#ذبول الاقحوان
#البارت الرابع و الاربعون

2019 نهاية الشهر الـ11

علي..

دخـلت للبيت و صوت ريماس جاي من الصالة خـلى گلبي ينطرب على صوت ضحـكاتها
الطفل بالبيت مـثل الفرحة المتنقلة..ابتسمت و فتت للصالة و انـه اعاين لـ صفاء الي گاعدة بالگاع و راچية ظهرها على الكـرسي و رجليها مادتهن ليگدام

و گاعدة عليهن ريماس و هي تجـر بشعر امها و ضحكاتها تتعـالى
و صفاء لا حول و لا قوة..التفتت عليه و گـالت

- علي رحمة لأهلك اخذها مني موتتنـي

ضحكت و هي شوية و تبچـي
صار عمـر ريماس سنتين..على مدار هاي السنتين انكـتلت بيها صفاء كتل طول عمرها ما شايفته
شـني اسويلها اذا بنتي عنيـفة

- رمانتي

صحت لـ ريماس و هي شهگـت شـهگة خلت گلبي يطيح من مكانـة
التفتت علـية و نزلت من رجلين امها و أجـت تركض عليه دنگـت و شلتها و هي تشـبك بيه و توزع بوسات على وجهـي و هي تكـرر " بيبي بيبي " على اساس حبيبي

بستها من خـدها و ضميتها لصدري و عايـنت لـ صفاء الي وگفت على حيلها و هي تلم بشعرها
و تهمس

- يا من تعب يا من شگى يا من على الحـاظر لگـى
انشگ حلگي من حملت بيها و اسهر و ارضع و اهتم بيها و بالأخـير اصير الها كيس مـلاكمة و ابوها حبيب گلبها

- ليش تغارين

سألتها و ريماس ترچي راسها على چـتفي
و گالت صفاء بانفعـال

- اي اغار والله، يعني علي ترا والله ما يصير هيچ
بنتك ابد ما ترحم بحالي دشوف شسوت بشعـري
و ملت وجهـي بخراميـشها

حچـتها و هي تأشر جوه عينها على خرمشة
و سحـبت دلعة دشداشـتها و هي اطلع كتفها الصايـر ازرگ من أثـر العضة و كملت

- و هاك الصبح عضتني خلتني ابچـي مثل الجاهل
هسا ما انقهر لأن تـضربني بگد ما انقهر من اشوفها وي الكل اليفة بس يمي تنچلب

و بانزعاج گلت

- يعني بنـتي چلب ؟؟

گلبت عيونها و گالت بجزع

- يا رب منك الصبر

ضحكـت و هي گعدت على القنفـة..تقدمـت و گعدت بصفها
عاينتها و هـي تتنهد و تباوع لـ ريماس الي شابكتني
والله حقها تضوج و تزعـل صفاء..ريماس كـلش عصبية و تحب تأذي امهـا

- صـافي گلبي لا تزعلين
ترا بنتچ عصبية

- بس مو هيچ والله حرت شنو اسوي الها تا بـس تبطـل هاي السوالف

- عمرها سنتـين يا صفاء

- اعـرف علي والله اعـرف
بس والله الموضوع يقهر..صارلـها ساعة تضرب بيه، بس شافتك طفرت عـليك و تصيح حبيبي..و انـي بنتك بكل صلافة تگول صافي
كلمة ماما ما تگولها

وخرت ريماس عنـي و عاينت لأمها و ميلت رگبتها و هي تگـول

- تـافي

- ولك اشتعلوا اهل صافي و اهل علي

حچـيتها و انه اشبكها و هي تضحك و تتلوگلي
بستها من خدها قـوي و كزكزت عليها..والله البنات بالصـغر احسن من الـولد..دائماً تلگة البنية ضحـوكة و تغلـي نفسها عكس الولد
واحمد ربي لأن رزقني ببنية ملت گلبي سعادة مالها مثـيل

ضربت صفاء على فخذها و هي تگول بسخط

- هاك استلـم، و فوگاها ما تعلمت الا هذا الاسـم

من شفتها صدگ ضايجة و مقهورة..سحبتها عليه و بستها من راسها و ريماس تحاول تبعدها و هي تصـيح

- بيبـي

التفتت عليها و گـلت بتأنـيب

- رمـانتي صيري عاقلة هاي مـاماا

- تلبـه

- نـعلا على صفحتك رضـا من علمتها على هالحچاية
بابـاتي عيب نگول هيچ عيب

عگدت حاجـبها و مدت بوزها تنبـئ بلحظة انفجار قادمة لا محال
ابتعدت صفاء و هي تحط ايديها على اذنها
و تخلي رجل على ثـانية..گـلبت عيوني بملل و تركتها لـ ريماس الي گعدت بالـگاع و شغلت صـفارة الانـذار

خليت ايدية على اذانـي و التفتت على صفاء الي گالت

- احسب دقيقة و تسكت

- تقصدين هـسا 40 ثانية

حچـيتها و سكتنا و بدت بنتـي تبدع بصياحـها
مرات اگـول يمكن انطيناها عين زايدة
محد يحچـي عليها و لا يأنبها و يوم عن يوم بدت تتفرعـن..
لا انـه و لا صفاء گمنا و سكتـناها لأن نعرفها راح تسكت وحدها لا محـال..اذا احد گـام و يريد يسكتها راح يزيد الوضع فـ هي تسكت من حالها

خلصت الـدقيقة من الصياح المتواصل و دموع عبالك انهار و هي سكـتت..رفعت راسها عليها و هي تخـزر بينا
نزلت صفاء و گعدت گـبالها و هي تگول بحنية

- بـنوتي ليش تبچـين

أشرت عليه و التفتت صفاء عليه و همست صفاء

- تلعب على الحـبلين

جتفت ايدية و انه اباوع عليهن و صفاء شبكـت ريماس
و هي تگول

- بنـوتي ليش صايرة وكيحة هاا ؟
احنا مو گـلنا ميصير نضرب احد و ما نگـول تلبة ؟؟

- لضـاا

صـاحت و هي تمد ايديها بحيرة..يعني على اساس رضا هو الي يگوللها
طگيتها ضحكة و انه اگول

- طاح حظك رضـيوي ما تركت كلمة تعتب على بنتي

- على اساس انت كلامك الي كلو تفضل و شكراً
نـص كلامك لقتطـوو بنتك لا تذبها براس رضا بس

حچـتها صفاء و انه گـلت بتـبرير

- انه اي احچـي بس ما اعلمها
هـذاك الأغـبر هو يعلمها

ما ان ختمت كـلامي حتى ضحكـت ريماس و هي تگول بضحكة

- ادبـل

- هاا شگلناا

حچـتها صفاء و هي تبتسم بسخرية
تحمحمت انه و حاولت اضيع الموضوع..و گلت

- اي شـمسوية غدا

- فاصوليا خضـرا

- چا صبيلنا متت من الجـوع

ابتسمت و هي تگول

- يخـسى الجوع من بطن عيني

شالت ريماس و انطـتها الي و فاتت للمطبخ
و انه اتبعها بنظراتـي..تنهدت براحة و التفتت على ريماس الي بدت تلعب بلحيتي
وخرت شعرها عن عيونها و گلت

- ليش ما تسوين شعرچ گصيبة

ما ردت علية و هي تضيق عيونها و گـبل لا استوعب شبيها جرت شعرة من لحـيتي
خلتني اگمز من مكاني و انه اصيح

- بنـت الكلب نعلا على صفـحتچ

و هي تصفگ و تضحك خزرتهـا و رفعت ايدي بتهديد

- رمـانتي بعد ما احبچ صيري عاقلة

رمشـت بعيونها الي نسخة من عيون امها
و هي تتقرب عليه و تشبكنـي و تهمـس بدلع تخليني غصب عني انسـى لسانها و وكاحتها

- بيبي

- فدوة يروحلچ بيبي و عشيرة بيبي

حچيتها و انه ابوسها من خدها و ظليت احچي وياها و هي تنطق الكلمات الي تعرفهن
لسانها طويل رغم صغر سنها..و انه اموت على هذا السان و طريقة كلامها
دايماً امي تگول من چنت صغير چنت مثلها تلقط الحچـي..

صاحتلـي صفاء و اخذت ريماس و فتت للمطبخ
مخلية الاكل على الطاولـة
گعدنا و انه اعاينها لصـفاء اطعم بـ ريماس الي كل شوي تباوعـلي و ادزلي بوسة بالهوا

ورا الغدا كالعادة ريماس نامـت و انه گعدت بالغرفة انتظـر جيت صفاء
الي فاتت و تلفونهـا على اذنها و تحچي بانفعال
اكـيد وي صهيب..گمت اگلب بالتلفون و انه اجـر حسرات من اقرا الاخبار الي تخـص مظاهرات الي ابتـدت بتشرين. شهداء و مصابين طاحوا و لحد هسا يطيحون و الحكومـات و الاحزاب المتفرعنه تحاول تقمع بـس ما يگـدرون

رفعت راسي عليها من گعدت گبالي..و انه بهدوء گلت

- صافي گلبي ليش شايلة همـه
هسا كريم مو يروح للحبوبي ؟؟ مو حاولنا نمنعه بس الي براسه سواه..و اخوچ هم هيچ

- علي هذا وحيدي..انـت ما تشوف الاخبار؟

- اشوف بس احنا جيل عتيـد
و الي براسة يسـوي

كتفـت ايديها و القلق بعيونها و هي تگـول

- والله من يـحچي وياي ما اسمع شي منو بس
صـياح و هوسة و البارحة العصر ابو الشغب لاحگهم

ابتسمت و انه اسحبها لحظني..اعرف مدى خوفها على اخوها..بس صهيب سبع
من شاف المحافظات انتفضـت ما انتظر شي طلع وياهم

بستهـا من راسها و همست

-  صفـاوي لا تضوجـين ربچ هو الحافظ
اعرف مو سهـل الوضع بـس گوليلي اذا ابوچ ما گدر يمنعة چا انتي تگـدرين

عاينتي و هـزت راسها بلا و اني زدت على حظـني و اطمئن بيها انو كلشـي يصير بخير ان شاء الله

.

ريم..

الدنيا مغرب و كـل شوي اعاين للـساعة
صارت بالستـة و گلبي اهجسة راح يطلع من مكانه
اسوي بالعـشا بفكر غائـب و تلفوني كل شوي ارفعه و ادگ على صهيب
فات عمي و گال

- صهيب ما جا ما اتصل ؟

- لا عمـو

حچيتها و هو ضرب على رجلية و گـال بتهديد

- انـي بعد اخلية يخطي خطوة

طلع و هو يستغفر الله
طفيت الطباخ و رجعت اتصـلت بي بس ما جاوبني
كملت العشا و گلنا ننتظر رجـعته
فتت للصالة و ابـتسامة انرسمت على وجـهي بسبب الجوهرتـين الي گدامـي
يمـان و ريـان..اولادي الـتؤم الي ولدتهم قبل 5 اشهـر..
چان يمان بحظن جـدة و ريان نايم..ما يتشابهون كلش بـ عدهن نفس الشامة الي بكتف ابوهم

گعدت يم جدة فطـم الي تعاين للتلفزيون و سبحـتها بيدها
چانت مطلعة اخبار التظاهرات.
و كل شوي تگول ليش صهيب ما طالع وياهم..

انفتح الباب الداخلب و التفتت عليه و سحبت نفس براحة من فات صهيب و سلم
ابـاوع لملابسة متربـة نزع الشفقة و عمي گال ورا ما رد السلام

- ليش من نـتصل بيك ما ترد

حك رگبته من ورا و گال

- ضاع تلفوني

- يلا فدوة الك غير ملابسك حتى اخلي عـشا

هو فات يـسبح و انه صبيت العـشا و خليته
گعدنا كلنا و هو گعد ويانا بس ما اكل هواي شوي و گـام گال اريد چـاي
فضينا العشـا و صـبيت چاي و بقينا گاعدين بالصالة

و عمي يستفـسر عن الاوضاع و گعد صهيب يحچي بانفعال و بـدم محـروق
عن القـمع الي يتعرضولـة..هو من ثاني اسبوع طلع و يروح و يرجع وي اصـحابة..الي معظهم بدوا ما يـروحون الأ هـو ظل مصمم على قرارة يروح و يرجع و مرات يبقى يومين نايم هنـاك
و احنا هنا دمنا يحترگ و عليه و الخوف و القلق يكتلنـا..

التفتت على عمي الي گال

- اي صهيب احچـيلي شنو المطالب الي تحققت
لو بس دم و ضحايا وگعت

- يابـة ماكو احتـجاجات شعبية اذا ما صار بيها قمع
يعني لا تحـسسني انو الـي طلعوا بـ2013 و 2014 ما تعرضوا للقمع..و الي طلعوا بـ2015

- و اي احچـيلي شنو الي حققوه ؟؟
جماعة 2014 و 2013 صاروا دواعش بسبب المنـدسين و الي بـ2015 انقمعوا و ما غيروا شي و هسل هسا تترجـى اشياء تتحقق بهاي الاحتجـاجات
صدگني راح تنقمعـون و نصف مطالبكم ما تتحـق..بس ضحايا توگع

و بقهـر گال صهيب

- يابه انت ويانا لو وياهم

- انـي وي العراق يعني وياكم
بس احچـيلك الواقـع..مطالبنا عمرها ما راح تتحقق ما طول فلان و علان و الدول الباقية تتحكم بينا و تقسم اراضينا و ثرواتـنا بينهم

- بس يابة هالمظاهرات غير..انت ما حدرت للساحات
و شفت الـوضع يابه اني متأكـد حتلو ما تلبت مطالبنا راح تظل هاي الاحتجـاجات موجودة بذاكرة كل عـراقي شريف..و اي يابة كلامك صحيح بس احنا بيدنا نحدد مصيرنا..اذا وگفنا چتف بـچتف و ما يندس بينا احـد

ظل عمي ساكت و صهيب چـان يحچي بانفعال و لهفـة
بالـ10 و نص نومت الاطفال بمكانهـم..و مددت بصفة
التفتت عليه و فتح اليه ايديه و مددت بحظنـه..باسني من راسـي و همس

- اعرف مقصر وياچ و وي الجهال چثير
بس اعرفـچ عاذرتني

عـاينته و صارت عيني بـعينه
و انه اگول بغصة

- صهيب انه خايفة عليك..اشوف الي يصير بساحات التظـاهر و اهيس گلبي يطلع من بين ظلـوعي على هاي الشبان الراحـت
اخاف والله بيـوم افقدك مثل ما اهلهم فقدوهم

- الاعمار بيد الله..و بعديـن نيالي اذا اموت مـثل موتتهم مظلوم طالع لأجـل الحق

سكتت و انه اتنـهد بحـسرة
مسح على خدي بيده الثانية و اردف بهدوء

- تعرفين شگد يسالونـي انـت عندك سگف تنام جوا و مصروف يظل بجيبك لنهايـة الشهر و عائلة و اولاد..ليـش طالع مظـاهرات ؟؟ ترا الي طالعين ناس متعـوبة ماكو ربـع دينار بجيبـهم و انت ابن العز طالع تتظاهر

اخذ نفس و كمل

- بس محد مرة سألنـي انت عندك وطن ؟
ريم الكل معتقد انو هـاي التظاهرات لأجل لقمة عيش لو لمطالب مثل الكهرباء و المـي..هاي الاحتجاجات و التظاهرات اكبر من هيچ
قضيتنا قـضية وحدة و واضحة..احنا نريد وطـن نريد بلد ما تنهدر كرامتنا بـي
صارلـنا 16 سنة و احـنا عايشين بوطن مسـلوب..حكـام و رؤساء باعت وطنا تفصـيخ..حروب طائفية قتل على الهوية..مليشيات و تنظميات مسلحة..تهجير و نزوح بالالف..لا تگوليلي المهم عايشين جوه سگـف و بيدنا كم فلـس تـرا هاي اسمها الحياة الطبيعية ببقاي الدول بس عدنا هين معـجزة

سكت و انه عيوني دمعـت و هو كمل بتنهيدة

- نريد نطلع بيوم من بيتنا و ما نخاف تاخذ ارواحنا مفخخات لو اسلحة كاتمـة..ريـم احنا ما نريد ناطحات سحب لو ميتروات
احنا رايـدين وطن مو ارض الـنا بالخريطـة بس بالواقع تابعة لغيرنا

بللت شفتي و گـلت بنبرة هادية

- تتوقع بيوم نعيش مثل باقي الشعوب ؟

- نعيش صدگيني من باچـر..لو نبطل نحسب حساب لفلان الفلاني..من نبطل نصير قطـعان نمشي ورا كلام احد..نمسح الخطوط الحمر و التـيجان الي خليناهن على رؤسهم نشمـرها

تعدلت بگعـدتي و گـلت بتساؤل لأن عجبني بهذا اليوم الكلام وياه خصوصاً اول مرة نتطرف لهيچ مواضيع

- زين صهيب..ليش بباقي الدول..و بالاخص الاوربية
تلگـى الحكام خدام لشعبـهم بس هنا بالعراق و بالدول العربية عامة هما حكام و احنا خدامـهم

- عبيدهم مو خدامهم ..و الشعوب هي الي تصنع الطغاة و تصنع الامراء و الحكام..تصنع السيد و الرئيس و ترسم الخطوط الحمر و تقـدس البقية
هـناك شوف الحكام يعيشون حالهم حال شعوبهم..تلگاهم بالاسواق بحارس شخصي واحد لو ماكـو..تلگاهم موفرين لشعبهم العيشة الكريمة بـدون مانية لو والله سوينا و حمينا و اشتغلنا

هنا اول ما يصير حاكم او حتى مدير بدائرة تلگـى خشمو يطخ السما..عشرين سيارة ورا تمشـي للحماية منو شنو ؟

حچة اخر كلامه بتساؤل و انه رديت

- لأن يخاف..يخاف انو بيوم يغتالوه بسبب منصبة

- الخوف الاول الي بگلوبهم مو بس بسبب منصبة
الخوف الي بگلبو بسبب الي ما زال تفكيرهم حـر
و يعرفون انو الحكومة ما هي الا عصابة بس قانونيه..فـ تشوفين الخوف مستعمر گلبهم
هه تدرين كم نائب لو شخص تابع لحزب شرد بهاي الايـام ؟؟ بسبب هتافات شعبية شردوا فـ شوفي حجم ضعـفهم المقـيت

- زين سد الموضوع هذا..ما اشتاگيتلي

حچيتها و هو تلمس خدي و همس

- بكـل هتاف يصدر من حنجرة محتج اشـتاگلچ
وي كل قنبلة دخانية يضربونه بيها اشـتاگلچ..عرفتي شگد حجم شوقي الچ

تـقرب عليه و انه اشبكه باسني من راسي و انه اسند راسي على صدرة و احـس هنا الوطن الي چان يحچيلي عنه

.

ملاك..

فتت للغـرفة و خليت ايدي على خـصري و انه اباوع لـ رضا الي متمدد بالگاع و مخلي رجل على الثانية و يلعب بالتلفون و كم حب شمس بصفة

هدأت من نفسي و گلت ميخالف ملاك..سالفة ما تسوى..تحمحمت و گلت

- رضا

همهـم و گلت و عيوني تباوع بانحـاء الغرفة

- ويـن حسين

حچـيتها و هو فز من مكانه و يباوع بالغرفة
ابتسمت بمكر..و وگف على حيـلة و گال بحيرة

- مو چان نايم على الچرباية

- يا نايم..رضا شبيك مو خليته بصفـك ؟؟
وين راح

- يعني وي راح تر هو ما يمشي

حچاها و دنگ جوه الچـرباية
و اني كتفت ايدية و خليته يدور بالغرفة..خلي شوي يحـس بالمسؤولية
رضا يمكن من النوع اذا تدلل صار انسان كـسول
خـصوصاً هاي الفترة من بعد ما ترك الدوام بالحشـد و انتهاء المعارك رجع للبيت و اغلب يومه يقضية بالبيت
الا ما نـدر و لأن هو هندسة فـ باخر فترة قرر يفتح محـل و اجت التظاهرات و اضطر يغلقة لأن قريب على ساحات الاحتجاجات

- ماكو وين راح

تقربت عليه و وگـفت بصفة عدلت اله
فانيلته الصوف و همست

- عند عمـة..بس ردت اشوفك منتبه للي حواليك لو لا

مسح على شعرة و گال بضحكة

- شسوي يا عـيني
اروح للمظاهرات

- لا ويـن تروح يا رضا..رجلك بعدها ما طابت

حچيتها و انه أشـر علة رجلـة..الي لحد هسا لافها بـشاش..لأن من حاولوا يفضون الاحتجاجات أجـته ضربة برجـلة بصچمية بس الحمدلله مو كلش تأذئ بس من يمشي يعرج مرات

گعد على الچرباية و گعدت بـصفة و گلت

- هسا مـو الأ تطلع برا البيت افتر بالحديقة
روح لصحبانك

- اغلبهم بالتظاهرات
يا ملوكة شأسوي اذا اطلع خليني بالبيت هالفترة اطيب رجلي و ارجع

سكت و كمل

- المهم روحي جيبي حسين

- گوم انت

حچيتها و طلعت و هو طلع وراية بتسخط و انه ابتسم على كلامة..يا الله شگد ما مرات تكون تصرفاته مزعجة و يتسودن اذا يظل بالبيت
الأ ان هالتصرفات على گلبي مثل مرهم الجـروح
عشت ويا و رب العالمين رزقني بطفل سميناه حسين تيمنن بـ ابو رضا عمي الله يرحمة..و صار عمرة هـسا 6 اشهر ضاف لحياتـنا سعـادة غريبة و حلوة

فتت للصالة و وراية رضا
اخذت حسين من عمتي و هي تگول لبسية ترا الدنيا باردة..گعدت بصف رضا الي گال

- كريم ما أجـه

- أجـه و صعد فوگ

- هسا تلگينه متعارك وي فطيمة عباله ابو الشغب

ضحكت و فاتت عمة انعام
الي باوعت لرضا و گالت

- اگول رضا انت صاير ما تنشاف شو

- غير الگمر ما يطلع يومية

- استقر ابنـي.

حچتها عمتي و اني طگيتها ضحكه و هو خزرني
بـلعت ضحكتي
و ظلينا نتعلل للـ12 و كل واحد راح لغرفـتة

نومت حسين و حسيت بـ أيدين رضا تحظن خـصري و شفته على رقبتي و هو يگول

- ابو راس مربع حارمني منچ

و بزعل گلت

- لا تحچي على حسوني..و بعدين هو هم ابنك

- الابن الي يحرمني من رويحتي انه ما اريـدنه

ضحكت و التفتت عليه و هو يباوعـلي بلهفة و حب
تقرب و طـبع على شفتي بـوسة و ابتعد بس ظل حاظني
اخذني للچرباية و خلاني بصفة و بأيده ساند راسة و همس

- ترا والله احچي جديات ملاك
گمت ما اشبع منچ و من سوالفچ بـسبب ابنچ..اناني يريدچ بس اله

تلـمست لحيته و گلت بذات النبرة و عيوني تتحرك على ملامحه الاحبـهن

- اثنيكم بگلبي و بعدين گلبي هو طـفل !
انت تغار من طفل

تلمس رقبتي و عـظمات رقبتي و هو ينصي عليه و يهمس

- اي اغار من طـفل..و حتى اغار من هاي الملابس الي لابستهن يلا انزعيهن

ابتعدت عنه متاورية خجلي بضحكة

- لا گلبي ترا اعرف نواياك

- هسا تعرفين نيتي و انه اعرف نيتچ..تعالي بدون عناد

رفـعت حواجبي برفض و هو گال بتهديد

- تجين لو اجيبچ بطريقتي الخاص

- ما أجـي

حچيتها و هو طـفر من الچرباية علية
شالني و گال و انه اضحك من كل گلبي

- الي ما يجي بالعين و الاغاتـي نجيبة بالعين الحمرة

خلاني على الچرباية و اردف و انه بعدني ابتسم  بخجل

- ملـوكة لا تشلعين گلبي ترا طاگه روحي عليچ
و الكلب ابن الكلب اذا گعد و خرب الوضعية اقسم بالله اذبه على امي

- لا والله شنو عمـتي ملجئ
كل مرة تشمره عليها تراا عيب والله

- اهوو على اساس امي ما تعرف بسوالفنا

- تعرف بس عيب استحي

قرصني من خشمي و هو يعض شفته و گال

- تستحين انهجـم بيت البامية

ضحكت و خليت ايدية على وجهي..و هو همس عند اذني

- هسا كافي دلع..ولچ ملاك اموت عليچ

- لا تگول ولچ

- ولچ ولچ ولچ ولچ

أجـيت ادفعة و انه اگول بضوجة لأن صدگ ما احب كلمة ولچ
بس هو لزم ايدية و گال بترجي

- اعتذر عيوني اعتذر
بعد ولچ ما تـتكرر

باوعتله بطـرف عيني و هو ضحك
و انه على ابتسامته ابتسمت..تقرب مني و هو يطاوق ايدية حول رقبتي و ارتفع صوت حسين

و بدون ما يحچي گام اخذه..و اني احچي وياه يعوفه..بس بدون ما يرد طلع ياخذه لامه..ضربت على خدي و انه الخجل استعمرنـي يا ربي شگد عيـب
هو فات و سد الباب و طفى الضو و گال

- خلصنا من قاطع اللحـظات و اللمسات

.

فاطمة..

گعدت على صوت كريم و هو يحچي بالتلفون
و يفتح بـ ابواب الكنتور و يدور
نزلت من الچرباية و گـلت

- شمالك كريم

التفتت عليه و حچه بسرعة و هو يرد على صاحب التلفون

- بعدين اتصل بيك مع السلامة

غلق الـخط و گال موجه الكلام الي

- اريد اسبح و اروح

-ويـن

حچيتها بتساؤل و هو رد

- للاحتـجاجات

حچاها و هو يلبس قميـصة
گمت و وگفت مقابل اله و همست

- انت تريد تيتم الطفل الي بطني

غمض عيونه و سحب نفس قوي..خليت ايدي جوه حنچه و گلت

- كريم لا تروح اليوم
خلينا نـروح للطبيب نشوف جنس الطفل

حچيتها و انه انتظر ردة فعلة
حجتي بمعرفة جنس الجنين ما فـادت هو خلاص مصر و ماخذ قرارة يروح بدون ما يهمه شي

مـن بعد زواجنا انه التهيت بالدراسة و هو بالشغل..فـ تركنا موضوع الحمل على صفحة..و قبل فترة طلعـت حامل و هسا حامل بالـشهر الخامس

حـياتي وي كريم مليانـة و مشتعلة مثل ما يگولون
ما اتذكر بيوم مر و ما تعاركنا..بس ما يخلص هذا اليوم اذا ما واحد بينا مد ايد الـصلح
الحب ما چنت اگـول شي مهم..بس صدگ بالعلاقة الزوجية بديت احسه شي مفروض يكون
و كريم بكلماته و تصرفاته وياي خلاني اطيح بحبة بس ورا اربعة اشهر من زواجنا و بديت احس انو حبي اله مو مال يوم يومين

حاوط وجهي بيديه و همس

- زين ليش مو باچر

- ليش مو اليوم ؟

ابتسم و گال

- تمام بس بشرط

- شني

حچيتها بلفهة و هو قربني اله و همس

- تخـليني افوت يم الدكتورة و ناخذ سونار اشوف الطفل

ابتعدت ليورا و گلت برفض

- لا گلبي حتى تعايـن للدكتورة

- بـوية انتي شفتيها ؟؟ موش مرة ضيم

عضيت على شفتي و گلت بـ عصبية

- خـلي الضيم يفيدك

حچيتها و أجيت اطلع من الغرفة و انه مقهورة
هاي الدكتورة بديت اراجعها من حملت..دكتورة شاطرة و بعدها صغيرة..و من رحنا انه و عمتي جميلة شافها كريم و من هذاك اليوم يگول موش مرة ضيم

وگفت بالممر من لزم ايدي و رجع فوتني للغرفة..طبگ الباب و هو يشبك خصري و همس بضحكة

- تـغارين فطيمة

- لا تگول فطيمة اسمي فاطمة

حچيتها و انه التفتت عنه بزعل
رجع خلاني التفتت عليه و عيني بعينه و همس بحنية

- فاطمة فطيمة فطم..روح كريم شني اسميچ
والله العظيم اضحك عليچ..انه عيني محد يمليها غيرچ..

- لا تظل تقهر بيه..اعرفك تتشاقة بس انقهر والله

حچيتها و عيوني غورقت و هو باسني من جوه عيني و همس باعتـذار

- ما عاش الي يقهرچ..والله توبة بعد ازعلچ
هسا شني گلتي نروح العصـر

هزيت راسي بأي و هو مسح على خدي و گال

- لا تزعلين گليبي انتي والله من اشوفچ ضايجة اضـوج اكثر منـچ

ابتسمت و هو حظن كتفب و اردف

- يلا خلي ننزل جوه نتريگ

حچاها و نزلنـا جوه
و العصر رحـنا لـلعيادة اخذت سونار
و طـلع بيه ولد..فرحت والله و شكرت ربي بس چنت اتمنى بنية
بس الحمد الله على كل حال و هذا رزق من رب العالمين

.

صفاء..

طلعت من المطبخ و اني شايلة گلاص چاي
چان علي گاعد گـدام التلفزيون و بحظنو ريماس..او مثل ما يسميها رمانتي
انطيتو الگـلاص و گعدت بصفو و هو گال بتنهيدة

- حسبي الله و نعم الوكيل..عايني الشبان الزينة الي تروح بـالجملة

دحگت للتلفزيون و ما گدرت اتحمل المنظر الي يقشعر الجسد
كمل  علي و هـو ينزل ريماس عن حظنو

- اذا ما مات بالحرب يموت بالـدخانيات

رچيت راسي على چـتفو و جريت حسرة
دحگت لريماس بدت تغفي..
چانت الساعة بالـ8 اخذتها للغرفة و نومتها بمكانها
و اني ابتـسم على شكلها و شعرها المكفوش و مغطي ملامحها و حاظنها دبوب صغير جابو الها صهيب

و على طاري صهيب جريت حسرة و اتصلت بـ ريم اسألها..گالت رجع للتظاهرات و دزتلي رقمو تا اخابرو لأن تلفونو ضـايع
دگيت عليه بس ما جاوب..شوية و دز گال فد شوية اخـابرچ

و ظـليت انتظرو يتصل و ما اتصل..بيومـها ما اعرف شلون گدرت تغـفالي عين..ليش بوقتها ما رجعت خابرتو ؟
ليش نسيت اخوية و ما گلت خاف صارلو شي شو ما اتصل..غفيت بمكاني
و ريماس بحظني لأن گعدت تبچـي سويتلها ممه و شربتها و ظلت بين احظاني

ما اعرف بيش الساعة گعدت..بس عبالك شي و گال الي گومي...دحگت گبل للساعة
چانت بالـ2 و نص عدل..ريگي يابس التفتت لمكان علي و ما لگـيتو
مثل السجينة و حزت گلبي و اني احس اكو شي راح يقـتلني بمكاني

غطيت ريماس و طلعت من الغرفة..غمضت عيوني بقوة بسبب الضو الي بالممر
طبيت للصالة و صنـمت بمكاني من لگيت علي گاعد بالگاع و مرتچي على القنفـة و هو لام رجلـية و محاوط راسو بكفوف ايدية

- علي شبيك

حچيتها بصعوبة..و اني النفس بدأ يضعف عندي
بچـة و هو يدحگلي..عيونو حمر دم و اكتافو تتحرك من يبچـي

- شكـو علي احد صايرلو شي

انتظـرتوا ينطق..و يا ريتو ما نطق
بس ماكو مفـر من الحقيقـة الي لازم نتذوقها رغم مرارتها

- صهيب استشهـد
ولچ استشهد وراحح

ختم كلامو و هو يضرب على راسو و يصيح يالله
و انـي كلشي وگف عندي حتى دگات گلبي
و دگات الساعة الي گـدامي..اريد اخذ نفس ما اگـدر..وگعت على ركبي و عيوني بدت تغوش
الدنيا گـامت تسود بعيني..و اني اهمس بداخلي
صهيب ما يروح و يعوفني..شلون يعـوف تؤمة

ما دريـت انو الموت..و الحكام
و القتلـى الجشعين الي يرقصون على احلامنا المقتولة كفيلين باخذة مني
" الفـاتحة على روح كـل شهيد "

يتبع

#ذبول الاقحوان
#البارت الاخـير

شعـر من احدى المتابعات توصـف حال صفاء 💔

خويـة طلعت رايد وطن شـلك بتـابوت؟
يتـوأم روحـي انت و فتشة العـين
صهـيب بيـا وكت تتركني و تروح ؟؟
و تـدري على المفارك ما مـعلمين
چـنت مسجون و انـه اختنـگ بجفاك
و يـوم الي رجعت حنيـت چـفين
يرفعـة راسي بيك و عزي و الجـاه
يا عكـازتي من تجـفى السنين
گـلي شگال گـلبك ساعة المـوت؟
يخـوية منين اجتك گـلي منين

صحيح المـوت..بيد البـاري مولاي
و لا عنـدي اعتراض و هـذا مو زين
بـس چـلمة الراح تغني بالراس
راح الـزين طبعة..راح الحنين

ردتك بالنـعش زاتوت يا خـوي
يهون عليك يمشون الغريبيـن؟
يهـون عليك مالي خوان لـو اموت
و انـه الچنت اعدن بيـك عشرين
شحط بالـبيت عگبك خاطر املية
شيقنع ابوي و تـقتنع ريم
شگل بيبي فطـم و هي التتانيـك
بكل مغرب تمـد للباري چفـين
عفـت گلوبنه متعلـعله بنار
و احـنه نشوف الك تذكار طفليـن
يـجبرة گلب ريـم و حب بلا حـدود
شخصك غـاب ..رسمك ضال بالعـين
روح و داعـت اللـه وياك يشباب
عشت نسمة هـوى بديـرة محبين
شفت بالعمـر يتم..و سجن..و اشـكال

رحـت تطلب وطن و الوطـن بالدين
يخـوية ذنبـك و ذنب الي وياك
ذمـة يصير برگـاب السيـاسين

.

الوطـن
دايماً يشبهون الوطن..بضحكات الاطفال و المـسنين..بدموع اليـتامئ و المسـاكين..بحب الاخوان و خـوف الاهل على الاولاد

ليـل بارد حال ليالـي ديسمبـر الباردة
صـوت ضحكات الثـائرين الوحيدة الي مرتفعة بهـذا المـساء..على بعد امتار يگـولون راح نتلاگـة احنا و احلامنا

وطـن أمـن..بلد سعيد..و شعـب مرتاح
راح نحـقق ثورتنا و نلم شملـنا و نعمـر هذا البلد الي مـن سنين ياكـله القهر

مـثل النوراس الـبيض على ضفاف دجـلة افترقوا بسبب
اصـوات الاسلحـة و احـتكاك العجلات بالاسـفلت
مـثل الدخان الاسـود او الغربان هجـوا اصحـاب الاسلحة المـلطخة بـ الدماء
الكـل بدأ يركض يـريد مكان يخـتبى بـي من همجـية القاتليـن
واحـد..اثنين...ثلاثة..اربعة و العـدد مستمـر و الشهداء توگع واحـد ورا الأخـر

غمض عيونه بقـوة و هو يردد الشهـداء فـ رائحـة الموت اقتربت منه و يجـزم هو احد الي راح يـاخذة
كـلشي بلـمح البصر..تذكر اهلـة
اخته و ابوه و زوجـته..و جواهـرة الـصغار الي تركهم حتى يدور الهم عيشة كريـمة..حياة تختلف عن الحياة الي عـاشها
من يتـم و سجـن ظلمـاً و تهجير قصـراً..

بس المـوت چان اقرب اله من احلامـه..اخذه مثل ما اخـذ هواي شباب بهذا البـلد
" مجـزرة السنگ و الخلانـي " مجـزرة راح تكون موجودة بداخل ذكرى كـل عراقي
شهداء استشـهدوا تاركين وراهم عائلات و احلام يتمنون بيوم يبنـوها
و مـصابين ما زالوا يعـاونون لهـاي اللحظـة
المـرسومة بدمـاهم و دماء اصحـابهم

.........

https://www.youtube.com/watch?v=yH8vNJ76bGA

.........

.
صفاء..

الـبيت الي انولـدت بي و الـي ترعرت بي و كـبرت
الي اكلت مـن زادة و نمت بـفراشة..الي ضحكت و الي بچـيت بين جـدارنه..كـلها چانت بمشاركة تـوأمي صهـيب..برد فجـاة..جدرانة تصدعت و ارضيتـة بدت تبتـلع الاثاث و الضحكـات الي انحرفت بالجـدران
مثل ما ابتلع الموت صـهيب..

ادحگ بالوجـوه ادور لملامحـو الي تضحـك
الكل تبچـي..الكل تلطم و تنحـب
ادحگ لـ ريم الي تفقد و تـصحى و كلمة وحـدة تكـررها و تتردد على مسامعنا و تـزيد لوعة گلـبونا
" و يـن صهيب "

گـالوا جابوا الشهيـد..و مثل السجـين حادة الاطراف نبتت بگـلبي و اني بداخلي اصـيح
صهيب ما مـات..صهيب ما يعوفنـا

دخلوا و عياط النسوان ارتفع..الساعة بالـ9 و ربع الصبح و راح يشيعون بالـ10

ما افرزن الـوجوه ما اعرف منو الي لزمني من ضربت عـلى صدري و انحب..ما اعرف منو الي حـظني و يهمس باذني حتى اهدى و اترحـملو
حرفياً چنت مثل الفاقدة البصر و ما اشوف بـس صهيب الي بالتـابوت

وخرت الغطا عن وجـهه..و زاد نحيبي من شـفت ابتسامة على وجـهه
عاتبته و اني اگـول تضحك و احنا نبچي عليك ؟

اكـيد هذا مقلب !!
هـسا يفتح عيـونو و يضحك علينا..مثل ما چان گـبل يسوي بينا مقالب و يخـليني اركض وراه حتى انتقم منو

دنگت عليه و همست ببحـة و دموعي توگع مثل الجمر

- خلاص خوفتنـي صهيب..يلا فتح عيونك انت الفـزت

ما رد عليـة..لمـست خدو و سحبـت ايدي بسرعة بسبب جسمة البارد مثل قـالب الثلج
بلعت ريگي و رفعت راسي
شفت جـدة فطم تضرب على راسها و هي تنعي
و ريـم لازمتهـا عمـتي انعام و امـها..
و هي تصيـح و تبچـي..مثل الضربة على راس و اجت متأخـرة خلتني اوعى و اصـحى على نـفسي
گـمت ابچـي و اني اهز بـي اريد اگعـدو
ما گاعد اصدگ الصار..ما گاعد اقتنع انـو صهيب ها هي مـات

وگفت رغـم عني و اني اريد افلت من ايـدين الشخص الطوقني
مع ما التفتت شفـتو علي عبالك لگيت اخيراً انفجـر بحزنـي و قهري..گمت ادفع بي و اضـربو و هو بـس يريد يسكتنـي

و طلعنـي عنوه من بين النسوان لـغرفتي القديمة
طبگ الباب و اني مثل المجنونـة ما اريد استوعب و  لا اصـدگ..گـلبي نار غـده
گعدت بالگـاع و هو گعد جـدامي و هو يستغفر ربـة
حـظني و اني ما زلت ادفـع بي اريدو يوخر عـني بس ما خلاني
باسنـي من راسي و هو يحظني اكـثر
ظل يقرا على راسي ايـات قرأنية
ما اعرف شگد مـر وكت يمكن عشر دقايق..و هدأت حظن وجـهي و گال

- تـرحميله صافي لا تـعذبيه هيچ
نياله راح شهيد

- خليني اروحلو

حچيتها و اني اوگف على حيلي ورا ما بعـدتو عني
طلعت و صوت النسوان يدگ براسي...
ادحگ لـ ريم گعدت الاولاد يمو و هي تحچي تگلو اگعد ولدك ينتظروك

ادحگ لأبـوية فات..و باسو من راسو و فتح القرأن و گعد يقرأ يـم راسو
گعدت يم ابوية و اني ابچي و اردد بگـلبي ورا ابوية
ما اعرف اي قوة اجت لأبويـة

صعـب اوصف شعوري من اخـذوا و هما يصيحون لا اله الأ الله..گعدت يم باب المطبخ و ابچـي و اضرب على رجليـة..اترجاه يرجع..ميخالف انحرم من شوفتو طـول عمري بس المهم يـشم الهوا
طلعوا من البيت و كلها تصيح نيالو ششهيـد ان شاء الله..و اني اصيح ليش نيالوو ولكم عافنا
و عمـتي جميلة حـظنتني و هي تشاركـني دموعها

3 ايام مرت و الفاتحـة منـصوبة
چثير ناس اجـت تعزينا و اني مثل الجماد گاعدة بين النسوان..حتى علي ما شفتو يدز عليه بس ما اروح
يحچي وياي على التلفـون و بس اگول اي و اي

ريماس عـند فاطمة و ملاك بالبصـرة اخذوها البارحة لأن ما تگدر تظل هين..خافت حيـل بسبب البچي و الصياح..و هي تصبر عدهم

بالليل شوية النسوان فضت ورا العـشا
طلعـت من الصالة و اني گوه امشي..نفسي و جسدي تعـبانـين..ادحگ لرجلـية ما تشيـلني
اسند نفسي على الحايط من مشيت ناحية غرفة جدة و اني ابچي
چـنت استند عليك و هسا رحـت..على منو ارتچي؟ على الحيطان الي مـالت و بعد ما تتحمل ثقـل من روحتك

فتت للـغرفة و طبگت الباب محد موجود
مددت على التخت و اني اسحـب نفس قوي
ادحگ لانحـاء الغرفة و صـدئ ضحكاتنا و سوالفنا تتردد بأذاني

انفتح الباب و فاتت عمتي خـديجة
و گالت

- بنيـتي رجلچ يريد يشوفچ

- وينو

سألتها بصوت مبحوح و احس حنجـرتي متجرحة

- بالحوش راح اسويلو طريق تا يفوت

بس هزيت راسي بأي
و هي رجعت طـبگت الباب وراها..ماكو دقايق و فات علي
گعدت على حيلي..و هو تقرب و سحبني لحظـنو بدون اي كلمة
و انـي اجهـشت بالبكـاء..و اشكي الو قهري
و هو بس يردد

- الله ينزل الـصبر على گـلوبنا

وخرنـي عنو و حظن وجهي و همس

- كـلنا مقهورين على شـبابة الراح
مقهورين على اولادة و عليكم و علينا..بس هاي حكمة رب العالمين

- علي ما گاعد اقتنع والله..ما اصدگ رااح

- تتـعودين گلبي..كلنا على هذا الطريق

حچاها و هو يمسح على شعري
و همس بحنية

- خابرتني فاطمة ريماس ادورلچ
باچـر اخلي رضا يجيبها

- بس هي تخاف

جر حـسرة و گال

- چا تظل هيچ..تجي هنا گدام عينچ

- بكـيفك

حچيتها و اني اتنهـد
و هو رجع گال

- تنامين

- انعس بس ما يجـيني النوم

- حاولي تغـفين شوي..تمددتي و انه اظل يمچ

حچاها و هو يوگف على حـيلو
عدلي المخدة و خلاني اتمدد و اني عبالك لعـابة يحرك بيه غطـاني و گعد بصفي و ظل يمسح على شعري
و غمضت عيوني و انـرسم طيف صهيب بين عيـوني
ابتسمت شبح ابتـسامة..لأن گدرت اشوفو
بس مغمضة عيوني و ايـد علي تتحرك على شعري
ببحنية

.

ريم..

كـلشي فـرغ فجاة
مكـانة..وجـودة..صوته و ضحكاته..الناس الي حظرت عزاءه
رجع البيت فـارغ الأ انه و حبوبة فطم
و عمي الي متـلحفة الصمت..و صفاء و علـي و بنتهم
اعـاين لأولادي و انه احاچـيهم
شني شفتوا من ابوكم ؟ ما شبع من كلمة بابا و لا شبعـتوا من حنيته

هدوء..صمت فضـيع
بس صوت ريماس و هي تلاعب بـ ريان و يمان الصادر بهذا البيت..عمي بالزاوية گاعد و القرأن بيده
الي ما يتـركة..
10 ايام مرت على استشهـاد صهيب..و عمي ملازم لقرأةء القران و يختمه لـروح صهيب

فتت للغرفة و كل ما اعـاين لشي اشوف لمـستة بيها
الاولاد ناموا و خليتهم بمكانهم
گعدت على الچـرباية و عيني راحت لصورة عرسـنا

طاحت دمعتي على خدي..و كـل لحظة و كل لمسة منه تذكرتها
صهيب مـو بس زوج و حبيـب..صهيـب چان ابوي و امي و كلشي صار الي بعد ما خسرت كلشـي

الي انتشلـني من ظلمة روحي..الي خلاني اطلع من قوقعـتي و من حزنـي..الي رد اليه الـحياة

مددت بمكانه و انه اشم عطرة على المخدة
غمضت عيوني و بچـيت..عبالك هسا اجـه خبر وفاتة
كلها تگول اصبري..و كلنا على هذا الطريق
و النعم بالله..محد يدوم
بس مو بهاي السرعة..ليش راح و تركني و ترك اولادة
ما لحـگ حتى يفرح بيهم..ما شافهم و هما يخطون خطواتـهم الاولى
ما لزم ايـدهم و هما بطريق المدرسة..

چان يگول اطلع للاحتجاجات حتى اغير مستقبل اولادي..بس هسا انت تركـتهم و ما غيرت شي

نمّت و كل شوي اصحى اعاين لمكانه
و ردد ربي منك الصبر..

الساعة بالـ1
گعدت و حظنت نفسي و گـمت ابچي و الغرفة و ما بيها يخنگـني
طلعت منها و لگـيت ضو الصالة مفتوح
فتت و لگيت عمي غافي و القرآن بيـدة

حطيت ايدي على شفتي من فتح عيونه و عاينـي، عمي الي قليل يبچي بس شافني
طـاحت دموعة على خدة سد القرآن و انه تقربت عليه گعدت گباله و هو شبكني
اكـتافة تهتز و دموعة غرگـت وجهه
و هو يـردد

- عشرة ايام ماكو..عشرة ايام و صبر ما ظل بيه
شلون راح اعيش و ما اشوفو بعد..ولچ ريم شلون هان عليه يعوفچ

بچـيت بقوة و هو يزيد بحظنه عليه
چـانت بس دموعنا التحچـي..عمي اول مرة اشوفة بهاي الكـسرة..عيونه مسودة لحيته طولانه
و ظهـرة انحـنئ
صوته مبحوح و بچيته بخنگـة

ابتعدت عنـة و مسحت دموعي بقوة و حاولت شـوي اتقوئ و انه اگول

- الحمد الله على كل حال عمـي
انت تعبان كـلش روح نام

- ما گاعد تغفالي عين..شلون انام على فراش و ابنـي جوه التراب

طاحت دمعتي و هو يكمل و دموعة تسـري على خدة

- محد كسرنـي بگـدو
ابوية و اخـوية و ام صهيب الگـلت بعد ما اوگف من وگعتها بس شوفتو هو و اختو خلـتني اصبر نفسي..بس هسا گوليلي شلون اصبر ؟

چنت ادعي من ربـي انو يومي گبل يومهم..هو الي يشيل تابوتي و يذب تراب فوگاي..بس الصار اني الذبت تراب..اني البچيت و انـي الضگـت لوعتو

ما اعرف شني ارد..خليته يحچي و يفرغ الي بگـلبة
و انه بس اسمع و دموعي اطيح..وين يلا رضى يغفى
و ما قبل يگوم من مكانه
چانت صفاء مخـلية اله غطى يم رجلية
تمـدد و غطيته..طلعت من الصالة و سديت الباب
و طلعت صفاء..حالـها نفس حالي و اتعـس
اعاين لوجـهها شاحب..و خصلات متفرقـة من شعرها اكتسحـة الشيب و هي بهذا العمر
شيب صدمة صابها

- ابوية گاعد

مسحت دمـعتي و همست بتعب

- هسا يلا غفـى
ليش ما نمتي

- مـا اگـدر

حچتها و هي تمسح على وجهها
و اردفـت بوهن

- اريد اسوي ممه لريماس

هزيت راسي بأي و هي فاتت للمطـبخ
و انه رديت لغرفتي

الصبح علي لـم ملابسة حتى يرجع للبصرا
گال لصفاء ابقي للاربعين هـنا..
و اخذني على جهه و سألنـي اذا الزم العدة هنا لو عدهم
و باصـرار گلت

- اكيد هنا..انه ما احرم عمـي من ولد ابنه

شبكني و مسح على شعري و هو يگـول

- تمام رغم امي خابرت گالت جيبها وياك

- ماكو احد هنا..و انت شفـت بعينك هالشي حتى ولد عمه ما يجون
و اذا اجوا انه بالغرفـة

حچيتها و هو گال

- چا خوش..الي يريحچ

سلم و طلع و هو يوصي بصفاء على ريماس و علينا
راح علي و البيت فرغ اكثر
عمة خديجة يوميا تجي علـينا و مرات من تشوفنـا تعبانات خطية تجيب الاكل وياها

مرت ايام و انه ملتزمـة بالعدة..
صرت اهتم باولادي..دست على نفسي و شفت اذا اظـل معتكفـة منو الهم ؟؟ اذا انه ما اهتميت بيهم هسا شوكت اهتم بيهم
اصبر بالكـل..احچي وي عمـي و حبوبة فطم
صفاء شوي احسـن بس بعدها..الكل بدأ يستند عليه
اخلي الاكل نص ساعة يلا يگـومون ياكلون لگـمة
بالنهار القوي الي اسد عيـوني و اذاني عن كل ذكـرى وياه

و مـا ان يصير اللـيل و الكل تنام
اگـعد و انه اعاين لأولادي و اگول اكبروا بسرعة..اريد ارتچـي عليكم مثل ما چنت استند على ابوكـم

عمـي حتى المحل غلقة و اعتكف بالـبيت..العمة وردة أجـت من تركيا لأن طلعت تهريب و بـس أجت گلبت البيت گلب بالبچـي و العيـاط
و خلت ريـم الي تتصنع القوة گدام الكل تبيـن على حقيقـتها الضعيـفة الهشـة..

بالاربعـين سوينا ثواب و وزعناه و ناس هواي اجـتنا
علي و اهـلي اجوا
و امي فتحت وياي موضوع الرجعة الـهم..و سديته بسرعة
چنت مقتنعة و مصرة بيت عمي مـا اطلع منه..لا هسا و لا بعـدين
امي من شافت اصـراري سكتت مرغمـة..

ورا يومين صفاء لمت ملابسها و رجعت للبصرا و دموعها تسـبقها..ما تريد ترجع بس مو بيدهـا
و هسا صدگ فرغ البيت..الي مثل روح اخوها اختفـت

و بقينا احنا الـ3..حبوبة و عمي متگابـلين
و الاطفال بينـا يضحكون و يلـعبون
و روح صهيب احسها تحـوم حولنـا
ملاك..
چـنت مخلية حسين بحظني و انـي انوم بي
و رضا يحچـي بالتلفون وي ريـم
جريت حسرة عليها و على
truyen3s.com

Đọc | الاخـير | - Truyện | ذبـول الاقحوان |

9 - 11 minutes

الـصار بـ صهيب
عيوني غورقت من رضا يحچي وياها و يصبر بيها
صار ستـة اشهـر على وفاتة..ستة اشهر و لحد هسا ما راح من بال احـد..
ريم رفضت ترجع لأهـل و بقت بـيت عيالها
سد رضا الخط
و باوعـلي و گـال بهدوء
- باچـر نظفن المشتمل
ابو صهيب راح يرد اله
- والله
حچيتها باستغراب و هو گعد بصفي و تنهد و هو يگول
- الرجال ما يريدنا ننحرم من بنـتنا و لا هو يريد ينحرم من شوفت اولاد ابنه..عمي زيد حچه ويا و گـال اله ارجع للمشتمل منها تظل عند بنتك و ولد ابنك و بنتنا يمنـا

ابتسـمت و انه اگول
- تعرف هذا احسن شي..عمي ابو صهيب ما يگدر يفارق بنته هاي وحـيدته و اكيد ما يتخلى عن ابن ابنه
- و هـو هيچ..فـ هذا احسن شي
خليت حسـوني على الچرباية و حظنت وجه رضا بيـدية و همست
- رضـا تعرف انو هيچ ايام شفتك لأول مرة
بـاوعلي و ابتسم
و هو يحچي بذات النبرة
- بعدچ تتـذكرين
تنهدت براحة و گلت
- و شلون انـسى ؟
هذاك اليوم رغم بـشاعته..بـس بي شغلة حلوة و الي هي شوفتك
صحيح موتتني خـوف من زمخت بيهم و خليتني ارجـف..بس من باوعت بعيونك نسيت كلشي
حظن خـصري و قربني عليه
طخ انـفي بانفه و همس
- من هذاك اليوم عينچ طلعت
- والله انه بريئة..لو صدگ عيني طالعة چان خليتك تركض وراي مثل المجنون
حچيتها و عض شفته و گال بمكـر
- على اساس ما خليتني اركض وراچ مثل المسودن
سويتي بيـه ارق تدرين لو لا ؟؟ من حچيت ويـاچ بالتلفون و قطعة امالچ تمنيت وراها لو ضارب نفسي طلقـة
و بعـرس علي أجـيتي و گلبتي وضعي انتي و نظراتچ
ضحكت و انه الف ايدي حول رقبته
بللت شفتي و گـلت بهمس و عيني بعين
- تعرف بهذاك اليوم اشتغل كيد النسا الي عنـدي
تمنيت تشوفني حتى تعـرف منو خسرت..بس والله وراها تـندمت لأن شفتني و ظليت تباوعلي و حسيت نفسي عرضت نفـسي عليك
حچيتها بندامـة هو رد
- هاا و تگولين عيني مو طالعة
- بس ولله گتلك تندمت..چنت مراهقة
حچـيتها و هو ضحك و باسني من رقـبتي و گال و انفاسة تضرب بشرتي
- و هسا صرتي عشرينـية اطگين بالگاع
سحب نفس و كمـل بذات النبرة
- يمكن اول مرة اگـولها
بس انتي چنتي بالي و انه ما ادري..بحيث تشع صورتچ بعيوني و كلها تشوفها الأ انه ما احس بيها
هيچ النصيب و كـتبلچ الي ورا ما گلت بعد ماكو طريق يجمعنا
رجع يباوع بعيني
و انه ابتسم بفرحة تغمـر گلبي..شگد چنت اشوف نفسي بعيدة عنه..بس رب العالمين كتب الي اصير من نصيـبة من حاولت نسيـانه
احمد ربي بكل لحـظة انو كتب رضا من نصيبي
حـنين و عطوف..صاحب روح حلوة و الأهم انسان يحترم المقابل شگد اعصب و مرات يفـلت لساني
بس يسكـت و من اهـدأ يگعد يحچي وياي و يخليني اتندم و يعلمني الصح من الغلط
رغم دخلت العشرين بس بعدة يگول اشوفچ
ملاك صاحـبة الـ17 سنة..
تصرفاتي ظلت مثل ما هي..و دايماً احصل انتقادات
بالاخص من الاقـارب..و يلـومون رضا اخذتها صغيـرة المفروض تاخذ مثل الي بعمرك
و هو يرد عليهم و يخلي روحي اطـير من السعادة
- و هي بـنيتي و ام ابنـي
غيرتي ما زالت مفرطـة لهاي اللحظة..مرة نحچي وي عمتي و گـالت سارة خطبها واحد عندة اولاد اثنين و امهم متوفية..هي مصـارحته عن وضعها والرجال مقتنع بيها
رضا گال ان شاء الله تتهنى هي خوش بنية
و انه مثل الـنار و صبها فوگاي
تعاركـت وياه و هو گعد يأنب و يعاتب بيـه
مو قصة دعئ الها..انما لأن مدحهـا گدامي..شسوي غيرتـي صعبة
و هيچ مرت الايام..ادعي ربي يحفظلي ابنـي و ابو ابني و تظل حياتنـا بهذا الهدوء و السكينة
و الأهم التـفاهم
.
فاطمة..
شايلة ابني عبدلله و انه انوم بي
و كل شوي اعاين للساعة الي عبرت الـ12
و استاذ كريم لحد هسـا ما شرف
عاينت لـ عبدلله الي ما يقبل ينام..تأففت و گـلت بسخط
- وجه ابـوك ما تناام
گعدت على الچرباية و انه اهز بي و احچي بقـهر
- هو مو صوچه لا والله صوچ الغبية انه الي تاخذ واحد دايح مثل كريم
مع ما حچـيتها هو فات خزرته و هو ضحك
طفر و گعد بصفي و گـبل جر راسي من ورا و باسني من شفتي
وخرته عني و صحت بعـصبية
- الحمد الله تذكرت اكو زمالة و مطي ينتظروك
رفع اصبعة و گال
- انتي زمالة اي..بس رجاءاً ابني لا تگولين عليه مطي
ضيقت عيوني و همست
- وين چنت
- والله عند صاحبـي
- صاحبي باضافة التاء موو
حچيتها بتشكيك
و انه اعاينه بتركيز..هو گلب عيونه و گال بسخط
- اهوو رجعنا للاسطوانة المشخوطة
ولچ بابا انه مسودن اخونچ.
ابتسمت و گلت بلهفـة
- لأن ما تگـدر من حبك الي
- لا والله لأن ما اريد اورط نفسي وي وحدة تشيب راسي مثـلچ
حچاها و انه ظليت اعاينه بصدمة و قهر..
عكدت حاجبي و ذبيت عليه عبدلله و رحت لمكاني
اعرف صايرة حساسة هالفترة
بس مو بيـدي..كريم هواي تصرفاته مرات تكون مزعجة ويحب يقهرنـي
يظل يشاقي بيه و يبين انو عندة صاحبات..رغم متأكدة منه ما عنده اي علاقة..بس ابقى افكر بالماضـي  و شلون كان..
ربع ساعة و انه گاعدة و هو ما كلف نفسة و راضانـي
خلى عبودي بمكانه و انه غمضت عيوني امثل النوم
طگطگت الچرباية و ايدة الي التـفتت على خصري خلتني اسحـب نفس قوي
باسني من جـوه اذني و همـس
- وداعـتچ اتشاقة وياچ
خايبة ماكو احد لا بالي و لا گـلبي غيرچ
- كريم اريدن انام
- ما تنـامين و انتي زعلانه عليه
فطومة انتي ما تثقين بيه
التفتت و صرت مقابل اله و گلت

- واثقـة بس ترا انت تجيب الشكوك لنفـسك
ليش دايماً تبين الـي انو انه حمل عليك ؟؟
لو متندم لأن ارتبطت بيه
ابتسم و خـلى خصلة من شعري ورا اذنـي و گال بهمس و نبرة حب
- متندم ؟ اذا اگـلچ احسن قرار اتخذته طول عمري هو ارتباطـي بيچ..فاطمة صار شگد من متزوجين
لحد هسا ما عرفتـي طبعـي؟
- اعرف طـبعك بس مرات كلامك يجرح
حچيتـها و دمعت عيوني و هو تقرب و باسني من گصتي
- و انه اعتـذر..بس صدگيني بس كلام
لا تتـوقعين بيوم انه اخونچ..من حبيتچ الله شاهد عليه ما باوعت لوحـدة بنظرة..و اذكر نفسي يا كريم لا تضيع فرصة ارتباطـك بفاطـمة لأجل نزوة
انتـي روحي و انه اعتبرچ سـند الي..من اتعب لو من احير بشغلة الگاچ حـدي واگفة
ابتسمت و طاحت دمعة من عيني يمكن دمعة فرح..هيچ كلام صح قليل يطلع من كريم..بس وقعـة على گلبي چبير
و هو گال بضحكة
- ايي هيچ اضحكي..من اغديلچ سبع فدوات
حچاها و قربـت نفسي اله و انه اشبكة اقوى و هو يشد على حـظني
غمضت عيوني و اخذت نفس عمـيق
كريم الي چنا المتناقضين المتعـاركين
الي من نشوف بعض نتعوذ من الشيـاطين..سبحان الله بيوم و لليـلة صارت روحي معلگـة بيه
فعلاً محد يعرف نصيبة من هاي الـدنيا شني
چـنت گبال كريم اربعة و عشرين ساعة و انه احب غيث و ابني احلامي و مستقبلي وياه..و على فجاة تغير كلشي
و كـل طموحاتي و احلامي حققتهـن وي كريم..
و صار نصيبي..و يا محلاة هذا النـصيب..

.
ريم..
طبگـت باب الغرفة و فتت للصالة
و انه اعاين و شبح ابتسامة على وجـهي..حسيت بهوا البصرا يدخل لريتي و كل ذكـريات الي عشتها هنا ويـا رجعـتلي
طلعت مـن هنا و ايدي بيده..و رجعت و هو مو وياي بس بحظني اطفالة الاثنيـن
عمـي قرر نرجع للبـصرا..لعدة اسباب اولها ما يگدر يتحمل يعيش بهذاك البيت و ما يگـدر يتحمل عدم وجـود صفاء بحياته..هي الي بقت اله و ما يگـدر يتركها و تكون بعيدة عنه
و ما يريد يحرمني من شوفت اهلي..فـ رجعنا للمشتمل صغير و يـكفينا
و أجـر بيتـة الي بالانبار الحمدلله عايشين و مستورين..و نص الايجـار يدخرة بالمـصرف گـال هذا لأولاد صهيـب من يكبرون
- عمي صحتلي
حچيتها و انه اگعد بصفة..عايني و مثل كل مرة يركـز بوجهي دموعة تغـورق عيونه
حرك حـبات السبحة و هو يگول
- اي بنتي..
- أمـر عمي
حچيتها و رد عليه بتنهـيدة
- ما يأمر عليچ ظالم يا رب
انـي اريد احچي وياچ بخصوص موضوع..
بس ما اريدچ تفكريـن انو ضايج منه لـو شي ثاني
و باستغراب گـلت و انه اعگد حواجبي
- احچـي عمي انت مثل ابوي ما اضوج منك
سكت ثواني و عينه على سبحته و گـال
- بنيتي انـي رجعت للبصرة و انتي تعرفين الاسباب
- اي عمي اعرف
- يا بنتي والله خجلان و ما اعرف شلون احچـي وياچ
بس اني اشوفچ صغيرة و الحياة جـدامچ..انتي شلتيني و شلتي امي و سندتينا بعز ضعفنا، يا بنـتي اني والله ما اريد اظلمچ و لا اريد اوگف حياتـچ
و جـاي اگلچ اذا حابة ترجـعين لبيت اهلچ فـ ارجعي..و اذا لا هذا بيتچ و بيت ولدچ و مفتوح الچ
طاحت دمعتي و انه اشبك اصابعي
و گـلت بعبرة
- عمي انت تريدني ارجـع لأهلي
- بنـتي اني ادور راحتچ
- و اذا گـتلك راحتي هنا ؟
عمي انـي طلعت من بيت اهلـي زوجة صهيب..و راح ابقى طول عمري ارملة صهيب
- بعدچ صغيرة
حچاها و طاحت دمعتـة..مديت ايدي و مسحتها و جريت ايده و بستها من گفاها و گلت بهمس
- صغيرة و تربيت بحـظن صهيب عمي
انـه حرمت كل الزلم من بعده، انه اريدن اظل يمك و يم حبوبة فطم بيتك هنـا اعيـش
رفعت راسي و كملت
- انـه ما احرمك منهم حتلو على بعد امتار
عمـي اريدك انت الي تربيهم وياي..انت الي تعلمهم مثل ما علمت و كبرت صهيب..هما انحـرموا من ابوهم و ما اريدهم ينحـرمون من جدهم
اريدك بهاي ايدك تعلمهم الخطا من الصـح..
- و اذا اهلچ طالبوا بيچ
- اهلي موضحـة الهم موقفي..من الأول گلت بيتك هو بيتي..
مسك دمعته و گـال
- انتـي متأكدة من قرارچ بنيتي ؟؟
هزيت راسي بثقة
و هو رجع گـال
- و النعم منچ و من اصلـچ يا زين ما اختار صهيب
دمعت عيوني بس ضغطت على نفسي و ما بچيـت
رجعت لزمت ايده و گلت
- اريد ولدي يطـلعون مثل ابوهـم يا عمي
صح رب العالـمين اخذ واحد منك بس انطاك اثنين
هز راسه و دنگ و باسنـي من راسي
و هو يهمس
- الحمدلله على كل حال..ربي يجعلهم من الاولاد الصالـحين
همس بيها و ابتسم..و انـه گمت طلعت كيكة مـسويتها خليتها و صجت لجـدة و گعدت وياهم
شوي و أجـت صفاء..كلنا نـحس نفس الاحساس
كل ما اطيح عيني على واحد منهم و نـعاين لبعضنا نعرف شـني يدور بدواخلنا
شـوق فضيع و ممـيت اله و لوجودة..الي لهـاي اللحـظة ما نگعد و نحچي الأ و ذكرى منه تزورنـا
.
صفاء..
چـنت واگفة على الطـباخ اسوي عشا

احرك بالأكـل بروح هائمـة شاردة..فزيت من انحطـت ايد على چـتفي
التفتت بفزع و دحگت لـ علي الي شايـل ريماس التبچـي تـنهد و گال
- صارلها ساعة تبچـي هنا ما سمعتيهاا
- لا..ليش ما جيت اخذتها
سألتو و اني اخذها منو و هو گال
- چـنت اصلي..صليتي
- ليش اذن ؟
رجعت سألتو و هو زفر و گـال بهدوء
- صافـي أذن و صليتي
- والله نسيت
حچيتها و اني ابوس ريماس الي حظنـتني من رگـبتي و هي تنـاشغ
دحگت لعلي الي يدحگـلي بنظرة حيرة و قلق
ابتسمت ابتسامة شاحـبة تا اضيـع خوفو عليـة
سـتة اشهر مرت على وفاة صهيب..تأقلمت على عدم وجـودو بحياتنـا..بس ما اگدر اتجاوز حـزني بسهولة
تخـرجت من كلية طب الاسنان و اعتكفت بالبيت..حاول علي وياي تـا استغل الشهادة بـ فتح عيادة او بالمستشفى بـس رفضت رفض قاطـع
كملت العشا و صبيتو بالـصالة
گعد علي و گعدت گبالو و گمت اطعـم بـ ريماس..و هو كل شوية يگول اكلـي
مـو جوعانه و نفسي ما تريد..حيل نـزل وزني عن قبل بسبب الحزن و التفكـير
كمل عشا و شلت المواعين و هو شال وياي..غسلتهن و هو سوه الو چـاي
رجعنا للـصالة و گعد و خلاني اگعد بـصفو چتف بصف چتف..ادحگ للتلفزيون بس ما منتبه شنو طالع
حسيت بأيدين اطاوق خصري
نزلت عيني و ابتسمت من لگـيتها ريماس حاظنتني
و هي تگول بلهجة الاطفال الاحبـها
- اي لافيوو
ضحكت و دحگت لعلي و گلـت
- علمتها ؟
- كـريم هو الي علمها مو انه
حچاها و هو يقرصها بخفة من خدها و يحچي وياهـا
- و انه اي لافيوو؟؟
حطت اصبعها على شفتها على اساس تفكر
طاحت دمعـتي على خدي من گالت و هي تفتح ايديها
- اي لافيوو هگـد
- و انه اي لافيوو رمانتي
ضحكت و هي تشهگ و تطفر على حظن ابوها
و هي تشبك بيه و تصيح بيبي بيبـي..رفعت نفسها و باستو من خدو
و اني ادحگـلهم و اگول هذولة الي جـابرين گلبـي
ا

ركـز بكل تصرف لو كـلمة تصدر من علي..حينتو عليه و على ريماس عطفو و ضحكتو و سوالفو
اگـول ليش گبل ما چنت منـتبه الها ؟

ليش ما ان وگـعت عيني عليه حبيتو ؟
ليش ما شفت الي بداخلـو و حكمت عليه من منظـرو الخارجي
شلون چـنت احمل الو الكره و كـل مرة اشوفو بيها اتعـوذ منو
و هسا احـس روحي تعلگـت بي..

التفتت عليه و صارت عيني بعينو..ابتسم و همس

- شبيچ

- ليش هلگـد احبـك

تقرب عليه و عيني راحت على ريماس الي تحـاول تـگطع دگمة من قميصو
گال بذات النبرة

- لأن انه احبـچ

- لا جديات علي..والله احبـك
و گـمت ما اتخـيل حياتي بدونك..صرت اخاف افقدك

حچيتها بـغصة و هو لف ايدو حول كتفي و گـال بحـب

- ما طول هالنفس يصعـد و ينزل بيه لا تتخيلين بيـوم اتخلى عنچ بأي سبب من الاسباب
انه الي ما صدگـت حصلتچ تريديـن اتركچ بهاي السهولة

سحبت نفس عميق و گـلت بخنكـة

- عذبتك وياي بأخر فترة

هو تلمس شعري و گـال بحـنية

- و عذابچ مثل الجنـة..احبچ صفاء
و ما طول احبچ يعني اتقبلچ مثل ما انتي..بحزنچ و قهـرچ و سكوتچ و انفعالچ

كمل و هو يرسم ضحكة على شفتو

- و يعني احب هاي الشعرات البيضات الي بشعرچ

- شيبـت بس لا تروح ادور نسوان و تصيح مرتـي عجزت

حچيتها و هو رفع راسو و باسني من شعري و همس

- لو تصيرين 100 سنة اظـلن اشوفچ احلى وحدة بعيوني
بعديـن هي كم خصلة..صبغات و يروحن

- تـؤ ما اصبغهن..تا يذكرني باخـوية

حچـيتها و تنهدت..و هو ظل يدحگـلي و يبتسم
قربني عليه اكثر و ظلينا ساكتين اثنينـة
بس فجاة گال علي بعصبية

- بنت الاوادم ليش گطـعتي الدگمة

ضحكت و اني ادحگ لـ علي الي اخذ الدگمة و هو يدحگ لـ ريماس بتأنيب و هي إجت طفرت لحظـني
و اني گـلت

- بنت الاوادم هاي مالتي..ممنوع تگولها لـ غيري

- لا مو ممنوع لأن انتي و بنـتچ نفس الشي..وكـيحاات

حظنت ريماس و هي تهـمس و تضحك بنفـس الوقت

- بنـت اوادم

ورا يوميـن ابوية گال اريد ازور قبر صهيب
گلت اروح وياكم..و علي گال نروح بسيارتـي..
طلعنا للانـبار و رحنا بوجهنا للمقبرة، طول الطريق چنت احاول اكتم دموعي بـس ما گدرت
عبالك توي جابوا خبرو من فتت للمقبرة و شفت قبـرو

گعدنا يمو و اني ابچـي و راچية راسي على قطعة الأسـم و بگلبي احچي ويا ليش هـيچ عليك سهل فرگـانه و صعب و ثگيل فـراگگ

ادحگ لـ ريم تبچي بس بهدوء مثل ما چانت دوم الهـادية و هي تتلمس القبر و تحچي وي ريان و يمان و تگـوللهم هذا بابـا..

چـان الگـبر علية ورد..ورد ابيض و زرع و اعواد بخـور ما عرفنا منو حاطـهن
گعد بصفي عليه و گال بهمس

- ترحـميله..العتب و البچي عمرهن ما يرجـعن الميت

- اعرف يا علي والله
بس مو بيـدي، انت ضايگ هاي اللوعة لوعة عزيزك جوه تراب

بلع ريگو و گال بخنـيگ

- الحمد الله على كل حـال، كلنا على هذا الطريق
ما ندعي الا حـسن الخاتمـة

تقدمت عليـة ريماس و هي تبتسم و بيـدها ورد من فوگ القبر
خلته ورا اذن ابوها و اني ما اعرف اضحك لـو ابچي
و هو تصيح الله بيبي حـلو

تلمـست وردة من القـبر و تذكرت الورد الي بحديقتنـا
چان نفس  نوع الزهـور..
وردة الاقحـوان..چـانت مرافقتني طول عمري بيتي اني و علي..و هسا على قبر اخـوي..و راح تظل وردة مميـزة بحياتي

.

تمـت بحمد الله ❤
انتـهت القصة
و انطـوت الصفحة مـودعين ابطالنا
و نتمنى الهم دوام الصحة و العافية و الاستقـرار

و الدعاء بالـرحمة و المغفـرة لـ صهيب
و كل شهـدائنا الابرار

اتـمنى النهاية و القصة بالمجمـل تكون عجبـتكم ❤
و استفـاديتوا منها لـو بشغلة وحدة

بكل صـراحة ما عندي اي كلمات اعبر بيها عن فرحتي باكمال القصة
رغم اعتراض الابطال و الي چـانوا الاخوان الثلاث  علي و رضا و كريم

الا انو البنات الحمد الله گدروا ينقعـوهم
و مو هم فقط الي چانوا معترضين..اضافة لريـم لكن بالاخير الحمدلله اقتنعت اضـيفها
و من هنا احـب اشكرها و اشكـر صفاء الي عرفتنا على هيچ انسانة سباعية و ام قويه ❤

تمنيت بالحقيقة لو اكـدر استمر اكثر بالـسرد
و روي الاحداث..لكن الحمد الله حياتهم تمر بهـدوء و رتيبة واحد
ان شاء الله دوم هاي الفرحة و الاستقرار الي يعيـشونها

صفاء و البنات يرسلـن الكم سلامهن الحار
و يشكـر كل من تعاطف وياهـن و حبهن
و دعئ الهن

بالاخير العـبرة بالنهاية
الحب القوي دايماً ينـتصر
ينتصر رغم انف الطائفـية و رغـم كبرياء المتحـابين
و رغم الاختلافات تلگاه على مقاس قلـبك

صفاء و علي رغم كل الي صار الهم
و نفـورهم من بعض بس هسا محد يعيش بدون الثانـي..التغاضي عن افعال الشريك
مو دايماً غلط..و لا اغلب الاحيان صح..مرات نتغاضى حبـاً
صفاء تغاضت و تغاضت بس بالاخير واجهت و خيراً ما فعـلت

علي أذنب و مشى بطريق كان لـولا الله ثمَ صفاء چانت نهايته ظلام و نـدم
تلاحگ نفسـة و ابتعد عنه و هسا ملتهي بعائلتة زوجته و طفلتة

ملاك و رضـا
دايماً نتعلم منهم مو كل حب مراهقة يكون عابر..و دايماً لا نتسعجل بقرارتنا
لأن كل خطوة نخطيها هي حجر اساس لحـياتنا القادمة..فـ خلي نتمهـل و احنا نخطي هاي الخطـوة حتى لا نـتندم بعدين

فاطمة و كريم
الي يسأل بعدهم يتعـاركون فـ نعم معاركهم ما زالت قائمة لهاي اللحظة
بس معارك حب و لهفـة..المشاجرات بين الاثنين جزء لا يتجزء من العلاقة الزوجية
بس بالنهاية الي يـفرق بينهن
هو نهاية الشجار اما ينتهـي بقبلة او قنبلة

ريم و صهيب
الي الكل اجـزم انهم النسمة الهادية طول القصة
صهيب الله شاهد عليه ما غيرت من شخصيته اي شي..مثل ما وصلت الي صفاء و ريم كتبت
ما جملـت صورته گدام الكل لأن صورته حلوة گدام الله و الي يعرفهم 💔😥
ربي يرحمه و يصبر ريم على فراقة
انسان بمعنى الكـلمة، غيور و شهـم و مضحي

شجاعته وي الي چان يهربهم من بطش داعش رغم صغر سنة " 19 سنة " تشهد اله
و شجاعته بـ ساحة التحرير رغم الاعتراضات الي حصلها و رغم الضغوط الي عانها و ابتعدت قليلاً عن ذكرها ❤

و لهـنا تنتهي القصة
و لهـنا اودعكم
نلتقي على خير احبتي بقصة جديدة و ابطال جدد
و لهذاك الوقت استودعكم الله الذي لا تضيع ودائعة❤
أتمنىٰ إستمتعو بقراءة قصتي وأشكر وجودكم الطيب 💙
The End
............................
اخوكم الناشر ܓܛܟكرارﮩ₰ﮩ✍
الكاتبة : الراوية
🍀🍀🍀🍀🍀🍀🍀
أينما كان محلي في قلوبكم لا تنسوني من دعائكم
@krarhaeder
…………………………………………………………………
‏كن صبوراً حتى في الوجع ، قل : الحمدلله دوماً، فكم من صدر ضاق ثم بِرحمة اللّه اتسع ..
الحمد لله دائماً و أبداً.

روايه ليست اي روايه عاديه..لرجل يتزوج سته عشر أمرأه لكن تأتي واحده ذات عيون(الريم)تكن هي سبب عشقه،هيامه،وموته،ليأتي حفيده العاشق،الذي يعيد ترتيب موازين مجالس العشيره في القوانين و الحب وفي والحروب القبليه...لتكون سطور الروايه كأجمل من قال في الحب،والغزل والحكمه،

النشر غدا
@krarhaeder

البارت الاول
....المهيوب.....
...............
يلو ماني شعظم بلواي مالح
النفس ولا للغير مااالح
جرد مني بياض العين مالح
بسبب هلي بجوني دماااا
بين تراب ميسان العماره هناك أحلام حلوه مطروحه على شط دجله الهادر
صوت المي العذب وي طيور البربش أتناوع للعلك البيدي منتظر جيت كيشان ألمالحه
أخ ياحبي،وياظيم العشك من يطر الراس
طيور الخضيري طرني
غمضت عيوني واهيس صوتهن
صوت يرد الروح بلهور
ويه صوت الشط چن ربابة عاشك تغني موال الحب الكل حبيبين ووالهم اني
وينچ یلمالحه وین المیعاد أظن نستني واني ناطر منها بشاره وفرحه تعدل نبض گلبي المايريد يرگد
روجة مي أجت جایه من صوب العماره
تطب الکاع ألكحلاء الخضره الطيبه
واعرف بهل روجه من تجي دور على عشاك جدد
درت وجهي عند الگصب واشوف حرمة ورجال ورى الكصب يتسامرون
غضيت بصري منهم هذا صيهود من سلف(العميه)أخ ياسلفنه شكد بيه عشاك متولعه روحهم مثلي
ألزوم باچر احاچي صيهود حتى أشوفنه أذا نيته حلال أسعى أله وذا يلعب اطر راسه نصين
صوت رفيجي علي يصيحلي
-أبن العلويه وينك أبويه يريدك بلمظيف
كمت من راك الشط گتله "یشیخ علي ترى مااگدر اجي
-شنهي عاشگ ودور معشوگتگ
-حشا وعفا شبلاك يخوي منهو العاشك
-لاه أظن ماتحسبني رفيجك لو لأن أنه أزغر منك بسنين زاهدني
-خاب تروح من يمي جاي وراك
-أدري بيك يبو سجاد ماتريد تتحچى على
گولت أمك العلويه "لاتستعجل العلوم تراه الخبر اليوم بفلسين باچر بلاش""
-أمش جدامي وخلنه نشوف أبوك شوراه
وشنهي يريد من عدنه
مشيت وعيوني الشط "الچالي"خافن المالحه تجي وماتهيسني
طرينه الگصب والنساوین الجاي للشط
صوت صياح رجال،وهوسه يربي وين الصوت شو جاي من صوب بيت الحبیبه گیشان
اشلون یگیشان یلمالحه مااريدن أحد يتلاكف طولها حتى لو رفيج عمري
وهمينه مااريدها تجي وماتلگاني وانه منطيها موعد شفت اثر عبايتها
مــوعيـني مـن مـريت عـتتـني لحـذاك
عتني الخفك مابين صدري ومشه وياك
خيالها راح لبعيد،ونگابها طالعه بس العيون،تدورني
جرني شيخ عليه عبرنه الترابه دخلنه للمضيف اللزلام كاعده والكهوچي يوزع گهوه بترتیب
ومثل گل مره أدخل الشيخ أبو علي يأشرلي بيده أجي عنده واكعد من صفحته اليمنى
شگد أتمنى أعرف ليش هيچ یسوي
وهل مچان ألگل یعرف بس الأبن الشيخ والاخو الشيخ..سلمت
-السلام علیکم شیخ ابوعلي.. رد
-وعليکم السلام یلمهیوب تعال یمي شو کل مره تنسی مچانک
-لا یشیخ لچن هل مچان الشیخ علي
-لاااه شيخ علي مچانه حذاي
كعدت يمه من الصفحه الیمنی وشيخ علي من صفحته اليسرى..گتله
-السموحه شیخ أبو علي لچن تعرف التقالید
شمر حسره ورد
-وانا أبوك ماضيع سنين عمري،حب صباي غير التقاليد والعادات
-ألسموحه شيخ شتقصد
-يلمهيوب أقصدنك وليدي
-وليدك....تدنيت عليه لأن من گال ولیدي
الگل بلمضيف فگو حلوگهم وواولهم رفيجي علي...گله
-بویه شنهي السالفه شعلامك
گال شيخ ابو علي  بحسره
- گافي أسگتو  اریدنه یعرف أي أنت أبني من صلبي من دمي ولحمي جدام خلگ الله أنت وليدي
أهيس روحي تريد تعرف شنهي هنانه وشجاي يصير،ألزلام بلمضيف گلها تتبسبس
واني ألي ساگت بیه گلشي،شلون وسنیني الخمسه وعشرین وين أسولفهن،اني أبن سيد هاشم
والعلويه زينب..
گمت من المضيف مااخلي أحد يشوف حيرتي قبل لا أطلع گتلهم
-أترخص شويه ورد....مشيت بحرگه البیتنه اوصل الامي
شنهي الجاي يصير،حلم،ولا علم لحگني شيخ علي رفعت ايدي گتله
-لاتجي رفيجي گلکم تعرفون
-وحك صحبتنه مااعرفن
صحت بيه "بالك تجي وراي مشيت لا ركضت للبيت اعبر الزلام الجایه للمضيف
حتى سلام ماسلمت دفعت الباب ومثل گل مره امي ألگاها تلف بیدها دوه عرب للمحتاجین
بسطت بمها اخذت ايدها البيضه بستها
-شلونچ یمه
-هلا بابو سجاد یازلمة سلف العميه
-يمه ليش الشيخ يگلي انت وليدي يمه أني أبويه سيد هاشم گوليلي الشيخ يتمزهد عليه،لان حزین علی حرمته الشیخه الماتت من أيام
چانت بیدها چیش العشاب،من گتلها هیچ طاح منها
-ابو سجاد  الظنى والبطن مو التخلف التربي
-شنهي يعني أبوي سيد هاشم موش ابوي
-اااوف ييمه شلك بهل دولاب
-يمه هل دولاب دولبني..گولي يمه الله يخليچ،فدوه اروحن الطولچ علویه
سکتت ومانطتني ظنه اخذت ايدها خليتها على راسي دکت صدرها ترید تجر ایدها من راسی واني لازمها حييل...گالت
-شتريد يبوسجاد احلف براسك وانت وحيدي وحرت گلبی
-اي يمه احلفي براسي أني ابن السيد هاشم مو أبن شيخ أبو علي
وذا مگلتي الحق أريدن الله يشيل راسي من جسمي
سكتت وردت
-لچن حلفتني ياضوه عيوني الزوم تعرف حگ الله وین،
ولازم تعرف لیش هیچ صار
-شنهو الصار شيخ حسين والگل تسمي شيخ أبو علي  يحچي بحك الله،يفك الصعبه،فاتح مضيفه الخلك الله اله الابنه
شنهي بعد أريدن أعرف
-لاتستعجل يمه
-علويه أب يتبرى من ابنه بيا حظ وبيا بخت العشاير،والشيوخ تشتري ألازم ووهو نافرني،ومتبري مني
أخ يابويه ياسيد هاشم أخ ياناري...وكفت طكيت الحايط بيدي
جرت ثوبي من جوه
-أكعد وانا امك اسولفلك قصة جدك فريجي المزوج ١٤حرمه؟؟
................
يتبع

البارت الثاني
......المهيوب....

علويه أب يتبرى من ابنه بيا حظ وبيا بخت العشاير،والشيوخ تشتري ألزلام ووهو نافرني،ومتبري مني

أخ يابويه ياسيد هاشم أخ ياناري...وكفت طكيت الحايط بيدي

جرت ثوبي من جوه

-أكعد وانا امك اسولفلك قصة جدك فريجي المزوج ١٤حرمه؟؟

-استلم ١٤ حرمه....
چا شنهي شيخ ابو علي همين مزوج١٤
لا يمه الصار ترى موش هين وانه أگولن شيخ حسين مخلیني على حلاله وماله

شهوه الشافه مني وامني بيه،مو بس هيچ
کل مایشوفني يكعدني أحذاه

-أكعد وانه امك

-عذريني مااریدن آکعد يمه طالع اشمن هوى الله..

طلعت ألبيت،أركب السياره،أروحن للكطعه اطفي ناري هناك

غطيت وجهي بسدارة ابوي سيد هاشم مااريدن اشوفن جنس مخلوق

سقت السياره،تارك سلف الچالي،،والعميه وراي نزلت طلعت سلاح الصيد البراري هندس مابيها ولا بشر

بس الطيور الجايه من وصوت خنازير البر
شلت التفگه نيشنت اصيد أطيور وكل طلقه أرميها يطيح طير اجي أشيله

اشمره وری السیاره كل الرمي ونياشيني مابردن فادي

اهيس بلوه طاحت على راسي لا أكدر اسهلها وأگول‌ عادي

وهو شنهو العادي عودن أبوي شيخ وکشخه بس لیش تبرى مني يخاف على حياة المشيخه

لچن لیش یخاف،ولیش مایریدني
اله أني أبن شارع،لوأبن سگه،لو أبن گاولیه،
أأأاخ
أذا طلع صدك أنيابن واحد من لبالي وهل ابوي مارادني

وين أروح من نفسي،ومن السلف،
زين سنين عمري اصيح السيد هاشم أبوي،
ومن توفى لليوم أروح أزور گبر ابوي السيد
،وتحسد العنده آبوه،لو اخو وكل هل سنين الي من عمري طلعن چذب،شلون يصير،وشصدك
وبعد منو أصدك اذا حياتي وسنیني چذب

نعليت والصبر يمي.شكل فاه
أصبر گلبي ألمامره شكل فاه
كون الموت ماخذني .شكلفه
وشخسر‌‌ آبوي لون أعترف بيه

شلت التفگه أصيد،أصيد الشمس بدت توصل بنص السما رح يأذن الظهر
وهسه الغدا مضيف شيخ حسين متمد

علي رفيجي،دائما اني وياه نفتر على روس الزلام الكاعده تاكل نضيفهم

شمرت التفگه وری السیاره رگبتها راد السلفنه
اخذت الطيور دخلت البيتنه خليتهن بلحوش

دورت أمي بغرف دارنه،ماهيه أظن راحت تزور رفيجاتيها.

انفتح باب بيتنه دشت أمي العلويه تلاكف عبايتها تناوعت للطيور گالت

_أذن الوذان أروحن أصلي واخذ ألطيور أنظفهن لباچر والباقیات أضمهن بلمجمده

تحچي متردده،تلهي نفسها حتى ماتباوع الوجهي

-تقبل الله مقدما بس يمه وين چنتي

-مسيره

-يمه وتالي

-خوشن تبسك أصلي وردن ليك..
دشت جوه

توضيت أصلي بفرفتي محتار،ومگدر شحاچي ربي شگله سجدت ومالگیت بس دعاء اجه بين شفافي"يارب لاتحير عبد مثل حيرتي"

أخذت الچراویه الف راسی بیها بست التربه وبقیت گاعد علی سجاده

أذا أكومن أتدوهن بحيرتي،وذا ابقى يروح عليه ألعمال الصینین الأجو يبنون بديرتنه، ومتكفلهم اني

أجتني ألعلويه كعدت يمي تجر حسره

-يبو سجاد چا هسه الشیخ،يريدك عليش ماتروح اله

-شسوي يمه رايح حتى أعاين وجوه زلم المظيف وعيونهم تگول أبن سيد هاشم،بخت السلف،وشارته الماتخطي طلع أبن شيخ حسين

-لا يمه مو هيچ

-أي صح موهیچ رح يگولون ابن سید هاشم وربات الساده،طلع آبو شامره ومیریده والساده ربو

-ولك يمه أذيت روحك

-هااا قصدچ رح یگولون شمره آبوه بسگه
،يمه اني بعد ماابقی اروح الغير سلف أخذچ وهج الغير ديره

أشو من صار ااسقوط من أشهر ديرتنه جاي ينبيني بيها كصور،موش بيوت،اهناك اخذچ الدیره بیها ناس تهاب ابوی گرابتهم من بیت سید سروط

-یمه هايه ديرتنه دسمع السالفه وانت تحكم ليش صار هيچ ودخیل بخت سید سروط وحفاده

-خوش اسمع بس لاتگلیلي جدك فريجي لان مالي خلك سالفته ١٤حرمه شنهي ديچ‌ عرب وعنده هلکد دجاجات

-مو جدك هو الساس من تعرف سالفته تعرف الراس

-سولفي يمه

-هو هل جبت ستگین الچاي نشرب اني وياك ونسولف....

مااغرف يمتى اظن ألحچي هذا بعهد الاحتلال النگریزي السنین ماعرفنهن بس جدك چان یکول سنین الچاي،وشخاط

-ها يمه يعني نهاية العشرينات

-هو سنين الچاي والشخاط عفيه ابني

-گملی یمه

-اي چان جدك صركال الشيخ أبو نوعه
،وخازن حلاله،وحافظ كيعانه الاكطاعيه چانو ظلام

جدك چان رویحة حلال وحلو جهامه چان طوویل بطول عمدان المضيف،أذا
طر من بن ادم يصير جدامه كصير

أسمر،بسمار طير الفختايه،وعيونه مثل مي ازرك دهله ..

ألگل یهابه،ویخاف الصرگال فریجي رغم عمره ١٦سنه

چان هو واهله یسکنون غاد من ألمجر بقريه قريبه على هور "أم كعيده"والوادم خیره وعلی مالت آلله،تحب الخير

لاعدهم غيبه،ولاعدهم چذبه

ولأن ناس طيبه،الزاد،والماي مالهم طيب
اذا واحدهم وجعه راسه يشرب عرج حار
،وذا نفخت بطنه يشرب"كنداغ"

وحتى السبح ألنساوين ألهن يوم يتسبحن
بيه،وألزلام الهم يوم

والفريخات چنهم بط کل یوم تلگاهم هناك
ضحكات نسوان،توصل الذاك السلف

بيوت الوادم من الگصب،والبردي،مثل هسه
والسیایر چانت مشاحیفنه،وتلكى بین سلف وسلف نهر يفصل كل عشيرتين سوه

چانت عرگات العشایر علی سگي الگیعان
بحیث تجمع العشيره اقوياء رجالها يبنون
سد من الگصب

وفنه العشیره الثانیه تفتح هذا السد،لو تاخذ مي الزرعها هذا تعدي على الحكوك

العركات هواي مره وي النكريز ومره بينهم ناس روسها حاره،گلوبهم طیبه

جدك فريجي عنده گاع ابوه،وهو الوحید الامه ثمن بطون امه تجیب ویموتون بلگله

ماعاش الها جدک الفریجي مره من المرات چان بسگي كاعه لوحيده

جمع بواري كصب وترسهن طين وسوه ذاك السد الجبير،حتى يحافظ على المي من العشيره الثانيه

أعترضت عشاير البو كعيده،نشرو بيارغهم
وراياتهم،يم راك النهر وخلو كل زمله من العشيره يشيل تفگه

جدك فريجي من شافهم هيچ مسلحین وهو وحیده هوس هوسه قویه ودبچ دبچ
هزت كاع النهروخلت السمچ یلبط

-أم فريجي أبنچ أوحيده يون"وصل الصوت ألعشیرة أبوه ولان يعرفون ماله خوان تجمعو ربعه، يتنومسون اله بفزعه

-شيخ فريجي هنا ربعك لتون،يدبچون والبیارغ خراخيشها طلع صوت عالي

نثارو الازلام وصار عركه بين العشيرتين
اجت بچتف جدك چیله

وهنا جیب العطوه،وحط العطوه وصار الفصل ،حرمتین،وکاع

بكعدت المضيف الرجال الصوب جدك بنياته زغار وحدتهن عمره ست سنوات والثانيه سبعه
جدك ماخذهن مناااااااااا لمن يكبرن
وهمينه أجل زواجه منهن لأن ذكي طلع يحب بنت الشيخ نوعه العمشه

ثاري كل يوم يطلع فريجي ألمكان بيه عين بارده هذا المكان يجن وصيفات نوعه العمشه يسوون درب يحرسنها
من عيون الغرب

حتى تسبح بيه بنت الشيخ من تنزع ملابسها

وهو مناك ينطرها على حصانه من تطلع من يم العين

تشوفه كل يوم وماتقلد،اله،الى أن مره من المرات طر محملها هي وصايفها من يمه

صار رمي بين النكريز وبين العشاير الهور الفريجي تفدى شيخه نوعه شال البرنو
يرمي على النكريز يحرسها لحيييين ما وصلها الدرب المجر

راكب احصانه ومزهب تفكته يحمي المحمل ونساوين المحمل

قبل لادش نوعه بيت ابوها مدت ايدها من ورى المحمل نطته چلاب لابسته براسها، گالت اله بصوتها العذب

-بلیل تعال الابوي.....عرف الفريجي ذكاء نوعه وفرح كلها

-تم يانوعة گلبي

بليل سير الفريجي البيت الشيخ مثل كل يوم،شاف فانوص المضيف معلوك

تكرب ولان المضيف فارغ فریجي فرح دخل لعند الشیخ گله

-السلام علیکم محفوظ....رد الشيخ

-هلا بزلمة أم العكد

-یمحفوظ السموحه هذا چلاب بنتك لكيته يم العين

-شنهييييي

- اي وحات ابو فاصل هاي موش أول مره أجي للعين..رد الشيخ

-تكصد شايف بنتي

-حشااا لاه انه احمي الشط،ودوم اشوف هودجهااا ولاتظن اتناوع الها

-شتگصد

-آگصدن نوعه مارح تلگی الها أزلمه حر مثلي

-چا لیش هواي زلام خيره

-وهواي خيره بوجوه شياطين

-هسه أنت شنهي فكرك أنه بنتي شيخه وانت عندك فصليات ثنين براسك وبعدك ماداخل بيهن

-ومارح أدخلن الياخذ الشيخه نوعه تزهد بعيونه نساوين خلك الله

-وليش تراه هي عمشه

-والعمشه بعيون فريجي تضوي

-أشوفن رايها واجيك

طلع الشيخ من المضيف أشوي ورد الشيخ،جايب البشاير وگله

-ابشر يافريجي موافقه نوعه

-صدك عمي

وهنانه صار العرس،والناس"بام العکد" الحد صدور المجر فرحانه دخل الشیخ علی نوعه

تسولف الوصیفه من دخل علیها چانت حاله شعرها ونازل حدر ورکها

لابستله نفنوف آبیض وهي مملوحه حلوه
ماستحمل طلع لعند امه گلها یمه

-حلوووه نوعه تمووت یمه...

-چا أشرب هذا عصير الفجل بعسل السدر

-شيسوي يمه

-يخليك حصان شيخ من تكربها..اخذ من امه كوزة شربت الفجل وشربه كله

رجع دش على نوعه،وتگرب آلها،محتام
والجسم غادي نار،والشهوه ناره تطر من الجدم للراس تگول وصیفتها تگربلها ثلث مرات والرابعه صرخت ماکدرت علی عضاه

طلع الفريجي من غرفة نوعه سلطان الوجه من الراحه غادي يزهي راحه
،والعيون من تسلهم غاديه تلمع مثل نجمه لماعه
والشفاف من البوس غاديه جمره قراحه

شايل بيده وصله بيضه بيها نيشانه الشيخه
الهلاهل ترست الدار،بس محد يعرف ورى هل هلال موت علىالشيخه

-ليش موت

-لان عد نوع سرر ماتعرفه بس الجده والجده چانت جايه بربل تريد تمنع جدك الفريجي يدخل على الشيخه نوعه ينام وياها

-ليش تمنعه

-لان مايصلح ينام وياها بهل يوم تموت

-چا بیا یوم یمه؟

#يتبع

////#البارت_الثالث/////
........

لان عد نوع سرر ماتعرفه بس الجده والجده چانت جايه بربل تريد تمنع جدك الفريجي يدخل على الشيخه نوعه ينام وياها

-ليش تمنعه

-لان مايصلح ينام وياها بهل يوم تموت

-چا بیا یوم یمه؟
وشنهو النطاره يمه

-ألنطاره هي البنيه من هي زغيره يلگونها مدمایه،
-زين يمه ليش يسموها نطاره

-لأن من تعرس زلمتها ينطر للحين أذان الفجر يله يگربها..

وذا گربها قبل أذان الفجر،لو تموت،لو تتسودن،لو مايعيش الها فرخ

-يمه أظن مامش هيچ بدین مو

-هي تارثه،من سوالف آهلنه

-گملي يمه بس شون هل وصيفه شافت حرام

-جایتک تالي بسالفة الوصيفه،لچن مو هسه

المهم الشيخ الفريجي شاف الجده تتصايح هي والوصيفه وتگلهه

-ولچ غير تعلمين الفريجي وأمه الشيخه منطوره،ومايصير يگربهه

الشیخ افریجي أجه على الجده وگلها

-شنهي منطوره

-يعني ناطرها الموت،لو لسوادين والسبب هاي الوصيفه تعرف بيها،وتعرف موزين

-حرمتي رح يصير بيها شي تقصدين

-أي الشيخه نوعه من ولدتها أمها أمنتني حين ماتزوج لازم أمنع الزلمه اليزوجها يگرب الها

كض الفريجي الجده وهو متعصب"شبلاچ تفاولین نوعة گلبي مايصير بيها شي گولي
گولي مايصير بيها شي

-اذا طلعت هاي السنه سلامات مارح يجرالها شي

رجع الفريجي حزنان النوعه،وصار یخاف علیها من روحه،

گل یوم‌ الوادم یدزون علیه بعرگه يطلابه مایروح حتی آمه تمرضت دزت عليه ماراح الها سكن البيت

الكاع هملها،والسد البناه فتحته العشيره
ابيومها أجو النگریز هجمو على عشاير القريبه للعماره

وگل ارجال العشایر طلعت،بشيوخها وشبابه فزعت،والفريجي مگابل نوعه،یمشط شعرها،ويشعر الها الشعر

نوعه بحلاة الروح واحلى واكلف منها
يلوادم شما تنشدون ماعندي أغلى منها

حملت نوعه،وفرحة الفريجي،فرحتين،بس حمالها ماطاح الها صارت أتصخن،وتسعل اليل كله..

وهو يسهر عليها،يباريها بروحه،اليل فزت نوعه قبل لاتهل السنه صارت تصرخ بعلوو

-وينك،أكعد أكعد يفريجي السعلوه ناويه تبوگني وتبوك وليدي أخر كلمه گالتها نوعه

هنا الفریجي ماتحمل،من عرف بيها ماتت
الوادم وابوها سوو الها عزا،والفريجي ابدآ ماطلع داره

ثالث يوم من حزنه،هج من ديرة أم العكد
تارك اهله،وناسه،وحلاله

رگب حصانه،واخذ زاده،هج بديره مالها أحد،ومابيها بشر وهناك تعرف شاف خيم بدو ۱٤ خيمه..

بيها الدنيه مطر،ورعيده،شاف خيمهم تريد
تمشي وي الريح لزم عمدان الخيمه ودكهن بصخر بدون ماواحد يگله

وهنااا حمی ستر النساوین،وحمی بیوتهم
چبیر المنطقه دخله للخیمه ونطاه ملابس
وگله

-شوف‌یاشاب حنه بدو وکل یوم النه مچان
هذا السلف جديد ويراد النه بيه أزلمه كلف
مايهاب الموت

-شنهي قصدك يعمي

-أقصد نكرمك من زادنه،ونورجك على حلالنه،

ونزوجك بدال الوحده خمسه من بناتنه،لچن تبقى تباري شبابنه وشيابنه

-خوش بس أني موش بدوي أنه معيدي

-حي الله المعدان المهم زلمه زلمه نشمي

-موافج

-يمتى تكطع مهر

-لساتني بحداد

-حرمتك ميته

-أشلون عرفت

-مايحتاج لچن اشوفن بعیونك چثیر عشگ
چثیر حزن،

ومحد یگدر ینسیک

- چا شلون ترید تزوجني بنتك

-لچن أنت حگاني وابن حموله،والعنده هل صفتين حتی لو عاشك مثل غيس،
مايظلم حرمه

-ماشي يعمي

-وانه أكللك الملچه هساع علی بنتي مگیه

-شلون یاعم

-اي حنه نشتري زلمه

وبقی جدك بسلف الخيمه تزوج مگیه بنت الشايب الخير،

الفریجي فتح بير بسلف،سوى حدود للخيم
يصيد الصيده ويوزع للكل بنفس الكميه

صار محبوب بين وادم البدوو

حرمته رغم بدويه وحلوه،مانسته نوعه كل يوم بليل يلزم الربابه ويشعر موال فراك وحزن عليها

وينچ ینوعه والنفس  يلفظ بحبچ احـاه
مـو بـس شوفچ اریدن
أدوار بحضنچ عشگ لچنه دوه وياه

السلف على سيرة الفريجي كامت الوادم تسكن يم البدو،

جته عشر عوايل بدويه تسكن،گبر السلف

وبسبع تشهر صار سلف الفريجي
سلف الخير من طيبة جدك،
حرمته مگیه ماحملت اجى علي الزاير أبو نحيله،ألكل تحترم ابو نحيله وهو بدوي
من فرايض الشبايش التجي كل فتره

هنا أبو نحيله كعد بخيمة الشيخ الفريجي
والكل صارت تسمي شيخ الفريجي رغم هو مايقبل زغير عمره...گله

-شیخ فریجي أنت زلمه وحيد،وتزوجة من خيرت نسوان السلف
ومصار عندك فريخ

أنه من شفت هيبتك تلاوي الذيب من يومين گلت هذا يراد اله ضنى

هساع انطيك بنتي اهبها  ألك شدكول

-واني متزوج یبو نحیله

-حك الزلمه اربعه وانا عمك...

-خوش بس تدري البگلب باقی بلگلب

-الگلوب مایعلم بیها بس ربک اریدك سند لعويلي،والهلي

-تم من هل خشم ومشگور..

تزوج نحيله،
وچانت حرمه،کصیره سمییره
،صوتها عالی،وغياره،

كل يوم تتكافش هي  مكيه،وصارت سيرة مكيه ونحيله،بلحلوك وثنيهن ماخلفن اله
ولاشالت بطنهن

اجى وكت السفر،والكلا،البدو

جهزو رحالهم،نزلو خیامهم
یسافرون  الغير ديره،

وفريجي اخذ العوايل وياه،یگودهم بجمال،وخیل

حطو بديرة الخرزه غااااد من سلام

ولان الطيب سيرته وياه تمشي وتسبقه
،ناس السلام رحبت بيه دخل على عربهم

شيخ المنطقه من عادته اذا سمع بضيف جديد الزوم يضيفهم عادت العرب

وهنا دز عليهم بس ضاج من شاف صيته نوخذ
لان الفريجي صاحب فزعه،وحميه
بهل اسبوعين السكن بيهن...ساعد هواي ناس

دز عليه شيخ أبو غالي،للمضيف يريد يشوف الناس لیش تحبه

دخل الفریجي للمضيف وسلم اول ماكعد
ساله شيخ ابو غالي

-الناس ليش تحبك بلا زغرن

-المحبه من الله

-زين وشلون اتأكد أنت بس شاب رغم زغير بلعمر تسوي خير  هاي من غير الفزعه،وتساعد المحتاج

-والله ياشيخ أبو غالي حالي من حالك عمري ماسويت شي أفكر بيه،
يعني مااتعب
فگري وأكول هذا چذاب،وهذا لوتي

-زين وذا طلع غدار

-هو غدار ماهو موش اني

-زين وأنت عمرك نغدرت

-حتى لو انغدر هي دنيا لچن مااذكر الی غدرني  حتى بالي،

-شلون ماتذكرهن انت شاب الدنيا جدامك

-ولأن جدامي الدنيا أفكر باچر شرح يصير

والیوم،اليروح انساه وانسىحزنه

-وعشكگ يكولون عاشك

-شي بيني وبين نفسي،العشك ماله غرض محبة الناس،والگلب سلطان ماينعصي

-وحرماتك

-جيب نساويني أذا اذية وحده بيهن بچلمه،لو بسالفه

-أهاااا

-هسه أنت تسألني واني ضيفك أظن جاوبتك أترخص اذا ماعندك سؤال

-لااااا عازمك على الغدى مضيف شيخ غالي المايكل من زاده يعتبره عدو،وغريب

-ماغريب أله شيطان

تزهب الغدا وصفافير تقدمت للضيوف
والاکل الماعون آکبر من القزان

وهنا كعد ياكل شيخ الفريجي گله آبوغالي

-شتهيس هسه

-أهيس أني بين ناسي،وهلي وهسه جمعنه زاد وملح

-ماتحچیت

-بشنهی یاشیخ غالي

-شنهي اصلك

-معيدي

-ونعم لچن شجايك على البدو الرحال

-احنا وياهم نفس الگاع

-حگگ بس تعرف الزلمه من الاصيل يعني محافظ على اصله

-اكيد والمااله أصل مضيع عرفه

-زین أطنه من سوالف مضايفكم،المبنيه من كصب..

-هسه

-لا من تخلص،الزاد

خلصو غدا وصار تجمع بين اصحاب المضيف،نمدت،المدات ونصبت الكهوه..
گال الشیخ

-یله شیخ الفریجي سولفنه سوالف الهور يگولون مالحه

-اي مالحه لان ناسها المعدان،معدنهم،واصلهم مالح

-اشلون تعرف اصلهم ومعدنهم مالح

- السموحه منك شيخ ومن الربع الي بلمضيف والساده

اسولفلك من سوالفنه شلون نعرف البشر
وشلون نعرف الاصيل من الدخيل

-تفضل أكرم وانعم نريد نسمع،لأن لزوم نحافظ على وادمنه

-صح ياشيخ يگلك من سنين بعيده بعربنه الغاد من الكحلاء
چانت الناس العنده خيل عربي،هذا يعتبر من الوجهاء الاغنياء،والهيبه

فصار گلمن هب ودب حتى يصير شيخ يشترون الخيل من الناس الراشده من غير ديره

ولي عنده خیل خاصه قبل سنين ضاعت عليه السالفه

صارت حزااریات بین عشیره وعشیره علی عدد الخیل

وتاه عليهم شگل الخیل العربي،الاصلي رغم الشيخ ابو نوعه بس هو يعرف الخيل الاصيله من الخيل الموش اصليه

هنانه قترح الشيخ أبو نوعه يسوي خطه سامعها من اجداده

جاب الخيل مالته خلاهن بگبه،طین بلا سگف
جمع خيله ،وجمع مالت العشيره الثانيه

منع العلف عنهن ومنع المي وخلا السايس وربع السايس كل واحد منهم بيده السوط يطك بيه الخيل،،ويسبه

گل یوم الخیل علی اید السایس وربعه
تنطگ وتنهان
وره تلث ايام بنهارهن وليلهن فلشو گبة الطين

وخلاه السايس  علف ومي وگف السايس هو وربعه جدام المي والعلف

هنانه الخيل بقت واكفه ونقسم قسمين
قسم ركضت على علفها من الجوع،،

والحصان الاصيل بقى واكف ومايگرب الزاد من الايد اللي تطگه وتهينه

وبهاي الخطه عرفت العشایر الحصان الاصيل
من الدخيل،

-والله علی هاي سالفتك المالحه،وحكمت عربكم،الك حرمه من خيرة نسوانه العرفت انت ماخذ نساوينك هبه

أني أنطيك حرمه هديه وياها وصيفه

-ماتكصر لچن

-بلا لچن النبي قبل الهديه

-اللهم صل على محمد وال محمد

-بس عليش تنطيني حرمه وصيفه

-انت فطين

-اعجبك شيخ

-ولأن فطين أريدنك تدور حلالي

-وشبلاه

-ضاع وضاع راعيه

-وين بلضبط غاد يم الجزيره

ألكل بديوان صاحو بهمس "الجزيره

خزرهم الشيخ ورد گال"مالك غرض بسوالف الناس التخاف

گتلك أكرمنك أن لگیت حلالی

-واني اجيبه بلا مگرمه لآن حر،ومااأخذ اجر على عمل الخير

-واني أطيك هديه موش كرم

-انطرني ثلث أيام الرابع اذا مالكيته أطلع من عربكم

-ماشي...طلع ألشيخ الفريجي من المضيف
سلم على نسوانه

أخذ حصانه وراح للجزيره ،سواله مچان زهب بیه چانون النار،حط الدله النحاس سوه اگهوه اله

ظل ناطر عسى يمرك من يمه راعي..ركب الخيل يدور أثر حلال مار من هنا

الى أن جاع صاد آله طیر وکعد یشویه
،أكل خلص


الجزيره هندس ظلمه،صوت اذيابه تعوي
وچلاب تنبح

هجس المچان غريب بنص الليل طره النعاس

ولأن جاسته بروده لف جسمه بدراعته وظل يشعر
ابوي   الحيد  يسحر  على  الجان 
وفلوا   الدرب  تلكون  نيشان

تعوذ من الشيطان ليش گال "شجاني وگلت شعر جان
زلمه ومايهاب أنس ولا جان

اجى غمض عينه فتحهن يتناوع للنار

لکى جدامه حرمه،جالسه احذا النار
عيونها كحيله ولابسه تراچي ذهب
،ومتعصبه بعصابه،بدويه
الشامه وسط خدها،الحلك خاتم سليمان والخشم قند ايران.والجسم عود ريحان

تباوع عليها بصفنه خازرته ومبتسمه

جاسته خوفه،وهيس هو يم شي موش بنادم،گلها یبلع ریجه

-آنتي جن ولا أنس

سكتت الحرمه خزرت عيونها،گلها مره ثانیه "أنتي جن ولا أنس...ردت عليه

-أني جنيه،وانت نايم بگاعي والدزك هنا رايد موتك

-عليش رايد موتي

-لأن هاي الجزيزه اسمه جزيرة الطناطله
ومحد يطرها غيرنه

-وليش يردون موتي

-الغيره،والسمعه من تسبق البشر،أكو ناس مريضه،تكره الزين،وتنغاض منه

-لچن أني اريد الخير للگل

-ولآن ترید الخیر للگل رح تنداس

-أنا رجل نوعه معگوووووول

-اي معگول هسه أنت متعدي على گاعنه

-وشنهو تسوین بیه..وان عبد من عبید الله

-آریدنگ یفریجی

-شنهووو؟

#يتبع