باوعت على علاوي نايم تمشيتله دنكت عليه بسته..شميته بركبته گـرة عينيي نفسس ريحـة ابـوك

صـار العصر انفتحت باب غرفتي شفت امير شايل كارتونة -تعالي ساعدينـي
-ما
-الحكيني يلااا

شفته جايب الدرج مخلي بالصالة
-شنو شـراح تسوي
-على اساس تعلمت اشد الكاميرات بلكت اشدهن زين
-جبت كاميرات
-اي علمود بعد ماآذيـچ

العبرة خنكتني بس مابينتلـه شد الكاميرا بالصالة
شال الدرج للمطبخ هم شد وحـدة.. دخل لغرفتي هم شد وحدة شال الدرج دايطلع من الغرفة صحت
-نسيييت ماشديت وحدة بالحمام
-لا مايصير اتعدى على خصوصياتچ

ابتسمت باستهزاء شال الدرج فتح باب الصالة شد وحدة بالحوش همين هذا شبي مخبل هو اني شوكت طالعة بالحوش استغفراللّه العظيم باوعت على الكاميرا شلون يعني بعد نايمة كاعدة مراقبـة احس نفسي اختنكت غطيت راسي بالبطانية ابچي لحد ماتعبـت كعدت المغرب صليت دعيت رب العالمين يساعدني يريحلي گلبي كملت صلاة رتبت المصلاية نزعت الايزار دخلت للمطبخ طلعت معكرونة سلكتها بجدر صغيروني ثرمت لحم قطع صغار خليتله ماي سلكته حطيته على نار هادئة ضحكات علاوي وصلتني رحت شلته ابوس بي لحد ماضاج راد يبچي عفته بقيت شايلته واعزل بالمطبخ كملت المعكـرونة ضكتها طلعت تخبل
-لكك علاااوي عرفت اطبخها طعمها صاير نفس المعكرونة اللي تسويها مريم

مد ايده يريد يخمشهاا -ها ولك جوعان بس بعد وكت على الأكل معدتك صغيرونة بكد الفاصوليا تعال اسويلك ممه رضعته كام يغفي بسته نومته بسريـره هستوني طلعت من الغرفة امير دخل للبيت باوعت على ايدينه فارغة
- ها شو ماجايب عشاء لعد شراح ناكل حصـو
-نتعشى معكرونة نفس مالت مريومة

فتحت حلكي بفهاوة رجع كال
-سدي حلكج لاتطب بي ذبانة

-ردت اجيب عشاء شغلت موبايلي شفتچ داتسوين معكرونة

سئلتـه بأرتباك-الكاميرات صورة وصوت

-اي

حچيت بسرعة بدون ماافكر بكلامي
-عزا بعد مااكدر اسبك بلساني

-سبيني بگلبچ مااسمعچ

تراجعت بكلامي
- اني حبابة مااسبك يلاا روح غسل بين مااحضر العشـاء







تعشينـا وراها كعدنا نتابع فيلـم
-يرادلنا فشار

باوعتله بأستغـراب
- سوويتلك معكرونة تجنن اكلت ومسحت ايديك بالحايط اني رحت غسلت المواعين سويتلك چاي وهسا تريد تفشر عليه

-فشار يعني شامية

-دكووول شامية مسووي روحك مثقف ابو الكهوة المره

كال وهو غاص بالضحك
- منو كلچ الثقافة بالكهوة

-لا الثقافة بالفشار

-هههههههههههههههه

باوعت بحزن على الفيلم
- حبيبة البطل ماتت خلي عندك احساس شوية

-ههههههههههه هو انتِ بقيتي احساس چنت مندمج بالفيلم ام الشامية ههه

تأففت بأنزعـاج موبايل امير كام يدك
-كومي جيبي
-انييي ششعلييه مووبااايلي لو موبايلك

كام يجيب الموبايل باوعلي متوعد
- اصبريلي اني اعلمچ

قرأ اسم المتصل ابتسم هستوه فتح خط وجهه انگلب
-هسا شلون صار
-يمه احچي الصدك
فرك وجهه بعصبية-
جاي اني هسا احجزلي تذكـرة اذا لكيت طيارة اجييكم هسا
انهى المكالمة يمشي متوتـر يگلب بموبايله صاح بعصبية اقرب رحلـة بـ10 الصبح شيصبرررنيي

تقربت عليه-شكو شصايـر
-ابوية متخربط مااعرف شنو وضعه امي طمنتني عليه بس مااكدر ارتاح الا اشوفـه

-تمام اهدئ ان شاء اللّه ماكو شـيء
بقى يفتر كل شوية يخابر على امه
-امير فوت لغرفتك نام ارتاح شوية شلون تسافر وانت هيچ وضعـك

لزم موبايله يريد يتصل على اهله لزمته من ايده
-شبييييك اميير صدك چذب راح تخلي بالهم ينشغل عليك خلاص هاي صار شكم مرة تخابر امك تكلك وضعه مستقـر فوت لغرفتك حتى لو ماتنام بس تمدد ريح جسمك

مااعرف شلون سمع كلامي دخل غرفته طفيت التلفزيون وصلني صوت علاوي رحتله بقينا كاعدين للفجر يلا كدرت انام حسيت الصبح على دكات خفيفة على الباب كمت مفتحة عين ومغمضة عين لكيت امير مبدل محضر جنطته كال باستعجال
- رنا جبتلچ كلشي تحتاجيه اهتمي بنفسچ وبالولـد

-انت همين اهتم بنفسـك

طارت النعوسة كمت رتبت الأغراض اللي جايبهم وراها كعدت علاوي لازم اخلي يغير نومتـه كافي عاد كل يومية مسهرنـي بقى النهار كُله مدلغم بوجهي كلما اباوع بوجهه اطكها بضحكة ويخزرنـي

خلصنا من امير اليوم ماكو بس بالي انشغل عليه ياترا شلون صار ابـوه خلي يولي هو يفكر بيه يهتم حتى اهتم خلي انام احسنلي

كعدت الصبح على صوت علاوي باوعتله بأبتسـامة
-ها غيرت نومتك كمت تكعدني الصبح
شلته حضنته حيييل اريد اضمه بگلبـي كاام يتملل مني -شوو صااااير نحيس لااتقبل ابوسك لا اشاقيـك







يباوع عليه خازرني حسيته يكول شبيها ماما بدون احساس غير تكوم تسويلي ممه ميت جوع اني من البارحة ماشارب حليـب ضحكت على تفكيري كمت سويتله ممه انطيتها اله كمت اشتغلت ماخليت شيء ماسويـته كعدت علوشه بصفـي فتحت التلفزيون درته على قناة افلام هندية ظلينا نتابـع

المغربيـة علاوي تنحس كُلش حـرت وياه بس يبچي خليت ايدي على جبينه حسيت بحـرارة حبيبي مصخن ماعرفت شسوي رضعته بقيت شايلته وافتر بالصالـة لحد مانـام غطيته زين بلكت يعرك تروح السخونـة
بقيت بقلق حتى عشاء ماتعشيـت كعد بـ 9 بالليل يلعب كلت هايهيه صار زين كيفت تعللنا سـوى نومته طفيت الاضوية بـ11 دانام هستوني اريد اغفى كعدني يبچي زفرت بتعب -شسااالفتك ماااما شبيك اليوم
تحسست جبينه هم لكيته مسخن ظل يبچي واني افتر بي عاجـزة اسكته تذكـرت عندي علاج جبته من الصيدلية احتياط كلت خاف يتمرض وامير ماموجود انطي منه ..باوعت لـ ابني حبيبي بأبتسامـة
-هسا اشربك دواء وتصير زين

جبتله الدواء شربته بالكوه اخذه مايحب العلاج
مـرت ساعـة وعلاوي بعده على نفس البچية كمت ابچي ويـاه مااعرف شسـوي شايلته اتوسل بي يسكت كعدت بالكاع رجليه صارن خيوط من المشي باوعت على علاوي وجهه..جسمه انملى دوائر حمر عبالك صار عنده طفح جلدي خفت ششبيك العصر چنت مثل الورد شجاك ماتكلي ليش هيچ صار جسمك

سكت يباوعلي دموعي تجري خايفه عليه ماكو شيء بأيدي اكدر اسويه خليت ايدي اتحسسه انچويت شوية وحسيته بلش يغيب على الوعي گلبي رجف ذبيته على القنفة كمت اصررخ بكل صووتي ياااا ربيي لااا تااااخذه منييي ماعنـدي غيــره شلته اضرب وجهه بخفة ماا ارييده يفقد بس مدا يتجاااااوب ويااايه
مااااماا حبيبي باااوعلي لااا تنااام انت موو كل يوميية تسهرر يلاا خليي اليووم نسهـر هاا حبيبي اتفقنـاا
عفيييه لااا تناااام ابقى وياااايه علاااوي حبيبي

باوعتله ابچي بكل صوتي شسوي يا ربي ابني راح يروح من ايدي فقدت شلعت شعري فقدت الأمل شفته شلون غاب عن الوعـي استسلم للمـوت هزيت رأسي
بـ يأس راح ابني خســرته

سمعت صوت باب الصالة يندك گلبي رجف منو هـذا
وشدخله امير قافل باب الحوش شلت علاوي دانهزم بالغرفـة وصلني صوت رجـال
-اختي اني عابس امير دزني عليچ
حچيت بفرحـة-الباب مقفـول مااكدر افتحلك ياه
-يمي المفاتيح لبسي حجابچ حتى ادخل

ركضت للغرفة جريت شال خليته على رأسي وصلت للصالة-يلا افتحلي الباب عفيه
فتحلي الباب هو ودايحچي بالموبايل مدلي ياه
-هذا امير يريد يحچي ويـاچ
اخذت الموبايل منه ايـدي ترجف وصلني صوته الخايف
-علـي شبي
حچيت ببكاء -مااا اعررف حرارته عالية حتى من انطيته علاج ما فاده
-جهزي نفسچ عابس راح يوديچ للمستشفى
هزيت رأسي رجع كال-اخذي العلاج اللي انطيتي اله يمكن بسببه تدهـورت حالته يلاا بسرعة استعجلـي







انطيت الموبايل لـ عابس هو بقى واكف برا دخلت لغرفتي فتحت الكنتور طلعت عباية اسلاميـة لبست حجابي زين جهزت اغراض علاوي شلته وطلعت
صعدت بسيارتـه هو راح يقفل الابواب صحت عليه
-عفييييه استعجـل

قفل الابواب شغل السيارة يمشي سريـع اني حاضنه علاوي اريده يكعد ابچي وادعـي
دك موبايل عابس فتح خط اجاه صوت امير
-ها وصلتو
-لا بعدنا بالطريـق
-شداااا تمشششي على بيـض
رد عليه بهـدوء- ترا ماصارلنـا 5 دقائق طلعنا من البيت
-استعجـل عابس بروح امك

انهى المكالمة اندارلي
-كااافي تبچين اختي ان شاءاللّه مابي شيء
رديت ببكـاء- ماااا دايصحـى مدرري شبيي ابنيي راااح من ايـدي سكـت ماكال شيء ماكوو 10 دقائق هم دك موبايله رفعه فاتح سبيكر -هاااا وصلتو
-لا بعدنـا
-ليشششش شكوو ازدحااامات شوو الدنياا ليل
-مسااافة الطررريق شبيك
-دوسلهـاا استعجل
رد بعصبية- داا امشيي 180 شترريدنيي اطيـر
رد امير بصيـاح- 180شنـوو خفف لاتروح تدعمهم

-استغفراللّه العظيـم

باوعت على علاوي حسيته مدا يتنفس كمت اصرخ
مدا يتنفسس راااح ابنييي رااح

اندارلي عابس بصدمة شمر موبايلـه
-شداتحچين انتِ
رديت بضيـاع -مـ ااا ت يمكن مـات

مدلي ايده بمعنى انطيني يـاه هزيت رأسي بـ خـوف
-ماا ما انطيك يـاه

عين على الطريق وعين عليـه حچاها بـرجاه
-تمام بس قربيلي يـاه
قربتله يـاه لزم ايدي علاوي خلا اصابيعه على وريـده غمض عيونـه ثواني فتحهن فرحـان كالها بلهفـة
-عاااايشش عااايشش بس نبضه ضعيـف

-الحمدللّه والشششكر يااا ربيي
-فركيله ايدينه مابقى شيء شكم دقيقة ونوصل للمستشفـى

باوع على موبايله رجع اتصل بأميـر مارد عليـه استغفر ربـه ..وصلنا للمستشفى اخذ الولد مني يركض بي عبالـك ابنـه الممرضين تخبلوا من شافوه دزو على الدكتور الخفـر شافـه خلا عينه عليه
-شبي ليش هيچ وضعه
-ماااعرف حرارتـه مرتفـعة
مااهتملي صاح للممرضة جابتله قنينة الاوكسجين
خلوله القنـاع اجت ام التحاليل زرفت ايدينه تزرف

باوع عليه الدكتور رجع سئلني
-من شوكت مسخن ليشش ماجبتي بسـرعة
رديت بأرتباك- انطيته خافض حرارة بالبيت
-شسمه
-مااعـرف

رد بصيـاح- شسئلچ تكولين مااعرف اذا انتِ هالكد ثولة وكلششششي ماتعـرفين شكوو تخلفين

عابس لزم الدكتور من ياخته بعصبيـة
-لا تتجاوز لك سوي شغلك انت وساااكت
هذا عيونه نطت رد عليه بصياح-تتعـدى على دكتـور

لزمت عابس من ايده برجـاه توسلته يعوفـه
وجهت نظري للدكتور -عفييه ابني شراح يصير بي
أشـر على عابس خلي هذا يطلع من الردهة بسـرعة

رد عابس بعصبية مكتومة-علمودچ راح اطلـع

رجعت حچيت ويه الدكتور- شووكت يصحى ابني
باوع على الطكع الصايرات بي -هذا متحسس من العلاج ماعندج صورة اله

-ما عندي صورة بس جبته هياته بالجنطة

-غـرة عينه لرجلچ على هالمره صارلي ساعة اكلچ شمنطيته دطلعييي دانشوف شمسويه مصيبة

طلعتله العلاج ايدي ترجف اخذه مني حچى ويه الممرضـات شكلله كانونة حطله مغـذي
بقيت كاعدة بصف علاوي دموعـي تجري
مرت نص ساعـة اجى عابس -ها شلون صـار
-مداا تنزل حرارتـه كل شويـة يجون الممرضات يقيسن حرارته ونفس الشيء
-هذا امير ثبرني بس يدك راح اتصلچ عليه احچي ويـاه هدي

دكلي عليه انطاني الموبايل خليته على اذني اجاني صوت امير- شلون صـار الولد
-بعده
-حرارتـه مانزلت شويـة
رديت بـ نحيب -لاااا مدااا تنزل

-عابس يكول الولد جسمه كله طكع حمر مكالولچ الدكاترة ليشش
-متحسس من العلاج طلع مايوالمـه
رد بعصبية مكتومـة-انتِ من شوكت صرتي دكتورة ليش تنطينه علاجات بكيفـچ

-اني امـه ماتحملت اشوفه يتوجع وابقى ساكته وعندي علااج انطيته شمدريني يتحسس من عنده

قبل مايرد عابس سحب الموبايل مني كاله
-شبيك ويه البنيـة شمدريها العلاج مايوالمـه
رجع كال-مابي شيء هسا يصحى اموري الصغير
لا تظل تدك عود اني اخابـرك

ضم الموبايل بجيبـه دنك على علاوي باسه واندارلي
-لا تخافين هسا يصير زين شتحتاجين كليلي اني هنانه موجود راح اوكف بباب الردهة
هزيتلـه رأسـي ورا شوية اجت ممرضة خلت ابرة بالمغذي سئلتها شوكت يصحى رفعت ايديها بمعنى مااعرف .. بقيت تقريب الساعة ادعي اجى عابس يسئلني رديت عليه بـ يأس بعده نفس الشيء

بقى واكف يباوعله دك موبايله رفع الأسم استغفر
رد بملل-وتاااااالي امير كل شوووية تدك
-هاچ يريد يحچي ويـاچ

اخذته منه زفرت بتعب مالي خلك اللوم
-هلا امير
-نزلت حرارة الولد
-لا
-خلي يصير بي شيء وشوفي شسوي بيـچ

رديت ببـرود عكس النار اللي بگلبي-شتسوي

قبل مايرد حچيت بعصبية وصوت شبه عالي-
تلووومنييي وانت حااابسنييي لو ماانت قااافل البيبان عليه مااااا يصييير هيچ

-الووولد تدهورت حالتـه من وراچ لو مامنطيته العلااااج چان هسااا من اجاج عابس ووديتو للمستشفى صار زين







عابس اخذ الموبايل منـي ابتعد شوية كام يحچي وياه
-لكك كلب حابسس البنية وتلوومهـاا فللا تصيرلك چارة انت
-امير اذا دكيت بعد اقفل الموبايل اذا صار شيء جديد اني اخابـرك

... انهى المكالمة طلع من الردهـة شوية ورجع مدلي ايده جايبلي مـاي باوعتله بأمتنان -ما عطشانـة
-حتى لو اشربي اهدئي شويـة مابي شيء اَمير الصغير هسا يستجـاب للعلاج سباعي هو
-امير الصغير
-نسخـة مصغـرة بس ان شاء اللّه مايطلع نفس اخلاق ابـوه

ابتسمت هستوني دا ارد عليه دك موبايله شاله شافه اميـر خله وقفل الموبايل -هسا يلا راح نرتـاح

بقى كاعد يمي شكد كتله روح ارتاح نام ماقبـل
خليت ايديه على جبين علاوي حسيت حرارته نزلت مو نفس قبل باوعت لـ عابس -يمكن حرارته نزلت راح اصيح الممرضة تجي تشوفـه
كام وهو يكول
- اني راح اصيحهن انتِ ابقي كاعدة يم الولد

دقائق اجى عابس والممرضة ويـاه قاست حرارته
-زينة حرارته نازلة بس بعدها مواصلة للدرجة الطبيعية
رد عليها عابس- شوكت يصحى
-الأبر اللي انطيناهن اله كلهن يساعدن على النوم لاتخافون عليه اهم شيء حرارتـه نزلت

رفعت ايدي اشكر ربي
-راح انزل للكافتيريا اشربلي كهوة تريدين شيء اجيبلچ ويايـه
-سلامتـك..بس خابر امير خطيه طمنه هسا مشغول باله
-خلي يولي اريد اتوبـه يلاا اني نازل شوية واجيچ
-اخذ راحتـك

مدري شلون غفت عينـي كعدت على احلـى صوت ممكن اسمعه بحياتـي صوت علاوي حبيبي شفت عابس شايله مخلي بحضنـه لزمه من خدوده
- هاا لكك مااا ارتاااحيت الاا من كعدت امك

حچيت بفرحة-شوكت صحى
انطاني ياه -ماصار ربع ساعـة
اخذته ابوس بأيدينه الحلوات اباوع بعيونـه البريئة الحمدللّه والشكر ربي رجعتلي ابنـي لحضنـي

الدكتور ماقبل نطلع كال ابقو بعد شكم ساعـة لحد مانتأكد ويستقـر وضعـه علاوي كيف على عابس كضاها يضحكله خطية ماشايف حنيـة من ابوه


اصلآ ماشايف غيري فـ متعجب يمكن عباله عابس كائن جديد

صـار الصبح نزل عابس جايب ريوك اليه لفـه واستكانة چـاي ماحبيت افشله اخذتهن منه بالرغم مالي نفس للأكـل شبعت من هبطة البارحـة
علاوي شافني شايله الصمونة تخبل يريد يخمشها
اني صارت بيه خوفه من العلاج مااريد انطي شيء

عابس باوع عليه مبتسـم
-شكد صار عمره
-5اشهـر
-دنطي كمع الصمونة لعد كتل نفسه عليها
-موو خااف مايصير بعده صغير
-لا يابه عادي انطي
انطيته كمع الصمونة كيف كام يعلس بيهـا

اجو الدكاترة والممرضين مال الشفت الصباحي
بقينا بالمستشفى منا لـ8 وطلعنـا على مسوؤليتنا هم ماقبلو يريدونه بعد يبقى بس احنا شفناه تحسن على شنو مبقينه يروح ياخذله مرض من المستشفـى







طول الطريق شايلته وابوس بي مامصدكة ابني صار بخير وراح نرجع لبيتنا سوى .. عابس وكف السيارة
-ثواني واجي
-اخذ راحتك

اخذله كم دقيقة ورجع جايب كارتونة فتحها طلع بيها موبايل حط بي شريحة يريد ينطيني يـاه حچيت بخوف
-ماااا اريده امير مايقبل
-خل ياكل خـ*را

-مااكدر اخذه واللّه
-شوفي سجلتلچ رقمي خاف يصير شيء خابريني وراح اسجلچ رقم رجلچ الشفية

خلاه بصفي وشغل السيارة مديتله الموبايل
-صدكني مو بحاجته مااريده

اندار عليه- انتِ شسمچ
استغربت سؤاله -رنـ ـا

حچاها بأبتسامـة
-طلع اسمچ رنا مو عنيدة لعد ليش تحبين تعاندين

قبل ماارد عليه رجع كال-لو امير موجود چان هو انطاچ الموبايل اخذيه هو هم خطيه يريد يتطمن على ابنه اني مخلي بنار من الليل لهسا من توصلين خابريه احچي ويـاه

اخذته منه بتردد نزل يم الصيدلية جاب العلاج اللي كتبلنا ياه الدكتور
-باوعي اختي رنا انتِ تعرفين تقرين مو

-مااعرف اقرأ انكليزي


ابتسم-عادي ماكو مشكلة اهم شيء تعرفين عربي مو
هزيتله رأسي بـ اي
رجع كال- باوعي هذا 3 مرات
كاتبيلچ وهذا عند الحاجة الا ترتفع حرارته كلش هواي يلا تنطينه اله بقى يعلم بيه على العلاج لحد ماوصل لجهاز صغيروني رفعه وهذا يقيس درجه حرارته تخلينه بحلكه تنتظريلچ دقيقة هيچ شيء وتشيلي تطلعلچ يجوز تحتاجي و ان شاءاللّه ماتحتاجي ومايرجع يسخن

حچيت بخجل-شكرآ الك والله كلش تعبناك طول الليل مانمت من ورانا اللّه يوفقك ويفتحها بوجهـك

-هاي الدعوة كافيـة


رجع شغل السيارة وصلني للبيت نزلت باوع عليه حچاها بأسف- راح اقفل بس باب الحوش تمام
امانة الله ورسوله اي شيء تحتاجين بس رمشي

تشكرته دخلت لبيتي فرحانة علاوي ويايـه
مشيت لغرفتي نزعت شالي وعباتـي ذبيت نفسي على الچرباية بتعب وعلاوي بحضني باوعت على الموبايل اجى ببالي امير خطيه هسا يمكن باله مشغـول اتصل عليه لو لا خاف يعصب اذا عرف شايله موبايل بقيت حايـرة لحد ماقررت اتصل بي من اول رنـة رد عليه
بسـرعة حچيت- صديقك انطاني الموبايل

قاطعني بسرعـة-الكلب عافني بنـار هسا من اجيتو شفتكم بالكاميرا علي شلون صار
-نزلت حرارته وكتبوله على علاجات عابس جابهن من الصيدلية
-تمام انطيهن الـه بوگته
-ابوك شلون صـار
زفـر بتعب- جايته جلطة عابرة متعدي مرحلة الخطر اللّه كريم
سكتت رجع كال-كومي اسقي الحديقة راح تموت
-انييي معليه هو صديقك ماقفل باب الصالة







-ادرررري يابه ادري يلا اطلعي اسقيها
مشيت مخليه الموبايل بأذني احچي وياه طلعت بالحوش الشمس طالعة قوية سديت عيوني داارجع للبيت -وييين وين شبيچ
-شمــس مااكدر افتح عيوني

-اي واذا
-صـارلي 5اشهر ماشايفتها شتريدني اصير

-يلا هي اصلآ ماتنراد
بتذمر-يعني هم حتى المساجين يطلعوهم يشمسوهم ويرجعوهم

-اخـاف على سجينتي يجوز عصفور بالحديقة يشوفها

-لعد ماراح اسقي حديقتك خلي تموت خاف عصفور يشوفني

-لاتسقيها بكيفچ رب العالمين يحاسبچ عليها

-صُدك
كام يحچيلي على الزرع وانه مالازم نخلي عطشان والاشجار تسبح لله يحچيلي واسقي بالنبتات والحديقة
بگلبي كلت لعد اذا انت هالكد تعرف بالديـن ليش مامطبق من عنده شيء

طول ما امير مسافر احنا على اتصـال باليوم نتخابر 6 ساعات اذا مو اكثـر مانبقي شي مانحچي بي احس كأنما البعد قربنـا اكثر تعودت عليه هواية اذا مرت 3 ساعات مااتصل احس بفـراغ وضوجة ارجع اتصل بـي


نايمة ومخليه علاوي بحضني حسيت على صوت الموبايل يدك فتحت عيوني بعدني نعسانة لزمت الموبايل المتصل رقـم غريب! منو هذا اصلآ محد يعرف رقمـي شنو هـاي مشكلة جديدة راح تجيني عفته مارديت عليه رجعت نمت

حسيت على ايدين مطاوقة خصري اني ومغمضة مديت ايدي انلطخت بجسم صلب فتحت عيوني شفت
امير يباوعلي بأبتسامـة خليت ايدي على شعري اعدله حچيت بأرتبـاك- ءشووكـ تت اجييـ ت
حچه يقلدنـي-قـ قبلل ءشـوية

رجع كال -مو خابرتچ ليش مارديتي
حاولت ادفعه بهدوء-عبالي رقم غريب
شال ايدي اللي ادفعه بيها باسها بشغف دنك على آذني همس -مشتاقلـچ رنـا

نزل رأسه خلاه بركبتي يشم بيها دكات كلبي تخربطت طلع صوتي ضعيف-ء امييرر كوم اللي داتسوي غلط

خله اصبعه على شفتي-اش وين الغلط انتِ مرتي

رفع ايده من خصري فتح دكم ثوبي ضم رأسـه بصدري حسيت بخشونة لحيته على صدري شهقت لزمته من شعره رفعت رأسه باوعت بعيونه الذبلانة
-امير مايصير هيچ

حضني بقوه لزم حنجي باسه هستوه خله شفته على شفتي كلبت نفسي ضحك بهدوء وخر شعري من ظهري حچه وهو يذب ثوبي-بعدچ تخافيـن
-منين
-تخافين تحبيني
هستوني اريد اكوله شلون اخاف من شيء مااعرفه قاطعني-چذب لاتچذبين

سكتت مااعرف شنو ارد مشى اصبعه على خط ظهري خله رأسه بنهايته مطوق خصري بأيديه -رنـاا
مارديت عضني بخفة صحت متوجعة -اهه
-فلك طرچ على هالخصر







دارني نومني على ظهري بكل حركة تصدر منه جسمي يرجف غصب عني تفاعلت ويه كل لمسـة استغربت بچيت بضعف اول مرة اعيش هالشعـور

من سمعني بچيت ارتفع مسح دموعي خله جبيني يلتصق بجبينه -رنا افتحي عيونچ
فتحت عيوني باوعتله عيونه حمر شفته ترتجف وضعه اسوء من وضعي -تريديني اكمـل

هزيت رأسي بـ لا

كال وهو يتـأمل عيوني -ليش

-ء انت صاااحيي
-صاحي بس سكرت كايلچ اني؟
-شنـو
-عيونچ يسكـرني

-رناا
-مم
حچاها برجـاء-اكمـل

-لا
-تمام مااجبرچ على شيء

جر حسرة كام تنفست براحـة جريت اللحاف التفت يباوع عليه شلون احاول استر مفاتني بلل شفته بحركة سريعة ذب تشيرته اجى كعد على الچرباية استغربت منه زحفت ابتعد سحبني اله حضني همس بأذني -آسـف

اخذ شفتي بقـوة بقى هواية حسيت نفسي اختنكت حلني ماكو ثواني التقطت انفاسي ورجع اخذها يمكن يخاااف يعوف شفتي خاف احچي!
طول ماهو يتقرب ويزيد بلمساته شفته متعلقة بشفتي
ماعافها الا لما تأكد انه وصلني لمرحلة مااكدر احچي
مااعرف شكم مرة ارتعشت جواه بس هواي
بعـد ساعات واني مااعرف ارضي من سماي حسيت بي من حضني بقوة جر شفتي بأيده يريدني احس همس بصوت مضطرب- ما جاي اكدرر اعوفچ ماينشبع منچ رنااا اصحي دفعيني ضربيني خلي اعوفـچ

مارديت عليه مااكدر احچي اللي دايصير ويايه اقوى مني رجع يعيد اللي سواه شفته احتلت كل ذرة بجسمي رفعني وهو يلهث كعدني بحضنه بدون وعي مني بسته بركبته لمساته صارت قاسية همست متوجعـة
-اهه لااا امييير
صاح بعلـو صوته- هذه لـذة الحلال لو لذتچ

خليت ايدي على حلكه-صوتــك ..علاوي نايم

رد ببراءة طفـل-انصي

هزيتله رأسي بـ اي
همس بصوت دافي يم آذني- احبچ

للحظة حسيت كل اللي صار حلم بس من بقى يعيد بهالكلمة تأكدت الحلم صار حقيقــة

دفنت رأسي بصدره هو كدر ينام بس اني ماكدرت اليوم اني صرت زوجة امير فعليآ!

خليط مشاعـر بداخلي مااعرف اذا كعد من النوم شلون راح يعاملني واعاملـه! اعترفت بداخلي امير اول رجل يلمس گلبي غمضت عيوني مستسلمة للنوم لأول مرة احس نفسي بأمـان واني بين ايدينه


""ضحـــى""
انحطت على حلكي منعتني اصيح جسمي رجف من سمعته كال
-شتحبين اصيحلچ المبتزة نـورة لـو ضحى الرقاصـة

كمت ارييد افلت نفسي من عنده اجتني ضربة قوية على رأسي فقدتني الوعي صحيت فتحت عيوني ماشفت غير الظلام اريد احرك ايديني مااكدر مچتفات صيحت طلع صوتي مكتـوم مااعرف اني وين معقـولة هذا نفسه الشخص اللي سُرى دزتلـه صورتي!! شيريد مني سمعت صوت خطوات شخص دايتقرب عليـه
حبست انفاسي بـخوف جـر الشريط الاصق من حلكي بقوة صرخت بوجـع اسمع صوت خطوات واتلفت وياهن ماتحملت ابقى ساكت
- انــت منـوو شتررريييد مني







مارد عليه حچيت بتهديـد
- فكنـي قبل ماتتندم على حياتك

سمعت ضحكاته العاليـة تقرب عليه ضربني براشـدي ردت اوكع اني والكرسي
-لككك تمد ايـدك عليه تعـرف اني منـووو

حسيت خطواته بلشت تبتعد كمت اصرخ
-انتممم منوووو شتريييدون منييي
-تعـاااالوو فكونـييي

ظليت اصرخ محد يرد عليه منو ذولي معقولة الحجية كشفتني ابتـز!! معقولـة عرفتني رجعت للحبوب وداتعاقبنـي منـو ذولي منو الـه مصحلة يخطفنـي
هزيت رأسي بـ رفض لاا لاا مستحيييل الحجية سعاد تسويهـا

مااعرف شلون غفيت صحيت على صوت المـؤذن يكول الصـلاة خيـرآ من النـوم من كد ماصيحت ريكي نشف
-ولككككم يـاا ظلااام تعالـو انطوني ماااي رااااح امووت من العطشش

سمعت الباب انركع فريت رأسي اتحسس جهة الصوت
حچيت بتعـب -عفية منو انتو ليش خطفتوني اذااا تريدوون فلوس كلولي هسااا اخابر يجيبولكم

احس شخص يفتر داير مدايري- تدررررري انييي وياااامن اشتغـل فكنيي قبل مايجون يسحلوك

-لككك احچييي شنو انـت اخرس

حسيت بضربـة قوية تلاها ضربات مااعرف بشنـو كاعد انضرب بس احس زنودي تزلغن اخر ضربة اجت قريبة على وجهي صارت ملـوحة بحلكي نفسي لعبـت
تقرب مني فك عيوني رفعت رأسي شفتـه عيونه صايرات دم وجهه مايكصه السيف

مطعـون قهر عبالك ماتوا كل اهله بيوم واحد

وزعت انظاري على الغرفة صايرة عبارة عن رمـاد بابها مفتوح باوعت على الصالة شفت وضعها اتعس
من الغرفـة ضحكت بصوت عالي خليت عيني بعينه
-ههههههههههه ان شاءاللّه بصمتي تكون عجبتك

-ليـشش خاطفني تريد تنتقم شتسويلي مثـلآ تغتصبنـي

هزيت رأسي اوخر شعري اللي على وجهي غمزتله -تعــال اصلآ انت جـوي

تقرب عليه لزمني من فكي بقـوة حچه بفحيح
-واللّه لأخليـچ تتمنين المـوت وماتحصليـه

طلع ركع الباب كعدت اضحك بصـوت عالي ماي بارد نزل على گلبي من شفته هالكد مقهـور! عود صار 10 ايام على الحادثة لعد من اجى شاف البيت اول مــرة شسوه

باوعت على فستاني الردانات متشككة زنودي كلها حمرة الحزام طابع عليهن حچيت اصبر نفسي هسا يرجعني

شعـاع الشمس خلاني افتح عيوني غصـب البردات محتركة ماكو شيء بالبيت صاحي الجامات متكسرة هواء بارد نخر عظامي نخـر

ماكدرت اتحمل هالوضع بقيت اصيح بصوت عالـــي
-وييييينك انـت تعـــال موو جبتنيي حتى تنتقم يلاااا روااايني انتقامـك خلصنـاا

بأستفــزاز- تعـــال ياحبيب الماما يالطفل المدلل
ليشش كل شويـة تجيني تدغدغني وتروح

ما تكـــدر تباوع بوجهي! جبـــان ماتكدر تواجهنـي

اجى مبين چان بغرفـة امه باوعت على حالته يرثى
لها عبالك هو المخطوف

حچيت كاتمة ضحكتي
-وين چنت بمعــركة ليش هيچ شكلك

ماكدرت اكتمها اكثر حچيت واني غاصة بالضحك-
هههههههههه بسس تدررري حقك يعني ذكريات صارلك محتفظ بيهن سنين اجيت اني بلحظة حركتلك ماضيك اللي تحبـه

زين سؤال ليشش جوه كل رسمة امك كاتبة التقييم شنو خرسة ماتكدر تحچي

هههههههه بعديـن تعال انت منيلك خلك تكعد تكتب يومياتك بدفتر على امل تقراهن امك اللي هسا حتى عظامها صارت تراب

تقرب عليه عصر فكي
-دييير بالچ تجيبين طاري امي على لسانچ القذر

-فكنييي خلينييي اروح كاااافي عاااد اخذت حقك وزيادة
-ليش انتِ شفتي مني شيء!

-شـ أشوف اكثر من اللي شفتـه؟

طلع من الغرفة دقائق اجى جايب كارتونة باوعتله بأستغـراب فتحها!
شفت اللي بيها من صدمتي حسيت لساني نعكـد

رفعلي حاجبه -جبتلچ اصدقـاء يونسـوچ


يتبـــــع

رقص السراب - البارت الثلاثون -
∞∞∞∞∞∞∞∞∞∞∞∞∞∞∞∞
طلع من الغرفة دقائق اجى جايب كارتونة باوعتله بأستغـراب فتحها!
شفت اللي بيها من صدمتي حسيت لساني نعكـد
رفعلي حاجبه -جبتلچ اصدقـاء يونسـوچ

ركزت نظري على الكارتونة مليانة صراصير

كامن يطلعن وحدة ورا الثانيـة حسيت نفسي ضاق اريد احچي اصررخ ماا اكـدر وحدة منهن طارت صارت على شعـري

ظليت اهزز برأسي اريدها تروح
-عفييييه طلعه من شششعررري راااحح
اموووت من الخوووف واللّه

مد ايده بجيبه طلع باكيت الجكاير ورثله جكارة يباوعلي مبتسـم

-انـت شنـوو مااا عندكك احساااس دااا اكلك راااح اموووت تعااااال طلعه وخرررهن

شال الكارتونة وتقرب عليه حچيت واني ارجف من الخوف-شداتسوووي انت اكُلك طلعهن تجي تجيبهن يمـي شترررييد منييي كلشييي اسوويلك واللّه بس وخرهن ابوس ايدك

نزل الكارتونة بالكاع تنفست براحـة حچيت برجاء-عفيه طلعلي هذااا مدرري ويين ختل بشعري

مد ايده على شعري باستحقـار
-تعـال يا حلـو تعال وين خاتل حسبالك
هاي نظيفة مثل الستتنك

بلعت الاهانـة بكل سـرور اهم شيء
يطلع الصرصور من شعري

شاله بأصابيعـه يقربه من وجهي
-ليش تخافين منه شوفي شكد كيوت

گلبي حسيته وگف ابعد برأسي مااريده يطخني بچيت اتوسله- وخرره منييي دخيلك

-نلعب لعبة

-وخرره عفييييه شتررريد اسوويلك بـسس...

قاطعني ورجع ليورا
-اسئلچ سؤال اذا ماجاوبتي الصراحة تتعاقبين

-اسسـ ئئلل

-حركتي البيت حتى مايبين انتِ البكتي الفلوس

-ماااا بايكة فلوس

طك ركبتـه حچاها بهمه
- حلـوو چذبتي هسا لازم نعاقبچ
شتحبين شلون يكون عقابچ

-فكنيي

-لا هذه مكافئة مو معاقبة راح اصير زين وياچ واخيرچ بين اثنين

سكتت ماعندي طاقة احچي رجع كال
-يا اما اذب هاي الكارتونة كلها عليچ واروح عندي شكم شغلة

-سووويهاااا واشوفك الأمهـاات شتجيييب

استرسل بحديثه مامهتملي شايل الصرصور بأصابيعه
-يا اما تتريكين بهذا باوعيله شكله يشهـي مو







ماكدرت انطق وجع كال-انتِ خطـار يمي اعذريني على التقصير داتشوفين البيت محروك شلون اسويلچ ريوك

فتحت عيوني على وسعهن- انـتت شنـوو مخبل مريــض نفسـيييي ترررريييد تعااااقبنييي على حرك بيتك اضرررربنييي آذينييي بسسس موو هيچ

باوع على ساعته كال بأستعجال
-يلاااا اختاري بسرعة عندي شغل لازم اطلع اكمله

باوعت على الصرصور حچيت بكذب بلكت يعوفني -انت شحسباااالك هذا عقــاب هههه يوكلني صرصور مدري يذبهن على رأسي

عقابك ايـــزي

عصر فكي يريدني افتح حلكي صميته بكل قوتي
يمشي الصرصور على شفتي قشعر بدني
صرخت-وخررره منيي بروح امك

خله اصابيعه بحلكي فتحه كل حيله ذب الصرصور وصم حلكي بأيدي كمت ارفس رفس شفت المـوت بعيني حسيت بحركة الصرصور داخل حلكي اهز برأسي فاتحة عيوني على وسعهـن استنجد بي مااهتملي!
من الخوف ماكدرت اتحكم بأدراري حسيت رجليـه تبللت

باوع عليه بنظرة اشمئزاز فتح حلكي مد اصبعه بي طلع الصرصور شفته بعـده عايش نفسي لعبت تقيئت على فستاني كل هذا ما همه شال الكارتونة وطلع من الغرفـة

رجعت رأسي على الكرسي اباوع على سگف الغرفة اللي تحول لونه للأسـود بسببي نزلت رأسي باوعت على نفسي رجليه كلهن درار صدري كُله تقيء
كل شوية اتذكر الصرصور وجسمي يرجف

صرخت بصوت عالي
-تعــاااااال ياااا حققيييير طلعنيييي

رجعت رأسي على الكرسي غمضت عيوني مااعرف شوكت ينتهي عذابـي!! فوك ضيم الحجية اجاااني ضيم عابس صحيح آذيته بسس هو هسا داينتقم مني اشد انتقاااام ساعات مرت كضيتها احرك ايديه بلكت اكدر افك نفسي ماااا كدرت من الصياح صوتي طبك
نزلت رأسي بيـأس غمضت عيوني مااريد اشـوف شيء
حسيت بخطوات شخص يتقرب مني رفعت رأسي باوعت عليه تقرب مني يوخر الذبان الملتم عليه

ابتعد سد خشمه بقرف
- شنـو هاي ريحتچ حتى الچلاب الميتة مابيها
هيچ عفونة

-عـ عطشاانـة

راح جاب بطل ماي فتحه يشرب بي كدامي خلصه كُله بقى بي قطـرة مدلي ياه -تريدين

هزيت رأسي بـ لا
دار ظهره يريد يطلع
-فكنيي عفيية ارييد اغسل شووف حاااليي شلون صااايـر

تقرب عليه طلعله جكارة ورثهـا نفث الدخان بوجهي
-بعدچ ما شااايفة مني شيء
-ليششش داتسوي بيه هيچ اني شسويتلك عوود انيي ارتبلك البيت اسوي احلى من قبلل بس فكني رااح امموت
-عبالچ انتِ موجودة بس لأن حركتي البيت
هزيت رأسي بـ اي







ضربني راشدي ايده صارت على شفتي الدم كام ينفر منها لزمني من شعري احسه تشلع بايده صك اسنانه كال بفحيح يم اذني
-السواااد اللي بحياطين البيت صااار بگلبـي

حـركتيلي گلبـي

على شنو احاسبچ! صـارن هواي

احس حلكي انترس دم تفلته بوجهه
-مـو رجال اللي يتطـاول على مره

مسح الدم اللي بوجهه تقرب عليه داس على رجلي بحذائه بقوة ..ايده على شعري يعت بي
-ههه ليششش انتِ حاسبة نفسچ مره

لچ انتِ مجـرد حشـرة صغيـرة

حسيت اصابع رجليه تكسرن
-اييي وخررر عفيييه راااح اموووت ششيل رجلك شيلهااا

مارفعها لحد ماشفت الموت بعينـي عافني رجعت رأسي على الكرسي عبالي انتهى عذابي مااشوف غير سطلة ماي بارد تنذب عليه شهقت مصدومـة

جاب كرسي كعد مقابيلي
-احچي ليششش حركتي البيت
رديت واني اطكطك بأسناني- بـردااا نـة

جر خصله من شعري طلع الجداحة شغلها قربها مني
-ها ادفيچ لو تحچين

-احچييي واللّه احچيي عووف شعري عفيه
ضم الجداحة بجيبه حچيت بخوف
- علمووود احررك گلبك

-والفلوس ليش بكتيها

-مابايكة فلوس

طك ركبته كام من الكرسي رفعه يريد يضربني بي صحت بكل صوتي -اييي انييي بكت فلووسك وحررركت بيتك وككل هذاااا قليييل بحقك انت تستاااهل عقـاااب اكبر ماا متندمة ولووو يرجع بيه الوكت هم اسويها لأن اخذت اغلى شييء عندييي خسااارتك هاااي ما تسااوي ربع من اللي خسرتـه

شمر الكرسي كسره تقرب مني عيونـه يجدحن جدح مليانات دموع لزمني من فكي
-شخسرررتيي

-شرفـي

دك على رأسه ضحك بهسترية
-ههههههههههههه ليششش انتِ عندچ شرف
حتى تخسريه!

-شنو شايفني امك حتى ماعندي شـرف

طلع من الغرفة دقائق واجى فتحت عيوني على وسعهن شفته شايل مسـدس

تقرب عليه خلاه برأسي شح الهـوى بصدري
-انت مخبل تريييد تموتنـي

سحب اقسـام صحت بصوت عالي
-ترييييد تكتلنـي ترتكب جريمة علمود كم ثـوب قديم فكنييي اروح اجيبلك من البالة متروسة

دفر الكرسي برجله وكعت غمضت عيوني سمعت صوت طلقتين صرخت عبالي ضربني تقرب عليه داس على شعري بحذائـه دنك عليه
-شسويلچ ويبــرد گلبـي

-اخخ ظهـري عفيييه رااح اموووت من الوجـع

نزلت عيوني على الكاع شفت بيها دم
-لككك انت مجررررم كوووم شووف شسوويت







ظهررريي رااااح اهه مرييم عفية تعاليلي

باوعت عليه كام يريد يطلع صحت وراه
-لاااا ترووحح وتعووفنييي هيچ ماا اككدر اتحمل واللّه
تعـال اكتلنـي خلصنييييي من الوجـع

عافني بقيت اصارع المـوت ساعـات مرت واني على نفس وكعتـي سمعت صوت اذان المغـرب باوعت على السماء من الشباك صحت بصوت عالي ويييينك انت يااااا رب العالمييين موو داتشووفني اتعذب ليشش مااا تنقذنيي

ليششش مااا نقذت مرييم وما خليت عمهاا يغتصبهااا ليششش خليتنااا نوكع بأيدين وحدة عصابچية دمرررتناااا استغفراللّه العظيم حتى ايماني القليل راح افقده! اخذ روحي يااا رب العالمين اريد امووت مااا دااتحمل الووجع حتى لوو توديني لجهنم رااضيـة اخذني يمك خلصني من هالحياااة السـودة مااريد ذنوبي تزيد اكثر من هيچ

مابقت عندي طاقة افتح عيوني غمضتهن مااعرف شكد مر وكت حسيت بحركة قريبة عليه رفعني فك اديني شفته شايل مكص

حچيت بتعب-شتريد تسوي
-اسويلچ نيولوك جديـد

بلعت ريك حچيت بتوسل-عـوف شعـري احبـه

جر خصلة صرخت بكل صوتي
-عابسسسسس لاا اروحلك فدوه عووف شششعري

ماسمعنـي جر شكم خصلة طويلة كصهن وخلاهن بأيدي غمضت عيوني مااريد اشوفهن
- هاچ ضميهن خاف تنسيني بيوم يذكرنچ

-بعدني ببداياتي راح اشوف الأنكس منك

-ليش تبتزين وتبوكين شتسوين بالفلوس وين توديهن

حچيت بتوسل- اريييدد ماااي عفيييه

أشرلي على مكان سيت الماي
-كومي جيبي واشربي مو فكيتچ

من كد ماعطشانة كمت متلهفة نسيت العذاب اللي عذبني ياه ردت ارفع نفسي من الكاع ماكدرت
شفتي تيبست احسها صارت حجار من العطش
حتى مااكدر ابلع ريكي بقى يباوع عليه ماكلف بنفسها يكوم يجيبلي شربة ماي احسه متشمت وفرحان بالحال اللي وصلتله باوعت بعيونـه
-انت ظالــم

كال بأستهزاء-وانتِ حرامية..مبتـزة..راقصـة..ساقطة..مجرمة

ضحكت بهدوء-ههه مجرمـة!

اخذ نفس زفر بقهر
-لو حاركتني وعايفة البيت ماچان حاسبتچ

رديت عليه بنفس نبرتـه
-لو كاتلني ومامتقرب عليه بذاك اليوم چان
ماحركتلك بيتك

-لحكتيني عرضتي نفسچ عليه!
اخذتچ من ملهى تعرفين شنو ملهـى؟

وعفتچ ماجزتي لحكتيني للغرفة كل هـذا
وجاااية تلوميني ليش تقربتلچ؟

-كل هذاا سويتـه بوعيي چنت واعيـة بس انت تقربتليي من اني فاااقـدة! اعتديت على جثة هامـدة







-شتريدين شسوي اخليچ تشربيني عصيرچ اللي حاطه بي حبوب منومة؟! اخليچ تنوميني وتبوكين اللي عندي وتنهزمين

باوعتلـه مصدومـة
-آنت چنت تعرف العصير بي حبوب؟

كال كلام ماچنت متوقعـة اسمعه- لا
صحيح استغربت كثرة الحاحچ بس چنت ناوي اشربه قبل مايجيني الأتصـال من صديقتچ!

قبل مااحچي قاطعني- اجاني شاب استنجد بيه كالي اكو بنية تبتزه خذيت حسابها خليتهم يهكرولي ياه هددتها اخبر عليها مكافحة الأبتزاز خافت واعترفت ان هي تشتغل يم وحدة هي تكللها ابتزي انطتني عنوان الملهى اللي تشتغل بي اجيت بنفس الليلة ماانتظرت تدزلي صورتها كعدت بالقاعة شوية وضجت اجواء الملاهي صارت ماتستهويني عفتها من زمان كمت اني وداامشي بالممر صرتي گبالي عفتچ ولحكتيني مااعرف ليش اخذتچ بذيچ الليلة بالرغم تارك الحرام!

اخذتچ وتندمت دخلت لغرفتي گلت اكعد بيها منا لحد ماتخلص الـ3 ساعات وارجعچ

للمرة الألف لحكتيني بعصيرچ ردت اوكع بالفخ لو ما توصلني صورتچ اللي دزتها صديقتچ!

يعنـي اني ادور عليچ وانتِ ببيتي

طلعت ليلى هي اللي متحرشة بالذيب

من عرفتچ نفسچ المبتزة ربطت الأمور ببعضها بدلت العصير خليتچ تشربي بدون ماتدرين
نمتي وصار اللي صار

تمتمت بخفوت-اللّه لااااا يوفقـچ يا سُرى

استرسل بحديثه-ثاني يوم كعدتي وكتيلي ليلة البارحة مو اول ليلة الچ ردت ارجعچ واصريتي تبقين تاليها حركتي بيتي وبكتي فلوسي! بحجة أن تنتقمين من شنو تنتقمين؟

هوو منوو اللي لعب بالنار اني لو انتِ

ذب كل اللوم عليه باوعت بعيونه
-كل هذا مايبررلك اغتصابك لبنت فاقدة الوعـي
اخذتني من الملهى صاحيـة انت مااخذت بنية سكرانة حتى يكون طبيعي تتقربلها وهي فاقـدة!

-وانتِ اذا كلشي مسوية شتفرق نقطة الدم عندچ!

-هي مو بس نقطة دم هاااي عذريتي وچنت حابة اقدمها للي يستحقهـا اقدمها بحب مو بأكـراه

تقرب عليه خله اصابيعه بشعري
-صار اللي تريدي وقدمتيها بحب لو نسيتـي

دفعت ايده من شعري
- هايهيه تعادلنـا انت سلبت اغلى شيء عندي بدون ما تأخذ رأيي واني حركتلك بيتك واخذت فلوسك

-حلـو اعترفتي انتِ البايكتهن تدرييين شكد المبلغ اللي بكتي
هزيت رأسي بـ لا
باوعلي مامقتنع
-من رجعتي لقذارتچ ماكعدتي تحسبين بي

رجعت هزيت رأسي بـ لا .. لزمني من فكي بقوة كال وهو صاك على اسنانه-50 مليــون

-قليلات لا تنسى انت اخذت بنية عذراء







ابتسم بأستهـزاء تذكرت شيء ضحكت بكل صوتي
-تذكـر

رفعلي حاجبه رجعت حچيت
-تذكـر من كتلي يلا ونسة وبلاش
بيومها جاوبتك ماكو شيء بلاش كُلنا ندفع الثمـن

ورثله جكارة كام يريد يطلع
-سئلتچ شوكت كتيلي بيوم القيامة.. خلصتي؟

خليت ايدي على حلكي امنع ضحكتي
-بسسس انت دفعت الثمن بالدنيا قبل القيامة

رجع عليه دنك طفى الجكـارة بكتفي

صرخت بكل صوتي صم حلكي
-اشش دير بالچ تعلين صوتچ

بقيت فاتحة عيوني على وسعهن ودموعي تجـري من الوجع همس يم آذني
- كل يوم راح اخليچ تدفعين ثمن حرك البيت
اتلذذ بعذابچ

وخر ايده من حلكي حچيت بأستفزاز -لووو شتسوي النااار اللي شعلتها بكلبك ماراح تطفـى وييين ترييد تروح هسا تكعد بغرفة امك هههههههههههه ليششش هي بقت غرفـة شهاداتك..رسوماتك من چنت صغير..دفتر مذكراتك..هدومهـا..كل شيء يخص امك حركته وسويتـه رمـااااااااد

دفرني برجله على بطني حسيت مصاريني تكطعت!

بقى يدفر بيه مااكدر ابعد نفسي واتحرك عظامي تكسـرن عافني يلتقط انفاسـه تفلت الدم بالكاع باوعت بعيونه
-روح طلعهاا من الكبر اخذلها صورة لأن حركتلك كل صورها ههههههههه

اخذت نفس عميق اختنكت من ما ضحكت لكك حتى لو تطلعها من الگبر المن تاخذ صورة للهيكل العظمي

صاح بعلو صوته
-لچ انتِ شنـووو جيسس ملاكمة
جسمچ مدبغ ماتشبعين من الضرب

تقرب عليه سحلني من شعـري وهو يصيح
- ماتخافين من الضرب مـوو انييي اعلمچ

غصيت بضحكتي
-ههههه شتعلمنيي اعرف اقرأ واكتب

احس رأسي ورم من كد مايجرجر بشعري
-كااااافييي عاااااد عووف شششعري

سحلني للحمام باوعتله بتفاجئ الحياطين صايرة سود من الرماد تمتمت بخفوت
-هذا كُله شغل ايـدي

شهقت من ذب سطلة الماي عليه مد ايده على فستاني شكه خليت اديني على صدري حچيت برجفة-شداااتسووي انت

ابتسم شفت بعيونـه لمعـة الأنتصـار- صارلي ليلتين حاير شلون اعذبچ! وكل هذا مافاد بيچ

قاطعته بسرعة- كااافي آذيتني هواي اخذت حقك وزيادة يلااا كوم رجعنيي

همس بأذني-بأحلامــچ

شال شعري رفعني بي اخذ شفتي بقوة كمت ادفع بي نزل ايده من شعري رجع اديني ليورا من غير شي شفتي متفطرة من العطش صارت تنزف دم مرر لسانه على شفتي لعق الدم!







-انت مخبل تشرب دم!! ششتريييد مني شااايف حالي شلونه دتشوفني لو انعمييييت
الشيطان عمااااك

شك باقي فستاني حرت اخلي ايدي على اي جزء بجسمي واستره طلعني من الحمام شمرني بالغرفة شمر ماهمني وجعي وعظامي اللي تكسرت باوعتله بعيوني اتوسله مايسوي اللي ناوي عليه

نام فوكاي لزمته من ايده ابوس بيها اتوسله
-عااابسس فدوه لعينكك لاتسووي هيچ
آذيني اضربنيييي موتني بسس لاااا

قاطعني براشدي قوي صم حلكي بأيده ونزل رأسه عينه صارت على اجزاء جسمي غمض عيونه ثواني فتحهن صايرات جمر رفع رأسه خله شفته قريبة يم اذني -تذكرين ذيچ الليلة شلووون خليتچ تنسين اسمچ بهالليلة راح اعاملچ بأسلـوب جديد جربي مميزاتي

هزيت رأسي بـ لا ..
عافني طلع من الغرفة لحظات اجى شايل بوري صغير جسمي رجف حسيت هذه نهايتـي اذا ضربني بي بعد مااعيش

حچيت بخوف-شتضرب مني مداتشوفني مااكدر ارفع جسمي من الكـاع اذا ناوي تكتلني خلااص اضربني طلقة بكصتي وخلصنيييي شبقيت بيه انت

تمدد بصفي يدك البوري بالكاع الصوت وترني على ساعة اكول راح يفلش رأسي بي

سحبني عليه صرت مثل جثة مااكدر احرك شيء بيه خله عينه بعيني والنوب نزل نظره من رأسي لأصابع رجليه كام يضغط على جروحي بأيده
-بذيچ الليلة اول مافقدتي الوعي شلتچ وذبيتچ على الچرباية ظليت اباوعلچ وادخـن اخذتلچ صورة ودزيتها لصديقتچ

الشيطان اغواني لعب بعقلي كال اتقربلها بس هالمرة وارجع توب

تقربت عليچ ذبيت فستانچ وكلشي لابسته اخذت نص ساعة اباوع على ابداع الخالق
صرت اشوفچ اخر بنية على كوكب الأرض اذاا عفتچ بهالليلة معناها عفت كنز ثمين! كلما اريد اتقرب شيء يمنعني جاهــدت لحد ماعفتچ ظليت افتر بالغرفة بين رغبتي وبين ليلة ماتتكرر وبنية من شدة جمالها اول ماشفتها عبالي مو من البشر!

ممكن تكون ملاك نازل من السماء

ممكن تكون مجرد طيف عابر شفتچ حاچيتني ومااهتميتلچ مشيت حسيت نفسي اتخيل تعرفيين شنو يعني انت بالواقع وعبالك الداتعيشه حلم!

وبالنهاية هذا الملاك انتهى بي المطاف
بغرفتي نايم لا حول ولا قوة!

جاهدت حتى ابتعد وابتعدت لحد ماوصلني اشعار رسالة من صديقتچ تتوسل بيه مااتقربلچ ماآذيچ كالت هاي البنية بعدها جديدة عوفها

شيء بيه صدك بيها وشيء لا .. مستحيل بنية بهالجمال وبنص ملهى وبعدها نظيفـة

بقيت ساعات اباوع عليچ لحد ماتمكن الشيطان مني ومشيت برجليه لنهاية ايمانـي







تقربتلچ عاملتچ كأنما كزازة لهذا من كعدتي الصبح ماشفتي اي آثر
بعد ماخلصت تفاجئت بدم عذريتچ!

باوع على جسمي بتمعن
-منو چان يتصور التفاحة اللي طلعتني
من الجنة هيچ يصير بيها

حسيت ماعندي قدرة للكلام بعد اللي سمعته بس دموعي ظلت تجري
- دمرتچ وراح ادمرچ اكثـر

لزم البوري ونزل لمكاني الحساس وسعت عيوني صحت بكل صوتي
-شششتررررريييد تسوووي اااانتتت

حسيته ماواعي ماچان بأيديه شي غير البچي..الصياح..التوسل
-عاااابس لاااا تسوي بييه هيچ برووح امك

-تحلفيني بروح امييي اللي حركتييي كل شيء يخصهااااا افتحيي رجليچ

جسمي كُله كام يرجف بقوة حسيت نفسي دا اغيب على الوعي حچيت بكلمات متقطعة
- لا تسويهاااا لا تأذيني بهالطرر يقة

انييي ماا استااا هلل كلل هذه انيي مثلك يتيمـة

ماااا عنديي كلشيي لأهليي مااعرف شنو ام!
ماعرفت هالكد راااح تتأذى اذاا هيچ سووويت اني موو بأيددي صررت هيچ انججبررت واللّه

اني يتيمة ما عندي احد محد يطلع ورايه تكدر تكتلني وتذبني للچلاب محد من البشر يحاسبك
بس اني عندي رب ياخذ حقي

الرؤية صارت عندي مشوشة اخر شي شفته من شمر البوري وطلع من الغرفة وراها سحبني الظلام

فتحت عيوني على صراخ عابـس يحچي بحركة گلب -ليشششش بس كليلي ليشش كل مـرة ماتخليني أخـذ حقـچ تبقيييين تسامحييين اللي يأذونچ مايستاهلون عفوچ ليششش يممه تجبررررينييي اسامحهم

دقائق وصار هـدوء ماينسمع غير صوتي الضعيف
اتمتم بهذيان- عطشانـة ارييـدد مااي عفييه

غمضت عيوني بيـأس حتى لو عابس سمع صوتي مستحيل يجي ينطيني ماي تحملي ضحى مابقالچ شيء وتموتين تخلصين من هالحياة الماشفتي منها بس الضيم

صرخت بوجع فتحت عيوني باوعتله دفرني شمر عليه عباية اسلامية وفلوس دنك همس بأذني كلمات ماچنت متوقعة اسمعهن منه
-راح اطلع من ارجع للبيت مااريد اشوفچ بي
اذا رجعت ولكيتچ يمكن حتى امي ماتوكف بعيني بعد

دمعت عيني حچيت برجاء- عفيييه ارييد ماااي

-اطلعيييي برااا كومي يلا

-مااا بيه واللّه..جيبلي مااي
كام ثواني واجى جايبلي ماي خلاه بصفي راد يطلع شافني ماتحركت -مو كتلتي نفسچ على الماي ماتشربين

ماعمري تخيلت يجيني يوم اصير بهالحالة ضعيفة وهلكانة لدرجـة قارورة ماي مااكدر اشيل!
بچيت بقهـر عابس جردني من كل شيء امتلكه تمتمت بخفوت -ما بيه







تقرب عليه رفعني صرخت بوجع جسمي كُله مورم كال بعصبية مكتومة
- مابيچ تشربين ماي بس بيچ تحركين بيوت

-اسفــة

ابتسم بأستهـزاء- اللّه تغيرت حياتي بعد ماتأسفتي

قرب قارورة الماي من شفتي شربت ماي لحد ماارتويـت
مد ايده على العباية الاسلامية جرها لبسني ياهـا كل هذا صار واني اباوعله بهدوء حچيت بخوف
- اذا رجعت وشفتني بعدني هنانه شيصير

رفع حاجبه بأستغراب- وليش تبقين؟شنو عجبچ الوضع

-ماا اككدررر اتحرررك انت دمرتنيي

-وادمرچ اكثر اذا بقيتي البارحة الله سترچ مني

أشر على رأسه
- اكو واير هنا من ينضرب ابوية بعد مااعرفه

-دوسي على جرحچ وامشي مثل مااني دست
على ثأري ومشيت

كال هالكلام وطلع من الغرفة بقيت ساعات بمكاني احاول ارفع نفسي من الكاع اتحركلي كم خطوة كل محاولاتي فشلت يأست وكعدت لحد ما آذن الظهر دعيت رب العالمين ينطيني القوة حتى اكدر اتحرك اقلها اطلع من بيت هذا الوحش

رب العالمين ماخيبني بأول محاولة بعد الدعاء كدرت اكوم وكفت على رجليه رفعت ايدي
-شششكرآ ياااا رب العالمييين الف الحمدللّه والشكر

مشيت بخطوات بطيئة دست على جروحي باوعت على الغرفة اللي تعذبت بيها على كل اجزاء البيت سحبت نفسي فتحت باب الحوش وطلعت الهث عبالك چنت بسجن ماريحت نفسي وكعدت لا ردت ابتعد شكد مااكدر عن هذا البيت اللي هدمته وهدمني!

اغلب اللي شافوني بالطريق استغربوا مني بنية لابسة عباية اسلامية وشعرها مفتوح بدون حجاب تمشي بخطوات متعبة وبطيئة وجهها مليان آثار ضرب

وصلت للشارع العام حسيت حيلي باد كعدت على الرصيف مثل طفلة تايهـة

كمت اتحدى اوجاعي هستوني خليت رجلي اريد
اعبر الشارع حسيت بدوخة قوية وكعت

فتحت عيوني لكيت نفسي بغرفة حياطينها بيضاء رفعت رأسي باوعت على ايدي مشكليلي كانونة ومغـذي ملبسيني ثوب ازرك مثل الكلينكس جسمي كله لزكات جروح رجعت رأسي على المخدة شوية وفاتت ممرضة للغرفة شافتني صاحية ابتسمت بوجهـي تقربت عليه ضربت أبرة بالمغذي
-صارلچ يومين هنانه

-يومين شنو مدا اتذكر شيء؟
-واكعة بالشارع لو ماربچ ستر چان سحكتچ السيارات جابوچ مثل الجثة للمستشفى جسمچ كُله أثار تعذيب فاقدة هواي سوائـل سوء تغذية كأنما باقية بدون اكل وشرب ايام

رفعت نفسي اريد اكوم مااكدر لزمتني
- شداتسوين انتِ

-اريييد اروح ليشش بعدنيي ماااكدر اتحرك







-شتحركين هو انتِ غير مكسريچ تكسر

ضيقت عيونها تقربت مني حچت بصوت ناصي
- چنتي مخطوفـة

تجاهلت كلامها حچيت بتوسل
-عفيه اريد اخابر على اهلي

مدت ايدها على جيبها طلعت موبايلها انطتني ياه سجلت رقم مريم من اول رنة فتحت خط هي كالت الو طكيتها ببجية وصلني صوتها الخايف- ضحى لچ وييينچ انتِ

حچيت بكلمات متقطعة
-ماا ادرر يي عفيه تعا ليلي

الممرضة انقهرت عليه اخذت الموبايل مني
-السلام عليكم اختي المريضة حاليآ بمستشفى *
رجعت كالت-صارلها يومين يمنا حالتها حاليآ مستقـرة
انهت المكالمة ضمت الموبايل بجيبها وجهت كلامها اليه
-الشرطة يريدون يحچون وياچ لأن وضعچ مريب ادخلهم عليچ هسا يسئلـوچ شكم سؤال اجراء روتيني يعني بمثل هيچ حالات

هزيت رأسي بـ رفض رجعت كالت
-احچيلهم منو اللي سوى بيچ هيچ لاتعوفين حقچ ترا البلد بي قانـون

ابتسمت باستهـزاء طلعت من الغرفة مامرت غير نص ساعة وانفتح باب الغرفة زفرت بتعب هاي الحجية شجابها جاية وراها مريم تفاجئت من شافت وضعي هستوها تريد تتقرب عليه الحجية بعدتها بلهجة حادة كالتلها اطلعي من الغرفة

خلت مريم تطلع وتقربت عليه حچت وهي صاكة
على اسنانها- منو اللي تجرأ يسوي بيچ هيچ

مارديت عليها رجعت حچت بفحيح
- منووو اللي سوى بيچ هيچ اطلعه من سابع ارض وآذي نفس ماآذاچ احچي لاتظلين ساكتـة

ركزت بعيونها -انتِ كُله بسببچ

هستوها تريد تحچي انفتح الباب دخلوا الشرطة
الحجية باوعتلهم هي وتعلچ
- شعدكم مستعجلين چان انتظرتوها تموت واستجوبتوها بالطب العدلي

الضابط خزرها ضاج من كلامها- ما وصلنا اي بلاغ

باوع عليه وجهي كلامه
- وضعچ مبين چنتي مخطوفة تذكرين الخاطف

-لا

-ماعندچ اي معلومة ممكن توصلنا بي الوقت اللي انخطفتي بي والمكان نكدر نسترجع الاحداث بالكاميرات ونطلعه

باوعت على الحجية شكوللهم خطفني
من الملهى مالتچ
جاوبتهم ببكاء
-عفيييه مااكدر احچي شيء رأسي يوجعني

الحجية وجهت نظرها للضابط
-البنية وضعها صعب حتى حالتها النفسية تعبانة لاتزيدونها عليها

الضابط-انتِ شتصيرين منها
-خالتهـا

الضابط-من ترتاح البنية وتستعيد عافيتها خلي تجي للمركز عسى ولعل نلكى اثر للخاطف
باوع عليه كال-الحمدلله على سلامتـچ







ابتسمت بوجهه مجاملة اندار للحجية -اهتموا ببناتكم لاتيهونهن الدنيا مو امان اليوم رجعولچ ياها مكسرة باچر يرجعوها جثة

صاحت بصوت عالي-فـال اللّه ولا فالك عيني
تأكدت من عدهم طلعوا تقربت عليه مسحت على شعري بأيديها-عفية عليچ من سكتي وماحچيتيلهم شيء محد ياخذ ثارچ غيري لهسا ماانخلق اللي يآذي بنات الحجية سعاد

-ديييير بالچ تكعدين تبحوشين ورا موضوع خطفي

-كبرتي وكمتي تهدديني؟

-ما صار شيء مجرد تصفية حسابات هياتني كدامچ بخير

-گلبـچ رجيچ يالفاهيـة حتى اللي منومچ مستشفى ماتريدينه يتأذى

خليت ايدي على رأسي احسه راح ينفجر
- ماااا اريييده يتأذى شنووو؟ اللّه ينتقم من عنده حسبي الله ونعم الوكيل عليكم كلكممم اطلعيي عوفييني بحااالي

لزمتني تهديني-خلاااص اخذي نفس رااح اطلع

تمتمت بخفوت-روحه بلا رده

كل شوية اتذكر عابس والسواه بيه غمضت عيوني فتحتهن على صوت مريم كُلش خايفة عليه صرت اني اهديها بدال ماهي تهديني حچيت بتعب
-كــافي تبچين مرايـم مو داتشوفيني بخير هسا شكم يوم وارجع نفس قبل

مسحت دموعها
-ليش ماگلتي للحجية خليتيها تاخذ حقچ

ابتسمت باستهزاء- هـا انتِ همين صرتي نفسها تدورين انتقام هو اني لو ماانتقامي چان هسا وضعي مو هيچ

-تمااام عوفي الحجية خلي سُرى تراسله وتجرجره تصوره بأوضاع مو زينة وننشره نفضحـه

من كد ماضحكت بطني كامت توجعني حچيت واني غاصة بالضحك- هههههههههه تضحك على منو وتبتز منو ولچ غيير هو طلع نفسسه اللي كاشفناااا اخذني بذاك اليوم الأسود ماچان يدرري بس هااي الناقصة دازتله صورتي

باوعتلي بأستغراب مامستوعبة اللي حچيته- تماام افتهمت هو چان كاشفچ بس مشايف وجهچ اشتراچ وفجأة عرف انتِ نفسچ المبتزة وانتهى كلشي ..
ليش خطفـچ؟

-حتى ينتقم مني
-على شنووو!! فووك مااا اغتصبچ يجي ينتقم
-لأن اني حركت بيته

وكفت مصدومة-شنـو؟

حچيتلها كُلشي ظلت ساعة تنقهر وتبچي عليه وساعة تسبني -شكووو تلومينيي واذااا حركت بيته وشنو هو فقير باچر عكبه يعدل بيته يرجعه احلى من قبل

-وذكريات امـه؟ شلون يرجعها؟ كُلش غلط اللي سويتي انتِ لو تعرفين شنو الأم چان هسا ماسويتي هيچ

-شووو داتدافعين عليه؟ آذاني هواي حچيتلچ كلشي شنو نسيتي على اساس انتِ ماتنتقمين من اللي آذوچ لو اجتچ الفرصة







جرت حسرة باوعت بعيوني -هواي الآذوني! شـ انتقم من واحد اثنين بس اكو شخص دائما يجي ببالي عمري ماانسـاه اتمنى يجي يوم التقي بي واشوفه مريـم الجديدة شلونها

بتساؤل-منو قصدچ رسـول

-لا

هستوني اريد ارد عليها دخلت الحجية سعاد
-كاعـدات الحبايب مرتاحات عبالك مو بالمستشفى

-حچية عفيه خليهم يطلعوني تعبت
-جهزت كلشي ماقلبوا يطلعونچ بالگوة وافقوا

اندارت لمريم حاچتها
-يلاا لبسيها كوميها اني انتظرچن جوه

.. تقدمت مريم رفعت جسمي من الچرباية
-على كيفچ عفييه
نزعتلي ملابس المستشفى شهقت من شافت جسمي سئلتها- ليششش شهكتي متآذية مو

-عمري كُله يطيب بمرور الوكت
-بس اني ما انساه صورته مطبوعة بدماغي

بدلتلي نزلت امشي بصعوبة عبالك طفل هستوه دايمشي وصلنا للسكن مريم ماقبلت اكعد بغرفتي اخذتني يمها تداريني

كل يومية احلم بي يعذبني متت عابس صار كابوس بحياتي حچيت اني ونايمة على رجلين مريم
-شوكت انسـاه تعبت كل ماانام يجي بحلمي شسوي واللّه راح اموت
-اشششش اسم اللّه شداتحچين انتِ
بلعت ريك كمت اطكطك بأصابع اديني- زيين مريم شلون راح اخذ حريتي اذا اني بطلت ابتز شباب منين انطي فلوس للحجية

بحيـرة- مااعـرف
اهم شيء ماترجعين لسالفة الأبتـزاز ترا بيها خطورة

كمت باوعتلها افرك بأيدي بتوتر
- مـ ررييم خليي اروح للحچية احاچيها تنطيني حريتي بلكت ينكسر گلبها عليه وتعوفني بحال سبيلي

لزمت ايدي تهديني
- لا دير بالچ صارلها شهر ماجابت طاريچ لاتروحين تذكرينهاا بيچ

-يجوووز عدهااا شغلل ونستني هسا
هم ترجع عليه شسوي

حضنتني- منااا لوكتها اللّه كريم نشوفلنا حل

دفعتها بهدوء حچيت بتوسل- زين اريد حباية انطيني راح اموووت بدونها مااكدر عفيه مريم

-صارلچ شهر بدونها خلاص عوفي الادمان شوفي لوين وصلچ

مسحت دموعي واني اضحك- يا شهر؟
ترا ماصار اسبوع من اخذت حباية
بس انتِ بالجديد مدري وين ضميتيهن

باوعت عليه بنظـرة كلها عتاب- ليش ضحى ليشش؟ واني كل مرة اسئلچ تكولين عفت الحبوب تااالي ترجعيلهن بالسـر! شعاجبچ بيهن وين اكو واحد يحب يخبل نفسسه

بأنفعال -اي اريييدهن لأن يخبلنييي ينسني اني منو ينسني برگبتي دين للحجية ولازم اسدده ينسني
عابس واللي سواه بيه
احبهن لأن يدوخني ينطني راحة مؤقتة وراها اموت الف موتة اني دا اكتل نفسي على البطيء بس شسوي ما بأيدي شيء

-صيحي ارتاحيتي من صيحتيي تريدين تسوين البرأسچ مو

فتحت الجرارة شمرت شريط الحبوب عليه -هااااچ اخذيهن خبلي نفسچ بس دير بالچ تجينيي بعد اني تعبت منچ كلما اكول راح تتغير اتفاجئ بتصرف منچ يغير نظرتي عنچ 180درجة

اخذت منها الشريط مريم طلعت معصبة مالي حيل الحكها اخذت حبايـة وتمددت حايـرة مااعرف شسوي سمعت صوت موبايلي يدك قريت الأسم سُرى مااعرف شنو هاي البنية لا تكـل ولاتمـل صارلها شهر تخابر واني ماارد عليها فتحت عليها خط زفرت بملل
-شتريدين سُرى

-شششههررر ياااا ظااالمة اخابرچ ماتردين عليه

-الشغل وعفته شعندي اتواصل ويـاچ

سكتت وراها حچت بصوت مخنوك
- واذا عفتي الأبتزاز بعد ماتحچين ويايه؟

ببـرود-اي طبعآ احنا چان يجمعنا بس الشغل

-بس اني تعـودت عليچ

ضحكت باستهـزاء رجعت حچت ببكاء-فهميييني اني شنوو ذنبي شمدرريني بذاك اليوم چاااان ماخذچ

-تمام من دزيتيله صورتي ماتدرين اني يمه
بس ليش انطيتي نقطة ضعفيي ليش حچيتله سـري يمكن لو ماواصلتله رسالتچ چان عافني يمكن چان ما صار كل هذا يجوز چان هسا اني بعدني نظيفة

قاطعتني تبرر وتتأسف
- لچ كتله هيي بعدها باكر علمود ينكسر گلبه عليچ علمود يعرف بيچ بعدچ نظيفة ويعوفچ واللّه هذه چانت نيتي

كل اللي مر عليه صار كدامي خليت ايدي على رأسي- من ورا غلطتچ وتصرفچ الغير واعي اني دا اموت اهخخ يااا رييت لو فعلآ اللّه ياخذ امانته تعبت وما عندي طاقة لأي شيء

هستوها تريد تحچي سكتتها
- سُرى اني كُلش تعبانـة مااكدر احچي ارحميني خلاص رميت الموبايل بأهمال غطيت نفسي ودخلت بنومة عميقـة

كعدت بالليل رأسي يوجعني باوعت على ميز التواليت شفت ورقة لازكة على المرايا كمت بصعوبة وصلتلها مجرد ماقريت الكلام اللي بداخل الورقة حسيت نفسي ضعت خليت اصبعي على الكلمات اتحسسهن غمضت عيوني وتخيلتها تحچيلي ياهن

ضحـاوي عمري ماچنت اريد اعوفچ بهالفترة بس انجبرت مااعرف شكد راح تطول فترة غيابي بس اعرفي اني وياچ واحبچ ابتعدي عن سُرى واذا رجعتي وياها لا تسون شغلات غبية تماام اني اخذت موبايلي ويايه راح اتصل بيچ دائمآ واذا انغلق خطي لاتخافين عليه اني بخير

اعرف كل اللي كلته ماراح يسد نقطة من وحدتچ بس حتى تحسين اني دائمآ وياچ طلعي كلادة امـي اني ادري بيچ بعدچ محتفظة بيها اني دائمآ من چنت اخاف وبالأيام اللي چان سري بگلبي وخانكني البسهـا واحس بالأمـان البسيها وتذكري اني دائمآ قريبة عليچ بغض النظر عن المسافـات احنـا الأربعـة گلوبنا تبقى قريبات لو مهما خذتنا الدنيا وبعدتنا

يتبــــــــــــــــع

رقص السراب - البارت الواحد والثلاثون -
∞∞∞∞∞∞∞∞∞∞∞∞∞∞∞∞

" رنــــا ''

دفنت رأسي بصدره هو كدر ينام بس اني ماكدرت اليوم اني صرت زوجة امير فعليآ! خليط مشاعـر بداخلي مااعرف اذا كعد من النوم شلون راح يعاملني واعاملـه! اعترفت بداخلي امير اول رجل يلمس قلبي غمضت عيوني مستسلمة للنوم لأول مرة احس نفسي بأمـان واني بين ايدينه


كعدت على صوت علاوي يبچي سحبت نفسي من حضن امير بهدوء طلعتلي ثوب من الكنتور لبسته وشلت علاوي بوسته سويتله ممه مشيت للصالة شغلت التلفزيون كعدته وخليت داير مدايـره مخاد خاف يوكع دخلت للغرفة امشي على اصابـع رجليه فتت للحمام الماي يجري عليه ومامستوعبة اللي صـار بيني وبين اميـر يا ترى راح تتغير حياتنـا بعد هالنهار لو لا؟! هواي اسئلة بداخلي ما الهـا جواب معقولـة امير تقبلني كـ زوجة! وراح نعيش حياتنا مثل اي اثنين متزوجين

لفيت المنشفة على جسمي وطلعت من الحمـام تفاجئت بي كاعـد لا اراديـآ فزيت توترت مااعرف شسوي فتحت الكنتور اگلب بي اريد اطلعلي ثوب هو لاحـظ ارتباكـي تقدم عليه بخطوات سريعـة دارني عليه
-ليش كل هالتوتـر اللي صار بيناتنا المفروض يصير من زمان بالنهاية انتِ مرتـي

قاطعت كلامه بسرعـة
- بسس احنا مااتفقنا هيچ انت مو كلت مستحيل ا......

خلا اصبعه على شفتي يسكتني كال كلماته
وكأنما دا يطلب مني
- داتشوفيني احاول انسى كل اللي صـار بالماضي اريد اتقـدم بحياتي خلاص احنا مانكدر نرجع للماضي ونصلحه بس نكـدر نغير الواقـع

باوعت على عيونه زرك مثل لون السماء لمعتهن زايدتهن جمـال كال بأبتسـامة
-مـو

لا اراديآ هزيتله رأسي بموافقة

عافني ودخل للحمـام ظليت اتلفت مااعرف شسوي ضربت رأسي بخفة تمتمت بداخلي شبيچ تسرسحتي صارلچ اكثر من سنة ويـاه شجاچ اليـوم

طلعتلي ثوب وردي لبسته مشطت شعـري وعفته مفتوح ماشلتـه عيني صارت على المكياج ابتسمت صارلي شكد مامخليه سحبتلي حمرة وردية فاتح خليتها رتبت الغرفة ورحت يم علاوي العب ويـاه شلته وكمت فتحت الثلاجـة حايرة شسوي غدى اجاني صوت امير
-طلعي رأسچ من الثلاجة وصيت على غدى من المطعـم

انداريتله بفرحة- تدري انت نقذتني چنت حايرة شسوي رجعت كعدت اتابع الفيلم الهندي كال بتذمر
-ماتملين من الأفلام الهندية دعووفيهن







-لعد شسوي ضوجـة
سكت رجعت حچيت-اميـر

-احچي
-لحظة
كمت بسرعة للغرفة جبت الموبايل وخليته بأيده باوعلي مستغرب تصرفي حچيت اوضحله
-هاك ياه بعد مااحتاجه انت اجيت

كام يكلب بي فتح عيونه بصدمة
-هيچ تنطيني ياه بلاش

رديت بلا مبالاة-لعد شسوي بي

-لچ هذا ايفون غالي خـ.را بعرضك عابس
هيچ عندك فلوس وتشمر بيهن

-يعني شنو هذا الجهاز غالي

-لا مو غالي تكدرين تبيعين كليتچ وتشتريه

فتحت حلكي بفهاوة- تحچي صـُدك

سحبني من ايدي خلاني بحضنه حسيت نفسي تضايقت بس مابينتله كال-لا مو لهالدرجة بس غالي

-تدري صديقك طلع هواي حباب كُلش چان خايف على علاوي عبالك ابنـه لو تشوف شلون كعد طول الليل سهران اني غفت عيني وهو مانـام وشلون علمني على العلاج خطيه حتى اني شكد دعيتله

لزم شعري بأيده شده ورفع رأسي صحت متوجعة- اييي يي شبيك شعرري واذا دعيتله شكو قابل

كال وهو كاتم ضحكته
- واني اكول الرجال ليش احترك بيته طلعتي انتِ داعيتله

-تـرا دعيتله مو دعيت عليه

ماكدر يكتم ضحكته اكثر من هيچ انفجر بالضحك- ههههههههههههههه لچ اذا داعيتله بالخير واحترك بيته اذا تدعين عليه بالشر شيصير بي يمكن مايمر يوم ونلكاه بالفتحة السادسة

نرفزني كمت اضرب بي- وشصاااار بي خاف تأذى

-لا مابي شيء

-شلون مابي شيء مو احترك بيته وهو بداخله!

قاطعني بسرعة
-لا اسم اللّه هو بس رجع من المستشفى لكاه صاير رماد


انقهرت على عابس خطيه هستوني اريد اكوم لزمني امير -هااا لچ وين رايحـة

ببراءة-كلت اصلي وادعيله خطيه بيته احترك اكيد انقهر

-اششش يمعودة استري علينا انتِ دعيتيله على الناشف احترك بيته النوب تدعيله على سجادة الصلاة غير يموت

ضجت حيل من كلامه باوعتله اخزر بي سحبني لحضنه- تعالي رناوي خلي نتابع فيلمچ وهسا يجي ابو الدليفري نتعشى ونكوم نصلي ندعي لعابس بس ندعيله بالشر لأن يمكن انتِ دعائچ يعكس قبل شكام يوم دعيتيله بالخير انهجم بيته

كمت ادفع بي حچيت بعصبية- تـراااا ضجت واللّه وكلامك مايضحك

تمتمت بخفوت- عود ينكت شنو انت احسان دعدوش

خله ايده على وجهي خلاه مقابيل وجهه كال كلماته بجدية- بعد اللي صار اليوم أيقنت وتأكدت ان العذرية ماتقتصر على نقاط دم عرفتچ شكد نقية وبيضاء من الداخل تفاعلچ..خوفچ..رجفتـچ كلهن اوحن لي ان هذه اول مرة رجل يتقربلچ روحيـآ







عرفت شكد چان وجودچ غلط بذاك المكـان
اتمنى اكدر اعوضچ وانسيچ كلشي سيء عشتي

رنـا انتِ يمكن اقرب مني لـ اللّه بسرعة انهديتي ومشيتي بطريق الحق اتمنى لو تدعيلي رب العالمين يسامحني ويغفرلي ذنوبي يهديني للخيـر اني ما عندي ارادة مااكدر اعوف الحرام

تصوري صديقي اللي جابني لهالـدرب وعلمني على كل شيء حـرام فجأة وعى على نفسه لملم شتاته انهدى للخير

اعرف كسـرة گلبه چبيـرة خصوصآ بعد مااحترك بيته وراحت كل ذكرياته ويه امـه اللي ابد مانساهـا معاملها كأنها حية ترزق

حسيت بعد مااحترك بيته انهـار عبالك ماتت امه من جديد اتمنى تدعيله وتدعيلـي انتِ يتيمة..مظلومة..تايبة
بلكت دعائچ يستجـاب

مسحت دموعي اللي نزلت غصب عني -حسبي اللّه ونعم الوكيل على اي شخص اله ايد بحركة بيت صديقك واذا ماچان الحريق مفتعل هاي هيه حكمة رب العالمين

سكتت ورجعت حچيت بأبتسامـة-ماكو داعي تطلب مني اصلآ اني كل يوم ادعيلك حتى مرات ادعي لصديقك لأن هو چان سبب من الأسباب اللي خلتك تفكر تاخذني من الحجية واني بفضلكم هسا يم ابني
وعايشة عيشة نظيفة عمري ماچنت احلم بيها

باسني من خدي حچه بأذني
- وجودچ هنانه مو فضل مني انتِ مرتي

ابتعدت من سمعنا صوت الجـرس كام امير طلع من محفظته فلوس وطلع للمندوب اجى جايب الأكل
اكلنا باقي اليوم عشتـه بتوتر شكد حاولت اصير طبيعية ماكدرت الوضع هذا جديد عليـه!
كلمـا يصيحلي امير گلبي يفـز
كلامه العـادي صار يأثـر بيه

مـرت ايـام علاقتنا صـارت حلوة
امير صار جزء لا يتجزء مني حاله حال علاوي!
هو بعد ماكالي احبچ بعد ذاك اليوم بس اني دااشوف الحب بعيونـه

عشنا حياة طبيعية مثل اي اثنين متزوجين اكعد الصبح اسويله ريوك احضرله هدومـه يروح للشغل يرجع يلكى الغدى حاضـر وراها العصر يطلع ويه جماعته يجي وكت العشاء وبعد مايطلع منا لثاني يوم

صحيح بعده مامتقرب على علاوي
كأنما مدايشوفـه مامخلي ببالـه خير شر معتبره كأنما قطعة اثاث ويمكن لا! لأن هو حتى الأثاث يحبـه مرات اذا انسى يوم ماامسح الطاولات..التحفيات..الخشاب ينبهني
الا علي!

عبالك ماموجود بالبيت دا اطمن نفسي اكول بلكت بالأيام الجاية يتغير مثل ماتقبلني وحبني اكيد راح يحب ابنـه

نايمة بحضنه دا اغفي سئلني
- نمتـي
-نعسانـة كُلش
رفع رأسي-باچر اكعدچ الصبح نروح للمحكمة
بفهـاوة-شنسـوي
باستهـزاء -نلعب تنـس

بعدها كال بجدية-شنسوي بالمحكمة غير نعقد

كمت كمزت فوك الچرباية بفرحة
-تحچي صُدك راح نتـزوج







تمتم بخفوت-استغفر اللّه العظيم

خزرته بسرعة
-شعندك تستغفر ضايج مو ترا محد جابرك تعقد محكمة

كعد سحبني من ايدي رجعني لحضنه
-مو انتِ غبية شنو تكولين راح نتزوج ليش احنا
هسا شنو!

بس لازم نعقد محكمة حتى نطلع هوية لعلي لا سمح اللّه تمرض احتاج عملية منو يقبل يسويله غيرها وغيرها باچر عگبه يكبر يسجل مدرسة الهوية كُلش ضرورية

-مدا اصُدك يجي يوم واشوف علاوي بالمدرسة

غطانا بسرعة-اششش يلااا خلي ننـام هسا

يسكتني كلما اجيب طاري علاوي كدامه مااعرف شلون راح تكضي

كعدت الصبح على صوت المنبـه حچيت بتثاوب
- كووم اميير موبايلك دايدك

ماكعد كمت اضرب بي مايفيد رفعت نفسي شلت الموبايل شفت المنبه طفيته رجعت اريد انام سمعته كال -عفيه عليچ

بعد شوية كعد من النوم راح غسل وسمعت طكطكة بالمطبخ وصلني صوتـه يصيحلي تأففت بأنزعـاج كمت غسلت طلعت من الغرفة وصلت للمطبخ شفته مجهز الريـوك -مو بعد وكت شوف الساعـة بيش
مارد عليـه كملنا ريوك غسلت المواعين لملمت البيت دخلت للغرفة لكيت امير جاهز سبحت وبدلت كعدت علاوي بدلتله اجى امير شافنا جاهزين كال
-ترا الولد ماناخذه ويانا
باوعتله بأستغـراب- لعد وين نودي
-نذبه بالشـارع

-هاي شبيك امير
-انتِ شبيچ شلون ناخذه ويانا وين اكو اثنين
يعقدون ياخذون ابنهم وياهم

كعدت بالكاع هستوني اريد اذب شالي تقدم عليه كال بعصبية مكتومة-هيوو مخبلة نروح نودي علي لأم عابس وراها نطلع نكمل الأجراءات

حضنت علاوي اريد اضمه بگلبي
- شلـون مااكدر آمن على ابني يم ناس مااعرفهم
-انتِ ماتعرفيهم بس اني اعتبرهم مثل اهلـي يلا كومي لا تأخرينـا

كمت مامقتنعة صعدت بالسيارة هستوه امير حرك السيارة خابر على صديقه مرة مرتين مارد بالثالثة وصلني صوته المتذمـر
- شنو يـول حلمان بيه مخابرني من الصبح

ضحك امير- هههه وين انـت بالبيت
-داك عليه هيچ وكت يعني ويني بالشـارع

-بيت ابـوك مو
تغير صوته كال بحسـرة-ليش بقالي غيـره

خطيه انقهرت من سمعته كال هيچ اما امير احساس ماكو تجاهل كلشي وجه كلامه بأمر عبالك هو ابو الراهي -عندي شغلة راح اجيبلك علي خلوه يمكم

-تمام هسا اكوم اصحصح واحاچي امي رانيـا

حچيت بسرعة ببراءة طفلـة
- اللّه اسم امه يشبه اسمي







خزرني امير عبالك مدري شگلت سمعت صوت ضحكات عابس سد الخط باوع عليه
-شنو ماعندچ كنترول على لسانج

-اي ماعندي

ابتسم بينت غمازته
-بعدين شچاب اسم رانيا زايد على رنا بحرفين
وحتى رانيا مو امه زوجة ابـوه مااكُلچ غير طيح اللّه حظچ على هالچفصـة

درت وجهي على الجامة زعلانـة طول الطريق امير ساكت كلما يدير وجهه عليه يشوفني مبوزة يضم ضحكتـه لحد ماوكفت السيارة يم بيت كُلش چبيــر وفخم -وصلنا يلا انطيني الولد اوديه وارجع

انطيته اله بتردد اخذه ونزل قبل مايدك الجرس صحتله -اميـر شلون اذا كعد علاوي وشاف نفسه يم ناس غربـة خاف يستغرب

عوج حلكه يقلدني- لاتخافين مايستغـروب

دك الجرس بسرعة فتحله الباب عابـس سلم عليه ودخلوا للبيت ورا شوية اجى امير فتحلي الباب
-يلا نزلي المره تريد تشوفـچ بس الزميلي لسانچ

هزيتله رأسي بموافقـة دخلت للبيت استقبلتني مره شكلهـا مرتب وحلو باوعت على عابس شايل علاوي كاعد يباوعله ساكت معقولـة تذكره وما استغرب منه!

اجت المره جابتلنا الضيافـة حچت ويه امير بأبتسامـة
-دائمـآ تجينا مايوم گتلنا متزوج اليوم من اجاني عابس وكالي امير راح يبقي ابنه يمنا تفاجئـت

امير حك لحيته مايعرف شيحچي رجعت باوعتلي كالت بشقة-شنـو مسوية استنساخ لأمير
علي يشبهه بالضبط

ابتسمت بوجهها اي شخص يشوف علاوي يكول نسخة من ابـوه الا امير مايوم لاحظ او علق بخصوص الشبه

اخذتهم السوالـف اني بقيت ساكتـة استمعلهم شوية وام عابس حچت
- شعدكم وين تريدون تروحون

رديت عليها بأبتسـامة
-نروح نعقد نتـزوج

المره بس كتلها هيچ شرگت بالچـاي اختنكت رادت تمـوت كام عابس ذب علاوي بحضن امير
يدكدك على ظهر امـه شوية
هدأت شربها ماي
عابس-شبيـچ يمه متزوجين رنااا قصدها
يعقـدون محكمة

اميـر-صـُدك چذب عمـه وين طارت نيتچ ادري وين احنا بالنـرويج مخلف وبعدني مامتزوج

رانيــا-فاجئتنوني اني البارحة چنت افكر بيك اكول هالولد شوكت يستقر شو الصبح فاجئني عابـس
النوب هسا اللّه يسلمهـا مرتك كالت راح نتزوج

عابـس-ديلا توكلوا راح تتأخـرون

امير-يلا رايحين
عمه مااوصيچ على علي
اخذي من عابس اذا بقى يبوس بي منا
لحد مانرجع تخلص خدوده

ضحكوا وطلعنا من البيت هستونا صعدنا بالسيارة
التفتلي امير حچه بعصبية
-اني مو كتلچ لزمي لسانـچ
-هي سألتني قابل اچذب عليها







-لاتچذبين بس مو ضروري تكوليلها رايحين نعقد
-يلا ماصار شيء ليش معصب

بقى گالب وجهه خلص الدوام وماكملنا الأجراءت
رجعنا اخذنا علاوي من ام عابس


مرت 3 ايـام عقدنا محكمـة ودانرجع على علاوي ناخـذه امير كال بشقـة
- اليوم اني رسميآ شديت كـرون

افتهمت قصـده عود لأن تزوج وحدة چانت تشتغل بالملهى ضجت حيل
- واللّه محـد لزمك من ايدك وجبرك

-اتشـاقة

حچيت بأنفعـال
- مايحقلك تكول هيچ الا اذا اغلط واني على ذمتك

باوع عليه خازرني-ليش تكـدرين

-المره اذا رادت تسوي شيء محد يمنعها غير اخلاقهـا

مااهتم لكلامي نزل جاب علاوي من الباب على السريع
وصلنا للبيت طول اليوم ماحچه ويايـه عبالك مجبور على هالعقد! ولا عبالك هو اللي كالي تعالي نعقـد
خليت رأسي على المخـدة ماكدرت امنع دموعي من النزول بچيت لحد ماتعبت ونمـت


كعدت الصبح رأسي صاير طبل مالحكت على امير طالع للدوام هاي اول مـرة يروح للدوام بدون مايكعدني
الظاهر بلشت بمعانـاة جديدة اللّه كريـم

ماعندي شهية للريوك نظفت البيت وقريت قـرأن
النوب سمعت صوت علاوي كعد بست القرأن وسديته
سويت ممه ورضعت علاوي وراها طبخت غده ظليت انتظر اميـر يرجع من الدوام ونتغدى سوى مثل كل مـرة
بس تأخـر صارت الساعة بـ2 الظهر وبعده ماراجع اتصلت عليه انطاني مشغـول شوية وانفتح باب الصالة انداريت شفته وجهه مايكصه السيـف حچيت بسرعة
-شعجب تأخرت اجهزلك الغدى
-جهزيلي سـم

-ماعدنـا

كال بصوت متهالك
-تعالي حضريلي هدومي اريد اسبح

امشي وراه واحچي
-ليش ماكعدتني اسويلك ريوك قبل ماتروح للدوام

-انتِ شنو شيف لو مرتي

ضحكت حچيت واني افتح باب الكنتور
-شطلعلك هدوم شتحب تلبس

-تنورة برتقالية وقميص احمر

بأنزعـاج-عن الشقة امير

مارد عليه انداريتله اباوع عليه شفته كاعد على الچربايـة لازم رأسه تقرب عليه حچيت بحنية
-شكو شبيك

-رأسي راح يطك

-هسا اجيبلك حب وجع رأس
هستوني اريد اكوم سحبني من ايدي وكعت بحضنه كال وهو يلعب بشعري
- رأسي يوجعني لأن دا احاول اترك الشـرب

بفرحة-صُدك راح تعوفه
-ان شاء الله

-هو انت صارلك شكد تشرب
زفر بملل- سنيـن







-اهم شيء هسا قررت تتركه شوف ابد لا تستسلم اني راح اكون وياك خطوة بخطـوة

سكت ماكال شيء رجعت حچيت
-يلا فوت للحمام من تطلع تلكى الغدى جاهز

هستوه يريد يحچي خليت اصبعي على شفته
-يلاااا كووم بسرعة
-بشـرط
-شنو
كال بمكر-بوسينـي

قربت شفتي على خده بسته وكمت بسرعة سمعت ضحكاته كال بصوت عالي
-صوچي المفروض احدد المكان

واكفة اسوي زلاطة وحسيت ايدين امير طاوقت خصري-شداتسوي وخر يلا

-اثرمي شبيچ قابل شمسويلچ
انداريت عليه خزرته-اذا ماتوخر ادججك بالسچينة

رفع ايدينه بأستسلام -تمام ياحلو

-تعال ساعدني
-شسويلچ
-حباب كمل الزلاطة لحد مااحضر السفرة

كملنا وكعدنا ناكـل باوعت على علاوي اللي يحبي بالصالة وامير اللي ساعة يمدح بطبخي ساعة يغازلني ابتسمت وتمنيت السعـادة ماتفارق عائلتي الصغيــرة

فرحت حيل من امير قرر يترك الشرب صُدك حسيت حياتي تغيرت للأفضل

مرت ايـام من حياتنا عشناهـا بحب وسعــادة كلما اصلي ادعي رب العالمين مايحرمني هالفرحة

كاعدين دانتابع فيلـم اني متابعته من قبل كل شوية احرك الأحداث على امير لحد ماعصب وكام طفى التلفزيون -هاااااي ليش طفيتـه
-تعالي ننام يلا
-بس احچيلك شيصير بالفيلم

نمت بحضنه وبلشت اسردله الأحداث بالتفاصيل المملة
-وتالي اختصــري رنا
-يموت البطل

-همزين ماكملناه لعد
تأففت بأنزعاج-اني لو ادري بيك ماتحب واحد يحرك الأحداث چان ماحچيت وبقينا نتابعه
خله ايده على سحاب ثوبي باسني من ركبتي وكال-خلي نبلش فيلمنا

دفعته بهـدوء-شنو هي شبع وخر يلا دننام
شال اديناتي يبوس بيهن-ليش هو بكيفـچ

بلش يتقربلي واني مثل كل مـرة تسرسحت بين ايديه كمل كلشي حضني ونمنـا كعدت الصبح على بوساته حچيت بتثاوب
- حبيبي اليوم جمعة ليش مكعدنا من وكت

-والجمعة اشوفچ لو تكضيها نوم كومي يلا
ضميت رأسي بصدره-ماا بعدني ماشبعانة
خله ايده على حنچي رفع رأسي واصابيعه تتحسس شفتي-من حضني لو من النوم

بست اصابيعه هستوني اريد احچي رفعني كعدني بحضنه-كومي نسبح يلا
-ماتسبح اني شششعلييه
بمكر-اثنيناتنا سوى

كمت ادفع بي-ماااا ما مستحييل لو تموت
شالني يضحك واني اضرب بي
-امييير عفييه لااا استحيي شنو هاي







كوه دخلني وياه للحمام سبحنا طلعت قبله شغلت الشسوار انشف شعـري اجى اشعار لموبايل امير شيء بگلبي كالي روحي شوفي مشيت وصلتله خليته بأيدي نزلت البردة قريت الرسالة من الأشعارات چانت من وحدة مسجل عليها لولو
دازتله "يلا وينك مو وعدتني اليوم نطلع"

لزمت ركبتي حسيت الهوى شح عليه رجعت الموبايل لمكانه وكعدت على الچربايـة گلبي يوجعني دموعي تجمدت بعيني ليششش دايخوني؟! اذا بعده على سوالفـه ليششش تقربلي معقولة مايحبني لاااا مستحييل هو كالي احبچ بس يمكن متعود على هاي السوالف هسا يتغير ويعوفهـن! شسوي اكُله قريت الرسالة لو لا شلـون راح اتصرف وياه! مااكدر اضم مااتحمل يجي يمي وهو چان يمها لاااا مستحيييل

فزيت على صوت امير يصيح
-شبيـچ يمعـودة ابنچ طك من البچي

رفعت رأسي اباوعله وبقت كلمة ابنچ تتردد بدماغي ماطول بعدك تگلي ابنچ معناها ماتغيـرت

وكفت بأنكسار شلت علاوي بدلتله ورضعته رحت للمطبخ سويت ريوك واني فكـرة تجيبني وفكـرة توديني ماكدرت اتريك تحججت بالدايت باوعلي امير رافع حاجبه مامقتنـع-شنو هالدايت المفاجئ بعدين شبي جسمـچ ترا حلو ومتناسق لاتخربيـه

-ماعاجبني اريد اغيره واغير هواي شغلات ويـاه

سكت ماكال شيء كملنا ريوك غسلت المواعين وذبيت روحي على الشغـل سويت الغدى اكلتلي شكم لكمة وكمت سويت چاي لأميـر ورا نص ساعة صاحني مارحتله التهيت بعلاوي واصلآ مالي نفس اشوفـه
صار العصر شفته بدل حضر نفسـه سئلته بأستفسار
-وين رايـح
اندارلي-من شوكت تسئليني وين رايح وين جـاي

سكتت مارديت رجع كـال
-بعد لاتعيديها مااحب هالسوالـف

بگلبي كلت اني هم مااحب هالسوالف
تكشخ وطلع صار الليل ومارجـع مليت لزمت الموبايل ردت ادخل على حساب مريـم تذكرت شلون خله برنامج بموبايلـي شسوي يطلع يمه من غير الكاميرات اذا شافني اخابر ورجعت اتواصل وياهن شيسوي شمرت الموبايل

تخيلت هسا هو يم هاي لؤلؤ مدري شسمهـا متت من التفكير حتى علاوي نايم وين اروح دخلت لغرفتي بعد مايأسـت من جية امير تغطيت احاول انـام مدري شلون غفيت كعدت تالي الليل حسيت على ايدين امير مطاوقاتني بعدتهن كعد مستغرب
-شبيچ
-شوكت اجيت
-تقريبآ صارلي ساعة
ابتسمت باستهـزاء
-يعني راجـع بالوحـدة حلـو

حچاها بمجاكـرة
-عجبچ مو
-اي كُلش
-ولو تدللين بعد ادخل البيت ويه اذان الفجـر

زفرت بقهـر ماكو هيچ واحد يتباهى بسيئاته شنو انت من بشـر سحبني عليه حضني حچيت واني ادفع بي
-وخـرر امييير

-هاي آلاثار الجانبية مال الدايت مو يلا نتحمل

تمتمت بهدوء-استغفر اللّه العظيم







فاجئني من سئلني- تحبينـي

رديت عليه بسرعة عبالك چنت انتظر سؤاله
-لا اكرهك اموت منك

تقرب عليه خلا عينه بعيني
- يعني ماتحبيني ولا طكة

-ابـد

تغير صوته حچه بضجر- خـوش

دفعته وانطيته ظهري-يلاا وخر مني اريد انام

كعدت الصبح على صوت علاوي شلته وطلعت من الغرفة عفت امير نايـم كعدت بالصالة فتحت تلفزيون لحد ماكعد امير -صبـاح الخير
رديت من ورا خشمي-صباح النور
باوع على التلفزيون
-شنو من الصبح تتابعين افلام هندية
-علاوي كعد وجبته هنانه حتى مانخرب نومتك مادام عطلة
سكتت رجعت كلت
-بعدين يا صبح هذا الساعة بـ11 راح يأذن الظهر

-سويلي كهوة بين مااخذ دوش

حچيت واني مركزة على التلفزيون
-اذا سويتلك هسا تبرد لحد ماتطلع من الحمام

دخل للحمام مامهتم لكلامي انتظرت شوية سويتله كهوة واجيت لكيته مبدل ودايرش عطر
-شنو راح تطلـع
اخذ الكهوة مني بأبتسامـة تموت لو ماادري بسوالفه چان كلت لعد شكد يحبني

-راح ارضي فضولچ واكُلچ عابس عازمني على الغدى

بگلبي كلت عابس لو صاحبتك اخذت نفس رنا اطردي الأفكار السلبية يجوز صدك معـزوم
-تمام بس ارجع بسرعة لا تتأخر نفس البارحـة

فتح ايدينه اليه ضميت نفسي بحضنه وشديت حيل عبالك راح يشرد لو هاي اخر حضنه!

رفـع رأسي حچه بحب
-يدلل الحلـو ابو الچفصـات ماعندي شيء
بس اتغدى وارجع

هزيت رأسي بـ اي
كال بشقة-عود اليوم اكسري الدايـت
لأن الظاهر هروماناتچ زادت وياه

-وانت
-شبيه
-هم سويت دايت من عقدنـا ووجهك گلبته عليه

ضحك بهدوء بينت غمازتـه
- عبالچ ضجت لأن عقدنا مو يالغبية

خزرته ورفعت اصبعي بوجهه
- مو غبيـة اصلآ چان واضح عليك

-تمام اجاريچ يااذكى زوجة بالعال
هو منو اقترح موضوع العقد بالمحكمة ؟

-انت

-اي يعني لو چنت كاره الموضوع ليش اتقدم بي
بس اني ضجت لأن انجبرت اخلي علاوي ببيت عابس وبهالحالة امه عرفت وهي عدها تواصل ويه امي واهلي يعني ممكن بأي دقيقة تكوللهم

بلعت ريك-لعد اذا تدري بيها عدها تواصل ويه اهلك ليش وديت علاوي يمهم

-لـعد وين اودي اذبه بالشارع
المهم مو هذا موضوعنا اني لازم هالفترة اسافر لأهلي واكوللهم على زواجي اعرف راح ينصدمون بس خلاص لازم يعرفـون







-زين شنو يضمنلك ام عابس بعدها لهسه ماكايلة لأمك
خصوصآ هي تفاجئت بزواجك يجوز هسا كالتلها من شوكت متزوج امير وماكلتولي

-لا عابس كال لأمـه اهل امير مايعرفون بعده ماكاطع مهر محكمة واذا عرفوا يضوجون وتصير مشكلة فـ اذا خابرتي اهله لاتذكريلهم امير اجى يمنا هو ومرته

ابتسمت باستهـزاء-هلـوو واذا نست وكالتلهم شلـون

باسني من ركبتي-عادي نسلم على الشهداء اللي ويانا

دفعته خبلني شكد بارد
- تحچي صُدك چذب امير ترا اكو قنبلة موقوتة ساعة الساعة تنفجر

-لعد شكليت خـ.را قبل شوية مو كتلچ دا اجهز حتى اروحلهم واكوللهم على كُلشي

باوعت بعيونـه حچيت بأرتبـاك- يعني راح تعترف بيه كدام اهلك تدري هالشيء راح يخرب حياتك الخاصـة

-غصبآ على رأسي حتى باچر عكبه اذا صار عليه شيء ماتضيعين انتِ وابنـچ

ركز بعيوني حچه وهو يأشـر عليه
- بعدين ليش حياتي تخرب مو هياتها تجنن

ابتسمت بوجهه مامصدكة اللي يكوله
- تحچي صُدك امير

سحبني عليه كال يم اذني بمكر
-خلي ابوسچ علمـود تصدكين

كمت ادفع بي-مـااا يلااا وخرر

مااهتم لكلامي قرب شفته على شفتي هستوه يريد يبوسني دك موبايلـه سحبت نفسي بالكوة وانهزمت من عنده
كال بصوت مضطرب-جيبي الموبايل يلا
مشيت للموبايل خليته بأيدي قريت
الأسم عابس گلبي ارتـاح

انطيته لـ امير وصلته لباب الحوش هستوني اريد احچي قاطعني بسرعة-ما اتأخر على كد الغدى واجي
-يلا مع السلامة
-دير بالچ تفت....
قاطعته بملل-ادررري والله حفظت هالموال على گلبي دير بالچ تفتحين الباب لأي احد واذا اجاچ واحد محروك لاتفتحين الباب وتطفينه ادري المحروك شيسوي يدكدك بالأبواب لو باقي تقفل باب الصالة عليه احسنلي

-انچبي يلا فوتي جوه
طلعتله لساني عيبت عليه وركضت دخلت للصالة
گلبي طايـر من الفرح طلع مايچذب صُدك معزوم يم عابس وراح يسافر ويكول لأهله عني وعن علاوي! ويجوز حتى لولو هي من كيفها دزت هالرسالة منو يكول بعده يتواصل وياها! هو لو بعده بسوالفـه چان هسا ماقرر يحچي لأهله واني بعد مااركز على هالسوالف خلاص امير من تعامله واهتمامه مبين يحبنـي تنفست بعمـق وراحـة هايهيه حياتي استقرت واخيـرآ الدنيا ضحكتـلي


"مــريم"

باوعت عليها بأبتسامـة سحبت ايدي من جوة رأسها بهـدوء واخيـرآ نامت بعد معاناة اتمنى مايجيها كابوس ويحرمها نومتهـا مشيت على اطراف اصابيعي فتحت كنتورها افتش عن الحبوب اني ذاك اليوم اخذتهن ضميتهن بس شو هالأيام دا احسها رجعتلهن! كلما اسئلها تگلي تركت ظليت ادور بالكنتور لحد مالكيت شريط مبين قديم ناسيته او ماتدري بي!
اخذته هستوني خليته بأيـدي سمعت صوت انفاسهـا العالية مغمضة عيونها وتبچي لازمة الدوشك بأيدها كل حيلها تعصر بي! زفرت بقهـر يمتى تخلصين من هالكوابيس







فتحت الجرارة شمرت الشريط بيها وتقربت لضحى اكعدها بهـدوء-
اكعدي عمري ماكو شيء هذا حلم اكعدي

فزت مرعوبـة وزعت نظرها بكل اجزاء الغرفة حچت بصوت مرتجف- اني يمچ موو
ماكو عابس صحيح

حضنتها احاول ماابچي وياها
-ماكو احد محد يكدر يآذيـچ واني موجودة

-تعبت واللّه تعبت

حچيت وياها هواي بالأخير طلبت مني الحبوب!
من حاچيتها طلعت راجعتلهن وصارلها شهر كلما اكوللها عفتيهن تكول اي! نرفزتنـي تريد تضيع نفسها ماكو حل كلما اكول راح تتركهن ترجعلهن

الظاهر ادمنت على الحبوب وسُرى هالأثنين ماتكدر تعوفهن!

مااعرف ليش ولا وحدة منهن قدرتنـي! دائمآ يضمن عليه بحجة انه مايريدن يضوجني دائمآ يسوون اللي برأسهن بدون مايفكرن بالعـواقب

بقت تلح عليه لحد ماخلتني افتح الجرارة واشمر الشريط عليها رزلتها وكتلها دير بالچ تجين عليه بعد!
وادري بيها راح تجي واستقبلها بالأحضـان واذا مااجت اني اجيها

ليش منيلي گلب قـوي يخليني ازعل منهن

رجعت لغرفتي ضايجة من ضحى ومن كُلشي
يعني اني البـارحة واجهت الحجية اول مرة بحياتي علمودها گلت شلون اعوفها وحدها خاف ترجع للحبوب وثاري هي راجعتلهن بكل بساطة

تمددت على چربايتي غمضت عيوني وتذكـرت ليلـة البارحة بعد ماوصلتني رسالـة الحجية تريدني اطلع ويه زبون لمدة 14 يوم فوكاها واحد سادي مخبل
بدلت وخابرت السايق وصلت للملهـى اعصابي فايرة صعدت لغرفة الحجية شفتها كاعدة على الكرسي كالعـادة متكشخة وتأركـل والحياة حلوة حاولت شكد ماكدرت انصي صوتي بس ماكدرت- 14 يـوووم تبيعيني والمن لوااااحد مخبببل مااا كلتي شيسووي بيهاا يعني بس فهمينيي اذا تريدين تموتيني ليشش ماتكتليني وتخلصيني ليششش داتخلين ذولي النكسين يعذبوني كللل يوووم

حچت ببـرود-طالعلچ لسـان

-لهذا النكس اني ماا اريد اروح

حچت بأستهـزاء-ليش منو طلب رأيـچ

بأصـرار وتحـدي- ماا اروح وشتريدين تسوي سوي
راحت رنا اللي چنتي تهدديني بيهـا

نفخت دخان الأركيلة بوجهي مامهتمة لكلامي بچيت بضعف -انتِ موو بنية مثلي تحبين يصير بيچ نفس مايصير بيه تدرين بنفسچ دا تدزيني يم وحوووش يعنيي فووك الز..نا والبلاوي اني دا اتعذب جسمييي بعد مايتحمل وحشيتهم خلاص لا سنة ولا سنتين صارلي سنين تعبـت ماعندي قدرة للتحمل اكثـر من هيچ ما عندي

باوعت عليه كيفت كلت يمكن انكسر گلبها عليه دنكت على الكومدي طلعتلها بطل عرك ذبت ثلچ بالكاس ودارت فوكاه حچت وهي مركزة عليه
- افتهمچ اني تعـالي اخذيلـچ كاس تنسين
حتى مواليدچ







باوعت عليها بيـأس مسحت دموعي وركضت هستوني اريد اطلع من غرفتها انلطخت بجسم صلـب دفعته ونزلت سمعت صوتـه حسيت كأنما سامعتـه من قبل
وجه كلامه للحجية بنبرة استغـراب
-شبيهـا هاي

-عـاش من شافك شذكرك بينـا

هذا واحد حقير من زبائنهـا مابقيت استمعلهم نزلت بسرعة

تحديتها لأن ادري بيها ماتكدر تهددني بضحـى اكو فد رابط بيناتهن مااعرفـه شنـو! احتمال الحجية اخذت ضحى من چانت كُلش صغيـرة وانزرع بداخلها حب صغير الها

خابرت على السايق اجى رجعني للسكـن
سمعت صوت موبايلي يدك كعدت من خيالي ضربت رأسي بخفـة -صُدك چذب مريم مرة وحدة حچيتي ويه الحجية وضليتي تعيدين بالموضوع كل شوية بس احس يمكن كلامي آثر بيها لأن ماكو اي خبر منها من البارحة يجوز بعد ماتدزني لهذا الزبون!

فززني صوت موبايلي للمرة الثانية رفعته اجاني صوت اكثر شخص اكرهـه الحجية سعـاد
-يلا جهزي نفسچ السايق ينتظرچ بالباب

هستوني اريد احچي سدت الخط بوجهـي
كمت احضر نفسي فتحت الكنتور لبست اي شيء طلع كدامي ماخليت شيء بوجهـي الحجية ماخلتني حتى اسئلها شكم يوم انطتني!

زفرت بتعب سحبتلي كم فستان خليتهن بجنطة عيني صارت على الدفتر شكيتلي ورقـة لزمت القلم كتبت رسالـة لـ ضحـى صحيح اني راح اخذ موبايلي ويايه بس يجوز اول مااوصل للزبون يسحبه من عندي طلعت من غرفتي قفلتهـا تمشيت فتحت باب غرفة ضحى على كيفي شفتها نايمـة خليت الرسالة على ميز التواليت وطلعـت
من السكن صعدت بسيارة سايق الحجية تخيلت بعد ماانزل منها شنو راح يصير بيـه شنو العذاب اللي راح اتعذبه هالمـرة ياترى يگدر يمسك نفسه مثل كل مرة ويعوفني قبل ماامـوت!

لو هالمـرة يفقد ويعوفني جثة هامـدة

وكفت السيـارة يم بيت ماشايفتـه قبل وجهت كلامي للسايق- ليش وكفت شنو صار عندك عطل بالسيارة
رد عليه-وصلنـا

فتحت باب السيارة نزلت مستغربـة شسالفة شنو هذا زبـون جديد يلا بلكت مايطلع نفس اللي قبله حچيت ويه السايق قبل مايحرك
- انت متأكـد الحجية كالتلك وصلها لهذا العنـوان

باوع عليه بضوجة حرك السيارة وراح بدون مايـرد عليه هذا شبي يلا هو هذا هم حظي

باوعت على البيت الباب مفتـوح دفعته ودخلت شفت سيارة عالية بالحـوش سمعت صوت فتحة باب رفعـت رأسي شفت رجال طلع من الصالـة لابس رسمـي عبالك چان بأجتمـاع مو خلك واحد ينتظر رقاصـة

تمشيت كلما اتقرب اله احس شايفتـه بس وين مااعـرف
تقرب عليه بخطواتـه خليت عينـي بـ عينـه عرفتـه!








اول شخص وثقت بي بعد ماانهزمت من بيت جـدي

هذا المجهـول اللي خلاني احلـم بحياة كريمـة بعدها صدمني وباعني لـ عصابة تتآجر بالبشـر

هذا المجهـول اللي أمنت بي ومشيت وراه مثل العميـة
حتى قبل مااعرف شنو اسمـه

هـذا قاسم اللي صـارلي 10سنـوات اتمنى التقي بي واخذ حقي منـه

دهشة..خـوف..أرتبـاك.. دا احس بـ مزيج من المشاعر
شوصلك يمـي! شچابـك عليه
شلون طرقنا التقت بعد 10سنوات

حچه وهو يبـاوع بعيونـي
- نظراتچ توحي انچ تذكرتيني

-ما نسيتـك حتـى اتذكـرك

-تفضلي فوتـي
دخلت للبيت وهو يمشي ورايـه اشرلي على غرفة الضيـوف فتح الباب باوعت عليها الأثـاث شكله راقـي وغالي الظاهر صاير بأظافيره طحين هالحرامـي

كعدت على التخم سئلتـه بأستفسـار
-شذكـرك بيـه بعد 10 سنين؟
وليش طلبتني من الحجية؟

-الصدفـة

باوعت عليه بأشمئـزاز-أكـره الصدف اللي تجمعني بيك اخر صدفة انتهت بالبيع هسا وين راح توديني للمشرحـة

ضحـك بصوت عالـي بعدها باوع عليه بجدية
- كُلشي صـار بموافقتـچ ليش تحبين تمثلين دور المظلومة

-اني اللي كتلك دلي الحجية بيه؟انجبرت اوافق لأن وكتها ماچان عندي حل بعدين انتم خدعتوني كلتولي هي عدها سكن للبنات شمدريني هذا شغلها

حك لحيتـه باوع عليه بتمعـن حچه كلماته وسط استغرابي- اقصد على موافقتچ بعد حفلة عيد ميلادچ

رفعتله حاجبي بتسـاؤل
-وضحلي اكثر عن اي موافقة دا تحچي؟

زفر بملل رفع رأسه يباوع على السكف ويدك بأيـده على الطاولة الخشبية اللي بصفه
- نرجع قبل عشر سنوات انتِ انهزمتي بليلة عرسـچ لأن مسويتلچ مصيبة! وراها شاءت الصدف ان تجمعني بيچ اخذتـچ وديتچ لـ شقـة صديقي بقيتچ بيها 3 اشهر خلالهـن اني عرفت كُلشي عنچ بنية ماكدرت تتحكم بنفسها من دخلت سن المراهقـة كل يـوم چانت تتعرف على شاب جديد وصلت لدرجـة توهم جدها وجدتها انها تروح للمدرسـة بس هي تطلع ويه شكم واحـد عفطي بيوم تقدملها گرايبهـا وسط دهشـة البنات اللي چانن وياها بالمدرسة شلون مريم قررت تتزوج بعد ماسوت كُلشي بالحـرام وبالفعل انخطبت وكأنما شيئآ لم يكـن بس بليلة عرسها انهزمـت!

حسيت نفسي اختنكت معقولة هيچ طالع عليه حچي!
اني انهزم من المدرسة واطلع ويـه شبـاب! شلون كدروا يذبون عليه هيچ تهمة

رجع كـمل كلامه وهو يباوع عليه بأسـف
- بس هذا مامنعني من التعاطف ويـاچ بنية يتيمة ماعدها احد يربيها! ممكن تطلع منها هيچ سوالـف سوت علاقات محـرمة بدون حدود ولا شـروط انصـدمت بعد ماسمعت عن ليلة الزواج الأولـى وعرفت انها ماتملك هالشكم نقطة دم! عرفت اذا ماانهزمت راح تكون اخر ليلة بعمرها هـاي حاولت تلهي العريس المغلوب على أمره خلته يغط بنوم عميـق وانهزمت بذهب عرسها

عافت وراها جدها..زوجها..
كل شخص چان مخلي الها مكانة بگلبه
مكسوريـن خلت رأسهم بالگـاع!

هو يحچي واني دموعـي تنزل هيچ مريم
بنظرة العـالم هيچ يشوفنـي رسـول وحدة
خاينـة خدعتـه وماكفاها كل هذا راحت انهزمت!

هيچ اني بنظر جـدو وبيبي
شگد كسـرة گلبهم چبيـرة

شافني ابچي سحب كلينكس كام انطاني ياه
-متنـدمة؟

مسحت دموعـي رديت بصراحة
-ماسويت شيء اندم عليه

ابتسم باستهـزاء
- كل هذا وتكولين ماسويت شيء شگد صلفـة

-كمل كلامك اريد اشوف شوكت انطيت موافقتي للمـرة الثانيـة

-بعد ماعرفت عنچ كل هالسلبيـات كلت بعدها طفلـة ومراهقـة يمكن اذا كعدت وحدها بهالبيت 3 اشهر تستعـدل

ولو كل مرة چنت احس واكول بداخلي هي لو شريفـة ماتكعد بشقة واحد ماتعرفه بس چنت اتجاهل هالأحسـاس لحد ماخلصت مدة الـ 3 اشهر رجعت سألتچ للمـرة الأخيرة شنو موضوعچ تجاهلتيني ماچان بأيدي شيء غير اخليچ يم الحجية لأن صديقي يريد يبيع شقتـه اجت الحجية وحچينالچ كُلشي خفتي من عرفتي احنا نعرف اهلچ وهذا أكدلي كلام الناس عنچ

حچيت وچانت واضحة نار الحقـد بعيوني
-كُلكم ماخليتوني احچي او ادافع على نفسـي
كل اللي صادفتهم بحياتي حكموا عليه قبل مايسمعون مني عاملتوني كأنمـا خرسة محد سألنــي
محد خلاني احچي

ابتسمت وعضيت شفتي بحسـرة كلت بعدم مبالاة
- اذا اللي من دمي ولحمي ماانتظروا يسمعونـي حكموا عليه بالموت عبالك چنت عالة عليهم وينتظرون اليوم اللي تطلع بي حچاية عليه وينبذوني
اترجى منك انت الغريـب تچذب كلام الناس وتصدگني المهم كمـل كلامك باللّه خلي نشوف آخرتها

-رحتي يم الحجية عشتي بالسكـن كل فترة چنت اسئل عليچ دائمآ چان اكو شيء يگلي هاي البنية مو مثل باقي البنات اللي اجنك برجليهن وكاللك ودينا على وحدة تشتغل بالد..عارة چان عندي امل صغير من تعرفين طبيعة العيشة بالسكـن ترفضين تبقين بي انتظرتچ لحد حفلة عيد ميلادچ! بيومهـا خابرت الحجية بنفس الليلة گتلها حچيتيلها على طبيعة الشغل كالت اي ووافقت ماصدكت بيها كلتلها وديلها الموبايل خلي احچي وياها حچيت وياچ كُتلچ مريـم خاف الحجية ضغطت عليچ گتيلي لا اني بكامل آرادتي اريد ادخل لهذا العالم اصلآ انهزمت من اهلي حتى اخذ حريتي چانو خانكيني هذه الحياة اللي اريد اعيشها

يتبــــــــع