ـ هاي هيه عمي بكيفج..

تنهدت صارت عيوني على مرايه الكنتور شكلي مختلف تماماً عن قبل بزواجي جنت ضعيفه وجوه عيوني هالات سوده من التعب ووجهي اصفر اي أكيد هيج يصير بيه من يلي عشته باوعت الايدي اثر الحرك على ايدي وبطني لليوم موجود وكل ما اشوفه ينعاد وجعي بهذنيج الايام ولعب شاهين عليَ

يا ترى لو جنت عايشه عند اهلي جان صار كل هذا!!

الحمدالله على كل حال حضنت رنيم الله حاط كل صفات سيف بيها حنيتها وملامحها تصرفاتها وحتى عطره اشم







عطر سيف برنيم طلعت القلاده بستها ونزلت دموعي

فكرت لكيتك وراح اعيش باقي حياتي وياك بس شاء القدر ورجع اخذك مني وهاي المره اخذك بدون رجعه

بس تبقه عايش بروحي وبگلبي تبقه السند والاخ العظيم المايجي مثله ومثل حنيته وحبه ألنه قريتله الفاتحه الروحه ونمت...

فايروس كرونا الغير كل حياتنه وقلبها حالات الموت ولخوف اتملك بقلوب لكل ومنع تجول ولكل كعد ببيته وسكت حتى خوالي مارحنه الهم بعد ولا همه اجوي بس نتصل كام ونسولف ويا البنات عرفنه برزان حامل حيل فرحنه الها وباركنه الها

كلارا: خاله ديري بالج عليها

ام جوان: والله حتى شباك غرفتها ماخليها تفتحه الاسبر طاير عبالك اول طفل راح يجي

جوان: غير گطعت گلبه يكلها اريد طفل دكله نزله من گوگل

كلارا: هههههه رزان والله عندج سوالف

رزان: تعب عمي تعب اني الاسبر كافي عليَ والله يريد دلال واهتمام اكثر من ميمي وروان

جوان: اكلج الاسبر يمكن وراه الباب شفته يتسمع على كلامج

رزان: زوجي حبيبي وين اكو منه سوسايتي هذاا

لارا: اصبغغغ هههههههه

ام جوان: الحجي بيناتنه رزان انتِ مطيحه حظ الاسبر وتدلعين عليَ اكثر من روان

رزان: دافع المحامي

جوان: غير الصدك الاسبر فقير انتِ ملعبه

رزان: نهجم بيتجن كون يمه يمه بين معدنجن

لارا: رزان طرديهن بره

رزان: لا لا هاي مو اخلاقي جوان مو عدكم بيت شكو جايه البيتنه هاا شعندج

جوان: بيت رجلي شعليج انتِ

رزان: رجلج بيته بصفنه هذا بيت رجلي

ام جوان: تمالخن بعد اجيب سجاجين

كلارا: صدك بنات عيب انتن اكبار شنو هاي المزعطه

لارا: انتِ اسكتي ولج رزان بيتج هذا شنو جوان دكول بيت رجلي اني منج اشمرها من الشباك

جوان: ها حاروكه الحيه

لارا: يييععع كاعده ببيتج ودكلج حيه ولج رزان جاي تسمعين لو لا

رزان ضلت تسعل ضلت بالدقيقه بس تسعل

رزان: اكلجن كرونا تعبر من التليفون

لارا: هاي جوان جابتلج كرونه

كلارا: لا اسم الله عليج البنيه حامل خطيه اشربي مي دافي

رزان: مينفع من الصبح تجيني هيج نوبه سعال

جوان: مو زين وانتِ ببدايه حمل

رزان: بلكي بمي دافي تخف

شويه وراحت بقينه ويا البنات شويه وسدينه الاتصال ونزلت لارا







لارا: جوعانه

كلارا: ذاك المطبخ

طلع جلال من الغرفه يحك بشعره يمكن جان نايم

جلال: جوعان

لارا: هذاك مطبخ روح سوي لو بس تتأمر

جلال: تصبحن على خير

رجع دخل للغرفه وسد الباب راحت ودكت الباب

لارا: والعباس ما هسه تطلع تسوي عشا

كلارا: ياا ولج تعاي اني اسوي

لارا: ماا هوه يسووي

نسرين: مشتهيه تتعارك اليوم

تعاركت ويا لارا الحد ما طلع وراح سوه عشا وهيه يمه عود اساعده بس نسمعها تتعارك ويا ومن يرفع صوته

لارا: شووفي يمه شووفي نسيبج يصيح عليَ وامي ضاله ساكته منها تدري بيها حياله...

عرفنه رزان انصابت بكرونا متت قهر عليها خطيه متستاهل

ـ والله قهرتيني هسه

ـ والله اني شبعت قهر سوده عليَ

ـ زين هسه شلون

ـ الاسبر ما قبل تتعالج بالمستشفى راح يخليها ببيتنه البصفنه ويسوي الازم وبلكي الله متحتاج المستشفى

ـ اي والله أن شاءلله لأن شو المستشفيات تخوف

ـ اي والله تخوف

شويه وسديته منها امي درت وصلت تدعي الها احنه نحب رزان والله ونتمنالها كل الخير ممأذيتنه بحرف متستاهل الصار وياها بقيت كل يوم اخابر جوان وسأل عليها ووضعها يوم عن يوم للاسوء....

بيوم جنت العب ويا رنيم تمشي بالسياره سريع عود تدعمني واني اركض وهيه تخرب ضحك واني اضحك على ضحكتها سمعت صوت جلال باوعت وراي

جلال: ااخ الله وين ترحين مني ولج انه هيج تسوين بيه

لارا:والعباس اكول المامه عيب عليك عيبببب

جلال: ولج مرررتي

لارا: منوو يكوول

جلال: اااه

لارا: والعباس شنو اليثبت انتَ زوجي روح عمي روح هاي السوالف مشيهه يم غيري

جلال: شنو شنو اليثبت انه زوجج عود صدك تحجين

لارا: لا دوخني انطيني اثبات انتَ زوجي وهسه انطيك التريده

خذيت رنيم ورحنه الغير مكان نلعب هاي البنيه مخبله وراح تخبل الزلمه وياها والله زين وحاملها نوبه هسه جلال باقي بالبيت ماكو شغل والله صايرين مثل الشرايج بس يتعاركون اندك الباب ورحت فتحته عكدت حاجبي من شفت بنيه بيضه تلمع بس شكلها مو غريب عليَ

كلارا: نعم اتفضلي؟

ـ ءء اني اني نورس

ـ نورس حبيبه سيف!!

ـ ايي انيي كوليلي سيف عايش ابوس ايدج كولي السمعته جذب

ـ وشراح يتغير اذا كتلج!

نزعت الشال ونصدمت من شفت راسها ولا شعرايه بي...

︶ ꒷꒦꒷︶ ︶ ︶꒷꒦︶ ︶꒦︶

تاليا....

فتره كورونا ولكل كاعده ببيوتها اني ضاله وراه رائف وآريا ميطلعون من البيت بس مرات رائف يطلع بدون علمي ويخليني بس اصيح

بيوم جنت امسح البيت واتصلت بيه ملاك جاوبتها تبجي ومدري شبيها

تالي: ولج شكوو دفهميني

ملاك: يحيى خيه يحيى انصاب بكرونا

تاليا: ياا يمه صدك وشلون هسه

ملاك: خذو للمستشفى ** وكالو يبقه هناك الحد ما يطيب ويرجع

تاليا: دخيلك يا علي منين اجته هاي

ملاك: دسمعي الاكبر منها

تاليا: يا ستار

ملاك: ينده باسمج وعمتي هنا تدعي عليج دكول ساحرته

تاليا: يااا

ملاك: والله دكول سحرته وخلته ما يندل دربه وهوه سوده عليَ مايدري بروحه شيحجي

تاليا: لا حول ولاقوة الابالله العلي العظيم هاي شبيها المره

ملاك: اخرفت خيه والله حايرين هسه شنسوي ماندري

تاليا: الله كريم أن شاءلله يطلع منها بسلامه

ملاك: الله يسمع منج يلا اروح هاي تصيحلي

ـ تمام عيوني كليلي شيصير

سديته منها وكعدت افكر بكلامها هاي زوجه عمي وشجاها هيج انقلبت عليَ اني بعد ماعتبت باب بيتهم ولا دخلت أله حتى عمي شكم مره خابرني يرزلني لأن ماروح الهم واني كاعده هنا ومكفيه شري منهم وتالي هيج تحجي عليَ

هووف ياربي وهذا يحيى منين اجته ياربي تشافي ويطلع منها بالسلامة بحق محمد وآل بيت محمد رحت توضيت وصليت الله يشافي ويعافي بليل اجه رائف تعاركت ويا من الباب خليته يذب اهدومه والكمامه والكفوف ويغسل وعقمته يلا دخل للبيت شلت ملابسه للغساله غسلتهن

تاليا: أكيد جنت بالمستشفى

رائف: اي چا شلون اعوف اخوي

تاليا: شلون صار خابرتني ملاك والله نقهرت عليَ

رائف: لا حالته مو كلش خطره كالو سبوع ويطلع

تاليا: أن شاءلله مابي شي ويطلع منها بسرعه

رائف: أن شاءلله

بقه بالي يمه ليل ونهار افكر بي ليش مادري بس شي عادي افكر بي لأن مريض







آريا: اممم يعني تشوفي شي عادي من تفكرين بي ليل ونهار

تاليا: اي أكيد شي عادي

آريا: لا مامه مو عادي هذا الحُـب

تاليا: راح افرك حلكج

آريا: ليش مطلعين مشاعرج تره مو عيب ولا حرام كولي خايفه عليَ واحبه ليش معذبته ومعذبه نفسج تره خطيه يحيى والله يحبج ومستحيل احد يحبج مثله

تاليا: آريا سدي حلكج شهل تمسلت هذا منين تعلمتي

آريا: اني مو زغيره ولا طفله صح تبقين انتِ اكبر مني واذكه بس عيونج فاضحتج انتِ دكولين لا بس عيونج دكول غير ويحيى ميت بيج مو بس يحبج شنو المانعج ماعرف وهوه يموت على الكاع التدوسيها وانتِ ما هامج لا مشاعره ولا مشاعرج.

عافتني افر بذاني وراحت الغرفتها والله جيل هالوقت يخوف بعمرها عبالي الرومنسيه تمن وهسه هيه تعلمني على الحب والمشاعر استغفر الله ربي....

اجه رائف وعرفت يحيى طلعو من المستشفى وضليت محتاره اروح لو لا شفت رائف اجه

رائف: تاليا شعجب مارحتي البيت عمي

تاليا: مو شسمه تعرف مرض والوضع يخوف

رائف: الناس من كربلاء وكركوك اجوي واحنه خطوتين عيب وتعرفين عمامي يعتبون

تاليا: اي بليل اروح

هز راسه وسكت بليل خذيت آريا ورحنه الهم عمي شافني ودار وجهه رحت حضنته وبسته من راسه رزلني بس ميخالف لو ما يحبني ميرزلني حتى يشوفني

حمد: جنتي كل يوم تجيني وخبزتج الحاره بيدج وتذكريني بالشوربه بالمركه وشو ختفيتي فرد نوب ضجتي مني لو سمعوج سمهم

تاليا: لا والله يا عمو بس الوضع تعرف شلون خطر واني همينه جنت مريضه وخفت عليكم والله أله تعرف ماكو شي يلهيني عنك وهمينه مو جاي ادزلك الاكل بيد رائف

حمد: جا انه على الاكل هذا ضال بس انه عليج متعلمين نشوفج

تاليا: لا هسه شويه احسن وأن شاءلله كل يوم يمك شويه ودخلت سلمت على يحيى والولد كلهم جانو موجودين ومره عمي همينه بس ماحجت ضلت همينه تعاتب بيه لأن گطعت بيهم ضليت مصدومه تحجي بضهري شكل ومن تشوفني شكل شلون الها قابليه الهيج تمثيل اجتي ملاك وهم ضلينه نسولف بقينه تقريباً ساعه ورجعنه

آريا: خلي نروح نشتري عليج الله

تاليا: دمشي رائف يشتري ألنه

آريا: لا اني اريد اشتري يلا حبابه خذتني من أيدي ورحنه نشتري ورجعنه

آريا: اوكفي اعدل شالي

وكفت اباوع الها نزلت على مرايه السياره عدلت الشال ونزلت الجامه مال السياره اني سويت روحي مو وياها وهيه لحكتني ركض كوه كاتمه ضحكتي







آريا: يبوووي شلوون فشلةةة

تاليا: هههه هههههه

آريا: يمه وجهي تبخرر عززه

رجعنه للبيت ذبت الشال تهفي على وجهه

آريا: نوووبه انتِ تبريتي بسرعه

تاليا: ههههههه شسوي باقيه يمج على الفشله

آريا: خررب حظي شماله زفت ويا الحلوين

تاليا: ااه أدب سزز هههههه

آريا: والله نوبه شوفي السياره اخر موديل امدااني هسه شكو عدلتي شالج شكوو

تاليا: غيرر انتِ تمشين وتعدلين وهاي تاليها حيل

غسلنه ودخلنه للبيت نذكر الموقف ونضحك...

خابرت جوان لأن رزان ماترد عليَ بليل يلا جاوبتني وجان گلبي متأكد صاير شي وفعلاً طلعت رزان منصابه بكرونا....

︶ ꒷꒦꒷︶ ︶ ︶꒷꒦︶ ︶꒦︶

رزان.....

فتحت عيوني بثقل واحس بكلشي يتحرك السقف الجربايه الحايط وجع اسفل بطني كتلني كتل رفعت ايدي بيها دم!

انتبهت للباب من انفتح ودخل الاسبر غمضت وفتحت لكيته يمسد على راسي

الاسبر: فَستقه بويه بيج دكومين

فتحت عيوني ورجعت غمضت ماكدر افتحها وخر الغطه مني حركاته بهدوء حتى ما اتلبك غمضت عيوني وحسيت بمي على جسمي فتحت عيوني لكيته يذب المي على جسمي ضليت اطك سن بسن المي اشوف البخار يطلع منه بس مثل الثلج على جسمي

رزان: بب برد ببررر طلعني

الاسبر: خلصنه خلصنه لفني بالبرنص ولف شعري رفعني وطلعني كعدني على القنفه وراح غير الفرشه كلها شغل التدفئه واجه شالني على الجربايه

ـ الاسبر عوفني لا اعديك

ـ طبني مرض

ـ اسم الله عوف هذا الحجي

نام يمي وسحبني الحضنه

الاسبر: چا شلي بالصحه والعافيه مريضه

ـ اذا عديتك راح اتعب فوك تعبي هذا

ـ لا ما اتعبج ببوسه اطيب اكو اسهل من هيج

غمضت عيوني

ـ الجهال شلونهم

ـ يردوج صيري زينه ورجعي النه تره حياطين البيت تخنكني بدونج

ـ الله هيج اني مهمه

ـ انتِ الأهم من كلشي مهم

ابتسمت بنص تعبي كام جابلي ملابس مريحه وغرض احتاجهن ساعدني بلبسهن وطلع جابلي شوربه وراها خذيت الأدويه

عرفت الطفل وكع لأن صحتي مو تمام وصار وجع الاجهاض وكورونا عليَ..

الاسبر ما عافني وياي وخايفه لا اعدي بس مايسمع مني ويكول مناعتي قويه هوه يوكلني ويغسل الي هوه يشربني وينطيني الأدويه هوه اليكعد بنص اليل يقيس حرارتي خاف عاليه لو خاف عطشانه او جوعانه اني صح احب الاسبر بس بهاي الفتره زاد حبي للاسبر اضعاف







الاسبر كلشي بحياتي امي وابوي وزوجي وحبيبي وصديقي ما مل مني ولا ثانيه ولا تعب مني شكد جنت تعبانه بس فرحانه لأن عندي هيج شخص خايف عليَ ويسوي كلشي حتى يشوفني بصحه زينه بيوم حرارتي بقت يومين عاليه ماعرف شحجي ولا اعرف شصار بس افتح واغمض اني بغير مكان وبيا مكان ماعرف

ساعه اني ببيتنه القديم بيت اهلي وساعه كاعده على الدرج ابجي على. موت ابوي وساعه بحديقه بيت مهاب يلي عشنا بي بمرض مهاب اخر مره فتحت بيها عيوني والاسبر حاضني ويبجي ليش مادري بس جان يبجي مثل الطفل مثل الثلج دخل بطراف جسمي ايده البارده يلي لامست كفوفي وبعدها نمت بهدوء....

فتحت عيوني على أثر وجع شفت نفسي بحضن الاسبر نطقت بصوت تعبان

بعدني عايشه

نزل راسه الي

الاسبر: ناويه تكتليني انتِ

رفعتله عيوني ورجعت غمضت

الاسبر: رزان بس هاي المره ابقي وياي ولا تنامين رجعت فتحت كوه

مسح على وجهي

الاسبر: راح تطيبين وراح تتعافين راح ترجعيلي وترجعين الميمي بدون عناد

هزيت راسي بدون صوت

الاسبر: احجي لا تسكتين

ـ شوكت اطيب

ـ ابقي وياي وراح اطيبين بس لا تغمضين

هزيت راسي بالقبول كومني من أيدي وخر الكانونه وكفت على رجلي ترجف

رزان: ماكدر عوفني انام

الاسبر: تكدرين يلا

مشيت ويا كوه طلعني بالحديقه الجو حيل بارد جان كعدني على الكرسي ودخل جابلي غطه واجه حط الهيتر بنصنه وسوالي اعشاب حتى اشربهن

الاسبر: هسه تشربيهن وتصيرين زينه وترجعين تثبررين راسي من جديد

ـ شوكت ثابره راسك اني

ـ لا يابويه انا اتبله عليج

صبلي وقدمه الي شربته مر

الاسبر: طيب والله بس لأن حرارتج عاليه تحسي مر كملته كوه من بعد الف عركه وطلابه

الاسبر: يالله اهلهل هسه لأن خلصتي

ـ اريد انام

ـ ماكو نوم تعرفين صارلج ثلاث ايام نايمه

ـ كول والله

ـ وداعتج گلبي صار بحلكي وانا اكعد بيج وما تكعدين ساعه تسبيني وساعه تحبيني

ـ تره اني ما اسب

ـ هي هي شعلتي ابوي شعل بگبره بس طبه طوب يستاهل

ـ ياا

ـ وروح ابوي

ابتسمت بتعب

ـ انعل ابو الاسبر شنو اخاف منه.. ابن النعال.. الاسبر لا تعوفني... مامه ميمي راح يجي بابه... بابه وينك... نوبه انا وياج ساعه ابجي ساعه اضحك

ـ ههههه عليمن تبجي

ـ عليج

ـ وتريد تزوج عليَ

ـ جا كل الحجي صدك

اريد اتنفس بخشمي ماكدر والله صارت بنفسي اشم ريحه الجو والرطوبه كومني دخلنه للغرفه صاير بيها انفجار الملابس بمكان والأدويه بمكان وكف عزلهن وما خلاني انام انطاني الملابس ارتبهن

الاسبر: اي تذكرت ميمي يريد يحجي وياج

طلع تليفونه اتصل كام جاوبو وكعدت احجي وياهم صح البيني وبينهم حايط بس احس نفسي بغربه بدون سماع صوتهم وشوفتهم احاول احجي وياهم بدون ما ابجي بس ماكدر اوخر التليفون مني انطي للاسبر وامسح بدموعي

لهيم: مام شوكت تجين

ـ بعد كم يوم

لهيم: احنه شتاقينالج اهواي وروان تبجي عليج بس انا ما اخليها تبجي وحتى صارت تنام يمي

ـ صدك عفيه عليك اني عايفتها أمانه يمك مو تزعلها

لهيم: لا والله اني وياها ننام على شالج بس مام خبيثه تاخذه كله الها وانا تخليني حاير تنام يلا اخذه وانام

ـ هههه ميخالف اكو شال طلعه ونام عليَ

لهيم: هيه تاخذه قرب التليفون على حلكه هيه حيه تس مثل جوان

جوان: غطو غطو اني ما سمعت

باوعت للاسبر حط ايده على ضهري واخذ التليفون

الاسبر: وانا محد مشتاقلي

لهيم: غير خذيتها وشردت بيها

الاسبر: ههههههه بعد ما ارجعها

لهيم: مام طكي وتعاي يمنه

رزان: شلون اطكه هوه اكبر مني

لهيم: اله احرك ملابسك

الاسبر: المهم ماام يمي مو يمك

سد الخط بوجهه

ـ هههههه ليش ويا خطيه

ـ ولج يخابرني يكلي هم انتَ ماريدك انطيني مام جا ابن النعال انا مو ابوك

ضحكت ورجعت ضهري اليوره

ـ شوكت ارجع الهم

ـ بس لا تنامين وترجعين الهم

عاقبني وخلاني كاعده لحد الفجر وكام صله صلاة الفجر جاب الكتاب يلي بي زياره عاشوراء حط راسي على رجله وايده على راسي وبده يقره بيها غمضت عيوني ونمت...

حالتي بدت تتحسن بسبب الاسبر نضم وقتي ونومي صرت ما انام اهواي ومن يطلع يجيب شي يبقه وياي على التليفون اتصال كام لحد مايرجع حالتي صارت بيها فرق كلش جبير....

يتبــــــــــــــــــــــــــــع.....

في قوقعة الاسبر - البارت 50

ـــــــــــــــــــــــــــــــــــــــــــــــــــــــــــ
‏رحلُوا وما أبقى الرَّحيلُ متاعاً
تركُوا الحنينَ معَ الأنينِ مشاعاً
يا ليتهم قبل الرَّحيلِ تريَّثوا
حتَّى نُعانِقَ أو نقولَ وداعاً
ــــــــــــــــــــــــــــــــــــــــــــــــــــــــــــ

بعد مرور فتره من الزمن.....

رزان..

دك المنبه طفيته وكعدت الاسبر ولهيم الصلاة صلينه سويه ورجعو نامو كعدت روان خذيتها بالصاله وكلتها تلزم بثوبي وعود تمشي وراي طلعت غده يلي سويته قبل لا انام حميته
حضرت غده الاسبر وميمي خليته بالحافظات

روان: اماا عمم

ـ مو هسه وكلتج ام حلك

اشرتلي على الخيار انطيتها خياره

ـ روحي كعديلي جوان

هزتلي راسها وراحت تركض الغرفه جوان ادك بالباب طلعت شايله علي وشعرها واكف جنها منتوله والكحل نازل صايره فلم

جوان: هاا

ـ صباح النور كعدي مهاب خلي يتريك حتى يطلعون الشغل

تثاوبت وخلت ايدها على حلكها

ـ هسه اكعده
طبت وعافت الباب مفتوح دخلت روان الها رحت للغرفه لكيت الاسبر بالحمام يسبح كعدت ميمي وطلع الاسبر وكف ينشف شعره

ـ يلا مامه يلا يابطل روح للمدرسه

راح يغسل طلعت ملابسه والاسبر حضني وباسني

ـ احبج

ـ حبتك حيه

ـ مو مال غزل لا والله

ـ هههههه الريوك برد

ـ مو ابرد من مشاعرج

ـ اهوو يريد عركه من الصبح

ـ هوه السانج بس بالعرك فالح

ضحكت وطلع ميمي غيرت ملابسه وطلعو صبيت الريوك تريكو اجتي جوان يمي

ـ روحي نامي ماعندي شي

ـ لا ميخالف خطيه وحدج

جاي تصب الجاي وابنها صرخ

ـ يمة شبي

راحتله تركض كملت عنها وطلعت شايله روان من فالينتها

مهاب: لا جوان

جوان: فاشخه ابني

مهاب: تعاي بويه تعاي

راحت وكعدت بحضنه

مهاب: هاي شبيها وياج

روان: بيها ايعه







ضحك مهاب وضل يحجي عليها كملو ريوك وجاني ميمي لبسته الجنطه بوسته وراح باس روان

لهيم: مام انتبهي الها بين مارجع

ـ بعيني اخليها

لهيم: وانتبهي على اخويه ونفسج

ابتسمت أله شمرلي بوسه بالهوه لزمتها وبست ايدي وشمرتها اله خذاها حطاها على گلبه وضحك راح نزيت من الاسبر مدلي خده

الاسبر: هم اريد بوسه

بسته وراح

ـ روان تعاي نرجع ننام

اجتي وراي طفيت الضوه ورجعت نمت كعدت بل11 طلعت لكيت خالتي تغسل بالبيت غسلت وياها وعاطت بيه

ـ امشي اكعدي بطنج الحلكج وتردين تمسحين

ـ اهو خاله والله بطني مو جبيره

ـ ايي اكعددي لا تسوين شي اجتي جوان مسحت بمكاني

ورحنه للمطبخ نسوي غده صارت بل12 اجه ميمي سلم علينا وراح للغرفه ذب ملابسه وسبح

لهيم: ماام ملابسي

طلعتهن أله وطلع لبسهن راح نام صارت بل2 كعد وكعدت ويا روان واجوي ثنينهم جوعانين

ـ كعدولي جوان وتعالو تغدو

صبيت الغده وصدك كعدولي جوان وكعدنه كلنه نتغده

جوان: شسوه بيه هذا البارحه بس يبجي

رزان: اسمعه يبجي خاف جوعان

جوان: شبعان ميقبل بالمميه ونضيف اخلي بلكاروك يبقه يصرخ واشيله يسكت

رزان: خاف على ريحتج ينام

ـ خبلني والله كل يوم اخلي بالكاروك يبقه نايم مايكعد بس البارحه دهوني

ام وحيد: خلي يمي ينام

جوان: ياريت اخذي

رزان: انجبي وتتحملينه ام جيس حب

جوان: امم حطت روحها

باوعت الميمي مكعد روان يمه ويوكل بيها وهيه مليصه نفسها بالمركه سابحه بيها وميمي يبرد الاكل ويحط بحلكها وراها يشربها مي خاف تغص وهوه كاعد دك على راسه وشهك

لهيم: نسيت الصلاة

رزان: ميخالف كمل وروح صلي

لهيم: شبعت رايح اصلي

راح يركض

ام وحيد: اروح فدوة الطوله شلون خايف على الصلاة جوان دخلت سادس يلا صلت حتى تنجح

رزان: ههههههه شافنه اني والاسبر نصلي سويه وكل يوم عادينه كال اريد مصلايه واصلي وياكم الاسبر اخذه وراح جابله واجه وهاي صارله سبوع ميفوت فرض

جوان: بس مو زغير ميستحق تره هسه يصلي

ام وحيد: خلي احسن من هسه يصلي ويعرف الله ويشكره والله سويتي زينت العقل







جوان: عفيه رزان وهاي همينه علميها تصلي مو دك بالباب بل6 الصبح

ـ هههههه غير كوه تكعدين

جوان: والله توني غفيت وجتني دك الباب وتصيح

خلصنه وكامت جوان غسلت المواعين ودخلت الميمي لكيته يلعب بالتليفون سبحت وسبحت وياي روان وطلعنه مشطت شعرها سرح وطويل يسوي واهس التسريحات سويتلها تسريحه حلوه ورشيت عطر اطفال الها ولبستها تراكسود وردي يجنن دك المنبه وكام ميمي طفه التليفون خلا على الشحن وجابلي الجنطه واجانيي

لهيم: اليوم خذينه دروس جديده

ـ يلا تعال نقراهن

طلع دفتر وقلم روان لونهن وردي وخلاهن يمها حتى تلتهي بيهن ومتجي يمه

شفته ماخذ ارقام جديده واحرف همينه درسته اله وما شاءلله عليَ حيل شاطر وذكي بسرعه يحفظ خلص دروسه

ـ عفيه بالشاطر يلا روح

ـ اخابر بابه يجيب ويا لفات

ـ مشتهي الفات

ـ ايي وحيل مشتهيهن

ـ هههههه تمام اني هسه اخابره واكله كمت خابرته وجاوبني سولفت ويا شويه وكتله شنو يريد ميمي

الاسبر: خلي يكمل دروسه واخذكم بره اعشيكم

لهيم؛ كملت كلشي

ـ اكمل شغل واجي اخذكم

ـ تمام منتضريك

طلعت يم البنات شويه وخابرني الاسبر حتى احضرهم

لبست روان بطرون كابوي ويا بلوز ابو ركبه لونه ماروني وحذاء مارونيه قدمتلي شفتها عود احط الها حمره بستها وصارت الحمره وكعدت على المرايه توخر بشعرها

روان: الله حووة

رزان: حلوة بنتيي وتخبل

اجه ميمي همينه ملبسته بلوز ماروني وبطرون اسود وحذاء اسوده وكف على المرايه مشط شعره حركاته مثل الاسبر رفع شعره والحاجب عاكده مدري ليش هاي العاده من يمشطون رش العطر وندار على روان رشلها همينه

لبست فستان ماروني وبيجي يجنن ويا حذاء ناعم بيجي وشال وجنطه كلش حلوة باوعت النفسي اخر مره بطني شوي كبرانه بعدني بنهايه الشهر الرابع من بعد وكعدتي بكرونا رجعتلي صحتي والحمدلله الله عوضني بهذا الحمل فتره صعبه ومرت على خير سمعت صوت السياره

ـ يلا روحو اجه بابه

ميمي اخذ روان وطلعو طلعت وراهم

جوان: لك عيني شطالعه ورده مفتحه

رزان: اووي خوجلت

جوان: اووع عاابت الهل حلك

ضحكت وطلعت صعدت بالسياره







الاسبر: كلها قواطي معجون

ـ اهوو الاسبر شبيك تعيب

ـ هههههه مو احلى مني شتردين اكلج حلوة

ـ ايي صدكتك

اخذ ايدي باسها

ـ تشعشعين بالاحمر

ـ اووي خوجلتني

باوعلي بنضره تضحك ضحكت وضحك وياي وصلنه للمطعم ونزلنه العشا ميمي يوكل بروان اكثر من ما ياكل وراها نزلنه حلويات نوبه طلعنه نتمشه ميمي ماخذ روان يمشي قبلنه والاسبر لازم ايدي ونمشي وراهم

رزان: سوسايتي

الاسبر: عيونه ورموشه

رزان: تدري اني اهوايه احبك

الاسبر: اويلي هذا السان وينه بالبيت

رزان: ههههههه مو تخوف بالبيت هنا ماتكدر تسوي شي

الاسبر: چا نرجع ويصير خير

ضحكت ورجعنه للبيت بل12 الجهال غيرو ملابسهم ونامو لبست گلبيه مريحه وضفرت شعري قبل فتره گصيتلي غرة بعرس رائف وحيل طلعت حلوه عليَ رتبته وصفنت على نفسي بالغره رجع شكلي من جان عمري 16 سنه دخل الاسبر حضني وباسني من راسي

الاسبر: اريد هيج اضمج جوه هدومي حتى محد يشوفج

ضحكت وعضني من خدي

رزان: آآآآييي شبيكك

الاسبر: اريد اكتلج هيج اگطعج تگطع

رزان: ياا يمه اسم الله

الاسبر: والله شبيج احجي صدك هيج هيج هذني اشلعهن

لزم وجهي مرده مرد بيده

رزان: ووج يمةة هددنيي

ماسمع مني وحار شيسوي لو يكرص لو يدغدغ

رزان: ههههه عووفني يمةةة

الاسبر: ااابجي مو جاي اكرصج

رزان: اكعد يمةةةة ههههههه

جريته من شعره وهوه عاض ايدي عضيته من أذانه يلا عافني

رزان: شبيك ما ماكل لحم

الاسبر: ايي اريد اكلج

رزان: لا أذيتني شوف ايدي شسويت بيها صارت بيها كدمات زركه اجه باسهن ويتعذر زعلت منه ونمت ثاني يوم سويت الريوك بدون ما احجي ويا عود بعدني زعلانه بوست ميمي وراح السياره ينتضر الاسبر ياخذه للمدرسه

ناداني الاسبر من الغرفه رحتله دفعني على الجربايه وسد الباب

رزان: هاا شكو ليش قفلته

الاسبر: شلون اروح ومريتي زعلانه مني ضل يحضن و يبوس عضيته من زنده سويتله كدمه مثل الكدمات السواهن الي يلا شفه غليلي ضربني على راسي وطلع لأن تأخر







اجه الضهر هوه وميمي وطلعنه شويه افترينه ورجعنه كاعده من ال6 الصبح ومنايمه ذبيت نفسي على الجربايه وغفيت فزيت على بوسه من روان

روان: انتِ حوة

رجعت باستني كمت حضنتها

روان: انتِ حبيني

ـ اني اموت عليج

ـ وبابه يحبني

ـ كلنه نحبج

ـ اني يوعانه واليد عميه جنيه دكلي ماعدنه اكل (تسمي جوان جنيه)

ـ لا يا خبيثه اني هسه اسويلج اكل

خذيتها وطلعت لاكتني جوان

ـ ولج جنيه شلون دكليلها ماعدنه اكل

ـ غير هسه وكلتها ودكلي بعدني جوعانه رجعت وكلتها بس طلعت المطبخ صاحت جوعانه كتلها تعاي اكليني

ـ طاح صبغج تضمين الاكل عن بنتي ولج نمونه هوه اكل تعاي مامه تعاي رحت فتحت الثلاجه وتختار رادت مربه وياه صمونه سويت الها لفه تحب تاكل شويه وتذبه ودقايق وترجع تريد اكل واني اموت على هيج اطفال تاكل ودي اسويله الدنيا كلها وما أمل لأن يسون واهس وياكلون اجه ميمي يركض من الشارع

ـ ميمي وين جنت

دخل وراه مهاب لازم خشمه يركض ختل وراي

لهيم: ماام هههههه فزت عليَ

مهاب: تعال ولك تعاال

حضني من رجلي ومهاب يروح هيج ويرجع وميمي يضحك عليَ

رزان: هههه شكو شسوه

مهاب: نلعب اني ويا وجان يجيب لطوبه بنص وجهي كسر خشمي

ـ هههههه مايدري بيك

لهيم: لا ادري هههههه

مهاب: شوو جيبي

خذا وميمي ميت ضحك عفتهم ورحت يم خالتي كعدنه شوي نسولف ورادت تروح لبيت نسرين ورحت وياها اني وجوان دخلنه الهم واستقبلونه

نزلت لارا لازمه بطنها كبرانه وصايره تجنن بيدها فلاشه والبوم صور

لارا: الله اجيتن بوگتجن تعالن انعيد ايام العرس

راحت خلت الفلاشه بالشاشه وشغلته وشفنه العرس من لبدايه لارا بالبدله البيضه وجلال بقاطه الركصه والمراسيم الصارت بالقاعه تجنن خسران الميسوي عرسه بقاعه لأن كلشي بي حلو ويبقه ذكره طول العمر من بدايه الحفله النهايتها بنص التصوير من اجه وقت الرقصه مالتهم ومن شالها وفرها

لارا: الله شكد توسلت بي يشيلني مره ثانيه يكلي ماكدر ضهري طك

كلارا: شيشيلج هسه غير صايره فيل

تگرز حب وتهز راسها بأسف

لارا: هسه بس اجيب وشوفن ياهي الفيله







الركصه الثانيه صارت جماعيه

جوان: شوف رزان والاسبر وين خاتلين

رزان: ههههههه الاسبر ماراد نبين بالكامره

كلارا: الاسبر يختل من الكامره والمصوره تركض وراه ههههههه

جوان: اي وعلي ختل بالزاويه وصورتهم

شفت الركصه مالتنه جنه مندمجين بالغنيه ونركص بفرح بالأخير شالني وفرني خليت ايدي على وجهي واضحك

لارا: والله متونسين اكثر من العرسان

جوان: هههههههه رزان شابعه شيل من الاسبر

لارا: صدك عود

جوان: اي والله مرات يجي من الشغل يلكاها تغسل بالحوش يشيلها ويفرها لو من تطبخ همينه

لارا: شو اني شالني بس بالعرس بعد ما شالني

كلارا: رزان ناعمه وخفيفه

لارا: بس خلي اجيب والله اموته اذا مايشيلني يوميه
باوعت الي بحملج هم شالج؟

رزان: ما اتذكر لأن يخاف اتأذه

جوان: جذابه قبل سبوع يمكن تعاركو وشالها للغرفه

كرصتها من ايدها

لارا: والله اليوم ما انام اذا ما يشيلني جلال

كلارا: راح ضهرك جلال

ضحكنه ودك تليفون كلارا وطلعت بقينه احنه نسولف ضلت تقريباً ساعه يلا اجتي

كلارا: بناااات

كلنه ردينه بصوت واحد

شكو!

كلارا: اجتني مره هسه تريد تخيط 30 گلبيه ولجن عاجبها التصاميم مالاتي وتريد اني اصمم واخيط الها

جوان:الله يرزقج يروحي

كلارا: حتى القماش كالت اريده على ذوقج

لارا: هلا هلا يعني راح انديح السوك

جوان: تردين اخذج واروح

كلارا: ياريت والله هسه اروح لو حتى اجيبلي قطعتين اكملهم الباجر لأن تريدهن بسرعه

نسرين ماقبلت تروح لأن ماتعرف للموديلات وهمينه رجلها توجعها اتصلت على الاسبر وكتله كوه اقتنع نروح عدلت شالي وهيه اجتي مكمله طلعنه السوك وبدينه نشتري نوبه راحت للمحل مالتهم مو كلش بعيد ومكانه كلش حلو يعني بي ناس ويجوها زبائن من خلاله بس هيه تحب تخيط بالبيت اكثر شي والمحل بين فتره وفتره تفتحه دخلت أله كله رسومات تجنن

رزان: هذا كله رسمج

كلارا: اي يجن مرات هيج تصاميم بفكري وارسمها واخليها

رزان: بس رسمج ما شاء الله كلش حلو

كلارا: اي بالبدايه جان صعب بس بعدين تعودت خذت كم شغله تحتاجها حسيت التلفون رج بلجنطه طلعته 5 مكالمات من الاسبر جاوبته بسرعه







الاسبر: وينج مو اتصل عليج

ـ مو صامت جان

ـ وينج هسه

ـ بمحل كلارا

ـ يلا خلصي وخابريني بره منتضرج

ـ تمام

سديته وباوع الكلار اخذت التريده وطلعنه اتصلت على الاسبر

ـ خلصنه

الاسبر:انا بره المحل بس تمشين اليكدام تلكيني

ـ تمام سديته منه

كلارا:ها يجي

ـ اي كال اليكدام شويه

مشينه هوسه وهواي ناس

كلارا:بلا خابري وين نلكا بهاي الهوسه

رفعت راسي اباوع وشفته هذاك التفتت وياي

كلارا:وينه؟

ـ هذاك شوفي واكف يشرب جاي

ـ داير ضهره ولج منين عرفتي

ـ من اكتافه مشينه أله وبين شكله باوعتلي رافعه حاجبها

ـ خوش والله وعرفتي تميزي من بين هاي لهوسه

ـ هههههه اكدر اميزه من بين الف زلمه التفت ألنه سلم على كلارا واخذ منه الاغراض راح السياره

ـ اباوع الكلارا خطيه حيل فرحانه من فتحت المحل صلاوات صارت عليها رجل واهواي خياط يجيها تستاهل كل الخير تعبت ونالت ثمره تعبها رجعنه للبيت لكيت روان وعلاوي يتعاركون

خذيت روان رزلتها وعلاوي وديته الامه دخلت روان للغرفه

رزان: اذا شفتج بره وتضربي اكتلج والله وبعد ما احبج

روان: هوه عورني

لهيم: ها يوم شكو

رزان: اني رحت غير تنتبه الاختك شلون تخليها تضرب علاوي

لهيم: ماتدري بعد متعيدها مو

كعد يمها يسولف وهيه عود تشكيله وتبجي خذاها بره غيرت ملابسي وطلعت لكيتهم منجمعين يلعبون وميمي يباوع مثل يلي مسوي انجاز اجه يمي يحجي بهمس

لهيم: انا حاجيتها وكتلها اخوج الزغير وصالحتهم وكالت ما تضربه

نزلت راسي بسته

ـ عفيه بلبطل مالتي

لهيم: اليوم المعلم مالتنه كال الف رحمه على يلي رباك وانا سكتت وصفكولي

ـ عفيه عفيه هيج اريدك شاطر

ـ حتى ست ضحى باستني وانا استحي تبوسني

ـ هههههههه ليش تستحي

ـ عيب انا مو ابنها ولا اقرب الها شلون تبوسني

ـ زين شلون نكلها لا تبوسي بعد

ـ اي لأن استحي ووجهي يصير مثل وجهج احمر وانقهر ليش يصير احمر انا مو مره حتى يصير احمر







ـ ااخ يالسانك مامه عادي الواحد من يخجل يتغير لون وجهه مو بس للمره حتى الزلم

ـ لا عيب

هزيت راسي لو احجي ويا الباجر مراح يقتنع دخل الاسبر وردت اروح البيت جدي لأن الجهال باجر جمعه وعطله

الاسبر: اي متباتين

ـ ميخالف

جان يتصفح بالتليفون واني كمت رتبت الملابس

الاسبر: شوكت بعد ونروح الدكتوره

ـ بعد سبوعين هيج

هز راسه ساكت سحبت الميز وصاح عليَ لأن سحبته وثكيل كعدني وكام رتبه

الاسبر: كتلج نعال لا تشيلين خر* لا تشيلين

سكتت نوبه بطني ضلت توجعني بس اكله يكتلني رفعت الغطه تغطيت وحلكي سادته طفه الضو واجه نام سحبني الصدره حط ايده جوه راسي ونمت...

رحنالهم ثاني يوم استقبلتنه رسل حيل حبابه ولطيفه ميمي راح ويا ابو وبقت بس روان وياي

رسل: عفيه ليش متباتين يمنه

آريا: والسعلوه مالتها يقبل

رسل: منو زوجها

آريا: اي لعد منو

رزان: ديلا هسه نشوف خالد يقبل تجين وتباتين

رسل: والله حتى رائف اتوسل بي ياخذني العصر يرجعني بليل

رزان: يحبونه خيه يحبونه ميكدرون على فراكنه

رسل: ههههههه على كولتج

اجتي تاليا متدري بيه اليوم راح اجيهم متسوكين هيه ورائف

رائف: خااالد تعال

طلعت آريا تاكل جزر جنها ارنب

آريا: شرايد

رائف: فوتي الغراض طلعت سلمت عليهم وتعاركو رائف وآريا لأن يناديها بأسم خطيبها

آريا خطبت! شوكت!!

اي آريا انخطبت ومن صاحب السياره العدلت شالها عليها

وراه فتره دز اهله وطلع صديق رائف وآريا خلصت سادس ونجحت وصارت الخطوبه ومن تخلص جامعه يتم زواجهم وهذا جان شرط عمامي ورائف همينه والحمدلله الولد ماعنده مشكله تكمل دراسه لأن هوه مدرس...

وكفت اعزل وياهم بالمسواك

رسل: بس سؤال مدوخني

رزان: اي عيوني اسألي

رسل: روان مو بنت جوان شو وياج وين متروحين

رزان: متعلقه بيه واني ربيتها

تاليا: هيه حتى ممعترفه باهلها تنادي جوان جنيه

رسل: ياا ههههه فدوة رزان اهواي تحبين الاطفال







رزان: اي احبهم

رسل: لعد شعجب بس ميمي ويعني هذا حملج متأخر

رزان: قبل ميمي جانت اكو بنيه ولدتها وراه فتره توفت وبعدها حبلت بميمي وكبر ورجعت حبلت وطاح من نصابيت بكرونا والحمدلله ميمي وروان وهذا يلي ببطني نعمه

رسل: يا الله يرحمها الله يعوضج

رزان: الحمدلله عوضه جبير

تاليا: رزان مشتهيه الكباب التسوينه

رائف: جايب سمج نشوي

تاليا: انتم اشوو اني اريد كباب

ثرمت الكباب ورائف حط المنقله بالحوش حتى يشوي رسل اجتي سوت التبوله السمجه وآريا طبخت التمن

آريا: عرووسه يربي ويخلوني اطبخ شلوون گلب غااسي عدكم

رزان: تره رسل العروس

رسل: ا خيه راح يصير 4 اشهر مزوجه صرت اكسباير

رزان:ههههههه لا بعدج جديده

رسل حيل الطيفه جنت خايفه لا يصير غيره او شي بيناتهم بس الف الحمدلله متفاهمين وهواي تحب البنات وتاليا وآريا ابد ماعدهن شي مكروه ومكيفات سويه افرح من اشوفهم فرحانين والحنيه بگلوبهم

كامت تاليا خلت ماعون تمن وطرشي وروبه وخضره وسمج وكرصتين خبر حارات ولبست عبايتها

رزان: اوكفي اجي وياج هم اسلم عليهم

طلعت وياها لكينه عمي منتضرها على الغده خلته يمه وكعدت تسولف ويا واني دخلت سلمت عليهم رادني البنات ابقه يمهن اتغده

رزان: لا والله مسوين غده العصريه اجي يمكم

مره عمي: خايبه دكعدي خلي نشوفج

رزان: فد شوي والله اجيكم السمجه رااح يخلصها راائف

ضحكو وطلعنه تغدينه وشربنه الجاي العصر رسل طلعت مبدله

تاليا: ها راح ترحون

رسل: اي

تاليا: لله وياكم الله يفرح گلبنه بخبر حملج

رسل: أمين ادعن بنات رايحه احلل

رزان: أن شاءلله يروحي تجيج الاباشره تريح گلبج شمرت بوسه بالهوه وطلعت الرائف نضفنه البيت بسرعه وردنه نروح البيت عمي اجتي آريا مطنكره

تاليا: يلا البسي نروح

آريا: مايقبل

رزان: خووطيه

آريا: ووجع

تاليا: ههههه شبي

آريا: خيولي الخبيث

سمعت التليفون رن كامت تركض واجتي اطك اصبعتين

آريا: قبل وغصباً عليَ ركضت البست صايتها فريت ايدي مخبله البنيه هاي صحت الروان اجتي وياي ورحنه البيت عمي سوالف وضحك ويا البنات بقينه للغروب ورجعنه للبيت







رزان: اكلج شو علاقتج مو مثل قبل ويا ملاك

آريا: يااا متدرين

رزان: لا شكو

آريا: ياا ياا نايمه ورجلج بالشمس غير طلعت تودي حجي وتوصل حجي جذابه وحياله كرهتنه بمره عمي والله ذاك اليوم خابرت تاليا دكللها عمتي تدعي عليج ودكول ساحره يحيى ولج وبليل اجتي عمتي ترزل بينه لأن منروح الهم وتاليا بسمرتها وعمتي زعلت كالت صح قبل حجيت عليج وغلطت بس بعدين عرفت غلطي وماحجيت شي عليج حرف تحلف والله نقهرت عليها ضلت تبجي وعرفنه ملاك جذابه بعد ماصدكنه بيها ولا بكلامها

رزان: شكد حيه

تاليا: ولج كرهتني ببيت عمي اسمع حجي والله يوكف شعر راسي ومن اروح الهم ذاك الملكه ويزعلون اذا منروح سطرتني بسمها

رزان: حسبي الله شلون خرابه

دخلت رسل جفن عينها صاير احمر

تاليا: ها بشري

رسل: ماكو حمل

رزان: جذابه

تبتسم وترجع تقلب خلقتها

رسل: شنو جذابه

رزان: ههههه حامل الابتسامة بحلكج لا تضميها

طلعت التحليل والابتسامه شاكه حلكها

رسل: حااامل راااح تصيرين عمااات

كامت تاليا حضنتها وتبارك الها فرحنه بهذا الخبر وشوي ودخل رائف باركنه أله الفرحه واضحه عليهم كعدت رسل شايله روان بحضنها

رسل: اريد الطفل البيه يطلع يشبه روان

تاليا: شبيج عوفيها يمنه نلعب عليها

رزان: بوويه غير اموت

آريا: هسه مو يمج ميمي وابو سميره

رزان: لا عمي هاي تختلف شايفات من تكعد الصبح وتبوسني غير ترد روحي

رسل: فدوة يربي اتمنى تطلع بنيه ونسخه مثلها

رزان: أن شاءلله

شويه واجه الاسبر سلمت على البنات ورجعنه للبيت رجعت واني كلي طاقه ايجابيه وفرحه بشرتهم بحمل رسل وفرحو الها....

كعدنه نلعب حجره ورقه مقص اني والاسبر واليخسر يسوي العشا مرتين اني ربحت وكام هوه سوا العشا

الاسبر: اسوي بس تجين يمي توكفين

ـ اي يلا

طلعنه للمبطخ وبده يسوي عشا ونسولف سويه سوه النه مخلمه ومعكرونه بس طعمهن يجنن طبخه حيل طيب وصرت كل يوم اطلب هوه اليسوي عشا وخطيه يسوي بدون ما يحجي شي وبيوم تأخر بالشغل

اتصلت عليَ جاوبني

ـ ها حبيبي شوكت تجي

الاسبر: عندي شغل اكمل واجي







ـ تمام دير بالك على نفسك

ـ تردين شي

ـ ها لا

ـ شبيج فَستقه

ـ مو منتضريك على العشا

ـ هذا شلون تعلوم

ـ غير انتَ عودتني نوبه اكلك اطيب من اكلي

ـ لا اليوم مشتهي اكلج

ـ تمام عمري لا تتأخر

ـ ها جاسم جايك يلا حياتي شوي واجي

سداه وكمت عود اسوي مثل. الاكل يلي يسوي بس ماطلع مثله بس هم طيب اجه وكلنه منتضري على العشا غسل وكعدنه سويه نتعشا كملت وجوان راحت تغسل المواعين دخلت للغرفه شفت هويتي على الميز وهويه الاسبر وماعرف شنو بعد شلتهن واجه الاسبر خذاهن مني

ـ شنو هذني؟

ـ هيج مال محل

ـ وهويتي شسوي بيها؟

ـ ماخذها بالغلط

ماهتميت وراح خلاهن بالكنتور طلعت غنيه والاسبر لزم المشط عود المايك وبده يغني ويا الغنيه

الاسبر: من أول مَرة تلاقينا أحساسي مو جوا تغير

لزمت المشط ويا وبديت اغني ويا البنيه يلي بالاغنيه

رزان: حَبيتك ما بَقدر ألك لو بَعرف أوصفلك أكثر
أنتَ مش بس بتعجبني نظرة منك بتذوبني
بعيش حبك وبموت

لزم ايدي فرني عليَ

الاسبر: أنا لحظَه عَـنك تبعدنيِ
ولا ممُكِن أقدر أتصور
باسني من ركبتي

ااخ اموت عليج

ضحكت وبتعد منه

رزان: اذا يسمعون صوتنه بالغنيه راح يعتزلون عن الغناء هههههه

الاسبر: خوب اذا سمعو صوتي يلطمون ههههههه

ميمي وروان نامو بقينه بس اني والاسبر نسولف خليت راسي على صدره واسمع الدكات گلبه

رزان: ليش من احط راسي هنا گلبك يضل يدك سريع

الاسبر: كل ماتتقربين گلبي تزيد دكته

رفعتله راسي

رزان: اي ليش؟

الاسبر: يضل يطبل ويركص لأن راح تسمعينه

رزان: هههههه لا احجي صدك

الاسبر: اي والله بكل مره تكونين بيدي عبالك اول مره ينعاد نفس الشعور ونفس الاسئله براسي

ـ امم يعني مثل شنو الاسئله؟

ـ هيج انا استاهل والله ينطيني هيج مره

ـ انتَ تستاهل كل الخير

ـ رزان قبلج جنت ملحد وما معترف بالرب العالمين وياج عرفت الله والصلاة وياج عرفت الله شكد راحمنه وعطوف علينا كلشي سويته بس بعدني عايش واشم الهوه بعدني اكل وامشي واشوف كلشي وغيري يحلم يشوف الضو او يحلم يمشي على رجله اهواي ذنوب سويت وكل ما اوكف على السجاده خجلان لأن السويته مو قليل وما استاهل كل هذا الخير احس مرات ما استاهلج وتستاهلين واحد مُتدين اكثر مني ويخاف الله بيج ومرات احس الله دزج الي عوض عن كلشي عشتا بحياتي وعن كل خسايري الخسرتهن







الاسبر: فَسيقه انتِ مثل الضو الدخل بطريقي ونوره كله خليتي طريقي عَباره عَن نور وورود

طول ماهوه يحجي اني اباوع العيونه يلي مليانه مشاعر وتلمع بالحقيقه

رزان: كل هذا من رب العالمين منو جان متخيل حضنك راح يكون مَلجأ الي من اتعب وضحكتك التنسيني تعبي وحنيتك العوضتني عن كل اهلي

شدني الحضنه اكثر

الاسبر: شاء القدر وخلانه نكون البعض مره قويه ماتنجرع ومستعده تكتل وتنكتل ورجال يتسرسح بنظره منها

ابتسمت ورجعت راسي على صدره غمضت عيوني ردت انام وحضني حيل نزيت اباوعله

بعدني ممستوعبه يلي يصير وخذ شفافي ذبت بيده وماحسيت بيلي صار بعدها غير جنت بين ايده....

︶ ꒷꒦꒷︶ ︶ ︶꒷꒦︶ ︶꒦︶

تاليا....

رسل وآريا يخططن الشي بس ماعرفه شنو هوه

رسل: متروحين العمج

تاليا: اي شوي واروحله

آريا: يلا اريد اروح وياج اشتري

كمت سويت صينيه العمي لبست عبايتي وطلعت اني وآريا دخلنه. للبيت هدوء كل مره هوسه وعمي يكعد بالحوش دخلت للاستقبال وشفتها فارغه بس يحيى بيها ضليت محتاره ادخل لو اطلع اندفعت من ضهري ودخلت بسرعه انسد الباب اباوع للباب وباوع اليحيى الصافن وميدري شكو

يحيى: شبيج!

تاليا: ها هوه اجيت اجيب الغده العمي

يحيى: مو هنا

تاليا: اي مادري بي تريد تتغده؟

يحيى: اكل ومنج أكيد مارفضه خليت الصينيه كدامه وردت اطلع

يحيى: تاليا

التفتت أله منتضرته يحجي

يحيى: ما حن گلبج مو شيبت وخو زينب

بلعت ريكي حايره عيوني وين اوديهن وشنو احجي عفته ورحت للباب اسحب بي ما ينفتح

يحيى: رائف وزوج وراح يصير أب آريا ونخطبت شوكت تفكرين بيه شوكت

التفتت أله اريد اخلص نفسي من الموقف

تاليا: كتلك وارجع احجيها زواج اني ماريد وما كتلك انتضرني

يحيى: كتلج ما رايد غيرج وبعدني عد كلامي بحياتي وبمماتي رايدج من كل گلب والسان

تاليا: يحيى احنه مو مناسبين البعض

يحيى: ليش مو مناسبين غير افهم شنو البينه عيب يلي ميخلينه نزوج

تاليا: يحيى مشاعري مو مثل مشاعرك ماريد اجرحك بكلام يكسر خاطرك

يحيى: بس عيونج دكول غير شي

تاليا: معليك بعيوني وعليك بالكلام اليطلع مني لأن ماكو اصدق منه







يحيى: اعرفهن عيونج ما يجذبن

تنهدت استغفر

تاليا: يا بشر افهم.... قاطعني

يحيى: انتِ افهمي تاليا انتِ افهميني صار سنين اتوسل بيج مو سنه سنتين الازغر تزوجو وعاشو وانه بعدني مناطر نظره منج بعدني ابيع عمري حتى اشوف ضحكتج
تنهد وحجه

گلبج حنين وماكو بحنيته ليش ما حن عليَ!

نزلت راسي خجلانه منه

رائف: بس مره بس مره فكري بيه وبنفسج بس مره التفتي ألنه وشوفي حبي الج فنيت عمري وانه منتظر وباقي منتظر لا راح امل ولا راح اتعب لحد ما تقبلين

باوعتله يحجي من كل گلبه ومنتضرني اجاوبه

تاليا: وامك!

يحيى: امي امي شبيها والعباس توافق بس كولي اي وكلها توافق أصلاً رادت تروح وتطلبج من تمرضت بس خافت تفشليها والحسين تقبل بس اقبلي

سكتت اباوعله

يحيى: بس اي بس اي وحياتنه كلها تتغير بس اقبلي والله حتى ما خليج هنا هذاك بيتي اخليج بي بس كولي اي

بلعت ريكي ولزمت بالعبايه

تاليا: الله كريم

يحيى: يعني اي

سكتت نزلت راسي

يحيى: احجي تاليا اي يعني اي ادز اهليي قابله

هزيت راسي بـ اي وانفتح الباب عفته وطلعت بسرعه لكيت آريا عفتها ورجعت للبيت بسرعه ذبيت العبايه ووجهي احسه تبخر

آريا: شبي الحلو خجلان

دخلت للمطبخ اباوع اريد الهي نفسي بشي ماكو شي كله نضيف

رسل: اضن الخطه نجحت

تاليا: انتن انتن قفلتن الباب علينا

آريا: لاا مو اني رحت اشتري مادري

خزرتها

رسل: عليج العباس شصاار

تاليا: شصاااار خليتني بمووقف يفشل

دخلت للغرفه شسويت يربي شسوويت شلون قبلت ضليت اكل بصابعي لحد اليل واندك الباب طلعنه وعمي ومرته وباقي عمامي كلهم اجونه عادي همه كل مره يجونه سوينه كهوه وكعدنه سويه سوالف عاديه لحد ما عمو نطق

حمد: جاين نطلب ايد تاليا الابني يحيى

ام يحيى: انگطع گلبه وهوه منتضرج اخيج وراح يصير اب واختج يومين ورايحه بعد ماعندج حجه

بقيت بس فاتحه عيني الكهوه بحلكي ماكدرت ابلعها شهكت بيها آريا جانت يمي انطتني مي ودك على ضهري شربته

رائف: اي شبيها هيه فنت عمرها حتى توصلنه الهنا وهسه صار دورنه نرد الها جميلها ولو شراح نسوي مراح انجازي تعبها ويانه







حسن: لا عمي صدك متجازوها ضيعت شبابها علمود توصلكم وبنت ابوها وكفو منها وصلتكم وحافظت عليكم

حمد: هسه بنيتي تاليا شدكولين

بقيت ساكته بس اباوع الهم شجاوب يربي دخيلك عم الهدوء بكل مكان

رائف: دنطوها مجال تفكر

حمد: ما اطلع منا اذا ماطش الجكليت على راسها

فتحت عيوني على وسعهن

حسن: دنطقي

هزيت راسي بـ اي

حمد: لا اريد اسمعها

تاليا: اي

نسوان عمامي ضلن يهلهلن وفعلاً كام عمي حمد طلع جكليت من جيبه وطشه عليَ ماعرف بس غطيت بهدومي من الفشله ودي الكاع تنشك وتبلعني الكل فرحان الي استغربت من مره عمي شلون موافقه وفرحانه بس يجوز الله هداها بالتالي....

︶ ꒷꒦꒷︶ ︶ ︶꒷꒦︶ ︶꒦︶

آريا....

احسن خطوه امي خطتها هيه الموافقه على زواجها من يحيى صح تعبته وخلته نص عمره يركض وراها بس بالنهايه صارت أله واخيراً من بعد الف طلابه وعناد لانت تاليا وبينت شوي من مشاعرها اعرف بيها ميته بيحيى بس ماتحجي وكاتمه كل مشاعرها

اني ورسل عرفنه ببيت عمي راح يطلعون وبس يحيى يبقه وكلت هاي فرصتي اخليهم يحجون وحدهم والف الحمدلله الخطه نفعت وكدر يقنعها

يمكن اول مره هيج افرح لأن احس تاليا راح ترتاح بزواجها هذا تعبت ويانه وجابت كل عمرها ويانه تعب بتعب متاكل حتى يزود النه اكل ومحدّد بينه يجوع ضيعت شبابها بالطبخ وانكسر ضهرها حتى تجيب فلوس وتشتري الي ارقه ملابس ومتخلي شي بنفسي متنام اذا متنومنه وتطمن خاف احد بينه يبرد رائف شكبره وراح يصير اب اذا يتمرض تسهر ويا وما تعوفه وتبقه الصبح خاف حرارته تصعد وهيه نايمه

تاليا تعبت علينا اكثر من امي...

جان شرطها متصير حفله عرس فخمه ولا قبلت تلبس البدله توسلنه بيها وماقبلت والصدمنه يحيى وافق وسوه التريده

عقدو عقد السيد بليل بثوبها الابيض البسيط وراه سبوع عقدو عقد محكمه حددو يوم العرس وقررو يرحون الكربلاء جابو سيارات وعزمنه الكل اجتي رزان بطنها شكبرها وكوه تمشي جنها بطريق ورسل تباوع الها

رسل: يبووي بطنج شلون كبرانه يمه بس لا هيج يصير بيه

رزان: اي حبيبه هسه خمس اشهر وبطنج تنفخ

رسل: لا يربي دخيلك غير اختنك واموت

ضحكت رزان عليها وكل عاده فستان بسيط مناسب الشكلها وجسمها والفه الشال يلي تنطيها جمال اكثر خذت روان بيدها وراحت يم تاليا لبست بطرون وبدي عريض فوكاه ستره اتصل بيه خالد جاوبته







خالد: بعدكم مطالعين

آريا: لا بعدنه

خالد: اها زين مو تتأخرين

آريا: اني شعليه غير همه بعد شوف شوكت يرجعون

خالد: راح ادزلج رصيد كنكي على الشريحه ماشي

آريا: اووي متتحمل تبقه ساعات بدوني

خالد: ضغطي نازل اريده شوي يصعد

آريا: هاي شبيك روح زعلت

خالد: اموت على اليزعل يلا روحي اجيبلج رصيد

آريا: خالد

خالد: روحه

آريا: راح اشتاقلك باي

سديته وغميت نفسي بلا عود هاي رومانسيه والله يالله عدلت شكلي لبست الشال وطلعت يمهن للغرفه الثانيه رزان واكفه تعدل القفطان الابيض مال تاليا طلع يجنن عليها كلارا خيطته ألها وبصراحه طلع حيل فخم عبالك مال ملكات ويلمع لمع شكله يجبر الواحد يصفن بتفاصيله

تاليا: الحذاء حيل عالي ماكدر امشي بي

رزان: لازم ويا شي عالي حتى يترتب وكشخه

رسل: تحملي هيا منا السياره وهناكه مراح نمشي اهواي

اقتنعت بي ووكفت تهفي على وجهه اجتي رزان كعدتها تخلي الها مكياج

تاليا:لا ماريد

رزان:انجبي

رسل:توسلت بيها ما تقبل

رزان:اشك حلكها والله شنو يمه مجبوره لو فصليه جابت المكياج وخلت الها هادء وبسيط كلش حلوة طلعت لفت الها الربطه

رزان:فدو الـ الله تموتين

آريا: يلا البنات شوكت يجن

رزان: هسه اخابرهن

طلعت تليفونها اتصلت بيهن ودخلن النه اول مره اشوف كلارا ولارا ضليت صافنه على جمالهن صح شايفتهن بالتليفون بس اول مره التقي وياهن جايبات وياهن هدايه استقبلتهن وجوان دخلت من الباب تهلهل وراها امها همينه واخيراً حسينه بجواء العرس شغلن الديجي وضلينه نردح شويه كومنه تاليا ويانه شويه ركصت

وصاحنه رائف طلعنه سويه تاليا راحت بسياره رائف وحدهم واحنه صعدنه بالكوستر مال نسوان وكل الحبايب التمن بنات عمامي وعماتي وخوات يحيى الونسه الصارت مستحيل تجي ونسه ثانيه مثلها كنكت على الشريحه وكل ساعه يراسل خالد

ديري بالج على نفسج.. لا تمشين وحدج خلي وحده وياج.. انا ليش خليتج ترحين أدب سزز شنو وترحين وحدج..

واني ماشيه ويا شيكول اكله اي ماريده ينكد ويخرب الطلعه عليَ

خالد حباب وتعامله لطيف ماشفت شي منه مو زين عنده ثنين خوات ابو متوفي واخواته مزوجات باقي بس هوه وامه







امه مره حبابه وهمينه فنت عمرها الابنها وبناتها وبين فتره وفتره تجي يمنه نتونس وياها وهمينه بيتهم مو كلش بعيد علينا يعني نتمشا الهم...

وصلنه الكربلاء ونزلنه جوان استلمت التصوير من مشو بين الحرمين ويطشون الجكليت عليهم ومن لبسو الحلقات التفت رائف للامام العباس (؏) ورفع ايده يلي لازم بيها ايد تاليا

رائف: طلبتها منك يخو زينب وماقصرت

بهاي الحظات امه هلهلت والناس حوالينا تباوع الهم ومبتسمه

اجتني لحظه ادراك راح اخسر امي يلي ربتني وبعد ماشوفها يمي كل يوم وراح تكون بمكان غير مكاني نزلت دموعي بقهر وفرح الها شفت رزان لزمت ايدي

رزان: ها ولج شبيج

آريا: يحيى راح ياخذها منه بعد وماشوفها كل يوم

حجيت وبجيت طبطبت على كتفي

رزان: افا والله وبيتي وين راح عنج تعاي يمي

آريا: انتِ اختي هيه امي

رزان: كون امسح بيج الحرمين هسه

ضحكت من بين دموعي مسحت دموعي وباوع الها شلون فرحانه ويحيى مو بس فرحان طاير بيها يمشي ولازم ايدها ما عافها أبد دخلنه زرنه يلا عافها رفعت ايدي بحضره الامام العباس (؏)

يا مولاي تدخل الفرحه والسعاده الحياه اختي التعبانه ونور طريقها وتبعد عنهة كل شر وتوفقها بكل خطوه تخطيها يا مولاي امي تاليا بحمايتك

شفت رزان تقره زياره عاشوراء قريت وياها وطلعنه زرنه الامام الحُسين (؏) هم ضلينه وقرينه الزياره وطلعنه المدينه الزائرين راح يبقون يحيى وتاليا هنا سبوع بفندق واحنه نرجع سلمت عليها حضنتها حيل وباستني من راسي

تاليا: ديري بالج على نفسج

آريا: راح اشتاقلج اهواي

رزان: ديلا سندووس سبوع وترجعلج لا تسوينها دراما

حضنت تاليا عناد بيها

آريا: اذا انتِ عندج عادي اني مو عادي اعوف امي سبوع

تاليا: ليش تخلني اغير قراري وارجع وياجن

آريا: لا لا عليج الله غير يحيى يذبحنه ضحكنه وطلعنه منهم رجعنه للبيت صح ضايجه بس رسل وياي ورزان وباقي البنات ما عافني الطريق طويل رجعنه هالكانين همزين تعشو بالمطعم جان صارت هوسه هنا كلمن راح البيته حتى جوان والبنات بقت بس رزان ويانه رجعنه سبحنه وبدلنه واجتمعنه بالصاله يسولفن ويشوفن بالصور ويضحكن كومه صور جماعيه وكل زوج وحد جوان خوش مصوره تنفع بكل مناسبه

رسل: همزين جوان التصور وماستحيت اطلب منها تصورني ويا رائف

رزان: بكل حفله هيه اول وحده تحضر حتى تصور







رسل: اي اتذكر بالحنه والعرس بس هيه تصور

آريا: اكلج اني دخت وماعرفت اميز بين لارا وكلارا

رزان: لارا الحامل وكلارا الوياها بنتها

رسل: حيل هادئات ماسمعنه الهن صوت

اهواي ضلينه نسولف لحد ما اجه رائف

رزان: اجيت بوقتك اريد ككو

رائف: شلون كروه تعبانه

رزان: حباب هسه شتهيته والله

رائف: تردن شي بعد

رسل: جيبلي سماك

آريا: اريد جبس

هز راسه وطلع شويه وجاب النه علاكه حلويات رسل خذت السماك گصصت ليمون ورشت السماك والملح وكعدت تاكل بيهن اخذ رائف وحده اكلها انقلبت كل ملامحه

رائف: عااا شلوون تاكلي

رسل: طيب والله

خذت رزان وحده اكلتها وتبدلن هيه ورسل صار ماعون اليمون بيد رزان والككاو بيد رسل

آريا: هسه الفروخ البطنجن يدكون على راسهم

رزان: مشكلته ياهو كله صير ببطني

شويه وخليت راسي على رجل رزان

آريا: اشتاقيت التاليا

رائف: البيت احسه طفه

رزان: اي والله احسه صار اظلم

انمطل رائف على رجل رزان الثانيه

رائف: ابقي انتِ ومن هيه تجي روحي

آريا: اي رزان عفيه لا تروحين

رفعت ايدها تلعب بشعرنه

رزان: يلا يلا لا تبجون ابقه يمكم

دك تليفونها جابته رسل رفعت خط وتحجي ويا ابنها كام شافنه بحضنها وتخبل هسه تجين

ـ خلي بابه يجيبك

ـ ما معليه هسه تجين يمنه

رائف: شوف شوف امك تلعب بشعري

لهيم: اسكت اسكت الوصخ

ـ ولك ميمي شهل حجي هذا

لهيم: يووم تعااي والله اكتل ابوي

جانت فاتحه سبيكر نسمع شيحجي

الاسبر: عفيه الاسبر بكل عزه لطامه

ضحكنه بصوت عالي شويه وسدته منه ربع ساعه واندك الباب راح رائف فتحه ودخل ميمي شافني بعدني بحضن رزان وكف بعيد سلم ونبلع السانه

رزان: تعال مامه ليش واكف

لهيم: خلي دكوم هاي

آريا: ما رزان اختي

حضنتها من بطنها وجرني من شعري اني همينه جريته من شعره وصرنه امالخ اني ويا كعد فوكاي واضحك







رزان: والله بعد انتِ ويا معليه اني

كامت واني بعدني اتعارك ويا دخل رائف

رائف: شهل ريحه هاي

رزان: ريحتيش؟

رائف: ريحه زباله بلا هاي من ميمي

وكف سحب ياخه قميصه يشمها

لهيم: ريحتي اطيب من ريحتك

ضحكنه وراح يم رزان صدك نضيف يلمع لمع كل النهار وحتى باكله بالعبه مرتب أبد ميوصخ ولا يحب يتوصخ

رزان: لعد الاسبر وينه

رائف: كال مستعجل جاب ميمي وراح

هزت راسها بقت ساكته بقينه للفجر كاعدين ساعه نسولف ونضحك ساعه اتعارك ويا ميمي وهوه يقصفني ميسكت

لهيم: الاسد لا يرد على الكلاب

باوعتلي رسل وضحكت بكل حسها ورائف يسد بحلكها

رائف: خزيتنه المنطقه كلها سمعت ضحكجن

رسل: ااخ يمةة ولج هذا ابنج سينمه وعلي

رجعت وره شويه همينه تحرشت بي

لهيم: اهوو شكد تنبحين

هوه يرزل واني اضحك بدون احساس أذن وكمنه صلينه صلاة الفجر بقت بس رزان تقره بتليفونها مدري شنو باوعت. الميمي فارش السجاده وعيونه صايارت حمر كوه كاعد كعدت يمه وكام باسني يعتذر مني لأن غلط وياي بسته وخليته بحضني كملت رزان وراح يمها نام خليت راسي وتنهدت براحه اهواي تونست ويا رزان صار اهواي مضاحكه هيج فتحت التليفون وشفت اهواي رسائل من خالد

ـ رجعتي؟.. وينج؟.. آريا تأخرتي.. معقوله نمتي وعفتيني متصل اكثر من مره ووراها اهواي رسائل بعدني اقره وراسل

كاعده؟

ـ اي

ـ وين جنتي تأخرتي بالي يمج

ـ مو التهيت تعرف هوسه وخطار

ـ جان طمنتيني برساله

قريتها وسكتت

ـ المهم تونستي

ـ حيل تونست

ـ الحمدلله الله يسعدها ويوم الـ ألنه

ـ أمين

ـ ها ولج تردين نعرس بسرعه؟

ـ لا قصدي على تاليا الله يسعدها

ـ ها عبالي على الزواج جان طفرت بيج من باجر

ـ ههههه وين تطفر

ـ نشرد شوكت يبدي دوامج

ـ الاحد

ـ حلو باجر اجيج حتى نجيبلج ملابس

ـ عندي وهمينه رزان يمنه كالت اني اخذج

ـ وعندج فلوس

ـ اي عندي







ـ ميخالف خلي اختج باجر وانه يومين هيج وهم اجيج

ـ تمام امك شلونها مشتاقه الها والله

ـ شافت صورج اليوم وفرحت الها والله

ـ عود ليش ماجتي

ـ آريا تعرفين امي مريضه متحمل طريق بعيد أله هيه تحب تاليا ماعدها شي وياها

سولفنه شويه سألته شمسهره ليهسه

ـ كتلج بالي يمج بقه خاف صاير شي وبقيت منتضر انام وافز لحد ماشفتج نشط راسلتج

هيه رساله بسيطه بس اثرها حيل جبير حسيت مثل الفراشات بگلبي ادغدغ....

︶ ꒷꒦꒷︶ ︶ ︶꒷꒦︶ ︶꒦︶

لارا....

امشي بالبستان وراه صوت البلبل وشفته على الشجره وحيل عاليه ماكدرت الوحه وضل بنفسي اريد الزمه اجه سيف يضحك

سيف: شبيج تگمزين مثل الگنغل

لارا: اريد البلبل شوف طار

اشرت المكانه جان حيل طويل ولابس دشداشه بيضه لزم البلبل ونزله الي

سيف: وصلي الجلال وكليله ما ناسيك

ضحكت من كل گلبي وخذيته ضميته الصدري

لارا: خيولي جلال راح اخذه الي

ضحك ومسد على شعري....

فزيت اباوع حواليه ماكو سيف بكل فتره احلم بي وبكل مره يجيني يضحك باوعت الجلال النايم خليت ايدي على وجهي وبجيت فز مرعوب

جلال: لارا شبيج

سحبني الحضنه

لارا: اريد سيف

دفنت راسي بحضنه وبجيت

جلال: كومي بدلي نروحله بتعدت مسحت دموعي

لارا: احلف

ـ والله يلا كومي

كمت البست صايتي والشال وهوه لبس الدشداشة السوده اخذ السويج وفلوس ونزلنه سوه سلفه واشتره سياره وشغله كلش زين اتحسن بهواي

سولفت أله على الحلم سحب ايدي الصدره

جلال: حلمج زين مابي شي

لارا: اي بس اهواي اشتاقيتله

هز راسه وسكت تذكرت قبل من مجان يجيني بالمنام ومن تركت غسان يلا اجاني بالمنام عرفت هوه زعلان مني لأن زعلت جلال وبس رجعت الجلال رجع يجيني اذا مو كل يوم كل اسبوع واذا ما اشوفه ابقه على السجاده اتوسل بربي اشوف طيفه ولو الثانيه حتى اطمئن هوه صح مات بس احسه بعده عايش بروحي وبگلبي

وصلنه ونزلنه قبره صاير على الشارع أبد ما يضيع اول ما لمحه جلال عاف ايدي وراحله

جلال: جيتك يا عضيدي جيتك يا كسرتي حضن صورته يلي على القبر موتك ااخ يا مووتك كسرلي ضهري والله كسره







نزلت راسي للقبر ابجي واسمعه يبجي ويصيح بصوت

ـ ما تعبت من النوم ما الله يهديك وارجع اشوفك بس مره وحده بس مره

انتهينه ثنينه من البجي كام جاب مي ورد غسل القبر اكو ورده بصف قبره جانت نابته كل ما نجي نلكاها كبرانه كل سبوع نجي نزورهم ميفوت الشهر اذا منزورهم مستحيل ذبيت مي عليها وكف جلال يقره بسوره يس رفعت راسي اباوع للقبور كمل وباوعلي

جلال: شدورين

ـ اريد اروح الهديل

هز راسه ونزل باس القبر اخر مره وطلعنه منه مسافه مو كلش طويله وصلنه يم قبر هديل وتذكرت ذاك اليوم من اجتي تبجي وتتوسل

كعدت بالكاع تبجي واني مصدومه بشكلها وراسها يلي مابي ولا شعرايه

هديل: ابوس ايدكم كلولي سيف عدل كلولي مابي شي

كلارا: سيف استشهد

لارا: راح اخوي وانتِ بنفسه!

خلت ايدها على وجها تصرخ

هديل: مااايعووفني هووه حالف مايعووفني والله احبه واريد اريده والله احبه ولكم يكلي ما اسامحج راااح وهوه ممسااامحني كعدت كلارا يمها مفاهمه شي منها

هديل: رااح مني رااح ماردته يبقه وياي ويتعب ماردته يعيش بمرضي ماردته يشوفني مكسووره لأن مايحب ضعفي ماردت اكله المرض كتلني وخلاني ابتعد عنك اااخ يا گلبييي

صفت سياره يم بابنه وهيه بعدها تبجي نزل ابوها وامها يركضون شالوها وهيه بعدها تصرخ

هديل: رااح وهوه مقهور مني راحح وهوه يعااتبني راااح بدون ماشوفه رااح بدوون مايساامحني راااح حبيب رووحي راااح

امها تسحب بيها كلارا ماقبلت وعافتها بحضنها بجت لحد مافقدت امها تمسح بدموعها وتبجي ويانه

ـ بعد ما اجيتو جانت حيل فرحانه ومريضه بنفس الوقت ومن خذيتها نحلل طلع بيها سرطان ما قبلت احد يعرف وطلبت تبتعد عن سيف بس ماقبل يعوفها وفعلاً استشهد وماقبل يعوفها بنتي ما تعيش اكثر شي 6 اشهر خسرت كلشي ورجعت على أمل تشوف سيف وتطلب السماح منه وتعيش اخير ايامها يمه لأن فقدنه الأمل لعلاجها

لارا: معقوله ماكو الها علاج الطب اطور

مسحت دموعها وشالتها ويا ابوها

ـ عجزنه ماخلينه لا دوله ولا اطباء حالتها مأيوس منها

كلارا: قدرهم هذا ولا اعتراض على حكمه

اخذوها وراحو وراه سبوع توفت وجانت موصيه اهلها تندفن قريب على سيف....

فزيت على صوت جلال شفته مشغل القرأن وغاسل القبر اخذ بيدي وطلعنه زرنه الامام علي ؏ صلينه صلاة الصبح وطلعنه راح جاب نساتل وعصير وياه







جلال: اكلي على لحم بطنج من الصبح

فتحت نستله مديتها الحلكه اكل منها ونوبه اني اكلت راد يدخلني المطعم ماخليته وهمينه متأخر على شغله اتصلت عليَ كلارا كتلها بالنجف ماحجت شي حسيت على حركه الطفل خليت ايدي على بطني

لارا: وعد اذا طلع ولد اسمي سيف واذا بنيه هديل

باوعلي مبتسم

جلال: ليش هديل شمسويه الج

لارا: احس ما املك شي من سيف واذا سميت طفلي عليَ او على حبيبته راح احس املك شي أله شي يخصه يمي ويمه مشترك لو حتى اسم المهم احس بهذا الاحساس

جلال: مايحتاج اخذتي صديق روحه

باوعتله مبتسمه

لارا: صحيح صديق روحه والوحيد

جلال: لا تجذبين جان مصاحب بكد شعر راسي

لارا: جذاب جان يعارك وصحبانه قليلين حيل ينعدون على الاصابع

جلال: غير انه ويا النهار كله باليوم اذا ميصادق خمسه قليله

لارا: اي وراه يومين يتعارك وياهم

ـ صحبته الركبته اذا ماعجبه اسلوب. المقابل لو حركه منه ووي يطلعه من القائمه بدفره

ابتسمت ونزلت راسي البطني كبرانه شوكت اجيب واخلص حيل تعبني..

بيوم جنت ارتب بالغرفه ودخلت رنيم تركض وكلارا وراها ختلتها وراي

كلارا: أدبسززز منين تجيبين هذا الافشار والله اليوم اكص السانج

لارا: هاي شكو شبيج

كلارا: ولج بنيه مستهتره وعرمه ياهوه يحاجيها تجره بزيج واليوم تغلط مدري منين جايبته ادري مخلفه شاااذي

رنيم: انيي مغالطه عليج عليهم

كلارا: لااا فدووة الطوولج تعاي اغلطي عليَ حتى اكص السااانج

لارا: هسه اهدي عليمن مفرفحه جريت رنيم الي

لارا: مو عيب هيج تحجين

رنيم: ترضيها يكلي امج حلوة؟

لارا: منو هذا؟

رنيم: هذا ابو راس المربع المهلس الجريذي يكلي ها بنت الحلوه جبت طابوكه شمرتها على سيارته وغلطت عليَ وامي اجت تغلط عليَ عليج الله انضرب اني انضرب غير ادافع الها وماخلي احد يحجي عليها

دخلت شفتي الحلكي كاتمه ضحكتي وكلارا تزلغ بخدودها

كلارا: صخاام بووجهي نووبه كاسره سيارته

جلبت بيدي تختل

لارا: اي بس هههه عيب هيج تحجين

نزلت راسي مختنكه وسحبتها كلارا من اذانها ورنيم فاتحه حلكها عود تبجي







كلارا: شلون بيج شلوون راح تجلطيني والله

خذيتها منها عود اضربها واندك الباب طلعت تركض تزلغ بخدودها

كلارا: اجووي هداده اجوووي صخاام الصخمني

نزلت تركض طلعت اباوع من المحجر ورنيم لزمت شحاطتها بيدها

رنيم: والله اذا هوه أله اشمر هاي بگصته

لزمتها واكفه اباوع فتحت الباب ودخل ولد يطلع عمره 16

ـ السلام عليكم

كلارا؛ وعليكم السلام

مدلها فلوس

ـ هذني امي دزتهن كالت فلوس الخياط

خذتهن منه تتشكره عافها وطلع سدت الباب وباوعتلي

رنيم: شوفي اختج شوفيها تاخذ فلوس من الغريب

ضربتها على راسها

لارا: عيب هيج تحجين هذا فلوس تعبها وشغلها وبعدين شنو هذا السانج اطول منج شعرفج بهل سوالف

رنيم: كلشي اعرف عقلي اكبر من عقلكم

لارا: دمشي ام عقل هسه تجيج امج اطير عقلج من راسج

ضحكت وشبكت ايدي

ـ خالتو حبيبتي احميني منها

يربي شيطان مو بنيه متعبتنه طفله بس سوالفها مال كبار أبد متنلام كلارا من دكول نسخه سيف حركاتها السانها سيف وحاطينه بالضبط وحتى عصبيتها فنه اليعاندها لو يشاقيها تقلب البيت على راسه وتبقه سبوع زعلانه وموكفه البيت على تك رجل وبنفس الوقت حنينه على الكل واذا احد صار بي شي تبقه مكابلته وكاعده تخاف عليَ يتحرك ...

يومين اني بطني توجعني وحرارتي عاليه باقيه بس نايمه كعدت على اثر وجع حيل قوي جلال هاي اليومين ما عافني بقه وياي حتى شغله عافه الوجع يزيد نزلت رجلي من الجربايه وحراره صارت على رجلي عيطت ونز جلال مافاهم شي

لارا: رااح اولد جلالل الحكيلي يمةةةةة

صعدت امي تركض خذوني للمستشفى واني ميته من الوجع ساعتين اني اصرخ وابجي من الوجع جريت نفس وحسيته اخر نفس سمعت صوت الطفل وغمضت عيوني ماحسيت بشي غير اطرافي جمدت من البرد...

جفني ثكيل وألم بكل جسمي سمعت صوت جلال

جلال: بابه سيف حبيبي

فتحت عيوني واشوف ابني نايم بصفي وجلال كاعد كدامنه لزم ايدي

جلال: الف الحمدلله على سلامتج يروحي

لارا: الله يسلمك كعدت عدل المخده وراه ضهري وباوع للطفل ساكت شلته بحضني بسته ودموعي نزلت مسحهن جلال ونزل ايده الشفافي

جلال: ليش تبجين لارا موجوعه

ـ فر فرحانه

غمضت عيوني من باسني بهدوء حط جبينه على جبيني يسحب نفس







جلال: لارا اليوم انيطيتي روح اليوم رجعت روحي الي

ابتعد من اندك الباب ودخلت امي تتحمدلي بالسلامة صحتي وصحت الطفل الحمدلله زينه بليل طلعونه امي شايله الطفل وجلال كل ساعه يباوعلي ويبتسم وصلنه للبيت نزل جلال واجه فتح الباب لزمت ايده ونزلت شفت هوسه يم بابنه باوعتله ونزلت خوالي لازمين الطلي وبس دخلت ذبحو

فتت للبيت كلهن يمنه رزان وجوان وكلارا ورنيم تگمز تريد تشوف سيف دخلني للغرفه يلي جهزنها وفرحانات الي خلن الطفل بكاروكه جنت حيل تعبانه وبس اريد انام عافني ارتاح وطلعن مادري شصار بعد فزيت من امي كعدتني حتى ارضع سيف خليته بحضني ارضعه...

احلى فتره حياتي هيه هاي الفتره يلي متخلص من اهتمام جلال وابني بحضني اجه جلال من الباب يصيح

جلال: ولكم بوويه وين اابني اجه متلهف يبوسه ويشيله تذكرت قبل لا يجي سيوفي من جان يجي من الشغل متلهف الي ويبوس ويحضن باوعتله بزعل رجع سيف المكانه واجاني باسني من راسي

جلال: شلونج يروحي

لارا: امم روحك

باسني بعشوائيه بوجهي

جلال: روحي وحياتي وعمري وضوه عيوني

لارا: اي تحب سيوفي اكثر مني

جلال: ثنينكم ويا النفس تصعدون وتنزلون

حضنته من بطنه بادلني

ـ أكيد تحبني اكثر من سيف مو صح

ـ اي أكيد شعندي غيرج انه...

︶ ꒷꒦꒷︶ ︶ ︶꒷꒦︶ ︶꒦︶
كلارا....

حياتي ماشيه بهدوء ملتهيه بتربايه بنتي وبشغلي قررنه نروح كلنه للامام الكاظم (؏) خذيت بيد رنيم وصعدنه السياره اجتي لارا وراها جلال شايل سيوفي كعدت وخلاه بحضنها حيل احب اهتمامه بيها يساعدها بكلشي بدون خجل او ملل وهيه شايخه عليَ شحده يحجي شي تصيحه يم امي

امي تسبح وصافنه بالطريق نزلت عيوني على التليفون شفت رساله من رقم غريب

ـ شلونج؟

عفته ما جاوبته

ـ بنتي شلونها

فتحت عيوني بصدمه دزيت

ـ منو!

ـ ماعرفتيني ليش شكم ابو البنتج

استغفرت ربي هذا شاهين أكيد

ـ شلون جبت رقمي؟

ـ مو مهم

ـ شتريد هسه؟

ـ رايدج. كلارا ميت بدونج والله ميت غلطت وعرفت غلطي اراقبج من بعيد واتحسر والله تبت وتغيرت اجي اخطبج والتفصلي انه البس بس اقبلي

اقره بالرساله المفروض تتحرك مشاعري وانقهر بس مصار مثل هيج من شفته ندمان فرحت وحسيت شوي انتقمت من يلي شفته منه وعشته رجع دز







ـ زوجتي انفصلت عنها واهلي اتبره منهم الخاطرج مارايد شي بس انتِ ورنيم والله ماريد شي بس شوفتكم يمي فكري ببتنه عايشه بدون أب وانتِ عشتي فقدان الأب ولوعته أكيد متردين بنتج تعيش نفس الشعور

تنهدت وكتبت

ـ ماريدك و لا اريد اكمل حياتي وياك بنتي الف الحمدلله عندها اهل يحبوها ويخافون عليها اكثر من روحهم هاي اني عشت وكبرت بدون ٱب لا متت ولا نقص من عمري ماريد بنتي تعيش ويا أب ضالم وماعنده غيره أب ساوم امها شخص حرام يتسمى أب رقمي تحذفه وماعندي كل كلام وياك

دزيته وانطيته حظر رفعت راسي ماريد دموعي تنزل شنو هوه وابجي بس تذكرت ابوي ههههه لو عايشه لوعة فراكه ولا الشفته منه

جلال: كلارا بيج شي

ـ ها لا

جلال: متأكده؟

ـ احم اي ماكو شي

هز راسه وسكت باوعتلي امي ولارا بشك ابتسمت الهن ونزلت راسي حضنت رنيم الصدري وبستهاا

ـ اموت وماخليج تشتاقين الابوج او تسألين عليَ

وصلنه جلال يمشي ويوصي بينه لا تتأخرن وانتبهن عاندت رنيم أله ويا تروح شالها وراحو دخلنه زرنه وكفت بالضريح وانهديت بالدموع رفعت ايدي واعدد شكد تعذبت وشكد انضربت ونهانيت شكد انكسر خاطري وشكد طعنو بشرفي عديتهن وحده وحده كدامه فقدت بالبجي لحد ما مره طبطبت على كتفي باوعتلها كاعده على كرسي مال معاقين

ـ اتمنى من باب الحوائج اليقضي حاجتج وياخذ حقج من يلي أذوج

نزلت راسي امسح بدموعي كمت خفيفه واحس مثل الجبل نزاح عن صدري طلعت يمهن لكيتهن كاعدات

لارا: طولتي

هزيت راسي وكعدت يم امي شويه وطلعنه نزلنه للمطعم تعشينه عركات لارا وجلال تضحكني ونستني على شنو جنت ضايحه أصلاً طلعنه وبيدي رنيم عافتني وراحت تركض اكو ملاعيب بالكاع وبزونه بيضه تجنن لعبه تمشي وتصيح

رنيم: مامه جيبيلي وحده

خذاها جلال مني ماقبلت هوه يشتري الها

جلال: دنجبي وعوفيني اشتري الها

خليت ايدي على حلكي

كلارا: ياا

لارا: وعلا

امي ضحكت وراحت رنيم تركض خذتها من الكاع وكل ساعه رافعتها الي

رنيم: شوفي مامه تصيح

كلارا: اي ديري بالج عليها

لارا: اني همينه اريد لعبه التفت الها جلال

جلال: اذا تردين اشتريلج المحل

لارا: لا تفخفخ اريد من هذا







اشرت على لعبه بعربانتها اتذكر شايفتها مال بنات زغار يطلعن على سبيستو يمشن بيهن

ضحك جلال وراح اشتراها

كلارا؛ يا ولج انتِ جاهله

لارا: والله من زمان اريد اشتريها بس مالكيتها شكد افتريت همزين لكيناها اليوم

اجه جلال جايب ويا ثنين وبعد العاب

لارا: هاي الثانيه الكلارا

كلارا: اي مو اني لارا تالي عمري اجيبلي لعابه

جلال: هههههه لا الروان اذا تحبين كلارا اجيبلج وحده

كلارا: لا هههههه شسالفه شفتني جاهله

لارا: اي عود تبسمر امشي حبيبي امشي ضحكنه ورجعنه للبيت ذبانه يم الباب وراح البيت خوالي يودي الالعاب الجابهن الجهال....

ثاني يوم طلعت ارش الباب وشفت ام جوان كاعده بالباب وروان تلعب بالعبه وميمي بالسياره وابو سميره ابن جوان كاعد يصفك ويباوع الهم صحت رنيم

ـ روحي العبي ويا الجهال

ماصدكت لبست نعالها وخذت لعبتها وطلعت تركض رفعتلي راسها ام جوان سلمت عليَ رديتلها السلام وبقيت اباوع الهم لبست البشت وطلعت كعدت يمها نسولف احب سوالفها تحسسني بالراحه التفتت على شهكه جوان

جوان: يمةة باايكه امي مني يبووووي

ضحكت وطلعت يمنه

ام جوان: ادخلي لا يجي مهاب

جوان: دخل يطير

لارا: هلا خالو

بسرعه سحبت راسها اليجوه ضحكت وطلعت حاطه ايدها على گلبها صفكت وغمتني

جوان: حقيره وكفتي گلبي

ضحكت وكعدت يمي تسولف خلصنه العصريه بالشارع صار الغروب وخذيت رنيم وهمه دخلو جهالهم سديت الباب

رنيم: يمه خليني بعد

ـ صار ساعتين كافي

ـ علميني شلون اصلي

حجتها ونزلت راسها

اشرت الها تجي يمي

رنيم: ميمي كال رايح اصلي كتله انتَ مو جبير كال ميخالف الله منطيني صحه وعافيه اكدر اصلي ليش ما اصلي أله وراح البيتهم واني شوفي همينه الله منطيني رجلين وعيون همينه اريد اصليله واشكره

بستها ورحت اعلمها شلون تتوضه وتصلي والله استحيت من كلامها اني مره شكدني شكبرني صلاتي متقاطعه وهذا هالكدوته وملتزم ماعندي جادر مال صلاة زغير لفيتها بشالي

ـ باجر اخيطلج جادر حتى كل ما اصلي تصلين وياي

هزت راسها مكيفه وكفنه نصلي سويه اهواي تغلط لو تحجي بنص السوره ميخالف بعدها بالبدايه...







ثاتي يوم خيطت الها جادر واني فرحانه لبسته وضلت تفتر بي فرحانه

ـ اروح اواريه ميمي

ـ روحي بس لا تتأخرين

طلعت ورحت وراها اباوع الها دخلت البيتهم وما طلعت بعد التليفون بيدي جان اجني صور من جوان فتحتهن وضحكت من شفتها مسويه جلسه تصوير الميمي وروان هاي بكل مره تكعد تصورهم بالقطات تموت

ملبسه ميمي دشداشه بيضه ويشماغ لافته أله وواكف سبحه بيده وروان واكفه بالعبايه مدري منين جايبها على كدها وفوطه مال امهاتنه قبل وراسمه على حنجها مثل تاتو امهاتنه قبل يموتون طالعين بالفديو وبعد اهواي صور رنيم واكفه بينهم تضحك

ـ الله شكد حلوين متصوريني شبيج

جوان: الجهاز يحترك

قريتها وضحكت لبست البشت وطلعت الها

فتحت الباب ودخلت العلع من الباب

كلارا: يحترك جهازج خايبه بجمالي بطوولي بعيووني وتحجين عليَ الخايسه المعفنه المگطنه

تباوعلي ووجهه صار ازرك كاتمه ضحكتها

مهاب: دخيلك ربي هاي العاقله التفتت أله فاتحه عيوني على وسعهن

جوان وكعت من الضحك هوه ضحك على ضحكتها

عافنه خالي ودخل للغرفه رحت جريت ايدها وعضيتها متت من الفشله وهيه فاطسه من الضحك طلعت رزان من المطبخ اصابعها وحلكه ملطخ بالككاو

رزان: امداني ما صورت الغلط

كلارا: حتى اموتج

رزان: دسكتي الفاهيه.....

شاهين بعد انتهى من حياتي ماعرفت شي عليَ ولا اريد اعرف حياتي عاجبتني هيج خاليه من العلاقات السامه وملتهيه بالناس يلي احبها وتخاف ينزلن دموعي بيوم بسببهم....

︶ ꒷꒦꒷︶ ︶ ︶꒷꒦︶ ︶꒦︶
جوان...

نومت علي وكمت رتبت الغرفه انفتح الباب ودخل مهاب سلمت ببتسامه اجه رد السلام وباسني من راسي

مهاب: شو هدوء

ـ كلها نايمه شو تأخرت

حجيتها وطوقت ركبته حضني من خصري

مهاب: شغل عندي أله شعندي عايف عيونج ومكابل السلبوح رائف

ركزت بعيونه طبع شفايفه على شفتي بتعد حط راسه على راسي

ـ أحبچ جنيتي كرصته من زنده ضحك

ـ اني مو جنيه

ـ شايفه هذني الجنيات الحلوات يلي يطلعن هيج تشبهيهن...

حياتي بهدوء ويا مهاب وابني يلي كل ما يكبر يكبر حبي أله بيوم سمعت مهاب يحجي بالتليفون







مهاب: هاي هيه.. فقيره أمانه ادير بالك عليها... الله يسلمك.. سداه وحجيت

ـ منو الفقيره!

تنهد وحضني خليت راسي على كتفه منتضره يحجي

ـ سالي

باوعتله

ـ سالي بنت صباح!!

ـ اي هيه اخوتها جلاب كلمن كال يا روحي عافو امهم واختهم وحتارو بنسوانهم راحن البيت خوالها ومو زينين وسالي ما مسويه شي بس ذنبها هيه بنت ذاك النذل الجلب الاسبر دز صديقه الهم مشايه وصارت خطوبتهم قبل سبوع تزوجو يكول مابيها شي البنيه وفقيره وصيته يدير باله عليها بالنهايه ممسويه شي حتى تتحمل خوالها الجلاب

ـ زين وشلون صديق الاسبر يعني حبها لو اخذها بس علمود الاسبر

ـ لا هوه رادها قبل من جان الجلب موجود بس ماقبل ينطيها وهسه انسجن وتغيرت كل احوالهم

ـ زين صباح شصار ويا

ـ مات موتته الجلاب ميتحملوها

ـ شلون يعني

ـ المرض اكل جسمه اكل وما أله علاج ويعدي عافو بزنزانه وحده يتعذب جان يحك ضهره بالحايط ويتزلغ بحيث اخر مره من شفناه الضلوع طالعه من كد ما متأذي ضهره وقبل فتره توفه ومحد يدري بي دفنو حاله حال الحيوان لا اهل ولا ولد سوو فاتحه بالرغم عرفو مات بس تبرو وكالو معلينه بي

ماعرف ليش گلبي وجعني

ـ شهل گلب يلي عندهم بالنهايه هوه سوه كل هذا حتى يعيشون براحه وميحتاجون الاحد وهيج يجازونه

ـ هههه ابوهم صباح وامهم الحيه منين يجيبون الحنيه

سكتت سحب راسي حضني

ـ انخطف لونج شبيج

ـ مدري انقهرت بس يستاهل لليوم رزان تفز اذا طفه الضو لليوم تبجي اذا سمعت صوت حيوان يستاهل يموت هيج موته

مسد على شعري

ـ شغلج شوكت ترجعيله

ـ بعد يومين الحمدلله جنت خايفه على علاوي بس طاب هسه

شويه ونمنه...

لبست بطرون وقميص مريحات الشغل بست علاوي خليته يم امي ورزان كاعده تاكل بطنها واصله الحلكها

جوان: شوكت تجيبين من اشوفج اختنك

رزان: خااب شمدريني حتى اني مختنكه نووبه اجوع

حجتها وبجت

جوان: ياا هههههه واذا جعتي

رزان: ولج صرت هاايشه

ضحكنه اني وامي وهيه مستمره تاكل

رزان: اذا ماجبت هذا الاسبوع أله اجيت من الدرج







ـ مسودنه والله تسوينها

ـ ولي مني ولي

ضحكت وطلعت من اجه الخط وصلت الصيدله فتحتها وبديت انضف بيها شغلت بيها دعاء كميل من الصبح ورشيت معطر جو دخلت سمر وياي بنيه تشتغل بالصيدليه مالتي فتحتها قبل فتره والحمدلله الشغل زين قريبه همينه على محل مهاب كل ما هاي ويجي يمي...

لحد ليل اجه الاسبر ومهاب سلمت علينا سمر وطلعت خلص دوامها واني طفيت الأضويه طفيت السبلت وطلعت قفلتها صعدنه بالسيارة والاسبر يسوق اخذ ألنه عشا دخلنه للبيت وتلكاني علاوي شلته واجتي روان بحضن الاسبر

مهاب: خايسه اني ابووج

روان: بابه حبيبي

تباوع المهاب وتشم بالاسبر من ركبته ضحكت ودخلت غيرت ملابسي وغسلت وطلعنه نتعشا وسوالف وضحك على الجهال وعركاتهم باوعتلهم وتنهدت براحه رفعت راسي يارب دوم المتنه هاي وفرحتنه التفتت على رزان من حجت وياي...

بيوم بدلت ردت اطلع وشفت رزان واكعه بالحوش ركضت الها اريدها تكعد ما تكعد امي اجتي تركض اتصلت على الاسبر دقايق واجه شالها وركضت لازمه عبايتها بيدي صعدت وياهم...

دخلناها الدكتوره ضغطها هابط وانغمى عليها خذت الها سونر وكالت الطفله نازله وعندها ولاده رزان تخبلت تبجي وما تقبل تجيب مجلبه بيد الاسبر

رزان: اخاف والله اخاف ماريد اطلك ماريد

الاسبر: شلون لعد رزان باعيلي كعد يمها يمسح على وجهه يهدي بيها طلعها بره بالحديقه يمشي بيها حاضنه بيده ودموعها ماسكتت الدكتوره تعرفها هيه مولدتها ومولدتني همينه خوش دكتوره رجعها للغرفه واجتي لازمه الابرة بيدها

ـ هاي الابره مراح تخليج تحسين بشي وتولدين بسرعه

ضربتها الها الاسبر طلع بس اني بقيت يمها دقايق وبدت تصرخ وتبجي لازمه بيدي بكل قوتها وتبجي

رزان: ارريد اامي جيبوولي اميي يمةةةة

كسرتلي گلبي وهيه بس تنهج باسم امها شكد صار الها من ميته ومفارقتها بس بهيج وضع نحتاج نشوف امهاتنه يمنه اكثر من كلشي ساعه ونورت بنتهم الدنيا نقلناها الغير ردها ارتاحت واجه الاسبر عيونه لونهن احمر شفته وهوه بره يدعي الها ويبجي كابل رزان وكعد حتى بنته لا شافها ولا شالها كعدت رزان ورحت جبت. بنتهم دكيت الباب عليهم ودخلت خليتها بحضنها باستها وباوعت للاسبر

رزان: بنتي فاطمه

الاسبر: هاي هيه فاطمه فاطمه

رجعت باستها وتضحك

رزان: فشت بطني بعد ما اختنك ههههه

جوان: ههههههه جانت واصله الحلكج وتالي طلعت زوريه







ضحكت واجتي الدكتوره شيكت وضعهن الحمدلله زينات ثنينهن طلعنه للبيت نزلنه الاسبر اخذ رزان ونزل واني بيدي فاطمه مهاب جان منتضرنه هوه وجلال ورائف لازمين الطلي منتضرينه

مهاب: شلون اني شلون كل يوم جايبلي طلي خلصت فلوسي

ضحكنه ودخلنه يلا ذبحو لأن رزان تخاف من الدم لكيناه تاليا وآريا وكلارا ولارا كلهم يمنه اجتمعو دخلت رزان الغرفتها ترتاح واني كعدت وياهن سوينه غده وباقي الحم كصصنه غسلنا خلينا بكياس وودينه الجوارين ميمي هوه اليوزع وطاير من الفرحه باخته فاطمه كل ساعه وطافر رايح يشوفها صبينه الغده خذيت الها بالصينيه حتى تتغده لكيتها ترضع بيها

جوان: يلا تتغدين

رزان: لا تعزليلي اتغده وياكم

جوان: صدك

رزان: ي والله تردين افوت المه الحلوه واكل وحدي

جوان: بعد احسن لعد كملي راح نصب

هزت راسها شويه ورحتلها اجتي كعدت يمنه والاسبر حط يمها السوب خذته تشرب بي وتصيح

اححححح

مهاب: كلووو بفلووسي

رزان: والله يا مهاب السوب يكتل

مهاب: غيرر الطلي بفلووسي

جلال: بالعباس جذاب

مهاب: كوم اطلع

جلال: كاعد ببيتك

باوعت الرزان واضحك من جانت حامل متاكل لحم واذا اكلت تروح تتقيئ واليوم رجعت تاكل براحه تشرب بس سوب اشوف الاسبر يجيب ويخلي يمها متاكل خلصنه سوينه جاي وعفنه الهوسة والمواعين والجمعه صارت تجنن آريا تنصب على تاليا وتاليا تنصب على رسل وهيج گضيناها نوبه كمنه نضفنه لحد ليل راحو....

︶ ꒷꒦꒷︶ ︶ ︶꒷꒦︶ ︶꒦︶

تاليا....

واكفه اغسل المواعين وايده اندمت على خصري ابتسمت وكملت

تاليا: الله يساعدك

باسني من خذي بالهفه

يحيى: ويساعدج يبعد عيوني

لزم ايدي غسلها بالمي ودارني أله ماعرف ليش من كلامه وعطره گلبي يضل يرجف حط جبينه على جبيني

يحيى: شوفتج يمي كل يوم عندي عيد

ابتمست أله رفع أيده يتلمس بوجهي

يحيى: اعشگنج وحگ اخو زينب

حضنته

تاليا: واني اموت عليك

يحيى: يااابوويه وين جان هذا كلامج ومشااعرج ووين هديتيني هدد يلا قبلتي بيه

ابتسمت أله







تاليا: فكرت باخواني اكثر من نفسي

يحيى: ااخ لو الله مخالقهم جان انتِ بحضني من زمان

خزرته

تاليا: لا تحجي عليهم

يحيى: شحاجي هسه انه

عفته ورجعت اكمل المواعين ابتعد يسوي چاي ويحجي وياي كملت ورحنه لصاله

يحيى: تاليا شبيج اعتذر

تاليا: شبيه مابيه شي

ـ لا زعلتي لأن حجيت باخوانج

تاليا: لا ما زعلت

ـ زعلتي وكلامج صار ثكيل وياي وعلي تره اكتلج واكتلهم

ـ ياا

ـ اي والله شني ازعلين عليهم ومتزعلين عليَ

ضحكت

ـ وليش ازعل عليك

ـ والله باطله انتِ مدكولين يحبني ويتمناني من هوه شاب شيبتيني يلا قبلتي بيه

ـ وين شيبت لا اجذب

ـ بالعباس عشگج شيبني

رجعت شعري وراه أذاني سحبني الحضنه ضحكت

تاليا: يحيى لا تستهتر

يحيى: زوجتي وبكيفي

طبع شفته بشفتي ابتعد يلهث

يحيى: الزم احدودك تذكرين هههههههه

كرصته من خاصرته

تاليا: ادبسززز

يحيى: ههههههه ااخ تعبتيني والله تعبتيني

شويه وطلعنه البيت اهله اجذب اذا اكول مفرحانين حيل فرحانين وكل يوم نجيهم عمو يطير بيه ابقه يمهم النص ليل يلا نرجع مرات يجون يمنه آريا ورسل ومرات اني اروح يمهم شكيت بنفسي حامل رحت وآريا جابت تحليل البيتي حللت وطلعت شافته رسل وكامت تگمز

رسل: حااامل والله حامل

تاليل: وولج بطنج

اجتي آريا حضنتني فرحانه عيد ميلاد يحيى قرب وسويتله مفاجأة يمي آريا ورسل جهزن الغرفه خليت التحليل وملهي بعلبه مرتبه خذته آريا ومدري شنو بقت تسوي كملن ورجعن للبيت

لبست ثوب أحمر قصير فتحت شعري وخليت بس حمره خليت عطر وبقيت كاعده منتضرته سمعت صوت الباب ووكفت گلبي يدك بسرعه شورطني اني وخذيت بفكره آريا دخل ضحك وسد الباب

تاليا: كل كل عام وانتَ بألف خير

سحبني الحضنه ابتعدت اسحب النفس مسحت شفتي

يحيى: احبج والله احبج

تاليا: اهو خلي احجي

يحيى: احجي عسى محد غيرج يحجي







تاليا: احمم شوف سويتلك كيكه

يحيى: ششوف حتى الضو مطفيته

راد يشغله لزمت ايده

: اهوو ضوه خفيف تره

يحيى:لا اريد اشوف زين

يحجي ويباوع على رجلي رفعت راسه

تاليا: هوو والله راح اعوفك وانام

ضحك وسحبني للميز كصصنه الكيكه دمر خشمي وضربته ضحك ويفرك بيده بحماس للهديه كل ميريد يفتحها ما اخلي

يحيى: غير اعرف شبيها

تاليا: احم اوكف شربت العصير وباوعتله يلا افتحها

فتحها بيها ورقه شافها وعكد حاجبه من قراها

يحيى: بالكنتور؟

هزيتله راسي راح فتحه لكاها كدامه فتحها وهم ورقه قراها وراح للمجر فتحه طلع هم علبه بيها ورقه باوعلي بتسمت

تاليا: دور يلا

هز راسه ونزل جوه الجربايه سحب العلبه فتحها وهمينه ورقه

يحيى: راح ابقه للصبح ادور

انتجيت على الميز والعصير بيدي

تاليا: تعب نفسك الهديه تستاهل

يحيى: مايهمني شي اهم شي خذيتج ضحك وكام فتح الثلاجه طلع العلبه وهم بيها ورقه والله آريا خبلته ههههههه

يحيى: راح اكتلج والله

تاليا: هههههه معليه اني

شاف الورقه وراح مد ايده فوك الكنتور سحب العلبه وفتحها ضل صافن عليها عدلت وكفتي باوعلي ورجع باوع الها

يحيى: شنو هاي؟.

تاليا: انتَ شنو تشوف؟

رفع الملهي

يحيى: جذااابه

رفعتله اكتافي واجه يركض فرني ضحكت ونزلني لزمت وجهه مسحت دموعه

يحيى: حامل تاليا حامل

هزيتله راسي ودموعي ويا تنزل كل ليله ويا يحيى احلى من يلي قبلها كل يوم يبينلي حبه اكبر واكبر وبكل مره اكول هذا العوض يلي الله عوضني بي الكل عرف بحملي وفرحان الي مرات اسمع كلام من نرجس وملاك واسكت

آريا: يغارن منج والله

رسل: كبر شبيهن هيج حاطات عينهن

آريا: يغارن خذت عزابي وبيت وحدها ويحبها ويموت عليها وهسه حبلت راح يطكن ويموتن

رسل: عينهن بحافرهن والسبع يدافرهن

ضحكت على جملتها الحمدلله فتره حملي بهدوء ويا حب واهتمام يحيى الي ونور ابني محمد الدنيا...

اجني رسل وبنتها ورده وآريا جايبات خبز واكل وياهن حتى ما اشتغل

تاليا: ليش تعبتن نفسجن







رسل: شلون لعد شننسه منج

ابتسمت الها بيتي نضيف مابي شي وهنه يحيرين شيسون كل يوم يجيني برغم صرت زينه واكدر اكوم بس ميخلني اسوي شي لا هنه ولا يحيى بليل اجه عمي ومرته كيفت بيهم وخاصه عمي لأن صار فتره مشايفته شال محمد باسه ورجعه المكانه

حمد: يضوي مثل امه

بتسمت أله وقدمتله الكهوه اجه يحيى شافهم يمنه كيف بيهم راد يروح يجيب عشا وماخليته طلعت بورك عندي وكبب عمي يحبهن وكف يحيى يثرم الزلاطه وعمو كل ساعه صايح بينه

تاليا: خلي اكمل العشا

ام يحيى: جاين نشوفكم مانريد عشا

تاليا: ميخالف تتعشون ويانه

كملنه ويحيى رتبهن بالصينيه واني خذيت الخبز وكعدنه نتعشا بقو يمنه تقريب الساعتين وراحو باوعت اليحيى راح للمطبخ رفع اردانه يغسل المواعين كمت الحمودي غيرتله كمل واجه نشف ايده وشاله يبوس بي

يحيى: بووياي ريحتك ترد الروح مثل ريحت رويحتي

رجعه واجه حضني بادلته الحضن

تاليا: بس اخلص الاربعين اروح الكربلاء

يحيى: ادللي

رفعت راسي بسته بخده ابد ميرفض الي طلب وشكول ادللي حاضر بس بعض الامور ميقبل بيهن مثل الشغل حاولت اقنعه ارجع وماقبل

يحيى: ماريدج تشتغلين وتلتهين بس بالبيت وبينه جبتي عمرج تشتغلين هسه صار الوقت يلي ترتاحين ودللين نفسج

تاليا: مو ماعندي شي واضوج وحدي والله

يحيى: التهي ويا محمد ووياي

تاليا: يحيى شبيك حبيبي ممتعلمه اكعد بدون شغل

يحيى: ابد والله بوجودي متشتغلين شي عود من اگطع النفس اشتغلي

خليت ايدي على حلكه

تاليا: خلص خلص ما اشتغل

سحبني من خصري حضني اكثر

يحيى: تخافين عليَ

تاليا: اكيد شعندي غيرك

يحيى: تاليا اسألج بس تجاوبيني بصراحه

ـ اي اسأل

ـ من زمان تحبيني بس ضامه عني

رفعتله راسي

ـ احمم لا

ـ لا تجذبين عيونج فاضحتج

ـ مو حُب يعني عادي

ـ امم يعني اذا غيري معترف بمشاعره الج جان راح تباعيله بنفس النظره وتنزلين راسج خجلانه لو بس يمي

ـ محد اعترف بمشاعره يمي غيرك

ـ معقوله محد كلج احبج ومعجب بيج غمضت عيوني اتذكر نانيس تنهدت براحه من حجيت بفتره الخطوبه عن نانيس اليحيى وتفهم وضعي وجانت احجايته







ماضي ونطوي واحنه أيد بأيد ونبدي نبني الحاضرنه

رفعت ايدي حضنته

ـ اي جنت احبك بس جنت خجلانه واحسك متستاهلني كل متحجي وياي وكل متتمرض ادري بيك ابقه اصلي وادعي تتعافى واموت من الخوف لحد ما اسمع صرت زين يرتاح گلبي خفت ارجع اسلم گلبي الشخص ثاني وكل همي اخواني اوصلهم واعواضهم عن يلي خسرو بسببي كلت فتره وانسه الحمدلله وصلت الغايتي وصلت اخواني واشتغلت بس بعدني اخجل منك وبعدني اخاف عليك بعده گلبي يدك من يسمع صوتك جنت اتجاهل كل هاي الاحاسيس. احسهن شي عادي لحد ما آريا الشيطانه حبستنه بالغرفه قررت والاول مره اضهر مشاعري الك ومتندمت لأن ضهرت الك لأن انتَ الشخص الصح

ـ ليش بقيت الح عليج واتقدم وانرفض واتقدم وانرفض لأن عيونج جانت تحجيلي كلشي شكد كلتي ماحبك ولا اريدك وشكد بعتيني وكل مره عيونج ترجعني الج ومتأكد يلي على السانج موو مثل يلي بگلبج لذلك بقيت متمسك بيج لليوم....

︶ ꒷꒦꒷︶ ︶ ︶꒷꒦︶ ︶꒦︶

رزان...

فاطمه تبجي وروان تعاركت ويا ميمي وكلها تصيح صحت بصوت عالي عليهم ودخل الاسبر مصدوم من صوتي اول مره هيج ارفع صوتي واصيح عليهم

رزان: اطلعوووو بررره ما اشووف احد بيكم بسررررعه

ميمي اخذ روان وطلع بسرعه حتى فاطمه سكتت من صوتي سحبني الاسبر الحضنه

الاسبر: شبيج يروحي

ـ خبلووني بس يتباجون فوك راسي

سحبني الجربايه طفه الضو واشتغل الضو الخفيف حط راسي على رجله واتغلغلت اصابعه بفروه شعري غمضت ونمت بسرعه فزيت على صوت المنبه شفته يطفي ورجع غطاني

الاسبر: ارجعي نامي انا كايم

رفعت الغطه ورجعت نمت براحه فزيت بسرعه كفيت الغطه ووكفت اركض الغرفه ميمي تأخر على المدرسه مالكيته بمكانه ولا روان ولا فطيم طلعت لكيت خالتي مخليه فطيم يمها وعلي يلعب

ـ صباح الخير

ـ هلا يمه هلا صباح النور

غسلت وكعدت يمهن روان كعدت رفعت رجلها الصدرها وخلت ايدها على عيونها عود زعلانه

ـ منو وياج

رفعت راسها مبرطمه وعيونها كلها دموع

روان: انتِ تصيحين عليَ

ـ تستاهلين شلعتي گلبي كامت اجتي يمي خلت ايدها يم عيوني

ـ شوفي ابنج شسوه شوفي

باوعت الايدها عاضها بستها وحضنتها

خالتي: شجاج البارحه جنت نايمه وفزيت على صوتج

ـ خبلوني خاله والله خبلوني نوبه حتى ما كعدت الصبح الهم

ـ لكيت الاسبر مسوي ريوك ريكهم واخذ ميمي للمدرسه وفطيم يمي من البارحه







شلتها من الكاع بوستها ورضعتها شويه وكمت على البيت نضفته اجتي رنيم تلعب ويا روان ويساعدني بالبيت يلمن كم حاجه كملت ودخلت سبحت وطلعت مشطت شعري واجه ميمي منزل راسه

ـ هلو مام

عفته مجاوبته حضني وباس بطني

ـ اسف بعد ماعيدها

ـ ليش هيج عاض ايد اختك

ـ مادري بالغلط بعد متنعاد التوبه

نزلت بسته من راسه

ـ روح اسبح يلا

خذيت الجنطه ودخل سبح وطلع صله ورحت صبيت غده تغدينه خزرتهم من شفتهم محد يحجي ويا الثاني كام ميمي كعد بصفها وكام يوكلها مثل كل يوم وهيه تتشمت بي خزرتها سكتت

خالتي: خاب بسج مخازر اني اختلست

ضحكتني وضيعت هيبتي غسلت المواعين لليل طلعت اسوي بالبلازمه مابيها اشاره وانرفعت من الكاع لزمت ايده وضحكت

ـ نزززلني ههههههه

فرني بالصاله دوخني يلا نزاني باسني من خدي

ـ شسوي الحلوه

ـ سويت البلازمه ااخ دوختني

بتعدت لازمه راسي

الاسبر: صايره حلوة يربي بيها ومتحلووو

جر خدودي طلعت خالتي يلا عافني

دخلت للغرفه وطلع من الحمام ينشف بشعره

ـ تعرفين بعد كم يوم شنو

ـ شنو؟

ـ فكري زين

رفعت راسي ماتذكر ماكو مناسبه ميمي اخذ روان الغرفتها شوي وطلعت وراهم لكيتها نايمه على رجله ويقراها قصه حط ايده على حلكه حتى ما اطلع صوت حط المخده جوه راسها وطلع سد الباب

ـ نومتها

نزلت بسته

ـ عفيه بالبطل تجي تنام وقرالك قصه همينه

هز راسه خذيته الغرفته بصف غرفه روان خليته على رجلي قريتله شوي باوعتله لكيته نايم خليت المخده جوه راسه وطلعت للاسبر لكيته شايل فطيم على بطنه وخدها على حلكه وبس يبوس بيها كعدت يمها حضنته وخليت راسي على صدره وخرت حلكه من خدها

ـ شكد تبوس

ـ هسه بايسج

ـ ايي لا تبوسها

سحب خدي باسه

ـ هسه منو يغار

ـ مو اني

ضحك خليت راسي على صدره وغفيت...

اجتي جوان شايله تليفونها

جوان: شوفي رزان هاي العبه

ـ يا لعبه؟

ـ احم شوفي هاي العبه تختارين عروستج ونشوف يا هيه احلى عروس







ـ شلون يعني؟

ـ يعني تعاي شنو تختارين من هذني البدلات

شفتهن بدلات عرايس وحده احلى من الثانيه عجبتني وحده حيل نازكه جانت من الصدر كرستال ومخصره مو كلش طويله وكلوشه طلعت احذيه هم اختاريت وحده عاليه تلمع وطلعت مسكات العرايس وحده احلى من الثاني احتاريت بيناتهن وهيه اختارت وياي وحده ثبتنه عليها بعدها الطرحه ماحسيتها ترهم ويا الفستان تركتها وختارينه التاج بسيط ويجنن كذلك كرستال يلمع

جوان: رزان اذا جان عرسج جنتي هيج راح تلبسين؟

ـ أكيد بدون شك

ـ يعني متحبين تكون البدله جبيره

ـ لا بالعكس احسها هوسه هيج احلى

ـ حلو بقت بس لارا تختار ونشوف منو احلى عروس عافتني وطلعت..

الاسبر ماعرف شبي بس يحوس احس اكو شي

ـ الاسبر بيك شي؟

ـ لا احم فَستقه هم تتمنين تلبسين الثوب الابيض

ـ هههههه لبسته مره شلي بي بعد

ـ بس مالبستي بدله

ـ ماحبهن

ـ جذابه

ـ اي والله ما احبهن

حاوطني بيده حضني

ـ زين وين تتمنين يكون عرسج

ـ امم جنت احلم عرسي يكون على البحر

رفع راسي باسني بطرف شفتي

ـ يعني تحلمين تلبسين الثوب الابيض وعلى البحر

ـ ايي وهمينه ههههههه اتمنى اشوف البحر واسمع صوت الرياح يمه

ـ يعني متحبين تسبحين بي

ـ لا اخاف بس اتمنى يعني هيج اكون واكفه كدامه

ـ زين شنو تتمنين بعد

ـ العب بالثلج

ـ زين هاي الاشياء ويامن تتمنيهن

ـ وياك وبس

حضني عليَ اكثر ونمنه....

دخلت جوان وبيدها المستلزمات مال تنضيف الجسم

جوان: اليوم يووم الصلخ

ـ سترك ربي شكو

ـ اليوم يوم العنايه بالجسم

ـ جسمي كلشي مابي روحي اعتني بجسمج

قفلت الباب واجتي سحبت رجلي شافتها نضيفه رجعت سحبت ايدي هم نضيفه ضحكت

ـ نضيفه قابل مثلج وووصخه ههههههه

ـ اي والله بس اني وصخه

ضحكت ونقلب السحر على الساحر كمت اني نضفتها وكل ساعه تصيح من حفره حفرة الاخيه وقع فيها







كملت وطلعت مني اجه ميمي يمي يريد ادرسه حرت وماعرفت شلون رحت الجوان وهيه اخذته ادرسه رحت كصصت فواكه وخليتهن يمه طلعت يم روان لازمه الدفتر تشخبط بي وفطيم يم خالتي طلعت للحديقه نضفتها سكيت الزرع ونرفعت من الكاع ضحكت وفرني

ـ ههههههههه الله

ضحك ونزلني باسني من راسي

ـ راح نروح اليوم

ـ وين؟

ـ المكان

ـ ابدل للجهال؟

ـ لا لا وحدنه

ـ اامم وين؟

ـ شعليج بدلي واخذي اشياء تحتاجينها وياج

ـ زين نتأخر؟

ـ اي يلا بسرعه

رحت غيرت ملابسي وهوه دخل سبح حطيت شوي مكياج رشيت عطر وهوه بعده يبدل اجتي روان اخليلها حمره ومقدمه شفتها بستها وطلعت تواري جوان فتحت الجنطه خليت بيها عطر وحمره والتليفون

ـ الشاحن اخذي وياج

خليتها همينه بالجنطه اجه ميمي حضني ابتعدت منه

ـ ها مامه

ـ راح اشتاقلج

ـ ههههه ما اتأخر يروحي شوي واجي

اشرلي ادنك دنكت باسني من خذي بوسته وطلع يركض مدري شبي بوست الجهال وجوان حضنتني

جوان: الله وياج

ـ ههههه جاي تحسسوني راح اروح وما ارجع بعد

ـ لا اسم الله ترجعون يلا منتضريكم

طلعنه وخالتي طلعت رشت ورانه مي والله مادري شكو

تحركت السياره حاجيت الاسبر

ـ عادي من حبهم النه

ـ أصلاً مو اول مره نطلع اني وياك وين الغريب بالموضوع اول مره هيج يتصرفون

ـ يابه واذا

سكتت شعل اغاني نصاها

ـ جبتلج حلويات اليوره

باوعت الهن مديت جسمي خذيتهن فتحت الككو خليت بحلكه ونوبه اكلت منه سوالف وضحك كل الطريق ايده. على ايدي صورتها ونزلتها ستوري الطريق حيل طويل ردت بس اعرف وين ماخذني ماقبل يحجي واخيراً وصلنه نزلت اباوع مكان حيل جبير فتحت عيوني بصدمه من شفت مطار بغداد الدولي

التفتت على الاسبر راح فتح السياره نزل منها جنط مدري افرح لو ابقه بصدمتي

ـ تعاي اخذي الجنطه

وكفت اخذها وهوه يباوعلي ويضحك

ـ هاي وين ماخذني

ـ خاطفج كم يوم ونرجع ضحكنه اخذ بيدي ودخلنه للمطار امشي واباوع على الناس والمكان ما مصدكه ولا هوه قبل يكلي وين رايحين صعدنه الطياره وكل ذره بجسمي ترجف من الخوف لزم ايدي يطمني....







اول مره اصعد طياره واول مره اشوفها احاسيس غريبه عجيبه بس حلوة ايدي بايده ما فوتنه ولا لحظه بدون ما نسولف ونضحك وكفنه منتضرين سياره احس نفسي جمدت من البرد وهوه همينه متكتف بردان صعدنه السياره كعدنه ثنينه اليوره انطه العنوان وابو التكسي يحجي مكسر عربي يعني كلمه نفهمها وكلمه لا وصلنه على الفندق دخلنه للغرفه دافيه

غيرنه ملابسنه ارتاحينه شويه بليل وكعدني حتى ننزل نتعشا

ـ ولله ما اطلع غير اموت من البرد

ـ جايب ملابس البسي

ـ وفرااشي دافي