قصص واقعية ، 🌸 '

(غدر يبني طريق العشگ)
#البارت34
&&&&&&&&&&
طلعت للكافتريه بعد مالتقيت بزهره شويه واجاني حيدر عيونه نار ..
تقرب مني ولزم ايدي عصرها حسيتها تكسرت بيده
حيدر شويه عن اذنج خويه ..
زهره اخذ راحتك خيي ..
مشى وجرني وراه ..
عسل حيدر ايدي انكسرت هدني ..
حيدر حلكج ماتفتحي لا اكسرها صدك ..
مشاني للسياره .. كالي صعدي ..
صعدت وياه شغل السياره ومشى ..
عسل وين ماخذني ..
مايحجي احجي واسئل ماكو عاقد حواجبه ويسوق .. وين وصلنه يم بيته الجينه عليه .. نزل واجه فتحلي الباب وجرني من ايدي ..
فتح الباب ودخلني اني بس اباوع وهو يجر بيه ..
دخلني للصاله قفل الباب وباوعلي ..
بحركه سريعه فر وجهي براشدي من قوته وكعت ع التخم ..
لزمت خدي وخليت عيني بعينه ..
عسل هذه الطلع بيدك ماتعرف بس تضرب بهمجيه ..
حيدر اعلمج الهمجيه شلون تصير منا وهيج ..
تقرب ورفعني من فجي ..
حيدر لج شلون طلعين بدون علمي مدام اني طالع تنتضريني اجي واني الاقرر اداومين لو لا ...
رفعت ايدي اريد ادفع ايده .. لزم ايدي ولواها
عسل اخخخخ انته كعدت من الصبح تتعارك وتغلط عليه وطلعت واني تاخرت ع دوامي وعندي امتحانات مهمه ..
حيدر ولج انعل ابوج لابو الدوام فهمتيييي طالعه بدون علمي مرة الثانيه ثقي وتاكدي رجليج تتكسر ..
عسل وخر ايدك اذيتني حيدر ..
هد ايده ورجع ضربني راشدي حسيت الدنيا افترت بيه وكعت بلكاع نصف واعيه ..
تقرب وكعد ع الركبه رفعني من شعري ..
حيدر انه شكايل احجييي مو كايلج ممنوع دخلين اي مكتب الاي دكتور وحدج محذرج لو لا احجييي ..
ضليت ساكته ودموعي تجر ..
حيدر احجييي لسانج وينه محذرج مادخلين وحدج لو لا ..
عسل وخرررر ايدك حيدررر ..
حيدر صوتج لا تعلينه ادفنج ومحمد .. احجي وياج تريدين تكسرين كلمتي لو شلون ..
عسل وخرر مو قصدي اكسر كلمتك بس دز عليه وماكو احد وياي ورحت وشنو ماتثق بيه واذا دخلت مكتب استاذ ..
دفعني وكام يفتر ويصيح ..
حيدر من حذرتج ماحذرت هيج لحالي بس اعرف اكو اساتذه نفسهم دنيه وعديمين شرف .. لج صخام اني من تالي هتليه الكلية يحجون بعرضي ولج تدرين سمعتهم باذني يحجون بيج واتعارك وياهم ويجيبون اسمج ..
عسل من يكدر يجيب اسمي بالشينه لان االكل يعرف اني شنو ..
حيدر لا يافهيمه يحجون لان محد يدري داخل الانسان الناس عليهم بالضاهر من شابه وحدها تدخل لمكتب واحد سرسري وسمعته سكط بالكلية اكيد راح يشكون بسمعتها ..
عسل منو حاجي ..؟؟؟
حيدر هذه الهامج منو حاجي ولج غضب امشي بالكلية اريد اشوفج وثنين عارات ولج يكله منتبه لعسل صار مرتين اشوفها تدخل لمكتب انمار ..
لج يردله اييي اكيد نسقو سوه وتدخل تاخذ المقسوم بالمقابل تنجح واحنه يطيح حضنه ..
العالم كله معجب بهؤلاء النساء
انصدمت بكلامه معقوله هيج ياخذون عليه نضره الكل يدري بيه متزوجه ليش هيج العالم تنطعن باعراض العالم بدون ماتعرف معدنهم ..
رجع تقرب مني ورفعني من شعري ..
حيدر شعنده صخام يدز عليج احجيييي ..
عسل ماعنده شي بس سلمني ورقه الامتحان ..
حيدر اني مو جاهل وتقشمريني ورقه الامتحان مايسلمها الا بالمكتب احجييي عسل لا تخليني اجرم بيج ..
عسل ماعندي شي والله بس من استلمت الورقه جان غلطان بالدرجه وكتله استاذ هذه مو استحقاقي درجتي اعلى من هيج .. كالي تعااي لمكتبي علمود اجمج درجتج ورحت ..
حيدر الورق وين ..
عسل هذيج بالجنطه .. جاب جنطتي وطلعه باوع بيها وعافها ..
حيدر شوفي ياعسل يمكن اني قبل ماحاجي وياج هذه الموضوع .. كلمتي اذا كسرتيها مره ثانيه وعلي بن أبي طالب مارحمج وشغله ثانيه بالله العظيم اذا طلعتي بدون علمي لاي سبب رجليج اكسرهن ..
عسل بس هذه ماينطيك الحق تضربني اني صار عمري 20 سنه وابوي ماطاخني بورده وانته زواجنه ماصار عليه سنه مرتين ضربتني ..
حيدر واني رجلج انتبهيييي ولا تكعدين تقارنين من تغلطين تتعاقبين كتلج وحذرتج وانتي كسرتي كلمتي ورحتي وخليتي اليسوه والمايسوه يجيب اسمج ..
عسل بس ماتضربني حتلو رجليييي ماتضرب رجعتلك ذيج المره بس علمود مااكسر كلمه بابا بس هلمره ماعديها الك اني مو خدامه عندك وتكفخ براسي اذا الك الحق تكعد ونتفاهم مو تضرب بهمجيه وصياح ..
تقرب مني وعيونه حمر من الغضب .. لزمني من شعري وقربني اله ..
حيدر ولج ادفنج بكاعج مو بس اضربج ومحد اله حق يمي فهمتييي من تكسرين كلمتي لو طلعين بدون علمي الله كتلها عليج وكتها صدكي ماكتفي براشدي هسه كومي خلي نرجع ..
عسل مارجع وياك والله مارجع وياك خابرلي بابا يجي ياخذني..
حيدر بابا يجي ياخذج انسيها مالج طلعه من بيتي ..
عسل اشوف شلون ماطلع ..
حيدر دمشي خلي اوصلج للبيت واروح اشوف رشا وبراء...
هينه ياحيدر .. مشيت وياه ذبني باب البيت قبل لا يمشي كالي عسل اذا طلع حرف لاهلي من الصار بيناتنه ماتلومين اله نفسج ..
دخلت جوه واني كل الشياطين متربعه براسي ..
دخلت لغرفتي بدلت وطلعت سويت غده لان راجعه من وكت اني اليوم عمتي ابيت علي حماي دائماً تروح يمهم لان عدهم جهال تتونس وياهم ..
كملت الغدة ودخلت لغرفتي سبحت وكعدت ادرس

1.2K views17:29