اي حارث هو هيج كلي وهاا كال خاف احد يتصل عليكم يريد فلوس حتى يطلعهم لاتنطون تره ولدكم ماعدهم شي وشغلتهم يمي وراح اطلعهم بس اخلص تحقيق

ياارب يالله

هشام حجه بفرح وحارث وكف وكال

ياارب يطلع هذا الحجي صدگ

شفت الفرح بعيونهم كلهم ومااعرف گلبي ليش برد
وصارت عندي ثقه اخوتي راح يطلعون عن قريب

سجاد

النهار كله مارجعت لبيت اهلي لان اعرف
الربع بعدهم هناك اخذت غده وطلعت للشقه مالتي
سبحت وتغديت وراها نمت نومه ثگيله
كعدت الدنيا ظلمه وجهازي
يهتز عاينت اله وشفت
بكر متصل

جاوبته وانه اثاوب وسمعته كال

هاا عبالك كعدتك من النوم

اي والله جنت نايم وطامس بسابع نومه

الك خلگ تجي لمطعم نارة عازمك على العشه

اي راح اجي ساعه واني يمك






يله انتظرك

سديت الخط من يم صاحبي ودگيت على الحجيه لان. جانت متصله اكثر من مرة هي وشروق
طمنتها عليه وانطيتها خبر اتعشه وي بكر
كمت ولبست بنطلون اسود وقميص رصاصي طوخ
لبست ساعتي وشلت سلاحي وخليته ليوره رشيت من عطري وطلعت

وصلت وره وين من وره الازدحام
طبيت للمطعم وكفت اعاين وين كاعد وشفته يأشرلي من بعيد اشرت اله وانتبهت مجموعه بنات ظلن يباوعن عليه

مادرت بال،،، ومشيت لصاحبي كام بوجهي
وسلمت علي

هلو بگر شلونك

الحمد لله زين انت شخبارك

كعدت اگباله وجريت جگاره من الباكيت ورثتها
وجاوبته

عاايش والحمد لله

طلبت مشاوي اليه والك

حجه واشر لولد يجهزون طلبنا

عيوني راحت للبنات
الي كل ساع وحده تندار وتعاين علينا

بكر حس ودار روحه شافهن وضحك

ها اشوف نظرات الاعجاب تحيط بنا من كل جانب

ابتسمت وجاوبته

جا شلون غير حلوين وانطگ الكاع

صاحبي هم اشگر والعيون عسليه بطولي ويلعب حديد مزوج عن حب وعنده ولدين وبنيه
وماله شغل بسوالف الحريم

عدل روحه وحجه

شلون وگت هذا وشجاي يصير بهل الدنيا
بوگتنا البنيه اذا شافت ولد يباوع عليها تخجل وتحير وين تضم روحها

اخذت نفس اللخ وجاوبته

تطور بوويه بعد كم يوم نشوف البنت هي الي تجي
وتخطب الولد بس هاا ترة مو كل اصابعك سو
بعد اكو بيهن الثگيله والي تخاف الله باهلها
وبروحها

صاحبي هز راسه بأي وسالني على عباس
حجيتله الصار وشنو سويت وهو جاوبني

هذا يردله گرصه اذن قويه حتى يحترم الرتب الاعلى منه

عوفه يجي وگته بعدين

جاوبته بدون مباله وهو سكت للحظه وسألني

والبال شلونه ماصفى

رجعت ليوره وسندت روحي وجاوبته

شنو قصدك

انت تعرف شأقصد

سكتت وهو كمل

ماكو جواب منك وهذا معناه هي بعدها بالك

وماجاي تروح

جاوبته بحسره وكملت

وين مااروح اشوفها كدامي اليكول جني
وتلبس بي

سكتت وعاينت اله وكملت بقهر

انه سيد وابن سيد واريدن سيد يقرالي
لان هالبنيه تلبست بي وكمت اشوفنها بكل گتر وزوايه






حجيت الي بگلبي وسكتت اخذت جگاره اللخ
ورثتها واخذت نفس هو جاوبني

سجاد انت تعرف كلش زين هي مستحيل تصير الك
لان تعرف بنفسك شسويت الهم

رفعت راسي وذبيت حسره وهو كمل

يعني اول وتالي انت لازم تنساها وتعيش
حياتك مثل الاول

مااكدر بكر اني اا،،

ماكملتها ولا كلت احبنها
رجعت ليوره وفرگت وجهي بقوه

اااخ منك جنت اكلك يول شوكت تحب وتزوج
شوكت نفرح بيك ومن صارت رحت حبيت
وحده انت بالنسبه الها عدو واذيتها جثير من اخذت اخوته وخليتهم بالسجن

ذبيت حسره من سمعت بكر شحجه وظلت كلمه العدو ادك بگلبي

شوگ
الليل صار وكل واحد راح لغرفته
حسينا بهذا اليوم براحه والقلق شويه خف علينا
لان صار عدنا امل بكلام الولد الي خابرنا

طلعت بليل واني شايله جهازي ورحت اتأكدت من الباب قفلت وتمشيت للحديقه كعدت على قنفه
موجود هناك
بالي جان يم هذا الولد الي خابرنا وطمنا على ايمن وايسر حجيت وي روحي واني صافنه على رقمه

اخابره اشوف شوگت اخوتي يطلعون

لاا خلي اكعد واسكت
خاف الح علي ويضوج ويسوي شي لاخوتي

زين خلي ادزله رساله

كتبت بسرعه

مرحبا اخويه اني اخت ايسر وايمن عفيه بداعه امك
اخوتي شوكت يطلعون الله يخليك طلعهم والله ماعدهم شي عليك الله عليك العباس ابو فاضل
رد وريح گلبي

ماانتظرت حتى مااتردد راسا دزيتها اله
انتضرت يجاوب ماكوو مرت الدقائق وماكو جواب
ذبيت حسره ورحت للفيس گلبت بي شويه وبالي يم الرساله وجوابها

وره ساعه كمت وطبيت جوه واني احس بضوجه
لان ماجاوبني لبست دشادشه النوم ورحت غطيت
حنونه بغطه خفيف

تمددت وكمت اثاوب الساعه صارت ب2
واني مو نايمه خليت جهازي جوه المخدة وغمضت عيوني توني داغفى وسمعت اشعار برساله

فتحت عيوني وجريت جهازي من جوه فتحت
وشفت رساله على اسيا سيل من الرقم نفسه
فتحتها بسرعه وقريت

مو كتلج بعد لادگين عليه
اخر مرة
راح اكولها الج
اخوتج بخير وراح يطلعون بعد فتره روحي نامي وخلي العالم تنام

ظليت اقره كلامه وفرحت من كلي هيج بس بعدين ضجت من قريت اخر كلام وكلت خاف ضوجته
بعد ماادز اله خاف يصير شي باخوتي

تمددت وظليت اقره برسالته

سجاد

رجعت للبيت وكلام بگر يدگ براسي
طبيت للمطبخ ورحت للبراد شربت مي شروق طبت
وشافتني

الله يساعدك سجاد

هلا شروق السيد وامي كاعدين

اي بغرفتهم موجودين

هزيت راسي وهي سالتني

شبيك سجاد صاير شي

لاا مابيه شي ليس تسألين

ماادري اشوفك مو على بعضك

ماكوو شي

جاوبتها مختصر ورحت لغرفه امي
طبيت وسلمت عليهم

هلا يبعد امك

رحت كعدت يمها وابويه سألني

دوامت اليوم

لا مادومت جانت عندي شغله بالمقر فضيتها
ورجعت

تعبان يمه

هزيت راسي باي وكمت وحجيت

اترخص منكم اروح انام تصبحون على خير

وانت من اهله

تمشيت للدرج وصعدت لغرفتي
طبيت وذبيت جهازي على الميز رفعت راسي
وعاينت لروحي بالمرايه بنظرات واحد حاير ومايعرف شيسوي لروحه حتى يگدر يرتاح

انت عدو بالنسبه الها

كلمه دگت بگلبي وخنگتني حسيت بحراره صعدت لراسي وكلت خلي اسبح بمي بارد بلكي ابرد شويه

جهازي الثاني دگ برساله وشفته رقم شوگ
فتحته بسرعه وقريت الكاتبته كلمات برساله خلتني احس احساس عمري مو حاسه حجيت بصوت مخنوك

ااخ يااربي لو ادري بگلبي هذا راح يحبج
وعلي ماالزمها لهل المهمه ولا اخلي روحي بهيج
ضيم

حجيت وي روحي بقهر وحاجيت خيالها بصوت مخنوك

جنت كلش بسيط وعالمي ماشي مثل مااريد
اتعب بعدين ارتاح،،، الحب ماجنت اعرفه
ماجنت ادري اليحب
هيجي يتطور
الناس تگلي شو كبران والسنين مشت بيك
وماتزوجت ومادريت ولا جانو
يدرون انت الچنت ادور علي بين
الناس حتى اصغر

ماجاوبتها وكمت سبحت بمي بارد حتى
ارتاح شويه طلعت وره مشوار تمددت واخذت جهازي وظليت اعيد بكلامها النوم طار من وراها ووره وين دزيت رساله الها ودزيتها

شوگ

شوگ

الضحى احنا بالمطبخ سمعت الباب مال الشارع انضرب بقوه وويا صيحه

وووينه هذا المايستحي
اريد اشوفه اليوم شراح اسوي بي لان مد ايده على بنتي

يتبع

#أّنِأّ_وِأّلَمَجِنِوِنِ
#أّلَجِزِّء أّلَعٌأّشٍر

____-

شوگ

الضحى احنا بالمطبخ سمعت الباب مال الشارع انضرب بقوه وويا صيحه

وووينه هذا المايستحي
اريد اشوفه اليوم شراح اسوي بي لان مد ايده على بنتي

امي طلعت بسرعه واني وراها

هااي شبيج سهام تصيحين خير شصاير

ياااخير عيني من شفناكم واحنا بعد ماشفنا الخير
لا منكم ولا من ابنكم الشفيه

شگو ياابه شصاير

انداريت على ابويه من طلع ووجهه مخطوف
ورحت علي جاوبته بهدواه

ماكو شي يابه الظاهر حارث متعارك وي سندريلا

امي حجت وياها

ام فراس لاتصحين عيب منا العالم فوتي جوه
وخلينا نفتهم شصاير بين حارث وزينه

اااي عيني سوو، ، نفسكم ماتدرون بالصار
وهي الاخبار تجيكم اول بأول من ابنكم الدايح
الناقص وووينه بالقران اليوم الا اكسر ايده ال مدها على بنتي

كاافي تصحين عيب عليج منا العالم ولاتظلين تغلطين على ابني انتي تره بيتي وان شفتيني ساكت الج فهو لخاطر اخويه ابو فراس

طززز باخوك وطز بيتك

اعصابي فلتت وصحت بيها واني اشأر بأيدي

اااحترمي نفسج ولا تصيحين
على ابويه اذا انتي هيج،، تحجين على حارث
بنتج الله اليدري شسوت اله حتى يمد ايده عليها

ام زينه رجعت ليوره وطگت ايد بأيد وجاوبتني
بصياح

اااسكتي وولج باايرة ام السوگ تره
اااعرفج كلش زين انتي راح تموتين من وره بناتي لان تزوجن كلهن قبلج وبقيتي انتي مثل وجهه البومه بيت ابوج

امي صاحت بيها

اانجبي واطلعي بره ام المشاگل ااطلعي يله جفينا شرچ

صدگ انتي فد وحده صلفه وعرمه ومو مال احترام

ابويه حجه منا ووخرت امي من صارت بيني وبينها وجاوبتها باستهزأ

غييير امي ماافترت على امهات السحور
ولا دللت بيه بالبيوت وظلت تمدح بي على نادره ومعدله وبعدين طلعت الجيفه والخيسه مال بناتج
وهاا تره احنا عرفنا بنتج ربى يمج وراح تطلگ
لان انفك سحر رجلها من شاف بعينه الجيفه واشتم ريحتها

سكتت وكملت بضحكه

ههههه خطيه جان مدمغ بسحورجن، ،والله فگه منه
ويوما للحاتم وفيصل وحارث واطگها بهلول
من هاي الزينه






رادت تنفجر ومااعرفت تردني غير بالغلط ابويه طردها هو وامي ومن طلعت رگعت الباب ذيج الرگعه

امي سدت الباب وراها وحجت بعصبيه

ولي منا گطعي التگطعج وتخلصنا منج
انتي وبنتج

هاي شلون ورطه يااربي اني بيا حال وهاي بيا حال
بعد شيردون، ،، يصير بينا حتى ماتجينا مشاكل
حارث ومرته

اني بي طبع اليضوجني مرة اضوجه وادوس بطنه
مرتين ماابجي ولا ابلع لساني واذا واحد داسلي
على طرف ارده وعليه وعلى اعدائي

خاابري ابنج خلي نفتهم شبي وي هاي مرته

ابويه صاح بي بامي الي جاوبته بعصبيه

عووفهم طبه طوب هو وياهاا،،البربوك بيتي وتعير بنتي شنوو من صلافه ولسان شايله
وولج هي الحيه شتخلف غير صلول جديده
علينا سوالفج انتي وبنتج

امي ظلت تحجي وتغلط على مره عمي وفتحت زيجها ودعت عليها هي،وبنتها

سجاد

ابويه متعلم كل فتره يسوي عزيمه ويجمع اخوته وخواته بالبيت الجبير جان يوم خميس
كعدت الصبح تريگت وي الحجيه الي حجت

يمه سجاد تعال على الغده مو ماتجي تره ابوك يزعل

الله كريم حجيه اكمل شغلي واجيكم

اي يمه الله يرضى عليك تعال ولاتتاخر علينا

اعرف امي تضوج تروح هناك عبن محد يحبها منهم
بس لخاطر ابويه جانت تروح واكثر من مرة ترجع مغثوثه من يمهم

هزيت راسي باي وجاوبتها

ادللي حجيه راح اجي اتغده ونرجع سوه
من ادز عليج تجين انتي وشروق

اي يمه براحتك

يله اني رايح

الله ومحمد وعلي وياك

بستها من راسها وطلعت من وگت للدوامي
جان اليوم اول دوام اليه بعد ماخلصت اجازتي وراح ابلش تحقيق وي الكل،،،،، وصلت للمقر مالتنا طبيت
وگبل لغرفتي دزيت على الولد من اجوي حجيت

حسين انت حقق وي ولد ابو هشام ومثل ماكتلك
فهمهم هم شهود يحجون الي شافو والي سمعوا

تمام سيدي

بكر وعمر تجون وياي احنا راح نحقق وي الحوت وربعه

ساعات مرت واحنا نحقق وياهم واحد واحد
ولد فتاح ماحجوا شي ونكروا هم يتاجرون بالسلاح
بكر ضرب جمال دفره شمرته بالگاع وصاح بي

اااحجي ولك قشمررر شنوو مااتعرف هاي البضاعه منين اجتي موو طلعنها من بيتكم وكدام عيونك
بعد شلون تنكر

موو اني والله هذوله ايسر وايمن هم
الجابوها عليه

نزلت ليمه بالكاع وجاوبته بهدؤ






تره تسجيلات الفديو عندي وشفتكم شلون جبتوها الهم واخذوتها وره فتره يعني الشغله مبينه انتو الي تجارون بيها
الولد انتو ورطتهم وياكم لان هم ماجانوا يعرفون
شغلكم شنوو

سكت وظل يباوع علينا بخوف

بكر جره
من هدوم وصاح بي

ااعترف ولك وخلص روحك من الاعدام كول
الحوت هو ورطكم بهذا الشي

مووو هوو لاتجيب سيرته

من فز وصاح بخوف صفنت علي وركزت بنظراتي على وجهه كمت لحيلي وره لحظات واشرت لبگر

خلي نطلع، ،،عمر ظل يمه

طلعنا بره اني وبگر ووكفنا بالممر ورثت جگاره
وعاينت للبعيد اخذت نفس وحجيت من ذبيته

هذا خايف من شي

اي اني هم حسيت بي خايف

درت وجهي على غرفه التحقيق واخذت نفس اللخ
وكملت

تعرف معناه شنوو

شنوو

جاوبني ورديت

هذا معناه احنا لزمنا السمچه الصغيره والحوت
بعده بره ويشتم الهوه

بكر سكت وبعدين جاوبني

شلون الحوت بره واحنا لزمنا بأيدنا وذاك مسجون
وينتضر نحقق ويا

عاينت بتركيز لصاحبي وحجت بهدؤ

انت ماسمعت شجاوبنا جمال
موو هو لاتجيبون سيرته

هز براسه بأي وظل ساكت

ابتسمت وجاوبته من شفته مالگفها

الحوت اذا جوه ليش جمال خايف

بكر فگ عيونه وضرب گصته وحجه بسرعه

اي والله شلون فاتتني هاي

ذبيت الجگاره بالكاع ودستها برجلي وجاوبته بابتسامه

حتى تعرف انه ليش نقيب وانت ملازم اول

اخذلي تحيه وابتسم

هسه بدت اللعبه وياهم عوفهم لهذوله فد شهر خلي يخيسون بالسجن ويضوكون المر وبعدين
راح اكلك شنسويلهم

شنوو شراح تسوي بيهم

مو وكته بعدين اگلك

انطيت امر لضابط يحجز ولد فتاح كل واحد بجهه
والي مسمي روحه الحوت خليته لوحده بسجن انفرادي ووصيت الولد يتعبوهم نفسيا حتى يحجون
الي اريده

شوگ

حارث اجه الظهر وويا روزه
طب للهول وسلم ابويه بدون مايرد علي حجه

هاي شبيك انت ومرتك وليش ضاربها

هاا لازم امها خابرتكم وحجتلكم الفلم مال بنتها






امي سكتت واني هم وماحجيناله الصار خاف السالفه تگبر واحنا مو عايزين دوخه ومشاگل

مااتحجي يول شبيك وياها وليش ضاربها
شبيكم تخبلتوا هي مال مشاكل ماتشوفون حالنا شلون صاير

حاارث سكت وظل يهز برجلي ومبين علي صاير اعصاب وابويه صاح بي

مااتحجي ولك جااوب شكو ماد ايدك على
بنتك عمك شنوو السبب فهمنا خلينا نعرف شبيكم

ياابه رحمه لجدي عوفك منها تره روحي راح تطلع من وراها ومن ورة سوالفها الجايفه

من اايدك انت جبته لروحك وحيل وابو زايد بيك

امي انهدت بي وحارث كام لحيله وهو يصيح

اافتهمت من ايدي وحيل وابو زايد بيه شتتريدين
يمه اگتلها لروحي حتى ترتاحون كلگم

رحت يمه من شفته فقد وبنته كامت تبجي اخذتها منه وانطيتها لحنونه وحجيت وياها

اخذيها للحديقه والعبي وياها
كملت بهدواه وي اخويه

حارث
تعال وياي لغرفتي

اخذته وهو صاير اعصاب،طب وسديت الباب ورانا
راد يحجي وقاطعته

لاتحجي كلشي هسه اهدأ وبعدين نحجي

تعبان شوگ وراح اموت من وراها لهاي بنت الكلب

سكتت من شفته صار احمر دم ويحجي بصوت مخنوك

لزم راسه وكمل بغصه

يااربي شسويت بحالي وليش ماسمعت كلام امي
من كالت اليه لاتاخذها تره ماتفيدك هاج شوفيني
وشوفي حالي يوميا مسويتلي مشكله
ومطلعه حسي يم الجيران

هذا الحجي بعد مايفيد لان وكع الفاس بالراس

شسووي اطلگها بالقران اسويها لان تعبت منها ومليت ولج شحجي لا حالي مثل باقي الزلم ولا
حال بنتي مثل باقي الجهال
روحي شوفيها شلون گاتلها الوصخ هاي طفله شنو ذنبها حتى توگع بهيج امه دايحه وساقطه وجايفه

ااش نصي حسك،لاتصيح ابويه تره مايگدر
لايصير بي شي

اووف يااربي وين اروح ووين انطي وجهي

حجه وكام ينافخ بعصبيه

كلت خلي اطلع من يمه واعوفه لوحده حتى لايظل
يصيح وابويه يسمعه وينغث بعد اكثر

سجاد

رجعت الظهر لبيت ابويه الجبير طبيت وشفت الديوان متروس عمامي ورجال عماتي وولدهم
سلمت عليهم رحت كعدت يم ابويه من اشرلي
اسمع سوالفهم وبالي يم التحقيق الاخير ابن اخويه
حيدر اجه وكعد بحظني بسته من خده وهو مد ايده
يريد ياخذ سلاحي

لااا اكعد هذا مو لعبه

بس اشوفه والزمه بأيدي

كتلك لاا






حيدر تعالي جااي

اخوي محمد صاح بي واشرله يجي يمه
ماقبل وظل بحظني

صبو الغده واجه هم كعد يمي غديته وياي
اشيل اللكمه واخليها بحلگه

صفنت علي من بحجي ويسولف وياي وگلبي حن
لبزر يشيل اسمي،،، العب ويا وينسيني همي وتعب الدنيا يگعد وياي بهيج لمه واخلي اللكمه بحلگه
شوگ صارت بين عيوني وحجيت وي روحي

واريدنه منج انتي وبس

ذبيت حسره ورجعت ليوره

ها بوويه اشوفك گفيت ايدك من الاكل

شبعت ملاتي

الف عافيه يبعد ابوك

ويعافيك بويه

اليشوف ابو باقر شلون يسولف وي سجاد
يكولن ماعنده بس هو

عاينت لعمي حمزة من حجه وجان كلامه بيه نغزه
ابويه سكت للحظه وبعدين جاوبه

كل ولدي عزيزين عليه وماافرق بينهم لچن
يابو زاهر سجاد مااشوفن الا وين ولزوم انطي حگه من الاهتمام حاله من حال اخوتك

عمي حاول يداريها بضحگه وجاوبه

هاا يعني مو لان ابن خاتون انت تحبه هيج

من جاب سيرة امي عگدت حواجبي وعاينت اله بغضب ابويه لزم رجليه من شافني توترت وجاوبه
بهدؤ قاتل

ابو زاهر من تريد ادكول اسم حرمتي الثانيه
كول ام سجاد
انت مالك حگ تنطق اسمها انه بس الي حگ
اصيحنها هيج

عمي ارتبك وابويه كمل وهو يعاين عليه بتركيز

الفتنه مثل الجمره الخبيثه نارها هامده
والينفخ بيها ملعون

ابتسمت ونزلت راسي وحجيت وي روحي

ااخ جابها بالگصه السيد الي كمل

ولد ام باقر ووولد ام سجاد عندي سوة ومااريدن احد يشعل الفتنه بينهم ملعون دنيا واخره اليفرگ بينهم

ابو بااقر مو قصدي والله جنت اضحك وياك

عمي جاوبه وابويه كام وهو ينفض النعم من ايده
وجاوبه

وانه ماجنت اضحك وياك من جاوبتك جوابي

كمت وراه من طلع ورحنا سوة للمغسله البرة
غسلت وكمل
انطيته الخاولي مسحت ايده وعاين اليه والوجه
ابتسم مال عليه وحجه

والله انه احبنك عبن ابن خاتون

ابتسمت بوجهه وجاوبته

عمي بخت خاتون وخله سيد من ال محمد
يحبنها هيج

هو ابتسم وطلع عطر من جيبه خله بأيده ومسح
على شعري وبعدين على لحيته وجاوبني

هاك شوف غلاتك اريدن عطري امسحه بيك
يله اتعطر بالباقي






بسته من ايده من حجه هيج ودعيت اله

الله يخليك اليه بويه ويطول بعمرك

سكت للحظه وبعدين جاوبني

هيده وليدي بهيدة لاتخلي اعصابك تتحكم بيك
الكلمه الصح توجع اكثر من ضربه الايد

هزيت راسي وجاوبته مبتسم

سيد انه مو مثلك مااتحمل الكلمه العوجه يطگ عرج بالراس واتخبل بس اسمع حجايه تغثني

لا بوويه هذا غلط صير من الكاظمين الغيض
وسكته عدوك بلسانك

سكتت لان اعرف نفسي صعب اتحكم باعصابي
انه مو من النوع الي اسكت على
جساره احد وارده
بلساني واذا تجاوز وسمعني كلمه افقد اعصابي
واعدمه العافيه وماادير بال للعواقب مادام بردت گلبي بي وكلها جانت تعرف سجاد من يتخبل مايعرف بعد من الواكف كدامه

وره ساعه
ترخصت من السيد ودزيت علي امي واختي ورجعتهن للبيت صعدت لغرفتي لبست كلابيه وتمددت بفراشي غفيت مباشره مااعرف شگد نمت وحسيت بهوه بنفخ بوجهي وصوت يحجي بأذني

ااحبك

فزيت من نومي وعاينت بذهول للغرفه
اخذت نفس وذبيته من عرفت روحي جنت احلم
شوگ اجتي بالحلم وسمعتها حجت وكالت
يم اذني ااحبك

اجيك من الصور للطيف
احضنك چذب بأحلامي

منقول

شوگ

حارث ظل هو وروزه يمنا والشغله
عبالك صارت جبيره لان سمعته المغرب
تعارك وي مرته بالتليفون وصار الفشار بفلس ومن اعصابه كسر حتى جهازه

هااي شلون بلوه يااربي منا قهر ايمن وايسر ومنا قهر هذا ومشاگله

امي كعدت وهي تضرب على رجلها وابويه
حجه بقهر

هي جان عايزها حارث حتى تكمل السبحه

هو طب يصيح ويحلف راح يطلگ زينه
ابويه انهد وصاح بي

كاافي ولك ولاتحجي بالطلاك عندك بنيه منها شتريد تهجم بيتك بأيدك وتخرب حياتك

ياااابه هذا ياابيت التحجي بي ليش هو ظل بيت
تره انهجم من زمان واني الي دمرت حياتي بأيدي
واااستاهل لان ماسمعت كلامكم

من صاح باعصاب جاوبته

استغفر الله يااربي هسه انت شكو،، اتصلت بيها مااعوفها الما تهدأ وبعدين احجي وياها

ااامها اجتي عليكم

جاوبني بصياح وباوعت لامي وابويه الي سگتو

مااتحجون امها جايه عليكم وشوگ غلطانه عليها
وطارديها من البيت

امي كامت لحيلها وصاحت بي

ماادام الخاتون هي الي حجت اكعد واسمع عمتك
الفليته شحجت علينا وعليك

اام هشام اسكتي رحمه لاهلج النار مشتعله مو عايزين توچ اگثر






لااا يابه اني اريد اعرف شصاير ااحجي يمه

اخويه صاح وامي حجتله كلشي صار من ام مرته
كل حجايه يسال

هاي صدگ تحجون هي حجت هيج

حاارث لاتسوي نفسك ماتعرف عمتك
تره انت تعرف سوالفهن وحده وحده وهذا حالك يشهد وشجاي يصير بيك من وراهن

جاوبت اخويه وكملت بثقه

وتستاهل السويته بيها والحجي الكلته الها قليل بحقها تعرف ليش لان هيج بشر اذا سكتلته مره
راح يعيدها الف مره

ابويه كمل

ياابه شوگ سدوها لهاي السالفه هو الله ياخذ حگج منها وانت يابه حارث لم المضوع انت ومرتك
لخاطر بنتكم خطيه شنو ذنبها تعيش بهيج جوو

ياابه ماجاي يفيد الحجي وياها
الف مرة احجي واكول يابنت عمي مااريد مشاگل
ولاتجيبلي قال وقلت اني مالي خلگ لسوالف النسوان انتبهي لبيتج لبنتج انتبهي عليه
اني رجلج ماكوو اذن من طين
واذن من عجين همها بس نفسها وشلون تلبس
وشوكت تطلع والله موتتني گهرتني بعيشتي
وكمت ادعي على روحي بالموت

اسم الله عليكم يمه لاتحجي هيج

امي جاوبته وهو كمل بقهر

شحجي يااابه اكلك سبب المشكله
اجاني صديقي على غفله كمت اني المم بالاستقبال كدامه كعد شويه وكلي

ولك شنو هاي الريحه شنو طاگه عليكم المجاري

شحجي، ،،اكله بيتي جايف لان المره ماتنظفه
رحت عليها كتلها سوي عشه للولد تجاوبني
ماعندي شي اطلب دلفري

زين والثلاجه والمجمده مو متروسه شغلات جاهزه
طلعي گلي شي وراح اطلب كباب وصاحت ذيج الصيحه

اااي شنو ماكو تليفون يخابر ويگول جاي على العشه حتى الواحد يدبر روحه

گوه سكتتها ومن رجعت للاستقبال شفت الولد طالع عرفته سمع واخذ على نفسه وراح فقدت اعصابي
ورزلتها وهي مااحترمت ياابه جسرت عليه
وخبلتني وماشفت روحي الا واني مخلص
عليها

ابويه جان ساكت ويسمع الحجي مالته وجاوبه
بروده

هي من الاول لو شايفتك رجال جان احترمتك وخلت الك قدر بس انت رخيت الحبل من الاول وهاي النتيجه كمت هسه تدفع الثمن انت وبنتك

حارث سكت وامي كملت وهي تبجي

شحجي عليك يبن بطني جبت
شلعان الگلب لروحك وجبته النا وياك ولك ا اشيل هم منو همك لو هم اخوتك الي مااعرف وين صاروا لو هم ابوك المريض

اخويه ذب حسرة وظل ساكت سمعت روزه
تبجي ورحت عليها بسرعه
جانت بغرفتي طبيت وشفتها فاحطه بالبجي

حنونه شبيها روزه

سمعت حارث يصيح وكامت تبجي

استغفر الله ياربي






حجيت وشلت بنت اخويه وحاولت اهديها

ااش حبيبتي لاتبجين ماكو شي لاتخافين

الطفله زادت بالبجي وظلت تصيح ماما باابا

استغفر الله يااربي شنوو ذنبج بالكاعد يصير

حجيت بقهر وكملت
روزه باوعي عليه شتريدين نطلع بره نروح لخاله ام سعد اشتريلج جبس ونستله

هزت راسها وهي مبرطمه خليتها بحظن حنونه
لبست البشت مالتي
والشال وحجيت وي اختي

امشي وياي خلي نطلعها شويه البنيه راح تتخبل من وره صياح حارث

اي يله امشي

شلت جزداني وطلعت اني وياهن للمحل كدتها واني احجي وياها واضحك حتى تنسه الشافته

انتبهت اكو سياره عاليه سوده واكفه
يم المحل
وصلت وشفت واحد طلع لابس كله اسود
جان يحجي وي خاله ام سعد ويفتح باكيت جگاير
واسمعه يكول

اانه اسمي سجاد

ظليت بعيده عنه،،،، ومن
دار وجهه وشافني الوجهه تغير وشفته ابتسم

عگدت حواجبي ونزلت راسي وظليت واكفه بعيد عنه هو حس وراح رگب سيارته ومشى

طبيت للمحل وسلمت على خاله كعدت يمها شويه
وهي سألتني

يمه شوگ شبيها مره عمج سمعتها تصيح بيتكم

حنونه حجت بسرعه

من وره حارث لان ضارب زينه

خزرت اختي وخاله انتبهت وكملت

والله يايمه مو قصدي ادخل بشي يخصكم بس ظل بالي كلت خاف صاير شي

خاله انتي مو غريبه بس

اشرت لبنته الي صافنه علينا وكملت بهدؤ

بنته ماسكتت من جابها ولحد هسه ومااريدها تسمع والله من جبتها يمج يله بطلت بجي

سودة عليه داشوف عيونها ورامات ووجهها
احمر دم

ذبيت حسرة وشلتها وخليتها بحظني وظليت شويه يمها وبعدين رجعت للبيت

سجاد

كاعده بمكتبي واگلب بالفايلات اليمي تعبت ورجعت
راسي ليوره ورثت جگاره وناديت بالجهاز يجيبولي
جاي مر وثگيل

سندت روحي ليوره وغمضت عيوني طيفها مر
وفتحت ذبيت حسره ورجعت غمضت
وهم اجاني حجيت بهمس

بعيده عني وماتفگر بيه ولا تعرف اكو
واحد بالدنيا اسمه سجاد
وصرت مهووس بيها اكوم واكعد افگر بيها وطيفها
صرت اشوفه اگثر من اهلي

چا هو اليحبج هيج يصيرن بي

حجيت بصوت وكملت

يتعلل ويگوم يحجي وي روحه مثل المخبل






سكتت من سمعت روحي شحجيت وكملت بحسره

دور المخبل الي اخذته تلبس بيه وبامتياز

فرگت وجهي بقوه وجاوبت من دك الباب

اادخل

الجاي اجاني وشربت شويه اريدن يفگ راسي
عمر طب هو وسجلاته وحجه بسرعه

سيدي وصلتنا معلومات جديده على قضيه الحوت

يالله

جاوبته وخله الاوراق كدامي قريت المكتوب وحجيت

يعني هذا هم مطلوب للانتربول

اي وشغلته طلعت جبيره كلش لان طلع يهرب عمله
ومختلس كومه فلوس وعلي اوامر بالقبض والسمجه الصغيره الي لزمنها جانت بلا فايده لان هو يشتغل جوه ايده للحوت

هزبت راسي وجاوبته

هو هذا

اشرت على صورته وعمر جاوبني

اي هوو

ظليت اقره واراجع بالمعلومات وبعدين كملت

هو هسه دخل انذار لان اكيد عرف ربعه
صارو بين ايدينا وراح يحاول يشرد لغير دوله
اريد تسووي تعميم بي يم السيطرات والمطارات اريد صوره بكل مكان حتى يطيح بأيدنا وها هم خفر الحدود انطيهم خبر بي

سويت هذا كله

عفيه بيك وذوله الزمهم انت والولد وخلوهم يحجون اي شي يعرفو عنه

بكر وحسين بلشوا بهذا الشي

هزيت راسي وهو ترخص وراح

ظليت بالمكتب اتابع الشغل ولليل يله طلعت
من المقر ركبت سياره حكوميه ورحت بيها للفضل

تعلمت كل فتره اووحن هناك حتى اشوفها لشوگ
اعرف صعب تصير اليه بس گلبي جان يريد شوفتها
هو وعيوني

جانت دنيا ليل وكلت يجوز مااشوفها لان ماتطلع هيج وگت بس ربك عبالك وياي ويريد نار گلبي المشتاگ الها

طبيت لفرعهم وعيوني على بيتهم
وحجيت بهمس

تمنيت اصيرن يمج وبيت صغير يلمنا
ومن اردن تتلگيني بوسه وشمه
تمنيت ماصار الصار ولا جنت انه السچان
ولا انتي صرتي بطريقي

وكفت يم محل الحجيه الجانت زينه وياي نزلت
وسلمت عليها

الله يساعدج حجيه

هلا يمه

عندج جگاير

اي يمه عندي تعال شوف شتريد

طبيت للمحل واخذت جگاير اشربها ومتعود عليها

عبالك انت غريب على المنطقه

اي حجيه اجيت بشغله على ولد صاحبي

منو يمه

ماتعرفي حجيه بالشارع الي وراكم






هااا اي مااعرف الاودام الهناك

طلعت وسألتني

انت شسمك يمه

اانه اسمي سجاد

درت وجهي وصارت شوگ كدامي گلبي فز
ولاراديا ابتسمت

شفتها ضاجت ودارت وجهها حسيت علي روحي
ومشيت بسرعه صعدت السياره وعيوني
عليها من طبت للمحل شغلت السياره
وطلعت بيها لبيت اهلي واني احس راحه
خلتني مبتسم طول الطريق

شوگ

ثاني يوم دخت شالبس روزه
لان حارث من جابها جان مو جايب ويا لا حفظات ولا ملابس دزيت حنونه على رغده وجابتلي منها
فستان وتراك كلت من يرجع حارث اكله يجيبلها ملابسها من بيته

اخذتها للحمام وكعدت اغسل الها واغني

يله يانونو ناخذ حمام

ظليت اغني الها اغاني اطفال حتى ماتبجي
كملت ولفيتها بالمنشفه وطلعت بيها لغرفتنا اني وحنونه كعدنها علي جربايتي وبدلت الها هدومها

يممه فدوه للبنات عشره واكول گليلات

حجيت بضحك وياها لان جنا اني واختي
فرحانات بيها

ايام مرت وسالفه حارث صارت طويله
حجيت ويا على الغده
يجيب هدوم لبنته وماقبل يروح لهناك جاوبني انطيج فلوس ووجيبي من السوك
كلت يله حتى هم اشتري ملابس لحنونه لان ثبرتنا
بهدوم المدرسه طفله ماتعرف احنا شجاي يصير بينا وتريد بس تفرح وكلت خلي افرحها شويه واطلعها من حو البيت الكئيب
العصر حجيت وي امي

يمه راح اخذ حنونه واروح لتجيهزات المازن
اجيب ملابس لروزه وهم فد مره اشتري
لحنونه ملابس المدرسه

روحي بس لاتتاخرن بالرجعه

اي يمه

جاوبتها ورحت بدلت اني واختي واشوفها فرحانه لان راح تشتري ملابس المدرسه صافنه عليها واحجي وي روحي

ياريتني طفله مثلج وماافگر بالجاي يصير
ولا اشيل هم احد

عفنا روزه يم امي وطلعنا سوو
المكان جاب بمنطقتنا على الشارع العام رحن مشي
وصلنا وشفت ازدحام وهوسه

شوگ ليش مانروح لعمو كامل اهنا ازدحام
والملابس مو حلوه

عمو كامل محله بعيد وخاف نتأخر بالرجعه

عفيه شوگ مااريد منا والله مو حلوات دشوفيهن
شلون يلعبن النفس

اوف منج امشي يله اعرف نفسي راح
اكل رزاله من وراج بس ارجع

گدت ايد اختي حتى نعبر حجت باعجاب

شوفي هاي السياره شلون تلمع وتخبل جديد موو

باوعت لسياره جارجر سوده وتلمع وجاوبتها

اي،،،عيني هاي جي جي ماتمشي
على الشارع تمشي على گلبي






اختي ضحكت وجاوبتني

هاي غاليه موو

اي غاليه كلش اامشي منا

وصلنا وطبيت للمحل خابرت امي وكتلها احنا يم عمو كامل لايظل بالج اذا تأخرنا

اشتريت الي رادته اختي وويا كم قطعه لروزه
طلعنا وره مشوار وتمشينا يم المحلات لان ردت اخذ حذاء لاختي وشحاطه طبيه لامي

انتبهت لواحد لابس زي عسكري اسود ونظارات ومنين ماافوت اشوفه كدامي ضجت منه ومن نظراته وبعدين حسيت شايفته بمكان بس وين ماادري طلع كدامنا يمشي ويباوع للمحلات
كلت اي خلصنا منا

شفت كم قطعه حلوه بمحل وكلت
خلي اخذهن لروزه طبينا اني واختي
اختاريت كم قطعه ورحت ادفع فلوسهن يم الولد حسيت بواحد وكف بصفي
وخله ايده على الميز

المحبس لفت انتباهي جان فص اسود وبنصه اسد
عگدت حواجبي من شفت جرح طويل بايده

هذا شايفته بس وين

حجيت وي روحي رفعت راسي وشفته يباوع عليه

درت وجهي بسرعه من شفته هو نفسه
دفعت الفلوس وطلعت بسرعه
احنا بالطريق حارث شافنا وووكفلنا
صعدنا ويا ورجعنا للبيت

على بالنا الامور تهدأ بين اخويه ومرته بس
السالفه كبرت من اجتي وره خمسه ايام هي وامها هدادات علينا

حارث جان نايم بالاستقبال،،، سمعنا الباب
الباب يندك بقوه امي طلعت تشوف منوو
وانفتح الباب وطبت مره عمي وزينه وياها بس شافت امي صاحت بيها بصوت عالي

ووين بنتي ااامشي جيبيها لو اسويلكم
فضيحه گشره بالمنطقه فوگ فضيحه ولدج اهل المخدارت

اانجبي ووولج لاااجي اطيح حظج

ابويه انهد بيها وامها صاحت وهي تعد

على كيفك وي روحك عيني لايصعد السكر وتموت
ويحسبوك علينا رجال

ردت اروح املخها بس سمعت صيحه حارث ووكفت

شعندج جااايات هااا امشن ولن منا ولاتخلني امد ايدي عليجن

منووو ولك انت تمد ايدك علينا دسويها اذا انت رجال بالقران مااتعرف منو اجيبلك

رووووحي جيبيهم للكواويد مالتج وشوفي شلون مااخلي رجلي،،،

فشر وهد عليهن،،، لزمنا اني وامي وابويه

دااايح ساقط فگر ابن الفگر ساعه السوده من كلت اي وانطيتك بنتي

اااانطوني بنتي حراميه يااناس ذوله خطفو بنتي

الام وبنتها سوالنا هوسه فضيحة گشره بالمنطقه
رغده طبت هي وام سعد وابو مروان وابو سلوان

حاولو يهدون الموقف بس هن العرمات ماسگتن
ظلن يغلطن ويفشرن علئ حارث الي جانو مجتفي
حتى مايهد عليهن صاح باعصاب






ووولج زينه اذا ماطلگتج اني مو حارث

زينه غمته وصاحت بي

سويها اذا انت رجال

اانتي طالك طالك طالك بالثلاث ياااساقطه

فشر عليها وذيج من سمعته طلگها صفنت علي
وامها كامت تدعي علي وتفشر فشار مو صاير

النسوان طلعنها من يمنا وهي تعد وجاره
بنتها وراها الي حسيتها انصدمت من طلگها اخويه
الزلم رادت تهدي اخويه وماسمع من احد طب بسرعه للبيت وهو يفشر عليهن

ابويه انهد حيله وكعد على الصبه
امي ظلت تفتر وتحجي ببجي

هاي الردتيها سهام هجمتي بيت بنتج وبيت ابني
حسبي الله عليج يكون ماتوصلين لبييتج

العالم انسحبت من يمنا وكلمن رجع لبيته
كومت ابويه وسندته واخذت للهول اشرت لاختي جيبي مي وراحت بسرعه للمطبخ

شوفي اخوج

ابويه حجه بصوت مخنوك وهزيت راسي باي

مشيت من يمه ورحت للاستقبال من حنونه اشرتلي علي طبيت وسديت الباب وهو كام لحيله
وحجه باعصاب

ولا كلمه مااريد احد يحجي وياي ولا كلمه
خلوني اطلگها حتى ارتاح ويبرد راسي

وبنتك شنو ذنبها

مااراح تمووت هوايه مثلها عاشن بدون ام
اعتبروهااا مااتت راااحت فطيسه انعل ابوها لا بو الساعه السوده الي اخذتها بيها

صاح بخبال وكعد وهو لازم راسه

امي طبت وصاحت بي

هاي يمه هجمت بيتك وارتاحيت ولك يامصخم
هو هين الطلاگ عند الله ولك السويته يهز عرش الرحمن

يمممه رحمه لاهلج اانتي مااشفتيها شلون تحجي وياج ماسمعتي امها شلون تجاوزت على ابويه

من وره عمك الي مووو رجال عايفهن على حل شعرهن يطبن ويطلعن بگيفهن وهو ولا يمه

اااي وتريدين اصير مثله موو اخلي گرون واخلي مرتي ترگبني طول عمري مووو لااااا اطلگها
وانعل ابو هيج قسمه خرره

يممه عوفي واطلعي،

حجيت من شفت ابويه اجه وظل يباوع علي بقهر
حجه گوه

هاهي يابه انت الي تزوجتها وانت الي طلگتها
روح تحمل اخطائك وشيل ذنب بنتك الي الله بلاها بهيج اب وام اي فهم ماكو براسهم

اااي الي تزوجت واني الي طلگت وهسه گلبي ارتاح
لان خلصت من هم جبير

طلعت ابويه وامي من يمه ورحت خابرت
هشام حجيتله الصار وهو سگت وبعدين جاوبني

جنت متوقع هذا الشي وعرفته راح يطلگها من زادت مشاكلهم

شراح نسوي هشام

شنسووي شوگ وعلى منو التفت علئ اخوتج الي مااعرف وين صاروا لو على سيد حارث وطلاكه
دخت والله وريگي يبس من الحجي وي بشر ماجاي يقدر الي احنا بي

سكتت وهم كمل

عوفو لاحد يحجي ويا هاي حياته وهو حر بيها
هو بعد طلگ بالثلاث شفيد بعد الحجي

لا والله بعد مايفيد اي شي ومحد قاهرني
غير روزه شنو ذنبها هشام بهذا الصار

خطيتها برگبه اخوج ومرته وامها الي هجمت بيت بنتها من وره عنادها وتكبرها وهاا ربى هم تطلگت
اول البارحه

شنوو صدگ تحجي

اي عمي محمد كلي من مريت علي بشغله وهم حجه وياي بسالفه حارث ومرته وهاا حاول تهدي الموضوع والسالفه راح تگبر وهم خاف تطلگ الخ وينگسر
ظهر عمك

وتطلگت اللخ وكله من وره امهن الفليته ام المشاگل

اااي هاي الرادتها خليها هسه ادوخ بيهن
اثنينهن

سمعت امي صاحت وترخصت من اخويه وسديت الخط

سجاد

كاعد بمقهى البيروتي
اشرب گهوه وصافن على الشط جنت مخنوگ
من وره وضعي واسأل بروحي تاليها شلون وي
الي كاعد احس بي وشلون اكدر انسحب من حياتها
الف مرة اكولن بعد مااروح لذيج المنطقه وگلبي يخون كلشي بيه وياخذني الها

غمضت عيوني وعدت براسي شلون ظليت وراها
من طلعت هي واختها وراحن للسوگ

تتبعت خطواتها وعيوني تراقب بلهفه اي
حركه منها حسيت بيها انتبهت اليه وانسحبت من يمها بس طبت لمحل طبيت وراها

فتحت عيوني من سمعت صوت يمي شفت
ولد كاعد يرتب الاركيله كملها وراح

اخذت نفس وعيوني على الجمره شلون اشتعلت
بنار حمره ذبيت النفس ورجعت ليوره
وحجيت بهمس

اذا اظلن هيج راح اتعب واحترك بهدواه مثل هاي الجمره خليني ابتعد عنها وابعد نظر عيني منها
بلگي انساها

ذبيت حسره وكمت شلت جهازي حاسبت الولد وطلعت وصلت يم سيارتي فتحتها ،،،،وانتبهت
ماطور اجه بسرعه وواثنين راكبي وعيونهم عليه حدسي اشتغل راسأ سحبت سلاحي من ورايه
وواحد منهم رمى عليه

يتبع

أّنِأّ وِأّلَمَجِنِوِنِ
أّلَجِزِّء أّلَحٌأّدِيِّ عٌشٍر

________

سجاد
اخذت نفس وعيوني على الجمره شلون اشتعلت
بنار حمره ذبيت النفس ورجعت ليوره
وحجيت بهمس

اذا اظلن هيج راح اتعب واحترك بهدواه مثل هاي الجمره خليني ابتعد عنها وابعد نظر عيني منها
بلگي انساها

ذبيت حسره وكمت شلت جهازي حاسبت الولد وطلعت وصلت يم سيارتي فتحتها ،،،،وانتبهت
ماطور اجه بسرعه وواثنين راكبي وعيونهم عليه حدسي اشتغل راسأ سحبت سلاحي من ورايه
نزلت بالكاع بسرعه من رمى عليه من وره
سيارتي رميت عليهم وسمعت صار صوت قوي
عرفتهم ضربوا سياره لان جان ازدحام

كمت بسرعه وشفتهم واكعين بالكاع رگضت عليهم وانه اصيح

ااارمي سلاحك ولك

واحد كام وراد يرمي عليه ضربته كم طلقه
ووكع واللخ الجان محصور جوه الماطور طلعه روحه
ورمى باتجاهي حسيت جتفي انخلع من مكانه وشي حار نزل على جسمي وكعت،،، بس مافقدت الوعي
رفعت روحي وشفته جاي باتجاهي المسدس جان بعده بأيدي رميته وشفته وكع

ردت اگوم ماكدرت رفعت روحي گوة ومااشوف
روحي الا واگع تمددت بالگاع وحسيت الدنيا
كامت تفتر بيه

سمعت صياح وهوسه صارت يمي وفقدت الوعي

شوگ

من رجعت للبيت اني واخويه سمعنا صووت عمي
حميد ابو زينه وهو يصيح بيتنا طبينا بسرعه
للهول وهو اول ماشاف حارث انهد بي

وولك هاي تاليها انطيك بنتي واطلگها ليش ياابه
شفت عليها شنو السوته الك حتى تسوي
بيها هيج

كووول شنو الماسوته

اخويه صاح بي ولزمته من ايده نفضها
وكمل بصياح

بنتك الجاي تصيح على اخوك الجبير من وراها
وحده مو متربايه ووصخه

ااحترم نفسك بنتي متربايه احسن منك ومن
اخوتك يافاشل

والله محد الفاشل غير انت لان مااعرفت تربي
لا مرتك ولا بناتك

اخويه انهد بي وابويه كام لحيله وهو يخزر بي
وعمي صاح

شفت ابنك سمعته شحجه ااني فاشل ابو هشام
تقبلها ابنك يجاوز عليه وبيتك

واانت هم اجاوزت علي وعلى ولدي وبيتي وماخليت اي احترام اليه ومرتك هم اجتي بدل المره مرتين
واجاوزت علينا كلنا

اااي حگها انتو طردتوها من بيتكم وبنتك غلطت عليها هي ومرتك وفوگها ابنك الساقط طلگها
لبنتي

اااطلع برره

حارث صاح بي ولزمته اني وامي وهد بصياح

من انعل ابوك لابو مرتك لابو بنتك كووواد مگرن
تريدنا نصير مثلك طرطور وماعندك اي شخصيه
والنسوان راكبتك







ابويه وكف بوجهه من فلت مني ومن امي وصاح بي

بالقرااان اذا مديت ايدك على عمك اتبره منك
الى يوم الدين

لزمت اخويه اني وامي عمي طلع وهو يسب
باخويه ويغلط علي

سجاد

وعي رجعلي شويه واشوف نفسي متمدد
وصياح يمي وضوه يخطف من كدام عيوني ونيت من حسيت بوجع شل جسمي

ايد شالتني وخلتني اصيح بصوت مكتوم

اااخ ياابويه

حسيت شي بارد جوايه واصوات تصيح

بسرعه الولد نزف هوايه

رجعت فقدت الوعي وبعد ماادري شصار
فتحت عيوني گوه واني احس بطعم غريب بحلگي
ردت اتقيأ وماكدرت ونيت بصوت مخنوگ
وسمعت صوت

سيد هيانه كعد

ياالله
الحمد لله على السلامه بوويه سجاد

صوت حجه بحنيه وحسيته باسني من راسي

اانه وين

حجيت گوه وفتحت عيوني ضباب ومااميز الوجوه
بس بعدين شفت ابويه واكف يم راسي وباقر يمه
الي حجه

الحمد لله على السلامه خوويه سجاد

بلعت ريگي وجاوبته بصعوبه

اامي وين

امك ماتدري ماگلنا الها خافن يصيرن بيها شي
اذا سمعت الصار ببك

سكتت لان ماگدر احجي

بگر وعمر طبو ووياهم العميد الي حجه وي ابويه
وسلم علي

الحمد لله على سلامه النقيب سجاد

الله يسلمك

اجه ليمي وحجه

الحمد لله على سلامتك بطل ان شاء الله ادكوم بالسلامه

هزيت راسي وهو ماطول وطلع بكر نزل راسه ليمي
وحجه بتأثر

الحمد لله على سلامتك اخويه

الله يسلمك

جاوبته وكملت بصعوبه

ااريد اعرف ذوله منو دزهم عليه

هز راسه بأي وجاوبني

تم سيدي

من طلعو ذبيت من راسي لان لعبان النفس
موتني من الالم رجعوا ضربوني مهدأ ونمت

لليل يله امي اجتني طبت ووخرت البوشيه وشفت وجهها صاير اصفر

يممه اسم الله عليك بيه ولا بيك شلوون يمه يصير بيك هيج واني ماادري وليش محد گلي

حظتني وهي تبجي

ماابيه شي يمه

خاتون جتفه لاتاذي

ابويه حجه وياها وهي ظلت تلزم بجسمي
وتحجي ببجي







سوده بوجهي ضاربيك بجتفك من ضربه بفادهم
بجاه نبينا محمد

ابنج چتلهم بمكانهم واخذ ثاره بأيده
سبع يبعد ابوك
ورفعه راس

ابويه حجه بفخر وهي كملت

يمه سجاد دحگ عليه خلي اطمن عليك ولك يمه
اني ماعندي غيرك اموت اذا صارلك شي

مابيه شي حجيه لاتظلين تبجين،،

ظليت عشرة ايام بالمستشفى الي انگلبت عليه
عمامي اجوي هم وولدهم واخوتي هم
وضباط ورتب هم اجوي بس مره ابويه مااجتي ولا شفتها الا وره وين عرفت ابويه جابرها لان اعرفها كلش زين ماتحبني ولا طايقه تشوفني

امي ماعافتني لا هي ولا شروق
من تروح للبيت تظل اختي يمي
وگت غده والحجيه تفر يمنا وشروق كاعده يمي
ابويه حجه

خاتون تعالي اكعدي واتغدي ويايه كافي عاد صارلج ساعه تفترين فوك روسنا

اي سيد هسه اجي اكعد واتغده وياك

الباب اندك وابويه اشر الها تنزل البوشيه واختي كامت وراحت وكفت يم ابويه امي سوت مثل ماگال الها وهو حجه

تفضل

مضمد طب سلم واجه خله الطبله والادويه وراح
سد الباب ووراه وابويه حجه بضوجه

شلون وياج ماتردين لبيتج عاد انه اظلن يمه
انتي ارجعي واخذي شروق وياج

سيد گتلك ماارد لبيتي الا ووياي سجاد اشوفه بعيوني يمي وبيتي يله ارتاح

شلون وياج خاتون اسمعي الچلمه وردي اليوم لبيتج

عليك العباس ابو فاضل لاترجعني للبيت والله مااكدر اظل هناك وهو هنا اظل بس افگر بي والگاع ماتلمني
من القلق والتفگير

استغفر الله يااربي ياحرمه انه مو مرتاح لكعدتج
هنا ماتشوفين كل ساع واحد طاب علي
خاف احد يلمح طيفج او يشوفج

عيوني راحت لاختي الي رفعت حواجبها واشرت بصمت عليهم وهمست بضحك

شووف الغيره

ابتسمت الها وظليت اسمع حوارهم
امي زعلت وسكتت

ها زعلتي مني عبن حجيت موو بس مو صوجج صوجي انه الي اخافن عليج من نظرة الاودام

ااي مو اني صغيرة بنت 17 حتى تخاف عليه

رجعت ليوره وحجيت

سيد گله لباقر يحاسب المستشفى لان اريد اطلع اليوم قبل باجر

حجيت وامي اجتي ليمي وجاوبتني

لاااا يمه وين تطلع خاف عليك لايصير بيك شي
اكعد واسكت الما تصير زين يله نطلع

يممه مابيه شي اني مليت من هنا وحتى الاكل مادحس بطعمه من وره الريحه

هاا سيد شفت،،، سمع كلامك وياي واخذ
على نفسه







استغفر الله اعرف راح تگع براسي مصيبه
ووالاحسن ياچلمه ردي لمكانج اعتبريني ماحجيت شي

اختي راحت ليمه وهي تضحك وجاوبته

هاا سيد اشوفك رجعت بگلامك

ابويه مال عليها وجاوبها مبتسم

چا شلون ماارجع بچلمتي وانه اشوفجن امج
زعلت ووجهها تگدر

اختي سكتت وظلت تعاين عليه ووجهها يضحك

شوگ

البيت توتر بالزايد من وره جيه عمي حميد وحارث الي ماسكت وظل يفشر ويغلط على زينه واهلها

ووولك كافي ااسكت ابوك راح يتخربط من وراك

امي انهدت بي من ظل يصيح واني حجيت بهدواه

حارث انت مو سويت التريده هاهيه سده للموضوع
ولاتظل تصيح

هشام اجه من بره وحجه مباشره

كاافي تصيح تره صوتك واصل للشارع

تعال يمه على اخوك تره نشف ريگي من الحجي
وابوك تعب من ورة المشاكل وبعد ماله خلگ يحجيله كلمه

هشام انهد بي وكمل بعصبيه

احنا بيا حال ولك حس شويه اخوتك ماندري
وين حل بيهم الدهر وابوك تمرض من وره قهرهم
وهاي امك شووف،،، حالها ماتعرف وين تصد
علي لو عليهم لو على البيت وطلباته لو عليك
انت وسالفه طلاگك

حارث فز وجاوبه بعصبيه

ااعرف كلش زين الكاعد يصير والصار بينا
بس ياااخي والله طگت مرارتي وبعد مااكدر اتحمل الكاعد اشوفه واسمعه شسووي گلي اصير مثل عمك
القرقوز اسمع وابلع واصير مضحگه للرايح والجاي

لاانت ماتعرف كلشي رحت طلگت بدون ماتشور احد من عدنا واولهم ابوك شعبالك انت الطلاگ سهل
ماراح تندم بعدين لان طلگتها لزينه

مااتندم والله مو نادم وانعل ابو اليرجعها لا بو الساعه الشفتها بيها

گتلك لاتصيح شبيك انت تظل هيج اعصابك هي الي متحگمه ييك وماتعرف تصرف صح من وره خبالاتك

هشام جاوبه بعصبيه وكمل

ولك، ،،راح تاكل تبن من وراه
وشوف شراح تسوي بيك زينه واول شغله راح تسويها تسحب رزوه منك

ماانطيها الها لو تموت

اي مو هي بگيفك هذا قانون يابه وراح تزوع الاول والاخر بس ترفع عليك قضيه

شتريد تسوي خلي تسوي اني بعد مايهمني اي شي
المهم بالي ارتاح من طلگت هيج شكول زفره
واخلاق سسز

وولك ياامصخم وبنتك ولك ماسمعت كلام اخوك
بنتك راح تاخذها منك

مااتاخذها يمه زينه واعرفها مايهمها غير نفسها
هي وبس اهم شي بحياتها جاي تعلموني بيها
مرتي واعرفها كلش زين







هزيت راسي وعفتهم يحجون ورحت اشوف ابويه
جان باب الغرفه مالته مفتوح شويه شفت كاعد
ويقره قران

صفنت علي وذبيت حسرة وحجيت بقهر

شوگت ترتاح من فتحت عيوني واني اشوفك تركض وره العيشه وطلباتنا والزمن وقهر اخوتي
خلوك تگبر قبل اوانك

عيوني غورگت وحسيت بروحي اختنگت
انسحبت من يم ابويه وطلعت للحديقه جان ليل والسما صافيه بس البال ابد مو صافي ولا مرتاح

الواحد بعد مايتحمل مصايب
وكمت احس بروحي طاقتي وصلت للصفر بيتنا وضعه انگلب بين يوم وليله والمشاگل كثرت بي وصرنا نخاف من باجر لا هم تجينا مصيبه
جديده وتهد حيلنا

سجاد

ماقبلت اضل بالمستشفى لان اكرهها واموت منها
طلعت على مسؤووليتي
لان جرحي جان مو مأذي اي عضو مهم
بجسمي امي ماقبلت هي وابويه
يس اني صممت اطلع

يمه والله اني مو قابله تطلع خاف يصير بيك شي

كولي الله حجيه تره مابيه شي حتى اصاباتي
مو قويه ولا تخوف

مدري والله اشوفك استعجلت بالطلعه بعدك يمه جرحك اخضر واخاف تنزف بعدين

امي حجت وباقر الجان يسوق جاوبها

اي والله اني هم اكولن هيج بس هذا سجاد وعناده
من يگول چلمه انتهى مايعيدها مره اللخ

الحجيه ذبت حسره وجاوبته

اي والله يايمه اخوك وتعرفه كلش زين

هاا شوفو السيد محضر الذبايح وصايرة هوسه
يم بيتكم

عاينت للشارع مالتنا وشفت ابويه واكف واخوتي
وولدهم وزلم خواتي هم واكفين ويا

وصلت ونزلت واول حظن اخذني لحظنه هو ابويه

الحمد لله على السلام يبعد ابوك

سمعت رمي وشفت ابن اخويه كرار كاعد يرمي
اشرت اله يبطل رمي لان مااحب هاي السوالف
لان هوايه اودام راحو من وراها

سلمت على الكل طبيت لبيتنا ورحت للاستقبال كعدت هناك وسندت روحي على التخم لان حسيت بوجع قوي

الربع كعدوا وظلوا يسألون شلون صار الحادث وهم عدته عليهم باقر حجه

سجاد ديربالك على روحك تره ذوله عبالك وراهم احد يعني مبين احد دازهم عليك وجانو ناويين يگتلوك

سكتت ومحمد جاوبه

اي مبينه الشغله ويجوز من وره الشغل مالته صارت عنده عدواه بين الناس

اخويه محمد مايعرف طبيعه شغلي يعرفوني نقيب
واشتغل بالداخليه وفقط بس ابويه وباقر هم الي يعرفون اني بيا وحده وشنو اشتغل

لا يجوز جاين يردون يسلبون سيارته لان غاليه
صارت اكثر من مرة بغداد وهوايه اودام راحت من ورة هاي العصابات







زلمه اختي رقيه حجه وابويه جاوبه

هو ماظل امان بهل البلد كل واحد شايل
روحه بأيده ومايعرف شوگت تجي المنيه

اي والله صدگت ملاتي

محمد جاوبه ومن تحرگت عقجت وجهي من الوجع
عيوني صارت بعيون اخويه باقر انتبه عليه وكام

اخذوا راحتگم سجاد تعبان ولازم يرتاح

كمت من سندني وترخصت من الجماعه طلعت من الاستقبال وابويه هم وياي الي حجه

ها بويه وجعك جتفك

لااا سيد مابيه شي بس اريدن ارتاح شويه ووي الغده اكعد واتغده وياكم

براحتك روح ارتاح بالغرفه الثانيه

طبيت للغرفه وامي اجتي ورايه حجت بقلق

ها يمه ابوك اجه عليه وگلي شوفي سجاد خاف محتاج شي

كعدت على الجربايه وجاوبتها

لا يمه مو محتاج شي بس افتحيلي الباب
خلي الهوه
يطب

جانت الغرفه الثانيه بيها باب على حديقه صغيره
صايره وره البيت

الجو تغير وصاير الهوه طيب ويرد الروح

اي حجيه

جاوبتها وتمددت على الفراش غمضت عيوني وهي
كملت

راح اروح يم النسوان اذا تريد شي صيحني اني لو اختك

اي يمه

من طلعت غفيت بسرعه لان جنت تعبان كلش
وحتى بالمستشفى ماارتاحيت بالنومه من وره
ريحتها القويه

كعدت وي المغرب شفت الغرفه ظلمه وضوه خفيف
يطب من الباب كمت وانه افرگ بوجهي اريدن النوم يطير من عيوني ،،،مشيت للباب وطلعت للحديقه
وكفت وعاينت للاشجار وبعدين للسما
صفنت عليها جان شگلها حلو
منظر الغروب احبه هو والمطر والليل جان الي صاحب صوره انرسمت وخلتني اذب حسره واحجي وي روحي

راضي والله تصيرين چتالي والدفان بنفس اللحظه
بس قبل لا اموتن اريدن حظني يلمج
واتنفس هوه صدرج اريدن جروح گلبي تضحگلي
اريدنج بالحلال

سكتت وكملت بحسره

وحلال ربي بعيد عبن اني عدوج

‏

شوگ

يوميا من اكعد الصبح اكول اليوم ايمن وايسر يطلعون هسه يدگون الباب ويطبون ونفرح بيهم
الايام مشت وهم ماكو

بيوم كلت خلي اخابر الولد فاعل خير
بلكي يجاوبني
ويبشرني راح يطلعون بفلان يوم
دگيت علي مقفل اكثر من مره دگيت وماكو جواب گله يطلع خارج نطاق الخدمه

دمعتي نزلت وكلت هذا جذاب وجان يلعب علينا
ماحجيت اي شي لاهلي وكلت خليها بگلبي
كافي اني انقهرت هم مو عايزين قهر وقلق







ثاني يوم اني بالمطبخ كاعده
اطبخ الغده لان امي من اعتقلوا اخوتي
وهي مو مثل الاول ايدها ماتاخذ شغل اشوفها تعبانه ودمعتها بعيونها وتصفن هوايه

شوگ راح اخذ روزه ليم رغده حتى تلعب وي توته وحمودي

عفت الخاشوگه على الطباخ وجاوبت حنونه من حجت وياي

اي روحي بس لاتتاخرين ويربالج علبها لاتكع ويصير بيها شي

اي تريدين شي من رغده

لا ما اريد

جاوبتها ورحت وياهن للباب شفتهن طبن لبيت
رغدة ورجعت للمطبخ سمعت امي تحجي بعصبيه
بالجهاز وراها كبت العيطه مشيت بسرعه للهول طبيت وشفت امي صايرة نار حجت بعصبيه

كاافي واستحن على روحجن امج الي هجمت
بيت اختك موو احنا لااتجيبين سيره بنتي
اانجبي ادبسسز انعل ابوج لا بو هاي
التربيه السسز

رحت عليها بسرعه وسديت الخط بوجهه الجانت تحجي ويا وحجيت وياها بعصبيه

هاي ويا منو جنتي تحجين

امي رجعت ليوره وكامت تهفي لروحها وجاوبتني

هاااي الادبسسز تبارك دگت عليه
ونزلت عليه ذيج النزله من ورة اختها زينه

اي واني شگو شجابني بالنص

البربوك دعت عليج ادكول ان شاء الله يصير بيها السويتو بزينه

ابتسمت وجاوبتها بدون اهتمام

ااي دخلي ازوج بالاول عود خليهن يدعن عليه

امي فگت زيجها ودعت بحرگه گلبي

حسبي الله عليج سهام انتي وبناتج حسبي الله بيجن وبگل وحده تحجي عليه اني وبنتي
ولجن اني بيا يا حال لبستن ثوبي
وكعدتن بمكاني يگون حرگه گلبي علي
ولدي تندار بيجن بجاه نبينا محمد

من كامت تبجي حجيت وياها بهدواه

يمه رحمه لاهلج كلت قبل ايام لاتجاوبين احد احضريهم وخلي يولون تره ذوله مامن وراهم بس المشاگل

ووج يمه كلت هاي عاقله وتفهم بلكي داكه عليه
تريد اتسوي صلح بين اخوج ومرته اشو هاي
نزلت ذيج النزله وسمعتني حجي يقهر
شنوو ذوله من بشر بالوجه
مرايه وبالگفه سلايه

رحت للمطبخ جبت مي ورجعت
انطيته الها شربت وحجت

لاتسمعين ابوج تره مو عايز قهر فوگ قهره

لا ماراح اگله اي شي بس انتي هم يمه بعد لاتجاوبين اي احد من عدهم

احضريهم كلهم من انعل ابوهم لا
ابو الساعه السوده الصارت بيها زينه لاخوج
احنا وين وهم وين لا طبعنا مثل طبعهم
ولا اخلاقنا مثل اخلاقهم بس شسويله لحارث الي ماسمع الگلمه
ورگب راسه الا ياخذها لست الحسن وهاج شوفي شسوت بينا وبي وبعد الله يستر من الجايات







تحجي واني احضر بيهم واحد واحد سمعنا باب الشارع انفتح وشفت من الشباج ابويه اجه
حجيت

يمه اسكتي تره اجه ابويه

طب وسلم. وكف وصفن على امي وسألني

خير صاير شي

لا ياابه ماكو شي تعرف امي تذكرت ايمن وايسر وكعدت تبجي عليهم

ذب حسرة وراح كعد يمها وجاوبني

الله كريم ياابه يطلعون هو الولد فاعل خير گلي راح يطلعون عن قريب بس يگملون تحقيق وياهم

ابو هشام دك علي شوفه شسوو وليش الولد
تأخروا بالطلعه

دگيت علي ويطلع مغلق

ابويه حجاها بحسره وشفت امي انقهرت وجاوبته

وين راح وليش يطلع مغلق خاف هذا جذاب
وديلعب علينا

ابويه مثل الواحد الي يريد يتعلق باي امل جاوبها

لا مو جذاب لان ماراد شي ولا طلب اي مبلغ
هو طمني وكلي انتظرو نكمل تحقيق وياهم ونطلعهم

صفنت علي وهزيت راسي بأي بگلبي كلت

ابويه هم مثلي ماگدر الا يخابره وهم طلع عنده مغلق

اني واكفه
جهاز امي دك برساله على الواتس اب شفتها تبارك
مشيت من يمهم واني اقره بالرساله

#مو صوجكم يابيت الفگر
صوجنا احنا الي انطينا زينه لواحد
فگر وابن فگر يحجيلي بالشرف والتربيه
حارث افندي
واحنا اشرف منج انتي وبناتج انتو
ولو بيكم خير شوفو ولدكم وين صاروا
ذوله اهل المخدارت ان شاء الله ماتشوفيهم بعيونج
ويجيبوهم الج بالچفن حتى يحترگ گلبكم مثل ماحرگتو گلب امي وابويه

ماادري شصعد براسي من قريت كلامها وگلبي حسيته واحد عصره بقوه من قريت دعوتها على اخوتي طبيت لغرفتي وسديت الباب ورايه رحت كعدت وعيوني تقره بالكلام وتعيده

كتبت بسرعه

يااا شوفو ام الولد شجاي تحجي تحجي بالشرف وهي كلها تعرفها شنو هي ولج
ام العلاقات وسوالف تالي الليل
ديربالج على روحج
لايجيج السرة انتي اللخ لان الظاهر سحر امجن
انفك واكسبايره انتهى
اليوم ربى وراها زينه اتطلگت وباجر، ،، انتي هم راح يلحگج السره وتطلگين من فيصل وتلحگين
خواتج بيت اهلج، ،،،وهاا ديربالج بعد تندگين بأمي
تره تليفون واحد لرجلج واحجيله ،،على تاريخج المشرف وشلون تاريخ هو هههه
اسود مثل وجهج

دزيتها وسويت حضر مباشره

الصار ماحجيته لامي مسحت كلشي
وضميتها بگلبي

سجاد
بليل كاعد وحدي بالغرفه طلعت جهازي الثاني
وفتحته شفت شوگ وابوها متصلين عليه
عرفت تاخرت عليهم من وره اصابتي
كتبت رساله
الها







#اخوتج بعد كم يوم يطلعون لايظل بالج

دزيتها وماكو ثواني ودگت عليه
انطيتها رفض وراها اجتني رساله

#عليك الله صدگ راح يطلعون هالايام بداعه امك وابوك صدگ تحجي ااعرف ضوجتك باتصالي
بس والله گلبنا نار عليهم هم شلونهم زينين
عفيه لاتخليهم يأذوهم ذوله جهال
امانه الله عليك جاوبني عفيه حباب
جاوب ظل بالي عليك من ماجاوبتني
اني وابويه

ترددت اكتب بس گلبي هو الي كتب
مو ايدي ردت احجيلها الصار بيه

#اسف اذا مارديت عليكم بس اني تصوبت
ونمت بالمستشفى كم يوم

دزيتها وانتظرت ردها بلهفه اجه وره دقائق

# الحمد لله على سلامتك اخويه ماتشوف شر
والله اني وامي وابويه كاعدين وندعيلك لان فرحتنا
بهل الخبر ربي يحفظك من كل شر وماتشوف مكروه
يصيبك


ااخ لادكولين اخوج
ووج انه عليل بحبج واريدن
الحلال وانتي ذبحتني بها الچلمه

حجيت بگلبي
وعيوني ظلت تقره بكلامها دزيت

#شكرا الج وانتظري اخوتج ان شاء الله بعد كم يوم يطلعون

دزيتها وهي ردت

#الله يفرحك ويحفظك من كل شر مااعرف شلون نجازيك على هاي الوگفه ولا راح نعرف نرد جميلك
بس صدگ راح ادعيلك من كل گلبي بالعافيه والنجاح بحياتك

كتبت وهي امنيه الگلب وهواها

#ادعيلي اخذ الي اريدها واحبنها ادعيلي
تصير حلالي وام بيتي وتحبني مثل ماانه احبنها

دزيتها وظليت انتظر الرد اجاني مثل نسمه هوه بارد وضرب وجهي بهدواه

#راح ادعيلك وبس اشوف اخوتي كدام عيوني
بالقران اروح للكاظم هناك يم شباجه راح ادعيلك
واشدلك علگه هناك ومن تبشرني انت اخذتها
نذر علي اطش جگليت بحضرته

گوة كتبت

#راح اذكرج بنذرج بس تصير من نصيبي هسه انه
اترخص لازم اروح

رجعت الرد وهي جاوبتني

روح الله ومحمد وعلي وياك

گلبي رف من سمعت دعوه امي من عدها وحسيت
براحه خلتني ابتسم

صعب الي يتحرگ هوايه ينام بالفراش
وانه بطبعي نشط مااحب الخمول ولا الكسل

ردت اطلع وره ايام والحجيه ماقبلت

يمه وين رايح جرحك بعده اخضر لايصير بيك شي

شلت سلاحي وخليته بصفحتي
جنت اواجه صعوبه من وره الم جتفي مادرت بال
جنت اريد اطلع لان ضجت كلش من كعده البيت

مابيه شي حجيه لايظل بالج تره جرحي صارله
25يوم وهسه طاب ومو مثل الاول

ولك يمه مااريدك تطلع خاف هم ذوله. بعدهم يراقبوك ويسولك شي







استغفر الله ياربي يعني شلون اظل كاعد يمج مثل النسوان ومااطلع

جنت احجي وياها بالغرفه طلعت وهي ورايه تحجي
طبيت للصاله وشفت ابويه جاي من المطبخ

ها هيانه ابوك اجه خلي هو يحجي وياك اني تعبت من الحجي

شبيج خاتون وي سجاد

سيد احجيلك كلمه ويا تره گلبي خلص واني اگله
يمه لاتطلع اخاف عليك من ذوله المايخفون الله
خاف هم

سكتت من اختنگت وراحت كعدت وكملت

ولك يمه اني مالي غيرك واخاف عليك لايأذوك
هالمره سلمت منهم مرة اللخ اخاف يگتلوك

من بجت ابويه كال

استغفر الله ياربي هاي شبيج يامرة ليش تفاولين على الولد بالشر گولي يالله ووأمني بأيد ربج الي ماتضيع يمه امانه

شلون سيد والله گلبي كام يوجعني بس گال راح اطلع

يعني شلون الواحد مايطلع مايشوف اشغاله يظل
كاعد مثل النسوان ومگابلجن

انت شبيك ماتخاف علي هو مو ابنك شلون تكدر تخلي يطلع بعد الصار بي

ابويه سكت وراح كعد اگبالها وعاين الها بترگيز
وجاوبها

سجاد ابني واخافن علي من الهوه الطاير وافدي بروحي لو شفت واحد يريدن يأذي لچن انه سيد واؤمن بقضاء الله ،، اشگره واحمده بالسراء والضراء ومااعترض على حكمه ولكن اسأله اللطف بينا
وان يبعد عنا سوء القدر

امي سكتت وظلت تعاين عليه وابويه كمل

روح بوويه امنتك بأيد الله الي ماتضيع يمه امانه

ابتسمت من شفت امي تهز راسها بلاا
رحت بستها من راسها وحجيت

ادعيلي حجيه مااريده اطلع وانتي زعلانه عليه

ولك يمه اخاف عليك

ماكو شي لاتخافين ابنج سبع ويلاوي الموت

اسم الله عليك يمه من عمري على عمرك

كامت وباستني من خدي وحجت

روح يمه ودعتك بأيد الله

عاينت لابويه وشفت مبتسم اشرلي براسه
روح

طلعت من يمهم ركبت سيارتي وامي واكفه بالباب اشرتلها ادعيلي رفعت ايدها وسمعتها حجت

الله ومحمد وعلي وياك

شغلت السيارة وطلعت بيها للدوامي محد يدري بيه راح ادوام لان مابلغت الولد

وصلت ونزلت طبيت للمقر تلگوني كم منتسب واخذولي تحيه وتحمدو اليه بالسلامه
رحت للمكتب مالتي طبيت ورحت كعدت
دقائق وطب بگر وعمر الي جانو متفاجئين لان دوامت بكر سألني

ها سجاد اشو مدوام خير صاير شي

رفعت حواجبي وجاوبته

ليش الي يصير شي يله اجي ادوام







هاا لاا بس يعني مو بعده جرحك ماطاب شلون ادوام خاف يصير بيك شي

ركزت بنظراتي عليهم وشفت اكو ارتباك بوجوهم
سالت عمر

صاير شي ورايه

سگتوا وكمت لحيلي ومشيت ليم بكر وسألته
وعيوني بعيونه وبلهجه امر

سألتكم صاير شي من ورايه وانه ماادري

عمر حجه بأرتباك

والله مااعرف شحجي ردت اخابرك واحجيلك على الصار بس بكر ماقبل وگلي هو بيا حال حتى تغثه
بهاي السوالف

عاينت لبكر الي كمل

احنا حلينا الموضوع وي العميد والسالفه فضت
بوگتها لادوخ روحك وانت ماتگدر اكعد وارتاح
وخلينا نشوفك ونطمن عليك

من خله ايده على جتفي وخرتها وحجيت بأمر

ملازم اول بگر ااريد اعرف كلشي صار وبهاي اللحظه
هسه تحجيلي الصار هذااا أمر

بكر رجع ليوره وصفن عليه صحت

اااحجي

أمرك سيدي

سكت للحظه وعاين لعمر وبعدين حجه

ملازم عباس من تصوبت رايح للولد وو

سكت من شافني خزرته بعيوني

كمل

حجيت بأعصاب وهو كمل

تعرفه وتعرف سوالفه البايخه حاجي وي ايمن
حجايه وذاك مو متحمل وضاربه وهو تخبل علي ولازمه بالصونده وگاتله وو

سكت وصحت بي

شنووو الحجاه وشصار بي للولد

عمر الي حجه من سكت بكر

كله اختك حلوة وتخبل وعليها ج،،،

جزيت على سنوني من سكت عمر لان افتهمت شحجه ذاك الساقط وسألته باعصاب

وأيمن شلونه هسه

بكر جاوبني

نقلنا للمستشفى لان كسر اله ضلع من ضلوعه
وبعدين رجعنا وهو هسه زين لايظل بالك

مشيت بسرعه وعمر وبكر لزموني وحجو
سجاااد وين رايح

عاينت عليهم بطرف عيوني وهم حسو ووخرو
ايدهم مشيت بخطوات واسعه وهم ورايه
طبيت لغرفه عباس وشفته ماكو سألت منتسب
وكلي بالساحه البره

طلعت وانه اشوفن دم بعيوني مو لان استغل فرصه غيابي وادخل بشي يخصني لا عبن جاب
سيرة شوگ

شفته واكف وي خالد وديحجي ويا اول ماشافني
اخذلي تحيه نسيت وضعي ونسيت
جتفي متأذي مباشره من اندار عليه عباس ضربته
بوكس شمرته على السياره

خالد وكف بوجهي وضربته گله براسه خليته يرجع
ليوره لزمت عباس من هدومه وضربته كفخه على حلگه وطلعت الدم بگر وعمر لزموني
وسحبوني منه

صارت هوسه يمنا والكل التم علينا نفضت بكر وعمر وصحت بي من شالو كم واحد من الكاع

حذررتك الف مره مني گتلك لاتجاوزني تره تشوف شي مو شايفه منووو انت حتى تجاوز رتبتي هااا
منو انت حتى تستغل فرصه غيابي وتدخل بشي
ماايخصك

نقيب سجاد اهدأ وفهمنا شصاير

ملازم اول فلاح ادخل وصحت بي

ااانت تعرف شصارر لاتسوي نفسك ماتدري
وحسابكم گلكم يمي وااانت

صحت بعباس الي وكف ويترنح ويعاين عليه
بخزره

اانت ماتظل هناا وعلي الا اذبك يم الحدود وكول نقيب سجاد كالها وسواها والي جنت ساند روحك
بي اعرفه كلش زين واعرف شنوو دواه

رجعت ليوره وصحت

ملازم اول بگر ملازم اول فلاح تاخذون عباس
واي واحد شارك ويا وتجاوز صلاحيته وادخل بتحقيق مايخصه وتذبوهم بالسجن والا
امر مني يله يطلعون

الكل تفاجأ من حجيت هيج صحت بأعصاب
واني لام قبضه ايدي بقوه

نفذو الاوامر

الولد اخذو عباس وخالد من كدامي عمر حجه

سجاد جتفك كاعد ينزف

درت وجهي وشفت اثر دم بهدومي
مادرت بال طبيت للمقر وهو ورايه رحت لغرفتي
ورثت جگاره واخذت نفس بسرعه واللخ هم
نار اشتعلت بصدري من سمعت هذا الناقص
شحجه على شوگ

ضربت الميز بقوه وصحت

بنت الخره عميه ماتشوفين زلم فوگ راسج
ماتروحين تسترين نفسج بشي شگو واكفه بنصهم
مثل الثوله

عمر ظل ساكت وصحت بي

اااطلع ماريد اي احد يوگف چدامي

صاحبي انسحب بهدؤ من يمي وسد الباب
افتريت بالغرفه وجگارتي بأيدي اخذ النفس بجره طويله واذبه بأعصاب

مسحت وجهي وحجيت وي روحي

هي صوجها لو صوجي انه الي مافتت عليهم
حتى مااخلي احد يلمحها او يشوف شي منها

بكر طب وحجه

سويت الكلت عليه وخليتهم بالسجن مثل ماامرت

ابدي تحقيق وي الولد واريدهم بهذا الاسبوع
يطلعون كافي تأخير وهم ماعدهم شي

تمام

وهذااا ااخ منه وعلي الا اخلي يتوب بالقران الا
اعرفه منو هو نقيب سجاد وشيگدر يسوي
اذا شاف واحد تجاوزه وماخله اله قدر

اخذ حگه وزياده تكفي هاي الاهانه كدام المنتسبين
اذا هو رجال خلي يرفع راسه مره ثانيه كدامنا

ذبيت الجگاره بالكاع ودستها برجلي وهو كمل

سجاد خلي اخذك للمستشفى جتفك كاعد ينزف

وخرت القميص من جتفي وشفت نفذه مفتوحه
وكاعده تذب دم اخذت مجموعه كلينس وخليتها عليها

خلي نروح سجاد خاف بعدين يتلوث الجرح

هزيت راسي باي وطلعت اني وصاحبي
للمستشفى

شوگ

وره كم يوم الصبح ساعه بالتسعه
احنا كاعدين على الريوك سمعنا الباب انفتح
باوعت على امي وابويه الي حجه

منو جاينا بهل الساعه

يتبع

أنِأّ وِأّلَمَجِنِوِنِ

أّلَجِزِّء أّلَثّأّنِيِّ عٌشٍر

_____

شوگ

وره كم يوم الصبح ساعه بالتسعه
احنا كاعدين على الريوك سمعنا الباب انفتح
باوعت على امي وابويه الي حجه

منو جاينا بهل الساعه

تمشيت لباب المطبخ وباوعت صحت بفرح

يااابه يمه ااجوي ايمن وايسر

حجيت ورحت اركض عليهم حظنتهم اثنينهم وكمت ابجي.

ابويه وامي اجوي بسرعه وحظنوهم
وصوت البجي
مالهم ينسمع مكدروا يحجون وجنا مو مصدگين
اخوتي طلعوا وهيانهم جدام عيونه

امي تريد تهلهل ماكو صوت من البجي وفرحتها بيهم
جانت ماتعرف شدگول،،،ابويه ظل يبوس
بيهم ويحظن بيهم واحد واحد حارث نزل من فوگ
من شافهم صاح بتأثر

ووولكم شسويت بينا من خرب بيكم

اجه وحظن ايمن وراه ايسر وحنونه هم ظلت تفتر يمنا وتبجي
طبينا للمطبخ واحس بفرحه جبيرة بگلبي والهم الجان بي راح بس شفتهم كدامي حجيت بفرح

ها يابه طلع كلام الولد صدگ
وطلعهم لايمن وايسر
مثل ماگال

ابويه هز راسه ورفع ايده ودعى وهو متأثر

الله يرضي علي دنيا واخره ويبعد عن ولد الحرام
ويحفظه لشبابه بجاه نبينا محمد

امين

جاوبته اني وامي الي اشرت الي وحجت بفرح

ووج شوگ بشري هشام وبيت خالتج بهيجه

اي يمه هسه

خابرت اخويه الي فز وصاح بفرح

صدگ تحجين يعني هم هسه يمكم

اي والله هاك اسمع صوتهم

انطيت الجهاز لايمن وحجه وي هشام
صفنت على اخوتي وشفتهم ضعفانين كلش ومبين عليهم ضاربيهم ومأذيهم كتمت دمعتي بعيوني
وانتبهت لابويه صافن عليهم هو وامي
وبين بوجهم القهر

الظهر التمينا كلنا على الغده واشوف ابويه فرحان بينا ووجهه رد لونه هو وامي
اخوتي الصغار جان مبين عليهم التعب وقله النوم
حارث سالهم

يولو ماعرفتو وين جنتو وياجهه الي اخذتكم

لا والله مااعرفنا منو هم ولا شفنا شگولهم

ايسر جاوبه وامي سألته بقلق

يمه ضربوكم احد اذاكم

ايمن سكت وايسر جاوبها بوجهه مطعون

كلهم جانوا زينين ويانا بس واحد واللخ ويا شدو ويانا واذونا كلش ووا

ايمن خزر ايسر الي سكت وحارث ساله







شبي ايمن احجي

مابيه شي يمعود هيج سالفه صارت وراحت

ايمن جاوب حارث الي مااقتنع بكلامه باوع لهشام
الجان ساكت ويسمع الحجي

وره العشه صعدوا اربعتهم لغرفه الولد امي ظلت
يم الدرج وتباوع لفوك بقلق حجت من اجيت يمها
وسألتها

ها نبوعه شعندج هنا كاعد تسوين تحريات مثل المحقق كونان

ووج ياكانون ياصخام اخوتج بس لا بيهم شي
ومايقبلون يحجو النا

ماكو شي لايظل بالج شفتيهم بعيونج اكلوا الما شبعوا وكعدوا شويه وينا وراها صعدوا

اي اعرف هذا كله بس ليش اخوتج صعدوا وراهم خاف يعرفون شي احنا مانعرفه

ماكوو شي نبوعه هاي سوالف شباب احنا مالنا شغل
بيها يجوز هسه كاعدين يسولفون على السجن
وشلون حققوا وياهم

ماادري شوگ احس بيهم شي وساكتين

شفت ابويه اجه ليم باب الهول باوع علينا
وبعدين راح حجيت وي امي

يمه امشي اكعدي يم ابويه تره اجه باوع علينا وراح
خلي مرتاح ولاتشغلين باله وبالج بشي راح وانتهى

هاا يعني اطمن مابيهم شي لاخوتج

والله مابيهم شي وهسه تشوفين وي الوكت ينسون
ويرجعون مثل الاول واحسن

يارب

سجاد

وره كم يوم كملت اجرأت الولد وطلعتهم على مسؤوليتي طلبت من حسين يوصلهم بأيده للبيتهم
واكف يم شباج غرفتي وشفتهم يمشون ويا
ركبوا بالسياره وراحوا

رجعت ليوره سحبت جگاره ورثتها وشفت الساعه
بالسبعه ونص الصبح كلت خلي اطلع لاهلي
لان الحجيه ظلت ادك وتحجي عليه
وسوتلها زعله عبن ظليت بالدوام يومين

طلعت لسيارتي وملازم اول فلاح تلگاني وحجه

سيدي اريد احجي وياك بشغله

وكفت وقاطعته

اذا بخصوص ملازم اول عباس ماراح اسمع شي
يظل بالسجن هو وخالد ومااريد اي احد يشفع الهم
ولا يحجي بموضوعهم ويايه

سكت وبعد ماحجه شي
،،كملت مشي ركبت سيارتي وطلعت بيها
لبيت اهلي رجعت ظهري ليوره ولزمت جتفي المصاب حجيت وي روحي

يهون التعب والوجع بس انتي ترتاحين وترجع ذيج الضحگه الحلوة لوجهج

سكتت وعاينت للشارع ابتسمت من تذكرت كلامها

راح ادعيلك يم الكاظم واشدلك علگه هناك

حجيت بهمس وي روحي وانه اتخايلها چدامي

وهاي وفيت بوعدي الج اريدن اشوفج راح ترحين وتوفين بنذرج اليه

اني اسوق جهازي دك وشفته بكر
جاوبته







هلا بكر

هلا سجاد انت وين بالدوام

لا هسه طلعت منه خير صاير شي

تعرف ذوله الي رمو عليك طلعوا منين

عگدت حواجبي وسالته

منين بله

تبع الحوت هو الي دازهم عليك حتى يگتلوك

ومنين عرفت هذا الشي

من اخو جمال الصغير شوفته صورهم وكال ذوله ويانا يشتغلون بس جمال الچلب نكر هذا الشي
وكال مااعرفهم عبالك يردله گتله زينه حتى يقر ويعترف

لااا خلي بالانفرادي فد شهر وهو بس يطلع راح
نگدر ناخذ منه الي نريده

صاحبي سگت وكملت بتركيز

بكر المدوخني هم شلون عرفو اني
منو ووين اروح واكعد
انت
تعرف احنا شغلنا كله سري ومحد يعرف بينا
شكاعد نسوي
واسمائنا ومعلومات الي تخصنا كلها سريه
ومحد يگدر يوصلها بس العميد واحنا

ماادري سجاد اني هم دخت بهاي السالفه وكمت
ااشك ب

صاحبي سكت واني افتهمت شيريد يگول
جاوبته

اكو جاسوس بنصنا مو بله اني حسيت بهذا الاحساس

اني مااريد اتسرع بشگي بس الصار خلاني
اشك بكل واحد يشتغل ويانا بالمقر

شوف يجي يوم ويوگع بأيدنا وذيج الساع
خلي يفيد الحوت وربعه

الله كريم سلامي للسيد والحجيه

يوصل

الله وياك

جاوبني وسد الخط ظليت افگر بكلامه طول الطريق
جنت حاس بهذا الشي واحساسي طلع صح

شوگ

شكو واحد يحبنا وانقهر على اخوتي من اخذوهم اجه وبارك النا على طلعتهم
ثاني يوم الظهر هشام كلي اعزموا شكو واحد
سأل علينا وعلى اخوتي ووكفلنا بهاي الشده

امي عزمت خالاتي وخوالي ورغده وبيت ابو سلوان
وبيت ابو مروان وعمي محمد ومرته رؤى
وولده يزن ولارا وسارا

جنا فرحانين كلش برجعه اخوتي وامي تفتر يمنا بالمطبخ وتحجي بفرح

يمه شوگ سوي حلاوه مال نشا وطلعي المواعين
والخواشيك من الكاونتر وحضريهن

اي يمه هسه

ااطلعهن اني

ياسمين بنت خالو وحيد حجت واختها نسرين
سالتني

هنا بيا باب

اشرت علي وجاوبتهن

هناك حبابات اول باب

طلعن الغراض وياسمين سالتني

راح اغسلهن هن نظيفات بس ههه هذا الواهس مالتي







ابتسمت الها وجاوبتها

نفسي والله هم هيج الا اغسل الشي من اطلع
من الكاونتر حتى لو جان نظيف ويلمع

خلي اني اخوط الحلاوه وشوفي عمه شتريد منج

نسرين حجت وعفت الحلاوه عليها رحت للغرفه مالت امي وسالتها من طبيت

ها يمه خير رايده شي

تعالي يمه اني عزمت الاودام ومااعرف وين راح اخليهم

ضحگت من شفت حيرة امي وجاوبتها

نبوعه انتي ماصدگتي من كال هشام اعزموا
الاهل وانتي لزمتي جهازج منا وعزمتي الكل حتى الجيران

اااي غير من فرحتي بولدي عزمتهم شمدريني المكان
ماراح يگفي

لا يگفي شوفي الزلم بالاستقبال يتغدون
والنسوان الكبار بالهول واحنا البنات نظل وره الغده من نفضه يله نتغده

ها يعني يكفي المكان

نبوعه شبيج ماتعرفين بيتج تره الاستقبال جبيره
كلش والهول هم يعني يگفن لاتشيلن هم

زين هذا ابو المطعم عبالك تأخر بالاكل ووج خاف
يضربنا بوري ومايجيب الاكل

لااا خابره هشام وگله ساعه والاكل يمكم
وخليت القواطي بسطله الجبيره هن والمي واللبن
والخبز حار وحاضر والزلاطه والطرشي هم حاضره
وعفت نسرين كاعده تخوط بالحلاوه ومشوار اصبها

اووف يمه شسوي بلياج اني اضيع وبعد مااندل دربي

هههه نبوعه انتي الخير والبركه اني بلياج مااسوه شي ياشمعه بيتنا ونورها

امي ابتسمت وسمعت صوت ياسمين

شوگ تعالي هشام يريدج

حارث اجه للغرفه من شافها
سلم عليها حجيت متقصده
واني اقلد خواتنا السوريات

جااي تؤبرني شو هالغنج شو هالدلال شو هالطول
الحلو ريتك تطلعي على أبري وماتنزلي

هااا

الفطيره جاوبتني ومن شافت نظرات حارث
انهزمت من يمنا امي طگتها بضحگه واني وياها
فتت من يم اخويه وحجيت بشقه

ياازلمه شوو رأيك فيها هالبسبوسه

منوو

اخويه جاوبني وامي خربت ضحگ واشرت اليه
وحجت

ووج اسكتي منا العالم

كتمت الضحكه وطلعت من يمهم اعرف نبوعه راح تشتغل عليهم وتمنيت من گل گلبي حارث ياخذ ياسمين
لان بنت خالي حبابه كلش وفقيره ويگفي تحبنا
وتحب اخويه الي ماعرف قدرها وفضل عليها وحده زباله مثل زينه

خلينا الغده وخاله ام سعد ماكدرت تجي لان جان مالها خلگ من وره طه سمعت من داني هو اندعم ومات وانقهرت علي ذيج القهره واني وياها
الخبر اجانا قبل كم يوم من طلعه اخوتي وكلنا انصدمنا من سمعنا هو مات







صبيت الغده ووديته بأيدي
الها من طلعت من بيت اهلي عيوني راحت
لمكان طه ذبيت حسره من شفت مكانه فارغ مثل
كل مرة وسألت روحي

وين رحت وليش مارجعت لحد هسه شصار بيك
وصدك انت متت مثل ماكال داني وابوه

ذبيت حسره اللخ وكملت بقهر

لو طيب جان رجعت لمكانك بس هو مثل ماكال داني انت متت وخلصت من هاي الدنيا الوصخه

دگيت الباب وطلعت وره دقائق شفتها باجيه
وكلش متأثره حجيت

شلونج اليوم خاله

الحمد لله يمه

جاوبتني بتعب ومن رادت تاخذ الاكل حجيت

خاله اني اودي جوه ارتاحي انتي

طبيت وهي ورايه خليته بالمطبخ وهي كعدت
وحجت

تسلمين يمه تعبتج ويايه

لا خاله لاتگولين هيج اني مثل بنتج
والله انقهرنا كلنا لان مااجيتي على الغده

سكتت ودمعتها نزلت عيونها راحت لهدوم فوگ
القنفه وحجت بتأثر

اااوف يايمه طه قهرني ومردني مرد عبالك ابني اللخ مات

حجتها وطكتها بالبجي

كعدت يمها وجاوبتها واني هم مقهوره علي

والله ياخاله اني هم انمرد گلبي علي وانقهرت كلش
وسألت عمو قاسم علي وكلي

اي اكو مخبل اندعم قبل شارعين ومات بس مايعرفه هو لو غيره بلكي مو هو ويرجع يمج

هو يمه داني وابوه شافوه وكالو هوو

گلبي انعصر من سمعت كلامها وسكتت وهي كامت
جابت دشادشه سوده وحجت

شوفي هدومه غسلتها وبعد بيها الريحه
الطيبه اليگول مال ملاك مو بشر

لزمت دشادشته من انطتها اليه اشتميت الريحه
وجاوبتها واني صافنه عليها

اليگول طه ابن سيد لان ريحته مال ساده

لو ابن سيد جان مو هذا حاله جان هسه
مدلل بجاه ابوه
وامه بس هذا خايب وفاين حظه واهله ذبوا
بالشارع حتى يخلصون منه

هزيت راسي بأي وذبيت حسرة كمت وحجيت وياها

خاله امانه عليج اتغدي حتى تشربين دواج
وادعيله بالرحمه لطه لان خلص من اذيه البشر

الله يرحمه يمه ويصبر گلبي على فراگ الغوالي

اللهم امين

جاوبتها وترخصت منها وطلعت

سجاد

بيت اهلي كاعد داشرب الجاي وي الحجيه وشروق
الجرس اندك اختي،، كامت واشرت الها اكعدي
طلعت من باب المطبخ وشفت مرة ابويه
طبت ووياها اختي رقيه







هاا هاي سجاد هنا شلونك

حجت كالعاده بضوجه وجاوبتها

الحمد لله

شلونك سجاد

اختي الجبيره سلمت بدون ماتبوسني وطبن للبيت
سمعت امي تهلي بيهن اخذت نفس وذبيته
ورجعت للصاله

كعدت ولزمت جهازي ظليت اگلب بالفيس
وسمعت مرة ابويه حجت

اذا انت هنا ليش مااجيت على الغده السويته
على سلامه ابن محمد

اخويه اجاه ولد اللخ وسماه عبد الله انه باركت
اله بالتليفون ووصيت امي تشتري اله هديه
زينه وتوديها الهم هي وشروق

ماعلي عتب سجاد خطيه ملتهي بدوامه

انه بطبعي اكره كلمه خطيه ومااشوفها مناسبه للرجال ،،، عاينت لاختي من حجت هيج
وامها كملت بنغزه

قابل هو وزير ومايگدر يجي هذا اخوه
والمفروض يجي ويوكف بالغده مالته ويباركله
على مااجاه

سكتت للحظه وبعدين كملت بضوجه

شنهي نسيت الاصول يابن خاتون
لو دلال السيد وامك نسوك شلون تأدي الواجب

عيني ام باقر تره سجاد جان مايگدر تعرفين
صوابه بعده حار واجازته خلصت وجان لازم يدوام

الصوابه حار يگعد بالبيت ،، وبعدين خاتون
انتي كلتيها بنفسج هو داوم يعني اليگدر يمشي لدوامه مايگدر يجي ساعه ويفرح اخوه
بجيته

خاله اخويه تره بارك لمحمد وحتى دز بأيدنا هديه
لمرته

اختي جاوبتها وذيج انهدت بيها

ليش ابني بحال هديه لو فلوس انه داكلج على الجيه
هو ليش تگبر على اخوه ومااجاه

كمت لحيلي وجاوبتها ببروده

السيد يدري بيج جايه لعدنا وجايبه وياج هذا الحجي

عبالك تريد بس تتعارگ فزت من مچانها وصاحت بيه

ووولك جااي تهددني بابوك ااسمعني زين
انه ااعرفك كلش زين انت ماتحب الخير لولدي
وهاي امك وانت وياها راح تموتون عبن ولدي تزوجو
وصار عدهم بزر وانت واختك ظليتوا مثل البيت الواكف

علووويه مو هيج الحجي عيب عليج هذا الكلام

امي صاحت بيها وبنتها حجت وياها

يمه مو هيج الحجي

صحت بيها بعصبيه

اخذي امج واطلعي

تطردنا من بيت ابويه سجاد

من صاحت بيه اختي دفرت الطبله الجدامي وامي
اجتي يمي ولزمتني هي،وشروق صحت باعصاب

وعلي اذا ماطلعتن هسه من بيت ااامي الا اسوي بيجن شي مو صاير

ااااطلعي يمه البيت موش بيت ابوج البيت
بيت خاتون وولدها







طلعن ووراهن الشر امي كعدت تبجي وادكول

يااربي صفيت،،،،اني وولدي
معاره بحلگ اليسوه والمايسوه هاي تاليها اتعير بقسمه ولدي

استغفر الله يااربي عفيه مرة مااطبيت لبيتنا الا والشر بذيالج

حجيت باعصاب وامي انهدت بيه

اانت صوجك لو مزوج من زمان ومخلف جان ماظليت علج بحلگها هي واهلها

يممه رحمه لاهلج سديها لهاي السالفه تره لعبتوا نفسي من وراها كلما اجي اسمع نفس الحجي
ونفس السطوانه تنعاد

امي فزت من مكانها واجتي ليمي واختي لزمتها
وحجت بهدواه وياها

يمه على كيفج ويا هو شعليه حتى تنهدين بي

امي وخرت اختي واجتي ليمي وصاحت بيه

گلي شناقصك يبن بطني ناقصك فلوس لو جمال لو رتبه ولك الف وحده تتمناك وتريد بس رضاك
وانت ولا يمك فهمني شتريد تصير ناسك
عابد وماتزوج طول عمرك

سكتت وهي حجت باعصاب

مااتحجي ولك جاوبني ليش ماتقبل تزوج ولك
الي بگبرك ولدهم صاروا بطولهم ولك حس
على روحك مو عمرك كاعد يمشي وانت مو حاس
بي

اانتي شتريدين شنو الي يريحج

جاوبتها بهدؤ هي انهدت بيه

ااازوج خليني افرح بيك واشوف
ولدك قبل لااموت
صااارلي ساعه احجي وتسألني بدم بارد
شأريد ولك اني جاي اموت من وره قهرك
انت واختك

سگت للحظه وذبيت حسره وجاوبتها

هاهيه يمه راح ازوج اصبيرلي كم يوم وانه
اجي واگلج وين تروحين وتخطبيلي

العصبيه راحت ووجهها تغير للفرح وجاوبتني بسرعه

صدك يمه ووج شروق سمعتي الحجاه

اختي ابتسمت وهزت راسها باي

رحت گعدت وهنه لحگني شروق سألتني

منو هي وشسمها وشكد عمرها

ابتسمت وجاوبتها

ها عبالك نسيتن سالفه العرگه الصارت قبل سويه

عوفك منها يمعود هاي مرة ابوك سوالفها قديمه وصارت عتيكه خلينا بالجديد مالتك

اختي جاوبتني وامي لزمت اي وسألتني بتوسل

يمه صدك تحجي انت شايفلك وحده يعني ماجنت اجذب عليه حتى تسگتني

اشو هيج الحجي حجيه شلون اجذب عليج بهيج موضوع انتي بس اصبريلي كم يوم الما ارتب وضعي
وادزج عليهم

امي رفعت ايدها للسما ودعت

يالله اريدها منك هالبشاره اريدك اتمها على خير
ونذر عليه يااخوة زينب اجيك واطش الجگليت بحضرتك بس تفك قسمه ولدي







مااعرف ليش گلبي فگ وارتاح من سمعت امي شحجت راحه گظت گلبي بهدواه وحسيت نزل مي بارد علي

وي روحي گلت هاهيه سجاد روح واخطبها
لشوگ هي ماتعرفك منو انت وشنو جنت ليش خايف
وانت تعرف هي مستحيل تعرف سجاد هو نفسه
طه

شوگ

ردت اشتري هديه لاخوتي على سلامتهم
وكلت لرغد تجي وياي اخذت بس توته ويانا وعفنا حمودي يلعب وي روزه وحنونه يم امي

نبوعه الزمي حمودي لايشوف رغده
ويسويلنا هوسه

ااطلعن بسرعه

امي حجت بهدؤ وهي تأشر

طلعت اني وصديقتي مثل الحراميه
سديت الباب ورايه مشيت وياها واحنا نضحك
على اروحنا شلون جاهل خلانا ننهزم بسرعه

سلمت علي خاله ام سعد وشفت زيتون
طلع من بيتهم وكف وباوع عليه بنفس النظرات
رغده حجت وهي كاتمه الضحگه

طلع قيس وشاف ليلى المتيم بيها

اانجبي وامشي كدامي لاتخلين اغرد بهل العصريه
خليني ساكته واجفي شر لساني

ههههه سگتنا بس تره خطيه

راح انزع حذائي وادگج بي بالشارع وذيج الساعه
انتي الي تصيرين خطيه موو هو

يممه الله يساعد الي راح ياخذج تاگلي بگشوره
هو وامه واهله اذا حجوا وياج گلمه

خلي يحترم روحه هو وياهم ومايشوف لساني

ههههه الله ينطيج واحد فقير هو وامه حتى ماتصير حرب البسوس بينكم

سكتت وجاوبتها مبتسمه

مااحب هيج رجال اريده شخصيه قويه وعصبي
اريد اشوف دمارات ايده تبين من اعصابه
ومن يصيح يسكتني

راح تلگي وداعتج ولد الرافدين كلهم هيج
طگه ونص واحدهم والاعصاب موجوده بس انتي العبي بالعدادات وشوفي شلون مايطلع عن طوره ويگوم يغرد سويحلي

ضحگت وظليت ساكته وهي وره مشوار حجت

ووج خلي نركب تگسي والله تعبت

امشي ام كرش وخلي الوزن ينزل شوفي روحج صايره مثل البطه

لاااا عليج الله صدگ سمنانه

يااا ختيه ماتعرفين موو ماشايفه روحج بالمرايه
صاير دبل اكس

خنب حظي اذا صدك

صحت بيها ولزمتها من عبرت ووالاشاره خضره

وين مال الثول ماتشوفين الاشاره خضره بالقران
اذا اندعمتي الا اعوفج
ممده بالشارع وانهزم وأذا سألوني اكلهم مااعرفها

عاابتلج هي هيج الصداقه شلون تعوفيني
بالشارع اهون عليج اني وبنتي

دنگت على توته بالعربانه وبستها وجاوبتها بضحك







لا توته الحلوه ماتهون عليه بس امها تهون

رغده جاوبتني مبتسمه

جضااابه والله من وره گلبج تحجين اعرفج تحبيني وتموتين عليه

يله ااعبري ام الحب

عبرنا سوه ورحنا لمول بي ملابس وشغلات مال اطفال وهدايه وعطور

طبيت وي رغده لمحل ملابس مال اطفال
اشترت لتوته ولحمودي كم قطعه واني اخذت لروزه فستان وتراك لونه وردي ولحنونه تشيرت

طلعنا من يمه ورحنا وكفنا يم محل ملابس
شفت تراگات على كد اخوتي

شوفي ذني حلوات موو

اي كلش حلوات

رغده جاوبتني واشتميت عطر اعرفه ومانسيته
لان كلش حلو ومميز

التفت ادور علي ماشفت احد

يله تعالي خلي نشوفهن يم الولد

طبيت وره صديقتي واشتريت الهم كل واحد تراك
ورغده هم اشترت واحد لسلام
طلعنا ومشينا كم خطوه وشفت محل عطور
حجيت وي رغده

تعالي ناخذ عطر لامي وابويه

يله امشي حتى اخذ لسلام هم

اخذت عطر هادئ لامي ولابويه هم لان مايحب الريحه القويه

سجاد

من كلت لامي اريد ازوج
قررت وي نفسي هاهيه اتقدم عليها لشوگ ولا اظل عايش بعذاب الحب من طرف واحد

رحت مثل كل يوم اريد اشوفنها من بعيد
جان العصر وبعدني ماطبيت فرعهم وشفتها اجتي
هي وصديقتها رجعت وعيوني عليها
وكفت سيارتي بساحه جبيره وظليت
اعاين الها شلون تحجي وي صديقتها وتضحگ
حجيت وي روحي

اضحگي يبعدهم گلهم وخليني اشوفن
جروح گلبي

عبرت باتجاهي وعيوني عليها حجيت بصوت
مخنوك

بخت يابن خاتون وتصير الك بالحلال

من بعدت نزلت ومشيت وراها وانه اراقب العيون
الي تعاين عليها باعجاب حجيت بگلبي

صيري الي وانه مااخلي احد يلمح طيفج

ابويه بالي وشفت غيرته على امي وشلون يخاف احد يشوفها وحتى بوشيه لبسها
وكلت وي روحي

چا انه هم عشگت مثل عشگ السيد وشلون مااشوف
حالي راح يصير مثل حاله

افيضگ بالحچي وگلبك ولا چنة
يشالع گلبي هلبت تنشلع منة

مريت من يمها من وكفت يم محل ملابس رجاليه
وطبيت لمحل مال ساعات

من طلعت وراحت لمحل عطور تاخرت شويه
وبعدين رحت اريدن اشوفها

شوگ
طلعت من المحل بعد مااشتريت الي اريده
انداريت وحجيت وي رغده

الزمي توته لاتروح اضيع من عدنا

درت وجهي ومااحس غير ضاربه صدر واحد بقوه
لزمني من ردت اكع ليوره

سجاد

الله بوويه

شوگ

رجعت ليوره بسرعه وحجيت بخجل

ااسفه ماشفتك

وخرت منه بسرعه وبدون مااباوع علي من الخجل
وذيج الي فطست ضحك عليه

مشيت كم خطوه
انتبهت سبحه مجلبه بردن القميص وحجيت

ولج رغده يمكن هاي السبحه مالته

جاوبتني وهي تباوع للولد

يااا اي يجوز من طخيتي چلبت بيج

انداريت علي وشفته واكف يم العطور صحته

يااولد

سجاد

سمعتها صاحتني وسويت نفسي ماسمعت لان جنت مبتسم من وره الموقف الصار

شوگ

ماجاوبني تقدمت علي وصحته مرة ثانيه

اانت يااولد

انداريت عليها وشفتها جايه عليه وشايله سبحتي بأيدها انتبهت هي ماكو بأيدي

شوگ

الولد اندار وشفت خلقته جان طويل واشگر
اجه باتجاهي وحجه بهدؤ

اسمي نقيب سجاد مو ولد

شوگ

سمعت نبره صوته وشفته مبتسم عرفته وگلت وي روحي

هذا هو نفسه الي شفته يم خاله ام سعد ومن
طلعت وي حنونه مبين علي شگله مو راحه

رفعت تگ حاجب وجاوبته بضوجه

اي وشتريد اخذلك تحيه

سجاد

سمعت الولد ابو المحل ضحك بصوت وابتسمت
وجاوبتها

لا بويه مالها داعي رجعلي سبحتي وروحي
في امان الله

شوگ

ماتقدمت علي وشمرت السبحه بالهوه وهو لزمها
وعيونه عليه حجه

ديربالج تره هاي سبحه سيد

عود الزمها زين واقره على روحك لان الظاهر انت محتاج هذا الشي لان تمشي بدون وعي

شوگ

جاوبته وفريت ايدي ومشيت
وكلت

نقيب وسيد شلون صارت هاي ماادري

سجاد

سمعتها شحجت وابتسمت درت وجهي للولد
الي حجه بصوت ناصي

راح اللسان موو

هزيت راسي بأي وحجيت وي روحي

وراح ويا الگلب والعقل

شوگ

وره كم يوم الباب اندك وامي طلعت تشوف منو
مشيت للحوش وباوعت للباب وشفت مريه لابسه
بوشيه ووياها وحده تخبل تقدمت شويه
وشفت واحد بين من وره المره
عيونه صارت بعيوني وعرفته هو نفسه الشفته
يم ابو العطور
يتبع

#أّنِأّ_وِأّلَمَجِنِوِنِ

#أّلَجِزِّء أّلَثّأّلَثّ عٌشٍر

________

شوگ

وره كم يوم الباب اندك وامي طلعت تشوف منو
مشيت للحوش وباوعت للباب وشفت مريه لابسه
بوشيه ووياها وحده تخبل تقدمت شويه
وانتبهت، ،، واحد بين من وره المره
عيونه صارت بعيوني وعرفته هو نفسه الشفته
يم ابو العطور

رجعت ليوره بسرعه وطبيت للمطبخ
وگلبي يدك بسرعه لان عرفتهم ليش جااين

امي اجتي بسرعه وحجت وياي

افتحي باب الاستقبال على السريع

حجيت وي حنونه من اجتي

انتي روحي افتحي الباب

سمعت صوت محرگ اشتغل تمشيت للباب وشفت سياره سوده،،،وعاليه تحرگت من يم باب بيتنا

سجاد
من رجعت من يم شوگ
توگلت على الله وكلت خلي احجي وي ابويه وامي حتى نخطبها

رجعت بليل وطبيت للبيت شفت السيد كاعد بره بالحديقه وامي يمه جان وجهه متگدر عرفت وصلته الاخبار

تمشيت ليمه وشروق اجتي شايله فواكهه اشرت بعيونها تأكدت بعد اكثر هو عرف بالصار

الله يساعدك ملاتي

هلا

جاوبني مختصر ابتسمت وعاينت لامي الجانت
ساكته وعيونها عليه وعلى ابويه

كعدت وحجيت

بوويه اريدن احجي وياك بموضوع

گول ااحجي

اذا تظل هيج زعلان ومااتعاين عليه وتحجي وياي بلا نفس ماراح احجي اي شي

وتشرط ابن خاتون

سيد على كيفك ويااا تره ام بااقرر

خاااتون مااريدن سوالف نسوان تنحجي يمي
انه اعرفها كلش زين
واعرفج انتي هم
بس انه زعلان علي ابني الي طرد اخته وحرمتي
من بيتي وماخله اي قدر اليه

كمت وبست راسه وجاوبته

قدرك جبير بويه واعتذر لان سويت هيج

ابويه سكت للحظه وبعدين حجه

مااريدك انت ترد حرمه اريدن امك هي التحجي وتاخذ حگها بأيدها الزلمه اذا تلاسن وي حرمه
تروح هيبته ومايظله قدر بين الاوادم

هزيت راسي باي وهو كمل

بويه سجاد المثل يگول اذا تريد تهين زلمه
هد علي حرمه وانه اعرفك زين ماتحب هاي السوالف
ومرة ابوك حرمه،،، گتلتها الغيره عبن تعرف شنو بگلبي وان جان انه مالي خاطر عندك خلي خاطر لاخوتك الي من سمعوا زعلوا عليك من
طردت امهم من بيتي






كلشي ولا زعل اخويه باقر عبن غالي عندي
حجيت وي روحي
امي كملت

سجاد يمه روح وي ابوك ورضي اخوتك وام باقر

هزيت راسي باي وشفت الرضى بوجهه ابويه
الي كال

ااحجي شجنت تريد ادكول

ذبيت حسره وجاوبت ابويه من سألني

ماكو شي هيج سالفه

بعدني ماكملت كلامي وامي قاطعتني وحجت

سيد ابشرك سجاد يريد يخطب

ياالله

ابويه حجه بفرح وعاين عليه وسألني

صدگ بوويه

هزيت راسي وجاوبته

اي ملاتي

منو هي وبنت منوو اعرفها اعرف اهلها

لا بويه ماتعرفها ولا تعرف اهلها

شسمها يمه

عاينت لامي من سألتني وجاوبتها بصوت
ناصي

شوگ

ابويه ابتسم هو وامي الي رجعت حجت بفرح

حلوة يمه ،،، اكيد اي لان اسمها حلو

هزيت راسي بأي وشفت ابويه يعاين عليه بتركيز
حجه

عاشگها موو تحبها لام السعد

ابتسمت من سمعت اسمها وهزيت راسي بأي

صلاوت على الرسول شوگت يمه حبيتها
وشلون عرفتها

جاوبتهم شفتها بمحل وعجبتني وراقبتها
وشفتها خوش بنيه واهلها خوش ناس

ابويه جان يسمع وهو ساگت بعدين حجه

هاهيه وليدي اذا انت سألت عليها وعلى اهلها
وشفتهم خوش اوادم بعد شكو التأخير خلي امك تروح وتشوف اهلها والبنيه
ومن يردون الخبر بالموافقه نمشي عليها

ابتسمت وامي كامت واجتي باستني وحجت بفرح

ولك يمه مو مصدگه اني راح اروح اخطبلك

لا صدگي خاتون ابنج طاح على وجهه مثل ابوه
وعشگ

ياا اشو هيج الحجي سيد شنو طحت على وجهك
ليش احسك ادكول تورطت من عشگتج

اي والله ورطه وهذا الگلب الرچيچ تسودن وتخردل حاله بس شافج

امي ابتسمت وجاوبته

هسه اني ماافتهمت انت فرحان لو ضايج

ابويه اشر الها تكعد يمه راحت كعدت ومبين عليها الخجل وهو كمل

تسأليني بعد كل هذني السنين

امي غطت وجهها بفوطتها وشروق كامت
وحجت بضحك

سجاد تعال اريدك بشغله

كمت وي اختي ومن اجتي عيوني بعيون ابويه
حجه وهو مبتسم






روح بوويه مقضيه شغلتج باذن الله

ثاني يوم اخذت امي واختي لبيتهم وطول الطريق
اسولف لامي عليهم وهي تجاوبني بفرح

اي يمه مبين خوش ناس الله انطاك
على كد نيتك

وصلنا ونزلن يم الباب گلبي جان فرحان گلش
نزلت وراهن عاينت لبيتهم وحجيت بگلبي

اجيتج بالحلال وادعي من الله تصيرين
من نصيبي

اختي دگت الباب ومشوار طلعت امها
جنت وره امي الي سلمت عليها هي واختي
مشيت من يمها وسلمت وشفتها واكفه وتعاين
علينا عيوني اجتي بعيونها والفرح زاد وگبر بگلبي

وخرت بسرعه وانه نزلت راسي وحجيت وي الحجيه

يمه انه راح اظلن بالمنطقه من تخلصين خابري عليه

اي يمه روح الله ومحمد وعلي وياك

رگبت سيارتي ورحت وگفت يم ام سعد نزلت
ورحت سلمت عليها

الله يساعدج خاله

هلا يمه كل الهلا

اخذت بطل مي وجگاير ودفعت الفلوس وهي
سألتني

اني شايفتك بس وين ماادري

عگدت حواجبي وسكتت وهي كملت

انت مو ذاك اليوم اجيت واشتريت هم جگاير

اي خاله