مهرتي البرية - البارت 18- جزء 2 -
***
قل اعوذ من اي حضن إلا حضنك

***

_ لمحت الدكتورة تباوعلي معرفت شااسوي لا اكدر اشيل
البوكس والورد واطلع ولا اكدر ارميهم بالحاوله
كلا الحالتين سوف يكون تصرف احمق لانو اكيد راح يكون موقفي محرج ومشكوك في رجعت غطيت البوكس
وخليته ؏ صفحه صرت اشتغل بس بداخلي نار

اني ليش وين مااروح المشاكل وراي وراي هسه اذا اروح
واسولف التميم شراح يكول عليه اكيد راح يخلي الصوج
بيه بالاخر هو يعرف كل تفاصيل حياتي فااكيد راح يشك
بيه بالاول سلام وبعدها زهير واخيرا هو مااكدر احجيله

وبنفس الوقت مااكدر اوكف كدام هاذا الحقير زيدان
واكله اتركني اني مراة مزوجه وزوجي مو اي رجال
اني زوجة الشيخ الئ تخبلت حتئ اجازف واحجي
ويا لانو اكيد راح يالف سيناريو ؏ مزاجه

ومن جها ثانيا اني متاكده مئة بال مئة هو يعرف اني مزوجه وحتئ اشك يعرف منو مزوجه بس المشكله ليش هيج يسوي ياترئ احد مسلطه عليه احتمال ليش لا
بس من دقيقة دقيقه شنو قصد تميم امس من يكول

الي انذكر اسمج وياه خفيته منو الي انذكر اسمي وياه
بس سلام معقوله الي افكر بي صح لا لا اكيد مو هيج
تميم صح خطر لكن عاقل ويتصرف بحكمه دائما
بس ليش سلام اختفئ من حياتي فجأه وبعد مابين من يوم الكعده الامر مشكوك في اثار فضولي بس شلون اعرف
اوف والله راسي راح ينفجر من كثر مافي افكار محشوه
بهل عضو رخوي داخله افكار اكثر من عدد خلايا دماغيه

باوعت للساعه صارت وحده ونص الدكتورة كامت تلم بااغراضها واني انتظر تحاليل احد المرضى ابتسمت الي
وطلعت واني كمت كبيت الورد بالحاويه وضغطت ؏ جرس
دخل المساعد كتله

حور ،، كريم تعال

كريم ،، ننعم دداكتوره

_ كان رجال كبير ويرتل بكلامه كمت وقفت وكتله

حور ،، تفضل هاي وصلتني هديه من احد المرضئ
اخذها الك

كريم ،، ممااييصر ممالتج

حور ،، يصير يصير اخذها بالعافيه بس لتفتحها بالمستشفى

كريم ،، ششكرا ددكتووره

_ ابتسمت اله طلع كعدت ربع ساعه وتحاليل ماكو
كمت اخذت تلفوني نزعت المريول خليته ؏ ايدي وطلعت
داامشي بالممر واسم ولد يصير وراي

،، دكتورة دكتورة والي يرحم والديج دقيقه

_ التفتت عليه كان زوج المريضه الي كنت انتظر تحاليلها
رغم صار ربع ساعه من خلص دوامي كتله







حور ،، نعم

،، تحاليل تاخرت لان صار بيها غلط بلا زحمة عليج شوفي
تحاليل لازم اعرف نتائج

حور ،، تمام

_ اخذت منه تحاليل ورجعت ؏ الغرفه اني واقفه
جيكت عليهم وكتبت اله تحويل ؏ طوارئ حتئ يهتمون
بزوجته اضاهر حالته خطره الوريا مرتفعه بعدها طلعت
صار زيدان بوجهي لكن تجاهلني وفات

اهاا يعني كاعد يستفزني بتصرفاته حتئ اني اروح واحجي
وياه بس دقيقه هو شعنده هنا اذكر اني خرجة مريضته وليش مستعجل اوي شعلي توجهة ؏ مكتبي اخذت جنطتي
وجهازي رتبت نفسي وتصلت ؏ سلمان حتئ نطلع

لحد مااوصل الباب هو جاب السيارة لان من يوم الي تصوبت بي بشارع كمت مااطلع يدخل سيارة لحد
باب طوارئ وا صعد طبعا هاي اوامر تميم شلون دبرها
مااعرف طلعت كان سلمان ينتظرني
وهدئ طلعت وياي التقينا يم الباب

حور ،، هلاو

هدئ ،، هلاوات تعبانه وجوعانه ونعسانه

حور ،، ههه طبيعي لان كنتي تاركه شلون كان يومك الاول

هدئ ،، باجر اذا مااخذتيني يمج اطلع عليج اشاعه بالمستشفى

حور ،، هههه سوالف الممرضات ماشي افكر راح اروح ؏ مركز ميرا ترحين اذا تعبانه اخلي سلمان يوصلج


هدئ ،، عادي انام بالمركز وطلب اي شيئ مااعوفج

حور ،، جيد سلمان ؏ منطقة ال ؏ مركز ...

سلمان ،، تمام

_ نص ساعه وصلن دخلن تلكتهن ميرا الان عدها علم حور ودت الها مسج بعد السلام حور كالت الها

حور ،، گ العاده ميرا

ميرا ،، يلا نبدا بتنضيف

حور ،، دقيقه يلا هدئ غيري شوي

هدئ ،، يعني شااسوي

حور ،، سوي عنايه

ميرا ،، لازمج نظاره واضافرج تعبانه

هدئ ،، همم ماشي

_ راحت هدئ مع بنت ثانيه و حور متعوده ؏ ميرا كل خمسة عشر يوم او اكثر تجي يمها تسوي عنايه وكذا
ضلن كاعدات سوت الها تنظف بشره مع نظارة بعدها سوت اضافرها ورجليها ساعتين خلصن

حور ،، وين هدئ

هدئ ،، خلصت هاا شلوني







_ حور باوعتلها وابتسمت كانت هدئ اول مرة تكون بهل شكل حيل كيوت رغم هي اكبر من حور بس لان ناعمه شكلها تبين اصغر من عمرها بكثير

حور ،، بالعافيه

هدئ ،، شكرا وانتي طالعه تقطعين الانفاس

حور ،، هاي شلون صايره

هدئ ،، يعني الي يشوفج يحبس انفاسه

حور ،، هههه محتاله يلا امشي

هدئ ،، اكول حور اليوم لا تلبسين قصير

_ وكفت حور وصدت عليها كالت الها

حور ،، سبب

هدئ ،، عزا رجليج يجرحن

_ رفعت الها حاجبها ؏ بالها تقصد شيئ مو زين

هدئ ،، شبيج اقصد مثيرات

حور ،، طالعه عينج راح ابلغ شيخ يشوف الج رجال

هدئ ،، اي اي عفيه لانو راح اعنس

_ طلعن للشارع وهن يسولفن صعدن للسيارة ردت حور

حور ،، اي لهل سبب راح احير بيج

هدئ ،، يصير اني اختار وابلغج

حور ،، شنو

هدئ ،، اقصد اني اشوف واحد مناسب وابلغج وانتي
توسطيلي عند شيخ يخطبه اليه

حور ،، قصدج يخطبج اله

هدئ ،، ماكو فرق اهم شيئ الفكرة

حور ،، هههه ماشي

_ طول طريق صمت لحد موصلن البيت نزلن سوئ دخلن كان جو غائم وبرد شديد اول مدخلن كان كل النسوان كاعدات بصاله حور سلمت وفاتت وهنه عيونهن وراها

دخلت بسرعه غسلت وبلدت فستان اسود نص ساق رجعت لبست خلخال ولفت شعرها وخلت شويت مرطبات وعطر
لبست سليبر وطلعت كانت دنيا غروب كعدت يم حجيله

حور ،، هلاو بيبي خير شو متغطايه

حجيله ،، هل برود طكت بعضيمي

حور ،، مريضه

حجيله ،، لا حبوبه لجن معاجبني حجي هل وادم يهد الحيل

_ حور استغربت كلام حجيله كالت الها

حور ،، خير بيبي شكو







_ كعدت لي حيلها واشرت الحور تكعد يمها صدك تقربت منها باوعت حجيله منا منا ماكو احد حجة

حجيله ،، اريد تحجين صدك احلفي غير صدك ماتحجين

حور ،، كولي بيبي والله مااكول غير صدق

حجيله ،، سمعت الشيخ هاجرج مايدش دارج ليش يمه
اذا صاير شيئ بينكم كليلي انه احجي ويا ونفضها

_ فتحت عيوني ؏ وسعهن معقوله لان صار عشرة ايام
نايم بالاستقبال لانو مريض هيج صارن يالفن ابتسمت الها
وحجيت لكن داخلي نار لان الناس اذا سمعت تكبر الحجايه والناس تصدك الي تسمعه معايشين ويانه

حور ،، بيبي منو طلع هل سالفه البايخه

حجيله ،، وانه ماصدكت بس كلت انشدج حتئ كلبي ما يلعب تعرفين سالفه تطش والناس الها ضاهر

حور ،، وشنو الظاهر

حجيله ،، عبن شيخ خذاج بهدومج وبغرفتج لا جهزتي
ولا عرس خذيتي ؏ فراشج

_ هنا حور صفنت تفكر معقوله هيه بهل غباء لحتئ تفكر بهيج امور سطحيه مثلا شلون اخذها ؏ فراشها وبغرفتها و ما جهز الها وماراحت شهر عسل مجرد تذكرت ليلة عرسها هي وتميم ابتسمت و وجناتها وردت بالنسبة الها كانت اجمل
ليله اما جهاز فماااعتقد ناقصها شي وبخصوص شهر العسل

مو مهم وين يكون المهم تكون سعيد مع شخص المناسب
واذا ؏ الفلوس تميم اصلا انطاها بطاقه بحساب مفتوح
وهيه ماقربت عليها خالتها بدزدانها حتئ لا يزعل مو اكثر
هيه تاخر راتبين راتب شهداء اهلها وراتب دكتورة وعندها املاك خير الله اكيد مراح تهتم لهيج شائعات بايخه ابتسمت
وحجة بلطافه بعد مفكرت زين ؏ سريع

حور ،، بيبي اني عندي اهم شيئ صحته حاليا
والباقي كله مو مهم بس يتعافه مااريد شيئ وماريد يسمع
هيج امور تافها حاشاج

حجيله ،، مو اني اكول الهم الاصيله ماتنعاب لا تردين عليهن
حبوبه عقولهن صغيرة

حور ،، لا معلي هسه كليلي منو اجه اليوم ؏ شيخ

حجيله ،، جثير ناس اجت لجن اجوي خطابت رغيده

حور ،، اها ليش خير

حجيله ،، يردون ياخذونها كبل شهر المبارك

حور ،، بعد اثنين وخمسين يوم

حجيله ،، اي هل فتره ياخذونها

حور ،، طيب مبروك سلفا لهاذا سبب جابن سيرتي

حجيله ،، اي كالن نريد نجهز وجابنها عليج شعجب شيخ مازهبلج والحين هاجرج







حور ،، هههه بيبي اروح اني اشوف الي هاجرني

حجيله ،، روحي حبوبه وديري بالج ؏ رجلج

حور ،، ماشي

_ وهيه طالعه صارت هاجر بوجها صدت عنها وتوجهة للمكتب اتصلت ؏ تميم بسرعه رد

حور ،، شتقتلك

تميم ،، هلا بويا وانا بعد

حور ،، منو عندك اريد احجي وياك بموضوع

تميم ،، كلني ؏ حسابج بويا

حور ،، فديت بس يطلعون تعال هنا نتعشئ كلنا يم حجيله
مشتاقه لجمعه الحلوة وانت بينا

تميم ،، من عيوني

_ سدت تلفون من تميم ورجعت للغرفه كعدت كدام المرايا سوت ميك اب سنبل لبست تخم ماس ناعم
مع فستان نود بسيط نص ساق برز بياضها خلصت طلعت جهازها وكتبت

حور ،، 📤 راح تجي

تميم ،، 📩 اجيت

_ راحت لبست سليبر نفس لون كلش نازكه اخذت جهازها وطلعت اول موصلت صاله كان تميم كاعد مرتجي ؏ المقعد الخاص في ينفتح ويكدر يمدد رجليه حتئ يرتاح من يكعد
يمه كاعده امه وابوه وهارون و ابو عداي تميم حس عليها من عطرها رفع راسه باوعلها ابتسمتله هو نسئ شلون يتنفس ضل صاافن عليها لحد مدخلت سلمت وكفت اشر الها تروح يمه تجاوزتهم وفاتت كعدت يمه

تميم ،، هلا بوياا

حور ،، هلا بيك زين اجيت هنا مشتاقين نكعد كلنا سوئ

تميم ،، نكعد ليش لا

حور ،، الخطار اخذوك مني

تميم ،، بس الموت يكدر ياخذني منج

حور ،، اسم الله عمرك طويل ان شاء الله

_ صارو يسولفون بصوره عامه اجتي ام عداي وكفت كالت

ام عداي ،، شمالها خديجه اليوم يومين مااجتي ؏ شغل

ام هارون ،، يكلون بنيتها مالها خلك جم يوم وترجع

ام عداي ،، چاخوش البنات مجاعد يلحكن وانه رجليه يونن

ام هارون ،، تعالي اكعدي البنات ميقصرن

ام عداي ،، وين بس سليوئ وثريه رغد راحت ترتاح كل نهار تروف وكعت ؏ صفحه







تميم ،، ام عداي جنتن معلمات ؏ خدم

ام عداي ،، لا غدي انه انشد عليها عبن تشتغل بدل حور

حور ،، هدئ وين

حجيله ،، من المغرب بالمطبخ

حور ،، خطيه شافت خديجة مو هنا راحت تساعد البنات

ام عداي ،، وانتي شمالج ماتساعديهن

حجيله ،، وانتي شمالج خابصه رويحتج تعالي
اجعدي انعل امه لابوه الي يعتب عليج

_ تجاهلهتا وباوعت التميم كتله

حور ،، بعد ماكو نومه بالاستقبال بلغهم يشيلون هل فرشه

تميم ،، هههه ليش

حور ،، اختار ياغرفتي يا الاستقبال

تميم ،، بويا وعلي هسه افجره لابو لابو الي ينام بي
اعوف هل الزين مخبول كالولج

حور ،، همم جيد

تميم ،، شنو الموضوع المهم

حور ،، هو هاذ

تميم ،، هههههه صدك

حور ،، ماعندي شيئ اهم منك

تميم ،، استري علينا بوياا

حور ،، ماشي

حجيله ،، انتو شمالكم تتهامسون ماعندكم دار تلمكم

تميم ،، حجيله انتي ليش خاله اذانج يمنا ركزي ؏ مستقبلج
بس اتحسن قررت ازوجج

حجيله ،، ان جان زلمه معدل وبحيله چاليش لا

تميم ،، تدورين معدل مو خوش لعد

حجيله ،، اكول ماتسكت لا ارفسنك بطنك واطرها

حور ،، هههه

تميم ،، متقصده تجتلني حجيله مو هاي كله عمود المعدل

حجيله ،، خاب ماتسكت ارفسنك عبنك ماتستحي

تميم ،، ليش المستحئ حبوبه اجيبلج شويب ياانس وحدتج تالي اليل

حجيله ،، اي وانيمه يمك بالمضيف

تميم ،، هاا هاا خوش تبسمرين

_ دارو العشئ والكل كعد اجتي هدئ وفهد كعدو حور واحت للمطبخ خلت اكل بصينيه الها وتميم وراحت كعدت
يمه ؏ الكرويته تاكل وياه







حجيله ،، تعالي هين حبوبه

تميم ،، جاعد تاجل وياي حبوبه

_ كانت كاعده يمه وياكلون مو منتبها لكن ميعرفن عندها اذان بكل مكان

هاجر ،، ياا شمالها لاطشه ؏ رجال

رغد ،، لوكيه

ثراء ،، انه اشوف العكس شيخ مكيف عليها

رغد ،، خوب انتي ماتشوفين غير الي يعجبج

هاجر ،، شمالنا مانعرف نتلوك انه عروس ومو هيج

ثراء ،، ترئ هيه هم عروس

رغد ،، هههه ضحكتيني ارملة اخووو داده

هاجر ،، شلون خذاها شيخ

رغد ،، ملعبه ماشوفيها

_ كانت هدئ مدنكه وتاكل هي وفهد بس طك كبدها
من سوالفهن قريبات عليها تسمعهن هنا قررت تعن الحرب
وتخليهن وحده تضرب راسها بثانيه رفعت راسها باوعت الهن وحجة وكانها تشاكهن الحديث لكن بصوت مسموع

هدئ ،، وليش شايلات ؏ خاطرجن كل وحده تكعد يم رجلها وفضت راحت

_ الكل باوع ؏ هدئ هنا مثلت اخجل وحجة بلطافه
متصنعه

هدئ ،، العفو دانحجي

ام هارون ،، شتحجون

هدئ ،، البنات يكلن شيخ وام فهد شحلوين ويذبن حصرات
كتلهن لا شيلن ؏ خاطرجن كل وحده تكعد يم رجلها وفضت

_ الكل ضحك

حجيله ،، بعين الحاسود عود وعين المايصلي ؏ نبي
عليه صلاة وسلام

_ غاصن بهدومهن من الفشله بعدها كامن شالن سفرة
وجابو الشاي وصارو يسولفون لحد ساعه عشره

حور ،، اني اترخص كلش تعبانه

حجيله ،، براحتج حبوبه

تميم ،، اخذيني وياج بوياا

_ باوعتله حور وابتسمت كام وكف ايده ؏ بطنه والثانيه مسك ايد حور الي مازالت تباوعله

تميم ،، تصبحون ؏ خير

_ الجميع تلاكون الخير

هدئ ،، واني اترخص عندي دوام تصبحون ؏ خير

_ ردو عليها راحت للغرفه نومت فهد رحعت طلعت غسلت المميات وسوت الحليب وخلته بالجهاز حتئ يبقئ طازج
رجعت اخذت الها تفاحه من ثلاجه توها تريد تطلع شافت عداي دخل من برئ الضاهر طلع شاف الرجال ورجع اليوم ماكو احد بالمضيف لان مطر من المغرب صارت تمطر بغزاره
اجتي تاخذ الاغراض سمعته يكول







عداي ،، الاكل اخر اليل يضر

_ باوعتله وابتسمت هو ضل صافن بوجها

هدئ ،، همم صح لكن هل تفاحه مراح تضل بالعكس
تساعد ؏ الهضم وترفع معدل الايض يعني كلش مفيده

عداي ،، حيل واضح عليج فائدة هل تفاح

_ بلعت ريكها وابتسمت بتوتر عيونه وكحه من تباوعلها ردت عليه

هدئ ،، اي اكيد انصحك تاكل تفاحه قبل لا تنام
تساعدك

عداي ،، هدئ

_ هدئ من حجة هيج رجفت حسته مو طبيعي بسرعه اخذت جهاز وتوجهة للباب تريد تطلع لكن هو كان اسرع منها وكف كدامها

عداي ،، ليش شردتي جنت اريد اسئلج سؤال

هدئ ،، فهد فهد يعيط

عداي ،، مااسمعه

هدئ ،، انته شتريد

عداي ،، اليوم اكو شيئ بيج متغير شنو

_ تعكر وجها تفكر تغير شنو نست شكلها ردت عليه

هدئ ،، ممتغير وخر خل اطلع شطولك واكف كدامي

عداي ،، هههه قزومه

هدئ ،، انت طولك مو طبيعي

عداي ،، وجهج يلمع وشفايفج وارمه شعراتج بيهن ريحه طيبه حيل اضافرج ملونين لاول مره ورجليج ورديه
اكدر اتخيل بعد هواي تغيرات مثلا كاصه شوي من طول شعرج و حافه حواحبج و مسويه مساج الجسمج
ليش كل هاذ انتي بنت

هدئ ،، يمكن اكو شخص حابه الفت نظره

_ حجتها وهيه تباوع ؏ الباب عداي رفع حاجبه وحجة

عداي ،، سلمان مو بسيطه

هدئ ،، يمكن ابتعد

_ دفعته وفاتت اخذ نفس قوي و هو يباوع وراها بحزن
شكد كان غبي من مارفض عرض شيخ اكبر غلطه ارتكبها
بكل حياته وصدك من كال غلطة الشاطر بالف

عند حور

دخلت هيه وياه غيرت ملابسها لبجامه وتانك وهو فانيله وبجامه ومددو اخذها بحضنه وبعد كلام ومسامر نامو همه الاثنين رادت تسال ؏ قصة خديجة بس تراجعة
خافت تفتح باب ؏ المراة خلي ناسي لحد ماتتحسن البنت

ثاني يوم نفس الروتين مر اسبوع تميم تحين صار شهر
؏ العمليه كام يمشي بدون عكاز ماكو شيئ
ملتهيات يجهزن الرغد ويشمرن حجي ؏ حور الي كانت گ العاده لا ابالي







اليوم گ العاده طلعت صبح للدوام بكامل اناقتها
هانك مع كيلوت و كوت طويل وبوت جميعا بلون بيج وتدرجاته وهدئ وياها وصلها سلمان وكعد ينتضرها اول مدخله صارت فراقد الممرضه المساعده مالتها بوجها

فراقد ،، دكتورة حور

حور ،، نعم

فراقد ،، المريضه سمر دخلناها بليل حالتها تعبانه

حور ،، تمام دقيقه

_ دخلت مكتبها غيرت ملابسها لبست سكراب والمريول
اخذ سماعه وتلفون وطلعت بالاول جوله ؏ مرضاها
بعدها ؏ صاله

حور ،، تقيم الحاله

فراقد ،، تفضلي دكتورة

حور ،، حاله من الهلع و فقدان وعي

_ دخلت احمد واكف سلمت وكفت

احمد ،، دكتورة من البارحة واليوم هيج

حور ،، اهدئ اهدئ ارتاح هنا الممرضات يهتمن فيها

حور ،، سمرر باعيلي اني حور طبيبتج شلونج

_ هزت راسها وسكتت

بعدها تركتها وطلعت نزل. ؏م الكافتيريا اشترت دفتر
وقلم ورجعت بسرعه صعدت بالمصعد لان المريضه طابق رابع قبل لا يقفل دخل ولد رفعت راسها باوعتله كان زيدان
ابتسم وحجة

زيدان ،، شلونج دكتورة

_ هزت راسها اله صد عليها وحجة

زيدان ،، ليش تجنبين حتئ نظر الي من احجي وياج

_ تافافت بضجر وهيه تكتب شيئ ؏ جهازها رجع حجة

زيدان ،، ليش مغروره

حور ،، عفوا

زيدان ،، اكول ليش مغروره

حور ،، من رخصتك

_ تبتعد واشر الها تطلع هنا هيه توجهة ؏ الحمام دخلت
بسرعه غسلت وجها ورطبت رقبتها قربه منها حيل وترها
بعد خمس دقائق طلعت جهازها واتصلت ؏ سلمان

حور ،، سلمان

سلمان ،، نعم

حور ،، لازم احجي وياك بموضوع ضروري فورا

سلمان ،، جاي

حور ،، لا ابقئ انت اني جاي

سلمان ،، تمام

_ رجعت كعدت ؏ الحوض وحجة ويه نفسها

حور ،، الي راح اسوي صح لو غلط ماعرف لازم اتاكد طلعت جهازها و رجعت اتصلت

حور ،، الوو عمر

عمر ،، هلا حور

حور ،، عمر الموضوع كلش حساس اريد اخذ وئيك

عمر ،، اسمعج

_ هاي اكو واحد ملاحقني صار كم وكلش خفت

عمر ،، شيريد

حور ،، ماعرف راح ابلغ سلمان فورا هو يصرف وياه

عمر ،، لاااا ديري بالج انتبهي حووور لا تحجين الهاذا سلمان تفتحين باب جهنم عليج اذا حجيتي الهاذا انتبهي

***

قرأءة ممتعه احبتي 🖤

مهرتي البرية - البارت - 19 جزء 2 -

***
‏المرء يميـل لِمن يستثنيـه دائما

***

_ ضليت صافنه اني دائما استشير عمر بكل شيئ اثق بي ثقه عمياء ومتاكده يخاف عليه مثل اخت واكثر
ليش حذرني من سلمان ومقبل احجيله ماعرف هو صديقي
قبل لا يكون محامي مالتي ومدير اعمالي قبل ثلاث سنوات
كنت اتمنئ عمر موجود من قبل

عمر ،، الوووو حور وين رحتي

حور ،، هاا وياك ليش مااحجي

عمر ،، لان سلمان مستحيل يضم ؏ شيخ واذا سمع من غيرج راح يتخبل عليج لذلك افضل تكلين للشيخ
مباشرتا رغم اني متااكد هل موضوع راح يسبب الج
مشاكل بقت يمج اشوف لو تتجاهلي هل فتره لحد متروح
مريضته من المستشفى وببعدها نشوف اذا ضل يلاحقج
تصرفي انتي وياه يعني تغدي بي قبل لا يتعشئ بيج
وكوني انتي ام الحق وبلا فضايح بين عيالج

حور ،، شسوي مثلا صدكني خايفه

عمر ،، اسمعي الزمي عليه سالفه وكبريها وخلي يطلع هو العايل وهو فعلا كذلك

حور ،، ماشي بس هل فتره لحد مااخلص من مريضته وبعدها مثل مكلت اذا ضل يلاحقني اوكعه بشر اعماله

عمر ،، حور هاي قضية تحرش تكدرين تسجني

حور ،، لا مااكدر ادخل القانون اني سابقا مسويتها اشوه سيرتي الذاتيه مثل مكتلك اني اصرف وياه بدون لا انطي خبر لاحد انت تعرفني تحملت الضلم لسنين طويله وبعد مستحيل اسمح لاحد يدمر حياتي

عمر ،، شراح سوين

حور ،، تميم لازم يسمع بس مو مني ومن راح يعرف
راح يقف معي ويدافعلي اما الي صار قبل مراح ينذكر
الموضوع راح ينفتح وينسد باليوم الي راح اوكعه بشر اعماله ومراح تكون قصة تحرش لان سالفة التحرش اذا طشت راح ااذي تميم واجيب الي نظرة محلوة راح اخليها تكون قصه ثانيا تماما

عمر ،، اثق بيج لكن انتظري الوقت المناسب لا تستعجلين
حاليا تجنبي وتعاملي طبيعي

حور ،، وهو كذلك شكرا عمر لانك فتحت عيوني ؏ كثير شغلات بخصوص هل موضوع

عمر ،، بالخدمة

حور ،، بالمناسبة شسويت ؏ مود العماره الي بغداد

عمر ،، محتاجين سيوله افضل ننتظر كم شهر

حور ،، راح احولك الفلوس اليوم وفلوس الخيول هم تصرف بيهم واذا مكفو اسحب قرض







عمر ،، لا ميحتاج اذا حولتي الي ربع المبلغ مع وارد المزرعه
نخلص شعلنا العمارة تكون جاهزة خلال ثلاث اشهر

حور ،، تمام يلا لازم اروح عندي شغل مع سلامه

عمر ،، مع سلامه

_ اخذت نفس عميق ورحت كملت شغلي وطلعت رجعت
للبيت كنت ومازلت مااثق بااحد ومستحيل اوثق
لسه في جروح تلجمني اعرف تميم يحبني بس اني مااكدر اثق بااحد مو بيدي هاذا طبعي لان كل الي وثقت بيهم
تركوني وراحو لذلك صرت مااثق بااحد وقررت اعتمد ؏ نفسي وبجال تميم راح ابني حصن كبير يحميني من الكل
وهل حصن هو ثروه مااقصد اخذ منه لا
بس راح استثمر اموالي واضاعفها بس تكون غني راح تكون
قوي كيف اذا كنت غني وذكي ومن جيد تميم ميدخل
باموالي الخاصه حتئ مااضطر ابرر اله شيئ

مااعرف ليش بعد هل تفكير وهل قرارات حسيت بشحنه
قويه من الطاقه اول مرة اقرر اكون قويه واعتمد ؏ نفسي
دكتورتي النفسية كثير بروفيشنال لان كلامها كلش
فادني وعتني ؏ كثير امور كنت اجهلها رغم ذكائي
يمكن الطب والكتب المحشوئ بالمعلومات الطبيه الي قريتها كانت مفيده الي گ دكتورة مو گ انسانه
الي عرفته لاحقا انو كنت لازم اتعلم كثير شغلات غير
الطب لان راح احتاجها بالمستقبل

_ دخلت للصاله ماكو احد بس حجيله سلمت عليها ودخلت
غرفتي عندي حماس وطاقه مفرطه صار ثلاث اشهر مااطلع
للحديقه من اخذ عداي غرفة تميم لان شباك غرفة تميم يطل ؏ الحديقه وهل شيئ كلش زاعجني اريد احجي وياتميم يشوف حل لهل موضوع لانو اني حيل احب الحديقه واحب اكعد بيها بذات باليل براحتي

فتت ؏ الدريسنج روم اخذت فستان وردي لؤلؤي كثير
حلو ونازك من صدر ضيق الفتحه مربعه ومن الخصر في
حزام رفيع رجعته بلا حزام احلا ومن تحت نازل عريض
قماشته ذابه نفسها اخذت معه سليبر ابيض
رحت غسلت وطلعت سرحة سعري وسويت مكياج مناسب بسيط لبست مجوهرات مناسبه تخم لؤلؤ ناعم لبست الفستان تعطرت اخذت جهازي وطلعت كانت ساعه ثلاثه
البيت هدوء اتصلت ؏ تميم بسرعه رد

حور ،، هلاوو

تميم ،، هلاا بوياا

حور ،، وينك البيت هدوء

تميم ،، بالمضيف مو طلبتي يشيلون الفرشه الي بالاستقبال

حور ،، ههه جيد

تميم ،، شكاعد تسوين

حور ،، مااسوي راح اروح اقرا لحد ماترجع

تميم ،، ماشي بويا

حور ،، باي

_ سديت جهاز من تميم ورجعت للغرفه مالي واهس
اقرا فتحت جهاز ودخلت ؏ كروب اطباء ملل الجو حلو
رغم البروده وكفت اباوع ؏ الحديقه صار عندي رغبه
اطلع اتمشئ رحت اخذت كوت لبسته اول مفتحت الباب
نسسيم البارد المعطر بالورد انعش روحي ابتسمت لا اراديا
وطلعت باوعت بدايت شهر الثاني الورد يجنن

تميم حيل معتني بيها ؏ مودي لان احبها مااعرف شلون رفعت راسي ؏ شباك غرفته تذكرت قبل لا نزوج كان دائما
اشوفه واكف هناك لكن هل مرة شفت شيئ معجبني
كانت هاجر واكفه وتباوع عليه صار ثلاث اشهر مطالعه
لهل حديقه تحسبا لهل موقف ومن جازفت وطلعت شفتها

بوجهي وتباوع ؏ حديقتي الي اهداها الي تميم كلش
ضجت لكن حاولت ماابين الها كملت طريقي اتمشئ اخذت صور وسجلت كذا فيديو مره اصور اديه مع الورد
مرة اصور الغيوم بعدها اتصلت عبير ومسويه مكالمه جماعيه مع زينب علاقتي حلوه وياهن فتحت خط وثبتت الجهاز ؏ بازة مال ورد صرنا نسولف

زينب ،، هلاو شلونكم

عبير ،، هلاو كتير مناح

حور ،، هلاو تمام شذكركم بيه

عبير ،، سمعنئ الحلو كاعد يشم هوئ وكلنه نغير جو معو

_ طبعا عبير امها سوريه وابوها عراقي كانت عايشه مع امها لذلك تكسر بالغله

زينب ،، حور معليج بعبو تعالي اكلج اريد استشيركم
بشغله خاصه

حور ،، اني ماافيدج

زينب ،، اسكتي واسمعي لطفا

عبير ،، اي احجي فضينا

زينب ،، احم احم مثل متعرفون بعد 12 يوم ؏ عيد الحب
وجاي ؏ بالي اسوي مفاجاه الوائل

_ هنا عبير وحور ضلن وحده تباوع ؏ ثانيه صرخت عبير

عبير ،، ولج زينب وربي باجر اشحطج بكل المستشفى انتي تعرفين تركت بنتي واجيت حتئ اشوف شعندج طلع موضوع تافه

حور ،، دقيقه عبير ريلاكس ليش تافه هم حبايب
وحابه تفاجئ زوجها عادي

عبير ،، روحن انتي وياها سون عيد حب اني معيده ويه بنتي

حور ،، ههههه براحتج طلعيها زينب خلي نسولف وحدنه بلا نكد

زينب ،، ماشي دقيقه

عبير ،، لااااا اموتجن وين اريد اشوف شراح سون الفضول يقتل

_ ضحكن زينب وحور وصارن يتبادلن افكار حتئ عبير شاركتهن

حور ،، انتي شخاله بالج

زينب ،، مااريد اطلع اريدها حفله خاصه

حور ،، اووو

عبير ،، تريد تشلخ وتملخ







زينب ،، بضبط اريد هيج كله احمر

حور ،، شلون

زينب ،، باعي هو يحب الاحمر

عبير ،، كل رجال يحبون الاحمر للعلم كملي

زينب ،، المهم انتو فكرو وياي بديكور وزينه للجناح مالتي

حور ،، باعي مره شفت ؏ موقع تاتش وحده مشهورة
ناشره بس كلش عجبتني الفكرة

زينب ،، شنو هيه

حور ،، كانت فارشه الارض ورد و محضرة طاوله
ولابسه فستان خاص

زينب ،، شنو قصدج بالخاص

حور ،، يعني محد لازم يشوفه غير زوجك

زينب ،، اها وين الكاه هاذا

حور ،، عند اي محل لانجري

زينب ،، ماشي ودلي بعد افكار وصور حبابات

حور ،، ماشي اني بردت راح اقفل

عبير ،، خلن هل مجموعه نحجي بيها دائما

زينب ،، اوك يلا باي

حور ،، باي

_ قفلت وكامت صار الغروب دخلت ذبت الكوت رتبت نفسها وطلعت ؏ صاله كانو كاعدين الاكباريه فاتت
؏ المطبخ دخلت ثراء وسلوئ يحضرن بالاكل
صارت تساعدهن وهنه يسولفن و يضحكن

ثراء ،، حور هدئ ماكو

حور ،، احتمال نايمه فهد هم ماشفته عدها

ثراء ،، اي يجوز اكلجن هاذا الاكل يكفي

حور ،، اني جاي ؏ بالي معكرونه بالبشاميل وجبنه

_ باوعتلها ثراء ورفعة حاجبها وحجة

ثراء ،، داده خاف تنسين

حور ،، لا ماكو شيئ يلا راح ابدا

ثراء ،، تعرفين

حور ،، من بعد البيض المعكرونه والكيك غيرهم مااعرف
لا دجاج بالفرن هم اعرف

ثراء ،، شيف حور يلا راح اشغلج الفرن

ثراء ،، اني الكيك مااعرف اسوي

سلوئ ،، جلاب المنطقه شبعن تسوي وتشمر ورئ الحايط
لحد شاف ولا احد سمع

حور ،، ههههه يلا نسوي







_ صارن يطبخن اجتي هدئ عيونها وارمه من النوم
وكمت كعدته

هدئ ،، هلاو

ثراء ،، هلا حبوبه وينج

هدئ ،، نومت فهد وغفيت وياه

ثراء ،، هههه عايشه دور

هدئ ،، اي والله حسسني بالامومه هل نتفه
داسون

حور ،، مكرونه بالبشاميل

هدئ ،، اووف اموت عليها

ثراء ،، اجوي الولد صلوات شيخ صاير يمشي بلا عكاز

حور ،، اي

_ باوعت عليهم حور صفنت ؏ تميم كان مميز بينهم
طوله شكله شخصيته لبسه ابتسمت لا اراديا
دخلو للصاله صارن يسمعن صوتهم

تميم ،، الله يساعدهم

حجيله ،، هلا يبعد حيلي

_ باس راسها وكعدو يحجون عداي صعد ؏ غرفته
اول مدخل كانت هاجر تباوع مسلسل ؏ شاشه رفع حاجبه
مستنكر وحجة

عداي ،، ليش كاعده هنا

هاجر ،، جااشوف مسلسل

عداي ،، ليش مساعدين البنات مو تدرين امي مو هين
ولا رغد

هاجر ،، اني سويت غدا العشئ عليهن

عداي ،، هم حك

_ عافها ودخل توضئ وصلئ وهيه ؏ كعدتها تجاهلها
من راد يطلع كامت طلعت وياه نزلت راحت كعدت بصاله
شنو سالفتها مايعرف صارن البنات يخلن السفره
بعد ماجهز كان تميم يباوع يدور بعيونه ؏ حور الي كانت
بالمطبخ تخلي المعكرونه بالمواعين مطلعت اخر شيئ
ماتحمل سئل هدئ

تميم ،، هدئ وينها ام فهد

هدئ ،، بالمطبخ جاتصب العشئ ويه البنات

_ ابتسم تميم وهدئ كملت طريقها عداي باوع ؏ هاجر
الي طيرت عيونها ؏ المطبخ وجها انطعن

شوي ودخلت حور شايله صحن معكرونه كبير كانت مميزه بشكل بحيث الكل باوعلها لكن هي تباوع بس ؏ تميم
الي بادلها الابتسامه وحجة

تميم ،، لا تكلون اليوم العشئ من ايد ام فهد

حور ،، مو كله اني وثراء طبخنا

ثراء ،، المعكرونه والمقبلات شغل حور

تميم ،، انه اريد من طبخ مرتي







حور ،، احم تفضل

_ كعدو الكل ياكلون وتميم كل ساع يمدح بااكل حور
والكل يضحك وهيه خدودها موره لحد محجة هاجر

هاجر ،، شوكت طبختيها للمغرب انتي بالبستان تخابرين

_ الكل توقف عن الاكل تميم باوع ؏ حور وعداي خزر زوجته وهدئ باوعت ؏ عداي ثراء خزرت هاجر
الجو حيل توتر اكيد الكل يتسال شعدها بالبستان
لحد المغرب وتخابر منو وليش تخابر برئ اساسا لكن حور
تعاملها كان صائب ابتسمت وحجة برود وصوت نقي
بلا توتر او تردد

حور ،، متاخذ كثير وقت نص ساعه عداي ضكتها هاك جربها

_ ابتسم الها واخذ الصحن من ايدها وحجة

عداي ،، خويه احنه هاي نسميها مقبلات العشئ لازم يكون
دسم

حور ،، هههه عوافي

_ رجعت باوعت ؏ تميم كان ياكل ويباوع عليها لكن ابتسامته اختفت وحتئ اذا حجة شيئ يبتسم بتكلف
بسرعه فهمت انو كلام هاجر اثر علئ مزاجه طيب
اذا من كلام هاجر هيج ضاج لعد اذا كالتله اكو واحد
ملاحقني شلون اكيد راح يطين عيشتها
انسدت نفسها من الاكل باوعت ؏ هاجر بنظرة مشمئزه
كانها حشره كدامها ليش تدخل وتحجي بشيئ ميخصها
ليش تخرب سعادتنا

_ كانت لابسه دشداشه قديفه جلد نمر تخب عليها
مو قياسها وشال خردلي لافته ستين لفه ومخليه حمره حمره ؏ ششفتها الرفيعه من شفتها وشافتني هاي الحمره مغيرتها والكحل تارس اعيونها ملامحها حلوة لكن شنو الفائده هيه مخربه شكلها اضافه للسمنه وجها طبيعي
لكن جسمها سمين ضايعه علومه اديها حتئ ادين
ام عداي اجمل من اديها اهمال وقلت ذوق


باوعت ؏ ثراء شكله حلو لابسه شال ودشداشه نازكه نفس الون ماتحط مكياج بس من يجي هارون وابد متدخل
وكلش تهتم بنفسها رغم هيه بنت عائله فقيرة وهم بنت قرية الفرق بينهم شاسع كامن شالن السفره اني مكمت
ضليت كاعده بهل اثناء رن جهازي باوعت رائد
ابتسمت لا اراديا شذكرة بيه اليوم صار كثير ممتصل
باوعت ؏ تميم يباوعلي كنت اريد اكوم واحجي
وارد عليه لكن من شفت تميم ونظرته رديت لكن حجيت
بالانكليزية هو يحجي انكليزي بطلاقه وعداي كذلك

حور ،، الوو

رائد ،، دكتورة حور

حور ،، اي نعم دكتور تفضل

رائد ،، شلونج عيني شخبارج مشتاقين

حور ،، الحمد الله دكتور انت شلونك

رائد ،، بخير بخير اضاهر اتصلت بوقت غير مناسب







حور ،، لا عادي

رائد ،، لج حور اخذتها

حور ،، شنو اخذت

رائد ،، ولج ود صارت الي

حور ،، او تقصد دكتوره ود

رائد ،، اي صارت خطيبتي والخميس الجاي عرسنا

حور ،، ههه الف مبروك تستاهلها

رائد ،، شكرا شكرا وانتي شخبارج

حور ،، اني الحمد الله حياتي حلوة اكو من يجملها الي

رائد ،، تستاهلين محضوض الي صرتي من نصيبه كلش حاب اتعرف عليه

حور ،، ان شاء الله

رائد ،، الوالده وياج

ام رائد ،، السلام عليكم شلونج يابنتي ياناكره المعروف

حور ،، ههه الحمد الله باجي حقج والله لكن الي متعرفي حياتي شوي كانت صعبه استقريت من جديد

ام رائد ،، خير ان شاء الله مااطول عليج ردت ابعثلك بطاقه دعوة ؏ حفل زواج رائد بس مااعرف عنوانج فكلت رائد
وبعد عناء حصلنا رقمج

حور ،، فدوة القلبك باجي

ام رائد ،، حبيبتي عازمتج ؏ عرس رائد لازم تجين ماشي

حور ،، حسب ضروفي الف مبروك يتمم ؏ خير باجي

ام رائد ،، يابعد كلبي سلمي ؏ زوجك اخذي راحتج مع سلامه

حور ،، مع سلامه باجي

_ رائد كان صديقي الوحيد امه انسانه مثقفه جدا
ايام جامعه كلها كانت تحسب حسابي بالاكل ومرات تعزمني
نروح اني ورائد ناكل وياها اكلها يجنن لحد ماتزوجة
وهو صديقي لكن بعدمااجيت هنا قل تواصلنا بسبب زهير
والي صار حاليا صرت احس بالاستقرار باوعت التميم
كان يشرب جاي كتله

حور ،، دكتور زميلي من جامعه كان يحب بنيه ويانا
بجامعه وتخرجنا وصار عشر سنوات يريدها واخيرا
صارت اله عرسه الخميس الجاي خابرتني امه عزمتني
؏ العرس كونها كانت تعتبرني مثل بنتها لان تعرف وضعي
يعني اقصد لان يتيمه وماعندي ام

تميم ،، بيها الخير

_ باوعتله رجع دنك وهيه باوعت ؏ الوجودين بنظرة خاطفه ورجعة حجة

حور ،، العصر تصلت عبير و زينب وحجينا عندهن مناسبة
واخذن رئيي بالموضوع







_ رفع راسه باوعلها عاكف حواجه وحجة

تميم ،، مرة ثانيه لا تبررين مفهوم لاي احد مهما كان حتئ لو الي من اسئلج وقتها جاوبيني انتي مراة الشيخ
واذا ضجت اليوم لسبب ثاني مو بسببج

حور ،، صدك

تميم ،، اي بويا صدك

_ ابتسمت بااتساع وتقربت عليه همست

حور ،، خوفتني

_ باوعلها رافع حاجبه بعدها ضحك بصوت الكل باوعله
حور وجها ورد ترخصة وكامت للغرفه غسلت وغيرت ملابسها لبجامه وقميص نوم وتميم صار ينام بغرفته گ سابق بما انو حالته تحسنت اخذها بحضنه واكيد
مايكعد راحه لازم يشاغب وللامانه حقه منو يشوف كل هل جمال ورقه بحضنه ويكون عاقل

خلص اليوم ؏ خير لكن البعض اكل المقسوم بسبب
تطفله واضن كان يستحق لان ملازم يخلي راسه براس
الي اكبر منه

ثاني يوم كان طبيعي داومت حور اول مدخله غيرة ملاببسها وبدات معاينات برفقة فراقد ومن ضمن مرضاها
كانت سمر اخت زيدان كان زوجها احمد واقف

حور ،، هلاو سمر شلونج اليوم

_ هزت راسها گ العاده وما حجة حور باوعت ؏ احمد واشرتله يطلع وياها وقفو يم الباب وصارو يحجون

حور ،، احجيلي في اي تغير اني اشوفها افضل

احمد ،، صح فرق نص اخذت بنصيحتج دكتورة بس
قلق بخصوص ولادتها

حور ،، سهله ان شاء الله

_ توجهة ؏ المصعد اول خطوتين كان يصير بوجها
تخطته وفاتت لكن الضاهر هو حاب يجني ؏ نفسه
من تخطته صاح وراها وهو يلحقها كان في ممرضين
و فراقد واحمد لسه واكف

زيدان ،، دكتوره حوررررر دكتوره

_ وكفت وحجة بنبره جافه هاذا مو طبعها لكن اكو براسها شيئ وهاي اجتها الفرصه باوعتله وحجة

حور ،، نعم

زيدان ،، شلونج

حور ،، الحمد الله تفضل

_ ابتسم وكال

زيدان ،، ردت اسئل ؏ اختي

_ قبل لا يكمل كلامه حجة مقاطعته

حور ،، شرحت الحاله زوجها مااضل كل ساع اعيد نفس الكلام عند مرضئ ثانين

زيدان ،، وانتي ليش متنفرزه مجرد سؤال







حور ،، اخي مامتنفرزه بس انت كاعد تعرقل شغلي

زيدان ،، لا تعلين صوتج

حور ،، ابتعد عن طريقي قبل لا اطلب الك الامن

زيدان ،، طرز بيهم فهميني شبيج

حور ،، استغفر الله

_ باوعت ؏ الواكفين وحجة وهيه ترجع ليورئ وهو يتقدم
عليها

حور ،، اطلبوو الامن ماتشوفون

زيدان ،، انتي صاحيه

حور ،، عفوا ابتعد

_ تقرب احمد وسحب زيدان وانجمعو الاطباء الي بالطابق
وصارو يحجون ؏ زيدان واحد طلب الامن
وصارت هوسه احد الدكاتره تدخل وصار يريد يعرف شنو الموضوع حور محجة حجة فراقد

فراقد ،، الولد زودها تكله مستعجله شرحة الحاله
الزوج المريضه وهو واكف بطريقها تريد بس ينطيها مجال
عندها عمليه من خمس دقائق وهو يتهنتر ؏ دكتورة

دكتور ،، مايجوز هل كلام اخذو دكتورة حور ترتاح
وانتو اخذو هاذا ممنوع يدخل المستشفى

_ الامن اخذو زيدان وهو يهد ويرد وحور اخذتها فراقد ترتاح لانو بعد شوي ويغمئ عليها بسبب الي صار
الهوسه والمواجها بينها هيه وزيدان حيل وترتها صارت ترجف لكن بداخلها فرحانه لانو انطرد من المستشفى الباقي
سلمان يحله هيه عليها وصلت رساله بشكل
المطلوب بدون اي شك مجرد مراجع تهجم ؏ دكتورة
بسبب مريضته هاذا الي صار واكيد زيدان مو غبي
حتئ يكول كنت الاحقها لاسباب شخصيه

كعدت حور بالمكتب واجني يما عبير وزينب وانور
وصار حجي حور ودت رساله السلمان بدون ماتلفت نظر
دقيقه ودخل صار الحجي كدامه

زينب ،، ناس متستحي بااي حق يتهجم ؏ دكتورة
ويعرقل شغلها معاجبه المستشفى ينقل مريضته الئ اي مستشفى ثاني

عبير ،، وجها انخطف ياحياتي اهدي مصار شيئ
حمد الله ؏ سلامتج

انور ،، والله لو اني هناك لاخبزه بالكاع

_ هنا فات سلمان الكل ضل صافن عليه تقرب من حور
اثنئ ركبه كدامها وحجة كانت كاعده ؏ الكرسي

سلمان ،، ام فهد خير شكو احجي

_ اهنا حور غمضت عيونها الي كانو حمر دم من الخوف
واشرتله باايدها انو مو كادره تحجي بسرعه طلع جهازة
واتصل ثواني واجاه رد

سلمان ،، هدئ تعالي ؏ مكتب حور فورا

_ حجاها وسد الاتصال اخذ بطل ماي من ثلاجه وفتحه وقربه الها اخذته فراقد شربتها ورشت شوي ؏ وجها
اجتي هدئ حجة سلمان

سلمان ،، من رخصتكم لازم اخذ دكتورة ترتاح

انور ،، اتفضل اخي لازم ترتاح

سلمان ،، هدئ انتي والبنيه ساعدو ام فهد

_ كامت وكفت واشرت ؏ ملابسها كانت بسكراب
طلعو الكل بس هدئ بقت سدت الباب وراهم هنا حور
اخذت نفس عميق وحجة ويا نفسها

حور ،، لازم نتعلم من اخطائنا

***
قرأءة ممتعه احبتي 🖤

مهرتي البرية - البارت - 20 جزء - 2 -

***
مجرد ان انظر لك يهدئ عقلي

***

_ غيرت ملابسي وطلعت اني وهدئ زملائي والناس كل واحد راح ؏ شغله الوضع اصبح طبيعي طلعنا من المستشفى بسيارة مباشرتا للبيت وصلت ساعه عشره
الكل استغرب نزلت دخلت الغرفتي محجيت مع احد ابدا

بدلت ملابسي لبست سوت بلوزه نص الفخذ و البجامه طويله رخيت شعري دخلت للحمام عندي ملابس خليتهن
بالغساله وكعدت مشغلتها مالي خلك ضليت صافنه شراح
يصير اكيد سلمان بلغ الشيخ وصدر الحكم بحق ذاك الغبي

صرت اخذ شهيق وزفير اريد استعيد توازني بهل اثناء ندك الباب مال الحمام اعرف محد يدخل غير تميم بس هو
عنده بصمت الباب مال غرفتي كمت فتحت الباب صار بوجهي باوعلي بتفحص وحجة بصوت غاضب لكن يحاول يكون هادئ كال

تميم ،، حور بيج شيئ خوما اذاج حتئ اقطع سلالته كلها
والله العظيم بس احجي سوالج هل ناقص

حور ،، مابيه بس توترت عادي تصير دائما هيج حالات

تميم ،، شنووو العادي هاا شنوو

حور ،، انو في ناس جهله يتهجمون ؏ دكاتره

تميم ،، اقسم بالله اذا مااخلي يبوس نعل

_ حضني وحجة بصوت حنون نزلت دموعي اول مرة احس عندي سند وامان باوعلي وكال

تميم ،، ولج انتي مراة الشيخ انتي زوجة تميم لا ترخصين
دموعج خليها غاليه باعي علي

_ رفع وجهي باايده بنتره وكال

تميم ،، خوماا بجيتي هناك احجي احد شاف دموعج

حور ،، لا لا وحتئ هسه بجيت من الفرح مو حزن

_ طبك حواجه وفرك وجها گ العاده كتله

حور ،، اول مرة احس عندي سند واكدر اثق بي

_ ماحجة شيئ خله راسي ؏ صدرة وباسه بعدها كال

تميم ،، تعالي حجيلي شصار

حور ،، مصار كنت طالعه من ردهة المرضئ كلش مستعجله
عندي عمليه وياي فراقد الممرضه من طلعت صار بوجهي
واحد اعرفه اخو مريضه عندي سئلني شنو الاوضاع
كتله شرحة الزوجها اسئله مستعجله بس
هو صار يتنتر كال

_ حجة كل الي صار التميم هز راسه وكام وكف كال الها

تميم ،، ارتاحي بويه هاذا مطكطك اني ادك دواه







حور ،، تميم

تميم ،، عيونه

حور ،، شصار ؏ سالفة بنت خديجة صار ثلاث ايام

_ كعد وصار يحجيلي

- قبل يومين

_ جانو الولد كلهم كاعدين بالمضيف

تميم ،، عداي اريد تدزلي ؏ ابو جويد اخو عوض ابو رقيه هو وابنه جويد

عداي ،، خير شيخ

تميم ،، سالفه عوجه

عداي ،، صار شوكت تريدة

تميم ،، جيبه وتعال

_ كام عداي طلع راح يجيب عمها الرقيه وتميم باوع
؏ عدنان وحجة

تميم ،، عدنان انت اخذ سيارة ثانيه وجيب خديجه وبتها

_ كام عدنان راح يجيب خديجه ضل تميم صافن شلون راح يحل هل سالفه لا هم كبار وينفذ بيهم شرع الله
ولا هم اطفال ونكول غلطو مراهقين باوع ؏ ابو يحجي
وياعمه وكال

تميم ،، بويا ولدك محتاج خبرتك

ابو هارون ،، كول يبا

تميم ،، السالفه كذا وكذا

_ حجة كل شيئ يعرفه من حور والفحص والحمل كل شيئ الابوب ابو هارون حك لحيته واستغفر رب اكثر من مرة وكال

ابو هارون ،، بويا هذول جهله والعتب ؏ الكبار مو عليهم
لكن شنكول صار الي صار بعد ماكو حل غير انك
تحكم عليهم يجوزوهم ويلملمون السالفه

تميم ،، بويا بعدهم فروخ

ابو هارون ،، بزمانه هاذا هو الناس تزوج بهل عمر صح هل وكت مايجوز ويعتبرون قصر بس بعد صارت ياولدي
احسن ماتوكع بيها البنت خطي

تميم ،، هاذا هو الشور شورك بعد

_ ساعه زمان واجه عداي وياه زلمه دخلو للمضيف

ابو جويد ،، السلام عليكم طلبتنا شيخ خيرك

تميم ،، هلا ابو جويد اتفضل

_ باوع ؏ جويد بنظره غاضبه وحجة باامتعاض

تميم ،، انت انتظر برئ يولد

_ كان ولد لساته بدايت مراهقه ناعم اسمر داكن ضعيف
من حجة وياه شيخ طلع مدنك راسه واضح عليه يعرف ذنبه ويعرف الي سوه وشحده ينكر وهو بمضيف ال سالم







ابو جويد ،، يزيد فضلك ياشيخ

_ بعد السلام والسؤال حجة تميم

تميم ،، بنت المرحوم عوض عندك هيج سمعت

ابو جويد ،، اي ياشيخ عندي وشاهد الله حالها حال فروخي

تميم ،، الله يرضئ عليك شنو مصير هل بنت

ابو جويد ،، ليش هل كلام ياشيخ اذا سمعت بيها مريضه
ذيج امها وانشدها باايدي اخذتها المستشفى وداويتها
والحمد الله رجعتلها عافيتها الحين

تميم ،، ماتقصر لكن اريد اعرف مصيرها

ابو جويد ،، مثل متعرف ياشيخ بنت العم لابن عمها واني
جاعلها بنيتي وبس يكبر ولدي نجوزهم

تميم ،، هاذا هو لكن انه افضل تقدم هل جواز ونعقد الهم

ابو جويد ،، بس ياشيخ لساتهم صغار

تميم ،، ماردت تسمع مني هل كلام عبن اعرفك زلمه تخاف الله وسمعتك طيبه وماتقبل بالعوجه لكن الزوم تعرف

ابو جويد ،، كول ياشيخ

تميم ،، هل صغار غلطو

ابو جويد ،، شنو قصدك غلطو

تميم ،، ابنك وبنت اخوك وكعو سوئ

ابو جويد ،، كول غيرها شيخ بعدهم وينهم وين هل سوالف

تميم ،، من تمرضة البنت مو انت خذيتها ؏ المستشفى

ابو جويد ،، صح

تميم ،، وين اخذتوها لعند دكتورة حرمي وهيه شهدت
؏ حمل البنت لكن لان صغيرة طاح حملها من سئلتها حرمتي حجة الها كل شيئ ومع ذلك راح نسمع من البنت
ومن الولد وبعدها انت قرر

_ هنا رجال تااكد انو الشيوخ حجيهم مو عبث جها سود وايده صارت ترجف صار يدك ؏ راسه شلون هيج شلون هاي امانه عنده صار يتحلف باابنه راح يجتله ومااعرف
شنو وكام هد ؏ ابنه لزموه وطلب من عداي يجيب
خديجة وبتها ربع ساعه ودخلن

تميم ،، تفضلي خويه اكعدي

ابو جويد ،، ليش هيج ام رقيه ليش بيش قصرة وياج

خديجة ،، حقك ؏ راسي لكن مالي ذنب اعذرني لاني
غافله ياخوي اعذرني

ابو جويد ،، لا اله الا الله

تميم ،، تعالي عمو وتعال انت جويد

_ كعدهم وصار يحجيلهم عن الزواج والشريعه
وانو الي صار حرام ولازم يصلحون الغلط
الولد كان اغبئ من انو ينكر صار يبجي والبنيه اصلا
من دخلت وهيه ترجف ودموعها الطفوليه تنهمر بغزاره







تميم ،، الي صار صار وانت لازم تتعاقب ياجويد
من رخصتك ابو جويد

ابو جويد ،، سوي المطلوب ياشيخ

تميم ،، بويا انت تدرس

جويد ،، لا

_ حجاها بصوت يرجف

تميم ،، من امتئ تارك الدراسه يول

ابو جويد ،، من ثالث ابتدائي مايفتهم وبطل ومايسمع كلامي وهاي تاليها ياخوفي باجر عكبه يجيب الي اكبر من هاي

تميم ،، وشعنده بالبيت

ابو جويد ،، عدنه خمس ستة انعاج يسجج بيهن

تميم ،، هاذا هو باجر بااذن الله نعقد الهم ولا من شاف ولا من درئ وبعد العقد هل ولد ياخذ حلالاته وبروح للعزبه
هناك عند شيخ هارون خلي يعلمه شلون يسمع الكلام ويصير رجال وانت هم تستفاد منه احسن مايضل صايع

ابو جويد ،، مااعرف شلون اسد معروفك ياشيخ

تميم ،، انتبه ؏ ولدك الباقين وهاذا هو

_ دنك الرجال راسه بخجل من فعلة ابنه زين شيخ سد سالفه ولحد شاف ولحد علم تميم طلب هل سالفه متطلع باب المضيف لان اذا طلعت هل باب تصير علج بحلوك اهل سلف كله بعدها كامت خديجة وبتها

خديجة ،، مشكور ياشيخ ماقصرت

تميم ،، واجبي اسمع ابو جويد خديجة وبنتها بحمايتي
باجر هيج وكت يسيرون الولد عنكم ويعقدون الهم

ابو جويد ،، هاذا هو ياشيخ امرك

_ طلع الكل وتميم مدد بتعب مايكدر يكعد فتره طويله
ثاني يوم عداي وطه اخذو سيد وراحو ساعه زمان عقدو
الرقيه وجويد وبدها عداي اخذ جويد وصله للعزبه
الي بيها حلالهم يم هارون خلاه يشتغل عنده وكال

عداي ،، ابو عبد لا تقصر وياه ربي من جديد هاي اوامر شيخ

هارون ،، يدلل شيخ يلااا يولد خذ غنماتك ؏ المسراح ذيج هي الغنم وتعال اريدك ماتفاركني لحضه

_ راح جويد هنا حجة عداي

عداي ،، انتبه عليه لساته فرخ خطيه

هارون ،، ان شاء الله شنو سالفته

عداي ،، اسكت وخليها هل جقاله سوئ الي ماتسولف
ضاحك ؏ بنت عمه وماخذها وابنت حبله وطيحت

هارون ،، انه خوك

_ ضحكو بصوت صاخب وبعدها رجع عداي للبيت
وحجة كل شيئ التميم وهنا تميم طلب خديجة وبنتها
يشتغلن سوئ بالقصر حتئ لبنت تبقئ تحت عين امها
لساتها ماتفتهم خليها تتعلم







تميم ،، هاذا الي صار شبيدي عليهم

حور ،، مقصرت افضل حل لحد مايكبرون

تميم ،، كومي خل نتغدا الناس تنتظرنا والي صار بالمستشفى ماينحجي هين باالبيت خوش بويا

حور ،، تمام

_ كامت طلعت هي وياه الكل كان موجود

تميم ،، الله يكويهم

حجيله ،، هلا يبعد حيلي

_ راحت حور كعدت يمها و تميم كعد يم ابوه

هدئ ،، هاا

_ صدت عليها حور وحجة بهمس

حور ،، شيخ كال هل الموضوع ممنوع ينفتح بالبيت

هدئ ،، هاا

حور ،، راح روح احضر الغدا وياهم

هدئ ،، جايه وياج

_ حور كانت كلش ضايجه بسبب الي صار اليوم ولسه
خايفه لا زيدان يحجي شيئ غلط او يتهمها دخلت
كانت ام عداي وهاجر وثراء يصبن سلمت وفاتت طلعت ليمون من ثلاجه والمعصارة من فاتت من يمهن هاجر شهكت وام عداي باوعتلها هاي اشرت الها ؏ ملابس حور
رغم انو سوت محتشم وطويل حور باوعت عليهن من شهكت هاجر ورجعت تكمل شغلها مااهتمت صارن يتهامسن

هاجر ،، شمالها ماعندها ثوب مال اوادم لو ذنيج المشلتحات
لو بجامه اشترولها ثوب

ام عداي ،، چاشلون يصيدن المراة عندها دربين تلفت بيهم النظر لو تصير سباعيه وتشتغل لو تشلتح وتتلوكشص م
وهاي مو مال شغل متحل جربه خذة طريق رعن

ثراء ،، ياا شمالجن مايسمعجن الشيخ عيب ترئ

هدئ ،، وانتي ياطريق سلكتي منهن هاجر اكيد الشغل واضح عليج من وجهج المجلح واديج المجكلمه

ام عداي ،، ياا شمالج انتي يالقزمة تجاوزين ؏ مرة شيخ

هدئ ،، اضن سمعت غلط منو تقصدين

ام عداي ،، مرة عداي مالج لازم بيها خووش

هدئ ،، صح كلهم ولد شيوخ لكن هنا شيخ واحد هو شيخ تميم و زوجتة حور الي صوتها مينسمع عبنها شيخه
وهاي الملحه خلي تشتغل وتسكت بالكت تصيد

حور ،، هدئ نطيني سراحيه من هدن الكزاز

ام عداي ،، وانتي يالخنوسيه عيب عليج لابسه بجامه وتفترين احشمي مو بعينج

حور ،، العفوا تحجين وياي مسمعتج من صوت الخلاط

هاجر ،، تكلج ال

حور ،، هدئ سراحيه وينها

_ اخذت من هدئ خلت العصير خلته ؏ طاوله وغسلت وطلعت وجها محمر كعدت يم تميم وابتسمت

تميم ،، شلون صرتي

حور ،، تعبانه كلش

تميم ،، عسئ بعدوينج

حور ،، امين تميم اريد احجي وياك بموضوع بعد الغدا ممكن

تميم ،، ممكن ونص

حور ،، ههه ماشي

_ خلن الغدا والكل كعد وحرب النظرات بين هدئ وام عداي
مالها هدنا بعد الغدا كل واحد راح ؏ شغله هدئ ؏ المطبخ
تسوي كيك وحور وتميم ؏ غرفتهم هاجر صعدت
البقيه ؏ غرفهم بس خديجة اجتي بعد الغدا صارت تغسل مواعين وتسولف مع هدئ بهل اثناء دخل عداي شافها
ضل صافن خديجة طلعت

عداي ،، اليوم هنا

هدئ ،، اي

عداي ،، شكاعد تسوين

هدئ ،، اريد اسوي شيئ الكله طيبه وخلي بيها سم
واسمم مرتك وتخلص منها

_ سوئ روحه مصدوم كوه كاتم ضحكته كال الها

عداي ،، وانه وين اروح

هدئ ،، اذا هل كد متعلق بيها عادي ابعثكم انتو الثنين ؏ جهنم بابها مفتوح

عداي ،، شبيها اليوم قزومتي

هدئ ،، جنت متحمله امك واكول مراة جبيرة والله هاي مرتك مااتحملها الزمها من شعرها امسح بيها البيت

عداي ،، بويااا واكل للعالم متعاركات عليه ايابا شحياك

هدئ ،، وييع مصدك نفسك بس لان لسانها طويل جنها جبار

عداي ،، علمين ويع عليه

_ حجاها وتقرب من هدئ رافع حاجبه بلعت ريكها ومن توتر نست ايدها بسها طحين رجعت شعرها ليوئ وجها طحن ابتسم ؏ شكلها طلع موبايله وصورها وشوفها صوره

هدئ ،، من وراك وخر من طريقي

_ فات ؏ ثلاجه اخذ قوطيه وكف يم الباب وحجة
بجديه وعيونه عليها

عداي ،، هدئ شبيها هاجر

_ باوعتله وجها جامد حجة بجديه







هدئ ،، زوجتك تدخل بااشياء اكبر منها وخاله راسها براس حور صح دكتورة هادئ وصوتها ميطلع وماترد بس للصبر
حدود واذا هيه متحجي انه موجودة والله مااسكت

عداي ،، ؏ كيفج مو لسان رشاش دددددد شبيج فهميني

هدئ ،، روح اسئل مرتك الملحه الجلحه هيه تكلك

عداي ،، ترئ مااقبل شنو ملحه جلحه هاي قسمتي
ردت بيضه مدبده بس ماصحت فمااقبل احد يجاوز

هدئ ،، هههههههه ضحكتني ولو اكلك هنه هذني الي يكعد حضهن الملح جلح المصلبخات امهات خلاكين عديمات ذوق
الحشريات

عداي ،، خوب كولي اغار عليك وفضيها

هدئ ،، اوي ليش اغار اصلا شيخ راح يخطبلي واحد من رجاله اني اختاره بنفسي

عداي ،، شنووو

هدئ ،، اي حور كلتلي بس اشري وشيخ يخطبه الج

_ وجها انطعن احمر وحجة وهو صاك ؏ اسنانه

عداي ،، راح تختارين سلمان موو

_ كانت تريد تحرك قلبه مثل ماهاجر حرقة قلب حور
حتئ يروح يادبها مكانت تعرف راح توكع بيها
ضل واقف يراقبها منتظر تكمل كلامها وهيه مشغله خلاط الكيك طفته ومدت ايدها اخذت بااصبعها شوي من العجينه وخلته بحلكها كشورت معاجبها طعم رفعت راسها باوعت ؏ الكاونتر سحبت الكرسي و صعدت وبعدها ؏ الطاوله تريد توصل لشغله من المعلق لكن من سحبت الباب بقوة طاحت ليوئ وصرخت هو كان اسرع سحبها من ايدها
وياليتها طاحت ؏ الارض ولا طايحه بحضنه

وهم بهل حاله دخلت هاجر صارت عيونها صارت بهامتها كامت تصرخ لمت البيت كله عليهم عداي نزل هدئ وتقدم منها وهيه تحجي ماتسكت غلط وفشار هدئ ضلت صافنه

هاجر ،، واني اكول شعجب ماتجي لعندي اثاريك مبيس بهاي نتفه بسني ساكته ومتحمله طلعت هاي تضحك عليك ماتستحي نايمه بحضن رجال مزوج كلها خلك خدامه

هدئ ،، من رخصتج انجبي لا اشويج بالفرن

هاجر ،، مسربته ام رجوله

هدئ ،، هااي شبيج بابا

ام عداي ،، خيرر شكو

هاجر ،، ولج عمه شايلها بحضنه شيل ماادري جانت تسويله

_ طفر الها عدي سحبها من ايدها ؏ غرفتها لكن تميم صار كدامهم وكفو حور باوعت ؏ هاجر رافعه حاجبها وذيج مازالت تعد رغم عداي يسكت بيها







هاجر ،، ماتستحي بطول شبر

تميم ،، هاااااي سكتي عداي كض لسانها

_ حور تجاوزتهم وراحت ؏ المطبخ باوعت هدئ خلت القالب بالفرن ورجعت ترتب بالثاني

حور ،، هاي

هدئ ،، هلاو تعالي سويت كيك للكل

_ حور باوعتلها بشك وحجة

حور ،، انتي بخير هدئ

هدئ ،، شوفت عينج بكامل قواي العقليه وجسديه

_ هنا حور بحركه لطيفه اشرت ؏ الهوسه الي برئ ردت عليها هدئ بااشارة تعني مجنونه ابتسمت حور وطلعت
الكل راح للصاله وهاجر تبجي وكفت حور وكالت الها

حور ،، ياا خطيه ليش هيج تبجي

تميم ،، غير نفهم وينها هدئ

حور ،، داتسوي كيك

ام عداي ،، محد عاتب عليها تتخنس وكت ضهاري

تميم ،، ام عدااااي بسج هاذا بيتها

عداي ،، يوم كافي والي يرحم والديج

حور ،، سئلتها كالت ماكو شيئ هاي هاجر شوي تعبانه اعصابها

_ حور حجة هيج لو ابتلت

ام عداي ،، محد مخبل غيرج يالماتستحين شطولج شكدج
لابسه بجامه وتفترين بوسط رجال ورفيجتج انكس منج
تتصيد

_ تميم صافن ماحجة عداي صار يبلع بريكه اخر شيئ صرخ بيهم سكتو الكل وصاح هدئ

_ اجتي وكفت بالوسط وكالت

هدئ ،، طلبتني شيخ

تميم ،، شنو سالفه بويا

هدئ ،، والله ماادري كنت اسوي كيك صعدت ااجيب نكها
من فوك وجان يطب واحد حتئ مشفته اني سحبت
الباب وكان اطيح بس ماوكعت ؏ الارض اثاري عداي لازمني بنفس الثانيه اجتي هاجر وصارت تغلط وتفشر
ولمت اناس اني عذرتها ورجعة اكمل الكيكه مالتي
هاي كل القصه لكن هاجر سوتني سرقه رجلها

تميم ،، هاجر لمي غرضج وعلئ بيت اهلج مو بس عمود هدئ عل غلط الي غلطتي ؏ شيخه مراة شيخ بعد مالج مكان بيتي واذا رجلج يريدج يلحكج

_ هنا الكل تخبل شلون يطردها كامت تبجي و ام عداي
تخبلت لكن مفاد حور كعدت تباوع وهدئ رجعت
؏ المطبخ كانت ثراء واقفه حجة

هدئ ،، تستحق حتئ تتادب مخبله

ثراء ،، عداي مراح يرجعها

هدئ ،، ترجع ترجع


_ داخل الصاله عداي سحب مرته وصعد وام عداي راحت ؏ غرفتها تحجي ضلت حور كاعده هيه وحجيله وام هارون

حجيله ،، هاي شنو والفيها بداري كله صوجك انت جبت هيج شكولات صلفه

تميم ،، ضلمته العداي هاي مو من مسوانه بس هو مو ادمي
لاخر لحضه اكله اذا متريد كول كل مااسئله يكول لا هاذا هو

حجيله ،، عبنه مايكسر حجايه الك

عداي ،، خلي يطلكها اذا مجر عدل

ام هارون ،، مايفيد هاي مطبعه عبالها كاعده بنص عمامها
وتعد ولا حاسبه حساب للمكان والي بي

_ خل تروح فتره ونشوف

تميم ،، حور تعالي ؏ مكتب

_ كام وكف حور طلعت وراه اول مدخله تميم كعد
؏ كتبه وحجة

تميم ،، شنو الموضوع الي طلبتيني بي

_ كعدت مقابيله خلت وجل ؏ رجل وباوعتله بنظره
عميقه وحجة

حور ،، انت مو سويت هل غرفه الي

تميم ،، اي

حور ،، والحديقه مو الي حتئ ارتاح بيها

تميم ،، اي

تميم ،، حاليا اني ممرتاحه

تميم ،، ليش بويا تردين اسويلج بيت وحدج

حور ،، لا اني احب العائله بس

تميم ،، بس شنو

حور ،، قبل كنت بس انت تباوع ؏ الحديقه واذا شفتني
كاعده تختفي اخذ راحتي اكعد ادرس تعرف عندي اطروحه
احجي مع اساتذتي

تميم ،، اي

حور ،، حاليا غرفتك صارت العداي وزوجته مااكدر اطلع
كل مااكعد هي فوك راسي اني احب الخصوصية جدا واحب البس شيئ مريح تخيل الوضع اذا اليوم شافتني بسوت
مخلت كلمه مسمعتها الي

تميم ،، يصير خير بويا يصير خير

_ كانت تحجي بجديا ابد مازيفت بالكلام هيه انانيه
جدا من ناحية ممتلكاتها وهل حديقه خاصه فيها والاهم
متريد هاجر تطلع علئ خصوصيتها بهل اثناء اجه سلمان بسرعه دخل للمكتب شاور شيخ وطلع وتميم وياه
حور ضلت تباوع بخوف حاولت تفهم شكو معرفت

***

قرأءة ممتعه احبتي ❤️

مهرتي البرية - البارت - 21 - جزء 2 -
***
‏
‏

‌‌‌‌‌‏حاسبني اذِا تلـكه مكَان بَروحَي مَـايهواك


***

حور ،، غرفتك القديمه السابقه صارت العداي وزوجته مااكدر اطلع كل مااكعد هي فوك راسي اني احب الخصوصية جدا واحب البس شيئ مريح تخيل الوضع اذا اليوم شافتني بسوت مخلت كلمه مسمعتها الي

تميم ،، يصير خير بويا يصير خير

_ كانت تحجي بجديا ابد مازيفت بالكلام هيه انانيه
جدا من ناحية ممتلكاتها وهل حديقه خاصه فيها والاهم
متريد هاجر تطلع علئ خصوصيتها بهل اثناء اجه سلمان

كان الباب مفتوح سوئ حركه التميم فهم عليه اشرله دخل بسرعه تقرب من تميم ماعرف شحجة شاور لكن ملامحه تغيرت تغير جذري باوعلي وكام وكف طلع بسرعه سلمان
وراه اني ضلت اباوع بخوف حاولت افهم شكو معرفت كعدت مكاني ضليت صافنه حسبه تاخذني وحسبه ترجعني

بطبعي مااسئل ولا ادخل لانو ممتعرده اصلا نص ساعه
واني ؏ كعدتي هدوء ودفئ مكتب تميم محرم ؏ جميع بس اني وعداي وسلمان ندخله اخذت نظره شامله ؏ المكان تذكرت اول مااجابني زهير ومعاملته السيئه الي وقتها طلبت من تميم شويت وقت حتئ احجي وياه بخصوص معاملة زهير الي وانو سحب اجهزتي وميسح الي اتواصل مع احد يومها اعطاني نسخه من مفتاح مكتبه هاذا بدون اي تفكير مارفض وجودي بمكتبه اه ياتميم اه

_ كمت توجهة ؏ غرفتي كانو كاعدين بصاله خالين الغدا حتئ مباوعت عليهم انسدت نفسي دخلت غيرت ملابسي
بجامه وتشيرت رحت سويت كوب قهوة دبل عندي ماكنه بالغرفه رجعت فرشت كتبي ؏ الارض وكعدت اقرأ
اهرب من واقعي الئ عالم المعرفه گ اعاده هيج تعودت
اذب كل قهري ؏ الكتب حتئ كنت جوعانه نسيت اكل
دقائق وندمجت بعالم خاص بيه فقط

_ قبل ثلاث ساعات .

سلمان ،، شيخ

تميم ،، كول

_ هنا سلمان ،، حجة كل الي صار بالمستشفى للشيخ هنا تميم تخبل شك انو السالفه اكبر من شغلة مراجع

تميم ،، تصرف سلمان واعرفلي شنو سالفته هاذ

سلمان ،، صار راح اوصل ام فهد للبيت وبعدها اتفرغله

_ بعد ثلاث ساعات رجع سلمان بوجها ؏ تميم
حتئ يبلغه بااخر المستجدات

_ اول مطلعو تميم التفت ؏ سلمان تعابير وجها صرمه
حجة بين اسنانه بغضب عارم







تميم ،، صدك تحجي شلون كدر يشرد منكم

سلمان ،، اي والله فلت بس جيت كل معلوماته

تميم ،، احجي

سلمان ،، زيدان العنزي ابن شيخ ضابط 33 سنه هو الصغير

تميم ،، دقيقه مو هذول نفسهم البحامده ا

سلمان ،، اي شيخ

تميم ،، هذول خوش اوادم شماله هاذا مهتلف

سلمان ،، مايعرف ويامن ندك

تميم ،، تمام انت شوف شغلك اربع وعشرين ساعه اذا مااجو اهله جيبو انه رايح ؏ عزبه اشوف الحلال

سلمان ،، راح ابلغ الولد

_ راح سلمان وتميم وكف يم المضيف طه واكف وراه
لحد مااجتي السيارة وانطلق متوجه ؏ العزبه مالتهم

عند عداي

_ بعد الي صار والكل وكف ضد هاجر بالاخص تميم
الي كان ملاحض من لحضة رجوعهم من اربيل
انو هاجر مضيع فرصه حتئ توجه اسائه الحور ودائما
يسكت يكول نسوان بينن يحلنها رغم متااكد حور
مستحيل ترد او تحجي مع اي شخص لانها مختلفه
مو من النسوان الي تلاسن ودور مشاكل وقيل وقلت

كان مضطر ياخةذ اجراء بحقها وافضل شيئ انو خله خيارين كدام عداي لو يرجعها ؏ اهلها لو ياخدها ويطلع من البيت والضاهر عداي اختار الاخيار الاول من صعدو الغرفتهم دخل وهو مفول عليها سحبها من زندها وحجة

عداي ،، ولج انتي شبيج خبله بابا كم مره حذرتج كتلج
مراة الشيخ معليج بيها هاا ليش تجاوزين

_ عتها من ايدها ودفعها ؏ الحايط دفعت ايده وحجة
بحقد وكانها كانت منتظره احد يحجيها

هاجر ،، شحجينه قابل سبينه العنب الاسود مكبرين راسها ؏ شنو بويا تراها لا حيا ولا مستحا مشلتحه وفرعه
وتفتر عباله رايحه ؏ العرس

عداي ،، وانتي عليش معطبه شعليج بيها وتعالي جاي
وين شفتيها تخابر يابستان هاذا احجي لشوف شوكت طلعتي

هاجر ،، ماطلعت من هنه شفتها من شباك

عداي ،، قصدج بالحديقه الخلفيه

هاجر ،، هاذا مو حديقه هاي بستان

عداي ،، هاذي مالتها ومحد يكرب صوبها مشوفيها محصنه
لمي ملابسج خلي عدنان يوصلج البيت اهلج







_ باوعتله بخرف وصارت ترجف تقدمت وكفت كدامه وصارت تبجي وتترجاه

هاجر ،، لا لا مااروح والله ابوي يموت اذا كتله
طردوني

عداي ،، جان فكرتي قبل لا طولين لسانج ؏ النسوان
السالفه كبرت وطلعت من ايدي والشيخ انطه قراره
بعد دقيقه ماضلين هين يلا

هاجر ،، بكيفه يطرد مرتك من البيت چا انت مو رجلي مالك كلمه عنده اذا هيج اروح اتوسله يرجعني الك

عداي ،، لا تخليني اكفر بيج يلا

هاجر ،، مااطلع عتبت الباب واذا طلعت انت الخسران

عداي ،، ههه شخسر يولي انتي شايفه نفسج بالمرايا
لا يكون عبالج لسه عايشه بخرايب اهلج ولج انتي مراة
عداي هاذا حالج

_ باوعت النفسها وحجة

هاجر ،، شبيه هااا شبيه عبن حاشمه رويحتي
وماازروق جدام الرايح والجاي وكاعده بداري وساتره نفسي
مااعجبك مو متعود ؏ المناظر الخلابه مال الحبايب

عداي ،، لا جفصين ولج وين اكو عروس كل نهار مكمكمه
وبليل نايمه بدشداشتها ولج انتي هبله لو تستهبلين عليه
شوفي جهج شلون مهلب

هاجر ،، انه بنت السلف وتربيت وكبرت ؏ ستر
مااعرف المكسرات والاحمر والصفر انه اجيت الك مراة
اترس بيتج فروخ وماخليك بحاجة احد ماازروق واكعد
وناس تخدمني ولا وراي ولا كدامي

عداي ،، ولج اني شفت منج حتئ افكر اجيب فروخ
ومنين راح تجيبين فروخ اذا انه من العرس ماكلبتج
غير مرتين

هاجر ،، وانه ساكه واكول مااريد اغثه بس اعرف عينك ؏ غيري حسبنا الله ونعم الوكيل بس كتلك انت الخسران
وهاي انه طاله ولو اصير خدامه عند عمامي ماارجعلك بعد
بس اخذتو الكاع مني وطردتوني حسبنا الله عليكم

_ بعد عركة ومدافع طلع هو وياها اخذها وصلها يم عمامها
طلعو عمامها وابوها كال الهم

عداي ،، عمي هاي بنتك ويومين ثلاث توصلها ورقة
طلاقها هاي اوامر الشيخ

ابو هاجر ،، شمالكم بويا صار

عداي ،، عمري بنتك ماتصلح تكون مراة شيخ لسانه طويل وحاشره نفسها بالجبيرة والصغيرة والشيخ خيرني
يااطلع اني وياها ياارجعها البيت الهلها وهاي انه جبته
الكم مامستعد اترك اهلي عمود بنتكم

_ عافهم ولف السيارة ورجع للبيت ضل بالمضيف
صار الغروب وهم ؏ هل حال كل واحد حاير بضيمه







عند هدئ

_ كانت واقفه تزين بالكيكات بعد مبردو اجتي ام عداي
شالتهن ولطشتهن ؏ الارض وهي تعد

ام عداي ،، كله من وراج بطول شبر هجمتي بيتي يلماعندج اصل ماتستحين كاعده هين بنص الغربه وشبشبين ؏ الولد عبن محد مكلبج مالكيتي غير عداي

هدئ ،، لوك لوك ؏ كيفج شبيج ياخاله لا تنجلطين ان شاء الله المهم الكيكات شعليهم حرمتيهم هيج

ام عداي ،، تنكبرين ؏ دارج وماريد اشوف طولج
هين استحي مضل علي غير بنات شوارع

هدئ ،، اهووو مو محترمج ليش جفصين ترئ راح
انسئ عمرج واعاملج بالمثل

ام عداي ،، بنت شوارع شترجئ منج

هدئ ،، روحي خاله روحي

ام عداي ،، راحت روحج انه كاعده بداري انتي الي تولين

هدئ ،، هممم صدك اني طالعه وانتي جيبي جنتج
المصون ونضفي هاي نعمه الي ترستي الارض بيها

_ عافتها هدئ وطلعت وجها محتقن راحت بدلت ملابسها
و نامت حتئ غدا متغدت حتئ فهد عافته عند جدته

_ خلص النهار

_ خلص النهار ومحد بين من جماعة زيدان الكل شد
حزامه اصبح ناوين يجيبو من جو الارض
رجع تميم للبيت دخل كان الكل كاعد باستثناء ام عداي وجنتها سلم وكعد باوع ؏ حجيله وحجة

تميم ،، چاوينها الحور

حجيله ،، محد شافها من ضهر

_ وجها متعض كام وكف توجه للغرفه فتح الباب ودخل
صارت كدامه كداعده وفي كذا كتاب كدامها والقلم باايدها
وتلخص بالسجل الي باايدها واكوبت القهوة يمها ثلاث اربعه وبطل ماي شعرها مفتوح مدد ؏ الارض من دخل
رفعت راسها باوعتله ورجعت تباوع للكتب بااهتمام

تميم ،، الله يساعدهم

حور ،، هلا

تميم ،، شمالج بويا تردين باقتضاب

_ مردت عليه صارت تحجي بصوت عالي وتكتب

حور ،، احد اسباب التضخم في رحم هو السرطان
ووووووو

_ كعد بباوع عليها كل شوي تبعد شعرها من وجها
خاله القلم بين اصابعها وتفر بي حركات لا اراديا
كام نزع شماغ و العكال خااهم ؏ سرير وتقرب كعد
يمها سحب الكتاب من كدامها بعده عنها رفعت راسها باوعتله هنا هو مد ايده سحبها اجتي ويااه بدون تردد
كعدها يمه رفع ايده ثانيه ولمس خدها وحجة







تميم ،، لج بويا انتي من شوكت كاعده تقرين

_ ماردت ضلت تباوع عليه تقرب عليها اكثر مكدر يقاوم
كتلت الاثاره الي كدامه صار يتقرب منها وهو يمطرها بالغزل والكلام المعسول ماحجت شيئ ضلت ساكنه
لحد مافجاة صحة ؏ نفسها وكالت بدون مقدمات

حور ،، اريد شهر عسل

_ ابتعد منها وهو فاتح حلكه الكلام معاد ينطق

تميم ،، هاا

حور ،، بـس تصير زين تاخذني شهر عسل

تميم ،، ههههه مو تدللين وبعد شتردين

حور ،، اريد عرس

تميم ،، شنوووو چاخليتيها لما نخلف

حور ،، اعتقد هاذا حقج وبعد

حور ،، وشهر عسل

_ بلع ريكه وهو يباوعلها بنظرات تود التهامها رد

تميم ،، هم صار بس شلون راح نعرس من جديد

حور ،، مااعرف هاي مشكلتك دقيقه احنه مو كنا مقررين
بس يطلع حول زهير الله يرحمة نتزوج

تميم ،، اي

حور ،، حلوو بعد ثلاث اشهر يطلع الحول احسب حسابك
بعد ثلاث اشهر تسويلي عرس

_ حجتها وهيه تسوي حركات مستفزه لكن تميم كان كل همه بهل لحضه تكون بحضنه لكن الضاهر حور جنت خلص
طيرة عقلها وراح تجننه وياها

تميم ،، حقج بويا واحلئ عرس بس تعالي

_ سحبها من ايدها ابتعدت عنه وهيه تسوي حركة بااصبعها

حور ،، نو نو نو مراح تقرب عليه ولا تلمسني لحد يوم العرس

تميم ،، حور لا تخليني اطلع عن طوري كتلج صار تعالي

حور ،، كتلك لا

تميم ،، هاي شنوو منين طلعتلي هاي

حور ،، مطلبت غير حقي منك ياشيخ اما اذا تكول
لعد ليش وافقتي اتقربلك وسلمتيني نفسك راح اكلك@ق
ببساطه كنت حابه اعالجك بااي طريقه الي كانت لذلك
وافقت حتئ نتاكد انك تعافية وبما انك تافيت واكملت مرحلة علاجك كدامك خيارين الاول تسويلي عرس و وشهر عسل اول تطلقني وتروح ت

_ قبل لا تكمل كلامها وجها اندار لصفحه الثانيه تميم بس سمع كلمة طلاق فقد عقله لا اراديا ضربها راشدي وعيونه تجدح نار ضلت مدنكه اول مرة يمد ايده عليها اول مرة
تحرك قلبه شلون فكرة ولو مجود فكره انو ممكن يتركها
سحبها من ايدها بقوه صارت بحضنه بدون مقدمات
التهم شفاهها بقبله كانت عنيفه وكانو يعاقبها وليس يقبلها
لا اعلم كم دامت تلك القبله لكن ابتعد عنها من حسها محتاجه الهواء ضلت صافنه بوجها حجة بفحيح







تميم ،، اطلبي روحي ولا تجيبين طاري فراك مرة الخ خوش لان عقل مايضل عندي

حور ،، مااحبكن

تميم ،، يجي يوم وتحبيني

حور ،، انت ضربتني

تميم ،، من حبك لاشاك

حور ،، ليش اني

تميم ،، لانج سلبتي كليبي

حور ،، تميم

تميم ،، عيونه

حور ،، اريد عرس

تميم ،، ههههه احلئ عرس واحلئ شهر عسل بس مال اعوفج ثلاث اشهر مستحيل

حور ،، عقابك ؏ هل كف الي ضربتني اياه راح يكون

تميم ،، لا تكليها

حور ،، بلي راح كول ثلاث اشهر ماتدخل هل غرفه
واذا عدتها تحلم بعد تشوفني

تميم ،، ماياخذج مني غير الموت وداعت عيونج الي اعشقها


حور ،، تميم جوعانه

تميم ،، بويا اليوم طلباتج ممريحتني

حور ،، انسئ هسه كوم روح

تميم ،، وين اروح

حور ،، ارجع نام بالاستقبال بحجة مريض هل ثلاث اشهر
لحد مانسوي العرس

تميم ،، حور والي يرحم والديج لا تخبليني

حور ،، اول مرة تطلب منك شيئ

تميم ،، وشلون راح نعيش هيج ثلاث اشهر

حور ،، مثل المخطوبين عادي

تميم ،، حور اني صاحيه بويا اخاف ماخذه مخدر صخام

حور ،، ههههههه لا

_ كام تميم طلع وهو يباوع عليها بشك وكل ساع يفرك
وجها بغضب راح يصير الهم ثلاث اشهر سوئ شذكرها بالعرس هسه هو صح كال الها كدام اهله بعد السنه ياخذها
بس الكل يعرف هم عايشين سوئ من يوم العقد
طلع للمضيف وهو مدوخن كعد فاصل عن العالم

عداي ،، ابووو فهد

تميم ،، هاا هاا

عداي ،، شمالك بعد اخوك

_ فرك وجهه وكعد عدل باوعله بنظرة محتمقه وحجة بدون تفكير بس عداي سمعه هو تقصد بس عداي يسمعه ماعنده مشكله بالاخر عداي اقرب شخص اله







تميم ،، تريد عرس

عداي ،، شنوو

تميم ،، حور تريد عرس بعد الحول او اطلقها

_ عداي ضحك بصووت صاخب لفت نظر كل الكاعدين
باوعله تميم بغضب سكت بعدها رد

عداي ،، اعذرني ياخوي بس حالتك صعبه

تميم ،، تسلم لان ذكرتي ترئ ادري هسه كلي هاي شسويلها

عداي ،، سوي عرس وفضها ترئ حقها وتستحق

تميم ،، لك شكول للوادم

عداي ،، الكل يعرف عقدت ؏ ارملة اخوك بس محد
شافك سويت عرس بعد الحول سوي بينك وبينها

تميم ،، هيج كولتك

عداي ،، ماكو غير حل

تميم ،، الله يعينا ؏ مابلانه

_ دارو العشئ كعد ويه شباب اكل لان شكله ناوي
يرد ضربه الحور بعد ماخلته يترك الغرفه خلصو العشئ شالو السفره دار الهوجي الشاي وهم يشربون صوت سيارات وهوسه ثارت طلع تميم ووجاله حوالي وعداي طفر قبل الكل وكفو نزلت كومة رجال كلها معكله و ناس كبار
ضل تميم واكف تقرب منه سلمان وحجة بصوت ناصي

سلمان ،، العنزي

تميم ،، هممم

_ ابتسم بطرف شفته وتقدم وكف بصدر من ضمن الحاضرين كان زيدان وهو بكامل اناقته سلمو ودخلو
لكن من طرف تميم كانت الوجوه ثكيله بالاخر ابنهم تهجم
؏ حرم شيخ

عواد العنزي ،، ياشيخ سالم انه جايك ومالي وجه ولا عين احطنها بعينكم

سالم ،، وجهك ابيض يا ابو حميد

_ تميم مارد كان مشغول عقله وفكره في حالة صياغة سيناريو مناسب لتحطيم وجه زيدان الي كان كاعد
مدنك راسه لحد مكال وسام العنزي

وسام العنزي ،، ياشيخ ابو فهد نحن متعنين لعندك والي تريده يصير وهاذ ابني هين ركبته بين اديك لو جان كاصد

تميم ،، وهاذ الي شفعله ياابو حميد

وسام العنزي ،، لكن الزوم تسمع من ولدي مثل ماسمعت
من طرف الثاني هاذا حك ياشيخ

تميم ،، نسمع لكن قسم بالله اذا انذكر اسم ؏ اسمي غير يصير دمها لرجاب

_ تميم قصد اذا انذكر اسم حور هنا بالمجلس تصير كارثه
الكل فهم عليه هنا سالم حجة







سالم ،، حقك يولدي كول ياابني شجابك طرف شيخ تميم

_ هنا زيدان رفع راسه وحجة وهو مايجرا يخلي عينه
بعين تميم الي كان خازره طول الكعده

زيدان ،، ماعندي شيئ اكول غير الي سمعته وحقك علي انت والاهل الي مايعرفك مايثمنك

_ هنا تميم فرك وجها بغضب ماعنده نيه يسامحه مجود يذكر انو هو اعترض طريق مهرته جز ؏ اسنانه وحجة

تميم ،، الخاطر هل وجوه الطيبه عفيت عنك لكن وين ماتشوف او تسمع تابع لشيخ تميم لا جرب عليه وقتها
مايصير خير ياابن العنزي

_ قصد تميم اذا وصلت المستشفى مره ثانيه تكون نهايتك
كامو الكل تسالمو وحرب النظرات بين الاثنين ماخلصت وسبب انو تميم ماارتاح لهل شخص ولا هضمه دارو الكهوة والكل شرب وصارو يسولفون لحد ماابو حميد حجة فاجئ
الجميع بطلبه الغريب الي صقع الكل

عند هاجر

_ يومين وهي بغرفتها معتزله عن العالم حاول ابوها يحجي وياها لكن ماكو متقبل تطلع خلصتها بجي لحد اليوم
الثالث اجتي عمتها ام فزع هاي مرة قويه وبنفس الوقت شرانيه يكلون الي يدوس الها ؏ طرف تدوس راسه

اول مدخلة بيت ابوها الي هو بيت جد جاهز والي ساكنه
بي هيه وابوها بعد ماتوفة امها ابوها سكن مع اهله
حتئ جده تدير بالها ؏ بنته عبن هو مريض ماكدر يتزوج
بعد وفاة زوجته ام هاجر كانت الجده فارشه حصير
بالجاسر بشميسه وكاعده تطحن شعرير برحه وتنطي

للجاجات الي يروشن حولها وابو هاجر كاعد يم امه يباوع
رجال جبير ومريض زاد مرضه هل يومين بعد مارجعة بنته
من شاف اخته دخات تهلت اساريره لان يعرف احته ام فزع
هيه الوحيده الي تحبه هو بنته ودائما كانت تحمي
من اخوته وهيه الي اقترحة عليه يبيع الكاع للشيخ بشط
ياخذ بنته گ هديه

ام فزع ،، الله يكويكم

ابو هاجر ،، هلا خيتي حولي

جدة ،، هلا يمه حدري هين عندي

ام فزع ،، جايه حبيبه جايه

_ بوست امها ورجعت ؏ اخوها

ام فزع ،، شحالك يبعد حالي

ابو هاجر ،، ؏ الله

ام فزع ،، وجهك اصفر لا تكهر رويحتك انه اختك

ابو هاجر ،، استريحي

_ كعدو الكل وهيه كعدت حده باوعتله وحجة







ام فزع ،، احجيلي شمالك ليش هل زعل ياخوي

جدة ،، زعل هوجر هد حيله و هو وجعان

_ باوع ؏ اخته اخذ نفس من جكاره الي كل مرضه بسببها
ولسه متعلق بيها وحجة بصوت تعبان

ابو هاجر ،، كتلج ياام فزع بنتي ماتعيش عند هيج اوادم
وهاي اجه رجلها شمرها وراح

ام فزع ،، عبنها غمه شسوت هل هبله

جدة ،، متحارشه بحرمة الشيخ

ام فزع ،، وشمالها ويه حرمة الشيخ شكال رجلها لمن جابها

ابو هاجر ،، كال انه مامستعد اخسر هلي بسبب بنتك
يومين ثلاث واطلكها ومثل مادخلنا بالمعروف نطلع بالمعروف

ام فزع ،، ؏ كولة اخوتنه المصرين دخول الحمام ماهو مثل خروجه مو ام فزع ان مخليته يتعنئ لهين يتوسل ترجعله

ابو هاجر ،، شلون يخيتي وهو رايح يطلقها

ام فزع ،، خلها علي وانا اختك

ابو هاجر ،، هيه عليج من بعدي مالها غيرج هاي امانتي ياام فزع

ام فزع ،، بعد عمر طويل ان شاء الله

ابو هاجر ،، انه اروح عندي شغله

ام فزع ،، بطريقك اندهلي هل مغضوبه كلها عمتج ام فزع
هين تريدج اريد اشوف شمالها هل خوثه

_ راح ابو هاجر دك الباب وحجة

ابو هاجر ،، بويا هويجر عمتج ام فزع هين تريدج

_ حجة بصوت تعبان

هاجر ،، جايه بويا جايه

_ طلع الرجال وهاجر كامت عدلت شالها وطلعت شفيفها صايبها الضمور بسبب زمها الهن والوجه مسود وتحت عيونها ازرق غسلت وجها وطلعت وهيه تكض الروب
؏ جسمها من البرد عبن كانت دفيانه بفراشها اول ماوصلت
يم ام فزع سلمت

هاجر ،، الله يكويج عمتي

_ باوعتلها ام فزع وزمت شافيفها بعدم رضئ عن شكل
بنت اخوها ماردت السلام صفكت اديها بقوه وغمتها
وحجة بصوت حاد هاجر صدت ؏ صفحه من عمتها

ام فزع ،، من امداااج وامددااا هل خلقه يالهبله
ولج زلمه باحلامج واحلام الخلفوج ماتشوفي صار رجلج ولج بنات شيوخ يتمننه وخذاج امشي وازامط بنت اخوي
حرم شيخ ولج شلون هيج شلون من اول شهر سربتج
شلون تعالي هيج يالعوبه واحجيلي

_ كعدت هاجر باوعتلها عمتها وبدون مقدمات هبدتها ؏ راسها بكف اايدها الثخينه وكالت

ام فزع ،، ولج هاي شكول مال نسوان شيوخ هاا ولج يلعوبه ماكلت الج شوفي بناتهم وتعلمي صيري مثلهن

_ نزلن دموع هاجر وحجة بصوت غاضب

هاجر ،، شتعلم يعمتي شتعلم لا بتلفزيون شفت مثلهن
ولا بمسلسل ماهم ناس مثلنا عبالك ملوك شلون تردين اتعلم جناين تحسيهن مثل نسوان سلاطين حتئ هاي ثريه بنت رحيم تكولين مو هيه لو شفتيها

ام فزع ،، ولج يلعوبه شمالهن ماشفتهن نسوان مثلج

هاجر ،، لا مو مثلي ماعون ماتلزم باايدها جايب الها خدم
والنهار كله مفرعه شعر جوه مؤخرتها والعك هاطوله
ومزوكه ومشلتحه والرياح تعط طايره رواحهم عليها
طابه طالعه بكيفها واني شهر عندهم ابوي ماشفته

ام فزع ،، عبنج خوثه منو لازمج ماتريحين و تزوكين وتلبسن وافر رجلي فر ليش خاله عينج ؏ المراة بدل
ماتحسديها تعلمي منها هيج كتلج انه

هاجر ،، عمه ماجاي تفهميني يكرهني حتئ حجي مايحجن
وياي خوب هاي حوير حتئ ماتباوع بوجهي
جنها زرافه والرجل يباوع ؏ حلكها

ام فزع ،، خاب دكومي لا اهبدج بالكاع ماشفتها انه غير تفك المصلوب بس ترملت عكد عليها الشيخ عبنها ناكه
مراة رزنه ومزيونه وملعبه تخلي الرجال محبس بااصبعها
صوت مالها مو مثلج بس تبربرين

هاجر ،، عوفج منها هل غثه رجلي ماعاد يريدني اريد ارجع
يعمه مااكدر اعوفه اموت والله اموت

ام فزع ،، ترجعين يبعد عمتج ترجعين بس هل جم يوم داري رويحتج وانه اشوف حل بااذن الله

_ هلت اسارير هاجر من سمعت كلام عمتها عبن دائما
هل مراة كول وفعل

***




يتبع

مهرتي البرية - البارت - 22 - جزء - 2 -

***

ذلك الهدوء الي يتملكني لم ياتي عبثآ

***

_ الجو توتر والكل ضل باهت من حجة وسام العنزي وهو نافخ صدره ويحجي بزود هنا تميم باوعله بنظرات ناريه
وانفاسه الساخنه اعتلت هل هاذا رجل مجنون هل هو واعي
لما قتل اهو فعلا يجهل من تكون تلك الاصيله حسب
كلامه الئ هنا وكفئ

لم يكن تميم وحده الثائر هناك من هم اشرس واكثر وحشيه
علئ الاقل تميم رجل متفهم وحكيم يستطيع التحكم بااعصابه ولكن كيف يستطيع السيطره ؏ رجاله
وبذات عداي الذي اصبح گ وحش مستعد لينقض ؏ فريسته وايضا سلمان الذي برزت عروق جبينه
كان گ صقر ينتظر اشاره صغيرة من سيده ل


يجعل من اشلائهم تتطاير في ارجاء المكان ولكن لابد ان يستمع للاخر وبعدها يقرر عندما قال وسام العنزي

وسام العنزي ،، ياجماعة الخير الي صار بي صالح ونحن جاين مانريد نرد الئ ونحن اهل ان شاء الله

سالم ،، اهل ان شاء الله كول يابو حميد

وسام العنزي ،، انه اريد الكرب منكم

سالم ،، وضح يابو حميد

_ هل جمله هي الي خلت الكل يستنفر يريد الكمربه يعني يريد مره من ال سالم طيب هو شعرفه انو عندهم بنات
اكيد يقصد حور وهاذا الي خله وجها تميم مثل سيف
رجع كمل الرجل

وسام العنزي ،، انه اريد مراة لولدي زيدان من عندك ياشيخ
سالم انت نسبك مشرف ومثل مانطيت مراة للبجود
العنزي رايدين منك مراة

سالم ،، عز الله ان طلبكم غالي لكن انه ماعندي نسوان
الحجي نوجها لاخوي ابو عداي

وسام العنزي ،، منك من ابو عداي انه رايد كربكم ياال سالم

_ من كال هيج الكل هدأ واخد نفس واولهم تميم الي
اخذ نفس عميق وفرك وجها كان كاعد ؏ اعصابه باوع الزيدان الي كان يحجي مع احد رجالهم ورجع صد
؏ عداي باوعله بنظره عميقه بسرعه عداي كال

عداي ،، اذا ماتريد هل نسب كول

تميم ،، لا مالي ؏ خطيت البنت اذا هاي قسمتها خلها تروح
بفالها ولو كارها بس زلما ماعليه عيب والي صار يبقئ
سوء فهم

عداي ،، هيج رايك

تميم ،، اي ياخوي

_ هنا ابو عداي حجة

ابو عداي ،، طلبك ؏ راسي ابو حميد اشوف نتناقش
بالامر ونردلكم خبر







وسام العنزي ،، خير ان شاء الله انتظر منكم الاخبار الحلوة

_ بعدها طلع الكل الكباريه توجهو للقصر وعدنان راح ينام ضل تميم و عداي كب اعدين مددو وضلو يحجون
دار بينهم نقاش طويل بعد ماتميم صرف الكهوجي
بعدت مواضيع

عند حور

_ بعد ماغسلت لبست بجامه و تشيرت عريض مريح تركت شعرها فتوح راحت طلعت كوب عصير اخذته وكعدت مقابيل الحديقه الي كانت منوره بشكل ياسر النظر
شغلت جهاز وكعدت تتابع عمليه لحد مانعست كامت تريد
تمام لكن اكو شيئ بداخلها مو مرتاح صارت تحجي ويه
نفسها وتعاتبها

حور ،، اوووف هسه اني ليش كتله روح نام هناك
حتئ لو اريد عرس ليش طردته من الغرفه

_ تصفن ؏ شكلها بالمرايه ورجعة حجة

حور ،، اروح اشوفه لو اتصل عليه اهوو هاي شلون معضله
من الاخر اجيبه ؏ ملئ وجها وانام بحضنه وكل شيئ
انتهئ بلا عرس بلا بطيخ لا واريد ثلاث اشهر
ماينام هنا واني من اول يوم لابت روحي عليه

_ ابتسمت بخبث وراحت عندها علاج يسوي لعيان نفس
اذا اخذته وهي مماكله وهي فعلا من صبح مااكلت بس عصير اخذت جرعه منه وباوعت النفسها وكشرت
بسرعه فتحت المجر مال المكياج خلت كحل ابيض
مع ماسكرا ؏ حمرة بلون الموف بلا لمعه بس لون

رجعت سرحت شعرها ولفه اطرافه ويفي طلع يجنن
باوعت ؏ التشيرت مالتها ماحلو ركضت
طلعت واحد قصير ربع ردن فتحت صدر واسعه لبسته
وصل نص بطنها نزلت البجامه شوي ؏ الورك باوعت النفسها وابتسمت لكن فجاة حست بمقص قوي

خلت ايدها ؏ معدتها وركضت ؏ الحمام استفرغت
اصلا مااكله شيئ بس العصير وجها صار ليمونه
واطرافها ترجف اخذت الجهاز واتصلت عليه
تتصل ميرد كعدت كدام المرايا ؏ طبله عرفت زعلان
لكن مستحيل تتنازل عن فكرة العرس كتبت مسج

حور ،، 📤 تميم تعال حباب

_ ودتها وارتجت ؏ ميز المرايا لعيان النفس دمرها
صدق المثل الي يكول من حفر حفره لاخيه وقع فيها

عند تميم

_ كامت ساعه وحده وهو مااجاه نوم يفكر فجاه رن جهازه
بسسرعه انطاه صامت ضل يباوع ؏ الاسم مهرتي
ابتسم بخبث وصار يذكر طول فترة مرض هو ينام بالاستقبال تترك غرفتها وتجي تمام يمه عودها عليه
بعد فنها تكدر تنام اذا مو ؏ دفئ حضنه رجعت اتصل

عكف حواجبه مو من طبعها تلح عداي نايم قريب منه
مايكدر يحجي كام وكف حتئ يطلع برئ يرد لكن
وصله المسج فتحه تجمد بمكانه باوع العداي نايم تركه وطلع بسرعه شاف رجال كاعدين حتئ محجة وياهم
بسرعه توجه للبيت مباشرتا الغرفته دخل عيونه تدور
عليها اجت ؏ سرير لكن كان فاضي
صد ؏ جها الثانيه لمحها كاعده وخاله راسها ؏ الميز
تقرب عليها بسرعه اثنئ ركبه كدامها رفع وجها باوعتله
بعيون حمر ذبلانه وشفايفها ترجف انقبض قلبه







تميم ،، كومي اخذج للدكتور كومي

_ كومها وكفت مقابيله وبدون مقدمات حضنته خلت راسها
؏ صدره وحجة بصوت تعبان وبي نوم

حور ،، مااريد بس نومني بحضنك

تميم ،، بويا انومج بعيوني عين غطا وين فراش
بس كون نعرف شمالج ذبلانه

حور ،، مبيه لخذت مسكن قوي

تميم ،، ليش هل مسكن شيوجعج يبعد كليبي وجلاي

حور ،، روحي توجعني

تميم ،، يابويا يابويا شمالها

حور ،، تريدك

تميم ،، ولج حور لتخبليني بهل ليل شو تعاي

_ مد ايده ؏ خصرها مجرد شعر بملمس جلدها الناعم غمض عيونه الناعسه اخذ نفس ومشئ وصلها للسرير
رفع الغطئ نومها و فتر من صفحه الثانيه نزع دشداشته
ودخل يمها سحبها بحضنه كانت مثل العجينه بين اديه
مات عليها لكن مجبور يمشي حله بكم قبله

_ حور

_ كانت فعليا تتوجع لكن الان تحس براحه نفسيه
والانسان اذا كان مرتاح نفسيا مايهتم للالم مهما كان
بذات هي هاذا الوجع بالنسبة الها مجرد نسمه لذلك راح تسوي المستحيل حتئ ماتخسر هل رجال الي الله عوضها
في بعد طول انتظار بعد مافقدت الامل انو ترتاح بحياتها

قررت تاخذ الي تريده لكن بدون اي مقابل لانها تظن

انو هيه دفعت ثمن الي داتعيشه الان في الماضي
والثمن كان كبير لدرجة مايكدر يتخيله انسان وتحملت
وصبرت وربها عوضها وهيه نايمه ؏ صدره وبصوت هامس
مثل الهلوسه حجة

حور ،، اقسم بالله مايلمك غير حضني والقبر

_ حجتها ونزلت دموعها بسرعه فز رفع راسه باوعلها
سوت مفسها نايمه مسح ؏ خدها وقبلها بحنو زادت من تشبثها في واخيرا استسلمت للنوم

_ حين يطلقون لقب الساحره ؏ انثئ ما فهم لم يخطئو
جميع النساء ساحرات بجمالهن بذكائهن ببرائتهم وعفويتهن
لكن يجب تستخدام كل تلك الصفات بصوره صحيحه
بالوقت والزمان المناسب

عند هدئ

_ كل اليل منامت بسبب فهد كانت حرارته مرتفعه
ويبجي اضاهر اخذ فايروس لحد الفجر وهيه تفتر بي بالبيت اخر شيئ كعدت بالصاله شغلت المدفئه الكهربائية
وخلته بحضنها بعد مااعطته مهدئ حتئ ينام
وهيه كاعده غفت هيه والطفل بدون ادراك
بهل اثناء كعدت حجيله مثل كل يوم وهيه تحجي بصوت عالي القصر يكون







حجيله ،، حي ؏ الصلاة الله اكبر فزو اخذو شيئ لاخرتكم
النوم غايت الشيطان اعوذ بالله من شيطان الرجيم

الله اكبر الله اكبر

_ فتحت عيونها الوارمه بمنعاس باوعتلها ورجعت
غمضت كان شكلها يموت ضحك شعرها الويفي مفتوح
كانو تعرض لتيار كهربائي قالبه شفايفها بزعل
مرجعه رقبتها ؏ الكرويته ومتربعه وفهد بحضنها مغطه
بطانيه صغيرة من شافتهم حجيله بهل حال سكتت

فهمت السالفه كعدت تصلي نص ساعه يلا خلصت وضلت ؏ المصلايه تسبح بصوت هادئ يبعث الاطمئنانيه بالنفس
غفت وهيه مرتاحه ؏ صوت الاذكار بعد ماحست ؏ شيئ
بهل اثناء دخل عداي تفاجئ من شافهم تقرب من حجيله وكف وسئلها وهو يأشر ويحجي بصوت هادئ
لكن عبث صوته الرجولي ترس المكان

عداي ،، تقبل الله حبوبه

حجيله ،، منا ومنكم حبوبي

_ اشر ؏ النايمه وكال ردت عاليه وهيه تلم مصلايتها
وتكوم

حجيله ،، اضن الفرح هرج الدنيا عليها هل مسكينه
خلهم خلهم نايمين اروح اجيب الهم غطي

عداي ،، خلج حبوبه انه اجيب

_ توجهة للمطبخ وهو راح ؏ غرفة حجيله اخذ بطانيه ومخده ورجع خلا المخده رجع عليها ثواني وهو صافن
بوجها اجت عينه ؏ شفايفها بلع ريكه بحصره
مد ايده ومشئ اصبعه ؏ خدها الابيض الناعم تعكرت
ملاح وجها الفرق شاسع بين لون اصبعه وخدها المورد
اثر الحراره جر حصره ونزل ايده ؏ فهد راد يسحبه منها

لكن كانت متمسكه في ابتسم ؏ شكلهم
وتمنئ بداخله تكون اله والي بحضنها ابنه همس بصوت ابح

عداي ،، يردلها بخت

لزمها من كتفها ونيمها ؏ المخده هيه وفهد وغطاهم عيونه انفتحت ؏ وسعهن من فهد تحرك وسحب تشيرت مالتها وبان قسم من صدرها المنتفخ بصوره مثيره نسئ شلون يتنفس غمض عيونه مايريد يشوف ويحترق اكثريبه مد ايده ومسك ايد فهد حتئ يبعدها بدون قصد صار في

التماس بينهم حس انفاسه ثقلت وخر ايد فهد لكن هاذا المشاغب كانو متقصد يحرق قلب عداي لانو ماترك تشيرت

بالعكس انطئ مجال اكبر للنظر لكن الغيره من هل صغير
سيطرت ؏ عداي لانو فرك ايد فهد وفتح اصابعه
المتشبثه بااحكام وابعدهم عن ملابسها ورجع كل شيئ
لمكانه الئ مشاعر مستحيل ترجع گ سابق اصبح
في صراح مع نفسه غطاهم بسرعه وابتعد من سمع صوت خطوات قادمه دخل المطبخ

_ كانت حجيله خاله شاي ؏ طباخ والبيض والخبز ؏ صوبيا
وجبن والروب بصينيه ماتحب تكعد ؏ ميز اطعام تكعد
؏ الارض تفرش وتكعد والكل يكعد وياها احتراما الها
كعد يمها وجها محمر ويده ترجف باوعتله حجيله وحجة







حجيله ،، شمالك حبوبي اذ تهواها ليش محجيت

_ رفع راسه باوعلها بوجه مقتضب وحجة

عداي ،، شنو

حجيله ،، اكولن اذ جنت هاويها لهديوه ليش ماخذيتها

عداي ،، ماهاويها

حجيله ،، تجذب ؏ حبوبتك چاشبي صوتك يرجف ودمك يغلي بسك شفتها منسدحه هين

_ رفع ايده ومررها ؏ شعره وحجة بصوت مهزوز

عداي ،، مارادتني كتلها تزوجيني كالت مااناسبك

حجيله ،، زين سوت عبنك بلا حيا

عداي ،، ليش

حجيله ،، چا غير تجي وتحجي وتكول ياهلي انه رايد
هل حديثه حلالي لشوف منو الي مايجيبها ويخليها بحضينك بس هاذا عقاب الي مايحسب حساب الهله وكباريته يكضي عمره يذب حصرات

عداي ،، لزوديها علي والي يرحم والديج حبوبه

حجيله ،، دكم كم جيب هل قوي من النار

_ كام حضر الريوك وياها وكعدو يتريكون وبدات الوادم تكعد واحد ورئ الاخ

_ عند حور

_ كعدت ؏ صوت المنبه تململت بثقل بسبب ذراعه الي يلفها
؏ خصرها ابتسمت بحب ورفعت راسها صفنت بوجها
اول مرة تتامله وهو نايم بلعت ريكها وتقربت منه قبلته
؏ ذقنه الناعمه اخذت نفس عميق من ريحته رادت تكون
لكن سحبها بقوه وكعت ؏ صدره حجة وهو مغمض

تميم ،، ليش تتحارشين من صبح

حور ،، اني امتئ

تميم ،، ههههه ابوس صوتج شكد رقيق

_ فتح عيونه يباوعلها وحجة

تميم ،، سبحان الخالق هلكد شايله حسن وترافه

_ ابتسمت بخجل وضلت تباوعله رجع حجة بعد مقبلها اكثر من مره ؏ كذا مكان

تميم ،، شلون صرتي

حور ،، افضل شكرا لانك اجيت

تميم ،، هاي شنو ؏ شنو تشكريني بويا چاغير انتي عافيتي

حور ،، لعد بعد لتتركني ابد

تميم ،، چا كوليها من الاول ليش تخوفيني عليج

حور ،، شنو







تميم ،، كولي مااكدر انام اذا مو بحضنك

حور ،، بعد العرس اكولها

تميم ،، ههههه ماشي بويا ماشي وين تردين

حور ،، ؏ شغلي

تميم ،، نامي ماكو طلعه انتي مريضه

حور ،، لا حباب لازم اروح عبير مامداومه اليوم ابنها مريض ضروري اداوم

تميم ،، حور انتبهي ؏ نفسك سلمان راح يدخل وياج
من ضمن الامن لا تحجين ويه احد لسه البارحه فضة
سالفت هاذا السزز

حور ،، صدك شصار

_ هيه مانست لكن محبت تفتح الموضوع رادته يحجي
هو بالاول لكن متاكده الحقير حجة شيئ لان تميم هادئ

تميم ،، ماكال واعتذرو اهله ابوه خوش زلمه من وجهاء
العشاير الكبيره ومعروف

حور ،، يعني فضت

تميم ،، فضت بس صار

حور ،، شصار

تميم ،، يردون مراة من عدنا طلبو من ابوي وهو كال ؏ عمي

حور ،، يعني راح تنطو سلوئ

تميم ،، ماعرف لسه مقررنا

_ وجه حور تمتعض هاذا زيدان حقير ميستاهل وابد
مارتحت اله ليش لحتئ يطلب مراة من عند عيالي
امس كان ملاحقني اوف باسته وكامت وكفت اخذت جهاز
دتصلت ؏ هدئ مترد استغربت توجهة ؏ الحمام
غسلت وطلعت دخلت ؏ الدريسنج روم طلعت فستان
صوف مطعم جلد بلون زيتي نص ساق مخصر ؏ جسمها
ذات العود الفرنسي مع بوت طويل وكوت جو برد

لست وطلعت شيله الكوت خلته ؏ طارف سرير وراحت
رتبت شعرها و خلت مرطبات وعطر تميم كان بالحمام
طلع شافها تلبس بالساعه تقرب منها حضنها من الخلف
وقبل رقبتها بقوبه

حور ،، اخخ

تميم ،، البسي بارده

حور ،، هيات الكوت

_ ابتعد عنها وهيه اخذت جنطتها وطلعت لكن تفاجئة
من شافت هدئ نايمه بصاله وفهد بحضنها تقربت منهم
وهمست

حور ،، هدئ هدئ

هدئ ،، هممم

هدئ ،، ليش نايمه هنا

هدئ ،، ماروح روحي فهد مريض







_ وجها انجذب باوعت فهد نايم لمست جبينه مافي حرارة
هنا هدئ فتحت باوعت الحور وحجة

هدئ ،، ماكو شيئ لتخافين فايروس انطيته مضاد حيوي
وخافض حرارة صار احسن ضليت كاعده وياه الفجر
نمنا هنا روحي انتي واخذيلي اجازه

حور ،، ماشي قلبي باي

_ طلعت بوجها للسيارة مامرة ؏ المطبخ اول

حور ،، صباح الخير

سلمان ،، صباح نور

_ حجاها وباوع الها بالمرايه بنظره غريبه مااهتمت
هل مرة اخذها وياه للكراج صف سيارة ونزل هوة وياه ودخلو سوئ لكن الي صار انتبهت عليه طلع باج ولبسه محجة شيئ وصلها ؏ مكتبها و ضل واكف بدلت لبست سكراب ولفت شعرها زين وطلعت وهل مرة رافقها لحد الطابق الخاص بصالة الولادة وكف يم الامن وهيه دخلت
؏ الصاله مااهتمت للعيون الي تباوعلها بالاخر هيه
ممسويه شيئ غلط مكانتها تفرض عليها هل شيئ

اول مدخلة كانت صاله متروسه باوعت ؏ ممرضات اثنين
واقفات يسولفن وحده منهن وثانيه نور اشرت الهن اجني تقربن منها

حور ،، انتن راح تكونن مثل ضلي طول فترة دوامي

نور ،، حاضر دكتورة

فراقد ،، اكيد دكتورة

_ طلعت سماعه من جيبها خلتها ؏ رقبتها وصارت تفتر
؏ المرضئ وتبتسم بلطف

حور ،، من امتئ هل بنت هنا

فراقد ،، من ساعه ثلاثه

حور ،، قفاز

نور ،، حاضر

طفرت نور جابت الها القفازات وفتحتهن لبستهم حور
وباعت ؏ البنيه وحجة

حور ،، تعالي وياي

_ اخذتها ؏ سديه

حور ،، يلااا يلاا تسطحي بسرعه حتئ تخلصين

_ صارت تفحصها وهيه تباوع ؏ فراقد ابتعدت عن المراة
نزعت القفاز توجهة ؏ المكتب الي بنص صالة
وكفت وصارت تكتب ؏ دفتر المخصص للعلاج بعدها
طلعت الختم من جيدها وختمت ؏ الوصفه الي كتبت
بيها العلاج بعدها باوعت ؏ فراقد وحجة

حور ،، ابدي بهاذا العلاج بالاول سوي تيست تحسس وبلشي تنطيها الكبريو......... كل ساعه

فراقد ،، حاضر دكتوره

_ ضلت ؏ هل وضع لحد ساعه وحده