهال بمدارسهم
واحنه كلمن عينهه على بيتهه ورجلهه
ونتابع الاخبار بالتلفزيون ونسمع الي يصير من كوارث بغداد ..
اهلي رجعو لبيتهم رغم الشيخ راد منهم يبقون يمنه ويبيعلهم هذاك البيت ويعيشون هنا بامان بس مصطفى ماقبل
كال بدون بغداد احنه مانكدر حديثه حديثتكم وبغداد بغدادنا ..
على هالكلام هذا يلا عفناهم يرجعون
وماكدرنا نعرف اخبارهم لان ماكو خط اتصال بينه كلهه مكطوعه ..
وبنهايه شهر الواحد ٢٠٠٤ بالليل وكت مارجع الشيخ جان جايب علاكه وياه
متعوده عليه يجيب حلويات وشغلات ويوزعهم رأساً للجهال بس هالمره لا
ضل مخليهه يمه ومن تعشينه وكعدنا نشرب جاي كالي ....
- تينه دحكي هاليوم وش جبتلك
- شنو ياعيوني
طلع من العلاكه كارتونتين وفتح وحده منهن وشال جهاز صغيروني اسود وكالي ..
- دحكي هذا تلفون نقال
- هااه صدك يعني مثل الثريا
- اييه لكن هذا احسن منو وبكل مكان تكدري تستخدميه وتتصلي على اهلك
منو براحتك
- اييي والله همزين جبته مشكور يابعد عمري
- تدللي ياعيني انتي .. دحكي هين اعلمك كيف يتشغل ..احفظي هين الخضره تفتحي الاتصال والحمره تسدينه
-اي زين سهله
- اكضبي خلي افتح هالسيمكارت
- شنو هذا
-هيك شريحه اسمها عراقنا هاذي حتى يشتغل النقال ونتصل فيه
- هاا زين
- دحكي انا اختاريت ارقامنا متشابهه اخر رقمين مختلف بس
-هههه حلو عود اكتبلياه بورقه حتى احفظه لرقمك
-لاااه ما يلزم يولو هين احفظه لك بهالنقال وايمتى ما ودك طلعيه واتصلي علي
- هاااا والله عمي زين لعد وين جانن هذني قبل ماجبلتنه واحد منه
- يولو هالحين يلا دخلن لبلادنا
- ياا هم جنه محرومين منهن
- ايييه عجل شو
حط سيمكارت بتلفون الاول وفتح الثاني هم حط بي وجان يكولي ..
- دحكي هين انا اسجللك رقمي لكن وش ودك تكتبي عليه
- ههه اكتبلي الشيخ ابو جراح
-هههههه يولو مايكفي وش هالطول
- لاا عمري اشاقه اكتبلي حبيبي
- ايييه هيك عدل الحين اكتبو
ضل يدوس بالدكم ويكتب وبعدين من كتب رقمي بتلفونه ضل صافن

كلتله
- شنو راح تكتب
- مادري والله
-اكتب حبيبتي اكتب يلا
-هههه لاااا يولوو
-هاا شنو تستحي تكتب حبيبتي !
- لااا بالله ما هيك الكصد لكن هيك ودي اكتب شي كل ماادحكو باتصالك افرح هيك شي مميز خليني افكر فيه بعدين
- اييي يلا على راحتك عمرري عمرري
- هاا يولو بدينا بالحرشه
- لاا عيني كاعده وساكته شمسويه
- لا لاا تحرشي تحرشي هالليله انا استاهل دلال شاريلك هالنقال  ب ٦٠ دولار وكارتو ب عشر دولارات فوك هالشريحه ب ٦٥ دولار
- حيييل شدعوه هالكد سعره
- عجل اول نزلتو ليه مايغلى
- لا عيني على هالصرف تستاهل الدلال والله
-ايييه داريني هالليله زين طلعي هالدب نوميه عند اختو
- هههه يبوو ياخالد حاط كورتك من كورته هالولد
-عجل هالحين اخيتو شحلاتهه بغرفتها نايمه وساكته الا هالدب فوك راسي يكمز الليل كلو هو انا مامحصلك غير بالليل ويشاركني فيه
- ههههه عيني اصعده لاخته خاف لا ساعه النوب تلزمه تكتله
- تخافي على ابنك مو علي انا
- عمري عليك عليك غير اريد راحتك
-ايييييه باين عددل
- هسه ماعلمتني شلون اخابر
- دحكي من هين ومن بكرا احاول ادبرلك رقم اخوتك
-اييي والله ياعمري لاتنسى فدوه رحتلك
- مانسى ان شاء الله .. هاا نسيت شغله
ماحكيتها لك
-شنو عيني
- هذا النقال يسموه موبااايل اييه الحين تذكرتو لاسمو
- شنو يعني هذا نوعه لو شنو
- مادري هيك سماه ابو المحل حكالي هذا موبايل بدل مانحكي تلفون نقال
- موبايل مو
-اييه وحكالي تكدر تكتب رساله وتبعثها
لكن ماعلمني كيف ارسلها ..يلا انكلب به ونتعلم من حالنا
- ايي نضل ندوس وهي تصفى
- امشي يلا نومي ابنك ماتطيرين الليل علي يولو يلا
- هههه صاار عيني ادلل
رحت اخذت حسين وصعدت لغرفه غاليه
وهي تضوج متقبل احد ينام يمهه وبالكوه قنعتهه ونومته ونزلت للحمام غسلت واني مخل

يه عطر للاحتياط هنا تعطرت منه ورحتله ..
كالعاده يحب يخليني نايمه على ايده وشعري مفتوح على جهه يشيله يخليه
على طول جسمي ويضل يتبسم بوجهي
ويتلمس شعري من راسي لحد نهايته ووياهه يتلمس جسمي بنفس الهداوه هاي
لحد مااني ابادر وابوس شفته يلا يعوفه
ويندمج وياي ...
بوجود هالتلفون صرت اخابره واتطمن عليه كل ساعتين وهو هم من يروح يم
ام جراح قبل ماينام يخابرني شويه ويروح ومن يكعد الصبح للصلاه هم يخابر ويكولي كعدي غاليه حتى اجي اخذهه للجامع ...
وكل هاي اسأله شنو كاتب على اسمي يكولي مكاتب شي بعدني مالاكي الكلمه
الي اريدهه ..
عرفته مشتري واحد لام جراح هم والشيخه هم اشترالها وجابلي رقم اخوتي
صرت اخابرهم واعرف اخبارهم
وضلينه هالشهر فرحانين بهالتلفون لحد
ما هالتوم عباس وصكر اشتغلت خباثتهم
عليهن ..
تلفوني وتلفون ام جراح اثنينهن ماخذيهن غاسليهن بالطشت بالحمام وشايليهن بالخاولي وطالعين على الشمس ينشفون بيهن ولاكطتهم غاليه ..
اني من اخذت تلفوني ضليت صافنه هاي شسويله هسه !! وام جراح تصيح عليهم
وهمه ركضو ويضحكون وراحو للحديقه
شوفناهن للشيخ بالليل ضل يضحك وكال
كل وحده تنطي تلفونها لواحد منهم واجيبلكم غيرهن ...
وره كم يوم اشترالنا غيرهن بس هالمره مالتي رصاصي وابيض ومال ام جراح
اسود ...
دائماً اشوف الشيخ يلزم تلفونه واستكان الجاي ويضل صافن عليه من اسأله يكولي داافكر بشغله ..
ومن وحده بيوم كاعدين وكالي اتصلي عليه .. اتصلت عليه وهو قرب التلفون مني وباوعت الاسم مكتوب ...
' وطني '
رأساً سديت الاتصال وضحكت كلتله ...
- شعجب مو تينه ؟
- التينه جايز اأجل اتصالها لكن الوطن لزوم يتلبى بنفس الوكت .. انا كان ودي ساعه الي ادحك اتصالك اتبسم واسمو هيك ينبض بكلبي وكان ودي هيك شي مميز تالي لكيت الوطن هو الاعز على كلبي وانتي وطني وسجلتك هين وطني
حتى دايم افرح ساعه يطلبني الوطن والبيه
- يابعد عمري انته راح اضل لعد كل شويه اخابرك حتى تلبي وطنك ههه
- ايييه اهجمي بيتي خلصي الرصيد وابتلي ياخالد عبيلها
ضحكت بعلو صوتي وميلت راسي على جتفه وضلينه نتشاقه بس زادت فرحتي اكثر من قريت الاسم هذا .. صار كأنه
اثبات الي ان الحب بكلبه باقي نفسه ماغيرته السنين ..
من شهر الخامس ب ٢٠٠٤ بدا خالد يدور على كاع يبنيهه محل حلويات جبير
وكدر يحصل بيت قديم بمكان زين وعلى الشارع صاير فلش البيت للكاع وبناه محل جبير بمساحه ١٨٠م سلمه لمهندس
رتبه اله بقسم للمطبخ وقسم للعرض ومكان للكعده كراسي وميز وتلفزيون ورتبهن بشكل حلو ..
و هو بقاه مقفل وماقبل يشغل احد بي الا من اهل النجف .. حلف يمين محد يسوي حلويات بهالمحل غير نجفي ...
وكدر بعد فتره يحصل اثنين اخوان من النجف شغلتهم الدهينه والبقلاوه وهالسوالف واجوي هنا يشتغلون وعلى ايدهم يلا سوى افتتاح للمحل وضل مخلي جراح هناك يكعد ويه العمال العصريه
وجراح كل ما يرجع جايب علاكتين من هالحلويات النه ..
الحمدلله هالمحل صار شغله زين وحصل ارباح منه و صار بسنه ٢٠٠٥ يتساوم ويه صاحب بيت قريب على هذا المحل
وكدر يقنعه واشتراه منه وهم فلشه وبناه هالمره فرن صمون وشغل بي ولد ابو حسن اثنين ووياهم ولد جبير بالعشرينات
و لحد شهر السادس صار وكت سفره للشام ومن رجع اشترك بسلفه ويه واحد من معارفه بالمنطقه واستلمها ثاني اسم
وضمهه يمي وهم وره فتره استلم اسم ثاني من غير سلفه وجمعهن وراح اشترى بيهن محلين من السوك قديمات
فتحهن وسواهن محل واحد جبير وهم رممه وسواه اسواق وشغل بي اثنين من ولد العوائل الي متكفلهم واثنين هم دزهم للفرن ...
ولسنه ٢٠٠٦ اشترى المحلات الي فوك الاسواق وسوه درج من نص الاسواق لفوك المحلات و قسم الفوك صار مكتبه
استنساخ وقرطاسيه وهالاشياء وهم شغل بي ولد عوائل الشهداء ..
لسنه ٢٠٠٧ اشترى بغداد كاع بمساحه
٤٠٠م وسحب عليهه قرض من البنك
وبناهه معرض اثاث وضل حاير منو يشغل بيهه ...
راد جراح يروح هناك بس خاف عليه من الطائفيه الي صايره هناك والاوضاع خطره واخر شي صفت لعلي اخويه واثنين من اصدقاء مصطفى موثوقين
شغلهم هناك والعمال البقيه همه اجوي يدورون شغل ولد صغار بعدهم بال ١٥،١٦ سنه خلاهم بس للتنظيف ...
جراح بهالسنه عمره ٢١ بالمرحله الثانيه
بكليه هندسه السدود والموارد المائيه
بجامعه الانبار ...
غاليه ١٦ سنه وهالسنه راحت للرابع الادبي لانها متحب تدرس والف مره رادت تبطل من المدرسه وتضل نايمه ومرتاحه بالبيت واحنه نجبرها على الدوام
تغيرت هواي من متوسطه صارت كلش كسلانه وماتدرس ولا تشتغل بالبيت اي شي .. واذا احد يصخرهه تكوله ..
اني اميره مااشتغل انتو تشتغلولي
هواي مغروره بنفسها والاحظها تستصغر الناس بعينها والشيخ واخوتهه مدلليهه دلال مخليهه تتمشيخ علينه
والكل تصيحلهه تم وامر وطاعه اميرتنا
عدا حسين الوحيد الي يتناكر وياهه على الصغيره والجبيره ويخليها تصيح وتتزعل ويجي جراح يراضيهه نيابه عن حسين الي زعلها ..
ومن سوينالهه العمليه لخشمهه ضلت الشهر كله هي تد

لل على اخوتهه واحد واحد بالاسم تصيحهم حتى يداروهه
وتكولي انتي معليج بيه داري الشيخ اني عندي اخوتي يداروني شريد يسوولي
من بدا دوامهه هالسنه بالاعداديه اول اسبوع ماداومت تنتظر الدوام يستقر يلا
وليله السبت اجتي للغرفه تبجي ..
حضنتهه وامسح بدموعهه وهي بس تبجي ..
- ولج شبيج يمه وكفتي كلبي شصاير وياج
- يمه جراح مايخليني اداوم
- هاي شنوو اول تالي جراح ميقبل اداومين
- غير هو يتامر علي اليوم اشتكيه لابوي وخليه يسكتو
- اهدي يمه شبيج شجاج عليه احجيلي شبي وياج شصار
- يمه هو كبل ساعه ارسلي اسر يحكيلي انتظرو بالحديقه ورحت هنيك وحين مااحدر علي وكعدنا حكالي لو من الحين ماتخطين عتبه الباب من دون نقاب
-نقااب؟!!!
-ايييه يريدني اتنقب والبس العباه فوك لبس المدرسه وانا حكيتلو مكدر عليه جراح يخنكني هالنقاب مكدر لكن هو مايرضى حكالي انا اعوضك طيعيني عليه وانا اعوضك عنو حكالي ماتثقي بخويك قلتلو اثق وهو حكالي لزوم البسو ويعوضني بعدين لكن انا مارضيت يمه
مااحبو اناا هالشكل جراح يخنكني بالنقاب والعباه كل عمري ومنع علي الزياره لاي بيت من عماتنا وكرابتنا ولا صاحباتي ولا سوك ولا لمكان اطلع وبعد فوك كل هذا يحكيلي ماتطلعي مع صاحباتك تمشي للمدرسه يوم ياخذك  او حسن او رماح بالسياره والنقاب حكالي ماتنزعيه حتى بالصف
- يمه اسم الله هذا شجاه !
شجاب هالافكار براسه وشدعوه هالتشدد
- يمممه ماالبسو مالبسسسو اناا ابطل من المدرسه ومااروح بالنقاب ماااروح وهالبنات يضحكو علي متنقبه وحدي بينهن
- اهدي حبيبتي هسه يجي ابوج وادز عليه ونتفاهم لاتضوجين بنيتي مايصير الا اليعجبج
- اناا احكيلو لابوي اليوم والله مااخليه يرتاح بليلتو عجل ليه هيك يمنعني من كل شي وش سويت انا وهالشكل يخنكني بشروطو مايستاهل الصحبه ومحبتي له
- دكافي بنتي روحي غسلي وجهج وهسه ابوج على جيه ونتفاهم يلا كافي اسكتي
جنت متوقعه راح يجي يوم وتبدا هالشروط على غاليه بس متوقعتهه هسه وبهيج طريقه ومن جراح مو من الشيخ
وكت مارجع الشيخ رأساً راحت ركضت حضنته وبدت تبجي وهو تخبل عليهه
- ول ول غاليتنا تبكي ول وش جرى
- يابه جرااح زعلني
- يخسى والله احدري يابه احكيلي وش بلاه جراح هاليوم وزعلك هالكثر
اخذت منه عباته والشماغ وهو كعد وحضنهه وهي تحجيله بنعوصتهه
- يابه جراح ودو اتنقب يصير هيك
- هاااه حكيتيلي تتنقبي
- ايييه ودو اتنقب ومااطلع لمكان بعد الحين ولا ازور صاحباتي هين ولا اتمشى معهن للمدرسه ولا انزع النقاب بالصف حكالي رماح او حسن يوصلوكي المدرسه بالسياره وعداها تضلي بالبيت ماتطلعي يصير هيك يابه تراضا لاميرتك هيك
- اييه يابه ارضاهه
- يابه
- بنيتي جراح ماهو بغلطان اسمعيه بهداوه تفهمي منو وش كصدو
- ماا ودي اسمعو ماودي يابه انا اكرهو للنقاب اكرهو هذا تلبسه الكبيره انا بعدني صغيره عليه يابه
- تهدي تهدي واصبري شوي
طلع تلفونه وخابر على جراح وطلب منه يجي للبيت .. واقل الخمس دقايق ودخل جراح .. سلم وكعد كدامهم .. والشيخ كال ..
- اييه يابه جراح وش الي مشرطو على اخيتك اليوم
- يابه مامشرط بالشين انا هذا الي لزوم يجرى ولا الك غير راي
- لا بالله رآيك سديد لكن انا اظن ان ساعه ماحكيتلها ماتفهمتك وتعصبت ما هيك
- ايييه يابه مشت وماخلتني افهمها خذت راس الحكي وزعلت ومشت
- عجل احكيلها الحين خلها تفهم وش كصدك منو
ضل جراح يباوعلها وهي دايره وجهها عنه ومخليه راسهه على جتف ابوهه
وهو صار يحجيلها ...
- دحكي غلوي انتي تعرفين معزتك عندي وانتي بنيتنا الوحيده مو حي الله بنت انتي بنت الشيخ واخيه سبع رجال
العين تتصيدك والعالم فضولها يغلبها حتى تدحك اخت هالرجال من ؟ واميره هالشيخ الي كلها تعرف بغلاتها عندو
كيف صارت الحين ساعه الي شبت وكبرت !
انا ياخيتي ماارضى يدحك خيالك بشر رجل كان ولا حرمه
حرمتك من زياره كل بيت لان الي يدحكك راح يوصفك لغيرو وماارضاهه انا ينجاب طاريك بمجلس حكي بين اي اثنين حتى لو هنه صاحباتك ولا عماتك ولا بنات عمك مايرضيني هالشي ولا يرضي ابوي ولا اخوتك كلهم ولو ماانك عزيزه علينا مانحافظ عليكي هالشكل ياايابه افهميني غلوي افهمي الكصد من هالحرمان لا تاخذينو بالزعل والاحاسيس هين بعد
كعدت غاليه عدل ورفعت كذلتهه وكالتله ..
- افهم هالشي كلو لكن انته بعد افهمني انا هيك انحرم من كل شي لا صاحبات ولا طلعه ولا ادحك حد ولا حد يدحكني تعزلني عن العالم ودك اعيش وحيده وماادحك شي من عمري غير سواد النقاب على وجهي لحين مااعجز واموت وش نفع حياتي هيك وش عشت انا بهالعمر!!!
ضحك جراح وحك شعره وارتاج وكال
- يولو ما حكيتلك اعوضك انا واجازيكي حك طاعتك لي حكيت ولا لا ؟!!
- اييه حكيتلي بس ماعرفتو وش تعويضك؟!
- بوكتو تعرفيه
- يعني اكيد يرضيني ! من الحين احكيلك لو كان ذهب ولا حلى ولا لبس ماارضى فيه
- اييه اعرف هالشي فاهمو وتعويضي اكبر من هذا لكن ماهو الحين وكت تتخرجي من المدرسه اعوضك بحينها
هالحين راضيه بشروطي !؟ تطيعين اخيك ولا ل

ا ؟!
صفنت شويه وكالت ...
- يابه انته تشهد على حكيو لو تخرجت من الاعدادي ومانفذ وعدو لي بعمري مااعاد احكي معو حرف واحد
- حك والله لكن اخيك جراح رجل كلمتو وحده مثل حد السيف مايخلف بكلمتو لا تخافي
- اييه عجل موافقه بشروطو
انتهى النقاش على موافقتها وثاني يوم نزلت للسوك واشتريتلهه نقاب وجفوف وعباه وكلبي ماراضي على هالشي بس ادري لمصلحتهه و وكتنا هذا مو مثل ذاك الوكت ...
لبستهن يوم الاثنين وهي ادردم وتتوعد لجراح اذا ماسوالهه تعويض وهو انتظرهه تطلع واخذهه وصلهه للمدرسه
وضل اليوم ماداوم حتى يروح يرجعهه
وكعد بالبيت يتاكد منها اذا نزعت النقاب بالصف او لا ..
وهي اتبعت كلامه بالحرف الواحد بس طلبت منه تغير العبايه بجبه خليجي من هاي العريضه وقبل كاللهه كم يوم واجيبلج بنفسي احلى عباه امارتيه
وعدا هالاسبوع ويوم الجمعه جابلهه عباه امارتيه سوده ساده وناعمه القماش وكاللها ماختاريتها ام النقش خاف مدرستج متقبل ...
جنت اشوف بنتي رغم بالكوه جارعتهن بس طايعته بكل شي يطلبه منها وهو نفذ حجايته من كال مااريد احد يشوف حتى خيالج ..
الصبح ياخذهه بنفسه بالسياره يوصلهه للمدرسه ومنبه عليهه وكت الحله ماتطلعزتوكفف بالباب تضل جوه واي واحد من اخوتها يجي عليها جوه ياخذها ويطلع ويرجعهه للبيت ..
وممنوع تكعد بأي لمه عائليه من الكرايب داخل بيت الشيخه وممنوع تطلع لسوك اي شي تريده اني اجيبه الهه او جراح
يكعد وياهه كل يوم بالليل يشرحلهه رياضيات ويستدرجهه بالحجي على شسوت اليوم بدوامهه وهي دائماً تكوله
صديقاتي يحجون عليه ويكولون خطيه ليش هيج اخوانج معقدين  خانكينج خنك شلون متحمله الله يساعدج
واني اردهن اكللهن لو انتن مهمات لاخوانجن مثلي جان سوو نفس الشي
يفرح هو كولش من تحجيله هالشي ودائماً يوعدهه التعويض قريب وجبير بس تتخرج .. وسوالهه هالشي حافز ورجع نشاطهه للدراسه ..
الشيخ فتح فرع ثاني للحلويات بالرمادي
اشترى قطعه كاع جبيره وقسمهه اثنين
قسم لمحل الحلويات وقسم للافران
وشغل بيهه من معارفه هم ولد شباب
ودائماً يكول المشاريع الصغيره ربحهه دايم وتكثيرهه مفيد اكثر من مشروع واحد جبير
الولد ياهو منهم يوصل لعمر ال ١٦ سنه الشيخ يسحب ايده منه ويخليه معتمد على نفسه ... الي يريد مصرف يطلع يشتغل ويحصل مصرفه بنفسه ماينطيهم ولا الف دينار ولا يرضى امهاتهم تنطيهم
عليه بس بتكاليف دراستهم اي واحد بنفسه شي هو يروح يدبر فلوسه ويشتريه
هالشي مشى بالاول على جراح وهو اشتغل بمحل الحلويات ومرات بالافران
وضل كل مايرجع من الكليه يروح للمحل
ومدبر مصرفه ..
ورماح هم اجاه الدور وصار يشتغل بالافران ومطلع مصرفه ..
وكذلك الكلمه نفسها ماشيه على حسين وعباس وصكر وحر واسر كلهم بس يوصلون ال ١٦ يطلعون للشارع يشتغلون ان عجبهم يشتغلون بمحلاته
يشغلهم ويوميتهم نفس العمال مايفرق شي
وان ماعجبهم يروحون يشتغلون بكيفهم اي مكان يعجبهم ..
بنى بيت الشيخه ٣ غرف ثانيه فوك
للولد واثثهه الهم وصار كل واحد منهم بغرفه عدا جراح بغرفه الشيخه ماقبل يغير مكانه وحتى كنتوره حاطه بصف كنتورهه وينام يمهه بالكاع ماقبل يغير شي من حياته ..
غاليه بالسادس قبل الوزاري باسبوع
تعاركت هي وحسين وراحت ركض للدرج وصعدت جان تتزحلك وتوكع ونلوت رجلهه وايدهه طكت من الجتف والرسخ ..
وضلت الاسبوع كله تون من جتفهه وماقرت ولاحضرت للامتحان وجراح تكفل يسويلهه الاجازه المرضيه وراحت عليهه كل الامتحانات الوزاريه وهي تكأبت فد مره وياهو الي يحاجيهه تبجي وتصيح عوفوني ..
هالفتره الاصعب جانت عليه على فهم بنتي ماعرفت شنو اسويلهه وترتاح نفسيتهه .. مادري من ضغط الدراسه الي جان عليهه او من خوفهه على امتحاناتهه الي راحت او من وكعتهه هاي ..
شكد مااجي واحجي وياهه وعيني وحبيبتي واشتريلهه الملابس وحتى المكياج والعطور وماتنطي رده فعل زينه بس مدلغمه ..
واحنه كلنا نحجي وياهه ونشجعهه حتى تستعد لامتحانات الدور الثاني بس هي ما ترد علينه ..
خبصت الشيخ خبص بهاي وكعتهه لحد ماصار يصيح عليه ويكولي محد يمرضهه غير هذا خوفج عوفيهه مابيهه شي انتي توهسين بجهالج .. بس اني كلبي ماينطيني اخاف عليهه همه بس هالاثنين عندي كل روحي بيهم حقي من اخاف واهتم ..
ووكت ما قربت الامتحانات للدور الثاني ماقبلت تمتحن تكول خرب واهسي ماريد اقرا اريد اعيد السنه وخلتني انهار باعصابي عليهه ولاول مره اصيح عليهه وارزلهه ..
تقهرني من تستهين بدراستهه متعرف مصلحتهه وين وكاضيتهه بس بجي وكأبه
ضليت زعلانه عليهه اربع ايام مااحاجيهه ولااباوع بوجهه وهي تلوب
تجي يمي اطنشهه واذا تحجي ماارد عليهه لحد ماا شفتهه طلعت كتبهه ورجعت تقرا يلا رضيت عليهه
وامتحنت ونجحت بدرجات متوسطه
بين ستينات وسبعينات كلنا ميخالف وباركنالهه بالنجاح والشيخ كاللهه بنفسج اي كليه كولي حتى ادخلج الهه اهليه
وادفع شكد ماجان قسطهه لا يهمج
وهي كلتله افكر ...
وضلت تتشاور ويه جراح كم يوم وبعدين
كالت اني ماتريد كليه تعبني اريد

فنون جميله ..
خلتني اشيط باعصابي حجيت ردت منها ابد مافاد الحجي .. الناس بدت تقدم على الكليات وهي قافله لو هالكليه لو مااريد
من اكعد واحجي وياهه بتفاهم وانصحهه لمستقبلهه تكولي ..
اني اريد اروح ادرس شي اتونس بي وميتعبني ماحب ادوخ راسي واتعب نفسي واني مادور فلوس عندي الي يدفعلي الي اريده وحتى زواج مااتزوج الا واحد بنفس مستوايه يخليني اعيش اميره كلشي ماسوي
اكوللهه وين تلكين هيج رجال ماكو تره بس ابوج بهالدنيا هيج يدلل المره
تكولي لعد ابقى يم ابويه شسوي بالرجال
اني مااخدم احد الناس هي تخدمني ..
هذا كلامهه المعتاد الي زرعوه الولد براسهه انها شخص عالي وماتدنك لاحد
علموهه على الكبرياء والغرور لحد ماتشبعت بي ورغم الحجي والامثال الي اضربهه الهه حتى تفتهم ان هالشي غلط
مايدخل بعقلهه ..
اني اعرف بنتي ماتتخيل نفسهه اقل من البقيه ولا تتخيل نفسهه بيوم تكعد ادلل واداري الرجال واهله والجهال ، هي حتى طبخ متعرف تطبخ ولا بعمرهه لازمه وصله وماسحه كاع هاي شغلتهه بس تشر ملابس وتصفطهن ماتسوي غيرهن ابد ..
والي يحاجيهه تجاوبه ..
اني اميره البيت مااشتغل تريدون انتو اشتغلو انتو مو امراء ..
ومدام ساندهه الشيخ وابنه جراح الكل تسكت كدامهه لان اليحجي يبتلي على عمره ..
رماح نجح بمعدل عالي من السادس علمي وهو من يومه كولش ذكي ودخل كليه طب الاسنان ..
جراح رغم تخرج بس ماحصل وظيفه
ضل يشتغل بمحلات ابوه ..
ولحد الصيف بشهر الثامن اجانه جراح وره العشى وكعد وصاح غاليه ..
كال ..
- غلوي انتي طعتيني ورفعتي راسي بنجاحك الحين صار لزوم اوفي بكلمتي
مو صح
- ايييه عجل انا انتظرتك ثلاث سنين
لتخرجت واجلتني سنه فوكهن صارن اربعه وش هو تعويضك الي يستاهل صبر اربع سنين !؟
.
يتبع

✨ حديثتي الشقراء ✨
🔹🔹
البارت 6
من الي ما يعرف بنت عشيكه الشيخ ابو جراح و اميرتو ..
نبعه الاخوه السبعه ..
وحيده اهلها و الشايخه حتى على ظلها
البنت الي ما دحك منها حد شي غير زين نسبها وظهور رجال تحامي عن مره خيالها ..
انا غاليه امها و اميره ابوها وياسمينه خوانها ..
انا الي ما حد مثلي حب اهلو و تفاخر لرضاهم وحمد ربو بالخفى على وجودهم
انا الي خوانها حدر عينها حتى بالمنام
وحتى بنضره المرآه .. انا الي ما رمشت عينها بدون درايه اهلها ..
انا الي لاجل عيني عين امي بكت ثم تبسمت ..
انا الي ساعه ما نولدت ولدت معي
امنيه ابوي وعشكو وفرحة امي و رزقها وامانها ...
انا الي على عيني دارت الاقدار و حطت
بوسط يدي هدايا وزعتها لكل من كربني
بكلب متعوب ..
انا بنت العشرين وارثه الشعر الطويل من امها وصاحبه العين العسليه والرمش الخفيف .. معاكسه لامها بلون البشره
المايله لدرجه بياض خوانها ..
صاحبه الجسم الطويل الي شايل بطولو وزني الستيني ..
البنت المغروره بنفسها و وارثه كبرياء اهلها و المياله للحيله بالدلع الي تعلمتو من امها هي انا غاليه التينه والشيخ خالد
من اول عمري وانا تعلمت الغرور والفوز بكل شي من دون تعب
عندي فوك ابوي وامي خويي جراح
عينو تدحك حدر مايأشر اصبعي
ان قلتلو انا زعلت اليوم من حد يحكيلي
غصب عنو يحدر يراضيكي ولاتراضيه
بالعجل خله يتعب لاجل يتعلم ان زعلك ثكيل و مايكررو ..
وان قلتلو ودي بشي يأنسيني يصير يعددلي كل الي يكدر عليه بالهالساعه واتخير انا منهم الي يعجبني وينفذو لي ..
ان غلطت بحك امي يأنبني بنبره تخجلني من نفسي وتخليني مدنكه الراس حدرو
ومايحاكيني لحين مااطيب خاطرها ويعلمني باللين والهدا كيف بر الوالدين يكون .. على حسب ماهو يتعلم من حلقات الدروس الدينيه بالجامع
كل مايسمع بديوان ابوي بيت شعر جديد وبه منفعه يحدر يحكيه لي ويجبرني احفظو وارددو معو ويحكيلي يجي اليوم الي ينفع لسانك خزينك الشعري وبه تعلي مكامك بين الحاضرين ..
انا علمتو يظفر الشعر حتى وكت الي يعجبني اتدلل افرد شعري واخله يظفرو لي .. وهو يحكيلي كل مايظفرو
اسحبي راسك لكدام مو كادر اكمل ظفرتو
اشاركو انا كل تفصيل بيومي يمر وان ماكان عندي شي احكيه انام على رجلو
واجبرو يحكيلي كيف كنا صغار ..
وكيف كنا نلعب ، وليه امي تحبو لابوي وابوي يحب امي !؟
وهو يجاوبني على هالسؤال ..
عمتي طيبه والكل حبتها وانا اول من حبها بهالبيت .. وابوي انا ادحكو هايم فيها لكن للحين مافهمت ليه ؟
مافهمت ليه كدر يخلي امي وره ظهرو ويطيب كلبو لامك من دون حسبان لشي
وانا اعيد عليه السؤال واحكيلو ..
كيف هيك امي تحبو هي حتى ماتسمعني من احاكيها لو كانت حدرو وتدحكلو
وش ابونا مسوي لها ودي اعرف
ويحكيلي وهو يضحك ..
ول احكي وش امك مسويه لابونا وصار يخفت صوتو لو حدرت وحكيت معو
يضربني على خدي وهو يحكي ..
وكاد بينهم شي حنا مانعرفو جايز لصغر عمرنا ولا لانهم خافينه عننا ..
من حينها صرت اتمعن واتصفن عليهم
ساعه الي يضحكو ويتغامزو ويحكو بهداوه وساعه ما نتعلل بالليل وابوي
هين يطنشنا ويضل حدر امي محاوطها بيدو و يحكي معها وهي توكلو وتتبسم
وهي تدحك بعينو ..
انا ماادحك امي تاكل كثرنا وتكون اول من يشبع ...
من بعدها صرت انتبه عليها وفهمت انها تشبع حين توكلنا بيدها ...
ابوي الاول الي توكلو بالريوك او بالعشى ومرات بالغدا وتصير تخلي كدامو وتوكلو بيدها وبعدين توكل حسين الي مايشبع كثر ماياكل نلاكيه جوعان ويحدر بعدها لامي بالمطبخ حتى توكلو بعد
وانا مو كثير توكلني لاني ماارضى الا من يد ابوي اكل ...
انا كنت ادحك امي ليله ما يمشي ابوي لعمتي ام جراح .. امي ما تنام ..
سنين وسنين وانا احس عليها تالي الليل
صاحيه وتعودت على صوت فتحه قفل الباب كبل الفجر بربع ساعه وريحه العطر تبدا تفوح واصوات اساورها يرن حين ما تعدل بشعرها على المنضره
وتطلع تستقبل ابوي وكأنو غايب عنها شهور ولا كأنها ليله وهو يكون عندها بعد العشى ويمشي ساعه عشره ويعاود لها عند الفجر وادحك الشوك غالبها عليه
واتعجب لاهتمام ابوي برضاها وكربها وتفاصيلها لهالحد ...
كنت اتعجب على ايام الشته البارده الي يعاود فيها من بزغه الفجر وهو متلثم بالشماغ ومتلفلف بفروتو وتارك دفو بيتو وفراشو بس حتى يحدر ويصبح عليها ويتريك من يدها وينام ساعه حدرها ..
لكن مع الايام فهمت ان هذا كلو حتى امي تنام وترتاح من سهر الليل وانتظارو ..
امي كانت كل اسبوع تحضرلنا وليمه غريبه وما يعرفها غير ابوي ..
يدحكلها ويتبسم وهي تردلو الابتسامه وتنتظر منو بالاخر سؤال عن اسم هالاكله وبعدها يتشكرها عليه ..
حنا نسألها عنو بالاول ما ترد علينا وش اسمو تسكتنا وهي توكلنا منو وتسالنا
طيب ؟ عجبكم ؟ لكن ساعه الي يسال ابوي تجاوبو ...
امي اكلها كلو طيب وتتفنن بطبخها كثير
ودايماً تكعدني حدرها حتى اتعلم منها وانا اتلهى بأي شي عدا ادحك للاكل .. ماحب
الطبخ ولا اتخيل نفسي بيوم اصير افكر واحضر واهتم بالاكل مثلها ..
ثلاجتنه ماتخلى من انواع الحلوي

ات الي هي تكضي العصر بطبخهم ...
ابوي وحسين كثيرين اكل وهي تزيدلهم وتختارلهم الاكل الثكيل والدسم وتحسب على ايام الاسبوع وش طبخت لهم حتى ماتكررو لحين الاسبوع الثاني او الي وراه ...

امي دايماً تجمعلي فلوسي الي احصلهم من ابوي وجدتي وتصوغلي بيهن حجول
الحين انا بعمر العشرين وعندي ثمان حجول ذهب منهن الرفيع ومنهن العريض والمتين ..
كل نجاح من مرحله دراسيه احصل فيها من امي  تراجي ذهب ومن ابوي فلوس
ويوصي امي تشتريلي بيهن ملابس او اي شي بنفسي ..
وهي ما تكصر تشتريلي الي بنفسي وازيد فوكو بعد ..
دايماً معودتني ما ترجع من السوك بلا ما بيدهه شي لي .. ان كان من عطر او بجامه او دفاتر او دببه اي شي لكن لزوم
تصيحلي ..
غلاتي ماما تعالي شوفي شجبتلج
عودتني على الاناقه بالبيت والترتيب
علمتني من الصغر على حب الغوا
وحب نفسي وجمالي وعنايتي به ..
دايماً انا لبسي الصبح شكل وبعد مااكعد من النوم العصر البس شكل ..
الصبح انا افتر بالبجامه او البرموده
وشعري ظافرتو صفح والعصر البس
الفساتين الي طولها ثلاث ارباع او مرات طويله وافرد شعري وامشطو بزيت الورد الي سمعت من ابوي انه امي من زمان تستخدمو لشعرها ووكت ما خلص
هو وصى من الخليج جماعه اشترو له مثلو لكن مو الاصل الاصل الي كانت امي تملكو .. صار كل سنه يجيب لنا
صندوك منو ونتكاسمو انا وامي ..
وبعد مااكمل تمشيط ازينو باانواع الاكسسوارت الخاصه بالشعر الي امي مرتبتهم لي بالادراج ..
واذا كان مصباح عيد امي من الليل تصعد لعندي وتلف شعري باللورات وتخليني انام وانا راسي هالكبر والصبح افتحهم واناديلها ترتبه لي وتلبسني فيه سلسال ذهب هي هدتني اياه مره بدال الحجول
هالسلسال يصير رفيع ونازله منو نجمات كل وحده لون ،امي تشكلو لي من الطرفين ويصير مفتر على وسط شعري والنجمات نازله عليه وتلمع بالوانها ..
ابوي وكت اعايدو يبوس شعري ويحكيلي
يا زين ما ورثتي يا يابه ..
وجراح يقيس طولي وكت احضنو واعايدو كل عيد يحكيلي طولانه ربع شبر
العيد الجاي تطولين ربعين ان شاء الله
رماح يحكيلي لو مهما تزيني بنفسك انا اضل احلى منك ..
وعباس وصكر يعايدو نفس المعايده
عيدك مبارك خيتي عساكي من العايدين
حسين يعايدني دايماً وهو يجر بشعري ويلفو على يدو ويخليني استنجد بامي وجراح يلا يهدني ويحكيلي .
كنت ادحكو بعدو كوي ولا اختلف ليه فضحتينا ... بطلت ماعايدك
ونصير نتكاون انا وياه لحين ماامي تصيح غااااليييه لسانك يلا انا اسكت وهو يمشي حدر امي ويحضنها وهو يضحك لانو يعرف ان امي هي سندو ويلو الي
يمس حسين بكلمتين يندم على ساعتو
يتعاقب منها ومن ابوي بعد ..
امي عندها حسين روحها كثر ماهي تحبني ومدللتني تحبو اضعاااف مضاعفه
وتفزعلو دايماً حتى لو كان على خطا تبررلو خطأو وما تنطي فيه ..
ويااما ويااما نسمع ابوي يتكاون معها بسببو ...
جراح من حنا صغار يحكيلي اني حين ولدت امي ما كانت متزوجه الشيخ ويذكرني بعرسهم ومرات ندحك الصور سوا وهيك ضلت ببالي انا ابوي وينو؟
ليه انا هين مو عند اعمامي واهلي ؟
كل مااسأل امي عن هالشي تتعصب وتحكيلي الشيخ هو والدك ولو سمعك تحكي هيك يزعل منك ومني فااسكتي
لكن انا ماارضى اسكت واصير الح عليها حتى تحكيلي انا اعمامي وين ؟ ابوي وينو؟ ليه ما دحكتو ولا مره بعمري ؟
وبالاخر يلا حكتلي ان ابوي شهيد بحرب ايران وهي بسبب وصيه ابوها تعرفت على الشيخ وحبتو وتزوجو .. وان الشيخ من يوم ولادتي هو الي حملني وكبر باذني وداراني على طول هالعمر كأني بنتو من لحمو ودمو ومافركني عن ولدو
وكانت تطلب مني ماانبش بالماضي حتى لا يزعل مننا ..
وهيك انا اكتفيت بهالحد لاني خفت زعل ابوي لو درى اني ادور على اب غيرو
وحتى اسمو ماعرفتو مارضت تحكيلي عنو وضل ببالي كيف كان ابوي !
انا عيني شبه عينو عسليه ؟!
انا لي شي من ملامحو ؟!
من اي محافظه هو ؟!
وش كانت طبايعو ؟!
كان يتمنى هالحمل لامي ولد ولا بنت ؟!
كنت اسد على هالسيره بقناعتي على ان محد يحبني بهالدنيا مثل ابوي الشيخ خالد
واسألتي هاذي شينه بحك ابوي ودلاله لي
ابوي كل نهايه سنه يصوغلي قطعه ذهب
ويحكيلي هذا نصيبك من رزقنا هالسنه
واخذها افرهه على كل اخوتي واحرك كلبهم فيها وهمه ما يكدرو يفتحو حلكهم كدام ابوي ولا يحاججوه بشي بس هو يفهمهم ويحكيلهم ..
الرجال يصنعو ارزاقهم
ساعه الي دخلت الاعداديه وتنقبت
واجهت كثير اسئله من البنات والمدرسات
ليه انا هيك لابسه هين بالصف واحنا كلنا حريم ؟
كنت احكيلهم ..
خواني ما يرضو يدحكني لا حرمه ولا رجل وانا لهم طايعه وراضيه ..
صاحباتي كانو قلال ولو كعدن معي يسألني والدك كيف يدللك ! كم يعطيكي مصرف ! خويك جراح ما ودو يتزوج!
وخويك الثاني وش اسمو ! كم اخ عندك!
صحيح انتي البنت الوحيده بعايله الشيخ !
امك كيف كدرت تتزوجو للشيخ وتاخذو من حرمتو الاولى !!!
وهالاسئله الي ماتخلص وانا كنت ارد على الي يعجبني والي ما يعجبني مثل الاسئله على امي اردهم برزاله تسكتهن
وهيك صارن يبعدن عني ..
وكان كم وحده منهن يتفرفرن فوك راسي لحتى ارفع الن

قاب ويدحكن وجهي وانا عناد فيهن ماارفعو ..
وصرت ادخلو اثبتو بركبه العباه حتى مايحاولن يرفعنه غصب عني ..
انا كنت مااكل ولا اشرب شي بالمدرسه
حتى لا ارفعو للنقاب من وجهي ..
كان جراح يسمحلي بنزعه الكفوف داخل الصف حتى اكتب براحتي لكن حين يخلص الدوام اعاود البسهن وانزل الطبقه الثانيه على عيني واطلع انتظر حد من خواني حدر غرفه المعاونه ..
وحين ما يدخل حد منهم يكون منزل عينو بالارض ويمشي ومايرفعو عينهم بعين وحده من البنات ابد والله وبالاخص جراح لو دخل برمشه عين الاكي نفسي بالسياره
يمشي بالعجل  ويعجلني معو ..
كرهت المدرسه لاني احس نفسي محط عين وفضول الكل والكل تسألني نفس الاسئله ومنهن الي تحكي على طبايع اهلي وتوصفهم بالمعقدين واني ضحيه تخلفهم واندفن شبابي تحت هالغطى الاسود وهالحكي هذا الي تكررو كل وحده الاكيها ..
لكن انا مادحك نفسي هالشكل مثل ما يزعمو .. صحيح اني اتمنى لو اتمشى بحريتي بلبسي وشعري واتخير لبس الالوان غير الاسود واتمكيج واطلع براحتي للسوك ولا لعند صاحباتي
لكن يبقى كلام اهلي حدر عيني يذكرني اني عندهم غاليه ويحافظون علي لاني وحيدتهم وغيرتهم علي ماترضى للكل يدحكني ويتمعن بطولي ..

ووكت ادحك كثر ثيابي الملونه الخاصه بالطلعه والجنط الالوان والاحذيه والشالات اختنك واتمنى لو اكدر البسهم بيوم واطلع بيهم للشارع .. واصير اتذمر على امي واحكيلها ..
ليه تشتريلي هالالوان وتكثري منها ما تعرفي انا مالبس غير الاسودوش اسوي بهذول كلهم هين من يلبسهم !!
وهي تحكيلي ..
احب بنيتي تملك من كلشي شي حتى لو ما تحتاجه يضل بنفسي اجيبه الهه ..
اتذكر هين بهاللحظه وعد جراح لي واتسآل بداخلي وش الي راح يكدر يعوضني عن هذا كلو ؟!
كنت متكبره على الكل الا جراح اتدلع عليه لكن مااتكبر ..
كل ما يزيدوني اهلي دلال كنت ازيد حب بنفسي وتكبر على بقيه اخوتي لحين ما
وكعت وتكسرت يدي ورجلي قبل امتحانات البكلوريا للسادس هين حسيت بنفسي عاجزه ومااكدر اسوي شي بدون اهلي ..
كنت مغروره بنفسي وافكر عمري مااعتاز للناس واني غاليه اسم على مسمى .. رافعه هالخشم على الكل وياويلو الي يناقش بطلبي وما ينفذو لي
ان سلم من لساني ما يسلم من شكوتي لابوي وجراح ..
لكن وكعتي هاذي خلتني ادحك اني وشكثر كنت غلطانه .. وشكثر انا معتازه لاخوتي وماكدر اتحرك من مكاني بدون مساعدتهم .. وبالاخص حسين كان كثير يساعدني ويمشيني ويشربني المسكنات
ويكعد حدري يتعذرلي كل يوم عن الي انا به بسبب انه زعلني هذاك اليوم وتكاونا
ويحاول يونسني بحكيو وعباس وصكر
صادولي طير اسود منقطه جنحانو بابيض وكل ما يحدرو علي يخلوه بحضني اتلمسو والاعبو ونوكلو سوا
حر واسر كل ساعتين ثلاث يحدرو وجايبين معهم الاجباس والحب والعصاير
وكل واحد يحكي انا شريت هذا وهذا من مصروفي لزوم تاكليه ما تتركيه لحسين ياكلو ...
كلهم كانو يداروني لكن انا كنت كارهه نفسي وعجزي هيك .. ما متعوده اعتاز لاحد واطلب منو يمشيني ويغسلي ويساعدني بكل شي ..
كنت اذا ودي ادخل الحمام وماحدري احد ابكي لاني ادحك نفسي ضعيفه ومحرجه
ومع الايام فهمت ان قوتي من اخوتي مو من نفسي انا مااسوى شي بدون اهلي
انا تعلى مكامي بزود اخوتي ودلالهم لي
مو من شي انا املكو وحدي وهمه ناكصهم الي عندي ..
وهيك صرت بداخلي متغيره افكاري عنهم واحبهم ازيد من كبل لكن مابينت هالشي كلو لهم بس بطلت اتكبر عليهم واكسب حبهم لي اكثر ..
وكت الي نجحت كعدت حكيت مع جراح
قلتلو .. انا اسلمك مستقبلي انته قرر وين انا ادرس لكن بشي ما يتعبني ويخليني اتونس بدراستو ..
وهو حكالي بكرا يعاودلي خبر ..
ووكت عاود حكالي .. وش رأيك تدخلي فنون الجميله .. حكيتلو وش هاذي !؟
حكالي انها كليه سهله وتتعلمي فيها حرف
يااما الرسم او الفنون التشكيليه او التصميم ..اشياء تستفادي منها لنفسك وتستمتعي بوكتك وانتي تدرسيها ..
وافقت عليها وعجبتني فكرتها وتحمست لها وكت عرفتها هيك سهله وفيها شي بناتي حبيتها ..
هو وصاني ان مااحكي لاحد ان هو صاحب هالفكره وكأنو كان عارف برفض امي لها وما كان ودو يطلع بالوجه والملامه تصير عليه ..
امي كان ودها ادخل انكليزي او قانون
وانا حكيتلها ماايرضى جراح بالقانون وانا اكره التدريس وضليت معنده على رأيي لحين ما رضت فيه ..
وهين كانت المشكله ان ما عندنا بالانبار
كليه فنون الا ببغداد ..
جراح هين كان بين الي ودو اكمل دراستي وبين الي يحاول يقنعني اتركها
لكن ابوي خصم الموضوع وكفلو ان يمشي لبغداد ويقدملي على هالكليه
والي استغربتو اني وكت الي حكيت لابوي عن هالكليه عجبتو ووافق عليها
وشجعني عليها بعد وحكالي هاذي انسب شي لك وان غيرتي رايك عنها انا مارضالك غيرها ..
ما فهمت ليه هالشكل عجبتو لكن فرحتني رده فعلو عليها ..
تقرر بعدين اني اسكن عند خوالي واعاود لبيتنا كل خميس  وجمعه والسبت بعد الغدا اعاود لبيت خوالي ..
وتكفل خالي علي باخذي للدوام ورجعتي
وابوي سلمني فلوس البانزين لسيارتو ومصرفي وارسل معي مسواك كامل للبيت حتى لا يحسوني ثكيله عليهم

وي انتي طعتيني ورفعتي راسي بنجاحك الحين صار لزوم اوفي بكلمتي
مو صح
- ايييه عجل انا انتظرتك ثلاث سنين
لتخرجت واجلتني سنه فوكهن صارن اربعه وش هو تعويضك الي يستاهل صبر اربع سنين !؟
ضحك وقلو لوالدي ..
- يابه من رخصتك انا ودي اسافر مع غاليه لحالنا لدول اتحاد شنغن
فكيت عيني على وسعها وضليت اتلفت مو مصدكه الي اسمعو الحين !! عجل جراح يطلعني ووين نسافر !!!
ابوي ضحك وحكالو ..
- كم عندك ؟
- عندي يابه خير من الله يكفي ان شاء الله
- يول احكيلي كم
- يابه هالحين حكينا يكفي خير يابه خير
- هههه ول انا داري انه خير لكن ودي اعرف كم
ضل جراح يلعب بشعرو ويفرفر براسو ما ود يحكي وتالي انجبر وحكالو ..
- ٢٨ مليون
بالعجل انا ضربتو على كتفو وحكيتلو..
- عجل جامع الملايين وانا ماعرف !!
-يولي عجل انا جامعهن لابوي ماهنه كلهن لك
- هههههه جرااااح من ايمتى تجمعلي
-من زمان
- يعني ايمتى ايمتى
- من عمري ١٧ سنه انا اجمع فلوس هالسفره
- الله عليييك جرووووحيييي يعني نسافر لوحدنا مثل السندباد
- ايييه لو والدنا العزيز تفضل علينا بموافقتو نسافر
غيرت مكاني بالعجل وكمت حدر ابوي
وهو يشرب الجاي ويتبسم وانا اتلمس بكتافو واحكيلو ..
- ياابه حبيبيي حبيبببي شيخنا تاج راسنا
احبك انااا والله احبببك
-هههههه هالحين بس ولا دايماً
- لااا يابه دايماً انا احبك لكن الحين حبيت اذكرك يعني ان بنتك غلوي تحبك واااجد
- واناا بعد احبك يا يابه
- ااحم عجل دامنا متفاهمين واحباب
خلني اسافر مع اخووي الحليووه الشهم اخووي الكبير الحباب جراح
خطيه يابه دحك كيف هيك جامع فلوسو
ومتامل خطيه لا نكسر بخاطرو
-هههههه باااالله هالبناااات يتملعبن على عكولنا والله باالك ياولدي من دلع البنات
باااالك
- يا يابه اناا هالغاليه مشيبه راسي ماتورط بثانيه
- جرراااح الحين انته تحكي علي وانا هين اتمصلحلك
-ول انتي تتمصلحين لنفسك انا وش دخلني حاسبتها علي فضل !
ضليت اخنزر عليه واتوعدلو وهو يمسح بوجهو بملل .. درت وجهي على ابوي وتبسمت وحضنتو وحكيتلو ..
-هاا يابه نروح ؟
- خلنا ناخذ رأي امك بالاول .. وش رايك بهالسفره تين
- حلو انهم يسافرون باول شبابهم خليهم يتونسون همه خطيه اثنينهم ماشايفين شي غير الدراسه وجراح كضاها شغل بشغل
خلي يطلع يتونس شكو بيهه
ميلت راسي حدرها وارسلتها بوسه هيك بالهوا وحكيتلها ...
- فدييييت اميييي انااا فديتهااا
هاا يابه ااامي وافقت نروح ؟
- خليني افهم من جراح بالاول ..
يول وين ناوي تبديها لهالسفره وكيف
هيك خطرتلك هالدول
- يابه هي بعد رحله العمر لزوم تسوى التعب وهاذي الدول كلها كريبه ونكدر ندخل بينهن براحتنا ندحكهن كلهن
وانا خليت اختيار البدايه لغاليه هي تتخير منهن
- عااال والله عااال ونعم الاخو والله
يااغاليه انا مااحكيلك غير نيالك على هالاخو والله انا لو عندي اخ مثلو ماازعلو واضل ادور رضاه
- ايييه يابه عجل انا مزعلتو لجراح
اصلاً انا مدللتو وطايعتو واحبو خويي هذا يابه
-ههههههه يسعدكم الله يا يابه .. هاي يابه توكلو والكم مني لكل واحد مليونين
حتى تكفيكم هالفلوس ماتصرفوها على التأشيره
بوست راسو وحكيتلو ...
- يسلملي هالابو والله انك شيخ الشيوخ يخليك الله لنا يا يابه
ضل هو يضحك ويكرص بخدي وانا مشيت لعند جراح وخربطت شعرو وحكيتلو ...
- ايييييه وش يصعب على البنات يااخيي
حصلتلك

مليونين وش تطلب بعد !
- لاااه يا يابه كفيتي والله عجل انا ثمان سنين اجمعهن فلس على فلس وانتي بكلمتين هيك انزلت عليكي الملايين
ول يابه ماتعلمينا سرك
- ههههههههه تريد اعلمك تددددلع
كيفك بس ميطلع حلو بصوتك الخشن هذا ماانصحك
- اسكتتتتي يلااا اسكتتتي تدلع ول انا وهالشارب وتحكيلي اتدلع تخسسسين والله
- ياااافديتو انااا لهالشارب وهالصوووت
فديتوو لاخوووي حبيببب كلبييي والله
الي مدللني وراح يسفرني لمادري وين
- ههههههههه يولو هاذي اوربا ما سامعه فيها !
- هيييي بصلاه محمد عليك تاخذني اوربا
- اييييه
- عددلي عددلي وش فيها دول يعني وين راح نكعد
- عندك فرنسا المانيا بلجيكيا ايطاليا هولندا وبولندا النمسا التشيك سلوفاكيا
رومانيا هنغاريا وغيرها من الدول
- ياااااااا يمممممه سمعتي هذاا جرااح الي يسفرني لفرنسا يممه جرااح ما غيرووو
- يولو اركدي الي يسمعك الحين يحكي اني ظالمك
- ياااخوي ما مصدكه والله اعذرني عجل انا السوك مامدحكتو الاكي نفسي اسافر لفرنسا وهالكثر معها دول هيك بيوم وليله كثيره على عكلي هذا
ضل يضحك وكرصني من زندي ويحكيلي صدكي صدكي ... وانا خبصت البيييت فيه .. حركتوو لحسيين حرك بالغيره وصار يحكي لابوي خلنا نسافر معهم وابوي مايرضى حكالو ..
هاذي سفرتهم لحالهم مايشاركهم احد حلمهم ...
كنت احط راسي على المخده واضل اتبسم واتكلب بفراشي مو مصدكه راح اسافر مع جراح ..
هو حكالي راح يبدأ بالحجز وتقديم على الفيزا وطلب مني احضر اغراضي واخذ معي لبس ثخين لان الجو بارد عندهم
وانا سألتو كم قطعه اخذ ؟ تكفيني اثنين ؟
حكالي ...
لا خذي اكثر لاني اسمحلك

تنزعي العباه والنقاب هناك بشرط ما تلبسي شي ضيك وكصير لزوم طويل وراهي على جسمك
بيومها حضنتو من ركبتو وبوستو لحين ماهو دفعني ووخرني عنو يلا هديتو ورحت لعند امي احكيلها وحتى ركصت معها من فرحتي وخبصتها على اللبس
وضلينا نتخير انا وياها اللبس المناسب
وهي بعد كم يوم نزلت السوك واخذتلنا
جنط سفر كبار اثنين واخذتلي كوت
ابيض ومقفل باسود وثاني بلون وردي
وبلوزات طوال على البنطرون وكعدت
ترتبهم معي بالجنطه وتجمعلي البجايم وحد والملابس الداخليه وحد والعطر والمشط والقراصات وحد وتوصيني البس هذا مع هذا ولو اعتزت شي اشتري من هناك ولو عوزنا فلوس نتصل على ابوي ويحولنا .. ولو دحكت الجو بارد كثير البس ستريج تحت البنطرون وماانزع الجوارب ابد وانتبه على جنطتي
واخذ صور بكل مكان ومااتعب جراح
اخوتي كل ما يحدرون علي يحكولي
هاا والله مضبطه امورك عدل مالكه جراح باليسار والشيخ باليمين واحنا النه الله
ويوزون بحسين علي يحكولو ..
دحك غاليه تسافر وانته ضل هين مكابل امك عمرها ما تسفرك مثل غاليه يول دحك ابوك يحبها اكثر منك وحتى امك مو هامتلك لو انها تحبك هالكثر كانت اخذتك حتى لو للشمال بس انته محد بحالك
هذول عباس وصكر ما يجوزو من حسين
يضلو هيك يشمرون عليه بالحكي لحين ما ينفجر بوجههم وتطلع اصواتهم وتدخل امي وتطيب خاطرو وتحضن فيه وتدلعو كدامهم وتوعدو بشغلات لبعدين تسويها له يلا يسكت ...
انا ماهمني احد كل فكري بسفرتي واسألو لجراح كل يوم عليها ايمتى نروح !!
ويحكيلي اصبري كم يوم تطلع الفيزا
ولحين ما كملت انا هرجتها للدنيا ما تمر ساعتين اذا ماحكيت شي عن السفره لحين مابزعو اهلي وصارو همه يسألوه لجراح ايمتى تاخذها وتخلصنا من هالسيره ..
ابوي بصباح سفرنا عطى لكل واحد مننا ٣ ملايين حكالنا اثنين انا واعدتكم فيهن والثالث للاحتياط ان زاد عندكم اشترو لنا به هدايا ..
ودعونا ابوي وامي وعمي صياح عند المطار وكبل ما نصعد بالطياره جراح طلب مني ادخل للحمام وانزع النقاب
حكالي ...
- بلاد الاجانب يتخوفو من لبس النقاب ويضلو يدققو ويتعبونا انزعيه من الحين
رحت للحمام ونزعتو هو والعباه وضميتهم بجنطتي وكنت لابسه بنطرون وبلوز طويل وعريض لكن ماعرفت امشي براحه واحس العالم هين كلها تدحكلي ..
حكيتلو ..
- جرااح انا لبسي زين ولا به شي معيب
- لااه زين زين
-عجل انا ما مرتاحه
- ههه ما متعوده
-اييه بالله احس ناكصني شي
صحيح انته عجب رضيت انزعو الحين ؟ وبصف المدرسه ماكنت ترضى؟
- يولي انا ماعندي مشكله بحريتك ولبسك لو كان محتشم انا مشكلتي مع الناس حدرك ... هيين كلها تعرفك اختي
وبنت الشيخ الوحيده العين تضل عليكي وين مارحتي و يوصفون صفاتك بمجالس حكيهم وبالاخص الحريم يفصلونك تفصيل وتصيري بال غيرك موضع فضول وانا هيييييك مارضى ودي اختي محد يعرف كيف شكلها لون بشرتها ماودي حد يعرف كيف هو
اما بسفرنا احنه بغربه ومحد يعرفنا ولد من مالهم شغله بينا تصرفي براحتك
مااحكمك بشي دامها فتره ونعاود خلنا نتونس ونطلع الي بنفسنا براحتنا
- والله ياخووي تسسسلم على هالتعويض
دومك مفرحني
- تاامري .. دحكي انا من صغري حاكيلك بنفسي نسافر وندحك البلاد مثل سندباد يعني هو حلم طفوله وانا تعبت عليه وحككتو
- احلى حلم والله انا بعد تمنيت لو نسافر ونعيش مغامرات مثلو وكنت احسبها احلام لكن انته سويتها واقع لي
- عجل السندباد كيف يسافر من دون ياسمينتو هااا يولو كيييف
كضب يدي ومشينا للطياره واول مااقلعت انا كاضبه يدو ومتشنجه الاعصاب وهو مسترخي اسألو مسافر كبل وانا مادري عنك ! يحكيلي لاا لكن متسوى الخوف ...
بدينا رحلتنا من النمسا ماخلينا فيها مكان يعتب علينا وبعدها طلعنا بالقطار لايطاليا
وطول الطريق جراح يصور ونضحك على كل شي ندحكو ونتذكر فيه اخوتنا
جراح كان يحكيلي انه عاشك لايطاليا بكل شي فيها وبلاخص عندو البندقيه
وروما وزرناهم وهين جراح كان طاير من فرحو كل شوي يحكيلي يولو التعب بهالسنين فادنا هييين يولوو ضربنا ابو السندباد ورحلتو ..
كنت اسألو جراح كيف جمعت هالفلوس كلهن ؟
يحكيلي .. انه كان مسوي قاصتين وحده لي والثانيه له يوميتو ١٥ الف يخلي خمسه بكل قاصه والخمسه الباقيه يخليها مصرفو وان حصل عيادي ياخذ منهن خمسه بس والباقي يقسمو هين وهين
وحكالي ان جدتي وحدها كانت تدري بحلمو وتساعدو ..
حكالي انه من فتح القاصات هالسنه ملاكي فيهن ٢٥ يطلعن بحدود ال ٥٠٠ بكل قاصه الف وهو قلي انه ما كان يحط ٢٥ كلو خمسات اثاري هذني كانن من جدتي تساعدو من دون ما يدري ..
ومن صار عندو شغلو الثابت بمحلات ابوي ويستلم شهريه صار يقسمها نص مصرفو ونص للقاصه واحيان لو حصل شغله هيك بمكان ثاني الي ياخذو منها هم يجمعو معهن وضل على هالشي ثمان سنين لحين ما فتحهن وحسبهن طلعن ٢٨ مليون ... وابوي عطانا فوكهن ٦ ملايين
ومشينا مسيطرين .. لكن ضلينا نقتصد ما نشتري كل شي الا المهم ..
لكن بالفرفره هين وهين ماقتصدنا
خذينا اربع ايام بايطاليا وبعدها مشينا لفرنسا بال

امي كان ودها تمشي معي باول مره لكن ابوي منعها واخذني جراح لبيت خوالي
وهمه رحبو بجيتي وكانو محضرين لي غرفه خالتي دعاء الي كان خالي علي مستحلها بعد زواجها لكن فرغها لي وصار ينام تحت ...
عطيتو لخالي الفلوس الي وصاني ابوي اعطيها له وهو مارضى ياخذها وحلف لو عدتها يعاودني لبيت اهلي ..
اخذني للكليه باول يوم وانا كنت ادحك الطلاب والشوارع والمحلات وادعي
بداخلي ان شاء الله ما اواجه صعوبه بالحياه هين معهم ..
كان خالي يحكيلي على كل شي ندحكو بطريقنا .. وابوي يتصل من الصبح على خالي ويسألو مشيتو بعدكم وش صار ؟
وكان اصعب يوم لي هو يومي الاول بالكليه ...
البنات الي هين عجيب لبسهن انا لو بالمنام مالبس هاللبس الفاضح والكصير
و كلهن يدحكن لي وانا متلفلفه بالسواد وما ظاهر  مني غير عيني  حتى كصتي والحاجب مغطى .. وعباتي الخليجيه عريضه وتحتها انا البس بلوز اسود حتى لو رفعت يدي ما يبين شي منها .. وحتى
الكفوف ما نزعتهن لكن اشتريت نوع يكون اثخن  حتى اسيطر بالكتابه ..
وجنطتي صغيره سوده وحذائي اسود
انا ادري ان شكلي ما يرهم هين
هذول كلهم متحررين ولبسهم غير وشكلهم غير حتى ولدهم هين غير عن ولدنا ...
انا كنت احس نفسي كائن غريب بينهم من كثر ما تلتفت علي انظارهم وحتى مدير القسم يدحكلي بغرابه وعادلي اكثر من مره وش القسم الي انا مسجله عليه
واحكيلو قسم التصميم ..
وخالي حدري ماتركني لحين ما دخلت القاعه الدراسيه يلا حكالي انه ينتظرني بره ..

اول ما بدأ الاستاذ يتعرف على الاسماء
سألني انا ومن بعدها سألني من وين انا
حكيتلو من الانبار ..
كنت متضايكه كيف هالولد كلهم عرفو اسمي ...
وحين ما خلصنا المحاضره واخذنا جدول الاسبوع طلعت لعند خالي بالعجل وهو حكالي ان امي اتصلت و ودها تحاكيني
اتصلي عليها وحكيت معها وصارت تسالني عن كل صغيره وكبيره وانا حكيتلها الفلوس هاذي خالي مارضى ياخذها عاد هي حكتلي عطيها له واحكيلو ان امي توصيك تشتري لي فيها تلفون
وانا سويت مثل ما وصتني ولليل خالي علي عاود ومعو تلفون لونو ابيض
وبه كاميرا صغيره وكعد يكتبلي ارقام اهلي واول مااتصلت على جراح
وصرت احكيلو وش سويت اليوم ومادحكت الا الخط انكطع اثاري الرصيد خلص ومالحكت احكي لخالي الا وهو عاود اتصل وحكالي هو يرسلي الرصيد
مااطلب من خالي شي ..
كنت كل يوم الصبح اتصل على امي واحكيلها طلعت للدوام وكبل ادخل احكيلها الحين ادخل محاضره ومن اطلع من المحاضره اتصل واحكيلها طلعت واتصل على جراح اسأل عنو وش يسوي الحين وهو يصير يحكي معي ونضحك واكضي وكتي معو لحين المحاضره الثانيه لاني بالاول كنت بلا صاحبات واضل كاعده وحدي ..
ينبهني جراح دايماً لو حد حط عينو بعيني انزل الخمار عليها وان سألني حد شي وانحرجت على جوابو اجاوبو بكلمتين مو اكثر ..
تعودت على كل حركه امشيها بعلم امي لزوم اتصل واحكيلها حتى لو كنت متحيره بين لونين استخدمهم لرسمي بالبيت اتصل واخذ رأيها ..
خالي علي طبعو عصبي وصوتو رنان
عكس خالي مصطفى هادىء وما يحكي الا بالوكت اللازم ..
بأول اسبوعين من دوامي كنت الاحظ خالي يتراسل مع حد اول ما ندخل منطقه الكليات وبعدين كشفلي عن سرو ان هو عندو حبيبه هين تدرس بالمرحله الرابعه
بكليه الاداب وهو وكت يوصلني يمر عليها يكعد معها نص ساعه ويطلع لشغلو
بمعرض الاثاث الي مسلمو اياه ابوي
كانت علاقتي مع مرت خالي مصطفى قويه وتعلمت منها المكياج وصرت اتكحل مثلها بالبيت واغسلو بالليل
خالي مصطفى دايماً كل ما يعاود من مكتبو يجيبلي  علاكه حلويات خاصه لي وعلاكه لولدو ويكعد معنا ساعتين وينام
جدتي دومها تدحكلي وتتصفن بملامحي
انا دايماً افردو لشعري وكت مااكعد من النوم العصر وانزل حدرهم وهي مرات تحكيلي ..
امك للحين عندها الزيت الملكي وعطتو لك ؟
وانا احكيلها ..
لا هذا ابوي وصاه لي الي عند امي خلص من زمان
تسكت وتضل تدحك لشعري وبيوم حكتلي ..
انتي تعرفين من هو والدك الحقيقي ؟
حكيتلها ..
مو بحاجه اعرفو انا ابوي الشيخ مايهمني غيرو
تسكت من اردها هيك وهي مشيتها ثكيله دايماً تطلب الي يعاونها وانا اكثر الاحيان اكوم لعندها اعاونها اذا ولاد خالي مو هين ..
كنت على طول اليوم انا احكي مع اهلي بالتلفون من عدا امي الي تعرف كل تحركاتي .. ابوي يعرف وكت طلعتي من دوامي وكعدتي من نومي وكبل ماانام انا اكون احكي مع امي وهو حدرها اسلم عليه يلا انام .. اخوتي حسين وعباس وصكر دايماً العصر يتصلون ويحكولي ان البيت بدوني ما يسوى ..
حسين يحكيلي انه عايش بملل لان ما يتكاون مع حد ..
وجراح انا وياه دايماً نتراسل ويتصل كل ما صارلو مجال وما ينام اذا ما يحاكيني
وحتى جدتي تتصل علي كل يوم بعد العشى ..
ما حسيت بغربه لانهم دومهم معي على التلفون بالعكس انا حسيت تقربت منهم اكثر بهالفتره وزادت علاقتي مع اخوتي اكثر من كبل ..
كنت دايماً اسألو لجراح ايمتى تعوضني ماانا تخرجت من المدرسه ويحكيلي
اصبريلي هالسنه انا عند وعدي بس اصبري ..
وصبرتلو هالسنه وحين مااحدر علينا هذاك اليوم وحكالي ..
- غل

قطار .....
كان الحلو بهالسفره انك تتريك بايطاليا تتغدا بفرنسا تنام بباريس ..
من بعيد الواحد يدحك السالفه خياليه لكن هين وكت تصل وحده من هالدول كل شي يصير سهل .. بركبه قطار وحده تفتر من دوله لدوله بدون حدود بدون اي مصاعب ...
كنت على طول السفره وين ما نمشي احكيلو ..
- دحك جراح هالبنات كيف مصاليخ هذول ماعندهم اهل !
وهو يضحك ويحكيلي ..
- يولو هذول هنه واهلهن هيك طبايعهم
- مااعجبنك ! بالله عليك
يحكيلي ..
- حلوات والله واحدتهن كأنها الحور
- من اعجبتك
- هههخخ كلهن يعجبني وش يجي من يدك انعم الله
- ياااه انا مااخليك تحاكي وحده منهن
-ليييه يولييي خلينا ندحك وجه الله واكفه بدربي وش بلاااكي
- والله ماااتصلهن وانا هين عجل هاي تركت بناتنا المحشمات راعيات البيت وتتخير من هالمكشفات الي يطخطخن بالزلم هين .. تطيب لهن نفسك !
- اييييه تطيييب ليييه ما تطيب ماتدحكي هالوجه المورد والعود الفرنساوي هذا من ماتطيبلو نفسه
- اييييه هييين يعجبك العود الفرنساوي وبالعراق تدور ام عباه مسحسله رجااال مايجرالكم حل لاا والله
- عههههههههههههه يولوووو هذني انا مااشتريهن بفلسين ول اضحك عليكي انا ياثوله انا ما المس المكشف والملتم عليه الذبان هذا
-هااا عجل من تلمس ؟
- بصراحه غلوي انا ودي حرمتي تكون مثلك هيك ترباه رجال ومحتشمه لكن مو صاحبه لسان طويل
- هاااا عجل ماتفيدك
-لييه
- البنت حلاتها بلسانها عجل انا كيف اتدلع عليكم بلا هاللسان
- ايييه بالله صدكتي
- جرااح بالله عليك هالحين انته عمرك
٢٥ ما عجبتك بنت !! ما ودك تتزوج
- لاا والله ما مفكر بالزواج انا كان كل همي اجمع فلوس واسافر مامفكر بالمره
- عجل الحين تبدا تفكر بالزواج
-لاااا مافكر
-لييييه عجل ايمتى تتزوج
- يولووو اناا ما بالي وحده اتزوجها كيف ودي اتزوج !
- اخلي جدتي تتخيرلك زينه البنات
-لاااه لااااه اياااااكي تفتحي هالسالفه حدرها بالحرااام ياغاليه اذبحك لو سمعت حاكيه لوحده تخطبلي مره
- اييي لييه عجل تضل عليك ماتتزوج انته
- يولو انا اتزوج حين ما يدك هالكلب عداه مااتورط
- هاااا هيييك احكيلي اييه هيك
-ايييه لووو ما حبيت مااتزوج ولا تلطشي فيي البنات انا من حالي اتخير وحينها احكيلك
-عجل دامها هالشكل السالفه اخليك براحتك مااعاود هالسيره بعد
-ايييه بالله تتفضلين علي
مشينا ل دينزي لاند وكضيناهه لعب
وجراح هين غير جراح الي اعرفو
يصارخ معهم بالالعاب العاليه ويجرب كل صغيره وكبيره حتى على الشبكه المطاطيه صعدنا وصرنا نكمز من عليها
انا حلتلي السالفه وضليت ملزكه بيها
وهو يجرني حتى نمشي ونخلي غيرنا ياخذ دورو ...
هين المصورين بالعجل يطبعون الصور
بين ما اخذنا فره بالقطار الصغير وعاودنا لكيناه محضرهم لنا ..
كانت هاذي احلى وجهه واكثرها صرف
نمنا ليلتها بواحد من فنادقها ..
بالعجل بس غيرنا ملابسنا انسدحنا ونمنه
كملنا وجهتنه بفرنسا واخذنا قطار للوكسمبورغ ومن بعدها لبلجيكيا فريناهه وبعدها تمشينا لهولندا
مايفصلهم غير شارع ومطاعم ..
ومن بعد ما اخذنا يوم بهولندا مشينا لالمانيا ضلينا ٣ ايام وطلعنا بالقطار للتشيك ومن التشيك لسلوفاكيا وهنغاريا كانت اخر  وجهتنا وعاودنا بعدها للنمسا ومن مطارها عاودنا للعراق بعد ما كضينا حوالي الشهر برحله العمر ..
ضلينه الاسبوع كلو نحكيلهم على سفرتنا وهرجناهم فيها وانا اغور اخوتي واحكيلو
جراح وش احلى الغدا بهولند ولا بلجيكيا
وهو يحكيلي يولي استري علينا لا يطردونا بلا متاع الحين ..
عاودت لبيت خوالي حتى ابدا بالسنه الجديده مرحلتي الثانيه من الكليه
وعلى نفس النمط مشيتها ماتغير شي من طبعي ولا من عادتي على اتصالي باهلي بكل ساعه الي فرق ان صار عندي صاحبات اثنين .. يتمنن اطلع معهن لمطعم او لكليه ثانيه او لمحل ومااطلع
لاني مااحب اكل بره تصعب علي
ولا امي ترضى اتمشى معهن بره الكليه
تخاف انهن يطلعن صديقات سوء ويريدن لي الاذى ..
وجراح بعد ما يرضى اطلع خارج كليتي
البنات تفهمن رفضي وصارن يطلعن بعد ما يحدر  خالي وياخذني للبيت ..
ما تعرضلي احد من الطلاب ولا مره
وانا كنت متبعه نصيحه جراح لو حد ركز بعيني اغطيها بالخمار وهو يبعد نظرو
كانت دراستي اكثر شي احبو وابدع فيه
ما تمللت ولا يوم من حل الواجبات او التدريب على الرسم بخوط دقيقه
كنت دايماً ناجحه من الدور الاول
وبرمشه عين لكيتني وصلت مرحله رابعه ..
وبيوم من هالايام بوكت الشته كنت الحين مخلصه محاضرتي وكاعده بالحديقه ومخليه حدري على المسطبه كتبي ودتر رسمي الكبير والجو بارد وهين كان في
وانا كاعده انتظر بالبنات كانت طالعات ومادخلات المحاضره وخابرني ع اساس الحين يصلو وانتظرتهم وطولو عاد انا مليت وكمت اتمشى بالحديقه حدر الشمس
وضليت واكفه تحت الشمس اتدفى منها واحكي مع امي بالتلفون ..
سديتو منها ورجعت اتصلت على البنات وحكيتلهم ان ماتجو احكولي حتى اخابر خالي واعاود للبيت وهنه حكلي لاا احنه هين نتمشى وصلنا ما ضل شي
عاد انا مشيت حتى

اعاود للمصطبه اكعد
ودحكت ثلاث رجال كاعدين  بمكاني ونافخين صدورهم ..
وصلت كريب حدرتهم وحكيتلهم ..
- لو سمحت يالاخو كتبي هين كانت بمكانك وين خليتهم ؟
- ياا كتب ماشفت اني كتب هنا يولد شفتو كتبههه
كلهم ضحكو ويحكو لااا ..ضليت استغفر ربي وادحك حدرهم تالي دحكتهن بالكاع وره رجلهم بالضبط صايرات بالوسط
حكيتلهم ...
- الكتب هين حدر رجلك من رخصتك عطني اياهن
- ههههه مو هنه كتبج ماتدنكين تاخذيهن اني شكو انطيج
- ياخيي الكتب حدر رجولكم مايضرك لو مديت يدك لهن
- شووف هاي شكد بطرانه
- دنكي انتي اخذيهن هذني دفرتهن الج اخذيهن
درت وجهي عنه ورجعت حكيت للي حدرو ولد مبين اكابري وساكت مادخل نفسو ..
- ياخيي انته ناوشني هالكتب وخلني امشي بدربي بلا امر عليك
ضحكو هالاثنين وفرو بيدهم وهو تبسم
وصارو يحكولي ...
- ولج انتي تعرفين ويامن دتحجين !
شوف هاي من منو تطلب يخدمها !!
روحي بابه رووحي الله يخليج رووحي منا هو انتي شكول كليه ودراسه روحي ارجعي منين مااجيتي يلااا لا دوخينا
خزرتو  و دحكت لهذا الي كضاها يتبسم وما تدخل بشي وحكيتلو ..
- يول ان كان اهلك نجم انا اهلي سما لهم
انا هلي هل المضاااايف والدواوين
ان كنتو ولد خير فالخير خير الله وكلنا عباد الله ولا انا الي ناقصه مكام وادنك راسي حدر رجولكم انا الي انزل روسكم حدر كلمتي
سكتو وضلو صافنين بوجهي نزلت الخمار واتصلت بالعجل على خالي
وعليت صوتي وانا احكي معو ..
- الوو خالي
- ياعين خالج اني هسه طالع بالطريق
- خالي تعجل هين حدري ثلاث ولد حاسبين نفسهم رجال علي و ما يعرفو الحشمه والاصول والادب
- سوولج شي احجي هسه اجي اكسر روسهم شسوو
- ودهم ادنك راسي لهم ترضاها خالي !
- لااا يابه جايج اني جايج ابقي بمكانج
هسه اجي واطيح حظ الي يحاجيج
-انتظرك هين خالي لاتتاخر
سديت الخط ودحكتلهم وحكيتلهم ..
- مع الي اكبر منكم لا تلعبو
تنحيت عنهم وهمه ضلو واحد يدحك للثاني واحد منهم شرد مشى وضلو هالاثنين الي بالوسط هو الي حكى والي على يمينو الي بس يتبسم ونافش ريشو
عشر دقايق ووصل خالي يمشي مسرع وانا من بعيد اشرتلو عليهم ..
وصل حدرهم وصار ينافخ بالنفس وهو يدحكلهم وهمه وكفو وفاتحين حلكهم مايعرفون وش يحكو معو وهو صاحني ..
- غاااليه منو الي ويااج منهم
- خالي واحد منهم بلا حيا والثاني بلا غيره وانته تصرف باليعجبك بعد
ضل يخنزر عليهم وحكالهم ...
- ببنتا ولكم تندكون  ببنتنا !!!
الولد الي ساكت الحين نطك وحكالو
- العفو منكم ماقصدنا الاهانه بس صار سوء تفاهم نعتذر عليه
- ياااا سوء تفااااااهم هذااا تضحك عليه
اني بنتي اعرفهه زييين مااتحجي هالشي لو ما دايسين على طرفها
انته تعرف هسه اني بتلفون واحد اهجم عليك امه محمد واخليك عبره لمن اعتبر
انته وهذا المهتلف الي وياك .. ببنات العالم لا تندكون ماتعرفونهم  من ياظهر طالعات
- اعتذر مره ثانيه منك ومن البنيه
-خالي خلهم هذا يكفي
-امشششي كدامي امششي
-خالي كتبي هين
اشرتلو باصبعي على مكانهن حدر رجولهم وهو خنزر عليهم وصاح ..
- دننننك  جيب هالكتتتتب لا تخليني ابلش بيك هسه جيبببهن هو هيييج اخلاق ابن الكليه !هذول عود المثقفين ! شخليتو لولد الشوارع
دنك هالولد وشالهن ومدهن الي وخالي اخذهن من ايده ومشيت كدام خالي متفاخره كسرت خشومهم ...

يتبع ❤️