- گمز ازاد من مكانة يريد يجي علية، ازاد:- الله الله على كيفچ بنيتي لا توگعين لا تنسين ترا طفل بطنچ لا يتاذة ماسمعتي كلام الدكتورة شگالت

- راسًا رفعت اصبعي بتهديد اني وبالگاع
هناسه:- مالك دخل والله ترا اموت نفسي واموت الطفل عوفني
بحالي بعد تحلم احچي وياك حرف هسه صار حلمي تموت
واخلص منك وشمت بيك

محچة شي مجرد هز راسه وطلع رجعت لغرفة وظليت گاعدة
وصافنة على عالم شِلون نايمة .

خلصت أيامي بتعب والاكتئاب مسيطر علية وما اطلع من غرفتي
و محد يشوفني واذا اطلع من الغرفة على گد الاكل وارجع

للعصر اجت عمتي، ام دلهم:- تعالي اگعدي عندي حچي وياچ

رحت گعدت يمها باستني بخدي بَس اني روحي لعبت گوة لازم
نفسيَ وهيَّ ظلت تحچي على سالفة يلي سواها ازاد وتعتذر
واني لعبت روحي اكثر بلاخير ما تحملت حسيت شي بلعرمي
راسًا گمزت من مكاني للمغسلة وتقيئت

رحت لغرفتي وطلعت ملابسي ودخلت اسبح خلصت سبح
وطلعت لگيت عمتي لسه موجودة واسولف ويا امي

ام دلهم:- باجر الصبح نجيب الشيخ يعقد عليها احسن ما العالم
تسمع وظل تحچي حتى كل يعرف همه مزوجين وعقد سيد بيناتهم
ولا تنسين بنتچ حامل

امي مجرد هزت راسها بدون كلام شوية وطلعت عمتي واني
رحت لغرفتي والليل كله ما گدرت انام حايرة شصاير بحياتي
نفسي تلعب من كلشي ياهوَّ يلزمني نفسي تلعب تعبت من حياتي

فزيت الصبح هوسة ببيتنه واختي تنظف بالبيت واني مالي
خلك هوسة الاطفال باوعت عليهم البعض لابس الوان وبعض
لابس اسود، شفت روزه اجتي گعدت يمي ظلت تحچي وياي
و تواسيني تغير من نفسيتي بس هيَّوضعها اسوء و صوتها
مبحوح غير عن صوتها قبل

- صاحو:- اجة السيد

اجتي امي لبستني جادر ابيض انتبهت مكتوب علية بخط
اصفر اسمائنا " هناسه وازاد " .

گعدوني والسيد يحچي هواي بس ماعرف ولا مركزة ويا شنو
يحچي ضاربتني الصفنة بغير عالم احس نفس لعبة بين ايدهم
لا اگدر احچي وانطي رأي ولا اگدر ارفض اخاف يذبحوني .

-: قولي نعم وانتَ وكيلي

- رددت ورا بعدم الأهمية ، هناسه:- نعم وانتَ وكيلي

ماعرفت شكد حددو المهر ولا يهمني باوعت لامي بخذلان
هناسه:- خلصتو

هزت راسها بـ اي عفتهم ودخلت لغرفتي صافنة على حياتي
وين راح اصير يعني صرت مزوجة من شخص يلي اعتداء
علية، فريت عيني لگيت اكو علاگة گمت فتحتها شفت ملابس
اطفال شتوية وجواريب صغار كزكزت

گمزت من الفرحة احب اشوف لبس اطفال شلتهن كلهن ابتسمت
وفتحت الكنتوري سويت الهم مجال وسفطتهن بس عطرهن يخبل جمعتهن بفرح وضميتهن







مشت الايام عادي حياتي تمشي بدون روح ! ظليت گاعدة
وبغرفتي بَس فجاة سمعت صوت هوسة ولدنة وضحكهم طلعت
شفت ازاد صافن وبحضنة ديمه بنت معن اخو تلعب بالحيتة
وهوَّ يدخن چگارة وصاير اضخم من قبل! ولحيتة سوده مختلطة
بشيب ابيض .

- شافني مؤمل صاح ، مؤمل:- هلا بنيتي وينچ هيچ مختفية عايفتنة وگاعدة بغرفتچ بذاتة ما دگولين ابوي وين تسئلين شلون صحتة

ابتسمت على حنينة وخوفة علية رحت يمه جر راسي وباسني
شفت ازاد صافن علية اجة ابالي الملابس مال اطفال ! باوعت
على امي

هناسه:- يمه اكو ملابس اطفال هذاك اليوم بغرفتي منو جابهن

طيبه:- ازاد

هزيت راسي، بس يروحون احرگهن ماريد منه شي، ظلو يسولفون
ام هناسه:- عيوني ماسمعتو اخبار على محمد والله نار كلبي عليَّ

مؤمل:- والله دزيت جماعتي عليَّ واني هم بالي يمه ليلي ما
نايمة كثر ما فكر بي لانُ بصحراء ماكو شبكة باچر اروح
اشوفة شصار اذا گدرت ودخلوني واذا مخلونيهم احاول لحد
مارجعة واشوف منو يرجع شكو يشتغل بهيچ شغلة يخاطر
بحياتة احنا موجودين ماكو داعي

كلهم طلعوا لحد العصر سمعنة صياح عمتيالكل طلع يركض
واني ماهتميت رجعت لغرفتي ظليت ارسم شوية وطيبه دخلت
تركض ومهبوطة

هناسه:- شكو

- ردت علية هيَّ وتفتر، طيبه:- عباية امي وين

هناسه:- مادري شوفيها بس شصاير

- فركت اصابيعها بخوف، طيبه:- ازاد يتقيء دم

حسيت ماي بارد صار على كَلبي، هناسه:- اي الحمدلله يستاهل

بكل برود تغطيت ونمت من التعب والضوجه حياتي عبارة عن
ممل فزيت شفت طيبه تقرة يمي واني شبعت قهر كلهم يقرون
بس اني من بعد يوم الاعتداء منعوني من المدرسة حلمي و
دراستي الاحبهن كلهن دمرنة من اليوم يلي ادمرّ جسمي وكل
شي بية دمر، شوية واجتي امي اسولف هيَّ واخوية

ام هناسه:- شبي ازاد

:- طلع بي سرطان

امي راسًا ضربت على صدرها وشهگت، ام هناسه:- اسم الله ليش يمه مين اجا السرطان

- بكل برود اخوية رفع چتافة:- شمدريني لا تنسين شسوة ببنتچ
مفروض تفرحين حوبت هالطفلة طلعت بي مو تنقهرين عليَّ عسا
بالموت اكون اليوم قبل باجر

بصوت مسموع، ام هناسه:- ان شاء الله من حلگك لباب السمه

هزيت ايدي وعفتهم وطلعت اصلي گعدت بچيت بچي مو طبيعي
انقهرت على نفسي على حياتي إلى متى اظل هيچ يختلون بية !

_
مؤمل

بعد يلي صار ويا هناسه بسبب ازاد حطيت ازاد براسي
وصرت أستفسر على علاج يسـوي سرطان بحثت وبالكوكل
وغير المواقع تواصل بلاخير وصلت للدوه يلي اريده !







- اتصلت على صاحبي انطيته اسم العلاج ، مؤمل:- اشتري هذا العلاج من صيدلية

- ربع ساعه واتصل علية :- ما ينباع هذا العلاج

مؤمل:- زين

متحملت لازم اجيب هذا العلاج اخذت سيارتي وطلعت افتريت
بصيدليات ماكو بلاخير لكيت صيدليه عدها هذا العلاج بس
بالبداية ما قبل ينطيني العلاج بتهديد وبالواسطه يله انطانيا
بس بمبلغ كُلش عالي ، واخذت غير ادوية خبطتهن كلهن .






قبل لا تجي كم وحده تحب بَس تجي ؏ العالم وتكول عليهم يجذبون هذا دليل انو اكو دوه يسـوي سرطان واذا تبحثون بالگوگل وتسئلون دكاتر راح يكولون اكو هيج شي فـ اتمنى لا تحجون ؏ عَالم قبل لا تتاكدون وتعرفون الحقيقية

















Oops! This image does not follow our content guidelines. To continue publishing, please remove it or upload a different image.


قبل لا تجي كم وحده تحب بَس تجي ؏ العالم وتكول عليهم يجذبون هذا دليل انو اكو دوه يسـوي سرطان واذا تبحثون بالگوگل وتسئلون دكاتر راح يكولون اكو هيج شي فـ اتمنى لا تحجون ؏ عَالم قبل لا تتاكدون وتعرفون الحقيقية .

مرت الايام واتفقت ويا جماعته وجماعتي نطلع بمطعم نغير جو
بس ميعرفون بكل تخطيطي

طلعنه طلبنا عصاير گمت اني اخذت الطلبيات من الولد
وحطيت بالعصير مال ازاد دوة السرطان بَس واجهت مشكلة
شافني صاحب المطعم وسكته بتهديد، اخذت العصاير وكل
واحد اخذ عصيره وشربه وكملنه طلعتنا عادي

مرت الايام وشهر وشويه بين علامات المرض بازاد! لحد ما
احنى وگاعدين وهوَّ گاعد يدخلن زوع دم و وگع من طولة ونقلنا للمستشفى وطلع عنده مرض السرطان ونجحت خطتي هههههه .

____
هناسه

اجتي طيبه گعدت يمي، طيبه:- لشوكت ظلين هيچ عازلة نفسچ
بالغرفة متفكرين بنفسچ تنقهرين على نفسچ امشي اطلعي فتري

مهتميت لكلامها عفتها وظليت افكر بنفسي شسوي من زمان
مقررة هذا قرار من يوم الاعتداء علية ازاد دوم افكار الانتحار
براسي وابالي انتظر اهلي يطلعون وانفذ تخطيطي حتى اروح
يم حر واخذ طفلي وياي







صار الليل وكلهم طلعوا يشوفون ازاد واني راسًا استغليت
الفرصة ودخلت للحمام ما فكر بشي غير الانتحار، شفت
شفرة مال حلاقةجريتها اخذت الـ موس منها وحطيتها على ايدي

ظليت صافنة دقايق وجرحت ايدي بقوة شهگت من الوجع
متت بَس ظليت مستمرة ودموعي تنزل ظليت اجرح لحد ما
خدرت ايدي گعدت العب بيدي واجرح بنفسي شفت الدم
لعبت نفسي من الدم ذكرت يوم الاعتداء ظليت اصيح مثل
المخبلة فقدت !

هناسه:- اعيع ماريد هذا الدم ماريدة وخرو

من غبائي رجعت اجرح بيدي عسا ان يروح الدم شوية شوية
عيوني صارت تغوش محسيت شي بعد فقدت ! وجع بيدي
ما اگدر احركها

حسيت احد ضربني براسي وهوسة براسي واصوات عالية
زلم ونسوان ! فتحت عيوني شفت نفسي بالمستشفى وانتبهت
علية اختي رقية اجتي تركض علية واصيح

رقية:- گعدت گعدت

- ناسية كُلشي مگاعد اذكر اني جابني هنا، بصوت رايح
هناسه:- اني شسوي هنا

- مسحت على راسي بخوف والدموع مبينة بعينها
رقية:- يروحي والله خوفتينة عليچ ليش هيچ سوين انتظرچ ثانية ثانية تگعدين

مرديت عليها صفنت استرجع ذاكرتي وشصار وياي ؟ ذكرت
الدم نفسي لعبت اشرت بيدي لاختي بمعنى " اريد تقيئ "
ركضت لزم علاگة وحطتة قريب من حلگي راسًا رديت، نفسيتي
تعبت والريحة مو طيبة نفسي لعبت اجتي نظفتني بكلينس
مرطب حطتلي عطر ورجعت لمكاني

- دخل مؤمل سلم علينة
مؤمل:- ليش هيچ بابا سوين تاذين نفسچ حرام تعرفين بنفسچ
صارلج 8 ايام نايمة على هاي نومتچ من سويتي هذا الفعل ما
گلتي حرام انتِ الله يحبچ لو ميتة قاتلة روحين روحچ وروح الطفل
يلي داخل حشائچ نرجع للبيت ويصير خير المهم هسه انتِ بخير

لساني ثگيل ماگدر اجاوب طلع واني بقيت صافنة وما ندمانة
على تصرفي ابد احس عقلي مو براسي ابد ما اعرف شگاعد
اسوي بنفسي وشلون گاعد اغضب الله قطعتني من سلسلة
افكاري صوت اختي

رقية:- يلة گومي عيني گوي نفسچ وساعديني

طلعنا وطول الطريق صوت القران راحة نفسية بَس جسمي
وراسي كله ياجعني ! نزل مؤمل بنص الطريق جاب اكل
ورجع اخذت منه بطل ماي شربت ورجعت راسي للكشن بتعب

وصلنا ودخلت للبيت شفت الكل موجود وازاد بالصالة معلگيلة
مغذي ويصيح بكل صوتة يصيح بوجع يبين من صوتة منظرة
خوفني كلش حيل ضعفان وجوة عيونة زرگة وجهه ضعيف
لحيتة متروسة شيب استغربت سامعة باهل السرطان يتعبون
بس مو هيچ يصير بحالهم فدنوب !

- سلمت عليهم ردتت ادخل للغرفة صاحني مؤمل
مؤمل:- شعندچ هناك حابسة نفسچ تعالي گعدي يمنة

رحت گعدت يم مؤمل فتح علاگة طلع منها لفات وانطاني يا بَس
اني ماشتهي، مؤمل:- اخذي ابوية لخاطر طفل بطنچ خطية
حرام عليچ بعيد تتحاسبين على هاي افعالچ







اخذت منه وظل يقسمهن الي صغار واكلت بهدوء ومرّ الوقت
ورجعت للبيت وبعد مشفت ازاد ابد بَس اسمع منهم يسولفون
بي وشلون متاذي من مرض السرطان .

گعدت اتريك اصلي اربع ايام اكل لگمتين واگوم ما اشتهي
نفسي تلعب! فزيت على صوت اتصال مبايل ماما وطيبه
طلعت جيبة لانُ ماگدر امشي وجسمي كله ثكيل

- صاحت طيبه، طيبه:- هذا محمد ماما

- فَرحت كُلش لانُ محمد اخويه مكضي حياتة بشغل وبالمهمات
اخذت امي التليفون بسرعة من ايد طيبه وعاطت

ام هناسه:- يمه وليدي محمد گلبي طاك عليك

گمت ركضت اني وعلي اخويه الصغير گعدت يم امي اسمع
صوت محمد مشتاقتلة كومة وصارلي بالـ اربع اشهر مشايفتة
ولا سامعة صوتة

- حچة وياهم كلهم واني اخذت منهم التليفون احچي ويا
:- محمد حبيبي جيبلي الدليمية من ترجع لانُ مرة جبتها من
المطعم جانت فد طيبه ومحد يسوي مثلها واني مشتهيتة عفيـة

- ضحك بصوت، محمد:- بويه تدلل بنيتي

ردت احچي بَس قطع كلامي صوت قوي!! صوت انفجار التفتت
على ماما شفتها تملخ بنفسها ، ام هناسه:- وليدي محمد

بيتنة صار يزينة الصياح والبچي! ما نشوف غير عمتي داخلة
علينة شافت شكلنة انصدمت صارت صفرة وحنى مستمرين
نضرب بنفسنا ونعيط

ام دلهم:- استهدي يعيوني مصار شي ادعيلة طبيعي يصر انفجار هوَّ رايح يحارب

- امي ما تسمع من عمتي ظلت اصيح، ام هناسه:- اني حلمت بوليدي احساس ام گلب ام احساسي محمد بي شي

باوعت على ماما مسحت دموعها وعاطت، ام هناسه:- وين مبايلي

ندعي مصايرلة شي منريد ننفجع باخونا گامت طيبه هيَّ
وتبچي انطتها المبايل وبسرعة طلعت رقم مؤمل واتصلت
وهوَّ هم رد بسرعة

ام هناسه:- محمد يمه وليدي مؤمل محمد مات شوفو اذا
تعزني يمه شوفلي وليدي رجعليا

مؤمل:- عمه مصاير شي هسه ادز جماعتي واني بنفسي اروح
اجيبة سالم اهدي وگعدي ادعي انتِ والبنات بين ما اروحلة

بعد كلام مؤمل امي هدأت شوية بَس گلبها ابد ما مرتاح يبين
عليها مرّ ساعتين اكثر واتصل مبايل امي لزمتة وايدها ترجف

حطتة على اذنها وفجاة صاحت واني فزيت على صياحها
و وگعت وانغمة عليها واني گامت رجليه يرجفن وحيلي مهدود
شلت الجهاز

هناسه:- محمد شبي

:- محمد استشهد هسه احنا بالرمادي

طنين صار باذني اطفت الدنيا بعيني كُلشي خسرت بحياتي!
صحت بصوت ، هناسه:- لالا محمد ميعوفنة

انسد الاتصال وامي صحت مرّ ربع ساعة ونگلب بيتنة گلاب
بيت عمامي ونسوانهم والكل يبچي واني ساكتة مصدومة
اجوي جوارين وبيتنة صار هوسة كُلش صار الليل ولحد هسه
مجاين! واخوية ماكو







ماسمعنة غير صوت اختي تعيط وصوت سيارات وزلم صوت
ولد يصرخون وصوت معن وياهم صريخ مو طبيعي اريد اگوم
رجلية ما تعيني گوة گمت وامشي بثگل! وصلت للطرمة شفتهم
شايلين تابوت ويصيحون ومؤمل وكل الولد يبچون اول مرة اشوف
ولدنة هيچ يبچون ويعيطون

باوعت شفت اختي تعيط ومالابسة حجاب وطالعة بدشداشة
كصيرة، وگفت بمكاني مصدومة مگاعد استوعب عياطهم بنص
راسي ! والبيت عبارة عن زلم نزلو التابوت حطو بالطرمة

ركضت امي لزمت التابوت وعاطت عيطة هزمنطقتنة هزز! كلهم صارو ينوحون على صياحها، ام هناسه:- يمه وليدي محمد يمه محمد

حسيت احد لزمني ودفعني على تابوت بهالحظة صحيت على
زماني وحضنتة التابوت وصياح امي يدگ بنص كَلبي فرفحتني

ام هناسه:- لا تلوعني يمه محمد گوملي يمه

- گامت تضرب بوجها، ام هناسه:- نعمت عيني عليك يمه الموت الية مو الك

سمعت صوت مؤمل بارز بينهم يصيح بحرگة گلب ومعن يصيح!
احس نفسي بحلم الكل يعيط حضنتة التابوت اقوة اريد اشبع
من اخوي لسه ما مستوعبةهاهيَّ خلاص محمد مات يلي جان
ماعندي سند غيرة

فجاة اجوي الولد يريدون يشيلو عطنة وكلنة مجلبين بتابوت
اختي وامي نلزم بيد الولد حتى التابوت راد يطيح وهمه بس
شافونة هيچ راسًا نزلوا التابوت

:- خلي يشبعون منة

صفنتة على تابوت اخوي مات اريد استوعب هوَّ بعد ما اشوف
ضحكت وشقة وحنيتة علينة بعد صغير مو مال تراب ليش هيچ
راح وعافنة منو راح يسندني ويقويني على كسرتي ؟

فزيت على صوت الفرقة يزفون اخوية دخلو ولد كلهم لابسين زي
عسكري وصوتهم مبحوح يبين عليهم گوة لازمين نفسهم ما يبچون صارت يصيحون بصوت :- عريس وربعة يزفو عريس وربعة يزفو

سوو دائرة داير مدايرنه يم التابوت واحنا صرنة بنص گامو
يضربون على راسهم ويصيحون:- عريس وربعة يزفو

عمتي تشمر بجكليت ومؤمل جاب فرشة مال زواجة اخوية
محمد بيضة لفها على تابوت وگعد ضم وجها وبس جتافة
تهتز، ازاد هم گاعد يبچي ويلطم على راسه والكل يلطم و
يضرب على راسه زلم ونسوان يصيحون

:- تكشخ بالعلم العراق يرافع راس
تكشخ بالعلم العراقي يرافع الراس

- وراها گاموا يهوسون:- الف مبروك كلولة الف مبروك يالغالي

- عماتي والكل يعيط وصاحوا جماعتة:- لا احد يصيح لا احد يعيط شهيد شهيد يفز هنيالة شهيد عوفو خلو براحتة

- عمي ظل يصيح:- عريس وربع يزفو عريس وربعه يزفو

گمنة نصيح وياهم بصوت مبحوح حنى وبجينة وعماتي هلهلن
والفرقة تدگ طبل، واني صوتي انبح ماكو من العياط اختفى
وماكو غير كَلمة على الساني







هناسه:- اخوي لا تروح

گاموا كلهم شالو التابوت احس روحي طلعت ويا شيلة تابوت
اخوية ! شكد لزمت التابوت اريد امنعهم ياخذو مني بس ماكو
راح الغالي راح محمد روح هناسه

- صار گدامي شاب دفع ايدي ولزمت ايدة اتوسلة بي
هناسه:- عليك الله لا تاخذون خلوا بس اليوم يمه بس اليوم
انام يمه عليك الله عمو عوف

مهتم لكلامي بعدني بهدوء وشالو ورجعو بيدهم 3 مرات
وسمع صوت عياط امي، ام هناسه:- يمه يمه محمد

اخذو تابوت اخوي وهاهيَّ محمد بعد مالة رجعة لهذا البيت
مشيت وراهم وگفت بـ باب البيت اشوفهم شلون يشدو
بالسيارة وظلمة وصوت الفرقة وصياح الولد وبچي امي گعدت
بالگاع ظليت اضرب على رجليه وصياح

هناسه:- رجعولي اخوي اريد اخوي اخوي راح بعد منو يگلي
بعد اخوج تدللين على اخوج محمد اگعد شكول لـ زينب كلها
حبيبچ و راح مات مافكرت بـ زينب

گمت مثل المخبلة ادور على زينب بنت عمي خطيبة محمد بعيني إريد اشوفها وبَس شفتها زاد بچي شفتها منتهيه ملابسة حجاب وصيح

زينب:- ولك محمد وين وعدك الية

الكل يصيح محد سكت بالي مو يمهم بالي يم محمد شِلون
يعوفني ويروح شفت السيارة مشت وصوت الطلق والفرقة
خلص راح محمد .

گاموا خواتي يركضون ورا الجنازة گمت اركض وياهن اريد
اخوي بَس فجاة اجاني وجع احس رجلية نشالن احس بطني
صار بيها نار حسيت على احد شالني من بطني رفعت راسي
شفتة ازاد ضربتة بكل قوتي اريد اطلع نار كلبي ونار اخوي

ظليت اضربة برجلية على رجلينة بس مفاد، دخلني للبيت
صيحت صياح رج البيت بَس مفاد قفل الباب علية وعلى
بنات وراح وگفت يم الباب اضرب بي واتوسل يطلعونة بس
محد فتح الباب وصوت امي وصياح الولد لسه موجود

بس صوت امي والبحت يلي بي خلتني ارجف من الخوف والقهر والبرد، ام هناسه:- ولك يمه شلعت كلبي ولك يمه محمدي ولك يمه محمد حاجيني ارجعلي يمه ولك يمه ليش رحت

- گعدت اصيح على صياح امي بصوت مينسمع
هناسه:- خويه اروحلك فدوه لا توجع كلبي والله وجع موتت حر
لسه بية خوية موتت حر لسه ما مستوعبتة ليش عفتنة ولك خويه
يا حزام ظهري گوم ما تلوك لك نومة الطويلة ولك اخوي اكثر واحد
انتَ تدري اخيتك شگد تعذبت ليش ماخذتني وياك ولك اخوية گوم
والله ما تلوكلك النومة بالتابوت والكبر خوي ماريد هاي زفة لك ولك
خويه سولفتلي بحبك لـ زينب ليش ليش عفتها خوية ولك محمد
اگعد محمد ارجعنة ولك محمد عوف الكل ورجعلنا

تعبت راح صوتي الكل توزع ببيتنة والبعض كامن يصلن وحشة
القبر، من تعب تمددت على رجل عمتي وصوت بچي امي باذاني
احس شي يضربني بطني وجع مو طبيعي، رفعت راسي باوعت
على عمتي وشهگ







هناسه:- عمه بطني بطني حموت نار بطني بس فركيها

حطت ايدها على بطني وظلت تفرك بيها وتقرأ ايات ظليت صافنة
اريد استوعب اريد شي يخليني استوعب اخوي مات ليش كل
الاحبهم ماتوا ليش هيچ صار بحياتي

هناسه:- عمه ليش اني هيچ صار بحياتي يعني كل بنية بهذا عمر هيچ يصير بيها لو بس اني

- مسحت على راسي بقهر، ام دلهم:- بنيتي هذا كله امر ربج وهذا قدرچ مكتوبلچ قبل لا تنولدين

هزيت راسي وظليت اقرأ ايات وظليت اردد، هناسه:- الامان يا صاحب زمان

- شفت عمتي ابتسمت، ام دلهم:- انتِ قارية قران

- هزيت راسي " اي "، ام دلهم:- سامعة بهاي الاية تگول
( فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلا تَسْتَعْجِلْ لَهُمْ )
" صدق الله العظيم "

- حسيت براحة مو طبيعية بَس سمعت ايات الله
هناسه:- عمه كملي احتاج هذا الكلام

- هزت راسها وظلت تمسح براسي هواي حچت وبعض الكلام
فهمتة وبعضة لا

هناسه:- عمه بس اني تعبت شوكت اتعوض على هذا التعب

ام دلهم:- قَالَ الله تعالى
﴿ إِنَّما يُوَفَّى الصّابِرونَ أَجرَهُم بِغَيرِ حِسابٍ ﴾
" صدق الله العظيم "

____
𖡻 روزه 𖡻

مرت الايام على وفاة وليدي واصعب ايام علية حاولت اكتل
نفسي ورا ابني بس كل محاولات فاشلة بس بدون الانتحار
صرت اجهد نفسي بشغل وماكل واغسل هواي بحيث اطلع
ملابس قديمة وجديدة صيفية وشتوية غسلهن البطانيات
والفراش كلهن حتى اتعب ويصير عندي مضعفات قوية و
اروح ورا وليدي

هذا شي مو منطقي بس بهاي الفترة كُلشي مو بالي غير اروح
يم ابني واشوف مرت اصعب ايام حياتي كل ليل اروح لنجف اني
ودلهم لخاطر ابني لا يظل وحدة والفجر نرجع لديالى

دلهم ضعف هواي كبر بين عليَّ الشيب وسمعنة خبر ازاد
صار بي سرطان ابتسمت بنتصار هاي حوبت هناسه طلعت

بس سرعان ما اذكرت من سمعت مؤمل يحچي ويا صاحبة
مؤمل:- اشتري هذا العلاج مال سرطان من صيدلية حضرلي
العلاج بالمطعم واني اجيب ازاد وياي .

- سدة الاتصال وضحك ضحكة قوية وكلمتة لحد هسه ترن باذني!
مؤمل:- هناسه بنيتي اناخذ حقچ اذا ما موتة باليد الدمرتچ

خفت كلش معقول يسويها فزيت من صفنتي گمت حضرت الغدة
كملت الاكل گمت سبحت انس هالفترة هاملتة خطية وگمت سبحت
اني هم وكملت

گعدت العب ويا وليدي يباوعلي بنظرات مامصدك اني يمه ميريد يعوفني لازم اصبع ايدي الصغير، حطيتة بحضني طبطب
على صدرة وذكر ايام حروري اوف بقت بس ذكرياتة بهالحياة







دخل دلهم للغرفة شافني ابتسم، دلهم:- شلونچ يا ضوء عيوني

- ابتسمت كل يومية مطلعلي غزل جديد، روزه:- يلي صار بـ ازاد حوبت هناسه

- خزرني
دلهم:- شنو حوبتها لا تنسين هذا اخوي كلنا بشر حرام هيچ
اسوين لا صيرين انانية بويه خلي كلبچ صافي ابد لا وتلوثي

- هزيت راسي تقدم علية جر راسي وباسة
دلهم:- بويه لا زعلين مني بس ميصير هذا مرض ومن ربچ ازاد يوم بعد يوم يذبل

محچيت شي صح يبقى اخو مهما يصيرالاضفر ميطلع
من الحم للعصر سمعت هوسة وصوت عمتي خابرت دلهم

بصوت مخنوگ، دلهم:- محمد ابن عمي استشهد بس لا تحچين لاحد

- انصدمت، روزه:- شنو وشوكت وليش

كلهن حچيتهن سوة من الصدمة خوش انسان وحباب ولو موجود
هنا ما خلة هناسه يصبر بيها هيچ بالعكس يسندها بس شغلة
شهرين بالدوام ويومين يرجع والطريق ياخذ يوم كامل !

طلعت لبيت اهل هناسه صوت بچي ام هناسه واصل لباب
الحوش قشعر بدني لان هذا شعور قبل فتره صارلي بـ حر
شكد صعب الله يصبرها وهيَّ صارلها اشهر ما شايفتة

الجو بارد ملبسة انس هواي ملابس حتى لا يبرد دخلت والكل
وجها احمر ويبچون كل واحد ماخذلة زاوية

لليل جابوا الجنازة وراحوا دفنوها بعد عياط وبچي، مرّ كم ساعة
ودخلوا الولد علينة راجعين من النجف اخذت ماي باوعت حيلهم
مهدود عبالك صار عمره عمرين والتعب واضح عليهم لافين الشماغ
على وجهم بس عيونهم حمُر

طالع صوت حديد مال الچادر والعالم تاكل صفنت حيل
شبسرعة صار هذا شي هاي الدنيا متعرف شوكت تروح منها

اول يوم الفاتحة مرّ تعب بتعب وكل شوية متخربطة ام هناسه
او هناسه حايرين بيهن وازاد ما يتقرب من هناسه بس انجبر
هوَّ ياخذها للمستشفى! ويرجعها لليل

ام هناسه:- طلبت كيك

استغربت احنا وين وهيَّ دور كيك كملت كل شغلي ورضعت
انس وگعد يم هناسه صافنة مسوي شي لا تاكل ولا تشرب
دخل ازاد انطاني علاگة سودة

ازاد:- فدوه اروحلچ اخوية بس خلي تاكل شوفيها ميتة لا يصير بيها شي

هزيت راسي وهوَّ ظل واكف يباوع علية وانوب طلع، حاولت وياها
تاكل ماقبلت صحت ، روزه:- ازاد ادخل

بسرعة دخل مبين واكف بالباب اخذ الفة من ايدي وتقرب على
هناسه وهيَّ بسرعة فزت وجسمها صار منخل من الرچف و
الخوف، باوع عليها بقهر!

ازاد:- شوفي والله والله ما سويلچ شي بس اكلي مو راح تموتين
ابنچ ونفسچ لخاطر اخوچ ميرضة عليچ اكلي







حاول وياها وبقة بس يبوس ايدها بَس هيَّ مقبلت وهوَّ صار
فول اعصاب شمر اللفات من شباك وضرب الشباك كل قوتة
وچفلت هناسه من مكانها وطلع هوَّ واني ظليت اردردم ؟ والله
حرمات شمرهن دنطيهن الي ميتة جوع

فجاة سمعت صوت هوسة وفرقة هناسه گمزت قبلي حتى
ملبست حجاب طلعت بتراك! تريد تعرف شنو ديصير طلعت
وراها شفت كومة نسوان برا بطرمة والولد مسوين صياني
وكيك وفرقة گاموا وطلعو بطريق يمشون ركضت اخذت عباتي
وطلعت وراهم

حسيت على ايد قالب ثلچ لزمت ايدي انتبهت شفتها هناسه
شفايفها زرگ ترچف ظلت اجر نفس بصعوبة شوية واجة
علينة ازاد يركض لبسها شال وصاية يريد ياخذها للبيت بس
هيَّ عاندت ماقبلت شالها ودخلها جوة احسن شي سوا اذا اظل
هنا على هاي المناظر والصياح تموت

شفت كل الشباب شايلين صورة محمد وكيك وصياني وام
هناسه بنص تلطم هيَّ وعمتي واخواتة وحاطين اغاني زفه
عبالك لانسان عايش مو ميت ومؤمل بنص ويا مصطفى
والشباب ٣ لازمين صورة ويضربون براسهم ومؤمل اكثر
انسان متاثر بموتت محمد بحيث يضرب براسة بكل قوتة متاثر
اكثر من ازاد

باوعت على مؤمل شلون عاف صور محمد وظل يلطم بدينة الاثنين وام هناسه اصيح، ام هناسه:- سودة بوجهي وليدي زفيتك للگبر مو لغرفتك

فزينة كلنة على صيحت مؤمل:- ولك سيف اخوية ليش هيچ سويتة وعفتني

بعدة هذا كلامه وگع بالگاع تجمعوا الولد عليَّ يريدون يشيلوا
مگدرو بلاخير شالوا 6 ودخلو لسيارة واخذو للمستشىفى

استغربت منو سيف هيچ لطم على وجها علموده هوَّ ميتنة
محمد هذا منو! خلصت زفة محمد اول يوم والكل توزع
للغرف، شوية ودخلوا مؤمل يصيح

مؤمل:- سيف خوية عضيدي لا تعوفني ولكم خلوني اروحلة

لزموا دلهم ومصطفى ثنين بس ماگدرولة مدري منين جايتة
هالقوة بالگوة گعد بالگاع حط ادينة على وجها وصوت شهگاتة
عبالك شهگات طفل اول مرة اشوف مؤمل بهاي الحالة وبس يصيح

مؤمل:- اخوية سيف ليش هيچ سويت وعفتني وين احلامنة ولك
مو گلت ازوجك و كل واحد توزع لمكانة

رحت گعدت يم مؤمل ظليت احچي بَس مفاد فاقد عفتة ورحت
اشوف دلهم وانس دخلت لغرفة هناسه شفتها ترجف وعمتي
وازاد يمها وفوگاها ازاد يداريها

يريدون تاگف رجفتها ماكو بلاخير ازاد لفلفها بالبطانية وما
اعرف وين اخذها بس طلعها من ورا البيت حتى مؤمل لا يشوفة
ويمنعة ياخذها

اخذت انس ونومت ومن التعب نمت يمه خلصت ايام الفاتحة
ويلي افتهمت يوسف صديق مؤمل مستشهد ويا محمد، تعب
بتعب نختمت الفاتحة يومين لا اكثر ومحمد عاف بس ذكرياتة .

____
ازاد

بعد ما عرفت بمرضي وصراعي ويا المرض بدون ادوية ولا
اي شي يساعد جسمي! بَس رغم الالم وكُلشي بالي كله يم
بنتي وطفلتي هناسه شلون ترضه علية شكد حاولت وياها
ماكو دائمًا اشوف الـ رفضج بالاخير تركتها براحتها بس كل
يوم احط باب بيتهم مصاصه اشوفها من بعيد افرح ورجع للبيت







صدمني استشهاد محمد و سيف سوية وبالي كل يم هناسه
كل ما اشوف تعبهاوبجيها ونظراتها احس روحي تصعد للسمه
مرض السرطان مذاني بگد اذية بنتي هناسه، تندمت على عملتي
بـ هناسه كُلش تندمت الندم صارياكل براسي كُل ما اشوف ثكل
صار بطنها وتنعزل اموت

بحياتي مخايف من الموت اول مره أخاف أموت واعوف هناسه
واهلها ياذوها وهيَّ مو گد نفسها ابد ومتاخذ حقها

اخذتني صفنتي على طفولتي ومعاناتي بدت
حَياتي اني وماعندي اهل ! وتربيت بشارع وعصابة تاخذني
لبيت جبير عباره عن ولد وبنات وكل يومية يحددون النا مبلغه
لازم نجيبه الهم واذا جبنه اقل نتعذب

هواي اشخاص حنى اكو بنات صغار وكبار واطفال عمرهن
بـ4 سنين يجدن ويانه ودائما بيني وبين نفسي اضم فلوس
اخاف احتاجهن

مرة من مرات " صافية " جابت طفلة يطلع عمرها اشهر شمرته
علينا والطفلة بس تبجي باگوه سكتناها ! ثاني يوم طلعت للشغل
صرت اجامع فلوس اشتريتلها ممه وحليب

سميتها دعاء وظلت يمنه شهرين واداريها واشتريلها مميات
وحليب وكل صبحيه نطلع نجدي وارجع ملهوف الها، رجعت
للبيت يوم السبت المغرب دخلت للبيت ادور عليها اريد اشوفها
ماكو ! رحت لـ صافية

ازاد:- وين دعاء !

صفينه:- عائله اشتروها

سكتت بس بگلبي نار اول خساره اخسرها بحياتي
چانت كل يوم هيَّ تكعدني على صوت بچيها ماتخليني انام
الليل اسهر وياها من اليوم يلي راحت بي بعد صرت ما انام ليلي

ظليت سنوات اجدي لحد ما جمعت فلوس اني وصاحبي سيف
واتفقنا ننهزم ونشتري ماي وعلج نبيع بشوارع وصدگ انهمزنه
وصرنه نطلع بالتقاطعات نبيع

اول بيعة وجبنه كمية جبيره من الفلوس اول افلوس بحلال
ظلينا نبيع فتره اشهر بَس هاي الفتره دوم رجال يوگف يشتري
منه ويعرض علينه مشروع بالاخير اتفقنا ويا

سامر:- باچر اجي

صار ثاني يوم وهوَّ بعد ما رجع ابد وحنى كملنا شغلنا وصارت
صدفه ولتقيت بمؤمل وهم حنى نفس العمر وهم يبيع ماي، صار
بفريقنه نشوف كراتين او حديد بشارع نجمعها ونبيعها واكو بيوت
هياكل ننام بيها وحتى الجلاب ينامون ويانه

رجع نفس الرجال وعرض علينا الموضوع وحنى قبلنة واخذني
اني وسيف ومؤمل لبيت كله زلم وبنات باختصار " ملهى "

اشتغلنا نخدم بالملهى كل ليلة ما ننام من وره الاصوات التصدر
ظلينا متعايشين بالملهى، بليل دخلوا علينه مجموعة زلم ونسوان
وطفله يطلع عمرها بـ13 سنه حضنت مؤمل وسيف احتمي بيهم
وهمه هم







صارو يمارسون قذارتهم كدامنه وفجاة واحد سحب
مؤمل من عندي وبعد محاولات اعتداء عليَّ گدام
عينه! عفت سيف حتى انقذ اخوي مؤمل بس سرعان
ما واحد اخذ سيف وأعتدوا على سيف ومؤمل كدام
عيني ومو بيدي شي

اجة سامر هذا يلي جابنه للملهى سحبني اني والبنية دخلنا
لغرفه ومارس ويا البنية گدام عيني انوب اجة اعتداء علية
حسيت بوجع وذل مو طبيعي تمنيت الموت

شفت البنية فقدت اول مره اشوف هيچ حاله والگاع انترست
دم، بعد ساعات خلص منه و گام و طلع، گوه عنت نفسي
وصحصحت وگمت على حيلي اعرج حتى اشوف البنيه شبيها

ضربت على وجها حجيت صحت بيها حتى تگعد ماكو لزمت
نبضها ماكو البنيه ميتة

استجمعت قوتي وگمت طلعت اركض ادور على اخواني دخلت
لنفس الغرفة الجنة بيها اني ومؤمل وسيف شفت مؤمل
نايمين عليَّ ثنين عارين ومؤمل هم بدون ملابس
وشفت سيف حاضن نفسه بالزاويه يشوف المشهد بخوف
ورعبه! محد انتبه لوجودي

طلعت ركض للممر اخذت السندانه مال ورد ودخلت للغرفة
بهدوء وضربت الجبير على راسه وثاني خدران ميحس بنفسه
غاط بالشرب وهم ضربتة على راسه

بسرعة گومتهم لبسو وطلعنا كلنا بليل ظلمه نفتر بالشوارع لحد
ما ستقرينه بمكان هيكل وسيف بَس يبچي ومؤمل ساكت صافن

گمت ضرب سيف، ازاد:- لا تبچي انتَ زلمة ليش تبچي

مرّ يومين لا اكل ولا شرب طلعنا بشارع نجدي ماكو غيري شي
نعيش بي محد يشغلنا على شكلنه وملابسنا فترة وجمعنا مبلغ
وشترينه ماي وعلج وادوات تنظيف مال سيارات

كل شخص اخذ شي وتفرقنه وگمنا نشتغل بنهار وباليل ننجمع
گاعدين بالليل مؤمل فاتحنة بـ موضوع رجال طارح عليَّ شغل
ما وافقنا الصار بعد ما يتكرر

بَس الرجال تكررت جيته لمؤمل لحد ما قبلنه نروح ويا ونشتغل
صعدنه بسيارة أخذنا لمجمع بي ناس هواي هم نخدم بي ظلينا
سنتين على هاي الحاله بَس عايشين عيشه مرتاحين احسن من قبل

بلليل طلعنا كلنا مرو من يمنه مجموعة زلم مشينه ما هتمينه
بيهم فجاة صديت ما شفت سيف دورت عليَّ اني ومؤمل ماكو
اخذتنه رجلينا لبساتين تاجي سمعنة صياح سيف ركضنه على
مصدر صوت شفت سيف عاري تماماً ويمارسون عليَّ قذارتهم!







فجاة انضربت براسي صديت شفت 4 يسحلون بـ مؤمل اجوي عليَّ 6 كلهم تجمعو ومارسو قذارتهم ويانه " نكسرنه مرتين "

بعد كم ساعه عافونة ورجعنا نعيش بشوارع لانو ماعدنا احد لا
اهل ولا گرايب مشت حياتنه بشوارع اذا اكو اكل ناكل اذا ماكو
نظل اسبوع اكثر بدون اكل بس نشرب ماي

مره من مرات دعمتنا سياره وچان السايق " كمال " تعاركنه ويا
وقترح ياخذنه لبيته ورحنه ويا لانو ماعدنه احد بدت معاناتي
ثانية ويا كمال ...

فزيت من صفنتي على وجع غريب ياكل بجسمي أكل وكُل
شريط الذكريات صار كدامي عيون هناسه وجعها صار
گدامي اجتني افكر الانتحار صح هناسه محد الها من بعدي
بس طاقتي خلصت اذكر اذيت بنتي و هيَّ بعد ما تتقبلني
ما اگدر استوعبها ؟

گمت شفت الدنيا صبح رحت جبت حابل وربطته بسگف
صعدت على الاسكملي و حطيت الحبل برگبتي و دفرت
الكرسي وصرت اصارع ويا الموت شوية شوية صار غواش...

____
𖡻 هناسه 𖡻

خلصت الفاتحة بتعب ومرض وحزن خيم على كلوبنة والبيت
هوسة وگاعد نرتب ونرجع الغراض لمكانها، انطوني جداري اوديهن البيت عمي كمال وديت الجدورة بَس البيت هـِدوء ماكو صوت

هناسه:- عمة عمة وينچ

ادور على مرت عمي ما لكيتها وحطيت الجدورة ودورت عليها
غرفة غرفة لحد ما وصلت لغرفة ازاد فتحت الباب شفتة منتحر!!

وگفت مصدومة دقيقة فَرحت ودقيقة انقهر عليَّ ركضت لغرفة
مؤمل رحت فتحت الباب لكيتة نايم گعدتة بخوف

هناسه:- ازاد ماتت مؤمل اگعد

- گمز مؤمل من مكانة ، مؤمل:- اطلعي البس واجي

طلعت واجة وراية بعد ثواني يركض على ازاد راح شالة من
رجلينة ونزلة حطة على جرباية ظل يگعد بي ميگعد شفتة
عرگان! فجاة گام يحچي بصوت رايح

فجاة گام يحچي بصوت رايح، ازاد:- سيف لا تروح انتظرني

يتبع ...
5133 كَلمة


- هاي حياة ازاد و مؤمل واكو هواي غير ازاد حياتهم هيچ
و ازاد ما قبل يگول حياتة وطفولته ويا كمال يلي هوَّ كمال
يصير عم هناسه ... رفض رفض قاطع

- هسه عرفتو حياة ازاد وشوية من معاناتة هوَّ
ومؤمل وصاحبهم شهيد سيف جد هاي شي
بسيط على حياتهم وازاد مو ابن عم هناسه حقيقي
ولا كرايب مثل مشفتو عم هناسه كمال جابهم عيشهم
يمه ومؤمل راح عاش يم اخو كمال بَس جانو زينين
ويا بَس ازاد بدت معاناته ويا كمال، الله شاهد ازاد گوه
انطاني الاحداث طلع روحي بحيث من 7 المغرب لحد 10
بالليل گوه انطاني هالكلمات يگول اني محجيته لدكتور نفسيَ انتِ منو حتى احجيلج بعد اصرار يله حجة

لا تحكمون على كتابه من غلافة ♥️

- شتتوقعون الاحداث الجاية؟!

- يتبع

لوحَ الظلام - الظـلام تاسع وعشرين 🌪️ -

_
هناسه

فجاة دخلت عمتي لابسة عباية تركض شافت ازاد ! عاطت بصوت
ام دلهم:- يمه وليدي راح وليدي ازاد شبي شبي
‏ ‏ ‏
مؤمل ظل واگف رجلية اجمدن باوعت على ازاد شفت رجلينة
يصعدن وينزلن ويجر نفس بشهگات حلگة صار ازرگ حالتة
صارت أسوء بحركة سريعة مؤمل حط ادينة ثنينهن على صدر
ازاد يضغط عليَّ شاف ماكو نتيجة شال ازاد على چتفة رغم
ضخامة

طلعة من الغرفة نزل الدرج بصعوبة من ثگل ازاد وعمتي لابسة
عباتها وراحت وياهم، اني ظليت بمكاني مصدومة شصاير بعد
دقايق استوعبت ورجعت للبيت وجهي اصفر

ام هناسه:- شكو سمعت صوت عمتچ اصيح

برود وصدمة من الموقف، هناسه:- ازاد انتحر ومؤمل اخذة

فززني لطمها على صدرها، ام هناسه:- يمه اسم ليش شلون وضعة

- باوعت عليها بعدم الاهتمام للموضوع، هناسه:- يمكن مات لان حلگة ازرگ ورجلينة ينزلن ويصعدن

ام هناسه:- ركضي جيبيلي عباتي بس على كيفچ لا توگعين تتاذين

هزيت راسي وصعدت جبتلها عبايها و لبستة و طلعت لبيت
عمي واني هم صعدت لغرفتي گعدت ارسم صارت حياتي
عبارة عن رسم كملت الرسمة وبديت اقرأ كتاب احب قراءة
الرؤايات والكتب التهي شوية واخلص وقتي واخلص نفسي
من تفكير بلانتحار وعذاب النفسي، بديت أقرأ وصارت عيني
على جملة عجبتني " شيء يجعلك تبتسم احتفظ بها سراً "

خطيت على الجملة وسديت الكتاب طلعت بالطرمة جو دافي
اخذت القهوة وياي شوية وسمعت صوت سيارات قوية ما طلعت
بس سمعت صوت عياط صابني الفضول بس لزمت روحي وما
طلعت شوية ودخلت امي رحت وراها إريد اعرف الاخبار

ام هناسه:- بعجوبة الولد عاش الحمدلله وسوو تحاليل طلع بي سرطان ولازم زرع

- مافتهمت منها زين لانُ هيَّ تعبانة وتحچي، صاحت
ام هناسه:- طيبه ولچ جيبيلي مخدة اريد امدد رجلية تكسرن







گامت طيبه راحت جابت مخدة واجتي واجة علي " اخوية " نام بحضن امي واني صفنت عليهم تمنيت انام بحضنها بس برودها ينفرني

عفتهم وصعدت لغرفتي بقيت صافنة وافكر بمرض ازاد لزمت
التليفون وبحثت عن مرض سرطان ليش وشلون صار بـ ازاد
سرطان وانصدمت لما شفت هواي ناس ميتين بسبب هذا المرض
ومالة علاج ابد صح نقهرت بس ما هتميت ذكرت السوا بية كرهتة

شمرت التليفون ودخلت اسبح من ضوجتي ماعرف شنو اسوي
قشرت جسمي لبست تشيرت ازاد لانُ عطره بي و طلعت مرت
ساعات و گعدت ارسم فرحت لانُ اجتي رسمتي عدلة لملمت
غراضي وطلعت من الغرفة والبيت كلش هدوء رحت سويت
دونات اجة على بالي واحب مرات يجي بالي اكل حلا گعدت
على ميز الطعام اكلتهن وشربت عصير

مرّ يومين و روزه راسلتني، روزه:- تعالي شوية غيري جو انتِ نفسيتچ تعبانة

ماكلت لا لانُ صدك نفسيتي تعبانة لبست صاية رحت لبيت عمي والكُل شافوني انصدموا شِلون طالعة شعجب جاية، شافني عمي صاح

ابو دلهم:- هلا ببنيتي وين مختفية هيچ گطعتي بينة

- خجلت نزلت راسي فشلة الكل صار يحچي، ابو دلهم:- تعالي اگعدي يمي يبعد عمچ ليش هيچ حابسة نفسچ

أنتبهت على ازاد يباوعلي مبتسم نزلت نظرتة لبطني المنفوخ
من ورا الحمل، ابتسامتة توسعت اكثر بس سرعانه ما اختفت
ابتسامتة وتغيرت ملامحة كانو موجوع وراسًا عمتي انتبهت

ام دلهم:- شبيك ازاد

- رفع راسه باوع على عمتي وملامحة مشدودة من الوجع
ازاد:- يمه ماكو شي بس وجع بسيط

گام مؤمل انطاً حباية صغير، مؤمل:- تزقنبها وانچب هسه صير زين

تنرفز ازاد من كلام مؤمل ورفع راسه خزر مؤمل واخذ الحباية بنتر ومشة بهدوء ومؤمل عافة وطلع، مؤمل:- يلة بنياتي تعالن مو اتفقنة نلعب

گامن كل البنات طلعن لابسات تراكات خفيفة رغم البرد واني
طلعت وياهن على واهس شوية اغير جو واطلع من حالة الكتئاب
يلي اني بيها

گام ازاد شال الصوندة وكلهن وكفن بالسرة ينتظرون وملاك
اخت ازاد بنص اصيح ، ملاك:- يلة يلة مؤمل شغل الصوندة

راح مؤمل جاب الصوندة الثانية وظل يرشون عليهن ماي تقربت
عليهم صار علية الماي من بردوة الماي شهكت راسًا ازاد انتبة علية
واجة يركض راد يلزمني بس اني مقبلت وابتعدت عنة

- بقلق، ازاد:- شبيچ خوما تاذيتي

- برطمت بزعل، هناسه:- باردة ليش اني بردانة

راد يحضني دفعتة واجه مؤمل حضني واني ارچف بحضنة
عافني راح جاب عبايتة الشتويه لفني بيها واخذني للبيت

مرت الايام واني صرت بشهر خامس، رحت بيت عمي انتظر
عمتي حتى نروح لدكتورة، هناسه:- منو ياخذنة







ام دلهم:- عمة والله محد اكو بالبيت بس ازاد وهوَّ ياخذنة

گامت تبرر وتطمني ، هناسه:- عمه لا تهتمين والله عادي خلي يجي ويانة

ابتسمت هزت راسها، ام دلهم:- الله يرضة عليچ بنيتي ويفرحني بيچ

طلع ازاد ماحچة شي بس اني وعمتي رحنا محد قبل يجي
ويانا، صعدنا بسيارة باوعت على ملابسي صايرة البس كله
عريض حتى لا يبين بطني من اشوفة بطني مرات افرح مرات انقهر

دخلنا للعيادة ننتظر سراية شوية وصاحوا باسمي دخلت على
دكتورة وابتسمت بوجهي وسلمت علينة

:- ماما نامي على سدية نسوي فحص كامل للبيبي

ابتسمت هزيت راسي وتمددت حطت مادة مثل جل على بطني
وباوعت على شاشة بتركيز لانُ كل ما اجي يمها يطلع صورت
الطفل على شاشة .

:- عاشت ايدچ مهتمة بطفلچ وزنة زين وگاعد الطفل

ام دلهم:- الله يخليج مايبين وليد او بنية عندچ

- رجعت الجهاز على بطني:- صلوات ولد

- ابتسمت بفرح واخيراً صار عندي سند فزيت من صفنتي على
صوت رجولي انتبهت صوت ازاد

ازاد:- صحة الام شلونها خوما تضرر بالعملية

:- طبعا عدها سكر ديربالكم عليها منا لوقت العملية

ازاد:- ولو تعبچ عادي اشوف ابني

- هزت راسها:- تمام

رجعت الجهاز على بطني وهوَّ ظل يباوع علية مبتسم، گلبت وجهي
ضجت من شفتة مبتسم شوية وخلصت طلعنا من يمها صعدنة بسيارة

ازاد:- ظلو بسيارة لحظة واجيكم

راح وشوية واجة بيدة علاج وبيدة ثانية علاگتين علاگة عبالك
ملابس اطفال وعلاگة ثانية بيها اكل من المطعم، صعد بسيارة
ودار وجها علية

ازاد:- بوية هذا الچ

اخذتة بدون ما احچي ويا، شميت عطرمختلط ويا ريحة لفات
اشتهيت الاكل طلعت لفة وگعدت اكُل وهوَّ هم ماشغل السيارة
خلاني على راحتي اكل اني وعمتي ظلينا ناكل وهوَّ هم اكل

ازاد:- هناسه العصر لازم تجين بيتنة

هزيت راسي ورجعنا للبيت فتحت العلاگة شفتها صدك ملابس
اطفال مجان يتوهملي ردت احرگهم بس عجبني شكلهن بطلت

لزمت الجوراب صغير بـ لون رصاصي ابتسمت اذكرت اني
عندي نفس شكل هاي الجوراب وجايب ملابس بيض رتبتهن
ونمت من العلاج، گعدت العصر ورحت لبيت عمي محد موجود
خفت بس لتفت شفت مؤمل گلبي برد

مؤمل:- تعالي وراي

- رحت ورا شفت ازاد كاعد بالحديقة، ازاد:- يلة نتوكل







استغربت بس مخايفة لانُ وياي مؤمل صعدت وياهم بسيارة
مسافة طريق دخلنا لبيت طين دخلت شميت ريحة عفونة وبخور
شفت رجال كاعد وجها نوراني سلم علينا وكعدت ورا مؤمل من
الخوف

ازاد:- سيد شنو حكم المغتصب وزاني

:- في الاسلام جريمة و { قاله تعالى }
" ولا تقربون الزنا انه كان فاحشه وساء سبيلا "

اخذ نفس وكمل بتسائل! :- هل انتَ زاني

- هز راسه ازاد ونزل عيونة:- اسمع عاقبك والذي لا يدعون معا
الله الها اخر ولا يقتلون النفس التي حرم الله الا بالحق والا يزنون
ومن يفعل ذلك يليق اثاما يضاعف له العذاب يوم القيامة ويخلد
فيه مهانا، المعتصب له نار مخلده

ازاد:- زين الها ذنب وياي

هز راسه شيخ:- لا اذا كانت بالاكره فهي طاهرة وليس لها ذنب

- ابتسمت براحة فرحانة، ازاد:- وعاقب المغتصب

:- يعاقب المغتصب بنفس بحد زنا الرجم حته الموت اذا كان
متزوج وليس بتكرا يعاقب الاعذار بالجلد مئة مرة ملخص من
كلامي تعاقب في الدنيا مئة جلد

- هز براسة وانطا فلوس بس الشيخ رفض تشكراً منه وطلعنا
ازاد:- يلا مؤمل شوف شغلك

مؤمل:- شنو اشوف شغلي شبيك

ازاد:- نروح لمكان امشي وياي

طلعت وياهم مثل اطرش بالزفة وصلنا لبناية مهجورة طلع واحد
ويا مرة، سلمو عليهم الولد:- يلة حضر نفسك

لبسو ازاد لبس اخضر اجة مؤمل والولد وبلش يجلدو بي
شهگت بخوف وهوَّ ساكت ما يسـوي شي بَس الوجع مبين
على تعابير وجها

- ظل الرجال يضرب بازاد لحد ماتعب صاح مؤمل
مؤمل:- كافي اخوي لخاطري

صاح الرجال:- هاي 70

- فرفح گلبي اشوفة انتهى بيدهم! صيحت بخوف
هناسه:- والله مسامحتك بس عوفو

ردت اروح يمه بس المرة لازمتني بكل حيلها وانوب هيَّ ضخمة
عبالك زلمة لازمني خلصوا المئة جلدة وهوَّ انتهى دمة صار يمشي

گام ازاد گوة گعد و شكرهم و عافتني المرية رحت يمه و مؤمل و رجال طلعوا يغسلون لانو ايدهم صار دم، گعدت يمه وابچي بخوف

هناسه:- ليش هيچ اسوي مو تعرف اني ماحب احد يتاذة بسببي

- نزل راسه، ازاد:- اعذريني لا الاعتذار ميكفي

حضنتة معرف ليش بس حالتة قهرتنيمريض ونضرب مئة جلدة
واني ما احب احد يتاذة بسببي ابد، لمني بحضنة يبچي ضم
وجها على چتفي حتى لا يشوفو، اجة مؤمل مغسله ايدية

مؤمل:- يلة گوم

گومة وصعدة بسيارة ليورا واني گعدت يمه مدد رجلينة وحط
راسه على رجلية واني مسويت رد فعل انقهرت على حالتة
وصلنا للبيت وعمتي شافت حالتة لطمت على وجها







ازاد:- عوفوني لحد يصعدلي

صعد واني رجعت للبيت شابعة قهر، مرت الايام واليوم نفسيتي
كُلش تعبانة فزيت على دخول مؤمل

مؤمل:- شبيچ ابوية تعالي شبيچ

- بس سمعت كلامه وگالي شبيچ انهاريت بالبچي
هناسه:- والله والله تعبت نفسيتي تعبت حمل تعبني متاذية اني
والله متاذية و وحدها من اگول تعبانة ابچي تبچيني كلمة تعبانة

- تقرب علية بخوف وردف بصوت مليان حنية، مؤمل:- لالا ابوية لا دگولين هيچ حرام عليچ هذا كلام تاذين نفسچ والنفس امان عليچ لازم صونين الامانة

- هزيت راسي " لا "
مؤمل:- صليتي
هناسه:- اي صليت

مؤمل:- عفية بسباعية بنيتي اقري زيارة عاشوراء

- رفعت راسي ومسحت دموعي، هناسه:- شلون

مؤمل:- هاي زيارة عاشوراء راحة نفسية نستفاد من معجزاتها
شتطلبين بيت رزق راحة سعادة خليچ ملتزمة بيها و شوفي
العجائب بنيتي سباعية انتِ اقوة بنية اشوفها بحياتي

مرت الايام ومؤمل وياي واني صرت بشهر خامس، رحت لبيت
عمي شفت ازاد صار هواي مشايفتة گعدت يمهم انتبهت على
ازاد شكلة متعوب ومتوجع غير عن باقي الايام جان احسن

مرت ساعة وهوَّ على حالتة انقهرت عليَّ رغم يلي سوا بية بس
انقهرت عليَّ، كلهم عافو وطلعو ميريدون يشوفونة بهاي الحالة
وميردون يساعدونة، شفتة فقد من الوجع رحت يمه حتى اشوفة
يريد مساعدة او شي ثاني

فجاة ظل يضرب راسه بالحايط باوعت على راسه مابي شعر
گعدت يمة وهوَّ عاط بية، ازاد:- طلعيي ماريد اشوف وجهچ

عاندت معرف ليش بس عطرة ترس خشمي ظل يضرب راسه
ويعيط بية حتى اطلع بَس ميفيد لزگت فجاة دفعني من راسي
وانضرب راسي بـ طاولة وبچيت من الوجع

شافني هيچ گمز عبالي راح يضربني صرت ارچف بس اجة
حضن راسي ثواني وقوة الحضنة فجاة سمعت صوت شهگاتة
ظل يشهگ بالبچي ويحضني اكثر بحيث احس بطني انجعصت

- شهگ بصوت تعبان، ازاد:- تعبت تعبت

- نزلن دموع حارة على ظهري!، ازاد:- والله وداعت ابني اول مرة احلف بي ماريد اذيج احبچ والله احبچ والله روحي توجعني من أذيچ

- ظل يشهگ ويحچي گوة صرت افهمة
ازاد:- والله مو بيدي مو بيدي تعبت بنتي انتِ مو دگولين مريض
اي اني مريض مو دكولين تعالج تعالج وعالج نفسك وجودچ يمي
علاجي تعبت كرهت روحي اكره

ظل يكرر كلمة " تعبت " محسيت بنفسي نمت بحضنة الدافي
نسيت كل اذيتة نمت بحضنة لصبح اجتي عمتي گعدتني وطلعت

شفتة شِلون حاضني وشلون ضايعة بحضنة رغم كبر بطني
بس راسي واصل لبطنة باوعت على ايدة لزم بطني يحميها فزيت
گعدت عبالك وحدة سكرانة مادري شصار البارحة







لبست صايتي وطلعت اركض لبيتنة حتى عمتي مالحگت بية
رجعت للبيت لبست تيشيرت ازاد ونمت لحد الضهر گعدت شفت
عمتي اجتي على الغدة وطيبه طبخت الاكل واني علية اشياء
البسيطة ما تعب نفسي ما يخلوني

- دخل بنت عمتي وباوعتلي صفح: اي يمة بطنچ كبرانة وبدون
زواج كل بنات يتمنن زواج وعرس الى انتِ عكس العالم لا عرس
ولازفة شهر شهرين اجينة لگينة بطنچ لصدرچ واليقهر زايد ابن
حرام اخخ منچن يا بنات تغرن بالولد ومن يحبلوچن بالحرام
تموتن نفسچن على العيارة يجي ابنچ لدنيا شنو تحچين اله
والله ابني اني چنت احب ابوك رباني وكبرني ورحت غريتة
وحملت بيك بالحرام

- هزت ايدها واني صفكت ونترت بيها
هناسه:- واوو كملتي هنيالچ على عقليتچ وجاهليتچ وشي ثاني
كلش شخص يشوف الناس بعين نفسة وعلى هذا كلامچ مبين
انتِ مسويتها قبل صدك لو گال رحم الله امراس عرف مقدر
نفسة طلعي حبيبتي طلعي

عفتهم وصعدت لغرفتي ونمت مرت فترة حملي كُلش تعبت وطول
هاي الفترة ماشفت ازاد و وحامتي كلها عليَّ صرت احضن
تشيرتة حتى اشتم عطرة ماعرف ليش هيچ اسوي بَس اموت
اذا ما اشم عطرة

لزمت تشيرت اشتمة بي بس للاسف خلصانة عطر لبست صاية
ورحت لملاك تعرف بحالتي دوم هيَّ ساعدني بهالشي وجيبلي تيشيرتات ازاد وصلت لبيتهم سلمت على الكل ورحت لملاك

هناسه:- جيبي تشيرت من ازاد حبابة

ابتسمت هزت راسها وراحت جابت ورجعت اخذتة منها ورجعت
للبيت، هالفترة هواي اكل بلاخص اشهر الاخير ومؤمل دائمًا
يدزلي علاگة حلويات مرات اكل مرات حلويات مرات حامض
بحيث كرشي واصل خشمي

اليوم كلهم نجمعوا يمنة لبست دشداشة قصيرة سودة وسويت
ضفاير وشفت مؤمل گاعد رحت يمه بستة من خدة تخصرت
عليَّ ورفعت حاجبي

هناسه:- يلة وين مصاصتي وين

مؤمل:- يبووو نسيت شلون شغلة هاي

برطمت شفايفي، هناسه:- ليش ليش نسيت والله زعلت منك وبعد ماحچي وياك

كتفت ايدي بزعل وگعدت يم مؤمل زعلانة منه رفعت عيوني
شفت ازاد يباوع علية والابتسامة تارسة وجها انتبهت على
راسه شعرة طالع انصدمت شنو المرض رايح منه شبسرعة
" قل اعوذ برب فلق شجاج هناسه "

- فجاة صاحت طيبة بصوت عالي فززتني
طيبه:- لا مثيل لجمالي فأنا أملك عينين لامعتين كـ عيون المها

التفتت عليها وصفنت بصدمة وابتسمت ورا شوية مؤمل طلع
الـ مصاصة من جيبة واني گمزت اخذتة منه وظليت اگمز

ام دلهم:- ولچ اگعدي يمه الولد راح ينزل

گعدت ومؤمل يغني وطيبه تصفك، مؤمل:- توت توت هاي البيضه







- گامو ياشرون علية، مؤمل:- بيها كتكوت

- خجلت ومؤمل ضمني بحضنة، مؤمل:- ابويه شوكت اشوف ابنج وهاي انتِ طفلة ولچ وراح تصيرين ام واني بعدني ماصاير اب

ابتسمت فرحانة صدك حصير ام وبهذا العمر، گمت من يمهم
وطلعت اريد اغسل شفت ظل وراي انتبهت ازاد جرني جوة الدرج

- بنتر، هناسه:- شسوي عوفني

فجاة تقرب حضني كل قوتة صاح، ازاد:- اخخ افيشش جوزايتي ردت روحي

- دفعت، هناسه:- عوفني عوفني اكرهك

- ما رد علية نزل باس بطني ولزم وجهي
ازاد:- والله بلياچ ليلي ما نايمة ولچ نوم ما شايفة نسيت شلون
يصير النوم مكابل صورچ همه يلي يصبرني عليچ وعلى فراقچ
اني شسويت ببنيتي شسويت ولچ والله والله متندم بس من اذكر
يجيني طفل منچ افرح لبوتي سباعيةولچ شلعبتي بحالي ولچ ويا
ربعي السبع بس يا سبع گدام عيونچ وسواد عيونچ بلوتي شلون
وياچ شلون

فجاة جسمي صار يرجف وجع ببطني قوي حسيت شي نار
ينزل، اجتني دفرة قوية بطني صحت كل صوتي

هناسه:- يمههههه

بسرعة فز ازاد ظل حاير شيسوي ظل يفتر يروح لجها ويرجع
لجها الثانية عيونة مدمعة ، صحت بصياح

هناسه:- روزه روزه صيحلها ولچ يمه وجع وجع

صاح بعلو صوتة، ازاد:- يمه روزه مؤمل ولكم هناسه ماتت

گعد بالگاع يشهك ويبچي على بچي اجتي روزه تركض صاحت بازاد
روزه:- كوم شبيك شيلها الطفل مات

- اجة لزمني يريد يشيلني مگدر صاح
ازاد:- مؤمل ماعندي حيل ساعدوني بيها ايدي ترجف

اني حرت بنفسي وجع مو طبيعي جسمي كله يرجف ماعرف
شسوي احس اخر يومبعمري خلص راح اموت الوجع مينحمل
ابچي بدون صوت شالني مؤمل صعدني بسيارة ليورا

ازاد:- يمه اصعدي يم مؤمل اني اصعد ورا يم هناسه

صعد يمي وحضني وشهگاتي كل مرة تزيد والوجع مو طبيعي
الله لا يراوي احد هذا الوجع حسيت شي حار ينزل مني وروحي
فرفحت، وصلنا للمستشفى ازاد شالني صار يصيح

ازاد:- وين الدكاترة بنيتي ماتت

كلها اجتي على صياحه تركض، فجاة حسيت خدرت من الوجع
جاب سديه واخذو معلوماتي من مؤمل واني ما اعرف عن شنو
يحچون مجرد سمعت الدكتورة:- عمرها صغير مو مال ولادة طبيعية

- صاحو:- خلي يوقع زوجها

- راح ازاد وقع على اوراق دخولي للعملية ميتة تعب وصوت
الدكاترة باذني:- بنج مو ضعي مو عام







ظليت ابچي من دخلوني للعملية الخوف اكل بيه اكل الغرفة
مال عمليات اسوي بالوحدة حالة نفسية، صحت بصوت رايح

هناسه:- اريد روزه و ازاد لا تعوفوني يمه

ظليت ابچي، اجة الدكتور حضروا الابرمال بنج، طلعت الممرضة
وراها دخلوا ازاد و روزه لابسين زي طبي باوعت على ازاد بتوسل
حتى يساعدني ويخلصني من الوجع يلي اني بي

مددوني وضربتني ابرة بس الوجع بعدة بيه حسيت بوجع قوي
مو طبيعي صحت بصوت

هناسه:- ياعلي

حسيت بوجع اكل احشائي وشي نزل بسرعة دكتورة رفعت ثوبي
مال عمليات وصاحت:- صلوات يمه ولدت بدون عملية الله يسهل وسهل الها معجزة والله ماصايرة عدنة هيج حالة

صوتهم قوي بَس ما انتبهت الهم ادور على صوت ابني ماكو !
خلاص طفلي مات ماكو صوتة، صار ظلام قوي بعيوني محسيت
بشي بعد

ثنين اشخاص كاعدين يمي واني مددة على سدية مال عمليات
لتفت شفت مرة وجها يضوي

هناسه:- منو انتِ

:- ام البنين

صديت راسي شفت شخص لابس ابيض، هناسه:- زين هذا منو

:- هذا علي مو ستنجنتي بي اجاچ

فجاة حسيت نفسي بضريح الامام علي فزيت واني اهمس
" يا علي يا علي "

سمعت صوت صياح وسوالف ميزت صوت مؤمل فتحت
عيوني گوة غواش ما اشوف عدل صحت بصوت ناصي

هناسه:- يمه وينچ

اجتي امي تبوس بية تتحمدلي بسلامة، ام هناسه:- يمه والله ظل بالي يمچ الف الحمدلله طلعتيلي سالمة

- درت راسي، هناسه:- ابني عايش

هزت راسها بـ " اي " الكل اجة باركلي تحمست اريد اشوفة
الطفل، اجة ابني للدنيا بـ2022 سنة بشهر 10 دخل مؤمل
شايل الطفل ورا ولدنا شايلين نفاخات ازرگ فرحت كُلش

هناسه:- انطينيا

- باسة بهدوء ، مؤمل:- وروح ابوية شوفي شلون طالع عليچ

ابتسمت عمتي گامت طلعتهم كلهم، ام دلهم:- يمه شوفي ديبچي رضعي جوعان

شفتة يبچي وصابعة صغار جلدي كزبر خفت وگعدت ابچي واعيط
هناسه:- لا لا مارضعة ماريدة ماريدة

اخذتة مني عمتي صاحت، ام دلهم:- يا يمه رضعي شجاچ قبل شوية چنتي شلونچ

ام هناسه:- خلي تولي شنو غصبن ماعليها ترضعة مشوفين
الطفل فرفح صار احمر من البچي

جابو حطوا گدامي حتى اشيلة دفعتة راد يوگع وامي لزمتة
وضربتني على راسي ، ام هناسه:- رضعي

تقدمت امي طلعت صدري ماقبلت ظليت اضرب راسي
بالسدية ما مهتميلي المهم يمهم الطفل خلو يرضع على
راحتة واني ظليت ابچي احس بهاي الحظة خسرت حياتي
برائتي طفولتي كرهت ازاد، هوَّ حتى ماكلف نفسة واجة سأل
علية وهذا يلي صار بية كله بسببة الله لا يوفقة .







- اخذو الطفل مني بعد ما رضع:- شنو اسمي

- عطت اني وابچي، هناسه:- ماريد اخذنة اخذنة

اخذوا الطفل وعافوني واني رجعت نمت احس الوجع بداخلي
نار حايرة بنفسي اتقبل الطفل ماتقبلة تعبت گعدت لگيت روزه
يمي هدوء تامم لازمة مبايل صحت بتعب

هناسه:- عطشانة اريد ماي

- اجتي تركض علية، روزه:- عيوني الچ هاي اخذي الماي

- شربتة بصعوبة، هناسه:- ابني وين

روزه:- لا تخافين بالخدج كامل ومكمل ويخبل طالع عليچ

ابتسمت بعد محجيت شي ظليت صافنه لحد مانمت ثاني يوم
طلعنا من المستشفى ومؤمل شايل الطفل فرحان بي اكثر مني
واني امشي بهدوء ماكدر اضغط على نفسي بالمشي لانُ الوجع
مو طبيعي وصلنا لسيارة، گعدت ليگدام وبيدي ادم ابتسمت
شفتة شِلون نايم وهوَّ صغير حيل واصابعة صغار فرحانة يعني
هذا الية وحدي محد يشاركني بي اني الاهتم بي حيل فَرحت

صفنت طريق وصفنت بادم واذكرت موقف بيني وبين ازاد،
- الماضي - گاعدين اني وازاد وهوَّ سئلني ؟

ازاد:- اذا صار عندچ طفل شنو تحبين تسمي

هناسه:- اني احب طفل اسمة ادم لانُ اول بشر نخلق هوَّ
ابونة ادم واني عندي اول طفل ولد فـ اسمي ادم

- ابتسم بوجهي، ازاد:- حلو بس اني بنفسي اسمي اسد الله

هناسه:- اني شلي دخل بيك ابنك انتَ سمي بكيفك اني ابني اسمي بكيفي

ازاد:- ابني وابنچ اقصد بطنچ ما شيل غير ابني

گلبت جهي وهمست بيني وبين نفسي يحلم هذا هواي فزيت
من صفنتي من وصلنا لبيت عمي دخلت جوة وذبحو طليان
ثنين جوة رجلية من الخوف تيبسن رجلية اجة مؤمل شالني
اني وادم حتى لا ادوس على دم ونزلنة على گاع النظيفة
حضنت ابني خوفي عليَّ من ازاد لا يجي وياخذة مني
نوموني على سرير ويمي كاروك صغير حيل على حجمة ادم

اول يوم ويا ادم وجع ماخذ نص حيلي خطار اجوي بيت عمي
وكلهم :- هذا ابنچ مبين وكح ليل ونهار ما ينومچ حرك هذاك هو
مبين من عگدة حاجبة وذكي

هناسه:- عمه شبيچ بعدة اول ايامة خذتي خيرة له ما تحبين
اشربة قهوة بالممة ومن يخلصها شوفين نهاية ؟

- غمتني وعاطت:- تستهزين بية بعدچ بطول زري وعندچ طفل

هزيت ايدي ماعاجبني كلامها، صار الليل وادم ظل يبچي
واني مليت من روحي وهوَّ بس يبچي اشيلة ما يسكت فحط
وجها صار احمر صوتة عالي يبچي بصياح يعصر نفسة

ام ازاد:- جيبي خاف ممتون

لزمتة لعبت لعب بي وهوَّ مستمر بالبچي، هناسه:- عمه عليچ
الله على كيفچ والله طفل وينةوين هذا سوالفچ بزمن جدي سويتي
عجينة سلايم وين ما تاخذي يروح بس انتِ اذية مثل ابنچ







صرت ابچي من كُل كَلبي وهيَّ ساكتة وتغني لادم لحد ما نام
من تعب وشوية وگعد يبجي، يربي يعني هذا مايتعب من بچي
كرهني روحي وبعدة ايام

مرت الايام ويا ادم واسهر الليل وعمتي وياي تسهر بالليل
فزيت على صوت بچي ادم شلتة وطلعت برا حتى عمتي لا
تگعد طلعت شفتها الدنيا فجر الهوائ و الجو دافي بداية
الشتاء تقريبا بالعاشرحسيت على شي وراي صديت اباوع
منو بس مالكيت احد خفت ورجعت للغرفة بعد ما نام ادم

مرت الايام احلى ايام ويا وليدي وسمعت " اكو عزيمة بيت
عمي بغداد " تحمست للعزيمة لانُ من ولادتي واني ما طالعة
نفسيتي حيل تعبانة، باوعت لادم كبران شوية وسمنان وعُمرة
صار شهرين

لبست اسود على اخوية محمد بعدني منازعتة وخليت شعري
مفتوح لانُ قصير بدلت لادم وطلعت انتظرهم، اجة معن اخذ
ادم ويبوس بي ومؤمل مستحيل أنسى وگفتة وياي وادم دائمًا
يم مؤمل افز بالليل اشوف مؤمل شايل ادم يسهر عليَّ للصبح
واني انام حتى ملابسة هوَّ يغيرهن حسيتة ابو مو عمة .

ازاد مشايف ادم ابد لانُ اني ما اقبل ومؤمل وعدني ما يخلي ازاد يشوف ادم ولا يشوفني وصدك ابد ما شافنة ولا شفنا اصلاً ازاد اختفى بهالفترة كلها ماعرف وينة واذا يشوف ادم هسه هم ميعرفة لانُ كبر وتغيرت ملامح وجها ...

- اجه مؤمل صاح، مؤمل:- ولكم وين وليدي

- شاف ادم عند معن، عاط مؤمل:- وخر تفسد ابني بأخلاقك
انطينيا عندك بنية لا تفسد اخلاق ابني واني الليل كله اعلم بي
ماشايف النوم علمود اخلاقة تتعدل

- ضربة معن:- اليسمعك يگول عمرة 30 وهوَّ بعدة شهرين

- رفع حاجبة، مؤمل:- اي شعبالك غير بعيني 30 سنة عمرة

اخذة مؤمل وصعد بسيارة واني هم صعدت وياهم وصار
يسوق بيد و ايدة ثانية لازم بيها ادم شوية و رجعليا حتى
يسوق عدل ورا ساعات وصلنا لبغداد واني ايدي متكسرة
من ورا ادم، نزلت عمتي وانطيتها ادم بين مانزل واخذ غراضي

نزلت لبيت دخلنا لگينة عاملات يسون بلاكل وهوسة عفتهم
ودخلت ودخلت ادم وياي لوحدة من الغرف حتى لا يگعد على
هوستهم، حطيتة وعفتة بالغرفة نايم ونزلت اساعد البنات والبيت
بنص ساعة انترس عالم وهوسة وسمعنة صياح واحد انتبهت هذا
صوت ازاد !

صعدت فوگ وصعدت وياي عمتي على مصدر الصوت دخلت
لغرفة يلي بيها ادم شفت ازاد من بعيد واگف وادم يبچي بهدوء
رحت اركض لزمت ادم وصاح ازاد:- بعدي عني بعدي







عمتي هزت ايدها وطلعت واني هم هزيت ايدي وعلي مخبل هذا
شبي الولد، طبعا يلي اعرفة على ازاد يموت من اطفال العمرهم
اشهر يحسهم وصخين ما يحب يتقربلهم

- صار يمتمت بقلق، ازاد:- هذا ابن منو

- هزيت بادم وردفت، هناسه:- معليك وابني والغرفة التعجبة ينام بيها وهاي الغرفة عجبتني يعني اكيد عجبتة ونومت بيها بس مادري غرفتك

اخذت ادم واريد اطلع بَس سرعان ما لزم ايدي بس احس بي
لسه مصدوم حتى گوة يحچي !، ازاد:- هذا يعني ابني ادم

هزيت راسي فجاة اخذة من ايدي بحيث راد يوگع مني بَس هوَّ
همزين لزمة وحطة على وجهه ويشم بريحتة ويبوس بي

ازاد:- لا تهتمين لابنچ اني يمة سدي الباب وراچ

هزيت ايدي وطلعت انصدمت شعجب شال طفل بهيچ عمُر!
قابل لانو ابنة وگدر يكسر هذا الحاجز، بس ارتاحيت اكو احد
يم ادم ارتاح گلبي اگدر اخذ راحتي

خلصت العزيمة بعد تعب گمت من يمهم اخذت اترك و دخلت
سبحت وبدلت وعدلت شكلي تعبانة من العزيمة، طلعت شفت
ازاد حاط ادم بحضنة وفاتح الگماط ويبوس ويحچي ويا كانو
گاعد يحچي ويا واحد چبير، صاح مؤمل

مؤمل:- يعني هسه ما تنطيني ابني انطينيا يمعود ترا ابني

ازاد ما اهتملة ولا رفع راسه عبالك بغير عالم، كلنة گعدنا من
التعب وكل شخص ملتهي بمبايلة، رحت گعدت يم ازاد وادم

- باوع علية بفرح، ازاد:- ولچ الله عوضني بيچ وبـ ادم ما اصدك يعني اني عندي ولد شوفي شگد يشبهچ ابد ميشبهني جيناتچ فازن علية

- باوعت عليَّ عبالك مصدوم مامصدك من يحچي
ازاد:- اخاف الزمه هيچ لفي بهاي الوصلة
‏
- اخذته منه بَس صدمني عياطة بصوت ناصي، ازاد:- على كيفچ على كيفچ يمعودة

عقجت وجهي من كلامه، هناسه: متعلمة عليَّ وهوَّ متعلم على ايدي

گمطتة وانطيتة ادم شفتهم كلهم توزع لغرفهم و اني ظليت
انتظر ازاد ينطيني ادم بس فجاة ادم ظل يبچي وازاد شالة
يسكت بي بس مايسكت باوعت على شكل ازاد انصدمت
حسيتة يريد يبچي ويا ادم!

بصوت مخنوگ، ازاد: يعني شنسويلة خطية شوفي صار احمر

هناسه:- لا تخبصني هسه اسويلة ممة يبين جوعان

- گمت لزمت الممة إريد اسويلة بَس وگفني صوت ازاد !
ازاد:- دنتظري هسه اروح جيبلة شي ياكله

- عفت الممية بيدي وصفنت عليَّ بصدمة، هناسه:- عيد شنو دگول

ازاد:- شبيچ اجيبلة شي ياكله

- اشرت عليَّ، هناسه:- انتَ من كل عقلك تحچي

- استغرب من تعابير وجهي !، ازاد:- اي شبيچ شنو حليب شيشبعة غير اريدة يكبر







- هزيت ايدي ورحت غسلت الممية وسمعتة يسولف ويا ادم بهدوء
ازاد:- يلة ابوية الذيب مايبچي من الجوع ابوية يعني اني ابوك
اني شبسرعة صرت اب شلون اني شحچي

- ادم ظل يبچي وهوَّ يسكت بي، ازاد:- ارجوك ابوية اسكت والله كلبي مينطيني اخليك تبچي

هزيت ايدي والله هذا مخبل اني الصغيرة واعقل منه، كملت
سويت الممة ورحت يمهم ، هناسه:- انطينيا

ازاد:- لا اني انطي الممة جيبي الممة

گعد هوَّ وعدلت ادم بحضنة وانطيتة الممة ظليت اباوع عليّّ
ما يعرف شِلون يشربة

هناسه:- جيبة جيبة لا يختنگ الولد وين نروح بي حتى مستشفيات سادينها انطانيا

اخذتة منة وگعدت اشربة حليب وصفنت مستحيل بعد احرمة
من ابنة، باوعت على لهفتة وفرحتة عبالك طفل جابولة لعبة وما
مصدك بحيث كل ثانية يسوي حركة او يحچي

هناسه:- اني شلون راح انام يعني اليوم ما انام

- صد علية، ازاد:- انتِ نامي اني اسهر عليَّ اخاف يگعد

هزيت راسي، والله هذا الانسان خبل شبي، گطع صفنتي لما
حط راسه على رجلية مگدرت ادفعة لانُ ادم بحضني اخاف
يگعد من النوم وازاد ظل يحچي واكل راسي اكل گعد يعدد
باصابيعة شنو يشتريلة كانو طفل والفرحة تارسة وجها

- لزم كف ايدي و ردف بتوسل، ازاد:- عليچ الله خلي انام يمكم والله حتى مو بالغرفة اهنا واذا تردين مؤمل هم ينام يمنة

هناسه:- عادي ماكو مشكلة لانُ خطية بارحة مؤمل مانايم ظل
سهران ويا واليوم تعب انتَ اسهر عليَّ

ازاد:- لا تروحين عليچ الله اروح اسبح وارجع

راح هوَّ واني گمت خليت ادم بمكانة ورحت جبت فراشات وفرشتهن
خليت فراش ادم بيناتنا ونمت من يم الحايط ميتة تعب شوية واجة ازاد

ازاد:- شوفي عادي احطة على صدري وانام من اني وطفل
اتمنى اسوي هاي الحركة من اصير اب

هزيت راسي بـ اي، ماريد اخرب فرحتة اني مو مثلة حقيرة
اذي غيري، شالة وحطة على صدرة ظل يهمس بكلام بَس اني
ما فهمتة من النعس محسيت بنفسي ونمت من التعب

فزيت على بچي ادم شفت ازاد يفتر بالصالة ويسكت بي بلاخير
سكت اطمنت عليَّ ورجعت نمت اول مرة انام هيچ نومة مرتاحة
ابد ماگعدت علمود ادم جريتها نومة لحد الصبح

فزيت الصبح على صوت عمتي، ام دلهم: ها يولي ما حملتي نمتي يمه

- فشلت من كلامها، هناسه:- عمه لا تفهميني غلط ماردت اكسر فرحتة وارفضلة طلب

رفعت راسي دورت عليَّ ماكو، گمت نظفت الفراش وملابس
ادم لگيتهن مطشرات والمميات بالگاع ونص الحليب بالگاع







هناسه:- الحمدلله مو يومية يمي

- دروت على ادم ماكو، اكيد عند مؤمل، صاحت عمتي
ام دلهم:- نتريك بالحديقة !

الكل اتفق وياها وطلعت شفت ازاد ومؤمل يتعاركون على ادم
ضحكني منظرهم وادم لابس ملابسة عكس

ظلينا ايام بيت عمي بغداد وازاد ابد ماعافني دوم وياي يسهر
على ادم واصلاً صرت اشوف ادم قليل كله يم ابو عبالك ما
مصدك بوجودنا وعمتي تروح وتجي تشكرني لانُ ازاد رجع
مثل قبل والفرحة مبينة على وجها

عمتي صاحت:- يلة الكل يحضر ملابسة نرجع للبيت

گمت حضرت ملابسي وملابس ادم ورحت جبت بعض الملابس
من على الحبل ودخلت لغرفتي وازاد حاط جنطتة مال سفر
بصف جنطتي

ازاد:- ابدل لادم
هناسه:- لا ميحتاج اني ابدل اله

ازاد:- هاچ بس ديربالچ

- هزيت راسي واخذتة غسلت اله وغيرت ملابسة وازاد اجة اخذ جنطنة
ازاد:- يلة

- مشيت هوَّ وراي يمشي وكل ثانية يعيط بصوت خافت، ازاد:- ديربالچ لا يوگع هناسه انتبهي هاي حجارة، هذا تراب انتبهي

- اخذت نفس بعصبية وزفرتة، هناسه:- ترا منتبة بس انتَ ثولتني
هاي شبيك دمشي عدل حتى راح اوگع

ازاد:- لا اسم الله اني وراچ ما توگعين

- كملت طريقي وگفني صوتة ، ازاد:- عادي تصعدين بسيارتي عليچ الله لا ترفضين

هناسه:- عادي فتحلي الباب

فتح الباب واخذ ادم مني صعدت وانطانيا واجة صعد ساق
السيارة، مسافة الطريق بعيدة وادم تنحس ظل يبچي گعدت
اسويلة ممة بسيارة وهوَّ وگف السيارة اخذة مني بين ما كملت
الممة وانطيتيا ظل يرضع وازاد يسوق

- فزيت على صوت ازاد يحچي بصوت كلش تعبان
ازاد:- بغيابچ ذبلت مثل الورد ورگة ورگة تدري شكثر غيابچ أذاني ترا الفراگ يكتل

- تنهت ونزل جاب بطل ماي وچبوسة الي، ازاد:- هذا صارو گدامي اكلي وخلي ادم ورا

هزيت راسي وحطيت ادم ورا وحطيت جنطة بصفة حتى لا يوگع
رجعت گعدت بمكاني مرتاحة لانُ رجلية وجعني

ازاد:- اني راجع لاهلي وخليچ انتِ عند اهلچ مثل ما تحبين بس اجر الچ غرفة

- بعصبية، هناسه:- لا ترا اهلي مو غريبين حتى تاجر غرفة
وتگعدني بيها ويا ابني وشي ثاني اخواني ميقبلون ويحبون ابني

ازاد:- هذا هوَّ لا تعصبين حبيبتي

- التفتت عليَّ وعقچت وجهي، هناسه:- لا دگول حبيبتي مو حبيبتك عندي اسم ام ادم







ازاد:- خوش ام ادم لا تعصبين نرجع ونشوف اني هم ان شاء الله
لا اقصر وياچ ولا ويا ابني وحطكم بعيوني شنو تحتاجين الچ ولادم
لا تطلبي من غريب اني زوجج وحتى لبس بكيفچ لبسي يمي

هناسه:- اهي اهي ليسمع يگول قبل چنت يمك اتنقب استقر استاذ ابو ادم

- ضحك، ازاد:- اخ اتمنى هسه شلع هالشفة

- بنتر، هناسه:- هي ابو ادم احترم نفسك ابنك يسمع

ازاد:- الكثير من ابو ادم شنو ما مصدگة اني ابو ادم

- هزيت ايدي وهمست بصوت خافت، هناسه:- والله خبل

- وصلنا للبيت شلت ادم وهوَّ اخذ الغراض، ازاد:- اخذي غرفة وحدچ بيتكم

هناسه:- ماعرف اشوف اهلي

ازاد:- اني اصرف انتِ بس فرغي نفسچ لابنچ

هزيت راسي ونزلت للبيت راسًا لبست لبس مريح وفتحت گماط
ادم صار يلعب بايدة براحتة ومبتسم خليت مخاد يمة و رحت غسلت ملابسة وملابسي ولگيت ملابس ازاد ويا ملابسي هم غسلتهن

شوية وسمعت ادم يبچي بشكل غريب طلعت اركض عليَّ
احس الغرفة صارت مسافة محافظات رجلية ماتن اكيد مات
وگع ومات وصلت لـ غرفة شفت ازاد موجود و حاطة بحضنة
وادم يبچي والملهي بحلگة

ازاد:- والله ماسويت شي اله عبالك طفل چيبر والله وداعتچ بس بستة بخدة

- اخذت نفس بخوف وگعدت حيلي لسه يرچف من الخوف
هناسه:- شسويت بية ما ظل عندي حيل من الخوف، عبالي صار بي شي وگع ومات

ازاد:- اسف بنيتي

هناسه:- جيبة جيبة اسكتة

اخذت ادم وسويتلة ممة وسكت وظل يلعب ويا ابو، واني گمت
طلعت اسوي اكل وسويت شي خفيف وكملتة اخذتة للغرفة

هناسه:- ابو ادم تاكل

- رفع راسه باوعلي، ازاد:- اي والله جوعان بيت الياس مرات اطلب
منهم مرات صاحبي يدز استحي اطلب اكل من البنات او اني اسوي

هناسه:- تعال اكل

- اجة گعد ياكل ويسولف على ادم شوية ودخل مؤمل:- وليدي وين ولكم اخذتو ابني مني يا گوا**

- راح على ادم وصاح، مؤمل:- ابوية وليدي حبيبي مدللي شلونك زلمتي ولك ما گلت ابوية وين راح

- ادم گام يبتسم فرحان، ازاد:- انتَ ماخذ الدور زياردة لا تنسى ترا هذا ابني

مؤمل:- ابني حتى مسجل باسمي

ازاد:- بالمحكمة اشعل ابوك گـ** اذا ماغيرت اسمة

مؤمل:- لا يمعود بس بالمستشفى وبدكتور باسمي يظل ابنك
ويشيلك بالكبر بس ديربالك علية وعلى امة وحطهم بعينك

ازاد:- لا توصي حريص عليهم مشكور وفترة غيابي بالك يمهم

مؤمل:- اطفالي الثنين ادم وامة بعيني اذا انتَ غايب او موجود
بامانتي مثل بنيتي ذكرتوني بالعزيزة مشتاقة لعيونها







- ضحكوا وازاد خلص اكل واني بعدني گاعد اكل، ازاد:- شگد مشتاقة لهذا لعيون

- مد ايدة ونترت بي، هناسه:- لا تمد ايدك ما ستنضفها

- رجعها وبلع ريگة، ازاد:- تمام ما صار شي الـ تحبي يصير
يلة اني اروح لبيت مؤمل وهم اخذ ادم وياي

هناسه:- تمام

اخذ ادم وراح واني لملمت وگعدت ارسم واكتب اشعار من
ضوجة وشوية ورحت لبيت عمي كل مجموع نسوان وزلم
يسولفون وادم بحضن ازاد ومؤمل گاعد يمه

مؤمل:- كافي ترا صارلة ربع ساعة بحضنك واني وياك اتفقنا
كل 15 دقيقة الواحد مرت دقيقتين يلة انطيني ترا زودتها ازاد

ازاد:- ترا عايش لحظة هذا ابني بابا ابني اني سويتة اني
تعبت علية وانتَ من اشهر يمك اني ما صار يومين من شفتة
خلي يعرف اني ابو يعرف حنان ابو شبيك لازگ بـ** شعندك
روح لام عيون الازرگ شعندك يمي امشي مؤمل

مؤمل:- والله انطيني ادم مايصير

- شالة ازاد وحطة بحضن مؤمل، عبدالله:- اي صلوات خلصت المسريحة امداكم مشوربين ناس ترچف منكم ومتعاركين على زعطوط

ازاد:- انچب انتَ ثاني

رحت گعدت يم عمتي وعمة لزمت ايدي:- مشكورة يمه هيچ
ورجعتي وليدي وفرحتيني بشوفتة ابد لا تحرمي من ابنچ

هناسن:- ان شاء الله عمه حرام علية اب وابنة ومستحيل
اخلي ابني يعيش بدون اب اني عشت وشفت وابني ماريدة
يعيش يلي عشتة اني وشفتة عمه ازاد لازم يتعالج هم يضرب
ويعذب ويعنف ابنة مثل ما اذاني وختمها بالاعتداء ؟

ام ازاد:- لا يمه والله هوَّ ابنة ويحبة وضنا

هناسه:- عمه لعد اني ميحبني يحبني ويعشقني واذاني بس
هوَّ مريض مريض عمه لازم يتعالج

- صاح ازاد فززني من مكاني، ازاد:- ها بنتي شبيچ وجهچ احمر وعصبية طاوس شسويتي لبنيتي

هناسه:- لا مو شي بس نتناقش

ازاد:- تتناقشن وهيچ صوتكم واصل لسابع جار لو عركة شنو سون

- فركت ايدي بتوتر، هناسه:- لا مو شي انطيني ادم حتى ينام براحة

گامت عمتي اخذت ادم من ازاد وظلت تفرك بظهرة وادم ظل
يبچي فرفح بيدها گام ازاد اخذة منها ومسح وجها بعصبية

ازاد:- كافي موتي طفل هاي شنو لعب تلعبوها بابا ميصير
اريد اشوف بعد وحدة هيچ سوي هذا موت بحق الطفل والله
اشوف امي لو انتِ هيچ سون بي ما تلومن الى نفسچن فاهمات

- اخذ ادم وطلع واني ظليت ادردم ويا نفسي
هنايه:- عُمرة ذيل چلب ماينعدل مو انوب ازاد ينعدل

- عاط بصوت عالي من برا، ازاد:- ام لسان جايچ طالع لسانچ ولچ

- هزيت ايدي گعدنا نسوي اكل للعائلة واجتي ديمه مكفشة
ديمة:- بابا يكول وحدة منچن تمشط شعري يوجعني لا يصير بي دوده







- لزمتها وگعدت امشطلها وسويتلها كباية، ديمة:- شوفي هناسه ملاك دگلي اني عندي ام بس انتِ ماعندچ گولي لابوچ ماعندي ام يشتريلچ ام

- مسدت على راسها، هناسه:- لا حبيبتي ماعليچ بيها انتِ
عندچ معن بابة وامچ فوك بالسماء هناك اشوفچ بالنجوم مثل
صورة ومن تنامين تجي تحضنچ وتبوسچ بابا مو گلچ مو كل
ما تگعدين تلگـين كيكة ونستل بصف راسچ هاي من ماما

ديمة:- اي
هناسه:- خلاص لا تنقهرين بابا وماما وكلنا نحبچ

گامت باستني وراحت لابوها مرّ الوقت ورجعت للبيت والايام
تمشي ويا ادم وازاد وادم يكبر كدامي صار عمره 4 اشهر
وازاد تشافة من مرض السرطان بعد مرجعات وتحاليل
وأدوية واخيراً صار زين وخلص من السرطان .

اليوم اتفقنا كلنا نطلع لمدينة الالعاب واجة ازاد بدل لادم صاير
يداري ادم ويهتم بي اثر مني سمعت صوت ازاد يصيح

أزاد:- يلة هناسي امشي نطلع

طلعت وياهم طلعة شبابية گعدت بصدر يم ازاد وادم ليورا بـ كرسي
مال اطفال، مشينة مسافة الطريق وازاد طلع من ورا علاگة سودة

ازاد:- هذا الچ ابوية الطريق طويل

اخذتة منه وفتحت العلاگة شفتها حلويات گعدت اكل وطول الطريق
وهوَّ مطلعنة اغنية " شمسين " ويدندن وياها صاح بصوت ناصي

ازاد:- احـبچ يالوعة كَلبي يالمتربع بنص كَلبي
اني شمسوي بحياتي وانتِ اجيتي الية

ابتسمت على غزلة الغريب ومرّ الوقت بسرعة ورجعنا للبيت
وازاد وصلني للبيت وراح لبيت اهلة صعدت لغرفتي بدلت
وكملت مرت الايام لحد يوم اجتي روزة، روزه:- اكو بنيه اسمها
سجى كاتبة تعرفت عليها

هناسه:- وانتِ ممخليه بنية ما مصادقتها مرة غدير مرة عسل
بلا انطيني حسابها خلي اراسلها

اخذت حساب سجى وتعرفت عليها صارت اختي وصديقتي
واعز ناسي غلاتها من غلات ادم

هناسه:- ازاد غريب يكول اليوم عندي خفارة بالمستشفى
واحسه يجذب بَس هوَ يدزلي صور بَس ما يصعد اتصال كامرة

سجى:- دشوفي لصراحه اني شاكه بازاد يجذب عليچ بسالفة
شغله دگي عليَّ كامره وسئلي .

هناسه:- اني هم ولچ مرات يجي تعبان لو ايده مجروحه وضعه
كُلش غير ويحچي كلام ممفهوم

سجى:- هسه روحي دگي عليَّ كامرة وشوفي يرد او لا

لزمت تليفون ودگيت على ازاد كامرة وما رد ظليت الح لحد ما رد على اتصالاتي !، هناسه:- سجى تگول انتَ ضابط صُدك ؟







- ضحك بصوت ، ازاد:- اي ضابط

- عطت بفرحه لانُ كشفت الحقيقية !، هناسه:- من زمان سجى
دگلي ازاد ضابط لانو ياكل حياية وحركاته وشغلة مو مال دكتور

- عاط بصوت ، ازاد:- اي صح من وره تدريب اكل حياية
وخلي تكرص دودتها بعد، اخخ سجى بلاء علية

ضحكت وظليت احچي ويا ومرت الايام گعدت وادم گدامي
صفنت بي مشغول بالي بي هالايام صاير ما يشرب حليب
وكلش ضغفان ومريض ! فزيت على دگ التليفون شفتة ازاد
گاعد يتصل، رديت عليَّ

ازاد:- باچر حضري نفسچ نعقد محكمة ولا تتعشين اني اجي ونتعشة سوية

- اخذت نفس، هناسه:- تمام

گمت سبحت ادم وخليتة بچربايتة ودخلت اسبح واني لما اسبح
اتاخرت بالسبح ساعة، كملت سبح وطلعت لگيت ازاد گاعد يم
ادم وجايب اكل ويا وتعشينة وازاد ظل يحچي ويشمر غزل

ازاد:- مريتي ، الفستقة ، بنيتي الاحبها ، بنياتي ، اشهگچ

- باوعت شفت ادم بحضن ازاد، ازاد:- ابن الگـ* حبيبي بابا اكل حتى اصير زلمة

ظل يمنة واتصلوا عليَّ وظل يحچي بالاتصال ساعة واكثر
واني هم گعدت على مبايل وشوية وسد الاتصال ازاد وشال
ادم حطة على صدره وظل يتوسل بي حتى يشرب حليب بس
ادم ظل يتنحس وما قبل ابد

ازاد:- الله يهديج بنيتي وترضعي خطية شنو ذنبة تقبلين احرمچ
من الاكل ! وفائدة الرضاعة يوخر الاكتئاب ويقلل الوزن

- صفنت ويا نفسي وبَس اتخيل نفسي ارضع ادم تكش نفسيَ
هناسه:- لا تقنعني نفسي تلعب ما تنطيني نفسي

- گعد وتربع و وحط ادم بحضنة، ازاد:- ها الله ما هداچ شوفي خطية

حطة بحضنة وصار يضرب بخفة على ظهرة حتى ينام ويهز
برجلينة وادم فحط بچي

ازاد:- يابه شسوي لامك الخبلة ما تقبل

گمت اخذت ادم من عندة وهم ظل يبچي وبلاخير مليت ونزلتة
يم امي وعمتي ام ازاد يمنة وازاد نزل ورانة وعمتي ظل تعلمني
شلون احطلة دهن ولعب برجلينة وازاد ظل مركز وتعلم وياي
وكملت وگام ازاد اخذ ادم منهم

ازاد:- يوم تباتين هنا
ام ازاد:- اي

- گلب وجها، ازاد:- هوَّ ساكنين بيت جسام انتِ وابنچ اني
بغرفة مرتي وانتِ شعندچ معوزة حنان

گمت اخذت ادم وصعدت فوگ وعفتهم ونومت ادم واني هم نمت
شوية وحسيت على ازاد يلعب بشعري وباسني وبعد ما حسيت
بشي، گعدت ثاني يوم على صوت ازاد يبوس بـ ادم ويحچي ويا

ازاد:- افيش يا شمامة روحي

جريت نفسي بكسل وباوعت على ملابسي شهگت ! شفت
ملابسي متغيرة عرفت هاي سوالف ازاد







ازاد:- حضري نفسچ نروح للمحكمة نعقد

هزيت راسي وگمت غسلت ولبست بنطرون وتشيرت ومالبست حجاب
وادم عفتة يم عمتي وصعدت السيارة وهوَّ طلع اغاني وغمزلي وابتسم

ازاد:- بعد محد يفكچ مني صرتي كلچ ملكي ملك ازاد

گلبت وجهي وانطلقنا للمحكمة شوية وصلنا للمحكمة ونزلت ويا
ودخلنة للمحكمة وكملنا الاجراءات وراها جابوا كتاب چبير وقعت
عليَّ وبصمت وجابوا ورقة هم وقعنة عليها وكملنا الاجراءات

لزم ايدي وطلعنا صعدنة بسيارة واني صفنت ويا نفسي يعني
خلص صرت مرتة قانون وشرعاً، فزيت من وباسني من شفتي
ولزمني من وجهي بدينة ثنينهن جعص خدودي وراسًا حطيت
ايدي على صدرة صرت ادفع بي وهوَّ موخر اله برضاتة

ازاد:- افيششش على هالعسل لو هيچ عسل لو يبيعون

- خزرتة وعطت، هناسه:- ليش

ازاد:- اعذريني مريتي

- غمزلي وضحك، ازاد:- بس ابليس

- فتحت عيوني على كبرهم، هناسه:- انچب ماتستحي

ازاد:- هوَّ المستحي شحصل انعل ابو العيب

تقرب علية وحضني بكل قوتة وابتعد وفرك وجها ورجع يسوق
ورجعنا لبيت عمي كمال وازاد شال ادم ورحنا لبيت ازاد

ازاد:- لا سوين غدة اني اجيب

هزيت براسي وگعد ازاد يلعب ويا ادم وجاب اكل واكلنة وراها
رجعت لبيت اهلي، مرت الاشهر ادم دخل عُمر خمس اشهر كبر
ونشنش متعلق بابو كلش وابو صار ينام يمنة لانُ واحد متعلق بثاني .


يـتـبـع ...

_
𖡻 روزه 𖡻

گعدت انظف بالغرفة ودلهم طالع واني شاكة بروحي حامل اذكرت
عندي جهاز فحص الحمل المنزلي سويت تحليل وطرت من الفرح من شفت خطين فرحت حيل ما مصدگة اريد اگمز من الفرح

- نزلت ركض رحت لـ مؤمل ، روزه:- حباب اخذني للسوگ

مؤمل:- حضري روحج لبين ما اكمل صلاتي

ركضت صعدت فوگ لبست صاية ونزلت صعدت بسيارة انتظر
مؤمل يجي شوية واجة متعجب على وضعي ؟

مؤمل:- شكو شبيچ خوفيتني

روزه:- معليك اخذني لمحل الهداية

مؤمل:- هنيالك دلهم هسة لو انه مزوج وهيچ دللني مريتي

- ضحكت، روزه:- اي احسد احسد

لاف السيارة ومشة وصلت لسوگ دخلت للمحل واخذت علبة
وحطيت بيها حذاء مال طفل وتيشيريت طفل واختبار الحمل
نسيتة بيدي من الفرحة صعدت بسيارة ومؤمل ماكو شوية
واجة من بعيد شفتة ديتصل صعد بسيارة







مؤمل:- شكو متگليلينة منحسد عيني

- مرديت عليَّ طلعت تليفوني وحطيت بيدة، روزه:- صورني بس لا تبيني اني بس ايدية

- عقج وجها!، مؤمل:- ستوريات اكيد

- ابتسمت، روزه:- بضبط فديت اخوي الي يفهمني

- حطيت ايدي على حنچة، روزه:- يمه فدوه الحماية الحب

مؤمل:- تعالي شديلي گرون

- متت ضحك على كلامه ، روزه:- يلا صور عوفنة من هالحچي

گعد يصورني واني حطيت اختبار الحمل والحذاء وتيشيرت
وصلنا للبيت وصيت معن يجبلي كيكة خطية ماقصر علگت
بوالين حمر وبيض بسگف وفرشت الگاع بفراش احمر والسرير
فرشة حمره وبيضه وشموع حمر ركضت للحديقة شلعت ورد
جوري احمر نثرتهن على الگاع والسرير

كملت تحضير الغرفة ورحت سبحت ولبست سيت لونه احمر
ونثرت شعري وحطيت العطر الي يحبه دلهم ولبست حجل
وگعدت انتظرتة حتى يجي واخذت كومة صوره

سمعت بي يدندن وكفت وره الباب وهوَّ دخل تفاجأة من منظر
الغرفة ظل مصدوم واكف واني طلعت من وره الباب وحضنته

روزه:- احبك ابو بيتي

- دار وجها علية ، دلهم:- شعندي غيرچ حمامتي

- ابتسمت بخجل ، روزه:- اگعد اگعد

گعد وجبتله الهدية حطيتة بحضنه فركت ايدي بتوتر والفرحه مبينه بوجهي ! ، روزه:- افتحها

فتحها وانصدم اريده يرمش ماكو گمز فجاة فزيت وهوَّ منطاني
مجال راسًا شالني وظل يفتر بيه بالغرفة

- باوعت عليَّ الابتسامة شاگة حلگة، دلهم:- شحچي لساني
نربط ساعديني داحچي راح يصير عندي طفل منچ مداصدك
لچ مداصدك

روزه:- نزلني راح اگع

- ضحك ، دلهم:- ولچ مامصدك حمامتي حامل مستحيل

- غابت ابتسامته واني هم مثلة، دلهم:- اخاف مثل حر

راسًا حطيت ايدي على حلگه، روزه:- اشش اسكت لا تحچي هيچ

حضني ظل يبوس بيه عطت بوجع، روزه: على كيفك شفطت وجهي

دلهم:- ولچ اليوم اموتچ

- بدلع ، روزه:- والطفل

دلهم:- ولچ انوب تتموع لك نشعلت صفحتك مؤمل

روزه:- مؤمل شعلي انوب

دلهم:- نشعلت صفحتك ازاد ابن الگوا**

ضحكت، روزه: تخبل تخبل اليوم شيخلصني من طاوس خبلت الولد

طلعت اغنيه هادئه گمنا نرگص على الاغنيه الهادئة وتحت
انظاره طفيت الشموع ونمنا چانت احلا ليلة بعمري غمرني
بحبه وحنانه محسينه بالوقت شِلون يمر .







- گعدت الصبح شفته نايم لعبت بوجهة وشاربه ماحس غير
نعضيت باصبعي، عطت بوجع

روزه:- شبيك دلهم شكو عضيتني

دلهم:- شكو صافنة على خلقتي

عوجت شفتي، روزه:- شعليك هذا حبيبي ليش تدخل وتعض

دلهم:- عمي هم صدك حكچ

رفعت راسي باوعت على غرفة گايمه وگاعدة، روزه:- شراح ينظفها استاذ

دلهم:- يلي سوتها تنظفها

- عطت ، روزه:- ولا يغزر بيك

ضحك، دلهم:- فدوه اروح لهالصباح يمة بنيتي محضرلچ مفاجأة

روزه:- شنو المفاجأة

مقبل يگول عضيت اصبعة، دلهم:- اخ بس لو تبطلين هاي الدودة العندچ كتلچ مفاجأة من اسمها مفاجأة

بستة وگمت وضميت الكيكة والعصائر ونظفت الغرفة
وسبحت ونزلت، الجو حار نار وحنى بشهر سابعة، شفت
البنات وبشرتهم بخبر حملي والكل فرح وباركولي وباسوني

هالطفل عوضي عن الخسرتة والبيت صار كلها فرح وهلاهل
ومؤمل يحشش وديمه فرحانة راح يصير عدها اخت والشرط
لازم تكون بنية

صارت جمعة ببيت اهل هناسه وصار هواي مشايفة هناسه
البذات حتى ماتجي تسئل علية، طلعنا وبشرت عمتي بالحمل
وطيبه ظلت تگمز واصيح

طيبه:- بيتنة حيصير كله اطفال

غابت ضحكتها فجاة، طيبه:- ياريت لو حروري ويانة بهاي الفرحة

- تنهدت بقهر، روزه:- طير من طيور الجنة يشفعلنة بالآخرة

گعدت وياهن اساعدهن على الغدة دخلت للاستقبال كله
گرايبنه وشفت هناسه كاعدة صايرة ثلچ ماكو حباية وحدة
بوجها ماكو عبارة عن قالب ثلچ صايره تخبل اجتي تركض
حضنتني وبطنها محلي جسمها رغم قصرها وسمنانها بس
تجنن وصايرة عدها خدود صليت على نبي عيني باردة عليها .

مرت فتره فزيت بخوف على صوت ازاد يصيح حسيت هناسه
صايرة بيها شي طلعت اركض شفت ازاد گاعد وهناسه جواها
دم وماي وتبچي وهوَّ يبچي وياها، اخذناها للمستشفى بعد
جراءات جابت انطوني الطفل اخذته غسلتة وطلع ازاد وراي
اخذة مني شالة وباسة

ازاد:- اسمي ادم من طلب امة بس اني ردتة فهد

تعجبت شِلون لزمة وهوَّ ميحب هيچ اعمار ابدد وهوَّ ظل يبوس
بي ابتسمت على منظرهم تمنيت لو مزوجين وهذا طفلهم مو
بهاي الظروف جاي ! فززني صوت الطفل يبچي بس بچية
بصيغة عياط هرجنة بعياطة، ضحكت

روزه:- مبين ابنك عصبي

- باسه وضحك، ازاد:- هوَّ كله طالع على امة

مرّ وقت وگعدت هناسه وكدناها حتى تاكل وليلة ظليت بايتة
يمها اني وازاد طلعت من غرفة هناسه شفت ازاد حاط ادم
بحضنة عجبني منظرهم كُلش حلو حاطة على صدرة وكاعد
على كرسي المتحرك يهز وحاضن ادم بين اديه يحاول ينومه
لحد ما نام وهناسه ظلت اصيح من الوجع انطوها مسكن
ونامت لثاني يوم، طلعناهم لبيت عيالي







ام دلهم:- اني اداريها بيدي

ازاد مارجع ويانة مرت ايام نعتني بابن هناسه وازاد وسوة
جو حلو بالبيت بس حيل عصبي بحيث لما يبچي يصيح

اجة دلهم يمي يبين عليَّ مستعجل، دلهم:- البسي وتعالي

- ركضت، روزه:- شبيك حبيبي وين نروح

دلهم:- مو كتلچ هاي دودة كتليها شوكت تكتليها

- گلبت عيني بملل، روزه:- يبو حبدل

دلهم:- لبسي شلون ماجان

هزيت راسي وحطيت صاية وشال وركضت صعدت بـ سيارة
وهوَّ حطلي اغنية " محمود التركي " " يا ملاكي " ويغني
وياشر ويا الاغنية وصوتة حلو

- عاطت يصوت ، دلهم:- هالشي ممطروق يا ملاكي

- فزيت من عيطتة! ، روزه:- شبيك حبيبي تخبلت

دلهم:- دعوفينة متونسين

غابت ابتسامتي لما شفت نفسي داخلة بالبستان يلي اعتداؤه
علية بي، بس هوَّ عكسي الضحكة شاگة حلگة

روزه:- وين جايبني دلهم

گمت ابچي خايفة بس هوَّ ولا همة طبينة ونزلني من السيارة
لزم ايدي واني ارچف، دلهم:- شكو ترچفين يردلچ حيل

روزه:- راح تغتصبني

دلهم:- فديت اخلاقي وتربيتي يابة

ضحك بصوت واني ميتة خوف وهوَّ يضحك بصوت عالي
دخلني لبيت تفأجات من شفت الـاشخاص يلي اعتداؤه علية
مربطيهم، وجلاب سود ساديهم ويعون بس يهدون الجلاب
يهجمن عليهم

- انطاني عصة، دلهم:- بردي كلبچ بابا

لزمت العصة وماعرف مين اجتني هاي القوة گمت اضرب بيهم
حيل كل ماتعب اذكر شلون إعتداؤ علية تجيني القوه، الصوندة
يلي بيدي عريضة وبداخلها عودات ماسحة وملفلة بتيب اسود
واني لازمتها وثگيلة ماظل عندي رحمة مجرد اذكر سوو بية
اضربهم بكل قوتي

صحيت على زماني باوعت عليهم دم يطفر منهم ودلهم واگف
يباوع مبتسامة بوجهي

دلهم:- لا تعبين روحچ انه ردت كلبچ يبرد

- طلع السلاح واني سديت اذاني، دلهم:- تقربي

- خفت اتقرب عليَّ بقيت بمكاني، دلهم:- انطيني ايدچ

محركت نفسي من الخوف اجة من ورا وحضني وحط الاسلاح
بيدي وحضن ايدي بيدة وضرب الولد طلق ودم صار يطافر
وجهه السلاح على الولد الثاني جسمي گام يرجف

بَس بهالحظة الرحمة نزاحت من صدري صرت انسانة قاسية
بس تريد تدافع عن حقها ماهتميت لاحد خلصت سالفتهم
وماتو والجلاب اكلو جثتهم .

- ورجعنه للبيت لگيت هناسه تتمشة بالطرمة وشايلة ادم
روزه:- شلونة حبيب عمتة

- ابتسمت، هناسه:- زين شوي







دخلت لغرفتي نمت فزيت على اتصل ازاد علية استغربت
شعجب اتصل، جاوبت اجاني صوته يبين عليَّ التعب !

ازاد:- اخوية عادي جيبين ادم بس اشوفة

دخلت للغرفة شفت هناسه نايمه اخذت ادم وطلعت بدون
ما تحس صعدت لغرفتي انتظر ازاد يجي سمعت صوت
الباب اندگ ٣ مرات ودخل لغرفتي ظل صافن على ادم
كانو لوحة فنية ويتابع تفاصيلها ابتسم وباسة وظل يبوس بي

ازاد:- بس نص ساعة

- هزيت راسي، روزه:- هذا حقك طفلك هذا

من سمع كلامي ابتسم طلعت من الغرفة بَس ليهسه مصدومة
شِلون متقبل ادم هيج وهوَّ ما يحب الاطفال ! ظليت انتظر اخاف
هناسه تكعد كل ثانية انزل على هناسه لا تگعد ومن الصعدة
والنزله تعبن رجلية .

شوية ورجعت لغرفتي شفت فلوس حمر يم ادم عبارة عن
فلوس وحمُر تارس حضنة وبيد ازاد يعني لو ظل منا لباجر
احسبهن ما يخلصن جمعت الفلوس ضميتهن لـ ادم وهوَّ
باسة ادم وطلع واني هم شالت ادم ورجعتة لهناسه شفتها
گاعد جديد

هناسه:- لازم ارجع للبيت صالي هواي هنا طولت

ساعدتها ولملمت الغراض وياها، مرت فتره واني حياتي
عبارة عن انس ودراسه ودلهم راضي بيه الحمدلله مرت
شهرين على ولاده هناسه وكُلش متونسين عبى ادم صدك
دومة يبچي وعصبي ويصيح ويصير احمر واذا احد باسة
يظل يصيح يعصر بنفسة لحد ما يصير احمر وينقطع نفسة

اجتي هناسه شايله ادم ملبسته ابيض واسم ادم على تيشيرت
طالع يخبل نطتة لعمتي وعمتي گعدت تقرالة ايات عليَّ وعجبني
لبس هناسه لابسة اسود وصايرة تخبل وخدود عدها شعرها
قصير محددت لحد رگبتها حاطة حمرة وابتسمت

هناسه:- هاي

هزيت راسي، فزيت على صوتها، هناسه:- هاي جنتي مركزة بية

صليت على نبي وركضت بدلت لـ انس وبطني كبرانة، شوية
صاحني دلهم ، دلهم:- ابويه حضريلي دشداشة

انتبه علية وصوفر، دلهم:- ابوية هاي شنو تعالي تعالي اكلچ

رحت يمه نومني على جرباية، دلهم:- اليوم ماعوف هيچ كيك

- بصوت ذايب ، دلهم:- عادي بس اخذ كم شوط وعوفچ

هزيت راسي بالقبول و.... طلعت اسبح وهوَّ وياي وخلصت
ورحت دخلت لغرفه سما

سما:- ساعة ننتظرچ عزه بعينچ سابح

- غمزت وحركت حواجبها، سما:- ها احچي شسويتي ولچ وقت هسه تنامون

- ضربتها، روزه:- شعليچ

طلعنا كلنا للحفلة تعرفت على بنات وناس تعرفت على خاله ام محمد
ام محمد:- بعد كم شهر خطوبة ابني اريدكم اول حاضرين







كملنا الحفله ورجعنة للبيت بدلت لانس وليدي صاير جبير و
واكلتة گعدت العب ويا وعلمة كم كلمة انكليزي حطيت التلفون
بيدة ورحت اجهز نفسي ورجعت شفت انس نايم بستة بخدة
وصار طبع الحمرة بخدة شالتة حتى اخذة لغرفتة الخاصة

اخذتة لغرفتة و طلعت صار دلهم بوجهي بستة بخدة و صار
خدة حمرة بس ماگتلة، دخل لغرفة انس واني رجعت لغرفتنة
ولبست دشداشة قصير وسمعت باب تندك وصوت دلهم يصيح

ذكرت الحمرة بخدة خفت حيل شوية واحس الباب انكسر من الدگ فجاة انفتح الباب واجة جرني وعضني من خدي فرفحت روحي

دلهم:- فضحتيني مكاعد تروح الحمره ولچ باچر اصير مضحكت
للمركز واني الرايح والجاي يحترموني وكل ما يشوفوني يضربولي
تحية بس باجر يضحكون بنص وجهي خزيتينة

برطمت من وجع خدي حيل اذاني راح لف راسه ونام واني رحت يمه
روزه:- اسفة والله مو بقصدي

دلهم:- امشي من يمي اريد انام وراي گعدك من الفجر

سد الضوء ودار وجها ونام واني برطمت وكتفت ادية وبچيت
طلعت شهكاتي وهوَّ هم گام فتح الضوء باوع علية بقلق وخوف ‏

دلهم:- اسم الله ابويه شصاير ليش تبچين

روزه:- من وراك انتَ بچيتني

- حضني وباسني، دلهم:- اسف ابويه اسف يا روح كلبي
اني بشوفة عيونچ عايش تعالي يمي

اخذني نومني على بطنة اني وكرشي استسلمت للنوم وثاني
يوم اخذني لدكتورة

دلهم:- لا تشوفين شنو جنس الجنين خليها على الله

- هزيت راسي وسكتت وهوَّ سكتت وشويه ورجع ردف
دلهم:- لا شوفي اشو تحمست اريد اعرف وليدي بنيه او ولد ان شاء الله بنية

ابتسمت وشفتة هواي يلح يريد بنية، وصلنا ودخلت لدكتورة وفحصتني:- صحت البيبي زينة منتضمة ويا العلاج والاكل عاشت ايدچ

- ابتسمت براحة، روزه:- عادي ادخل زوجي يشوف طفلي

هزت براسها وصاحت عليَّ ودخل دلهم وحطت الجهاز على
بطني ورجعت فحصتني :- ثنين تؤم

دلهم:- صلى على نبي، الحمد الله بنات صح

- لزمت الجهاز:- نشوف هذا الوكح

- ظلت تباوع بشاشة وشوية وصاحت:- مبروك بنوتة بَس الجنس
الثاني حاولت ما يطلع بسونار هسه

تشكرناها وطلعنة، دلهم:- لو ما عيب من العالم لابوسچ من هاي الشفة الحلوة

حضني وراح يشتري جكليت وحلويات وزع لناس ورجعنا گالنة
عمتي والكل فرح بعد اسبوعين تقريبا هم رحت سويت سونر و
عرفت بيه بنية و ولد







مرت فترة حياتنا ماشية للاحسن متونسين كُلش وطلعنا لاربيل
١٥ يوم من احلى ايام حياتي ويا دلهم وانس

- رجعنه للبيت الظهر:- عدنة حفلة خطوبة ابن خاله ام محمد

جهزنة نفسـة وكلنا طلعنا من وقت لبيتهم دخلنا بيتهم بسيط
ومرتب سلمنة عليهم ومرت ساعات من الحفلة بس ادم وانس
تنحسو من الجو لانُ باردة وصارت بوخة من هوسه والنسوان
طلعنا برا بالحديقة

انتبهت على بنية حيل ناعمة شايلة طفلة تبچي يطلع عمرها
5 سنين من البچي صارت حمرة تفأجات من شفت البنية
ضربت الطفلة كُلش ضجت لانو ضربتها ! صاحت هناسه

هناسه:- عاشت ايدچ والله خوش سوين

روزه:- لا ميصير هسه حنى مو طفالنة ديبچون اشو ما نضربهم

اجتي البنية گعدت يمنة انتبهت عليها طريقة مشيتها وجمالها
ولبسها يخبل سلمت علينا وگعدت يمنه وانطت جهازها للطفلة
وظلت ساكتة

روزه:- شصيرين منهم
:- بيت حماي

ابتسمت بوجها، وهناسه ظلت تسئل شكد عمرچ ومزوجة لو لا
بختصار هناسه صارت استخبارات اجمع معلومات

ام عباس:- هاي بنتي خوخة

- هناسه ضربت ايد بيد صدت علية، هناسه:- ولچ حرمات طلعت مزوجه وعدها بنية اني كلت اخذها لمؤمل

روزه:- انچبي وندى شنو انچبي وسكتي

- ظلينا نسولف، هناسه:- اصير صديقتج

- ابتسمت بهدوء، ام خوخة:- اي عادي صديقتي ثانية

هناسه:- احب اصير الـ أولًا

ام عباس:- على راسي انتِ وسجى ثنيناتكم اخواتي

هناسه:- يلا حتى اتعرف على سجى، خية عندچ انستا انطيني

- هزت راسها وانطتها اليوزر، روزه:- حبيبي ام عباس هناسه دز يوزري الچ

ظلينا نسولف لحد ما وصلت تحچي على قصة حياتها كلها
حچت الية شبعت قهر عليها حياتها اسوء من حياتي صدك
اشوف مصايب العالم تهون مصيبتك عليك

ام عباس:- بس الحمدلله وسجى كاتبة

هناسه:- يولي روزه ليش متكتبين قصتچ راسلي كاتبة تكتب قصتچ

روزه:- معرف والله اشوف اتعرف على البنيه

رجعنا للبيت فترة وتعرفت على سجى بنية حبابة حسيتها
صارت اختي .

اجتي هناسه هم ظليت اسولفلها على سجى وهناسه رادت
حساب سجى انطيتة الها ومرت ايام تفاجأت بوفاة عمي ابو
دلهم يلي ربًا دلهم يعني مو ابو الحقيقي بَس دلهم يحسبه
مـثل ابو لانو ربا لتمت النسوان والعالم وهوسه وادم يبچي
وهناسه تبچي ويا







لليل كلنا گعدنة بغرفة عمتي حچيت ويا سجى اخذت من خاطري واني دزيتلها ادم ابن هناسه حسيتها انصدمت من عرفت هناسه عدها طفل

مرت الايام والاشهر صرت بشهر الاخيرة من حملي وگاعدة
افكر اسماء اطفالي تؤم وانس گاعد يمي وحاط راسه على
رجلي وكل ثانية يبوس بطني دخل دلهم بالبس الشغل

دلهم:- الله يساعدج حبيبتي شو گاعدة بس لا عندچ تقلصات

روزه:- لا بس انس عاجبة يبوس اخوانة

- دخل سبح وطلع حط راسه من صفحة ثانية على رجلي
روزه:- شنو نسمي اطفالنة

دلهم:- الولد انتِ اختاري والبنية أيليا اخوچ مو اجاج بالحلم يكول سمي أيليا

روزه:- اي بس اكو اسمين حلوات عجبني صديقتي كالت عليهن
دلهم:- اي كملت

روزه:- ايهم ونازه

دلهم:- بكيفچ بابا انتِ تعبتي عليهم انتِ اختاري

مرت الايام عادية گعدت الصبح على تقلصات تروح وتجي
والوجع بگلبي ورجلية منفوخات تعبانة بالگوة متحملة الوجع
من الصبح وتقلصات تروح وتجي ودلهم ابد ما عافني دخل
للغرفة شايل قطعة قماش حطة على رجلي دافية ارتاحيت شوية

لزمني من ظهري ونومني على رجلة دلك راسي وبالمشط شعري
على كيفة باوعت شفت انس على تليفون شاف ابو يمسح براسي
ركض يمي حط راسه بحضتي وصار يبوس ايدي وراسي

فجاة حسيت على حرورة ماي حار نزل، روزة:- دلهم دلهم شي حار ماي حار نزل

- شالني طلع يركض حطني بسيارة وصعد
روزه:- وين وين دلهم لابس برمودة هيچ للمستشفى

نزل ركض من سيارة اربع دقايق اقل صعد راد يحرك السيارة
وگفتنا عمتي واخذناها ويانة وانس نزلتة بيت ازاد

واطلقنا للمستشفى واني طول الطريق اعيط ودلهم يلتفت علية
ويباوعلي بخوف وصلنا للمستشفى اعيط من وجع شفت الموت
بعيني وظليت اوصي دلهم

روزه:- ديربالك على انس ودائما زور قبر حر كل جمعة روحلة
ويدير بالك على اطفالي ولا تزوج

- سد حلگي مسد على شعري بحنان وخوف
دلهم:- ابوية اسكتي تطلعين سالمة انتِ واطفالي يلة اريدچ سباعية
ذيبتي و روزتي اريد بنيتي تطلع عليچ و وليدي شدي حيلچ

دخلت ضربتني ابرة بالكانونة ثواني وصار ظلام گدام عيني
گعدت ورا فترة على وجع والكل يمي همست

روزه:- اطفالي وين

رفعت راسي شفتهم كلهم ميتين ضحك رجعت باوعت على دلهم بتسائل ؟، روزه:- شبيك جاوبني

مصطفى:- دسكتي موتينة يمه بطني طلع الاكل من خشمي
اقصد من حلگي ولچ فضحية انتِ

- انتبهت على دلهم ضام ضحكتة، سما:- فضحتينا الله
يفضحچ ولچ صيحين دلهم تعال بوسني من شفايفي، متتت
عليهن مو شفايف كرز، دلهم ليش تعضني من شفايفي تاذيني
تضربني على طيـ*







اصفريت من الخجل وهيَّ مستمرة ورادت تكمل كلامها راسًا
عطت بصوت ناصي ، روزه:- كافي يمعودة

جابوا اطفالي رضعتهم والفرح مواسعتني بجيتهم ودلهم گعد يمي باسهم، دلهم:- شنسميهم

روزه:- البنية ايليا والولد ماعرف او اخلي صديقتي هيَّ اسميهم

- ضحك، دلهم:- عمي هنيال صديقتچ

روزه:- اي سجى مو تعرفها


هز راسه، دلهم:- اي اعرفها تمام خلي تسميهم اذا هيَّ تريد

اتفقنا اني وسجى على اسم " نازه و ايهم " طلعت من
المستشفى مرت الايام سهرانة على نازه وايهم، وانس كُلش
تعبني يغار منهم

انترس بنيته بالفرح و بالاطفالناه كمل حبنه بلاطفال حر
الله يرحمه وانس ونازه وايهم ... انتهت قصتي ...

____
طيبه

گاعدة واشوف حياتي استقرت بسبب الولد " دلهم و معن
ومؤمل " كلش فرحانة وين جنت اذكر عيشتي قبل ظلم ابوي
صح هسه هوَّ موجود ويانه بس اگدر اسيطر مو مثل قبل هسه
عندي سند .

گاعدة واسترجع كل ذكرياتي وافكر شلون جنه ناكل شلون
جنه ننام شلون جنه ننكتل نزلت دمعتي بقهر

- فززني صوت مؤمل يدندن، مؤمل:- شبيچ طبطم

- ردفت بخنگة، طيبه:- ضايجة

- هوَّ راسًا حسه بيه ، مؤمل:- امشي نتعلم على سياقة

- بملل ، طيبه:- اعرف

مؤمل:- ادري ناخذلنا فره

ركضت اخذت المبايل من الشحن وطگطگت نعالي وركضت
يم مؤمل، طيبه:- يلا

مؤمل:- اصعدي

- بحماس ، طيبه:- اوگف دصور

مؤمل:- اخلص منچ او من روزه

- باوعتله صفح ، طيبه:- وخر بلا زحمه

ظل يباوع وياشر صورت وكملت فتحت باب الحوش ودخلت
داسوق هز ايده وصعد بصفي سقت شوي احس كلبي راح
يوكف شوية وشوية وصلنا على شارع العام

طيبه:- لا هنا ماسيطر

- نزلت اني وهوَّ صعد يسوق ويغني وساعه يتصل
طيبه:- يول وين موديني

مؤمل:- اغتصبچ

- عطت بي ، طيبه:- ممكن تنچب حيوو العزيز

- اتصل مبايل ورد ، مؤمل:- اي واگفلك تعال

وگف السياره واني بعدني مستغربة فززني مجتبى من جامع
طيبه:- ادبسزز انكسرت ايدك كون

- اشر على نعاله، مجتبى:- ماخذها ويانه لجادريه تريد تفضحنه نزلوها نزلوها







طيبه:- دطير

- صاح مؤمل:- بلاً دوخه سطرتو راسي اصعد ولك

ظلينا انه ومجتبى نتعارك بسيارة واصلا مادري شلون مؤمل
ساكت النه ، مؤمل:- بسكم ماتعبتو

وصلنا لجادريه وهناك تونست وفرحت ورجعنه للبيت ميتة نعس
لفيت راسي ونمت حتى ماحطيت ستوريات .

خلصت ايامكم ويانه وصلنا الكم فكره قصتنا واتمنى تعجبكم
عشتو ويانه بحلووها وبمرها عشتو ويانا اصغر تفاصيل وفرح
وحزن وفاة زينب " زوجت معن " الي توفت وخلت اثر بكلبنه كلنا
وفاة حر وفاة اخوي محمد وصلنا الكم فكرة عن الحب والوفة
وصداقة والاخوة اتمنى تعجبكم قصتنا احبكم .

الـنـهـايـة ♥️.

انتهت قصتنه انتهت لوحَ الظلام
أتمنىٰ إستمتعو بقراءة قصتي وأشكر وجودكم الطيب 💙
The End
............................
اخوكم الناشر ܓܛܟكرارﮩ₰ﮩ✍
🍀🍀🍀🍀🍀🍀🍀
أينما كان محلي في قلوبكم لا تنسوني من دعائكم
@krarhaeder
…………………………………………………………………