_يلا ان شاءالله عن قريب يختفي الجفاف هههههه

_ان شاءالله يلا روح نام لا تبقى سهران

_تصبح على خير عمي

_وأنت من أهل ابخير بعد عمي باي

_اممممح اممممح

بقيت اعيد بالمقطع اكثر من مرة والابتسامة مامفارقة وجهي أبد ثاني يوم الصبح رحت يم الربع كلها تسولف وأني صفنت تلقائي نفسي من تذكرت المقطع شلون تضحك

وي امي طلعت من شرودي من صاح بي قاسم ...

قاسم : هييي رائدنا تعال وقع علمود ننزل

رائد : جاي

رحت وقعت وراها اخذت اغراضي أني وقاسم ونزلنا للبيت وصلت البيت سلمت على اهلي وطلعت الغرفتي
سبحت وبدلت وتمددت فوك ظهري

بالليل اجني عماتي كلهن كاعدات ويضحكن وأني باوعلهن واضحك ماشاء الله عندي عمات اشحده الأفاعي تنافسهن بالسم وحدتهن تعادل عشرة افاعي كوبرا

وأني عربيد اسود وكاعد بنصهن سبحان الله طالع عليهن نسخة الثانية بالخباثة والمكر ...

عمتي كوثر صافنه بي ابتسمت لها وكتلها ...

رائد : لا تصفنين كويثر أني مو حلو لا لصفة بيه

كوثر : نهجم بيتك رويئد كل هذا الحسن والجمال
والهيبة وتكول مو حلو ولا لصفة بي

كوثر : ابو صدام لا تحجي عليه رائد خلقة واخلاق وشحدة زلمة من عنده يمثله لو يوصل لعنده

ابو صدام : لا خلقة ولا اخلاق

كوثر : ماسمحلك

ابو صدام : سمحتي ولما سمحتي هاي حقيقته الحلوة

كوثر : ماضيه مو حقيقته باوعله شحلاته جنه
ملاك بدون جناحات وكاعد

ابتسمت لها ابتسامه عفوية ابوي يباوعلي بتك حاجب ماعاجبه الكلام عمتي كوثر احجي عليها بس لا تحجي
علية تموت علية برغم اموتها من الكتل

وارزلها هي ورجلها ولدها بس تبقى تعشقني ..

ابو صدام : شيطان اخرس هذا

رائد : قلبك خالي من الايمان ابو صدام ههههه

ابو صدام : تحبينه تردينه مني الج هدية اخذي
شايفة شره لأن هو ذره خير مابي

كوثر : يمة فدوة احلى هدية الله رزقني بيها .. يلا بعد روح عمتج لم هدومك وتعال اسكن يم قلب عمتك

ابو مصطفى : ولج اكعدي تردين تهجمين بيتنه بهذا البلوة

كوثر : بلوتيش اشو أنت هم صاير ماتعرف تحجي

رائد : والله الله بلاكم بلوة بس هو اليدري بيها

ابو مصطفى : أنت اكبر بلوة مادري شلون مستح ملينك اهلك

رائد : اسكت ابو صلعة لو اكوم المع صلعتك ...
أني طالع معتازات شي حبيباتي

ابو صدام : ادبسززز اعتذر من عمك

رائد : على جنازتي

كوثر : لا سلامتك هيبتنه

رائد : بس أنتِ علم ويرفرف كويثر الحلوة ... بشرفج عمة شفتي بابو صلعة واخذتي دباوعلي صلعته تلمع لمع
مثل بطن جف ايدج الناعمة الحلوة

كوثر : هههههه

ابو صدام : ولك تريد تهجم بيتي

ابو صدام : رويئد اطلع وجفينه شرك وبلائك الاسود

رائد _ والله عمي هنيالك ابو صلعة اخذت عمتي وخليتها بحضنك وتشم بعطرها وجفوفك تلتف
حيل وتلف بخصرها

كوثر : عزززة هههههه

ابو صدام : لا ياساقط على هالسواية

ابو مصطفى : من يوم يومة واحد ساقط وقليل الأدب ماتخجل على نفسك تحجي هيج حجي
كدام النسوان والزلم والجهال

رائد : ناو

خليت وطلعت اضحك كبت العيطة وراي عمتي تدافعلي وامي توها طلعت من الغرفة اسمع بيها تكوللهم شنو ماتعرفون رائد وسوالفة وياكم هسة جايكم جديد وتحجون

ماقصده غير شي وهذا هو يحب يشاقة وياكم
الله اكبر من الحبة كبة تسوون

عاد خلوا وسكتوا شلون اثنين عندي .... دفاع الي امي سهاد وعمتي كوثر اخذت السيارة وطلعت بره افتر بشوارع الانبار وبالي كله يم زينب صاير اريد اشيلها

من بالي ماكدر طبعت طبع وهاي اول مرة بحياتي كلها
تطبع بنية بالي طبع مثل زينب طبعت وعشعشت
جوه قلبي تعشعش ...

مسك "حالتي فدمرة صايرة وي الحمل روحي بخشمي صايرة واربعة وعشرون ساعة مريضة وضعي مخربط اجت عمتي ام ريتاج تباركلي عود بمناسبة الحمل واحنا جانت عدنا عزيمة بالبيت وبالمضيف والكل مجتمع عدنا
جايبة ريتاج وياها وجاية

اجت ريتاج وكفت كدامي وبكل صلافة كالت ...

_ الحجي بيناتنه ترى رائد صاك وبايك ضوه من
ضوه الكمر باليلة كمرية

_ريتاج جوزي

_ماجوز اعشگه

_خل اكلج هذا اللي تعشکي عشگان غيرج

_بطلي جذب

_وغلات طفالي اللي بعده مااجه للدنيا رائد عشگان

_عشگان منو ؟

_ عشگان زينب بت الحلة

_زينب بت الحلة منو ؟

_تصير اقارب واحد من اصدقائه الجنود

_بطلي جذب ادري بيج تردين الخير بس الج

_ ماتصدكين روحي اسألي وشوفي شيكولولج مو يحب
وحدة اسمها زينب من الحلة وتكون من طرف
امه الجميلة سهاد هههههه .

_كافي جذذذذب مسك توج تكولين تصير اقارب واحد من اصدقائه وهسة من طرف امه سالفتج سحر وخربان
حتى جذب ماتعرفين تجذبين

_ فوك مااكوللها الصدك ماتقبل ام الوسخ

_ماكو غيرج أنتِ ام الوسخ

_دباعي جني قشطة هههههه

_قشطة فاسدة

خلت ودخلت جوه معطبة بقيت اباوعلها واضحك فوك ماكوللها رائد يحب وحدة معاجبها الوضع حقيرة المهم
خلصت العزيمة واني مامادة ايدي بشي

اجت ريتاج لعندي جنت واكفه يم غرفة عمتي ...
انطيني معلومات على زينب

_يازينب ؟

_هاي ليحبها رائد

_هسه يلا اقتنعتي يحبها

_ اي امه كايله لأمي وتريد تروح تخطبها له الأسبوع الجاي

_ وأخيرا ان شاءالله ينطونها له ونفرح بي ههه

_حيوانه شتفرحين أني اريده بسرعة انطيني
معلومات عنها وبيى قسم
بالجامعة تداوم

_وشمعرفني بيها أني

_مسك لا تجذبين وانطيني معلومات عنها إذا مانطيتيني بالقرآن تشوفين شي مني مراح يعجبج
الافضل انطيني

_تخوفيني ولج ؟!

_ ايي انطيني

_مااخاف منج ولا من أمثالج ماانطي ولا معلومة

_أني اعلمج لعد

_دروحييييي ام الولد احجي على نفسج لاحكة رجل يحب وحدة شبيج أنتِ شبيج ماتكليلي شبيج

_عشگانة شبي عشگانة ماتحسين بالشخص
ليعشك شيصير بي

_وهذا عشگج حرام وغلط حبيتي الرجل الخطأ

_لا مو خطأ أنتِ ماجاي تساعديني اوصل له

_شسويلج أني مثلا اروح اتوسل بي تعال اخطب بن عمتي تحبك عيب بابا عيب هذا التصرف أنتِ بنية بنية وحلات البنية بثكلها ورزانتها فهمي الرجال يكره
الخفيفة ويحب الرزنة .

_قصدج أني خفيفة مسك ؟!

_بدون زعل أخف من الريشة

_حقيرة أني اعلمج مسك اذا ماخليتج
تندمين فلا اطلع ريتاج

_ دروحي بابا روحيييي هههههه

مشيت من يمها اضحك بعد ماراحوا دخلوا كل الولد خالي متعصب ماعرف ليش رائد ومحمد ملابسهم كلهن وسخ ماعرف شصاير وياهم وكفوا كدام خالي

ابو فياض : أني شكلت رائد محمد ؟!!

محمد : رائ....

خطيه بعده ماكمل الجملته جابه براشدي خالي فر وجه فر رائد كتم ضحكته وجان يجيب رائد بالراشدي فر وجه فر
كلها صارت تخاف ..

ابو فياض : الف مرة اكلت ... وكلت قنادر كلشان لا تسووون مشاكل كدام الخطار فضحتوني عريتوني كدام الخطااااار ولكم أنتو شنو زعاطيط لو ضباط لو كبار أنت
محمد متزوج

وخلفتك بطولك وأنت الثاني اكبر مني ومن الخلفوني شنو هالتصرفات الطايشة شنووو

ابو فياض : انجب كلمة ماريد منك هسه ترحون وتغسلون المواعين عقاب الكم وتعزلون المضيف يلا
كدامي عارات زعاطيط كدامي

رائد " منورة محمد انسحلنا كدام النسوان والجهال اكلنا كتله معدلة وعقاب ننظف المضيف وغسل الماعين سوانه نسوان مشينه رجع جرني من جتفي عبالي راح بضربني

راسن فزيت وطفرت من عنده ...
من تخاف ليش تسوي مشاكل ؟

رائد :والله محمد جنت واكف ماحسيت الا وشامر
عليه سطل مي خابط واني رديتها له

ابو فياض : بارك الله بيكم الله يكثر من امثالكم

طلعنا بدون كاف لأم اباوع المحمد خربان من الضحك واني روحي بخشمي صايرة دخلنا المضيف هوسة وركع جيلات محمد صار يشتغل الجهال جابوا الماسحات

محمد صار يشتغل ويكول ...
رائد اشتغل هههههههههه هههههههه دك
شغل ههههههه دك

بدون كاف لام شلت الماسحة رحتله بسرعة خاف
وحشر نفسه بزاوية المضيف....

محمد : بالقران تعبااااان رائد ااااخخخخ رائد اااااخخح الحكوليييي ااااخخخ ولك كلب اااخخخ

كسرت على ظهره الماسحة دخلوا الولد صاح قاسم ...
خررررب بيكم اجه عمي

ربسرعة طفرت خايف منه ....
ويننننه ؟

محمد : انعل ابوك كسرتني

رائد :ابن الكلب سامطين أهل اهلك بالجيش
هاي الكتلة بسيطة وين عمي ؟

قاسم : وتالي وياكم أنتو ماتبطلون

رائد : هو مايكعد راحة مني شسووووي

قاسم : كافي ولكم كافي ويلا خل نشتغل وياكم ونخلص الشغل اذا نبقى وياكم منا السنة ماتكملون بوكس صاعد بوكس نازل ومكسرين المضيف وعمي
يخلي الفشك وراكم طشار

رائد : هههه اي يلا محمدنا اشتغل ههههه

محمد : مثل الثور وهجم علية عمت عينك كسرت
ظهري يمكن ااخخخ ظهري

رائد : بطل جذب تواثي مكسرين على ظهرك بالجيش هسه جاي تكلي عصا ماسحة اذتك اذكرك شجانوا يسووون بيك هههههه تذكر قاسم من رجع محمد من التدريب
صار يبجي هههههه

قاسم : خرررب ههههههه

محمد : وانت عاد شرمتها

رائد : وغلاتك منشول وخشمي يخرخر ماكو شي امسح خشمي بي عاد مسحت خشمي بظهر
قاسم بوكتها هههههههه

قاسم : احلف ؟!!

رائد : والله العظيم ههههههه

محمد : ههههه لاعبين بيك فلق قاسم وماتدري هههههه

قاسم : عمت عينك بلا هاي شوكت ؟

رائد : بالمرحلة الثالثة من طلعنا الصبح تدريب ههههههه

قاسم : طاح حظك شكد وسخخخخخ

رائد : ههههه لا تقترب اثول والله اسويك
عصير برتقال هههههه

محمد : يلا الكل تلتم على رائد خل نبسطة بسطة معدلة

رائد بسرعة شلت طبلة الكزاز الهم ملتمين علية ....
اخو اخيته ليقترب اسوي الكزاز
طشاركم هههههه

الكل تطشرت من سمعت صوت عمي ....
كملتووووا

أني نزلت الطبلة وسويت روحي اعدل بالمخاد قاسم
البقية كلها تسوي روحها تشتغل دخل عمي
يباوع ويخزر ...

ابو فياض : كملوا بسرعة وراكم غسل الماعين

رائد : ان شاءالله عمي

ابو فياض : خفوا ايدينكم شكد بطئين

رائد :محمد مصطفى قاسم خفوا ايدينكم شبيكم
عمي بسرعة خل نخلص الشغل

كلها صارت تشتغل على السريع وأني كاتم ضحكتي كلها متحلفه بي عمي كعد خله رجل فوك رجل شعل جكارة ويراقب يدري بينه راح نتعارك كملوا الشغل
طلع وكال وراي

كلها وراه كعدنا نغسل بالماعين يامكثرهن ...
هذا العقاب يلا الكل تتعاقب لان جنتوا
عميان منهم .

الكل كعدت تغسل ماعين دك وكاتمين ضحكاتهم فاضل يصور ويضحك يصيحون لا تصور عاط عمي

ابو فياض : صورهم مو يستحون من غسل الماعين ومايستحون من العرايك كبال
الخطار افضحهم فاضل

فاضل : عد عيناك جدي

رائد : نزله فيس بوك وسويلي تاك هههههه

رائد : مو جاي اجلف الماي بارد جيبوا ماي حااار شبيككككم

ابو فياض : جيبولهم مااي حار الدهن مايطلع يلا
جدو جيبوا الماي وجيبولي كرسي اكعد

محمد : ادري عدنا مداهمات ههههه

رائد : مداهمات على الماعين هههههههههه

ابو فياض : ويكتلك القهر يضحكون عديمين الإحساس
أنتو منين مخلوقين انتو مادري

رائد : طين وماي ههههه

محمد : لعد من بانزين وتيزاب هههههه

اباع الايديني جرشوا من البرد صارو مثل القلب ويدك قاسم بس مايريد يبجي مصطفى والبقية واني ومحمد فطر
خربانين ضحك عمي يراقب ويضحك بسكوت

_عمي غسل المضيف والماعين علينا حظريلي
ماي حار جرشت ترى

_وانت شعليك ؟!

_هذا عمي من واحد يغلط الكل تتحاسب يلا ماااي اااففف اففف يمة البرد اااافف الله لاينطيكم محمد
ورائد اااافففف يلا بسرعة الحماااام

_هههههه هسه ادخل قبلي هههه

دخلت الحمام جابتلي الملابس سبحت وطلعت نشفت شعري الخفيف بالشسوار وطفرت للجرباية صحتلها تجي عندي
ميت برد طفت الضوه واجت لعندي نمت
بحضنها بردان

_حضنيني قوي بردان

_بالكرش هههههه

_حتلوووه ااففف يمة البرد يمممممه

_عود هاي انت العسكري هيج تبرد هههههه

_عسكري مو اغسل ماعين بره وبالماي البارد
وتنكعت من رأسي لرجلي

_ههههه شلون غسل الماعين ؟!

_يمووووت !!

_وتكولون النسوان شنو شغلجن هو غسل ماعين
وتنظيف البيت وتصيحن وتتعاركن ههههه .

_متعب ههههه

#يتبع ...

#عشق_اهل_الانبار_ج٢ ...
#بارت١٨

زينب جنت بالدوام انتهت كل المحاضرات طلعت كعدت بره جو شوي دافي وشمس بقيت كاعدة الوحدي معندي
صديقات كلهن تنافرن عني

علمود احب الكوريين يكولون عني المعقدة والمتخلفة اما الولد ماختلط وياهم أبد من ادخل للقاعة سلام مااسلم
عليهم هم بطريق وأني بطريق

لأن بس انطيهم مجال لو عين ياكلوني اكل اباع للبنات
وياهم دهن ودبس عبالك اخوانهم مو زلم غربة عنهم
شيماء جانت وكفة وي بنية

اول مرة اشوفها بالقسم عدنا جانت لابسة قبوط قصير
جوزي وبنطرون اسود وشال اسود مشجر شعرها نصه
طالع عافت شيماء واجت بتجاهي

استغربت هاي اجت تجاهي لو لا ...

وصلت لعندي وكفت مقابيلي تباوعلي برود ...
أنتِ زينب علي من الحلة ؟

_ نعم أني تفضلي أختي؟

_دام فضلج عيني اريد احجي وياج عادي اكعد يمج ؟

_اي تفضلي

شلت كتابي والجنطة كعدت بصفي ...
اجيت احجي وياج بموضوع مهم
ويخص حياتج ومستقبلج ؟

_خير ان شاء الله ؟!!!

_اول اعرفج على نفسي اسمي ريتاج

_اهلا وسهلا بيج حبيبتي

_ اممم ماعرف شلون ابدي وياج بالكلام

_احجي ترى اخذتي قلبي ؟!

_الموضوع يخص ضابط بالجيش اسمه
رائد سلام هذا الولد

_من وين تعرفين الولد أنتِ؟!

_الولد يصير ابن اقاربي

_وهسة شتردين مني ؟!

_ماريد شي بس اجيت انبهج منه

_شنو تنبهيني منه وأنتِ اقاربه احجي
شتريدين مني بالضبط

_والله ماريد شي ولا تتاخذين عني نظره سيئة اجيت اكلج رائد يريد يتقدملج ويخطبج هذا الأسبوع ديري بالج
تقبلي بي ترى تدمر حياتج

_شنووو ؟

_اي والله الولد أبد أبد مو زين عنده سوالف طايح حطها مامخلي بنية بالمنطقة مامكبل وياها ويروح لأماكن مشبوهة وغير محترمة تالي الليل ويشرب خمر وغيرها
وغيرها عنده من سوالف

_شنووو ؟

_اي والله الولد أبد أبد مو زين عنده سوالف طايح حطها مامخلي بنية بالمنطقة مامكبل وياها ويروح لأماكن مشبوهة وغير محترمة تالي الليل ويشرب خمر وغيرها
وغيرها عنده من سوالف

_ليش تشوهين سمعة الولد ؟

_ماشوه سمعته هاي الحقيقة وقبل جم سنة انخطف من قبل دعارة اسمها ام ساندي جان يروح عدها بين فترة وفترة والدعارة طلعت تشتغل وي داعش

وخطفته ورادت تشيل اعضائه وتشمره بس انقذوا بلاونة الأخيرة وإذا ماتصدكي بي اسألي ابن خالتج جلال
هو جان بعملية الإنقاذ بوقتها.

_منو دزج ؟!

_ماكدر اكول بس كالتلي خل تأخذ حذرها من رائد
وامه جاي تمثل حبها الج كله علمود تقبلين
بأبنها الفاسد

_وشنو مصلحتها بتحذيري

_اممم حكلج كلشي بس فدوة لا تجيبين طاري
الكائن مايكون خليها بيناتنه اوك

_اوك

_أختي الجبيرة تصير خطيبه رائد للأسف خانها وي وحدة او نكول وي ألف وحدة من كشفنه حقيقته القذرة هو إنسان فاسد اخلاقياً فسخنا الخطوبة والحمدالله خلصت منه
وأني وأختي مايهون علينا نشوف وحدة
تلاكي نفس المصير

_الله يسلمج حياتي

_تردين الصدك ريتاج

_اممم

_أني مااريد رائد اجاني قبل خطابة ورفضت
وحتلوه يجي ويجي خطاب حرفض

_والله ؟ !

_اي والله مستحيل ارتبط بهيج واحد متخلف وابو خزرة

_ابو خزرة شنو ؟

_خيه كلما يشوفني يخزرني عبالك يريد ياكلني

_هذا هو يحب يخوف العالم كلها منه واحد
مغرور ومتكبر وابو نسوووووان

_ههههه

_اي لعد مايتزوج

_منوينطي من الاقارب بعد ماعرفوه على حقيقته ماتشوفين امه زاحفتلج لان غريبة وماتعرفين شي عنه كالت
اغشمرها وزوجها له

_واني ماكو عقل براسي اتغشمر

_زين تسوين لتقبلين بي والله تتورطين
وتعضين اصابيع الندم

_اي والله

_ وأنتِ حلوة والف واحد يتمناج وثاني شي مايناسبج رائد باعي جنج شطب ريحان ونازكة وكيوت
هو جنه ثور

_اي خل يولي لا تجيبين طاريه

_هههه اوك قلبي

_اشكرج لانج تحذرين البنات من وقوع بالأخطاء
وخصيصا من هذا الشخص

_اي خل يولي لا تجيبين طاريه

_هههه اوك قلبي

_العفو حبيبتي تدللين غير ماريدكم تمرون بلشي
لأختي مرت بي بالماضي

_اي والله اصعب شي بالحياة يكون الطرف الثاني خاين وفاسد واهمشي بالرجال اخلاقه وسمعته الطيبة غير
السمعة والاخلاق مايراد الرجال

_فعلآ بدون الاخلاق يسقط الرجال مهما كان وسيم المظهر

_بالضبط

بقت تحجي وياي فوك ربع ساعة..... بعدها راحت مبين عليها كلش حبابة وكيوت وطيوبة وأني ماسألتها شلون عرفتني ومنين جابت أختها معلومات عني .

رجعت على البيت ماجبت طاري مروا الأيام بسرعة واجتنه ام صدام صدك خطابة طلبت ايدي من جلال وخالتي
كالولها احنا مابدينه شي الرأي رأي

ابوها وامها عاد اتصل جلال بأمي كالتله الراي رأي ابوها انطت التلفون لأبوي حجه وي ام صدام اخذ معلومات عن رائد من سمع اسمه الرباعي و سني

ومن الانبار عتذر منها وكاللها ماكو بيناتنه قسمة حاولت ويا قفل كاللها ... مانطي بتي الواحد سني اترجاج لا تلحين بالكلام ماانطيها وخلص

لحت ويا جان يكوللها ...
أنتو السنة مو خوش أوادم في أمان الله

ام صدام : غير رائد ماتصيرين عروس خليها بالج زينب

وطلعوا خفت كلش منها ومن نبره كلامها جانت حادة من كالت هيج كالتلي جلال وخالتي ضاجوا من تصرف أبوي لان كاللها بالوجه مانطي الواحد سني وانتو

السنة مو خوش اوادم .

شبي السني ماينطي بيش الشيعي .... أحسن منه انطاج لابن صديقه الشيعي بس انطاج له رفضج بكل عين صلفة وين يلكه أحسن من رائد اخلاق اخلاق

زنكنة زنكنة رتبة ضابط وامه تحبج وهاويتج وماعدهم احد شيريد ابوج ماتكولين شيريد لعد ...

زينب : مو تعرفون ابوي ماينطي الواحد سني

جلال : وشبينه احنا السنة كواويد ماتحجين شبينه بيش الشيعي أحسن منه احجييي زينب بيش ؟!

زينب : اني شعلي تصيح بوجي اني رفضت
لو ابوي اني شنو بإيدي اسوي خاله

جلال : ابوج فضحنا اليوم كدام المرة من كالها عينك عينك مانطي السني وأنتو السنة مو خوش اوادم بدون خجل لو مستحاء عيب هذا التصرف جان طلع عذر
وفضت المشكلة

خالتي : المرة مرتين اجتج خطابة العالم داخلين من الباب ماداخلين من الشبابيك وابوج هيج حجه وياهم بكل صلافة عيب هذا التصرف جان احترامنا احنا السنه على أقل.

زينب : اي أني شعلي

وكمت ابجي اجت فردوس لعندي كومتني اخذتني للغرفة اسمع خالتي وجلال يحجون على ابوي لان نزل من قيمتهم وجلال سني وابوه الله يرحمه هم سني
بس خالتي شيعية صايرين بارود...

زينب : اي أني شعلي

فردوس : لتبجين زينب

زينب : اني شعلي يذبون نار قلبهم بي

فردوس : هاهيه مادام كدامهم أنتِ يطلعون نار قلبهم بيج

زينب : هاي أني مضلومة بس المشاكل
والمصايب توكع على راسي

فردوس : كولي ياالله زينب

زينب : يالله تفرج والله ماتحمل أني جلال وخالتي يصيحون بوجي مو سمعوني كتلها خاله الرأي رأي اهلي شيفصلون اني البس بعد شكو يحجون علية

فردوس :حاله اعصاب يلا حياتي كومي غسلي
ونامي لا تلاسنينهم

زينب : لمونه هسه ملازم رائد رفض خوما لمونه

فردوس : تردين الصدك زينب الرجال لكطة من كل النواحي جميل واجمل شي بي أمه كلش حبابة ومحترمة وي الكل جانت مدللة الجناين ومخليتهن

يمشن على روس اصابعهن وانوب هذا ابنها الصغير والمدلل مالتها مستعدة تضحي بروحها علمود سعاته وجلال
وخالتي يردونج لرائد علمود

زينب : لمونه هسه ملازم رائد رفض خوما لمونه

يطمنون عليج وتكونين قريبة منهم هم يحبونج وانتِ
تعرفين هذا الشي أكثر مني اعذريهم وانطيهم
حقهم العالم انهانوا بيتهم .

زينب : منو يكول رائد جميل من كل النواحي ؟!

فردوس : اني اعرف الولد من زمان وجاي وماكل وشارب بيتنا وكف ويانه وكفات الأهل ماوكفوا النه هيج وكفات ونقل جلال يمه بعد ماجان مكانه خطر؟

شكد ماحجيلج بحق رائد وامه اكول قليل
ماتعرفين أنتِ منو رائد ومنو أمه

_احجيلي منو هم ؟

_بعدين احجيلج كومي غسلي ونامي كبت
العيطة يمكن اتصلوا بأبوج

_خل اجي وياج لعد

_احجيلي منو هم ؟

_لااا ابقي هنا.

_ليش ؟

_كلت ابقي بدون عناد يلا كومي غسلي ونامي كومي

طلعت فردوس كمت وراها وكفت بصف الباب اسمع جلال يكول لابوي غلط منك كتلها مانطي السنة وأنتو السنة مو خوش اوادم عيب هذا التصرف منك عمي
انت رجال جبير واعي

ومدرس اجيال شلون تكوللها هيج جان كتلها مانطي بتي بالانبار وفضت المشكلة.... لااا غلط وتقليل إحترام النه احنا اني سني ابوي سني مرتي سنية

شلون تكول هذا الكلام على اقل احترمنا احنا اهلك وناسك .
ماعليك بزينب خليك وياي .... والله عيب شنو مو
عيب وهذا الصدك كلته لها

لا عمي لا انهضمت اني من كلمتك لها وحسبت أني وعائلتي بلا قيمة وتحترام طلعنا كدامك وفعلا طلعنا الله يسلمك
عمي على احترامك وتقديرك النا في
أمان الله.

سد الخط خالتي كالتله ...
على كيفك يمة

جلال : كتلني القهر كل هذا اسوي لزوج خالتي مايوكف بعينه ويقلل من احترامنا احنا السنة بيش هم احسن من عدنا كولي بيش شنو إحنا اهل النار وهم أهل الجنة فهميني
شنووووو الفرررق شنووووو

خالتي : ستهدي بالرحمن يمة لا تحرك باعصابك

جلال ،:هي بقت اعصاب ماتكوليلي بقت أعصاب ااخخ ااخخ توبه علية بعد إذا اسوي زينية البش توووبة توووبة وبس تكمل زينب الجامعة ماريدها توصل لهنا لا هي ولا خالتي جاريلي أني انهان بهل الطريقة ماتنطي بتك كول مانطي وفضت المشكلة مو تكول مانطي ...

السني وأنتو مو خوش اوادم مايتوالمون سنة وشيعة ونزلت دوسة ونص بالمره واني كاعد يمها على اقل احترمني أني كول هذا الحيوان كاعد يمها وكف وياي وكفات الزلم ..
كوليلي منو وكف ويامن تعارك وي اخوانه مو أني
وكفت ويا وحليتله المشكلة مو اني

خالتي : اي يمة كافي مو زين عليك
تتعصب اخاف تنجلط

جلال : مجلوط ولا هالاهانة يممممة شراح يكولون
الناس اهانه واهان البيت لملفي بته

خالتي : استغفرالله وأتوب إليه كافي يمة كافي تحرك بدمك

جلال : خلص قررت من باجر يجي ياخذ بته مو يكول السنة مو خوش اوادم اريد اشوفه مو خوش اوادم على اصولهم اتصلي بخالتي وكوليلها اتصلي .

خالتي : هسه زينب المكرودة شعليها وين تروح لابنية وين

فردوس : جلال زينب مالها دخل خطية جاي تبجي بالغرفة

جلال : هاي مشكلة ابوها ماخليها بيتي بعد تطلع
يعني تطلع وين مايريد يخليها خل يخليها

خالتي : ولك تخبلت وين تروح البنية ؟!

جلال : مايهمني المهم عندي تطلع

كمت ابجي طلعت من الغرفة ...
جلال أني شعلي تطردني من البيت
وين انطي وجي

جلال : احنا سنة مو خوش اوادم شسوين باقية
عدنا يابت الاوادم يلا روحي لمي اغراضج

عافنه وطلع بره متعصب طلع ..... وره علاء عفتهم ودخلت بالغرفة ابجي بهستيريا بسبب ابوي وعصبيته جلال طردني من البيت وين انطي وجي وييين ؟!!

اجت خالتي تهدي بي ماعليج منه بحاله اعصاب كالها بقيت لوجه الصبح ماكو نوم للجامعة مارحت اسمع
جلال يكول الخالتي .

جلال : اتصلت باخوها حسام وكلتله يجي ياخذها

خالتي : عززززة العزاك جلال شلون هيج تكوله ولك منو
للبنية منو وين تنطي وجهها هالمسكينة

جلال : والله مشكلتهم مو مشكلتنا كعديها
بالساعات يجون أهلها

خالتي : جلااال جلااال ولك تعاااي وين موللللي

جلال: الجهنم الحمرة

خالتي تصيح وراه هو مايسمع منها كعدت ابجي أكيد راح يبطلني أبوي ماعندي احد بالانبار غير بيت خالتي وهسه طردوني دخلت خالتي

زينب : هسه الم اغراضي

خالتي : عوفيهن لا تلمين ماكو طلعة

زينب : حقه والله حقه ابوي اهانه

خالتي : اششش كافي بجي تنحل الأمور

بقيت ابجي اجت حضنتني ساعات قليلة اجه اخوي ومرته يلا خل تجي تعاركت خالتي وكالت ماتطلع حلك الباب رادوا ماكو نتيجة ويه خالتي قفلت الباب علية وخلت المفتاح بصدرها ساعة زمان اجه جلال تلاغوا اسمع الصياح
والعياط أخوي يكوله .

اخوي :مو بقصد كالها بحاله اعصاب لا تاخذ على خاطرك منه

جلال : والله اخذت وخلص

اخوي : كبر عقلك جلال ولا تخلي شغلة تافهة
تخرب العلاقة بيناتنه

جلال : هالشغلة التافهة خلتني اعرف عمي على حقيقته احنا السنة مو خوش اوادم مو هذا كلامه لو غلطان يمة انطي زينب خل ياخذوها ويرحون احنا مو خوش اوادم
لا نسوي شي بت الاوادم

خالتي :مااانطي مااانطي زينب أمانه عندي من أختي لا انت ولا زوجها ولا اخوانها ولا احد بهاي الدنيا يكدر
ياخذها مني .

اخوي : خاله انطيني زينب خل اولي

جلال : انطي زينب يمة انطي

خالتي : بس تطلع زينب من هذا الباب احرك روحي بالقرآن وابليكم كلكم افتهمتوووووا يلا حسام بررره ارجع لاهلك وانت جلال بس تجيب طاري زينب

وتكول تطلع خارج البيت احرك روحييي كافي مليت اني مليت البنية شنو ذنبها شنووو يلا بررره
حسااام برررره .

صارت خالتي تصرخ على اخوي وجلال بلاخر سمعت اخوي كال ... زينب أمانه عندج خاله مناه لما تكمل دراسة
ديري بالج عليها خاله .

صوت جلال اختفى كعدت بالكاع ابجي صارت مشاكل بين العائلتين من وراي أني شوي ونفتح الباب دخلت خالتي
اجت لعندي جانت تبجي

رفعت راسي باوعتلها وجهها احمر دم مبين ...... عليها جانت تضرب على وجهها رأسن شمرت روحي بحضنها بقيت
ابجي وهي تبجي وتبوس بي

وره اذان الظهر كامت وكالت ...
يلا كومي صلي علمود نتغدة

كمت وره خالتي توضيت ورجع فرشت .المصلاية لخالتي
ولي كعدنا نصلي سوية بعدنا دا نصلي دخلت فردوس
بايدها صينية الغدة عافتها

فوك الجرباية وطلعت كملنا صلاة مالي ... نفس اكل
مخنوكة خالتي وكلتني غصب عني خلت اللكمة
بحلكي غصب عني .

_دكلي شبيج فاهية

_مالي نفس خاله

_ولعد اني لي نفس اكل علمود لا اتمرض يلا اكلي

اندك الباب اثنينه التفتنه للباب طلع جلال ...
يمة !

خالتي : أني مو امك اطلع بررره

جلال : يمة انوب أنتِ علية

خالتي : ترضاها على نفسك تتيه زينب بشوارع ترضاها
ابوها يبطلها من الجامعة ترضاها احجي

جلال : لا حاله اعصاب جانت اعذريني والله
مجنت واعي على نفسي

دخل للغرفة عيونه كلهن دموع اقترب لعدنا ولأول مرة جلال يحضني ويبوسني براسي بقيت مصدومة ...

جلال : اسف زينب اعذريني والله العظيم ماجنت بوعيي بحاله أعصاب سويت هيج أنتِ غالية وعزيزة على قلبي معزتج من مغزة بتي نانا واخوي علاء

زينب : ادري

وبجيت بعد عني هو هم يبجي وخالتي ...كذالك تبجي رجع حضن خالتي ويبجي وياها ويتعذر ويتأسف أني عاذرته
كلام أبوي جان قاسي عليه هو واكف ...
وكفات الزلم لابوي.

المهم انتهت كل المشاكل وبالليل اتصل ابوي فتت مكيروفون واسمع جلال اعتذار ابوي منه ومن خالتي لفت انتباهي كلام ابوي من كال اهل الانبار لاجمين كلبي بالماضي .

وبالأخص السنة اذوني اذوني واذوا أهلي ..... وياي ماكدر وماتحمل انطي بتي زينب لو وحدة من أخواتها للسنة
كلتله .. شسوولك يابة ؟

ابوي : سدي الموضوع يابة سدي ماريد اهيج اجروح

زينب : تمام

ابوي : هسه اريد نرجع مثل قبل عائلة وحدة

جلال : إن شاء الله عمي وأتمنى كلامك ماتعيده
مرة الخ لان يأذي كلش

جلال : عمي صدك اكولك

ابوي : كول ابني ؟

جلال : لو علاء جبير بالعمر وخطبت له زينب تنطيها ؟

ابوي : كبع واخذ

جلال : كلامك صدك لو مجرد كلام علمود نتراضه ؟

ابوي : لا يابة كلامي صدك أنتو غير الناس أنتو من أهل
وامك شيعية وانتو حالكم من حالنا ماكو
اي إختلاف

جلال : وبيت ام صدام كذلك مثلنا

ابوي : ليش تلح ؟

جلال :مو سالفة لحوح عمي العالم خوش عالم والولد
صديقي وامه وردة مال الله وثاني شي
قريبا عدنا

ابوي : اي وردة ام صدام بس ماانطي بتي
لابنها لو تنكلب الدنيا

جلال : ليش شنو الأسباب ؟!

ابوي : اسباب خاصة وأتمنى منك أبني ماتجيب طاري هاي العائلة وتسد موضوعهم أترجاك

جلال : تمام عمي اخذ راحتك

ابوي : الله وياك وليدي دير بالك على زينب امانة عدكم

جلال : بعيوني عمي في امان الله

ابوي : الله وياك وليدي .

فصل الخط أبوي باوعت بوجه جلال... ابتسم بوجهي خالتي خلت ايدها على خدها تجر صفنات ساعتين كمنا للغرفة حاولت اسحب كلام من خالتي

كالت ماكو شي خاله نامي.

خليت ونمت مرة اربع أيام وهم سمعت .....من امي بيت ام صدام دازين عالم شيوخ وسادة على أبوي وأبوي هم رافض قافل ماينطيني كمت أخاف من

رائ وكلام امه من كالتلي ماخليج تصيرين عروس لغير رائد
كامت خالتي اتصلت بجلال وكالتله ...كاللها الولد يريد
زينب حجه وياي يزن وكال انطوها له
ليش تعاندون !

خالتي : ابوها ماينطيها ماينطيها كوللهم خل
يبطلون منها مانريد مشاكل

جلال : اموت واعرف ليش ماينطيها ؟

خالتي : احجي وي رائد وكوله زينب ماتريدك

جلال : تمام راح اكوله خل يكطع نفسه منها

فصلت الخط باوعتلي اباوعلها ...
هاي شلون مشكلة العالم يردونج ومبينين
عناد وابوج عناد وأنتِ عناد

زينب : خاله ترى ماريد رائد

خالتي : اعرف خاله هسه هم اتصل بأم صدام واكوللها
زينب ماتريد رائد لا تجون بعد خطابة
مانريد مشاكل .

زينب : اي كوليلها فدووة اخاف ابوي يبطلني من الدوام

خالتي : اي هسه

زينب : اي كوليلها فدووة اخاف ابوي يبطلني من الدوام

كاعدة كدام خالتي اتصلت بام صدام وكالتلها أني ماريد رائد فدوة لا تجون خطابة بعد عليها ومنا ابوها ابوها قافل ماينطي ليش تفشلون نفسكم و

تسوون مشاكل للبنية والله اخاف اخاف عليها من ابوها يبطلها وهي مابقالها غير كم شهر وتكمل الجامعة والله ماكو نصيب ياعيني وان شاءالله تلكون أحسن منها .

سمعت صوت ضحكه ولد يمها بكت طن هوى خالتي كذلك بس ماجابت طاري كالت ..

ام صدام : ان شاءالله خير خيه مرخصتج

الولد : حلوة هاي هههههه

ام صدام : اشششش كافي

سدت الخط ام صدام بسرعة قبل لا ترد خالتي
عليها باوعت لخالتي خايفة خالتي كذلك ...

زينب : سمعتي صوت الولد ؟!

خالتي : اي هذا رائد ربي سترك منه

زينب : خاله هسه كوه اخذه ليش مايفهمون ماريده ماريده

خالتي : لا تبجين شبيج خاله ماتردينه وخلص قابل
نجبرج وننطيج اله يلا امسحي دموعج
ولا تشيلين هم

زينب : سمعتي شلون جان يضحك؟

خالتبي : محتمل على طفل لو شغلة مضحكة مو إلا عليج

زينب : والله علية مادامها فصلت الخط بسرعة

خالتي : اووف زينب كافي موعليج ويلا امسحي دموعج

رائد "مرتين رفضوني بهذا الأسبوع وبعدني .... مافاقد الأمل مخليها بالي اخذها لو بالعناد أمي وياي طابكة لان تعرف بي مخبل وكلشي يطلع من ايدي

خالتي : اووف زينب كافي موعليج ويلا امسحي دموعج
جانت كاعدة فوك الجرباية وأني .....مخلي راسي بحضنها والعب بتلفونها وهي تفرك براسي وتفلي بي ارتاح
من هيج تسوي

_جم قملة لكيتي ؟

_خمسة وهاي ستة وهاي سبعة

_قصدج شعراتي ذني ههههه

_هههه شعرك خفيف كلش صاير تدري

_اي من القهر جاي يوكع هههه

_اقهر كلمن يقهرك

باستني براسي ضحكت وكتلها...
يمة اريدها!

_أدري بيك تريدها وراح احارب وياك لما اجيبها الك

_ااففف

_اي يمة زينب لو لك تصير لو ماتصير لاحد غيرك عروس

_هسه اطمن لعد

_هاهية ههههه

رن التلفون بإيدي المتصل ام جلال ضحكت
رفعت التلفون .. ام جلال ههههه

_انطيني خل احجي ويها

_هاج افتحي ميكروفون

_اي الووو

صارت تحجي وياها وتلعب بشعري وأني خربان ضحك زينب ماتريد رائد عوفوا البنية اخاف ابوها يبطلها خربت من الضحك الحجي وياي ماكو بي

نتيجة لو يحجون منا الباجر مراح ابطل منها خليتها بالي وخلص قفلت عليها لو هي لو ماكو بعد ماتحملت
رأسن ضحكت وكلت

_حلوة هاي هههههه
_ اششش كافي

سدت الخط بسرعة بعد مالزمتني الضحكة ...
ههههههههه

_شبيك تخبلت

_ههههه ماتريدني ههههه

_هو صدك ماتريدك البنية وراح نأخذها بالعناد

_هههه اي احسن أني اعلمها شلون تحبني
بطريقتي الرومانسية هههههه

_ولك كافي راح يوكف كلبك كافي !!

بقيت اضحك بهستيريا ماتدري أمي ذبحت قلبي من كالت ماريده وصوت زينب جان يمها من كالتلها
كوليلها ماريده هي كوه اخذه

هذا طبيعي من انقهر اذب قهري بالضحك مو بالبجي شبعت ضحك من كيفي وراها نمت بحضن أمي متحلف لها مرت الأيام وكلت خلها هسه

خل تكمل دراسة واغطها مادام تخاف .... ابوها يبطلها من الجامعة من انزل من الدوام اراقبها وتبقى اتحسر
عليها يجي علاء يأخذها .

وره أيام شلنا بيتنا الجديد واخواني كذلك كلمن وبيته صار ارتاحينه من هوسة الجهال وعناد النسوان على الشغل
هسة كلمن وبيتها وشغلها

بس فروحة وفاضل بقوا ويانه ...

ابوي عباله جزت منها جايبلي بنية من اقاربه البعيدة من الموصل جايب صورة البنية كعدت يمه شفت البنية
جانت حلوة وخدود عدها وغمازات

بقيت اباوعلها وتضحك شكلها حلوة هاي ...

ابوي : هاا عجبتك !؟

رائد : والله حلوة عليها خدود بس مال عض وكرص هههه

ابوي : ابن الكلب تتغزل بالصورة انطيني

سحب التلفون مني بسرعة ...
شبيك يابة غير اباوعلها ؟

ابوي : تباوعلها مثل الخلك والناس انت لو تباوعلها
بشهوات حيوان ام صدام شوفي البنية
وانطيني رايج بيها

رائد : خدودها ينكرطن كرط يمة ههههه

ابوي : ناوشوني الشحاطة فروحة الشحاطة

رائد : اشنقج

ابوي: الشحاطططططة

بسرعة طفرت وره أمي وكفت جانت .... كاعدة فوك الكرسي بيدها التلفون تباوع للصورة فروحة جابت الشحاطة
من صدك اخزر بيها خايفة من ابوي

رائد : ولللللج

فروحة :اني شعلي جدو كال جيبيها تفضل جدو

ابوي : جيبيها خل اهفه بيها علمود يكعد
عاقل اطلع منورة ظهر امك اطلع

امي ،: حلوة رأيك بيها يمة

رائد : ماريدها خدودها كبار

ابوي : ام صدام رحمة الوالديج بس كومي خل اهفه
بيها ابن الكلب شتريد لعد ماتكلي شتريد

امي : دنزلها مو زعطوط كدامك الولد ليش ماتريدها
يمة خوش بنية وحلوة وام خدود هههه

رائد : ماريد ام خدود اريد ام وجه حاد

ابوي : ام وجه حاد منين جبتها هاااي ؟!!

رائد : وجه حاد وكيوت مو مثل هاي
خدها كبر من وجه امي

امي : لا يمة حلوة والله

ابوي : فهموني ام وجه حاد هاي شلونها ؟!

امي : وجهها مثل وجه زينب عرفت ام وجه الحاد شلون

ابوي : كول اريد زينب وخلص ليش تلف ودور

رائد : ههههه اي اريدها روح اخطبها الي

ابوي : انت مطي ماتفهم ثلاث مرات خطبناها لك
ومانطوها ابوها ماينطيها

رائد : غصبا عليه اخذها وهاي ام خدود
ماريدها احذف الصورة لا تنشر وياخذون
منك فصل مربع ههههه

ابوي : مو صوجك صوجي أني ادورلك مره من طبك طووب ابقى عانز طول عمرك راح يصير عمرك ٣٠ سنة ومامتزوج وتركض وره وحدة ماينطونها لك
وين كرامتك ماتكلي وين

امي : سلملي على الكرامة ابو صدام اذكرك لو تذكر

رائد : مايتذكر يمة ذكريني هههههه

ابوي : لا تركضين كدامه انتٓ غير وابنج غير افهمي يامره موراح تذبين ابنج بداهية سودة ماينطون البنية
ماينطون دزيت عالم وشيوخ وسادة ...

ومانطاها أبوها شسويله ماتكليلي شسويله اروح اخطف
بت العالم واجيبها له بس هذا الحل
ينفع الخطف .

رائد : هو هم راح اخلي هذا الإحتمال براسي
اخطفها وتزوجها كبل ههههههه

كام ابوي متعصب مني بإيده الشحاطة بسرعة طفرت
ادري بي يضربني وي طفرتي شمرها وسويت انبطاح
للكاع خربان ضحك

رائد : اجت سليمة هههههه

كمت بسرعة اضحك تفاجأت ابوي قريب مني مادري شلون خلصت روحي وطفرت للدرج عدل للسطح اسمع ابوي
يهرج وراي ونوب نزل على امي

امي تكوله : والله اخذها له

ابوي : بشيب الخلفوج تاخذينها له افهمي ابوها ماينطيها

امي :دخل تكمل دراسة وشوف شلون اخذها له وغصب
على راس ابوها أخذها يمة رائد اخذها
لك اخذها .

رائد :عاااش عاااش يمة دصير مثل امي شبيك يحضي ماتحس ماتشوف ابنك عشگان هههههه

ابوي :هو هذا عشك لو طيحان حظ ولك انت تعرف تعشك لوتحب انت تعرف بس المشاكل والمصايب وطيحان الحظ والعناد ادري بيك تريدها علمود تسوي كسره
خشم لا حب ولابطيخ

رائد : اي والله حالف إلا اخذها واكسر خشم ابوها
وخشمها بس هم احبها يابة

ابوي :ماعرف شمسوي يم رب العالمين وانطاني واحد
مثلك عناد المطاية شمسوي ربي شمسوي

امي :والله طالع عليك نسخة ثانية انت عناد وتاخذ الشي بالعناد وهسه مابيك حيل تتحمل عناد ابنك الله يساعدني من فوك أني وأهل أمي شلون تحملناك شلووون مادري .

ابوي : اني عناد ومثل رائد العار ؟ !

امي : تذكر من كلتلك ماريدك عوفني بحالي تعصبت وضربت الباب دفرة وشلعته وكلتلي بتهديد اخذج واكسر هذا
الخشم العالي تذكر !؟

رائد جنت واكف فوك الدرج مرتجي على المحجر
واباوعلهم مستمتع بسوالفهم الحلوة ..

رائد : لا مايذكر احجي يمة القصة فدوووة رحتلج
حجي اريد اعرف منو أبوي

ابوي : انجب ابو النسوان كافي ام صدام لتفتحين دفاتر القديمة وأنت شنو رأيك بالبنية اريد
اردلهم الجواب

رائد : مااريدها

ابوي : غراب ابكعععع بس كال قاااق خلص
ولاتحلم ينطونك زينب

رائد : والله يومية احلم هي بحضني هههه

امي : استغفر الله العظيم واتوب إليه

ابوي : ادبسزز هاي كدام اهلك هيج تحجي
كدام الناس شتحجي

رائد : شحجي كدامكم احجي كدام الناس هذا اني
احجيهن طك بطك ههه

ابوي : انزل واحجيهن طك بطك

رائد : شحجي كدامكم احجي كدام الناس هذا اني
احجيهن طك بطك ههه

ابوي : انزل واحجيهن طك بطك

رائد : انزل ويجني طك بطك بالهواء طايرات مخبل
انزل اروح اطير اطيور كششش عاااااع هههههه

صعدت فوك السطح كلشي ماعندي لاطيور ولا شي اريد
افلت منهم ادري بروحي بس ابقى يمهم شوي تكب العيطة ويتعاركون من وراي وكفت كدام البيت خليتي ايديني على الستارة اباوع للشارع شفت مصطفى ابن عمتي وعمتي وزوجها طلعوا من البيت لكدامنا بلعت ريجي

_من سودة بكصتها لحكتنه لهنا ماخلص
منجن أنتن بكل مكان لاحكانته

_من سودة بكصتها لحكتنه لهنا ماخلص
منجن أنتن بكل مكان لاحكانته

اجوي لعدنا بسرعة سحبت نفسي ونزلت امي كاعدة
وابوي كاعد يباوع تلفزيون الحمدالله
مامتعاركين

رائد : ابشركم أول حية نزلت عدنا وهسه اجت لعدنا

ابوي : شنوو

امي : ياهي منهن بلا

رائد : ام الصوووف وطلعت من البيت لمقابيلنه يمكن اشترته

ابوي : ماتحجون على منو جاي تحجون ؟!

رائد : على اختك الحية البيضة وهسه اجت لعدنا اروح
افتح الباب واصير مثلها حية وارحب
بيها هههههه

ابوي : هو اكو افقر من كوثر

امي : لاعيني وين اكو

رائد : مال تكرصها حية فقيرة مثلها

ابوي : جوووز من عماتك جوووز ترى بالقران
اكوللها رائد يحجي عليج

ابوي : هو اكو افقر من كوثر

رائد : شكد خايف شوف هسه افتح الباب وهلي بيها .. أهلا
بعمتي الحية البيضة تخوفني عود سلام

ابوي : تعااال ارجععع تعال ادري بيك عاار تسويها وتفضحني كدام اختي تعااال ابن الكلب تعاال رائد مو
احجي ويااااك رائد

فتحت الباب بعناد ابوي طلعت بنص وجي
عمتي كتلها بأبتسامة...

رائد : هلا بعمتي كوثر هلا بشمعة البيت التضوي
مشتاقين عمة شلونج اخبارج

حضنتها قوي مصطفى يضحك وعمي كذالك ...
الغالي ابن الغالي رائد بس أنت احبك من بين
اخوانك لأن مثل ابوك تحبنه وتعزنة

بعدت عنها اضحك ...
غير معزتج من معزة الوالد تفضلي
نوري البيت بنورج

عمتي : النور نورك امممح

رائد : امممح والف امممح هههه

دخلت عمتي سلمت على مصطفى وعمي دخلوا أبوي يضحك يحب اخواته كلش برغم يدري بيهن حياية سودة وبيضه وصفرة متنوعات ماشاءالله.

واني أفعى كوبرا انكس منهن هههه

رحت دخلت المطبخ طلعت عصير أقدم الهم ماريد اكوم امي طلعت قدمت عمتي تباوعلي وتضحك رجعت الابتسامة
الها تدزلي بوسات بالهوى

كملت تقديم وكالت ...
تردون جاي لو لا ؟

ابوي : رائد

رائد :والله مابي حيل اكوم اسوي جاي ومحد
يشرب هسه تردون لو لا ؟

عمتي :لا عيني عمه مانريد جاي العصير من ايدك
دوه وجاي ههههه تعال اكعد بصف عمتك عندي
ابشاره الالك .

كعدت بصف عمتي مبتسم ادري شنو الابشارة راح تكولي اشتري بيت وراح اكون جوارينكم ..

عمتي : ابشرك راح نصير جوارين هههه

رائد : وأخيراً شوكت تجين عمه

عمتي :ان شاءالله بس يطلع مالك البيت اجي يعني
سالفة أسبوعين واصير عندك بعد عمتك

رائد _كل الهلا بيج عمه

عمتي : بيك يقلبي ...اي بشرني شصار وياك بسالفة زينب

رائد : ابوها النذل ماينطيها

رائد _كل الهلا بيج عمه

ابوي : هو لازك بيها جبتله شلون بنية تخبل هسه
اشوفج صورتها مايقبل لازكلي بزينب

عمتي :ماريد اشوفها الولد هاوي البنية
وناخذها له غصب عن خشم ابوها

رائد انصدمت من عمتي هيج كالت وطبكت وياي
بقيت ارمش بصدمة مصطفى ضحك وكال ..

مصطفى : هاي عمتك قلبها على قلبك ههههه

عمتي : اني شعندي غير رائد بس هو الحبيب ابو قلب الطيب ويذكرني بين كل اولاد أخواني وعد مني نأخذها لك
يارائد ونكسر خشم ابوها

ابوي : ايي اچلبن رائد چلب

عمتي : شنو نچلبة عيب رائد زلمة وضابط مو چلب
ماسمحلك تكول عنه چلب يلا احجيلي
كلشي أني عمتك

ابوي : لا تحاولن ماينطي بته

عمتي :وغصب عنه نأخذها مايجي بعيني واغاتي
نجيبه بالخطط وأساليب القذرة
شتكول رائد

امي : لا عيني مااخلي ابني ينزل لهذا المستوى اكعدي
من ابني لا تزرعين براسه مكايد الخبيثة

عمتي : لامكايد ولاشي انطي شي حلو واخلي
اهل البنية يجون لعدنا يتوسلون

امي : ماريد خليها على الله

ابوي :جوزي منه كوثر ادري بي يدورها ادواره
سوالف الطيحان الحظ

عمتي : براحتكم عيني

بقت عدنا ساعتين وراها راحت امي لزمتني دير بالك
تمشي وره عقلها ترى تتويك ادري بيها مكارة
كتلها تمام.ماعلية بيها .

وره ايام التحقت للدوام جنت كاعد بصف قاسم اسمع بي بخابر مسك ويضحك .. ضحكني وياك ؟!

_ماكو شي

_لعد عليش تضحك

_هيج والله ..اي اخبارك وين وصلت اخبارك وي اهل زينب

_ماكو اخبار جديدة والله

_جزت منها

_ناو ناو

_ماكو اخبار جديدة والله

_جزت منها

_لعد ؟

_مادلهم الحبل لفترة واقطعة بيهم

_اهاا

_اي تعال خل اغنيلك غنية نصرت بدر لة قلبي عنده
جناح يشوفك ويرتاج ويرد اليه

_سمعني ههههه

صرت اغنيله الاغنية ماحسينه إلا الباب الغرفة انفتح بسرعة وطلع عمي ابو فياض يخزر بينه بسرعة كمنا وضربناله
تحيه هو يخزر بينا وكال بصوت معصب

ابو فياض : كمل عليش وكفت غنه ؟!

ضحكت بوجهه وكلتله :
صار تدلل عمي اكملك ليش لا

خزرني وكال بصوت عالي ...
وفوكاها تستهزء رائد افندي
يلا كدامي للعقاب

رائد : عقابيش هو أني شمسوي وعقاب حلتني؟!

ايو فياض : كلشي مامسوي أثناء الواجب ولبس زي العسكري تغني وفوكاها تستهزء بي يلا 25 شناوي
تضرب يلا كدامي

رائد :على هاي سهلة سيدي

طلعنا بره الغرفة نزعت الدرع وانطيت السلاح القاسم كل الضباط التمت يمي عباله راح يفشلني مايدري بي الكلام يدخل من هاي الاذان يطلع من هاي الاذان
ومااخلي يوصل قلبي لو عقلي وتألم...

نزلت للكاع اسويله اشناو عادي صاح بي ...
اسرع بعد

_حاظر سيدي

ابو فياض : ارفع جسمك عدل

رائد :حاظر سيدي واحد أثنين تلاثه اربعة خمسة ستة
سبعة ثمانية تسعة عشرة ... خلصن سيدي
اوامر ثانية؟

ابو فياض : ماتعبت اشوفك وتضحك ؟!

رائد : لياقتي البدنية عالية سيدي

ابو فياض : مادام هيج روح اركض من هاي
النقطة لهذيج النقطة بسرعة

رائد باوعت للمكان يريدني اركض مسافة بعيدة كلش بلعت ريجي والدنيا حارة تسمط سمط اباوع القاسم والضباط
لوياي اريد احد يتدخل ماكو

صاح بي ...
تحررك

رائد : حاظر سيدي

رحت ركض واحجي علية بصوت ناصي ارجع احجي
بقلبي اباوع بعض الضباط تضحك بسكوت
ماتحملت وكلت

رائد : ادري بيك شاد وياي سيدي لان اضحك هواي اما بقيى الضباط يضحكون ويسوون شغلات طايحة حظها عادي لان عدهم وساطة عالية مو مثلي بس ربي وسيط لي

تعصب والتفت على الضباط من ضمنهم قاسم
المسكين مجان يضحك وصاح بيهم ...

ابو فياض : يلا خمستكم شناو 25 مرة
وتركضون 3 مرات يلا بسرعة

صاحوا .. حاظر سيدي

كوه كتمت ضحكتي عبالهم راح اصير مسخرة لهم كلها تسوي شناوي هذولة نساتل عدنا الاشگران ههههه كملت
ركض وكفت فوك راسهم اعد

رائد : تحرك اسرع ملازم قاسم

ابو فياض : كملت العقوبة وصرت تعاقب ؟!!

رائد : سيدي ماعدهم لياقة بدنية عالية يحتاج نعيد
التدريبات القاسية حالا صاير عدهم خمول وكسل

ابو فياض :صح جاي اشوف مستواهم جاي
يتراجع باجر تبدأ التدريبات

رائد : ان شاءالله سيدي تحركوا اسرع شبيكم هي شيرادلها
واحد أثنين ... ولك شبيك نمت بالكاع بس فالح
بالضحك عقابلك ٤ زيادة

عمي يباوع ويضحك بسكوت انتقمت منهم يضحكون ويردون اعبرها لهم مايدرون بي بالبيت إذا اتعارك لازم الكل تتعاقب وياي تعودت اسحب الكل وياي وحتى هنا اسحبهم وراي ..

كملوا تدريب وأني كاعد على الكرسي مخلي رجل فوك رجل واشرب جكاير خربان ضحك اجاني قاسم يلهث كاتله الحر عركان صاير طماطية حمرة

نحنه ظهره وخله ايدينه على اركب رجلي ...
وكف قلبي شدعي عليك رائد

_ دعيلي الله يفتحها بوجي واتزوج زينب هههههه

_الله لاينطك من وراك تعاقبنة تدري بي ماتحمل ااخخ
ظهري ااخخ صفاحي مابي حيل اريد ماااي

شمرت بطل الماي علية ...
هاك اشرب اشو حالي من حالكم كملت العقاب
وكعدت اضحك ههههه

جان بطل الماي بالكاع نزل اخذه شرب نزل البطل التفت وره ظهره رجع رش بطل الماي بوجي بقيت اباوعله
بصدمة الماي بارد

_كل عقاب تاكله من جنت طفل صغيرون لازم أني اكله وياك

_بعد بطل ماي بارد ارشكني بي ميت من الحرهههههه

_شوكت تكبر اريد

_من اشوفك بابا ههههه

_خرررب بيك

عافني وراح متعصب اباوع لهم اكو اكبر مني بالرتبة واكلوا تدريب بسببي تعاقبوا يباوعولي خليت رجلي فوك
الكرسي الثاني وشعلت جكارة ثانية

اباوعله واضحك ...
باجر تبدي تدريبات قاسية ألف مبروك هههههه

ردالنقيب جعفر ...
ماتجينه من وراك غير العقوبات ولك شوكت
تعقل وتبطل ولدنا؟!!

رائد _من تبطل من الكح ... هههههه
النقيب جعفر _ استغفرالله

خله ومشى ادري بي ابو الكحاب واعرف... كلشي عنهم واحد واحد بس يحجون وياي افتح ملفاتهم وافضحهم
وهذا جعفر متزوج حبيبته ويخونها

خوب مرته تنكرط كرط وحرامات تنخان لو عندي مرته كابلها واكعد ... يلا هي بقت عليه كلها مكبله حتى الجنود كل واحد وراه درزن مال جهال وتالي الليل الو وماالوو

والله من الصبح تدريبات كلها قاسية جانت واحد أقسى
من الثاني وسمعت راح نطلع تدريبات لخارج الانبار لبغداد مدة شهر كامل كلها باكت طن هوى
هناك تدريبات قاسية كلش .

المهم وصلت البيت الظهر عدل للحمام سبحت وطلعت امي جابتلي الغدة بالغرفة كملت الغدة شالت الصينية
ورجعت حجت وياي

امي : أريدك بموضوع

رائد : اي كولي ؟

امي : البارحة جنت بالحلة

رائد : شسوين بالحلة !؟

امي ' زينب متخرجة صارلها ١٠ أيام ورحت أني واخوك
صدام ومرت اخوك واختك الجبيرة
خطبنالك زينب المرة الرابعة

رائد : اي وانطوها عاد

امي : لاا ماانطاها ابوها

رائد : شبي هذا ماينطي بته ؟!

امي : تندمت لان خليتها بالك يمة تندمت

رائد : احجي يمة شكو؟ سوالكم ابوها احجييي

امي : ابوها طلع ...

سكتت امي وكامت تبجي دخل ابوي للغرفة
متعصب كلش وكال ..

ابوي : ابوها طلع هو نفسها الرجال
لجان يريد امك بالماضي

#يتبع .

#عشق_أهل_الانبار_ج٢...
#بارت١٦

.....
رائد رجعت من الدوام المغرب واكف يم أخوي صدام بره الدنيا بارة كلش جاي نحجي بموضوع البيت لان قبل سنتين اشترينا كاع جبيرة ثلاث دوانم بمنطقتنا القديمة حبينه
نرجع للمنطقة ونبني بيوت كلمن الواحد

مانريد نفترق عن بعض كلمن اخذله حصه ..... من الكاع وبنه بيت اخواني تلاثه وأني رابعهم وي أهلي مااطلع البيوت كلهن بداير واحد ماكو سياج بيناتنه

(i)
وامي تأخذ وياها فروحة وفاضل ...... ماننطيهم الصدام هذولة لنه ويعينون أمي وابوي صدام كال مابقى شي
بالبيوت حسبة ١٥ يوم نأثث وندير بيهم .

رائد : ان شاءالله يلا امشي خل ندخل
جوه صارت تكص كص

صدام : كلش باردة .

دخلنا جوه وره العشة ظهري صار يوجعني نمت بالاستقبال على بطني وصحت لفروحة تجي ندوس ظهري ابوي وامي يمي كاعدين امي تحجي على التلفون

بالي مو يمها يم فروحة ...
بعد عمج انزلي جوه اييي هنا الوجع
اااخخ كل قوتي دوسي

ابوي صاح بي : من الكحاب


رائد : والله مارايح والله مارايح

ابو صدام : تريد تقعنعني مارايح

رائد : وغلات فروحة مارايح صارلي اشهر كاطع رجلي
من يوم لحلفت بالعباس وصليت بعد ماوصلت
لهناك توبت ليش ماتصدك .

رائد : والله مارايح والله مارايح

ابو صدام : لا اصدك بيك اعرفك واعرف دروبك

رائد : اخخ يمكن صاير عندي انزلاق

ابو صدام. : من هرفتك جنك زعطوط تكمز هنا
وهناك ريض يارجال ريض

رائد :رحمه الوالديك ياتكمز أني ضابط عسكري وشغلي
كله متعب شصير ماتكلي شصير حتى ضاربني
جفاف مأكل هواي .

صاحت أمي...
ليش هي مو كالت ماتزوج ؟!

رائد : يمة منو ؟

ابو صدام : شبيج سهاد ؟

ام صدام : هاا ومهندس وعنده بيت الواحدة احسن من ابني الهيبة قابل .. لج عيني حركت قلبي ... اي كالت هي ماتزوج هسه اكمل دراسة يلا اشو وره كم شهر عرست

ايي ليش الجذب خوب كولي من الأول ماريد السني وفضي المشكلة اي والله اخذت على خاطري هذا ابني الصغير واول مرة اخطبله مره وترفضه

رائد تخبلت زينب مخطوبة...
وخري عموو

وخرت فروحة كعدت بسرعة اباوع لامي ابوي يباوعلها يريد يفتهم السالفة ختمت كلامها وكالت ...

ام صدام. : ابشرك يمة ام الصخول على
كولتك انخطبت لابو النفط

ابو صدام : زينب ؟

ام صدام : اي اكو غيرها ام الصخول جايها واحد من طرف ابوها قابله بي ركض ورائد الهيبة الضابط ماتقبل بي مايوالمني حقيرة بيش ابو النفط
احسن من رائد بيشش ؟!

ابو صدام : رائد سني هذاك شيعي تلكي سدي
موضوعها خل تولي أني الكاله زينه البنات

فريحة : حقيرة شلون رفضت عمو رائد من
تروحله فدووة هي وعشيرتها

ام صدام. : حترك دمي

فروحة : قابل السني يبزز والشيعي ناعم مثل الريش

ام صدام : اندري بنيتي حترك دمي

رائد عقل مابقى براسي ترفضني أني وتقبل بابو النفط على كوله أمي ابتسمت ورجيت ظهري على الكرويتة ...

رائد : وحق العباس ابو فاضل ماخليها تزوج


ابو صدام : شنو ؟

رائد : وحق العباس ابو فاضل ماخليها تزوج

ام صدام : ولا أني اخليها تزوج الا اخربها
ترفضك وتقبل بغيرك


ابو صدام : الله اكبر شعليكم بالبنية

رائد : ترفضني أني الهيبة مالت أمي وتقبل بهذاك ابو النفط وتريدني اسكت على هاي الاهانة لا والله مااسكت

ام صدام : هو مو أحسن من رائد خربها يمة واني بظهرك

فروحة : خربها عمووو وخرب فرحتها مثل
ماخربت فرحتنه بزواجك

ابو صدام. : سهاد صدك حذب عود هاي أنتِ الجبيرة والعاقلة هيج تسوين رائد مخبل اي بس انتِ لا كافي رائد
عوف البنية بحالي سبيلها


ام صدام : تذكر شلون اخذتني من خوالي تذكر من عارضت وماقبلت بيك تخبلت وخليت الفشك طشار
وشلتني على جتفك وطلعت بي .

رائد : صدك يمة

ابو صدام : اني حبيتج ومن نحب احنا معروفين ناخذ المره من حلك ألف سبع مو مثل ابنج بس خطبناله
بدون علمه لا حابها ولاشي

ام صدام. : وشمدريك مايحبها

ابو صدام : مايحبها

رائد : ماحبها صح بس راح اخربها واخذها واكسر
خشمها وخشم كل واحد يعارض

ام صدام. : اي عفيه بالسبع مالتي

ابو صدام : خوب كول احبها وفض الشغلة
ترى مبينه سالفتك ولك

رائد : ماحبها

فروحة : تزوجها بعد مارفضتك عمو

رائد : اي اكسر خشمها متعود اني
على كسر الخشوم بعد عمج

ابو صدام : جذاب مبينه سالفته عشكان البنية وهاي
امك تدري بي خربوها مادامك تحبها
ونروح نخطبها لك وره شهر

رائد : هاهية يلا يمه كومي وياي خل اعلمج شلون تجيبين معلومات عنه علمود باجر الصبح اغطه هههه

ام صدام : يلا يمة

اخذت امي وكمت للغرفة مالتها كعدت اعلمها شتحجي وي خالتي ام حسن وتسحب الكلام منها كعدت امي واني كاعد كدامها اضحك أمي تحجي وياها بكل هدوء وتضحك

تسوي روحها مامهتمه جرت كل الكلام منها سدت الخط وكالتلي. اسمه رامي منصور سامي من بابل الحلة
وابوه عنده محل جملة بفلان مكان

والولد مهندس بالنفط يشتغل وباجر العصر يجون يكطعون مهر شيخ استعجل بعد امك ولا تخليها تطير من يدك ...

رائد : باجر اخلي جوه ابطي واسوي عصير
برتقال لعيونج تاج راسي

ام صدام : اعرفك سبع وماينخاف عليك

رائد : سبع وابن سباعية تعالي خل ابوس راسج

رحت بست راس امي وطلعت تلكوني اخواتي عوفها تولي ماتناسبك لا تسوي شي غلط وحرام عليك تخرب خطوبة البنية كتلهم ماعليكم بي البراسي اسوي
وخلص سدوا الموضوع .

طلعت لغرفتي لفيت راسي ونمت كعدت الفجر ...... صليت اخذت المسدس وسلاح ثاني شمرته بالسيارة أمي اجت
لعندي تبوس بي ودير بالك على نفسج

ماحسيت الا فاضل نزل يركض...
عمي عمي اني وياك طالع

ام صدام : وين رايح أنت؟

فاضل : حامي ظهر عمي

رائد : اي هذا تربيتي واشد حزام ظهري
بي يلا اصعد مافشلك ههه

ام صدام : جنه واحد صرنا أثنين

رائد : لا يمه تلاثه نسيتي نفسج العقل المدبر ههههه

ام صدام : هههه يحرسكم الرحمن بس
توصلون طمنوني عنكم

رائد : ان شاءالله

صعدت بالسيارة بصفي كاعد بالصدر فاضل طلعنا بسرعة لان اجه صدام يركض امي جلبت بي طلعت ايدي له سلمت أني اضحك وفاضل يضحك وياي .

ساعات قليلة وصلنا الحلة نزلنا بفلان مطعم تريكنا وطلعنا للمحل الجملة اكيد الولد يكعد بي مثل مكالت خالتي ام
حسن وقت الإجازة والمشكلة ماعرف شكله

بس اعرف اسمه دخلنا الجملة مجان اكو احد بس ولد أثنين واحد صغيرون والثاني متوسط بالعمر سلمت ..

رائد : السلام عليكم

الولد : وعليكم السلام تفضل

رائد : دام فضلك اسأل عن رامي منصور سامي موجود ؟

الولد : اي نعم أني رامي منصور سامي تفضل امر خدمة

رائد : خادم الحسين ( ع ) تعال للسيارة معتازك
بجم كلمة اذا ماتصير زحمة

رامي : خوب هنا احجي

رائد : لا هناك افضل

رامي : أعذرني ماكدر شكلك مو راحة ؟!

ابتسمت طلعت له الباج شوفته له فك عيونه من قرأ اسمي برتبه ملازم أول بالجيش رجعت الباج وكلتله ...

رائد : تفضل عزيزي

رامي : ماشي سيدي

مشيت يمشي وراي وراه فاضل يمشي فاضل قبلي وصل للسيارة فتح الباب الخلفي للولد وكاله ...

فاضل : تفضل اصعد

صعد فتحت الباب وصعدت وراه وفاضل سد الباب قوي فز الولد صعد فاضل بالصدر شعلت جكارة خليت رجل فوك رجل سحبت نفس من الجكارة ونفخته على رامي

خطيب ام الصخول ...
اليوم تروح تخطب ام الصخول
العفو زينب علي

رامي : اي منو أنت وشمعرفك بيها ؟!

رائد : زينب علي حبيبتي وصارلي
وياها على علاقة سنتين

رامي. : شهل كلام !؟

عيونه صاروا براسه خزرته واشرت لفاضل يناوشني المسدس... المسدس بعد عمك

فاضل : تدلل عمو .. تفضل ..

ناوشني المسدس رامي طفر ويحاول يفتح باب السيارة
ماكو مقفولة ابتسمت وباوعتله والمسدس
بإيدي والجكارة صفح صايرة .

رامي : شتريد مني عوفني اروح .؟!!

رائد : ماريد منك شي عزيزي فقط اسحب نفسك
من زينب لو اسحبك جوه الكاع أنت
واهلك وعشيرتك

رامي : شتريد منها؟

رائد : شنو شريد منها ؟ البنية حبيبتي وأني احبها وهي تحبني بس ابوها الكواد جبرها عليك والبارحة اتصلت بي تبجي وأني مايهون علية تنزل دموع
غاليتي زوبة اترك الخطبة ...

بسرعة قبل لا ينحفر قبرك شايف هذا الولد الصغيرون هو يحفرلك قبرك احسلك عزيزي تنسحب بكل هدوء وتكول ماريد البنية وخلص وماتجيب طاري
اني الهددت تمام

ضربته بالمسدس على خده مرتين خطيه مات من الرعب اشرت لفاضل يفتح قفل السيارة ...

رائد : تمام لو مو تمام

رامي : تمام سيدي اعتبر الخطبة الغت

رائد : عفيه ابني يلا تفضل انزل وجيبلي
بطريقك شي اشربه عطشت

رامي : تدلل سيدي

رائد : وهاا تذكرت جبس ليز اربعة جيب وياك

رامي : ان شاءالله

نزل بسرعة جاب عصير وجبس ......ليز فتح باب السيارة خلاهن ابتسمت واشرتله يروح راح بسرعة نزلت فرحان
كلش صعدت بالسيارة فاضل خربان ضحك

حركت السيارة ...
فاضل افتح جبس وخلي
بحلك عمك ههههه

فاضل : عمي ماخذنا جكليت الخطبة

وكفت السيارة ... اي صدك انزل جيب
منه جكليت بسرعة

فاضل : اي هسه هههه

نزل فاضل يركض بسرعة رجع جايب تلاثه جياس جكليت ويضحك صعد بالسيارة ضحكت ويا بصوت
عالي هههههه افتح وكل عمك ههههه

_وهاي لعيون عمي الترف ههههه

فتح الجيس وطلع جكليتة وكلني خربت من
الضحك امي تتصل فتحت خط وكتلها .

رائد : يمة انسحلنا

ام صدام. : بطل جذب وكول شصاير وياك

رائد : انسحلنا شبيج ماتصدكين

ام صدام. : جنك ثور هائج وتكولي انسحلت ههه

رائد : خرررب سويتيني ثور هائج ههههه

ام صدام : ههه احجي يمة شصار وياك

رائد : يايمة الولد جلاكتين تفله من
تفلاتي يغرق ههههه

ام صدام : اي

رائد : حجينه ويا جم احجاية مثقفه خطيه جان متفهم واخذنا منه جكليت الخطوبة وجبس ليز وعصاير بمناسبة حفلة خطوبة ام الصخول هههههههه

ام صدام : هههه خوش خطوبة راح تصيرلها ههههه


رائد : هههه اي والله خربتها خربتها ههههه طك اصبعتين بعد عمك فاضل طك سمع جديتك سمع هاج يمة اسمعي
فاضل شلون يطك اصبعتين

فتحت مكيروفون اسمع امي فاضل يطكلها اصبعتين مضبوط الكلب طالع على عمه أمي تضحك طايرة من الفرحة ادري بيها حبت ام الصخول وهي منا تحبني ومايهون
عليها تشوفني مقهور .

ام صدام : عرس عدكم

رائد : بس ناقصنا ام الصخول ويكمل العرس ههههه

ام صدام : ان شاءالله عن قريب اجيبهالك

رائد : ان شاءالله هههه

سقت السيارة سريع عدل للانبار شغلت جوبي انباري بالسيارة كضيناها ضحك واكل جبس وشرب عصير واكل جكليت سوينه حفلة لام الصخول بالسيارة تخبل

مو كتلها الا اخرب كلشي تحبي ' ماتدري بي انباري من اكول الكلمة اسويها ونص وصلنا البيت تلكتنا أمي بالطرمة فتحت جيس الجكليت كمت اطش فوك رأسها واهلهل

كلووووش اهلا اهلا بأمي تاج راسي أهلا كلووووش

ام صدام : ههههههه ولك لا تهلهل فضحتنا

طالع ابوي يضحك علينا ...
ادري معرسين

رائد : اي هههههه

فاضل : خربناها جدو

ابو صدام : اي خربتوها مااخذتوها

ام صدام : عن قريب اخذها ولا يهمك

طلعوا الجهال فوج كامل كلها تلم جكليت اخذني الحماس اطشر فوك روسهم جكليت وبلاش طلعن الجناين يضحكن طشيت فوك روسهن واضحك ههههه


شوي ودخلنا للبيت اخواني ماكو اتصلت بأمي ام نزار لان بيتهم بصف بيتنه واني جنت اهلهل ...

ام صدام : ماكو شي عيني هذولة الجهال ورائد جاي يعلمهم
يرقصون جوبي تدرين بسوالف رائد ههههه

ام نزار : واني عبالي عرستوا ههههه

ام صدام : نعرس ومانعزمكم شلون هههه

صعدت لغرفتي بوجي للحمام سبحت .... وطلعت جوه كتلهم سوولي غدة ميت من الجوع صبوا الغدة تغديت وي الكل صعدت لغرفتي فرحان خربت

الحفلة على ام الصخول . بالليل اجانه قاسم واخوه محمد ونزار والجهال كعدنا بالاستقبال الجهال كاعدين بالصالة يلعبون اوحنا نباوع على فلم اجنبي أكشن
رومنسي اخرب على الرومنسية

اكل حب واشمر اكشور الحب على محمد ومحمد كذلك ابوي كل ثانية صايح لو يريد يهفنه بالنفاضة محمد مايكعد راحة مني . طلعت لقطة البطلة ضربت

البطل راشدي من هذا المعدل هو طالع من حلك الموت تلكته براشدي جنت مندمج وي الفلم كام محمد وكف بصف التلفزيون البطل جرها توه راد يطكها

بوسه من الحلك محمد طفى التلفزيون وطفر وكال ...
مندمج الساقط هههههه

تعصبت كلش الشله كلها صارت تضحك كمت بكل هدوء شلت اطراف الدشداشة بإيدي وكمت وراه اليوم اكفر بي
كفران قاسم كال بصوت عالي ....

قاسم : الله يرحمك محمدنا ذهههههه

كمت طلعت بسرعة من الاستقبال ادور عليه شفته فتح باب الصالة يريد يطفر خارج البيت طرت وراه ...

رائد : اليوم انعل ابو الخلفوك

فتح الباب وطفر وسده وراه اجر بالباب
ماينفتح اجر اريد ماكو ..
.البااااب البااااااب

ام صدام. : شبيك ؟

رائد : البااااب ماينفتح محمد الكلب
الناقص السافل الباااب

ابو صدام : وزقنبووووت شبيك تجوعر

محمد باوع من الجام الشباك لان جان لزم
الباب والشباك صار يرقص لي ويكول ...

محمد : راحت لقطة الرومانسية الساقط
مندمج ههههههه

رائد : بس اكضك له اكطعك ساقط
سافل الباااب افتح البااااب

اخذت المفتاح فتحت الباب بسرعة لما طلعت محمد ماكو طافر انتبهت على صوته طفر فوك الحايط ...

محمد : هنا رائدنا ههههه

رائد : اني اعلمك چلب

محمد : عووووو ههههه

صار يعوي وطفر على بيت أهله واني دمي فاير خرب الفلم الناقص رجعت للبيت الكل يضحك خليت ودخلت للاستقبال كلها تضحك ابوي يرزل بي

ابو صدام : يايوم اريد من ايام الله نكعد مثل الخالك والعالم بدون مشاكل وطيحان الحظ ماكو لو انت لو محمد
كافي جنكم زعاطيط

رائد : اني شعلي هذا محمد الساقط مايكعد
راحة مني ... لا تشغل التلفزيون

راد يشغل التلفزيون ابن محمد صحت بي
رجع بمكانه خايف صاح بي أبوي....

ابو صدام : مو مالين كعدة أنتو كوموا كلمن
البيته يلا كوووم

قاسم : هههههه اي والله مو مالين كعده عمي

ابو صدام : شكو قلبي هذا يدفر الثاني يفلس كشور حب على الثاني يطفر محمد يطفي التلفزيون مو كعده سووها سم وزقنبوت يلا على بيوتكم اشوف يللللا

الكل كام خربان ضحك ...
أني اعلمه محمد

قاسم : واذا كرصته علمه عود ههههه

صدام : مخابيل مو مالين كعده محترمه في امان الله عمي

2
ابو صدام : الله وياكم مره الجاي من تجون لا تجيبون
محمد واني هم ماخلي رائد يكعد هالاثنين
يخربون الكعدة بس يلتقون

صدام : هاهية ههههه

زينب : الصبح اجوي اخواتي فرحانات لي علمود راح انخطب والولد خوش ولد وقسمة زينة رحنا للسواك اشتريت فستان موروني طويل للحفلة وشكم شغلة

رجعنا واخواتي والجناين يجهزون للحفلة العصر وره الغدة اتصل ابو الولد بأبوي والصدمة لنه احنا الكل كال اعذرني ابو حسام ماكو قسمة بيناتنه الولد بطل مايريد يتزوج

ماعرف شبي خوب تعاركت ويا وضربته
مايقبل اعذرني اعذرني ..

بقى يتأسف لأبوي وأني مصدومة اول مرة انعجب بولد واقبل بي هيج تخرب القسمة بلمح البصر أمي تعاركت ويه
ابوي ليش هيج يسوون ويانه ينطونه كلمة

راح نخطب وبس نوافق يرفضون وين صايرة وين دايرة يفسخون الخطبة بيوم كطعان المهر اخواتي نفس الشي صاروا يحجون وي ابوي هذولة شبيهم

ليش هيج يغشمرونه خلونه نشتري ملابس ونحظر للحفلة اخواني كذلك اكلوا ابوي حاصل فاصل وأني ابجي بالغرفة شبي ويرفضني البارحة جان موافق ويضحك

شنو بي شي وأني مادري .

كالوا اخاف زيد خربها راحوله اجه زيد كال مالي دخل ولا عليه بيها بعد صح جنت اريده بس هسه ماريدها
وراح اخطب بت خالتي هاليومين

كافي شيصير تذبوا براسي من اليوم لا اعرفكم ولا تعرفوني روحوا تتعاركوا وي الغشمروكم مو وياي اني المكرود .خله وطلع وأني ابجي اجه علية ابوي حضني كافي

بابا خل يولون اصلا مايفيدج هيج واحد غبي وعار بقى يهدي بي المشكلة أني حساسة كلش لو واحد خزرني اصير ابجي لو واحد يسمعني كلمة ابجي هيج شخصيتي
ضعيفة شوي هديت .

المغرب اذان صليت وفليت راسي ونمت حتى عشة ماكلت كالي نفس جلال وخالتي وفردوس علاء كلهم متصلين بأهلي ويردوني احجي وياهم كتلهم مالي
خلك احجي أريد أنام.

جنت اركض بمكان مهدوم كله المكان بالضبط جان الموصل من هدمها داعش بكل مكان بقع دم وجثث مطشرة شكلي مخربط ايديني كلها صخام اسود

شخص مجهول الهوية جان واكف بعيد عني لابس كله اسود حتى وجه مابين ملثم سلاح بإيده لازم من شفته راسن ركضت وركضت وابجي وصلت لمكان أكثر رعب

شفت زيد وأبوي مكتولين والدم بطولهم صاير شكهت
بصوت عالي وصحت بعلوا صوتي ...

زينب : ياااابة

وي صرختي طلعوا مجموعة من الدواعش بيدينهم اسلحة يضحكون من شافوني بسرعة ركضت ولطخت بجسم
مجهول بقيت مغمضة عيوني

فزيت من هذا الشخص حضني وصار صوت رمي طلق نار فزيت من النوم مرعوبة والعرك يصب بطولي
جني مخبله اصرخ ...

_ ااااه يااابة لا يااابة لا تمووووووت يااابة

بقيت اصرخ وابجي بصوت عالي مثل المخبله صورة جثه ابوي وزيد ابن عمي كدام عيوني صايرة انفتح باب غرفتي دخلوا امي وابوي بسرعة واني على حالتي
كاعدة بفراشي واصرخ

مثل المجنونة . حضنتني أمي ...
اسم الله الرحمن شبيج يمة زينب شبيج لتبجين اني عندج اسكتي يمة اشش اسكتي ماكو شي

حضنت امي قوي ...
ابوي مااات ابوي مااات قتلوووه ااااه

امي : استغفرالله العلي العظيم وج هوينة
ابوج ماميت هذا كابوس هوينة

ابوي : اعوذ بالله من الشيطان الرجيم بابا
هويني مابي شي لتبجين

زينب من سمعت صوت ابوي شوي تطمنت ..... ورفعت رأسي شفته وبجيت رجعت ضميت راسي بحضن امي صاروا يهدون بي ويقرون قرأن يم راسي

رجعتني أمي للفراش اشهك وصورة الرجال المجهول لابس كله اسود كدام عيوني جان يراقبني والجثث اهلي شنو موضوعها؟ حجيت الحلم لاهلي كالوا
مجرد كابوس من اعمال

الشيطان الرجيم نامي ماكو شي .

مرت الأيام وابوي وأمي ودوني للانبار علمود الجامعة تلكوني بيت خالتي يضحكون ماحسسوني بشي وراها راحوا العصر اخذت علاء ونانا وطلعت كلت طززززز بالزواج
اني بعد اتزوج على كص اركبتي .

اخذته وطلعت اشتريت حلويات كووومة وعصائر اليوم أريد ارفه عن نفسي وأنسى خطوبتي اللي فشلت اصعب شي بالحياة من تقتنع بشخص وتريده بحياتك يكون

ويختفى فجاة هيج صار وياي راح الكيوت رامي .بقت بقلبي ليش رفض الخطوبة هو جان ميت من أساس جاي نمشي شفت سيارة رائد ويا بنية صغيرة تطلع
عمرها بال ١٣ او ١٤ سنة

ولد هم صغيرون بعمر علاء تقريبآ طلعوا من محل ملابس نسائية شايلين علاليك ويضحكون خلوا العلاليك بالسيارة ورجعوا لغير محل من طلعوا من المحل

ضم رائد البنية مخلي ايده فوك جتفها ويمشي وياها ويضحك جان .شكلهم حلو ومابي خباثه مبين كيوت
مو مثل كل مرة اشوفه يخزر بي نبزت علاء جان
واكف يريد يعبر الشارع

زينب : منو هذوليك

علاء : منو ؟

زينب : البنية والولد وي الملازم رائد

علاء : وينهم

زينب : هذوليك شفتهم رجعوا للسيارة

شافهم وابتسم ...
ولد اخوه الجبير فرح وفاضل

زينب : هاا حلوين

علاء : منو الحلوين ولج؟

زينب : البنية والولد شكلهم حلو وكيوت

علاء : هاا يلا امشي

رجعنا للبيت كاعد اكل وي فردوس وخالتي ونانا بالليل
لازمة التلفون واقلب دزتلي رسالة نوره...

_زيد خطب

_ألف مبروك الله يتمم على خير

_يوم الالج

_دخيلج نوره لتكولين هيج ماريد نفسي لعبت

_انجبي

_يلا حبي نعسانة اريد انام نعسانة

_تصبحين على خير

_وأنتِ من أهل الخير

رائد " اخذت فروحة وفاضل اشتريتلهم ملابس للمدرسة بداية العالم الدراسي الجديد مااخذوا جبتهم اليوم واخذتهم على حسابي الخاص بعد من اليوم باسمي صاروا

راح نشيل هالايام وهم لنا مو لاهلهم رجعنا على البيت
بالليل اجت أمي عندي كعدت بصفي على
الجرباية وأني متمدد واباوعلها ..

_ كالتلي ام حسن فاسخين الخطوبة اهل الولد

_شعجب ؟!

_خرررب بيومك تخرب وتسأل هههه

_نسيت هههه

_وتكول البنية كلش متأثرة بس تبجي خطية تكسر الخاطر

_خطيه ههههه

_فرحان ولك

_ اي

_عوف فرحك على جهة وهسه احجيلي
شوكت اروح اخطبها لك

_مو هسه

_ باع قبل لا اروح اخطبها اريدك أنت تحوكها من يمك

_شلون ؟

_شنو شلون أنت جنت ابو النسوان ومصاحب ألف وحدة
هسه ماتكدر تحوك شباك وي زينب !؟

_باعي ذنيج البنات غير وزينب غير هاي بالجامعة يمها اشكال الوان مامصادق ولد تمشي وحدها حتى صديقات
السنة ماعدها وأني وياها مثل توم وجيري

_وتوم وجيري مايكدرون بدون بعض اخذها مني رائد حرك نفسك تجاه البنية وخلها تهواك علمود من نروح خطابة وهي موافقة بعد سهلة تكون ونكدر نقنع أبوها

_ هي ماتحبني وتخاف مني بس تشوفني تطفر وتكوم تبجي

_لازم اكو سبب

_سببيش ؟

_مسوي شي لها ؟

_تردين الصدك كلما اشوفها اخزرها واخوفها ههههه

_هذا غلط منك

_لاا

_شنو لا غلط منك انت لازم كلما تباوعلك انطيها إبتسامة عفوية مو تخزرها بعيونك جنك صكر

_يعني اصير كيوت مثل قاسم

_بالضبط مثل قاسم كيوت وحباب وخلوق وبهاي الطريقة راح تكسبها لصالحك وكلمة ام الصخول وصخله ام عداي شيلها من قاموسك لا تجيب طاريها كدامها من تشوفها
خليك حباب وكيوت

_ماكدر

_انجب شنو ماتكدر ليريد شي يعرف شي

_علميني أنتِ ترى كلشي ماعرف يمة

_تعال خل اعلمك طلعت كلشي ماكو

_ههه اي فارغ

_ هي شتحب أنت حب مثلها

_يعني اروح احب الصخول !؟

_اي حبهم

_وايععع ماكدر يلعبون النفس

_دبقى هيج لعد عيب عليها لما تروح من ايدك اخاف هاي اجت لصالحك وخربت الخطبة محتمل المرة الثانية
تصيرسكتاوي وتعرس وماتدري

كعدت بسرعة اباوعلها...
علميني لعد شلون اخليها تحبني؟

_راح اعلمك وامشي عليهن خطوة خطوة ماشي

_ماشي

_ترى البنات فطر وقلبهن فطير وابيض مثل الثلج بكلمة كلمتين تفرح أنت شراح تسوي كلما تشوفها أبتسم بوجهاا بعفوية وخليك محترم وحباب والانحراف وكلمات
الزفرة لا تجيبها على السانك لان المرة تكره
هذا الشي تسمع

_ايي اسمع كملي ؟

_ احترم رأيها حتلوه مايعجبك ولا تقهرها أبد وشتكولك كوللها اي ان شاء الله تدللين من عيني قبل هاي عيني
حسسها أنت أبوها وأمها تفهم ؟

_اي افهم كملي

_هسه شسوي تروح تعتذر منها على حرك
اغراضها وتجيبلها اغراض جدد

_شمدريج بالاغراض

_كالي قاسم كلشي وهذا التصرف أبد معجبني تصرف من واحد طايش وقليل الاحترام والأدب مو مال
واحد محترم وضابط فهمت

_اي ومنوين اجيبلها ؟

_هاي مشكلتك روح دبر لها مثل لغراضها لحركتهم
وديهن لها بنفسك وعتذر بكل إحترام

_وشراح استفاد؟

_راح تكسب احترامها وتقديرها وراح تغير
شوي من نظرتها السيئة اتجاهك

_هاا

_اي يمة هيج تكسب قلب البنية حب اللي تحبه واكره اللي تكرهه تحمل كلشي لما تحبك وتزوجها عود من تصير
عندك شسوي سوي بعد وغيرها

_ يعني احب صخله ام عداي .؟!

_بالضبط

_هنا راح اصير رائد المخبل

_اني كايمة صارلي ساعة احرك بدمي واعصابي تلفانة
وسويت حرام منوراك لو ادري بيك فاهي هيج
فلا خليتك تخرب الخطبة

_لا يمة اكعدي والله اسوي كلشي بس ماعرف اجيب بضاعة كوريا ومثل ذني لجانن عدها ويتأخرن 45يوم
يلا يوصلون؟!

_دور على الانستغرام هسه تلكة

_مالكه

_زين عندك حسابها مال الانستغرام ؟

_اي عندي

_اي روح دور بحسابها هسه تلكة البيج لوصت منه
واحجي وياهم حتلوه ادفع اكثر افلوس
علمود يوصل الطلب أسرع

_حرامات اخرب الفلوس على شغلات تافهة للصخول

_وحرامات كاعدة يمك وحرامات خربت خطبه البنية لو مخليتها متزوجه ابو النفط ولا هاي الحالة وياك

جريت امي من ايدها قوي....
تعاااي وين مولية

_ عليمن ولك مولية عليمن

عفت ايدها وضحكت شالت المخدة وهفتها برأسي...
ادبسززز انطيتك عين انجلبت وطبك طووب ابقى عار على كوله ابوك ابقى من كحبة لكحبة لما تروح

زينب بحضن غيرك والله العظيم بعد فلا اساعدك وفلا
اوصلك اخبارها اخليها تنزف وبليله
العرس يلا اكولك

رائد : لااا فدووة رحت التراب رجليج ردي علميني ترى اطرش بالزفة كلشي ماعرف وبدونج
اضيع يممممة تعاااي

_صارلي ساعة اعلم منو ؟

_أني

_ربي اخذ امانتك تعبت بعد من هالوليد شمسويه وانطيتني هيج واحد عناد وراسه يابس مثل الصبه

_على كيفج يمة ترى طالب مبتدى بعدني شوي شوي وياي

_ماتحمل أني غبائك روح القاسم يعلمك

_قاسم يصير ابو المسجد ابو عذراء ويكوم يتفلسف برأسي أنتِ احسن منه وتعرفين كلشي لان ماره بيها من قبل قاسم مامار حبها بالسر بينه وبين نفسه

بس راح خطابه انطوها له مو مثل حظي مخوف البنية ومخليها تكرهني تعاي علميني شلون
حبيبتي أبوي ؟!

كتفت ايديها تباوعلي مثل الطفل مكابلها وكاعد ...
روح اسأل ابوك

عافتني وطلعت تريدني اتورط وي أبوي وادري بروحي تافه اقل حجاية من ابوي انبسط لو اترزل اخذت بنصيحتها لزمت التلفون وفتحت الانستغرام دخلت لحسابها

عام جان كله صور للصخول كوه لازم أعصابي جانت متابعة فقط ٣٠ متابع بقيت ادور وادور كله حسابات كورية لكيت البيج دخلت كله بضاعة كورية من ملابس اكسسوارات
وهداية كلشي وكلاشي بي .

شفت بضاعة منزلين للفراقة سوبر جونيور مثل الحركتهم طبق الأصل فرحت وكاتبين الكمية محدودة ومدة التوصيل
٢٥ يوم بدل ال45 يوم عرض خاص
والسعر 50ألف

جانن أرخص دزيت المنشور للصفحة وطلبت طلعت الحساب بقيت افلفس بي جان بي ملابس حلوة كلش مال بنات فساتين سهرة أشياء حلوة ونازكة

ختاريت فستان لفروحة بت .....أخوي تستاهل هاي الحب مالتي والمداريتني جان السعر 40ألف غالية كلش البضاعة ماعرف ليش المهم اختاريت لها فستان أحمر غير بصمة

حلو ونازك يناسبها السعر 45ألف دزيتهن للصفحة جانوا رادين حجزت الطلب بس ماردت ابجي دست على كرامتي ومشيت علمود ارضي نفسي وغروري وأخذها

صار الحساب 145 ألف دينار عراقي .
على شغلات تافهة بس الفساتين تسوى لان حلوات كالوا الطلب يوصل خلال 25 يوم ولباب البيت .

شلنه بالبيت الجديد وأخواني ..... كلمن بيت ارتاحوا اخذنا فاضل وفروحة يمنا هو هم متعلقين بينا امي تكوم وتكعد تعلم بي صير خوش ادمي بطل تفاهه

صير رجال ولا تخزر البنية بين لها أنت حباب وكيوت شالعة قلبي اريد اروح لابوي واسئلة شلون خله امي تحبه
بس أخاف منه .

انتظرت 25 يوم بفارق الصبر وصلت البضاعة وأني بالدوام اتصلوا بي كلت الفاضل استلم الطلبية بالليل جاي أني وخلهن بغرفتي لا تخلي كائن مايكون يقترب لهن

حتلوه أمي كال تمام عمو ...
بالليل نزلت اخذت إجازة مدتها يومين بوجي لغرفتي جان مخليهن بالكنتور وقافل عليهن فتحت الطلبية

هن نفسهن طلعت الفستان الحمر ياخذ العقل يخبل لحد الركبة يلمح لمع مال سهرات صرت اتخيلها لابسته وتفتر كدامي طلعت من خيالي بسرعة طلعت فستان فروحة وردي

يخبل هم مثله تقريبآ اخذته ورجعت الأغراض بمكانهن طلعت بره الغرفة جان البيت بس قاط واحد وبي خمس غرف نوم وهول واستقبال ومطبخ وصالة جبيرة

وفروحة غرفة الواحدها وافاضل كذلك
عدل لغرفة فروحة دكيت الباب ...

_عمو فروحة كاعدة ؟

_اي عمو تعال

فتحت الباب لكينها جاي تقرأ رفعت العلاكة لها استغربت ...
هاي شنو فروحة ؟

_شنو عمو ؟

_هاج وشوفي شنو هذا

انطيته لها اخذت العلاكة فتحتها طلعت الفستان شهكت ...
وااااااااااو يخبللللل عموو

_عجبج ؟!

_كللللش مال أميرات

شمرت الفستان وكمزت عليه شلتها بحضني تبوس بي ...
يخبل عمو يخبل جنت احلم بهيج فستان هههههه
بس انت الحب بس انت امممح امممح

_ههههه ماتوقعت راح يعجبج ذوقي

_أنت حلو وذوقك حلوو عمووو اممممح امممم

_اممممح يلا كافي اكلتيني ماتوقعت فستان
بسيط راح يفرحج هالكثر

_الهدية المفاجاة تفرح عمو

_مادري

نزلتها من حضني راحت للفستان فرحانه بي مخليته على جسمها وتفتر بي كمت اضحك ...

_روحي جربي

_هههه هسه

طفرت للحمام كمت اتخيل زينب مثلها ......من تشوف الهدية تكمز لحضني وتبوس بي مثلها ههههه عقلي راح لبعيد هاي فروحة بمثابت بتي مربيها على ايدي هي وفاضل

_هههه هسه

ويعتبروني أبوهم مو عمهم طلعت جان بردان اطوال تول والرجلين طالعات تباوعلي وتضحك ...

_هههههه

_ماشاءالله عندي باربي ومادري هههه

_عمووو

_عيون عمج كيمر عرب طالعة ههههه

_لا تخجلني

_حقيقة هاي عمو يلا تعاي شوفي لأمي ولابوي

_اي هسه يلا خل يشوفون الأميرة فروحة حبيبه
عمها الحلو الصاك الجذاب

_اي بعد انفخي بي بعد ههههه

#يتبع ...

#عشق_أهل_الأنبار_ج٢...
#البارت١٧


رائد بعد ماشوفت الفستان فروحة لامي وأبوي اجاني اتصال من قاسم كال تعال باجر الصبح للفوج عدنا مداهمات
بالليل خربت الطلعة كلها كلت باجر

اقط زينب بالجامعة .المهم طلعت الصبح للفوج هناك
تلكاني قاسم كعدت بصفة وحجيتله السالفة
كلها شعل جكارة ويباوعلي .

رائد بعد ماشوفت الفستان فروحة لامي وأبوي اجاني اتصال من قاسم كال تعال باجر الصبح للفوج عدنا مداهمات
بالليل خربت الطلعة كلها كلت باجر

_لتروح للجامعة

_لعد شلون اعتذر منها ؟

_أصلا لا تعتذر أنت

_قاسم شبيك ؟!

_شسالفة قاسم سديت كل البوب بنص وجي !

_والله انت الساد البوب بوجك مو أني اسمع
رائد ولا تسوي شي من رأسك هاي البنية غير
البنات لجانن وياك فهمت

_اي هاي ام الصخول

_ولك لا تكول ام الصخول منو يقبل احد يصيحة بهذا الاسم المقرف اسمع خلي امك تروح لبيت ام جلال وتوديلها
الأغراض وتعتذر بنيابه عنك

_امي ليش ؟

_إذا شافت امك راح ترتاح واهل جلال كذلك لان ادمي جبير وهي تعرف امك وعلاقتها بامك طيبة وبيت أهل جلال
كذلك علاقتهم بأمك طيبة واكيد راح يرحبون
بيها وتقبل الاعتذار زينب والهدية .

ومناك امك بسلوبها الحلو والراقي راح تبني علاقة حلوة
وي البنية بلكت شوي تحسن من صورتك
البشعة بنظرها ..

_بشع شنو ولك

_والله هسه انت صورتك بشعة جدا بنظر البنية البنات مايتحملن رجال عصبي ومكروه مثلك ويخزر بيها اربعة وعشرون ساعة هن بدورن امان استقرار
لو يدورن مشاكل وعرايك .

_هسة ؟

_اي كول لامك خل تروح باجر العصر فاضل
يوديها لبيت جلال

_راح اسمع منك هالمرة وإذا مانجحت الخطة اكفر
بيك كفران وادزك المرتك متكسر

_علمود تجلطها وتموت هي وليدي

_مسوكة ماينخاف عليها

_والله انت بطران عبالك مسك مثل غيرها قوي الشخصية يابة مرتي حالها حال الأطفال وجبانة أقل حجاية تزعل وتنقهر وتتمرض لو صحت بوجها تصير تبجي
وتتمرض ماتتحمل الهضيمة

_لابشرفك قاسم

_اي والله فدمرة حساسة ومنا مريضة
ومنا حامل مزاجها متقلب

_الله يعينك عليها

_اي

_يلا كوم خل نروح يم الجماعة .

قبل لا نطلع مداهمات على احد منازل اتصلت بامي وكتلها أنتِ ودي الأغراض وعتذري بنيابه عني ولتكولين أني جبت الأغراض كولي أنتِ جبتيهن وخليته هو يدفع لان
اذا درت مني محتمل ماتقبل

_هاهية هسه اخلي فاضل يوديني

_خليها على باجر ؟

_باجر جمعة ومحتمل البنية تروح البيت
لأهلها وخير الأمور عاجلها

استغربت قاسم " ماطلع ويانه اشرتله اشرلي عمي ماقبل يروح بلعت ريجي معناها المداهمات خطرة يخاف
على النسيب حبيب القلب جا احنا شنو
مايخاف علينا.

طلعنا بسكوت لا حس ولا صوت تطرك السيارات وماكو شي سحبت أقسام بالمسدس ورجعت بحزام خصري والسلاح
الثاني هم سحبت أقسام كلها تهيأت نفسها لان

اقتربنا للهدف. ظلمة كلش المكان باوعت من السيارة شفت بيت بي اضواء قليلة مشتعلة كلها نزلت بكل حذر صوت ماكوكلها كاتمة أنفاسها .

وصلنا يم الباب جان باب حديدي بدون .صوت صعدوا الجنود من فوك الحايط وفتحوا الباب جان عدهم چلب صاير ينبح بصوت عالي واحنا هم ويانه ثلاث چلاب

صاروا ملخ رأسن جماعتنا كبسو مثل الشباح على المكان وحاصروه بالكامل وكفوه أثنين من كله الجهتين من
الباب لان الباب راح ينفتح وي فتح
الباب طلع الرجال

صاحوا بي ...
سلم نفسك المكان محاصر .

رفع ايديه جروه ودخلوا البقية للمكان .... جانوا تجار مخدرات دخلنا للبيت جانوا بالعشر أشخاص شايلين أسلحة اتجاهنا دخلولهم الفوج نصه صياح عليهم بسرعة

رموا الاسلحة وركعوا للكاع رافعين ايدينهم ...
سلموا انفسكم المكان محاصر

دخلنا أني والضباط الوياي نباع فارشين ارضيه الغرفة كلها مخدرات أنواع واسلحة متنوعة والفلوس عراقية ودولارات اجه المصور صور كلشي وراها شالوا
المخدرات والفلوس

طلعنا شمروهم بالبدي السيارة وطلعنا بيهم اتصل عمي وكناله تمت المهمه بنجاح أتذكر مرة وحدة ماتمت العملية بالنجاح جانوا دواعش جوه الكاع

عدل للغرفة نزعت الدرع جان ثكيل كلش والسلاح
كذلك كعدت شعلت جكارة دخل قاسم
يباوعلي ...

_شبيك ؟

_مابي شي ليش ماطلعت ويانه ؟

_عمي ماقبل

_وان شاءالله دوم عمك مايقبل تطلع ويانه
لان نسيب وقطعة من الكبد .!

_رائد شبيك منزعج ؟!

_ضجت والله شنو أنت أحسن من عدنا مايطلعك مداهمات يخاف عليك ترى حالك من حالنا قاسم ماحب التفرقة أني
بس يفرق انوب اتعارك ويا وشيصير خل يصير

_رائد دير بالك تتعارك ترى ينقلك لاخر الدنيا

_روحي بخشمي صارت من شفتك ماطلعت
ويانه وأني متعود اطلع وياك بكل مكان

_مقهور علمود أني مو وياك

_اي تدري بي احبك واذا اموت اموت وياك مااموت الواحدي

_بعيد الشر عنك وعني العمر الطويل ان شاءالله مكتوب لنا

_طزز بالعمر لمابي راحة

_شبيك اليوم ّ!؟

_مادري احساس مكروه داخلي

_احجيلي شنو زاعجك

_عمك العزيز زاعجني كايل للأمر اخذ وياك رائد التافه وكل مهمة خطرة اخذه وياك اريده يتعلم شايفني طرطور لو زعطوط ترى دخلت حرب داعش
مو مثلك لو مثله

لو مثل البقيه كاعدين وياكلون ويشربون عصائر واجهت الموت بعيوني هسة جاي يعلمني
شنو المخاطر...

_ولك اسكت لا يسمعك .

_ومايسمع كافي مليت مستخف بي علمود اقلد واضحك

_ اهدء رائد

_ما اهدء واذا ماعاجبك كلامي لان عمك العزيز
هسه اطلع واحجي كدامه وجه لوجه

_ولك لا رائد دير بالك تتهور اسكت أني احجي ويا
من انزل بالبيت بصفتي عمي مو المسؤول .

_دخل يوقع كتابك خوش شكد جبان تصير عود ويدزك التلايف الدنيا يومين تلاث يجيبونك ملفلف
بالعالم العراقي

_وهذا حلم عندي خل اكوم اطلع لعد واتعارك ويا خل
ينقلني لديالى الصلاح الدين على الحدود وين
مكان خطر خل يشمرني بي

كمت اريد اروح اتعارك ويا جلب بي قاسم ...
وين مولي رائد

_اتعارك

_انجب وكعد راحة ادري بيك مقهور
علمود ماطلعت وياك

_اكعد بس بشرط

_شنو الشرط ؟

_وهاي كعدت .

_امك اتصلت بي

_شوكت ؟

_قبل ساعتين

_اي وشكالت ؟

_والله كالت كول الرائد خل يفتح التلفون اريد احجي ويا

_ولك ولك نسيت التلفون مقفول وينه وينه

_على كيفك رائد هوينه التلفون بجيبك شبيك

_تاهت علية

طلعت التلفون فتحت القفل راسن اتصلت .. ..
بامي والجكارة بحلكي انتظرها ترد ماردت

_ماترد ؟

_محتمل نامت

_شنامت بلا بيش الساعة ؟

_بال١٢ ونص

_هسه شبعانة نوم يلا الصبح اتصل بيها

_اي يلا أنت هم نام

_اي تعبان راح انام مو تجون تكعدوني ترى اكفر بيكم كفران

_ههه هاهيه اني بمكانك عود ههه

_اي اطلع وسد الباب وراك ترى جرشت من البرد

زينب "وره العشة اجونه خطار والصدمة لي ام رائد وياها بنية ولد ولد اخو رائد شفتهم هذاك اليوم بقيت مستغربة جيتهم لزمتني فردوس بالمطبخ بعدني
مطالعة عليهم

_ام صدام هاي

_اي شسوي جاية؟!

_مادري هي تجي بس وقت المناسبات شكو اليوم

_يعني تراجعكم ؟

_اي تراجع لان عمتي تراجعهم بالمناسبات

_هااا

_اي يلا روحي بدلي وتعاي سلمي

_استحي اسلم

_عليش تستحين دمشي سلمي لا تفضحينا امشي

دخل علاء للمطبخ وكال ...
زينب خاله ام صدام تريدج

زينب : أني

فردوس : بس لا خطابة ههههه

علاء : ماعتقد لان جايبة علاكة وكالت هاي الأمانة الزينب

زينب : امانتيش ؟

علاء : شمدريني يلا بدلي وتعاي لتطلعين
بالتراك عيب مناك الولد

زينب : صغيرون هو

علاء : حتلوه يبقى رجال

فردوس : اوووي صاير يغار ههههه

علاء : طبعا اغار غير عرضي يلا بدلي وتعاي
بساع مبين المرة مستعجلة

زينب : فديت أني هههه

ابتسم بوجي وطلع افرح من اشوف ولد خالتي ..... يغارون عليه ويخافون عليه فديتهم اني بس جلال وعلاء مثل أخواني فردوس تضحك دفعتني للغرفة

طلعت دشداشة لبست وحجاب مكياج ماخليت بس رشيت عطر وطلعت سلمت البنية والولد صافنين بي سلمت وكعدت بصف ام صدام بس تضحك بوجي

شكد احبها حبابة وكيوت مو مثل ابنها الوحش ابو خزرة .

فروحة : انتِ زينب ؟

زينب : اي حبيبتي

فاضل : اي هي شنو ماتذكرينها من طردوها الچلاب

فروحة : والله ناسية شكلها ههههه

علاء : چلابيش؟

فاضل :جنه بيت الحجية ام حسن قبل فترة
وهي هناك طردوها الچلاب خطيه

علاء : مادري مكتي زينب

زينب : متسوى ماتشكرتك بوقتها شكرآ

فاضل : ولو أني بالخدمة

علاء : مادري مكتي زينب

علاء : خادم ربك عزيزي

فاضل : الله يسلمك حبيبي

ام صدام :صدك اجيت لعندج علمود أعتذر على
السواه ابني رائد وياج هذاك اليوم

خالتي : عادي خيه مصار شي

ام صدام :لا عيني سوه شي غلط وأني ماقبل على الغلط اخذ اغراضها وحركهن لها وخلاها تبجي مايهون علية اشوف دموعها زينب عزيزة على قلبي

بقيت اباوعلها فردوس تضحك خالتي تبتسم دخلت إنذار طلعت علاكة جبيرة وخلتها كدامي ...

ام صدام : هاي الأغراض لحركهن رائد خليته يوصي على نسخة ثانية منهن وفوكاهن فستان تعويض على الإهانة لتعرضتي لها

زينب :ليش كلتفي نفسج خاله والله
ماكو داعي جيتج كافي

ام صدام : انقهرت عليج من كالي قاسم جنتي تبجين علمود الأغراض ومتصله بجلال علمود يردهن بس ابني دومه مستعجل ههه يلا خليته يخسر
أكثر من قبل

علمود مرة الثانية مايغلط ويعيد الغلط مرة ثانية شوفي الأغراض نفسهن لو لا واذا مو نفسهن اخلي يجيب
مرة اللخ نفسهن

خالتي : والله ماكو داعي مكلفين نفسكم محتمل الولد شك بأمرهن وحركهن تدرين بهاي الايام كلها مخدرات وماحب يورط البنية مثل مكال جلال

ام صدام : لا مخدرات ولا شي ابني واعرفه
يكره الكوريين شوفيهن بنيتي

زينب كتمت ضحكتي بقلبي تحجي طك بطك ماعدها جذب والاغراض رجعوا على عنادة هههه فتحت العلاكة شفت الأغراض هن نفسهن لا وبيهن اضافه
هم فرحت بيهم

وانوب علاكة ثانية بيها كورتونه مربعة ماعرفت شنو هاي؟الاغراض هن بس هاي شنو خاله ؟!

ام صدام :هاي فستان تعويض للاهانة شوفي يعجبج لا
واذا معجبج اخلي يجيب بدل الواحد
عشرة عقاب .

ابتسمت تلقائي نفسي طلعت الكورتونه فتحتها تفاجأت فستان أحمر اعرف هذا الفستان بالبيج جانوا منزلي جديد بوقتها عجبني بس معندي فلوس
ادزه وماكدر تطلب من

أبوي مصاريف هواي للجامعة جاي اصرف وتوبت منا
مادز بعد اول مرة بحياتي ادز ويركهن رائد ...

زينب : ليش مكلفة روحج خاله والله ماكو داعي للفستان

ام صدام : كتلج عقاب حتى مايتجرأ مرة اللخ ويسويها وي غيرج ألف ألف عافية تتهنين بالاغراض خاله

ام صدام : يهون عليج اطلع وبايدي الفستان
تردين تخجليني بنيتي

زينب_لاا ب...

خالتي : اخذي خاله هذا هدية من خالتج مشكورة
خيه ام صدام وتعبناج ويانه

ام صدام : تعبكم راحة خيه قابله بيهن

زينب : طبعاً شكرآ خاله

ام صدام : تدللين وهسه قبلتي اعتذار ابني المحروس

زينب : هو مو مال واحد يعذره ويقبل اعتذار لان لسواه بي عيب مو من ناحية الأغراض لا من ناحية وكفني بنص الشارع وكدام الجنود يريد يفتشني تقبليها خاله

ام صدام :طبعآ ماقبلها ورزلته عليها اوعدج بنيتي بعد مايعيدها أبد ولا يتجرأ يطلع كدامج هسه اقبلي الاعتذار وبري الذمة تدرين بي عسكري وحياته بنص الخطر

زينب : مبري الذمة دنيا وآخره كله الخاطرج خاله
لان أحبج واعزج واحترامج .

أبتسمت وجرتني لحضنها باستني بكصتي بقيت مبتسمه بوجها الكل يضحك الولد والبنية واحد يباوع للثاني ويضحكون بسكوت ماعرف ليش حسيت
الولد جان يصور

لان لازم التلفون بشكل جاي يصور بي . ....من شافني مركزة انظاري بالتلفون رأسن خلاه بجيب الدشداشة بقوا ساعة
وراها راحوا خالتي وفردوس يضحكون

ويكولون اخذيها منه هل الأيام جاييتج خطابة مبينه ميته عليج ماكو واحدة ترزل ابنها علمود بنية في حاله وحدة
تحب هاي البنية والمره مبين عليها ولهانة بيج

وأني كمت اكمز من العصبية ماريد ابنها ماريده مخبل وابو خزرة وضخم ومخبل مايتحاجه ابد وشايف نفسه شوفه كتلهم حتلوه تجي ارفض اكيد مراح اقبل

وبس هالاشهر القليلة أني هنا مابقى شي واكمل جامعة واطفر للحلة وراها رحت لجلال وكلتله فرح وكال هي هاي خاله ام صدام ماتقبل على الغلط واكيد قاسم كاللها
ألف عافية ردوا غراضج زوبة .

وراها اتصلت بامي وكتلها امي شوي خافت وكالت ...
يايمة هاي مبينه تريد تجيج خطابة

وراها اتصلت بامي وكتلها امي شوي خافت وكالت ...
يايمة هاي مبينه تريد تجيج خطابة

_لااا

_شنو لا مبينه مثل عين الشمس المره هاويتج وام حسن كالتلي لهساها تريدج وتكول زينب بقت
بنفسي هههه

_يمة

_هههه شبيج

_أني صح احب المره واحترمها بس مال احب ابنها
واحترمه واقبل بي مستحيل ثم مستحيل.

_حتلوه تقبلين أنتِ ابوج مايقبل

_ايي

_يلا ماما اني رايحة أنام تصبحين على خير

_أنتِ من اهل الخير امممح احبج

_ههه وأني همم

فتحت الأغراض وكعدت بالكاع فرحانه .... بيهم وأخيرا رجعولي على عناد ابو خزرة شفت الفستان كلش حلو ذوقه هو لو ذوق خالتي لا اكيد ذوق خالتي هو عنده ذوق
وجه الوحش بس فالح يخزر ويصيح .

رائد' اتصلت امي بي وكالت قبلت الإعتذار بس مو الخاطرك الخاطري قبلت البنية مبين عليها ماخذه موقف منك مو من حرك الأغراض من وكفتك لها بنص الشارع

وتريد تفتشها اكثر غلط تسوي بحياتك رائد وحاول ماتكرره مرة اللخ ؛ هاهية بعد ماعلية بيها أنتِ حوكيها من يمج ماتدخل ولا اقترب صوبها ارتاحيتي هسه

_اي ارتاحيت خلها علية أني ادري بيك ابو بلاوي تروح تسوي شي بت العالم ونبتلي ومنا ماتقبل بيك وتدري بي احب
البنية كلش وخليتها بالي اجيبها يمي
يعني اجيبها

_اييي جيبها مو راح اموت

_رائد

_هااا

_اذا اكو أشياء قذرة تجاه البنية شيلها

_مامخلي ههههه

_عليمن رائد ولك عليمن ابني واعرفك هسه
شتخيلت بالك من احجي وياك عليها

_احجيلج عادي مو ماتخجلين امي أنتِ ههههه

_انجب حيوان اعرف شلون اسحبهن منك بطل
تفكير منحرف بطل يارجال بطل

_مبطل بس جيبين طاريها اريدها ههههه

_الوسخ يبقى وسخ يمة

_ايي هههههه

_ولك لا تضحك ضحكاتك تخوفني

_ليش هههه

_وراهن بلاوي سودة

_اطمني ماكو شي بس تعبان وجوعان يمة

_اي روح اكل واستراح

_هو اكو راحة واستراحة كله واجبات

_ الله يساعدك يمة مابقى شي وتنزل

سديت الخط من امي اجاني إشعار على التيليكرام من فاضل دازلي مقطع المدة ٤ دقائق كاتب ...
باع شتكول عليك ههههه

كتبت ....
منوو؟

_زينب صورتها لك عمي هههه

_لا بشرفك فاضل ؟!

_مافتح ؟

_بعده النت ضعيف عندي خرررب بعمك
هاي صدك مصورها ؟!

_هههه كلت ماريد اخليها بقلب عمي حسرة هههه

_بعد عمك تعال خل ابوسك من راسك تعال

_هاي اجيت

_اممممح ههههه

فتحت المقطع كاعدة بصف ..... أمي وتحجي وياها وتضحك بقيت اضحك لامكياج مخلية وشكلها يخبل نازكة تحمست زيادة بست شاشة التلفون بالغلط دزيت قلب

فاضل _ هههه عمي شبيك تدز قلوب حمرة ههههه

_ عمك حمه وبالغلط دزلك قلوب حمرة هههههه

_على بختك عمي لا تحمه ماكو شي يمكن تبرد
قلبك بي غير البرد يبردك ههههه

_اي والله جفاف عام ضارب عمك

#عشق_أهل_الانبار_ج١.......
#بارت١٩

رائد عقلي وكف كام مايستوعب كلام الكاله ابوي الي باوعت لأمي تبجي بكل حركة كمت بسرعة نزلت من
فوك الجرباية رحت لأبوي .

رائد : تحجي الصدك ؟!

ابوي : لعد اجذب عليك زينب بت علي لجان يريد امك

رائد : هو نفسه الولد التعارك وياكم بالماضي علمود امي
وانتو ضربتوه هو واخوانه واخذتوا امي
بالغصب ؟!!

ابوي : اي هو وبوقتها كسرت ايده

رائد : سووودة بكصتي البنية لردتها طلعت بت الرجال
لجان يريد امي وعنده عداوه وي ابوي وهسه
شلون يابة ؟!!

امي : خلص عوف البنية

رائد : اعوفها ؟!!

ابوي : اي عوفها أني بعد ماعرفت بته تخبلت وعقلي وكف لو ادري بيها بته من البداية مجان خطبتها الك ولاخليت
امك تخطي خطوة بيت ام حسن

امي : حتى اني مادري الصدمة لي من كعدت ويا وحجيت وكالي تذكرين شسوو بي أهلج بالماضي شلون ضربوني واخذوج مني غصب

وكف عقلي ماعرفت شرد عوفها
رائد ماريد تعيد الماضي

ابوي : خلص بعد سدوا الموضوع ماريد ينذكر اسم
زينب بهذا البيت بعد

مارديت طلع ابوي امي تمسح بدموعها رحت
سديت الباب وكفت كدام امي ...

رائد : احجيلي كل القصة

امي : ياقصة ؟

رائد : قصتج وي ابو زينب وابوي اريد اعرف كلشي

امي : ليش تفتح دفاتر قديمة

رائد : تحجين لو بالقرآن هسه اروح للحلة واخلي ابو
زينب يحجيلي القصة و بالتفاصيل

امي : حجيلك اكعد اووووف هذا هم حظك يمة

كعدت بصفها ....
ادري بحظي زفت في زفت مراح يصلح حظي ويصير
براسه خير احجي يمة خل افتهم السالفة

امي : راح احجيلك من البداية لحد النهاية

رائد : هو هذا الريده .

نرجع للماضي ...

جديتي الله يرحمها وخالي وصو علي علية جان خوش ولد ومحترم وأهله كذلك فجان الولد يوديني للمدرسة من
يروح ومن يرجع يرجعني ويا....

من أول يوم دخلت المدرسة هو المسؤول عني بيديه يودي ويجيب صارت بيناتنه صداقه قوية وأني جنت اباوعله
كا أخ وسند لي لا اكثر ولا أقل

المهم مرت الأيام وصرت بالصف الثالث متوسط جان هدفي وحلمي اكمل دراسة واصير محامية هو جان يدرسني
ويكلي تصيرين محامية شاطرة

وتحامين على النساء المظلومات وتأخذين حقهن من الظلام جان يحفزني على الدراسة وره ماخلصت الثالث متوسط نجحت بمعدل زين

اجه لعدنا مثل كل مرة اطلع اكعد يمه بالحديقة
فتح وياي الموضوع ...

علي : سهاد اريد احجي وياج

سهاد : اي احجي علاوي

علي : سهاد أني احبج

سهاد : اي وأني هم احبك هههههه

علي : والله تحبيني مثل مااحبج !؟

سهاد : اي

من هيج كلتله ..... طار من الفرحة بهذيج اللحظة راد يكوم يحضني بس ماانطيته مجال وصحت بي ..

سهاد : بعد جاي تسوي تخبلت علاوي بعد

علي : ههه تحمست زايد دا اروح أني ههههه

سهاد : وين رايح علاوي هستوك اجيت واريد
احجي وياك بخصوص كتب الرابع

علي : اجيبلج عود كتب ههههه اامممممح

سهاد : شبيك علاوي تسودنت ؟

علي : اي متسودن بيج سهودة هههههه

عافني وراح يضحك ماعرف شبي استغربت رد فعله والله بالليل اجوي اهله هو هم وياهم سلمت وكعدت بصفه
مثل كل مرة لان ربيت ويا

فتحوا الموضوع وكالوا نريد ...نخطب سهاد لعلي ابنه هو يحبها وهي هم تحبه والاثنين يعرفون بعض
وعايشين وي بعض .

بقيت مصدومة بس اباوعله هو يبتسم مارديت أني بقيت بصدمة شلون يفكر بي هيج وأني جنت
افكر بي كا اخ

خالي : لو بإيدي اكلك كبع واخذ بس مو بإيدي
بيد ابوها وجدها بالانبار

خالي : لو بإيدي اكلك كبع واخذ بس مو بإيدي
بيد ابوها وجدها بالانبار

ابو علي : وهاي سهلة شوف شوكت عندك مجال اخذك
ونروح للانبار نخطبها من ابوها وجدها

جديتي : اخاف مايقبلون ؟

ابو علي : وليش مايقبلون شبي ابني بي كسرة ومايقبلون

جديتي : هم ناس معقدة ومتخلفة كلش طلكوا بتي علمود مارادت تصير سنية اخاف يسمعون بيك
شيعي ويرفضون

خالي ماقبل وتعارك وياي ال علاوي احسن رجال الج ومربيج على ايده وتعرفين شبي ومابي احسن ماتاخذين غريب
لو ياخذج واحد من عمامج

المتخلفة الهمج وانتِ كبرتي بعد والمسؤولية كبرت وياج لو علاوي تاخذين لو اخذج اشمرج على ابوج وجدج خيرني بين الزواج وبين أهلي كعدت ابجي الليل كله جديتي اجت لعندي وكالت اقبلي بعلاوي وراح يخليج تكملين
دراسة وتصيرين محامية

عاد قتنعت وافقت على علاوي هاليومين علاوي ماجه واني متحلفة بي عاد راحوا للانبار وهناك متعاركين اهلي وياهم ومطردينهم وكايلين الحرمة

حرمتنا احنا نريدها عدنا زلم تأخذها ماننطي نسوانه للشيعة من هاي الخطبة انقلب حياتي للجحيم اجوي
عمامي وجدي كلها معكلة

صاح جدي الله يرحمه ....
وينهااااا بتنه وينهاااا ؟

طلعت على جدي روحي بخشمي صايرة هسه صرت بتهم اول ماطلعت جانت لابسة قصير جوه الركبة نفنوف نص ردان وشعري لخصري مفتوح

جان لونه بني صحت بجدي ...
ماعندك بناااات هنا

جدي : ماشاءالله عدنا حورية هنا
ومندري سلااام هاي الك

سهاد : وأنت بكيفك تحجي اطلعوووا بررره ماعدكم
بناتت هنا بررره شبيكم تباعون ؟!