دعوة اصلا؟
مو كال نتفاهم وحتى مارادني احط محامي!
مادري بس كلهم خلوني اني
اتفق وياها وهم كلوله سوي التشوفه
صح!
عجيب يعني رافع دعوة لو شمسوي هذا
صنعته ويتلاعب بيها باليعجبه..
الله اليستر فدوة اذا عرفتي شي جديد كليلي..
طبعا خيه طبعا..
سديته منها وبقيت مصفنة..رجعت كعدت
يم اهلي بس بالي ابد مو يمهم..
شوية وسمعت صوت عمي سلم..
رفعت راسي وانة اجر نفس..
كلهم واكفين واحنا كمنا سلمنا عليهم..
حجه جياد وي الكل..
خلونا نطلع برا افضل..
طلع الكل وانة شايلة عبدالله وادم يمشي
وي امي..
كعدنا برا وجياد راح كال هسه اجي..
توه عمتي جاي تحجي ودك تلفوني..
باوعتلي بشك..
شفت طيبة جاي تدك..ونظرات بشار
تجاهي رغم ابد مباوعت بجهته..
كمت عنهم شوية وانطيت عبدالله لامي..
فتحت خط وسكتت..سمعتها تبجي
وتشهك..
جمانة فدوة الله يخليج لا تقبلين..
لا تقبلين ببشار عفية..
للحكاية بقية

فراشات تخشى الاحتراق
الجزء الثاني والثلاثون

جمانة عليج بداعة جهالج لا توافقين..
تحجي وتشهك وصوتها مخنوك من البجي..
لحظة طيبة لحظة شبيج؟
جمانة بشار قبل لا يطلع كال اذا جمانة قبلت
اليوم اعقد عليها..
انت مو تعرفين بحبنا وجنتي شكد تنصحينه..
هوجان يكول جمانة توصيني بيج..
ينطيج كلبج تخربين حياتي احبه اموت عليه
ماكدر ..
استغفر الله..يمعودة ماراح اقبل تطمني..
انة وبشار زواجنا مستحيل..حتى لو ماكنتي
بحياته انت..
انة ويا مانتفاهم ولا نتراهم..
تطمني من ناحيتي ماراح اقبل..بس بعدي
عن طريقي ولا تخابرين وتغلطين..
لان المرة الفاتت كلت كلبها محروك
وساعة عصبية..
بس اذا انعادت مرة ثانية او جبتي سيرتي..
اجي لبشار واشتكي..
لاا اصلا حتى رقمج امسحه بس بعدي عن
طريقه..
روحي طيبة وريحي نفسج قراري مايتغير..
مع السلامة..
سديته منها وانة متضايقة كلش..
رجعت كعدت يمهم وعمتي حاجتني..
بعدج على قرارج جمانة؟
اي نعم عمة..
كال بشار..من رخصتك عمي اكدر احجي
وي جمانة شوية؟
اسألها هي عمي ..هي صاحبة الشأن..
من رخصتج جمانة شوية بس عندي
حجايتين..
باوعتله ودرت نظري عنه وكمت..
هو كام واجه تمشى يمي..
خلينا نوكف احسن..
اي عادي..
وكفت وهو وكفت كدامي ونظراته حزينة
كلش..
جمانة ليش رافضتني..
ابتسمت وهزيت راسي..مااستوعب ارتباطي
بيك اصلاً..
بشار انت انسان زين ..وبدت حياتك تمشي
عدل وعندك ولد جاي بالطريق..
لا تخرب كلشي وتخسر..
انت تعرفين شنو رايي بطيبة..
انت تزوجتها وراح تخلف منها..رايك احتفظ
بي لنفسك ..لان مايقنع احد..
انت رجال وتحمل نتيجة تصرفاتك..
وانة اعذرني..لو يساوموني بين حبل
المشنقة وزواجي منك..
افضل الشنق احسن..
ضحك باستهزاء وتعصب..لهالدرجة؟؟؟
هزيتله راسي وحجيت..عاشرتني وتعرف
طبعي
والله يعوضك بمرتك وابنك..
بس انت غير..
اريد اجاوبه وسمعنا جياد حجه..
اذا خلصتو حديثكم تعالو ماعدنا وقت..
مشيت انة وهم اجو وراي..
كعدو وانة بقيت واكفة..عبالك داخلة لاختبار
يحدد مصيري اعيش لو اموت..
حجت امي كالت كعدي كتلها هيج اريح..
عمتي كالت ..كل مااريد احاجيج تتحججين..
كعدي خل نحجي..
لا عمة خليني واكفة وعادي احجو اسمعكم..
شكلتي شرايج ببشار؟
بشار اخوي وعم اطفالي وبس..
وبعدين؟؟؟ لزكتي خو مالزكتي؟؟
اعصابج عمة لا يرتفع ضغطج..بس هو
بشار اقتنع من حجيت..
انت ليش متضايقة..
هذا هو اخذ جهال ابني عندي..اخذهم لحضني..
بقت تحجي وتمسح بعيونها بالجذب..
وينك اياد تعال شوف جهالك تبهذلو..
باوعتلها وباوعتلهم..عبالك جاي يتفرجون
مسلسل ولا حجو..
ليش تبهذلو شفيتهم ملابسهم مشككة؟؟جوعانين؟
نايمين بالبرد ..بالحر؟؟
بعدين كلشي يصير بيهم..يتبهذلون ويجوعون
ينحرمون من دلالنا..
اريد اعيشهم مثب ماعيشت ابوهم..مو اخذتي
ومرضتي..
من حجت هيج انة طكن فيوزاتي ..واذا فقدت
اعرف روحي افقد..
باوعت لابوي وحجيت..من رخصتك بابا ماتحمل
بعد..
بلة بلا زحمة شبي جان عندج؟؟مدلل؟
انت اياد عاش ومات ماتدرين بي شكد عمره..
اياد بالذات ماحنيتي عليه ..انت حاسبة نفسج
ام؟؟؟
حجه عمي ..كامي جمانة اعصابج..
رجاءاً عمي انتو الكافي...
هي محملتني مرض اياد وموته!!ليش مو
تزوجته ومادري بي مريض الا من تخربط؟؟؟
ايي واذا مريض شنو بيده يتمرض..مو حطيتلج مهر
كومه وجهزتج احلى ذهب..
ماطلبت منج كل هذا الشي..
وانت جهزتي هيجي عبالج تغريني حتى اقبل
باياد..
حجه بابا بعصبية وكوة لازم نفسه..
ام ايثار تذكرين شنو كتلج من كلتي طلبو مهر؟؟؟
كتبج جمانة نور عيني لا تاذوها وتطفون نورها..
بس مع الاسف..احنا السبب انطيناها الكم
وهي خطابتها جانت وينك وينك..
عمي كله عفو عليك ابو معين مو هيج الحجي..
لا خويه هيج واكثر..
بتي ضمت عنا مرض خطيبتها وعلة لسانه
وماحجت ولا كالت ..
ومن اجه وسمعنا حجيه انصدمنا بوكتها مو بسبب
مرضه..لا محد يحزر صحته وشيصير بي باجر..
بس انصدمنا هي سكتت وماعترضت لو عافته...
حجت عمتي وتلعلع ..
ايي وليش تعوفه وين تلكه مثله هو جمال
ومال وشهادة ..
الله يرحمه وينور قبره..عاش ومات بحسره مدح
منج او حجاية حلوة..
هسه صرتي حنينة عليه وتريدين اطفاله..
ايام وشهور وسنين واياد مريض نفسيا وجسدياً..
منو بيكم كعد ويا حاجاه فكر بي..
تدرين شنو مرض الكلية؟؟تدرين شنو يبقى
يدوف روحه بالكاع من الوجع؟؟؟
تدرين من يكعد نص الليل يكلي شدي صفحتي
بحجابج..
اريد اهدا اريد الالم يروح؟؟
اكوم اشدها اله وانة ادري مايروح ولا اكو فايدة..
بس هو عنده اعتقاد حجابي نظيف وبي
حناني اكيد يطيبه..
اشده عليه ويحط راسه بحضني ويضل يبجي
سكته..انت امي انت كلشي ..لا تعوفيني
جمانة..
ذني حجاياته من يجزعه الالم ومايكدر يرتاح..
بكل ثقة وبلا كلب تكليله محد تكلبك من البنات..
دمرتي ثقته بنفسه الي كل يوم احاول ارممها وابنيها..
راح صادقله وحدة ومن سمعت صوته
فشلته..
خلت كلياته ترجع تهيج وينتكس..
كله حتى يثبتلج هو البنات تحبه..
جايه تحجيلي بالامومة وتردين تاخذين اطفالي
وتعبي!!
ولله لو تحطين على ركبتي سيف ماانطيهم لا
الج ولا غ

يرج..
ذولي نعمة ربي انطاهم الي..ماافرط
بيهم واخليهم يمج وانت مو يم التربية..
لسانج عااد سكتتلج ترى..
سكتتي لان انت غلطانة..جاية تطالبين بالحهال..
شكد تردين تعيشين؟؟باجر عكبة سلمتي
امانتج وين يبقون؟؟
جوا ايد طيبة؟؟منو الهم ومنو يربيهم..
اي تردين تموتيني حتى تاخذين الورث..
مو بعازة ورث الحمدلله..
انة امهم وشهادتي ترررن..اكدر اشتغل واعيشهم
احلى عيشة..
كام جياد اخذ جكارة ووكف يدخن..
والهدوء جان سيد الموقف ..عبدالله نام بحضن
امي وادم لايذ بحضن ابوي..
ابتعد جياد يخابر وشوية ورجع..
تفضلي ام ادم القاضي يريدج جوا..
غير تجي المحامية!
بعدنا مامسوين شي نحتاج بي..تفضلي..
اي انشالله..
ماما فدوة ماوصيج..
بابا راد يكوم كله جياد استريح ..
مانطول واني وياها لا يبقى بالك..
مشيت انة وهو وراي..دخلنل جوا واخذو
تلفوني بالتفتيش..
طلعت من غرفة التفتيش هو واكف ..
اشرلي بيده ..تفضلي هنا..
والقاضي؟
ننتظر الدور..
كعدت وهو كعد بصفي واندار عليه..
انة اباوع بجهته بس نظراته مشتته..
مااحب اباوع بوجه رجال استحي..
هو شابك اصابعه وباوعلي..
شنو قرارج ام ادم؟؟
هم الي قرار بالمتاهة يعني؟؟
اي الج القرار ويمج..فقط اذا استخدمتي
ذكائج وفهمتيني صح..
وضح اكثر اذا ممكن!
تنهد ورجع حجه..جمانة انت مرأة ذكية وواعية..
بس لا تخلين اعصابج تفقدج حكمتج..
خليج مثل مانعرفج دائماً عندج كياسة وحزم
بالتعامل وي الامور..
مااحتاج توصية استاذ شكراً..بس ممكن
تفهمني دخولنا للقاضي شراح نسوي؟
اليوم اذا اتفقنا اني وياج مندخل للقاضي..
بس اذا مصرة ع رايج راح ندخل وهواي..
على شنو نتفق يعني هسه؟
بالاول اريد اسألج..
ليش رفضتي بسار؟
لان مايناسبني..
بس اياد ماكان يناسبج واحنا نعرف صح؟؟
ماكنت اعرفه قبل الخطبة حتى احكم..وبالعكس
انة ويا متراهمين وعشنا برضا..
بس بشار عندي معرفة بشخصيته لهذا
مستحيل اتقبله زوج..
وماارجع لذاك البيت مارجع وماارجع..
هه ..اصرارج ملفت للنظر..
ماشي..رافضة بشار لو الزواج؟
ماناوية ولا مفكرة بزواج..واذا فكرت
مو بشار..
ليش مو بشار ترى مناقصه شي..
ماانتقصت منه بس انة من اريد ارتبط
اختار انسان يناسبني..
من حقي اعيش وي رجال اتوافق ويا..
بس بشار ماكدر اشوفه بس اخوي..ماكدر
اخلص حياتي كلها عايشة ويا كأخ مااكدر
اتقبل منه اي حق او عاطفة..
اممم يعني تردين رجال تتقبلينه من ينام وياج؟
اريد اجاوبه ورفعت نظراتي عليه وجمدت..
كمت وكفت بسرعة وهو كام..
انطيته ظهر وحجت بقهر..
انة راجعة برة..
لا بعدنا ماتفاهمنا..
درت عليه وخزرته..انت جايبني تقلل مني؟
تستضعفني؟؟
هز راسه وابتسم ونظرات اول مرة اشوفها
منه..
كل الاحترام الج..
ماشي نكمل نقاشنا..واجاوبك على سؤالك..
باعتباره سؤال مهم واحنا مثقفين ولازم نحجي
الصراحة..
حلو..تفكير سليم..
اي وجوابي اريد شخص اتقبله..
جيد..تكدرين ترتبطين بي وانعام موجودة
بحياتج؟
ما مفكرة هسه..
لو بعد عشرين سنة ..مايخلوج ترتبطين ..
واذا ارتبطتي ولدج مو الج..
جمانة هم مصممين ياخذون الاطفال
ويعرفون روحج بيهم..ولان روحج بيهم
راح ترضخين وترجعيلهم برجلج..
باوعتله بخوف ..هز راسه وكال..
استريحي وخلينا نتفاهم..
كعدت وهو كعد وبقى يحجي بصوت ناصي..
جمانة ام ايثار مو قليلة ترى..
ناوية من الاول على بشار..
ومفكرة اذا رفضتي بشار تجبر ايثار عليج..
شنوو؟؟
للاسف انت تورطتي بعائلة تعودت على كلشي
تنوله حار ومكسب ورخيص..عمرهم
ماتعبو بشي او عصى عليهم..
لهذا انت عدهم لقمة سهلة..
يعرفون بيج ماتفرطين باطفالج ابد..
ويعرفون اذا اخذوهم منج ترجعين..
بس..والقانون مو يكول الحضانة حقي؟
القانون العادل..وهم مايمشون بالعدل ..عدها
استعداد انعام تدفع مليار ..وتاخذ
الحضانة عادي..
تدفع مليار ولا تخسر مليارات الي هو الورث..
اني من الاول عرضت عليهم الزم القضية..
خوفاً منهم يرحون لغيري..لان راح يخترون
واحد مرتشي ويمشي امورهم..
اني تعهدت بهالقضية وكتلهم محد يحلها غيري..
مصلحة الاطفال يمج ولازم يبقون
يمج..
واياد من جان عايش وبفترة مرضه جان يكول..
لو متت جياد لا تخلي اهلي
ياخذون جهالي لو يربوهم..
حجيت بغصة وجريت نفس..حتى بالحلم اجاني
وكال لا تنطيهم..
استغفر الله .. الرجال روحه تحوم على جهاله..
واهله ملتهين بالقيل والقال..
الله يرحمه اليوم اهديله اعمالي..بس فدوة
كلي شنو اسوي هسه ..
القضية ماتفيدج هسه لهذا اني مارفعت ولا مشيت بيها
بس كتلهم مشيت ورفضها القاضي..
وهم مايعرفون لامور القانون..
عندي حل وماادري يعجبج او لا..
بس اشوفه مناسب وبي انقاذ الج ولاطفالج..
شنو الحل ؟
اني اعقد عليج ..
باوعتله باستغراب ونظراتي تسأل..
هز راسه وحجه..
اني منهم وبيهم ..واقرب شخص لاياد..اكدر
اكول اني اتكفل باطفاله..
ساعتها راح يقتنعون من يشوفون اطفالهم عندي..
واني اتشرف ارتبط بمرأة مثلج..
هذا اذا كان انت متقبلتني..حجاها وابتسم..
ام

ا اذا ما تردين هالشي وتردين نخلي زواجنا صوري..
هم ماعندي مانع كيفج..
المهم يكون اتفاق حتى نأمن مستقبل الاطفال
ومايتشتتون ..وابوهم روحه تستقر ..
صح افضل قرار هذا..بس انة ماريد الزواج
قبل لا تصير سنوية المرحوم..
وهو كذلك..نتفق بعد السنة ونتزوج..
يعني هسه شنو راح تكول؟
انت اطمأني بعد الموضوع صار يمي..
هسه من ارجع ويسالوج ..كولي القاضي
كال حلوها وديا بينكم..
واني اكمل الباقي ماشي؟
انشالله..
طلعنا وانة امشي وهو وراي..
بس مادري بنفسي انة وين وشنو سويت..
ومالمت نفسي ع الاستعجال التصرفت بي..
كلشي ينحل وكلشي يهون..
المهم هسه ضمنت جهالي بحضني وخل كلشي
وراي معليه بشي...
وصلنا يمهم ولكيت ادم بحضن امي وعبدالله
شايله بشار ويفتر بي ..
شافني ويريد ينزل الي..جابه بشار ونزله
هو اجاني وشبكته لحضني..
وجانت نظراتهم كلها تساؤل وقلق..
حجه جياد بصوت واضح وبثقة..
ياجماعة الخير ..احنا اهل ويربطنا دم وروح..
ولازم اتفاقنا يرضي كل الاطراف..
احنا هسه اجينا من القاضي..رفض الدعوة وكال
ملغية..حلو الامور بينكم ودياً..
باوع لابوي وحجه ..ابو معين واذا تشوفني مناسب
الكم..
اتشرف بجمانة زوجة الي ..ابوي صفن
بقى يباوعله ويباوعلي..
عمتي كالت..هي ببشار ماقبلت ياعيني
تقبل بيك..
باوعتله وحجيت بثقة..لا شبه اقتنعت بس
بقى رأي اهلي هو اهم..
بابا كال..والنعم منك بس نحتاج نكعد ونتشاور بينا..
الكم كل الحق والوقت..
انة تقربت يم اهلي وابوي يكلي جمانة شنو
استجد..
وانة اهمسله بابا طاوعني كدامهم..
عمتي كالت اي هيجي واستقري على راي..
جياد كلها ..بالبيت ام ايثار افهمكم كلشي..
خلونا نرجع حتى نحجي..
وتقرب سلم على ابوي وكله
اليوم ازوركم العصر..
هلا بيك استاذ البيت مفتوح لامثالك الطيبين..
وسلم عليهم وكال امشو نرجع..
بس ابتعدنا منهم بقى بابا يسال..
فهميني بابا شنو الصار ..امي تكلي مامجبورة يمه
لا تتورطين..
وكفنا وحاجيتهم..مامجبورة بس بالبيت
احجيلكم كلشي..
رجعنا للبيت وبس دخلنا..الجهال تعبانين
وجاعو..
جابتلهم عمة اكل واجت كعدت يمنا وابوي
وامي ينتظرون احجي..
حجيتلهم الحديث الصار بيني وبين
جياد بصورة مختصرة..
هم وصلتلهم فكرته وبقو يمدحون بي..
كتلهم انة قابلة وافضل حل اشوفه..
بابا كال خل يجي واكعد وياه ويصير خير..
رحت صليت ودعيت وعمة يمي تحاجيني
وانة اكلها اقبل مدام اضمن جهالي وهم
هو يحبهم ..
كعدنا نتغدا وخابرت رغد..
بس شجعتني وكالت زين سويتي هذا افضل حل..
وهم متونسين كلش ..
بحيث تغدو وراحو نامو ..
الله ينيمهم للابد المهم اخلص من شرهم..
للعصر اجه جباد واستقبله ابوي بالديوانية..
بس ابوي كلش تعب وسكره تخلخل..
بحيث كوة يحجي..
ورا جية جياد بشوية دز عليه ابوي..
رحت يمهم سلمت وكعدت..
ابوي كال..جمانة انة مقتنع بكلام
الاستاذ جياد..
العفو عمي استاذ شنو..مو غريب اني..
انشالله ابننا انت..
تفضل احجي لجمانة وضعك وزواجك السابق
وتفاهمو..
للحكاية بقية

فراشات تخشى الاحتراق
الجزء الثالث والثلاثون

باوعت عليه وحجيت بهدوء..اي تفضل..
بابا جر عكازته راد يكوم..كام جياد سنده..
مشكور يرحم والديك..
انة هسه اجيكم انتو اخذو راحتكم تفاهمو..
وراح طلع برا وبقى الباب مردود ع النص..
ورث جياد جكارة ..باوعلي بصفنة وحجه..
اني فهمت الوالد وضعي..ماعنده اي اشكال..
واعتقد انت تعرفين وضعي..
امم مو كلش اعرف ..
هز راسه وجر نفس قوي من الجكارة ولزمها
بيده..
اني وادي متوفي صارله عشرين سنة..
عندي اخوان ثنين واخت وحدة..
الوالدة حالياً عايشة وي اخوي الجبير
محمد..
لان صحتها كلش تعبانة وتحتاج عناية..
الله يحفظها الكم ..
يحفظلج والديج..
اما زواجي السابق..تزوجت ب٢٠٠٤
وطلقت ب٢٠٠٧..
هه ..شكلج استغربتي..بس بعد السبب
عندج علم بي..
ماصار عندي اطفال وكالو الامل ضئيل..
وتولدت المشاكل لان اني سبب حرمانها
من الطفل..
انفصلنا وكلمن راح لسبيله..
الله يوفقها بس..
هز راسه وكمل كلامي وشبح ابتسامة بوجهه..
تزوجت وعدها ثلاث بنات وولد..
الله يحفظهم الها ويوفقها..
امين ..
من ذاك الوقت وانتقلت للبصرة بسبب الطائفية
واستقريت يم بيت المرحوم..
استقريت لوحدي وامي بقت هناك..
لان كانت عايشة وياي ومتعلقة بيه هي
لان اني اصغر واحد عدها..
بس ماكدرت اجيبها لان محد الها..
وهناك تعودت بنات محمد اخوي معتنين
بيها وكلش يحبوها..
يعني هسه اذا قنعتها ماترجع؟
يرادلها عناية خاصة ومااحملج شي فوك
طاقتج..
بالعكس هي راجعة لبيتها الي هو بيتك..
والانسان ببيته لازم يتدلل ويرتاح..
خل نتزوج ويصير خير ..حجاها وابتسم بامل..
الله كريم ..
اني حجيت لبيت انعام مثل ماكتلج..
كتلهم القاضي رفض القضية وشاف الحق
وي جمانة لان وضعها مناسب
للاطفال..
وحاولت اطعن واقنع القاضي..
بس هو جان كلش متعصب ..
كال حتى لو امهم مو صالحة ينطون لجدتهم
ام امهم مو ام ابوهم..
واقتنعو بكلامي..
وبالنسبة لزواجي منج فاتحت ابو ايثار قبل
لا نروح للمحكمة بالموضوع
وهو شجعني على هالشي كال انت تناسبها
وجهالنا يمك بامان..
كتله اليوم العصر اعقد عليها ..
وننتظر لشهر ال١١ حتى نعقد ويتم الزواج..
حتى تنحسبين كدامهم مرتي ويتطمنون
ماكو تلاعب..
هيج تمام؟
الحمدلله ..كله تمام..
هم هالايام راح ينشغلون بزواج ايهم
وغدير..
اذا رادو يشوفون الاطفال احتمال
يمرون بالشهر مرة..تعرفين
طبعهم بعد..
لا هذا حقهم شوكت مايحون هم اطفال ابنهم..
ومااكطع رحم احد انة..
لا حشاج ..
عندج شي تردين تسالي؟او طلب مادام كاعدين
وجاي نتفاهم..
اغلى طلب هو اولادي وضمنتهم بحضني
وهذا كلش يكفي..
اما الباقي ..يجي بوكته ولكل مقام مقال ..
صح كلامج..اني اترخص هسه وسلمي
ع الاهل..
اهلا وسهلا بيك ..
هو طلع برا وانة رحت للمطبخ اخذت الصينية
بس هالمرة عايف الجكليته
شارب بس الكهوة..
اكلت وغسلت المواعين ودخلت للهول..
حاجوني اهلي وكتلهم اتفقنا ..ابوي كال
افضل حل الج هو ..
وامي محتارة وتلوم بنفسها تكول كله مني
خراب حياتج..
حسستها انة مرتاحة لحياتي الجاية ومقتنعة
بجياد حيل..
يلا شوية فكت وارتاحت..
مر اليوم عادي وباليل راسلت مهجة وكعدت
احجيلها..
وهي تكلي ..
شلون وافقتي فجاة وبلا مقدمات..
لخاطر جهالي واضمن راحتهم كلشي اسوي..
بس انت تكولين جان يخزر ونظراته غريبة..
اي حقه من الصورة النقلتها عني غدير اله..
بس هو توضحت الحقيقة كدامه..
وبغض النظر عن كلشي هاي وكفته ماانساها..
تكفل بالقضية كلها وجذب كدامهم..
بس حتى يبقون الجهال عندي..صح سواها
لخاطر المرحوم..
بس هو انقذ حياتي وحياة ولدي بهالشي..
ولج من كال لو رفضتي بشار يجبروج بايثار..
وكفت الدنيا بعيني..
حتى رغد من حاجيتها احس خجلانة..
حقج صدك ماتنلامين..
يلا باجر ربنا يدبرها..
يوم ثاني كعدت كلش تعبانة ودايخة..
كوة كمت ورحت للدوام..
ابو منذر كلساع وكال ليش اجيتي..لو باقية
شكلج تعبان..
لا ياعمو مابيه شي بس شوية تعب..
عود اذا تعبت كلش اخابرك اكلك رجعني..
اي بنيتي واذا ما حصلتيني دكي على هادي
وخلي يرجعج..
الله يسلمك عمو ماتقصر..
وصلت للدوام واشتغلت شوية ورجعت للادارة..
اجت يمي مها ومن شافت وضعي كالت لو راجعة..
دك الجرس واحت الشلة كلها التمت..
خطية كابلني وكعدن وانة كلش انثولت
ونفسي تلعب..
حجيتلهم عن المحكمة لان جانو منتظرين
وخايفين عليه..
والكل ايدني بقبولي من جياد ماعدا زمن..
كالت بس حماج مستقتل عليج..
حماي متزوج ومرته راح تجيب..وين
ضميري وانة اقبل اخرب حياتهم..
ياريت الناس كلها بضميرج ..حقه لو رادج..
اريد اجاوبها وحسيت كلش راح اتقيأ..
كمت واجن وياي وصلني للحمام..ذبيت
من راسي واحس اختنكت كلش..
حيلي باد ماكدر اوكف..غسلت وطلعت..
راحت فاطمة كالت اشوفلج واحد يوصلج..
شوية ورجعت كالت كومي مازن موجود..
انة السواق اعرفهم وهم اغلبهم خوش ولد..
مازن مو خط منطقتنا ولان ابو منذر ماموجود..
رحت وي مازن وصلني..
تقريبا ساعة عشرة الا ربع وصلت..وخطية
نزل وياي رغم كتله زينة ومابيه شي..
بس هو نزل وتاكد مني فتحت الباب يلا راح..
توني دا

خلة اريد افتح الباب الداخل..
اندك الجرس..
رجعت فتحته لكيت عمتي وعمي..
بس سلمو عليه من ورا خشمهم ومتنكين..
كلت الظاهر بعده هرمون الانجلاب مرتفع..
دخلتهى للديوانية وانة دخلت للهول ..
جانت عمة كاعدة ويمها ابوي..
سلمت واستغربو شوفتي وشكله التعبان..
حجيتلهم ع السريع وكتلهم اجو اهل اياد..
ابوي بقى يستغفر ..جر عكازته وطلع ..
وعمة خطية جابتلي ماي انطتني..
بعدهم نايمين الجهال؟
اي اي بعدهم..
تمددي ارتاحي..
لا لازم اطلع يمهم ..خاف يكولون ماحترمتنا
وماطلعت..
كيفج حبيبة سودة عليه شبيج يحظي..
مادري يجوز تسممت..
اسم الله هسه اسويلج لبن..
كمت رحت يمهم وجان عمي يسولف وي
ابوي وعمتي بيدها التلفون ملتهية..
اول ماكعدت هي سالتني..شعجب رجعتي
شنو تعرفين رح نجي؟
لا بس تعبت وتخربطت..لهذا رجعت من وكت..
متاكلين دومج طبعا تتخربطين..وين الجهال
لعد؟
نايمين بعدهم..
اوووي حياتي اروح اباوعلهم واجي..
مينطيني كلبي اكعودهم..
اي تفضلي ..حجيتها وهي كامت..
انة كمت ودخت اكثر..ومنا نفسي تلعب
خفت اغرك نعيمة ..
هي من شافتني هيجي كالت كعدي كعدي..
بس ماكدرت اكعد رحت للحمام البرا..
وبقيت اتقيأ وكلش فقدت حيلي..اول مرة تصير
بيه هيجي حالة..
فترة الحمل والوحام ما صارت عندي..
هسه احس روحي غابت..
طلعت من الحمام وانة شبه فاقدة بس ردت
اوصل لامطبخ..
اول مادفعت الباب..
فزت عمة وركضتلي..
اسم الله يمه نونو شبيج ولج شبيييج..
وانة فقدت بحضنها وعيوني تنسد وتنفتح..
غسلت وجهي بماي مثلج وسندتني وتضرب
بخدودي..
جمانة يمه تسمعيني حاجيني..
هزيتلها راسي واشوف ابوي دخل للمطبخ..
حنة جما..يريد يكمل حجايته وفز من شافني..
ها بابا ها هالاجيت اشوفج وين رحتي..
تقربلي وذب العكازة وكعد..
حنة شبيها شعلتها..
هي تخبط باللبن وتحاجي..خوية غوربت مدري
شبيها سودة بوجهي..
هو يعصر بيه وانة شبه واعية ..لساني
ثكيل بس حاجيته.،
هسه اصير زينة بابا..ارجع يمهم ماريد
يتحججون بشي..
غمض عيونه بقهر وكام..عمة فتحتلي الجبة
والحجاب وجاي تشربني اللبن..
دخل ادم واجاني كعد بحضني شبكني..
بقى يباوعلي مستغرب وضعي..
عمة اخذي خل يشوفوه حتى يرحون فدوة..
اي اي ..تعال حبيبي نروح لبيبي وجدو..
راح وياها وانة تمددت بالمطبخ..
واحس شي بمعدتي يفور..


Photos Of Asian Actresses That Made The Whole World Fall In Love

15 Confusing Photos That Will Make You Look Twice
شوية ورجعت عمة كومتني..دخلتني
للغرفة تمددت..
كالت راحو بس شافو ادم لان لكيتهم يريد
يطلعون..
ارتاحيت وتطمنت..
على صوتنا. كعد عبدالله واجه يريد يكمل
نومته بحضني..
سوتله عمه ممته وجابتها اله بقى نايم يمي..
ابوي كال امشي اخذج للمستشفى لو اخابر
اخوج يعوف دوامه ويجي ياخذج..
كتله هسه اتحسن مابيه شي..
وللعصر بقيت ع وضعي دوخة سطرتني
بس لعبان النفس قل كلش..
غفيت شوية وفززتني عمة..جمانة اجت رغد
وجياد ..
بيج حيل تكعدين؟
فتحت وحاجيتها باستغراب..شجابهم سوا..
قابل غربا هم ولج ..كعدي اكلي لكمة وجهج
اصفر كومي..
كومتني ولبست عباية فوك ملابسي وطلعت
غسلت والجهال اجو جلبو بيه..
لزمت بيدهم ومشيت ..
رادت تسندني عمة كتله لا اكدر امشي..
دخلت للديوانية وكامت رغد وجياد وكف..
بوستني رغد وتسال ..جياد كال..سلامات
شنو ليش رافضة تروحين للدكتور؟
كعدت وحجيت بتعب..بسيطة ماتحتاج
دكتور..
لا ماامبين شكلج منهك ..
باوع لابوي وكله من رخصتك عمي..
اكدر اخذها للدكتور؟
ياريت تقنعها بابا هي خطيبتك بعد..
ام معين الاطفال يبقون يمكم ..واني وام بان
ناخذها..
اباوعله يحجي ولا سالني ولا عبرني..
بس ماكدرت ارفض لان صدك تعبانة..
عمتي كامت كالت اجي وياكم..
واخذتني لبستني وتلحن..يمدللني يمشخلعني..
خلتني اضحك وتباوعلي وتبتسم..
بعد عمري ضحكي ضحكي..
طلعت من باب المطبخ ماخليت الحهال يشوفوني
وهو جان ينتظر..
تقرب كال تحتاجين مساعدة؟
هزيت راسي لا..
وصلت للسيارة كعدت وهو كعد ..
خابر رغد كلها طلعو احنا بالسيارة..
اجو رغد وعمة وطلعنا للطبيب..طول
الطريق انة ساندة راسي
ع الكشن ومغمضة..
وصلت وطلب تخاليل الدكتور سويت..
عمة دخلت وياي لان مو كلش اكدر اركز
بالمشي..
قراهن الطبيب كال صاير عندج التهاب بالامعاء
حاد
كلتله عمة فجاة امس مابيها شي..
كلها هو يصير اغلب الاحيان فجاة..مو بسرعة
يتولد انما يتراكم ويظهر ..
لهذا عبالنا فحاة بس هو موجود..
انطاني علاج وابرة ضربتها يم ام المختبر..
حجتلهم عمة هو كال بسيط مايطول..المهم
ارتاحي واهم شي نفسيتج..
رجعنا للبيت وبالطريق استرى نفاخات
للجهال..
فرحت من تصرفه وحتى بمرض ماحسيت بعد..
وصلنا ونزلو ويانا..
هو دخل يم ابوي وانة رحت لغرفتي تمددت..
الجهال شافوني وخطية حسو روحهم بمقلب
بقو يتلفتون..
حطيتهم يمي ورغد اجت يمنا..
اجت امي اخذتهم كالت يريدهم جياد..
اخذتهم وسدت الباب..
اندارت عليه رغد وباوعتلي برفعة حاجب..
ها شبيج ههه..
جاي افكر شوية بجياد شلون قنعتي ياخذج..
ههه ثول انوب قنعته..هو منو قنع منو؟
صدكي بشار هو الدفعني اق

بل بي..
سكتي وخليها غير صار هو ومرته معارك
طاحنة..
ليش بعد؟؟
مو ماكدر يتعرض ع حجي جياد وزواجكم
ماحجه اي شي...
بس هو صعذ واحنا نسمع طيبة تلعلع..
وهو يكلها طارت من ورا شكولج الزفرة
راحت التسوى راسج وراس الخلفج..
تراب رجليها ماتوصلين..
وهي تفشر فشار من هذا المعتبر..
اخر شي كتلها كتله معدلة وطلع..
الله يهدي بعده وقع الخبر ماثر بي..باجر ينسى..
بس كليلي شخبار غدير؟
اخ كلبي ..لا تحجين باسمها الا تتوضين لانها طاهرة..
ولج اشتغلت شغها نعامة وبدو يجهزون
وراح تسويلهم عرس وبقاعة..
لا يا ظالمة !شنو من كلب عدها نست اياد هيج؟
كالت نجهز كلشي فد شهرين واسويلهم حفلة
بسيطة..
بس هي يابسيطة وتريدها بقاعة وتريد تعزم
الكل
باعتبار هو مهر هو عرس..
ماتعرف ربها لهذا ماتحن ابد..حسبي الله ونعم الوكيلي بيها..
وايهم رجعو يحاجو؟
لا ايهم يم جياد ببيته ..الولد متحلفين بي..
عمي كال مايدخل للبيت الا يعقد عليها..
وهي متونسه ولا جنها ام المكاسير..وتحنص بطيبة
وتحجي بصوت عالي..
اريد هيج مركز تجميل واريد هيج فستان وامها
مخاويتها..
ويحنصن بطيبة وذيج متخبلة..
بس الصدك استغربت من كالت امها نسوي بقاعة..
انة جنت اطبخ وهن يسولفن..استغربت
من كامت تبجي غديرة..
كلتلها بس اياد ماصارله هواي ..انوب كامت
تبجي حيل تكلها لشتاقيتله اياد حبيبي..
وشوية وكامت..
اي انة احسها تحبه اتذكر من خابرتني من تسلبو..
جانت منهارة كلش..
ومن مات شفتيها شسوت..
كل انسان عنده محاسن ومساوىء..بس هي
للاسف امها مسممتها وربتها ع الغلط..
حتى لو عدها شي زين مانشوفه..
اي ثنينهن نفس الطوووط..ههههه طوط شنو..
لا زحمة احجيها كدامج انت مؤدبة..
ورا شوية راحت رغد وجياد بعد ماشفته..
لليل تحسنت زين ..
ريان من رجع بالليل سالني شمحتاجة وشبيج
لان اهلي حاجيله جياد اجه اخذني..
كتله لا تحسنت بسيطة..
اخواني ثنينهم حاسبيني رجال واكدر اخلص
حاجاتي بيدي..
وبعد من عرفو بموضوع جياد كلش ايدوني
باختصار ملتهين بحياتهم..
وهذا الموقف خلاني اصر على جياد..
شفت نفسي بطيحة بسيطة محد وكفلي..سودة
عليه ابوي لا حول ولا قوة وصحته رايحة
وهو يركض بيه..
وامي لو ماهي وعمة الجهال تبهذلو..
يعني هم كبار يحتاجون عونه مو انة استعين
بيهم..
هذا موقف هم شجعني اخطي هالخطوة..
يوم ثاني مارحت للدوام ..بس الحمدلله صرت
احسن ..
خابرني الصبح جياد يتطمنبس صوته قافل كلش ..
كتله لا تحسنت..رجع كال..شنو تحتاجين
اتصلي بيه..
واي شي تحجي انعام يمج ماتسكتين..
واذا اضطريتي تسكتين احجي واني اردها..
لا هي ماحجت شي زايد بعد..
ماتحجي بعد ..بس اذا عادتها وحجت ..مثل
مافهمتج تصرفي..
اكيد..
سديته منه وانة مستغربة شبي وشمسوية
نعامة ام المشاكل..
ماكو غير المراسلة الحربية رغد ..اخابرها
بلكي تعرف شي..
دكيت عليها ماجاوبت..ثواني وهي خابرت..
صباح الصبح شلونج عيني..
ههه صباح الورد الحمدلله تحسنت..
الحمدلله كلت اخابرج بس افرغ..بس استحيت
كلت هسه هسه تكول شكد تفتن..
لا ولج عابت..مو وكتج يصحى ضميرج..
هههه جا خل احجيلج رزالة جياد
لنعامة..
يااا ؟زين وفرتي عليه السؤال..
خابرني وحذرني كال اذا حجت شي كليلي..
ولج هاي لا ذمة لا ضمير..
خابرت عليه واجه البارحة..كعدت وبكل
حقارة تكله..
مرتك اليوم من رحنا نزلت من كية والسايق
نزل وياها للباب دخلت
يلا راح..
وهي مدري شبيها بس تتقيأ ودايخة..بس
لا تطلع حامل..
للحكاية بقية

فراشات تخشى الاحتراق
الجزء الرابع والثلاثون

مرتك متخربطة بس لا حامل..
هه..ضحك وفجاة حجه بصوت عالي..
انعام ترديني اخذ حجيج صدك ؟
لو شقى؟؟؟
هي باكت طن هوا ..
كلتله ..ها ههه لا اتشاقى شبيك..
هو امس عقدتو انتو ..اي يعني..
بقت تعتعت بالحجي..
ماترهم تشاقين بهالموضوع..
بعده اياد روحه بيناتنا..وهم جمانة
ماينحجي هيج عليها..
حتى بالشقى..
انعام ترى صارت مرتي..وانت تعرفين
جياد شنو وي النساء..
ايي لا كفو منك انت وين اكو رجال
مثلك..
لا يضل بالك بس جنت اتشاقى..
اي هالمرة صارت..
مرة التجي ماريدها تصير..
وجمانة لا تغثيها بحرف..
متفقين؟
لا تدري بي بس مرات اتعصب..
اي انت جاي تزوريها ببيت اهلها..
يعني لازم العصبية مالتج تضل بالبيت ..
ههه..
بقت تضحك وتفلت بالحجي وهو
رزلها بنزاكة..
اي تستاهل الحقيرة واصلا ماجانت
تتشاقى..
بس هي من قبل ماتندك بي..
سديت الخط منها بس انقهرت من
حجي عمتي كلش..
ادري ماتكول ام احفادي وشلون احجي
هيجي..
يعني شافتني نازلة من همر وهيج تحجي..
شو سيارة كية يعني امبينه مو خاصة
حتى الغريب اليشوفني اكيد مايحجي
عليه ..
وهي جدة ولدي وهيجي ظنها اسود..
خلصت شغلي ورجعت للبيت..
الجهال تلكوني انطيتهم العلاكة..
وكعدت يم عمة بالمطبخ ..
لان محد بالبيت..
امي جاي تمشي بمعاملتها مالت التقاعد
وشلعو كلبها..
واليوم ابوي رايح يستلم التقاعد وهي رايحة
ويا ومنها تكمل المعاملة..
شلون صرتي خو ماتعبانة؟
لا نعمة تحسنت..
شخبار امي وابوي مااجو؟الجهال خو ماتعبوج..
لا بعدهم مااجو..
فدوة لكلبهم مابيهم تعب..
بس عبيدان نقش بت خاله نقشه بخدها..
ياا هههه ولك اكبر منك شون كدرت الها..
يا كوة فلتناها من عنده..
خطية هو عضته تعور انة مااتحملها..
لا هي خطية سكتت وحتى امها
كالت طفل مايفتهم..
هو طفل بس حلكه مال قرش ههه ..بس صدك
شعجب كاعدة من وكت؟
راحت لاهلها قبل شوية اجه عليها اخوها..
اي اكول هي ماعدهم صبح..
ذكرتني بعمتي هالايام تجي الصبح..
وقبل تكعد ب١١ وتتريك
وترجع تنام مرات..
هي عمتج هم بشر ..استغفر الله جنها
كطينة..
ههههههه اي عفية استغفر الله..
اكوم ابدل مالي حيل الغيبة..
الظهر كلش يلا رجعو امي وابوي..
بس ابوي كلش تعبان..
من احه ريان وشافه كله مو كتلك انة اروح
عنك ماقبلت..
لا ابني عندك دوام وترجع تروح للشغل
ماعندك مجال..
وبس اكل قليل وراح نام..
بيومها بالليل خابرني بشار..
جاوبته برسمية وصوتي بي تردد..
اهلا بشار تفضل؟
ضحك بحسرة وكال..هلاا جامخانة ههه..
هه هاي بعدك ع هاللقب..
اي ماينسي..شلونج انشالله زينة..الجهال..
الحمدلله كلنا زينين..مرتك
وابنك شلونهم..
زينين..
جمانة خابرتج حتى اعتذر..اتمنى نرجع مثل
قبل ..اتشاقى وياج واذب عليج الماي وانت
تتقبلين..
انسي المواقف الاخيرة..انت كلتي كلمتج وماغيرتيها..
وهسه صرتي مرت جياد..
مرت اخوي باعتبارج ..
خليني اتطمن عليكم بين فترة وفترة..
بشار كتلك انت اخوي وماتغيرت نظرتي الك..
وتبقى عم اولادي واخوي وجان يجمعنا بيت واحد..
ياما اكلنا وضحكتا وشكينا لبعض..
بالعكس انة احترمك بس انت تعرف ..انت شنو تعنيلي..
والقهرني وغيرني..جيتك انت وعمتي..
واياد توة ميت..
هه..فوك اذيتها وبعدج تسميها عمتي..
طيبة تكلها نعيمة حاف..ههه المهم..
صح حقج..بكلشي..
بس ماردت اخسرج..كتلج قبل اتمنى الكى مرة
مثلج..
مو تجاوز ولا تحرش..بس انت مرة متناسقة..
صعب تلكى هيج صفات هسه..
بس بعد هو نصيب..واريدج
تبقين نفسها جمانة قبل..من احاجيها
ماتردني ولا تغلسين علي..
واتمنى اكدر ازوركم واشوف الجهال..
اكيد من حقك..وكتلك واكولها بعد..
انة حاسبتك اخوي..
بس استاذن من جياد لان هو رجلي وماكدر
اتصرف بلا علمه..
اذا قبل تحاجيني رقمي يمك..
الله كريم..مشكورة جامخانة..
هلا بيك ابو..صدك ابو شنو..
جاينا اياد بالطريق ..كالت الدكتورة ولد..
تكوم بالسلامة ويجي سالم معافى يارب..
عاشت ايدك والله يرحم اياد ويرزق ابنك العمر
الطويل..
امين مشكورة..
سديته منه وصفنت بحزن..
اكو ناس نتمنى مايتغيرون..
قبل بشار جنت شكد اسولف وياه ومواقف
بينا تضحك ..
حبيت ذيك الايام وماتمنيت النفسيات تتغير..
بس محد يعرف شنو بقرارة كلش شخص..
وماكو حال يدوم..
وراها جياد من خابرني ..
كال بشار حاجاني..يبقى يتواصل وياج..
وكتله ماعندي مانع وهي القرار يمها..
اي حتى راد يجي يشوف الجهال ومتردد
كتله عادي هذا حقك..
اكيد وانت مايحتاج تتوصين..
تصرفاتج مدروسة..
شكراً..
وبعدها مشت ايامي الحمدلله بحال زين ..
بدت نفسيتي تستقر وصحتي رجعت تمام.
امي وابوي وعمة متكفلين بالجهال طول
ماانة اداوم..
وحريصين عليهم كل الحرص..
جياد كل يوم يخابرني ويتطمن عليه وعلى
الاطفال بس مايجي..
بس يوصل الحجي لبيت عيالي ..هو يزورني
باستمرار باعتباره
عاقد عليه عقد سيد..
لان هو فهمهم عقد سيد عليه..
والمحكمة ورا ماتدور السنة..
فعلا التهو هم وكامو مايجون هواي
بس مرتين ..
لان جاي يجهزون لعرس غدير..
صارن سبع اشهر على وفاة المرحوم ..
وحددو زواج ايهم وغدير..
صاد

ف قبل الامتحانات النهائية مالت ايهم..
وغدير بطلت باعتبارها رسبت ومودها مو بالدراسة..
اجت عمتي العصر وجايبة وياها بطاقة
العرس..لان هذا الاسبوع عرسهم..
اول ماانطتها لابوي حطها ع جهة وحجه..
شايفين كل الخير ام ايثار..
بس تعذروني مااكدر اجي..
عمي جان ضايج وعيونه مغوركة..
لان كالت رغد متعارك وي عمتي وكايللها
نسوي بالبيت ومو حفلة جبيرة..
بعده اياد مادارت سنته..
بس هي تريد تهوبز وتفاخر..
انة بهالموقف صدك انقهرت..الله يرحمك
اياد..
دائما تكول ماتحبني ولا تريدني..
مرات اكله لا تبالغ ماكو ام ماتحب طفلها..
يسكت مايجاوبني..
فعلا هسه تبرهن حجيه...
لان شكلها مو شكل ام ثكلى..
لابسة سترة سودة حصر وتنورة ميدي..
هي اغلب لبسها مثل اهل قبل يلبسن ميدي..
والجواريب شفافة سودا انة البسهم جوا البدلة
بالمناسبات ..
والكلادة واصلة لبطنها شكبرها وايديها تخرخش..
ماجنها جاية تعزم عبالك جاية تستعرض..
ولو اعرف طبعها تحب تباهي..
وباعتبار جاي يفترون على الاقارب ويعزمون
لازم تطلع بكل ابها..
جبت الجهال الهم وعمي حاط ادم بحضنه
ويلعب بشعره..
هي صاحته راحلها..
بوسته وبقت تحاجي..شنو تحب اجيبلك وياي
دومي..
هو يستحي يحجي ماكال شي..
طلعت من جنطتها ٢٥ وحطتها بيده..هو باوعلي
هزيتله راسي وابتسمت..
يااا اخذ ماما اخذ ليش خجلان..
عمي كلها احسن حتى لا يتعودون ياخذون من غريب..
عبدالله نايم ع رجلي يشرب الممه..
صاحتله ماقبل يروحلها..
بقو شوية وكامو..هي من كامت شالت عبدالله
بقى يبجي ماقبل ..
حضنته وباسته وانة اكله عيب ماما مايصير بوسها..
هي مدتله خدها بوسني يلا بوسني..
وهو اخذله عضة من خدها بقت تصرخ..
كوة شلعته منها بس صدك ضحكت..
عمي وابوي وحتى ادم عود يريد
يحجون وياها بس اباوعلهم
يريد ينفجرون من كد ماضامين ضحكتهم..
بقت تفرك بخدها صار بي ختم ملكي..
وتكله ماحبك بعد ماريدك...
وطلعو هي وعمي وعبودي بس يلصلص
بعيونه عباله راح ااذي..
اليوم رجاء ولدت اطفالها..
صار عدها ولد وبنية..خابرتها ورا ماطلعت
من العملية وارتاحت ..
ها رجوة يتربون بدلالكم حبيبة..
هلا بالغالية بعد عمري..اول مادخلت دعيتلج
وبس فكني البنج بقيت ادعيلج..
اصيلة وين اكو منج ينطيج العافية..
شلونج هسه..
لا زينة الحمدلله باجر اطلع للبيت..
اي اذا طلعتي باجر اجيج العصر
بس مااجيب الجهال..
لان عبدالله يجوز يحط جهالج بلفة وياكلهم..
هههه وج ماكدر اضحك..جيبيهم لا تجين
بدونهم..
خل يلتهون وي جهالي يغيرون جو محبوسين
خطية..
الله كريم هسه منو يمج..
عمتيام تحسين وزمن ..
خوش سلميلي لعد..
سديته منه وحاجيت امي كتلها اروحلها
باجر..
اي اخذي حنة وياج وروحي..وخلي
الجهال هنا..
اي احتمال اخذ بس عبدالله..انت تلتهين
بابوي لو بيهم..
اي خلي ادم مرضي مابي اذية..
اتفقت وي عمة ويوم ثاني رحنا الها..
فتحلنا ابنها الباب ..
تفضلو ست جوا هي تنتظركم..
منو جوا خطار..
محد بس خالة وسن وبيبي ام عمو تحسين..
وعمو جوا؟
اي اي موجود..
لا خلينا بالديوانية احسن..
لا امي كالت بس يجون دخلهم يمي..هو
عمو يطلع بس تدخلون..
هي ماتكدر تكوم خطية كلش..
اي حقها صح..انطيهم خبر بالاول..
يدرون شفناكم بالكاميرا..
ها يلا ادخل كدامنا..
دخل هو وانة شايلة عبدالله وعمتي
وراي..
اخذنا لغرفتها ودك الباب..
طلع تحسين وباوع بابتسامة وامبينة الفرحة
بوجهه خطية..
السلام عليكم ابو علي..الجمدلله ع سلامة
رجاء والاولاد..الله يكتبهم من الصالحين..
ياهلا ام ادم تفضلو ...امين ويحفظلج
الصغار..
مشكور..حجيتها ودخلت للغرفة..
سلمت على امه واخته وهم سامعين بيه
بقو شوية وكامو طلعو..
ها ولج رجوة شو صايرة صاكة..
اي خية فرحانة من الفرح..
الله يديمها عليج نعمة ..خطية حتى رجلج امبين
طاير..
اي ولج غير خابر العشيرة كلها ويبشر ..
وجماعته نشروله يباركون..
حقه هو وين اكو احلى من هذا الرزق..
اي هو يحب الجهال كلش..تدرين جهالي ويموت
عليهم ..مو بعد ذولة جهاله..
ماكو فرق ..الله يحفظهم الكم..
بقيت يمها شوية وزين عبدالله كعد عاقل..
حتى من قربته من الجهال ماحاجاهم..
شوية ورجعنا للبيت..


Photos Of Asian Actresses That Made The Whole World Fall In Love

15 Confusing Photos That Will Make You Look Twice
ورا ولادة رجاء بايام ..طيبة ولدت..
بس طلعت بنية مو ولد
والغلط بالسونار..
عمتي راتهم يسموها ع اسمها..
وطيبة متعاركة وماتقبل تكلهم قديم..
الى ان استقرو يسموها اية ..باختيار من بشار
كال قريب من اسم اياد..
وجنت رايده اياد اذا ولد..
خابرته باركتله وجان فرحان كلش
ويكلي اناسبكم مدام عندي بنية..
بس ماريد عبدالله مينجرع اريد ادم..
تعاملنا شوي تحسن وخف التوتر..
بس بقيت وياه بحدود ورسميات..
وكل مخابرة اوصيه ع طيبة وانصحه..
صح مااتدخل بتفاصيل ..ولا اسمحله يحجي
بيها..
بس بشكل عام..
وصار شهر السادس بدت العطلة..طلعاتي
كلش قليلة..
بس اتواصل وي البنات ونتخابر..
اخواتي يجن عصرية يمنا..
وشوية يتغير الجو..
مرات احس بالغربة او الوحدة..
اتذكر اياد واف

رش السجادة واصليله..
ابجي واتذكر سوالفه والمواقف والعشرة..
بس ارجع واكول راح للارحم منا..
وراح ارتاح من عيشته..
ومشت الاشهر شهر ورا شهر ورا شهر..
وصارت سنوية اياد..
سوو مجلس عزاء اهله بالبيت..
رحت انة وامي وعمة واخذت الاطفال..
ادم يفتهم صار وعبدالله هم ويحجي
واضح..عمره سنة ونص بس لسانه
فصيح ومفهوم وعلمته يكول بابا ..
من اراوي صور اياد باللابتوب..
من دخلت للبيت عصرني كلبي..
حسيت بوجع وطاحن دموعي..
كلش صعبة والاصعب الناس البي اغلبهم
مايردوني..
بس اجيت لخاطر المرحوم..
عمتي ولا عبالك انة مرته ولا اهتمت بوجودي..
خالاته موجودات وتعاملهم زين
خصوصا خالته الخطبتني هي تحبني..
عرفت الناس المايعرفوني وكلتلهم مرت
المرحوم وكل شوي تجي تحاجيني
بشي..
ورغد خطية ومنار ايدهن بالمطبخ وعينهم
عليه..
تالي خليت الجهال يم امي وعمة وكمت للمطبخ..
بلشت اساعدهن ونسولف..منار كلش
مريضة وصحتها مو زينة..
هي شالو مبيضها بس بعدها عدها خلل ونزف..
ومنا ذكرى اياد زادتها قهر..
بحيث ضعفانة صايرة خيال..
بقت تحجي وياي عن صحتها وتسولفلي..
طيبة ابدا ماعبالك من البيت..عبالك ضيفة
مرموقة ومالها شغل..
لابسة بنطرون جينز اسود وقميص
ايديه شفافة اسود..
شعرها لحد اذنها بي اثار صبغ اصغر..
مسويته ذيل حصان..ووجهها ممكيج خفيف..
وبتها بحضنها ابد مانزلت..
اول ماشافتني سلمت عليه بوستني عناد
بعمتي..
بس بعدين ماتقرتبت ابد..
لان هي الكل عدها مشاكل وياه..
حتى خالاتهم يكرهنها ورغد كلساع
وذبتلها عليها حجاية يمهم وهن يرزلنها..
لان الناس كلش هواي وقليل اليدخلن
للمطبخ..
وهي شايله ايدها..
اما غدير جانت حامل وبطنها جبيرة
وسمنانة كللش..
ساعدتنا بس مو هواي لان حتى مشيتها
بالكوة تجر روحها جر..
وامها تصيح كلساع..غدوره يوم عوفي
هن يشتغلن..
غدورة ابنج متعبج كعدي ارتاحي..
وعاطت بيها منار كلتلها خل تكوم شنسوي
ننقسم اربع اقسام حتى نلحك..
عاد شوية طلعت ورا ساعة او اقل اجت
مرة ساعدتنا..
تشتغل ببيت صاحبتها وخابرتها..
كلتلها دزيها الي..
اجت هم شالت عنا حمل..
لحد العصر كلش يلا خلصت التصديقه
والناس اغلبها راحت..
انة جياد خابرني كال اني ارجعكم بس
من تخلصين انطيني خبر..
سلمت عليهم واخذت الجهال جانو نايمين..
بس غدير كالت اوكفي ماودعتهم..
كامت بوستهم وتباوعلهم وتبجي..
كلش انهارت وبقت تصرخ وامها تلزم بيها
وتشبكها..
لحد مافحطت كلش وكعدوها..
بوستهم وكالت انتظري شوية..
جابت علاكة كالت ذني الهم..اخذتها
وشكرتها وطلعنا..
صح ماودي اخذ منهم شي..بس هم اهلهم
وماكدر ارفض حرام عليه..
طلعنا برا جانت الديوانية الخارجية
بعدها متروسة زلم..
بس واكفين بالحديقة بشار وايهم وجياد
واكف ينتظرنا..
سلمت عليهم وجياد تقرب مني راد ياخذ
عبدالله..
انة بسرعة نزلته قبل لا يقترب واخذه..
بشار راد ياخذ ادم من عمة كلتله هاي السيارة
مو بعيدة..
ابتسم كال صايرين بطولج ههه..
اي هو مثل المرحوم طوال..يلا من رخصتكم..
طلعنا للسيارة..كلت لامي كعدي كدام
وانة وعمة كعدنا ورا..
امي بقت تسولف وياه عن البيوت جابتها
ع نخلة بيت اياد..
وهو يحجيلها ارض المنطقة حلوة
وهو زرع وحدة وعنده هواي اشجار
بالبيت وخلصو الطريق يحجون بالزرع..
انة جنت مصدعة كلش لان هواي بجيت
احس عيوني تسمطني..
وصلنا ونزل سلم على ابوي وراح بسرعة..
الجهال بس نزلنا كعدو ووكت غروب..
سويتلهم اكل ووكلتهم ودخلت سبحت..
صليت واخذت بندول وكلت لاهلي رايحة
للغرفة احس تعبانة كلش..
الجهال اجو وياي خليتهم يمي يلعبون
وحاجتني مهجة بقت تواسيني وتغير الجو...
ل٨ الجهال تمددو يمي والجو بارد يدوخ..
طفيت الضوا وكتلهم نعسانة راح انام مو تكومون..
عاد هم شبكوني منا ومنا وتغغطو..
نمت وانة حاضنتهم..واشوف اياد كاعد بالكرسي
الهزاز  بغرفتنا
ببيت اهله..
جان يلعب بشعره ويبتسم..
جمانة اليوم ماتعبت..
شلون يعني؟
اجيت لبيتنا وشفتكم كلكم متجمعين..
بقيت انتظرج تروحين انت والحهال يلا رحت..
يعني جنت موجود؟
ايي ولحد ماتطمنت على جهالنا اخذيتهم
وشفتهم عد جياد يلا ارتاحيت..
اشرلي ع الكرسي..هذا ماتردي ليش عفتي..
لا ماعفته اريد اخذه ..بس استحي..
رجعي عليه واخذي ادري بيج تحبي..
اياد اشتاقيتلك..تقربتله هو كام..
ردت الزمه ماشفت شي..
فتحت عيوني وانة ماده ايدي بالهوا وادور..
صليت على محمد وال محمد وقريتله الفاتحة..
كل ماشوفه بالحلم ارتاح كلش..
الجهال مدحوسين بيه غطيتهم عدل ونمت..
ورا يوم رحنا للمقبرة وزرته..صح حزني
اقل من قبل ومتقبله موته..
بس الحنين ياذي والشوق للمستحيل
مؤلم..
سولفت ويا هواي والجهال كتلهم حاجو
وهو يسمعكم..
كتلهم كلوله نحبك وماننساك..وراح نزورك
هواي ومانعوفك..
شنو احجي يحجون وراي ويبتسمون..
زرنا وخلصنا ورجعنا..
وانة احس ورا هالحلم وورا مازرته وتبارينا الذمم
اكدر اتصرف ..
ولازم اوفي بوعدي لجياد..
بس هالفترة ابوي كلش تعبان..لازم يتحسن
شوية ونتزوج..
راسلته وكتله وهو كال خلال هالشهر انشالله
يتحسن واحنا نكمل امورنا..
مشت الايام وان

ة كتله اريد غرفة للجهال
وحدهم واريد اجهزها ..
كال انة اجي عليج ونطلع سوا ونجهزها..
حاولت اتسحب منه لان ماريده يدفع عيب..
بس اصر يجي وكال حاسب حسابهم اني
قبل لا تحجين..
رحت ويا وامي ويانا..اشترينا
للجهال غرفة وتجهيزات..
وهو يكلهم اختارو شتحبون ..ادم يفهم بس
عبدالله احنا نختارله..
كملنا كلشي ورحعنا..هو كال باجر اذا ماعندج
شي حتى نعقد..
كتله اوكي بس انطي خبر لاهلي..
لا اني هسه برجعتنا احاجي والدج لازم يسمعها
مني عيب..
اها براحتك..
رجعنا وحاجه ابوي واتفق ويا..
يوم ثاني امي من الصبح كعدتلي..
كومي كومي حجزتلح يم الحلاقة..
واخذتني وخلينا الحهال يم عمة..
عدلت حواجبي وحف وتنظيف ..
وامي اشترتلي قبل فترة فستان ابيض مرتب..
العصر اجو جياد ووياه اخته واخوانه ثنينهم
وصديقه المقرب ..
وجان جايبلي وياه حلقة وعقد كامل..
ورا ماعقدنا وراح الشيخ ..طلعت يمهم بالدوانية..
هو انطاني العلبة وباركلي..
وتعرفت على اخته واخوانه..
كالو امهم ماتكدر تسافر يوميه..
تجي بالزواج ..
طول هالوقت كله ماباوعت بوجهه ولا اجت
عيني بعينه..
متحرجة ومتخوفة بصورة عظيمة..
بقو يمنا شوية وراحو..
واتفقنا نكمل معاملة الجناسي نغيرها ونعقد
محكمة ونتمم الزواج..
اتخذت الاجراءات والتحضيرات هم
من ناحيتي وناحيته شهر ..
كملت الامور وعقدنا محكمة..واجه اليوم
الي انتقل بي لحياة جديدة..
ودعت اهلي بدموع وقهر على ابوي ووضعه..
وبين دعوات امي وعمة وتشجعيع اخواني..
انت عاقلة وانت ماينخاف عليج..
اخذنا جياد وطلعنا..
وصلنا للمنطقة وكلبي رف..باوعت لباب
اهل اياد مسدود وهدوء الشارع..
بس يم بيت جياد سيارات هواي..
وصلنا لبيته ودخل السيارة جوا..
الجهال مستغربين يباوعون بقو مجلبين بيه..
هو شال عبدالله وبوسه ..تعال اشوفك
شنو عندي جوا..
اخذه ومشه وطلعت اخته وراها بنية ثانية..
عرفني عليها كال مرت احمد اخوي..
سلمت عليهم ودخلت من باب المطبخ..
جان المطبخ متروس بنات واغلبهن شابات
صغار..
سلمو عليه وعرفوني عليهم بنات اخوانه واخته.
لهجتهم بغدادية قرص مو مثل كلام جياد
عنده كلمات بصراوية لان عاش هنا..
هو باوعلي كلهم..كافي عيني البغداديات
دوختوها لبنت البصرة..
وابتسملي وحجه..الحجية جوا كاعدة..
اي عيني روحي سلمي عليها للحجية ايي..
حجت بت اخو وضحكت..
وهو اخذني ودخلنا..
كاعدين اخوانه واولادهم ورحل اخته وابنها..
ماشاء الله كل اخو عنده فوك الثمانية او تسعة
بين بنات وولد..
واخته عدها خمسة..
امة كاعدة على كرسي ..بس كلش جبيرة
ولابسة شيلة بيضة وسبحتها بيدها..
تقرب منها وانة وراه..ها يوم اجت جنتج
شوفيها..
ابتسمتلي وكالت..اهلا عيني اهلا دادا فدوة..
بوستها وبست راسها وادم واكف يم جياد..
من وخرت من يمها كتله بوس ايد البيببي..
تقرب منها باس ايدها وهي تكله فدوة لكلبك
ماما ..
بس عبدالله خفت اكله بوسها ويعضها..
لان كل ماجاي يكبر يكثر عضاته..
كعدت بالهول والبنات اجن يمي كالو تعالي
يمنا..
جياد كال خلي ادم يمنا كاعد..
خليته واخذت عبدالله وكمت..
رحت يمهم وهم اخذوني بسوالفهم واسلوبهم
شكد محبوب ودمهم حلو...
تالي باوعتلي بت اخته اسمها رفل وابتسمت..
جومانة ترى ماقشبناج بس بقت الحجاية
تحوص لازم نكلج..
ههه شنو ..حجيتها باستغراب..
اكول خالو متزوج مرة لو مدالية ..
هههه لا مو لهالدرجة..
ياا عزا تجننين ناعمة كيوت احسج
لعابة..
انة تذكرت طيبة من تكلي لعابة نايلون وضحكت..
كتلها انت صريحة كالت مو شكلج حلو
مميز ناعمة وعندج جهال طوال..
بقيت يمهم لحد ماصار الغدا وتغدينا
وصبو الجاي ..
اجت عمتي تفر بوزها وتكلب بعيونها..
العرفته العشيرة كلها تعرف طبع
عمتي شنو..
ومحد يرتاحلها..
بقت شوية شافت الجهال وسولفت بس ما
تقربت ناحيتي ابد..
وراها راحت وهم قبل المغرب طلعو..
كالو عدنا دوام وامتحانات لازم نروح
ماباتو..
بقت بس ام جياد..
ورا ماطلعو وطبعا نظفو البيت سوو يلمع..
ام جياد اخذها تمددت بالغرفة..
ورجع احنا والجهال بالهول كاعدين..
باوعلي انة بسرعه درت نظراتي..
احمم..اخذي الاطفال لغرفتهم ..وانت
دخلي لغرفتنا بدلي وارتاحي..
للحكاية بقية

فراشات تخشى الاحتراق
الجزء الخامس والثلاثون

اخذت الجهال لغرفتهم ..تخبل مرتبة وبيها
شاشة معلكة والجدران مغلفة بورق بس كارتون..
لا اراديا باوعتله وكتله ..
يجنن ذوقك..
بابتسامة حجه..المهم عجبتكم..
باوعي ذني كاميرات خليتهن حتى نراقبهم
من الغرفة مالتنا..
اي الحمدلله وفرت عليه هذا القلق..
لا هم كبر مينخاف عليهم..
شوفي واضح عجبتهم...
اي امبين ماتشوف عبودي شلون
هجم..
حجيتها واخذت ادم كتله ماما هاي جربايتك
وعبودي انت هنا تنام..
جاوبني بلسان مكسر..لا يمج نام..
جياد تقربله شاله وميت ضحك..
شلون تنام يم الماما مو صارت عندك غرفة
الك انت وادم..
لاا اريد ماما..
لا عيب صرت كبير وتنام انت وادم..
واذا تريدون اجي يمكم اني..
باوعله عبودي جنه ماعاجبه ..
نزل من عنده واجالي..
جياد كال اروح اجيب الجنط..
وانة نزعتهم ملابس الطلعة حتى يبدلون
وكعدت احاجيهم ..
دخل جياد جنطتهم وراح..
طلعتلهم ملابس ورتبت الباقي بالكنتور..
فتحتلهم التلفزيون وامبين جياد مرتبلهم
القنوات لان كلهم بالبداية موحودات..
لحد ماكملت ملابسهم وكتلهم ابقو هنا عيب نطلع..
عبدالله لزك بيه بس ادم كعد..
طلعت محد بالهول هدوء..مشيت ادور
ع الحمام ..لكيته ودخلت..
ممر طويل بي غسالة بالبداية وع جهة اليسار الحمام
موجود..
شفته مفتوح ودخلت..
نظيف حيل وريحته طيبة وواسع كلش..
بانيو مثلث ع جهة صاير وبصفة
ساونا ..
اكول ليش جياد دومه يلمع طلع حمامه يشجع..
غسلت لعبودي وتوضيت وطلعت..
اريد اصلي ومحتارة شلون اروح للغرفة..
بقيت بمكاني واكفة وعبدالله يريد ينزل..
نزلته وعافني وراح للقنفة صعد واخذ
الريموت..
بي طبع يقلد كلشي..كبل تمدد ولزم الريموت..
جاي احاجي واضحك وسمعت صوت جياد ..
ها ام ادم مرتاحين؟
وكفت وحاجيته بهدوء..
انشالله مرتاحين..وشكراً هواي الك..
ابتسم وكال ..ماشفتي غرفتج؟
ها اي ..
هسه ..جنت اتوضى اريد اصلي..
اي انطيني عبودي وروحي للغرفة..
اشرلي بيده ع الباب واخذ عبودي مني..
رايحة اصلي بس دربالك منه ترى وكيح..
روحي واطمئنني احنا رايحين يم ادم..
اخذه وراح دخل للغرفة تطمنت مايجي
وراي..
فتحت الباب ع كيف ودخلت..
اللهم صل على محمد وال محمد.. حلوة بشكل..
غرفة ابيض واسود فخمة والسرير
دائري وواسع..
فرشة بيضة ناعمة مفروشة..
شاشات ثنين وحدة صغيرة للكاميرا
ووحدة كبيرة..
مزهرية صغيرة ع الجرارات ..بيها
لمسة رقي فظيعة..
باوعت للجنط هو مدخلهم للغرفة..
فتحت وحدة وطلعت احرامي وسجادتي..
الارضية مفروشة كلها جانت ..
فرشت السجادة وصليت فروضي..
صليت لاياد وهديتله جزء..
ومن خلصت بقيت ادعي واحاجي يبريلي
الذمة..
كملت صلاتي وكمت طلعتلي دشداشة
رصاصي..
انة صح ذبيت الاسود بس الواني كلها
باهتة..
لبستها ولبست حجاب وطلعت..
اول مارحت لغرفة الجهال وصوت
التلفزيون عالي..
دكيت الباب وفتحته..
جان كاعد يمهم بالكاع ويباوعون كارتون ..
باوعلي جياد بنظرات مبهمة..
من شفت عينه
اجت ع حجابي عرفت السبب..
كام واجه يمي..
ليش بقيتي بالحجاب ؟
ها مادري بس متعودة..
لا انزعي والبسي اي شي تحبين بالبيت..
محد ويانا ترى والحجية اسبوع وتروح..
لااا ليش؟؟
حياتها هناك بعد تعودت..كالت تجي باستمرار
ماتكطع..
لا انة احاجيها واقنعها ..اصلا وجودها بركة
بيناتنا..
ههه يابه حاجيها بلكي تقنع منج..
ومثل ماكتلج لبسي اليعجبج ..شعرج خلي
يتنفس لا تضمي طول الوكت..
اي انشالله..يعني محد يجي هسه؟
تطمني محد..
بقى هو يم الجهال وانة طلعت ورحت
لغرفة الحجية..
دكيت الباب وسمعتها كالت تفضل..
فتحت الباب ووكفت ..
هلا ماما فوتي ليش مستحية..
لا عبالي نايمة ..خو ماازعجتج..
لا يوم لا شنو هالكلام..تعالي فوتي اشو
لابسة حجاب منو اجه..
ها محد بس تحضرت كلت اخاف احد يجي..
اي صحيح اكيد الكرايب او بيت ام ايثار
يجون ورا العشا..
انت خلي على متنج ومن يجون البسي..
اي هو هيجي راح اسوي..
بس جياد كال ماتطولين بس اسبوع ليش..
مو هناك تعودت على بنات محمد يفترن حواليه..
ميخالف هنا انة موجودة وماكو فرق بينا انشالله..
اجي اجي بس انتو بعدكم هسه تزوجتو..
خلصي من العمة لاحكة عليه..
لا بالعكس مقامج بمقام امي واصلا شوفتج
كلش مريحة للكلب..
فدوة لعينج الله يحفظج..الحمدلله ربي
عوضك ياجياد بهيج مرة..
دربالج عليه ولو امبينة ماتتوصين..
السمعناه عنج بس الزين وفخر بيت ام ايثار
كنتي..
بس اكلج حجاية يماما..ترى جياد يحترم
المرة ويحطها على راسه..
هسه راح تعاشري وتشوفي ..ينطيج حقج
وزيادة ومايحرمج من شي..
بس المهم تحترمي وماتقللين منه ..لان هواي
يتحمل ويعدي..
بس اذا تعصب او غضب منج راح تكرهي..
اي اني امه واكلج تكرهي لان يصير واحد
ثاني..يكرهج بي ويخليج انت تهجين..
بس اسم الله عليكم جنكم ورد وانشالله
تديمون سوا..
الله يحفظج حجية ويخليج..شنو تحبين
تاكلين راح اسوي عشا..
لا يوم مااتعشى مالي حيل عشا..
بس اريد كلاص لبن..اشربه قبل
لا انام..
تدللين هسه اسويلج..تجين يمنا برا؟
لا تعبانة واريد انام باجر انشالله نكعد ونسولف..
كمت للمطبخ دور

ت بالثلاجة لكيت روب
طلعته ودورت على كلاص جوا ماكو..
طلع بالكاونتر المعلك فوك السنك..مديت ايدي ما
كدرت اجيبه شلون بلة هذا ماالوحه..
جبتلي كرسي وصعدت جبته ونزلت..
وي نزلتي دخلو جياد والحهال..
هاا امبين اللبن للحجية؟
اي خطية قبل لا تنام اريد اودي الها..احجي
ويا واسوي باللبن..
عبودي جلب بملابسي عمية عمية..
شالة جياد وكال لادم..تعال ادم
نروح نشتري..
ادم بي طبع كلشي احد يساله يباوعلي..
روحي ماما وي عمو بس صيرو عقال..
اي ماما..
لتسوين عشا نجيب ويانا ..تحتاجين
شي؟؟
ها لا اذا اكو مسواك مااحتاج شي..
كلشي تسوكت اليوم واذا لكيتي
نقص انطيني خبر..
انشالله..
كملت اللبن واخذته للحجية شربته وخليت يمها
بطل ماي وتلفونها
خاف تحتاج شي تخابرنا..
طفيتلها الضوا وطلعت..
باوعت لروحي بمراية الممر..ترددت
انزع الحجاب بقيت بي..
رجعت للغرفة تلفوني حطيته ع الشحن
لان هواي راسلوني وخابروني وخلص..
وكعدت ارتب الملابس والاغراض بالكنتور..
امي جهزتلي هي وعمة لان ملابسي
القديمة كلها انطيتها..
حتى اكو اشياد جدد مالابستهم بس انطيتهم
وكتلهم اقرو الفاتحة للمرحوم..
بلشت بالجنطة الثانية مالت كتبي واغراضي
وسمعت صوتهم اجو..
كمت للمطبخ لكيت جياد مكعدهم ع الكراسي
وبدخلتي صاح عليه..
من شافني ضحك..هسه جاي اصيح..
لا سمعت صوتكم من اجيتو..
تعالي تعشي الجهال خطية جاعو..
هم ملتهين بحلوياتهم المشتريها الهم ..
اخذتها كتلهم باحر ناكلها هسه نتعشى
سكتو ماعترضو..
كعدنا ناكل كتله شوف الحجية ماتريد..
كال ابدا ماتاكل هالاشياء مو زين عليها
وهسه نامت اكيد ..
بس اروح اشوفها واجي..
راح شوية ورجع كال نايمة..
وكملنا عشانا واخذت الجهال لغرفتهم..
هو كعد بالهول يدخن..
سديت الاضوية ونيمتهم باماكنهم..
ادم تقبل عادي وماحجه..بس عبدالله
الا انام يمه..
حشرت روحي بجربايته وتمددت..
غفى بسرعة وادم باوعتله نايم..
كمت ع كيفي وطلعت..
شفت جياد كاعد بالهول وكدامه كوب الكهوة
والجكارة بيده وصافن..
من شافني طفاهازبالطفاية وكام..
ها نامو؟
اي خطية تعبانين والمكان جديد عليهم..
اي صح..انت هم تعبانة امشي ارتاحي..
اي هسه بس اشيل الصينية..
هو دنك قبلي شالها..لا اني اشيلها روحي..
اجيت اريد اخذها هو مشى قبلي..
متعود اخدم نفسي مااتعب ههه..
ابتسمتله ورحت للغرفة..


Photos Of Asian Actresses That Made The Whole World Fall In Love

15 Confusing Photos That Will Make You Look Twice
سديت الباب وباوعت للغرفة بقلق..
انشالله مااشوف بيج بس الراحة مليت
من التعب..
اخذتي دشداشة نص ردان ورحت للحمام البيها..
بعد احلى من البرا ..كل يوم اكتشف
ذوق جياد احلى..
اخذتلي حمام سريع ودافي..
جوا الماي وافكر بجياد واليوم لازم انطي
حق وماامنعه حرام علي..
بس شلون راح اتقبله!شلون راح استوعب
يتقربلي رجال غير المرحوم..
احس روحي مسوية شي عيب..
استغفر الله اصلا حرام هسه افكر بغيره..
زوجي الشرعي ولازم ماامنعه..
نشفت شعري
ولبست الدشداشة وطلعت..
شفته كاعد ع الجرباية وفاتح التلفزيون
بس امبين عينه ع الباب..
لان بس فتحته صارت عيني بعينه..
لابس تراك رصاصي كامل
والتشيرت مالت نص ردن..
درت نظري عنه وبلعت ريك..احس
خجلت بهذا منظري..
صح شعري ملفوف بالخاولي ودشداشتي
طويلة
بس ضيكة ونص ردن..
صعبة جنت اطلع كدامة بكامل ستري وهسه
هيج البس..
تقربت للميز اخذت المشط..بس
احس نظراته عليه..
كعدت ع الطابورية صفح ماانطيته ظهر
استحيت..
فليت المنشفة من شعري وخليتها ع ظهري..
سمعته بقى يصفر بلحن..
باوعت تجاهه باستغراب وخجل..
(وفرع يزين المتن اسود فاحم)
(اثيث كقنو النخلة المتعثكل)..حجى الابيات
وهو مثبت نظراته..
دنكت وضحكت بخجل..حلوة الابيات المن؟
امرؤ القيس..اني احب كل شعر
يخص الشعر..
وانت شعرج شي خيالي..
امم شكراً..حجيتها وانة امشط بي واحتريت
من الخجل..
لفيته سويته كصيبة وكمت اخذت المنشف شريته..
بقيت احوص ..اخر شي اجيت
للجرباية..
باوعلي بنظرات ماعرف افسرها..
تعبان تنامين؟
لا مو كلش نعسانة..
يعني نحجي؟؟
اي عادي..
شكلج قلق شبيج؟
بالي يم الجهال ..عبودي متعود بحضني..
كيفج اذا تردين جيبي يمنا..
لا هاي الشاشة اباوعلهم واتطمن..بس بعد
يرادلي فترة اتعود..
اي اكيد..
ليش قلقة ومتوترة من ناحيتي؟
ماعرف شي جديد..وانت مو غريب يعني
يرادلي وقت اتعود انت زوجي
واكدر الغي الحاجز الجان قبل بحكم
جنت من اقارب المرحوم..
ههه هو صح الشرح مالتج مبهم بس فهمتج..
ماراح اضغط عليج براحتج..
اعرف بعدج حاسبتني غريب..الج
كل الوقت حتى تتعودين..
بس انت زوجي والك حقوقك..ماكدر اغضب
ربي بهالشي ..
كعد عدل وورث جكارته..دنك ورجع باوعلي..
جمانة اني مو ملاك حتى اكدر اشوف
زوجتي بحسنها وطلتها الطفولية واغض
بصري واكذب واكول مااحتاجها..
بس نفس الوقت مو حيوان وتقودني غريزتي..
يعني انتظاري ماراح ينقص مني
شي..
من تكليلي اخذ حقوقك..اعرف هذا
الشي تسوي واجب..
مثل مااني ادافع عن متهم واطلعه يمكن
من الاعدام للبراءة..
بس مجرد واجب

مادري بتفاصيله او احساسه..
بينما بقضيتج اخذتها باحساس وعشت
تفاصيلها..رغم كانت واجبي..بس واجب
عن واجب يفرق..
ماراح اتقربلج او اخذ حقي الزوجي بطريقة
الجسد للجسد..
انتظر واخذه من روح لروح ..ومشاعر لمشاعر..
تجربتج الاولى مانصفت انوثتج..
مستحيل اكملها وادفن احاسيسج طي
الخجل والواجب...
رفعت نظراتي التقت بنظراته وابتسمت
برضا..
انت هواي جاي تنصفني..
طفى الجكارة وحجى وهو مدنك..وغايتي الكبرى
انصاف انوثتج..
احمريت من الخجل ولزمتني رجفة..
هو انتبهلي وجر الغطا عدل..تفيدج الفرشة
لو اجيبلج بطانية؟
لا كافي اصلا دافية..
نامي وارتاحي اليوم تعبتي..
تمددت وانة مشنجة جسمي بتوتر..صرت
بطرف الجرباية كلش..
هو تغطى ويباوع للتلفزيون..
انة بقيت مغمضة ومصدعة وتعبانة..
بقيت اقرا لحد ماغفيت..
شفت اياد بس مو ببيتهم..المكان جنه شارع..
تقربلي وانة واكفة وشايلة جهالي ووياهم
ثنين هم ولد وبالحلم هم جهالي..
حاجيته بخجل..اياد زعلان؟؟
هو تقرب اكثر وابتسم..لا فرحان كلش..
اخذ الجهال هاك عبودي شوفه..هذا محمد ابني
شوفه مو يشبه جياد..
يخبل يشبهج بس ماريدهم..اريد اروح
ماكدر اخذ احد وياي..
اوكف ماشفتك..
صحتله اياد مرتين ماجاوب وفزيت..باوعت
ساعة ثنتين..انتبهت لروحي فزيت..
وين نايمة عبالك جنت ناسية وتذكرت..
اباوع لجياد مخلي مخدة بيناتنا..كلت بداخلي
احسن خاف ينكلب عليه وهو نايم..
كمت باوعت للكاميرا
الجهال نايمين ..دخلت للحمام توضيت
وصليت الليل وصليت لاياد..
بقيت بمكاني انتظر الاذان وغفيت..
فززني جياد يكعد بيه ومبستم..ليش
نايمة هنا كومي ..
ها اذن لو بعده..
اي اذن وشفت عبودي كعد جبته يمنا..
كعدت لحيلي وباوعت لكيته بالجرباية نايم..
يا شوكت كعد ..
قبل شوية فزيت شفتج نايمة اجيت اكعدج
وشفته يتحرك..
رحت للغرفة لكيته كاعد وجبته..
بس حطيته ع السرير نام..
اي افقتد حضني حبيبي..
اذن ترى الفجر..
اي كايمة اتوضى..
رحت توضيت ورا ماتوضى هو وكملت
صلاتي..
رحت لغرفة الجهال ادم نايم..
رجعت للغرفة شفت جياد بيده التلفون وكاعد ع النص..
شافني وكال...
تعاي نامي اكو مجال ترى..
اي هسه ولو عبودي نومه مزعج يدفر..
لا ينحصر بينا مايتحرك هواي..
اجيت تمددت ومابيه نومة كلش..هو سد
التلفون وباوعلي..
شلونها نومتج؟
اممم يعني احسن من ماتوقعت..
جيد..ولو انت واضح متحبين النوم..
لا نومي قليل ..
اي اني هم نومي كلش قليل..
ع كولة عرفان صديقي انت الكهوة
راح تخليك مثل
السمكة نايم ومفتوحة عيونك..
ههههه صح الكهوة كلش تجيب السهر..
اي صح..بالمناسبة عرفان صديقي واخي
الروحي..
احجيلي عنج عن صديقاتج المقربات..
اممم اقرب شي الي ثنين هو مهجة ورجاء..
اي وشنو يعرفون عنج؟
للحكاية بقية

فراشات تخشى الاحتراق
الجزء السادس والثلاثون

يعني صديقاتي هواي..بس هالاثنين كلش
قريبات لكلبي..
من الجامعة لو وين تعرفتو.؟
مهجة اي من الجامعة..ورجاء جانت تشتغل
بالمدرسة وتعرفت عليها..
بس هسه تزوجت وبطلت..
تحجيلهم كلشي؟؟
تقريباً..امم تكدر تكول يفهىوني قبل لا احجي..
حلو الله يديمكم لبعض..اني عرفان صديقي
الكلوز..
اول مااجيت للبصرة تعرفت عليه..
وصارلي اخو والنعم منه..
ها يعني تعرفتو بالشغل؟
اي تعرفت عليه خلال الشغل وهو ساعدني
افتح مكتب ..
وتطورت علاقتنا ..بحيث اغلب وقتي
صرت اخلصه يمه..
اي حقك لان وحدك اكيد تمل..
اي بس شغل وهوايات واحد يكدر يلتهي..
بس بناية اليوم نحس بكآبتنا..من تهدىء النفوس..
والطير يلجأ لعشه..
نتكدر احنا عشنا فارغ..
والحمدلله هسه امتلأ..حجاها وابتسم..
الحمدلله..
شكلج نعستي؟
اي شوية..
نامي اني هم نعست..
تمددت عدل وغمضت عيوني..نفسيتي
هادئة بسرعة غفيت..
فززتني عضة عبدالله بصدري ..
طفرت وعطت من الوجع..وهو يباوعلي
وضايج عزا هذا شبي..
اباوع لجياد فز ويانا ويباوعلنا باستغراب..
باوعت للساعة بالسبعة ونص..
صباح الخير شبيكم؟
صباح الخير..حجيتها وافرك بصدري من فوك..
لا ماكو شي بس عبودي كعد..ماردت اكله
عضني استحي..
شبي صدرج؟
ها هذا عضني..حجيتها وكمت شلته ..وهو مبرطم
وشكله زعلان..
شلته للحمام واحاجي..ليش تعض ماما مو عيب
مو انة احبك..
فهمت كلامه ع اساس جوعان ومكعدني اوكله..
والظاهر من جوعته اخذله عضة..
غسلتله وغسلت وفرشت وطلعنا..جياد
بعده متمدد بفراشه..
ماتداوم مو؟
لا هالاسبوع مااروح..شنو كعدتي شعجب
ماترجعين تنامين؟
لا لا بعد ماتسوى صارت بثمانية..تتريك مو؟
اي هسه اغسل واجي..
اخذتلي دشداشة ورحت للحمام بدلت وعبوي
ماقبل الا يدخل يمي..
خلصت وطلعت وجياد بقى متمدد..
حضرت الريوك وهو جاب امه يمنا تريكت..
وراها نظفت البيت وشغلت الصوبات
لان اليوم الجو برد يثلج..
خليت الجهال يم جياد كاعدين بالهول
والحجية يمهم..
ومتونسين على سوالفهم خصوصا عبدالله عمره
صغير ولسانه طويل وفصيح..
وهم التهو بي..
اخذت مواد التنظيف وصعدت فوك..
الطابق الفوك بي خمس غرف وحدة مقابلة
الثانية مثل الدائرة صاير..
فتحت اول ثلاثة مقفولات..رحت لاخر وحدة
لكيتها مخزن بس شكله نظيف..
رجعت للقريبة من الدرج فتحتها..
تفاجئت غرفة كاملة وجنها واحد عايش
بيها ..
توقعتها غرفته قبل لان الجوا جديدة بكلشي
امبينة..
استحيت ادخل اخاف يكول تلعب باغراضي..
اريد ارجع وسمعته حجى من وراي..
ها شعجب صعدتي؟
التفتت عليه وحجيت..صعدت انظف
بس كلت استاذن منك حتى انظف هالغرفة..
لا نظيفة البنات امس نظفو كلشي..
امشي نزلي ارتاحي..
سد الباب مالتها ومشى كدامي..صح
مابينلي بس حسيت..هو مارادني ادخلها..
نزلت جوا وكعدت يم الحجية تسولف ..
الجهال يلعبون يمنا وجياد طلع يخابر..
اندك الجرس..
امه كالت اكيد اجت انعام لان خابرت قبل
شوية..
صدك شوية ودخلت تباوع من ورا خشمها..
لابسة عباية خليجية مفتوحة والشال
ذابته هيجي..
سلمت على ام جياد بس امبينة علاقتهم مو علو وفاق..
كعدت وصاحت للجهال ..ادم راحلها باسها
حطته بحضنها وكعدت تسولف..
وصاحت على عبودي ماراح ..اجه وراي
للمطبخ..
باوعت لجياد من الشباك كاعد ع الكرسي ويخابر
وكدامه دفتر يكتب بي..
اخذت الصينية ودخلت وشايلة عبودي..
باوعتله ام اياد وحجت تبسمر..
هذا معلك بيج جنه قرد..شلون حتشوفين
طلبات جياد من وراه..
هه..جياد يراعي تعلقه لان طفل..واكيد
مااقصر وياه..
حاجتها ام جياد عن عمي والولد كلتلها شعجب
مااجو ..كالت العصر يريد يتجمعون ويجون..
وبقت شوية وراحت ..
انة دخلت احضر الغدا بس ماشفت جياد برا
الظاهر داخل بس مااجه يم نعيمة..
سلكت الدجاج وجاي احضر وعبودي
يروح ويرجع للمطبخ..
شوي ودخل جياد اخذه ..كال ورا الغدا يجي
عرفان ومرته كتله هلا بيهم..
كملت الغدا وتغدينا والحجية راحت لغرفتها
الجهال اخذتهم انيمهم ..شوية ونامو..
سديت الضوا وطلعت جياد مو بالهول..بس
اثر جكاير تدخن بالطفاية
امبين توه كايم..
فتحت باب للغرفة ماموجود..
بس من دخلت سمعت صوت الماي..
رتبت الغرفة وطلعتلي ملابس لبعد شوي..
فتحت شعري حتى بس يطلع ادخل اسبح..
واخذت تلفوني دزيت لمهجة مسج ماجاوبت..
شوية وطلع هو من الحمام..
لابس تراك ولاف الخاولي على ركبته..
ها نامو الجهال؟
اي متعودين ينامون الظهر..
احسن شي الهم..حجاها وتقدم يمشط..
انة اخذت ملابسي وكمت للحمام ..
لكيته دافي كلش وريحته صابون منعشة..
سبحت وطلعت ..هو نايم ع الجرباية
وايديه ورا راسه..
نعيما..
الله ينعم عليك..انة ماكتلك هه..حجيتها بخجل..
معذورة ههه..حجاها وكام يم الميز
وانتجى..
اريد اشوف شعرج عن قرب شلون تمشطي..
هو حجه هيج وانة صخنت..مرتين المشط
اريد اشيله ويطيح..
دنك هو شاله وي ماشلته ..تلامس ايدينا..
قشعرت وبدت..
رفع نظراته الهادئة وخله المشط بايدي
بلا مايحجي شي..
بديت امشط ونظراتي تايهة..هو يباوع
بترقب ..شوية وتقرب اكثر..
لزم ذراعي..لحظة لحظة!
هذا شنو بصدرج؟

بقبت ابلع ريك وهجيت ببلاهة..ها!
صدرج من فوك ازرك ؟هاي عضة عبدالله؟؟
حركتله نظراتي يعني اي..
وانة جامدة من قربه يمي..
اكدر اشوفها؟
هزيت راسي وعضيت شفتي..لا لا..
رجع ابتعد وتوتر..كعد ع طرف الجرباية
وركز بنظراته عليه..
جمانة ليش تستحين مني هلكد؟
...يعني..امس تزوجنا ..طبيعي اخجل منك..
اهاا..بس ليش ماجنتي تخجلين من اياد؟؟
باوعتله باستغراب !شمدري قابل عايش
بالغرفة..
سالته بثقة..منو كال مااخجل منه؟
انت كلتي وتصرفاتج تكول هالشي..
ملاحظج كلش ماتخجلين منه..
حكم العشرة هو اليشيل الحواجز..وهو جان
عفوي وعلى سجيته..
هيج انسان الخجل وياه بسرعة يقل..
صفن عليه وانة احجي..من خلصت كلامي
هز راسه وباوع بترقب..
فد سؤال واتمنى الصراحة بي..
تفضل..اكيد ماراح اتمنع عن كلشي تريد تعرفه..
نيشانج بعده عندج؟؟
عفواً؟شنو مناسبة السؤال؟
مجرد استفسار مو كلنا نحجي بصراحة..
هذا شي يخص حياتي السابقة ..اترك النقاش بي..
حجيتها بعصبية مكتومة..
هو كام وتنهد بعمق..تحضري الجماعة على وصول..
اخذت تلفونه وطلع من الغرفة..بس انزعجت
من سواله..يعني شيخصه اصلا ..
باوعت للجهال بالشاشة نايمين..
بدلت ملابسي وطلعت ..كاعد بالهول وامه
يمه ..
كعدت يمهم وشوية وكعدو الجهال اجو يمنا..
بعدين اجو صديقة ومرته..تعرفت عليهم
كلش اريحيين واسلوبهم راقي..
بقو شوية وراحو..خابر عمي عليه كله احنا جاييلكم..
رحت جهزت ضيافة الهم وهو شال
عبدالله وادم بيده وراحو للباب..
باوعت من الشباك ..ايثار ورغد وبتهم..
بشار ومرته وايهم وغدير
وعمي وعمتي..
رجعت البردة وطفيت الكهوة..
صبيت وحضرت ..دخل جياد وشكله
شوي خاطره ثكيل بس كلامه واسلوبه عادي..
اخذنا الصواني ودخلنا سوا..اجت نظراتي
بوجه بشار جانت ابتسامته فاترة..
سلمو عليه كلهم الولد باحترام ويكلولي
مفتقديج ..
رغد تبوس بي وتحجي حيل..مشتااقتلج
يوردة البيت..
طيبة اجت بوستني بالهوا وغدير هم بوستين
وكعدن ..
بتها نزلت وي الجهال تريد تلعب هي جرتها
بسرعة..
اخذها بشار من ايدها..
خل تلعب وي الجهال عقديتها يمعودة..
هي نزلت تزحف وكعدت يمهم بس انة كلبي
فز من شفت عبدالله حط وجهه
بوجها..
نزلت يمها وشلتها..حلوة دبدوبة عيونها طامسة
بس تشبه امها هواي..
عبدالله غار والا اشيله..شلتهم سوا..
عمي كال باعو عبيد شون يباوعلها ..
صدك يباوعلها بغل خفت يخمطها بعضة..
رجعتها لامها وهي تضحكلي ..
غدير ابد ماتحركت لان صايرة عبارة عن
فيل وكوة تتنفس اباوعلها..
كالت رغد عدها زلال وضغط جمل..
مابقو هواي هم
شوية وراحو ..
وبعد مااجو سوا يجون قليل بالباب ويرحون..
وجياد من هاليوم تغير بقى يتصرف
برسمية كلش..
وامه راحت ..حاجيتها تبقى
ماقبلت كالت اعديلي فترة واجي..
مرت شهرين وهو تصرفاته رسمية كلش..
يرجع من الشغل الظهر ويتغدى وينام
واغلب شي المغرب يطلع..ويرجع يتعشى
ويانا..
كمت احب وجوده بالبيت ومااتمنى يطلع..
مرات تصير لمسات بيدينا ..تحسسني بشعور
حلو..
بحيث ينتتبهلي واحس بنظراته تبقى تتابعني..
انة اول مرة اشوف لمس الايد اله معنى واله تاثير..
اليوم العصر كاعدين بالهول..الجهال
جاي يلعبون وانة صافنة ع التلفزيون..
درت نظراتي شفته صافن بيه وعاقد حاجبه..
من شافني باوعتله ..
احمم..اليوم ورا العشا كال ابو ايثار يجي
هو والولد..
هلا بيهم ..
جمانة شنو جانت علاقتج ببشار؟؟
جنا اصدقاء واخوان ..
واضح!
كلش واضح والدليل بقينا اخوان ..
زين انت اذا تحسبي اخو ..اكيد عرفتي بعلاقة
غدير وايهم..لان انت وياهم بنفس
البيت واني الخارج البيت عرفت معناها انت
هم عرفتي..
امم صح عرفت..بس ماحجيت هم حرام عليه
افضحها وهم خفت من المشاكل..
ليش ماحجيتي لبشار بحكم الاخوة..
احمد ربي ماحجيت اصلاً..
عجيب!!ليش؟
كعدت عدل وحاجيته..جياد غدير جان ممكن
تسبب بتشويه سمعتي ومحد يصدك..
والدليل يمك..
وشنو اليثبت هي دزت صور؟انت اذا ماكو
تصرف زايد منج..
معناها الصور كلها عادية!
جياد اكدر اعرف شنو الصور الجانت يمك؟
وشنو الي وصلته الك عني؟وليش صدكت
شنو شفت مني؟
نعم..تكدرين..
الي شفته تصرفاتج وكعداتج وي بشار
لحد الفجر ..شي يثير الريب ..
******************

درت وجهي بغير جهة..هو بلحظة صار يمي..
وكف بظهري..لزم كصيبتي من فوك ومشى
ليجوا كلش..
فزيت من حركته ..
رجعني على صدره بيده الثانية..
بذيك الايد حط كصيبتي ليكدام..
احب شكل الضفيرة وي لبس النوم..
دوم سويها..
مانطيت اي رد فعل
انة احس نفسي اول مرة بيد رجال ..
ولا متزوجة قبل لا مخلفة اولاد ثنين
لا ذاك الصوت والمنطق الي الناس تهابه..
ضيعت نفسي وماجاي اعرفها منو..
جانت حركاته رقيقة كلش ..وانة بلمساته
احس جسمي بالتدريج ينمل..
دارني عليه وصار وجهي عليه..
دنك وحط عيونه بعيوني..
قرب شفته من اذني وبصوت
هامس كلش حجى..
راضية؟؟
مادري بنفسي شنو جاوبت لان هذا الجو
اول مرة ادخل بي بحياتي
احس نفسي بتنويم م

غناطيسي..
او غيبوبة رومانسية..
عرفت نفسي جاوبت اي ..
من شفته خلاني
ع الجرباية..
وقربني للطرف وجاب الشمعات صفهن
سوا..
باوع بوجهي بنظرات محرجة بشكل ..
حجه يتنهيده..
ايييي ..
نفس هذيج التفاصيل التلمع..
عيونج اخ عيونج..
شفتج العذراء ..
حلمي ونصيبي..
حجاها وحط شفته على شفتي..
اول مرة افهم شعور القبلات والها نكهة خاصة..
مثل الطفل الياكل الحلوى لاول مرة
وتعجبه..
تقبلت هالشي وخليته هو وانفاسي سوا..
بس ماكدرت ابادله ماعرف لحركاته
الي تاقنها كلش..
كل شوية اشهك واجر نفس مثل
اليغرك..
هو يتحول لركبتي وتالي يرجع
لشفتي..لان يشوفني رايده هالشي..
شفت منه رقة وحنان وتعامل رقيق..
ماكتوقعة بيوم هالشخصية الي جنت
اتجنبها تطلع هيج..
سلمته كل الحواس وبقى هو يتحكم..
ماعرفت امنعه او ارفضه..
بالعكس جان احساسي يريده..
وفعلا كل حركة منه احسها جديدة لان ممجربتها
قبل..
ولان جان يسويها باحساس ومستمتع..
ماعرف شكد بقينا سوا والوقت شكد مر
بس الخلاني انتبه للساعة..جانت ب١٢
ونص..
هي دقايق الوجع ردتها تخلص ..
وصح خلصت بلحظات الي همس بيها يم شفايفي..
موجوعة؟
اممم..قبل لا اكمل الاي ..اخذ شفتي برقة
وبقى يناغيها..
دقايق هواي مرت..احس نفسي نعست كلش
وفصلت عن اليمي..
بعدها نام ع ظهره ع النص..
وانة خلاني على صدره..
ايده تتلمس كصيبتي وظهري..
حجه بصوت هامس وهادىء..
مبروك مدام حمانة..
وهسه تاكدتي انت متزوجة؟
ابتسمت وغمضت عيوني..
عصرني عليه حيل ورجع راسه وتمدد..
يتبع

فراشات تخشى الاحتراق
الجزء السابع والثلاثون

صارت لحظات هدوء..بعدها حجه بنبرة
همس..
نونو شنو نمتي..
امم لا كاعدة..حجيت بهدوء كلش..
شتحسين؟مرتاحة..
امم..حجيتها وشبكته من صدره اكثر..
شفتج مساع تألمتي حسيت باحباط ماتمنيت
تحسين بالم وياي..
لا راح الالم بس اول مرة صار..
اي عادي لان رح يصيرلج سنتين ارملة..
حجاها وكرص زندي..
اوي اوي ليشش..
عجبتني ردة فعلج خل اكرص الزند الثاني..
وخرت من حضنه ونمت ع بطني وجريت الغطا
عدل..
وهو ع نومته بقى ع ظهره ويباوعلي
بمكر..
غمضت عيوني وخليت ايدي ع وجهي..
لا تباوع هيج انحرج..
مو توج خضتي معركة عين جالوت وطلعتي
بنصر حاسم..بعد راح الخجل..
خليت ايدي جوا حنكي وباوعتله..انت
اكثر شخص ماكر..
شفته وسمعت عنه ..
هو باوعلي بتركيز وكعد ع النص..
اخذ جكارة ورثها وهز راسه..شلون..؟
لان خليتني ابسمرك ويصيرلك سبب
حتى تصيدني..
هههههه لان ببساطة انت عنيدة..
شلعتي كلبي وخليتيني مراهق افتر
ورا خيالج..
تستاهل..كتلك انة اذا قفلت عقلي
يصير حجارة ومتربعة براسي..
اعتذرت..
مو كل خطأ مقبول اعتذاره..
جبت ورد..
شفعلك شوية..
قبلت كفج..
دليل احترام..
اي قدمت الاحترام ع الحب..معناها احترمج..
صح بس العرفته ازعجني وقهرني..
صدك انصدمت وردة فعلي جانت مامسيطرة
عليها..
اكثر شي يضوجني من واحد يظن بيه
سوء..
كلش انقهر وهذا الشي الوحيد اليخيلني
احقد ع الشخص..
هههه اي حقودة صح..تتذكرين من كتلج
شعدج تكعدين وي بشار
الفجر وانت تعجبتي شلون عرفت...
اه شكد انقهرت ومن عرفت بيك تباوع انقهرت
اكثر..
صفنت وتذكرت من حاجاني بموضوع
بشار قبل ثلث اشهر ..
***********************
كعداتج وياه الفجر تثير الريب..
لحظة لحظة جياد..الظاهر الشي الوصلته الك
غدير كلش مقتنع بي..!
لو مقتنع ماتزوجتج..
يمكن لخاطر الجهال ضحيت وقبلت بيه؟
وشنو اليخليني اضحي بباقي حياتي
وارتبط بانسانة مواثق منها!
جا ليش تصرفاتك تدل هيج..
انت بالبداية ماجنت هيج تعاملني او تسالني
اسئلة تطعن بشرفي..
ها ها لا تخلطين الاوراق وشرفج قمة محد
يوصلها..
بس اني عندي اسئلة انت تتهربين من اجابتها
او تنزعجين من احجي بيها..
لان احسها تقلل مني..مثلا من تسأل وين
نيشانج شنو القصد من وراها!!
يمكن لو وحدة عقلها خفيف جان زعلت
وتعاركت وتسويها قضية..
بس انة ماحب اكبر الامور..وعندي يقين
النقاش والتفاهم يحل العقد المتعقدة..
اعرف هالشي واعرف طبعج تتفهمين..
لهذا سالتج وردت اجابة ..
واحنا هسه جاي نتناقش واريد بكل تفاهم
نحجي..
اوكي ..حجيتها وانة بداخلي منزعجة..
يعني تجاوبين بخصوص النيشان؟
اريد اجاوبه واجه عبدالله كعد بحضني ..
شافنا جاي نحجي ومندمجين عباله نتعارك ..
صاحله جياد ماقبل يروح..هو افتهم شبي..
تقرب منه وهو بحضني يريد يبوسه
قبل ليوصل دفره ..
رجع جياد ليورا مختنك بضحكته..
بس ماكدر يضحك كدامه..وانة حجيت عليه
وكتله كول اسف وهو كد ماوكيح ويطالب
تعلم يكول اسف من صغره..
باوعله من ورا خشمه وكال اسف عمو..
هو اخذه بحضنه وباسه ..كعد بحضنه
وبقى يباوعلي..ماما ننه..
اي ابقى بحضن عمو وهسه اسويلك واجي..
كمت سويتله ممه وجبتها اله..اخذها
واخذله كوشاية وتمدد بالارض يم ادم..
جان ملتهي يباوع كارتون..
رجع باوعلي جياد بتركيز..نرجع لموضوعنا؟؟
اممم..بالنسبة لموضوع النيشان..
هذا شي مااحجي ابداً..ولا راح اقبل اتناقش بي..
تنهد وحجه بهدوء..ماشي براحتج
ماعندي اي غرض ولا قصدي الطعن..
بس الي اعرفه الج هوايه عداوة من بيت انعام
وخصوصا البنات..
ردت اتاكد اذا ماخذته او تاركته بالبيت..
لان يسوون بي اعمال باطلة اعوذ بالله..
!!!؟؟؟
هز راسه وكال..لا تستغربين..كلشي يصير..
شنو الي سامعة منهم حتى هيج تحجي
اكيد ماتحجي بلا سبب؟؟
سابقا هواي مشاكل جنتي انت محورها..لهذا
الحذر واجب..
لا ماكو اصلا نيشان يعني تطمن..
شلون ماكو؟؟؟
مالحكنا ناخذه وبس..خلاص رجاء
لا تحجي بالموضوع بعد...
براحتج..
اي بس اريد منك جواب انت..ليش
تحجي بكعدتي وي بشار..وشنو الحجته غدير؟
كلام غدير جان مجرد دليل
اضافي..لا مستند ولا دليل قاطع..
يعني؟؟
يعني اني بصراحة اول ما شفتج وافقتي
باياد وقبلتي تكملين وياه بعد الحادث..
احترمتج وكلت امبينه نادرة..
بس كلام انعام وبتها هوااي..خلاني بريب
واياد اعزه هواي..
اياد فقير كلش ومغمض..بسهولة ينغش بالشخص..
خفت..اي خفت عليه منج..
شفتج تكعدين بالشباك دائما..والادهى بلا حجاب
وبلبس بيت..
شنوشنو؟؟؟جان الجام مضلل؟؟؟؟
لا مو مضلل بس معتم خفيف..اذا فتحتي
ضوا الغرفة يبين..
انت وين تشوفني اكعد يعني منين؟!
عزا عزا العزاني صخام الصخمني
شلون هيج يصير عزا..
بقيت اضرب بخدي وانقهرت من حجايته متت
طبعا عباله انة متعمدة اكيد..
يعني عبالك متعمدة اسويها؟؟
اي كنت عبالي متعمدة هالشي..كلت ملت
من اياد وتحاول تنسق..
خزرته وعقدت حاجبي..
رد بهدوء وملامح ساكنة..جاي ابين وجهة
نظري السابقة..مااحب اغش..
اعرف اعرف..حجيت بتنهيدة..
منين جنت تشوفني؟؟
من الغرفة..
الفوك؟؟؟
اي نعم ت

صير مقابيل غرفتكم ضبط
ومقابيل المطبخ جوا..
والممر والباب..
اها صحيح ..بس هذا تصرف صح تعتبره؟؟
الي اسبابي واني ماتجسست..ردت
اتطمن على اياد وحياته ..
بس جنت تشوفني بلا حجاب وجنت ابقى
حتى انام بالكرسي..
مااباوع دائما كتلج صدفة..صدفة البردة
مرفوعة اشوفج كدامي..
وببالي شي عليج غير ردت اتاكد..
ومن تاكدت بعد ماباوعت لان اخذت دليلي..
شنو الدليل؟؟ماجنت تباوع باستمرار؟؟
كتلج مااباوع قابل ابقى مكابل الشباك
واتفرج..
امم ..هم صح..يعني ..
وشنو شفتني اكعد يم بشار.؟
نعم..
اشوفكم تكعدون هواي واشوفج بالشباك
توقعت عندج ملعوب ومارتاحيت
لتصرفاتج..
كملتها غدير من راسلتني..
كالت شفت جمانة وبشار اشك بينهم
شي..
كتلها دليلج شنو؟
كالت مراقبتهم من فترة وشفتهم الفجر
كم مرة..
واخذتلهم صور سوا..
كتلها دزيلي ومسحي اليمج..اذا شكت
جمانة بيج تاخذ جهازج وتمسح..
اني ردت اتاكد بنفسي..لان مالكيت
عليج شي ملموس..مستورة رزنة ماتطوخبن
بالكلام وي احد..
راقبتج ورحت سالت وراج هواي..
شفت غدير هي الغلط وانت الصح..
عرفت رادت تضرج لان تكرهج..حذفت
كلشي مني وكتلها الموضوع ينسد..
لا تحجين شي يم احد بعد ..

استغفر الله..حسبي ربي..بس شنو الصور
الدزتها؟
دزتلي صور باحرام صلاة هواي
والضوا قليل بالحديقة عرفت فجر..
صور بالمطبخ سوا..
انت صاعدة تشلعين رطب وهو قريب
منج..
صورة بباب الاستقبال الخارجي وكللش قريبه
منه ..حجاها بعصبية..مدام هالصورة
لو مستخدميها ضدج جان اخذو اطفالج..
جاوبته بعفوية..جان سكران ..
نعم؟؟؟سكران؟وتكابلي وتكعدين؟؟
هو السكران شنوو السكران يعني بلا عقل..
ربج حرم الخمر ليش؟؟لان يسلب العقل..
مستعد كلشي يسوي وهو مايحس ولا يعرف..
وانت مكابلته ..
اعرف اعرف وانة مو غبية ..بس مو فاصل
جان بوعيه..
ومن حاجيته ونصحته كام وسبح يعني
اخذ نصيحة..
اي اخذ لان عينه عليج ويسمع منج..
استغفر الله العظيم..جياد اقسملك مايوم شفت
منه نظرة مو زينة..
انة النظرات بسرعة افهمها..واعرف الرجال من
يباوعلي من نظرته..
وافسر اليفكر بي تجاهي من نظرته..
من حجيت هيج ركز نظراته عليه..
هزيت راسي وكتله..مثل مافاهمة نظراتك هسه..
يعني فاهمة البداخلي شنو؟؟؟
البداخلك مامستعدة اله..ماريد اظلمك يمكن
هالاحساس تعويد منا ثنينا..
موو تعويد..
؟!واثق هواي؟
اقصد اعرف نفسي ..
خلاص خلي لوقته..
واذا عندك شي اسالني بس ياريت يكون
بنية سليمة مو تحسسني انة لا شي..
حشاج..بس انت فاهمة مشاعري؟؟
فاهمة ..وكتلك حقك الشرعي مستعدة
انطيك..
بس انت رافض هالشي..
اخذله جكارة وكام ..الظاهر احساسي
متقابل بجدار ..لا تجاوب ولا انتباه اصلا..
واخذ جكارته وصعد فوك..
ردت اصعد اشوف الغرفة شلون يباوع
منها
اريد اصعد ودك تلفوني..
امي خابرتني سولفت شوية وسالتها
عن ابوي..كالت نفس وضعه..
حالته الصحية هواي انتكست..
حركته صارت بالكوة..
كل مايخابرني يزيد همي..من يكول تطمنت
عليج بعد شما يصير بيه مااهاب..
سديت الخط وي امي ورحت توضيت وصليت..
طلعت للمطبخ جاي احضر عشا..
دخل هو للمطبخ ضايج..
بس اكله
هذا حقك وتكدر تاخذه باي وقت
تنعقد حواجبه ويغضب..
راح طلع وصاح الجهال وطلعو بالحديقة..
شهر الثالث والجو حلو ربيعي ..
انة خلصت العشا واخذته الهم برا..
تعشينا ومحد بينا حجه كلمه بس كركة الجهال
مسموعة..
وراها اخذتهم لغرفتهم نامو وطلعت..
كلت الا اصعد للغرفة واشوف شلون تطل
على غرفتي القديمة..
فتحت الباب جان الضوا مسدود ..فتحته..
طبعا اول مرة ادخلها هو يكلي لا تنظفيها
بيها شغلي ومخلبها مثل المكتب..
مرتبة وكلش نازكة..هو طبيعته كلش نظيف
ويعرف كلشي يسوي..
لان جان اعزب ووحيد متعلم كلشي يسوي لنفسه..
تقربت للشباك البردة جانت مكتبية تنرفع ليفوك..
وبيها فتحات تنخلق وتنفتح..
نزلت الخيط انفتحت..
باوعت تجاه البيت..احس كلبي رف..
ركزت ع الغرفة ماكو شي بس ظلام شباكها
اظلم..اكيد مسدودة ومحد يدخلها ..
تذكرت الكرسي اياد كال اخذي..كلت اخابر
بشار واكله ..
اباوع للحديقة تبين واضحة كلش..باب المدخل
المطبخ والبردة مفتوحة والضوا مالته مفتوح..
تذكرت تفاصيل حياتي قبل..الله يرحمك اياد..
نزلت دموعي احسها حارة واحسها تطلع من كلبي..
الجرباية جانت بصف الشباك كلش..
كعدت عليها وبقيت اباوع
وفعلا منا كلشي واضح..يعني جياد جان
مطلع على حياتنا بحجة الشكوك..
لدرجة وهو نايم يكدر يباوع ومستحيل
يبين لان البردة تحجب..
ردت اكوم وانتبهت ع الميز البصفة
اكو جنطة سودة صغيرة..
خفت شكله من برا جنه مسدس..
تقربت ولزمته..فتحتها واشوفه ناظور !!
لا اراديا اخذته وفريت العدسة
باوعت من الشباك..واشوف كلشي واااضح!!
يعني جياد لهالدرجةواصلة بي؟
ادري جاي تراقب مجرم شنوو؟
اكيد يباوع بي لان هو اصلا نظره ضعيف
ودائما يلبس النظارة..
نظره مايمكنه يشوف هيج..
صدك انقهرت وضحت منه..
عفته ع الميز وسديت الضوا ونزلت..
شفته متمدد بالهول ويمه كوب الكهوة
والدخان يطلع من خشمه وصافن

..
انتبهلي وطفى الجكارة وحجه بهدوء..
شفتي كلشي؟؟
للاسف..شفت..
تعاي كعدي..
تقربت يم القنفة وباوعتله وحجيت..
جنت متوقعتك ارقى مو هيج شي..
هز راسه وشرب الكهوة..اني هم..
غثني بروده واعترافه..احسه مسيطر كلش..
تصبح ع خير..حجيتها ومشيت..
دخلت للحمام اعصابي مفورة بقيت جوا الماي
هواي لحد مابردت اعصابي..
لبست دشداشة قصيرة لحد الساق ونص
ردن..
لفيت شعري وطلعت..
اول ماطلعت دخل هو امبين جان ينتظر..
انة ماردت اتصادم بي بعد لان كلش
مغثوثة منه..
مشطت ع السريع ودخلت بالفراش وغمضت..
حاولت انام ماكو ..بعدين ورا هواي طلع
من الحمام يغني..وداعاً ياحزن..
تمنيت اكوم املخه ..عايش الجو ويغني ..
بقيت مغمضة وماتحركت ..شوية حسيته
دخل بالفراش وحط المخدة بالنص..
بقيت ع وضعي الى ان غفيت..
يوم ثاني كعدت الصبح ماكو بفراشه..
كمت لكيته بالمطبخ يسويله كهوة..
صبح عليه وجاوب وسكتنا..
حضرتله الريوك وتريك بلا مانحجي شي..
اخذ لابتوبه واوراقه وطلع..
وانة نظفت البيت وحضرت ريوك
للجهال..
للظهر قبل جيته بشوية..
اندك الباب والجرس سوا..باوعت
بالكاميرا..شفتها طيبة ..
لبست حجابي وطلعت..
للحكاية بقية