قصص واقعية ، 🌸 '

لا مايصير تريدها تجيب منا وتاخذ بزرك منا
وطلگها شنهي ماعندك مخافه
الله شتريد العالم ادگول علينا ساده
ومايعرفون حدود الله

جتفت ايدي ليوره ورديت ببروده

سيد راح اريحك واريح راسي لا هي
ولا بزري اريده خلي يمها نفسي بعد ماتريدها لاهي
ولا خلفتها

هااي شجاي تحجي يمه شلون تعوف ضناگ
شلون ينطيك گلبك تسوي هيج

استغفر الله ياربي اگول اريده ماترضون
ارجع اگول مااريده هم ماترضون شتريدون
اسوي

رجعها للشوگ ولم ابنك بحظنك

عاينت لابويه بترگيز كمل بغضب

هي خطأت صح بس انت هم بديت غلط وياها
ووي اهلها

وانه مااريدها تجبرني عليها بويه
مره جدامك وتجبرني على شي مااريدنه

يمه دحگ عليه رجعها لخاطر ابنك

مااريدها لا هي ولا ابني وسدو هاي
السالفه رحمه لاهلكم

ولك يمه حرام عليك تذبه عليهم شيگولون عليك
مو رجال ومو كد المسؤوليه

من سمعت امي حجت نفس كلمتها تخبلت
وضربت المعرض بوگس صحت بخبال

ااانه رجال غصبا على اايحجي رجاااال
شوفيني جدامج رجااال

حجيت بخبال واني اضرب على صدري
واگول

شوووفيني يمه رجال غصبا على الكل
وشوووگ مااريدها بعد لا هي ولا ضناااي

ماانتظرت جوابهم مشيت من يمهم
وطلعت من البيت

شوگ

نايمه بغرفتي وصافنه على حالي فرحتي
الجنت اريدها ويا صارت بس بعد ماتطلگنا
لو ادري بروحي حامل جان مارحت علي ولا
حجيت الحجيته

الندم اگلني وكرهت روحي لان تسرعت
بروحتي علي،،،دموعي نزلت ومسحتها درت وجهي
من سمعت اهلي يحجون بصوت عالي كمت
وطلعت من الغرفه وكفت يم الباب الداخلي
مال الهول وسمعت ياسمين حجت

شلون مايريده اكو واحد يعوف ضناه

امي جاوبتها وهي تبجي

اي يمه هذا الدگ على الحديد فطره
وخله گلبه يبرد من يمها وشوفي حتى ضناه
بعد مايريده

سدوا هاي السالفه طلعت منه مو من عنده
واريد الرجال من تجيب شوگ يجي ويگول اريد
ابني

حارث حجه بعصبيه وهشام صاح بي

ااسكت لخاطر الله محد هجم بيتها غير انت
ظليت ادگ على راسها اطلگي عوفي
شفتي شسوه بينا وباخوتج
هذا غدار وماله امان مو هذا حجيك
افندي مو هذا الي ظليت تحجي وياها الما
خليتها تروح علي وتطلگ

اانت ماشفته شسوه بيتنا هد علينا اكثر منه
مره وطلع دمي وفوگاها كل فتره يهدد بينا
يشيلنا گلنا من البيت تنگر انت هم هددك

ماانگر بس الواحد بلحظه الغضب كلشي يحجي
وهو ماسوه اي شي من تهديده يعني جان بس يريد يخوفنا ويخوف شوگ
حتى ترجع اله

سمعت ابويه حجه وجان صوته مخنوگ

سدوها لهاي السالفه لاتروح تجي وتسمعكم
اختگم تعبانه ومو مال مشاگل واذا سجاد ماراد
ضناه احنا نريده ونريد بنتنا ويا

دموعي نزلت ،،،،،ايمن طلع من يمهم
وجهه مطعون ومقهور
صفن بوجهي درت روحي ومشيت

رجع گال

يابه شوگ سمعت كل الحجي

طبيت لغرفتي وكمت اشهك بالبجي
جنت متأكده هو ماراح يرجعني وماانصدمت بهذا الشي لان،،، اعرف بروحي شسويت اله
جرحته جرح
جبير وراح يظل يدگ بگلبه طول عمره
الصدمني ومرد روحي هو ابنا الي ماراده
عرفت كرهني وكره حتى ابنه،،الي بعده مااجه
للدنيا ولا شافه،،،،،

امي طبت للغرفه ووراها ياسمين
صفنت عليهن وضميت شهگتي بصدري
باوعت علي بقهر ووجهها مطعون
طلعت شهگتي بصوت قوي
صرخت

اااخ يمه اااخ

اجتي عليه وختلت بحظنها وكمت ابجي
بصوت قوي

سجاد

رگبت سيارتي وطلعت من بيت اهلي
ولو بأيدي اطلع،، من العراق گله

اروح لغير بلد ارتاح هناك واخلص
من هاي الملحه
الي كلما اطب البيت تنفتح اعرف اهلي ماراح يعوفني بسلام مادام شوگ
طلعت حامل

گلبي ماهزته هاي السالف ولا فرحت من سمعت
بيها هي حامل لان الفرح بعد ماله
مكان بگلبي من وره السوته

مردت الستيرن بأيدي بقوه جزيت على سنوني
من تذكرت نظرات الشماته بعيون
اخوتي قبل ولد عمي حجيت بغضب

ااخ ولج تعرفين نقطه ضعفي وكسرتني
بيها ووجعتني والوجع دگ بالعظم
چويتني پايدج وخليتي جرح جبير
بگلبي

القسوه تلبست بيه وقفلت وگلت
لو تخلي روحها بأيدي بعد مااريدها وحتى ابني
مااريده لان راح يذكرني بيها وبالسوته
بيه لان اذا رجعتها لخاطره معناها خسرت كرامتي
واصير مضحكه للگل والناس بعد ماتحترمني واولهم عمامي وولدهم،،،،،،،انه مرتي تطلع ساعه
3بليل وتركب وي دوريه وتشرد مني

اااخ اااخ يابويه وماكافاها السوته لااا
اجتي ووكفت بعين صلفه وحجت

سكتت ولميت ايدي بغضب جنت
اعرف بروحي اذا رجعتها ،،،،،، راح اذيها
جسديا ونفسيا بس تصير چدامي

السفر اجه من الله من دزني العميد لتركيا
حتى استلم ارهابيين اثنين من جماعه
الحوت سافرت انه ،،،،وعمر ووصيت
حسين وكرار ابن اخويه على بكر واهلي هم

بكر

كاعد بالكرسي مالتي وصافن على كل
زاويه من زوايه البيت
اسمع ضحكه اسيل ورگض جهالي بي
ادير راسي من المح طيفهم يخطف منا ومنا

اسيل وينج فهد بابا وينك انت وقيس
ليش عفتوني وحدي ليش مامتت وياكم
ليش يااربي مااخذتني وياهم

غصيت واختنگت لزمت گلبي وفرگته بقوه
وكملت بدموع

607 views17:01