تحي من اخوتي اكعد وياه....هو جان يجي اكعد بس كلها كاعده يمنا...
طلب يكعد وياي ابووي ما قبل كال ماعدنه بت تكعد ويه خطيبها ومنيرس اتذكر ما كعدت ويه المنذر....
ومن ذاك اليوم بعد مؤيد ما حجه ولا طلب يكعد وياي....
قبل لا يدخل عليه باوعت علئ وجهي بالمرايه جنت طالعه حلووه واثار الجدري مختفي بسبب المكياج..
ابتسمت بس جنت ارجف ارررجف ...
منارس فهمتي شراح يصير خرب حضي المطفيه تعلمني لا ودكول لا تخافين جكه ابره ...
ومثل سالفة اخت حمود حلووه...بالبداية موش حلوه بعدين حلووه ..
دخل مؤيد وانه عبالك اتكهربت ارجف رجيف وارعش...
هو ضحك بهدوء وتقرب مني لزمني من ايدي...
همس بصوت هادئ ...مبرروك ازهار ان شاء لله ما تشوفين وياي بس كل الخير...
ابتسمت بهدوء....شكرا وانت ما تشوف مني اله كل خير ...
تقرب مني وانه رجعت بخوف باسني بخدي بهدوء...
كال...يالله بدلي حتئ نصلي ونتعشا وبعدين لكل حادث حديث...
هزيت راسي بأي....فتحلي سحاب البدله وباسني بجتفي....
بلعت ريكي بخوف...وابتسمت بهدوء...
لميت البدله علئ صدري ورحت للكنتور اخذت ملابس وبدلت وره الكنتور بسرعه رحت غسلت بسرعه ضهر اثار الجدري كلش ضجت منه وانقهرت
هسه اكيد يشوف واتلعب نفسه....
تنهدت بحزن وطلعت لكيته نازع القاط ولابس دشداشه بيضه....
نزلت وجهي بخجل من الجدري وهو اجه يمي رفع راسي التقت عيوني بعيونه....وباسني بخدي كال...لا تنزلين راسج ارفعي احب اشوف وجهج...
تنفست بربكه وخووف...وبلعت. ريكي بداخلي شئ فرحان وبنفس الوقت خايفه....
هو توضئ ورجع فرش السجاده وفرشلي سجاده انه لبست حجابي وعباتي وصليت وراه بمسافه قليله...
دار وجهه عليه وابتسم وانه درت وجهي ووكف ومد ايده عليه وانه حطيت ايدي بيده ووكفت....
اخذني للجربايه وطفه الضوء جان رومانسي وهادئ وياي وانه متيبسه وخاايفه وكل شويه افلت من بين اديه وهو يرجعني....
لووول مشفر...طردوني فشلانه ههه
............................
كعدت الصبح تعبانه من الولاده كلها اجت كعدت يمي بالغرفه وباركتلي...
جابولي ريوك....
وامي كومتني للحمام تكرمون...
رحت غسلت وجهي واديه ورجعت للجربايه انطتني لبنيه رضعتها...
دخلي جدي والمنذر اني ضميت غرومه الصدري عبالك جاي يخطفونها مني....
اجه المنذر كعد يمي...ضحك كال شبيج انطينه غرام خلي نشوفه....
جاوبته بهمس وعيني علئ جدي...ياله هسه يتفل بحلكها....
ضحك بصوت عالي كال...لج بابا شبيج ترئ هو تفل بحلك مؤمل حتئ يورث منه الحكمه والنباهه والرجوله...
شنوو تردين غرام تسترجل...
باوعتله وافتهمت جدي ليش هيج سوه بمؤمل عبان هنا السالفه...
ابتسمت وانطيتها للمنذر باسها واخذها الجدي ضل يبوس بيها ويحك لحيته بيها وهي تبجي...
يماااااي غرومه جنها كتكوته بنص الاسوود...
جدي انطانياها وطلع هو ونذري...
وجدتي كالت....خابصتنه نذري اسسسد ونذري اسسد وتالي نذرج اول خلفته بنات حتئ مؤيد الفاهي اول خلفته ولد...طلع احسنه منه
جاوبتها...شنهي السالفه اسسد وخلف لبوه قابل مخلف صخله...
كلها ضلت تضحك وجدتي تخبلت كالت...ولج تقصديني
جاوبتها بخوف...ياله جده انتي هم لبووه موش صخله
باوعت علئ امي بعصبيه كلتلها...سكتيها لا اجي اجسرها وهي نفسه....
امي كالت...ولج اسكتي اسكتي...فضحتينه
سكتت وبعدها اخذ مؤمل رضعته موش فروخ دكول جهال صخله شكد يرضعون...
هم اخذته امي نومته بكاروكه...وانه كعدت اتريك ولو لعبانه نفسي من البارحه بس اكلت خصبا عني...
وحلفت بعد ما اخلف عبن شنهي موت احمر
بس اخاف نذري يتزوج عليه عبن هو عاصفه يريد كومه جهال....
بس لا يروح يتزوج روجين لان حلفت مااخلف بس ياله انطي كفاره واخلف شنهي شو انه اتعيقل جايبه بس بنيه ومااريد اخلف شوف الناس شكد تخلف...
بكيف نذري شكد يريد نخلف نخلف
............................
نيران ...
رحت نضفت البيت كله....
وعمه سوت الغدا خطيه كووولش فرحانين بيه لان حامل...
همه ماعندهم اطفال لذالك مكيفين بحملي وعمتي متقبل حتئ اشتغل...
بس زحمه مره كبيره بالعمر هي تشتغل واني كاعده
كملت شغل ودخلت لغرفتي اخذت ملابس ورحت  للحمام سبحت وطلعت....
دا امشط اباوع البطني شويه كبرانه ابتسمت بحب..
شوويه واتصل ال لتليفون الارضئ ضحكت هذا عمر يحب يتطمن علينه من هو بالدووام.....
رحت بسرعه ملهووفه رفعت السماعه بدون انتباه كلت...الوووو حبيبي شلونك
گال بخبث....هلووو حبيبتي مشتاق لايامنه يحلووه
عقدت حواجبي واستغربت ...هذا الكلب فارووق النذل بعده وراي شيريد...
صحت بعصبيه...لك عااار عديم الرجووله حررمه شتريد مني تريدلك كتله انطيح حضك بيها والله مو رجال...شخصيتك زفت
ضحك بااستهزاء كال...له له له مو رجال نيران...تمام ان شاء لله علئ يوم اثبتلج الرجوله بس كوون بيت وحدنا لان ما اضمنج
احترك كلبي من كلامه حييل جاوبته...ماكوو داعي تثبت شئ روح البس ثووب امك واكعد بالمطبخ وكت غده سوي لاخواتك غده يالله بسرعه يالله
رد بسخريه...ههههههاي صايره لسان نيران خانوم اوك تمام هسه ترئ اني مرايد شئ غير ان اشوووفج
ضحكت

بقهر...ولا بااحلامك ترئ اني كوولش صريحه وكل سوالفك عند عمر جر اذنك وبعدك تنفخ ماخفت ياعار بيك خير روح تهدد علئ عمر مو جاي علئ النسوان يا حرمه....
جر نفس عميق وكال...عمر ما نسيت سالفته وياي بس ثقي بالله اذا ما خليته يعفن بالسجوون مااطلع فاروق...
جاوبته...اعلئ ما بخيلك اركبه ويالله ولي مفارغه لهيج نماذج...
كال...لعد المن فارغه حبي
طحت بالسماعه وقفلتها تنهدت بوجع ياربي هذا الغبي شيريد والله مليت...
احس عايشه بقلق شوكت اخلص من هذا العذاب ما عولت ردت كرامتي يجيني هذا يذكرني بالصار
والله حسيت حيروح الطفل ويوكع....
دخل عمر باوعتله بخووف....هو باوع عليه تقرب لزمني من اكتافي كال....هاااا حبيبتي شبيج
جريت نفس كتله...شوويه من الحمل احتصر شوويه واتضايق...
كال...اذا تردين اخذج الاهلج
جاوبته...لا لا هسه اصير زينه
هو جر نفس باسني بخدي وراح للحمام..حظرت ملابسه وانطيتهن اله والرجفه اكلتني اكل...
...................................
مر حوالي ست اشهر.....
مؤمل صار عمره 11 اشهر وغرومه عمرها 6 اشهر
وانه اداوم بالمدرسه اكعد من السته الصبح اكمل شغلي واكمل حاجات الجهال والساعه بالوحده اروحن اداوم عبن شنهي دوامنه ضهري ..موش انه مسائي....
خطيه زهوره ما دكول شئ الجهال من اروحن يضلون عدها...هي تتكفل بيهم...
مخلصين شغلنه و وحده متفهمه الثانيه....
وعمتي من اجت ازهار خففت ضغط عليه....
بيت جدي راحو من العرس بس هسه اجوو عبن جدي اديه صايره بيهن اگزمه
وصفوله دكتور كلش مضبووط ومؤيد كال انه اخذنه وضل عدنه وساعه يروح لبيت ابو جاسم...
انه حاليا بالمدرسه اول متوسط واقره رغم حييل صعب وكوه افتهم...
بس شنهي متونسه حييل علئ هل نسوان
ذاك اليوم جايبيلنه تعريف الزهره بالعلوم وام طالب كاتبه هي الزهره ام الحسن والحسين...
واجت المعلمه ضلت تحجي عليها كلتلها اجيت احطلج صفر بس وكفت بعيني الزهره... وحطيتلج خمسه...
ام طالب جانت فرحانه المهم ناجحه حتئ لو جوابها غلط....
خلصت دروس اجه المنذر اخذني ....
وصلنه للبيت دخلت ...شفت ازهار كاعده توكل بمؤمل جاي وبسكت ...
هو من شافني ضحك وكف يمشي بخطوات بسيطه ممتوازنه صاح بطفوله...نامس...« منارس »
ضحكتله وشلته بين اديه بسته بخده وهو باسني بطفوله دمرني بسكت وجاي...
عضيته بخده ...لك شنهي نامس اختك الصغيرونه وتسميني نامس كوول ماما...
هو باوع علئ المنذر مد اديه اله صاح...اببه
المنذر اخذه مني وضل يبوس بي...
نزله بالكاع وهو سحبني من ايدي واخذني للغرفه صح طفل بس جراني ضحكت يمكن يريد ياخذني لغرومه...
حاول يصعد علئ الجربايه ماكدر اني صعدته وكعدت هو ...اشر علئ غرام...
ضليت اباوع عليه مبتسمه
رجع اشر علئ الكاروك بعصبيه وصاح ..نامس
باوعت يريد غرومه
كتله كول ماما يالله مال دكول نامس متشوف غرومه
هو اخذ ممية غرام وركعه بيه
باوعتله بعصبية ...يمممه منك مووش فرخ ياله دماار دماار...
رحت جبت غرام حطيته يمها ما اهتم الها...
صااح بصوت عالي وعاگد النونه...مممه
فرحت بسته حييل ...يمممه فدووه لليكول ماما واخيرا...
هو صررخ باانزعاج ولزم المميه مالت غرام اشر عليها...مممه
انتبهت ...يااا يريد ممه واني عبالي يكلي ماما يفشلتي
كمت جبت المميه حطيت بيها حليب ومي وخبطتها انطيتها اله باانزعاج وعدم رضا كتله...هااك وبعد لا تحجي وياي انه مزاعلتك ولا احبنك
اخذ المميه وتمدد وشربها ولا اهتم الي...
وانه باوعتله بطرف عيني وضليت الاعب غرومه بعناده
خلص وشمر المميه واجه صعد علئ ضهري عضاني بخدي يغاار من غرومه...
ضحت وسحبته ونومته ودغدغته هو يضحك ويريد يفلت مني...
يمماااي شكد احببنه حييل تعلقت بي انه دعيت ربي يخلي اله معزه بداخلي عبن شنهي مظلوم ماله والي.
دخل المنذر كعد يمنه وهو شمر روحه علئ المنذر هم
المنذر ضحك ضل يعض بي ويصارعه...
شلون اثنين مايحبون الشقه...
انه رحت سبحت وجاي ابدل مااشوفن اله المنذر وياي بالحمام....
لفيت المنشفه عليه بسرعه باوعتله بعتب...ياله عيب مو من شيم احفاد صلف يدخلون علئ حمامات النسوان هيييج...
هو عض شفته كال...اي فعلا كلامج صحيح بس يكلبي اني الوحيد من احفاد صلف اختلف
باوعتله بنص عين...قصدك منحرف
هو حط ايده علئ خصري وسحبني حط خشمه علئ خدي وبذوبان....اي منحررف ومن اشوفج انحرف بالزايد
ابتسمت بخجل ...يالله اسبح وروح الدوامك وانه ارضع غرومه خطيه
باسني بشفايفي وابتعد كال....انعل ابوو غروومه تعاي ولج...
كتله...ياله ياله هسه سبحت ومؤمل بالغرفه...
هو سحبني كال...لا تخليني اسلگ حتئ مؤمل واذا علئ السبح اني اسبحج خاف تتعاجزين
عقدت حواجبي بزعل ومشيت وياه مسيره غير مخيره...
جانت غرام نايمه...ومؤمل طالع يم ازهار...
اول ما دخلنه الغرفه دفعني علئ الجربايه وتقرب مني....
يماااي مووش رجاال نااار ناااار...
اخذني بعالم احمر كله رومانسيه وغزل مال اسوود احبنه اعشگنه صدك احسن برجوولته واحسن باانوثتي وصغر حجمي بين احضانه....
هم مشفر...هه
بعد ما خلص باسني براسي وراح للحمام...
دخل سب

ح وبدل ولبس الزي العسكري واخذ مسدسه وانه اعاين عليه...
هو كل ضابط يلبس زي عسكري حلوو ياله وروح ابوي جاا هذا الشافط الهوه كلها اول واحد شفته موش لابس عسكري ولا حلووو....
بس نذري حلوو حلووو وكل ما يكبر يصير بعد يجنن
صار عمره تقريبا 35
خليت لفيت المنشفه ورحت للحمام سبحت وطلعت...
وهو باس الجهال وراح للشغل...
ضلينه كاعدين انه وازهار وعمتي نسولف وجدي نايم بالاستقبال...
اندك الباب وانه رحت فتحته انصدمت من شفتها همست بهدوء...حنان...
هي بلعت ريكها ومتغيره حييل  كالت ...اي شيخ صلف موجود...
هزيت راسي باي وفتحت الباب هي،دخلت وانه كعدت جدي جانت تباوع بفراغ وهدوء...
سلمت وكلتله...شيخ عندي كلام وياك
جدي عاين عليه كال..روحي جدي جيبي ابنها تشوفه وسوي جاي
هزيت راسي وهي كالت...لا عوفي مؤمل هسه موضوعي اهم
خليت وطلعت....
ضلت تقريبا ساعه كامله وازهار وعمتي تخبلن منها وكالن لاتودين الولد الها....
هي طلعت وجدي وياها عيووونه بكصته وانه جبت الولد هي اخذته وباسته...وضلت تبجي حييل هو مايريدها ضل يصررخ ويحرك باديه عليه يريد اخذه
وجدي يفرك بسبحته حييل وكل شويه وكال...انه الك يا نذل وثاب وروح محمد اليوم اله اطمنك
استغربت من كلامه وما افتهمت شكوو
المهم والولد فرفح من البجي اخذته منها وهي خلت وطلعت...
جدي لبس عكاله وجفيته واخذ عصاه وطلع...
بس شنهي يسب ويغلط واعصابه نااار...
ضلينه كاعدين اجه مؤيد سولفنه اله وجديف تاخر ماكوو...
مرت ساعه ساعتين صارت بالعشره وماكوو....
صار دنيا اليل جدتي اجت هي وامي من بيت ابو جاسم
راح مؤيد وعابد اخووي وجاسم يدورون ماكووو
صارت ب 12 وهو ماكوو ضلت جدتي تلطم...
شويه وخابر التليفوون رفعته هذا المنذر كتله ...يلوو
هو بسرعه كال...انطيني مؤؤيد
صحت علئ مؤيد اجه يركض اخذ السماعه مني حجه وياه وطاحت السماعه من ايده...
نهاية البارت....يتبع..

البارت.... السادس والثلاثون
رواية...انا هي جميع نساؤك
💔💔💔💔💔💔💔💔
رجيجه العافيه  وفركاهم يسيل 
عزاز ومن مشو هدولنه الحيل
جداه لقد إنطفأت الانوار. وأغلقت أبواب الدار.
  وأسدلت الستار وأصبحنا لا نعرف الليل من النهار
           جداه لقد تركتنا دون أن تأتي إلينا بالأعذار٠
             ليتنا كنا نعلم بالأقدار
وداعآيا جداه .....اللهم اجعل ذالك الجد ممن تقول له النار : [ أعبر فإن نورك أطفا نــاري ] ،،، وتقول له الجنه: [ أقبل فقد اشتقت إليك ] اللهم بلغ دعائي لجدي
اللهم بلغه اني ادعو له في كل وقت. وإنهُ مازال في قلبي وعقلي  💔
..............................
وكعت السماعه من ايييد مؤيد...
كلنه جنه مترقبين وخايفين وگلوبنه عبرئ...
جدتي كالت بخووف...هاااا مؤيد احجي شمالك انخطف لونك...
هو بلع ريكه كال...المنذر يكول تعال للمستشفئ جدي مضروب بسياره وحاليا بالمستشفئ...
احنه كلنه ضلينه نصرخ ونلطم وجدتي تخبلت...
مؤيد بسرعه اخذ سويج سيارته وطلع يركض والولد وياه...
احنه نتصارخ ونبجي وجدتي كطعت روحها تكطع
التمت علينه الوادم كالوو...لا تخافون ان شاء لله مابي شئ...
انه متت من البجي  ومؤمل يبجي يخاف يشوفنه تخبلنه....
ضلينه ندعي ونسبح وننتظر جواب منهم بس،لحد الان محد اجه منهم...
موش يوم تيبست حلوگتنه...
كل شوويه اروحن اوكف بالباب اعاين محد منهم دخلت جوه خفت من المنذر عبن بس يشوفني بالباب يكتلني...
مسحت دموعي ودخلت...
جيرانه راحوو للمستشفئ شوويه واجت مرة جبيره كالت باارتباك...كومن لمن اغراضجن وقفلن الكناتير كلشي يصير...
جدتي جاوبتها بعصبية...شنهي انتي شتحجيين اسم الله اسم الله ان شاء لله ماكوو شئ...
المره سكتت بس وضعها ما يطمن عبنها وجهه يخطف...
شويه وطبت ام وثاب وبتها وهنه يتصارخن بصوت كلبن الدنيا كلاب رعبنه رعب...
ام وثاب....يبوووووي يبووووي صلف مااات صلف مات
هي من كالت هيج الكل تخبل صار الصرييخ واللطم وجدتي شكت ثوبها...
واني اصطكيت بالزاويه واصرررخ بصووت عالي...
ام وثاب لطمت علئ صدرها وتگول...راح الجان يحظر بالدواوين....بعد اهل الطلايب عدمن تبات...
ردت بتها ...راح الحييد منها وزلزل الكوون ....صدگ ميت يالبراسك يحلفوون...صدك ميت
كطعن ارواحهن تكطع...
رجعت ردت عليها ام وثاب...ابو محمد سبع ما نام علئ العيله ابو محمد سبع...
وبتها ترد عليها ...ما نام عل عيله...
اني متت لطت علئ وجههي بكل قووتي ملخت شعري تكوم بالكااع ...
وكلمن محتاره بروحها وكلها تتصارخ....
ولحد الان ممصدكين الخبر...
شوويه ونسمع عمي ابو جاسم وجاسم يضغبون وعمي ابو جاسم يصيييح...يا يابه يابووويه يا صلف بوويه...
وجاسم يصرخ..وعابد اخس من حالهم....
طلعت اركض متناسيه جهالي ...شفتهم واكفين بالحووش وعمي لازم خاصرته ويبجي بصوت عالي
والولد يلطمون مثل النسوان...
بس لا منذر ولا مؤيد موجودين...التمت العالم والعشيره والكرايب...
جدي الناس كلها تخبلت عليه عبن جان معروف بالعشيره وصاحب كلمه ورجال حقاني وكلمن منطي طينته بخده....
بعدها الجثه ما جايه والعالم انكلبت كلاب....
شوويه وانفتح الباب طلاقتين....ودخلو اثنين شايلين التابوت ويصيحون....لا اله الا الله...لا اله الا الله
والمنذر جان لابس زي عسكري ومؤيد يبجي...
غمضت عيوني باسئ وكلبي مااات...صحيح جدي مات راح الجان يوكفلي ويحاسب الكل الخاطر عيوني...
راح ابووي جدي اعتبره ابووي عبن انه يتيمه وهو الرباني وكبرني صحيح جان صارم و قاسي
بس الحمد لله طلع مني بذره صالحه ونقيه والكل تحلف براسي...
صرخت بصووت عالي والطم علئ وجهي
دخلوو عابد وجاسم جوه وهي كلها هجمت علئ التابوت صرنا مثل الحمام كلمن طارت بصفحه
واللطم الصار امي وجدتي الدم يجري من خدودهن كطعن ارواحهن تكطع...
بعدها شالو التابوت...وكلها جلبت بي فلشن التابوت
هنه لبسن العبي والجواريب ..وانه كلت اروح وياهم
لبست حجابي وعباتي واشهك من البجي طلعت بره شافني المنذر جان عيونه حمر وعاكد حواجبه لزمني كال بجمود...ارجعي
لزمت قميصه وانه انحب بصوت مسموع...ياله بروح ابووك خليني اروحن وياكم خليني اودع جدي
سحبني بدون كلام كال...لا ارجعي منا مؤمل وغرام
لزمت ايده وبستها وانه انحجبت عندي الرؤيه بسبب الدموع...فدووه منذر فدووه ابوسن ايدك لا تضلمني لا تخلي حكمك يكون اقوه مني اريدن اروحن فدوه
هو سحبني بدون كلام...
صعدني بالكوستر كعدت يم امي والصريخ يدووي تارس الشارع ترس...
ضلن يحجن عليه وامي كالت ارجعي بس انه ما اهتميت....
شفتهم شدوو الجثه علئ السيبايه فوك السياره والمنذر...شفته دخل جووه
شويه وطلع مبدل لابس اسوود...
رحنه للنجف انه وامي ونسوان عمي وجدتي وام وثاب ...
والزلم وثاب وفاروق...
والمنذر وجاسم وعابد ومؤيد وابو جاسم وبعد هوواي ناس راحت مااعرفهم....
اخذينه الطريق كله نبجي...
وصلنه الفجر اخذوو للمغيسل غسلوو
جنت كاعده بالكااع وابجي كلهن دخلن علي وانه ما دخلت...
اجه المنذر يمي كال...تعاي منارس ادخلي ودعي جدي...
دخلت بخو

ف ورهبه وشفايفي،ترجف وعيوني ما اشوف بيهن من البجي....
شفت جدي نايم علئ المغيسل وداير وجهه علئ الجهه الثانيه وراسه ينزف دم...
بلعت ريكي لزمته من وجهه بثنين ادييه همست ببكاء...وييين الحيييد وين صلف ابو محمد ياله جدي ما عهدتك هيج بارد ما عهدتك ساكت انت الراعب الكل انت ابو محمد الكل تهابك اكعد يابو محمد انه يتيمتك انه منارس المحد وكف وياها غييرك
جان نايم عبالك موش ميت بس ينزف
حضنته وصرخت بصووت عالي...جدي ولك بووويه اكعد لا تخليني سووده عليه سوده بوجهي اسم الله عليك من الموت اسم الله علئ طولك يبعد روحي
المنذر جان واكف علئ صفحه وحاط ايده علئ وجهه ويبجي بهدوء...
تقرب مني ولزمني من اكتافي كال...يالله كافي
باوعتله ببكاء...مات انه بعد ضليت وحيده محد يدافعلي محد يساندني غييره
هو ضم راسي الصدره همس بجمود كال...اني موجود  انتي امانتي تشكين محد الج لعد اني وين رحت؟
رجفت شفايفي ودخت وكعت من طولي جوه رجليه
هو صاح بصوت عالي ..منااارس مناارس ورفعني لصدره
اجه اخووي وامي كوموني واخذوني للسياره كعدت بيها حسيت نفسي ضلت تلووع...
ترست السياره تقيئ.. و راسي موتني احس الدنيا تدور بيه...
بعدها اخذونه للامام علي عليه السلام...زورناه وزرنه وصلوو عليه...
ورحنه للدفن...بعدها الشمس ما غالبه الغيوم والجو جان مترب...حتئ الجو حزنان علئ جدي...
لكيناهم محظرين الكبر  نزلو جدي وهو صار الصريخ وجدتي هجت بالمكبره تصييح ....ولك صلف ابو محمد هييج تروووح بدون موادع يصلف وتلطم علئ وجهها....
وعمي والولد يبجون...
دفنو والدفان لقنه جان صوت التلقين يصدع بااذني ..اذا جاءك الملكين وقالو من ربك قل لله ربي
رفعت راسي ليفوك همست بتوسل ودموع...ربي رحمني ولا ترجعني لهنا مااريد اشوف احبابي يندفنون...
دفنه جدي ورجعنه تاركينه وحده هو وعمله دعيناله ربي يرحمه وينور قبره ويحعله روضه من رياض الجنه موش حفره من حفر النار....
رجعنه للبيت وصارت الفاتحه منصوبه 3 ايام
جدي مات شلون مات...جاي يعبر الشارع وضاربته سياره جانت سريعه حييل...
راح ثاره عبن ما عرفنه منهو الضربه. 
انه حجيت ويه ابو جاسم وكتله هو راح الوثاب واجته حنان...
وثاب حلف يكول ما جايني....
راحو الحنان كالت...طلبت منه اشوف ابني بس جانت خايفه ومتردده.....
وانه غرام خبلتني بس تبجي موش رضعتها وانه مقهوره وصارت القهره بيها ما خليت شئ ما سويته الها وهي بس تبجي...
وابوها مشغول بالفاتحه ومشغول منو ضرب جده...
وكلمن محتار بروحه والبنيه ضاله تلووب...
.....................
مؤيد
من خلصت الفاتحه...اندك الباب وطلع رجال كبير...
رحت فتحت الباب واشوفه رجال كبير بالعمر استغربت كال...السلام عليكم
جاوبته...وعليكم السلام اتفضل
كال...المنذر موجود
هزيت راسي باي وفتحت الباب ودخل...
جانو كلهم ملتمين ابو جاسم والولد ومنذر
دخل سلم عليهم وكعد
كلهم ...الله بالخير
جاوبوه...الله بالخير والعافيه تفضل
الرجال مسح لحيته وتنهد كال...انتم اهل المغدور مو صحيح
رد عمي ابو جاسم...اي
كلهم...اني ابني هو الدعم الشيخ بس ما جان قصده هو الشيخ ما منتبهه علئ طريقه
هي كلها هجمت عليه اولهم وثاب كله...شلوون احنه وياكم كووم وثارنه ناخذه مربع وصار الغلط والفشار
كلها هجمت عليه
عمي ابو جاسم كلهم ...كولو يا الله وخلونه نفتهم
المنذر طلع بسرعه وبعدها رجع للرجال وهو يصييح ...والله ثار صلف ما نسكت عنه
الرجال وجهه انخطف كال...وثاب بعد عمك تدخل
اني انتبهت كتله...منين تعرف وثاب
وثاب صاح بعصبية...منين تعرفني
هو رد باارتباك...هااا مو ابني صديق فاروق ومايدري ودعم الشيخ واليوم فاروق من سولف عرفنه المغدور الكم واني جاي اخذ عطوه
المنذر بغضب...ما الكم عطوة والقاتل تسلمونه ورجلكم فوك راسكم...
الرجال...سلمته وهو بقبضة الجييش
صار حجي وغلط بس ابو جاسم ما قبل وانطاهم عطوه
المنذر طلع بسرعه وركب سيارته
صاح عليه ابو جاسم كله...وين رايح
هو جاوبه...للمركز
ضلينه ناس تجر طول وناس تجر عرض وما نعرف شنو السالفه...
.............. ...........
عمر ...
جنت كاعد بالمكتب نيران صار اكثر من 3 ايام عند اهلها...
طبعا اروح اتطمن عليها لان هي حامل وطلبت منها ما تاذي نفسها هذا هو الصار صار بعد ماكو رجعه
ويتطلب بس الدعاء والصلاه...
هي جانت زينه صح تبجي بس مو مثل زوجة المنذر وزوجة مؤيد علئ حسب قول امي
جاوبتها...لان هذني هو مربيهن نيران متعرفه هلكد
شويه وجابو ولد شاب كالو هذا قاتل واحد ساحكه بسياره...
كلت يجي ضابط التحقيق ويحقق وياه...
وضليت اوقع علئ اوراق ومستندات
ما اشووف اله المنذر دخل بكل لهفه لعب لعب وهو يصيح...وينه هذا الكلب
وكفت ورحتله كتل...شكوو شكوو شصاير
كال بغضب...هذا الولد الجابوه هسه وينه
عقدت حواجبي جاوبته...مسوي حادث بسيارته
هز راسه بأي
رحت وياه اخذته للسجن فتحت الباب واشرت اله عليه
جان ولد بمقتبل العمر هسه طالع شاربه يجي عمره بين ال18 ل 19 سنه وضعيف حيل بوكس من المنذر يودي لربه...
هو باوع عليه بغضب وال

ولد تراجع خطوات كبيره
كله بجمود...انت النذل الكتلت صلف يا حيف صلف يموت علئ ايد بزر مثلك
هو رد بخوف...والله ماادري هو صار كدامي
رجع باوعلي كال...طيحلي حضه
طلع من السجن لزمته من ايده كتله...سيدي ترئ الولد مابي ضربه وطايش خلينه نفهم منه يجوز مو قصده...
المنذر...قصده مو قصده طايش طفل يتحاسب يتحاسب...
عمر...ميخالف يتحاسب بس خلينه نفهم السالفه لان دتشوفه عبالك طفل يكسر الخاطر وخلصها بجي مابي ذرة رجوله...
هو بدون ما يرد عليه خله وطلع ...بعد هو ميكدر يحجي الولد صار بقبضه القانون...
رجعت للولد حققت ويه بس يبجي وميعرف يجاوب خلصها والله هو عبر الشارع واني ما شفته...
تنهدت تركته وطلعت متاخذ منه لا حق ولا باطل...
بعدها اجه ضابط كبير دخل عليه هو غريب هذا الولد كل شويه واحد جاي محقق وياه ...
وناس تطلع وناس تدخل. وكلهم كبار بالدوله...
..............................
منارس
صار اكثر من اسبوع المنذر ما شايفته ...
وغرام تريد تموت ادز عليه ميجي حيل قهرني ومؤمل يرضع ويلعب ميفهم شنو السالفه...
خابرت علئ حنان ردت افهم منها السالفه ما انطتني حق ولا باطل
وكالت .. اجيت اشوف ابني
كلتلها.. بس جدي من اجيتي جان كل شويه وذكر وثاب...
جاوبت بمراوغه...اي مو كتله وثاب خابرني ويكلي انتي ساقطه خنتي ابن عمي اله اكتل اخوتج
سديت التليفون ما صدكتها جذابه اكوو شئ والضاهر هي حجت وتراجعت وخافت من وثاب احتمال هددها
انه صاحباتي والمعلمات اجن للفاتحه وعزوني
وام طالب جالت الفاتحه جوول صفنت النسوان...
وحتئ روجين خابرت علئ المنذر ورادت تعزي بس تعاركت وياها هاله...
انه جنت موش بحالهن وروحي رايحه علئ جدي...
بس من خابرت لحد الان منذر حتئ ما يجي للغرفه واشوفه خطف...
بس لا رجع لرويجه وروح جدي اسووي دهر اكتلها واطبن سجن
عود شنهي عبالها مات جدي بعد محد يطلع وراي ياله انه سبعه اطلع واهدن وره روحي...
واريدن وحده تخابر علي شنهي الخلقه ما خلق غيره
حيحو منا رويجه منا وين اروحن اخذنه واشرد بالصحراء
متت من البجي صدك ضليت بدون والي هسه لا تسأل عليه انه بطكاك
بس بتك خطيه شنهي ذنبها والله ماادري يمكن بيها جفاف اسهال وتتقيئ ومصخنه
وكلها محتاره برواحها
وعلي اذا غرام ماتت اكتل روحي واتطلك من نذري
وخلي ياخذنه امهات كريع يتهنن...
تنهدت وشلتها وانه اسكت بيها....وهي تون
تذكرت ام وثاب بالفاتحه دكول لازم يتنصب شيخ موش صلف مات
واكيد شيخهم وثاب
وحده كلتلها...لا ابو جاسم هو الشيخ هاي وصية صلف
هي ردت بحزم...ماكو هيج حجي وثاب هو شيخهم
ذيج سكتت وانه فرت بس تولي بعده جدي ما مات ضلت تدور تنصيب وشيوخ...
باوعت علئ غرومه صارت حمره نااار ومصخنه...
اخذتها للحمام حطيتها بالطشت نزعت ملابسها وفتحت الحنفيه سبحتها بمي دافي...
وغسلت شعرها بصابون وهي تبجي وتصررخ ما اعرف شلون دخل الصابون بحلكها...
وهي صرخت وفتحت عيونها تريد تجر نفس ماكووو وجوهها صار ازرررك ضليت ادك علئ ضهرها غسلت وجهها...ماكوو
ضليت اصرخ طلعت اركض جني مسودنه وصيح ...غرااام غررام ماتت
هي كلها طلعت تركض من الغرف والمنذر طلع من الاستقبال جكارته بحلكه اول ما شافني شمرها
اخذ من ايدي غرام بلهفه
كال...شبيها شبيها
هو شافها زركه وما تتنفس ماتت بيده
هو تخبل ركض بيها للشارع وركب السياره واني ومؤيد وياه بسرعه انطتني زهوره عباتي
مؤيد يسوق وهو لازمها ويسمي عليها وهي لا حياة لمن تنادي رايحه مثل الوصله بيده...
انه تخبلت فقدت ضليت اصرخ واغلط...والله منذر اذا ماتت غرام اسووي فلك والله تطلكني ارريد غرام يممه غرومه...
مؤيد كال بخوف...مابيها شئ لا تخافين...
المنذر يبوس بيها ويمسح بوجهها
وصلنه للمستشفئ وهمه اخذوها منه بسرعه بالطوارئ...
هو شوفهم هويته وهمه اخذوها بالصلاوات كلها التمت عليها...
طلعونه بره وهمه تكفلو بيها جان وجهها ازرك
ضليت الطم وهو حضني حييل كال.. لا تخافين ما بيها شئ هسه تصير زينه
رفع وجهي وهو تخبل كال...ليش هيج مسويه بوجهج
حسيت دخت عيوني مااشوف دفعته حييل مشيت خطوات وهو واكف...
مااعرف شنعي الصار بيه بس حسيت مثل الشئ الحار نزل علئ رجلي...
وكفت ومااشوف اله دم نزل مني صرخت بصوت عالي صحت دم...
هو ركض عليه لزمني كال...مناري شبيج
همست بضعف...دم
بعد ما حسيت وكعت كدام رجليه ومااشوف اله صارت هووسه واسمع واحد يكله غرام
نهاية البارت...يتبع

البارت السابع والثلاثون
رواية...انا هي جميع نساؤك
💔💔💔💔💔💔💔💔
هواي احبها بكد بياض سنونها
#_الله_مدري_اشحاط_فوك_عيونها
حلوه  ويغار  الغصن  من طولها
#__اشلون__اهلها__تطلع__يخلونها
بارده
       ومنها
                الثلج
                        ماخذ
                                 خصال
#__وحتى_فجر_الله_اخذ_من_لونها
.............................
مؤيد...
وكعت منارس وهي تنزف...خطيه جانت حالتها حاله تبجي علئ غرام وهي مااعرف شبيها تنزف...
المنذر تخبل عليها رفعها الصدره وهو يضرب علئ وجهها ضربات خفيفيه ويحاول يصحيها...منارس
اجت الممرضات بسرعه جابو سديه اني سالت وحده منهن كلتلها...غرام شلونها
كالت...ديعالجوها
المنذر شال منارس وخلاها بالسديه وهو يصيح عليهم وربكهم خلاهم ناس تركع بناس....
ضلينه محتارين بين منارس وغرام...
المنذر لزمني كال...روح يم غرام واني اضل يم منارس
هزيت راسي ورحت يم غرام...
جنت اباوعله من العنايه المشدده...حطولها مغذي واوكسجين وبطل دم...
طلع الدكتور اني استقبلته بالهفه كتله....هاااا دكتور بشر
تنهد الدكتور كال...وين جنتو الطفله صاير عندها جفاف حاااد وتحتاج عنايه...
بلعت ريكي اذا تموت غرام والله منارس والمنذر يتخبلون لا منارس تهج اعرفها شكد تحب الاطفال ...انوب مو غرام
جريت نفس جاوبته...ناخذها مستشفئ خاص
هو جاوب بهدوء...بابا مو قصة مستشفئ بس طفله صار الها اكثر من 3 ايام اسهال وتقيئ اي سوائل ما ضاله بجسمها....
حنه دنسعفها بالمغذي ونسوي العلينه والباقي علئ الله
مسحت وجهي بتوتر كلها التمت علينه انوب المصيبه امها تخربطت
ادري هنه عود ليش مااخذنها مو يشوفنه مشغولين وناس رايحه وناس جايه...
بس ازهار كالت لامي اتذكرها وامي كلتلها خلي تشربها خافض حراره وجدتي دكلي شربيها ورود
ما عبالي هيج حالتها سيئه
اني حتئ حجيت ويه المنذر كتله بنتك حالته مو زينه مصخنه
هو كال...عندها علاج خلي تشربها وتاخذه للمضمد هي وامي
كلت لامي كالت صارت زينه اني بعد العليه سويته ضلت هي ورجلها
ضليت كاعد منتظر شنو يصير والمنذر يم منارس
.........................
فتحت عيوني بغواش وتعب...اني من غير هيج وهيج ما اشوفن عبن عيوني يوجعني من البجي...
وكلبي نار علئ غرام ...
شفته كاعد مقابيلي وعاكد حواجبه انتبهت علئ ملامحه رجوليه اكثر من اللازم...
وشاربه مخطوط بااتقان...جانت زهوره دكول شوارب المنذر شتويات وتضحك عليه...
انه كلتلها...رجل بدون شارب كالحمار الهارب..
وهي تخبلت عبن مؤيد ماعنده شوارب...
اي انه أي واحد يقلد علئ نذري اردنه...وما اسكت...
اول ما شافني فتحت عيوني اجه عليه ملهووف لزم ايدي وابتسم كال...هااا منارس شلونج هسه
رفعت نفسي بتعب المغذي مشكل بيدي جاوبته بتعب وزعل...موش زينه غرومه وين انه شبيه...
هو جر نفس وحط ايده علئ راسي وابتسم بفرح كال...انتي حامل
انه فزيت مرعووبه...ياله ياله جذب موش حامل ياربي موش حامل مااريدن...كله من وراك انت السبب
هو تخبل كال...لج دتحسسيني مغتصبج شبيج بابا هذا رزق واني لحد الان خايف افقد الطفل وضعج ممستقر...وانتي متردين الطفل..
رديت عليه وانه امسح دموعي...انت بنيه وحده وما مهتم وبعدين انه عليمن الحك علئ غرام على مؤمل لو علئ دراستي...
هو جر نفس كال...ازهار موجوده تهتم بمؤمل وغرام...وانتي اهتمي بدراستج واني اوصي عليج
صحت بوجهه...ما احبنك نذري...عبن انت فارغ عبالك انه مثلك ماعندي شئ...ياله انه كلشي فوك راسي وانه بعد ما اتحمل غرومه مريضه صار 3 ايام
اكلكم اخذوها محد ياخذها عمتي دكلي سويلها كمادات وجدتي دكول سويلها فوح وانت ادزن عليك دكللهم خلي تاخذها امي...
منا لمن البنيه اجت تموت وروح ابووي اذا غرومه ماتت اكتلنك انت واهلك ولا دكول ما كالت...
ضحك بهدوء كال...واصير شهيد كاتلتة مرته بسبب اهماله البنته والها...احلئ جريمه مرة عليه بتاريخي العسكري
رديت بعصبيه...اي اضحك عليه هسه كول انه شبيه وغرام شبيها...
كال..صار عندج نزف بسيط لان انهبطتي مجرد ثقب مشيمي ولازم ترتاحين ومتتحركين...اما غرام عندها جفاف وان شاء لله تصير زينه لا تخافين ماكوو شئ...
جريت نفس ودرت وجهي...شلون ورطه أنه حامل وغرومه ومؤمل صغار وعندي امتحانات والاسد مايحس بس،يريد يكثر فروخ...
همس بهدوء...حبيبي لا تضوجين ترئ والله الكاع ما ساعيتني لان حامل....وان شاء لله غرام تصير بخير
بلعت ريكي...بس انه بعدني صغيره وعندي بنيه. وولد وادرس ما يصير هيج
مسح علئ شواربه وعض شفته كال...واني شيبت واريد اطفال مو انتي عمرج 19 مدري 18 وما تردين ترئ اني طاك ب 36...
رديت عليه...يمه شويب تقشمرت
ضحك كال...مو كتلج وكلتي اداريك
جاوبته بحنين...اداريك بعيوني بس موش انت ما تكعد هسه حتئ عيب جدي ترابه بعده اخضر وانه حامل
رد بجمود ...واني شنو نايم بفاتحة جدج ترئ صارلج شهرين حامل...ولا تنسين غرام عمرها خمس اشهر...
جريت نفس...انه اريدنك ابووي كون من اتنخاك تركضلي اريدنك ليل من اتوجع تسهر وياي
كال...وان

ي هيج وعند عيناج اذا لمنوسه ماافزع افزع المن الحيحو
سكتت جا هو عاصفه ياهو اليكدر علئ لسانه
اجت الممرضه شالت المغذي مني سالتها علئ غرومه كالت...بقسم الاطفال...
انتبهت علئ المنذر كال...لا تخافين رحت للدكتور وان شاء لله يهتمون بيها انتي اهتمي لنفسج...
واني راح اخذ اجازه اضل وياكم تمام
هزيت راسي بأي بس انه كلبي نار علئ غرام موش بخير خطييه...
ضليت الوبن والمنذر يمي ...
بعدها كتله...خليني اروحن اشوفنها
هو مقبل بالبدايه بس انه مثل عجوز العرب الحن هوواي اضطر ياخذني الها...
يمه من شفتها تخبلت عليها حالتها ما تطمن وحاطيلها دم ومغذي و اوكسجين
ضليت ابجي وانوح عليها ومنذر ومؤيد يطمنون بيه
اجه الدكتور كال...لا تخافين مابيها شئ ان شاء لله
هزيت راسي بأي وكعدت علئ الكراسي الموجوده...
كعد يمي المنذر باوع بوجهي كال بحزن...ذبلانه وعيونج رايحه لا تسوين هيج بعد الراح راح منكدر نرجعه
هسه الاريده منج تقريله قران وتصلين وهذا هو الي يريحه بگبره...مو اللطم والبجي هذا الشئ مو زين تاذين الميت وتاذين نفسج
جريت نفس ونزلت دموعي هو سحبني الصدره وباس راسي كال...اني ابوج وجدج ونذرج لا تخافين ما يفرقنه غير الموت...
حطيت اصبعي علئ شفايفه كتله...ياله لا تطري الموت يبعد كلبي مالي حييل افارك احبابي بعد روحي ذابت من الحزن يالنفس...
هو ابتسم بهدوء ...وضل يمسح علئ ضهري...
وفرحان لان احمل باحشائي ولي عهد من عنده...
انه اعرفنه اسسد اسسسد هل مره مضبوط وان شاء لله ولد من صلب ابووو...
ضل ويانه وما تركنه ولا لحظه
.................................
عمر كعدت الصبح دا اروح للدوام شفت نيران بطنها كبرانه ونايمه...
ماحبيت اكعدها كلت اتريك بالشارع...
لبست ملابسي ودا البس،بالساعه هي رفعت راسها كالت...صباح الخير حتروح
ضحكت كلتلها...صباح الخير نامي نامي اي حروح هههه
وكفت كالت...لا اسويلك ريوك...
تركتها راحت غسلت وطلعت عيوني راقبتها منا لمن سوت ريوك واجت جابت الصينيه ...
دخلت حطتها وصبت جاي كعدنه تريكنه سوه وصيتها تدير بالها على نفسها وطلعت...
ركبت سيارتي وصلت للمركز ...
شفت ابو جاسم وفاروق دخلوو  للمركز وياهم ضابط تحقيق...
استغربت هو صار يومين المنذر ممداوم رغم هو جان عنده مصاب وهمات مداوم بس جدد الاجازه
العرفته ان بنته ومرته مريضات وبالمستشفئ...
ضليت تقريبا نص ساعه اغلي بسبب وجود فاروق الكلب
شوويه وطلعوو ماحبيت اشوفه كلب وبكل حقاره يجي ويدخل للمركز...
شويه شفت ابو جاسم واكف الوحده
اجيت سلمت عليه وسالته ...شجابهم هنا
كال...اجيت انزل الدعوه عن الضرب صلف لان هو موش قصده بس راح يفصلون وان شاء لله خير
جاوبته بقهر...شلون تتنازل بدون علم المنذر
جاوب بعصبيه...شنهي تعلموني انه الشيخ من بعد صلف وانه الاقرر موش المنذر يقرر عني
اني مجاوبته لان همه عائلة بيت ومو من حقي التدخل...
هو تركني وراح....
حاولت اتحره عن الموضوع...بس جان الموضوع حيل مشدد والأكثر مايعرفون غير فاروق وابو جاسم والجاني
كلت اروح للمنذر واحجيله الصار....
................................
مؤيد جنه عند بنت المنذر ...
شويه حالتها استقرت ...عمي ابو جاسم ضال يلعب بكيفه
والمنذر يروح بس يسبح ويبدل ويرجع ومتناسي ثأر صلف حقه محد يلومه بنته وزوجته حالتهم حاله....
مع العلم ام منارس واخوها يجون بس المنذر مراح للبيت لان بنته تكسر الخاطر
هم اجت امي واخواتي يزورنها ومنارس لحد الان عندها نزف بس مقبلت تروح
اجه عمر ضل يحجي وياه وهو نفعل تخبل ضل يحجي
وخله وطلع بررره المستشفئ واني لحكته...
رحنه للبيت...
اول ما دخل راح لابو جاسم وضل يصيح وعمي يصيح...
وتالي عمي كال...مالك شغل ثار صلف انه اخذه وطلعت الولد عبن موش قصده وان شاء لله يفصلوون...
المنذر رفس الباب وطلع بس بعد كلام عمي ما اله كلام...
لان هو راح يتنصب شيخ....
وثاب هو يريد يصير شيخ وكابه الامه للستار .....
رجع للمستشفئ وهو يدخن أعصابه نااار....
منارس...
اجه المنذر اعصابه نار و وجهه ما يتفسر ...
تنهدت موش رجال شوكت ما اجي اعصابه محتركه ونااار
عبن من يدخل للمستشفئ السسترات كلها تاخذ تحيه
وان كلبي بي نار موش احبنه
وما احبن اي وحده تعاين عليه....
شمالهن ذن شنهي ماكوو غيره شوو المستشفئ متروس شباب وهنه وما يعاينن اله علئ نذري...
سألته...شبيك ينذري
جر نفس كال.  عمج التافه ابو جاسم لاعب لعب من وراي هذا شكل شيخ هذا
والله ما اخلي كهوجي بالمضيف
حطيت ايدي علئ جتفه وهمست...علئ كيفك موش هيج جاا انت ما تخاف علئ صحتك ان شاء لله تنحل كل المصايب بس كول يالله
تافئف بغضب وزمجر بعصبيه...راح وعفه عن القاتل وطالب بالفصل هيج دم صلف انوازنه بالفلووس
جاوبته...موش فلووس ياله بس شنهي عمي يريد يخلص من المشاكل...
كال...لا اله الا الله...لج محد جاي يفهمني...ردت احقق وياه مااكدر احقق مدام عمج عفه...وطالب بالفصل
جريت نفس شسوي انه مااعرف للفصول سكتت وبالي يم غرومه كالوو تحسنت شوويه.....
.................................

ازهار...
خابرتني حنان وذيج المسبه والغلط والفشار دكلي ام الزلم اخذتي مؤيد اني الج اله اخليج تبجين دم
انه شسويت قفلت التليفون عبن وحده فارغه وتافهه. .
وطلبت من مؤيد ياخذني لاهلي موش صار هواي ما شايفتهم...
وهو ما قصر اخذاني اخذت وياي مؤمل وهو مسكين يلعب وما يعرف شنهي السالفه....
شويه واندك الباب...رحت فتحته طلع فاروق
كال ...ابووج هنا
جاوبته...اي موجود
رحت صحت لابوي وابوي دخله جووه رحت سويت جاي و وديته اله...
طلع اخووي اخذ الجاي مني ودخل جووه...
اسمع فاروق يكول لابووي...لازم بتنصب شيخ يا ابو جاسم
ابوي جاوبه...انه الشيخ من بعد صلف وان شاء لله بس تطلع الاربعين انصب روحي....
فاروق رد عليه...جااا شلون هو مو وثاب الشيخ من بعد صلف لان معروف بالحكمه واله هيبه عد ااهالينه ابغداد وانت يا ابو جاسم رجال جبير وينك و وين المشيخه
ابوي جاوبه بحزم...هذا موش حجي انه الشيخ يعني انه
فاروق..تكفئ لشر يا ابو جاسم وخلي وثاب الشيخ تعرفه اله هوواي ناس اذا هاي نسوي مثل القرعه ونختار
ابو جاسم بغضب...شنهي تضحكون علينه صلف كال ابو جاسم الشيخ يعني انه...موش وثاب
وهذا حجي يفيدكم....
فاروق ضاج وخله وراح وابوي ضل يصيح ويحجي...
وحالتهم حاله....
وناس تجر طول وناس تجر عرض وكلمن يريد يصير شيخ...
وراح يصير مجاتل من وره هاي السالفه
اي والله جدي كال تصير مجاتل وتروح شبان مثل الورد من وره المشيخه...
..............   .................
منارس بعد مرور ست اشهر...
المصايب والطلايب كايمه...
انه غرومه كبرت ومؤمل كبر وبطني واصله الخشمي  ثكيله حيييل..وتوجعني ولا اكدر اكوم ولا اكعد...
من رحت للمدرسه وكلتلهن حامل تخبلن كال بنتج بعدها طفله....
كلتلهن ...والله موش قصدي احبل بس صار بالغلط
واستلمتني ام طالب سوت بيه فلك كالت...شهل عياره مالتجن تحبل وكالت بالغلط وهنه نهارك كله مشلتحات كدام الزلمه...
امهات بالغلط...خااب امشي بالغلط كضي روحج وما يصير بالغلط
اكلت رزاله معدله من ام طالب...
وبعدين فكرت صدك شنهي بالغلط انه حتئ ما ماخذه احتياط واكولن بالغلط....
انه زينه بدراستي واقره تعبانه حييل صرت شاطره والمنذر يقريني باليل يكعد وياي
وانه اكتب هوواي وانتبه علئ المعلمه من تشرح والحمد لله
نومت الجهال ورحت سبحت لبست ثوب خفيف كصير احس روحي مختنكه
والطفل احسه بين رجليه متت كعدت علئ الجربايه
دخل المنذر شافني ابتسم وانه ضحكت بتعب كله من وراه حامل 
انه لو اموتن بنتي تصير يتيمه والمنذر يتزوج يبووو وروح ابوووي اموتن قهر
تقرب مني باسني بخدي وشفايفي...
كال...ترئ هليام مصومتني شوكت أفطر
جاوبته...من اجيبن عبن شنهي اخافن تصير عندي ولاده مبكره
هو ضحك بصوت عالي كال...لا لا لتخافين هم اخاف علئ طفلي مو الهلدرجه قاسي
ضجت حييل بس شسوي حكم القوي علئ الضعيف قشمرني وبالغلط ههه من تسمع ام طالب تموتني
اي بس صحيح قشمرني وخلاني ذبت بحضنه مثل الزبده مالت جدتي من تذوب بالخبزه الحاره...
وخلصها همسات وبوسات وانه صايره ما اتحمل ضليت ابجي وتركني...
موش رجال دمااار شامل اي وروح ابووي دمار ماار
كعدت الصبح سبحت وهو سبح تعبانه وضهري موتني
كتله اخذني للدكتوره وهو ما قصر بدلت وكملت وهو بدل تريكنه ورحنه...للمستشفئ...
مسافة الطريق و وصلنه....
دخلت علئ الدكتوره النسائيه ضلت تحجي وياي وانه متت من البجي...
موش مصدكه كلامها ياله جذب جذب...
طلعت ملهووفه وابجي شافني المنذر وكف كال...هااا منارس شبيج
جاوبته والدموع تتطاير من عيوني...الحك الحك موش الطفل....
نهاية البارت ...يتبع
#باجر النهاية

بارت الثامن والثلاثون
رواية...انا هي جميع نساؤك
💔💔💔💔💔💔💔💔💔
حينما أقلب تلك الصفحات العطرة من سجلاّت حياتي أراها أياما ضاحكة، مشرقةً مملئةً بالعنفوان، ممزوجةً ببساتين الحب الصادق متراميةً على اطراف نوافذي، مع رائحة ياسمين فجر وليد يتجدد فيه براءة الروح النقيّة.
....................................
هو لزمني من اكتافي كال بخووف...شكوو احجي شبيج
همست وانه ابجي...موش طفل اثنين
فتح عيونه بصدمه وفرح كال...صدك منارس خاف تشاقين
جاوبته بنفي....ياله وروح ابووي وداعة غرومه ومؤمل هي الدكتوره كالت الي...
انه موش مصدكه عود صدك بيه تووم..
هو ضحك بفرحه عارمه ورجع لزمني ...منارس خاف مصخنه
جاوبته بقهر...طب للدكتوره واسالها...
لزمني من ايدي وسحبني كال...اي اي خلينه نشووف بالله
انه ضجت شنهي ما مصدكني ويكول خل نشوف وانه اصلا ما اريدنه ايطب للدكتوره عبنها حلوه وتشبه رويجه ام سيقان....
انه ما عولت اخلص منها انوبه يروح يتذكرها...
لزمته ...ياله نروح الغير دكتوره
باوعلي بااستغراب كال...يعني جذب مو توم
جاوبته...وروح ابووي توم شنهي ما تصدك بيه انه شنهي جذابه يا يوم جذبت عليك
جنت احجي وهو ما مهتم سحبني وطلب من السكرتيره ندخل علئ الدكتوره...
دخلتني الدكتوره.  من شافتنه ابتسمت وانه طكت روحي..
ضحك بهدوء وكال...السلام عليكم
هي ركزت بعيونها عليه كلتله...وعليكم السلام تفضل
رجع باوع عليه كلها...زوجتي واريد اعرف جنس الجنين
ابتسمت بهدوء وكالت...اهااا منارس حامل بتوم مو كلتلها
هو رد عليها...ممكن تعيدين السونار بلا زحمه
هي وكفت وعدلت قميصها جانت لابسه بنطرون وقميص وشعرها اشكر تخبلت انه ...
خزرتهم ثنينهم بس ما جانوا مهتمين الي...
جاوبته بمرح...اي تدلل اعييده...صعدي حبيبتي علئ السديه...
رفعت نفسي اله شاورته بهمس خافت...ما اصعد علئ السده
هو رجع عليه بنفس الهمس...اولا اسمها سديه مو سده وتصعدين وغصبا عنج
عقدت حواجبي موش بكيفهم بعدها انصدمت انه ليش هيج اتصرف تصرفات مال مزعطه وشدعوه هلكد اغار عليه..
امتثلت للامر الواقع وصعدت على السديه علئ كولة هي رفعت قميصي ...
انه من اطلع وياه موش جني بت عرب ياله البس تنوره وقميص لو البس نفنوف طويل وشد الحجاب عدل
حطتلي جل وكعدت تفحصني بالسونار جانت دكتوره معروفه بالاعظميه وتمتلك اجهزه...
باوعت عليه وابتسمت كلتله...شووف هذا واحد وهذا الثاني وطبعا جنسهم الاثنين ولد لان نفس الجاره ونفس البيضه متلقحه لذالك يطلعون توم متشابهه.
هو ضحك وعيونه تنبض بالفرح من شفت فرحته ضحكت واني ابجي باوعت عليهم من خلال السونار موش جهال يجننون....رغم ما مبين منهم شئ بس وجودهم ببطني وهمه ثنين عندي يجننون
انه امي توامه جابت توم انه وغرام وهسه انه اجيبن توم موش مصدكه...
رجعت الدكتوره كالت...صحتهم زينه طبعا اكوو واحد من الاطفال صحته احسن من اخو واسمن منه عادي تصير لان توأم...
ولادتها حتكون طبيعيه لكن افضل ما تجيب بالمستشفئ العادي يا اما خصوصي يا اما تنقلوها المستشفئ مدينة الطب تكون العنايه افضل...
المنذر لزم ايدي وعيونه ما فاركت جهاز السونار كلها...اي اكييد لو تريد للصين اخذها...
كلتله هذا عرفت جنس الجنين ان شاء لله الف مبروك ويتربون بدلالكم...
انه رديت عليه...شكرا دكتوره يوم الالج
ضحكت كالت...لا ممتزوجه
باوعت للمنذر موش يمنه اصلا باله يم النونوات ..«جمع نونو»
مالكم شغل اللغه العربيه الخاصه بمنارس ههه جمع تكسير
بعدها تشكر من الدكتوره وطلع...
ركبنه بالسياره وانه من الفرحه ابجي رجع باوع عليه كال.. اششش لا تبجين لازم تفرحون والله لحد الان ممصدك
جاوبته ببتسامه مخلوطه بدموع...وانه موش مصدكه وروح جدي...
ابتسم وهمس...لا دكولين توم لأي شخص زين بس لامي لان اخاف من الحسد
عقدت حواجبي...شنهي السالفه باجر عكبه اجيبن وكلها تعرف توم
هو كال..ميخالف شويه شويه نمهد الموضوع اول مره ما مبين انوب توم ولد وبنيه انوب ثنين ولد ههههه
ضحكت بصوت عالي جاوبته...يمممه منك اخس من سوالف ام طالب طلعت سوالفك مال عجايز
ضربني بااصبعه بخفه علئ خدي وابتسم كال...ما تصير الج جاره شبهتيني بأم طالب يا ضالمة النفس...
جاوبته...ياله انت ما تشبه ام طالب انت بطل بططل
هو ضحك بصوت عالي كال...يالله شكد تحبيني اني متفاجئ من محبتج اليه يعني بصراحه دشوف حبج الي فاق الحدود
جاوبته بهيام...اي والعباس عبن مااعرف انه شمالني احبنك بكل سوالفك وسلبياتك وايجابياتك واغارن عليك من الهوه الطاير شايف هيج محبه
جر نفس وباوعلي. الابتسامه علئ محياه....واني اموت عليج...جنت مااشوفج زوجه لا طفله بس من عاشرتج ردتج بكل قووه انتي كرزايه اتمنئ كل شويه اكلج...
تدرين احجيلج بصراحه اني جنت ملطلط مال نسوان بس من شفتج اعتزلت النسوان وكلبي ضل يدك بس باسمج...
ومن تغارين من بشرئ وروجين وحفيظه احاول اتجنبهن حتئ ما ازعجج بس انتي اااوف منج اله تحصلين كتله يالله اتوبين
رديت عليه...عبن شنهي مااريدن يتقربن منك وانه لو ما هيج سويت جان هسه ان

ه بخبر كان...
هو ابتسم كال...عمي توبتيني وخليتني اعترف انتي كل نسواني...
ابتسمت. همست....الحمد لله
رجع ساق بهدوء وصلنه للبيت تلكتنه زهوره شايله مؤمل وغرومه كاعده تلعب بالكاع...
ابتسمت مابيه حييل اشيلهم بس بستهم ورحنه العمتي گلنه الها ان اني حامل بتوم وهي تخبلت من فرحتها ما صدكت ضلت تبوس بيه وتبارك اليه وللمنذر....
رحت الغرفتي نمت واني احس مخنوگه ومتضايقه كلت يمكن من الحمل عبن شنهي توم واثكال وانه صغيرونه....
رحت للغرفه والمنذر ما يكعد هلكد يبووس دكول ماشايف نسوان ...موتني بس بيني وبينكم انه مكيفه واتعيقل مسويه روحي مااريدن ما يدري انه ميته مييييته...شحلاته هو وبوساته
مرت ايام وايام وانه اداوم مدرسه امتحنت اول متوسط جنت اجاوب عبن صرت شاطره ومهتمه رغم عندي جهال...
شنهي الخلاني اهتم هو المنذر بعد ضل ما يدور نسوان من جنت امتحن سادس ياله عرك ومصايب ومهتمه بس بهاي السالفه وعايفه دراستي...
امتحنت اخير السنه وانه علئ ابواب ولاده
والثكل موتني...
المنذر زين وياي ويتخبل على غرام ومؤمل ومدارينه
بس هو دكه ومدگوگه شلون ابو جاسم يعفي عن القاتل ويأخذ فصل واهل القاتل شالوو بغير منطقه
وابو القاتل خله ابو جاسم يكتب تعهد محد من ولدنه يتعرض لا اله ولا الابنه لان اخذو الديه...
والمنذر ياكل بروحه لحم ومؤيد يلكه شنهي السالفه هو بعد جدي مات اله نسوي مشاكل يالله نرتاح
والمنذر تعارك ويه مؤيد....
وهاي ضالين بس،يتعاركون....
.......................................
نيران جان دنيا ليل
طبعا اني مر وقت طويل علئ حملي وجبت بنيه حليوه فدوه اروح الها...
ابوها بس مگابلها وگاعد صرت اغار منها كثر ما يحبها...
هي بعدها بالكماط صغيره بس هو متخبل عليها...
جانت تبجي واني محتاره بيها ما اعرف شبيها اشيلها منا متسكت ارضع تبجي مااعرف شبيها...
دخل ابوها شافني محتاره بيها وابجي علئ بجيتها اخذها مني وشالها ضل يمسح على ضهرها
كال...شبيها
جاوبته بتنهيده ...موتتني متريد تنام بس تبجي
عقد حواجبه كال...اخاف مخلوعه ايدها انتي متعرفين تلبسيها...
كتله ...والله مااعرف بس امي تعرف تسوي المتن
هو تنهد كال...بدلي وخلينه نأخذها
اني بسرعه بدلت وعدلت وجهي وطلعنه استاذنت من عمه ورحنه...
صعدنه بالسياره كال ...اكوولج اشوو احس روحتنه مابيها داعي
جاوبته...لا ليش بنيه مريضه وراح نمتنها اكو داعي
هو كمل طريقه وساق
باوعتله وابتسمت كتله...عمر
كال...هاااا
ضحكت بخجل جاوبته برومانسيه....احبببك
رجع ابتسم الي وكال...شنوو اليوم بس لا يصير شئ اشو ما متطمن الكلامج...
ضحكت كتله...لا تطمن ماكوو شئ
كال بحالميه...بملامحج البسيطه والوانج المختلفه كل مااريد اكرهج مااكدر ارجع والكه نفسي محمل بهووايه من الأحاسيس لخاطرج
بست بنتي بخجل وضليت العب بطرف كماطها...
وصلنه الاهلي اول ما دخلت شفت كومه مال شحاطات واحذيه ونعالات وصوتهم طالع....
استغربت شكو هنا شديصير...
دخلت للمطبخ وعمر دخل للاستقبال...
شفت البنات كاعدات...
منارس...دخلت علينه نيران شايله بنتها كالت بدون سلام واستغراب...شكوو شديصير اشوو كلها ملتمه هنا ..
اني ضحكت وكفت بصعوبه بسبب الحمل وباوستها اخذت بنتها من ايدها كلتلها...اي اهل وثاب والكل العشيره مجتمعين يردون ينصبون شيخ...
هي كالت بقهر...الله لا يوفقهم وينتقم منهم هل كلاب مال واحد يطردهم ولا يخليهم دقيقه هنا...
جريت نفس كلتلها...اي والله صار ساعه يتعاركون منهو يصير شييخ خبلونه...
ازهار اجت سلمت عليها وهي راحت سلمت علئ امها وامها سوت المتن للطفله...
خطيه ازهار تودي جاي وتاخذ ماي انكسر ضهرها انه اساعدها بس والله مااكدر صار عندي زلال وسمنت حييل مااكدر اعيين روحي....
شوكت اجيبن واخلص من هل ضييم....
.................................
عمر...
دخلت للاستقبال لكيته مليان عالم اديت السلام وكعدت كلتلهم ...مساكم الله بالخير
كلها كالت...مساك الله بالخيير...
ضليت اباوع علئ الكاعدين جان من بينهم فاروق فارت روحي من شفته الكلب الغثيث جاي بدون اي خجل بعد ما انتهك عرضهم....
بس واحد مراوغ ومتلون ساعه يصير ناعم وساعه حااد
حاولت ماانطي اي اهميه بس ماكدرت هو غادر زوجتي مااكدر اتنازل عنه صح رميته ونومته مستشفئ بس جانت امنيتي اوصل للحد وموته لهل عاار....
انتبهت علئ كلام المنذر من كال بهدوء...الشيخه من بعد صلف لابو جاسم وماكو ثنين يحجون بيها والعنده اعتراض يعترض علئ نفسه احنه هنا مو انتخابات هي وراثه ونورثها من جد الجد
مات صلف انطاها لابو جاسم...وهل كلام بوجود صلف والكل الحاضرين المشيخه لابو جاسم...
نط وثاب من يمه...انه احكم وافهم من ابو جاسم وانه الناس كلها تعرفني وابو جاسم جبير بالعمر ما اعتقد يكدر يحل امور العشيرة....
ابو جاسم بعصبيه...شنهي مااكدر احل امور العشيره انت كاعد تتجاوز علئ صلف ال صلف كلامك غير مقبوول ومره ثانيه اوزن كلامك يالله تحجي مفهوم
فاروق جاوب...بس يا ابو جاسم هو ما تجاوز عليك مجرد جاي يبين حقيقه انت ليش مزعو

ج وتهين بشيخ وثاب شويه خلي اسلوبك هادئ
جاوب منذر وهو يطفئ جكارته بالنفاضه....لا  تستخدمون ويانه الاسلوب الدبلوماسي هو يصيح وابو جاسم بس يحجي حجايه تكعدون تسطرون عليه بكلامكم وتطلعونه غلطان...
هذا الشئ مابي نقاش...الشيخ هو ابو جاسم من بعد صلف الله يرحمه...
ابو جاسم بعصبية...اي انه الشيخ وما عاجبه يحط رجله علئ راسه ويسكت...
فاروق...بالله هذا اسلوب شيخ لا والله ربحنه ههههاي
وثاب ...ياكلون تبن بكيفهم يحجون اني الشيخ والما عاجبه يحط النعال بحلكه...
كلها انصدمت من كلام وثاب ما احترم لا شيخ ولا كبير ولا صغير عبالك هو صدام حسين بذاك الوكت
وكف المنذر وهو يزمجر بعصبية وعيونه تجدح نار كله...انت بأي حق تتجاوز علئ ضيوفي وهمه بيتي
وثاب باوع علئ المنذر وكله...اذا بيهم واحد يحجي احط عكاله بركبته واشنقه...
المنذر هنا فقد كل اعصابه وهجم علئ وثاب اول ما هجم عليه ركعه بوكس كومه هو وعكاله بحظن فاروق
العالم كلها ركضت يردون يلزمون المنذر ماكوو صار الغلط والسب وكل واحد يتهجم علئ الثاني ...
وفاروق يتهدد لازمينه المنذر كدر ياخذله بوكس علئ عين فاروق طفاها اله...
المهم العالم طلعتهم و وثاب يصيح...لك منذر لك عاار اني توكع عكالي علئ الكاع لا والله بعده ما جابته امه حظر روحك اليوم افلش بيتك علئ راسك...
المنذر صاح بي بعصبيه....اكل تبن ماكو عاار غيرك والله انتحر ولا انت تصير شيخ علينه...
صارت هووسه وناس تدخلت....
............
منارس
صارت الهووسه واجه مؤيد يركض كال المنذر تعارك وكتل وثاب...
انه من الخووف ماتن رجليه لزمت بطني بوجع وانه ابجي واسمي واقره ايات...
يمه شصار يممه كلشي ولا نذري...
ما اسمع بس الفشار والضرب والغلط انه من النوع الما احبن المشاكل ومن تصير مشكله اضلن ارجف...
مرت نص ساعه حسيت ملك الموت وكف علئ راسي وبطني احسها سجاجين تكطع بيها...
حسيت راح تصير عندي ولاده وانه بحاجة مستشفئ متت من الوجع...
دخل المنذر بعد ما دخلوو الولد وهو يسب ويغلط وصاير نااار نااار...
ركضت عليه بتعب وانه ابجي همست ...فدوه اروحلك نذري بروح ابووك عووف المشاكل ابوسن ايدك
هو سحبني كعدني علئ الكرسي كال...لا تخافين ماكوو شئ مجرد واحد زعطوط وجاي يتهدد...
عمي ابو جاسم كلهم ...درو بالكم ترئ هذا نذل لحد يطلع لا يدك بيتنه وانتم بره...
المنذر كال.. اي لحد يطلع وانت عمر اليوم بات يمنه
عمر كال...لا ان شاء لله بس يهدئ الوضع نروح...
عمتي ضلت تبجي وتقره ايات وتهدئ بالولد....
شوويه وحسيت شئ طك ببطني صرخت من الوجع كلتلهم ...رااح اولد
ركض عليه المنذر لزمني كال...هااا منااارس راح تجيبين
جاوبته بخوف وبكاء...اي اي بطني راح امووتن  فدووه اروحلك منذر لا تخليني
هو صاح علئ ازهار كلها...بسرعه جيبي عبايتها
خطييه ازهار..ركضت جابت العبايه واجت تركض...
هستوه المنذر لبسني العبايه وما نسمع بس الرمي صار علئ باب بيتنه خرطنه خرك وهو يصيح
لك منذر لك عاار بيك خير اطلع مو خاتل ويه  النسوان
المنذر تخبل دفعني وانه لزمته حييل من قميصه رغم الوجع بس انه لزمته ما خليته هو قووي حييل سحبني وياه ونشگ قميصه
وركض طلع بره وركضوو وراه الولد...
وانه وكعت بالكاع واصرخ من الوجع وعلئ المنذر صار عندي نزف ...
تخبلت من شفت الدم منا حالتي صعبه ومنا المنذر بين الحياة والموت...
وعمتي ونيران يصرخن ولازماتني...
صحت بصوت منهار وانه اطلك ...منذر لا ترووح
دخلتني عمتي للغرفه وانه اصررخ واطلك ...
جدتي كالت ...انه اجيبها اعرف بس جيبلي مي حاار ومقص...
انه بين الوعي ولا وعي كلتلهن ...ممم منذر
كالت ازهار...لا تخافين عمي لزمه هو وعمر ميخلونه يطلع
كلتلها..لا يطلع لاا اا يطلع
ضلت عيوني تنفتح وتنسد وبعدها غبت عن الوعي...
نهاية البارت....يتبع

بارت التاسع والثلاثون
رواية...انا هي جميع نساؤك
💔💔💔💔💔💔💔💔💔
خليني اشمك مختنگ
امطر على جروحي ندى
مليت كل ساعه احترگ
كلشي بحياتي مر چذب
بس انته وجروحي صدگ
..................................
دخلتني عمتي للغرفه وانه اصررخ واطلك ...
جدتي كالت ...انه اجيبها اعرف بس جيبلي مي حاار ومقص...
انه بين الوعي ولا وعي كلتلهن ...ممم منذر
كالت ازهار...لا تخافين عمي لزمه هو وعمر ميخلونه يطلع
كلتلها..لا يطلع لاا اا يطلع
ضلت عيوني تنفتح وتنسد وبعدها غبت عن الوعي
نيران...منارس فقدت وتنزف تخبلنه عبالنه ماتت والرمي صاير علئ بابنه متنه بجي عليها...
اني طلعت اركض وابجي صحت ...منذر منذر الحك مرتك دتولد عووف المشاكل هسه
هو تركهم واجه ويايه يركض دخل شاف منارس مغمي عليها ولا حياة لمن تنادي...
وبطنها ماخذه حييز من جسمها والنزف ماخذها هو كان نزف قليل ...
بس هي تخاف صار وجهها اصفرررر مثل اليمونه وبسرعه فقدت...
من شافها المنذر هيج تخبل ركض عليها ملهووف رفع راسها خلاها بحضنه وضرب وجهها وهو يحاول يصحيها همس...منارس مناارس
ضرب ايده علئ الأرض بقووه وشالها كال انطيني حجابها...
اني شمرت عليها الشال وطلعنه للحوش شوويه هدئت الاوضاع و وثاب رمئ وغلط وسب وراح...
ركبها بالسياره واني وياها وعمر ومؤيد وامها ويانه حشكنه رواحنه حشك....
جان يسووق بسرعه جنونيه بحيث كم مره راد يسووي حادث
وصلنه للمستشفئ اخذوها بالطوارئ كالوو عندها ولاده مبكره...
وحده من الدكتورات كالت ...اخاف عندها انفجار بالرحم
من كالت هيج تخبلنه...والمنذر صار وجهه احمر من العصبيه كال...وحق الله وبيته اذا منارس ثار بيها شئ وثاب ادفنه وادوس علئ گبره....
بعدها اجت دكتوره كبيره بالعمر كالت...احتمال عندها تشوه بالرحم او تكون ولاده مبكره والمشيمه منزاحه
طلبوو ننقلها المدينة الطب لان حالتها متساعد بسرعه نقلوها بالاسعاف المدينة الطب وركب وياها المنذر واني....وامها
خطيه عمتي جانت تبجي وتنوح عليها...يممه يمنارس يمه يالوحيده يالمسكينه...سوده عليه يصغيره....
وعمر ومؤيد اجو بسيارتهم ورانه....
وصلنه لمدينة الطب واستقبلونه الممرضات و الدكتورات...
اخذوها وفحوصات وسونار
كالوو ولاده مبكره والمشيمة منزاحه من عنق الرحم مسببه نزيف ...
دخلوها عمليات خطيه جان الضغط مالتها منخفص
ضلينه منتظرين ونروح هيج ونجي هييج عمليتها طولت وجانت ألسنتنا تلهج بالدعاء وقلوبنا تدعي بصدق نية...
اما المنذر جانت حالتة حالة مثل الام الفاقده طفلها..
ما كدر يستقر بمكان ويفرگ اصابعه بتوتر وكل شوويه يتنهد وحتئ من واحد يسأله ميجاوب...
حقة محد يلومه هاي ام اطفاله وتحبه حب ما اله مثييل بحيث
مره من المرات كلتلها منارس تحبين المنذر لو امج
كالت...ياله الام مدرسه الام محد يوصل المحبتها والأم هي التحبل وتجيب وتتعب
كلتلها بضحكه...هاا يعني تحبين امج اكثر
جاوبتني اكوو مثل يكول...لو جبت كل الكون خليته يمي ما ابدله بخيط من شيلة نذري...اهوو قصدي امي
ضحكت عليها بصوت عالي كلتلها...اختاري نذرج لو امج
جاوبت بخجل...ياله همه ثنينهم يتصارعون علئ كلبي مره امي تصعد ومره نذري...
مثل كيلو طمامه و عيار ابو الكليو...وانه ميزان وثنينهم نفس المحبه...
عرفتها تحب المنذر بجنون رغم بينهم هووايه فروقات
والمنذر ضخم ومبين كبير وهي ناعمة وصغيره بعمرها...
بس جانت عاشقه مجنونه وكل همها رضئ المنذر عليها
فعلا كدرت تخلي يرضئ عليها وكدرت تجذبه ببرائتها وعفويتها...
وخلته يعترف ويقر هي كل نسووانه
شوويه وطلعت الدكتوره كلنه ركضنه عليها واول واحد هو المنذر ركض عليها ملهووف كلها ...دكتوره رحمه الاهلج بشري
كلتله...جانت عمليتها حييل صعبه و ولاده مبكره بسبب عنق الرحم هي جابت تؤم حالتهم زينه الحمد لله بس الام شوويه تعبانه...ان شاء لله خيير
هو مسح وجهه باارتياح وهمس ...الحمد لله
بعدها اخذوو الاطفال للعنايه...رحنه شفناهم جان صغاااااار وضعاف حييل وحمر بس شكلهم يجنن
المنذر عيونه جانت تلمع بالفرحه وما مصدك صار ابو لاثنين اولاد
ابتسمت الفرحته جاوبته ...مبروك يا ابو غرام شناوي تسميهم
هو باوع عليه وابتسم كال...اني متفق ويه منارس مصطفئ ومرتضئ....
ضحكت بفرحه...الله يجنن احلئ اسمين مبروك يا ابو مصطفئ ومرتضئ وغرومه ومؤمل
ضحك وضربني بخفه كال...مصار سنتين من تزوجت خلفت اربعه هههه
كتله بضحكه...عبنك اسسسد اسسسد
هو عض شفته بعدم رضا كال...لا لا اللبوة مالتي مااحب واحد يقلدها بس هي من تحجي الها طعم خاص...
جاوبته بمزح...اي بعد ام اشبالك حقك تحس بطعم خاص...
ضحك كال ...انتي شايفتها من تعصر اديها ودكول يمه منك موش رجال ياله عاصفه عاااصفه اسسد اسد وروح ابووي انتقام
لج اتذكرها بدوامي واضحك واكول.. يلعن ابليسج منارس شكد تضحكيني
ابتسمت بحزن جاوبته...الله يحفظها الك ويحفظ اولادك....
حط ايده علئ جتفي وكال...ويحفظ احبابج يخوويه
..................
منارس فتحت عيوني بغواش اشوف كلشي مغووش راسي مصدع ولعبانه نفسي خفت حييل عبن

مااعرف انه وين
حطيت ايدي المشكله بيها الكانوله علئ بطني فزعت من الخووف همست...ياله الجهال
بجيت بصوت عالي واجت الممرضه تركض كالت...هااا ماما لا تخافين اطفالج بخير وهمه بالعنايه
همست بالم...ونذري
عقدت حواجبها كالت...منووو؟؟
كلتلها بتعب...زوجي وينه
جاوبت ببتسامه ..بباب الغرفه هسه ادخله
صدك شوويه ودخل ملهووف باوع عليه وضحك وانه ردت الي الروح ابتسمت بتعب
تقرب مني باسني براسي وخدي كال...مبروك يكلبي
ضحكت كتله...شلونهم
كال بحب..يجننون بس شنو ضعاف موو اسوود لا كتاكيت علئ امهم...
فرحت حييل جاوبته...خووش بعد لا تسوي مشاكل صارو ثلاث اولاد اهدهم عليك اخليهم يجسرونك اكعد وهييد زين يكلبي...
كرصني من خشمي كال...تهدديني بكتاكيتج افااا ما ردتها منج بس مقبوله لان احبج متقبل منج شفتي معزتج...
لزمت عمليتي بوجع وهمست...بداعتي لا تسوي مشاكل عبن انت اذا رحت احنه وين نروح
هو باس ايدي كال...وداعتج مااسوي مشاكل ولا اهتم الهيج ناس بس هم حقراء يتحارشون بيه واني مااحب واحد يثبت رأيه عليه...
باوعتله باسئ،وعيوني تدمع بحييره هو مسح دمعتي
ضلينه ليله بيوم بالمستشفئ وبعدها جابو الجهال رضعتهم شكد حلووين واخافن عليهم من الهوه الطاير...
فرحتي بيهم ما تنوصف ودائما فرحتي مكسوره
دعيت ربي يسعدهم ويطول بعمرهم ومحد يفقد الثاني مثل ما انه فقدت توأمي.
حضنتهم وشميتهم...والمنذر متخبل عليهم بس يبوس بيهم
رجعنه للبيت ولكينه الامه مكلوبه دكول يوم القيامه...
عمي يصيح ندكهم ونأخذ ثارنه وناس يكلوله اخذ عطوه من وثاب...
تنهدت وجريت حسره ودخلت الغرفتي اجت عمتي باركتلي وجدتي...
وامي ما تركتني ولا ثانيه جانت عمليتب اموتتني حيل توجعني...
ومااكدر اكعد بس متمدده...
اجن صاحباتي من المدرسه باركلي كالن شصاير شو هووسه
كلتلهن ...عدنه مشكله وان شاء لله تفض
كال...ان شاء الله
راحن...
اجه المنذر يمي باليل كعد وابتسم بوجهي واني ضحكت
كال...لج مستحي منو لزمني وكال شلونك ابو التوم
جاوبته...وعليمن مستحي يطبهم مرض قابل خاطفهم همه ولدك والبركه بيك عببنك اسسد وما تخذ اله هدفين...
هو عض شفته كال...شلوون هدفيين ان شاء لله المره الجايه 3 اهداف
عقدت حواجبي وبتذمر....يااا وروح ابووي هم اخلف بعد واذا تريد تزوج ازوج شنهي متت حسيت روحي اله مال تفريخ...
كال...لا مااتزوج اني اريد منج
باوعتله صفح وبتعب و وجع...اي هم عوزها تتزوج حتئ وروح ابووي احركك انت وياها...
هو ضحم وحضني باسني بركبتي وامي دخلت هو بسرعه بتعد وشغل جكارته وطلع فشلان
امي خجلت حييل وانه تمنيت يصير زلزال ولا هل فلك والله عيييب ولا يخجل العاصفه...
ضلينه تقريبا يومين انه شوويه صحتي تحسنت والجهال ضعاف عود السمين بيهم يمكن وزنه كيلوو
صحيح عندي اوجاع بس شوويه احسن
المشكله لحد الان مستمره عبن عمي يريد يصير شيخ و وثاب ما قبل...
ودكه ومدگوگه المنذر ياخذ عطوه موش نذري طيح عكاله وهاي وبصمة عار عليه...
والمنذر راسه والف سيف مايقبل ياخذ عطووه....
يكول هو دك بيتنه وانتهك حرمتنه واني سكتت مااخذ عطوة لو يمووت
ضلينه كاعدين وما نسمع بس الرمي خرطونه خررط
فزوو الجهال ورعبوونه ضلينه نصرخ وانه متت عمليتي ضلت توجعني
همه رموو وغلطوو وراحوو
والولد وعمي تسودنو كالوو اله نروح نرميهم جدتي لزمتهم توسلت بيهم رادت ماقبلوو....
انه ضليت ابجي وادعي رعبونه رعب وكسرو فرحتي لحد الان اتذكر هذا الموقف امور ماتنسي ابببد وتضل عالقه بالذهن شكد ما تمر عليها سنين....
فعلا كل يوم اعييد الماضي والعنهم الف مره واكول حسبنا اللة ونعم الوكيل...
.................................
التمينه كلنه بباب بيتنه والكل ناوي يدك بيت وثاب بعد السواه بينه...
المنذر ما قبل نروح ندكهم بس ابو جاسم اصر
المنذر كال...نقدم عليهم دعوه ونخليهم يعفنون بالسجن
ابو جاسم كال..زرف بيتنه وانتهك حرمة بيتنه والله هل عاار ما يضل ساعه بمكانه اله اخرطنه خرط
احنه ناس عشاير وهاي مشكله تنحل بينه...
كل واحد شال سلاحه وراح...
جاسم راح صاح كرابتنه والمنذر خابر علئ عمر من التليفون الارضي وخطيه ما قصر اجه بسرعه
المنذر جان شايل مسدسه واني مسدس وعمر مسدسه
رحنه احنه بينه تقريبا عشره عمر واني والمنذر وعابد وجاسم وعمي ابو جاسم وبعد ويانه كم زلمه من العشيره...
ركبنه سياراتنه ونزلنه من وصلنه البيت وثاب...
جان الجوو هاادئ ودنيا اليل...
المنذر جر نفس كال...اني رجال عسكري شلي بالعشاير بس هذا الكلب عباله يخوفنه من يرمينه
ابو جاسم جاوبه بجبروت...هذا هانه ولازم ناخذ حقنه وانت تعرفه اذا يضل هيج يتماده اكثر...
المنذر تنهد من كلام عمه...
وهو يشوف المنظمه العسكريه القريبه من بيت وثاب....
مؤيد...هاي منظمه عسكريه اخاف نروح بيها
ابو جاسم...احنه ناس عشاير الدوله ما تتدخل بامورنه احنه نحلها بينه ردناه ياخذ عطوه ما اخذ لازم اندمه ونرجع اعتبارنه....
قبل لا ننزل من السيارات شفنه اسعد اخو فاروق اجه من الشارع وهو يتمايل بمشيته وبطل الخمر بيده جان سكران

بالگوه وصل البيتهم فتح الباب ودخل جووه...
وعمي ابو جاسم امرنه ننزل ونرمي عليهم...المنذر كال...اني ما ارمي اليريد ياخذ مسدسي خلي يأخذه
اشوف مابيها داعي نرمي علئ بيتهم ونرعب العايله وهم نايمين...عندي ثار ويه وثاب اعرف شلون اخذه احس هاي طريقة همجيه واحد ياخذ حقه بيها
جاوبه ابو جاسم بجبروت.. من رمو علينه ما كالو عايله وعدهم جهال ومرتك وصلت للموت بسبب هل عار
المنذر..بس تفكيري مو همجي مثل تفكيره انتو ارمو واني وياكم لا تخافوون...
ابو جاسم ...شنهي خاايف
منذر بعصبية...يخسا ليكول عليه خايف ما اخاف بس من الخلقني وبعدها ما جابته امه الاخاف منه
سحب المسدس ودخل الرصاصات وسحب اقسام
نزلنه اني وعمر وابو جاسم والمنذر...
همه ضلوو يرمون فووك واني ارمي وياهم خرطناهم خرط ويانه بعد شباب هم رموو علئ بيت وثاب...
وثاب مد راسه من فووك كال.. لكم عارات والله اله اطم راسكم بالساگيه انذااال...
هو يغلط واحنه نغلط...وضل يرمي علينه
عمي ابو جاسم كال...يالله اركبوو خلونه نرووح
ويه ما درنه ضهرنه جاي نمشي وما نشوف اله واحد كلامه ما مفهووم يغلط ويصيح
درنه وجهنه ونشوفه اسعد لازم مسدس ويصيح..لل لكم عاا عاار اات اليوم ارجعكم الببب البطن أمكم
جان سكران وما ينوخذ بكلامه
طلع وراه فاروق و وثاب بسرعه
هو بسرعه وجهه مسدسه على المنذر ونيشن عليه
عمي ابو جاسم دفع المنذر وصاح بصوت عالي..احموو رواحكم هذا سكران...
هو ضل يرمي عشوائي...طلقاته اجت صوبنه
بس ابو جاسم ارتبك وضل ماا يعرف شلون يرحمينه
بسرعه وجهه مسدسه علئ اسعد ورمه طلقات وحده منهم كانت كفيلة بانهاء حياة اسعد وارساله العالم البرزخ...
اجت الطلقه بين عيوونه خلت دمه يتناثر مثل النافووره
ركضت فاروق ووثاب يصرخون علئ قتيلهم المهزوم..
همه تخبلوو وصار الصريخ والنسوان طلعت تتراكض...احنه انصدمنه ابو جاسم ما جان بنيته يقتله لا بس هو الي وجهه سلاحه علئ المنذر وعمي رماه لان هو سكران ميدري بروحه...
التمت العالم ونقلوو بسياره وفاروق و وثاب راحوو وياهم
واحنه عمي ابو جاسم ارتبك صعدنه بسياراتنه وكلها ضلت تلوم علئ ابو جاسم وهو يصيح...
وصلنه لبيتنه كال لموو اغراضكم بسرعه يالله خلونه نروح للعماره صار بينه ثأر ودم وماتبرد نارهم اله تفوت فتره...
منارس...اجت كاعده ارضع بمصطفئ بصدري ومرتضئ يبجي اخذت المميه حطيتها بحلكه...
جانت عمتي كاعده يمي اخذت مرتضئ وضلت ترضع بي
حييل تبهذلت رغم امي وازهار وعمتي مساعداتني...
عمليتي جانت تاذيني متت منها ...
وجدتي تاكل بروحها اكل دكول...راح يكتلونهم راحوو يموتون وينك يصلف ويينك صارت مصايب من وراك تعال يصلف يمجسر رگاب الغمان...
واني اباوع عليها بتعب...متت من الوجع
ما نشوف اله الولد دخلوو والصياح ترس البيت موش صياح ياله زلزلوا البيت
جدتي طلعت تركض وانه تركت الطفل و وكفت وما اسمع بس الصياح ...
الفهمته منهم انو عمي ابو جاسم كاتل اسعد وهمه لازم كلهم يرحون للعماره عبن شنهي صار ثار ودم...
المنذر معاند ما يقبل يروح وعمي ابو جاسم ومؤيد وعمر اصرو يروح وياهم....
هو ضل يغلط ويسب دخل للغرفه وانه لحكته ضربته علئ جتفه بعصبية وانه ناطه من البجي همست برعب...موش كتلك لا ترووح ما كسرت خاطرك جهالك ما كسرو خاطرك
رد عليه بعصبيه وتوتر كال...لج بابا شبيج اني مكاتل وجاي اكلهم ماانهزم لان اني رجال عسكري بس اروح تثبت عليه التهمه اذا فاروق قدم بلاغ ضدنا بس عمج واحد حماار
بلعت ريكي ودموعي مطر...ياله رووح يكتلونك والله ويغدرون بيك روح واحنه نعرف شلون ندبر امورنه
كال...حظري نفسج وروحي وياي مااكدر اخليج انتي والاطفال
جاوبته بنحيب...موش مهم احنه روح انت وانه جدتي هنا توكف سيف ودرگه لا تهتم...
همه ضلو يصيحون ...يالله منذر استعجل يابه لا تجي الشرطه
هو باوع علئ الباب وعقد حواجبه بعدها باوووع عليه وحضني حيييل كال...مناااارس اذا متت لا تزوجين والله مااحب غيري يشوفج
تخبلت من حجه هييج حطيت ايدي علئ شفايفه جاوبته بحسرع وبكاء....ياله اذا متت اموتن وراك لا تحجي هيج لا تخوفني انه احبنك اغارن عليك حتئ من عدوك لا تفجعني يمنذر وعدني وعد..و وعد الحر دين ..ما تتركني ولا تفجعني بيك
هو جر نفس قووي ورجع حضني وكأن يريد يفاركني كال...محد كاسري ضهري غيرج وغير امي
رجعوو صاحوو عليه هو توتر بسرعه لم ملابسه وباس الجهال...
شال غرومه باسها باسها ...وغمض عيونه باسئ
هي جانت نايمه ماتعرف ابوها شبي...وشال مؤمل وباسه كال...منارس مؤمل يتيم لا تفرقينا من ولدج
هزيت راسي بأي وابجييي
باوع علئ مصطفئ ومرتضئ ضحك بحزن وتقرب منهم ضل يبوس بيهم ويشمهم...
تركهم ورجع عليه باسني حييييل بشفايفي واني مصطكه بس دموعي تعبر عني ابتعد شوويه وابتسم بحزن مسح دموعي بااطراف اصابعه كال...منارس تدرين انتي اعز من النفس...
رجفت شفايفي وشهكت بحسره مجاوبته
رجع كمل كال...انتي الوحييده العشقتها مثل ما هي عشقتني انتي الروح ...انتي غرامي وامتحاني الصعب احببج...
اخذ جنطته وطلع...
واني وكعت علئ اركبي

البارت الاربعون
رواية...انا هي جميع نساؤك
💔💔💔💔💔💔💔💔💔

يا حبيب عمري الحزين
كم من الأحزان أجرجر معي اليوم
وكم من الهموم عايشتني في الأمس
أنت الضياء الذي ينير سماء قلبي
أنت النظر لعيني 
أنت من علم ثغري الإبتسام
أنت من أخرجني من سجن الأحزان
أنت من زرع في قلبي ملايين من الأزهار
حبيبي
قبلك أنا كنت كالورقة الذابلة في شجرة ميتة
كنت كغيمة بلا مطر...... كصحراء يابسة
أنت من رويت صحرائي
كيف لي الحياة بدونك
.............................................
وحظنت وجهي بكفوفي وبجيت بصراخ علئ فقداني النذري
راح واخذ روحي وياه...
ما اكدر افاركه هو الروح والنفس من يصير عنده خفر بدوامه اضلن للصبح ما نايمه عبن بالي يضل يمه
واعرف الوكت اليرجع بي من دوامه اضلن كل شويه فازه علئ الباب بس يتحرك وافرح اكولن اجه نذري
وماادري الهوه يلعب بمشاعري ويحرك الباب....ضليت وحيده ما املك غير خيبة الامل وشعور بفقدان الصبر
شنهي من بعد المنذر يصير شنهي المذله؟ الراح انذلها لا ارريده اريد منذر حبيبي مااكدر اضل بدونه وانه حاسه بخطر....
عابد وجاسم وعمر ومؤيد وعمي كلهم يكدرون ينهزمون بس المنذر ثاره قووي ويه وثاب وهو عنيد وبراسه فكره يكول رجال عسكري وبحكم شغلي ارجع...
اباوع علئ اهلي وناسي كلها تبجي وتنحب علئ الصار واكيد ما يخلون الولد سالمين...
انه كلها التمت عليه منا الجهال يبجون ومنا اخوتي وزوجي بالضيم وبنص النار
وهمين خوفي من وثاب خاف يهجم علينه واحنه بس نسوان...
راحوو واحنه شووويه واندك باب بيتنه...
ماتن رجليه وعمتي لزمتنه وحضنتنه كالت لا تخافن جدتي راحت فتحت الباب ...
ودخل رجال جبير بالعمر كال...يالله امشوو وياي انه من بيت مسعد ومر عليه المنذر و وصاني بيكم وانتم امانتي
احنه خفنه من عنده موش ماكوو بعد ثقه بالوادم...
عمتي هزت راسي كلتله...لا ما نروح احنه هنا يردون يكتلونه خليهم يكتلونه
انه لزمت عمليتي والرجفه اعتلتني...
هو كال...انه من بيت مسعد المنذر وابو جاسم وصوني بيكم لا تخافون انتم وديعه عدنا ومحد يوصلكم...
جدتي كالت...اي ابو ناصر من بيت مسعد وهمه جانوو من الناس التحب صلف يالله حظرن رواحجن وخلنه نتوكل
احنه بسرعه حضرنه ارواحنه وانه ساعدتني ازهار خطيه ما قصرت ...
ونيران وهاله اجن يمنه خافن علئ عيالهن ونيران ماتت من البجي علئ عمر...
خطيه هو رجال غريب لا بيها ولا عليها اخذوو وتبركست سالفه برأسه....
طلعنه ركبنه بالسيارات ورحنه للبيت ابو مسعد....
دخلنه جان بيت جبير بالثوره مدينة صدام سابقا...مدينة الصدر حاليا...
خطيه الناس ما قصرو ضيفونه وفرشو فراشنه جنت محتاره بالجهال بس يبجوون وغرام وكحه وعرك هي ومؤمل...
هو كتلها واجه شارد شمر روحه بحضني وهي تصرخ تريد تكتله گوه تتماسك بمشيتها...
ختل بحضني وهو يضحك بصوت عالي حضنته بقهر وحزن وسكتت اجت غرام تبجي تريد تعضه اخذتها وثبتتها بحضني...
باوعت عليهم وهو يريد يكتلها وهي تريد تعضه وما يعرفون بنار كلبي وشنهي الصار بينه ...
بستهم ثنينهم وحاولت اهديهم...
ضلينه كاعدين جدتي سألت الحجي كلتله ...شنهي الصار
كلها...بيت وثاب متخبلين مات اسعد ورفعو دعوه عليكم ودخلو كل واحد اجه ويه ابو جاسم واول راس يردونه المنذر وعمر...
جريت نفس من القهر ودمعت عيني شلوون تخلص يربي ويه ذووله همه حتئ جادر ما نصبو اله ياخذون ثارهم...
كله من وره ابو جاسم كله المنذر خلي نرفع دعوه بس هو اصر يروح يرميهم وهاي نتايجها
رحنه للغرفه الكاعدين بيها ومؤمل كل شوويه يطلع وازهار تروح تجيبه لو نيران اني مااكدر اكوم...
وارضع بالتووم...
اجه كعد يمي كتله...امولي بعد لا تطلع تجيك البزونه تعضك خووش؟
هو باوع عليه بطفولة وبراءة كال...ميووو
جاوبته ببتسامه باهته...اي ميوو تعضك وتعض غرومه
هو دفن روحه بحظني خااايف...
حطيت ايدي علئ ضهره ونزلت دمعتي من تذكرت المنذر من رادني ادخل وما قبلت وخوفني با ابو طبر...
من زعلت عليه لمن تعارك ويه نيران وحلفت انام بالحديقه وجان بيها مطر...
رجعت بذاكرتي الذاك اليوم الي جان عندي تعيس بس للاسف هذا الموقف هسه عندي اسعد موقف...
غمضت عيوني واني اتذكر....
جنت كاعده بالحديقه والجوو بارد ويداعب بشرتي واطراف شعري رغم البروده انه جنت موش مهتمه عبن شنهي انه زعلانه....
انتبهت علئ الباب انفتح رفعت راسي شفته هو واكف ولازم جكارته ويدخن كال بتساؤل...منوس شعندج كاعده هنا تعالي ادخلي جووه لا تتمرضين
جاوبته بقهر وعصبيه....ياله لا تخاف عرج ما يطگني رووح نام واشبع نوم انه حلفت انامن بالحديقه عبن شنهي انه وحده لسان واتدخل بكلشي
هو وكف مقابيلي وببل شفته وعقد حواجبه كال...شبيج بابا انت مجنونه لو تدعين الجنون اني لازم هيج اتصرف لان اذا اختي شافتني مرخي الحبل اكييد راح تتماده اكثر وهي اختي انتي مو احن عليه منها...
وكفت بغضب والدمعه تلمع ...جااا موش طكيتني ياله مو بس هييج رزلتني وانه شنهي شكتلك سبيت العنب كل الاريده تهدء شوويه
هو نزل راسه وبعدها رفعه مسح علئ شواربه كا

ل...عمي اسف وحقج عليه واعتذر بعد شتريد
درت وجهي وكتفت اديه وانطيته ضهري كتله...اسفك ما يوكل خبز وانه حالفه انامن بالحديقه....
حط ايده علئ خصري وهمس برومانسيه ...اذا اسفي ما يوكل خبز لعد استخدم غير اسلوب الأسف مثلا مثلا...نسوي ليلة حمره
درت وجهي عليه وبعصبيه...شنهي كاعدين بجهنم وتسوي ليالي حمر ياله اكلك حالفه وانه ما احلف جذب وانامن هنا
مطرت الدنيا واشتد المطر...
هو شالني وانه حسيت طرت بالهوه ادركت هو شايلني ضليت ارافس برجليه وانه احلفنه وهو يكول...انتي تشلعين الكلب اشيلج وادخلج للغرفه غصبا عنج وما ادوخ روحي...
حلفته بارتباك...برووج ابووك عوفني عليك العباس اهوو ياله ياله حلفت بأمير المؤمنين تعوفني...
هو نزلني وهمس بااستغراب كال...شبييج؟
همست وانه عاكده النونه...اريد اضلن هنا
هز راسه باسئ وسحب نفس قووي كال...ضلي هسه يجيج ابو طبر ويطبرج
مشه خطوتين وانه استغربت كتله...هذا ياهو ابو طبر...ويطبه مرض خلي يجي ما اخافن منه وروح ابووي اكتلنه بطبر مالته...
ابتسم ورجع عليه كال..ابو طبر ما تعرفينه
جاوبته...ياله منهووو بس لا بطل مسلسل مسكيكي المجرم
ضحك بصوت عالي كال...لا مو بطل مسلسل مسكيكي..مكسيكي...هذا بطل مسلسل عراقي هذا حاتم الهضم ابو طبر
سألته بااستغراب..هو منهو
تقرب مني وباوع من هاي الصفحه ودار وجهه للصفحه الثانيه وكأن يأمن المكان وتكلم بصوت قريب للخافت الخائف...هذا واحد يحتسي الخمر ويغتصب النساء جلاد سفاح مجرم سمو ابو طبر لان جان يلزم طبر « فأس» ويطبر العالم...
جان يستهدف الطبقات الراقيه والدكاتره واصحاب رؤؤس المال...والحلوات امثالج
انه خفت حييل كتله...يممممه هسه هو موجود يمممماي وروح ابووي بعد لا اطلع ولا اطب ولا اروحن حتئ للمدرسه بطلت...
كال..يالله لعد تعالي نامي
رفعت حاجبي بغرور...ما اجي
ابتسم وهمس...يالله اني داخل خلي يجيج ابو طبر
هو مشه خطوتين وانه احسن ابو طبر شاركني انفاسي يمه متت خووف ركضت وراه ولزمت ايده همست...انه موش خايفه من ابو طبر بس بردت كلت انامن بالغرفه وصحيح انه حلفت بس نذري هو يدفع كفاره موش صح
ضحك بصوت عالي...لانعل ابو طبر يا ابو بيت الهضم ندفع كفاره ليش لا بس ادخلي يگلبي..
دخلت وانه لازمه ايده واتلفت يممه يجيني ابو طبر غير اموتن من الخووف...
نمت بصفه ودرت وجهي وانه خايفه وبعدها كلت انه شمالني خايفه شوو نايمه بصف اسسد لا ابو طبر ولا ابو سعدون يكدر يوصلي...
والمنذر حاضني وكل شويه بايسني اتمنئ ازعل واطول بزعلتي عليه بس انه ما اكدر عبن شنهي كلب والده بسرعه احنن عليه...
همست بخوف ...تغطه زين وخلينه نقفل باب الغرفه عبن خاف يجينه ابو طبر
انتبهت عليه ضحك كال...لا تخافين مات وشبع مووت هو ما ضهر بهذا زمنه لا بالسبعينات ب 73
كعدت ملهووفه ضربته علئ صدره كتله..يا ضالم النفس دكلي يجيج ابو طبر وهو ميت قبل لا انولد
لزم اديه وضحكته ترن بالغرفه كال..غير من وره ابو طبر انتي اجيتي تركضين ولبدتي بحظني ملجئ الخائفين والحلووين
درت وجهي وانه اخفي ابتسامتي
كال..والله ردت اقره لفاتحه لابو طبر لان سوالي خدمه ورجعج الحضني بس اتذكرت واحد مجرم ميستاهل...
ضحكت بهدوء ونمت وانه منطيته ضهري وهو ما يكعد بس يتحارش
فقت من ذاكرتي علئ صوت مرتضئ ومصطفئ وهم يبجون...
باوعت عليهم واحد بحضني ومؤمل نايم بصفي والثاني مقابيلي يبجي منومته علئ ملحف
همست ...اوووف يا ربي تشتتنه الله لا يوفقك يا وثاب العار انتم مال شيوخ انتم مال حصن...
ضليت اليل كله ابجي وادعي يارب يحفظهم وين ما يكونون...
يا رب المنذر امانتك احفظه ورعاه بحفظك وعين الذي لا تنام...واحفظ اخوتي واولاد عمي...
ياربي احبنه ابو جهالي لا تفجعني بي
.....................................
بعد مرور يومين..
جنه من مكان المكان لا ليلنه ليل ولا نهارنه نهار رحنه للعماره واستقرينه عند احد الريفين بااطراف قلعة صالح...
جانوو عرب اصحاب غييره ونخووه بس احنه كضباط ومن بغداد استصعبنه اليومين
بگ وحااره وريحة الهوش تفجع الرأس...
اني والمنذر ما جنه خايفين كوونه من رجال الدوله وطلعتنه جانت غلط
بس الصح هو اهل وثاب وفاروق دمهم بعده حاار وجرحهم هسه مفتوح ومعروفين بالغدر لذالك اصر ابو جاسم نطلع وياهم...
شفت المنذر كاعد قريب من الشط رحت كعدت يمه وحطيت ايدي علئ كتفه وجريت نفس كتله...ابو غرام گول يا الله
هو جر نفس وزفره باوعلي وابتسم بيأس كال...دائما اكول يالله بس مقهوور ...مقهور علئ اهلي وامي .زوجتي اطفالي هسه اجوو للدنيا شنو ذنبهم يتبهذلون
لك حتئ ما فرحت بجيتهم والله جنت ناوي اخليهم اسعد ناس وافرحهم شكد مااكدر تالي اني مهزوم
جريت نفس كتله...تنحل ان شاء لله بس انت اصبر
رد بحزم...لا ارجع اني لازم ارجع اني مكاتل وبحكم شغلي ارجع وابو جاسم هو القتل حتئ لو ينسجن نحطله محامي وهو ما متعمد القتل لان جان اسعد سكران وهو الخبر الدنيا وانقتل....
عمر...بس اصبر شوويه بس خليهم يبردون شوويه ونرجع ثق بالله نرجع اني هم اريد ارجع وحالي من حالك

....
المنذر...احس روحي حقير واني تارك عائلتي زوجتي صغيره اخاف ياخذوها ويسجنوها تعرف فاروق ايده طايله بالدوله اخاف يضرهم...
عمر...لا لتخاف هي هم من دمهم ما اعتقد يضروها...
بعدين تذكرت لا يا كلب فاروق نذل نيران غدرها وكسرها ما يكدر يكسر منارس...
لا منارس اذا دخلت السجن نقره عليها السلام البنيه حلوه وصغيره واخاف ياخذوها الهم
الله يعينك يا منذر ...
هو وكف وراح اخذ مي من الحب وتوضه واخذ تربه وسجاده من الناس وادء الصلاة  بالبستان
واني كذالك توضيت وصليت وياها رواحنه متهمنه بس حريمنه تهمنه واطفالنه...
قررنه نرجع اني والمنذر...
بس ابو جاسم ما قبل و ضل يصيح وحط المسدس براسه كال...اكتل روحي بس،ترجعون اعرفهم يغدرونكم
طك هو والمنذر وصارت عركه للضالين
المنذر يصيح ويغلط وابو جاسم يصيح ويغلط ثنينهم مثل الزيت والنار ما تراهموو
واخر شئ منذر عافهم وكعد بالبستان وهو صديقي،اكثر منهم ما اكدر اتاقلم وياهم اجيت وكعدت يمه ضليت اواسي بي لحد ما جزعت....
كال بحده...انسجن ولا انهزم...
سكتت ما كدرت اقنعه.....
............................
منارس فاتت ايام واحنه رجعنه البيتنه عبن شنهي كال الرجال من بيت مسعد يكول وثاب احنه نريد زلم ما نريد نسوان
وانه رفعت دعوه وكلهم خليتهم بالدعوه وان شاء لله كلهم اعدام...
انه بلعت ريكي وضجت كتله...ان شاء لله عدموو بحبل من نار هل المصخم هذا جاا كضوو ابنهم سكران ويرمي بدون وعي...
استغفرت ربي الميت ما تجوز اله بس الرحمه بس شسوي كلبي محترك وصاير نااار
عايشه بقلق....وخوف ورعب عبن شنهي اهلي ونذري موش بخيير
خابرتني ام طالب كالت نجحتي ما اهتميت ابد انه موش بحال الشهاده هسه بحال نذري واهلي...
انه ميخالف خلي نذري بعيد عني بس شنهي كوون هو بخير والله انه بخير المهم يكونون بخيير
سوينه عشا ومحد اله واهس يتعشه...
رحت الغرفتي الجهال كلهم نايمين بس مؤمل يلعب بلعبته
ضحكت عليه بحزن وطلعت صور عرسي اعاين عليهن ...
ابتسمت بألم ضلت بس الصور يالمنذر يارب يردك سالم والله كلشي ما اريدن بس يكون سالم...
شوويه واندك الباب جانو كلهم نايمين انه خفت حييل بس اخذت مؤمل عبن شنهي عود معتبرته رجال واخذته نكول منهوو...
كلت بصوت ضعيف...منهوو؟
همس بصوت ردلي روحي كال...اني المنذر افتحي الباب...
ضحكت ببكاء وباوعت المؤمل بسته حييل وفتحت الباب هو دخل بسرعه وسد الباب حضني حييييييييل حسيت تكسرت ضلووعي
وانه حضنته وابجي بكل ما املك من قووه واعاتبنه...يمممه وينك يالمنذر ترئ بجيت بالسر ومحد مسح دمعتي وانكسرت وانهنت ومحد حضني اي ينذري احضني طيب جروحي لا تخليني افقدنك احبنننك يابعد الرووح....شجابك ما تخاف انت علئ روحك
بعدني شوويه واحتضن وجهي بجفوفه وابتسم بحزن بعد ما مسح دمعتي همس...جابتني لهفتي المجنونه بييج ورهنت عمري ثمن في سبيل اشوف عيونج الحلوووه....
شهكت من البجي ولمست وجهه وانه اعاتبنه...تدري من طلعت من البيت بيمن شبهت طلعت...مثل طلعت الروح من الجسد
مااكدر احجي الكلام متضخم بصدري اعجز انطق ينذري محد يفهم شعوري ..شووف هذا الكوون شكبره احسنه يخنك عبن شنهي انت ما موجود
وشايف شكد دخلت ناس وامي وكلها واكفه بصفي بس انه احسن وحيده وما متحمله فراكك
هو جر نفس ورجع حضني كال...منارس قووي نفسج واسنديني لا تصيرين ضعيفه وخلينه نتعده هاي المحنه....
هزيت راسي وانه امسح دموعي هو انتبه علئ مؤمل اللازم برجله رفعه وهو يضحك ويبوسه ويكول...هله بالسبع للما يخلي امه تطلع وحده هله بعصبة الراس النشمي مؤمل البطل...
ويبوس بيه ومؤمل حاضنه هو يحبنه عبن دائما يتعاركون واحد يشاقي الثاني...
دخل للغرفه وانه وراه امسح علئ جتفه واصلي علئ محمد وال محمد....
اللهم صلي على الرسول الكريم وال بيته الله يحفظك من كل شر يبعد روحي...
سألته عن اخوي عابد ومؤيد وعمي وعمر والولد وهو جاوبني همه الحمد لله تمام
دخل للغرفه الكئيبه البارده لعدم وجوده بيها
همست...هسه نورت الغرفه بوجودك يعاصفتي
باوع عليه وعيونه تحجي...
كال....مشتاق الغرومه بنت ابوها الملعوونه ولا فاركت خيالي كل دقيقه افكر بيها...
اخذها من سريرها وسمه باسم ربي...
باسها وحضنها وشمها وكانه يشبع روحه المتعطشه لبنته...
رجعها لمكانها وانتقل لمرتضئ ومصطفئ كال...اوف الكتاكيت ولا شبعت منهم...
شالهم ثنينهم ويحجي وياهم عبالك كبار ويوصيهم عليه ويبوسهم...
بعدها كال...منارس روحي صيحي بس امي مشتاقلها ولا تكلين لاي واحد اخاف تصير هووسه وضجه...
انه رحت اركض كعدت عمتي كعدت مفزوعه وخايفه كلتلها...لا تخافين المنذر بالغرفه يريدج ويكول ما اريدن اي واحد يعرف
عمتي خطيه وكفت علئ حيلها وراحت تركض وهي تبجي وتندب حظها...يمه يالمنذر سووده عليه يممه شحالك انت واخووك سوده بوجهي...
هي دخلت للغرفه وشافته وهي ركضت علئ مثل الحمام المنحوور
وهو عاف الجهال بسريرهم واجه عليها ملهووف حضنها وباس راسها وايدها وهي تبجي وتبوس بصدره وجتفه
كلها...يمه علئ كيفج مابيه شئ
جاوبته بدموع وكلب مح

روك...يممه بعد لا تجي اخاف يكتلونك شلونك يمه مرتاح تاكل تشرب اخووك شلونه ولد عمك...عمر شلونها
جاوبها...الحمد لله بخير لا تخافين
ضلت كاعده وياه وانه جبتله ماااي شرب وطلعت عندي قران صغير كلت خلي يشيله بلكي ربي يحفظه
كال...لازم اروح قبل لا يطلع الفجر
عمتي ودعتها وانه لازمه ايده عبالك ابووي موش رجلي وابجي وعمتي دكول..كافي منارس لا تفاولين عليه
باس عمتي وراح طلعنه انه وياه وعمتي ...
هو وصل للباب راد يطلع ووكف مثل المحتار كال..اريد اغسل وجهي احس نعست يمه جيبيلي خااولي...
عمتي خطييه راحت تركض وهو اتبعه بعيونه ورجع باوع عليها ولزمني من اكتافي باسني بشفايفي حييل وكانه يطفي نااار الشووق
واني مصطكه ودموعي تجري.....
ابتعد شوويه ومسح دموعي كال..من اشوفج انسه روحي...
اجت عمتي جايبه الخاولي وهو غسل وجهه وانه اعاين عليه وابجي...
ودعنه وطلع...
وانه ركضت الغرفتي نمت علئ جربايتي وحطيت اصابعي على شفايفي وبجيت بحسسره علئ حاالي..
اووف ينذري صار الموداع مثل لمح البصر....
ضليت كاعده للفجر ودموعي ما وكفت واحسن حركن خدودي...
اذن المؤذن رحت توضيت وصليت...
شفت مؤمل زايح الغطه غطيته ومسحت علئ راسه
وبعدها نمت وبالي كله يم المنذر....
كعدت تقريبا الساعه بالعشره احسن العمليه موتتني
تريكت والبنات عمتي كلتلهم البارحه المنذر اجه وهنه استلمني اسأله كل من تسأل عن زوجها
وانه طمنتهن....
شويه وتعطر الباب تعطر موش دك ياله مال اخبال
راحت جدتي تركض فتحت الباب وما نشوف اله الجيش ترس بيتنه ترس...
كلهم لابسين زيتوني وشواربهم يخوفون ويرهبون
وجان يتراسهم فاروق ...
جدتي ضلت تصييح ...خايبين شتردوون هادين عليه ترئ بس نسوان ماكوو زلم يالله روحو منا
دخل فاروق وهو يرسم ابتسامه خبيثه علئ شفايفه اشر عليه وكال...اعتقلوها....
انه رجعت خطوات كبيره وفتحت عيووني برعب وصرخت بصوت عالي....ياله مااااااااااروح
نهاية البارت...يتبع

البارت الواحد والاربعون
رواية...انا هي جميع نساؤك
💔💔💔💔💔💔💔💔
اشكد حقير!
الماعرف شنهي الامانه
وماسمع صوت الضمير!
اشكد حقير
اليمشي بدروب الخيانه
ومامشه ابدرب الفقير!
هذا انته
وهذا انه
وباجر انشوف المصير!
والوصف
يبقه
ابمكانه
وتستحق كلمة حقير
اشكد حقير!!
...............................
رجعت خطوات جبيييره ...يممه اموتن ولا انسجن انه اخافن ومو بس هييج ما اكدر افارك جهالي
صرخت...مااااروحن مااا ريييد اروحن جددده لا تعوفيني
جدتي لزمتني وحضنتي صاحت بوجهه فاروق...انت زلمه مد ايدك عليها والله اجسرها وحطها بركبتك والله نسيت انت ياهو ومنارس جدها ياهووو
منارس جدها صلف تمنيته موجود جاا خله طشاركم ما اله والي...
هو باوع عليها بجمود ورد عليها بهدوء...ام محمد انت علئ العين والراس واني جاي بواجب رسمي ولازم اقضي بما ان زوجها مهزوم هي تدخل السجن علئ ما يسلم نفسه...
جدتي ردت علي...خايب رووح والله ما تطولونها ولا تنام ساعه بالسجن لا تنسئ هاي عرضكم وموش من شيم الشيوخ يرضون عرضهم يتبهذل بالسجوون...
رفع حاجب بجبروت وجاوبها...ولا من شيم الشيوخ يقتلون وينهزمون بركبتكم دم سلمو أنفسكم...
جدتي...انت رجال شرطي وطالع بمهمه روح دور عليهم لا تجي علئ النسوان...
شوويه ودخل وثاب وهو لابس الخاجيه ويسبح بسبحته كال...لا فاروق لا انه ما ارضاها علئ عرضي ولا تنسئ منارس عرضي والها معزه خااصه
باوعتله بحددده اعرفه حقير وكلامه مو لله وراه مصيبه  ابتعدت عن حظن جدتي بلعت ريكي جاوبته باحتداد...ما اريد ادخل سجن
كال بضحكه مستفزه...ابشري يبعد اهلي ما تدخلين سجن وانه موجود وراسي يشم الهوه...
استغربت شنهي من لعبه ناوي يلعبها هل كلب وياي ومن شوكت صاير حنين
فاروق جاوبه...لا خالي لازم ناخذها حتئ زوجها يسلم نفسه
وثاب باوع علئ سبحته كال...ننطي مهله يسلم نفسه انطيهم اسبووع وان شاء لله يسلم نفسه
فاروق ابتسم اله بهدوء وهز راسه ...اني ايقنت همه جذابين واصلا ما جااي بمهمه عسكريه ياله هذا ملعوب منهم...
فاروق طلع هو وجلاوزته...
و وثاب تتقرب مني كال ...لخاطرج شفتي طردت فاروق واعوانه مو مثل رجلج العار انهزم وخلاج بيد الطامه
جريت نفس عميق وزفرته جاوبته...موش عاار هو اسسد بس انه مااريدن يضل هنا وانه الخليته يروح والعارات تعرف روحها...
هو نزل راسه وهزه بجمود وبعدها رفعه بحده كال...يجي يوم واخليج مناري ويجي يووم واذلج خلي كلامي ترجيه باذنج ولا تنسينه
جدتي كلتله...ما عاش ولا انولد اليذل منارس والكاتبه الله يصير ويالله روح البيت بس نسوان
هو ضحك بصوت عالي وطلع...
وانه فرفح كلبي من القهر غميته بثنين اديه وسبيته
جدتي كالت...ان شاء لله اروحن للعماره واحاجي المنذر عبن اخافن ياخذونج
لزمت ايدها بتوسل وبكاء...ياله جده فدووه اروحلج فدوه لا تخلينه يجي
هي سكتت وكعدت وعمتي ضلت تبجي وتتوسل محد يخبر المنذر بالصار اليووم...
رحت للجهال اشوفهم لكيتهم نايمين حمدت الله و شكرته..
وغرام ومؤمل بس يلعبون و يتعاركون جنهم الفاره والبزون..
....................................
نيران بعده فتره رجعت البيت عيالي ...
عمتي ضلت تحجي كالت...انتم ورطتو عمر وهيه ابني بالضيم انتم ناس عدكم مشاكل لا تدخلونه بمشاكلكم....
كلتلها بقهر...عمه هو عمر دخل نفسه ان شاء لله ماكوو شئ لا تخافين
ردت بعصبيه...شنوو ما اخاف هذا ابني طالع من كلبي بنص الموت ودكولين لا تخافين انتي شنو من مله
اني انقهرت حييل بس ما الي وجهه احجي وياها فعلا احنه غلطنه بس عمر هو تدخل وهو زوجي يعز عليه مثل ما اخوويه يعز فراگه عليه...
انطيتها البنيه وكعدت اعزل بالبيت وانضف وارتب رحت سويت غده واتذكر عمر تذوب روحي عليه فعلا عمر انسان نادر وقله وجوده هو الي نقذني من قوقعتي وحطاني علئ راسه بعد ما جنت اسفل السافلين.....
.............................
بعد مرور ايااام
جنه كاعدين بالبستان ومستعدين لأي حدث ...
اجه عمي ابو جاسم كال للمنذر...انت شبيك گالب خلقتك علينه وروح ابوووي اذا ما تعدل اسلوبك اخلي واروحن بغير ديره وانت خليك هنا....
المنذر صاح بوجهه بعصبية والله ياريت لان وجودك يسبب ازعاج والله تندمت لان وكفت بوجهه وثاب انت واكولها بكل صراحه ما تستحق تكون شيخ
لان الشيخ لازم يكون وحكمه وهو يهدي الوضع مو يشعله انت هسه بركبتك دم ...وبركبتك مصير عشر افراد...
جان صلف محد يفتح حلكه بكلمه بوجوده لان رجال يعرف شلون يتصرف وبعمره ما قتل قتل...
كتلك خلي نقدم دعوه ضدهم ويكتبون تعهد عاندت واصير اندكهم وهاي دگينه وهاي النتيجه
ثار صلف لغفته وخليته ضاع بسبب طمعك انت ما تصلح للشياخه انت رجال ضايع واعذرني اذا الحقيقيه تجرحك....
ابو جاسم وكف بعصبيه وهو يصيح...صدك لو كال عليك صلف ...راس وما يتحاجه ومغرور واناني انت شنهي من مله انه عمك هيج تحجي وياي
المنذر بغضب..لك انت بهذلتنه دمرت عوائلنه وجاي دكول راس واناني والله محد اناني غيرك
تريد تصير شيخ وانت لازمك شيخ يعدل اخطائك
اشتد الجدال و وصلت ل