فليح ابن عمها دخل عيونه براسه جانوا يباوعلنه رائد كام وكف بصفه وخله ايده على جتفه ماعرف شحجه ويا
هذاك خله وطلع ضايج رائد ياشرلي بعيونه

اطمن ماكو شي تعوذت الشيطان وكملت وي الشيخ كطع النه مهر الكل فرحانة جانت يهلهلون ويطشون جكليت فوك
راسنه رائد يهلهل ويصور بالتلفون فرحان كلش
ابو نزار :رائد هسه مال تصوير
رائد :هاي خطوبة عمي شلون ماتريدني اصورها
رائد : ماسمعت والتصوير لقاسم ينقل مايبقى عندي اطمن عمي مايعرف شي عن الذكريات ههه
قاسم : عوفه يابة
الشيخ وره ماعقد النه راح جابوا كراسي كعدنا اثنينه واحد بصف الثاني امي جابت علبة الذهب مادري اني بالذهب مسوينة طلعوا البارحة العصر
مسوين الذهب امي وام صدام مسك مقابله تجي كايلتلهم على اختياركم جيبولي الذهب خوش ذهب مسويلها وحلو جان بعد ذوق رائد يجننن بكلشي
لبستها الذهب ولبستها الحلقة ولبستني الحلقة بسرعة واذت صبعي كلش جانت مجبورة على كلشي ومثل التمثال وكاعدة بصفي لا مشاعر ولا شي المس ايدها بصابيعي تجر ايدها ماكدرت اخذ راحتي وياها كدام الكل
عاد ماطولت الحفلة
كمنا وهي خلت وشردت لغرفة اهلها رائد يباوعلي يعرف بيها ماتريدني ومجبورة تزوجتي المهم سلمنا وطلعنا
بره رائد اجه بصفي وكفة

رائد : ماشاءالله خطيبتك تخبل
قاسم : حرامك اذا شفتها زين
رائد : لابشرفك
قاسم : اي والله ماشفت شي منها بس
النفنوف والحجاب وايدها

رائد :شبيك يحظي هم تستحي تباوع
لخطيبتك لو حرام عندك ؟!

قاسم :خايب يامستحاء ياحرام هي انطت مجال لواحد يباوعلها جانت مدنك باركتلها ماردت علية
ماعرف شبيها ؟

قاسم : ماشاءالله مامخلي شي بيها لماشايفه ولك
هاي مرتي رائد لتباوعلها .

رائد : وأني شمسوي هي عروس ولازم الكل يباوعلها
لا تزعل ماباوعلها بغير نظرة هههه

قاسم : رائد

رائد : عمت عينك هي مو أختي الصغيرونة صارت

قاسم : كلشي عندك ينقل عندي وينحذف
رائد : مايخالف بس اهدا ترى مراح ناكلها للمزلفة هههه

كرصت رائد من فخذه قوي باوعلي فاك عيونه وينفخ هوى حار بوجي متعصب متحلف بي مو بإيدي اغار على
خطيبتي هو يحاول يتغزل اعرف بي وسخ

قاسم : شكد نذل
رائد : اوووي خطية ماشاف المزلفة اوووي بجه بجه
ههههه ماتبجي شبيك تباوعلي وتخزر هههه.

رائد بقى يتمسخر علية اجت بالي اهفه ....بوكس افلش وجه مايكعد راحة بقيت لازم اعصابي ماشفت مسك عدل ولا حجيت وياها بقت غصة بقلبي شوفتها جنت
متحمس اشوفها
واباوعلها براحتي .
المهم رجعنا للبيت الكل فرحان وطايرة من الفرحة ثاني يوم الصبح اتصلت بيها انطتني مشغول رجعت اتصلت بيها
قفلت الجهاز ضجت كلش منها
واتصلت برائد اشكيله همي ...
_ ماتفتح علية خط شسويلها رائد ؟
على جم شغلة قبل العرس وافقوا والله وابوي اتصل بابوها وعزمهم على العشة راح محمد وابن نزار يسوكون واجه
رائد بسطني علمود فصلت التلفون بوجهه
_اول مرة واخر مرة تسويها
_توبة إذا اسويها
_اكسر راسك
_والله مو بقصدي جنت متحمس للفكرة مالتك
_ وعلى الله تطلع زلمة
_ ولك
_وين الله وكاتلتك المزلفة ههههه
_مو بالحيف النسوان تكتلني
_نشوف .. يلا أني رايح ودير بالك على نفسك ولا تنطيها مجال ولا تبين كدامها ضعيف الشخصية تردك
بكلمة ردها بالف كلمة
_ايي
_اي وسطعش وجعييي ههههه
_والله زمن اتعلم منك هههه
_غير خبرة بالنسوان هههه

_عاد شلون نسوان عندك تعمه العيون عليهن
_المهم نسوان هههه
_اي
خله ومشى ساعة ونص تقريبأ اجوي اهل مسك ومسك
وياهم مطنكرة مبينة مجبورة على الجية سلمت
على ابوها وامها واخوانها التلاثة
وكعدت اشرت لام سارة تجي يمي اجت كتلها بهمس ..
راحت من يمي كعدت بصف مسك ضحكت بوجهها وراها كامت وياها القاط الثاني اهلها يباعون ماحبيت اكشف
نفسي اريد التقي بيها خليت وطلعت بره عود
ورجعت دخلت من الباب الجوه الدرج وصعدت فوك عدل الغرفتي مسك ماتعرف غرفتي صح مرات تجي
ماتفتر بالبيت ابد تبقى كاعدة
جانوا عايفين الباب مفتوح دكيت الباب ..
قاسم : ام سارة موجودة
ام سارة : تعال فوت قاسم
دخلت مبتسم الوجه مسك عيونها صاروا براسها لأن عرفت خطة من عنده خليت ام سارة تجيبها لهنا كامت
ام سارة وكالت بضحكة

ام سارة : اخذوا راحتكم أني هنا بالصالة واكفة
مسك : وين رايحة
ام سارة : هنا مانزل
مسك : اجي وياج
ام سارة : مو قاسم يريد يحجي وياج بموضوع
اسمعي العنده وتعاليلي
مسك : م...
قاسم : جم كلمة عندي وياج تفضلي استريحي
طلعت ام سارة وسدت الباب كامت مسك خايفة
وعيونها على الباب شلون نسد
قاسم : جم كلمة عندي وياج تفضلي استريحي
طلعت ام سارة وسدت الباب كامت مسك خايفة
وعيونها على الباب شلون نسد
مسك : ليش طلعت وسدت الباب ؟
قاسم : لتخافين ماسويلج شي بس احجي وياج
#يتبع ..

#عشق_أهل_الانبار ....
#بارت٧

مسك حيلي كله صار يرجف من بقينا الواحدنا بالغرفة وماعرف هالغرفة المنو ام سارة غشمرتني وجابتني وياها
على اساس عدها موضوع مهم وياي

كمت بسرعة حتى ماعندي الجرأة اخلي عيني بنص عينه صح السان طويل وعناد بس بعمري مامخليه عيني بعين زلمة هذا ابوي ماكدر اخلي عيني بعينه انوب قاسم

مشيت من يمه ضايجة اريد اطلع فزيت من جلب
بزندي بايده حيل وكفني

_وين رايحة

_عوف ايدي

_اهدئي والله ماسويلج شي بس احجي وياج

_حل ايدي مو حاي احجي وياك

_اسف ... استريحي

_ماريد

_اهدئي مسك

_شنو اهدئ انتو تضحكون علية أنت ومرت اخوك

_ زعطوطة ونضحك عليج .. أني طلبت منها
تجيبج الغرفتي عـ...

_غرفتك هاي

_وان شاء الله عن قريب غرفتج

_ عزززة وخر اريد اطلع

_مسك وين

_ عززة العزاني لو شافني ابوي وامي يمك وبغرفتك
يذبحوني ولك وخرر خل اطلع... قاسم وخر ...
عليك الله وخرر

_ ليش مكبرة السالفة وثاني شي أنت مو غريبة عني صرتي مرتي وأني ماعندي غير وبعد وياج بس اريد احاجيج
قبل العرس وخلص قابل راح اكلج

_ اهلي ماعدهم بنية تلتقي بخطيبها والوحدهم قاسم عليك الله وخر من كدامي خل انزل هسة امي وابوي يستفقدوني ويسألون عني وإذا عرفوا بغرفتك

اقرأ الفاتحة علية ...

_ مسك

_قاسم وخرر شبيك لازك

_ والله بس كلمتين وراها انزلي

_ اااففف احجي

_أني احبج

بس كال أني احبج وراها خله وطلع بقيت اباوع الكدامي بنظرات فارغة هذا صدك يحبني لو يضحك عليه
واخذني علمود شغلة عناد مثل مكالت خالتي

_شبسرعة طلع

_كمل كلامه وطلع

_شلحك حجه ؟

_هن كلمتين كالهن وطلع

_هاا .. يلا تعاي ننزل جوه مابي حيل وي امج وابوج ...
دزوا سارة تصيحج .. مسك

_هاا

_اهلج يخافون عليج حتى وانتِ بيت خطيبج شسالفة

_هاي عادتهم

_محلوة

_لا حلوة واشوفها واحسن البنية ماتلتقي بخطيبها
الوحدهم بغرفة وحدة إلا بعد الزواج

_كلشي يصير والشيطان خبيث ..وثاني شي لو صار شي بيناتهم لاسامح الله وعافها خطيبها منو الها بعد
جاوبي مو راح يتهموها بشرفها

_مسك شبيج !

_مو شبي ام سارة اعرف بنية جانت جوارينه بتها عمرها 13 سنة وانخطبت الواحد مدرس بفترة الخطوبة يطب ويطلع وياها وره خمس اشهر هيج فسخ الخطوبة

وكال البنية حامل من رجال غيري واهلها الزموها واذبحوها وهي خطية بريئة ومالها ذنب غشمرها الحقير بعد ماخذ اغلى شي عدها شمرها هي وابنه تواجه مصيرها الوحدها

ومصيرها هي وابنه الموت وذبح بالسجين مثل مايذبحون الحيوانات نذبحت بت بريئة وتكليلي ليش اهلي يخافون
عليه من قاسم حقهم يخافون بعد ماشافوا

الصار بت جوارينة ...

_اووف حسبي الله ونعم الوكيل بي ولج هذا حرامات بقوا عايش اذبحة بالسجين قبل لا اذبحها للمسكينة

_اخوها عارف بالحقيقة وراها خاطفة وذابحه وشامره بالبزل مدة 6 ايام يلا لكو الجثة مالته ولكوها معفنة
وماكلتها الچلاب والضباع

_اي حيل وابو زايد بي هذا دوه كل واحد مثله القتل الله يلعنه ويلعن كل واحد يلعب بعرض العالم

_ اي يلا ننزل

_يلا عيني انزلي يم اهلج مابينه حيل حتى أني
خفت من اللي سمعته منج

_دنيتنا مو أمان مو ياهو الجان لازم نخلي ثقتنه بي

_اي والله

نزلت باوع ابوي وامي يباوعولي مثل الشاكين بي ملتقيه بقاسم المهم خليت وكعدت بصف امي تقربت
العندي وكالت بهمس

_وين جنتي ؟

_يم ام سارة بغرفتها

_شسويتن ؟

_كالت قاسم يريد يشتريلج ذهب من عنده وأني كتلها
ماريد الذهب السواه رائد يكفي ويوفي خل
يوفر فلوس ولا يبذر

_شبي هذا هي شبع ذهب مو سوولج بال4 مليون
شيريد يريد يجيب حجاية العالم النه

_ بعد بطل مايسوي

_ليش حجيتي ويا ؟

_لاا وين

_لعد شمدريج ؟

_هي اتصلت وكالتله ماتريد وكال هاهية بكيفها

_هاا زين صدك هم متصل بيج

_اي ورفضت مافتحت خط

_ لا تفتحين خط عليه إلا يكطع مهر محكمة مفهوم

_مفهوم يمة

اهلي قبل مايخافون علية مثل هسة صايرين كلش متشددين قبل اجي ابات بيت خالي ايام واسابيع مايسألون ولا
يكولون وين باقية هلكد اما الآن يخافون

من قاسم علية !

المهم وره العشة ردت اروح اساعد البنات بغسل الماعين امي اشرتلي اكعد بمكاني عاد خليت وكعدت شوي واجه قاسم
كعد وخالي ابو نزار كال بعد يومين

نكطع مهر محكمة وراها باسبوع العرس يصير قلبي صار يدك حيل قاسم مبتسم الوجه محمد يضحك ويبوس بابنه
ادريس ادريس كلش حلو ومرتب ...

بقيت اباوعلهم واضحك بيني وبين نفسي طلعت من شرودي من حسيت نظرات اكلتني اكل رفعت راسي شفت قاسم يباوعلي بشرد استحيت ودنكت

راسي هنا تذكرت كلماته الاثنين " أني احبج " ...

اجت سارة كعدت بصفي تضحك ...

سارة : عمة

مسك : هاا عمة ؟

سارة : عمو رائد داكلج اللقب هههه

مسك : شنو ؟

سارة : داكلج اللقب المزلفة هههه

مسك : مزلفة شنو ؟

سارة : مو شعرج طالع من الحجاب

مسك : اي وإذا

سارة : اي هو يكول مزلفة ويضحك عليج

مسك : خل يضحك على نفسه الثور الهائج

مسك : يدك الالقاب لهذا وهذاك ومايدك الالقاب النفسه

سارة : جدة سهودة تكله الهيبة

مسك _ اللقبه الهيبة هههه

سارة : اي وصدك عمو رائد هيبة وطويل وحلو
ويخبل ويضحك هواي ههههه

مسك : ههههه

سارة : شحلاته من يكعد يصنف على هذا
وهذاك يضحكنا والله

مسك : تضحكون على العالم ؟

سارة : اي هههه

مسك : عيب ماما

سارة : عمو رائد يكول لا مو عيب عادي نكضي وكت

سارة : شحلاته من يكعد يصنف على هذا
وهذاك يضحكنا والله

مسك : تضحكون على العالم ؟

سارة : اي هههه

مسك : هذا عمكم رائد راح يفسدكم اخلاقياً.. لا ماما عيب ومايصير نضحك على العالم الله مايقبل وراح يغضب علينا .. وهاا تقبلون احد يحجي عليكم ويضحك ؟!

سارة : لا

مسك : خلص لعد ماما هم هم مايقبلون

سارة : اي عمة ليش تطلعين زلوفج

مسك : ههه خرب حتى أنتِ

سارة : مو تكولين الله يغضب علينا ومايقبل نحجي على العالم لعد شلون مطلعة زلوفج وتعرفين الله مايقبل المره
تطلع شعرها من جوه الحجاب وبهذيج

الدنيا شعرها يجرها النار جهنم وراح يشهد عليها

مسك : منو علمج هذا الحجي ؟

سارة : عمو قاسم يكول حرام البنية تطلع شعرها من جوه الحجاب وكال من تكبرين تلبسين حجاب كامل وشعرج مايطلع علمود الله يتقبل منج كلشي

مسك : اممم

سارة : يلا ضمي زلوفج عيب منك عمو محمد وابوي

مسك : م...

بعدني محاجية تقربت لعندي وصارت تعدل بحجابي وأني مذهولة منها بعدها صغيرة وعقلها عقل مره جبيرة تفتهم واعية وذكية الكل يباوعلها ويضحك

عفتها براحتها عدلت حجابي وباستني بخدي
ورجعت كعدت بصفي تضحك ...

مسك : صدك شكد عمرج ؟

سارة : عشر سنوات

مسك : العمر كله حبيبتي

المهم طولت الكعدة لحد الساعة بال10 بالليل وراها كمنا نرجع للبيت طلعنا بالطرمة شفت رائد كاعد مخلي رجل فوك رجل ويحجي وي محمد ويضحك بصوت عالي

رائد : هسة بس ارفع راسي واباوع للگمر يخجل
ويضم نفسه من جمالي وهيبتي ههههه

محمد : ارفع يلا خل يضم نفسه الگمر ههههه

رائد : لحظة حبيبي

كتمت ضحكتي صار كدامي قاسم يباوعلي ويضحك رفع راسه رائد للسماء جان الدنيا غيم بيها فاجت غيمة وغطت الگمر هذا نكرص وصار يضحك بصوت عالي

رائد : شفت ابن الكلب الگمر خجل وضم
نفسه من جمالي ههههه

ابو نزار : انعل ابوك يابو الخلفوك بنص بيتي وتشتمني

محمد كام كاتم ضحكته رائد يباوع ويضحك بوجه عمي

رائد : اسفين عمي مو بالقصد نشتمك بس صارت زلة اللسان

ابو نزار : ضب السانك ابو گمر يخجل من جمالك طاح حظك وحظ محمد وياك النسوان ماتسوي سواياتكم ...
سوالف البنات عوفوهن مو الكم ...

3
رائد : شمسوين وسولف بنات عمي!

قاسم : ههه گمر يخجل من جمالك ادري نثية وتتباهه
بجمالك خرر. بيومك رائد ههههه

رائد : انجب الجمال مو بس للنثاية للزلم هم الجمال

ابو مسك : غلطان عمي الجمال للنسوان مو للزلم

رائد : اطيح كلامكم بقول : أن الله جميل يحب الجمال ورفعت الجلسة. ... تصبحون على خير ...
صدك شوكت العرس ...

رائد : وشكلنا علمود نتحول ونهرب مثل الأفاعي ماكلت غير الصدك الله حلو ويحب الحلوين قابل مجذب ياعيني يلا هسة شوكت العرس علمود اشوف وي اجازتنا لو تأخذ اجازة

قاسم : أسبوع الجاي

رائد : السبت احنا بالدوام اجلوا العرس

قاسم : اخذ اجازة

رائد : انجب شتاخذ أسبوع ششوف من مرتك خلها على الاجازة ومنا اخوك ماينطونه إجازة متعارك

قاسم : متعارك ؟

محمد : اي وي عمي ابو فياض قبل شوي تعارك

ابو نزار : ماتجوز

رائد : هو مايجوز مني ومخلي برج مراقبة وراي
عبالك كاعدين بالفوج ومصعد عناصر
بالبرج تراقب بي

قاسم : براحتك

رائد : تصبحون على خير

خله ومشى إنسان عديم المبالاة وعنيد لدرجة
مايستوعبها العقل امي كالت

ام مسك : صدك العرس اجلتوا علمود رائد

ام نزار : اي عيني

ام مسك : ادري وكفتوا العرس علموده صايرة دايرة

قاسم : بدون رائد ماعرس أني

ام مسك : شسالفة

قاسم : هذا الموجود عمة العرس تاجل على اجازتي

ام مسك : كول بعد شهر

قاسم : اقل الشهر

ام نزار : ادري مستعجلة على زواج بتج

ام مسك : لا مو ه...

ابو نزار : عيني ام مسك العرس تاجل وخلص مابينه حيل عرايك وي رائد وتدرين بي مخبل وشاخط ومنا ينتظر عرس قاسم يوم يوم عبالك هو المعرس مو قاسم شلون
ترديني نسوي العرس بدونه

ام مسك : إن شاء الله خير

مسك فرحت من تأجل العرس من وره رائد اول مرة يسوي شغلة براسه خير الصالحي قاسم مامهتم واصلا فرحان
أكثر مني اللي تأجيل العرس ....

المهم وره يومين اجت خالتي وسيرين وياها ماعرف شبيها سيرين تباوعلي بنظرات تخوف من ودها تشرب من
دمي بقت خالة تسأل على ادق الأشياء...

ام سيرين : شعجب ماطلبتوا مهر قوي هم عدهم كومه
فلوس وقاسم عسكري راتبه خير من الله

ام مسك : شلي بالمهر القوي وأني مادور فلوس البتي
ادور الها مكان الزين والزلمة الزين
الفلوس شلي بيها ادورها

ام سيرين : الفلوس عوزتها عوزة خية ماتخافين باجر بتج تطلك وماعدها مهر قوي تعيش بي وره الطلاق

ام مسك : فال الله ولا فالج بيش طالبه
بنيتي بالطلاق من هسة

ام سيرين : هاي دنيا خية لازم نباوع للبعيد

ام مسك : لا انظر للبعيد ولا للقريب قاسم شاري بتي بالحلال واريدها وحتى حابها من كل گلبه وهاي أكثر من مرة طلب ايدها للزواج ماتوقع يفكر يتركها بالمستقبل

سيرين : قصدي قبل الزواج

ام مسك : مامربيه بتي على هاي السوالف خالة
الولد شافها واحبها وخطبها ماكو سوالف
حب وخربطة بيناتهم

سيرين : امممم

سيرين عوجت حلكها خالتي تباوعلي وتخزر
ماعرف شسالفة ردت خالة كالت ...

ام سيرين : الذهب رائد مسوي لها

ام مسك : اي الله يرضه عليه هو تكفل بالذهب هدية العرس

سيرين : وطلع عنده فلوس ويقدم هداية ذهب

ام مسك : وليش ماعنده مو عسكري

سيرين : ندري عسكري بس سوالف المكسرة تخلي راتب هو نهر كله يم بيت للح ... هالكح.. شيخلن خالة فلس تسعاوي ولا تسين الشرب والسكر ياكلن طنون فلوس

مو راتب عسكري وكلها تعرف رائد
هتلي منين جاب الفلوس

مسك : قبل هتلي مو هسة مبين الولد تايب ومتقي الله
وعيب عليج تحجين عنه بكيفج بيش ضارج الولد
نزاتي بي دوسة ونص

سرين : باوع منو اللي يدافع ولج نسيتي شجان يسوي بيج هو وقاسم بنص الشارع يغلط ويسب بيج من يشوفج واكفة بالباب هسة رائد وقاسم صاروا خيرين

صدك لو كالوا من احترمته احتقرك ومن احترامك احتقرته عاد أنت هسة هم ذلون وانت محترمتهم وراح تزوجين قاسم صدك فطيرة طلعتي وبسرعة ينضحك عليج

مسك : اول شي قاسم مجان يغلط وياي ولا فديوم مسمعني حاجية ورائد جان يغلط عليه المصلحتي طبعآ لأن مايقبل اوكف بالباب وشعري نصه طالع من الحجاب

الرجال جان يخاف علية من نظره الغريب الي لان منهم وبيهم لو مايخاف عليه مايحرك اعصابه ويكعد يتعارك وياي وياكل رزاله من خوالي هذا كله المصلحتي جان

واني جنت عوبة ماجنت اشوفه والحمدلله هسة شفته كله كدامي وراح اصحح اخطائي واعدل من
اللبسي واحتشم بالكامل ..

وها قبل لا انسى لا تدخلين بيناتنه احنا صرنا أهل وبيت واحد ورائد صار بمكانة اخواني التلاثة وماسمح الكائن مايكون يحجي عنه ويقلل من وقيمته ومكانته كدامي


سيرين : هو مقلل قيمته ومكانته بنفسه بعد أنت شنو تحجين

مسك : وين مقلل قيمه ومكانه الولد گلبه اخضر ويحب البنات مو بايده هذا الشي مثل اخوج عايد مو نهر كله يم الكح.. نايم لو عليه حلال وعلى رائد المسكين حرام

ام سيرين : تتهمين وليدي ولج

مسك : ماتهم كلها تدري بي ولا تنسين قبل فترة سوالج مشكلة شكبرها وشكدها من لحك بنية بين اهلها وبشفعات
يلا طلعوكم منها ليش تنكرين خالة

ام سيرين : البنية جذابة هي تهمت وليدي باطل جانت مخلية عينها عليه من مانطاها مجال تهمته علمود يزوجها بس لو تطلع نخلة براسها مازوجها اله

ام مسك : يازواج خية تحجين بي البنية لا بيها ولا عليها جانت خطار جاية للانبار وماتعرف ابنج ولا يعرفها شلون خلت عينها علية ليش تتطمطمين

والكل العالم تدري بسالفة وليدج شنو كولي اي غلط كولي جان سكران ومايدري مو تتنكرين وتطلعين نفسج
جذابة علمود ابنج الصايع المسربت

ام سيرين : هيج صارت خية

سيرين : كومي يمة جاي يقللون قيمه واحترام بهذا
النه بهذا لبيت كومي

مسك : منو مقلل قيمة واحترام ! اشو أنتِ ماتعرفين تحجين صارلج ساعة تحجين على خطيبي وابن عمه عادي عندج بس من حجينه على اخوج وطلعنا ماضيه زعلتوا

ليش ما تصيرون وي الحك ؟!

سيرين : اكسر راسج مسك بس تجيبين طاري اخوي

مسك : وأني ادوس على راسج وراس اكبر واحد بس
يجيب طاري خطيبي وابن عمه افتهمتي

4
سيرين : أني اعلمج تعاي

رادت تجي تضربني جرتها امها وهي بس جاية كفرت بيها ونفشت كفشتها نفش اليوم صرنا عزاز واجوي لعدنا
يايوم جاييه هي وامها العدنا أريد

صارت عركة بالكلام بيني وبينها وبين امها وامي اخر شي امي طردتهم من البيت لأن قللوا احترام واللسنتهن زفرة حتى فشر يفشرون تفاجأت من الفشر اللي فشروه

امي تتخبل من البنية والولد اللي يفشرون هاي أني واخواني اللي محد حاجي سالفة فشورة بالبيت لو بينه وبين نفسه
إذا كالها يقرأ على روحه السلامة

بعد ماولن أمي كعدت تعبانة ومقهورة من اللي
سوه كعدت بصفها احجي وياها

_خل يولن يمة

_عود هاي بت عمي وهيج سوت

_يمة هي يايوم معترفه بيج بت عمها اشو صارلها سنوات تفله ماتافله علينا اليوم صرنا عزاز وجابت بتها واجت
خطار هاي بعبها صخل يبقج يمة

_اوووف يمة

_ختولي لاتديريلها بال

_ جيبيلي كلاص ماي ريجي يبس من وراها

كمت جبت كلاص ماي لامي شربته وراها رحت سويت العشة بدال امي امي من النوع اللي بسرعة يتاثر بالكلام وبسرعة يصير عدها هبوط وراسها يصير يوجعها

مادري شنو يدور بالهن وعليش اجن لعدنا ويسألن على زواجي ومهري من قاسم ونظراتهن الي ..!؟

المهم اجه يوم كطعان المهر راحت وياي امي اجه قاسم وامه وعمة ام صدام ورائد وفياض ويانه كطعنا مهر محكمة ورحنا لبيت خالي ابو نزار نتغدة قاسم ماقترب

صوبي ولا حاول يلتقي بي دخل للمطبخ شافني الوحدي خله وطلع بقيت متعجبه بي؟ شعحب ماستغل الفرصة وجودي بالمطبخ والوحدي هو ولك والولد يحبون

يلتقون بخطيباتهم الوحدهم ...

عجبتني هاي الخطوة منه مرت الأيام وقاسم يتصل بي من تلفون ابوه لو امه على كد السلام ويمشي أبد ماتصل من تلفونه تالي الليل ويحجي وياي الوحدنا

مبين عرف اهلي مايقبلون ومتفهم الموضوع ...

شوي نظرتي اله تحسنت وامي وابوي يمشون ويوصون بي خليج حبابة وتعاملي وي امه وابوه مثل ماتتعاملين
ويانه نريدج تبيضين وجهنا كدام العالم ...

قبل الحنية بيومين كعدت فوك السطح العصر بديت افكر بيني وبين نفسي قبل بقاسم زوج الي واسكت لو ابقر حارب
وارجع لاهلي هناك وين تذكرت بت

عم امي وبتها يردون الشر الي ومنا تذكرت ابن عمي فليح وعماتي كذالك مايردون الخير لامي والالي لأن رفضت قبل اخذ من ولدهم وهسة قبلت بقاسم

إذا رجعت لاهلي راح اكسر ظهرهم اولهم امي لان ماخذه ابن ابن عمها اللي تحسبه بحسبه اخوها وابد ماتكول
هذولة ولد عمي تكول هذولة اخواني

وراح اضحك الشماتهم بيهم وأني ماقبل احد يضحك على اهلي قررت انطي نفسي فرصة واتقبل قاسم ليش ابقى
ماخذه عنه نظره محلوة منورة رائد

المخبل هو منو مايعرف رائد وخبالاته على كوله امه عمة سهاد رائد شاخط ابو ماخالص منه ومن اللسانه وخالي
يحجي عنه كدامي عينك عينك

رائد مو صاحي شاخط عقلياً ....

اما قاسم عاقل وهادئ وماعلية لابالرايح ولابالجاي وخالي ابو فياض يجيب ويحمد بي وباخلاقه خلص راح اتقبله واسكت الخاطر اهلي وخالي وخاطر اكدر اعيش حياة

حلوة ومستقرة ...

المهم اجه يوم الحنة رحت للصالون بعد ماكملنا من الصالون اجوي طلعوني من الصالون وعدل للاستوديو اخذنا صور ورجعنا صعدنا بالسيارة رائد جان يسوق

الوضع هادئ كلش ورائد كاعد عاقل وقاسم كذالك جان ويانه صاعد بالسيارة بالصدر خالي ابو فياض وهم بايكين طن هوى بقيت بس اضحك بيني وبين نفسي

ضابطهم ضبطه معدلة نفس مابيهم حيل يتنفسون

ابو فياض : خفف السرعة

رائد : تامر عمي

ابو فياض : طسة كدامك

رائد : شفتها

ابو فياض : اي عفية بالسبع هيج اريدك بالسواقة

رائد : من يوم يومي عمي محترم السياقة

ابو فياض : مبين عمي صوت عياط سيارتك واصل لاخر الدنيا من تفوت روحك من الدنيا السرعة وأني خفت منك
تسوي حادث وكعدت وياكم

ابو فياض : طايح الحظ كلت شي يضحك

رائد : لا عمي.. بس أني شوي عندي هرمونات السعادة
عالية وتافهة اقل زلة تطشر ههه


ابو فياض : خفيف

رائد : هاي مامقبولة منك عمي

ابو فياض : انجب سوق عدل


رائد : صار

لا الله الله شكد فرحتله من رزلة خالي وطول الطريق يرزل بي هو كاعد عاقل ويسمع الكلامه لو هيج الخوف لو ماينراد وقاسم مخلي ايده على خدة ويباوع

البره من الشباك السيارة المهم ساعة زمان وصلنا لبيت اهلي نزلت صوت هلاهل وطش جكليت جانوا أهل قاسم كلها عدنا لأن عدهم خطار العصر ولازم يرجعون من وقت

المهم دخلنا جوه كعدنا واحد بصف الثاني رائد دخل جابوله كرسي كعد بصف قاسم يباوع على النسوان جوارينه وبنات عماتي وعمامي وخالاتي جايات

نظراته ثاقبة جانت قاسم قترب لعندي خفت منه لان
اول مرة يقترب لعندي بهذا القرب مامتعودة

_وين الله وتصيده وحدة بنظراتها

بعد عني باوعت الرائد ياخذ صور سلفي النفسه ولا معبر النسوان شسالفة توه صافن بيهن وحدة وحدة المهم استمرت الحلفة ساعة كاملة وأني مراقبة رائد


مامهتم للبنات ولا معبر وحدة خوب ريتاج بت عمتي ذبحت روحها عليه كلساع جايته تريد ماي تريد عصير بزع منها وخله وكام طلع بره عجبتي كاعد عاقل

_ قاسم

_عيوني مسوكة

_رائد شبي مو على بعضه

_ مادري

المهم البنات كلها ترقص كومونا رقصنا مع بعض ياربي شكد خجلت من قصت ويا شوي ورجعنا وره جم دقيقة كاموا
وراح البيتهم والعالم هم كامت تروح

اجت كعدت بمكان قاسم ريتاج ..

_من فلك الطره مو زلمة طركاعة سودة

_عليمن تحجين ؟

_هذا الصاك ابو شوارب مفتول العضلات رائدكم


_سالمين ريتاج

_كفيلج الله سحلني سحل بنظرات عيونه اريده مسك

_ شردين ولج

_طبقي الي فدوة لا تنسين أني بت عمتج
اخذيني اله لا تنسيني فدوة

_شايفتني دلالة ولج

_صيري دلالة الخاطري

_ بطرانة

_مسك لا تصيرين انانية وتردين الخير بس الج احذتيلج زلمة صاك ومعدل وحال ومال وطلعج من حال ودخلج بحال
وفوك كلشي ضابط.. أني عاجبني ابن عمه

اخذيني له

_ واني شنو واخذج له امه ابوه اخته اخوه تردينه روحي تلوكي يم امه سهاد بلكت يحن قلبها
عليج وتاخذج چنة الها

_هي ياهي امه ماعرفها ؟

_هاي الحلوة ام شال الاسود مطرز بالذهبي ام ثوب
الخليجي الاسود ابو التطريز الذهبي عرفتيها

_ هاي امه !؟

_اي

_واني عبالي هاي عمتهم الصغيرة

_لا يابة امه عمتهم الصغيرة هاي اللي كعدت
بنصنه واخذت صورة ويانة

_هاي الحلوة عمتهم ؟ ام مصطفى

_اي

_ماشاء الله عليها ولا مبين الكبر عليها اللي
يشوفها يكول بعمري وبعمرج

_ترى صغيرة ومزوجه شبيج

_والله

_اي والله صغيرة حيل ومزوجينها اهلها واللي
يشوفها يكول اخت اولادها مو امهم

_اي والله وفوك كلشي حلوة وصاكة .. عمي هم كلهم
حلوين وصاكين صدك لو كالوا تلكون الجمال
والهيبة والرزانة عد العرب

_ هسة تردين عربي انباري

_اييي خية ابنكم سحلني اخذوني له

_هههههه

_مسك جديات اريده الرائدكم

_اذا الج نصيب بي يصيرلج وإذا لا الله يرزقج بالاحسن منه

_ماكو احسن منه ولج الرجال كامل مكمل من كلشي تردين بي عيب ماتلكين صارلي ساعة صافنه بي ينكرط
كرط كفيلج الله وكع قلبي بين رجليه

_ريتاج ترى اكو اجمل منه بغداد

_شايفة وعايفة هواي زلم بغداد بس مثل هاي الهيبة
والرزانة مشايفة ولا راح اشوف

_اي انتِ شايفة جماعة ماما غطيني مشايفة الثكال بغداد ترى بغداد بيها زلم من تمشي تهز الكاع لا رائد ولا خبره

_اي انتِ شايفة جماعة ماما غطيني مشايفة الثكال بغداد ترى بغداد بيها زلم من تمشي تهز الكاع لا رائد ولا خبره

_ماريدهم اريد ارائدكم

_ادري قافله

_اي اريد رائدكم اخذوني له

_هسة شلون بيج ؟

_خذوني له

_الله كريم انظر بقضيتج عود

_يعني راح تاخذيني له

_لا بس راح ادخل بحياته واعرف عنده وحدة لا وعادي
ياخذ وحدة مثل لا غير نفهم اطباع الزلمة شيحب مايحب بالمره خوما راسن تجيتين بنص مايه وماتعرفين
مايه صالحة للشرب لو لا

_لو مايه سم اشربها

_ريتاج

_والله احبه مسك شبيج ماتحسين من اول يوم شفته بي ماكاطعة التفكير اكل اشرب انام اكعد رائدكم بالي
حرام عليج مسك تعوفيني اتعذب

_ريتاج جديات أني مجرد چنة جديدة دخلت لبيتهم وعيب علية اجي اكول لابن عم زوجي تعال اخذلك بت عمتي هسة يكول بيها شي واجت تدورلها زلمة

خلي هو يجي عليج مو أنتِ ترحيله برجليج بس ترحيله يكول عليج خفيفة وموخوش بنية اليوم اجت عليه
باجر يم غير الكاها وقبلي الف مصاحبه

ترى هذا تفكيرهم والله أني عاشرتهم وعرفتهم شلون
يفكرون زلمهم يحبون البنية الرزنة العناد اللي
ماتنطي عين للزلم فهمتي علية

_كولي من البداية ماريدج تاخذين ابن عم زوج
وخلص وحدة حقيرة وانانية طلعتي

_ريتاج

خلت وكامت منزعجة طلعت بره هاي شبيها ؟! فوك ماانصحها وانطيها نصيحة تزعل وتكول يلا هي هاي العالم يامسك من تنصحيهم تكتليهم طبها طب شيصير وياها خل يصير

بلكت فاضحها رائد عاد هو مشهور وبالفضايح والسانه متبري منه ابو مايعرفه انوب يعرفج انتِ ريتاج والله بطرانة هاي كل وحدة عدهم بالاقارب من جمال من اخلاق

ماباوعلهن انوب يباوعلج ام ربع اردان ...

قاسم ' بالليل وره العشة الامه انكلبت يمة الاقاربنا غير من الله واهل المنطقة كلها حظرت العرس واصدقاء ابوي
وعمامي وكبارية بالجيش اجوي

وجايبين مطرب الضباط تدور على رائد هو ماكو مختفي دخلت بالمضيف لكيت رائد داك رجوه فوك
الكرويتة كل الشباب كاعدة ...

مصطفى :رائد

رائد : هاا

مصطفى : طالع أنت العريس ههههه

رائد : انجب

مصطفى : ههه ليش ؟

رائد : كلت انجب جيبلي كلاص مي


مصطفى : تدللل

راح جابله مي شرب وانطاه الكلاص ياربي صاكر الكل وكلها تخاف منه لان ضخم وعصبي اخوي محمد
كلاوجي يعرف شلون ينفزه

محمد : ابو الحب

رائد : شعندك أنت الثاني ؟

محمد : سمعت امك تكول راح اخذلك وحدة
من أقارب العروس

رائد : هه

محمد : هه معاجبك الوضع ؟

رائد : مو هي بكيف امي اتزوج

محمد : لعد بكيف منو المره تريد تفرح بيك وتشوف عرسك

رائد : أني ابو الانه وبكيفي اتزوج ماتزوج مالكم
دخل انتو هاي منو اجه ابوي كام يهلي بي

محمد : مادري خل اكوم اشوف ...يلا كوموا
سلموا عيب كاعدين بالمضيف

كام الكل الا رائد محمد صاح بي ...
ماتكوم ؟

رائد : مابي حيل اكوم

قاسم : رائد كوم عيب اجوي العالم وكلها تسأل عليك

رائد : شسوي للعالم مابي حيل اكوم اسلم والله

محمد : صدك جذب رائد تريد تفضحنا

رائد : شمسوي وافضحكم

قاسم : طشرنا رائد ولك كوووم عيب

رائد : لو ينزل الوحي ماطلع اسلم شعليكم بي

محمد: كضه عمره فاضحنا والك كوم بدون عناد زايد
هسه يجي عمي وابوك يرزلوك لو أنت
متعود على الرزايل والاهاين

رائد : لتخلوني اطلع وماسلم

قاسم : انجب رائد

محمد: اشحداك تطلع وماتسلم علمود يشركونك بالنص

مصطفى : مستحيل يسويها يخاف من خالي هههه

كام رائد بسرعة خزر مصطفى...
ناوشونياه

طفر مصطفى لبره بسرعة باوع على الكل ...
راقبوا وماعليكم

قاسم : شنراقب

رائد : راقبوا

محمد : شراح تسوي ؟!

رائد : راقب وماعليك

صار المطرب يغني اجه اخوي ابو جعفر كال يلا تعالوا بلشت الحفلة وسلموا على العالم طلعنا أني اول واحد وراي
اخوي وبقية الشباب سلمنا وكعدنا

دخل آخر واحد رائد طر كل الماعزيم بكل هيبة الكل تباوعله لا عبر احد ولا سلم خله وكعد بصفي عمي يخزر بي ابوه
يتحلفلة الكل انصدمت من لسواه


خله رجل فوك رجل ويفر بالسبحة ...
شفتوا

قاسم : فضحتنا رائد

محمد : طشرت سمعة العائلة

رائد : لا تتحدون بعد

مصطفى راح لاعمي ورجع مثل البرق كال ...
خالي يكول خل يكوم رائد يسلم على
المعازيم لو اكوم اكفر بي

رائد :روح كول لعمي مراح اكوم إلا وقت
الرقص وارقص كدامه جوبي ههههه

مصطفى : رائد لتلعب بالنار

رائد : ولي يلا ولي

قاسم : كول العمي هسة يسلم

مصطفى : ماتسمع شيكول

قاسم : ماعليك بي هسة يكوم

راح مصطفى حاولت وي رائد يكوم يسلم سوه روحه مايسمع صاروا الشباب يرقصون كام رائد يرقص وياهم ويفر
بالسبحة يباوع بوجه عمي وابوه ويضحك

ضحكه مستفزة مايدري جنه على روحه اليوم وهذولة العالم كلها ضباط وشيوخ وكبارية العشيرة وأصدقاء فصل
نفسه عن الشباب وصار يرقص الواحدة

هو ضابط رقص الجوبي الانباري كلش زين صار يرقص عبالك يريد يستفز الكل بالرقص كاموا كل الشباب ترقص وأني هم كوموني ارقص وي رائد

واحجي ويا مايسمع لان صوت الاغاني عالي ودك الدمام كملت الحفلة المعازيم راحت دخلنا بالاستقبال عمي وابو صدام والكل تلكوا رائد بالرزايل هو
كاعد يباوع للسبحة

ويسبح ولا هامة ...

ابو فياض : تجاهل الكل رائد ؟!

رفع راسه وكال ...
كملتوا كلام

ابو صدام : تدري بروحك شسويت اليوم طشرت سمعة العائلة بعملتك كلها ناس اكبارية وضباط وشيوخ ولك منو
انت علمود شايف نفسك هالشوفه

ويسبح ولا هامة ...

ابو فياض : تجاهل الكل رائد ؟!

ابو فياض : اريد هذا الغرور والتكبر اكسره بإيدي الك

كام رائد ضحك بوجههم انطاهم ظهره وطلع صار الغلط والسب بي من عمي وابوي وابوه واخوانه الكبار ولااهتم
رجع مد راسه من الباب وكال بصوت عالي

رائد : بالقرأن الكريم حسيت نفسي فرعون
من دخل للمجلس ههههه

ابو فياض : انطونياه خل اسويه فرعوووووون

2
ابو صدام : ياناقص على هالسواية بس كضوه لي إذا
ماخلي هالعكال يرقص على ظهره فلا اطلع ابو
صدام رائد تعاااال

رائد : زوج لينطي نفسه هههه


رائد طفر ركض للبيت ابوي يحجي عمي يحجي خليت وطلعت للبيت اسمع الكل تحجي برائد وعملته كلها تكول عيب لسواه عيب شنو هو زعطوط خوما زعطوط

ادور على رائد مالكيته مادري وين .... رايح رحت للغرفة انام الصبح كعدت هوسه البيت رائد شايل الدشداشة بإيده
مطلع رجليه ويمشي ويضحك

رائد :صباح العسل ياعسل هههه

قاسم : وين رحت بالليل ؟

رائد : هنا

قاسم : اجيت بالليل ادور عليك مالكيتك

رائد : صعدت للسطح خليتهم يهدون ونزلت هههه

2 تعليق
قاسم. :خرررب بيومك رائد ما تبطل سوالفك

رائد : سوالفي تونس ههه اي كلي شلون المعنويات

قاسم : التوتر فووول والخوف فوول القلق
فوووول رائد احس حيلي كله يرجف

رائد :هاي شلون سالفة ولك اخاف ماتدبرها الليله وتفضحنا

قاسم : انجب رائد شايفني

رائد : مو هاي اول مره الك تقترب المره يعني
انت عذراء هههه هههههههه

قاسم : رائد كافي كااافييي

رائد : ولا يهمك أني اعلمك تعال خل اعلمك شسوي
ماتسوي الليله تعال عزيزي تعال

خله ايده على جتفي بعدتها متعصب ...
رائد كافي المسخرة مو وكتها

رائد : لا يابة ماتمسخر بس اريد اعلمك أني خبرة انت لا

قاسم : مايحتاج اعرف شلون صرف

رائد : متأكد ؟

قاسم : طبعا .. بعدهم يدورون عليك

رائد : مادري ماطالع بره يمهم

قاسم : شكلت لنفسك بلا من هيج سويت

رائد : اهمشي مااخلي محمد والبقية يتمسخرون علية

قاسم : ولك أنت صرت مسخرة الامه محمد ابوي
يرزل ابوك عمي يرزل والكل تحجي بيك

رائد : الله صرت مشهور هههه

صاح عمي ابو فياض بصوت عالي ...
وينك يالمشهور وينك وريني شكلك

رائد : انه اخوك ياعامر اطفرررر

قاسم : ههه تعال وين رحت يالمشهور تعال عمي يريدك

ابو فياض : جبان

قاسم : عوفك منه ماتعرفه وماتعرف سوالفه

ابو فياض : فضحنا أصدقائي يكولون شبي مايسلم شنو احنا مانعجب حظره الملازم رائد شايل خشمه علينا هاي أخلاقه يشوف نفسه على الكبار وين المبادئ وين الأخلاق لتعلمها نزلوا دوسه ونص عليه لا والحلو يرقص كدامهم

عبالك يستفز الكل شلون فور دمي ردات اكوم
انزع من رجلي واكفر بي كفررران

قاسم : والله حرت شسوي ويا اجي منا يجيني منا
مصغر روحه عبالك زعطوط مو رجال حبير
وضابط ابو مسؤولية

ابو فياض : مادله الحبل هالفترة بس يكمل العرس
بخير وسلامة شوف شغلي ويا

قاسم : سوي ليعجبك عمي

رائد : لا ياساقط ياقويسم بعتني بهالسرعة أني اعلمك

ابو فياض : بس تعال وخلني اعلمك التعلوم على اصوله تعال ولك وين طفرت رائد أني اعلمك تفضحني منك العالم
مووو بسيطة بطن عينيييي

رائد : وهاي بوسة الك والعينك عمي الغالي ههههه


#يتبع ...

#عشق_أهل_الانبار ....
#بارت٨

مسك "اجه يوم زواجي من قاسم وحيلي كله يرجف حسبة تاخذني وحسبة تردني من الخوف والقلق اباوع بوجه أمي فرحانة كلش لأن انطتني لابن ابن عم اخوها

ويم اخوها الجبير مامنه كلش من ناحية زواجي ...

ويم اخوها الجبير مامنه كلش من ناحية زواجي ...

المهم اجوي اخوات قاسم اثنين علمود ياخذوني للصالون أمي هم اجت ويانه اخذنه مصطفى ابن عمة كوثر عمة كوثر قبلنا رايحة للصالون تحب هاي الشغلات

ومهتمة بروحها كلش عبالك بت ال18 ، وصلنا الصالون نزلنا كلنا ماكو جم دقيقة وبلشت بي ام الصالون مكياج وره مكملت رفعت راسي باوعت الشكلي طالعة غير حلوة

ومختلفة كلش عن البارحة اليوم أجمل من البارحة طلعت حبيت شكلي بالمكياج لصراحة . وراها كمت علمود
البس البدالة وتسويلي تسريحة ..

جايباتلي كبوس وياها لان ماقبلت اتحجب وهم ماعدهم وحدة ماتتحجب بيوم العرس عاد جابولي هاي اخليها فوك راسي وقت الزفة ومن اطلع من الصالون

طلعت من غرفة التبديل وكعدت صارت تسويلي تسريحة وره ماكملت اجوي اخذولي صور وره فترة اجوي يطلعوني من الصالون علمود ناخذ صور بالاستوديو

قبل الزفة لان بالزفة تصير خبصة وهوسة ...

اجه قاسم شفته كدامي لابس قاط اسود طالع غير شكل حلو ومرتب قلبي كام يرجف من الخوف والقلق ماعرف ليش جسمس كله صار يرعش رعش عبالك

طالعة بصبحية شتوية باردة هيج صارت حالتي كدام قاسم ابتسم وتقدم ناحيتي حضني وباسني
بكصتي بعد وباركلي

قاسم : ألف مبروك برفاه والبنين

مارديت عليه مابي حيل افك حلكي وانطق بجماله من لزم ايدي حسيت الموت وصل لعندي صاروا يهلهلون ويطشون جكليت فوك راسنه طلعنا خارج الصالون

رائد ومحمد ومصطفى واركان يطشون جكليت
فوك راسنه بالشارع ويهلهلون ..

رائد : جان اريدها وخذاها جان رايدها وخذاها كللوووش ههههه .. مبارك عرسك يالهيبة مبارك عرسك
يالهيبة كلللووش هههه. ..

محمد : شايف خير ومستاهلها ههههه

مصطفى : مبارك عرسك يالهيبة كلللوششش

محمد : شايف خير ومستاهلها ههههه

أجواء حلوة سوو اركان يصور هنا عرفت هواي يحبون قاسم ويتمنون له الفرحة من كل قلبكم .. المهم صعدت بالسيارة اجوي باركوله وراها صعد بصفي سد الباب

وراه رائد ورجع يسوي بالسيارة وعمة ويانة بالصدر كاعدة وامي والجماعة وي محمد واركان فزيت من قاسم
لزم ايدي وكالي بهمس

_بحلم لو بعلم صرتي حلالي

جريت ايدي خليتها بحضني خايفة منه واصلا ماباوعتله رجع تقرب لعندي لزك نفسه وي نفسي اريد أبعد عنه وين ابعد بعد لزكت باب السيارة بس ينفتح الباب اوكع

_ شبيج خايفة

_ اممم

_شبيج ؟

_مابي ممكن شوي تبعد مضايقة

_ تعاي قربي وين لازكة روحج بالباب

_ شوي بعد

_صار مسوكتي

بعد تقربت شوي رجع لزم ايدي اريد اسحبها من ايده ماكدر جلب بيها حيل وتقرب لعندي شاورني هو شاورني لو بدني كله اهتز هز اول مرة بحياتي يقترب

مني رجال بهاي الطريقة ...

_تلوكيلي والوكلج مسوكتي

مني رجال بهاي الطريقة ...

بعد عني وبقى لازم ايدي قلبي انخطف خطف النفس كوه صرت اجره وكمت أفكر بالليلة عرسنه شلون راح ادبرها ويا هو لزم ايدي وشاورني ردت اتخربط

انوب هذيج الشغلة التخجل غير اموت من الخجل ياربي تورطت طول الطريق تفكيري بهذيج اللحظة وخوف
وقلق ذبحني ذبح لما وصلنا

الاستوديو التصوير نزلنا اخذنا صور وراها رجعنا بيت اهلي وهم راحوا البيتهم اجت امي وابوي يوصون بي ادير
بالي على امه وابوه وارفع راسهم هناك

امي وابوي ناس كلش طيبين ويخافون من كلمة الناس المهم شوي وطلع ابوي راح لبيت عمي هو واخواني وامي كاعدة
يم عمة كوثر واخت قاسم الجبيرة

ريتاج اجت كعدت بصفي وتحجي على رائد صرعت راسي صرع ماتدري برائد إنسان مزاجي ومايعجبه إلا العجب
ويحب البنية العناد وام راس اليابس

ويحب الشي الصعب ويجيبة بتعب مايحب الشي السهل يكول السهل مابي طعم ومايدوملي لأن جبته بسهولة واخسره بسهولة ومراح احس بي وبطعمه ..

_ رائد مايريد بنية قاصرة ارتاحيتي هسة

_ وشبيها القاصرة

_يكول بعدها طفلة وعقلها مناضج وبعدها بسن المراهقة

_ عقولنا ناضجة وجسمنه كذللك

_ ريتاج والله مايريد وحدة قاصرة ويريد
وحدة يجيبها بتعب فهمتي هسة

_ اي خل ينتظرني سنتين وابلغ وهيج يكون جابني بتعب

_ريتاج شبيج

_احبه شبيج

_اوووف

_دحاولي ويا بلكت تكدرين تفرين عقله وتخلي يحبني

_اني افر عقله والله بطرانة أنتِ امه اللي مسميها تاج راسه ويموت على تراب رجليها ماكدرت تفر عقله اجي أني
مسك افر عقله ولج عقله قافل ومتحجر

_اهوووو

_ ريتاج اترجاج لا توكعين ماي وجي كدامهم

_شايفتني ولج

_ مابيج شي والله بس كلامج على رائد يوكع ماي الوجه حافظي على كرامتج وماي وجج وابعدي
عن رائد والله مايفيدج

_والله العظيم دريت مراح تساعديني لأن بعمرج مارتي
الخير الي تردين الخير بس الج

_افففف

خلت وكامت منزعجة هاي شلون ورطة وياها مغرمة برائد ماتدري رائد مخبل وشاخط من العام الأول لو تموت
مايباوع لها يحسبها بحسبه فروحة وسارة

طفلة وهسة من اجه جابتله ماي ماخذ من ايدها وكالها ماريد حتى مباوع بوجهها وهي تريده يحس بيها وحتى اللبسها مايعجبه هو أني اطلع شعري من الحجاب

سواني من. قبيلة قريش وكل يوم عالن الحرب علية ...المهم ساعة ونص اجتي الزفافة وجايبين فرقة وياهم صوت الفرقة صار يدك بقلبي من الخوف والقلق

احس ريجي يبس عبالك اجوي ياخذوني للكصاب ويكصبوني مو عروس وماخذينها من بيت اهلها لبيت زوجها دخلوا كلهم قاسم بنصهم رفعت راسي شفته بسرعة

دنكت راسي خجلانة وخايفة ومرتبكة كعد بصفي وهم هوساتهم وطش الجكليت والهلاهل صارت بفلس
وناس تصوي وناس ترقص

أجواء حلوة سوو بس أني مو يمهم أبد الخوف ذبحني ذبح شوي وكالوا يلا كوموا لزم ايدي وكام بي باوعت بعيون امي امي تبجي صارت بسرعة نزلوا دموعي

واجت بسرعة حضنتني عفت ايد قاسم وحضنتها حيل وابجي بحضنها صعب كلش البنية تزوج وتعوف بيت اهلها وأني وحيدة اهلي واهلي يحبوني كلش

وبرغم جانوا ماعدهم فلوس بس عملوا المستحيل علمود يوصلوني بالدراسة ويفرون الي اللي يكدرون يوفرونه
بعمري مراح انسه فضل امي وابوي الي

بعدت عنها ابجي وهي تبجي بوستني وبعدت عني وصت قاسم بي وبامه وبعمة ام صدام يديرون بالهم علية خالي ابو فياض دخل وكاللها مسك امانة عندي قبل

لا تكون امانة عد قاسم أنتِ مطيتها الي قبل لا تنطيها القاسم صفي بالج من هاي الناحية ام مسك بتج بايدين ناس امينة وراح تعيش حياة حلوة وسعيدة

وأني اوعدج بهذا الشي واخذيها من اخوج

راحت الخالي حضنته وتبجي فراقي حيل صعب عليهم ابوي راح لبيت عمي هو واخواني علمود لا يشوفوني من
اطلع من البيت لان صعب عليهم ...

المهم اجت عمة كوثر مسحت دموعي ومكياجي خرب صارت تضحك وتنزل بالكبوس على راسي وراها ودعت امي وطلعت وي قاسم وقلبي كله يم اهلي بقى

ماعرف هسة شلون حال ابوي وحال
اخواني وحال امي ؟!

المهم صعدنا بالسيارة جان السايق محمد هالمرة مو رائد وعمة ام نزار كاعدة بالصدر قاسم كاعد بصفي ويباوعلي أني مدنكة راسي فزيت من رفع الكبوس شوي

عن وجهي دت وجهي عليه ابتسم وكال :

_ كافي دموعج راح تغركنه هههه

_اممم

ضحكت ومسحت دموعي بايدي ضحك وكال"

_ احمد الله واشكره صورنا قبل الزفة لجان لازم
نرجع للصلون ههههه

محمد : اي هههه

ام نزار : عادي مصار شي هسة بالبيت نعدل الها المكياج

محمد : عمتي كوثر موجودة تصبغ وتلبغ بمسوكة
چنتنه الحلوة ام عيون حلوات

قاسم : اي .. يلا اضحكي

ايتسمت ابتسامة مسطنعة لأن مابي حيل اضحك بالي يم ابوي وامي واخواني رفعت راسي وباوعت من خلال الجامة البره على سيارات الزفة ونصدمت من شفت

ريتاج بت عمتي جاية ويه عمتي وصاعدات وي رائد وامه بالسيارة رجعت باوعت القاسم فرحان
كلش ويباوعلي

محمد : رائد زلغ روحة علمود يزفكم بس عمي ماخلاه هههه وهاي على. عنادك رائدنا ههههههههه

دك هورن الرائد من صار بصف السيارة يمشي
رائد رجع اله الهورن وكاله بصيح ...

رائد : محمدنا هاي الك هههههه

ناس تدك ناس هورن بالعناد طلعنا رائد رجع محمد كال ..

محمد : مصعد عمت العروس وبتها ويا الكلب
زحف لبت عمتج ههههههه

مسك : لا

محمد : شنو لا اي رائدنا زاحف محترف من طراز الاول

ام نزار : ماعنده هاي سوالف وي بنات الاقارب

محمد : مو هاي غريبة

قاسم : بعدها طفلة وتعرف بي مايحب القاصرات

محمد : الله يرحم زمان هههه

قاسم : محمد

محمد : سكتنه

سكت محمد وصلنا البيت نزلنا من السيارة ايدي بايده ذبحوا جوه رجلينه طلي وخلوا كدامي طاسة ماي دفعتها برجلي ونچب الماي منها وراها دخلنا جوه بالبيت ...

وراها دخلنا جوه كعدنا بالاستقبال كلها صارت ترقص نسوان وزلم ماكو احد غريب كلهم ولد عمام وخوال اجواء حلوة كلش صارت اجت عمة كوثر كومتني

غصب عني وخلتني ارقص وي قاسم شوي رقصت خجلت من الكل ترقص داير مدايرنة وأني مامتعودة على هاي
الأجواء أجواء غريبة كلش عني ...

عاد خليت ورجعت هم ذبوا اللحم بالرقص نص ساعة يلا رجع قاسم كعد بصفي عركان ويمسح بالعرك من فوك كصته بالكلينس وجه ويضحك اباوعلهم واضحك

عاد خليت ورجعت هم ذبوا اللحم بالرقص نص ساعة يلا رجع قاسم كعد بصفي عركان ويمسح بالعرك من فوك كصته بالكلينس وجه ويضحك اباوعلهم واضحك

اجت كدام عيوني سيرين تغزر بي ...

ماعرف شنو سبب هالنظرات الي وبت عمتي ريتاج شايله التلفون وتصور برائد شلون يرقص وي ولد عمامه وامه والبنات ذايبة بالعشق المسكينة

المهم وره فترة طلعوا كلها حتى قاسم بقينا بس احنا النسوان صارت الدنيا ليل صعدوني بالغرفة عمة كوثر وعمتي
اخت ابوي واخت قاسم الجبيرة

كعدوا حجوا وياي شوي كلام عادي وراها طلعوا اجت
عمة ام صدام جايبتلي اكل وفواكه بالصينية

ام صدام : اكليلج جم لكمة

مسك : مو إلا يجي قاسم

ام صدام : وشعليج بقاسم قاسم هسة تبن بطنه يلا تعاي اكلي وياي على الواهس ادري بيج على اللحم بطنج حتى
غدة ماماكله وريوك اسم ماكله

مسك : اي والله جوعانة عمة

ام صدام : يلا نزلي

نزلت أني وبدلتي كعدت بالكاع اكل وياها على الواهس هي تسويلي لفات وتخلي بحلكي هي عمة ام صدام محبوبة كلش من قبل وانسانة جدأ حنونة وقلبها ماكو اطيب منه

شبعتني اكل وراها اجت عمة كوثر شالت صينية الاكل وطلعت كعدت عمة تفهم بي هيج وهيج سوي ولتخافين ترى ماكو شي يخوف وهاي سنه الحياة وديري بالج

على نفسج وعلى قاسم ترى قاسم كلش حباب وطيوب وبقلبه على السانه ماعنده غير وبعد وحمدي ربج واشكري
الله كتبه الج ومن نصيبج

مسك : إن شاء الله

ام صدام : مثل ماوصيتج بعد عمة

مسك : الله كريم

بوستني وكامت وره ماكامت بجم دقيقة فزيت من سمعت ثوت هلاهل وهوسات زلم وصياح واعياط ماعرف منين مامنين جاي تطلع بس العرفتة جاي يزفون

قاسم علية كمت الوب بالغرفة من الخوف بطني خبطت خبط احس نفسي راح اتقيئ وين انطي وجي اروح اختل بالحمام منه لو اشمر روحي من البلكونة هيج

أفكار غبية صارت تخطر بالي من الخوف ...

كعدت ارجف وانظاري على الباب كمت بطولي خايفة من دخل قاسم بسرعة وسد الباب وراها قفله خربان من الضحك جان بعد من الباب وكال بضحكة شاكه حلكه شك ...

_ الساقطين مايكعدون راحة ههههه

صدري صار يصعد وينزل من الخوف والقلق لو تذبحني هسة قطرة دم ماتلكه بي من شدة الخوف اللي دا احسه هسة نزع السترة وخلاها بايده وصل يم الجرباية

خلاها فوك الجرباية ويباوعلي بفرحة ..

_لا ماخايفة بس فزيت من دخلت جفت

_ نسيت ادك الباب عليج بوسط أجواء
مشحونة بالفساد ههههه

_فساد

_ اي الربع كلها تفسد بزفة العريس ههههه

_استغفر الله

_ترى هاي من ضمن العادات والتقاليد عدهم ههههه

_اففف

_اي شلونج

_زينة

_اكلتي

_اي وأنت

_الف عافية

_الله يعافيج مسوكتي تعاي خل اساعدج تنزعين البدالة
اكيد مضايقة من الصبح اليهسة

_لا اني انزعها

_هههه مسك لتخجلين ترى صرت تزوجج وصرنا واحد مو اثنين علمود تخجلين تعاي يابة تعاي
شبيج مراح اكلج والله

_ لا ماريد

_مسك شبيج تعاي

خزرني خفت من نظرات عيونه نزلت راسي خايفة ومرتبكة تقرب لعندي ولزم كف ايدي ورفعه وباس بطن ايدي رجف جسمي كله جريت ايدي من ايده

جرني بسرعة وشبكني باثنين ايديه وضمني الصدرة حيل وخله راسه يم اذاني وهمس ...

_لتخافين والله مراح اذيج ولا اشلع قلبج بالعكس
راح اسعدج وادللج مسوكتي

بقيت ساكتة ماكو رد فعل مني جنت باردة مثل قطعة ثلج ويا ماعندي أي مشاعر اتجاهه بهاي اللحظة سواء مشاعر الخوف والقلق اللي راح يوكف قلبي بهاي الاثناء

هو استغل فرصته وصار يبوس بوجهي نزل على شفايفي بسرعة سديت عيوني واستسلمت له ماريد اسوي غلط ويا واخلي يتعصب ويروح يكول لاهله ماتريدني

ويوصل الحجي لامي غير تنجلط وتموت من وراي عفته يسوي اللي يعجبه جان حباب وياي ومابذر منه شي محلو ولا اذاني كمل مني وراح بدل واني هم بدلت

وكعدت فوك الجرباية خجلانة منه ماكدر
اخلي عيني بنص عينه

_مسوكتي باوعيلي

_اممم

_ولج يابة باوعيلي شبيج خجلانة

_مو...

_دباعي مو موتيني

رفعت راسي باوعتله جان وجه يضحك بنص وجهي رجعت دنكت راسي طفر هو بصفي وضمني الصدره حيل وصار يمسح على راسي من وره بكف ايده

_مسوكتي مامصدك صرتي مريتي هههه

_لا صدك

_هو جاي احاول اصدك كل ساعة اكول اخاف بحلم
أني وافز ويطلع كله جذب هههه

_لا صدك

_يروحيييي

_قاسم اختنكت على كيفك وياي

_ولج مامصدك حلالي حلالي صرتي مسوكتي امممح امممح

بعدني عنه ولزم وجهي بكفوف ايديه الاثنين وصار يبوس بشفايفي بوسات متقطعة فرحان بي ويرجع يضمني الصدره بقيت متعجبه بي هذا هلكد طلع يحبني

وأني مادري ولا جنت اشوف كل هذا الحب داخل عيونه وقلبه ناحيتي بعد عني بعد ما الباب اندك وصاحوا عليه نزل
وطلع قبلي صارت هلاهل فوك رأسه

وراها دخلوا النسوان عليه ...عمتي طلبت نيشان قترابه الي انطيته الها وريتاج هم دخلت وره ماانطيتهم النيشات الكل باركلي وطلع ريتاج بقت عندي

رادت رقم رائد ماقبلت وطردتها من الغرفة بسرعة ورها ساعة هيج دخلت سبحت وبدلت وراها اجه قاسم هم سبح وبدل وراح طفى الضوه ولفتي بحضنه

مامصدك صرت مرته ماحجه ولا اتعرف بشي بخصوص حبه الي ولا برر افعال قبل وياي هو ورائد فقط كتفه
يحضن بي ويبوس بي ...

المهم وره جم يوم نزلت جوه بعد مااجوي بيت خالي ابو صدام كعدنا بالصالة رفعت راسي اشوف قاسم ورائد ...يتهامسون قاسم

ينبز برائد ضاج رائد ماعرف عليش
صاح بيهم خالي ابو صدام

المهم وره جم يوم نزلت جوه بعد مااجوي بيت خالي ابو صدام كعدنا بالصالة رفعت راسي اشوف قاسم ورائد ...يتهامسون قاسم

ابو صدام : خيركم تتبسبسون جنكم عجايز ؟!

رائد :باجر دوام

قاسم : يكول باجر دوامي

ابو صدام : اي خل يروح للدوام شلع قلبي بالبيت

ام صدام :شمسوي وشالع قلبك هو البيت يسوه شي بدون رائد هو ريحة البيت الطيبة هو الراحة هو الهدوء
هو كلشي حلو بالبيت

رائد : تاج راسي الغالية

ابو صدام : ابقي دللي بي هو شفسده غيرج وغير دلالج هذا

رائد : اذا امي ماتدللني منو يدللني وهسه انت غيران مني

ابو صدام : خاب ماتنجب اغار منك وين ابو نزار

رائد : عليش تسال على عمي ؟

ابو صدام : علمود يشوف ابو البنية

قاسم : يابنية ؟
ام صدام : مو ابو نزار كايل لابو صدام يعرف واحد من اصدقائه عنده بنية خريجة وحلوة
كلنا ناخذها ل ...

رائد طفر من مكانه من كام خفت منه ضخم
كلش ومتعصب :بس لا البالي ؟

قاسم : شبيك فزيت ؟
ام صدام : خل نحجي بالاول فزيت
اشو اكعد وافتهم السالفة
ام نزار : رائد استهدي بالرحمن واكعد وافتهم
السالفة شبيك اكعد
رائد : مال اكعد ماكعد مال تخطبولي مره شيلوها من
بالكم مااتزوج يعني ماتزوج لا تورطون عمي
وتورطون اهل البنية

خله وطلع كلها تصيح وراه كام قاسم وراه يركض ماعرف شبي زعل ابوه نزل دوسه ونص بي امه مقهورة عمتي
تكوللها اكشفي يم شيخ
سيد علوية شوفي علته شبي يتهرب
من سالفة الزواج

ام صدام : كلشي مابي كشفت اكثر من مكان نظيف مثل نظافة هالقماش الأبيض ماعرف شبي من اجيبله سالفة
الزواج يشب بزردومي

قاسم رحت وره رائد كالعادة من يجيبون سالفة الزواج يتهرب ويتخبل منها لكيته واكف بالطرمة شعل جكارة
صار يدخن بعصبيه

_رائد إلى متى تبقى هيج ... مو احجي وياك باوعلي
_جوز مني قاسم
_شنو اجوز منك ولك راح تدمر روحك منورة الماضي
ليش هيج ضعيف أنت كولي ليش
_ ماتت قاسم
_ماتتت ؟!!
_اي ماتت
_شلون ماتتت ؟ .. اخاف الك ايد رائد
_حاركة روحها
_شتحجي أنت؟!
جر النفس بحسرة ونفخ الدخان وكال ...
زوجها مو زين وياها ومقرره تنتحر
_شمدريك انت مو زين وياها ؟
_اتصلت بي قبل عرسك بيوم وكالتلي اني اسفة لأن خنتك وي ابن خالي وتزوجته وعفتك أني متندمة هسه
لو بإيدي ارجع الماضي وابقى وياك
غرتني الفلوس و حياتي تعسية كلش زوجي يخوني
ويسكر ويضرب ومسود عيشتي ....

_شيفيد الندم بعد فوات الأوان وشكتلها أنت؟

_كتلها الله ينتقم منج وهاي حوبتي ضحكتي علية سنتين اني وياج واصرف عليج وعتيني بالزواج كتيلي بس
تتخرج من الجامعة اتزوجك
_
اثاري طلعتي مكبله وي ابن خالج وياي بنفس الوقت
حقيرة ونزلت بيها دوسه ونص وكتلها
بس تتصلين بي افضحج
_اي وشمدريك حاركة روحها ؟
_اختها دزتلي رسالة على فيس بوك تكول حركت روحها و البارحة بالليل ماتت وتكولي ابريها الذمة امانة
بركبتك ابريها الذمة
_لا حولة ولاقوة الا بالله الله يرحمها

_الله يرحمها بس مابريها الذمة خل تتحاسب على كلشي سوته بي كرهتني بالنسوان وخلتني افكر كل
النسوان حياية مثلها .
_اتقي الله رائد ومو كل اصابعك سوية
_تعرفني من نفسي تلعب من شي تبقى تلعب لاخر
يوم بعمري وهسه لاعبة من النسوان
_كول يالله رائد وانسى الماضي وأنسى أبرار هي ماتت وراحت جوه رحمه الله وأنت كمل حياتك وشوف مستقبل خطيه امك تريد تزوجك وتفرح بيك
ليش تكسر قلبها

_كرهان الزواج قاسم اترجاك سد الموضوع

_ براحتك بس أنت الخسران مو اني ولا احد ثاني

_خسرت راحة البال بعد شخسر قاسم

_ماهكيتك هيج ضعيف
_حقك تحجي مامار بلي مار بي
_ تذكر جنت شتكول....
_ _جنت اجذب عليك ماتعرف شجاي احس هسه
_حاس بيك والله بس انساها صارلك سنوات لا سنة
ولاسنين وهسه هي راحت من الدنيا
_قلبي الخر... مايكدر ينساها شكد حاولت ماكدرت
شوفلي حل قاسم ماتحمل بعد
_بايدك انت مو بإيدي اني لتشغل بالك بيها
وحب وحدة ثانية
_ههههه اكله نفسي لاعبة من النسوان
يكلي شوفلك وحدة ثانية
_شسويلك هذا احسن حل
_اكول قاسم
_كول ؟
ر_اريد اروح لام ساندي ابرد قلبي هناك
_رائد شبيك صارلك فترة كاطع كلشي ليش
ترجع وتخرب نفسك
_ ماكو غيرها تبرد نار قلبي وتنسيني أبرار القذرة
_الله يهديك وان شاءالله يخلي بت حلال بت ناس واصل بطريقك وتنسيك أبرار وعشيرة أبرار
_كول ؟
_منو هاي لتجي بدرب رائد ههههه
_بشرفك شبسرعة تغيرت قبل شوي ردت تبجي
هسه تتمضحك بيك شي رائد
_الله يهديك وان شاءالله يخلي بت حلال بت ناس واصل بطريقك وتنسيك أبرار وعشيرة أبرار
_نسيت اكلك اني مريض نفسي وبي مرض
ماله علاج هههههه
_تفائل نفسك بالمرض وأنت كلشي مابيك
_وغلاتك بي مرض ههههه
_نسوووان
_اي عفيه هههههه
_بشرفك شبسرعة تغيرت قبل شوي ردت تبجي
هسه تتمضحك بيك شي رائد
_رائد جديات ليش ماتروح لدكتور نفسي شاطر باربيل
خل يكشف عن حالتك بلكت يلكالك
علاج ويحل علتك
_امشي كلب تريد تطلعني مجنون
_اي عفيه هههههه
_مو شرط تكون مجنون تروح لدكتور نفسي هسه أني شخصيا إذا احس نفسي تعبان وسلوكي تغير اروح دكتور نفسي وعالج نفسي قبل لا تطور حالتي
_صدك ماكلتلك قويسم
_غير السالفة
_شفت بنية حلوة وتخبل وي جلال قبل يومين
_ياجلال ؟
_جلال الجندي لويانه شبيك
_هاا جلال
_اي
_محتمل مرته
_شايف مرته وشايف امه واخواته هم شايفهن

بس هاي اول مرة اشوفها
_ما شاءلله حافظ شكول كل العائلة
ولك مراقب الرجال أنت
_ولك لا قبل فترة جان عدهم عرس ورحت وشفت كل
العائلة مو كلتلك تعاي وياي انت ماجيت
_وانت رحت ؟!
_اي رحت
_ولك لا قبل فترة جان عدهم عرس ورحت وشفت كل
العائلة مو كلتلك تعاي وياي انت ماجيت
_عزززة العزاك ماتفوتك مناسبة انت بكلشي حاظر
_طبعآ تريد الصراحة جانت حلوة وناعمة وهواي تضحك
_رائد زحفت ؟!
_هو اني زاحف للرايح والجاي بس هاي جانت حلوة وجمالها حلو وناعم ماعرف ليش رحت البارحة لبيت جلال
بحجه شغلة طلعت علمود اشوفها
_هو اني زاحف للرايح والجاي بس هاي جانت حلوة وجمالها حلو وناعم ماعرف ليش رحت البارحة لبيت جلال
بحجه شغلة طلعت علمود اشوفها
_كل هذا وأني مادري
_راح يكوم يحقق
_ولك شتريد من بت العالم رائد هذولة عالم متشددة كلش دير بالك تغلط وي بتهم ولا تنسى الولد صديقك وأمن بيك
ودخلك لبيته لاتطعن بي
_ اهوووووو
_وجعععع رائد لتغلط لتغلط مو تريد تطفي نار قلبك بهل البنية المسكينة دير بالك رائد تلعب بعرض العالم تريد نسوان تبرد قلبك بيهن روح لام ساندي لا تقترب على بنات
الشريفات وتأذيهن

_كل هذا وأني مادري

_راح يكوم يحقق

أبتسم إبتسامة خبيثه خفت منه كلش راسن شمر الجكارة بالكاع جفص عليها برجله وكال ...

_مثل لبالي
_شنو البالك
_اكلك شي جنت اضحك عليك ترى ههههههه
_بشنو ؟
_بخصوص ماكدر انسى أبرار تره أبرار ناسيها من زمان وقطره حب ماكو بقلبي بس ماريد أتزوج واورط نفسي
بمره وخليت أبرار عذر هههههه
_واني صارلي ساعة شايلك هم طلعت جذاب
_هههه قويسم ماتعرفلي اسمها
_منو ؟!
_البنية الناعمة وي جلال

_دتعال خل انعنع اضلوعك تعاال ابو النسوان
تعال كلب ماتبطل سوالفك
_اجيبها للدرب كلت اجيبها ههههه
طلع يركض وأني وراه اريد اكضه ماكدرت ..... عدل لبيتهم مسوي روحه زعطوط ولا جن عمره ٢٧ سنة رجعت للبيت
امه مقهورة وشايله هم له
مسك مشت الايام نفس الشي ماصار شي جديد صارت السبعة مالتي لبست فستان طويل وردي وفتحت شعري
وخليت مكياج شويه بارز
وجو الكل وصارت نفس حفله بعدها كل وحده انطتني هدية شكل طلعت بالصالة الواحدي شفت سيرين بنات
يخزرن بي خفت منهن
سيرين : هيي مسك تعاي
مسك : خيرج ؟
سيرين : تعاي
مسك : شتردون مني ؟
فرح : نريد نشوف طولج نخيطلج فستان ههههه
سيرين : ماتجين شبيج واكفة
مسك : غير اعرف شتردوني مني ؟
سيرين : دتعاي أول
رحت عليهم ماعرف شردون مني نوكفت كدامهن فرح تجر بخصلات شعري وسيرين تباوعلي بنظرات
مستفزة وسوسن تباوع لجسمي
فرح_شعرج ناعم شتخليله ؟!
مسك : هو ناعم ماخليله شي
سوسن_ورثة من امج لو عماتج شعرج الناعم
مسك_أمي اااه توجعت عوفي شعري
جرت شعري قوي فرح ونوب عافته عبالك متقصدة تلعب بي وتجرجر ماحسيت إلا ايد لزمت ايدي قوي وجرتني للغرفة الثانية جانت فارغة بس أثاث
قديم بي ستوعبت على نفسي جانت سيرين دخلتني ودخلن البنات وسدن الباب عافت ايدي تباوعلي بغضب
رفعت اصبعها تهدد بي
سيرين_اسمعي مسك كلامي كلش زين وخلي بالج كل ماتقتربين القاسم أبد وإذا ...
مسك_شبيكم عليش جبتوني للغرفة ؟
فرح_اسمعي كلام سيرين
سوسن _جاي نحذرج بت الفگر فكي اذانج واسمعي

سيرين _من البداية اكول قاسم حبيبي أني وجنت أحبه هو هم يحبني بس امه الحية السامة فرقتنا عن بعض رادت وحدة فقيرة علمود تسيطر عليها وللاسف ختارتج الج وترى أنتِ
مجرد لعبة لا اكثر ولا أقل
سوسن _جاي نحذرج بت الفگر فكي اذانج واسمعي
مسك : شهل جذب احترمي نفسج
سوسن : هاي الحقيقة قاسم يحب سيرين وهي تحبه
وقبل شوي جان يمها بهاي الغرفة
مسك : شنو جاي تحجون أنتو؟
سيرين : مثل ماكتلج قاسم حبيبي اني جيت
اكلج علمود تاخذين الاحتياط
مسك : مافهمت فهموني شسالفة
سيرين : قاسم كالي بس يمر على زواجي سنة سنتين راسن اعزل بيت الواحدي واتزوجج هسه تزوجت
علمود ارضي ابوي وأمي
مسك. : قاسم هو اختارني مو ابوه ولا امه
بطلوا جذب شتردون انتو ؟
دفعتني سيرين قوي وكعت بالكاع...
انتظري منالشهر شهرين وشوفي شلون طلاقج يصير لو
اخذه منج احسلج ابعدي عن قاسم ولا
تحبلي منه مفهوم
شمرن سمهن وطلعت رجعت فرح مدت راسها وكالت...
واخاف تفكرين تحبلين بالعناد ترى يصير عندج
إسقاط ومحتمل تموتين هههههه
طلعوا عافوا الباب مفتوح كمت خايفة منهن هذني مو راحة أبد وكمت ابجي قاسم هيج يسوي بي ويضحك علية ويغشمرني يكلي احبج
وطلع يحب بت عمته سيرين .... طلعت شفت رائد واكف بصفه سيرين تحجي ويا رفع ايده راد يضربها هي راسن شردت للغرفة يم النسوان
باوعلي أبتسم وقترب مني خفت كلش وكف قريب مني ..
اريد اكلج شغلة مسوكة ..ديري بالج تصدكين بسيرين ومجموعتها ذني حياية تسس وتسس اذا عضوج

يقتلوج سامات وعلي
مسك : صدك قاسم يحب سيرين قبل
رائد : منو كالج ؟
مسك : هي كالتلي قاسم يحبها واني اخذني
علمود يرضي اهله
رائد : منو كالج ؟
مسك : هي كالتلي قاسم يحبها واني اخذني
علمود يرضي اهله
رائد : هههههه
مسك : يعني صدك !
رائد : لو قاسم يحب سيرين جان اخذها مااخذاج أنتِ واصلا سيرين جانت تتحرش بقاسك وتريده يتزوجها واكثر من مره سوت عمايل والحمدالله طلع منهن
هاي جذابة لا تصدكين بيها واذا ماتصدكين بي روحي
اسألي ام سارة خل تحجيلج كلشي
خله ومشى يضحك طلع قاسم يباوعلي مستغرب دموعي راد يجي لعندي جره رائد وأخذه للاستقبال رحت كعدت يم النسوان هن يخزرن بي
خله ومشى يضحك طلع قاسم يباوعلي مستغرب دموعي راد يجي لعندي جره رائد وأخذه للاستقبال رحت كعدت يم النسوان هن يخزرن بي
اجت ريتاج بصفي كعدت ...
اكلج مسك
مسك : كولي ؟
ريتاج : رائد ح...
مسك : من البداية اكلج رائد مايتزوج شيلي من بالج
ريتاج : خوب انتِ سديتيها بوجي تردين بس
الج الضابط والحلو والزنكين
مسك : شعلي أني هو تعارك وي اهله علمود
يردون يزوجوه
ريتاج. : اخاف عنده حبيبه ؟
مسك : لا معنده بس مايريد يتزوج
ريتاج : من عابتلج من يوم يومج تريدين
الخير الج ماتردينه لغيرج
خلت وكامت متعصبه مني صارن أربعة متعصبات مني ويتحلفن بي تضوج فوك ماكوللها مايريد يتزوج ويحب النسوان مو صوجها صوجي اني
جاي احذرها طلعت لكيت ريتاج تباوع ...الرائد هو مطنشها ولا يباوعلها هي بعمري 16 سنة يحجي وي عمتي ويضحك بصوت عالي ولا همه هاي تباوعله
سمعت بي كال ...
هي متوازية تزوج جهال
سمعت بي كال ...
هي متوازية تزوج جهال
ام نزار : شنو جاهل عمرها ١٦ سنة وحق الزواج
رائد : بلا هاي شتعرف ام ١٦ سنة والله حرام عليكم تزوجون اصغار اصلا شلون لهم نفس يتزوجون اصغار
عجبتي والله
ام نزار : غيرك اله نفس
رائد : بيهم مرض هذولة واسمه زواج القاصرات عبالهم يسيطرون على القاصرة من ياخذونها مايدرون راح يدمرونها ويدمرون نفسهم هي بعدها سن المراهقة ماماره بي شلون يريدها تتحمل المسؤولية وتتحمله .
ام نزار. : يربنك ويربن عشيرتك هالقاصرات
رائد : هاي كلمة هواي اسمعها منكم ومن العالم وهي مجرد عذر هي طفلة صغيرة وحالها حال الاطفال عقلها متقلب وهرمونات جسمها بعدها مكاملة
زوجها صغيرة ماتعرف بالمسؤولية طلقها وره كم شهر ماتسمع الكلام ماتفهمني اذا انت بكد الثور وهي
طفلة شتفهم منك
ام نزار : اووي رائد اكلتني حاصل فاصل
عبالك محامي مو ضابط
رائد : مو لعبت نفسي هذاك اليوم شفت شايب بعمر ابوي تقريبا متزوج وحدة قاصرة بعمر فروحة وسارة وفوك كلشي شايله طفل بحضنها بلا هاي مو جريمة

ام نزار : شعلينا احنا هي قابله
رائد : وغلاتك جابرينها جاريلها بنية صغيرة
تزوج شايب رجلي لايحات القبر
ام نزار : شعلينا يلا امشي
راح وي عمتي باوع لريتاج وابتسم هي ابتسمت
بسرعة فتت من يمها وكتلها
مسك : سمعتي يحسبج طفلة حالج حال بنات
اخوه لا نتغرين بأبتسامته
ريتاج : شعليج
مسك : سمعتي شجان يحجي وي عمتي
ريتاج : بلي سمعت وماعليج الحب يغير كلشي
مسك : هذا ياحب بلا ثكلي عيب عليج تستخفين كدام
الرجال هسه شيكول اقارب مسك زاحفات
ريتاج : اوووي شكد متخلفة
راحت دخلت للغرفة بقيت متعجبه تصرفها فوك مانصحها أنتهت الحفلة راحوا اهلي وبقيت ....حايرة كلام منو الصدك رحت لام سارة حلفتها تحجيلي كلش وفعلا حجتلي كلشي سيرين جانت تحب قاسم حب من طرف واحد
وهو جان يخاف منها ومن يرجع من الدوام هي تجي وتبات هو جان يقفل باب الغرفة خوفا منها كتلها هيج وهيج تكلي تخبلت وكالت لتصدكين بيها
هاي جذابة وحدة قليلة الأخلاق وأدب وانتِ هم لا تصدكين بالحجي الرايح والجاي شتسمعين تعاي كوليلي قبل لا توصليها القاسم ترى يضوج منج
ويكول ماتثق بي مفهوم
مسك : مفهوم شكراً
ام سارة : العفو قلبي يلا روحي فوك لغرفتج قاسم
ينتظرج وخليها بالج قاسم يحبج الج أنتِ
مايحب غيرج
مسك : ايي
صعدت للغرفة فرحانة من كلام ام سارة ورائد ...لما هم جان هسه اني مصدكه بسيرين وتسوين مشكلة بيوم السبعة
دخلت للغرفة سديت الباب اشرلي
اقفله قفلته واجيت كعدت بصفه ...
_ مسوكة اكلج شي بس لاضوجين
_ كول مااضوج
_ سيرين وشلتها محاجينج اليوم وانتِ مصدكة بكلامهم
_ اي حاجوني بس ماصدكت بكلامهم
_ هاا
_شبيك ضايج !؟
_اسمعي كلامي زين مسك لا تصدكين بيأ كلام ينكال الج ترى محد يريدلج الخير والاغلبية تكرهج لأن
فضلتج عليهن افتهمتي هسة
_اي افتهمت وعرفت ناسي زين
_الحمدالله وشيصير وياج توصلي الي لو لامي من أني مو موجود بالبيت ديري بالج تسكتين الهن
_ لا ماسكت بعد واللي تحجي اكطع اللسانها واخلي بايدها

_اي عفية بالسباعية
زحف لما وصل لعندي ولزم كف ايدي وباسه خجلت منه مامتعودة عليه برغم صارنا سبع أيام بعدني اخجل
منه ومن يقتربلي وضعي يتخربط
_مسك لا تستحين
_مو بايدي بعدني مامتعودة
_منا وجاي اخليج تتعودي تعال ههههه
جرني الحضنه وحضني قوي وصار يبوس براسي ويضحك واني مثل اللعابة ماكو رد فعل مني مالي الجرأة ابادله نفس الشعور سديت عيوني من قرب وجه يم اذاني
وصار يبوس بي جسمي كله قشعر من لمساته الي ماتحملت رفعت ايديه ودفعت راسه لزم ايديه بايديه ومطلني فوك الجرباية وصار فوكي يباوعلي بنظرات
خبيثة وابتسامة خبيثة على شفايفة نابته ...
قرب وجهه على وجهي بسرعة سديت عيوني مستسلمه اله هو استغل الفرصة وصار يبوس بي ... مرت الأيام يوم بعد يود قاسم دا يثبتلي حبه الي وعرفت بي
إنسان جدأ هادئ وحنون وقلبه ماكو اطيب منه ورائد كذلك طلع حباب وسبورتي بس عيبه الوحيد عصبي ومايجب احد يكسر كلامه يحب واحد يأيد بي
خبيثة وابتسامة خبيثة على شفايفة نابته ...
قرب وجهه على وجهي بسرعة سديت عيوني مستسلمه اله هو استغل الفرصة وصار يبوس بي ... مرت الأيام يوم بعد يود قاسم دا يثبتلي حبه الي وعرفت بي
شيكول كوله " اي " و
سيرين بعد ماشفتها بس امها وابوها يجون يكولون عدها دوام وماكدرت تجي واجوها خطاب قبل يومين رفضت مانعرف شبيها ياهو ليجيها ترفض
وأني متحلفت لها بداخلي بس اشوفها إلا ارزلها.

رائد " صار وقت نزولنا للبيت تمنيت جلال ينزل وياي علمود اوصله بيته بطريقي لكن للأسف مانزل هالمرة وياي
متغير موعد نزوله انقهرت كلش

اريد اشوف البنية لتمشي ويا اكثر من مرة شفتها منو هاي ومرة جابها من الجامعة بقت تدك بقلبي طلعت أني
وقاسم كلت اليوم بالليل اروح لام ساندي

وشيصير خل يصير اتصلت بي ... اكثر من مرة وتعزمني كل هالمرة مافوتها العصر طلعت افتر وبالصدفة شفت البنية
جانت وياها ام جلال يمشون بالشارع

جانت لابسة تنورة سودة تول وتيشيرت اسود بي فراشات باللون السمائي وحجاب سمائي اخذت قلبي بقيت اباوعلها واضحك من ودي انزل احجي وياهم

واعرض عليهم التوصيله بس وكفت من شفت .... اخو جلال الصغير طلع من محل بايده علاكة انطاها للبنية اخذتها وابتسمت من ابتسمت خلتني ابتسم وياها

اول مرة بحياتي انجذب البنية وابقى اراقبها.

صاروا يمشون وأني هم حركت السيارة .ومشيت عدل لبيت ام ساندي دخلت السيارة جوه طلعتلي ام ساندي جانت الوحدها هل مرة كل مرة واحد وياها

سلمت علية ودخلت جوه وي .... دخلتي انصدمت أربع زلم مسلحين جانوا توني ردت اطلع المسدس ماحسيت الا
ضربه واجت براسي من وره

بقوة خلتني اوكع بطولي للكاع بس مافقدت
وعيي سمعت ام ساندي تكول

ام ساندي. : تقتلونه لو تطلبون فدية ؟

الرجال : ناخذ اعضائه وننطيهم الغلاف ههههه
هنا تخبلت غشمرتني الحقيرة جانت ناصبه لي كمين توني ردت اكوم بسرعة جيتوا علية اثنين تولوني ضرب
على راسي بعدها ماحسيت بشي

فقدت الوعي .
فزيت من رشك بوجي سطل مي بارد فتحت عيوني بسرعة شفت كدامي اربع زلم ملثمين لابسين زي داعشي الم لبي مو طبيعي راسي يوجعني كلش
ونازف دم كومة ملابسي كلها دم .. اجه واحد منهم
لزمني من شعري هو خفيف كل قوته ...
الرجال : كلب نذل نجس
رائد : ماكو غيرك انت الكلب والنكس والنذل وينها
الكحبة ام ساندي وينهااا
جابني بوكس بنص وجي فلشلي وجي وتفل علية حسيت بالإهانة والذل منورة كحاب هيج يصير بي مو
نصحني عمي مااخذت بنصيحته
تولوني ضرب وغلط وسب وفشر أني .... هم ماقصرت أبد مابينت لهم خايف لو مذلول بس خفت من كالوا اتصل بالدكتور وكله خل يجي بالليل وإذا ماكدر
يجي خلي يجي الفجر علمود ناخذ اعضائه
وننطي لهم هدية بعلبة هههههه
اسمع واحد يكول ...
نقطع جسمه قطعة قطعة اكون
مثل ماسوينه بربعة قبل
الثاني : ايي ههه
الثالث :ماكو بنج نشيل اعضائه بدون بنج
الرابع : السيارة شالوها الربع ماخلينه اي اثر هو جاي
لهنا نقتله ونصلخ جلده ونقطعة
وهم مايدرون هههههه
الاول : هاي احلى هدية توصل لعمه
الثاني. : الانتقام حلال ومذكور بالقرآن الكريم مثل ماسوو بربعنا احنا هم نسوي بربعه وره أيام نسحب الملازم قاسم
واحد واحد نجرهم ومصيرهم مصير هالكلب
الاول : هاي احلى هدية توصل لعمه
#يتبع ...

#عشق_أهل_الانبار ....
#بارت٩

قراءة ممتعة للجميع.

قاسم اتصلت بي عمتي ام صدام تسأل على رائد بنص الليل كتلها مو يمي كالت اتصل بي مايرد اخوانه ابوه اخواته
كلها تتصل بي يطلع الجهاز مغلق قلبي

مثل النار اول مرة يتأخر خارج البيت لهذا الوقت كل مرة
حدة لل١٢ يرجع بكت طن هوى رائد ماكو مختفي
فصلت الخط منها اتصل علية

يطلعلي الجهاز مغلق ...

مسك كاعدة تباوعلي مفزوعة الساعة
بال١ ونص بالليل

_ قاسم شبيك ؟

_رائد ماكو مختفي

_شتكول ؟!

_امه اتصلت بي تبجي تكول ماله لا حس ولا خبر طلع من العصر والحد الان ماله اخبار خل اكوم انزل اكول
لابوي والإخوان اخاف مخطوف

_بعيد الشر عنه

كمت من الفراش بسرعة طلعت يم اخواني اول واحد كعته اخوي ابو سارة والبقية كلها كعدتها نزلنا كعدنا ابوي من كلتله رائد ماكو تخبل وصار يحجي عليه

بيت عمي اجوي عمامي كلها اجت البيت انترس كلها تدور وتسأل محد شايفة بالمنطقة بهيج اوقات مصطفى
كال شفته العصر بفلان مكان

ابو فياض : الف مرة كلتله لا تروح لام ساندي وتالي ويا
امشوا روحوا شوفوه هناك امشووووا

كلنا طفرنه من صاح عمي عدل لبيت ام ساندي كسرنا الباب طلعت ام ساندي مفزوعة شامره الشال شمر على
راسها ترجف من الخوف

ام ساندي : خير شكو انغارينة بتالي الليل

قاسم. : رائد وين

ام ساندي : شمدريني

قاسم : رائد جان يمج بعده موجود ؟

ام ساندي : العصر جان يمي لحد الساعة بال٨ طلع

قاسم : فوتوا فتشوا البيت

ام ساندي : وين طابين ماكو احد يدخل البيت
بي عالم عيب عليكم

دفعتها قوي ...
دوخري يلا فوتووا فتشوا
البيت بالكامل

دخلوا كلها هي تصيح عيب عليكم تدخلون على نسوان بتالي الليل عيب فتشنه البيت بالكامل ماكو اثر الرائد ماعرف
شبيها خايفة هي والبنات الوياها

ومجان اكو زلم يمها استغربت ...
شفتوا رائد ؟

ميس : لاا

قاسم : شلون لا هو العصر عدكم

ميس : ماجنت موجودة أني

قاسم : وين جنتي لعد ؟

ميس : طالعة

قاسم : وبيش الساعة رجعتي ؟

ميس : بال ١٠ ونص

قاسم : منو منجن جانت وي رائد

ام ساندي : تمارة جانت ويا

قاسم : تمارة وينها لعد

ام ساندي : اخذوها عالم

قاسم : شسالفة جانت وي رائد وهسه طالعة وي عالم

ام ساندي : هذا باب رزقها يلا اطلعو من بيتي عيب
عليكم تدخلون بيوت النسوان تالي الليل

عامر : يانسوان هاي اشو انتن دعارات وبيبانجن
مفتوحة لرايح والجاي

ام ساندي : اي حتلوه اطلعوا برررره

قاسم : امشوا يلا

طلعنا دورنا بكل المنطقة ماله حس وي دخلتي للبيت
اجاني اتصال من رقم غريب راسن فتحت
الخط وكال

قاسم _الوو ؟

المتصل : لا تدور على رائد رائد عدنا وخلال
ساعات نسلمك جثته

قاسم : منو أنتو وشتردون خاطفين رائد

المتصل : انتقام من عمك وكول العمك راح
يجي دورك بعد رائد

قاسم : عوفوا رائد لا تقتلونه وشتردون احنا حاظرين

المتصل : نريد الدم بالدم

توني ردت أرد فصل الخط بوجي ...
الوو ...عامر مصطفى خالد تعالوا بسرعة هذا الخاطف
اتصل بي ويكول راح نقتل رائد هاك حدد
موقع الاتصال بسرعة

اخذوا التلفون رحت كلت . لاعمي باك طن هوى راسن بلغ الاستخبارت ربع ساعة اجت الشرطة ونص الفوج قوات
جهاز مكافحة الارهاب انترست المنطقة

اجه مصطفى يركض ...
الموقع المتصل من بيت ام ساندي

ابو فياض : انتو مو رحتوا شلون مالكيتوا

قاسم : مالكينه شي

واحد من الضباط ...
محتمل عدها سرداب ضامته بي

قاسم : كلشي وارد يلا امشوا

رحت بطرك البجامة والتيشيرت مالات النوم قلبي
يدك ألف دكه بالثانية خايف لا يقتلون رائد...

المنطقة انتشر بيها كل العناصر بكل مكان تلكه جندي وشرطة من عناصر الداخلية هم لان وصلنا تهديد من قبل الخاطفين رائد ابن عمي راح ينقتل خلال ساعات قليله

حاولت وياهم بس مانطوا مجال كالوا ينكتل يعني ينكتل عقاب لاعمك المسؤول لان بسببه لزموا كبار من الارهابية بالانبار وهذا انتقام وراح يجي دورك بعدين

تم تحديد الموقع طلع موقع المتصل من المنطقة وبتحديد بيت ام ساندي اليزيدية هو هناك يروح واكيد هي متفقة
وي الإرهابية بسرعة سوينه مداهمات للمكان

وحاوطوا كل الجنود دفروا الباب الجنود دخلنا شفت بنات عشرة يطلعون كلهن بنات صغار وام ساندي من
شافتنا دخلنا صارت تبجي
وتعيط ...

ام ساندي. : مو يمي رائد مو يمي الف مرة كتلكم مو يمي

راسن جريت المسدس وخلته براسه...
احجي وين رائد لو اطشر
دماغج احجييييي

ام ساندي : ليش ماتفهم مو يمي شسوي بي اضمه عندي

قاسم : دخل اطشر دماغج

راسن عاطت ميس من مكانها ...
جوه الغرفة بالسرداب الدكتور عده ويريد ياخذ اعضائه
عوفها مالها دخل امي عوفهاا عليكم
الله عوفوها

صارت تبجي دفرت ام ساندي ...
وين السرداب احجي وين ؟!

ام ساندي : صخام الصخمج راح يكتلونه
ميسسس ليش حجيتي

جتها دفره من عامر شلتها بمكانها صحت
بميس ...وين السرداب ؟!

اشرت على سجادة حمرة فوكاها كرويتة
مخلين باوعت للمكان ...

قاسم : هنا ؟ !

ميس : اي هنا ويا اربع دواعش ودكتور

قاسم : شيلوا الكرويتة بسرعة

مكالوا باطل التموا الجنود شالوا الكرويتة وشمروا
السجادة فعلا جان باب حديدي راسن انفتح
الباب وحجيت بصوت عالي

قاسم : سلموا نفسكم المكان محاصر .. ماجاني الرد صحت مرة اللخ ... تسلمون نفسكم لو تطلعون جثث راح اعد
لل٣ اذا ماسلمتوا ينهد على روسكم السرداب

واحد اثنين ...
طلع واحد لابس زي داعشي للحيته واصله صدره
بعده شاب صغيرون رافع ايديه ويباوع ...

الداعشي : نسلم

قاسم : يلا اطلعوا بسرعة

والله طلع واحد وطلع الثاني والثالث .... والرابع
وخامسهم الدكتور تولوهم ضرب
الجنود وضرب

قاسم : وين رائد

الدكتور : جوه

قاسم : سويتوله احجي ؟

الدكتور : ماسويتله شي

ردت انزل ماخلوني انزل نزلوا الجنود جوه واحد
صاح منهم سيدي شاكين بطنه وجاي ينزف

قاسم من كال هيج راسن طفرت داخل السرداب ونصدمت من شفت رائد مجرد الملابس بطرك الداخلية مربطينه على
سرير حديدي ومجتفين ايديه ورجليه

وبطنه مجروحه جرح بي شبر تقريبا رحت علية بسرعة مرعوب بس لا فقدت رائد انده بي ماكو لاحس ولاشي ..
رائد ولك رائد احجي وياي رائد ليش ماتحجي رائد تعالوا شوفوا شبي ماجاي يحجي تعالوواا

صرت مثل المخبل ماعرف شسوي راسن بعدوني عنه الجنود فكو قيده وشالوا طلعوا بي البره طلعت مثل المخبل اركض وراهم اريد اشوف الدكتور الداعشي

وام ساندي والبنات اريد اقتلهم .... كلهم مالكيت ولا واحد ماخذينهم الاستخبارات كلها انقلقت على رائد ناس تكول
مابي شي بس فاقد الوعي لان مبنج

ناس تكول ميت لما وصلنا المستشفى واخذوا منه الدكاترة انهبطت وعمي هو والحماية ترسوا المستشفى
واكثر من مسؤول وضابط

بالشرطة و جهاز مكافحة الارهاب بقينا ننتظر رائد ماكو
طولوا فوك النص ساعة طلعت ممرضة تركض
لزمتها من ايدها بسرعة

قاسم : شلون المريض ؟

جرت ايدها مني بسرعة منزعجة وكالت ...
وضعه حرج محتاجين دم

قاسم : دم ؟

ابو فياض : وضعه مو زين ؟

الممرضة : نعم نازف هواي دم محتاجين دم
منو يتبرع منكم ؟

كلها كالت إحنا رحت وياهم تبرع بالدم مصطفى ابن عمتي طلع الدكتور كال لازم توقيع بسرعة على إجراء عملية
جراحية لان محاولين يشيلون كليتى

وقع ابوه دخل الدكتور ساعة احنا ننتظر طول الدكتور القلق عم على الكل ابوي وعمي ابو صدام مايكدرون
يحجون على رائد وعملته الوسخه

لان كلها ضباط وعالم والامه انكلبت كلاب بالمستشفى
طلع الدكتور كلها كامت علية ...

ابو فياض : وضع المريض شلونه ؟!

الدكتور : الحمدالله على سلامة المريض المريض جان وضعه حرج جدا نازف دم هواي وعنده جروح بناحية الرأس
وجانوا يحاولوا ياخذون الكلى ...

قاسم : شلونه هسه ؟

الدكتور : وضعه مستقر لكن يبقى بالعناية المركزة منا
الثاني يوم علمود نطمن على وضعه أكثر

شكرنا الدكتور رتاحيت كلش بس .... ماردت ابجي على رائد حبيب قلبي اضيع بدونه العالم اغلبيتها راحت بقينا بس
احنا أقاربه وعمي نزل دوسة ونص

وابوه كذلك إخوانا اخواني ...ولد عمامي الكبار لو يلزمون رائد هسه الا يكطعوه يباوعلي عمي ويتحلف كمت من
مكاني اخاف يكلي الك ايد بالموضوع

ابو فياض : تدري مو

قاسم : والقران الكريم مادري بي

ابو صدام : شلون ماتدري وانت رفيجة وتعرف كل ادروبه

قاسم : مادري من تزوجت لليوم مو هلكد أني ويا نطلع هو كال ماكدر اروح لان عمي مراقبني شمدريني بي رايح البارحة لو ادري جان منعته مثل كل مرة

ابو فياض : يكعد ويصير خير شوفولي
الدكتور نكدر ندخل عليه

قاسم : اي هسة اشوفه

رحت للدكتور كال اي ....عادي ادخلوا مبين خاف من عدنا ودخلنا للغرفة حال رائد تبجي الكافر لافين راسه كله وجه
كله كدمات ويهدي بصوت ناصي

ابو فياض : راح يكعد العينتين

قاسم : عمي مو وكتها هسة خل نطمن عليه
ومن يطلع من المستشفى يصير خير

ابو فياض : لو ميت بلا جان شحجينا وشكلنا للعالم ابنه راح للكحاب ولزمته الكحاب وكصبته كصابة وشمرته بالزبل
مووو الف مرة نهبت وحذرت وكلت

لا توصلون لا توصلون تردون نسوان تزوجوا وانجبوا انتو ضباط وحياتكم مهدده بالخطر ماكو فائدة وياكم
اكول هيج يسون العكس

عبالك يعاندون السفلة والله والسمه والله لشفت واحد منكم اي كان يبات خارج البيت لو يطلع تالي الليل مايلوم إلا
نفسه اعذر من انذر افتهمتووووا

كلها مدنكة رأسها رفعنا روسنا بعد مادخلت عمتي ام صدام وأمي حال عمتي يبجي الكافر مخرمشة وجهها تخرمش دخلت الغرفة تبجي رحت الرائد

تبوس بي ...
يمة رائد شسويت بروحك مو كلتلك جوز من سوالفك جوز اتقى الله ليش هيج سويت ليش لو ميت منو لي أني عكبك منو ولك كوووم كافي نووم كوووم

صاح رائد...
ابوي واحد چلب عمي هم بعد اچلب من أبوي كلهم چلاب ماكو واحد بيهم براسه خيررر ههههه

كلها تباوع الرائد مصدومة اولهم عمي وابوي وعمي
امه راسن سدت حلكه بإيدها ...

ام صدام : ولك اسكت

ابو فياض : شيلي ايدج ام صدام خل نسمع
العينتين شنو يحجي شيلي

ابو صدام :لا ياكلب ابن شطعش كلب على
هالسواية اني چلب يابن الچلب

ام صدام : وهاي انت تكول على نفسك چلب
هو والميت سوه

ابو صدام : لا يابت النعال تكولين اني چلب

ام صدام : لتغلط انت لكلتها مو اني والكل سمعت انت شكلت ادري بيك تدور مشاكل يلا تطلعوا بره الولد مو بوعية
واخاف يحجي حجاية ماتعجب
بررره شبيكم

شالت ايدها تريد تطلع الكل رائد صاح مرة اللخ
وجنت قريب من عنده ....

رائد : قاسم جبان يخاف من النسوان يخاف سير ...

راسن طفرت لعنده وسديت حلكه راد يكول اخاف
من سيرين واخوانها وابوها اهنا عدنا
صاح بي عمي ...

ابو صدام : خل يكمل شمسوي انت ومنو
منو تخاف ايدك شيلها قاسم

قاسم : هذا مو بوعيه وجاي يهدي ليش تبقون عنده
اطلعوا اخاف يشمر حجي مايعجب
وتصير مشاكل

امي تدخلت بسرعة واني بعدني ساد حلكه ...
يلا عيني اطلعوا الولد مو بوعية وهاي تطمنه عليه
عليش بعد باقين كلكم عدكم اهل والعائلة

وكاعدين من الساعة بال١ وهسه الفجر صارت رحوا سبحوا صلوا تريكو . ... يلا توكلوا بالله

ابو فياض : حجي ام نزار صدك توكلوا بالله واني هم
متوكل بالله يلا ابو صدام امشي تعبت
منوره هالعار ابو الكحاب

ابو صدام : خلوها بالكم هاي تالي اللي يروح للكحاب شوفوا حاله حال الچلب مشمور فوك السرير حيل بيك وابو
زايد هاي كلها حوبتي الله طلعها بيك

ام صدام : ولك ابنك يارجال هذا ابنك

ابو صدام : مايشرفني اصير ابو لابو الكحاب فضحنا بالمنطقة والعشيرة الملازم رائد ابن فلان عائلة رايح للكحاب
ولازماته وخاطفاته بلا شنكول للعالم لو ميت

ولاهالسمعة الزفت الطلعها علينا مايجي من وراه
غير المصايب والبلاوي .

رادت ترد عمتي ام صدام وكفتها امي طلعوا كلهم شلت ايدي بلش العينتين يحجي صار يخبط ماخله شي لما كاله حتى سوالفة المخربطة والمكسرة

لماتنحجي من أصل واحمدالله الله واشكره كلها راحت ام صدام تدري سيرين جانت تتحرش بي لان العينتين
مايضم عليها سالفة كلشي يكوللها .

بعد ماصحة باوع علينا ....
اني وين

كمت بسرعة ...
بالجنة يم حوريات ام ساندي

رائد :أني ميت ؟!

ام صدام : يمة وليدي بعيد الشر عنك
احجي شلونج شيوجعك

رائد : اااخخ رأسي بطني توجعني ااااخخ بطني اااخخ
ولك قاسم راح امووت قاسم

قاسم : شجاك رائد ؟

ام صدام : عزززة العزاني جاي يتوجع خل اصيح
للدكتور راح يموت من الوجع

راحت وياها امي لزمت ايده يلوب من الوجع
يتكلب ماعرف شجاه ...

رائد : راح اموت من الوجع قاسم انعل ابوها يابو الخلفوها ام ساندي الكحبه اني الها بس اطلع الا اطشر راسها طشر
ااااااخخ ولك لحكلي ااااخخ

قاسم : كمت تطلك مثل الحوامل دتحمل شبيك

رائد : ابن القندرة عليمن حامل اااخخ

قاسم : والقران حالك حال المره لجاي تطلك ههههه...

رائد : اخخخخ ااافففف ولك عمري كله ما صاير بي هيج لو ميت ولا هالوجع راسي بطني راح يموتوني قاسم شوفلي هالدكتور ابن القندرة وين صااااار

قاسم : ولك اسكت فضحتنا مناك العالم

رائد : انعل ابو العالم ااخخ راح اموت اخخ اني چلب ابن چلب شجابني شوداني على الكحاب هيج تاليتي هيج
تسوين بي ام ساندي اني الج

الا اشحطج من شعرج بنص الشارع فلا اطلع
رائد الكلب اخخخخ وين صار قاسم

قاسم : هوينه اجه

الدكتور : من شنو تشكي

رائد : صارلك ساعة وين جنت ماتكلي راح
اموت وانت ماكو

الدكتور : على كيفك هو مجرد جرح بسيط مايستاهل

رائد :من #$ ... صار يفشر فضحنا الثول ....الدكتور خجل وصاح للممرضة تضربه مهدئ علمود يهدي الوجع ضربته
المهدئ وطلعت امه يمه وامي هم

وراها اجوي اخوانه خرجوه من عناية المركزة وكالوا يطلع منها باجر مايقبل كال الا ارجع على البيت ماتحمل
هنا ساعة وحدة اموووت

عاد خرجوه على مسؤوليتهم الخاصة وصلنا للبيت تلكاه
عمي رزايل وشتايم وابوي كذلك الكاع ردت ورائد
مارد وديته لغرفته لازم بطنه يلوب

من الوجع امي واخواتي كلهن اجوي وياي شوي وطلعت اني وامي على البيت تلكتني مسك تسأل كتلها زين
مابي شي حظريلي ملابس

اريد اسبح والله سبحت وتريكت ولفيت راسي ونمت مرت الأيام وحال رائد أحسن صارت والعالم تروح وترجع
عليهم ومامهتم للفضيحة أبد

ولا جن هذاك هو رائد رجع رحنا العصر عدهم جان عمي مسوي شكرانه لوجه الله على سلامه رائد ورائد
مصدوم ابوي هيج يحبه

ويسويله عزيمة عزم كل الاقارب رحت كعدت عنده فوك الدرج جان تجي سيرين وجماعتها باوعت الرائد
وكالت سيرين بكل صلافة

سيرين : الله يمهل ولا يهمل

رائد صار يقلد عليها ويسوي مثل ماتسوي حركات مستفزة..
الله يمهل ولا يهمل من حلك العوج كوم قاسم ناوشنياها
خل اسويه الله خوش يمهل وما يهمل

سيرين : الله يمهل ولا يهمل

قاسم : عوفها تولي

سيرين : حقير ماتصيرلك جارة

كام رائد والشر بإيده ...
ماكو غيرج أنتِ الحقيرة ام الولد من والد لولد عبالك عدها سباق چلاب تعاي بت الكلب تعاي عينج طالعة
شفتي انطيتج مجال انجلبتي

سوسن : شنو هالكلام ماتخ

رائد :وانتِ هم وياها مو عبالجن غافل على عمايلجن بالجامعة اعرفجن وحدة وحدة وشسون ماتسون
هناك وعندي دليل عليجن

سيرين : دليليش ؟

رائد :صور ومقاطع فيديو وي ولد بالكفتيريا واذا تردن انطيجن اسمائهم وعمارهم ومنوين هم يلا تعالن خل
نعرض كلشي كدام العائلة مادام مجتمعة

كلها ونبارك الجن بالكبل مالجن ...

انخطف لونهن راسن شردن انصدمت كلام
رائد صدك رجع كعد وكال ...

رائد : شفت عمل مذنبات شردن مثل الفيران

قاسم : صدك تحجي

رائد : اي والله خليت وراهن جاسوس وينقلي كل
اخبارهن ادري بيهن وكاعات ماي الوجه

قاسم :شلون هيج يسون وينزلن روس اهلهن جوه التراب
هاي اني رجال ماكدرت اسويها وهن بنات سونها

رائد : بلا اخلاق عزيزي

رائد تندمت مليون مرة لان رحت لام ساندي بهذاك اليوم المشئوم اللي جان بي هسه ميت وجاي يقرون على قبري الفاتحة خدعتني وطلعت تشتغل وي

رائد : بلا اخلاق عزيزي

داعش ياهو ليجيها ضابط لو مسؤول لو واحد بي خير تنطي الداعش من اصل هي داعشيه هي والبنات الوياها وهسه
كلها بالسجن ومحتمل إعدام ينحال بيهن

وبيهم ردت اروح اشوفها ماخلوني كالوا بس تطلع نكسر رجلك صاير حصار وتشدد عليه واني هم حلفت يمين
مااوصل بعد اي كحبة واكعد بالبيت وانجب

جاريلي انهان وانضرب شفت نجوم الظهر من الوجع لبي جان شالوا اعضاء جسمي وخلاني بس غلاف وره العشة طلعت شفت سيرين تحجي وي مسك

من شافتني مشت بكل صلافة وتمشي بكل غرور وتكبر شوف شنو هي مشيت مثلها اقلدها باوعتلي خزرتني خزرتها مثل حالها ماعرف شبيها انخطف لونها

وشردت بسرعة للغرفة وأني فزيت من شفت عمي ابو
فياض كدامي جاتف ايديه ويباوعلي ...

ابو فياض :جهزلي روحك أسبوع الجاي يم دكتور
نفسي هسه تأكدت أنت مجنون

بقيت اباوعله راح دخل للغرفة مريم هم ... دخلت للغرفة أني مجنون شبي عمي مايدري بي مو يعرف هاي سوالفي من صغير شنو مجنون اخاف هسه سمعة

موحلوة نزلت بحقي منورة ام ساندي انوب رائد المجنون اني اعلمج سيرين بسيطة بطن عيني رحت القاسم هيج
وهيج عمي كالي كال جهز روحك

لعد للدكتور النفسي أسبوع الجاي

رائد : ولك شبي ودكتور نفسي

قاسم :والله يارائد تصرفاتك ابد مو طبيعية
واخاف مريض صدك

رائد : ابن القندرة منو مريض

قاسم : انت منو هاي عمي اجه انجب لا يسمعك
ويسويك قندرة من صدك

رائد وره العش عمي كال راح نودي رائد لدكتور نفسي خل يكشف عن حالته دا اشوف بي سلوك غير لائق بي ولازم نعالجه قبل لا تسوء حالته

رائد كمت متعصب...
قصدك اني مخبل اني مجنون اني بدون عقل مو هذا التريده تكوله اني مابي شي افهموها هذا اني وهاي اطباعي مال دكتور نفسي تردوني اروح

مااروح لا تنطبق السمة على الكاع ماروح

ابو فياض : تروح وغصب عنك

رائد : ماروح

ابو فياض : غصباً ماعليك تتروح ولما رحت راح اشوفك وجه الحقيقي شلون يصير مو عبالك سكتتلك ماسويتلك
شي على عملتك القذرة هذاك اليوم

مااروح لا تنطبق السمة على الكاع ماروح

تصير تلاسن .. قررت وخلص أسبوع الجاي نطلع لاربيل أنت وقسم واني أبوك واريد رجال اليكسر كلمتي

رائد : مارررروح

كام عمي متعصب مد ايده بجيب الدشداشة وطلع المسدس هنا تفاجات بعصبيته سحب اقسام علية وصاح
بعلو صوته اللي رج البيت رج

كام عمي متعصب مد ايده بجيب الدشداشة وطلع المسدس هنا تفاجات بعصبيته سحب اقسام علية وصاح
بعلو صوته اللي رج البيت رج

ابو فياض : اريد شلون ماتروح فضحتني بين العالم بعرس قاسم ماتسلم وعبرتها لك سويت جم مكسورة وعبرتها الك خطفوك الكحاب وهم عبرتها لك بس مال تكسر كلمتي لا ماعبرها لك تروح يعني تروح

ولما رحت عدل اوديك للقبر واطم
عارك ياعااار ابن العااار

ابو صدام : طشر راسه ابو فياض كتلني قهره كتل شعر راسي انكلب ابيض منوراة ومن عمايلة السودة

قاسم : عمي نزل السلاح ماتسوى ترفع سلاح
بنص البيت وكلها نسوان وجهال

ابو فياض : اسبوع الجاي افتهمت

قاسم : والله يروح بس نزل السلاح

ام صدام : اني بديه الاثنين اجيبه الك بس فدوة العمرك ابو فياض نزل السلاح لا ساعة شيطان وتتقتل الولد

ابو فياض : كلتلك رائد بس تكسر كلمتي
مرة الخ اخلي بيك جيله

كلمة وحدة ماطلعت مبين متعصب وهذا هو اعصاب كلش خليت وصعدت فوك ثاني يوم حجيت وي امي مابيني شي والله هاي اطباعي شسوي أني

بي تفاهه زايده واحب اعاند قابل بس المجنون هيج يسوي كالت .. ادري بيك مابيك شي بس روح ويا علمود تسكت لسانه متحمل عليك هواي

وهذا ابوك لا يهش ولاينش وكل عمامك يسمعون كلام
عمك الجبير روح مراح تخسر شي .

كلت خل اتوكل على الله واروح .....نفضحت بين عمامي وخوالي رائد مجنون منورة تقليدي السيرين الحية اجه الاسبوع ورحت وياهم عدل لاربيل

عمي حاجز قبل يومين دخلت على الدكتور وعمي يحجي ويا كعدت خليت عمي يطلع وخليت رجل فوك رجل وشعلت جكارة اباوع للدكتور

عبالك مجرم كدامي ...

رائد : شكد عمرك ؟

الدكتور : ٥٤ سنة وأنت شكد عمرك

رائد : عمري ٢٧ سنة وبعد شهر ان شاءالله يصير عمري
٢٨ سنة صدك العيادة حلوة مرتبة ونظيفة

الدكتور : عجبتك العيادة تحس نفسك مرتاح
لو مخنوك بهذا المكان ؟

رائد : طبعآ مرتاح صدك اكولك ترى مابي شي لامجنون ولاشي هذا عمي مخلي كوره من كوري يريد يثبت اني مجنون ترى كلشي مابي الله وكيلك بس شوي
عنده تفاهة وطكه خبال

الدكتور : اكيد انت مو مريض راح اسألك كم
سؤال وجاوب عليهم تمام

رائد : تمام اسأل دكتور ؟

بدأ يسأل اسئلة عادية بخصوص العائلة شلون تصرف وياهم تصرفي طبيعي سلوكي بي عدوانية لا طبيعي تتعاطة مخدرات او كحول كلت اي اتعاطى كحول

بس صارلي فترة قاطع او نكول تبت بعد اشرب ..... كحول تصوم تصلي قريب من الله لو لا كلت لا اصوم ولا اصلي بدا يدخل بالعمق طفولتك شلون جانت

كتله طفولة عادية حالها حال اي طفل عراقي شلون اهلك جانوا يتصرفون وياك طبيعي ماعندي أشكال وي
اهلي بقيى يسأل ويبتسم بوجي

هم عندك حبيبه هم تعرض للخيانة كلت لا ماعندي لان ماحبيت بعمري عمي مايقبل نختلط بالنساء قبل الزواج
وهذا الشي الصح صار يحاول يخليني

ارتبك لو اخجل بالاسئلة واني مستمتع ويا كمت اني
اسأل بي وادخل عمق كام وضحك وكال ...

الدكتور : عمي أني المريض مو أنت ههههه

رائد : مو كلتلك من البداية مابي شي

الدكتور : اي مابيك شي خل اصيح لأهلك هههه

صاح للسكرتيرة مالته اويلي جانت صاكة ولابسة قصير لحد الركبة نفنوف وشعرها طويل لحد الخصر أشقر تموت بقيت صافن بيها غمزتلها عين ابتسمت

وطلعت وره شوي دخلوا عمي وقاسم وابوي كاللهم الدكتور مابي شي بس مبين شوي وتعبان من الضغوط خلوه على راحته هاي الفترة ولا تحجون ويا

عمي انطعج وابوي كذالك ماعاجبهم الوضع ... عبالهم مريض وراح يصيحولي رائد سايكو رائد المجنون تشكرنا من
الدكتور وطلعنا واني بعدني مريض

وجرح بطني بعده ماطايب وي طلعتنا خليت عمي وابوي يطلعون قبلنا رحت للسكرتيرة قاسم وياي كلتله اريد
اخذ شغلة كتبت رقمي لها وطلعت

باوعلي قاسم مصدوم ...
هاي شنو رائد

رائد : شعليك دمشي

سويتلها حركه عود خابريني ابتسمت وطلعنا قاسم يتحلف
بي ويكول ماتتوب أنت مصارلك كم يوم من خطفوك
منورة النسوان هسه لو يدري بيك ابوي
شيسوي بيك

رائد : صوجه هو جابني شفت شلون جمال اووف الخدود تفاح الشفايف حلقوم خرررب بيومج مو مره
تطكين بالكاع ههههه

قاسم : تاليتك تموت منورة النسوان

رائد : يلا عاد ههههه

طلعنا عدل للمطعم تعشينا وراها للفندق هناك اتصلت بي
البنية بقيت احجي وياها واضحك ماتوقعت
راح تسلم روحها بهل سهولة

قاسم يهفي بإيده ماعاجبه الوضع ...

_إلى متى تبقى هيج ؟..

_اششش قاسم لا تفضحني كدامها وتشردها من ايدي اشش

_جذاب ابو النسوان ولج عوبة ثولة يضحك عليج
بالقرآن يومية بحضن وحدة هووووو

رأسن فصلت الخط ضايج منه شلت
المخدة وشمرته علية ..
انجبببببب

_ليش تلعب بعرض العالم

_مالاعب هي قابله اني شعلي

_وانت مثل الچلب صاير ياهو لياشر بإيده لك تجي تركض شوكت تعقل وتبطل سوالفك المكسرة ولك ردت تموت قبل ايام منورة هالسوالف نسيت

لو اذكرك شلون جنت تتوجع جنك مره تطلك ماتحجي
شبيك نمت رائد مو احجي وياك

_مشتاقلها

_ يالله لمنو مشتاق نوب ؟

_يمكن وكعت بالعشق قاسم

_من عمت عينك شحبيت بيها تنورتها طولها شبر ونص الشرقي والغربي طالع ومثل الطلبة بس شمرت رقمك لها اخذته واتصلت بيك ولك هاي

مثل الكحاب يوما وي واحد مادام انطت نفسها لك بسرعة الشريفة ماتسلم نفسها بسهولة افهم ياغبي يامطي
يابو راس الفارغ

اندار عليه مبتسم ...
أقارب جلال

_شنووو ؟!

_نسيت لو اذكرك البنية لشفتها وي جلال هذاك اليوم شفتها البارحة طلعت من الجامعة واخذها اخو جلال
ساحلتني سحل قويسم

_تراقب بت الناس وانت بهاي الحالة ؟!

_اي

_وتكول اي بكل سهولة ولك شنو من بني ادم
أنت بس كلي شنو ؟

_ماعرف شنو أني هههههه

ردت اكوم ابسطه صار يصيح لا تقترب الجرح بعده ماطايب ومتوجع مابي حيل عوفني عاد عفته كلتله راح اكول لابوي انت هيج وهيج تسوي ومابطلت

_وهاي الرقم انحذف ارتاحيت هسه

_حذفته هسه فدشوي ترجع تتصل بيك ولك أنت بعمرك ماتنعدل مثل ذيل الچلب خلو فوك بلوكه رادوه ينعدل وماانعدل عاد انت هسه

_ماعليك بي قويسم

_ خاب من طبك مرض عليش متعب روحي وشالع قلبي من وراك شسوي سوي مالي دخل بيك بعد احسلي اهتم بعائلتي ومرتي وبنفسي احسن ماهتم بيك ابو النسوان

_احسلك

رائد مرت الايام و صرت زين ورجعت على الدوام اهلي صايرين يضغطون علية على سالفة الزواج تزوج تزوج نريد نشوف جهالك هذا قاسم مو وياك تزوج

شرب تركته وحلفت يمين بعد ماخلي بحلكي وجاي احاول ابعد نفسي عن النسوان شكد مااجاني هاي صارلي خمس
أيام مامراسل ولا محاجي أي بنية

واحس قلبي جاي يأكل بي الدود كوه متحمل.

وكل مرة اشوف بنية وي اهل جلال حلوة كلش ماعرف ليش جاي انجذب لها حاولت اعرف عنها معلومات ماكدرت
استحي اسأل العالم اخاف

ياخذون غير نظره عاد خليت الجاسوس مالتي على اقاربي البنات بالجامعة يجيبلي معلومات عنها .والله وجابلي
معلومات كاملة عليها

اسمها زينب علي مواليد 1996 سكن الحلة وتصير اقارب جلال بت خالته صارلها ثلاث سنوات بالانبار
مرحلة ثالثة تداوم بالجامعة

مامتزوجة ولا عدها كبل مهووسة بعالم كيبوب وفرقتها المفضلة سوبر جونيور استغربت شنو عالم كيبوب عاد طلبت معلومات وطلعوا كوريين فرق سوبر جونيور

فرقة كورية مشهورة جدآ وشكلهم يشبه شكل البنات كيوت لدرجة ستغربت كلش هاي شتحب بيهم بلا هم كوريين وعيونهم مثل اعيون النمله

اصغار كلش اي خل تشوفني اني الصاك المعضل الضابط إلا توكع ميته أكيد هسه مال احصل الرقم التلفون وحساباتها
كال انطيني مهلة يومين واجيبلك كلشي

كعدت على نار اليوم يجيبلي حساباتها كاعد وبايدي التلفون انتظر الولد يدزلي هو يشتغل حارس أمن بالجامعة ويعرف الصغيرة والجبيرة هناك

صديقي جان من أيام الابتدائية والعدادية .

قاسم مكابلني وكاعد الجكارة بالحلك يباوعلي بنظرات الشكل خفت منه ادري بي مراح يقبل وراح يوصلها لعمي اكيد هو متحلف بي من رحنا لاربيل

واخذت رقم السكرتيرة الدكتور نفسي

_ شتنتظر ؟

_مانتظر شي

_ بعدك تراسل بنات وتتواعد

_صار خمس ايام مامراسل ولا وحدة و
حاظرهن كلهن اطمن

_شعجب ؟

_خلص قررت أتوب

_ماشاء الله قررت تتوب بهل السرعة وتنسى كل سوالفك المخربطة عليمن تضحك رائد خابزك وعاجنك ترى ...
منو الضحية الجديدة ؟!

دزلي الرقم والحسابات على التيليكرام
بسرعة ابتسمت وكلت ...

_توبت وراح اصلي صلاة الليل الليلة هههههه

#يتبع ...