قصص واقعية ، 🌸 '

#هل_كنت_فصلية

البارت_23
.
.
سالي: مرت الايام مابيها اي احداث مهمة عدا انو علي ومهيب راحو جابو السيارات من بغداد وانطو مهيب سيارتو وكا احجيلكم عن فرحتو هو واهلو والفرحة مو بس بقيمة السيارة لا فرحو لان الهدية تعبر عن حب الحجي لمهيب وهالشي خلاهم كلش يحبون الحجي ويحترموه ومن اول يوم استلم بيه السيارة اجو هو وزينا علمود يشكرون الحجي ثنينهم والحجي جان كلش فرحان لفرحهم وبعدها زينا رجعت لدوامها واني ولينا استمرينا بدوامنا وعيلة عمهم من اخر مرة شفناهم بيها بعد ما اجو ولا نعرف اخبارهم والحجي يكول اذا زعلانين لا يقصرون فوك حكو دكو المعلمات الي بالمعد كلش عجبتهن شطارتي وذكائي وبالاخص معلمة الانكليزي مستحيل تنطينا درس بدون ما اشارك اني من قرب عيد الاضحى انطونا خبر بالمعهد انو عطلة من قبل العيد بيوم لبعد العيد ب 3 ايام يعني اسبوع كامل راح يكون العيد ومدرسة لينا نفس الشي لان العيد الاثنين وما تسوى يداومون بس الاحد يوم الخميس العصر رحنا اني ولينا والحجية للسوك جانت الاجواء ما تقل عن اجواء عيد الفطر خبصة وناس هواي كوة تكدر تمشي بين الناس من العدد الضخم الي موجود اخذنا ملابس ومكياج واني اختاريت فستان اسود وشال اسود وحذاء ابيض ولينا عجبها ذوقي واخذت مثلي بالضبط والحجية اخذتلها قطعة قماش ومن رجعنا دزتها للخياطة ويا علي ووياها ثوب قياس علمود تسويها مثل قياس الثوب ويوم السبت العصر اجى الحجي جايب وياه اضحية والي هو خاروف عنو هو واهل بييتو وحطو بالحديقة واني ولينا كيفنا عليه رايحات وراجعات وننطيه خبز وماي ولولا الحجية نبهتنا جان بقينا نوكلو لحد ما انبشم ومات ويوم الاحد صمنا ولان يوم واحد صمناه بدون سحور وجان فضل صيام يوم عرفة كفارة للذنوب الي قبلو بعام والي بعدو بعام بس اكيد تكون الذنوب الصغيرة مو الكبائر ومن حجتلي لينا هيج استغربت من كلمة الكبائر ورحت للحجية سألتها عالكبائر كالت يعني الذنوب الي ما تنغفر بسهولة وعقابها عظيم مثل النفاق والسحر والسرقة والزنا والكفر والشرك والالحاد وشرحتلي عن كل كلمة منهن شنو معناها وسألتها عن اعظمهن كالت النفاق لان مذكور بالقران ان المنافقين بالدرك الاسفل من النار يعني انزل درجة بجهنم ومن خلصت شرح تشكرتها ورجعت على لينا من فطرنا كملنا شغلنا وما سوينا كليجة هالمرة لان مشغولات وما لحكنا ثاني يوم جانت الاحداث مشابهة لعيد الفطر بس بعد ما اجى الحجي من الصلاة هو وعلي جابو قصاب ذبح الاضحية وسلخها وقطعها واتصل الحجية على مهيب وعزمو هو وزينا عالغدا واجو تغدو وبقو يمنا للعصر هي ومهيب وراحو وثاني يوم اجو خالهم وخالتهم وتجمعو مثل عيد الفطر ومتعودين كل عيد يتجمعون عند الحجي والحجية نبهت علينا كلنا ما نحجي اي كلمة ويا سعاد ولا نحسسها انو نعرف يكفي المشكلة الي صارت ويا عمامهم مو حلوة يتعاركون ويا خوالهم هم بس من اجو اجت زينا هم علمودهم بس جانت تريد تاكل سعاد بنظراتها الحادة والعصبية حتى سعاد حست انو زينا معصبة عليها بس ما حجت شي وثاني يوم رجعو لبيوتهم واحنا رجعنا لحياتنا العادية ومن الاحد رجعت لدوامي وعايدات المعلمات وصديقاتي وطبعا صار عندي صديقات هواي لان شاطرة ومن يصعب عليهن شي يسألني ولان ما الي اذية على احد كل البنات حبني وصارن صديقاتي وهالشي كان لصالحي لان صرت اقضي اوقات الفرغ وياهن واذا احتاج شي منهن اكدر اطلب بدون تقيد واستمر الوضع كما هو الى ان اجى وقت الامتحانات التمهيدية راح علي استلم البطاقة مالتي وكبسها وجابها الي وتحدد موعد الامتحانات وبديت اراجع المواضيع من البداية واي موضوع يصعب علي لو انسى فكرتو اسأل عنو زينا واذا ما عرفتو اسأل علي وحتى زينا اذا موجودة اسألها يعني بالمختصر المفيد الكي مساعدة من اكثر من شخص وهالشي خلاني استسهل الدراسة بس مو لدرجة اهملها لا لدرجة انو ما افكر وقت الصعوبة شسوي من بلشت الامتحانات صار علي يوديني يوميا امتحن واكمل ويرجعني والحمدلله جانت اجاباتي كلها ممتازة من اول امتحان الى اخر امتحان وجان كل يوم تزيد فرحتي بتفوقي وعائلة الحجي على اطلاقها يشجعوني ويزيدون من حماسي وثقتي بنفسي من خلصنا امتحانات اني ولينا رحنا لخالتهم وكضينا يومين من احلى ما يكون بين الطبيعة والاجواء الربيعية وتأكد علي من الطقس قبل ما نروح علمود ما تمطر ونتورط والحمدلله جانت الطقس كلش مناسب بروحتنا بس لان شهر الثاني جان الجو ابرد من ذيج المرة بس هالشي ما نقص سعادتنا بالروحة ومن خلصن اليومين رجعنا للبيت واني لان معهد رجعت لدوامي قبل ما ترجع لينا بس لان الخط ما يوديني لحالي صار علي يوديني ويرجعني لحد ما تخلص العطلة وترجع لينا لدوامها وفعلا من خلصت ورجعت لينا صار يجينا الصبح مثل قبل ومن اعلنو انو راح تنتشر نتائج التمهيدي للسادس ابتدائي سويت كيكة وبالليل انطيت للعائلة منها وبقى منها نص وثاني يوم نشرو النتائج وراح علي جابلي النتيجة جنت ناجحة درجاتي كلها ممتازة فرحت فرحة مو طبيعية وكلهم باركولي وشجعوني بس افتقدت ذيج

704 views17:03