-صفنت بوجها ساكته ماجاي تفهمني ..درت على بان وبيان ساكتات.رفعت ايدي احذرهن...بالقران التسوي سوايت نرجس ..اني الاكول لذياب







روز::خزرتها ضايجه حيل من اسلوبها..انجبي عاد لاتضلين تشبشن ..نامن بان بيان معليجن بيها ..غطيتهن وكمت ..طفيت الضوا ورجعت يم فيروز

تغطت ضايجه ومعصبه..همست على كيف حتى بان وبيان مايسمعن..ليش تحجين هيج وياهن

-روز ااسكتي عفيه عوفيني
-يلهايشه يلحماره من تحاجينهن هيج. بعد. حتى لو يصير شي.مايحجلج

-خايفه بالقران خايفه عليهن ..هاي بيان مدري شلون تباوع الحمزه يذبحها ذياب بدون مايرفله جفن.

وهاي الزفت راحت حبت شهاب ..كل همي اطلعهن منا وهيه تحب وتتمعشك

-منو كالج تحبه يجوز هوا يحبها وهيه لا لاتصرفين برعانيه فيروز ابدال ماتحمينهن تبعدينهن عنج بهذا اسلوبج.... غطت راسهاا

ساكته ادري بيها تتندم بس بساعة عصبيه ومانتبهت النفسها. اسمع بس بجيها كاتمه صوتها. كتلها راح اروح اشوف نرجس

طلعت على اطراف اصابعي. فتحت باب غرفة ذياب على كيف ضلمه وماشوف شي

نرجس::منو
-اني روز تعالي شويه..احجي همس خاف يفز ذياب كالت

-تعالي دخلي ذياب راح
روز::فتحت الباب حيل وشغلت الضوا ..طفرت يمها على الجربايه..شبيج مارده عيونج مرد
وعلي تندمت لان ضربتج. وتدرين بيها من خوفها عليج سوت هيج

-ولج والله ماسويت شي ولا جنت ادري بيه يحبني من راسلني كلت اكيد اكو شي مهم نزلت

-اي بعد احترك كلبها وضربتج روحي شوفيها ولعباس متغطيه وتبجي..نامي هسه انتي ولتنقهرين الصبح كلشي يتصلح
يله اني اروح لا يجي ذياب

-راح عده شغل ابقي يمي
-ها متاكده خاف يرجع ولج
-لا والله راح كال عدي شغل
روز::ماشي.ادني سويلي مكان. تغطيت وياها حضنتها ...شوفي عفت فيروز علمودج ختولي اليوم محد يحضنها..ضحكت وحضنتني

كلما اغمض عيوني اتخيل موقفي العصر ويا ذياب ويوجعني كلبي .. بلكوا غفيت وكدرت انام

نرجس::روز...باوعتلها نايمه. واني النوم جافه عيوني شعور فيروز زعلانه مني اكل كلبي من اتذكر موقفها وراحت فصليه مكاني اتندم والندم ياكلني شلون ضوجتهاا

كمت من يم روز على كيف.غطيتهاا.وطلعت لكيت شهاب يشرب جكاير على الدرج التفتلي بسرعه.وكف اشرتله بيدي لتجي بقى بمكانه كتله

.شهاب اني ماكدر ازعل اختي علمود نفسي. كلام فيروز هوا اليمشي علينا كلنا اسفه

شهاب::هاي هيه بويه هااي هيه بس لاتحاجيج وطكج واني راضي بكلشي. ومو تقبلين بابن عمتج

-تمام هسه رايحه اصالحها. تصبح على خير

-تلاكين الخير تينتي
-باوعتله يحجيها متحسر. فتت للغرفه..حشكت نفسي بصف فيروز حضنتها...اسفه فيروز والله ماتنعاد حاجيني ادري بيج كاعده ....دارت عليه حضنتني







-اسفه مديت ايدي عليج والله من حركت كلبي وخوفي

نرجس::حضنتها حيل مطمنه. لتزعلين مني بعد...غفيت رغم الوجع البكلبي على منظر شهاب

روز::الحلو بلريف تعرف صار الصبح من صوت العصافير ..مغمضه واسب بنفسي لان فاتتني الصلاه. واقنع بنفسي كوميي صلي يمعوده كومي

والشيطان يوسوسلي فراشج دافي وحلو ابقي نايمه لادكومين ..نكلبت على بطني..وحضنت نرجس
ابين الكاعده والنايمه ..حركت ايدي على صدرها
لان حسيتها ملابسه شي. من رجعت لزمت ملابس رفعت ايدي حتى احضنها حيل

دخت ساعه الزمها عريانه ساعه بملابس..مشيت ايدي على صدرها. .عباليي نايمه على ضهرها ماقتنعت وحسيت ريحة جكاير خنكتني. فتحت عين وحده وشلت راسي من المخده..رجعت غمضت واهز براسي حتى توضح الرؤيه عبالي اتخيل

طفرت بسرعه من شفت نفسي بصف.ذياب جكارتهه بحلكه متغطي وياي ولابس بس فالينه داخليه

فاتحه عيوني على وسعهن مصدومه اريد اعرف شسوي وابرر موقفي ماكو باقيه واكفه بمكاني مبحكله بوجهه وهوا منزل عينه

وخر الجكاره من حلكه وكال بصيغة امر

-ارجعي المكانج
-درت اجر حجابي من الميز حتى اطلع كال

-ججج.قصدت ارجعي نامي بمكانج
-ااي اي راح راح اروح... تقدم الطرف الجربايه جرني من ايدي..ورجع المكانه

-نااامي
-كتله متوتره ومرتبكه. بسس. بس اريد اروح يم فيروز...خزرني وحجه بنره حاده..ارجف وفشلانه
-اخر كلمه جاي اكلج ارجعيي نامي بمكانج بسرعه

-بقيت واكفه حاصرتني البجيه ابتعد كلش لطرف..وصاح نخمدي..جريت الغطاا تمددت ارجف وبطررف شويه واطيح

مامصدكه الجاي اسوي حقيقه شمنومج يم ذياب بت الاوادم صدكتي هذا زوجج خرب غيرتج ..حجيت بهدؤؤ..ذياب اريد اروح يم فيروز

ضحك.مستهزاء
-ماجبرتج ادخلين لاحياتي ولاغرفتي انتي الطلبتي ادخلينهم...

-درت وجهي عليه مصدومه..مركز بعيوني ويحجي ..نزل عيونه على كل جسمي وكال

-بعد ساعتين ..ووتسجلين باسم ذياب.وبعد هلساعتين راح تذكرين شكد جنتي انسانه حره بس بعتي روحج وجسمج وحياتج لذياب راح تصيرين كلج لذياب مالج حق بنفسج

-بس اني مابعتلك شي ليش تحجيي هيج
-انتي الساومتيني بقيني يم اخواتي وبلمقابل ااكون الك

-اي كتلك علمود ابقى وياهن وماياخذني ابوي موعلمود ابيع نفسي. الك..بجيت متحملت حجيه كال

-عندج هلساعتين دكدرين تتراجعين ..وتجمعين غراضج وترحين ويا ابوج .. ورا هلساعتين تحلمين تخلصين من سجن ذياب

-كمت من الجربايه ابجي ..واحجي بضعف عود ينكسر خاطره عليه..حرام عليك تسوي بيه هيج اني لان احب اخواتي وماريد افترق عنهن كتلك هيج حباب لتظلمني الخاطر ايهم ..عافني اكمل كلامي وحجه ابرود







-منو كالج دكومين؟
-بقيت صافنه بوجهه واباوع المكاني على جربايه.. كرهته كرهه بس الله يعلم بيه وكرهة نفسي لان مستضعفتله كلش ....مسحت دموعي بيدي ..بلعت غصة البجي الكاسره صوتي وحجية بنفس. البرود...

رايحه اصلي واحضر نفسي مو ورانا عقد

ابتسم ابرود واستهزاء ..يعني تتحدين ذياب؟

-ماتحدا احد اتحدا الوكت يفرقني عن اخواتي لو مو سجن لو تاخذ روحي هم ماعوفهن

-ججج ماخذ روحج..طالما اجرين عدل ..يله روحي تحضري

-جريت حجابي.لفيته وطلعت من يمه ..سديت الباب وبجيت ..دخلت الغرفتنا دفرت نرجس برجلها

الحقيره الحيوانه ليش عايفتني وجايه هنا
نرجس::خرب فززتيني شبييج.

فيروز::ليش تبجين شكو شبيج
روز::احجي مختنكه ..هيج ذياب يكلي صفنن بوجهي. كالت فيروز

-يعني يريده زواج حقيقي. اني عبالي بس يعقد متخيلت ذياب يحسبه زواج

-اكلها يكلي كلج تصيرين الي حتى مالج حق بنفسج

فيروز::تحسرت ماعرف شحجي. وهيه تبجي مختنكه ...كتلها. موتحديتيه كومي بدلي يله لتخلينه يشوفج ضعيفه

مدري اقنع بنفسي مدري اقنع بيها حجت وياها نرجس ..وتحاول تهديها كامت صلت وبدلت

بوست ايهم وهوا نايم ودكله لو انته جبير جا مانذليت لذياب ..نزلنا سوا اني وياها ونرجس
لكيناهم يتريكون بالصاله

عيني تباوع لشهاب عيونه حمر وجهه ثكيل عليه منزل عينه من نرجس بس هيه ماباوعتله

دخلت للمطبخ ام اصهب تسيح وبيبي كاعد يمها كالت طكلجن بيضات وتعالن هنا يمي

كتلها عمه جا اصهب وين شو ماكو باوعتلىي مبتسمه كالت راح الشغله تندمت لان سئلت من شفت ابتسامتها

كعدنا نتريك يمهن وبيبي سممتنا بحجيها كلساع وشامره كلمه على روز وعود هاي صارلها يومين مريضه دكلها راح الربه راح للنغلات

واحنا ناكل ساكتين على اعصابنا ..ام اصهب كالتلها اني اروح وياج كامت بدلت وجت

صاحالي ذياب ..واكف يم السياره طلعتله كال
-تلكين تلفوناتجن بالكنتور اخذيهن وعلى كيفج وياهن حتى لو تعصبين عليهن لاتمدين. ايدج عليهن روحي جيبي تلفون عمشه اطيه الها

-رجعت اركض دخلت الغرفته دورت عليهن سحبت بس تلفون روز رجعت. نطيته اله وكتله

-اريد تلفون النرجس كسرت تلفونها وتندمت

- اي خوش اني اوصي اشهاب يجيبلها اليوم

-اي تمام ..طلعت عمتي. ام اصهب وروز صاح ذياب على نرجس ها ماتجين كالتله لا

روز::احس كل خطوه اخطيها تقربني من نهاية حياتي. وماشيه بهلطريق رغم الخوف البكلبي
كالي هاج هذا تلفونج اخذته من ايده بدون ماباوعله
صعدت ليورا وام اصهب يمه ...







حرك السياره ويسولف ويا ام اصهب بالي مو يمهم كلساع اكول خلي ارفض وروح ويا ابوي

.حرب بين كلبي وعقلي كلبي متعلق باخواتي وميكدر بدونهن وعقلي يكلي لدفنين نفسج. بسجن ذياب

ركزت ويا ذياب من لمحته يحجي بتلفون. كاله اي المحكمه الفلانيه نص ساعه ونوصل
عاادي انتظرو مايصير شي.

كالتله عمه ها يمه شكالك
-يكول تاخرتو صار شكد منتظرين وبعد ننتظر عود هذا اخوها الشفيه

-باوعتله بلمرايه يحجيها باستهزاء من يكول اخوها لو ابوها يستهزاء وصلنا للمحكمه لكيناهم منتظرين بلباب

سلم عليهم ذياب التفتلي كال شلونج بابا
جاوبته بدون مبالاه تمام

دخلنا جوا كبل دخلونا للحظه من سئلني ردت اتراجع حسيت نفسي تسرعت ومافكرت عدل تمنيت ينطوني بعد وقت افكر

.اباوع بوجهه ذياب خزررني لان بقيت صافنه
وافقت اودعت اخر لحظات حريتي حسيت فعلا سجنت نفسي

عقلي عبالك ضرب حتى اليحاجيني. ماجاوبه
طلعنا اوكف ابوي يوصي ذياب عليه. نسحبت ايدي على غفله رفعت عيني اباوعله جرني على صفحه

يحجي وميخلي عينه بعيني

-شوفي صح انتي مامعتبرتني اخوج ..ولاعشنا سوا ولا اني تقبلتج لان حتى ماجنت ادري بيج بس عمي وابوي يدرون...هسه انتي حتى اسمي ماتعرفينه مو

-هزيت راسي ..اي ماعرفه..ودموعي نزلن وبيني وبين نفسي اكول تمنيتك سند. حضن وجهي بديه وكال

- اسمي يوسف باوعي اني اخوج واعذريني على كلامي ذاك اليوم وشتحتاجين اني موجود. والله العظيم ماقبلت على ابوي وعلى زواجج هسه لان احسج مجبوره

بس مايخليني احجي. المهم يا روز. من تحسين نفسج ماعندج سند كولي يوسف وتلكيني يمج ماكلج اعوضج واسوي هيج واسوي هيج لان اني مالي ذنب ماجنت ادري عدي اخت

.بس الاكدر عليه ماقصر .. وين تلفونج خنطيج رقمي وشيصير وياج خابريني اجيج والله

روز::مسحت دموعي. ونطيته تلفوني ...سجل رقمه مبتسم كال كتبت عليه اخوي .. رجعلي تلقوني ولازمني من اجتافي

خله ايده على جتفي ودار عليهم خطوتين وصرنا يمهم صارت عيني بعين ذياب خازرني

درت منعنده ..دار ابوي عليه ماد ايده يله بوويه اني اروح بقت عيني على ايده خليت ايدي بيده

سلم عليه مثل ماسلم على ذياب. نظرات يوسف الي احس بيها حنان اكثر من ابوي ..صعدو همه بسيارتهم واحنا بسيارتنا

قبل لا انحرك دكولنا هورن ونزل ابوي انطه لذياب فلوس وكال هذني الج بويه ..سلم ورجع السيارته

بس حرك ذياب السياره ..عبر ايده ليورا بيها فلوس حمر ..
-هاج هه من ابوج

-اخذتهن من ايده شككتهن. ابجي ..شمرتهن بسياره روحي تلوب حاسه بذل واهانه مينحملن







ام اصهب::يا يمه حرام

-سحبت رجليه على صدري ودرت وجهي لجامه ابجي بحركه كلبي.مشتعله بيه نار

ذياب::يولون هسه عليمن تبجين
ام اصهب::اندري.شبيج. يمه اني امج وهذا زلمتج هوا ابوج وهوا اخوج والله لايعوزج الهم

روز::ماهتميت الكل حجيهم ..صعب شعوري كلبي يوجعني وحتى من اسحب نفس احس كلبي يبزني ...وكف ذياب بطريق اشتره ماي

كال غسلي وجهج.غسلت ماباوع بوجهه حقير وكلماته مثل الجمر ..

فيروز::اخذنه شغل ام اصهب كله. حتى الولد اصف وبطرس وليث نرجس. سوتلهم ريوك

كعدن البنات وايهم.متخبل على روز. اصف كال وعلي اريد اروح لشغل اعذرني جا اخذته من عدجن

اجه عليه حمزه وراحو الشغلهم ..ليث رزلوه يله راح المدرسته. كلهم طلعو ..حتى عمي مهنا وعمي مهدي راحو الخيون ومنعنده يرحون الفصل مادري وين

.للضهر كاعدين بصاله واجن نسوان بيت خيون
سلمنا عليهن وكعدن وحده تشك وحده تركع خلود ومرة هادي ابن خيون هنه اخوات
تصير ام الولد السوا سالفة الثار بلبدايه حسين وحيدر

كالتلها بيبي ماتكضين ولدج ولج

دلال-يا عمه وعلي عاقلين وسباع بس شنسوي الناس تعيل بيهم ..خوب حيدر والله ورده ورده بس حض ماعنده ياهو يجي يطيحه بمشكله

خلود::زوجيهم يعقلون من يشوفون نسوان وجهال يحسون بلمسؤليه

فيروز::دارت وجها علينا مبتسمه. وكالت اي هوا كال عمو نزوجهم سوا ...

الحجيه::جا جنج تباوعين على بنياتنا وتحجين ها ولج شنهي رايج

دلال::هههه يا عمه ولا تفوتج فايته. ااي والله عمو دزني وكال شوفن البنيات .. ليش ناخذ غريبات... وهلباوع بيهن

والله هوا كال اريد فيروز الحيدر اني معترضه بس شسوي بعد عمو كال الجبيره الحيدر ..وهاي شسمج بيان نسيت اسمها ههه بيان لحسين

فيروز: :استفززني كلامها. وطريقتها وشلون تتموع بلحجي .. كبل عفطتلهاا ..خاااب كمي ام الوصخ. اباوع بيهن وياهو يگلب ولدج لج ولي يله

فتحت عيونها على وسعهن مصدومه واني مصدومه من نفسي اكثر شلون سويت هيج
بس هيه استفزتني بحجيهاا

خلود::اكليخره ولج ياهي الحاجي وياج شو مطلكه وتتبطرين ياهو يگلبج انتي

دلال::صخاام لا لا خيه لا خليها خليها من شفت السانها لا والله ماريدها يمه هاي هيج السانها وعايشه وياج

الحجيه::اهاه. جاشني احنا ذابين بنياتنا عليجن
بويه هم مانريدكم. شو راويني عرض اجتافج انا مارضيش وحده تحاجي حفيداتي هيج

فيروز::وكفت دلال. وخلود تعد وتصف بلغلط عليه ..ودلال تبجي ودكلها انطرد واني عمو وداني ...ووالله هوا كال موبكيفهن اني احترمتهن واجيت اخذ رائيهن احسن يكسرونجن بنهوه

بيبي وكفت وخلت عوجيتها بصدر دلال وكالتلها بقوه وشموخ

-ولج ياهو اليكدر.يكسرهن بنهوه واهن اخوات ذياب

.خلود دفعت عوجيت بيبي. ودلال كطعت روحها من البجي عبالك.مطبرينها وكلساع وصاحت لا ماسكت خابرت على هادي رجلها

وطلعت من بيتنا تبجي وتناشغ. وخلود تعاركت ويا بيبي وكلبت البيت ..وكله تهدد اني الكم واني الكم

كالتلها بيبي كون يسمعج ذياب يشبعج ماي بدواره مثل گبل لو نسيتي ..اخذت اخواتي وصعدت فوك عفتهن بهوستهن

بيان::شنو هاي احنا مانخلص يوميه سالفه

فيروز::بقيت افتر يمهن متوتره هسه هم تصير سالفه وخاف ذياب يمل منعدنا احنا يوميه مطلعيله سالفه ومشكله ...ستوقفني كلام بان
متفاجئه
كاعده بزاوية الغرفه. وتلفونها بيدها كالت بدون مترفع عينها من التلفون

بان::يوم عن يوم وبكل.مشكله تصير احس يقنعوني بفكرة انتحري واخلصي روحي يم اهلج والله خاصه هسه كلش اقتنعت

فيروز::اباوعلها مصدومه وعبالك.حجيها سجين بكلبي. كلنا ساكتين الخوف الي صابني بهلحظه مينوصف ...

يتبع

ثأرهم وبنات المسيحيه(الاصليه) - البارت 17 -
𖦹𖦹 𖦹 𖦹 𖦹𖦹 𖦹 𖦹

اجس كلبي الفضي متعوب حد الويل
وادعيله الصبر عن لا يفشلني ..!

𖤐𖣐𖤓𖤐𖣐𖤓𖤐𖣐𖤓𖤐𖣐𖤓𖤐𖣐𖤓𖤐𖣐

بان::يوم عن يوم وبكل.مشكله تصير احس يقنعوني بفكرة انتحري واخلصي روحي يم اهلج والله خاصه هسه كلش اقتنعت

فيروز::اباوعلها مصدومه وعبالك.حجيها سجين بكلبي. كلنا ساكتين الخوف الي صابني بهالحظه مينوصف ...نرجس وبيان يباوعلي مصدومات اكثر مني

شهالحجي بان كعدت يمها ماهتمتلي بقت تلعب بتلفونها ..سحبته من ايدها.واحجي بهدوء وصوتي يرجف ..اكعدي عمري خلحاجيج

سحبتها من ايدها كعدتها على حيلها. تباوعلي بنظرات بارده ابتسم واحاول اتلاطف وياها وماخليها تحس شكد خوفتني بكلامها بس ماكدرت كلشي واضح على صوتي

ليش.تحجين هيج بان الحمدلله والشكر موت اهلنا قدر. واحنا ماضايعين عدنا ذياب جاي تشوفينه شلون يعارك علمودنا ليش تفكرين بالانتحار متعرفين الانتحار ميخليج تشوفين اهلي وحرام يعني مصيرج جهنم واحنا مافكرتي بيناا

باوعيلي بان لتدنكين كليلي شبيج شلون تفكرين هيج شنو التردينه ضايجه من البيت مجاي اطلعين اخلي ذياب يطلعج. لو ضايجه من اللون الاسود انزعيه البسي الوان ها مكتئبه منه مو لتلبسينه بعد

بان::عيني بعينها شلون تحجي ومرتبكه اساسا متعرف شنو تكول وعيونها مليانات دموع. لزمت ايدهااا..فيروز ..اشش اسمعيني اني جاي اموت بالقران مرات نايمه واحس نفسي مراح اكعد الصبح

طلعيلي يووم احنا مرتاحين بيه من اجينا الهسه من اول يوم مشاكل وصدمة موت اهلي احنا بحياتنا مشفنا سلاح وهسه مانستغرب حتى لو كاعدين على السفره اشوف سلاحهم يمهم

والاهم من هذا كله مدرستي فيروز مدرستي الراح تروح مني سنه كامله وكل تعبي يضيع بعد ماجنت حتى بالعطله ادرس واقل درجه عندي 80 هسسسه ماداووم ليششش ليشش

فيروز::حضنتها حيل. تهسترت ترجف وتبجي اشش والله اليوم احاجي ذياب اخليه ينقلج انتي وبيان بس لاتفكرين هيج فدوه لتفكرين هيج

-ارجع المدرستي وانجح للخامس مابقى بالرابع ويجن الثالث وياي

-ااي اي تنجحين تنجحين يروحي..مسحت دموعها بيدي وبستهاا.مرتبكه وخايفه. اتصنع الهدوء..اليوم لو اعرف اسوي مشكله شكبرها ويا ذياب هم اخليه ينقلهن حتى لو بس بان وبيان

بيان::حجي بان صدمنا من وهيه طفله ابسط مشكله تاثر بنفسيتها حتى لو امي وابويه يزاعلون هيه من يمها تتكئب ..حجينا وياها وحاولنا نضحكهاا وفيروز معافتهاا ..كعدت يمها وحاضنتهاا







وايهم يفتر ويصيح روذ. نرجس تشاقه وياه وتكله راحت روز بعد متجي يجطل روحه بالكاع ويبجي ..تكله اجت اجت روز ..يكعد يصفك وشلعت كلبه تضحك عليه

دخلت على الستوريات. شفت ستوري اصف وحمزه نفس الستوري. خليت على ستوري حمزه قلب

دقايق ودز رساله على الخاص

*جم مره كتلج من ضايجه وتردين تحاجيني دزي رساله

*مافهمت
*مبينه ضايجه وخليتي قلب على الستوري حتى اني اراسلج هاا كولي لا
*ههه صح

*منو وياج يامايخاف الله مضوجج
*ههههه ..ادز ضحك بس بلحقيقه حتى مابتسم ومسويه نفسي مجاي اراسل خايفه من فيروز كال

*احجي يابه ياهو وياج
*محد هيج هيه ضوجه
*لامبين احد مضوجج كولي
*بس لاتكول الاحد يعني لا لذياب ولا الواحد من الولد

*اي ماكول اصلا محد يمي بس اصف

-حجيتله كل موضوع مرة هادي وعركتها ويا بيبي وكلام بان ولحلو بيه يكعد يسمعني بدون ميطلع من المحادثه

*خطبتج؟
*وفيروز هم
*تم**رط هاي خلي يجي ذياب ويسمع شوفي شيسوي ..

*فيروز هم تعاركت وياها
*ههه كفو اخت رجال. وعلى طاري فيروز اصهب ماصدك على الله ترجعله تردينه يضيعها من جديد ..هاي مرة هادي بالعه وجايتكم

*شبالعه؟
*كبسول التهابات
*ليش شبيها جا
*عدها التهاب بالمخيخ
*يااا خطيه
*شكد فطيره
*منو اني؟
*لا مو يمج على مرة هادي

-بقيت احجي ويا لازم بكلامه يضحكني ينسيني شنو جاي نعيش او يمكن اني لكيته مهرب الي من كل حياتي ..صرت التجئله بكل وقت واكثر وقتي اسولف وياه لدرجة التعود وصار ميفوت يوم بدون ما احاجي

واذا كالو اجه حمزه كلبي يدك سريع ماجنت افسر هلشعور وعبالي لان احجي وياه. بتلفون ارتبك من يجي

-كالت فيروز تعالن ننزل قبل لايجون اخذنه ايهم ونزلنا دخلت بان يم جده تمددت يمها
وفيروز ويا مروه بالمطبخ تساعدها بالغدا

كعدنا اني ونرجس بالصاله نباوع ويا ايهم على فلام كارتون ..الحد ما اجو ذياب وروز كمنا للمطبخ

دخلت روز عيونها حمر شهكت فيروز مصدومه
-شبيهن عيوونج
ام اصهب::بجت وصارن هيج كنالها يابه لاتبجين جابت الطريج كله تبجي علييمن على جدي مردتي عيونج مرد

فيروز::لازمتها من ايدها روحي لايبه مكتوبلي كلساع شايطه على وحده بيهن ..اريدها تحجي وتنطق ماكو مغلسه جريتها للمغسله اغسللها

فات ذياب للمطبخ بدون احم ودستور شال الكلاص العلى الكاونتر ركعه بلحايط وصيح

-والله من اشووووفج تبجين ماتلومين الا نفسج

-روز ختلت بضهري تشهك وهذا يصيح متخبل
..شبيك شبيك يعني هسه بهذا صياحك تريدها تسكت..شسووويتلها وبجت







فتح عيونه خازرني وحسيت بغلط الجمله الحجيتهاا رفع ايده يحذرني بصوت ناصي وعينه على الصاله خاف تجي سهام لو خلود

-فيروووزه لاتطاولين دام النفس عليج طيبه احترمي نفسج

ام اصهب::الله اكبر عليكم الله اكبر لاتجي اليوم اذا ماجبت سيت كلاصات خلص الكاونتررر خلص

-طلع ذياب من المطبخ وركع الباب وراه بكل قوته كالت ام اصهب

-شنهي فيروز شلون تكليله هيج. مامسويلها شي جا غير انا وياهم ..ومن شاف عيونها طار كلبه عليها حركت كلبه لان يكلها اسكتي اسكتي لاتبجين عيونج ..ماكو.

-دنكت مجاوبتها ..اخذت الحماره البيدي وصعدت لغرفتنااا..كعدت ساكته ..طلعت الشاش والقطره

روز::عوفيني فيروز مايوجعني بس حمر لتخلين شي
-اشش انجبي ..عليمن بله تبجين؟

-تراا مو لان بجيت صارن هيج..نزلت الجامه. وطار بيهن تراب وهوا قوي

نرجس::اي خليلها خليلها معليج بيها

روز::بان وين
-يم بيبي
-شو ماجتلي
-ضايجه شويه
-فززيت وكلبي. وجعني ..شكو شبيها..اجت يمي فيروز كالت مبيها شي يله يله تمددي بدون متسمعلي جرت ايدي

خلتلي قطره ولفتهن بشاش ..عبالك لافته على حلكي وخشمي اختنك ..كعدت وفيروز تسئل ليش باجيه سولفتلها على موقف ابوي وعلى يوسف اخوي

-الغلط من ذياب المفروض ماياخذهن منعنده ويكله مرتي مامحتاجه ..عوجت حلكها معاجبها على كلمة مرتي ...ابتسمت وكتلها ...شبيج مرة ذياب على سن ورمح

-ماريد لا السن ولا الرمح بس خلصيني من ذياب

نرجس::هههه على كولت بيبي اسم الله بطبك ..
بعدكم بسم الله هستوكم عاقدين

روز::ضحكت باستهزاء .غير احسه مو عقد حبل مشنقه ولتف على ركبتي

نرجس::اي. البارحه يكلي بالشقه نوقع عقد اعدام عمشه ....اختفت ابتسامتها وفتحت حلكها بصدمه اشرتلي فيروز.وتعض على اصبعها ..ضحكت ...اتشاقه اتشاقه من يمي علمود اكلج عمشه

صحت البان اجت يمها حضنتهاا وايهم يدفع بيها. مايريد وحده من عدنا تتقرب الروز ..سولفت فيروز كلشي صار الصبح الروز

بس ماحجتلها على كلام بان ....شويه وسمعنا عرك ام اصهب ويا خلود ماقبلت فيروز ننزل كالت ماندخل ..بقينا بالغرفه الحد ما اجت ام اصهب تطمن على روز كعدت يمنا وكالت

ام اصهب:-البارحه من ردو الولاد من تعلولتهم
اجه ذياب العمج ..وتفقو ورا الاربعينيه يسوون عشا ويعزمون اهاليتنا مايردون عرس وهوسه
ومهرج ذياب خلاه بيدي كال اشتريلج التردينه وفلوس الصالون ولبدله هم عليه مو من ضمن المهر

ومادام الاربعينه مابقالها هواي كلهن اسبوع بعد. كلت ابدي من باجر اجهزلج اني وعمتج شيماء لان اني ماعدي بنيه ماعارف شحضر..







روز::هههه ضحكت باستهزاء ..شجاي تحجين اني لا اريد زوج ولاشي المهر خليروح يزوج بيه كلشي ماريد منه هاي هيه مادام ابوي عافاني عسى مايطلكني اليوم ويااريت يطلكني ويخلصني. لو يعوفني بالاسم زوجته ويروح يزوج اليريدها

ام اصهب::عاب حلكج. خيبه جا غير ماكو وحده بسلفنه ماتتمنى ذياب ولج يصير عدنا عرس ولمه ومن يلجحن ذياب فايت وحده تشاور الثانية . وانتي اجاج على طبق من ذهب وتدفرين نعمتج برجلج شمالج انا لو عدي بت وبوفاضل مازوجها الغير ذياب

-هاي هيه عمه مادفر نعمتي ولاشي. خلي زواجنا بس بالاسم كليله تكول اخطب وتزوج التعجبك ومو وحده لو ثلاثه خلي يتزوج وخليني بالاسم مرته

ام اصهب::شوفي روز وهاي كدام اخواتج ..هذا حجيج مايصير عدنا وخاصه ماكو هيج سالفة بس بالاسم ومادري شنو ، ادري بيج جاي تفهمين قصدي ماكو داعي احجي بلخط العريض

.وبالج ترفضين ذياب دامج رضيتي بيه من الاول اكسبي ولاتخلينه من الاول ينفر منج عده استعداد باسبوع يكسرج بمره حافظي على زلمتج يمه اني مو اخوفج بس جلماتج يغثن

روز::ويا كل كلمه تحجيها كلبي يدك سررريع ويزداد خوفي من ذياب ويا كل.كلمه تحجيها اشتم نفسي شلون وافقت. اتذكر كلماته ...مستحيل تخلصين من سجن ذياب ..راح تكونين ملك لذياب واحس حتى الهوا مايدخل الريتي ..كتلها مختنكه ...وصلي حجيي لذياب عمه

-بكيفج يمه ماعلى الرسول الا البلاغ ...اني رايحه راح يجون الولاد شويه ونزلن تغدن

فيروز::ماشي عمه ..اول مطلعت..سدت الباب عطت بروز ..شلون حجي هذا. موحاجاج البارحه ومن كلامه مبين شنو يقصد. ليش حجيتي هيج ويا عمه هسه اكله ويعصب عليج

-على روحه اريده يطلكني
-لاتضلين تاكلين تبن ..اليوم تزوجت وتريد تطلك حتى تكمل السبحه اني مطلقه وانتي هاي هيه كملت

نرجس::سدن الموضوع راح يكبر نقاشجن وتزاعلن

فيروز::سكتت منها ونرجس تاشرلي عود اسكتي خطيه. مالومها حقها موهينه نجبرت وتتقبل ذياب بحياتها بهالسهوله ..بس مارضيت على كلامها خاف ذياب يعصب عليها

نزلناا من اجت ام اصهب صاحتلناا. كلهم كاعدين على السفره بس ذياب واكف يخابر

شهاب عينه على نرجس ينكسر كلبي كلما اشوف نظراته النرجس وهيه ابد متخلي عينها بعينه

كعدنا بصف ام اصهب مسطرين كال عمو مهنا

-شني بويه عويناتج شبيهن
روز::مدنكه راسي واحجي مابيهم شي عمو شويه اذوني ولفتهم فيروز

-خلي هيام تاخضج لدكتور
فيروز: :لا عمو مايسويلهن شي. الدكتور

كال بكيفجن ...بعد وسكت خليت الخاشوكه بيد روز. مقبلت تاكل

-فيروز ما اشتهي شبعانه
-بس انتي ماماكله شي
روز::احس نفسي عميه وحيل منحرجه ..وكفت وكلها ساكته ..ابتسمت على اعصابي الفيروز ..
راجعه للغرفه شبعانه والله. وكلي ايهم وياج







خليت ايدي على الحايط وبدون ماسمع جوابها مشيت ،
هوواي احمد ربي وشكره عيوني يلتهبن واغمضهن فتره ورجع اشوف بيهن طبيعي ولاعميه دوم

الظلام مينحمل تحس بعجز موطبيعي. فتحت باب الغرفه وكعدت افكر بذياب وحجي ام اصهب ومبين شنو الوضع الخليت نفسي بيه

فيروز::اللكمه ماتنبلع لا اكدر اكوم ورا روز ولا اكدر اكل طبيعيه صاح ذياب على بان

ذياب::بان جيبيلي صينيه صغيره من المطبخ

-كامت بان وجابتله الصينيه الكل.مترقب شجاي يسوي ساكتين ..خله صحن تمن وكاسة مركه اخذ سمجه وخضره وزلاطه ..وخاشوكتين

باوعلي شافني اباوعله غمزلي بابتسامه وكام صاح ليث بضحك
-هااااا ماكدرت تاكل مرتك ماكلت كمتلهااا
-دار عليه ذياب رافعله حاجبه كاله

ذياب::عمي ترا ليث.ماجاي يداوم كفيلك العباس يروح ويا ربعه صوروه ورا الغدا اراويك

فيروز::-ذياب صعد.يضحك وليث حط راسه بلماعون ساكت عمو مهنا ماخله غلطه ماغلطها واكطع المصرف واسوي هيج واسوي هيج

شي بداخلي يرتاح من احس ذياب يتقرب من روز ودي يحبها وتحبه ومتبقى هلكراهيه بينهم

دار عمو مهنا على بيبي كالها شوجنج مالج خلك حجيه كالتله
-اي حسبه ابالي
-افاا خيرج يمه
-خلصو اغديكم. ونكعد ونسولف

روز::ستغفرت ربي وطردت كل الافكار من راسي ملتهيه افكر وحتى صلاتي هاملتها ماجاي اصلي على الوقت

نزعت حجابي اريد افتح الشاش واكوم اتوضى نفتح باب الغرفه وخرت ايدي متذمره ..اججج شبيج فيروز. المن اجيتي موكتلج اكلي ماريد

احس بخطواتها يمي خلت الصينيه طخت برجلي. تلمست الصينيه بيد وابتسمتلها. اهوو صايره كلش حنينه ماعرفتج

ذياب::طالعه على اخوها
روز::طفررت مخروعه هيه طفره وهيه وكفه نتر بعصبيه

هوب هووب راح تطبين بالصيينه ..وكفت بمكاني متصنمه

حجه بامر..اكعدي
بقيت واكفه بمكاني. هوا الوحيد الاحس جاي اشوفه حتى وعيوني ملفوفات اتخيل شلون جاي يحجي وشلون معصب اعرف ملامحه من طريقة كلامه

ماكعدت بقيت واكفه وكلبي يدك سرريع جرني من ايدي وكعدني

-افتحي حلكج
-ماريد شبعانه والله ماشتهي
-انتي ليش تحبين تخليني اكرر الكلام وانتي تعرفين اول وتالي تنفذين الاريده بس بيج مرض الا تخليني احجي مرتين خلصييني افتحي حلكج

-درت وجهي ..مختنكه. وغصه ابلعومي ..ماريد كتلك والله شبعااانه فززني من عاط بعصبيه
فتحت حلكي ارجف خله خاشوكت التمن بحلكي كال

-تحبين السمج
-هزيت راسي لا على الرغم اني احبه
فتحت حلكي من حسيت الخاشوكه يمي. اكلتها بيها سمج كال
-بس اني احبه لازم انتي هم تحبينه
-ذياب ان..
-اششش اكلي وانتي ساكته..الزمي







-لزم ايدي خله بيها الخاشوكه. كال اكلي انتي اريد اكل اني جوعان جريت ايدي منعنده ضحك باستفزاز

اكل على اعصابي وكل جسمي احسه يرجف. من ارجع ايدي لصينيه يسحبها هوا يخليها بصحن التمن

جراها من ايدي ..جيبي شكد فاهيه ..خله لكمه بحلكي ويحجي. بحلكه اكل. الخاشوكه اطك بالصحن مرتين مره الي ومره اله

تغابيت ونثولت وكتله..جاي تاكل
-جا مدللة اوكلج واضل جوعان

-تاكل بخاشوكتي نفسها ؟...بداخلي اسب بنفسي شجاي احجي شجاي
امسلت..سكت ووترني بالزايد. احس نفسي عركت وحتريت. شويه وحجه بهدوء

-لا تلعب روحي خاشوكتي وحد
-سكتت فشلانه. حيل ...كتله شبعت
-لابعدج جوعانه
-لا والله شبعت
-بعدج ماشبعتي
-سكتت من سمعت جديته بالكلام وكانُ يكلي اني الاقرر اذا شبعتي او بعدج جوعانه اختنكت وواحس بين على صوتي اريد ابجي. اكلت اخر لكمه
وهمست مختنكه..والله شبعت..ماحاجاني. .خله حجابي على شعري لفاه عدل..اخذ الصينيه كال

-راح اكول الفيروزه لكيتج تردين تفتحين الشاش حتى تعرف شلون ترزلج..بس.حسيت طلع جريت الشاش حيل من عيوني. يااارب بجاه كلمن عنده جاه تطيح من الدرج وتتكسر

كمت توضيت وصليت ..اجت فيروز. متوتره وخايفه. اول شي عاطت بييه لان فاتحه الشاش من عيني ونوب بقت تفتر بلغرفه خايفه ....شكوو شبيج

فيروز::بيبي راح تسولفلهم على مرة.هادي خاف تصير مشكله

بيان::ترا لو بيبي ماتحجي اني احجي لذياب ليش نسكت وهيه الغلطانه كلمتها موهينه كالت نكسرهن بنهوه اعتقد عليها فصل هاي

روز::مركزه بكلام بيان عبالي راح تحجي شي مهم هيه كالت اعتقد عليها فصل واني وفيروز غصينه من الضحك.

فيروز: :ههههههه .تعلمت على الفصول الخايسه عود هيه تعرف وتحجي
الثوله اولآ همه اهل مابينهم فصل ثانيا

هاي لو انتي كاعده بديوان وتكليليهم اريد فصل لان كالتلي نكسرجن بنهوه الشيوخ يكتلونج بنعال

نرجس::بس صح كلامها اصلا بيبي تفتهم وراح تحجيلهم لان اذا سمعو من بيت خيون احتمال يطلعونه جذابات خليها تحجي هيه بالاول احسن

فيروز: :وذياب اني هذا المخوفني ردة فعل ذياب وخاف يمل من مشاكلنه

بان::محد.كالهم يجيبونا لهنا ويتورطون بينا ...وشي ثاني ذياب مايمل منعدنا

فيروز::سكتت اتامل كلام بان احسها كبرت عشرين سنه من طفله همها الوحيد الكتاب والضحك الانسانه غايبه ابتسامتها ومكتئبه اربعه وعشرين ساعه

نتظرنا روز تنوم ايهم سدينا الباب ونزلنا كعدنا يم ام اصهب تصب جاي ..اخذت الكوب من ايدها. رفعت راسي صارت عيني بعين اصهب درت وجهي بسرعه







بدت بيبي تحجيلهم ..وخلود تكذب بحجي بيبي وتكل لمهنا طردت اختي وفيروز تعفطله شني جهال احنا

كام ذياب متخبل يغلط ويسب على خلود واختها وهيه عوزها شويه وتمد ايدها على ذياب
عاط بيها عمو مهنا دخلت الغرفتها ومسكتت تحجي وتغلط

اصهب تخبل على كلمة نكسرهن بنهوه وذياب
مكابل عمو مهنا ويسب بخيون وعمو مايقبل واحد يغلط ويردهم يهدون ماكو صاح ذياب بصوت عالي اعلى من الكل بحيث الكل سكت وركز وياه

ذياب::شوف عمي ..روح العمك الشفيه وكله يبطل مؤامراته ويكف شره عن اخواتي بيني وبينك العباس ..مايوكف بوجهي اكبر واحد اخلي طلقه بنص كصته وانعل شيب اهيلته


-اصهب بجهه يعد ويصف وذياب بجهه اشرتلنا عمه اصعدن الغرفتجن ..اخذت اخواتي وصعدت
مانزلنا للعصر. طلعنا الولد ماموجودين وعمو مهنا عده خطار بديوان

اجن يمنا زهراء وبنين اخذنا زوليه صغيره وطلعنا بلحديقه . وام اصهب جابت كليجه وعصاير واجت يمنا.

تخبل تحشش وتضحك ويانا عبالك.مراهقه اوقت الجديه نشوفها مره عاقله وثكيله كالتلها زهراء

-شني عمه صاير عدج كرش عبالي حامل

ام اصهب::منين احبل البارحه عمج هستوه يريد يحبني وجانه ذياب .. طيرها علينا بعد لفيت راسي ونمت توسل راد.كتله ماكو ضاع حكك سب ذياب ونام

بنين::عمه. اريد اسئلج شي ومستحيه
-اسئلي اسئلي عود تردين تراويني روحج مؤدبه وانتي اكبر افيسده

فيروز::هههههههه
-ههههه لا باوعي عمه هوا عمو هم يروح يم خلود
-ااي يروح جا حرام
-وعادي عندج.ماضوجين
-اضوج من جنت كبل اول ماخذته هسه لا مو ادري بيه مابيه حيل اكول بس ينام يمها عادي

فيروز::كلش غيرتلنا جو محد اجت يمنا وغثتنا. الغروب كلش.راحن زهراء وبنين. وكمنا صلينا وبدينا نحضر العشا ويا عمتي

وسهام تخبز .بدو الولد يرجعون للبيت وليث اكل كلبنا بلمطبخ يفتر ورا امه جنه.طفل يكلها اريد مليون حاجي ابوي. وهيه تكله ولا الي شغل منيله ابوك الفصول وودي الفواتح مامخليه على حاله فلس

وهوا قافل الا يشتري ايفون كالتله تلفونك مابيه شي..ماتشتري ..زعل وطلع ..كملنا العشا احنا بلمطبخ وهمه بالصاله

غسلنا المواعين ونضفنا المطبخ وطلعنا بصاله يم ام اصهب تصب جاي ...الولد يباوعون على لعبه ومركزين

ومن خسرو كلهم ضاجو ..كال لييث

-يابه اريد مليون
مهنا::اي ابشر تريده صك .لو ورق لو خمسه وعشرينات

-يابه هوا اني شوكت طالب منعدك
-انته ليش ماتشتغل شعوزك ايد.رجل لشوكت تاخذ مصرفك منعدنا

-شني اني مقصر جاي اشتغل ..هسه المهم اخر مره اطلب منك اريد ايفون اطيني مليون

-والله ماطيك فلس احمر
-والله اذا ماجبت الايفون اخبلكم

ذياب::شبيه تلفونك ماصارلك.شهرين.من جبته
-ماريده اني عاجبني الايفون

اصهب::انجب لك انجب كم ..ايفون الوصخ بالقران حتى العدك اسحبه انتبه لدراستك احسلك

ليث::متاكدين.ماتطوني
مهنا::ماتشوف مني ربع

-خوش اني الكم سهله ولعباس

فيروز::كام ليث واكف اباب الصاله يهدد.بس بضحك همه محروك.كلبهم منه وهوا يحجي بضحك.

عافهم وطلع وكلهم.يحجون عليه كالت ام اصهب موتني يوميه سالفه لو يشتري دراجه وينساها ويرجع للبيت مشي ونوب ميلكاها

لو يشتري تلفون غالي ومن يطلع يعوفه بمكانه ويكوم لو يضيع لو ينكسر


-نسحبنا الغرفتنا بان وبيان على تلفوناتهن بس نرجس صافنه نطيتها تلفوني. وكتلها افتحي حسابج بيه

اخذته من عندي مبتسمه كعدت يم روز..ثنينا نباوع ماشه ويا ايهم

غفت روز وايهم بعده كاعد.غطيتها واخذت التلفون من ايهم ..نومته بحضنها.....شفتها هستوها ب12الا ربع ..درت عليهن...يله جيبن التلفونات

نرجس وبان بسرعه نطنياه ..بس بيان تذمرت ضايجه ..قفلته شمرته عليه ولفت راسها نامت خليتهن جوا مخدتي

.حتى لو تضوجن مني ميخالف المهم.ماخليجن تغلطن...فززينا الصبح على هوسه وصياح

..وحده اجر بحجاب الثانيه نريد.ننزل نشوف شكو ..نزلنا نركض
كلهم بساحه متخبلين ..جمدت بمكاني واني اشوف كلمه جبيره على حايط الصاله. من برا بلون احمر

كاتب مطلوبين دم ...

يتبع

ثأرهم وبنات المسيحيه(الاصليه) - البارت 18 -
𖦹 𖦹 𖦹𖦹 𖦹 𖦹 𖦹𖦹 𖦹 𖦹

حمّد لا شاف بَيهم شوَك
لا نشدوا على أخبارة
حمّد هاچر وَعاف
مَن نباعت أسرارة .

𖤐𖣐𖤓𖤐𖣐𖤓𖤐𖣐𖤓𖤐𖣐𖤓𖤐𖣐𖤓𖤐𖣐
كلهم بساحه متخبلين ..جمدت بمكاني واني اشوف كلمه جبيره على حايط الصاله. من برا بلون احمر

كاتب مطلوبين دم وهمه متخبلين منو وشلون كدر يوصل البيتهم ويكتب هيج ..طلع ليث يفرك بعينونه ويصيح شكو

وعمو مهنا تلفونه على اذنه يخابر كاله بطرس

-ماتشوف شكاتبين
-ضحك ليث ضحكه.طوويله مختنك. كلهم صافنين عليه متفاجئين بتفاهته يضحك بهلموقف ..كالهم. وهوا مختنك يكح ويرجع يكمل هاي ههههه انا. انا كتبت هيج

غاص من الضحك كلهم يغلطون عليه وهوا يضحك لزمه اصهب وشهاب كطعوه يردونه يسكت ماكو بحيث خشمه طك دم وهوا يضحك

واصهب محترك كلبه من جد يضربه بقوه وهذا منتهي يضحك على اشكالهم ..رجعنا للمطبخ هابطين كعدنا وليث على السنك يغسل بخشمه

وامه تغلط وترزل بيه ..وهمه من شويه استوعبو تلاطفو ويا ليث وضحكو وضل واحد يكل لثاني اني عبالي بيت فلان لو هذا يكول اني كلت فلان

خليت قوري الجاي على الطباخ وام اصهب كعدت تكصص طماطه وتصيح موتوني هسه يجلطوني واموت ...باوعت على ذياب صعد الغرفته

غمزت الروز بمعنى رايحه ..طلعت من المطبخ جاي اصعد لذياب صعد وياي اصهب يمشي بموازات خطوتي كال

راح ترجعين تنامين
-ها لا اريد احاجي ذياب...باوعتله مبتسملي ..دنكت وهوا راح الغرفته دكيت باب غرفة ذياب

.فوتي
-دخلت ..مبتسمه..شدراك اني
-هه مو الولد يفوتون كبل ميدكون الباب

-رجيت ضهري على ميز. اتأمله وهوا كدامي رتب فراشه وعزل ملابسه الوصخات التفتلي

ذياب...اي كولي شنو تردين
-عدلت وكفتي ..ذياب انته تعرف احنا وين.واصلين بدراسه اني ونرجس وروز سادس..كعد على طرف الجربايه منتظرني اكمل

.كملت كلامي وبداخلي مأيسه يقبل...وبان وبيان رابع وشاطرات ..يمكن اني الوحيده موشاطره وماحب الدراسه اخواتي كلش متعلقات بلمدرسه

خاصه بان وبيان ..البارحه بان تكلي حيل جاي تقنعوني انتحر وخلص بان مكتئبه حتى متسولف ويانا ...وكف على حيله عاكد حواجبه مصدوم كتله مختنكه واحس بلعومي احتقن

.اني اموت اذا صار شي على وحده من اخواتي مابيه حيل صدمه جديده خسرت اهلي ثنينهم بنفس الحظه شلون اذا بان سوت بنفسها شي الله يخليك رجعهن للمدرسه







..وكف كدامي ولقلق مبين على ملامحه سبحان الله بكلمه وحده تتغير ملامحه خله ايده بجيوبه وكال بجديه

-اني انقلجن هليومين بس وايهم شلون

-وين تنقلهن خلي نرجع للبصره هيه بس شهرين نخلصهن ونجي هنا ضحك باستهزاء

-شيلي هلفكره من بالج ..المهم هليومين اسويلجن نقل ايهم شلون ياهو يدير باله عليه

-كلبي وجعني واني احس راح نندفن هنا كل عمرنا خاصه اذا انتقلنا بلمدارس لهنا يعني انسى يجي يوم ونرجع للبصره ..تنهدت وكتله

..انقلهن واني ماداوم اني ادير بالي عليه ..دار يجيب باكيت جكايره ويحجي

-زين هوا متعلم على عمشه. يبقى عدها. داومي داومي

-شقصدك
-شنو
-وروز؟
-ماتداوم
-لاا ذياب لاتسوي هيج. راح تنقلنا كلنا وهيه شنو ذنبها ليش ماتخليها

-لان زوجتي وبكيفي ..الراحت للنجف وحدها واخذتجن وراحت للبصره بليل ..شلون أأمن اخليها تروح للمدرسه.شيضمنلي متروح مناك وتخلي راسي بالطين وسدي الموضوع ماريد نقاش لان ابطل مانقلجن كلجن ولا اخلي عمشه اداوم

-هاي هيه انقل نرجس وبان وبيان مدام روز ماداوم اني ماداوم ...دار عليه خازرني

-اطلعي بررررا

-اباوعله.ودموعي نزلن ..اخ يابه شكد.استهضم من يحاجيني هيج ..دار وجهه اول مابجيت..طلعت من غرفته كلبي يفور ماعرفتك ياذياب ..يوم ماكو احن من كلبك ويوم اقسى من الحجر

.طلع اصهب من غرفته مبدل. درت وجهي بسرعه اريد ادخل الغرفتنا صاح اوكفي فيروزه شبيج ..عفته ودخلت للغرفه امسح بدموعي ماريد احد يشوفني ضعيفه دك الباب ويحجي بهدوء

اصهب::فيروزه شبيج تعالي احاجيج اطلعي
وينج فيروزه راح ادخل ..

-هفيت على وجهي بيدي اكرهه ضعفي ..فتحتله الباب مدنكه

-ياهو وياج احجي ذياب حاجاج. كليلي والله اطيحلج حضه

-رفعت عيني بعينه ..اشوف القلق والخوف البعيونه بمجرد شافاني ابجي ... واكرهه نفسي من اشوفه هيج واني ماشوفه غير حاله حال ذياب

نزل عينه من عيني وهاي اكثر من مره يسويها.من اباوع بعيونه يباوعلي ثواني وينزل عينه ....كتله ماكو شي ولخنكه بصوتي

-تبجين واكولين ماكو شي احجي.بويه شبيه وياج ذياب

-ااخ ياعيوني الولا مره سترني بموقف وخلني ماضعف باتفهه شي ينزلن ومجرد احس احد.مكسور خاطره عليه ابجي لو واحد.يكلي شبيج ابجي ..امسح بيهن واحجي

.مايقبل يرجع روز ويانا للمدرسه كتله رجعها واني ماريد مايقبل تداوم ..شلون اني اداوم وهيه بلبيت شلون اسوي بيها هيج

اصهب::على هاي تبجين هنيال روز على هيج حنيه شايلها كلبج ...هاي الج مني كلجن تداومن حتى عمشه على كولت ذياب ماعليج بيه موبكيفه شني بس.هوه شيخ ويفرض انا امشي كلامي عليه وهوا الممنون

-اني ماريد اداوم ابقى علمود ايهم بس اريد اخواتي يداومن

-بس اني اريدج تدرسين

-باوعتله مرتبكه. من طريقة حجيه ..كتله ايهم مانكدر نعوفه كلنا

-اني احلها ماعليج..المهم هلعيون المرمراتني مايبجن.

-ارتبكت وحسيت نفسي دخلت بسالفه ماعرف اطلع منها بس نقذني ذياب من طلع من غرفته دار عليه اصهب مبتسم كاله

-منو سمحلك تزعل فيروزه
-هه منا وهيج استأذن منك بالاول. هيه على كلشي وبجت موتتني

-جا مو على اساس اخت ذياب وشتأمر وشتريد. شني بس حجي بجيتهاا هااا

-اجه ذياب يمنا يضحك ويحك بلحيته كرصني من خدي واصهب يشمر عليه. اخت ذياب وشيخه وتنفخ بيها علينا تالي بجيتها..

ذياب::هسه انته تصالحنا تحرضها عليه ماعرفناك
..يابه اني شوكت كايللها على شي لا بس اكو شغلات يعني المفروض هيه تعرف شنو جوابي

-مدنكه مستهضمه مادري عليمن. اسمع حجيهم وبلكوا لازمه دموعي كاله اصهب

-امشي امشي ويصير خير ومايكون خاطر فيروزه الا طيب..بجه ايهم درت عليه وهمه نزلو اخذته غسلتله

ونزلنا كاعدين بصاله يتريكون الولد والبنات يم عمتي بلمطبخ روز دگلي وبان وبيان كاعدات يمها يصفنن

نتبهت النرجس ماكو رجعت لصاله شهاب ماكو احس نغزني كلبي خزرت روز وهيه بسرعه استلمت اشرتلي بحاجبها لساحه

نرجس::كعدت بلمطبخ يم ام اصهب ..تخلي طباخ صغير بريمز بالگاع وبصفها عجين سياح
وصينيه وتكعد تسيح

سهام كعدت تكصص لحم للغدا..ومروه تصيح ماكدر اطك بيض تلعب روحي كامت روز تسوي
بان وبيان صفنت الصبح بعدهي مرايحه منعدهن

..عجبني شلون تسوي سياحه تفرها بطريقه حلوه ..عمه علميني

-ههه اوكفيلي خليني اجمع حتى اعمامج يتريكون ودور اعلمنج ماينرادله شي

بيان::دعرفي اخبزي ونوب سيحي
-معليج مبين السياح اسهل من الخبز..جاي احجي وياها ..صار شهاب اباب المطبخ الخارجي كال

-نرجس تعالي شويه
-بقيت اباوعله مصدومه مروه وسهام مامهتمات. واخواتي يباوعلي كالت ام اصهب كومي يمه

كمت خازرته شلون حرجني هيج..مشه من يم الباب بصف سياج الخضره. وكفت يمه ارجف وعيني على الباب لايجي ذياب لو فيروز

رفع شعره بيده. من عيونه متلافي يباوعلي
داير وجهه مني ويحجي بعصبيه من بين اسنانه

-شنووو الترررردينه انتي هااا شنو احجي...اني جاااي اموت ياظالمة النفسس وانتي حتى متخلين عينج بعيني ..اتحسر على نظره منج







كتلج ماوكف بطريقج اذا متحبيني وهسه اكلج.جذب كفيلج الله ماكدر اطك واموت شبهذلتي حالي منين اجيتي الكلبي عله

-مدنكه راسي ابجي اجذب اذا اكول مرت ساعه ومافكرت بيه لو ماحس بكلبي يحبه
اصلا مجرد يخطر على عقلي كلبي يرجف..كوه على روحي تجاهلته بالالف ياعلي ابعد عيوني وماباوعله

-لادنكين. حاجيني شنو التردينه ليش.ماتخليني احاجي ذياب

-مسحت دموعي مخختنكه. ولكلمه كوه تطلع مني ....ماكدر ازعل فيروز. اتخبل من تزعل مني

-وليرحم اهلج لاتوجرين گلبي عوفيلي فيروز على صفحه ..وكليلي الاريد اسمعه شليتي حالي

-شنو تسمع..حجيتها وفعلا ماجنت فاهمه شنو قصده كال

-لاتغشمين نفسج..تحبيني اريد اسمعهاا

-درت وجهي بسرعه وكلبي عبالك كل الناس سمعت دكاته

-غير تحجي سمطت اهل اهلي
-شجعت نفسي واني مدنكه ..كتله.البكلبك مايقل شي عن البكلبي ..

-ارفعي عينج وحجيها ...ليش مدنكه
-شهاب حباب والله فيروز اذا شافتني وياك تتخبل
-شتعلت فيروز بنار ونفط..احجي وروحي بس ريحي كلبي

-رفعت عيني بعينه اريد احجي وماكدر. شعور الخجل والتوتر والخوف والتردد البداخلي احس هلكلمه صعبه ..عيونه العلا شفتي ومنتظرتني احجي احس نفسي صخنت من الموقف كتله. وصوتي يرجف

احبك وحتى اكثر من ما انته تحبني ..بس ماكدر ازعل فيروز الخاطر نفسي ..ويا كل كلمه احجيها تكبر ابتسامته ..شفت فيروز واكفه قريب علينا اتسعت عيوني ارتبكت وخفت وهوا دار عليها يستغفر

فيروز::ماكدر اكسر كلب اختي واني اشوف دموعها واسمعها شلون مفضله رضاي على كلبها ..اشرتلها بيدي ابقي وبتسمت على اعصابي. تقربت عليهم وحايره الجاي اسوي وين راح يوصلناا

شهاب::راح تغرد ست فيروز
-ووجع حتى وجع شحجيت. هسه اني ..وثانيا ليش تختلي بيها وحدكم

-اريد اغتصبها
-ضربته على ايده حيل ونرجس شهكت مصدومه احتارت وين تنطي وجها وهوا يضحك ..سخيف ادبسززز ترااا اخذها والله

-ههههه لا يابه اعتذر لو ماعيب جا هلهلت. ها تينه وهاي فيروز وقبلت شعدج بعد

-هوووب هوب منو كالك قبلت شو تقرر بكيفك. احجي مبتسمه من اشوف الحب البينهم ماكدر اوكف بطريقهم

شهاب::انجبي انجبي ..قبلتي واسكتي يله ..

-ههه سحبت نرجس من ايدها مدنكه ميته من الخجل. كتله.ديله ولي ولي يله

-اوكفي اوكفي عليج الله ..تينتي. شنو نوع التلفون التردينه

نرجس::هاا ياتلفون
-ااخ الله باع الفهاوه ..ديله احجي يمعوده متشوفين هاي شرطي مرور واكفتلنا غير اخوج يكلي جيبلها تلفون من هسه راح تقطيني







-ضحكت على سوالفه وعلى نرجس حتى متعرف شتحجي كتله جيبلها ايفون تحبه صاح

-انجبي يبوكه منها ليث وعلي
اجيبلها نفس تلفوني ها شكلتي تينتي

نرجس::بكيفك

-امشي امشي ماينطالكم وجهه انتم...اخذتها من ايدها. وشهاب ورانا ابتسامته شاكه حلكه اول مدخلنا للمطبخ

باوعتلنا ام اصهب ضايجه ومن شافتنا مبتسمين ضحكت ساكته ..صاحت على نرجس

تعالي نرجوسه اعلمج السياح حتى بعدين انتي تسيحين بمكاني وتغمز النرجس ...كعدت بوسط بان. وبيان مبتسمه وروز عيونها تتسائل شنو الصار

كعدنا نتريك وام اصهب ويانا. طلع اصف من المطبخ ولابس حذائه عاطت بيه ماطلعون من الصاله

اجه وراه ليث يمه اطيني عشره ..رزلته ونطته وهوا يصيح فشلتوني كلساع واحد مرزلني مسويني مندر رزايل ولعباس ماينعاش وياكم هسه اعوفكم واسافر الروسيا

الحد اهنا جان يحجي بجديه ..وكف صفن شويه وكال اسافرررر ...وتزوج روسيه عيونها زرك وشعرها اصفر بويه كلبي واجيبها الج هيام بس خاف تكرصها بگه وتموت

اجاه نعال طاير
اصهب::هاي عود مصرفك من امك وتخطط تسافر الروسيا اذا تشتغل وين تسافر للمريخ

ذياب::ههه لا اوكف عوفك من السفر جا هوا مو كال حبيت. وحده عيونها خضر ويحلف يحبها صدك شو صار نوب يريد روسيه

ليث::حيل شكد قديم عفتها من زماان. تطلكنا تعوفني وتنام ب8 ويا الدجاج جا ويامن اسهر ويا بدريه

بطرس::ساقط تضحك على بنات العالم تطلع بعرضك

ليث::ولعباس ماضاحك عليهن. كتلها اسهري لاتنامين من وكت اني رجال احب تبقى حبيبتي وياي سهرانه كالتلي

جا انته هم حاسب روحك رجال البربوك خلتني احضرها حتى مارديت عليها اسبوع اني مافاتح فيس

فيروز::حتى بطني وجعتني من الضحك والاحلى من هذا كله اول مره اشوف ذياب يضحك من كل كلبه وبصوت عالي

ليث يكلهم ضحكتكم المفروض تورقولي كل واحد خمسه اصهب افتر يدور على نعال وهوا اخذ كتبه وشرد

وكف ذياب يمنا وكال البطرس

ذياب::تروح اجيب قبول من المدرستين
بطرس::المن والمن
-كلهن
فيروز::طررت من الفرح باوعت على اصهب مبتسمه ابتسملي وغمز ...كالته عمتي

-جا ليش مونفس المدرسه
-هاي دوامها احد وثنين وثلاثاء صباحي اربعاء وخميس الضهر ..
ولمدرسه الثانيه بلعكس...علمود يتعاكبن ومايضل ايهم وحده

اصهب::يله ذياب شوكت نوصل
فيروز::طلعو الولد ..وبان وبيان طايرات من الفرح ..وكلساع وكالن شلون كتبنا ملابسنا







كالتلهن ام اصهب. اصطبرن اطول شغلة النقل لازم يروح التربية العماره ادور يروح التربية البصره

طلعت خلود.من غرفتها وجها مايكصه السيف سوتلها ريوك وكعدت تاكل .. اجت بيبي يمنا. شاده راسها بعلك اخضر

الحجيه::ولج هيام اكضي غرضج واخضيني للمستوصف راسي يريد.ينطر بنص

خلود::الحوبه تسحك وتلحك وتاخذ ثلثين من الحك

الحجيه::كون كل السحارات ولكح.. الهن حوبه تدوهنت الناس وماضلت وادم..جفيلج العباس يكون ماتكضين السانج هذا سحرج الصارلج مسكته بيه مهنا سنين ادفعن دم كلبي وخليه يطلكج

فيروز: :ساكتين مصدوومين شكد اختلافيات اول ماجينا خلود وبيبي مثل السمنه والعسل وهسه صار المعاير بفلس ..خلود قويه ماتتنازل وترد وبيبي حتى عيونها منفخات من كد ماراسها يوجعها

واول شخص غلطت عليه خلود هوا ذياب وكفت بوجهه بيبي وكالتها حرررك كلبي وكلب دلال ان ماحركت كلبه اني موخلود

احس قشعر جسمي من تهديدها ومن كلام بيبي وهيه تردها

-ولج خليييده الزهره عليه يكونج تگربين صوب ذياب ابهذلنج ولج تتهاددين على ذياب جا موش طلعوج من ايده اجنازززه خافنج نسيتي ..

-جسمي يرجف من عركتهن وام اصهب ساكته راحت خلود الغرفتهاا تدعي وتغلط وبيبي تردهاا
نترت على ام اصهب كوومي فضيني راح انجلط

كامت ام اصهب تغسل وتحجي مروه سون هيج وهيج ولاصعدين فوك البنيات ينضفنه عليج بس الصاله والمطبخ

مروه وجهه صار مايكصه السيف وعمتي حست عليها كالت فيروزه اطبخيلي تمن بعد امج هاي الصراحيه الزركه ثنين ونص سوي

كتلها صار روحي لاتهتمين ....بدلت واخذت بيبي وراحت .. .وكفت مروه تسوي بيضه البتها وتحجي على عمتها ...ركضت للحمام تتقيئ

وسهام دكلها حيل شورت بيج ..من صدك اليوم صدمني يعني واحد حاقد على الثاني ..روز ركضت المروه ..ونرجس كامت لجهال كملت ريوكهم وكعدتهم

نكسر خاطرنا على مروه كلش اختنكت كنالها روحي الغرفتج احنا انضف ماعليج. عافت حتى جهالها وراحت وسهام تفتر وتصيح العياره هاي

روز::شبيها هاي ماتشوفها شلون تخربطت
بيان::شعلينا اسكتي لاتسمعج مالنا شغل باحد
-بس خطيه. يعني تخربطت كدامها وماهتمتلها

فيروز::شعلينا يمعوده ديربالجن تثقن بوحده من هلبيت شفتي شلون ساعه تشوفينهن كلب على كلب وساعه وحده تريد تاكل الثانيه

نرجس::اصلا اني كلهن ماحبهن مونوب اثق بيهن احب بس ام اصهب

-هززيت راسي اضحك..اي اي ام اصهب تختلف ..ضحكت نرجس خجلانه. وروز كالت شنو شصاير من وراناا ..سولفتلهن وكعدن ينصبن على نرجس







رغم الخوف البكلبي بس افرح من اشوف اختي شلون فرحانه وكلساع تصفن وتبتسم ..كمنا انضف. وحده تغسل وحده تكنس

وسهام تنضف الساحه وترشها يعني هم تتعب سويت تمن واجت سهام تسوي. مركه ..
اخذنا الواهس ونضفنا كلشي. دخلنا الغرفة الحجيه نضدت الفراشات مخربطه

طيحناها.وسئلنا سهام على الدرج كالت اي فكني. سونها تلكن الدرج فوك بلمخزن صعدن بان وبيان ينزلنا

احنا ولا وحده تعرف تسفط فراشات عدل بس روز تسويها تخبل حتى اضبط من امي

شكد طلعنا غرااض من الفراشات نضحك كلما نلكه شي ومتونسين. كملناها تعبانين ..وايهم حتى المخاد البصاله يجيبهن يريدها تخليهن بنضده

ب11اجن وبيبي حيل تعبانه كبل تمددت بغرفتها ضلينا نفتر ورا ام اصهب نريد نعرف شنو سالفة ذياب وخلود وتهديدها

ماقبلت تحجي تعضلنا شفه عود لايسمعن ..عفناها وصعدنا صلينا ..وبلغدا ولا واحد من الولد اجه بس ليث وعمي مهنا وعمي مهدي وسعد رجل مروه

تغدينا وكلشي مسوينا كبل صعدنا الغرفتنا نمنا
لان كاعدين كلش من وكت بيان كالت مانعسانه كنالها كعدينا بالاربعه

روز::كعدني ايهم متنحس ..درت على بيان شبيج موكاعده ماتحاجينه
-حاجيته مايريدني والله
-ابيش الساعه
-بالاربعه وربع
-طاحضج كنالج كعدينا بالاربعه ..فيروز ..نرجس هيو كعدن ..كعدنا والبيت هدوء ..غسلنا ونزلنا جوا ماكو احد

دخلنا يم الحجيه لكينا ام اصهب يمها
-صح النوم تعالن
الحجيه::ياهي مسويه النضيده
فيروز::روز
-عفيه عفيه الله لايعوزني لسهيمه

روز::كعدنا يمهن وبكلبي اكلها هوا انتي مالج صاحب حتى سهام بعتيها. كامت تريد تتوضى وتقرا قران

دخل شهاب يضحك كلنا باوعنا النرجس ادنك خجلانه كعد يم امه يباوع النرجس ويضحك

شهاب::جبتلج تلفون تينتي..باوعي باوعي الخجل ولج يمه هاي لعبت بحال ابنج لعب

ام اصهب::البعبه صخل يمعمع تذكر من كتلي شني ذيااب خايف على اخواته منعدنا انته لو ما تدري بروحك عاشك اخته جا ماحجيت

-ههههه دسكتي هاي سوالف ابيناتنا.

-طلع التلفون شاحنه وكامل مخلي صورته خلفيه ويضحك. ضربته امه وكالته اثكل لاتخلي الناس تدري هاي خليده ماتكعد لاتسويلك شي

خله ايده على حلكه عود ساكت ما احجي ..
طردته من.يمنا طلع ويكلها هاج يمه هاي بوسه الج ..ولحماره نرجس ....ضاعت من الخجل

ام اصهب::ها فيروز فكيتي ياخه عنهم
-والله عمه خايفه ولازمه كلبي بيدي بس شسوي لايطيني كلبي اكسر كلب اختي ولابيه اشوف شهاب مقهور

-لاتخافين مايصير شي اني حجالي شهاب وكالي حاجي فيروز ومارضيت كتله خلها تخاف عليهن من تقتنع بحبكم ترضى







-الله كريم عمه بس وصي شهاب عفيه
-لاتفكرين معليج يمي ..يوم اليحن كلبج على اصهب

-اختفت ابتسامتي من شفتها شلون تحجيها متحسره ..كتلها بكل جديه عمه اخطبيله وزوجيه اني اشوفه حاله حال اخوي
حطت ايدها على حلكها

-امشيه عليج العباس يكون دكليله هيج يمه يموت اصهب خايبه سنين وسنين عايش ويا اسمج وهسه تردين تكليله اشوفك اخوي غير ينجلط

-جا عمه تردين اجذب عليه واخليه يتامل واني ماشوفه غير اخو حاله حال ذياب

-يمه بالعباس حجاياتج وجعن كلبي انا شحال يسمعهن هوا كلشي لاتكليله اسكتي وليرحم والديج

-سكتت ضايجه لا اريد اضوج ام اصهب ولا اريد اخلي اصهب يتأمل بيه. ودت بان دكعدهم لان راجعين من شغلهم ب2 متغدين ونايمين

نزل ذياب معصب وشعره مخربط كعد بصاله باوعلي وباوع الروز. دار وجهه وكال اريد جاي
ماحدد من منو يريد كامت روز بسرعه سوت وكفت يمهاا.

شبيج هيج متوتره
-دشوفي شكله اكو واحد يشوف هيج خلقه ومايعصب
-شبيه جنه العافيه
-ااي اخوج طبعا متنطين بيه
-ههههه ..باوعي ايهم تلف ملابسه
-عليج الله اخذيه بدليله مليت والله
-ابجي ابجي ..اخذت ايهم وصعدت ابدله

لكيت رساله جايه التلفوني ..فتحتها من رقم كاتبه
*هلو فيروز اني سندس
-كلت اوووه ضجت ماريد احجي ويا احد من هذيج العائله بس واكف بعيني موقف سندس ودفاعها عني كتبتلها
*هلو بيج شلونج شخبارج
*موزينه اني انتي شلونج
-خير ليش. شبيج ...مجاوبت دقايق وصللي صور فتحتهن وكلبي يوجعني ..جسمها ازرك حيل مال ضرب

*صخااام هاي شنو ولج
*هذا الجلب كلما يرجع للبيت مغثوث يطكني راح اتزوج وافتك منه

*سندس ديربالج على روحج اخوج مو صاحي
*الله كريم اكلج فيروز ديربالج على اخوج
ترا محمد مايفك ياخه عنه الهسه يتهدد عليه وحالف يمين يكتله ..ولج حتى ابوي انجلط من وره

-وجعني كلبي ..صافنه برسالتها وكلساع اعيدها كتلها..شيريد هذا مايفك منعدنا ..كبل كالت يله فيروز اني رايحه باي

عفت التلفون .متوتره ..اخذت ايهم ونزلت لكيت روز بعدها بلمطبخ ...شنو بعدج ماصابه جاي

-خررب غير شلع كلبي بعده خفيف
-دصبي راح يصيح
-صبيتله بكوب واخذته مالكيته بصاله كلت النرجس وينه كالت يم ام اصهب باالغرفه

اخذت الكلوب دكيت الباب وفتت ايدي ترجف
اول مرفعت عيني خزرني بغضب ..خليت الكوب بيده وشردت

وكفت يم فيروز بلمطبخ واكلها شو خازرني. شبيه هذا ..طلع من غرفة ام اصهب باوعلنا اني وفيروز
تقدم خله الكوب بيد فيروز وعينه بعيني همس بغضب الحكيني للغرفه عافني ومشه واني احس رجليه جمدن ....شيريد هذااا

فيروز::رووحي شبيج
-هلو ويين اروح صدك تحجين شفتيه شلون خاززرني
-اوووه روز شبيج. ليش تخلينه يصيح عليج امشي ..دفعتها على الدرج ترجف مشت وعينها عليه

روز::وكفت اباب الغرفه ...اتنفس بقوه حتى اهدأ شويه ..دكيت الباب من اول دكه فتحه وجرني للغرفه حيل سد االباب ودفعني على الحايط حيل شهكت مصدوومه

-شكااااايله الام اصهبب
-قطرة.دم مابقت بيه. .كتله امتمت ..ما ماكلت شي ماكايله ...خازرني بغضب واديه على اجتافي

-اهااا والج عين تجذبين...لج شنوو تكليلها بس بالاسم زوجتي تلعببببين عليه انتي

-ارتبكت وخفت اكثر ..دنكت ودموع متجمعه بعيني ..لاا ماضحك عليك..بس ابوي عافاني بعد حتى لو تطلكني وتتزوج بعد مايدري هوه ..

عصر فكي بأيده حيل شهكت موجوعه ودموعي نزلن

-اذبحج ومايرفلي جفن من اسمع عايده هلسالفه ..كتلج كبل عقد المحكمه تكدررين تنسحبين وراها مالج حق.

-هززيت راسي اااي. ودموعي ينزلن على ايده..باوع بعيني وعلى شفتي سحبني عليه يبوسني

رفعت ايدي ادفع بصدره مصدوومه دفعتة ...ابتعد مني ، كصته على كصتي

جريت نفس اشهك.من البجي وامسح بشفتي
ندك.باب الغرفه حييل دفعني الجهة الكنتور حتى من. يفتح الباب ما انشااف

بان::ذياااب الحك..الخيل ميتات

يتبع

ثأرهم وبنات المسيحيه(الاصليه) - البارت 19 -
𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

انه الشص بـ لهاتي
وشايغ من العَض
ويگلي الشفية ، المنتچي ، المرتاح
تتعوض .

𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪
روز - اتسعن عيوني مصدومه بمجرد سمع بان ركض عافنا وركض جريت حجابي واصيح على بان شكوو

بجت وتحجي مختنكه

-ميتاات روز خطيه ماتن
-نزلنا اني وياها البيت كله فارغ طلعنا. نباوعلهم كلها يم الاسطبل اصهب متخبل ويتعارك ويا الرجال الاسمه ابو فارس اليدير باله عليهن وذياب كعد يمها على حيله. مخلي ايده على راسها ويحركها بهدوء...شكلهن يكسر الكلب. الرجال يحلف الاصهب موكلهن ومنطيهن ماي اجه لكاهن ميتات شهاب واكف بينه وبين الرجال. واصهب متخبل عمو مهنا ايده على راسه مصدوم ام اصهب تبجي وعلى بجيها بان ونرجس يبجن وياها
صدمتهم بموت الخيل عبالك واحد من عائلتهم مات
حجه ذياب بغضب وصوته محتقن ....

ذياب::الادهم متسمم !!

-التفتوله كلهم ساكتين كام من يم الفرس مالته دار بجهة فرس اصهب باوع بحلكها ..وكف على حيله

باوع على عمو مهنا ..وحجه متاكد.من كلامه

ذياب;:متسممات ، مرتك بس.كلي منو يطلعها من ايدي !

-مشه بهمه للبيت وعمو مهنا يصيح عليه لولد ركضو وراه يردون يلزمونه واحنا مثل الثول مافاهمين شي ..ام اصهب تمشي وتصيح دهر الدهرج يا خلود يمه ماترتاح اذا ماتسويلنا طركاعه

صياح ذياب وخلود وصلنا قبل لا نوصل للبيت ..دخلنا لصاله متخبلين من صياحه يدفر بباب غرفتها سلاحه بأيده اصهب وشهاب لازمينه وماكادرينا هيه ورا الباب تحلف ماطالعه من غرفتها وموهيه. الموتتهن وهوا يصيح لججج جربتي كبل ولحكناهن ليششش شمسوياتج ياضالمة النفس

موقفهم مرعب كل وحده من عدنا واكفه بجهه ودمعتها على خدها ..
عمو مهناا يتوسل بذياب ..اني احاسبها بس وخر
وذياب يحلف ماعوفها اموتها مثل ما موتتهن اصهب يتلاوه وياه يريد ياخذ السلاح من ايده وهذا ما يقبل يعوفه ويصيح عوفني ماتحرك من يم الباب رغم كلهم مجلبين بيه ...بيبي تدعي على خلود وام اصهب تصيح اخذو سلاحه وسترو علينااا

جلبو بالسلاح اصهب وبطرس يردون بس ياخذونه من ايده ماينطيه يتلاوه وياهم عيني على فوهة السلاح وين متوجهه..كلما تصير علينا احس راح تطلع طلقه منه. لوتصيبني لو تصيب فيروز البيدها ايهم
غمضت عيوني براحه من وخر ايده من جهتنه فتحت عيني ورجعت اركز واشوف ايده وين متوجهه

احس اللغصه خنكتني من شفته وين عين على بان وعين على السلاح اريد انطق واكلها وخري مرتجيه على الحايط وحدهاا
تبجي..بعدني ما ناطقه ...ثار السلاح واخذ روحي
صرخت بكل قوتي ويا صوت الطلقه مغمضه ، صياح فيروز وعمتي صرخة ذياب باسم بان جمدت بمكاني واني اشوفها من وكفتها نزلت على اركبها ترجف ركضلها ذياب ..
وفيروز تصرخ حضنها ذياب متخبل
- مابيج شي بان حاجيني مابيج شي بان ؟ باوعيلي ماتاذيتي باوعيلي







- تهز راسهاا لا ترجف. حضنها على كلبه حيل مغمض عيونه. وعمو يصيح الله ستر الله ستر .
الكل مصدوم ويحمد ربه ويشكره الطلقه بلحايط
بصفها كلش اخواتي كلهن يبجن يم بان الا اني احس عيوني غوشن ورجليه جمدن بمكانهن مامصدكه الصار. ذياب ما عافها حاضنها بكل قوته اصهب يحاجي عوفها ذياب مابيها شي الحمدالله. وام اصهب تشربها ماي وهوا مايقبل يوخرها من حضنه
طلعت خلود من غرفتها تبجي هجم عليها عمو مهنا يضربها ويصيح ماكدرلج عابره سبع شطوط بويه ماكدرلج جا ماتت البت من وراج
دخت حيل وما كدرت اتوازن حسيت نفسي راح انخربط.نتبهتلي نرجس وجت تركض لزمتني

كام ذياب وهوا حاضن بان الترجف مثل السعفه شالها ساكت مشينا وراه ركضت فيروز فتحتله باب غرفتنا كعد وهيه بحضنه

مفترين عليها كلنا روحنا رايحه. ...شال ايده واشرلناا اششش..كالها بان حاجيني ...وهيه ما تنطق ومن نسمع ذياب والخوف البصوته يزيد خوفنا اجت ام اصهب واصهب وشهاب انطت كلاص عصير لذياب كالتله شربها بس بنتر. اخذه من ايدها ووخر ايده الثانيه من وراها شربهاا شويه وهزت راسها ما تريد ..كالها بس حاجيني ليش ساكته نطقت وصوتها يرجف

بان::عبااالي متت

بس.كالته هيج جرها الحضنه يبوسها حيل ويهمس يومي كبل يومج
كعدت ام اصهب ودمعتها على خدها وتحجي بحركه ..ليش ولك يمه ذيااب جا كتلت اخيتك ولك شوكت تبطلون تركضون على السلاح ولكم هينه من تكتلك روح

اصهب::يممممه موكتها
-انجب انته شنهي خيررر اخس منعده لو جايه الطلقه بلبت ...هاا ذياب شتسووي حاجيني

-عيني على ذياب مدنك وما نطق حرف ..واصهب يستغفر بغضب ماراضي على حجي امه ...وخر ذياب بان من حضنه وكام بدون ما يحجي طلع من الغرفه

اصهب دار على امه كلها ...الا تحجين هسه تردينه يمووت ماتشوفين حاله شصار بيه
طلعو ضايجين ..هوا وشهاب ..تقربنا على بان هاي التحضنها وهاي التبوسها كالت

بان -مامتت اني
فيروز: :اشش لا تجيبين طاري الموت على السانج
بان-اذا متت شنو تسوين؟

روز -بان انجبي ..باوعي ايدي الهسه ارجف من الموقف لاتوجعين كلبي اكثرر..حضنتهاا.على كلبي يايمه لو صاير بيها شي ..اموت

ام اصهب::ينراد اذبح فده على سلامت بان ..
روز::كله من هاي خلود الله لايوفقها بحق الحسين

ام اصهب: -ولت لهلها جعلها لا ردت اخذها بطرس يوصلها ..دوم امرمتنا حاطه دوبها من دوب ذياب

نرجس::يعني صدك هيه مسممتهن
-اي هيه عرفها ذياب
فيروز::شلون عرفها يعني.شنو شايفها ..تحسرت وكالت

-لا ماشايفها ..بس.كبل هم تعاركت ويا ذياب ..الظهر بالليل ذياب راح اللفرس لكاها تريد تموت وتلاحكهاا وكالوله متسممه ..وسلهب(فرس اصهب)مابيها شي ...شك.ذياب بخلود. ليش الادهم متسمم وسلهب مابيها شي ...ضل يدور. وتالي المريه ام فارس طلعت شايفتهاا بيومهاا تسودن ذياب لا خاف من عمه لاخاف من اهلها كضها وكتلها حيل ..وراحت لهلها زعلانه وعمجن زعل على ذياب







وهنه عزيزات عدهم حيل عزيزات هداهن الهم شيخ بني....... من جان عمرهم 20 سنه سالفه طويله صارت وذياب واصهب تدخلو وشهدو وحلوها ولو ماهم جا مات ابن الشيخ...عرض عليهم كيعان وفلوس لان نقذو ابنه ..ومارادو كالهم جا انطيكم هذني الاصيلات وهوا سماهن الهم الادهم وسلهب

.يله يمه اني اروحن اشوفن عمجن ...كومن صلن واحمدن ربجن وشكرنه على سلامة اخيتجن

روز::طلعت ام اصهب ..وهيه توصي صلن احمدن ربجن....حتى ايهم حاضن بان وساكت لان شافنا كلنا حاضنينها وخايفين عليها
بستها وكمنا كلنا نريد نصلي بس هيه كالت بعدين اصلي شو رجليه بعدهن يرجفن

توضينا وصليناا ...بقيت هوووايه على سجاده احس لو شما اشكر ربي راح ابقى مقصرة اجتي بان صلت ورايه ..خلصت صلاه

وباوعتلنا مبتسمه كالت
-تدرن احس فاقده الذاكره كلشي ماتذكر من الموقف
-احسن لا تتذكرينه

نرجس::كلبي بعده يوجعني كون اني هم انساه ..يربي .....ينعاد ماينذكر
فيروز::دنجبييي ينذكر ماينعاد لصتيها

بان::ابتسمتلهن ..فرحانه بخوفهن عليه بقينا بالغرفه اتصلت عليه بطه بطرس مسولفلها كتلها مبيه شي واطمنيي.

كالت فيروز اني راح انزل ويا ام اصهب خطيه خاف تسوي عشا ..كنالها كلنا ننزل ..نزلنا البيت مكتئب وكلمن يشتغل شغله ساكت الصاله بيها بس عمي مهنا ومهدي وسعد .
وبيبي بالغرفه صوتها تقرا قران ..شافني عمو مهنا اشرلي بيده تعالي ..رحت يمه حضني وباسني براسي
بقيت يمه مرتبكه ومامرتاحه ماعرف اكوم لو ابقى. سعد يسولف ويا ابوه على كيعان. ومدري شنو

كملن العشا البنات واجه ليث يمد السفره باوعلي كالتله امه امش صيح اخوتك صعدو يصلون

لكيتها عذر علمود اكوم ..كتلها اني اصيحهم ...رحت الغرفة اصهب يمه اصف
تعالو تعشو...ابتسمولي ثنينهم بس اصهب عيونه حمر.
كالو جايين طلعت واسمع اصف يكله
هسه عليمن مقهور ويصعد ضغطك. .من باجر اجيبلك احسن فرس بس كوم يله كافي

..عفتهم ومشيت الغرفة شهاب ..لكيته يصلي كتله انزل تعشه وطلعت ..كلهم ادك باب غرفهم بس بطرس ادخل كبل

جر الغطا عليه فاز صاح دكي الباب ولج ..ضحكت
اباوع للتلفون وغمزله...استحيت مني دتحجي ويا بطه

دار التلفون عليه ...كلها ..هاي الحماره جا ماتت اليوم ..اشرتلها هلوو ..خلينزل يتعشا بعدين محد يسويله اكل

ضحكت وكالتله يله حبيبي روح. ختم المكالمه وياها وباعلي ...مبتسم...ولي هسه اجي ضحكت وطلعت من يمه ..خايفه اروح لذياب

دكيت باب غرفته ما حاجاني. فتحته على كيف ..كاعد بالكاع والغرفه تخنك من الدخان نفاضة الجكاير بصفه وباكيت الجكاير وتلفون بجهه ...

بقيت واكفه بالباب باوعلي بدون ما يحجي كتله
تجي تتعشا ..سوالي بايده تعالي ..تقدمت كعدت مقابيله دار يطفى الجكاره وايده على خدي







التفتلي ورا ماطفاها ..باسني براسي .. ..وخر يباوع بعيوني حجه.متحسر وصوته مخنوك

ذياب -لو صاير بيج شي ... شكل الابوي موتت بتك شكل الامج ماحافظت على بناتج وكتلتها بيدي

- سويت مثله وخليت ايدي عل خده حاضنه وجهه رغم احس نفسي ماعرف شلون اتصرف وياه....هاي اني ما بيه شي عمري انته ..لاتلوم نفسك بس حباب لا تلزم السلاح بعد والله يخوف
..وهسه يله كوم تعشاا


نزل اديه من وجهه ...كال روحي بنيتي تعشي شبعان اني

-ذياب حباب كوم تعشاا
-اني من اجوع اكل ...روحي انتي واكلي هوايه خوش. يله كومي

-كمت من يمه ..ابتسمتله .. كوه رد الابتسامه الي ..نزلت جوا وكلهم يباوعون على درج صاح اصهب وين ذياب كتله مايريد

دخلت للمطبخ سوتلي مكات روز بصفها ام اصهب كالت مارضى يجي ياكل مو
-اي ماقبل يكول شبعان
-عرفته. وبالغدا هستوه اكل وكام لكه شعره بالاكل وماكمل لعبت روحه ومارضى ياكل بعد

-كالتلها فيروز هسه شويه واني اصعدله احاجي
كملنا عشانا وكفت مروه تغسل مواعين وسهام غثت روز بحجاية
اشتغلي اشتغلي بعد انتي جنه هنا ..وكفت روز ويا مروه تشطف وترجع كعدنا بالصاله هادئين عكس كل يوم محد يسولف ويا الثاني عمو مهنا كال الاصهب .كمت شفت ذياب .كاله اي يريد يبقى وحده عوفه

اجه حمزه طلعله اصف ..شهاب اشر النرجس كومي وهيه تاشرله لا خزرها ودخل حمزه سلم وبدون مايكعد القلق والخوف مبين على وجه كال ذياب بغرفته مو

اصف::اي تعال اصعد

اخذه وصعدو لذياب .ومن اجو خطار راحو الولد للديوان .بقينا بس نسوان بالصاله سهام وام اصهب يكصن بخلود

واحنا نركز بحجيهن لان نريد نكتشف خلود شنو من بشر...التفتن ثنينهن يباوعن السعد من دخل وبأيده علاكه ..يباوع على باب الديوان

يريد.يفوت الغرفته صيحت سهام.امه ..بصوت ناصي ...رديييت ولك سعد ررررديت ماتوب
ماهتملهاا ...دخل الغرفته

وهيه تغلط عليه وتسب ...وام اصهب تكلها مايبطل ...هسه يدري بيه مهنا ويتسودن فلك صابه

.بقينا وحده تباوع بوجهه الثانيه مافاهمين شي شويه وعلى صوتهم يتعاركون هوا ومروه ..مروه تصيح السكير العركجي ...

ركضن ام اصهب وسهام يسكتنهم وكفنا مصدووومين شنو جاي يصير. فيروز كالت

-صخام شنو هذا يشرررب
روز::استغفر الله شهلبيت متروس اسرار كل يوم نكتشف شي جديد ..يوم وحده سحاره ومجرمه يوم واحد يشرب


-الجهال يبجون وشما يضربها هيه تغلط وتصيح. يردن بس يطلعنها من ايده ماكو طلع اصهب من الديوان خازرنا. دفع سعد من مروه

ويغلط عليه مروه سكتت تبجي....سعد ماتحمل حجيي اصهب اخذ العلاكه الجابها وطلع من البيت ..رجع اصهب للديوان وهوا يصيح والله الاسمعلها صوت







فيروز::كومن نصعد احسن لاتجينا رزاله طايره واحنا لابيها ولاعليهااا...كعدنا بغرفتنا. .كتلهن شدراه حمزه بذياب

روز::خاف اصف كاله خطيه بسرعه اجه شفتي شلون خايف

بيان::دنكت متلافيه اباوع الفيروز مدري لان اني مذنبه احسها تقصدني مدري هيه فعلا شاكه بيه.

قبل لايصير هذا كله جنت احجي ويا حمزه ومن عفته ورحت بعد ما جاوبته الحد قبل العشا نتبهت للتلفون ..داز هواي رسايل وين رحتي يمعوده خوفتيني عليج ليش رحتي بدون ما تكولين شي

.كتبتله فرس ذياب ماتت ..فتح الرساله وما جاوبني ....ومن اجه اصلا ماباوعلي

رفعت عيني اباوع الفيروز تباوعلي وكانو تعرف شنو البداخلي نزلت عيني بسرعه.

روز::راحو فيروز موتردين تحاجين ذياب
فيروز: :لبست شالي وطلعت باوعت اول شي من الدرج ..اصف وحمزه واكفين بنص الصاله يسولفون

دكيت الباب ودخلت ..اباوعله متمدد على جربايته عيونه حمر والغرفه تخنك من الجكاير

خليت الباب مفتوح كال
-شلونها بان
-تمشيت يمه ::زينه ،اسويلك عشا؟
-ججج ماريد تعشيتن انتن؟
-اي ، ذياب الخاطري خلي اسويلك عشا

-ما اريد من اجوع اكلج سويلي ..
-باوعت على النفاضه متروسه كطوف جكاير وبصفة على الميز تكت جكاير مو باكيت واحد
::ذياب كافي جكاير!

رفع عينه باوعلي وطفى الجكاره...
ابتسم وكال :: طفيتهااا..ولايهمج..يله روحي يم اخواتج وسدي الباب وراج

- بس خلي يطلع الدخان تخنك الغرفه
-عوفيهاا روحي يله موزين عليج
-طلعت من يمه وكلبي يوجعني حيل مكسور من جهه قهرته على الادهم ...ونوب اجته صدمة بان حقه ومالومه

رجعت للغرفه. كتلهن مايقبل
بيان. :نوديله ايهم ..وبيده لفه

-لاا غرفته دخان وهذا بسراعه يختنك
سكتنا عاجزين ما نعرف شنسوي ...كامت روز فرشت. فراشاتنا ..اخذت ملابسي ورحت اسبح

كلت اطلع واخلي روز تسويله اكل وتاخذه اله
بلكي مايردها وياكل ، نشفت شعري واني بلحمام وكعدت اغسل ملابسي نشفتهن وشلتهن بأيدي لان ماكو شي اخلي بيهن ..لفيت المنشفه عدل لان الولد خاف يصعدن الغرفهم. فتحت الباب
مدنكه ..رفعت وجهي فزززيت

اصهب مرتجي. على حايط الحمام
..فززتني
-جنتي تسبحين؟

-لاا اتسوك.....شمبين على شكلي ...ابتسم ودنك
كال

-شبيج عصبيه
-لا مو عصبيه..
-زين ..اخذي راحتج

-دار وجهه وراح ضايج ..شكتله هسه اني. شريت ملابسي ورجعت اريد ادخل للغرفه ما كدرت كلت اعتذر منه وكله ماقصدي اضوجك

دكيت الباب ودخلت. واكف يسفط ملابس عافهن من شافني

-ادخلي ليش واكفه بالباب
-ها لا عادي.اريد اروح. بس حبيت اكلك اسفه اذا ضوجتك وقهرتك ماقصدي...







-حتى قهرج عسل على كلبي
-دنكت مرتبكه ، خرب غيرتك وغيرة التعتذر منك..طلعت وسديت الباب السالفه ما ينسكت عنها هسه عباله احبه لو شي لازم اوضحله اني ماريده

رجعت الغرفتنا ...روز كومي سوي عشا واخذي وروحي لذياب
-لا والله وشمعنى اني

نرجس:غير مرته
-اكلي تبن
فيروز::اسكتي نرجس. ..باوعي كلنا جربنا نحاجيه وما اكل لايتخربط شبيج كومي بلكي ياكل

روز::هوا لاضايج ولاشي ومايطيقني موهسه ترديني اروح برجليه هو من ادخل غرفته احس نفسي نعجه وهوا ذيب ...ضحكن بيان ونرجس سكته خزرتهن فيروز وتحاول تضم ضحكتهاا

هزيت ايدي مستهزئه ..ترديني اروح واني ماصدك على الله اشرد من كدامه

-ميخالف بس هلمره عليج الله ..شبيج خايفه عليه والله

-ماااا والله ما لا تحاولين ...زعلت مني وطنكرت وكلساع وكالت اموتج اذا تخربط...اني شعليه يمعوده

لفت راسها ونامت. حطيت راسي ويا نرجس تراسل بشهاب يتعاركون لان كالها اصعدي من اجه حمزه وما صعدت

..كبر من اول يوم تعاركتوو ..ردت اباوع ويا بيان ماخلتني بان كالت تعالي باوعي وياي فديوهات .كتلها ماريد ورجعت لتلفوني

شفت ذياب ناشر ستوري دخلت عليه صورته على الفرس. وكاتب وياها

بيت شعر حزين راويتها للبنات وكلهن حقه والله دباعلها تخبل وصارلها سنين عنده حقه يضوج بان ضاجت وصاحت هوا ضايج علمودي موعلمو الفرس

شويه ونامت بان ونرجس بقت بس بيان واني هم ما جايني نوم رجعت دخلت على الفيس.شفت حساب ذياب نشط...درت على بيان حايره ..اكلج بيان

-ها
-اسوي اكل لذياب وتاخذينه اله
-لا اخذيه انتي خاف يطردني وانقهر
-جا اني شنو مانقهر مثلا
-تنقهرين بس تتحملين عادي اني ابجي.بسرعه

-عيبت عليها وضليت حايره. اروح لو لا
خاف اترزل لو انطرد ..درت على بيان هلو هاي كلساع تبتسم ...هيو ويامن تحجين

اهوو. ويا صديقاتي شبيج
-ومرض..عفتها وكمت. احجي ويا نفسي...اكص ايدي اذا هالابتسامه الصديقاتج

نزلت للمطبخ .. اسوي اكل والله كريم اذا طردني اكعد اني اكله ....

اگلي وكلساع ادخل على الفيس اشوفه بعده نشط لو راح. صارت بالوحده ..خليت الاكل بصينيه

سحبت تلفوني اشوفه اخر مره ..بس دخلت على الماسنجر ..إجت رساله منه كاتب شعندج بعدج كاعده ؟

رجف كلبي بخوف فتحت الرساله وماجاوبت طلعت بسرعه واخذت الصينيه وصعدت مرتبكه وخايفه ..وكفت بباب الغرفه متردده

دك تلفوني بايدي ولصينيه بايدي.نفضحت خررب فتح باب الغرفه باوعلي وباوع للصينية ومن الفشله

ودي الكاع تنشك.وتبلعني...عاف الباب مفتوح ودخل ...كلت هاي هيه يعني يكلي ادخلي دخلت وراه خليت الصينيه بالكاع


باوعلي وكال خلي اغسل واجي لترحين طلع وكفت اهفي على وجهي واسب بنفسير جاي ياكلج شبيج لاتحجين ولاكلمه حتى مايحاجيج ....رجع كعد يم الصينيه واني واكفه بصف الباب ..كال كعدي..اكلي ...همست بتردد شبعانه رفع عينه باوعلي وحجه بهدوء مو بعصبيه وامر

.ميخالف اكعدي سويلي واهس مالي نفس اكل
كعدت يمه. .اجاريه ومالي نفس اكل

اكل شويه. ووخر ...كال
سويلي چاي .
-اي هسه، اخذت الصينيه ونزلت؟غسلت المواعين وسويت چاي...واحمد ربي واشكره هم اكل وهم ما حاجاني شي

فتحت شالي وغسلت وجهي ...كمل الجاي صبيت بكوب واخذته دخلت الغرفته لكيته يدخن ..اخذ الكوب واشرلي بحاجبه اكعدي..وحضرتي مطيعه كعدت بسرعه

مرتبكه ..كمل كوبه بدون ما يحجي اخذته من عنده كال
-ليش سويتلي عشا

بقيت ساكته هز راسه بمعنى احجي
-مو فيروز كالت
-شكالت
-كالت سويله عشا
-هممم
-التفتنا ثنينا على جهة الباب من سمعنا صريخ بيان طلعنا نركض فتح الباب ذياب تبجي وتصرخ والبنات فازات ويصيحن شكو .باوعت على ذياب وصاحت

-حمزززه خابرني وما ا عرف حجه وياا منو. وصار صوت سلاح ..ترجف وتلفون بيدها

اخذه من ايده الخط مفتوح وهوا ماكو يصيح الو وماكو ...


يتبع

ثأرهم وبنات المسيحيه(الاصليه) - البارت 20 -
𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

هـليّ شافوني ما أنفع
شنـي من المغرب أتوجـع ؟
صرت ماي بـ بلم واتخيل شمكروه
عليه تگـابلو رادوني بَـس أطلع
أنه المفروض تبچيلي
انـه مو هيج اتودع

𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪𖡛𓆩 𓆪

بيان::لاول مره اقبل يحاجيني. حمزه مكالمه
لان شفت رسايله مال واحد ضايج.كال مختنك طلعت من البيت
اريد اتصل ستغليت نوم اخواتي وطلعت روز

وجاوبته ..صوته مخنوك.
*الو
*ها حمزه ...احجي وعاصره ايدي حيل متوتره وخايفه. تحسرر ساكت.
شجعت نفسي ..وحاولت اني الاحجي
*شنو ضايج علمود ذياب

*منه وعليه
*شنو يعني مافهمت..
*تمنيته مو اخوي
*ضجت من حجيه ..نترت بعصبيه ..ليش بله وين اكو اخو احسن من ذياب..اذا ماتحبه شكو تجيه

*ااي هيه هنا المصيبه... كوني ماحبه كونه ماصايرلي سند واخو وابو ..ولج ذياب لو يطلب روحي ترخصله هذا حزام ضهري وعزيز كلبي شتحجين انتي

*جا ليش. دكول كون مو اخوي. سكت شويه. حجه متحسر

*لان حسيت نفسي كلب وحقير وغدرت اخوي مادري هيج راح يصير ..جا مالفيت ولاطبيت البيتكم ولاشفت عيونج الله يلعن ذيج الساعه

*كلبي رجف خوف وتوتر ..شقصدك..شقصدك حمزه. صاح

*قصدي اني عاشك اخت اخووي ..شلون احط عيني بعينه شلون اوكف بوجهه وكله احب اختك
-سكتت واحس كلبي يريد يطلع من مكانه

*لتسكتين ادري بيج هم تحبيني بس كليلى شلون اواجهه ذياب كارهه روحي وكلبي شلون خليت نفسي بهيج موقف

*من صياحه بقهر وصوته اليرجف ..وخوفي وتوتري اوجع كلبي. نزلن دموعي على خدي همست مختنكه...انا اصلا ماعرف شنو الحب

*هااي ماتعرفين وبهذلتي حالي ماتعرفين وخليتني لا ليلي ليل ولانهاري نهار منين طلعتيلي انتي شدعي على اصف الجابج وخلاج كبالي

-بجيت خانكه صوتي حتى مايكعدن اخواتي...شسويتلك اني حمزه ليش هيج تحجي

-احترك شيب الخلف حمزه لاتبجين يروحلج فدوه حمزه وكل هله لاتبجين كلشي ماسويتي ضيعتيني بيج بدون ماتسوين شي

-سكتت امسح بدموعي ..صاح
اووكف وصوت ركض وحركه قويه وصياحه اوكف..الو حمزة شكوو

سكتت اركز اريد افهم شكو...ثوواني ثواني
وصار صوت طلقه..وخرت الغطا وكعدت عدل
الوو حمززه حاجيني ...صوت واحد يتوجع

اصيح واريد بس يحاجيني لاهمني راح يعرفون جاي احجي ويا ولاهمني خوفي من ذياب كل الفكرت بيه حمزه نقتل ..صرخت ابجي ..بس جاوبني حمززه







روز::التفتنا ثنينا على جهة الباب من سمعنا صريخ بيان طلعنا نركض ..فتح الباب ذياب..تبجي وتصرخ التلفون على اذنها وتصيح حمززه حاجيني
والبنات فازات ويصيحن شكو ...باوعت على ذياب وصاحت

..حمزززه خابرني ...وماعرف حجه وياا منو. وصار صوت سلاح ..ترجف وتلفون بيدها

اخذه من ايدها الخط مفتوح وهوا ماكو يصيح
الوو حمززه

على صياح بيان وذياب طلعو الولد ويصيحون شكوو دار ذياب على اصف كله
-حمزززه وين
-ابيتهم شكوووو فهمني
-خابرني وصار يمه صوت رمي..والخط مفتوح مايحجي

بنفس اللحظه رجعو ركض لغرفهم وصياحهم شعلوه وهذا يصيح دك على فلان واصهب يصيح شهااب خابر خالتي

ذياب دفع بيان الكطعت نفسها من البجي للغرفه حيل وجرها من شعرها بكل غضب وحقد
يحجي من بين اسنانه حتى مايخلي الولد يسمعون

.شكاااالج وين هوا

بيان::مجلبه بيده ابجي ..مخنوكه..مادري والله مادري كال طلعت من البيت مخنوك

فيروز: :جريت بيان من ايده ارجف ..خزرني
وتلفون بيان على اذنه صاح اصف

اركض ذياب ...امك حاجتني ..بدون ميكمل كلامه طلعو يركضون طلعنا وراهم ولخوف مالي گلوبنا ..

همه ركضو لسياراتهم وبطرس وكف يحاجي ابوه وام اصهب بس سمعت ضلت تصرخ وتبجي متخبله يا ام ذياب ياخيه

دكو هورن لبطرس طلعو وراهم يركض
ونسمع بس شخطت سيارتهم وصريخ ام اصهب
درت على بيان

خلتها روز وره ضهرها دفعتها للغرفه
بس وخرن خرررب صيحت لاتحمنهااااا نطنيااااها..مخلياتها بضهرهن واكفات بوجهي روو ونرجس وبان حاضنه ايهم تسكت بيه واني مفرفحه روحي شعدج ويااااه شعددج
نرجس::اووكفي شبيج ماتشوفينهااا شلون خايفه

روز::بس على كيفج ..مو وكتج هسه... من شافتنا مراح نخليها تضربها ..هجمت علينا فاجئتنا حتى اني ونرجس ضربتنا اريد بس اطلع بيان من ايدهاا

دفعتها بالكوه رجعت ليورا تلطم على وجهااا وتبجي وبيان حلكها يصب دم حاضنتها نرجس وثنينهن يبجن

عطت بوجهااا
شبيييج شبيج.تخبلتي هيج هيه

فيروز::وخرررري وخرري ضلي انتي دافعيلهن الحد مايطيحن حضنااا ويورطنا شفتييي ذياب شلون حاجااها لو لا شيخلصهاا من يرجع شكول وشحجي

نرجس':صوووتج اذا ذياب. بعز عصبيته وخوفه على اخوه تلافا الموضوع وكالهم اني جنت احجي ويا وماحط اسم بيان بنص وانتي فضحتيها ولكل راح يعرف من وراااج

كومت بيان اغسللها وفيروز كعدت على جهه ترجف وايدها مزلوغه ...اخذت بيان للحمام غسلت وجهاا ..كاافي لتبجين

بيان::اشهك من البجي ولكلمه اغص بيها مرتين يله احجيهاا..حبابه نرجس. الله يخليج خابري شهاب وشوفي حمزه والله ماريد شي بس خابري شهااب







نرجس::صفنت بوجهاا كل الصار ماهمها لاضرب فيروز الها ولاخايفه من ذياب كل الهامها تعرف حمزه شصار عليه وقتها عرفت اختي وين وكعت ..بجيها وخنكتهاا ورجفتها اكدتلي كلشي
حضنتها ..خايفه عليها..اشش هسه اخابره لاتخافين ...اخذتها ورجعت للغرفه روز تتعارك ويا فيروز

صعدت ام اصهب. لابسه عبايتها وشحاطتها
عيونها مورمه وهيه بلباب كالت ..اني وعمجن رايحن للمستشفى. .اذا تخافن انزلن يم جدتجن
كالتلها فيروز لامانخاف روحي ..باوعت على وضعناا وعلى بيان وبجيها كالت. لاتخافن خابرنا اصهب يكول دخلوه عمليات وان شاءالله ماكو خطر

عافتنا وطلعت كعدنا محد تحجي ويا الثانيه روز تفتر. تنوم بايهم وبس صوت شهكة بجي بيان بالغرفه

سحبت تلفوني اتصلت على شهاب بسرعه جاوبني
*ها عمري
*ها شهاب شلونه حمزه
*بعده ماطالع من العمليات بس ان شاءالله ماكو شي خطير

*زين شصار ماعرفتو منو. المصوبه
*ماندري والله ..اكلج منو يمج
*ليش
*روحي على صفحه اريد اسئلج شي
*ها اوك لحظه ..كلبي وجعني ونظرات اخواتي عليه طلعت من غرفتنا متجهه الغرفته ..ها شهاب كول صرت وحدي

*تينه ذياب جان يتعارك ويا حمزه مو
*هاا مادري ليش
*موجان بغرفتجن هوا شعجب ماتدرين
*لا ماجان.هاي بعدين اجه الغرفتنا...غميت كصتي ..متوتره الزك بيها تلزك واريد بس اسد الموضوع

كال مو اول ماجينا ذياب حيل خايف على حمزه وطاير كلبه بعدين من شاف وضعه موكلش خطير ثگل وجهه عليه حتى راد يرجع للبيت واصهب جلب بيه كاله زحمه شلون تعوف اخوك
نصدمت اول تالي ذياب يريد يعوف حمزه وهوا بلمستشفى وكلت اسئلج شكو

-حاولت اغير الموضوع وكتله من يطلع من العمليات دزلي رساله
-ماشي حبيبتي يله روحي نامن لاتبقن كاعدات
-سديت المكالمه منه رجعت للغرفه كلهن يباوعلي كالت فيروز

-شكالج شلونه حمزه
-يكول ماكو شي خطر لتخافن ...رجعنا لفراشاتنا روز حضنت بيان وهاي متسكت تبجي. مادري شوكت غفيناا ..فزيت على فتحت الباب

ذياب كدامنا كمزنا كلنا دخل ودار على الباب يقفله.وكفت بيان مخروعه ورا روز وهوا يباوعلها ويسحب بحزامه وقتها الخوف الخفته من ذياب مينوصف ..شكله مابيه ذرة حنان وحب كل ملامحه مكتسيه بالكرهه والقسوه

كلنا صرنا كدام بيان وفيروز بمقدمتنا وتحجي بهدوء ؤ. بلكي يسمعهااا
فيروز::ذياب والله ماعدها شي وياه هوا مخابرها ومجاوبته ..رفع ايده ياشرلي اشش. تقدم علينا وهمس بعصبيه

..احجي شعدج ويا حمزززه .
وبيان متجاوب بس تبجي..ومن اني اريد احجي يكلي اشش طلع المحادثه...ويراويهاا الي ..التلفون بيد والحزام بيد ...يخلي التلفون بوجهي ويصيح بعصبيه وكلما يعلى صوته ينتبهه النفسه ويحاول يحجي بصوت انصى وووينج عنهاااا هاا وينج كل هذااا ومتدررين بيهااا صيح
...وخرن







-غمضت عيوني بخووف لو شما احجي مراح اكدر اخلص بيان. فاتحه اديه من الجهتين حتى ميوصل البيان على امل احميها وروز ونرجس ورايه. مد ايده من بينا وجرها من شعرهاا جلبنا بيده ...وبيان حتى النفس كطعته بس دموعها ينزلن صارت مثل السعفه بيده وين مايعتها تروح

شال الحزام وضرب على عمياوي اجت الضربه بروز شاطت روحها. دفعت ايده بقوه رجع عليه ضربني ..وضرب نرجس بس في سبيل يوصل البيان

ومكدرنا نحميها منعنده اخذها من بيناتنا يعت بشعرها ويضربها ويصيح وياا. حمززه. لج وياا اخووي اذبحج والله اذبحج ولا اخليج تنزلين رااااسي جلبه حقيره غدارين ثنينكم

كلنا نبجي ونحاول بس نسحبها من ايده من مكدرنا نطلعها منه صرنا بينه وبينهاا ضربه تجي ابيان وضربه بينااا. خشمها وحلكها يصبن دم وهوا مابطل يضربها بقوته عبالك رجال كدامه ويسب ويغلط على حمزه وعليها
حسيت نفسي عجزت اخلص اختي منه كلبي يرجف وروحي احسها جاي تطلع خفت خفت يموت اختي ...عله صياحنا وصوتنا ومحد اجه

راحت عيني على السلاح البخصره..مديت ايدي جريته بسرعه ورجعت ليورا. مدري منين اجتلي الجراءه واني ارجف من السلاح احس كل خوفي منه تبخر خليته جوا حننجي دار عليه يلهث يريد يسبني سكت يباوع لحزامه ولعيني
بلع ريكه بخوف صاح
لالالا فيروزه عوووفيه وخررري ما مأمن تقدم خطوه رجعت ليوره وصيحت
اررررجع وخرررر والله اكتل نفسي ، رجع ليورا
يفرك بوجهه ...عاط خررب اهلج وخرري ايدج مناا

حركت اصابعي الزم السلاح بثنين اديه وشديت لزمتي عليه غمض عيونه بخووف ويصيح لا فيروزه ..صريخ اخواتي وبجيهن وتوسلهن بيه ماهمني حسيت صار بيدي حبل نجاة يخلصني من كلشي...احس بمجرد اضغط على الزناد اموت ويخلص كلشي عاط ذياب مرتبك وخايف

مااحاجيهاا بعد بالله العظيم مااحاجيها بس عووفيه للخرا عوفيه خرب هيج هيج من....

ساكته وبس ارمش بعيني وايدي ترجف من يركز ويا ايدي ترجف يتخبل يسب ويغلط ..احناااا مو حيوانات عندك وتضربنا هيج حتى لو غلطنااا متحاسبنا هيج
ميخاالف والله بعد ماطك وحده بيجن بعد. بس عوفيه انطينياه فيرووزه فيروووزه..عاط

كتله جذاااب هسه تاخذه مني وترجع تضربنا خله اديه على راسه عاجز وصوته يرجف
-وروح ابوي ماضربج بس وخررري الخاطر ايهم وخررري كافيي
ندك باب الغرفه وصوت اصف يصيح افتحو الباب ...رجعت خطوتين بتجاه الباب وذياب منزل عينه من عيني ويا كل خطوه يغمض عيونه بخوف

فتحت الباب اول مادرت على اصف نسحل السلاح من ايدي...رجع ذياب ليوراا كعد عله حيله ويتنفس بقوه اصف باوعلنا وباوع البيان

عاط شصاااير شمسووي ليش وياهن عافنا وراح البيان اخذها من ايد روز ونرجس جر كلنس من جيبه حطه على خشمها ويسب بذياب







رفع عينه باوعله ولتفت عليه كام وكف حاني ضهره مدنك ..فتح باب الغرفه وطلع بدون ميحجي ..اصف حار ابيان هوا ونرجس يغسلولها كعدت مهدود حيلي

وروز حاضنتني ترجف...رجع اصف للغرفه نوم بيان وكلها ابقي هجي رافعه راسج .باوعلي كال شبيه وياجن ..سكتت مجاوبته وهوا مالح بالموضوع بس حيل داس بالغلط على ذياب

كتله صاااار ساعه نصيح وينكم عنه هسه صرت حنين ...باوعلي متفاجئ هزز راسه وكال. محد بلبيت ...بيبي ومروه من الفجر جابهن عمي مهدي واجا للمستشفى. وعود مببقين سهام وشو ماهيه مدري وين موليه. . اني هستوني اجيت وسمعت صوتج اجيت ركض

سكتت محاجيته باوع البيان نضره اخيره وطلع روز ونرجس وحده تباوع برجلها مطبوع بيها الحزام اوحده تباوع بايدهاا الصايره زركه. .زحفت البيان ..عبالها جاي اضربهاا حضنتهااا وهيه تبجي ..اشش كافي اسكتي

يمكن مرت ربع ساعه واجت ام اصهب طاير كلبهاا كالت اصف يكلي بيان متخربطه بس من شافت وضعنا عرفت مو بيان متخربطه كالت ذياب وياجن سكتنا محجينا كبل ربطت روحة خلود ويا السوا ذيااب وكعدت تدعي عليها

وبيان كل هلضرب والخوف كالتلها ..حمزه شلونه صفنت عمه بوجهه وكانو حست اكو شي. همست لا زين. صحى وحجه ويانا....كالتلها نرجس باستهزاء ...وهجي تحبونه كلكم ركضتو للمستشفى ...جاوبت ومبينه غثها حجي نرجس

اي نحبه حتى الحجيه تموت عليه واعمامج حاسبينه ابنهم جيف اوليد اخيتي وابن خالت اوليداتي واخي ذياب ..وتربه ويانا شلون مانحبه

.مر هليوم مثل الكابوس ..بيان تتلوى وكل جسمها يوجعها..روحي تلوب وياها ومشفنا واحد من الولد بهليوم بس اعمامي ..لليل اجه اصف وبيده علاكة ادويه سلم ودخل كعد يم بيان يحاجيها.و يشاقيها. باوعلي وكال هاج فيروز وداهن ذياب اخذت العلاكه من ايده

ساكته كام كال يله اني اروح محتاجات شي
لا شكرا..طلع. وفتحت العلاكه داز مسكنات. هه ضحكت مستهزائه ياذينه ويعالجنه ..شربت بيان
ونامت ..وراها البنات شويه شويه نامن الا اني احس النوم بهليوم شد عداوه وياي الغرفه ضواها خفيف كلش. وهدوء . اباوع على اخواتي متمددات مقابيلي وكلبي يوجعني تفكيري كله بموقف ذياب وهوا يضربنا بدون رحمه ميروح من عقلي

مانكر غلط بيان وشكد صعبه عليه بس مو معناها يعاقبها بهلطريقه ..غمضت عيوني بسرعه من حسيت الباب نفتح..وعرفته ذياب من عطره وريحة الجكاير ...حسيت عليه كرفص كدامي
روحي لابت وثكل حتى النفس عليه خله ايده على خدي. يتنفس بقوه ويكح خانك صوته

باسني براسي وبتعد فتحت عيني على كيف اشوفه وين راح كعد بنفس الطريقه مقابيل بيان رجف كلبي وخفت. فزت بيان مخروعه. من لمحته كدامها تريد ترجع ليورا كلهاا اشش ماسويلج شي كعد عدل يمها ويهمس بصوت خانكته العبره شربتي علاج ..هزت راسها اي .. ..غمضت بسرعه من حسيته باوع الجهتي







طكت رجليه وصلتلي من كام ..فتح الباب وطلع اسمع مناشغ بيان. ماردت احاجيها خليها وحدها بلكي تحس بغلطها

روز::كعدت الصبح احس جاي اسمع صوت خلود..باوعت لساعه ب8:39 شكد نايمين يوميه نكعد من الصبح ...ردت اكوم عطت من وجع رجلي. وخرت الغطا اباوعلها..صايره زركه على بنفسجي. كسر بيدك كون يا ذياب ..كمت على السريع توضيت وصليت وهم سمعت صوت خلود ايع بس لارجعت ..كعدن البنات

كتلهن شو احس سمعت صوت خلود وجنه اكو هوسه جوا
بان::موباجر الاربعينه شنو. نسيتي
-لامانسيت ..نزلنا اني ونرجس ايع صارت بوجهنا خلود وبناتها اجايات اليوم ..دخلنا للمطبخ ام اصهب كالت اليوم شمسجن عاليه يله سولجن ريوك يمه

حضرننا ريوكنا وصعدنا ..كلمره ايهم يشلع كلبي علمود اوكله اليوم بيان موتتنا. نريدها بس تاكل وهيه متقبل كملنه ريوك ..نزلت الصينيه وغسلتها وغسلت كم كلاص.

اجت يمي وحده من بنات خلود. طويله وضخمه. بيني وبين نفسي كلت هاي خاف بلمستقبل. اعارك كل البلبيت بس هاي مادنالها راشدي واحد ادخلني غيبوبه ..

الهسه ماعرف اساميهن ماتذكر شايفتهن بس بفاتحة اهلي ..خلت ضهرها على كاونتر وتباوعليي من فوك ليجوا كالت اني نور يمكن متعرفيني هه

اهلا وسهلا ااي ماعرف اسمج مصارت فرصه كالت
اي ازوجتي ذياب هاا
.تحجيها بابتسامه ..دنكت وكتلها اي عقدنا
-اي ازوجتو غير
-لا بس عقدنا
-غير عقد سيد ومحكمه
-اي.
-اي جا شني بعد ضلت على النومه بي وكت تصير هاي اذا الهسه ماصايره ههه

رفعت حاجبني متفاجئه ضحكت باستهزاء. وعاطو جهالها راحتلهم كبر على هيج اسلوب
اجت خلود للمطبخ كالت شني اخواتج البرنسيسات ماينزلن لو درن ابناتي هناا اعتزلن جلبات ومحرمات تنكطن حرم كلجن

.باوعتلها ساكته ..حتى خلقتها شيطانيه ..فلتت
فوك كاعدين كلنا يم بيان وفيروز تشجعها ودكلها مدرستج اهم من كلشي ..ومبقى شي وترجعين نرجع من الزياره. نلكي النقل كامل
وهيه ساكته متحجي ...تاخرنا يله نزلنا بس اني وفيروز ساعدنا ام اصهب كالتلها فيروز عمه هاي شرجعهاا

-عمج اني اله ركضلها ماصبر يوم واحد الوتي حتى ماجه للبيت اليوم خاف اكضه وين يروح يجي لو مايجي

-تحجي بحركه من صدك متحلفه بيه ..كالت اريدن افرغ العصر وروحن للعلويه شماله ذياب
شجاه البارحه وياجن اليوم متحاجي ويا حمزه وخطيه الولد متخربط. خابرني اصف يكول هذا متسودن فد مره

-بقينا اني وفيروز وحده تباوع بوجهه الثانيه ساكتين. بس اذن صعدنا صليناا...وكعدت اني اقرا قران وفيروز تلعب بايهم ..نفتح الباب بدون ميندك ..صدقت ولتفتت لذياب كال بأمر

انزلن جوا وانتي اليسئلج شبيج كولي طحت من الدرج مفهوم
.طلع وسد الباب واحنا وحده تباوع بوجهه الثانيه فيروز تريد تسد الموضوع ومتخلي بيان تحس كالتلها. ..مايريد يحسس احد اكو مشكله ابيناتنا يدري الاغلبيه تشمت







كمنا جنه غربان سود نزلناا كاعدين كلهم بصاله وعمو مهدي يشاقي باحفاده صاح عمو مهنا على بيان تعالي بويه كالولي طايحه من الدرج راحتله بيان ولدمعه بعينها

عفناهم ودخلنا للمطبخ. خلود متحركت كاعده ويا بناتها وجنها كلشي ما مسويه ..نقلنا الاكل ولا ذياب ولا اصهب قبلوو ينزلون ويكعدن على السفره وعمو مهنا زعل وكام وصار الغدا مثل السم على الكل

صبت ام اصهب بصينيه وكالت اليث اخذها لخوتك ..اخذها وهيه تتحسب عل. خلود
وكفنا اني وفيروز نغسل مواعين كالت اكضن
وصعدن لغرفتجن وحضرن رويحاتجن ترا الفجر نطلع لزياره

فيروز::عمه منو يبقى ومنو يروح
-خلود وبناتها وعمتج شيماء واضن زهراء وياها.
ومناك عمتتج كبل من بغداد تروح لنجف وهناك نتلاكه. وجدتج واصهب وشهاب واصف وذياب وعمج مهنا ..ليث يضل هنا وبطرس يروح للبصره يكمل نقلجن

فيروز::اها زين ..اخذت استكاينها وراحت ..كملنا المطبخ وكبل صعدنا ..تلفون بيان الحد هسه عد ذياب ..بس فتحت حسابها بجهاز نرجس سجلت خروج من كل الاجهزه وعافته ...

حمزه بيوم التصوب كان طالع يم بيتهم يتمشى
وشاايف واحد ملثم. راكض وراه وذاك رامي عليه ..جايه الطلقه بكتفه ...وذياب ورا ماصاحي حمزه طاردهم كلهم ومتعارك ويا حمزه وصوتهم صاير شعلوه يكله خنتني وطعنتني بضهري اذا ماكفيت اموتك بيدي...وكل هلحجي..نرجس حجته النا لان شهاب يسولفلهاا..

العصر خلود اخذت بناتها وراحت البيت خيون وام اصهب لفت عبايتها وطارت كالت اليسئل عليه كولن راحت بشغله هسه تجي .. كعدنا بصاله وايهم يطفر بنصنا

نزل اصهب كاشخ ومرتب وريحة عطره سابقته وكف اباب الصاله اتلفت يباوع محد موجود بس الحجيه. كاعده اباب الصاله مطيه وجهه لساحه

كال امي وين
-حجينا اني وروز بنفس اللحظه راحت بشغله هسه تجي ..رفعلنا حاجبه.مامصدكنا ...باوع على نفسه وكال مادامها ماموجوده اني جاي اخذ رائيهاا ..حلوه عليه هاي الدشداشه

باوعتله عدل ..لونها. كحلي اديه يلمعن رغم سمارهن الجراويه الافها بطريقه مرتبه زايده هيبته
والدشداشه ضابه على صدره ..رفعت عيني مبتسملي هززيت راسي وسويتله ججج

موحلوه. ضيكه
-ههه خاف تدرين بيها مال اخوج ومترديني اخمطها
-لا مادري بس حسيت شايفه ذياب لابسها ..حك لحيته مبتسم كال
-جا ليش كلتي مو حلوه وانتي ساعه صافنه بيه

-رفعتله حاجبي غمزلي ...كتله بجديه ..صفنت لان حسيتك ذياب ..تلاشت ابتسامته..وروز ضربتني بعكسها..نزل ذياب يباوعلنا ويباوع الاصهب التفتله اصهب .كاله متصنع الابتسامه

.ماخذها ماعجبتني ..عافنا وصعد
باوعلي ذياب وكال الروز كومي سويلي جاي
كامت روز بسرعه للمطبخ كعد بنصنا ساكت
اجاه ايهم يسميه ياب اخذه يبوس بيه ويدغدغه ..دار على بيان يمكن يحاول يصحح موقفه وياها .. كله شسمها هاي ايهم يضحك مخلي ايده بحلكه ويكله ان ضحك ذياب حيل

واحنا مبتسمين.على سوالف ايهم.داره على بان كله وهاي شسمهاا كاله كواويه ..بان ضربت ايهم وبيان ضحكت
صاح عليها ذياب وهو يضحك لاا ولج..شنو هاي كواويه