#ذيب_بابل


[البارت الرابع والثلاثون]

عفت النـــاس كلهـــا ومـا عشكـــت انســـان
بـــس انـــت اعجبتنـــــي و حيـــــــل حبيتــــــك
اعز منـــــي عليـــــــه وغالــــــي عالـــــــروح...
عليــــــك أجــــــــذب أذا فــــــــديـــــوم مليتـــــــك 🌏♥️.

✩✩✩✩✩ ✩✩✩✩✩

وصلنه للحلة وبوجهنه لبيتهم، استقبلتنه خاله سحر ومبين تفاجأت من جيتنه بَـس اني اصريت امي متحچي خاف داغر يفتهم جايه ويطلع لان احسه ضايج مني..

-سحر: ياا اهلاً وسهلااً نورتوونه

-بيان: الله يسلمچ حبيبتي ام داغر

-سحر: تفضلو تفضلو ليش بالباب

دخلنه وسلمنه ؏ البنات ويبووو صارت بوجهي ملاك انطتني نظره عبالك جايه لفندق ليلي..

-تبارك: لُباب حُبي شلونچ اخبارج؟

-زينه زينه اني تبوكه فدوه اريد اسألچ وتجاوبيني بصراحه

-سألي حُبي

-لُباب: من رحتو لبيت خالكم بكربلاء وهاي غدير العوبه زحفت ؏ داغر بَـس لا انطاهه مجال؟؟

-لاا خيه غير رزلهه رزاااله غسل ولبس ههههه

-اي مو مادري شصارلي اشتعلت وحدي احس نار وگبت بيه من گلتي چانت تباوعله وتزحف عليه

-هههههه حقچ عيني

ابتسمت فرحانه وظليت بمكاني الوب افتهمت داغر نايم بغرفته اريد اروح اشوفه ظل بالي لان امه دتگول صارله كم يوم مريض حتى ماعنده قوه يوگف ؏ طوله...

اشرت لتبارك حتى عود نروح لغرفتهه بَـس گدام امي لان ادري بيهه مراح تخليني براحتي ورح تظل تدگدگ عليه حتى انزل من غرفته...

-ملاك: هااا خيات وين رايحات؟؟

-تبارك: رايحين نگعد بغرفتي

-نجوم: اررريد اجييي

-تبارك: لا حبيبتي عندي سالفه ويه لبوة عود بعدين تعالي

-سحر: روحن ماما اخذن راحتچن

باوعت لأمي چانت طبيعيه همزين ما شكت، صعدت ركض فوگ ووگفت بباب الغرفه وحچيت ؏ كيفي...

-تبوكه ريحتي طيبه؟ شميني

تقربت تشم بملابسي وشفطتني شفططط..

-تبارك: الله يموووت عطرچ حبيته

-صدُك؟؟ يله ماشي

طلعت عطري من الجنطه ورشيت اكثر وطلعت مرايه اعدل مكياجي خاف سايح..

-تبارك: ههههه ولچ تخبلين يله روحي

-حمرتي عدله؟

-اي حلوه

-اغير لونهه لو حلووه؟؟

-ياااا لُباب شجاچ ههههه

-ماشي رح ادخل بَـس احم اوگفي احس متوتره وگلبي يدُگ

-ليش؟؟

-مادري يبوو هاي شبيه گلبي يرگععع حيل

-تبارك: تحبين اخويه لُباب؟

-شنو؟

-تحبين ذيب؟

-مادري

-لعد شتفسرين دگات گلبچ وتوترچ وخربطت احوالچ؟

-مادري تبوكه احس روحي تايهه احب وجود داغر بحياتي وماحبه بنفس الوقت خو بهالاسبوع تدمررت دماار احس مفتقده شي مُهممم بحياتي

-بعدچ تحبين زمن؟

-لااا شتحچييين انتي

-تبارك: مادري بَـس وره كلامچ اخر مره وسولفتيلي من اجه حچه وياچ بالمستشفى حسيتچ حنيتيله وزعلانه

-تبارك اني زعلت بَـس لان المكان الچنت اشتغل بي ماخذين نظره محلوه عنني اصلاً زمن طلع مو رجال تعرفين ليشش؟؟!

-ليش؟

-لااان طعن بيه وحچه لـ ميار صديقتي عن محادثته ويه داغر!

-چذااابه هاي شمعرفچ؟؟

-راسلت ميار اول البارحه من حساب امي وحچتلي گايل عساس اني چنت ؏ علاقه ويه داغر واضحك ؏ زمن بنفس الوقت

-شگددد نذذذل وحچه للكل لو بَـس لـ ميار؟؟

-لا بَـس ميار وهذا هوه سبب زعلي مو لان احبه واريده!! صح كلامه چان لطيف وحرك شي بداخلي بَـس اوول مافتهمت حاچي لـ ميار عني لعبتتت نفسي منه وكرههته

-حسبي الله ونعم الوكيل ؏ كُـل من يقذف بشرف بنيه

-اي والله يله اني رح ادخل ماشي وانتي حبابه ابقي بغرفتچ خاف يحسون بيه من يشوفوچ يمهم

-لا لا اتطمني ابقى بالغرفه حتى الباب اقفلهه

-عفيه ابووسچ يحللوه

-تبارك: روحي حُبي

عدلت شعري نزعت شالي جوه لان تخربط بالطريق ومبيه حيل اعدله فَـہ نزعته بالكامل، دگيت باب غرفته ودخلت..

چانت الغرفه مضوايه بضوه خفيف كُلش اگدر اشوفه، چان نايم ؏ بطنه وبدون تيشيرت مغطي جسمه ؏ النص وظهره كُله طالع..

انحرجت كُلش بَـس شجعت روحي وتقدمت عليه، گعدت بطرف السرير صار جسمه كُلش قريب عليه..

حچيت ؏ كيف كُلش حتى ميخترع...

-داغر؟ داغر.. اگعُد اني اجيت ذيب اگعُد...

ماكو رايح بسابع نومه، دغيته من چتفه ؏ كيف وهم ماكو ميحس..

تقربت اكثر ودنجت قريب وجهه واهمس...

-ذيبي شنو ممشتاقلي؟ اجيت اني داغر....

لعبت بأذنه بأظفري تحرك وانگلب من الجهة الثانيه، ضحكت هذا رايح لغير عالم هوه اصلاً نومه خفيف وبسرعه يحس شجاه هسه...

-لُباب: يله عاد داغر رح انززل ونبي

گرصت چتفه ؏ كيف وفز فزززه خرعتني...

-لُباب: اسممم الله شبييك

يباوعلي ومبحلق عيونه يجوز بعده ممستوعب وجودي، يلهث عبالك چان يركض ووجهه عرگااان كُلش...

-ذيب انته وياي؟

مسح وجهه ورجع نام ؏ بطنه...

-داغر: شجابچ؟

-اجيت اشوفك

-شنو المناسبه؟

-مشتاقتلك

رفع راسه يباوعلي ورجع حطه ؏ المخده...

-لُباب: ذيب انته زعلان مني؟

-چؤ (لا)
-لعد شبيك لا تتصل لا تطمن عليه

-عذريني مريض

-عندك العافيه، تدري من تبوكة حچتلي تخبلت ؏ ماما خليتهه اله تجيبني حتى بچي بچيت

-ليش تبچين؟

نايم بمكانه وداير وجهه عني ويحچي...

-لُباب: مشتاقتلك وظل بالي عليك خفت صايرلك شي واهلك ميحچون

-تعبان

-ريته بعدوينك

-لبلبي تگدرين تطلعين شويه؟

-ليش؟

-اريد اسبح

-ماشي اسبح واني ابقى انتظرك هنا

-لا نازع ملابسي

-داغرر مو زين تنام بدون ملابس والله شبييك

-ادري بَـس ماگدر متعود

-غيّر هالطبع ويله اني رح اطلع دقيقتين وارجع ادخُل ماشي؟

-خوش

-لُباب: اگولك خاف متگدر تسبح وحدك؟

-يعني تردين تسبحيني!

-اهووو داغر قصدي لتسبح وارتاح

-لا ماگدر

-يله براحتك

گمت اطلع من الغرفه ورحت لغرفة تبارك چانت مقفوله وره مادگيتهه فتحتهه...

-تبارك: هاا كملتي؟

-لا داده اريد ابقى وياه شويه تگدرين تنتظريني بعد شويه

-براحتچ خيه ابقي شگد ماتردين

-يعمرري مانساهه الچ تبوكه عود من تنخطبين ارجعلچياهه

-هههههه تدللين

عفتهه ورجعت لغرفته چان صوت الدوش واضح، رحت ؏ الستائر فتحتهن والشبابيك هم فتحتهن رغم الجو بارد بَـس خلي يتغير جو الغرفه شويه..

انتبهت اكو معطر جو ؏ الميز مالته اخذته وظليت ارشرش، عدلت فراشه والمخاد صارت الغرفه تجنن ترد الروح والشمس الداخله بيهه تبث الايجابيه والسلام وهيه غرفة داغر چبيييرة كُلش وصايره منحر شمس فَـہ الاجواء تخبل..

رحت ابحوش بجراراته وشفت شموع معطره عجبني افتح شمعه گابه الروح الرومانسيه عندي اليوم..

علگتهه وحطيتهه ؏ الميز ورحت اگعُد ؏ چربايه انتظره..

فكرت بي اكيد ممطلعله ملابس فَـہ گمت اختارله تراك يلبسه، طلعتله تراك زيتوني عجبني والملابس الداخليه استحيت اللعب بيهن عود هوه يتصرف..

طلعت التراك ؏ سفطته وحطيته ؏ الفراش واخذت عطر من الميز مو نفس عطره الاكرهه لا هذا كُلش عجبني فَـہ حبيت يرش من عنده..

حطيته فوگ البجامه وطلعت المشط من الجرار حطيته ؏ الميز حتى يطلع يشوف كلشي جاهز..

رجعت ؏ الفراش ومرت فوگ النص ساعه وهوه لسه بالحمام حتى ظل بالي..

دگيت باب الحمام خفيف وصحت...

-داغررر؟؟؟؟

-داغر: نعم؟

-ليش مالك صوت؟؟

سُكت مجاوبني، رجعت دگيت الباب اقوى...

-داغررر ليش مالك صووت؟؟؟

-يعني اسولف ويه روحي؟؟

-لاا بَـس ظل بالي عبالي تخربطت

-داغر: مابيه شي

-ماشي

رجعت اگعُد واللعب بمبايلي وهم مرت نص ساعه وهوه لسه عاصي بالحمام وماله صوت..

رديت دگيت الباب وصحت...

-داغرر ليش هيچ تأخرت؟؟

-جاي احلق

-اقره أي شي حتى اسمع صوتكك

-شقره لُباب؟

-ماادري بَـس ظل بالي اقره شي حتى اعرفك بخير

-صوتي مزنجرر

-هههه عادي يله اقره

صار يقره قصيدة باسم اليحبهه واني اسمعله، مر وقت مو قليل وطلع من الحمام لاف منشفه ؏ خصره وحاط وحده صدره..

-لُباب: نعيماً

-شكراً

-اني حضرتلك ملابس هذا التراك اللبسه حلو عجبني

-تدللين

-بدل ومن تكمل صيحلي اووّك؟

هز براسه ودا اطلع من الغرفه وجرني عليه، حضني من وره هاي سولته يحضن من وره ويبوس خدي..

-داغر: احبچ

-هههه هاي لان طلعتلك تراك ورتبت غرفتك گلت احبچ

-احبچ بكل زمان وبكل مكان بالواقع بالحلم وحتى من اموت واروح لعالم الاموات هم راح اظل احبچ

-اسم الله شهالحچيي داده انته كُلشي متفهم بالرومانسيه

-اي والله ماعرف انتي اول مره بحياتي

-لُباب: من هالناحيه اني محظوظه

-شلون؟

-لان صعبه تلگه رجال گلبه ما حاب من قبل

-چنت شايل گلب حافي من اجيتي لبسته نعال

-هههههههههههههههه شگد احب سوالفك اني

-واني احب وكاحتچ

-منيلي وكحه عااد

باسني ؏ خدي وحررني من ايده، طلعت بره الغرفه وانتظرته علما يكمل وصاحلي حتى ادخل..

رجعت چان واگف يمشط شعره ويدندن القصيده..

-لُباب: طالع تخبل

-ادري

-هههه شنو هااي

-شنو؟

-؏ الاقل گول عيونچ يخبلن

-لا عيونچ صغار

-دااغرررر

-داغر: ههههه لچ بابه كلچ تخبلين عيونچ خشمچ شفايفچ طولچ جسمچ كلچ تعجبيني

-مممم شُكراً

-هـلا

اتمايزه وهوه يمشط شعره انوب طلع مشط صغير من الجرار ومشط شواربه وحواجبه..

-هههههه لااا مستحيييل هاي شنوو شگدوووته

-هذا لشواربي

-صدُك تحچي انته!!

-اي

-شدعوه عااد داغر حتى الشوارب تمشطهن

-اكيد چا شلون يترتبن ماحب اكون مرعبل

-خو افتهمنه نظيف ومرتب بَـس مو لهدرجة

سُكت مجاوبني تندمت لان حچيت هيچ هسه شبيه اني لازم اضوجه واچفص حتى من يكون مريض..

راح ؏ الچربايه وسند ظهره ؏ التاج ومدد رجله گدام، اشرلي اروحله وجرني بصفه وحط راسي ؏ صدره..

-لُباب: تدري داغر طول هالسبوع انته ببالي اظل سهرانه ؏ امل رح تتصل بيه ومن تتصل متطول غير دقيقه وحده وتروح وبقيت ؏ هالرنه اسبووع ضبط حتى حسيت بيأس وفراغ چبير

رفعت راسي اباوعله چان هادئ ووجهه مستقيم، حطيت ايدي ؏ مكان گلبه وكملت...

-تبارك گالت انته مريض ونبي حسيت روحي اني المريضه حتى مالي نفس اداوم ولا الي نفس آكُل نفسيتي تعبت

-سلامتچ

-الله يسلمك، داغر انته زعلان مني؟

-لا ليش تسألين؟

-لان نبضات گلبك طبيعيه

-مافهمت؟

-لُباب: منتبهه من احط راسي ؏ صدرك نبضات گلبك تزرف طبله اذاني من كثر ضخ الدم احس گلبك يرعد من اكون يمك بَـس اليوم بطيء

-كلشي بجسمي تعبان لُباب

-سوده عليه

-داغر: مامتقصد اضوجچ واصير بارد بَـس الله العالم بشنو جاي امر

-شاركني

-ماريد اضوجچ

-ليش قليل اني مضوجتك؟ داغر سولفلي

-ظهري وراسي جاي اموت من وراهن

-ليش مدا تقبل تروح طبيييب

-مايفيدني

-انته رحت جربت!!

-لا

-خلينه نروح سوه حباب هم اني انطمن وهم انته ترتاح وينطيك علاج

-ماريد ولا تفتحين هالموضوع مرة ثانيه

-اذا تحبني من صدُك خلينه نروح

-لا

-اني مو دبدوبتك يهون عليك ازعل والله صارلي ايام شحالني عليك اسأل امي تسولفلك شلون طلعت الدنيا من عيني لتضوجني حباب

-ماحب الاطباء

-لخااطري ذيبي لخاطرري

-لا اله الا الله

-فدوه لطولك خلينه نروح سوه زين؟؟ نروح موو مووو؟؟

زفر حيل وغمض عيونه، رفعت جسمي شويه وبسته من رگبته خفيف شو هذا انتفض من مكانه ودفعني...

-داغر: لا تعيدييهه بعدد

-شنو؟

-لا تبوسبني من رگبتي ماحب هالحرركة

-ماشي

كتيت عرگ وحسيت روحي تفشلت حتى وجهي گام يطلع ناار، هوه انتبه عليه ورجع جرني لحضنه...

-داغر: نروح للطبيب لخاطرچ

ابتسمت وظليت ساكته، باس راسي وگال...

-ماحب احد يبوسني من رگبتي اتنرفز

-ليش؟

-ماحبهه

هزيت براسي وطلعت نستله سنيكرز من جنطتي...

-شوف شجبت

-داغر: الف عافيه

فتحتهه وقسمتهه بالنص انطيته نص والي نص، اخذهه من ايدي بعد تواسيل واقنع بي ادري ميحب هالسوالف بَـس احب اشاركه نستلتي مادري شحصل بَـس هيچ خبال..

-تحب نأجل عرسنه داغر حتى ترتاح؟

-لا ماكو داعي

-ترا العرس يوم الخميس مبقاله شي وانته تعبان خلينه نأجل

-لا ماگدر قدمت اجازه بعد

-اجازه حتى نروح شهر عسل؟

-اي

-وين حنروح؟

-ماليزيا

-لاااا ذيب اريد اروح لتركيييا

-لچ ماليزيا تخببل

-رايحلهه؟

-لا بَـس جماعتي رايحين يگولون كلش حلوه وهسه جوهم بعد احلى

-بَـس يعجبني نروح لتركككيا

-؏ الجايات ان شالله لان بنفسي اروح لماليزيا وماگدر لان مايحقلي اسافر

-ليش عود؟

-الاستخبارات ممنوع يطلعون خارج البلد

-يااا لعد شلون نروح لترككيا بعدين

-احاول ادبرهه حتى لو اسبوع انطي خبر للضابط هوه يلوزلياهه
جماعتي رايحين يگولون كلش حلوه وهسه جوهم بعد احلى

-بَـس يعجبني نروح لتركككيا

-؏ الجايات ان شالله لان بنفسي اروح لماليزيا وماگدر لان مايحقلي اسافر

-ليش عود؟

-الاستخبارات ممنوع يطلعون خارج البلد

-يااا لعد شلون نروح لترككيا بعدين

-احاول ادبرهه حتى لو اسبوع انطي خبر للضابط هوه يلوزلياهه

-ماشي اذا هيچ براحتك

-اذا يعجبچ نحول ؏ تركيا هم ميخالف

-لا هذا هوه ماطول ماليزيا عاجبتك نروح يله اني انزل لا ماما تحس عليه

-زين

گمت حتى انزل جوه وگتله يبدل ونطلع للطبيب، رحت اگعُد يمهم اسولف وياهم ونزل داغر بَـس شافته امه صارت تبچي وتهلهل ويه بعض مامصدگه..

اندارت امي تباوعلي متعجبه من الموقف وصراحه حتى اني بَـس سُكتت ومعلقت...

-سحر: يرووح امك الحمد الله ؏ سلامتك وليدي يممه بعد روححي ضوه بيتتي شمعه بيتتيي

باسهه من راسهه وخواته يتحمدنله ؏ السلامه عبالك چان مسوي عمليه..

-داغر: بعد روحي الله يسلمكم

-سحر: لوو ندري هييچ چان جبنالك لُباب من اوول يوم هههههه

ضحكت ونصيت راسي خجلانه، رفعت عيوني شفت امي تباوعلي، شاورتهه..

-لُباب: ماما لعد خطيه مريض

هزت راسهه متفهمه الموقف وابتسمت، اشوف خاله انخبصت وياه وخواته هم عبالك صارلهن اشهرر مشايفي...

-سحر: اصبلك غده ماماتي؟؟ راح اصبلك ذيب؟؟ اصبلك وليدي؟؟؟

ضحك داغر ؏ لهفتهه وهزلهه براسه، ونجوم وتبارك استلمنه يسولفن...

-نجوم: داغررررر حبااااب

-داغر: الله يستر خير؟

-نجوم: اريد اروح لبيت صديقتي حبااب حباااب

-تااالي نجووم

-نجوم: فدوه لعيونك المكحله حباب هذا وينه بيتهه

-اني مو گات ممنوع بعد!!

-نجوم: داغر هاي صديقتي جديده تعرفت عليهه اسمهه غيداء واصلاً انته تعرف اخوهه

-خليهه تجي لهنا غيرهه ماكو

-نجوم: ذيب حبـ.....

-ملاك: كااااافييي شبيييچ ثبرتي ثبببر

عاطت بيهه صوت خلسني، داغر خزرهه حيل ونتر بيهه...

-داغر: ماعليچ بيهه

-ملاك: داغر يعني انته تعبان وهيه تنگ فوگ راسك كافي بزعتنه

راحت نجوم للغرفه زعلانه وداغر حچه من بين سنونه...

-داغر: لا تعيدييين هالسوالف وتخجليهه

-ملاك: هاي فوگما ادور راحتكك

-اني مرتاح ومتعود عليهه ماكو داعي لهلسوالف

سكت الكُل وملاك گلبت وجهها معاجبهه العجب شكلهه مزعجه كُلش وتدخل بالكُل..

تغده داغر وطلعنه للطبيب بَـس گدامهم علساس رحنه للسوگ واكيد ملاك ظلت تبسمر وطلعت السالفه من عيني..

طول الطريق احسه متوتر وضاايج ومتنرفز كُلش، محچيت شي گلت خاف يفشلني ويضوجني وامد لساني عشرتالاف متره وهوه يضوج ويسحب اقسام من سلاحه ويفرغه براسي فَـہ خليني ساكته احسن...

وصلنه للطبيب ونزلنه ننتظر دورنه، گعدت بصفه ولزمت ايده اخفف من توتره..

-داغر: والخلقچ جاي هنا لخاطرچ

-انته سويت مصايب لخاطري تتوقع اتفاجأ من هالمرة

باوعلي وابتسم، حچه بصوت ناصي...

-صايره حبابه شحمتي

-من يومي حبابه ومن دخلت لحياتي خبلتني

-داغر: اهووو لازم تبعرهه

-اشش يله خلينه نسكُت فشله

صاحو اسمه ودخلنه جوه حچه اعراضه للدكتور وطلب من عنده يسوي رنين ومفراس لراسه..

رحنه للعياده الخاصه بهالاشعتين وهمزين بسرعه دخلونه وسوه الاشعه..

استلمنه النتيجه ورجعنه للدكتور يقراهه ويشوف شبي..

-الدكتور: عندك خلل بالفقره الـ 12 بالعمود الفقري

-داغر: شلون يعني؟

-صاير تآكل بالغضروف وجاي تنحك فقره بفقره

-لُباب: دكتور حسب علمي الفقره 12 موجوده بالفقرات الصدريه للعمود الفقري وداغر يشكي من مراية ظهره

رجع الاشعه بالجهاز الي يضوي حتى يكشف تفاصيل ثانيه...

-الدكتور: الفقرات العصعصيه سليمه مابيهه أي مشكله

نظرلي داغر نظره مطوله فسرتهه وكأنما ديگول "مو گتلچ ميعرفون علتي"...

-لُباب: دكتور زين اكو احتماليه الفقرات الصدريه دتأذي العصعصيه؟

-الدكتور: لا لا ماله علاقه هسه اني انطيك علاجات تخص الالم وهم اريدك ما تشيل شي ثقيل وداري روحك

-داغر: ان شالله

كتبله الدكتور وصفه علاجات واول مطلعنه من عنده داغر ذبهن بالزباله...

-لُباب: ليشششششششش

-مايفيدن

-شمعرررفككك

-لان من يوم يومي وسط ظهري يوجعني من ايام التدريب ورحت للطبيب وهم انطاني علاجات وگال هذا مزمن وتعودت ؏ الوجع وبعد ماهتميتله اني مشكلتي ويه مراية ظهري واريدلهه علاج

-يا عيني اسمعلي عاد اخذ علاج مال ظهرك بلكت الله يفيدكك

-هذا مو علاج بَـس مسكنات انطاني

-لُباب: شمعرفك؟ اني حتى ملحگت اقراهن

-گتلچ لُباب رايح لطبيب من قبل ونفس كلام هذا الدكتور ماكو اختلاف

-اووف گلبيي زين خلينه نروح لأبو المفراس بلكت يفتهمون سالفة راسك

فر بأيده ومشه گدامي وراهه وگف بمكانه ورجعلي بسرعه لزم ايدي ومشه بيه..

رحنه للمفراس وهم سوه وگالو مابيك شي، شكّوا عنده شقيقه بَـس طلعت اعراضه معارضه الهه يعني ماكو ربط..

رجعنه للبيت خايب املنه واشوف داغر طبيعي توقعته حَ يضوج لو ينقهر لان ملگوله علاج بَـس شو هذا عادي حتى وگف گبال محل مرطبات وگال...

-تشربين شي بعد روحي؟

-لُباب: داغر ضايجة واحس حسره بگلبي

-ليش؟

-لعد ملگولك علاج ورح تظل هييچ تتوجع

-عادي كبد متعود يله هسه تردين شي؟ البنات يگولن خوش عصير رمان يسوون هنا واجيبلچ وياه داطلي
-هههه يمعوود ماريد اسمنن

-بكيفچ بعد

-انته مظايگ العصير؟

-لا بَـس البنات

-اشرب ويايه

-لا ماريد يله نازل اجيبلچ

نزل يشتريلي واني راسي يفتر صار يروح يمين ويجي يسار اريد افتهم هالرجال وشنو علته بالضبط..

اتصلت عليه ماما تطمن گلتلهه راجعين مسافه الطريق، رجع داغر شايل الگلاص بيده وماعون عرفته جايب داطلي اويليي منه اله يثخني، اول مدخل للسيارة عقم ايده ومارس الروتين مالته الطبيعي..

-لُباب: الله يجنننن داغر ظووگ

-اي مو گتلچ البنات يگولن طيب

-ايي يخبللل يسرسح ؏ الگلب ههههه ظووگ ويايه حبااب

-بالعافيه ماريد

-لُباب: بَـس كمعه هيچ عنونه ظوگه شگد طيب

لحيت عليه حتى يشرب ويايه وشرب من گصبتي شويه وهز براسه..

-لُباب: طيب موو؟؟؟

-اي

-شفففت ترا عادي اذا تآكُل وتشرب من بره داغر هاي انته راسم هالفكره براسك ودتخليهه تمشيك

-مو بيدي

-ميخالف اله اغيرك واخليك تمشي وتآكُل من بره

ضحك وفر بأيده وكُل شويه انطي كمعه لحدما خلصنه الگلاص سوه، فرحت بهذا الانجاز وحسيته يتقبل مني وميريد يكسر بخاطري وبقه بَـس بعد اقنعه يروح يتعالج من هالوسواس العنده..

وصلنه للبيت وبالباب طلعت ماما تگول نرجع مقبل داغر ولح عليهه نبقى ؏ العشه بَـس مقبلت تگول تأخر الوقت..

ركبت فوراً وره ردت انزل وتگعُد بمكاني وماقبلت..

-لُباب: شبيچ امي شو مبين تعبانه؟

-اي والله رجلي كُلش دتوجعني

-لُباب: سلامتچ عيناي

-داغر: نتعشى هنا

-لُباب: بكيفك

-بيان: لا لا ؏ شنو نآكُل بالبيت

-داغر: لا عمه هذا المطعم اكله طيب

-لُباب: اليسمعك ظايگ اكلهم ههههههه بَـس اله اوكلك اليووم

-داغر: لو تموتين

-مااا اوكلك وتشوووف

-رحمه لزليخه فكي ياخه عني

-شوف ذيب اني آكُل الاخضر واليابس واريدك تصير نفسي لعد شلون نكمل حياتنه سوه وانته متآكُل الاكلات الاحبهن

-وين الربط؟!!

-اكو ربط اكو معليك هسه تآكُل ويايه اووّك داده؟

ضحك وهز براسه مال واحد طالعه روحه، نزلنه للمطعم وطلبنه اكل ويبووو طلع روحي اريده يحط لگمه بحلگه ميقبل اخير شي جزع مني وگام يدخن بره..

كملنه وگمنه حتى نرجع، الطريق چان هدوء وداغر كُـل شويه يسرقله نظره مني ويرجع يباوع بالمرايه الاماميه يستحي لا امي تشوفه..

وصلنه للبيت ونزلت ماما قبلي وبقيت بالسياره...

-داغر: عيّنتي البدله؟

-لا انتظرك

-دبدوب عذريني ماگدر باچر نازل لـ تكريت

-ذيب لعد شلووون

-حبيبي اختاري اليعجبچ انتي

-لُباب: نفتح كام تشوفني بيهه؟

-ماشي

-يله ديربالك ؏ نفسك ومن تحس روحك متگدر تسوق وتعبت اوگف ارتاح واتصل بيه فوراً ماشي

-وشتسويلي انتي مساج عبر مكالمه؟

-اوووف گلبيي داده خايفه عليييك اني

-ابوسهه التخاف عليه

-لُباب: ومنو لازمك

-لاا والله

-اسكُتت مو كيفتت

-هههه يله نزلي مريم العذراء

ضحكت وقبل لا انزل شمرتله بوسه بالهوا وطرت جوه بدون ماشوف ردة فعله..

بدت تجهيزاتي للعرس روحه ورده وطلعات متتاليه وتوتر وخوف وفرح..

كملت كُـل التجهيزات وحجزت القاعه وكُله بأشراف داغر اكيد ومن جيبه الخاص اكيدييين..

قررت ماسوي حنة مابيه حيل وتعب بما ان عرسي حيكون چبير وداغر فدوه ماخله شي بنفسي شنو اگوله يگول صار وتدلل شحمتي فَـہ ابد مقصر بشي..

باچر عرسي واليوم رايحة اشوف بدلة العرس واقيسهه لآخر مره لان احس روحي سمنانه گد ما دا آكُل..
رحت للمحل اني وماما وانطاني البدله اقيسهه واتفاجأ من اشوفهه متدمره من جوه وصايره بيجيه..

تخبلتتتت وصحت بأعلى صوت بالمنزع...

-مااامممااا بدلللتيييي

اجت ماما تركض شهگت من شافتهه شگد وصخه وراحت لأبو المحل تستفسر من عنده..

وبكُل عييين وكحه يگول نعتذر بَـس البارحة اجرناهه لوحده قبلچ وملحگنه نغسلهه هسه نغسلهه لتخافين...

-بيان: ؏ أي اسسساس تلبسهه وحده قبلهه؟؟؟ انتو مو گلتو عنهه جديده؟؟؟!

-نعم بَـس انتو مراح تشتروهه تردوهه ايجار فَـہ طبيعي تلبسهه وحده غيرهه

-لُباب: انتتته گلت هاي جديده وسوواء اشتريهه لو أأجرهه محد يلبسهه غييرري

-ليش ماشتريتوهه احسن ؏ الاقل نحط علامه ان هيه متسمايه بأسمچ

-لُباب: مااريد ياخخي ماريد اشتري بدله بـ 1600 دولاار بَـس علمود كم ساعه واني مو من النوع الي احتفظ باللبس مااحب يبقه شي فائض عنددي

-اعتذر ان شالله نجيبلچ نفسهه باچر العصر اتطمني اختي

گمت ابچي بخنيگ حتى صوتي راح...

-لُباب: شنو تجيبوولي وحده باچر ترا عررسسسي بااچر حرررام عليييكم

-اعتذر خيتي هذا الموجود

-بيان: انتو صدُك تحچون يعني؟؟؟

-اذا تحبون عدنه هواي بدلات حلوه غيرهه خليهه تشوف بلكت تعجبهه وحده

-لُباب: ماررريد بدله غيرهه ماما امشي نطلعع

-بيان: لچ وبدلتچ شلوون

-امشي أمي ربچ ميگطعع

طلعنه من المحل واني دموعي عشره عشره، رجعت للبيت منهارة قوتي وجسمي يرجف عصبيه وقهر وجوع من البارحة مماكله شي..

حطيت راسي ونمت واني ابچي رح اكون اول عروسه بدون بدله بيضه، المششكله ذوقي صعب ونحسسه كُلش ميعجبني العجب افتريت محلات البدلات كُلهن الي ببغداد وهاي متت عليهه صايره نفس مال الاميرات كلهه لمع وهسه راحت ورح ابقى هيچ..

للمغرب حسيت بأمي تگعدني..

-بيان: لبوة گعدي بنتي شو دگعددي

-ها امي؟

-هذا داغر جوه

-داغرر؟؟ شجابه مو حنته اليوم؟؟؟

-دتعاي شوفي مادري شبي

-عززا شبيي؟؟؟

-تعالي

نزلت ركض وشعري مكفش دخلت للاستقبال توقعته رح يگول انلغى العرس اي هوه هم ؏ حظي هيچ يصير..

-لُباب: داغر شبيك؟؟ شنوو رح يتأجل العررس؟؟؟

-داغر: لا يابه شسالفه تعاي گولي شبيچ تبچين وعالنه حداد حتى صورچ الشخصيه شايلتهن مال وحده مكتأبه وكارهه الدنيا

بچيت مقهوره ورحت اگعُد ؏ القنفه...

-لُباب: ذيب ماعندي بدله

-هذا السبب المخليچ تبچين لُباب؟؟؟!

-طبعاً لعد شلون بالعرس اروح بدشداشه

-مسستحييل چا اني شجابني من الحله لهنا غير اجيت لخاطرچ حتى نطلع تختارين بدله

-لا داغر روح للحنه مالتك عيب من جماعتك واهلك شيگولون اول عريس ميحظر الحنه مالته

-طُز مايهمني ويله گومي بدلي خلينه نطلع

-داغر روح لتدوخ روحك ويايه ذوقي نحس وميعجبني شي

-امشي لُباب امشششي

رحت لغرفتي بدلت وطلعنه سوه بدون أمي، افترينه الدنيااا كُلهه والموبايلات ترگععع ؏ داغر وكُل شويه يگوللهم جاي ومسافه الطريق وما اتأخر ومن هالحچي، مليت وطلعت روحي ورجعت ابچي واحچي...

-روح ذيب دتضيع وقتك ويايه

-انچبي وامشي

-والله ما اللگه شبييك

-خفففه لهاللسان لچ تفائلي بابه تفائليي

مشيت وياه مادري وين وافتر منا ومناك والمحلات بدت تعزل واني انهاريت، بقن كم محل واخر امل بقه بيهن..

دخلنه لأول واحد وماعجبني شي ورحنه للثاني وهم كذلك الثالث عجبتني وحده صايره منفوشه والصدر مفتوح كُلش ومن يم البطن صايره شفافه وتبين..

-لُباب: شنو رأيك بهاي؟

-لا موحلوه مشلتحه

-داغر ماكو غيرهه

-لا ماحب تطلعين جسمچ گدام احد

-حلوه عجبتني

-لا گليبي نلگه غيرهه احسن

افترينه بعد وصفينه ؏ اخر محل شفت وحده صايره عدله مابيهه هواي شغل وهم فتحة الصدر كُلش مفتوحه..

-داغر: عجبتچ؟

-عاديه

-نشوف غيرهه؟

-لا خلناخذهه تعبت

-داغر: اخذچ باچر للحله اكو بدلات حلوات

-لا باچر من الصبح لازم اروح للصالون يله ناخذ هاي

ذب حسره ويباوعلي واني الدمعه تلمع بعيني، اشتريناهه حتى ما اجرنه مقبل داغر نأججر وطلعنه من المحل...

-داغر: والحُسين مامقتنعه لچ اخذچ للحله شبييچ

-لا زينه مبيهه شي

-زين ماكو شي تگدرين تجمليهه بيهه؟

-مثل شنو؟

-گلاده أي شي

-هاااا

-شكوو

-لُباب: مادري عود گلت اللبس تخمي الذهب وياهه لان ماحب الفضه

-نشوف فدشي بلكت يعجبچ يعني كسوارات ومن هالسوالف

-هههه اسمهه اكسسوارات

-ماشي نشوف هسه؟

-ميخالف بَـس الحنه مالتك شلون؟

-بابه الحنه للصبح تظل ماعليچ انتي

هزيتله براسي واخذني لمحل يجنننن كُله اكسسوارات مال عرايس اشتريت گلاده صايره زنجيل والمداليه چبيره تگعد ؏ الصدر واخذت ماشه چبيره التنحط ؏ الراس غير التاج الشتريته لان هواي عجبتني وردت اللبسهه بداله..

شفنه محل احذيه وعجبني حذاء كعب هم اشتريته ورجعت للبيت نوعاً ما مرتاحه بَـس بدلتي ممقتنعه كُلش بيهه بَـس المقتنعه بي واحس گلبي طاااير بسببه هوه داغر ضيعع يووم كامل لخاطري يفتر من مكان لمكان ومگال تعب لو مَلّ لو حتى انزعج..

نمشي ويصبر بيه ومتفائل كُلش وكلامه عسسل كله غزل وكلمات لطيفه مُطمئنه..

الصبح گظيته كُله بالصالون اني وامي وخالتي ايمان وسمر، علگنهه عللللگ بالصالون رگصصص وهلاهل وكملت بجية خاله سحر وتبارك ونجوم وهند وهم هوسات وگفلات ولعبن لعب...

مكياجي چان ناااعم ونازك حيل والشغل كُله بالعيون، وشعري مسويت تسريحة لان مترهم عليه گصته بوي فَـہ بَـس گدلتي سوولي بيهه فيكه..

سوولي اظافري وصبغتهن بنفس لون رباط داغر وبلون المسكه لون ماروني طووخ يميل للاسود، رسمتلي بواحد من اظافري بكُل ايد حرفي "ل" و "د" يعني ربطتهن بطريقه حلوه طلع يجنن..

لبست البدله البيضه وصارو يصلون ؏ محمد وهمه يباعولي، ابتسمت بـ رضى واني اتمايز روحي صح مو نفس التمنيته بَـس ميهم هالسوالف ميسعدن بخت ؏ گولة امي..

اجنلي تبارك وهند يهزن من بعيد وگفت تبارك بوجهي وخرمشت خدهه..

-تبارك: يبووو الله يساعدك داغرر

-هند: عزا العزااچ دباع الجسممم

-لُباب: ههههه ولچن سمممنانه اخوچن سواني بقرره

-هند بغمزه: دباع الرماان اليوم داغر مجلووط مابيهه مجال

تأشر ؏ صدري متت خجل وبس اضحك ؏ سوالفهن، خبصن المكان خبصصص وام الصالون مكيفه وياهن عبالك عرس اخوهه...

وگفو يلبسوني البرگع وعانييينه لحدما ثبتناه والسبب لان ماعندي تسريحه، كملنه كُلشي وبقن الاكسسوارات والكبوس الي ينحط ؏ الراس..

ستوهم ديلبوسني واجانه اتصال وگف گلوبنه، وخاله سحر دگت صدرهه حيل وصاحت...

-سحر: يمممممة ابنننني لك فاااقد شبييي ذيب؟؟؟؟

يتبع🥺...

#بارت٣٥الإخيرررررر من ج١
✩✩✩✩✩ ✩✩✩✩✩ +

"ذيب بابل"

أحَــبه هوِاي
بـگد عّمـري المضْـى والجـٌاي
بـًگد ماتـعٌشق الورَدات طـْعم المِـاي
بگـد الماوفـوا ويـاي
بـگد الكَِـون ♬
والـ بالكّـون
وبـگد النًجــم بسمٍـاي
أحــبه هواي ♥️..

✩✩✩✩✩ ✩✩✩✩✩

"نجوم"
الصالون انخبص وامي تلوب تروح وتجي ولُباب وجهها قططره دم مابي محد يعرف داغر شبي بَـس افتهمنه فاقد يگول صارله فوگ الساعه بالحمام يتقيء ويصيح من ظهره..

-سحر: يمممة ابني مااات مااات داغر راااح منييي رااح

-هند: ماما حبابه لتحچين هيچ اسمم الله علييه

-سحر: سووده بوجهچ سحرر سووودة بوووجهييي

تدگ ؏ وجهها وتبچي، ماعرف شلون افسر الحالة الي صابتنه ولا الحيرة الي اجتاحت كُـل الموجودين بالصالون..

ندگ ؏ فاقد ويگول داغر منتهي قافل الباب عليه ومايقبل احد يطب رادو يكسرون باب الحمام وانوب تخبببل يگولون فقد يعيط ويتعارك ويتقيء بنفس الوقت..

-نجوم: ماما خلينه نروح للقاعه ليش گاعدين هناا

-سحر: لچ يااا قاااعه واخوچ بهالحااال

-نجوم: يوم خوما نظل هناا شوفي الصالون ازدحام وانفضحننه

-تبارك: اي ماما حبيبتي خلينه نروح للقاعه فشله من الناس حتى ام الصالون ضاجت شوفيهه

-سحر: طُززززز بكلشيي ولچننن هذا اخووووچن

-هند: يممه ميفررق شي اذا نبقى هناا لو رحنه للقاعه حبيبتي يلله خلينه نرووح يللله

نحچي بيناتنه ونتهامس مانريد لُباب واهلهه يسمعون..

-تبارك: يمه شوفي لُباب شلون تخربطت حبيبتي لا تسوين هيچ گدامهه خطيه

هزت راسهه امي وگمنه نريد نطلع، گوة طلعنه لُباب جسمهه يرجف وعيونهه غارگه دمع..اجه علينه ابو لدغه يوصلنه للقاعه وشو هاي اختي تبارك تخربطت اوضاعهه بَـس شافته وجهها صار اصفر وختلت ورايه مادري شجاهه... +

-رضا: خاله اني اوصلكم ياله غكبو السياغه

-سحر: بعد روحي ماتقصر

راحن لُباب واهلهه ووياهم هند تفاجأت من تبارك مركبت وياهه ورادت تظل ويانه، ركبنه بسيارة رضا واباوع لأختي تتطاطگ كُـل شويه تباوعله وتدور وجهها، ظلت هيچ الطريق كله وتلعب بيدهه متوتره..

-سحر: لكك رضاا فهمنني شسالفه دااغر

-رضا: خاله ماعغف واگفين كلنه ويا حلاتنه نغگص ونصفگ ومتونسين شو ؏ ساعه ذيب وگع من طوله وتخغبط غبچ چان فاقد مغطي بسغعه سحبناه لوحده من الغغف وانتهى هناك ظل يزوع كلشي حالته تدمغت وملابسه ويصيح غاسي يوجعني وساعه يصيح ظهغي

-سحر: سوووده بووجهههي ولك ليششش هيچي ليشششش شماكللل

-رضا: ما ماكل شي يعني كلنه اكلنه نفس الاكلل والله خاله حالته غغيبه

-سحر: ولككك ممسوووس داغرر ممسوووس من صغره

فكينه عيوننه نباوع لأمي نشوفهه شايطه وتدگ ؏ رجليهه...

-رضا: خاله فهميينه شنو ممسوس ليش هالشي حقيققي؟؟؟

-سحر: ولك يممه ابو چان مُلحد ما يأمن برب العالمين

-نجوم: بااابااا چان مُلحدددد؟!!!!!

ماجاوبتني وكملت حچيهه ويه ابو لدغه وكأن جاي يفتهم عليهه شجاي تحچي...

-سحر: وامه الله يرحمهه چانت تتعلم سوالف السحوره وحبلت بي من هذاك الساقط المُلحد وجابو داغر

-رضا: بَـس خاله داغغ ما گال ابوه چان مُلحد!!

-سحر: ماايدري اني ماحچيتله ماريد تتأزم حاالته ويعرف ابوو چان كافررر

-رضا: خاله غاسي افتغغغ

-سحر: ولك اسمع هوه من صغره چان ينلزم شلون المصروع وشو كبر وراحت منه هالحاله

-رضا: ذيب ما حچالنه چان ينصغع!!

-سحر: مايتذكر هواي شغلات چان يمر بيهن ويكون فاقد عقله حتى اوقات يحچي ويه روحه اگوله يوم ويامن تحچي يگلي ماچنت احچي

-رضا: وبقى هيچ لحد هاليوم؟؟

-لاا بقى بَـس يشوف احلام ويتوهم شغلات حرررت ماكو شيخ ماخذته اله وشو ابني تسودن بالززايد وصار حتى ممنوع افتح وياه هيچ موضوع گام يچذب عليه ويگول صرت زين وصدك حسيته صار زين لان تغير هوواي خصوصاً اخر فتر
-رضا: الفتغه الي تعغف بيهه ؏ خطيبته؟؟

-سحر: ايي تغير وحسيت نفسيته كلهه تغيرت حتى من احسه يتعب لو يضوج يطلع الصبح من البيت ويرجع كلشي مابي الضحكة تارسه وجهه وفرحان

-رضا: يعني خطيبته الهه اثغ (اثر) واضح ؏ نفسيته

-كلششش هووواي يحبهه موووت

-رضا: لاحظت

-سحر: وهسه راسي افتر شبيي!!! نصحوني ؏ السحر الابيض ورحت سويتله ادري حرام والله بَـس شسوي ابني اريده يصير زين

-شنو السحغ الابيض؟

-هذا سحر زين يجيب الايجابيه ويطرد السلبيه والشغلات الموزينه وحسيت داغر تحسن عليه فتره طووويله بَـس هسه لييشش يصيح من راسه وظهره حايره والله حاايره

-رضا: اعغاض جديده هاي؟

-سحر: اي والله يمة ابد ما چان يعاني من هالشيي گبل من چان اصغر يگول عندي الالم ظهر وگال الدكتور عنده تآكل بالغضروف وهالشي مزمن بَـس هسه مراية ظهره توجعه

-رضا: خاله اكو إنَّ بالسالفه

-اني هم اگول ولازم اللگه حل اريد اعرضه ؏ شيخ بلكت يفتهم حالته لان لليوم كلما اروح شيخ واسألهم يگولون ابنچ ممسوس لسه مارحت لواحد وگالي غير هالحچي يجوز صدك رجعتله الحاله وهالمرة كلشش جاي تأثر عليه لان راح يتزوج

-رضا: الله اعلم

وصلنه للقاعه وراسي يدكون بي دنابگ مووتني من الوجع والافكار تتلاطم بي مافهمت كلمه من امي بَـس العرفته ان داغر ممسوس وامي مو ام داغر الحقيقيه بَـس شلون هالشي مادري..

وگفنه بباب القاعه واشوف تبارك واگفه بمكانهه تباوع لـ رضا وهوه يسولف ويه بنيه، دغيتهه بيدهه وهاي فزت..

-نجوم: ها خيه سالمين شكو؟

-تبارك: افف نجوم خرعتيني

-شكو واگفه گصيتي الزلمه گصص خو افتهمنه حلو ويشگ شگ بَـس عيب اختي عيب اتقي الله

-شو دنچبييي

-هاا تبارك حوزة شو متطورين صرنه نبصبص ؏ الصاكين

-تبارك: نجوم وخرري طالعه الدنياا من عينني

-لييش خيه شكوو

-ذيچ خطيبته مو؟؟

-وشمدريني اني بَـس هم تشگ شگ فَـہ اكيد اي
-انچبيي ادبسزز +

-شكوو هاي شبيهه متخبله ترا البنيه تموت دباعيهه

-يعني حلوه؟

-تجننن

-صدك والله

-اي والله

-تبارك: من طااح حظظظچ وحظظظ التسولف وياااچ امشي ولي عن وجههي

-نجوم: ياااا لچ تعاااي هوه حاصل ايييه

-عوفي المصري وعوفيني نجمه مابيه احچي وياچ

-بَـس لا عاشگته ولچ

اللتفتت تباوعلي وشهگت هيهيهي وضحت السالفه من شهگتهه..

-نجوم: عيب بنيتي عيب ماماتي الرجال حيتزووج

-تبارك: اششش اشششش لااا ماكو هيچي شييي

-ابدد دباعي وجهچ كتيتي عرگ وجسمچ يتراجف وتلگين گلبچ من شافه صار يهز خصر

-كافي نجوم

حچتهه بتعب ونفس ممروده..

-نجوم: سوده عليه يعني صدك تحبي ولچ؟

-انتي شبيچ بابه شبيييچ

-انتي شبيچ تبو الرجال خاطب ترا!!

-ادري

-نجوم: فوگاهه تدري بي خاطب وتحبه

-حبيته قبللل لا ادري بي خااطب وقبل لاا ادري بي يحب رواسسسي

-نجوم: احححح يعني تحبببي

-صوتچ نجمه انفضحنه امشي جوه مو وكت هالسوالف

-هم صح اخوچ مريض زين تعاي يمي شنو السالفه شو كلشي مافهمت من امي

-مادري

-انتي ماحسيتي بشي غريب من حچيهه؟

-مانتبهت والله

-طبعععاً حايره تبصبصين ؏ غضا المحتحت

-تبارك: امشي ندخل جوه وبطلي هيلگتچ

-فوگاهه الهه عين وتحچي فوگما حابه رجال خاطب

-لچ نجووووووووم

عاطت بيه صوت خلت رضا يلتفت علينه يبووو طگينهه ركضه جوه فضحتنه هاي اختي الجبانه..القاعه چانت شبه فارغه مابيهه احد لان بعد وكت ؏ العرس بَـس موجودين اليشتغلون ويفترون بيهه.. +

رحنه للمنزع چانت لُباب گاعده ؏ الكرسي وناصبتهه مناحه سوده عليه تكسر الخاطر ظامه وجهها بثنين ايديهه وتبچي...

-تبارك: لبوة ليش تبچين يا حبيبتي

-لُباب: لعد خطيبي مرييض ترديننني اضحك وارگصص تباارك

-تبارك: لا حُبي بَـس صلي ؏ محمد مو زين الجاي تسوي بروحچ

انتفضت ملاك من مكانهه مانتبهت لوجودهه ولا ادري شوكت اجت..

-ملاك: شووو دسكتتي سككتيي هوه منو غيرچ الفگررره

-تبارك: لچ ملااك عييب

-ملاك: ختروووح اخذذت من عاففيته ياله رضتت بي وهسه تبچيين عليه يالحياااله

-بيان: ملااك شهالحچيي ماسمحلچ تحچين ويه بنتي بهالططريقه!!!

-ملاك: ام لُباب ؏ بخخختچ ترا بنتچ لعبتت بداغر لعععب زين ما مات من وراهه دزوله تهديددات يابو تهددديدات من وره بنتچ المصصصون وكلل هذذا ظل وياهه وحاماهه

-نجوم: ملاك فدوه اسكتي والله لو يفتهم بيچ حاچيه يگلب الدنيا ؏ راسچ

-ملاك: اييي لعد خلي يسكتننن مو بتهه نامت اشهررر ببيت الغررريب والله يعلم شچانت تسوي

-سَمر: لچ انتتتتي متسسسستحيننن احنه بيااا حال وواگفتلنه مثل الجججني وتعربددين

-ملاك: انتتي ميخصصصچ اني حچيي ويه لببببوة الخابصينه بيهه وييينه لسااانچ انبلععع هسه وره ما موتييي دااغرر واخذتي من عددنه

علت الاصوات وامي تخربطت فرد نوب وام لُباب وخالتهه يلاسنن ملاك وهاي اختي ولا تهيب احد، اباوع لـ لُباب منتهيه بَـس عيونهه يجرن والعركه كلهه ما حچت كلمه وحده..

-سَمر: هييييي انني خبصصصصتينه بذيبچ لا يكووون حاطه عينچ علييه ومتتي قهههر لان خططب لُباب

شهگنه كلنه وفتحنه عيوننه حتى امي المتخربطه، ملاك ضربت صدرهه حيل وعاطت...

-لچ سااااقطه احطططط عيني ؏ اخوووويه الربيييت وياااه واني متزووووجه

-سَمر: والله شمممدرينه دشوفي حركاتچ حتموووتين مييييته من الضغطط من لُباب گلت اله الچان راسمه ؏ داغر وتردي

-ملاك: والله احنننه مو من البنااات اليرسمنن ؏ اخوانهنن لاززم انتي راسمه ؏ واحد من اخوانچ لهذا السبب تگولين هيچ
يبوووو بدت الحرب ورادت تصير من الروس لوما خاله بيان متدخله وصايحه بينه صووت فززنه...

-بيان: امشششو الكُلللل يطلع بررره بسسسرعه

-ملاك: هيهيييي يدااغر تعاال شوف اهل مرتتتك يطردووونه وهاي بعدكم ما عرستووو

-بيان: طططططلعي ملاااك لچ بنتتتي حتمووووت

اندارينه نباوع لـ لُباب مالهه حس خانسه وتبچي وحدهه تكسر الگلب، طلعن ملاك وسمر وخالة لُباب وهند اختي وياهم وكملو العركه بره وبقينه اني وتبارك وامي دنهفيلهه ولباب وامهه بالمنزع..

عفيه منزع هوه كله بكبر گن الدجاج امة الثقلين طابين بي..

-تبارك: خاله عذرينه ومسحيهه بوجوهنه بَـس ملاك تحب داغر من صغرهه ومتعلقه بي همه ربو سوه ومن تزوجت صارت هيچ

-بيان: اگولچ عيني فدوه ترا ميصير هيچ تصرفاتهه ابد مو مال وحده متزوجه بله زوجهه يقبل بهالكلام؟؟

-نجوم: خاله حبيبتي ملاك وداغر من قبببل چانو اكثر من اخوان چانو اصدقاء مقربين وره ماتزوجت رجلهه چان مو زين وياهه ويهملهه وشافت الاهتمام والحنيه من داغر بَـس مو كُـل وقت لان بحساب مشغول ووره زواج ملاك هوه ابتعد عنهه نوعاً ما لان متزوجه وعلاقتهم اختلفت

-تبارك: اي خاله واني وهند صرنه بدالهه وصرنه صديقاته نسولف ونضحك وياه بَـس ملاك چانت تضوج وتنقهر من ابتعاد داغر عنهه مو قصه تحبه والله العظيم وهاي اختي متگعد بحلگهه حچايه واساساً هيه الي رادت رجلهه وكتلت روحهه عليه بَـس بطبعهه تغار ؏ داغر وحتى ؏ امي وخواتي تغار علينه من أي شخص وتريدنه بَـس لبعض

-بيان: فهمت الله يهديهه ويصلح حالهه

-نجوم: امين

صبيت لـ امي گلاص ماي وشربتهه شويه صارت احسن بَـس رجعت انتكست حالتهه وتبارك طلعتهه تشم هوا..

دخلت شُعلة للمنزع تشوف لُباب وصارت تصبر بيهه وتگللهه يمكن تخربط من التوتر ومن هالسوالف..

-شُعلة: حبي لُباب شربي هالعصير هسه تصيرين زينه

-لُباب: ماريد شي ماما اتصلي ؏ فاقد حمووت شبيي داغر اووف يربيي

راحت خالة بيان تتصل ؏ فاقد واني انطيتهه رقمه وبقن شُعلة ولباب واني بالمنزع...

-شُعلة: حبي وجهچ اصفر وهاي عود حاطه مكياج وشوفي جسمچ يرجف دشربي هالعصير ردي عافيتچ وحيلچ شويه
-مااريد شُعلة مااريد ماتقبل شيي +

-شُعلة: لييش مضربه ؏ الاكل والشررب خيه مو زيين وراچ ليله طويله لو تردين تتخربطين عليه بالفندق وهوه بعد ما گايل بسم الله

-لُباب: شنو قصدچ؟

-اقصد اليوم دخلتچ وتحتاجين طاقه اشربي حبي واكلي هاي الكيكة هم جبتلچ

عارضت لُباب تاكل شي وظلت شُعلة تلح عليهه تريد رجيف جسمهه يخف بَـس ماقبلت ابد..

گامو يجون المعازيم والقاعه انترست وندگ ؏ فاااقد ويگول داغر بعده ؏ حاله خلو لُباب تتخبل تبچي وتنوح وتعيط...

-لُباب: ولكممم شبييي هسه غييير افتهمممم امي اخذذذيني اله خلينه نشووفه

-بيان: لچ ووين المكان كله زلمم لُباب

-ميهمنني ماما خااف يموووت شبيچ انتتتي

-تبارك: اسممم الله لُباب شجاااچ

-بيان: حبيبتي تبارك عذروهه رجلهه وخايفه عليه

-لُباب: انطيني المووبايل هسه بحاچينيي جيبي ادگ علييه

انطيناهه موبايلهه وظلت تدگ عليه ومايشيله انوب صارت حالتهه اسوء، مرت ساعة واحنه ؏ هالحال وفجأة واجتنه مكالمه من فاقد يگول داغر اجه للقاعه حتى يشوف امه..

طااارت لُباب بره بَـس لبست كبوسهه لان خاف اكو زلم وصارو الناس يباوعولهه شبيهه..

گالو واگف بالمطبخ داخل من الباب الخلفي، ماعرف شحچي عن مشهد لقائهم يس حرفياً حسيت فراشات صعدن لگلبي..

داغر چان واگف ونازع ستره القاط بَـس بالقميص باقي والرباط مفتوح وحالته مخربطه ووجهه عرگان وصاير اصفر وركضت لُباب اله وغاصت بنصه..

حاضنته بكل قوتهه وتبچيي وتشهگ، شهگتهه اظن سمعت المعازيم البره..

رفعت راسهه من صدره وصارت تلزم وجهها وتباوعله وتگول..

-لُباب: عززا يمه مات گلبي دااغر مااات گلبيي

هوه ساكت مايحچي شي واضح من التعب حيله مهدود، رجعت لُباب تحصن بيه وتبچي...

-لُباب: حبيبي والله متت خوف علييك داغر لتسووي هيچ بعددد يروححي لتأذينني ذيب

هوه لازم راسهه ومثبته ؏ صدره وساكت ميحچي، اجت امي گوه تمشي هسه ياله وصلت وهم راحت تحضن وتبوس بي..حضن حبيباته كُـل وحده من جهة لصدره بَـس ساكت ومايحچي شي عبالك مبلوع لسانه، عيونه غائره وذبلانه ووجهه اصفرررر ليمونه.. +

-لُباب: حبيبي انته زين؟؟ داغر ليش متجاوبننني ترضى دبدوبتك هيچ تتأذه ؏ فراگك وانته متشيل الموبايل عليهه وتطمنهه

-داغر: عذريني

-معذوور معذوور بَـس طمني هسه شلونك گلبي بعدك تعباان؟

هز راسه بـ "لا" وامي استلمته عتاب ؏ نوح ؏ بچي انگلب هالعرس مناحه وعزاء اسم الله..

طلع داغر گال يبدل ملابسه ويرتب وضعه حتى يدخل ياخذون صور وطبعاً لُباب ماقبلت حتى تگول ماكو داعي تجي اذا تعبان واذا يريد بَـس بالزفه يدخل..

رجعنه للمنزع نرتب لُباب وطبعاً هاي نفتر هيچ گدام العالم وذوله صافين يباوعولنه...

-تبارك: اووف لُباب شوفي مكياجچ متخربطط

-لُباب: ميخالف نعدله سمسمه وينهه سمسمه

اجت سَمر تركض عليهه ترتبلهه مكياجهه وعدلنالهه البدله ورجعت جديده بَـس بعدهه عيونهه تدمع وتمسحهن خاف تسيل الكحله..

-سَمر: لچ شنو هالمشهد الرومانسي الصار بالمطبخ حسيت گاعده بمسلسله تركيه هههههه

ضحكنه كلنه ولُباب ضحكت بتعب وهزت براسهه وگالت ؏ كيف...

-لُباب: اني حياتي كلهه فلم ومسلسله ومن اگول لـ ذيب يگولي انتي عايشه بالافلام

-نجوم: حرماات ماصورنه والله الموقف يجنن ويظل ينذكر

-لُباب: ينذكر مينعاد ان شالله متت خوف عليه ونبي گلت خلص ذيبي المهلس راح وخسرته للأبد

صحنه اني وهند وتبارك بصوت واحد...

-داااغر مهلسسسسسس؟؟؟؟؟؟

-لُباب: هههه اي اني اصيحله هيچ

-نجوم: خيه عيونچ چُقل كُـل هالطول والجسم وتگولين عليه مهلس ههههه

-لُباب: شمدريني داده اول متعرفت عليه چنت اشوف دم سنوني ولو اشوفه امووت من عنده اكررهه كره عبالك كاتل ابويه واطلقت عليه هذا اللقب

-هند: خيه الله يحفظكم لبعض ويدوم حبكم ويجمعكم ؏ مخده وحده وجوه غطه واحد الليله اليوم شيشلعه منچ هههههه

گالتهه وغمزت وطگينه ضحك عليهه...

-تبارك: خو انتي من تزوجتي نزعتي المسستحه
-هند: شسوي اذا رجلي سرسرلوغي ؏ گوله لُباب

ضحكنه ؏ سوالفهه واني طلعت اشوف المعازيم بعدما رتبت روحي وعدلت مكياجي، سلمت ؏ اهلنه الجايين واستلموني شلون كبرانه وحليانه وصايره عروس ومن هالسوالف..

افتر من وحده لوحده واخيراً وصلت لوحده استغربت من وجودهه هاي شجابهه هنا؟؟ وشلون اجت لبغداد وحدهه!!

-لچ هلااا بالكييكك شنو هالجمال خرب يومچ

-نجوم: هلو استبرق شلونچ؟

-استبرق: والله هسه صرت زينه مشتاقتلك حبيبي مووووت

-نجوم: تشتاقلچ الجنة منو جابچ هنا؟

-اجيت ويه مرت ابوي تعاي تعاي نسولف هناك اريد اعدل مكياجي

جرتني للحمامات ودخلنه چانت اكو بنيه واگفه تتمكيج كملت وطلعت بقينه وحدنه...

-استبرق: دخيل الله جمالچ لچ نجوم خبلتيني وعلي

-احم شكراً سوسه

-لچ جسمچ شگني نصين دبااع الصدرر والخلفييه يبووو

ابتسمتلهه بدون ماجاوب وشو هاي فجأة جرتني وباستني، دفعتهه عني بقوه وغطيت وجهي بأيدي...

-استبرق: شنوو شبيچ؟؟؟

-هااا اءء مادري بَـس لتعيدين هالحركات

-استبرق: ليششش عينيي؟؟؟ لازم ماعاجبتچ

-لاا بَـس خلينه نرجع مثل قبل صديقات بدون هالسوالف

-بَـس لاا لگيتي غييرري؟؟؟ حبيتي غيداء مووو والله عررفت من اجتتت غيرتچ عليه

-لا استبرق شبيچ بَـس اني تغيرت وصايره تلعب نفسي من هالسوالف

-تلعب نفسچ منييي نجووم؟؟ احنه مو كبُل شنوو بعد هالسوووالف؟؟؟

-صوتچ يمعووده حبابه استبرق خلينه نرجع بنات طبيعيات بدون هالشغلات والحركات

-استبرق: احبچ انيي انتيي شتحچييين

-واني احبچ بَـس غلط هالسوالف وحرام

-هاااا هسه گمتتتي تدورين حلال وحررام ليش عيييني من شووكت انتي تهتمين للمحرمات؟؟!!

-تغيرت اني كافي استبرق

-اكوو واحد لاعب براسچ احچييي ولچ!!!
-مااكو احد كافي اريد اروح +

عفتهه وداطلع وجرتني من ايدي وعضتني حيييل من يم رگبتي من وره، شاغت روحي الم وصحت بيهه بصوت عالي...

-شبييييچ انچلبتتتتتي

-استبرق: انچبيي ولتعلين صوتچ عليه انتي موو حبيبتي شغيرچ عليه لو گولي اكو گو** عجبچ وتردين تفلتين مني

-ماكو احد والله شبيچ واصلاً انتي تدرين بيه ماحب الزللم بعد شكوو

-ايي لان احنه سحاقـ** مندور ولددد

سكتت عنهه ومجاوبتهه، مدت راسهه تشوف خاف احد يجي وتقربت عليه حاوطت خصري بثنين ايديهه..

-استبرق: نجوم احنه لبعض ونظل طول عمرنه لبعض ماشي حُبي لتعوفيني والله اموت

-اريد اروح استبرق خواتي وزوجة اخويه منتظريني انطيهم شغله

-؏ طاري زوجة اخوچ شفتهه ولچ تموووت شگد حلووه حرمات رح تتزوج

-شقصدددچ؟؟؟

-ههههه اموت ؏ التغاار

-نجوم: ما اغار بَـس هاي زوجة اخويه ماقبل تحچين بيهه بهالطريقه

ضحكت وباستني بخدي ورادت تعضني ودفعتهه...

-نجوم: بعدين استبرق مو وكتهه

-ماشي عمري اخذي راحتچ

عفتهه وطلعت من الحمامات والبچيه حاصرتني ماعرف شلون اتملص منهه وكل يوم جاي احس روحي اغرگ واروح بين الرجلين..

استبرق اكثر من مره صايره تتجرأ بحركاتهه ويايه وقبل كم يوم بالمدرسه رادت تلمسني بطريقه بشعه وماقبلت وتهربت منهه..

كلام فاقد يرگع براسي وبگلبي واريد اخلص وارجع طبيعيه قبل لا داغر واهلي يفتهمون وهالمرة صدك اروح بين الرجلين هاي اذا ما داغر يقتلني...

رجعت للمنزع چانت لُباب ستوهه لابسه البدله المارونيه وتحظرت حتى تطلع گدام الناس..

طلعناهه بالهلاهل والرگص والمصوره تركض وراهه هيه والكامره وتاخذ لقطات، گعدت ؏ الكوشه والعيون تتطاير عليهه وكل وحده من النسوان لازمه الثانيه ويبسبسن بعد ماعرف عليمن تدور محادثتهن يا ترى يحچن ؏ العروسه لو ؏ القاعه لو ؏ اللبس بَـس اكيد احاديثهن تدور ؏ هالمواضيع..

اشرتلي بيبي حسنة اروح يمهه وچانت بصفهه گاعده شُعلة، تقربت عليهن وسلمت وبيبي گالت...
-حسنة: شماله اخوچ يگولون مريض؟ +

-نجوم: اي والله يا بيبي وگع من طوله واصدقائه تلاحگوله

-حسنة: ليش هالابن الحرام هم عنده صحبان

-نجوم: شنو؟؟

-حسنة: منو صحبانه؟

-نجوم: هواي عنده فاقد ورضا وخلدون واديب وبدر

-حسنة: هيهيييي لو يعرفون اخوچ منو وعلي محد يعاين لوجهه بعد

-بيبي مجاي افهم عليچ اني!!

-شُعلة: حبيبتي نجوم عمتي ماتقصد شي بَـس زعلانه ؏ داغر لان تخربط

-نجوم: شو مامبين زعلانه ؏ اخوي

-حسنة: غدددي مازعلانه ولا تگولين عنه اخوي ولچ بررره منه ومن اصله هالابن زنااا

فكيت عيوني مصدومه من كلامهه هاي بيبي خرفت لو شنو سالفتهه...

-شُعلة: عمه كافي حبابه

-حسنة: خايبات دنچبببن هوه قحطان انطاه عين وزايده منه كبره وسوا بگد الثور

-نجوم: بيبييي ليش تحچين ؏ اخووي ترا مااقبل عليييه

-حسنة: هاي العايزة صغيرة الگوم ماترضى نجيب طاري ابن الگحـ* والگو*

-نجوم: انوب تحچين ؏ اميي ليش بيبي حرام علييچ

شاورتني شُعلة ؏ كيف..

-نجمه روحي حبيبتي معليچ بعمتي

-نجوم: شُعلة انتي جاي تسمعيهه شلون تحچي ؏ ذيب شسالفه بيبي ترا حراام تحچين بي بهالطرريقه هذا حفييدچ

-حسنة: انطمممي منين اجه حفيدي لو صارو زيد واعبيد احفادي هذا مو اخوچ هذا ابن وحده واطيه وامچ ربته ومصدگه هوه ابنهه بَـس اني اعلمهه لوما افضحهم واشهرهم ماطلع حسنة

فاكة حلگي ؏ حچيهه ماجاي استوعب كلامهه ولا استوعب حرگتهه وهيه تحچي وشلون تباوع لـ لُباب وتتوعد...

-حسنة: والعباس مرته بَـس تعرف بي تعوفه وهوه غاشهه هالشكل مصدگ روحه عباله صدك ابن التاجرر قحطاان الـ^^^^^ وهوه كله ابن وحده مـ**** من واحد زنديق

گلبي يرگع وعيوني احسهن حرگني، اذاني صارت بيهه وشه معقوووله داغر مايصير ابن عمو قحطاان يعني مو ابن عممنه ولا ابن سحرر لعد ابن مننن!!!

طلعتني من حالة شرودي شُعلة من سحبت ايدي ومشت بيه يم المنزع...

-شُعلة: نجوم حبي ماعليچ بحچي عمتي لا تصدگيهه
-داغر مو ابن ابوي قحطان؟؟

-شُعلة: حبيبتي لا تحچين لأحد زيين خطيه لا نسوي مشكله

-انتييييي شتحچيييين تخبلتتووو انتي وعجوووز البيييين

صرخت بأعلى صوت والنسوان القريبات يمي اللتفتن يباوعن شكو...

-شُعلة: حُبي اهدي وخلص انسي الحچي الگالته فدووه

دفعتهه عني ورحت للمطبخ وراسي دمرررني احسه مثل الطاحنات الهوائيه جسمي كُـل شويه يكشش ويرجع طبيعي وظليت هيچي العرس كله حتى من طلعنه زفه بقه هالاحساس عندي لحدما رحت لـ فاقد ماكو غيره يشرحلي.....

**

"لُباب"
گلبي طاااير وابتسامتي مدا اگدر اخفيهه، اليوم اگدر اصنفه بأسعد يوم بحياتي بغض النظر ؏ الصار قبل شويه من داغر اتخربط ووگع..

حاولت ماتذكر الموضوع واركز ؏ فرحتي وع صديقاتي المحاوطاتني ويرگصني وحنوني والمُلا تقره وتهوسلي..

القاعه بارده واحس جسمي صاير قالب ثلج عكس مشاعري المليانه دفو وحُب ولهفة لـ داغر..

صار الوقت الي اللبس بي البدله البيضه حتى يجلوني ويدخل داغر عليه..

لبست بدلتي بعدما لبست اربع بدلات قبلهه تعويض للحنه الي مسويتهه وطلعت القضى والمضى هنا من رگص ومن فرحه ومن لمه..

بقت خاله ؏ اتصال ويه داغر وشگد ردت احچي وياه وامي متقبل تگول خلي يكون ملهوف عليچ..

كملت كُـل ترتيباتي بالمنزع وطلعت للقاعه وعيون الكُل متوجهه عليه، امشي واسمع الهوسات والهلاهل والاغاني..

لازمه المسكه بيدي والبرگع محاوط كتافي وراسي بَـس صدري ورگبتي واضحات..

وگفت ؏ الكوشه وانطوني قرآن وگالو اقري سورة الفتح بينما المُلا تجليچ..

حاوطني اربعة بنات عذراوات (مامتزوجات) نجوم وتبارك وصديقتين الي..

اشتغلت الموسيقى الهادئه والبنات رافعات شال ابيض طويل وعريض فوگ راسي وينزلنه ويرفعنه ؏ كيف والنسوان كُلهن صافنات علينه..

بدت المُلا تجليني وتگول هالكلمات وتجرهن ويه الموسيقى خلتني انصاب بقشعريره وگلبي صار يدُگ حيييل...

"أمينة في أمانيها
مليحة في معانيها

تجلت وانجلت حتى
سألت الله يهنيها
جبينها كالبدر ياضي
وريقها يشفي أمراضي

لها رب السما راضي
وأحسن في معانيها"

المراية گدامي وصينيه الحنة المتروسه حلويات وحنه وياس اخضر محاوطهه ومعلوگه شمعه چبيره مزكرشه لونهه ذهبي وقاعدتهه ذهبيه ومزينه بورد ذهبي وماروني يوالم الثيم مالتي والكوشه...

لحظات بعمري ما انساهن ولا انسى ترتيبات عرسي الي چنت متمنيه يكون هيچ ومتمنيه يكون بهالفخامه والجمال..

خلصت الجلوه وماما اجت تبوسني وتباركلي وهدتلي سوار ذهب ووياه تراچي، وخالتي شالت ظرف بي فلوس وانطتني وسمر انطتني محبس ذهب واخيراً اجه وكت اهل العريس يهدوني..

تقدمت بيبية داغر حسنة ولبستني معاضد سته ثگال وكُلش حلوات بَـس حسيتهه من انطتنياهن چانت گالبه وجهها ومعاجبهه بَـس غلست وتشكرت منهه وبست راسهه وايدهه حسيتهه نشنشت وكيفت كُلش لان قدرتهه وبست ايدهه..

اجن خوات داغر وكُل وحده بوستني وباركتلي واخيراً اجت خاله سحر دموعهه تجري بوستني وحضنتني وظلت تشكر من عندي مادري ؏ شنو..

چانت شايله علبتين مقدفات لونهن اسود كبار طلعت من العُلبة الاولى هديتهه وهيه عباره عن گلاده كُلش چبيره وطويله والميداليه مالتهه مدوره وبيهه شغل هواي حسيت بثگلهه من لبستني.. ولبستني وياهه چف حلو ونازل ووياه محبس..

ومن العُلبه الثانيه المُلا رأساً صاحت من السماعه...

"هدية العريس لعروسته"

ابتسمت من طلعت تاج ذهب ونازل منه مثل الدندوشه تصير ؏ الگصه ووياهه زنادي يجنننن من صدُك مُرصع بفيروز ازرگ لبسته ؏ زندي وامي كُلش كُلش عجبهه باوعتلي وسوت حركه بعيونهه وابتسمتلي..

فرحت بهديته وتمنيته هوه يلبسني بَـس ميهم يجوز همه هيچ عاداتهم امه تلبس العروس..

بقينه شويه گاعدين ويباركولي ونزعت الذهب لان صرت هنديه متروسه من فوگ ليجوه، بقيت بَـس لابسه الزنادي لان كُلش عجبني ومردت انزعه..

صاحو رح يدخل العريس ولازم اوگف بالباب حتى ندخل سوه ويعلگون موسيقى هادئه ويطشون علينه ورد بنات صغار..

طبعاً هالترتيبات كُلهن مني وصارلي ايااام اخطط وارتب والحمد لله كُلشي مشه تقريباً عدل..

وگفت انتظره ونزلو البرگع ؏ وجهي بَـس گلبيي يبوو يركض ركككض دگاته تسمع الاطرش خصوصاً من سمعت صوت الهورنات والدنابگ البره من گد ما عاليات واضح الزلم عالگيهه..منصيه راسي وانتظره دريت بي وصل من الهلاهل الشعلت الدنيا وخاله سحر ماخلت هوسه ماگالتهه... +

-سحر: ياهلللل القووووط نزعووو القوووط وليييدي لبس قاااطه

تهوس وتهلهل وترگص وخواته وياهه وبعد كم بنيه محاوطينه ويهوسون، وگف داغر بصفي وبقيت منصيه راسي مادري شلون حالته خاف بعده ماله خلگ ومريض..

دارني عليه ورفع حنچي بأيده وشال البرگع عن وجهي وباس گصتي، وگف گبالي وصرنه عين بعين ابتسملي ورديتله الابتسامه..

شكله چان زين صح وجهه بعده بي صفار بَـس احسن من قبل شويه..

لزمنه ايدين بعض وتمشينه للكوشه والموسيقى معلوگه والمصوره تمشي گدامنه تصور..

وصلنه للكوشه وگعدنه واشتغل الديجي والهوسات من كثر الردات والگولات الگالوهه ماتذكر شحچو وشگالو بَـس اكثر وحده اتذكرهه بوضوح ورددوهه هواي هيه...

"هوه الرادهه هوه النعجب بيهه هوه الگال لأمه روحي خطبيهه"

بقيت مبتسمه وماخذه وضع الصامت، اباوع لـ داغر ابتسامته من الاذن للاذن مبين عليه شگد فرحاان وممصدگ..

صار الوقت الي نرگص سلو سوه، گومني داغر ومشينه ؏ كيف وفرغولنه المكان حتى نرگص براحتنه..

علگو اغنيه رومانسيه وذيب حاوط خصري بأيده واني حطيت ثنين ايديه ؏ صدره..

نتحرك ؏ كيف ونتمايل ويه الموسيقى وواحد يباوع للثاني ومبتسمين منعرف شنو نحچي او شلون نعبر عن مشاعرنه تجاه بعض..

اول كلمة گلتهه هيه...

-شلون صرت؟

-داغر: بشوفتچ زين

-عليك الله؟

-والخلقچ

-لُباب: بعدك تعبان؟

-ابد

-متأكد؟ اذا متگدر نرجع نگعُد

-داغر: مابيه شي گلبي

-شصار وياك اليوم؟

-لنحچي بهالموضوع هسه

-شنحچي لعد؟

-نحچي بجمالچ الشلعع گلبي شلعع

-هههه عجبتك؟-ليش يا يوم ماعاجبتني انتي حتى باليوم الطلعتيلي بكفشتچ والوجه اصفر هم چنتي تخبلين +

-يااا هاي شووكت

-كل وكت

-عززا داغرر

-يـ راحة داغر يا روح وفرحة داغر يا حلم داغر

-لُباب: احبك

فتح عيونه شلون المامصدگ، بلعت ريگ وعدتهه مرة ثانيه بصوت اهدئ..

-احبك حبيبي

-داغر: انچبي

-شنووو

-انچبيي

-هاي شبييك مو صوچك صوچي اني الأكولك احبك

-انعل يومك فاقددد

-شكوو شسووييت

-چا هناا تحچيهه گدام العاالم

-واذاا

-شلوون تهيجنه بنص الوادم

-لُباب: ذيبي حبيبي شبييك

-انعل ابو ذيبچ

-هههه احبك

-الله ياخذني

-اسم الله عليك يروحي

-اشتعل فاقد وابو لدغه واديب وخلدون وابوي واني وياهم

-كافي عاد غازلني داده ترا ضجت

-ماعرف والحُسين

-لعد منين متعلم ترگص هيچ؟

لزم ايدي ورفعهه وخلاني ادور حول نفسي وابتعد شويه وجرني عليه بسرعه ولزگنه ببعض..

باس راسي وخدي وراه ونزل ؏ رگبتي واسمع النسوان يصيحن "هااا هااا هاااا مو هناا يمعووود"...

متتت خجللل وهوه ولا اهتمم يا جبل ميهزك ريح..

-لُباب: ماما ؏ كيفك مو هيچ

-اموت عليچ مامي

-هههه واني اموت عليك

-داغر: كافي لُباب كافي

-شبيك داغر؟

-حاي تعذبيني والحُسين

-اووّك ماشي هسه مگتلي منو معلمك ؏ رگص السلو وهالحركات؟-لو اگلچ تطلبين الطلاق

-يااا ليييش

-لا تعرفين احسن

-لُباب: لتگولي فاقد علمك؟

ضحك وظل ساكت عززاا ذوله شنو من شي حتى رگص فاقد يعلمه والله لو هيچ الاصدقاء لو مينرادون..

-داغر: هذا الضلع الماينشلع

-هههه ضلع مينشلع ونازل بي دگ سب ولعن

-عادي هاي من حُبي اله هذا اخوي وصديقي واعز من روحي

-الله يحفظكم لبعض ويرزقكم بالذريه الصالحة ههههه

-عدنه ذريه عدنه

-عزا منو هذا

-داغر: چا عبوسي وين راح؟ هذا ابننه

-هههه ذيب اييع لعبت نفسي

ضحك ورجع باسني وخلاني احاوط رگبته، قرب وجهي من وجهه وفرك انوفنه ويه بعض وضربت انفاسه المختلطه بالنعناع المنعش الاحب ريحته وجهي..

-لُباب: داغر اني شنو بالنسبه الك؟

-كلشي

-لُباب: حدد كلشي

-ماگدر

-زين شگد تحبني؟

-ماعرف

-يااا شسالفه

-لان كلما اريد افسر حُبي الچ لو حتى اقيسه ويه شي مدا اگدر مدا اللگه شي يوصف دگات گلبي من اكون وياچ ولا توتري من تتقربين عليه ولا راحتي وفرحتي من تصيحيلي "ذيبي" احبچ شحمتي اكثر من أي شي بهالدنيا انتي اميرتي واميرة گلبي ومستحيل تجي وحده تسكنه غيرچ

-اووووف گلبي شهالحچي عفيه لتگول فاقد علمك حبااب

-لا طالع من گلبي هذا

-داغر اليوم متت خوف عليك گلت خلص خسرت حبيبي وراح من ايدي بعد منو يداهرني ويسوي سوالف سرسرلوغيه ويايه ويبزعني

-اليوم نخرخر رذاله وسوالف سرسرلوغيه

-هههه ذيب اسكُت استحيي

-اموت ؏ رب اليستحوون

باس راسي ورجعنه للكوشه وامي اللتهت تلبسني الكبوس وتبچي ؏ فراگي..

ودعتهه ودموعي عشششره عششره انتهيت حتى مكياجي تخربطت واحوالي كُلهه..
-بيان: لبوة بنتي لتگطعيني ترا ماعندي غيرچ اني انتي ضوه حياتي وشمعة البيت +

حضنتهه وثنينه نبچي ونشهگ شلعونه شلع من بعض وطلعني داغر لازم ايدي ويگودني خاف اوگع لو اعثر..

صوت الدنابگ والاغانيي والطلقااات التتطاير ماگدر اوصفهن بَـس بين قوسين شعلو الدنيا شعللل..

دخلني داغر للسياره وگعدني ليوره، رح يزفونه بسيارته همزين مظلله اگدر ارفع الكبوس واشوف الزفه..

صعد داغر ويايه وافتهمت ابو لدغه راح يسوق لان فاقد يوصل خوات داغر وامه..

طلع ذيب راسه من الجامه وعاط...

-داغر: ولكممم يلللللهههه اشتعلوووو ابهاااااتكم

صاح واحد ماعرفه لازم سلاح بيده ويغني...

-زفووووني مااااريد العششششششه زفووووونييي

يقره ويضرب طلقات بالهوى، گلبي رجف من شفت فاقد شايل غدارة بيده ويرمي بعيد جسمي صار يرعش من الاجواء كُلهم جماعة داغر وكلهم ضباط ومسلحين محاوطينه ويرگصون ويهووسون..

خو اكو مجموعه گدامنه لابسين الزي العسكري وگظوهه رگصص للگاااع..

اندار داغر عليه وانتبه ؏ ايدي ترجف وافرك بيهن، شهگت من طبب راسه بالكبوس مالتي وصرنه وجه بوجه..

-عززا داغر فشله وخرر هسه شيگولوون

-داغر: ومنو هنا غيرنه

-حتى لو خاف يبين

-چؤ مايبين هسه تعاي انطيني قُبلة

-مااا صير حبااب

-داغر: تنطيني لو اللعب شناو گدام الوادم

-ذيب عيب رووح لمكـ......

مخلاني اكمل واخذ شفايفي يبوسني بشغف بدون ملل، ابتعد عني وگال...

-افيييششش هسه ردت روححي

-داغر طلع راسك من الكبوس خاف يجي السايق

-لا مايجي هسه حاير يرگص

-هههه لك ماما رووح

-شوكت نوصلل للفندددق اليوم الشناو غير شكللل

-حبيبي روح استحي شبييك

-سمعي مابيه حيل اظل اتوسل واقنع اريدچ تصيرين زوجة صالحه اليوم

-ذيب وخر ماريد رجعني لأمي
-لااا بله لو تموتييين اليوم شيخلصچ مني

ضحكت خجلانه وهمست...

-احبك ذيبي المهلس

-اموت ؏ التفيسات

دفعته وطلع وجهه من الكبوس، اجه ابو لدغه وعلگ الجووو عللللگ وخاله سحر گاعده ليگدام بصفه وثنينهم گابلو بعض ويرگصون...

نزيت من طلع ايده من الجامه وصار يرمي رمي عشوائي، داغر لزم ايدي حتى اهدأ وما اخاف وعاط بـ رضا...

-داغر: لكككك ابو لدددغه كاافي يمعود لا نبتلي بهالليل والعباااس اللعب بيك شنااوو اذا گطعت ليلتي

-رضا: يبوووو ولكم زوووجوووني

-داغر: انچب وسوق

-رضا: تأمغ امغ (تأمر امر)..

وگفو بنص الطريق واخذو الشارع من الطوووول للطول رگص ورمي داغر مقبل ينزل يرگص اصلاً عادي ممستغربه لان لو يموت ميخالط هالگد ناس..

تبادلو ابو لدغه وفاقد واحد اجه بمكان الثاني وصار فاقد السايق مالتنه وعبوسي وياه...

-فاقد: الييييوم ليللللتك لككككك گو* هههههههههه

ضربته خاله سحر ؏ چتفه ورزلته بضحك وداغر هم رزله...

-داغر: اشتعللل گلبككك فاقدد لازم تبعرهه

-فاقد: خوووية صرت بعيير من گد ما ابعررر

-داغر: هههههه طاح حظظظك

-فاقد: النشششنشه النشششنشه

يحچون بالاغاز واني مثل الاطرش بالزفة كلشي مافتهم..

وصلنه للحله ونزلنه لفندق بابل شكله يجنن من بره ومتأكده من جوه بعد احلى..

نزلنه واهل والدنابگ والزنبور يركضون ورانه لحدددما دخلنه للفندق، خاله ايمان وسمر وأمي چانن ويايه وخوات داغر كُلهن دخلن..

مأجرين سويت چبير وحلو كُلش، اول مدخلت نزعوني ورتبوني وامي لزمتني دگ نصااايح خلتني اغط بهدومي من الفشله..

جابولي جنطتي الي محظره بيهن شغلاتي وسلمو عليه وباركولي وطلعو بقينه اني وداغر...

-داغر: اذا تحبين تسبحين وتبدلين الحمام كله الچ

-لا حبيبي انته فوت اسبح ادري بيك گوه واگف
ههههه صايره تعرفيني لچ گوگه

-داااغرررر تااالي وياااك

ضحك وراح للحمام يسبح واني انتهزت الفرصه ونزعت بدلتي، معانيت منهه لان ممنقوشه وصايره عدله فَـہ بسرعه نزعتهه..

لبست سيت نوم لونه اوف وايت يوصل لنص الفخذ وفوگاه روب تول كُله شغل ومطرز يجنن..

غسلت ايدي ورگبتي وصدري من بوري المطبخ ورشيت عطر وعدلت مكياجي..

وره نص ساعه طلع داغر شعره يگطر ولابس تراك نيلي..

راح يتعطر واني حضرت العشه الجايبته ماما ؏ الميز وبعدني دارتب وداغر صار ورايه حضني من وره وباس خدي...

-لُباب: گلبي جوعان؟

-ميتتت جووع

-يله نآكُل

-لا بله؟

-شنو لعد شتريد؟

-داغر: آكلچ طبعاً

-داغررر

گلتهه ومديت شفايفي معاجبني، دارني عليه وباسني منهن وهمس...

-يله كبد لاحگين ؏ الاكل

-لا لا استحي ماريد

-لبوة شبيچ

-مو احم...

-اشش لا تخافين

رفعني وشالني من الگاع وشمرني ؏ الچربايه وبدت ليلتنه.. گظيت ليله مجنوووونه بمعنى الكلمه وياااه..

حبيت كلشي منه لمساته بوساته حضنته وحتى همساته الحلوه وغزله الناعم الي خله گلبي يرعد....

للصبح ما نام وهوه يسولف ويايه ويدغدني ويضحكني وحتى فلم تابعنه سوه..

جاب حبشكلات وكرزات وجرني گعدني بين رجليه وگعدنه نتابع فلم رعب هههه خبال بَـس ثنينه نحب الرُعب واتفقنه عليه...

كُـل شويه جار نستله ويوكلني واني افلسله كرزات واوكله وگظينه الوقت كُله هيچ للصبح لا تعبنه ولا ردنه ننام...

-داغر: كبدبد ما نعستي؟

-لااا اريد نوتيلااا

-مو زين حبيبي كومه حلى اكلتي اليوم

-لُباب: حبيبييي اررريدد

-اشتعللل حبيبچ هسه شلون تخليني ادمرههه اليوم

-مااا داغر شبيييك

ضحك وگام عني واني متمدده بمكاني، طلع شيشة نوتيلا گلت لأمي تنطيني ادري بروحي اجوع بالليل وآكُل..

رجع لمكانه وجابلي خاشوگه وگعدني بحضنه آكُل وهوه صافن عليه وووووو گظيناهه هيچ....

وختمتهه بنووومه عميقه بين ايديه واحس بي يبوس براسي ويهمس بأذني كلمات غزل وحُب...

غفيت وحسيت بين النوم واليقظه وهوه لسه ؏ هالحال وهمس بجمله خلتني اصحى...

-داغر: بَـس هالليله عوفيني وياهه لا تخربيهه عليه دخيلچ.............

يتبع 🐺...

#ذيب_بابل 🐺🔥

✩✩✩✩✩

كل عام وانتم بالف خير سنه سعيده ان شاءالله
إلى كل الاعضاء في قناتنا اعفوا واصفحوا ، وابحثوا عن أحلامكم واسعوا لتحقيقها، فالحياة مجرد لحظات عابرة . أتمنى لكم سنة سعيدة ♥️
@krarhaeder

#ذيب_بابل_ج٢

[البارت السادس والثلاثون (الجزء الثاني)]

"نجوم"
گلبي يدگ وجسمي كله يرعش ماعرف شلون افتح هيچ موضوع حساس ويه فاقد معقوله يدري بالسالفه لو راح اللوصهه لو افتح عليه باب وبالنهايه اني الي انكتل..

مشيت بخطوات ثقيله للاستقبال اسمع صوته يحاچي امي، مديت راسي اباوع چانت امي تلوب وتفرك بيدهه قوي..

بَـس شافتني هدأت وحچت متوتره...

-سحر: نجمة ماما روحي نامي

-نجوم: ماما شبيچ؟

-ماكو شي بنيتي روحي نامي ارتاحي تعبتي اليوم

هزيتلهه براسي وباوعت لـ فاقد گاعد ومچتف ايده ويباوعلي بعيون حاده...

اشرلي براسه بمعنى "خيرچ" اشرتله بأيدي حركة وهوه چنه مافهم، عفته وطلعت من الاستقبال وصعدت لغرفة تبارك فوگ، اخترعت من سمعت صوت نحيب تبچي بونة وتگح..

دخلت عليهه ملهوفه...

-تبااارك شصصصاير؟؟؟!

مسحت دموعهه بچفوف ايدهه الصغيره وحچت بصوت مخنووگ گوه طلع من اوتارهه الصوتيه...

-تبارك: طلعي حبيبتي

-تبو شبيچ حبي منو وياچ؟

-محد طلعي نجوم حبابه تعبانه اريد انام

انكسر گلبي عليهه عرفت عليمن تبچي اختي المسكينه ماكو غيره ابو لدغه التحبه، هاي اختي الوحيده تختلف عنه فاهيه وجبانه تقدم تنازلات وهيه ينكسر گلبهه ويتحطم عادي..

رجعت جوه اتسمعلهم فاقد چان يگول...

-يمه شبيچ مابي شي!! يعني لو تخربط چان لبابه دگت عليچ

-سحر: مادري فاقدد گلبي يلعبب ما مرتااحه

-شسالفه رجال ومرته بليلة عرسهم شكوو تدگين علييه وتگطعين ليلتهمم

-وللك ؏ الاقل يدزلي رسسساله يريح گلبيي

-يعني شنووو منتظظظره يگلچ تحررت القدددس!!

-ولككك لاااا مو هذا قصدي بَـس صارله چم يووم يتخربط بالليل ويصيح من ظهره خاف هناك هم تخربطت احواله ؏ الاقل يدزززلي رسسساله

-يجوز غالق جهازه شووفي شوفيي هاا اهاا دزيتله رساله وماعنده نت يعني ما مكنك ؏ الفندق ماعنده وقت تلگين ملتهي ويه مرته

-ومن يمممته هوه يكنننك ؏ الفندددق كله بخطططه لك فااقد اكووو شي اخذني للفندددق

-خرررب حظظظي اشتعععل بخخختي لچ يمممة عيييب تطبين عليهممم شتگووولين ليييش تخربين دخلللتهم هيه ليييبه من العمممر

-وانتتته بَـس هذا اليهمممك امممشي ولك اخذنييي ما يحترگ گلبك ؏ صدييقك واخوووك

-والعباااس ذيب اخوي مو صديق بَـس ماييصير مايصصلح يا عيني

-وخررر انته ما منك فائده اروح وحدي احسن

-والعبااس ابو فاضل ماترررحين روحي نامي والله مابي شييي رحمه لذاااك الرجال الطططيب روحي نااامي

-اني اعلممك فاقققد اني الككك

-اي عود علميني بَـس من تگعدين الصبح روحي نامي يمه حبيبتي شنو ماتعبين انتتتي چنچ جني تفترين

-اني اعلمك

شردت بسرعه للمطبخ وامي طلعت وراحت لغرفتهه، رحت اركض للاستقبال خاف فاقد يطلع وهمزين چان ستوه ديفتح الباب يريد يروح وصحت بي ؏ كيفي..

-فاااقدددد

اندار يباوعلي وباوع لجسمي استحيت لان چنت لابسه تراك شويه ظيگ عيب اللبس هيچ گدامه...

-فاقد: نعم؟

-اگلك عندي حچي وياك تعال نگعد

زفر نفس ورجع موبايله بجيبه وگعد ؏ القنفه رحت اگعد بصفه بَـس مو لزگ يعني بيناتنه نفر...

-نجوم: اريد اسألك سؤال وحباب جاوبني بصراحه

-خوش بَـس روحي بدلي ملابسچ ماتستحين انتتي!!

يبووو فشلني طاح حظي اي والله، طفرت للغرفه لبست روب فوگاهن ورجعتله...

-نجوم: بدلت

-شوف الوكحه تگلي بدلت

-اهووو فاقد شبيييك ترا ازعل واروح

-طبچ حريشي روحي

-شگد غثثيث انته

-جلدچ يحكچ اليوم؟

-لااااا شسالفففه

-اي بعد علي صوتچ خلي امچ تجي تطيح صبغچ تستاهلين

-هفففف كافي عااد

-اللغي ولچ خرب عرضچ تعاي تعاي انتي حتى گدام اخوچ تلبسين مثل گبل شويه؟

-اي

-وعلّيييي تعل گلبچ شلوون يقبل داغر تلبسن هيچ گداامه

-اولاً ذيب مايبصبص علينه ثانياً احنه خواته

-غير تستقرر باابه مو خواته انتن بنااات عمممه

-نفس الشيي هسه المهم لتضيع الموضوع

-شنو احچي

-سمعت شي خبلني اليوم

-وهوه؟

-داغر مو ابن ماما سحر

فتح عيونه ؏ وسعهن وضربله دالغه بخلقتي...

-شنو شبيك؟؟

-فاقد: احترگو عشيرتي عيونچ يخبلن

-عزا صدك والله؟

-والعباس هاي اول مرة انتبه عليهن

-صدددك؟؟ اوگف خليني اروح اشوفهن وارجع مو ترووح

-يله بسااع

ركضت للحمام مثل الغبيه اشوف عيوني بالمرايه صفنت بيهن اي والله عيوني يخبلن..

ماطولت عشرين ثانيه ورجعت للاستقبال چان فاقد ماكو، ركضت اشوفه وين چان ديريد يطلع من باب الحوش..

-فاااقددددد

نز ؏ صوتي واللتفت...

-وسسسسسمممم شكوو

-وييين راايح لوو ضحكت عليه وفلتت

-ولچ عوفيني شكوو

-حباب وين رايح اريدك تسولفلليي

-عندي شغل نجمه

-چذاااب رايح لنسوااانك

-وانتي شعليچ؟

-بعدك تتزوج متعه فاقد!!!
-ولچ شنو هالصلافه انتي شكوو

-لك عيب والله عيب بحقك

-امشي ولي سوسي

بلعت ريگ وانهضمت من حچايته، حسيت گلبي انعصر عصصصر..

-فاقد: شبيچ بوزتي؟

-معليك هسه سولفلي شنو سالفه داغر؟

-شعليچ انتيي وهاي يا بربـ*** حاچيتلچ؟؟

-ماما حچت بالسياره لأبو لدغه وبيبي حسنه كملتهه

-اي والله هاي ملكة البرابيك هاي الگ*** ياخذن عدهه دروس خصوصيه

-صدك عود بيبي مو زينه؟

-معليچ هسه تعاي سولفيلي شحچت هالمـ........

گطم حچايته وفرك وجهه...

-فاقد: شحچت هالمنتوله ام الگمل؟

-تگول داغر مو ابن امي سحر وعلساس هوه ابن حرام

-وشتردين تعرفين هسه؟

-صدك هالحچي؟

-انتي شنو رأيچ؟

-چذااابه

-فاقد: خلص

فتح الباب وراد يطلع وجريته من ايده وسحبته...

-فاقد شبييك

-انعل ساسي نجووم وخري عني ماعليه انييي

-احچيييلييي عن الموضوع حباااب بداعت ابنك عبووسي

استغفر بهمس ودخل للبيت، گعد ؏ القنفه وگال...

-ممنوع منعاً باتاً تحچين لأي بشر عن هالموضوع اني چان ماحچيت لوما دريت بيچ سامعه من امي وخاف تبعريهه والعباس نجوم اذا افتهم حاچيه حتى لو لروحچ بالمرايه اطيح حظچ

-لا لا ماحچي بَـس منو يعرف بالسالفه؟

-اني وابو لدغه بسسس ماكو غيرنه وانتي اذا حچيتيي عقابچ غيييرر

-ماحچي والله شبيييك

-حتى لسوسي ماتحچين

-فاااقد عوفهه ماريد نجيب طاريهه

-هاا شعجب مو هاي الكبل مالتچ

-معليك بيهه ختولي

-المهم هسه شتردين تعرفين؟

-داغر مو ابن عمو قحطان؟

-فاقد: لاء

-لعد ابن منو؟

-يصير ابن صديقه امي سحر

-عزاااااا لعد شجابه علينه؟؟؟

-امه توفت وامي سحر ربته

-لييشششش

-لان ماتصير عدهه خلفه وربت داغر وصار ابنهه حتى رضعته مرت اخوهه سندس حتى يحل عليهه

-لعد مو ابن حرام؟

-نجوووم شعليچ بهاللغوة وهاي تچذب ماعليچ بيهه

-مو شوف راسي افتررر

-ماكو هالحچي واليگول هيچ چذاب يله تردين شي اريد اروح؟

-اي اريد

-شنو؟

-تساعدني

-فاقد: بشنو!

-اريد اخلص من استبرق.......

**

-اوووف حبيبي تععععبت

-يله كبد ما ظل شي

-لُباب: داغر خليني امشي ؏ رجليك حباااب

-هاي العايزه تردين تفشلينه گدام الوادم لچ بابه صيري حبابه وامشي

-ونبي محمد رجليه صارن خيوووط

-ميخالف امشي شويه شويه

امشي واللهث صارلنه ساعتين ونص نفتر هلككت، اليوم صارلي 11 يوم متزوجه وبعدنه بـ ماليزيا..

تونست ونننسه بحياتي وعمري ممتونسه هالشكل، داغر ميخلي شي بنفسي شنو اريد وين اريد نگعُد، شنآكُل، شنشرب، وين نروح كُله يگول تأمرين وتدللين ميمل ولا يبزع مني ومن طلباتي..

اليوم الحظ صبحت مريضه شحالني، انفلونزه وبلاعيمي مجرحه واگحگح...

گحيت قوي وبلعت الگحه حتى ماترزل بَـس ميفيد يسمع كُلشي هذا الذيب...

-داغر: اي اييي شربي ازبررري واكلي موووطه وظلي گحي

-شعليك بيه احبهههن

-مو صدرچ تجرح من الگح وانتي ولا يهمچ

-خلينه نرجع ماريد نفتر بعد تعبت

-نرجع

-اي اي يله شووكت

-بَـس اشتريلي شي اكله لان هلكت جوع

-منو گلك متآكُل ويايه بالمطعم والله يا الله صارلك 11 يوم تآكُل بيض وبتيته ومعكرونه ومن هالسوالف شنو متمللل انتتته

-چا ماعندي مرة بيهه خير تلفلي كُبة تسويلي كباااب مروگات ياابه تمن خالي هم راضين

-اطبببخخ واني بشهر العسل واصلاً ماعرف اطبخ غير المعكرونه

-ديلا نرجع وسويلي هم انعم الله احسن من بيض العيون طلعلي ريش من وراچ

-اوكيي يله

رجعنه واني اسسسحل بروحي سسسحل تعبانه تعبب وروحي ممروده من يوم زواجي لسه..

الافكار تتناطح براسي وكلما اتذكر داغر شحچه بليله عرسنه ومن گال...

"دخيلچ بَـس هالليله عوفيني وياهه"

كلما اتذكرهه ارتعب واخاف، سألته ثاني يوم ونكر گال ماحچه هيچ، بعدين گال يجوز چنت نايم واحچي بنومي..

غلست عن الموضوع ومالحيت وياه لان حسيته ضاج من سألته وماردت اخرب شهر العسل..

رجعنه للفندق وگبل ؏ الفراش طبيت بنصه وداغر صاح...

-لُباب شنو السالفه مو گلتي تطبخيلي معكرونيه؟!!

-حبيبي انته سويلك تعبانه

-اسسستغفر الله لااا جديددد

-دوودووو

-وجعووو

-هاي شبيك داغر ترا تعبانه تعبااانه

-اي زين

-لُباب: زعلت؟

-لااا شسالفه

-ها يله گلبي سويلي وياك عود

-بعددد

-داغر شجاك متتحچه!!

-ظهري يوجعني

-اسويلك مساج؟

-لااء

گالهه وراح للمطبخ، مأجرين سويت احنه مطبخ صغيروني وغرفه وحمام..

من اجينه لحد اليوم ظهره يوجعه ويوم راسه يون من عنده واحس الدنيا طالعه من عينه ورغم هذا مثل مذكرت استمر بلطافته وصبره ويايه..

انقهرت عليه كُلش ورحت اشوفه بالمطبخ چان ديسلگ المعكرونه ويجلف بالمواعين مع العلم مغسولات ونظيفات...

-داغر روح ارتاح اني اسوي

-لا اني

-روح اني اسويهه اساساً تعلمت طريقه جديده بالجبن ومشتهيتهه خليني اسويلنه وانته روح مدد نآكُل واسويلك مساج

-ماريد مساج

-ليش حبيبي شبيك متقبل؟؟

تقربت عليه وحطيت ايدي ؏ صدره، باوعلي بعيون ذبلااانه وتعبانه وباسني ؏ راسي وراح للغرفه..

گظيت الوكت اطبخ بالمعكرونه واگلب باليتيوب اريد طريقه جديده حتى ماطلع كذابه گدامه..

جهزت المواعين وطلعتلنه عصاير من الثلاجه وحطيتهن بصينيه واخذتهن للغرفه...

چان متمدد ؏ بطنه ونازع قميصه، تقربت عليه وگعدت بصفه يم راسه...

-يله ذيب تعال نآكُل

-تعبان ماريد

-داغرر گووم شسالفتتككك

طفر من مكانه ومبحلق عيونه عليه غمضهن حييييل وعفس وجهه...

-شبيك متآكُل ترا مو زين هيچ شوف شلون ضعفاان

-يله ناكل

گام ولبس تيشيرت وراح بالگاع سحب ماعون وصار يآكُل من عنده ويشرب العصير وياه...

-انطيني رأيك طيب؟

-عاشت ايدچ

-يعني طيب؟؟؟

-عاشت ايدچ بعد روحي

-طيييب طيب موو؟؟؟

ضحك وهز براسه، نفشت ريشاتي وانگلبت شيف بوراك عليه...

-لُباب: شوف شنو حطيتلهه بالبدايه سلگت المعكرونه وع جهة حمست بصل وحطيت وياه طماطه بعدين فلفل بعدين......

احچيله شلون طبختهه وهوه يباوعلي، اللتهيت اسولف وعفت الاكل وهوه نسف الماعون مالته وحسيته بعده جوعان وانطيته مالتي..

ماقبل بالبدايه بَـس لحيت عليه واكله كُله خطيه هالگد جوعاان طبعاً اذا باليوم كُله يآكُل وجبه وحده لا غير...

گام يغسل واني رحت اتمكيج جايني مود المكياج والعنايه..

-داغر: راح انام لبوة ساعه وگعديني

-ماشي

راح للفراش ونزع ملابسه مثل عادته وتغطه، داغر بطبعه يون من ينام ووناته غريبه وعاليه اوقات اگعُد مخترعه عبالي بي شي ومن اگعده يگول ماكو شي وچان يحلم..

عاد شنو هالاحلام الله اعلم يوم يگول حلمت بصاحبي الي استشهد ويوم يگول حلم بيه ويوم بأمه ويوم الانفجار الصار بجسر الائمه..

طبعاً هوه ميقبل يحچيلي بَـس من اللح عليه ينطيني روؤس اقلام وبسرعه يغير الموضوع هاي ما عدى فزاته تالي الليل يگعُد مخروع واشوفه يفتح الضوه ويجي يباوعلي واني اسوي روحي نايمه..

البارحه گعد من النوم يلهث عبالك واحد چان يركض وراه وراهه راح للحمام يسبح مع العلم هوه كُـل يوم يسبح قبل لينام وهم رجع سبح من فز..

گعدت انتظره بالفراش وبس طلع سويت روحي نايمه اريد اشوف شنو حيسوي، حسيت بي صار فوگايه ويبوس بچتفي وراسي وراهه جرني لصدره ويمسح ؏ راسي ويلعب بشعري بأصابعه..اباوعله وهوه نايم هسه گدامي وبده يون مره ثانيه وگال "تعبت" وهوه ونايم گمت من مكاني اشوفه شبي وهمست ؏ كيفي...

-داغر گاعد؟

-امممم

ذبيت نفس همزين ربي گاعد والله ما عايزني خوفات ورجيف، عفته ورحت بالمطبخ اتصلت بأمي وسولفت وياهه وراهه خاله سحر اتصلت بيه واللتهينه بالسوالف وفتحت كام وحچيت ويه البنات (خوات داغر)..

امه چانت تلح بالسؤال عن داغر وكُل شويه تگول "شلونه داغر" واني اجاوبهه زين ويسأل عنچ ومشتاقلچ ومن هالسوالف..

سديت الاتصال منهم ورحت اتمدد بصفه، چان غاط بنومته ونايم ؏ بطنه..

تقربت من عنده وصرت لزگ بي جسمه حااار نااار، حطيت ايدي ؏ زنده وحاولت ادحس روحي بحضنه بَـس مگدرت..

گلب من الجهة الثانيه ووخر الغطه عن ظهره، صار اكو مجال اصير بصفه وتدنيت يمه..

حطيت ايديه ؏ صدره واتمايز وجهه اشوف هالات سوده صايره جوه عيونه بَـس لونهن خفيف ومبين عليه تعبااان حيل..

دست خشمه بأصبعي وهوه ابتسم...

-چؤؤ

-هههه گاعد؟

-لچ بربـ**** اريد انام

-لتگول هالكلمه عيببب

-يله گوگتي احلى

-ملييقق

-اوي داده

-ههه تحبني بيبي؟

انتفض وفتح عيونه...

-انعل ابو بيبچ شنو بيبي ولچ هازه كاروكييي

-احب هالكلمه شبييككك

-اللعب بالفواصل اذا عدتيهه

-شنو فواصل؟

-انچبي مابيه حيل

-شنو؟

-ولچ اششش گوگه اريد انننامم

-متناام اووي شگد مزعججج

دا اگوم من عنده وجرني جواه، اختنننگت شثگله وضخخم واني چني بزونه يمه...

-لُباب: دودوو جعصتنيي

-دخيلك يالكاظظم انتي ناويه ؏ الشناو اليوم

-داده شبييك متقبل ادلعك

-ماححب

-اني احب

-داغر: يا علي دخيلكك

-داغرررر

-يا ابو الحسسسسسن سهلهه

-ذيييب

-يبوووووو راح اججججيب

-ههههههههههههههههههههه هاااي شنووو شجاااكك

-والعباااس شنو السالفه ترا بزعت روحي جاي احس روحي مررة وبس عايزني احبل

-لييشش شسوويت انيي

-چا شنو بيبي وصخامي ولطامي ودودو ومودو ومـ*

-ياااا يااااااا عززااا

-اشش نامي تفيسسه

-مارريد اناام

-چا انچبي

-وخرر ضجت وخررر يممممه شكككبرررك

-اذا انتي چنچ قنينة غاز شعليه اني

-هييييچ صااارت داغرررر

-هيچ ونصصص يله ادعبلي اريد انام

-شوف بختي عود هااي شهر عسسسل

-بابه يا شهر نعل اصلاً حلاة العلاقة بالطاح طيح

-شنو طاح طيح؟

-متأكده تردين تعرفين؟

-لااا لاااا گايمه انيي

طفرت منه ورحت اسبح، طولت شويه بالحمام ارتاح من تعب هالكم يوم واضحك وحدي ؏ سوالفه هالرجال ولا تغير نفسسسه بالضبط نفس المصطلحات والنية الخايسه التطير كُـل شويه ههههه..

فتحت باب الحمام ؏ كيفي من سمعت صوته عالي ويحچي بهيااام عبالك ديحاچي بنيه، گلبي گام يدُگ حيييل بَـس رجعت دگاته طبيعيه من انتبهتله واگف ؏ المرايه يقلم شواربه وفاتح مكبرة صوت...

-داغر: لچ ضلعه مشتاقين كبدبد

-اووووي باباتتتي مشششتاقه انييي

-امووت ؏ ربچ ام لدغه شمسويه غده اليوم

-والله طابخه دولمه وشويه * يعني تنقيش وهالسوالف تعال مكانك خالي تعال اللعب شناو وجيب لبن وياك

طگهه بضحكة قووويه رجت الغرفه رج، طبگت الباب بسررعه وسكت شويه توقعته دار وجهه يشوف خاف طلعت من الحمام لو لا واني بقيت بي اتسمعله من وره الباب..

-داغر: هههههههه ياااا عااار ادوس ببطن حبوبتك البربـ****

-اوي حوياتي موشتاقه للنشنشه

-لااا رجاءاً ماخون مرتي

-اوووي اووووي زعلووووت

-زعلووت شنو ولكك امشييي لا انعل شرففك لك مـ*

-رضا: امعطططه معططط اني

-لعبت روحي بَـس من الفكررة

-امشششي لك ابن السططططل مو صوچك صوچي اني الجاي اسولف وياك وعايف چغچف گلبي

-غير يستقرر ابو چرچف گلبي لك لخاطر زليخه مشيهه ابو لدغه

-مامشيهه اله امعطك

-خاااب دطططير هاي العايزه ننگلب اللوان

-موو احببببك موووووت

-امووت ؏ ربچ گـ****

-حبيبييي تعال والله القسم ماينطب بدونك وهذا فاقد العقل والدين ضوجنني جاي يتحاغش بيه واحسه غاح يمغعني

-اطبله من جووووه اليتحارش بيچ

-اوووووف مشتاااقه مووووت اريد امععععطك

-كااافي عااااد تموت ؏ التمعططط

-رضا: اگلك ولك تجي هسه لو شوكت مو طگت گلوبنه

-واعوف شهر النعل واجيي اگابل چهرتك الچنهه **** كاتله الضيم

-ايييي وشبينه لو شفت النشنشه واحنه بعد صغنه كخه

-انعل ابوك لابو الجابك ابن الـ*

-ابن الگ**** الرعنه احچي عددل لا اطب للفواصل

-امرعدچ تمرعد ضلعتي

-هيچ ياله تجغ عدددلل اغجع داغغ (ارجع داغر) عووف شعغ اباطك ولا تظل تهلس بي

-هههههههههههههههههههههههههه لك گو***

-لككك اغاااغ اغاااغ اغججججع اووووف اشتتتعل گلبيي

-واحللللى زييج من ماليييزيا الى ارض الوطططن مُحمل بسطل تفاال يلوگ لوجهك الخايس

طگهه ابو لدغه بضحكة قويه وسدوا الخط، فتحت الباب ؏ كيف اباوعله چان بعده ؏ المرايه يعدل بشواربه ويگصهن بالمگص واني ميته من الضحك گوووه لازمه ضحكتي لا اترزل من يدري بيه چنت اتسمع عليه، اهدأ روحي وارجع اضحك كلما اتذكر ابو لدغه يگوله "عوف شعر اباطك لتظل تهلس بيه" افطططس ذووله بشر مو طبيعيين..

لفيت منشفه ؏ جسمي وطلعت من الحمام وصار بوجهي واگف يباوعلي...

-داغر: نعيماً

-شكراً هاا شو گاعد مرجعت تنام؟

-ليش الي يشوفچ تبقى نومه بعينه بعد

-اهووو شسوويت هسه اني

بوزت وگلبت وجهي، تقرب منه وجرني من خصري، ضحكت ونصيت راسي خجلانه...

رفع راسي من يم حنچي باسه وشمني من رگبتي...

-انعل يومك ابو لدغه

-يااا انوب ابو لدغه حتى هوه مخلص مننك

-مو هالساقط من وراه چنت معارض الزواج يگول شكو تتزوج ومن هالخرطط تالي اني خطبت منا طلع الاثول عاشگ وراح خطب خطيبته

-هههه خيااانه

-خاني النگسسس عاار ابو لدغه اكككبر عاار

-هم سرسرلوغي ههههه

-نغغغغل

ضحكت واخذت ملابس ودخلت للحمام ابدل، سمعت موبايله يدُگ فشر وجاوب الاتصال مبين من محادثته ديحاچي فاقد...

-داغر: لكككك هااا گ**** بعد رووحي المشتاقله... هههههههه معقوله لاااه بشرفك لاااه لاااه... لشووكت تبقى هيچ اننته ماتجوووز.. عوووفهه ضلعتي لا تندگ بيهه.. هههه اموت عليهه.. خاب دنچبببب.. احط هذاك بالشسسسمه وادوووسه ههههه.. هسسسه ماگدر احچي... اي اي الگاع محظوره.. يله طير لا اطيرك بزيج....

سد الخط واني فحطانه ضحك شنو سالفتهم ذوله ميگدرون يحچون طبيعي اله احط هذا بالذاك وامعط وادوس وضلعه ونشنشه ومادري شنو..
-هاا داده نطلع؟

-اي كبدبد بَـس اسبح وابدل

-يعني مناااا لبعد ساعتين

-هذا الموجود بعد روحي

-اوووف گلبيي ماما احنه بشهههر عسسل لازم اكو رومانسيه لازم تغير هالطببععع والاسلوب مالتككك

-هاا يعني تردين تشاركيني يابه اهلاً وسهلاً تنوريني وتنورين الحمام ولا تخافين حتى وگفه ماخليچ تـ....

-ياااا دااغرررر

-شكوو

-مو هيچ اقصددد دا احچي ؏ اسلوبكك لازم تكون لطيف بالكلمات

-شلون يعني علميني بله؟

چتف ايده لصدره ورفع تك حاجب...

-ماريد اعلمك انته تعلم وحدك وحباب بطل حچايات العيب ترا استحي اني

-ماگدر الحچايه تظل تحوس بحلگي وتثلم لساني اذا ماحچيهه تحمليني دبدووب بداعة زليخة

-اوككي يله احب زليخة فَـہ ميخالف سماح روح اسبح واني رح امدد

-چا شكو طالعين بعد خلينه نتونس هنا

-شنسسسوي هنا وحدددنه

-ثنين وثالهم الشيطاان شيسوون يلعبون دُعبل؟

ضحكت خجلانه وانطيته ظهري، هجم عليه من وره يبوس بيه وختمهه من عظ شحمة اذني..

-داغر: اووووف لچ اوووووف

-ممم

-وووين اضممممچ ووووين

-بضلوعك

-مو بَـس بضلوعي لو آكلچ هم ما ارتاح

-ههههه شتآكُل مني

-كلچ لحم خوش تشبعين اظل اكل بيچ شهرين

-هفففف وخرررر

ابتعد عني يضحك فرك وجهه قووي شلع عيونه شلع..

-انعلللل ابووو ظهررري

-هم رجع يوجعك؟

-اييي اخخخ تعبني هالـ*

-لااا اله الا الله لااازم كلمه سرسرلوغيه يحطط لااازم

-هسه مو زين ماحطيت غير شيي

مفهمت عليه وظليت صافنه، جر شفايفي بين اصابعه حيييل وباس اصابعه...

-شلون شفايف عدهه الگوگه

راح للحمام يسبح واني گاعده انتظره ماكو شي مسويته بَـس اريده يطلع وهوه لزگ لزگه جونسن..

-لُباب: اخيييراً طلعععت

-هااي شنو معقوله مشتاقه؟

-لا داده بَـس تأخررنه

-يله بَـس ابدل

-يعني بعد ساعه اوكي اوكي انتظرك شعندي اني

-اني ادري لا داده ولا مامه عندچ گعدي انتظري بعلچ وصيري خوش مرة

-خوووشش

-وهوووش اليثرررد بالـ... بالاحم بگلب فاقد

-هههه الله يسسسساعدك فاقددد

-الله يساعدني اني علييه

-هوه انتو الله يساعدكم واحد ؏ الثاني

ضحك وفر بأيده وراح يبدل، كمل وراد يحط من العطر الاموووت منه وصحت بمكاني خليته ينز..

-لتحط من هالعطر اموووت منه داغر ونبي اذا حطيت منه ما نام يمك اليوم

-خوش

-شنوو خووش

-هاي وحده ماليزيه عجبتني وانطتني رقمهه اكبل وياهه واخذي الفراش كله الچ اليوم

-لااا يربببييي احنننه بشهررر العسسسسسل جووز داغر جووووز

-مو لا يجوز يا حبيبتي اتقي الله

-شنو الميجووز؟

-شمدريني انتي تگليلي جوز

-اوووووف گلبببييي

-هههه يله امشي نطلع

-لتحط من هالعطر حط من هذا يجنن

-شلون ذوق معففن

-ونبي يجننن

-اهووو دجيبي

رشيتله وبوزت ضايجه اليوم كُلش فالهه وبس يتمهزل عود هذا ظهره يوجعه بعد عيني..

طلعنه سوه وكامش ايدي حيل، افترينه بالمولات حتى نشتري صوغات لأهلنه واني گظيتهه گالبه وجهي..

-داغر: شبيهه لبلبي؟

-انته البيه

-اروح فدوه

-داغررر اقصد انته ويايه مو انته بيه افهمنني

-چا شمدريني اني سألت شبيچ گلتي انته البيه شنو تفسرين جوابچ؟

-هااااا

-ايييي

-صدُك عود منتبهت

-ديلا احچيلي شو زعلانه شحمة گلبي

-من وراك مدا تصير رومانسي ويايه عبالك دتحاچي ضلعك

-اي والله حقچ حبيبتي

-عود صدُك لو تستهزأ؟

-لا وعلي صدك لُباب عذريني ماعندي خبره بالرومانسيات گتلچ بحياتي ما مكبل ولا حتى فاتح محادثه ويه خوش بنيه غير خواتي واكيد خواتي ما غازلهن

-بحياااتك ممحاچي بنيه غريبه؟؟

-لا ليش احاچي بَـس كلهن برابـ****

-يااا عززاا

-اي چا بالقسم يجن اشكال اللوان وياهيه النلزمهه طالعه بدشداشه النوم چانت ويه حبيبهه لو شارده من اهلهه لو ملطمه وكاسره وجه ابوهه

-هاا لعد اذا هيچي اعذرك

هز براسه وحك مكان شواربه، صفن شويه وگال...

-تدرين انتي تشگين المطي؟

-دااغررر هذا مو غززل هذااا استهتاررر

-يبووو عليك يداغررر

-هففف خلص اسكت ماكو داعي تحچي شي حبيبي

-ههههه لاا خو اعرف احچي بَـس ماعرف اتغزل بالچذب

-يعني لازم تعنيهه وتحس بيهه ياله تطلع من گلبك؟

-بالضبط

-لعد احسن بعد حتى اعرف صدگك من كذبك

ضحك وجرني من ايدي، اشترينه كم شغله وحسيته حاير شيشتري لأمه فَـہ اني اختاريت هديتهه، فرح بيهه وشفت اللهفه بعيونه وهوه يتمايزهه...

-هههه داده شگد تحب امك لخخخاطر الله

ابتسم وظل ساكت، اردفت...

-هيه هم تحبك هووواي تخيل ماكو مره حچيت وياهه اذا مسألت عنك بالخمس مرات هاي من دون مكالماتكم ويه بعض

-شريان گلبي امي

-اوووي شگد حلووو حبيييت حبييييت

-هاي شبيچ ولچ

-اني شحمة گلبك وخاله شريان گلبك عزا شگد لطططيف هههههه

-ابوس لطافتي

-هههه انوووب

-تعاي تشربين شي كبدبد؟

-اي عادي بَـس تشرب وياي

-لا لُباب لاااا

-لعد ماريد

-اهووو شلون سالفه هاااي

-مااا ماريد

-صيري حبابه ولچ

-مااا مارريد

-ديلا شححمتي

-مااا مارريد

-رجع شريطچ مسلت؟

-لااء بَـس اشرب ويايه حبااب حتى نطلب نفس الگلاص وهيچ يحطولنه گصبتين ويسوون بيهن قلوب ونشرب سووه اوووي شهالكياته هااي

-بيا فلم شايفه هيچ؟

-مسلسه مو فلم

-چا يله مانخليهه بنفسچ

-صدددُك والله داغررر تسويهه لخاطري؟؟

-ولچ لعبت لعب لخاطرچ بقت ؏ هاي

-ابووسك هههه

-استچني مو هنا عود بالفندق

دخلنه لكوفي حلو، طلبنه عصاير وسوولنه الگصبات وهوه منتچي ؏ الكرسي يباوعلي ويضحك..

-بيبي يله

-نعلهه علااا

-هاا يله مو بيبي داغر يله

انطيته الگصبه وجهتهه ناحيته وانتظرني لحدما اشرب ياله اخذ كمعه من عنده..

-لُباب: شوف شربت عاادي شبيك حبيبي انطي من نفسك شويه

-اممم

-يله نشرب بعد اريد اخذ صور وانشرهن

-اموووووتچ

-يااا ليييش

-ممنووووع تنشرين صورة لأصبعچ القززم مو انوب وجهچ تنشري

-هاي ليش داغرر عود مابين وجهي كامللل

-لُباب لا تخبلييييني

-صوتك حباب فضحتنه هسه غير افتهم ليشش

-شكوو تخلين شعييط ومعييط يشوفچ؟؟

-صدُك تحچي انته؟؟

-اي

-لهدرجه تغاار داغرر؟؟

-اي

-زين بَـس صور ايدينه انشرهه ستوري اغور تيجان الكلبه

-گعدي راحة لبلبي

-ماگعُد اررريد معليه

-انا لله وانا اليه راجعون

-لخاطري ذيبي لخااطرري

زفر قوي وفرك وجهه گوووه قنعته انشرهه ستوري ومن گتله حسابي خاص ومسويته للأهل والاصدقاء ياله اقتنع شويه..

اخذت الصوره واحنه مشابگين ايدين بعض وكتبت عليهه...

"حبي رجال يسوي من المستحيل مُمكن لخاطرچ ♥️"

نشرتهه وكتبت جواهه اسم الكوفي وبين قوسين كتبت(شهر العسل ويه حبيبي)..

كتبتهن واني مبتسمه وصافنه ؏ الصوره، قاطع شرودي داغر من گال...

-شبيچ؟

رفعت راسي اباوعله وعيوني ثبتتهه بعيونه المكحله المركزهن عليه...

-شگد احبك اني

-هههه خير

-احبك

ظل ساكت ومبتسم عرفته ميعرف شيحچي، جر ايدي وحطهه ؏ فخذه وظل يباوعلهه ويگرص بيهه خفيف...

-لُباب: شبيك؟

-وين چنتي عني وييين

-وين؟

-اخخخ قههر ضيعتچ چم سنه ياله صرتيلي