اخذني واني كلبي يـدك براكين ناار
وصلنـي يمهم اثنينهم بفـرد سـرداب
اقره الاسـم والرجفه علـكت بـ شفتي
اول مره اشوف كبورهم

اول مره احس عندي اهل
ولا جـن هيه ترابه وفوكهاا بناء بسيط

مـد الـي سجاد قران
اخذته منـه وكـعد بينهم
بالحظتهاا نسيت الخـووف ونسيت كلشي
ابني وحسين
وحـالتي قبل خمس دقايق
وغيرتي من ناس موتئ
قريت قران ونزلت دموعي رغم ما متعلقه بـ اهلي ولا شايفتهم بس اكو صور مطبوعه بالي الهم

خلـيت راسي بين رجليه واحجـي وياهم بگلبي ومنتـظره جـواب منهم

لو انتم موجودين
ما صار الـصار
ولا ضكت اليتـم عـد عم
ولا زوجت حسين ولا شفتـه
بعمري كله ماطلبت منكم شي
بس هسه اذ عـدكم خااطر الـي
تاخذوني يمكم

كلـشي ضكته وكلشي حفظت طعمه
اليتم
والذله
والمهانه
لوعة الگلب
وحركتـه
لـمن الانسان التحسبه سنـدك وتجذب على روحـك
حتى تـزين صورته بـ بالك
يطلع اكثر انسان يـرخصك
هذاا حـاالي وي اخـووك باابه

هذا حـالي وي ابن امك وابوك الباعني لـ رجال
ماايدري شنـو بـ نيته الـي

سجاد،كومي بوويه بسج بجي
لوو يفيد چاا بجينه عمرنه كلـه
بتول،عووفني مااا علـيك بيه

استغفـر وكال
سجاد،ماا عليه بيج بس رجلج جااي هسه وانه ماا زاير هـلي

نهى جانت واكفه وتباوعلي خطيه فوك تعبهم
انه معنده ويااهم

....................... مشـهد
حسيـن.حلمـت جـن انه كاعد بحضـره الامام علـي عليه السلأم
وجـن من بعيد ضلـت عيني مركزه على رجل
وهو جااي الي
وصل يمي ومـدلي ايده بيهاا
فتحت عيوني مركزه ويااه
بتول.شنوو بيهاا لا تكلي حلقه ولله اانتحر واخلص

حسين.لا ولج ياا حلقه انطـاني كلاده
بتول.كلاده؟
حسين.اي بس مو كامله بس سلسله الفص مالتهاا مو بيهاا........
يتبع

#حًربً_مًآ_بًيَنِ_قُلَــبًيَنِ
٢٣
‏ما بالُها السمراءُ تبكي
فوقَ مقْعدها وحيدةْ
مابالها قد أسدلت جفنيها
مُرهَقة تُواري وجههَا خلف الجريدة
والصَمتُ ينزفُ من رؤى أحلامها
جمرًا وآلامًا عنيدةْ
وتستلقي على أهدابِها الأحزانُ
فتنكسر الرؤى في مقلتيها
مثلَ قنديلين يحتضران
يفيض الليل ينسحبان
نحوَ غياهبِ النسيان
___
نهى،يله مشينه سجاد الحسن بحـده بالسيارة
سجاد،صبر ياابه خلـ ادك على حسين اشوفه وين صاار
خابره
ربع ساعة واجه
وجـهه مبلل ولحيته بيهاا بقاايـه مااي
مغسـل وجـهه
باوعت لـ عيونه وهو يحجـي وي سجـاد
خطوط حمـاار بينهن

دار وجهه وطلع وهو يحجي
حسين،يله نمشي ياابه ابو الحسن فوت زور موتاك براحتك متـانيك بـ السيارة

نهى.يله بتول روحي وي حسين هسه نجي وراكم ماا نطـول

هـزيت راسي وطلعت امشي وراه هم زين السيارة مو بعيده الشمس تصكع صكع بالـراس صعدت بالسيارة واشوف الحسن نايم وايباده على صدره مخلي شلته عنه
حسين.تنزلين تغسلين وجهج
هزيت راسي بـ رفض رجعت راسي بتعـب على الكـرسي

شوي واجـو سجاد ونهى

شغل السيـارة وي طلعتنه دك تلفون حسين

ما فهمنه اي شي بس.....
،لا ولله زحمه جا لفندق لمن حجزنه....
لا مشكور حبيبي عسااك سالم... هلا هلا بالحجيه.... لا ماا عاش الينكـر زادج..... خير ان شالله .....
لا ويااي جايبهاا هاي هيه ان شاء لله كبل صلاة الظهـر يمكم.. في امان لله

سد تلفون
جر نفس وتنهد حجه
حسين،معزومين
سجاد،ياهوو عازمنـه حتى ما النه كرايب هنا
حسين.عد اهل علي
سجاد،روح انته ومرتك
حسين. علي أكد عليك ماا ترهم بعد

بقيت طريق كله اباوعلهم
مبين ضايجين
نزلنه من سيارة للفنـدق مشيت ورا حسين وحجيت
حسين

حسين،شتردين بويه
بتول،متيم وين جيبه هسه
حسين. ايي عود ميخالف
بتول،شنو ميخالف ااريد ابني
حسين،هناك يم علي
بتول،ايي جيبه لاا تخلـي
حسين،من نروح للعزيمه تلكينه
بتول،بس اني مابيه حيل ومالي خلـك ابدد
حسين،شسوي شبيدي
فووتي للغرفة يلاا

دخلت
ذبيت شال ولعبايه على الجرباية ودرت على حسين جان يذب ساعته وتلفونه على الميز

حسين
حسين،هاا هاا موتيني كـلساااع حسين مات ان شالله وخلص منج

درت وجهي عنه دنكت اخذت شال ولعبايه نكثتهن وعزلتهن كلهن ترااب
دخلت اسبح وطلعت بـسرعة دخل حسين للحمام
سحبت ملابس الي من الجنطه
فستان ماروني كصته بـينصل وشال افتح منه بـدرجة

دنـكت البس جورايب لحـميه
طلـع حسين
حسين.طلعتي الي هدوم
رفعت راسي اريد ارد كـال
حسين،ووين عاايفج العـريس
بتول،شنو
حسين،ومرضووو شووفي لبسج مال اوادم
وكفـت وحجيت
بتول،شبي
جرني من زيجـه نفتح سحاب من يم المـتن

فكيت عيوني على حجيه ولساانه
شبـيك حسيـن عوفني
حسين.فووتي ذبي هدومج كلهن تبدلينهن
بتول،حلووات ولله

حسين،ييي بوويه اكيد تـكولين حلووات مو صااررات صدرج شوووفي جسمج مال وحده تلبس هيج لبس
بتول،شتريد هسه
حسين،بدلي
بتول، يي هسه ابدل بس عوفني
دفعني وحجـه
حسين،بسرعة
طلعتلي فستان كلوش محجبات لونه جويتي اخذته وبدلت بالحمـام طلعت وانه اشد بشعري كرن عـالي

لكيته مبدل ومكمل
حسين،طركاعته ليطلع وياج تلبسين عبايتج وما ذبينها
حسين.نزلي شعرج
بتول،ينفل بس اربطه كبايه
حسين،فضيهااا كملي يلااا
ذبيت الشـال من ايدي ودرت علـي عيوني مدمعه
مـأن عليه لان مطلعني
مايدري انه طالعه روحي من هلـ طلعة

بتول.حسين تراا انه ماريد اروح
روح انته بحـدك
رفع راسه من تلفونه خازرني كال
حسين. ووانه لوو تبقه علـيه بااب البيت ماا تشوفينه
لبسي يلاا ولا تكثرين حجيي شووي و رادين

لبست شـال وخليت العباية عالـراسي
اخذت جنطتي باوعلي ما راضي ماا اهتميت درت وجهي جر ايدي وطلعنه
يمـرد بيهاا مـرد ايدي اانجعصت بيده

حسين حباااب ااايدي
ندار الي ورخه لزمته صعدنه بسيارة

بيت سجاد يجـوون
حسين،خووو انتي على حسين نعل متسئلين
شبيك حسين شنو سويت
حسين،اااهش حسج مااريد اسمعه
رفع تلفونه دك على سجاد

رد علي شوي وكال
حسين،نزلي صعدي وراه اجو
نــزلت وراه صعدو وطلعنه وهو يحجي وي علي بتلفون يوصفله البـيت
شفنه واكف بسيارته اشر لحسين يمشي وراه صدك وصلنه لبيت

الواجهيه مالته ما شاء لله تجـنن كلها مغلفه لون مـاروني مسود

دخلنه لكراج بي سيارتين دخلنه
ممر بين الاستقبال والصاله مرمر بحيث شوف وجهك من كد نظـافته دخلو سجاد وحسين

بـ الاستقبال لبره
واحنه دخلنه جوه تلكنه بنات اثنين حلوات وحجيه
علي،حجيه جبتلج ضيوف من ريحه لبصره
ام علـي. هــلا ومرحبا بيهم من هنـاك لهنا

سلمنه عليهن واجـن بعد بناات حسيت بيها شبكتني وتبوس بيه من كل كلبها رغم ما اعرفها

علي،هاي ام متيم مرت حسين
وهاي ام الحسن مرت سجاد
حجيه،هلا بيهن يمه توه نور البيت

كعدنه بغرفه داير ما ديراها قنفاات جابت مـاي النه اخذت الكاسه وسئلتها
ما تحملت سئلتها
خاله وين متيم
ضحكـت وحجت
حجيه،كلب والده بعد ما تتحمل نايم يمه ميناس جيبي لوليد

بتول،ييي فدوه حبابه جيبي حتى لو نـاايم
جابته الي واني احس شفت جنه
ولا جـن الـفجر اغلط عليه من فاركته نـاار بگـلبي صاارت
ضميته بصـدري وهو نـايم

دخلن بنات ثنين بعـد
سلمن وكعدن
حجت وحده بيهن
ايناس .خاله هااي رايدينها لعلي
جنت مدنكه راسي على متيم ندستني نهى
رفعت راسي تأشر علي

حجيه،لا يمه هااي مرت صويحبه
افراح،حجيه هذا صاحبه ابو عيون خضـر
حجيه.كوومن يمه وي اخياتجـن للمطبخ شوفن شنهو النگص بي

طلـعن بسرعة لان الحجـيه مثل الـزمخت بيهن
ونهى وجهه انكلب صارت تفـور
تلفونـي اهـتز
فتحته رساله
- لا طلعين ياابه بداعت مُتيم لا طلعين ولدهم موجودين هستوهم اجو
دزيتله علامه قلـب
رد بسرعه
-شـيردنه للبـيت
-لـيش
-هيـج مشتاگلج

كتـبت وانه متـررده بس هااي الحجـايات بااقيات بگلبي
-ملاحظ نفسك تريد رغباتك وبس وكـت حاجتك تصالحني
_يابه انتي واعيه شـ تحجين تدرين معنى حـجيج
_اي

-شنهـو اي
مارديت
رجـع دز
-اعتذر ياابه
وحقج علي زين وشتريدين اسويلج
روحي هسه وديربالج تذبين عبايتـج

سديت تلفون لكيتهم كلهم يباوعولي هيج وجهـي مفضوح من احجـي ويااه

اشرت على التلفون وحجـت
ام علـي،هـذا بس حسين ليعرف يضحكج بالهمصيبه هذا

ابتسمت وما حجيت شي رجعت نهى تسولف وياهن وبسرعة اخذت علـيهن وهنه ماا قاصرات ما شاء لله طاحـن دك اسئله
لحـد ما الحجية كالت
ام علـي ،كوومن يمه جاي يؤذن
خلينه نصلي ونفض غدانه
وخطارنه يرتااح

توضينه كلـنه
لحجيه هيه صارت تصلي بينـه
وكفنه نصلي بناتهم وجناينهم كتفـن اديهن
بس ابد ما حسيت شي اختلف بصلاتي غير الفـرحة
بكلبي اول مره اشوف هيج
شي ختمنه صلاتنه
لبنات كامن يصبن غده حتى الحجيه وياهن وبقت وحده يمنه
شوي وكـالت
نهى،بتول امشي نكـوم وياهن نساعدهن
نبا،ها حبيبات وين
نهى،نروح يم البنـات نساعدكم
نبأ،لا شلـون تكومن ارتاحن هسه يجـن وكت الغده
ونلتم
نهى.ولله خيه نمـل من الكـعده وهم احسبونه اهلكم
نبا.اذ هيج ماا اكدر احجـي شي
تفضلن منـا

كمنه وي طلعتنه تنغوص متيم شلته وطلعنه للمطبخ
دخلـنه مطبخهم بارد وحار والفاصل بينهن جـام

ميناس،ياا خيه شكـومج وهيج تيوم يتعلعل
بتول،ما علي شي بس لان نام هواي كعد يتنغوص

نهى كعدت تـسوي وياهن الخضره ولـبن انه ماقبلن خللي كرسي وكعدت بحضني متـُيم يباوعلهن ويهامش بـ اديـنه هو عليهن
نبا،ام متيم صارلج شكد متزوجه
بتول،سنة وشوي
نبا،حسين نفسه ابو غسق
بتول،اي

ايناس. شعجب و وين طااح بيج ولج
ميناس،يله اينااس نبأ فضنهاا لولد يصيحون
تاخرنه وانتـي حبيبه ما عليج بيهن يولن هنه بحبن الگرگه

بتول،لا عاادي شبيهاا
نبأ،وولج شايب شعجبج تاخذينه
بتول، بالعكس حلاوة رجل هيج عمر يكون متخطي مرحله لمراهقه و واعي ويعرف يتصرف يعني مجـربهن كلهن على كولة اهلنـه

نبأ،لا بس اقصد انتي صغيره
بتول،مكتوبلي ومكتوبتله
دخل واحد للمطبخ من شافنه رجع ودار وجه
علي،يمه وين احمد

درت وجهـي على الحـوش اباوع الترتيب مالت الكـراج يجـنن
مسوينه
نفتح الباب الصغير مالت البيت ودخل واحد نسخـه ثانية
عن المساع يسئل
توهاا بله طخـت بعقلي
هذوله توم احمد اشر لحسين يمشي وراه بسيارتة

وهذا علي صلوات من لكفتهاا
ام علـي.يمه علاوي هلـ اجه اخيـك بره بالطارمة تلكاه
اشوفه طلع من الصاله وتلكاه يحجي وياه ويضحكون
سوه
صدك حلووين التـؤام درت وجهـي منهم
ام علـي.،يمه اخـافن جو ما يوالمه اخذي جوه

هو جـاع اصلا رحت للغرفة
اجت وحده من البنات انطتني جنطته لمحضرتها اله

بقه يتغوص ويبجي خرب لفة الشال مالتي
خليته بالكاع نصررع فرد مره
نزعت عبايتي يبووو عليه
لك خليني اسوي شالي فليت شعري وكعدت ماا بي مجـال يتااني ثواني

خليت الببرون اخذه متهلف جـوع يمه
بسته بـراسه ثببت ببرونه بين ادينه ولفيت شعري كباايه
نفتح لباب بسرعة ورجع نطبـك
سمعت صوت رجـال يحجي
علي،اسف ولله ماادري احد هنا اعـذريني ياابه بس سمعته يبجي عبالي بحده

فزيت على طـولي يبوو عليـه من صدك
لبست لعبايه وشال لفيته جني مخبله شلته مصروع شبيك فضحتنه

علي،حسيـن ابوكم يريد متُيم
باوعت لمراية شالي عدل
فتحت لباب ندار علـيه وحجه
علي،بالله اسف ولله مادري جوه انتم
مديت اله متُيم ما حجيـت شي
علي،اخذو راحتكم
خلـه وراح

سديت الباب وكعـدت كلبي ماا يتلحك علـي
يمه مااريد اطلع بعـ د وهاي كلهاا كوم وحسين ولو يدري بالقران يعلكني بتحـرير

اخاف واحد شافني وعباله متقصده بس انـه ما سويت شي غلط هو دخل
لميت نفسي وطلعت الها اعذار شلون مـاجان كمت ضبطت شالي عدل وطلعت
حجيه،هاا يمه وين وليدج
بتول،ابوه راده

صبونه لغده مخلين اشكال والوان من دولمه لسمج لمشوي لبرياني لحم
نهى،خاله ولله مكلفين نفسكم شلقصه
حجيه،يمه خير لله هاذا عليمن لكلفه وتستاهلون لاكثر ليوم ونستونه وجبتو لنه اثنين جهال ترسو لبيت بلعبهم

نهى،الله يترس بيتكم جهال ان شاء لله
صدك وين جناينج حجيه
لحجيه،هاي ميناس مرت احمد توم علي
علي مزوج بس طلك
واثق مزوج بس عازل
وعمر هم مزوج وعازل
نهى،خاله يعني كلهم ما عدهم جهال
حجيه،يي ولله يـ خاله ماعدهم لله ما قاسملهم
بتول،لله يكتب الهم البي الخير ان شاء لله

حجيه،وانتي يمه اهلج وين
عفت الخاشوكة من ايدي وحجيت
اهلي نكتلو بثار عشائري رغم همه لا بيهاا ولا عليهاا
مجـرد من عشيره معاديه لعشيره ثانية وطاحو بيهاا اهلـي

لالت الدموع بعينها وحجيت
حجيه،يمه بتسام عمت عينج عليج

باوعتلها بسرعة هيه كالت اسم امي لو انه توهمت
بسرعة بدلت الموجة كالت
حجيه،ما ناويه تسوين بنيه وليد بعد

بتول،بعده متيم صغيرون ينظلم اذ صار عندي واحد
حجيه،لله يرزقكم يمه
ايناس،تعرفين بنيته
بتول،لله يرحمهاا
لا ولله مره وحده لتقيت بيها

خلص الغـده
لحينه نغسل وياهن مواعين هستونه بدينه نغسل اجه حسون يركض
حسون،عمه عموو حسين يصيحلج تيووم يبجي
بتول،حسون صدك تحجي ادخل عليهم شنوو
نهى.ولج خاف يدك عليج

حسون.اجيب تلفونهاا
نهى.اي يمه تلكاها يم الـحجيه بالغـرفة
ركض جاب تلفوني من لغرفه جاي يدك صدك
ضحكت ودنت يمه حجت
نهى.ها مو كتلج چاا اذ طبين عليهم غير حسين ينجلط بمجانه

ابتسمت و وكفت يم العازل
فتحت لخط
بتول.ها حسين شبي متُيم
حسين. تعـااي اريدج بالحوش
بتول،شنو حسين وكتها
حسين،اي وكتهاا غير مصروعج صرعنه تعاي شوفي
اجيتك

ذبيت تلفوني على الكـاونتر
ميناس شوفي اكو واحد بالحوش
ميناس.اي حبيبه جايتج
خلت شالها على راسها
ومدته

ميناس.بس ابو متيم
تشكرت منهاا عدلت شعري و
طلعت فك عيونه خازرني توني وصلت يمـه نجرت ايدي حيل

حسين،شكلت انه هااا شكلت العباية ليش ذاابتهاا
بتول، شبيك بس بنات ولله

حسين،وولج بتول تريدين تخبليني بناات موو بناات شحااجي اانه
بتول.اايدي حســين
رخه لزمته وخله ايده على وجهه فركه
حسين.نعلعلا على غيرتج ززين

ما حجيت شي بس اباوعله
حسين.خلصتو موو
عوود ليش يكوولون عنك شايب
قربني الـه وحجـه
حسين،منهوو يكوول
بتول،همه

حسين،اي همه منـهم
بتول.البنـاات هناا
حسين،وانتـي شنهـو تكولين
بتول،حلوو
حسين،بحلات عيونج
دنـك باسني بخدي
حسين،نروح

بتول،تمام بس خلينه نكمل غسل مواعين وادك عليك
حسين،خوش حجي بس بطلي طلعين بهذا ثوبج بويه هاذا مال ك.... مو ثوبنه
بتول،ههههه صار
حسين،شووو تضحكين وولج
عدلت ياخه ستره مالته
بتول.شسوي چاا

حسين،كلشي لا سوين مكفيه وموفيه هم دخلي يله من دكين علي محظره روحج علمود نطلع
بتول،ماشي
حسين
دخلت للدـيوان
شفت علي ومتيم والحسن نايمـين سوه
احمد،ولله ثلاثي
حسين،لله يرزقه بالتريح گلبه
احمد،ما تنطنيا حسين

دكيت على جتفه
حسين ابو شهااب توكل على لله وهو يحل كلشي
لميت مااربك كاتب الك رزقك يجي يجي بس الصبر
سجاد،يي ولله ماكـو ارحم منه
ومن صبر ظفر ذب حمولك على ربك

احمد،ابو الحسن احنه اربع بس علي طلع منه سليم مابي شي ومطلك وراسه والف سيف ما يزوج
وانه عدي عادي بله اعيش حياتي شلون ماجان وانسه السالفه مرات

بس الكاسرتني امـي

حسين،علـيمن محمل الدنيه على اجتافك بويه ولله ربك يحلهاا بعدك شباب هو شنوو عمرك مو 28 سنة عليش مستعجل كدامك عمر كامل ولله يوفقك ويكتبلك ذريه صالحه ان شالله اليشيبون رااسك
بدلالهم

سجاد،راجعتو خاارج العـراق
احمد،ماا خليت دولة تعتب عليه وذيج ثلاجه وهاي معدتي تشهد يمكن بـ٣٠ نوع كل ٦ اشهر علاج جديد
اقوه من الكبله

اكلك ابو متيم بنت لخاله ما شفنها ولا شافتنه هسه بالجذب سلام عليكم
حسين،اعذرني وحدك لـ هنا لا افلشلك جهرتك
يله ابو الحـسن

سجاد،راح اشغل السبارة
احمد،روح وانه اجيب الحسـن
دنكت اخذت متيم فز علي
علي،لك لاا

حسين،وعلااا كم لك عود جااي ومتعنى اااشوفه
تاليهاا كابل المخده

كعد على حيله ويفرك بـوجهه
علي،عوود صدك تحجي ووين مولي
حسين،يمعود ساعة بـ٤ اريد ارجع وراي طلعة لكـربله
علي،ولله بعد وكت

حسين،ياا وكت ما تكلي وانه تسابگ وياه
علي،حسين رحمة لابوك هده هنا

حسين. وين اهـده انته 3 ساعات بالمكابره امه شعوطت لسمه موو هنوب اهده كووم يله ما تروح لـ شغل

علي،كايم تنتظرتني لو تروح مستعجل
حسين.شعدك انته
علي.اخـاف اخركم اريد افوت اسبح
توكلو واشوفكم هناك كبل لا طلعون
حسين،عالخير
يله ياابه اودعناكم في امان الله

احمد،ابو متيم بداعت متيم عيدهه وجيبه وياك
حسين،ان شاء لله
عين لديوانيه وعين للهول ماريدها تطلع لو واحد منهم يلمحهاا
اجه سجاد
سجاد،حسين صعدتهن امش يله

،بتول
رجعنه بـ٤ ونص دخلت لغرفتنه اخذت متيم من حسين خليته بمكانه
كضاها نوم فليت دكم دشداشته حتى يرتاح بنومته
فليت شعري لمكوش
وحـسين اخذ ملابس يبدل

مشطت شعري ظفيره راخيه طلعتلي تراكسود بدلت عالسريع

ونمـت عالجـرباية احس ظهري مقسوم نصين
حضني من وراه وهو يخلي راسه بركبتي
التفتت اله عيوني كوه مفتحتهاا
حسين،بتول
بتول،هاا
حسين،شافج منهـو ليوم
بتول،منوو
حسين،مااحد موو

بتول، ما شافني احد ليش تسئل
شلته راسه بديني من ركبتي
شبيك حسين
حسين،ماااريد احد يشوف شي بيج انتي سجلتي باسم حسين
بتول،صار
حسين،بالقران احبج لا ولله اعشگج شنهو احبج
بس اضوج من احد يشوفج لو يسئل عنج
انتي بس الـي
بتول،حسين
حسين،ليش تكولين حسين
بتول،ﺟاا شنو اكلك

حسين، كله ذره بيه نار تشب بيهاا وتريد تاخذج الها من تكولينن حسين انووب
حتى الاسم منـج يختلف
ملت راسي اله وغمضت عيوني بتعـب وهو مخلي اصابعه بشعري
احبك

حسين،ميـت بيج ياابه
بتول،حسين
حسين.يحـيل حسينج
دحست روحي بين اديه وحجـيت
بتول،نووومني بحضنك
تلمـس خدي بطرف اصابعه
وعصـرني بحضنـه
حسين.لله لا يشوفني بيـج مكروه
تـدرين بتول
بتول.شنو

حسيـن.حلمـت جـن انه كاعد بحضـره الامام علـي عليه السلأم
وجـن من بعيد ضلـت عيني مركزه على رجل
وهو جااي الي
وصل يمي ومـدلي ايده بيهاا
فتحت عيوني مركزه ويااه
بتول.شنوو بيهاا لا تكلي حلقه ولله اانتحر واخلص

حسين.لا ولج ياا حلقه انطـاني كلاده
بتول.كلاده؟
حسين.اي بس مو كامله بس سلسله الفص مالتهاا مو بيهاا
بتـول.شنو يعني
حسين.ماادري دايخ كلت بس نزور زيارة الوداع اسئل هنااك

بتول.حسين خااف اموت ولهيج الكلاده ماابيها فص
حسين.اسم لله ياابه جم مره اكلج بطلي تحجين هيج

بتول،ااي غيـر اساعدك بالتفسير
حسين،هيج مسااعده جفيني شرهاا ياابه مااريدهاا
بتول،هاي شنوو منـك تخااف عليه

باس جفـن عيني وحجه
حسين،غير انتي مااتدريـن
بتول.لا ادري حبيبي شلون مادري
من صياحك وحجيك وسب والشتـم كلهن ادري بيهن

حسين.شلون اانسيج
بتول.اريد انـام حسين
حسين.لا موو وكتهاا نـومتج

.
.
.

حسين،حبيبي بابه ماتكومين رااح يـأذن المغـرب
بتول،عووفني حسين حباب نعسانه وتعبانه سااعة وكعدني
حسين،مـوزين عليج يابه كومي يلاا
بتول،حسين
حسين، مو بالحسين موتي لـ حسين شتردين بويه
بتول،ناام اااش
حسين، اووشج ياابه هسه اعرف شلون اصحيج
خلي اشوف من هالكلب
استغفرلله يااربي

سحبت تلفونه من الميـز
وانه سويت انسحااب من يـمه
الوو هلا علاوي
علي،هلا بيك ياابه اعذرني اضـ ن كعدتك من نومك
حسين،كول ابو حسين امر
علي،متيم نايم لو كاعد
حسين،لا ولله نايم ليش
علي،سلمك لله عود ردتك تنـزل يمي يله اخذ راحتك
ذب تلفونه والتفتت الـي
حسين.هاا شردتي
بتول.ايي حسين ماا تتعب
هسه ماا كتلي منو دك عليك
حسين،علي
بتول،شيريد
حسين،مُتيم
بتول،خطيه

حسين،طلعي الي ويااج هدوم
بتول.مااشي
درت وجهـي اطلع الملابس

حسين شتريد التراك الاسود لو الزيتوني
درت وجهي واكف كبـالي
حسين.بكيفج ياابه حي لله شي
ياابه
بتول.هاا
حسين.انتي عدج خـوال كرايب من اهل امج
ابتسمت وحجيت
بتول.ليش تسئل
حسين.مدري هيج طره على بالي
بتول.مااعرف
حسين.شنهو ماتدرين

بتول.ولله حسين مااعرف اذ عندي لو لا انه وعيت على نفسي يم عمو امجـد فـ ماادري اذ عندي اهل ام

حسين.ااحسن
بتول.ياا ليش
حسين.حتى ما الـج مهررب غيري
هزيت راسي بـ ايي
حسين.لو عدج خوال عمام تهديني

بتول.ايي من ثـاني يوم لا شنو ثاني يوم من ساعتها
غمض عينه ورد فتحهن ماا حجـه شي
ملامح وجـهه جاانت كفيله وتغني عن حجي يابـو حجي

ماكدر بدونك حسيني
شكد اغلط عليك واسب واحجـيها بـوجهك اكرهك لـمن تنسه روحـك وتمـد ايدك عليه
بس ولله بـ حجايه منك انسه دنيه ولله انسهاا شلون وليش هم ماادري

__
دـنك باسنـي بـ راسي
بتول،لا تضوجني حسيـن

حسين،ولله روحي تنطحن طحن من اشوف دمعتـج بس ياا بويه من تشوفين اعصابي نار لا تكربين يمي شفتي كل مره اذب حركتي بجكاير
بس جيت راسي يفور وانتي تكليلي شبيك وتلحـين فووك راسي

بتول،حسين
حسين،يحيل حسين
بتول،ليش سئلت يعني شنو عده ماا بده حتى تذكـرت تسئل

حسين،ماكوشي بس كلت تخلص مني اذ بالهاا هيج سالفه
بتول،لازم لاكيلك وحده تسد مكاني سد
جـرني اله ويرجـع خصل من شعري لوراه
حسين،ووانه وين الكه مثلج وبخبـالج وفوك هذا كله حااملتني

بتول،يعني مخبله انه
حسين،الـه ياابه انـه لمخبل وستين مخبل بيج
ضيم دنيه ومابيها
شغلي والـتزامي همومي وضوجاتي مزاجي كلها تتعدل وياي بس من اشوفج تضحكين

بعمري وحياتي ما مفكرهه
كبل معقوله احب ورا مااا جربت وفشلت بي
وكمت ما اصدك بحجي الحـب ماله عمر محدد ليمت ما مكتوب النه نشوفه

ونضوك لوعته يجي بوكته
كل ظنـي احنه النتحكم بـ امر گــلوبنه واحنه نحدد للناس التدخل بيهاا

بس
وياج جنـها انكتبت عليـه
وولج دنيه تنعدل بحضنج
بتول.اذ متت تزوج غيري
فـك عينه وهز راسه برفض
حسين،عساا الموت يلفي حسين ولا اشوف لوعة فراكج لا ياابه لا تفكرين هيج

بتول.مو الموت حق
حسين.كاافي سدي السالفة
بتول.يله صدكت هسه تخاف عليه
حسين.تتوقعين اليعشـك ماا يخـاف على معشوكه
بتول.ايي
ما حجـه شي بس ضم راسي بصـدره
بتول،شوكت نروح لكربلاء
حسين،باجر بليل ان شالله وهسه فوتي اغسلي وحتى نطلع قبل لا يأذن علمود نصلي بالحضره

ماشي
سبحت قبله بااوعت ما جايبه منشفه لشعري
طلعت شعري ينكط مااي
تلكاني واكف بالباب عنده استعداد لف شعري بنشفه هو جاايبهاا
حسين،نعيما يبنيه
بتول.لله ينعم عليك
بعدني ماا تحركت سحبني لـ يمه
هاا حسين
دنـك عليه ويحجي بهمـس

حسين.يحيل حسينج
سوويت انسحااب بسرعة و وكفت كدام المـرايه
بتول،رروح ااسبح حسين ولله انتـه موو أمن ابد
حسين.بداعتي تعااي
بتول.حسيـننن

حسين،رايح عمي رايح
بتول،اي عفيه حبااب
نطيت اله ملابس ونشفت شعري
لبست بنطرون
وياه قميص بس شو عجبني جاكيت تراكسود مالت حسين اخذته لبسته بلون البنطرون طلع هوه

حسين، شنهوو ياابه احتلال صااير
بتول،عجبني ولله حلو وبلون لبنطرون
غمـز وحجه
حسين،اي ولله حلوو تعااي خلي اعاين علـي بله
سحبت
عباايه لبستهاا واباوعله بحـذر

ضحك واجه يمي كال
حسين. لبسي شالج خلينه نخلص يله بوويه
بتول،حسين
حسين،يحـيل حسين
بتول،بعد لا تصير حلوو حيل
حسين،شون صايره هااي
بتول،يعني لا تطلع حلوو هاااي حقيره امس بالمطعم تباوعلك ااجيت امعش شعراتهاا شعره شعره حتى اتووب بعد وافكس عيونهاا على الواهس

يضحك ويحجي وياي ماخذني على كد عقلي
حسين،هسه انتي ماتريديني اطلع حلو حتى مايباوعلي احد
هزيت راسي اـي
دفع راسي بيده ودنك باسني
ياا شبيك

حسين،ولشلاشه دفوتي طلعيلي دشداشتي سوده
بتول،ماا حسيني ولله تطلع حلوو
حسين،بس الـج ياابه داكه بيه ضماان وعقـد طابو وحگ عيونج يله حبيبي استعجلي

رحت طلعته شداشته سوده ولـوو ماا مقتنعه بحجيه
لبسهاا و راح يمشط شعره
حسين،يله بدلتي لمتيم
بتول،ي كملته وين نروح نزور بالبداية
حسين،يي هو نزور وبقي يمي وانتي روحي وبعدين اطلعج لسوگ
اوك طلعنه

وهيج مرت ايام زياره كلش تونسنه مشاكل تلفيناها شلون ما جان

اشترلي حلقه وكلاده بيها اسمه لابسني لحلقه يم الامام العباس (عليه السلام)سادس يوم رجعنه بليل حسين عيونه ميفتحهن وهو ماا مسيطره على السياقه

سجاد،وولك لا تدعمنه شجاك يخوووي
حسين،شوو عيوني قفلت كلش من وجع راسي
سجاد،انه اسوق بمكانك ام الحسن حولي يمي
وانته روح ورا يم مرتك تمدد

صدك تبادلو خليت متيم على رجل وحسين مد نفسه جسمه بالارضيه وبس راسه وصدره على لكشن
اخذه جف ايدي ويحركه على كصته همس
حسين.حركيهاا شوي
بتول،صار
بقيت امسح على راسه وسجاد يحجي وياه

سجاد،اكلك انته بس لا شكلت عندك شقيقه
حسين،لا بس صداع نصفي وعيوني تتاذه
بتول بابه حركي ايدج شوي
شو نطيني متيم عنج
اخذه ومدده على صدره ومتيم نايم

سجاد،حسين علي ماخابرك
حسين،لا خابرني وكال مرو اخر يوم اكضو بنجف كتله باجر دوامي
سجاد،باجر دوامك شنهي
حسين،لا بس هالتشوفني
لزمني صداع وماكدرت تعذرت بالدوام
سجاد، لله يسهل

طلعنه من لـ١ ظهرا وصلنه بـ٧ بليل دخلنه للبيت
حسين،سجاد اخذ سيارتي اوصل بيها لبيتكم وباجر عود جيبها
سجاد،يله اودعناكم
حسين،الف سلامة

نزلنـه صلينه رضعت متيم ردته بس يـرجع يناام ماا بي نومه يهاامش
على العاب بالكريكوت مالته
نمت عالجربايه
باوعت حسين نايم تعبان بسته بخده غطيته
فتح ايده

بتول،تعبان انته وانه اقيدك من انام على ايدك
ماا سمع مني جرني على ايده ويبوس براسي
حسين.يروح تعب بيـج
نمنـه لـ ثاني ب٣ ظهر يله صحينه طلع تعب السفـر كله
كعدنه سبحت وصليت
هو هم سبح وراي و وكف يصلي
تمدد بصاله

حسين،يااابه ولله ظهري نكسر
سلامتك حسيني
حسين.يسلمج ياابه
عصرنـي بحضنه وحجه
حسين.تونستي
بتول،اي ولله حلووه حيل
حسين،حلووه اكثر لو ما طناكيرج
بتول،ااانه
حسين،لا ياانه
كومي شوفيني شجبتي
بتول،ايي ولله نسيت انه تسووكت
كمت
اسحل بيهن من الاستقبال البره يمكن بلـ20 علاكه
كعد وارتجه عالقنفه الورا

حسين،منتقمه مني
بتول،اصلا استاهل زياادة
حسين.تستاهلين ماي العين ياابه بس ضلي ضحكي وانعل ابو الفلووس
تعاااي يله راويني

فتحت اول علاكه مكياج
كال
حسين،مايفيدني ذني
بتول
لا ماا يصير لازم تشوفهن حتى تعرف فلووسك ويـن راحت

طلعت لفساتين وافرشهن كدامه مبتسمه بفخـر خلصت فلووسه كلهن
حسين،بله ست بتول جـم فساتن من لمشلتحات مشتريه
بتول،ولله حلوات شبيك مال مناسبات اشتريت 4 مالت حفلات
و4 مالت محجبات طلعه ووو

سكتت وبااوعت اله بنظره مذنبه
حسين،وو شنوو حبيبي وبنطرونات مووو
ابتسمت وحجيت
بتول،صحيح ولله شلون عرفت
حسين،چاا تعلميني بيج اذ ماا تشترين اليلطش عليج ما ترتاحين
كملي بوويه نشوف تاليها وي بنطروناتج
فتحت علاكه بيها احذيه
وجنط
حسين،اييي حبابه بعد بعد سولفيلي
التـزمت الصمت

وبس افردش من العلاكات واخلي كدامه طلعت لمكياجات ولعطروات لبنطرونات ولفساتين والاحذيه وجنط وشالات سطرتهن يمه
كعد يحسب بيهن

حسين،وولج حرام عليج شسمووي انه
٣٠ قطعه ادري ماعدج هدووم
بتول،اهوو حسين ترا ذليتني بيهن ولله اخذهن ماااريدهن

سحب ايدي كعدني على رجله
حسين،ماتشترين حسين وياااج
بتول.اشتـري بـ روحي ولله
ضحك وكرص خدي باس ايده وكال
حسين.نعمة ياابه

فدوه لفلوس ولملابس لعيونج زين
بس غراضي موجودات
بتول،يي ملابسك وملابس متيم حلوات
حسين،صدك على طاري متيم
جر اذني ويحجي
حبيبي مره
ثانيه من تخلين عطر لا تخلين لمتيم وياج فهمتي

بتول،ااذني حسين
عاافهاا
وكال
حسين.ممنوع بعد
بتول.ليش؟
حسين،واحد يبوسه ويشتم عطـره نفس عطرج مااترهم فهمتي

بتول،فهميت
حسين.فدووه لـ ام عقلين
اروح اجيب الـغده وسيارتي
بتول،ي غير تاخذ سياره سجاد
حسين،يي دكومي على ما ابدل شغليها

رحت جبت سويج وطلعت شغلتها سياره سجاد بقت من يوم زياره بيتنه وسيارتنه لطلعنه بيها

اجه حسين لابس دشداشته جديده لونهاا رصاصي
ولف جراويه على راسه رصاصيه وبيهاا نقـش على الاطراف

بتول،موو هيج ماا تطلع

حسين،هاا خير عارضتلي
بتول،حلوووو متطلع
حسين،ولج خليني اروح كبل لا يطلع لولد
بتول،روح بدل واطلع
حسين،وحگ عيونج
عيوني متطلع على غيرج بعد يله يا يابه تاخرت
جرني باسني بخدي قشمرني وطلع فتح لكراج

اشر الي ادخل دخلت للمطبخ
باوعت ناسي تلفونه خليت جاي على نار اخذته
كعدت اكلب بي
اتصل سجاد مارديت

اتصل علي ورا بربع ساعة مارديت
يبوووو شنو طركاعه متواعدين شنوو زهكت منه
خليته سايلنت

دخلت لـلغرفه دخلت بدلت لمتيم وكعدت رضعته وفليته كماطه وهو يناغي للهوه
لـ٤ وربع رجع حسين
حسين،تعالي بتوول
بتول،ااجيت
حسين،تلفوني ناسي هنا
بتول،يييي سجاد وعلي وبعد من جماعتك دكو علي
بس ولله ولله ولا رديت ولا رفضت ولله

ضحك وكال
حسين،مصدك بوويه شبيج ولله ولله شكلتي
بتول،شونك هسه
بسته بخده
حسين،ولله بعد وكت لو مخليتها بعد للاسـبوع جاي احسن
كعدتي من نوم ونمتي وسولفنه وطلعت وهسه ذكرتي
بتول.يبوو كفرت كفرت مو سئلت
حسين.الحجي اله وكته حبيبي

فوتي هسه جيبي تلفوني وصبي لغده
ودشداشتك
حسين،هسه ابدل
اااخ بوويه حبيب ابوه كااعد

باوعتله من لمطبخ يشمره للهوه ويرجع يلزمه راح بدل ورجع يلعب وياه ميتم بس ضحكته تنسمع
حسينن

حسين،ومرض بكـلبي صوتج شبيج
بتول،عووفه
اجه شايله مخلي على جتافه
حسين،ليش
بتول،عوووفه
حسين،هسه ليش راح تبجين
غير تحجي شبيج ولج
بتول،عوووفه لا شيله ولا تلعب وياه خيولي
حسين،ليش وولج مووو ابنج
بتول،لاا

حسين،خبال اي ولله خبال
هز ايده وطلع
حسين عوووفه
حسين،انجبي وصبي يله جوعان
بتول،خليت لغده وكعدت عالقنفه
حسين،تعااي

بتول،خلي ابنك يكعد وياك
حسين،بتووول شووو تعالي بوويه خلينه نفتهمم
بتول،نزلت كعدت يمه
بقه يباوعلي
هااا

حسين،شبيج يابه شجاج
بتول،عووفه خيولي لا تلعبه
حسين،حبيبي مايصير هيج
بتول،ليش
حسين،انه الج لا ولد ولا بنيه من صلبي يااخذوني منج
بس هو هم ابني
لجج بابه اذ ما دلالكم وين اروح انه
سكتت عنه لان انه نفسي مشاعري ما جاي افسرهه مخبله اغار من ابني
لو نعديت من حسين
حسين،اكلي ولا تضلين تفكرين
بتول،مااريد ما مشتهيه
حسين،كيفج

اكل لكمتين وحجه
حسين،تعاي اكلي وياي
بتول،مامشتهيه
حسين،يصير خير كومي شيلي الزاد
وجيبلي جنسيتج
بتول،شنو سوي بيهاا
حسين،دكوومي يابابه
شلت لمواعين ضميتها بثلاجة جبت لعلبه البيها الاوارق الرسميه

طلع شهاده لوفاة مالت امي صورهه بتلفونه
حسين شسوي بيها
حسين،هيج بابه رايدها بشغله

ماهتميت بيهااا كام جاب لحـااف
نام وتغطه مد ايده
وابتسم
حسين،ماتجين تعبااان
بتول،مو هذااك ابنك متخلي بحضنك خلي يفيدك
حسين،يا طلابه وولج مو هذاك هوو يلعب بحـده شفتيني گربت اله

التفت وراي مخليله مخدات اربعه وراه وكدامه وعلى جهتين ومخليله العاب مديتله لساني عيبت عليه درت وجهي لحسين
نمت بحضنه وهو يضحك

حسين،مخبله وعلي
رفعت اصبعي مهدده
بتول.ولله تراا اكووم

حسين.لا ياابه ينطيج گلبج تهديني وانه تعبااان
بتول،واني طايح حظييي ااكعد راحة رجاااءاا
حسين. سهله حبيبي اعدلج حظج صدك جذب على هاي انتي ضايجه

بتول،اوو حسين دنيه باردة بيه حيل اانه
حسين،الحـركة بركة ياابه
بااعي ابنج نااام على مخده كوومي عدلي ركبته لا تضل توجعه

بتول،مااعليه كلبك يكتلك على ابنك روح اله
خله راسي على المخده وكام اله شال ويحجي
حسين،عمت عينك ابوك و روحه لمخده عاليه وركبتك تضل توجعك

اخذه ودخل لغرفتي
بالله هذاا هسه من اطنكر علي واطبك فيوزاتي علي وعلى ابنه هم احد يلوومني
كمت سحلت روحي دخلت للحمام سبحت ودخلت للغـرفه بعده ينومه

هستوني شغلت لمجفف
وهو فز وبجه
حسين،لاااا ياااامنعوله صفحه على هاااي سالفه
بالله عليج هسه شينومه
بتول،حسين عووفه خيولي تعوده على شيل وانه ابتلي

باوعلي بطرف عينه وصااح بيه
حسن،ووولج طفي بتوول ولله راح اكوم اكتلج
بتول،هذيج غرفه وروح بيهااا مو مسوين غرفتي مزار
حسين،هيج صاار الحجي
بتول،اي ولله

طلع هو ومتيم
نشفت شعري ومشطته طلعت كتاب اسلاميه وكاعده ادرس صارت صلاة صليت ورجعت اقره لـ٧ ونص كمت لبيت فارغ شويه دخلت للمطبخ حطيت الجاي بالغلايه

___وقـفه
سلام عليكم وشلونكم وعسااكم بخـير
يارب بالبداية
القصـة مابيها مشاهدات هاي انه وانتم تعرفونه عدل
بس اكو بارتات وصلـت لـ 100مشاهدة ادخل اشوفها بدون لا تصويت ولا تعليق
القصة بشعة وما تستحق لا تصويت ولا تعليق؟
لو السرد بي مشكلة؟
لو اكو سبب ينخفي عن الكـاتب وعلى هذا الاساس ما يشوف تعب كتابـته
هسه لو عشره يقرون الباارت واشوفهم متفاعلين جـان كل يوم نـزل بارت
وبنهاية الامر متروك الـكم
💜✨

دخل حسين وياه متيم
باوعتلهم بـطرف عيني انتبه الي حسين خلاه العلاليك على الكاونتر وحجه

حسين،سالمين باابه شبيج
بتول،لله يسلمك مابيه شي
حسين،اخذي غراضج جبتهن الج
نطاني علاكه فتحتها قرطاسيه كامله

باوعتله ذب جاكيته فتح مصاصه وكعده على رجله ويخليها على لسانه وهذاا يكمز عليهاا مكيف هو ماا اخلي اله شي غير سريلاك والحليب مستغرب طعمهاا ومكيف

حسين،ها شووو بعدج واكفه
عشه ميت جووع وعلـي
بتول،هسه
طلعت بتيته مسلوكه حمستهاا وفوكهاا بيض
كصصت طماطة وخياار
حسين تشرب جاي
حسين.لا يابه ورا العشه
خليته يمه اجيت اروح

حسين،شبيج وين رايحه
بتول،اريد اكمل قرايه
تـريد شي
حسين،لا بس اكلي شي وروحي اقري براحتج

هزيت راسي بـ ايي
سويت حليب وكاكو
كعدت اقره لـ٢ ونص خلصت لعربي واسلاميه
احس عقلي وكف ما يستقبل اي معلومه بعد نفتح لباب رفعت راسي
حسين،بعدج كاعده بوويه

هزيت راسي كمت لميت لكتب من عالجربايه
خليتهن على لمرايه
وكف وراي دارني اله
حضني مسح عالشعري ماكدرت حتى ابداله ايدي احسها نشلت من لكتابة

حسين،خررب بالمدرسة كلهاا ولج شوفي حالج ميته موو زين عليج هيج بويه انتقاام هاي مو دراسة
بتول،تعبانه حسين وميته هم
رحت نمت عالجربايه
مابيه حتى اتغطه
غطاني وباسني براسي قلل الضوء وطلع

حسين

كعدت بره بالطارمه
الف حسبه بالي
من متيم لبتول لعلي لسجاد لنفسي
شسوي بنفسي من الامانه لعلكوها بركبتي

مـاضي

دك تلفونـي لمن شفت الرقم فرزنته رقم عم دينا
جاوبت ابنه دريت بي مـريض
من الـدوام
رحتلهم لكـيته ولده مجبلينه ومبين مودع

.. ماكدر احجي هواي يـ ابوك بـس امانه بركبتك لا تخليها تايهه تره تتملعب على حل شعرهاا
بويه

اخوانهاا موو كفوو ولا همه زلم ينشد بيها الظهر ويكدرون الهاا ويشهد لله
من اول شفتك من جيتـك خطبتها وجنتم بالمعهد
سوه

انه اول الناس الوافقت عليك بس جان ابوهاا بحيله وماخذته الدنيه بغرورهاا

امانة يـابوك و وصيه بس انته تكـدر الهاا

رجعت منهم دايخ بـ زماني لـ ٨
بليل دك عليه سجاد كال توفه عمها.........يتبع

#حًربً_مًآ_بًيَنِ_قُلَــبًيَنِ
بارت ٢٥

- ما سِرُّ حُسنِك كم حاولتُ أدرِكُهُ
‏وجمـالُ عَينيك زادَ الأمـرَ تعقيدا.! ...
____
دخلت سوالي مكاني بجهه
والثاني منوم متيم وميتم يدك على صدر حسين ويصيح بببه ومتفتهم منه شي

مديت اله الخاشوكه
حسين.هكد تحبيني
بتول.لا ما احبـك اابد ما دام هيج تسوي وهامل صحتك ونفسك
اذ مو علمود نفسك حسين علمودي انه ومتيم فكـر بينه
حسين.هو انه شعندي غيركم هلـ اثنين طلعت بيكم من هلـ دنيه الكشره

بقيت اوكله بيدي لحـد ما كـال
حسين،كاافي رحمه لاهلج موتيني شنهوو متحلفه الي
بتول،ايي متحلفه
بلكـي تصير عندك مسؤليه

حسين.هاا يابه بدينه ندوس بلبطن
بتول.ماا اعيل بيك انه احجي الصدك
حسين.لله يصبر كلبي على صدكج
فوتي جيبي النه لهذا لمسكين ضال بس يفر براسه
بتول.توني مريكته حسين لا توكله موزين علـي
حسين.خفايف يابه
شوفي شنهو باقـي بجرارتي جيبي

حسين،ههههه اخذي بالعافيه بس وراه ما تخلصين تعاي يمي اضوك لشفايف بطعم لفراوله
بتول،من عيونيي طلعت
سمعته صاح
حسين،اخخخخ يااابه كتلني عيون لبصراويه
بتول،طلعت لمطبخ لبست برموده كعدت اثرم لحشوم خلصته كمت صبيتله كلاص صغيرون جاي وديته لاستقبال
عض شفته لجوه نطيته جاي
حسين،ولكك بويه نااوي تموتني ليوم
بتول،اجيت اطلع
بس تعاااي بت لذينه متكرضه لجايات شنوو
بتول،موزين عليك ولله
طلعت لفيت دولمه وخليت علطباخ رحت شلت متيم نايم خليته على جهة بحده
حسين،اذن موو
بتول،يي توه اذن
حسين،تعاي عينيني
مديت ايدي اله اضحك
حسين.هاا شو تضحكين
بتول.تذكر من اتمرض وانته ديربالك عليه
حسين.شفتي هيه هااي الدنيه تاالي وكتي عاازتي الج وانتي تكوميني
بتول.ايي غير مرتك
حسين.يوويل گلبي من حجااياتهاا
وكـف على حيله
حسين.غيري هدومج بعد حيل حسينج
بتول.ليش شبيهن
حسين.باارده عليج
بتول.ميخاالف
حسين.ولج بويه انتي ليش روحج بالعنـااد

بتول.ياا حسين
حسين.حيله ياابه وعلي خاايف عليج لا طيحين وانتي ماشااء لله المناعة العدج ماكوو منها
بتول.ميخاالف نسوي مرض جمااعي شنو بس انته متمرض

حسين.انه اوولي ياابه بـ١٦ مرض بس انتي وهذاك دحدوح طيحتكم لله بستر منهاا تااخذون من عمري وعلي
بتول.ميخالف هسه ابدل
حسين.ااكص ايدي اذ مقتنعه
ضحكت وطلعت كبله مديت مصلايته وهو راح توضه
بتول.حسين
ثبت وحجه
حسين.هاا بويه
بتول.لا هيج ماكو شي
حسين.شبلاج يعين حسين
بتول.ولله ماكوشي اجرب اسمك
هـز ايده يباوعلي ماا مقتنع وراح يصلي
ركضت توضيت ولبست حرامي صليت وراه بمسافة

ختـم صلاته وذب نفس متمدد وايده على راسه
خلصت التسبيح ودرت علي
حسيني شبيك
حسين.ما بيه بوويه لا تضلين مكابلتني وشبيك وشبيك
فوتي حطي كتابج ودرسي لو تشوفين ابنج شيسوي

كمت من مكاني يمي خليت ايدي على كصته
فتح عيونه

حسين.لا يضل بالج ويااي وعيونج ماابيه شي شجااج
بتول.بس يوجعك شي كول لله عليك
غمض عيونه ورجع ايده عليهن

كمت عنه لميت مصلايتي وكلت متيم وجان معوز نوم
نومته طلعت بالمطبخ جيكت الغده طفيت النار علـي و وكفت اثرم زلاطه
سمعت صوته
غسلت اديه وطلعت بسرعة

حسين. وين صرتي يابه
بتول.نومت متيم ليش
حسين.اذ ماعدج شي تعااي يمي
بتول.ايي اجيتك
طفيت ضوه المطبخ واجيت يمي تمددت على ايده

حسين،درستي ليوم
بتول،لا ولله ماا لحكت
حسين.شوي تغدي واقري زين
زين
غطيت راسي بالغطه
حسين،ووين ندحستي ولج
بتول،بردت ولله
حسين،حولي من هاي الجهة
بتول،ايدك بيهن لكانونه
حسين،ما عليه شي يله طفري
عبرت من فوكه على جهة دفيت لين صايره بين لقنفه وبينه بقه يمسح على ظهري

حسين،دفينه
بتول،شووي
حسين،تستااهلين الـدنيه شته وباردة المن لابسه هيج ومستسبعه على روحـج
بتول.يااا حسين
حسين.ها بويه
بتول،ولله ترا قبل لا ياذن حاره وشميسه طالعه وجو حلو بس هسه صارت باردة

حسين.ولله لو الدنيه تطيح صوواجع انتي هذا لبسج لا تتغيرين ولا تغيرينه
هزيت راسي بـ ثقه
بتول.ااعجبك ولله
رفعت راسي اله كوه مفتح عيونه نعسانه وبيها حمار اذانه عبااره عن قطعه حمره صاايرات

خليت ايدي على ركبته وكصته عده حراره
حسين خلي اخاابر على سجاد يوديك للمستشفى ولله عدك حرارة
حسين،ماابيه شي بويه
بتول،حسين ولله مصخن
جر ايدي من اذنه باسها
حسين،ولله مابيه شي لا يضل بالج بويه
قفلتي البيان
لا
حسين.قفليهن بويه بعد محد يطلع بره
كمت عنه
قفلتهن جريت غطه من جربايه اخذتها خليته فوك غطاه
مد ايده
شغلت تدفئه بـ سبلت
حسين،تعاي يله موو كيفتي على الحوسه
اجيتك

حسين،تلفوني هم احد دك علي
بتول،لا بس سجاد من جيتو وما جاوبت
حسين،عفيه سبااعيه
بتول.ناام يله حتى شوي ونكعد نتغده انه وياك

غمض عيونه وما حجه شي
بقيت احرك ايدي على صدره لمن غفه كلش وغط بنومته
كمت عنه لبست تراكسود قديفه ابيض وبيجي
جبت كتبي وكعدت قريت جغرافيه لـ٣ونص
كعدته كوه بالف ياعلي كمل صاحونه كام غسل ورجع لفراشه يكمل نومه
حتى صوته مبحووح وكوه يحجي

رجع نام كعد متيم كعدت وياه لـ٦ وربع
كل شويه طافره من متيم لحسين
من حسين لمتيم كمت صليت
خليت متيم يمي يلعب واني ادرس لـ٨

كمت باوع متيم ملتهي طلعت يمه خليت ايدي على كصته حرارته مرتفعه كلش
حسين حبيبي فدوه اكعد كاافي نوم لله عليك
حسين،غااد مني بوويه و لا تصكعين راسي بالحجـي
مااكوفايده و
ايست منه

تذكرت من صخنت وسوالي كمادات
كمت عالسريع سويت اله ورجعت يمه
ماقبل كلساع موخرها

حليب بشفاعات شربتين وما قبل يكمله
لـ١٠ وانـه محتـاااره بيه متيم بحضني يمد ايده على وجهي يمسح دموعي

مسحت وجهي ودنكت بسته يرضع وعيونه علـيه
يروح امـك وعينهاا تدري شجـااي احس هسه
وانه مادري
وين اولي هسه وشسووي
عفت متيم وكمت يم حسين
كعدت يم راسه حسين حباب فدوه كوم اشرب علاج بلكي تصير ززين لله عليك

حسين،ماابيه شي لا تلحـين
بتول،فدوه حسيني
فتـح عيونه صايره عبااره عن دم رجع غمضهن بسرعة وحجه كوه

حسين،شجاااج ياابه عليش هيج صوتج مطبگ
بتول،عليك ولله حسين بس اكعد ااشرب هذا العلاج وارجع ناام ولله ماا احاجيك بعدد فدوه واخليك براحتـك ولله

حسين، علاج مااحبه ولا اطيقه روحي يم ابنج يصبح الصبح كلشي ماابيه

هيج مداهر ساعة اني وياه ومتيم مكعدته يباوعلنه
بتالي نام ساعة بـ١٢
شلته بجربايته
رجعت لحسين لزمت ايده ترجف من حراراته بس وخرت الغطه عنه جره وحجه

حسين ،عوووفيني بردان
بتول،حسيني فدو.... كمت من سمعت صوت تلفونه يدك
فتحـت خـط
سجاد. الوو
بتول. ابو الحـسن فدووه تعاال لـ حسين
سجاد،شجااكم يبه شبي حسين

ولله مااادري
مايقبل لا كمادات ولا علاج ولا يقبل ياكل شي من الظهر لهسه
سجاد،جاايكم اانه بس حظري وانتي هم تحظري اذبج عد نهى
استعجلي
سد ذبيت التلفون وركضت يم حسين
بتول،حسين كووم لله عليك راح يجي سجاد حتى يااخذك لطبيب

ما حاجااني وانه أيست منه يقتنع من عندي لو يسمع حجاية منـي
كمت عنه حظرتله جاكيت
خليت على ملابسي عبايه لبست الشال لبست متيم شي يدفي سمعت البااب الجبير ينفتح
خليت متيم يم حسين و
طلعت فتحته
سجاد،هاا ياابه شني سالفتكم يااهو الطاايح انتي هوه
بتول.شسووي مايقبل ولله
سجاد.لا حول لله فووتي بويه فووتي طلعي وليدج وصعدي بالسيارة
بتول. ووحسين
سجاد،هسه اشوفه
دخل وانه ورا ثنى رجلـه وايده على كصت حسين

التفتت الي وحجه
سجاد،داووي ناار وين جنتيي عنه ليش مااا دكيتي عليه شـ موصيج اانه

شلت متيم وماحجيت شي بس اباوع لـ حسين
حسين،سجاااد معوود بس وخرهاا من يمي بالعبااس كتلتني كلسااع جاايبه شي اليه

سجاد،نعله علـ ابووك لابو خـووتك كووم عين روحك
وياااي

وراه معـركة طااحنه بالساناتهم التخــبل
سنده وكام وداه بسيارة
وانه ومتيم هم صعدنه قفل الـباب وشمر المفتاح يمه

وبده حسين يجـر بالحجااية جر وجاايب سجاد بالغلط
وهذاك بس يضحك علـي تالي كاله
سجاد، وول انته مخبل لو متخبل مااتعاين لـ رووحك شصااير
خرجه مسح لله وكيلك
وانتي يـ ام البيت
هذاا ثوور وادري بي بغل ماال عنـاااد

انتي شجاج مووكتلج صبح شتعتازون شـ تردون دكي علي
يتصخم ويتخربط على وجهه خاابريني
شمكثر تلفونات عدكم شنهي سالفتج

درت وجهي عنه ودموعي تنزل فووك هذا كله الرزايل تجــي بـ راسي عبالك انه مرضه حسين
وصلنه لبيتهم

نزل اخذ متيم ونزل جنطته احتاريت انه وعبايتي شلون ننزل وسيارته عالية
مد ايده وحجه
سجاد.يله بوويه فضيهاا
حسين.بالله سجاااد لو كضبت ايدهاا انعل خووتك كلهاا
سجاد.شلوون بله تااخذهاا وياك للمستشفى
حسين.اانه هسه انزلهاا
راد يفتح الباب سده سجاد من بره
سجاد.نزلي عباايتج على ايدج اريدن اشووف التـاالي ويااكم

بتول.اكدر نزل اانه ولله
ثببت اديني على تكيات الكرسي ونزلت
فتح باب بيتهم
سجاد،فوتي وكعدي نهى ويااج هم يله الحك لا يصير بي شي هالمغضوب

هـزيت راسي ودخلت للبيت فتحت باب الصاله وكعـدت صاافنه عالفراغ ومتيم نايم بحـضني

استحيت اكعـد نهـئ
ضليت بمـكاني لحـد ماصاارت بـ١ ونص
طلعت نهـئ من الغـرفة
باوعتلي وفكت عينهاا
نهى،هااي بتول شني وولج شجابج شصااير ويااكم ااحجي ولج طيرتي كلبي
من فلك طك العـدو

يااا صخام صخمني شمالج عليش تبجين

بتول،حـسين
دكت على صدرهاا وكعدت يمي
نهى.اسم لله يمااا شماله
بتول.مريض من الصبح
ومن الصبح لهسه بلا اكل ولا علاج

ماايقبل ولا يسمع منـي اكعد بس
اشرب علاج مااكو
هذاا اكل بس اكل حتى يقوي جسمك ويوخر النحول ماايقبل
يعناد ويصيح شسووي بنفسيي بالـقران
مليت وعلـي ماايسمع منـي حجاايه كلسااع وكال وخري من يمي ووخري من يمي
من غير هذاا ليصرخ اذ عفته بالكاع شوي
شسوي نهى تعبت نهد حيلي ولله
فووك هذا كله يصيح وماا راضي علـيه وماا خله واحد من اهلــي مااسبه
لان الـح علي

نهى،كفي دمووعج حبيبه كفيهاا يمه هذا القهر عليش كله مبرعته بكلبج مووزين عليج وعلي

شوو انطيني توويم عنج اودي يم الحسن واجيج

احذته من عدي ومسحت على ظهري ودخلت للغرقة
شويه وطلعت
حضنتني وهي تربت على ظهري
نهى، ما بي شي وداعتج هسه يطلع جنه حصان عليمن مخربه عوينااتج الحلوه
وهااده روحج والوجه ماا تتفسر ملامحه

بتول.خابري ابو الحسن فدووه
نهى.خاابرته ولله كاله شوي ونجي وتعااي اكلج
هو مو اول مره حسين يطيح بس هوويكره

لمستشفيات وانه اتذكره من توفو مرته وبته هم هيج
ولمن يووصل المووت يله عود يطي مفكه لـ سجاد حتى ياخذه للمستشفى

بتول،ملليت ام الحسن باالقران وربج مليت هشكد
مايعااند
بدينج لوو يصير بي شي
انه وين اروح منوو يلفيني لخوال ذبوني من اانه بزر ثلث سنين لو لـ عمي البااعني لـ حسين وذااك هوه ناايم بالسجـن

نهى،ميخالف حبيبه ولله تهون شجااج
هسه يجي مابي شي وتشوفينه وسوويلج زعله علـي ولا تحااجينه ابد

دنكـت راسي بين رجليه مسطوره سطر وعيوني بعد مااشوف بيهن وخطيه نهى مكابلتني وكاعده
رغم اشوفها كلسااع تريد تغفي على كعدتهاا
وين لـ ٢:٤٠ يله اجوو
راحت هيه تلبس شال
وانه
فتحتله باب الاستقبال هم يصير داخلي عكسنه احنه خارجي ومعـزول عن البيت
دخلو والاول يـصف متولي رزايل
والثاني يعد و يغلط علي

التفت الـي وكال
حسين،وانتي انه اعلمج خليني اصحه وشووفي اليجره االج
سجاد..شماالك حسين البت شـعليهاا فوك ماا واكفه عالراسك وتريد الك الصحة
شنهوو احنه مرضينك ومااندري شني ساالفتك متخبل فررد مره

حسين.هوو انه مااكو عقل بـ رااسي منهو وده عليك وكاايل الك افززع لـ حسين
سجاد،ولله الحجـي ضااايع ويااك
طبك لباب وطلع

وكفت بعيد عنه وبس عيوني تراقبه
كتلة نار من عصبيته
ايده مااا ثاابته وترجف رجف
وحده من ادينه ينزل منها دم من وراه الكاانونه
باوعلي وصاح
حسين،سدددي حلكج بسج بجيي
مسحت وجهي ودنكت راسي منه

اسمع بـس استغفااره
حسين.تعااي من نعلعله على ابليسج

رحت يمه واحساسي يكلي راح اكل راشدي بخاشوكه منه
اشر يمه وحجـه
حسين،هناايمي
جر ايدي كعـدت بمـوازته
حسين. بسج بجي جم مرره كاايلج بطلي عالكلشي و دمعتج صبت
متت اانه حتى ذاابحه عيوونج
بتول.هااي هيه ماا ابجي ولله بعدد
حسين.متيم وين
بتول.نايم

فووتي صيحي سجاد
هـزيت راسي بـ ايي
مسح عيوني ببهامه كمت طلعت عنه
دخلت صاله ماكو احد
اجيت ادك باب غرفتهم
طلع من جوه درج جان بالحمام
ينشف بشعره ما لابس فانيلة درت وجهي هو رجع وحجه
سجاد.نهى بالمطبخ
بتول.موو علمود نهى حسين يصيحلك
سجاد.تهدئه المخبل كليله هسه يجي

رجعت يم حسين والووم بـ روحي اانه لمن رحت اادك غرفتهم جاان دخلت للمطبخ اشوف نهى وهيه تشوف رجلهاا

كعدت يمه اافرك بـ اديه عالموقف البايخ خليت نفسي بي

لزم ايدي وحجه
حسين. بسـج راح يطـكن اديج
هزيت راسي وسكتت هوورجع راسه على القنفه بـ تعب

دخل سجاد ينشف بشعره
سجاد،حسين شلون صررت
حسين.زين ماابيه شي وين سويج سيارتك
سجاد،ايدك ماتكدر هد السياقه هسه
حسين،مووو معاق جيبه
سجاد،هسه انه اووصلكم بس ابدل تانيني شووي

بتول
شفت حسين صار عصبي وهو ما يتحاجه ليوم كمت اريد اطلع لا يجيني السره
صاح بيه
حسين،جيبيي متيم من انعل ابوكم لابو ساعتكم

طلعت بسرعة واسمع بس اصواتهم
جبت متيم وغراضه طلعت نهى من المطبخ كالت
نهى،هاا طبكن عده
بتول،ماادري يله تصبحين عالخير
نهى.الخير بوجهج حبيبه
عود ردتج تضلين يمنه ليلة
بتول.حسين تعباان غير مره ان شاء لله
نهى.مسهل دربكم
حسين واكف بالحوش
سحب ايدي وكوه يمشي من نحول جسمه
صااح
سجاد،لللك حيوان اخذ سيارة ولله بطلت ما وصلكم
مااعليه
ماارد علي
فتح الـباب وطلعنه وهو يسب بيه ويغلط
اختنكت فرد مره
وكلهاا تجمعت بيه وعلـيه
اانه شنو بالسالفه مادري
لا بيها ولا عليها بس ماكله الرزاله منين ماجان ومن حي لله واحد
حسين.ووين المفتااح
مديته الـه فتح الباب ودفعني بطـرف ايده

دخلنه هو سد لباب كعد بصاله عالقنفه وديت متيم بالغرفه عدلت نومته ذبيت العبايه والشـال

وادعي ربي ينطيني الصبـر ويعدي هاليلة عالخـير

طلعت من الغرفة شفته منزل راسه ومخلي بين اديه

خليت ايدي على جتفه وثنيت كعدتي يمه
حسين بعده راسك يوجعك

لزم ايدي حيل وصك على سنونه حجه
حسين،وين شفتي سجادد
بتول،هاا
حسين،وين شفتي حيووانه من وديتج ترحين تصيحيله ووين شفتي
بتول،ماااااشفته كلت نهى هيه صااحت اله
حسين،اااش لا تجذبين سددي
شفتي ولا تكولين لا
ولا تكولين كلت نهى لان من عينج جذب لا تجذبين

وولج بتوول وديتج تبجين رجعتي وجهج مطعوون طعن من الاحماار
موو مااااعرفج انه لو غريب عنـج
ااحجـي ااحسلج
اباوعله فااكه عيني ورغم كل السمعته ااجذب روحي واكول هذا خيـاال

مستغربه وماا شايفه هاي الشغلة الجديده
وعبالك اختراع جديد وانه صاافنه بي
لا اعرف شحجي ولا شـ اكول وجـن لسااني نربط

بتول.حسين.....
حسين.من نعلعله على رووح حسين وخلص مننج
ساااعة السووده الجبتج بيهاا يمي
غغضب ابتلاااء
اااحجي ووين شفتيي..........
يتبع

حًربً مًآ بًيَنِ قُلَــبًيَنِ
بًآرتٌ ٢٦

فُـَ هّلَ تٌُدٍآوٌِيَنَِ قُلَبًيَ بًآلَلَِّقُآء کْرمًًآ؟
‏فُـَ مًآ لَِقُلَبًيَ دٍوٌآءٌ غُيَر لَُقُْيَآکِْ
___
خليت ايدي على جتفه وثنيت كعدتي يمه
حسين بعده راسك يوجعك

لزم ايدي حيل وصك على سنونه حجه
حسين،وين شفتي سجادد
بتول،هاا
حسين،وين شفتي حيووانه من وديتج ترحين تصيحيله ووين شفتي
بتول،ماااااشفته كلت نهى هيه صااحت اله
حسين،اااش لا تجذبين
شفتي ولا تكولين لا
ولا تكولين كلت نهى لان من عينج جذب لا تجذبين
وولج بتوول وديتج تبجين رجعتي وجهج مطعوون طعن من الاحماار
موو مااااعرفج انه لو غريب عنـج
ااحجـي ااحسلج

اباوعله فااكه عيني ورغم كل السمعته ااجذب روحي واكول هذا خيـاال

مستغربه وماا شايفه هاي الشغلة الجديده
وعبالك اختراع جديد وانه صاافنه بي
لا اعرف شحجي ولا شـ اكول وجـن لسااني نربط

بتول.حسين.....
حسين.من نعلعله على رووح حسين وخلص مننج
ساااعة السووده الجبتج بيهاا يمي
غغضب ابتلاااء
اااحجي ووين شفتيي.
حجـيت والرجف علكت بـالسااني
مااشفته حسين
عصـرر ايدي بيده لدرجة حسيت العظم انفصل عن لحـم وحجه بفحيف
حسين.لاااتجـذبين
بتول.اييي ولله مااجذب
حسين.ووين شفتي
بتول.ولله هو جان طالع من الحمام وينشف شعره ولله ولله حسين ماااشفته بعدد
شبيك ولله مااسويت شي اانه

دفعني وحجه
حسين.وولي يم ااابنج
لميت ايدي لصـدري من المهاا
دخلت للغرفة وقفلت البااب بخـوف منه

شسويت انه ولله مااسويت شي
بس مو منه الصوج لا ولله
صوجي انه الذاابحه روحي علـي وكااتلتها كتل

مسحت عيوني حيل
كعدت مكابله متيم اباوعله صاافنه والحجي مسطر سطـر بعقـلي
ضحكتك وحجاياتك بعدهن ما ناسيتهن كل حجاية تحجيهاا الـي ما رايحة من بالي
دقيقتين رحت عنـك تخليت هيج
چاا من تعوفنـي يووم كامل بحدي شنو تتخيل ويجي بالك
صدك هيج ثقته معدومه من يمي
هوو وين الغلط بيه لو بي
معقوله انه تصرفااتي هيج واصلة مرحلة تخلي ماايـثق بيه لو ما يأمـن بيه
هـزيت راسي تعباانه من تفكير لا ولله انهـد حيلي

تمددت يم متيم بلكي يصفه بالي واناام اريد ارتـاح
تعبت من كـلشي حتى من نفـسي
قريت سورة الاخلاص ثلث مرات
ونـمت
شوي وحسيت تلفوني يهتز على ميز
فتحت عيوني بـ تعب
جريته شفت الاسم ام الحسن
كاتبه
"شلون صار حسين خوما طكج عدت سلامات "
مابيه حيل اريد خليت التلفون بيني وبين متيم
ضوت الشاشة صارت اتصال
فتحت خط
نهى،هاا بتول شلون صاار حسين
بتول،لا احسن الحمدلله
نهى،خووما ماا طبكن عده عليج

نقبض كلـبي ولـ اول مره احس بـ خجل من حسـين
اول مره بحياتي اخجل انه منسوبه اله
لان بوكتهاا حسيت كلهاا تعرف حسين وشون يصير من يعصب

يفقد ومايدري بالدنيه ولا يهمه الكدامه شنـو
خجلت لان مشاكلنة صاايره فرجه
لميت افكااري المتشتته وحجيت

بتول،لا هدئه من دخلنه البيت وصدك نفس ما حجيتي هو يكره المستشفى لهيج عصب حيل

نهى.الحمدلله ان شاءلله غير العافية مابي يله سلمينه
علـي تصبحين عالخير
بتول،لله وياج

قفلت التلفون خليت على طرف الكومدي سمعت صوت الشاشة من طگت بالكاع يعني طـاح

خليت ايدي على عيوني وماا اهتميت لـ شي اريد بس راسي يسكن من التفكير والوجع

غطيت بنومتي ومادريت على روحي اله ساعـة
بـ10:38الـصبح

كعدت ضوه شمس بعيوني وبس تور نازل مالت البرده الشمس صايره بنص الغرفة
فركت وجهي بيدي وجسمي متكسر تكسر وكفت احرك جسمي

مشطت شعري صااير كوشه كلش
بدلت هدومي وطلعت من الغـرفة كارهه البيت ونفسي وكارهه حتـى شوفت حسين
دخلت بوجهي للمطبخ غسلت وشغلت الغلايه
خليت بيض سلك
وطلعت اريد ارتب الصاله امس عفت الكتب مطشره والاقلام
دخلت الها

شفته نايم بصاله كتابي ملمومه ومخلايه على المعرض
لميتهن ودخلتهن لغـرفتي لميت البيها من هوسه

طلعت وسمعت صوت المغسله تشتغل جريت نفس وادعي ربي يخليني اصبر على شوفته
دخلت للمطبخ حضرت الريوك
هستوني كعـدت دخل هـوه
رجعت كمت جبتله كلاص صبيتله جاي خليته كدام مكانه
كعدنه ناكل ولهدوء سيد لموقف
انسحبت ورحت لـ ميتم
كعدته كوه
ريكته وبدلتله خليته على بمكان ابوه بصاله كام هو يمه غسلت لمواعين فتحت ثلاجه واني صافنه بيهن افكر شنو اسوي
كعدت اثرم حشو واني ماعرف شنو اسوي
حمسته وي لتمن وخليته يتهدر عندي لحم باقي من اكله خليته وياه شفت
لبن ناشف عدنه خلصت صليت وكملت
طفيت طباخ وكعدت العب بتلفون جبت
متيم يمي
مخلي اصبعته بحلكه كمت جبتله مصاصه وخليها على لسانه هو يرفع رجلينه ودينه مكيف على طعمها ابن لمشعول

غمضت عيوني نعساانه وبيه بعد نومه مديت ايدي خليته بحضنه يبجي
اشرتله اااش اامي ناام
يله حبيبي بقيت امسح على ظهره نمت مادريت بي نام ما نام
لـمن حسيت
حسين ندسني بجتفي
فـزيت وايدي على كلبي
عباالي متيم بي شي
حسين.اسم لله ياابه
رفعت وجهي اباوعله
دار وجهه مني وحجه
حسين، كعدي يـاابه مرت سجاد هنا

هـزيت راسي وكمـت
عنه غسلت وجهي عالسريع سحبت شال عالشعري طلعت ماكو بصاله سمعت صوت سيارة بره
لكيتها واكفه باب لشارع مشيت يمهاا
بتول،عزا بعيني ليش واكفه هنا
نهى،اسم لله عليج يمه
شلونج شخباارج
بتول.الحمدلله زينه فوتي ليش باقيه هناا واكفه
نهى.يمعوده سجاد مايرضه ولله مستعجله وهاده الحسن عد بت خالتي
كال بس شوفيها من لباب لا ذابحها هالمخبل

بتول.ابو الحسن هو جابج
نهى.اي هذا هو جابني
وخرت عن الباب سيارته واكفه كدام الباب ومنزل الجـامه

ابو الحسن ليش ماتدخل
ابستم ودار وجهه
سجاد،غير مره ان شاء لله يله نهى
دنيت يم نهى وحجيت همس
شكوو شصااير
نهى،واصله لشيطان رجيم بينهم من ارد للبيت اخابرج اخذي هذاا علاجه امس ماا اخذتوو

سديت الباب وراهاا ودخلت متحسفه عالحسين يااربي شبي مااكام يخليله صااحب
دخلت للبيت
صبيتلي غده هو كاعد مرجـي نفسه على كرسي بالمطبخ وطاك اله صفنه مبين تعبان خليت صاحونين

حسين تغديت

حسين،لا ياابه ما مشتهي
بتول. خاطر تاخذ علاجك
صبيت لغده خليته كدامه خليت زلاطه وكعدت
بقيت اكل سريع صدك جووعانه
شلت صاحوني عالسنك

التفتت اشوفه كوه يااكل
دفع الصحن عنه
اخذته غسلت المواعين
خليت العلاج كدامه دخلت للغرفه دكيت على نهى
سووولفي شكوو
نهى. ياا ياا شمالج راكض وارج جلب
بتول.لا يمعوده لا يكعد متيم ويخبصني
نهى. سمعي
امس موو تعاركووو
بتول،اي ادري جديده هيه دائما عرگ جنهم رويسيه

نهى،لا يمه هالمره اكبر وعلي
يـ سجاد دنيه طالعه من عينه ولوجه صبح ما نايم كل ساعه يصفك ايد بيد حتى بالمحل مااكعد مثل الاوادم
راح للمحل ساعة ورجع وكالساع ويكول يمعوده علاجه ماا ماخذه بس هذاا كلب مايستاهل اوديله
بتول.عود صدك هيج واصله بينهم
نهى.ولله شكلج رجلج مخبل وسجاد اول مره اشوفنه هيج يلوب على حسين
المهم
بتالي كال امشي نشوفهه لا يموتهه
بتول. شبيه يمعوده ليش مكبرين السالفة
نهى.ولله مدري حسين شحجي وشمخربط حتى هيج حجي طلع من سجاد
بتول.و حسين العصر ما دخلكم خلاكم واكفين بالباب
نهى،لا ووولج كال دخلوو وهاي
بس سجاد كله خليها غير مره
وانه كالي دخلي بس
سجاد كال ام الحسن فضيهاا بساع
بتول.وهسه شنوو
نهى،شوفيلج جااره وي حسين تره رجلج ماينحمل بالعباس

بتول،نهى حسين موو هيج بس اذ عصب يتخبل وماايشوف احد كدامه
نهى،ااطم روحي عليش دافعين اله
روحي يلاا اجه سجاد حركتو اعصاب رجلي ليوم

لله وياج
سديته منها واني صافنه كعد تيوم وضل يحوس شلته خليته بالكرسي مالته
وطلعته بره باب لمطبخ لخارجي
كعدت يمه صافنه
شيصير يااربي لو مخليني طالعه وياهم بذيج ليله سوده ومكتوله وخلصنه شلـي بعيشتي الماا الهاا معنى
فززني صوته
سمعت صوته
حسين،كومي جوه دنيه بردت

شال متيم ودخل يلعبه جوه
سديت لباب دخلت لغرفتي بقيت نايمه لحد ما اذن لمغرب كعدت

صليت وكعدت ادرس كمت بـ٨ونص شفته بالمطبخ يسوي لنفسه عشه رجعت لغرفتي
ادرس شوي ودخـل
حسين،ماتتعشين
هـزيت راسي بـ لا
بتول،مامشتهيه
ما حجـه شي طلع وسد الباب
كملت لكتاب ب١١ سديته كمت سويتلي كهوه تركيه وقطعه كيكه اكلتهن دخلت لـ صاله
متيم نايم على صدر ابوه اتعجزت اشيله
رجعت للغرفه ظهري نكسر من تدنيكه على الكتاب
ذبيت نفسي عالجربايه
ضليت بمكـاني اتكلب والافكار تاخذني وتجيبني حد ما
اذن لفجر صليت ونمت
مر يوم عاادي
حظرت نفسي لـ امتحان باجر نهى تكفلت بمتيم
وقت الامتحـاان
كعدت من صبح سويت ريوك وحظرت نفسي
واتذكر كبل سنة وكسور
نفس المكـاان ونفس الشخصياات بس الگلوب متغيره

هناا جان متانيني
ومحضر الي الريوك وهنا
وكف ينطني الفلكس وهو محضره من كلـشي هناا وكف يرجعلي المادة ويسئلني

هنا جـان حسين صدك كلبه الـي
كملت ملابسي خليت شال عالركبتي وكعدت اتريك
سمعت صوت خطواته
كربت يم المطبخ
دفعت كلاصي وسويت نفسي ارجع بمادتي فتحت كتاب الاسلامية في سبيل ماا تصير الي حجه واربع راسه واشوفه وصدك
مارفعت راسي من دخل
صب اله جـاي وكعـد يتريك بهـدؤء
سحبت نفسي و وكفت كدام باب المطبخ الف بـشالي
كملته واندريت اسحب كتابي

حسين،ضيكه صدريتج فوتي بدليها
بتول،امتحاني هسه ساعة وطالعه ما راح اطول وما تسوه ابدل
حسين.مااكو امتحاان
بتول.حسي....

حسين.فوتي بدلي مثل الوادم ترحين تمتحنين غيرهاا ماكوو
بتول.ماعندي ولله كلهن هيج مخصرات
حسين.كعدي بالبيت احسن الـج
بتول.البس فوكها جبه
حسين.عساا ماا تخلين فوكهاا كونيـه المهم تشوفيلج جااره بهااي الصدريه ماا طلعين

رحت طعتلي جبه البس فوك الصدريه وبداخلي العن الساعة الخلتني اشوف بيهاا حسين
لبست عالسريع شلت متيم هو وجنطته و
طلعت بالسيارة
بيدي كتاابي ونص الطريق خلصته صفناات بدال ماا اقره
خايفه ومتوتره وحتى نااسيه نظام المدارس وشلون صااير وكفت السيارة نزلت

دكيت الباب فتحته نهى
صحبت عليهاا وانطيتها متيم وكلبي تعلك بي بهذيج الساعة
دنكت علي بسته
نهى.يمعوده شمالج هيه ساعة وارجعه اله
بتول.بطلت ولله اريد اضل يمه مااريد امتحن
نهى.ياا يمه شجااج
ولج توكلي عالله وعلي اكابله واكعد اابد ماا اتحرك من مجاني
بتول.ام الحسن لله عليج ديربالج علي
نهى. بعيوني وداعت الحسن فوتي
وراج امتحان لا تتاخرين

هزيت راسي وطلعت كوه عالكلبي
صعدت بسياارة صااح حسين
حسين، مااا عدج غير هااي ال.... موو ذيج العبـيي ولجباب تارسه الكنتور

شسووين بيهن
بتول. مو طلعت بسرعة ولله
حسين.من انعـل....
درت وجهي بحـسره ومأيسه من لسانه يبطل غلط
علـى ماا وصلنه انه طالعه روحي

نزلني للمدرسة وهو وراي يمشي سادلي سد دخل بس أستاذن من لمديره علمود يخلي تلفوني يم لعاملات لان ممنوع
دخلـت للامتحان قريت الفاتحة بتهسيل الامتحان للـ ام البنين عليها السلام وبديت احـل
طلعت متاكده من اجوابتي كعدت عالرحلة بحديقة المدرسة صافنه على البناات

كداامـي شـله بنات اباوع على ملابسهن واكول هم اكو واحد شافهن من طلعن اهم احد سئلهن انتن رايحات مدرسة تتعلمن بيها لو تغـرن الرايح والجاي

على كد ماا مخصره على اجسامهن مشي كوه تمشي

بقيت بمكـااني كاعده حبيت الهدؤء البداخلي لان بهاي لحظة انه طالبة لمدة ساعتين بس

وحبيت اجواء المدرسة واشتاقيت لـكلشي بحياتي القديمة حتى عموو اشتاقيت اله رغم حياتي الفاهية وياه بس حسيت بـهااي للحظة اريد ارجع بتول القديمة صدك

مليت من حياتي الحالية مليت من مزاج حسين ومليت من روتيني اليومي
رجعت راسي على الشجره لـ وراي
خمس دقاايق وفتحت عيوني على صووت مو غريب على مساامعي
اينـاس. بتول لو مشتبهه انه
وكفـت على حيلي نكثت صدريتي وصوتها مثل الكاابوس الاخترق حلم وردي ابتسمت وحجيت متوتره
بتول.هلاوو ايناس
شبكتني وحجيت
اينااس. هلاوو يااعمري ولج ووينج مشتااقتلج وين اختفيتي
كلش ولا بينتي بعد ودريت بيج ماخذه انتسااب ليش
شنوو السبب
بادلتها وحجيت
بتول.ظروف بعد
اينااس.شصاايره متغيره كلش
ابتسمت بـ غصه وحجيت
بتول.عااد للاحسن للاسوء
اينااس.اكيد للاحسن صايره تخبلين هاي الكعده بالبيت هيج تخلي الواحد حلو
بتول.لا يمعوده لا تفكرين اصلا تكعدين بالبيت دمرين نفسج
شلت كتبي من الكاع وحجيت
بتول.يله اروح انه
لزمت ايدي المخليه بيها الحلقه وحجت
ايناس.تزوجتي بتول
هزيت راسي بـ ايي
ايناس.عالخير حبيبتي منو زوجج اخذتي عن حب لو تقليد
بتول.لا يمعوده يا حب
يلا اترخص لازم اروح
ايناس.زين انطيني رقمج اتواصل وياج
بتول.ماا يقبـل
ايناس.ها اوكي كل يوم وراه ما تخلصين الامتحان نتشاوف بهذا المكان

بتول.ان شاء لله دخلت للادارة
وهيه وراي دخلت راحت لغرفة المدرسات
اخذت تلفوني من العاملة ودكيت على حسين
رفض معناها منتظرني لبست الجبة وطلعت

حسين واكف يم الباب ويحجي وي الحارس
وكفت عنه بشوي طلعت ايناس وياها بنية يمكن مدرسة جديده
اجت وكفت يمي
ايناس.باعي بتول هااي مرت اخوي رافد
ابتسمت واتذكرت الكتله الماكلتها من وراه هلـ اسم

بتول.اهلا وسهلا
ايناس.هاي صديقتي بتول بس هيه اخذت انتساب
لان تزوجت فـ ما داوم
مدت ايدهاا تسلم وجهه بشوش ومبينه حباابه كلش
سلمت عليها وترخصت صعدت بسيارة حسين اجـه هو بسرعة
حسين،مجاوبة
بتول،لا
حسين،ليش ياابه
بتول، صعبة
حسين.شنهوو صعبة منهج جديد لووو مغيرين ارقاام هيه اسلامية
وفوكهاا مكابله لكتاب بـ٥ ساعات
بااالج وين
ماحجيت شي درت وجهي عالجـامه ساكته

وورث جكاارة وحجه
حسين.حااجيني ليش ماا مجاوبه
بالج ووين
بتول.تخربطت بـ الاجوبة
حسين.هااي منـوو
درت وجهـي علـي عيونه على ايناس صعدت بسيارة اخوهاا
بتول.صديقتي
حسين.هااي موو
داار وجهه علـيه وماا كمل حجيه
رجعـت راسي عالكرسي بتعـب من التبرير
بتول.اجت سلمـت علـيه وسئلتني ليش اخذتي انتساب
كتلها تزوجت وهاي هيه
حسين.تمتحن ويااج بنفس القـاعة
بتول.لا
هـز راسه شغل السيارة حرك وحجه
حسين.نشوف وين تصفه ويااج
دمعـت عيوني درت وجهـي للجامه واتذكرت من
جان يحاسبني على شي يكوول
نهاايتنه واحد منه بالنجف
بتول.تصفه وياي حسين
تصفه و واحد منه بالنجـف مو هاي حجـايتك
ما رد وكفنه كدام باب بيت سجاد
خليته هو ينزل يجيب
متيـم
جابه وخلاه بحضنه ويسوق وصلنه نـزلنه للبيت اكلت لفه جبن وكلاص الجاي
ولزمت كتابي بين العربي والاسلامية ماكو عطلة

وضلينه سبوعين
على هلـ رنه كل ما يسالني جاوبتي اكله
مامجاوبه
اموت من بشر يسئلني مجاوبه بـ الامتحان اكله لا اضوج من هذا سؤال كلشش اكرهه
واحلى شي ايام الامتحانات لبسني عبايه

اخر متحان بدلت وخلصت رحت شفته ماا مشغل السيارة ولا مبدل بعده بـتراك البيت
باوعلي ورجع نزل عيونه على تلفونه
حسين،ماداومين رجعي
بتول،شنوو ما اداوم
حسين.مثل ماا سمعتي ردي لغرفتج وكضي الج وصله مسح احسلج
بتول.ليش بالله
حسين،متيم والروحه والجيه والمصرف وصاارلي اسبوعين اكااسر بدوامي
وكل امــتحان ماكوو مامجاوبه لمن موديج تعرضين ازياء
فووتي اتكسحي لـ غرفتج وحضري غداج

بتول،اخر امتحان خليني امتحان وكعدني يمك لله عليك
حسين،ماكوو رجعي
بتول،حسين لله عليك فدووه كووم اخر امـتحان ولله يجوز انجح اجيبهاا درجات بـلـ٥٠
لا تعرض الـي لله عليك

باوعلي ودنـك طفه تلفونه بصفنه
وكف على حيله وكال
حسين.دقيقه اذ ماا لكيتج بالسيارة ولله اطلع لـ شغلي واهدج

بتول.لا اابد مكملة ولله ركضت شلت متيم خليته بحضنه وجبت الفلكس وجنطته صعدت بالسيارة
امتحنت وطلعنه للبيت جبت متيم
عاف متيم على القنفه وحجه
حسين،نضفي لبيت زين اريده يلمع عازم جماعتي
بتول،منضفته البارحة ولله

حسين. عيدي علي ماا ينقص منج شي
بتول،حسين وكت عزيمه لخاطر ربك لا محظر مسواك لا كايلي ومهيئه روحي وتووني راجعه من امتحان روحي طالعه

حسين،عالغده هسه اجيب اكل من لمطعم
دخل للغرفه اخذ تلفونه وراح
ذبيت الشال والجبة رفعت صدريتي وبديت اعيد عالبيت
ولله نظيف بس هوو يريد حجه
كملته وطرت سويت زلاطه وجاكيك وحمص بطحينه غيرهن مااعرف
ضربت البسكت بالخلاط وياه كلاص حليب وقشطه
قسمت الخليط نصين واحد ابيض نفس لونه والثاني ضفت اله كاكاو مطحون زينت الصحون بفستق حلبي
خلصت و
كعدت اوكل متيم جوعاان حبيبي
بدلتله علـماا بدلت ملابسي صارت الصلاة صليت هستوني لميت مصلايتي ونفتح الباب
حسين،طلعي اجو يلاا
بتول،جماعتـك
حسين،طلعي سلمي عليهم
باوعتله مستغربه اصلا منين نازل علي الوحي حسين يخليني اطلع اسلم عليهم
بتول،وياهم نسوان جماعتك
دنـك شال متيم وحجه
حسين،يله بااابه نروح
بااوعتله فااكه عيني بـس لا بـاالي
بتول،حسييين
ااشر بـ اصبعـه السبابه
حسين. اااشش لا تفضحينه
بتول،ليــيش جااايبهم هنااا

حسين، صووتج لا يسمعوونج
بتول،خليهمم يسمعونيي ماااريدهم خلي يطلعون
حسين،عيب يااابه
اطلعين مثل الاودام تسلمين علي
تسلمين عليهم وما دام جـايين بيتج واجب عليج تحترمينهم
يله كددامي

كعدت عالجـربااية ودموعي تنـزل بحـركه گلب مااريد اعرفهم ومااريد التقي بيهم مره ثاانيه اريد اابقه هيج بلا اهل
كاارهه شوفتهم كلهاا حاقده عليهم ومحملتهم ذنب كلشي صاار بحياتـي

ندك بااب غرفتنه ووصوت مره جبيره حجت وي حسين
خزرني وطلع من الغرفة بيده متيم

خمس دقاايق اسمعهم يتهامسون يم البااب وراهاا رجع حسين دخل
للغرفة بحده
بتول.مااطلع حسين مااطلع لوواعرف امووت
على اايدك
ثنى رجلـه وكعد كدامي
حسين.ليش فهميني
بتول.ماااحبهم
حسين.اهلج ذوله
بتول.مااعدي اهل حسين مااعدي ولله كلهم ماتوو
حسين.بس لاا تبجين هاي هيه كفي دموعج بويه
مسحت وجهي بيدي وحجيت
بتول.ماريد اطلع لله عليك
حسين.مايجوز وعيب يبعد حيل حسين ولله مااترهم ناس متعنين الج من النـجف لهناا وكاطعين طريق وساعات حتى بس يشوفونج وانتي هجي تستقبلين ضيوفج

بتول.مااريدهم
حسين.ميخالف لا ترديهم شنهوو انه موديج الهم يشوفونج بـ بيتج وبمكاانج ماترحين وياهم
بتول.واذ راادو ياخذوني
حسين.ولج غير مرتي شلوون سالفة هااي
كومي فدوه لعيونج تروح العرب كلهاا كومي

التــردينه يصير بس هدي وهسه تجي ام الحسن وسجاد ولله لخاطرج هم ميحجون وياي زين

غسلي وجهج وتعاايي لعالم منتظره بره عيب يله يبعد حيلي
دخلت نهى للغرفه شاال ايده مني
سلمت وهو سئلـها
حسين،ام الحسن اجه سجاد
نهى،يي اجه ودخل يم لولد
حسين،جيبيها وتعاي بعد اخـوج
بتول،طلع واجت نهى يمي سلمت وحجت
نهى،ياا يمه شمااله وجهج مكلووب
بتول.مااريدهم نهـى
نهى.وعلي مقدره ودري شـ تحسين بي بس تحملي هلـ جم سااعة وشوفيهم شنهو يريدون
بتول،اكرهم ولله ليش جابهم ماااحبهم ومااريد شوفتهم كلهاا
نهى،سمعي زين لله ونبيه واهل بيت نبيه وصو بالضيف والاحسان اله
توكلي عالله وامشي هيه السالفة اذ طوولت وكتلت روحهاا ساعتين بس
يله تحركي غسلي وجهج

هزيت راسي بـ استسلام ودنيه كلها مسدوده بوجهي

غسلت ورجعت
نهى.حطي كحل لعيونج مكلوبات من البجي ماا تكليلي يااهو يستااهل وعليمن
وكفت عالمراية جريت عيوني بكحل
خليت مرطب لوجهي واديني

وطلعنه جانو
موجودين
بـ الاستقبال ولد ثلاثه
عرفتهم اسمائهم
علي واحمد وعمر تؤام احمد وعلـي
وياهم مره جبيره جانت كانت بين حسين وعلـي

سلمت من بعيد وكعدت بصف نهى
مدنكه رااسي كارهه شوفتهم بـمعنى الكلمة مااجنت ادري هم هذوله الراح يوكفون الـي بيوم عاازتي

سمعت صوت يحاجيني
علي، شلونج ام متيم
رفعت راسي وحجيت
بتول،الحمدلله
عمر.بتول انتي تعرفينه تعرفين شنو مقصد جيتنه عليكم ليوم
والوصلنه من حسين هو حاجيلج كلشي
بقيت ساكته ابااوعله ولله خورسني
هـز راسه مسترسل بحجيه
عمر.احنه ندري بشنو مريتي
وكلش مقدرين ردة فعلج
وكلنه نعرف امجد شنو
هيه امج نفسهاا محلفه امي ماا تبقيج عد امجد لو صار الها شي بالولادة لان انتي جيتج للدنيه جاانت صعبة كلش

وجان المفترض
تربين عدنه وحالج من حالنه بس وراه ما ماتو اهلج
امجـد كال بت اخوي ما تطلع من بيتي
وخله حجته احنه كلنه شبااب شلون تربين ويانه

و كتاب الله بيني وبينج
سوينها عشاير وما قبل عمج وطالبنه بيج من صرتي سادس ابتدائي بس عمج ماقبل .....
قاطعته وحجيت

بتول،يعني جاي اطالب بيه من رجلي شلون
ابتسم ورجع ظهره لوراه يدك جف ايده على رجله
عمر.احنه نعرف حسين شنو
بت الخاله ماا نطالب بيج انه جاي اشرح الج موقفنه

حتى لا يضل بـكلبج علينه
وانتـي اصلج منه وبينه

ام علـي ،عمـر
عمر.شـ حاجي يمه
دارت عليه وحجـت
ام علي.يمه و روح اوخيتي
ما خلينه شي ما سوينه
لجـن عمج مارضـه

يمه انه تفاركت وي امج من عمري 13 سنة وماعولت الكه شي من ريحتها شهر واحد عشت وياها ورا

فراك 15 سنة وصتني عليج وجن كلبها حااسها
كل حجااية وكالت ماا اوصيج بـ بنيتي

وراها طلعو هيه وابيج بهذيج ليلة السوده وراحوو من ادينه مثل شربت الميه

يمه اعذريني وابريني الذمه من عبـن كلبي وعلي موش حمل عتااب من اوخيتي
من نتلاكه انه وياهاا

منـزله راسي واسمع الهاا
وي كل حجـااية تتصدع الحجـاره المحاوطه كلبي بيهاا
ماردت ارفع راسي و اشوفهه وهي تبجي ادري بروحي كدام هاي المواقف ما يبقه الي غير العاطفة تحكمني

نـزيت ورفعت راسي مستغربة الصوت باوعت هذا ابو الفندق
علي،على ااااقل اااحترمي مره جبيره تحجي ويااج وانتيييي حضره جناابج دايره وجهج
شنوو تربية اامجد ما تضيع بيج

وكف حسين كدامه ودك على جتفه
حسين،هووب بويه على كيفك وي روحك
شو دست بالبطن كلش
وكمت ترافس
كلت تشوفونها وكتلك لخاطر العشرة البينه بـعيني
جبتها لـ نجف
رجعت مره ثانية كلت تردون تحجون وياهاا وكلت ميخالف
تتعرفون عليهاا اهلهاا انتم
و عالراسي هم ومو من حقـي امنعك
بس من تحجي صوتك لا يعله عليهاا
ترا تصير مو خـوش

باوعـت لـ علي خله ايده على صدره وتقرب يم حسين جنه يشاوره

حجو جم حجااية همس ورجع الوضع طبيعي واسترسلو الزلم بالحجـي

شوويه وكمز علي على امه وهو يصيح
خبصنه خبـص
ركزت بالحجية مثل الفاقده لو مغمي عليها مادري

ضليت صافنه بمكاني
و انه شلون نادره بهيج حالات ابقه بمكاني
مااعرف شنوو اسوي
ركضت نهى جابت قطعه بقلاوة
انطتها لـ سجاد واخذها لعلي
طلع جهاز من جيب بنطرونه قاس سكر مالهاا وهو يحاول يبلعها الحلاه

عمر.استريحو ياابه ماكوشي هسه تصحه
حسين.لا يمعود وين نستراح علي ايدك على امك يلاا ناخذها للمستشفى
احمد.ماكو شي ابو متيم هيه من تنقهر بسرعة تتخربط من السكـر

كعدت واطرافي ترجف
خفت اي ولله خفت بلحظتهاا لا يصير بيها شي وتنذب بـ راسي وانه اتحمل ذنبهاا

كعدت بصفي نهى وتعصر ايدي تحجي بصوت ناصي
نهى.وولج لا طيحين انتي هم
شمالج نكلبي هاي هيه مابيها شي هسه تصحه وعلي
التفتت الهاا بـ امل اريد اطمئن كلبي
بتول.نهى خاف تموت
نهى.لا يمعود كولي يالله تعبت من الطريق وطاحت

علي، هسه شستفاديتي كليلي من جيتي موو كتلج احنه نجي هناا ونحجي وياهاا

التفتت النه حسين واشر بمعنى الغده

بـاوعتله وجريت نفس ارتاحت شويه
شفت حسين اشر
معناها صدك مابيها شي
طلعنه ولحكنه سجاد اخذت السفره ومدها بالصاله

بديت اصب ونهى تحجي بصوت ناصي
نهى،زولج بتول وعلي خطيه كسرت خاطري خيه
مره جبيره جاايه بشيباتهه من نجف للبصره شنهي ذنبهه

اذ عمج كلب ابن كلب
وهذا بكوم ومن تشوفين ولدهاا شوون يخازرونج على الحجااية التطلع منج كوم ثاني
خيه اجفي الشر وكولي ماا شايله بكلبي عليكم وهيه حجايه

بتول.ماكدر نهى اذ مو من كلبي ماكدر

نهى.لله يهديج خيه ولله ترا بعدين تندمين اذ صار شي بيها
بتول.لا ااسم بيش مفاولتهاا
نهى.بعد انه كتلج وبريت ذمتي

اكلج صدك انتي ماا تذكرينهم ما واعـيه عليهم

هزيت راسي ب ـلا
نهى.زين عمج ماا يوم حاجي بيهم ذاكرهم كدامج
بتول.لا ابد
هزيت راسي بـ أسف
نهى.ولله خيه مدري شكلج ادعي على عمج لو الوم حظج الماادري بياا بلوعه مذبوب

بتول،نهى اروحلج فدوه
عمي ماا الـه علاقه
هم لوو يردوني صدك جاان اجو يسالون غصباا على عمي
وهذا عمي الكلهاا تحجي علي
غيره يذبني بشارع بس ياخذ بيت ابويه
بس هو ماا سواها يعني يبقه احسن منهم
وان جان تعامله مو زين وياي بس معيشني بيته ويسمى عم وما خلاني تايهه بالشوراع

كملت صب الغده وجن دخاان يطلع من راسي
دخل حـسين للمطبخ
وخرت عنه وهو بده ياخذه المواعين
كملوه ونلقو الاكل كامل
كعـدت على الكرسي وايدي على ظهـري الوكفه كسرتني

حسين. يلاا يابه لا تضلن بالمطبخ
ام الحسن تفضلي يمهم طلعت نهى وانه بمكاني كاعده
حسين.يلا تحركي
بتول. تغدو انه ماريد
حسين،لا اله اله الله
وولج بويه انتي نااويه تموتيني
لمره اله شوي تموت من وراج
بتول.ماا عليه ولله مااحد كالك تجيبهم
حسين.كوومي كدامي
بتول.مااريد ولله

ثنى رجلـه كدامي وكعـد
حسين.شجااج ياابه هنه هلـ سااعاات استحمليهن شوون ماجان وراها يرحون وعود طنكري براحتج
بتول.ماريد حسين كوه خومااكوه
حسين.كومي بويه كومي بـ روح امج وابوج تراا هديتي حيلي بالعبااس ابو فاضل

بتول.مااحبهم
حسين.لا تحبينهم
كمت متعااجزه وكارهه حتى الكعده يمهم

دخلنـه يمهم وبدت المجاملات على الاكل
وعليش مكلف نفسك
واحنه اهل وما بيناتنه كلافه........
كعدنه كلنه نهى عادي عدهه واشوفها اخذت على الحجية
وصارت سوالف بينهن
بس انه باقيه اصفن بالماعون
عمر،ماقصـرت ابو متيم ولله لو كان لي معدتئان لاكلت بس بعد ماكدر
حسين،الف عافيه ياابه

ندستني نهـى بيدي رفعت راسي شفتها مأشره على الحجية عود تحاجيني
كالت
خالتي ،يمه ماكليتي
بتول. لا اكلت لحمدلله
كمت عنهـم
غسلت فضيت لمطبخ من هوسة المواعين السڤري

سويت جاي
علمـا جابو لمواعـين
حسين وسجاد ينقلون ويتبادلون لحجي بلاستقبال بس ابد ميحجون من همه سوه

طلع حسين يغسل وياهم بره ونهى راحت تودي ام علي للمغسله الداخل
التفت الي سجاد وحجه
سجاد،خو ما طكج من طلعتو منه
بتول،لا
سجاد.شوفي ام متيم لو شماا مسووين ويااج وشماا شايله عليهم بكلبج
بيج وماا تكسرين ودوسين على روحج بـ حجيج وي الحجيه ترا تنحسب الج احترام وهم ماا كسرتي خاطر بني ادم

وهم يا يابه
خطيه يرجعون وهم ما محصلين شي منج وتالي
تروح تتخربط عليهم ويصير بيها شي لا سامح لله وتبتلين انتي شلج بـ جيبه الوجع لـراسج

بتول،ابو الحسـ....... قاطعني مسح على لحيته بيده
سجاد،لخاطر جيتنه مشي هلـيوم شلون ماجان

وهسه ناوشيني الجـاي ما دامهم غسلوو
اخذ جاي وداه لهم غسلنه لمواعين وافكر بحجي سجاد
التفت لـ نهى وجهاا مكلوب
سئلتها ما جاوبت بس تاليهاا حجـت
نهى،بتول انه ادري انتي حاسبه سجاد حاله من حال عم خال لـ بنية

هزيت راسي اسمعهاا الها
نهى.بس ترا ماايصير توكفين وياه بحدج وتحجين
فكـيت عيني ماامصدكه التحجـي
ولا كدرت استوعبه
حتى الدمعة جمدت بعيني من حجيـها

هو انه صدك تصرفاتي غلـط لوو هيه اساس تفكيرهاا غلط تاهت علـيه
كلش
لله خورسني بهذيج للحظه
ضليت اباوعلـهاا بعتـب دارت وجهاا عنـي
سحبت شالهاا خلته على شعرهاا وطلعت
غسلت وجهي وايدي ترجف
كعدت صاافنه بالفراغ اريد اهدي من نفسي بس محاوله فاشلة الحـركة تمشي بـروحي
عقلي متشوش
و واصله مرحلة حتى التفكير يوجع كلبي

كمت كوه
كملت المطبخ جهزت العصروانيه خاف يريدون منهاا العصر
خليتهن بالخانه وطلعت بدلت

ورجعت يمهم مشكلتهم
من ادخـل لهم كلهم يباوعولي وعوزي شوي وانجبح على وجهي
كعـدت يم الحجـيه كلسااع عيوني تروح عليهاا واتذكر امي
اتخيلها تشبه هوواي
اسمع صوتهاا وماا مركزه بسالفتهاا
بس اتخيل صوتهاا يشبه صوت امي
لكوني معدومه الذاكرة من ناحية اهلي

لزمت جف ايدي بيدهاا ودفو ايدهاا محـئ وحنية الحجـاية العدهاا تنسيني شكوو حقد عليهم
ام علـي.شلونج وي وليدج
هزيت راسي بـايي بدون ما احجي
طبطبت على ايدي وكملت حجيهال

ام علي.هالله هالله بحـسين ترا خوش حسين
التفتت الـه منطلق بسوالف وي لولـد
لا ولله وياي موو خوش حسين ابـد....
درت عليها مبتسمه
بتول.ماكو مثله حسين
دارت تكمـل سالفة عمر ومرته وشلون تزوجو على نهـى

عيوني تفتر بـ الاستقبـال وتستقر على الارضية كلهاا تسولف وكلمن ملتهي بسالفتة
ضوضاء وتشويش لـ عقلي الماكدر يفسر حجاية

ماا فكيت عيني من هااي الدوامه
اله لمن سمعت صوت حسين ملتفت عليه يحاجيني

حسين. هاا يابه تصاافت الگلـوب
ابتسمت ام علي وجرتني لـ حضنهاا

ام علي.شوف يمه حسين هذووله ولدي المسطرين كبالك ماا تعباانه عليهاا ومشلوع گلبي بيهم بكد ماا هااي البت مااخذه وصله من گلبي

بكل طيحة الهاا وهيه بكد برزتك هسه
ومن خذوهاا مني شلعوو گلبي عليهاا وعلي
جني مفااركة بزري
وانه من اجيتهاا وتعنيت الهاا من هناك ليجاي
لوني ادري بحنيتهاا واعرفن طيبتهاا شني
وادري بيهاا ماا تخيبني لو تردني خاليه من عدهاا

لو شتكولين يمه
درت عيوني لـ حسين يباوعلي غمض عيونه واشـر براسه

عمـر.هيه بتنه يمه الرضت والماارضت
ام علي.اي وعلي ولوومخلفه بنيات ماا ياخذن معزتهاا بكلـبي

دك تلفون عمـر منبه وكف على حيله واجه يمنه
عمر،يله يمه وكت عــلاجج
ام علي،غير من ايد بنيت اختـي
حسيين.بتول ياابه بطل مااي

هزيت راسي وكمـت جبت الماي
فتحته وانطيته الهاا
اخذت علاجهاا من ايد عمـر اخذته من ايدي وحجت ودموعهاا نزلت بـهضم
ام علي.يشهد لله ياايمه عمج خذاج غصب علـييه
وماا خلالي طريق اوصلج بي

بتول.هاي هيه خاله خلصت السالفة ما يفيد الحجي بيهاا

ام علي.راضيه يمه من گلبج حلليني
بتول.ايي خاله مبريه الذمه دنيه واخره
بست راسهه وهيه تبجي
خلتني بحضنهاا
وكضيت عمري كله ماحاسه بهيج احساس يمكن فقدت امي
بعمر ما يخليني اميز بين حنانهم ويمكن هيه نسخة عنهاا وصدكت شفت امـي بيهاا

كعدتني يمهاا وهيه تطرد بعمر حجـه بضحكة
عمر،ايي بعتي عمير بعد بيش الكيلو ويمج بت اختج

احمد،يمعود خلي المـره تاخذ علاجهاا بسك دردم

اخذت علاجهاا
بقـو لـحد ساعة بـ٤ وحجه
علي،يله حجيه ربعنه شد حيلكم
حسين،ووين يمهوون

علي،ابو متيم بداعت متيم لا تعرض الي
بالقران عندي شغل والفندق عفته براس لعمال وذوله مايدبرونها

حسين، ما تطلعون ياابه هيه ليله باتو وخلي الـحجيه يم ام متيم تشوفهاا وتشبع منهاا

علي.ابو متيم.....
حسين.شوف بوويه هذاك البااب تندله فوت توكل بدربـك لولـد والحجـية يضلون هناا وعسماا شهـر ماا احجي اله حگ يحجي

علي.هاا عمير
عمر،وداعت حسين مابيه اسوق جيبولي وابجي عالنومـه بجـي

حسين،عين غطاا وعين فراش صدك جذب منك

احمد،ولله انه ماعدي مانع وهم المـره موو بالبيت يعني عصفورين بحجر
مفتـگ من النگـه
واعووض بـ حضن حسين
حسين. ولله خوويه انه خااف على روحي منـي
ضحكو لولد وسواها السالفة شقه انجبر علي ويسكت
شوي وكامو بيت ابو الحـسن

سجاد،يلا احنه نترخص
حسين،ابقوو يخووي شنهي القضية شـ وراكم
سجاد،لا وللن ماكدر
وراي شغل بالمعرض والحسن مريض وعفناه يم عمته
يله اودعانكم يله ام الحسن

بتول،طلعو راح وراهم حسين
باوعلي الخنوسي بيهم احمد وحجه
احمد،يوول كبرانه
باوعتله مستغربه حجايته
بتول،انه
احمد،لا انه ياابه وولج ماا تذكرين شكد شاايلج حمال باشاا

هزيت راسي بـ رفض وفعلا انه ما اتذكر منهم شي
عمر،ولله شبعتي جر من جدوله مالتج
علي يجر بيها ويرجع لوراه
عيوني تفتر بينهم وهمه يعيدون ذكريات بنسبة الهم بس انه حتى ماا طاريه علـى بالـي لحـد ما حجـه حقنتهم

علي.بسكم عمـر احمد لا تذبون مياانه زايده
عمـر.ليش ابو حسين مو بت خالتنه
علي.ياابه ابو متيم ماايقبل يغار لو شتكولين ام متيم

ما حجـيت شي بس هزيت راسي
عمر،اكلج ام متيم كصيتي جدولتج
بتول،شنو جدوله
غم كصته وحجه
عمر،جدوله ماا تعرفينهاا
بتول.لا ولله ماعرفها

التفتت على علي وحجـه
عمر.هـل اكول حسين ليش مكيف عليهاا ثاري بزر نستلة حتى جدوله ماتعرفهاا

بس تدرين ولله
انه ماامصدك انتي البرعة والتاخذين حگج من عيون محگوكج بالعض وتمليش الشعر صرتي مره
وصارلج بيت وابن

خالتي،انجب يمه وكاافي فز علـحيلك شطولك تصير بعد
رجلي مرجعتها
دخل حسين شمر لعلي جكاير
حسين،مو ردت هذي نووعيه
علي،تسلم متقصر حبيبي
حسين،شجايبلك يابويه هيه جكاير
اخذي لحجيه للغرفه ترتاح
ام علي. اي بعد عيني اذ ما عليج امر اريدن اروح ظهري
هزيت راسي وكمت اخذتهاا وهيه لازمه بيدها عوجيه تتجه عليهاا خشب لونها بني ومحفور عليها اسم ام علـي

وديتها لغرفتي تمددت وانه اباوعلهاا تقربت غطيتهاا
ام علي.حنينه يمه جنج هيه بشبابها
بتول.امي
ام علي.اي يبعد خالتج امج
هزيت راسي مبتسمه هواي مرات اريد اسئل عن اهلي اريد اعرفهم شي عنهم اريد اشوف اشكالهم شلون صايره؟
طبعهم شلوونه...؟
انه ماخذه من عدهم شي..؟
بس للاسف ماجانت الكي الجواب لان عمو علاقتي بي على كد سؤال من بعيد
وممنوع اطرق لموضوع بي اهلـي طفيت الاضويه و
كعدت عالتلفوني شوي و
سمعت حسين يصيح رحت يمه لكيته بالمطبخ
.......
يتبع

#حًربً_مًآ_بًيَنِ_قُلَــبًيَنِ
بارت٢٧

رِحت مستعجل
شعِندك؟
ومارّدت بدَمعتيّ ترِد
هَذا وَداع
مَحد يبچي متعَمد .

___
بتول. صحتني
حسين.اي بويه حضري النه الموالح والفواكهة
بتول.وياهن العصير
حسين.يي خلي وياهن
حضرت الكلاصات وطلعت الصحون خشبيه
رتبتهن واخذهن
خـليت الجـاي عالنـار احتياط
الماطور مفتوح على الزرع ومفيض هاي اكيد حسين فتحه من طلع مساع وعاافه

عدلت شال عالشعري وطلعت
سديته
قفلت المسيج مالت الحـديقة
درت اريد ادخل للمطبخ شفت علي واكف بـ باب صاله واكف مجتف ادينـه وسماعاته بـ اذنه يحجـي وي بتلفون

لابس القـاط الرصاصي العاكس على عيونه
منطيهن جمـالية اكثر
اكثر نظـراته متحيره اكو حجي بس ما كدر يحجي وهو الوحيد الجان ساكن وهادئ عكس اخوانه بالكعـده
ولو يسولف وي حسين لو عيونه بتلفونـه
تقربت يم مكانه الواكف بي سد التلفون
حجـيت وهلـسؤال فر عقلي فـر
بتول.الـمن اجيـتوو....؟ وليش اصلا اجيتوو؟
نزل ادينـه وحجه
علـي.نشوفج
بتول.توكم تذكرتو
وانتم هسه ماا الكم كل حق بيـه

علـي.منو كال ما النه حـق بيج ام متيم ترا لو شماا دارت الدنيه واحدنه عزوته بـ اهله
مايكدر يكول انه من شجره مگطوعه

بتول. انه اكول مالكم حق واذ عالشجره المگطوعه على كولتك
ااي انه منها واحجيها بوجهـك انه ما الي احد هم اهلي وماتوو وانتهت السالفة
وياريت ما تنعااد هاي الزيارة

غمض عيونه وجـر نفس تصبيره
علي.هيج مأذينج حتى شوفتنه كارهتهاا وما تتمنين نجي مره ثانيه......؟

بتول.واكثر ولله بالخصوص انتم واله امـك مالي حق العتب عليهاا لان هيه حالها من حالي مره شـ بيدهاا
انه شنو سويت لـ امجد حتى هيه تكدر تسوي

علـي.حقج ماا تدرين الصار
بتول.ولا اريد ادري اصلا لان مااتفيدني بشي بس كتلك يااريت هاي الزيارة ما تتكرر

علي.انه عبالي حسين من اخذج طبعتي بـ اطباعه وصرتي مثله
بس طلعت غلطان تربية امجد خوش مغزره بيـج

بتول،انه موو تربية امجـد ولله
علي.روحي ام متيم انتي ماتعرفين بشي وماتدرين لهيج انه عاذرج و سااكت وما راد عليج
وعلى قله احترامج واهانتج

دار و وجهه ودخل لصاله
وانه احس رووحي مو احتركت لا عطبت من حجـيه
هذاا شلون مصفط حجيه
وانه حجايتين لسااني يررجف رجف يله ينطقهن

دخلت للمطبخ وسديت الباب الخارجي مالته لكيت حسين بوجهي
حسين،شمطلعج بره مو علي راح يغسل
بتول،حسين اانه موو كتلك ماريدهم

حسين،لا اله الا الله هم رجعنه بابه اسكتي هيه هلـ ليلة عديهاا وعود يتوكلون وانطلقي بالسانج براحتج

بتول.مااريدهم
حسين.من الف نعلعه على ابليسج شجاايج بويه عليمن تبجين
مسااعج شحلاتج عگلتي وصرتي خوش بت
بتول.مااريدهم حسين
حسين.هاي هيه بويه فدوه الج لا ترديهم ولا يردونج بس هلـ ليلة عديهاا عالخير بروح امج وابوج

طلعت من اديـنه
ودخلت جوه
لكيت خالتي كاعده
مسحت عيوني عدل وكعدت مكابلتهاا اريد اعرف كلشي عـن امـي اريد اشوفهاا بعيونهاا
واتخيلها وهيه تحجي عنهاا
اسئل بيهاا
وهيه تحجي بـ رحابه كل شوي وعيونها دمع وترجع تكمل حجيهاا

نزلت دموعـي مدت ايدهاا مسحتهن وحجت
ام علي.يوو عليج جنج نسخة امج عالكلشي وصبت دمعتهاا ام دميعه
وابوج جان يكابلهاا مكابل لو نزلت دمعتهاا
هسه انتي مثلها جيف عيون حسين وراج وراج

بتول.اريد اشوفهاا خاله
ام علي.وولله ياايمه الهاا صور بس قديمه وعدي هنااك بالبيت ان شاءلله تجينه انتي ووليدج وحسين وتاخذينهاا مني لـ الج
بس هسه يبعد خالتج اريدن من ايدج الحلوه
استكان جاي مر

هزيت راسي وحجيت
بتول.بعيوني بس تكمليلي السالوفه
ام علي.اكملج يمه اكملج شعدج لو للصبح كعدتج ومكابل وجهج ماا ينمل
كمت صبيتلها جاي واركض ركض من فضولي اريد اسمع شلون التقن ورا زواج خالتي

سمعت صوت حسين وراي
حسين.الله الله على كيفج ياابه شـ وراج
التفتت شفته جايب مواعين الجاي خلاهن عالسنـك وحجه
حسين.متيم بعده نايم
بتول.اي بعده
درت وجهي علي يباوعلي بحيره
شبيك حسين تباوعلي
هـز راسه بـ نفي بمعنى ماكو شي
خليت الاستكان بصينيه واخذته

دخلت لغرفتي خليته كدامهاا وكعدت متربعه كبالهاا
متانيتهاا تكمل
بتول.يله خااله كملي
ام علي.اي يمه انطيني صبـر شجاج
بتول.متحمسه
خالتي،ييي يبعد امج
بدت تسردلي الاحداث وانه اتخيل على كد مخيلتي وجن كلشي جاي تحجي يعرض كبال عيوني

لحد ماا وصلت لوفاة اهلي

ام علي. وراه ما توفو اهيلتج من تعمه عليهم عيني كون
ضليتي انتي عد عمج وهو جان توه متزوج وبساع بسااع طلع علي حجي هو ماا يصير عده بزر
احنه هنا يمه
ردنه طالبنه بيج
ما نطـاج عمج
بحجـة انتي بت اخوه وهو ماايصير عده بزره رادج يمه

علي جان متعلق بيج من جابوج وبقيتي اربع اشهر يمنه وهم
بدايه حمل امج لله يرحمها هو وياهاا وهيه جانت تحبه على كولتهاا فطير گلب وحنين
حتى بالمستشفى وياها بولادتج
كلهاا يمنه لان ابوج طلع لـ كركوك علمود شغله

علاوي
ماخله واحد مارحله حتى شيخ عشيرتنه دخل بالسالفه وماارضه امجد وبعدين تكتر
عبنه يدري بسوالف امجد وخبالاته من نهدهاا و
قفل عمج

بعد ما سئلنه عليج وانكطعت اخباارج عمج شال من منطقتنه القديم
وعمام علـي شالو بينه للنجـف ما رضه وحرمو علينه دخلت البصره كلهاا

علمود لا يتاذه علي وهوو منا
تارك سنه علمود مدارتج وشغله وي عمه وهذاك يوم ودارت السنين وراحت

وصادف شغل لـ علي هناا ودره بـ عمج مسجون بس انتي وين مادرينه ويشهد لله ياايمه يـذيج ليلة مرت سوده علينه لمن مااحد انطانه خـبر عنج
وتالي الحمدلله بتسيهل امر من رب العالمين و وكفة من امير المؤمنين
درينه انتي متزوجة بس ياهو ماندري

ومرت حماي هم منا من البصره مو سمعنه عاقد عليهاا وعلي عرفه حسين من اسمه وهمه جانو عشرة عمر سوه
اجه هنا مره ثانية لـ حسين ومنهاا ودرينه انتي مرت حسين

و وصل الحجـي لـ حسين مارضه يكلج كال حامل مو زين عليها اي ضغوطات

لحـد ماا جابج الـنه وراه ودلاتج
والباگي انتي تعرفينه
بتول.خاله انتو من زمان تعرفون حسين
ام علي.ايي يمه هو وعلاووينه الروح بالروح من جانو طلاب
واحنه هم جنه گريبين يم بيت خالته
عشتو علي رجل وونعم منه

بتول.يعني زين هو
باوعتلي وحسيتها مستغربه سؤالي بس جاوبتني وخلتني براحة اسئل

ام علي.مابي كل گصور معـدل وانه اتذكر لمـن عزم علاوينه بـعرسه بس ماكدرنه نجي ومنهاا ونگطعت العلاقه بعد ما درينه بـي شنهو اخباره ما شنهـو

بتول،زين ماعدكم اطفال ما شفت بالبيت جاهل
جرت حسره وخلت جفين ادينها واحد فوك الثاني كالت
خالتي.ولله يا يمه كلهـم مايصير عدهم
ماعدا بچري
ومن صارت مرته حامل صارت مشكله بيناتهم وكايمه وكاتله ابنها بطنها عوذا بالله وحلف يم ابو فاضل "عليه السلام" مايرجعها لو يصبونها ذهب
بتول،شلون حلف خالع مو زوجج سني وجهاله علي اكيد
خالتي، اي يمه هو سني هم يامنون بـالائمة يقدسونهم
وولدنا كلهم يحلفون ويزورون

شوي وردات تطلع يم لولـد وديتهاا يمهم ورجعت
لغرفتي لكيت متيم كاعد بدلتله
ورضعته وطلعته خليته يم خالتـي تلكته بـ اغنيه قديمه ترددها وعمر يطك الهاا اصبع على الواهس
درت وجهي على الجهة الثاني يلعبون دومنه

حسين،انه فايز عمي هيه كووه دروحوو يله
علي ،انه العب و وراها اكاسرك والـيفوز يشرط شنو لعشه ليريده
حسين.على هااي سهلة بويه گـرب

لعبو ثلث مرات وتاليها حسين غلـب
احمد وعمر طلعو لـ اصدقاهم

اخذ علـي متيم من خالتي يبوس ويعض بي ومتيم ماخذه الزاهس مسنگر من الضحـك

حسين،بروح ابوك هده بويه لا يوكف گلبه هلـفطير هذاا مشبعينه عض وهو يضحك

علي.حسين اذ تسويلك بعد منه فد اثنين هذا اكبر انجاز بحياتك
حسين،جاا هيه بـيدي اثنين مثله اسويلك استنساخ شنهوو

ام علي.صلو على محمد يمه لا ينفس لوليد
حسين.حجيه مشي محمد وال بيته عليج
ماا تزوجينه شنهو ضلته على گلبج

علي،هاا حسين بدينه نشوش ماا تخليهاا سكته لازم دير عليهاا بانزين

حسين،جاا ضل بويه هاي ضلتك على گلبي محمض
علي،احسنلي وبالي مرتاح الحمدلله
يله باابه نروح نشتري

حسين،ااستريح بويه وين ماخذه والـدنيه بارده
علي،بالله حسين لا تدخل عم وابن اخوه
حسين،ياابه صام حلكي وعلي وماا فاگه بس كلشي عده
بتول يابه جيبي الي من جرارته خلـ يهود العم

هزيت راسي وكمـت للمطبخ جبت اله كيك وعصير
كعدت يم خالتي

خالتي ،عيونج سلهمن يمه شنهو نعسانه
بتول. لا ابد بس البارحة متعلعله نومتي
خالتي،فوتي ارتاحي يمه ما دام وليدج ساكت عد ابوه

شفت الحجي طاب الي وانه احس روحي مكسىره تكسر منا امتحاناتي ومنا اجونا بيت خالتي
عالفرد كعده من امس
طلعت لغرفتنه ذبيت روحي عالجربايه جفت حتى ما بيه اتغطه
هستوني غفيت وحسيت ايد على ظهري
فزيت ورفعت راسي

حسين،ليش نايمه جفت على بطنج مو زين ودنيه مغرب

ما حجيت شي نزلت راسي عالمخده
حسين،شبيج ياابه
بتول،نعسانه
حسين،وراه العـشه و نامي اخذي راحتج هسه مغرب ماا يصلح

هزيت راسي وكعدت ارتجيت بظهري على التاج
بتول.شنو العشه
حسين. هم ماياكلون مكليات وهيج اشياء بالعشه
راح اجيب زيتون ومربى يعني حواضر
ولحجيه سويلها روب وخبز وفواكهه
خوش حجي
بتول،تمام

مسح عالراسي وكام طلع كمت غسلت وجهي بلكي اصحصح شوي واذن جبت لحجيه هم نتوضه سوه طلعنه صلينه وفضينه لعشه
كملت غسل المواعين
حضرت صينية الجاي وصينيه الكهوة
حسين.هاا يابه كملتي
بتول. بس الكرزات والفواكهه بعدني ماا مفرغتهن

حسين،انه اسويهن روحي نامي عيونج طفن كلش

واخذي لحجيه هيه هم نعست
بتول.ميتم انومه
حسين.لا يابه عوفي يمي ما يخليج تنامين اذ تاخذينه

حضرت فراشتهم
ودخلت لغرفتي رتبت فراش خالتي وانه بصفهاا نمت نومه قتيل
لحـد ما حسيت الباب على ثلث مرات ينفتح وينسد كعدت شفت الساعة بـ٤ ونص الفجـر
دنيه بعدهي مظلمه خالتي ما موجوده
بمكانهاا
خليت شال عالشعري وطلعت