ليش هيج صدكتي لعد موانتي كلتي لعمي اذا هو حاجي وياهة عتدي ماهتم سويه صدك وهم اعتبري اني غلطت وحجيت وياه والله اني ماحجي وياه من يوم الزمتج وصرتي ملكي بعد ماخبرته ولاحجيته بس من كتله راح اتركج ونهيت وياه كلشي
لمار. حسام شفت بعيني حجيكم وخيانتك الي شون تنطيك نفسك تنام ويه وحده وتجي تنام وياي شكد انته انسان حقير لسش ربطتني بيك اذا انته تحبه وتريده ليش اذيتني
حسام. ستغفرالله ياربي ليش مجاي صدكيني
لمار. حسام ماريد ابقه لحضه وياك كرهتك شكد جنت احبك هسة ميته منك كاعد يمي هسة مخنوكه منك
حسام. ها خوش تكرهيني براحتج كرهيني بس وداعتج وحق ربج ماطلكج لو صير تنكلب السما ع الارض هم ماطلكج
لمار. اوكي لا طلكني بس مطخني ولاتعتبرني مرتك خوش حسبني اختك احسبني اي شي بس ماطخني لو تموت عندك زينب هي تكمل واجبك يعجبك مايعجبك براحتك لان ماطيقك ولا طيق قربك عليه لعبت نفسي منك اشمئز منك
حسام. هز راسه براحتج كلشي يجرالج هذا حقج لزم اكون عادل وحتى تعرفين اني ماريد اضلمج راح انفذلج هذا الطلب
طلع من يمي بقيت كاعده ع سجاده سجدت لرب العالمين كمت كملت صلتي ماعرف من صليت وكملت اجتني قوه عدم اهتمام ماعرف شنو وضعي بس كلبي راح من الالم لفيت راسي ونمت ثاني يوم رحت للمدرسه جنت احسه الضي الوحيد يلهيني عن التفكير جان يوم اربعاء رجعت لكيت عمتي كاعده ومبتسمه ويمه منى من فتت من يمهن
منى. اي الحمدلله راح تجي زنوبه باجر وتنور بيتنه
عمتي . اي يمه كل الاهلة بيه باجر من الصبح اجيب حرمل حتى اطكطكه من العيون
اني مشيت من يمهم يشوفني يكول هاي ولا مهتمة بس بداخلي بس اريد اصعد الدرج اوصل للغرفه حتى ابجي لان هنا اذا وكعت دمعتي شماتي تفرح بس دخلت ذبيت جنطتي بلكاع وكمت ابجي كعدت بالكاع وعيوني صب
دخلت شهد جاي من المدرسه
شهد. شبيج لمار شكو
لمار. عليج الله صدك باجر عرس حسام
شهد. 😔اي باجر هم متفقين وياهم اسبوع واحد حدهم بس اني ماكتلج ماحبيت اضوجج
حتى عرس ماكو هي بس تسوي حنا علمود
مامر ع الفاتحه مال ابويه وعمي سنه
لمار. اااخ ياكلبي ليش طاوعتك ومشيت وراك
لو باقي فارغ مابيك بس الفرح والضحك والعب ليش اذيتني ومشيت بدر كله شوك
شهد. والله جاي تكطعين بكلبي سكتي بسج
والله راح يتندم بكد شعر راسه عليج والله هو الخسرج مو انتي
لمار
بقت تحجي وياي واني كاعده بالكاع وعيوني صب اخر شي كمت ع جربايه وماحجيت ولا كلمه بس ساكته نمت بملابس المدرسه ماكدعت لحد المغرب كعدتني شهد
شهد. كعدي مايصلح الدنيا المغرب ياعني كافي راح تموتين ماحطه لكمه بحلكج صالج شكم يوم
لمار. ميصير بيه شي ماموت هيج اموت قبل مايجي باجر ورتاح. جابتلي اكل احاولت وياي ماكو اوني عتزلت كلشي مالي علاقه لابالبيت ولا اشتغل وعمتي جانت تخرب عليه وضوجني علمود اترك حسام وزجه زينب بعد صار التريد بعد ماكمت تخبث وياي بقيت ليل كله كاعده طار النوم من عيني اااخ ليل شكد كرهتة تدرون تمنيت باجر كلشي ينتهي تنكلب بينه الدنيا ولا حسام يروح مني حبيبي بقيت لصبح كاعده ودموعي صب من اجه الصبح يمه اليوم راح يروح حبيبي كن صار الصبح كمت بدلت خابرت جنات حتى نروح لان اني الخميس كلت ارتاح بيه لان كلش تعبت بس من عرفت اليوم عرسه افضلي اروح للمدرسه
عاد اخلص يومي واليوم اول يوم هيج يعدي بسرعه ماردت يخلص اليوم ورجع رجعت وياريت مارجعت شماتي كله موجوده وتضحك
عمتي وزهور . اسماء ماجيه شهد لكيته جوه تحضر غدي ماكو اي تحضيرات زواج صعدت فوك ولكيت غرفه حسام مفتوحه باوعت من بعيد لكيت منى ترتب بالغرفه زينه وتفرش فرشه عرس واني تخبلت ذبيت جنطتي بالكاع يم الغرفه ودخلتله
لمار. جاي سوين بغرفتي
منى. عيني غير اليوم احضره لا اخويه
لمار. شنو شنو انتي شكد حقير طلعي بره هاي مو غرفتي بعد تريدن طردني من غرفتي هي شبقالي بهل البيت بس هاي الغرفه
منى. احترمي نفسج هايو خلفله ع حسام خلاج بغرفه انتي هدية زين وساوالج قيمه وحترامج بس هذا الخاطر ابويه لان جان ميت عليكم
لمار. واني صريت ع سنوني والقران يا منى اذا ماطلعتي من الغرفه والله الزمج هسة اسحلج بالكاع سحل طلعيييي وجريته وطلعته بره وخذت من ايده القفل دخلت بالغرف قفلت الباب باوعت ع الجربايه مزينته وفارشه فرشت العرس كلهة تور اني اجيت ع الفرشه لزمته ملخته تملخ بيه ولد واكف لزمته كطعته
ابجي واكوال هي بس هاي بقتلي شبقيتوالي
بس هاي وتريدون تاخذوهة مني الله لايوفقكم ع حركه كلبي هاي ياربي عليك الحسين احرك كلبهم مثل ماحركوا كلبي بقيت كاعده بالغرفه
حتى مابدلت كاعد انتضر حسام شوكت جنازته تفوت ماكدر اطلع من الغرفه احس بس اطلع يغافلوني ويدخلون بيه حتى القفل مو كافي
صرت مثل الطفل مابقت عنده بس هاي العب
ويريدون ياخذوه منه بقيت كاعد صارت ساعه ب٤ دخلت سياره حسام اااخ اااه اسمع عمتي صلي ع محمد ودخلوا صارت سكته فضوالي كتلني بس اريد اعرف عنهم شي بره ساعه فتحت باب الغرفه باوعت من المحجر مال الدرج من تباوع ع الجوه تكدر اشوف المطبخ وغرفه عمتي مدي

ت راسي اسمع سوالفهن واسمع صوت حسام وزينب هم كاعدين كلهم
رحت دخلت وكل اذاني يمهم شويه سمعت عمتي دكلهم يله يمه اليوم بغرفتي ناموا سمعت دخلوا ونسد الباب مال الغرفه يمه اني كمت اشهك عيوني عشره عشره كمت ماسيطر ع نفسي وصوت البجي ينسمع شويه ندك الباب عليه
شهد. لمار فتحي الباب اني شهد
فتحتله الباب واني ابجي بخبال اول مادخلت
لمار. ااخ ولج شهد هسة هم سوه حسام راح من عندي هسة حاضنه باسه بخده هم يكله انتي ضحكه كلبي هم يغازلهة مثل ماغزلني
فرفحت حس نفسي مثل المحترك كل جسمه وماله علاج اريد اذب حركتي بشي كمت ع
الكنتور مال حسام طلعت كل ملابسه وكمت اشمر بيه كدام باب الغرفه ماخليله ذكر يمي ماخلي اي شي يخصه بس عنده بدي لوانه اسود دائما يلبسه احبه بقيته ماهن علية اشمره وياهن
يتبع

البارت 29

لمار
كمت اشمر بملابس كله حرك كلبي اريد اطفيه
كلبي ااخ ياكلبي انته الجبتني لهذا الطريق
شهد. ياعمري جاي سوين
لمار. ااااخ ياشهد حركه بكلبي محد يحس بيه
راح اموت
شهد. بس هيج جاي تاذين نفسج هسة تتخربطين
لمار. اريد منوم اريد انام ليل طويل حبابه جيبيلي منوم ماكدر ابقه كاعده
شهد. هسة انزال اجيبلج نزلت جابت حبايه منوم نمت ع الجربايه من جهة جان ينام بيه حضنت مخده مالته عيوني صب اذكر من جابلي البدله من لابس الدشداشه ااخ ينار غيرتي اتمنى هسة هيج عندي شي يخفيني ودخل غرفتهم وشوف شيسويله هم يتغزل بيه مثل مايتغزال بيه هم من ينام يحضنه حضن قوي ميخليه تتحرك ويغفه ع ركبته مثل ما ينام ع ركبتي بقيت ابجي بحركه منا لحد مااثر بيه المنوم مادريت بشي بعد
كعدت الصبح بس ياصبح ساعه ١١ الضهر
كمت من الفراش رحت غسلت وجهي المورم من البجي وعيوني جواهن سود من كد سهر هذيج الايام لميت شعري سويته ضفيره دخلت عليه شهد
شهد. هلو صح النوم لموش
لمار. هلو
شهد. يله خلينه ننزل جوه نتريك تره ميته من جوع
لمار. لا ماشتهي .بس ليش مامكله بحد هسة انتي دائما من الصبح تغبشين علينه كاتلج جوع
شهد. ياا غير مسويه ضراب وياج ماحجي ويه الجوه لاامي ولااخواتي وحتى حسام البارحه شويه كعدت يمهم وكمت حتى ماكعدت وياهم
ع العشا شون اكعد وياهم وانتي زعلانه عليهم غير انتي اختي وازعل ع زعلج حتى يحسون
بتانيب الضمير وحتى اسماء هي ناويه يوم الخميس تجي وتبات يمنه بس من سمعت الخميس تجي البومه ماجتي وهم زعلت ع زعلج مابركت لحسام
لمار. حبيتي وحضنته انتي اكثر من اخت الي
الله شاهد اعتبرج انتي واسماء اخواتي واكثر هواي توكفن وياي
شهد. لمار احنا مو علمود لان نكهر زينب وبس لا بس احنا ويه شخص مضلوم وانتي مضلومه من امي ومن اخواتي وهسة حسام هم صار وياهم والله جانت اسماء هم ماطيقج
حاله حال اخواتي الباقيت بس من شافتج طيبه وحبابه وفقيره غيرت نضرته واسلوبه
حتى قبل لادخلين بيتنه هي حبتج
لمار. الله يحققلجن كل شي تريدنه ع هاي وكفتجن وياي والله مصبرني ومنطيني امل انتن وحبجن اكوال لازم عمتي واخواتج هم فديوم يتغيرن ويصير سلوبهن مثلجن
شهد. انشالله .نسيت اكلج البارحه شنو صار
لمار. شكو
شهد. غير حسام بره مانمتي بساعه صعدلج اني موبقيت يمج ع جربايه بقيت اقلب بالموبايل وبقيت يمج هو صعد مبين شاف الملابس مشمره بالكاع دخل لكني يمج ماهتم اجه عليج كعد بالكاع بقه يباوعلج ويتلمس بشعرج ومقهور حيل اجه تقرب يمج باسج من خدج وطلع وداعتج حسيت بوكته اني جيس طحين كاعد يمكم ولا عبالك اني موجوده اصلا حسيت نفسي مختفيه
لمار. جذابه
شهد. والله ماشفني
لمار. ثوال صدك هو اجه البارحه للغرفه
شهد. والله قابل ماصدكين بيه .ها لمور حنيتي لحضنه تندمتي كون كاعده من جاي
لمار. اي كلش بس اني تمنيت كاعده حتى ادفره ع وجه بوكس اطير اسنونه شون يتقربلي واني مانعته بعد ميطخني
شهد. ودي ودي اصدكج بس قويه قويه (هاي جمله شهيره بمسرحيه كويتيه تنكال لليزيد بجذب)
لمار. لا صدكي بعد ماكو غلطت مره وماعيدهة نضحك عليه مره
شهد. خلي املج بالله ربج ماينسه عبده حشه
جاي نسوالف سمعنه عمتي تحجي بصوت عالي شبيج ماسلمين ع مرت اخوج الله يطيح حضج اي والله عرفنه اجتي اسماء رادت تكوم شهد شوف شكو دخلت علينه اسماء وجه عصبي بس من شافتنه ابتسمت
اسماء. شلونهن الحبايب شو كاعدات هنا لازم مسويات اضراب
شهد واني. هلة بيج
شهد. ها شو اجيتي مو كلتي بعد ماجي مدام اجتي زنيبه
اسماء. لا غلطانه اني انتن فاهيات ماتحمن نفسجن من هاي وعرفهة كلامه مسموم متكدرن عليه
لمار. وليش مجايبه سماوي وياج
اسماء. وشدراني اني كلت اجي اتعارك كلت هسة لمار كافشه زينب وجي اهد وياج مو مال اجيب بنتي حتى لابست تراكسود كلت خاف تنرافس عاد براحتي ارفسه برجلي
اني وشهد. هههههه ينعل بليسج
شهد.  بدل ماتهدين النفوس جاي تحركين خاف لمار ماباله تخلين باله العرك هههه
اسماء. وعفجن من ضحك تعالن شون جبتلجن ريوك يخبل فدشي فلافل تخبل
شهد. انتي عكس العالم تتريكين  باذنجان تكلاه لو فلافل لو بتيته
اسماء. اي هذا الريوك يخبل اطيب من البيض ماعرف شون تحبوه حشه نعمه الله يله هاج شهود لفتج لمار شنو تحبين عنبه لو صاص
لمار. لا ماشتهي
اسماء. شوف هاي خايبه عليمن ضايجه هو شون هذا المثل ها الي باعنا خسر دلعنه هااي
لمار. هههه هاي شنو الضحكه
اسماء. اندمجت ويه المثل ولج لا تهتمين هو الخسران وين يلكه مثلج حلوه وشاطره جان حسام نهار كله مطشر ملابس بكل مكان ومن يريد شي يكلب البيت عليه هسة من اجيتي
كمتي ترتبين شغلته وهلمتي ع ترتيب وكلشي يرجع المكانه والاكل مالتج يخبل والله اني من شفتج كلت هاي وين دبر بيت وعايله تلكيه سوي مركه والبصل مطوف يسبح بالمركه بس من شفت طبخج طلع يخبل
لمار. اني لو ما اليوتيوب واتعلم منه جان لحد هسة كلشي ماكو جنت يم اهلي بس تنضيف
عليه وين كل فتره لان ماما ابد بدراسه متخلينه نلزم شي بالبيت
شهد. ماله علاق

ه باليوتيوب انتي عندج نفس بالاكل مثل اني شكد سويت الكيكه ردت اضبطه ماضبطت وانتي سويته من اول مره صارت تخبل وطعمه خرافي
اسماء. عيني راح يتبهذال حسام بهذلة يعض من وره السواه اصبع الندم وكولي كالت اسماء لج عيني هاي زينب كلشي ماكو مكابله موبايل وكاعده شوكت ماتجيه تلكيه كاعده ع موبايل والاندومي مستمر غداه وعشاه بعد ماعرف تغيرت لا ربج العالم
لمار. اسماء مانضحك ع نفسنه بهل حجي تره حسام مدام يحبه راح يتحمله ولا راح يحس بشي لا نقصاني ولا هل الحجي مالتج لان اني مجرد شي راد يتونس بيه
شهد. لا غلطانه حسام يحبج وهم يموت عليج
لو مايحبج وع كولتج انتي فتره تونس بيج جان من كتيله ماريدك وطلكني طلكج بس هو  ماقبل والبارحه من اجه عليج بعيون حزن وجه مدخن وحتى من دخل هو زينب باوع بينه خاف انتي واكفه وضايج مطايق نفسه
اسماء. بابا لاتاذين نفسج وداعتج يرجع الج مراح يكدر ع فراكج بس انتي هملي الرجال يتخبل اذا شاف المره مامعبرته يعني ضحكي ونزلي جوه وسوالفي ويه شهد واكل خلي يكول هاي اصلا اني لاشي بنسبه اله
لمار. هو رجال يحب الاهتمام شون تكولين اهملة
اسماء. يحب الاهتمال من مشايف منه الاهتمام بس انتي جنتي مدللته وهسة راح تهملي يبقه يلوب وانتي صغيره راح يتخبل وتصير باله انتي بعد ماترديه ومتعبيره
شهد. غير يجن هو حسام غيرته تكتل نوب ماتعبره وماتفكر بيه والقران يسوي مصيبه اني ذاك اليوم كتله خليه تشوف حياته وهي بعده صغيره الف واحد يتمناه وحلوة مناقصه شي
هو راد يكسر الكلص براسي وطلع من البيت وعيونه يجدحن مانصحج لمار والله يسوي مصيبه حسام طبيعته يحب الاهتمام
اسماء. امشي وراي اني مزوجه وعرف هاي الحديقه شعرفهة
لمار. صح كلام اسماء حسلم فتره من ردنه نطلك وكمت اشرد منه وحاول ماكعد يمه يبقه يحوس بس يريد حجه حتى يصيحني ومرات اذا طالب مني شي وماسويه اله لوانسه لومشغواله يضوج ويكلي انتي هاملتني
اسماء. هههه مو كتلج امشي وراي وماتخسرين
لمار
بقينه نسوالف وجبرتني اسماء اكل وكلت اسماء لاتنزلين هاي الايام بحجه عندج متحان خلي يفقدج وبره عادي داومي مثل روتينج العادي بس ابد لاتحاجيه حسبي مامجود شخص مخفي خلصت الجمعه والسبت فوك ومحد حجه ولاسئل وحسام سمعت خطواته ع درج عرفته راح يصعدلي سويته نفسي نايمه نمت ع وجهي حتى مابين اني كاعده اجه فتح الباب كعد بصفي ع طرف جربايه واني قربه
كلش  يتعبني تقرب من شعري اخذ خصلات
من شعري وبقه يلعب بيهن واني مثل فلم اعمل نفسك ميت ماكو بس دكات كلبي مامسيطره عليهن نوب اني مو ع وجهي نايمه
وخره الشعر عن ركبتي وباسهة واني وجهي هيج 😱 ياربي شون عذاب كام بره بوسته طلع من الغرفه وسد الباب وراه اني كلت خاف لوتي بعده يريد يشوفني كاعده لو نايمه 
بقيت شويه نوب رفعت راسي باوعت ماكو احد كمت ودكات كلبي ماوكفت رحت باوعت ع المرايه وجه احمر فركت وجهي وكلت مالازم اضعف بعد اصير قويه ومنع قربه عليه
بقيت احوس لحد ماعرف شون نمت كعدت الصبح بدلت وكعدت شهد لان نومته ثكيله
رحت للحمام اغسل رجعت لكيت فلوس ع الميز هو يطيني كل شهر مصرف يكفيني مده شهر شون راتب من شفتهن تنرفزت بدلت نزلت لكيته كاعد هو وياهة بالمطبخ محد يمهم مادري عمتي وين دخلت بدون سلام خليت الفلوس ع الميز بعصبيه وطلعت بدون مانطق كلمه وحتى ماركزت عليهم مامحتاجه عوزه يصرف عليه بعد طلعت ادردم صدك نقهرت شنو ميته ع فلوسه الحمدلله والله ياله الله طلعت لكيت جنات ورجله من  شافني سلم عليه واني رديت عليه ومشى كدامنه
جنات. شونج لموره
لمار. زينه بخير بس تعبانه من الركص
جنات. ياركص
لمار. غير الخميس عرس رجلي ماتدرين
جنات. كوالي والله ضو مادري يالوتي ياعماد ماكلي واكوال كل شويه يكوال الله يكون بعون لمار واني عبالي ع الحجي صار وكله اي والله خطيه شون تسمع رجله يخونه وتسكت صرت مثل الاطرش بزفه
لمار. ليش ماكلج شعجب
جنات. مو ذاك اليوم تمالخنه من وراكم صرنه دجاجه وديج لان غلطت ع حسام كتله هذا مو رجال ليش يضحك عليج وهسة راح يزوج ولكن صاير شي وتمشي حياته وهاي المكروده
وكعت بيه وهو كب عليه شون تكولين ع صديقي مو رجال واله كلمه والي كلمه لحد كل واحد نام زعلان ع ثاني
لمار.هههه جاي احس اني صرت مثل فلسطين
كله جاي تتعارك علمودي .ولج لاتتعاركين وتزاعلين ويه رجلج علمود شي مايسوه وانتوا مزوجين جديدين لاتتعلموان ع زعل
جنات. لا ماطولنه بسرعه تراضينه خليته يجي يتوسل بيه ويراضيني
لمار. انتي الفاهية تكدرين تخلي يجي يعتذر منج ماصدك
جنات. خليت الج الفهاوة حبيبتي بعد متفيد الفهاوة وياهم تدرين سويت حتى يراضيني
لمار. سويتي
جنات. بنص اليل هو نام واني كاعده الوب شتاقيتله ماحب ينام زعلان عليه وكرامتي متنطيني انزل نفسي وراضيه فجتي خطه براسي عود بطني توجعني وكمت اون يم اذنه ولازم بطني وعصر بيدي ورحت طلعت بطل مي يمي خليته يم اعيوني عود جاي ابجي
وهو بس سمعني طفر ها ضبيج واني الوب
كلش ميته من الوجع كلي يله امضي خليني اخذج للمستشفى واني بس كل

ي مستشفى كمت اصفن كلت هسة من يكلوله مابيه شي وانفضح تلاحكت نفسي كتله لا ميحتاج عندي تقلصات مال حمل
لمار. ولج اني سامع اربع اشهر ثلاثه صير عده تقلصات مو هسة حتى جذب ماتعرغين جذبين
جنات.ولج هو شعرفه واهلة نايمين محد يدري ويحقق وياي كتله عفيه بس اريد اغسل وهسة ارتاح اخذني للحمام وماقبل اله يشيلني عباله راح يوكع جاهل اذا امشي وهم رجعني شايلني نوب سويت نفسي شويه خف الالم
وهو حاضني ويكلي سامحيني اني تعصبت عليج بدون سبب وحضني ونمنه واحد حاضن الثاني هههه
لمار. هههه خرب يومج طلع بيج بله
جنات. اي لعد شعبالج
لمار. يله امشي ام كرش
جنات . عابت غير حامل
لمار. اول شهر من الحمل بطنج تكبر عبالك اربع اشهر
جنات . ولج هذا الواتي شنو مخلاني اشتهي
حلويات كله مشتهيته تدرين البارحه شنو شتهيت بس ساعه بالواحد ماحبيت اكل عماد لان يبقه يلوم بنفسه اشتهيت كنافه ولوانه برتقالي
لمار. يا بس مو تحكين بوجهج من تشتهين شي بس صدك حكي شفتج اذا اشتهيتي الكنافه البرتقاليه حتى اذا طلعتي حامل بابنيه صير شفته برتقاليه هلة هلة صير تخبل
جنات. اي صدك خوش فكره ينعل يومج شنو من عقل زين نبهتين بس اوصل للمدرسه ابقه احك بشفتي
عماد. ندار علينه ويضحك ويهز بيده وحده اضرب من الثانيه هههه اثنينجن يرادلجن شماعيه
جنات . من شوكت تصنت علينه
عماد.  من جبتي بطل المي وسويتي نفسج تبجين بسيطه ترجعين لو لا
جنات. يبو نفضحت
اني اضحك ع حجيهم وصلنه مدرسه شويه طريق المدرسه متعب طويل بس اني ماحب الخط والخطوط قليل تجي لان اكثر الطالبات من المنطقه نفسه خطيه جنات هم بطنن كبرت عماد وحسام عدهم سيارت بس اني ماقبل اصعد ويه عماد وجنات ماتقبل تصعد وحده تستحي من زوج الثانيه بس هسة قرارت اني وياهة بعد نجي وياهم لان هي بعد موزين عليه واشهر الاولى خطره بيه المشي فاحسن نصعد سياره خلصت الدراسه مثل كل يوم وهل ايام مشددين ويانه حيل لان امتحانات نصف السنه مابقه عليه شي
واجتنه مديره جديده كلش مشدده لعبت بينه طوبه خاصه اني وجنات علمود حافين والحلقات بدينه كناله احنا مزوجات ماقبلت تكوال بعد ماكو بالمدرسه تلبسن حلقات لان طالبات جاي يقلدنجن وحفافه ماكو رجعنه للبيت وحنا كلنه لعاد قبل لاندخل للمدرسه الصبح يجيب السياره واليوم اجه اخذنه بالسياره يمه صدك السياره راحه راحت رجلينه من المشي نوب بارده وصلني للباب شكرت منه ودخلت لكيتهم كلهم كاعدين سلمت واني فايته حتى ماباوعت عليهم بس شفت حسام موجود بينهم صعدت للغرفه اريد اطلع للحمام ولكاني حسام بوجهي بس فتحت الباب
حسام. تعاي اريد احجي وياج
لمار. دخلت وماحجيت شي
حسام. ليش متاخذين الفلوس مثل كل مره ليش رجعتيهن
لمار. انته كلت هسة مو مثل كل مره
حسام. يعني شنو
لمار.  من اخذ منك جنت تعنيلي جنت زوجي  ولازم تنطيني بس هسة انته ماتعنيلي شي انته لاشيء بنسبه الي شخص غريب يصير اخذ من غريب فلوس طلعت من الغرفه قبل لايحجي شي غسلت وطلعت مالكيته بالغرفه
مانزلت بقيت انتضر لحد كل واحد راح لغرفته
نزالت للمطبخ باوعت مابقيلي شي من المطبوخ طلعت بتيته جاي اكشر بيه نزلت شهد
شهد. ها لمور شو سوين بتيته
لمار. اي جوعانه مامبقيلي غده كلت اكلي بتيته
شهد. لا ضميتلج غده بالفرن تحجي وياي وفتحت الفرن فتحت حلكه ياا هذا وين الاكل
والله ضميتلج اكل بالفرن فخذ وتمن خلي اشوفه خاف بثلاجه راحت يم ثلاجه دورت بيه ماكو وجانت يم الثلاجه سله زبل (تكرمون) صارت عينه عليه وهي عيونه كامت تجدح . يااا شوفي مذبوب بزباله وراحت ع امه جانت نايمه بالهوال. يمه من ذاب الاكل بزبل
عمتي. امدري يمه اني بعد شربت جاي ماكمت للمطبخ وزينب غسلت الماعين
شهد. ها هسة عرفت منو شمره نسيت عدنه حية خبثه اجتي عليه .شهد سةده علية جايه تعبانه وجوعان نوب ماتلكين لكمه
لمار. لا اسم الله عليج ليش هيج تحجين يله عادي هسة اكل فنكر هم مشتهيته حبي لاتوفتج الضهرية صعدي اخذيلج نومه
شهد. اي والله كلش تعبانه يله عمري اني صاعده
صعدت بقبت اني اكلي عدنه هيج شون المخزن مخلين بيه الطباخ حتى لا يدمر المطبخ بدهن مال تكلاه كملت تكلاه طلعت صار مقابيلي حسام طالع من الغرفه مالت عمتي ينام بيه هو وزينب بيده الخاولي اني بسرعه رحت كعدت ع الميز صار ضهري عليه ميشوف وجهي وكعن دموعي ماسيطرت عليهن
مسحت دموعي نسدت نفسي عفت الاكل بمكانه وصعدت لفيت راسي ونمت ساعه كعدت اقره لان عدي امتحان وذكرت جنات مشتهية كنافه واني شو هم صار بنفسي اكل كنافه وجنت ماماكل صدك شتهيت رحت طلعت فلوس من جنطتي لفيت حجابي نزلت بالباب يصير مقابيلنه جهال دائما يلعوبون صحت واحد بيهم كتله جيبلي كنافه برتقاليه يبيعون شعريه بالمحلات بس لازام اني اسويه خطيه بسرعه جابه وياهة دزيت قشطه حتى احشيه
وفستق اخضر كعدت اسويه وردته بس تستوي حتى اكله خليته بالفرن وحضرت الشيره ستوت رشيته بشيره وزينته بالفستق وبطنه خلطه اخذته من النت مال كنافه صار شكله يموت اني سويت هواي حتى ادز ماعون جبير حتى ادز لجنات خط

يه اليوم ماتت عليه
قسمته خليت بماعون ست قطع عيب خاف واحد من عيالهة هم ياكل دكيت عليه كتله عفيه دزيلي واحد من جهال حماج اريد ادزه ع شي كالت ميخالف حبيت افاجئه شويه اجه جاهل عمره ١٢ سنه بس حسام جان واكف بالباب كام يخز بيه لان احجي ويه الاولد
لمار. حبيبي هذا انطيه لعمه جنات كله من لمار
الولد. انشالله خاله وراح
حسام. بعد كليله حياتي جان بستيه
لمار. ماجوبته دخلت جوه
حسام. اوكفي لزمني من ايد شو احجي وياج متجاوبين شنو كدامج زعطوط
لمار. لان حجيك ماله جواب وغيرتك ماله معنى تره جاهل عمره ١٢ سنه يعني طفل
حسام. اني بعمره اباوع ع البنيه وافصله تفصل يعني بعمره كمت اعرف شنو بنيه
لمار. هاي انته بس هو طفل بريء ماعده هاي سوالف
حسام. شنو تقصدين اني موبريء بصوت ناصي
جنت بيء لحد تخرج اني بريء بس من شفت صرت وكح واباوع وعيوني وكيحه
لمار. دفعته ع كيف ورحت قربه يوترني اني ماريد ابين ضعفي كدامه رحت للمطبخ طلعت
ماعون كنافه واكل نزلت شهد هم كعدت تاكل كنافه وكلش عجبته وهي ملت البيت ريحه تخبل اني اكل وعيني ع الماعون ثاني صدك معت عليه دخل حسام علينه ها صدك زينب نايمه من نوع نومه ثكيل تحب النوم وعمتي كاعده بالهوال صلي قبل المغرب نوافل والعمي هي كل يوم هيج
حسام. هاي شنو الريحه تخبل مامصدرهة
شهد. هاي كنافه مسويته لمار رجعت تاكل
حسام. بصوت ناصي كنافه وسوي كنافه هاي هي يرادلنه اطفاء حتى طفي حرارتنه
اني سمعته بس غلست
شهد. شنو شتكوال
حسام. هيج مو وياج ويه الكرسي اكواله كون اني بمكانك هسة وباوع عليه اني درت وجهي ماعرف ليش كلامه يدغدغني يخليني اضحك
بس اسيطر ع نفسي كدامه حتى لا يكوال
بعد بيه امل تحبني
شهد. وداعتك مجاي اعررف شتكوال النكليزي مطيح حضي مخليني مثل الاثوال
حسام . حبيبتي انتي اصلا ثواله
شهد. بس تغلط زعلت
اني كمت عنهم دكت عليه جنات خليت الجهاز بذنه لازمته بكتفي حتى اغسل الماعون وصعد
جنات. اروح فدوه للخوات ولج شنو انتي والله حتى اني نسيت شذكرج بيه
لمار. هههه شون احتي مشتهي شي وماسويله
جنات . فدوة اروحلج والله اني جنت اخابر بامي ودخل ابن حماي بيده الكنافه سوالفت الماما كتله هاي لمار وسالفتله ع طيبتج دعتلج وقت المغرب كالت دعوه غريب مستجابه وبعد وكت المغرب دعتلج الله يسهل امرج ويفرحج ويمحي كل شر من طريقج
لمار. الله يحفضه اروح فدوه اله ودعائه صدك دعائه ع الجرح بقت تسوالف وياي اخر شي كطعته منه وكملت دراسه كمت غسلت ملابسي
اجتني شهد بالحمام
شهد. محتاجه شغلات من الصيدليه اني طالعه
لمار. بس جيبيلي .. خاف تجي الشهريه
شهد. شنو بعده لحد هسة مجايه ولج بس لا حامل ولج هذا الحمام بيه سر كل مره تفرحيني بشغله واحنا بيه
لمار. ع كيفج ع كيفج يمه اسم الله
شهد. ولج ليش حرام هيج تحجين
لمار. ولج خطيه شنو ذنبه جاي هو اني ماعرف شنو مصيري نوب خطيه اخلف شنو ذنبه يجي لهيج بهذالة
شهد. تركي عنج هذا الحجي اني رايحه وراح اجيب وياي جهاز يكشف حمل راحت ركض
اني رحت صليت بس كملت صلا لكيته واكفه فوك راسي
شهد. يله روحي درري بهذا الكلاص
والله سويت التحليل واني ميته خواف ماريد يطلع حمل مووكته خطيه شنو ذنبه ينوالد ويمكن اني بره فتره اطلك من حسام خلصت المده مال تحليل طلعت النتيجه بس خط ضاجت شهد حيل اني حسيت هم ونزاح عني
كملت الايام كل عاده مثل كل يوم اني بره تحليل نزلت عليه شهريه بس مو مثل كل مره وكمت من اتعصب اذب حركتي بالاكل
حسام حتى اهلي كام ميخليني ابات يمهم يجي وياي ويروح وياي خاف من يتركني اعاند ارجع وياه . المديره كلش زهكتنه ماكو حفافه وجهي صار صوفه وجنات بعد اضرب وعصبيه بسبب الحمل ذبينه الحلاقات بالمدرسه
اني كمت انسه من ارجع البسه فيوم من الايام كلي حسام يله امشي خلي اخذج تشوفين محلات ابوج اني ابد ماطلب منه ولا حاجيه بس انفذ الشي يفيدني انفذ والشي مايفيدني ماسويه وها صدك هم زينب داوم جامعه حسام صاير عصبي لان هي ضروطه ماتخلص وكل سبوع لازم تطلع وتشتري ملابس وشرط اله راقي واحسن شي هو ماكلكم بخيل بس رجال يمل مو كل اسبوع هم الله مايرضاهة هم هي عده خط ومصرف شهري
فهو حضري نفسج العصر اخذج للمحلات ابويه الله يرحمه بدلت وطلعت انتضره واني هل ايام شويه سمنانه صايره كلش حلوه خدودي حمره وجسمي موعدي خصر يعني ماعدي اكتاف عريضه بس شويه من جوه سمينه فجسمي مغري صاير كعدت انتضره هو يمشط شعره واسمعه تتمالخ وياه شنو تاخذه وليش هيج مهتملة شو هي مطايقتك وهاملتك هو طلع وركع الباب وره اني من اجه كمت ورتب بملابسي هو باوعلي من فوك ليجوه
حسام. لمار شنو هذا لبسج شعدي عرض ازياء
لمار. قابل شبيه عفيه حسام لاسوي مشكله تره اني مناويه اروح انته كتلي خلينه روح متريد ارجع ماروح
حسام. ماكتلج ماريد اروح بس هذا لبسج كلش ضيق واحنا رايحين محل رجالي واني كل مره ماحجيج ع لبسج لان روح بقت ناس بيه قليله بس هسة الدنيا عصر وعطله ناس تلكيه كومه
لمار. تره مو ضيقه بس عيونك شوف كلشي ضيق لبسه مناسبه مابي

ه اي شي يخلي واحد ينتبه عليه
حسام. ماكو ترحين تلبسين جبه بسرعه وهمةاسلاميه ماريد نوب هاي التركيه جنه بدله
لمار. الله يصبرج ياروح اول مره هيج احجي وياه بعد زواجه من زينب ماحبيت اكمل وياه عرك صعدت لبست جبه اسلاميه وختارت احلى وحده اله احرك كلبه نزلت بيه والله لو مبقيني ع هذيج البسه ارحمله من هاي هو  شافني كام يستغفر اني فتت منه صعدت بسياره بدون كلام وصلنه رحنا للمحل الاول اخذت الاجور من الولد خطيه رجال امين كلش وحريص ع شغل واني صرفتله راتب كلش عالي حتى لا يتركنه رحت للمحل الثاني
وهذا كلش شالني المحل ابد مابقه بيه عامل كل فتره يروح واحد وحتى هذا الجاي كلش مهمل ونص المحل فارغ اني من شفت المحل فارغ وناس بس يمكن بيه اثنين بقيت اتناقش وياه وكله ليش هيج هاي فارغات ليش مجيبون بضاعه اني موكل شهر انطيكم حساب بضاعه وحجي وحرك بديه ع رفوف وتعاليك ملكانات اباوع ع حسام ركز ع ايدي وعيون كامت تجدح باوعت ع ايدي يمه ناسيه ملابسه الحلقه شيخلصني من السانه طلعت من  المحل صعدت السياره وهو ولا كلامه يسوق سريع وصلنه مكان مابيه ناس وزدحام
حسام . ها ست لمار ليش ملابسه الحلقه
لمار. نسيت
حسام. نسيتي لو تريد تكلين للناس تره اني مومزوجه صالحه للزواج لو اني غلطان
لمار. عفيه لا تبقه اتالف بكيفك جاي اكلك نسيته وجاي انزعه بالمدرسه علمود المديره متقبل مو بقصدي من طلعت نسيت اخليه بيدي
حسام. هااا صح بستهزاء
لمار. شو عبالك شوان جاي اجذب عليك وكف صدك وانته شعليك البس مالبس بكيفي هذا شي راجعلي فوكاهة انته ماعجبك هسة انته ع حلقه كلبت الدنيا لعد اني شكوال من خنتني وضحكت عليه وزوجت ومشيت حياتك عادي ولا كان اني موجوده بحياتك وهسة جاي تعتبني ع شي حديد لعد اني البشر مافكرت بيه من طلعتني من حياتك هااكمت احجي بعصبيه
حسام. لج ليش ماصدكين بيه جاي اكلج والله
ماخنتج
لمار. صدكتك لو انته حجيك صح جان ماتقبلته وكتله ليش هذا كله سوه اهلج ليش تقبلته زوجه الك ها ليش ماكلت هاي شيصير بيه من سد باب غرفتك كل ليله من تدخل لغرفتك احترك بنار اكوب الوب مثل التطلك مافكرت بيه ماكلت هاي صدكت حبي وصدكت كلشي سويته اله ماكلت هاي تحبني شنو يصير بيه هسة جاي تحاجيني وتسويني اني غلطانه لك كافي هم بشر اني انته شخص نذل مخليتني ابقه ابنيه وحفضت ع نفسي خليتني معلكه انته شخص اناني
حسام. كافي كافي بس سكتي والله ماردت اكسرج ولا كله البالج جان بالي والله احبج
وجه يريد يمسح دموعي اني دفعت ايده
لمار. لاطخني عفيه ودينه للبيت حرك سياره واني درت وجهي عنه وصلني للبيت وهو اخذ السياره وطلع مادخله جوه دخلت وكلبي مشتعله بيه نار فتت من يمهم كاعدات بالاستقبال ذبت حجي زينب
زينب. اي كح... ميخلن واحد مرتاح مهات سحوره
اني طاكه روحي اريد اذب حركتي بواحد وهي اجتي بوكته رحت عليه جانت كاعد قريب ع عمتي نزعت شالي وتقربت عليه كتله هاي عليه الحجي
زينب. اي عليج اكو مانع
لمار. لزمته من ركبته كتله من امهات سحور تره ماكو غيرج بهذا ام سحوره انتي وحبايبج
خوش وماكو غيرج كح.. اني عاد امشي ويه رجالي بس شتكوالين للي تطلع تتفتر بالكليه وحاصر نفسه بنطرون وبدي طافر تره معبالج حسام ظايشوفج وطلعين من وره هيج لايس اني اشوفج كل يوم بس محترمه ماحب مشاكل جان كلت لحسام ضربته ع صابيعي ع  خده بس عكيف ورحت عنه ماحس اله نجرت ضفيرتي جنت مسويه ضفيره من فتحت شالي نزلته ندرت ولكيت عمتي جاله ضفيرتي واني صرت انار
لمار. عمه تركيني
شهد. يمه تركي لمار
عمتي. كومي زينب صفكيه راشدي شون تمد ايده عليج وسبج كومي
لمار. عمه تره عيب صيري عادله هي البدت وسبت عوفيني شنو جريني ااخ اباوع ع زينب كامت تريد تضربني واني صرت نار بس اجتي تقربت عليه لزمته دفعته بالكاع ونمت عليه ملخته تملخ وعمتي تجر بضفيرتي تريد جرني عن زينب زينب اطوال مني بس ياطوال مني سويته وصله مسح ذبيت حركه كلبي بيه وهي هم تضرب
لمار. ولج تريدين ضربيني طخيني وشوفي والقران اخذج لهلج اجناز لاعبالج فقير وماكدر اخذ حقي والقران اني فد وحده كلبه ويطخني موبس اعضه لا افترسه وهذالحجي لازمته اكافش بيه
يتبع
#باجر النهاية

البارت 30

لمار
جرني حسام من جبتي اني كلت هاي هي بعد متت اخذني يجر بيه صعدني الدرجه وماكو مايحجي شي شهد اجتي تركض وره
شهد. عليك القران عوفه حسام جرب بيه من ايده بس هو اقوه منه لزمني واني صرت مثل البزون خايفه لان حسام كلتلي شهد من يتعصب يفلش البيت تفلش الله اعلم شراح يسوي بيه . شهد والله هنا البدن وياه انته متعرف لمار بس هنا عصبنهة وخلنهة تحجي هيج وصلنه للغرف فتح الباب دفعني جوه اني كعدت بالكاع وتكرفصت لميت كل جسمي حضنته ودموعي تصب يوم الي اجيت بيه ادفع ع نفسي حسام اجه صح اني حجيت حجي غلط بس والله مليته بعد مابيه اتحمل
قبل لايدخل لزمته شهد من ايد وبيد يده الباب بداعت ابويه لا تضربهة
حسام. شهد روحي لا اجرج وياه
شهد. حلفتك باعز شخص ع روحك اذا هسة هو موجود مراح يقبل تطخه حسام ضربتك قويه وهي ناعمه والله ضربه منك تروح تموت بين اديك دفعه وسد الباب اني من قفل الباب كلت وين انطي وجهي يمه راح اروح بيه باوع عليه اجه يمي
حسام. بعصبيه ليش تحجين هيج ع امي
لمار. اني ماعرف شنو احجي بس دموعي تصب
حسام. جاوووبي لاتبقين ساكته احجي وكام بعصبيه ع عطور اخذ عطر كزاز اني خليت راسي بين رجليه عبالي راح يضربني سمعت شمر وصوت الكزاز بس ماكو شي يمي رفعت راسي اباوع لكيته شامره ع حايط نوب اخذ عطر ثاني هم شمر مكياج شمره ذب حركته بالغراض عرفت ميريد يضربني شويه امنت
كعد ع طابوريه طلعلة جكاره كام يدخن نزل كعد يمي صار مقابيلي
حسام. ليش هيج جاي سوين وين راحت لمار الفقير الحبابه ماتحجي العاقله اتسمع الكلام وين هسة وكحه مسمعين الكلمه عنوديه لعبالج اني مادري جنت بامي جانت شون تعاملج وشون تخليج تشتغلين بس جنت ماحجي اكوال مدام هي ماتكلي ولا ضايجه ليش احجي وسوي مشكله جبيره تره كلشي اعرف بس اسوي نفسي ماعرف جنتي ماتحجين امي سبج وتذب حجي اشكال ونواع عليج ليش هسة تحوالتي ١٨٠ درجه والله مرات اكوال مو هي هاي لمار وين تردين توصلين فهميني تريدين اتركج واديج لهلج بعد ماتتحملين عيشتنه مجاي تتقبلينه
لمار.عيوني كامت تجري من حجيه نهضمت
اي حسام اريد اروح لاهلي وديني لاهلي
بعد ماريد ابقه هنا
حسام. حاضر اخذج بس هسة امج وخواتج راحوا هم وبيت عمي للنجف باجر اله يجون حضري نفسج باجر العصر اوديج وانتي حره
وخذيلج ضكم يوم فكري اذا تريدين اطلكج
اني هم حاضر متريد مره متريد تبقه ع ذمتي اني بالاول عبالي حاله عصبيه وكلت كم يوم وتتغيرين بس هسة صارلج شهر وانتي نفسج اصلا جاي زيدين فتح الباب وطلع
لمار. اني من طلع كمت ابجي خوف ندم ماعرف شنو دموعي لان جنت متخيله راح يتركني جنازه حتى طخه مطخني هذا موقفه خلني اندم ع الكلته وخاصه من كلي براحتج اذا تريدين اطلكج كلش اذتني من راح وره شويه دخلت عليه شهد تباوع ع وجهي وجسمي تريد شوف اكو اثر ضرب
شهد. ها شنو ضربج شو مابين عليج مضروبه
تحجي وتباوع عليه بخوف
لمار. ماضربني
شهد. صدك لعد شنو هذا الكزاز التفلش اني عبالي فلش الغرفه رحت اركض تو١ست وقريتلج سوره الرحمن حتى يهدىء
لمار. كسر العطور بس مطاخني وكل انتي حره يعني راح يطلكني
شهد. شنوو ولج بس لاانتي كتيله ماريدك
لمار. اي
شهد. انتي صدك مصيبه مو الولد يموت عليج ليش هيج سويتي خرب حضي اي والله ويعني راح يطلكج
لمار. لا بس كال روحي لااهلج وخذيلج كم يوم فكر واذا تردين طلاق اني اطلقج
شهد. بس لاتردين يطلكج
لمار. مادري كلش محتار اني جاي احجي وياهة اجتني لوي بطني شهد ااخ بطني
شهد. شبيج لمار شوي وجهج صار اصفر ضنو انتي جايتج شهرية
لمار. اجتي قبل شكم يوم وهل مرة كلش اذتني شهد جاي احس اكو رطوبه كمت اباوع ملابسي شويه مدمرات دم اني كل بالي شهري
بقت شهد يم باب الحمام تنتضر طلعت كتله هاي شهرية لاتخافين ماكو شي
شهد. هاي بس خفتي هيج صار بيج يلنازكه لعد لوصافكج الراشدي مالته المشهور جان سويتي يمكن للنجف كبل ناخذج
لمار. شهد بدون شقه بطني جاي توجعني
شهد. باوعتلي بقلق اخذج للدكتوره قبل لاتعزل
لمار. هي قريب ااخ
شهد. اي قريبه بس لازم احجز خاف تعزال بله بلكي اكه رقمه عند ماما شويه واجيج لبسي ملابسج
لمار. اي راح البس بقيت اتوجع شويه اجتي شهد
شهد. يله لمار ستعجلي خابرته خلي روح اني شاكه لمار طفل وكع او جاي يوكع
لمار. اذا جاي يوكع خليه احسن اني راح اطلك شكو هو باقي
شهد. اسنغفري من ربج ميصير هيج تحجين
مشينه وذكرت
لمار. صدك خابرتي حسام
شهد. يبو نسيت طلعت موبايله الو حسام
حسام. هلو شهد شكو
شهد . لا ماكو بس شويه لمار عده شغلات نسائيه وكلش متاذيه من بطنه
حسام. يعني شنو بيه بقلق
شهد. هي شغله نسائيه عيب اكلك اني بس ردت اكلك خاف تجي تكوال ليش متكوالن قبل لاطلعن
حسام. اني قريب عليجن هسة جايجن اخذجن يله نزلن
سدته ونزلنه اني وشهد بس اني ميته من الالم كوه امشي عمتي كاعده ودايره وجه هي قبل شونه نوب هسة شويه دك هورن حتى نطلعلة رحنا واني الالم يكطع بيه تكطع يروح ويجي مو ثابت بس يبهت روحي من يجي
اني صعدت وره لان مو مال اكعد بص

در اريد ابقه ع راحتي الصدر يخنكني بقت لوياتي ترجع وتروح مره من لويات من راحت رفعت راسي صارت عيني بعين حسام بالمرايه يباوعلي يباوعلي بخوف مطولنه بسياره بسرعه وصلنه حسام راح وكال من تكملن دكن عليه شهد اخذتني للدكتور وكلتله حاله طارئة واني صدك حالة طارئ يشوفني يكوال بعدله شويه وتموت صرت صفر كركم دخلتني
دكتور باوعت عليه
دكتوره. ها ماما شبيج
لمار. دكتور بطني توجعني وشهريه نزلت عليه كلش قويه مو مثل كل دوره اخذتني ع سديه وخطيه شهد واكف يمي
دكتوره . سويلي سونر وتحجي بس ليش هيج صفره كلش صفره
شهد. دكتور مو هي خوافه وماتتحمل الالم بسرعه تصير صفر هاي شهد واكفه وره البرده
دكتوره. هاي انتي حامل ماما مبين بجهاز صالج شهرين شعجب متدرين بنفسج
شهد. دخلت من وره البرده وتكمز دكتور حلفي كوالي والله حامل
دكتوره. ههههه والله حامل ليش هيج نازل زيني ولحكتي لازم اسويلج ربط
لمار. دكتور عادي ينزل مدام بعد اول شهرين يعني بعده صغير
دكتوره. ماما ميصير اني مانزال اي طفل وحرام طفل تنزلي اني حلال عليه اذا جان امر كلش اضراري وبيه حيا او موت بس مانزله حدي عمره عشرة ايام لان وره هاي الفترة يبدي يتكون يصير طفل وقبل عشر ايام يسمونه كيس حمل يعني نكدر نزله بس هسة انتي بحالتج اصلا لاتفكرين لان متكون عنده قلب ودكات تردين سمعيه بدت تحرك بجهاز ودوس دكم كام يطلع صوت دكات كلب
مثل مشيه الحصان بسباق بقيت ابجي
شهد. دكتوره عادي سويله ربط مالج علاقه بهاي الخبله تحجي هيج لان زعلانه ويه رجله
دكتوره. هاي شنو بله اني وشهد بقينه نباوع عليه 🤤هيج .
دكتوره. بله شويه نامي من هاي الجهة هههه هاي انتي حامل بتوام هههه لواتي جان خاتل وره اخوه
شهد. صدك دكتوره عليج الله
دكتور. انتي مترتاحين الله وغحد يحلفلج يابه حامل بيتوام والله
شهد. بصوت عالي عفيه باخويه والله وطلعت
اسد
اني ودكتوره ضحكنه ع حجايته ههههه
شهد. اسفه دكتوره والله من كد الفرحه ماعرف شكمت احجي
لمار
ماعرف شنو شعوري بس جان شعوري واحد هو ماريد الطفل نوب توام يمكن حتى طلاق ميصير اطلك وحسام اذا كله ميخليني بعد حتى اروح لاهلي بقت دكتور سويلي ربط وشهد طلعت منه دكتوره كلتله جيبيله عصير خلي توازن ضغطه ويخف الصفار بقينه ساعه يمه كملتني شهد اجتني ساعدتني ونبهتني ع انو ماكو حركه وزوجي ميتقرب مني وماشيل شي ثكيل طلعنه من العياده وكعدنه ع كراسي
بره شهد رادت طلع موبايله ودك ع حسام
لزمت ايده
لمار. شهد ماريد حسام يعرف اني حامل
شهد. ليش تحرميه من الفرح
لمار. ماحرمه بس هسة من راح نكله راح يتخبل وميخليني بعد اروح لاهلي وابقه يمكم
تخيلي زينب تعرف اني حامل شراح سوي تلعب طوبه تحتار شسوي واني اخاف منه اقل ضي سويه اتخيله تدفرني ع بطني اذا متريد سوي شي احسن شي ماكوال لحد وروح لحد شويه استقر وصير زينه اله اكله
شهد. ها خوش بس من ترحين شنو راح تكوالين لامج
لمار. اني افهمة بحجه اني حامل وحسام كلي روحي يم اهلج ارتاحي لان ميصير اتحرك
شهد. ياذكيه ادري راح تكوالين لامج بس اذا اجاكم حسام فديوم وحجته كدامه كلتله لمار حامل
لمار. ياذكيه حسام اني راح اطلع منه زعلانه واتفق وياه ميكوال لامي عن مشاكلنه لان هي مريضه ماله خلق مشاكلنه يعني مراح يجي بالمختصر المفيد لان احنا زعلالين
شهد. والله خطيه تخيلي هسة تكليله اني حامل بتوام يمكن يجي مشي مايجي بسياره ويرجعج للبيت شايلج ع ضهرة
لمار. هو اني هذا قصدي ماريد حسام يضطر يرجعني علمود حملي لا اريد من ذاته هو بدون اي شي يضغط عليه هسة يرجعني علمود الحامل بس ورهة ابقه اني معلكه ليش متكوالين اني شنو ذنبي واني خطيه
شهد. بضوجه بكيفج بس ضنو تكليله هسة
لمار. كليله عده اتهابات والدكتورة سوتله علاج
شهد. والله عمي هوش واني شعليه شكلولج عليه المتكلم باسم الشعب متكليله انتي
لمار. ماريد احجي وياه
شهد. والله ساكته عليج علمود هذوالة بطنج ونزلت ع بطني سويلهم هلو بيده ولك هلو عمه شلونكم اني عمتكم شهد وبعد عدكم ٣ عمات غيري ابشركم خير واحلى شي طلعوان هم بنات حتى تكتمل السبحه
لمار . اي هاي هي فضحتينه ولج سدي حلكج لاتنشين وتحجين كدام احد غير ادفنج
شهد. عابت طيرين فرحه الواحد دكت ع حسام كله ١٠ دقايق واجيجن . لمار تخيلي اسماء تعرف انتي حامل وهم توام والله تجي بيده جفيه وتهز من بيته لحد بيتنه مشي وتغني مضغوطين ومضغوطين ع عناد المصغوطين
لمار. هنههه لا ولج هاي ماتلمح تطيه بالكصه كبل تدرين شتكوال توكف كدام كل البيت ربي وخره عين زينب الحيه من لمار وحفض جهاله
بس تريد واحد ينطخ بيه حتى سوي عركه
شهد. هههه تموت من طاري زينب
بقينه نضحك وهاي الخبله كل شويه مطلعتله اسم تكوال هم ولد وبنيه لازم نسميهم نفس الاسم
شهد. راح اسميهم فخري وفخرية
لمار. عابتلج ولج شنو هاي الاسماء منين جبيهة جاي نداهر وجه حسام بسرعه خزرت شهد حتى تسكت هو دخل يباوع عليه
حسام.ها بشرو شكالت دكتوره
شهد. لا ماكو شي بسيط بس لمار ماتتحمل شويه لاتهابات وبالجاري

البوليه ورمل انطو سكته كلشي ماحجي بس هو وجه عليه صعدنه بسياره وصلنه من دخلنه عمتي لاكالت شكو ولا شنو شصاير عبالك مالنه وجود باوعت ع زينب خده مخرمش كلت بكلبي حل لعد تريدني اسكتله صعدت بدلت اجتي شهد وبيده علاليك طلعت جايبه ويه العصاير نص دجاجه شوي كعدنه دكيناهة اني صايره جوعيه وهي هم وياي ع واهس بقت يمي وكل شويه تطلعلي صور جهال توام كمت اباوعلهم بحنيه وحب وباواع ع بطني اتخيلهم حلوين مدنفشين اروحلهم فدوه بقت يمي نايمه شهد الصبح ماخلتني انزال اشتغال هي شتغلت للعصر  كلي حسام يله حضري نفسج صعدت حضرت نفسي نزلت بيدي جنطه لكتني شهد وعضت اصبعه
شهد.  بصوت ناصي هسة من اطيج بوكس هم احد يكلي ليش غبيه شون شيلين ثكل اووف منج
وخذت الجنط من ايدي نزلتهن اني حضنته كتله
لمار. شكرا عمري راح اشتاقلج
شهد. اووف اكره الوداع حقيره عود مو تكطعين وياي
اني حاضنته باوعت ع اامطبخ حسام كاعد ياباوع علينه وعيونه كله حزن كلش ضايج
اجه اخذ الجنط راح اخذهن للسياره مريت من الاستقبال لكيت عمتي كاعده
لمار. عمه اني رايحه اني البارحه صح غلطت بحقج بس اني من هيج حجيت جنت مقهورة
مافديوم وكفتي وياي كلشي بيه ماعجبج تغلطين وتسبين واسمع كلام انواع اشكال بس كل هذا كلت ميخالف هرة جبيرة وبعده متعرفني صار التريدي وحسام اخذ بنت اختج
كلت هسة تتركني بعد بس زدتي عليه كمتي  انتي وزينب عليه يوم مالكه اكل ويوم الكه الماعين مامغسواله ويوم ترزلين وذبين حجي كدام زينب ابد ماحترمتيني يوم اجيت ادافع عن نفسي طلعت اني غلطانه وهسة اني راح اسويلج الي جنتي تتمني هو بعد مارجع لهذا البيت وجنتج زينب تحققت كل امنياتج بس اكلج ع كلشي سويتيه بيه مامبريه الذمه لحد يوم الدين وطلعت من يمه هي بقت ساكته بس تهز بيده عود ماعجبه الحجي صعدت بصدر يم حسام
لمار. حسام لاتكول لامي عود فترة واني اكله
حسام. اوكي لمار ومدرستج شون
لمار. هو امتحان نصف السنه وره اشوف شون انقل نفسي
حسام. وطريق شون
لمار. ماعرف بعد موبالي بعد سكتنه وصلني
سلم ع ماما بالباب وتحجج بشغل حتى لاتكله ادخل ماما من راح حسام تعجبت من جنطتي
لان جبيره كل مره اجيب بس لبسه وحده
دخلنه اخواتي جانن نايمات
ماما. ليش يمه هيج جايب ملابس هواي شنو زعلانه
لمار. لا ماما مو زعلانه بس ماما اني حامل واطفال نازلين دكتورة سوتلي ربط وكالت ماريدج تتحركين كلي حسام احسن شي ترحين لاهلج
ماما. الهم صلي ع محمد وال محمد صلاوات يمه مبروك بس يمه سمعت تكوالين اطفال حسيتج تكوالين عن مجموعه مو واحد
لمار.ههههه اي ماما حامل بتوام
ماما. ياولج تحجين صدك  منين اجوج
لمار. من السوق بلي جبتهم يمه غير اني مزوجه
ماما. ولج ع توام ولج ماكو واحد بعشيرتنه عنده توام
لمار. ههه شدراني منين اجواي بس ماما عندي شي
ماما. اي كوالي مشتهية شي
لمار. لاماما هههه شوفي بس اني وحسام ندري بهذا الشي وشهد بس محد يعرف غيرنه وهسة انتي واخواتي خوش ماربد احد يعرف حسام محرص اكوال لحد يكلي اموتج لان يخاف عليه من العيون
ماما. ياا حتى عمتج ولج عيب تزعل عليج
لمار. ماما عمتي ماكتله هو حسام كلي ماريد احد يعرف هو مو علمود عمتي بس عمتي تسوالف كلشي لزينب واني اخاف من زينب
بعد ضرتي هم الغيره تخليه كلشي سوي فكال ماريد طير طاير يعرف بس اني منو يفرح ع فرحتي غيرج انتي واخواتي فكتلج حتى مازعلين (خوش جذب صايره بجذب استاذه)
ماما. هذا حلكي اذا فتحته وسوت حركه سحابه عود سدته حتى حسام مابركله
لمار. بكلبي خوش تريد تبارك لحسام. لا ماما فدوه ابد ولا تكليله خلي هو يحجي
ماما. اي يمه حقه توام مو هين واحد يخلف توام غير العيون شيله وطكه عليج لمار شطاري عليج كوالي ولج لاتكعدين عيج تمددي ع تخم يله بله تمددي ع تخم
لمار. ماما بس خلي ابد
ماما. لا شويه رتاحي هسة تلكيهم من سياره
واحد ركع براس الثاني سودة عليه يمه اروحلكم فدوة بيبي اني بيبي وتاشر ع بطني ب هلو
لمار. ههههه والله ياماما . خطيه ماما ابد ماضحكه من يوم وفاة بابا اول مره اشوفه هيج فرحانه سودة عليه فرت بيه مخلتني اتحرك شويه راحت تركض ع اخواتي
ماما. ولجن كعدن اختجن اجتي
يمامه. هسة اهلهل
ميار. لا كومي ركصي بله يمه واذا يعني منو جايه كارينا كابور
ماما. ولجن اختجن حامل بتوام
ميار بمامه. هييييي هييييي اختنه حامل راح نصير خالات رجعن وكفن
ميار. شنووو حامل بشنووو
ماما. قوطيتين ببسي
يمامه. ولد لو بنات
ميار .يعني يشابهون راح يطلعوان
ماما. واني شعرفني
اجني عليه يركضن ولج مبروك راح نصير خالات ويحضنن بيه امي صيح عليهن ع كيفج خلصنه هنا وامي كل شويه وحده جايه تكلي شنو هسة بنفسج واني مابالي شي كل شويه وحده تكلي شنو بالج خبلني وماخلني اتخرك حتى من صليت كعده ماما خابرت صديقته ام الحوزة كلتله اي اذا حالته هيج مسموح اله تكدر صلي كملت صلاه اسمع امي كاعده وحده وتبجي
ماما. ابولمار لمور كبرت وهسة حامل تمنى اليوم موجود وياي جان فرحتك كاسعته دنيا بكامله تكواام تركض كل شويه جايبله شي سود

ه عليه ياحبيبي
لمار
امي كلش تحب بابا مافديوم مابجت عليه كل مره الكاهة بمكان كاعده وحده ودموعه صب لو تقره قران وتبجي بس شويه اخواتي يكوالن من اجيتي احسن صارت كامت تضحك تفتر صدك حتى احس وجه رجع بيه الدم مو مثل ماجيت صفره كمت اروح للمدرسه جان امتحانات عندي اروح تكسي خطيه تبقه امي تلوب عليه خلصت اربع امتحانات مابقه بس القليل رجعت للبيت اني صتلي هواي مامخابره شهودة كلت ماليه عن الامتحانات اليوم كلت خلي ادك عليه
لمار. هلو شوشو شلونج
شهد. هلو حبي انتي شلونج والله مشتاقتلج
لمار. اشوفج كل شويه داكه عليه
شهد. والله اكوال خطيه خاف ماعده مجال يادوب تقرين مرات اكول هسة تلكيه نايمه
لمار. يمه فديته تخاف عليه شونج شلونهم
شهد. اني زينه بس الشلونهم كلش ضايجين مومثل قبل نهار كله ضايج
لمار. منو تقصدين. سويت نفسي ماعرف منو تقصد
شهد.ههه صدكتج اني حتى اتوقع مادكه عليه دكه سئلين عليهم
لمار.اااه هاي هي اكلج شونه اسماء
شهد. زينه عرفت بيج زعلانه واني ماكتله ع الحمل صدك شونهم جهال لمخبله
لمار. زينين بس مبيني بس يريدون يطلعون من بطني كوه كاعدين
شهد .اي حقهم هي بطنج هل كدوتهة زين وباقين بيه صدك نسيت اكلج غير ست زينب رادت تاخذ غرفتج بره مارحتي بيومين اباوع هاي شو تلم بغراضه من غرفه امي وصعد فوك واني كمت افور ومبين امي تدري بس حسام مايدري اني دكيت ع اسماء كلت اني ماكدرلهن اسماء تعرف تصرف وياهن دكيت عليه جانت بدوام ربع ساعه وجتني عيونه تجدح جدح من العصبيه هي صعدتله لكته تريد طلع ملابسج من الغرفه واني وراه
اسماء. هوب هوب شنو يمه جاي سوين
زينب. عمري جاي اخلي ملابسي هنا شنو اكو مانع
اسماء. لاوالله شو تعاي انتي مبين لمار كتلته مافادتج لزمته جرته من الغرفه طلعته بره وشلت جنطه طلعتهن من الغرفه واني وياه اشمر ورجعنه ملابسج وقفلنه الغرفه واسماء اخذت القفل بيده امي هدت علينه سب وغلط
اسماء. براحتج يمه غلطي منا لصبح بس مهم هاي غرفه لمار محد يدخله واني يجي حسام وكله شون يقبل واحد ياخذ غرفه حبيبته
انطتني نسخه من القفل وكالت ادفنج اذا تنطيه لحد باوعت ع زينب
اسماء. وهاي النسخه يمي خاف تاخذين المفتاح من شهد ادخلج وانتي نايمه وجرج منه خوش وامي كامت سب عليه اخذت المفتاح وطلعت ماحاجت امي اني هم سديت عليه الباب وره شويه سمعت صوت حسام طلعت اسمعهم يصيح ع زينب شون تدخل للغرفه وتصرف بكيفه وهي كلتله اني شنو ذنبي هيج معلكه غير هي بعد راحت هم راحت ومخلصت منه دفره وصعد فوك كلي انطيني مفتاح حجه بصوت عالي اريد اشوف من يطبله بعد دخل بالغرفه وقفل الباب عليه
ولج هو وياهة صايرين مالخ هي نهار كله ملتهية بهل موبايل ماتركه من ايده يجي هو يلكه ملابسه مونضيفه مرات يكلب دنيا حتى مرات احسه بس يريد حجه حتى يعيط ويذب حركته
لمار. اوووف خلي ياخذنه الغرفه هي ع الغرفه اخذن مني العز من روحي تهمني بعد غرفه
شهد. انشالله ترجعين وبيدج التوام يمه فديتهم
مرت الايام عادي خلصت امتحانات شويه رتاحيت كاعده العصر بالغرفه ماحس اله امي اجتي تعيط ولج حسام لمار ...
باي
يتبع

البارت 31

ماما. ولج لمار رجلج بالمستشفى دك عليه هسة كرار
لمار. يمه ضربت خدي شبيه فدوة احجي
ماما. علمي علمج اني عود جنت طالبه من كرار ياخذني للسوك شو هذا تاخر عليه دكيت عليه جاوبني يكلي ماكدرات اجي حسام بالمستشفى دكو علينه ناس سالته شنو بيه يكوال اني ماعرف ويحاجيني مستعجل وسده بسرعه
لمار. كمت اخذت عبايه من امي وطلعت هجيت بشارع كلت هاي هي ندعم رجلي راح
يمه سوده علية حسام امي جاتي وراي
ماما. ولج يمه لاتركضين هسة تلكيه متعارك ويه ناس شي بسيط يمكن مو هو جرتني كوه من شارع اني ردت اخذ تكسي وروح مادري وين اريد اروح بس شايفين واحد خايف والمصايب ماكفت عدنه من يوم ماتوا عمي وابويه رجعت دكيت ع شهد ماترد ع اسماء جاوبتني بس اني كلت خلي اشوفه تعرف تحجي بس مبين من حجيه ماتدري بشي بقيت ادك ع شهد مجاوب عرفت اكو شي وحسام وصلت خمسين مكالمه مجاوب وكرار قفله موبايله من حركه كلبي دكيت ع جنات بلكي تعرف بشي
لمار. الو هلو جنات شلونج
جنات. هلو عيني شلونج
لمار. اكلج هم تعرفين شي عن حسام عماد يعرف عنه شي شو ولد عمي دكو علينه يكوالون حسام بالمستشفى ودك عليه ميجاوب
جنات. لج عيني خطيه شون صارت بيه شغله
خطيه اني جنت كاعده انتضر عماد راح يحرك سياره حتى روح للدكتورة بس فتح الباب اني تواني صعدت اباوع عماد ترك من ايده الباب
وركض رحت اباوع وراه شكو شفت دراجه واكفه وعماد اجه شايل حسام ويه كم واحد خلوه بسياره
لمار. يمه حسام ولج شنو بيه
جنات. هاي مو اليوم فاتت تريله كطعت الوايرات وكل ناس جاي سوي بويره وحسام صاعد عدرج حديد ودنيا رطبه اكو واير بصفه مزلوغ طاخه متكهرب بيه نوب ضامرته واكع ويه وكعته فايت ابو المطوار ضاربه هسة خابرت عماد يكوال مابيه شي بس كسر بوحده من فقرات ضهرة
لمار. صخام صخمني سوده علية ياحبيبي فدوه انطيني رقم عماد انطتني رقم عماد خابرته
لمار. سلام عليكم شلونك عماد اني لمار
عماد . هلو اختي شلونج اطمني والله مابيه شي
لمار. عليك القران حسام مابيه شي اذا مابيه شي خليني احجيه
عماد. هو مابيه شي خطر بس كسر كلش قوي وحيل متاذي منه تريدين سمعيه صوته يصرخ شوفي هسة اني بالممر طالع عن وسمعي صوته شون كالب دنيا من الالم
لمار. اسمع صوته بعيد ويعيط يصيح اااخ يايبه . كمت ابجي حبيبي بيه ولابيك شكرا عماد يله مع سلامه بقيت ابجي وتوسل بامي تروح وياي للمستشفى لان هي ماتطلع ابد من مات ابويه . ماما حبابه اخذينه فدوة اروحلج
ماما. ولج هم بس زلم يمه وين روح كعدي وسكتي
لمار. ابقي انتي اني رايحه لفيت حجابي لبست عبايه امي هي من شافتني هيج اخذت عبايته وراحت وجتي ورايه امي كامت تلبس بوشيه حتى وره الحداد مانزعته تكوال تعودت
لبسته وجتي تركض ورايه
ماما.هسة شويه صبريلي نكطع نفسي واني اركض وراج ولج هسة تنزفين
لمار. بستعجال يمه ماعليه شي بس خفي رجلج خلي نوصل للشارع العام .اني بكته دخلت ٣ اشهر بس مامبين عليه حامل بطني بعده كلش صغيره اجرنه تكسي وصلنا ماندل بالمستشغى هم وين بقيت افتر اني وامي اخر شي لكيت كرار كاعد بممر ويمه عماد رحت اركض عليهم
لمار. هلو كرار وين حسام
كرار. هلو لمار جابج يمعوده
لمار. هسة عوفنه من شجابني حسام وين
كرار. دخلوا عمليه هسة لان كلب دنيا علينه كلاب
ماما. الله يكون بعونه مو هين نتل وكع وندعم بماطور شنو واحد شيصير حديد الله يساعده تلكي الالم كلش قوي
لمار. بقيت دموعي تجري رحت للحمامات توضيت طلعت دعاء تاج دائما اخلي وياي فتحته وكمت اقره بيه ساعتين وهو بالعمليه
نشلعت كلوبنه عمامي اجواي ولد عمي هم كلهم شويه وطلعواه يون مبنج كوه يجر الكلمه دخلوه بالغرفه سوو اعمليه بالمستشفى بس ع احسابنه يعني غرفه وحدنه دخلوه بس حجه
حسام. انعل ابو الصاري لابو الحض الروماني
كرار كل شويه وسد حلكه من ويضحكون عليه اني ماما يمهم شويه اجتي ام حسام جايبه اكل وفراش وملابس اله وهو بعده ماثر بيه البنج ويحجي كلساعه شي اخر شي كرار بقه مخلي ايده ع حلكه حتى لا يجفص بكلمه
بقه ساعه هيج وراه جنه كلنه كاعدين كلب دنيا بالعياط بس يصيح ااااخ ويريد يكوم لزموه ميثاق واحمد وكرار ورجعوه وراح حسين صاح دكتور
ابو ميثاق. فدوة دكتور شوفه شون بيه يبقه هيج يصرخ
دكتوره. اي راح يبقه هيج متاذي منا لحد باجر لان هم الاام العمليه والالم الكسر كلهن عليه وهسة ماكدر انطيه هاي الابره لان اذا انطيه هسة باليل مانطيه عاد هسة عادي خلي وبليل انطيه حتى ينام
كرار.والله ماصايره يبقه هيج يتالم
دكتور. تره مو سهلة العمليه كلش خطره وشكرو ربكم ما نضربت رجليه وصار عنده شلل انتو شتتوقعون هو شي سهل اخطر عمليه هاي هسة اريد اخوه افهمة ع شي
ابوه
ابو كرار . ماعده اخ وابوه ميت
دكتور . ها اني اريد واحد من اهل بيته يعني واحد اعلمه شون العلاج شون ينضف ويعقم
ابو ميثاق . هاي امه ومرته
دكتور. باوع علي . اي بنتي شي اكيد انتي راح تباشرين بيه بده يعلمني شون اعقم وشوفني صور بجهازه مصور عمليته فهمني ولزم وره ايام شلون يصير لو

ن الجرح يعني قصده مكان العمليه وشون اشيله حتى لاذيه
دكتور. بس ماتوقع تكدرين شيليه وحدج
عمتي. مو بس هي عده بعد ثانيه يساعدن عليه واخته هم موجوده
دكتور. باوع ع حسام. اها حسام عندك اثنين وتبجي من الم ضهر ولك انته عندك الالم اقوه من هذا الالم
كله ضحكت.حسام سودة عليه يلوج من الالم بس ابتسم ع كلامه راح الدكتور بقه حسام اكثر من ٥ساعات يون ومرات يكوم يضرب بيهم اذا لزموه من شوغه الالم سوده عليه صدك لوكالت زليخ من يوسف ينجل كلبي يكوم يوجعني ويكل ضربه اني حسام من يتالم دموعي تجري عبالك اني هم جاي جسمي يوجعني اخر شي كوه وكلوه صاحو دكتور كلوله فدوة تعال انطيه الابرة راح يموت من الالم انطاه وره نص ساعه اله بده العلاجه ياخذ مفعواله عمامي راحوا وماما راحت عماد راح يجيبله ملابس حتى يبات يم حسام اتفقوا الي يبقه يم حسام عماد لان ضخم ويكدر يشيله وميثاق لان يادوب يكدرون يشيلوه ياخذوه للحمام وخاف واحد يبقه يتعب ينام فاثنين احسن اني بقيت كرار كال اخذج هو احمد وعمتي هم يوصله بس العصر شافوا صديقه بالمستشفى ابوه مريض ؤاحوا يمرون عليه فرغت الغرفه كله راحت حتى ميثاق طلع حتى نبقه ع راحتنه يمه
اجيت تقربت عليه عمتي كاعد يمه تمسح بوجه اجيت تقربت عليه
لمار. سودة عليه حبيبي بيه ولابيك
حسام. اسم الله عليج ابتسملي . ولج شنو هاي العبايه
لمار . والله حتى نسيت نفسي اني لبسه عبايه ابد مالبسته وهو مشايفني لابسته بس بزياره يعني مره وحده. ابتسمت كتله هو اني ادري شلبست طلعت اركض بشارع جني مخبله
تخيل اركض بشارع طلعت وعبايتي طايره جني سبايدر مان جهال عبالهم سعديه الخبله منو يشوفني يشرد . ردت اضحكه
حسام. ههههههه اااخ هي منو ينعل يومج هههه
لمار. جانت يمنه هاي وماتت عبالهم جهال عدلت لان مثل ركضته ركضت نوب حتى نعالي تكرمون واحد اخضر واحد احمر
حسام. هههههههه دنك شافي نعالي فطس من الضحك
لمار.ههههه يموعود استر علينه لاتنفتح العمليه
عمتي .تبتسم ع ابتسامت لان مو وكت حقد
حسام. وين لمار ابستيج ماتطلع اله دنبوس تنسقه ويه لبسته
لمار. يابرستيج يابطيخ حبيبي مادري شبيه ودور برستيج (يبوو جفصت)
حسام. ابتسم بخجل
خطيه من الابره ضربه رتاح حتى اكل قبل شويه كلب دنيا جاوي احمد وكرار كالو يله حضرو نفسكم خلي اخذكم اني كتلهم اروح لاهلي لان جيتي من اهلي كالو اوكي نوصل عمتي لان اقرب وانتي قريبه ع بيتنه سلمنه ع حسام بقه يمه ميثاق وعماد صدك هذا الصديقه ماقبل يعوفه راحوا كرار واحمد يطلعون السيارة من الكراج صعدنه وياهم اني احمد من يتواجد ادنك مارفع راسي لو شنو يصير بس هسة من اجاي نمشي صار نضري عليه موبلقصد هو كاعد بصدر يباوع علينه واحنا جاي نمشي اني بسرعه دنكت راسي بعد مارفعت راسي اله من وصلوني لباب البيت شكرت منهم ودخلت صدك جان يوم متعب
امي لاكتني
ماما. ها شلون صار حسام
لمار. شويه الابره خلته يستقر
ماما. الله يشفيه يله امي حبيبتي روحي غسلي وبدلي ملابسج انتي هم تعبتي مو زين عليج خلصتيه وكفه
لمار. اي راح اسبح ونام لان جسمي كله يوجعني حتى اكل ماريد سبحت ونمت ثاني يوم خابرت شهد لان حسام مبايله عايفه بالبيت محد جابه اله
شهد. هلو لمار
لمار. هلو شهد هم خابرتوا حسام
شهد. اي امي قبل شويه خابرتهم يكلولهة ب٥ خمسة صبح كاعد هم يصرخ من الالم لان راح مفعوال الابره كلتلهم راح اجيكم اجيب ريوك ماقبلين لان دكتور راح يطلعهم
لمار. ها اني لعد راح اجيكم
شهد. حلفي يعني راحت من بالج شغله طلاق
لمار.انتي جايج ويه الحلفان كل شي وكلتي حلفي هسة سالفه طلاك ابد مو وكته لازم نوكف وياه لاصير انانيه وفكر بنفسي وبس
يله عمري اروح احضر نفسي وشوف من يجيبني باي
شهد. باي
لمار
كمت كلت لامي وايدتني ع روحه لان ميصير اترك رجلي بهيج حاله بدلت وهي جاتي ةياي لخواتي بقن بالبيت وصلنه بعد حسام بالمستشفى مجاي دخلنه عمتي ضاجت من شافت جنطتي بيدي وزينب طكت روحه كمات تنافخ البنات كلهن موجودات اسماء فرحت من شافتني وشهد الخبله كل شويه تلزم بطني كدامهم وكرصه بس ربك ملتهيات بسوالف محد منتبه اجه حسام اسماء من وره الباب نثرت عليه جكليت وذبح عمي ابو ميثاق طلي جوه رجله ع سلامته بدينه نحضر بالاكل امي كالت اني يله اروح اسماء جلبت بيه عمتي ابد ماكلتله ابقي عاد بجذب امي تحججت باخواتي رحت سلمت واني دخلت وراه بس اريد اشوف رويحتي طاكه روحي عليه جنت لابسه جبه وهو بس ولد عمي موجودين حتى عماد راح لان خطيه تعبان امي مو سلمت عليه هو شافني لابسه جبه عباله راح اروح ويه امي ضاج من سلمت عليه وطلعت باوعت عليه كام يضحك فتح حلكه ١٨٠ درجه اني باوعت عليه ابتسمت ورحت اشتغل ويه البنات
اسماء. لمار كافي تسخت تعاي شيلي وياي هذا الجدر بيه لحم نقله من الطباخ للكاع
ردت اشيله كمزتنه شهد
شهد. لا لاشيليه لمار غبيه
لمار. فتحت عيني كل حيله هسة شيكوالون ليش
اسماء. ولج شبيج ليش عطتي
شهد. دفعتني وحاجت اسماء انتي طلبين من هاي الفاهية شيل جدر شكبره حتى تكلبه
اسماء.

لعد تعاي كابليني يا معدله منو تحجي بالفهاوة
كل شويه شهد كارصتني حتى اروح اكعد احنا جنه كلنه لابسين جبه اسلاميه لان عيب كل شويه ولد عمي داخلين بس شهد مالابسه وزينب بله شهد تمون ولد عمه بس انتي زينب غريبه عيب اخر شي اسماء ماتحملت كالتله
اسماء. زينب تره عيب من ولد عمي انتي هيج لابسه
زينب. عيني شلابسه شورت لو برموده مو هاي شهد لابسه ثوب وتفتر
اسماء. اي صح لابسه بس هي لابسه اسود مامبين انتي الوان تبرز اكثر وهي ولد عمه انتي غربه حرام
زينب. الحرام عليه مالج دخل
اسماء. اني صوجي والله لو مايمنه خطار جانه خليت راسج بجدر المركه الحمره حتى هم اسويلج لون جديد بدال هذا الاصفر الصابغته
بس حرامات من اخلي شعرج شنو انطيهم اكل
اني وشهد. نضحك دفن ينعل يومه تموت منه اتمنى اعرف ليش تكرهة هيج لازم اكو موقف بينهن .بقن وحده تذب حجايه ع ثانيه كل شويه يريدن يتمالخن ونلزمهن بلكوه كملنه الاكل زين ما اسماء طبكت زينب ويه تمن
صبينه اكلوا حسام شتراله عمي ابو كرار سرير متحرك يرفعه وينومه ع جهاز تحكم خطيه كرار وميثاق اجواي كال نتمنى نبقه بس عيب
نقيدكم وزينب غريبه نستحي منه كله راحت وكعت الماعين عليه اني وزهور بس شهد ماخلتني الزمهن هي غسلتهن اني عود ماسويت شي كل ع خفيف بس من دخلت حمام وكع عليه دم ماكلت شهد غير سويله ملطم وتفضحني رحنه كلنه كعدنه يم حسام صار الاستقبال اله بقينه نسوالف بس هو ضايج يصفن بره شويه نام واحنا نسوالف طلعنه عنه سدينه الضويه كل واحد لف راسه من التعب اني نايمه وسمع عياط حسام ركضت وشهد ورايه تركض لكيت منى وزهور واسماء وعمتي وزينب ملتمات وهو يصرخ من الالم لان مفعوال الابره راح يبووو كلب دنيا اخر شي من كد الالم كام يصيح اخذني ياربي اني بسرعه شلت جهازي دكيت ع جنات حتى صيح عماد لان كلنه لازميه ومانكدر عليه يريد يكوم حقه شاغت روح بهل يومين صار هل كدوته بس طوال شويه سمعت ندك الباب كتلهن طلعن اجه عماد خلي هو يكدرله كلنه طلعنه عمتي دخلته بقه لازمه نسمعه يهدي بيه شويه صاح عماد
عماد. خلي وحده منجن خاله تجي ساعدني نضف جرحه حتى بلكي شويه يضربه الهوى يرتاح
اسماء . انتي دخلي يمه وخلي تدخل لمار لان هي شايف عماد وحاجيه وياه حسام يقبل تدخل ع عماد
عمتي. يله لمار امشي
لفيت حجابي زين ودخلنه بيدي القطن وشاش ولاصق طبي وديتوال لزمه عماد شاله كلبه ع وجه هو صرخ بس ماهتمله لان لزمه لزمه ماتذيه بس هو متاذي من الوجع فتح الاصق طلع العمليه بده ينضف بيه نوب خله شويه يضربه الهوى وحسام كلب دنيا والله حقه زين متحمل لان من شفت الخياط تخبلت ضهر نصه مخيطيه
خايني اختصرلكم الاحداث
حسام استمر ع هذا الشي يتالم ويكلب دنيا كلنه نساعد عليه بس عماد يجي يجب مضمد يضربه مرتين ضربه نوب اني دخلت كتله عماد خلي يعلمني علمني بعد كمت اني اضربه لا علما ادك ع عماد ويجيب المضمد حسام يموت من الالم احسن شي اني اضربه مرت عشره ايام كل يوم ولد عمي يجوان بس ميكدرون يبقون اكثر من ساعه عاشر يوم اجه احمد وكرار اخذوه فتحوا الخياط شويه صار احسن
قل الالم هو سواله بلاتين مؤقت وبعد اكو بلاتين دائما يعني عمليه بعد خلصت العطله نشل حالنه تخيلوا ليل كله تجي ايام كاعدين
وهو يصرخ يكوم يضرب براسه لو يعض المخده ويكوم يصرخ واحنا كلنه لزميه حتى لايتحرك ويفتح الخياط وهو نحس منوع يعني
تواليت ميخلي احد يدخل وياه حتى عمتي مايقبل تدخل حتى عماد يوم اجه كله ادخل وياك ماقبل يستحي جنه كلنه كاعدين صادف باجر دوام كالت عمتي باجر كلجن داومن اني منو يبقه يمي
زينب. خاله اني ماكدر هاي سنه اخر سنه حرمات اضيعه
هي صح حقه هاي اخر سنه حرامات تضيع عليه اني جنت كلش تعبلنن من الحمل ومالي خلك اروح اداوم كلت اتركه هاي السنه
لمار. عمه اني ابقه يمج
حسام. محد تبقه اني كلشي مابيه حتى امي ماحتاجه
سكتنه عنه مانقشه هو تعبان مو مال واحد يناقشه ثاني يوم خابرت جنات تروح لان اتي راح ابطل ها صدك جنات تدري بحملي بس خلفته ماتكوال لعماد وهي اذا كتيله سر بعد انته سر مايطلع لو تموته نزلت رحت سويتله ريوك حتى يشرب علاجه من شافني تخبل
حسام. ليش مادومتي لمار
لمار. اني مو علمودك بس اليوم اول يوم ماكو شي مهم راح نخلصه شواغر . والله قتنع سكت وكلته بس هو ضايج مو لان متئلم اكو عنده شي عمتي وصتني انتبه عليه تريد تروح للسوك جيب مسواك وفواكه لحسام هي شويه هاي الايام تاركتني بحالي علمود حسام ساكته بقيت انضف بالبيت شويه حسام صاحني
لمار. ها حسام محتاج شي
حسام. لمار انتي ليش اجيتي
لمار. هو هذا هم سؤال انته حسام رجلي شون اعوفك بهيج حاله حتى لو جنه متعاركين يعني شنو مزاعلين اشوفك متاذي هيج وعوفك اني حتى قررت اترك الدراسه هل سنه علمود ابقه يمك اني طبعي مو مثل مانته مفكر صح اضوج ونقهر ويشوفني يكوال هاي حقوده بس والله شويه وانسه كلشي وختصه انته
حسام. لمار رجعي لاهلج اني مافيدج انتي صغيره بعدج وكدامج الحياه لا تهدمين حلمج وتركين دراستج من باجر داومين

لمار. واذا اكلك انته الهوا التنفسه اجذب عليك من كتلك طلقني ندمانه عليه الف مره مو بس ميت مره حسام انته روحي انته دنيتي
حسام. لا لمار اني قررت راح اطلكج بس اكوم سالم
لمار. تعصبت كمت ع حيلي وحجي بعياط . ليش حسام هيج كارهني ليش تريد طلكني والله حتى لو طلكتني ابقه وياك احبس نفسي بالغرفه وماطلع منه لو لموت شتريد تكةال كوال ماعدي كرامه كلشي كوال بس اترك لا
حسام. لمار فهميني مافيدج عيشي حياتج بعدج صغيره
لمار. انته مو تكوال اني هديتك اكو واحد يرجع هديته بقيت ابجي مد ايده عليه وخلاني بحضنه
حسام . لمار كافي والله موه عليه مجبور لمار اريد اكلج شي بس ماريد احد يعرف بيه
لمار. رفعت راسي مسحت دموعي. كوال
حسام. لمار اااه الضربه اثرت ع انجابي بعد ماكدر اخلف لمار صعب اصلا مستحيل لهذا قررت اطلكج وهم وره فتره اطلك زينب شنو ذنبجن تكملن وياي بعدج صغار والعمر كدامجن
ليش اضلمجن
لمار. مجاي افهمك حسام شنو جاي تكوال يعني ليش شنو علاقه هاي شغله بضهرك
حسام. لا اله علاقه ضربه ماذيتني حيل لدرجه فاقدت بعد يصير عندي طفل
لمار. ويعني شنو حسام واذا اني عن نفسي راح ابقه لو شنو بيك اتقبله وحسام راح اكلك شي بس لاتتعصب عليه حسام اني حامل
حسام. جذابه شوكت ولج اني صالي تاركج شكد بضحك وحيره
لمار. عابتلك شك بيه صالي ثلاثه اشهر و١٥ يوم
حسام. ولج تحجين صدك وحضني ولج يعني راح اضوف طفل صدك رحمتك واسعه ياربي ماقصرت
لمار. حتى من فرحته نسه يعاتبني . حسام واكو مفاجئ تخبل
حسام. شنو ولج احجي
لمار. حامل✌ اشرتله بصابعي
حسام. شنوووو اثنين يعني توام لا بربج
لمار. اي هههه شفت ربك شون كريم ماينسه عبده حرمك من ضي وعوضك بشي ابد لا تائيس وتكوال ربي نسدت بوجهي انته انسان اصلي وصوام ربك انطاك احلى هدية حسام مدام مانسي واجبك ويه ربك لاتفكر بيوم ربك راح ينساك
حسام . والله كل الالم من عرفت بسالفه العقم احس نهدمت اني احب جهال وكلت نحرمت منهم بس شفتي شلون ربج عوضني
ياربي اشكرك رجع حضني ولج انتي انتي احلى هديه من رب العالمين
لمار. صدكتك قبل شويه متريدني
حسام. والله ماردت اضلمج وياي كلت شنو ذنبج . لمار بس ماريد احد يعرف بهاي شغله مال عقم اني فتره وكعد ويه زينب وفهمة لان خطيه ماضلمه وياي يمكن ماتاقبلني هي بعده صغيرة
لمار. حسام هذا شي راجعلك اني مالي دخل اهم شي ابقه يمك
حسام. يمه فديتج وكوال هاي صايره دبدوبه وتخبل شنو قصتهة
لمار.ههههه يعني تقلد عليه صايره فيله قصدك
حسام. ولج احلالج السمن يحضي بعد اخليج ضعفين نوب شوف الخدود تكتل مال عض
لمار. يعمود كلهن شعر اريد العصر اروح احف صالي شهرين من وراك وره تلمديره مالحكت احف لان هل ايام جاي العب بشاربي
حسام. ههههه خرب يومج منين جيبين هذا الحجي .ولج كل ماذكر نعالج افطس من ضحك
لمار. عباتلك زعلت منك
حسام. ولج بعد ماكو زعل تعاي كليلي شنو مشتهية شنو بالج
لمار. مممممم عادي اسوي المشتهيته
حسام. كوالي انطيج روحي يله كوالي
لمار. تقربت بسته من خده وشردت
حسام. 😍😀ولج تعاي وين شردتي اخ لو مو ضهري
اجتي عمتي من السوك هو كام يصيح
حسام. يمه تعاي عندي بشاره الج يمممممه ويضحك
يتبع

البارت 32

حسام. يمممه تعاي
عمتي. ها نشالله خير
حسام. يمه لمار حامل بتوام
عمتي. صلوات يمه الف مبروك شايف كل الخير بس يمه منين اجونه توام شو ضربتوا القاعده
حسام. اي يمه لعد شعبالج نحنوا مختلفوان لايوجد فرع ثاني لنا
لمار. اني بالمطبخ اسمعه وميته ضحك عليه خطيه شكد صعبه من تتخيل انته كلشي ويجيك خيط امل يرفعك من الكاع للسما يطيرك يارب فرح كل شخص محروم من ذريه
اجتي عمتي يمي تحجي بصوت ناصي حتى بس سمعني
عمتي. دومجن حضجن كاعد امج منو رجال يموت عليه تخلفله بنات وكالت نفسه عليه
لمار. بكلبي كلت لعد انتي مو عدج ٤ بنات
خلبته تحجي رحت اخذتله فواكه انطيته ياكل
صح من يكوالون ماله علاقه الاكل اذا وجهك اصفر او ذبلان حسب نفسيتك مرتاح راح يصير وجهك يخبل ضايج ومالك خلك وماتسمع شي يفرحك وجهك يصوفر ويذبل الكلمه الحلوه والبشارة تحيك من جديد الله يديم فرحتك ياحسام لان هواي تاذيت
كملت شغلي مامهتمة لكل كلمه اسمعه مدام حسام احبه هذا كافي اجتي شهد اول مادخلت حسام عاط عليه كله
حسام. ولج عوبه راح صيرين عمتين
شهد. شنو عمتين بستغراب
حسام. ولج غير لمار حامل بتوام
شهد. سويت نفسي مادري . صدك هيييي مبروك وهلة وهلة وكمت اكمز صارت بوجهي لمار رحت حضنته
لمار. بهمس ولج شكد جذابه انتي ليش متكليله اني اعرف
شهد. اي حتى احصلي كتله شوفي شكو شي يصير طلعيني من جريمه هسة هو مراح يحاجيج لان حامل ويخاف عليج يرجع عليه
لمار. شو تكولون حسام يكتل ويكلب دنيا وراح يصيرلي سنتين يمكم ماشفت من شي
شهد. اي صدك حقج هو من يشوفج تموع روحه بعد وين يكدر يتعصب اني بعد اخلي صورتج بجهازي كل ما يتعصب عليه اطلعله صورتج يسكت تخيلي هو وجه هيج من يشوف صورتج يصير هيج
لمار. يمه راح ننحسد تره هسة صالحنه صلي ع محمد
شهد. عليمن احسدكم وراحت تتمشى ع درج
وتقلد مشيتي مال الحامل اني من خوفي من اصعد ع درجه ع كيف عبالك بس امشي سريع يوكعون خلص اليوم مثل كل يوم زينب محد كله عن الخبر بليل مبين عمتي كالتله
لان من فتت من يمه دردمت بحجي مو مفهوم وضايجه مرت كم يوم اني مادوم حسام مايقبل حتى مره كام يعيط روحي ماريدج تبقين ماريد اصير عاله ع شخص محد يمي عمتي جانت بزياره وكله مداومه
لمار. حسام اني مرتك ماكو بينه هذا الحجي هذا واجبي تذكر من تمرضت اني هم كتلك
لا لساعدني لاتسهر وياي وجانت مو زوجي ليش هسة لعد تستنكف مني وكل شي اسويه ترفضه
حسام. لمار تركتي دوامج علمودي راح ضيع سنه من وراي ماريد هيج شي
لمار. مالك علاقه حسام انته مالك اي دخل اني مردت اضوجك بس اني الاطفال نازلين
يعني حالتهم خطره مو مال اروح مدرسه انتي ماكتلك اني حتى مسويه ربط
حسام. شنو ربط
لمار. اني هم ماعرف شنو بس هذا نوع من انواع تثبيت الحمل يبقه وياي لحد خمسه شهر واذا شافت دكتوره هم مايصير اله ربط ابقه منا لحد الولاده
حسام. وانتي الغبيه تتحركين وتشتغلين ليش متكوالين اوووف منج اوووف ربج ماخذ حذري ماخليج تلزميني من اكوم والله لمار اذا صار عليج شي اموتج اخنكج وهذا اكلج ماعجبني وبطنج هسة صالج ٣شهر ٢٣ يوم
وبطنج هل كدوتهة وهم توم
لمار. شنو عليك الله شلون عرفت ٣شهر و٢٣يوم شنو جاي تحسبلي
حسام. احسب بساعات ع جيتهم هسة ليش تسع شهور والله هواي شيصبرني
لمار. هههه
حسام. طلع موبايله هلو شلونك الحمدلله اكلك بعدك تشتغل بتكسي مالتك ها خوش اكلك تكدر تاخذ خط مدرسه الفلانيه رحمه والديك وسده ردت احجيه اشرلي حتى اسكت لان جاي يتصل . هلو عماد شلونك الله يسلمك اكلك انته متريد خط المرتك اني راح اسوي خط لمرتي بعد تعرف حمل خطيه شون يروح ويرجعن طريق طويل واحنا مودائما ناخذهن
مرات يصير عدنه شغل وخاصه هسة اني ماكدر اسوق عماد ماعرف شنو حاجه جاوبه
حسام اي ثقه انته قابل ماتعرفني شون اخلي مرتي ويه واحد ماعرفه ليه خوش راح اكله اثنين بنات سده
لمار. شنو خط شنو مدرسه شو كلشي مافتهمت مو تفقنه بعد ماداوم
حسام. شنو سمعتي مني كتلج اي بطلي
لمار. لابس
حسام. ماكو بس انتي موحجتج جهال وتكوالين اخاف ينزلون هي سويتلج خط بعد ماكو عذر يله روحي طلعي كتبج وقري وسئلي جنات شنو واجبتج اكلج صدك شطلعتي بنص السنه شو غلستي شنو محمرة النتيجه لازم
لمار. لا والله قابل شكلولك عليه بس المديره ماتنطيه لي واحد بس طالب يستلمهة
حسام. ها خوش لعد جبيه باجر حتى اوقعه الج لان اني ولي امرج اكلج شو ماسوالج جتماع اولياء الامور
لمار. اي سوو بس ماكتلك جنت زعلنه وياك
حسام. ينعل بليسج ليش هيج
لمار. وليش هيج كاتل نفسك
حسام. تمنيت البس ملابس كشخه ودخل للمدرسه مو ادخل هاي المدرسات كله تموع وتوكع والطالبات تطلع من الصف وتباوعلي
لمار. ع كيفك شاروخان يسمعك يكوال بوراك داخل مدرستنه
حسام.هو شنو هذا بوراك لو كبه مويصل ضفري
لمار.ههههه بوراك لو كبه هههه قويه
حسام. ينعال يومج شكد فطيره هههه شنو انتي مرات اتعجب عليج تبجين وضايجه بس واحد يحشش بشي تضحكين
لمار. معناه قلبي ابيض ماشيل ع واحد
حسام. حق الله ماشيلين ع

واحد بس اني شاعله اهلي دومج مطنكره علية
لمار. تقربت من يمه غير ادلع عليك وخليت ايدي ع لحيته
حسام. طاني علابيه فديت التدلع
لمار. هي ليش اخذت ايده وعضيته سويتله ساعه تخبل وهو يرفس بيه بس مو حيل خايف ع نفسه مديت تيدي ع محفضته اخذته وشردت
لمار. طلعت لساني بوكتك بوكتك
حسام. اي انتي سوابقه من عمرج ٥ سنين تبوكين
شمرت عليه محفضته والله خوش هسة ويه حضي يصير نقص بفلوسك واني الوكع بيه
رحت كملت شغل شويه اخذته بلعربانه طلعته يباوع وهم شمس حلوه هو يكدر يمشي بس دكتور ميقبل عفته بره وخليت يمه مبايل من يحتاجني يدك عليه بديت اطبخ غده عمتي اكثر الوقات ماموجوده دائما طالعه لو زور لو لسوك عباك عمي جان ساجنه ونفتح الحصار عليه من مات بس مالي دخل بيه اصلا افرح من تكوال باجر ارح اروح لمكان اخلص من الحجي ورزايل بدت الحلة مال المدارس يعني شهد ع جيه هم تجي شويه سويلي واهسة لان كلش كمت اضوج من البيت واكفه مندمج اثرم زلاطه ومن ابقه وحدي اتخيل اني طباخه مثل منال العالم وناس تباوعلي ابقه احجي وشرح سموعوا الشرح وكوم احجي جميع الهجات
شيف لمار. هلاء اقطع الجزار مكعبات مابدي يكونوا كبار لان من حده ياكلهن يطلع صوت بس من اسوي ناعم راح ينوكل بسرعه وبدون صوت وبعده اثرم البندورة وبعده ماحس اله شي فات من جوه رجليه مثل البزونه واني عطت وكمت اكمز اموت من البزونه اخاف منه
شهد. هههههههه يمه صدكت ههههههههه
لمار. ندريت لكيت شهد بيده كركوشه ياحقيره
شهد. شونج شيف لمار كلش مندمجه اني اول مادخلت عبالي الكه اليوك قناة الشرقيه واكف جاي صور ابداعج مدت ايده ع زلاطه
لمار. لزمته ضربته بالخاشوكه ع ايده اني شكم مره اعيد ماحب احد يمد ايده بهاي الاثناء دخل حسام علينه دتفع بيه زينب
دخلته للمطبخ
حسام. شنو هاي لزلاطه شهي شكله تحفه
لمار. اي تعلمته من نت انطيك خاشوكه ضوك
حسام. اي والله شتهيت انطيته وكلته بيدي وشهد هيج تباوع علينه وناشر بسيطه
ضحك عليه حسام
زينب. يله حبي اني اروح ابدل شويه واجيك
شهد. خزرته وتباوع عليه بكره
حسام. شهد وديني لفراشي
شهد . من عيوني نومت ع فراشه حسام كلش ضعف جنه بدايه العمليه كلنه نحاول نوصله لجربايته هسة وحده بيه تكدر ساعده
نومت وجتي يمي .لمار اريد اكلج ع شي
بس اريده يبقه بيني وبينج
لمار. اي كوالي
شهد. لا مو هسة خلينه نكمل غده ونصعد فوك نحجي
لمار. اوكي . كلنه نجمعنه يم حسام عمتي اجتي هم هو ياكل ع سرير واحنا كعدنهة بالكاع كملنه غسلت شهد الماعين لان ست راحت لفت راسه ونامت مرات والله طك روحي اكول اجره من شعره وكله كومي شويه حسي بينه نوب تخبلت من يوم عرفت بحمل سد بابه وتنام حتى مره حسام تمالخ وياه كله تكومين تشتغلين اخذتله يومين جرت عدل وبعدين رجعت كما هي كملنه اني طبعتي ماحب تصعد وترك واحد وراي ينضف ابقه اسوالف ويه شهد منا لحد ماتخلص كملت غسل ماعين صعدنه فوك بغرفتي
شهد. لمار اليوم شفت شوفه ولج اني مو اروح بخط فاليوم زدحام شارع مقبط تقبط الخطوط كلهة واكفه ناس كليه وناس طلاب
فا السياره مالتنه المكان الي هي بيه بده تتحرك بيه سيارات وبقت المكان البصفنه شويه شويه تتحرك مو مثلنه والله وصلنه مسافه وهم وكفت سياره اني تئفئفت من الزدحام ودرت وجهي ع جامه باوعت سياره بصفنه صغيره بيه بنات من جامعه ولد يسوقه اني جنت مركزه اكثر ع بنات الوره شويه باوعت ع البنيه البصدر ركزت بيه طلعت زينب صدك عيوني نطت من الشفته
لمار. ويعني عادي تلكيه خطهة و هي اليوم صعدت بصدر تره كلش عاديه
شهد. ياريت ع صدر ولج هي من طلعت مو مكياجه خفيف لو اني غلطانه وهسة من دخلت مو مكياجه قليل
لمار. اي صح قليل
شهد. ولج شفته مخليه حمره حمرة وعيون راسمتهن وشويه مطلعه من شعر وكاعده تسوالف وتضحك ويه الولد الي يسوق اذا هو خطهة صدك ليش تضحك وسوالف وياه هي صالي شكد ويه هذا ابو الخط حتى الصدر ماقبل اكعده كل يوم وحده مقسمات البنات واني الوحيده ماقبل اخاف من حسام لان وصاني مره كلي ممنوع صعدين يم سايق
لعد شون هي وثاني شغله هي مو خطه كيا
ليش هسة صاعده بسياره خصوصي والله اني خايفه لابعده ع سوالفه
لمار. ياسوالف
شهد. انتي ابد مافكرتي ليش اسماء تكره زينب
لمار. اني حسيت اكو شي بس ماجه بالي شي مو زين عبالي اسماء متحبه بس
شهد. لا هسة اسوالفلج اسماء زوجت عمر عن حب جان ابن جيرانه مات عليه هي لوتيه هم تموت عليه يعني بينهم نضرات بس اجه خطبه رفضته هو تخبال دز ثاني مره بس جاب كبل مشيه رياجيل يعني مو كعده نسوان وبراه يشوفه نوب يجيب رياجيل لا كبل جاب عمامه وهي وافقت بس شرطه تكمل دراسه
زةجه دللهة دلال حتى مخلهة تخلف لحدما تخرجت لان هو خطبه هي ثاني كليه مرت الايام خلفوا ابنيه هو من حبه اله سماهة سما
حتى قريب ع اسم اسماء حاول يسميه اسم
بس كله قلدت عليه هذا يكله بنت من يسالوها بالمدرسه شنو اسمج تكلهم اسمي اسم
المعلمه تكلهة ادري اسمج اسم بس شنو طلعوله انواع التحشيش نوب جابت ولد هو كل طفل تجيب يتخبل عليه بزاي

د عشقه لحد جنون حتى فتره مخلاهة تجي تبات يمنه وبابا تعارك وياه اي خلي اختصرلج هي تحجي عن حبهم واني هيج اباوع 😍😀🤗
فايوم اجتي اسماء ورجله وصدف خالتي ام زينب يمنه دخل عمر سلم عليهم وضحك وسوالف وياهم هو كلش مرح نوب من طلع كل لاسماء باي حياتي وبوسهة كدام الكل احنا متعودين عادي كدامنه وكدام امي يبوسه ويروح وحتى كدام حسام حتى مرات حسام يكله احترام اخوهة كدام عاد استئذن عمر جاوبه كله عادي ابوس اختك من راح بقينه كاعدين ويه اسماء نضحك ونسوالف وزينب ويانه كاعده هم سوالف بكته زينب عده علاقه
ويه حسام كلنه ندري احنا البنات وحتى من تجي يصير بينهم نضرات وابتسامه وحسام يهديله هدايه جانت اسماء فرحانه لان راح ياخذه تكوال حباب واسماء قابل ليش تكره اذا مامسويتله شي كتلج بقينه نسوالف اسماء طلعت صور تراوي زينب قبل فترة رايحه لاربيل اخذت زينب منه الموبايل وبقت تكلب بيه اسماء بقت سوالف ويه خالتي جنه كلنه نسوالف وزينب عادي جاي تباوع بصور شويه ونطته لاسماء تعشوا وراحت حتى بكته حسام كلي كليله خلي تجي اريدهة صحته بقيت اقبهم انطاهة فلوس وتغزلو بعض وراحت مرت الايام يمكن مر اكثر من شهر ع لقائهم اجتي اسماء مثل جيه عاديه هي تحب سوالفلي كعدت يمي خلت منى تروح وبقت تبجي
شهد. شبيج اسماء
اسماء. ولج محروك كلبي زينب طلعت تراسل عمر يعني زينب جاي تضحك ع اخويه
شهد. شنووو ولج جاي تحجين
اسماء . هذيج المرة تذكرين من زينب اخذت موبايلي طلعت ماخذه رقم عمر ومراسلتهكل يوم وهو ميجاوبهة اجاني كلي اسماء هاي بنيه جاي تراسلني وتعرف ع كلشي خاص بيه
باوعت لرسائله كله كلام طيحان حض وكلام سخيف وصور موزينه كلي بله خابريه بلكي تعرفيه يمكن وحده من صديقاتج دكيت عليه اول ماجوبت كتله شلونك عمر ليش هيج تشلع كلبي بشنو مرتك احلى مني اني بس سمعت صوته عرفته نفس صوته مابيه اي اختلاف جاوبته ززززينب ياحقير ياسافله هي سدته بوجهي دكيت عليه من غير رقم ردت ماكو اني اليوم اجيت اكوال لحسام يتركه
شهد. لج حسام غير يكلب دنيا علينه والله حتى رجلج ياذيه فدوة اسماء سكتي هاي زعطوطه تلكيه عجبته معامله عمر الج سوالف مراهقة تلكيه هسة متندمه
اسماء. ولج يعني تقبلين اخويه يزوج وحده هيج سوي
شهد. هسة هم حتى مامسولفين بزواج كعدي لاتحجين لحسام
اسماء. هم عمر حلفني ماحجي وكال نفس حجيج طفلة ومن هاي السوالف
شهد. اسماء انتي عدج بنيه واحنه اربع بنات حرام نشوه سمعته مويكوالون البنيه استر علية لان ماتعرف مو مثل المزوجه والله لو خاطبهة جان اني اروح اركض اكل لحسام بس هم بس علاقه وحتى اذا عرف راح يتعصب وناس تعرف بعلاقتهم وهو يوكع بيه ويزوجه عاد هسة بلكي واحد يمل من ثاني ويتركون بعض. اقتنعت بكلامي بس كامت من شوفه كوه تلزم نفسه وزينب تجينه وتكعد مقابيل اسماء من تجي ويه امه ولكن مسويه شي تباوعله بصلافه وتضحك وسوالف كان ماكو شي وكفت ضعر راسنه وهذا سبب كره اسماء لزينب
لمار.اني بقيت هيج. ولج شنو هذا الحجي ياربي يعني هاي مو ثقه يعني ستغفرالله ربي ماعرف افكاري صارت شيطانيه
ع حجيج اليوم يارب سترك اله سمعه البنيه مثل الزجاج اذا نكسر بعد ميصلح
شهد. لمار اني كتلج بس فدوة ابد ماريد يطلع
خاف تتعصبين منه تضوجج بكلام فدوه ابد لاتحجين لان تنهجم بيوت من وراه
لمار. لا شهد انتي قابل ماتعرفيني كلشي احجي بيه اله السمعه والشرف لان مثل متفضح الناس راح تنفضح بيوم وصير سيرتك ع كل لسان يارب احمينه من كل سوء وغلطه
يمه الحمدلله ابد ماتهورت وسويت سوالف المراهقين ربج حسام اخذني وراهقت يمه
جنت اكوال بس ادخل كليه اله اصادق كل شباب الكليه وربج عرف بيه راح اسوي مصيبه تلاحكني بحسام
شهد. هههه والله انتي مصيبه اني وين احجي وانتي تحجين
لمار. عوفيني من هاي سوالف خلي توالي ولادوخين راسج بيه .هم تخابرين منار صالي من يوم الحادث ابد مادكيت عليه
شهد. اول بارحه دكيت عليه وتكوال كليله زعلنه عليه انتي كايتله عن سالفه حملج
لمار. اي منار ابد ماضم عليه هي صح مفضوحه وكلشي تحجي بس اني ابد لاهي تحجي سري ولا اني احجي سره .يمه شيخلصني من لسانه تلعب بيه طوبه لان مادكيت عليه
شهد. صدك وين صار زواجه شوكت تزوج صاله هواي اني استحي اسئله
لمار. خطيه حالته شويه تعبانه هو يريد يرتب بيتهم يسويله تعديلات ومكفته الفلوس كل مايصير عنده يرتب بيته وامه هم مريضه خطيه كلش متبهذلة
شهد. انشالله رب العالمين يرزقه وجه منار خير عليه لان منار حبابه تستاهل كل خير
لمار. وانشالله انتي تتخرجين وتاخذين واحد يموت عليج يحبج بجنون
شهد. اااه انشالله
لمار. يمه صار بيه ااه شكو شهودة احجي مبين تبهذلة بصخيم الحب
شهد. اااوف يالمار شكوال هو اني هم ينحسب حبي حب
لمار. احجي واني احللج تره الكدامج دكتوراء
بتحليل وكشف الحب
شهد. اني احب اخو عمر
لمار. هلة هلة لفات ع الاخوان نغريتي بعمر وكلتي بلكي اخوه مثله
شهد. لا ولج والله مالي علاقه هو اني جنت اصغيره وهو جبير تواني عمري ١٤ وهو ٣٠ سنه جان بكته

يدرس ماجستير من روح لاسماء بالمنسابات يبقه يسوالف وياي عبمود دراسه وهاي شغلت وكدام امي يعني كلنه كاعدين قبل سنتين راد يسافر دكتوراء يكمل
بستراليا واهلة سوو عزيمه لوجه الله حتى ابنهم يرجع سالم رحت ويه اهلي عادي تغدينه
وكملنه ردنه نطلع رحت ارتب شالي ع المرايه شو هذا مادري منين طلعلي كلي شهد اني معجب بيج وميت بيج ردت قبل لا اسافر اخطبج بس مصار نصيب صارت عندي ضروف
حبابه انتضريني لاتزوجين غيري والله اموت اذا اسمع ماخذج غيري اني بقيت بصدمه وهو تركني وراح صاحوا علية من طلعنه هو واكف ويه عمر بحجه يسلم علينه اني باوعت عليه هو ابتسم ودنك راسه واني هم من شفته دنكت راسي نوب من تحرك السياره درت وجهي عليهم شفت عمر يضرب بيه بشقه مبين عمر يعرف وعمر هم لمحلي اكثر من مره ع علي يريد يزوج وحده بغداديه كاتل نفسه عليه ويرجع يكله اتوقع اسماء انتي مسويتلي سحر اسماء ماتفتهم قصده بس اني فتهم ابقه ابتسم بخجل لحد ذاك اليوم صارت اشاعات انو هو عاجبتن وحده من الخارج بس عمر كال جذب وامه هم كتالت كاتل نفسه ع وحده بس ميقبل يكوال منو هي شيخلصن ٣ صنين بعد والله نشلع كلبي
حتى حلي مو مثل البشر
لمار. شبت بضلوعي النار يمه الحب يمه محبولي جوه ضلوعي اح جاوين اضمه يمه يمه طلع بيج بله
شهد. يبووووو انتي حجيت يم وحده ماتعرف الحب شنو شورطني وكتلج
لمار. راح اذلج كل شويه اطلب منج طلب ولج اني ماعرف شنو الحب ولج اني الحب يمي وبعد يعزل
شويه خابرني حسام
حسام. لمار تعاي بده فلم شاروخان مبين حلو تعاي باوعي وياي
لمار هسة جايه سديته شهد تعاي وياي خلي نباوع فلم حسام يكول لشاروخان حلو
شهد. امده حضي هو سوه شاروخان حجه حتى تنزلين يمه اني شكو روحي روحي اني دايخه اريد انام بس مو يعصر بطنج
لمار. ايا سخفيه ياسافله صدك طالعه عينج تركته تضحك نزلت صدك لكيته مطلع فلم شاروخان كلش حلوة سوالي مكان بسرير نحشكنه حشك اول مره هيج اتقرب منه ونكعد بفراش واحد من يوم زواجه من زينب جان الاستقبال البرده مالته مضلمه لونه غامق الضويه مطفايه صاير جو فدشي صارت لقطه طايحه الحض غيرنه القناه وهو ضحك اجه تقرب باسني من خدي بدون مقدامت نوب بقه يبوس ندمج مانحس اله زينب دخلت علينه
يبووو اني صرت فحمه من الحراره والخجل
بس حسام ابد ماهتم هي خنزرت فتحت الضويه
زينب .قبل شويه لجيت يمك كتلي ردت انام
حسام. اي صح وبعدين طارت نومت عيني من حجيج وبقيت اكلب بتلفزيون وطلع فلم هندي وانتي ماتحبين الهندي ولمار تحبه فصحته اكو مانع شنو عندج اعتراض
لمار. ردت اكوم هو لزمني
حسام. كملي الفلم اله تكومين
زينب . شنو شو ماتستحي متكوال هاي واكفه خلي احترمهة
حسام. ادبسز شو جاي تحسسيني كاعد ويه وحده من وره ضهرج تره لمار ظرتي قبل لاصيرين مرتي
زينب. لابله لعد اني مو اربع اسنين وياك هذا كله نسيته هسة هي صارت الاولى واني الثانيه اني بحبك الاولى
حسام. لعد وين راح هذا الحجي من اكلج خلي ازوجج وتتهربين ها جان مصار هذا كله
لمار. شنو تقصد مصار هذا كله يعني قصدك زواجنه كمت منه هو بقه يصيح وراي ماعبرته
يتبع

البارت 33

لمار
طلعت روحي شون يحجي هيج وكدامي عينك عينك اني صوجي كلبي فطير بسرعه ينسه امداني اذا بعد احجيك نمت العصير كعدت صليت المغرب لكيته داك كومه عليه وداز رساله نزلي اريد احجيج خلي يروح نزلت نفسي هواي ومحد يستاهل ليش ياربي شناقصني ليش ماخذت واحد يحبني ليش هل ذلة رحت فتحت الكنتور كلبت بين ملابسي ضامه مذكرات احمد اول مره افتح من زوجت
ابد حتى مخليته بيدي بس ماعرف ليش ماشمرته قريت كلامه وغزله بيه وحده منهن
وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
يتغزل بيه مثل المجنون كل تفاصيلي كاتبه
ضحكتي شعر غمازتي عيوني كله يتغزل بيه
ماعرف صار عندي فضوال اشوف صوره بالفيس اكو صوره لبنيه مبين بتركيا ضاحكه وغمازته مبينه كاتب فوك الصورة كومه يشبهنج
بس انتي ماكو مثلج كومه اشعار حزن واكثر شي ناشر عن شاعر علي حسن علوان شعر مجبوره اسمعوهة كلش حزينه اخر شعر منزله اله ابشركم نسيته الخاني بس باقي ينزل كلم مجروح وامل ارجعله اتوقع نشره من زوج حسام وردت طلاك نزلت دموعي ع كلامه حتى جاي يصير بيه حوبته ونفسه بيه مجاي يخليني ارتاح كلت بصوت احمد اتركني ارتاح
والله جاي تعذبني لان بعدك لحد هسة نفسك بيه ماحس اله الباب انفتح عليه عبالي شهد
باوع حسام وجه مبتسم ولازم ضهرة بيده اني من شفته رتبكت نوب دفتر يمي والفاتحه فيس احمد كمت ماعرف اصرف بسرعه ضميت دفتر وره ضهري
حسام. شنو ضميتي وره ضهرج لمار
لمار. هااا هاي مذكراتي جنت كاعده اكتب بيه
حسام. ليش ضميتيه وراج لعد
لمار. لان ماحب احد يعرف عندي مذكرات ويقراهة من وراي
حسام. اتوقع دفترج ماليته مسبه عليه ماذكره شي زين
لمار. لا اصلا ماذكرتك لان انته مثل القطار المر واني بعدني موصلته حتى اصعد بيه
حسام. افاا هيج اني وداعتج انتي شنو بنسبه الي مثل حبايه التخفف الالم انتي دواي
لمار. بس نهايتك تطيب وبعد متحتاج هذا الدوه يعني بس فتره وتركه
حسام. اوووف ياربي ولج اربع سنين احب وانتي سنه وحده طلعتي شيبه برمشي
لمار. هجم بيت الجذب
حسام. والله تعاي شوفي
هو جان بعد واكف يم الباب فاتحه ولازم الحايط رحت اركض عليه اريد اطلع جذبته
لمار. يااا هي صدك اكو شيبه برمشك صدك هاي شوكت طلعتلك واني واكفه مصدومه شي غريب هو خله اديه ع خصري
حسام. منج بهذلتي حوالي وعضني من اذني
لمار. اااخ حسام
فاتت شهد خلت ايده ع عيونه
شهد. استغفرالله شويه استحوا بقت تستغفر ونزلت بشقه
حسام. ينعل يومج منين طلعين
لمار. شكد عيب هسة شتكوال علينه
حسام. لاوالله جاي احس مواعد بنت الجيران
هيو انتي مرتي
لمار. مرتك هه حبيبي احجيه لواحده غيري اني ماريدك خوش خلي بس اجيب هذوالة واشر ع بطني اشمرهم عليك حتى ماريدهم
اني لو موهم جان هم اجيك هذا شو دار وجهة عود زعل ونزل ع درج ضايج نزل اول بايه صاح اااخ اني رحت اركض عليه ها حسام شبيك تاذيت سودة عليه هسة شصعدك
حسام. بالم ولواته عود فقير غير حبيبتي زعلانه عليه كلبي مانطاني اتركج زعلانه
لمار. سودة عليه حبيبي لزمته سندته من ايده وع كيف امشيه
حسام. اااخ يايبه شوف شلون تحبني وتخاف عليه ههههه
لمار. يعني مابيك شي جذب عليه شكد لوتي واني غبيه بسرعه اصدكك
حسام. يقلد صوتي سودة عليه حبيبي ولج اني حسام مايصعب عليه شي درج ماكدر انزله بس ردت اشوف تحبيني لو لا وطلعتي مو بس تحبيني تموتين عليه
لمار. شنو هل ثقه زايده اتي مو خفت عليك
بس خفت خاف توكع وتموت ومابيه حيل ابجي
حسام. بشقه ياحقير بسيطه بس خليني اطيب اشوفج حسام شون يربيج ع هذا حجيج
هي كل بعدنه نمشي ع درج لان هو يمشي ع كيف واني وياه هم لان هو اول مره يمشي من يوم العمليه هيج خطوات ومسافه طويله نزلنه
مرت الايام اني رجعت لدوامي
ودفتر احمد شككته وذبيته بزباله دخلت شهر خامس من حملي بطني شكبره حتى الرحله كوه ادخلهة ماريحه للدكتوره صالي فتره وماحب اني اروح للدكتورة بس هسة اريد اعرف شنو التوم ولد بنات حسام بده يرجع للشغل بس ميسوق يروح تكسي كم مره حاول اكون وياه بفراش واحد بس اني ماقبل رجعت صحته تمام جان اكثر نومته يم زينب وهي تنفذ طلباته زوجيه كنوم وفراش واني جان يسميني المكتبه يجي من يضوج من نكه زينب لان اني من يجي للغرفه اكون لو اقره لو نايمه وابد مابينه علاقه زوجيه اني ماقبل بس شقه وضحك واني الوحيده اعرف اسراره وسر العقم الي حتى امه ماكللهة جان يجي يزيح كل همة يمي اذا كان بخصوص الشغل او زينب يكلي حلو بيج تبقين سمعين وماتحجين ساكته يفرغ همة كله وبعدين من اشوفه حجه كل يريده ورتاح اكعد اسوالف وياه ومدحه لان احسه ضايج من شغله العقم ابقه امدح برجولته وجسمه ولحيته وصوته حتى تنرفع معنوياته مرات نطلع اكل ونباوع فلم بلكوه جاي الحك ع دراستي والمديره كلش مشدده ويانه نوب وجهي مملي شعر ملي وجنات تحف بس خفيف وتحصل رزالة
وتنقيص درجات اني ماسوي لان درجاتي هنا منيلهن نوب ينقصن كوه ارفع بيهن بيوم رجعنه من المدرسه مثل كل