1
فطيمة_ااااه لا امي لااا أحبه ااااه شعررري

رائد _يمة شبييييج

فتحت ايديه زينب عاف شعرها عاط بعلوا صوته جابت أمي زينب بكفخة على ظهرها ...

امي_شلعتي گلبه ليش هيج ليييش ؟

زينب_ااااه يمة

رائد _يمة على كيفج ترى هوالمذنب

امي_شنو مذنب هو طفل مايعرف شي شكم مرة حجيت وكلت لا تقتربون صوبه تقتربون شيلوا شعركم سودة
علية تعال ماما تعال

بعدت زينب فطيمة اجت لعندي تبجي شالت امي علاوي تسكت بي وتخزر بينه ماتوقعت أمي تحبه بهاي الطريقة عبالك ابنها مو ابني كلمة ماطلعنا أخذته

وطلعت بي خارج الاستقبال...
لا تقتربين منه فطيمة بعد فدوة استري علينا

فطيمة_اااه هو خبيث يجر شعري جرررجررر أني أحبه

رائد _ خل يولي لا تحبي مو كتلج أني احبج شجابج على ابو وجه المزنجر تعاي خالو خل اعدل شعراتج

زينب_ اي خل يولي لا ترحينله

طلعت زينب كعدت .. فطيمة بحضني عدل شعراتها تحجي على علاوي قبل الأذان رجعت أختي وفروحة من بيت اخوي سولفت الها القصة خربت من الضحك

ام فطيمة_شجابكم شورطكم وي ولي العهد

رائد _تورطنا والله وجانت الخسارة جبيرة راحوا الشعرات الحلوات والمرة اكلت ضربه معدله على الظهر والرجال اكل رزاله اله شوي انكتل منورة ولي العهد هههه

ام فطيمة_امي حيل متعلقة بعلاوي

رائد _هذا أني لجانت تموت عليه وروحها من الدنيا رائد هسه ماتعترف بي النهار كله لافه علاوي وكاعدة

( 2 )
ام فطيمة_صدك لو كالوا . ماكو اعز من البيض الأبيض البيض

رائد _خيه طوفنه بعد

ام فطيمة_من زمان أني مطوفه وهسه اجه دورك ابنك اخذ مكانك ومعزتك من امي وابوي ههههه

رائد _راح ذاك التعب والمداراه لامي وابوي راح ياحسافة علاوي ياخذ تعب اسنين ...

ماكملت كلامي دخلت أمي...
كلكم مثل المعزة عندي ماكو هذا
اعز وهذاك اعز

فطيمة_تحبين بس علاوي

أمي _كلكم احبكم ماما بس علاوي بعده صغيرون وخطية من يلزم شعرج يكطعه الج ويأذيج ويأذي نفسه

ام فطيمة_خوما متأذي ؟

كعدت أمي بصفي ...
لا مابي شي هستوه نام خطية خترش من رائد وعياط فطيمة وصياح امه عبالك مو جاهل صغيرون عبالك
داعش هاجم عليهم

رائد _دعوش صغير ههههه

أمي _ احسك غيران من ابنك يارائد

ام فطيمة_ اي ههههه

رائد _لا والله ولا اغار أصلا بالعكس فرحان هيج تحبي وتحرصين عليه وتهتمين بي أكثر
ماتهتمين بنفسج

أمي _لعد شبيك هيج بارد وتتعارك ويا ؟!

أشرت بعيوني على فطيمة فهمتها رأسن وضحكت وكالت ...
هاا فهمت فطيمة ماما تعاي لعندي
خل اشوفج

كامت فطيمة وكالت ...
ماتحبيني

1
ضحكت ورحت لأمي تركض شالتها أمي بحضنها تبوس بيها خطيه تغار من علاوي وعلاوي مايعرف شي رأسن
يكبس على شعرها .

وره العشة أبوي انطاها افلوس وأمي كذلك وأني اجه ابوها علمود يرجعون لبيتهم راحت تركض للغرفة لحكتها وكفت بعتبه الباب اباوعلها راحت للكاروك تريد تدنك تبوس

علاوي بس ماتكدر الكاروك عالي ...
علاوي حبيبي كوم خل ابوسك راح نروح للبيت يله كوم شبيك تباوع الله يضحك امممح أحبك فدوة رحتلك
اوووي هيج تحبني امممح

ضحكت ودخلت للغرفة أنتبهت علية التفتت بسرعة ...
خالو تعال شوفه يضحك الي ههههه

وكفت بصفها اباوعله شاك حلكه شك ....ويضحك الها من
ودي انزل لعنده واخذه بحضني دك بوس ...

_اي خالو فرحان بيج لأن مازعلتي منه واجيتي تودعي

_أني احبه كومااات شيلني خل ابوسه

_عد عيناج خالو

شلتها ونزلتها عليه باسته اربع بوسات ونوب كالت ...
اريد ابوس شفايفه الحلوات ههههه

_ملعونة ههههه

_احبه خالو حلو حلو وعنده خديدات حلوات مثلك

_تحبي على محبه خالج

_ايي هههه

باسته كل قوتها رفعتها عنه هو صار يضحك ويلعب بإيديه بس مايريد يكلي رجعها الي علمود اهمش شعرها ههههه هي تضحك خطية مامصدكة يضحك الها ...

وراها اجت أمها أخذتها وراحوا بس راحوا رحت للغرفة طلعته خليته فوك الجرباية ونمت فوكه مشتاقله كلش
وعطشان على البوس دخلت أمي

_هيج ملهوف ؟

_واكثر اممممح اممممح

_مادريت بيك تهتم المشاعر فطيمة

_مرة اجت ومانطيتها اهمية تجاهلتها تمرضت وهي تحبني ومتعلقه بي كدامها ماقترب العلاوي
لو افضله عليها

_ حتى أني انتبهت عليها تغار

_كلش تغار على خالها تريد كلشي الها هههههه

دخلت زينب ...
حقها أنت جنت قبل بس الها وهسه اجه شريك بيك

رائد _صعبة الشراكة مو ؟

أمي _أصعب شي بالحياة يجي احد ويأخذ مكانك ومعزتك

زينب_اي والله كلش صعبة

رائد _ امممح

كعدت أمي فوك الكرويتة بصفها زينب .... يسولفون كمت جبت التلفون أخذت صور الي والعلاوي نزلتها انستغرام
شمرت التلفون بصفي وخليته فوك صدري

ابوس بي اسمع أمي تكول الزينب...
ياا وهسه شلون ؟

زينب _والله مادري شلون ؟

أمي _أخاف تسحب الجهال

زبنب _كلشي محتمل والله

رائد _شكو ؟

أمي _طليقة اخو زينب الجبير رافعة دعوة
حضانة وتطالب بحضانه بالجهال

رائد _هاي بعد وكت حست عدها جهال

زينب _على حظ أخوي بس سمعت مرته حامل اشتكت عليه

رائد _مرته حامل ؟

زينب_اي اربع اشهر ونص الها

رائد _ألف مبروك الله يتمم حملها على خير

زينب_الله يبارك بيك

أمي _خل تولي لا تنطونها الجهال هاي مابيها أمان أخاف
تروح تأخذهم وتشمرهم لو تقتلهم مثل ذن
ي على الإنترنت بدافع الانتقام

زبنب_يممممة خوفتيني

رائد _كلام أمي صح هاي تريد تنتقم مايهمها الجهال لو يهمها الجهال جان طالبت بالحضانه من اول يوم
الها بالمحكمة .

أمي _كوليله يدير باله خل يعمل المستحيل
في سبيل ماينطيهم الها

زينب_هو موكل محامي وان شاءالله خير

رائد _والله أشوف الحضانه للأم

زينب_شلون ؟

أمي _ام السحورة كلشي توقعي منها هي التسوي
سحر تخاف الله لو تخاف تحلف كلام الله

زينب_خفت أكثر خل أتصل بأخوي واعرف
السالفة شسوه ماسوه

رائد _كوليله إذا يحتاج مساعدة أني بالخدمة

زينب_هسه اكوله

كامت جابت التلفون أتصلت بي أسمع بيها تحجي ويا عرضت عليه المساعدة ماقبل كال هي لاصت والمحكمة الجانبها من أول جلسة راح تأخذ الأطفال عدها .

فصلت الإتصال وكالت كولتله خل رائد يساعدك ماقبل خطية راح تأخذ الأطفال عدها وأني أدري بيها مو كد المسؤولية والاطفال مايحبونها يحبون مرت أخوي

ومتعلقين بيها .'

رائد _هسه هو شمدريه احنا ساعدنا تقبلينها مرت اخوج السحارة تأخذ الجهال عدها وتحرمهم من
ابوهم وتذلهم

زينب_والله ماقبلها

امي_خلص لعد روحي احجي وي امج وجيبي اسم القاضي

زينب_ان شاءالله يمة

اجت أمي لعندي شالت علاوي خطية جان نايم .... أخذته خلته بالكاروك وراها طلعت وزينب تحجي على التلفون
كمت شلت تلفوني بإيدي فتحت الواتساب

جايتني رسالة من ام سعودي وأني كاتب عليها سعد الغالي علمود زينب لا تعرفها وتكب العيطة بيناتنه فتحت الرسالة كاتبة ..كلنا خل نسأل على المايسأل
علية ؟

ضحكت وكتبت الها بسرعة ...
مشغولين يالغالية ♡

9
زينب_حجيت وياها وكالت ماعرفه

انتبهت على زينب بإيدي التلفون ...
شلون لعد ؟

زينب_كتلها عرفه اسمه ودزي الي بدون مايعرف اخوي بشي

رائد _وشكالت ؟

زينب_كالت هسه اروح واسأل

رائد _ أتمنى تعرف اسمه علمود ادزله عالم باجر الصبح

زينب_ يعني راح يترك القضية

رائد _ويجي يبوس القنادر فوكاها

زينب_لا رائد فدوة رحتلك بله تهديد اذا هيج صارت ماريد وساطة خل تأخذ الأطفال ولا أذية العالم

رائد _ماتعرفين شي عن شغلي لا تدخلين بي جيبي اسمه الرباعي وخلص أني طالع عندي
أتصل ظروري .

أخذت التلفون وطلعت ... بره كعدت بالسيارة أراسل ام سعودي الوردة بقيت احجي وياها مراسله فوك الساعة وراها دزتلي رسالة زينب على الواتساب

_ماكمل شغلك تعال أريد انام

جاوبتها ...
نامي عندي شغل

6

_شنو هذا الشغل على الواتساب تالي الليل ؟

_شغل استخبارات أمنيه زينب لاتدخلين بشغلي
نامي بعدين أني اجي

_ماشي

رجعت احجي وياها ...
وردايتي تدرين مشتاق الأيام زمان
ومشتاق لحضنج ودلالج

_لا عيني لا ماانام وياهم أني بس اجيبلهم البنات
أني محصنه نفسي بس الك ههههه

_اي يبعد قلبي ورداتي

_هيبتي الدنيا مو حلوة وأنت مو يمي

_حسبي اجازة الجاي يمج

_صددددك ؟

_لا جذذذذب

_زعلت بعد أني باي

_تعاي بت الكلب تعاي وين رايحة وزعلانة مايهون علية
زعل ورداتي ام سعوداتي يووول مشتاقلج

_وهاي اجيت ماقبل اله تسمعني غزل رومنسي

_ملعونة هههه

_هسه تسمع لو أروح انام

_تعاي اكعدي بحضني خل اسمعج غزل يخليج
الليل كله تدورين علية هههههه

_ادور عليك عليك ومالكاك احضن المخدة وانام هههههه

_متعودة أنتِ ههههه

_اي وخبرة بعد هههههه

_اييي ههههههه

_يلا سمعني ؟

_انتظري ... اشلع شكو بشفتج لحم ولكعبه اذا عضيتج

33
_ااااه راح اموووت لو هيج الغزل لو مايراد ولك وين
جنت مختفي عني يول وين ...؟!!!

_ هسه ظهرت هههه

_أبقى ظاهر ماريدك تختفي بس تختفي مرة اللخ اجي للبيت واشحط مرتك من شعرها واخذك

6
_اي تعاي واخذيني بنفسج هههههه

_هسه اجي

_اي تعاي انتظرج على نار هادية هههه

اخذني الواهس بالحجي باوعت عالساعة بال٢ بالليل ترخصت منها وحذفت المحادثة ونزلت عدل للغرفة لكيت زينب نايمة ومطفية الضوه شمرت التلفون على الشحن

وتمددت بطولها جريتها لحضني همست ...
كملت شغلك ؟

_اي

_عود ليش شغلك تالي الليل. ؟

_شوكت مايعجبهم يتصلون بي هذي طبيعة شغلي
تعودي عليها زينب ولا تشكين بي

2
_مستحيل اشك بيك أدري بيك تحبني ومراح تخوني بيوم

10
_اي مااخونج اطمني

75
حضنتني قوي ودفنت راسها بركبتي ثاني .يوم الصبح التحقت للدوام أني ومحمد ومصطفى سويه ننزل وسويه نلتحق العصر عمر كاعد منزعج بصفه محمد

جنهم ارامل مكابلات كبور رجولتهم وكفت كدامهم ...
ماذا بكم يااولاد؟

رفع راسه عمر وكال ...
باركلي

رائد _على شنو اباركلك ؟

عمر_ مرتي دخلت علية وجنت احجي وي صاحبتي
بدل ماسد الخط فتحت ميكروفون

6
رائد _الف الف مبروك هههههه

محمد _ من ثول اليثولك عموري اكو واحد يفضح نفسه

عمر_قابل أني أريد افضح نفسي من التوتر
والخوف فتحت ميكروفون

رائد _وشكالت حبيبتك هنا ؟

محمد_حبيبي شوكت تجي لعندي مشتاقتلك ههههههه

رائد _لا بشرفك

عمو_اي والله

رائد _ولك أنتو حفلات حفلات هههههه

اجه مصطفى وكف بصفي مستغرب الضحك ...
شكو ؟

محمد_اخوك مرته متعاركة ويا وطارته من البيت
ونايم بره بدل الغرفة هههههه

مصطفى _رائد

2
رائد جبته بكفخة على علباته بقوة ...
ابن الكلب شايفني عاار لو طرطور مرتي تطردني
خارج الغرفة والبيت

مصطفى _ااخخ شبيككككك

رائد _عار ابن العار أريد اصحيك

مصطفى _انكسرت اركبتي صوجي اجيت يمك صوجي

عمر_ دتعال وين مولي تعال اريدك ابو الصوف

محمد _أني كلتله اتصل بأمك وجيب رقم السحارة خل نتواصل وياها راح ينهجم بيت الرجال

رائد _هااا أهل سحورة

عمو_لعد تريد بيتي ينهجم هسه راحت لامها تحجي وامها لسانها لسان ام ساندي الله يرحمها من يحجي
بعد مايسكت

3
رائد _من عمت عينك ولك هم حاسب نفسك رجال لا ويكتلك القهر ضابط ومسحول من مرتك وعمتك

5
محمد_عوفه هذا رقيق

رائد _استغفرالله العظيم

مصطفى _هو شكو شصاير وياك عمر ؟

محمد_مرته لاكفته يحجي وي صاحبته ومتعاركة ويا وهسه عمته درت وراح تكلبها عزززة نريد نسمطها بواحد
علمود تسكت للأبد فهمت

عمر_ مروتك ابو الصوف أتصل بأمك .

رائد _عوذ بالله منكم أهل السحورة ماتخافون
من الله تسوون سحورة

عمر_شعليك أنت

محمد_ وليسمع مرايح للسحارة

رائد _الله يجيرني من دروب السحورة

عمر_امم

مصطفى _هسه اتصل بامي

جريت الكرسي كعدت كدامهم اضحك مايدرون بي ابو السحورة واعرف السحارة حق المعرفة ودهن ودبس
أني وياها رجع مصطفى وكال ..

مصطفى _اتصلت بأمي وابشركم اكلت رزالة معدلة

رائد _ههههه

محمد_ هسه جبت الرقم

عمر_ انطيني امك خل احجي وياها راح ينهجم
بيتي على ايد عمتي المصكوعة .

مصطفى _دزته هسه ادزه الك على الواتساب

عمر_يلا دز خل اتصل

دزله الرقم راسن اتصل عمر ورفعت خط صار يحجي كدامنا وياها طلبت منها مليون دينار عراقي وتسويله
سحر عكد لسان لمرته والعمته .

عمر_راح ادزلج اخوي بالليل ياخذهن ويجيب
الفلوس بس شكد وينطي مفعول

السحارة_شغلي ثلاث ايام واكثر سبع ايام وإذا
ماشتغل افلوسك مردودة

عمر_زين لعد

رائد _خرررب بشرفكم ايدكم والسحورة صايرين

9
محمد_ شنسوي لعد

مصطفى _ ديروا بالكم تكولون جبتوا رقمها من أمي وتفضحون أمي بين الضباط والأقارب اصلا لا
تجيبون طاري أمي بالموضوع .

محمد_ولا أني وأنت رائد

رائد _شعلي أني مالي دخل بيكم والله يجيرني من السحر والشعوذة راح اسميكم واحد ام عباس والثاني ام
خلف اشهر سحارات بالانبار هههههههه

عمر _احنا شورطنا وحجينه كداما راح يشهرنه

محمد_لا مايشهر

رائد _ماعلي يابة اشو جوعان مصطفى روح شوفلي شي أكله

مصطفى _عساني ماجاي

رائد _امشي كلب جيبلي أكل لو اكوملك بالدفرات

مصطفى _لو ادري هيج تسوي بي جان سويت نزولي وي قاسم ولا يمكم ولاهاي العيشة الكشرة

مصطفى _بس رائد

خله وراح يدردم اباوعله واضحك شعلت جكارة رجع مصطفى مسوي لفة بإيده وكلاص جاي اخذتهن من أيده...
عفيه عليك يابطل

مصطفى _ أتمنى تحترمني مثل ماحترمك

رائد _عالجايات

قاسم نزلت للبيت كالعادة تلكتني أمي تشتكي من مسك على الشغل والله مسك كايله مابي حيل أشتغل مريضة والجناين مسويات اضراب محد يشتغل الا

مسك تشتغل ...
خصم الحجي يمة سدي الموضوع ولا تدخلوني
بشغلكم وسوالفكم والله مالي خلك
وروحي زهكانة

_يمة ماريد منك غير تحجي وياها وتفهمها

_هي قابل ماتشتغل تشتغل وحالها من حالهن أشوف بس من تتمرض حقها ماتشتغل ليش هيج تسوون وتجفصون بطن الواحد اعذروها لو ماكو أعذر عدكم

خليت ومشيت متعصب إلى متى نبقى هيج يتعاركون علمود الشغل صعدت فوك دكيت الباب ودخلت لكيت مسك
متمدده فوك الفراش أنتبهت علية

أبتسمت ...
أهلا بالحب بقسوم شلونك حبي اخبارك

_على الله شبيج مريضة ؟

_كالعادة صداع موتني

_مابيج غير العافية

رحت لعدها رادت تكعد ماخليتها دنكت عليها بستها براسها
هم هم حضنتني وباستني بخدودي ...ماتدري شكد
مشتاقتلك قسومي

_هههه يلا عوفيني أريد أسبح وابدل هلكان من التعب

عافتني مبتسمة ...
خل اجهزلك الملابس لعد

_اكعدي مابيج حيل تعبانة أني اطلع بنفسي
وينه رضاوي وينه

_عد احمد ابن نزار اخذه يشتريله

_هاا

نزلت الجنطة بالكاع والموبايل خليته بصف مسك فوك الطبلة ورحت للحمام أسبح سبحت وطلعت بدلت جاي ارش عطر
اباوع المسك بنعكاس المراية تباوع بالتلفون

عيونها وسعن وصاحت ...
هااي شنو قاسم ؟

شمرت من ايدي شيشة العطر والتفتت عليها مستغرب...
شنووو ؟
تخوني

_استغفرالله شنو اخونج مسك شبيج ؟!

نزلت من فوك الجرباية اعيونها براسها صاروا اجت لعندي وكفت كدامي خلت شاشة كدام عيوني ...
باع انكشفت على حقيقتك

باوعت على الشاشة جانت رسالة على التيليكرام
من رقم مجهول الهوية وكاتبة ...

هلوو حبيبي قسومي شلونك وان شاءالله وصلت بخير وسلامة تدري بي شكد مشتاقتلك ومشتاقه نلتقي مثل أيام قبل لا تنسى تطمني عليك من توصل للبيت '
#أحبك نبض قلبي ♡

بلعت ريجي مستغرب ومتوتر كلش جريت التلفون
من ايد مسك بسرعة ... منووو هاي ؟

_اسأل نفسك منو هاي ؟

_والقرآن الكريم ماعرفها

_قاسم لا تحلف جذب من طريقة كلامها تعرفك حق المعرفة

_بيش ماتردين احلفلج ماعندي علاقة وي اي بنية وأنتِ
تدرين بي استحرم وأخاف الله شلون تقبلينها
اخونج واطلع عن طاعة الله ورسوله

_لعد منو هاي؟!

_وغلاتج عندي ماعرف أول مرة اشوف
الرقم خل تأكد منو هاي

_شنو تتأكد شراح تسوي ،؟

_ارد عليها وافتهم السالفة منو هاي لتريد تشوه
سمعتي وتطلعني خاين بنظرج

_يعني ماعندك

_وج اكتل روحي صارلي ساعة احلف لمنو

_شمدريني

_لا تصيرين غبية مسك وتصدكين بكلشي مو تعرفيني منو
أني وشنو صارلنا سنوات وي بعض مو
جديد عليج علمود ماتعرفيني

_اممم

كعدت فوك الجرباية دزيت الها رسالة ...
منو أنتِ ؟

بقيت انتظر ترد جانت ناشطة بس ماتفتح الرسالة اجت مسك كعدت بصفي خلت رأسها بالتلفون دخلت وشافت الرسالة
طلع جاري الكتابة انتظر على نار ردها

_الظاهر الكاع محظورة ♡'

_ماتردين منو أنتِ وشتردين مني مراسلتني ؟

_هاي شبيك قسومي حبيبي بهاي السهولة نسيت
حبيبه قلبك وروحك ام الشكولاته

1
_ ام الشكولاته.. ولك منو هاي ؟

ضربتني على جتفي توجعت من ضربتها ايدها ثكيله صحت بيها.. مسك راح اخلي راسج بالتلفووووون

_ماتحجي منو هاااي ؟

_أنتِ عمية ماتشوفين حالي من حالج ماعرف
منو هاي وج اعقلي اعقلي مسك

_شبييييك

_وجعععع انجبي كلمة ماريد منج بس تحجين
افلش راسج بالتلفون

_هيج صارت مو

_عساني ما نازل لو باقي بضيم المعسكر
اشرفلي وهاج التلفون اشبعي بي

انطيتها التلفون وطلعت خارج الغرفة متعصب روحي صايرة بطرف خشمي طلعت بره فوك تعبي تطلعلي وحدة
ومسك تصدك بسرعة

ساعة زمان رجعت للبيت .... لكيت مسك نازله عيونها براسها صايرة كعدت بصف أمي من التعب خليت رأسي
بحضنها صارت تفرك برأسي

_تعاركت وياك ام عطوب

_لا

_لا تنكر أدري بيها ماتخليك ترتاح

3
_ماعليها

_لعد شبيك ؟

_اجاني اتصال من الشغل

_الله يساعد قلبك يمة بنص استراحتك شغل

_شسوي هذا شغلي مابي راحة

ماحسيت على روحي له أمي تنده بي ...
كوم يمة نام بغرفتك

فتحت عيوني بتعب ...
اي

كمت اتثاوب عدل لغرفتي شمرت نفسي فوك الفراش بدون غطه من التعب ماكعدت الا وراه أذان المغرب كمت صليت ونزلت جانوا مجهزين العشة تعشيت وي أمي

وأخواني مسك مطنكرة كالبة خلقتها ماتقبل تتعشة تتعاركت وياها أمي تجين تأكلين لو اخلي الصينية براسج

_اي كوه تاكلين

_مارريد

_اشوف كلامي يمشي لو كلامج ام سارة
خلي حصتها وخل تأكل وياكم

ام سارة_ ان شاءالله عمة تعاي أكلي مسك

راحت تأكل وياهن تخاف من أمي هههه أمي تسوي لفات وتخلي بحلكي عبالك طفل كدامها وأني مستمتع
اخواني يضحكون

نزار_يمة تىه رجال رجال ههههه

أمي _يمة شما كبر يبقى قسومي الصغيرون اكل يمة ضعفان وجك مصفر شنو ماينطونكم اكل هناك

قاسم _تعب يمة تعب وتدريب كلش صعب شصير ماتكليلي

أكل وعيوني على باب المطبخ مدت رأسها مسك غمزت لها عين سوتلي حركة اصبرلي دزيت الها بوسة أنتبهت أمي والتفتت وره ظهرها همزين

ضمت راسها واجه ابن محمد ادريس يمشي عبالها جاي ادز بوسات اله ...تعال جدة ادريس تعاي

ادريس _هاا جدة

أمي _تعال أكل جدة

ادريس_اكلت جدة

كملت اكل كمت غسلت وكعدت بصف أمي جابوا الجاي شربت أمي صاحت على الجناين يجن يكعدن ويانه مسك كاعدة بصف سارة مخلية ايدها على خدها وتخزر بي

رضاوي يلعب بالكاع وي الجهال فرحان حبيت تحرش بيها مادامها زعلانة ام عطوب غمزت الها عين خزرتني رجعت عضيت شفه الها سدت عيونها وردت فتحتهن

بس ماتريد تعيط بي ماتكدر تعيط بس تعيط تجيها مخدة تاهية من أمي رفعت الها تك حاجب صارت تكمز بمكانها
بس ماتريد تكوم من كدامي خليت رجل فوك

رجل مستمتع بالتحرش نزار لاحظ واشرلي بعيونه
ضحكت عرف متزاعلين ...

نزار_مسك كومي جيبي علاج القاسم

مسك _علاج شنو ؟

نزار_راسه يوجعة خطية كومي جيبي
العلاج وماي دافي مو بارد

مسك _اي هسه

كامت بسرعة خربت ضحك هو أني كلشي مابي لا صداع ولاشي اجت مسك جايبة كلاص ماي والعلاج خلته بإيدي خليت ايدي أريد اخذ العلاج من ايدها

خزرتني وكالت بهمس ...
أني الك

أخذت العلاج أضحك والكلاص الماي شربت وكتلها ...
مشكورة ام رضاوي على العلاج

مسك _بالشفاء

همست الها ...
أنتِ شفائي هههه

خزرتني ورجعت كعدت بمكانها هم ماجزت منها بقيت تحرش بيها رضاوي داخ ونام بالكاع كامت شالته وأني هم
ترخصت وكمت وياها أمشي بصفها

_شبيها زعلانة ام عطوب

_لا تحجي وياي وباجر الصبح توديني لبيت أهلي

_شسوين بيت أهلج

_اولي

_ماتولين تولين لحضني ههههه

_قاسم

_عيون قاسم قلب قاسم أمري

وغمزت الها عين تنفزت وكالت ...
ليش هيج تسوي ؟

_شمسوي ؟

_تقهر وتخون

_لما شايله رضاوي جان هفيتج براشدي
رجعت الج دماغج بمكانه

عفتها وصعدت قبلها ضجت منها عبالي دا تدلل علية مادريت بعدها مفكرة جاي اخون بيها دخلت الغرفة عدل للفراش نمت وتغطيت لأن أدري بيها راح تتعارك

واني مالي خلك اتعارك .

حسيت بيها دخلت للغرفة شوي وجرت الغطه
من فوكي ...كوم قاسم فهمني

تعصبت منها وكعدت عيوني براسي صايرين ...
شفهممممج ؟!!!

_موضوع البنية منو هاي ومن شوكت عندك بيها علاقة

_شكلت مسك

_لا تلوف السالفة حجيت وياها ودزتلي دليل

_شتحجين أنتِ ؟

_هسه اشوفك وراح تعرف على شنو احجي أني

راحت جابت تلفوني فتحته وشمرته بحضني ...
شوف صورك والمحادثات القديمة وياها هم
انكر وكول كذب وانكر السالفة كلها

شلت التلفون بإيدي .....شفت صوري وي بنية واكف بصفها لو حاضنها فكيت عيوني بصدمة وشفت محادثات وياها ومن حسابي على التيليكرام والواتساب

مالتي باوعت المسك جانت تبجي ...
هاي شنو مسك ؟

#يتبع ...

#عشق_أهل_الأنبار_ج٢......
#بارت٢


كمت بسرعة شايل التلفون بايدي مسك انهارت بالبجي كعدت بالكاع تبجي مستنده ظهرها على طرف الجرباية
وتردد كلمات بحركة قلب ..

_ليش هيج خنتني بيش قصرت وياك بيش

_بالقرأن مخاين

_لتجذب

_مسك وغلات رضاوي مخاينج وماعرف هاي شنو ؟

_هسه صرت ماتعرف

كعدت كدامها حاير شسوي هو أني .....نفسي ماعرف هاي شنو ومنين اجتني ياربي خليت ايدي على جتفها هزت
نفسها جريت ايدي بسرعة

_شيل ايدك خاين


_استغفرالله مسك وغلاتج عندي ماعرف هاي منو ؟

كعدت كدامها حاير شسوي هو أني .....نفسي ماعرف هاي شنو ومنين اجتني ياربي خليت ايدي على جتفها هزت
نفسها جريت ايدي بسرعة

_ليش تنكر كول الصدك قاسم

_ ماعرفها وماعندي علاقة بيها ماعرف هاي شنو لدازته

_صورك محادثاتك وياها شنووو

_ لتصيحين رضاوي نايم واهدئي خل نفتهم السالفة
شبيج ماصدكتي تلكين زلة وتتعاركين وياي
لهاي الدرجة ماعندج ثقة بي ؟

_صورك محادثاتك وياها شنووو

_انتو الزلم مابيكم أمان

_ مسك مو كل اصابعج سويه فدوة رحتلج اهدئي وخل نتفاهم إذا تبقين هيج تبجين وتشكين بي مراح نوصل
الحل وماراح نعرف منو هاي لتريد
تهجم بيتنا دكافي بجي

رفعت راسها دموع تنزل عشرة على عشرة ...
كافي بجي أني اجي من الشغل تعبان ومشتاقلج أنتِ
تزعلين منورة وحدة ماتوصل لتراب رجليج
دكافي عاد مسوكة

مسحت دموعها ...
اي أبقى غشمر بي

_اقسم بالله العظيم مااخونج ولا افكر بعقلي اخونج
أصلا دكومي وخل نعرف منو هاي
هجامة البيوت

_ماكوم روح

_لا إله إلا الله محمد رسول الله كومي عاد مسك

_ماكوم ماكوم

_إلى متى تبقين زعطوطة

_اسأل نفسك

_شسأل بلا ؟

_شلون طاوعك گلبك وخنتني ؟

_خل اكوم اجيب القرآن الكريم واحلفج ماخاينج أدري بيج مراح تصدكين وراح يصير بي شي منورة حلفي الج
هو هذا لترديه تخلصين مني


شمرت التلفون بالكاع قوي وكمت اتجاه الميز اريد اجر المجر واطلع القرآن واحلف الها توني خليت ايدي أريد اجر المجر اجت لعندي تركض وكفت كدامي ...

_لا تحلف قاسم

_بعدي خل احلف

_ماا ابعد والله ماابعد لا تحاول

_مو ماتصدكين

_صدكت خلص بعد ماانطي

_لا لا تأكدي

_متأكدة شبيك بعد

صرت عاند بيها أريد اطلع القرآن واحلف هي عناد نامت نوم على المجر وانطتني ظهرها ...

_والله ماتحلف قاسم بعد ماخليك تحلف

_اليوم الا احلف علمود ترتاحين

_ماااااا قاسم ماااا بعد لتدفع بييييي

_ولج انجبي رضاوي نايم

_خل يكعد ماخليك تحلف والله وبس تبعدني وتحلف
اشمر نفسي من فوك الدرج واموت واخليك
أنت ورضاوي بعد احسلك

_هيج تحبيني

_اييي أحبك والله واموت إذا صار بيك شي

_مادام تحبيني ليش تجرحيني وتشلعين گلبي ؟

_مو بايدي والله اغار اغار شبيك

_وهسه صدكتي مااخونج

_اي صدكت والله وانعل ابوها يابو الخلفوها
هاي الكح... هجامة البيوت

_الحمدلله فهمني

_اييي فهمت هسه وخر

مارديت عليها عفتها ورحت للحمام غسلت وجي إلى متى نبقى هيج مناكرات على اشياء تافهة ماتسوى
طلعت تباوعلي

_التلفون نكسر ؟

_الله يسلمج من ايدج

_أني شعلي

_لا خطية ماعليج فقيرونة والبزونة تاكل اكلج

_اممم

عفتها ورحت لفراشي مطلت ...
طفي الضوه

_اي مو تدلل معشوقي

_هسه صرت معشوقها ام عطوب

_غير أنت العشق كله

_اي واضح

طفت الضوءه واجت نامت يمي انطيتها ظهري حضنتني منورة ظهري قوي ... قسومي حبيبي أني أسفة ... قسوم مو احجي وياك فدوة حبيبي أسمع والله آسفة
بعد توبة إذا عدتها

_بلا آسف نامي

_خوش لاكيتها تكسرين الخواطر وترجعين تجبرين

_أنت مو شفت دزت صورك ومحادثات من حساباتك الشخصية شلون تريدني مااصدك

_وأنتِ ماعندج ثقة بي ؟

_شلون ماعندي

_والله العظيم جذبتي لو عندج ثقه بي مجان اتهمتيني باطل

_أسفة

_وخري عني اريد انام عدل

_تعال نام بحضي

_لا اريدج ولا اريد حضنج

_ لا تعاند قاسم

_عنادي ماينحمل بنسبه الج اما عنداج ترديه ينحمل وعادي

_حاله اعصاب

_على نفسج موعلية ماتشوفيني جاي هلكان من التعب وحتى مريض ومالي خلك تتلكيني بسوالفج المكسرة زين لو عندي علاقة صدك وي بنية غيرج

انطيج التلفون اول مااجي لو اخليج تعرفين الرقم السري واربعة وعشرون ساعة تلفوني بأيدج من ارجع من الشغل جاوبي ليخون هيج يسووون

_طبعآ لا

_لعد انجبي وبعدي عني ترى دمي فاير عليج

_هو سويت

_دمرتي عيشتي يمرة عقلج عقل جهال مو عقل مرة

_اهوو

_اششش كلمة وحدة ماريد منج بعدي
لو ادفرج واشمرج بالكاع

_من شوكت تزعل

_من اليوم أريد ازعل مثل ماتزعلين واعيشج نفس الشعور لتعيشينه إلي من تزعلين أريد اشوف
تحسين لو لا

_ قاسم

_وجعععع انجبي اريد انام شيلي ايدج

_مااا

_ شنو بكيفج أنتِ

_اي

_ربي راح اكفر بيها كفران

_اي اكفر بس لا تزعل

_حلال هي تزعل وتعصب بس علية حرام

_اي مو أني ماتحمل

_بت الاوادم أنتِ تحمل لعد

_مو رجال

_اي نسيت اكلج الرجال مصنوع من كوم احجار ماعنده مشاعر مو مثلجن انتن النسوان مصنوعات من جناحين الفراشات رقيقات وهشات كلش ومشاعرجن
ماتتحمل اقل لطه تتلف وتنهارون

_اممم

_مسك اعصابي تلفانة بالقرأن عوفيني بحالي

_مو أحبك

_حبتك الحية ام المليون راس


_عزززة قاسم هيج تدعية علية

_لو شايفة النار لبنص صدري جان كلتي الله يساعدك

_مو كلت أسفة

_بلا آسف بعدي

_ماشي

بعدت عني نمت على ظهري دمي فاير منها ...... اريدها تعقل وتعرفني أني شنو ومنو حتلوه تشوف شي كدامها ماتصدك
بي هي ماتصدك تلكه زلة تبقى تعيط
وتتهم باطل بدون مبررات .

كعدت الصبح قبلها ..صليت ونمت الصبح عالساعة بال١١ كعدت تعبان بدلت ونزلت سوتلي ريوك مسك تضحك بوجي طنشتها تريكت اجت كعدت بصفي تريد تحجي

خليت وكمت طلعت بالمضيف شفت أحمد كاعد يلعب بالتلفون تذكرت تلفوني انكسر همزين عندي واحد ثاني ...

_ابو شهاب كوم جيب تلفوني

_هاا عمو

_روح المسك كوللها عمو قاسم يريد تلفونه الثاني

_اي عمو

كام دقائق ورجع جابلي التلفون طلبت ....منه يطلع بره علمود أتصل برائد واكوله على سالفة البنية أتصلت بي
مرة مارد مرة الثانية يلا رد

_الوو أهلا رائد شلونك

_هلا بيك يالغالي على الله أنت شلونك اخبارك

_ماشية الأمور بالدوام مو

_لعد وين

_زين عندك واجب

_كمل واجبي

_زين حاب اكولك شغلة

_كول ؟

_البارحة من رجعت من الدوام بنية مراسلتني على
تيليكرام والتلفون بإيد مسك دازه صور
ومحادثات الي والها

_اي كمل ؟

_وصارت مشكلة جبيرة بيناتنه ولزمت التلفون وكسرته

_منو هاي ؟

_ماعرف والله

_زين شدازة صور ؟

_صور مركبة أني وياها

_وجهها مبين للبنية ؟

_لا مخليه سمايل فوك وجهها

_هاا زين دزلي الصور والمحادثات بسرعة

_تلفون نكسر شلون ادزلك ؟

_افتح تيليكرام بتلفونك الثاني وطلع الصور
والمحادثات دزهن لي

_شراح تسوي ؟

_شعليك دزلي وماعليك

_تمام

سديت الخط منه وفتحت التيليكرام بتلفوني الثاني فتح طلعت الصور والمحادثات دزيتهن الرائد على التيليكرام جان متواجد على الإنترنت بسرعة شاهد


وكتب ...
هاي سيرين ولك

_ليش تتهم البنية ؟

_والله هي باع لايدها لابسة نفس الاسوار الـ بيد
سيرين ركز بالصورة زين وراح تعرف

رجعت ركزت بالصورة سوار صح لابسة كتبت ...
وأني شمدريني سيرين عدها هيج
أسوار ومحتمل تشابه

_تشابه مال خالاتك وعماتك

_رائد

_وجععع ركز وياي هذا اسوار سيرين وهذا الجسم لسيرين أني اعرفها واحفظ شكولاتها كلش زين

_بعد أنت مامخلي بنية لما حافظ ملامحها وشكل جسمها

_عيوني زايغة

_يعني هي

_اي والله تريد تهجم بيتك مثل مابيتها مهجوم

_بيتها مهجوم ؟

_اي والله سمعت جاي تطلق من زوجها

_احلف

_والله جاي تطلق ورافعة قضية طلاق على زوجها

_هاي شوكت

_قبل ١٠ أيام تقريبآ

_وليش يطلقون شصاير وياهم

_عمتها مشوفتها انجوم الظهر ورجلها مايريد بنية يريد ولد ومشاكل بيتها ماتخلص والطلاق
أنسب حل للطرفين

_ زين أني شنو ذنبي تريد تهجم بيتي

_ولك مطي تريد تطلق مرتك مسك وهي منا تطلك عود تزوجها وتصيرون مطلك خذاله مطلكة على الخير
والبركة كلووووش هههههه .

_رائد مو مال مسخرة

_آسفين يابة آسفين

_متأكد هي هسه

_اي والله شبيك هي سيرين نفسها

_طيب نكول هي منين جابت صوري وشلون وصلت
لحسابي وراسلت من واتساب مالتي

_أولا هاي الرسائل مزورة اكو برنامج يسوي محادثات وهمية وثانيا صور اخذتهم من أخوها من تواصل الاجتماعي وخرت الشخص اليوياك وخلت نفسها بداله

_ أني ماماخذ صور وي احد بهاي الوضعية وتعرف بي ماعندي تواصل الاجتماعي غير الواتساب والتليكرام والفيس
مانشر بي صور عايفة فقط للتصفيح ...

شلون جابت صوري وبهاي الوضعية عبالك جنت حاضن مسك مو ولد ؟! تحس الشغلة بيها لغز محير حلها
وياي رائد ماريد اتهم البنية .

_في حاله واحدة حصلت صورك وي مسك
وزالت مسك وخلت نفسها

_محتمل بس شلون حصلت صور مسك ؟

_من اهلها

_موصلح هم ومستحيل ينطون الصور مسك الها

_ريتاج جابت الصور وهاي اشتغلت عليهن

_شنو مسويات عصابه

_هن عصابه من زمان بس انت البريى ماتشوفهن

_ريتاج شمعرفها بسيرين

_تعارفن وصارن صحبه لا تصير غبي قاسم وفكر وياي منو له مصلحة يأذيك ومنو يريد دمارك غير سيرين وريتاج هالاثنين هن راس المشاكل والبلاوي السودة

_ هم صدك هن راس البله شنو ماجازوا مني بعد
لصار وياهم قبل فترة

_لا الماي يروب ولا الكحبة تتوب ولاهذني يتوبن ويجرن عدل


_اي والله الله يلعنهم

_آمين انطيني الرقم المعرف مالتها خل اتواصل وياها
وانعل شيب الخلفوها هالبربوك

_ماكو لا معرف ولا رقم تلفون

_زين تواصل وياها وكوللها عرفتج وراح اجي
البيت أهلج وشوف الرد

_تمام

رحت راسلتها ماكو رد منها كتبت الها عرفتج أنتِ سيرين واني اعلمج اذا ماجيت على اهلج وخليتهم يربوج فلا اطلع
قاسم بسيطة بطن عيني سيرين

بقيت انتظرها ترد ماكو رد إذن أذان الظهر صليت وتغديت صعدت فوك فتحت التيليكرام تفاجأت الحساب انحذف
وطلع فقط اسم مستخدم

أبتسمت هي نفسها الحقيرة هجامة البيوت اجت مسك
شايله رضاوي وتبوس بي ...

_قسوم حبيبي بعدك زعلان

_اي

_شلون اراضيك ؟

_من تعقلين عود أرضى

_والله عاقله

_واضح العقولة انطيني رضاوي

جابته واجت لعندي أخذته منها خليته فوك بطني اضحك
ويا تباوع وتضحك ... رضاوي تحبني

_لا بس رضاوي احبه

_ليش ولك

_وج لا تضربين

_مو بس اضربك اموتك كتل تحبني لو لا

_دروحي شكد تلغين ياربي

_هاا هسه صرت الغي

_دائما تلغين حبيبي گلبي رضاوي اروح فدوة للضحكات الحلوات ههههه تحب بابا

_كول لا

_لا

_صدك ولك ماتحبني

_اي مثل ماتحبني هو هم مايحبك

_ تطبك وي امك على أبوك؟

_طبعا يطبك وي أمه شعنده غير أمه
حبيبه گلبه انطيني ابني

مخبله اخذت رضاوي .... من فوك بطني وراحت كعدت
وخلته بحضنها تلعب ويا كعدت متعجب
هاي صايرة طفلة ؟

_ماعليك بي

_عمي ماعلية هاي طالع بره يم فارس

_نخلص من رائد يطلع فارس

_ ابطل ماطلع

_اي بطل ماتكول عندي مرة صار يومين نازل من الشغل خل اكعد وياها احجي وياها وي ابني اكضي وقت
وياهم ماتشبع من ربعك أنت

_الله يسلم مرتي تلكتني بالعياط والصياح

_تخيل نفسك بمكاني شجان شسويت لو شخص دازلك هيج صور ومحادثات ويكول عندي علاقة وياي مو راح
تكون رد فعلك اقوى من رد فعلي

_ افففف

_جاوب ؟

_ افففف

_خل أنام اشرفلي

_ والله ماتنام بس تنام اخلي رضاوي يشلع عطوبك عطب عطب احسلك أنزل مثل خوش رجال وصالحني كافي مليت صارلك يومين ماتتحاجه عاديك رائد
وصاير مثله ابو زعيلة .

_اول مرة اشوف مرة تتعارك وي رجلها علمود يصالحها

_ تجي لو لا

_لا مااجي

_والله بس ماتجي تصالحني احلف بغلات رضاوي اروح لبيت أهلي هسه واعوفك واحدك بالغرفة وأصلا مارجع ابد وتدري بي شكد عناد وراسي يابس فعذر من انذر قاسم
افندي تعال وصالح

_هههه ماجنت أدري الرجال من يزعل هيج يصير بيكم
أنتو النسوان اثاري زعلنا يأثر بيكم أكثر
مايأثر بينه هههههه

_فوكاها تتمضحك ؟

_ عمي مالوم رائد من يزعل على زينب اثاري
بيها طعم حلو الزعلة ههههه

_هاا تريد تصير مثل رائد؟

_هو يمكن

_علمود اشكك بالنص

_ولج ولج ههههههه

_ شبييييك

_ السانج يامرة السانج شنو اشكك بالنص شايفتني كدامج ورق مال دفتر وتشكيني بالنص خرررب بعقلج يكوم
يولد افكار مادري منين ههههههه

_منوراك اكوم اجفص نام ماما نام عندي شغل وي ابوك

_هيج مشتاقتلي

_كلش

_انعل ابو الطلعة لعد يله بابا نام علمود باجر
اخذك للمحلات اشتريلك حلويات

_باع اللواكة

_ استغفرالله ههههه

نومت رضاوي كامت خلته بمكانة والتفتت عليه تضحك
نزلت من فوك الجرباية اجيت عليها حضنتها
منورة.ظهرها وبستها بركبتها

_باع اللواكة

كرصتني كل قوتها بإيدي ...
وقت مصلحتك تجي لعندي موو عبالك اسويلك
أجواء رومانسية قاسك افندي

_ اخخخ خرررب بيج مسك هاي سويتي

_حركت قلبي حرك من البارحة لليوم وهسه جاي تدور
بوس وحضون ماكو بعد عني لو
اكتلك بالقرأن

_منو يكتلني ؟

_أني اكتلك

_هاا شايفتني كدامج خرروف تكتليني دتعااي خل اعلمج شلوت تندكين بي مسك خانو

بسرعة عفتها وشلتها بحضني رأسن جلبت باركبتي ...
نزلني قاسم

_انزلي شبيج

_ماكدر نزلني شبيك لا تخليني اصيح وكعد رصاوي

_أنزلج على افراشي يول شكثر مشتاقلج

_هسه صرت مشتاقلي

_كل ثانية وكل دقيقة وكل ساعة تمر اشتاقلج

_اممم دنزلني

_اي مو تدللين

أخذتها ونزلتها فوك الجرباية بهدوء رأسن رادت تفلت من الجهة الثانية دومها تشلع قلبي من تعاند جريتها قوي وصرت فوكاها رفعت ايديها تريد تضربني


لزمت ايديها الآثنين بقوة ثبتتها صاحت ...
ااااه قاسم عوفنيييي

_ههههه مراح اعتدي عليج ههههه

_ عوفني احسلك

_شلون اعوفج وأني مشتاقلج

_لو مشتاقلي ماتسوي هيج بي هذا أنت
تكيف تأخذ شي بالقوة

_بيها طعم طيب ههههه


_عوفني قاسك ايدي صاروا يوجعوووون

هي عيطة هي بوسة من الشفايف سكتتها للأبد هي مو تريدني اصالحها اشو من اجي إصلاحها تبيع ثكل برأسي أبد
مانطيتها مجال صالختها وره ساعة اجت
بحضني نامت مثل خوش آدمية ...

_قسوم

_هاا

_عرفت هاي منو لتراسلك ؟

_أنت مو ضابط روح دور عليها وطلعها

_ختولي

_لا طلعها خل نعرف منو هاي لتريدنا نفترق عن بعض

_محد يفرقنا عن بعض غير الموت

_سم الله الرحمن بيش طالبنا بالموت

_مو طالب هذا أمر الواقع الموت يفرق الأحباب وأني
أحبج ومستحيل افترق عنج بالحياة

_حبيبي أنت أني هم أحبك

_حبيني بس لا تشلعين قلبي بسوالفج


_حلوة هههه

_ياحلوة سوالفج مرمرة قليبي شايفه نفسج من تزعلين ومن اجي اصالحج ماتقبلين وتبيعين ثكل برأسي الا اعضج
يلا تصيرين آدمية هههههه

_صدك عود عليش تعض

_علمود ادبج هههههه

فزيت من طبعت سنونها بزندي رأسن كفختها تعاركنه أني وياها صرنا ملخ واحد يدفر الثاني أخاف دفرها وتروح بيها مابي حيل ابتلي بيها هي رخية اقل زلة توكع


جتفت ايديها ورجليها عصرتهم برجلي ...
تكعدين راحة لو اكفر بيج

_ااااه قاسم عليك الله عوفني والله
جاي اتوجع ااااه قاسم

_تجوزين

_اي والله

_جذابه كل مرة تكولين التوبة ماضوجك وره دقيقة
تضوجيني شوكت اشوفج عاقلة ؟

_ عوفني واكون عاقلة

_بس اعوفج تجيني دفره بصفحتي

_ههههه

_فوكاها تضحكين

لزكتها بعضه من خدها أنوب كلبتها عياط مثل الجهال تورطت بيها ياربي أنوب انكلبت الآية صرت أني اتوسل بيها تسكت وتسامحني هي عناد زعلت

ورادت تنزل تنام بالكاع جريتها ....جر لفيتها بحضني
وخليتها بالدفرات يلا قنتعت وسكتت .

رائد "كاعدين بره أني ومصطفى والجو حلو مصطفى حاضن نفسه ويباوعلي خايف ومتردد يسوي المهمة لكلفتها
بيها ماعرف شبي اليوم ؟

_تسووووي المطلوب

_دخيلك رائد لتورطني

_صارلك شهرين متورط هسه صرت تخاف تتورط

_أنت جبرتني

_وهسه هم اجبرك يلا ارفع التلفون واتصل بي

_شكوله

_كوله حبيبي مشتاقتلك كلش وصار يومين ماعدنا انترنت وماعندي رصيد اشكل وكنكت على الجوارين ماكدر
اتواصل وياك بعد

_يمة رائد لو درى بينه الا يسوي كتلنه عمل شعبي ؟

_شمدري يلا اتصل خل نضحك ونعبي رصيد براس الزواج

_أني شقابض منك

_كلشي وغلاتك يلا اتصل أبو صوت الحلو

_هسه شورطني وقلدت صوت بنية
كدامك ابتليت على عمري

_اي ابتليت يلا اتصل هههه

_اوووف منك

_أتصل لو ادفرك ولك ماعندي رصيد والخدمة الإنترنت
أنتهت عندي والجيب مفلس ربع مابي

_منو مفلس أنت ؟!

_اي مفلس

_كل العالم تفلس اله أنت أنت نايم على فلوس بس صاير جلد

_وغلاتك مفلس

_وين تودي راتبك ؟

_مو عندي مرة وطفل واهلي ومرات انطي لأخواتي وقبل أيام داينت صدام ١٥ مليون وهسه صفيت على الحديدة
فلوس رصيد ماعندي اشكل

_صدكت

رفعت ايدي وضربته على اركبته قوي ...
تصدك وغصبا ماعليك يلا اتصل بالمقدم
فائق يلا كلب .

_اخخ ولك بطل مذاوة بطل

_تجر عدل ابطل ماتجر ماابطل واذيك والله

طلع التلفون واتصل بالمقدم فائق بسرعة رفع خط خطية ملهوف ومفطوم صارلة يومين مايقبل يتواصل وياه الناقص غير نبره صوته بسرعة صار عبالك ابنية وتحجي

مصطفى _هلاوو حبيبي شلونك

فائق _يااهلا يااهلا برنو شلونج شخبارك شنو هالغيبة الطويلة

مصطفى _زينة الحمدالله بخير والله انترنت ماعندي ولا رصيد عندي علمود أتواصل وياك هسه مكنكه على الجوارين وطالعه فوك السطح علمود اسمع صوتك


فائق_افااا أني موجود واخليج تصعدين فوك السطح وتكنكين على الجوارين هسه خلال ثواني ادزلج الرصيد وفتحي اشتراك وخل نتسامر لصبح


نبزت مصطفى وكتله بهمس ...
اضحك ضحكة مغرية

واخر التلفون وغطاه بإيديه الاثنين وكلت بهمس ...
الله لاينطيك تورطت

_هذا حامي الكلب ههههههه

_تعال أنت احجي ويا

_انجب صوتي خشن وماعرف اقلد صوت البنات مو
مثلك صوتك أنعم من صوت مرتي هههه


_ أمري الله ... لاحبيبي ماريد ازحمك هسه اتوسل
بأمي خل تخلي اخوي يجدد الاشتراك

_أني موجود واخليج تتوسلين بأخوج وغيره لاحبي
هسه ادزلج الرصيد واشتركي انتظري شوي
ويوصل الرصيد الج

_ الله لايحرمني منك ياضوء عيوني


_أني شكم رنو عندي بس هالوحدة هههههه

_حبيبي فوفو هههههه


_ياقلب فوفو ياروح فوفو ياكل اهل فوفو

كوه كتمت ضحكتي وخذت مصطفى ماخذه الواهس عبالك صدك بنية ياربي أنوب انحرف المقدم مالتنا مصطفى بس مايريد يبجي وأني خربان من الضحك

كوه ساد حلكي بإيديه الآثنين.

فائق _رنو شوكت اكون أني وياج بغرفة
وحدة واحصرج بحضني؟

مصطفى ياشر بإيده مثل اليشتم بي همست بأذانه ...
كوله شوكت ما الله يريد ههه


مصطفى _شوكت مالله يريد حبيبي فوفو

فائق _الله شعلي أنتِ قنعي امج واطلعي بمكان خل اشوفج مو قلبي راح ينفجر على شوفتج رنو رحمي بحالي صار شهرين متعذب شنو ماتحبين فوفو
مالتج

رائد همست بأذان مصطفى...
خرررب بيك سيدي طارت السمعة والهيبة
مو احنا ذمة بركبتك هههههه

مصطفى _أحبك والله وأتمنى التقي بيك بس أهلي ناس متشددة ومايقبلون اطلع لراس الشارع الواحدي شلون
تريدني اطلع لاربيل والتقي بيك

فائق_ مراح اكلج

مصطفى _اعرف مراح تأكلني بس مايقبلون

فائق _ لعد نبقى هيج بس اتصالات ماكو اتصالات كام لو صور

مصطفى _تدور سوالف صور وكام ترى أني شريفة
مو مثل ذني البنات فوفو

فائق _أعرف بيج والله بس أني أحبج واريدج للزواج
وعادي اشوفج واصعد وياج اتصال كام مو
راح اكون زوجج

مصطفى _ماما اجت باي فوفو

سد الخط مصطفى عركان كلش وأني كعدت بالكاع
خربان ضحك ....الكلب ابن الكلب يدور
صور واتصال كام ههههههه

مصطفى _ملعون ماصدك

_ههههه مصطفى راح يتزوجك ههههههه

_ والله كله من وراك غشمرنه الرجال خطية وهسه
عباله صدك أني بنية واحبه

_اي خله يستاهل هالكلب تذكر شلون رزلني هذاك الشهر كدام كل الضباط والجنود وأني حلفت الا انتقم منه وهذا احلى إنتقام أكل براسه رصيد وتونس بي تالي الليل
واكضي الواجب بي .

_أنت كارثة

طلعت باكيت الجكاير وطلعت جكارة شمرتها على
مصطفى...هدي اعصابك عزيزي

_انطيني الجداحة

_تفضل

ورث الجكارة ورجع الجداحة الي .... ورثت الجكارة الي واحد بصف الثاني يجر جكاير ويضحك رن التلفون
رفعه وكال بضحكة

_صخام براسك فوفو دز رصيد بأبو ٢٥

_طاك الكلب ههههههه

_اي والله خل ادزلج نص الرصيد ونص الثاني لي ههههه

_خل نعبي رصيد براس الزواج ههههه

حولي نص الرصيد بقينى نضحك أريد أقوي وأسوي شرس ومايخاف من أكبر واحد ومخادع وماكر بنفس الوقت
لأن الطيب وابو أخلاق عالية

مراح يعيش بهذا العالم راح ينداس عليه .

ثاني يوم الصبح دزتلي ..... زينب اسم القاضي راسن اتصلت بصاحبي وطلبت منه يلوي أذان القاضي مر أربع واحنى نضحك على مقدم فائق وناكل رصيد برأسه

خطية يدز كل أربع أيام ....ويكول لو اندل مكانج ادزلج هداية ذهب وفساتين وشتردين أني حاظر كلت المصطفى
كل نأكل براسه ذهب ماقبل هههههه

_تريد تورطنا

_ليش اورطك انطي عنوان بيت أو محل وخل يخلي الهدية بي

_من كل عقلك جاي تحجي ؟

_اي والله

_نصب النه كمين

_واحنا أغبياء نوكع بالكمين

_شلون لعد تستلم الهدية ؟

_ندز واحد من الجهال للمحل عود يشتري ويكول لابو
المحل على الهدية افلان بنية دزتني اخذها

_بلا لحكوا الولد

_شعليك أنت أني احلها

_دخيلك ابو علاوي جوز مابينه حيل ننكشف

_بس الزمايل تنكشف

_رائد لاا

_شبيك راح تبول على روحك

_أخاف يكشفنه وتدري بي شكد نذل وحقير

_وإحنا النه الفوج كله عمي المسؤول بي برمشه عين
يودي وره الشمس شبيك ابو الصوف

_ولو دره خالي بعملتنه راح يودينا وره الشمس

_مراح ينطي بينه لان منه وبي وأني أعرف عمي أكثر من عندك ناكل عقاب وراها نرجع عادي حبايب قلوب

_والله مااسويها

_مصطفى

_والقرآن ماسويها ولا انطي عنوان ولا اخذ منه ذهب
انعل ابوه يابو الخلفوه هالكلب عالساقط
ابو النسوان

خله ومشى متعصب وخايف صحت وراه ...
أريد اصنع منك رجال

_بهاي سوالفك راح تصنع مني كواد

_هههه

خله وراح اجه كدامي المقدم فائق كوه كتمت ضحكتي خليت ومشيت أتصل بي صاحبي وكال تمت المهمة بالنجاح
القاضي راح يسلم الحضانه لنسيبك

فرحت للجهال خطية متعلقين ..... بأبوهم ومرت ابوهم خوش إنسانه انطيت خبر الزينب خطية طارت من الفرحة شكد أفرح من أشوفها فرحانة


_احبك احبك رائد

_وأني اموت عليج ام الصخول ههههه

_بطل رائد

_ناوو

_قفل بعد بس كال ناوو رائد شوكت تجي

_ليش ؟

_امم مشتاقتلك

_ملعونة ههههه

_هههه والله حيل مشتاقتلك تدري بي شكد
احبك اسبوع بخلافك كوه اتحمله

_وأني هم ان شاءالله بعد ايام انزل

_شيكملهم

_يكملون يلا حبي باي اجه عمي يمكن عدنا اجتماع طارئ

_الله وياك حبيبي دير بالك على نفسك

_وأنتِ هم ديري بالج على أمي وابوي وعلى
نفسج وعلاوي وفروحة

_بعيوني باي

_بايات حبي

نهيت الاتصال منها ورحت يم عمي وكفت مقدم فائق يخزر بي نفخت نفسي بكد الصعلوك وكل البله بي مثل الچلب
يعض هذا وهذاك عبالك بس هو برته مقدم

هسه مو عمي مسؤول الفوج كله وجدا متواضع ومحترم وكل الضباط والجنود تحبه وتتفداه تفدي مافديوم رد جندي راد إجازة لو طلب حاجة يساعد الكل

ويضحك بوجودنا ويلطف الأجواء ويحسسنه بالأمان اما مقدم فائق كلها متحلفه بي من جنود لضباط بس أني ابو الصوف ساحلينه ومسوينه ابساط تالي الليل
ونخلي يحلف ويبوس القنادر هههههه .

جان الاجتماع عادي كلمات حلوة ومحفزة من عمي وكال لواكع بمشكلة لو عنده شي خل يجيني للمكتب لأحد يخجل عتبروني أبوكم اخوكم مو مسؤولكم

تمام يابة الكل تضحك وكالوا تمام ......راحوله أثنين من الجنود اخذهم وراح للمكتب أكيد عدهم ظروف
ويردون إجازة لو مساعدة

كام يتلوك مقدم فائق وينفخ ...بريشاته اباوع للجنود ضخمين واكو اضخم مني لو اهيجهم عليه هسه يشحطوه شحط ويعلموه شلون يهين ويرزل

اجت بالي اجتمع بيهم واهيجهم عليه ونروح كلنا نشتكي عنه عند عمي علمود ينقله لغير مكان والله والعصر جتمعت بكم ضابط وجندي وكتلهم تعالوا نشتكي

عند المسؤول ابو نزار عن مقدم فائق ونكوله يقلل من احترامنا ويرزل بينه ويغلط ويسب لازم نخلص منه قبل لا واحد من عدنا يطلع عن طوره ويا ويبتلي

الكل ايدتني وكالوا هاهية نروح نشتكي علية .

والله بالليل أني مارحت ..واشتكيت وياهم لأن راح يشك عمي أني راس البله كله كتلهم روحوا أنتو واشتكوا وأني اجيب رائد عمر ورائد محمد ونجي نشتكي وراكم

راحوا اشتكوا وارجعوا كالوا كناله عن كل عمايله وشلون يغلط ويسب ويقلل من احترام الضباط والجنود دقائق طلع مقدم فائق من مكتبة طاير يعدل بالبيرية

خزرنا كلنا خزرناه ماتحملت كلتله ...
سلملي مقدم فائق

_شنو قصدك؟

_راح تفهم يلا گلبي لعنده واجب يروح يأدي
الواجب والخلص واجبه يروح يرتاح

مارد لأن طنشته ورحت ويه الجنود ساعة زمان اجه محمد خربان ضحك جنت كاعد ويصفي ثلاث
جنود كاعدين

محمد _أبشركم مقدم فائق طاررر هههههه


رائد _الله يبشرك بالخير ههههه

الجندي _والله سيدي راح ينقل

محمد _اي المسؤول رزله رزاله تامة وكاله باجر أوقع كتاب نقلك ماعندي ضابط يقلل من حترام الجنود والضباط لاصغر منه بالرتب كلكم نفس الشي عندي

سواء ضابط سواء جندي كلكم اهنا جايين تأدون الواجب مو تقللون من حترام بعضكم وأنت دجاي تخلق المشاكل
بدل اصلاحها .

الجندي_ربي يحفظ المسؤول ابو فياض والله بس هو على العين والرأس يتخلى ياريت لو كل الضباط مثله شرفاء ونزيهين ويحترمون الكل ويساعدون

الجندي الثاني_لو عدنا فد ٢٠ واحد مثل المسؤول
ابو فياض جان العراق بخير عايش

رائد _اي والله ان شاءالله أني ومحمد نمشي
على خطوات عمي

محمد_ان شاءالله

ثاني يوم الصبح مقدم .فائق عيونه برأسه صايرة كلمة مايكدر يحجي ويانه اجه وكف كدامي وكال بكل ثقة ...

مقدم فائق _بس هالسنوات عمك المسؤول هنا بعد كم سنة
تقاعد عود خوش العب بذيلك بهذاك الوقت

رائد _هه أني هنا بزودي مو بزود عمي الغالي

مقدم فائق _اي واضح بزودك

رائد _مادام راح تودعنا حاب اكولك شغلة

مقدم فائق _ الحجي ؟

رائد _ أني لحرض الجنود والضباط عليك

مقدم فائق _كالولي أنت شكد حقير وأناني
وسافل أنت اخبث عباد الله

رائد _هذا أني ابادلك بالاسائة مثل مابادلت بالاسائة

مقدم فائق _ ماعندك بقاموس حياتك مقابلة الإساءة بالإحسان جان قابلتني بالاحسان
بدل الإساءة !؟

رائد _خلي هذا القاموس بحياتك وامشي علية بلكت تستعدل

مقدم فائق _ راح ادعي الله عليك ان شاء
الله ماتتوفق بحياتك

رائد _آخر همي دعائك اصلح نفسك يله تدعي على العالم وأني مغلطان دافعت عن الحق واليسكت عن الحق
شيطان اخرس .

مقدم فائق _أنت الشيطان من يشوفك يطبك
على صفحة من اطباعك السيئة

رائد _وطباعك تطبك الملائكة على صفحة وتشابك ايديها من الفرحة تنشر الخير والمحبة بين العالم خااب دكوم بيهن كلك على بعضك مقدم وشايف نفسك

شوفه تقبل هسه واحد من الجنود يغلط عليك لو يرزلك لو واحد من الضباط لأعلى منك يرزلك لو يغلط بابا أفهم العالم عدها مشاعر مثل ما انت عندك

مشاعر اصلح نفسك قبل لا تفقد وظيفتك وتصفى
بشارع تبيع علب كلينس لو ماي ارو

_حسبي الله ونعم الوكيل بيك يارائد

_والله حسبي الله ونعم الوكيل بيك أنت هم غلطان وجاي علينا احنا المساكين ماعدنا غيرك ربي

_الله لاينطيك الصحة والعافية

خله ومشى متعصب ... خربت ضحك راح انقل لغير فوج الكل فرحان ومرتاح من وله وصار عبرة لغيره أخاف
واحد من الضباط يسوي مثله بعد

مايسويها .

صار وقت نزولي نزلت أني ومحمد ....ومصطفى وعمر هم نزل فرحان خطية يكول مفعول السحر اشتغل ومرتي اتصلت بي وعمتي كذالك تستاهل السحارة هدية
على هذا الإنجاز العظيم '

وصلت للبيت سلمت على اهلي ورحت يم زوبة وعلاوي العصر طلعت على أتصال من ام سعودي كالت أريد اشوفك بفلان مكان عندي شغلة ظرورية وياك

واريدك تساعدني .

#يتبع ...

#عشق_أهل_الانبار_ج٢.....
#بارت٣
وطلعت على العنوان لدزته الي جان بيت وبغير المكان الساكنة بي استغربت بقيت اباوع للبيت من شباك السيارة بيت بناء قديم وللون الباب ابيض أبو الطلاقة

ماكله الزنجار رفعت التلفون واتصلت بيها بسرعة ردت ...
ام سعودي اطلعي بره

_اي اطلعي

_عيوني جاية

فصلت الخط بقيت بالسيارة انتظرها فتحت الباب طلعت لابسه دشداشة حمرة نصردان ومخليه مكياج وفاتحة الشعر شامرة الشال الاسود شمر على رأسها

تأشرلي من الباب ...
تعال انزل عيوني

_تعاي أنتِ

_شبيك تخاف اطمن ماتاصبه كمين

_تعاي كلت

_ماشي ياضوء عيوني جاية

اجت بسرعة فتحت الها باب الصدر صعدت
رأسن شغلت السيارة ...

_عزززة بعينك وين مأخذني ؟

_لمكان أمن

_ليش ولك ؟

_ماعندي ثقة بيجن

_صدك ماعندك ثقه بي شنو شايفني ام
ساندي اخونك وابيعك للدواعش

_كلشي محتمل

_هسه وين موديني

_لمكان

_اي غير أعرف وين هذا المكان

_شعليج أنتِ

_لو أدري هيج ماعندك ثقة بي مجان طلبت ايد العون

_انجبي بلا لغوة

_انجب شنو ولك وكف السيارة مالابسة عباية

_اي خطية الشرف مطوف عندج

_حتلوه استر روحي من اطلع رجعني خل استر
روحي يمعود رائد ابو علاوي وكف شبيك

_كلمة الزايدة منج افتح باب السيارة واشمرج

_هاااي شبيك تخبلت

_وأني عاقل علمود اتخبل

_استغفرالله

أخذتها روحت للمشتمل مالتي أخذته قبل فترة محد يدري بي حتى زينب أمي مايدرون بي كلت افلشه وابني من جديد وأجره وصلنا للمشتمل نزلت فتحت الباب

رجعت دخلت السيارة بالداخل فتحت الباب ...
يلا انزلي

_هاي وين جايبني ؟

_لبيتي

_عندك بيت

_طبعآ يلا انزلي لما اسد الباب

نزلت رحت سديت الباب نزلت تباوع للبيت
بناء قديم كلش رجعت باوعتلي ...

_بناء قديم كلش وباع آثار الرمي بي ؟!

_آثار حرب داعش

_الله يلعنهم

فتحت الباب واشرتلها تدخل أبتسمت...
هسه راح انور البيت بضواي العالي

_غير أنتِ الشمس وتنورين العتمة هههههه

_طبعآ هههههه

أول مادخلنا صايرة الصالة كله تراب وسخ غرفة وحدة نظيفة بي وبيها سرير وكنتور ابو نفر وكرسي هذني الأغراض بي من جان صاحبة بي ينام باع البيت وعافهن

_طبعآ ههههه

_هيبتي هذا وسخ
_اي نظفي

باوعتلي بحزن و برطمت شفايفها ...
يهون عليك أني بهاي الكشخة اكعد انظف الوسخ
واتوسخ بدل ماتونس وياك

ضحكت ورحت وكفت كدامها لفيت أيديه على خصرها وجريتها لحضني قوي اباوع بوجهها تباوع بوجي بضحكة رفعت ايديها وحضنتني من اركبتي ..

_مايهون اوسخج بالتراب يهون اوسخج بطريقتي الخاصة

_اروح فدوة لتراب رجليك هيبتي ههههههه

جريتها بوسة من الشفايف كطعت شفايفها تكطع وهي ولاهامها تبادلني نفس الشعور بعدت عنها ...

_وج وين جنتي عني كل هاي الفترة

_هههههه موجودة هيبتي تعال خل اطفي ناري بيك ههههه

بستها بركبتها قوي في حيث خليت بيها
أثر عاطت بصوت ناعم

_اااه هيج اريدك من تبوس تسوي أثر

_تدللين ههههه

نزلت بيها بوس دك وهي انزعت التيشيرت مني وشمرته بالكاع شلتها بحضني ودخلت بيها للغرفة أخذت رغبتي
منها وكعدت ابدل وهي هم تبدل


ادور على التيشيرت ماكو ...
وين التيشيرت ؟

_ههههه بره بالصالة ههههه

_شمرتي بالتراب ؟

_من حركتي ههههه

طلعت شفته بالكاع بنص التراب شلته انكت بي راح التراب بس بقى أثر لبسته واجت حضنتني منورة ظهري
تبوس بكتفي قوي

_دورك تسمعني

_اي احجي شعندج من مشكلة ؟!

فكيت ايديها الزمت ايدها وجريتها للغرفة ...
تعاي هنا نحجي

كعدت فوك الجرباية كعدت بصفي تباوعلي اباوعلها ...
ابو سعيد يريد يأخذ ابني سعيد مني

_اي خل يأخذه

_شنو يأخذه غير أموت بخلاف ابني

_أشوف هذا احسن حل يأخذه عنده انتِ مو خوش ادمية وتشتغلين دعارة باجر من يكبر شراح يكولج
وشراح تكوليله

_غير من ضيمي اشتغل دعارة

_نكول هسه من ضيمج قبل مو جنتي
متزوجة ليش ختني زوجج

_تعمى العين على زوجي جان يحير شيأخذلي يحير شيشتري الي اشو لكمة الخبز حسرة بقلبي أكلها جان معيشني بضيم يرجع من الشغل يكتل ويسب ويغلط
_ليش هيج يتعامل وياج ؟

_هو واحد نكس شترجي منه

_غير افتهم السالفة ؟

_خل احجيلك قصته وراها احكم تساعدني لو لا

_اي احجي خل أعرف قصتج شنو بلا وليش شتغلتي دعارة

_ سالفتي سالفة ابو علاوي

_احجي السالفة ؟

_أني جنت ....واحيدة أمي وابوي ابوي الله يرحمه مات بحرب إيران أمي ماكو وره مااستشهد أبوي بعشرين يوم تزوجت واحد وطلعت خارج كركوك

وعافتني يم خوالي عمري ٥ سنوات هذاك يضرب وهذاك يغلط والولد تتحرش بي شفت الويل وياهم وصرت خدامة بعمر الصغيرون مدرسة سجلوني

للصف الخامس الابتدائي بطلوني صار عمري ١٢ سنة ابن خالي عمره ٢٣ تحرش بي لما امه جان اغتصبني من هذاك الحادث مرت خالي تعاركت ويا

وضربتني أنتِ كحبة أنتِ تشتغلين دعارة من هسه وكالت لخالي أني شامره روحي على ابنه وسوت دراما منن دراما خالي كفر بي كفران كسر ايدي

وقص شعري وأني بريئة والله العظيم بريئة ..

صارت تبجي بكل حركة انقهرت عليها ...
حسبي الله ونعم الوكيل بيهم ...زين شلون
تعرفتي على ابو سعيد ؟

_ابو سعيد جان صاحب المحل ليشتغل بي ابن خالي شافني مرة بالصدفة واجه خطبة شالوني وشمروني اله وأني
عمري١٣ سنة هو عمره ٣٧ سنة

ومتزوج وعنده سبع بنات مرته بس بنات خلفتها المهم تزوجته وشفت الويل ويا من أول يوم الي ويا ضربني موتني من الكتل ومن يقترب لي عنيف ويضرب

بي مرض نفسي كل هذا تحملته وماحجيت صار عمري ٢٧ سنة وماحبلت كفر بي كفران وبالليل جابلي ابن خالي تعاي نامي ويا بلكت تحبلين وتجيبين ولد

يرفع اسمي ويصير وريثي بالمستقبل باع رائد يبيع مرته لرجال غريب علمود يخلف ولد ويسكت كلام الناس
ويحمل اسمه حتلوه مو من عنده !

_تحجين الصدك ؟

_ والله العظيم خلاني أنام وي ابن خالي بالجبار

_ ام سعودي ترى كلامج مايدخل بالعقل

_أدري بيك مستغرب قصتي ومراح تصدك بس والله هذا لصار ربطني بالجرباية وخله ابن خالي ينام وياي وخله كل يوم ينام وياي علمود اجيبله الولد

_ماتدخل بالعقل رجال يجيب رجال ثاني ينام وي
زوجته وين صايرة وين دايرة وين الغيرة

_ياغيرة هاي لتحجي بيها فوك كل هذا
حبلت من ابن خالي وجبت الولد

_كرت عينك يالكواد


_ولك الكواويد اشرف منه هذا خنزير يبيع عرضه

_زين من هو خله ابن خالج ينام وياج ليش تهمج
بالخيانة وكال لكيتها وي واحد نايمة

_ مرة الثانية طلب مني اخلي ابن خالي ينام
وياي علمود احبل واجيب الولد الثاني

_شنو هو مابي حيل يحبل ؟

_ مسوي عملية ومايكدر يخلف

_استغفرالله العظيم عجيب أمر هذا الرجال ؟!


_كلش عجيب أمره

_زين شلون طلقج لعد ؟

_خل احجيلك شسويت بي

_احجي ؟

بوقتها أتفق وي ابن خالي يجي بالليل علية وأني خليته ينام الظهر وجبتله بوري مال حديد كفرت بي كفران
طلعت ضيم سنوات كلها بي

كسرت ايديه ورجليه وراسه كسرته تكسر جانت نيتي اموته واخلص منه شفته غرك بدمه كلت هاهية مات رحت للغرفة اخذت الذهب والفلوس مالته كلها
وسعيد وشردت لبغداد .

_كفوو منج

_عبالك لعد اخلي يطلع سالم هالكواد هالساقط

_ والله سباعية وبت ابوج زين تسوين بي لو مسويتها من اول مرة مجانت حياتج هيج صارت وجبتي
سعيد ابن زنا

_جنت جبانة بوقتها

_زين شلون شتغلتي دعارة

_اووف رحت بغداد سنتين عشت هناك وخلصت افلوس ماعندي درهم أحمر اصرف على نفسي وعلى ابني وهناك شفت مرة بالصدفة عدها بيت للدعرة بالبداية ماقبلت ازني بس طريت أمشي بهذا الطريق علمود اعيش
نفسي واعيش ابني سعيد

_الحياة هي الجبرتج تمشين هذا الطريق

_مو بس الحياة العالم هم جبرتني اشتغل هذا الشغل القذر

_زين مافكرتي تشتغلين شغل محترم قبل لا تشتغلين دعارة

_والله فكرت ورحت أدور شغل ياهو الاكوله أريد شغل يبين الي من ملامح وجه وطريقة كلامة أنام وياج واشغلج ماكو احد محترم يقبل يشغل مرة محتاجة للشغل

وتعرف مجتمعنا كلش قذر وبعض الرجال أشباه بالذئاب كلها من تشوف مرآة وحيدة تحاول تنهشها وتأكلها

_مع الأسف ماجنت أدري هيج قصتج مؤلمة
ومريتي بطفولة صعبة

_الحمدلله والشكر على كل حال

_الحمدلله زين هذا زوجج شله بسعودي

_يريده الكواد

_ماله حق بي

_أنت تكول ماله حق بي

_خل يولي

_والله رافع قضية بالمحكمة علية ويطالب بالحضانه
وعنده دليل أني مو شريفة وراح يسحب
سعودي مني

_يأكل نعل مايكدر يسحبه منج أنتِ لتعبتي بي وكبرتي وشفتي الويل بي يجي على الحاظر حظرة
جنابة يأخذه

_والله اقتله واقتل ابن خالي ومانطي سعودي

_ماعليج أنتِ خليها علية

_جنت واثقه راح تساعدني

_بس بشرط

_شنو شرطك ؟

_تتركين سوالف الدعرة وتتوبين وتصيرين خوش مرة


_والله اترك كلشي بس الكه شغل محترم
يوكلني خبز أني وابني

_أني الكالج

_والله ؟

_اي والله بس خل اخلصج من طليقج الكواد وابن خالج اطلعج لاربيل أنتِ وسعودي وهناك اعرف شخص راح
يساعدج تكسبين لكمة بالحلال

_والله ياريت

_ولايهمج الغالية

اتفقت وياها والمغرب رجعتها لبيتها رجعت للبيت الدنيا ظلمة باوعت على شكلي بالمراية أدور آثار حمرة على اركبتي شفت أثر يادوب يبين جريت كلينس ومسحته .

عدلت ملابسي نزلت أبوي من شافني صاح من مكانة ...
الناس كملت صلاة وجاي اتعشة وانت
دايح وين جنت

_شغل

_شغليش هذا اللي يرجعك ورة صلاة المغرب

_شغل خاص

خليت ودخلت للغرفة شفت زينب .جاي تقرأ قرآن الحمدالله ماشافت حالتي تيشيرت كله تراب وبي ريحة عطر ام سعودي بوجي للحمام نزعت ملابس خليتهم بالكاع

فتحت الدوش اليدوي غسلتهم بالشامبو وشمرتهم بالكاع عود من التعب مابي حيل اعلكهم كملت سبح لفيت منشفة على خصري وطلعت جانت مكمله وكاعدة فوك

الجرباية باوعتلي بضحكة ...
نعيماً

_أنعم الله عليج شلونها اميرتي

_زينة وأنت شلونك تأخرت اشو

_مادامج زينة زين عندي شغل جان ورجعت هلكان من
التعب صدك عود شمرت ملابسي بالكاع
وتبللوا ههههه

_هسه اكوم اغسلهم يلا بدل وصلي لما اطلع الملابس
واروح اصب العشة وي امي وفروحة

رحت للكنتورطلعت الملابس بدلت وكعدت وهي طلعت الملابس راحت تغسلهم رجعت للحمام توضيت واجيت
اصلي كملت صلاة وطلعت جانوا مجهزين العشى


كعدت أكل وياهم أبوي ....يباوعلي بس مايريد يتعارك كملت بسرعة وكمت عدل لغرفة فاضل أتصلت بواحد كلتله تروح لابو سعودي ولابو حسان تكوللها هيج وهيج

السالفة واذا مابطلوا منها راح اشمرهم بنص السجن وهسه تروح لالهم والبيتهم كال تمام .

رجعت دزيت رسالة لام سعودي ...
لا ترجعين لبيتج ابقي بيت صديقتج وإذا اطر
الأمر اطلعي لاربيل الصبح

ردت بسرعة ...
ليش شصاير ؟

_ اخذي بكلامي

_تمام باجر اطلع لاربيل

_بعد احسن

_طمني عود

_ان شاءالله في أمان الله

_الله وياك هيبتي.

شوي واندك الباب صحت ...
منوو

_أني جبت الجاي

_دخلي اميرتي

دخلت زينب تضحك شايله بإيدها كلاص الجاي اخذته من ايدها خليته فوك الطبلة جريتها لحضني رأسن كعدت
وشبكت اركبتي بأثنين ايديها


_رائد

_عيوني أنتِ ؟

_اريد اروح لأهلي

_هسه ؟

_لا على اجازتك الجاية

_الله كريم عود

_عيوني انت وديني والله مشتاقه لأمي ولاخوي واولاده

_ان شاءالله اوديج صدك شصار وي اخوج

_الجلسة الأخيرة بعد يومين وان شاءالله خير

_ان شاءالله لصالحة

_ان شاءالله

بستها بخدها بخفه ...
تعرفين شكد أحبج

_اي اعرف
_لا ماتعرفين

_والله أعرف

_شلون تعرفين ؟

_تركت كلشي سيئ علمود حبي وهذا اكبر دليل على حبك لي


_هذا الأشياء مامرتبطة بحبي الج

_لا مرتبطة

_لاا

_والله مرتبطة لان جنت تحبهم ومن حبيتني تركتهم

_غلطانة

_شلون ؟

_تركت الشرب وصرت اصلي بسبب حلف أمي أمي
حلفتني بالعباس بوقتها اترك الشرب وأصلي

_زين والنسوان مو تركتهم علمودي ؟

_ لا

_شنوووو ؟!

_اي موعلمودج تركتهم

_شتقصد رائد؟

_جانت ماعندي رغبة بيهم ورغبتي انعدمت
بكل النسوان وصارت بيج أنتِ

_اي مو علمودي رغبتك انعدمت بالنسوان
وكارههم لحد الآن

_والله مكاره النسوان

_رائد خبلتني ترى ؟!!

_زينب سؤال ؟

_أسأل

_إذا فديوم من الأيام خنتج شراح تسوين ؟!

_اطلب الطلاق

_بهل سهولة ؟

_اي والله مستحيل أبقى وياك وأنت خنتني

_ترى ماتستاهل تطلبين الطلاق

_والله والسمه الله اتطلق منك ولا اسأل عنك

_والله أحبك أكثر مااحب روحي نفسها بس عندي عزة
نفس ماتسمحلي أبقى وي رجال خاين

_رد فعل عنيفة ست زينب

_ومحتمل اقتلك

_صارت بيها قتل

_اي والله محتمل ماضمن نفسي واقتلك تعرف أنت شكد عانيت بحياتي لما صرت الك وشكد عيروني عمامي وعماتي واخوي مؤمن لحد الآن مايحجي وياي

علمود كسرت كلمته واخذتك أني اشوفك كدامهم فخر لي وإنجاز عظيم شلون يطاوعك قلبك وتخونك
وتكسر بي كدامهم .


_ترى موحقيقة مجرد سؤال

_أعرف سؤال واثقه مراح تخون ثقتي بيك

_ابقي على يقين مابدلج بكنوز الدنيا كلها


_واثقة تعال انطيني بوسة هههههه

باستني بخدي قوي ...
اممممح هههههه

بقيت ساكت واباوعلها بجمود كرصت خدي وكالت ...
يلا حبيبي الحلو اخذ راحتك

نزلت من حضني تمشي ملت رأسي الها وابتسمت
بخفة قبل لا تطلع باب الغرفة كتلها بكل ثقة ...

_زينب ترى ماكو طلاق

وكفت التفتت علية مستغربة ...
طلاق شنو ؟

_حتلوه خنتج بيوم ترى ماكو طلاق وان فكرتي
بإطلاق راح احفر كبرج بإيديه الآثنين .

_رائد تخوني ؟!!!

_ناوو

_ماتحجي خنتني رائد ؟!

_ناوو لو خاينج اكولها بنص وجج قابل خايف

رجعت لي متعصبه بدون كلام منها جرتني من تيشيرتي
بأثنين ايديها بقوى خلت وجهها قريب الوجي
وكالت بكل ثقة...

_أقسم بالله العلي العظيم إذا خايني اشمرلك علاوي
واروح عد اهلي اشوف غيرك مثل ماشفت غيري
وأني على ذمتك .

أبتسمت بكل خبث بنص وجهها بإيد وحدة شمرتها بصفي على الجرباية وصرت فوكها رفعت ايديها لزمتها بإيد وحدة
رفعتهم فوك رأسها قربت وجي على وجهها

وكلت بكل ثقة ..
روحة بيت أهلج تعتبر خطواتج إلى الموووت

_بكيفك أنت

_مثل ماشعلت الحرب على اهلج وعمامج واخذتج اشعل حرب أقوى من الحرب القبلها واقتلج واقتل كل شخص يوكف كدامي اذا الطلاق صار بالنص

_شبي نبض قلبي ؟

_احجي ويامن خايني

_ماخاين

_شنو هذا كلامك لعد ؟

_مجرد كلام اجه بالي وحبيت استفسر عنه

_كلامك بي لعبة وبديت اشك خايني وجاي استفسر
إذا عرفت شراح تكون رد فعلي مو

_آخر همي رد فعلج

_ااااه ولك عوفني .. ولك عوفني ااااه ايدي رائد ايدي

_تطلقين ؟

_بيش طالبنا بالطلاق

_مو تكولين اطلق

_كلتلك اطلق إذا طلعت خايني وأنت ماخايني
بعد عليش مصعب الأمور عوفني
وجعت ايديه .

قتربت شفايفي لشفايفها وهمست ...
تدرين بي ماكدر أتنفس الهوى
بلياج اميرتي

_والله أدري بس عوفني وجعتني

_وجعج سهل هذا مو مثل وجع قلبي من كلتي
اطلب الطلاق واشوف غيرك


_ولك شبيك اليووووم

_احبج

رادت تحجي سكتتها بوسة رقيقة جريت نفسي قبل لا تحجي رجعت بستها مرتين وتلاث وكلما تريد تحجي اسكتها
اخر مرة تعصبت وصارت تقاوم بي

عفتها هي عيطة منها هي لفه بحضني خليتها ضميت راسها لصدري قوي فكرة تتخلى عني مستحيل أخليها تروح
من بين ايديه عانيت هواي لما صارت لي .

حجت بالكوه ...
راح امووووت

_موتي بحضني

_ولك شبيك تخبلت والله اختنكت اختنكت

_هم تفكرين بعد تبعدين عني

_لااااا

_أحلفي مراح تتركيني بيوم

_والحسين والعباس ابو فاضل مراح اتركك ولا افكر
اتركك بس عوفني رائد راح اموووت

_كولي احبك

_عممممممي احببببببببك

_الله شكد حلوة منج كلمة عمي احبك بصياح ههههههه

_يلا عوفني
_صدك اميرتي

_شعندك بعد

_أريد اخذج واطلع بعد يومين لاربيل سفرة نغير أجواء


_مو كورونا

_انعل ابو كورونا خل نطلع نتونس

_اي نطلع بس عوفني فدوة ختنكت والله

رخيت حضني طلعت رأسها عركانة رجعت لزمتني
من تيشرتي بأثنين ايديها جرتني حيل

_وضعك اليوم محير ؟

_اي فيوزات طابكة وعلاج ماكو

_تريد تأخذني على أربيل علمود علاجك ؟

_هم علاج وهم نتونس أني وياج الوحدنا

_منأخذ علاوي

_شلنه بي يشلع قلبنا ويخرب الطلعة أريد بس
أني وياج نطلع نغير أجواء

_احس وراك سالفة

_ايي

_شنو هي احجي

_نسوي شهر عسل تعرفين مارحنا شهر عسل منورة كورونا

_شهر عسل لو مصيبة جديدة

_لا والله شهر عسل

_ وأني واثقة بلية سودة

_صدك جذب ماتثقين بزوجج حبيبج

_اثق بي عقلك واطباعك ماينوثق بيهن بعض الأحيان

_هسه فكي ايديج راح ينشك التيشيرت وتطلعين الصدر
وإذا طلع الصدر راح ابلش بيج هههههه

_دوخر عني

كامت بسرعة من حضني نزلت بسرعة كعدت
اباوعلها اضحك.. وين ياحلو تعال ارجع

_ اشرب جايك واسكت

خليت صبعي بطن الجاي ...
شوفي بارد باعي دا اخوط بي هههه

_اي وشسويلك اشربه واسكت ؟

_جيبي واحد جديد ماحب الجاي بارد

خلت وطلعت حتى ماخذت كلاص الجاي شوي واجت فروحة جاية الجاي اخذت الكلاص الثاني وطلعت بقيت أراسل قاسم اعرف اخباره وشسوه ماسوه وي سيرين .

راسلني رائد .ويريد يعرف أخبار سيرين وشسويت ماسويت وياها هو يدري بي مستحيل افضح بنية مهما كانت غلطانة احب تستر على أعراض العالم

_كلشي ماسويت

_ليش ولك ؟

_ماحب أفضح بت العالم

_اثول لاتصير هيج بريئ روح لبيت أهلها وطكهن بوجه
عمتك كوللها بتج هيج وهيج تسوي

_ولا أروح ولا أكبر الموضوع

_جبان


_مو جبان ماحب أكبر الأمور وأسوي مشكلة جبيرة من شي مايسوى أصلا افتح بي موضوع وهاي هن قابل جديدات عليك لو على اهلهن اتعارك منا يبطلن يوم يومين يرجعن
مثل قبل واسوء احسن حل التجاهل

_والله ابو عذراء ماتصيرلك جارة

_جوز مني

_مبين ضايج خيرك

_طلعت مهمة جديدة تقرف ؟

_لابشرفك هههههه

_اي والله

_ألف مبروك لأول مرة راح تدخل مكان جنت احاول اوديك اله بس ماتقبل الله مايشمرني يمك هسه واشارك بالمهمة تدري بي اخرب على هاي المهام

_ولك ماتبطل من سوالفك المكسرة

_ناووو أحب هيج أماكن

_ومرتك شنو موضوعها لو درت بيك تشتاق للحبيبات

_جاي اموت عليهن وغلاتك

_من الله يطيح حظك شكد عار ماتصيرلك جارة أنت ماتاخذ عبرة نسيت شصار وياك قبل وي ام ساندي

_الله يرحمها ويرحم ميس جانوا خوش نسوان دفنتهم وماكدروا يدفنوني ههههههه

_ولك جوووز جووووز

_اعصابك يول ههههه

_رائد كافي ارحم بحالي

_منو مثل حالك راح تدخل بيت الغاليات امهات روس الغالية والله يشبعنك حب وحنان ودلال ماشايفه عند مرتك
العناد ام راس اليابس ههههههههه

_عندي مرة تسوى كل النسوان افتهمت لو لااا

_ واااااو

_وجعاوووو

_ طلعت وفي مثل الچلب هههههه

_ماكو غيرك انت الچلب

_الچلب مايخون ويوافي الصاحبة اما اني ذئب بس يلكه الفرصة اغدر بصاحبي هههههه

_ألف مبروك زينب خانج چلب الجرب وي ياجلبة
جربة ام شوارع خنت هالمسكينة
ليش رائد؟

_ماخاين

_أقسم بالله العظيم خنت المسكينة احجي ويامن ام
سعودي لو ام اخلاص باربيل لو مديحة

_لحظة مديحة منو ؟

_ولك أنت كل الكوادات الأنبار والموصل واربيل تعرفهن وحدة وحدة تسوي روحك ماتعرف مديحة منو

_والقرآن ماعرفها واول مرة اسمع بيها منو هاي ؟!

_وحدة كوادة من الطراز الأول

_شلون يعني من طراز الأول؟

_هااي شبيك تسوي روحك مطي ماتفهم شي

_اييي غير تفهمني شايفني جوجل وأبحث عن الكلمات
وطلع المعنى دحجي عاد ؟

_أفعالها تلعب سبع أرواح

_شلون تلعب سبع أرواح احجيلي بالتفصيل

_رائد شبييييييك

_وجعععع زرفت طبله أذاني

_مو صوجك صوجي

سديت الخط بوجه شلون ادخل هيج امكان وادي المهمة عاد رحت لعمي وحجيت ويا ماريد هاي المهمة وطلبت يسحبني منها ويدخل غيري بيها اول مرة مقبل

وسولفتله على اطباع مسك بهاي الفترة فدمرة صايرة وعقلها راجع عقل طفلة ماتتفاهم أبد وإذا درت بي داخل مهمة بيها مثل هاي راح تتخارب العلاقة بيناتنه اكيد

_لا تدخل شغلك بعلاقتك لزوجية

_مامدخل بس هي تدخلها إذا عرفت وأنت ادري
بي بت اختك وشلون افعالها

_ترى هاي المهمة توكلت الكم

_سحبني منها عمي فدوة رحتلك أي مهمة سرية ادخل إلا هاي المهمة ماريدها ماريد اهجم بيتي من وراها

_ماشي راح اشوف

_اشكرك عمي ماقصرت وياي

_تدلل وليدي .. لعد شبيها مسك

_نهار كله مشاكل وي امي وام سارة

_خير إن شاء الله

_ام سارة تحرض امي على مسك

_عليش تحرضها ؟

_ علمود شغل البيت واجيك من الآخر ام سارة تريد
العزال وجاي تسوي مشاكل علمود تعزل

_وليش يعزلون بوجه المصخم خوب يعزلون بالتراضي ومسك شلها علاقه تسوي لها مشاكل لو هاي العايزة بت اختي
صايرة مثل الكنطرة ياهو الجاي عابرها

_ان شاء الله تنحل

_محد يحلها غيري وثاني شي مسك تقدم السنة على مدرسة

_لعد عليش درست وتعبت واخذت شهادة غير تتوظف وتاكل من ثمرة تعبها وجهدها وامك مالها دخل بيها امك الها دخل فقط بنفسها وبعيال بيتها مالها سلطة على مسك

واعتقد جان الاتفاق قبل الزواج مسك تتعين بشهادتها والكل وافق شنو هسة تخلفون بالاتفاق وماتقبلون
مسك تتوظف بشهادتها ؟

_والله افرح لها تتوظف بس تصير مشاكل

_انعل ابو المشاكل شنو ذنب بت اختي عدها شهادة وكاعدة بالبيت علمود منو والله عمتها والجنانين مايقبلون والله إذا اطر الامر اخذ مسك عندي واخليك

_عمي

_هذا آخر كلام عندي وخله بالك وصله الامك محد إلا سلطة على مسك غيرك أنت وأني انطيتك مسك الالك مانطيتها
لامك والجناين خدامة تشتغل لهن

مارديت هو اجه اتصال خله وطلع متعصب وضايج حقه يضوج امي مزودتها وي مسك وام سارة كذلك وحقها مسك تدور وظيفة بشهادتها تعبت على نفسها

واهلها كذلك تعبوا عليها لما وصلوها بالدراسة .
#يتبع...

#عشق_أهل_الأنبار_ج٢ ....
#بارت٤

خليت ورجعت للبيت بوجعي لامي كلت احجي وياها وافهمها الموضوع قبل لا التحق للدوام لكيت امي كاعدة بالغرفة تحجي وي اخواتي انتظرتها تكمل حجي

يلا فتحت وياها الموضوع ...

_والله هذا جان كلام عمي

_من حقه يدخل هو جان الوسيط بهذا الزواج وبفضله اخذت مسك واعتقد جان الاتفاق قبل الزواج اخلي مسك تتوظف بشهادتها واحنا خلفنا بالاتفاق هو ضايج من من ورة
مشاكل اللي جاي تصير بالبيت

_والله ماتتوظف مسك لو تطلع نخله براسها
تتوظف مسك اترك البيت وهج

_يمة ليش هيج سوين

_ منو لابنها أني بي حيل اداري جهال تالي عمري

_ تاخذه وياها

_تاخذ جهال وياها لو تدرس اشو أنت طابك وياها
وحاليك الجو مسك تتوظف وصير موظفة

_هي من أساس حاملة شهادة وتستحق التوظيف

_ماكو

_اففف

_اي ماتقبل

_عادي

_والله حاولت وياها ماقتنعت بسالفة التوظيف

_اصلا ماريد اتوظف بعد

_ليش مسك

_ماكدر وصعب اكدر والله منا عندي رضاوي ومنا حامل
جديد ومنا بيت شلحك ومنا ماكو
احد يعيني بجهالي

_لحظة لحظة أنتِ حامل .

_اي بالشهر الثاني

_ليش مكتيلي حامل ؟

_حبيت اتاكد من حملي يلا ابلغ الكل

حضنتها قوي الصدري فرحان بالخبر اللي سمعته منها مامصدك راح يجي اخ او اخت الرضاوي حبيب قلبي ..

_ولج مامصدك هههه

_ههه لا والله صدك راح يجينه وليد لو بنوتة وي رضاوي

_اروحلج فدوة امممح امممح

_ههه على كيفك اكلتني قاسم ههههه

_اليوم اكلج اكل مسوكتي حبيبتي ام جهالي
الحلوين اممح اممح هههههه

_هههه قاسم كافي لا يشوفنه احد شيكول علينا

_شيكول رجال ومرته اموت عليج

_واني هم كافي ولك ههههه

بيناتنه بس يدخل ...

المهم رحنا كلنا لامي فرحت كلش وكالتلها ديري بالج على نفسج هاي الايام وشغل خفافي اشتغلي لما نعزل
ونخلص من هذا البيت الصغيروني

مسك _ نعزل ؟

ام نزار _ اي قررت نعزل بيت جديد

قاسم _ وابوي عنده علم

ام نزار _ اي هذا البيت يبقى النزار وجهاله واحنا وبيت محمد نشيل يم بيت عمك ابو صدام ابوك ومحمد لاكين بيت
قاطين جبير ونظيف كالوا بس ناخذه نشيل

قاسم _ شغير رايج بسالفة العزال

ام نزار _ ماريد مشاكل وشلعان قلب مرتك وام سارة مايتوالمن عاد هي وام ادريس يتوالمن
اخلهن بيت واحد

قاسم _ انسب حل سويتي يمة

ام نزار _ اي .. ارتاحيتي هسة

مسك _ اي

ام نزار _ كتي لامج حامل

مسك _ لا

ام نزار _ شعجب مكتي ؟

مسك _ حبيت اتأكد من حملي يلا اكوللها

ام نزار _ رحتي للدكتورة من ورة ظهري

مسك _ لا وين طالعة مو كدامج اربعة وعشرون ساعة وصيت واحد من جهال فياض جابلي جهاز فحص من الصيدلية سويت الفحص وطلعت حامل

ام نزار _ هاا اي العصر اخذج للدكتورة .. عندك شي قاسم

قاسم _ اي العصر التحق

ام نزار _ شعندك العصر ملتحق ؟

قاسم _ المفروض الصبح ومارحت كلت العمي
كال على كيفك التحق

ام نزار _ هاا يلا اخلي فياض ياخذنه ماعندي شي

مسك _ اي مايكول خطية

ام نزار _ اي هم تتمرضين مثل حبالتج برضاوي

مسك _ الله لايكول عمة والله مابي حيل اتمرض

ام نزار _ اشوف اختلاف هالمرة بداية حملج برضاوي تخربطتي وهسة قوية وجنج صل حية

فرحت من كل گلبي من أمي مقرره نعزل بيت الوحدنا وبيت نزار يبقون هنا أني ماريد المشاكل وشلعان الگلب المسك وبلكت الله مع مرور الايام امي تقنع تخلي

مسك تتوظف بشهادتها لأن هسة اكيد ام سارة وعماتي يوزون براسها علمود لا تتوظف هم مايحبون مسك لأن مو
من عدهن وبت اخت عمي من امه

المهم العصر التحقت لكيت الشله كلها ملتمة رائد كالب خلقته ومتعارك وي محمد وعمر ومصطفى المبتلي خطية إذا تعارك وياهم وشاف مصطفى راح يمهم الله الكتبها

عليك يامصطفى عاد مرافقة بكل خطوة ومايكسر بكلمته يخاف منه ومنا امه موصيه بي يبقى ملازم
رائد ويسمع كلمته

ثاني يوم الصبح صار نزول الرائد ومصطفى ودعتهم ونزلوا صاير عكس دوامي أني انزل هم يلتحقون أني التحق هم ينزلون عمي هيج سوه دوامنه لأن

ابوي تمزلك خفت لا اتمزلك واوكع بالكاع المهم مشيت بحذر من يم النخلة ماحسيت الا الكاع صارت ناعمة كلش ماكدرت اسيطر على نفسي والزم بشي كل همي الزم سعف من

يسعف النخلة لكن للأسف ماكدرت اجلب بي وكعت على بطني وفاتت سلاية من سعف النخلة بطن عيني حسيت بوقتها عيني انشلعت من مكانها اني ونايم على بطني
لزمت عيني بإيدي

كل قوتي نزل منها شي دافي صحت بعلوا صوتي....
وج يممممممة احكيليييي ؟!!!


كعدت على اركبي الألم لصار بيها موطبيعي عبالك نار ومشتعلة داخل عيني كف ايدي انترس دم كمت على حيلي من سمعت صوت أمي وزينب وفاضل

فاضل_عمي شبيك ؟

التفتت عليهم من شافوني لازم عيني بكف ايدي وكف ايدي كله دم امي خرطت وجهها و زينب لطمت على وجهها
بأثنين ايديها فاضل شهك بعلو صوته

امي_عززززة العزززاني صخام الصخمني راحت عينك راحت

فاضل_ عمي شبيها عينك ليش جاي تنزف شصار وياك

زينب صارت تبجي كلمة وحدة ماطلعت خطية انصدمت صحت بصوت عالي بعد ماتحمل الألم ....

رائد _انفكست عيني منورة اهمالكم مابيكم حيل تمسحون الماي تعال طلع السويج فاضل وديني على الدكتور بعد ماتحمل اخخ يمة راح اموووت

امي_من سودة بكصتك ماتشوف كدامك ولك
شلون انفكست عينك فهمني ؟

اجه فاضل يدور بجيب البنطرون على السويج ...
تزحلكت بالطرمة وكعت بالكاع وفاتت سلاية من
النخلة اخخ يمة بعد ماتحمل الوجعععع

أمي _اوووف يمة بي ولابيك انطيني
عبايتي زينب خل اروح ويا

زينب حايرة ماتعرف وين تنطي وجهها بس . تبجي صاحت بيها أمي دخلت للبيت بركضة ورجعت بركضه جايبة عباية أمي طلعوا بيت اخواني على صياحي

وفاضل شغل السيارة كلها مصدومة شلون وكعت وشلون فاتت السلاية بنص عيني يردوني اوخر ايدي ويشوفون
عيني متأذية لو لا عطت بيهم راااحت عيني

جوزوا مني انفكست وخلص اخخ يمة اخخ وينك فاضلللل

فاضل_تعال عمي

من صارت تبجي وتنخي الله والعباس (ع) هناك وين كلت العباس شور بي لأن خنت زينب وي ام سعودي وخلفت
بالوعد لانطيته لأمي حيلي كله صار يرجف


من الخوف من العباس ابو فاضل كلت هاهية راح اصير عور دجال منورة نفسي الدنية والقذرة لتركض وره النسوان وماتشبع طول الطريق الوم بنفسي


شلون خلفت بالوعد شلووون ؟! !


وصلنا الدكتور جان سرى علية دخل صدام شوي وكال يلا فوت فتت بدون سلام كعدت سلم واجه كالي
شيل ايدك سيادة النقيب

رائد _توجع دكتور توجع

الدكتور_دشيل ايدك خل تاكد العين سليمة لو لا وشنو
سبب نزف الدم ؟! على كيف ارفع ايدك

رفعت ايدي على كيف والأم زاد بي ماردت ابين كدامه وكدام الممرضة الويا ضعيف الشخصية وتألم يمة يمة الألم لبيها موطبيعي هاي مو ام ساندي رادت

تشيل اعضائي مو مثل الألم لدا احس .... بي هسه داخل عيني كلشي ماشوف بعيني بس خواش أبيض وفجأة تحول احمر دم نظف عيني الدكتور من الدم

وصار يفحص بي وانظار الأهلي كلها علية أمي دموعها مانشفوا أبد توجعت من جر جفن عيني ردت
اخرطة براشدي اودي اهناك وين

الدكتور _نحمد الله ونشكره الضربه جاية بالبياض
وصاير جرح داخل بياض العين وجفن العين
كذلك متأثر بشكل كبير

امي_دكتور يعني يكدر يشوف بعينه ؟

الدكتور_اي نعم يكدر يشوف بعينه لان
العين سليمة ومامتضره

دكتور_ استغفرالله سياتك من الطبيعي ماتشوف بعينك أول اسباب من الضربه وصاير ضغط على عينك وثاني سبب جنت مخلي ايدك على عينك لفترة طويلة

يحتاجلها وقت ساعات ويرجع النظر طبيعي راح انطيك علاج أستمر عليه مناه الأربعة وعشرون ساعة وراها تعال
لعندي خل تأكد من نظرك

رائد _جاي اشوف غواش فقط وماكدر افتحها

دكتور_لا تفتح عينك راح اسدها الك منا الأربعة وعشرون ساعة تجي لعندي وافتحها الك بنفسي

رائد _اكتبلي مسكن الألم

الدكتور_صار تدلل سياتك

صار يلف بعيني أمي كدامي تخابر بزينب وتطمن بيها مبين عليها جاي تبجي بالتلفون وأمي تهدي بيها وتكوللها والله
مابي شي هسه راح نطلع من يم الدكتور

عيني صاحت امي ...
لا تخلي ايدك ماتشوف الدكتور لافها الك شيك لايدك
لا تأذي عينك فوك ماهي متملخه تملخ

رائد _توجع يمة

صدام_اكو اعز من العين بعد

مرتضى_بس فهمني شلوون وكعت ؟

رائد _الله عاقبني

امي_ليش شسويت ولك ؟

صدام _الله عاقبك شمسوي علمود يعاقبك

مرتضى_شكو ليش ؟

رائد _تعاركت وي مصطفى ومحمد وعمر

فاضل_عمي قابل هاي جديدة عركاتك وياهم والله يعاقبك هذا قضاء وقدر والحمدالله عده على خير
ويعنك سلمية

رائد _الحمدالله على كل حال

رجعنا على البيت خطية زينب جانت بره تنتظرنا من شافتني صارت تبجي من ودها تحضني كدام اخواتي بس استحت طمنتها عن نفسي ودخلنا جوه أبوي

كب بوجي ...
اثول اعمى ماتشوف كدامك ؟

رائد _لا أعمى ولا اثول بس أنتو تعلموا من تغسلون السيارة امسحوا الماي مو تعوفونه وتخلون العالم
المسكينة تروح بيها ،

أبوي _وأنت ماتشوف ولك كل عين هالكبرها
جنهن عيون الهايشة

رائد _هسه كلي شلونك اخبارك مو متلكيني
برزايل عبالك زعطوط كدامك

ابوي_اعرفك عار ميصير بيك شي

رائد _وابشرك العار ماصار عور دجال هههه


ابوي_حرامات لو صاير عور دجال

أمي _فال الله ولافالك بيش طالبه يعور مال
تعور اعدائه روح يمة استراح

عفتهم ورحت للغرفة زينب وراي دخلت وسدت الباب
وراها بدون كلامات صارت تبجي وتجت
حضنتني كل قوتها

_رائد متوجع ؟

رغم ألم البي بادلتها الحضن كل قوتي ...
لا مامتوجع لتبجي أميرتي أنتِ هو
جرح بسيط

_شفت عينك تنزف دم بكثرة وعينك الثانية تبجي
مبين عليك الوجع والله متوجع وماتكول

_هسه حتلوه متوجع قابل راح تحملون الوجع بدالي هههه

_والله مستعده احمله بدالك


_ماقبل أني تتوجعين مثل الوجع لبي

_يعني يوجع

_ماكو شي مايوجع بالحياة يلا قلبي بعدي
شوي خل اشوف وجج

بعدت عني تمسح بدموعها ...
فديتج صرتي مثل البزونة هههههه

_مو وكت شقاك باع عينك ملفوفه

_اي والله جان صرت عور دجال هههههه

_فوكاها يضحك ؟

_لعد ابطل مااضحك طلعيلي دشداشة اريد ابدل

_سلامتج اميرتي

_أني طالعة اسوي العشى شتحتاز صيحلي

_هاهية من تطلعين طفي الضوه

_صار تدلل

راحت طفت الضوه وسدت ... الباب خليت ايدي فوك عيني من الوجع عيني الثانية تكد دموع حالي حال الضلايم صار أريد أنام ماكو نوم عيني مايجيها نوم

واحس بزينب كل . شوي جاية لعندي ماتسوي حركة بس تطمن وتطلع اووف توني غفيت من الم وسمع عيطة
فطيمة وابن اختي فهد تعاركوا

فطيمة_ اكسر رأسك

فهد_منو يكسر رأسي أنتِ طولج بطول
انعالي تعال خل انعل ابو الخلفوج

اجت أمي تهلهل ...
انعل ابوكم يابو الخلفوكم ساعة السودة لجيتوا بيها خالكم مريض تعبان وأنتو تتعاركون وتصيحون تعالوووا
اررريد انعل ابوكم يابو الهدفوكم

جملتها أمي عود تسكت بيهم وهي تصيح أخواتي كذلك عياط وصياح منورة الجهال كعدت بفراشي روحي بخشمي صايرة أريد اطلع اكتل الكل من اخواتي للجهال

من عده أمي وفطيمة وزينب .

انفتح الباب على كيف عرفت بيها زينب ...
رحمة والديج زينب شغلي الضوه

شغلت الضوه ...
أول ماطلعت من غرفه هم اجوي
خطية بالهم عليك

_خطية بالهم عليه وجايبين فوج العورة كله بلا
هذا شبي ابن القندرة فهد وي فطيمة
خوما ضربها ؟


_هسه أنت شايل هم فطيمة مكتوله لو لا دباع
حالتك عينك الثانية صايرة جدح نار

_كلشي مابي أني فطيمة خوما كتلها ؟

_لا والله ماضربها راد يضربها وامي سهاد جبته
جب بالنعال وهسه شارد يم ابوي

_هسه اطلع وانعل شيب الخلفوه مايكول خالي الكلب
ابن الكلب مريض وتعبان اجي اهلهل
وتعارك وي بنيتي

نزلت بالكاع ردت اطلع ...
رائد فدوة رحتلك لا تخلي عقلك بعقل
بفهودي ترى فطيمة العالت

_شسوت بلا المسكينة

_جبت الماي فوك راسه

_ماتأذي أحد أعرفها هو سوولها شي وردته اله

_هسه هم جهال عوفك منهم واطلع سلم
على اخواتك والجناين

_ماشاءالله الفوج كله ملتم عدنا هههه

_اي ههه

_وكلها على العشة باقية

_كل الهلا بيهم

_زين عماتي وعمامي مااجوي خوالي ماجوي ؟

_بس اتصلوا وكالوا بالليل نجي

_زين

طلعت بره تلكوني أخواتي والجناين سلمت عليهم اجت فطيمة من شافتني لاف عيني ضربت على خدودها
وكلت عزززة منو ضاربك بعينك خالو

حركاتها مثل حركات .... امي رأسن تضرب الخدين وكلمة عزززة ماتوكع من حلكها كاعد وياهم على نار أعصابي صار ساعات من انضربت والألم بدل مايخف

جاي يزود بالزايد ولاجن انطاني مسكن الألم حتى عشة ماكلت وره العشة اجوي عمامي وعماتي ومحمد ومصطفى كاعدين بصفي مخليني بالنص محمد يصنف

محمد _تدري تتشبه منو

رائد _عور دجال

محمد_ولك لا تذكر جد لينا بكرتون عدنا ولينا نسيت
اسمه والله هو يشبهك طبق الأصل هههههه


مصطفى _قصدك الدكتور رامي جد لينا هههه

رائد _مصطفى

مصطفى _آسف والله مو قصدي اصنف عليك

محمد_ اي هوو ههههههه

رائد _انجب ابو الكحاب

محمد _هههه والله تخبل صاير عينك حمرة دم
والثانية مضروبة بلاستر ههههههه

رائد _لما الخطار الموجود جان كمت كفرت بيك كفران
وشلعت عينك وابقى أني اصنف عليك
حيوان انجب

مصطفى _عيب محمد كافي

محمد _ ولك تذكرت هم تشبه منو هذا بفلم القراصنة شنو جان اسمه بلا وياي ابو الصوف

مصطفى _جووز مني

رائد _محمد راح اكوم اشيل الطبلة هي
والستكاين الجاي ودكها فوك رأسك

محمد _سكتنا هههه

بقى يضحك ويصنف لكاها .وليه علية الكلب وماكدر ارده عيب مناك عمامي وخوالي وياها كم شخص غريب
اصدقائي والله وشوي ويدخل عمر

اول مشافني كتم .. ضحكته محمد الساقط كام يطك اصبعتين اجه الساقط مالته راح ينصبون حفله برأسي اليوم ويطلعون شكو دكة ناصة سويتها بيهم

سلم وكعد بصف محمد كل ساع يباعون ..علية ويضحكون كوه كوه لازم أعصابي آخر شي كمت كعدت بصف عمي بالكاع بعيد عنهم بس ابقى وياهم وباوعلهم راح

اكلب الكعدة عززة باوعلهم يسوولي حركة بعيونهم عود اعور مسحت حنجي متحلف الهم حلفت بس اطيب واروح للدوام الا اسوي بيهم دكة ناقصة
استغربت قاسم ماتصل ولا سأل سألت عمي ...
عمي لعد قاسم وين لا اتصل لا سأل ؟

_قاسم مايدري

_وليش مكتوله

_والله ياعمي عدهم مهمة صعبة كلش وإذا دره
راح ينشغل باله عليك ومايركز بالمهمة

_هم صدك .. عمي

_هاا

_إذا ماتصير زحمة كوم اطرد عمر ومحمد من الاستقبال

_ليش اطرد ؟

_بس باوعلهم بطرف عينك وشوف شلون يستهزئون
بي ويسوون حركات العوران عود
أني اعور

باوع بطرف عينه حسوا الساقطين بالنكره وصاروا
يشربون جاي وسووه نفسهم يسولفون
رجع باوعلي ... وينهم ؟

_حسوا بالنكره عوفك منهم صدك شخبار
فائق وين ماوين صفى بي الدهر

_انقل بالموصل خله يتربه هالكلب علمود مرة الثانية مايقلل من شأن الجندي والضابط لاصغر منه حشاك عمي بعض الضباط انجلبت جلب يهمش هذا ويهمش هذاك

_اي والله

بقيت احجي ويه عمي بعد ماراح الكل كمت رحت لغرفتي اجه صدام خلالي قطرة بعيني ورجع لفها شاخت روحي للستار نار نار وشتعلت بيها بقيت اجر بالجرجف

الجرباية من شدة الألم.

رجعت نمت على ظهري ماكدر أنام .... اتقلب يمين شمال طفت الضوه زينب ونامت بصفي

_بعدها توجعك ،؟

_اففف كلش توجع

_بي ولابيك ان شاءالله

_بيش طالبة روحج بالألم؟

_لعد اشوفك تتألم وأبقى صافنه عليك لو
يتحول الألم احوله منك الي ْ

لف رأسه ونام صوت تلفون زينب صار
يأذن أذان الفجر اجت سدته ...

_ماتصلي

_ماكدر ادنك

_حتلوه صلي هن ركعتين كوم توضى

_شلون اتوضى عيني مجروحه وملفوفة
عود من اطيب اقضي صلي أنتِ

رجعت لفراشي ماردت راحت توضت واجت .. ... تصلي اباوعلها وابتسم رغم وجعي يوم بعد يوم دا تثبت تحبني
أكثر وأكثر كملت صلاة كتلها تقبل الله

أبتسمت بوجي ...
تقبل الله منا ومنكم صالح الأعمال ْ

ثاني يوم رحت على الدكتور فتح عيني وفحصها كال زينة مابيها شي والجروح ناشفه كلتله دكتور ماجاي اشوف بيها زين كله خواش كال من الطبيعي لان ملفوفه

محد كالي أنت متعرض لحادث ....وعينك مضروبة هاي مسك كالتلي من اجيت للبيت اسلم عليهم عذرته عنده مهمة
صعبة لازم يلزم إرهابية خطرة جدآ


وتجار مخدرات ِ ودعارات أصعب مهمة يحسها قاسم
بحياته كلها سألته شسويت ماسويت ؟

_والله جمعنا عليهم معلومات وبعد الله كريم

_ان شاءالله تلزمونهم

_ان شاءالله يلا أني اترخص هم يلا اروح لشغلي

_الله وياك

راح قاسم اتصلت ام سعودي انطيتها رفض ودزيتلها رسالة ...
لا تتصلين الا أني اتصل بيج

دزت رسالة بسرعة ...
تمام شصار وياك ؟

_شلون ماتدري مو كلتلي البارحة رايح تشوف الولد ؟

_تفوو عليج وعلى كصتج الزفرة من وراج
البارحة عيني جان انفكست

_ليش شصار وياك ؟

_طلعت اشوف الولد وتزحلكت رجلي بالطرمة وكعت بالكاع وفاتت بعيني سلاية من سعف النخله

_وشصار بيك خوما انفكست ّ

_والله لو مفكوسه عيني جان فكست عينج وعين كواويدج

_يعني سالمة

_الحمدلله والشكر

_الحمدلله على سلامتك ابو علاوي الوردة

_الله يسلمج انطيني مجال اتصل بالولد واردلج
الجواب صدك أنتِ وين هسه؟

_باربيل

_لا ترجعين منا للمغرب وادزلج عنوان صاحبي روحي
اشتغلي عنده وكوليله أني من طرف رائد
سلام تمام

_تمام عيوني

رجعت أتصلت بالولد بسرعة رد ...
هلأ سيدي شلونك ؟

_الحمدلله بشر شصار وياك ؟

_تمت المهمة بالنجاح الزلم اثنينهم طفروا واحد صار
يذب الوم على الثاني وطلعت السالفة وراها
سالفة ثانية

_شلون ؟

_جانت الخطة ياخذون الطفل علمود يستفزون ام
سعيد بي ويطلبون منها فلوس

_انعل عرضهم هذولة خنازير مو بشر

_ اي والله خنازير

_سجلت كلشي مو ؟

_نعم سيدي

_زين دزلي كلشي وان شاءالله بالليل
مر بي للبيت واخذ حقك

_ان شاءالله سيدي

_الله وياك

_في أمان الله

تعاركوا واحد يكول لثاني أنت كلتلي اقيم عليها دعوة
وطالب بحضانة الطفل علمود نأخذ منها افلوس
ونبيع الطفل الها .

يرجع ابن خالها يكوله لا والله أنت كلتلي خل نخطف الطفل ونطالب بفدية منها سوالف مو سوالف طلعوا الاغبياء واحد يريد يخلص نفسه بس مايعرف

شلون دزيت كلشي لام سعودي وكتلها هاي اجت الايدج الأغبياء اعترفوا بكلشي ارجعي للانبار واشتكي عليهم
واخذي حقج منهم واخذي حق أيام زمان

مو تكولين مجان عندي دليل وأخاف اشتكي عليهم هسه
اجت الايدج لا تضيعها وأني بظهرج
ساندج وحاميج .

دقائق وردت ...
عاشت ايدك ابو علاوي على هذا الإنجاز هسه الم جوالاتي واجي للانبار والله العظيم الا اطيح حظهم واخذ
حقي من عدهم هل انذال .

بالليل اجت زينب كعدت بصفي خلتلي قطرة بعيني كالعادة
نار وتشتعل بعيني رأسن تمددت على
ظهري وكتلها

_تعاي اكولج سر زينب

_سر ؟

_اي بخصوص علاقتي بام سعودي


_ليش شنو علاقتك بهاي المرة ؟!!

_علاقة قوية كلش ودي القطرة وتعاي احجيلج السالفة

_اممم

#يتبع ...