ثأرهم وبنات المسيحيه(الاصليه) - مشهد





فيروز...اباوع الاخواتي نايمات رغم صوت
الرعد اليخوف..والهوا وصوت الاشجار
يرعب انطفت الكهرباء فجأة الغرفه ظلمه هندس. ،
وخرت البطاانيه مني وكمت اتلمس
اريد اوصل للميز واشغل الشمعه(كهربائيه)
شغلتها واباوع بوجهن وحده وحده

.وين اكدر احميجن اربعتجن واحنا
بمكان منعرف شي عنه وسط ناس
يردون ينهشون لحمنا باقرب فرصه

غمضت عيوني اسحب نفس واستمد
قوه تقربت القلق والخوف اكل عقلي
من التفكير حتى كلبي يوجعني
خليت الشمعه يم راس روز
لان بحضنها ايهم صفنت بوجها
انتي مسؤليتج تكسر الظهر
اكثر من اخواتي واكثر وحده
مرعوبه هيه
اباوع الاديناتها

شلون حاضنه ايهم ومقربته
الها خايفه عليه ويمكن اكثر
شخص خايف عليه هيه
ختنكت وحسيت الهوا
البلغرفه مديكفيني

فركت صدري بيدي مداكدر
فتحت الباب على كيف الساعه
ب12 يعني كلهم نايمين نزلت
اتسلل بس اريد اطلع من البيت

تلفوني بايدي اضوي بالشاشه
مالته على بايات الدرج وحده وحده
وصلت النهايته وكلبي صوت
دكاته مسموع فتحت باب المطبخ

على كيييف اول مافتحته صار
الهوا بوجهي قووي شديت لزمتي
على يدة الباب حتى مينركع

ماجاي تمطر. بس ترعد وهوا قوي كلش
من قوته الاشجار تهتز وصوت سعف النخل
يركع
الجلاب تنبح رغم هلرعب متراجعت

اريد اطلع لبست حفايه لكيتها بلباب
طلعت وسديت الباب ورايه ..وين اروح
وين اكو مكان اكدر ابجي واصرخ بيه
بدون ماواحد يحس وين اكدر اتخلىى
عن قناع القوه ..شغلت الفلاش

ومشيت بدون ماعرف وين
لكيت رجليه ياخذني لاسطبل الخيل
امشي سريع احس ع غفله يطلعلي
فد حيوان. بعدنيي مواصله يمهن
ومطرت ركضت سريع دخلت للاسطبل
المطر العلا وجهي اختلط بدموعي

كعدت على كوشة التبن مأمنه شكد
ما ابجي محد يسمع صوتي ماكتم
صوتي..بجيت وبجيتت وصوت
الخيل ينافخن مسحت دموعيي

ورا ماهدأت نتبهت النفسي
شطلعني وسط هلجو شلون ارجع
والمطر قوي كمت افتر يم
الخيل ميخلني الزمهن عفتهن
ورجعت رجيت ضهري وراسي
على العمود واني واكفه اتأمل
المطر يوكف حتى ارجع للبيت
من وسط صفنتي صارت ايد على
حلكي فززيت مخروعه مكدرت اتحرك
كلبي زادت دكاته ونفسي احسه
نقطع ..
المسدس براسي وايده خانكتني
نفسه باذني مرعب كانو كل الاصوت

سكتت وبس صوت نفسه مسموع
نرعبت من صووته وهوا يحجي بعصبيه
شمطلللعج بهلوقت..جسمي يختض بيده
من الخوف وفوهت السلاح احسها
راح تدخل بدماغي ..دموعي ينزلن
على ايده الساد بيها حلكي وادي
فوكها مجلبه واسحب بيها ولا
تتحرك قرب حلكه من اذني يزفر
النفس ويحجي من بين اسنانه

.شمطللللعج

.........

هلمره قصتنا مختلفه..تحمل قصة خمس
بنات لكل منهن حكايه ..وقبل حكايتهن
هناك رواية امهن الاليمه ...
حقيقه تنقل مابين ارض البصره
والعماره
مابين حظ عاثر يورث
لجيل بعد جيل
ومابين ثأر
يتبع. ثأر
.عشائر لاتعرف غير السلاح
يحتفلون عند مايقتلون الارواح
مدعين انهم اخذو بثأرهم وبعد
ايام يبكون لمن قتل منهم انتقامآ
لمن قتلوهم
وهكذا تمتد الثارات لتورث لاجيالهم
من بعدهم

........
قصه حقيقه جميله رغم مأساتها
يتبع

ثأرهم وبنات المسيحيه(الاصليه) - البارت 1 -




فيروز::وكفت امي بوجهي وبيدها الجفجير
جنيش::شبيييج

فيروز: :بااالقران اكتلها اليوم رياا ، ام الكالات الفتانه الحاروكه الحوله عين وعين ، كتلها الحوله وهيه تخبلت ضلت تتبجبج وامي تخبلت كتلتني بلجفجير وهذيج سوت نفسها ميته من البجي الحقيره
جونيش::كلجن صلفاات ما اكدرلجن ..كون اجويجن يله تتوبن من هاي الالقاب للغرفه كلجن جايتجن

روز::اني وبان ركضنا للغرفه قبلهن نرجس مخروعه لان امي من صدك عصبت علينا اجن فيروز وبيان وحده تخزر بالثانيه كعدنا كلنا
عاقلين دخلت امي وبيدها الصونده الخضره كعدت على الجربايه عصبيتها فول

جونيش::انتي.ماتستحين عمرج عشرين سنه وسوالفج مال زعاطيط. شوكت تعقلين استحي امد ايدي عليج مره. بطولي وهلحجي الجن كلجن ماتستهضمن من اطكجن وانتن نسوان بطولي موتني بمشاكلجن وياريت لو تزاعلن من صدك ووحده ماتحاجي الثانيه وارتاح منجن اشو اني مفرفحه ومحروك كلبي وانتن ربع ساعه
ومثل الجلاب ترجعن البعض ...وانتن ريا وسكينه ..نطيتجن مجال هواي احترمن اخواتجن اكبر منجن ماتغلطن عليهن فهمتتتتتن

بان بيان::اااي

جونيش::وانتي ست روز العاقله المؤدبة جم.مره كتلج لاتكولين النرجس الزركه هااا

روز::ماما هيه بدت وكالتلي ام كناكير
جونيش::اجويها على حلكها ..سمعتن الاسمعها تعاير اختها اجوويها لو اوصل سوالفجن لابوجن خلي هوا يتعامل وياجن

فيروز: :لايمه والله مانسوي مشاكل بعد وهسه تصالحنا خلص كعدت بالساعه ترزل وتغلط واحنا كلنا نضحك من جوا ليجوا مانخليها تشوفنا اخذت صوندتها وطلعت واحنا نفجرنا
بالضحك شكد تافهات نتعارك وبدقايق نتصالح اجه بابا من الشغل ركضنا كلنا اله سلمنا عليه وحده تنزعه الجواريب وحده تجيبله ملابس وحده ماي واخذنا منعنده كل وحده الف

احلى عاده عنده من واحنا طفلات من يجي من الدوام ينطينا الف الف ومن يستلم الراتب كل وحده عشره. كعد هوا وامي بالصاله
واحنا كلنا بالمطبخ نصب ونسولف

روز::الجدر موتخلينه بالسنك علمود الحكاكه اكلها بعدين

فيروز: :اني وياج مووحدج خليت خبزه بالصينينه وكلبت جدر الدولمه اوويلي ودي اكلها وحدي

اخذنا الاكل عزلنا دولمة بابا وماما بصحن لان خطيه مايلحكون علينا واحنا سوينا هجووم ع صينيه اخلي لكمه بحلكي ارجع ايدي
للصينينه طاير نصها ناكل سريع وبالاخير نتعارك على الخبزه الاخيره كلنا نصيح اني ماكلت اني ماكلت والصينينه مخلصه مدري منو اكلاها عزلنا المواعين بان وبيان يغسلن وروز تسوي چااي ونرجس تكنس واني واكفه امسح بالكاونتر ونسولف ونضحك

كملت ورحت للغرفه فتحت حسابي الثاني الاحاجي منه محمد هوا يعرف حساباتي كلهن بس مخليتله حساب خاص علمود امي متحس
لكيته داز كومه رسايل
صباح الخير
شلونج عمري
اليوم ماكو
فيروزتي شو ماكو وينج قلقتيني
دزيتله هلوو راسا جاوب
-هلا يبعد عافيتي
-شلونك عمري
-تمام ياكلبي انتي شلونج شخبارك خلصتي متحانات

-اي اليوم
-يله يعني مابقى شي بعدلج كم شهر وتمتحنين
نهائي ونصير البعض
-ان شاءالله
-مشتاقلج
-انيهم
-خلي اشوفج
-لا موحلفت للبنات مادز صور ماكدر اكسر حلفاني
-اوك براحتج
-دز انته خلي أشوفك

دقيقه ودز صوره فتحتها احس وجهي صخن
متمدد على جربايته وبدون تشيرت عيوني تركزت على حرفي البصدره نسحلت سحل

بقيت اسولف ويااه ..ولبنات اجن النامت نامت والتلعب بتلفونها االغرفه هدوء وبارده واني
على حجي محمد صخنت رغم اضل اكول لاتحجي هجي عيب بس بداخلي جنت اكيف احب حجيه يحسسني بشعور حلو من يكول
اتمناج بحضني بس ما ارد بشي غير محمد كافي ماقبل تحجي هجي راح اروح اذا متسكت اغير. الموضوع وكلساع اصعد برسايل اقراهن واتخيل نفسي زوجته ..لثلاثه ختمت وياه
وطلعت دكيت باب غرفة اهلي ..علمود امي تروح للسوك

طلعت هيه وبابا للسوك من كعدن البنات بالغراض العدنا سوينا كيكتين وبقينا نسولف ونضحك الحد ما اجو اهلي والفرحه هنا ما سايعتنا جايبين تلفونات البان وبيان فد فرحنالهن. وماما طلعت
علبة من جزدانها جايبتلنا تراجي صغار احنا لابسيبن كبار وهسه جابت اصغار الي ولروز ونرجس ، وبان وبيان كالتلهن عل. الشهر اليجي

بيومها شكد تونسنا حتى ماتعاركنه ولاعركه ونشتغل واحنا نضحك ..بورا العشا بس دخلو اهلي الغرفتهم احنا حضرنا كلشي بغرفتنا وكذلك التصوير بجهازي فتحت تسجيل الفيديو واول وحده اني نصطف بسرا هلوو ذياب امم كل عام وانت بخير
هذا خامس عيد ميلاد الك نحتفل بيه وانته ماتدري عنا ويمكن ماتدرري عندك اخوات المهم احنا نحبك ..اختنكت كلش واني احجي وخرت الجهاز مني الوجهه روز كالت

روز::كل عام وانته بخير ذياب
فيروز: :اقل وحده تحجي بالفيديو بكل سنه هيه روز تكول ماحس بيه اخوي مثلجن ..تقربت على نرجس

نرجس::هلو ذياب كل عام وانته بخير اني هوايه احبك واتمنى اشوفك

فيروز::وخرت الكامره منها البيان وعيني على
نرجس البجت بسرعه

بيان: :كل عام وانته بخير ذياب هه اني بيان اختك الصغيره التمووت عليك

بان::واني بان هم اختك الصغيره هه كل عام وانته بخير. احنا هوايه نحتاجك اتمنى. نشوفك

فيروز: :سديت التصوير ولاول مره نبجي سوا
علمود ذياب كله من امي هيه الخبلتنا وخلتنا نحبه ونتمنى بس نعرفه وهواي مرات احتاجينا اخو وسند النا جنه نتمنى نلكاه ساندنا
، حتى محد اكلت كلمن راحت الجربايتها وتلفونها بأيدها بان وبيان سون حسابات ويتصفحن بالفيس والانستا واني بالبداية دخلت على الفديوات ثنين كنا مصورينهن بجهاز امي وقافلينهن وثنين بجهازي وهذا خامس فديو خامس سنه نحتفل بعيد ميلاده ..راسلت محمد اسولف ويا ونفتح الباب على غفله وامي اجت سنتر علي بس قفلت التلفون لاكدرت احذف ولا اسجل خروج من الحساب
سحبت التلفون من ايدي .

.بتبع.......

ثأرهم وبنات المسيحيه(الاصليه) - البارت 2 -
تصــادفنه
لـچـن چـنــي ولا مهتـم
وبچـه گلبــي عـشگ مـــن دم
وزغــر شوگــي
وعـــــــــــرفـت شلــون مــا طـخ راس
بـقيـت اگـبــال وجـه اتـعمـد اتبســم ..

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹


فيروز::شكوو ماما،
كلبي من الخوف يدك سريع ورجفه سرت بكل جسمي....ضربتني على حلكي بجفها وكعدت يمي فتحت التلفون وكبل سجلت بصمه لمحمد.كانُ تعرف بيه مو متفاجئة كالتله

جونيش::شووف مال تخابر بنتي وتراسل نصاص اليالي اني ما أقبل بيهاا تريدها تجي تخطب. مفهوم

روز::كلنا نباوع الامي كاعده بصف فيروز ترجف وفيروز وجها اصفر محد بينا حجت نراقب خايفين

فيروز::ماما بس خلي افهمج حبابه اسمعيني بالاول.والله يحبني ومنتظرني اخلص السادس
جونيش::اشش اشش ياحب هذا يضحك عليج ولج

فيروز::لا والله اصلا اهله كلهم يعرفون بعلاقتنا

جونيش::اشش اسكتي ما أسمع صوتج عبالج اني غشيمه وما ادري
كلشي اعرف الجذبه من تجذبنها عليَ من نبرت صوتجن اعرفجن ام اني ماتكدرين تضمن شي عليَ لو جايه
وحاجيتلي شكتلجن مووكلت احجلي كلشي هااا شكتلج اني ..شوفي شوفي الحب التحجين عنه ..

فيروز::بقيت اباوع ويا امي بالتلفون فتح الرساله
وما جاوب دقايق وا
نطاني بلوك تخبلت سحبت التلفون من امي ورحتله على الوتساب هم حضرني اتتصل هلى رقم حاضرني راسا راسلت اخته
كتلها شوفي محمد امي لزمتني وهوا حضرني كومي حاجيه جان تكلي اي مدام حضرج خلص عوفي لتورطينه
وترا محمد متزوج فاطمه بت خالتي جاي ارد عليها حضرتني بسرعه بقيت صافنه مصدومه ولحب والوعود مومعقوله كلهن جذب
باوعت بعيون امي ساكته ودمعه تفتر بعيني اخذت التلفون مني

جونيش::صار شكد شاكه بيج وما احاجيج كلت عاقله
وجبيره مو دوم اني احاسب واول امس سمعتج وتاكدت وماحاجيتج
انتظرت تجين تكليلي كلت ماعترض اذا يحبها خايفه وكاضه كلبي بيدي خاف ضاحك عليج اخذت رقمه من تلفونج وصوره القافلتهن
وعبالج مادري ... تالي حجيت
الشهلا (جيرانهم) وراويتها صورته واول مالمحت صورته كالت
متزوج وعنده طفل ومرته صديقتها ولج
استحيت احط عيني بعين المره بنتي تحب واحد
متزوج ومضحوك عليها اني
لا راح احاسبج ولا راح اطكج
ولا اخذ تلفونج
بس هسه تحلفين ماتثقين بجنس ادم وماتضمين عليَ شي بعد
وماتنقهرين وتبجين على هذا الجلب مايستاهل تبجين وتنزلين دموعج عليه.. حاجيني فيروز لاتدنكين مقصره بشي وياجن اني
اخلي بنفسي وماخلي بنفسجن ليش تكسرن ثقتي بيجن.
مسؤليتجن كاسره ضهري دوم خايفه عليجن
تدرين من ابوج كال ناخذ تلفونات البان وبيان ضليت صافنه ماريده احس غلطت من خليت عدجن تلفونات
اليحب يخطب اليحب يسجلج بأسمه مايضل بس يسمعج كلام ويضحك على عقلج يمه اني ماكلج كل الزلم موزينين
بس.ثقي البتلفون شياطين يضحكون على عقل البنيه ...شعدج تردين تتزوجين. ماريد ازوجج اريدج تكضين
شهادتج بأيدج سلاحج وعود وراها تلحكين على الرجل والجهال
تدرين امي شجانت
تكلي ... اني ما ازوجج صغيره اني تزوجت لان يتيمه لا
ابو ولا ام بس انتي وحيدتي ماخليج تزوجين وانتي صغيره تالي
حضي مثل حض امي تيتمت وتزوجت ...وهسه اني
الاكلجن ما ازوج وحده صغيره عيشن حياتجن
كملن دراستجن دخلن كليه الرجل لاحگات
عليه اني بدلي اشوفجن مستقرات ببيوتجن
بس ماريد تنحرمن من حياتجن هسه
وهلحجي الجن كلجن سمعتني زين
هاج هذا تلفونج هكري هذا الحساب
وهم احضري رقمه وخليه يولي







فيروز::طلعت امي من الغرفه والبنات نزلن من جرابيهن
اجن يمي ...اشش لتحجن عوفني وحدي تمددت ودرت وجهي
الغطا فوك راسي احس نار بكلبي شعور اني مضحوك عليه يمرد كلبي بنفس الحظه حسيت كل حب بكلبي صار كرهه اله شلون شلون سنه كامله وماحسيت ولاعرفت متزوج وشلون يخلص الليل وياي
سوالف رجعت اراجع ذكرياتي واتذكر من اسمع يمه صوت طفل ويكلي ابن اخوي ومن تجي يمه بنيه فجأة تصيحه ويسد الخط
ويدزلي رساله صار عندي شغل استرجعت كلشي خررب شكد غبيه
وامه واخته شلون حقيرررات. ويجذبن عليه ..ااخ يالله. ماكدرت اننام الحد صلاة الفجر كعدت البنات صلن وروز عينها عليه
بقيت على السجاده دعيت من كل كلبي ربي مثل ماقهرني ينقهر وحوبتي متتعداه ربي برد كلبي وطلعه من عقلي وكون مافكر بيه
بعد ..لميت سجادتي رجعت الجربايتي روز
كاعده عليها..كعدت بصفها

روز::بعدج ضايجه
فيروز::لا عمري كومي نامي ما بيه شي
روز::والقران مايستاهلج
فيروز: :يولي والله اطلعه من كلبي وعقلي وماهتم الواحد ضحك عليه بس المقهوره عليه خنت ثقة امي وحجيها الهسه يتردد بعقلي ادري زعلت مني
روز::الصبح من تكعدين تسويلها الريوك وتعتذرين منها وتوعدينها ما تتكرر هلسالفه والله تسامحج وتنسه والله اني جنت متوقعة
ردت فعلها غير شي تفاجئت حتى محاسبتج

فيروز::كومي روز كومي خلنام وعود انتي سوي الريوك
روز::هههه عفتها وصعدت الجربايتي مقهوره عليها وبيني وبين نفسي اكول لا تخافين عليها فيروز قويه يوم يومين وتنسى ....

نرجس::كعدت الصبح بالسبعه تقريبا اريد اروح للحمام اول ماطلعت من الغرفه صارت بوجهي
ماما ..صبحت عليها وركضت للحمام خرب حضي هسه متخليني ارجع انام طلعت مغمضه مسويه نفسي بعدني نعسانه جاي اشرد
للغرفه وصاحني بابا
عامر::تعالي نرجس جيبيلي جواريبي وشوفي اخوج اضن كعد
نرجس::اي بابا نطيتهن اله ورحت الايهم اهو لازم اغيرله ايعع اخذته ورحت للمطبخ ماما تسوي ريوك..ماما تعالي غيري الايهم
باوعتلي مضيكه عينها

جونيش::تعالي كملي الريوك
نرجس::وكفت على الطباخ واسب بروحي لو مسويتها بفراشي وماطالعه راح انكرب كملت الريوك وكعدت اتريك يمهم طلع بابا بس شلت المواعين خليتهن على كاونتر وجاي اشرد صاحت ماما..اغسلي المواعين

نرجس::يمه شنو اريد ارجع انام

جونيش:::نجبي.
نرجس::مو هذنيج نايمات

جونيش::هسه اكعدهن
نرجس::دخلت للمطبخ ادردم ..غسلت المواعين
وامي طلعت تغسل الطارمه بهلبرد خرب الحظ
تمووت ست جونيش اذا شافت گشايه بلبيت ماعون يبقى بلسنك تتخبل خلصت ورحت كعدت يم ايهم بعد النومه طارت
اجتي امي ميته من البرد واصابيعها مثلجات كعدت تدفى على الهيتر سألت على فيروز. كتلها الصبح يله نامت ويا الصلاه

للتسعه امي كربتني كرب كنس غسل ترتيب
غدا مدري شنو والافنديات نايمات رحت للغرفه دفرت الباب حيل واني اصيح
ياااقووم هياا انهضووو..فزت بيان فاتحه نص عين







بيان::كبر طمج خرعتيني

نرجس::سدي عيونج انتي بدون هلحركه عيونج يخلسن الحوله ..ههههه شمرت عليه المخده طفرت عليها ادغدغها واضحك ..والعباس تخبلين اتشاقه وياج..
بيان::ههههههه وخري لاتضحكيني محصوره
نرجس::دغدغتها حيل وميتات ضحك فزن البنات على صوتنا

فيروو::شهكلان التبن واحد ما ينام شبيجن
روز::اليوم نرجوسه عدها نشاط سالمين
نرجس::هههه ولج غير رحت للتواليت مثانتي تريد. تطك ولزمتني امي ريوك غسل كنس وايهم ندمتني تمنيت مسويتها على روحي ولاطالعه

روز::ههههههه يعني نكعد.هسه امان ماكو شغل
نرجس::امان امان اكعدن
روز::غمزت للبنات وكلنا رحنا الفيروز جرينا غطاها ودغدغناها وهيه تصيح وخرن من فوكني خنكتني اجت امي واكفه بلباب مبستمه باوعتلها فيروز وبجت راحت الامي حضنتها وهيه تبجي
ضلت امي تحجي وياها ذاك الحجي اليرد الروح وغيرتلنا جو كلعاده نسوي مسابقه على الحمام ونوكف كلنا نسوي ريوك حتى لو وحده ماتشتغل المهم توكف ويانا بالمطبخ

فيروز::قررت انسه محمد رغم كلبي لسه يوجعني منه بس طلعته من تفكيري ولبنات وامي ما عايفاتني ضحك وشقى وسهر واهم شي العركات مر اسبوع من عطلتناا وبعد 8ايام
للمدرسه ورا الغدا قررنا نسوي كليجه توسلنا بامي
تروح تجيبلنا مواد من المحل قنعناها خطيه راحت وهيه نعسانه بس نطتنياهن دخلت يم بابا تنام لازم ياخذون قيلوله ورا الغدا لان يكعدون من الصبح عجنا وحضرنا حلقوم وتمر كاعدين كلنا نلف
روز::شنو رائيكم نسوي مشروع

نرجس::ابدعينا بله ام المشاريع شنو
روز::نسوي كليجه ونبيع ..نفجرن بلضحك
..كبر ولاتشجعن

بيان::تدرين اني امنيتي اكمل دراسه ويصير
عندي وظيفة اول شي اشتريه سياره نوب بيت
نوب معمل حلوياات

روز::همزين اني عندي بيت يعني ينرادلي بس وظيفة وسياره

بان::منيلج بيت؟
روز::ههههه على الشقه مال ماما الله يرحمها
فيروز::احلام اليقضه هاي ..ندك الباب دكه قوية
مسحت اديه اريد اكوم ونرجس طفرت تريد هيه تفتح الباب جلبت بيها وكمت وحده تدفع بالثانية على فتحت الباب

وياااريت مو اني الفتحت الباب ياريت عفناه
يندك وما نفتحه ..ما ندري بفتحة الباب تتغير
حياتنا ، وصلنا الباب الصاله دفعتهن وركضت لزمت يدة الباب وهنه بباب الصاله يضحكن. ويباوعن على الباب لميت شعري ورا اذني لان كفشه وفتحت الباب على كيف ...ركزت عيوني باستفهام على الولد الاشوفه ..اسمر وملامحه مغضبه طويل بقيت
مركزه بوجهه مثل الثوله احاول اتذكر وين شايفته ملامحه
مو غريبه..رعبني بنبرة صوته وهوا يكلي

ذياب::ابووج عامر موجود؟
فيروز::..اي اي موجود منو انت؟
ذياب::كليله ذياب يريدك
فيروز: :عفت الباب مفتوح شويه ودخلت اصيح
الابويه وصلت الباب الصاله حسيته دخل وراي
وسد الباب درت اريد اعيط بيه لان دخل لبيتنا وكفن رجليه. من تردد اسم ذياب باذني
كانُ هسه يله استوعبت. التفتتله بسرعه كلبي دكاته الف صوتي يرجف اريد احجي ما اكدر تقدمت عليه ودموعي ينزلن
ا .اانته. انته ذياب ا اخوويه ..
دار وجهه مني واني مكطعه نفسي بلبجي
ركزت بملامحه نفس ملامح بابا ذياب اخويه
انت تشبهه بابا
واكفين بالطارمه وهيه صغيره ابجي واحجي واريده بس يجاوبني







نرجس::نباوع على الولد دخل ورا فيروز مصدومات شكو دخل للبيتت رجعتله فيروز رجف كلبي واني اسمعها تكله انته ذياب اخويه
راسا طلعنا كلنا

ذياب::اااي اني امشي صيحي الابوج
فيروز::شمرت نفسي بحضنه وحضنته بقوه و ابجي بحسره
مامصدكه شفتك احضنه حيل واحجي وكلامي بالكوا ينفهم من البجي وخرت منه وهوا حتى ماحضني لازمه وجهه بيدي وابوس بيه
اجت نرجس حضنته وحالها مو احسن من حالي...تبجي وتكله والله
كنت حاسه راح اشوفك نتبهتله حتى نرجس ماحضنها بان وبيان حضننه سوا عبر ايد وحده عليهن ومتضايق ما عاجبه وكل هذا ماهامني المهم شفته وكحلت عيوني بطوله..باوع على روز
الواكفه على صفحه ودموعها على خدها حجت من بعيد

روز::هلو ذياب
ذياب: :هلابيج..
نرجس::سحبته من ايده تعال ادخل. دخلناه للصاله واحنا مجلبين بيه منا ومنا عبالك نازل علينا من السما اول مدخل لصاله طلع بابا من الغرفه بقى مصدوم بشوفته تقربله بابا بعيون مدمعه
وذياب سحب اديه منعدنا وتقدم على ابويه حضنه بقوووه وبابا يكله
هلاا بابني هلا بحزام ضهري

فيروز: :بقيت مصدومه من حضن بابا لصراحه كنت متوقعه ذياب حتى ما راح يسلم عليه ويكون زعلان منه بقو دقايق واحد حاضن
الثاني واحنا واكفين بان راسا راحت كالت الامي طلعت مصدومه
سلمت عليه رد عليها بالكو كعد بصف بابا
وبابا يعاتبه ويكله نسيت ابوك البنات جابن ماي اله حتى ماشرب
كلنا كاعدين وهوا بدى يحجي

ذياب::موو وكت هالحجي يابه اني انعفت ماعفت يعني لا هسه تطلعني مذنب
عامر::ماعفتك اجيتك وتوسلت بيك تجي وياي وانته الماقبلت كل هذاا واني ماعفتك

ذياب::سد السالفه يابه مو وكتها ولد عمي هنا فد شويه ويجون
عامر::كل الهلا بيهم ..سلمت على اخواتك
فيروز::مصطفين كدامه كلنا بابا ياشر علينا ذياب فرك وجهه وهز راسه اي كاله بابا وعرفتهن منو ..نتر لاا

اشر عليه كله هاي فيروز الجبيره واشر على نرجس وهاي نرجس
وهذني التوم بان وبيان .. تمركزن عيون ذياب على روز كاعده بصفي بابا طفرها وماعرف عليها وهيه نحرجت من تصرف بابا ودنكت رجع بابا تدارك الموقف وكله ..وهاي عزيزة كلبي وامانتي ..روز الكتلك من عمر سنه اني الربيتهاا..

روز::لاول مره حسيت نفسي مو ابين اهلي
من بابا طفرني نحرجت وحسيت بنفسي فعلا
يتيمه. رغم رجع حجه بس الغصه جلبت ابلعومي
ذياب متضايق وفرك وجهه يدير عيونه مني بسرعة حجه بصيغه امر

ذياب::حضرو نفسكم بس يجون الولد نروح
عامر::سلامات وين؟
ذياب::اني ما اجيت اتعرف واسلم ..لو ماكو مشكلة ما اجي
عامر':اي ماتحجي شصاير؟
ذياب::احفاد عمك شيخ خيون هذول السكط تعاركو ويا بيت حجي خاچي هم عدهم واحد هتلي وهذول صكو الولد وكتلوه بمشحوفه ..
احنا اخذنا منهم عطوه بس همه يردون الدم بدم وواحد خير سامعهم
حاجين بطاريك ومندلين بيتك مايكدرون يوصلونا ويوصلونك
وعمي مهنا كال ترحون تجيبون عمكم وتجون







فيروز::بابا ضل يضرب اخماس بسداس يسأل ويستفسر واحنا مافاهمين شي غير انو ذياب جاي ياخذنا ..اندك الباب وكمت اريد افتحه صاح ذياب بعصبيه ارررجعي ..وكفت متصنمه وهوا طلع
دخلهم للاستقبال الثاني امي وابوي دخلو الغرفتهم وصوتهم عالي
يتعاركون لان بابا طلع يلتقي بذياب وما حاجي الامي وهيه جانت دوم تكله روح جيبه
.. بقينا بالصاله وحده صافنه بوجهه الثانيه اجه ذياب
كال
نطيني ماااي ولبسلجن شي بيه خير سلمن عليهم
اني دخلت للمطبخ احضر الماي والبنات راحن الغرفهن بابا طلع باوع لذياب يمي بالمطبخ وفات للاستقبال يسلم ذياب واكف بالباب حجيت واني اغسل بالكلاص

ذياب احنا هوايه نحبك صح اول مره نشوفك بس والله كلش نحبك حتى عيد ميلادك كل سنه نحتفل بيه ونصور فديوات ..درت عليه مبتسمه بعدين اراويك الفديوات..اخذ الماي مني بدون
ما يحجي ولاكلمه

كعدت بالگاع دموعي ينزلن وحدهن ماتخيلت لقائنا بهلبرود ماحسيت بلهفة ذياب علينا وشوقه النا مثل ماحنا مشوقين الشوفته حسيت حتى سلامه وياانا بالكوا .طلعن البنات من الغرفه
لابسات شالات روز بيدها شال الي
مسحت دموعي اخذته من عدها لفيته على راسي عدل

روز::باوعي شتكولين ما ادخل اسلم اني احسن مو
نرجس::نجبي شنو هلحجي
روز::افهمني الحقيقه انُ ما تربطني اي علاقه بيهم حتى ذياب بالكوا سلم عليَ وهاي الحقيقه اني ماقربلكم بشي

جونيش::رووز شهلحجي ماما
روز::التفتت الماما الواكفه وراي وعيونها مدمعه
جونيش::من شوكت تحجين هيج يله كلنا ندخل نسلم سوا يله
فيروز::عيني على روز حيل حازه بخاطرها
اعرف بعدها مقهوره من بابا ، دخلت امي قبلنا واحنا جنه نعج نمشي وراها كالت السلام عليكم وكفو ثلث شباب وذياب بقى كاعد ردو السلام واحنا سلمنا بصوت واحد

مانتبهت الاشكالهم بس لمحتهم ثلاثه ورجعت
اباوع لذياب ..طلعنا من يمهم. للمطبخ..وامي بقت يمهم

نرجس::طلعت سالفة الزراك وراثه واني.طالعه على بيت جدي
بيان::ههههه اي كلهم معطبين مثلج بعد لا تضوجين
روز::فيروز شبيج ...تحضر ستكاين وهيه ساكته وعيونها مليانه دموعه ..بس سألتها شبيج كعدت بالكاع وتبجي بخنگه ..

نرجس::يااا شبيج
فيروز::مابيه شي كملن الچاي انتن عفتهم ورحت للغرفه قفلت الباب ..وامسح بدموعي الماراضيات يوكفن اسب بنفسي على شنو ابجي دقايق وندك الباب كمت فتحته ودخلن البنات متوترات
..شكو
روز::بابا وذياب تعاركو
فيروز::عزززا ليش
نرجس::بابا يكل لذياب ياخذنا وياهم بس بابا يبقى لان مايكدر يعوف دوامه
فيروز: :وهسه شنو
روز::مادري جنه نتسمع عليهم وهاي الهايشه بان طكت الباب

فيروز: :كمت على حيلي تعالي روز. انتن ابقن واحناا نحجيلجن شنسمع

طلعنا اني وروز وكفنا اباب الاستقبال ونسمع حجيهم
عامر::اصهب يابه شلون اعوف دوامي ماكدر
اصهب::عمي اخذ اجازه هسه ونشوف يجوز تنحل السالفه بيوم يومين وترجعون بس مال تبقى هنا مستحيل جاي نكلك سامعينهم يتهاددون عليك
ذياب::يابه رحمه الابوك لاتشل كلبي اني نوم مانايم صار يومين روحي صايره بخشمي كوم حاجي عائلتك خلنا نروح هم يله نوصل







عامر::اخذهم وروح حتى ام فيروز اخذها اني ماكدر اجي
ذياب::لا اله الا الله
فيروز::صيح ذياب بعصبيه ونفتح الباب صرنا بوجهه احنا باوعلنا بعصبيه خازرنا صاير،نار طلع وركع الباب وراه باوعت وراه وين يروح كعد بالطارمه يدخن رجعت بصف روز نسمع حجيهم

وبابا يحجي ويا الولد ويحاولون يقنعونه...روز
روحي انطي ماي لذياب خليبرد راح يحركنه

روز::هههه روحي انتي اني اريد اسمع
فيروز::دفعتها روحي اني احجيلج ..بقيت اسمع حجه الولد على تلفون سلم على ابوه ورجع كاله
عمي مايقبل يجي

شهاب::تفضل عمي ابوي يريدك
فيروز::فتحت الباب على كيف اريد اشوف شكلهم راسا شافني واحد منهم سديت الباب وركضت للغرفه

روز::خليت ماي بكلاص احنا من دخلنا للغرفه نزعنا شالاتنا ..من طلعت بدون شال بس وصلت للباب نتبهلي باوعلي بعصبيه شمر الجكاره من ايده تقدمت نطيته الكلاص بدون ماحجي اخذه شفطه مره وحده ونطاني الكلاص مايباوعلي اخذته ارجع للمطبخ نترر
ذياب::حضرررن روحجن بسرعه وبعد لا تطلعين
كدامي بدوون حجااب اني مو اخوج.

روز:: رجف كلبي دخلت بسرعه للمطبخ شمرت الكلاص على كاونتر وركضتت للغرفه لكيت فيروز تسولف على السمعته كعدت ساكته وكلمة اني مو اخوج تصفر باذني كلنا متوترين دقايق واجت ماما

جونيش::يله بدلن ولمن ملابسجن

فيروز::شنو ماما غير تفهمينه شصار
جونيش::كومي.بدون حجي
روز::ماما وبابا شنو يبقى هنا
جونيش::لا يجي حاجاه عمج وقتنع اخذ اجازه ثلث ايام والله كريم
نرجس::طفرت على كنتوري.يمكن اكثر وحده فرحانه اني راح نشوف بيت جدي
جونيش::اخذن وياجن دشاديش وبشتات وشالات ويا كل ملابسجن
فيروز::شكد ناخذ

جونيش::لاتشلللعن كلبي اخذن اي شي وسكتن
بيان::طلعت ماما واحنا بدينا نطلع ملابسنا ونجمع هاي تصيح وين شالي عدج وهاي تكول حذائي عندج صارت الغرفه هووسه
.شلبس بنات

روز::صدك شنلبس تنوره لو بنطرون
نرجس::كلنا نلبس بناطير سود وحذاء ابيض
وسويتر ها شكلتن

فيروز::شكد بطرانه دخيل ربج..رايحه سفره شنو
بان::لا تعترضين فيروز شبيج احنا فرحانين لتكسرين فرحتنا

روز::عيب ولجن هسه يكولون مكيفات
بيان::اووه جنجن عجايز كلشي ما تقبلن بيه شبيجن

فيروز::اوك اوووك بس خلصن امي راح ترزلنا
لبسنا نفس البس كلنا بس الوان السويترات
مختلفه شويه خلينا مكياج خفيف ..دخلت ماما
للغرفه وعاطت بينا
جونيش::شلابسات رايحات للكورنيش انتن دووم مورمات كلبي لاعقل لافهم شبيجن

روز::لاتصيحين ماما هسه نبدل
جونيش::شتبدلن امشن يله اطلعن..وشنو هاي شكد.ماخذات هدوم

فيروز: :شسااالفه ترا والله حيرتينا غير ملابسنا
وغراضنا هسه انتي ماخذتي ..اجت يمي تكرص بزندي







جونيش::ادبسزز بعدج هنا وتعلين صوتج علي
فيروز::صاح بابا وهيه طلعت وتخزر بينا ..والله يالله اريد مرره نطلع وماتحرك كلبي

روز::نجبي ماتشوفينها متوتره وخايفه حقها ترا
فيروز::عفتهن واخذت غراضي وطلعت وهنه ورايه وطبعا واهم شي محد تنسه شاحنتها وهيتفونها ، بابا واكف بالصاله
ابتسملنا من شافنا ...
عامر::ها ضايجات لان راح نروح
نرجس::لا اني كلششش فرحانه
فيروز::اي بابا كلنا فرحانين..باوع على روز فتحلها ايده وهيه راحت بحضنه باسها براسها
عامر::وانتي روزايه خوماضجتي مني
روز::احس ختنكت واريد بس ابجي بست ايده
لا.بابا اضوج من الدنيا كلها وماضوج منك..دخل ذياب. يباوعلنا

ذياب::يله اذا خلصتو نطلع

فيروز::دنكت على ايهم شلته وبابا شمر مفاتيح
البيت لذياب لكفهن طلعنا من البيت كلنا واكفين مصطفين همه سيارتهم ورا سيارتنا كل مره من نطلع المكان خمستنا ورا وايهم وامي كدام
يم بابا واحنا البنات تصير حرب ورا
بقينا واكفين بابا فتح الصندوك
خلينا الغراض وذياب قفل البيبان وطلع يباوعلنا ماعاجبه كلشي وكف بصف بابا

ذياب::نطلع على طريق المجر تندله
عامر::مارايح بيه من زمان ودنيا لليل موكلش اشوف بالليل
ذياب::اصف. تعال انته تسوق ولبنات يجن يمنا
عامر::روز وفيروز اخذن ايهم وروحن ويا اخوجن
فيروز::تمشينا لسيارتهم اصهب فتحلنا الباب
اصهب::نطيني هلملعون خلبوسه
فيروز::اخذ ايهم من ايدي يبوس بيه وايهم مستغرب ما يريده نطانيا صعدت وبصفي. روز كعدت من يم الجامه لان تتخربط
صعد ذياب يمنا ليورا وشهاب بصف اصهب يسوق طلع قبل سيارة اهلي نزل الجامه وصاح

اصهب::اصف على كيفك وياك عاائله
اصف::اي شسالفه
فيروز::صارت السياره هدوء..ضحكت على تفكيري صاعده بسيارة اشخاص اول مره اشوفهم وهمه اقرب الناس الي اخوي اولد عمي الولد الگدام كال

شهاب::انتن فيروز ونرجس مو؟
روز::جاي اكله لا اني روز وذياب حجه قبلي
ذياب::لااا هاي البنيه الابوي مربيها
اصهب::هه يعني خمس اخوات عندك
ذياب::لاااا ، ما عندي اخوات

فيروز: :التفتت عليه خازرته ..حجيت بابتسامه
-هه لو شما تحجي نبقى اخواتك الاحسن الك تتقبل الحقيقه ومو اربعه خمسه.
باوعلي مضيگ عينه
ذياب::اخواتيش وانتِ قبل هاليوم لوتشوفيني بالشارع ماتعرفيني

فيروز::صوجك وصوج بابا احنا شنو ذنبنا جانت امنيتنا احنا الخمسه انشوفك وكلما نفتح الموضوع ويا يعصب اذا تريد تحاسب شخص حاسب بابا مو جاي تكول مو اخواتي مالك حق تكسر كلبنا بكلامك سنين احنا ننتظرك وحضررتك سلام مثل الاوادم.ماسلمت علينا قبل سبوع عيد.ميلادك .تصدك من اكلك مجرد احتفلنا وكعدنا نبجي لان ما نعرفك .

..احجي ويا ودموعي على خدي ..جرني عل. حضنه حيل واني دموعي نهدن بقى حاضني بدون ما يحجي ..ايهم ضل يتنحس اخذته
روز مني وروحها تلوب دائما تتخربط بالطريق وخرت
من حضن ذياب ..تعال شبيك اخذت ايهم فتحت تلفوني تحت أنظار ذياب البقت عينه بالتلفون طلعت اغاني اطفال ونطيتهم الايهم
التفتت على ذياب دار وجهه مني هه من نظرته مبين ما تغير شي مجرد نقهر لان بجيت وحضني ..ما اكدر الومه حقه يمكن احنا
امي زرعت بگلبنا حب اله وهوا نزرع بگلبه
كره النا بيني وبين نفسي احلف اخلي يحبنا
مثل ما احنا نحبه. باوعت على روز تخربطت كلش

..اصهب اوكف شويه ..روز باوعيلي
روز::عوفيني بس افتح اتقيى
فيروز::طبك اصهب فتحت الباب روز
ونزلت تركض تقيئت عفت ايهم بالسياره
ونزلت وراها اطك على ظهرها ولعبانه نفسي
صاح ذياب

ذياب:::تعالي خذيلها ماي تغسل
فيروز::اخذت البطل من ايده وصبيتلها ماي غسلت نزل يمنا شهاب شويه حباب

شهاب::خااف جوعانه البنيه
فيروز::لا هيه بالطريق تتخربط
شهاب::شسمها هيه
روز::رفعت راسي وروحي رايحه كتله روز اسمي روز ابتسلملي
شهاب::عاشت الاسامي يابه
فيروز::وكفت سيارة اهلي ورانا ونزل بابا واصف
عامر::ها شكو
ذياب::ماكو شي هاي تخربطت

روز::حجيت بكلبي كبر حتى كبر. هاي بعينك هستوني كلت اسمي روز ..اجاني بابا خطيه خايف عليه وماما نزلت يمنا ولبنات
كالن البابا ونزلن يتحركن لان تكسرن من السياره
ايهم جلب بماما ما عافها

نرجس::الطريق ممل تعرفنا على اصف حباب
ويشاقي واول ما شاف بيان حشش عليها على عيونها كالها شنو ربي ناسي يخليلج عدسه ثانيه وهيه تخبلت نزلت عليه دوسه ونص
نريد نسكتها ماكو بعدين بقى ابويه يسولف ويسأل على اعمامي
الي الحد هسه احنا حتى اساميهم ما نعرفهن وكف اصف من شاف سيارة ذياب واكفه ونزلو نزلنا يم البنات رجلي متكطعات باللكوه اتحرك متكسرين من السيارة وحصره وكفت بصف روز وفيروز كالت فيروز وهيه تأشر عليَ

فيروز::شهاب هاي نرجس
نرجس::التفت الولد عليَ باوعلي ويعوج بشفته ويحرك براسه عبالك ديشتري طلي وقتنع بيه
شهاب::هاي انتن درزن شيزوجن العمو تكطعن كلبه يله تخلصن

نرجس::عيبت عليه وعوجت حلكي وهسه عمو شاكيلك الحال وكايلك بناتي مضايقاتني ..نگلب وجهه راسا خزرني وعافنا وراح يم بابا ولولد

روز::كبر ليش كتيله هيج لاتخليهم يكولون ام لسان بعدنا بالطريق وبديتي تعاركين
نرجس::خيولي شايف نفسه كبر خلقه اخلاق
فيروز::غرتي منه لان ابيض منج ههههه
نرجس::دنجبي ..ترحين انتي بسيارتنا عفيه اريد يم ذياب
روز::لاتجين احسنلج يجرحج بكلامه
نرجس::ليش

روز::يشمر فحم كلبي من مساع الهسه ...صاح بابا يله اصعدن ..تمشينا للسياره وماما نطتنا كليجه من السويناها وحتى ماتهنينه بيها نص احترك ونص بقى عجين. اخذتهن منها فيروز
وياهن عصاير اني ما ردت اكل ولاذياب اكل كلها ما اريد اصهب وشهاب اخذو منها، ساد الهدوء تقريبا الساعه بالتسعه بالليل
قربنا نوصل اتصل ذياب على اصف وكله
خليك ورانا كلش مشينا بطريق فااارغ مابيه ولاسياره
وسيارة اهلي ورانا كلش
فيروز::ليش فارغ الشارع يخوف
شهاب::هوا طريق المجر مابيه هواي خاصه هلوقت
روز::نزلت الجامه شويه ولهواء يلفح وريحة الزرع تجنن ..دقايق من الهدوء الولد مامرتاحين ويحجون الغاز بينهم
صاارت سياره كدامنا بس بعدها بعيده تشغل عالي وناصي تاشرلنا نتر ذياب بعصبيه

ذياب::لا توووكف

اصهب::اصبرر شدرانا منوو

ذياب::لا تخفف وشغل واطي..شهاب من يمك

فيروز::اباوعلهم.مصدومه شبيهم هذولي
راسا شهاب فتح الجكمجه طلع مسدسين واني خرطت العافيه. نطه واحد لذياب وواحد.عنده سحبو اقسام واحنا ما فاهمين السالفه
شنو راحت روحي والسياره الگدامنا بعدهي تأشرلنا لزمت ايد.روز واحس الخوف يدبي.بجسمي ..صارت مسافه قليله بينا
وبين السياره ذياب رفع سلاحه عدل وخرت من يمه.ولطشت بروز اول مره اشوف السلاح بلحقيقه وبهلقرب.. سيارة اهلي ورانا كلش بحيث نشوف وجهم وذياب يتلفتت عليهم كلساع..تقربنا كلش لسياره
نزلو منها ثنين شباب ...

..يتبع..

ثأرهم وبنات المسيحيه(الاصليه) - البارت 3 -
𖦹 𖦹 𖦹𖦹 𖦹 𖦹

صغار چنّه
وكل شي بعيون الصغار يصير جنة
يا مراجيح الهوى لوحن كمرنه🖤

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹
فيروز::التوتر االف صاح شهاب

شهاب::ليث وبطرس هذول !!
ذياب::شبيه هذا تخبل شيسوي هنا

روز::وكفو السيارة ونزلو اجه واحد من الولد يتمركص ويضحك وواحد بس مبتسم وراه الولد نزلو ضحكو وياه وبابا نزل سلم عليهم
واحنا ما فاهمين منوهم

روز::تعرفينهم منو؟
فيروز::منين اعرفهم خيه؟
روز::خاف اخوان ذياب ؟
فيروز::دنجبي يجوز قرايبهم..ضحكو شويه ورجعو للسيارة اول ماصعدو سألت..منو هذولا
ذياب لبسني ما جاوب رد شهاب
شهاب::ولد عمج

روز::ماشاءالله كم ابن عم عدنا ..حجيتها هيج بالشقه ما توقعت رد ذياب يكون جارح لهدرجة

ذياب::انتي منو يمج شنو خاف مصدكه اني اخوج وذولي ولد عمج

روز::غابت ابتسامتي ضلت الغصه تصعد وتنزل ببلعومي
من فشلتي ادموعي راسا نزلن

فيروز::ذيااب شبيك انت ليش بس تحاول تجرحنا بكلامك

ذياب::اششش صوتج

اصهب::ولايهمج معليج بيه اني اخوج وابن عمج
شهاب::لا تضوجين يابه هذا غيران منج
ذياب::سد حلكك

روز::دموعي نزلن والشهكه جلبت ببلعومي اريد بس اسكت فيروز حاضنتني وتهدي بيه وتهمس باذني على كيف

فيروز: :معليج بيه موبس انتي ترا حتى احنا مارايدنا إهدائي ..مردت گلبي احنا بحياتنا مافرقناها عنا وليوم كلساع واحد قاهرها ومذكرهاا انُ هيه يتيمه ، بالگوا سكتت

اول ماوصلنا لگيناهم منتظرينا بباب البيت نزل بابا قبلنا
حضن على رجال ويبجون ثنينهم واحنا بس واكفين ما نعرفهم حتى انسلم نزلت امي وبيدها ايهم تقدمت سلمت رد عليها الرجال
ورحب بيها بابا سلم عليهم ودخل حضن مره جبيره بالعمر تنوعي وتبجي

مهنا::تعالن بويه تعالن عمي
فيروز::تقدمنا وحده ورا الثانيه باوسناه وباوسنا الرجال الثاني والنسوان امي دخلت سلمت على الحجيه كالتلها
الحجيه::ها يلمسيحيه اخذتي وليدي مني عشرين سنه

جونيش::رجعلج عمه ماعاش الياخذه منج ، تعالن ماما سلمن على بيبيتجن
فيروز: :باوسناها وهيه خازره امي ، ايعع حسيت نفسي طينه لان ما نعرفهم ما نعرف حتى نسلم عليهم كعدنا بالاستقبال كلنا والجهال يتناكزون عبالك مهرجين يمهم







بابا وعمامي يسولفون ويتعاتبون طلع بابا من زمان يرووح يشوف ذياب من جان بالمدرسة ، نوب بالكلية كل سنه سنتين يروح يشوفه وما يجي الاهله وعمو يعاتبه الفهمته هسه عندي ثنين اعمام وهاي الجروله الموجوده مدري المنو

روز::دغيت فيروز بيدها
فيروز::هاا شبيج
روز::اريد للحمام

فيروز::دغيت امي التفتتلي ..ماما نريد نغسل شي
جونيش::خيه ام اصهب بلا زحمه عليج البنيات يردن يغسلن
ام اصهب::بعيوني تعالن يمه.

روز::كمنا وراها بس طلعت من الاستقبال.كتلها خاله تلاحكيني طكت مثانتي وين الحمام اشرتلي دخلت ركض

ام اصهب::انتن خمسه لو اربعة ؟
نرجس::خمسه
ام اصهب::ابو اصهب جان يكلي عامر عده اربع بنات
فيروز::اي وروز مربينها اهلي من عمرها سنه وصرنا خمسه
ام اصهب::يااا امي سوده عليه يله ادخلن غسلن ورتاحن هسه اسويلجن عشا

فيروز::عافتنا ودخلت للمطبخ طلعت روز ودخلت اني
روز::كون بسرعه نرجع اني ماحبيتهم
نرجس::دصبري شفهمتي وماحبيتيهم
بيان::اني هم كرهتهم
نرجس::كرهتي اصف لان ضحك على عيونج هههه
بان::نجبي نرجس لاتضلن تحجن بالالقاب هنا تعلمنهم علينا احنا
متفقين بس بيناتنا

فيروز::طلعت كتلهن - صح وولله لحد تحجي بالالقاب
نرجس::اوك بس اخر مره اكلجن ام عطووب ام كناكير الحوله الكوريه

روز::الزركه

بيان::غسلنا وبقينا واكفين بباب الحمام...هسه هذولي منو اني الحد هسه مافاهمه
بان::تعالن للمطبخ يم هاي المريه عود نساعدها ونسأل ونفهم منو عمنا منو جدنا

روز::خوش فكره فتنا كلنا للمطبخ دارت وجهه شحلاته وبشوشه مو مثل هذنيج الكاعدات يم امي

ام اصهب::ها امي تردن شي؟
فيروز::لا اجينا نساعدج
ام اصهب::اگعدن ماعن دي شي بس اصب
روز::كعدنا على ميز طعام صغير يمها بالمطبخ
فيروز::عمه انتي شتقربيلنا يعني احنا ما نعرف احد..عافت الصحن ودارت الي

ام اصهب::باوعي هذا الابس شماغ هذا عمج مهنا ، والابسه ازرك هاي زوجته واني هم زوجته فصليه ، والرجال الثاني عمجن مهدي والمره الكاعده يمه زوجته والحجيه بيبيتجن

روز::ليش فصليه انتي؟

فيروز::ضربتها من جوا الرعنه فشلتنا. ابتسمت المريه وكالت

ام اصهب::اهلي گبل تعاركو ويا جدجن ابو ابوجن .وهددوه گدام الوادم ثاني يوم طالع هوا بسيارته ويا ابن اخوه ونكتلو ثنينهم بسيارتهم واعمامج كتلو وليد عمي وصوبو اخيي واخذونا اني واخيتي فصليات

نرجس::يعني اهلج همه الكتلو جدي،

ام اصهب::لا مو همه بس بعد تبركست السالفه بروسهم همه هددوه وكلها اتهمتهم

فيروز::اختج ام ذياب مو ؟
ام اصهب::اي هيه طلكها ابوج ورا ما ابوي تمرض وقبل لايموت وده على عمج وابوج وحلفلهم بالقران مو هو كتال ابوهم ولا واحد من ولده ولايدري منو الكاتله ..واخيتي چانت عاشگه گبل لاتجي فصليه هل ابوچ من شافها هيج طلگها وراحت للهاويه گلبها
وانا عمچن هم خيرني اتطلك لو يعقد علي محكمه واني لاجل اولادي ولجل مهنا كتله ابقى وياك وعقدنا محكمه

نرجس::اي وبعد شصار احجيلنا سوالفج تخبل

ام اصهب::ههه كومن هسه اكلن وبعدين اسولفلجن چثير سوالف
روز::زين عمه اگلج شي موت ضوجين ..شو هذني النسوان يباوعلنا صفح ماحاباتنا ؟

ام اصهب::هههه كومي بنيتي بعدج ماتعرفنهن

فيروز::كمنا من يمها اجت بنيه شابه شويه اكبر من عدنا ابتسمتلنا وكالتلها ها عمه اساعدج ، طلعنا للاستقبال جنه مجندات نمشي وحده ورا الثانيه والانظار علينا تسطرنا بصف امي وايهم بيد بيبيتي ..
ذياب يسولف على ثار وسلاح وياشر ويردون عليه الولد وصايره
هوسه وصوتهم ماعبالك يسولفون عبالك يتعاركون ...شويه واجت ام اصهب وكفت بباب الاستقبال وحاجت ابوي

ام اصهب::خويه ابو ذياب تكومون تغسلون وتتعشون اجيتو من طريج طويل

عامر::اي والله
فيروز::بقيت اباوعلها اول مره شخص يصيح بابا ابو ذياب جان كله ابو فيروز ..كمنا كلنا نمشي وراها دخلت الغرفة ماده سفره
جبيره الولد ذياب واصهب واصف وشهاب كعدو

بقيت اباوعلها شلون ناكل يمهم نستحي همست امي اكعدن ..كعدنا كلنا بالكوه نبلع اللگمه ومحد يحجي
روز::فيروز استحي اكل احس نفسي عوجه وماعرف اكل

فيروز::اكلي كلاوات بعدين ناكل حلويات

اصف::عمو عندك وحده من بناتك رب العالمين من خلقها ماكملها

بيان::سددد حلكك ..خزرته وحجيت بعصبيه راسا امي كرصتني وضحكت وبابا هم ضحك
اصف::جماله عصبيه دكعدي لاتطفر عدستج

عامر::يخبلن عيونها هاي عزيزة ابوها مارضى تعيب عليها

بيان::باباا بالقران اذا بقى يحجي هيج باجر ترجعني ماابقى هنا
اصف::تاشاقه وياج يابه ماحجي بعد

بيان::نكث ايده من الاكل وكام صارت عيني بعين ذياب خازرني غير راحت روحي من الخوف ما خايفه هيج لا من ماما ولا من
بابا .

جونيش::بس افرغلج اني اعلمج ع هالسان تردن تفشلني

بيان::عفتهم وكمت اول ماطلعت لگيته يم المغسله درت ارجع للغرفه سحبني من ايدي ويحجي بعصبيه

اصف::شووفي لج هاي اخر مره تصيحين بوجهي سكتتلج الخاطر ذياب وعمي وموصوجج صوج اليشاقيج

بيان::جريت ايدي منه عافني وطلع غسلت وجهي بسرعه حتى ما يبينن دموعي كبر طمكم شكد حقيرين من اجينا الهسه كلساع
قاهرينا غسلت ورجعت كعدت بالغرفه بصف روز شويه وكامت ماما ولبنات وراها طلعت وراهم ماما لازمتهن يم المغسله
ترزل بيهن







جونيش::لاتخلن احد يكول ماعرفت تربي وانتي ست بيان شكالج الولد واكلتيه بكشوره موعيب عليج

بيان':ماريد احد يشاقينيي
جونيش::سدي حلكج

فيروز،':طلعت بيبي من الاستقبال شافتنا كالت
الحجيه::وينج ولج هيام
ام اصهب::ها عمه

الحجيه::اخذي المسيحيه والبنات لغرفهن
ام اصهب::صار ..تعالي خيه ام ايهم

فيروز::مشينا وراها ..وبيني وبين نفسي اكول هلوو طارت فيروز صارو ابو ذياب وام ايهم وصلنا الغرفة جاي ندخل كالت لا هاي الامجن وابوجن غرفتجن فوك انتن

جونيش::روحن ماما ارتاحن وماوصيجن صوتجن
فيروز::صار ماما ..طلعنا ورا المريه صعدت فووك
كلش اول متصعد على درج بوجهاا باب.وممر فتحت باب هاي الغرفه دخلنا وهيه ويانا

ام اصهب::بدلن ورتاحن
روز::غراضنا بسيارة بابا
ام اصهب::هسه اخلي الولاد يجيبونهن
فيروز: :هيه طلعت واحنا كعدنا على الفراشات الهي فارشتهن مر ربع ساعه. هستونا نزعنا حجاباتنا ونفتح
الباب بدون مايندك حجة بسرعة وبأمر

ذياب::فيروز تعالي
فيروز: :طلع وسد الباب وراه وكفت خايفه البنات يباوعلي
روز::شيريد هذا؟
فيروز: :شدراني
نرجس::روحي
فيروز::لفيت شالي كلاوات بعدني مطالعه عاط بصوت عالي
ذياب::فيروووووز
روز::عزززا لا ترحين معصب هذا

فيروز: :وخري يمعوده ..سحبت ايدي منها وطلعت رجليه يطكطكن من الخوف شدعوه يكلبي هلكد خايف ضليت افتر بالصاله بيها
كومه بيبان عبالك فندق وما اندل ذياب وين

فتحت اول باب صار بوجهي اصهب هستوه ينزع بقميصه
خليت ايدي على عيوني
-اسفه اسفه ادور على ذياب .
طلعت وسديت الباب وراي خرب غيرتك ذياب بعدني بالباب ورجع فتحه هوا بس طلع راسه واشرلي على غرفه المقابيله

اصهب::هاي عيني غرفت اخوج ومرة الثانيه دكي الباب قبل لا تدخلين الغرفة احد
فيروز::عفته ورحت بدون مادك الباب دخلت
لغرفة اذياب لكيته واكف يم كنتوره يبدل سديت الباب وبقيت واكفه
بمكاني كال دخلي اكعدي كعدت على قنفه وعيني تدور بالغرفه

تجنن صاج بس مرتبه بشكل حلو على ميز البلازمه صور كمت اباوعلهن صوره اله بدشداشه وشماغ يخبل ابتسمت مدري لان اخوي اشوفه هيج حلو وهيبه والصوره الثانيه هوا ولولد كلهم لابسين دشاديش عفت الصور ودرت عليه يبحوش بالكنتور لبس گلبيه وكال تعالي كعدت يمه يريد يحجي متردد...تمنيت احضنه
تمنيت ابقى فد ساعه بحضنه اعوض سنين العشتها بدون اخو
مركزه بكل تفاصيله وابتسامتي على وجهي
وعيوني نملن دموع ، دنك وحجه وهوا مدنك

ذياب::وين تلفونج ؟
فيروز::بالغرفه
ذياب: :روحي جيبيه
فيروز::فلت وجهي وخفت ..كتله بفهاوه. -ها ليش
رفع عيونه خازرني ونتر

ذياب::كووومي جيبي اريده
فيروز: :كمت من يمه كلبي يرجف رحت للغرفه ركض لكيت امي يم البنات كلهن يباوعلي
- مامااا ذياب يريد تلفوني
جونيش::وشبيج خايفه ودي ميخالف
فيروز::بس ماما
جونيش::فيروز روحي اخذيه اله ولاتسوين هيج تصرفات عباله عندج شي هسه







فيروز::اخذت تلفوني من ايد روز دخلت على
الستوديو ..اخر صوره لمحمد مسحتها ورحت الغرفته من لزمتني امي ماخفت هيج دخلت نطيته اله بدون مافتحه

ذياب::شنو رمزه؟
فيروز: :مديت ايدي اريد اخذه افتحه
مانطاه ورفع حاجبه بمعنى احجي..
اكتب 121231**
ذياب::هم رمز هذا ..روحي اني اجيبه الج
فيروز::بس.شتريد تسوي
ذياب::معليج روحي
فيروز::طلعت من يمه الخوف يدبي بجسمي
خاف يلكه شي يخص محمد رغم حاذفه كلشي
بس خفت دخلت للغرفه باوعلي امي ولبنات

جونيش::هاا
فيروز::كعدت يمها متوتره ..اخذ تلفوني وكال اني ارجعه

نرجس::عززا خاف ياخذ تلفوناتنا
جونيش::لا ماياخذهن
بان::بس. ماما شو ذياب مايحبنا انتي مو كلتي
اخوجن ويحبجن
جونيش::بعده ما يعرفجن ويحس انتن اخذتن ابوه منه بس هوه يحبجن لو شمايصير يبقى اخوجن وسندجن ..انتن خلنه يحبجن مالجن غيره تراا. واجب عليجن تحترمنه وتطيعنه ولو شمايحجي
لاتزعلن منه لان حقه نحرم من ابوه وانتن عشتن بحضن ابوجن

روز::يمكن يجي يوم ويتقبل البنات بس اني مستحيل يتقبلني ويعتبرني اخته وكلساع شامر حجايه عليَ يريد بس يقهرني

جونيش::لاتضوجين من كلامي بس مجبوره احجي حتى تفهمني ..ضايج منج اكثر وحده شلون ابوه رباج وانتي يتيمه وعافه
حاقد عليج لان بدل ما يربي رباج انتي يحس فضلج عليه

نرجس::بس ماما ترا مايصير هجي من اجينا الهسه احنا بحياتنا ماحسينا روز مو اختنا بس هنا من اول ماشفناهم حسستوها مو اختنا

جونيش::روز بنيتي اعز منجن كلجن بس جاي اوضحلجن حتى ماتحقدن على ذياب

روز::اني ماحاقده عليه ومالي علاقه بيه
جونيش::يله اني اروح مثل ماوصيتجن الصوت العالي ممنوع ولاتراددن وليتشاقه وياجن لاطفنه موتردن تاكلن الوادم جنجن
متوحشات

بيان::تراا همه ماينهضمون
جونيش::نجبي انتي الساانج شويه وياويلج اذا تطاولتي على ذياب

بيان::لا هذا الروح والريه اذا يكلي ذبي روحج بالنار اذبها

فيروز::غمتها امي وطلعت سدت الباب دقايق ورجع ندك فاتت ام اصهب بأيدها ملابسنا اخذناهم منها
ام اصهب::هذا الحمام بصف غرفتجن بدلن ونامن وغريضاتجن هذا الكنتور مفرغته الجن
روز::عمه ما حجيتلنا بعد
ام اصهب::شحجي ؟

فيروز::اصهب شهاب اصف الولد الجوا منو ؟
دخلت وسدت الباب كعدت واحنا تقربنا عليها

ام اصهب::عمجن مهنا من تزوج خلود صارت عده بنيه وحيده. بعد ماحبلت ومن اجيت اني فصليه حبلت باصهب ويا بعد واحد توم
مات بلولاده والحجيه تسودنت عليه من جبت ولد ماخلتني اخذ حبوب لو شي كل سنه سنتين اني حبلانه بيهم طاحو وبيهم عاشو اصهب وشهاب واصف وبطرس وليث ذول اولادي







روز::وبنات ماعندج؟
ام اصهب::لا ماعندي ماصارت عندي بنيه

نرجس::ماتراوستي ويا امي.اخذتي وحده من عدنا ونطيتيها ولد

ام اصهب:::هههههههه حتى الحجيه تشيلني هيه هسه وتريدني احبل وخلف بعد لو ما الدكتوره كالت مايصير بعد تعبتي

فيروز::وعمو هادي ماعنده
ام اصهب::عنده ثلث بناات متزوجات هنا بالسلف يمنا وعنده ولد جبير سعد ماموجود هسه بالشغل وهاي البنيه الدخلت للمطبخ وياي
مروه مريته ولوليدات اليلعبون اولاده.

بان::اني دخت ومافهمت..
كامت ام اصهب مبتسمه
-نامن امي نامن بعدين تفهمن ..طلعت وسدت الباب

روز::فتحنا الجنط طلعنا ملابس ننام بيهن وتسابقنا على الخانات هنه ثلاثه واحنا نريد كلمن خانه خلينا اني وفيروز سوا وبان وبيان سوا بس نرجس وحدها ماطلعنا للحمام طفينا الضوا وبدلنا
...خلصت راح اشغل الضوا
بان::نجبيييي لا بعدني
نرجس::نجبي.روز
روز::راااح اشغل لتلاثه ..واحد ...اثنين ..اني احجي وهنه يغلطن ...شغلت الضوا واضحك عليهن.تمددنا بقراشاتنا

-شبيج
فيروز::ليش ذياب اخذ تلفوني والهسه مارجعه
روز::عسى مايبقى للصبح شكو خايفه
فيروز::بله ادخلي على الفيس شوفي حسابي نشط
روز::ماكو نت
فيروز::منو عدها رصيد عليجن الله
بيان::اني بس. ما اشترك لاتحلفيني وتتعبين
فيروز::عليييج الله عفيه حبابه حبااابهً ارجعهن الج والله

روز::ختولي عوفيها وخري بلكي اشوف مروه اكيد عدهم نت ..وخرت الغطا خليت شالي على شعري لابسه تراك..اول مافتحت الباب صار بوجهي شهاب. ابتسم من شافني

شهاب::هااا
روز::نريد الرمز ..اخذ تلفوني يكتبه باوعت وياه
ما خلاني..لا خلي احفظه عفيه اريد انطي للبنات

شهاب::هههه اوك هذا صورته الج
روز::اخذت تلفوني من ايده شكراا
شهاب::هلايابه
روز::دخلت للغرفه مبتسمه....الرمز بالف
فيروز::دتعاالي دخلي على الفيس يارمز
شوفي حسابي

روز::كعدت يمها فتت على الفيس ..عززا نشط
فيروز::يعني جاي يفتش بتلفووني
نرجس::أنطيني الرمز
روز::اخذن الرمز وكلنا داخلين على محادثة
فيروز ..كلساع وحده صايحه عزززا صخااام
باوعي اني هنا شكايلتلج ..

نرجس::بس كون مايقرا المحادثااات نطيح من عينه شكد غالطين

بان::همزين اني وبيان اصلا ماحاجين وياج
فيروز::اسكتن اني من دون شي متوتره
روز::جاي اكلها عليمن ..بعدني ما حاجيه
ووصلتني رساله من حساب فيروز ...صخاام دز رساله. اخذت التلفون من ايدي كاتب. خلي. فيروز تجي تاخذ تلفونها
كتبت فيروز اوك
فيروز::كضي ..اطلع هيج عادي مو
نرجس::اي ما بيهن شي

فيروز::عدلت تراكي. ضميت شعري ورا اذني ولتوتر يقرا الف طلعت ومثل الهايشه بدل ما اروح الغرفة ذياب دخلت الغرفة اصهب ..الولد متمدد على جربايته وتلفونه بأيده هو. مصدوم واني مصدومه صاح







اصهب::هم تدورين على ذياب
فيروز::سدديت الباب حيل وصحت اسفه نسيت..صيح بصوت شبهه عالي

اصهب::مال ثووول حتى ثول تدرعم موكتلج دكي الباب

فيروز::واكفه بلباب متوتره واهفي على وجهي
من غلط عليه رجعت دفرت الباب برجلي وفتت الغرفة ذياب
بعده على نفس الكعده العفته عليها رفع عيونه اول مادخلت حمرر.وعصبي تقدمت بخطوات ثگيله خايفه منعنده رفع تلفوني الي

وكف اخذته من ايده وعيني بعينه رفعلي حاجبه بمعنى روحي
درت وجهي اريد افتح الباب كال بصوت مبحووح

ذياب::فيرووزه
فيروز: :التفتت عليه اول شخص يكلي فيروزه جرني من ايدي حيل الحضنه حضني بقوه واني الله ذب عليه دمووع بقى حاضني دقايق وبعدني مسح دموعي بأيده بدون ما يحجي واني اشهك من البجي ضم شعري ورا اذني باسني من راسي همس

ذياب::روحي نامي ولا تطلعين بدون حجاب مرة الثانيه. مفهوووم
فيروز::ابتسمتله مفهووم
ذياب::ديربالج على اخواتج.
فيروو::طلعت من الغرفه طاااايره من الفرح دخلت الغرفتنا اكمززز
نرجس::سلااامات شبيج
فيروز::ذياب حضني وباسني ياااااي يعني يحبني مايكرهني

نرجس::وشنو يعني يكرهنا مثلاً؟
فيروز::ولج حتى صاحلي فيروزه

بيان::يله هم اهون اني احسه يحبنا كلنا بس مادري ليش يتصرف هيج

فيروز::تمددت بصف روز فرحانه. فتحت تلفوني رحت على

التطبيقات المستخدمهن ماسحهن وباقي بس الماسنجر
دخلت عليه. اشخاص ماعرفهم بحسابي دخلت على
الصوره ياا هذا ذيااب عززززا

روز::شكو

نرجس::كلساع وصاحت عززا شبيج

فيروز::باعي هذا ذياب ضايف نفسه وضايف الولد هم ياااي يعني مامعترض على الفيس

نرجس::شسمه خلي ادزله طلب
فيروز:: ذياب ال جاسم
بان::دزيت قبل الطلب
بيان::اني هم
نرجس::صورة شكد حلووه

فيروز::روز ليش مادزيتي
رروز::لا ماريد اخوجن اني شكو ضايفته اساسا راح انام نعست ..طفيت تلفوني ولفيت راسي حشكت روحي بفييروز وبسرعه غفيت

فيروز::وانتن هم،نامن كافي
نرجس::التكعد اول وحده تكعدنا خلي نشوف الصبح بالريف حلو لو لا
بان::اني لحد تكعدني

روز::ديله انطمرن كافي لغوه
فيروز::نامن البنات واني بقيت أگلب بحساب ذياب ادخل على صوره واقربهن يابعد اسمي اسمك يارويحة اختك كلساع ابوس صورته منشوراته كانن مغرورات واكثرهن بدشداشه وشماغ.

والايكات وتعليقات بالالف بخت اني انشر شي يوصل عشر تعليقات واني الاعلق الروحي من حسابات البنات دخلت على حساب اصهب
نفس الطينه هوا وذياب شكلًا يتشابهون واسلوبهم وطريقة كلامهم بحيث منشوراتهم ماتختلف عن بعض وكلهم نفس الغلاف مخلين
صوره الهم جماعيه واكفين وكفتهم كلها هيبه







طلعت من الفيس رحت على الوتساب اول محادثه باسم ذياب
نصدمت راساً دخلت عليها شغلت الفديوهات الدازهن الروحه
كلهن مال عيد ميلاده حيل فرحت اذا شافاهن راح يعرف شكد نحبه
طفيت التلفون وحضنت روز لاطشات وحده بثانيه عبالك راح نشرد نمت والابتسامه على وجهي

فززينا مخرووعات على صوت الرصاص صريخنا
يجيب التايهه حاضنات بعض ومانعرف شنسوي الجام تكسر
نرجس وكفت تريد تطلع من الغرفه
جلبت بيها روز
روز::كعدي خرررب اهلج
نرجس::خلي ننزل يمهم
روز::لااااا
بان::فيروز سوي شي
فيروز::انفتح باب الغرفه وتشغل الضوا
دخل ذياب مخروع
ذياب::اشش اشش لاتخافن اجيت
فيروز::صار بنصنا وحاضنا كلنا اله وصوت الرصاص ياخذ الروح. نرعبنا و كلساع عايطات وصوت امي من جوا تصرخ وتصيح بنااتي موقف يحبس النفس تحس على غفله تجي الطلقه بواحد منا مجلبين بذياب كلنا بدا الصوت يخف فتح
الباب اصهب وشهاب سلاحهم بأيدهم
صيح ذياب

ذياب: :اطلعوو جايكم
فيروز: :وين. رااايح لاتعوفنا..وخر من نصنا وكعت روز الجانت اقرب وحده لذياب تخبلت..احاجيها وماكو البنات يصرخن
اجه ذياب عليها ويصيح علينا حتى نسكت

ذياب::شبيييج. صوتج لج..هييي كعدي يبنيه
نرجس::نحشكت بالزاويه وابجي فوك ما احنا مرعوبين وكعت روز خرعتنا وذياب عاط بينا.دخلت امي للغرفه متخبله
ذياب يرش مي على وجهه روز وامي مكابلتها وتصرخ الحد ماصحت روز ذياب خازرهاا عافنا وطلع كلنا رحنا الحضن امي

جونيش::روز بيج شي احجي
روز::مابيه شي ماما بس لان خفت
جونيش::كومن ننزل جوا يم ابوجن
فيروز::لزمت روز من ايدها رايحه روحها البيت مخبوص صياح وعياط وعبالك صايره حرب

اول مانزلنا نصدمنا بلولد كلهم مبدلين وسلاحهم بأيدهم عزززا اني توقعت نلگه الشرطه وصايره خبصه اشو لا شرطه لاصخام
وكفنا ورا امي وهيه بصف ابوي انجنت امي من لزم السلاح

ماخلاها تحجي اصلا دقايق وسيارات اتسطفت
بالساحه طلعلهم اصهب وذياب الساعه تقريبا بالاربعة الصبح مانفهم شي من حجيهم لان كله صياح وصوت عالي همه يتناقشون احنا عبالنا يتعاركون ام اصهب سبحتها بأيدها وتدعي وبيبي
تصيح اولادي اولادي اريد رصاصكم ياكل نص بيوتهم

ابوي وعمي هادي صعدو وياهم وراحو دخلتنا امي للغرفه تلطم على خدودها

جونيش::صخام الصخمني راح ابوجن ولجن شسوي شحجي شكول رجال بحياته مالازم سلاح اول ما اجه لهنا لزمتوه سلااح اوديتوه
للموت

فيروز::دخلت الحجيه للغرفه وتاشر بعوجيتها امي وكفتلها احتراما وهيه نزلت على امي دوسه ونص

الحجيه::شووفي ولج يلمسيحيه سكتت عنج عبن كلت خطيه البت
لنج موش مال احترام اواحد يسكت عنج اني مربيه زلم شنهي بعمره ماكاض سلاح انا ولادي من عمر عشر سنين اسلاحهم بيدهم
ولج احن ولد شيوخ هضيمة تكولين عامر ماكاض سلاح
يو ماماخذته منعدنا وهججتي من ديرته واهله جا وليدي ينام وسلاحه جوا راسه بس انتي يلغمه من لفيتي واخذتي عگل ابني
عاف سلاحه ولحگج وشنهي على زينيتج انتي على جهرتج الحلوه
لو على خلفتج البس بنات







فيروز::كمت على سريع ...هوووب هوووب شسالفه اكلتيها اكل هيه غير خايفه عليه وانتي ولدج وماخايفه عليهم تشجعينهم ماتخافين واحد يمووت. وثانيا اياني واياج تحاجين امي هيج عاطت امي عليه
وهيه رفعت عوجيتها وضربتني على راسي وتريد تضرب ماما
تخبلن البنات وهدن عليها امي تريد تسكتنا ماكو

روز::حددج لهنا حجيتي وسكتنا احترامن الكبرتج مانسمحلج تمدين ايدج على امي
نرجس::يله روحي عود انتي هم بيبيه بس يجي بابا بخير وسالم نروح وتحلمين تشوفينه بعد

الحجيه::يعع ولجن تعلن صوتجن علي وتوكفن بوجهي يبنات المسيحيه انا موش بت ابوي ان ماربيتجن من جديد نووب اني عليه التايهين والمدري من يانسل لافين

جونيش::عممه ما اسمحلج تحاجين بناتي هيج مشكلتج وياي اني هذني حفيداتج شنو ذنبهن

ام اصهب::عمه فدوه اروحلج كافي ابوو اصهب اذا سمع هسه يگلب البيت علينا تعالي الغرفتج لايصعد ضغطج

الحجيه::وخري مني وخرري اهمدداجن من جناين وحده مسيحيه ووحده فصلية بت كتال رجلي من جبح خلقجن الكشره

روز::طلعت الحجيه وسدت الباب بان وبيان بنفس الحظة رفعن اديهن وغمنها وماما عاطت بيهن

ام اصهب::امسحيها بوجهي ام ايهم تعرفين عمتي بعد جونيش::لاخيه ماعرفها وريتني دوم ماعرفتها جنت اتذمر واذم بحضي لان بناتي بعيدات عن اهلهن هسه احمد ربي وأشكره الف مره ماعاشن وتربن هنا

ام اصهب::خيه تهدي بالرحمن وكلشي اله حل كضي وليدج هسه والله كريم ، يمه بنياتي تجن وياي نلم الكزاز من البيت
فيروز::بقيت كاعده افورر ودي الزم الحجيه اكلها بسنوني خزرتنا امي واشرت بحاجبها كومن

طلعنا من الغرفه ورا ام اصهب صارت بوجهنا مرة عمو مهنا (خلود) خازرتنا وتنتر بحجيها

خلود::وين علاج عمتي صعد ضغطها
ام اصهب:'يمها بغرفتها تلگينه
روز: :راحت من يمنا معاجبها ام اصهب صاحت على مروه تجي تنضف ويانا
مروه::اجيتج عمه صار

سهام(مرة مهدي)::تعالي كضي فروخج
ام اصهب::كضيهم انتي وخلي البت تجي تنضف وياي كبل لايردون ماتشوفين البيت مكلوب

سهام::موش هذني البنوات وياج شتريدين بعد
ام اصهب::وهنه شني جايات يشتغلن ماتشوفين وجهن اصفر من الصدمه

مروه::عمه هسه انوم جهالي واجيج
ام اصهب::رووحي يمه روحي الجهالج عمتج تصعد تنصف وياي

سهام::اي اصعد جا شنهي اموت اذا نضفت
روز::صافنين عليهن وحده تريد تاكل الثانيه ، هلوو هاي همه بنفس البيت محد متحمل الثاني شلون نريدهم يحبونا ، صعدنا اني فيروز ونرجس وسهام البيت بس صفحه وحده الجام متكسر
جهة البيت الثانيه مابيها شي سهام تسب وتغلط على ام اصهب وتصيح هم فصليه وهم ماحاطه رجليها بالگاع
سهام::انتن نضفن الغرف هوا بس الكزاز لمنه خلروح اشوف الحجيه

نرجس::هلو هاي شنو عافتنا ونزلت
فيروز::خاب ختولي ماتشوفنها بس تحجي على ام اصهب
روز::عود يحجن صدك يردنه انضف واحنا البارحه اجينا
فيروز::شبيج هوا بس نلم الكزاز المتكسر الخاطر ام اصهب خطيه شفتيها شلون تدافعلنا والماما

نرجس::اوك يله كلمن غرفه حتى نخلص بسرعه
روز::اني انضف غرفتنا ..البنات راحن الباقي
الغرف نكثت الفراشات رتبهن وخليتهن على جهه
كعدت كلبي دكاته سريعه احاول اتجاهل حجيهم الي بس ماتنبلع كلمات الحجيه وهيه تعاير امي بيه موتني

فيروز::دخلت الغرفة اصهب ونرجس للغرفه الثانيه غرفة شهاب ..ملابسه مشمراتزوالكزاز صاير ورا البرده
بس جمعته كله ونكثت الفرشه طلعنا سوا كلمن
بأيدها كومة كزاز

بان::اكلج عمه انتو دائما هي عدكم حرب
ام اصهب::هههه ياحرب يمه ..بس حضجن هذا جيتجن صارت ويا هالمصيبه
بيان::زين انتو شلون عدكم اسلحه بلبيت مايلزموكم الشرطه
ام اصهب::لا ديرة عشائر حتى الجيش يخاف يتدخل بينهم يطلعون مرات تفتيش يوصلنا الخبر قبل لايطلعون بيوم يومين لان البلمركز كلهم اخوت الحجيه ونبعد السلاح من البيت والولاد اسلاحهم مرخص ماياخذونه

بان::شنو يعني مرخص
ام اصهب::شلج بدوخت الراس هاي
بيان::بس عمه يعني ماتخافين عليهم ولدج كلهم راحو يعاركون
ام اصهب::اخاف شلون ماخاف بس شبيدي قابل يسكتون على حگهم والناس تاكل وجهم وانا ولدي دمهم حار يتخبلون من واحد
يدوسلهم على طرف

روز::عمه احنا كملنا
ام اصهب::تعالن يمه عفيه ببنباتي النادرات
فيروز: :صار صوت سيارات فتحت عمتي باب
المطبخ
ام اصهب::اجو الولاد
روز::بقينا كااعدين بالمطبخ وهمه خبصتتهم وهوستهم بالساحه
نباوعلهم من الشباك عبالي الناس الموجوده هم اعمامي كالت ام اصهب لا عشيرتنا هاي ، دخلو للديوان وام اصهب ومروه يسون
چاي ونطنهم ماي وصياحهم يجيب التايهه اجه اصهب للمطبخ

اصهب::يمه ريوك بعد الناس فزعت من نومتها همي ايدج وسوي ريوك

ام اصهب::صار بس ودلي ليث يروح يتسوك من الشارع
اصهب::هسه يجيج

روز::دخلت سهام وخلود وامي وحتى الحجيه كلها تحضر بالريوك واحنا بس نباوع مانعرف شنسوي هنه نخبصن كعدت سهام ويمها جدرية العجين وصينيه

ام اصهب::مرووه يمه روحي صيحلنا الام فارس
مانلحك لوحادنا
الحجيه::اي ولج اكفضي رجلج ركض صيحيلها وتعالي شنهي شغلها جا وانتي يلمسيحه اسلكي شكو بيض عدج

جونيش::صار عمه
سهام: :ياهي منجن تعرف تخبز
جونيش::روز وفيروز يعرفن كومن ويا عمتجن ماما ..بان روحي الايهم

فيروز::خزرت ماما كمنا ويا سهام اني وروز طلعت من المطبخ المكان ورا البيت داير مدايره شجر وتنور طين بالنص والنار
واجه بيه بقيت اباوع مصدومه بجمال المكان كلش
حلو ومرتب كالت
سهام::انا عدي تنور غاز بس حضي البارحه خربت صوندة الغاز .واخافن يطك عليَ







روز::سكتنا ماهاضمينها ما جاوبناها بدت تخبز واحنا وحده تطلع خبز وحده تخلي بالتنور ولان مامتعودين على تنور الطين كلساع ننلسع شفت بيت صغير بصف بيتهم وشويه ابعد منهم اسطبل
والمكان كله اشجار. ونكدر نشوف. البيوت البقيه
..عمه هذاك بيت منو

سهام::ووينه
روز::هذاك اشرتلها باوعتلي عاوجه حلكها
سهام: :بيت الچرخچي

روز::التفتت الفيروز ..شنو يعني
فيروز::اندري ..شنو يعني عمه مافهمت
سهام:: شنهي شكد تنشدن. يعني بيت الحارس
روز::امم فهمنا ..سكتنا بعد ماحاجيناها كملت الخبز ورجعت خلت حطب من جديد بالتنور وشعلت النار

صاحت شيلن صينية الخبز ورجعن للبيت جيبلي صينية الدوالييج
شلت الصينينه ومشينا اني وفيروز
-هاي شبيها شايله خشمها
فيروز::كله صوج امي ..روز وفيروز يعرفن ادري جايين نشتغل احنا

..نمشي وننصدم بچلب كدامنا بقينا واكفين لاناخذ ولاننطي ميتين من الخوف هستوه باوعلنا بنظره ترعب وصاح ذياب من وراه

ذياب::ووول جخ

روز::خرب الزمي الصينيه راح توكع من ايدي..الجلب راح وذياب واكف خازرناا

صاح
ذياب::تحررركن
فيروز::فتنا من يمه عاط على روز واني من يمي
خرطت العافيه
ذياب: :شعررررج غطيه
فيروز::خطيه روز كبل برطمت وامي اجت على سريع اخذت الخبز منها وخزرت ذياب كالتله

جونيش::على كيفك يمه ما متعودات اربعه وعشرين ساعه بلحجاب
روز::رفعت عيني عليه بعده خازرني جريت حجابي ونزعته.

-كيفي انزع حجابي البسسسه انت موتكول اني مو اخوج معناها لا تدخل فهمت؟

.عفته ومشيت وهوا يسب ويغلط السانه يرش صعدت الغرفتنا ركض..دموعي تصب باوعت بالمرايه وجهي مطعون احمر خدودي وخشمي من التنور صايرات حمر مسحت دموعي
وسحبت تلفوني تفاجئت لا فيروز ولا وحده اجت ورايه

فيروز::جاي اصعد ورا روز صاحت الحجيه
الحجيه::ردددي خليها تولي الچلبه شلون تتجاسر وترد بوجهه وتشلح حجابها كدامه

خلود::هاج اخذي هاي السهام
نرجس::متت من القهر وادري ابفيروز بالكوا متحمله لان ذياب واكف ماتكدر ترد وجده وكفتلنا حارس ماتخلي وحده تطلع
من المطبخ..ردنا بس نروح نشوف روز.

ثأرهم وبنات المسيحيه(الاصليه) - البارت4


ياگلبي

دثرتك وبهداي لوليت ونوم البلا گعده تمنيت..

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹𖦹 𖦹 𖦹 𖦹𖦹 𖦹
جونيش::حذرررتك تمد ايدك عليها

الحجيه: :ايا جلبه ابنيت الجليب ولج تطكين ذياب يلمسيحيه انغلام ابوي

نرجس::وسط صدمتنا بتصرف ذياب وضربه الروز ماما صعقت عقلنا من ضربت ذياب راشدي فرت وجهه وهوا تخبل

كلنا وكفنا ورا ماما مانخليه يوصل الروز وام اصهب واكفه بين ذياب وبين ماما ، يسب ويغلط على ماما وروز يريد بس يلزمها شكو شي كدامه دفره دخل اصهب وبابا روز ركضت البابا وهوا يصيح شكو شصاير اصهب لازم ذياب ومحد منهم فاهم شصاير

الحجيه::ولك هاي الغمه المسيحيه تطك ابنك علمود هاي الما تنعرف من يا صلب

جونيش::كااااافي كااافي سكتتلج هواي وهاي
ثاني مره تشككين بنسبها

ذياب::ماتبقىىى هنااا هسه تطلعونها من البيتتتت
اصهب::شبيييك شبييك
عامر::جونيش فهميني لاتخبلوني
جونيش::خلي يحاسب اخواته خلي يضربهن مايهمني بس ماله حق يمد ايده على روز ويجي يضربها عناد بيه وهيه ورا ظهري

الحجيه::جا موش انتي هم طكيتيه ولج
فيروز: :كلها تحجي وتصيح ماما وذياب واحد يريد ياكل الثاني بان وبيان لازماات بعض ويبجن بكل عززا لطامه

تعارك بابا ويا ذياب عيني على روز بالكوه مفتحه عينها صررخت
من شفتها راح توكع. دائما كانت توكع اذا خافت من شي بسرعه يغمى عليها حتى من كنا نستلم النتائج قبل لاينطوها النتيجه توكع من كد ماتخاف...

لكفها بابا متخبل عليهااا شالها الغرفتهم ركضت جبت ماي
نرش على وجهه ايدي ترجف الحد مافتحت عيونها اني روحي
راحت حضنتها ماما وهيه تبجي

جونيش::لاتبجين يروح امج بس خلي تخلص هالشغله وشوفن منو يجي لهنا بعد

نرجس::اي ماما عفيه مانريدهم والله ماينعاش وياهم

فيروز::اطمن بابا على روز وطلع بقينا يمها ملتمين عليها كلنا
روز::ماما حاجي بابا خلي نرجع للبصره ونروح الشقة ماما هدى حتى مايندلون بيتنا واذا يكول مانندل الطريق الاجينه منه
اني ادليه

بيان::خرب يومج حتى هذا الطريق حفظتيه وهوا انتي اجيتي بليل شلون حفظتي

روز: :اي طريق ماشيه بيه مستحيل انساه
بيان::اي فهمنا كون بالدراسه هجي ومتنسين







فيروز::اي يمه نبقى هناك الحد مايكولون خلصت سالفة ثارهم
جونيش::شتخلص ماتشوفينهم اذا واحد غلط عليهم شالو سلاحهم مدري شلون عايشين العصر عدهم كعده بلكي يلكون حل ويخلصونه

بان::اني مليييت انتي بس حاجي بابا خلي نرجع وعود خلي يلكونه ويقتلونه ميخالف
بيان::تراا صدك شنو هالجذب يعني يردون ثارهم يعوفون هلمعكسر الهنا كله ويجون للبصره ياخذون ثارهم من واحد ماله علاقه شنو هلفلم هذا

نرجس::يمكن صدك ضحكو علينا علمود نجي

دنحجي وندك الباب ..فاتت ام اصهب بأيدها صينينه الريوك

ام اصهب::ها روز شلون صرتي
روز::ابتسمتلها ..الحمدالله
ام اصهب::ام ايهم خيه اكللجن لكمه ..ولاتنقهرين مجتفه لبوفاضل ذياب ذهب وحنين وياريت كلها بحنية گلبه بس مادري شماله ويا هلمسكينه

جونيش::والله العظيم هاي فيروز لو ضاربها ما احجي بس ماله حق يضرب روز وهيه امانه عندي

فيروز::مامااا شنو شو كل شويه وكلتي ضارب فيروز شنو حايط نصيص اني
جونيش::اي ما احجي لااان اخته
روز ::ابتسمت واني بعدني بحضن امي طلعت الساني وعيب عليهن ..اااايئ.تدافعلي وما تدافعلجن..ضربتني
ماما على حلكي بالشقه
نرجس':كبررر ماجنها هستوها مسحوله

ام اصهب::دعوفن السوالف وكعدن اكلن
فيروز: :تقدمنا على الصينيه وهيه طلعت من يمنا.واحنا بقينا نلحح على
مااما اقنعي ابويه نرجع..دقايق
وعلگت بين خلود وام اصهب ردنا نطلع نشوف شكو وماما مقبلت
جونيش::وين وووين اكعدي
نرجس::بس اشوف شكو
جونيش::لا عيب معليج

بيان::ماما خاف ام اصهب تريد فزعه شي
جونيش::دكعدي ام فزعه اكعدي لا اطيح حضج

روز: :بالكوا اكلت ولازمه دموعي الخاطر امي لان مكسور خاطرها ، الحقد الحقدته على ذياب ماينوصف ، كملنا ريوك ومقبلت ماما نطلع اخذت الصينيه هيه وراحت كلمن كاعده بجهه كالت نرجس

-عووع اني بعد لو يكطعوني ما اجي لهنا ايعع هم بشر هذولي

فيروز::نجبي كافي عيب
روز::تدافعين الاخوج هااا..رفعتلي حاجبها كالت

-روز لاتصيرين حساسه اذا ذياب اخوي انتي اختي وقطعه من روحي واعز من ذياب بالف مره وما جاي ادافعله وما انكر تصرفه الغلط

روز':ااي لاتحبين احد اكثر مني اضوج

-دنجبي يله حيوانه...نفتح الباب دخلت امي وراها مريه وبنات بگدنا ثنين وكفنا كلنا
جونيش::هاي عمتكم ماما اخت ابوكم
فيروز::تقدمت اباوسها
شيماء: :يمه هلاا يابعد كلبي يمه بنيات اخوي
روز::باوسناها والبنات الوياها خجولات بالكوه سلمن علينا
جونيش::اكعدي ام..

شيماء':ام محمد..حقج خيه اني حتى مالحگيت اشوفنج گبل
جونيش::اي والله شنسوي قدر
شيماء: :شلونجن البنيات زينات
نرجس::الحمدالله عمه
شيماء::جا خيه انتي عدج ربياعه لو خمسه
جونيش::خمسه روز اني مربيتها من عمرها سنه بت صديقتي المرحومه







شيماء::يايمه سوده عليه ..خيه يدخلنا الجنه هذني اني هم مربيه زهوره بنيت رجلي ، وزوجتها كله من ابوها ماردت اطيها تالي رجلها طلع مايخاف الله ..والله كتلها لمي هديماتج وتعالي انعل ابوه لابو اهيلته

جونيش::زهراء ..صغيره ليش قبلتي تزوجين
زهراء::استحيت من ابويه عمه ماكدرت ارفض
جونيش::لا امي الشي المتقتنعين بيه لاتقبلين ارفضي محد يعيش حياتج بمكانج

بنين':هسه شنو نبقى نسولف ..شنو رائيكم نطلع نفتر ببستان بيت جدو
بيان::ياريت والله لان من اجينه الهسه ماشفنا بس المشاكل

شيماء::تعالن احبنجن بعد طاك كلبي عليجن ..وروحن ويا البنات تونسن
بان::تقدمنا الها تبوسنا ..وبناتها يضحكن طلعنا وياهن من المطبخ لكينه ام اصهب كالت
-ها يمه وين رايحات

زهراء::للبستان خاله نفرهن
-ديرن بالجن عليهن ولجن
بنين::اي لاتخافين بعيونا

روز::طلعنا للساحه الجو حلو ..ولبنات حبابات ويسولفن ويتشاقن غيرلنا جو
زهراء::نروح للخيل
نرجس::عدهم خيل؟ ؟
بنين::اي مال اصهب وذياب
فيروز: :اوك نروح نشوفهن

...مشينا بين الاشجار والنخل الحد ماوصلنا للاسطبل...صغير
وبيه بس ثنين اسود وجوزي كلش حلووات واول مره اشوف خيل بالحقيقه

زهراء::لاتتقربن مايخلنجن تلزمنهن

روز::وين مال ذياب
زهراء::ههههههههههههه

بنين::ساقطه هههههه تسأل على الحصان
فيروز::ولج زهراء بان وبيان منا
بان::وعلى اساس احنا اطفال ومانفهم
بنين::الاسود مال ذياب

روز::تقدمت على الفرس رفعت ايدي وهوا يوخر ويناافخ كتلهن ..مايخليني الزمه هم اسود. وهم متوحش مثل راعيه ...وزهراء وكعت بالكاع من الضحك عرفتها سخيفه وتربط اي موضوع على غير سالفه

زهراء::ههههههههه خرب شرفج غصيت من الضحك ..ولجن موتضوجن مني بس شسوي اني الساني فالت
بان::لا مانضوج سوالفج تونس

روز::هلووو هاي كيفت
بيان::ترا احنا نعرف اكثر منجن بس مجارين عقولجن ونسوي نفسنا مافاهمات من تجفصن يمنا
نرجس::ايا ادبسززيات

روز::طلعنا من الاسطبل نفتر بالبستان منطقتهم حلوه تحس الهواء نقي وريحة الزرع تجنن كعدنا على العشب

وداير مادايرنا نخل ....هاي نخلهم ليش مابيه تمر
زهراء::مو هسه بالصيف
نرجس::اكلج هاي البيوت مالات منو..وليش قريبات على بعض مو مثل بيت جدي بعيدين عنه

زهراء::باوعي شوفين ذاك البيت الچبير
هذا بيت جدو الشيخ خيون.عم امي هوا وبيت جدي اكبر بيتين بمنطقتنا

روز::اكلج شو هوسه ومينفهم عم وخال وجد وماخذ بت عم وتحسين عائلتهم خبصه
بنين::اني افهمج بس ركزن ترا ماعيد لان اصلا احنا دايخين بيهم







فيروز::هههه اوك بس لتليصينها علينا احجي عدل

بنين::كان ماكان
روز::نجبي جاي تحجين قصه
بنين::ههههه وسم اسمعن ..جدو جاسم ابو ابوجن وجدو خيون اخوان يعني هسه جاسم وخيون اخوان خوش ؟ ...جدو جاسم الشيخ
هوا اصغر من خيون بس ما ادري ليش من مات ابوه هوا صار الشيخ المهم جدو جاسم مره اخذ ابن اخوه يعني ابن جدو خيون اسمه مرتضى جان يحب جدو جاسم ودوم سوه. المهم طلعو
بسيارتهم نكتلو ثنينهم وهدو بيت جدو على الكتلوو جدو جاسم ومرتضى وكتلو منهم واحد وصوبو واحد واخذو فصل فصليتين ويمكن 30مليون مدري شكد محد يحجي الصدك

المهم الفصليات صارن الخالو مهنا وخالو عامر
خالو مهنا جان مازوج خلود قبل لاينكتل ابوه وخالو عامر جان هههه واحد ضارب الدنيا جلاق مايعترف بالمضيف والعشاير
تكول امي جان ساكن البصره والمعاهد الحد ماصار ممرض...

المهم عمو مهنا الناس رادته هوا يصير الشيخ ورا ما مات ابوه بس جدي خيون مارضى وصار هوا الشيخ اول مده عبالنا جدو خيون راح يموت لان حيل تأثر بموت مرتضى سكن النجف نوب صار زين ...

المهم خالو عامر جان يعرف بزوجته تحب واحد
قبل لاتجي فصليه بس شيسوي مجبور يسكت ...لمن حبلت
وصار عدها ذياب وابوها وده عليهم كبل لايموت وحلفلهم
مو هوا كتال ابوهم ، خالو عامر طلك ام ذياب وردت الاهلها
وهناك تزوجت الجانت تحبه

المهم مرت خيون تصير بت عم الحجيه بيبيتي
بس شنو فد فقيره ومن اهل الله وبيبيتي تحبها وهيه هم تحب بيبي

ومرت ابنه هادي تصير اخت خلود نفس الطينه
حجي بينا ثنينهن وجهن ينكط سمر وولد هادي حيدر وحسين همه
زعاطيط ويوميه جايبينا اطلابه واحد عمره 19 واحد اضن 21

والله احنا احفاد الشيخ محد يحجي ويانا اسلاحهم ويفترون
كله منهم هاي المشكله هسه وناس كتلت ناس همه السبب.زعاطيط ومخلين بأيدهم سلاح تالي ردت على الكبار والعشيره كلها تورطت ..

المهم بيت خيون ايعع مكروهين بس عمار ابنه يصير صديق الولد اصهب وذياب وحباب والحجيه امه هم حبابه
ولبقيه عووع

نرجس':بالقران فلا فهمت شي بس المهم والمهم هواي تصرفين مهم

روز::كعدت بالغرفه مقهوره تف عليه شكد حقير وينرفز. ...فتحت. الكصيبه شعري اذا مو كل يوم امشطه واضفره يدكطع. كعدت اباوع بالتليفون كلت من تجي فيروز. لو امي اسبح واخليها تضفرني

..نفتح باب
الغرفه. رفعت عيني اباوع عبالي فيروز وانصدم بذياب خازرني
وكفت على السريع رجليه يطكطن من الخوف دخل
سد الباب ودار يقفله تخبلت جريت شالي خليته على شعري. واحجي امتمت ولا كلمه اجت عدله ..- ذي ذياب
تقدم عليه بعصبيه

رجعت ليوره دموعي بسرعه نزلن جرني من اذني واني مجلبه بأيده
ذياب::شوفي لج حيوانه حضج اطيحه اذا تطاولين عليَ مرة الثانيه
مادامج.محسوبه على ابوي الزوم تسمعين الكلام وحالج حال البنات فهمتتتتي

روز::اي اي. ااخ عوفني والله ماعيدها
ذياب::عوزج.تعودينها اذا مازينت شعرج صفر.ماتسمى ذياب

روز::عاف اذني لو احس عاف مجرى الدموع بعيني صرت جني ايهم من يبجي اناشغ وخشمي وعيوني يصبن وهوا على وكفته عاط
بصوت طفررني من مكاني

ذياب:كااااافي يله البسي شالج ونزلي يله
روز::مسحت دموعيي بس صوت بجيتي مايروح لفيت شالي على سريع باوعتله تقدم رفع ايده غطيت وجهي
عبالي جاي يضربني خزرني وجر الشال من المقدمه كلش على شعري طلع واني وراه دار عليَ وكفت بسرعه

ذياب::عدلي حلكج جنج زعطوطه اهئ اهئئ ، وعود روحي اشتكي الامج جونيش خانم وكوليلها ذياب بجاني

روز::ينزل بشفايفه ليجوا ويعيب عليه هزيتله راسي لا مااشتكي ..رجعت للمطبخ ماما ولبنات يباوعلي بحسره بس شفت امي بجيت وهيه اجت متخبله

جونيش::ياا شبيج
ام اصهب::خافن لان حاجاها ذياب
روز::م ماما خلي نروح عفيه حبابه خلي نرجع ماريد ابقى هنا
جونيش::ولج احجي شبيج بس احجي عدل مافهم حجيج
روز::مسحت دموعي وكلامي متقطع ..ذياب جرني من اذاني ...منو هوا ويسوي هيج....بعدني احجي وصارت عيني على الباب بس لمحت ذياب وعيونه الاحسهن راح يطلعن من مكانهن چلبت بامي وهيه التفتتله تحجي بتهديد وياه

جونيش::ذيااب حدك لهنا هذني اخواتك ..رغم ما اقبل واحد يمد ايده عليهن بس ما اوكف بوجهك اذا حاسبتهن طبهن مرض اخوهن وتحاسبهن الاااا روز يا ذياب الا روز ماسمحلك وما اسمح الاين كان يسمعها كلمه او يرفع ايده عليها لو ضارب فيروز
لو نرجس اسكت ومافك.حلگي بس تضرب روز عندي استعداد ارجعلك الضربه وعود وقتها اكرهني مثل ماتريد هالمره حذرتك مرة الثانيه تشوف شي ما يعجبك

فيروز::كلنه ساكتين وبس صوت بجي روز وحجي ماما الصدمنا كلنا ذياب واكف بباب المطبخ جگارته بحلگه ماما تحجي وهوا
يسحب نفس من الجكاره مامهتم الحجيها كملت كلامهاا
شمر الجكاره. بالگاع داساها برجله وتقدم عليها بحركه سريعه
ضرب روز راشدي. بنفس الحظه ماما ضربته
بكل قوتها

جونيش::حذرررتك تمد ايدك عليها

#يتبع