قصص واقعية ، 🌸 '

#بارت٥٤

من ثوب الوفه انشك بالخيانة البيك
وغرورك صار قائد ثورة التفكير

بصريح القول ابد مادوريت أعذار
انتهينه وأكدّت ماخانّي التعبير
اعرفك بير لكن مااطخلك راس
اذا راضع سراب منين ماي ادّير
مامجبور ادنّك بس اصيح بصوت
اذا يرجع صدى معناهه خالي البير
بدون ايعاز عقلي الايد هي تروح
اتكلب بالصور والحيرة بيه اتحير
خذتني الصورة جنت وياك ايد بأيد
ضاجت حلت ايدك حتى بالتصوير
رانيه __ بسرعه رجعت مصدومه
شافني وخر منها وهي دكله والله
مااكدر دونك فدوه بارق
دخلت متحملت اسمع اكثر كزبر جسمي
شلون الها نفس تحضنه
اجه وراي صعدت بيدي رقو ابدللها
سد الباب كعد على السرير مد رجلي
ضليت واكفه اطلع ملابسها
كملت خليته ويمها ملاعيبها
رتبت الهوسه
ساعتين اني افتر وهوه يحوس
كل شويه صايح رقو
نزلت لكيته كاعده ويه البنات
فاله الشعر ماعدها غيره تتباها
بي ويه صوتي على فضل فرت
راسها شافتني جرت عينها
مهتميت بالها غرت متدري كلبي
ميت بلعافيه خل تاخذه
يومين وراحت بلهل يومين
تفتر ورا من مكان المكان
واضح من تصرفاته وينتر
على فضل وعلى نور
وهي لا بعينها ولا بحاجبها
تتمضحك
واني ولا جني وهذا الشي
خلا يتحركن يتحجج بأي
شي علمود يحجيني
يرد مني اي ردت فعل على
الشفته بينه وبين دعاء
حاولت ابينله متهمني شما
سوي
لحد ملتحق ارتاحيت
ورد__ بين الخوف والاطمأنان
وضع هادئ يوم يجر يوم واني
لازمه كلبي نهاد مثل ماهوه
ابنه يم مرته فتره ويرجعه
تغيرت مومثل كبل كمت
كل حركه منهم انتبهلها
وافسرها ليش وشنو
لحد ما اجه يوم الي سمعت
خطوبت أمين فكره جيبني
وتوديني حال وداد شلون
كلبي يمها وراها بايام زرتهم
تمثل بضحكته بهدوئها متريد
تبين كسرتها
بشروني ماهر جاي هذا كان
فرحه النه رحتلهم من وكت
دخلت لكيتهم بالشين غسل
وترتيب بدلت وتحزمت وياهن
وداد تجلب بلصحيات والحيطان
مالتهن رنيم على المطبخ
ومرت عمي بلفرش لحد مصار موعد
جيته كملنه كلشي بيبي تسبح
وجدي على اعصابه كاعد
عمي باقر وامين كالو نجيبه
عمي ماجد بلدوام ميكدر
يعوف دوامه وخصوصاً
صار مدير المدرسه

بس عمي بسام يمنه سوك
غسل الشارع والكراج طلع سيارته
وسيارت عمي ماجد بره
البيت صار يلمع وداد ومرت عمي سون
الكليجه ومعجانت وكيك على صفحه
من غير الغده على النار صارت
ب1 وهمه بعدهم طب عمي ماجد
كال هاا اجو
كالت بيبي بعدهم ستونه خابرنه باقر
طيارته مواصله
بحدود الساعتين وننتضر جيته
اجه ابن رانيه يركض يسوي عنننن
مال جدوو عرفنه اجو
طفرنه اني وداد كلبنه يدك الف
ياروح اخيتك عيوني غرغرن
روحي فرفحت عليه وداد مثلي
طبو للطرمه امين دفع الجنط
نزل عمي باقر هوه وراهم
بيبي كدامنه صاحت بعد بيتي
وضوه عيوني وتعبي ورباي
شافها بين دموعه وضحكته طب
حضنها خطاها بطوله جدي حضنه
من جتفه رفع ايده لمهم وعيونه
تكت دمع اني وداد نرجف من الفرحه
كلبنه مفرفح عليه منكدر نتحرك من
الصدمه اخونه كدام عيونه وبطوله
صدت عينه علينه نشهك من البجي
وهمه داير مدايره يبوسن بي
اشر براسه تعالن مو كانو اشر
ركضنه حضنا ارتفع صوتنه بلبجي
وهوه امر من حالنه دافن راسنه
بحضنه موخرنه لحد ما
عمي بسام صاح يمعودين شعدنه
عزاء دوخرن خل يرتاح
ساعات فرح طايرين بي طببو جوه
يمسح بعيونه اني ناسيته مذكرته
هوه شافها هيج لو انمرد مرد
مكدر يسكت كعد كدام رجليه ينحب
مثل الطفل الفاقد امه واحنه انفتحنه
ومرت ذكره مهداوي
كأنو نعاد ايام عزائه بيبي تنحب
واني اشهك بغصتي ودمعتي
عمامي مدمعين مهداوي ترك
بينه جرح ميطيب
اول مره اشوف ماهر بهل الانكسار
فقدانه لمهدي مغيره لم رجليه
دفن راسه بحضنه وجسمه يختض
من البجي اصواتنه علت
امي تبجي على بجينه وتسال شبيكم
ساعات مرت هيجت كل مواجعنه
بيبي نعت وفطرت كلوبنه عمامي
اختنكو جدي دمعته نزلت
شكد جنه عايشين على الفطره
حقدنه ومشاكلنه طفوليه غيرتنه
على البس الغراض مكانت نابعه
من كلبنه
طشرنه الوكت القدر اخذ اعزاز
على كلبنه يوميه فراتنه الدنيا
وشوفتنه الناس وطبايعهم

ورجتنه على كلوبهم وبعدنا
نتعلم
انتها اليوم بين الاشتياق والحنين
ماهر كل منكوم نحضر شي صاح
تعالن لتكومن اريد اشبع بيجن
لليل وكفو يصلون واتفاجئة بي
يصلي اخذ كلوبنه بطوله وخشوعه
ميهلي اكوم واعوفه اتمعن بي
وداد دمعت
صبينه العشه وجدي يوصي بعمامي
والولد ميريد احد يعرف برجعته
لتفتحون العين عليه

يخاف ليوصل خبر ايام وراجع
هناا نعصر كلبنه
رنيم __ رجعت ماهر فززتني منه
بجيت على بجيهن كلهم التمو عليه
اله اني اباوع بعيوني
وين يله انابهه رفع راسه يدورني
شافني لو وجها انكلب صفن بيه
والدي انتبه امي خزرتني طبيت
للغرفه ركض
مسحت عيوني يبقه الوحيد
الفتح كلبي اله يمكن تستغربون
مشاعري اذا اكول ماتت وانتهت

يمكن اتقبل سيروان ومااكدر اتقبل
ماهر بحياتي وكل هذا من حجم الصد
الشفته منه

416 views16:57