فضه ـ أي ، طبيت شيخة أخوج شاهين أجه وسأل عنج
شيخة ـ أجه ناوشيني عبائتي ، أكوم اروح طگ گلبي عليهم همزين اجه ، يلا عيوني مشگوره ما قصرتوا

فضه ـ لا يمعوده إحنا اهل وإن شاءﷲ يجي يوم ونصير نسايب يعني تصيرين چنه لهذا القصر ..

شيخة ـ أبتسمت ومشيت وياها جانوا بالحديقة وأكفين وصلت يمهم سلمت عـلــىٰ شاهين وطلعنا وهو وصلنا للباب

عساف ـ شاهين أمانه برگبتك شنو تحتاج ما يردك الأ لسانك واحنا أهل ما بينه شتريد من عيوني الأثنين

شاهين ـ أريد سالم ابو سلطان ما تقصر خويي

شيخة ـ مشينا للبيت دشيت الحجره وذبيت عباتي وهو تمدد ، هاا خويه هاجر شلونها ليش ما طلعوها

شاهين ـ تعبانه كالوا باجر الصبح تطلع ، أنتِ نامي وأرتاحي لا يضل بالج ...

شيخة ـ رجعت لحجرتي وضليت لوجه الفجر وانا أفكر ، إذن عدوان ابن الشيخ عـلــىٰ صوته گمت توضيت وصليت ، وعلفت الهوايش وحلبتهن وگنست الحوش ونظفت البيت وخذيت ملابس شاهين عـلــىٰ النهر أغسل بيهن ، عصرتهن واجيت انشرهن وفات هو وأخوه بالمگينه من يمي بينا متر
راحوا صوب الڪاع مالتهم نزل من سيارته وضل واكف ومرتچي عـلــىٰ حافه السيارة ويشرب چگاره موجه نظره ناحيتي وانا أنشر الملابس وهو گبالي بس بعيد بس واحد يشوف طول الثاني ..

" فزيت من صفنتي ونظراني عـلــىٰ صوت أخوي شاهين وهو يصيح أسمي بعصبيه ونشف الدم بعروگي وحيل بهتت وهو يڪول

شاهين ـ شيــخة ولچ شيــخة ٠٠٠

يَتبــــع ___

البارت ـ ٤ ـ


شيخة

ـ أنداريت وشفته يباوعلي بنظرات شك ،رگضت لعنده ضل مركز نظراته

شاهين ـ شعندچ واگفه إهنا ، ساعه عـلــىٰ ما تنشرين الملابس ، طبي سويلنا سم نتسمم ونولي للولايه ...

شيخة ـ أي من عيوني ، طبيت سويتله الريوك وهو ثولني بس يعيط خليته گدامه وزمخني ونظراته تكتل ثولني بيها مدري شبلاه ...

" لبس وطلع وبقيت وحدي ، هساع أنا شبيه ما خذيت حذري ، سارحه وأباوع لطوله وناسيه أخويه بالبيت عزا صدك الحب يأخذ العقل ما جذبت الشيخة مناهل من گالت (الحب مثل الخُمر ) ٠٠

" خذيت المنچل ورحت أحش وهلگت والشمس تصكع برأس ما شف أحد داير مدايري صفر ماكو جنس بشر ، شلت عبايتي ومشيت للبيت دشيت الحجره تمدد بفراشي وباوعت الگلاده واني شارده ٠٠
_

فضه

ـ عـلــىٰ صوت الشيخة مناهل نهضنا بهمه ، لكيت ميمونه مجهزه الريوك وشيلان وفروخها متجهزين شنو اليوم ترحين لهلج مبين كاشخين

شيلان ـ أي والله وأخوج عدوان گال تجهزوا ، راح هو وعساف للگاع ولحد الأن ما بينوا هم يلا

مناهل ـ هو يجي لا تبقين تنگين برأس الرجال وبعدين عنده أشغال يا يمه يخلصـها ويأخذج

بثينه ـ اليوم منو يروح ينظف الحقل .
يمه لأ تڪولين أروح وحــدي

مناهل ـ لا أنتِ وفضه ، يلا خلصن وأمشن للظهر ما تخلصن وميمونه نظفي البيت وحضري الغده
وشيلان يمه اخذي الصوغه وياج لهلج وسلمي

شيلان ـ الله يسلمج عمه يوصل ..

فضه ـ أنسدت نفسي من الأڪل ، مشيت لبست ملابسي الشغل والجزمه ورحنه للحقل بعد مسافه بعيده عن القصر ، وصلنه وشفنه الحراس شافوا الشيخه سلموا عليها ..

مناهل ـ يمه روحوا أرتاحوا ، لما ينظفن الحقل

ـ عـلــىٰ أمرچ شيخة

فضه ـ أكثر علف العجوله عـلــىٰ بثينه وأشراف الشيخة ومرات تجيب وحده تساعدنا لأن شيلان مامش منها أمل تعاونه ، مڪانها بالبيت ومرات تساعدنه بشغل البساتين حوي المحاصيل والخير

" بلشنه الشغل نگرف نگرف ونرد ليورا تعب فضيع والريحه تذبح حتى ما ضل عـلــىٰ بالي أطلع ادور عـلــىٰ أثر من المهندس ، ويني وين الأثار الحُب ..

" طلعت من يمها وأدفع بالعربانه مليانه وسخ أشمرها مڪان عباره عن ساحه ننشر بيها الوسخ ويتبس عـلــىٰ الشمس بعدين أهلي يستفادون منه يخلونه البساتين (سماد) ...

" عاينت والشمس قويه تشرق بعيني ، أشوف الخيال خيالين ما بين كدامي بس شجر بساتينه وشفت مكانهم يشتغلون بي ، عفت من أيدي ومشيت سريع وصلت وشفت باگيت فارغ وگطوف مالت الچگاير
جمعتهن وضميتهن بگلبي ، تلمست مكانهم إهنا گعد

" نهضت خايبه الظن وينك أياد طولت الغياب وما عفت وراك أي أثر ، أشسويت برويحتي خذيت عقلي
وصفيت بلا عقل أمشي وما اهم لخطواتي ودوم شارده بيك وبالمرسال اللي خليت الأمل وتبخرت

" رجعت وبثينه عياطها واصل لمدري وين وگرص شبلاچ بس تعيطين هياني أچيت تموتين إذا تأخرت

بثينه ـ وين أنخمدتي بيا مڪان طسيتي ، عبالچ انا غبيه فضه سوالفج ما تعبر عليه ، رگدي وأستچني

فضه ـ خـيࢪ ، خـيࢪ ، شعندج گبيتي بوجهي
بس أريد أعرف ليش هالگثر تگرهيني ودومج نابشه بيه وتسمعيني حجي يغث ، أنتِ عباره عن مغثه

ـ چيف أعرفن سوالفج ، تردين تشوفين هذاك الزلمه!!

ـ يا زلمــه؟!
" سالمــين بثينوا ما تبطلين سوالفچ؟

ـ عقلج وتفڪيرج أنُ تعيشين حياة غير هالحياة وتشوفين ناس غير ولد عمامي أو ولد سلفنه هذا الشيء بالأحلام ما يصير ، مڪانه من القصر لقصر عمي نفس الحياة ونفس الضيم
فقط الصله تختلف ٠٠٠
هذا قصر الشيخ طوفان أبوي
وهذاك قصر الشيخ نعمان عمي

ـ گلامها صحيح يمڪن رحت زايد بتفگيري ...
" رجعت گملت الشغل وياها للظهر يلا خلصنه
ورجعنه وأني الضوجه تأڪـل بيه وطالعه روحي

" وصلنه القصر من باب الخلفي فتحت الباب ومشيت عـلــىٰ الباب الامامي ما دخلت من جهه المطبخ واني بوسخي رفعت رأسي لمحت طوله
من وره النخلات والسيارات مالت أخواني والله هو

" ما بين عليه واضح هواي ، مدري شصابني أرتعشت رويحتي ركضت وعبرت الصاله ركضت لسطح وميمونه تعيط وراي

ميمونه ـ شلون أطسين أنتِ و وسخج غير تسبحين يا يمه وأحنا هسه مخلصين تنظيف ..

فضه ـ ما تسمعت الها صعدت وصلت وعاينت من بعيد وشفته وأكف ويه عساف وأخوي عادل وعمي نعمان ولد عمامي المرعبلين بدشاديش وهو كاشخ لابس بنطلون وقميص حني ومشط شعره وأنا
أباوع بالگوه أشوف منصيه رأسي أخافن احد يشوف

" نزلت من السطح وصارت بوجهي ميمونه وبلعت ريگ ، ميمونه هاي أنتِ وگعتي گلبي شمصعدچ فوك

ميمونه ـ شمصعدني فوك لو أنتِ شمصعدچ فوك
لدرجه حتى ما سمعتي صوتي وأنا احجي عليج
دخلتي البيت بوسخج ركض عـلــىٰ السـطح

ـ گلتها مشيت صدك ميمونه عـلمود البيت هسه انظفه يمعوده ولا يهمج ، عتتني من أيدي واستغربت

ـ فضه يمه وين مأخذه عمرج

ـ وين مأخذته قابل ، شبيچ ميمونه عـلــىٰ صعدت السطح تڪعدين تحاسبيني مثلهم گافي الشغل والسجن العايشنه

ـ يمه أحمدي ربج غيرج يتمن الحياة العايشتها

ـ لا تضحگيني ميمونه ، يا حياة تحجين عنها
الشغل من الفجريات ،تنظيف الحقل ، شغل بالبساتين
لو ممنو؏ الطلعه وممنوع نشوف بشر وممنوع نطلع للولايه او السوك مثل خلگ الله ، الأ نموت ونروح المُستشفى يلا نشوف الدنيا ونشوف شبيها ..

ـ شتردين يمه لعد ، إحنا ربينه بهذا واقعنا وهاي عادتنا وتقاليدنه ، هما اقوىٰ من عندنا والستر الله فوك كلشي ، أهلج خوش ناس ويحبونج ، رگدي

فضه ـ لا تخافين عليه راگده ، عفتها ونزلت تسبحت
منين طلعتيلي ميمونه عاد تبقين مراقبتني وبس تنصحين عبالك مسويه جريمه ، عيشه لو زقنبوت

" المغرب طگت رويحتي وأخواني ما بين منهم أحد
ونعرف راح لو ضل ، وبس ميمونه تعرف شلون !!

" وگفت يمها وهي تطبخ العشه ، أحم عمه هذا المهندس اللي أجه راح لو بعده ؟! گلبت عيونها عليه

ميمونه ـ علامچ تسألين عنه !!

فضه ـ هيج سألت

ـ لأ راح راح من سبت وگت .
أجه أبوج الشيـخ دز عليه

ـ بلهفه ، وشيريد أبوي الشيخ دز عليه ؟!

ـ عندهم شغل

ـ ما عرفتي شنو هالشغل

ـ لأ يمه ما عرفت

فضه ـ أنتجيت عـلــىٰ الحائط واني أباوع عـلــىٰ الديوان ودخل أخوي عساف مستعجل وأثناء دخوله أبوي الشيخ عاط بي ..

الشيخ طوفان ـ وين مولي تعال عندي گلام وياك

فضه ـ مشه مستعجل ودخلوا الديوان ، شيصبرني
خل اروح وافهم شمسوي وبما حبيب الگلب لشيخه
مشيت وعيون ميمونه وراي وصلت وأسمعه يڪول

الشيخ طوفان ـ يمتى ناوي تبطل سوالفك زعطوط أنتَ ، ناوي تجلطني بعاميلك

عساف ـ خـيࢪ بويه

ـ منين يجي الخير من جهرتك ، شلون تتغزل بنات السلف مو عيب ولك ، وصلت لهل العمر وما عقلت متى تصير أدامي وبرأسك عقل

ـ رجعنه بويه تصدك السلف وتجذب ولدك

ـ أي أصدك لأن أعرفنك مو راحه من يومك عال گلبي
وراكض وره النسوان ، استجن بويا ترة نص عمري راح جوه الكاع من ساع الجت الحرمه وتگولي شيخنا گف أبنك عن بنات السلف يغازلهن يم النهر
وبعدين شموديك يم النهر بنات يملن من النهر أنت شكوو مولي يمهن من أنگصف عمرك ٠٠٠

فضه ـ فزيت من الشيخه مناهل صاحتت بإسمي

مناهل ـ فضه ولج فضه تعاي ولج

فضه ـ رگضت لعندها ، هاا شيخة ، لزمتني من شعري وتعت بي أخ يمه شعري ، توبه بعد ما أتسمع

مناهل ـ شموديج يم المضيف ما تبطلين هالعاده الوسخه لو واحد منهم شايفج تسمعين مو گتلجچ تصير عمل شعبي ما توبين أنتِ لو عوچه مثل أخوج

فضه ـ ترىٰ عساف راد لسوالفه العوچه ومغازل النسوان هيج سمعت الشيخ يحجي وياه

مناهل ـ ما إلچ شغل بهاي السوالف ، أمشي أنثبري بحجرتج وحسج نفسج تحشرين روحچ ..

فضه ـ عـلــىٰ أمرچ شيخة ، مشيت لحجرتي وصفنت هذا يمتى ناوي يعقل ماطول هاي سوالفك شكو توهم شيخه بعشگ اخ منك عساف ما لگيت إلا رفيچه عمري وخذيت گليبها ..

" سمعت حسه بالبيت يعيط عـلــىٰ ميمونه خـيࢪ شبيك تصيح عـلــىٰ ميمونه

عساف ـ وأنتِ منو ذاب إلچ عظم ومنو يمج

فضه ـ عساف أحترم ، وبعدين انا سمعت الشيخ شنو حجه عليك

ـ أي وشتردين هسه ، مو أشوف أخذتي وجه زايد عندي أمشيي أنگلعي عن خلقتي لأ أفرغ قهري بيج

ـ مشه لغرفته وصحت وراه
عساف دام هيج ليش ورطت البنت بعشگ

ـ شيخة ويه روحـي ، لا تدخلينهـا

فضه ـ راح وبقيت أحرك بروحـي ، اليوم لأزم أشوفنها وأگول الها عـلــىٰ گُل سوالفه
ردت حليمه لعادتها القديمه الاعوچ ولا يستعدل ____

شيخة

ـ ردت أمي مـن المُستشفى وملتهيه بإختي هاجر بس حسيت وجهه ثڪيل بوجهي مو نفس ما راحت ...

" هجوره شلونج هسه

هاجر ـ الحمد لله خيتي زينه

بيادر ـ گومي سوي عشه لأخوج هسه يجي وعلفي الهوايش

ـ اي عـلــىٰ أمرچ ، كمت سويت مثل ما گالت وشلت عبايتي أريد اروح احش صاحت وراي

بيادر ـ وين ترحين وحدج ، رجعي لحجرتج أنا أحش

شيخه ـ علأمچ يمه ، بيج شيء من ساعه اجيتي تزمخين بيه وجهج متبدل عني

ـ ما بيه شيء ، أمشي خذي البصاط وحوگي بي يم اختج بين ما اروح احش واجي ، لا تطلعين وراي

شيخة ـ السالفه مو خاليه ، أمي بيها شيء ، رجعت يم هاجر وگعدت أحوگ ومدنچه رأسي أكول هاجر
أمي شبلاها ، دمها فاير علـيَّ وبس تصيح

هاجر ـ والله يخيتي ما اعرف بس شاهين من اجه معصب وأخذها مدري شنو حجه وياها وهي من ساعتها هذا وضعها حتى علـيَّ تصيح مو بس أنتِ

شيخة ـ هزيت رأسي وايقنت من السالفه ، شاهين وراها اضن شك بيه ، يا مصيبتج يا شيخه فتحي العيون عليج بعد حتى النفس يحسبونه ..

" مرت الأيام وانا ما طالعه من البيت حدي شغلات البيت واحوك واخوص ظهر ما ظال عندي والحشيش كله عـلــىٰ امي حتى شغل بالبساتين يم بيت الشيخ ما رايحين اللي فهمته امي تعذرت منهم لأن هاجر مريضه رغم هاجر تحسنت وضعها كلش زين ...

بيادر ـ وينج خامده ما الج حس ،وجيعه شيخه

شيخة ـ أجيت يمه

بيادر ـ أخذي الحشيش ظهري أنكسري علفي الهوايش

ـ يمه بيج شيء صار ايام ما تحجين وياي

ـ ما بيه شيء

ـ لازمت إيدها يمه مو من عوايدج تگلبين وجهج بوجهي وتكولين وجعيه بدال شيخه

ـ عاشگه وبالچ أحد ، دامج ترفضين ياهو يتقدم الج

ـ شذكرچ بهالسالفه هسه

ـ اختج مريضه واريد أسلي همها وانتِ ياهو يتقدم ترفضينه خليها بالج اذا يتقدم واحد گبل تزوجين
وهذا كلام أخوج شاهين مو كلامي ..

ـ هذا هو اللي تريدنه يصير ، دام ثگلت عليگم ، مشيت مقهوره منها ومن گلامها والليل اني نايمه بصف اختي دنگت لمتني بحضنها وخذتني وكمت اشهك ليش هيج اتسوين بيه كلامج مثل الخنجر

بيادر ـ شابعه قهر عليجن نثايا واريد ارتاح عليجن گبل لا الله يأخذ أمانتي ما اريد اموت وانتن وراي
ما الجن سند والاخ يا يمه گلبه يتبدل بيد مريته

شيخة ـ گلامها الليل گله بقه يحز بگلبي وما نمت بس أتگلب بفراشي شلون اتزوج غيرك يا عساف
وگلبي وياك ونحب بعض ولأ انت تحرك ساكن
وتجي تخطبني من اخوي ...

لـ الثاني يوم رجعت من النهر عـلــىٰ راسي الجدر
شفت امي مجهزه بقجه مالت أگل هاا يمه علامج

بيادر ـ شابعه قهر أخوج ما يجي يأڪل لگمه أكل بالبيت وخنت حيلي هسه مات من الجوع ما ترمين من أيدج هالجدر وتأخذن الأڪل اله

شيخة ـ أي يمه من عيوني ، نزلت الجدر وخذيت البقجه وعدلت ربطتي ومشيت صوب الزرع لأن هو يسگي الزرع ، عبرت النهر وشفت عساف مشيت وصاح وراي

عساف ـ شبيج مورثه وليش وجهج مزنبر

شيخة ـ إذا اهمك ليش ما تحرك ساكن

ـ شهل الحجي هذا

ـ اذا بيوم مرت زفتي من بابگم لا توگف بطريقي

ـ أهاا هيج صار الحجي

ـ لازم اروح أخذ الأڪل لأخوي

ـ وين رايحه أخوج أبوي الشيخ دز عليه غداه يمنه
بالجذب گولي عزميني

ـ تغديت لو بعدك

ـ لا بعدني ، اليوم السقي عَليَّ وأنتظر فضه تجيبلي
مثل ما أنتِ تجيبين لأخوج

ـ هاك لعد أڪل ، بعده حار وهذا لبن بارد بي ثلج
أحجي وهو صافن عَليَّ ، شبيك صفنت شنو ما شايفني قبل ؟!

ـ غير لو أشبع شوف منج يالناقه مالتيـَہ

ـ إذا أنت الگفوا الناقه مالتك وما تصير لغيرك

ـ أسويها نهر من دم لو تصيرين لغيري

ـ لا اسم الله علينا من الدم ، أخذ من ايدي دنگت بأسها واخذ السطله ويشرب واني أعاين منا ومنا لمحت فضه ، عساف اجت فضه

حسناء ـ هلأ عيوني الحبايب إهنا وامي ثولتني عساف وعساف هسه مات من الجو؏ ما تدري الحبيبه ما تخلي بدون أڪل

عساف ـ لعد شعبالج هاي الروح مالتيـَہ

فضه ـ الله يخليها إلك ويجمعكم بالحلال

شيخه ـ يلا اني اروح خاف امي تفتقدني ما اريد اتاخر ، انطاني سطله اللبن وأبتسم أخذتها منه وفضه فرشت البقجه وحضرت اله الأڪل ٠٠أسلم عليكم

عساف ـ درب السلامـۃ يابه

فضه ـ شيخة اوگفي ، ركضت وراها شبيج مدخنه

شيخة ـ من ورى أخوج ، وشاهين مدري شبي وأمي گالت ياهو يتقدم الج نزوجج فهمي اخوج هالحجي

فضه ـ تزوجي شيخة أخوي ما يفيدج ، اصلًا أهلي ما يوافقون غير بنات عمي نعمان

شيخة ـ لا تكوليها عفيه روحـي ذابت أووف خليني بهمي وضيمي روحيي عـلــىٰ أخوج يباوع وإذا سألج كلشي لا تگولين اله ..

فضه ـ روحــي خيه ، تفرچ عينـي أنتِ

شيخه ـ باوعت اله نظره بقهــر وچريت حسره وشبعت قهرر وهو يباوعلي ومبستم وغمزلي
ومشيت وأجر برجليه والتعب هالك روحي هلاك

" وصلت البيت وصارت بوجهي أمي وجهه محتقن
وضربتني راچدي لزمت خدي متفاجئه ، اخذتني من شعري وهي تعيط بعلوا صوتها

بيادر ـ ولج تريدين تموتيني واگفه تسامرين أنتِ وأبن الشيخ شتڪول النا العالم ، بيادر بناتها فلت
هاي تربيتي هذا تعبي بيج ولج اليوم أربيج ...

شيخة ـ نهايتي عـلــىٰ بيادر من قساوه أيدها ٠٠

يَتبــــع ___

#روايه ـ جريمه ١٢ أيار

#بارت٥
"
شيخة

ـ عافتني وحيلها بهتت ، كعدت بزاويه الغرفه وشعري منگوش لميت نفسي وبجيت بقهررر وصاحت بيه

بيادر ـ صوتج ما أريد أسمعه ، ام المصايب ادزج تودين الأڪل لأخوج وأكفتلي وتغزلين أنتِ وأبن الشيخ شتكول عليه العالم يا صخام الوجه ...

ـ ما حجيت قفلت الباب عليه وبقيت للمغرب بالمطبخ مقفول عليه والجو حار متت من العطش فتحت الباب وصاحت بيه

ـ گومي من مڪانج طابت الج الگعده خاتونه ..

ـ نهضت بتعب وسويت العشة وأكلوا واني ساكته بس شاهين حس بينه شيء

شاهين ـ شبيها شيخة اليوم ما سمعت الها صوت

بيادر ـ شبيها ما بيها كلشي عرچ ما يطگها

شاهين ـ شو هيج لا صاير شيء ، شيخة شبيچ ويه امي ليش هيج عصبيه منج خوما مزعلتها ولج

بيادر ـ لا يمه ماكو شيء بينه گمل عشاك لا يضل بالك علينا زعل الاحباب جذاب مو شيخة

شيخه ـ اي ، بس هزيت رأسي وكملت رحت بفراشي شلون انام وهذا وضعي وأمي حقدت عليه وين وصلت روحــي بهل العشگ ما وراه بس المشاگل ..

" بقيت أيام ورحـي مسلوبه واخوي بس يعاين لشگلي وامي ما تحجي وياي ، ڪُـل هذا متحمله

" نشتغل بالبستان وعيون أمي عليه وبقيت ساكته وعزلت نفسي عن الڪل ، واجت فضه بيدها بقچه
الأڪل وفتحتها وتفتح النفس ، گليجه وترمز الچاي وخيار والطماطه والملح وياها گعدنا نأڪـل ...

فضه ـ خاله بيادر خل شيخة تجي وياي للبيت

بيادر ـ لا يمه خل نگمل شغلنه عگبها نروح هم أسلم عـلــىٰ شيخة وهم شبعن سوالف ، يلا شيخة خلصي تعاي عاونيني نخلص اللي بيدنه

شيخة ـ راحت تشتغل بعيد عنه ، أكول فضه ما أكدر اجي ولا تلحين بالسالفه ويه امي خلني

فضه ـ أكصها لايدي اذا ما مگتوله لان امج تنفض بسمها وعيونها تراقبج وين ما تروح ، هاي عود أجيت اخذج عساف دزنيي

ـ شيريد اخوج

ـ مو مره گتلج ابوي الشيخ يريد يوسع شغله فتحوا معمل بـ بغداد هو صديقه واخوي عدوان واجه يبلغج

ـ اختصري فضه

ـ شنوه اللي اختصره خيه شمالچ وأكفتلي بالزردوم

ـ أخوج لمتى يبقىٰ يأچل زواجنه مو هو أبن الشيخ وكلمته وحده وگد الوعد أشوفه هون عن گلشي






ـ سگتيي أمج أجت مو وگته

بيادر ـ يلا يمه أمشينه

شيخة ـ طلعنه سوا وأني أجر برجليه صادفنه عادل اخوه الصغير وسلم علينه وأنه ولا رديت مثل الميته

فضه ـ أباوع الها شارده شبيدي عليج حجيت وياه وطلع عـلــىٰ لساني شعر يڪولي لا أدخلين نفسچ بزواجي
خل أكون نفسي وأتزوج وشيخه اليه وما تصير لغيري وينفخ بنفسه عليه واني باقيه حايره بينگم

بهالاثناء وأحنا نمشي وگفت سياره حديثه ونزل الجام وعاينت زين وشفته وطارت رويحتي من الفرح ، يمه هو هذا اياد ابن رويحتي ، نغزت شيخة

بيادر ـ هذا الزلمه يبين مو من السلف أوكفن خل اشوفنه شيريد

فضه ـ وگفنه وهي گربت صوبه ونزل منها وبگشخته الأنيقه وتسريتحه تلمع باعي شيخة شكد انيق

" گربنه شوي اني ادفع بيها وهي تدفع بيه امشي خل نسمع خفت وجهج شمالج وجه الجوب مبوزه اليوم

شيخة ـ إذا أمي زفتنه شلون خو أنتِ تعرفين امي

فضه ـ گرمينه بسگوتج رحمه للاعزاز ، سمعته ردت

بيادر ـ أي يمه من عيوني تدلل عـلــىٰ ماي ، ولج يمه فضه ماي لزلمه فاح افادته من العطش

فضه ـ اجعل ماي عيوني الك وتشربه غورغت عيوني بالدموع من الفرح دنچت وادور بالبقجه عـلــىٰ الماي البارد طلعته وأيديه ترجف خذته منه وأخذته اله

شيخة ـ شكد يحبج لعد ، دام جاي مناك لهناك لاجل يشوفج ، أكيد ما عنده شغل بس علمودج

فضـه ـ سكتيي خل أتمعن بي وأشبع منه ، اناظرله بعيون دامعه والحب طافح من گليبي ومبتسمه شرب الماي وأنطاها لخاله بيادر ورفع أيده

أياد ـ مشگورين خاله ، مع السلامه عيني

بيادر ـ هني ومري يمه ، درب السلامه يبوي

فضه ـ مشت سيارته وطارت رويحتي وراه ، گرصتني شيخه يلا حسيت عـلــىٰ نفسي ومشيت وراهن لحد ما وصلنه القصر واني شارده وبالي مو يمي دخلت غرفتي وتمددت بفراشي وبجيت ليش تعلگت بشخص مامش امل أكون حرمته وام بيته وين مأخذه عمرج فضه وأنتِ تعرفين أهلج ومصيري لأبن عمي نعمان نفس الضيم والعيشه ، شلون بحبك أياد
_____

شيخة ـ وصلنه القصر وتفارگنه وامي ندهتني بقوه

بيادر ـ شمالها فضه تدودهت ، ما تعرف الشرق من الغرب حتى ما گالت تفضلن شنيي تزاعلتن ولج
جم مره كايلتج لا تزعلين بنت الشيخ

ـ ما متزاعلين يمه ، بس هم هي وإمها متعاركات مثلنه أنه وياج ، وهيج مبين عـلــىٰ وجهها

بيادر ـ ليش احنا تعاركنا

ـ أنتِ شنو تشوفين ، صبغتي جلدي من الضرب






ـ تستاهلين وتعرفين نسوان السلف ما ترحم لوه شافتج واكفه وياهم حتى لو فضه موجوده وياج
ما يصير يمه عيب لو انه وياج بيها مجال ..

ـ هسه أنتِ رضيتي لو بعد گلبج شايل عليه

ـ أنتِ بنيتي ما أشيل بگلبي عليج وضربتج علمود تعرفين الصح من الغلط يمه سلفنه يعلج بالسالفه علج ويبقون ولد للولد يعلجون بلحنه ناسنه ما ترحم

شيخة ـ كلام أمي عين العقل بس احنا البنات ما نتوب من درب العشگ وسوالفه تعب الگلب وتوجعه

" مرت هالاشهر وكاعدين انا وفضه ونحجي حيل مشتاگتله هالمره طول بـ بغداد

فضه ـ گون تشوفينه صاير بس يتكشخ ، متبغدد

شيخه ـ خوما متغير عن قبل

ـ لآ خيه شنو يتغير بي ، الاملح يبقى املح وابو طبع ما يغير طبعه ما لكيت روحج الا تعشگين عسافو

ـ مثلج وڪعتي بغرام المهندس

ـ سگتتي شيخه ، اخر مره شفته نار بگلبي ما بين بعدها ولا وصلني منه مرسال

ـ عندي احساس يجي ويشوفج

ـ يارب يطلع احساسج صحيح

شيخة ـ ان شاء الله ، يلا فضه انا اروح احش وارجع للبيت تاخرت عـلــىٰ امي والعصر اجي ، اجيت اشوفج وارد وهم امي وافقت أجي جيف ماكو احد

فضه ـ امهاتنا عاد منو يگدر الهن ، روحي خيه بعدين نحجي ... دربالج من الدرب لا چلاب عمي نعمان يأگلجن

شيخة ـ لا تخافين عليه ، مشيت والتفتت بلگي يجي
وصدك واشوفنه مر بسيارته واخوه عدوان وياه نزلت رأسي مستحيه ومشيت صوب بيتنا وصادفتني هاجر

هاجر ـ علواه عندي رفيچه مثلج أستسانس أنه وياها
شـبــلآهن بنات السلف ما يرافچني

شيخة ـ خيولن وحدهن تموت عـلــىٰ الگال والگلت
عوفينه منهن عساف أجه وشفته هسه مر من يمي
خطف رويحتي خطف مدري من اشوفنه
أنسىٰ الدنيا ما بيها

هاجر ـ شيخة اروحن فدوه لطولج تگيدي وخذي حذرج لأ احد يلمحج تباعين اله ونكون بسالفه ونصير بسالفه ثانيه وهو مبين طولها عليج

شيخة ـ هو عنده شغله ويكون نفسه ويجي يخطبني

ـ ليش هو بحال شنو شو نص السلف الهم من كاعين وبساتين وحقول عجوله والحلال ما شاء الله والزرع أشكال والوان وفتحوا معمل وعدهم بيوت بحال الشغل يكون نفسه هذا مو عذر ولا مبرر لتأخير

ـ لا توگعين گلبي بسوالفج وبعدين أنتِ شدعوه حاسبه كل املاكهم ، من تعبهم والشيخ معروف

ـ مـو آلقصـد حاسدتهم لو مخليه عيني عـلــىٰ زنگنتهم بس خيتي القصد ليش طولها الحب سنه سنتين انتوا حبكم طال والسلف ما ينضم بي عشگ






شيخة ـ يلا يمعوده تعلين الگلب بسوالفج ورانا شغل بالبستان ونتأخر ونحصل زف من الشيخه مناهل ٠٠

دخلنا الغرفه لڪيت أمي نايمه ، رشيت الأرض وفتحت الشباك يطل عـلــىٰ البساتين ويدخل الهوا البارد علينا ورشيت ماي ع الفوطه وغطيت وجه امي بيها

ونمنا بصفها ، وسرحت بخيالي وأفڪاري وعسافي
بقيت سارحه لحد ما أخذني خيالي وغفيت ٠٠٠

" العصر طلعنا للشغل ولفينا الحزم على خصرنا وصلنا البساتين ولدهم ڪلهم موجودين عدوان اخوهم الجبير ، وبعده عساف وعادل

؏ـيونه تناظر اليـۃ من بعيد وفضه تگرص بيه خاف احد يحس علينا وينفضح حُبنا ، لأن الناس تمشي وتفضح بَسـہ ﷲ يستر ٠٠٠

" نشتغل والشيخه مناهل تحجي ويه أمي ما سمعت ڪلشي أكول فضه امج شبيها

حسناء ـ ما اعرف والله ، لتخافين مو زواج عساف
الا يتزوج عادل بعدين هو

ـ ليش ما تزوجه

ـ ما اعرف حاجته گال منو ابلغكم اتزوج عود لا تخافين ما تزوجه غيرج ، عساف ما تحلاله مره غير حبيبته #ڪــڔٰا̍ڕ

ـ ما يحلالي رجال غير خيالي ٠٠ ابتسمت ورجعنا نڪمل شغلنا وجمعنا الحشيش طعس يم الباب البستان وأجه أخوه عادل وفضه وبثينه
بلشن يترسن المكينه واني عيوني أدور عَليَّ

بيادر ـ يلا يمه أمشن للبيت غربت الدنيا

عادل ـ خاله بيادر أني اوصلجن بطريقنا

بيادر ـ لا يمه مشڪور ، مو بعيد متعلمين على المشي

شيخة ـ سلمنا عليهم وطلعنا للبيت وشايلين السعفات على ظهورنا وهاجر تمشي وتعثر وامي تحجي عليها

بيادر ـ تمشين بالاعوج لما الڪاع عدله شبلاج مثوله
إذا اجت قسمه وازوجج شلون تبقين هيج

شيخه ـ وڪعت السعفات ونطت من الفرح وتعدل بالربطه مالتها ومبتسمه

هاجر ـ صدك يمه جاينيني خطابه يعني أنخطبت يعني أتزوج ويصير اليـۃ عيال وعنافيص هواي

شيخة ـ ضربتها أمي بالسعفه لان سرحت وتمايل بجسمها وراحت بخيالها زايد وأجتها الگفخه رجعتها لواقعها وعبست وجهه وردت امي

هاجر ـ شبلاج وياي ، خلص ما اريد اتزوج ، تزوجي أنتي وخلفي منه حتـہ عنافيص ما اريد اخذيهم

بيادر ـ بنات اخر زمن ، بزمننا نستحي نجيب طاري الزواج صدك الأستحوا ماتوا ، مالت ع وجهج كدامي

شيخة ـ اضحك عليهن وَ؏ سوالفهن ، وصلت البيت وتسبحت وفتحت شعري وڪعدت أمشطه بالداير
الدنيا غروب وامي جانت بالغرفه تصلي ، كنت لابسه ثوب حرير لونه بنفسجي بي ورقه شجر جبيره صفره
وڪعت بحجري الحصوه ، بقيت ألتفتت جريت الربطه ولبستها ومشيت عـلــىٰ اطراف اصابعي وطلعت ورىٰ البيت وشفته بقيت ألتفت الشمس غايبه والكل يصلي






عساف ـ زين حصلت فرصه واجيت ركض ، طكت روحي عـلــىٰ ما أشوفج والشيخ خانگنه بالشغل

شيخة ـ ما مبين عليك الشوك ، الظاهر بغداد خذتك مني وتغيرت علينه

عساف ـ اوفاا ، محد ياخذني منج غير الموت
أشتاگيتلج روح عساف محبوبه عيونه

ـ واحد صافن بعيون الثاني ، أحبنك لا تحرمني من عيونك ومن شوفتك لا تطول هالكثر بـ بغداد

ـ وداعتج ما أطول لما الشغل وجيت أشوفج ولو ما شبعت شوف من عيونج

شيخة ـ ما گمل كلامه فزيناا عـلــىٰ صوت هاجر تهمس

هاجر ـ شيخه ولج صخيمه لطيمه هسه يجي شاهين صخام الوجه كافي تعالي بسرعه

شيخة ـ لازم اروح ، مشيت لازم أيدي لبسني السوار عـلــىٰ السريع وخله جيس بي حلويات اللي دائمًا يجيبهن اليه ، وخطف بوسه بلهفه ..
رديت بهمس روح بسرعه

عساف ـ باجر منتظرج نفس مڪانه نتواعدنا اخر مره تعاي

ـ ما أكدر وحدي اجيب فضه وياي

ـ شنهي جاهل گدامج ، تعالي ولا تجيبين أحد وياج
لو ما عندج ثقه بيه

ـ لا عندي ثقه بيك بس اشوفن الله كريم ، مشيت سريع وگال

ـ منتظرچ عيونتي

ـ هزيت رأسي وهو راح يمشي سريع وانا رجعت بالگوه أخذ النفس اخذتني هاجر للمطبخ وضربتني عـلــىٰ رأسي ، أي شكوو

هآجر ـ وتسأل شكو وتالي ما توبين
الا امي تلزمج بالجرم المشهود

ـ اسم ﷲ ، لا تگولينها ڪُـلش ما ناقصة

ـ لا ناقصه مصايب علمود تصحين عـلــىٰ زمانج
ما تكولين وين ماخذه عمرج بسبت هالحب والخريط اليضحك بي عليج وأنتِ البهيم مصدگه

ـ اي مصدكه و رجاءً ما اسمح الچ تحجين عليه وتشكگين بحبنه ، واحد يحب الثاني وروحي بي

ـ والمتى تبقين هيج ، ما فگرتي بنفسج لو بس مهم ترضين گلبج ولهفته ، ترىٰ محد يتضرر بالحُب غيرج أنتِ تركضين وناسيه الدنيا وتنطيج دونج وما دونج

ـ ما منطيه شيء عـلــىٰ ڪيفچ صخيمه

ـ ما تنطين بوسه شمه ، عليه هالسوالف

ـ شلون بيج أنتِ ، وبعدين انتِ ما عاشگه منين الج
وتعرفين هالحجي ليكون شفتينه عزا العزاج

ـ اي شفته من باسج لو منطيته مجال يشلع خدج

ـ صميت حلگهه ولا حرف أنصمي لا تسمعچ امي

ـ أمي بالڪوه قنعتها فضه دزت عليج زين ما طلعت وشافتگم جان أنذبحنا اني وياج گبل تبلغ شاهين وتزوجنا

ـ سڪتي فالج ما گبلنا بَسـہ أدورين زواج

ـ مو قصه أدور زواج ، بَسـہ أنتِ أي واحد يتقدم الج ترفضي علمود عسافو حبيب الروح واني ابقى انتظر






ـ هاج حشي بطنج وشبعي أحسن من الزواج
رايحه أشوفها عود بقي اليه وضميهن بملابسي بالبوفيه مو تخلصينهن ڪلهن

رحت ؏ امي لڪيتها نايمه دنگت بوستها من رأسها وإيديها ونمت بصفها لمتني بحضنها ومسحت ؏ـلى شعري يمه تحبيني أني أڪثر لو شاهين لو هاجر ٠٠٠ گالت

بيادر ـ يجي يوم وتزوجن وتستقرن بـ بيوتجن وعندجن بنات وصبيان ومسؤوليه وتعرفن غلات الضنأ ماڪو واحد أغلى من واحد بس أول بطن تفرق شاهين وحيدي ، وأنتِ الغاليه أم شعر الأسود مثل الليل من تناظرين اله يبرچ ٠٠٠

" تذڪرت أبوي وحنيته علينا ، الله يرحمك يالغالي
وأجه شاهين وشافنا وأبتسم وذب شماغه عَليَّ

شاهين ـ ما تڪبرين أنتِ ، بَسـہ محبوبه مو بيدج
يلا جيبولنا العشه تعبان أريد اتريح وأنام ٠٠

شيخه ـ من عيوني ، جبت العشه ونأكل وعيون هاجر تراقبني ثولتني بنظراتها ٠٠٠

" الليل ڪـله أفگر وفكره توديني وفگره تجيبني
ما اعرفن شسوي اروحن واشوفنه لو اخذ فضه
وياي بقيت بحيره وضاگت بيه وما چاس النوم عيوني الفجر گعدنا نصلي ورحت علفت الهوايش
شاهين شفته لبس وگشخ وگتلني الفضول وين رايح

بيادر ـ خـيࢪك يمه أشوفنك تگشخت وعطرك فايح
وين أتريد علامك

شاهين ـ الشيخ طوفان دز عليه ، عنده شغل بغداد
وگالي تعالي من الصبح رايح اشوفه

بيادر ـ أي يمه روح عـلــىٰ الشيخ وشنو يأمر لبيك
روح بساع لا تعطل

شيخة ـ سويت روحي أشتغل وشاهين راح وامي شالت عبايتها ومشت صوب بيت الشيخ عـلــىٰ الشيخه مناهل وهاجر بعدها نايمه ، طسيت فتحت الخانه وخطيت عيوني بالكحل ورشرشت من العطر
وعدلت ربطتي ومشيت صوب المڪان نتواعد بي
وگلبي يخفگ ما مرتاحه لهل الروحه ساعه امشي
وساعه اهون ، خل اروحن هو حبيب رويحتي
شعلامي خايفه وروحي ترتجف ..
______

فضه

ـ ـ نظفت غرفه أخوي عادل وطلعت صارت بوجهي ميمونه خـيࢪ وجهج مخطوف چنج بايگه وراگضين وراج ، سولفي شبيـچ

ميمونه ـ هو انا اللي أسولف لو أنتِ أم المصايب أخ منج ولج مصيبه القصر أنتِ !! تدرين بنفسچ

ـ خـيࢪ ، خـيࢪ ، أسم ﷲ شگوو شبلاچ
جرتني من أيدي وخذتني المخزن !!

ميمونه ـ المهندس دز إلچ المرسال !!
شعندج وياه يالمصگوعه ؟

فضه ـ وين المرسال ؟!

ـ وتسألـين بكل عين صلفه

ـ أي عندج مانع ، وينه؟؟ المرســال وينه ؟!!

ـ فضـه يمـه دربــآلچ عـلــىٰ رويحتج

ـ لأ تخافيـن عليه مو جاهله انا

ـ وأهلج ما فگرتي بيهم ؟
يمه درب العشگ چتال

ـ عوفينه من فالچ أفداچ عوفينه
گلبت بملابسها وطلعته من صدرها ردت أخذه منعتني ، ليش عمه نطيناه عميمه

ـ أنطي إلچ بس تنهين گلشي وياه ، وخل الزلمه يشوف دربه لا تعلگينه بهواچ وتأذين نفسچ وتأذينه

ـ جريته منها ، فتحته ولفحتني ريحه عطره نفسها
شميتها بقوه وگعدت أقرا بتمعن وهو يڪـول ٠٠٠

ـ شلونج سهم گلبي ..
مشتاقلج وأريد اشوفج شنو ما أشتاقيتي اليه
اليوم أني بالقريه مالتگم وأريد أشوفج تعالي يم المشروع القديم أكو شجرات نگعد جواهن نرتاح
ونفس الوقت قريب من الشارع العام تكدرين تجين
أنزل من الشارع وأجيج صاحبي ينتظرني ..

أنتظرج ٠٠ أياد

فضه ـ باوعت ميمونه مزعوجه ، أريدج تجين وياي
نفضت نفسها ومشت جلبت بثوبها أفداج انا

ميمونه ـ دخيلچ فضه فگي عني شغله تخوف وانه گلبي ما مرتاح ، سدي سالفته وحطي الشيخ واخوانج بين عيونج يمه والله دنيا ما ترحم بني أدام

فضه ـ لخاطري حضنتها وأبوس بيها ، بس هالمره
أزعل منج اذا ما مشيتي وياي

ميمونه ـ أمري لله ، بس رفيچتي وينها

فضه ـ ما أريد أورطها بمشاگلي علمود اذا صار شيء
أنتِ تگولين الها ، صغرت عيونها ولطمت عـلــىٰ وجهه حضنتها لا تخافين ماكو شيء اصلاً شجر وبساتين منو يشوفنه شغل وعمل ما عدهم يراقبون فضه وميمونه المگروده وجهه لطامه

" ضحگت ونزلت دموعها انتظريني جايتج ، ركضت وتجهزت عـلــىٰ اخر حبايه ورشرشت من العطر
مديت رأسي بالقصر صنطه ماكو حس مشيت عـلــىٰ ڪيف ومن باب الخارجي ولگيت ميمونه تتنظرني
هزيت الها رأسي يلا ، شمرت عليه المنچل عود رايحين نحش ضحگت واني طايره فرح ...

"تذڪرت شيخه أعذريني شيخة ما بلغتچ أعذريني

يَتبــــع ___

#روايه ـ جريمه ١٢ أيار
بارت٦
فضه

ـ طلعنه من القصر وميمونه تلفتت وراها
ميمونه أنتِ راح تفضحينه بخوفچ

ميمونه ـ شلون بيج ولج ما تخافين ، لو صار شيء ننذبح أثنينه يمعزايه ، وين ماخذين عمارنه ، أنا شلون طاوعتج وأجيت وياج ، امشي نرد

ـ عتتني من ثوبي ، صّــدك تحجين ميمونه ، راح نوصل بس گولي يا ﷲ ...

" نمشي وعبرنا البستان وصلنه المڪان أتفقنه عليه وانصدمت بوجود شيخة وعساف ومنظر صدمني بيهم رأسًا درت ظهري وسديت عيون ميمونه

ميمونه ـ شكو ولج صميتي عيوني شمالج

فضه ـ سحبتها لورا الشجره ، هيج ماكو شيء
خل نرد القصر ، أنا تراجعت

ميمونه ـ الف الحمدلله ردت عقلج لمگانه

فضه ـ مشينه واني صدمتي بشيخه شلون سمحت اله يبوس بيها وعساف ابن شيخ وابن حمايل شلون تتعدى عـلــىٰ عرض غيرك ما فكرت عندك أخوات بلا هي بنت مشت وره گلبها ، وانت عقلك وين ، يا خوفي من تاليـها تكسر گلبها وتخليها

" وصار بوجهنه أياد وبيده جيس ومبستم وانصدمنه أكثر وميمونه وجهه صار ليمونه بلعت ريگ وعساف بظهرنا وهو يڪول ؟!

عساف ـ فضه ميمونه ، حضرت المهندس خير

ميمونه ـ هلا يمه عساف ، احنا جينه نحش اي نحش مو فضه جيتي تساعديني وتشمين هوا ، واحنا نمشي اجه المهندس ، خيرك يمه علامك مضيع شيء
يمه عساف اخذه للمضيف الشيخ اذا سمعنه هو هين وما يتضيف عدنه يزعل جثير اي يزعل

فضه ـ أباوع عـلــىٰ اياد طبيعي وابتسم توه راد يحجي عساف گال ..

عساف ـ خوش خوش ، ميمونه اخذي فضه وردوا القصر لما ندلي المهندس عـلــىٰ دربه

فضه ـ بلعت ريگ ورجليه ما تعيني أكمل مشيتي
اسحل بيهن احس انشلن يبو عـلــىٰ حظج فضه
راح بيها الولد يارب ما انكشف حُبنا ..

ميمونه ـ هيج احسن الج ، يا خوفي انكشفتي غير اليوم يسوج حفله بالبيت لا صارت ولا أستوت

فضه ـ ميمونة خفي عليه يرحم أهلج ما ناقصه
خل تمر عـلــىٰ خير وساعتها بيج خير ورطني عـلــىٰ راسي حتى اضربيني هم قابله بس هسه سكتي

" تلفت وراي وعساف زمخرني بنظره مدري شنو يحجون بينهم ، ايديه يرجفون وحيلي بهت بهالاثناء
شفت سياره نفس سياره أياد نزلوا منها اثنين ويفترون بالزرع ويضحكون معقوله اجوا يساعدونه
أكيد هو مأخذ حذره خوما مثلي ما فكرت ومشيت عـلــىٰ عمه عيوني ٠٠

" وصلنه القصر وميمونه قفلت الباب الخارجي وصارت بوجهنا بثينه وشيلان عبرتهن وركضت عـلــىٰ السطح شيصير خل يصير ..






" باوعت من بعيد عساف واياد وأصدقاءه يتمشون بالزرع واحد منهن يأشر عـلــىٰ البساتين معقوله عدت عـلــىٰ خـيࢪ وعساف ما عرف شيء ...

ميمونه ـ نزلي بسرعه محد كشفنه،الشـيخ دز خبر نجهز الزاد لمهندس وجماعته جاين يتونسون..

فضه ـ حضنتها بقوتي أبوس رويحتج عـلــىٰ هالخبر واطيب زاد من عيوني الأثنين ، أمشينه بسرعه

" نزلنه وگبل للمطبخ وضربتني عـلــىٰ جتفي وتضحك ، هي راحت تجهز الحطب والنار واني وكفت بالطرمه عدلت ربطتي واجه عادل جاب الذبيحه وعلگها گام يكطع بيها والشيخه مناهل اجت بس تحجي بقهرر

الشيخة مناهل ـ أكو واحد يدش السلف جاي يتنزه ما ينطي خبر ، شلون يفترون هيج وبنات السلف عـلــىٰ النهر يملن لو يحشن ، جان اجو لشيخ بوجهم

عادل ـ يلا شيخه ما صار شيء خطيه شباب جاين يتونسون ، فضه عاونيني ..

مناهل ـ جهزن الزاد بسرعه ، ترىٰ الشيخ يعزينا اذا تأخر ولج بثينه وين أنخمدتي بثينه تعاي عاونينهن

فضه ـ عدت عـلــىٰ خـيࢪ ٠٠٠

" جهزنا الزاد وأخذوا الهم وكعدنا نأڪـل ودخل عساف عيوني تراقبه لازم أحاسبه عـلــىٰ عملته السوده مصخم الوجه وشيخه حسابج جايي ..
____

شيخة

ـ مشيت وصلت المڪان ولكيته ينتظرني أول ما گربت صوبه شو هٰـذا گبل حضني بقوه وسحبني لمكانه كعدني بصفه واني مستغربه وخايفه شعور مخربط ، تقرب عدل ربطتي وشعري وهمس

عساف ـ شعرج بسواد الليل يمتى يغطيني

شيخة ـ بيت اهلي موجود ما يبعدك درب
تنهد وصفن وشمر العوده بالبيده بعيد ورجع طول الصفنه بملامحي وهو يحفظ كل خط بوجهي

عساف ـ تنتظريني

ـ أنتظرك العُمر كُله ، بس گون توفي بوعدك اليه

ـ اوفي والله اوفي ، بس أريد أكسر عيون أهلي

ـ شـلون ؟

ـ أعتمد عـلــىٰ نفسي واحسنها أشتغل وأكون شغلي الخاص ويصير عندي رأس مال وشغل خير من ﷲ
هذاك الوقت من أتزوج اهلي ما يعارضون حتى لو غريبه ومتأكد أبوي يوافق اذا ما العم نعمان أتدخل
وعرض بنته اليه ، يلا مو مشكله اوافق وتجيج ضره

ـ ضربته عـلــىٰ جتفه ، ضره شنو اذبحك انت وياها
أنت اليه وبس ولغيري ما تصير فاهم أنت خيالي

ـ ناگتي الاصيله ، شحبنچ يا يبعد نفس ريتي

ـ تقرب أكثر وباسني غمضت عيوني دفعته بس هو ضخم واقوىٰ مني لفني بيده لصدره وعمق بوساته
وشمني بقوه ونزل راسه لايده لمهن وباسهن وحضني بقوه لصدره ويلعب بشعري وأنا اعدل بربطتي






ـ ترى طبعت ملكيتي عليج ، لغيري ما تصيرين

ـ ليش هيج تحجي

ـ ما حجيت شيء ، بس علمود تحفظين كلامي وكلام عساف ما ينتسىٰ ، تعرفيني من يومي گول وفعل

ـ ترىٰ بديت تزرع الخوف بگلبي

ـ أني الامان الچ ، ليش خوف

ـ ما ادري بس خفت

ـ تخافين المسج وأكسرج

ـ نزلت رأسي ما حجيت

ـ ما أسويها لتخافين ، الحلال بيش مقصر ويانا
بس نصبر والله كريم ، نيتي صافيه وياج مو رجال
الا ما دخلتج غرفتي وصرتي جنه القصر وام احفاد
الشيخ طوفان ، وشيخه الشيخات

ـ ابتسمت ولزمت ايده بقوه ، متأكده منك واثقه بيك

ـ غصباً عليج !

" المهم هالايام رايح لبغداد عندي شغل أخلصه واجي ، مو تبقين مورثه ومن ارجع تگبين بوجهي
أمعطج والله

فضه ـ أي خوش اهم شيء ترد اليه بالسلامه ..
كمز من مكانه وشال سلاحه سمعنه صوت شكو

عساف ـ أسمع صوت بس لا احد شافنه !!
أمشي للبيت بسرعه من هذاك الصوب ودربالج
من الجلاب روحي عيونتي

شيخة ـ عدلت ربطتي ونهضت وسحبني باسني من رأسي وابتسمت اله ومشيت سريع وشفت فضه وميمونه لمحتهن متأكد هنا واحد واكف وياهن وعساف أجاهن عزا عزا بس لا هذا أياد ..

" رجعت البيت مستعجله بالگوه اخذ النفس شافتني هاجر ما حجيت شيء بقيت ساكته بس بالي يمها
صوجي ليش ما بلغتني جان ما التقيت بـ عساف
وهي ليش ما گالتلي هم جان ما التقت بالمهندس

" أمي ما بينت للظهر تأخر الوكت وهي ماكو ، أكول هاجر امي طولت يم بيت الشيخ طوفان

هاجر ـ تلگيها هي ونسوان السلف مسويات گعده بالمضيف مالت الشيخه مناهل وين تروح قابل

شيخة ـ بهالاثناء دخلت امي بيدها الأڪل يفتح النفس خلتها بالگاع وصاحتنه

بيادر ـ هذا الزاد من بيت الشيخ طوفان ، يمهم خطار

شيخة ـ منو خطارهم؟

ـ هذا المهندس مدري شسمه جاي يتنزه هو جماعته
ادري اكو واحد يفتر بالسلف بدون ما ينطي خبر لراعيه وبعدين الشمس تصمط هي مال فراره
صدك بطرانين عـلــىٰ زمانهم كعدوا بيوتكم وسكتوا

شيخة ـ عدت عـلــىٰ خـيࢪ

" أكلنه وخلصنه وشلتهن أغسلهن بالحوش نشرتهن بالشمس وعدلت ربطتي وخطر عـلــىٰ البال وتبسمت
ودخل شاهين تعبان نام بحضن امي

بيادر ـ گوم تسبح وتريح ، هند يمه جهزي الأڪل

شيخة ـ من عيوني






شاهين ـ خيتي هاج غسلي ملابسي زين خاف باجر اطلع لبغداد ويه عساف غسليهن نظيف

هند ـ حاضر ، أخذت ملابسه غسلتهن ونشرتهن ؏ـلى
الطعس مالت الخشب ورىٰ البيت واطالع بساتينهم ، شڪد احبكم لأن أبنكم مأخذ ڪليبي ٠٠
يارب عـلــىٰ أجمعنا حُبك ...

" مـࢪور الأيام __

بيادر ـ يلا يمه التنور هفت تعالن خبزن ، شيخة يمه جيبي الصينيه هاجر تعالي عاوني اختج ، بين ما اخلص خوص هل المكناسه ٠٠

شيخة ـ أجيت والعجين ؏ رأسي ، نخبز ورىٰ البيت
بـ تنور الطين وَ؏ الحطب ، لبست ثوب الخبز وتلثمت بالربطه والعجين مشنك وبديت أمطل بي وفرشتها ؏ المائده الخبز واجت هاجر بيدها سطله ماي رشت التنور علمود النار تخمد تبقى بَسـہ الجمره ٠٠٠

بدينا نخبز هي تمطل واني أرشك الخبز واجت الشيخه مناهل وراها فضه شايله ؏ـلى رأسها صناديك الفاكهه رڪضنا ، أستقبلنا الشيخة واخذت من ايد فضه

مناهل ـ الله بالخير شلونجن يمه

بيادر والبنات ـ هلأ شخيتنا الحمد لله بخيـࢪ

مناهل ـ ولج هاجر ليشہ أنتِ ما تخبزين بس خيتج تخبز تملخت أيدياتها الحلوات من النار

فضه ـ لأ شيخة ما تهم لـ الخبز وشبيهن تراهن يلجن من البياض ٠٠٠

بيادر ـ لا يتعاون بينهم أخوات ماڪو فرق وحده عن وحده نفس الشيء ونفس الشغل والنداره ٠٠٠

مناهل ـ لا مو نفس الشيء أكو فرق ، شيخة عبالك ذيبه
وهاجر چنها دجاجه منگعه بالماي خاويه ومالها حس

شيخة ـ نزلت رأسها مقهوره من ڪلامها نفس ڪُـل مره سمعتها ڪـلام وتغثهـا ٠٠٠ أستمرت وياي تخبز وهنا يسولفن بينهم عاد فضه تطيب خاطر

فضه ـ لا تزعلين هاجر هي امي من يومها هيج تذب الڪـلام دچ ما تحسب اله حساب وتريد المقابل غصب عنه يتقبله سؤاء يرضى أو لا ، مو جديده

هاجر ـ لا ما أزعل متعوده ، يلا من رخصتجن فايته اجيب الضيافه

شيخة ـ راحت وڪسرت خاطري وفضه گربت صوبي وگرصتني قوي شبيج علچتي لحمي بيدج

فضه ـ صار ايام خانسه ما الج حس ولا جيتي القصر
لو الحب بلغج هو بغداد

ـ اي اعرفن بي هو مو هين عليش اجي القصر

ـ خوش ، شيخة لا تزعلين بس نزلتي من عيني

ـ ليش خيه أشسويت أنا

ـ ما تعرفين أشسويتي لو خايفه تحجين ، ترىٰ شفتج

ـ بلعت ريگ ، أعرف غلطت بس اخوج يحبني وعدني اكون حرمته عليش تخزريني بنظراتج

ـ من يتزوجج تخلي يلسمج ويسوي الي يسوي مو انتِ بعدج بيت اهلج ، وسامحه اله يعبر حدوده

ـ وگعت الگرصه بالتنور شلتها هي وجمرها وامي كمزت من مكانها نفضتها من أيدي ، عيوني تباوع
لـ فضه كلامها غثنيي حيل






بيادر ـ اكو وحده تشيلها هي وجمرها لوه محتركه أيدج غير تتنبهين يا بنتي

شيخة ـ راحت يم الشيخه كامن يحجن علينه واني بقيت ساكته كلامها صحيح بس انا ما تقبلته

فضه ـ كتلج لا تزعلين اشوفج طنگرتج وبوزتي
ترىٰ ما اخلي بجيسي شيء بس جاي احذرج
جيف اخافن عليج عـلــىٰ گوله ميمونه درب العشگ چتال ، بس احنا ما نتوب ..

شيخة ـ لا خيه ما ازعل منج ، انتِ شخبارج همزين عدت عـلــىٰ خـيࢪ سمعت الحبيب مشعشع بالسلف

ـ اي خيه الحمدلله واليوم هم يجي ، رايحه اشوفه دام الشيخة إهنا وعساف بغداد هو وعادل عندي جم كلمه وياه هذاك اليوم ما حجينه وصوجي ما بلغتچ

ـ شيخة فدوه اروحن الج خذي حذرج ، أنتظري خل اخلص الخبز واجي وياج

ـ لا خيه وين تجين غطي عليه بين ما اشوفه واجي
ما اطول نص ساعه بالچثير وانا يمج ادعيلي ..

شيخة ـ راحت وگلبي يمها خاف تنڪشف أخاف عليها مثل ما اخاف ع نفسي أختي مثل هاجر واعزها حيل ورفيچه العمر ٠٠٠

فضه ـ من بعد مكتوب وصلته اليه ميمونه طالب يشوفني استغليت كعده امي ويه العمه بيادرر
وطلعت مستعجله امشيي والتفت وصلت المڪان لگيته گاعد وگاشخ لبسه يجنن وصلت وعدلت بربطتي وتبسمت الله يساعدك

إياد ـ يا هلا بيج ، شلونج حبيبتي

ـ يبوي فرفحح گليبي من گالها ، بهمس الحمدلله
صرت زينه بشوفتك.

ـ أسف سببت إلچ الخوف هذاك اليوم ما قصدي اخوفج بس ردت اشوفج

ـ ولا يهمك عدت عـلــىٰ خـيࢪ ٠٠
نهض من مڪانه وتقرب صوبي وبهمس

ـ تسمحين الزم أيدج وتكعدين بصفي
طبعًا عـلــىٰ راحتج

ـ لزمت أيده مليانه حنيه وگعدت بصفه واحد صافن عـلــىٰ الثاني ودمعت عيوني تقرب مسحها بحنيه

ـ أحــبج

ـ وأنه بعد أحبنك ٠٠
أياد عندي موضوع حابه أحجي وياك

ـ گولي أسمعج عيني

ـ تعرفني وتعرف أهلي وتعرف اطباعنه

ـ أعرف ڪُـلشي عنج ، ولا تصورين داخل وياج عـلــىٰ مصلحه لو أخذ رغبتي وأمشي وأعوفج
من أول يوم ومن أول نظره دخلتي هالقلب وسكنتي
وملكــتي وتربعتي عـلــىٰ عرشه ، صرتي الاولى بحياتي ، فضه رايدج مريتي وأم بيتي وأطفالي

ـ رفعت رأسي بفخر وهمست وأكون أولهن حبيبه تضمك بروحها وتفديك

ـ هالايام أجي اخطبج من أهلج إن شاء الله يتمم هالزواج عـلــىٰ خـيࢪ بدون مشاكل

ـ درت وجهي مقهوره وميأيسه ، لزمت أيده مليانه حنيه أياد اهلي ما ينطون للغريب وما يأخذون من للغريب أهلي طبعهم سجينه حاده اخافن يرفضوك
ويگسروناا






ـ مستعد ادخل وياهم بحرب لو اني لو هما ٠٠
مستحـيل اتخلىٰ عنچ ..

ـ فخوره بحبك أياد حيل فخوره ، حضنته وبجيت
لا تخليني ولا تعوفيني منتظرتك عيوني أنتَ
مسح دموعي وباسني من أيده وگالي

ـ روحي ما اريد اسبب الج ألاذيه ، أنتظريني هالايام اقنع اهلي لان هما هم رافضين واذا ما اجوا اجيب خوالي واجي لو اعرف اجيب ناس مزيفين مهم اخذج والمج بروحي

ـ هزيت رأسي ، منتظرك ، مشيت وگالي

ـ ديري بالج عـلــىٰ نفسج ، أحـــبج ♡

فضه ـ رجعت الهن والشيخه خزرتني بنظرتها شافتني شيخة ..

شيخه ـ مر وقت واجت وهي تبتسم وشافتها الشيخه مناهل وخزرتها اني خفت من نظرتها ، صكيت سنوني شعندج ليشہ تجيبين الشك لنفسج

فضه ـ إذا ؏ـلى امي يخلص العمر وما اشوفه ، بَسـہ مراقبتنا خانگتنا بالحياة وهاي بثينه
صاير بيها عقده

ـ ليشہ شبيها ولج

ـ يطلع شعر بوجهه ودوم عصبيه وعازله نفسها وجسمها عبالك جسم رجال كله شعر وشيلان تكول
هاي مريضه وامي تحجي عليها تكول عرچ ما يطكها

ـ لا خطيه ، بَسـہ هما أهلج هيج طبعهم قاسي ويه البنات ويحبون الولد أڪثر وعدهم البنت هم

ـ اي تكول هم البنات للممات تحسسني عاله عليهم
اي عوفج من أهلي وسوالفهم تعاي أججيلج ، حجيت الها وبجيت شيخة خايفه اهلي يگسرون گلوبنه

شيخة ـ تعالي لميتها بحضني وهي تبجي خلص كافي تبجين وتفاولين ، أحتمال ابوج الشيخ يوافق
هو يعرفه واخوانج يعرفونه والسلف كلهم عرفوا
والرجال من اولها راح يخطبج ويرفع رأسج

ـ أياد يحبني شيخة يحبني ، روحي وياه وين ما يروح ، مستحيل اتخلىٰ عنه وعن حبه الأصيل

ـ وإذا رفضوا ؟

ـ وقتها يصير خـيࢪ !!

ـ شيصـير فضه شقصدج ؟!

ـ منا لوگتها ، وأحتمال الشيخ يوافق عـلــىٰ گولتچ
يلا لازم أروحن قبل لا شيخه مناهل تحس علينه
تعرفينها تراقب بعيونها خانگتني بالحياة ، حتى القصر كارهته

شيخة ـ لا هيج تحجين يمعوده

فضه ـ يلا خيه رايحه اشوف الشيخه ..
صدك عساف قبل لا يروح يڪولج خل تتنظرني صوب النهر

ـ شو اني انتظره شبي اخوج

ـ منج اله ما دخلت نفسي ، يلا اروح اني الشيخه كامت شكلي راح احصل زفه معدله منها ومن الشيخ

شيخة ـ روحي خيه ، راحن ومن مشن الحجيه تگرص بيها وتضرب ؏ ظهرها بقوه ، ليشہ هيج خطيه

بيادر ـ هي هاي مناهل من يومها صارمه وقاسيه
يمه شيخة ديري بالج ؏ـلى فضه ونصيحيها أنتِ اكبر منها وتعرفين أمور الحياة وعقلج راكز بنيتي واعرفها

شيخة ـ اي يمه هزيت رأسي وهي رجعت تڪمل شغلها .
بگلبي بالأول خل انصح نفسي احب اخوها وما اعرف نتيجه هالحب شنو وهو ولا باله الزواج يوميه باجر والعمر يمشي و مبقيني عـلــىٰ الوعود ما اعرف تاليتها شنو ! .

" لليل ڪاعدين وهاجر صافنه عاد امي ڪالت

بيادر ـ جان بنفسي ازوجج يا هاجر لـ عادل وأرتاح وأسلي همج بس ما تصير الشيخه ما مقتنعه بيج

شيخة ـ تفائلت يعني اكو امل يوافقون عـلــىٰ زواجنه انا وعساف ، ردت هاجر

هاجر ـ قسمه ونصيب ، وأني نصيبي ما يوكف علمودها ،ولان انا ما عجبتها ولا أقتعنت بيه
وهاا ولا هي تعجبني ولا أني أقتنع تڪون عمتي
وحبوبه فروخي غير يطلعون عليها مخابيل

بيادر ـ شهل الڪـلام ولج مو عيب تحجين ؏ـلى الشيخه مناهل هيج ، ناس ما شفنا منهم إلا كُل الخير
ومره ثانيه إذا تحجين هالحجي أكص لسانج فاهمه

شيخة ـ راحت لغرفتها مزعوجه وسمعتها تبجي وأمي دارت ؏ـيونها عَليَّ ، نغزني ڪلبي من نظرتها تهربت ولحگت هاجر ونمت بصفها،أفڪاري بَسـہ يم عساف

" لصبح مثل ڪُل يوم ڪعدت ولبست ملابس الشغل
وطلعت وصلت الهن لڪيت بثينه وشيلان يجمعن التمر ويعزلن وبديت أشتغل وياهن لاحظت فضه
ماڪو وأنشغل بالي معقوله انگلفت وأنبصطت ؟!! ٠٠٠

شيلان ـ عيني شيخة ، احنا نروح للبيت ، خلصي البيدج وروحي احتمال ادزلج فضه تساعدج

شيخة ـ هزيت رأسي ، راحن وضل الشغل عَليَّ
مر وقت محد اجه كملت وحدي وصلت النهر
عـلــىٰ اساس يجي واحد ما ينحزر دوخني وياه

" صافنه وأشمر الحصو بالماي مثل كُل لقاء النا والمفروض انا أنتظره .
نترس النهر حصو وحضرته ما بين ، هسه منو المفروض ينتظر الثاني
وطلعت اتمشىٰ وصار بوجهي وأبتسم ما أهتميت كملت طريقي

عساف ـ وين رايحه

شيخة ـ أڪرهه ما يوفي بوعده ، المفروض أنتَ تسأل
ولو حضرتك نايم بغداد وأني منو ٠٠

ـ أنتِ شيخه گلبي

ـ بلا جذب وجريده طويله عريضه ، وين جنت دايح

ـ من أنطيج عين تجفصين زايد ، شنو دايح ولج
أمعطج هسه

ـ شحدك والله ، مشيت وركض لزمني من أيدي نفضتها لا تلزم أيدي

ـ خوش ، لا تبقين زعلانه وأني مشتاگلج ما تشوفيني أجيت ملهوف ؏ شوفتج بالجذب بوسيني

ـ لا تعبر حدودك وياي ، لا تمرغل السالفه وين جنت
أبتسم وطلع من جيبه علبه بيها قلاده لبسه اليـه
هٰـذه ذهب

ـ أي لعد تنك ، أبن شيخ وهالله هالله اجيب تنك

ـ وإذا أبن شيخ ؏ رأسك ريشه ، عساف لا تباهه
أبوك بنفسه متواضع والڪل يحبه






ـ وين تلفوين بالسالفه أنتِ ، قابل بَسـہ الشيوخ يتباهون ، إذا اريد أتباهه ، أتباهه بَسـہ بيج

ـ بقيت صافنه عَليَّ ، أعرف راح توفي بوعدك وأڪون حرمتك وأم عيالك جان ما وثقت بيك وحبيتك

ـ أم عيالي تڪون طيبه مو شرسه ومغروره عَليَّ

ـ تعرفني الشيء الاعوج ما أحبه
وهاا مشكوره عـلــىٰ الهديه حلوه حبيتها ٠٠

ـ بالعافيه عليج كليبي ، شحبنج

ـ همك الوحيد أنت ، يباو؏ لشگلي ، عساف نزل عيونك
ـ يلا كدامي للبيت ، أخواني شوي أنوب يجون يوجهون الماي ؏ البساتين

شيخة ـ رايحه ، عساف

ـ شبيج

ـ تحبني من صدك

ـ لا اضحك عليج اخذ الاريده واعوفج
شهل الحجي ولج تشگيگين بحبي الج

ـ ليش طولتها لعد ، حتى امك بنفسها حاجيه موضوع زواج ويه أمي بخصوص هاجر وعادل
يعني يأخذون غربه

ـ كلت الج أكون نفسي وشغلي وكتها نتزوج
عليش الاستعجال ليكون مليتي مني

ـ لويش امل بس ما اريد حبنه يطول اكثر

ـ الله كريم ، يلا روحي تاخرتي

شيخة ـ عفته ورجعت البيت لكيت هاجر صدرها مقبط بالكوه تاخذ النفس عوفي من ايدج

هاجر ـ رايحه أنام ، لما شاهين يجيبلي البخاخ

شيخة ـ راحت وضليت صافنه بكلامه والهدايه شُڪثر جاب اليه ما اريد كلشي غيرك يبعدي
_____

فضه

ـ مرت هالايام يما اطولها عـلــىٰ گلبي أفتر مثل المضروبه برأسها وعيوني تراقب الباب ما بين
طولت أياد طولت باوعت من الشباك شفت الشيخ
يفتر ويباوع عـلــىٰ الحلال بثينه جابته من الزرع
أندار وشافني

الشيخ طوفان ـ ليش هين ما تروحين تعاونين أختج

فضه ـ رحت لعنده وبوست أيديه ، لا يُبا اليوم نوبتها يوم عليه ويوم عليها مقسمين الشغل بينه

ـ اي خوش ، عينج عـلــىٰ خيتج ، شو اهيس عندج سالفه تخرخش بگليبج سولفي يُبا

ـ كل جسمي يرجف بلعت ريگ ، لا يُبا سلامتك
اترخص منك ، مشيت وعيونه وراي ،طبيتت حجرتي
غمضت عيوني فضه راح تموتين من الأنتظار ...

" لثاني طولت بالنومه وصحيت عـلــىٰ صوت ميمونه وگعت گلبي فزيت مخروعه خـيࢪ عمه شَڪووو ؟!!

ميمونه ـ ولج أجه المسعد اجه المهندس وجايب وياه الجاهه ، وفه بوعده ابو طول الحلو

ـ حضنتها بكل قوتي صدك تحجين عمه ، نهضت طايره من الفرحه والدنيا مو واسعتني ركضت وعاينت من شباچ المطبخ ولمحت السيارات باب المضيف ..

ميمونه ـ شلون بيج وبحبج ما لگه گلبج الا يهوىٰ
الغريب وبعيد عن السلف

ـ الگلب وما يهوىٰ ، ميمونه راح ارد لحجرتي خاف تجي امي الشيخة وتشك بيه ، هزت رأسها وطبيت حجرتي وحضنت مخدتي ، الف هلا بيك يبعدي ...

" مر وقت واجه عادل وصاح طلعت هاا خويه

عادل ـ الشيخة ردت من السلف لو بعدها

فضه ـ لا ما ردت ، لويش صاير شيء

عادل ـ لا هيج ، عمه ميمونه روحي صيحي الشيخة
الشيخ طالبها ضروري وبساع

فضه ـ هزت رأسها وراحت وعادل باوع اليه وراح صوب المضيف باوعت سيارات ماكو شبساع راحوا
معقوله رفضوا شصار ، تعاي شيخه مناهل نفهم منج

بثينه ـ شعندج لازمه الشبابيچ ، شنو منتظره أحد

فضه ـ فگي عني

بثينه ـ إذا الشيخ ينطيج عساف ما ينطيج

ـ أنداريت ، شتحجين أنتِ

ـ محجوزه لعطيه ابن عمي نعمان
أمس عدوان وعساف سمعتهم يحجون .. واعرف المهندس اجه يخطبج سألت عادل وگالي ، ادعي عدوان و عساف ما يجون لسلف ويبقون بغداد ..

فضه ـ خربطت كل افكاري وحيلي بهتت بقيت ساكته
وعيوني مليانه دموع أذا رفضوا اموت رويحتي وراه
مستحيل اتزوج غير المهندس مستحيل ...

يَتبــــع __

#روايه ـ جريمه ١٢ أيار
بارت٧
فضه

ـ ضليت أنتظر عـلــىٰ نار تشعوط گلبي من الأنتظار
أفتر بالقصر وافرك بيده حتى المخبل يعرف عندي حسبه ، نزلت شيلان رمقتني بنظره صحت بيها خير شبيج هيج تباعين بس تخزرين بعيونج

شيلان ـ شبيج أنكرصتي شنو حجيت اني بسرعه تهجم عليه بالكلام

ـ ما جاوبتها اني شبيه اعارك الاوادم ..
عاينت من الشباك شفت الشيخه مناهل وميمونه دخلوا المضيف باوعت لـ وميمونه هزت رأسها يعني شنو

" مر وقت طبيت حجرتي لان اذا أضل برىٰ أطگ رويحتي ، لليل يلا طلعت من حجرتي وأباوع بالوجوه عادي ماكو شيء ، بس الشيخه باوعت اليه بنظره وهزت رأسها الحجره لحكتها هاا يمه امرچ

الشيخة مناهل ـ إبن عمج نعمان يريدج

فضه ـ إبن عمي نعمان !!

ـ أي عزام واليوم محاجي أبوج وكالوا عـلــىٰ الشتاء نزوجوكم الجو يبرد وهم نخلص شغلنه

فضه ـ بس شفايفي يرجفن لا بيه اسأل ولا بيه أحجي
بس هزيت رأسي ورجعت لحجرتي وصفنت هذا ابوي طرده و رغمل السالفه مالت المشيه طردوا ..

" للصبح ما چاس النوم عيوني وأندك الباب عليه
أمي تكعدنه للصلاة ، جم نثايا ظلمتوا بعاداتكم

" صليت وياهم وركعت بالگوه حبست دموعي ما تنزل وقويت روحي رغم الڪسره

الشيخة مناهل ـ ربي يتقبل ، سبحن وردن للحجره
ساعهً أنوب كلمن تكوم عـلــىٰ شغلها ما أريد مهاون

فضه ـ رجعت الحجرتي وأباوع من الشباك صوت العصافير وريحه الشجر والمنظر والسماء صافيه
وينك هسه أياد يبعد حيلي هسه مكسور شكول عليهم هلي شتسوين فضه

بثينه ـ يمتىٰ تنامين ورانا شغل وشيلان ما تطلع ويانا طلعت حبله وامي منعتها تشتغل اضن هالبطن ولد

فضه ـ وإذا بنت شبيها يعني ، ليش تحسسوننه الولد جايب من ربه خبز ، نهضت بتعب اني كايمه عود
لحگيني

بثينه ـ وين رايحه بعد وگت

فضه ـ أخلص شغل عـلــىٰ برد الوگت ، لبست ملابس الشغل والربطه ذبيتها عـلــىٰ شعري وطلعت وشفت الڪهوچي أبو كَمره ، خل أسأله شنو خسرانه گربت صوبه وهو يدك بالهاون البن مالت الگهوه ..

" صـباح الخير عمي

أبو گمره ـ صـباح النور هلا بنيتي ، شني عمي تردين گهوه عـلــىٰ الريگ

ـ لا عمي الشيخة ما تقبل نشرب گهوه تڪول مو زينه
ضحك ويهز برأسه

ـ اي أمي الله يرحمها هم جانت تكول البنت ما يصير تشرب گهوه بالاخص المره يكولون ما يصير الها خلفه سوالفهن بعد ، والا هو كله بيد رب العباد






ـ عمي أريدن اسألك سؤال

ـ گولي عمي أبشري بالجواب

ـ امس السيارات وگفوا يم بابنه منين هذول الناس
ابتسم وهز رأسه بحزن

ـ هاا عمي ما جاوبت

ـ ناس جاين عـلــىٰ الشيخ

ـ عمي أنتَ ما تعرف تچذب أعرفنك

ـ لا توجعين گلبج ولا تعبين رويحتج ويه هلچ

ـ كولي عمي خل أسمع منك

ـ خطابه المهندس اللي اجه اشتغل بالسلف اجه خطبج من الشيخ بس ما انطاج گاله البنت محجوزه لأبن عمها ومنتهيه سالفته ..

ـ يعني طردوا

ـ يبعد عمچ أني قاري عيون ، وعيونج يلمعن كدامي
ارجع واكول لا تعبين رويحتج مامش أمل

فضه - أنا اترخص منك ، عفته وطلعت من القصر وأتمشىٰ بالزرع ورجليه وحده اطخ الثانيه ..

" عيوني تلمع بحبك يا أياد ، حُبچ مفضوح يا فضه
والعاشگه من مشيتها مبينه علامكم يا هلي ما عرفتوني گلبي يهوا فلان ما يريد غيره شصير لو توافقون وننحمع انا وياه عـلــىٰ حب الله ...

" بعد مشيه طويله ودرب ما معروف نهايته وگلب ينزف والعين تصب دمع باوعت الدرب بعيد عن القصر وأشوفن ابن عمي نعمان يصيح عليه من السطح بيتهم گريب القصر ..

" رجعت أتمشىٰ واجه هو صادفني

عزام ـ شعندج من الغبشه تفرفرين بالزرع

ـ وشعليك أنتَ

ـ فضه نبره صوتج لا تعلينها عـلــىٰ إبن عمج

ـ وإذآ ما نصيتها شتسوي هاا گولي شتسوي
تجرني من شعري وتاخذني لقصرك مثل الذبيحه

ـ إذا لزم الامر اي اخذج ، أنتِ بنت عمي وملگي

ـ عطت بي أني مو ملك احد افهم مو ملك احد
ساعه السوده أنودلت بهل القصر وصرت بنت عمك

ـ شهل الحجي فضه ، علامج شصاير وياج

ـ ضـحكت ورديت لو حجيت راح تفهمني أكيد لا
لأن انتوا بعمركم ما فكرتوا تسمعون المره شتريد وكله بيدكم زواجها وحياتها ومستقبلها

ـ أني أختلف عنهم وعد نتزوج أسكن بيت وحدنا مو بالقصر واخليج عـلــىٰ راحتج

ـ نتزوج من گالك أني موافقه

ـ غصبًا عليج توافقين

ـ لا مبين أنت تختلف عنهم ، خايب رد للقصر لا أمك تعاوزك وانوب تشوفونا واكفين سوا يردونها من الله

ـ بالج حسبه فضه أنتِ مو خاليه

ـ بعد عن دربِ ما دازه عليك خط مصخم

ـ خشمج الا أكسره وأعلمج شلون تحاجين أبن عمج ، امشي گدامي لا أسويج وصلتين

ـ ما أمشي لو تسوين جنازه ، گتلك بعد عن دربِ
احفظ كرامتك وأنت رد القصر أنا عندي شغل






ـ يصير خـيࢪ يا فضه عـلــىٰ هذا حجيچ راح يصير اللي يعجبج ويسر خاطرج من عيني يا فضه

فضه ـ گال العنده وراح يهدد المرعبل موت گرفگم
هسه انا ليش أنولدت بوسط ناس همج نفضت نفسي بقهر ورحت أكمل شغلي وأجت بثينه تعاوني وبهمس

بثينه ـ شعندج وجهج مگلوب ، إذا الشيخة شافتج
تنوحين وتلطمين تملخ رأسج عن هامتج ، أفردتي هالوجه وخل نكمل الشغل

فضه ـ ما جاوبتها بقيت أحجي بگلبي ..
الله وحده يعلم بالقلوب شبيها وشنو مأذيها وإلمن تهواه ، هالحب أنزرع بگلبي أتمرد بداخلي ويأكل بيه
صرت ما احس بالأنتماء لهل القصر ولا لـ الأهلي ...
______

شيخة

ـ كاعدين أني وامي واختي هاجر ونحجي موضوع فضه حيل إنقهرت عليها ، أهلها راح يدمرونها خطيه

بيادر ـ وليش يدمرونها رجال غريب عرفه ولفه داش السلف ويخطب بنت الشيخ طوفان ، عـلــىٰ أقل أبن العم حزام الظهر وعزام خوش زلمه ينشد بي الظهر

شيخة ـ فضه ما تريد عزام هي من يومها تكرهه عمامها ما تود قربهم شلون يزوجونها هي ما تطيقه بعيشه الله ، هذا مو يسمونها دمار

ـ لا مو دمار لمصلحتها هالشيء ، تطلع من قصر وادش بقصر وباجر يصير عدها خلفه وهالمال والحلال والدلال المن كله الها ولخلفتها ...

هاجر ـ صدك تحجين يمه واذا گلبها ما يهواه

ـ شني يولن يهواه شنو صايرات تحجن بالحبجيات
تزوج ويه الوگت تحبه ربج يزرع المحبه بعد زواج

شيخة ـ نفضت نفسها وكامت هزيت رأسي لـ هاجر بقهر شبيدنا عليج فضه شبيدنا الله يعينج ..

بيادر ـ رايحه اشوف الشيخه وهم بالي سالفه اريد احجي بي وياها

هاجر ـ يا سالفه يمه اذا سالفه زواج فدوه اروحن الج احجي وياها

شيخة ـ ضربتها عـلــىٰ رأسها وضحگنا وطلعت مستعجلة ولج هجوره شلون الشيخة مناهل تأخذج لأبنها عادل وهي بس تعيب عليج وعـلــىٰ شغلج ما يعجبها العجب

هاجر ـ أنا ادري امي مدري شبلاها تتأمل ، عوفينه من الزواج خلينه بشغلنه ، صدك عساف ما بين لحد الأن بغداد مو ؟!

ـ اي مع الأسف ما بين ، هالمره طـول بـ بغداد !!

ـ خاف شرد بريشه وبعد ما يجي يخطبج

ـ ليش اذا ما يخطبني أركض وراه تعال تزوجيني
لا تكومين تجفصين بسوالفج ، أنه رايحه اشوف فضه وأطمئن عليها ديري بالج عـلــىٰ الطبـخه ..

" طلعت لصوبهن وصلتهن كاعدات يشتغلن ويخلن المحصول بالصناديك ، الله يساعدجن ..
فضه شافتني وجرتني بعيد عنهن ونزلت دموعها گبل أجت حضنتني






شيخة ـ العوض عـلــىٰ ﷲ ، لا تقهريـن بروحچ

فضه ـ ما خيب ضني بي ، أجه وخطبني رفع راسي شيخة انا فخوره لأن حبيت المهندس بس هلي رفضوا وعزام المرعبل يريدني حرمه اله

ـ أووف عـلــىٰ الحظ وهسه شتعملين ؟

ـ مربطه إيديه وأياد ما بين منه اي شيء بعد
من البارحه ، وأمي تڪول عـلــىٰ الشتاء نزوجكم أنتِ وعزام حسموا الأمر بينهم ، الشيخ متقصد يستعجل بزواجي اعرفن بي من الشيطان يدخل برأسه ..

ـ فضه ما بيدج حل ، أهلج وكلنا نعرفهم ماكو غير تتقبلين الواقع وتوافقين عـلــىٰ عزام

ـ أوافق عـلــىٰ عزام ، صدك تحجين وهاي عود أنتِ صندوق أسراري وتعرفين بيه أحبن المهندس

ـ شگول الچ لعد ، الحب بالسلف صعب يا فضه صعب

ـ خلي نفسج مكاني ، لو واحد تقدم الج غير عساف توافقين عليه وتنسين عساف

ـ يمه الله لا يگولها.

ـ لا أدارين جنتج وتضحكين عـلــىٰ ناري

شيخة ـ انا ما اقصد هيج وين تروحين فضه فضه
مشت وخلتني أكيد زعلت شگلت انا شسوي مثلاً

" رجعت أعاونهن وفضه ما تحجي وياي تشتغل وهي صافنه وتشتغل بسرعه حل الظهر ونسفت السعف عـلــىٰ ظهري ودعتهن وفضه ما ردت ،

رجعت البيت مقهوره عـلــىٰ نفسي يمكن ما عرفت احجي واطيب خاطرها رفيچه عُمࢪي تمر بوضع صعب أنا ما اعرفن اسولف سالفه بيها خـيࢪ ...

مرت الأيام وأحنا ما نتحاجىٰ وهي دوم ساكته وجهه شاحب نوميه حتى ضعفانه حيل انقهر عليها ...
بثينه ديري بالج عـلــيها بالي يمها

بثينه ـ لا يضل بالج ما بيها شيء هي تجيها نوبات أطنگر علينه كلنا والبارحه تعاركت هي والشيخه
علمود زواجها من عزام وهل تشوفينها الكدامج

شيخة ـ ما حجيت جريت حسره ومشيت يمها فضه سامحيني حقج عليه ، أنا شنو بيدي عليج

فضه ـ عوفيني بحالي لا تكربين صوبي ، روحي واصله خشمي وأخافن أغثچ بحجايه ..

شيخة ـ عفته ورجعت گملت شغلي وخلصنه وهو ودعتهن ما ردت ، رجعت البيت ولكيت شاهين موجود وخالي وخالتي سماهر وامي فرحانه بس ما فهمت شكوو شنو سبب هل الزياره ؟؟

" بقيت بالمطبخ لحد ما راحوا واجت خالتي سماهر تبوس بينه وضحكت من شافت هاجر وراحوا رحت عـلــىٰ امي خـيࢪ يمه سبب هل الزياره ؟!

بيادر ـ الشيخه مناهل رفضتها وحجت عليها وربج دزلها العوض منه دام انتِ ما تردين الزواج هي راح تزوج

شيخة ـ اي بس منو !!

بيادر ـ إبن خالج الساڪن بغداد

هاجر ـ شبيج شيخة شو صفنتي






شيخة ـ هاا ، لا ما بيه شيء بس متفاجئه شهل السرعه
وبعدين مو على أساس خالتي جانت تريد شو صار أبن خالي ٠٠٠

بيادر ـ يمه شيخة تعالي أحجي وياج

شيخة ـ أي يمه مشيت وراها وقفلت الباب خيـࢪ أڪو شيء

بيادر ـ يمه أبن خالتج يريد يتزوج وخالتج سماهر گايلتله عليجن ولأن مريضه صدر وكايل لـخالتج يريدج الج ، وأنتِ بسلامتج ترفضين واني ما اريد اغصبجن

ـ بوستها من رأسها ، لا يمه فدوۿه لعيونج أني من أكون مستعده لزواج صدگيني أوافق بس حاليًا لا
لهذا خل هاجر تزوج وتمشي بقسمتها والله يسعدها

ـ أي ابن خالج صحيح جبير بالعمر بس موافق خالتج حاجيه اله ڪلشي بعد الله يتمم ؏ـلى خيـࢪ ٠٠

شيخة ـ وراح تزوج هاجر وفرحانين بيها بالأخص أمي لأن تزوج بالمدينه وتبتعد عن الحر والتراب والغبار علمود صدرها وهم المستشفيات قريبه ٠٠٠

" ڪاعده وحدي ، لأن امي وخالتي وهاجر راحوا لبغداد يجهزون بَسـہ أني وشاهين بقينا هو طلع لشغل
واني اخوص مكانيس ، وصفنت وينك عساف طول هالشغل بغداد حيرتني بشغلك وروحاتك كثرن

" عفت من أيدي ورحت لمڪانه الـيہ دائمًا نلتقي بي
حتـہ الڪاع أشتاقت لشمره أيدك وينك عنها
أطالع ڪلشي حواليه ، هيج بغداد حلوه وطولت
بيها ليگون شفت حبيبه وسرقت گلبك

" رجعت وحامله ؏ ظهري الذڪريات وخيبه الأمل
علقتني بيك وخليتني حتـہ بدون وداع أني صوجي
خليت روحي ويه ناس شايفين نفسهم ٠٠

" شلج يا روحُـــي بحبهم "

" دخلت البيت وفتحت شعري وأباو؏ عَليَّ وفتحت البوفيه صورته والهدايا مالته والقلاده الذهب شسوي بالهديا وانت ما موجود غطيت وهي الغطه ما عاد بينت ولا شفنه طولك بهل السلف وينك يا عساف

بهذاك اليوم من صدگت بجيت وأنقهرت لأن أشتاقيت اله وهواي وأحتاجيته ونسولف ونضحك يم النهر
أول مره يغيب هالڪثر من يوم العرفته وحبينا بعض وحبنا صار سنين ونظيف عرفت بي يدخن ما حجيت لان ما يقبلون من شاب يدخن الشيخ يعاقبهم ٠٠٠

من شده الشوق ننام ؏ صوره
____

" ناديه

ـ شلت جنطتي والبس حذائي ؏ السريع وابو الخط يدك هورن ثولني ، يلا يمه اني رايحه.

بديعه ـ الله وياج يمه ديري بالج ؏ـلى نفسج

ناديه ـ طلعت المدرسه وصلت متأخره مسوين أصطفاف شافني المعلمات وياي أبتسمن وكفت بصفهن وأباو؏ لطلاب وعيوني تناظرهم بحب

بدأ الدرس الأول اللغه العربيه لصف الثالث ابتدائي
يلا ماما طلعوا گتبكم ودفاتر اشوف واجباتكم كملتوها






الطلاب ـ أي ست كملنا

ناديه ـ عفيه بطلابي الحلوين ، بديت أباو؏ لدفاترهم وأشجعهم وأبتسم بوجوهم الحلوه وبعدها بلشت الدرس قبل لا ينتهي ويدك الجرس أنطيت واجبات الهم وطلعت وبعدها خلصت دروسي لحد ما انتهىٰ الدوام ورجعت البيت لڪيت أمي مخبوصه ادري شعندج هالڪثر مجهزه أڪل هو بَسـہ أني وياج وأخوي عمران .

بديعه ـ لا يمه عازم شريكه بالشغل وصديقه ، غيري ملابسج تعاي ساعديني

ناديه ـ حاضر ، غيرت ملابسي وبدينا نجهز الأڪل
وما فضت الهوسه للعصر من فواكه وترتيبات هلگت
طلعوا شفتهم من شباك المطبخ .

عمران ـ عساف باليل مر عندي موضو؏ وياك

عسـاف ـ أي تدلل اوصل خالي وأجيك

ناديه ـ راحوا ونظفت وراهم وكطوف الجگاير تارسه الاستقبال بعدني جاي انظف سمعت صوته بالبيت رڪضت المطبخ ودخل هو

بديعه ـ يمه سوي الهم چاي أني رايحه اتمدد تعبت

ناديه ـ اي يمه هسه اسوي ، حميت الجاي وخليت ماي وياه واخذته قبل لا أدك الباب أستوقفني كلام اخوي .

عمران ـ حجيت لـ الخالك عَليَّ هالنذل

عساف ـ حجيت گال عوفوا لحد يتحارش بي بعد

ـ منو متحارش بي بس يجفينه شره وما دخلنه بمصيبه وتروح سمعه المعمل ونروح تسعه بـ اسود

ـ هالايام باقي إهنا ما اروح اذا ما انهي سالفته والاهم بالسالفه ما يوصل خبر لشيخ

ناديه ـ فزيت من أنفتح الباب وشافني اخوي ونتر بيه

عمران ـ شعندج واگفه اهنا ما تبطلين هالعاده الوسخه ، يلا امشي منا .

ناديه ـ أخذه مني ، ورجعت وبالي كلامهم شصار وياهم ومنو هذا خايفين منه ، اخ منك عمران هسه انت شعندك داخل شراكه ويه صاحبك .

مر وقت وراحوا وشغلت بالهم سالفتهم ، هذاك الليل عمران ما اجه واني وامي بقينه على نار من الخوف والقلق حسبه تودينه وحسبه تجيبنه ، لحد الفجر يلا بين علينا واستقبلته امي

بديعه ـ وينك لحد الان وينك للفجريات يلا تجي ما تكول عندي أم عندي لطمينه تتنظرني ليشہ ولك

عمران ـ ؏ـلى ڪيفج يمه فدوۿه لعينج لا توگعين

ـ اوكع من قهرك وين جنت احجي بساع وين جنت

ـ والله ويه صاحبي يم خواله مو كتلج داخل شراكه وياهم بالشغل وڪعدنا نتناقش بـ أمور الشغل .

ـ ما تكولي شعندك انت تتدخل شراكه ، متزوج عندك جهال يأڪلون الوجه، شو بَسـہ اني واخيتك والحمدلله راتبها زين وبيتنا ملكنا شلنا بالشراكه ما وراها بَسـہ المشاكل .

ـ اعصابج فدوۿه رحتلج شو تعاي واسف وحقج عَليَّ وعد ما تتكرر بعد وعد

ـ لا وعد ولا رعد ، ولك عمير خاف شغلكم بي شيء خاف تشتغلون بالحرام ولك يمه لا تموتني ناقصه عمر ما ناقصه مصايب عمران استر علينه الله يستر عليك

عمران ـ يمه كولي يالله ، حرام شنو يمعوده هذا المعمل الشيخ طوفان فتحه لولده وخالهم وياهم واني هم دخلت شريك وياهم وهما ناس ولد حمايل ويخافون الله ، لا تسوينها سالفه ..

بديعه ـ لا ما اسويها سالفه يمه ، بس أخاف عليك أنتَ وحيدي وأخواتك يباعن عـلــىٰ طولك منو النا من بعد ابوك المرحوم ..

ناديه ـ اخذها بحضنه ويواسيها عفتهم دخلت غرفتي صليت الفجر وبعد عيني ما اخذت نوم الصبح نايمين ڪمت سويت جاي وتريگت وطلعت الدوام .

واگفه أنتظر الخط عبرت سياره من يمي بيها اثنين يباوعون على واجه بيتنا وأنتقلت عيونهم علي ما اهتزيت بقيت على وڪفتي وراها شخطت السياره وبس التراب وراهم ، وصل الخط وطلعت المدرسه

مرت الايام جانوا اخواتي يمنا مجموعات كلهن ثلاثتهن وصلونهن رجالهن وراحوا والجهال يلعبون بالحديقه ما حسينا غير رشگه أطلاق ناري على الباب وطلعنا نتراكض وحده تضرب الثانيه والحمدلله محد تضرر جروح بسيطه اختي انصابت برجلها وبنتها طلعوا للمستشفى وبقيت اني واختي والجهال والجيران التمت والدنيا انخبصت واخوي ما بين ولا شفناه

نورس ـ لو بَسـہ اعرف زلمه البيت وينه ، الدنيا انكلبت هو ماڪو اخ منك عمران اخ

ناديه ـ بقينا ڪاعدين واختي والجهال يبجون ع امهاتهم ودخل عمران وبلش الڪلام واجو نسابتنه ونزلوا علي ما هدئت الإوضا؏ الا اجت امي وجهه اصفر وگلبت عيونها ع عمران

بديعه ـ هالشغل هذا تعوفه وتصفخ الشراڪَه بينك وبين عساف وخواله الصار اليوم الله ستر جان رحنا بيها

عمران ـ مثل ما تردين صار

ناديه ـ راح وهم تاخر وتالي رجال اخواتي حجوا وياه واليه فهمته صعب يفصخ الشراڪه . اتفقوا
بينهم واني وامي ميتين خوف ما شفنه خيـࢪ من هل الشغل .

" لليل اجه صديقه عساف وضلوا يحجون وكلشي ما سمعت تالي رجعت نمت ، ومرت هالايام ورجعت اداوم بعد ما خلصت اجازتي وعمران بلغ الشرطه
يعني نكول عليك الامان والفرع مليان شرطه .

" دخلت الدرس وبلشت ادرس بيهم وانطيتهم واجبات قبل يدك الجرس واحد دك الباب
شگله ڪبير بالعمر يباو؏ اليـۃ ڪأنما يعرفني

شاكر ـ أنت ست ناديه أخت عمران

ناديه ـ نعم منو حضرتك والمن رايد

شاكر ـ سلامتج عيني يلا طلاب سلام يا حلوين

ناديه ـ رفع أيده وضحك وغمزلي ومشه يفر بسبحته
هذا منو وشيريد ، دك الجرس مشيت الادراه سالت المعاونة عفوا ست رفل منو هالشخص وشلون دخل

رفل ـ ليشہ مو گرايبج هذا

ناديه ـ گرايبي !! يمعوده شتحجين أنتِ اصلا ما اعرفه ولا بعمري شايفته






رفل ـ اجه گال أني گرايب ست ناديه سأل عنج گتله ادرس طلاب صف ثالث ومشه

ناديه ـ عفتها ودخت بهل السالفه منو هذا اروح للبيت وأبلغ اخوي احسن شيء .

" مر وقت وخلص الدوام وصلت البيت بعدني أتمشى برأس الفرع لان ابو الخط ينزلنا اهناك
حسيت احد يمشي وراي التفت ماڪو رجعت امشي والتفت سريع نفس الشخص شافني غمزلي ، خفت أباو؏ الشرطه موجودين بعدهم .

" وصلت البيت نفسي سريع فتحت الربطه صحت امي يمه يمه تعالي بسرعه وياي اجتني

بديعه ـ شڪوو ولج

ـ امشي فتحت الباب وباوعنا واكف بسيارته بعد عن بيتنا كم متر ، هذا الشخص دخل المدرسه بكل عين صلفه وكايل اني كرايبها وفوق هذا كله من اجيت يمشي وراي ومراقبني منو هذا وشيريد مني

بديعه ـ والله يمه ما ادري منو هذا يراقبج ، امشي دخلي منين طلعت النا هالسالفه ، اكيد هذا من شركاء اخوج
وعساف ورطوا نفسهم بهل الشغل .

ناديه ـ احجي وياه وفهمي السالفه ، جايني المدرسه ولطش نفسه اني كرايبها ، ترىٰ نهايتنا على أيد ابنج

" دخلت سبحت ولليل يلا اجه اخوي عمران وامي حجت اله ڪلشي بالحرف الواحد ، بين طبع ما نضم شيء عنه خاف يصير شيء لان هو زلمه البيت ابويه متوفي عندي 3 أخوات واخ

عمران ـ شلون شڪله

ناديه ـ وصفت شڪله وهز رأسه وشال السويج وطلع
ما اجه لنص الليل وياه عساف دخلوا الاستقبال وامي اخذت الهم الجاي ما كدرت رحت وكفت اسمع كلامهم

عساف ـ هذا شاكر النذل لعد وصلت بي يراقب المحروسه اختك ليا خسيس ، صوجك انت عفت الاوادم كلها شاركته
شوف شصار قبلها صار هجوم وهسه اختك

عمران ـ شمدريني غير خالك سأل عنا شمعرفني واحد عصابجي وشراب عرك

ـ وهسه شنو ناوي تصرف

ـ دايخ ، اني ڪلشي ولا اهلي وبالاخص اختي ناديه
هاي العزيزه والغاليه ، والحقير كايل اني كرايبها داخل الصف بكل عين وقاحه هل النذل

ـ عوفنا من عاطفتك عمران
خلينا بالمفيد يعني بالمختصر خل المحروسه تترك وظيفتها لان هذا واحد شراني

ـ شنو تترك وظيفتها بابا شتخرط انت ، وبعدين احنا شنو شغلنا اروح اشتكي عَليَّ وانعل والديه . والشرطه موجودين بالفر؏ يڪدر يگرب صوب البيغسل
عساف ـ اي يگدر خايف منك لو من الشرطه ، وتعال كولي عليمن تشتكي شنو نسيت ورطنا بـ بضاعه بيها صخام والحمدلله كشفته ولحكنا عمرنا وطردته خاف يسولنا سالفه وتطيح سالفه المعمل وابوي يعزيني ويعزيك ، شغل مخكك عمران

ـ واختي شنو ذنبها

ـ هو يريد يكسرنا مثل ما طيحنه حظه واحد شراني ما يسكت وانت ما عندك شيء بس اختك خل تترك الوظيفه

ـ مستحيل خطيه يمعود تعبها هذا شلون تتركها خبل انت

ـ جاهل انت هذن النسوان كافي عليهن يعرفن يقرن ويكتبن هسه مو نسوانا حدهن رابع خامس وهذا هو
هم بطران وظيفه شنو ، بابا هذا عرض واذا لعب بعرضك خل تفيدك عود

ـ لا تلوص بسوالفك ، أني اختي تعبان بدراستها ولا تنسى مستقبلها هذا شنو ذنبها علمود غلطي هي تتحمل النتائج

ـ غصباً عليها تتحمل النتائج لان أنتَ أخوها ، الوظيفه تروح وتجي ، بس إذا انلعب بعرضك تگدر تسگت حلوك العالم ، لو تأذيت احد يعوض مكانك .

ـ عساف لا تخبلني اني بدون شيء عقل ما ضل براسي ، أنعل ابو الشغل وساعته شورطنا وشاركنه
طاح حظنا والله ، انوب ما نكدر نحجي لان بضاعه تصدرت من المعمل مالتنا وعليها الختم .

ـ لعد أسمع مني وسوي الـيہ گتلك عَليَّ ، لا تباو؏ هيج ماڪو غير حل

ـ أحجي ويه خالك يطلعنا من هل الورطه .

ـ أنت غبي

ـ اي غبي ، يمعود عساف خل نفض السالفه بدون اختي خطيه يمعود هاي نثيه روحها بوظيفتها وطلابها اموت وما اكسر بخاطرها ، عساف عيني انت

ـ بعد بعد تمسكن وأكعد ابجي ونوح مثل الحرمه علمود اختك ، طاح حظ الزلم هاي كلها علمود مره لا راحت ولا جت
بابا شبيك هي مصيرها اول تالي بالبيت وتعجن وتخبز غير بطران انت .

ـ انت تحجي هيج ، وهي درست اجيال

ـ درست اجيال ، تعال شوف حريمنه يحمدن ربهن ع عيشتهن ، عمي انتوا تنطون عين للحرمه

ـ هسه ما علينا من هالحجي ، شسوي

ـ جنت اكل نعل قبل شوي وارطن ، انت الثور لو اخوه شبيك ما تفهم ، بالبدايه عرضك وبعدين الله كريم ، يلا اني اروح وانت فكر زين ، والصبح اجي

عمران ـ الصباح رباح ، عود تعال من وكت

ناديه ـ راح وركضت لغرفتي وشهگت وين مأخذ عمرك عمران بهل الشغل هذا قحط شغل الا شراكه وطيحان حظ الله يستر ..

يَتبــــع ___

روايه ـ جريمه ١٢ أيار

#البارت_٨_

ـ طول هالفتره المرت أخوي دوم مشغول ويروح ويجي وياي لـدوام وماخذ كل تفڪيري أحسه تورط
بهل الشغل وحاير شلون يخلص نفسه ..

" دك الچرس الدرس الأخير وشلت جنطتي وطلعت المعلمات وياي راحن بالخط واني ما رحت لان أخوي منع الخط هو ياخذني باوعت شفته ينتظرني ..

عمران ـ شلون الدوام خوما تعبانه

ناديه ـ دوام اكيد تعب بس متعوده ، أي انت شلونك
" وجهه تغيرت ملامحه خـيࢪ صاير شيء إنوب

عمران ـ لا ماكو شيء خل اوصلج واطلع لشغل عساف ينتظرني خطيه هالفتره الشغل كله برأسه
حتى لأهله ما رايح ..

ناديه ـ وصلني البيت وهو راح ، أستقبلتني امي

بديعه ـ وينه وين راح الشالع گلبي ، لشغل مو

ـ اي ، عوفي براحته شتسوين يعني تربطي بحبل يمج حشه قدره ، يمه عمران گبر مو طفل تبقين تتحكمين بي

ـ مو عن شيء ، بس هالشغل گلبي مقموت منه ما مرتاحه وهذا عساف وخاله مو خالين رايحين جاين عليه وأني هٰــذا الشيء ما يطيق اليه ..

ـ ترىٰ عساف صديق العُمر هو وياه ، شبيچ قالبه عليَّ

ـ من جاب هالشغل ما ادري ما مرتاحه
امشي جهزي الغده لما يجي هو

ناديه ـ ماشي ، رحت سبحت وصبيت الغده واجت امي گعدنه ، تأڪـل وعينها عـلــىٰ الباب ودخل هـو

عمران ـ تأڪلون بدون ما تتنظروني ليش هيج ليش

بديعه ـ شعجب ما جايب حرمتك وياي

بالاستغراب !! ـ حرمتي منو

ـ عساف ابو طويله بكل شارده وارده هو موجود

ـ يمه شبيج وياه والله خوش رجال وصديقي من عمر

ـ وأطلاق الناري بسبب منو مو بسببه هو الشغل مالته

ـ هالموضوع ما ينسد

ناديه ـ تعصب وضاج وعاف الأڪل وامي تهز برأسها بقهر منه ومن أطباعه ، لملمت الهوسه وغسلت البيت
وكالعاده بقينه ننتظره أني وأمي وما بين ، يمه ما يجي گومي أگلي لكمه خوما تبقين كاعده تنتظرينه

بديعه ـ صبي الأڪل هسه اجي

ناديه ـ خليت الأڪل بالصينيه واخذتها الها وكعدنه نأكل وأندك الباب ، كايمه اشوف منو لزمتني امي

بديعه ـ وين تردين اني اشوف كعدي مڪانچ ..

ناديه ـ راحت وطلعت وراها وحسب الصوت الفهمته هٰـذا عساف توني ردت أدخل دخل هو گبل طفرت للمطبخ بقيت أنتظر امي اشوي واجه عمران

عمران ـ سويلنه عشه وياه الچاي

ناديه ـ اي حاضر ، دخل وصادف امي ما باوعت بوجه بس گالت اليه

بديعه ـ سوي الهم الأڪل وروحـي نآمـي وراج دوام اللي جوعان يجي بيته يأڪل حاله حال العيال ..

ناديه ـ مشت واني جهزت الهم العشه وقوري الجاي واخذته الهم وبقيت انتظرهم يخلصون ٠٠٠

" والفضول أخذني أتسمع الهم

عمران ـ ليش ما تحجي لابوك ويفضها إلنا ، ليش عايشين بخوف وقلق

عساف ـ منو خايف ؛ أنت !! ..
اني الخوف مو يمي ولا اعرفه شيسوي قابل هو زلمه وأنا زلمه وأخو اخته اللي يگرب صوبي ويمسني بشعره چيله وافرغها براسه وانعل والديه

ـ سوالف السلف خليهن الك مو وكتهن تنفخ بروحك
إهنا الوضع يختلف وهذا شغل وياه مصيبه ورطنه عمرنه وأنا خايف عـلــىٰ اختي

ـ انا بكل وقت هيج جنك ما تعرفني ، وبعدين اضن موضوع المحروسه أختك حجينه بي بس انت عاجبك تبقى مثل الحرمه رايح راد وياها

ـ شتريد اسوي عساف ، اخاف أحد يمسها او يأذيها
وكلامك اللي حجيته فارغ وكل معنىٰ ما بي

ـ يعني ما تخليها تترك وظيفتها

ـ مستحيل أحرمها من وظيفتها هٰــذا تعبها وحلمها
اخواتي ما عدهن غيري تريد مني أكسرهن

ـ طاح حظك عـلــىٰ تفڪيرك وبعدين هٰــذا الشيء لمصلحه اختك المحروسه عود ورىٰ كم سنه خل ترد

ـ موضوع وظيفه اختي عوفها لخاطر الله

ـ لعد اني رايح ولا تحاجيني بعد ، بس من يخطفون اختك ويأخذون اللي يردونها ويشمرونها هذاك الوكت خل تفيدك وتفيدها الوظيفه

ـ عســـــاااف شتحجي أنتَ ، أياك ثم أياك مره ثانيه تحجي هالحجايه فاهم

ـ تفكيرك محدود مع الاسف ، فكر بعرضك وبنفسك
عمران أنتَ لازم تعوف بغداد هالفتره هٰــذا مخلي الشر بين عيونه

ـ عــــساف شبيك انت وين اعوفهم اهلي يمعود
ما إلهم غيري لا تخبلني

ـ هي فتره وتمر لما نحلها ، أكولك ترى سگلتني
شبيك مثل العميه ما تفهم لازك بااختك وظيفتها وناسي نفسك ، انعل الوظيفه وخيرها

ـ لا إله الأ ﷲ ، هم رجع عـلــىٰ الوظيفه ..
أنت دماغك شنو محشه تبن

ـ لا محشىه مخ شغال أربع وعشرين ساعه
من احجي ودمي محروك عليك لأن العرض غالي

ـ بس هو مشگلته ويانا شعلي بأاختي ، ليش يحوم حواليها وأنت خبلتني بكلامك

ـ يردها إلنا شلون ، إحنا طيحنه حظه تدري لو لا وشاكر شخص ما يخاف الله وعنده الگسره شربه الماي يكسرك ويطيح حظك ويختفي وما تلگي اله أثر وأنتَ أبقىٰ الطم مثل الحرمه

ـ والحل

ـ أنتَ تعبتني مثل العميه لا تحط ولا تنط

ـ عـــسـاف احترام لا أكوم الك

ـ تعال اسويك وصلتين ، يابه حرگت دمي حرك
اني راح انطمر بيت خالي بدون شيء گلبي نار عـلــىٰ السلف حيل مشتاك الهم ، يلا الصبح اجي

عمران ـ ﷲ وياك ..

ناديه ـ راح وبهت حيلي رجعت المطبخ ودخل اخوي وشافني صد بصفحه ، همست أنطيك روحي مو بَسـہ وظيفتي ولا شعره من شعراتك تنمس أو تضرر
باو؏ وحضني بَـڪل قوته تمسگت بي أخوي يبعدي
النفس مالتنـَہ أنت السند والعافيه اللي تريده صار

عمران ـ عسىٰ ما انحرم منج ، روحي نامي وأرتاحي
وظيفتج ما تعوفينها الصبح يصير خيـࢪ ٠٠٠

ناديه ـ ؏ـلى امرك ، رحت الغرفتي والنوم ما زار عيوني الليل گله أتگلب للصبح ڪعدت ونظفت البيت وعمران ڪاعد والدخان حواليه يدخن جگاير ودايخ

أندك الباب وباو؏ اليـۃ ، مشيت للمطبخ ودخل عساف وياه زلم أثنين وشيخ !!

" رحت ڪعدت أمي ودخل عمران ويباو؏ بنظرته مليانه حزن وحجه ڪلشي وصدمنا مَـטּ گال ؟!

عمران ـ راح تزوجين عساف

بديعه ـ شمعنىٰ وليش هالسىرعه احجي وفهمني

عمران ـ تزوج عساف وخلص بعدين احجي ، يلا جهزي الضيافه

ناديه ـ عمران اني ما أريد اتزوج

عمران ـ تزوجين وتنسترين بيت زلمتج وأمن عليج ويرتاح بالي احسن خيتي ، تردين راحتي وافقي

بديعه ـ شتسوي براحتك ، اريد راحه بنتي ما جايبتها من الشوراع أشمرها هالشمره ، بنتي عزيزه عَليَّ فاهم

عمران ـ يمه أنتِ تعرفين شيء واحنا نعرف شيء
خل هل الزواج يمر على خيـࢪ

بديعه ـ دام هيج اخذ بنتي واروح يم أخواتك وابقى انت وشغلك هذا خل ينفعك عساف

ناديه ـ لا يمه ما نعوف عمران

بديعه ـ لعد تزوجين بالتختل وعالسريع ما افرح بيج مثل اخواتج خوما ضاله بالدار لو فاتج القطار .

ناديه ـ وإذا إبنج وحيدج تأذىٰ

عمران ـ ناااديه

بديعه ـ اسم الله شنو تحجون إنتوا ، يمه عمران فهمني السالفه ، أكعد وليدي أكعد امي انت

ناديه ـ كعد وسولف الها وشهڪت وباوعت اليـۃ بحزن عارفه ما بيدها شيء منا وظيفتي ومنا تخاف عَليَّ وعلى اخوي عمران

عمران ـ واذا تزوج ما تخسر وظيفتها وهما خوش ناس واصل وفصل ونسب ونعم تنعام منهم ، صحيح هسه بس بعلم بيت خاله ، بين ما يحجي والشيخ ويحطهم امر الواقع ويتقبلون ومناك عود ادرس بالقريه مالتهم .

ناديه ـ عفتهم رحت جهزت الضيافه وقويت نفسي
خلص ناديه لخاطر اخوج وحيدنا وروح امي هذا

" مر وقت واجه عمران وعقدوا النا واجت امي تبوس بيه وتبجي وبلغت اخواتي وبلشن يجهزن بيه
وعقدنا محكمه واشتره غرفه بيت خاله أسكن كل هذا وبعدنا عايشين بخوف .

اليوم حنتي امي عزمت الجوارين واخواتي وعزمت معلمات وياي وسوتلي احلى حنه وفضت الهوسه
الى يوم اجه يزفني عمران لصديقه ويطمئن عَليَّ
بدله وصالون وزفه بَسـہ سيارات قليله وصلنا البيت هلاهل كم مره والجهال گبل دخلونا الغرفه بقيت
واكفه وعلى وجهي البرگع وجسمي يختض من الخوف ، تقرب هو ورفع البرگع وبقه صافن بوجهي

عساف ـ مبروك

ناديه ـ الله يبارك بيك

عساف ـ تعالي

ناديه ـ اخذني من ايدي وكعدنا على الجربايه وفتح التسريحه ويباو؏ لشگلي ويبلع ريگه عبالك بعمره ما شايف مره ، اني ميته خوف وهو مثل الاسد نافش روحه وقربني اله حتـہ ما صلينا گبل اخذني .

سبحت وأجيت صليت وحدي وهو يدخن ، لميت السجاده ، تصلي

عساف ـ هسه اصلي ، امشي نتعشىٰ

ناديه ـ طلعت وياه ، بالبيت ماڪو بس زوجه خاله
ما عدهم احد ولدهم مزوجيهم ڪلمن بيته وحده هذا الي فهمته منه ، بقيت اشهر عايشه وياهم وهو لليل يلا اشوفه ٠٠٠

" منتظرته يجي واحجي وياه علمود وضعنه لان مليت وهو ولا باله ، أجه ذب شماغه وتمدد

عساف ـ خـيࢪ مبوزه شبلاج

ناديه ـ عساف يمتى ناوي تحجي لهلك عن زواجنا
مو لازم يعرفون

ـ جيبي ولد وهذاك الوكت اذا عرفوا ما راح يعارضون

ّ ـ والولد شعلي

ـ جنج ما تعرفين الـشيخ طوفان والشيخه مناهل
الغريبه حيه بالقصر ما يلفون غرب عدهم الدم بالدم
وإذا صارت غصب عنهم ينبذ من القصر ومن الأهل

ـ وإذا خلفت ولد

ـ أنتِ أحبلي والله كريم

ـ إذا خلفت ولد شيصير

ـ شيخة الشيخات وتنحطين عـلــىٰ الرأس ومگانتچ عزيزه عدهم

ـ ليش تفرقون بين الولد والبنت وهما نفس الشيء

ـ لا مو نفس الشيء وخليها بالج بنات ما اريد
اريد بس فحول بس زلم

ـ راح وخلاني ، شهل العقليه العندك عساف وين داخله اني يا عائله شهل الهمج والتخلف والبنات زينه الحياة ، الله يرحمك بابا جنت تكول الحمد لله الله رزقني بنات وترس روحي عافيات ..

" بقيت بغرفتي ودخلت مرت خاله إسمها منسيه

منسيه ـ عيني خاله گومي طلعي شمي هوا تبقين بالغرفه حابسه عمرج ما يصير يا أمي

ـ خاله أحجي ويه عساف خوما نبقىٰ هيج مو حال حالنه

ـ وشبي حالكم يمه ، خوما تشگين كولي يمه عـلــىٰ بختج خوما بدر قصور منه

ـ أجت گعدت بصفي ، لا خاله تسلمين كل قصور ماكو
بس لازم اهله يعرفون بزواجنه عبالك باگين واني غايبتلي وخايفه احلل واطلع حامل