-لاا مو بردانة.. خايفةة
-لزمت ايدها وبستها.. تخافين وانتي يم فهد ماعاش اليخوفج مو كتلج اني اخاف من الظلمة
-هههه ضحكتني وباوعت بعيون فهد
-هسه صرتي ريم الاعرفها
-صدك ماكتلي راح نسكن وحدنا
-ها شفتي شون حضرت البيت الج
-كلش عجبني
-اني مقرر هالشي من زمان واذا يزوج احد من اخواني نطلع لغير بيت وهو يسكن هنا بس مافصلت البيت حتى نبقى ويه اهلي يعني تدرين امي وحدها وخالة ميعاد(المره التساعدهم) مرات ماتجي انتي تساعدين امي
-بعيوني اشيلها
-تسلم عيونج
اجت امي جايبة العشا مشاوي وياهن فواكه
كعدنا اني وريم وتعشينا
اخذو العشا وردت اروح للحمام انزع الفستان مخلاني فهد
سحبني وكعدني يمه ونزعني الحجاب واني كلش متوترة
-شنو هالشعر الحلو
وخلا راسه بشعري ولزمني قوي
وبدا ينزع بالفستان ويحجي وياي
-ريوم تدرين شكد انتظرت هاليوم وهاللحظة.. تصيرين مرتي وتعيشين وياي
-ابتسمت ودنكت
تركت فهد ورحت للحمام لبست البدلة ورجعت يمه
وفهد يباوع عليه واني كلش مستحية اريد اموت
وبدا يتقرب مني وباسني واني احاول ابتعد وهو يقربني
واني احس بحرارة جسمي تزيد وانفاس فهد تزيد
وبدا يتعمق لحد ماصرت ادفع بي واتوسل يوكف وابجي واكوله فهد عوفني
واحسه صار وحش ميسمعني ومايجاوبني
بعدها صرت مرته باس راسي وطلع واسمع صوت الرمي والهلاهل كرهت فهد كلش بهاللحظة
اجت عمتي بيداء وشافتني ابجي ساعدتني حتى اسبح بمي دافي لخاطر يدفى جسمي ويخف الالم الصابني ووصتني احترم فهد وطلعت
طب فهد للغرفة
فهد: مبروك ريومتي مرتي وهاي التراجي هديتج
مارديت عليه
-مو جاي احجي وياج
-شترريد روح من يمي.. مو اخذت التريده عوفني ونزلن دموعي
-ولج اني رجلج شنو اخذت التريده محسستني اني اغتصبتج
-والصار شنو
-شوفي اني ابن شيوخ وكلها تنتظر برا تردين الناس تحجي عليه كبري لعقلج
-خايف لا الناس تحجي عنك وماهمك اني شنو
-حبيبي والله اسف اذا اذيتج وبعد مااقرب منج الا برضاتج
-باوعتله وعيوني حمر وكتله اريد انام تعبت ودرت وجهي وحاولت انام
احس فهد مدد يمي وانفاسه كلش قريبة بس تجاهلته ونمت







..........
وفاء...
بعد عرس ريم بدا الدوام وريم غايبة بسبب عرسها
واني وجوري كضيناها محاضرات والجو كلش بارد ومطر مابطل وامتحانات نص السنة بقالها اسبوعين وتبدا
اجت جوري وطلبت نروح لصديقتها بكلية بعيدة كلش من يمنه
ورحت وياها وشفناها واكلنه وتونسنا بكليتهم كلش حلوة بس بعيدة رجلي تكسرو من المشي
رجعنا اني وجوري من يم صديقتهاا
وكفنا ناشر حتى احد يوصلنا للكلية بدربه
جاي نمشي وناشر طبكت سيارة وانفتح الجام
وطن.. هاا وين خالة اصعدو خلي اوصلكم
وفاء: لا منريد توصيلة نمشي احسن ومشيت
وطن : بس شفتكم تاشرون
جوري: وفاء خل نصعد شبيج
وطن: الجو بارد وشوية وراح تمطر وبعد الطريق بعيد اصعدو خل اوصلكم
وفاء: اعتقد حجيت وكلت مااصعد ومشينا وجوري تلوم بيه ووطن مثكل يمشي قريب منه بلشت تمطر
وطن: شوفو دتمطر اصعدو احسن ليش تعندين خالة لخاطر صديقتج ع الاقل
جوري: ماكو احلى من المطر نمشي احسن
وطن: هاا ماتبيعون بعضكم اني احب الهيج
وفاء: هسه انت شتريد مااريد اصعد مو كوة
مااااصعد
وطن : براحتكم سلام
تركنا وطن ومشا
جوري: هسه ارتاحيتي ولج حتى شمسية مشايلة راح اتمرض بسببج
وفاء: ابو بنات حسباله كل بنت تعجبه يحصله وتصير اله
اني مستعدة ادوس على كلبي لخاطر العزة والكرامة
جوري: ااافف ام الكرامة شسويلج هسه..تبللت واحس البرد وصل لعظامي
وفاء: اتحملي ذنبج تكونين صديقتي
جوري: احلى ذنب وحضنت وفاء ونمشي

..........
ريم
بعد العرس بكم يوم واني زعلانة من فهد صح هالشي غلط بس كلش زعجني ولازم يدفع ثمن ههه
نزلت جوا يم عمتي وفهد جان نايم
ام فهد: بنتي بلغي فهد راح يجون يسلمون جدو وجدتو
- حاضر خالة
تعشينا وكشخت ولبست ورحت اكعد فهد
طبيت للغرفة طلع كاعد
-اجيت اكعدك ماتوقعتك كاعد
-ماصارلي شي من كعدت
-لعد كوم بدل لان جدك وجدتك جايين يسلمون علينا
-اافف والله مليت واني يوميا مكابل الناس التسلم تكول ازوجتهم
-ههههه ميصير فهد هاي الاصول
اسويلك عشا
-اي من انزل بس هسه اريد اطب اسبح حظريلي ملابسي
طب فهد للحمام واني حظرتله دشداشة بيج وهالسوالف
طلع من الحمام ويبدل واني مثولتها وباوع بالتليفون
فهد:ريم تعاي ساعديني اطبك الدكم
-تمام
واني دااسد الدكمة فهد يباوعلي وشارد وقريبين من بعضنا كلش توترت
-ريم عادي اطلب منج طلب
-اطلب
-اريد ابوسج
-هو انت عندك غير هالطلبات لاتنسى الصار ترا بعدني زعلانة
-ريييم مو كتلج اسف انسي الموضوع شون راح نكضيها بهالطريقة خو طفلة انتي ماعليج اني عطرج سطرني والغمازة

-ضحكت ودنكت
باسني فهد
-وخر فهد شبيك ونزلت ركض
-خبببله وربييي
نزلت واجو اهل عدي وكعدنا نتعلل ونضحك وابو عدي ماحبيته كلش حسيته كارهني وام عدي كلش حبابة
عدي: اي فهود ازوجت ونسيت عضيدك
فهد:شدعوة عداي غير انت النفس
ريم: اذا عدي النفس اني شنو
ام عدي :ههههه ضحكتوني
صدك بنتي اريد اسالج عن جوري صديقتج
ريم : عدي جان يضحك ويسولف سكت وباوع لامه
-بخير خاله
-والله اني البنية كلش حبيته بس ماالتقيت بامها
-خالة امها حبابة لو تكعدين وياها ترتاحيلها
-اي احجيلي عن اهلها شنو يصير لو تنخطب
- ماادري بس هواي طلبوها وابوها رفض ومرات جوري ترفض بس همه طبعهم ماينطون للغربة ابببد خوصا مثل جوري
عدي: وليش كلتي خصوصا
ريم: يعني هواي رفضت من اقاربها وعاندت اهلها ولازالو يريدوها يعني ابوها ضد الغربة كلشش
ام عدي: ربج موجود حتى المستحيل يهون بوجوده
ريم: ونعم بالله اكيد
وسكتنا
انتهت السبع ايام واجو اهلي واتونسنا كلش
واجت فاطمة ويانه
وفاء: فاطمة هاي الكلادة الابستها تجنن من وين اخذتيها
فاطمة: ههه هاي من اخوية وطن جابها هدية الي
لو مو هدية جان خليتها بايدج بس راح اخلي وطن يشتريلج وحدة
وفاء: ههه لا حبيبتي مشكورة تلبسيها بالعافية
ريم: هم عنده ذوق اخوج
فاطمة: عمي غير
وطن ذوااق ويحب هالسوالف كلش باجر التاخذه تتهنا بي
ريم: باوعت لوفاء وابتسمنا
بعدها راحو اهلي
ورجعنا للجامعة اني وفهد وبلشنا ندرس للامتحانات

......
وفاء
كعدت الصبح وطلعنا للدوام واجت شيهانة وياي تتونس
جوري: صباح الخير صباح الزيارة شهو
شيهانة: هههه صباح النور طالعة تخبلين جوري
جوري: من بعدج حب
وفاء: نحن هنا
جوري: شهالاناقة شهو اني احب لبسج وكشختج دائما
شيهانة: تسلمين من ذوقج مو مثل بعض عالم تعيب عليه من الصبح
وفاء: جورية ترا اعوفج جري عدل شيهانة مو دايمة
جوري: انتي مكانج بالگلب ففو
شيهانة: حلوة هاي ففو
وفاء: يلا نصعد لا يحرك
طلعنا وكعدنا سوية اني وشيهانة
جوري: ها فوفو عفتيني اكعد بوحدي
-شاهين موجود
-اشش هسه يسمعنا عاابت
-خل يفرح شوية من الصبح شوفي كشخته لابس زيتوني گلبه مخضر
-لج وفاء موتج هسه يصير على ايدي
كعدت يم بنية واجا طالب كعد بالجهة اليمي وشافه شاهين تحول شاهين من مكانه و وطلب من الولد يوخر وكعد بمكانه ويباوعلي بنصر اني روحي صارت برجليه ووفاء تباوع وتضحك.. شوية وشردت وابو الخط وكف فجاة وكعت ملازم من فوكنا لزمت كلبي وشهكت اباوع طلعن لشاهين مات ضحك عليه واني خجلت كلش من الموقف والخبلة وفاء مابطلت تراسلني وتنصب وتقلد
نزلنا للجامعة وكضيناها نفتر ونتونس لخاطر شيهانة
شيهانة: بنات اريد اشوف عدي
جوري: لو رحنا للكلية جان شفتي
شيهانة: بالعرس لمحته من بعيد
وفاء: هسه يجي للنادي يكحل عينه بشوفة جوريته
جوري: ههه شعندج سوالف
طبينا للنادي نتغدا واجا عدي ومعا وطن
شيهانة: لج جوري عدي يخبل فد كشخة تعرفين تختارين
جوري: عفوا هو اختارني
وفاء: غير تستقر هسه
شيهانة: اكو واحد وياهم
وفاء: يمكن اخو
شيهانة: اخو حلو
وفاء: مزوج ميفيد
شيهانة: هو الحلو يزوج بسرعة دائما
جوري: هاي الحياة
وفاء...
انتهى اليوم ورجعنا للبيت وشيهانة فرحانة كلش اجا الليل وكعدت اشوف شيهانة صفحة اخو وطن وطلع مسوي بث مباشر وطبت للبث
اخو وطن(فائز) جان كاعد ووطن يمه
شيهانة: اريد اعلق
-لج هسه ننكشف كعدي راحه مابيه حيل
-وفاء شعليج مني اني احجي تخاف من وطن عود
-احجي بس باحترام..عابت
شيهانة: طبيت وكتبت شهالعيون
وفائز يضحك وشغل اغنية ماجد كتبت احبها كلش هالاغنية واعتبرها اهداء مني الك وطن مكضيها يتبسم
بنت بالبث سوت تاك لوحدة وكتبتلها تعاي شوفي الغزل
وتالي بدت تردلي من وين تعرفيه وتسبني وفائز يضحك عليها
اني استغربت
كلت خل استفزها جاوبتها اعرفه ابن الشيخ.... ومخلص دراسة واليوم اجا زيارة وجان لابس قميص ازرك وبنطلون ازرك وبعد عندي تفاصيل اذا تريدين
وها بالحقيقة احلى من الصور تخبلت البنية وبدت تغلط
رديت لخاطر فائز اسكتلج
هو مات من الضحك وكال هاي زوجتي
تالي انحظرت من البث
وفاء: لج طلعت مو قلية شيهانة كمت اخاف منج شسويتي
شيهانة: هسه ارتاحيت
وفاء: ابد مو قليلة

.........
وطن..
كعدنا اني وفائز بالديوان ونتعلل وفائز فتح بث لو تورط اجت بنية وظلت تتحارش ومرت فائز اتخبلت ظلت تخابر وتكله تعرفها ورحت للجامعة لخاطرها الا حجيت وياها يلا قنعت
طبيت لحساب البنت كلت يجوز وفاء بس طلع خاص
ضحكت على عقلي دائما كل ماتصير شغلة تجي وفاء ابالي احاول اتخطاها واكول ماتهمني بس ماتروح من بالي عيونها وشعرها خاصة
تركت فائز وكعدت اقرا للامتحانات

يتبع......

حُب في طرقات الجامعة - part24 -
متيهك وأبتعد و الگاك يم روحي.♥️🦅
.
.لتنسون النجمه والتعليقات الحلوه تصعد الروايه 🥹♥واضل انشرلكم يوميه🥹🫶🏻
&&&&&&
.
.
وفاء:كعدت ثاني يوم بدلت وطلعت على سريع لان متاخرة
على الخط وجوري حركت الدنيا بل اتصالات واني ماارد عليها وصلت الشارع العام واشوف جوري ضايجةصبحت صباح الخير
جوري:وينج خاتون صار ساعة ادك عليج
-اسفة راحت علية نومة
جوري:حسرة بكلبي مرة ادك عليج الصبح وتطلعين كاعدة وجاية على اشتراك قبلي
-راح تضل حسرة
جوري:هههههه خبلة وربي امشي نصعد الكل يباوع علينا
-طالعة حلوة اليوم
جوري:بطلي صبغ واصعدي
-عابت صوجي اني اتغزل بيج كبر اي والله
جوري:لفج
صعدنا وكعدنا بمكانا شوية وصعد شاهين سلم وكعد قريب منا وشايل شمسية انداريت على وفاء وكتلها شوفي شاهين اليوم الجو صحو وشايل شمسية عكس العالم
وفاء:عاشك الاخ
جوري ههههه كافي عيب لايشوفنا
وفاء: الطريق كله نقلد على شاهين وصلنا الجامعة وبدت تمطر مطر قوي حطينا الملازم فوك روسنا ونركض
جوري:هاي حوبة شاهين ضلينا نعيب علي طلع يفتهم اكثر منا
وفاء:الظاهر الاخ يمشي على طقس
جوري:اني كل يوم اشوفه بس اليوم نسيت واكلتها
وفاء:وصلنا النادي بس شنو صرنا كلنا مي متنا برد جوري نزلت تطلب ريوك النا واني بقيت اعطس جت نور هم متبللة بس مو مثلنا
نور: ههههه هاي شصاير بيج
وفاء: اكلي تبن واكعدي
جوري: ياهلا هاي منو اليوم يمنا
نور:شلونج جوري ،،،،،يا مالحكت عليكم طالبين اكل
جوري: اكلي معانا
نور: بل عافية نازلة اطلب تردون شي
وفاء:كلينس وعلك بطريقج
نور:صار
وفاء:بدينا ناكل ورجعت نور
نور:غير مكلوبة الدنيا جوة حشكة وموت احمر
جوري:اي عادي كل ماتمطر هيج يصير
نور:ليش ساكتين احجو شي شاكو ماكو
جوري:ماعدنا شي انتي احجي نسمعج
نور: ماعندي شي خلي نسمع وفاء مبين عدها سالفة
وفاء:عندي سالفة بس مترددة احجي لو لا
جوري: احجي فضينا واني عندي سالفة قنبلة مع سكرينات
نور: وحدة منكم تحجي الفضول عندي يقرا الف يلا وفاء ابدي انتي وبعدين جوري
وفاء: اسمعوا لعد البارحة من رجعت على بيت شفت ستوريات وطن من حساب هناء وطلع الشفنا البارحة اخو وطن واكبر منه بسنة
جوري:خرب هوا اني جبت سكرين حتى اشوفج طلعتي تعرفين
نور: هوب هوب شنو اخو وطن شنو سكرين احد يفهمني السالفة
جوري:البارحة جا واحد مع وطن للجامعة يشبهه حيل وطلع اخو واسمه فائز
نور:هسة فهمت
وفاء:خلي اكمل طبيت على حساب اخو وطن وطلع مسوي بث فتت على البث مكيفة وطلع وطن كاعد يمه
جوري:بشرفج
نور:اي شسويتي
وفاء:خفت من وطن يعرفني وطلعت
جوري:مسوي بيج خوفة من ورا الجهاز وتخافين منه بعدين هو شمدري انتي وفاء
وفاء: وجع بعدين شيهانة اخذت التليفون مني وطبت للبث وحجيت السالفة كلها للبنات
جوري: مستحيل هم يطلع منها شيهانة طلعت مو قليلة جلطت البنت
نور: زين شنو سوا وطن
وفاء: ماسوا شي من نحظرت شيهانة كبل رحت لغيت متابعة هناء من يمي حتى اخاف يفوت على حسابها ما يشوف حسابي
جوري: لج شكد شيطانة فكرة ماتخطر على بال احد
وفاء: شعبالج ورجعت كملت البث من حسابي وصرت مؤدبة بس اشاهد
نور:حرامات لو اني معاكم جان تونست
جوري: ههه انتي عاد تموتين على هل سوالف
نور: غير احب فعل الخير
وفاء: حيل يلا بنات تاخرنا على محاظرة
جوري:اصلا راحت عن بالي من سوالفج
نور: روحو انتو اني باقية ماعندي شي للعشرة
وفاء: طلعنا على قسمنا اني وجوري وصلنا الشعبة هدوء والممر فارغ دكينا الباب والحمد لله فتنا بدون رزالة وعدي يباوع على جوري وهية مغلسة خلصنا محاضرات وطلعنا متاخرين مانلحك نتغدا كبل بوجهنا على خط مالتنا رجعنا والطريق كلو ساكتين وصلنا للمنطقة نزلنا على شارع اني وجوري وكلمن راح لبيتة







............

ريم:من بعد عزيمة اهلي رجعت تعبانة بدلت ونزلت سويت العشى اني وعمتي وهية كل شوية وكالت طبخ خواتج طيب ومعدلات واني فرحانة كملناالعشى وصبينا الاكل واجا فهد و كعدنا نتعشى وعبدالله يسولف واحنا نسمع مدري شكال وفهد غص
ام فهد:اسم الله يمة
ريم: طبيت على ظهره وصبيتله مي على سريع هاك اشرب صحة صحة
فهد:اوف جان متت
ريم: اسم الله لاتكول هيج
ام فهد: على بختك يمة لاتكول هيج وتقهرني
عبدالله:يمة شفتي ريم شلون خافت على فهد وركضت علي وتطب على ظهره
ام فهد:طبعا تخاف علي غير ابو بيتها
فهد:هايول تغار مني يمة زوجي وخلصينا
عبدالله:الما يغار حمار
فهد:هههه
ريم: ابتسمت على كلامهم شوية وانسحبت رحت اسوي الجاي وجا فهد ورايا شايل مواعين
ريم : كملت الجاي و انطيته لفهد وبديت اغسل مواعين ومندمجة فجاة احد لزم خصري من ورا جفلت عرفته فهد من العطر مالته وخر فهد عيب لحد يشوفنا

فهد:اذا ما وخرت شتسوين
ريم: حاولت اخلص نفسي منه مكدرت لازمني قوي
فهد:لاتحاولين ماافلتج
ماكتليلي ليش خفتي عليا قبل شوية
ريم:ماخفت عليك واي واحد بل عيلة يصير بي هيج اساعده
فهد:مبين
ريم:فهد عوفني اخر مرة اكلك
فهد:بشرط
ريم:شنو
فهد:ابوسج واعوفج
ريم:اخاف ماتشتهي
فهد:لاوالله اشتهي وخاصة هاي
ريم: باسني بركبتي وجسمي كلو كزبر من شفته لان الجو بارد
فهد: ولج حسي بية اريدج اريد قربج
ريم:عوفني ترى اصيح وافضحك
فهد:صيحي رجال ومرته وكتلج مااعوفج اليوم الا اخذ بوسة
ريم: خطرت على بالي فكرة باوعت على ايدي كلها رغوة من المواعين كتله موافقة بس تغمض
فهد: موافق
ريم: قرب شفته يريد يبوسني جان احط ايدي على وجهه وصار كله رغوة
فهد: اشتعلو اهلج ليش سويتي هيج
ريم: حتى اتوب وتصير عاقل
فهد:بسيطة ريم اني الج
ريم:ماااخاف وعيبت
طلع فهد وجهه تايت متت علي ضحك خلصت المواعين ورتبت المطبخ وطلعت لغرفتي سبحت وطلعت المنشفة على راسي نزلتها وكعدت انشف شعري وفهد ملتهي بل موبايل
سالته على وطن حتى اشوف شنو جوابه
-ماكتلي فهد وطن عنده علاقة حاليا
-لاا مو كتلج
-لعد والبنت الشفناها يمه
-شنوو يابنية
-اني شفته بالجامعة جان واكف مع بنية ومبين اكو شي بينهم
-هسه اساله
-لا خاف عيب
-وين العيب عوفيها عليه
اتصلت على وطن
هلا ابو الاوطان اشونك
وطن: بخير
-ماكتلي منو هاي البنية الجنت معاها
وطن: يابنية شبيك
-احجيلي طلع الشخص العاشك الجواك
-شدتخربط يا عاشك
-انت جنت مع بنت هيج لابسة وواكفين بالحديقة مالت الكلية
-اهاا هاي الطالبة جنت محتاج منها شغلة وهي يعجبها ادك ميانة وتضحك
-هاا
-اصلا اذا ارتبط او احب مااباوع لهلبنت بالضبط
ماكتلي منو علمك
-عندي عيون
-الله يستر من عيونك ههه
ريم
كاعدة يم فهد وسمعتهم وفرحت حتى احجي لوفاء لان انقهرت كلش من الموقف شوية واحس الغرفة صارت باردة ثلج باوعت فهد بعده على كعدته لفيت شعري بسرعة واني ارجف من البرد كمت ادور على ريمونت السبلت اريد ازيد الدرجة لكيته يم فهد اخذته واشوف منصي حيل انداريت على فهد خافي الضحكة
-هاي انت سويت هيج
فهد: شبيج شمسوي اني
ريم:ليش هيج منصي الدرجة ماتخاف لا اتمرض
فهد:اني شعلية مو اني
ريم: لا امي جت نصته وراحت اباوع علي كاتم الضحكة
ريم:اضحك ليش خافيها
فهد: هههههه وحدة بوحدةوهاي بوسه فوكاها
ريم:باسني بشفتي ويضحك
فهد:هسة توافينا صافي يالبن
ريم:بس احنا ما توافينا انت بستني قرب شفته عليا ويكول بوسيني ونتوافا
استغليت الموقف وضربتو على بطنه قوي
فهد:لج ليش
ريم: هسة توافينا
فهد: شكد قوية ضربتج
ريم:تستاهل واحنا مزاعلين لا عبالك سامحتك لان احجي معاك
فهد:حجر ما تحسين
ريم:الحجرة اذا كعدت على كلبك تموتك
فهد:اخ بطني اطلع برا احسن لا تموتيني
ريم:طلع فهد وعليت السبلت الغرفة صارت دافية تمددت بفراشي وطلعت فلم وكعدت اتابع والسماعات باذني مادري شلون غفيت فزيت مخنوكة اريد اتحرك مااكدر واشوف فهد لازمني من خصري ونايم وطابك رجلي برجلو سحبت نفسي وفهد اندار للجهة الثانية اتنفست براحة رجعت نمت
كعدت الصبح فهد ما موجود باوعت على الساعة 8الصبح رحت للحمام غسلت وجهي وفرشت اسناني ورجعت رتبت فراشي ونزلت لكيت عمتي بل مطبخ تسوي ريوك لعمي
صباح الخير خالة
ام فهد: ياهلا بريم
ريم: جيبي خالة اني اسوي عنج
ام فهد:لايمة اكعدي كملت
ريم: خالة وين فهد كعدت ماشفته
ام فهد: قبل شوية طلع هو وعبدالله عدهم شغل
ريم:اهااا
بديت اتريك وجا عمي كعد يتريك معانا
مدري منو دك علي وطلع بقينا اني وعمتي بل بيت كمت غسلت المواعين واستلمت البيت تنظيف من فوك لي جوا وحطيت الاكل على النار وندك الباب
طلعت عمتي فتحته طلعوا كرايبهم جاين يباركون واني ركضت فوت بدلت ورتبت وجهي ونزلت يمهم هما انصدمو من شافوني اقدم وعمتي كالتهم هية شايلة شغل البيت شوية وراحوا لميت مواعين الضيافة اخذتهم للمطبخ اغسلهم ردت اصعد ابدل
ام فهد:لايمة ضلي بيهم هسة يجي فهد ويشوفج يفرح حيل
ريم:صار خالة
اذن ورحت صليت رجعت وسمعت صوت الباب رحت فتحته وطلع فهد وعبدالله
الله يساعدك فهد
فهد:هلا ريومة ويساعد بختج
عبدالله:نحن هنا
ريم: ههه الله يساعدك انت هم
عبدالله:بعد وكت
ريم:ابتسمت ورحت جبت مي لفهد وانطيته
فهد:اي والله ميت عطش شربت وانطيت لعبدالله
ام فهد:الكوا يمة
فهد وعبدالله :الله يكوي حيلج
ام فهد:لعد ابوكم وين
فهد:عد عمي الشيخ عدهم فصل مدري شنو مايجي يتاخر
ريم:الغدة كامل اصب لوتبدل
فهد:ابدل واصلي وبعدين صبي الاكل ملابسي جاهزة
ريم: اي جاهزة
صعد فهد وبقيت بل مطبخ اكمل شغل
ام فهد:يمة اصعدي ورا رجلج بلكي يحتاج شي

ريم: صار خالة طلعت من المطبخ وصعدت فوك دكيت الباب وجاني صوت فهد فوتي
فتحت الباب وفتت واشوف فهد جاي يبدل ثولتها والتهيت العب بايدي خلص فهد وراح يصلي اني اخذت ملابسه وعلكتهم انتظره يخلص حتى ننزل سوية مدري شلون خطر على بالي شغلة كلت لازم اسالئو لان مااعرف
اكول فهد انت شنو تشتغل
فهد: هنيالي والله ماتعرف زوجها شنو يشتغل
ريم:اني الاعرفه انت طالب جامعة وبس انت ما حاجيلي قبل
فهد:ليش انتي تحجين معايا حتى اكلج على عموم عدنا حلال وبساتين مخليها بيد عالم وكل راس شهر نتحاسب معاهم واني وعبدالله شراكة بمطعم هسه عرفتي
ريم: اول مرة اعرف
لعد من اليوم الطبخ مرة عليا ومرة عليك
فهد:هلو يابة حجي جديد هذا
ريم:والله هذا الموجود
فهد:خرب اني مو شيف اني انطي فلوس والباقي على عبدالله اصلا بحياتي مامسوي بيضة
ريم:حرامات جان نمت براسك
فهد:اذا تريدين اتعلم لعيونج الحلوة
ريم:لاشكرا ماريد يلا ننزل اتاخرنا
نزلنا اني وفهد ولكيت عمتي صابة الاكل تغدينا وخلصت ورحت سويت الجاي وصبيته وانطتيه لفهد ورحت غسلت المواعين كملتهم بس متت برد رحت كعدت مع العيلة وجا عمي ابوفهد
ابوفهد:السلام عليكم
الكل: وعليكم السلام
ابوفهد:باجر حظروا نفسكم اخويا الشيخ عازمنا
ريم:ترخصت وصعدت فوك لغرفتي حتى اراسل البنات مشتاك عليهم راسلت جوري وردت بسرعة ضليت ساعة احجي معاها طب فهد شافني اضحك كعد يمي يريد يقرا ومااخلي
فهد:حبابة بس اشوف
ريم:لا اسرار ميصير تعرف
فهد:زين مع منو من البنات
ريم:جوري
فهد:امم مرت خالي
ريم:شبسرعة صارت مرت خالك
فهد:بعدج ماتعرفين عدي من يحط شي اباله يسوي وجوري صارت اباله
ريم:ترى جوري مو سهلة شوف شراح تسوي بخالك
فهد:يطبه طوب يستاهل
ريم:هههه على الاقل احترمه كدامي
فهد:خلي يولي وهسة وخري ايدج اريد اقرا
ريم:لا
فهد:زين شنو جنتو تسموني قبل
ريم:ههه جوري تسميك ابو النسب وفاء تسميك فهيدان
فهد:طاح حظكم
ريم: ههههههه







............

وطن:كعدت الصبح ولكيت فائز متحضر يريد يرجع للبيت صبحت علي
فائز:هلا صباح النور
همزين كعدت حتى نتريك سوية لان لازم ارجع اليوم ضروري
وطن:لعد انتظرني ابدل ونطلع نتريك برة
فائز:ناكل من البيت ليش نطلع
وطن:حكيت راسي مو مااعرف اسوي ريوك
فائز:هاك استلم عمي اني اسوي بس كلي شعندك بل ثلاجة
وطن:اكو بيض واجبان وهسه طالع اجيب كيمر وصمون
فائز:لعد علما ترجع اني اسوي الجاي
وطن:بدلت وطلعت بل سيارة لان الجو بارد لكيت فرن فاتح اخذت صمون وجبت الكيمر
رجعت للشقة ولكيت خالد كاعد وفائزمحظر كلشي كعدنا نتريك ثلاثتنا شوية وترخص فائز وراح واني وخالد طلعنا للجامعة
خالد:بشرفك وطن خفف خلي نصور المطر
وطن:هوا اصلا اني اريد اصور بديت اصور الشارع والبنايات والطلاب والجو ولاغلطة اني بطبعي احب افتر بل سيارة بل مطر
خالد:يلا وطن خلي نطب للقسم عدنا امتحان ترى اول محاظرة
وطن:امتحان شنو
خالد:هلاوالله مصيف الاخ ومايدري
وطن:عادي ناجل فد مشكلة
خالد:طبعا تاجل خرب بل سلطة شتسوي عمل
وطن:ههههه انت مستفاد لاتنكر
خالد:شعدنا غيرك ابو الاوطان انت الروح والرية
وطن:بلا صبغ وصلنا الشعبة دكيت الباب وفتنا الدكتور كال طلعو اوراق يلا امتحان وخالد يباوع عليا عود احجي تقربت على الدكتور وحجيت العفو دكتور اني ما امتحن
الدكتور:ليش ابني
وطن:جنت ملتحق البارحة بليل رجعت ومالحكت ادرس شي
الدكتور:ابني اذا اجلت اليوم راح تتراكم عليك المواد
وطن:عادي دكتور مضطر
الدكتور: براحتك اطلع اريد امتحن البقية
خالد:دكتور اني هم
الدكتور:اعرف بلا ما تحجي الحك صاحبك
خالد:شكرا طلعت فرحان اندريت على وطن وهسه وين نروح
وطن:نفتر غير
خالد:والله انت كفووو تفهمني
وطن:طلعنا من الجامعةورحنا نفتر وما خلينا مكان يعتب علينا تغدينا ورجعنا للشقة خالد كبل راح نام واني كاعد يم الصوبة دك موبايلي باوعت طلع ابوي رديت علي
ابو وطن:الوووو شلونك وليدي
وطن:هلا شيخ بخير انت شلونك ان شاء الله زين
ابو وطن:بخير اكول وطن كملت شغلة اخوك
وطن:اي شيخ لايضل بالك
ابو وطن:عفية بالذيب اكول وليدي باجر عازم عمك ابو فهد ماتجي
وطن:لاوالله شيخ عندي امتحانات اعتذرلي من عمي انت تكفي وتوفي
ابووطن:هذا هو وليدي لاتشيل هم دير بالك على نفسك
وطن:وانت هم شيخ
ابووطن:يلا اني اترخص مع السلامة
وطن:غالي شيخ الله وياك

...........
وفاء:كاعدين بل محاظرة اني وجوري والدكتور يشرح ومندمجين
وسام ويونس ماكاعدين راحة كل شوية يتلفتون علينا ويبسمرون بينا ويضحكون
جوري:باوعي وفاء وسام شلون تقرب يمنا
وفاء:انداريت واشوف وسام يضحك كلت لجوري خلي يولي معليج بي

جوري:خايفة منو هل حقير
وفاء:كافي لايشوفنا الدكتور
جوري:سكتت وشوية ويونس كال لوسام نبات بحرف (ج)وسام سهلة ورد جوري يونس لا خطا وفاء ههه
جوري:تعصبت حيل شلون يستفزني هل كلب انداريت اريد ارزله واشوف عدي عاكد الحواجب وضايج اكيد سمع كلت لوفاء يمكن عدي سمع شوفي وجهه
وفاء:الله يستر من ردة فعل عدي غلسي احسن خلي المحاظرة تعدي على خير
جوري:الله لاينطيهم شوفي ايدي شلون ترجف
وفاء:حقج الله يساعدج
جوري: خلصت المحاظرة وطلع الدكتور والطلاب طلعوا من الشعبة بقينا بس احنا وعدي وهوا مشغل الجكارة ويباوع عليا يدخن ويخزر بيا اخر شي طلع وركع الباب حيل فزيت من قوة الصوت
وفاء:شبي هذا تخبل
جوري :خلي نلحكه نشوف وين راح لايسوي شي لوسام وتصير مشكلة
وفاء: طلعنا من الشعبة وعدي بل ممر يروح ويرجع اخر شي جا باتجاهنا كلت لجوري لج راح يفضحنا
عدي:شلونكم بنات
وفاء:الحمد لله بخير
عدي:راح اسئلكم سوال واريد جواب بصراحة خاصة انتي جوري شعندهم وسام ويونس معاكم
جوري:ماعنده شي معانا
عدي:لعد السوو قبل شوية شنو بل شعبة وهاي اول مرة لو مسويها قبل احجو ليش ساكتين
جوري:اباوع على عدي ضاغط على سنونه ويحجي بعصبية اول مرة اشوفه بهيج حالة استفزيته شوية كتله
اني ويونس من نفس العشيرة
عدي: لج شدتحجين هسه اموته كدامكم يا عشيرة
وفاء: ههه اكيد مايهمنه واندس بجوري تجفص بسوالفهة
حجيت
انت تعرف وسام ويونس وتعرف اخلاقهم وتعرف اخلاقنا واكيد هاي اول مرة يسووها لو مسويها قبل جان كلبنا الدنيا على روسهم انتا تعرفنا شنو
وفاء: احنا سكتنا لخاطر ما تصير فضيحة بل شعبة واذا وصل كلام لاهلنا نبطل
عدي:شنو تبطلون غير اكلب الدنيا على راسهم اصلا العميد يصير صديق ابويا هسة احجي معا انقلهم لغير شعبة
وفاء: اي احسن نخلص منهم
عدي:ما سمعت صوتج جوري
جوري:هااا
عدي:ولايمنة الاخت
جوري: ضحكت
عدي:اخذوا راحتكم وشتحتاجون اني حاضر
وفاء:تسلم ماتقصر رجعنا للشعبة اخذنا بقية المحاظرات صارت الساعة وحدة طلعنا للنادي تغدينا
طلعنا بوجهنا للخط مالتنا وجوري ساكتة ماحجت ولا حرف وصلنا المنطقة مالتنا
نزلت يم جوري وصعدنا لغرفتها كبل لكيت نسمة مددة وماتدري بل دنيا طشت ولا رشت شافتني وكمزت عليا تحضني
نسمة:اني اكول البيت منور طلعت وفاء جاية
وفاء:بوجودج حياتي شلونج اخبارج
نسمة :بخير شعجب اليوم يمنة
وفاء:جيت اشوفج مايصير
نسمة:ياهلا بضرتي شلون مايصير اخبار وطن
وفاء:يسلم عليج
نسمة:كولي والله
جوري:انجبي وبطلي سوالفج
وفاء:خبلة غير صار يومين ماشفتو اكلج انتي ليش ماتسوين زيارة للجامعة
نسمة:غير جوري ماتقبل
جوري:طبعا مااخذج حتى تفضحينا من تشوفي
نسمة :لاوالله اصير عاقلة
جوري:اختبرج هل فترة اذا جريتي عدل اخذج
وفاء:خوش حتى اني هم اجيب شيهانة ونضرب الدوام ونطلع نفتر
نسمة:يااا واخيرا
وفاء:يلا بنات اني اتاخرت على بيت بوستهم وطلعت صار اخو جوري علاء بوجهي سلمت علي ووصلني بسيارته لبيتنا مع العلم بيتي قريب على جوري بس ماقبل اطلع وحدي الظهر

يتبع. ......

حُب في طرقات الجامعة - part25 -

كان يعلم اني ارتبـك من نضراته ...
.. لهذا كان يطيـل النظـر.🤍☺️
.
.
&&&&&&
.
.
ريم: بعد ايام من عرسي عزمنا الشيخ ورحنا عليهم وخطية كثروا الخير ماخلوا شي ماطابخي خوات وطن المتزوجات اجو وفاطمة فرحانة بية اخذوني للبستان مالتهم والمزرعة الصراحة بيت الشيخ اكبر واحلى من بيت ابو فهد افترينا بل بستان حيل حلو واكو حديقة صايرة بين بيتنا وبيت الشيخ يعني المكان ختلة ومعزول عن البيت والديوان مكان مخصص للبنات رحنا كعدنا بيها نسولف ونضحك ونحشش والهوا يرد الروح وصوت العصافير والمي صح باردة بس طيبة الكعدة هناك شوية وجا ابن امير كال عمو فهد ينتظرج بل باب
فاطمة: لاتروحين بعد ما شبعت منج
ريم:حياتي غير مرة اجي عليج لاتزعلين بعدين صرت جيرانج كل يوم اجي عليج
فاطمة:وعد
ريم:وعد ادللي فطوم سلمت عليهم ورجعنا لبيتنا المغرب سويت عشة خفيف وكملت شغلي وجوا اصدقاء فهد من الجامعة وبقيت اقدم لي نص الليل دزلي رساله فهد وكال راح نبات بل ديوان لاتنظريني واني كبل صعدت فوك بدلت ونمت من التعب
بعد مرور اسبوع
اليوم عزمنا اهلي وكعدت من الصبح رتبت البيت وطبخت الغدة اني وعمتي وخالة ميعاد ساعدتنا
وفاطمة هم جت تساعدنا كملنا كلشي صارت الساعة12طبوا اهلي وطلع فهد يستقبلهم واني طلعت اركض سلمت عليهم
ابووفاء:هلا بريومة هلا بحبيبة ابوها
ريم:اشتقايتلكم بابا
ابو وفاء: واحنا اكثر بابا
ريم:عفت بابا يسلم على بقية العيلة وسلمت على ماما والبنات ومرت ايمن
ام فهد:اهلا وسهلا ليش واكفين بل باب تفضلوا نورتونا
ام وفاء الله يزيد فضلج منور باهلة البيت شلونج انتي شلون ريم معاج
ام فهد:بخير هو وين اكو مثل ريم
ام وفاء: اذا قصرت عندج ياها
ربم:هاماما بدينا موجنا حلوين قبل شوية
ام فهد: ماعليج منها تكول هيج حتى تضوجج
وفاء:اول مرة اشوف عمة تحب جنتها هنيالج ريم
ام فهد:ريم مو جنتي ريم بنتي الله شاهد
ريم: شوفو واعيب لوفاء
وفاء:ههه بعدج خبلة
ريم:يلا بنات تعالوا نحضر الاكل
اخذت وفاء بصفحة وحجيتلها على وطن والبنت الجانت واكفة وياه
وفاء: شنو احجي شوكت عرفتي
-انتظرت اشوفج وجه لوجه واحجي
-لج شون تسكتين كل هالفترة
-هسه غير تسمعين اكلتيني بكشوري
-اي احجي
-شوفي البنت هاي طالبة ويه وطن ومحتاج منها شغلة وفهد كله تحبها وطن كال لو تظل اخر بنية مااباوعلها
-امم يعني طلع مو ابو بناات
-اي لا تظلمينه بعد
وفاء: راحت ريم واني بقيت افكر طلعت مو حبيبته اني شسويت شوية ونادوني
ام فهد:يمة فشله تساعدن بينه وانتن كاشخات
وفاء:متعودين خالة بعدين احنه اهل شهالحجي ياخاله
فاطمة:السلام عليكم شلونكم بنات
وفاء:وعليكم السلام ياهلا بفطومة ياهلا ابنت الشيخ
فاطمة:حياتي لو تدرين شكد مشتاكة لسوالفج
وفاء:يعمري وحضنتها
شيهانة :شلونج فطوم
فاطمة:ياهلا اني اكول شنو هذا الكمر هاي شطالعة
شيهانة:تسلمين حياتي انتي شنو هل اناقة
فاطمة:خجلت هههة مامتعودة احد يتغزل بيا
ام فهد:ولج فطومة انتي البيت كلو يحبج ويتغزل بيج خاصة ابوج ووطن
فاطمة:اكسر كلوب خالة
وفاء: طلعنا للمطبخ نصب الاكل ونسولف ونضحك مع فاطمة ماشاءالله المطبخ نترس اكل ودزوا على بيت الشيخ وجت ام وطن ومعها بنت تطلع من عمرنا شايلة طفل سلمت علينا تقربت يم شيهانة وكتلها تشوفين هاي البنت اللي شايلة طفل
شيهانة:اي شبيها
وفاء:هاي مرة فائز
شيهانة:خرب من شفتها تذكرت البث خطية شسويت بيها
فاطمة:سمعونا نريد نضحك معاكم
وفاء: ولا شي بس هاي الابسة احمر منو
فاطمة :هاي بنت عمي وتصير مرت اخويا فائز
وفاء:حلوة مبينة حبابة وخوش بنت
فاطمة:اي وردة مال الله وخدومة وهادئة اكثر وحدة بنسوان اخوتي قريبة عليا
شيهانة:شلون تزوجت اخوج
فاطمة: عن حب حبها واخذها تشوفيها شكد هادئة بس من تصير السالفة بيها فائز تنكلب ١٨٠ درجة
وفاء:ههههه الله يخليهم لبعض ولايفرق بينهم
شيهانة:امين وغمزت لوفاء
وفاء:خلصنا وجا فهد وعبدالله ينكلون الاكل واحنا البنات مدينا سفرة بل صالة ونقلنا الاكل كعدنا ناكل
ريم :اخلي الجاي على نار واجي







.............

وطن:رجعت من الدوام تعبان بوجهي على النوم لان رجعت نص الليل كعدت على صوت الموبايل باوعت فهد يتصل
فهد:ها وطن وينك
وطن:بل بيت ليش
فهد :تعال غداك يمي
وطن :ليش تكلف نفسك تدري تعبان اتغدا عود امر عليك العصر
فهد:وين تتغدا ترى كل اهلك معزومين يمنا تعال بسرعة انتظرك لاتتاخر
وطن:صار بس اسبح واجي سديت الموبايل وطبيت للحمام حددت اللحية مالتي وراها سبحت وطلعت لبست دشادشة نيلي ورتبت شعري وتعطرت وطلعت لبيت عمي طبيت الديوان لكيت اهل ريم سلمت عليهم وكعدت اسولف مع ايمن حباب خوش ولد
صبوا الاكل وبدينا ناكل وابويا وابووفاء جابو طاري السياسة ومعرف شنو ومن سالفة على سالفة خلصنا اكل طلعت غسلت ورجعت كعدت بمكاني

..............

وفاء:خلصنا غدة ورحت اغسل بل مطبخ شفت من شباك المطبخ الزلم برا اكيد خلصوا غدة بديت احظر الاستكانات مكان ريم حتى من يجي فهد انطي
اجو شيهانة وفاطمة يغسلون وبقوا بل مطبخ يمي
فاطمة :صبي الجاي ترى النسوان خلصن وريم جاي تلم الاكل وهسة اني اروح اساعدها وانتي كملي
وفاء:صار وبديت اصب الجاي اجتي ريم شايلة كومة مواعين اخذتهم منها وفاطمة بدت تغسل مواعين اجه فهد
فهد:راح يطبون الولد يجيبون المواعين حطي شي على راسج ريم
ريم:صار وحطيت الشال على راسي
وفاء:واكفة يم الطباخ اصب الجاي والمطبخ مليان هوسة وجابو المواعين
طلعت ويه فاطمة لخاطر نرمي الاكل وراحت تجيب الاكل البقا مااسمع الا احد يحجي وياي
هاا شنو اسوين هنا
وفاء: يمه فززتني انت شنو قصتك تظهر فجاة
وطن: ههه اطلع فجاة نسيتي انتي بديرتي
وفاء: لوما عزيمة ريم مااجي هنا
وطن: اي ماكلتي شون عرفتي بقصة ابوي وعمتج
وفاء: هههه لهسه مناسي ارجع واكلك اذا هو ابوك ف هي عمتي تصير ومشيت من يمه
وطن: صح حجيج خالة
وفاء: تخلخلت عظامك
وطن: هههههه خالة
وفاء: عمو
وطن: هههههه عمو شنو يلا انتي خالتي واني عمج
وفاء: هه خفيف دم
عوجت حلكي وباوعت باحتقار ومشيت
وطن: خالة عليمن هالحركات
وفاء: رجعت واضحك على سوالفه وطلعت فاطمة بوجهي
فاطمة: ها وفاء شو راجعة اكو شي
وفاء: لا بس ردت اروح للمغاسل
فاطمة : اخذي راحتج
خلصنا وكعدنا
اجتي ريم جايبة الضيافة
ريم: اي شكو ماكو
وفاء: ماكو شي بس بعد باجر سفرة للشمال
ريم: سفرة شنو
وفاء: القسم مسوين سفرة بمناسبة راس السنة
ريم: انتو تروحون لولا
وفاء: اكيد لا تدرين بابا مايقبل واهل جوري مستحيل يوافقون
ريم: احتمال اطلع اني وفهد نغير جو
وفاء:اي والله اعتبروها يوم عسل
فاطمة:هههه حلوة هاي مالت يوم عسل
وفاء: لو ما استحي من فهد جان اجيت معاكم
ريم:تعالي هلا بيج
وفاء: اتشاقة معاج بعدين منو يكول فهد يقبل كبل قررتي وعزمتيني معاج
ريم: بطريقتي اخلي يوافق
وفاء: اللي بالي بالج
ريم:هههه اي اجه وكتها هسه
وفاء: ضلينا نحجي ونكص بل عالم ونقلد شوية وبابا دز خبر حتى نتحظر ريم ضاجت ترخصنا منهم وطلعنا
شفت وطن يضحك مع ايمن ولا عبالك قبل شوية ضوجني
بابا وصل الباب الخارجي وايمن اخذ ابنه وترخص بقيت بس اني وماما لان امي تحجي مع ام فهد وطن صار قريب مني جان يكول عيدوها خالة خزرتو وامي ردت عبالها يقصدها
وطن: هلا بيكم نورتونا زارتنا البركة
وفاء: صعدت بل سيارة وعيني على وطن شلون يسلم على ايمن الطريق كلو افكر بضحكة وطن وشلون جان طالع حلو وهيبة و دك الميانة مع ايمن تكول اصدقاء من سنين مو هيج كل شوية تجي ضحكته على بالي واضحك على واهس ......

ريم: بعد ما راحو اهلي صعدت فوك سبحت ولبست تراك زيتوني ولفيت شعري بل منشفة وكعدت يم الصوبة ولزمت موبايلي طب فهد نزع الدشداشة ولبس تراك واجا كعد يمي
فهد:ها حبيبي شبيج
ريم:تعبت اليوم حيل ظهري يوجعني
فهد:سلامتج ياروح فهد افرك ظهرج
ريم:استغليت الموقف وحجيت بجدية احم فهد
فهد:عيونه
ريم: اني قررت اسامحك بس عندي شرط
فهد:احلفي ،،، موافق على كل شروطج
ريم:غير تعرف شنو شرطي بل اول
فهد:مو مهم المهم نتصالح وترضين انتي ونرجع مثل قبل
ريم:الشرط مالتي انو نطلع سفرة مع القسم للشمال بعد باجر بمناسبة راس السنة
فهد:موافق
لواعرف تحبين السفر جان من ثاني يوم سفرتج للخارج واخليج تسامحيني
ريم:ههههه صوجك انت التهيت بل عزايم
فهد:يعني هسة اكدر ابوس براحتي ومحد يمنعني
ريم:هزيت راسي
فهد: واخيرا حن كلبج عليه
ريم:بس توعدني ماتعيدها بعد وما تغصبني على شي
فهد:وعد ما اتقرب منج الابرضاتج ريم اني اريدج روح وجسد ماريد تبعديني عن حضنج بعد اريد احس بحبج وحنانج
ريم:خجلت من كلامه ودنكت
فهد:شكد احبج من تخجلين شو باوعي عليا
ريم:مارديت احسن نار تطلع من خدودي رفع راسي باصبعه بقى صافن بعيوني وكال
فهد:الخاطر الله شكد بريئة عيونج هنا الطيحني بحبج
ريم:تقرب وباس شفتي شافني ما عارضت وبدا يتعمق اخنتكت ودفعته
فهد:هسة يلا ارتويت ليش حارمتني كل هل فترة
ريم:لزم ايدي ورحنا لفراشنا ورحنا لعالمنا الخاص شفت فهد ثاني حنون ويتغزل ويخاف عليا عشنا احلى ليلة ابتعد فهد وكال
فهد:الظاهر سنة (٢٠٢٠) راح تكون سنة خير عليا

...........

جوري...
كعدت الصبح و كمت عزلت الغرفة ونظفتها وطلعت شكو ملابس وصخة حتى اغسلهم نزلت على حمام الجوا وشغلت الغسالة ورحت على مطبخ اسوي كهوة كعدت امي على صوت الهوسة
ام جوري:ها يمة شعندج من الصبح تغسلين وليش ما رايحة لدوامج
جوري:انظف ملابسي وما داومت لان وفاء مامدوامة شعندي اروح وحدي
ام جوري:تريكتي لا

جوري:لا شوية وتكمل كهوتي روحي غسلي هسة اسويلج احلى ريوك
ام جوري :الله يرضى عليج يمة اروح اكعد ابوج عنده طلعة
جوري:طلعت امي والتهيت اسوي الريوك اجا بابا كعد صبحت علي وامي هم كعدت صبيت جاي وانطيتهم واخذت كوب الكهوة مالتي وكعدت اشرب
ام جوري: اكلي بنتي لابس تشربين كهوة مو زينة على صحتج يابنتي
جوري:يمةاحبها وبعدين من اشرب اصحصح
ابو جوري: ما عليج من امج اشربي
جوري:ههه سمعتي ماما
ام جوري:انتي بعد محد يحجي معاج ابوج بصفج
جوري:طبعا
ابو جوري:يلا اني طالع محتاجين شي
ام جوري:سلامتك
ابو جوري: يلامع السلامة
جوري:الله وياك بابا طلع بابا لميت السفرة وغسلت المواعين ورجعت اكمل شغلي خلصت الملابس وشريتهم وطبيت للاستقبال نظفتها ومسحت الاثاث وطلعت للغرفة الثانية هم رتبتها ومسحتها طلعت للصالة شلت الزولية وجبت تايت ومنظفات ودك غسل وجلف احس ايدي تكسرت جبت الصوندة وكمت اشطف الارضية والحيطان مسحت الارضية ورجعت الزولية ومسحت الاثاث البي صار البيت يلمع لمع امي كل شوية وصاحت من غرفتها كافي راح تتمرضين عوفي واني ما اهتم كعدو نسوان اخواني البيت كامل بس باقي الغدة
مرت علاء:ليش تنظيفن وحدج جان كعدتيني اساعدج
جوري:مايحتاج اصلا استغليت الموقف جهالج نايمين
مرت علاء:بس تعب عليج وحدج
جوري:ميخالف ضامج للاكبر قربت امتحانات نص السنة
مرت علاء:بعيوني
علاء:شنو هل ريحة متاكدين هذا بيتنا
جوري:احم احم بتعبي احسن من بعض عالم نايمة والساعة صارت عشرة
مرت علاء:هاجوري قصفتيني كبل
جوري:هههه اشاقة معاج غير احبج واموت عليج
ام جوري:وينكم احد يحط الغدة على نار الدنيا صارت ضهر
جوري:انتي سوي واني اروح اسبح لان توصخت راحت مرت علاء تسوي ريوك لجهالها واني صعدت فوك سبحت وطلعت كعدت يم الصوبة بس شنو ميتة برد وارجف ماريد ماما تشوفني حتى لا اترزل بقيت فوك نزلت بس تغديت ورجعت فوك نمت ماكعدت للعصر احس جسمي متكسر وراسي يوجعني كمت من فراشي صليت عصر وما هتميت نزلت جوة مع العيلة سوالف وشقة
ونسمة رادت ادرسها انكليزي كعدت اشرحلها وهية تكتب بقينا ساعتين نقرا وامتحنتها واخذت درجة كاملة راحت تقرا غير مادة واني التهيت بل موبايل وجت بنت علاء اتابع معايا كعدنا نتابع كرتون اذن مغرب صليت وصعدت فوك حتى ما شتهيت اتعشى كلت اخابر وفاء اكيد هسة رجعت دكيت عليها وجاني صوتها
وفاء: هلا جوري
جوري: شخبارج
وفاء: بخير شبي صوتج تعبانةخوما مريضة
جوري: اي والله المهم احجيلي شصار مع وطن
وفاء:سلامتج ياروحي اسمعي وحجيت السالفة كلها لجوري
جوري:هههههه صدك تحجين
وفاء: والله
جوري: ظلمنا الولد خطية
وفاء: اي بس ان شاءالله يطلع صدك
جوري: لج بعدج ممصدكة والله خبله
بس حلوة هاي مالت خالة ههههههه
وفاء:لج لتقلدين هسه اعوفج و مااكمل امشي ولي
جوري: الله عليج كملي
وفاء: اسمعي داك ميانة مع ايمن وضحك تكول عشرة عمر
جوري: هم يطلع منو اني عبالي حقنة وما يضحك
وفاء: لاعيني هناك غير الضحكة شاكة الحلك وفاطمة تكول اول مرة يضحك هيج
جوري: احتمال علمودج
وفاء: محد طيح حظي غير سوالفج هاي بس اكلج
جوري: شنو
وفاء: بس شلون طالع اليوم يطك بل كاع الحيوان
جوري:هههه اليوم موتيني ضحك هسه هذا غزل لو مسبة
وفاء: الاثنين سوا
جوري: موصاحية المهم باجر ادوامين لولا
وفاء: اكيد ادوام
جوري: لعد باجر نلتقي وهسة يلا ولي اريد انام
وفاء: شوكت تبطلين تكولين هاي الكلمة
جوري: ههه معرف يلا باي
وفاء: هلا







داومت ثاني يوم اني وجوري واخذنا محاظرات دك حتى ما تغدينا والشعبة مكلوبة على سفرة
ناس تتفق على لبس وناس على اكل ومعرف شنو اني وجوري طلعنا مالنا خلك وجوري مريضة كوة تمشي واني ساندها كعدنا على مصطبات ننتظر ابو خط يدك حتى نطلع كاعدين مانحس الا عدي فوك روسنا
عدي:شلونكم بنات
وفاء وجوري:بخير
عدي:ليش ما سجلتو اسمائكم مع بنات الشعبة
وفاء: لان ماراح نطلع
عدي: ليش تغيرون جو
وفاء: اهلنا مايقبلون نطلع على مكان بعيد هيج ومحد معانا
عدي: اذا هيج معاكم حق لعد اني هم ما اروح
وفاء: ليش روح غير جو ريم وفهد رايحين
عدي: اني رايح لخاطر ناس كلت اروح علمودها
وفاء: اممم هاي الناس مريضة ومالها خلك
عدي: جوري شبيج باوعي عليا
جوري: بتعب مريضة وراسي موتني
عدي: اوديج للمستشفى
وفاء: احم نحن هنا
عدي: شنو شبيج
وفاء: مااسمحلك ها ،، جورية بس اني اهتم بيها
عدي:اخذها منج وانتي الممنونة شتكولين جوري
جوري: ما اعوف وفاء
عدي:افااا تفضلين هاي عليا
وفاء: ترا عندي اسم
جوري: ابتسمت اكيد شعندي غيرها
عدي: واخيرا ضحكتي يلا اني اترخص اذا تحتاجون شي خابروني

وفاء: تسلم
جوري: لازم تتواصلون حتى يكلج خابري عليه
وفاء: اكيد وحددنا موعد عرسنا
شبيج عن طريق ريم الظاهر المرض ماثر عليج
جوري: هههه كلش يلا نطلع ابو الخط جاي يدك
وفاء: رجعت للبيت لكيت اهلي متحظرين سالت ماما وكالت راح نروح لخوالج اوفف يارب زين اكو اكل ترى ميتة جوع من الصبح بلا اكل
شيهانة اكو اكل بل ثلاجة اكلي بسرعة علما يكمل بابا
وفاء:اكلت على سريع وشربت مي حتى مالحكت اطلع لغرفتي خليت ملازمي بل مطبخ وطلعت بل سيارة معاهم الطريق كلو اغفي اريد بس انام وصلنا خوالي سلمت على خوالي وخالاتي ورحت لغرفة كبل نمت ماحيست الا المغرب صليت عصر واريد ابدل شلون سالفة ماجايبة ملابس معايا بعدين تذكرت نور بيوت خوالي بيت يم بيت واكو منهم فاتحين بواب على بيوت بعض كلت لامي اروح على نور ابدل واجي ماعارضت طلعت لبيت نور يصير رابع بيت عن بيت خالي رائد لانةخالي رائد عندو بيتين بيت بل مدينة يمنا وبيت بنص اخوانو طلعت امشي وحدي وصلت البيت دكيت الباب وطلع خالي الجبير سلمت علي وعلى مرت خالي سالتهم على نور كالو بغرفتها رحت لغرفتها واسمعها تحجي مع اختها الاصغر منها ومنطية ظهرها للباب حظنتها من ورا قوي
نور: منو
وفاء: اني
نور: ياهلا شهل مفاجاة الحلوة ليش ما كتيلي اليوم تجين
وفاء:من رجعت يلا عرفت
نور:العب اليوم نعلكها اليوم نكلب البيت كلاب
وفاء:اكيد ونمت من جيت حتى السهرة للصبح اكلج نور نسيت ماجبت ملابس وجيت اطلب منج
نور:بعيوني هذا كنتوري اخذي اليعجبج
وفاء:اخذت دشداشة وردي مخصرة
نور: هاي مو ضيكة عليج عليا دوب
وفاء: لا حبيتها يلا بدلي لان جيت اخذج وبلغت اهلج
نور: بس البس عباية واجي بعدين تعالي جيتي على بيتنا هيج لبس ووحدج
وفاء: اي ليش شبي لبسي محتشم وعريض
نور: صخام بوجهج احنا هين لازم نلبس عباية يلا نطلع لان عيب
وفاء: شدعوة عيب بعدين اني بنت مدينة متعودة اطلع هيج شمدريني عدكم طقوس للطلعة
نور: يمة من لسانج امشي نطلع بس هلي اشوف واحد من اخواني يوصلنا
وفاء: مايحتاج خلي نروح وحدنا
نور: خالج مايقبل لازم احد يوصلني
وفاء: شدعوة منوبعد البيت هية كم خطوة وانتي ابيت رائد
نور:اووف منج امشي اذا ترزلنا اذبها براسج
وفاء:ميخالف بس امشي طلعنا من البيت نمشي اول خطوتين وشفنا خالي رائد
رائد: ليش وحدكم والدنيا مغرب
وفاء: اهووو هسه شلون مايكفي محاظرات ست نور جيت انت تكملها عليا
رائد:وجعوو العتب مو عليج العتب على نور خلتج تطلعين هيج
نور:عمو اني معليا كتلها وكالت معليج
وفاء: بعدين تعال انت تخاف علينا مو بل جامعة وحدنا وطول عمري هذا لبسي
رائد: مخبلة الجامعة شكل والديرة شكل
وفاء: خايف علينا وموكفنا بل شارع يحاسبنا خوش والله عود انت العاقل
رائد : يمة من لسانج طبي جوة الله يساعد الراح يبتلي بيج
وفاء:طبينا البيت بدلت وجيت كعدت مع بنات خوالي سوالف وضحك صبو الاكل تعشينا وغسلنا المواعين اني ونور ورحنا كعدنا بل حديقة وحدنا لان مانريد احد يسمع سوالفنا
نور: اي احجي شاكو ماكو
وفاء: طلع وطن مو مرتبط
نور: مستحييل
وفاء: والله نور حجتلي وحجيت السالفة لنور
نور: لعد ظلمناه بكلامنا
وفاء: اسكتي وانوب وسام ويونس سوا بينا دكة وحجيت السالفة كلها لنور
نور: طاح حظهم اي والله وشسويتوا انتو اكيد ما سكتوا
وفاء: ولاشي بس عدي كال حينقلهم عنده واسطات
نور: عندي خطة بس ما تعلمين احد خاصة جوري حتى لاتكول عيب ومدري شنو
وفاء: خلص وعد بس انطقي الجوهرة
نور: اسمعي اني عندي حساب ثاني بل فيس محد يعرف بي حتى خواتي
وفاء:اي
نور: مخليتة استخبارات وهيج المهم اليون انزل منشور بوسام ويونس نعلكها بينهم وها ننزلها على كروب الشعبة مالتكم ولا اكلج مالت الكلية كلها احسن هه
وفاء: هوب شنو منشور مافهمت كلشي
نور: غبية انزل منشورين واحد نقصف وسام بي والثاني نقصف بي يونس لان اني قبل فترة شفت حساباتهم ناس تقصف ناس
وفاء: حلو
نور: وهسة خلي ندور صورة وانزل عليها منشور
وفاء: كعدنا ندور على صورة وشفنا وحدة وسام خاتل ورا شجرة ومطلع راسه يموت ضحك
نور: هية هاي اللي ادور عليها اكو صورة لثائر الي يمثل لخة بدور سعيد اكو تحشيش عليهاةمكتوب طلاب المرحلة الاولى من ياخذون صورة نحط صورة وسام وصورة ثائر ونخلي الكلام عليها شرايج
وفاء: حلو بس خايفة يعرف
نور: مايعرف ماعليج
وفاء:هذا هوا نور رتبت الصورة وحطت الكلام ودزتها للكروب شوية والممثل مالت القسم وافق على منشور لان هوا المسؤل ونور باوعتلي بنظرة انتصار
نور: وافق تعالي
وفاء: تقربت يمها وايدي ترجف معرف شبية خايفة ومتوترة فتت من حسابي اقرا طلاب شعبتنا يعلقون ناس تضحك ناس تكول عبالك اخوة التعليقات تموت ضحك يونس سوا تاك لوسام وجا وسام

نور:اكلها بل عافية
وفاء: حيل بي يستاهل
نور: التعليقات خلال عشر دقايق صارت ميت تعليق
وفاء: لج المنشور انمسح
ووسام دز رسالة لنور كاتب منو انتي
نور: راح ارد علي
وفاء: عوفي خلي يولي
نور: والله ولا اعوفهم الا اخذ حقكم كامل بس تعالي انتي تعرفين شي عنهم يعني حياتهم اهلهم هيج شي
وفاء: اي اعرف كلشي عنهم من جوري اختها تعرفهم وحتى تروح وتجي على اهله
نور: هسة حلوت اللعبة راح ارد
نور: نعم شرايد
وسام: منو انتي وليش سويتي هيج بيه
نور: ليش شنو سويت
وسام: لاتغشمين روحج لعد المنشور شنو
نور: اهااا حلو مو ههههه
وسام: انتي تعرفيني؟؟
نور:لا
وسام: لعد ليش ناشرة عليا
نور: هدية بمناسبة راس السنة
وسام: استغفر الله انتي منو احجي
نور: وحدة تعرف كلشي عنك
وسام: شتعرفين بالله
نور:اسمع لعد اسمك وسام طالب مرحلة ثانية عمرك 25 عندك اخ اكبر منك وانت الثاني وعندك اخوان اثنين اصغر منك واحد طالب كلية والصغير سادس
وسام: صح كملي شتعرفين بعد
نور: عندك خوات اثنين __و__ ابوك يشتغل _ وانت ربيت عد جدتك وها اسمها_ وتموت عليك وانت المفضل عدها وحااليا ساكن عدها لان ابوك طردك من البيت
وسام: مستحيل انت اكيد تعرفني لو صديق لو جيران منو دزك عليا يونس مو احجي بسرعة
نور: لا محد دزني اني اجيت من حالي
وسام: والله انت يونس تعال للشقة ونتفاهم
نور:هههه جايك افتح الباب
وسام: الباب مفتوح
نور: بس اني مو يونس اني وحدة تحبك ومعجبة بيك صار سنين
وسام: لك يونس بطل سوالفك ما يعبرن عليا حافظك
هاي مو اول مرة تسويها بيا
نور: والله مو يونس
وسام: قابل ما اعرفك تعال للشقة واسويلك نركيلة ونتفاهم ها شكلت
نور:اممم افكر
وفاء:خطية خلي ينام صارت الساعه١٢ ورا سفرة الصبح
نور: شجان لابس اليوم
وفاء:قاط نيلي
نور: روح ارتاح الصبح وراك سفرة اتونس ما اوصيك
وسام: انتي من الشعبة مستحيل تعرفين كلشي
نور: لا مو من الشعبة بس اليوم القاط ياكل ويشرب عليك
وسام: راح اتصل حتى اتاكد انتي بنت
نور: اتصل وسديت الاتصال اني ما احجي مع شباب
وسام: يونس هاي اخر مرة اكلك رد ولا قسم بالله اليوم تبات بل شارع
نور: ههههه
وسام: راح احظرج والله
وفاء: نور احظري كافي طوخناها معا
نور: مو قبل ما احرك كلبه وكتبت سلملي على امك ____
وسام: لاتكفريني انتي منو ردي وينج
وفاء: هذا اسلوب يونس اعرفه من يتعصب بل كروب
نور: فاعلة خير تصبح على خير وسام ما اوصيك اتونس وسنة سعيدة طلع جار الكتابة وحظرته
وفاء: معرفنا شراح يكتب
نور: احس سديت باب المحادثة علة اصبعة
وفاء: اوف هسة برد كلبي
نور: هاذا اول واحد لو تعرفين شراح انزل على يونس
اكتب شعر واحط صورتة علي
وفاء: اختارينا صورة لابس احمر وكتبنا جواها (حتى النجوم تنام بحضن الغيوم وانت يمته تنام بحضني)وكتبنا#يونس احبك ودزت نور المنشور شوية ووافقو علي وبدا التصنيف بل تعليقات والضحك بفلس وعدي كاتب يونس روح عايد حبيبه الكلب ويونس تخبل ويغلط ومسح المنشور لان هوا مسوؤل طب يراسل وحضرتة نور كبل نزل منشور وكاتب هذا ولد سوا بلاغ على حساب مالتة والتعليقات تكول هذا وسام رد على منشورك قبل شوية وبقى يغلط ويسب نور فتحت الحظر ودزت بصمة وكالت ياقاسي ورجعت حضرتة متنا ضحك عليهم وسام نزل منشور وكاتب (بل نسبة للولد ومسوي حساب بنت تعال انطيك ستريج وردي)
نور: هسة برد كلبي عبالهم يندكون بصديقاتي واسكت
وفاء: كفووو بل ضلعة وهسة شراح نسوي
نور: احذف الحساب ونرجع نكمل سهرتنا ونصير خوش بنات ههه
وفاء: فديت اليفهم اي
نور: بردت تعالي نطب جوا
وفاء: تمام طبينا جوا الكل كاعد يشوف احتفالات راس السنة واحنا نضحك
نور: شلون انطيتهم هدية براس السنة ماراح ينسونا طول حياتهم
وفاء: شلون سنة الله يستر منها بدت عركات ومشاكل
نور: احنا حبابات وعاقلات الصار قبل سنة انسي
وفاء:ههههه ضلينا نسولف وكل شوية نضحك ونكول ياقاسي بقينا يومها للفجر صلينا ونمنا كعدت ثاني يوم ايدي توجعني لان نور نايمة عليها ضربتها على بطنها برجلي فزت مرعوبة
نور: شكو منو مات
وفاء:رجلج لج حيوانة شكبر راسج كسرتي ايدي ام صماخ
نور:هههع مليان افكار وسوالف من البارحة
وفاء: اخخ ايدي تدرين هاي ثالث سنة ابديها معاج ياروحي وحضنت نور
نور: احلى ثلاث سنين بحياتي
وفاء: كومي نتريك هسه تجي عمتج ترزلنا
نور: يلا طلعنا غسلنا وطبينا للمطبخ الكل كاعد يتريك كعدنا معاهم وكل ما تجي عيني بعين وفاء نضحك
وفاء: المغرب رجعنا احس بنصر ومتشوقة اشوفهم ورا الفشلة والمقلب والله وطلعتي مو قليلة يانور تربيتي ونعم ماربيت

...............

ريم: جنت متشوقة للسفرة واحضر بل غراض وفهد فرحان لفرحي واني اكله نلبس هيج ونكص صور ونروح لفلان مكان وناكل فلان اكلة وهوا يتفاعل معايا بقيت اخطط الا مانمت كعدت الصبح فهد مو يمي لكيت ورقة وفوكها وردة فتحت الورقة مكتوب بيها(هاي اول سنة انام بصف الكمر احبج) ابتسمت واخذت الوردة اشم بيها نزلت جوا تريكت وفهد

ماموجود دكيت علي مايرد يارب وين راح هذا ضجت وصعدت فوك انتظر فهد شوية وطب فهد
فهد: صباح الخير
ريم: صباح النور وين جنت من الصبح
فهد: رحت عبيت السيارة بنزين ووديتها للغسل وجبت كم شغلة من الاسواق واجيت
-فهد انت تحبني
-اكيد احبج غير ازوجت حبيبتي
-اثبتلي هالشي

يتبع.......

حُب في طرقات الجامعة - part26 -

آني بشوفتك أتورد
ويصيحولي حليانة،،♥️

.
&&&&&&
.
فهد: تردين اثبلتج
ريم: اي
فهد:حطي ايدج على كلبي وشوفي دكتة من تصيرين كدامي
ريم: حطيت ايدي على كلبه يدك سريع
فهد: شفتي كربج مني شون
ريم: وخرت عنة يلا تاخرنا
فهد:انتي حجارة ماتحسين
ريم: هههه مو حجارة بس اعرفك مو راحة تستغل الموقف
فهد: يلا نطلعها هناك شكو ورانا
ريم: بدلنا ونزلنا اني وفهد هو شايل الغراض حطهم بل سيارة ونطلقنا الطريق كله يتغزل بية لو يلزم ايدي ويبوسها واهم شي مشغل اغنيتي المفضلة ويدندن معها ثلاث ساعات يلا وصلنا طبينا اربيل الجو ثلج احنا لابسين وحاسبين حسابنا وهم باردة اربيل اول شي وكصينا كومة صور ورحنا للسوك اشترينا غراض وهدايا ورحنا لمطعم تغدينا خلصنا غدة رحنا للجبل بي ثلج اسوي كرات واضرب فهد بيهم وفهد يضربني اخر شي جاب كرة ثلج جبيرة وحطها بظهري جوا الملابس كمت اكمز من البرد اخذت كرة بعد اكبر وحطيتها بوجه فهد كعدنا بل ثلج نضحك على بعض
فهد: اروح فدوة للضحكة
ريم: بعيد الشر عنك
فهد: ها حبيبي تونستي
ريم: حيل ماتصدك شكد متحمسة شكرا فهد لان ما كسرت بخاطرتي
فهد: لاتشكريني بوية غصب عني مستعد ادفع عمري كله بس اضل اشوف ضحكتج على وجهج
ريم:الله يقدرني واسعدك
فهد: شنو احساسج تجاهي حاليا
ريم:بردانة هههههه
فهد: طاح حظج
ريم: ادفى وبعدين اكلك اريد كهوة لان متت برد
فهد: ادللي
ريم: رحنا لكوفي شربنا كهوة دفيت شوية وفهد يباوع عليا ينتظر احجي
فهد: وبعدين
ريم: احم احم شوف فهد انت حاليا صديقي شلون جوري والبنات
فهد: حلو خلال فترة احولها حب اوعدج انتي تجين وتعترفين بحبج الي
ريم: نشوف انت وشطارتك
فهد: لاتخافين اني شاطر بيهج سوالف
ريم: هههه بقينا نفتر اني وفهد وما خلينا مكان يعتب علينا يومها بقينا هناك وفهد حجزلنا بفندق وطبعا فهد مايفوت هيج فرصة وتقربلي وووو
ثاني يوم تريكنا بل فندق ورجعنا للبيت جان احلى يوم بحياتي مع فهد ومن يومها علاقتنا تحسنت

........

وفاء..
داومت اني وجوري ومنتظرة اشوف وسام ويونس بعد المقلب يومها اجت نور تحظر محاضرة عندي طبينا للقسم والكل يحجي بل منشور ويضحك وسام ضايج ونور تضحك على قصد
جوري: شفتو المنشور اللي نزلو بيهم
نور ووفاء: لا وين جنا ملتهين حرامات
جوري:توقعت لهذا سكرنت

وفاء: شفنا السكرينات اني ونور وعلامة الصدمة على وجهنا عود متفاجئين وهي ماتدري احنا سوينا
جوري: كملوا واقروا التعليقات رايحة للحمام
نور: وفاء ديري بالج تحجين لجوري
وفاء: لاشبيج بس عجبتيني من نصدمتي
نور:تربيتج ههههه
وفاء: ههههه كفو بنتي وهسة سكتي اجت جوري

تسريع بل احداث
وفاء: رجعت ريم اداوم معانا والامتحانات بلشت
ومرة جان الجو مطر ثلج لان موجه ثلج ضربت العراق وبرد موت بس مضطرين نداوم لان امتحانات يومها جوري مااجت طلعنا من المحاظرة اني وريم رايحين للنادي نتغدة
ريم:خلي اخابر فهد يجي يوصلنا او يدز احد من ولد عمه
وفاء: ما يحتاج لي ما يصل احنا واصلين النادي
ريم: لج باردة راح اموت برد
وفاء:اي والله اطرافي ثلجت ما احس بيهم بي مجبورين
ريم:شوفي ذيج سيارة خلي اوكفها توصلنا
وفاء:لالالالالا هاي سيارة وطن
ريم: خبلة شبيج بعدين شلون عرفتي سيارة وطن والسيارة كلها ثلج
وفاء: مبينه يسوق بطيئ بهيج جو
ريم: ماتولين
وفاء: السيارة صارت قربيه منا فجاة نزل جام السيارة وطلع وطن نزل باوع علينا وخزرته ودرت وجهي
وطن: شلونج ريم
ريم: الحمدلله انت شلونك
وطن: خير خوية ليش طالعة بهيج جوا خلي اوصلج بطريقي
ريم: اي والله اريد اروح للنادي بس مااريد اسوي زحمة عليك
وطن: شنو زحمة ازعل عليج انتي بمعزة فطومة يلا تعالوا اصعدوا
وفاء: ماسلم عليا ويريد اصعد معا والله لو يموت ما صعد معا هل مغرور كرصت ريم قوي من ايدها وهية افتهمت عليا
ريم: لا اتوكل خويا مايحتاج قربنا نصل
وطن : براحتكم مع السلامة
ريم: الله وياك انداريت على وفاء غبية ليش كرصتني
وفاء: تدرين بيا ما اصعد معا لو اموت شايف نفسه
ريم: موصاحية هسة منو يوصلنا اخابر فهد احسن شي
وفاء: رجلينا توصلنا وينج جوري تعالي شوفي شصار بيا ضروري اليوم تعوفيني
ريم: مع منو تحجين
وفا: مع روحي عندج مانع







بعد مرور اسبوع ونص داومنا اخر امتحان قرب

كاعدين بل خط اني وجوري واكو طالب يضل يباوع عليا ومرات يكعد قريب مني ومرة من المرات اجت بنت خال جوري معها وكعدت يمها فضطريت اكعد وحدي واجا رامي كعد يمي وحشكت روحي بل باب ورامي سالني يامرحلة وخزرته مارديت علي وجوري استلمتني معجب ومدري شنو على زعجني كلش منتبه لتفاصيل حياتي حتى من اقرا بالخط يقرا معايا واذا لازمة الموبايل يباوع ضجت حيل بيومها رحنا اني وجوري على قسم نور جان عدها امتحان وكعدنا ننتظرها بل حديقة ورامي يخابر ويضحك

جوري: والله حلو اخذي وطن مايفيدج
وفاء: لج شوفي رامي يسلم على وطن وباسة
جوري: خرب شكد الدنيا صغيرة احد يفهمني شجاب رامي على وطن
وفاء: الحمدلله ما نطيت رامي وجه ورزلته البارحة احتمال وطن دازه عليا
جوري: شوفي يباوع علينا ويضحك
وفاء: حضن رامي ويضحك واني وجوري وحدة تباوع على ثانية مصدوين

.................

وطن : رجعت للجامعة وتعبان حيل حتى لاهلي ما نزلت لان عندي امتحانات وخطية خالد يساعدني ويشرحلي المحاظرات الفاتني
وفاء قليل اشوفها من بعيد مرات بس ما اتقرب عليها لان الظاهر زعلت من اخر موقف هههه
بس قوية عجبتني ردت بسرعة ما تسكت عن حقها الصراحة اني اضوج من البنت الفاهية اللي تبجي بسرعة والظاهر وفاء مو من هل نوع واللي ثبتلي هذا الشي من شفتها هية وريم والدنيا مطر هيه كبل خزرتني واني تعمدت اسلم على ريم واتجاهلها هية دارات وجها عني وطلبت من ريم اوصلها بس لمحتها من كرصت ريم وخلتها تتراجع اني ضحكت بداخلي عرفت ما راح تصعد معايا ترخصت ومشيت يعني مستعدة تتحمل البرد وما مستعدة تصعد معايا هه
مر كم يوم وجان اخر امتحان الي مر عليا ولد صاحبي اسمه رامي تعرفت علي عن طريق الصدفة وصار بينا زاد وملح وهو يحجيلي كلشي بختصار اعرف كل شاردة وورادة بحياته ومرة كالي اني معجب بطالبة معايا بل خط اريد اصارحها بس استحي وطلب مني اروح وياه ماخجلتة ورحت وصلت لقسمه تسالمت معا وبد يحجيلي عنها تفاجات من كال اسمها وفاء كبل اجت ابالي اخت ريم كلت يجوز صدفة بس اللي اكدلي هل شي من اشارلي على وفاء الي جانت كاعدة مع جوري والظاهر ما منتبها لوجودي يحبها لايالله شنو وفاء شنو رامي كبل سالتة هيا تحبك لا
رامي: ينراد بخت اصلا ولا معبرتني ولاتباوع لوجهي
وطن: بداخلي ارتاحيت من عرفت ما تحبه
رامي: خلص اليوم اروح اتقدم بعد ما اتحمل اكثر
وطن: ضجت من حيل شوف ما تفيدك هاي البنت من الاخير
رامي: ليش سامع عنها شي تعرف شي احجي
وطن:لا ماسامع شي البنت سمعتها مثل الورد بل جامعة بس هاي البنت كرايب و اهلها جيران اجدادي قبل وهما عدهم بنت العم لابن العم ماينطون غربه
رامي: سديتها بوجهي من البداية
وطن: احسن حتى ما تتعلق بيها اكثر لان سمعت ابن عمها يحبها وراح يتزوجون من تتخرج
رامي: خلص سد الموضوع يلا اني ارتخص عندي محاضرة
وطن: ماعرف ليش تصرفت هيج بس اكو شي بداخلي منعني احس وفاء تخصني انداريت اشوفها مالكيتها رايحة اوف وفاء شسويتي بيا اول تالي اجذب علمود بنت وياريت لو اكو بينا شي نفضت الافكار من راسي ورجعت لقسمي







...........

جوري: رحنا اني ووفاء لنادي نتريك اليوم اخر امتحان نص السنة ونرتاح
نور تاخرت واحنه تركناها
اجتي ريم كعدت يمنا
ريم: صباح الخير
وفاء: صباح التفائل
جوري: صباح البرد
ريم: ههه اي والله شعجب اليوم بادين بدوني
وفاء: تاخرتي واحنا بدون عشه
ريم : نازلة اطلب واجي اذا دك فهد جاوبو انتو
جوري: كاعدين ناكل ونسولف عبر شاهين
وفاء: شفتي
جوري: اي غلسي
وفاء: والله حلو وطاك ويحبج وافقي
جوري: شبيج بنتي الظاهر البرد ماثر عليج عدي وين راح
وفاء: سؤال واريد جواب صريح اذا جذبتي اموتج
جوري: شنو
وفاء: لو شاهين خطبج توافقين
جوري: لا
وفاء: اذا جان عدي مو بحياتج
جوري: اممم احتمال اوافق
وفاء: هههه اعرفج كلبه مال
جوري: طالعةعليج غير
ريم: شكو شبيكم
جوري: ما تعرفين سوالف وفاء شعدها خلك من الصبح
ريم:هههه اني الا عرفها
وفاء: بقينا ساكتين بعدين ريم حجت
ريم: اخبار وطن وعدي
جوري: على حطة ايدج
ريم: لعد كومو نمتحن لا يروح الوقت
بعد الامتحان رحت يم فهد وتغدينا بل مطعم ورجعنا للشقة مالتنا فتت للغرفة ابدل وفهد بل صالة دك تليفونه معرف منو خلصت تبديل وفهد بعده يخابر طلعت للمطبخ اشرب مي سد الموبايل باوعت علي وحجيت بشك مع منو جنت تحجي
فهد: مع امي
ريم: مادام امك ليش ما تخابر كدامي
فهد:ههههه تغارين ريومة
ريم: ليش اغار بس من حقي اعرف
فهد: شبيج والله امي هاج شوفي المكالمات
ريم: اممم صدكت يلا على كل حال اني فايتة انام شوية وكعدني
فهد: حضري نفسج العصر راجعين لاهلي امي خابرتني تكول مشتاقتلكم وعشاكم اليوم يمنا
ريم: حياتي خالة فدوة لكلبها اني هم حيل مشتقتلها لعد ماراح انام خلي احضر غراضنا وانظف الشقة وانت تساعدني
فهد: برسم الخدمة بس شنو المقابل
ريم: افكر حسب مساعدتك اذا تعبت هواية اعوضك
فهد: ههههه شلون وحدة كولي نظف انت وانطيك مكافاة
ريم: هههه لا نتساعد واليتعب اكثر يطلب شي من الثاني والثاني ينفذ فورا

فهد: اليوم انظف حتى شقق الجيران
ريم: هههههه بدينا نحظر ملابسنا وحطيناهم بل جنط وبعدين نظفنا الغرفة وفهد طلع يغسل بل صالة وغسل الزوالي وجاب منظفات وجلف الصاله طلعها تلمع لمع اني التهيت اغسل بل مطبخ وانظفة وفهد خلص الصالة وطلع للاستقبال ينظفها خلصت المطبخ ورحت اساعدة بس متت برد وفهد ولا مهتم لابس نص ردن ويغني اباوع علي ينظف من كل كلبه ولامرة طلبت منه شي وكال مت اشتغل صح هو ابن شيوخ بس يشتغل ويساعدني وعمتي تكول جان يساعدني قبل وهل صفة احبها حيل بفهد ماعنده اني رجال وانتي مرة دائما يكلي احنا واحد يكمل الثاني صافنة وما احس الا مي على وجهي وفهد يضحك
ريم: احححح لا فهد خرب هسة اتمرض
فهد: صار ساعة صافنة احجي معاج ما تردين وصافنة بوجهي هيج طالع حلو وما ادري
ريم: اي تخبل صافنة على جمالك الفتان
فهد: ههههه كولي والله
ريم: شوف هذا مصدك نفسه بابا انت منو يباوع لجهرتك احمد ربك قبلت بيك
فهد: ديلا علساس انتي شلونج اشو نصج جوة الكاع
ريم:كصيرة ولعبت بحالك شحال لو بيه طول
فهد: اي والله عمي صادكة
ريم: رجعنا نشتغل بقت بس الصحيات وفهد خطية ملابسه كلها مي واني هم مثلة ماقبل انظف وحدي كملنا البيت صار على اربعة وعشرين حبة والريحة تجنن باوعت على فهد وكتلة يلا تعال بدل لاتمرض
فهد: بس اكمل البرة واجي
ريم: رحت جبت منشفة نشفت شعري وبدلت ملابس واجا فهد نشفت شعرة وفات يبدل رحت سويت كهوة لنا حتى ندفة شوية اذن عصر صلينا و بدلنا فهد طلع الجنط والغراض للسيارة اني صعدت بل سيارة فهد رجع قفل الشقة وطلعنا وفهد موتني كل شوية وكال اني تعبت وحرام عليج وين المكافاة واني مغلسة عنه لان اعرف شنو يقصد
فهد: ولج مو احجي معاج ردي
ريم: افتهمنا راح تاخذ مكافتك بس خلي نصل اول
فهد: اموت على يفهمني وهسة راح اشغل اغنيتك حب
ريم: شغل اغنيتي والطريق كله يعيد بيها اني تعبت وغفيت ماحسيت الا على صوت فهد
فهد: اكعدي حبيبي وصلنا
ريم: نزلت لكيت عمتي وعمي واخوانه منتظرينا بل باب سلمنا عليهم وطبينا جوه اني افتر بل بيت عبالك صار سنة ما شايفتة فهد وابو كعدوا يحجون وعمي يسال على امتحاتنا اني ترخصت ورحت ورا عمتي طبيت للمطبخ وتلكتني ريحة الاكل
ام فهد: توا نور البيت يمة
ريم: منور باهله لو تدرين شكد مشتاكه لسوالفج خاله
ام فهد: فدوة رحتلج هسة البيت صار بي روح
ريم: خالة اني اصعد ابدل واجي اساعدج
ام فهد : كملت كلشي تسلمين خالة روحي ارتاحي واني من اكمل ادز عليج حسن
ريم: صار خالة صعدت فوك اباوع البيت يلمع خطية خاله منظفته مع العلم هذا الطابق مالتي طبيت لغرفتي هم نظيفة ومعطرة ابستمت معرف شلون اجايزج خالة بدلت واتنظرج فهد يصعد ويجب الجنط ما اجه تمددت شوية واذن رحت صليت نزلت جوا مدو السفرة وكعدنا ناكل وعمي يسولف واحنا نسمع اني نسحبت اول وحدة ما شتهيت من ورا الطريق احس نفسي تعبانة و ما اشتهي هل فترة غلست عن الموضوع كملت الجاي انطيتة لفهد وراها غسلت مواعين وخلصت وكعدت مع العيلة شوية وعمي ترخص وعمتي راحت ورا وعبدالله برة هو وفهد حسن نايم بقيت وحدي اباوع الساعة 11ونص طب فهد
فهد: ها الحب كاعد وحده ليش
ريم: طبعا يكعد وحده لان محد معبرة
فهد: افاااا انا اعبرج
ريم: ههه مبين..وين جنت
فهد: رحت سلمت على عمي ابو وطن ولكيت الشباب هناك وبقينا نتعلل وعفتهم على نص واجيتج يلا انطيني ايدج خلي نصعد لغرفتنا
ريم: صعدنا فوك وفهد يتحايل عليا بحجةاليوم تعبت واريد مكافاتي واليكذب حرام ظل الا اخذ اليريدة يلا ارتاح اني من التعب عفتة ونمت كعدت ثاني يوم فهد ماكو نزلت جوه تريكت وكعدت مع عمتي احجليها على دوامي صارت الساعة عشرة طبيت للمطبخ اسوي غدة كملتة اجو الولد تغدينا كملت شغلي وصعدت فوك اراسل وفاء كالت هناء عدنا بقيت ساعة احجي معاها وفهد جوا نزلت البيت هدوء سويت كيكه لان جنت مقررة اروح اشوف فاطمة كملت وخليتها بل ثلاجة كعدت عمتي
ام فهد: يمة ريم اني رايحة اشوف امي تجين وياية
ريم: لا خالة غير مرة وامانة سلملي عليها وعلى جدو ابو عدي
ام فهد: يوصل يمة ديري بالج على البيت احتمال اتعشى هناك وعمج يمر ياخذني
ريم: الله وياج راحت عمتي وبقيت وحدي فهد معرف وينه كعدت بل صالة اتابع فلم اذن مغرب صليت وفهد ماكو رحت سويت العشة وكملتة بس حسن يمي ويسولفلي واني اشتغل دكيت على عمي كال اتعشى عد اهل ام فهد تعشينا وحدنا اني وحسن دكت عليا فاطمة كالت راح اجيج هسة دزيت حسن للاسواق يجيب حبشكلات وهاي السوالف اجت فاطمة وصلها وطن وراح
فاطمة : شلونج ريومة شخبارج
ريم: بخير حياتي اشو محلوة ولج شل قصة

فاطمة: هههه من الدلال غير لو تدرين شكد مشتاكة لشوفتج
ريم: واني اكثر بس شسوي دوامي مقيدني الا انتي دوم ابالي والله
فاطمة : هسة عوفج مني اخبار وفاء شيهانة
ريم: زينات بس وفاء مريضة جانت البارحة
فاطمة: ياااا ليش شبيها
ريم: ماخذة برد واليوم شوية احسن قبل شوية جنت اراسلها
فاطمة: يعمري سلامتها همزين كتليلي حتى اخابرها واطمن عليها
ريم: اي شصار وراما رحت منو خطب منو تزوج
فاطمة: على حطة ايدج بس مرت علي حامل
ريم : تستاهل خوش بنت
فاطمة: انتي هم شدي حيلج اريد اصير عمة
ريم: ولج وين الحك دوام وحمل اسكتي احسن هسه يسمعج فهد ويجلب
فاطمة: عابت اي والله
ريم: منج نزلت جبت الكيك و الحبشكلات وكعدنا نسولف ونحش بل عالم صارت الساعة ١٢ واجا فهد
فاطمة : الله جابك حتى توصلني
فهد: يلا امشي
ريم: سلمت على فاطمة وراحت بقيت اعزل شوية ورجع فهد يحجي معايا ولفيت راسي ونمت
بعد ايام خابرتني وفاء وكالت باجر عمي فارس عازمكم حظري نفسج غسلت ملابس فهد وحظرتهم







''''''''''''''''

وفاء: عطلنا وكاعدة يم جدتي وعمي فارس وهما يتناقشون على عزيمة باجر واني ملتهية بل موبايل اراسل ريم طبت شهد مرت عمي فارس
شهد: عمة كملت كلشي والتحضيرات كلها جاهزة بقت بس الدولمة هسة راح اسويها فارس وصيت على سمك واللحم لو نسيت
فارس: شلون انسى طبعا وصيت والصبح هنا يمي اهم شي غراض الشوي خما نسيتهم
شهد: لا كرار حضرهم وحطهم بل كراج
الجدة: ماريد تقصير يمة فارس
فارس: مو عيب حجية لاتوصين حريص
الجدة: كفووو ادري بيك ما تقصر اكول يمة وفاء
وفاء: كولي جدة امري
الجدة: مايامر عليج ظالم لو تسوين الدولمة بمكان مرت عمج من ايدج تطلع اطيب
شهد: ها عمة بعدني واكفة ترى
وفاء: هههه بعيوني بعدين شهودة انتي وين اكو اطيب من طبخج بس لان اهل فهد حبوها ذاك اليوم جدة كالت سوي
الجدة: شوفو العقل الله ينطيج ابن حلال يريح كلبج
وفاء: تسلمين ويطول بعمرج يلا اني اترخص يلا شهودة
الكل : الله وياج
وفاء: رحت للمطبخ اني وشهد بدينا نثرم اللحم ونحظر خلطة الدولمة وخليت البهارات مالتها وخلطتي السرية هه بدينا نلف بيها خلصنا وبدينا نحظر المقلوبة وغراضها شكد تحتاج شغل
خلصنا شغل وكملنا العشة وغسلنا المواعين رحنا كعدنا يم جدتي سوالفها تنحب تقصف وما تستحي من احد حتى اني قصفتني كالت لعمي فارس
احنا جنا نكول ريم فقيرة ومن اهل الله طلعت مو هينه طيحت ابن الشيخ بحبها طلعت وفاء الفاهية صار سنتين بل جامعة وما سمعنا احد نعجب بيهاواني جنت اكول عليها ام لسان ومثل بيداء قوية
وفاء: هاي عليا زعلت وباجر ارجع لهلي
الجدة: اي عليج جا اني مجذبة شتكول فارس
فارس: لااا يمة مااقبل على وفاء هاي صديقتي مو بس بنت اخويا لاتزعلين عمي امي ما تقصد
الجدة: انطم ولك اقصد واشوف منو يكسر كلمتي ويرجع باجر تنجبين وتكعدين
فارس: ههههه قفلت الحجية بعد
وفاء: ههه شيخلصنا بقينا نضحك على سوالفها كل شوية تستلم واحد نعست كلش ترخصت منهم وصعدت انام

...............

وطن عزمنا فارس وفاطمة طايرة من الفرح تكول واخيرا راح اشوف وفاء بس لو اعرف وفاء شمسوية اشو الكل يحبها امي وخواتي حتى نسوان اخواني جتي عليا فاطمة ومبين عدها مصلحة
فاطمة : شوف وطن بعد كم يوم عيد ميلاد وفاء واني ااا ااا ك..كتلها
وطن: ايي شنو كتليها
فاطمة: شسمة هوا تذكر الكلادة الجبتها ليه
وطن: اي شبيها
فاطمة : وفاء حبتها واني كتلها اخلي وطن يشتريلج مثلها
وطن: اي كملي
فاطمة: وهيه ما قبلت كالت شنو المناسبة فا اني كتلها مناسبة عيد ميلادج
وطن: انتي شلون تتصرفين من كيفج بدون ماتساليني شنو هدية ما توقعتها منج فاطمة
فاطمة: والله اسفة بس تحمست زيادة وهيج حجيت انت تعرف شكد احب وفاء بس ردت افرحها خلص باجر اشوفها واعتذر منها
وطن:لا مادام وعدتيها لازم توفين بوعدج انتي بنت شيخ عيب ترجعين بكلامج
فاطمة: يعني راح تشتريلها
وطن: اي
فاطمة:ياااا وحضنت وطن احبك يااحلى اخ بل دنيا
وطن : بس اكو مشكلة صغيرة
فاطمة: شنو
وطن: منو ينطيها الهدية
فاطمة: معرف والله خلي هسه اروح احظر ملابس وبليل نتفاهم
وطن: اخذت المحفظة وسويج السيارة ونزلت للمدينة المغرب وصلت يم الصايغ اشتريت الكلادة لوفاء وخليها بعلبة وغلفتها حاسبت ابو المحل وطلعت افتريت شوية الجو يجنن رحت للكوفي شربت نركيلة وبعدين طلعت للديرة بوجهي الطريق كله مشغل اغنيتي المفضلة ( عشرين عام) لسعدون جابر وصلت البيت الساعة 10 ونص صعدت لغرفتي حتى ابدل واسبح طبت فاطمة
فاطمة: هابشر اشتريت

وطن: ما احجي الا تسويلي عشة
فاطمة :ثواني ويكون الاكل يمك
وطن: نزلت وطبيت اسبح طلعت لكيت صينة الاكل تنتظرني وفاطمة واكفة تنتظر
وطن: عاشت ايدج تعالي اكلي معايا
فاطمة: بل عافية متعشية خلصني اشتريت لولا ترى الفضول موتني
وطن:ههه اي اشتريت
فاطمة: اريد اشوف وينها
وطن: اشرت عليها غلفتها بعدين شوفيها عد وفاء
فاطمة: حلو لعد انطيني الهدية حتى باجر انطيها لوفاء
وطن: خليها هسه
فاطمة : براحتك تصبح على خير
وطن: وانتي من اهلة نزلت فاطمة واني تعشيت خلصت ونزلت الصينية ورجعت اكلب بل جهاز مدري شلون الفضول اخذني ورحت لحساب وفاء شفتها ما ناشرة شي طلعت خابرت عدي مايرد لان من ثاني يوم العطلة سافر للخارج يكمل شغلة وصاني قبل لايسافر اجيب النتيجة مالته بعدين طفيت الموبايل ونمت كعدت الصبح اهلي متحضرين ومبدلين تريكت على سريع وصعدت بدلت ونزلت رحنا اني وابوي وامي وفاطمة والسيارة الثانية فهد وبيت عمي طلعنا سيارتين وصلنا للمزرعة مالت فارس وتفاجت من شفتها







...........
وفاء: كعدنا الصبح تريكنا على سريع وكرار جاب الغراض الوصا عليهم عمو فارس وملتهي يحط الغراض بل سيارة اني صعدت فوك ابدل لبست فستان بنفسجي مخصر على جسم و رتبت وجهي وبرزت عيوني طلعت فد شي لبست شال ابيض ورشيت عطر اخذت جنطي وموبايل ولبست عباية ونزلت شافني كرار وصوفر
كرار: شنو هذا عمي شطالعة لينر مالتج سيف
وفاء: هههه من ذوقك وترى اسمه ايلاينر
فارس ها مشينا
الجدة: يمه شوف اخوك وين صار
فارس: خابرته وكال منتظركم يم التقاطع
وفاء: صعدنا بل سيارة جدتي من كدام واني وشهد وولد عمي كرم وكرار ورا وصلنا التقاطع لكينا بابا منتظرنا هناك انطلقنا سوا الطريق كله بابا وعمو فارس يتسابقون وكرار مشغل اغاني ويردح وجدتي تصيح لاتدعم اخوك وتموتنا واحنا نضحك على سوالفها وصلنا المزرعة مالت عمو فارس طبعا هو مخلي حراس بس اليوم انطاهم اجازة لان احنا اجينا نزلنا وعمي فارس صاح الشباب نزلو الغراض اجت شيهانة يمي وحجت
شيهانة:شنو هذاعالكتها اليوم لخاطر وطن
وفاء: لابالله لنفسي بس الله عليج شلون طالعة
شيهانة : تخبلين
وفاء: صاحتنا جدتي ترتب كعدة مدينا الحصيرة وفرشنا الفراشات وامي ومرت عمي يحضرن الضيافة وانس وكرار يحظرون الكهوة وشيهانة رتبت الفواكه كملنا كلشي على اتم وجهة
وانس وكرار(ابن عمي الزغير) حظروا الفحم والحطب حتى يبدون يشوون وعمي فارس فوك راسهم سوا هيج و اعملوا هيج
ابو وفاء: تعال فارس اكعد هسة الشباب يكملون
فارس: لازم احد فوك روسهم ماريد تقصير
انس: روحي عمي ارتاح لاتشيل هم قابل اول مرة نشوي دوم اني اشوي
شهد: وفاء تعالي نحط الكدورة على نار دوب نلحك وانت عمه انس تبل السمجات وحظرهن من هسة
كرار: صار يمه احنا نعرف شغلنا
وفاء: سمعنا صوت سيارات طلع بابا وعمو فارس وامي وجدتي يستقبلوهم غسلت ايدي ورحت حتى اسلم عليهم نزل الشيخ من السيارة الاولى والسيارة الثانية اهل فهد سلمنا عليهم ادور وطن ماشفته نزلت فطومة حظنتها وافتر ولج عوبة مشتاكلج
فاطمة: يعمري وانا اكثر شنو هل جمال تعالي انطيني بوسه
وفاء: ههه جنج على هاي ابشري وبوستها
الجدة: شمالجن فضحتنا تكول جن سنه ما شايفات بعض
وفاء: تغارين لان محد يحبج
ام وطن: ههههه فدوة رحتلج شكد احب سوالفج
وفاء: بعيد الشر عنج خاله بعدين شنو هل كمر الله يساعد كلب الشيخ
ام وطن: هههه شعندج سوالف
وفاء: ملتهلي احجي مع البنات وناسيه انو اكو عيون تراقب رفعت راسي على صوت وطن وهو يسلم على كل خجلت عززا هسه اكيد سمعني سحبت فاطمة وريم وطبينا جوا
فارس: تفضلوا ليش واكفين بل باب ياهلا وسهلا زارتنا البركة
الشيخ: الله يزيد فضلك خوية
ابو وفاء ؛ انس جيب مي بسرعة
انس: صار يابه
وفاء : انطيت مي لانس وراح قدم وكرار كمل الكهوة وراح ضيفهم وامي وجدتي كعدوا مع النسوان سوينا كعدتين وحدة للزلم وحدة للنسوان اجتي ريم يمنا
ريم: الله شنو هل ريحة اساعدكم بشي
شهد: لا تسلمين كملنا اذا تحبين كعدي يم البنات اني اروح اشوف اخاف محتاجين شي وانتي وفاء حضري الغراض هسة بس راح يبدون يشوون
وفاء: صار شهودة بدينا نحظر وكرار وانس يحظرون المنقل وضحك وشقه
..........

وطن: كاعد مع الزلم هما يحجون واني عيني الجهة الثانية يشتغلون ويضحكون ترخصت منهم ورحت وكفت يم الشباب وحجيت اساعدك بشي
وفاء: رفعت راسي على صوت وطن اجتي عيني بعينه غلست ورجعت اشتغل
انس: اي والله اذا ما تصير زحمة عليك انتي كمل هنا واني اروح اشوي السمجات
وطن؛ افااا تبشرر شكلت رداناتي وكفت يم المنقل منتظر الجمر يكمل ووفاء جانت تساعد خالة وكرار وانس و الدخان ملا المكان واني انترست ريحة عطاب
يلا النار جاهزة وين الشياش
وحجيت خالة استعجلي
وفاء: عمو كرار احترم نفسك
كرار: هاي شبيج وفاء تخبلتي
وطن: اضحك عليهم مايفهمون شتقصد

.....
وفاء...
خلصنا اكل وفاطمة تخبلت على دولمة
الكل مخبوص ناس تنقل المواعين وناس تلم السفرة انسحبت ورحت كعدت بل سيارة مالت بابا حطيت سماعات واسمع اغنيتي المفضلة سمعت صوت الجام يندك فتحت باب السيارة طلع وطن
وطن: احم اكدر احجي معاج دقيقتين
وفاء: اي تفضل
وطن: شوفي وفاء من الاخير هاي هدية عيد ميلادج وكل عام وانتي بخير
وفاء: نصدمت شنو يعايدني شنو هدية حجيت بس عيد ميلادي بعد اسبوعين
وطن؛اعرف وهاج الزميها
وفاء:اسفة مكدر اخذها
وطن: لاتفهميني غلط هاي الي وعدتج بيها فاطمة
وفاء: اسفة مكدر اقبلها
وطن: زين اذا بيد فاطمة تقبلين
وفاء: نفس الشي لان هيا بل اصل منك
وطن: اني جبتها الج ومايصير ترفضيها لان الرسول قبل الهدية
وفاء: اخذتها شكرا اردها الك بل افراح
وطن؛تلبسيها بل عافية يلا اني رايح ضميها لحد يشوفها ويفهم غلط
يتبع.......

حُب في طرقات الجامعة - part27 -



مسحت البارتات لان صار اكو خطأ🤍.
لاتنسون النجمه وتعليقاتكم ترفع الروايه🤍🤍.
_______
بارت 27
ويمنعني الحياء والكبرياء
برغم اني اكاد اموت من حبي اليه
وفاء...
راح وطن وضميت الهدية لكلبي مداصدك صار عندي ذكرى من وطن وينج جوري تجين تشوفين ابن الشيخ شسوا بحالي وشلون طالع اليوم جان لابس دشداشة لون حليبي وغترة بيضة وجاكيت اسود فوكهم طالع يخبل كل ما يمر من كدامي يعيوني تراقبه وفاضحتني يمكن الكل انتبه اكو شي بداخلي تجاه وطن لمحت محفظةبابا بل سيارة يبووو اكيد نسا ياخذ علاجه طلعت العلاج ونزلت من السيارة ورحت لبابا حتى انطي وصلت يمه ملتهي يسولف عليت صوتي وحجيت بابا هذا علاجك مالت الضغط ناسي بل سياره هاك اشرب هسه تتخربط ويصعد ضغطك
ابووفاء: اي والله همزين ذكرتيني اني اكول شبي راسي مصدع ويكلولون ليش تحب اكثر منا
ابو وطن: ها ابو ايمن تفرق بينها وبيت خواتها
ابووفاء: ربي يشهد ما مفرق بينهم بس الكلب وما يهواه وهيه اكثر وحدة ارتاح بشغلها سريعة وما تضوج وتكملها على اتم وجه ومرات اتعصب واصيح هيا تبقى تبتسم بوجهي واني من اشوفها هيج كبل ارجع اضحك
ابو وطن: شفتي عمي شكد يحبج ديري بالج علي
وفاء: بعيوني
ابو وفاء: ماازوجها ابقيها يمي مكدر على فراكها
كرار: عمي اني اتزوجها واسكن يمك بس اتزوج عليها لان اكبر مني بهوايه
وفاء: بابا تسمع كرار شيحجي
فارس: معليج بي عمي اني مااقبل ما انطيج الا واحد يستاهلج
كرار: ها يابة انت هم صفيت ضدي
ابو وفاء: يغني هذا معليج منا يحلم يشوف اظفر منج
وفاء: رفعت حاجبي لكرار وشافني وطن
ابو فهد: عمو وفاء انتي مسويه الدولمة
وفاء: اي اني ليش شبيها
ابو فهد:تجنن عاشت ايدج اني اول ما ضكتها كلت وفاء مسويتها
وفاء: الف عافية عمو يلا اني اترخص
وطن: ما توقعت وفاء هيه المسويتها حيل طيبة هم بيها بلى نص شبر وتعرف تطبخ ههههه

كرار :شباب شرايكم نلعب لعبة (انت كدها)
فهد: شنو هاي اللعبه
كرار: نكتب تحديات على قصاصات ونخليها بعلبه وتختار وانت وحظك
فهد ووطن : حلوة شرايك عبدالله
عبدالله : نلعب ليش لا
انس: نلعب وحدنا لو شلون
كرار: اذا الشباب ما عدهم مانع نلعب فريق بنات وفريق شباب
وطن: عادي احنا اهل روح صيح البنات واني اروح اعمر النركيلة
فهد: خرب يومك حتى هنا جايبها وياك
وطن: هوا اليوم انسب يوم الها
وفاء: اجا علينا انس كال راح نلعب جماعي حظرو كعدة مرتبة بعيد عن الاهل ولاتنسون الحبشكلات فرشنا وحدنا وحطينا الحبشكلات بل نص وصاروا الشباب مقابيلنا كملنا وكرار بعده يدور على دفتر وقلم هههه هاي بعدك ادور
كرار: اي والله دخت
وفاء: روح على سيارة بابا تلكه بل جكمجة مالتها دفتر صغير وقلم بابا مخليهم احتياط هناك
كرار :افدي عمي دوم ينقذني
وفاء: هههههه ابتلى صار عمك
فاطمة:هذا ابن عمج تحفه دك ميانة معاج
وفاء: غير ربيت بنصهم وكضيت كل حياتي ابيت جدي وهذا كرار التشوفي جنت العبه من جان صغير وهسه شوفه عينج شلون يقلد علية ويقصف عود صاير شاب واطول مني
فاطمة: ليش انتي اكبر منه ولامبين بيج
وفاء: اي هو بعمر انس وعمرج تقريبا فرق كم شهر
فاطمة: هنيالج ابن عمج ينحب مو مثل ولد عمي كل ما شافوني كالو طبي جوة او سوينا جاي
وفاء: هههههه الله يساعدج كلهم عكضة بس فهد حباب
وطن: جبت النركيله وكعدت مقابيل فاطمة ووفاء مدري شتحجي مع فاطمة ويضحكن واني عيني عليها شلون طالعة اللون ياكل ويشرب عليها وانوب راسمة العين طالعه ضيم بنت اللذين اني اجر نفس من النركيلة وانفخ عليهم وهما ولا عبالك
كرار: والله حطيت تحديات ما انزل الله بها من سلطان
وفاء: الله يستر منك بس
كرار: ادعي من الله ما يطلعلج السوال الي ابالي
وفاء: فال الله ولا فالك
كرار: منو يبدي اول يا فريق
انس: فريق البنات وابدي بريم لان اكبر وحدة
كرار: خطبت الورق يلا ريم اسحبي
ريم: تمام سحبت قصاصة فتحتها مكتوب بيها (اذا كدها اكتب على وجه واحد)
كرار:ها شطلعلج
ريم: هاي
كرار: حرامات عبالي تطلع لوفاء يلا مو مشكلة اكتبي على كصه فهد احبك بل قلم
فهد: لا والله
كرار :منو معايا ومنو مع فهد
الكل: ويا كرار
ريم: امري لله اخذت القلم وكتبت على كصته والكل يضحك علينا
كرار : دوركم شباب وعبدالله انت اكبر واحد بينا اسحب
عبدالله: سحبت وطلع تلعب شناو بطن عشر مرات
كرار: يلا عبود ابدي كمل تحديه واحنا نضحك
كرار: دورج وفاء اسحبي
وفاء: سحبت وطلعلي (اغنيه تحبها وليش)درت الورقة عليهم باوعت على وطن وحجيت (شمسويلك لقيس هشام) احسها تمثلني

وطن: من باوعت عليه حسيتها تقصدني غلست صار دور فهد وغنا لريم وكل شويه الدور على واحد صار دوري سحبت الورقة مكتوب بيها(كم مرة حبيت بحياتك /ج)درت الورقه عليهم باوعت لوفاء وحجيت ما حبيت ولامرة ولا راح احب
صار دور فاطمة تقلد احد وطبعا قلدتني ودور كرار جان يقلد الديك متنا علي ضحك ترخصت منهم وعفتهم يلعبون لان كل ما تجي عيني بعين بوفاء احسها تكلي انت المقصود رحت لسيارتي لزمت موبايلي لان عندي نت بحثت عن الاغنية وسمعت اول مقطع منها (شمسويلك كل يوم مسهرني بليلي وانت بسابع نومة بليلك بيش ادعيلك ياربي يخليك تحبني وتسهر مثلي وينهد حيلك تتفنن ليش بتعذيبي وليش براسي تزيد شيبي ياابن الناس ارحمي دخيلك دخيلك)سمعتها وحسيتها عليا وعلى وفاء معقولة احساسي بمحله وتطلع وفاء تحبني لاشهل خرط طردت الافكار من راسي رجعت كعدت يمهم واركز بتصرفات وفاء تصرفتها شكل و نظراتها شكل مر الوقت ورجعنا للديرة وسالفة الاغنية ما تروح من بالي
ريم: رجعت مع بيت اهلي واحس بتعب الطريق كله استفرغ وامي شاكة بيه حامل وصلنا البيت وفاء مطنكرة معرف شبيها دزيت انس راح جاب اختبار حمل خابرت هناء وعلمتني شلون استعمله سويت مثل ما علمتني وكعدت انتظر النتيجة وخايفة ومتوترة صار خط واحد بعدين صار خطين من شفته بقيت ابجي واشكر الله وما مصدكة طلعت بشرت ماما والبنات وامي تهلهل وفرحو بيه خابرت هناء بشرتها هم باركتلي ترددت اخابر فهد بعدين كلت اريد اشوف رده فعلة اذا عرف بقيت يومين عد اهلي بعدين اجه فهد عليا ورجعت لبيتي نزلني وراح عنده شغل بلغت عمتي وفرحت وضل تصلي على النبي وتوصي بيا ومنوع شغل ومعرف شنو كتلها اريد اني ابلغ فهد رجع بليل انتظرتة يبدل ويكمل حتى احجيلة
فهد: ريم استكان جاي من ايدج الحلوة
ريم عوف الجاي عندي خبر حلو
فهد: بلهفة احجي حبيبي اسمعج
ريم: اني حامل اباوع لفهد مصدوم بعدين نزلن دموعه
فهد: ما مصدك انتي حامل الحمد لله والشكر يارب تزوجت الاحبها وهسه هيا حامل بابني ريومة كلبي حاملة ابنها بداخلها
ريم: يعني فرحان
فهد: الله شاهد ما منطي فرحتي لاحد تعالي خلي ابوسج اطلبي واتمني ياروح فهد
ريم: شايلني ويفتر بيا ويبوس بطني اريد سلامتك والله يطول عمرك ونربي ابنا سوا
فهد: باجر نحلل دم ونتاكد ونعرف كم شهر حامل
ريم: نمت بحضن فهد وكعدت الصبح البيت كله يبارك وفاطمة خابرتني تباركلي العصر رحنا اني وفهد وعمتي للدكتور سويت فحص دم وكعدت انتظر النتيجة شوية وصاحو اسمي طلعت النتيجة ايجابية وطبيت للدكتورة سوتلي سونار كالت عليج شهرين ديري بالج على نفسج وكتبتلي مقويات طلعت ابشر فهد
فهد ها بشري شكد صارلج حامل
ريم: شهرين
فهد: ههههه شهرين وما حاسة على نفسج
ريم: غير ملتهية بل امتحانات
فهد: يلا مشينا
ريم: رجعت والطريق كله فهد يوصي لا تشيلين شي ولاتعبين نفسج كلشي يجي لعندج
ام فهد: سمعتي الكلام بنتي
ريم : شلون اعوفج وحدج
فهد: بلا لواكه امي طول عمرها دايرة البيت وحدها








جوري: طبعا من رجعت من اخر امتحان نسوان اخواني ماصدكن على الله وراحن لهلن واني استلمت البيت رتبته ونظفتة مر كم يوم ورجعن الجناين وامي قررت تروح لخوالي رحنا لبيت جدي طبينا ولكينا البيت مليان وبيت خالي هم هناك وكل خالاتي متجمعات وبنات خوالي اموت منهن رب النفاق بل وجه مراية وبل كفه سلاية وحدة منهن حجت ها جوري اخبار الحب ما حبيتي ما نخطبتي بل جامعة
جوري :تعصبت منها ورديت اعتقد الجامعة مكان للدراسة مو للحب وحجت خالتي الجبيرة
وشدعوة ضجتي مجرد سوال بعدين شوكت تتزوجين ونفرح بيج
جوري :اللي تريد تزوجني خلي تزوج بنتها اول شي كلهم سكتوا اول مرة بحياتي ارد عليهم تذكرت وفاء من تكول رزليهم بردي كلبي هسه حسيت بشعورها كل مرة وفاء ادافعلي واني معرف ارد عليهم لان استحي وهيا تنزل بيهم بكرة حيل ضجت منهم ورجعت بليل مع ابويا وامي وخواتي بقن هناك دكيت على وفاء حتى اشوف شصار معاها ردت علي بصوت مخنوك
وفاء ها جوري
جوري: خير شبيج وفاء شبي صوتج تعبان
وفاء: هذا الحقير وطن ضوجني
جوري: خير شبي غربة
وفاء: اول شي انطاني هديه لعيد ميلادي عود من نلتقلي تشوفيها اي ويضحك وعادي بعدين كعدنا نلعب وسالو تحب باوع عليا وكال ما حبيت ولا راح احب
جوري:خلي يولي مايستاهل تضوجين علموده انتى اقوى من هيج
وفاء: ضوجني مو بيدي اي انتي شصار معاج هل يومين
جوري: ملل بس ابشرج رزلت بنات خالتي وخالتي هم
وفاء:كفوو هسه صار ينشد بيج الضهر
جوري:هههه وطن يضوجج واني اغير مودج بقينا نسولف واحجيلها على الصار معايا بهل يومين وهيا تحجيلي مرة تضحك مرة تعصب اخر شي سالتها على عدي