ضحك واخذ التلفون من ايدي وكال ...
ماشاءالله نسخة ثانية من ابوه صاير
هو دزها الج ؟

_لا ناشرها واخذتلها سكرين

رجع التلفون الي وكال ..
الله يهدي وان شاءالله يشوفه الج

_اللهم امين والله قلبي مثل النار

_حقج بنيتي هذا ابنج حبلتي وتعبتي بي صدك اكلج

_كول عمو ؟

_من اجيت شفت رائد

_ويين ؟

_نزل بفلان مطعم هو ولد ويا ماعرفته

_ شيسوي ؟

_الله أعلم

_ان شاءالله خير هاي ازدحام صاير

_اي كل مرة يصير ازدحام بيج أوقات لان فترة أنتهاء دوم

_شوكت يخلص

_ساعة نص ساعة ساعتين

_عزززة

_هههه اي والله يابنيتي هاي هي الازدحامات

_مادري والله عمو هيج تصير

سكتت مارديت نزلت الجامه السيارة واباوع على
السيارات مليت أريد ارجع للبيت اشوف
علاوي لأمي ولاخوي ومرت أخوي

فزيت من اجت سيارة سودة ....عالية تشبه سيارة رائد ويدك هورن بقوة شخص متنفز قلبي صار يدك دمام احسه راح يشك صدري ويطلع عيوني بقت تباوع

على امل يطلع رائد نزل جامه السيارة وعساه مانزلها فعلآ
طلع رائد كاعد بالصدر لابس ستره سودة باوعلي
بضحكة مستفزة قلبي وكع بين رجلية

من رفع ايده و سلم علية وصوفر بصوت عالي ...
شنو هل جمال ياربيييي

#يتبع ...

#عشق_أهل_الأنبار_ج٢......
#بارت١٢
.
فتحت عيوني بصدمة من تغزل بي بنص الشارع بقى يباوعلي ويضحك باس أيده ودزلي بوسة بالهوى من خجلتي وفشلتي رفعت جامه السيارة ورحت من الجهة الثانية

حيلي كله يرجف من الخوف خليت ايدي على صدري مكان قلبي اسمع دكات قلبي جانت كلش بس مايريد قلبي يطفرمن مكانه باوعت على عمو ابو حيدر ملتهي

يباوع الكدامه ماعرف انتبه على رائد من تغزل بي لو لا أصلا ماتجرأت وباوعت لو رفعت راسي بقيت مدنكة والعب بالجنطة وارجف من الخوف أخاف يسويلي

شي موزين لاسامح الله وأني وي رجال شايب دفرة وحدة يموته بقيت بس أدعي الله بقلبي يفك الازدحام بخير
وسلامة وارجع لبيت أهلي .

ربع ساعة يله فك الازدحام ... ارتاحيت كلش رفعت راسي ماكو سيارة رائد كلش آمنت لزكت رأسي بجامه السيارة
انفخ عليها هوى صارت ضباب وكتبت

بطرف اصبعي " علاوي العشق " .... ورسمت قلب حب رجعت مسحته بقطعة الكلينس كملت مسح والصدمة الي رائد يسوق بالسيارة ومن جهتي محول يباوعلي

ماكدر أجر النفس الخوف والقلق سيطر على جسدي بالكامل بمجرد شفته وسوالي حركة اصبريلي يمكن اتعصب مني
رفعت جامه السيارة واجيت من الجهة الثانية

ومانطيته أهمية.

وصلت البيت نزلت عمو ابو حيدر . طلع بسرعة من خوفي بسرعة ركضت داخل البيت " ماصدكت صرت بالبيت سلمت على أمي اخوي بعده مجاي اطفال

أخوي جايين بالبيت بوجي للغرفة بدلت ورحت اتغدة كملت غدة شوفت صورة علاوي لأمي صارت تبوس بالصورة
أني قبل لاشوفها الهم غطيت وجه رائد

بشخابيط خليت بس علاوي اما المقاطع الموجود وماكدر العب بيهم ولا أشوفهم لأحد بس أمي شوفتها المقاطع تباوع وتضحك على علاوي شلون يلعب وي ابوه.

_هواي تحبه بس علاوي خبيث مثل خباثة رائد سبحان الله

_اي احنا ماعدنا طفل وكح على
ابوه وكح ماينجرع

_ماماخذ مني ولاطبع كل اطباعة الرائد خرب بحظي

_هلكد ماجتني تحبي

_لاا

_شنو لا يكول شما المراة حبت زوجها أثناء الحمل طلع الطفل نسخة ثانية من أبوه والدليل علاوي نسخة مصغرة
من رائد بكلشي اله .

_وين اكو هيج كلام

_د اخذيها ابن مؤمن نسخة من أبوه والدليل نورة
تحب مؤمن أكثر من روحها

_يمكن صدك

_لاصدك مو يمكن اي احجيلي شلون جان دوامج


_كلش حلو والبنات يخبلون جانوا

_بس بنات ؟

_اي

_مو مختلط المدرسة

_لا بس بنات

_عبالي نفس المدرسة الجنتي تداومين بيها قبل مختلط

_هذيج حكومية هاي أهلية

_لأهليات اغلبيتهم مختلط

_اي الأكثرية بس هاي فقط للبنات

رائد ردت روحي من شفت زينب بس الحقيرة مانطتني مجال صايرة مثل قبل لا أتعرف عليها تهرب مني هم رجعنا مثل
الفار والبزون كل يوم لعبة المطاردة

وأني من عشاق الألعاب المطاردة هاي شغلتي واعشقها .

حبيت اخوفها ادري بيها اجبينه جان مصطفى يسوق بادلنه الأماكن بالسيارة بسرعة نفتح الازدحام رحتلها من الجهة الثانية كتبت اسم علاوي عبالي راح تكتب اسمي

هههه المهم مسحت الجامه بقطعة كلينس باوعتلها وسويتلها حركة اصبريلي خطية ماتت من الخوف شخطت
السيارة سريع أتصلت بخليل .

لأن كال روحوا يم أهلي كتلهم عليكم وكالوا خل يتفضلون على العشة عدنا لما تكملون المهمة كلتله لا مايصير نروح عليهم ونسوي زحمة ماقبل خطية صاير يتوسل

بي نروح عد أهله بعد إصرار منه وافقت ودزلي رقم اخوه كال أتصل بي او راح اخلي هو يتصل بيك سيدي كلتله خوما
كلتله احنا ضباط كال لا كلتله ربعي

من أيام المتوسطة من بغداد وجايين بشغلة يومين اطمن سيدي محد يعرف بهوياتك الحقيقية لا
انت ولا ملازم مصطفى .

نهيت الإتصال ورحنا نبحث عن ...المتهم بمأكن دائمآ يشوفوه يتردد الهن للمغرب وماكو شي او أثر اله المهم اتصل بي اخو خليل وكال انتظركم افلان ماكان

ماحبيت اخجل خليل واهله مكلفين نفسهم ومسوين العشة عاد رحنا وشفت الولد ينتظرنا بفلان مكان صعد ويانه بالسيارة جان جدآ طيب وأخلاق عالية مثل

اخوه خليل طبق الأصل وصلنا بيتهم جان قاطين وكاع زراعية هله بينه أبوه يطلع بالعمر ٦٠ سنة هيج أكلنا أكل بالسلام والترحيب ناس جدآ طيبة ومن اهل قبل

يحبون يكرمون الخطار دخلنا بالاستقبال دافي .... كلش ومريح جان من وصلنا صلينا صلاة القصر وره شوي داروا الأكل كعد الحجي واخوه ويانه

وره ماكملنا الأكل اجوي جهال خليل كلهم بنات ولد يخبلون أحلى من بالصور أخذت الولد كعته بحضني أبوس بي
وأخذ ويا صور ودزهن الخليل .

ساعة زمان جابولنا فراش والكل طلع علمود نأم ...
كوم مصطفى أقفل الباب

_ماشي

كام قفل الباب ورجع "
هسه شلون ماله أثر ؟

_سم الله الرحمن الصبح وصلنا قابل تريدنا
بساعة زمان نكدر نوصل لمكانه

_عبالي المهمة سهلة طلعت أصعب ماتصورت

_ماكو شي سهل كلشي بالحياة يرادلة تعب وجهد
لما نوصله تعال نام والصبح نطلع ندور عليه
بلكت الله نلكاه

_بلكت

إجه تمدد بفراشه نام على بطنه يباوعلي ...
رائد

عيوني بالتلفون ..
هاا ؟

_ أتصلت برنو

_اي

_وكالت راح اساعدك بس بمقابل

_شنو المقابل ؟

_اتزوجها

_ههههه

_ترى جديات جاي احجي باوعلي

درت وجي عليه أضحك...
تزوج كحبة ؟

_طبعآ لا

_خلص لعد خلها تولي وانطيني رقم فوفو
خل أني احجي ويا

_راح يكشفك

_وأنت موجود شلون يكشفني ّ

_ماعرف رائد احس الشغلة صعبة صارت

_شلون صعبة ؟

_رنو مادا تعينه وتريدني اتزوجها

_شكد عار ياربي

_ عار شنو رائد

_ عار وابن عار احنا من شوكت نستعين بالنسوان بشغلنا صارلنه أشهر نضحك علية هسه الشغلة صارت صعبة ماكو
شي صعب ويانه احنا الصعب نفسه مصطفى
أنت بس شغل عقلك وماعليك

_مو راسلت فوفو

_اي رد ؟

_ اي رد وكال أريد اتأكد منج أنتِ من خلال اتصال كام

_تمام

_ اي وهسه شلون ؟

_ انطيني تلفونك خل اتصل برنو واخليها هسه تتصل
بي كام وتحجي المطلوب

_ماتقبل

_دنطيني

_رائد أخاف تزعل وأني أحبها

_انعل ابوك يابو الخلفوك شتحب كحاب دنطيني

_لاعليك الله هاك احجي كلشي ولا أمي

_ماتجون له بالعين الحمرة عمت عينك يحب كحاب يومية بحضن كواد شكل يكرم طاري الله حتى وي چلاب الشارع تنام هاي عار ابن العار دحبلك وحدة شريفة وفرحني عاد

_ماكو التعجبني

_خلها على ابن خالك هو يلكالك التعجبك
بس انطيني مواصفات

انطاني التلفون أخذته دخلت واتساب قبل لا اتصل بيها كام باوعتله "احجي شنو مواصفاتك ؟

_باع أريدها ناعمة ماريدها طويلة ولاقصيرة وكحة نار وتتعارك وياي اكون بس حنونه وطيوبة وحلوة اهمشي مو سمرة وماتهمني واصله بالدراسة لو لا

_مواصفاتك حلوة وبسرعة نلكالك هيج مرة

_وين اكو أمي تدور وماكو لو مسمومات لو جكمات لو سمينة لو قصيرة لو طويلة لو فقيرونة رائد تدري بي أحب البنية لتجادل وتتعارك ماحبها اصيح عليها تكوم تبجي

_تريد تنكتل هههههه

_لاموهيج

_حيرتني يول

_خل افهمك

_ديلا فهمني

_ باع رائد أريد من اباوعلها بخزره ترد تخزرني وتتعارك
وياي مثل ماتعارك وياك وتمطلني للكاع
فهمت شلون

_تريدها مصارعة هههههه

_اكره البنية الفقيرونة اعيط عليها تزعل وتلم اهدومها وتروح لامها زعلانة اريدها من ازعلها تخلي عيونها بأعيوني وتعاركني علمود ماازعلها

_اويلي عليك تريد وحدة تغديك كتله وتعشيك كتله
متعود على الكتل ههههههه

_رائد مو مال ضحك شبيك

_ انتظر خل أفكر بلكت وحدة بالي هيج مواصفتت رجولية

_هااا لكيت

_لاوالله كلهن بالي كيوت ونساتل تعض خدها
تموع بالكاع هههه

_كتلك ماكو فمازوج

_ ان شاءالله الكاها الك اطمن

_ماكو وغلاتك

_والله اكو شبيك بس أخاف تطلع غير محافظة عادي عندك

_عادي مايهمني لو من آخر الدنيا بالعراق أجيبها
اهمشي عندي الريده بيها موجود

_وأخاف من تلكاها تغير رأيك وتتعب منها

_جان تعبت منك لو من امي هههه

_متأثر بأمك وابوك

_اي والله أمي كلش قوية بالبيت وحاكمة الكل ابوي مايكدر يفتح حلكه ويكول لها انجبي مادام مرأة قوية بالبيت البيت راح يبقى عامر وبي تفاهم مو مثل المراة

الضعيفة الرجال يستقوي عليها بدل ماهي تستقوي علية

1
_ حجيت عين الصواب المراة الفقيرة يدوس عليها بعض الرجال وأنت شخصيتك ضعيفة يحتاجلك مرأة قوية
تسيطر عليك وتقويك هههههه

_لو مو قوي مجان انقبلت بالمكافحة من بين ٥٠٠ واحد

_قوة البدنية عالية بس قوة الداخلية ضعيفة ههههه

_ولاينكدرلك انطيني التلفون خل اتصل بامي

_ناوو خل اتصل برنو

_يلا اتصل عاد

_انطيني مجال ... أتصلت بيها ردت فتحت كام لابسة صلوخ فالينة ام تعلاكات وردية انوب هي بيضة شحمه والشعر اشقر ومخلية مكياج طالعة صدك باربي

حجيت وياها صارت تصيح انكرصت صحت بيها اسكتت وهددتها بس ماتسوي المطلوب راح امحيها من
الوجود هي وصديقاتها

_هسه راح يوصلج الرقم تتصلين وتكولين ليكوله الج مصطفى بحرف الواحد واريد المكالمة تسجل مقطع فيديو وتوصل الي خلال أنتهاء المكالمة فوراً اي تأخير منج بالرد راح
يحصل شي مايعجبج يلا ولي

سديت التلفون بوجهها اباوع المصطفى
يباوعلي مصدوم ...
شبيك ؟

_ايدك والتهديد

_لعد مثلك أبقى اتوسل وابوس القنادر بدل مااني ابوس القنادر اخليهم هم يبوسون قندرتي دزلها الرقم بسرعة
خل تتصل بالكواد فوفو

_هسه

_راح اخذلي استراحة من تدزلك المقطع كعدني

_صار تدلل

أخذت تلفوني وتغطيت نمت صفح اقلب انستغرام شمرت طعم الزينب نشرت صورة علاوي ونزلت مقاطع اله اريدها تجي على الطعم واصيدها شفت الستوري

شفت حسابها كاتبة اسمها واسم .... ابوها بالانكليزي ومخليه صورتها بروفايل هي وعلاوي ومغطية فقط خشمها بشطب ابيض عيوني صاروا براسي.

شلون تنشر صورها دخلت لحسابها وعساني ماداخل ولاشفت كل هاي الصور الها جنها عارضة أزياء ومنزله صورة جديدة قبل ثلاث ساعات لابسة ستره قصيرة سودة

وكيلوت مخطط بأسود مربعات ..... جنها عارضه أزياء مو بنية عادية بلعت ريجي وهمست بيني وبين نفسي " طلعتي بهذي الملابس زينب وين اهلج منج أريد؟
وين مؤمن الكواد عنج ويييين ؟

صاح مصطفى ...
بعدها شبيك ؟

_مو وياك

_لعد ويامن جاي تحجي

_مالك دخل

_شعلي

جانت ناشرة أربع صور وآخر صورة ساحبه عينها همست " عسا يسحبون جنازتج يا بربوكة هم بربوكة طلعتي ماصدكتي انفصلتي عني وعفتي علاوي صرتي عارضة


أزياء الحلة ألف مبروك مؤمن المنغولي عرضك بنص الانستغرام منشور وتتنفرج عليه الكواويد صاروا
شرفاء من يمي .

ويكتلك القهر حسابها مشهور وبي متابعين وكلها متفاعله دخلت التعليقات جانوا ٦٠ تعليق اغلبيتها ولد كله غزل رومانسي بالتعليقات صايرين شعراء

الكواويد الساقطين لو براسكم خير روحوا تغزلوا بنسوانكم مو تتغزلون بالبربوكة مالتي "قريت تعليق ردت أكسر التلفون من قريته " وأنا حينما أود أن أنفرد بنفسي
أذهب إليك منو هذا ؟

دخلت لحسابه ناشر صور غير أخلاقية طلعت حسابه وكلت بقلب محترك " ألف مبروك ام ابنك متابعينها كلهم
كواويد ويتغزلون بيها .

احت بالي أحرك قلبها واحذف الحساب نهائي تواصلت وي واحد من ربعي مرة كالي هكرت حساب صاحبتي
وحذفته الها انتقام منها

راسلته بسرعة رد ...
أهلا بالغالي ابو علاوي شلونك عزيزي

_زين بخير

_دوم ان شاءالله عزيزي

_اكولك كروري عاوزك بشغلة

_أمر عزيزي

_مايامر عليك ظالم " والله عندي حساب انستغرام أريد
ابنده تعرف احد يعرف بهاي الشغلات
حتلوه بفلوس ؟

_ أني أعرف بهاي السوالف

_صدك والله

_اي والله أعرف بهاي السوالف تدري بي ابو تلفونات وهاي الشغلات عندي تسليس حب هههههه

_تمام راح ادزلج حساب اريدك تخترقه الي وتدز الرقم ا
لسري واسم المستخدم وشكد ماتريد
أني حاظر

_مجانن للعزيز دز اسم المستخدم

_تدلل

نسخت اسم صفحتها واخذتلها اسكرين دزيتهن اله كال ...
انتظر دقائق وادزلك حساب الضحية

_ابوسك من خشمك الجبير كروري ههههه

_اروح فدوة للعزيز ابو علاوي الورد

_غالي كروري انتظرك

_دقائق اغاتي ...

انتظرته ماكو ١٠ دقائق ودزلي اسم ......الحساب والرقم السري ابتسمت سجلت تسجيل دخول لحسابها بسرعة فتح حيلي كله صار يرجف أخاف تطلع مكبله

اول مادخلت على قائمة الرسائل ماكو رسائل مامراسله أحد مدري حاذفه الرسائل كلشي مالكيت دخلت على الطلبات كومة ماعرف شكد اصلا مو مال واحد يقراهن .

المهم دخلت حسابها غيرت البريد الكتروني واحذف الرقم خليت رقمي الكلك وحذفت صورها صورة صور بيقت اتلذذ بالصور عبالك اتلذذ بيها هي مو بصورها .

حذفت كل الصور دخلت استوريها جانت منزله صور وي بنات وكاتبة صديقات جديدات نورو حياتي . اخذت
سكرين للصور كلهن

طلعت من الحساب دزيت رسالة الكروري ...
احذف الحساب نهائي
كروري فوراً .

_صار عزيزي

ماكو خلال دقيقتين سجل تسجيل الخروج الحساب رحت الكروري كتبت اله " سجل تسجيل الخروج ؟

_تم حذف الحساب

_بعد مايرجع ؟

_مستحيل يرجع مادام تم تغير الرقم السري وجميع معلومات الشخصية واسم المستخدم صعب يوصل للحساب في هذا الحاله ويتم استرداد الحساب

_هاا زين

_ بعد عندك احد

_لاماعندي مشكور حبيبي كروري ماقصرت والله

_ولو تدلل ابو علاوي شكم ابو علاوي عدنا

_حبيبي الغالي كروري

_يلا عزيزي أني اترخص عندي تلفون يحتاج تصليح شاشة

_أخذ راحتك

انطاني لايك وطلع شكد فرحت شلت الغطه من فوك رأسي باوعت المصطفى نايم على بطنه ويراسل
" بشر ردت بربوكتك ؟

باوعلي " لا والله بعدها

_خير من الله ههههه

_شتلحك ترد عليهن

_ كل وحدة ارد عليها بعد ماخلص من الثانية
باع تلاثه يكتبن بنفس الوقت ههههه

شوفني التلفون فعلآ ثلاث بنات طلع جاري الكتابة ....
الله لاشبعك


_ماشبع أحب البنات ههههه

_باجر كعبة لو تزوجت هم تبقى تراسل بابنات ؟

_اكيد


_وهاي تريد وحدة وكحة علمود تذبحك
وتكطعك أنت وياهن .

_مو لهاي الدرجة

_منو تقبل لعد رجلها يخونها

_مرت محمد وعمر مو قابلات

_ذني فقيرات وجهال كاسرين اركبهن وهاا لا تنسى
عمر ايده والسحورة نهار كله لازك مرته
وعمته بسحر

_وتقبل هي تراسل أصدقاء ولد

_طبعا لا ماقبل واكسر رأسها وراس الخلفوها

_هي هم تكسر راسك وراس الخلفوك

_رائد خربت مزاجي

_أنت يرادلك وحدة مثل امي سهاد تكسر راسك
وتنعل ابو الخلفوك وتربيك من جديد

_جان ربتك

_أني صعب التربية وتربى من كيفي اما امي تعرف شلون تصرف وتتعامل وياي مو مثلك چاب مچلوب ويركض
وره الچلبات الشوارع هههههه

_وتالي

_لعد صايرة دايرة تراسل ثلاث بنات بأن واحد شنو من اصابع عندك طابعة خوب طابعة ماتخطا بأسم وحدة منهن كل وحدة تحجي قصة شكل هسه

_ ماخطا اطمن

_من تراسلك رنو كولي او خليها لصبح بعد تعبت

_تمام

كعدت الصبح لبست .... ملابسي بسرعة كعدت مصطفى فتحنا الباب طلعنا اجه اخو خليل ربع ساعة جاب الريوك تريكنا ودعناهم وطلعنا قطع طريقنا قطيع

مال خرفان وراهن يمشي رجال لاف غترة على رأسه ولابس قبوط طويل للكاع وبإيده عصا يسوك بيهم دار وجه علينا والصدمة الي المطلوب هو نفسه

نبزت مصطفى بسرعة ...
ولك هوينة

_منو ؟

_المطلوب

_وينة ؟

_هذا الراعي هو نفسه المطلوب باع شلون متنكر

_مامبين شكله أخاف واحد يشبهه

_لاهو متأكد هو

_شفته

_اي شفته

_وأخيرا كمشناه هسه شنسوي

_صور كلشي بسرعة

خليت مصطفى يصور بي من خلال من الجامة الباب بقينا نراقب بي لحد الساعة بال١١ ونص روح واجه يسوك
بالخرفان دخل اواحنا من بعيد نراقب بي

نريد نعرف المكان ليسكن بي وين بالضبط شفناه من بعيد دخل بالخرفان بين ثلاث بيوت ومضيف معزول عن البيوت وراهن بستان كلش جبير دخل هناك وبعد ماطلع

_اصعد اليورة وصور كلشي راح نفوت من يم البيوت

_تمام

طفر مصطفى ليورة بدون ماينزل فتت من يم البيوت التلاثة والمضيف سيارتي جامها مضلل اخذتلي نظره على البيوت شفت مراح خرفان موجودات بي جانوا

بصفحة البيوت صاير طلعنا المكان بسرعة وطلعنا المنطقة كلها دزيت كلشي العمي والضباط هو بفلان مكان موجود وعنده بيوت وأكيد عائلته هم موجودة

رجعنا نفس اليوم ماوصلنا اله ..... وي سواد الليل رأسن صار أجتماع طارئ بالضباط علمود عملية إلقاء القبض إنتهى الاجتماع رحت استراح مصطفى

وياي محمد وعمر اجوي كعدوا يسولفون تذكرت رنو بعد انشغلنا وماعرفنه ردت لو لا اشرت المصطفى فهم بسرعة وشال تلفونه باوع بي واشرلي اطلع بره .

كام كمت وراه صاح محمد ...
وين ؟

رائد _عندي شغلة

عمر_مصطفى وين طفرت تعال أرجع

مصطفى _أمي اتصلت بي اكمل اتصال وارجع

محمد _عدكم شي يول

رائد _ شعدنا قابل

طلعنا رحنا بعيد عن الغرفة ...
دازه المقطع وتكول لعب نفسي بالكوه
تحمل الإتصال ويا

_هههههه ناوشني

_ترى حقها من شفت شواربه لعبت نفسي هذا
شلون ياكل يشرب مادري

_شوارب ابو الزمير متعلم ههههه

_ويععع لعبان نفسه لو وكعت شعراية بالاكل نفسي تلعب
انوب شواربي تتنكط بالاكل والشرب

_هاي وصفة خاصة وتنطي نكهة طبيبة الأكل ههههه

_لعبان نفس حشاك

_ انطيني التلفون

_تفضل

أخذت التلفون منه خليت السماعات .بأذاني واكف واباوع بالفيديو واسمع كلامه صدك ساقط هل فوفو مامصدك
تحجي ويا أنوب لابسة سيت نوم جويتي

اصلوخ ومكياج خلته ينكلب چلب ويعوي هههه وصار يتوسل بيها يشوفها وهي تكوله ماكدر حبيبي أمي موجودة
واخاف تكشفني رجعت احجي وياك .

_ماجنت متوقع راح تسوي هذا الإنجاز العظيم عفيه
عليها لعبتها صح وي فوفو

_هي شاطر وهذا شغلها

_دز الفيديو إلي وكوللها لا تتصل بي كلساع كل اربع أيام
مرة تتصل ماكو مراسله أريد يكوم
يلوب عليها

_صار وأنت سويت وي زوج رهف ؟

_والله اتصلت بواحد من ربعي وانطاني معلومات عنه
وكلت اروح ازوره بالبيت من أنزل
واحجي ويا

_اجي وياك

_عادي تعال

نقل المقطع الي رحت بفراشي عمر ومحمد رادوا يحجون وياي منطيتهم مجال تعبان وهلكان من الطريق ماشايف
راحة ومنا قلبي محترك من تصرفات زينب
الطايشة تنشر صورها .

زينب ثلاث ايام اروح ارجع بالدوام وكلش مرتاحة في حيث التهيت بالدراسة والفيس بوك نسيت الانستغرام ورائد
اتصل بي علاء ابن خالتي

وصدمني من كال حسابج على الانستغرام ليش حذفته جان رديتي الي بدل الحذف هو انطاني الحساب بي متابعين كالي لهي نفسج بي كلتله ماحذفته

وصارلي ثلاث ايام مداخله للحساب ...
والله نهيت الإتصال منه ودخلت راسن سجل تسجيل الخروج انصدمت خرج الحساب تلقائي نفسه رجعت احاول ادخل للحساب مايدخل واسك المستخدم

غير صحيح شسالفة ياربي ؟
وين راح حسابي ؟!! رجعت راسلت علاء وكلتله بالسالفة كال عبالي انتِ حذفته طلع متبند شلون تبند سويتي وبندو
الج .. كلشي مامسوية والله

_ مايصير يحذفوا بلت سبب الا خالفتي القوانين نشرتي ستوري بي دم لو شي مو قانوني بالحساب

_حرامك علاء كلشي مامنزله غير صوري

_لعد عالم خبثاء يغارون منج وبندو

_الله لاينطيهم بيش طالبيني

_هاي خباثة بعد

_هسه شلون مايرجع

_ دزيلي اسم المستخدم بلكت اكدر ارده الج

دزيتله اسم المستخدم دقائق ورجع كال "
للأسف يطلع اسم المستخدم غير صالح الحساب نحذف
نهائي ومايرجع بعد اشربي كلاص ماي وراه

_حرامات

_يلا خيره بغيره

_يمعود هاي أني ماعندي حظ بالانستغرام كل مرة
ينحذف لو يتبند فلا اسوي بعد

_ ماتكدرين

_وليش ماكدر

_هاي انتو البنات ماتتحملون بدون الانستغرام
عندي الج واحد

_والله

_اي والله مابي هواي متابعين فقط ١٠ألف

_خير من الله دزه

_هاا تكولين ماريد بعد مااسوي

_اشاقه وياك يلا دزه بسرعة بعد ماتحمل ههههه

_صار ام الصخول

_مشتاقه للصخول والله

_لابشرفج لا ترجعين الهم

_والقرآن رجعت الهم من زمان واغانيهم كلش حلوة نازله

_لاربحنا

_العشق سوبر جونيور

_ رجعت حليمة العادتها القديمة

_اي هههه

دزلي الحساب فتحته وغيرت صورة البرافايل خليت صورتي اليوم أخذتها خليت على خشمي شخط بيجي ونزلت خمس صور على الانستغرام اليوم اخذتهم

وكتبت عنوان لصورة "
كالشمسِ نحنُ شروقنا قوّة
وغروبنا جمال .

فرحت بالحساب كلش قلبي أشتاق ... العلاوي كلت اخذلي فرة لحساب رائد طلبت اسمه طلعلي اول واحد مامغير شي كلشي على حاله ومنزل صورة محمد

ابن عمه كاعد بحضنه ويضحكون سويه ضحكت على الصورة كلش حلوة وعفوية جانت أني لادري بي هم مثل الفارة والبزون اربعة وعشرون ساعة عرايك ومشاكل اليوم

صايرين حبايب كاتب عنوان لصورة "
لا تجبر نفسك على أحد دع الأيام
تخبره بقيمتك.

ماعرف ليش أخذت الكلام على نفسي أني المقصودة من هذا الكلام هو ماجبرني أبقى ويا والأيام جاي تمشي وجاي تحسسني بفراق رائد وعلاوي كلش صعب

بدال مانسى بالفراق دا انجذب اله من اباوع الصورة واراقب منشوراته دخلت ستوري منزل صورته هاي الصورة اتذكرها ثاني يوم عرسنا أخذتها اله شكد انقهرت من قريت

المكتوب ...
جراحك الداخلية لا تأتي من الأعداء بل
تأتي من أقرب الناس إليك .

هو جرحني من خاني وي ام سعودي وجاي يقصف بي لو يحبني صدك جان تمسك بي وماخلاني اتطلك وماخيرني
بين علاوي وبين الطلاق .

نمت على المخدة ودموع تنزل نار الإشتياق كتلت قلبي كتل مدري أشتاق اله مدري أشتاق العلاوي مدري لأهله
كلهم مشتاقتلهم فدمرة .

غفيت وشفته بالحلام واكف بعيد بملابس العسكرية وبإيده المسدس ويصوب على ابطاله كزاز كدامه كل طلقة يرميها تفجر بطل كزاز إلى أشلاء يرمي بكل حقد وكره عليهم

واحد واحد كمل منهم تنهد والتفت عليه خزرني بنظرات خلاني اموت من الخوف صوب المسدس علية رأسن رفعت أيديه بأستسلام وكعدت بالكاع على اركبي

اتوسل بي مايقتلني ...
رائد لا تقتلني اروحلك فدوة
لا تقتلني

_ليش تعاندين ؟

_مامعاندة والله لا تضرب عليك الله

_شيلي ايديج وباوعيلي

نزلت أيديه ارجف من الخوف فتحت عيوني والصدمة الي كاعد كدامي بإيده المسدس يحك رأسه
براس المسدس

_ ليش ماتجوزين ولدنا وتكبرين عقلج ام الصخول

_شتريد مني بعد

زحفت تعصب وجرني من نفنوفي قوي عليه خله وجه يضرب بوجي وحجه بعصبيه "مو رائد اللي يلعب
ويا افتهمتي "

_بعددددددد

_بس الموت يبعدني عنج خليها بالج


دفعني قوي وكعت بالكاع على ظهري واشر علية بالمسدس " لو طلقة مني تجيج لو ورقة

انطاني ظهره ومشى مافهمت شنو معنى الطلقة والورقة ؟ كعدت على صوت القرآن بتلفوني كالعادة كعدت خايفة وارجف من الخوف كل مااشوف رائد بالحلام

اكيد راح تجيني بليه سودة من عنده أحلامي كلها إنذارات قبل لا يصير الحدث الحقيقي من حلمت رائد أخذ مني
علاوي وسدت الباب بوجي امي سهاد فعلآ

اخذوه مني وسدوا الباب بنص وجي وماخلوني اشوفه بعد كمت صليت وكعدت أمي تصلي لفيت رأسي ونمت كعدت وراها بدلت ورحت للدوام بالفرصة

مجتمعات اربع مدرسات وأني من ضمنهم يحجون على استاذ صافي يكولن جان متزوج بنية قاصرة عمرها ١٤ سنة
مامطول وياها غير ٣٠ يوم ومطلقها

مامتحملة الزواج والمسؤول وكلما يقترب الها تصير تعيط وتصرخ ماتقبل يقترب الها طفلة ماتعرف شي عن الزواج شكد انقهرت على الطفلة خطية الأهل يزوجون

أطفال بهيج اعمر وهم كلشي مايعرفون عن الزواج والمسؤول ١٤ سنة شتفهم بالحياة حتى سن المراهقة ماداخله
بعدها ويادوب توها كاملة .

ويكتلك القهر يشكون بحال صافي بدل مايشكون بحال الطفلة البريئة هسه الناس اخذت عنها نظره سيئة وشوف شعبالهم البنية بيها من طلقها خلال شهر واحد

كالت نرجس ...
يكولون البنية ماخلصانة من حجي الناس هاي اربع مدارس ينقلونها ونفس الشي كل البنات يكولولها أنتِ
معيوبة وعافج رجلج

خطية منهارة حتى المدرسة تاركتها .

ترد وحدة من المدرسات تكول " اكللجن أخاف
صدك معيوبة وهيج طلعوا حجي

هنا ماحبيت أبقى ساكتة ورديتها "
موعيب عليج تحجين هذا الحجي عن بت الناس شنو معيوبة جاي يكلولج طفلة عمرها ١٤ سنة محتمل بعدها ماكاملة وهيج عمر البنية شتعرف عن الزواج هاي احنا كبار

وكوه مدبرينها وي الرجال انوب أطفال . ترى جدآ زحمة منج مدرسة ومدرسة اجيال تحجين هذا الحجي عن بت
العالم وأنتِ ماتعرفين شي .

كلت كلامي وكمت متعصبه منها هو هذا مجتمعنا حتى المرأة تنطي بامرأة ماكو احد يرحم بحال المرأة المرأة نفسها نحارب مرأة ثاني في حيث تثبت رأيها .

مع الأسف على هيج مجتمع منافق .

كعدت بره على الشمس باردة ...بالإدارة اجت بت خالتي كعدت بصفي وحجتلي قصة البنية تكول جانت ويانه بالمدرسة وتحب استاذ صافي

جانت كلش حلوة وعفوية ومؤدبة وأخلاق عالية مافديوم كالتله أني أحبك لو معجبة بيك بالعكس جانت تخفي هذا الشي وبالصدفة وحدة من اخواته شايفتها

وكايلتلهم عليها هو ماقابل بالبداية ..... لأن طفلة عاد مقنعينه وكايليله اخذلك طفلة وربيها على ايدك احسن ماتأخذلك وحدة جبيرة وتربيك على ايدها

عاد خطبوها اله ونفس الشهر تزوجوا وخطية البنية مصدومة بسوالف الزواج ماعبالها الزواج بي هيج وهيج ومسؤولية جبيرة وامه من ثاني يوم العرس

مشغلتها بالبيت طبخ وعجين وتنظيف واخواته ماينجرعن برغم متزوجات رايداتها خدامة خطية و١٥ يوم من العرس كاتلاتها امه واخواتها ذابات دعاية دافعة امه والبنية

تحلف وتكفر تكول كلمة مالي ..... وياهن وحتى صافي مايكدر يحجي وياهن مقنعها وكايللها أبقي وياي وراح اعزلج ماقابلة رايده الطلاق في سبيل تخلص من الزواج

وأهل زوجها وخطية هسه حتى مدرسة تاركة منورة الزواج عبالها الزواج إصلاح وأمان والاستقرار ماتدري الزواج الفاشل دمرها ودمر سمعتها ودمر مستقبلها .

شكد انقهرت عليها تدمرت الطفلة نفسياً منورة الزواج هسه بالمجتمع الحالي تشوف طفلة بعمر١٢ سنة تفكر بالزواج
عبالها الزواج إنجاز عظيم بالحياة

وحتى الأهالي يفرحون من يزوجون أطفال في سبيل الخلاص من المسؤول هو مايدرون راح يشمرونها بالمسؤولية أكبر واكبر من حجمها وطاقتها .


مو كل أهل زوج أهل والله أني جان عندي أهل زوج مثل أمي وابوي وأحسن هم جانوا وياي يعتبروني بتهم الصغيرة ويفضلوني على رائد خسرتهم

هسه منورة رائد وخياناته وقراري المتسرع .

آخر درس اجه صافي وكف يمي يضحك أني مانطي عين ردت امشي وكفتي بصوته " ست زينب ممكن أخذ
ثانية من وقتج .

نفخت هوى بملل التفتت عليه "
نعم تفضل ؟

_ماتذكريني ؟

_ليش وين اعرفك علمود أتذكرك؟!

_صدك تحجين ماتذكريني ؟

_اي والله ماتذكرك ولا أتذكر شايفتك بحياتي كلها ؟

_زين تذكرين من جنتي بالصف الثالث متوسط بالمدرسة فلان المختلط طلعتي من المدرسة أثناء أنتهاء الدوام وطردوج الچلاب واجه طالب خلصج منهن

أني هذا الموقف المخيف أبد مانسيته قطيع چلاب بوقتها لحكني ورادوا يأكلوني واجه طالب نقذني ...
"اي اذكر شمدريك انت صاير
بي هذا الموقف ؟

_هههه هو أني نفسه الطالب الخلصج من الچلاب

_والله !!!؟

_اي والله وأخذت الجنطة من ايدج وصلتج
البيت اهلج تذكرين

_شلون ماتذكر بس جديات أنت

_ههههه اي شبيج مصدومة

_صار سنوات طويلة وتذكر هذا الموقف ؟

_أني ذاكرتي قوية وأنتِ شكلج مامتغير أنتِ أنتِ بس كبرانه وملامحج حليانه عن قبل ولابسة حجاب قبل
مو محجبة جنتي .

_صح جنت مو محجبة

_شوكت تحجبتي ؟

_بالسادس تحجبت

_ أني بوقتها جنت بالسادس

_ليش جنت ويانه بالمدرسة

_اي وياكم بنفس المدرسة كنت دائما اشوفج منعزلة عن الطلاب وماتختلطين بأحد سألت عنج كالولي
مريضة.نفسيا الطلاب هههه

_صدك هيج جانوا يكولون عني

_اي والله لأن منعزلة عن الطلاب وماعندج
لاصديقات ولا أصدقاء

_ماحب الاختلاط كملت جامعة وماعندي صديقات

_صدك

_اي والله احب الانعزال وطبعي انطوائي مو إجتماعي

_اي لاحظت عليج

_شكرآ على انقاذي بوقتها ماتشكرتك هلكد
ماجنت خايفة ومرعبوبة

_عفوآ تدللين ست زينب

_مايدلل عليك ظالم مرخصتك استاذ

_قبل لاترحين عندج انستغرام؟

_اي عندي

_ممكن اليوزر

_ليش شلك بي ؟

_هههه حاب اتابعج على الانستغرام مادام احنا زملاء بالمدرسة ولا تأخذينها بغير نظرة أني ماعندي سوالف السرسرية
واهل التعارف والتكبيل

_لاحشاك استاذ منهم ....

انطيته اليوزر الانستغرام ومشيت إنتهى الدوام رجعت للبيت تغديت وكعدت اصفح انستغرام صافي دازلي طلب
متابعة قبل ساعة

مارديت الطلب شفت جايني طلبات مراسلة دخلت والصدمة لي رائد متت من الخوف قلبي صار يخفق بسرعة تشجعت ودخلت كاتب "ماتجوزين ماتبطلين من طبعج النكس

ليش تنشرين نفسج احذفي صورج حالاً لو اشوفج
شي بعمرج ماشفتي "

شلون عصبت منه ومن كلامة ماقبلت الطلب ولا رديت علية تذكرت مره كالي أني ماخجل أبد خجليني زينب وخليني احس بطعم الخجل شلون يكون هسه اعلمك

شلون الخجل على أصوله حظرة النقيب رائد سلام .رديت المتابعة الصافي ثواني ماكو سجل لايك وعلق كتب
"منورة ست زينب .

رديت علية "النور الساطع استاذ صافي .

نزلت ستوري صورة لنفسي ضاحكة بس خليت شخط على خشمي باللون البيج وكتبت " أنت سري الصغير
وصدفتي الجميلة ♡

اريد احرك قلبه واخجله وعايشة طعم الخجل على اصوله شلون يكون من مرتك حبيبتك تطلقت عنك وشافت
غيرك رجال وتعتبره احلى شي بحياتها
هيج اريد أبين الرائد .

#يتبع ...

#عشق_أهل__الأنبار.....
#بارت١٣


بزعت روحي وهي ماترد تعصبت ولغيت.... الرسائل وانطيتها حظر انطيتها أهمية أكبر من حجمها وصارت تتكبر علية بسيطة أني اعلمج زينب .

شمرت حسابي خاص اخاف تجي تراقب بي من حساب ثاني انوب طخت بالي احذف حسابي واسوي حساب ثاني علمود اضيعها وماتذكرها لزمت الحساب وحذفته

من اساس ورجعت سويت واحد خاص وخليت اليوزر أول حرفين من اسمي والباقي ارقام مر اسبوع كامل وأني
مداخل الحسابها ولا مفكر بيها

طلعت أمي وأختي وابنها وفروحة شايله علاوي من مكانه يشيل ويدك بنفسه علية مشتاقلي رحت لامي سلمت عليها بس راسها وايدها واختي كذالك رحت لفروحة وراها

اخذت علاوي اكلته أكل اشرله على خدي " بوس بابا " باسني بوسه طويلة وطلع صوت أمي تضحك اختي فروحة
فطيمة علية معلمه على كل دروب

دخلنا جوه سلمت على أبوي هو بحضني صحت على أمي " يمة سوي صينية زينة المحمدنا


_ ليش راح يجي ؟

_لا ادزها له

_صار يمة هسه ادزها بإيد فاضل

انطيت علاوي . لاختي وطفرت الغرفتي سبحت وبدلت وطلعت لكيت امي مجهزة الصينية المحمدنا ومجهزة
الغدة هي وأختي اجه فاضل

امي_هاي شنو ؟

فاضل _خاله ام نزار دزتها الرائد

امي_مو مسوين اكل

فاضل _شمدريني

رائد _أني طلبت باجة جيبيها يمة ميت من الجوع

ابوي_هسه باجة شنو مو مسوين دليمية

رائد _نخبط هههه

امي_موزين الخبط لو تاكل باجة لو دليمة

رائد _والله اليوم بالاثنين طامس هههه

ابوي_والله بس يتسمم حباية وحدة لا تنطي

امي_ رائد جوز

صحت بيهم " بس تجون علية اكوم من الأكل واروح لبيت عمتي اضرب ثريد بامية وكوللهم امي
وابوي طردوني

ايوي_مو اكلج مخبل مو صاحي راح يخرب الولد والله بس يتسمم يارائد الا اطيح حظك وحظ الخلفوك

باوعله ياكل ويضحك بوجه أبوي شلون يتعارك بالكلام " دشوف شحلاته جنه فرخ ذيب من
يفترس الفريسة ههههه .

أمي _كافي كومي شيلي

رائد _محد يكون من الاكل دعوفوا يأكل خطية شتردون منه

ان فطيمة _موزين رائد الاكل دسم مايتحمل

رائد _يتحمل هذا ابن آل ... ويتحمل كلشي يروحلك فدوة ابوك امممح دشوف هاي النسوان المعدلة لو هيج النسوان لو ماتنراد باعوا شلون تضرب باجة ههههه

امي_ههههه

رائد _هاا يمة شكلنا مو كلنا كلشي مايصير بينه

امي_ أتمنى مايصير يلا اطلع خل ينام

رائد _فطيمة تعاي لعندي

امي_ماكو ماتجي لعندك خطية سابحة واخاف تستبرد
روح نام شعندك كاعد روح

رائد_مايجيني نوم مشتاق يول مشتاق للحلوين مشتاق

امي_راح تطيح حظ الحلوين

اجاء أبوي _ شعندك واكف بنص الباب

بعدت بسرعة ...
ماكو شي

النار شبت بصدري من سمعت هيج جاي تسوي برغم ناسيها بهاي الفترة وحذفت حسابي علمود لا تذكرها شوفني الصورة وراها أثنين بنات والولد واكف بصف البنات

شكله حلو وأبيض أني وكشخة مسوي علامة الانتصار اخذت التلفون من فاضل " عود شيسمي حركة الانتصار
عليمن انتصر هذا الجرب ؟

_ على فاينه حظة منتصر

_يريد يموت بس مايعرف شلون كم صورة عندك

_هواي قلب

كلبت كومه صور البربوك منزله واسم مغطية وجهها هذاك
هو مبين بالكامل شفت شايله طفل رضيع ...

_منو هذا ؟

_والله ياعمي زحمة اشوف مريتك منشورة على
تواصل الاجتماعي وتعلق للولد

_ياولد ؟

_هذا صافي وجه القندرة المصبوغة بصبغ حياطين أبيض

_تعلقله ؟

_اي تعليقات هو يعلق وهي ترد بالتعليقات هو ينزل صور وياها الستوري وهي كذلك تنزل بحسابها ليشوفه وياها مايكول مجرد زميل يكول زوج لو حبيب .

_هاا زين انطيني الحساب

_ياحساب

_هذا حسابك اريده

_اخذه عمي

_ كوم جيب تلفوني ودخل الحساب

كام جاب تلفوني .....دخل الحساب الي مابينت اله مهتم
لو متأثر وأني العكس "سجل تسجيل
الخروج من الحساب

_صار ... محتاز شي

_سلامتك

أخذ تلفونه اشرتله يطفي الضوه عود أنام طفى الضوه وطلع كعدت بفراشي الغرفة ظلمة تمامآ بس ضوه شاشة
التلفون يضرب بنص وجي .

عيوني براسي صايرات دخلت على حسابها شفت المتابعتهم جان من ضمنهم هذا الولد لاسمه صافي " ودكيتله لقب يخبل ويلوك بي مصفي المنهولة "

دخلت حسابه كله صورة عبالك عارض أزياء مو مدرس الانكليزي سيارته سوناتا مضلع بيضة " وناشر امه ادمي جبير جانت لابسة دشداشة جويتي بورد

هو حساب بنية ومراح تشك بي ...... أني رائد ابو علاوي " دخلت ستوري منزله صور ابن اخوها الصغيرون مخليه
سمايل فوك وجه وكاتبة ...

_ابني وحبيبي رواد

حلو اسمه رواد هسه هذا صار ابنج ونسيتي علاوي ابنج من دمج ولحمج والله عندج قلب أسود زينب اسود من قلب سيرين وريتاج وابتهال وفائق النذل

ماشفت مثلج عديمة الإحساس والمشاعر اتجاه ضناها تخلت عنه في سبيل تخلص مني لو غير وحدة عملت المستحيل علمود ترد ابنها لعدها حتلوه على احساب

نفسها له هي تركته وراحت عاشت حياتها ومتونسه بالحياة بالجذب ماسألت على علاوي او تصلت بامي لو فروحة لو بوحدة من الجناين ماصدكت تركتهم

وراحت وهي كالتها من قبل بس تخوني اعوفك واعوف علاوي واروح اتزوج غيرك " بس والله لاتحلمين اخليج تزوجين غيري ويجي غيري رجال

ردت _ لا ابن أخوي

_هاا عبالي ابنج أني عالعموم ربي يحفظه لكم

_ويحفظج حياتي

_حبيبتي تسلمين ممكن سؤال ؟

_تفضلي ؟

_أنتِ مخطوبة مو

_لاحبيبتي

_متزوجة أكيد

_لامخطوبة ولامزوجة

_لعد هذا منو الولد النشرتي قبل أيام ادري سؤال فضولي بس حبيت اتأكد أني متابعة جديدة وماعرف عنج شي نعجبت بصورج ومنشوراتج وحبيت اتعرف عليج إذا
ماتصير زحمة الحظرتك

عاد انطيتها لايك ماكدر اكمل وياها هسه افضح نفسي قلبي ثول وكام يضخ بدل الدم بحب الها طفيت التلفون وشمرته جوه المخدة وأحاول أنام

ماكدر صارت تجي بالي ذكرياتي ..... الحلوة وياها من اتعارك وياها وتروح تشرد يم أمي وأبوي وأمي وأبوي يدافعولها لو من اكرصها بالغرفة العب بيها جوله

اشتاقيت كلش لأيام زمان وصوت من داخلي يهمس الي " لا تصير عار وتخلي مرتك تروح من ايدك وتصير بين ايدين رجال غيرك انت مو رجال إذا تركتها لغيرك

أنت عار على الزلم راح تصير رائد .

كلمة عار على الزلم راح ...... تصير فوك العشر مرات نعادت براسي صارت مثل الطبل تدك برأسي دك تعصبت وكعدت بفراشي كلشي ماشوف غير الظلام

حلفت بالعباس اخو زينب الا ارجعها البيتي خلال شهرين لا أكثر ولا أقل اكون بعيد ميلاد علاوي هي
هنا موجودة .

قاسم رجعت للبيت والفرحة الي مسك متعاركة وي امي ورايحة زعلانة علمود شغله تافهة ماتسوى اووف ياحظي عزلنا ونفس السطوانة ومنا هي حامل
بالشهر 6 وبيها بنوتة

طلعت بالليل باردة كلش شعلت جكارة وطلعت اروح اجيب مسك العروس الزعلانة صارلها أيام زعلانة ماتقبل ترد على رسائلي ولا اتصالاتي اتصل بأمها بأخوها ماتقبل تحاجيني سيارة جانت بره عايفها كدام الباب
وي طلعتي شفت رائد

جكارة صفح صايرة وصافن ماعرف وين "
هييي رائد وين وين صافن ؟

انتبه علية ملامح وجه تعبانة ...
بضيم الله صافن

_ من يوم يومي متعوب ومهموم شنو الجديد قابل وين طالع

_اروح اجيب المرة

_ليش مرتك وين ؟

_عد أهلها

_من شوكت عد أهلها

_من زمان

_ولايشبعن من بيوت اهلهن

_اي والله وفوك كلشي زعلانة

_زعلانة عليش زعلانة ؟

_هي وامي

_يله تعال لعد روح نجيبها

أخذ نفس طويل من الجكارة وشمرها بالكاع اجه صعد وياي بالسيارة شغلت وحركت عدل لبيت عمي فهمت رائد السالفة هو هم فهمني سالفة من عنده إذا عاندت مسك وماقبلت ترد ويانه المهم وصلنا طلع اخوها ضرغام سلمنا ودخلنا
بالاستقبال طلعت اامها سلمت

وكعدت يمنا كتلهم صيحولي مسك ...دخل رضاوي يركض مامصدك شافني كمت شلته بحضني ابوس بي واشم بي صارلي ١٥ يوم ماشايفه مشتاقله كلش .

ربع ساعة دخلت مسك هذاك المكياج والعطر تكوللها كش تطير ابتسمت بوجهها " شلونج مسك ؟

مسك _والله موزينة وبفضلك طبعآ

قاسم _ليش شسويت

امها _مسك عيب ماما تعاي اكعدي واتفاهمي وي زوجج

كعدت بصف امها تخزر بي ...
إلى متى تبقين بهذا عقلج مسك
تزعلين منورة شغله تافهة

مسك _مو شغله تافهة امك تغلط وتسب بي علمود ماغسلت الماعين وكتلها مابي حيل أنتِ اغسليهم أني كلت هيج لو ابتليت على عمري ولما حامل جان ضربتني

قاسم _ امي جديدة عنج جان خليتي مرت محمد تغسلهن

مسك _ كتلها طلعت عذر تقري الجهال

رائد _مختصر الكلام كومي يابة لمي اغراضج وتعاي وي زوجج خطية مشلوع قلبه صارله ١٥ يوم بالدوام ودك
واجبات يريد يرتاح بجاهكم انتِ وابنه ..

يلا يابة فرديها واضحكي بوجه شوفي
وجه صاير ليمونة

مسك _مارجع الا عمتي تجي ترجعني

مسك _مو شغله تافهة امك تغلط وتسب بي علمود ماغسلت الماعين وكتلها مابي حيل أنتِ اغسليهم أني كلت هيج لو ابتليت على عمري ولما حامل جان ضربتني

قاسم _ امي جديدة عنج جان خليتي مرت محمد تغسلهن

رائد _ليش تصيرين مضحكه الريتاج والسيرين وهن يردنها من الله تزعلين وتعوفين بيتج وعيالج خليج مثل السبع
اكلهن وماخليهن يأكلني

امها _كومي شبيج

مسك _مارجع

قاسم _اهوووووو وتالي وياج

رائد _لا ترجعين يابة ابقي يلا قاسم جيب ابنك وتعال
خل نرجع للبيت ورانه مية شغلة وشغلة

غمزلي عين رائد ماكلت باطل شلت رضاوي وكمت كام
رائد ميك طفرت من مكانها اخوها
طفر امها كذلك

قاسم _ ترجعين ويانه لو تبقين الوحدج

مسك _قاسم رجع رضاوي لا تصير أناني

رائد _والله ياختي ماكو غيرج أنتِ الأنانية حارمة الرجال
منج ليش يابة مو حرام عليج
هيج تسوين

صارت لاخت عسله مسك تصيح وتبجي تريد رضاوي وقاسم المسكين يحبها مايتحمل يشوفها تبجي راد ينطي الها
اخذته من ايده وطلعت كتلها

رائد _يلا عيني ام رضاوي لمي الأغراض
وتعاي ننتظرج بالسيارة

مسك _رائد رجعلي ابني رجعلياه

رائد _قابل بايكينه ياعيني تعاي ويانه واشبعي من ابنج ورجلج من كيفج خاله فدوة الطولج همي ايدج ولمي
الأغراض بسرعة الجو صار بارد...

وراح نتأخر ومنا مانريد نبين للعالم
الأميرة مسك زعلانة

امها _ ثواني خاله وتكون عدكم .. يلا
مسك روحي لمي غراضج

مسك _ رائد لا تصير استغلالي رجع رضاوي

رائد _ والله قلبي مثل النار صاير وماتحمل اشوف حبيب القلب قاسم نار مثل ناري تشتعل بي ادري بي ترف ومايتحمل مومثلي اتحمل وانتِ تعرفي اكثر مني

بعد شكثر يحبج ويعزج على كوله عمتي ام نزار
يلا ام عطوب همي ايدج بسرعة

طلع رائد يضحك شايل رضاوي تباوعلي وتخزر ...
جايب وياك البلية السودة

صاح رائد من الصالة "
اعصابج اميرتنا على اميرنا
اعصابج هههههه

مسك _ رجع رضاوي

رائد _اوووي مانرجع زلم احنا لو تحبين زلمتج
صدك تعاي ويا لبيته

مسك _قاسم اريد رضاوي روح رجعه الي

قاسم_يلا تعاي ورانه انتظرج بالسيارة لا تتأخرين

خليت وطلعت مقهور عليها بس ... بنفس الوقت فرحان رائد خوش اشتغل من أخذ رضاوي منها لكيت رائد كاعد بالسيارة بحضنه يعقوب يلعب بي ومشغله اغاني

بيبي صعدت أضحك...
شنو من عقل عندك ههههه

_ادري بمرتك ماتتحمل افراق ابنها باع طلعوا
الأغراض اجت الأميرة الهاربة ههههه

_ههه اي والله اجت هسه تتعارك وياي بالبيت

_بطريقتك سكتها وراضيها هههه

_ثواني اراضيها بالغرفة مو مثل عد أهلها

_زحمة كدام اهلها على بوسه على كرصة على حضنه ههههه

_هههههه

_هاي اجت مطنكره ههههه

رائد _حرك ابو رضاوي

حركت السيارة مسافة يلا انطاها رضاوي أخذته تبوس بي كاتم ضحكتي رائد يضحك التفت عليها " والله ياريت لو هذيج الصخله مثلج لحكت ابنها

مسك _ ارتحيتوا هسه

قاسم_كلش

رائد _اي والله ارتاحينه نفسيا وجسديا ردينه الأميرة مسك

مسك _ ليش هيج رائد تسوي ؟

رائد _باعي الوجه قاسم خطية مصفر من القهر والبجي سودة علية حبيبي لكيته كاعد بالغرفة وحاضن ملابسج ويبجي شلون ترديني اتحمل اشوفه بهاي الحالة

باوعت الرائد غمزلي عين عود اسكت كتمت ضحكتي اباوع المسك بالمراية ضحكت وكالت " شهل الجذب رائد

رائد _أني ماجذب باوعيلة وشوفي بعيونج أثر البجي
بعيونه دير وجهك لمرتك خل تشوفك

قاسم_مايحتاج

رائد _مو ماتصدك ؟

قاسم_عاد هي من شوكت مصدكه بي علمود هسه تصدك بي

رائد _وسفه عليج ام رضاوي ماتصدكين برجال قسوم
ولج ليش هيج تسوين بالرجال

مسك_ من ايده مايوكف بوجه امه ويكوللها احترمي مرتي وصايرة عنده سوالف من جوه الجوه

رائد _ منو كالج ؟

مسك _ مايحتاج منو كالي هو يعرف نفسه زين

رائد _مو صوجج صوجه هو المنطيج كل المجال والحرية لو غير واحد بمكانه جان من زمان تزوج عليج وشمرج لبيت اهلج بس الرجال متحمل ..

مسك _ رائد ماسمحلك

رائد _وزقنبوت ينام بنص قلبج كافي مصكوعة موتي الولد شلعتي قلبه عربانة من طيح الله حظج تغشمرج سيرين لو ريتاج ولج الرجال يحبج يحبج تعرفين شنو يحبج ؟

مسط_ لو يحبني جان كالي عندي ...

رائد _ربببببي شكو براس هالمرة شكوووو
ولج أنتِ شنو من بني آدم

قاسم _كافي رائد عوفها

رائد _خل افتح الباب واشمر روحي واخلص ولك شلون متحمل بس فهمني شلون متحمل

قاسم _ أحبها واليحب يتحمل

رائد _انعل ابو الحب يابو الحب ليخليك تتحمل نكد
النسوان مسك اسمعي كلامي زييين

رائد _ أقسم بالله العلي العظيم إذا شفتج منكدة فوك راس قاسم ورايحة زعلانة لبيت اهلج وسامعة كلام هذيج وهاي والخالق الكون راح تشوفين شي بعمرج
كله ماشفتي افتهمتي

مسك_وأنت شدخلك بيني وبين قاسم

رائد _ والله جاي اشوف ضيم قاسم وضيم قاسم من ضيمي من تأذين قاسم جاي تأذيني وأني ماتحمل احد يأذي حبيبي قسومي اكعدي عاقله وكبري هذا العقل البراسج
هاي اذا اكو عقل من أساس يعني

مسك _ قاسم نزلني

مسك_وين انزلج

رائد _لتنزلها أني راح اشمر نفسي من السيارة واموت
واخلص من النكد لعند مرتك ولك شلون
متحمل شلوووون .

فتح باب السيارة يريد يجيت صحت بي ...
ولك جاي تسوي رائد

رائد _اريد انتحر بعد ماتحمل النكد

مسك _ولك رائد أرجع لا تموووت رائد مخبل أنت

رائد _هو أني مخبل وشفت خبالج تخبلت بالزايد بعد
ماتحمل ابقى وياج بنفس السيارة وكمية
النكد هائلة عندج

قاسم _ولك ارجع لتوكع من صدك وابتلي بيك

مسك _والقرآن اسكت بس ارجع يمعود استر علينا ابو علاوي

رائد _احلفي تبطلين نكد وتراضين قاسم

مسك_ والله ابطل نكد بس ارجع مو جرشنه من البرد

رائد _من الله ماتحمل النكد اتخبل من المره التنكد
وماتنطي مجال واحد يفهمها

مسك _قاسم مو وياك

رائد _هذا ميت بيج لو أني انكد فوك راسه يبتلي بي لاتشوفي فقيرون وياج ترى بلا اسود هذا قسوم

مسك _فقيرون

رائد _فقيرون بس وياج لأن أنتِ ترف وحبيبته وام ابنه بس وي غيرج أسد مفترس وماينطي مجال واريدج تنطي مجال وتراعي وتهتمين بي خطية

ترى هواي متعذب بالدوام وماشايف راحة تنطي راحة وحل وحنان ترى عمتي الضابط بس تدري بيج هيج تسوين راح تزوجه بالسر وبدون علمج عود من يتزوج دكي وزن

مسك _والله اذبحه بس يتزوج علية

مسك _والله مكاسرة هي الها والكيفها نزلت بي
دوسة ونص عبالك متحمله من أيام علية

قاسم _خلص مسك سدي الموضوع

مسك _ماشي

سدت الموضوع مسك وصلنا للبيت نزلت رائد يم بيتهم ورجعنا للبيت سلمنا على اهلي ورحنا للغرفة عزلت الغرفة ونومت رضاوي بدلت وجت كعدت بحضني

_ اي قسومي سولفلي شسويت ماسويت
بهل ١٥ يوم بدوام

_بشرفج هيج وضع رومانسي جاي تسألين عن ضيم الله

_هههههه

حضنتها قوي في حيث أتمنى اكسر عظام جسمها على زعلها علية كل هاي الفترة اليوم اطلع ضيم الزعل
كله من خشمها .

عافت التلفون فوك الميز واجت رفعت الغطة ودخلت وياي بالفراش لفيتها بحضني ابوس بيها " مسك تحبيني

_شعندي غيرك قويسم احبل اجيب ههه

_ حبج الي عابر الحدود

_والقارات والكرة الأرضية وعابر للفضاء الخارجي

_اويلي يابة

_قسوم

_هاا عيوني ؟

_أحبك

_اموت عليج مسوكتي

حضنتني قوي وتبوس بي " صدك مسك اكولج عمتي راح تجي عدنا جهزي نفسج بالساعات توصل

_هاي باربيل

_يالساعة السودة عدها بنات مامتزوجات

_اي ههههه

_خوما تبقى عدنا

_لعد وين تروح

_خل تروح يم اخواتها مو يمنى

_جا غير بيت أخوها الجبير هوو يوم يمنى ويوم يم عمي ابو صدام وشلون ماشوف هسه لو مصطفى لو رائد
ياخذون وحدة من بناتها

_رائد مستحيل ياخذ من عدهن

_ليش شبيهن ؟

_رائد عشكان

_عشكان منو والج وشمدريج

_هو صح يعشكها بس خلص إنتهى أمرهم هسه عمي
يريد يزوجه واشوف جيه عمتي
موخالي بلاش

_اشوفك لابنات عمتك ولاغيرهن راح يكدرن يغرن ابو علاوي خلص فاقل على ام علاوي واشوفك إذا
ماردها فلا اطلع مسك

_تحجين واثقة من حجاياتج سامعة شي

_لاوالله بس أدري بي وزينب جانت تحجيلي عنه هواي

_الله يسمع من حلكج تردله وترد لابنها علاوي خطية

_اي والله يقهر خطية

_ يلا كومي

_قاسم مو مال اكوم حضنك دافي ههههه

_ولا أني بس شنسوي مجبورين يلا كومي

_ولا أني بس شنسوي مجبورين يلا كومي

كمنا بدلنا وكعدنا رضاوي ويانه .......ونزلنا سوت ريوك مسك وامي كالت واصلين بالطريق ساعة الساعة يوصلون لعدنا انخبص البيت خبص الجناين كلها تنضف

مسك من الناس رضاوي بحضني كملوا شغلهم اجه
مصطفى ورائد اجتمعوا كلها بالمضيف
كعدت بصف رائد

قاسك_ رائد

رائد _هاا

قاسم_سمعت اخبار تكول راح تأخذ مرة من عمتي صدك

باوعلي بضحكه " ومن قال الك هذي الاخبار السارة ؟

_يعني صدك

_والله انت بطران على نفسك أني أخذ مواليد الفين مخبل عاقل أخذ زعطوطة لاوفوك كلشي
من الاقارب العقارب

_شمدريني أني غير سمعت

_مجرد إشاعات كاذبة هاا مصطفى سمعت راح
تاخذ من بنات عمتي حسنة

مصطفى _شنو من كال ؟

محمد _لابشرفك رائد تحجي الصدك

قاسم_شنو منو كال احجي عدل صدك لو لا

رائد _مادري سمعت هيج حجي واجيت أتأكد من ابو الصوف

مصطفى _بالقرأن جذب ماكو هيج كلام

محمد _مادام طلع هذا الكلام لعد راح تصير صدك شدها بعد حيلي راح يعرس ابو الصوف هههههه

رائد _ كللووووش

قاسم_شايف خير ومستاهلها ههههه

محمد _ الا اخلي الفشك ماله والي بعرسك يالهيبة ههههه

مصطفى _ولكم جذب شبيكم ماصدكتوووووا

نصبنه على مصطفى خطية بس ماراد يبجي مايكدر يسكت رائد انفتح حلكه ومحمد بعد انكس وأني طابك وياهم
أنظم للمجموعة أخوي نزار

آخر شي زعل وكام راد يطلع جلب بي محمد ورجعة " أني ماريد من بنات خالاتي ولاعماتي أريد غريبة ماريد الأقارب لا تخلونها براس امي اترجاكم .

رائد _تودينه مطعم وناكل سمك نسكت ماتودينه
مانسكت مو محمد

محمد _اي اي

نزار_صارت الاستغلالية

قاسك_يردونها من الله يستغلون واحد

رائد _اي ههههه

مصطفى _اوديكم والله بس اسكتوا ولا تحجون كدام امي

_هاهية

شوي ودخل احمد كال اجت عمتي مصطفى انخطف لونه خطية من وده مايطلع يسلم شحطة رائد شحط وطلعه
بنات عمتي حسنة تلاثه كلهن أكبر

_هاهية

شوي ودخل احمد كال اجت عمتي مصطفى انخطف لونه خطية من وده مايطلع يسلم شحطة رائد شحط وطلعه
بنات عمتي حسنة تلاثه كلهن أكبر

صغيرتهن مواليد ٢٠٠٣ .. وجبيرتهن مواليد ألفين لابسات كله طويل ومكياج حلوات هن ومرتبات رائد يغمز المصطفى خطية مدنك راسه مايباوعلهن خربت

من الضحك دخلوا جوه مصطفى .... طفر لأهله لحكه رائد يضحك اليوم يسوي ميز من الضحك دخلت جوه الجناين
كلها سلمت وأمي كعدت وكعدت مسك

بصفها ورضاوي بحضن أمي تفاجات بأمي من كالت على مسك "هاي العزيزة مرت العزيز عود ماخليها تشيله وهسة حامل وراح تجيبلنه بنوتة بالطريق

اباوع المسك تباوع لأمي بصدمة محمد كاتم ضحكته ويباوعلي "امي ذكرتني فدضابط من يجون ضباط كبارية يصير هيج يحجي وهو بالحقيقة
شالع قلبنا هههه


قاسم_خرب بيوك هههه

عمتي ماعاجبها الوضع لأن أمي على أساس مدللة مسك عود ماتخليها تشيله وكل ساع تبوس بمسك وهاي العزيزة
الغالية مرت الغالي قسوم .

وصدك سوتها ماخلت مسك تكوم من يمها أبد وعمتي النار شبت بيها خل تكوم تعاون ام ادريس شكو مكعدتها " لا عيني ماتكوم أخاف عليها مامتعودة تشتغل

حسيت أمي سامعة شي كامت مسك رحت
وياها لغرفة أمي خربانة من الضحك ...

_تونست كلش من امك تدافعلي كدام عمتك ههههه

_صدمة الي صارت

_اي والله صدمة صاير شي ؟

دخلت أمي سكتنا دخلت وسدت الباب وراها " أني سمعت اخبار تكول احنا عائلتنا كلها مشاكل ومسك ماتنجرع ومتعاركة وياها قبل فترة ورايحة زعلانة

مسك_بالقرأن مكايلة ولاجايبة طاري

ام نزار_ادري مو انتِ اعرفج أني وحدة من البيت
جاي تنقل أسرار العائلة

قاسم_منو تتوقعين

ام نزار _ اعرفها وحسابي وياها

طلعت أمي متعصبه ..

مسك_منو تتوقع تطلع أسرار البيت ؟

قاسم_ماعرف بس طيح الله حظها شلون تطلع
اسرار البيت كل بيت وله أسراره

مسك _ وعمتي كاعدة بالمرصاد

قاسم_ههه هي دوم بالمرصاد

مسك _اي والله خل اروح اكعد يمها اليوم فرصتي
ابقى مدلله خل استغلها هههه

قاسم _ مخبلة هههه

مسك _ههه

مصطفى تعارك وي امه وأبوه يردونه يأخذ وحدة من بنات عمتي حسنة صار يعيط مثل الجهال المسكين مايريد منهن تعاركت عمتي ماتحملت تدخلت

وتعاركت وياهم وكلتله لم اهدومك وتعال يمي عندي غرفة فاضل فارغة اخذها الك مالك كعدة بهذا البيت تعاركت
عمتي ردت اكوم اشبعها كتل

كوه لازم نفسي رجلها يهادد ويرد " اشووووو اسكت الخاطر الله هسه تأكلون أكله ماتعجبكم ولكم شبيكم أنتو ماكو عقل براسكم شلون تزوجون الولد بنية مايريدها

عمتي_ لعد يريد منو خل يحجي عنده وحدة

ابوي_لعد اجيب الغريبة اشو لايقبل يتزوج من عمامه
ولا عماته ولاخالاته لعد يريد منو خل
يحجي يريد منو

رائد _ماعنده وحدة وعوفوا الولد براحته

عمتي_ولك جاي ا يكبر ماجاي يصغر واريد ازوجه وافرح بي

مصطفى _من كبرني توني دخلت بال٢٧ سنة

ابوي_لايابة بعدك زعطوط من كبرك ولك
احجي منو هاي التريدها

مصطفى _ماعندي الله ماعندي شبيكم تخبلتوا علية
لتخلوني هسه أرجع للدوام واخلص منكم
ومن مشاكلكم .

ركع الباب وطلع " هسه دكوا وزن هججتوا الولد

طلع بره طلعت وراه صار يشكيلي منهم يكول شالعين قلبي تعال تزوج وتعال تزوج فلانة وفلانة وأني
مالي نفس بيهن شلون اتزوجهن

وماتحمل أبقى بعد "

قنعته وأخذته للبيت حجيت لأمي السالفة تعصبت من عمتي انوب طلعلي ابوي من صفحة تعال أنت ويا اخذوا
بنات عمتك حسنة احسن مالغريب يأخذهن

تعاركت ويا.مصطفى هم تعارك زعلنا ودخلنا الغرفتي واحد مكابل الثاني كالبين خلقتنه جابولنا الغدا للغرفة أكلنا ونمته بنفس الجرباية واحد يباوع بوجه

الثاني " فتحنه موضوع فوفو وكال مثل ماتفقنه بعد ثلاث أيام نطلع لاربيل علمود نكمشه ونطلع كل كذبه
مارحت لزوج رهف

_ اتصلت بي وكلتله اريد التقي بحظرتك كال أني
يومين انزل وتعال مر بي فلان مكان

_بالموصل

_اي

_طريق طويل

_اي شنسوي لازم نحل المشاكل ونخلص

_ان شاءالله تنحل

انطاني ظهره مبين نعسان اني ..جبت التلفون وكمت اراسل بزينب على أساس أني بنية أبد مانهي الكلام وياها علمود ابقي المحادثة مفتوحة وارجع احجي

وياها شوكت مايعجبني .

بالليل عمتي ..... معزومة عدنا على العشة وأني ومصطفى طفرنه للمطعم طلعنا عذر عدنا شغله مهمة في سبيل مانبقى بالبيت ونشوف وجه عمتي وبناتها التلاثه .

مارديت بس أرد وأني أعرف نفسي ردي قوي يصير ويزعج ابوي وتكب العيطة زينب دازتلي بصمة صوت وتطلب احجي بصمة حرت بزماني بس احجي بصمة

راح تعرفني رائد باوعت المصطفى ...... وفهمته السالفة كلها ماكال باطل اخذ التلفون وصار يحجي وياها بصمات
وأني كاعد كباله وأضحك

من سمعت صوت بنية آمنت أكثر وحجتلي عن نفسها هي مفصوله عن زوجها وابنها عنده مايقبل يجيبه الها ودا تموت على شوفه ابنها وأتمنى لو أشوفه

الحمدلله مانزلت ....بي دوسة ونص بس كالت بسبب خياتنه الي انفصلنا عن بعض وهسه أريد أشوف ابني محد يقبل ياخذني لبيتهم من هو بالدوام واشوفه

لو يقبلون اشتكي علية كلها تخاف منه .

رائد _ ماعرف اطلع من المحادثة

مصطفى _تمام هاي طلعت هاك التلفون

أخذت التلفون شمرته على الشحن وتقطيت هو هم
راح طفى الضوه واجه تغطة بصفي ..

مصطفى _ليش ماتشوفه علاوي ؟

رائد _ماتستاهل

مصطفى _ انطيها حقها صعبة الخيانة وهي جانت تحبك كلش وتفاجأت من خنتها وي ام سعودي لو انت
بمكانها جان شسويت ؟

رائد _سد الموضوع مصطفى

ثاني يوم اجوي أهل ... مصطفى تصالحوا ويا وردوه للبيت خل يتعلمون مرة الثانية مايجبرون الولد على شي مايريده أبوي جاز مني بعد ماجاب سيرة الزواج .

ويه أبوها وشغت أخلاقها وجمالها وسلوبها بالكلام نعجبت بيها وخطبتها وأني مناه جنت أحب بنية من اهل الحلة
وابوها مجان يقبل ينطيها الي.

لان سني ورهف جانت ماتريد تبقى يم اهلي تريد بيت الواحدها وأني الوحيد باقي يم اهلي وماكدر افارق
أمي لذلك خيرتها بين تعيش يم اهلي

لو نفسخ الخطوبة عاد هي ماقبلت وفسخنه الخطوبة واذا وراها كلمن راح بطريقة لا اعرفها ولاتعرفني صارت والله شاهد عليه هاي القصة كلها

وأني ماعندي شي وي البنية والبنية جدآ محترمة والكلام الطلع عليها كله كذب مجرد تشهير بي وهذا المقدم فائق يكرهني علمود بسببي نقل للموصل

وإذا ماتصدك بي تعال للفوج مالتنا واسأل وشوف شراح يكولون الجنود والضباط علية " وبسبب فائق أنت طلقت مرتك وأني كذلك طلقت مرتي

وذنب أطفالنا وزوجاتنه ينفصلون منورة كلام شخص حقير وسافل وحقير مثل المقدم فائق .

صدك بكلامي لأن كلتله كوم جيب القرآن خل احلفلك على كل كلمة كلتها هو صح جذبت بخصوص البيت والخيار كله
علمود مابين حقيقة رهف القذرة

وي اهلي وشلون حجت عليهم ماريد ازيد الطين بلا
بيناتهم محتمل المرة تغيرت واخذت عبرة
من تركتها .

_حشاك من الجذب ابو علي وان شاءالله نكشف المقدم فائق على حقيقته القذرة ونشوف كلشي العمي ابو يونس
وتنحل كل المشاكل

_ان شاءالله باجر اريدك تجي وياي لاربيل علمود نكشفه

_ان شاءالله الفجر نطلع

_ان شاءالله باجر اريدك تجي وياي لاربيل علمود نكشفه

_ان شاءالله

الحمدلله طلع الرجال متفهم ويحمد برهف يكول خوش مرة ماشفت منها شي وكل ماانزل نروح لاهلي
تساعد أمي بالشغل .

ودائماً توصي بي ماهمل اخواتي واراجعهن المرة زينة بس من سمعت هيج كلام عليها تخبلت وهي صارت تغلط ولاصت الشغلة بيناتنه وبحاله اعصاب

طلقتها والله ندمان طلقتها وأتمنى ارجعها بس اخذ الدليل لعمي ابو يونس وان شاءالله أنت هم ترجع مرتك
وره ماتأخذ الدليل .

ترخصت منه وكمت بوجهنا للموصل .

بالليل كعدت اراسل زينب والصدمة الي من كالتلي
مصفي المنهولة معترف لها بحبه ويريد
يتقدم ويخطبها من بيت أهلها .

#يتبع ...

#عشق_أهل_الأنبار_ج٢......
#بارت١٤

....
بالليل كعدت اراسل زينب والصدمة إلي كالتلي مصفي المنهولة معترف الها بحبه ويريد يتقدم يخطبها من بيت أهلها صرت اضحك من العصبية من كالت مصفي

المنهولة يحبها ويريد يتقدم الها كمت شعلت جكارة وبقيت صافن بالرسالة وكل ثانية اعيد قراءة الرسالة

قررت ارد رد بهدوء "
وأنتِ هم معجبة بي ؟

ثلاث دقائق بالضبط يلا ردت "
لا أبداً

_مستحيل أقبل

_طيب ليش ماتقبلين بي ؟

_مايعجبني هيج شخص

هنا نفخت هوى برتياح ارتاحيت كلش وصرت
اضحك رديت شلون يعني ؟

_مايعجبني مو الرجال الحلم بي

_غير أعرف شبي الولد وماتحلمين بي أني شفته
خوش ولد وحلو ومبين زنكين شتردين
بعد ست زينب

_صعب ادخل إنسان ثاني لحياتي وقلبي مايتحمل يحب

_ليش قلبج عشكان ؟

_ههههه

_وبعدج تحبين ابو علاوي

_اذا كتلج لا اكذب عليج بعدني احبه مثل قبل
ومحتمل أكثر الليل والنهار افكر بي

_بعدج تحبي برغم السواه بيج

_اي

_مجنونه أنتِ اكو وحدة تحب طليقها
الخانها واخذ منها ابنها

_ هو خاني خاني اي وهاي صعبة وكلما اتذكرها اعصب بس ماكدر اكرهه ومال اخذ ابني مني أني اعرف ليش اخذه
مني وحرمني من شوفته

_ليش ؟

_علمود اطر ارجعله

_وهسه إذا تقدم الخطبتج مرة ثانية تقبلين ترجعين

_ والله مادري بس افكر شلون خاني وي ام سعودي اتخبل وعقلي يطير شلون طاوعة قلبه خله هاي الهايشة بحضنه ويبوس بيها وج نفسي تقرف منه

برغم أحبه بعدني بس القرف اكثرمن الحب والمرأة إذا قرفت من رجل ماتكدر تتقبله وأني صعب اتقبل رائد
مرة الخ حتلوه احبه .

_هاي مشكلة

_اي مشكلة هو اكبر مشكلة بحياته عشقه للنسوان
وأني ماكدر اتحمل واحد ابو نسوان

_طيب اذا حلف لج يتوب ويعبدج أنتِ
بدل النسوان ترجعين له

_على كولته " ناووو " ابو طبع مايغير طبعة غير الجفن وهواي حلفلي وكل حلفه جذب بجذب
ماعنده الصدك رائد .

_شمدريج أنتِ ؟

_أعرف رائد شنو مستحيل يتغير ويترك النسوان

_سمعة زفرة ابو النسوان

_هاي سمعته والكل يشهد عليها

_عوفينه من رائد وهسه احجيلي رديتي جوابج لصافي ؟

_اي رديتله الجواب بسرعة

_وشكانت رد فعله

_كال براحتج أني ماجبرج على شي ماترديه وراها راح

_حلو الرجال متفهم

هي بقت تكتب خرجت .... من المحادثة اريد انام باجر اطلع لاربيل نمت بسرعة كعدت الفجر صليت واتصلت بزوج رهف كال هستوني طالع انتظركم بشقتي

بفلان مكان والمفتاح .... تلكاه موجود جوه شتله
الورد اللي بصف الباب "تمام .

رجعت اتصلت بمصطفى كال ......أنتظرك بره بدلت بسرعة وطلعت حتى لأهلي ماكلت طالع لاربيل طلعت بالسيارة شفت ابو الصوف كبال باب أهله ينتظر أخذته وطلعت جانت بنيتي أخذ قاسم بس كلت خطية البارحة تصالح وي مرته

ماريد تكب بي وتكوله رايح لاربيل شعندك تدور نسوان مرته بله أسود مال غيرة ونكد "طول الطريق نحجي بخصوص زينب نسيت فوفو اليوم آخر

يوم اله وراح نطشر عرضة طشر حلفت الا ازين شاربه بإيدي على دكته الناقصة والله وصلنا لاربيل أخذنه رنو وعدل
لشقة زوج رهف وفهمت رنو

اندك الباب واحد يباوع للثاني عبالي هو اجه...
هذا شجابه هسه ؟

مصطفى _شجابه ولك رجل رهف بعده ماجاي

رائد _ كلتله تعال بسرعة هسه شلون ورطة روح
افحص الكاميرات بسرعة رنو روحي
شوفي منو بالباب

راح مصطفى للكاميرات طبكت صفحة رنو باوعت
من الباب رجعت اشرت الي مو هو "

تلفوني رن رفعته جان زوج رهف داز رسالة "أني بالباب "اشرتلها تفتح الباب فتحت الباب دخل يباوعلها من فوك ليجوه جانت لابسة تنورة جلد سودة قصيرة

وستره سوده فاتحه الشعر ومكياج وهي حلوة رجعت
باوعلي يضحك "جايبين غير حاته ههههه

كعد مصطفى كعد زوج رهف بقيت واكف مستند ظهري على الحايط شعلت جكارة جابت ماي رنو لزوج رهف شربه ويباوعلها مصطفى ضاج وصاح بي

مصطفى _مو للبيع هاي

زوج رهف_ ههه لعد لشنو هاي ؟

رنو_ بيعيش ؟

زوج رهف_ شراي وداعتك هههه

مصطفى _عيونك رب الكعبة عيونك شبيك ماشايف بنية

زوج رهف_مو بنية ضيم ولج أنتِ من وين ؟

رنو_من بغداد

مصطفى _لاتحجين وادخلي جوه

رنو_حاظر

زوج رهف_هههه اوف الغيرة ههههه

مصطفى _كشفت معلومة عنك عقلك وسخ ويحب النسوان

بقيت اراقب واشرب جكاير مبتسم بخفه على مصطفى يغار على الكحبة مالته من زوج رهف وزوج رهف
ساقط من طراز الأول .

رفع تلفونه مصطفى وباوعلي ...
فوفو اجه يلا بسرعة دخلوا
بالغرفة

رائد _دخلوا أنتو اني راح افتح الباب اله

زوج رهف_لا تخرب كلشي هسه يشوفك ويفلت

مصطفى _والخطة

رائد _خل تولي أني اعرف شلون اخلي يعترف وينكت
كلشي ارجعي يابة رنو أني أفتح

مصطفى _اترجاك ارجع ولا تخرب كلشي رائد

رائد _ارجع مصطفى

دخلوا جوه رجعت المسدس وره السترة بسرعة اندك الباب باوعت من الباب شفت فوفو لابس بنطرون ازرك وقمصلة سودة طويلة جنه بطريق ههههه

باوعت وره ظهري مصطفى وزوج رهف مادين راسهم من باب الغرفة رنو ماكو وياهم ضحكت رجعت فتحت
الباب وبقيت وراه

فوفو_رنو هاي أنتِ

دخل وي دخلته سديت الباب قوي
انصدم من شافني "رائد

أبتسمت بهدوء "
شلونك فوفو ههههههههه

طكيتها بضحكه عالية خطية مات بدمه راد يطلع بدون كلام وكفت وره الباب "وين فوفو بعدنا
باول السهرة .؟

ضحكت ضحكة مستفزة "
ههههههه

ودخلت للمطبخ اشرتله يستريح "
استريح يابة

_شتريد مني ؟

_استريح يابة شبيك واكف؟ِ!

_ أنت وره كلشي

_طبعآ أني دستريح مو رجلي تكسروا من الوكفة

_ماتحجي عليش هيج سويت ودزيتلي هالبنية ولك
شتريد مني ماكفاك نقلي للموصل لوين
تريد توصل رائد؟

_وغلات علاوي الا انقلك للبصرة واخلي راتبك يصير كراوي


_رائد

زوج رهف_اني ماريد موته اريد اثبت براءة مرتي
هدي رائد وخلني احجي ويا

رائد _ عوفوني

صحت بيهم عافوني عيوني على فائق كعد بالكاع متوجع وجه خريطة صار خشمه طاك دم يمسح بالدم بإيده
رفع رأسه باوعلي بأبتسامة مستفزة

فائق _ حركت قلبك مثل ماحركت قلبي رائد

رائد _فائق ... عوفني مصطفى عوووووفني مصطفى

صحت بي تخبلت اريد اتهمج عليه واكفر بي كفران اجت بالي اكتله واخلص منه دفعت مصطفى بعيد ورحت الفائق
صدني زوج رهف ردت ادفعه

كام فائق راد يفلت كرصة .... مصطفى راحله زوج رهف قبلي تحقيق ويا هو مايجاوب ساكت ربع ساعة يحققون ويا
واني واكف على صفحة ماتدخلت

بس اتدخل اقتله اعرف ......نفسي اعصاب وماكدر اتحكم بأعصابي بزعت روحي رحت للغرفة لكيت رنو كاعدة اول ماشافتني كامت جانت خايفة ومرتبكة

رنو_شراح تسوون بي ؟

رائد _انطيني علاكة

رنو_غير افهم شراح تسوون بالرجال ؟!!

رائد _مالج شغل وياني وياج تسوين حركة طايشة منا
او منا بالقرأن اشمرج من الشباك للكاع
بسرعة علاكة .

سكتت وراحت الكنتور تدور على علاكة لكت علاكة بيضة جابتها الي ترجف من الخوف "ابقي هنا لتطلعين
خارج الغرفة لحفظ سلامتج

رنو_ماطلع بس أريد أرجع هسه باجي تقلق علية

رائد _باجي يايوم تقلق على كحابها بلا عيارة

كامت راحت للجنطة فتحتها .....طلعتلي شفرة صغيرة باللون الوردي أخذتها منها ورجعت الها العلاكة
"اخذتها ورجعتها ليش ؟

_عترف الساقط مراح انسالج هاي الخدمة رنو الجميلة

رنو_ولا يهمك تدلل ابو علاوي

رائد _فديت

طلعت لكيت زوج رهف .... كاعد شاعل جكارة ويباوع الفائق مصطفى كاعد بصف فائق ويرزل بي "تعرف ؟

مصطفى _اي

رائد _سجلتوا اقواله

مصطفى _اي

رائد _كملتوا شغلكم منه لو بعد عدكم شغل ثاني

لزمه مصطفى زين طلعت الشفرة من شافها مات بدمه صار يصيح لزمت وجه وذبيت شاربه كله زوج رهف يباوع
وينفخ دخان باوعتله وابتسمت ...

رائد _هسه حلو يلا عوفه خل يولي

عافه وجره للحمام مخرس كلمة وحدة مايطلع من الخوف يدري بروحة بس يحجي يبتلي على عمره شوي وطلع مصطفى مغسل وجه

باوعتله " جهز نفسك راح انقلك للبصرة
واخلي راتبك يصير كراوي

فائق _لا عليك الله رائد لتنقلني


رائد _ابتليت على عمرك مو تورطت بي تدري بي ورطة شورطك بي جربوع المجاري يلا اشمره من كدامي
لو اشمره من الشباك .

فائق_عوفني مصطفى خل اتفاهم ويا

رائد _كلت اشمره

رائد _مراح يرد خلص من اليوم لا تعرفينه
ولايعرفج في امان الله

رنو _ابو علاوي فهمني ليش ؟

رائد _علمود بقيتي وكسرتي كلمته

رنو_ليش يزعل هذا شغلي وكل يوم وي واحد وهو يدري


زوج رهف_دتعاي انعل ابو مصطفى مو حركتي
اهل اهلي بجمالج هههه

حمه على البنية كدامي خليت وطلعت سديت الباب نزلت لكيت مصطفى كاعد بالسيارة ويجر جكاير صعدت
شغل السيارة قبل لا احرك

رائد _كلتلك ماتفيدك

مصطفى _انتهى امرها بعد

امي_وي رائد ويامن قابل

أبوي _اي اروح بس بسيارتي أني أروح

أمي _هاهية بسيارتك ... يروح يمة

رائد _هاهية لعد جهزوا غراضكم بس اجي
ان شاء الله الفجر نطلع

أمي _وعلاوي ترى هم أخذه مابقي عد الجناين

رائد _بكيفج يمة يلا في أمان الله

امي_الله وياك يمة ديروا بالكم على نفسكم ومن
ترجعون لاتسوقون سريع او خلي
مصطفى يسوقلك .

_ان شاءالله الله وياج يمة

مصطفى _ترحون لزيارة

مصطفى _لعد وين انطي وجي اروح يم عمامي يخبثون علية يم خوالي بس أنت زين وقاسم ومحمد واحد أناني يبقى يضحك علية خل اروح عليك الله


رائد _تعال يابة منو لازمك

مصطفى _أنت الحب والعشق ابو علاوي

رائد _طبعآ الحب هههه

ثاني يوم الصبح .... رجعنا بوجي لغرفتي لفيت رأسي ونمت كعدت العصر روحي بخشمي صايرة شايفين واحد من ينام الظهر ويكعد العصر عبالك جان داخل بحرب


العالمية وكرهان روحه هيج حالتي شفت أمي كاعدة
بالصالة رحت شمرت روحي عليها خليت
رأسي بحجرها

_شبيك يمة

شفت فاضل دخل يفر بالسبحة ...
الله جابك بوجك للمطبخ
سويلي اكل

فاضل _تأمر امر عمي

راح فاضل للمطبخ امي صارت تفرك برأسي بإيدها ...
اي احجيلي شصار وياك وكدرت تحصل
دليل برائتك

باوعتلها مستغرب باوعتلي مبتسمه ...
شمدريج ؟

_أدري بيك احجي حصلت دليل لو لا

_اي حصلته بعدين أشوفه الج

_عفيه عليكم خوش اشتغلتوا شغل وماسويتوا مشاكل وطلايب اريدك هيج تشتغل
شغل دفن وبي نتيجة

_ليش يمة اشيلها من بالي بعد ماجبت دليل
برائتك أكيد راح ترجعلك

_ختولي ماريدها

_رائد عليمن تجذب على نفسك لو على أمك
باوعلي ليش داير انظارك عني

_تعبان ماداير انظاري عنج

_تعب غياب زينب أثر بيك

_ههه لا


_ايي مو لا

_مو رائد فراق مرة يأثر بي

_واضح كلش مامتأثر جيب الطبلة يمة فاضل قبل لأكل

فاضل_هسه يمة

جاب الطبلة فاضل خلاها كدامي كعدت اباوعلها أضحك أني بطبعي مابين حزني وجعي مرات ابين لأمي من أنفرد بيها لو القاسم غير شخص مابين كدامه

ام نزار_شلونك رائد اخبارك

رائد _على الله بخير

مسك_ شلونك رائد

رائد _بخير ام عطوب تعال رضاوي بوس عمو تعال

مسك_لتكول ام عطوب روح لعمو حبيبي روح

رائد _قابل مجذبين ياعمة ههههه

ام نزار _مامجذب ههه

كعدوا يضحكون .... اجه رضاوي لعندي باسني بخدي شلته خليته بصفي شلتله خاشوكه اكل ماكال باطل
فتح حلكه صار ياكل

رائد _موتين الولد جوع

مسك _لا والله اكل وي قاسم هذا هو ياكل
وي الرايح والجاي

قاسم _ مصطفى قبل ضعيف بس هالسنتين
سمن وجسمه هاهية

ام نزار_ياا رائد منو ضعيف مصطفى

رائد _اي عصفور مكسر وزنه كله ٨٣ كيلو وانوب
طويل ويلعب حديد صاير عصفور
معضل ههههههه


قاسم _هذا أنت تعيب على الرايح والجاي ولك كافي تنمر

رائد _ههه مو بإيدي يلا افتح حلكك اجت
الطيارة .. عفيه بالشطور

جاب الضيافة فاضل وشال الصينية الاكل من كدامي كمت غسلت ورجعت امي وام نزار يحجون ويباوعلي مريم
تضحك قاسم كذلك شكيت بالموضوع

رائد _خيركم يول ؟

قاسم_لكينالك شلون مرة

امي_هاي شبيك ؟

قاسم _ههههههههه

مسك _ماناسي لقبها القديم هههههههه

ام نزار_شنو هاي عيب عليك عمه شنو ام الصخول

رائد _هذا لقبها ام الصخول هسه شجابكم شوداكم عليها
بلا مو تطلقنها قبل كم شهر لو أريدها
مجان طلقتها .

مسك _طفي رائد رجاءً مو أنت الطلقت هي طلبت الطلاق وعافت علاوي وشردت منك خطية عبالها انت رجال فاسد اخلاقياً ماتدري بيك رجال صالح

قاسم_كلام مسك صح هي طلبت الطلاق وأنت انجبرت
تنطيها حريتها وادري بيك تحبها وتريدها

ام نزار_لو ماتريدها صدك جان قبلت بنات عمتك وقبلت بالبنات لجبتهن الك قبل فترة خوب يخبلون جنهن ملائكة بس أنت مثل قبل ياهي النجيبها الك ترفضها لان تحب زينب ولحد الآن تحبها خلنه نردلك مرتك ام ابنك وبدون عناد

امي_وياكم أني والله الولد خطية جاي يكبر بدون أمه

رائد باوعتلهم بصفنه أدري بيها راح ترفض وتكسر قلبي عارضت صاروا يلحون هم عارضت اجه أبوي وكال
باجر رايح اخطبها وغصبا على رأسك

رائد _هسه كوه

ابوي_اي كوه اخطبها الك

أمي _تريد ماتريد إحنا رايحين باجر نخطبها الك
وام نزار ومسك تعالوا ويانه

مسك _اول الناس جاية مو قاسم

مسك _اي بكيفنه نريد ام علاوي

رائد _ والله العظيم ماكو غيرج انتِ خليتيها براس قاسم وقاسم اجه حجه وي امه وامه وصلتها لعمي وعمي وصلها لابوي وامي وتفقتوا كلكم منورة ظهري مووو

مسك _اي هههه

رائد _اني اعلمج ام عطوب


قاسم _ ههههه

مسك خربنه ضحك أني وقاسم هو عصب كلش بس عيونه بيهن لمعة واحس بي جاي يمثل علينا رحت يم قاسم اخاف يهفني بمخدة لو بشحاطة وأني حامل منا

مخبل وكلشي يطلع من ايده سوالي حركة اصبريلي سويتله حركه إنتصار رجع قاسم سواها اله " النه الانتصار
بأذن الله ههههه

رائد _الكم الخسارة ان شاءالله

ابو صدام _مو كافييييييي جنك غراب ابكع بس كال قااااق قاااق خلص جاب الفال الاسود للبيت ولك
بطل سوالفك بطل

رائد _اشوفكم إذا مانطرتوا من الباب فلا اطلع ابو
علاوي الورد على كوله ام سعودي
هههه

ابو صدام _انعل ابوك يابو ام سعودي هو شطيح
حظك غيرها ياكلب ياابن الكلب

رائد _تفضل يشتم روحة

قاسم يعض صبعه له يريده .يسكت ويبطل تفاهة تعصب عمي وهفه بالسبحة لزم سبحة عمي اخذها وطلع يفر بيها ويغني بصوت عالي " عريس وربعة يخطبوله من باب
الحوش يطردونه ههههه

كعد عمي متعصب ماخله حجايه لما حجاها عليه هو عار ابن عار ماتصيرله جارة منو وراه شردت المرة شلون مره جانت درة مال ذهب الله ينتقم منه .

ابو الكحاب ما يجوز من درب الكحاب .

كام قاسم شلت رضاوي ورحت وراه لكينه رائد كاعد فوك الدرج يسبح بسبحة عمي يباوعلنا ويضحك

رائد_عود تنتقمين مني ام عطوب علمود رديتج القاسم

مسك_أصلا فرحانه رديتني القاسم وقررت اسوي وياك مثل ماسويت وياي واردلك مرتك علمود تفرح مثل
مااني فرحانه بقاسم حبيبي .

قاسم_شوف مرتي كريمة

رائد _واضح واضح كريمة

رائد _انعل ابوكم يابو الخلفوكم ولكم شبيكم انتو رب
الكعبة بس ترحون يطردونكم من الباب
يردونها من الله يذلونكم

قاسم_متوهم أنت

رائد _ماتوهم

مسك _موعدنا دليل برائتك بعد عليش يطردونا

رائد _دليليش ؟

قاسم_دليل برائتك وصل لابوي من المسؤول ابو يونس قبل كم ساعة ودزنه عليك علمود نردلك المرة وابو يونس كال لو يطر الامر أني اجي وياكم واحجي كلشي في
سبيل ترجع المرة .

رائد _عود يجي يعدل الكحلة بعد ماليصها النذل الله
لاينطي الصحة والعافية شوه سمعتي الحلوة
بين العربان طلعني كواد

قاسم_ام ساندي تسلم عليك ههههه

رائد _تفووو ناقص

مسك_قسوم مو ناقص كامل مكمل

رائد _قصدي ناقص اخلاقيا


مسك_لا والله اخلاقه عالية

قاسم_شفت الرد كل الناس تعرف بس ابو
اخلاق عالية وأنت لا هههههه

رائد _ديلا فد نعال الناس

مسك _ولك لسانك هم العالم منو اقرب الناس الك

رائد _طزز بيهم

مسك _طز بينه رائد صدك

رائد _والله وطزز ومليون طزز بكل شخص ماخذ نظره سيئة عني اني مايهمني رأي العالم بي اهمشي أني اعرف
نفسي شنو ومنو

رائد _وأنتِ هم تعاي خلوني بنصكم وكعدوا قنعوا
بي تعجبني الفكرة مال تقنعون
بي هههههه.

مسك _اكعد بداية الدرج أقنع بيك هههه

رائد _وانت عمو هم تكعد تقنع بي هههههه

مسك_طبعآ يدور عرس حتى يركص ههه

قاسم_ اي ابني يريد يعرس عمه اخو ابوه شدها بعد
حيلي على كوله محمد حرامات ماجه

ضحكنه من سمعنا صوت محمد "
شدها بعد حيلي راح يعرس الهيبة رائدنا
على ام علاوي كللووووش

2
رائد _هسه كملت السبحة

قاسم_اي كملت شراح يخلصك هههههه

رائد _ابو حيلي شجابك

محمد_شميت ريحة عرس واجيت ركض ههههه

رضاوي يضحك مايفهم... شي صعد يم رائد وقاسم خلوا رائد بالنص وكعدوا يقنعون بي وهو مايقبل لا ترحون ولا ترحون هسه مايقبلون وتنهان كرامتنا وكرامتي

طلع عمي وكاله "رايح أني حتلوه يرفضون راح أبقى اروح وارجع لما يبزعون وينطونها الك برغم أنت ماتستاهل بس احنا نستاهل جنه مثلها.

_سوي ليعجبك أني ماعلية

بقينا للمغرب وراها رجعنا للبيت خالي متعصب من ابو يونس ويحجي يكول دمر حياة رائد واحنا ماصدكنه كعد اعاقل واستقر وي المرة ليش هل تخلف

وسوالف الإنتقام تمشي بدمهم ....سمعت هيج كلام عن بتك تعال لعدنا وافتهم السالفة مو تروح وتسوي من رأسك أني رزلته ومن فشلته كال أني مستعد اروح ارجع

وماينغفر عليه بس لانك .... صديقي وبيناتنه ملح وزاد راح افوتها الك .وباجر أني رايح بنفسي وتصلت بشيخهم
كال راح اكون حاظر هناك

كل همي براءة رائد وارجعله كرامته وهيبته حتلوه مارجعت المرة أمشي ترجعله سمعته .الجناين شبن بالنار من سمعوا
راح أروح وياهم ومناك نزور الإمام علي(ع)

من ودهن يشربن .... من دمي ام سارة تخزر بي بس ماتريد تتعارك وياي بس مرت محمد وياي طابكة وتوصي بي إذا نزلتوا سوك شي يجبيلي حلويات


يكولون حلويات النجف طيبة خطية مارايحة ولا مرة للزيارة أني رايحة ويه أهلي وكل مرة أبوي جان ياخذنه للزيارة اما هنا سجن فرعون ماكو طلعة بالبوكة

قاسم يطلعني .

جهزت الجنطة ورضاوي راح اخلي . يم مرت محمد هي تحبه ومن يبقى عدها ومتعود عليها وأمينه نمنه وكعدنا الفجر قاسم أخذ الأغراض خلاهن بالسيارة

وأني نزلت رضاوي هو ونايم انطيته المرت محمد نومته عدها وراها طلعنا أني وعمتي ومحمد وقاسم وعمي اجوي بيت عمي ابو صدام خاله ام صدام وعمي ابو صدام وجابر
واخت رائد الجبيرة ورائد ماكو وعلاوي كذلك

ماكو سألت عمتي "ليش ماجابوا علاوي ؟

عمتي_ رائد مايقبل

مسك _راح يصعب الأمور هيج

عمتي _هو دومه صعب واموره صعبة شسويله

محمد _ مو كتلهم جيبوا وياكم علاوي خل تشوفه امه
بلكت الله تشوفه وقلبها يرف علية
وترجع للهيبة مالتنا

ابو نزار_ لاوين جايبين الطفل الطريق طويل

زينب_ ليش تدخل بالمشاكل

صافي_مستعدل ادخل الجهنم علمودج زينب افهميني والله أحبج وماكدر انساج كل مرة اكول انساج واطلعج من بالي ترجعين تدخلين بالي شسوي أني زينب ماكدر انساج

زينب_استغفرالله صافي إنساني أترجاك
أترجاك إنساني والله مافيدك

صافي_مانساج وتفيديني

زينب_ صافي شبيك

صافي_بيه أنتِ زينب ابوس ايدج انطيني فرصة
وحدة اثبتلج حبي وصدقي الج

زينب_ماكدر صافي ماكدر أفهم

عفته ومشيت مقهورة ....على الولد وتندمت قبلت اداوم بالمدرسة وخليت الولد يتعلق بي وإذا دره بي
رائد راح يشرب من دمه

ودمي ودم أهلي اعرفه واحد أناني لأقصى حد من الحدود ومستعد كلشي يسوي علمود يرضى نفسه وصافي ماعندي أدنى فكرة عن رائد وخباثته وخطورته

حتى مشايفة ولاشايف شكله " ألمهم ثاني درس اجت وحدة من المدرسات وفتحت وياي موضوع صافي ونزلت على رائد دوسة ونص هذا ابن الأنبار الجلح الملح

الكاتله الضيم بالجيش بل سنة حسنه يلا يسبح كاتله الوسخ عليش تدمرين نفسج من وراه وترفضين أستاذ صافي
النظيف الراقي المحترم المثقف .

علمود واحد مثل ...رائد هو منو وشنو كله على بعضه مجرد ضابط بالجيش "تمنيت هسه رائد يسمع هذا الكلام
بحقه جان شرب من دمها هههههه

ضحكت ههههه

_مو بلا كاتله الوسخ بالجيش

جريت النفس بشوق اله وتذكرته من ينزل ينكط ورد
وابتسامة تزين ملامح وجه الحلوة
"ينكط ورد

_تشاقين هههه؟

_والله شبيج نظيف لدرجة ويحب الكشخة
ويعتني بروحة مو شلون مجان

_جذابة ههه

_لاوالله ماجذب

_قابل انظف من استاذ صافي واحلى منه ؟

_اجمل من صافي واكشخ

_اوووي

_ هههه مو لهل درجة يمعودة

_ مو جاي اشوفهم على الانستغرام واليوتيوب

_أنتِ لو تشوفين رائد ولد عمامة وخوالة تطمين نفسج
من شدة جمالهم وهيبتهم واحد يكول للثاني
أني احلى منك واكشخ

_وين اكو انباري بهيج صفات ههههه

_هههه أني جنت مثلج اكول وجنت متخيلة رائد وابن عمه قاسم جلحان ملحان كاتلهم الوسخ
بطرك الشوارب ههههه

_لاوالحلو اسمه قاسم هههههه

_والله العظيم بدون مبالغة قاسم وعلى اسمه

_لا تضحكين علية هههه

_جديات جاي احجي قاسم كلش جميل المظهر
وحتى احلى من استاذ صافي

_تحجين الصدك ؟

_اي والله كلش جميل وهادئ وأخلاق عالية ربي يحفظه ويحفظله مرته مسك وابنه رضاوي

_زين رائد هم يشبهه

_شبه بيناتهم قليل ورائد اكثر سمار من قاسم

_اسمر والعيون وساع جتالة هههه

_اي والله اسمر والعيون وساع جتالة ههههه

_هاا زينب

_ههههه

_تحجين والعيونج تلمع بالفرح لهل درجة تحبي

_حبه راح ويا

_نسيتي

_اي والحمدالله

_الحمدلله والشكر هسه ماعلينا بالانباري علينا باستاذ
صافي فكري بالموضوع زين حرامات تطيرين
هيج صيدة مثل استاذ صافي

_هههه

_شبيج تضحكين

_صيدة شنو

_هو صيدة من صيدة بعده صغيرون وحلو جنه جكليت وزنكين وين تلكين هيج واحد وهسه بالمجتمع المطلقة منبوذة ومايجي عليها غير الشايب

ولعنده عشيرة جهال ... لو مرته ميته لو مطلق وراه عشيرة جهال لو رجال يريدها زواج متعة فوك مرته استاذ صافي لكطة حرامات تطيري من ايدينج

الرجال هاويج وشاريج شبيج يحظي شغلي
عقلج واستغلي الفرصة وقبلي بي .

#يتبع ...

#عشق_أهل_الأنبار_ج٢......
#بارت١٥

انتهى الدوام وجاي اطلع وكف كدامي صافي مبتسم الوجه .
كلامج فرحني وان شاءالله تفرحيني أكثر بقرار
قبول العرض زواج

_الله كريم

_الله كريم عادي اوصلج للباب

_لتعب روحك أني أروح الوحدي في أمان الله

وكلام أحلام صح مراح يجيني رجال براسه خير بعد لأن أني مطلقة والمطلقة مايجي عليها غير الباقي بالدار لو فوك
مرة لو وراه عشيرة مال جهال .

ومنا زيد ابن عمي يريدني لازم افلت قبل لايهيج على عمي ويخلي عمي يتعارك وي اهلي ويأخذني بالغصب رجعت
على البيت بدلت وكعدت أتغدة كملت الغدة

رحت بفراشي لفيت راسي ونمت كعدت على نده امي الي كعدت تعبانه ومطنكرة كوه افتح بعيوني
"هاا شتردين

_وج كومي عيالج يمنا

_عيالي منو ؟

_أهل رائد

_شنووووو ؟

_وج كومي بسرعة بدلي وتعاي

_شيسوون جايين ؟
_مادري كومي صارللهم فوك الربع ساعة .

طفرت من فوك الجرباية مثل المخبلة ماجه بالي غير رائد _خوما جاي وياهم
منو
_أبو النسوان

_ولج ابو النسوان منوو ؟

_ رائد رائد

_كولي رائد .…ابو النسوان شنو ؟😡

_هو ابو النسوان كولي جاي وياهم ؟

_مادري الزلم بالاستقبال والنسوان بالهول

_منو جاي ؟

_امج سهاد وام نزار وجنتها الصغيرة مسك

_وعلاوي هم جايبي

_لامجايبي

_ليش مجابوا لي ؟

_مجايبين اطفال والطريق طويل وباردة شلهم
بالأطفال يلا كافي كلام وتعاي بدلي
وتعاي بسرعة

_ماطلع

_شنو ماتطلعين

_شسوي طالعة ماطلع مادام ماجايبين علاوي ماطلع

_زينب عيب مناك العالم جايين يشوفوج

_ واذا جايين يشوفوني كولي نايمة وخلص او
كولي يم بيت اختي وفلت المشكلة

_زينب لتخبليني مناك العالم عيب طلعي

_اقسم بالله العلي العظيم ماراح اطلع وشيصير خل يصير

_ولج تخبلتي زينب تردين تفشليني مناك العالم

_ماطلع

_زينب تعوذي الشيطان واطلعي

رجعت لفراشي نمت جرت الغطة من فوك راسي
تحجي بتهديد "تطلعين لو لاا ؟

_لا

_خوش

طلعت أمي متعصبه بسرعة طلعت من الغرفة وصعدت القاط الثاني يم بنات أخوي مال اطلع عليهم واواجه امي
سهاد ومسك وام نزار مستحيله

رائد وصل الموت ماتصلت ولا تطمنت عليه وصارت هواي وياهم أشياء ماتصلت هسه تكب بي واني ماعندي مبرر
يبرر افعالي هسه تمسح كرامتي مسح

ومنا يقنعوني ارجع الرائد وأني .... منا مشتاقتله ومشتاقه لابني راح يقشمروني بكلمة كلمتين كعدت فوك الجرباية
بنات اخوي جاي يقرون بالكاع

اندك الباب ودخلت مرت أخوي...
انفضحنه زينب انفضحنه

_شكو ؟

_ولج شلون ماتطلعين للنسوان شلووون

_هو شنو شلون ماريد اطلع قابل كوه اطلع هسه

_ولج تخبلتي شلون ماتطلعين متعنين من الأنبار للحلة
علمود يشوفوج ويحجون وياج وانتِ ضاربه
الكل وصاعدة هنا .

_مجابرتهم يجون من الأنبار للحلة

_زينب شنو هذا كلامج من يمتى أنتِ
هيج تصرفات تصرفين

_من يوم لاخذوا مني ابني وحرموني من شوفته

_أنتِ بنفسج حرمتي نفسج من ابنج محد حرمه
منج لا تذبين الصوج بالعالم

_أني حرمت نفسي من أبني نسيتي شسوه بي رائد

_شسوالج الرجال كص ايدج لو كص رجلج لو كص اركبتج اشو جان مدللج ومشيج على روس اصابيعج وغلط
غلطة بحياته وأنتِ ماصدكتي لكفتيها

وتطلقتي عبالك جنتي منتظره هاي لحظة
علمود تطلقين
_اشو أنتِ هيج تحجين

_كافي ماطلعت وياج أنتِ منو أنتِ وشنو انتِ علمود هيج تسوين وتجاهلين العالم ولج عيب مخازي ماتطلعين
على العالم وتسلمين

_ لزمي حدج ترى محترمتج أني لحد هاي للحظة

_ خايبة لو عندج إحترام لي لو لامج لو لنفسج وللعالم الموجودة جوه جان نزلتي سلمتي وكلتي لعندج مو
شاردة بالغرفة يم البنات

_شبيج اليوم أنتِ

_حلوة هسه المره رزلت امج حلوة امج ادمي
جبير يترزل من وراج

_منو رزل أمي

_ام نزار

_عليش رزلت أمي

_منورة افعالج الغبية الرجال طلع بريئ التهمة وجايبين الدليل امج من شافت الدليل صارت بكد النملة من الخجل وفوك كلشي مسك وخاله سهاد يسألون

عليج ماتعرف شترد وشتكول .

_دليليش ؟

_دليل براءة

_براءة شنو

_براءة رائد شبيج سويتي نفسج فدمرة

_هو شوكت بريئ علمود جايبين دليل براءة رائد خاين خاني ويه ام سعودي العجوزة هو واحد وسخ وابو نسوان
شيبرون بلا شيبرون كليلي شيبرون

_كلتلج التهمة طلعت باطلة

_التهمة صدك

_غلطانة أنتِ التهمة متلبسة براسه من تحت راس واحد ضابط ويا جان وبسبب رائد منقول للموصل والضابط
منتقم ومشوه سمعة رائد كدام

زوج خطيبته رهف وزوج رهف من سامع مرته هيج لازم وطلقها وابوها من سامع رائد على أساس حاجي عليها
متفق وي ام سعودي ومخليها تصورة

هو ونايم ودازة الصور والمقاطع الفيديو الج .

_فلم هندي

_مثل فلمج لكفتيها على الطاير

_شلكفت ؟

_سالفة رائد وي ام سعودي ماتوقعتج هيج أنانية وقلبج
أسود حتى على ضناج ماعندج حنية
للأسف خاب ضني بيج

_شلكفت ؟
_ام رواد شبيج

_ولج أني غريبة على اولاد اخوج ومن اشوف واحد بيهم متأذي عبالك أني المتأذية والمتوجعة بالليل اجي اشوفهم اكثر من مرة لو اروح لبيت اهلي يبقى قلبي يمهم ومايهون علية ابات علمودهم اخاف عليهم

وأنتِ على ابنج ماحنيتي ماخفتي من عفتي طفل بكد كف اليد علمود غرورج وكبريائج وج مارف جفن عين الج كاضيتها بل طبات والطلعات والكشخات وضاربه الدنيا واهلها لو اني بمكانج اموت وره ابني الرضيع
اموووت زينب تعرفين ...

شنو عفتي طفل رضيع وراج تعرفين العالم جاي تحجي عليج تعرفين لا طبعا ماتعرفين لان يضحكون بوجج ويكولولج
عفيه سباعية بس أنتِ من بين

النسوان طلقت رجلها من اول غلطة ولج الزلم تغلط الف غلطة والنسوان ساكته علمود اطفالهم وانتِ طفل واحد
ماوكفتي ويا وسانتي .

وعفتي والحلو بيج ابني أريده كلما شفتيني وكعتي كدامي كافي جذب وخداع زينب أنتِ مليتي من رائد وخلصت
رغبتج تردين تزوجين واحد

جديد اعرف بيج فلا تسوين نفسج فقيرونة
كالت كلامها والدمع بعيونها طلعت كل البقلبها واني اباوعلها بصدمة ماتوقعت ضامة كل هذا الكلام بقلبها تجاهي صرت ابجي من كالتلي هيج كلام

ويعني العالم الأقرب الي جاي يحجون علية حجي مو بي أني اجوي بنات أخوي يحجون وياي شبيج عمه ؟ "ليش ماما تصيح عليج ؟؟؟ ليش طلعت تبجي ؟

_ماكو شي عمه كملوا دروسكم جاي انام أني

كمت نمت فوك الجرباية ابجي بهستيريا أبوي وعلاوي صاروا بين عيوني ليش العالم مادا توكف وياي ليش ماكو احد
يسمع لي ويساندني كلها ضدي صايرين

ورائد شما غلط لازم أني اتنازل واغفر له أخطائه لو خطأنة اني مثل خطأ ابسط جان قتلني لامحال وكال
غسل عار العار صار بس بالنسوان

والزلم لا ماعليهم العار أني نفسي لاعبة من رائد وقرفانه ماكدر استقبل فكرة اكون ويا بعد حتلوه على حساب
ابني علاوي خلص علاوي صار عنده

راح أنسى أبني وأشوف حياتي .

مسك خاله سهاد وعمتي تخبلوا من زينب ماقدرتنه ونزلت رأسن دزت على قاسم كمت وياها كالت "روح كول العمك ولابوك لايفتحون موضوع الخطبة

كولوا جنه بالزيارة وحبينه نشوفكم دليل براءة ابنه

قاسم _احنا موجايين خطابة

سهاد _ختولي ماقدرتنه ونزلت سلمت شايفة نفسها شوفه لو تبقى آخر مرة بالكون ماخذها الرائد لمونه نسوان لو قحط روح بسرعة قبل لايفتحون الموضوع

قاسم _صار خاله

راح قاسم باوعتلها ...
لعد لانطول بالكعدة

_هو مراح أطول شوي بس أشوفهم الدليل ونطلع

_ان شاءالله

رجعنا شوفتهم الدليل وخاله سهاد ماحجت شي على زينب ولاجابت طاريها بعد تدري بيها موجودة بس ماتطلع تسلم صدك استحقرتها من ماطلعت سلمت

عيب هذا التصرف ....حتلوه متعصبه السلام واجب واحنا خطار من مكان بعيد وعيب شوي وكامت خاله سهاد
عمتي واني جلبت بينه نبقى على العشة

ام زينب خاله سهتد ردتها برد خلت دموعها ينزلون خطية المره فقيرونة ومنورة بتها الطايشة تنهان
وتنزل دمعتها الغالية .

ساعة ماكو اجت أمي تعاركت وياي صرنا ملخ أني وياها

حتى اخوي تعصب علية وكال تصرفج غلط عيب عليج مانزلتي وسلمتي على الناس الناس جايين زيارة وحترام وتقدير الج جوي يشوفوج شلون

هيج تتعاملين وياهم معاملة .... عدو مو الغريب ولا تنسين شلون جانوا يعاملوج وفوك كلشي طلع رائد بريئ من
التهمة وأنتِ الغلط طلعتي والرجال الصح .

وبديت اشك أنتِ تضمين شي وره سالفة الطلاق لأن مو اول مرة زوجها يخونها وتطلب الطلاق احجي شضمين علينا
زينب ليش تطلقتي بسرعة وعفتي ابنج

زينب_بالقران كلشي ماضامة

اخوي_كافي جذب زينب كافي ترى محد مسوي سوايتج بالعراق كله أني صح وكفت وياج بدايتها كله علمود
لا تسوين شي وتغلطين وتتهورين بقرارج
عبالي راح ترجعين الزوجج

ولابنج انصدمت من ماخذج مؤمن ومشتكيه ردت احجي منعني عمي وكال لا تدخل بس هسه من عرفت الرجال
بريئ اريد اعرف شكو بيناتكم ليش

هربتي منه احجي زينب احسلج.

كعدت ابجي صاح بي "
ماتحجين شكو بيناتكم ليش هربتي مال خانج
مرة وهربتي منه هاي ماتدخل
بعقلي احجييييي

امي كذلك نزلت .بي اكلوني حاصل فاصل اجه مؤمن بالوقت المناسب ودافعلي كاللهم هذي المقاطع مزورة أكيد
متفقين وي الضابط وي الدعارة

علمود يثبتون براءة رائد أني سألت عليه بالمنطقة وعرفت رائد شنو ومنو اوسخ رجال عدهم وابو نسوان وسمعته
زفت زفت زفت انتو ماصدكتوا بي


ورحتوا انطيتوها بدل الفصل .

صاروا ملخ من وراي طلعت امي واخوي زعلانين مني طلع مؤمن كعدت ابجي حتى مرت اخوي زعلانة مني صار الليل وهم زعلانين حتى اكل ماكلوا

ثاني يوم رحت للمدرسة روحي بخشمي صايرة ماطيق أحد كاعدة الوحدي وأفكر شلون اراضي أهلي واخليهم يرجعون يوثقون بي اخاف ماخذين نظره سيئة

عني لو عندي حبيب وتركت رائد وابني علمود ارتبط بي واذا وافقت على صافي راح أثبت التهمة علية لامحال رحت الصافي كلتله جوابي راد يحجي

_أترجاك لا تسأل ليش !

_تمام براحتج أني آسف