#شيوخ_لاتعرف_الحب
الجزء الخامس عشر

أبو نمر

كعدنا بلديوان.... جانت الكعده مشكله حجي خلفان
جان ذهني شارد....واني أفكر
شيخ جبل بوسطتنا أني وعكاب....
ومثل كل مره....نبدي بلحجي...اني لو جبل
شاورني جبل.....
يحجي هو ولا أنا.....كتله أني
تعوذت من الشيطان.......(ربي احلل عقده من لساني)
بقيت اكرر هل ايه......لأن تفكيري بنهوه..
دوهني

أتفضل حجي خلفان...شني مشكلتك...
والحل يمنا أنشاء الله...
حجي خلفان....مشكلتي...عندي خواتي أثنين
نهو عليهن ولد عمهن....وفاتت أسنين
وراحت أسنين....
وكل وحده بيهن......عمرها بلخمسين هسه
ولد عمهن تزوجو وخلفو....
ولدهم كبرو...... صارو شباب
ردو على بنياتي....هم نهو عليهن....
وحده من بناتي....مهندسه.....والثانيه مدرسه
ولد عمهن.....
بلا شهايد...وأميين...
واني خواتي..... العمر فات بيهن...
وخاف على بنياتي.......
أريدكم أساعدوني
لأن أخواتي رفضن يزوجن ولد....عمهن.....
وبقت النهوه...عليهن....
وياهو اليجي عليهن
يعرفون أنو منهيات....يبطلون...
اخاف على بناتي....
من ذول واني مو مال مشاكل
رجال جبير بلعمر....تعبت على بناتي...
وسكنتهن بلولايه.....
ونسيت حتى أخوتي
و همه بعد أسنين.....
يغصبون بناتي
ويجبروهن يسكنن هنا......بلقريه
و همه لا قرايه ...ولا كتابه ينهون عليهن

جنت أسمعله....وذكرت زواجي من نهى
هم غصب.....
وهم نهوه...
شرد أحجي واكول....
صرت مثل ابو المثل يحجي بصلاة وماايصلي
أشرلي جبل.....أحجي.......
جريت نفس
-شوف حجي خلفان...
مادام ولد اخوك واخوك موجودين...
رح نحجي بسنينة(قانون)النهوه
شوفو اخوتي النهوه .........من صارت قبل
الها أسباب وغايات...
جانو حتى يحافظون ...على نسلهم بينهم
وحتى ميدخل غريب
وصارت النهوه.. .
تحمي الحرمه ......خاف واحد
يتجاوز عليها محرم.......فتنعرف هي الفلان
فمحد يكًربلها
وصارت الشغلات....
انو قبل الناس جانت رحاله
حتى تحافظ على جمعتها......وعلى رابطة الدم
وارحامهم بينهم....
فصارت النهوه
بس مال واحد ينهي...
وماكو تكافل.....ميجوز
مثل اخوي جبل...من نهى على بنت عمنا
جان هو.......صاحب شهاده
اني من نهيت نفس شي.. واضافه لذكرته
بنات عمنا قصر(قاصر)
واحنا تربات أشيوخ......
بس تجون تنهون.......
على أبنيه راشده
وصاحبت شهاده......هذا ميجوز...
واحنا عدنا سنينه....
أذا واحد خطب وحده منهيه
يدفع الخاطب.... مبلغ من المال.......
واحنا نوكفلك حجي خلفان البناتك...
واعتبرهن خواتي
واني أدفع المبلغ.....
ونفك نهوتهن.....
أذا ولد عمها يعترضون....اتفضلو
جنت اعاين لوجوهم.......رافضين....
رديت كتلهم.....شوفو اخوان هسه المحاكم
كامت أتحاسب عل ينهون......
والشيوخ وبلمحاضرات......صدرو فتوى
بحرمة قانون النهوه.....
ورح يكون مثل الغصب
فأنتم بكيفكم....
أشوي مرت فتره وقبلو.....
بس صعدو المبلغ...اليندفع
ودفعنا أني وجبل نص....
وأبو البنات نص....
قبلو...عاينت الجبل يكمل....

جبل:مادم أبو نمر حجى.....اكمل
الديوان من نطلع من عنده
كون بحل المشاكلنا.....وناخذ منه عبره...
اليوم عدنه سالفه ورباط....

فرد يوم من الأيام...ياجماعة الخير
يگلك هذا أكو واحد اسمه خصّاف
عنده مره كش وبره........وكحه السان
وجهها مايگصه الطبر ....كئيبه
وإذا غندبت الدنيا..... تغيم بعين خصاف
لان حرمته راعية مشاكل
زوجة خصاف نوت تروح للحج ،
وجان عدها عجول اثنين
رابطتهن بنخله تريد تسمنهن .....وتبيعهن وتروح للحج.
بليلة من ليالي...... الشتاء البارده الزرك ،
مرض واحد من العجول
الظاهر خرمت خصاف .....زودتله بالعلف فتخمته ،،
وين ينطون....... وجههم والدنيا ليل
،فالمرة جدحت....(عصبيه)
وكبت جنيتها(شيطان)على رجلها
،گلتله "دير بالك عالعجل
انا نعست راح انام..
مو تخمل عنه ويموت
حتى الصبح انت تروح
تجيبله طبيب وتجي" ،،
فبعد حكم القوي ،خصاف يخاف حرمته
دثر روحه ببطانية وهو كاعد بحٍوله عد راس العجل ،،
وسچينته بصفه
خرب بيت البرد....(زاد البرد)
صعدله من اصابعه...... الراسه وهو مدثر
نعس كلش...
ودور يخاف من حرمته
فكر؟؟؟؟
فاجته فكرة .....ساعة ثلاثة بالليل گال
خلي اذبحه والصبح أكول الحرمتي
العجل تعارض ومات
المهم ذبحه وراح سدح رويحته سكتاوي
بفراشة ونام ،،
الصبح والصريخ گبر(صوت صريخ) بالبيت
سمع حرمته اتصيح فلك طرك خصاف
اللاگ الضربك ، هطرك عثرك
فركض مرعوب لكه مرته مفرعة ذابه شيلتها
اباب السترة ودك وتلطم
طلع صاحبنا خصاف
ذابح العجل الصاحي... وعايف المريض ...
لا والدبرة الجٍبيرة
المريض هم صبح فاطس وميت من التخمه
زين هاي اشلون ترگعها يخصاف..
رباط سالفتنه انتم اهل النهوه...جنكم ممقتنعين
بحكم ابو نمر.....

فأنتم لا صيرون مثل خصاف....
ضيع بحكمه المشيتين
اخذو الفلوس وقتنعو..لان مال تاخذولكم حرمه
أحسن منكم....وغصب عنها...مارح ترتاحون
ولا هنه يرتاحن.....وذا ماكو راح...فزلمه من عدنه
ليش يزوج غير حتى يرتاح.....
....
احس الكاله جبل يمسني.....ماادري
لان غصب ولساته نهوه رافضتني....ترخصت منهم
طلعت واني بقراري ....انو أترك شهلاء....
احسن ترتاح....لأن اشكد ماحلوه هيه
مااكدر أطيها قيمة حلاتها...أدبها" اخلاقها"
ركبت سيارتي.......وصلت للباب...
بقيت كاعد بسياره........
هنا راحتي"وتعبي
هنا ناري"وجنتي
جنت مخلي راسي عل ستيرن....
اجى شهيد اخو شهله..سلمو عليه
ورادو أوصلهم.....
صاح أمه واخته.....صعد يمي.....
وشهله وخالتي ورى
واني أسوق......وعاين الشهله من المرايه
جانت مدنجه راسها.....كلت خاف زعلت
احسن حتى متخابرني.......
وصلنا....شهيد لح عليه أدخل.....
جنت تعبان من الكعده.....
من الخطبه.....ما دخلت برغم خالتي لحت
اشلون أخرب الزواج وهم مشتريني....
كوه تعذرت منهم......
رديت للبيت ....ودخلت للممشى واشوف نجمه ونهى
طلعن من المزرعه.....
-شونج خويه أم شاهين......
-بوجدكم خويه أبو نمر.....جنا نتسامر اني وبنت عمي
-ربي يحفظكم دوم......عيني النهى...
ألي جانت تفرك بأيدها.....مثل طفله مسويه جريمه
متخردله ومحتاره....
-نهوتي اتونستي بلخطبه...رفعت راسها وهي تظحك
-ها اي....حلوه....وخواتك حلوات
-عيونج حلو بنتي....
ام شاهين اريد...... اسرق نهوه منج .
-على راحتك أبو نمر.......خلصنا كلام
دخلت باركت للبنات.......
والشيخه سلطانه كاعده للكاع.......متحب القنفات
تدنيت ليها.....كعدت وكعدت نهوه يمي
-هلا شيختنا شونج.....
-هلا يمه كًوه حيلك.....شسويتو بلكعده اليوم
-يمه جانت على النهوه ......حجي خليفان
حرمته أجتج قبل فتره .....مو....
-اي يمه اجت
نهى دنجت....واني أحجي....
واجى بالي صوتها
من دكول شنو تنهي عليه.....شنو هل حكم الظالم
-اي يمه وشلون حليتوها....
-أطيتهم حل يمه الي سولفنا بيه هنا.....
وجبل ...اطاهم سالفه ورباط.....
نهى الي بدت أضوج...
.كامت كعدت للقنفه
وجرت الكنترول مال تلفزيون
وهي دكًلب بيه.....
دخلت نجمه...كعدت يمنا....بلكاع
واجى جبل واني أعاين النجمه.....شلون دكومله
وهي كاظه ايده....ودكعده يمنا.....
امبين اليحب من المايحب....وحلينها كوه
أعاين الأمي....وهي طالع...نهى...
كاعده ومخليه رجل على رجل.....
واحنا كاعدين بلكاع......درت وجهي أحجي وي جبل
أريد أتلافه الشيخه.....كالت
-يمه هل أنكريزيه مامنها رجى...
اذا تنزل يمي......تكعد تعاين لهذا الصندوك(تلفزيون)
وتصفن عل ملايجه البي.....يحجون أنكريزي
هصفيره.....شما أحبها....مامنها خير
-اي يمه هي تحب الأفلام الأجنبيه...
انداريت الجبل....
-ها أبو شاهين....الباجر اروح وياك
العرب بيت غضبان.....
لأن ماامن عليك منهم
دخل عكاب......وهو تمدد بحظن الشيخه
-يمه شيخه....رح تجيج....حرمتي غزل..
شلون سنعه...مزيونه....رح تحبيها
-خايب ادري جٍا هيه غير عمتها سعده
أكيد خيره مثلها......
اندرات نهى لينا...
-اترخص منكم أريد أنام....وباجر الفجر
عندي مراجعه دروس......
راحت......واني تبعتها....
صعدت الغرفتها......واني بلحمام اسبح تعبان
وافكر بكلام جبل......وكلامي عن النهوه....
ونهى.....ومشاعرها المخربطه....
اطلعت.....نويت أدخل ليها جانت امطفيه الاضويه
رديت الغرفتي.....تمددت....خليها براحتها...
هواي ذليت روحي ليها.......
الموبايل بيه أكثر من مكالمه.....شهله تتصل
بيدي كتاب اقرا بيه....طالعت اجٍم ورقه
فتحت الجراه....طلعت أسلاحي..
انظفه...واني احشر طلق بلمخزن....
حضرت أحزام أسلاحي......
ارد ألهي روحي.....طلعت ليها ماكدرت
شوكي....اكبر مني....
دكيت الباب....ماكو صوت....
دخلت جانت أمشغله ألتيبر لام..يمها....
تكربت ليها....
واني أشوف اعيونها.....ترمش
ومخدتها مبلله دموع.....ألجو بي بروده
أيدي بجيب السروال
-نهوتي....كاعده أنتي....بنيتي ليش تبجين
-ماابجي...بس
-بس شنو نهوه.....الساعه عشره...
وأنتي الوحده ثنتين يله تنامين.....كعدت..
-شسويت على خطيبتك شهله....
-نهوتي انتي شدكولين....
تستحق أظلمها
-مااعرف لا تسألني......اني مااحبها أكرهه
كعدت يمها....واني أحظنها.....دفعت أيدي
-اتركني ابو نمر....تعبتني....تدري
كافيك......
من اجت رجلي بيتكم
واني كل يوم أبكي......تعبت...
شنو أسيره......عدكم ثار معاي....
أمك الي كلامها طلاسم.....
خواتك يحبن شهلاء......عكاب وجبل
واقربائك....تعيشون جو عائلي....
واني بعيده عن هل جو.....
انت حنانك....حبك...اهتمامك...الزايده....بيه
كلشي تعبني....مااريد هل عائله
مااريد حبك....الي.....
حمامكم ليش مو بلغرفه.......
لازم اطلع...
لازم اغسل وجهي ....بلمغسله خارج الغرفه

كلامها حز بخاطري......مديت أيدي ليها..
رفعت كف ايدها هي تأشر مااقترب.....
جاي أطلع........واني ضايج منها
-اوكف أبو نمر....ايدي على سركي....
واحس مخنوك من كلشي...
-هواي كلامج....صعب....
أنتي كلامج طلاسم.....مو أهلي......
لأن مااعرف شنو ترديه
-رح اتخابر شهلاء مو.....
اي هو أنت هيج
من تضوج مني....تروح ألها.....
طلعت من يمها
وهي جر بأيدي
-أرجوك أوكف اني دا أخربط...تعبانه من الهوسه
تركتها......ودخلت الغرفتي.....
موبايلي يدك
طلعته من جيبي
شهله تتصل....شمرته على الجربايه
اخ يلشهله.......انتي ضحيه
اني.....اخ ربي......أنتجيت عل كنتور.....
وعيني للباب.....خيالها
دخلت نهوه.....عيونها حمر
-شنو منو يرن فونك يرن......
بقت تفتر بلغرفه........ ادور عليه
وينه فونك.....احجي.....
واني اعاينلها......كرة نار....شالت الموبليل
-ها شهلاء نامي حبابه.....زوجي يمي.....
باجر اشبعي منه.....يوم الج يوم الي.....

حجيها ماصخ....وي البنيه.....
جريت الموبايل......من ايدها.....
-شهوله تصبحين على خير.........
-شهوله مو ...مو دلعها.......جريت ايدها
-اشبيج انتي تخبلتي.......نكتت ايدي
-لا مامتخبله.....
بس متعجبه على هل أنسان اليمي
مثقف ودارس........ويحجي للغه...
وعنده ماستر......
بس عقله بربري قروي...
هل قروي.....
ميرتاح اله عنده....ظ اثنين زوجات
أثنين أتلاثه اربعه.......
ويعاملهن مثل الجاريات
أترقو ......الناس وين وصلت.....
وانتم تعدد زوجات
اشما تدرس....قروي
جريتها......من ركبتها......ودفعتها للجربايه....
وايدي ضاغطه على ركبتها
-هل قروي.....تحجين عنه
ماغصبج على شي.....
هل قروي ماطالب... بحقوقه الزوجيه
بداية زواجه...
هل قروي....جاي يحقق طموحج بلدراسه
هل قروي.......ماغصبج على شي تكرهي
خلالج غرفه وحدج.....
بله كليلي منو
من اهل المدينه....يتحمل هيج شي
القروي......نقذج....من زوجة خالج...
تأدبي.....قسم بمن احل القسم
لو غيرج.....نطق هلكلام....طلقه براسه
بس انتي...الله يلعن كًلبي..كمت
جان نفسها يصعد وينزل........
جريت ايدها....وكفتها كًبالي
-شتردين هسه....اريد أفهم....
خرب مرضعج.....ولج اذا اكو حقاره بلكون
فهيه....عندج.....
دمرتيني......سلبتي راحتي
سلبتي كًلبي.....اخذتي عقلي...
اطيتها ظهري.......واني اسمع خطواتها
وهي تقترب....تحظني....ملت راسي عليها
-اخ يانهو نتي مريضه....متقلبه....طفله....
ابنيتي روحي الغرفتج.....
جنت بلمساتها ضايع....
وهي حاظنتني....ودكلي احبك...
-رزحي وراي شغل.....
مو بس انتي بحياتي...
-احبك ابو نمر.......بس مو بيدي...
تعال الامريكا وياي.....
-اشبيج نهى.....اني هنا حياتي....
-واني هناك حياتي.......افكر بهناك نفسي هناك
-ولج انتي الي......نفسج الي
تفكيرج الي.....كلشي بيج الي......لا تحجين هيج
مااتفكرين .....
انتي حبيبتي......مثل مااني صرت سجين حبج
حكمتي....علي بسجن مؤبد......
ولج ارد افك قضبان حبج......
وكل مره.....افشل...
كعدت للكاع......كعدت يمي.....وهي تحظني
وشفافها على شفافي....
كطعت كلامي .......وهي تلثم بيه....
أمتصت.....غضبي....
وكفت ليها......جريت ايدها....
-ارتاحي نهوه ...

انـتة آه بكل حـسرة
اتحسرها
وأ انـتة دم يـجري
بوريـدي
حتـى من تجرحـني
أنزفك
وحتى من تبعد
اكًربك....
ياأول عشك
او اصعب عشك
وأنته
اول درب ليه
وأول
من يدوس
عليه..
انته أه
بكل حسره
يتبع

#شيوخ_لاتعرف_الحب
الجزء السادس عشر


ابو نمر

اليل صار طويل وهي نايمه على جربايتي
واني كاعد....لا أجاني نوم.....ولانمت........
واني اعاينلها.....
هواي أذتني بحجيها....
يعني هل حجي لو غيرها......ناطقه....
شون ردت فعلي......
أكيد أقل شي....ضرب حد الموت
جاي أسكت وأسكت
بس لشوكت؟؟؟؟
هيج الحب يذل...
هواي تردد قروي....اي هو اصلي هذا
بس هي تنطقه....بنرفزه....
بس بربري....؟؟؟
هل جٍلمه صعبه
مااعتقد تعرف معناها...
بس ليش أسكت ليها
أني الي جنت بلجامعه.....
ماعجبتني اي حرمه...
ولا حلت بعيني وحده...
من ناقشة الماجستير ....
طالبه وياي... هواي لمحت...ليه
رفضتها....
نورس....بنت أستاذ أبو نورس
برغم جانت وياي..
ماانجذبت ليها
واني أذكر كل حرمه صادفتني......
وكلهن تعديتهن......مثل خيال....
تعديتهن ومارفلي جفن
تعديتهن وجن ماكو
أله هيه.....
دخلت أبكًلي
وتربعت بديوانه....
وصارت السالفه "والرباط"والشيخه"بكًلبي
هيه ألها نكهه خاصه.....
واني أعاين الشامتها....
الي بوجهه.......
وشامه الثانيه...
وذكرت مجٍان الثالثه....
كًل جسمي نفض.....ايدي ترجف
حروره الراسي ....صعدت
نهضت منها....
غطيتها..بلبطانيه....
بست راسها
واني أشتم هل خصلات السود....واشمهن
طلعت سريع.....
مااقاوم هل حرمه...عجيبه
نزلت....البيت سنطه...
الربعه ظلمه....
طلعت للمزرعه
واني رجلي اخذتني لكعده....
دخل عكاب.....
وهو على فرسه الأبيض
كعدت واني اعاينله شلون يربطها......تكرب ليه٠
-هلا بأخوي......ليش كاعد....
-ما إجاني نوم.......ومحتار بسالفتك
وانت عكاب ليش منايم
-يخوي أني من عرفت غزل الهسه
الليل مااحبه.....
اتاني الصبح حتى أشوفها...
كمت أحب الصبح....
لأن أاشوف غزل
اهيس الصبح .... صار أدماني...
يخوي...أشوكت يجي الصبح
ناطره مثل.....طير الحب
الي يحب نثيته....ويموت بلياها
-سولف أعكاب...عنك أرد اسمع
-شوف أبو نمر....بيوم حبيتها.....
صارت النخله
مجٍان حبنا....
وسميتها النخله غزل
هي دكلي لا اسمها عكاب.....هههه
-الحمد الله وشكر......
أتسمون النخله بكيفكم
-يخوي...هي شاهده على حبنا.....
شكلك أهيس روحي.....زلمه مخردله يمها
برغم ماهيه بسيطه....أوف ياابونمر
بيوم ضربني....أبو غزوان...
رفعت ايدي ودي أضربه....
بس عويناتها....وهي تتوسل
أيدي وحدهن نزلن......ونضرب مااحس
لأن اعاينلها انسى وجعي......
واحنا حبنا اني وغزل حب أولي....
لأن ماعدها موبايل
وضالين....عل ملاكات....والموعد
-حلو عكاب.....بس قوي كًلبك...
موش تنضرب...علمود حرمه...
الزلمه هيبته مريوده.....
جاي أعوفه
-هنيالك....يخوي.......هيج تتحكم بكًلبك
-تصبح على خير.....رايح أنام ...وظل ناطر الصبح
حتى اشوف حبيبتك وخيتي غزل....
تركته وصعدت....
فتحت الباب بهداي...مااريدها تكعد...
كعدت علكرسي....وأني أعاينلها
شلون نايمه.....ماادري شكد مر وكت(وقت)
نومتها أحلى من تكعد....ماكًو غلط منها
ولا تجرحني بحجيها
بدت تحرك عيونها.....تتلمس مخدتي...كعدت.....

-هاي ليش مو يمي....فركت عينها
-حبيت أنظر ألج وأنتي نايمه...حلوه
-يعني بس أني نايمه حلوه......كامت متنرفزه
-بنيتي اهدئي.....كمت ليها جريت خصرها أحظنها
-لا أبو نمر أني مجنونه أتركني....لا تحظني
-حبيبه....منو جاب طاري الجنون.....
عمي اني مجنون
-ها.....أي....
بس أنت متحبني.....حظنتك البارحه...
وقبلت شفافك
وأنت هل مره.....مااقتربتلي ليش...مدكولي
متحبني.....أدري بيك....
بعد من عندي....أتركني....
هاي يومين...
وأنت دا تصرف معاي غير........جان صوتها عالي
وهي تحجي....
-بنيتي صوتج...عيب...
ولج هاي جاي تجاوزين
هواي دستي خطوط حمر.....بسج نهوتي
-ادوس اكيد....
وأنت من اجتي..... شهله منمت وياي
ماتحبني اريد اعرف ليش.....
كامت وهي متعصبه
جانت أصيح وتفتر بلغرفه......
وتشيل كذلتها بغضب
كعدت على الجربايه.....وطالعها بيأس
وهي تحجي بصوت عالي.......اعاينلها متوتره
ياربي ستوها هادئه مثل الملاك....
كعدت أعصار
-أي أتكلم انطق.... اظل ساكت....ليش
فار دمي منها...وراي شغل....كمت ليها
جريت أيدها ....
-المطلوب شنو....هسه....
انتي ماترديني......
تحركًين كًلبي تالي
تالي تتعذرين....
بس ولا يهمج تردين اانام وياج...
هو هذا الحب
هو هذا تقديرج للحب.....
يله تعاي أنهمدي......دفعتها على جربايه
بديت أفتح ابدكم ثوبي.....
هسه أثبتلج احبج.......اذا تحسين مفهوم الحب هيج
واني زلمه هذا الأريده...
بس برضاتج...
جريت رجلها....وهي تصرخ
بقت تبجي....وتناشغ...
-ولج اكول على راحتج....مااتحيون عليج
خرب حقارتج.....كرهتيني..بروحي..
بدا صوت التكبير يعلى
اذن الفجر.....
أخذت أسلاحي من المجر....
وشماغي...وطلعت منها
تركتها تبجي.....نزلت بخطوات ركض
جبل واكف يم الدرج......سئلته شكو خويه
-ها خويه صوتكم عالي....جيت أصعدلكم
-ماكو شي....عرك الحبايب جذاب
رايح أزقنب يم الشيخه
وأنت حضر روحك......

طلعت للمزرعه......واني أعاين للشباك مال غرفتي
اخ يانهوه.....شتردين مااعرفج....

ودي الزمك واخبط روحك بروحي
واعلمك عشكي شلون......... جٍبير.......
يل حبك الي نار
مكدر اضمه........... أحترك بيه
يل حبك برد....... مكدر البسه
حبك شنهي وياي.......تاليه
بيه احلام صارن....... سود
وانه اضحك
واكول احلام......... وردية
من تعبك غوشت عيني
اذا كدامي وجه يصير....
ما اعرف ........معانيه....
...........
جابتلي جنان صينيه الريوك.....
-مشكوره خيتي....
أشربت الجاي.....واحس أشرب حنظل
الخبز حار....وكيمر العرب.....والعسل
شنو الأكله مر......
مرمرت حتى..... العسل بحلكي
لفيت الشماغ على راسي....بلا عكال
دخلت....
-هلا بشيخه.....
يله جبل خل نتحضر
عكاب....خو انت السهر ماخذك...يله خويه
-شيخه أدعيلنا وعينج على بنتي...
ترى امانتي يمج....
ركبنا السياره......و الديوان قريب
نزلنا....دخلنا
وجانو الفرايض كاعدين...وسيد قاسم
كعدنا....وجبل اخذني على صفحه....
-ابو نمر انت ماتدخل....... العرب بيت غضبان
هم يردونك تجيهم.....شنهي مااتعرف
-لا يخوي اجي ...لجن اخليك وحدك...مامرجيه
-ابو نمر لاتعاند...بعد اخوك وياي فرايض
وشيوخ.....مايسوون شي...
بس أنت يا أبو نمر.... وهمه.....مابينكم شي سنع..(زين)
الخاطري بعد أخوك....ازعل عليك
-لاتكمل يخوي....الله ليجيب الزعل...يخوي
بس أتانيك...بجٍوله.....بس أسمع صوت طلقه
ترى ادخل.....
-على امرك يخوي....ادعيلنا...
أخ ياجبل غدرتني....وصلت للديوان ودكلي لاتجي
اعكاب انت هنا أبقى.....
واحنا رايحين....
ركبنا سياراتنا.....وصلت للجٍوله ودعت جبل
وكفت وي زلامي...ننطرهم ....
والتفكه على جتفي....وسلاحي بحزام جتفي
يارب احفظ جبل البزره
كعدت عل سياره....
.....................
جبل
جبت ساده وشيوخ من القريه اليمنا
ولميت فرايضنا....وشيوخ
وسيد قاسم جان هو الكفيل...جبنا ويانا
لأن هم قبلو.....بصلح
مانعت يجي ابو نمر....لأن الي بينهم دم
أبو نمر عصبي...مايتحمل...اذا نغزو
جانت دخلتنا الديوانهم....
وجان باب الديوان ....تفاكه....مثل عنده حرب
دخلنا وأستقبلونا بصلوات......
جانت دخلتي.....واني اعاين
خالد أخو سعده (الله يرحمها)بصدر الديوان....
صاير شيخ.....على عربه....
وبدو يصبون الكهوه.....وهو اول ماشرب خالد
بدا سيد قاسم...الي هم يعرفو والكفيل
يمدحهم....وهو مشكور.....بهل صلح..
اشرالي خالد احجي....او شيخ خالد
-الله بلخير يهل ربع...والوجوه السمحه
اليوم وبعد كل هل سنين اجينا
ومادين ادينا للصلح....الكفيل الي بينا
كال أنتم موافقين......
ومثل هل كعده قبل ثمن سنين
جانت بسلفنا شيخ خالد انت موجود...
اريد انجدد رابط الدم بينا.....
مااريد بس صلح
أريد اناسبكم....وسمعنا عدكم حرمه....
وطالبينها منكم....وبلتحديد عدها صنعه(شغل)
العلويه...حرمة سيد قاسم...
سولفت للشيخه عنها
وهي....من نسوان الروابه
فالشيخه هوتها........شدكول شيخ خالد
شيخ خالد:اي كًلي شيخ قاسم عليها
بس هسه عرفت....الغصه(قصه)جٍنت شاك
لجٍن قصتك...عدله...
واني احب اجدد النسب
وردت أكل السيد قاسم....على بنت اخوي
بس حبيت احجيها بوجهكم....
ياشيخ جبل لأن من تنحجي بلوجه..
أبرد الي......وأحر ألكم...
بديت أعاينله..اندار على زلمه أربعيني
أبو غزوان...شردت مني اليوم.....بلديوان
-ها ...شيخ خالد ماردت شي.....
-يابو غزوان بس هم جايين على بنت عمك...
وأنت ناهي عليها موش تدري...
-جنت أعاين المكرهم....
وهم يحجون بعيونهم قبل حلوكهم....
وجٍن محضرين الشغله بترتيب.....كتلهم
-اي شيخ خالد عدكم شغلات عائليه ميجوز تنكال
وهنا ديوان موش.....ربعه
-لا ياشخ جبل......موش أمور عائليه....أبو غزوان
يحجي على نفس ....الحرمه الي تردوها
هو ناهي عليها.....فبعد ميجوز يخطبها غيره
وأنت تعرف شنو سنينة اانهوه...شيخ جبل...مو

جان يباوعلي بحقاره...وهو يظحك...
أنتجى على خليجه وهو يحجي .....
يريدني أغلط بجٍلمه
الحظه فكرت....علخير شيخ خالد
بس نحلها بفلوس
-لا حتى بفلوس....بنتنا ورايديها
دام بنتكم ......ومترضون فلوس.....شايفين كل خير
بس عندي سالفه بلا رباط احجيها ليكم

إسالفه بدون رباط

اكو حرامي دك باب بيت شيخ عشير من اهل الله
وكًله اني زلمه ماعندي أهل ولا تارثه
وأنت خير....اريدك تشغلني عندك....
الشيخ وافق....لأن خير......فدخله البيته بلربعه
الحرامي دنت نفسه....على غراض الشيخ
فلشيخ نزع عكاله والعبايه والعكال....
يريد يتوضى....يصلي.
فلحرامي.... أستغل غياب الشيخ
اخذهن بس شافهن اثكال دلات وربابه قديمه(اله موسيقيه)
راد يطلع ماكدر
لأن الناس خاف تعرفه ويلزموه
فشاف ملابس الشيخ
لبسهن.....
وطلع شايل الغراض على ضهره بجيس خوص
من شافو الناس...وهو يتمشى
كلوله شيخنا.... عنك احنه انشيلهن مكانك ....
الحرامي كال هاي خوش شغله
ذني الملابس يضيعن الشبهه
واحد يبوك براحته والناس اتساعده
فلشيخ من درى....كال شعر

كعدت وي كل الناس بالعكل تجريب
ياهو التشوفه انسان يطلع طبع ذيب
‎
السالفه ترى بدون رباط لايروح بالكم لبعيد...
اترخص منكم.....
نكتت عباتي.....وأيدي بجيب الكافيه
بيها اسلاحي الشخصي....اذا غدرونا
طلعت من عدهم
والفرايض والكفيل ضايجين
سيد قاسم كلي والله صدك حجيك
حرامي يريد يصير شيخ.....
ترى بس جماعته صدكو بيه شيخ
احنا نعرف أصل وفصله...
جان تفكيري....بعكاب...شنو رح يسوي
وهو منتظر....
سيد قاسم....كلي
-ترى هم قبلو بصلح .....حتى يذلوكم بلنهوه
بس أنت عشت.... شيخ جبل هنتهم اكثر
جنت مقتنع ........بحجي سيد قاسم
بس أني الخاطر عكاب اسكتت...
أكدر اسويها دم للرجٍاب.....بس لا
ركبنا السيارات
وحنا وصلنا للجٍوله...أبو نمر منتظرني
جان كاعد على بنيد السياره...
بيده بطل مي يشربه
معناها ضايج.....
وخبر بيت غضبان الغراب...يضوج أكثر
اقتربت سياراتنا.....
واشر ابونمر لزلامه يتبعوني
وصلنا للديوان....
وجان عكاب منتظرنا......
وعكاب يباوع لوجوهنا...ترخصت وطلعنا
اخذت عكاب وأبو نمر وياي.....
واني بطريق أسولفلهم
شلون أستقبلونه....امهد لعكاب بلحجي
وصلنا......البيتنا......كعدنا بلمزرعه.....
وسولفت ألهم
اشصار....وشحصل....
جنت اعاين الابو نمر.......وهو يكول
-مو كتلك حقراء عدهم غايه......
ماخليتني اروح
وأدرعهم ...
هل خالد النذل....حررته لوجه الله
هيج يسوي......
تحسفت
لو حاط طلقه براسه.....
ومخلص النسوان من شره....
عكاب جان كاعد علكرسي يمنا.....كام.....
وهو يرفس الكرسي
-ولكم يا أهانه.....
الحبيبه راحت مني..
من نعلعله حقدكم......أني شكو
ولكم غزل تروح مني.....
رايح ليهم ..
يانهوه.....ياسنينه...
انعل ابو سنينتكم......لدمر كًلبين
جريته....
خاب أشبيك عكاب اهمد
-اشبيه.............بيه جير وخفت
إخ ياالله.....
وين أطي وجهي......
هاي حرمتي....مريتي..
كعد ساجد بلكاع مأيس...
صم ايده حيل....
وهو يضرب كًلبه....
شسوي الهذا
شسويله.....اذا سئلني.....
ولكم.....تعبني هذا.....نعلله لشتكم..

كظينا ايده......
لأن بقى يضرب على كًلبه حيل..
-عود انتم تخافون على كًلبي
خرب بهل حظ....
محد يحس بوجعه
أجت الشيخه سلطانه...وهي تستند على عوجيتها
-يمه عكًاب.....تعال الحظني....
المكتوب مامنه مهرب.....
صير زلمه.....لاطيح دموع....يقسى كًلبك
لجٍن بس تبجي.....كًلبك.....يصير رخي
-يمه أرد أبجي.....بس مختنك...
أريد هوى الله....يجيني....

بيه صراخ يصعد للسما
وبيه وجع محد يحمله
وبيه خنكت نفس تاليها موت
وبيه نشخه حزن ارد اهلها
بيه هم لاشكل ولالوان
هم كًلب امفارك المحبوب
يتبع

بارت 17 و18
#شيوخ_لاتعرف_الحب
الجزء السابع عشر


نجمه...
جان هذا اليوم..من بدايته حزين دخلت الغرفة نهى
لكيتها تبجي....ومبلله مخدتها دموع
-شكو نهى أتكلمي...
ضربج أبو نمر.......ليش هيج تبجين
-لا ماضربني.......لج نجمه تعبانه هنا
ياريت يضربني...حتى أكرهه
مااريد هنا....وأحبه...
ماأكدر بلياه ...
وكارهه هنا...شسوي نجمه
-نهى أنتي أختي.....واني جاي أسمع منج
مااعرف رئي أبو نمر...
لأن أبو نمر كتوم...ميحجي سره الواحد
وحتى الأخوه......ميتكلم
بس أنتي دا تخلي يعاني منج...
أثبتي على رأي....مسحت أدموعها...
وهي متردده من تحجي....وتفرك بأيدها
-شوفي نجمه.......أني مااعرف امنين أبدي أتكلم
بس أني من كبرت
وعرفت أنو خالتي مو أمي.......متأثرت أبد
لأن أخوي زياد...وغيث...
كلنا نفس المعامله
يعني من كنا.... أبسوريه
تطلع للشغل خالتي هي وزوجها
وترجع متأخره....
تحضرنا أكل...
وكلمن بغرفته.......عدنا لاند نطلع....
وهيج ماكو شي جديد.......وغريب
برغم الشقه أزغيره......لكن على راحتي
ألبس أطلع ماكو احد يعترض......
عزدي صديقاتي نسهر.....
وحفلات وعزومات على كدنا...
لأن خالتي وزوجها.... وضعهم ماهلكد....
لكن متوفر الأنريده.......يجوز بيتكم أكبر
بيه مزرعه....وخيل...لكن هناك راحتي
انتقلنا لأمريكا بعد أكثر حريه...
هناك من عرفوني.... موبنتهم....
رادو أقامه الي
ومصارت.........سنه بأمريكا حبيتها
مااعرف شنو جو عائلي........لأم كلمن بحاله
أني هنا كلشي غريب.....المدرسه
التواصل بين الأقارب.....
الأم يعني ماحاجه يبالغون.......يقبلون أيدها
اقصد الشيخه....
ويكعدون يسولفون سوى......دا احس مبالغه
أو أبو نمر لويش متحملني......عنده غايه يذلني
مااريد منهم أي شي....
فقط يعتقوني......وهاي شهلاء شكو
يعني زوجها مدا يحبها.....متمسكه بيه
وهي تتسول نظره منه.......
حجت بسرعه......وخوف...لازم أوعيها..

-شوفي نهى أنتي... جاي تحجين أنو يمثلون
لا أبد هم هيج طبيعتهم....
يقدسون الأم
يعتبروها....هي بركة البيت....
أعذرج أنتي لأن محسيتي
بلأمومه.....
وثانيآ هم يسولفون سوه......لأن اخوان
من كانو أطفال يلعبون....سوه
الشيخه جانت متخلي واحد...... يمد أيده عل اكل
أله من يجي أبو جبل...ويلتمون سوه....
فكلشي مشترك....هيج قانونهم
نجي الشهله....
وحده راقيه.......أمها علويه
مربيتها أحسن تربيه.....دكدرين أتكسبيها أخت
كسبيها اخت مو ضره
أنطيج سر......عنها
هي تحب أبونمر من كان متزوج
وجانت تساعد ......زوجته سعده
بكوي ملابس ابو نمر من جانت حامل...
فهي لا تتوقعين أتأذيج
لأن مااذت سعده...
-لا مايحبني ... لان لو يحبني ماخطبها
-شوفي نهى....قصة شهلاء غريبه أشوي
من توفت زوجة أبو نمر
وطفله نطو أله بيده جثه
تازم...سكن الواديه...
ميحب يشكي الأي شخص...شخصيته عنيده
حتى ميشكي ردنا نساعده...جبل أني أمه....محد كدر يساعده...
جانت شهلاء..... هيه تروح المكانه وتبجٍي على حاله
فتكررت كل يوم تروح.....وراه...
كمشها أخوها الزغير........وضربها
واخابرو اخوها شهيد...حتى يكتلها .....
لأن عيب الحرمه تعشك هنا....وذا عشكت
مصيرها تنقتل...
امها العلويه تعرف أبنتها شريفه
أجت للشيخه سلطانه.....وسولفت...
أنو شهلاء .......حياتها بخطر....
وصارت ركًبتها بيد أبو نمر...
فلشيخه سولفت الأبو نمر.....
كلها ماادري تجيني....
ماصدك وليش تجي وراي
كلتله والله كل يوم....تشرد من اهلها وتجي وراك
وأخوها شهيد بلجمعه يجي من السفر يذبحها......
بيومها ابو نمر...راح للواديه......
وهم جايه ..من البيت ورايحه وراه....
وشافها أبو نمر...شلون تبجي....
فأنقهر عليها....وحتى لا تنكتل...
ولانهم يعزون الشيخ أبو نمر....قبل
وكلهم إخلص كليه...وماجستير واخطبها
وهسه بس نقراء الفاتحه.....
فلعشيره ولد عمها...واهلها يدرون....بيها أله
والرجل هنا احجايته وحده.....هذا العادي
فكيف ابو نمر....شيخ العشيره...المثقف
أبو نمر صعب مااعرف كيف حباج
جبل يسولف....أنو من يروح للكليه..
راح زاره هناك.....وي جماعته....وياهم بنات
وأكو وحده...نظراتها أله...
وهي تنظرله مثل الحالمه....من يشعر
هذا الكلام بفترة مناقشة الماجستير....
يكول أنقهرت عليها....لأن جدا حلوه
واني بنات اختي....همات معجبات بشخصيته
لكن هو ولا يم وحده....بس أنت
وعذريني دا أكذبج من دكولين....زمخت بوجه
من تجاوزتي عليه....لأن هو ميسكت..

-لا ماأكذب أبد
-يعني أحذري نهى من عنده....
لأن أبو نمر مايحب ومن حب...
معناها عشق
وعشقه زاد حده....
ورح يسكتلج لكن...... لشوكت
فأذا شافج هنتي كرامته الي هي أهم شي عنده...
رح يتركج...
وهو دايس على كًلبه
ويدوس على كًلبه.....لأجل كرامته...وشرفه

لأن كلمة الرجل شرف.....
اني ألج ناصحه بنت عمي
........
جبل لو تعرفين كيف أتعبت
أثنعش سنه عايشه هنا...
كتلج هواي تحملت
أول شهر قررت أشرد....ومن شفت الولد المصور
كان قرراي الهروب....
قارنت نفسي بفراك جبل
شفت نفسي مااتحمل بعاده.....
بنات عماته حلوات.....وجانن يردنه....
ماهتميت أبد لأن دام هو يحبني....وأحبه ماكدرن
تأخر حملي سنتين....وعتبرن هل شي حجه...
لكن أصرار جبل ....وأصراري.....محد كدر يفرقنا
عوضني فراق أخواني....والدي..
فعوضته...
اني همات
أنتي جنتي..... ساكنه بشقه...
لج أني دلال وبيت راقي...
ومدرسه
وأخواني ودلالهم....
ومن ازوجت أزغر منج بهواي
شسولفلج...
وجان
كلشي عندي حنان الأم...دلال الأب...عزوة الأخوان
زواجي من جبل......وحنانه....وحبه
خلاني أتأقلم هنا....
خلاني أحسن وطني هو
إحس هو عائلتي
وحبيت هل مكان....وصار أنتمائي ليه
لأن جبل من هل مكان...
الوحده من عدنا شنو تريد
غير رجال حنين ...يحبها
يحسسها بقيمتها...كلامه حلو

وأنتي دكولين أني وأني....
نهى جاي ترفسين نعمه...وتالي تتندمين
أني ابد ممعليه صوتي على جبل......
-أنت جبل ماخش عنج حاجات....
-انتي أبو نمر شنو الخشاه..
-خش عني شهادته.....
-ههههه لج هذا أول درس ألج....
مو خش شي...
أنتي تسمي قروي.....
خلاج تعرفين بنفسج أنو صاحب شهاده.....
بلا ميكلج....
حتى متفكرين بعد بلمظاهر...
-زين أنتي جبل لح يتبعج البغداد....
-أوف نهى...لج هذا مكاني وبيتي ...
لكن بنتي....مروه...عدها مرض الكله..وحده تعبانه
فيراد كل فتره......انسوي غسل
ودكتورها هناك.....فلأجل بنتنا لح نستقر
ولو ماهيه....جان أعيش وأموت هنا....
أحب هل مكان اكثر ....
وأمي هناك نتراوس بينا
أني والبنات خواتي.... كل شهر عد وحده
-جاي تتكلمين حقيقه...ليش ماافكر مثلج
-لأن متحبين أبو نمر بصدق...
-لا أحبه....
-لو تحبيه جان تأقلمتي... أنتي حبيتي شكله
أسلوبه...اهتمامه....لكن غير شي...مااعتقد

...........
عكاب..مر اليوم ثكًيل كعدت بغرفتي
شربت حبوب منوم.أرد نام.....مانمت...
جنت سامع....الواحد أذا ما ينام....ومقهور
يبقى يعد أنجوم....بقيت بلمزرعه
وعيني للسما.....
ياربي كون أني هل نجمتين
مو نجمه وكًمر.....بين فكري وحزني...طر خيط الفجر.....
أخذت الخيل الأبيض مالتي.....واني ألجمه
اروح للنخله.........
لازم أشوفها.....هاي غزل...مو أي حرمه
أنتجيت على النخله....واني ناطرها.....
أعاين على النخله.....مو أنتي شاهده
مو انتي تشوفيني.....هم مره كظيت أيدها
حبي طاهر صافي أصفى من العسل٠...
واني أهيس...أجت...أخ يلنفس
أندريت....
هلا بروحي....هلا بغزل...خلت صينيتها
-هلا عكاب.....شفت الوعد
ولج غزل صدك...ترحين من أيدي
أموت بلياج..
-وحك أبو فاضل موش بيدي...ابو غزوان الجٍلب
مزوجه وعنده سبع جهال....ونهى عليه..غصب
ويزوجني غصب
عكاب شسوي....بعد طوايفي....
أحرك روحي
أكرهه من يوم شفته.....زلمه شايب عايب
وحرمته تكرهني....وبزر يكرهني...بناته بحلي(بعمري)
وهو نها عليه...نها عليه.....عاينتلها .بقت تبجي
-غزول بعد كًلبي....ولج شرد أسوي
وأني جنت ناطر خبر.....الموافقه
طلع خبر موتي...
وحك الله من كلولي...ختنكت
خايبه ....تمنيت أمكمل دربي....
ولا حبيت...ولا هل عذاب
غزل ألدنيا بلياج سوده.....
أني أعد الصبح حتى يجي....هسه شسوي
خليتني أحب كلشي...
وهسه.....هسه كًلبي يوجعني أخ ياربي..رح أموت
شدبره....
راحت روح عكاب.... كون ولا أفاركج..بقت تبجي
تشهك....تدنيت ليها....
بسج لاتبجين.....خليني بس أني
-خل نشرد عكاب....هو هذا الحل
لا دكلي أهلي....
هم لو أهلي ميسون هيج عمله
-لا ياغزل....مو أني انهب حرمه...
لو ماازوجج كدام هل عالم.....لو ماكو...
مااكدر غزوله.....
ولج أني أبن شيوخ ميصير
لاتحجين...هيج...
-عكاب
-نظر عكاب وروحه...أمري
-الموادع يابعد اهلي يابعد طوايفي
ردتك سند....ردتك زلمتي
-واني ردتج حرمتي إم بيتي
جنت واكف...كعدت للكاع...ولج غزل
كًلبي...يهواج....
شكله من يسأل...شحاجي
-كله وعد الله وكاتبه....العشك بهل ديره حرام
شالت الصينيه...خلتها على راسها
وهي تبجي....كمت ليها...
-غزول عافيتي....نطري..
-يابعد غزوله ونظرها....شتأمر..
-ديربالج على روحج....
أني كاض روحي عنج كوه.....
ودي أحظنج حظن موادع....
حظن ومنه خل أموت
خايبه لاشبعت منج شوف
لا كضيت أيدج.....
ويجي هل خسيس ياخذج
كًلبي أنكسر......عكًلي حيوكف
أخ أشلون أحجيها......غزوله...أشوكت يزفون روحي
أرد أوكف......ابيوم عرسج
هيج أرد أعذب روحي.....وخليها تحترك

-لاتهيج وجع كًلبي...خلني أروح عكاب
-ضاك خلكي...شهيج والوجع قوي
بس صبرج .....
خل أملي عيني منج..اخ ربي
أمداك عكاب...أمد وعدك...الحبيبه تروح منك
وأنت أنت واكف...
ابجي شيفيد البجي..
هو حلم ردته.....
ايدي...
بيدج.....
وحتى الحلم ماصح الي....
غزل أضل اجي هنا كل يوم......
لاتنسين....نخلتنا...هاي..
أخ ربي...هاي أخر نضره...ولج رح أموت
إجى كامل...وكاظم....أخذوني...

كاظم:روحي خويه غزل أجى بن عمج...
-شتروح عوفها خويه ...بس أودعها...اخر وداع
-أبو نمر دزانا عليك...كوي حيلك خويه
-ولكم حرام عليكم.... أريد هوى الله وينه

هذا انته.....وهذا انه
وباجر بعيد عني أصير
أنتهت قصت عشكنا
والزمن قرر وحكمنا
كلمن يطر بدربه..
#شيوخ_لاتعرف_الحب
الجزء الثامن عشر...
...نازك الحمراني...
أبونمر
جان عكاب كاعد بلمزرعه
منهار علمود غزل...واحنا محتارين أبن عمها ونها
بين تفكيري بيه
دك موبايلي فتحته...المتصل
أستاذي
عميد بلجامعه....
ولأن يعزني يريدني.....أخذ محاضرات بلجامعه...
جان ودي أعتذر منه....بس محتاج أغير جو
وهو رايد بس أجٍم محاضره.....
ومرشحنيي وأصدقائي ....من دفعة الماجستير....
وقبلت اخذ وحده الخاطره...كتله
-أنشاء الله أستاذ....أحاول أجي
دخلت للربعه....أختي جميله....كاعده..
-خيتي حضري جنطة سفري...
والقاط الكحلي....والرباط النيلي
أسافر يوم واحد وأرجع.....يعني لتكثرين ملابس
صعدت للغرفتي...
دخلت لكيت نجمه.....ونهى
-ألعفو أم شاهين ماأدري بيج بلغرفه
-لا خويه طالعه أني.....
جانت نهى كاعده يمها
طلعت نجمه سديت الباب.....
ونهى على كعدتها.........بنتي ماأريد دوخه
تعبان وراي سفر......باجر...كامت فرحانه
-وين سفر اروح وياك......فتحت الكنتور اريد ابدل
- عندج أمتحانات لو..... نسيتي
-ها ......أي لكن أني ضايجه
-ونسي روحج الزرع.......والخضار ....والبنات
والخيل....والطيور
شنو تردي...
-أريد أطلع
-اي كلام بي....... كلمة طلعه مااحب أكمله وياج
وهسه من رخصتج.... أريد أغير ملابسي
-أي عادي غير ملابسك...
-وشنهي .... العادي عندج يابنيه...
عادي ازمخين..... على زوجج
عادي تجاوزين......عادين تنرفزيني....
ولج ألشي العادي...
ولي عرفته....أنتي هاله من النكد
وضيجة الخلك
-لا تتكلم عني هيج
-اللهم صبرك ياروح...وينج ياطولة البال
-شوف دا تتكلم عني...شنو لعاملته اني
-نهوه الشيخه تريدج....
واني أعاينلها ياربي هل بنيه
بيدها تاخذني للجنون.......واني أقبل
أشلون أفنيها من بالي......
تمشت من يمي......وهي رافعه حاجب
-زين هل خيل الي تتكلم عنه....مدا أشوفه
لكن عجبني السوده جدا حلوه....انت تتكلم معاها
عرفت أسمها لعنود.....اروح يمها
-أي روحي.....
بس لاتتقربين زايد منها....لأن متعرفج..
اعاينلها ....
واني أتخيل كيف أحظنها....مشتاقلهت
يمي ومااكدر...
تجاوزت هواي.....
لبست ثوبي....
أتصلت......بزلامي عينهم على عكاب
وميتركو ...أبد......اذا طالع
لأن أدري بيه يروح للجٍوله الي بيها النخله.....
ويشوفها
جان عكاب كاعد بلمزرعه... ...رفعت البرده
عاينتله من الشباك
جان كاعد علكرسي.... ومكسور خاطره ......
يصفن......رفس الكرسي طلع
حتى..... مامشط شعره
رديت اتصلت... بكامل
أكدت عليهم يتبعوه....
الله يعينك ياعكًاب...
أني هل نهوه مرمرتني....
ويمي هي...... ومااكدر بلياها
أخ عكًاب وجع كًلبك...حاس بيه
طلعت من الغرفه......
صارت بوجهي نهى.....ماردت احجي وياها
تلافيتها....
وصلت يم المحجر.......اسمعها زفرت
-وين نازل صار يومين ممداومه....
حجيت بلا مااندار ليها
لأن صوتها وكلشي بيها........يسحبني ليها وتسمر
-اتفقت وي المديره أم ياسر. بس تمتحنين
واني....وهيه أندرسج...
وبعد كم يوم امتحانات نصف السنه...وأغلب البنات عطلن..
-ها سمعتك تتصل ................هسه
حبيت أكًلك......يعني حتى إخوك ممتخلص من قيودك
تتحكم بلكل....
والكل جوه أيدك.......بأول بايه جاي أنزل رجلي
عصبتني
وهي تحجي بأمور متفهمها......
رديت ليها جريت أيدها .....واني أكز أسنوني
-ولج أسوالف النسوان أكرهه كره ألموت...
وحده منهن
التصنط.....أن كررتيها أندمج نهى...
أندمج قسم أندمج
-اترك أيدي دا تأذيني....
-وذا ماتركتها شنو أسوين.....
ولج خايبه أنتي بلاء.....غضب...وهي تحاول تفك أيدها
-مجرم أيدي دكافيك....شنو كفرت
جنت أعاينلها تتلوى بيدي
مااعرف ضاغط على أيدها......بكًد لهفتي
ضاغط عليها.........بكد حبي....بكد عشكي
ألأعرفه صدك كاظها حيل....
لأن واني كاظها ......جنت غركًان بعيونها
البنيات.....
ألي مثل بير الماي........ الأظلم...
بير.......سحبني
بير بيه ماي....واني عطشان....نزلت بيه أشرب
غركت بظلامه.......وبعمقه....ومكدرت أطلع منه
عيوني مركزات....... بهل العيون...
أتركتها.....بنكته
أشوكت جلمودج يتكسر......
-شنو ألي تكلمته ودتتعصب.....
-اللهم لا أسألك رد القضاء...اريد الله يصبرني ومااضربج.....
واصله هنا منج....اشرت الركًبتي
نزلت.....
واني كًلبي يخفك بحبها....
أشلون أذا أفاركها......
ابالي اروح الشهلاء
لازم أوضح الها مااكدر أظلمها......
دخلت للمزرعه......

وكفت يم العنود....جانت ضايجه...
ليش هيج......مهرتي....أريد أسافر
أتفائل بيج .....
بدت أتحرك ذيلها...وتصهل....وتحرك أذنها
-لا ضوجين....تردين تطلع بيج وأفتر
تامرين....هسه أروح ومن أرجع
أوديج يم فرس عكاب.....
بست راسها......وهي تحرك نفسها
انتي هم ضايجه اليوم.....شكو
رفعت الموبايل...
خابرت شهله.....
كتلها جايج...
ماأريد أظلمها......ألهنا وكافي بعد.....
أذا على الوعد
فا أني أخطبتها وعقدت.....وفيت
مااريد أظلمها...بيه
متستاهل......لا تحيرني مهرتي....ساعتين وارد
تركتها.........ركبت سيارتي
أجتني رساله من أبو نورس.....
أنو أجدد جواز نهى....كتله.........صار أبو نورس.
يعني لكالها أقامه.....
ركنت السياره....ونزلت
وكفت يم الباب....مال بيت شهله
دكيته طلعتي أم شهيد
هل مريه السمحه...المؤمنه...وهي بحجابها وتحنيكتها
أشلون أذيهم...دنجت
-هلا بلشيخ..... هلا بابني أدخل...يمه
-مشكوره ام شهيد....دخلت للديوانيه..
وريحة البخور....تدخل الخشم
تتزامن وي نفوس .....الطاهره الي بهل بيت..
هل شي خلاني أصر
أترك شهله.....
كعدت للقنفه...واني أعاين
للمكتبه....الي بيها....جانت مكتبه داخليه
بسيطه أبطن الحايط
تقربت أختار كتاب.... جٍانن شعر كتب دين
أيخصن أم شهيد...
لأن هيه ادرس بنات القريه
دروس دين....
أسمعت الباب أنفتح...... رديت الكتاب....
دخلت شهله أبكًلبي أنقهر.....مدري أظحك تأخرت
حتى ترتب نفسها ليه........واني أرد أتركها
-شلونك شيخ أبو نمر.....
-هلا بنت خالي....
-فرحت من كالت أمي أجى الشيخ...
لأن هواي اتصلت بيك ......
اوماجاوبت عليه
لبالي خاف زعلت مني...بيوم خطبت جنان وجميله
-لا شهله مازعلان
بس عندي حجي وياج...
-تأمر أنت شيخ.....واني أسمعك...كمت وهي وكفت
جانت مدنجه راسها .....وتباوعلي......
-شهله أني مااكدر أزوجج...
-ها لا شنهي شيخ ........خل أكملج شهله
لاتصعبين الموقف عليه....شهله...
شوفي إنتي ألج معزه بكًلبي...الله شاهد
ماانسى موقفج وياي.....سؤالج...ارتاح أتكلم وياج
انتي الي تعرفيني ....راحتي وين...
بس من يوصل لزواج...
مااحب أظلمج.....
اني نهى متربع بكًلبي.....
وهي حضريه
ورافضه فكرة زواجي.....
ماعونت كسبتها....
جنت أبالي رح تحبني.....أو أني مااحبها
هواي أمور بعقلي......مفكرت ليها زين
بس الأهم بيهن.....
أنت أنو مااكدر أعدل.......هل شي يغضب الله
وأنتي عزيزه....
الوعد وفيته....عقدت وخطبتج
ماالهم ......أي حق يحجون عنج.....
أي شخص ما أله حق...
ساعديني....شهله...
بجت وهي تمسح أدموعه بجٍف أيدها....
كعدت للقنفه.... وبدت تثغب بهداي.......
-شنهي شهله.....
جا هيج......مو زود منج
قسم باالله أذا ضلين تبجين أطلع....
تعرفيني مااحب بجي أي حرمه.....
واني من اصرفت هيج الأجلج....
ورب العزه الأجلج
رايح شهله......
-أوكف شيخ.........أنت شيخ وتعرف حك الله
أولازم تسمع مني الحجي....
والحجي من الطرفين....وأني الطرف الثاني
-جاي تبجين و الحجي اليطلع بوكت الضيج...يوجع
-لا شيخ أبو نمر....أرد أكلك ألعندي.....
اني قابله ماتزوجني....
قابله تعيش وي حرمتك
بس لا طلعني من حياتك.....
ماعولت لكيتلي.... مجٍان بحياتك
حتى لو بزويه.....
ألمهم بيه ظلك
وحك الحسين قابله....أتحبها .....وألف عافيه عليك
حكك...(حقك)
شيخ ومثغف(مثقف)وكشخت أرجال الديره
بس أحلفك براس الشيخه سلطانه....
لاطلعني من سدك
جانت متوتره....وايدها ترجف....جرت جف أيدي
وهي تخلي على خدها.....
-راضيه بس بهل جف يمسد راسي
أي مسد راسي مثل اليتيمه.......وتحصل اجر
والله هاي كافي عليه وزايد.....
مو أدكول أني أرتاح أحجي ليج....
مو دكول عليه عزيزه..
لأجل هل حسنات....
أنت من تعوفني هسه.....تدري شني معناها
معناها أموت.....
معناها .....تجبرني أزوج غيرك..
واني غيرك ماهويت......جانت تحجي بثقه
-ولج الخاطرج.....
الخاطر ......كرامتج لان العندي رعمه
-كرامتي...
شيخ جبل كرامتي ......هي كرامتك
يكفيني أصير حرمة أبونمر.......هاي كرامتي
أتوسل بيك شيخ.....والله أموت....
لاتزوجني.... هسه ميخالف
اصبرت سبع أسنين....
وحك الحسين...... أصبر زودهن
وزوجت ....غيري وأصبرت......
وهسه همين أصبر
شكلت شيخ......
ها وذا على الشهاده
اني معدلي ثمانين...... يدخلني أي كليه
وبجالك أكمل.....
اخواني مااقبلو أكمل كليه...
أنت تقبل
وأصير الحرمه الي تتباها بيها
بس لا تنفي روحي من روحك.....
محتاره بيها....وهي دموعها تصب....عشره عشره
واني مخلي أنو تقبل....
لأن حسيت ظلمتها
طلعت رافضه الانفصال...تكربت ليها وايدي على خدها
-تتحملين بعد أبكيفج بنت خالي....
مسحت أدموعها...
وبست هامتها....وحظنتها
-بسج شهله بسج بجي....مااقصد أبجيج
جنت اتوقع من أكلج.....تقبلين
-وهو حاضني....جسمي تبند...
مثل المخدر ريحة حظنه.....عاينتله
-ماتعوفني بعد...ها شيخ....ظحك
-لا مااعوفج....
رايح شهله...وكفت يم الباب
بريت ضميري... من خطيتج..
-ألله وياك يا شيخي وتاج راسي
رايتك بيضه دوم

مـر...... احلفك بعيونك
لا تهجرني
مر .....أحلفك
بيـه عـتاب
يكسر خاطر ....الجيه

............

جبل
من جنت بديوان....
أجو كرايب...... نجمه ......زلمة أختها من بغداد
وهو سمع بخبر عكاب......
أطانه بنته......خريجة تجاره
أعرفها خوش بنيه......
واكيد أصيله مثل نجمه
جنت منتظر أبو نمر....أسولفله....
ونحاجي عكاب
لأن لازم أنسيه...هل فتره
وأجى سيد قاسم........وعنده أخبار شينه
-شيخ جبل تدري خالد دز عليه أليوم
خطبت بنت أخوه....
ويريدني أعقد ليهم.......عاف كل هل شيوخ
والوادم رد عليه.....
-شوف سيد قاسم الحجي بينا
مااريد أبو نمر يدري.......لأن يتعصب
-على أمرك شيخ...
-مشكور سيد.....
هم كل ظنهم دكو ناقصه بينه
هو لو أبن عشاير....
ماصرف هيج وي ضيوفه
-اي والله شيخ لا عاب حلكك

هو كلمن هز فنجانه ...راد كهوه
.................................
عكاب..

جنت أفكر بحجي غزل..... أخذها وأشرد
بس هو هذا الحل.....أنهبها
لأن أعوفها .....مااكدر
ألزاد بحلكي مر....
العسل مر...
المي عظم بحلكي
رحت للنخله...
واني أعاينلها......سعفاتها....نازلات...وصفر
طالع أجم وحده أمثكله عليها.....
لفيت حبل على خصري......
وصعدت ليها
أشلع السعف.....أليابس
واني أشلع....دخلن بأيدي سلايات البسعف
مااحسيت بوجع....
بس دم يجري.....
صرت فوك النخل...
وعيني...العرب غضبان الغراب
واني أتنفس الهوى.....
أخ ياغزل صباح الورد لعيونج
جانت النخله عاليه....أعاين للكاع...
تمنيت هوى الله يطيحني......وأموت
ولا هيج وجع ماينحمل.....أخ بويه غزل
صحت بصوت عالي......وأدموعي حارات
مثل جمر....
شفت غزل تتمشى.......اي هيه...
نزلت....
واني واكف ناطرها.....
أي هيه غزوله....
جايج يل حبيبه......واني نزلت
طلع سراب
طلع حلم دغدغ عيني.....وحركها

خلصت أيامي..وعمري اوياه
جف ابطن
جف
ترضوها يهل ناس انه اهواي كدامي ينزف

......................
ابو نمر
طلعت من شهله....والفكر متشتت
رافضه تتركني.......هم حرام اجرحها
مريت للمطحنه....حاسبت العامل
لا عكاب... لا جبل.....بيها
سجلت الغراض نحتاجهن......
مريت للزرع
أشوف المحاصيل......وكل رقم أكتبه
أرسم عين وحط حرف N
مدري أنجن.....مدري نجنيت...
مدري هايم....مدري همت...
بس الأعرفه هذا سبب العشك.....
رديت للبيت....
واني أسوق حيل....أسئل على عكًاب
وجاي أدخل للمزرعه العلى بيتنا....
واشوف العنود تركض........ونهى تركبها
وصلت للصبه عثرت العنود.....
وطاحت نهى
نزلت بحيلي من السياره........واني أركض
نهى بلكاع .....وعلى رجلها العنود....وتبجي
-بنيتي بيج شي......طلعت رجلها....
خرب حظج الشارع...... محد بيه
جان فضحتينا....
شلتها ودخلتها للربعه
طلعت الموبايل اتصلت بلمضمده تجي
اشوف نهى بيها شي.....
كعدت يمها.....
نهوتي بيج شي....جانت خايفه
حظنتها.....اجت الشيخه.....
-هلا بابني...اندارت على نهى
-يلنكريزيه.....يصفيره...
جا أنني ماتستتجنين
ماتركدين جٍنجٍ غاكا....وركبتي الحصان
ماتخافين.....مدرعمه
خايبه العمر.....
مابي حيل هبطه
وأنتي نسيتي جنج صرجٍه(طلعت خفيه مثل حشره)
يلرعمه...تستري علينا....ريولج(اقدامج)
خو ما متوجعات.....
ألف لا باس عليج بنتي
تراني حجيت من حركت كًلبي....عليج بنتي

جانت بحظني...العنود يمه....
تجيت راس نهوه بحظن أمي...وطلعت للعنود..
لكيت شداد ولعيبي...واكفين يمها
والعنود متمدده...بلكاع
وعينها دمع وتصهل وجع
كعدت يمها.....
ليش يلعنود هيج
بس أنتي من ريحة أوليدي.....كًومي وياي
-شداد عيني خل نكومها.....
ادري بيها مدكوم
أنكسرت رجلها.....بس منيت نفسي...
طلعت أسلاحي....
لازم أكتلها ترتاح من العذاب
رجلها مكسوره.....عاينتلها الكسر قوي
مطكوكه بلصبه.....
سحبت اقسام ارد أرميها.......اعاين لعيونها السود
تدمع.....
بعدت منها.....شداد اجاني
-روح شيخ أني أكتلها.....ماتكدر خاف
-لا شداد اني اكتلها.......
بس هي تعاينلي بموادع
هي ضايجه من الصبح.......كوه خلتني أطلع..
كلت أتحس بيه......طلعت أتريد تشبع مني
صهيلها يوجع
تدنيت ليها .......وهي تعاينلي...خليت
التفكه براسها.....ورميتها كعدت يمها
طلعت أمي ونهى وراها....
-ليش ضربتها
-دخلي بنتي لا يطلع بيج كسر .....
تركت وجعي....تكربت النهى....واسنده دخلتها للربعه أجت المضمد....تكشف عليها
مابيها شي ....بس خدش..
طلعت .....وخليت شداد يوصل الممرضه
مااكدر اطلع صعدت للغرفه....
أمي تحجي وتنوح.....لأن تحب العنود
وهي العنود هم تحب الشيخه
واني بغىفتي اعاين للعنود من الشباك
متمدده.....خابرت شداد ياخذها
مااكدر ادفنها اني...
الكل ضايج عليها......ويردون يواسوني....
يردون يصبروني......

نزلت واسمع أمي تحجي على نهى
-شفتي وليدي.....شون عاشكج...
خايبه الفرس مالته رباها على أيده
وهي عزيزته....
وذا ماتشوفه ويشوفها يدوهنون......
وأنتي تركبيها.....خايبه مال يهد(مرض)
لاعجل(عقل)مدرعمه(مخربطه)
مال حريشي بيج(مرض خطر)
والقرعان لو بحيلي الأولي
جا نعنعت ضلوعج(كسرت ضلوعج)
بهل عوجٍيه(عصا مثل العكازه)
دخلت....
-يله يمه ربي يصبرني على فراكها
نهى صافن عل حجيه...شتحجي
اندارت الحجيه ليه...
-أكلك يمه صارلها خمس تشهر...
بعدها ماتعرف شحجي...
-اي يمه... أحسن....نهى تقربت ليه
-أسفه هي ركبتها لأن أعرف مره ركب واحد
بس هي ركظت
-نهوتي هاي وحشيه محد مروضها بس أني
يرادلها خيال...
-ماادري ....ماتت اني السبب...
-كافي نهوه....طلعت واني مختنك
اعاين المكان العنود....

يل سوادك ليل خيالي
يامهرتي وخيلي الغالي
بلموادع...من فارس الخيله

هل نهوه حتى مهرتي...بسببها راحت
ياربي شخصر بعد....

الرايح معزته ..تروح
وانت يمي...واحسك
اغلى من كل غالي
......................

للمتابعين لماذا يقتل الحصان عند كسر قدمه
عند كسر أحد اقدام الحصان
والتوائها فان الجلد ايضاً يتمزق
هذا ليس السبب الوحيد
الذي يزيد من صعوبة العلاج
بل إن الكسر يؤثر على تدفق الدم المحدود الواصل إلى الجزء السفلي من القدم، مما يضعف إمكانية العلاج و فرص نجاحه.
لذلك فان قتل الحصان عند انكسار ساقه
هو امر بمثابة الموت الرحيم
حتى وان تمت معالجة القدم المكسور فانه لا يقوى على العيش بعدها لايام
يتبع

بارت 19 و20
#شيوخ_لاتعرف_الحب
الجزء التاسع عشر
....نازك الحمراني....

ابو نمر
جان أفراك العنود صعب ..
كعدت بلمزرعه....ومجٍانها والسرج يمي
جريت نفس دموع ماتطلع......
أكره البجي....وألدمع.....
كل حادثه أصير بيه....أختنك...واظل أدور دموع
درت وجهي...واني أزفر نفس حار....
نفس بي كل حرورة كًلبي
أجاني جبل....وهو ضايج
-مااعرف شكلك أبو نمر...لا تضوج شي مكدر(قدر)
-لا يخوي المسأله مو ضوجه....اعرف نفسي
شنهي الاحبه يضيع من أيدي.....
بس دائما أريد أدموع أخمد نار كًلبي.....ماكو
ليش يخوي....ماأبجي.....أني من المغضوب عليهم...
-لا أبو نمر لاتحجي هيج...ليش شمسوي
-جبل مو أكو دعاء يكول(أعوذ بالله من عين لاتدمع)
أذكر من ماتت خيتي علاهن...مابجيت
من سعده بيدي تجالع(تحتضر)مابجيت
من أبني أطوني ياه حظنته...وي كل شمه وشوك الي
تمنيته عايش وأكبر بأذنه.........بس هم مابجيت
ألعنود عيونها تدمع وهي تعاينلي.....واني معصور كٍلبي
ردت أبجي عليها......الحصره ردت ليه...ومابجيت
بعد المغضوب عليه أشلون يصير ...يخوي...

-لا تحجي هيج ياخوي .....تذكر قبل أبوي أشجان يسميك من جنت جاهل
يسميك.....البحر
لأن غامض...وغميج...وماطلع سرك..ولا حزنك
فكيف أطلع أدموعك....
الدموع وانت خوي...تطلع من تشكي...من تفضفض

-مااكدر جبل حصره قويه بكلبي.....من كل شي
تدري باجر عندي سفر أسوي جواز نهى..
خابرني استاذ أبو نورس.....
-شنهي رح أطلك بنت عمنا.....شنهي اشبلاك
- يجوز هيج أطلكها...
لأن حاولت وياها كلشي....
رافضه العيشه هنا....
متريد هنا...شدبره
أغصبها.....وهذا ميرضى ألله...
ماأنكر من زوجتها ماراغب بيها........بس حبيتها
حبيتها يخوي...
وكلت أتلين وتحبني.....وتتأقلم
وكلت هي حرمه مثل المهره تتروض...ورى خيالها
بس أعرفت متأخر .......مو كل مهره تتروض
ومو كل حرمه تتروض......شدبره يخوي

-ألدبره يا ابو نمر داريها...حسسها
-أدكلي داريها....حسسها...؟؟؟..
كلشي سويت!!
كلشي يخوي.....
ومن كد دلالي ليها تمردت..تجاوزت
أفكر بأمي...
تعبت حتى أمي....تريدها تتعلم
ترفض تعاند....
أحس...... أتركها احسن ألها... وألي

-ابونمر هاي أنت تحجي...من شوكت هيج
احاجيها ألك تريد....
-لا لا خلها باجر أكمل جوازها وأعتقها...... .مو كوه تحبني....
وأزوج شهله.....

-خايب يخوي..... شو أنت وعكًاب شبلاكم...
جا وجنت أزامط بيكم..... شيوخ لاتعرف الحب
طلعتو شيوخ لا عب فلك بيكم الحب....ههههه
-اي اخوي صح والله....
أذكر بحديثك القط ينط.... عكاب اجه

-شلونكم....شو سهرانين...
بله.....أني على حظي
وأبونمر على العنود....
وجبل عليش....
-هو انتة تدري بشي.....أمي مريضه علمود العنود ونجمه ...وياها داريها
واني مااعرف أنام وحدي...لو أمي لو نجمه
انت شلونك عكاب
-أني صفيت لا لون...ولاشكل
اريدكم تعينوني....موش أنتم أخوتي

أبو نمر:احجي يخوي ترى جبل عنده خبر ليك
بلجٍن يريحك وترتاح شواي.....(قليل)
-على بختكم شنهي الخبر.......اريد شي يرجعني
شي يكلي عايش أنت .....
تعبت اربع أيام الزاد.....مر
المي حنظل.....والخبال..... أبالي..
ألله كفيلكم جاي أتخيلها والله.....
وطيفها يتراوالي
لا عكل(عقل)لا فهم" لا روح"لادمع"
-شوف عكًاب أكو حرمه مزيونه
اسمها......نوره بنت أخت نجمه
واعرفها وحليوه....إخطبها ليك...بلجٍن تنساها
وهي دامها حلوه....وراكزه....
تنسيك غزل وأهلها
-شدكول يا جبل ترى حجيك مو يمي....
-لا عكًاب اخطبتها ليك.....
يخوي غزل موش ألك
عسى أنت تحبو شيء شر بيه الك....
-عمي رايد الشر بس كون غزل يمي...ماازوج جبل
-لا اشو تزوج وخلاص....... الشيخه مريضه...بسبتك
ومنا ......أبو نمر وحرمته بصفحه
وأنت وغزل بصفحه....
يعني تموتوها وترتاحون...
شنهي أشبلاكم....
-من رخصتك جبل عكاب رايح........وراي سفر
وأنت عكاب ليكوله جبل صح...
أقبل وربي يوفقك
تركتهم.....ودخلت للربع......وشفت الشيخه شلون مريضه
-شونج يمه يا روح أبونمر....الصبح مابيج شي
ليش تخوفينا عليج....
والسكر صاعد والضغط
-يمه مقهور على وليداتي.......انت وعكاب
عكاب كاطع الزاد وصاير جنه خراعه
وأنت هل نكريزيه حتخبلك...
ولا أنت بلكاع ولا بلسما
شبلاكم ...ودكلي اني روحك...من ترتاحون أرتاح
-يمه اشبينا عكاب......... جبل لكاله خوش حرمه
وهسه يزوج وينسى....
واني يمه أزوج شهله
ونهى بعد أدزها الابو نورس....لا تضوجين يمه
احنا عايشين بحسج وبنفسج....أخذج للطبيب
-لايمه هنا خليني ..الطبيب يمرضني...
يمه صاعد عندي سفر........تركتها صعدت بكسل
رجلي اخذتني الروحي
دخلت الغرفة نهى فجأه وهي فزعت
ضمت موبايلها وراها.......جان متوتره خايفه
-بنتي شبيج خايفه..
-ماخايفه لكن أنت دفعت الباب أو أو وفزيت

-زين شني ورى أيدج......
-شنو وراي...تتوهم.....تقربت ليها..جريته
وهي تجر..
سحبته حيل ودفعتها...طلع موبايلها....رادت تاخذه
-لا تقرا خصوصيات شنو هيج......تصرف
-بعدي نهوه خل أقره......
أن أجيتي يمي قسم أضربج
فتحت الرساله.....جانت وي ابن خالتها
وهي متفقه وياه تشرد...جان الوجع لبكلبي جبير
كعدت عل كرسي....وهي بزويه تبجي....
جانت الرسائل........
كلها تشكي من عندي...
وين جنت أني عن كل هل اشياء....
ضايع بحبها جنت....ولاهي
رسائل....وحده الأصدقائها.....
ورساله قبل أسبوع
وهي متفق وي أبو نورس يحاجيني
عل الجواز واستعجل بيه....
واني تعجبت ليش أتصل ابو نورس عليه
طلعت هيه.....
كمت ضميت الموبايل بجيبي
تقربت ليها.....وهي تبجي جريت شعرها....
-والله أذا تضربني...اشتكي عليك بلشرطه
-هاي سوالف الاجانت وامريكا مو هنا.....صكيت اسناني واني مغصب من عدها.....
-وعندج عين صلفه تحجين....ولج يادون
أبيتي...وتشكين عليه....
هذا اخر دلالي ليج
وتالي تشتكتين... جانت تبجي وتحلف
-والله رسائل قديمه اليوم شفت خوفك عليه
جاي أمسح كلشي...وابقى هنا
-ولج اني أصدكج بعد...
خرب حظج من نعلعله أهلج
دمرتيني....
ولج ياريت ماحبيتج
وياريت ماشفتج.....
انتي مو بشر.....انت
ضربتها راشدي....طاحت للكاع......بقيت أذرع الغرفه
واني محتار بيها......وهي تبجي...
كًلبي رخي يمها....
بس كافي لهنا....
رديت طلعت الموبايل من جيبي......
وأقرأء رسالتها....
اشوكت زياد تخلصني
مو اني بنت خالتك.....
-زياد هذا أبن خالتج.......وهسه دكولين اخوي
مو اي اخوج....
بس كلبي يغار عليج من كلشي
جان قدرتي هل شي.......
ولج رخصت نفسي....الج
ولج كرامتي....نسيتها
هاي الحجايه حزت بروحي....
لهنا وياج بنت العالم.........مليت وتعبت
شموازيني على تعب....
-لا أبو نمر والله احبك...اريدك...كله قديمه
رسائل جاي أمسحهم اليوم ذكرتهم..
جانت تحجي ودي أصدك.........ودي ارتاح..
بس البيه نار.....لو اكتلها ماارتاح...
موبايلي يدك.....طلعته.....شهله...ترددت اجاوب فتحته
-هلا بل طيبه الأصيله.....
حضري روحج شهله
أسبوع ونزوج...أمي مريضه....وتريد اشوفج عروستي
بلجٍن ترتاح.....
غلقته....تدنيت ليها
-شوفي نهوه رح تبقين هنا
منا لمن يجي خالج...
بعد شهرين.....وتشوفيني أزوج وسوي عرس
وأنتي ظلي بغرورج....
وعود كولي احبك
ولج هاي تحبني.....
اليوم عفتها علمودج....
اليوم نفيتها من حياتي......وهي تتوسلني
وأنتي تحجين عليه....
خرب عرضج ياحقيره.....
جنت اكول متستاهل اكول حقيره...
ولج هل كلمه الج صارت....مخصصه الج
وتستحقيها...بامتياز
جانت هل عيون البنيه غركانه...
بدموع...
هل عيون الي بيهن ضعفي...
اشفافها الي تبللن من دموعها......ودي ألثمها
نفسها......يصعد وينزل....
حتى بهل لحظه أعشكها...
حتى بهل لحظه اهواها ...
ماكدرت اضربها.....نهضت منها
الموبايل بيدي....وأفتر...
-بنيتي.........
كتلج إلا كلبي....... والشي اليوجعني
كتلج لا تستخـفّين...... بيه زايد
لأن بعدها ماأخليلج... أي اعتبار
هي تبجي بحركه....وكلبي على بجيها يوجعني
طلعت الغرفتي......نار براسي..
حركه شبت بضلوعي....
ففتحت الشباك...مال غرفتي
عكاب كاعد عل كرسي....وعينه للسما
جان صافن وجع كًلبه..
مدري كًلبي وجعه أقوى..

لاانـت أااه و بحـسره أزفرها
ولا أنت دم يـجري بوريـدي
حتـى من تجرحني
أنزفك........
أنت عشك...تملك
عكًلي...
وسكن وكًلبي
انت جرح مايشفى
انت دمع ماينشف
تمنيتك......
دم بوريدي
حتى تجرحني
أنزفك..
........
مااعرفت نمت ولا لا.....لأن أسمعها تون وتسكت
مقاوم روحي.....كوه...
غفيت الحد الفجر......
كعدت اصلي.....وبدلت لبست قاط ورباط
واني أمشط بشعري......دخلت نهى
-صباح الخير أبو نمر
جنت امشط.........وعاينلها من المرايه...
هالات محاوط عينها..... تعبانه...مالتفت ليها
سويت روحي مااهتم ليها......وماعاينت ليها
-أحجي بنتي وراي سفر
-والله ......أبونمر كنت ناويه أمسحهن...حسيت بحبك
ماأنكر طول ذيج الفتره متشته....هسه أحبك صدك
-ألمطلوب شنو .....
جانت متوتره مثل كل مره
وهي تبجي....رفعت ايدي الساعه خمسه ونص
هم يله أطلع.....تقربت ليها
جريت راسها بست كصتها...
-أني رايح أنتي تعبتي هنا وأني تعبت.....
لهنا وكافي....
وراي سفر....
درسي زين......
وكفت أفتح الباب
-أبو نمر أوكف
-اسمعج
-رايح بلا ماتقبلني من شفافي.....
غمضت عيني...
هو هذا الأتمنا بس الصار
رسائلها تحجي عليه....
ماأمن بيها طلعت....وسديت الباب حيل
نزلت الشيخه متمدده بلربعه وذابله...دنجت بست راسها
-هلا بلشيخه راده شباب...
-هلا بوليدي ......عين البارده عليك وليدي....
طالع هيبه بهل غاط(قاط)

جنك رئيس يمهوريه(جمهوريه)......
-اي يايمه سمعيني......حجيج الحلو شجيبلج مناك
-سلامتك وليدي....النكريزيه ماهيه يمه
-هسه تنزل مااوصيج
-خايب دكوم حفظتها والقرعان حفظتها... عينج يمه
على بنيتي....
أدري ويين مخليها يم عربيد(افعى)
-يمه غير ابنج واحبج......ادعيلي رايح
-غير تتريك....مستعيل(مستعجل)
-يمه مااريد ريوك بلطريق أكل....
طلعت وكفت يم الباب...وعيني عل شباك
اخ يانهوه.....حتى ممحضر شلقي محاضره
شفت اعكاب راح بسيارته.....
خابرت ازلامي يلحكونه
....
شهله....
خابرت جبل بليل...علمود الشيخه مريضه
وجاي أتأكد...
كلي الخبر ليفرحني..
انو السبوع الجاي نزوج....فرحت...
الصبح هو راح...يسافر....امي كالت تروح للشيخه
لبست ورحت وياها.....
وجنت مقرره اتقرب النهى....هي راحت الشيخ..
دخلنا..وسلمنا على الشيخه....
ومن كتلها رح نزوج عن قريب....فرحت...
نجمه كاعده.....سئلتها على نهى....كالت فوك
صعدت الها وجنت محتاره....
بيا غرفه هيه
فتحت أول غرفه ماكو...
الغرفه الثانيه مال الشيخ
جانت كاعده على الجربايه ...تقرا بس ضايجه
تقربت ليها...
-شونك نهى....
اكدر اكعد يمج ضاجت واجت دكوم
-أوكفي نهى أرجوج....خيتي...
-اني مو اخت احد
-نهى لا تتكدرين مني....
انتي عزيزت الشيخ...وحبه
أجيت ليج.....واحلفلج...مارح أخذ مكانج....ابد
امي ابوي مزوج عليها
وهي وحرمته خيات..(اخوات)
-انتي عادي أني مااكدر....اني ما مستوعبه هيج شي
شلون تقبلين...على روحج
ولو انتن حياتكم تعب...سهر
وعادي الرجال ياخذ وحده وثنين.....شنو انتن
احنا خيه أكعدي خل أونسج....وسولفلج سالفه
-شنو تونسيني أنتي صاحبتي.....
-خيه طك حنج مو اله صاحبات
أسمعي هاي السالفه بين بنت الريف والمدينه
يعني اني وانتي خل نتخيل روحنا ههه يكلج
تلاكن بشارع أثنين بنات وصار بينهن
هل سالفه.....منقوله
بين بنت الريف وبنت المدينة

اهلا وسهلا بيج يمسيره للريف ..
ابهذا السلف كل بيت يتباه بالضيف

بنت المدينة ... عدكم بهذا الريف حلوهالطبيعة
والنهر والاشجار صوره بديعه

بنت الريف…
كلشي حلو بالريف حتى المحبة..
انعيش بمودة وخير والعشره طيبه

بنت المدينة......
... بنت المدينة مابين العطور
وباحدث الازياء وبعالي القصور

بنت الريف .. احنه عطرنه الهيل وباللبس راضين
وشوفي اشحلاة الدار وسط البساتين

بنت المدينة… عدنه الاكل وجبات كل وجبة من لون
وكل واحد من البيت كدامه ماعون

بنت الريف… يتصدر امن الريف اكل المدينة
وعدنه لذيذ الزاد من زرع ادينه

بنت المدينة.. . هاليوم ازور الريف بأحلى الفساتين
وانتن ولو حلوات لكن مساكين

بنت الريف.....
.... ياخيه والعباس ابعز وهنه انعيش
وعدنه الكلوب انظاف مثل الدشاديش

بنت المدينة......
. بنت المدينه اهواي تهوى المظاهر
وتطلب العنده المال بنت الاكابر

بنت الريف .. خيه احنه نهوى الزين واليستر الحال
والوفه ابهذا اليوم ماينشره ابمال

ها خيه نهى حلوه...
-مافهمت زين....لكن كتبيها بورقه حتى احفظها وراجعها وأفهمها
لكن كانه...... متعرفين تقرئين مو
-لا خيه نهى أني مكمله سادس عدادي
والفضل الاول والاخير ......للشيخ أبو نمر
خل أسولفلج أفضال أبو نمر عليه...وليش احبه
غير حنيته.....وغيرته....
رجعت الذاك الوكت
جنت تاركه المدرسه.....ومااحبها أبد
حالي حال البنات الهنا...الاكثرهن
ومن أروح البيت عمتي....الشيخه...
الكا ألشيخ أبو نمر يقراء كتب...
لو راجع من الكليه...توه
تمنيت أقراء وعندي شهاده ..
وخلي يتعجب بيه.....
فمره كظيت أكتابه يمه. ...أتهجيته..ماكدرت
عرض عليه يقريني.....فرحت
وصدك قريت......وبقيت أجيهم يدرسني
وي أخواته
وعلمني كلشي....
حبيت القرايه... والدراسه الأجله
كملت السادس بتدائي....
ومن نجحت ابو نمر فرح....
كلي كملي خارجي...واني أساعدج...
بديت أقراه..... واجهد بروحي...
ودرست الثالث ونجحت....
ومن شفت فرحته...
زود عندي هل شي حب الشهاده
هو يكمل ماجستير....
عرفت هو يحب الثقافه....ردت اصير الحرمه ليحبها
بقيت أدرس....... وأدرس ألسادس...
وكل يوم يبطلني....... شهيد أخوي
وأرجع أمي تساعدني....
وهنا رحت الابو نمر
كتله يوكفلي...
وحاجا أخوي شهيد اكمل السادس
وامي تقنعه اخوي أكمل سادس.....
وخوي رافض
وذبيت حيلي للدراسه......بس بلبيت بلا مدرس
عل ملازم......اعتمدت
ومن تخرجت هاي السنه.....
رفض أخوي أكمل....
لأن ماعدنا حرمه تدرس كليه.....
وكعدت يعني بفضل أبو نمر......كملت السادس
فأحنا حتى لو بسيطين ....نقراء ونكتب...
ونحب الشهايد....
اغبر(اقل)واحد بينا يشعر على سجيته
.....
عكاب..
طلعت من الفجر اتلاكيت وي أبو نمر
سلمت عليه......واني طلعت للنخله
ركبت بسيارتي......

واني محضر التفكه أكتل أبو غزوان
مادام أبو نمر راح......
وصلت يم النخله.....بقيت كاعد....
واني أنطره...من ورى النخله
يفوت بسيارت البيكم يحمل حليب....
وشفت غزل من بعيد.....جذبت عيني درت وجهي...
-عكاب يابعد هلي زعلان
-روحي من عقلي هذا حلم...روحي
-يابعد اهلي شلونك أني رح أموت....درت وجهي
وشفتها شفافها يابسه مثل الصايم
وجهه مخرمش....
-يابويه هاي انتي غزولتي....يعافيتي انتي
-شدبره عكاب باجر عرسي...وهي خطبتي
كتلهم لا .........كسروني تكسر....
-خايبه أمي الشيخه مكسره أيده ....
أدكلي بس تشرد بيها
يلحكوكم....وأموت بفراكك
ولج ياغزولتي شعمل هسه...
رحت الكشاف يكلي.....ماصيرلك...
ولج الموت أرحم من فراكج...
-عكاب هو حرمته كل يوم يجتلها(يكتلها)
جا اني شسوي...خايفه...
اي خايفه اني
لأن أنت مو يمي
خايفه رح ابعد عنك....شلون بلياك عكاب
-كافيج غزل رح اكتله واخلصج منه....
-أحلفك بروح أهلك لا عكاب...هذا نذل مايستاهل
خليك بعد اهلي...
.عيش حياتك...وزوج مثلي
-ولج ياحرمه اشوفها مثلج.......ولج بس انتي
-يله بعد اهلي ابريلي الذمه........فتحت طرف شيلتها
طلعت المحبس
-هذا محبسك.. أطي الحرمتك...
-خايبه هو كًلبي عندج......يامحبس عاد ذكرى مني
-أخ ياعكاب...ماعندي شي أطيك....
بس هذا أوكف علك اخضر...
جانت لافته على أيدها...
مثل السوار....وشادته حيل....
فكته بحلكها لأن ضابته
-مد أيدك هذا العلك من أبو فاضل...يحميك
شدته على ايدي وهي تبجي...وأني ابجي
سحبت أقسام....
إجى ابو غزوان...هي راحت
وأجى كاظم إخذ سلاحي...ضربته بوكسي
وشداد جراني وضربته......
كامل خطيب جنان كلي
-أشبيك عكاب فكر بلشيخه شنهي ذنبها
ضربتهم وكعدت للكاع

يزفوج وانـي ويـاج نفــس المسـيه

انتي الحظن رجال
واني زفتي المنيه
#شيوخ_لاتعرف_الحب
....الجزء العشرون..
....نازك الحمراني.....

جمال أبو نمر
جان الطريق اشطوله واحس مالي واهس
تمنيت......أرد بيدي موبايلها
وهي تحجي....
كلامها بريء بس ميدخل عقلي
ماأكدر أتحمل تشكي عليه كدام محارم
أي اني قروي...مااحب حرمتي..تجامل رجال
مهما كان صلته...وخاصه اذا رحال محارم
وصلت...للفندق....
أجرت غرفه ذبيت غراضي وطلعت
مريت للكليه عل عميد....
وهناك شفت أصدقائي.. . دفعت الماجستير....
وبقينا نسولف عل محاضرات...
أخذت محاضره....قسم مسائي حتى أتحضر...
عزموني لبيوتهم جنت رافض....
أريد أكعد وحدي...
دخلت المطعم.....كعدت للطاوله....طلبت أكل
بيدي موبايل نهى...واني أقرا كلامها
أريد أكرهه.....احقد عليها...
بس عليمن اجذب.......على كلبي..
جنت ضايع...بين هل كلام..
وهي توصفني......همجي....أشكد توجع.....
اني الما ملت عيني حرمه....
واحاسب كلمن يغلط
هسه نهى تحجي....وأسكت..
تغلط واغلس....
لشوكت أبرر...واكول تربيتها غير
لشوكت ألكالها عذر.......
واكول مجتمعها غير...... وبيئتها غير...
حزت عليه نفسي.......اهانتها
دك الموبايل
المتصل نجمه....رفعته
-حياج الله أم شاهين.....أتفضلي
ألحظه توترت هل صوت
ألي جنت ضايع قبل شوي.....
وهسه لكيت روحي....
الحظه غبت....
وهسه رجعت....
لحظة جنت ميت
هسه عشت
ردت أكلها شونج حبيبتي.....
بس موبايلها بيدي....
وابهامي على كلمة همجي....واني أقراء
-ليش تتصلين....بنتي
سديته...
روحي انت والولف
لمن أذكرك
تلعــب لعـب بعافيتي
-
... ......
نجمه
سافر أبو نمر...وجنت أغسل الماعين
بعد ماطلعت شهله وأمها....
اجتني نهى....وجانت محزونه...
-نجمه ممكن الفون مالتج
-اي حبيبتي جريته من فوك الثلاجه.....
انطيته الها خابرت أبو نمر....
مجرد كالت شلونك حبيبي....سدا بوجها
بقت تبجي....نشفت ايدي
كعدت يمها....
-نهى احجي اشبيج
بلكن أساعدج....
-شساعديني....راح كلشي....والله نجمه أحبه أموت عليه....شسوي
-اي كولي بلكن أساعدج.....تعالي أروح للشيخه
-لا لا مااريد الشيخه مريضه....بسببي..
مااعرف اصرف...اعترف
اني سبب قتل الحصان....
-علعنود ترى أبو نمر كال فدوه النهى....هيج سمعته
يكل الجبل...
وكلالهم.......أتخيلو لو نهى بيها شي....أموت وراها
-كافي نجمه....... كافي عاد..
-ليش نهى مجاي أكذب......هو هذا الصار
-نجمه أي صح مصدقتج....والي صار واقع
بس أني بيها حسيت... بحبه
أبلهفته عليه...
بخوفه..حتى مااندار للعنود
حتى مااندار للعنود....كان خوفه كله الي
متعرفين اشسوه
أجتي الشيخه تتكلم عني....أشرلها بعيونه ماتتكلم
يتلمس برجلي...بحنيه..خاف مكسوره
ماحاسه بهذا الشعور.....فضلني على كلشي
-اي هاي بداية حبكم
-لا نجمه طلعت الفون مالتي....قررت أنسى كلشي
وأبدي معاه....
قررت أكون.... عالمي بقربه
واني أمسح كل رساله رسلتها....
الاخوي زياد....
والصديقي...يزن

والله زياد أخوي....
ويزن صديق دراسه
ابو نمر اول حب....والله يانجمه خسرته خسرته
ماعاد يصدقني....
لأن قبلها وعدته وخلفت.الوعد..مرتين
-شكلج يانهى اني احجي وياه الج....واحنا نحجي
دخلت الشيخه للمطبخ....كمناليها...
اني ونهى نعينها....
-هلا ببنياتي....علي علي علي العمر تعبني كوه أمعد
أي يايمه سمعت حچي نهوه...واجيت
ام شاهين أستكان چاي مهيل....من أيدچ
-تدللين يمه
شوفی نهوه بنتی...
آنتی عزيزت أبني ورويحته
چنا انکول اشوكت ابو نمر يحب....
نجمه شاهده....
طول عمره مايهم الجنس النسوان..
لچن من شافچ تغير وصار هادىء
صوچچ بنيتي چنت كل مره اصيح أعليچ....تجين يمي
أنتي غمه.....موش ذربه(طيبه)
أوليدي..عاشگچ...ورايدچ مثل ماانتي
حتى ماكلفچ تکوي هدمه
تحضيرله لگمه..
رادچ بس تهوين عيشته...
ينزل وهو مكودر...(حزين)
اكسبي يبنيتي....الزلمه مثل الياهل(الطفل)العمره سنه
تداري...بأكلته ..بهدمته....بنومته..
شوفي ابنيتي أسولفلچ...سالفه الله یرحم ابوچ وابوي
يگول آلزلمه مثل الآسد...
-یا شيخا مثل الاسد كيف
-خايبه شيخه.....مو شيخا...ول وعد (تبا للحظ)
ماعلينا بنتي...
يكلچ آکو صياد يمشي بلچوله يريد يصيد اي شي
غزال أرانب ذيب ...يبيعيهن....وحين مايمشي
طر السچه(الطريق)
لکی شبل(صغير الاسد)مجروح‌آخذه البيته
وداره وطيبه....
بقى هل شبل عنده يداريه ويوکله
مرت أيام وراحت ....
الشبل صار أسد....والصياد تعلق بيه
بس عيب هل أسد چان دوم يسلچ(يخرج لعاب فمه)
فچان هل حطاب يصيحله أبو سلاچ
الآسد يسكت...لأن يحب الصياد
بقى الاسد يساعد الصياد بصيد الغزلان...
تحسنت أموره..واحواله بفضل الأسد
بس الحطاب ضل مستمر يكله أبو سلاچ
الاسد یسكت لأن يحبه.......
مره الصياد يم چماعته..........تباها بصيده وكلهم
ابو سلاچ يساعدني....
كررها مره مرتين
الأسد طلع وي الصياد...يصيد..وصالحه أبوسلاچ تعال
غضب الأسد وركض عليه وعضه من زردومه(رقبته)
فات واحد روحانيه هو وطلابه . شاف الأسد........... يعض بلصياد وعيونه تدمع....
اجو يشردون كلهم
أوكفو لاتشردون هسه يغضي(يقضي)ويروح
هذا الأسد يكتل أبصاحبه...لأن صاحبه أذاه
شوفو دموعه وحزنه....لان يحبه
چتله ويتفنن بچتله لآنه حقد علیه
وضام بكًلبه هواي.....
فيا بنتي الزلمه مثل الأسد....
يسكت يتحمل
لچن من توصل حدها يكًلب المركب على الچفه
بقيتي أنتي وشطارتج....يلنكريزيه
بس يايمه أوليدي تعب.....يجي تلكي بظحكه حلوه
وبهدمه تسنعي(ترتبي)
چا هل ملايچه(ممثلين) النکريز برد الشر
(يبعد شرهم)
يلبسن بلا هدم(ملابس)
وليدي يعزچ‌ومعزته ليچ چبيره.......يسميچ بنتي
تدرين شنهي معناها...
-يعني لو عنده بزر(اطفال) ويخيرونه بينچ وبينهم
-رح يختارچ...لأن أنتي بنته الأعز من بزره
.........................
جبل
خابرت اخت نجمه على بنتها....نخطبها
وچان جوابها تاخذ رئي البنيه...
وهم أجونا قبل سنه
وشايفه عكاب ....وهو شايفها
بس من چان عكاب ما يهتم للنسوان...
ولا هتم الها برغم نازكه وحلوه...
خبرت نمر نروحلهم ونخطبها كون بفتره كصيره
انزوح عكاب بلچن يرتاح وينسى
................
عكاب بين نومي بلنهار صار
چنت متمدد وعيوني للسكف
طيف غزل بالي.....
وچن صوتها بأذني تندهلي.....عكاب وينك...
اخ يايمه لو ما أنتي...
چان كتلت أبو غزوان
وحررها من ظلمه.... بس حلفتيني...
بقیت آنام للظهريه....الحد اليل...اظل اسهر وعد نجوم
يارب لازم اكو فرج....
آخ ياغزل
چنت من آ كلچ آحبچ
تتکحل عيونچ......
وهسه آني صفيت ...بس كحل
بلاي عيون
شنهي قيمة الكحل...
من غير عيونچ...
رحت لل چوله المچان النخله...
نطرت غزوله تجي ....فات الوكت وهي مامش
عاينت المچانها التکعد بيه مسدت عليه
وظليت أسولف وي روحي واشكي
-
احس روحي بيها فشله ...
مثل عصفور باني عشه...
راح يدور عوادين
لگه الغربان ساكنته ....
يعافيتي عفتني بحسرة
مثل حسرة ام
ماعدها بس 'وليد
مات
وهيه چانت تحلم‌
بيوم عرسه......

...................
أبو نمر
چانت المحاظره ثلث ساعه..
دخلت ...ودخل العميد معاي يعرفني بيهم..وهو يكلهم
-أقدملكم الأستاذ جمال(..)سيد قومه بل عراقي
يعني شيخ عشيره...
وأستاذ جامعي..
افضل طلابي دزيت عليه
رح يقدملكم محاضره...
وذا يحب أخلي كل فتره يجيكم....استاذكم سيد قومه...انتبهو..طلع
طلع الأستاذ وعيوني تفتر بين الطلبه....والستولات
وشلون يظحكون....
فتحت دكم سترتي..
-ألأستاذ عرفكم بيه...
أتمنى اذهانكم وياي
بيدي القلم...يمي.. الأستيج كعدت عليه...
جنت منتظرهم يسكتون...
واني اعاين للبنات
الي تظحك ليه....ألي تعاين.....تبتسم
وين وجه نهى منهن....
بس هي التارسه خلكي
انتبهت على روحي...

يارب أعوذك بك من شتات عقلي
سردت المحاضره بأتقان.....وبديت اشرحلهم
واني أشوفهم فرحانين بسرد....
بسطته الهم مثل سالفه ورباط....
عاينت للساعه....
ماخذ فوك الوقت خمس دقايق
ترخصت منهم.......فكرت من صدك انو كل فتره
اجي ليهم.....واحاضر
ودعت الاستاذ
رديت للفندق جنت تعبان....
لان الصبح اركض بجواز نهى....وكملته
احتاجيت أحجي وي أي شخص.....
قبل لا أنام....
اتصلت على شهله.....
بقيت احجي وياها...
حسيت مثل اليحجي ....يريد يخلص وقت
مااكو أنجذاب الها..ابد
بس الي انتبهت عليه...
هي مثل امي من جانت تحجي وي والدي الله يرحمه..
هل شي حبيته...
او حاولت أمني نفسي.... احب بيها شي
نمت وبليل أنفتح باب الفندق.. ...
أنفتح بهداي وصوت الأزيز مال باب
جانت الغرفه ظلمه
وبفتحت الباب اجى ضوه خفيف....
هذا الطول
والظل اعرفه كلش زين
اجت تقترب....وهي لابسه كعب...
مااشوف شي من الظلام......
بس صوت الطرق الكعب....والظل يقترب
نفس العطر.....لفحني
كعدت على الچربايه
نفس نعومة الايد..وهي تتلمس خدي ولحيتي
ايدها الثانيه وهي تفتح ضوه اتيبرلام....
نهوه..هاي أنتي
شنو أشجابج....
خلت سبابتها على شفافي....اشششش
وهي تتلمسني ....
جنت ذايب بهل لمسه....
بدت تفتح زنجيل التراك الابسه....
وايدها تتلمس صدري......
نسيت كيف اجت ودخلت
تقربت ليه...
وشفافها العشكها تبوس عيني...
وبركبتي......وانيى وي كل لمسه منها
ينفض جسمي.....ولهفتي هي هيه ماتغيرت
اذن الفجر.....
كعدت فزيت جان حلم.....
مثل أول لحظه تقربتلها
حلم رجعني الذيج الساعه......الاولى
حلم وعشت بحقيقته.....
برجفت روحي....
بعرك....جسمي....
شنهي يانهوه....حتى بلحلم وراي
نهوتي بس انتي حرمه......يلعن ابليسج يانهى....
على هيج دكه....
نهضت أسبح وراي صلاة الفجر

كملت صلاتي
ورديت للقريه........جنت افكر بهل حلم...
ليش حسيته حقيقه......وهم وخيال قوي...
شفت مطعم
اريد بس چاي يفك راسي
وكفت يم مطعم....طلبت چ اي..
شربت على سريع...لأن عدنا كعده..
ركبت السياره.........
والطريق الي يدخل القريتنا
يمه طريق ما مبلط ترابه......يصير جوه
هو هذا عرب بيت غضبان....
ذكرت دكتهم الناقصه بجبل......
تعمدت ادخل من طريقهم......
دخلت وصارت يمي چوله(مکان ترابی فارغ واسع)
جاي اعبر بسيارتي شفت خالد اخو سعده...
طالع بسيارته
طلعت أسلاحي من القچمقچه....وكفت السياره نزلت
خليت السلاح ورى وخلت بلبنطرون....
وكفت أكبال سيارته... چانت تمشي صوبي(نحوي)
اضطر يوكف....
وتراب اجى بوجهي اله شوي...
نزل..وياي رجال بنهاية الأربعين
من وصف جبل عرفت هذا أبو غزوان...
-هلا بشيخ جمال شلونك شخبارك
-خويلد ألشيخ أبو نمر.... لو هذا الأسم يأذيك
ابوغزوان تعصب أجى يمد أيده علي....
جريت ياخته...وضربته بوكسي...مطلته بلكاع
وخليت رجلي على صدره...دنجت ليه...... يادون ماكلك خويلد أني شيخ عشيره........ظل يمتمت
-ها لا والله السموحه شيخ ليعرفك مايثمنك....
مااكصد تراني......
شفتك لابس غاط عبالي مستطرق
-أبو نمر مهل(اترك)ابن أخوي....وانت ماتدري اني
صرت شيخ عشيره......جنت اعاينله..وهو واكف
يريد يطلع سلاحه....
-هاهاها.....منو شيخ...أنت من كل عقلك
كلمن لبس عكال..وشماغ صار شيخ
بس لا تزعل خالد اسميك....
انت شيخ... على ناس مثلك...
ماتحجي وياي هيج
-اي هو على عشيرتي تعرفني شيخ....بس انت ادكلي خالد خويلد....الناس تعرفني شيخ
وخرت رجلي من ابو غزوان....
انت لو تعرف أصول الشيخ شنهي
چان قدرتك..
بس انت ماتعرف قواعد الكهوه والفنجان
-فشلون تريد اصير شيخ....
-ياقواعد....اعرف وتعلمت..
-يعني تعلمت بس مافهمت....
الشيخه الها ناسها....الها رجالها وهيبتها
اخوي جبل ماشرب كهوتكم بس كض الفنجان
وانت مافهمت شيريد ولا سئلته...تعرف ليش
لأن انت ماتعرف كهوة الضيف..
الي مايشربها لمن تلبي حاجته..
-كافيج شيخ ج
-شيخ او نمر قسم ان كلت غيرها
-شيخ ابو نمر انت تهدد واكف يم منطقتنا
مايجوز تتعدى...لان
-لان شسوي يلذيب..يلهارث..ترى ايدي بعدها
مبلل دم.....
ودم السلابه الحراميه ماناشف منها....

-شنهي قصدك ابو نمر تهددني
-لا مااهدد تدريني...من اريد اسوي شي انفذ
نخطب حرمه منكم...وترفضون...عليش
-اني أگلك عليش ابن عمها ونها
والحجي راح بعد هي نخطبت
-شنو انخطبت اشوكت وشلون..
-البارحه خطبها....ابن عمها هذا...... كوم بعد عمك
جان بلكاع مدد.....كومه خالد
-هذا خطيبها....... المدحدح يزوجها....
وعكاب يتحصر
عاينتله زلمه امشورب كرشه كدامه.....چبیر....
آتلاحکت بلحچي.....حتى ميشكون بيه
العرفته من العلويه......
حرمة سيد قاسم أدگول البنيه زغيره
-اي صح زغيره بس بعد صارت

هيج يومين نعرس
أذا تريد تعال للعرس.....
وننسى انت صديقي چنت
وتعرفني چنت مارضي على ابوي
واني غير عن اهلي
عاينت الأبو غزوان.....
وخالد چان یحچي
صميت ايدي حيل ضربت ابو غزوان بوكس....مال حرگه
-ادب أبن اخوك ولا يجاوز.....أخذت ثار عكاب يوم‌ضربه انداريت الخالد....
لو منطينا بنتكم
چان ماشکيت بنيتگ .
بس هسه كلشي رد المچانه
تركتهم....وابو غزوان مدد بلكاع.....
وخشمه يجري دم.....
رجعت للقريه شلون اخبر عکاب.....بهل خبر
وصلت تعبان من السفر...
وذول حركو گلبی
دخلت والبنات والتحضيرات....للحنه مالتهن..
البيت مخبوص....
وصلت للربعه دنجت بست راس امي
دك موبايلي.....
رساله من شهله رح تجي...
سلمت على امي....جاي اكوم
واجت نهى جابت كلاص ماي.....
امي تظحك.....
واني كمت وتركتها...مااريد اعاينلها جاي أصعد
صاحت عليه....نهى
-شيخ أبو نمر....احضرلك الغدا
صعدت للغرفه أجت وراي...سديت الباب قفلته
-اريد ارتاح لحد يزعجني فاهمه
يتبع

بارت 21
#شيوخ_لاتعرف_الحب
الجزء واحد وعشرون..

آبو نمر.....
بيوم حنة اخواتي جميله وجنان....نمت بلغرفه...
بعد قفلت الباب ماخليت نهى تدخل....
بقيت متمدد....
السويته صح والا غلط.....
ماكدرت أنام.....
هوسه جوه.......وصوت موزيقه....
كمت طلعت من الكنتور ملابس عدنا كعده...
شلت الموبايل....من الميز
خابرت جبل......هلا خويه
رح أبدل وأجيه للديوان....غلقته..
شفت مكالمه فائته من عكاب.....تصلت عليه ميرد
رديت خابرت العيبي.....يراقب عكاب
وميتركه.......
خليت ثوبي على ال چربايه
طلعت أسبح......وکفت يم الدرج
واني أسمع صوت الشيخه....تهوس.......ههه يايمه شلون صوت عليچ...
رديت للحمام..... آسبحت وکملت
لفيت الخاولي على خصري....
والثاني على ركبتي انشف بوجهي
طلعت وكفت يم المغسله...
وأسمع صوت وراي
التفت نهی..وهی واکفه وتعاينلي.....برغم أعشكها
بس كًلبي بيه حزه عليها.....
نزلت عيني عنها مثل راهب....مايريد يضعف يم حواء
مثل متصوف....يخاف ينثار بجمال أمرأه ريفيه
لأن اشتلبس تطلع حلوه....
أبلحظته كلبي دك دكت موت...
عبرتها لأن بس أبقى أضعف....يمها...
صوتها الي يعبر الصيوان.... ويخترق كلبي...
-ابو نمر أرجوك سامحني...لاتقسى....چانت نبرت التوسل بصوتها... تخردلني.....دوهني.
ردت أدير ليها...أخذها الحظني....
ردت ألثم اشفافها البيهن....ضماي
بس وكفت......صميت أيدي
واني مغمض عيني......
مااکدر آنسى الرسائل
يتكررن مثل شريط الأخبار....يفترن براسي....
رساله رساله.... كلمه كلمه......مشيت خطوتين
واحس بهل لحظه....صوت دكات كًلبي ....
أعلى من صوت الهوسه الجوه........
صوت كًلب عاشك...محروم من حبيبته....وشافها
بهل لحظه....صعدت شهله.....
چانت المنقذ الي.....بوراي الجنه....وتركتها
كدامي شهله.....وهي تعاينلي.... خجلت..وهي تستحي
وأجت تنزل.............انداريت النهى رفعتلها حاجب
واني عيوني الشهله......الي جاي تنزل
-بنت خالي شردتي....چانت مطيتني ظهرها
-لاتخجلين شهله أنتي حرمتي....
كل كلمه أحچيها
سچين داخله بكًلبي توجعني.....قبل لاتوجع نهی....
شهله على وكفتها....أقتربت من عدها...... صعدت
وهي ترجف....وتفرك أبأيدها.....وجهه أحمر...
تقربت كلش عليها......راسها قريب الصدري
رفعت وجهه......أعاينها....
بلعت ريجي.....وخوفي على نهى
بس السوته موش هين.....كظيت أيد شهله..
-شطالع يلمزيونه......حلوه....
-ها أشكرك.....شيخ....أبو.
بس على كيفچ آهدئي
ليش متوتره.....
-ها مو أنت أنت
-أشبيه اني شهله....سمعت صوت نهى....وهي متنرفزه
-البنيه تستحي منك....شنو أتمثلون عليه
هي يمك اسنين...وتخجل...
وأنت واكف يمها...
ولاف فقط منشفه على جسمك...ليش
هذا مشهد تمثيلي.....
أحس وصلت للأريده....أخذت شهله من أيدها..
-أوكفي هنا شهله أبدل وأجيج.....أقتربت من نهى
وعطرها الي اتحسسه...لیدوهنی وتراچيها يتراكصن من توترها قربت شفتي يم أذنها
واني احس بانفاسها تلفحني...
-جربي وجع كلبي وأنتي تحجين وي......غريب محرم
بنتي أحنا مو بحرب.....بس جاي أعلمچ....الغيره شلون أصير
مو أنتي تربيت أجانب.....ومتغارين.....
ها لو حنيتي...الأصلچ القروي....
چان طيف دمعه بعيونها.....وهي تتصنع التكبر
لأن ضربت عل وتر الحساس...
وهي تتفاخر بلتحرر
-اني ماجاي أغار....لكن الي ديصير...
-شنو الي صار...الكل واكف بعيد عن الثاني...
محد مقترب من الثاني....وذا علمنشفه....
ترى هناك...يركضون بسروال بشوارع....
لو عچبتچ الحشمه آلعدنا....ها
-لا الي ديصير...أنو انت تحس روحك...سلطان
وعندك أثنين جواري......
وهذا أهانه للمرأه....
-سلطان... يالسانچ يانهى..عاينتلها....فتحت ايد أثنينهن
-عل‌عموم...انتي برئيچ منو الآوفر حظ....بين هل ثنين الحلوات....
آلي يمي....
-كافي أبو نمر....دتعبني... كظيت ايدها
-بعدنا بداية الحجي....لوين منهزمه.. چانت عیونها تحچی‌‌‌‌.......
-آترک آیدي
-وذا ماتركتها....... حسيتها تأذت هديتها....نزلت ركض
شهله واكفه....هسه راد ليچ
دخلت للغرفه.....
واني مختنك بيها...وآتنفسها
اريد أشيلها من فكري
بدلت....علسريع....تعطرت....
طلعت من الغرفه.....
شهله .......بعدها واكفه......
هل حرمه ارد اتعود عليها....أحسها
وهي لابسه نفنوف حلوه.....وهيه نويعمه...
برغم أنعم من نهى....
بس نهوتي بنيتي.....
قررت بيني وبين نفسي......لازم أتگربها
تقربت ليها.....مديت أيدي
من رخصتج سدي الساعه.....
آعاینلها وهی ترجف خجلانه.....
-شهله شنو رئيچ بلي صار...أنتي مجاي تتكلمين
يعني رئيچ آحب آعرفه...بدت تحچي وشفافها ترجف
-آمی آدکول...الرجل حقه يتزوج أثنين..
-شهله اتركي........والدتچ‌آحب آسمع احساسچ
-آنی تكدرت آنغميت(حزنت)..لچن هيه حرمتك...أضم بكًلبي..