محبسي
حبيت نعومه السوار بدون كثره ملاوي تخرخش باذني
حبيت صدرج ما عليه كلاده هالكبرهه نازله
حبيت ذوقج بكل شي وحتى اكو اشياء يمكن اني مامفكرلهه من قبل بس لكيت نفسي راضي عليها بيج وهالشي طبعا جان كلش
مخوفني بيج
-هههههه
- والله يعني جنت اكول خاف تطلع مو نفس ذوقي خاف تسوي فلان شغله اكرهه
بس طلع كلشي عال العال
- والله على الفطره هي صارت
- رحت فدوه لهالصوت
- يا بعد عمري
-حبيبتي شلونه الحضن حلو
-ههه اييي
- شوكت متحبين موجود
- يخليك الله الي خلي ننزل اسامه تأخرنا وعيب والله
- بس اخذيلج نظره بالغرفه حتى تكوليلي شتحبين اغير
وكفت ودحكتلها من الطول للطول وحكيتلو ..
- غرفتك شبابيه بحته مالها مكان لبنيه
- ههههه اعجبج حبيبي ،، اشتري غرفه ابيض تريدين لو مطعمه بالوان شتحبين
- بصراحه بصراحه
- اي
- احب هالغرفه لا تغيرها
- ها صدك والله ؟
- اي والله
تكرب مني وانا رفعتلو راسي وحكيتلو ..
- عاجبني اشاركك اشيائك واعيش وياك مثل ماكنت عايش وحدك حابه ادحك  شلون كنت
تستخدم اشيائك كلهااا احس راح اندم لو ما جربت كلشي تملكو هين
- فرحتيني والله والله فرحتيني يعني مادري شكولج ههه بس فرحت والله
يعني تحسين الها قيمه لان مالتي
-ايييه انته عندك ذكرى بكل شي هين وانا حابه احتفظ بي لا تغيرها والله حلوه وعجبتني
- صار تدلل مريتي تامر امر
- تسلم بس شغله وحده حيرتني
- شنو
- الكنتور صغير معقول يكفينا اثنينا ؟!
-هههه لااا وين يكفينا ترا ماانطيج الكنتور وابقيلي خانتين شوفي هذا كله مليان ملابس
ومااستغني عن شي بيهن لا عبالج
-ههههههه ياعمري ماقلتلك شيلهن بس فكرت هيك يعني
- فهمتج .. شنو رأيج افصل كنتور جبير
من ذاك الحايط لحد هنا
- لااا شدعوا هالكبر
- والله احلى افصله تركي ابيض واغير صبغ الغرفه احس صاير باهت وابقي الاخشاب البقيه واذا تريدين نغير شي بعد او نضيف شي كولي حبيبتي
- امم يعني منين يبدا الكنتور
- يبدا من ضلع الي يم جربايه لحد مكان القنفه واسوي بي ديكور مكتبه بالنص بس نستغل هالضلعين برفوف وابواب ونفرغ هالجهه
- تمام حلوه الفكره بس ضيف وياه مرايا حتى تخلي جماليتو اكثر
- اي اكيد
- و نحول ميز المرايه هين حدر الشباك
حتى نفرغ هالمكان للقنفه
- ماشي عاجبج لون القنفه لو اغيرها ؟
-لا حلوه بس نغير لون الصبغ
- صار انتي اختاري ودزيلي واغيره
- ان شاء الله
- قبل مننزل خلي انطيج هديتج
- اي هديه ؟
- مشتريلج من انقرا هديه وضامهه
طلع من الكنتور علاكه كارتون لونها اخضر
وحطها بايدي ..
فتحتها ودحكتها لعبه بشكل الاميره سنو وايت
بالعجل ضحكت ودحكتلو .. حكالي ..
- مادري تعجبج هيج اشياء بس اني احبهه
حضنته بقوتي وقلتلو ..
- تعجبني تعجبني يررربي اعشكها لهالاشياء
اساامه تجنن هاللعبه وهالاميره حبيتهاا والله حبيتها تسلم حبيبي حبييبييي تسلم
- هههههه فدوه لله فدووه لله شلون مره تنكرط تنكررط
وخرت منه وصرت ادحك للعبه وهو حكالي ..
- شوفي هاي تره جبيره بس رجليهه تركبيهه
محطوطه بالفلينه ليجوه ركبيهن وهسه تصير هالطولهه وحتى ثوبهه هم طويل بس مصفط جوه الباقي
-شكررررا تجنن
- اني لو ادري هيج تحبين الالعاب وهالهدايا جان جبتلج كل الاميرات بس هاي اخذتهه تجربه
- والله عندي احلى من اغلى الهدايا
اسامه انا روحي بهالاشياء
-ولج خلي روحج بيه بسس بيه
-ههههه حاضر
-كولي حبيبي شنو بس مره وحده
- ههه حاضر حبيبيييي
- اووف يربي شلون يوم حلو لج اني اليوم احب امي لان جابتني واحب ابويه لان رجعني لبغداد احب اهلي كلهم
- اممم وانا ؟
- انتي انزلي احسن
- يعني ماتحبني
- والله احبج والله انتي اكثر وحده احبج
- لااا بس انا المفروض تحبني
- غاليه
- ياعيونها
- ننزل حبيبي احسن
ضحكت ورجعت العلبه بالعلاكه وهو حكالي ابقيهن هين جنطتي وعباتي وكلشي
ونزلنا ايد بايد وهو يحكيلي ..
- باوعيلي وجهي احمر لو لا
- لا زين
- شعري مرتب
- ايي مرتب
- اكلج شو اهلي سكتاوي خاف تغدو وعافونه
- اذبحك اذا صدك
- ههه عدنا اكل هواي لتخافين
- ول اخوتي اخوتي يااكل
- شوف صار بيهه اخوتهه نست نفسهه
هديت ايده ومشيت بالعجل للمطبخ دحكت البنات بعدهن يشيلن بالاكل بس يطلعن من غير جهه
انداريت عليه وقلتلو ..
- وين راحن البنات بالاكل ؟مو المفروض هين
- لاا حبيبتي هناك عدنا صاله جبيره
ابويه كال نخلي الاكل هناك
هسه همه يرتبوه انتي الج الحاضر
-هاا زين .. ما شاء الله بيتكم كبير ومرتب
ربي يهنيكم بي
- بيتج هذا بعد
- ان شاء الله احافظ عليه ،، تدري ان بيتنا بحديثه بكبر هالبيت بس حديقتنا بعدال بيتكم مرتين
- هاا حلوو
- ابوي عندو مضيف بطول هالبيت معزول عن البيتين .. انا وامي وحسين عدنا بيت وحدنا وجدتي وعمتي واخوتي البقيه بيت وحدهم بيتهم هو الكبير احنا بيتنا صغير
يعني ١٥٠ متر بس مكفينا احنا ٣ نفرات
- كلش زين حلو ابوج مقسم كل واحد اله بيت
احسن
- اييه
- غاليه ابوج يحب امج اكثر لو ام جراح
- هههههه ابوي يحب بس امي ما

يدحك غيرها
-والله ؟
- مااحلفلك دحك بعينك واحكم
- ماشي راح اضل اراقبهم
- واحكيلي شيصير زين
تمشيت وكفت حدر حوض السمك وقلتلو ..
-انا حكيتلك اني نباتيه ؟
- لاا صدك والله!
- ايي
- خررب لعد ماحجيتي من قبل الاكل كله لحوم
- عادي انا مو عليها بس خطر بالي احكيلك
-لااا غاليه لو كايله على الاقل اليوم قبل ساعه ساعتين جان كلتلهم يحضرولج شي مابي لحم
- عاادي ياعيني اصلا دائما انا ادحك اللحم بالاكل لان اخوتي مايكدرون بدونو واشيلو على جهه واكل عادي
- اطلبلج شي من بره
- هههه شبيك اسامه عادي مو اكو تمن
اكو تمن لو لا !
-اكو شلون لعد
-ايييه بعد شكو اكلو اموت عليه انا
- ههههه فديت القنوع
صاحتنه هديل ورحنا من باب المطبخ عبرنا للصاله ودحكت اخوتي الحين دخلو حسيت بخجل من عيونهم وعيون اخوتو بالعجل ختلت وره ظهر اسامه وهو ضحك واندار علي وصار ظهرو عليهم .. حكالي ..
-امشي اكعدي بصف امج واسترخي زين
لا تضلين متوتره
هزيت براسي ومشيت كعدت حدر امي
وهي شاورتني ..
- شو طولتي وين جنتي
- يمه جراح مارضى ارجع اكعد بدون نقاب حكالي ضلي ويه البنات
- ها وانتي ضليتي  ويه اسامه
-ههه يممه هي هالمره
- ديلا هسه عاد سولفتو سالفه براسهه خير لو كضيتوهه خشم يابس
- لاا يمه عسل عسل بعدين احكيلك
- ههههه
- وانتو يمه شصار عدكم
- والله سوالف منا ومنا
كعدت حدري ام اسامه و صارت تحكيلي
اختفيتي بعد ما شبعت بشوفتك
وانا بس اتبسم ..
دحكت للاكل وماشاء الله السفره على طول الصاله و الاكل كلو صياني مشاوي لحوم
بانواعها ومواعين التمن نصين مقسمه
ابيض واصفر بشعريه وبدونها
واكثرها مقبلات وفواكه والمركه نوعين
بس كلشي بترتيب ..
كان كدامي صينيه مشاوي اخذت منها لامي
خليت حدرها وانا ضليت اكل تمن ومقبلات
ام اسامه تحكيلي ..
- لا تستحين بنتي اكلي هذا خير من الله اكلي مدي ايدج
- اي صار
اكل وهي تقصد على اللحوم تخلي كدامي
وانا اتجاهلو اكضيها اشرب لبن او اكل مقبلات وهي تلح عليه باكلهن تالي اسامه صاحلها ..
- يمه غاليه نباتيه تستحي تكولج
من نظرتها الي استحيت اكثر ياريتني ماكله اللحم ولا هالنظرات من اهلو واخوتو الي ركزو عينهم علي ..
قلتلها بهدوء ..
- اا هو انا هذا اكلي عمه لا يضل بالك
- والله لو ادري جان سويتلج غير شي
- لا والله انا هذا اكلي ماتغير شي اسألي امي
- شنطيج هسه يعني شتاكلين بس تمن
- ويا محلاه من ايدك والله طيب وانا احب التمن والمقبلات هين طيبه عاشت ايدكم عليها
ابتسمت وكملت اكلها ... صارت تكرب مني مواعين المقبلات وانا اكلهم برغم مابنفسي امسحهن كلهن بس بقيت للخجل مكان واجلت هالجوع للبيت .. على السفره وانا افكر ببيتزا خضار ومكثره زيتون وحاره اوصي جراح يشتريها الي واكلها اوصل مااصل البيت
واضحك ويه نفسي على الفكره ...
كمل الغدا وطلعنه نغسل ورجعو اهلي حولو كعدتهم بالاستقبال هناك يشربون الجاي وانا ضليت ويه البنات بالمطبخ اساعدهم بكم شغله ونسولف ..
عرفت هديل اخر مرحله تحليلات ومرت فيصل خريجه قانون وموظفه بدائره هين
وعدها ولد وبنيه مخليتهم يم اهلها ..
عرفت ان فيصل هو اخو سالم يصغرو بسنه
وعدهم اختين مزوجات بااربيل لولد عمهم
سالم خريج عسكريه من الاردن
بس ابوه ما سمحلو يشتغل ويخدم بجيشهم
وخلاه كاعد اشترالو كافيه وصار يكضي وكتو بيها ..
من رجعو  هين طلب من ابوه يقدم بفرقه سوات ودفع فلوس وحصلها  ومايرضى يتزوج لان كان يحب وحده بعمان وبينهم علاقه وخطبها بنفس سنه  ماتت
هي وامها سيارتهم مكلوبه على طريق خارجي وحادثهم قوي مارحم بحالهم
وهو من يومها تعقد وصار رجعتهم للعراق بعد هالحادثه بشهرين و اول ما استقر ابوهم هين انتسب لسوات وصار يغيب عنهم اشهر بدورات التدريب ..
كعدنا نشرب جاي وهنه عافن المطبخ مهوس بس فرغن الاكل واستحيت اسألهم ليش
بس على كعدتنا دخلت مره بالعجل سلمت
ووكفت تغسل المواعين ..
حكتلي هديل .. هاذي تجي تنظف بعد كل عزيمه وهسه عمتي دزت عليها ..
حولنه كعدتنا بالصاله ولكينا امي وعمتي وام اسامه وسالم هين كاعدات وعلى جهه
الحجيه وجدتي يتبسبسن ..
دحكت امي ساكته وشويه واشرتلي اروحلها
ورحت كعدت حدرها وحكتلي ..
- خابري ابوج كوليله خلي نرجع
-زين
تذكرت تلفوني فوك ضل .. حكيت لهديل نروح نصعد ومشينا باول بايتين على الدرج
سمعت صوت اسامه ..
- هاا غاليه دكيت عليج ليش مجاوبين
-تلفوني ضل بالغرفه وماشيه اخذو
-ها زين .. هديل انتي ضلي جوه مايحتاج تصعدين بعد
ضحكت ونزلت وصعدنا سوه وهو يحكيلي
- اشتاقيتلج همزين صعدتي
- امم ما متصل مو
-هههه ادري بتلفونج هنا شكو اتصل !
-هههه حياال
شبك ايدي بايدو ودخلنه الغرفه .. سد الباب
وحضني وحكالي..
-هالمره براحتي صارت حلوه بعد ماكو خجل
-ههه لاتحكي حتى ماخجل
- زين يصير بوسه وحده وياهه
-لاااا
- بس وحده من هالخد وهالخد
هو ويحكيها بوس هالخد وهالخد ورجع حضني قلتلو ..
- توقعتك تستخدم عطور اجنبيه بس طلعت من محبين الشيخ زايد
- اخوج يحبهن كلت اخل

ي منهن
- اممم هنه بنظري ارقى العطور
- تعالي اشوفج عطوري
اخذني لميز المرايه فتح مجر مرتبهن بي العطور كلهن باكيتهن .. صار يحكيلي..
-شوفي اني مهووس بكل شي بي ريحه
هذني الي بالمجر مال طلعات مهمه
وعندي الي هنا على الميز هاي مال شارع
وهيج عاديات يعني ويه اصدقائي هيج
بس هذني المجموعه مرتبهن على حسب
الدول
- تقصد منين مشتريهم ؟
-لاا شوفي كل دوله الها طابع خاص بيهه
واكثرهم حساسين وانتقائيين للعطور
اني صرت اعرف كل دوله شنو نمطها المفضل الي تكسب بي ناسها واشتري العطر الي يناسبها وشوكت مااعرف هناك رحلتي
استخدمه
- مااشاء الله دقيق الاطباع والتفكير
- اعجبج حبيبي .. تعالي شوفي الشور
فتح الباب مالته ودحكت على اليمنى غسولات وشامبوات حكالي ...
- هذني كلهن استخدمهن وكل واحد ووكته
اني هواي اسبح اذا طلعت لكوفي ورجعت تلكيني اسبح واول مااكعد مرات اذا نايم الظهر واكعد هم اسبح ماعدا الشغل قبل مااطلع ومن ارجع وبالليل
هاي امي تخلي هنا سله ملابس كل يوميه تنملي بس هسه مدري وين موديتهه
ضحكت وحكيتلو ..
- مبين عليك هالشي نظيف زياده عن اللزوم
- هههه احب شكلي وهواي اعتني بالنظافه
تخيلي قبل سنه صار عندي تهيج بالجلد
ايدي ورجلي كلها حمره وتتكشر رحت للدكتور وحجالي قلل سبح واستخدم مرطب بشرتك جافه زياده .. ضليت يومين ماسبحت
حتى اكل ماعرف اكل مدري شبيه مامرتاح
الا سبحت ورجعت لنظامي يلا استقريت
عاد اشتريت مجموعه مرطبات كلت حتى ماايتكرر الصار
- حكها بشرتك تتهيج هريتها بالغسل
ههههههه عندي اخوي رماح نفسك
ايمتى ماادحكو لو طالع من حكام لو رايحلو
هو يدرس طب اسنان ومهووس بالمعقمات
اي شي يدرسو او يسمع عنو اشتراه وضل يجربو علينه بالبيت وكل نهايه اسبوع يستلمنا فحص للاسنان ويشرح حالتنا
انا مااخليه تبزع روحي منو بس جدتي
تكيف عليه
-هههههه العجايز يموتن على الدكاتره
- جدتي اسنانها مسوكه دايماً ومابيها شي بس توهس .. اخوتي كلهم ماخذهم وياه للكليه
ينظف اسنانهم ويحشيها حتى ابوي هم
كلهم يجرب بيهم
- خوش لعد همزين كلتيلي فديوم اروحله
اسوي تنظيف
تكرب حدري وصار يمشط شعره وانا ادحكله واحس كلبي بوسع صدري كلو فرح حكيتلو ..
- اسامه
-عيوني
- اريد شي من عطرك
- اصيرلج عطر
-هههه تسلم
فتح قمصله التراكسود ونزعها قلتلو ..
- شنووو
-شنووو مو تريدين عطري
-ايي بس هاي شدخلها
-ولج هنا بالفانيله العطر شمي تعالي شمي
كربني اله وشميت على صدرو وابتسمت
حكالي ..
- اوكفي شويه
اخذ العطر وضل يرشرش عليها وبعدين نزعها وانا دايره عيني عنو ..
كانت فانيله نص ردان سوده حطها بايدي
وحكالي ..
-باوعي هنا
دحكتلو وهو مقدم ايدو على العضله عندو وشم طياره صغيره ومكتوب
'  Dream is flight ✈️'
دحكتلو باعجاب وحكيتلو ....
- حلوو كلش
- بس ابويه مايدري بي هه محد يعرف مسوي وشم غيرج
- معقووول !
- اي معقول قابل اني نازع كدام احد غيرج حتى يشوفه !
-هههههه فديت الي خصني بكل شي يخصو
البس يلا اخاف احد يدخل
لبس قمصلتو وانا اخذت تلفوني اتصلت على ابوي وحكيتلو امي تريد نرجع الحين
وهو حكالي تحضري ..
اخذت عباتي البسها وهو سألني ..
-  اني شكد انطيتج من مهرج لحد هسه ؟
- ماادري انتو الي اشتريتو الذهب ماعرف شكد سعرو
- اخذته بخمسه ونص .. هاج هاي اثنين
جهزي بيهن وعلى الراتب انطيج بعد الي تحتاجي
- تسلم ياعيني بس خليهن عندك هسه مامستعجلين عليها ومااضغط عليك
- لاا اني مستعجل خلصي جهازج اشتري كلشي مدامج هنا بغداد من ترجعون هسه تلكون مهجومه الدنيا مو مال فره بالسوك
- صح كلامك
اخذتهن من ايده وبستها قلتلو ..
- ربي لايحرمني منك
- حبيبه كلبي اذا تحبيني وينكسر خاطرج عليه استعجلي بكل شي
- صار
دنك بوس شفتي وبالعجل وخر حكالي ..
-يلا البسي براحتج
لبست النقاب وضليت رافعته واخذت جنطتي والعلاكه ونزلنه صارت بوجهي امي وام اسامه من دحكونا سكتو ..
سلمنه عليهم وطلعنه وبالدرب ارسلت لجراح
'خيي جوعااانه بيتزا لغاليتك مثل ماتحبها '
ارسلي ..
' تخدريلي جاي بين ماارجع '
ارسلتلو ..
' وشاميه عندي مسلسل '
ارسلي ..
' اتنظفين الكلينس من بنطروني الاسود منا لباجر '
ارسلتلو ..
' بطل ببسي ونختم '
ارسلي ..
' ختمنا عجل '
ضحكت وحمدت ربي على هاليوم الحلو
اثاري صدك حلاه حياه البنت حدر رجالها
كثر مااخوني مدلليني بس وياه غير احساس احلى بالف مره ..
وصلنه اسامه للبيت وراح واخوتي كلهم دخلو بس جراح كمل طلعتو ..
ضليت كاعده بغرفه جدتي لان امي قفلت الباب وضلت بغرفتها ..
غسلت وكعدت اسمع لحسين وهو يحكيلي
شلون كانت كعدتو حلوه ويه ابو سالم
يحكيلي منتبهلي اكثر من ابوي وكعدتى ماينشبع منها
حر واسر منتفخين من الاكل وبالعجل نامو
و دخل جراح جايبلي البيتزا والببسي وحكالي شاميه مالكيت ..
صبيتلو  جاي وكعدت اكل حدرو وبعدين
صعدت اجاوب اسامه .. دحكت غرفه امي بعدها مقفله مشيت غرفه عمتي ..
- هلو حبيبي
- هلاا باام بيتي الغاليه ،، اكلتي
- اا اصلا شب

عانه
- مااصدك بس يلا خلي اسمعج شي
- شنو
- شوفي ابويه جان منطلق فد مره ويضحك
ويه بيبتي وهاي من النوادر
اسمعي هسه راح احجي وياه
شويه وسمعتو ... يحكيلو ..
- ها حجي احجزلك لعمان هسه
- لا خليها على الشهر الجاي
-شنو مو مستعجل عندك شغل
- اجلته اجلته ماروح
- زين حجي شنو رأيك باهل مرتي
- والنعم يابه والنعم من جبيرهم لصغيرهم يعجب وبالاخص هذا ابو لسان ابو الدم البغدادي حسين
- شو هو بس وياك ينطلق وياي بالكوه يسلم
- الكلوب سواجي يابه انته خليك بمريتك وخليني ويه ابو لسان
اكلك

وعدته نحضر لعبه الجويه سوه
بس تسمع بيهه تروح تجيبه وتجي
- وين تروح وياه للملعب ! صدك حجي !!
-اي صدك شنو جديده عليك الجويه من اني شاب احضرها وين جانت لعبتهم
- بس صار كم سنه ما شايفك تروح لعبه
غيرك حسين !
- هههههه على واهسه اروح
امشي خلي هديل تسويلي كهوه هسه انزل
اريدهه حاضره
-يدلل الحجي يدلل
-هاا حبيبي سمعتي
- والله حسين لاعب لعب
- ابويه تغير تغيير جذري انتي حقج ماشايفته
شلونه قبل سبحان الخلاه يدور ملاعب وجويه
وويه منو هههه ويه حسين ! احنه ما نضحك كدامه لان كبل يكول اش صوتكم عالي
هذااا اخوج فرمت عقل ابويه ههههههه
-ههههههه حسين بعد هذا مو اي احد
- يلا حبيبي بعدين نحجي
سديت الخط وطلعت اضحك ودحكت غرفه امي مفتوح بابها بالعجل مشيت الها بس دحكت ابوي واكف وظهرو على الباب
تراجعت وسمعت امي تبكي وتحكيلو ...
- كلتلك مااروح عوفني هنا جبرتني على الروحه مااسمعت مني مافهمتني
- ووول لا تخليني احرك اهلو لاسامه اسكتي كافي بكي والله دقيقه الثانيه اطلع عن طوري خليني متهدي
- والله لو جان ابنهه ماانسابهم والله
.
يتبع

✨ حديثتي الشقراء ✨
🔹🔹
البارت 19
يمكن بكل شي قدر .. يمكن بكل شي حكمه ..
يمكن بعدني ما فهمت ليش ! ؟
يمكن حياتي متاهه مركزها وملاتقاها واحد
هذا جان تفكيري بليله الي رفضت ابن ايوب
لزواجه من بنتي ..
ليلتها ماعرفت انام .. كل تفكيري ليش رجع ؟
ليش غاليه بالذات الي اختارهه اسامه ؟
ليش بنتي اني ويه ابنه !!
شنو الحكمه من كل هاي الصدف ؟
معقول هو مامتعمد يضغط على ابنه لهالزواج حتى يرجع قريب مني ؟
معقول كلشي صار صدفه مو بتخطيط منه ؟
شلون كدرت هالصدف تخليه يوصلني بالمضبوط ؟
ياترى لو عرف هاي بنت محمد مو الشيخ
راح يبقى يريدها لابنه ؟! لو راح تنكشف المضاميم ؟؟
الشك جان ياكل بكلبي ما صدكت كل هذا صدفه ولا ابنه يريدها بدون ضغط من ابوه
صح رفضت بشكل قطعي بس خوفي لا يرجع يتبع طرق اقناع لابنه ويبينلي انه
يريدها !!؟
مرت الايام واني التفكير كاتلني
لحد ما عرفت ان اسامه يلحك جراح ويريد يقنعه بكل طريقه ..
هنا ماتحملت بعد رحت كبل للشيخ وكلتله
نصعد نحجي ..
كعدنا بغرفتنه وكلتله ..
- خالد هسه ادك على ابو اسامه وتكوله خلي يكف ابنه عنا كافي السالفه صارت بلا ملح
- وشدعوا هالاعصاب مو عوايدك
- شلون مو اعصاب واني اشوف الي خايفه منه ديصير كدامي
- شتكصدين وش هو خوفك
- خوفي من اسامه جاي باقناع ابوه
وتالي يقنع جراح وغاليه يلوحها شي من المشاعر وتضيع السالفه من ايدنا
هسه خابره وعاتبه كوله مو نهينا الموضوع بعد شكو ابنه يحوم فوك عائلتنه !
ترضاهه انته الي ديصير ؟؟
- حك والله واصلاً انا هالسالفه كلها من راسي شايلها هذوله وحدهم يهبدون
- خابره فدوه خلي نخصمها عاد
كعدنا وهو خابر عليه وفتح السبيكر ..
صار يسلم وبعدين الشيخ كال ..
- ابو سالم عندي عتاب وياك
- عتاب ياابو جراح ! خير ؟
- احنه مو سالفه الزواج نهيناهه بينا وتفاهمنا بالاسباب وطلعتو منا بوعد وكلمه خير
ليش الحين ابنك يرجع يفتحها ويه ولدي
- بس صبر ياخوي اني ماافهمت ابني شمسوي ؟
- ابنك مرافك ابني جراح وكل يوم يكابلو ويحكيلو على سالفه الزواج وبينهم مشادات كلام وابني دمو حار واعصابو بخشمو
كاضب ابنك وضاربو وابنك مايجوز من هالسالفه حكينا كم مره وتفاهمنا بالطيب وياكم ياخيي ماننطي البنت بالغصب هي !! اله لزوم هالمكاون على حرمه ! لو درت العالم هالشباب يتكاونو على حرمه حلو بحكنا !
لو بحك ابنكم حلوه ؟؟
- والله اني اعتذر اعتذر منكم ياابو جراح بس والله ماعندي علم بالصاير وابني اني اتصرف وياه وان شاء الله الصار مايتكرر
واعذرني على الازعاج هذا الي تسببنا بي الكم ماردت السالفه توصل لهالمواصيل
- يابه معذورين بس كفونا من هالسالفه عاد ترا مالنا حيل مكاون ومذابح بين ولدنا
لا الحيل حيلنا الاولي ولا الديره ديرتنا
خلونا كاعدين بالخير والراحه وسدو السالفه من ساسهه يرحم والديكم
- على هالراس صار يابه صار الي تريدوه حاضرين بي صار واعذرنه على الصار مايتكرر ان شاء الله
واني هسه اتفاهم ويه ابني وغصباً عنه يجوز منكم مايكون خاطركم الا طيب
تسالمو وسدو الخط باوعلي الشيخ وكال ..
- مادري ليش كلبني حاسني النه غير اتصال
-ان شاء الله الاخير
ثاني يوم الظهر بعد الغدا جنت بالمطبخ
وصاحني الشيخ .. كالي عوفي الي بيدج
واصعدي ..
صعدت وراه وهو بيده التلفون كالي ..
- هذا ابو سالم يتصل
اكعدي نسمع شعندو
قفلت الباب وكعدت وهو فتح خط ..
- ها يابه السلام عليكم
- عليكم السلام والرحمه
- شلونك ابو جراح شلون الصحه
- الحمدلله بخير
- يابه عندي سالفه طويله وياك عندك مجال نحجي لو غير وكت اتصل
- لا يابه اسمعك تفضل
- اسمعني ابو جراح هالحجي اتمنى يضل بينه ليوم الممات لان اني ما فاتح كلبي لاحد وكل اهلي همه مسيرين عندي كلشي بحساب محسبلهم ومايعرفوه واريده يضل ماينعرف
- ان شاء الله يا يابه ما تبدر منا الزله بحكك
- كلك اصل ياابو جراح .. اني احجيلك سالفتي وبعدين اكولك ليش حجيتلك هالحجي
وطولت وياك
-زين اسمعك
- يابه اني جنت ضابط مخابرات بزمن صدام من عمري ١٨ سنه عشت متطبع باطباع شغلي حتى بين اهلي ما اظنك ماتعرف شلون اطباع المخابرات بذاك الزمن تعرفهم بعد
الخيال الي يمر منهم يشكون بي ويصنفوه منين مامنين
- اييه يابه معلوم
- اي قبل هالحجي اني جنت بعدني بالانبار
بحديثه احنه من الحقلانيه شمر احنه ماكولك بيت فلان وفلان لان ماضل الي يسوا حتى نذكره ، المهم من جنت بالانبار جنه عايشين بخير واملاك وصيت و ولد عشيره معروفه
خيرنا مغطي الركاب ، اني عندي بوكتها
خمس اخوه ٣ اكبر مني وواحد اصغر مني
بليله سوده تعارك اخويه الجبير ويه واحد
من ولد الجغايفه صبحنا الصبح كبل مانحط لكمه الريوك بحلكنا اخويه انكتل واجتنه الناس تتعايط الحكو فلان كتل اخوكم خلاص
اخوي الثاني اخذ سلاحو وطلع وابوي وعمامي كلها تسلحت وطلعت وصار المشادد بالحجي بين العشيرتين وانقسمنه بين الي يلاحك الكاتل وبين الي يدفن ويحضر الفاتحه
فضت الفاتحه والكاتل اهلو ماينطوه
اهلنا دمهم حار على اخونا وراح اخوي الثاني حرك كاع تابعه الهم قريبه من بيت الكاتل بس

اعتها اخوي وولد عمي بس طلعت سيارتهم ماعبرت الفرع الا وطبكت عليهم سياره ثانيه وخرطتهم وتكتلو بمكانهم اثنين من ولد عمي واخوي
صار شكد راحولي اربع زلم يهزون الكاع بمشيتهم اربع زلم باسبوع واحد تذبحو غدر
-لا اله الا الله ربي يرحمهم ويجعل مثواهم الجنه
- ويرحم موتاك ياخيي .. هنا صار بينا فصل حتى نوكف هدر الدم اني كلتلهم حك ٣ زلم
اخذوه فصل بس حك اخويه الجبير دم بدم
ما رضو اهلي نص الي موافقني ونص الي يريد يسد السالفه خاف تجر الدمايه بعد
وعبرت الاربعين لاخوتي واشوف كتال اخويه الجبير كدام عيني يتمشى بكل دم بارد
وهو اني هالمده كلها ادور عليه ويكولون اهله شردوه وسفروه بره وشفته بعد ما ضل عقل براسي فزعت ولد عمي واخذت سلاحي وطلعت هداد على بيتهم عرضولي الحريم
وكتها وتراجعت مادخلت البيت وكفت بالباب
ودكيت بيتهم خرطته بالسلاح وضليت لليل انتظرت يطلع لحد ماتجمعو ولد عمه وصار بينا حجي وكلتلهم ما يصبح الصبح اذا مو هالكاتل مطمور بكبره ولو اعرف اذبح عشر زلم حتى اصله هم اذبح ما يرفلي جفن
همه زامطو وواحد منهم سحب سلاحه علينه
ضرب رجل ابن عمي واني رديتهه اله بصدره من ساعتها اشتغلت حرب بينا
تصاوب الي تصاوب منا ومنهم
بس واحد منهم حط علينه يمن الله نوكف الدم وهو يجيب النه الخاتل جوه وضام راسه
وراح جابه سحل واجه بالعجل كتلته بكاعه
بدون ولا كلام .. خصلنا هنا كلمن رجع لبيته
ثاني يوم للظهر خلص تشييعه اجتي علينه
مجموعه زلم اطالب بكاتل ابنهم الي هو اني
وتريد فصل على الي تصاوبو هنا هي الهوسه الجبيره الصارت كلها هدت بالسلاح
المهم حاميت عن ابويه وكتلت واحد ورجعت كتلت الثاني والثالث صار شكد اني كاتلهم
بسبب موته اخويه هم اربعه
ادخلت هنا الامن واخذونا للتوقيف واسبوعين وطلعنه حتى نحل الامر عشائري بينه بما انه بدا عشائري ومحد رفع قضيه
الصار بهالكعده ان الحق كله عليه كلها وكعت براسي السالفه واني وحدي المجرم بينهم وسفاح الدم لاني كتلت اربعه بنهار واحد وقبلها بليل هم مصاوب كم واحد وكاتل الثاني
كلها دارت عليه و شيخ عشيرتنا حطلهم فصل مبلغ مرتب وماقبلو عليه الااا دمي مقابل دم الاربعه وضلت المفاوضات بينهم لحد ماصفت ياخذون الفصل بس نطلع من ديرتنا
واذا عتبناهه نتكتل اني واخوتي اثنينهم
هنا بعد انحكمت باخوتي وطلعنه كلنا حتى عمامي هم بعنه البيوت والكياعين والي منا عاش بغداد والي بالرمادي والي باربيل تطشرنا بس عشنه .. هنا اني من دخلت بغداد عمري يلا ١٨ وطلعو جناب دولتنه العزيزه
جايبين شكو كشايه بحياتي موثقيهه بالورق
ومحضرين كلشي بس ابصم انته توالي الوطن مدى العمر واطيع الريس يابه والينا وطعنا ودخلت كليه غضب الله كله شفته عليهه يااحرب ايران يا مشاكل البيت يا الفقر الشغل صعب بهذيج الفتره واني اطب الموت وراتبي ما يعبرني نص الشهر اذا ادفع كروه روحه وجيه لنقطه المعسكر واكل لكمتين اخلص جيبي يفرغ
جبتهه ضيم بضيم وشلاع كلب لحد ماتزوجت
والمره خوش مره صانت اهلي وبيتي وجابتلي هالولد وعرفت حياتي بعدين شلون صارت ورهمت لحد هاليوم حاجيلك عنها
- اي يابه كمل
- اي لحد هسه اني وضحتلك اني عايش بطرك نفسي وهالعائله لا عشيره ولا عمام
كلمن حاير بهمه ومطشرين كل واحد بديره
وما ضل عندي بس اخ واحد وهو حالياً عايش ومستقر باربيل وعنده زوجته واولاده
مااشوفه الا كل عيد اضحى
عشت كل عمري شايل هم هالولد صح اقسي وياهم وامشيهم على هواي واني خططت حياه كل واحد منهم بس يبقون نقطه ضعفي
بالاخص ولد المرحوم هذوله فطر كلب
وامهم حنينه وكلبها مو الها صدكني اخاف عليهم حتى من مرتي خاف تجرحهم بكلمه
لان اعرف طينه كل واحد شنو
ايهاب جان عنده كاع وره  السقوط كفلت واحد باعهه الي وضميت فلوسهه بحساب
لولده وجنت كل سنه اسوي قاصه اجمع بيهه
واضم بحساب ايهاب اكول هاي لو عايش اكيد يحسب لمستقبل عياله وعمر مر عليه
اني اجمعلهم لان احنه ماحظينا لا بورث ولا املاك ..
محد يعرف عيال ايهاب عدهم فلوس باسم ابوهم ضامهن لو متت تصيرلهم باب رزق
لان محد راح يوكفلهم بعد واني طبعي شكوكي مااثق بغير عقلي هاي اطبعت من شبابي بهالطبع .. اشك حتى بولدي يمكن مايوفون لولد ايهاب ويوكفلوهم لو متت
اشك حتى مرتي يمكن ماتتقبلهم بعد وماتنطيهم فلس يمكن كلشي يذبوه براس اسامه واسامه مبذر يعرف يعيش يومه
لنفسه صح راتبه خير من الله هسه عبر الخمس ملايين بس اخاف عليه هذا كلبه فطير
مايخلوه يتهنى بماله وحلاله
ردت ياابو جراح ولدك يصيرون ظهر لولد ايهاب قبل بنتك ماتصيرله مره
يشهد الله على حجيي واني بشده مرض واكع هسه وعافيتي الي ماتهنيت بيها بيوم مااجيت
ودكيت بابكم لغايه لنفسي ابد والله بس ردتكم
صيت وظهر وانتو اهل نخوه ولدك نشامه
وسألت عليك هواي عرفت كل طباعك وتربات ولدك ومواقفهم شلونها
صح ام غاليه بينا سابق معرفه بس هي
من ايام الكليه جنه مثل ماهسه يسموهه كروبات صداقه انتختني المره بايام شدتهه ووكفتلهه وخلصنه بس مادريت الي احتاجهم باخر عمري يطلعون عدها والله مادريت
وقسمه ربك جابتني لبابكم
-

معلوم يابه معلوم
- ابو جراح هسه احجيها الك عدله
ابني اسامه حاجيته البارحه واخذله المقسوم من المعاتب بس يكولي مااريد غيرهه
ماامن الا بهيج مره وطلع العينتين ابني
عنده مشاريع بكومه فلوس مدري شلون جامعهن بس يكولي لو استلمتهن وضلن بحسابي تاليهن المن ؟ لاي مره تستاهل تاخذهن من بعدي يكولي امي واختي فطيرات
ماتزوجت قبل حتى مااجيبلهن الي تشلع كلبهن وتاخذ منهن الاول والتالي
يكولي كل الي اعرفهن يريدني على طمع
يريدن فلوسي بيتي سيارتي يريدن يكشخن بيه
ومااريد غير البنيه الي ماشافتني لا اني ولا فلوسي ولا شغلي اريد اخت رجال ومالكى احسن من اخت جراح لان هو واحد معقد
اكيد عاصرهه عصر ومربيهه تربيه بداوه
والله بهالصيغه حجالي بعد شتريدني اسوي ياابو جراح !
لو انته بدالي شتسوي فهمني احجيلي
اني خايف على عيال ايهاب وهو خايف على امه واخته وتعب عمره اثنينا نريد رجال واخت رجال هو ماايأمن الا بهيج مره مافكر لا بشكلهه لا بطبعهه راد اخت جراح مثل مااني رايد جراح واخوته يلزمون ظهر ولدي ويخلوهم بعشيره يحتمون بيهه
شتسوي انته لو بدالي ؟ احجيلي يابه هاي اني وهاي سالفتي ياشيخ حلها الي

باوعلي الشيخ وكالي ..
-ها ؟
- البنت بنتك والولد ولدك وانته الشيخ
مالي دخل بشي
سكت شويه وفر سبحته بتسبيحه متواصله وبااخر طكه بالسبحه كال ...
- ابو سالم صراحتك هاذي وسرك الي علمتني عنو احطها على هالراس
- يسلم راسك يابه
- انا الحين حكيي وياك شيخ وحلال مشكله
- ايي يابه اي اسمعك
- لو تريدلك ظهر و عشيره وخوان فكل اهلي وعشيرتي همه يمين ايدك واتشرف بيك وباهلك بينا وولدك ان حييت وان متت همه بذمتنا والي يجري عليهم يجري علينا
وتعرفني ماارد طلاب حميه
امر العشيره والظهر اعتبرو تم ومن هاللحظه انته من اهلنا
- الله يحيي اصلك يايابه ودينك هذا بركبتي ماانساه ليوم الدين

-لاا يابه مابينا دين هذا ماعهدناه من ابهاتنا وماتعلمناه من مضايفنا احنه شيوخ مانرد
طلابنا وانته حكيتلي مشكله تخص عشيره وهاي حلها بايدي وحليتها الك
طلبتني انا من بين الي عرفتهم بعمرك حتى احامي عن عايلتك ومااردك يجرالك الي طلبتو وكلها ايام وان شاء الله ارجع لديرتي وتصيرلنه كعده بمضيفنا وعشريتنا ونخليك حدر عينا انته واهلك
- يحفظك الله ربي يسلمك ربي يسلمك
- وايتامك الي محتار بيهم اعتبرهم بأمان
بينا ولدي وكل من عندي عليه امر هو الهم ظهر واخو وان حييت وان مت هالكلام مايتغير من بعد اليوم لا تشيل هم ولا تفكر انك وحيد
- مشكور ياابو جراح مشكور والله يعجز لساني عن شكر موقفك هذا
- الشكر لله هاي اطباعي ياابو سالم مانام واعرف عندي منتخي ما كفيت حكو
- والنعم والله والنعم من اصلك ورباتك
- الله يسلمك .. يابه لحد هين انا حاضر الك بكل شي تطلبو بس عند بنتي هين انا اب
مو شيخ وانطيك الكلمه من شور راسي
وقناعتي ..
البنيه ان ماارضت بالزواج تعذرنا وتنسالنا هالسالفه وتبقى سالفه اسامه ويه جراح
همه يحلوها بينهم
لان اثنينا نفهم ان اسامه ماناوي يفك من جراح فلا تتعب نفسك وياه ولا انا اتعب نفسي
اثنينهم رجال ويعرفون وين غايتهم وبينهم يتفاهمون زين يابه
- كلامك عين العقل وسبقتني بهالحجايه
على الولد لان اني هم اعرف انهم ماينلزمون من حجايه وتنبيه
- اييه خليهم يتصافون عسى ما يتكاتلون بعد مالنا دخل انته نبهت وانا نصحت وخلص دورنا لحد هين
بعد يابه تطلبنه شي ما خذيت حكو ؟
-لا يابه ما قصرت والله يقدرني واردلك هالجميل وهالوكفه والكلمه الطيبه
- النه عند الله مردودها لاتتعب نفسك يابه
- اني اشكرك وصدكني فرحان اول مره بقدري الي وصلني لحضرتك على الاقل هسه اروح اسوي عمليتي واني مرتاح ومسلم النفس بامان
- خير يابه ياعمليه ؟
- عندي شريان مسدود بالكلب سويتله قسطره مره ومافاد وهسه راجعت عليه وكالولي لازمله عمليه على اساس اسويها هالشهر بس كلت خلي اشوف وين تصفى سالفه اسامه يلا اخاف كلشي يصير هاي روح ماتعرف ربك شوكت ياخذها لازم امشي ومأمن على اهلي
كلشي يصير
- يابه ماعندك الا العافيه وان شاء الله تطلع منها بسلامه وتزورنا بحديثه بين اهلك وناسك بعد
- ان شاء الله ربي يكتبلي عمر وارجع اشم ترابهه
- ان شاء الله عن قريب وما يضل بالك على الولد هذوله بعد امانه بركبتنا وانا شيخ من اوعد بكلمه مااحيل عنها لو بكص الركبه
ولدك باامانتي حتى وان ماصار بينا نصيب
- الله يحفظك الله يخليك ممنون منك وان شاء الله صحبتنا ادوم وعشرتنا طيبه
-ان شاء الله يابه
- مشكور على وكتك واستماعك الي ومشكور على وكفتك ونتواصل ان شاء الله
- ان شاء الله ان شاء الله
- ممنونك يابه مع السلامه
سد الخط ودحكلي حكالي ...
- الاصووول والمشيخه هالشكل تستوجب بينا ياتين
- والله ما يجي مثلك شيخ ولا مثل كلبك كلب
- هههه الدنيا فانيه يابه لزوم نوكف كدام ربنا بالوجه الابيض وهذا الرجل انا افهم وش كصدو من كل هالحكي
افهم شلون الرجل ضعيف ومهزوز داخلو بدون عشيره واهل لان انا مرت علي كثييير ناس هالشكل سالفتهم وادحك بعينهم المحنه

والغربه .. رجال يضلو م

هما علت بيهم المناصب يرجعون بالذاكره للمه العمام والخوان حدر سفره الوحده
رجل خسران ثلاث اخوه وكفيل ايتام
حرام ان تناسيناهن ودحكنا بس لراحه بالنا
- والنعم من فكرك وفعلك ياعيني
-  تدرين انا من اول ما هويتو لان حسيت بغيره من رجعتو حدر حياتك ويريد يناسبنا ببنتك مابلعتها ولا ثانيه والله بس اعترفلك
انا كنت اريد ادحك ان كان اله تاثير عليكي او لا وما دحكت اله شي وهديت هين
-يااا خالد صدك تحجي ! ليش اني مو بنفسي حجيتلك كلشي وتفاهمنا بعد تشك بيه !!
- ما شكيت بس خفت لو ذره معزه تلوح اسمو
- ترا ماكو اعز من النفس واني وهبتها الك
ولو بالي شي ماانتظر هالسنين حتى ابينه
جنت ست سنين حره وحدي واكدر كلشي اسوي بس ماسويت ولا فكرت بيوم ارجع انبش دفاتر مانكتبت وانسج احلام
جان يباوعلي بكل برود واني احجي بكل حركه كلب ودموعي تصب .. كلتله ..
- صارلي عمر وياك ماعرفتني
ماتعرف منو العندي عزيز ! تخون بيه خالد هيج انته تنام يمي وبالك يشكك بافعالي !!!
اني مافرحت ولا عشت ولا تهنيت بس وياك
ماجنت تشوف حالي بالضيم !! امنت غير بيك لو حبيت غيرك لو انطيت العافيه والعمر لغيرك هيج نسيت كلشي مني هسه !!
جاووبني ليش تسكت
- اول مره ترويني دموعك
جر راسي وباسني ويكولي ..
-الغيره ماتخلي بالرجل شي لاتلوميني
-لااا الومك الومك لاني كلشي حجيتلك وفهمتك شجان قبل و تحجيله شي وتحجيلي شي بس بداخلك تشك وتريد مني الزله
-هااااا يولووو وييين ويين رحتي اسكتي
كاافي
- اسكت على شنو يعني هسه من بجيت كدامك تصدكني وترجع تامن بيه !
- ول لا تلوصين بالحكي انا ماافقدت ثقتي
ولا تناسيت الي بينه انا بس غيران
ما تحملتها للسالفه ودحكت الرجل بعيد عن شكوكي ناحيتو وانتي مثل ماانتي ماتغيرتي
هديت غيرتي وانتهينا
- شك براحتك مااكولك شي اني
عندي عمر كامل من الافعال تحجي بدالي
عفته ونزلت غسلت وضليت كاعده واهدي بنفسي ..
صعبه من المره تسمع بزوجها يشك بيهه عينك عينك وكلشي متكدر تسوي
اكول ساعه حقه الموقف صعب وغيرته تحكمه وارجع اكول المفروض على قدر الحب والثقه الي بينا ماايسأل حتى عليه
لان هو يعرف مكانته بكلبي شنو
العمر والتضحيات والمداراة كلها صارت بيها شك وتخوين خلت صدري ينقبض من ذكرها

طلع هو كل اليوم ولليل اني قفلت باب غرفتي ونمت ولثاني يوم الصبح من نزلت للصلاه
الجماعه مثل ما متعودين يلا شفته وصبحت عليه .. صلينه وتريكنا وهو اجه جرني من ايدي من المطبخ واخذني فوك بكل هداوه
كالي ...
- كبرنا على الزعل تينه
- مدام السبب يجرح يحق الزعل
- ول يابه لا تحركين شيبتي بافكارك هاي
انا مانسيت شي من الي بينا اناااا اخذتني الغيرره واعترفتلك بالصار براسي وسالفه وانسدت
-تغار من شنو اني لاجانت عندي عين واشوفه ولا اعرفه سالفهه صارله فوك الثلاثين سنه وهسه عجزنا وولدنا بطولنا
تفكر بيه هيج ؟قابل اني مراهقه !!!
لو جاهلهه وتاخذني الافكار
اني مره احترم قدر نفسي واحكم عقلي
الي بيتي ورجلي وحياتي التعبت حتى حصلتهه مايجي الي افضله عليها و لا هاي الي ظنيتها بيوم تلوحنا من مشكله على قدر
ثقتي بيك وظني بمعرفتك بيه وبمحبتك عندي
تقرب مني وحضني وخرت راسي منه وكلتله ..
- ماتقنعني هالسوالف انته حركت كلبي
كلشي ولا ظن السوء بينا
-ليش ؟
-شنو ليش!
- اي ليش ماتريدين اظن السوء ؟
- ياااا خالد اني محسبتك مثل مرايتي تشوف كلشي بيه وتبادلني بالمثل
عشت عمري بمحبتك وامانك لتخبلني تالي هالعمر بسوالفك هاي

- هههه دحكتي يولو هالكلام انا الي مشتاك اسمعو واأكد لنفسي هذا ملكي ماطالو احد
يولي انا غيرتي ماطفت الا بالتأكيد على كل ما اعرفو هو لي .. كل مابالسالفه طمنت كلبي
بس لا اكثر من هذا ولا اقل
- يعني ماظنيت بيه السوء!
- ابد والله ماظنيت بسوء انا لو خونتك معناها اخون نفسي لو انا واصل هالتفكير ماتدحكيني بهالهداوه لليوم كنت من زمان وكعت وماضل بيه حيل
-لا اسم الله
- هههه ما حضرتك زعلانه
- اي بس يعني تبقى تهمني قابل الزعل ينسيني خوفي عليك
- ههههه يولوووو يولووو انتي هييين متربعه بصدري وبنص راسي ول والله احبك وماغيرك العمر بداخلي بس زادك غلا
- امممم
- تدلل ام حسين هاا
-ههههه
- ول انتي كلبك كلب بشه انتي ما يرهم وياكي الزعل
- بس انقهر
- لاا يابعد هالعين لاتنقهري من شيخك يولو مابينا معاتب وانتي كبرتيها وزيدتي بالحكي
وانا ماخذك على كد عقلك خليتك تفرغين هالي بكلبك وتفشين واحدر اراضيكي
-هاااا
- حافظك انا عجل هاي اول مره نتراضى ؟
- اي زين تعرف تراضيني
- ههه ول خمسين سنه ومانعدك لسانك من كسرتو ول شلووون شلوون اضل انا اعضعض بي بكل كملتين غضب الله على اهل بغداد العلموكي هالكسره
- ياااا همه شكو هو من الله
- العرك دساس يولو ،، هسه حبيبه روحي وش تطلب
- تطلب سلامتك
- مدام نفسك حدري انا سالم ومتعافي
اطلبي شي يعوض زعلنه
- ههههه والله انته تعرف تضحك على عقلي وتنسيني ام السالفه
- هههه عجل يابه حرمتي مااعرف رضاها شلون !! وانتي هم فطيره تقنعين بكلمتين
-هااااا فوكاهه
- هسه تطلبين لو لا
- اي ار

ا عندهم
- خلي ابقى هنا ياعيني والله مارتاح بالروحه
- هييي تين يولي شحكيناااا
انتي ام العروس شلون تمشي بنتك وحدها وانتي مو حدرها ؟؟؟. عيب يابه ميصير
لزووم تمشين ويانه وسدي السالفه بعد
تقررت روحتنا
سكتت بعد وضليت باقي الليله افكر شلون بيه كدامهم استحي واخاف يعيرون بنتي بيوم على امها عوره وهي لسان متسكت ...
ضل الخوف اكل كلبي لحد ماكعدنا بيتهم
واشوف حسين يضحك ويه ايوب والشيخ
وسوالفهم وكعدتهم حلوه حمدت ربي وشكرته على الاقل تصافو ومايرجف كلبي من المشاكل بعد بينهم ...
جنت استمع لحجي النسوان واشارك بشي قليل اتجنب فتح المواضيع ولا الجواب المباشر على شي خاص بينه وبالاخص شلون تعارفو الشيخ وايوب ...
هالسؤال هواي لمحت عليه ام سالم وهواي طلبت مني انزع المناظر واني اكوللها مايحتاج تطلبين مني اني متعوده ومرتاحه
ترجع وره شويه تحجيها بصوره غير مباشره
اخر شي .. وره الغدا دنشرب جاي
وجابولنه بفناجين خاصه للجاي مو استكانات
فاخذت الفنجان هو وماعونه شلته وصارت ريحته بخشمي طيبه مهيله عجبني اشتمه قبل مااشربه فرفعت الفنجان شويه شميته ورجعته بالماعون وبعدني لازمته جان ام سالم تكولي بصوت ناصي وهي يمي كاعده ...
- اخاف ماتشوفيه وحسبتيه كهوه هذا جاي بس ابو سالم معودنا نشربه ونقدمه بهالشكل
حسيت بكلامها متعمد للاذيه من نبره صوتها
رديتلها ..
- عندي عيون واشوفه جاي مثل مااشوفج مو عميه اني
ضحكت وكلتلي ..
- مادري تشوفين مامجربه شعور العين الوحده وعليها خمسين تصليح نظر
رجفت ايدي من العصبيه الي كتمتها بصدري
ونزلت الجاي بالكاع ودرت وجهي عنها
جان ترجع تكولي ..
- يوجع الكتمان يا زهراء مو صح
باوعتلها وكلتها ..
- شتقصدين
- اقصد اني مو غشيمه ولو غشمت نفسي من الثمانينات لهسه فحتى احافظ على بيتي وابني هالعز
- انتي شكاعد تخربطين
- انتي تفهمين واني افهم
يمكن يخفى على الكل بس مو عليه اني الي اشوف صورتج بايد رجلي وهو نايم
المشكله انتي ابد ماتغيرتي تنعرفين بسرعه
- شوفي مشاكلج بينج وبين رجلج اني مالي دخل ان جنتي ماتعرفين تاخذين مكان الي بالصوره فهاي مشكلتج فهمتي
وعيب عليج هالحجي واني خطار بيتج
- غصب عني صرتي خطاري اني لو بايدي
امسح حتى اسمج من هالدنيا لان وين مالتفت الكاه ويذكرني بالي فرقت بيني وبين رجلي سنين
- عيني رجلج بايدج جان ويمج اني لا قربتله ولا فرقت بين احد وهو الي مايلوح العنب كال حامض

درت وجهي عنها وانتظر غاليه تجي
اريد اطلع منا بعد اختنكت .. رجعت كالتلي ..
- مادري على شنو شايفه نفسج وشلون الج عين تنطين بنتج النه ماخفتي رجلج يدري بسوايتج
- اني شايفه نفسي لان حتى بهالعمر ماكدرتي توصلين لوين مادرت وجهي ومشيت
ورجلي هذاك وينه روحي احجيله لو تريدين ماعندي سوايه اخاف منها اني فهمتي
عشت دومي مرفوعه راس والي يعاشرني يعرف يثمني وعندج انتي اكبر دليل حقدج هذا الي
تحقدين عليه لاشايفتج ولا شايفتني ولا ماذيتج بشي شكو بعد هالحقد والدفاتر العتك

- حقج مو انتي عايشه بحضن رجال مدللج ومسطور بيج وبعماج وتشوهج ما عشتي مثلي ماتفهمين منين تولد هالحقد وكبر
- احمدي ربج على تمام صحتج وخلقتج
داده و ديربالج على رجلج وبيتج ويصير حضن هالرجال مدللج وكفي عني لان اني لا بحالج ولا بحال احد عندي تاج راس الرجال
مايهمني غيره مشاكلج حليهه بنفسج لاتذبين اللوم عليه
ادنيت منها وشويه واجتي غاليه وكلتلهه تخابر الشيخ حتى نرجع .. وهي اختفت فدمره
عاد اني كمت كلت اروح اني احاجيه
بس ام اسامه اخذتني على جهه وصارت تكولي ..
- عيني ام غاليه ان شاء الله مالكيتو قصور منا
-لاا ياعيوني ماقصرتو وعاشت ايدكم على هالضيافه الحلوه
- تدللين ياعيني اكول خيه سمعت بنتج مدللـه البيت وهي هالوحيده اكيد متعلمه على الدلال والراحه اريد منج فدوه بس تعلميها طبخ زين

لان ابني ماياكل الا من طبخي واني كبرت وتعبت اريد اخلي مرته تتكفل باكله حتى مايدور مطاعم ويتعلم على كعده البيت ويتقرب من مريته هم مو يكولون الرجال يوصلوه بمعدته مدري شلون
- ههههه اييي ياعيوني فهمتج ولاتخافين غاليه تعرف تطبخ ومعلمتهه على الحلويات والاكل بانواعه ان شاء تبيض وجه كدامكم
- فدوه لكلبج ياعيني تره احنه ماعدنه شغل بالبيت والله لا نخليهه تنظف ولا تلزم وصله
بس بالهه على رجلهه واكله كلشي ماريد منهه
- صار داده صار
ماتلكين الا الي يسر خاطرج وخاطر وليدج
نزلت غاليه واسامه وبعدين اخذتها وطلعنه
والطريق كله اني كلبي يفور فور
اول ماوصلت البيت صعدتزلغرفتي وكعدت ابجي ... ليش هالشي ديصير وياي بهالعمر
ردت اسوي فعل خير بهالزواج تالي تجيني هاي الي مامحسبتلهه حساب ..
الشيخ ضل يدك الباب مسحت عيوني وفتحتله
جان يكولي ..
- هاا يولو شصاير ليش هالعيون ذبلانه
رأساً نزلت دموعي وكعدت احاول اسيطر عليهم واتجنب العبره وهو ضل يلح عليه بالسؤال شكو شبيج عاد حجيتله موقف
الجاي الصار بينه وضل يكولي تكبرين الموضوع وهي ماتقصد تعيرج هيج وانتي مابيج شي وهاي من افكارج ومخاوفج تحجين

بس اني جنت ابجي ماايقنع

يد شي بنفسي وراح ادزه برساله
-ليش ماتحكيلي هين شدخل الرسايل بالنص ؟
- مو اريد اسلم على نفسي
- ههههههههههههههه عرفتووو والله
- بعدين بعدين اريده مو هسه
-لااا بالحرااام ماتتحركين من هين كبل ماتحكيه
- مو لازم عيني ماريد
- اناا اريد احكي يلا .. يلاا يولي
ترا اضاعف العقوبه احكيه
- هي شنو هسه ابتليت خما ابتليت والله كرهتني لساني
- احكككي يلا مستعجل لازم اطلع لا تاخريني
-خالد كافي عفيه من صدك يعني بطل هالسالفه
-والله بموتي وماابطلها يلا تحكيها لو شلون
- اي اي
- اسمع يلا
لوا ايدي وره ظهري و وجهه بوجهي ويكولي يلا شتريدين .. عاد كلتله ..
- اريد سفرجل
- يجرالك بعد هاذي
كبل رجعت راسي لان اعرف الي يصير
وهو ضل يقرب وجهه عليه لحد مالزم راسي بايده وعض شفتي وضل يجبرني افتح حلكي وعض لساني من كل كلبه يعض يشوغ روحي ويرجع يبوس ويكولي ..
- تعرفيني هين ماارحم وانتي تتعمديها
- والله ماتعمدها هسه ابتليت وطلبت لو ادري ولا حاجيه
- هههه لااااه والله اجتي بوكتها اليوم على هالراحه اشبعكم سفرجل
- من وراك هو اكدر اكل بعد شكو تعض هيج تره لسان هو لسان
- والله لو تحسين بالي احسه ساعه الي اعضه فلا تلوميني بعد
ضحك واخذ شماغه لبسه ونزلنه .. متعوده
اخلي ثلجايه بحلكي اضل امصها او اخلي قطعه خياره بارده المهم شي ابرده لان جناب الشيخ حاط عقله على هاللسان ابتليت بهالحرف والكلمه هاي من بينهن كلهن
هي الي يفقد عليها لهالدرجه ..
بيومها ناكل سفرجل وهو يحجي
سفرجل يا سفرجول وشسويت بحالنا يامصفور
اني اغص بضحكتي عليه لان وحدي افهم مقصده البقيه عبالهم هذا مثل عليه قديم
مايفهمون شيقصد ..
طرق اعتذار اسامه لجراح وتودده اله
اني والشيخ نباوعلها بسكوت بدون رأي وتدخل ...
لحد ما حاجتني غاليه بموضوع اسامه وموافقه جراح عليه هنا اني هم سلمت الامر الها ..
وحجيت للشيخ كالي شنو رأيج ..
كلتله ابن المرحوم هذا ويتيم مانكسر بخاطره
مادام تعب عليهه ورادهه من كل كلبه والك
علم بماضي اهله وحالهم والك سيطره عليهم
ننطي ونفرح كلبه
كالي ...
اذا اكو سبب يخليني اوافق على هالزواج
فهو ثقتي بغاليه وتربيتها بس هذا سبب وحيد لموافقتي
سألته ..
ليش غاليه يعني ؟
كالي...
لان ادري هي الي تعرف تصون اهل المال
وترفع من شأنهم بي وتعرف اداري ام وحيده بين عايله عاشت بينهم غريبه لخاطر ولدها
كالي...
خوف اسامه على ماله واهله وطلبه لغاليه بهالاصرار معناه هو مايكدر يحفظهم
ويريد الي يعينه
واني لهالسبب انطي بنتي لاني ادري انها تكدر .
بقى القرار يم غاليه وجنت متوقعه موافقتها
احساسي كلي توافق والها قدر بعائله ايوب
وصارت ووافقت وماشفنا منهم الا كل خير
بالخطوبه ..
ويوم الي سمعنا بالعزيمه الرفض مني صار
بسبب تجنبي للاختلاط وياهم
بس من سمعت ايوب عنده سفر توقعت
هالسفر للعمليه ورحت كلت للشيخ
خابره سأله على عمليته وكال لا بس عندي شغل هناك وانتو تعالو براحتكم هنا


شوفو البيت وغاليه تشوف غرفتها وتكول شيعجبها
حتى نسوي الها مانتاخر وياخذنا الوكت
اني كبل كلتله لا وهو تشكر منه وكله غير مره ..
سدينا السالفه ومن بعدها بكم يوم الشيخ
بالليل كالي نطلع بره نحجي ..
وصار يكولي ...
- تين احس ابو سالم خجلان مننا ويريد يسافر حتى ما نتواجه
- ليش ماتسوى كل هذا
- انتي هم ماتريدين نتواجه سوه بعد
-لااااا اني سببي غير
- شنو سببك يابه !
- اني علمود عيني مااحب اطلع واضل متقيده بالمناظر مارتاح هيج بره
- يولي انا كم مره منبه عليكي بطلي هالتفكير
ليش تخليني اندم على يوم الرضيت بيه وسكتت عليها
- ايي خالد عفيه هسه شكو تندم ومدري شنو شي صار وراح بعد
- عجل ماتقنعين نفسك بهالكلام
ليش تضلين تحسين بنقص وخوف انتي كامله اوصاف ياعيني تحركين كلبي بخوفك هذا
- حبيبي اني ماريد اسمع حجي من احد عليها
وبالاخص هذوله عيال غاليه يعني ماريد
يسمعوهه حجايه بعدين حتى لو بدون قصد
- لاااا تين لااا مكبره الامور زياده ول انتي كمره تينه بحلاتك منهو الي يصل !
لاتفكرين هالشكل واالله وقسم بالله ان سمعتها منك بعد اندمك على هالتفكير سنه كامله
-لااااا الله يخليك هو اني عايزه
-اييه انتبهي بعد
- صار عيني ماشي
- هسه انا فكرت نروحلهم ونخلص من هالزياره الواجبه علينه وهم اخليه يفهم ان مابينا شي معيب وشين التفكير خليه يدحك انا اعرف وش املك واعرف وش قدري وقدرو
وبعد هاذي بينا عشره انا بكل الاحوال ضميتو لعشريتي وبينا يصير ملاكى بعد
نتختل على شنو ! اكو شي يسوه نتختل عليه !!
- لاا والله هو قابل شكو متكولي شصاير شو محد حاجي ولا كايل بس من بعيد حزازيتكم صايره كولو يالله وخلي نفوسكم متصافيه
شكو قابل بينكم
- لااا هو ماخذ موقف مني متخوف على اول لقاءانا والصار بينا ومايحب يخلينا بحرج
وكاد هو يحسب حساب رد فعلي وراد يبتعد عن البيت
- اي يجوز بس انته حبيبي لا تخلي الصار بينكم قبل هسه حاجز يصير اكعدو تفاهمو تناسو الصار و انته حسبته اخوك بعد واهله امانه عندك لازم تتفاهمون
- اييه ايييه ان شاء الله
هسه حسبي حسابك بكرا غدان

ني حجيه الي سمعته اكثر من هذا اكثر شي يشك الكلب نصين ...
مااكدر حتى اكول ياحسافه على الوكت الخلاني اتعير بشكلي لاني بارادتي وهبت هالعين لعزيز وعيب الندم عليها
بس ياا صبر الصبرته عليها
ياااغالي الثمن الي دفعته
يا جبير الحيل الاخذته مني هالاحداث
كلها الناس متشوفهه تشوف بس عين عوره عاهه تشوه ورجال معمي بحب وحده ماتسوى .
ضل يطيب خاطري واني احاول شكد مااكدر اهدء واعدي الامور مثل سابقتهه بس مادري ليش هالمره حيل تجرح حيل ماتنبلع عندي
ماهمني حقدهه عليه هذا ناتج مرار عاشته
بس جرحني وكفه الزمن اليوم وياي شلون وكفه وكفته بعد هالعمر وبيت منو !!!
وعلى ايد منو !!
ضليت هالليله بس استغفر ربي بلكي تهدا نفسي وانسى .. وللفجر اني كاعده ماعيني اخذت نوم .. كعدت الشيخ ونزلنه نتوضى
جان تطلع غاليه من الغرفه مخبوصه وتكول ..
- يابه هذا هذا اسامه خابرني
ابوه جايتو نوبه وواكع وهسه ماخذينو للمستشفى
.
يتبع

✨ حديثتي الشقراء ✨
🔹🔹
البارت 20
🌷🌷
انتي اصلاً بينهم ما تشبهين
غير نور الشمس او نور القمر
لك عيون ... الله يعين الناظرين
كل نظره منها ... شبه جمر
ولك خطاوي حتى كبل لا تخطين
لأجلها اللاممر ... يصبح ممر
وكل قاسي عود .. كدامك يلين
ما يطول...  لو يطول يندمر
ياااا غرام حروف شعري من تجين
انهمر .. مثل المطر من ينهمر
لا بديتي ... طالبك لا تنتهين
انتي اكثر شي ... ودي يستمر 💐
لمن لم يرضى حتى يرضى 🌝
🌷🌷
كعدت الشيخ ونزلنه نتوضى
جان تطلع غاليه من الغرفه مخبوصه وتكول ..
- يابه هذا هذا اسامه خابرني
ابوه جايتو نوبه وواكع وهسه ماخذينو للمستشفى
- كعدي جراح بالعجل
- كعد هو تايلبس
باوعلي الشيخ وكالي ..
- لزوم نمشي الهم حضريلي الملابس والفلوس بالعجل يلا بين مااصلي
صعدت حضرتهن وبقيت انتظره يجي
ماتاخر بسرعه اجه بدل و ديطلع صارت غاليه بوجهه كالت ..
- يابه هاي الفلوس انطيهه لاسامه هو انطايهم البارحه للجهاز بس وكاد الحين يحتاجها
احكيلو غاليه ارسلتها
جر راسهه باسهه واخذهن من ايدهه وكال ..
- بارك الله بغاليتنا
نزل وطلع هو وجراح الهم واني جنت كلشي اسوي مثل مامتعوده كل صبح بس احس مثل الي مبنجه مادري شجاني من سمعت هالخبر
شي بيه تجمد وصابني بالسكوت ..
غاليه كل شويه تخابر اسامه و هو يجاوبها بكلمه بعدين ويسده .. ماجنت اكوللها عوفي او لا تلحين عليه جنت بس ساكته واباوعلها
للظهر خابر اسامه وكال ..
جانت عنده نوبه ربو و بدايه جلطه
ضال من الصبح هو على الاوكسجين لحد هسه فك صدره و راح ياخذوه لمستشفى اهلي
لان هو جان لازم يسوي عمليه قلب مفتوح
عنده انسداد بالشريان التاجي ويحتاجله عمليه ترقيع وهو متأخر بيهه ..
سمعت منها هالحجي وكلتلهه الله يشافيه
وصعدت تمددت بغرفتي وضليت صافنه
اذكرت بهاللحظه يوم الي اعتقلوه وطفل الي خسرته من خوفي عليه ..
بكل مره يوكع بشده اني اكون بعيده عنه محرمه عليه ..
ماكدرت انزل دمعه وحده رغم احس اني لازم ابجي حتى اخلص من هالبرود الي تملكني بس مابجيت .. مادري شنو لازم يصير وارجع لوضعي الطبيعي بس ادري انه لازم يصير زين لازم يطيب ، مو هنا نهايته
لازم يرجع يوكف على حيله ويرجع يعيش براحه ..
اجتي غاليه يمي وضلت تحجي واني ساكته ومغمضه وره كم ساعه اجاهه اتصال من سدته كلتلي ..
- يمه جراح يريد انحضر مناشف وشفرات حلاقه وعشه و وصاني رماح ياخذهن الهم
- زين كومي حضريهن
- يمه عجل اهلو ليش مايحضرون هالاشياء ؟
- اسألي اخوج هو يعرف
- هو اسامه حكالي ان سالم بالدوام مو هين وفيصل كبل كم ساعه رايحلهم بس يعني ما ينطون خبر لزوجتو تحضرهن !
- بنتي من باب الواجب والمساعده اخوج تكفل بيهن قبل ما يتعبون نفسهم ويحيرون الولد .. اني انزل احضرلهم العشى وانتي
حضري الوصاج عليهن
- زين يمه
نزلت وعفتهه .. رحت فتحت الثلاجه صافنه احس راسي ثكيل واشوف ومااشوف ماركز
كعدت استغفر ربي وافرك راسي ورحت غسلت بمي بارد واجيت حضرتلهم اكل
ايوب حضرتله شوربه خضار خلطتهه بالخلاط حتى تصير خفيفه عليه ..
وصيت رماح يشوي كباب ودزيتلهم كاسات لبن على العدد ووياهن برياني وخليتلهم مواعين سفري وللجاي هم وضليت اوصيه
انته توكف تصب لكل واحد وتنطي ماعونه
وتجبرهم ياكلون وتنطي الشوربه لاسامه يوكل ابوه وياخذلهم صندوك مي بطريقه..
غاليه حطت بعلاكه منشفه وخاولي صغير وشفرات ومعجون الحلاقه وحتى بطانيات اثنين ومخاد خلت ..
خابرني الشيخ قبل مايطلع رماح وكالي ...
- تين يابه حضرتي العشه
-حضرت عيوني كلشي حضرت
- تره انا ماخليتهم يمشون لاهلهم ياخذون شي
لان وجوههم مصفره من الخوف ماردت اخليهم بعازه شي وهمه مشدوهين البال
- زين سويت ياعيني هنا كلشي حضرنا وهسه رماح راح يطلعلكم محتاجين شي
تبقى تبات يمهم لو ترجع؟
- لا يابه ابات هين عيب اخليهم وحدهم
فيصل راح يرجع يبات بيته لان حرمتو والجهال وحدهم وشلون اعوف اسامه وجراح
وحدهم هين هم كلفه لزوم اضل
وهي من الصبح العمليه
- هاا ان شاء الله تعدي بسلامه
ضل خابرني كل مايصيرلك مجال
- ان شاء الله يلا خلي رماح يتعجل
سديت الخط و نبهت على رماح اخر مره وطلع ..
حسين جان نايم كعدناه على العشى وسأل على رماح من عرف بي رايحلهم ضاج
وكال اني جنت انتظره ونروح سوه
وبس كمل اكل راح بدل واجاني يكولي ..
- يمه انا راح اطلع اروح ادحك العم وارفع من معنوياتو تلكيهم هسه كلهم مبومين الوجه حدرو
- روح ياعيني و ضحكه خفف التوتر عدهم ولده هم شاقيهم خطيه خايفين
- اكلبها كهوه ولا يهمك بس ورقيلي شويه حتى ماطبلهم فارغ الايد تعرفين ابنك جامعي ومصاريفو تكثر داريه داريه ياامي يعني الا انا اطلب
-هههههه ادلل الك كل فلس عندي شعندي غيرك يايمه اخذ شكد متريد وشوكت متريد لا تستحي
- عجل يلا يلا ورقي خلي امشي

انطيته فلوس وحضنته وهو من احضنه يضل يفرني منا ومنا يلا يوخر ويروح ..
صفنت على السما واكول سبحان الي خله كلوب حسين وايوب مترابطه
حسين هواي معجب بشخصيه ايوب ويكولي
هو يشوفني اهم واحد بيكم يقدر جوهري مو مثلكم ناسيني ..
رجعت دخلت واج

تني غاليه ووجهه يبجي
كلتلهه ..
-هاا خيرج
- يمه اسامه كاعد يبكي على ابوه
- اسم الله عليه ليش هيج
- انا ادري ! هو متخوف كثير ويحكيلي بجبر من والدك انا اكلت ولا نفسي مسدوده وحلكي مر .. يمه اسامه خايف هذا الاب هم يخسرو
يحكيلي شلون اخذو الفجر ووجهو احمر ونفسو يصوفر ومايكدر يوكف على حيلو
بس فاك عينو وحلكو ويتشاهك
يقلي الرجفه بعدها بجسمي من منظرو
ولو هو مو بالبيت هاليوم كان ماحد اسعفه او تاخرو عليه ويروح بيها ويخسرو
والله كلبي متكطع عليه يمه ماعرف شنو احكي واطيب خاطرو
- لا تحجين شي يمه لا تحجين
البشر لازم يخاف ويتأذه على احبابه حتى يعرف قيمتهم
- بس مو وكت هالشي يمه ابوه حالتو خطره
عمليتو كبرى يمه قلب مفتوح هذا مو لعب
- يطيب ان شاء الله ويرجع لحيل الشباب
- مادري يمه انا خايفه والله كلام اسامه عليه خوفني .. يحكيلي مايكدر يتنفس بدون جهاز
للحين كل شويه يشيلوه ويرجع يختنك ويخلوه
- الله يكون بعونه ويشافيه
اكل ؟
- اسامه اييه اكل
- وابوه ؟
- ايييه اكل اكل
- اي زين
- يمه اسامه تشكرني على الفلوس وحكالي
الموقف هذا اخوي ماسواه الي
قلي بوكتهم هالفلوس لان اخوه جاي معتمد عليه وهو ما ماخذ وياه كثير مامحسب حساب عمليه
- اي بنتي زين سويتي حلوه وكفتج ويه رجلج بهيج شده ، شلتي عنه هم جبير
- ايييه هو هم حكالي شلتي هم كبير عني
لان انا بعمري ما طلبت من جدتي او مرت ابوي فلوس وهو مخلص راتبو ماباقي عندو الي يكفي لهالمصاريف
واخوه مايتدخل بهالشي هو مسؤول عنها وقلي لو سالم هين كان تصرف احسن من فيصل .. الظاهر فيصل شايل ايدو منهم
- الحمدلله مااعتاز لاحد انتي كفيتي ووفيتي
- هو مو بس مني يعني ضاف عليهم بس نفعوه ، وتدرين ابوي هو الي كل ساعه يدفع للممرضين اكراميه على كل شغله يسووهه
واسامه يحكيلي حيل خجلان منهم وكل مايمنع ابوي من هالشي ابوي يسكتو وقلي جراح

هو الي يمشي للدكتور قبلهم ويفهم منو ويشتري العلاج واحنه ماندري مانحس الا داخل ويه الممرض حتى ينطي العلاج لابوه
ومن يريد يرجعله الفلوس مايرضى ياخذهن
حكالي انتي خابري لجراح واحكيلو يبطل يدفع بدالي ماارضى هالشي ومو وكت نتشادد بالحكي هين
- اي كولي لجراح مثل ما وصاج
- يمه كأنك تعبانه. ؟
- لا
- لا والله مبين هالشي من بارحه انتي ممرتاحه مو امي الي اعرفها شصايرلك ؟
زعلانه ويه ابوي ؟
- لااا ماكو شي راح اصعد انام من يرجع حسين خلي يجيني
عفتها و صعدت ضليت كاعده على الجربايه واباوع لنفسي بالمرايه .. مالي فكر بشي
بس سكوووت بداخلي جبير ..
كدرت انام كم ساعه لحد ماكعدني حسين
وصار يحجيلي ..
- يمه هذا رجل اختي فكاكه خواااف يمكن لو اطك يمه اصبعتين يفز
- عيب هالحجي ابني شبيك
- شنو عيب صدك هذا عجل هو وجهه اصفر
يدحك لابوه مثل الحرمه الراح يزفوهه وياخذوهه من اهلهه وعيونه حمر مبين هذاااك وينو يبكي بالختله
- اي ياابني غير ابوه لعد الاب هين مينخاف عليه اكبر كلب يهزه

- بس خلي يشد حيله كدامنه فشله تره كلمه ندحكو هالشكل ونصنف عليه
عجل مااحنه ابونا وكع وشهور مو يوم
واخوتي يتراكضون بي بالدكاتره مادحكت واحد منهم مهزوز مثلو بالاخص جراح كان اسد بينا واسامه ضل بس يبكي بحضن ابوه
- ههه ولك يمه هذا خايف عليه لان ابوه الاول مات خاف لا هم عمه وابوه الوحيد البقاله يموت مايتحمل هيج صدمه بعد
- هااا اييي صحيح اذكرت هو ابن اخوه
والعم العقيد مربيه لااه وسفه عليك يا حسون
اخذت غيبه الرجال بالباطل
- اي فكر النوب قبل متخرط حجي على الناس
- اي اي ا ا يمه اليوم ابوي مو هييين اليوم يومييييي ههههههاااااييييي
-ههههه
- نعساان تعبان متكسر اشكال صايره بيه
نوميني باجر لازم ارجعلهم ادحك شصار ماصار ابوي وصاني الصبح اخذ ريوك واروحلهم
- اكولك شسوو بالشفرات ؟
- حلقو صدره وبطنه علمود العمليه
- هاا منو حلقله
- اسامه دخل وياه للحمام جناب فيصل ترخص وراح والله شنو مرتي والجهال وحدهم هي ابن .. لاا ابوه احبه
بس هي كديش ماوديتهم لبيت اهلك لبيت اهلهه دزيت امك يمهه هيج عايشين بالمنكطعه ! هو ادبسزز وعاق مبين من وجهه
- يبووو رجعت بالغيبه وكلام الباطل
- مو باطل هييين يمه هذا مايحترم ابوه عجل مخلي نسابه تبات حدر ابوه وتداريه وهو يمشي ينام بحضن مرته !
- والله ماانفهم مرساك وين
اسامه خايف على ابوه تصنف عليه
فيصل يروح خايف على بيته وعياله تحجي عليه
- ايييي هسه عوفيني افضفض بكيفي لو تعلمتي طبع ابوي تكفين على الكلمه ويه حسين
- ههههه نووب !!!
- يمه بله افتحي شعرك
- شتسوي بشعري ولك
- بس ادحكو والله صار زمان ماادحكك تفتحيه
-ابوك ميقبل
-ابوي مو هين اليوم انا اتأمر افتحيه الي عجل بس لابوي تتفننين بدلالو وانا طلب هالصغرو ما ترضين
- ولك طولك بطول الباب وعقلك بعده مال جهال شوكت تكبر وتخلصني من سالفه ابويه وابويه
- انتي ايمتى تكبرين وتبطلين دلال وياه وتنطيني حصتي
- ولك ياحصه لتخبلني هسه اني مقصره وياك
- ايي مقصره عجل انا ايمتى ادحكك نهاري بالدوام والعصريه نايم والليل انتي بس تحكيلي ها حسوني رايد شي مامه

وتفلتين
هذا مو تقصير لو شيسموه !!!
- هههه انزووول عليك ياجذاب لعد منو التكعد وياك وتفركلك كتوفك وراسك
وتحضرلك ملابس الدوام لباجر وتكوي وتسويلك الحلويات وتخابرك على طول اليوم لو تطلع شو هذني متحسبهن !!!
- ايي بس بعد بعد مايشبعني هذني وحدهن
-اكولك انته شتريد اتزوجك يلا ترضى تره دقيتني
- هههههههااااي وين الله وتصير معجزه واطلع انا مو ابنك ويرجع الزمن واتزوجك كبل ابوي المحترم
- عااابت هالتفكير وبلى يريد يصير اعلامي هو انته بنجرنجي هواي عليك بهالعقل
- هههههههههه يمممه قصفتيني
- تستاااهل من حجيك الي يخبل
- يمه من حبك لاشاك عجل غير انا اعشكك يااامي يااحليوه ماتفتحين شعرك وحدك لو انا اتدخل
- اكعد بس اكعد
فتحت القراصه وصرت انزل شعري وهو حاط وجهه بين ايديه ويبتسم وخدوده ماليات جف ايده .. ادنى يمي وعدل كذلتي على وجهي وكالي ..
- يمه انتي عجب ما تكبرين ؟
- شلون مااكبر مو الشيب ترس راسي والتجاعيد بوجهي هاي مو كبر
- لا مو كبر والله مو كبر .. انا ادحكك مثل بنات الاعداديه تخبلين يمه والله حكه ابوي مستحلك وقافل عليكي قفله قيس على ليلى
انا لو بدالو يمكن احطك بجام خانه
- ههههه بدينا بهالمبله
- هااا همبله ! اشكرك هاي مشاعري هالشكل عندك !!
- اييي ابوك هم جان قبل يبوو اشعاره وهو ويتغزل وبس انتي وبس وساعه الي مايعجبه شي ويصير عصبي لو بيده يشمرني من الشباك يا حبيبه يا حلوه ياحب كله يتبخر
- هااا عجل شلون ضليتي وياه لليوم
- ضليت بكبر كلبي
- قصدك تتحملي
- اي همه الرياجيل ما يتعاشرون بدون خلك وكلب جبير
- اييي لو انا بدال ابوي اسويلك كلبي بكبر شعرك هذا يتحملك بدل ماانتي تتحمليني
- هههه لا عيني لااا الشيخ مابدله باحد
هو صح عصبي مرات بس هو حبيبيييي قبل كلشي
- احركي بكلبي احركي علي لصوتك بعد بعد سمعي الجيران واحكيلهم جياد باابني المسكين
-ههههههههههه اشاقى وياك ولك
- هي صدك السالفه مو مال شقى
- انته شكو هيج حتط كورتك من كوره ابوك
تره عيب يعني انته وين تريد توصل بهالغيره
- والله ياايمه الحب اعمى وحبيتك انا بعد ماتحمل حتى ابوي حدرك نااار الغيره تحركنننننييييييييي
كالها بصياح وشمر نفسه على المخاد وضل يشيل بشعري ويلفلف بي باصابعه ويكولي ..

- دورت بالجامعه على وحده شعرهه طويل ماكو كلهن مكطمات
- هههه هم صاير تبصبص
-عجل نفس هي لو حجاره
- هههههههه ولك طالعه عينك
- كبرت يمه كبررت عجل اضا محروم هم اريدلي بنوته حليوه اتونس بيها تالي الليل
- عزاا شكد طايح حظ ولك مو امك اني شويه استحي
- وليش استحي جذب هالشي ! ضايج انا اريد ارتبط اكبل اخطب اتزوج اي شي المهم اتونس شويه
- يعني ادورلك على مره
- تعرفين وحده تشبهك اذا تعرفين حتى اشتري الحلقات
- يمممه ابني مفلفل على الزواج
- طاااك كلبي يمه زوجيني على الاقل اكف عن ابوي واخليه يتهنى باخر هالعمر
-هههه بس ماكو وحده تشبهني اني خلصت جيلي بدا ينقرض بعد ماكو منه
- عجل خليني انا ادور وحده مهجنه بيهه من الجيلين
- شتريد بيها اهم شي
- اهم شي شعرها طويل وحنطاويه وناعمه
حتى اشيلها العب بيها لعب
- ههههههه تخليهه لعابه بيدك شنو
- اييييييييي اييي هذااا الي على لساني والله كفوو تعرفين تقرين افكاري
اريدهه تتحمل شقى وناعمه حتى اضل اشيل واشمر بيهه اخبلهه اتونس بيهه بخبااال
- يمه الله اليستر من التوكع بايدك يبوو
راح تصيح الغوث
- وعيونك ادللها دلاال الا اخليها ماتمشي على الكاع
- هااه شلون هاي تضل شايلهه !
-لااا اكسرهه وانومهه تضل مكرمه هخ هخ هخ بايخه هالمره ماتسوى الضحك
هاي الباتري جسى شويه مال نعاس
يلاااا ماتنوميني عاد سطرتيني بالحكي
- ياااه فوكها يتامر ابو شوارب
- اتامر عجل قلتلك اليوم يووومي
- دتعااال يلا خطيه انته
- اي اي خطيه راح ابكي سكتيني سكتيني
- هههههه ووولك كاافي سده لحلكك متتعب
- اصلا ماحكيت شي هاي بس غيرتلك جو دحكتك مبوزه ابوي مو هين كاتلك الهم عاد انا قلت خلي الاشي امي الحليوه لو اريد احكي اسطرك اسطرررررك
جريت راسه بحضني وسديت حلكه حتى يسكت وهو يضحك ويكرص بيه واني اضربه وميتوب من هالحاله ...

لحد ما من وحده سكت وجتف ايده وحط راسه يم ركبتي هو من يجتف ايده هيج معناهه ينام
من صغره هو مينام اذا مو هيج ...
ضليت كاعده اتلمس بلحيته وابتسم شكد كلبي يفرح من اشوف ابني الصغيرون هسه كبران وصاير رجال مشورب وهو ولحيته وطوله
بعده ينام بحضني ..
عفته نايم ونزلت توضيت وصعدت فرشت سجادتي وصليت الليل وكضيتها اقرا دعاء
الجوشن الكبير كلش اندمجت بي وخفف الي جان قابض على صدري .. ختمته ودعيت
لايوب بالشفاء والعافيه وان ربي يجعل ايامه الجايه كلها راحه وامان ..
نمت يم حسين وضحكت على نفسي ابني اكبر مني .. وتذكرت رماح اني ربيته وهسه استحي اوكف يمه اطلع هالكدوتني ..
ولدنا كلهم شبو بسرعه وصارو رجال ..
كعدتني غاليه الصبح ويه الصلاه واني جنت نايمه قبل ساعتين .. كمت واكعد حسين حتى ينزل يصلي ويانه يكولي ابويه مو هنا عوفيني رزلته على حجايته وهو يكولي احبج ميخالف رزلين

ي .. عفته نايم ونزلت صبحت على الشيخه وبوست راسهه وصلينه وكعدت اسوي ريوك ..
عدنا عباس كلش خدوم هو شايل البيت شيل
كلشي نطلب منه يسوي وكلش هادىء عكس صكر صوته يسطر و لا ابالي ماله دخل بشي
عباس قبل ما يطلع للدوام اجاني يكولي شتحتاجين من المحل قبل مااطلع و وصيته
يجيب ريوك حتى ادزلهم للمستشفى وراح جاب الريوك وجاب الصمون حطهن وطلع لدوامه ...
عدنا كيك هم حطيتلهم حضرت الجنطه بيهه كلشي مسفط ورحت كعدت حسين ياخذهن ..
اجتني غاليه وكالت ..
- يمه راح ياخذوه للعمليه الحين ادعيلو
- الله ييسرهه عليه ويطلع منها بسلامه
بحق لا اله الا الله

من هاللحظه اني التزمت التسبيح اله وكل شويه ادعي ربي يحفظه ويجعلها خفيفه عليه هالعمليه ويطلع منها بسلامه ..
مكعده غاليه يمي وكل شويه اكوللها اتصلي شوفيه طلع بعده ، شوفي ابوج اكل ! شوفيهم يحتاجون شي اندزلهم؟
وهي تتصل وتحجيلي .. وطولت عمليته هواي .. خابرني الشيخ يكولي اسامه راح يخرب من طوله خلي بنتج تضل تخابره لا تعوفه ..
وغاليه من سمعت هيج انخبصت تكولي احجيلي شكوله شسويله ..
عاد كلتلهه ..
ضلي هدي بي وخلي يكعد وحده بعيد عنهم وانتي وياه بالتلفون ضلو سبحو وادعوله
وهي راحت بغرفتي تخابره وضليت اني
ادعيله وهالمره نذرت غدا لوجه الله بس يكوم بالسلامه .. ايوب مثل حسين بمثل الاحساس هسه احساسي عليه ...
ملتهيه بالتسبيح وسمعت غاليه نزلت على الدرج وحجلها يرن وهي تصيحلي يمه طلع
وصلت يمي وكالتلي ...
- يمه طلعوه هسه من العمليه و عمليتو ناجحه الحمدلله
غمضت عيني وابتسمت واني اردد الحمدلله
ضلت تخابر بجراح وبعدين كلتلي ..
- يمه اخذوه لغرفه العنايه راح يضل لبكرا يراقبون حالتو
- ان شاء الله يكوم بسلامه وتعدي هالشده
- يمه حسين ماراح للدوام تره ضل حدرهم
- اي زين يسوي اكيد جراح تعب خلي حسين يوكف بداله
- سالم هين هم من الصبح هو حدرهم رجع من دوام بوجهه للمستشفى
- اي خطيه همزين اجه حتى اسامه يتقوى شويه هو مبين يرتاح من سالم وياه
- ايييه يمه لو سامعه صوتو من دحك طلعو ابوه من العمليه اوييليي يمه انجن عليه حتى مالحك يسد الخط راحلو ركض
- الله يفرحه بسلامه ابوه
- يمه نحضرلهم غدا لو تتوقعين اهلو يدزون؟
- مادري اسألي جراح حتى اذا ما يجيبولهم نكوم نسوي
- زين لحظه
خابرت جراح ورجعت كالتلي ..
- لا يمه جدتهم بالطريق و وياهه الغدا
- اي زين
للعصر رجع الشيخ وحسين تلكيتهم و حسين كالب وجهه ومنفوخ كلتله ..
- شبيك حسون شو ضايج
- مابيه شي
- والله ؟
- بعدين
راح جوه وانداريت للشيخ كلتله ..
- شبيه حسين
- صيحت عليه
- ليش ! هاي انتو ماتنجمعون سوه اذا ما تنكلب الوجوه
- عجل ابنك مخلي صورتك خلفيه قفل تلفون
وكل ساعه ومطلعه يدحك بي وهذول ولد حدرو مايستحي من سوايتو هاذي !!
هاي هين كدام عيني كضبتو زين بالجامعه هم الرايح والجاي يدحكك بالتلفون
والله لو مالعيبه والناس حدري لا اكضبو ايبس جلدو على عظمو
بساعتهه الشيخ مايسمع مني شي اذا اكوله اهدا اعصابك يكولي لدافعيله اسكتي
وضل يمشي بالبيت ويصيح ويرزل بي
وهو حسين ساد باب غرفه الشيخه وماينسمعله حس .. بس الشيخ كلب البيت بصوته يمشي للمغسله يصيح يروح يشرب مي يصيح يكعد بالهول هم شويه وحجاله كلمتين عليه لحد ما طفح الكيل بعد شبعت قهر على ابني واذا تضل على الشيخ عشر ايام ما يسكت ويعوفه ..
رحتله وهو بالهول كعدت يمه شاورته ..
- خالد كوم شويه نصعد
- خيير
- شويه بس نحجي كلمتين مهمه
- اذا تجيبين طاريه اشمرك من فوك مفهوم
- لا مو عليه والله
- عجل امشي كدامي
صعدت وهو ورايه بثواني دخل كعد ويباوعلي .. اني اجيت وكفت بين رجليه
ودنكت بوست راسه وخدوده وشفته وعيونه
وهو ابتسم كلتله ..
- اشتاقيتلك عيوني شدعواك وياي
- يولي ابنك طشر موازين عكلي بسوايتو
- عوف سالفه حسين هسه كولي كدرت تنام
-لا غفيت دقايق على كعدتي
الليل كله اسامه يلوب حدر راسي
يروح ويرجع يدحك ابوه احكيلو ول يابه خليه نايم يحكيلي اي بس اتطمن
- خطييه كاسر كلبي اسامه اكثر واحد بيهم متاذي عليه
- ايييه والله صدكتي هو وسالم هم خطيه حدر مشلوش مايندل دربو دنك على ايدو يبوسها ويبوس راسو ويحضن بابوه وفيصل من بعيد لبعيد يحكي وياه
- مو خوش هالفيصل كلبه مو على اهله
-ايييييه
- زين شعجب مرته وامه مااجني البارحه ولا بوكت العمليه
- هو طلب من اسامه ما يخلي وحدتهن تصل هين بس الحجيه خابرت بالليل توسلت بي حتى ادحكو بكرا وسمحلها بس الها عاد الحجيه جابت الغدا وحدهه ودحكتو بالعنايه من بعيد ودموعها خطيه مانشفو عليه
- الله يصبرهم على مابتلاهم
جر ايدي وكعدني على رجله وحط راسه على جتفي .. ضليت اتلمسه وكلتله ..
- تنام حبيبي لو تسبح ؟
- ولا وحده خلينا كاعدين
- هه ماشي
- تين البارحه بالليل صفنت عليه ودحكتو صدك وحيد عليم الله لو ما حاط ايدي بايدو كان تندمت باقي عمري على خطيتو
- الحمدلله صرتله عون وسند بوكعته
- انا يوم الي تمرضت الكل حدري وانتي ماغفلتي عني لحظه بس هو ادحكو مبعد كل ناس عنو .. سألت فيصل على اخوه الي بارب

يل ما انطوه خبر حكالي يمكن بناتنا هسه انطوه خبر لان همه مزوجين بناتهم الاثنين لولد هذا العم
وسألت ابو سالم قلتلو اذا متقيد بينا واهلو ما يكدرون يحدرون هين احنه نطلع ونكعد بره وخلي الاهل ياخذون راحتهم هين بس هو حكالي لا انا ماريد احد منهم هين عندي ولدي وانتو كافييني
مادري ليش مايريد اهلو حدرو ؟ تذكرت انا ساعه ما دخلت المستشفى كل ولدي حدري بس مطلبي انتي الظاهر هو ما يحب يبين ضعيف كدام اهلو
- اي يجوز هالشي .. بس هسه هو شلون وضعه زين لو بي خطوره
- مستقر وبالعنايه محد دخل عليه ملفلفيه بالصوندات وسادين الباب عليه هو وربو بعد
يلطف بحالو
- الله كريم
- خليت جراح ورماح يضلون هالليله حدر الولد  وصي ام جراح تحضرلهم العشى وخلي ياخذه حسين او عباس دحكي ياهو الي يرضى يروح زين يابه
- ماشي عيني
- اييه تعرفين هذول الاثنين يتفستقون  باكلهم
ما راح يطيبلهم اكل البره
- ههه زين ادزلهم شي بعد
- ها تذكرت هذا معقم الايد الاصفر الي اشتراه رماح و وزعو علينه حطيلهم واحد منه لان هذا يضل يوهس تلاكيه الحين كاره نفسو ولدي واعرف خيوطهم
- صار عيوني هسه انزل واحضرلهم كل شي
- حضريلي حمام بدربك
اخذتله ملابس ونزلت حضرتله حمام وعفته يسبح ورحت لام جراح داسألهه شنسويلهم عشه راح يباتون هناك وهي ضاجت شكو ولدي يبقون بالمستشفى ورماح عنده دراسه
وخبصت الدنيا عفتهه تخابرهم ورحت اني حضرتلهم العشى وره شويه اجتي يمي وبس تتافف وساعدتني بالطبخ .. هم رتبنا علاكه الاكل ودزيناهه بيد عباس ..
رحت لحسين لكيته متلفلف ونايم . كعدت يم راسه وهو كبل كالي ..
- يمه نعسان عوفيني
- اكعد وليدي خلي اشوف شبيك شو دباوعلي
رفعت راسه عليه وهو مدلغم الوجه
ابتسمت وبوسته وضليت اكرص بخدوده
وهو ساكت .. كلتله ..
- ميخالف حبيبي انسى الصار هو ابوك من خوفه وغيرته هيج يحجي ويضوج ولا هو مدخل بيك قبل بس هالشي ما يرضيه تفهمه ياعيني لا تزعل منه
- بس انا ما سويت جريمه هي صوره انا وانتي بيها وانتي لابسه حجاب مو مفرعه ويبهذلني يحكيلي ما تعرف العرض انته مخلي صوره امك يدحكها الغريب
بجهازي يمه بجهاازي ما ناشرهه انا ومشهرك بالدنيا هي خلفيه خلفيه
- ابوك شويه يغار تفهمهه لا تاخذ على خاطرك اني اصلا فرحت انته مخلي صورتنا
شو خلي اشوف ياهيه
- شلتهه بعد
- حسون ماما خوف من ابوك وغيره هالتصرف مو انتقاصاً لقدرك ولا تشكيك بيك انته ابني الشهم ابو عقل الجبير ياهو يلحك
صفاتك وليدي ،، لا تتكأب هيج هو ابوك هم خطيه تعبان والليل منايم والجو متوتر شويه
جو المستشفيات يخنك الروح ويخلي الواحد اعصاب هم اتفهمه
- اييي هو لكاني بوجهه فرغ اعصابه بيه
وهو ميصدك حسين هذا اجته فرصه يترزل ليش يفوتهه
- ههههه يحبك والله ابوك يحبك بس انته حاط راسك من راسه
ضليت اكرص بوجهه وكومته ياكل وتعدلت نفسيته من ادخلت غاليه وصنف عليهه رجع مرتاح ..

ثاني يوم راح الشيخ من الصبح للمستشفى
واخذ وياه ريوك الهم وغاليه كل شويه تخابر
عرفنه للظهر مطلعين ايوب لغرفه خاصه
و وضعه مستقر ..
ما وكفت لحظه من الدعاء اله وتمنيت لو الوضع غير هالوضع واروح اتحمدله بالسلامه ..
للعصر اجتني غاليه ومبين بحلكهه حجايه لان تحوص فوك راسي وتمتمت .. كلتلهه..
- احجي احجي اسمعج
- ههه يمه نروح نسلم على ابو سالم
- لا يمه شيودينا اخوتج هناك كافين
- لاا يمه عجل غير انا كنتهم واروح اتحمد لعمي بالسلامه وهم ادحك اسامه لخاطرو لازم اروح عجل حلوه بحكي بعدين يعاتبني مارحت وسلمت على ابوه وهو طلع من الموت !
- بنتي الله يخليج اجليهه من يرجع لبيته روحي
- ما يجوز يمه يعني انا اعلمك بالاصول ! !!
- وانتي من كالج اخوتج يقبلون شو من وحدج تحجين ؟
- سألت جراح وهو حكالي براحتك اذا الكم نيه خلي حسين ياخذكم
- هااا يعني مدستره امورج وجايتني
- يمممه اماانه خلي نروح بنفسي ادحك اسامه واوكف حدرو فدووه يمه والله يعاتبني اذا مارحت وهو ابوه ما يطلع اليوم بعدو مايكدر يتنفس بدون جهاز جايز يضل يومين بعد
- مستشفى اهليه ما يطولون بكعدته باجر يطلعوه وروحيله للبيت
- اففف يمممه هسه ليش هالرفض وشبيهه السالفه !!!
-غاليه لتحرجيني فدوه كلتلج لا
- دايماً تتهربين من كلشي يخصهم مادري شسالفتك
عفتهه ورحت ماردت ارد عليهه بعد
من جهه اتمنى اروح واسلم عليه ومن جهه اكول البعد احسن
التهيت اشر ملابس بس هالسالفه ضلت ادك براسي اروح لو ماروح ؟؟
اخر شي نزلت خابرت الشيخ ..
— خالد عيوني ارد اكولك شي
- اييه يابه اسمعك
- غاليه تريد تجي تسلم على عمهه وتشوف اسامه كلتلي وكلتلها لا بس برأيك لازم نروح لو عادي بعدين لو منروح اصلا ؟؟
- هو من الواجب تحدر تسلم على عمها مابيها شي
- كلتلها بعدين من يروح لبيته روحي شوفي
- لا ما اريد البنت تضل كل يوم ماشيه لبيت عيالها ويتكلفون بينا
-لعد شنو اخليهه تخابره يكدر يحجي ؟
- لاا يابه مخابره شنو خلي حسين يجيبها هين
شغله ساعه وترجع
- ماشي عيني هسه اكوللهه تتحضر لعد
سكت شويه وكالي ..
- تريدين تسلمين عليه ؟
-ه

ا مادري كيفك انته شتكول
- سلمي يابه سلمي هي بالوجه صارت بعد اذا. مو هين لزوم تمشين لبيتهم وهالشي ماارتاحلو انا ،، تحضري انتي وبنتك وخلي حسين ياخذكم
-ماشي عيني اجيب وياي عشه ؟
- ياريت والله تره انا للحين ماتغديت
- سوده عليه لعد راح احضر الاكل واجي
سديت الخط ونزلت لغاليه كلتلهه وهي طارت من الفرح .. اخذتها وياي للمطبخ وصرنه نحضرلهم الاكل ..
سويت شوربه لايوب وغاليه سوت عصير البرتقال ببطاله وجهزنا الاكل وصعدنا بدلنه
واخذنه حسين ..
اول ما وصلنه المستشفى تلكانه جراح جوه بالباب واخذنه للغرفه ...
دخلت سلمت بصوت عالي شويه واجوي الولد سالم واسامه سلمو وطلعو بالباب
غاليه تقربت يم ايوب سلمت عليه وهو
بس يهز براسه ..
صدره مكشف ولاصق العمليه صاير بالنص على طول صدره وجهاز التنفس بوجهه
وبايده مقياس النبض والمغذي ..
وجهه شاحب وعينه مفتوحه شويه
جانت ايدي ترجف وبعيني دمعه مغطيه عليهه المناظر بس مقويه ايدي بضغط على الجنطه .. وصلت يم موضع ايده وكلتله ..
- حمدلله على سلامتك
كدرت انطق بس هذني واني اشوف عيونه شلون تلمع ومركزه بيه رأساً انداريت ورحت كعدت يم الشيخ ..
كلتله ..
- عيوني احطلكم الاكل هسه
- اي والله فد مره جوعان كضيتهه بس جايات
ابتسمتله ورحت فتحت العلاكه واباوع غاليه ماكو هنا ولا اسامه .. خليتهه براحتهه وياه بره بس جراح كاعد ويهز برجله ويفر براسه باتجاه الباب كل شويه بعده ممتأقلم على فكره اكو احد بحياه غاليه ..اعرفه طبعه مثل طبع ابوه ..
جنت جايبه مواعين سفري حطيت لكل واحد منهم وقدمتله .. صبيتلهم العصير وضل اكل ايوب اباوع للحافظه ومتردده احجي بس بعدين تشجعت وشاورت الشيخ ..
- يصير ابو سالم ياكل سويناله شوربه
- والله هو مااكل شي بس عصاير اليوم كله
خلي يسألون الولد اذا يكدر ياكل
رحت شاورت جراح وكلتله يكمل اكله ويروح يسأل الدكتور وهو اكل بسرعه وراح سأل ورجع يكولي بس شوربه وكون خفيفه
مثل الي مسويتهه بالخلاط وخفيفه شويه ومابيهه اي دهن .. صبيتله بكاسه وضليت شايلتهه وهو يباوعلي بنظره ماعرفت افسرهه بس بيهه شي من التوسل مافهمت ليش ..
شافني جراح هيج شايله الكاسه ومتردده
اجه اخذهه مني وراح كعد يمه حتى يوكله
دخل حسين واخذهه منه كال اني هاي مهمتي
وصار حسين يوكله واني كاعده يم الشيخ اباوعلهم وابتسم بس كطعهه عليه صوت الشيخ وهو يشاورني ...
- مو قلتلك وحيد
باوعتله واحس نبتت هالكلمه بصدري
وحيد ليش!  ايوب ميستاهل يكون وحيد !
كلتله ..
- ليش سالم طلع ماضل هنا ؟
- حتى لو يضل ما يعرف يسوي شي
- ليش يعني مو ابوه مايعرف يعينه بهاليوم
- يستحي
- يستحي ؟
-اييه يستحي ابوهم ما معودهم على كربو
الظاهر كل علاقتهم حديه .. الولد شربه العصير واحد يذبها على الثاني يخجلون يتقربون منو هالشكل بس ولدي يسوون الشغله كبل ما يطلبها احد
- الحمدلله ولدنا صارو اله عون بهاليوم لو ضلت على ولده يشبع ضيم
رجعت باوعتلهم واشوف حسين شلون يشاوره ويضحك وايوب يبتسمله بتعب
و من كمل اكل انطيته كلاص عصير
شربه وجبره يخلصه كله وبعدين وكف وجان يضربه على زنده بقوه مرتين وهو يكول
- كفووو العم راجع حديد
رأساً صحت عليه ..
-حسين ابني شجاك وكت شقه هسه
- يمه عجل احد حاكيلك الشقى اله وكت
حديد احكيلها حديييد العم دحكيه عضل هيين عضل انا وبعز شبابي ماعندي مثلو
ابتسمت ودرت وجهي عنه باوعت الشيخ رافع حاجبه رأساً كلتله ..
- كول لابنك عيب هالتصرفات هنا لا كلش يطوخ شقه هو يخاف منك اني يضل يماطل وياي بالحجي
- اخذيه وارجعو عجل لان ابنك مايسكت وان سكتو بالغصب يتمزعل عليه مالي خلكو
- على كولتك اخذه احسن .. شوكت ترجع؟
- بعد كم ساعه
- ماشي عيوني مو تتأخر
-ان شاء الله
اخذت جنطتي وكمت صحت غاليه اجتي
وكلتلهه خلي نسلم ونرجع .. كبل اسامه كال
-اني ارجعكم بطريقي لان اريد امر للبيت
- ابقى يم ابوك احسن خاف يحتاج شي ويستحي يكول لولدنا
- لا ما تأخر مو ضروري اروح وهو سالم هنا باقي
-ماشي عيني كيفك
دخلنه سلمنه عليه و هو اشر لغاليه تدنى يمه
شاورهه وبعدين طلعنه ..
وصلنه اسامه لبيتنا وراح ..
اول ما دخلت غرفتي دانزع شالي جان تدخل غاليه بسطت وكعدت وهي تبتسم هالابتسامه الي تطلع كل اسنونهه .. كلتلهه ...
- شبيج
- يمه عمي وصاني اتشكرك على الاكل
حكالي قليلها .. الله يخلي ايدها وتسويلنا بعد
-هههههههه اووف يربي اووف
- يعني عمي عاجبته الشوربه وبعد يريد تسوين
-الله كريم هو بس باجر ويطلع لبيته
- يمه ذكرتيني سألت اسامه وعرفت محد زارهم هين بس اثنين اصدقاء مقربين لاسامه من المنطقه يعني حتى حرمتو وام اسامه مازاروه شلون يكدرون والله تعجبت
- ابوج كالي هو موصي محد منهن تجي تزوره بالمستشفى وقبل بس امه تجي
-لييش يعني ؟؟
- شي خاص بي احنه شمدرينا
- يمه اسامه تدرين شعندو راجع للبيت
-شعنده؟
- يريد يسبح هههههههههههه يحكيلي راح اطك احس دود بجسمي من يومين ما غسلت
وردت جيتكم حجه حتى اطلع للبيت اسبح
يمه طكي

ييت ضحك عليه طكيييت وترزلت منو بس ماكدرت اضمهه للضحكه
هههههههه يمه هالولد بطه بططططه
- هههههه ولج عييب هالحجي شجااج
اكو وحده تكول على رجلها بطه
- اقصد انه يسبح هواي مهووس بالمي هذا
مهووس والله
- مو زين رجال نظيف ومعتني بنفسه
هاي من الزينات
- تذكرررت القفص مانظفتو اليوم
كامت ركض نزلت واني بدلت وتمددت
ضليت مغمضه وافكر بهالقدر الي خلانه
سند و عوض لايوب بتالي العمر
يعني اني تعرفت عليه وصار الي صار حتى تالي هالعمر يوكف رجلي وابني اله هالوكفه!
سبحان مدبر الامور .. سبحان الي خلاني امشي لحديثه والكه بيهه كل العوض وكل القدر وكل الي احتاجيته وهو احتاجه
سبحان الي يعلم مالا نعلم ..
طلعوه ثاني يوم لبيته الصبح و ولدنا وياهم ماعافوهم لحد مااطمنو عليه يلا رجعو الظهر
وبدون غدا يكولون نستحي نكلفهم وعدهم مريض ...
غاليه صارت كل يوم تخابر ايوب تسلم عليه وتطمن ودزينه هديه سلامته دشداشه من احسن نوعيه اشتراهه حسين على ذوقه
وبفلوسي اخذهه اله هديه منه ومن غاليه
لسلامته ..
حسين كل يوميه وره العشى يروح يكعد وياه
اني ماارضى يروح اكوله رجال تعبان مريض يجوز اهله ينحرجون منك وهو يكولي انتي ماتفهمين الي بينا .. واذا اني مااروح تلكين هو يخابرني يعتب ليش ماجيت
يكولي اروح الكاه محضرلي اشكال الحلويات
اضل اكل واسولفله مواقف ونضحك وحدنا بغرفه كاعدين مرتاحين محد يدخل بينه
كلشي محضر يمنه العصير والحلويات والفواكه وحتى مخاد حاطين اتمدد واسولف براحتي وهو هم يسولفلي على حياته
عفته براحته بعد الي سمعته منه .. تأكدت ان ايوب يريد وجوده وياه انيس اله ...
الشيخ راح زاره كم مره هو والشيخه وباقي الولد واخذوله ذبيحه لسلامته ..
حسب الي اسمعه من حسين عليه صار يكدر يمشي براحه وبعده مستمر على تمارين التنفس ..
اسامه رجع لشغله وبيوم اجازته اجه لبيتنه
جايب لكل واحد منا هديه من سفره وبالاخص جراح وحسين انطاهم كل واحد ستره وبنطرون وقمصان اثنين وبقيه الولد على قميص وعطر .. والشيخ جايبله قاط اسود
وتشكر من عدهم على وكفتهم ..
تعشى يمنه واني غاليه يمي تحوص وتكولي
خلي اسلم يمه .. عيب يمه..  سويلي مجال
رحت تكتكت وسحبت الولد ودزيتهه
ما طولت عشر دقايق وطلعت صاحت اخوتهه يسلمون عليه حتى يروح ..
غاليه اخذت علاكتهه وصعدت .. وره شويه صعدت جانت هي تخابر كبل كلتله يلا باي باي وسدت تلفونهه وضلت تكولي ..
-يمممه احزري  هيين هديتي شنو ؟؟
- مكياج ؟ لو عطور؟
-غلططط العااب يمه مجموعه اميرات ديزني كلهاااااا
-هههههه وهذا مفرحج !!
- عجل ليش مايفرحني يمه اناا عندي كل اميرات ديزني اول مره بيتهم هداني
سنو وايت واليوم مشتريلي البقيه لان انا حكيتلو روح عمري هالاشياء
كلهم يمه تخيلي كلههههم هين عندي وكل وحده تتكبر وتصير هالطول
سندريلا وبيلا و مولان و ايرورا وميريدا
كلهن صارن عندي ههههههه
هاا وضلن ياسمين و إلسا و آنا حكالي على المره الجايه
-ههههه الله يسعدج ببناتج هذني ياعيني
-اوووف يمه ودي احضنهن وانااام لو ماادري حسين وجراح يخربوها عليه
- هههه لاحكه عليهن هنه الج باقيات اشبعي بيهن بغرفتج
-صح يمه ايمتى نرجع لحديثه اسامه حكالي الوضع صار احسن الحين
-بعد يمه مادري عند ابوج القرار
-زين يمه امانه ضميهم لبناتي هين مو تخلين حسين يدحكهن فدوه
-هههه زين عيني زين
اخذتهن ضميتهن بالكنتور وهي تفتر وتضحك فرحانه بيهن .. اعرف غاليه كلبها طفوولي
بحت بس لسانها مغطي عليها ..
ارتاح كلبي من عرفت اسامه يعرف جوهر وطبع غاليه وكل شخصيتها ..عرف شلون يسعدها وما استهزء بيها لان تحب الالعاب وهالاشياء هالشي كلش طمني على بنتي ..
وره اسبوعين اسامه دز فلوس الجهاز بيد جراح وغاليه تكولي .. اسامه يكول استعجلي جهزي كلشي قبل ماترجعون لحديثه
وصرنا نطلع اني وياهه للاعظميه مرات ناخذ عباس مرات حسين يعجبه يطلع
وهيج كضيناهه كل يومين نروح نشتري
جزء ..
كلنا حتى ماننخبص وننسى شي سوينه كل طلعه مخصصه لشي معين ..
اول شي بدينا بملابس البيت العاديه بعدين
بالكلبيات الفخمه وهي عجبها القفطان اكثر من الخليجي واخذت اثنين ..
بعدين بدينا بملابس الطلعه ماخذت هواي لان تكول حتى لو يطلعني مااطلع استحي ..
وصرنا نجهز ملابس النوم والداخليات بعدين المكياج جان تكولي .. اسامه يكول راح نسافر شهر عسل ولازم تاخذين شي رياضي باللبس
لان تنزعين النقاب ..
رجعنا مره ثانيه نشتري ملابس طلعه ومن سألها شنو المكان الي تروحوله ؟ شنو خطتكم وين تروحون شتسون حتى نعرف شنشتري
تكولي مادري كالي نسافر وبس ..
اشترينا اول شي قمصان طوال وستر واحذيه جان تكولي ... سألت اسامه وكالي اختاري وين يعجبج واني اختاريت تركيا كالي لعد خلي اكثر الملابس رياضيه واخذي الوان فاتح ..
وصرنا نشتري مثل ماطلب الاخ .. وكملناهن
جهزنا العطور والغسولات وهنا اجانه خبر
من الشيخ انُ صار وكت رجعتنا لحديثه
بدايه شهر الخامس راحو الشيخ وجراح و صكر واسر لحديثه حتى يشوفون البيوت وينظفوها

و احنه بقينه نلم بالغراض ونحضر لرجعتنه ..
اسبوعين ورجعنه لحديثه ...
بشهر الخامس ٢٠١٧ رجعنه لديرتنا وبيوتنا وخيرنا ... جان كل وجه يفرح ويبجي بنفس الوكت .. كلها تدمع عينها بكل فرع او شارع ندخله قبل ما نوصل لبيوتنا ..
الولد جانو منظفين البيوت وراجعين صابغين البوب والحديقه راحعين مرتبيها والمضيف مبخر ومترتب وكأن البارحه عفنه بيوتنا
كلشي مرجعينه مثل كبل ...
بيومها اجتمعنا كلنه بيت الشيخه وتعشينه سوه براحه وفرح وبدينا نرتب الغراض نص بالليل ونص كملنه الصبح وطايرين من الفرح ببيوتنا ...
رجع المضيف مليان بالرجال والشيخ رجع لكشخته الاولانيه ووجهه يضحك صبح ومسا
رجع يكولي رتبيلي اليشمغ وعطريني بايدج
ورجع يجيني من الفجر بليله ام جراح
غاليه رتبت لعاباتهه الاميرات على ميز بصف جربايتهه وشابعتهن تصوير
تخلي حسين يصورهن لقطات بكاميرته
ويرتب الصور يفلترهن ويدزلهه
مخليتهن خلفيه جهازهه ومرات اذا وحدنه بالبيت تنزل وحده منهن وياهه وتضل ترتب بشعرهه وبس يجون اخوتهه تذبهه وتغطيهه بالكوشات ...
حسين راح لخواله بس حتى يمتحن اخير السنه واخذ وياه باقي اخوته لان كلهم عدهم امتحانات .. الشيخ دز وياهم مسواك كامل
لكعدتهم هناك ..
عرفت ان امي مريضه فد مره وتريد تشوفني
رحتلهه باخر يوم من امتحانات الولد
شفتهه صايره جلد وعظم ومتلفلفه بالبطانيه
ونايمه ويمهه علاكه الادويه ..
ردت اكعدهه وكرت شكوللهه ..
اكول يمه ماينطقها لساني .. اسميها باسم الجبير واني الجبيره ..
ضليت اباوعلهه وبعدين لزمت جتفهه وكعدتهه واني اكوللهه حجيه اكعدي
فتحت عينهه وضلت تباوعلي وكالتلي ..
- يمه العمر ماضل بي غير ايام ورايدتج تسامحيني
- اسامحج بس كوليلي ليش .. ليش كرهتيني
لهالدرجه
بجت واني كعدت يمهه على فراشهه وصارت تكولي...
-  ردت الفلوس محتاجتهه جنت وانتي جنتي سبيل الها
- اني سبيل لفلوسج تزوجيني لمحمد وتخليه يعيرني بيج !
- عبالي يحبج ويريد خاطرج ماعبالي يسوي بيج هالسوايه
- انتي تعرفين هو شسوه بيه ؟
-لا والله ماعرف بس اعرفه اذاج وجان جذاب وسكير
- اي زين خليج لاتعرفين احسن هو مات بعد والايام هذيج هم ماتت .. ليش ما حبيتي ابويه
جان زين وياج وويانه كلنه ليش عذبتيه !؟
-  ما تراهمنا بس اني ماكرهته ولا كرهتكم
بس حب المال وحاجته هو السبب
- الله يغفرلج ويغفرلنه مسامحه على كل شي
- اني ما عشت وياج ولا وكفتلج بشده
بس جنت راضيه عليج
دمعت عيني وهزيتلهه براسي وهي لزمت ايدي كالتلي ..
- انتي عيناً ابوج كل مااسمع عنج خبر بهالكبر اشوفج تشبهينه بكل صفاته
كون ربيتي ولدج على نفس مارباج ابوج ؟
-اي ربيتهم نفس الشي
- الحمدلله
- انتي عشتي مرتاحه ؟
ضليت اباوعلهه وانتظر منها جواب وهي كالتلي ..
- عشت مثل ما هويت بكل قوتي و يباس راسي بس ضليت احس بنقص ولليوم ماعرفته شنو
- الحمدلله على كل حال
- اختج دعاء راح تجي اليوم ابقي وتعشو سوه هنا انتي واخوتج وولدج
- ماشي
بقيت اباوعلهه وتباوعلي .. ماتخيلت بيوم اشوف امي هيج صايبهه الضعف وتحاجيني بهالنبره وتلزم ايدي وعينها تدمع عليه
بس شاء القدر وخلاها هيج ..
تعشينه هاليوم سوه .. مصطفى ومرته وجهاله وعلي ودعاء وابني حسين ورماح وعباس وصكر وحر واسر كلنه التمينه بسفره وحده
كدامهه وهي بس تباوعلنه وتبتسم ..
ثاني يوم رجعنه من الصبح اني والولد
واسبوع وتوفت امي ..
كالي بخبر وفاتهه الشيخ وضليت ساكته واباوعله وهو يعيدهه عليه ..
كلت الله يرحمهه ورحت لغرفتي ضليت كاعده ولازمه راسي ..
اجه كعد يمي وكالي ..
- خيرك يا يابه فهميني شسالفتك
- ما بيه شي بس صعبه واحسها كاسره كلبي
ان امي تموت وما يرف كلبي عليها او ابجي واصرخ مثل كل البنات على امهاتهن
ليش احسها عاديه معقول لهالدرجه اني كلبي ميت على امي ؟ يعني بنت عاقه اني لو شنو !
- الغلط مو منك يا عيني الغلط من طريقه عشرتكم هي الي خلتك هالشكل
- ما تمنيت انساهه بحياتهه وموتهه
بس هي ما تمنت قربي خافت بس على ذنبها وياي واخذت سماحه وراحت
- اذكري الله يابه اذكري الله وترحميلها
ضليت استغفر ربي واترحمتلهه وحضرت نفسي ثاني يوم اخذني الشيخ للفاتحه
كضيناهه بشكل عادي مااحس نفسي متأثره هواي بس كاسر كلبي انها راحت واني مااحس بيها ..
رجعنه لحديثه و مشت الايام عاديه ..
اسامه متخبل لان صارلهم عارض بزواجهم
غاليه تكول باقي بس يركع راسه بالحايط
ويكول اريد احجي ويه امج واستحي
كلتلهه لا يحاجيني احسن لان عيب الزواج وبعد حتى الاربعين ماطالعه ...
وره ما طلعت الاربعين جراح جاب بدلات غاليه اسامه مشتريهن الهه من تركيا كايللهه مايعجبني اي شي مستعمل من هنا وهناك ارخص واني بذوقي اشتري ..
شفناهن حلوات كلش بدله الحنه لونها تفاحي على مشمشي
غاليه كالت هو يحب هاللون اكثر كل الالوان
وبدله العرس مو كلش نفشه ولمع .. وماخذهه ردان كيبور حتى تاخذ راحتهه ويه اخوتهه
والطرحه طويله ..
ضلت غاليه معلكتهن ومعلكه وكت زواجهه على قرارنا ..
عدا

شهرين على الاربعين كال امي وخابرني مصطفى .. كالي خلي يتزوجون خطيه ينتظرون منا لسنه وهو مادام طلعت الاربعين كافي بعد يحقلهم يتزوجون ومنطقتهم بعيده عنا خلي ياخذون راحتهم ..
كلت للشيخ كالي انتي الشغله راجعه الج
واني وافقت على زواجهم هالايام ..
كلشي عدهم جاهز بس راحو عقدو محكمه
وصار العقد بغداد لان اهل اسامه ينتظرونهم على الغدا ..
اني ما رحت دزيت ام جراح والشيخ واخوتهه جراح وحسين وياهه ...
من بعد موقف ام سالم حرمت هذاك البيت عليه ...
بس كسرت كلمتي يوم الي صار لازم نودي جهازهه ومالكيت اكو بنيه اكدر ادزهه بدالي
بس ام جراح وما قبلت تروح وحدهه الا وياهه اني .. وغاليه تخبلت من سمعت ماريد اروح ضلت تحوص الا اعرف شنو ليش متروحين تودين جهازي مو انتي امي منو يوكفلي غيرج ... تحججت بوفاه امي بس ماتعبر عليهه وعفتهه معلكه السالفه ماحجيت شي بس كلتلهه انطيهم خبر على جيتنه ..
رحت اني وام جراح اخذنا رماح وصلنه لبيت اسامه وبهاليوم اسامه جان بالشغل وسالم بالشغل .. تلكتنه ام اسامه والحجيه رحبن بينه بس ام سالم ماشفتهه .. وحتى ايوب ماشفته
من سألت ام اسامه كالت ايوب طالع من الصبح وام سالم بغرفتها ما طلعت اليوم ابد
ارتاحيت لهالشي كلش عبالك يعرف اني بشنو متقيده وخلاه سهله عليه ...
مرتاحه ان بنتي الوحيده راح تعيش بين ايد امينه مثل ايد ايوب ..
صعدنا لغرفتهه هاي اول مره اشوفهه
حلوه جبيره كنتورها ابيض على طول الحايط
وتقسيماته مرتبه وعمليه ..
لكيت ملابس اسامه مرتبه بجهه معزوله ويه غراضه كلهه والباقي فارغ لغاليه ..
مخلين فرشات اربعه وبطانيتين بخانه وحدهن
الغرفه مصبوغه بلون زيتوني لامع بضلع الجربايه الي لونها اسود والباقي ابيض بس مكان الشاشه محاوط باطار ذهبي وبي رفوف
رتبنه غراضهه واخته ويانه تساعدنه ونزلنه تغدينه وشربنا الجاي وسولفنه ويه الحجيه
وام اسامه كلش تنحب وعلى نياتهه مثل ما وصفهه ايوب ابد ما بالغ بخوفه عليهه
لان فعلاً فطيره وحتى ماتعرف تقرا وتكتب
رجعنه العصريه لحديثه وصلناهه بالليل
وارتاحيت من هذا الهم الجان على كلبي بشوفه ام سالم ..
وراهه باربع ايام صارت الحنه
البيت كله مخبوص بالتحضير .. بين الي متكفل بالطبخ وبين الي بالترتيب ..
سويناهه بيت الشيخه لان اكبر وجراح طلب هالشي .. كال اريد غاليه تنزف من بيتي ..
اني سويت جسمهه واني حضرت جنطتها للفندق وجنطه سفرهه واني فتحت وياهه موضوع ليله العرس وحجيت بي بتلميحات بسيطه لان هي تخجل هواي وكل شويه اسكتي واسكتي .. عاد رحت دزيتلهه فيديو تعليمي من اليوتيوب ..
اقراه والي اشوفه يفيدهه ادزلهه وبصباح الحنه سألتهه شفتي الي دزيتهن كلتلي اي
سكتت بعد عرفت انها فهمت الي اريد اوصله الهه ...
غاليه بحنتها مثل التفاحه كلشي بيهه مورد ومتفح .. ضحكتها خدودها جسمهه لون مكياجهه كله مثل ماتمنيته لبنتي ..
اني جنت لابسه اسود بس بشي يلائم هيج مناسبه ..
اسامه من اول ما كملت بالصالون خابرهه وكال اني وصلت منطقتكم دليني وين صالونج .. اخذت التلفون واني دليته
واجه اخذنا للبيت جان جايب وياه مصوره
وغاليه بدل ماتفرح جايهه يتصور وياهه بالحنه ويشوفهه طنكرت شلون مكعد وياه بنيه بالصدر من بغداد لحديثه وياه ومكايلي
ضلو بيتي ياخذون صور بس هي ماتقبل المصوره تصورهم الا سدت باب الهول وضلت تتعارك هي وياه ووين يلا فتحو وجانت الوجوه تضحك يلا عاد تصورو
بس كمل صور اخذ سيارته ورجع لبغداد
وصارت حنتهه حلوه وهي فرحتهه محليتهه
بليلتها نامت بحضني وبغرفتي والشيخ يمنه
نايم جنت امشي ايدي على شعرها وادعي بكلبي ..
ياربي تجعل هالزواج الها راحه وفرح
وكل امورها تتيسر بي وتصير فاتحه خير عليهم ويحبها الجبير والصغير ..
الليل كله اني امسح بدموعي وادعيلها واشم براسهه .. شكد فرحانه على فرحتهه وزواجهه من شخص وعائله مناسبه بس
مال تبعد عن عيني هاي كلبي ماتحملها
بالاخص هي صديقتي مو بس بنتي
متشاركين اني وياهه كلشي .. هي ماعدها غيري صديقه ولا اني .. علاقتنا اكبر من اي بنت عاديه وامها ..
بيوم عرسها زفيتها بدموعي ودعواتي
طلعت من بيتي مرتاحه مدللـه فرحانه واميره وراحت لبيت تبقى بي اميره مثل مارادت وطلبت وتمنت كل عمرها ..
.
يتبع