ازمة ضمير ... البارت الأول

أخ يعيوني شكثر
تهوى البجي
وأخ ياصدري شكثر
شايل حجي
وأخ ياضهري يعينك الله
ولاحصلتك حايط علي
تنتجي
وضمهن همومك يكلبي واصبرلهن
وين تلكاه اليسمعك
حتی تكعد تشتكي....
بيت من البيوت القديمة في  محافظه الأنبار  بهذاك الزمن رغم مساحته الجبيره وموقعه الجميل بس يعتبر من البيوت العتيقه ومثل مانسميهه بحياتنه (الهيكل)...

كان عباره عن بيت ركن كبير بحدود 500 متر يحيط داير مدايره سياج من سعف النخل مرتب بأنتظام يستر البيت  الوحيد بهاي المنطقه هو هذا البيت هيج تعبان بقيه البيوت الي تحيط بي مرتبه واغلبهه بناء حديث...

ادفع الباب الجان بدون قفل بس حبل مربوط بحديده بصف الباب ادخل لهذا البيت الهاوي امشي بخطوات ثگيله واني ادحك يمين يسار واركز بكل جزء بي ...

مع كل اشراقه شمس وفجر جديد يتجدد عندي بصيص الامل بتغير الحال...

دحكت عن يميني صحيات قديمه وبيهه برده مختفي لونهه من  الشمس صديت لجهه اليسار حديقه جبيره بيهه انواع الزرع  والاشجار والرائحه الفواحه ماليه المكان وزايده هذا الخراب جمالا...

الطرمه صبه تعبانه محفره امشي واتعثر بيهه من كدما قديمه مديت ايدي على باب المطبخ وطلعت المفتاح من جنطتي فتحتو ودخلت ...

رجليه تمشي وكانهه مسيره لگحت( شمرت) جنطتي بالكاع بوسط الديوانيه وكعدت ادحك على نفسي وملابسي المدرسيه والجنطه الي كدامي..
جانت الساعه ب12 ونص الظهر هسه رجعت من المدرسه صدريتي لابأس بيهه بس جديده ونظيفه على الرغم هي مالت العام ...

برغم شكد اسمع كلام يحز بنفسي من البنات وشلون نفس ملابسي وبس صدريه وقميص واحد عندج بس ماباليد حيله...

جنطتي وزعتهه منظمه اليونسيف نيلي وبيهه علامه بيضه بالوسط بس هم لابستهه هواي وتنكطع واخيطهه صار 3 سنوات مامشتريه جنطه ...
درت عيني على البيت خالي من الاثاث بس جودليات مفروشات بالديوانيه والاستقبال والتلفزيون  هذا القديم مخلينو على طبله حته قليل ما نفتحو  ...

اليوم اتمعن بكل شبر بهذا البيت الي ضم طفولتي خاصه لان  اليوم الكلام الي سمعتو جرحني جثير ... من كالتلي وحده من البنات انتي فگر وبيتكم الحيوانات ماتعيش بي...

مااريد اكون ناكره لنعمه رب العالمين بس يبقى الكلام يحز بالنفس ويأثر وخاصه بهيج مرحله حساسه بعمري...

تنهدت واخذت جنطتي وكمت للغرفه  بيهه بوفيه عليهه شبه فراش وتحفيات عاريه ع شكل ملائكه ومواعين من كل شكل 3 مواعين هذا الورث الوحيد الي حصلنا من بيت جدي ...
بدلت ملابسي وطلعت للمطبخ اسوي غده قبل لايجون اخوتي من الشغل تعبانين ومايلگون اكل...

اليوم احبائي الخمسه كلهم ماراحوا للدوام لان اكو بيت محتاج عمال وراحوا يشتغلون على الرغم عدهم امتحانات بس كالوا نعوضو بغير امتحان والمدير يعرف وضعهم ينطيهم اجازه ...

طلعت العدس  هاي الوجبه السريعه عندي بسرعه بديت اطبخ تمن وعدس وادحك ع الساعه لان موعد جيتهم ب2 ونص .

كملت الطبخ وطفيت الجدوره ورحت صليت مريت على غرفه الولد لاگحين( شامرين) ملابسهم كل قطعه بجهه النظيف رجعتو بكنتورهم والوسخ اخذتو للحمام ...

اجمع بيهم واضحك على هوستهم ولايكلك شباب كل قطعه بجهه والوسخ والنظيف سوه لاگحيهم...

اغسل بالملابس واتخيلت يجي يوم ادحگلهم عرسان من ارجع من المدرسه وادحك زفه احس گليبي يصير قطعه جمر...

اخوتي كبروا والي بكدهم عايشين بنعيم الا احبابي يركضون على العيشه ويادوب يطلعون فلوس الايجار ومرات نبقى ايام متواصله ناكل نفس الاكله لان ماعدهم شغل عايشين ع اليوميه وكلنه طلاب مدارس ...

غسلت ملابسهم وطلعت اشرهه ع الحبل لفحتني نسمه هوه بارده هذا الجو بده يكسر وراح يجينه الشتا هسه احنه بنهايه شهر العاشر  ...

غمضت عيني بالم  اسوء فصل بالنسه النه  ما اخلي كارتونه ما اجمعهه بس بسبيل اسد الشبابيك المكسوره  واخوتي يكعدون من الشغل من ورا الطين والمطر ...

امشي اجر بخطواتي واني اتذكر حياتي وطفولتي اتذكر كلشي عندي ذاكره ماتنسه ابد وتسجل باستمرار اتمنى انصاب بالنسيان ع الاقل اتجاوز شكم ذكرى مؤلمه ....
....

قيس... يول ايوب ناوشني( انطيني) الطاسه مال الاسمنت البيدي خلصت...

ايوب.. قيس رحمه لامة محمد انزل كافي يول ايدي اكلهه الاسمنت مالابس جفوف( كفوف)..

قيس.. بس هاي البيدي خلي نگضيهه( نكملهه) وانزل ماتسوه تظل ع باجر وابو البيت مالنه خلكوا يظل يشمر حجي واني ما اتحملو ...

اوس.. كوم ايوب روح غسل واني اخبط بمكانك لو تروح يم فاروق وادهم شغلهم اسهل وتلگاهم هسه راح يحلون ...

ايوب.. لا يول راح نگضيهه بس اليوم نسيت الجفوف وانعل ابليس الاسمنت اكل اديه اكل ..

قيس... واكف ع السكله مال البناء والشمس تضرب براسي واخوتي حيلهم انهد بس لازم نگضي اليوم  حته باجر نكدر انداوم..

مرت سياره اسمهه بروتون موديلهه حديث خليت ايدي على كصتي اضلل اشعه الشمس وحته ادحك زين لصاحب السياره...

اجت عيني بعينو سوه نفسوا ما يعرفني لومن غير صوب شخط السياره ومر بسرعه...

ادحك ع اوس وا

يوب واكفين بنص الشارع ومخلين ادينهم على خصرهم والحسره باينه على وجوهم ...
اااي ابونه هذا ابو الخير وهاي السياره الو واحنه نشتغل عماله ومايدري شلون عايشين وشنو من ايام صعبه نمر بيهه ..

خلصت البيدي ونزلت ماكو كلمه تعبر عن الاسى الي نحس بي اخذنه الطريق كلو ساكتين وكل واحد بداخلو الم يعجز عن التعبير عنو لحد ما وصلنه لمكان شغل فاروق..

نمشي بالدرب مالتنه ونحجي لفاروق ع عملة ابوي وشلون دار وجوهو عن ولدو بس فاروق بس يهز براسوا ماحجه اي كلمه تخصو...

اخوي الجبير فاروق بس ما اعرف بشنو يفكر شكد احاول اتقرب ولو لجزء بسيط على اليدور براسو بس ملتزم الصمت ...

مرات الانسان مهما يحاول يصارع الحياة بس مايگدر نتيجه ضعف بداخله ...
شكد نحاول نحصل اي شي انريده بس للاسف من نرجع لواقعنه المؤلم كل احلامنه الورديه تتحطم بثواني...

انه ثريا  مواليد 1986  الاخت الاصغر والوحيده لخمس شباب كلهم اكبر من عندي وبين كل واحد لو سنه لو اثنين...

احنه شبه ايتام ابونه وامنه عايشين بس للاسف تخلوا عنه واحنه زغار ودارو ظهرهم النه وعشنه طول ايام حياتنه بلا اهل...

اتربينه ابيت جدي اهل ابوي وجديتتي ام ابوي هي الي جانت مسوؤله عنه وعن تربيتنه..

امي وابوي اصلهم من عشيرتين مختلفات من اهالي الانبار بس جيران وبينهم علاقه قويه متزوجين وصاير عدهم 5 ولد بس المشاكل مافارگتهم ...

السبب ابوي من النوع الشكاك ويكولون جان حابس امي ويشك بيهه ويضربهه لحد ما اجه اليوم الي طفح بيهه الكيل وامي شارده لاهلهه وهي حامل بيه...

زعلانه بحدود 4 اشهر وابوهه واخوتهه مصرين يطلكوهه لان ابوي متكاون وياهم وغالط وسابهم وهنا بلانبار دور العشاير وكل واحد يكول انه وبس...

بيت جدي اهل ابوي حالتهم الماديه زينه وناس كافين شرهم حته ابوي ماعندو اذيه على احد بس من شردت امي بليل اظلم والكل دره جنتهم شارده متخبل بساعتهه...

عباله راح تبقى تتحمل الكتل بسبيل جهالهه بس امي اختارت حياتهه وعافت كلشي وراهه وكالتلو حته الولد اخذهم بس طلگني ... 36

جان ماقابل يطلك يكول عندي 5 ولد وين اوديهم شكد محاول يرجعهه ومامخلي مشيه مادازهه عليهم بس اهلهه موخوش اوادم فضلوا الطلاك بسبيل ياخذون الغايب مالتهه وحته ماقبلوا الولد يبقون يم امهم...

جثير اطراف مدخله بس للاسف خوالي وامي اصروا ع الطلاك وبوقتهه جان مهرهه غالي لذلك هلكد مصرين ومحد حاول بيهم يدخل طرف خير الكل كال ماندخل...

بزع ابوي وطولت السالفه وكلهه كامت تحجي علي طلكهه واخلص منهه يوميه زعلانه وشالعه كلبك...  كايلهم اطلكهه بس تجيب وتنطيني الطفل وهي ماكايله لا بس المهم تخلص من عندو...
ابوي عنده 4 اخوات وكلهن متزوجات بنفس الانبار وعندو اخ واحد اسمه فلاح عايش ابغداد من صغره لان معارض ابو من ورا زواجه من بنيه تركمانيه وعايف اهلو ورايح ...

اسمع عنو يكولون مدير مدرسه وعندو ولد واحد وبنات 3  وينعم بالراحه واتنازل عن عاداتو وتقاليدو بسبيل حبه ودار ظهرو عن الانبار واستقر ببغداد ...

ورا ما جايبتني امي وعمري يوم واحد  شايليني باللفه ولاگحيني ع ابوي يكولون بهذا اليوم ابوي متخبل شلون هيج عدهه كلب وعافت ست جهال منو الهم..

محاولين يهدونه لان كلساع يريد يهد على اهلهه بس كلشي فات وبعد مايفيد وعافتلهه ابنيه عمرهه ساعات ودارت ظهرهه...

بس جدتي بالبيت وابوي واخوتي الخمسه زغار ابوي من غضبه يرجع ع الولد يكتلهم ويكلهم شراح يكبركم ومنو يربيكم بس جدتي جانت توكف بوجهو وماتخلي ..

جدتيتي دكول من زعلت امج وطلبت الطلاك رايحه تقنعهه وكايلتلهه حته انطلعج ابيت وحدج مع العلم ماكو احد بالبيت بس جدتيتي ...
دكول جانت رافضه نهائيا وكالت لو تسجلولي الاملاك كلهه مااقبل ارجع حتلو ساعه ...

ولج عدلي بدلي هاي الجهال منو الهه 5 ولد والسادس ابطنج ويجوز ابنيه ليش تكسرين بختهم ...

ماقابله ابد بحيث دكول حته ماحترمتني واجه ابوهه واخوهه يسحلون بالولد ويكلولي اخذيهم...

لسه اتذكر لوعه ادهم الصغير عمره سنه ويفرفح لازم حجابهه ويبجي من العياط ...

اتذكر ايوب لازم رجليهه ويكلهه روحي ويانه ابوي يكتلنه...

قيس واوس يتوسلون بيهه برائه الطفوله بداخلهم يكلولهه احنه نغسل مواعين وانظف بس ارجعي...

فاروق مثل الصنم شلون الحايط واكف كل الحقد والغل بعيونو وهو يدحك امه شلون تدفع باخوته تالي جمعهم وطلعنه بهذيج العصريه الكشره...

امي وراهه ب6 اشهر متزوجه بغير منطقه بعيده عن منطقتنه وكالعاده يكولون ابوي هم زادت حالتو وكلساع يكلهم شلون فرطت ب6 جهال ...

جدتيتي تسولفلي كل هاي الاحداث دكول جابوج لحمه حمره وبس تبجين حرت الجارات وياج وما اعرف شسويلج عماتج ماينطن من نفسهن بحجه عدهن بيوت والتزام وابوج واحد مابي خير اعتكف ورا امج...

الولد صاروا شرانيين ويوميه يضربولهم واحد بالمنطقه ومن يجي ابوج يلزمهم واحد واحد يكطع الحزام عليهم ....

جانت جدتي تحجيلي التفاصيل دكول بيوم منهن واحد كاتل ايوب واخوتج كلهم هادين علي ومخ

لين دمه بطوله واهل الولد اجو هادين علينه ...

ابوج ماقصر لزم اخوتج حبسهم بلغرفه وجابلهم الصونده من برا وكل ضربه والله اسمع صوتهه واني برا صحت وملخت روحي عوفهم بس هو من يومه هيج نفس الكتل جان يكتلو لامج...
فتح الباب وطلع ركضت عليهم بعد ماتفلت بوجهو وطردتو من البيت وظل شهر كامل كلما يجي اطردو لحدما جابلي عمومته ورجع للبيت ...

طبيت عليهم لكيت الزغار محتمين بفاروق الجبير وضامين نفسهم بحضنو وكل الضرب جاي بظهر فاروق...

دكيت ولطمت  واني اشوف ظهرو شلون مشخط بس ماخلاني الزمه دفعني وكام جنت ادحك نظرات الغضب بعيونو رغم صغر سنه بهذا الوكت عمرو 7 سنوات وانتي عمرج شهرين...

حرمت ع ابوج يطب البيت وكمت اكعدلهم بلباب وكل الي يحاجيهم اكلهم اضربوا طلعوا دمه صيروا اسباع ...

ردتهم يصيرون زلم معدله واول مايحاسبون امهم وابوهم على السوو بيهم اني جنت بظهرهم واكبر واحد ما اخلي يطخلهم طرف...
استسبعوا هواي ودحكوا منو ساندهم بحيث من يمشون بشارع كلهم سوه كل الجهال تخاف منهم لان ايدهم والضربه ...

يوميه اجمعهم بليل احجي وياهم اريدهم گلب ع گلب ما اريدهم بيوم يختلفون ويفترگون ...

اوصيهم اكلهم اني واخوي ع ابن عمي واني وابن عمي ع الغريب انتو ماعدكم ولد عم ولا ولد خال ...

انتم نجوم وكعت من السما وهاي النجوم ماممكن بيوم ينطفي ضواهه دومكم لازمين ايد بعض وتكاتفوا ولا تخلون لواحد يستغلكم...

يابنتي  لو ميتين ابوهم وامهم ع الاقل اكول يتامى بس من اسمع بامهم متزوجه وابوهم مامهتم الهم واشوف الحزن بعيونهم ياكل بروحي...
شلون ولد ينحطون بالكلب حته حجايتهم ناشفه ومن يرحون ويه اخوي بديوان يكول عبالك زلم عليهه العتب بس ظلموهم اهلهم..

من عافتكم  امكم تكفلت بيكم  اكثر شي تعبوني انتي واخوج الصغير ادهم عمره سنه وحده يزحف  واني مره جبيره ورجليه ماتساعدني...

بيوم منهن جمعت عماتج وتعاركت وياهن كلهن بيوتهن قريبه كتلهن يوميه ع وحده تجن لولد اخوجن مااكدرلهم وحدي وصدك عماتج صارن يوميه ع وحده تجي تكمل كلشي وتروح...

لحدما تعبنه من هاي الحاله وقررنه انزوج ابوج وهو الله يسلمه كام يطب يتعارك يطلع يتعارك يريد مره كلت اخلص منه وازوجه ..

رحت ع كرايبي خطبتهه وحجيتلهه وضع جهالهه كالت احطهم بعيوني بس طلع حجيهه دغش حطت بعيونهه تراب ...

زوجنه ابوج وجبنالو حيه عدهه اربع روس ماكعدت ويانه غير شهر وكالتلو الا اطلعني ابيت وحدي...

هو ماعندو امكانيه لان كل الاملاك تحت وصايتي ماله حق يتصرف بيهه راد يقسم البيت ويكعدهه بمشتمل...

واني فكرت منا وغاد اشوفلي واحد من اخوتي احمله مسوؤليه يحول قسم من الاملاك الكم حته من اموت ماتضيعون ...

اعترضت اني وكتلو روح لجهنم وما انطيك غرفه من البيت وتحلم اخليك تقسمو هوبز وصيح بس ماعندي كلمه تمشي فوك كلمتي وطردتوا من البيت .
طلع ابوج وسكن ابيت بنفس المنطقه وعاف جهالو وماسأل عنهم ابد وصارت المسوؤليه براسي وليل نهار ابجي على حال الولد ...

اوصله حجي بيد ولد عمومته اكلهم كلوله جهالو  كبروا وبنته تعبتني زغيره يكول مشكلتهم اتحمليهم لو تخليني اوزعهم على اخواتي ...

جنت من اسمع حجيه اخذ العصا مالتي واهد علي للبيت اشعل اهلو كلهم بس شيفيد اني مره جبيره والي مايسوكه مرضعه سوك العصا ماينفعه...

من اتزوج غسلت ايدي من عندز وبديت اعتني بيكم بس تعبت حيل سجلتهم بالمدرسه واتابعهم واروح وراهم لو ادز الفلاحين يوصلوهم ...

اشوفهم مكسورين خاطر ودمعتهم تلالي بعيونهم عندي راتب جدج التقاعدي وعدنه زرع وكيعان خير من الله ومحصول زراعي يجينه يعني عايشين بنعمه ...

ماخليتكم تحسون بنقص ابد بس يبقى حنان الام والاب اله دور اشوف بعيون اخوتج اليتم ويقارنون نفسهم ويه الي بحلهم بس الله قسملهم ام واب شهوانيين...

دائما جدتي تسولفلي عن اخوتي وتعلمني ع اطباعهم تلزم ايدي وانه عمري عشر سنوات دكلي صيري الهم ام واب حته لو انتي الصغيره ابد لاتعوفين اخوتج واديرين ظهرج انتي الثريا الي تنورين حياتهم ....

هذوله اخوتج 5 احزام ظهرج وسندج لاتفكرين بمصلحتج من تكبرين وتعوفيهم صيري حبيبه الهم...

ماراح يظل الحال مثل ماهو راح يتغير الزمن وتمشي السنين ويكبرون اخوتج اذا شفتيهم حزنانين صيري دوه الهم وعالجيهم واذا شفتيهم فرحانين ارفعي ايدج لرب العباد وادعي تكمل فرحتهم...

كل كلام جدتي حافظته ودائما اتذكره واستعيده براسي وارجع اخذ عهد ع نفسي اكون وياهم لاخر نفس...
...
احبائي الخمسه...

فاروق الجبير وقيس واوس توأم اصغر من فاروق بسنتين
ايوب فرق بينو وبين اوس وقيس سنه واخر واحد ادهم اكبر من عندي بسنه وحده...

جنت اشوفهم شكد يتعبون رغم صغرهم بس جدتي ماتقبل يشتغلون دكلهم ادرسوا وصيروا شي جبير حته تاخذون حقكم من ابوكم وامكم ولا تغفرولهم ذنبهم ابد...

مرات يطلعون للبستان بدون علمهه ومن تدري بيهم تزعل عليهم وهم يكلولهه احنه انريد نعتمد ع نفسنه ...

علمتني هوايه شغلات خلتني رغم صغر سني بس احس نفسي مره جبيره

حته طبخ علمتني بس ما اشتغل دكول تعلمي للزمن اذا دار ...
جانت تاخذني وياهه وانروح لمدرسة اخوتي نسأل عليهم فاروق بصف الخامس علمي والبقيه اصغر ...

افتر وياهه ع المدرسين وتسال عنهم واحد واحد ودكلهم اريد اوراقهم جدتي حليمه جانت مره حكيمه الكل يحترمهه والمدرسين يعرفوهه لا جدي حجي ومعروف قبل لايموت ...

اتذكر كلام  كل مدرس تساله يكلهه حجيه ام عماد ونعم التربيه والاخلاق يسوون الف طالب عنده اب وام ...

تكعد بالاداره ويجيبولهه مي واني بصفهه وتكعد تتناقش ويه المدير ع وضعهم ودرجاتهم ودكل للمدير هذا المدح كله مايوكل خبز اريد اخلاقهم شلونهه؟؟؟

المدير كالهه يمه حالف ابوسج من راسج ع تربيتج هاي وكام وباسهه كالهه اني اعرف قصتهم كلهه واعرف انتي الي مربيتهم...
حجيه لاتجين بعد احفادج ابطال شاطرين حيل ومتفوقين واخلاقهم حلوه  ...

كل مرحله عدنه طالب متفوق ومن نرجع للسجلات نلكاهم من الاخوه الخمسه ...

وهي دكلهم ماريد درجاتهم تنزل عن التسعين اريدهم زلم عربان مايعوفون حگهم ويتاكتلون عنه والف واحد يحسبلهم احساب ...

واريدهم بنفس الوقت مثقفين وصاحبين شان وكون بشهادتهم يخلون اكبر واحد يحترمهم ويقدرهم...

جانت تطلع وهي فرحانه تبوس بايدهه وتحطهه ع كصتهه ودكول الحمدلله اني اريد اوصلهم وما اخلي شماتهم يفرحون بخسارتهم....

ترجعني وياهه للبيت تاخذلي اجازه ويجينه فاروق يرعد عصبي الى ابعد حد يكلهه شلون تجين وراي واني رجال شكبرني وتخلين الطلاب تضحك عليه ..

الطلاب يكلولي جدتك اجت تسال عليك رحمه لابوج بعد لاتجين اتفشل كدامهم مقدر تعبج وخوفج بس اني جبير موزغير ...

... فاروق لاتعلي صوتك عليه اذا الله انطاني عمر اجيك حته وانت بالكليه وافوت للمعلم واكله شلونو فاروق بدروسه..

من تحجي هيج تخلي يشيط للسما وينطفي يكلهه الطلاب تسمعني حجي وواني ما اسكت وهي دكله يغارون من شطارتك ولان ماعدهم جده تسال عنهم...

جده اروحلج فدوه بعد لاتجين اني اليوم كتلت واحد من اجيتي واول مره اوكف بلاداره مذنب ...

ماعليك بيهم هذوله نفسهم راح تضحك عليهم واولهم ابوك وخوالك فاروق انت العمود الي يستندون علي اخوانك خليك قدوه الهم ...

بعد مايخلصون مناكر هي ويا يروح يحبهه (يبوسهه) من راسهه ويكلهه البركه بيج بدونج نضيع ...

حيل حياتنه حلوه ونادرا ما انشوف ابوي يجي صدفه حته ناسيته وامي ماشايفتهه ولا اعرفهه ابد وفاروق اكثر واحد حاقد عليهه يكول لحد يكول امي ماعدنه ام كولو لجدتي حليمه يمه...

جان فاروق صارم ويانه معلمنه ع نظام ممنوع نتجاوزه حته اخوتي البقيه يخافون منه وجدتي دكول هو هذا سندكم وعزوتكم ....

عماتي يجن  كل يوميه مامقصرات ويانه بس الفضل كلو للحجيه حليمه مره قويه كلمتهه وحده كل الاملاك تحت امرهه برغم كلو باسم جدي بس هي دايره البستان كلو...

شاء الله تعالى واجانه القدر واني بعمر 10 سنوات على شكل ضربه خلتنه نوكع للكاع ومن يومهه هذا حالنه...

كعدت الصبح ادور ع جدتي افتريت البيت كلو وهي ماكو امشي واصيح يمه حليمه جدتي وهي ماكوو ..
مرات تروح ورا البيت عدهه زرعات تعدل بيهن رحت ادحكلهه وين وانصدم صدمه عمري جده حليمه نايمه بوسط الزرع ...

يتببببع....

ازمة ضمير ... البارت الثاني

چنه نحلم
چنه واحنه إزغار كل عصرية نلتم
نلبس جناح الكواغد
نركض اويّ الغيم حافين وعلينة الليل يلتم
چنه شبعانين ماندري الخبز ياهو اليجيبة
صافي مثل الماي أملنا
وبطرگ لعب الشوارع
لا جگاير ، لا سياسة ، ولا حبيبة
...

طلعت اركض من البيت ادور على جدتي شفتهه نايمه ع وجهه بالزرع ...

ركضت عليهه احرك بيهه واكعدهه وهي ماكو كل رد لازمتهه وابجي واصيح يمه حليمه جده اكعدي سمعوا صوتي الفلاحين واجو يركضون...

شالوهه من عندي وفزعوا الناس واني وحدي اخوتي كلهم بالبستان شويه وكلهه تكومت يمنه وعماتي يصيحن ...

كل الي عرفتو بهاي اللحظه جدتي ماتت وكالو اثر جلطه قلبيه راحت وعافتني اتذكر اخر شي كالتو الي قبل ايام انتي عزوه اخوتج انتي امهم وابوهم .....

عمري جان عشر سنوات بهاي الحادثه واتذكر كلشي ولحدالان تجي ع بالي حنيتهه وخوفهه علينه ...

ومناگرهه ويه فاروق وهو يداهر بيهه وهي دكلو الا اخطبلك بنت خالك حمود وهو يكلهه اسويهه دم للركب..

شفت اخوتي اجو ويبجون على جدتي ركضت شمرت نفسي بحضن فاروق جان جامد الى ابعد حد حته مايبجي مثل البقيه بس اخذني بحضنو ويسكت بيه...

طفله بمعنى الكلمه ماشفت اي حنان غير حنان جدتي حليمه يوميه انام بحضنهه وتحجيلي قصص ايام زمان حيل تاذيت عليهه ...

افتقدتهه هواي ابجي واخوتي يبجون وياي بس من انشوف فاروق كلنه نسكت انخاف من عندو لان يصيح ع اخوتي يكلهم لاتبجون جنكم نسوان ...

بس مرات اشوف عيونه حزينه بس مايبجي ابد اسأل اوس فاروق مايحب جدتي ليش مايبجي يكلي لا يحبهه بس فاروق هو ماتنزل دموعه بسرعه...

بعد وفاتهه صارت روحي باخوتي خاصه قيس الا انام بحضنو يلعب بشعري ويقرالي قصص مال جدتي يله اغفه ...

البيت صار فارغ يجن عماتي يمنه وابوي يوميه يجي بس الكل يدور مصلحتو بهالزمن...

ورا وفاه جدتي باشهر الكل صار يداعي بحصتو حته عمي ابو بغداد اجه وهو حته ما اجه للفاتحه اجه ويريد حصتو مشاكل ودعاوي بالمحكمه وانباع كلشي...

جثير ناس حجت عليهم بعده تراب امهم مانشف وهم يدورون ورث وخاصه عمي ابو بغداد تكاون ويه ابوي من ورا البستان ...

حته عماتي يوميه وحده ادز رجلهه ع ابوي تريد حصتهه مابينهم اي محنه ادخل بيهه عم ابوي يله حلهه...

وحده من عماتي متزوجه ابن خالهه وهو هذا خابص نفسو ويركض بيهه حته يتقسم الورث ...

يوميه يجي يكعد يم ابوي ساعات طويله ويحجون بالموضوع واسمعه يخابر بعمي فلاح ويقنعوا يتنازل عن حصه البيت وياخذ بس من البستان...؟؟

اسمع بس ما افتهم التفاصيل واخوته يطلعون من الفجر للبستان ابوي شاد عليهم وهم نفسهم عزيزه مايقبلون واحد يحجي عليهم...

عرضوا كلشي للبيع من املاك وكالو تتقسم بالشرع والقانون كل واحد ياخذ حصتو حته ماتصير عداوه بين الاخوان...

جانت الاملاك جثيره حته كل واحد حصل ملايين حته ابو بغداد كالوا اشترى بيت راقي وعندو سياره كله من املاك جدي..

وحده من عماتي ام باسم كالتلهم امي المرحومه جانت ناويه تحول قسم من الملك باسم فاروق بس شوي تاخرت لان شغله قاصرين ...
وخلت وصيه عند رجل عمتي ام سالم هو نفسو الي يشتغب بيهه لان هو ابن الشيخ ...

بس محد سمعلهه اتذكر عمي ابو بغداد كالهه اسكتي ام باسم عدهم ابو ويعيشون يمه اني ما اتنازل عن شبر من كاعي وافلوسي... 42

اسنين طردتوني وعماد وجهالو يلعبون بالخير لعب واني حسره عليه الالف راتبي 3 الالف يادوب يكفي اجار...

عماتي هوايه حجن وكالن حتلو بس نخليلهم البيت بس ابوي هنا صار سبع وع اساس يخاف الله وكالهم هم ولدي ويعيشون يمي مايحتاجون الحصه...

كلشي انباع البيت والاملاك تقسمت على عماتي وابوي وعمي واحنه طلعنه صفر اليدين...

عشنه اسبوع واحد ويه ابوي بعد ماتقاسموا الاملاك مرت ابوي ما استقبلتنه كالتلو ماريدهم ويه جهالي هذا الحجي سمعنا وهم يتعاركون واوس كال لفاروق ...

شفت اخوتي حايرين وواحد يكول لثاني وين انروح اذا طردنه ابوي بس جانوا مايحجون كدامي بس اجي يسكتون...

كل هاي الاحداث وهم بعمر مراهقه اصغر شي اني وادهم بلابتدائيه...

الايام الي عشناهه ويه مرت ابوي صدك تقهر جانت تطبخ شي قليل بس لجهالهه وتصبلهم من وگت حته ما يظل اكل لاخوتي...

ابوي يطلعهم ويا للبستان ومن يجون مايلگون اكل تگلهم ماكفى ويظلون بدون اكل والحسره بعيونهم...

اكثر من مره سمعت فاروق يحاجي ابوي ويكلو انطينه شغله نستفاد منهه حته نصرف ع حالنه ...

وابوي يگلو منين انطيك الشغل موزين بس بالحقيقه ابوي اخذ البستان كلوا وبي فلوس خير من الله...

انه جنت صغيره اكل ويه اخواتي الي من ابوي اثنين بنات بس اضوج ع اخوتي من يبقون بدون غده ويرحون ياكل بره...

يوم منهن الصبح كعدنه انريد نتريك ابوي كال لفاروق بويه فاروق اخذ اخوتك واخيتك وشوفلك مچان (بيت) قريب من هين..

اني مامسؤؤل عنكم لو ترجع لخوالك غاد انه ماعندي اصرف عليكم وانتم جثيرين يابويه...

كال كلامو دفعه وحده حته بدون ما يمهد الهم او يحاول يطيب خاطرهم ب

كلمه وحده بعدنه مامتريكين حته خلاهم مايعرفون يحجون...
اوس.. يابه وين انروح خوالي مايردونه واحنه اكبار منو يقبل يستقبلنه غير انت ابونه ونعيش يمك وامي اتزوجت وراحت وين نرجع...

.. اني عندي جهال وماعندي اصرف عليكم كبرتوا اخذوا اخيتكم ودورو ع بيت قريب من هين واني اتسوگلكم كل يوم بيومو ...

اوس..عجل ليش ماقبلت ينطونه حصه من البيت موكلت يعيشون يمي ترى مثل ما هذوله جهالك احنه هم...

وبهذا العمر حته زحمه يابه انعيش بغير بيت احنه موصغار ترى...

... اني ما اتحملكم عافتكم امكم وراحت وانت كلت اكبار موزغار اجرولكم بيت واكعدوا بي واني امر عليكم يوميه...

قيس.. بالله عليك يابه احنه من لحمك ودمك ماطالبين شي منك غير حقنه انت اسمك ابو وواجبك توفرلنه مكان..

تعرف كلنه طلاب مدارس شلون انكمل دراسه ونشتغل واختنه بعدهه صغيره ..

... والله اني اريد اخذ راحتي ومرت ابوكم ماكاعد تاخذ راحتهه لنكم زلم ومايصير ..

هنا الجبل الي عدنه فاروق كام لابوي لزمو من ركبتو وخنكو ودفعوا ع الحايط ابوي يتلاوه ويه فاروق بس ماكدرلو لان فاروق ضخم وبعده بحيلو جان عمرو 17 سنه وابوي جبير...

اتذكر كلام فاروق كلش زين وهو يتكاون ويكول لابوي انت عار اكبر عار ما اتشرف احمل اسمك بيوم ويكولون ابوك فلان انت واحد نذل بلا ضمير...

اني واخوتي ولد عسما انام بشارع بس شيمتك وغيرتك ماشالتك وفكرت ببنتك وين راح تعيش وشلون لو حرمتك عاميتك ولازم اطيع كلامهه مثل الطلي...
راح اخذ اخوتي واطلع واياك بيوم دكول عندي ولد لان هذيج الساعه ادوس ع راسك وراس الي يطلع وراك راح ادفعك الثمن غالي ..

راح اخليك تدفع ثمن كل لحظه نعيشهه بحرمان اتذكر كلامي زين لان يجي اليوم الي اعيده عليك...

كول بيوم من الايام ابني الجبير اتجاوز عليه واتذكر عيوني زين لان انت وامي اكرهكم وراح احاسبكم على كل لحظه فاتت من عمرنه ...
كوه بعدنه فاروق عن ابوي وملامح ابوي تغيرت بسرعه طلع ومرتو شردت للغرفه حته بدون مايردون علي بكلمه ...

زمخ (صاح) بينه فاروق لموا ملابسكم بسرعه ..اخذنه كلشي وطلعنه هايمين ع وجوهنه بكيه جيرانه مانعرف وين انروح ...

كاعدين بالبدي مال السياره وصايره بين اخوتي ايوب واوس مضللين اديهم ع راسي عن الشمس ...

ساعات طويله واحنه نفتر بسياره لحدماغفيت بحضن اوس ماحس غير يكعدوني ننزل..

نزلت وياهم لهذا البيت الخرابه تعبان حيل واسمع الزلمه يحجي ويه فاروق يكولو عمي اعرف بوضعكم الكم شهرين مجانا واذا استمريتوا ادفعوا ايجار هو تعبان البيت بس اكعدوا بالغرف الزينه ...
تشكر منه فاروق ودخلنه متروس اتراب وتعبان حيل هم اخوتي نظفوا من غسل وترتيب وراح اوس جابلنه لفات وكعدنه ناكل ...

نسينه حزنه ونضحك الا فاروق جان مايضحك ويانه وعاگد حواجبه حته ماقبل ياكل بس يدحك علينه ...

كمت شمرت نفسي بحضنو كتلو شبيك ضايج اني احبك هواي جدتي كالت ابوج فاروق لاتزعلي ابد لان من يغضب عليكم يصير اسد...
ضمني بحضنو حيل وكال يابعد ابوج اروح فدوه لهاي الخدود ماضايج اني بس تعبان مادحكتي شلون تعبنه اليوم...

... بس انت اليوم صيحت ع ابوي وضربتو ...
... لا ماصيحت بس جنه نتفاهم مالج علاقه بهيج سوالف انتي ابوج فاروق وهذوله اخوتج كلهم مثل ابوج انسي هذيج العائله ...

... يعني بعد ما انشوف ابوي ابد ..
... الي يريدنه يندلنه احنه مانروحله هسه تبدي المدارس ونرجع انداوم ونعيش ...

اوس.. فاروق منين انجيب افلوس وندرس جانت جدتي تصرف علينه هسه منو بحالنه ولاتنسه لازم مصرف يومي والمدارس تريد..

... يول لادكول امنين انت رجال يعتمد عليك كلنه نطلع نشتغل علمود نوصل بالدراسه وعلمود نوصل هاي الاميره مالتنه ومانخليهه تحتاج شي ..

ادهم.. شنو نشتغل اني مستعد نشتغل اي شي بس المهم انت ماتصير عصبي انت من تضوج احنه هم انضوج وياك...

... حبيبي ادهم انت بعدك زغير اني واخوتك قيس واوس اندور شغل وانت وايوب عليكم حمايه الغزاله مالتنه ...

... هاهي انتو روحوا واحنه نظل نحمي ثريا بس من تجون نطلع احنه نشتغل وانتم تحموهه...

ضحك فاروق وفتح ايده لادهم وحضنه شعره عالي كفش شعره وكال اسمعوني زين .

رغم صغر سنكم بس كلكم تعرفون وضعنه هذا البيت تعبان راح نحاول نعدل بي كلنه طلاب مدارس ولازم ندرس حته يصير عدنه راتب ونعيش حياه كريمه...

بالعطل نشتغل وبالدوام نحاول نقتصد بس ما انبطل ابد وحته لوتسمعون كلام من احد لو يكولون علينه فگر لاتتاثرون المهم ننجح...

انسوا عدكم اب هو طردنه من بيتو وانسوا عدكم ام امكم حجيه حليمه وماتت كل الي علينه نعتمد ع نفسنه واهم شي عدنه ثريا...

ما اريد بيوم تصيرون وحوش وتتخلون عنهه لحد اخر يوم بعمرنه كون كل همنه نسعدهه ...

قيس... فاروق احنه مانعوفك وحدك صح انت الجبير بس احنه نفتهم الي تفكر بي احنه من باجر اندور ع شغل ونكمل دراسه...

اوس.. والله لعبوهه صح ابوي وعمي جدتي ماتعوفنه بدون ماتطمن علينه ..

اني متاكد عافتنه حصه بس ابوي وعمي اخذوهه ولات

نسون احنه قاصرين بالحق العام...

فاروق.. لابد يجي يوم وينكشف كلشي وهذيج الساعه لكل حادثه حديث هسه علينه بالحاضر ..

اخوتي يتناقشون بحرگه گلب حته ادهم الصغير يكلهم اني هم اشتغل وياكم نعست وهم يسولفون ونمت على رجل فاروق ...
ثاني يوم كعدت على بوسات قيس واوس وهم يكعدوني ويدغدون بيه عطت عوفوني هسه اصيح فاروق عليكم...

بس قيس يدغدغ بيه ويكلي كوم ياحلو كوم ...

فتحت عيوني بملل شفت نفسي نايمه بوسط اخوتي فراش فاروق فارغ وادهم وايوب نايمين...

شالني قيس من ايدي وخلاني بحضنو دائما اشوف قيس مكسور من داخلو مدري ليش من اباوعلو انقهر احسو يمثل الفرح ...

كال كومي يله خلي انلم الفراشات ونروح اندور شغل وانتي يولي ممنوع توصلين للطباخ من نجي انجيب لفات وما اطلعين بشارع نزعل عليج..

سالتهم عن فاروق كالوا راح كدامنه يتفق ويه الاسطه حته نشتغل عماله ...

ماادري ليش انعصر كلبي وانه بعدني صغيره بس احس بمعاناه اخواني احس بيهم بكلشي الله واهبني الاحساس واني بهالعمر ومن عيونهم اعرفهم...

كمت وياهم ولموا الفراش وكعدوا ايوب وادهم وطلعوا واني واخوتي نفتر بلبيت جثير واسع كلساع نفوت لغرفه انظفهه كلهه اتراب...

ايوب يغسل وايهم يرتب واني وياهم وكلساع نكعد نرتاح من التعب ونرجع نكمل شغلنه..

للظهر يله اجو تعبانين حيل ملابسهم كلهه وسخ وشايلين علاكه لفات بيدهم قيس شمر نفسه ع الفراش وكال كومي اسحكي رجليه يوجعني..

حركته المفضله ادوس ع رجليه وهو يكلي ااااخ بعد بعد واني اكوم اكمز عليهن لان خفيفه واضحك واخر شي يرفع رجلينو ليفوك واوكع ع صدرو ويظل يدغدغ بيه ....

قيس متمدد ع ظهرو واني صاعده على رجلينو وفاروق راح يسبح اوس راح جاب صينيه ودولكه مي والفات كلنه كعدنه داير مدايرهه ...

انتظرنه فاروق يجي يله نبدي ناكل بس صاح علينه اكلوا اني ما اشتهي ولفتي انطوهه لثريا مو تاكلوهه ...

تكاونه اني وادهم هو اكبر مني بسنه هو يكول الي واني اكول الي تالي قيس اخذهه وقسمهه بالنص يله سكتنه...

كل هاي الاحداث عمري 10 سنوات شكد ماعايشه حياه فقر بس لان اخواني موجودين احس نفسي مدلله ومحد يكدر يصيح عليه ...

ظلوا ع هذا الحال يشتغلون ويعدلون بالبيت اشترينه طباخ وثلاجه ومواعين لان كلشي ماعدنه اشترينه بطانيات وجودليات جديده لان الي بلبيت وسخات وماينام عليهن....

محد سأل علينه ابد لاقريب ولابعيد حته بيت الشيخ واهل الحجيه حليمه محد عبرنه بفلس ...

بدت المدارس وجنت اشوف الحزن بعيون اخوتي الكبار هالمره محد طلعني اشتري ملابس وجنطه جديده بس كلما اريد احجي شي يمنعني اكول من اشوفهم يضحكون يله احجي ...

فاروق السنه سادس علمي واني صف خامس ابتدائي بس كل فكري بالمدرسه شلون انداوم وهي بعيده من هين ولازم سياره تاخذنه ...


بليل مايطلعون يظلون بلبيت برغم تلفزيونه كلشي مابي غير قناتين بس جنت ادحك فاروق ع طول (دائما) يقره بكتاب ...

وقيس واوس ينامون من المغرب وايوب وادهم يلعبون اتاري يدوي زغير واني ادحك وياهم...

شفت فاروق نزل كتابه وناداني كال يولي ثريا حدري هين لشوف..

رحت ادحكلوا شو يريد كال روحي اندهي ( كعدي) الولد عندي سالفه وياكم...

ركضت كعدتهم واجيت كعدت بصف فاروق كاعدين بالكاع ومستنده ع رجلو مثل الاب وجامع اطفاله حولو..

ادحك عليهم واحد واحد بيومين بشرتهم تغيرت ومبينين تعبانين وخاصه قيس عيوني مركزه بوجهو ليش هيج جاي ادحكلوا حزين...

اجو كعدوا كلهم ويترقبون فاروق يحجي دحكت فاروق ياخذ نفس يله حجه بهدوء...

كال اسمعوني يا اخوتي وضعنه بي ومايزداد سوء شغل ماكو يوم نحصل عماله ويوم ماكو وهاي كدامكم البيت تعبان وراح يجي الشتا ويراد شويه ترتيب ...

وهذا الشهر نبدي ندفع ايجار يعني الي اطلبوا منكم تنطوني وعد وانتو كاعدين هسه كلكم تنتبهون ع دراستكم ما اريد درجاتكم تنزل...

فكروا للبعيد فكروا من تكبرون وتصيرون شباب وتتمنون تصعدون سياره وانتم ماعدكم ولا فلس بس اذا انت عندك راتب ما تهتم وتشتري الي بنفسك وتسافر وتطلع...

فكروا بمستقبلكم زين كلشي ما اريد من عدكم غير دراستكم اني وقيس السنه ماراح انداوم حته نشتغل ونوفرلكم مصروف بس الباقي عليكم...

كون من اروح اسال بالمدرسه ارجع مرفوع الراس ومتباهي باخوتي احنه هسه ماالنه غير بعض واحد يسند الثاني ...

اذا واحد منكم فلت ايده من عدنه معناتهه كلنه راح نوكع وراكم تدرون احنه هسه في مواجهه مصارعه ويه الحياة وماممكن نخليهه تتغلب علينه ...

اوس.. فاروق اني ما ارضاهه ادرس وانت وقيس تشتغلون اني هم اشتغل وياكم وبعدين نرجع للدراسه ...

... لا اوس انت مستواك زين واشطر واحد بينه لذلك ما انريدك تلتهي بشغل املنه بيك ولاتخيبه شد حيلك حته تطلع معدل عالي ...

اوس... مستحيل ادرس وانتم اتعبون وحدكم ازعل عليكم والله حتلو شاطر عود السنه الجايه ارجع وياك موهاي انت صف سادس وبطلت...

ايوب... اني هم اريد اشتغل اي شي ما اكعد بالبيت..

ثريا... فاروق اني هم اريد اشتغ

ل وياكم؟؟

ضحك بضحكه خفيفه كال وشنو تشتغلين ياعزيزه فاروق؟؟

... اني اعرف اسوي كبه مثل جدتي حليمه علمتني احطهه هيج بيدي وهيج اسوي مثلت الحركه واني افر بايدي...

... ههههه يولي يابنت ابوي انتي الروح مالتي عمري ما اخليج تنذلين وادورين شغل انتي بنوته حلوه مكانج البيت كل الي عليج ادرسين وبس ...
.. اني اريد اصير مديره مثل ست سميره ..
.. لا مو مديره اريد طبيبه ويكولون اخت فاروق الدكتوره ثريا..

... اااي لعد هاهي اصير طبيبه بس انت كون ماتزعل وقيس هم مايزعل ويضوج..

قيس.. ليش ازعل كل الي انسوي على مودكم ضحكتكم وحدهه حياة بس نبطل هاي السنه والوراهه نرجع ...

اوس.. يولو دحكوا دراسه ما ادرس رجلي ع رجلكم وين ماادورون شغل اني وياكم ...

قيس.. يابه اوس هسه ماصار معلوم انبطل احنه راح اندور شغل واذا ما كدرنه بين المدرسه والشغل هذيج الساعه انبطل
فاروق .. ايوب وادهم وثريا تنتبهون ع دراستكم واني واخوتكم راح نشتغل...

ادهم.. اني اكره ابوي حيل واكره امي كلو منهم احنه هسه فگر ...

فاروق.. يول ادهم كلنه فقره امام الله لا تستنكف من عيشتك غيرك يتمناهه..

ادهم... فاروق ابوي عندو فلوس وكلهم عدهم احنه ماغلطنه ولاسوينه شي ليش عافونه...

فاروق.. ادهم اول يوم طلعنه بي من بيت جدي كتلكم انسوا الصار واعتمدوا ع نفسكم ...

ابوك وامك وغيره وغيره وكل واحد الو ايد بمعاناتنه يجي يوم ويدفعون ثمنهه..

...

انتهت جمعه اخواني بالضحك والشقه ودائما المسحول ايوب واخر شي ينام زعلان بس من يكعد رايحه من عندو ...

ثاني يوم اخذني قيس للسوك واشترالي صدريه وقميص وجنطه وجواريب وحذاء رجعت فرحانه بيهم...

اقترح قيس يداومون وبعدين من يلكون شغل يبطلون حته ماتروح عليهم بالخالي بلاش...

بديت اداوم صف خامس ابتدائي وكل معاني الطفوله والبراءه بداخلي اروح ويه ادهم وارجع ويا لان بصف مدرستي بس الطريق بعيد ..
اني ويا نصعد سياره بس بقيه اخوتي يروحون مشي ويرجعون ميتين تعب مرات اتلكاهم بالطريق ونرجع سوه...

قيس مايخليني امشي يشيلني على ظهرو وجنطتي يشيلهه اوس وادغدغ قيس من ركبتو وهو يكوم يتلاوى وياي اخر شي يعضني من ايدي...

قيس نقطة ضعفو ركبتو من يتكاون ويه اخوتي بالشقه يلزمو من ركبتوا يوكع بالكاع يغار منهه حيل...

انه كلش شاطره يوميه يطلعوني بلاصطفاف يصفكولي وتسالني المديره ماما منو يدرسج ؟؟ واجاوبهه بجوابي المعتاد اخوتي الخمسه ...

بحيث مشت عليه تسميه اخت الاخوه الخمسه والكل عرفني بهذا اللقب ...

مره من المرات جانت حله مدارس وصار مدافع بالباب ووحده وكعدت ع الثانيه اني حالي من حال البنات ودفعني ووكعدت ع وحده ضعيفه حيل واني بيه لحمه...

اشو هاي راحت لبيتهم كدام المدرسه وجابت اخوهه جبير اكبر من فاروق واجه يعت (يجر) بيه من اذاني ...

اني لابسه حجاب الاميره بس يجر بيهن ويكلي شلون تضربيهه واني ابجي اكله عمو والله ماضربتهه ...

مدرسة ادهم بصفنه بس للبنين شافني واجه يركض هو بصف سادس ابتدائي مايكدر للولد وكعلو دك بالطابوك وهذا يكمز ويسب بابوي...

وادهم يشمر كل حجاره شكبرهه فلشه تفلش انوبه يريد يركض ورا يلزمو حته يكتلو بس من كدما لازم طابوك ويشمر يخاف يتقربلو...

ركض ورا ادهم واسمع ادهم يكلو اذا بيك زود وانت رجال اوكف ...

مدري منين جايب حجار كومه شايلهن بقميصو ويضرب على بيت الناس طلع ابوهم ويصيح ويركضون ورا ادهم يشرد عبالك طياره...

انه ركضت من الفرع الثاني وهذا الولد يركض ورا ادهم خلا يلتهي بالحجار وكض (لزم) ايدي ونركض كلساع اوكع ويسحلني...

احس كلبي انكطع وانه اركض لحدما ابتعدنه عنو صرنه قريبين ع مدرسه الولد الاعداديه ...

ضلينه ننتظر اخوتي يطلعون هم شافونه شلون مسحولين بالتراب وادهم الحجار بعدو بيدو...

صرنه نحجيلهم شلون ضربوني وادهم شردهم بالطابوك ايوب يكول لادهم يول اغبر ليش ماطلعت دمو ...

واوس يكلو يول زمال شلون تخلي يمد ايدو ع ثريا والله باجر الا انعل والدي ...

وقيس يكلو انت اثول ليش ما اجيت علينه حته اعلمو شلون يكتلهه تايهه الو ماعدهه اخوه...

شالني فاروق لان حاره وشمس وتعبت من الركض وهم يهدون ويغلطون ورجعوا ع ادهم يكلولو هي هاي الله كدرك علي بس الحجار ...

حصله ضربه ع علباته من قيس وهو يرزل بي شلون مخليهه وحدهه بشارع ويمدون ايدهم عليهه...

وصلنه للبيت بتعب وبدون غده بس نشتري لفات من المدرسه وناكل بدلنه وغسلنه ونمنه شويه ...

الملابس اني اغسلهه اعرف وهم ينظفون البيت ماعدنه مكناسه كلما نشتري وحده جديده من يتكاونون واحد يضرب الثانيه بيهه ويشمروهه ...

يوميه لازم يتكاونون ع اقل شي وماكو سلاح غير بس المكناسه...

يجيبون سعفه من برا ويكنسون والزبل يظل وراهم واني اكلهم مو هيج التنظيف ويصيحون بيه لاتتدخلين ...

من نرجع من الدوام لحد ثاني يوم بس نضحك وواحد يقري الثاني ...

قيس يدرس ادهم يشبعو راشديات مايفرق بين الظاد والضاء وكلساع وتجي كفخه ع راسو...

ايوب يقره وحدو

بس من عنده شي صعب يدرسه فاروق واني لو قيس لو اوس يرجعولي املاء ...

من نرجع يفتحون جنطتي يدحكون ع تحضيري يلكوني كاتبه كل الدرس بدون نقاط اكتب الكلمه بدون ما اخلي نقاط...

كاتبه اسمي ولانقطه بي يكلي قيس اقري شووو؟؟
اكله ثريا يكوم يصيح وين النقاط؟؟ صدك وينهم ولانقطه حته ماينقره الاسم...
خطيه يرجع يتبع الدرس وينقط وراي ويعلمني وثاني يوم اجي نفس الشي يكلي وين النقاط؟؟ اكلو نسيتهم بالمدرسه...

يلتفت ع فاروق يكلو هاي تريدهه دكتوره والله هاي الخمسين ماتحصلهه ...

واوس يداهر بيه ويكلهم لا هاي يقبولهه سديه بالمستشفى وينهه وين الطب ...

فاروق يسكتهم يكلهم لاتقللون من شأنهه تكبر وتتعلم محد اجه متعلم من كاعو...

ماادري ليش عندي عقده ويه النقاط اعرف اقره الكلمه بس ما اكتبهم ...
هاي حياتي البسيطه ويه اخوتي واتمنى ما تمر الايام ونكبر ونظل ع نفس حالنه ازغار ومانعرف شنو معنى الحزن...

يتبببع

ﻴﻬﻢ ﻭﺍﺣﺪ ﻳﻀﺮﺏ ﺍﻟﺜﺎﻧﻲ ﻭﻳﺼﻴﺮﻭﻥ ﻣﺜﻞ ﻣﻨﺎﻛﺮ ﺍﻟﺪﻳﺞ ﻭﺭﺍ ﺷﻮﻳﻪ ﻳﻠﻪ ﻳﻔﻠﻮﻥ ...
ﻋﻴﺸﺘﻨﻪ ﻛﻞ ﻳﻮﻡ ﺑﻴﻮﻣﻮ ﺍﻟﻴﻮﻣﻴﻪ ﺍﻟﻲ ﻳﺠﻴﺒﻮﻫﻪ ﻧﺘﺴﻮﻙ ﺑﻴﻬﻪ ﻭﻧﺪﻓﻊ ﺍﺟﺎﺭ ﻭﺑﺲ ﻣﺎﻛﻮ ﻣﻼﺑﺲ ﻧﺸﺘﺮﻱ ﺑﻤﻮﺳﻢ ﻭﺍﺣﺪ ...
ﺻﺎﺭ ﺍﻟﺘﻘﺪﻳﻢ ﻣﺎﻝ ﺍﻟﻜﻠﻴﺎﺕ ﻭﻓﺎﺭﻭﻕ ﻣﺎﻗﺒﻞ ﻳﻘﺪﻡ ﺷﻜﺪ ﻟﺤﻴﻨﻪ ﻋﻠﻲ ﻭﺣﺠﻮﺍ ﺍﺧﻮﺗﻲ ﺑﺲ ﻣﺎﻗﺒﻞ ...
ﺣﺘﻪ ﺗﻌﺎﺭﻙ ﻭﻳﻪ ﻗﻴﺲ ﺑﺲ ﺟﺎﻥ ﻣﺼﺮ ﻉ ﺭﺍﻳﻮ ﻳﻜﻠﻮ ﺍﺑﻴﺶ ﺍﺩﺍﻭﻡ ﻭﺍﺩﺭﺱ ﻭﺍﺣﻨﻪ ﻟﮕﻤﻪ ﻣﺎﺷﺒﻌﺎﻧﻴﻦ ...
ﻳﻮﻣﻴﺘﻬﻢ ﻗﻠﻴﻠﻪ ﻭﻳﻮﻡ ﺍﻛﻮ ﺷﻐﻞ ﻭﻋﺸﺮﻩ ﻻ ... ﻫﻮﺍﻳﻪ ﺷﺒﺎﺏ ﻛﺎﻋﺪﻩ ﺍﺩﻭﺭ ﺷﻐﻞ ﻣﺮﺍﺕ ﻣﺎﺍﻛﻮ ﺑﻨﺎﺀ ﻳﻄﻠﻌﻮﻥ ﻭﻳﺮﺟﻌﻮﻥ ﻓﺎﺭﻏﻴﻦ ....
ﻭﻣﺮﺍﺕ ﺗﺠﻲ ﺍﻳﺎﻡ ﺑﺲ ﻭﺍﺣﺪ ﻣﻨﻬﻢ ﻳﻄﻠﻊ ﻭﺍﻟﺒﻘﻴﻪ ﻳﺮﺣﻮﻥ ﻳﻔﺘﺮﻭﻥ ﻉ ﻏﻴﺮ ﺷﻐﻠﻪ ...
ﺍﻟﻤﺸﻜﻠﻪ ﺍﺣﻨﻪ ﺟﺜﻴﺮﻳﻦ ﻭﻣﺼﺮﻓﻨﻪ ﺟﺜﻴﺮ ﻭﻫﻢ ﺷﺒﺎﺏ ﻭﺑﻤﻮﺳﻢ ﺍﻟﻤﺪﺍﺭﺱ ﺗﺼﻴﺮ ﺳﺎﻟﻔﺘﻨﻪ ﺳﺎﻟﻔﻪ ﻭﻧﺪﻓﻊ ﺍﻳﺠﺎﺭ ...
ﺍﻧﻲ ﺻﻐﻴﺮﻩ ﻣﺎﺍﻋﺮﻑ ﺍﺧﺒﺰ ﻭﻻﻳﻘﺒﻠﻮﻥ ﻟﺬﻟﻚ ﻧﺸﺘﺮﻱ ﺧﺒﺰ ﺣﺼﻪ ﻣﺎﻋﺪﻧﻪ ﻻﻥ ﻣﺎﻣﻔﺼﻮﻟﻴﻦ ﻋﻦ ﺍﺑﻮﻱ ﻭﻛﻠﻮ ﻧﺸﺘﺮﻱ ﺷﺮﺍﻳﻪ ...
ﻛﻞ ﻣﺎ ﻛﺒﺮﻭﺍ ﻛﻠﻤﺎ ﺯﺍﺩ ﺣﻘﺪﻫﻢ ﻉ ﺍﺑﻮﻱ ﺣﺘﻪ ﺑﻨﺠﺎﺡ ﻓﺎﺭﻭﻕ ﻣﺎ ﺍﺟﻪ ﻣﺎﻳﻮﻡ ﻛﻠﻒ ﻧﻔﺴﻮﺍ ﻭﺍﺟﻪ ﻳﺸﻮﻓﻨﻪ ﻭﻳﺴﺄﻝ ﻋﻠﻴﻨﻪ ...
ﺷﻜﺪ ﺍﺗﻤﻨﻴﺖ ﻳﻨﻔﺘﺢ ﺍﻟﺒﺎﺏ ﺑﻴﻮﻡ ﻭﺍﺷﻮﻓﻮ ﻛﺪﺍﻣﻲ ﻫﻮ ﻭﻋﻼﻟﻴﻚ ﺍﻟﻤﺴﻮﺍﻙ ﻭﺍﺭﻛﺾ ﻋﻠﻲ ﺍﺣﻀﻨﻮ ...
ﺷﻜﺪ ﺍﺗﻤﻨﻴﺖ ﺍﺷﻮﻑ ﺍﻣﻲ ﺣﺘﻪ ﻟﻮ ﺑﺼﻮﺭﻩ ﺍﻱ ﺷﻲ ﺍﻟﻬﻪ ﻣﺎﻋﺪﻧﻪ ﻭﻟﻮ ﺍﺷﻮﻓﻬﻪ ﺑﺸﺎﺭﻉ ﻣﺎ ﺍﺍﻋﺮﻓﻬﻪ ...
ﺍﻣﻨﻴﺎﺕ ﺟﺜﻴﺮﺓ ﻋﻨﺪﻱ ﺑﺲ ﻟﻼﺳﻒ ﻣﺎﺷﻔﺖ ﺷﻲ ﻣﻦ ﻫﺎﻱ ﺍﻻﻣﻨﻴﺎﺕ ...
ﺩﺍﺋﻤﺎ ﺍﺳﺎﻝ ﺑﻴﻨﻲ ﻭﺑﻴﻦ ﻧﻔﺴﻲ ﺷﻨﻮ ﺍﻻﺳﺒﺎﺏ ﺍﻟﻲ ﺧﻠﺖ ﺍﺑﻮﻱ ﻫﻴﺞ ﻳﻜﺮﻫﻨﻪ ﻭﺍﻣﻲ ﺩﺍﺭﺕ ﻇﻬﺮﻫﻪ ﻭﻣﺸﺖ ..
...
ﻓﻜﺮﻩ ﻋﺪﻡ ﺗﻘﺪﻳﻢ ﻓﺎﺭﻭﻕ ﻟﻠﺠﺎﻣﻌﻪ ﺍﺛﺮﺕ ﺑﺎﺧﻮﺗﻲ ﺣﻴﻞ ﺿﺎﺟﻮﺍ ﻋﻠﻲ ﺷﻠﻮﻥ ﻳﺘﻨﺎﺯﻝ ﻋﻦ ﻣﺴﺘﻘﺒﻠﻮ ﺑﺴﺒﻴﻞ ﻳﻈﻞ ﻳﺸﺘﻐﻞ ...
ﻛﻠﺶ ﺟﺎﻥ ﻣﻌﺎﻧﺪ ﺑﻴﻮﻣﻬﻪ ﺣﺘﻪ ﻧﻤﻨﻪ ﺑﺪﻭﻥ ﻋﺸﺎ ﺍﻟﻜﻞ ﺿﺎﻳﺞ ﻭﻣﻘﻬﻮﺭ ﺍﺳﻤﻊ ﻗﻴﺲ ﻳﺤﺠﻲ ﻭﻳﻜﻮﻝ ﺩﻣﺮ ﻣﺴﺘﻘﺒﻠﻮ ﺑﺴﺒﺒﻨﻪ ﻭﺭﺍﺡ ﻳﺘﻜﻔﻞ ﺑﻌﻴﺸﺘﻨﻪ ﻭﻫﻮ ﻣﻌﺪﻟﻮ ﻋﺎﻟﻲ ...
ﺍﻟﻠﻴﻞ ﻛﻠﻪ ﻳﺘﻨﺎﻗﺸﻮﻥ ﻭﻳﺤﺠﻮﻥ ﻭﺭﺍﺩﻭﺍ ﻳﻐﻴﺮﻭﻥ ﺷﻮﻳﻪ ﻣﻦ ﻓﺎﺭﻭﻕ ﺑﺲ ﻟﻼﺳﻒ ﻛﻠﻤﺘﻮ ﻭﺣﺪﻩ ﻭﻣﺎﻏﻴﺮﻫﻪ ﺍﺑﺪ
ﺑﻌﺪ ﻗﺮﺍﺭ ﻓﺎﺭﻭﻕ ﺍﺧﻮﺗﻲ ﻗﺎﻃﻌﻮﺍ ﻭﻣﺎﻳﺤﺠﻮﻥ ﻭﻳﺎ ﻭﺧﺎﺻﻪ ﻗﻴﺲ ﻭﻫﻮ ﺍﻗﺮﺏ ﻭﺍﺣﺪ ﺍﻟﻮ ...
ﺻﺎﺭ ﻣﻦ ﻳﺠﻲ ﻣﻦ ﺍﻟﺸﻐﻞ ﻣﺎﻳﻜﻌﺪﻭﻥ ﻳﻤﻮ ﻭﻳﻌﻮﻓﻮﺍ ﻭﺣﺪﻩ ﺑﺲ ﻫﻴﺞ ﺷﺎﻳﻞ ﻋﻨﺎﺩ ﻓﻀﻴﻊ ﺣﺘﻪ ﻣﺎﻳﺴﺎﻝ ﺷﺒﻴﻜﻢ؟؟
ﻗﺒﻞ ﻣﺎﻳﻨﺘﻬﻲ ﺍﻟﺘﻘﺪﻳﻢ ﺏ٤ ﺍﻳﺎﻡ ﺍﻧﻔﺠﺮ ﺑﻲ ﺍﻭﺱ ﻭﻛﺎﻟﻮ ﺍﺫﺍ ﻣﺎﻗﺪﻣﺖ ﻫﺴﻪ ﺍﻫﺞ ﻣﻦ ﺍﻟﺒﻴﺖ ﻭﻣﺎﺗﻠﻜﺎﻟﻲ ﺍﺛﺮ ...
ﺻﺎﺭ ﺍﻟﺼﻴﺎﺡ ﻋﺎﻟﻲ ﻭﻓﺎﺭﻭﻕ ﻳﻜﻠﻬﻢ ﻣﺎﺗﺠﺒﺮﻭﻧﻲ ﺑﺰﻋﻠﻜﻢ ﻉ ﺷﻲ ﻣﺎﺍﺭﻳﺪﻭ .... ﻭﻫﺬﻭﻟﻮ ﻳﻜﻠﻮﻟﻪ ﻻ ﺍﻧﺠﺒﺮﻙ ﺍﺫﺍ ﺗﺤﺒﻨﻪ ﻭﺍﺟﺒﻚ ﺗﺴﻌﺪﻧﻪ ﻭﺍﺣﻨﻪ ﺳﻌﺎﺩﺗﻨﻪ ﺍﻧﺸﻮﻓﻚ ﻣﻘﺪﻡ ...
ﻗﻴﺲ .. ﺍﻧﺖ ﺯﻭﺩﺗﻬﻪ ﺣﻴﻞ ﻭﻋﺒﺎﻟﻚ ﺑﺲ ﺍﻧﺖ ﻛﺎﻋﺪ ﺗﻌﺎﻧﻲ ﻣﺎﻋﻨﺪﻙ ﺍﻫﻞ ﺑﺎﻟﻠﻪ ﻋﻠﻴﻚ ﺍﺳﺄﻟﻚ ﺷﻨﻮ ﻓﺮﻗﻨﻪ ﻋﻨﻚ ﺍﺣﻨﻪ ﻫﻢ ﻋﺎﻳﺸﻴﻦ ﻧﻔﺲ ﺍﺣﺴﺎﺳﻚ ...
ﻓﺎﺭﻭﻕ .. ﻣﻦ ﺗﺤﺠﻮﻥ ﻓﻜﺮﻭﺍ ﻣﻮﺑﺲ ﺍﺗﺼﻔﻂ ﺣﺠﻲ ﺍﻧﻲ ﻭﻳﺎﻛﻢ ﻗﺪﻣﺖ ﻭﻭﺭﺍﻫﻪ ﺷﻨﻮ ؟؟
ﺷﻠﻮﻥ ﺍﺩﺍﻭﻡ ﻛﻠﻴﻪ ﻭﺧﻄﻮﻁ ﻭﻣﺼﺮﻑ ﻭﺍﻧﻲ ﻣﺎﻋﻨﺪﻱ ﻭﺷﻮﻛﺖ ﺍﻃﻠﻊ ﻟﺸﻐﻞ ﻭﺍﻧﺘﻢ ﺷﻠﻮﻥ؟؟ ﻻﺯﻡ ﻭﺍﺣﺪ ﺑﻴﻨﻪ ﻳﻀﺤﻲ ..
ﺍﻭﺱ .. ﻓﺎﺭﻭﻕ ﺍﺫﺍ ﻣﺎﻗﺪﻣﺖ ﺍﻧﻲ ﺍﺑﻄﻞ ﻭﺍﻟﻠﻪ ﻭﺣﺘﻪ ﺍﻟﺒﻘﻴﻪ ﻳﺒﻄﻠﻮﻥ ﻭﺍﻧﺖ ﺍﺭﺗﺎﺡ ...
ﻓﺎﺭﻭﻕ .. ﻳﻮﻝ ﺍﻭﺱ ﻻﺗﺰﻳﺪﻭﻫﻪ ﻋﻠﻴﻪ ﻃﻮﻝ ﻋﻤﺮﻱ ﻋﺎﻳﺶ ﺑﻜﺮﺍﻣﻪ ﻣﺎ ﺍﺭﻳﺪ ﺍﺟﺮﺏ ﺷﻌﻮﺭ ﺍﻟﺬﻝ ﻭﺍﺳﻤﻊ ﻛﻼﻡ ﻳﺤﺰ ﺑﺨﺎﻃﺮﻱ ﺑﺎﻟﻜﻠﻴﻪ ...
ﻫﺎﻱ ﺟﺎﻣﻌﻪ ﻣﻮ ﻣﺪﺭﺳﻪ ﺍﺑﻴﺶ ﺍﻛﻤﻠﻬﻪ ﻭﻣﻨﻴﻦ ﺍﺻﺮﻑ ﻭﺍﺣﻨﻪ ﺍﻧﺮﻭﺡ ﻣﺸﻲ ﻟﻠﻤﺪﺭﺳﻪ ...
ﻗﻴﺲ .. ﻓﺎﺭﻭﻕ ﻗﺪﻡ ﻭﺍﺫﺍ ﻇﻠﻴﻨﻪ ﻉ ﺣﺎﻟﻨﻪ ﺍﺟﻞ ﺍﻟﺴﻨﻪ ﺑﺲ ﻻﺗﻀﻴﻊ ﺍﻟﻔﺮﺻﻪ ﻣﻦ ﺍﻳﺪﻙ ﺍﺫﺍ ﺗﺤﺒﻨﻪ ﻭﺍﻟﻨﻪ ﺧﺎﻃﺮ ﻳﻤﻚ ﻗﺪﻡ ..
ﺑﻌﺪ ﻣﻌﺎﻧﺎﻩ ﻃﻮﻳﻠﻪ ﻭﺍﻭﻝ ﻣﺮﻩ ﺍﺷﻮﻓﻬﻢ ﻫﻠﻜﺪ ﻣﺼﺮﻳﻦ ﻳﻠﻪ ﻗﺪﻡ ﻭﻟﺨﺎﻃﺮﻫﻢ ﺍﻱ ﻧﻴﻪ ﻣﺎ ﺍﻟﻮ ﺑﺎﻟﺪﺭﺍﺳﻪ ...
ﺩﺍﺋﻤﺎ ﻳﻜﻮﻝ ﺍﺗﻀﺤﻜﻮﻥ ﻉ ﻋﻘﻠﻜﻢ ﺑﻼﻭﻝ ﺍﺷﺒﻌﻮﺍ ﺍﺑﻄﻮﻧﻜﻢ ﻳﻠﻪ ﺍﻛﻮﻡ ﺍﺻﺮﻑ ﻉ ﺍﻟﻜﻠﻴﻪ ...
ﻃﻠﻌﺖ ﺍﻟﻘﺒﻮﻻﺕ ﺍﻧﻘﺒﻞ ﻫﻨﺪﺳﻪ ﺍﻻﻧﺒﺎﺭ ﻭﺍﺣﻨﻪ ﺑﺪﺕ ﺍﻟﻤﺪﺍﺭﺱ ﻭﺑﺪﻳﻨﻪ ﺍﻧﺪﺍﻭﻡ ﻭﻧﻔﺲ ﺍﻟﺮﻭﺗﻴﻦ ﺍﻟﻴﻮﻣﻲ ..
ﻣﺸﺖ ﺍﻟﺴﻨﻴﻦ ﻭﺍﻟﺤﺎﻝ ﻣﺜﻞ ﻣﺎﺟﺎﻥ ... ﺍﻭﺿﺎﻉ ﺍﻟﻌﺮﺍﻕ ﺗﺎﺯﻣﺖ ﺟﺎﻧﺖ ﺑﺪﺍﻳﻪ ﺍﻟﺴﻘﻮﻁ ﻭﺍﻟﺒﻠﺪ ﻳﻤﺮ ﺑﻔﻮﺿﻰ ﻣﻮ ﻃﺒﻴﻌﻴﻪ ...
ﺍﻧﺘﺸﺮﺕ ﺍﻟﺠﻤﺎﻋﺎﺕ ﺍﻟﻤﺴﻠﺤﻪ ﻟﺬﻟﻚ ﺍﻟﺸﻐﻞ ﻭﻛﻒ ﻭﺍﻏﻠﺐ ﺍﻟﻨﺎﺱ ﺳﺎﻓﺮﺕ ﻭﻛﺎﻣﺖ ﺗﺠﻲ ﻋﻮﺍﺋﻞ ﻣﻬﺠﺮﻩ ﻣﻦ ﻏﻴﺮ ﻣﺤﺎﻓﻈﺎﺕ ﺧﺎﺻﻪ ﻣﻦ ﺑﻐﺪﺍﺩ ﺑﺤﻜﻤﻬﻪ ﺍﻟﻌﺎﺻﻤﻪ ﻭﺍﻭﻝ ﻣﻦ ﺩﺧﻠﻮﻫﻪ ﺍﻻﻣﺮﻳﻜﺎﻥ ..
ﺭﺟﻊ ﺣﺎﻟﻨﻪ ﻟﻼﺳﻮﺀ ﻻﻥ ﺷﻐﻞ ﻣﺎﻛﻮ ﻭﺻﻠﺖ ﺍﻟﻤﻮﺍﺻﻴﻞ ﻳﻄﻠﻌﻮﻥ ﻣﻦ ﺍﻟﻔﺠﺮ ﻳﺪﻭﺭﻭﻥ ﻉ ﻋﻤﺎﻟﻪ ﻭﻳﺮﺟﻌﻮﻥ ﺑﺨﻴﺒﻪ ﺍﻣﻞ ...
ﻓﺎﺭﻭﻕ ﺻﺎﺭ ﻫﻮ ﺍﻟﻜﻔﻴﻞ ﻣﺎﻟﺘﻨﻪ ﻳﺸﺘﻐﻞ ﻳﻮﻣﻴﻪ ﺑﺤﻜﻢ ﻣﺎﻋﻨﺪﻭ ﺩﻭﺍﻡ ﻭﺍﺧﻮﺗﻲ ﻳﺪﺭﺳﻮﻥ ﻭﻣﺮﺍﺕ ﺑﺎﻟﻌﻄﻞ ﻳﻄﻠﻌﻮﻥ ﻭﻳﺎﺍﺍ ﺑﺲ ﻣﻮﺫﺍﻙ ﺍﻟﺸﻐﻞ ﺑﺲ ﻳﺴﺪ ﺟﻮﻋﻨﻪ ﺣﺘﻪ ﺍﻻﻳﺠﺎﺭ ﺷﻬﺮ ﻧﺪﻓﻊ ﻭﺷﻬﺮ ﻻ ...
ﺗﻌﺮﻑ ﻉ ﻭﺍﺣﺪ ﺍﺳﻄﻪ ﺟﺪﻳﺪ ﻭﻛﺎﻡ ﻳﺸﺘﻐﻞ ﻭﻳﺎ ﻭﻳﺮﻭﺡ ﺍﻣﺎﻛﻦ ﺑﻌﻴﺪﻩ ﺑﺲ ﺍﻟﻤﻬﻢ ﻳﺤﺼﻞ ﻳﻮﻣﻴﻪ ...
ﺍﺧﺬ ﻣﻬﻨﻪ ﻣﺎﻝ ﺗﻄﺒﻴﻚ ﻛﺎﺷﻲ ﻭﺍﺧﺬ ﺷﻤﺮﻩ ﺍﻟﺸﻐﻞ ﻭﻛﺎﻡ ﻳﻄﻠﻌﻮﺍ ﺑﻴﻮﻣﻴﻪ ﺍﻛﺜﺮ ﻛﻞ ﺍﻟﻲ ﻳﺤﺼﻠﻬﻦ ﻟﻮ ﻉ ﺍﻟﻤﺪﺍﺭﺱ ﻟﻮ ﺍﻳﺠﺎﺭ ﻭﻣﺴﻮﺍﻙ ...
ﺻﺎﺭ ﻋﻤﺮﻱ 17 ﻭﺑﺪﻳﺖ ﺍﺩﺭﻙ ﻣﻌﻨﻰ ﺍﻟﻤﻌﺎﻧﺎﻩ ﻭﻛﻤﺖ ﺍﺣﺲ ﺑﺎﺧﻮﺗﻲ ﻭﺍﺣﺪ ﻭﺍﺣﺪ ﺍﻟﻠﻪ ﻭﻫﺒﻨﻲ ﻫﺎﻻﺣﺴﺎﺱ ﻣﻦ ﻧﻈﺮﺍﺗﻬﻢ ﺍﻗﺮﺍﻫﻢ ﻭﻣﺮﺍﺕ ﺍﺧﻠﺺ ﺍﻟﻠﻴﻞ ﺑﺲ ﺍﻓﻜﺮ ﺑﻴﻬﻢ ...
ﺍﻧﻪ ﺑﺪﻩ ﺳﻦ ﺍﻟﻤﺮﺍﻫﻘﻪ ﻋﻨﺪﻱ ﺑﺮﺯﺕ ﻣﻼﻣﺤﻲ ﺍﻻﻧﺜﻮﻳﻪ ﻭﻛﻤﺖ ﺍﺳﺘﺤﻲ ﻣﻦ ﺍﺧﻮﺍﻧﻲ ﺣﺘﻪ ﻣﺎﻛﻤﺖ ﺍﺗﺸﺎﻗﻪ ﻭﻳﺎﻫﻢ ﻣﺜﻞ ﻋﻬﺪﻱ ...
ﺍﺣﺘﺎﺝ ﺍﻡ ﺍﺣﺘﺎﺝ ﺍﺧﺖ ﺗﺤﺠﻴﻠﻲ ﺗﻔﻬﻤﻨﻲ ﺟﺜﻴﺮ ﺷﻐﻼﺕ ﺍﺭﻳﺪﻫﻪ ﺑﺲ ﻣﺎ ﺍﻟﻜﻪ ﺍﺣﺪ ﻟﻼﺳﻒ ..
ﺍﺑﺴﻂ ﺷﻲ ﻛﻤﺖ ﺍﺣﺘﺎﺝ ﻣﻼﺑﺲ ﺩﺍﺧﻠﻴﻪ ﺗﺴﺘﺮ ﺍﻛﺜﺮ ﻻﻥ ﺍﻧﻲ ﺷﻮﻳﻪ ﻣﻠﻴﺎﻧﻪ ﺣﺘﻪ ﻛﻤﺖ ﺍﺗﺠﻨﺐ ﺍﻛﻌﺪ ﻳﻢ ﺍﺧﻮﺗﻲ ﻟﻮ ﺍﻧﺎﻡ ﺑﺠﻬﻪ ﺑﻌﻴﺪﻩ ﻋﻨﻬﻢ ...
ﺑﻴﻮﻡ ﻣﻨﻬﻦ ﺍﻟﻤﺪﺭﺳﺔ ﺻﺎﺣﺘﻨﻲ ﻭﺣﺪﻧﻪ ﻭﻛﺎﻟﺖ ﺑﻨﺘﻲ ﺛﺮﻳﺎ ﺍﻧﺘﻲ ﻛﺒﺮﺗﻲ ﻭﻛﻠﻲ ﻻﻣﺞ ﺗﺸﺘﺮﻳﻠﺞ ﻣﻼﺑﺲ ﺩﺍﺧﻠﻴﻪ ﺭﻳﺎﺿﻴﻪ ﻻ ﺍﻃﻠﻌﻴﻦ ﻫﻴﺞ ...
ﻻﻭﻝ ﻣﺮﻩ ﺍﺣﺲ ﺑﻼﺣﺮﺍﺝ ﻭﺍﻟﻌﺒﺮﻩ ﺍﻟﻲ ﺳﻴﻄﺮﺕ ﻋﻠﻴﻪ ﺍﻓﺘﻬﻤﺖ ﻗﺼﺪﻫﻪ ﻻﻥ ﺍﻧﻲ ﺿﺎﻳﺠﻪ ﻣﻦ ﻫﺎﻟﺸﻲ ﺑﺲ ﻫﺰﻳﺘﻠﻬﻪ ﺭﺍﺳﻲ ﻭﺍﺳﺘﺤﻴﺖ ﺍﻛﻠﻬﻪ ﻣﺎﻋﻨﺪﻱ ﺍﺣﺪ ...
ﺑﻴﻮﻣﻬﻪ ﺭﺟﻌﺖ ﻟﻠﺒﻴﺖ ﻭﺩﻣﻮﻋﻲ ﻉ ﺧﺪﻱ ﺍﻭﻝ ﻭﺍﺣﺪ ﺩﺣﻚ ﺑﻮﺟﻬﻲ ﻗﻴﺲ ﻭﻋﺒ

ﺎﻟﻮ ﺍﻛﻮ ﺍﺣﺪ ﺿﺎﺭﺑﻨﻲ ﺑﺲ ﻣﺎﻛﺪﺭﺕ ﺍﺣﺠﻴﻠﻮ ﺍﻧﻲ ﺑﻄﺒﻌﻲ ﺧﺠﻮﻟﻪ ﻭﻣﺎﻣﺨﺘﻠﻄﻪ ﻫﻮﺍﻱ ...
ﺟﻨﺖ ﺍﺩﺣﻚ ﻉ ﺍﻟﺒﺎﺏ ﺷﻮﻛﺖ ﺗﺠﻲ ﻭﺣﺪﻩ ﻣﻦ ﻋﻤﺎﺗﻲ ﻭﺍﺣﺠﻴﻠﻬﻪ ﺣﺘﻪ ﻗﺮﺭﺕ ﺛﺎﻧﻲ ﻳﻮﻡ ﻣﺎ ﺍﺭﻭﺡ ﻟﻠﻤﺪﺭﺳﻪ ﺧﺎﻑ ﻫﻢ ﺗﺤﺎﺟﻴﻨﻲ ﺍﻟﻤﺪﺭﺳﺔ ...
ﺑﻠﻴﻞ ﻛﻌﺪﺕ ﺍﺣﻞ ﺑﻮﺍﺟﺒﺎﺗﻲ ﻭﺍﺟﻪ ﻗﻴﺲ ﺷﺎﻳﻞ ﻋﻼﻛﻪ ﺑﻴﺪﻭ ﺧﻼﻫﻪ ﻳﻤﻲ ﻛﺎﻝ ﻫﺎﻱ ﺍﻟﺞ ﻭﻃﻠﻊ ...
ﻛﻤﺖ ﻓﺘﺤﺘﻬﻪ ﺑﺎﺳﺘﻐﺮﺍﺏ ﻭﺍﺷﻮﻓﻬﻦ ﻣﻼﺑﺲ ﺩﺍﺧﻠﻴﻪ ﺑﻨﺎﺗﻴﻪ ﻭﻛﺎﻧﻮﺍ ﺍﺧﻮﻱ ﻋﺮﻑ ﺑﺤﺎﻟﺘﻲ ...
ﻣﺎﺍﺩﺭﻱ ﺷﺼﺎﺑﻨﻲ ﺍﺑﺠﻲ ﻭﺍﺑﺠﻲ ﺟﺜﻴﺮ ﺟﻨﺖ ﻣﺤﺘﺎﺟﻪ ﺍﻣﻲ ﺍﺭﻳﺪﻫﻪ ﻳﻤﻲ ﻣﺎ ﺍﻛﺪﺭ ﺍﻛﻤﻞ ﺣﻴﺎﺗﻲ ﺑﺪﻭﻥ ﺍﻡ ...
ﻟﺒﺴﺘﻬﻢ ﻭﺍﻧﻲ ﺍﺑﺠﻲ ﺩﻣﻌﺘﻲ ﻣﺎﺗﺮﺿﻰ ﺗﻮﻛﻒ ﺑﻬﺎﻱ ﺍﻟﺤﺎﻟﻪ ﻭﺍﺟﻪ ﺍﻭﺱ ﻳﻨﺎﺩﻳﻨﻲ ﻣﻦ ﺷﺎﻓﻨﻲ ﻫﻴﺞ ﻳﺴﺎﻝ ﺷﺒﻴﺞ؟؟
ﻭﻳﻬﺪﺩ ﻭﺍﻧﻌﻞ ﺍﺑﻴﻮ ﺍﻟﻲ ﻣﺤﺎﺟﻴﺞ ﻭﺍﺳﻮﻱ ﻫﻴﺞ ﻭﻫﻴﺞ ﻭﺍﻧﻲ ﻭﻻﺳﻜﺘﺖ ﺗﺎﻟﻲ ﺻﺎﺡ ﻉ ﻗﻴﺲ ...
ﻗﻴﺲ ﺍﻟﻮﺣﻴﺪ ﺍﻟﻲ ﻳﻔﻬﻤﻨﻲ ﻗﺒﻞ ﻣﺎ ﺍﺣﺠﻲ ﻣﺎﻛﺎﻝ ﺷﻲ ﺑﺲ ﻛﺎﻝ ﻻﻭﺱ ﻋﻮﻓﻬﻪ ﻳﻤﻲ ﺍﺧﺬﻧﻲ ﺑﻴﻦ ﺍﺩﻳﻨﻮ ﻭﻫﻮ ﺭﻏﻢ ﻋﻤﺮﻭ ١٧ ﺑﺲ ﺑﻨﻴﻪ ﺟﺴﻤﻪ ﺿﺨﻤﻪ ...
ﺿﻤﻨﻲ ﺑﺤﻀﻨﻮ ﺑﻜﻞ ﺣﻨﻴﻪ ﻭﻛﺎﻝ ... ﻟﻴﺶ ﺗﺒﺠﻴﻦ ﺍﻧﻲ ﻣﻮﻛﺘﻠﺞ ﺍﺣﻨﻪ ﺍﻫﻠﺞ ﺗﺴﺘﺤﻴﻦ ﻣﻦ ﺍﻟﺒﻘﻴﻪ ﺍﻧﻲ ﻗﻴﺲ ﺍﻱ ﺷﻲ ﺗﺤﺘﺎﺟﻲ ﺗﺠﻴﻦ ﺩﻛﻮﻟﻴﻨﻪ ﺍﻟﻲ ...
ﺛﺮﻳﺎ ﺑﻼ ﺩﻣﻮﻉ ﻉ ﺷﻲ ﻣﺎﻳﺴﻮﻩ ﻛﻮﻣﻲ ﻏﺴﻠﻲ ﻭﻛﻤﻠﻲ ﻭﺍﺟﺒﺞ ﻭﻧﺎﻣﻲ ...
... ﻫﻢ ﻫﺬﻭﻟﻲ ﺍﺧﻮﺗﻲ ﺣﺘﻪ ﻣﻦ ﻳﺤﺠﻮﻥ ﻛﻮﻟﻮ ﺑﺤﺮﮔﻪ ﻭﺑﺎﻭﺍﻣﺮ ﺭﻏﻢ ﻛﻠﺒﻬﻢ ﺍﻟﻄﻴﺐ ﺣﺒﻨﻲ ﻣﻦ ﺭﺍﺳﻲ ﻭﻛﺎﻡ ﺣﺴﻴﺘﻪ ﻫﻮ ﻣﺤﺮﺝ ﺍﻛﺜﺮ ﻣﻦ ﻋﻨﺪﻱ ...
ﻣﺸﺖ ﺍﻻﻳﺎﻡ ﺳﺮﻳﻌﻪ ﻭﻛﻞ ﺳﻨﻪ ﻧﻨﺠﺢ ﻭﻗﻴﺲ ﺻﺎﺭ ﺳﺎﺩﺱ ﻭﺻﺪﻣﻨﻪ ﺑﻘﺮﺍﺭﻭ ﻣﻦ ﺑﻄﻞ ﻣﻦ ﺍﻟﺪﺭﺍﺳﻪ ...
ﺍﻧﻲ ﻛﺒﺮﺕ ﻭﻛﻤﺖ ﺍﻓﺘﻬﻢ ﺍﻟﺤﻴﺎﺓ ﺍﻭﻝ ﻭﺣﺪﻩ ﻋﺎﺭﺿﺖ ﻛﻤﺖ ﺍﺩﺣﻚ ﻉ ﺍﺧﻮﺗﻲ ﺑﺎﻟﺴﺮﻩ ﻭﺍﺣﺪ ﻭﺭﺍ ﻭﺍﺣﺪ ﻳﺘﺨﻠﻮﻥ ﻋﻦ ﻣﺴﺘﻘﺒﻠﻬﻢ ﺑﺴﺒﺐ ﺿﻴﻖ ﺍﻟﻌﻴﺶ ...
ﻛﻠﻬﻢ ﺟﻜﺎﻳﺮﻫﻢ ﻣﺎﺗﻨﺰﻝ ﻣﻦ ﺍﺩﻳﻬﻢ ﻭﻳﻔﺮﻏﻮﻥ ﺣﺰﻧﻬﻢ ﺑﺎﻟﺘﺪﺧﻴﻦ ...
ﻧﻔﺲ ﺍﻟﻤﻜﺎﻭﻧﻪ ﺍﻧﻌﺎﺩﺕ ﻭﻭﺍﺣﺪ ﻳﺮﺯﻝ ﺑﺎﻟﺜﺎﻧﻲ ﺑﺲ ﻣﺎﻗﺒﻞ ﻳﺮﺟﻊ ﻛﺎﻝ ﻟﻔﺎﺭﻭﻕ ﻣﺜﻞ ﻣﺎ ﺍﻧﺖ ﺑﻄﻠﺖ ﺍﻧﻲ ﻫﻢ ﻣﺎﻟﻚ ﻋﻼﻗﻪ ﺑﻴﻪ ...
ﻣﻦ ﻛﺪﻣﺎ ﺿﻐﻄﻮﺍ ﻋﻠﻲ ﺍﻧﻔﺠﺮ ﻛﺎﻡ ﻳﺼﻴﺢ ﻛﺎﻟﻬﻢ ﺍﻧﻲ ﻣﺎ ﺍﺭﻳﺪ ﻟﻮ ﺍﺩﺭﺱ ﺑﻜﺮﺍﻣﻪ ﻟﻮ ﻣﺎ ﺍﺩﺭﺱ ﺷﻨﻮ ﻫﺎﻟﺬﻝ ﻓﻠﻮﺱ ﻣﺎﻋﻨﺪﻱ ﺍﺷﺘﺮﻱ ﺩﻓﺘﺮ ﻭﺗﺮﻳﺪﻭﻧﻲ ﺍﺩﺭﺱ ...
ﻣﺎﻟﻜﻢ ﺩﺧﻞ ﺑﻴﻪ ﻳﻄﺒﻨﻲ ﺍﻟﻒ ﻣﺮﺽ ﻛﻞ ﻭﺍﺣﺪ ﻳﻌﺘﻨﻲ ﺑﺮﻭﺣﻮ ﺩﺭﺍﺳﻪ ﻣﺎ ﺍﺭﺟﻌﻠﻬﻪ ...
ﺳﻜﺘﻨﻪ ﻋﻨﻮ ﻣﻦ ﺷﻔﻨﺎ ﻋﺼﺐ ﺑﺲ ﻇﻠﺖ ﻛﻠﻤﻪ ﺣﺮﺍﻣﺎﺕ ﺗﺘﺮﺩﺩ ﻉ ﺧﺴﺎﺭﻩ ﻣﺴﺘﻘﺒﻠﻮ ..
ﺣﻴﻞ ﺍﻧﻘﻬﺮﺕ ﻋﻠﻴﻬﻢ ﺧﺎﺻﻪ ﻗﻴﺲ ﻛﻠﺶ ﺷﺎﻃﺮ ﻛﻠﻮ ﻳﻄﻠﻊ ﺍﻋﻔﺎﺀ ﻟﺤﺪ ﺍﻟﺴﺎﺩﺱ ﺑﺲ ﻳﺤﺲ ﺑﺎﻟﻤﺴﻮﺅﻟﻴﻪ ﻭﺑﻄﻞ ...
ﺍﻟﺘﻔﻜﻴﺮ ﻫﻠﻜﻨﻲ ﺷﻨﻮ ﻣﺼﻴﺮ ﺍﺧﻮﺗﻲ ﻗﻴﺲ ﻭﻓﺎﺭﻭﻕ ﻣﺎﻛﻤﻠﻮﺍ ﺍﻟﺪﺭﺍﺳﻪ ﻣﻮ ﻓﺎﺭﻭﻕ ﻛﺎﻝ ﺍﻟﺸﻬﺎﺩﻩ ﺍﺳﻼﺡ ﻭﻫﻲ ﺍﻟﻲ ﺭﺍﺡ ﺗﺨﻠﺼﻨﻪ ﻣﻦ ﻭﺍﻗﻌﻨﻪ ﺍﻟﻤﻈﻠﻢ ﻋﺠﻞ ﻟﻴﺶ ﺗﺨﻠﻮ ﻋﻨﻬﻪ؟؟
ﺣﻴﺎﺗﻨﻪ ﻣﺎﺷﻴﻪ ﻳﻮﻡ ﺑﻴﻮﻣﻪ ﺑﺲ ﺍﻟﻤﺸﻜﻠﻪ ﺍﺧﻮﺗﻲ ﺍﻟﻰ ﻣﺘﻰ ﻧﻈﻞ ﻓﻘﻴﺮﻳﻦ ﺍﻟﺤﺎﻝ ﻭﻫﻢ ﻳﺠﻲ ﻳﻮﻡ ﻭﺍﺩﺣﻜﻠﻬﻢ ﺷﺒﺎﺏ ﻣﺘﺰﻭﺟﻴﻦ ﻭﻋﺎﻳﺸﻴﻦ ﺑﺤﻴﺎﺓ ﺍﻟﺮﻓﺎﻫﻴﻪ ...
ﺍﻭﺱ ﺍﺗﺒﻊ ﻃﺮﻳﻖ ﺍﺧﻮﺗﻮ ﻭﻫﻢ ﺑﻄﻞ ﻭﻳﻪ ﻗﻴﺲ ﺑﻨﻔﺲ ﺍﻟﺴﻨﻪ ﻻﻥ ﺗﻮﺍﻡ ﻣﺎﺩﺍﻭﻡ ﻏﻴﺮ ﺷﻬﺮ ﻭﺍﺣﺪ ...
ﺑﺼﻒ ﺍﻟﺜﺎﻟﺚ ﺗﻌﺮﻓﺖ ﻋﻠﻰ ﺑﻨﻴﻪ ﻣﻦ ﻧﻔﺲ ﻣﻨﻄﻘﺘﻨﻪ ﺣﺒﺎﺑﻪ ﻭﺻﺎﺭﺕ ﺻﺪﻳﻘﺘﻲ ﺩﺍﺋﻤﺎ ﺗﺴﺎﻟﻨﻲ ﻋﻦ ﺍﺧﻮﺗﻲ ﻭﺍﺣﺠﻴﻠﻬﻪ ﻋﻦ ﻋﻴﺸﺘﻨﻪ ...
ﺑﺪﻳﺖ ﺍﺭﺗﺎﺡ ﻭﻳﺎﻫﻪ ﻻﻥ ﺍﻣﻬﻪ ﺩﺍﺋﻤﺎ ﺗﺠﻲ ﻋﻠﻴﻪ ﻟﻠﺒﻴﺖ ﻭﺗﺴﺎﻟﻨﻲ ﻣﺤﺘﺎﺟﻪ ﺷﻲ ﻉ ﺍﻻﻗﻞ ﺍﺫﺍ ﺍﺣﺘﺎﺟﻴﺖ ﺍﺭﻭﺣﻠﻬﻢ ..
ﺑﻴﻮﻡ ﻣﻨﻬﻦ ﺍﺟﺖ ﻫﻲ ﻭﺍﻣﻬﻪ ﻟﻠﺒﻴﺖ ﻭﺷﺎﻓﺖ ﺣﺎﻟﺘﻨﻪ ﺍﻣﻬﻪ ﻛﺎﻟﺖ ﺍﺣﻨﻪ ﻋﺪﻧﻪ ﺳﻴﺎﺭﻩ ﺗﻜﺴﻲ ﻳﺤﻲ ﻭﺍﺣﺪ ﻣﻦ ﺍﺧﻮﺗﺞ ﻳﺸﺘﻐﻞ ﺑﻴﻬﻪ ...
ﻋﺒﺎﻟﻚ ﺍﻧﻄﺘﻨﻲ ﻛﻨﺰ ﻣﻮ ﻟﻜﻴﺖ ﺷﻐﻠﻪ ﺍﻟﻔﺮﺣﻪ ﻣﺎﻭﺍﺳﻌﺘﻨﻲ ﻭﺑﺲ ﺍﻧﺘﻈﺮ ﺷﻮﻛﺖ ﻳﺠﻮﻥ ﻭﺍﺣﺠﻴﻠﻬﻢ ...
ﺍﻭﻝ ﻣﺎﻃﺒﻮﺍ ﻟﻠﺒﻴﺖ ﺗﻠﻜﻴﺘﻬﻢ ﺑﺎﻟﺨﺒﺮ ﻛﻴﻔﻮﺍ ﻻﻥ ﺷﻐﻠﻬﻢ ﻣﻮﺷﻲ ﻛﺎﻟﻮ ﺍﻭﺱ ﻳﺸﺘﻐﻞ ﺑﻴﻬﻪ ...
ﺍﺑﻮ ﺍﻟﺒﻴﺖ ﻫﻮ ﺧﺮﺍﺑﻪ ﻭﻳﺼﻌﺪ ﺑﻼﻳﺠﺎﺭ ﺑﺤﺠﻪ ﺍﻟﻮﺿﻊ ﻣﻮﺷﻲ ﻭﺍﻛﻮ ﻧﺎﺱ ﻛﺎﻣﺖ ﺗﻄﻠﻊ ﻣﻦ ﻏﻴﺮ ﻣﻨﺎﻃﻖ ﻭﺗﺠﻲ ﻫﻴﻦ ﺑﻤﻨﻄﻘﺘﻨﻪ ...
ﻣﻦ ﻧﺠﺤﺖ ﻣﻦ ﺍﻟﺜﺎﻟﺚ ﺍﺟﺖ ﻋﻤﺘﻲ ﺍﻟﺰﻏﻴﺮﻩ ﺍﻡ ﺳﺎﻟﻢ ﺟﺎﻳﺒﻪ ﺍﺷﻜﺎﻝ ﻭﻳﺎﻫﻪ ﻣﺴﻮﺍﻙ ﻭﻣﻼﺑﺲ ...
ﻭﻛﻌﺪﺕ ﺗﺤﺠﻴﻠﻨﻪ ﻋﻦ ﺍﻳﺎﻡ ﺯﻣﺎﻥ ﻭﺗﺬﻛﺮ ﺟﺪﺗﻲ ﺍﻟﻠﻪ ﻳﺮﺣﻤﻬﻪ ﻃﻮﻟﺖ ﺟﺜﻴﺮ ﺑﻜﻌﺪﺗﻬﻪ ...
ﺑﺤﻠﻜﻬﻪ ﺣﺠﻲ ﺑﺲ ﻣﺎﺗﻌﺮﻑ ﺷﺪﻛﻮﻝ ﺑﺲ ﻛﺎﻟﺖ ﺍﺭﻳﺪ ﺍﺣﺎﺟﻴﻜﻢ ﺑﻤﻮﺿﻮﻉ ...
ﺑﺪﺕ ﺗﺤﺠﻲ ﻭﺍﺩﺣﻚ ﻉ ﻓﺎﺭﻭﻕ ﺿﺎﻏﻂ ﻉ ﺍﻳﺪﻭ ﻛﻮﻩ ﻣﺘﺤﻤﻠﻬﻪ ﻭﻗﻴﺲ ﻳﺮﻳﺪ ﻳﻨﻔﺠﺮ ﺑﻴﻬﻪ ...
ﺍﻡ ﺳﺎﻟﻢ ... ﺍﻧﻲ ﺍﻟﻴﻮﻡ ﺟﺎﻳﺘﻜﻢ ﺑﺸﻐﻴﻠﻪ ﺟﺎﻳﻪ ﺍﺧﻄﺐ ﺛﺮﻳﺎ ﻻﺑﻨﻲ ﺳﺎﻟﻢ ﺍﺣﺴﻦ ﻣﺎ ﺍﺩﻭﺭ ﻏﺮﻳﺒﻪ ﻭﻫﻲ ﺑﻨﺖ ﺍﺧﻮﻳﻪ ...
ﻓﺎﺭﻭﻕ .. ﺛﺮﻳﺎ ﺯﻏﻴﺮﻩ ﻭﻣﺴﺘﺤﻴﻞ ﺍﻧﺰﻭﺟﻬﻪ ﺑﻬﺎﻟﻌﻤﺮ ﻋﻤﻪ ﺳﺪﻱ ﻫﺎﻟﻤﻮﺿﻮﻉ ...
... ﻻﻳﻤﻪ ﻣﻮﺯﻏﻴﺮﻩ ﺍﻟﻲ ﺑﻜﺪﻫﻪ ﺍﺗﺰﻭﺟﻦ ﺷﻠﻜﻢ ﺑﻴﻬﻪ ﺍﺷﻮ ﺍﻧﺘﻢ ﻋﻠﻴﻜﻢ ﺣﺴﺮﻩ ﺍﻟﻠﻜﻤﻪ ﺯﻭﺟﻮﻫﻪ ﻭﺍﻧﺘﻢ ﻫﻢ ﺷﻮﻓﻮﺍ ﺣﻴﺎﺗﻜﻢ ...
ﻭﺷﺠﺎﻙ ﺑﺴﺮﻋﻪ ﺣﺠﻴﺖ ﻓﻜﺮ ﻳﻠﻪ ﺷﺒﻴﻚ ﺣﺎﻗﺪ ﻋﻠﻴﻨﻪ ﻣﻦ ﺻﻐﺮﻙ .....
ﻓﺎﺭﻭﻕ ... ﻃﺎﻟﺒﻴﻦ ﻣﻦ ﻋﻨﺪﺝ ﻭﺩﻛﻮﻟﻴﻦ ﺣﺴﺮﻩ ﺍﻟﻠﻜﻤﻪ ﺍﻟﻤﻬﻢ ﻣﺴﺘﻮﺭﻳﻦ ﻭﺍﺧﺘﻨﻪ ﻣﺎﺍﻧﺰﻭﺟﻬﻪ ﻭﺍﺫﺍ ﺍﻧﺰﻭﺟﻬﻪ ﺑﻌﺪ ﻣﺎﺗﺎﺧﺬ ﺷﻬﺎﺩﺗﻬﻪ ...
ﻭﺍﺫﺍ ﺍﺧﺬﺕ ﺷﻬﺎﺩﺗﻬﻪ ﺍﻧﺰﻭﺟﻬﻪ ﻟﻮﺍﺣﺪ ﻣﻮﻣﻦ ﻛﺮﺍﻳﺒﻨﻪ ﻻﻥ ﻣﺎ ﺍﺭﻳﺪ ﺣﺘﻪ ﺍﻟﻔﻆ ﺍﺳﺎﻣﻴﻜﻢ ...
... ﺷﺒﻴﻚ ﻳﺎﻋﻤﻪ ﺣﺎﻗﺪ ﻉ ﺍﻟﻜﻞ ﺍﺑﻮﻙ ﻭﺍﻣﻚ ﺍﻟﻲ ﻋﺎﻓﻮﻙ ﺍﺣﻨﻪ ﻳﺎﻫﻮ ﻣﺎﻟﺘﻨﻪ ...
ﺍﻧﻲ ﻛﻠﺖ ﺍﺣﺴﻦ ﻣﻦ ﻫﺎﻱ ﺍﻟﻌﻴﺸﻪ ﻋﻨﺪﻱ ﺑﻨﺎﺕ ﺍﺛﻨﻴﻦ ﺍﺧﺬﻭﻫﻦ ﺍﻧﺖ ﻭﻗﻴﺲ ﻭﺍﻛﻌﺪﻭﺍ ﻳﻤﻲ ﻫﻮ ﺑﺲ ﺳﺎﻟﻢ ﻭﺍﻧﺰﻭﺟﻪ ﺛﺮﻳﺎ ...
ﻫﻢ ﺗﺮﺗﺎﺣﻮﻥ ﺍﻧﺘﻮ ﻭﺑﺎﻟﻨﻪ ﻳﺮﺗﺎﺡ ﻟﻴﺶ ﺍﻧﺸﻮﻓﻜﻢ ﻣﺘﻠﻮﻋﻴﻦ ﻭﺗﺮﻛﻀﻮﻥ ﻭﺭﺍ ﺍﻟﺸﻐﻞ ﺷﻮ ﺧﻴﺮ ﻣﻦ ﺍﻟﻠﻪ ﺍﻟﺒﺴﺘﺎﻥ ﻭﺍﻟﻤﺤﻼﺕ ..
ﻓﺎﺭﻭﻕ ... ﻋﺒﺎﻟﻲ ﻫﺬﺍ ﻣﺴﻮﺍﻛﺞ ﻣﺴﻮﻳﺘﻪ ﻟﻮﺟﻪ ﺍﻟﻠﻪ ﺗﺎﻟﻲ ﺟﺎﻳﺘﻨﻲ ﺑﺨﻄﻪ ﻭﻓﻮﻛﺎﻫﻪ ﺗﺮﻳﺪﻳﻦ 3 ﺯﻭﺍﺟﺎﺕ ...
ﻭﺍﻟﻠﻪ ﻳﺤﻴﺮ ﺍﻟﻌﻘﻞ ﺷﻴﺤﺠﻲ ﻭﻳﺎﻛﻢ ﺑﺲ ﻣﺎ ﺍﺳﺘﻐﺮﺏ ﻣﻨﻮ ﺍﺧﻮﺝ ﺍﻛﻴﺪ ﻧﻔﺲ ﺍﻟﻄﻴﻨﻪ ...
ﺍﺳﻤﻌﻴﻨﻲ ﺯﻳﻦ ﺛﺮﻳﺎ ﻟﻮ ﺍﻋﺮﻑ ﺗﻈﻞ ﻃﻮﻝ ﻋﻤﺮﻫﻪ ﻛﺎﻋﺪﻩ ﻣﺎﺍﻓﻜﺮ ﺍﺯﻭﺟﻬﻪ ﻟﻮﺍﺣﺪ ﻣﻦ ﻋﺪﻛﻢ ...
ﻭﺍﺧﻮﺗﻲ ﻟﻮ ﺍﻋﺮﻑ ﻳﺘﻜﺴﺮ ﺍﻟﺸﻴﺐ ﺑﺼﺪﺭﻫﻢ ﻣﺎ ﺍﺗﺸﺮﻑ ﻭﺍﺧﺬ ﻣﻨﻜﻢ ﺗﺪﺭﻳﻦ ﻟﻴﺶ؟؟
ﻻﻥ ﻛﻠﻜﻢ ﻭﻛﻔﺘﻮﺍ ﻭﻳﺎﻫﻢ ﻭﻃﻠﻌﺘﻮﻧﻪ ﺑﺎﻟﺸﺎﺭﻉ ﻭﺍﺣﻨﻪ ﻧﺤﻤﻲ ﺑﺎﺧﺘﻨﻪ ﻣﻦ ﻋﻴﻮﻥ ﺍﻟﻨﺎﺱ ...
ﺍﻧﺘﻲ ﺍﻟﻤﺤﺮﺿﻪ ﺍﻻﺳﺎﺱ ﺑﻘﻀﻴﻪ ﺍﻟﻮﺭﺙ ﻭﺭﺣﺘﻲ ﺷﻬﺪﺗﻲ ﻛﺪﺍﻡ ﺍﻟﻘﺎﺿﻲ

بس من عنده شي صعب يدرسه فاروق واني لو قيس لو اوس يرجعولي املاء ...

من نرجع يفتحون جنطتي يدحكون ع تحضيري يلكوني كاتبه كل الدرس بدون نقاط اكتب الكلمه بدون ما اخلي نقاط...

كاتبه اسمي ولانقطه بي يكلي قيس اقري شووو؟؟
اكله ثريا يكوم يصيح وين النقاط؟؟ صدك وينهم ولانقطه حته ماينقره الاسم...
خطيه يرجع يتبع الدرس وينقط وراي ويعلمني وثاني يوم اجي نفس الشي يكلي وين النقاط؟؟ اكلو نسيتهم بالمدرسه...

يلتفت ع فاروق يكلو هاي تريدهه دكتوره والله هاي الخمسين ماتحصلهه ...

واوس يداهر بيه ويكلهم لا هاي يقبولهه سديه بالمستشفى وينهه وين الطب ...

فاروق يسكتهم يكلهم لاتقللون من شأنهه تكبر وتتعلم محد اجه متعلم من كاعو...

ماادري ليش عندي عقده ويه النقاط اعرف اقره الكلمه بس ما اكتبهم ...
هاي حياتي البسيطه ويه اخوتي واتمنى ما تمر الايام ونكبر ونظل ع نفس حالنه ازغار ومانعرف شنو معنى الحزن...

يتبببع

ﺍﺯﻣﺔ ﺿﻤﻴﺮ ... ﺍﻟﺒﺎﺭﺕ ﺍﻟﺜﺎﻟﺚ
‏

ﺟﺒﻨﺎﻫﺎ ﻃﺮﺏ ﻣﻌﺪﺍﻥ
ﻣﺎ ﻧﺪﺭﻱ ﺑﺰﻭﺍﻳﻪ ﺍﻟﺮﻭﺡ ...
ﻭﻳﻦ ﻣﺠﻮﺩﺭﻩ ﺍﻟﻮﺟﻌﻪ ..
....
ﺗﻮﺍﻟﺖ ﺍﻻﺷﻬﺮ ﺑﺘﻔﻮﻕ ﻭﻛﻞ ﺍﺧﻮﺍﻧﻲ ﻳﻨﺠﺤﻮﻥ ﺑﺪﺭﺟﺎﺕ ﻻﺗﻘﻞ ﻋﻦ 95 ﺑﺲ ﻓﺎﺭﻭﻕ ﻭﻗﻴﺲ ﺗﻌﺒﻮﺍ ﺟﺜﻴﺮ ﻣﺮﺍﺕ ﻗﻴﺲ ﺣﺘﻪ ﻣﺎﻳﻜﺪﺭ ﻳﺘﺤﺮﻙ ﻣﻦ ﻇﻬﺮﻭ ﻣﻦ ﺍﻟﻌﻤﺎﻟﻪ ...
ﺍﻟﻤﺪﻳﺮ ﺳﺎﻋﺪﻫﻢ ﻭﻳﻨﻄﻴﻬﻢ ﺍﺟﺎﺯﻩ ﺑﺲ ﺍﻟﺸﻐﻞ ﻣﺘﻌﺐ ﻭﺣﻤﻠﻮﺍ ﻣﺴﻮﺅﻟﻴﻪ ﺍﻛﺒﺮ ﻣﻦ ﻋﻤﺮﻫﻢ ...
ﻳﺠﻲ ﻳﻠﮕﺢ ‏( ﻳﺸﻤﺮ ‏) ﻧﻔﺴﻮ ﺗﻌﺒﺎﻥ ﻭﺗﺮﻭﺡ ﻋﻠﻲ ﺍﻟﻤﺪﺭﺳﻪ ﺍﺫﺍ ﺍﻟﺪﻭﺍﻡ ﻇﻬﺮﻱ ﻳﻄﻠﻌﻮﻥ ﺍﻟﺼﺒﺢ ﻭﺍﺫﺍ ﺻﺒﺎﺣﻲ ﻳﻄﻠﻌﻮﻥ ﻭﺭﺍ ﺍﻟﻤﺪﺭﺳﻪ ..
ﻛﻞ ﻫﺬﺍ ﻭﻣﺎﻫﻤﻠﻮﺍ ﺩﺭﺍﺳﺘﻬﻢ ﺑﺲ ﻗﻴﺲ ﺗﻌﺒﺎﻥ ﺣﻴﻞ ﻳﻨﻘﻬﺮ ﻋﻠﻰ ﺩﺭﺍﺳﺘﻮ ﻻﻥ ﺷﺎﻃﺮ ﻭﻣﺎﺟﺎﻱ ﻳﻠﺤﻚ ﻟﻠﺪﺭﻭﺱ ...
ﺍﺟﺖ ﻓﺘﺮﻩ ﺍﻟﻤﺮﺍﺟﻌﻪ ﻣﺎﻝ ﻓﺎﺭﻭﻕ ﻭﻛﻌﺪ ﺑﻠﺒﻴﺖ ﺍﺑﺪﺍﻝ ﻣﺎﻳﺮﺍﺟﻊ ﺻﺎﺭ ﻳﻮﻣﻴﻪ ﻳﻄﻠﻊ ﻟﻠﻌﻤﺎﻟﻪ ﻭﻣﺎﻳﻠﺤﻚ ﻳﺸﻮﻑ ﺍﻟﻜﺘﺎﺏ ...
ﺍﺑﺪ ﻣﺎﻛﻌﺪ ﻣﺜﻞ ﺍﻟﻄﻼﺏ ﻭﺭﺍﺟﻊ ﻳﻤﻜﻦ ﻟﻮ ﺳﺎﻋﺘﻴﻦ ﻟﻮ 3 ﻳﻘﺮﻩ ﺑﻴﻬﻦ ﻭﺍﻟﺒﺎﻗﻲ ﻳﺮﻛﺾ ﺑﻲ ﻟﻠﺸﻐﻞ ﺍﻟﺤﻤﻞ ﺯﺍﺩ ﻭﻛﻠﻨﻪ ﻛﺒﺮﻧﻪ ...
ﺍﻧﺘﻬﺖ ﺍﻟﺴﻨﻪ ﺍﻟﺪﺭﺍﺳﻴﻪ ﻭﻧﺠﺤﺖ ﺑﺘﻔﻮﻕ ﻟﺼﻒ ﺍﻟﺴﺎﺩﺱ ﺍﻻﺑﺘﺪﺍﺋﻲ ﻭﺍﺧﻮﺗﻲ ﻛﻠﻬﻢ ﻧﺠﺤﻮﺍ ﺑﺘﻔﻮﻕ ﻭﻛﺮﻣﻮﻫﻢ ﻛﻠﻬﻢ ﻭﺑﺪﺕ ﺍﻣﺘﺤﺎﻧﺎﺕ ﻓﺎﺭﻭﻕ ...
ﺟﺎﻥ ﻣﻦ ﻳﺮﻭﺡ ﻟﻼﻣﺘﺤﺎﻥ ﺍﻓﺮﺵ ﺍﻟﺴﺠﺎﺩﻩ ﻭﺍﻛﻌﺪ ﺍﺻﻠﻲ ﺍﻟﻮ ﺣﺘﻪ ﺍﻟﻠﻪ ﻳﻮﻓﻘﻮ ﻭﻳﻨﺠﺢ ﺟﺎﻥ ﻣﻦ ﻳﺮﺟﻊ ﻣﻦ ﺍﻻﻣﺘﺤﺎﻥ ﺍﺗﻠﻜﺎ ﺑﺎﻟﺒﺎﺏ ﻳﺪﻧﻚ ﻳﺤﺒﻨﻲ ...
ﻭﻳﻜﻠﻲ ﻣﻦ ﺍﺩﺣﻚ ﻟﻮﺟﻬﺞ ﺍﻟﺤﻠﻮ ﻛﻠﺸﻲ ﻳﺼﻴﺮ ﻋﻨﺪﻱ ﺣﻠﻮ ﻫﺎﻱ ﻛﻠﻤﺎﺕ ﻓﺎﺭﻭﻕ ﺍﻟﻲ ﻳﻮﻣﻴﻪ ﺍﺳﻤﻌﻬﻪ ...
ﺧﻠﺺ ﺍﻣﺘﺤﺎﻧﺎﺕ ﻭﻳﻨﺘﻈﺮ ﺍﻟﻨﺘﻴﺠﻪ ﻭﺣﺎﻟﻨﻪ ﻣﺎﻛﺎﻋﺪ ﻳﺘﺤﺴﻦ ﺍﺑﻮﻱ ﻭﺍﻣﻲ ﻣﺎﻳﺪﺭﻭﻥ ﺑﻴﻨﻪ ﻭﻳﻦ ﻣﺮﺍﺕ ﻋﻤﺎﺗﻲ ﻳﻤﺮﻥ ﻋﻠﻴﻨﻪ ﺑﺲ ﻓﺎﺭﻭﻕ ﻳﻄﺮﺩﻫﻦ ﻭﺑﻌﺪ ﻣﺎ ﺍﺟﻦ ...
ﻻﻥ ﻫﻦ ﻧﻔﺲ ﺍﻟﺸﻲ ﻫﻢ ﺩﺍﻋﻦ ﺑﺎﻟﻮﺭﺙ ﻭﻣﺤﺪ ﺣﺠﺖ ﻛﻠﻤﻪ ﺣﻖ ﻭﻣﺤﺪ ﻣﻦ ﻋﺪﻫﻦ ﻭﻛﻔﺖ ﺑﻮﺟﻪ ﺍﺑﻮﻱ ﻭﻛﺎﻟﺘﻠﻮ ﻻ ﺗﻄﺮﺩﻫﻢ ...
ﺍﻟﺠﻴﺮﺍﻥ ﻛﻠﻬﻪ ﺗﺘﺠﻨﺒﻨﻪ ﻻﻥ ﺑﺲ ﺷﺒﺎﺏ ﻭﻛﺎﻋﺪﻳﻦ ﺍﺑﻴﺖ ﻭﺣﺪﻫﻢ ﻣﺎﺧﻠﻮﺍ ﺷﻐﻠﻪ ﻣﺎ ﺍﺷﺘﻐﻠﻮﻫﻪ ...
ﻳﺪﻓﻌﻮﻥ ﻋﺮﺑﺎﻧﻪ ﻭﺑﺎﻋﻮﺍ ﻋﻼﻟﻴﻚ ﺑﺎﻟﺴﻮﻙ ﻋﻤﺎﻟﻪ ﻛﻠﺸﻲ ﺍﺷﺘﻐﻠﻮﺍ ﺑﺴﺒﻴﻞ ﻟﮕﻤﻪ ﺍﻟﻌﻴﺶ ...
ﺍﺟﻪ ﻣﻮﻋﺪ ﺍﻟﻨﺘﺎﺋﺞ ﻣﺎﻝ ﻓﺎﺭﻭﻕ ﻭﺑﻴﻮﻣﻬﻪ ﺭﺍﺡ ﻗﻴﺲ ﻳﺠﻴﺒﻬﻪ ﻻﻥ ﻫﻮ ﺑﺎﻟﺸﻐﻞ ﻭﺍﺣﻨﻪ ﻧﺘﺮﻗﺐ ﺟﻴﺘﻮ ...
ﺍﺟﻪ ﻗﻴﺲ ﻭﻛﻠﻨﻪ ﺗﻠﮕﻴﻨﺎ ﺑﺎﻟﺒﺎﺏ ﻭﻧﺴﺎﻝ ﺑﺸﺮ ﺷﻄﻠﻌﺖ ﺍﻟﻨﺘﻴﺠﻪ؟؟
ﻳﻮﻝ ﻳﺎﺏ ﻋﻠﻰ ﻛﻴﻔﻜﻢ ﺷﺒﻴﻜﻢ ﺧﺎﻳﻔﻴﻦ ﻉ ﻓﺎﺭﻭﻕ ﻣﺎﻳﺠﻴﺒﻬﻪ ﻧﺎﺟﺢ ﻭﻣﻌﺪﻟﻪ 81 ﻭﻛﺴﻮﺭ ...
ﻣﺎﺍﻋﺮﻑ ﺑﺎﻟﻤﻌﺪﻻﺕ ﺑﺲ ﺍﻟﻲ ﺍﻋﺮﻓﻪ ﺯﻳﻦ ﻭﻓﺮﺣﺎﻧﻴﻦ ﻭﺍﺧﻮﺗﻲ ﻣﻬﻮﺳﻴﻦ ﻭﺍﺣﺪ ﻳﺤﻀﻦ ﺑﺎﻟﺜﺎﻧﻲ ﻓﺮﺣﺘﻨﻪ ﺍﻛﺜﺮ ﻣﻦ ﻋﻨﺪﻭ ...
ﻧﻨﺘﻈﺮﻭ ﺷﻮﻛﺖ ﻳﺠﻲ ﻭﻧﺒﺸﺮﻭ ﺑﺲ ﺍﻭﺱ ﻣﺎ ﺍﺗﺤﻤﻞ ﺭﺍﺡ ﻳﺮﻛﺾ ﻟﻠﻤﻜﺎﻥ ﺍﻟﻲ ﻳﺸﺘﻐﻞ ﺑﻲ ﻭﻛﺎﻟﻮ ..
ﻓﺎﺭﻭﻕ ﺟﺎﻥ ﻓﺮﺣﺎﻥ ﺑﻤﻌﺪﻟﻮ ﺑﻴﻮﻣﻬﻪ ﺭﺍﺡ ﻗﻴﺲ ﺟﺎﺑﻠﻨﻪ ﻋﺸﻪ ﻛﺒﺎﺏ ﻭﺩﺟﺎﺝ ﺷﻮﻱ ﻉ ﺍﺣﺴﺎﺑﻮ ﻫﺬﻳﺞ ﺍﻟﻠﻴﻠﻪ ﻓﺮﺣﺔ ﺍﺧﻮﺗﻲ ﺑﻨﺠﺎﺡ ﻓﺎﺭﻭﻕ ﻣﺎﺗﻨﻮﺻﻒ ...ﺣﺘﻪ ﻋﻤﺎﺗﻲ ﺍﺟﻦ ﺑﺎﺭﻛﻦ ﻟﻔﺎﺭﻭﻕ ﻭﻣﻦ ﺩﺣﻜﻦ ﻉ ﺍﻟﺒﻴﺖ ﺷﻠﻮﻥ ﺗﻌﺒﺎﻥ ﻇﻠﻦ ﻳﺤﺠﻦ ﻉ ﺍﺑﻮﻱ ...
ﻋﻤﺘﻲ ﺍﻟﺠﺒﻴﺮﻩ ﺍﻡ ﺟﺎﺳﻢ ﺭﺍﺩﺕ ﺗﺎﺧﺬﻧﻪ ﻳﻤﻬﻪ ﻛﺎﻟﺖ ﺑﻴﺘﻲ ﭼﺒﻴﺮ ﻭﻋﻴﺸﻮﺍ ﻳﻤﻲ ﻋﻠﻤﺎ ﺗﻜﻤﻠﻮﻥ ﺩﺭﺍﺳﻪ ...
ﺑﺲ ﺍﺧﻮﺗﻲ ﻣﺎﺭﺿﻮﺍ ﻛﺎﻟﻮﺍ ﻣﺎ ﺍﻧﺮﻳﺪ ﺍﻧﺼﻴﺮ ﺍﺛﻜﺎﻝ ﻋﻠﻰ ﻭﺍﺣﺪ ﻫﻨﺎ ﻧﺸﺘﻐﻞ ﻭﻧﻌﺘﻤﺪ ﻉ ﻧﻔﺴﻪ ...
... ﻳﺎ ﻋﻤﻪ ﻣﺎﻳﺼﻴﺮ ﺷﻮﻓﻮ ﺍﻟﺒﻴﺖ ﺗﻌﺒﺎﻥ ﻭﺍﺑﻮﻛﻢ ﻛﻞ ﺭﺟﻰ ﻣﺎﺑﻲ ﺍﻧﻲ ﺑﻤﻜﺎﻥ ﺟﺪﺗﻜﻢ ﺍﺧﺬﻭﺍ ﻏﺮﻓﻪ ﺍﻛﻌﺪﻭﺍ ﺑﻴﻬﻪ ...
ﻗﻴﺲ .. ﻣﺸﻜﻮﺭﻩ ﻋﻤﻪ ﺍﺣﻨﻪ ﺷﺒﺎﺏ ﻭﻋﻨﺪﺝ ﺑﻨﺎﺕ ﻭﻣﺎ ﺍﻧﺮﻳﺪ ﺍﻧﻘﻴﺪ ﺍﺣﺪ ﻭﺍﺣﻨﻪ ﻣﻮﻧﻔﺮﻳﻦ ﺳﺖ ﻧﻔﺮﺍﺕ ...
... ﻳﻤﻪ ﺷﺘﻘﻴﺪ ﺍﻧﻲ ﻋﻤﺘﻜﻢ ﻣﻮﻏﺮﻳﺒﻪ ﻭﺭﺟﻠﻲ ﺍﺑﻦ ﻋﻢ ﺍﺑﻮﻛﻢ ﻭﺍﻟﻠﻪ ﻫﻮ ﺍﻟﻲ ﻛﺎﻟﻲ ﻣﺎﻳﺼﻴﺮ ﺗﻌﻴﺸﻮﻥ ﺑﻬﺎﻱ ﺍﻟﺨﺮﺍﺑﻪ ...
ﻳﻌﻨﻲ ﺍﻟﻨﺎﺱ ﺷﺘﺤﺠﻲ ﻋﻠﻴﻨﻪ ﺍﺣﻔﺎﺩ ﺍﻟﺤﺠﻲ ﺍﺑﻮ ﻋﻤﺎﺩ ﺧﻴﺮ ﻣﻦ ﺍﻟﻠﻪ ﻭﺷﺒﻌﺎﻧﻴﻦ ﺗﺎﻟﻲ ﻋﺎﻳﺸﻴﻦ ﻫﻴﺞ ...
ﻓﺎﺭﻭﻕ .. ﺷﺒﻴﻬﻪ ﻋﻴﺸﺘﻨﻪ ﺻﺢ ﺑﻴﺖ ﻣﺎﻋﺪﻧﻪ ﻭﺗﻌﺒﺎﻥ ﺑﺲ ﻉ ﺍﻻﻗﻞ ﻣﺎﻧﺎﻛﻞ ﺣﺮﺍﻡ ﻭﻻ ﺍﺗﺸﺎﺭﻛﻨﻪ ﺑﺎﺫﻳﻪ ﺍﺣﺪ ...
... ﺍﻧﻲ ﻻﺣﻮﻝ ﻭﻻﻗﻮﻩ ﻳﺎﻋﻤﻪ ﺣﺎﻟﻲ ﻣﻦ ﺣﺎﻝ ﺍﺧﻮﺗﻲ ﻫﻮ ﺍﺑﻮﻛﻢ ﺍﻟﻲ ﻣﺎﻗﺒﻞ ﻳﻨﻄﻴﻜﻢ ﻣﻦ ﺍﻟﻮﺻﻴﻪ ﻣﺎﻝ ﺍﻣﻲ ﻫﻲ ﻟﻮﻣﺼﺪﻗﻪ ﺑﺎﻟﻤﺤﻜﻤﻪ ﻣﺤﺪ ﻛﺪﺭ ﻳﺤﺠﻲ ﺑﺲ ﺍﻟﻤﻮﺕ ﻏﻠﺒﻬﻪ ...
ﻭﺍﻟﻠﻪ ﺍﻧﻲ ﺟﻨﺖ ﺷﺎﻫﺪﻩ ﻉ ﻭﺻﻴﻪ ﺍﻣﻲ ﻣﻦ ﺣﺎﺟﺖ ﺍﺑﻦ ﻋﻤﻲ ﻳﺸﺘﻐﻞ ﺑﺎﻟﻤﺤﻜﻤﻪ ﻛﺎﻟﺘﻠﻮ ﺍﻟﺒﻴﺖ ﻭﻧﺺ ﻣﻦ ﺍﻟﺒﺴﺘﺎﻥ ﻟﻔﺎﺭﻭﻕ ﻭﺍﺧﻮﺗﻮ ...
ﺑﺲ ﺷﻔﺖ ﺍﻧﺖ ﻋﻤﻚ ﺍﺑﻮ ﺑﻐﺪﺍﺩ ﺍﺟﻪ ﺳﻮﻩ ﺍﺳﻮﺍﻳﺎﺕ ﻳﺮﻳﺪ ﺣﺼﺘﻮ ﻭﺍﺑﻮﻙ ﻫﻢ ﻟﻮ ﻋﻠﻴﻨﻪ ﺟﺎﻥ ﺍﺗﻨﺎﺯﻟﻨﻪ ﺍﻟﻜﻢ ...
ﻓﺎﺭﻭﻕ ... ﻫﺬﺍ ﺍﻟﺤﺠﻲ ﺑﻌﺪ ﻣﺎﻳﻔﻴﺪ ﻣﺎﻋﺪﻧﻪ ﺍﺏ ﻭﻻﻋﺪﻧﻪ ﻋﻢ ﺍﺣﻨﻪ ﻭﻟﺪ ﻭﻧﻜﺒﺮ ﻭﻧﻌﻴﺶ ﺑﺎﻱ ﺷﻜﻞ ﻣﻦ ﺍﻻﺷﻜﺎﻝ ﻭﺣﺘﻠﻮ ﺍﻧﺎﻡ ﺑﺸﺎﺭﻉ ﻣﺤﺪ ﻳﻜﻮﻝ ﻟﻴﺶ؟
ﺑﺲ ﺑﺎﻟﻠﻪ ﻋﻠﻴﻜﻢ ﻣﺎﻭﺍﺣﺪ ﺑﻴﻜﻢ ﻻ ﺭﺟﺎﻝ ﻭﻻﺣﺮﻣﻪ ﻛﺎﻝ ﻋﺪﻫﻢ ﺍﺧﺖ ﻃﻔﻠﻪ ﻭﻳﻦ ﺗﻌﻴﺶ ﻭﺷﻠﻮﻥ ﺗﺒﻘﻪ ﻭﺣﺪﻫﻪ ﺍﺫﺍ ﻃﻠﻌﻮﺍ ﺍﺧﻮﺗﻬﻪ ...
ﻛﻠﺸﻲ ﺍﻧﺘﻬﻰ ﺑﺎﻟﻨﺴﺒﻪ ﺍﻟﻲ ﺍﻧﻲ ﻋﺎﺋﻠﻪ ﻣﺎﻋﻨﺪﻱ ﺍﻧﺘﻲ ﻋﻤﺘﻲ ﺑﺤﻜﻢ ﻗﺮﺍﺑﻪ ﺍﻟﺪﻡ ﺑﺲ ﻛﻞ ﻣﻜﺎﻥ ﺑﻜﻠﺒﻲ ﻣﺎ ﺍﻟﻜﻢ ...
ﻫﺴﻪ ﺷﻔﺘﻲ ﺣﺎﻟﺘﻨﻪ ﺍﻃﻤﻨﺘﻲ ﻋﻠﻴﻨﻪ ﺷﻠﻮﻥ ﻋﺎﻳﺸﻴﻦ ﺻﻴﺮﻭﺍ ﻣﺮﻩ ﻭﺣﺪﻩ ﺣﻘﺎﻧﻴﻦ ﺍﻧﺘﻲ ﺍﻭﻝ ﻭﺣﺪﻩ ﻭﻛﻔﺘﻲ ﻭﻳﻪ ﺍﺧﻮﺗﺞ ﻭﺭﺩﺗﻲ ﺣﺼﻪ ؟؟
ﻣﻮﺍﻧﺘﻲ ﻛﻠﺘﻲ ﺍﺭﻳﺪ ﺍﺑﻨﻲ ﺑﻴﺘﻲ ﻭﻣﺎﻋﻨﺪﻱ ﻭﺍﻟﻠﻪ ﺟﺎﺑﻬﻪ ﻟﻴﺶ ﺍﻧﻄﻴﻬﻪ ﻟﻔﺎﺭﻭﻕ ﻭﺍﺧﻮﺗﻮ؟؟
ﻭﻫﺴﻪ ﺟﺎﻳﻪ ﻫﺎﻟﺤﺰﻩ ﺷﺘﺮﻳﺪﻳﻦ؟؟ ﺍﻫﻞ ﻣﺎﻋﺪﻧﻪ ﺍﺣﻨﻪ ﻭﺣﺪﻧﻪ ﻋﺎﻳﺸﻴﻦ ﻭﻣﺮﻩ ﺛﺎﻧﻴﻪ ﺍﺫﺍ ﺍﺟﻴﺘﻲ ﺩﻳﺮﺑﺎﻟﺞ ﺗﺬﻛﺮﻳﻦ ﻋﻤﺎﺩ ﻭﺍﺧﻮ ﻛﺪﺍﻣﻲ ...
ﺛﺮﻳﺎ ... ﻓﺎﺭﻭﻕ ﻣﺤﻤﻞ ﻋﻠﻴﻬﻢ ﻭﻗﺴﻰ ﺑﺎﻟﻜﻼﻡ ﻭﻳﻪ ﻋﻤﺘﻲ ﻭﻃﻠﻌﺖ ﺯﻋﻼﻧﻪ ﻣﻨﻮ ﺑﺲ ﻫﻮ ﻣﺎ ﺍﻫﺘﻢ ﺍﺑﺪ ... ﻃﻠﻌﺖ ﺗﺤﺠﻲ ﻭﺗﻠﻮﻡ ﺑﻴﻨﻪ ﻭﺷﻠﻮﻥ ﻣﺎﺍﺣﺘﺮﻣﻬﻪ ...
ﺣﺠﻪ ﻭﻳﺎ ﻗﻴﺲ ﻛﺎﻟﻮ ﻳﻮﻝ ﻓﺎﺭﻭﻕ ﻣﻮﻫﻴﺞ ﺍﻟﺤﺠﻲ ﺗﺒﻘﻪ ﻋﻤﺘﻨﻪ ﺷﻮﻳﻪ ﺧﻠﻴﻚ ﺍﺣﺴﻦ ﻣﻨﻬﻢ ﻟﻴﺶ ﺗﻌﺎﻣﻞ ﺑﺎﻟﻤﺜﻞ ...بيج قصص عراقيه حقيقيه من واقعنا.روعه الطائي
ﺑﺲ ﻣﺎﻳﺮﻳﺪ ﻳﺴﻤﻊ ﺍﻱ ﺷﻲ ﻣﻨﻬﻢ ﻳﻜﺮﻫﻢ ﻫﻢ ﺍﻟﻲ ﺷﺎﺭﻛﻮﺍ ﺑﺪﻣﺎﺭﻧﻪ ﻭﺧﻠﻮﻧﻪ ﻭﺻﻠﻨﻪ ﻟﻬﺬﺍ ﺍﻟﺤﺎﻝ ...
ﺗﻼﻃﺸﻮﺍ ﻗﻴﺲ ﻭﻓﺎﺭﻭﻕ ﻗﻴﺲ ﻣﺎﻳﺮﺿﻰ ﻫﻴﺞ ﻧﻌﺎﻣﻠﻬﻢ ﻳﻜﻮﻝ ﺍﻛﻮ ﺭﺏ ﻳﺠﺎﺯﻳﻬﻢ ...ﻭﻓﺎﺭﻭﻕ ﻳﻜﻮﻟﻮ ﺍﻧﺖ ﺗﺴﻜﺖ ﻭﺗﺴﺪ ﺣﻠﻜﻚ ﻋﺎﺟﺒﺘﻚ ﻫﺎﻱ ﺍﻟﻌﻴﺸﻪ ﻭﺗﺮﻛﺾ ﻭﺭﺍ ﻟﻜﻤﻪ ﺍﻟﺨﺒﺰ ﻭﺍﺑﻮﻙ ﺍﺣﺪﺙ ﺳﻴﺎﺭﻩ ﺻﺎﻋﺪ ...
ﻗﻴﺲ ﻭﻓﺎﺭﻭﻕ ﺩﻭﻣﻬﻢ ﻣﺘﻜﺎﻭﻧﻴﻦ ﺣﺘﻪ ﺗﻮﺻﻞ ﺑ

ﻴﻬﻢ ﻭﺍﺣﺪ ﻳﻀﺮﺏ ﺍﻟﺜﺎﻧﻲ ﻭﻳﺼﻴﺮﻭﻥ ﻣﺜﻞ ﻣﻨﺎﻛﺮ ﺍﻟﺪﻳﺞ ﻭﺭﺍ ﺷﻮﻳﻪ ﻳﻠﻪ ﻳﻔﻠﻮﻥ ...
ﻋﻴﺸﺘﻨﻪ ﻛﻞ ﻳﻮﻡ ﺑﻴﻮﻣﻮ ﺍﻟﻴﻮﻣﻴﻪ ﺍﻟﻲ ﻳﺠﻴﺒﻮﻫﻪ ﻧﺘﺴﻮﻙ ﺑﻴﻬﻪ ﻭﻧﺪﻓﻊ ﺍﺟﺎﺭ ﻭﺑﺲ ﻣﺎﻛﻮ ﻣﻼﺑﺲ ﻧﺸﺘﺮﻱ ﺑﻤﻮﺳﻢ ﻭﺍﺣﺪ ...
ﺻﺎﺭ ﺍﻟﺘﻘﺪﻳﻢ ﻣﺎﻝ ﺍﻟﻜﻠﻴﺎﺕ ﻭﻓﺎﺭﻭﻕ ﻣﺎﻗﺒﻞ ﻳﻘﺪﻡ ﺷﻜﺪ ﻟﺤﻴﻨﻪ ﻋﻠﻲ ﻭﺣﺠﻮﺍ ﺍﺧﻮﺗﻲ ﺑﺲ ﻣﺎﻗﺒﻞ ...
ﺣﺘﻪ ﺗﻌﺎﺭﻙ ﻭﻳﻪ ﻗﻴﺲ ﺑﺲ ﺟﺎﻥ ﻣﺼﺮ ﻉ ﺭﺍﻳﻮ ﻳﻜﻠﻮ ﺍﺑﻴﺶ ﺍﺩﺍﻭﻡ ﻭﺍﺩﺭﺱ ﻭﺍﺣﻨﻪ ﻟﮕﻤﻪ ﻣﺎﺷﺒﻌﺎﻧﻴﻦ ...
ﻳﻮﻣﻴﺘﻬﻢ ﻗﻠﻴﻠﻪ ﻭﻳﻮﻡ ﺍﻛﻮ ﺷﻐﻞ ﻭﻋﺸﺮﻩ ﻻ ... ﻫﻮﺍﻳﻪ ﺷﺒﺎﺏ ﻛﺎﻋﺪﻩ ﺍﺩﻭﺭ ﺷﻐﻞ ﻣﺮﺍﺕ ﻣﺎﺍﻛﻮ ﺑﻨﺎﺀ ﻳﻄﻠﻌﻮﻥ ﻭﻳﺮﺟﻌﻮﻥ ﻓﺎﺭﻏﻴﻦ ....
ﻭﻣﺮﺍﺕ ﺗﺠﻲ ﺍﻳﺎﻡ ﺑﺲ ﻭﺍﺣﺪ ﻣﻨﻬﻢ ﻳﻄﻠﻊ ﻭﺍﻟﺒﻘﻴﻪ ﻳﺮﺣﻮﻥ ﻳﻔﺘﺮﻭﻥ ﻉ ﻏﻴﺮ ﺷﻐﻠﻪ ...
ﺍﻟﻤﺸﻜﻠﻪ ﺍﺣﻨﻪ ﺟﺜﻴﺮﻳﻦ ﻭﻣﺼﺮﻓﻨﻪ ﺟﺜﻴﺮ ﻭﻫﻢ ﺷﺒﺎﺏ ﻭﺑﻤﻮﺳﻢ ﺍﻟﻤﺪﺍﺭﺱ ﺗﺼﻴﺮ ﺳﺎﻟﻔﺘﻨﻪ ﺳﺎﻟﻔﻪ ﻭﻧﺪﻓﻊ ﺍﻳﺠﺎﺭ ...
ﺍﻧﻲ ﺻﻐﻴﺮﻩ ﻣﺎﺍﻋﺮﻑ ﺍﺧﺒﺰ ﻭﻻﻳﻘﺒﻠﻮﻥ ﻟﺬﻟﻚ ﻧﺸﺘﺮﻱ ﺧﺒﺰ ﺣﺼﻪ ﻣﺎﻋﺪﻧﻪ ﻻﻥ ﻣﺎﻣﻔﺼﻮﻟﻴﻦ ﻋﻦ ﺍﺑﻮﻱ ﻭﻛﻠﻮ ﻧﺸﺘﺮﻱ ﺷﺮﺍﻳﻪ ...
ﻛﻞ ﻣﺎ ﻛﺒﺮﻭﺍ ﻛﻠﻤﺎ ﺯﺍﺩ ﺣﻘﺪﻫﻢ ﻉ ﺍﺑﻮﻱ ﺣﺘﻪ ﺑﻨﺠﺎﺡ ﻓﺎﺭﻭﻕ ﻣﺎ ﺍﺟﻪ ﻣﺎﻳﻮﻡ ﻛﻠﻒ ﻧﻔﺴﻮﺍ ﻭﺍﺟﻪ ﻳﺸﻮﻓﻨﻪ ﻭﻳﺴﺄﻝ ﻋﻠﻴﻨﻪ ...
ﺷﻜﺪ ﺍﺗﻤﻨﻴﺖ ﻳﻨﻔﺘﺢ ﺍﻟﺒﺎﺏ ﺑﻴﻮﻡ ﻭﺍﺷﻮﻓﻮ ﻛﺪﺍﻣﻲ ﻫﻮ ﻭﻋﻼﻟﻴﻚ ﺍﻟﻤﺴﻮﺍﻙ ﻭﺍﺭﻛﺾ ﻋﻠﻲ ﺍﺣﻀﻨﻮ ...
ﺷﻜﺪ ﺍﺗﻤﻨﻴﺖ ﺍﺷﻮﻑ ﺍﻣﻲ ﺣﺘﻪ ﻟﻮ ﺑﺼﻮﺭﻩ ﺍﻱ ﺷﻲ ﺍﻟﻬﻪ ﻣﺎﻋﺪﻧﻪ ﻭﻟﻮ ﺍﺷﻮﻓﻬﻪ ﺑﺸﺎﺭﻉ ﻣﺎ ﺍﺍﻋﺮﻓﻬﻪ ...
ﺍﻣﻨﻴﺎﺕ ﺟﺜﻴﺮﺓ ﻋﻨﺪﻱ ﺑﺲ ﻟﻼﺳﻒ ﻣﺎﺷﻔﺖ ﺷﻲ ﻣﻦ ﻫﺎﻱ ﺍﻻﻣﻨﻴﺎﺕ ...
ﺩﺍﺋﻤﺎ ﺍﺳﺎﻝ ﺑﻴﻨﻲ ﻭﺑﻴﻦ ﻧﻔﺴﻲ ﺷﻨﻮ ﺍﻻﺳﺒﺎﺏ ﺍﻟﻲ ﺧﻠﺖ ﺍﺑﻮﻱ ﻫﻴﺞ ﻳﻜﺮﻫﻨﻪ ﻭﺍﻣﻲ ﺩﺍﺭﺕ ﻇﻬﺮﻫﻪ ﻭﻣﺸﺖ ..
...
ﻓﻜﺮﻩ ﻋﺪﻡ ﺗﻘﺪﻳﻢ ﻓﺎﺭﻭﻕ ﻟﻠﺠﺎﻣﻌﻪ ﺍﺛﺮﺕ ﺑﺎﺧﻮﺗﻲ ﺣﻴﻞ ﺿﺎﺟﻮﺍ ﻋﻠﻲ ﺷﻠﻮﻥ ﻳﺘﻨﺎﺯﻝ ﻋﻦ ﻣﺴﺘﻘﺒﻠﻮ ﺑﺴﺒﻴﻞ ﻳﻈﻞ ﻳﺸﺘﻐﻞ ...
ﻛﻠﺶ ﺟﺎﻥ ﻣﻌﺎﻧﺪ ﺑﻴﻮﻣﻬﻪ ﺣﺘﻪ ﻧﻤﻨﻪ ﺑﺪﻭﻥ ﻋﺸﺎ ﺍﻟﻜﻞ ﺿﺎﻳﺞ ﻭﻣﻘﻬﻮﺭ ﺍﺳﻤﻊ ﻗﻴﺲ ﻳﺤﺠﻲ ﻭﻳﻜﻮﻝ ﺩﻣﺮ ﻣﺴﺘﻘﺒﻠﻮ ﺑﺴﺒﺒﻨﻪ ﻭﺭﺍﺡ ﻳﺘﻜﻔﻞ ﺑﻌﻴﺸﺘﻨﻪ ﻭﻫﻮ ﻣﻌﺪﻟﻮ ﻋﺎﻟﻲ ...
ﺍﻟﻠﻴﻞ ﻛﻠﻪ ﻳﺘﻨﺎﻗﺸﻮﻥ ﻭﻳﺤﺠﻮﻥ ﻭﺭﺍﺩﻭﺍ ﻳﻐﻴﺮﻭﻥ ﺷﻮﻳﻪ ﻣﻦ ﻓﺎﺭﻭﻕ ﺑﺲ ﻟﻼﺳﻒ ﻛﻠﻤﺘﻮ ﻭﺣﺪﻩ ﻭﻣﺎﻏﻴﺮﻫﻪ ﺍﺑﺪ
ﺑﻌﺪ ﻗﺮﺍﺭ ﻓﺎﺭﻭﻕ ﺍﺧﻮﺗﻲ ﻗﺎﻃﻌﻮﺍ ﻭﻣﺎﻳﺤﺠﻮﻥ ﻭﻳﺎ ﻭﺧﺎﺻﻪ ﻗﻴﺲ ﻭﻫﻮ ﺍﻗﺮﺏ ﻭﺍﺣﺪ ﺍﻟﻮ ...
ﺻﺎﺭ ﻣﻦ ﻳﺠﻲ ﻣﻦ ﺍﻟﺸﻐﻞ ﻣﺎﻳﻜﻌﺪﻭﻥ ﻳﻤﻮ ﻭﻳﻌﻮﻓﻮﺍ ﻭﺣﺪﻩ ﺑﺲ ﻫﻴﺞ ﺷﺎﻳﻞ ﻋﻨﺎﺩ ﻓﻀﻴﻊ ﺣﺘﻪ ﻣﺎﻳﺴﺎﻝ ﺷﺒﻴﻜﻢ؟؟
ﻗﺒﻞ ﻣﺎﻳﻨﺘﻬﻲ ﺍﻟﺘﻘﺪﻳﻢ ﺏ٤ ﺍﻳﺎﻡ ﺍﻧﻔﺠﺮ ﺑﻲ ﺍﻭﺱ ﻭﻛﺎﻟﻮ ﺍﺫﺍ ﻣﺎﻗﺪﻣﺖ ﻫﺴﻪ ﺍﻫﺞ ﻣﻦ ﺍﻟﺒﻴﺖ ﻭﻣﺎﺗﻠﻜﺎﻟﻲ ﺍﺛﺮ ...
ﺻﺎﺭ ﺍﻟﺼﻴﺎﺡ ﻋﺎﻟﻲ ﻭﻓﺎﺭﻭﻕ ﻳﻜﻠﻬﻢ ﻣﺎﺗﺠﺒﺮﻭﻧﻲ ﺑﺰﻋﻠﻜﻢ ﻉ ﺷﻲ ﻣﺎﺍﺭﻳﺪﻭ .... ﻭﻫﺬﻭﻟﻮ ﻳﻜﻠﻮﻟﻪ ﻻ ﺍﻧﺠﺒﺮﻙ ﺍﺫﺍ ﺗﺤﺒﻨﻪ ﻭﺍﺟﺒﻚ ﺗﺴﻌﺪﻧﻪ ﻭﺍﺣﻨﻪ ﺳﻌﺎﺩﺗﻨﻪ ﺍﻧﺸﻮﻓﻚ ﻣﻘﺪﻡ ...
ﻗﻴﺲ .. ﺍﻧﺖ ﺯﻭﺩﺗﻬﻪ ﺣﻴﻞ ﻭﻋﺒﺎﻟﻚ ﺑﺲ ﺍﻧﺖ ﻛﺎﻋﺪ ﺗﻌﺎﻧﻲ ﻣﺎﻋﻨﺪﻙ ﺍﻫﻞ ﺑﺎﻟﻠﻪ ﻋﻠﻴﻚ ﺍﺳﺄﻟﻚ ﺷﻨﻮ ﻓﺮﻗﻨﻪ ﻋﻨﻚ ﺍﺣﻨﻪ ﻫﻢ ﻋﺎﻳﺸﻴﻦ ﻧﻔﺲ ﺍﺣﺴﺎﺳﻚ ...
ﻓﺎﺭﻭﻕ .. ﻣﻦ ﺗﺤﺠﻮﻥ ﻓﻜﺮﻭﺍ ﻣﻮﺑﺲ ﺍﺗﺼﻔﻂ ﺣﺠﻲ ﺍﻧﻲ ﻭﻳﺎﻛﻢ ﻗﺪﻣﺖ ﻭﻭﺭﺍﻫﻪ ﺷﻨﻮ ؟؟
ﺷﻠﻮﻥ ﺍﺩﺍﻭﻡ ﻛﻠﻴﻪ ﻭﺧﻄﻮﻁ ﻭﻣﺼﺮﻑ ﻭﺍﻧﻲ ﻣﺎﻋﻨﺪﻱ ﻭﺷﻮﻛﺖ ﺍﻃﻠﻊ ﻟﺸﻐﻞ ﻭﺍﻧﺘﻢ ﺷﻠﻮﻥ؟؟ ﻻﺯﻡ ﻭﺍﺣﺪ ﺑﻴﻨﻪ ﻳﻀﺤﻲ ..
ﺍﻭﺱ .. ﻓﺎﺭﻭﻕ ﺍﺫﺍ ﻣﺎﻗﺪﻣﺖ ﺍﻧﻲ ﺍﺑﻄﻞ ﻭﺍﻟﻠﻪ ﻭﺣﺘﻪ ﺍﻟﺒﻘﻴﻪ ﻳﺒﻄﻠﻮﻥ ﻭﺍﻧﺖ ﺍﺭﺗﺎﺡ ...
ﻓﺎﺭﻭﻕ .. ﻳﻮﻝ ﺍﻭﺱ ﻻﺗﺰﻳﺪﻭﻫﻪ ﻋﻠﻴﻪ ﻃﻮﻝ ﻋﻤﺮﻱ ﻋﺎﻳﺶ ﺑﻜﺮﺍﻣﻪ ﻣﺎ ﺍﺭﻳﺪ ﺍﺟﺮﺏ ﺷﻌﻮﺭ ﺍﻟﺬﻝ ﻭﺍﺳﻤﻊ ﻛﻼﻡ ﻳﺤﺰ ﺑﺨﺎﻃﺮﻱ ﺑﺎﻟﻜﻠﻴﻪ ...
ﻫﺎﻱ ﺟﺎﻣﻌﻪ ﻣﻮ ﻣﺪﺭﺳﻪ ﺍﺑﻴﺶ ﺍﻛﻤﻠﻬﻪ ﻭﻣﻨﻴﻦ ﺍﺻﺮﻑ ﻭﺍﺣﻨﻪ ﺍﻧﺮﻭﺡ ﻣﺸﻲ ﻟﻠﻤﺪﺭﺳﻪ ...
ﻗﻴﺲ .. ﻓﺎﺭﻭﻕ ﻗﺪﻡ ﻭﺍﺫﺍ ﻇﻠﻴﻨﻪ ﻉ ﺣﺎﻟﻨﻪ ﺍﺟﻞ ﺍﻟﺴﻨﻪ ﺑﺲ ﻻﺗﻀﻴﻊ ﺍﻟﻔﺮﺻﻪ ﻣﻦ ﺍﻳﺪﻙ ﺍﺫﺍ ﺗﺤﺒﻨﻪ ﻭﺍﻟﻨﻪ ﺧﺎﻃﺮ ﻳﻤﻚ ﻗﺪﻡ ..
ﺑﻌﺪ ﻣﻌﺎﻧﺎﻩ ﻃﻮﻳﻠﻪ ﻭﺍﻭﻝ ﻣﺮﻩ ﺍﺷﻮﻓﻬﻢ ﻫﻠﻜﺪ ﻣﺼﺮﻳﻦ ﻳﻠﻪ ﻗﺪﻡ ﻭﻟﺨﺎﻃﺮﻫﻢ ﺍﻱ ﻧﻴﻪ ﻣﺎ ﺍﻟﻮ ﺑﺎﻟﺪﺭﺍﺳﻪ ...
ﺩﺍﺋﻤﺎ ﻳﻜﻮﻝ ﺍﺗﻀﺤﻜﻮﻥ ﻉ ﻋﻘﻠﻜﻢ ﺑﻼﻭﻝ ﺍﺷﺒﻌﻮﺍ ﺍﺑﻄﻮﻧﻜﻢ ﻳﻠﻪ ﺍﻛﻮﻡ ﺍﺻﺮﻑ ﻉ ﺍﻟﻜﻠﻴﻪ ...
ﻃﻠﻌﺖ ﺍﻟﻘﺒﻮﻻﺕ ﺍﻧﻘﺒﻞ ﻫﻨﺪﺳﻪ ﺍﻻﻧﺒﺎﺭ ﻭﺍﺣﻨﻪ ﺑﺪﺕ ﺍﻟﻤﺪﺍﺭﺱ ﻭﺑﺪﻳﻨﻪ ﺍﻧﺪﺍﻭﻡ ﻭﻧﻔﺲ ﺍﻟﺮﻭﺗﻴﻦ ﺍﻟﻴﻮﻣﻲ ..
ﻣﺸﺖ ﺍﻟﺴﻨﻴﻦ ﻭﺍﻟﺤﺎﻝ ﻣﺜﻞ ﻣﺎﺟﺎﻥ ... ﺍﻭﺿﺎﻉ ﺍﻟﻌﺮﺍﻕ ﺗﺎﺯﻣﺖ ﺟﺎﻧﺖ ﺑﺪﺍﻳﻪ ﺍﻟﺴﻘﻮﻁ ﻭﺍﻟﺒﻠﺪ ﻳﻤﺮ ﺑﻔﻮﺿﻰ ﻣﻮ ﻃﺒﻴﻌﻴﻪ ...
ﺍﻧﺘﺸﺮﺕ ﺍﻟﺠﻤﺎﻋﺎﺕ ﺍﻟﻤﺴﻠﺤﻪ ﻟﺬﻟﻚ ﺍﻟﺸﻐﻞ ﻭﻛﻒ ﻭﺍﻏﻠﺐ ﺍﻟﻨﺎﺱ ﺳﺎﻓﺮﺕ ﻭﻛﺎﻣﺖ ﺗﺠﻲ ﻋﻮﺍﺋﻞ ﻣﻬﺠﺮﻩ ﻣﻦ ﻏﻴﺮ ﻣﺤﺎﻓﻈﺎﺕ ﺧﺎﺻﻪ ﻣﻦ ﺑﻐﺪﺍﺩ ﺑﺤﻜﻤﻬﻪ ﺍﻟﻌﺎﺻﻤﻪ ﻭﺍﻭﻝ ﻣﻦ ﺩﺧﻠﻮﻫﻪ ﺍﻻﻣﺮﻳﻜﺎﻥ ..
ﺭﺟﻊ ﺣﺎﻟﻨﻪ ﻟﻼﺳﻮﺀ ﻻﻥ ﺷﻐﻞ ﻣﺎﻛﻮ ﻭﺻﻠﺖ ﺍﻟﻤﻮﺍﺻﻴﻞ ﻳﻄﻠﻌﻮﻥ ﻣﻦ ﺍﻟﻔﺠﺮ ﻳﺪﻭﺭﻭﻥ ﻉ ﻋﻤﺎﻟﻪ ﻭﻳﺮﺟﻌﻮﻥ ﺑﺨﻴﺒﻪ ﺍﻣﻞ ...
ﻓﺎﺭﻭﻕ ﺻﺎﺭ ﻫﻮ ﺍﻟﻜﻔﻴﻞ ﻣﺎﻟﺘﻨﻪ ﻳﺸﺘﻐﻞ ﻳﻮﻣﻴﻪ ﺑﺤﻜﻢ ﻣﺎﻋﻨﺪﻭ ﺩﻭﺍﻡ ﻭﺍﺧﻮﺗﻲ ﻳﺪﺭﺳﻮﻥ ﻭﻣﺮﺍﺕ ﺑﺎﻟﻌﻄﻞ ﻳﻄﻠﻌﻮﻥ ﻭﻳﺎﺍﺍ ﺑﺲ ﻣﻮﺫﺍﻙ ﺍﻟﺸﻐﻞ ﺑﺲ ﻳﺴﺪ ﺟﻮﻋﻨﻪ ﺣﺘﻪ ﺍﻻﻳﺠﺎﺭ ﺷﻬﺮ ﻧﺪﻓﻊ ﻭﺷﻬﺮ ﻻ ...
ﺗﻌﺮﻑ ﻉ ﻭﺍﺣﺪ ﺍﺳﻄﻪ ﺟﺪﻳﺪ ﻭﻛﺎﻡ ﻳﺸﺘﻐﻞ ﻭﻳﺎ ﻭﻳﺮﻭﺡ ﺍﻣﺎﻛﻦ ﺑﻌﻴﺪﻩ ﺑﺲ ﺍﻟﻤﻬﻢ ﻳﺤﺼﻞ ﻳﻮﻣﻴﻪ ...
ﺍﺧﺬ ﻣﻬﻨﻪ ﻣﺎﻝ ﺗﻄﺒﻴﻚ ﻛﺎﺷﻲ ﻭﺍﺧﺬ ﺷﻤﺮﻩ ﺍﻟﺸﻐﻞ ﻭﻛﺎﻡ ﻳﻄﻠﻌﻮﺍ ﺑﻴﻮﻣﻴﻪ ﺍﻛﺜﺮ ﻛﻞ ﺍﻟﻲ ﻳﺤﺼﻠﻬﻦ ﻟﻮ ﻉ ﺍﻟﻤﺪﺍﺭﺱ ﻟﻮ ﺍﻳﺠﺎﺭ ﻭﻣﺴﻮﺍﻙ ...
ﺻﺎﺭ ﻋﻤﺮﻱ 17 ﻭﺑﺪﻳﺖ ﺍﺩﺭﻙ ﻣﻌﻨﻰ ﺍﻟﻤﻌﺎﻧﺎﻩ ﻭﻛﻤﺖ ﺍﺣﺲ ﺑﺎﺧﻮﺗﻲ ﻭﺍﺣﺪ ﻭﺍﺣﺪ ﺍﻟﻠﻪ ﻭﻫﺒﻨﻲ ﻫﺎﻻﺣﺴﺎﺱ ﻣﻦ ﻧﻈﺮﺍﺗﻬﻢ ﺍﻗﺮﺍﻫﻢ ﻭﻣﺮﺍﺕ ﺍﺧﻠﺺ ﺍﻟﻠﻴﻞ ﺑﺲ ﺍﻓﻜﺮ ﺑﻴﻬﻢ ...
ﺍﻧﻪ ﺑﺪﻩ ﺳﻦ ﺍﻟﻤﺮﺍﻫﻘﻪ ﻋﻨﺪﻱ ﺑﺮﺯﺕ ﻣﻼﻣﺤﻲ ﺍﻻﻧﺜﻮﻳﻪ ﻭﻛﻤﺖ ﺍﺳﺘﺤﻲ ﻣﻦ ﺍﺧﻮﺍﻧﻲ ﺣﺘﻪ ﻣﺎﻛﻤﺖ ﺍﺗﺸﺎﻗﻪ ﻭﻳﺎﻫﻢ ﻣﺜﻞ ﻋﻬﺪﻱ ...
ﺍﺣﺘﺎﺝ ﺍﻡ ﺍﺣﺘﺎﺝ ﺍﺧﺖ ﺗﺤﺠﻴﻠﻲ ﺗﻔﻬﻤﻨﻲ ﺟﺜﻴﺮ ﺷﻐﻼﺕ ﺍﺭﻳﺪﻫﻪ ﺑﺲ ﻣﺎ ﺍﻟﻜﻪ ﺍﺣﺪ ﻟﻼﺳﻒ ..
ﺍﺑﺴﻂ ﺷﻲ ﻛﻤﺖ ﺍﺣﺘﺎﺝ ﻣﻼﺑﺲ ﺩﺍﺧﻠﻴﻪ ﺗﺴﺘﺮ ﺍﻛﺜﺮ ﻻﻥ ﺍﻧﻲ ﺷﻮﻳﻪ ﻣﻠﻴﺎﻧﻪ ﺣﺘﻪ ﻛﻤﺖ ﺍﺗﺠﻨﺐ ﺍﻛﻌﺪ ﻳﻢ ﺍﺧﻮﺗﻲ ﻟﻮ ﺍﻧﺎﻡ ﺑﺠﻬﻪ ﺑﻌﻴﺪﻩ ﻋﻨﻬﻢ ...
ﺑﻴﻮﻡ ﻣﻨﻬﻦ ﺍﻟﻤﺪﺭﺳﺔ ﺻﺎﺣﺘﻨﻲ ﻭﺣﺪﻧﻪ ﻭﻛﺎﻟﺖ ﺑﻨﺘﻲ ﺛﺮﻳﺎ ﺍﻧﺘﻲ ﻛﺒﺮﺗﻲ ﻭﻛﻠﻲ ﻻﻣﺞ ﺗﺸﺘﺮﻳﻠﺞ ﻣﻼﺑﺲ ﺩﺍﺧﻠﻴﻪ ﺭﻳﺎﺿﻴﻪ ﻻ ﺍﻃﻠﻌﻴﻦ ﻫﻴﺞ ...
ﻻﻭﻝ ﻣﺮﻩ ﺍﺣﺲ ﺑﻼﺣﺮﺍﺝ ﻭﺍﻟﻌﺒﺮﻩ ﺍﻟﻲ ﺳﻴﻄﺮﺕ ﻋﻠﻴﻪ ﺍﻓﺘﻬﻤﺖ ﻗﺼﺪﻫﻪ ﻻﻥ ﺍﻧﻲ ﺿﺎﻳﺠﻪ ﻣﻦ ﻫﺎﻟﺸﻲ ﺑﺲ ﻫﺰﻳﺘﻠﻬﻪ ﺭﺍﺳﻲ ﻭﺍﺳﺘﺤﻴﺖ ﺍﻛﻠﻬﻪ ﻣﺎﻋﻨﺪﻱ ﺍﺣﺪ ...
ﺑﻴﻮﻣﻬﻪ ﺭﺟﻌﺖ ﻟﻠﺒﻴﺖ ﻭﺩﻣﻮﻋﻲ ﻉ ﺧﺪﻱ ﺍﻭﻝ ﻭﺍﺣﺪ ﺩﺣﻚ ﺑﻮﺟﻬﻲ ﻗﻴﺲ ﻭﻋﺒ

ﺎﻟﻮ ﺍﻛﻮ ﺍﺣﺪ ﺿﺎﺭﺑﻨﻲ ﺑﺲ ﻣﺎﻛﺪﺭﺕ ﺍﺣﺠﻴﻠﻮ ﺍﻧﻲ ﺑﻄﺒﻌﻲ ﺧﺠﻮﻟﻪ ﻭﻣﺎﻣﺨﺘﻠﻄﻪ ﻫﻮﺍﻱ ...
ﺟﻨﺖ ﺍﺩﺣﻚ ﻉ ﺍﻟﺒﺎﺏ ﺷﻮﻛﺖ ﺗﺠﻲ ﻭﺣﺪﻩ ﻣﻦ ﻋﻤﺎﺗﻲ ﻭﺍﺣﺠﻴﻠﻬﻪ ﺣﺘﻪ ﻗﺮﺭﺕ ﺛﺎﻧﻲ ﻳﻮﻡ ﻣﺎ ﺍﺭﻭﺡ ﻟﻠﻤﺪﺭﺳﻪ ﺧﺎﻑ ﻫﻢ ﺗﺤﺎﺟﻴﻨﻲ ﺍﻟﻤﺪﺭﺳﺔ ...
ﺑﻠﻴﻞ ﻛﻌﺪﺕ ﺍﺣﻞ ﺑﻮﺍﺟﺒﺎﺗﻲ ﻭﺍﺟﻪ ﻗﻴﺲ ﺷﺎﻳﻞ ﻋﻼﻛﻪ ﺑﻴﺪﻭ ﺧﻼﻫﻪ ﻳﻤﻲ ﻛﺎﻝ ﻫﺎﻱ ﺍﻟﺞ ﻭﻃﻠﻊ ...
ﻛﻤﺖ ﻓﺘﺤﺘﻬﻪ ﺑﺎﺳﺘﻐﺮﺍﺏ ﻭﺍﺷﻮﻓﻬﻦ ﻣﻼﺑﺲ ﺩﺍﺧﻠﻴﻪ ﺑﻨﺎﺗﻴﻪ ﻭﻛﺎﻧﻮﺍ ﺍﺧﻮﻱ ﻋﺮﻑ ﺑﺤﺎﻟﺘﻲ ...
ﻣﺎﺍﺩﺭﻱ ﺷﺼﺎﺑﻨﻲ ﺍﺑﺠﻲ ﻭﺍﺑﺠﻲ ﺟﺜﻴﺮ ﺟﻨﺖ ﻣﺤﺘﺎﺟﻪ ﺍﻣﻲ ﺍﺭﻳﺪﻫﻪ ﻳﻤﻲ ﻣﺎ ﺍﻛﺪﺭ ﺍﻛﻤﻞ ﺣﻴﺎﺗﻲ ﺑﺪﻭﻥ ﺍﻡ ...
ﻟﺒﺴﺘﻬﻢ ﻭﺍﻧﻲ ﺍﺑﺠﻲ ﺩﻣﻌﺘﻲ ﻣﺎﺗﺮﺿﻰ ﺗﻮﻛﻒ ﺑﻬﺎﻱ ﺍﻟﺤﺎﻟﻪ ﻭﺍﺟﻪ ﺍﻭﺱ ﻳﻨﺎﺩﻳﻨﻲ ﻣﻦ ﺷﺎﻓﻨﻲ ﻫﻴﺞ ﻳﺴﺎﻝ ﺷﺒﻴﺞ؟؟
ﻭﻳﻬﺪﺩ ﻭﺍﻧﻌﻞ ﺍﺑﻴﻮ ﺍﻟﻲ ﻣﺤﺎﺟﻴﺞ ﻭﺍﺳﻮﻱ ﻫﻴﺞ ﻭﻫﻴﺞ ﻭﺍﻧﻲ ﻭﻻﺳﻜﺘﺖ ﺗﺎﻟﻲ ﺻﺎﺡ ﻉ ﻗﻴﺲ ...
ﻗﻴﺲ ﺍﻟﻮﺣﻴﺪ ﺍﻟﻲ ﻳﻔﻬﻤﻨﻲ ﻗﺒﻞ ﻣﺎ ﺍﺣﺠﻲ ﻣﺎﻛﺎﻝ ﺷﻲ ﺑﺲ ﻛﺎﻝ ﻻﻭﺱ ﻋﻮﻓﻬﻪ ﻳﻤﻲ ﺍﺧﺬﻧﻲ ﺑﻴﻦ ﺍﺩﻳﻨﻮ ﻭﻫﻮ ﺭﻏﻢ ﻋﻤﺮﻭ ١٧ ﺑﺲ ﺑﻨﻴﻪ ﺟﺴﻤﻪ ﺿﺨﻤﻪ ...
ﺿﻤﻨﻲ ﺑﺤﻀﻨﻮ ﺑﻜﻞ ﺣﻨﻴﻪ ﻭﻛﺎﻝ ... ﻟﻴﺶ ﺗﺒﺠﻴﻦ ﺍﻧﻲ ﻣﻮﻛﺘﻠﺞ ﺍﺣﻨﻪ ﺍﻫﻠﺞ ﺗﺴﺘﺤﻴﻦ ﻣﻦ ﺍﻟﺒﻘﻴﻪ ﺍﻧﻲ ﻗﻴﺲ ﺍﻱ ﺷﻲ ﺗﺤﺘﺎﺟﻲ ﺗﺠﻴﻦ ﺩﻛﻮﻟﻴﻨﻪ ﺍﻟﻲ ...
ﺛﺮﻳﺎ ﺑﻼ ﺩﻣﻮﻉ ﻉ ﺷﻲ ﻣﺎﻳﺴﻮﻩ ﻛﻮﻣﻲ ﻏﺴﻠﻲ ﻭﻛﻤﻠﻲ ﻭﺍﺟﺒﺞ ﻭﻧﺎﻣﻲ ...
... ﻫﻢ ﻫﺬﻭﻟﻲ ﺍﺧﻮﺗﻲ ﺣﺘﻪ ﻣﻦ ﻳﺤﺠﻮﻥ ﻛﻮﻟﻮ ﺑﺤﺮﮔﻪ ﻭﺑﺎﻭﺍﻣﺮ ﺭﻏﻢ ﻛﻠﺒﻬﻢ ﺍﻟﻄﻴﺐ ﺣﺒﻨﻲ ﻣﻦ ﺭﺍﺳﻲ ﻭﻛﺎﻡ ﺣﺴﻴﺘﻪ ﻫﻮ ﻣﺤﺮﺝ ﺍﻛﺜﺮ ﻣﻦ ﻋﻨﺪﻱ ...
ﻣﺸﺖ ﺍﻻﻳﺎﻡ ﺳﺮﻳﻌﻪ ﻭﻛﻞ ﺳﻨﻪ ﻧﻨﺠﺢ ﻭﻗﻴﺲ ﺻﺎﺭ ﺳﺎﺩﺱ ﻭﺻﺪﻣﻨﻪ ﺑﻘﺮﺍﺭﻭ ﻣﻦ ﺑﻄﻞ ﻣﻦ ﺍﻟﺪﺭﺍﺳﻪ ...
ﺍﻧﻲ ﻛﺒﺮﺕ ﻭﻛﻤﺖ ﺍﻓﺘﻬﻢ ﺍﻟﺤﻴﺎﺓ ﺍﻭﻝ ﻭﺣﺪﻩ ﻋﺎﺭﺿﺖ ﻛﻤﺖ ﺍﺩﺣﻚ ﻉ ﺍﺧﻮﺗﻲ ﺑﺎﻟﺴﺮﻩ ﻭﺍﺣﺪ ﻭﺭﺍ ﻭﺍﺣﺪ ﻳﺘﺨﻠﻮﻥ ﻋﻦ ﻣﺴﺘﻘﺒﻠﻬﻢ ﺑﺴﺒﺐ ﺿﻴﻖ ﺍﻟﻌﻴﺶ ...
ﻛﻠﻬﻢ ﺟﻜﺎﻳﺮﻫﻢ ﻣﺎﺗﻨﺰﻝ ﻣﻦ ﺍﺩﻳﻬﻢ ﻭﻳﻔﺮﻏﻮﻥ ﺣﺰﻧﻬﻢ ﺑﺎﻟﺘﺪﺧﻴﻦ ...
ﻧﻔﺲ ﺍﻟﻤﻜﺎﻭﻧﻪ ﺍﻧﻌﺎﺩﺕ ﻭﻭﺍﺣﺪ ﻳﺮﺯﻝ ﺑﺎﻟﺜﺎﻧﻲ ﺑﺲ ﻣﺎﻗﺒﻞ ﻳﺮﺟﻊ ﻛﺎﻝ ﻟﻔﺎﺭﻭﻕ ﻣﺜﻞ ﻣﺎ ﺍﻧﺖ ﺑﻄﻠﺖ ﺍﻧﻲ ﻫﻢ ﻣﺎﻟﻚ ﻋﻼﻗﻪ ﺑﻴﻪ ...
ﻣﻦ ﻛﺪﻣﺎ ﺿﻐﻄﻮﺍ ﻋﻠﻲ ﺍﻧﻔﺠﺮ ﻛﺎﻡ ﻳﺼﻴﺢ ﻛﺎﻟﻬﻢ ﺍﻧﻲ ﻣﺎ ﺍﺭﻳﺪ ﻟﻮ ﺍﺩﺭﺱ ﺑﻜﺮﺍﻣﻪ ﻟﻮ ﻣﺎ ﺍﺩﺭﺱ ﺷﻨﻮ ﻫﺎﻟﺬﻝ ﻓﻠﻮﺱ ﻣﺎﻋﻨﺪﻱ ﺍﺷﺘﺮﻱ ﺩﻓﺘﺮ ﻭﺗﺮﻳﺪﻭﻧﻲ ﺍﺩﺭﺱ ...
ﻣﺎﻟﻜﻢ ﺩﺧﻞ ﺑﻴﻪ ﻳﻄﺒﻨﻲ ﺍﻟﻒ ﻣﺮﺽ ﻛﻞ ﻭﺍﺣﺪ ﻳﻌﺘﻨﻲ ﺑﺮﻭﺣﻮ ﺩﺭﺍﺳﻪ ﻣﺎ ﺍﺭﺟﻌﻠﻬﻪ ...
ﺳﻜﺘﻨﻪ ﻋﻨﻮ ﻣﻦ ﺷﻔﻨﺎ ﻋﺼﺐ ﺑﺲ ﻇﻠﺖ ﻛﻠﻤﻪ ﺣﺮﺍﻣﺎﺕ ﺗﺘﺮﺩﺩ ﻉ ﺧﺴﺎﺭﻩ ﻣﺴﺘﻘﺒﻠﻮ ..
ﺣﻴﻞ ﺍﻧﻘﻬﺮﺕ ﻋﻠﻴﻬﻢ ﺧﺎﺻﻪ ﻗﻴﺲ ﻛﻠﺶ ﺷﺎﻃﺮ ﻛﻠﻮ ﻳﻄﻠﻊ ﺍﻋﻔﺎﺀ ﻟﺤﺪ ﺍﻟﺴﺎﺩﺱ ﺑﺲ ﻳﺤﺲ ﺑﺎﻟﻤﺴﻮﺅﻟﻴﻪ ﻭﺑﻄﻞ ...
ﺍﻟﺘﻔﻜﻴﺮ ﻫﻠﻜﻨﻲ ﺷﻨﻮ ﻣﺼﻴﺮ ﺍﺧﻮﺗﻲ ﻗﻴﺲ ﻭﻓﺎﺭﻭﻕ ﻣﺎﻛﻤﻠﻮﺍ ﺍﻟﺪﺭﺍﺳﻪ ﻣﻮ ﻓﺎﺭﻭﻕ ﻛﺎﻝ ﺍﻟﺸﻬﺎﺩﻩ ﺍﺳﻼﺡ ﻭﻫﻲ ﺍﻟﻲ ﺭﺍﺡ ﺗﺨﻠﺼﻨﻪ ﻣﻦ ﻭﺍﻗﻌﻨﻪ ﺍﻟﻤﻈﻠﻢ ﻋﺠﻞ ﻟﻴﺶ ﺗﺨﻠﻮ ﻋﻨﻬﻪ؟؟
ﺣﻴﺎﺗﻨﻪ ﻣﺎﺷﻴﻪ ﻳﻮﻡ ﺑﻴﻮﻣﻪ ﺑﺲ ﺍﻟﻤﺸﻜﻠﻪ ﺍﺧﻮﺗﻲ ﺍﻟﻰ ﻣﺘﻰ ﻧﻈﻞ ﻓﻘﻴﺮﻳﻦ ﺍﻟﺤﺎﻝ ﻭﻫﻢ ﻳﺠﻲ ﻳﻮﻡ ﻭﺍﺩﺣﻜﻠﻬﻢ ﺷﺒﺎﺏ ﻣﺘﺰﻭﺟﻴﻦ ﻭﻋﺎﻳﺸﻴﻦ ﺑﺤﻴﺎﺓ ﺍﻟﺮﻓﺎﻫﻴﻪ ...
ﺍﻭﺱ ﺍﺗﺒﻊ ﻃﺮﻳﻖ ﺍﺧﻮﺗﻮ ﻭﻫﻢ ﺑﻄﻞ ﻭﻳﻪ ﻗﻴﺲ ﺑﻨﻔﺲ ﺍﻟﺴﻨﻪ ﻻﻥ ﺗﻮﺍﻡ ﻣﺎﺩﺍﻭﻡ ﻏﻴﺮ ﺷﻬﺮ ﻭﺍﺣﺪ ...
ﺑﺼﻒ ﺍﻟﺜﺎﻟﺚ ﺗﻌﺮﻓﺖ ﻋﻠﻰ ﺑﻨﻴﻪ ﻣﻦ ﻧﻔﺲ ﻣﻨﻄﻘﺘﻨﻪ ﺣﺒﺎﺑﻪ ﻭﺻﺎﺭﺕ ﺻﺪﻳﻘﺘﻲ ﺩﺍﺋﻤﺎ ﺗﺴﺎﻟﻨﻲ ﻋﻦ ﺍﺧﻮﺗﻲ ﻭﺍﺣﺠﻴﻠﻬﻪ ﻋﻦ ﻋﻴﺸﺘﻨﻪ ...
ﺑﺪﻳﺖ ﺍﺭﺗﺎﺡ ﻭﻳﺎﻫﻪ ﻻﻥ ﺍﻣﻬﻪ ﺩﺍﺋﻤﺎ ﺗﺠﻲ ﻋﻠﻴﻪ ﻟﻠﺒﻴﺖ ﻭﺗﺴﺎﻟﻨﻲ ﻣﺤﺘﺎﺟﻪ ﺷﻲ ﻉ ﺍﻻﻗﻞ ﺍﺫﺍ ﺍﺣﺘﺎﺟﻴﺖ ﺍﺭﻭﺣﻠﻬﻢ ..
ﺑﻴﻮﻡ ﻣﻨﻬﻦ ﺍﺟﺖ ﻫﻲ ﻭﺍﻣﻬﻪ ﻟﻠﺒﻴﺖ ﻭﺷﺎﻓﺖ ﺣﺎﻟﺘﻨﻪ ﺍﻣﻬﻪ ﻛﺎﻟﺖ ﺍﺣﻨﻪ ﻋﺪﻧﻪ ﺳﻴﺎﺭﻩ ﺗﻜﺴﻲ ﻳﺤﻲ ﻭﺍﺣﺪ ﻣﻦ ﺍﺧﻮﺗﺞ ﻳﺸﺘﻐﻞ ﺑﻴﻬﻪ ...
ﻋﺒﺎﻟﻚ ﺍﻧﻄﺘﻨﻲ ﻛﻨﺰ ﻣﻮ ﻟﻜﻴﺖ ﺷﻐﻠﻪ ﺍﻟﻔﺮﺣﻪ ﻣﺎﻭﺍﺳﻌﺘﻨﻲ ﻭﺑﺲ ﺍﻧﺘﻈﺮ ﺷﻮﻛﺖ ﻳﺠﻮﻥ ﻭﺍﺣﺠﻴﻠﻬﻢ ...
ﺍﻭﻝ ﻣﺎﻃﺒﻮﺍ ﻟﻠﺒﻴﺖ ﺗﻠﻜﻴﺘﻬﻢ ﺑﺎﻟﺨﺒﺮ ﻛﻴﻔﻮﺍ ﻻﻥ ﺷﻐﻠﻬﻢ ﻣﻮﺷﻲ ﻛﺎﻟﻮ ﺍﻭﺱ ﻳﺸﺘﻐﻞ ﺑﻴﻬﻪ ...
ﺍﺑﻮ ﺍﻟﺒﻴﺖ ﻫﻮ ﺧﺮﺍﺑﻪ ﻭﻳﺼﻌﺪ ﺑﻼﻳﺠﺎﺭ ﺑﺤﺠﻪ ﺍﻟﻮﺿﻊ ﻣﻮﺷﻲ ﻭﺍﻛﻮ ﻧﺎﺱ ﻛﺎﻣﺖ ﺗﻄﻠﻊ ﻣﻦ ﻏﻴﺮ ﻣﻨﺎﻃﻖ ﻭﺗﺠﻲ ﻫﻴﻦ ﺑﻤﻨﻄﻘﺘﻨﻪ ...
ﻣﻦ ﻧﺠﺤﺖ ﻣﻦ ﺍﻟﺜﺎﻟﺚ ﺍﺟﺖ ﻋﻤﺘﻲ ﺍﻟﺰﻏﻴﺮﻩ ﺍﻡ ﺳﺎﻟﻢ ﺟﺎﻳﺒﻪ ﺍﺷﻜﺎﻝ ﻭﻳﺎﻫﻪ ﻣﺴﻮﺍﻙ ﻭﻣﻼﺑﺲ ...
ﻭﻛﻌﺪﺕ ﺗﺤﺠﻴﻠﻨﻪ ﻋﻦ ﺍﻳﺎﻡ ﺯﻣﺎﻥ ﻭﺗﺬﻛﺮ ﺟﺪﺗﻲ ﺍﻟﻠﻪ ﻳﺮﺣﻤﻬﻪ ﻃﻮﻟﺖ ﺟﺜﻴﺮ ﺑﻜﻌﺪﺗﻬﻪ ...
ﺑﺤﻠﻜﻬﻪ ﺣﺠﻲ ﺑﺲ ﻣﺎﺗﻌﺮﻑ ﺷﺪﻛﻮﻝ ﺑﺲ ﻛﺎﻟﺖ ﺍﺭﻳﺪ ﺍﺣﺎﺟﻴﻜﻢ ﺑﻤﻮﺿﻮﻉ ...
ﺑﺪﺕ ﺗﺤﺠﻲ ﻭﺍﺩﺣﻚ ﻉ ﻓﺎﺭﻭﻕ ﺿﺎﻏﻂ ﻉ ﺍﻳﺪﻭ ﻛﻮﻩ ﻣﺘﺤﻤﻠﻬﻪ ﻭﻗﻴﺲ ﻳﺮﻳﺪ ﻳﻨﻔﺠﺮ ﺑﻴﻬﻪ ...
ﺍﻡ ﺳﺎﻟﻢ ... ﺍﻧﻲ ﺍﻟﻴﻮﻡ ﺟﺎﻳﺘﻜﻢ ﺑﺸﻐﻴﻠﻪ ﺟﺎﻳﻪ ﺍﺧﻄﺐ ﺛﺮﻳﺎ ﻻﺑﻨﻲ ﺳﺎﻟﻢ ﺍﺣﺴﻦ ﻣﺎ ﺍﺩﻭﺭ ﻏﺮﻳﺒﻪ ﻭﻫﻲ ﺑﻨﺖ ﺍﺧﻮﻳﻪ ...
ﻓﺎﺭﻭﻕ .. ﺛﺮﻳﺎ ﺯﻏﻴﺮﻩ ﻭﻣﺴﺘﺤﻴﻞ ﺍﻧﺰﻭﺟﻬﻪ ﺑﻬﺎﻟﻌﻤﺮ ﻋﻤﻪ ﺳﺪﻱ ﻫﺎﻟﻤﻮﺿﻮﻉ ...
... ﻻﻳﻤﻪ ﻣﻮﺯﻏﻴﺮﻩ ﺍﻟﻲ ﺑﻜﺪﻫﻪ ﺍﺗﺰﻭﺟﻦ ﺷﻠﻜﻢ ﺑﻴﻬﻪ ﺍﺷﻮ ﺍﻧﺘﻢ ﻋﻠﻴﻜﻢ ﺣﺴﺮﻩ ﺍﻟﻠﻜﻤﻪ ﺯﻭﺟﻮﻫﻪ ﻭﺍﻧﺘﻢ ﻫﻢ ﺷﻮﻓﻮﺍ ﺣﻴﺎﺗﻜﻢ ...
ﻭﺷﺠﺎﻙ ﺑﺴﺮﻋﻪ ﺣﺠﻴﺖ ﻓﻜﺮ ﻳﻠﻪ ﺷﺒﻴﻚ ﺣﺎﻗﺪ ﻋﻠﻴﻨﻪ ﻣﻦ ﺻﻐﺮﻙ .....
ﻓﺎﺭﻭﻕ ... ﻃﺎﻟﺒﻴﻦ ﻣﻦ ﻋﻨﺪﺝ ﻭﺩﻛﻮﻟﻴﻦ ﺣﺴﺮﻩ ﺍﻟﻠﻜﻤﻪ ﺍﻟﻤﻬﻢ ﻣﺴﺘﻮﺭﻳﻦ ﻭﺍﺧﺘﻨﻪ ﻣﺎﺍﻧﺰﻭﺟﻬﻪ ﻭﺍﺫﺍ ﺍﻧﺰﻭﺟﻬﻪ ﺑﻌﺪ ﻣﺎﺗﺎﺧﺬ ﺷﻬﺎﺩﺗﻬﻪ ...
ﻭﺍﺫﺍ ﺍﺧﺬﺕ ﺷﻬﺎﺩﺗﻬﻪ ﺍﻧﺰﻭﺟﻬﻪ ﻟﻮﺍﺣﺪ ﻣﻮﻣﻦ ﻛﺮﺍﻳﺒﻨﻪ ﻻﻥ ﻣﺎ ﺍﺭﻳﺪ ﺣﺘﻪ ﺍﻟﻔﻆ ﺍﺳﺎﻣﻴﻜﻢ ...
... ﺷﺒﻴﻚ ﻳﺎﻋﻤﻪ ﺣﺎﻗﺪ ﻉ ﺍﻟﻜﻞ ﺍﺑﻮﻙ ﻭﺍﻣﻚ ﺍﻟﻲ ﻋﺎﻓﻮﻙ ﺍﺣﻨﻪ ﻳﺎﻫﻮ ﻣﺎﻟﺘﻨﻪ ...
ﺍﻧﻲ ﻛﻠﺖ ﺍﺣﺴﻦ ﻣﻦ ﻫﺎﻱ ﺍﻟﻌﻴﺸﻪ ﻋﻨﺪﻱ ﺑﻨﺎﺕ ﺍﺛﻨﻴﻦ ﺍﺧﺬﻭﻫﻦ ﺍﻧﺖ ﻭﻗﻴﺲ ﻭﺍﻛﻌﺪﻭﺍ ﻳﻤﻲ ﻫﻮ ﺑﺲ ﺳﺎﻟﻢ ﻭﺍﻧﺰﻭﺟﻪ ﺛﺮﻳﺎ ...
ﻫﻢ ﺗﺮﺗﺎﺣﻮﻥ ﺍﻧﺘﻮ ﻭﺑﺎﻟﻨﻪ ﻳﺮﺗﺎﺡ ﻟﻴﺶ ﺍﻧﺸﻮﻓﻜﻢ ﻣﺘﻠﻮﻋﻴﻦ ﻭﺗﺮﻛﻀﻮﻥ ﻭﺭﺍ ﺍﻟﺸﻐﻞ ﺷﻮ ﺧﻴﺮ ﻣﻦ ﺍﻟﻠﻪ ﺍﻟﺒﺴﺘﺎﻥ ﻭﺍﻟﻤﺤﻼﺕ ..
ﻓﺎﺭﻭﻕ ... ﻋﺒﺎﻟﻲ ﻫﺬﺍ ﻣﺴﻮﺍﻛﺞ ﻣﺴﻮﻳﺘﻪ ﻟﻮﺟﻪ ﺍﻟﻠﻪ ﺗﺎﻟﻲ ﺟﺎﻳﺘﻨﻲ ﺑﺨﻄﻪ ﻭﻓﻮﻛﺎﻫﻪ ﺗﺮﻳﺪﻳﻦ 3 ﺯﻭﺍﺟﺎﺕ ...
ﻭﺍﻟﻠﻪ ﻳﺤﻴﺮ ﺍﻟﻌﻘﻞ ﺷﻴﺤﺠﻲ ﻭﻳﺎﻛﻢ ﺑﺲ ﻣﺎ ﺍﺳﺘﻐﺮﺏ ﻣﻨﻮ ﺍﺧﻮﺝ ﺍﻛﻴﺪ ﻧﻔﺲ ﺍﻟﻄﻴﻨﻪ ...
ﺍﺳﻤﻌﻴﻨﻲ ﺯﻳﻦ ﺛﺮﻳﺎ ﻟﻮ ﺍﻋﺮﻑ ﺗﻈﻞ ﻃﻮﻝ ﻋﻤﺮﻫﻪ ﻛﺎﻋﺪﻩ ﻣﺎﺍﻓﻜﺮ ﺍﺯﻭﺟﻬﻪ ﻟﻮﺍﺣﺪ ﻣﻦ ﻋﺪﻛﻢ ...
ﻭﺍﺧﻮﺗﻲ ﻟﻮ ﺍﻋﺮﻑ ﻳﺘﻜﺴﺮ ﺍﻟﺸﻴﺐ ﺑﺼﺪﺭﻫﻢ ﻣﺎ ﺍﺗﺸﺮﻑ ﻭﺍﺧﺬ ﻣﻨﻜﻢ ﺗﺪﺭﻳﻦ ﻟﻴﺶ؟؟
ﻻﻥ ﻛﻠﻜﻢ ﻭﻛﻔﺘﻮﺍ ﻭﻳﺎﻫﻢ ﻭﻃﻠﻌﺘﻮﻧﻪ ﺑﺎﻟﺸﺎﺭﻉ ﻭﺍﺣﻨﻪ ﻧﺤﻤﻲ ﺑﺎﺧﺘﻨﻪ ﻣﻦ ﻋﻴﻮﻥ ﺍﻟﻨﺎﺱ ...
ﺍﻧﺘﻲ ﺍﻟﻤﺤﺮﺿﻪ ﺍﻻﺳﺎﺱ ﺑﻘﻀﻴﻪ ﺍﻟﻮﺭﺙ ﻭﺭﺣﺘﻲ ﺷﻬﺪﺗﻲ ﻛﺪﺍﻡ ﺍﻟﻘﺎﺿﻲ

ﺑﺎﻥ ﺍﺣﻨﻪ ﻋﺎﻳﺸﻴﻦ ﻭﻳﻪ ﺍﺑﻮﻧﻪ ...
ﻭﻓﻮﻙ ﻛﻞ ﻫﺬﺍ ﺣﻠﻔﺘﻲ ﺟﺬﺏ ﺑﺎﻥ ﺟﺪﺗﻲ ﻣﺎﻭﺻﺖ ﺑﺎﻱ ﺷﻲ ﻭﻫﺴﻪ ﺟﺎﻳﻪ ﺍﻃﻠﺒﻴﻦ ﻗﺮﺏ ﻻﺑﺎﺭﻙ ﺍﻟﻠﻪ ﺑﮕﺮﺑﺞ ﻭﺧﻴﺮﺝ ...
ﺍﻻﻣﻼﻙ ﻭﺍﻟﻤﺤﻼﺕ ﺍﻟﻲ ﺗﺤﺠﻴﻦ ﻋﻠﻴﻬﻪ ﻣﺮﺟﻌﻬﻪ ﺍﻟﻨﻪ ﻻﺑﺪ ﻣﺎﻳﺠﻲ ﻳﻮﻡ ﻭﻳﻤﻮﺕ ﻋﻤﺎﺩ ﻭﻫﺬﻳﺞ ﺍﻟﺴﺎﻋﻪ ﻳﺼﻴﺮ ﺧﻴﺮ ...
ﺍﻡ ﺳﺎﻟﻢ .. ﺻﺪﻙ ﻣﺎﺗﺤﺸﻤﻮﻥ ﻭﻣﺎﺗﻌﺮﻓﻮﻥ ﺍﻟﻌﻴﺒﻪ ﻳﻮﻝ ﺍﻧﻲ ﻋﻤﺘﻚ ﺍﺧﺖ ﺍﺑﻮﻙ ﺗﺤﺎﺟﻴﻨﻲ ﻫﻴﺞ ...
ﺑﺲ ﻻﻋﺘﺐ ﻋﻠﻴﻜﻢ ﻣﻨﻮ ﺍﻟﻲ ﺭﺑﺎﻛﻢ ﺍﺷﻮ ﺍﻻﻡ ﺩﺍﺣﺖ ﻭﻳﻪ ﺍﻟﺮﺟﻞ ﻭﺍﻻﺑﻮ ﻭﻳﻪ ﺍﻟﻨﺴﻮﺍﻥ ...
ﻓﺎﺭﻭﻕ ... ﺍﻟﺤﻤﺪﻟﻠﻪ ﻣﻦ ﺗﻌﺮﻓﻴﻦ ﺍﺧﻮﺝ ﻋﺎﺭ ﻭﺷﻨﻮ ﻃﻴﻨﺘﻪ ﻭﻣﻨﻮ ﻛﺎﻟﺞ ﻋﺪﻧﻪ ﺍﻡ ﻻﺗﻨﺴﻴﻦ ﺍﻟﻲ ﺭﺑﺘﻨﻪ ﺣﺠﻴﻪ ﺣﻠﻴﻤﻪ ..
ﻭﻫﺴﻪ ﺧﻠﺼﺖ ﻣﺤﺎﻇﺮﺗﺞ ﻭﺑﺎﺭﻙ ﺍﻟﻠﻪ ﺑﺠﻬﻮﺩﺝ ﻭﺗﻔﻜﻴﺮﺝ ...
ﺛﺮﻳﺎ ... ﻣﺎﺍﻧﻄﺎﻫﻪ ﻣﺠﺎﻝ ﺣﺘﻪ ﺗﺤﺠﻲ ﻭﻃﻠﻌﺖ ﺯﻋﻼﻧﻪ ﻣﺜﻞ ﺍﻡ ﺟﺎﺳﻢ ﻫﻮ ﻫﺬﺍ ﻓﺎﺭﻭﻕ ﻛﻞ ﻭﺍﺣﺪ ﻳﻨﻄﻲ ﻃﻴﻨﺘﻮ ﺑﻜﺼﺘﻮ ..
ﻣﻦ ﻃﻠﻌﺖ ﮔﺒﺖ ﺍﻟﻤﻜﺎﻭﻧﻪ ﺑﻴﻦ ﻓﺎﺭﻭﻕ ﻭﻗﻴﺲ ﻭﻫﺬﺍ ﻳﻜﻮﻟﻮ ﺷﺒﻴﻚ ﻣﺎﻋﻨﺪﻙ ﺍﺳﻠﻮﺏ ﻭﺑﺲ ﺗﺘﻬﺠﻢ ﻣﺎﺗﺴﺘﺤﻲ ﻛﻞ ﺍﻟﻲ ﺗﺠﻲ ﻣﻦ ﻋﻤﺎﺗﻲ ﺗﻄﺮﺩﻫﻪ ...
ﻓﺎﺭﻭﻕ .. ﻳﻮﻝ ﺩﺧﻴﻞ ﺭﺑﻚ ﺗﻈﻞ ﺍﺛﻮﻝ ﻭﻛﺎﺗﻠﺘﻚ ﻃﻴﺒﺘﻚ ﺍﺫﻛﺮﻙ ﻟﻮﻧﺴﻴﺖ ﺑﺤﺎﻟﺘﻨﻪ ﻭﻣﻨﻮ ﺍﻟﻲ ﻭﺻﻠﻨﻪ ﻫﻴﺞ ..
ﺗﺬﻛﺮ ﺍﻧﺖ ﻭﺍﻛﻒ ﻉ ﺍﻟﺴﻜﻠﻪ ﺍﺩﻙ ﻃﺎﺑﻮﻙ ﻭﺍﺑﻮﻙ ﻓﺎﺕ ﻣﻦ ﻳﻤﻚ ﺑﺎﺣﺴﻦ ﺳﻴﺎﺭﻩ ﻭﺩﺍﺭ ﻭﺟﻬﻪ ﻋﻨﻚ ﻭﻛﺎﻧﻮ ﻣﺎﻳﻌﺮﻓﻚ ...
ﺍﺫﻛﺮﻙ ﻣﻦ ﺭﺣﻨﻪ ﺍﻧﻲ ﻭﻳﺎﻙ ﻳﺴﺎﻋﺪﻧﻪ ﻭﻳﺪﻓﻊ ﺍﺟﺎﺭ ﻟﻮ ﻳﺸﻮﻓﻠﻨﻪ ﺑﻴﺖ ﺍﺣﺴﻦ ﻣﻦ ﻫﺬﺍ ﻭﺷﻨﻮ ﺟﺎﻥ ﺟﻮﺍﺑﻪ ...
ﻛﺎﻟﻚ ﺭﻭﺡ ﺟﻴﺐ ﺍﺧﺘﻚ ﺍﺯﻭﺟﻬﻪ ﻭﺍﻧﺘﻮ ﺍﺷﺘﻐﻠﻮﺍ ﺑﺎﻟﺴﻮﻙ ﺍﺩﻓﻌﻮﺍ ﻋﺮﺑﺎﻧﻪ ﺑﻴﻌﻮﺍ ﻋﻼﻟﻴﻚ ﻣﺎ ﺍﻛﻌﺪ ﺍﺣﻂ ﺑﺤﻠﻮﻛﻢ ...
ﻫﺬﺍ ﻛﻞ ﻧﺴﻴﺘﻮ ﻣﻦ ﻃﺮﺩﻧﻪ ﻛﺪﺍﻡ ﺣﺮﻣﺘﻮ ﻭﺟﻬﺎﻟﻮ ﻭﺟﺎﻱ ﺍﺩﺍﻓﻊ ﻋﻦ ﻫﺎﻱ ﺍﻟﻌﺎﺋﻠﻪ ﻭﺣﻖ ﺍﻟﻠﻪ ﺍﻟﻲ ﻳﺠﻴﺐ ﻃﺎﺭﻳﻬﻢ ﻛﺪﺍﻣﻲ ﻭﻳﻮﻛﻒ ﺑﻮﺟﻬﻲ ﻭﻳﺤﺠﻲ ﻻ ﻳﻜﻮﻝ ﻋﻨﺪﻱ ﺍﺥ ﺍﺳﻤﻪ ﻓﺎﺭﻭﻕ ...
ﻣﺴﺘﻌﺪ ﺍﺧﻠﺺ ﻋﻤﺮﻱ ﻭﺍﻧﻲ ﺍﺷﺘﻐﻞ ﻋﻤﺎﻟﻪ ﻭﻣﺎ ﺍﺧﻠﻲ ﻫﻴﺞ ﺣﺜﺎﻟﻪ ﺗﺬﻟﻜﻢ ﻗﺴﻲ ﻛﻠﺒﻚ ﻳﻮﻝ ﻭﺑﻄﻞ ﻫﺎﻱ ﺍﻟﻄﻴﺒﻪ ...
ﻗﻴﺲ .. ﻛﻠﺒﻚ ﺣﺠﺮ ﺑﺲ ﻣﻮ ﻣﺜﻠﻚ ﺍﻧﻲ ﻋﻨﺪﻙ ﻗﺎﺑﻠﻴﻪ ﺗﻜﺮﻩ ﺍﻧﻲ ﻣﺎ ﺍﻛﺪﺭ ﻓﺎﺭﻭﻕ ﺍﺧﻮﺗﻚ ﻳﺘﻌﻠﻤﻮﻥ ﻣﻨﻚ ﺍﻧﺖ ﺍﻟﺠﺒﻴﺮ ﻣﻮ ﺗﺰﺭﻉ ﺑﺪﺍﺧﻠﻬﻢ ﺍﻟﺤﻘﺪ ...
ﺍﺩﻫﻢ ... ﻗﻴﺲ ﻻﺗﻠﻮﻡ ﻓﺎﺭﻭﻕ ﺍﻧﻲ ﻫﻢ ﺍﻛﺮﻫﻢ ﻭﺍﺗﻤﻨﻰ ﺍﻧﺘﻘﻢ ﻣﻦ ﺍﺑﻮﻱ ..
ﺍﻳﻮﺏ .. ﻭﺍﻟﻠﻪ ﺍﺫﺍ ﺍﻟﻠﻪ ﻭﻓﻘﻨﻲ ﺍﻻ ﻛﻠﻬﻢ ﺍﺧﻴﺴﻬﻢ ﺑﺎﻟﺴﺠﻮﻥ ..
ﺍﻭﺱ .. ﻣﺪﻛﻠﻮﻟﻲ ﺷﺒﻴﻜﻢ ﻋﺪﻭﺍﻧﻴﻦ ﺻﺢ ﺍﺫﻭﻧﻪ ﺑﺲ ﻣﻮ ﻣﻌﻨﺎﺗﻬﻪ ﻧﺴﻮﻱ ﻣﺜﻠﻬﻢ ...
ﻗﻴﺲ ... ﺷﻮﻑ ﺍﺧﻮﺗﻚ ﻣﺸﻮﺍ ﻋﻠﻰ ﺧﻄﺎﻙ ﻭﻣﻦ ﻫﺴﻪ ﺍﻧﺰﺭﻉ ﺍﻟﺤﻘﺪ ﺑﻜﻠﻮﺑﻬﻢ ...
ﻓﺎﺭﻭﻕ .. ﻣﻮ ﺻﻐﺎﺭ ﺍﺧﻮﺗﻲ ﻋﺎﺷﻮﺍ ﻭﺷﺎﻓﻮﺍ ﺑﻌﻴﻨﻬﻢ ﻛﻤﻴﻪ ﺍﻟﻨﺬﺍﻟﻪ ﺍﻟﻲ ﻋﺪ ﻋﻤﻲ ﻭﺍﺑﻮﻱ ... ﺫ
ﻗﻴﺲ .. ﺩﺭﻭﺡ ﻇﻞ ﺑﻬﺬﺍ ﺣﻘﺪﻙ ﻭﺧﻠﻲ ﺍﺷﻮﻑ ﻭﻳﻦ ﺗﻮﺻﻞ ...
ﺛﺮﻳﺎ ... ﻣﻘﻬﻮﺭﻩ ﻋﻠﻰ ﺣﺎﻟﻨﻪ ﻣﻦ ﻳﺤﺠﻮﻥ ﺍﺧﻮﺗﻲ ﻭﻋﺒﺎﻟﻚ ﻳﺤﺠﻮﻥ ﻉ ﻭﺍﺣﺪ ﻏﺮﻳﺐ ﻣﻮ ﺍﺑﻮﻱ ...
ﻣﻦ ﻫﺬﺍ ﺍﻟﻤﻮﻗﻒ ﻣﺤﺪ ﺩﻙ ﺑﺎﺏ ﻋﻠﻴﻨﻪ ﺣﺘﻪ ﻋﻤﺎﺗﻲ ﺍﻟﻲ ﺟﺎﻧﻦ ﻳﺠﻦ ﺑﻴﻦ ﻛﻞ ﻣﺪﻩ ﺑﻄﻠﻦ ﺟﻴﻪ ...
ﺍﻟﺤﺎﻝ ﻣﺜﻞ ﻣﺎﻫﻮ ﻣﺴﺘﻮﺭﻳﻦ ﺍﻟﺤﻤﺪﻟﻠﻪ ﻭﻛﻞ ﺳﻨﻪ ﻧﻨﺠﺢ ﻟﺤﺪﻣﺎ ﻭﺻﻠﺖ ﻟﺴﺎﺩﺱ ﻭﻣﺎﻛﻮ ﻛﻞ ﺟﺪﻳﺪ ...
ﻫﻨﺎ ﺍﺗﻌﺲ ﻣﺮﺣﻠﻪ ﻭﺍﺟﻬﺘﻬﻪ ﻫﻲ ﻫﺎﻱ ﻛﻞ ﺍﺧﻮﺗﻲ ﺍﻟﺨﻤﺴﻪ ﺑﻄﻠﻮﺍ ﻳﺸﺘﻐﻠﻮﻥ ﻟﻴﻞ ﻧﻬﺎﺭ ﺑﺴﺒﻴﻞ ﻳﺨﻠﻮﻟﻲ ﺧﺼﻮﺻﻲ ...
ﻛﻠﻬﻢ ﺷﺒﺎﺏ ﺍﻋﻤﺎﺭﻫﻢ ﺑﺎﻟﻌﺸﺮﻳﻦ ﺍﺻﻐﺮ ﻭﺍﺣﺪ ﺍﺩﻫﻢ ﻋﻤﺮﻩ 19 ﺳﻨﻪ ﻭﺑﺎﻟﺴﺎﺩﺱ ﻭﺑﻄﻞ ...
ﺍﻭﺱ ﻳﺸﺘﻐﻞ ﺑﺘﻜﺴﻲ ﺟﻴﺮﺍﻧﻪ ﻭﺍﻟﺒﻘﻴﻪ ﻛﻠﻬﻢ ﻋﻤﺎﻟﻪ ﺑﻨﻴﻪ ﺟﺴﻤﻬﻢ ﻭﻟﻮﻥ ﺑﺸﺮﺗﻬﻢ ﻛﻠﻬﻪ ﺗﻐﻴﺮﺕ ﻭﻛﻞ ﻳﻮﻡ ﻳﻜﺒﺮﻭﻥ ﺳﻨﻪ ...
ﺑﺲ ﻣﻜﺎﺑﺮﻳﻦ ﻉ ﺍﻟﻘﻬﺮ ﻭﻳﺤﺎﻭﻟﻮﻥ ﻳﻌﻴﺸﻮﻥ ﺣﻴﺎﻩ ﻛﺮﻳﻤﻪ ﺑﺲ ﻳﻨﻘﻬﺮﻭﻥ ﻣﻦ ﻳﺴﻤﻌﻮﻥ ﺑﻮﺍﺣﺪ ﻧﺎﺟﺢ ﻭﺭﺍﺡ ﻛﻠﻴﻪ ...
ﺑﻴﻮﻡ ﻣﻨﻬﻦ ﻛﺎﻋﺪﻳﻦ ﺩﻧﻴﺎ ﺍﻟﻤﻐﺮﺏ ﻭﺍﻧﺪﻙ ﺍﻟﺒﺎﺏ ﺣﻴﻞ ﺟﻨﺖ ﺍﺳﻮﻱ ﻋﺸﺎ ﺭﺍﺡ ﺍﻳﻮﺏ ﻳﻔﺘﺢ ﺍﻟﺒﺎﺏ ...
ﺳﻤﻌﺖ ﺻﻮﺕ ﺍﺯﻻﻡ ﺧﺸﻨﻪ ﺭﻛﻀﺖ ﻉ ﺍﻟﻮﻟﺪ ﻛﺘﻠﻬﻢ ﻣﺪﺭﻱ ﻣﻨﻮ ﺟﺎﻧﻪ؟؟ ﻃﻠﻌﻮﺍ ﺑﺮﺍ ﻭﺑﻌﺪﻳﻦ ﺻﺎﺣﻮﺍ ﺳﻮﻭ ﻣﺠﺎﻝ ...
ﺭﻛﻀﺖ ﻟﻴﺠﻮﻩ ﻭﻫﻢ ﻓﺎﺗﻮﺍ ﻣﺎﻋﺮﻑ ﻣﻨﻮ ﺍﻟﻲ ﻭﻳﺎﻫﻢ ﺑﺲ ﺷﻮﻳﻪ ﻭﺑﺪﻩ ﺍﻟﺼﻮﺕ ﻳﻌﻠﻰ ...
ﺍﺧﺘﺮﻗﺖ ﻣﺴﺎﻣﻌﻲ ﻛﻠﻤﺔ ﺍﻟﺰﻟﻤﻪ ﻭﻫﻮ ﻳﻜﻮﻝ ...
ﻓﺎﺭﻭﻕ ﺍﺑﻨﻲ ﻛﻞ ﺍﻟﻲ ﺍﻧﺮﻳﺪﻩ ﻣﻨﻚ ﺑﺲ ﺗﺤﻈﺮ ﺍﻟﻤﺸﻴﻪ ﺍﻧﺖ ﻭﺍﺧﻮﺗﻚ ﺟﻴﺘﻜﻢ ﺿﺮﻭﺭﻳﻪ ﺑﺎﺟﺮ ...
ﻭﺍﻛﻔﻪ ﻭﺭﺍ ﺍﻟﺒﺎﺏ ﺍﺳﺘﻤﻊ ﻟﺤﺠﻴﻬﻢ .. ﺧﻠﻴﺖ ﺍﻳﺪﻱ ﻉ ﻛﻠﺒﻲ ﻳﺎﻣﺸﻴﻪ ﻫﺎﻱ؟؟
يتبع

ﺍﺯﻣﺔ ﺿﻤﻴﺮ ... ﺍﻟﺒﺎﺭﺕ ﺍﻟﺮﺍﺑﻊ ..

ﺃﻓﺮﺯﻧﻬﻦ ﻋﺪﻝ .. ﻭﺃﻋﺰﻟﻬﻦ ﺍﻟﺨﺸﻨﺎﺕ

ﻭﺍﺧﺬ ﻛﻞ ﺛﮕﻴﻠﻪ .. ﻭﺭﺍﻛﺰﻩ .. ﻭﺗﺎﺯﻩ

ﺃﻋﺮﻓﻬﻦ ﻭﺃﺟﻴﻬﻦ

ﺟﻴﻪ ﻣﺴﺘﻨﮕﺎﻩ

ﻣﺎ ﺃﺣﺐ ﺍﻟﻮﺟﻮﻩ ﺃﻟـ ﻣﺎﻟﻬﻦ ﻋﺎﺯﻩ ...

...

ﻣﺨﻠﻴﻪ ﺍﺫﻧﻲ ﺑﺎﻟﺒﺎﺏ ﻭﺍﺗﺴﻤﻊ ﺍﻟﻬﻢ ﻫﺎﻱ ﻳﺎﻣﺸﻴﻪ؟؟ ﺍﺟﻪ ﺍﻭﺱ ﺍﺧﺬ ﺍﻟﺠﺎﻱ ﻭﺍﻧﻲ ﺑﺲ ﺍﺭﻳﺪ ﺍﻋﺮﻑ ﺷﻜﻮ؟؟

ﻓﺎﺭﻭﻕ ... ﺣﺠﻲ ﺍﺑﻮ ﺭﺍﺿﻲ ﺍﻧﺖ ﺗﺪﺭﻱ ﺍﺣﻨﻪ ﻣﺎﻃﻠﻌﻨﻪ ﻣﻦ ﺍﻟﺒﻴﺖ ﺑﺎﺭﺍﺩﺗﻨﻪ ﺍﺑﻮﻧﻪ ﻃﺮﺩﻧﻪ ﻭﺑﻌﺪ ﻛﻞ ﻫﺎﻱ ﺍﻟﺴﻨﻴﻦ ﺩﺍﺯ ﻋﻠﻴﻨﻪ ﻭﺣﺘﻪ ﻣﺎ ﻛﻠﻒ ﻧﻔﺴﻮ ﻫﻮ ﻳﺠﻲ ..

ﻭﻫﺎﻱ ﻛﺪﺍﻡ ﺍﻟﺠﻤﻴﻊ ﺍﻛﻮﻝ ﺍﺑﻮﻱ ﻃﺮﺩ 5 ﻭﻟﺪ ﻭﺑﻨﻴﻪ ﻭﺍﻧﻲ ﻛﺘﻠﻮ ﻣﺎﻋﻨﺪﻭ ﻭﻟﺪ ﻋﺠﻞ ﻫﺴﻪ ﻣﻦ ﺗﺬﻛﺮﻧﻪ ﺩﺯﻛﻢ ﻋﻠﻴﻨﻪ ..

ﺻﺎﺭﻟﻮ ﻳﻮﻣﻴﻦ ﻳﻮﻣﻴﻪ ﻳﺪﺯ ﻋﻤﻮﻣﺘﻪ ﻭﻳﻦ ﺟﺎﻥ ﻋﻨﻪ ﻣﺎﺳﺄﻝ ﺻﺎﺭ ﺳﻨﻴﻦ ﻭﺣﺘﻪ ﻣﻦ ﺭﺩﻧﻪ ﻧﻜﺴﺮ ﺍﻟﺸﺮ ﺑﻴﻨﺎﺗﻨﻪ ﻭﺭﺣﻨﺎﻟﻮ ﻃﺮﺩﻧﻪ ﻟﻠﻤﺮﻩ ﺍﻟﺜﺎﻧﻴﻪ ...

ﺣﺠﻲ ﺭﺍﺿﻲ .. ﻳﺎ ﺍﺑﻨﻲ ﻧﺒﻴﻨﺎ ﻣﺤﻤﺪ ﻭﺻﺎﻧﻪ ﻣﺎ ﺍﻧﺮﺟﻊ ﺍﻻﺳﺎﺀﻩ ﺍﻧﺖ ﺍﺑﻦ ﻭﻫﻮ ﺍﺏ ﻫﺎﻟﺤﺰﻩ ﻫﻮ ﺑﺤﺎﺟﺘﻜﻢ ﻭﺩﺯ ﻋﻠﻴﻜﻢ ...

ﻫﺎﻟﺤﺰﻩ ﻋﺮﻑ ﻋﻨﺪﻭ ﺍﺯﻻﻡ ﻭﻳﺮﻳﺪ ﺗﻮﻛﻔﻮﻟﻮ ﺑﻤﺤﻨﺘﻮ ﺧﻠﻲ ﺗﻔﺾ ﺳﺎﻟﻔﺘﻮﺍ ﻭﻧﻜﻌﺪ ﺍﻧﺤﺎﺳﺒﻮ ﻋﻠﻴﻬﻦ ﻭﺣﺪﻩ ﻭﺣﺪﻩ ...

ﻓﺎﺭﻭﻕ .. ﺍﺣﻨﻪ ﻫﻢ ﺍﺣﺘﺎﺟﻴﻨﺎ ﺟﺜﻴﺮ ﻭﻣﺎ ﺩﺣﻜﻨﻪ ﺷﻲ ﻣﻨﻮ ﻭﻃﻠﻌﻨﻪ ﻣﻦ ﺑﻴﺘﻮﺍ ﺑﻌﺰ ﺍﻟﺤﺮ ﻧﻔﺘﺮ ﻉ ﺩﺍﺭ ﺗﻠﻔﻨﻪ ‏( ﺗﺠﻤﻌﻨﻪ ‏) .. ﻣﻮﻫﺴﻪ ﻭﻛﺖ ﺍﺣﺴﺎﺑﻮ ﺑﻌﺪﻩ ﻣﺎﺣﺎﻥ

ﻗﻴﺲ .. ﺣﺠﻲ ﺭﺍﺿﻲ ﺍﺣﻨﻪ ﻣﺎ ﺍﻧﺮﻳﺪ ﻧﻨﺘﻘﻢ ﻣﻨﻮ ﻭﻻ ﺍﻧﺮﻳﺪ ﻧﻘﻠﻞ ﻣﻦ ﺷﺎﻧﻮ ﮔﺪﺍﻡ ﺍﻟﻨﺎﺱ ﺑﺲ ﺻﺪﻙ ﺍﻟﻲ ﺳﻮﺍ ﻣﺎﻳﻨﻐﻔﺮ ﻭﻟﻴﻮﻣﻨﻪ ﻫﺬﺍ ﺍﺣﻨﻪ ﻧﻌﺎﻧﻲ ﺑﺴﺒﺒﻮ ...

ﺣﺠﻲ ﺭﺍﺿﻲ ... ﺍﻋﺮﻑ ﻳﺎﺑﻮﻳﻪ ﺍﻧﺘﻢ ﺻﺎﺩﻛﻴﻦ ﺑﻜﻞ ﺣﺠﺎﻳﻪ ﺩﻛﻮﻟﻮﻫﻪ ﺑﺲ ﺍﺩﺭﻱ ﺑﻴﻜﻢ ﺻﺎﺣﺒﻴﻦ ﻧﺨﻮﻩ ﻉ ﺍﻟﻐﺮﻳﺐ ﺷﺤﺎﻝ ﺍﺑﻮﻛﻢ ﻭﻋﻤﻜﻢ ﻣﺎ ﺍﺩﻳﺮﻭﻥ ﻇﻬﺮﻛﻢ ﺍﻟﻮ ...

ﺍﻭﺱ .. ﺍﺑﻮﻱ ﻭﺻﻠﻨﻪ ﺣﺠﻲ ﻣﻦ ﻋﻨﺪﻭ ﺑﻴﺪ ﻭﻟﺪ ﻋﻤﻮﻣﺘﻪ ﻛﺎﻝ ﺍﻧﻲ ﻣﺎ ﺍﺗﺸﺮﻑ ﺑﻴﻬﻢ ﻭﺣﺘﻪ ﻣﺎ ﻳﺮﺿﻰ ﻧﺴﻠﻢ ﻋﻠﻲ ﻛﺪﺍﻡ ﺍﻟﻨﺎﺱ ﻻﻥ ﻣﻮ ﻣﻦ ﺍﻟﻤﺴﺘﻮﻯ ﺍﻟﻌﺎﻳﺶ ﺑﻲ ...

ﺍﻛﺜﺮ ﻣﻦ ﻣﺮﻩ ﺍﺗﻠﮕﺎ ﻭﺟﻪ ﺑﻮﺟﻪ ﻭﺍﺳﻠﻢ ﻋﻠﻲ ﻭﻳﺮﺩ ﺍﻟﺴﻼﻡ ﻛﺄﻧﻮ ﻏﺮﻳﺐ ﻭﻣﺎﻃﺎﻟﻊ ﻣﻦ ﻇﻬﺮﻭﺍ ﻫﻮ ﻫﺬﺍ ﻳﺘﺴﻤﻰ ﺍﺏ ؟؟

ﺭﺑﻴﻨﻪ ﻧﻔﺴﻨﻪ ﻭﺣﺪﻧﻪ ﻻ ﺑﻴﻜﻢ ﭼﺒﻴﺮ ﻭﻻﺻﻐﻴﺮ ﻃﻮﻝ ﻫﺎﻱ ﺍﻟﺴﻨﻴﻦ ﻣﺮ ﻋﻠﻴﻨﻪ ﻭﻛﺎﻝ ﺍﺩﺣﻜﻬﻢ ﺷﻠﻮﻥ ﻋﺎﻳﺸﻴﻦ ...

ﺣﺠﻲ ﺭﺍﺿﻲ .. ﻳﺎﺍﺑﻨﻲ ﻗﺴﻤﺎ ﺑﺎﻟﻠﻪ ﻣﻦ ﺍﺟﻴﻨﻪ ﻫﺎﻻﺳﺒﻮﻉ ﻫﻴﻦ ﺳﻤﻌﻨﻪ ﺑﺴﺎﻟﻔﺘﻜﻢ ...

ﻛﻠﻤﺎ ﻧﺴﺄﻟﻮ ﺑﻜﻮﻝ ﺯﻳﻨﻴﻦ ﻣﺎﻧﻌﺮﻑ ﻣﻄﺮﺩﻛﻢ ﻣﻦ ﺑﻴﺘﻮ ﺍﻟﻔﺎﻳﻨﻪ ﺍﻟﻲ ﺳﻮﺍﻫﻪ ﻭﺍﻟﻠﻪ ﻣﻮﻣﺎﻝ ﺍﺯﻻﻡ ... ﺫ

ﻓﺎﺭﻭﻕ ... ﺳﻤﻌﺖ ﻳﺎﺣﺠﻲ ﺭﺍﺿﻲ ﺍﻧﻲ ﻣﺎﻟﻲ ﺣﻜﻢ ﻉ ﺍﺧﻮﺗﻲ ﻛﻠﻬﻢ ﻛﺒﺎﺭ ﻭﺯﻟﻢ ﻭﺍﻟﻲ ﻳﺸﻮﻓﻮ ﺍﻧﻲ ﺍﻧﻔﺬﻭ ...

ﺣﺠﻲ ﺭﺍﺿﻲ .. ﺍﻧﻲ ﺍﻟﻴﻮﻡ ﺟﺎﻱ ﻟﺪﺍﺭﻛﻢ ﻭﺍﺩﺭﻱ ﻛﻠﺶ ﺯﻳﻦ ﻭﻟﺪ ﺍﻟﺤﺠﻴﻪ ﺣﻠﻴﻤﻪ ﻣﺎﻳﺮﺟﻌﻮﻥ ﺿﻴﻔﻬﻢ ﻓﺸﻼﻥ ...

ﻳﺎ ﺑﻮﻳﻪ ﻭﺟﻮﺩﻛﻢ ﺑﺎﻟﻤﺸﻴﻪ ﻳﺤﻞ ﺍﻣﻮﺭ ﺟﺜﻴﺮﻩ ﻋﻤﻜﻢ ﻭﺍﺑﻮﻛﻢ ﺑﻮﺭﻃﻪ ﻭﺗﻌﺮﻓﻮﻥ ﻋﺸﺎﻳﺮﻧﻪ ﻣﺎﺗﺴﻜﺖ ﻭﺗﺼﻴﺮ ﻣﺬﺍﺑﺢ ﺍﺣﻨﻪ ﻣﺎ ﺍﻧﺮﻳﺪ ﺍﻟﻮﺍﺩﻡ ﺗﺤﺠﻲ ﺑﻄﺎﺭﻱ ﺍﻟﺤﺠﻲ ﺟﺪﻛﻢ ﺑﺎﻟﺸﻴﻦ ...

ﺍﻟﻠﻪ ﻳﺮﺣﻤﻬﻢ ﺟﺎﻧﻮﺍ ﻛﺎﻓﻴﻦ ﺷﺮﻫﻢ ﻭﺍﻳﺪﻫﻢ ﺩﻭﻡ ﺗﻤﺪ ﺍﻟﻤﺴﺎﻋﺪﻩ ﺑﺲ ﻣﻦ ﺭﺍﺣﻮﺍ ﻟﺮﺣﻤﻪ ﺭﺑﻬﻢ ﻋﻤﺎﺩ ﻭﻓﻼﺡ ﻛﻞ ﻭﺍﺣﺪ ﻳﻐﺮﺱ ﺍﻧﻴﺒﺎﺑﻪ ﺑﻈﻬﺮ ﺍﻟﺜﺎﻧﻲ ..بيج قصص عراقيه حقيقيه من واقعنا.روعه الطائي

ﺍﻧﻲ ﻣﺎﻋﺎﻳﺶ ﺑﺪﻳﺮﺗﻜﻢ ﺟﻨﺖ ﺍﺳﻤﻊ ﻋﻦ ﺟﺪﻙ ﻭﻛﺮﻣﻮ ﻭﺍﺧﻼﻗﻮ ﻣﻦ ﺍﺟﻴﺖ ﻭﺷﻔﺖ ﺍﺑﻮﻛﻢ ﻭﻋﻤﻜﻢ ﻣﺎﻛﺎﻟﺖ ﻏﻴﺮ ﺑﺲ ﻣﻊ ﺍﻻﺳﻒ ...

ﺻﺪﻙ ﻟﻮﻛﺎﻟﻮ ﺍﻫﻠﻨﻪ ﺍﻟﻨﺎﺭ ﺗﺨﻠﻒ ﺭﻣﺎﺩ ﺟﺪﺗﻜﻢ ﺟﺎﻥ ﻳﻨﺤﻠﻒ ﺑﺤﻜﻤﺘﻬﻪ ﻭﻳﺎﻣﺎ ﺳﺎﻋﺪﺕ ﻭﺍﺩﻡ ﺗﺎﻟﻲ ﻫﻴﺞ ﻳﺠﺎﺯﻭﻧﻬﻪ ﻭﻟﺪﻫﻪ ...

ﻫﺴﻪ ﺍﺣﻨﻪ ﻣﺎﻧﺮﻳﺪ ﺍﻧﺼﻴﺮ ﻣﺜﻞ ﺍﺧﻼﻕ ﺍﺑﻮﻙ ﻭﻋﻤﻚ ﺍﻧﺮﻳﺪ ﻭﻛﻔﺘﻜﻢ ﻭﻳﺎﻧﻪ ﻭﻛﻔﺔ ﺯﻟﻢ ﺍﺗﺮﺟﺎﻛﻢ ﻳﺎﺑﻮﻳﻪ ﻻﺗﻔﺸﻠﻮﻧﻲ ...

ﺻﺎﺭ ﻳﻮﻣﻴﻦ ﻳﺠﻮﻥ ﻋﻠﻴﻪ ﻭﺍﻛﻠﻬﻢ ﻣﺎ ﺍﺩﺧﻞ ﻭﺧﺎﺻﻪ ﻣﻦ ﻛﺎﻟﻮ ﺩﺍﺯﻳﻦ ﻧﺎﺱ ﻋﻠﻴﻜﻢ ﻭﻣﺎﻗﺎﺑﻠﻴﻦ ﺑﺲ ﻫﺴﻪ ﻛﻠﻔﻨﻲ ﺍﻟﺸﻴﺦ ﻭﺍﺟﻴﺘﻜﻢ ...

ﺍﻳﻮﺏ ... ﻳﺎﺷﻴﺦ ﻫﺴﻪ ﻋﺮﻓﻨﻪ ﺷﻴﺦ ﻧﺎﺻﺮ ﻣﻮ ﺍﺧﻮ ﺟﺪﺗﻲ ﺣﻠﻴﻤﻪ ﻭﺭﺍ ﻓﺎﺗﺤﺘﻬﻪ ﺷﻮ ﻣﺎﺩﺣﻚ ﺑﻮﺟﻬﻨﻪ ﻭﻛﺎﻝ ﺷﻤﺤﺘﺎﺟﻴﻦ؟؟

ﺣﺠﻲ ﺭﺍﺿﻲ .. ﺣﺪﺭﻭ ﻫﻴﻦ ﻭﺧﻠﻲ ﻧﺤﺠﻲ ﺍﻟﺤﺎﻝ ﺍﻧﺘﻮ ﻭﻟﺪ ﻋﻤﺎﺩ ﻭﻛﺎﻋﺪﻳﻦ ﺍﺑﻴﺖ ﺟﺪﺗﻜﻢ ﻣﻦ ﻗﺴﻤﻮﺍ ﺍﻟﻮﺭﺙ ﻣﭽﺎﻧﻜﻢ ﻋﻨﺪ ﺍﺑﻮﻛﻢ ﻭﻃﻠﻊ ﺍﺑﻮﻛﻢ ﺧﺴﻴﺲ ...

ﺍﺣﻨﻪ ﻧﺎﺱ ﺳﺎﻛﻨﻴﻦ ﺑﺎﻟﻔﻠﻮﺟﻪ ﻭﻧﺴﻤﻊ ﺍﺧﺒﺎﺭ ﺍﻫﻠﻨﻪ ﻣﻦ ﺍﻧﺪﺯ ﻃﺎﺭﺵ ﻭﻛﻞ ﻣﺎﻳﺠﻴﻨﻪ ﺍﻟﻄﺎﺭﺵ ﻳﻜﻮﻝ ﺯﻳﻨﻴﻦ ...

ﻣﻦ ﺍﺟﻴﻨﻪ ﻫﻴﻦ ﻋﺮﻓﻨﻪ ﺍﻟﺴﺎﻟﻔﻪ ﻣﻦ ﻋﻤﺘﻜﻢ ﺍﻡ ﺳﻌﻴﺪ ﺍﻟﺼﻐﻴﺮﻩ ﻭﺍﺑﻮﻛﻢ ﻧﻜﺮ ﻛﻠﺸﻲ ﻭﻛﺎﻝ ﻫﻢ ﻃﻠﻌﻮﺍ ﻭﺣﺪﻫﻢ ...

ﻫﺴﻪ ﺍﻛﻮﻟﻜﻢ ﻭﺍﻟﻠﻪ ﺍﺯﻳﻦ ﺷﺎﺭﺑﻲ ﻫﺬﺍ ﺍﺫﺍ ﻣﺎ ﺍﺭﺟﻌﻠﻜﻢ ﺣﮕﻜﻢ ﻣﻦ ﺑﻴﻦ ﻋﻴﻮﻧﻮ ﻭﻫﺬﺍ ﻛﻼﻡ ﺍﻟﺸﻴﺦ ﻧﺎﺻﺮ ﻛﺎﻝ ﻭﺻﻠﻮﺍ ﻟﻔﺎﺭﻭﻕ ..

ﮔﻠﻮﺍ ﻫﻮ ﺯﻟﻤﻪ ﻭﺍﻟﻮﺭﺍ ﺍﺯﻻﻡ ﻳﻨﺸﺪ ﺑﻴﻬﻢ ﺍﻟﻈﻬﺮ ﺣﮕﻬﻢ ﻳﺠﻴﻬﻢ ﻟﺒﺎﺏ ﺑﻴﺘﻬﻢ ﻟﻬﺎﻱ ﺩﺯ ﻋﻠﻴﻜﻢ ﺍﻟﺸﻴﺦ ...

ﻓﺎﺭﻭﻕ ... ﺍﻟﻤﻄﻠﻮﺏ ﻣﻦ ﻋﺪﻧﻪ ﺷﻨﻮ؟ ﻭﺣﻀﻮﺭﻧﻪ ﺑﺸﻨﻮ ﻳﻔﻴﺪﻛﻢ؟؟

ﺣﺠﻲ ﺭﺍﺿﻲ ... ﺍﺳﻤﻌﻨﻲ ﻳﺎﺑﻮﻱ ﻳﺎﻓﺎﺭﻭﻕ ﺍﻧﺖ ﺍﻟﺠﺒﻴﺮ ﻭﺗﺮﺑﻴﺖ ﺑﺪﻳﻮﺍﻥ ﺟﺪﻙ ﻭﺗﻌﺮﻑ ﺍﻻﺻﻮﻝ ﻭﺍﻟﻮﺍﺟﺐ ...

ﻋﻤﻚ ﻓﻼﺡ ﺻﺎﺭ ﻣﺪﻩ ﻣﻦ ﺍﺟﻪ ﺳﻜﻦ ﺑﻼﻧﺒﺎﺭ ﻳﻜﻮﻝ ﻭﺿﻊ ﺑﻐﺪﺍﺩ ﻣﻮ ﺯﻳﻦ ﻭﺧﺎﻳﻒ ﻉ ﻋﺎﺋﻠﺘﻮﺍ ﻭﻫﺎﺝ ﻣﻦ ﺑﻴﺘﻮ ﻭﺭﺟﻊ ﻻﺻﻠﻮ ...

ﺍﺑﻮﻙ ﻣﺎﻣﺴﺘﻘﺒﻠﻮﺍ ﺑﺤﻜﻢ ﺍﻟﻌﺪﺍﻭﻩ ﺍﻟﻘﺪﻳﻤﻪ ﻭﻛﻤﻠﻮﻫﻪ ﺑﻤﻜﺎﻭﻧﻬﻢ ﻉ ﺍﻟﻮﺭﺙ ﻭﺻﺎﺭ ﻭﺍﺣﺪ ﻳﺘﻤﻨﻰ ﻳﺎﻛﻞ ﺍﺧﻴﻮ ...

ﻋﻤﻚ ﻋﻨﺪﻭ ﺣﺼﻪ ﻣﻦ ﺍﻟﺒﺴﺘﺎﻥ ﻭﺍﺑﻮﻙ ﺯﺍﺭﻋﻬﻪ ﻭﻳﺤﺼﻞ ﻣﻨﻬﻪ ﻭﻋﺎﻳﺶ ﺑﺨﻴﺮﻫﻪ ...

ﻓﻼﺡ ﻣﺎﻃﻠﺐ ﻏﻴﺮ ﺣﮕﻮﺍ ﺭﺍﺩ ﻳﻨﻄﻲ ﺍﻟﺤﺼﻪ ﺣﺘﻪ ﻳﺒﻨﻲ ﺑﻴﻬﻪ ﻭﻛﺎﻟﻮ ﺍﻧﻲ ﻣﺎﻛﺎﻋﺪ ﻫﻴﻨﻪ ﺑﺲ ﻳﻬﺪﺀ ﻭﺿﻊ ﺑﻐﺪﺍﺩ ﻳﺮﺟﻊ ...

ﺍﺑﻮﻙ ﺗﺬﺍﺑﺢ ﻭﻳﻪ ﻋﻤﻚ ﻭﻣﺎﻗﺒﻞ ﻳﻨﻄﻲ ﺷﺒﺮ ﻣﻦ ﺍﻟﺤﺎﻭﻱ ‏( ﺍﻟﺒﺴﺘﺎﻥ ‏) ﻭﻛﺎﻟﻮ ﻣﺎ ﻟﻚ ﺣﺼﻪ ﻳﻤﻲ ...

ﻓﻼﺡ ﻣﺜﻘﻒ ﻭﺩﺍﺭﺱ ﻭﺭﺍﺩ ﻳﺘﻌﺎﻣﻞ ﻭﻳﻪ ﺍﺑﻮﻙ ﺑﺎﻟﻘﺎﻧﻮﻥ ﻻﻥ ﺍﻟﻮﺣﻴﺪ ﺍﻟﺤﺎﻭﻱ ﻫﻮ ﺑﺎﺳﻢ ﺟﺪﻙ ﺍﻟﻠﻪ ﻳﺮﺣﻤﻮﺍ ﻭﻣﻦ ﺗﻘﺴﻢ ﺍﻟﻮﺭﺙ ﺗﻘﺴﻢ ﻫﺬﺍ ﺍﻟﺤﺎﻭﻱ ﺑﺎﻟﺘﺴﺎﻭﻱ ..

ﻛﻌﺪﻧﻪ ﺍﺑﻴﺖ ﺍﺑﻮﻙ ﻭﺟﺪﻛﻢ ﺍﻟﺸﻴﺦ ﻧﺎﺻﺮ ‏( ﺍﺧﻮ ﺣﻠﻴﻤﻪ ‏) ﺭﺍﺩ ﻳﺤﻠﻬﻪ ﺑﻤﺎ ﻳﺮﺿﻲ ﺍﻟﻠﻪ ﻭﻣﺎﻳﺘﺬﺍﺑﺤﻮﻥ ﻭﻟﺪ ﺍﻟﺤﺠﻲ ﻉ ﻣﺎﻝ ﺍﻟﺪﻧﻴﺎ ...

ﺍﺑﻮﻙ ﻣﺎﻗﺒﻞ ﻳﻨﻄﻲ ﻋﻤﻚ ﻻ ﺣﺼﺘﻮ ﻣﻦ ﺍﻟﺤﺎﻭﻱ ﻭﻻ ﻗﺒﻞ ﻳﻨﻄﻲ ﻏﺮﻓﺘﻴﻦ ﻣﻦ ﺍﻟﺒﻴﺖ ﻳﻜﻌﺪ ﺑﻴﻬﻦ ...

ﻫﺎﻱ ﺻﺎﺭ ﻓﻮﻙ ﺍﻟﺸﻬﺮ ﻃﻼﻳﺒﻬﻢ ﻭﻣﻜﺎﻭﻧ

ﻬﻢ ﻉ ﺍﻟﺪﺍﺭ ﻭﺍﻟﺤﺎﻭﻱ ﻭﻟﻮﻣﺎ ﻳﺘﺪﺧﻞ ﺷﻴﺦ ﻧﺎﺻﺮ ﺟﺎﻥ ﺗﻜﺎﺗﻠﻮﺍ ...

ﺭﺿﻪ ﺍﺑﻮﻙ ﻳﻨﻄﻲ ﻏﺮﻓﺘﻴﻦ ﻭﻧﺺ ﻣﻦ ﺍﻟﺤﺪﻳﻘﻪ ﻟﻌﻤﻚ ﻭﺑﻨﻪ ﺑﻴﻬﻪ ﻉ ﮔﺪﻭ ﻭﻛﻌﺪ ﻭﺍﺳﺘﻘﺮ ﻭﺍﻟﺤﺎﻭﻱ ﻇﻞ ﻻﺑﻮﻙ ﻭﻋﻤﻚ ﻫﻢ ﺍﻟﺰﻟﻤﻪ ﻣﺎﺣﺠﻪ ﻛﺎﻝ ﺑﺲ ﻳﻬﺪﺀ ﺍﻟﻮﺿﻊ ﺍﺭﺟﻊ ﻟﺪﺍﺭﻱ ...

ﻫﺴﻪ ﺍﺑﻮﻙ ﻣﺘﻜﺎﻭﻥ ﻭﻳﻪ ﻋﺸﻴﺮﻩ ﺛﺎﻧﻴﻪ ﻋﻠﻤﻮﺩ ﺍﻟﻤﻲ ﻫﺬﻭﻻﻙ ﻛﺎﻃﻌﻲ ﻋﻦ ﺍﻟﻜﺎﻉ ﻭﻣﻴﺖ ﺍﻟﺰﺭﻉ ...

ﻋﻤﻚ ﻣﺎ ﻭﺍﻛﻒ ﺑﺴﺪ ﺍﺧﻮ ﻋﺎﻳﻔﻮ ﻭﺣﺪﻭ ﺑﻨﺺ ﻫﺎﻱ ﺍﻟﻤﻜﺎﻭﻧﻪ ﻭﻣﺪﺧﻠﻪ ﺍﻟﺸﺮﻃﻪ ﻭﺣﺎﺑﺴﻴﻦ ﺍﺑﻮﻛﻢ ﺍﺳﺒﻮﻉ ...

ﺣﺠﻴﻨﻪ ﻭﺫﻣﻴﻨﻪ ﻓﻼﺡ ﺷﻠﻮﻥ ﻳﻌﻮﻑ ﺍﺧﻴﻮ ﻭﺣﺪﻭ ﺑﻨﺺ ﻫﺎﻟﻄﻼﻳﺐ ﻭﺭﺍﺡ ﻃﻠﻊ ﺍﺑﻮﻙ ﺑﻜﻔﺎﻟﺘﻮ ...

ﻗﺒﻞ ﺍﺳﺒﻮﻉ ﻋﺸﻴﺮﻩ ﺍﻣﻨﺎﺣﻲ ﻫﺎﺩﻳﻦ ﻉ ﺍﺑﻮﻙ ﻭﻋﻤﻚ ﻭﺻﺎﻳﺮﻩ ﺑﺎﻟﺘﻔﻚ ‏( ﺍﻟﺴﻼﺡ ‏) ﻣﻦ ﻭﺭﺍ ﻧﻬﺮ ﻣﻲ ﻳﻤﺮ ﺑﻜﺎﻋﻬﻢ ﻭﻛﺎﻃﻌﻲ ﻉ ﺍﻟﻮﺍﺩﻡ ...

ﺍﺑﻮﻙ ﻛﺎﺗﻞ ﻭﺍﺣﺪ ﻣﻦ ﺍﺯﻻﻣﻬﻢ ﻭﻣﻴﺖ ﺑﺴﺎﻋﺘﻮ ﻭﻫﺬﻭﻻﻙ ﻣﺎﻳﺠﻔﻮﻥ ﺍﻟﺸﺮ ﻭﻫﺴﻪ ﻓﺼﻞ ﻣﺎﻳﺮﻳﺪﻭﻥ ﻟﻮ ﻧﻜﺘﻞ ﻟﻮ ﻧﺎﺧﺬ ﺣﺮﻣﻪ ﻣﻨﻜﻢ ﻓﺼﻠﻴﻪ ...

ﻳﺎﻋﻤﻲ ﺍﺳﺘﻬﺪﻭﺍ ﺑﺎﻟﺮﺣﻤﻦ ﺯﻣﻦ ﺍﻟﻔﺼﻠﻴﻪ ﻭﻟﻪ ﻭﻣﺤﺪ ﻳﻤﺸﻲ ﺑﻲ ﻛﻠﻨﻪ ﻋﺪﻧﻪ ﺑﻨﻴﺎﺕ ﻋﺰﻳﺰﺍﺕ ﺷﻠﻮﻥ ﻧﻨﻄﻴﻬﻦ ﻭﻧﺬﻟﻬﻦ ...

ﺑﺲ ﻣﺎﻛﺎﻋﺪ ﻳﺮﺿﻮﻥ ﻟﻮ ﺗﺴﻠﻤﻮﻧﻪ ﺍﻟﭽﺘﺎﻝ ﻟﻮ ﺍﻟﻔﺼﻠﻴﻪ ﻭﻫﺎﻱ ﺻﺎﺭ ﺍﺳﺒﻮﻉ ﺍﺣﻨﻪ ﻫﺎﺟﻴﻦ ﻭﺭﺍ ﺍﻟﺸﻴﻮﺥ ﺑﺲ ﺍﻧﺮﻳﺪ ﻋﻄﻮﻩ ﻭﻧﺤﻠﻬﻪ ﺑﺎﻟﺘﺮﺍﺿﻲ ...

ﻓﺎﺭﻭﻕ .. ﺷﻨﻮ ﻫﺎﻟﺴﺎﻟﻔﻪ ﻫﺎﻱ ﻭﺍﺑﻮﻱ ﻣﻦ ﻛﻮﻧﻪ ﻣﻮﻛﺪﻫﻪ ﻭﻳﻦ ﻳﺮﻳﺪ ﻳﻜﺎﻭﻥ ﺑﺎﺭﺍﺿﻲ ﺍﻟﻮﺍﺩﻡ ...

ﺣﺠﻲ ﺭﺍﺿﻲ ﺟﻴﺘﻚ ﻉ ﺭﺍﺳﻲ ﺭﺍﺡ ﻧﺤﻀﺮ ﺍﻟﻜﻌﺪﻩ ﻣﻮ ﻻﺟﻞ ﺍﺑﻮﻱ ﻭﻋﻤﻲ ﺑﺲ ﻟﺠﻞ ﻣﺎ ﺗﻄﻠﻊ ﻣﻦ ﻋﺪﻧﻪ ﺣﺮﻣﻪ ﻣﺴﺒﻴﻪ ...

ﺍﻧﻄﻴﻨﻪ ﻣﻮﻋﺪ ﺍﻟﻤﺸﻴﻪ ﻭﻧﺠﻴﻜﻢ ﺍﻧﻲ ﻭﺍﺧﻮﺗﻲ ﻭﺍﻥ ﺷﺎﺀ ﺍﻟﻠﻪ ﻣﺎﻛﻮ ﻏﻴﺮ ﺍﻟﺨﻴﺮ ...

ﺣﺠﻲ ﺭﺍﺿﻲ .. ﺍﺑﻮﻙ ﻳﺮﻳﺪ ﻳﺠﻲ ﻳﺤﺠﻲ ﻭﻳﺎﻛﻢ ﺑﺎﺟﺮ ﺍﻟﺼﺒﺢ ﻭﺍﻧﻲ ﺍﻛﻠﻚ ﻉ ﺍﻟﻜﻌﺪﻩ ...

ﻓﺎﺭﻭﻕ .. ﻻ ﻣﺎ ﺍﺭﻳﺪ ﺍﺷﻮﻑ ﻭﺟﻬﻮ ﺍﻟﻜﻌﺪﻩ ﺗﻄﻠﻊ ﻣﻦ ﺑﻴﺘﻚ ﻭﻻ ﻳﺤﺎﻭﻝ ﻳﺴﻠﻢ ﻟﻮ ﻳﺤﺎﺟﻲ ﻭﺍﺣﺪ ﻣﻦ ﺍﺧﻮﺗﻲ ﺧﺒﺮﻭ ﻫﺬﺍ ﺍﻟﻜﻼﻡ ..

ﺣﺠﻲ ﺭﺍﺿﻲ .. ﻳﺎﺑﻮﻳﻪ ﻳﺎﻓﺎﺭﻭﻕ ﻭﻧﻌﻢ ﻣﺎﺭﺑﺘﻜﻢ ﺍﻟﺤﺠﻴﻪ ﺑﺲ ﺍﻟﻤﺮﻭﻩ ﻣﺮﻳﻮﺩﻩ ‏( ﻣﻄﻠﻮﺑﻪ ‏) ﻣﻮ ﺍﺑﻴﺖ ﺍﺑﻮﻛﻢ ﺍﺑﻴﺖ ﻋﻤﻜﻢ ﻓﺸﻠﻪ ﻣﻦ ﺍﻟﻮﺍﺩﻡ ﺷﺪﻛﻮﻝ ...

ﻗﻴﺲ .. ﻳﺎﻭﺍﺩﻡ ﺗﺤﺠﻲ ﻋﻨﻬﻪ ﺷﻮ ﻛﻠﻤﻦ ﺗﺒﺮﻩ ﺑﺤﺰﺗﻬﻪ ﻭﻣﺤﺪ ﺣﺠﻪ ﻛﻠﻤﻪ ﺍﻟﺤﻖ ﻻﺗﺸﻴﻞ ﻫﻤﻬﻢ ﻻﻥ ﻭﺍﺩﻣﻨﻪ ﺍﻟﺘﺤﺠﻲ ﻋﻨﻬﻪ ﺷﺎﻟﻮ ﻣﺴﺘﺤﺎﻫﻢ ...

ﻓﺎﺭﻭﻕ ... ﺣﺠﻲ ﺭﺍﺿﻲ ﺑﺎﺟﺮ ﺑﻠﻐﻨﻪ ﺑﺎﻟﻤﻮﻋﺪ ﻭﻳﺼﻴﺮ ﺧﻴﺮ ..

ﺛﺮﻳﺎ ... ﻃﻠﻊ ﺣﺠﻲ ﺭﺍﺿﻲ ﺍﻟﻲ ﻋﻢ ﺍﺑﻮﻱ ﺭﺟﺎﻝ ﻣﻌﺮﻭﻑ ﻭﺳﺎﻛﻦ ﺑﺎﻟﻔﻠﻮﺟﻪ ﻳﺠﻲ ﻗﻠﻴﻞ ﻣﺤﺪ ﻳﺸﻮﻓﻮ ...

ﻛﻞ ﺍﻫﻞ ﺍﺑﻮﻱ ﻋﻤﺎﻣﻮ ﻭﻋﻤﺎﺗﻮ ﺳﺎﻛﻨﻴﻦ ﺑﺎﻟﻔﻠﻮﺟﻪ ﺣﺘﻪ ﺍﻫﻞ ﺟﺪﺗﻲ ﺣﻠﻴﻤﻪ ﺑﺲ ﻭﺍﺣﺪ ﻣﻦ ﺍﺧﻮﺗﻬﻪ ﺳﺎﻛﻦ ﻫﻴﻦ ..

ﺍﻧﻪ ﻛﺒﺮﺕ ﻭﺍﻋﺮﻑ ﻛﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻋﻤﺮﻱ 18 ﺳﻨﻪ ﻭﻋﺎﻳﺸﻪ ﻭﻳﻪ 5 ﺷﺒﺎﺏ ﻭﺗﻌﻠﻤﺖ ﻛﻠﺸﻲ ﻣﻦ ﻋﺪﻫﻢ ...

ﺭﺣﺖ ﺻﺒﻴﺖ ﺍﻟﻌﺸﺎ ﺣﻄﻴﺘﻪ ﻛﺪﺍﻣﻬﻢ ﻭﻛﻌﺪﻧﻪ ﻧﺎﻛﻞ ﻭﻫﻢ ﻳﺴﻮﻟﻔﻮﻥ ﺑﺴﺎﻟﻔﻪ ﺍﺑﻮﻱ ...

ﺛﺮﻳﺎ ... ﻓﺎﺭﻭﻕ ﺧﺎﻑ ﺍﺑﻮﻱ ﺑﻈﻬﺮﻭ ﻟﻌﺒﻪ ﻭﻳﺮﻳﺪ ﻳﻮﺭﻃﻜﻢ ..

ﻓﺎﺭﻭﻕ ... ﺛﺮﻳﺎ ﻣﻮﺯﻏﺎﺭ ﺍﺣﻨﻪ ﺑﺎﺟﺮ ﺗﺠﻲ ﺍﻟﻜﻌﺪﻩ ﻭﻧﻔﺘﻬﻢ ﺻﺎﻳﺮ ﺍﺑﻮﺝ ﺯﻟﻤﻪ ﻭﻳﻜﺘﻞ ﺑﺎﻟﻮﺍﺩﻡ ...

ﻗﻴﺲ ... ﻓﺎﺭﻭﻕ ﺑﺎﺟﺮ ﺳﻴﻄﺮ ﻉ ﺍﻋﺼﺎﺑﻚ ﺍﺩﺭﻱ ﺑﻴﻚ ﻣﺎﺗﻜﺪﺭ ﺗﻠﺰﻣﻬﻪ ﻣﻦ ﺍﺩﺣﻚ ﺍﺑﻮﻱ ...

ﺛﺮﻳﺎ ... ﺑﺲ ﺍﻧﺘﻮ ﻣﺎﺑﻴﺪﻛﻢ ﺷﻲ ﺍﺫﺍ ﺑﻴﺖ ﻣﻨﺎﺣﻲ ﻳﺪﻭﺭﻥ ﺷﺮ ﺷﺴﻮﻭﻥ ﺍﻧﺘﻮ ﺷﺒﻴﺪﻛﻢ ﺗﺤﻠﻮ ...

ﻓﺎﺭﻭﻕ ... ﻳﺎﺑﻨﺘﻲ ﻣﺎ ﺭﺍﺡ ﺍﻧﺤﻞ ﺷﻨﻮ ﺩﺧﻠﻨﻪ ﺑﺎﺑﻮﺝ ﻫﻮ ﺭﺟﺎﻝ ﻣﺴﺘﻘﻞ ﻳﺪﻭﺭ ﺭﺍﺣﺘﻮ ...

ﺍﻛﻮ ﺷﻐﻠﻪ ﻣﻦ ﺯﻣﺎﻥ ﺍﺭﻳﺪ ﺍﺣﺠﻲ ﺑﻴﻬﻪ ﺑﺲ ﻣﺎ ﺍﺩﺭﻱ ﺷﻨﻮ ﺍﻟﻲ ﻳﺄﺧﺮﻧﻲ ﻣﺪﺍﻡ ﺍﻟﺸﻴﺦ ﻧﺎﺻﺮ ﻭﺣﺠﻲ ﺭﺍﺿﻲ ﺍﺟﻮ ﻫﻴﻦ ﻻﺯﻡ ﺍﺣﺠﻲ ﻭﺍﻃﻠﻊ ﺣﮕﻨﻪ ...

ﻗﻴﺲ ... ﻭﺍﻟﻠﻪ ﻳﺎﻓﺎﺭﻭﻕ ﻣﺎ ﻣﻄﻤﻦ ﻟﻬﺎﻱ ﺍﻟﺴﺎﻟﻔﻪ ﺍﻧﻲ ﺍﻋﺮﻑ ﺑﻴﺖ ﻣﻨﺎﺣﻲ ﺩﻭﻣﻬﻢ ﻳﺪﻭﺭﻭﻥ ﺷﺮ ﺍﺑﻨﻬﻢ ﺟﺎﻥ ﻭﻳﺎﻱ ﻭﺍﻋﺮﻓﻬﻢ ﻳﻮﻣﻴﻪ ﻓﺼﻞ ...

ﻓﺎﺭﻭﻕ .. ﺍﻛﻮ ﻗﺎﻧﻮﻥ ﻣﺎ ﺭﺿﻮﺍ ﺑﺎﻟﻔﺼﻞ ﺧﻠﻲ ﻳﻨﺴﺠﻦ ﺍﺑﻮﻙ ﻭﻓﻀﺖ ﺭﺍﺣﺖ ﻭﻻﻳﺘﻨﺎﺯﻟﻮﻥ ...

ﺛﺮﻳﺎ .. ﺳﻤﻌﺖ ﺣﺠﻲ ﺭﺍﺿﻲ ﻳﻜﻮﻝ ﻳﺮﻳﺪﻭﻥ ﻓﺼﻠﻴﻪ ﻣﻨﻴﻦ ﻋﺪﻧﻪ ﺑﻨﺎﺕ ﺍﻧﻲ ﻭﺑﻨﺎﺕ ﻋﻤﻲ ﺧﺎﻑ ﻳﺴﻮﻳﻬﻪ ﺍﺑﻮﻧﻪ ..

ﻓﺎﺭﻭﻕ .. ﺷﻴﺴﻮﻱ ﻣﺜﻼ ﻳﻨﻄﻲ ﺛﺮﻳﺘﻲ ﻓﺼﻠﻴﻪ؟؟

ﺛﺮﻳﺎ .. ﻣﻮ ﺑﺲ ﺍﻧﻲ ﻋﺠﻞ ﺍﻧﻲ ﺧﺎﻳﻔﻪ ﻻﻥ ﺍﺑﻮﻱ ﻣﺜﻞ ﻣﺎﻃﺮﺩﻧﻪ ﻳﺒﻌﻨﻪ ..

ﻓﺎﺭﻭﻕ .. ﻳﻮﻟﻲ ﻳﺎﺏ ﻭﺍﻟﻠﻪ ﺍﺣﺮﻙ ﺍﻟﻌﺸﻴﺮﻩ ﻭﺑﻴﺖ ﻣﻨﺎﺣﻲ ﻭﺍﺑﻮﺝ ﻭﺍﻟﻲ ﻳﻄﻠﻊ ﻭﺭﺍ ﺍﺫﺍ ﻣﺴﻮﺝ ﺑﺴﻮﺀ ...

ﺷﺘﺤﺠﻴﻦ ﺛﺮﻳﺎ ﺍﻧﺘﻲ ﻣﺎﻋﻨﺪﺝ ﺍﺥ ﻭﺍﺣﺪ ﻋﻨﺪﺝ 5 ﺯﻟﻢ ﻭﺭﺍﺝ .. ﺍﺑﻦ ﺍﺑﻮ ﺍﻟﻲ ﻳﺘﮕﺮﺑﻠﺞ ﺍﻣﻮ ﺩﺍﻋﻴﻪ ﻋﻠﻲ ..

ﻗﻴﺲ .. ﻣﺎﺣﺒﻴﺘﻬﻪ ﻣﻨﺞ ﻫﺎﻱ ﺍﻟﺴﺎﻟﻔﻪ ﺛﺮﻳﺎ ﻳﻮﻟﻲ ﻭﻳﻦ ﺭﺣﻨﻪ ﺍﺣﻨﻪ ﻭﺗﺤﺠﻴﻦ ﻫﻴﺞ ...

ﺍﻭﺱ .. ﻭﺍﻟﻠﻪ ﺍﺑﻮﺝ ﺍﻟﻲ ﻧﻨﻄﻲ ﻓﺼﻠﻴﻪ ﻭﻣﺎ ﺍﻧﺨﻠﻴﻬﻢ ﻳﺸﻮﻓﻮﻥ ﻃﺮﻑ ﺍﺫﻳﺎﻟﺞ ...

ﺍﺩﻫﻢ .. ﻏﻴﺮ ﻟﻮ ﺻﺪﻙ ﺍﺑﻮﻱ ﻳﻠﻔﻆ ﻫﺎﻟﻜﻠﻤﻪ ﻉ ﺍﻟﺴﺎﻧﻮ ﻭﺍﻟﻠﻪ ﻻ ﺍﻋﻠﻤﻮ ﺗﺮﺑﻴﺔ ﺣﻠﻴﻤﻪ ﺷﻨﻮ ..

ﺍﻳﻮﺏ .. ﺍﺳﻜﺘﻮﺍ ﺍﺣﺲ ﺍﻟﺪﻡ ﺻﻌﺪ ﺑﺮﺍﺳﻲ ﻣﺠﺮﺩ ﻣﺎ ﺍﺗﺨﻴﻠﺖ ﺑﺲ ﺻﺪﻙ ﻧﻨﻄﻲ ﺍﺑﻮﻱ ﻓﺼﻠﻴﻪ ..

ﺛﺮﻳﺎ ... ﺍﻟﻜﻞ ﺿﺤﻚ ﻋﻠﻰ ﺣﺠﺎﻳﻪ ﺍﻳﻮﺏ ﻭﺍﻧﻲ ﻋﻴﻮﻧﻲ ﻣﻠﻴﺎﻧﻪ ﺩﻣﻮﻉ ﻭﺭﺍﺳﻲ ﻣﺮﻓﻮﻉ ﻭﺍﺣﺴﺎﺱ ﺍﻟﻔﺨﺮ ﺍﻟﻤﺴﻴﻄﺮ ﻋﻠﻴﻪ ...

ﻳﺎﺭﺑﻲ ﺍﺧﻮﺗﻲ ﺍﺧﻮﺗﻲ ﻛﻠﺸﻲ ﻣﺎ ﺍﺭﻳﺪ ﻣﻦ ﺍﻟﺪﻧﻴﺎ ﺑﺲ ﺍﺣﺒﺎﺋﻲ ﺍﻟﺨﻤﺴﻪ ...

ﺍﺩﻫﻢ .. ﺍﻛﻮﻝ ﻳﻮﻟﺪ ﺳﻤﻌﺘﻮﺍ ﺣﺠﻲ ﺭﺍﺿﻲ ﻳﻜﻮﻝ ﻋﻤﻜﻢ ﺟﺎﻱ ﻭﻫﻮ ﻭﺑﻨﺎﺗﻮ ..

ﺍﻳﻮﺏ .. ﺍﻱ ﻭﺟﺎﻱ ﻫﻮ ﻭﺑﻨﺎﺗﻮ ﺷﺒﻴﻚ ﺣﻤﻴﺖ؟؟

ﺍﺩﻫﻢ .. ﻻ ﻳﻮﻝ ﻫﺬﻧﻲ ﺑﻨﻴﺎﺕ ﻭﻏﺮﻳﺒﺎﺕ ﻋﻦ ﺍﻟﺪﻳﺮﻩ ﻭﺍﺣﻨﻪ ﺍﻭﻻﺩ ﻋﻤﻬﻦ ﻭﻻﺯﻡ ﻧﺸﻮﻓﻬﻦ ﺧﺎﻑ ﻣﺤﺘﺎﺟﺎﺕ ﺷﻲ ..

ﺍﻳﻮﺏ .. ﺍﻧﺠﺐ ﻳﻮﻝ ﺷﺒﻴﻚ ﮔﻠﺒﻚ ﻳﺮﻑ ﺑﺲ ﺗﺸﻮﻓﻠﻚ ﺑﻨﻴﻪ ﺍﺛﻜﻞ ﻳﻮﻝ ...

ﺍﺩﻫﻢ .. ﻫﺴﻪ ﻣﺎﻋﻠﻴﻨﻪ ﺑﺎﺟﺮ ﺍﺫﺍ ﺭﺣﻨﻪ ﻋﻠﻴﻜﻢ ﺍﻟﻠﻪ ﺧﻠﻲ ﺍﻧﻤﺮ ﻉ ﺑﻴﺖ ﻋﻤﻲ ﺍﻧﺸﻮﻑ ﻛﺘﺎﻛﻴﺖ ﺑﻐﺪﺍﺩ ..

ﻳﻜﻮﻟﻦ ﺑﻨﺎﺕ ﺑﻐﺪﺍﺩ ﺑﻘﻼﻭﻩ ﺑﺎﻟﺪﻫﻦ ﺍﻟﺤﺮ ﻫﻴﺞ ﺗﺎﻛﻞ ﻣﻨﻬﻪ ﻭﻣﺎﺗﺸﺒﻊ ..

ﻗﻴﺲ ... ﺳﺪ ﺣﻠﻜﻚ ﻣﺎﻟﻜﻴﺖ ﻏﻴﺮ ﻋﻤﻚ ﻣﻮ ﻉ ﺍﺳﺎﺱ ﺗﻜﺮﻫﻢ ...

ﺍﺩﻫﻢ ... ﺍﻧﻪ ﺍﻛﺮﻩ ﻋﻤﻲ ﺑﺲ ﻣﺎ ﺍﻛﺮﻩ ﺑﻨﺎﺗﻮ !!

ﻗﻴﺲ .. ﻋﻤﻚ ﻭﺍﺑﻮﻙ ﻧﻔﺲ ﺍﻟﺸﻲ ﺍﻟﻒ ﺭﺣﻤﻪ ﻉ ﺭﻭﺣﺞ ﺣﻠﻴﻤﻪ ﻟﻮﻋﺪﻟﻪ ﺟﺎﻥ ﻣﺎﻛﺪﺭ ﻭﺍﺣﺪ ﺑﻴﻬﻢ ﻳﻔﺘﺢ ﺣﻠﻜﻮ ﺑﺤﺮﻑ ..

ﺍﺩﻫﻢ ... ﻳﻮﻝ ﺛﺮﻳﺎ ﺣﻀﺮﻳﻠﻲ ﻣﻼﺑﺲ ﺍﻟﻜﺸﺨﻪ ﺧﺎﻑ ﺑﻨﺎﺕ ﻋﻤﺞ ﺣﻠﻮﺍﺕ ﻳﻄﻠﻌﻦ ...

ﺍﻭﺱ .. ﻛﻮﻡ ﻭﻟﻚ

ﻋﺮﺿﻚ ﻻﺗﺤﺠﻲ ﻫﻴﺞ ﻧﺪﺭﻱ ﻛﻠﺒﻚ ﺭﻫﻴﻒ ﺑﺴﺮﻋﻪ ﻳﺤﻦ ...

ﺛﺮﻳﺎ ... ﺍﺩﻫﻢ ﺷﻌﻞ ﺍﻟﺠﻮ ﻋﻠﻴﻬﻢ ﺧﻼﻫﻢ ﻧﺴﻮﺍ ﺍﻟﺴﺎﻟﻔﻪ ﻭﺑﺲ ﻳﺤﺠﻮﻥ ﻉ ﺑﻨﺎﺕ ﻋﻤﻲ ...

ﻛﻤﺖ ﻏﺴﻠﺖ ﺍﻟﻤﻮﺍﻋﻴﻦ ﻭﺭﺣﺖ ﻟﻠﻐﺮﻓﻪ ﺍﻗﺮﻩ ﻋﻨﺪﻱ ﻓﺘﺮﻩ ﻣﺮﺍﺟﻌﻪ ﻭﻣﺎ ﺍﺭﻳﺪ ﺍﻟﺘﻬﻲ ﻋﻦ ﺩﺭﻭﺳﻲ ...

ﻓﺎﺭﻭﻕ ﻭﻗﻴﺲ ﻭﺍﻭﺱ ﻳﻄﻠﻌﻮﻥ ﺑﺎﻟﻠﻴﻞ ﻳﻢ ﺭﺑﻌﻬﻢ ﻭﺍﻳﻮﺏ ﻭﺍﺩﻫﻢ ﻳﺒﻘﻮﻥ ﻳﻤﻲ ﻭﻣﺮﺍﺕ ﺑﺎﻟﻌﻜﺲ ...

ﺛﺎﻧﻲ ﻳﻮﻡ ﻛﻌﺪﺕ ﺍﻟﻔﺠﺮ ﺻﻠﻴﺖ ﻭﻛﻌﺪﺕ ﺍﻗﺮﻩ ﺍﻟﻴﻮﻡ ﺍﺧﻮﺗﻲ ﻣﺎﻋﺪﻫﻢ ﺷﻐﻞ ﺑﺲ ﻗﻴﺲ ﻭﻓﺎﺭﻭﻕ ﻋﺪﻫﻢ ﻭﺍﻭﺱ ﻳﺸﺘﻐﻞ ﺑﺘﻜﺴﻲ ﻳﻜﻌﺪ ﻉ ﻛﻴﻔﻮ ...

ﺳﻮﻳﺖ ﺭﻳﻮﻙ ﻭﻛﻌﺪﺗﻬﻢ ﺍﺩﻫﻢ ﻳﺸﻠﻊ ﻛﻠﺒﻲ ﻳﻠﻪ ﻳﻜﻌﺪ ﻧﻮﻣﻪ ﺛﻜﻴﻞ ...

ﻭﺍﻳﻮﺏ ﻳﻜﻌﺪ ﺭﻭﺣﻪ ﺑﺨﺸﻤﻮ ﻭﻳﺘﻌﺎﺭﻙ ﻭﻳﻪ ﺫﺑﺎﻥ ﻭﺟﻬﻮ ...

ﺍﻭﺱ ﻳﻜﻌﺪ ﻧﺸﻴﻂ ﺑﻮﺟﻬﻪ ﻟﻠﺴﻴﺎﺭﻩ ﻳﺸﻐﻠﻬﻪ ﻭﻳﺮﺟﻊ ﻳﺘﺮﻳﻚ ﻭﻳﻄﻠﻊ ...

ﻭﻗﺘﻲ ﻳﺨﻠﺺ ﺑﻴﻦ ﺍﻟﺪﺭﺍﺳﻪ ﻭﺑﻴﻦ ﺍﻟﺒﻴﺖ ﻭﻃﻠﺒﺎﺕ ﺍﺧﻮﺗﻲ ﻣﺎﺗﺨﻠﺺ ﺛﺮﻳﺎ ﻏﺴﻠﻲ ﻗﻤﻴﺼﻲ ... ﺛﺮﻳﺎ ﺳﻮﻳﻠﻲ ﺟﺎﻱ ... ﺛﺮﻳﺎ ﻭﻳﻦ ﺣﺬﺍﺋﻲ ... ﺛﺮﻳﺎ ﺛﺮﻳﺎ ﻟﺤﺪﻣﺎ ﺍﺗﻌﺐ ﻭﻳﻨﻬﺪ ﺣﻴﻠﻲ ...

....

ﻧﻴﺮﺍﻥ ...

ﻣﻮﺍﻟﻴﺪ 1988 ﺳﻨﻪ 2004 ﺟﻨﺖ ﺳﻨﻪ ﺍﻭﻟﻰ ﻣﻌﻬﺪ ﻣﻌﻠﻤﺎﺕ ﻋﺎﻳﺸﻴﻦ ﺍﺑﻐﺪﺍﺩ ﺑﺲ ﺍﺻﻠﻨﻪ ﻣﻦ ﺍﻻﻧﺒﺎﺭ ...

ﺑﺎﺑﺎ ﺍﺳﻤﻪ ﻓﻼﺡ ﻣﻌﻠﻢ ﻭﻣﺎﻣﺎ ﺍﺻﻠﻬﻪ ﺗﺮﻛﻤﺎﻧﻲ ﺭﺑﺔ ﺑﻴﺖ ﺍﺳﻤﻬﻪ ﺑﻴﺎﻥ ﺍﺣﻨﻪ 3 ﺑﻨﺎﺕ ﻭﻭﻟﺪ ﻭﺍﺣﺪ ...

ﺍﻟﺠﺒﻴﺮﻩ ﺭﺅﻯ ﺍﻛﺒﺮ ﻣﻦ ﻋﻨﺪﻱ ﺑﺴﻨﻪ ﻭﺍﻟﺰﻏﻴﺮﻩ ﺍﻣﻨﻴﻪ ﺑﺼﻒ ﺭﺍﺑﻊ ﺍﺑﺘﺪﺍﺋﻲ ﻭﺍﺧﺮ ﺍﻟﻌﻨﻘﻮﺩ ﺍﺳﻤﻪ ﻋﻤﺮ ﻭﺑﻌﺪ ﻣﺎﻣﺎ ﻣﺎﺧﻠﻔﺖ ﺷﺎﻟﺖ ﺭﺣﻤﻬﻪ ...

ﺍﻟﻮﺿﻊ ﺑﻌﺪ ﻫﺎﻱ ﺍﻟﺴﻨﻪ ﺗﺎﺯﻡ ﺍﺑﻐﺪﺍﺩ ﺟﻨﺖ ﻧﺎﺟﺤﻪ ﻟﻠﻤﺮﺣﻠﻪ ﺍﻟﺜﺎﻧﻴﻪ ﻭﺳﻤﻌﺖ ﺑﺎﺑﺎ ﻳﻘﻨﻊ ﺑﻤﺎﻣﺎ ﻳﮕﻮﻟﻬﻪ ﺍﻧﺮﻭﺡ ﻓﺘﺮﻩ ﻭﻧﺮﺟﻊ ...

ﻫﻨﺎ ﺍﻟﻮﺿﻊ ﻣﻮ ﺍﻣﺎﻥ ﻭﺍﻧﻲ ﻋﻨﺪﻱ ﺑﻨﺎﺕ ﻭﺧﺎﺻﻪ ﻣﻨﻄﻘﺘﻨﻪ ﺑﻴﻬﻪ ﺍﻣﺮﻳﻜﺎﻥ ﻫﻮﺍﻳﻪ ﻭﺧﺎﻳﻒ ﻋﻠﻴﻬﻦ ...

ﺑﻴﺎﻥ .. ﻓﻼﺡ ﺍﻫﻠﻚ ﻣﺎﻳﺤﺒﻮﻧﻲ ﺷﻠﻮﻥ ﺗﺮﻳﺪﻳﻨﻲ ﺍﻛﻌﺪ ﻳﻤﻬﻢ ﻭﺑﻌﺪﻳﻦ ﺍﺣﻨﻪ ﻣﺎﻣﺘﻌﻮﺩﻳﻦ ﺷﻠﻮﻥ ﻓﻬﻤﻨﻲ ...

ﻓﻼﺡ ... ﻫﻦ ﺷﻜﻢ ﺷﻬﺮ ﻭﻧﺮﺟﻊ ﺑﻴﻦ ﻣﺎﻳﻬﺪﺀ ﺍﻟﻮﺿﻊ ﺍﺫﺍ ﺻﺎﺭ ﺷﻲ ﺍﻧﻈﻞ ﻧﺎﻛﻞ ﺑﺎﺻﺎﺑﻌﻨﻪ ﻧﺪﻡ ...

ﺍﻣﻲ ﺗﻮﻓﺖ ﻭﺍﺧﻮﺍﺗﻲ ﻛﻞ ﻭﺣﺪﻩ ﺍﺑﻴﺘﻬﻪ ﻋﻨﺪﻱ ﻛﺎﻋﻲ ﻫﻨﺎﻙ ﻭﻧﻜﻌﺪ ﺑﻴﻬﻪ ﻭﺑﺲ ﻳﺼﻴﺮ ﺍﻟﻮﺿﻊ ﺍﻣﺎﻥ ﻧﺮﺟﻊ ﺍﻧﻲ ﻫﻢ ﺗﻌﻮﺩﺕ ﻉ ﺑﻐﺪﺍﺩ ...

ﺑﻴﺎﻥ .. ﺭﺍﺡ ﺍﺭﻭﺡ ﻭﻳﺎﻙ ﺑﺲ ﻳﺎﻓﻼﺡ ﻣﻮﻫﻨﺎﻙ ﻭﺗﺸﻮﻓﻨﻲ ﺍﻟﻮﻳﻞ ﻭﻛﺎﻟﺖ ﺍﺧﺘﻚ ﻭﺣﺠﺖ ﻣﺮﺕ ﺍﺧﻮﻙ ﺗﺮﻯ ﺍﻟﺒﻴﻪ ﻣﻜﻔﻴﻨﻲ ...

ﻓﻼﺡ .. ﻛﻮﻣﻲ ﻟﻤﻲ ﺍﻟﻐﺮﺍﺽ ﻭﺑﺎﺟﺮ ﻣﻦ ﺍﻟﺼﺒﺢ ﻃﺎﻟﻌﻴﻦ ...

ﻧﻴﺮﺍﻥ ... ﺍﻧﻲ ﺍﻭﻝ ﻭﺣﺪﻩ ﺗﺨﺒﻠﺖ ﺷﻠﻮﻥ ﺍﻋﻮﻑ ﺍﻟﻤﻌﻬﺪ ﺷﻜﺪ ﺑﺠﻴﻨﻪ ﻉ ﺑﻐﺪﺍﺩ ﻣﻦ ﻃﻠﻌﻨﻪ ﺍﻟﻔﺠﺮ ﻭﺍﻧﻲ ﺍﺷﻮﻑ ﺍﻟﺸﻮﺍﺭﻉ ﻭﺍﻻﺿﻮﻳﻪ ...

ﺍﺭﻳﺪ ﺑﻐﺪﺍﺩ ﻣﺎ ﺍﺭﻳﺪ ﺍﺭﻭﺡ ﻟﻼﻧﺒﺎﺭ ﻣﺎ ﻋﻨﺪﻱ ﺻﺪﻳﻘﺎﺕ ﻭﺑﻴﺖ ﺟﺪﻱ ﺍﻫﻞ ﺑﺎﺑﺎ ﺣﺘﻪ ﻣﺎ ﺷﺎﻳﻔﺘﻬﻢ ﻭﻻﻧﻌﺮﻓﻬﻢ ...

ﺍﺻﻼ ﻫﻮ ﺑﺎﺑﺎ ﺑﻨﻔﺴﻪ ﻳﺤﺠﻲ ﻋﻠﻴﻬﻢ ﻭﺩﺍﺋﻤﺎ ﻳﺘﺮﺩﺩ ﺑﺒﺎﻟﻲ ﺳﺆﺍﻝ ﻟﻴﺶ ﺑﺎﺑﺎ ﻳﻀﻮﺝ ﻣﻦ ﺍﻫﻠﻪ ...

ﻭﺻﻠﻨﻪ ﺍﻻﻧﺒﺎﺭ ﺗﺨﺘﻠﻒ ﻋﻦ ﺑﻐﺪﺍﺩ ﺻﺢ ﺣﻠﻮﻩ ﻭﻧﻈﻴﻔﻪ ﺑﺲ ﻣﻮﻣﺜﻞ ﺣﻴﺎﺗﻨﻪ ﺣﺘﻪ ﻣﺎﻣﺎ ﺑﺲ ﺗﺒﺎﻭﻉ ﻭﻣﺴﺘﻐﺮﺑﻪ ﻛﻮﻟﺸﻲ ﻳﺨﺘﻠﻒ ﻫﻨﺎ ...

ﻣﺎﺷﺎﻳﻔﻴﻦ ﺍﻫﻞ ﺑﺎﺑﺎ ﺑﺲ ﺳﺎﻣﻌﻴﻦ ﻋﻨﻬﻢ ﻭﻧﻌﺮﻑ ﻋﺪﻧﻪ ﻋﻢ ﺍﺳﻤﻪ ﻋﻤﺎﺩ ﻭ 4 ﻋﻤﺎﺕ ﺑﺲ ﻫﺬﻧﻲ ﺍﻟﻲ ﻧﻌﺮﻓﻬﻦ ﻭﻧﻌﺮﻑ ﺑﻴﺒﻲ ﺍﺳﻤﻬﻪ ﺣﻠﻴﻤﻪ ﺑﺲ ﺷﻨﻮ ﺍﻟﺴﺒﺐ ﻭﺍﻟﻌﺪﺍﻭﻩ ﻫﺎﻱ ﻣﺎﻧﻌﺮﻓﻬﻪ ...

ﻧﺰﻟﻨﻪ ﺍﺑﺎﺏ ﺑﻴﺖ ﺟﺒﻴﺮ ﺣﻴﻞ ﻭﺩﺍﻳﺮ ﻣﺪﺍﻳﺮﻩ ﺍﺷﺠﺎﺭ ﺍﻟﻤﻨﻄﻘﻪ ﺯﺭﺍﻋﻴﻪ ﻭﻛﻞ ﻭﺍﺣﺪ ﺑﺴﺘﺎﻧﻪ ﺷﻜﺒﺮﻩ ﻣﺠﺮﺩ ﻣﺎ ﺍﺧﺬﺕ ﻧﻔﺲ ﺩﻣﻌﺖ ﻋﻴﻨﻲ ﻋﻠﻰ ﺑﻐﺪﺍﺩ ...

ﺩﻙ ﺍﻟﺒﺎﺏ ﺑﺎﺑﺎ ﻭﻃﻠﻌﻨﻪ ﺭﺟﺎﻝ ﺣﻀﻦ ﺍﺑﻮﻱ ﻭﻳﺮﺣﺐ ﺑﻴﻨﻪ ﻋﺮﻓﺘﻪ ﻫﺬﺍ ﻋﻤﻲ ﻋﻤﺎﺩ ﺍﺑﻮ ﻓﺎﺭﻭﻕ ﻋﻨﺪﻩ ﻋﻠﻢ ﺑﺠﻴﺘﻨﻪ ...

ﻃﺒﻴﻨﻪ ﻟﻠﺒﻴﺖ ﺍﺳﺘﻘﺒﻠﺘﻨﻪ ﻣﺮﺗﻪ ﻭﻋﻨﺪﻩ ﺑﻨﺎﺕ ﺻﻐﺎﺭ ﺑﺲ ﻣﺎﻋﻨﺪﻩ ﻭﻟﺪ ﻟﻌﺪ ﻟﻴﺶ ﻳﻜﻠﻮﻟﻪ ﺍﺑﻮ ﻓﺎﺭﻭﻕ؟؟

ﺣﻴﻞ ﻣﺎﻋﺎﺟﺒﻨﻲ ﺍﻟﻮﺿﻊ ﺍﺣﺲ ﻫﻨﺎ ﺍﻟﻜﻞ ﻳﻤﺜﻞ ﻭﺍﻭﻟﻬﻢ ﺑﺎﺑﺎ ﻫﻮ ﻳﻜﺮﻩ ﻋﻤﻲ ﻭﺩﺍﺋﻤﺎ ﻳﺬﻣﻪ ﻣﻨﻴﻦ ﺍﺟﺘﻪ ﻫﺎﻱ ﺍﻟﺤﻨﻴﻪ ...

ﺍﺳﺘﻘﺮﻳﻨﻪ ﺍﺑﻴﺖ ﻋﻤﻲ ﺑﺲ ﺍﻧﻲ ﻓﻀﻮﻟﻴﻪ ﺩﺍﺋﻤﺎ ﺍﻣﺸﻲ ﻭﺍﺗﺴﻤﻊ ﻟﻠﺤﺠﻲ ﻣﻦ ﺟﻨﺖ ﺻﻐﻴﺮﻩ ﻫﺎﻱ ﺍﻟﺤﺎﻟﻪ ﺑﻴﻪ ﺟﺎﻧﺖ ﻣﺎﻣﺎ ﺷﻜﺪ ﺗﻀﺮﺑﻨﻲ ﺑﺲ ﻫﺎﻱ ﻋﺎﺩﻩ ﻋﻨﺪﻱ ﻭﺍﺑﺪ ﻣﺎﺑﻄﻠﺘﻬﻪ ...

ﻛﻠﻤﺎ ﺍﺷﻮﻑ ﻋﻤﻲ ﻭﺑﺎﺑﺎ ﻳﺤﺠﻮﻥ ﺍﺭﻛﺾ ﺍﺗﺴﻤﻌﻠﻬﻢ ﻫﻮﺍﻳﻪ ﺷﻐﻼﺕ ﺍﺩﻭﺭ ﺍﺑﺎﻟﻲ ﺑﺲ ﺍﺭﻳﺪ ﺟﻮﺍﺏ ﻳﺮﺿﻲ ﻓﻀﻮﻟﻲ ..

ﻣﺮﻩ ﺳﻤﻌﺖ ﺑﺎﺑﺎ ﻭﻋﻤﻲ ﻳﺘﻌﺎﺭﻛﻮﻥ ﻉ ﺑﻴﺖ ﻭﺑﺴﺘﺎﻥ ﻭﺑﺎﺑﺎ ﻳﻜﻞ ﻟﻌﻤﻲ ﺍﻧﺖ ﻟﻴﺶ ﻣﺘﻼﻋﺐ ﺑﻮﺻﻴﻪ ﻋﺒﺎﻟﻚ ﻟﻮ ﻋﺮﻓﻮﺍ ﻭﻟﺪﻙ ﻳﺴﻜﺘﻮﻥ؟

ﻋﻤﺎﺩ .. ﻻ ﺗﻜﻮﻡ ﺗﺤﺠﻲ ﺣﺠﻲ ﻣﺎﺻﺦ ﻉ ﺍﺳﺎﺱ ﺍﻧﺖ ﻣﺎﺗﺪﺭﻱ ﻟﻴﺶ ﻣﻮ ﺍﻧﺖ ﻛﺘﻠﻲ ﺧﻠﻲ ﻧﺤﺬﻑ ﺍﻟﻮﺻﻴﻪ ﻭﺍﻧﻄﻴﻚ ﺍﻟﺒﺴﺘﺎﻥ ﺍﻟﻚ ...

ﻓﻼﺡ .. ﺍﻧﺖ ﺍﻟﻄﻤﺎﻉ ﻭﻃﻤﻌﺖ ﺑﻮﺭﺙ ﻭﻟﺪﻙ ﻣﻦ ﻛﺘﻠﻚ ﻫﻴﺞ ﻏﻴﺮ ﻋﻨﺪﻙ ﺑﻴﺖ ﻭﺗﻠﻢ ﻭﻟﺪﻙ ﺷﻠﻮﻥ ﺍﻃﺮﺩﻫﻢ ﻋﻠﻤﻮﺩ ﻣﺮﺗﻚ ...

.. ﻣﺎﻃﺮﺩﺗﻬﻢ ﻫﻢ ﻣﺎﻳﺘﺤﻤﻠﻮﻥ ﺍﻟﺤﺠﻲ ﻭﺯﻋﻠﻮﺍ ﻭﺭﺍﺣﻮ ﻭﻫﺎﻟﺤﺰﻩ ﺷﺒﻴﻬﻢ ﻛﺒﺮﻭﺍ ﻭﺻﺎﺭﻭﺍ ﺯﻟﻢ ...

.. ﺗﺘﻮﻗﻊ ﺭﺍﺡ ﻳﻔﻮﺗﻬﻪ ﺍﻟﻚ ﻫﺎﻱ ﺍﻟﻌﻤﻠﻪ ﻻﺯﻡ ﺗﻈﻞ ﺣﺮﻳﺺ ﻋﻠﻰ ﻛﻠﺸﻲ ﺣﺘﻪ ﻣﺎﺗﻮﺻﻠﻬﻢ ﺣﺠﺎﻳﻪ ﻣﻨﺎ ﻣﻨﺎ ...

... ﻣﺤﺪ ﻳﻮﺻﻠﻬﻢ ﻫﻮ ﺍﺑﻮ ﺳﺎﻟﻢ ﺑﺲ ﺍﻟﻲ ﻳﻌﺮﻑ ﺑﺎﻟﻮﺻﻴﻪ ﻻﻥ ﺍﻣﻲ ﺧﻠﺘﻬﻪ ﻋﻨﺪﻭ ﺣﺘﻪ ﻳﺴﻠﻤﻬﻪ ﻟﺸﻴﺦ ﻧﺎﺻﺮ ﻭﻣﺎﺗﺖ ﻭﺗﻘﺴﺎﻣﻨﻪ ﻭﺍﺧﺬ ﺍﻟﻤﻘﺴﻮﻡ ﻭﺳﺪﻳﺖ ﺣﻠﻜﻮ ..

... ﺍﺩﻋﻲ ﺭﺑﻚ ﺍﺑﻨﻚ ﺍﻟﺠﺒﻴﺮ ﻓﺎﺭﻭﻕ ﻣﺎﻳﺪﺭﻱ ﺑﺎﻟﺴﺎﻟﻔﻪ ﺍﻧﻲ ﻭﻳﺎﻙ ﺍﻧﺮﻭﺡ ﺑﺎﻟﺮﺟﻠﻴﻦ ...

ﻭﻟﻚ ﻋﻤﺎﺩ ﺷﻔﺘﻪ ﻭﺍﻟﺘﻘﻴﺖ ﺑﻲ ﺑﻠﺤﻈﺘﻬﻪ ﻓﺰ ﻛﻠﺒﻲ ﻣﻦ ﻋﻨﺪﻭ ﻧﺴﺨﻪ ﻣﻦ ﺍﺑﻮﻱ ﺍﻟﻠﻪ ﻳﺮﺣﻤﻮ ﺣﺘﻪ ﻃﺮﻳﻘﻪ ﻛﻼﻣﻮ ...

ﻋﻤﺎﺩ ... ﻭﻳﻦ ﺷﻔﺘﻮ ﻭﺷﻮﻛﺖ ؟؟

... ﺭﺣﺘﻠﻮ ﻟﻤﻜﺎﻥ ﺷﻐﻠﻮ ﺣﺘﻪ ﺍﻗﻨﻌﻮﺍ ﻳﺤﻀﺮ ﺍﻟﻜﻌﺪﻩ ﻭﻣﺎﻧﻈﻞ ﻭﺣﺪﻧﻪ ﻉ ﺍﻻﻗﻞ ﻳﻜﻮﻟﻮﻥ ﻋﺪﻫﻢ ﻭﻟﺪ ﻣﻮ ﻧﻬﻤﺶ ﻣﺜﻞ ﺍﻟﻐﺮﻛﺎﻥ ...

ﻣﺎﻟﻜﻴﺘﻮﺍ ﻛﻌﺪﺕ ﻭﻳﻪ ﻗﻴﺲ ﺷﻮﻳﻪ ﺍﻫﺪﺀ ﻣﻦ ﻓﺎﺭﻭﻕ ﺍﺧﺬﻧﻪ ﻭﻋﻄﻴﻨﻪ ﺑﺎﻟﻜﻼﻡ ﻭﺑﻌﺪﻳﻦ ﺍﺟﻪ ..

ﺍﻭﻝ ﻛﻠﻤﺘﻴﻦ ﻭﺍﻟﺜﺎﻧﻴﻪ ﻣﺎ ﺍﻧﻄﺎﻧﻲ ﻣﺠﺎﻝ ﺣﺘﻪ ﺍﺗﻨﺎﻗﺶ ﻭﻳﺎ ﺷﻔﺖ ﺍﺑﻮﻱ ﺑﻌﺪ ﻫﺎﻱ ﺍﻟﺴﻨﻴﻦ ﻛﻠﻬﻪ ...

ﻭﺍﺫﺍ ﻋﺮﻑ ﻳﺎﻋﻤﺎﺩ ﻭﺍﻟﻠﻪ ﻟﻴﻨﺘﻘﻢ ﻣﻦ ﻋﺪﻧﻪ ﺷﺮ ﺍﻧﺘﻘﺎﻡ ﻭﺍﺧﻮﺗﻮ ﻣﻦ ﻛﻼﻣﻬﻢ ﻳﺤﺘﺮﻣﻮ ﻭﻣﻌﺘﻤﺪﻳﻦ ﻋﻠﻲ ...

ﻋﻤﺎﺩ .. ﻳﻤﻌﻮﺩ ﻛﻠﺸﻲ ﻣﺎﻳﺴﻮﻱ ﻣﺎﻛﻮ ﺷﻲ ﻳﺜﺒﺖ ﺍﻟﻮﺻﻴﻪ ﻭﺷﻜﻴﻨﺎﻫﻪ ﻭﺭﺍﺣﺖ ...

ﻧﻴﺮﺍﻥ ... ﺍﺗﺴﺎﺋﻞ ﺑﻴﻨﻲ ﻭﺑﻴﻦ ﻧﻔﺴﻲ ﻭﻳﻦ ﻭﻟﺪ ﻋﻤﻲ ﻫﺴﻪ؟ ﻭﻳﻦ ﺳﺎﻛﻨﻴﻦ؟ ﻭﻳﺎ ﻭﺻﻴﻪ ﺟﻨﺖ ﺷﺴﻤﻊ ﺍﺭﻭ

ﺡ ﺍﺣﺠﻲ ﻻﻣﻲ ﻭﺍﺣﺼﻞ ﺍﻟﻤﻘﺴﻮﻡ ﻣﻦ ﺍﻟﺮﺯﺍﻟﻪ ...

ﻛﺜﺮﺕ ﺍﻟﻤﺸﺎﻛﻞ ﺑﻴﻦ ﻋﻤﻲ ﻭﺑﺎﺑﺎ ﻭﻣﺮﺕ ﻋﻤﻲ ﻋﻤﺎﺩ ﺷﺪﺕ ﻭﻳﻪ ﻣﺎﻣﺎ ﻭﻫﻢ ﻳﻮﻣﻴﻪ ﻋﺮﻛﻪ ﻭﺍﺷﻮﻑ ﻫﻮﺍﻳﻪ ﺯﻟﻢ ﺗﺠﻲ ﻟﻠﺒﻴﺖ ﻋﻤﻲ ﻳﺤﺠﻮﻥ ﻭﺍﺻﻮﺍﺗﻬﻢ ﻋﺎﻟﻴﻪ ﻳﺮﻳﺪﻭﻥ ﻳﺤﻠﻮﻥ ﺍﻟﻤﺸﻜﻠﻪ ...

ﻟﺤﺪﻣﺎ ﻗﺴﻤﻮﺍ ﺍﻟﺒﻴﺖ ﺑﺎﻟﻨﺺ ﻭﺻﺎﺭ ﻋﺪﻧﻪ ﻣﺸﺘﻤﻞ ﺯﻏﻴﺮ ﺑﺲ ﻇﻠﻮﺍ ﺑﺎﺑﺎ ﻭﻋﻤﻲ ﻣﺘﻌﺎﺭﻛﻴﻦ ﻭﻭﺍﺣﺪ ﻣﻴﺤﺠﻲ ﻭﻳﻪ ﺍﻟﺜﺎﻧﻲ ...

ﻣﺒﻴﻨﻴﻦ ﻭﺍﺣﺪ ﻣﺎﻃﺎﻳﻖ ﺍﻟﺜﺎﻧﻲ ﻣﺠﺮﺩ ﺗﻤﺜﻴﻞ ﺣﺘﻪ ﻛﻞ ﻭﺍﺣﺪ ﺑﻴﻬﻢ ﻳﺤﺼﻞ ﺍﻟﻲ ﻳﺮﻳﺪﻩ ...

ﻣﺎ ﺍﺩﺭﻱ ﺷﻨﻮ ﺍﻟﺴﺒﺐ ﺍﻟﻲ ﻳﺪﻓﻌﻨﻲ ﺍﻓﻜﺮ ﺑﺴﺎﻟﻔﻪ ﻭﻟﺪ ﻋﻤﻲ ﻭﺍﻟﻮﺭﺙ ﻭﺍﻟﻮﺻﻴﻪ ﻛﻤﺖ ﺍﺣﺎﻭﻝ ﺍﺟﺮﺟﺮ ﺑﻨﺎﺕ ﻋﻤﻲ ﻋﻤﺎﺩ ﺍﻟﺼﻐﺎﺭ ﺑﺎﻟﺤﺠﻲ ﺑﺲ ﺟﻬﺎﻝ ﻣﺎﻳﻌﺮﻓﻦ ﺷﻲ ...

ﺍﺗﻤﻨﻴﺖ ﺍﻟﮕﻪ ﺍﻟﻮﺻﻴﻪ ﻭﺍﺧﺬﻫﻪ ﻭﺍﺳﻠﻤﻬﻪ ﺑﻴﺪﻱ ﻟﻮﻟﺪ ﻋﻤﻲ ﻣﺒﻴﻨﻴﻦ ﻣﺘﻌﺬﺑﻴﻦ ﻣﻦ ﻭﺭﺍ ﺍﺑﻮﻫﻢ ...

ﺷﻬﺮ ﻫﻨﺎ ﻭﺷﻔﺖ ﻋﻤﻲ ﻣﻦ ﻳﺎﺻﻨﻒ ﻛﻞ ﻛﻼﻣﻪ ﺑﻴﺪ ﻣﺮﺗﻪ ﺷﺪﻛﻮﻝ ﻳﻜﻮﻟﻬﻪ ﺑﻠﻲ ...

ﻣﺎﻣﺎ ﺟﺎﻧﺖ ﺍﺑﺪ ﻣﺎ ﻗﺎﺑﻠﻪ ﻉ ﺍﻟﻮﺿﻊ ﺩﺍﺋﻤﺎ ﺩﻛﻮﻝ ﻭﺍﻟﻠﻪ ﺟﻴﺘﻨﻪ ﻫﻨﺎ ﺭﺍﺡ ﺗﺴﺒﺒﻠﻨﻪ ﻣﺸﺎﻛﻞ ﺍﺣﻨﻪ ﺑﻐﻨﻰ ﻋﻨﻬﻪ ...

ﻧﻴﺮﺍﻥ .. ﺑﻴﻮﻡ ﺳﺄﻟﺘﻬﻪ ﻛﺘﻠﻬﻪ ﻣﺎﻣﺎ ﻭﻳﻦ ﻭﻟﺪ ﻋﻤﻮ ﺷﻮ ﺑﺲ ﺑﻨﺎﺕ ﻋﻨﺪﻩ؟

ﺑﻴﺎﻥ ... ﻳﺎ ﺍﻣﻲ ﻭﻟﺪ ﻋﻤﺞ ﻃﺎﻟﻌﻴﻦ ﻭﺣﺪﻫﻢ ﻣﻨﻬﺰﻣﻴﻦ ﻣﻦ ﺍﺑﻮﻫﻢ ﻭﻣﺮﺕ ﺍﺑﻮﻫﻢ ﺍﻟﺤﻴﻪ ﺻﺎﺭ ﺳﻨﻴﻦ ...

ﻧﻴﺮﺍﻥ ... ﻭﺍﻣﻬﻢ ﻭﻳﻦ ؟؟

... ﺷﻜﺪ ﺗﺴﺎﻟﻴﻦ ﺍﻣﻬﻢ ﻣﻄﻠﻘﻪ ﺍﻛﻌﺪﻱ ﻭﺍﺳﻜﺘﻲ ﻭﺑﻄﻠﻲ ﻫﺎﻟﻔﺼﻮﻝ ﻻﺗﺮﺣﻴﻦ ﺗﺬﺑﻴﻨﻪ ﺍﺑﻠﻴﻪ ﺷﻨﻮ ﻣﻦ ﺑﻨﻴﻪ ﺭﺍﺡ ﺗﻤﻮﺗﻨﻲ ...

ﻧﻴﺮﺍﻥ .. ﺩﺍﺋﻤﺎ ﺍﻣﻲ ﺗﺎﺧﺬﻧﻲ ﺑﺎﻟﻌﻴﻦ ﺍﻟﺼﻐﻴﺮﻩ ﺑﺲ ﻭﺍﻟﻠﻪ ﻋﻘﻠﻲ ﺷﻜﺒﺮﻩ ﺍﻛﻮ ﺷﻲ ﺑﻬﺎﻱ ﺍﻟﻌﺎﺋﻠﻪ ﻭﻻﺯﻡ ﺍﻋﺮﻓﻪ ...

ﻗﻮﻳﺖ ﻋﻼﻗﺘﻲ ﺑﻤﺮﺕ ﻋﻤﻲ ﻋﻤﺎﺩ ﺭﻏﻢ ﺭﺯﺍﻳﻞ ﺍﻣﻲ ﺑﺲ ﻣﺎ ﺍﺗﻮﺏ ﺍﺗﺴﻠﻞ ﻟﺒﻴﺖ ﻋﻤﻲ ﻋﻤﺎﺩ ﺑﺎﻟﺨﻔﻴﻪ ﻭﻣﻦ ﺗﺪﺭﻱ ﺑﻴﻪ ﺗﺸﺒﻌﻨﻲ ﺭﺯﺍﻳﻞ ...

ﺳﺄﻟﺖ ﻣﺮﺕ ﻋﻤﻲ ﻋﻤﺎﺩ ﺍﺳﻤﻬﻪ ﺑﺪﺭﻳﻪ ﻋﻠﻰ ﻭﻟﺪ ﻋﻤﻲ ﻭﻳﻦ ﺳﺎﻛﻨﻴﻦ؟ ﻭﻫﻢ ﻳﺠﻮﻥ ﻭﺷﻜﺒﺮﻫﻢ؟

ﺑﺪﺭﻳﻪ .. ﻳﺎﺍ ﺍﻟﻴﻮﻡ ﺷﻌﻨﺪﺝ ﺗﺴﺄﻟﻴﻦ ﻋﻠﻴﻬﻢ ﮔﻠﻌﻪ ﺗﮕﻠﻌﻬﻢ ﻫﻤﺰﻳﻦ ﺧﻠﺼﺖ ﻣﻨﻬﻢ ﺟﺎﻥ ﻫﺴﻪ ﻣﺜﻞ ﺍﻟﺴﻴﻒ ﻭﺍﻛﻔﻴﻦ ﻉ ﺭﺍﺳﻲ ...

... ﻟﻴﺶ ﺷﻤﺴﻮﻳﻦ؟ ﻭﺷﻜﺒﺮﻫﻢ؟

... ﺻﺎﺣﺒﻴﻦ ﻃﻼﻳﺐ ﻭﻳﻮﻣﻴﻪ ﻻﮔﺤﻴﻦ ﻋﻤﺞ ﺑﻤﺸﻜﻠﻪ ﻭﻳﺤﻞ ﻭﺭﺍﻫﻢ ﺍﻣﻬﻢ ﺍﻃﻠﻜﺖ ﻭﻟﻜﺤﺘﻬﻢ ﻭﺭﺍﺣﺖ ﻭﺑﻘﻮﺍ ﺑﺪﻭﻥ ﺗﺮﺑﻴﻪ ...

ﻫﻢ ﺧﻤﺴﻪ ﻓﺎﺭﻭﻕ ﻫﺴﻪ ﻋﻤﺮﻭ 25 ﺳﻨﻪ ﻭﻗﻴﺲ ﻭﺍﻭﺱ ﺗﻮﺃﻡ ﺍﺻﻐﺮ ﻣﻦ ﻓﺎﺭﻭﻕ ﺏ 3 ﺳﻨﻴﻦ ..

ﺍﻳﻮﺏ ﻋﻤﺮﻭ 21 ﻭﺍﺩﻫﻢ 19 ﻭﺛﺮﻳﺎ ﻳﻜﻮﻟﻮﻥ ...18

... ﻳﻌﻨﻲ ﻋﻨﺪﻱ ﺑﻨﺖ ﻋﻢ ﻣﺎﺷﺎﺀ ﺍﻟﻠﻪ ﺍﻭﻝ ﻣﺮﻩ ﺍﺳﻤﻊ ﺑﻴﻬﻪ ﻭﺍﻛﺒﺮ ﻣﻦ ﻋﻨﺪﻱ ..

... ﺍﻱ ﻋﻨﺪﺝ ﻭﺣﺪﻩ ﻋﺎﺷﺖ ﻭﻳﻪ ﺍﺧﻮﺗﻬﻪ ﻭﻣﺎﺑﻄﻠﻮﻫﻪ ﻭﻳﻜﻮﻟﻮﻥ ﺗﺘﺪﺭﺱ ﻭﺷﺎﻃﺮﻩ ..

ﻧﻴﺮﺍﻥ ... ﺭﺿﻴﺖ ﻓﻀﻮﻟﻲ ﺑﻬﺎﻱ ﺍﻻﺳﺌﻠﻪ ﺑﺲ ﺑﻌﺪ ﻻﺯﻡ ﺍﻋﺮﻑ ﺳﺎﻟﻔﻪ ﺍﻟﻮﺻﻴﻪ ﻭﻟﻴﺶ ﺑﺎﺑﺎ ﺳﺎﻛﺖ ﻋﻦ ﻫﺬﺍ ﺍﻟﺸﻲ ﻭﻗﺎﺑﻞ ﺑﺎﺫﻳﺘﻬﻢ ...

ﺍﻛﻮ ﺷﻲ ﻳﺠﺬﺑﻨﻲ ﻟﻮﻟﺪ ﻋﻤﻲ ﻭﺍﺣﺲ ﺑﻤﺴﻮﺅﻟﻴﻪ ﺍﺗﺠﺎﻫﻢ ﺧﺎﺻﻪ ﻣﻦ ﺳﻤﻌﺖ ﺷﻠﻮﻥ ﻣﺎﺧﺬﻳﻦ ﺣﻘﻬﻢ ...بيج قصص عراقيه حقيقيه من واقعنا.روعه الطائي

ﺑﻴﻮﻡ ﻣﻨﻬﻦ ﺍﺟﻪ ﺑﺎﺑﺎ ﻳﺮﻛﺾ ﻭﻗﻔﻞ ﺍﻟﺒﺎﺏ ﻋﻠﻴﻨﻪ ﺗﺴﺎﻟﻪ ﻣﺎﻣﺎ ﻳﻜﻠﻬﻪ ﺻﺎﺭﺕ ﻋﺮﻛﻪ ﻭﻋﻤﺎﺩ ﻛﺘﻞ ﻭﺍﺣﺪ ﻭﻫﺬﻭﻻﻙ ﻫﺎﺩﻳﻦ ﻋﻠﻴﻨﻪ ﻻ ﺍﻃﻠﻌﻴﻦ ﺍﻧﺘﻲ ﻭﺑﻨﺎﺗﺞ ﻭﺍﺑﻨﺞ ﺧﻠﻲ ﻳﻤﺞ ...

ﻣﺎﻣﺎ ﻛﻠﺶ ﺧﺎﻳﻔﻪ ﻭﺑﺲ ﺗﺮﺩﺩ ﺍﻳﺎﺕ ﺣﻘﻬﻪ ﻭﻳﻦ ﺟﻨﻪ ﻭﻳﻦ ﺻﺮﻧﻪ ﻛﻠﻪ ﻣﻦ ﺑﺎﺑﺎ ﺍﻟﻲ ﻣﺎﻧﻌﺮﻑ ﺷﻴﺴﻮﻱ ....

ﺷﻮﻳﻪ ﻭﺍﺟﻪ ﺑﺎﺑﺎ ﺣﺠﺎﻟﻨﻪ ﺍﻟﺴﺎﻟﻔﻪ ﻣﺎﻝ ﻋﻤﻲ ﻭﻋﻠﻴﻤﻦ ﻣﺘﻌﺎﺭﻙ ﻭﺷﻠﻮﻥ ﻫﺬﻭﻻﻙ ﻫﺎﺩﻳﻦ ﻋﻠﻴﻬﻢ ...

ﺑﺎﺑﺎ ﺧﺎﻳﻒ ﻭﻳﻜﻠﻬﻪ ﻣﺎﻳﻘﺒﻠﻮﻥ ﺑﻔﺼﻞ ﻭﺧﺎﻑ ﻳﻜﺘﻠﻮﻥ ﻋﻤﺎﺩ ...

ﺑﻴﺎﻥ ... ﻭﻳﻦ ﻭﻟﺪﻩ ﻣﺎﻳﺠﻮﻥ ﻳﻮﻛﻔﻮﻥ ﻻﺑﻮﻫﻢ ﺑﻬﻴﺞ ﻣﺤﻨﻪ ﻋﻠﻴﻤﻦ ﺧﻠﻔﻬﻢ ﻟﻌﺪ ..

... ﻳﺎﻭﻟﺪ ﻭﻟﺞ ﻳﺎﻣﺮﻩ ﺭﺍﻳﺤﻴﻦ ﻧﺎﺱ ﻋﻠﻴﻬﻢ ﻭﻣﻄﺮﺩﻫﻢ ﺍﺑﻨﻪ ﺍﻟﺠﺒﻴﺮ ﻛﺎﻳﻠﻬﻢ ﻣﺎﻋﺪﻧﻪ ﺍﺏ ﺍﻛﺘﻠﻮ ﺍﺳﺠﻨﻮﺍ ﺑﻜﻴﻔﻜﻢ ...

... ﻳﺎﻋﺰﺍﺍ ﻫﺎﻱ ﺷﺒﻴﻬﻪ ﺍﻟﻨﺎﺱ ﻣﺘﺬﺍﺑﺤﻪ ﻭﺍﻻﺑﻦ ﻣﺎﻳﻌﺘﺮﻑ ﺑﺎﺑﻮ ... ﻫﺴﻪ ﺷﺮﺍﺡ ﺗﺴﻮﻭﻥ؟

... ﺧﺎﺑﺮﻧﻪ ﻉ ﻋﻤﻮﻣﺘﻨﻪ ﺍﻟﻲ ﺑﻠﻔﻠﻮﺟﻪ ﺣﺠﻲ ﺭﺍﺿﻲ ﻭﺷﻴﺦ ﻧﺎﺻﺮ ﺭﺍﺡ ﻳﺠﻮﻥ ﻭﻳﺸﻮﻓﻮﻥ ﺣﻞ ...

ﻧﻴﺮﺍﻥ ... ﺍﺳﺘﻤﺮﻳﻨﻪ ﻉ ﻫﺬﺍ ﺍﻟﺤﺎﻝ ﺍﺳﺒﻮﻉ ﻧﺎﺱ ﻃﺎﺑﻪ ﻭﻧﺎﺱ ﻃﺎﻟﻌﻪ ﻛﻤﺖ ﺍﺭﻭﺡ ﻳﻢ ﺑﻴﺖ ﻋﻤﻲ ﻭﺍﺳﻤﻊ ﻣﺮﺕ ﻋﻤﻲ ﺑﺲ ﺗﺤﺠﻲ ﻭﺗﺴﺐ ﺑﺎﻟﻨﺎﺱ ...

ﻭﻋﻤﻲ ﻛﺪﺍﻣﻬﻪ ﻣﺜﻞ ﺍﻻﺭﻧﺐ ﺣﺘﻪ ﻳﺨﺎﻑ ﻳﺤﺠﻲ ﻭﻳﺎﻫﻪ ..

ﺯﻳﻦ ﺍﺫﺍ ﻋﻤﻲ ﻟﻬﺪﺭﺟﻪ ﻣﻄﻴﻊ ﻭﺳﻤﺎﻉ ﺣﺠﻲ ﻟﻴﺶ ﻣﻄﻠﮓ ﻣﺮﺗﻪ ﺍﻻﻭﻟﻰ ﻭﻋﺪﻫﻪ 6 ﻭﺍﻟﻠﻪ ﺷﻲ ﻏﺮﻳﺐ ...

ﺑﻴﻮﻡ ﻣﻦ ﻋﺪﻫﻦ ﻇﻬﺮﻳﻪ ﻭﻣﺎﻧﻤﺖ ﻛﻠﺖ ﺧﻠﻲ ﺍﺭﻭﺡ ﻳﻢ ﺑﻴﺖ ﻋﻤﻲ ﻻﻥ ﺍﺣﻨﻪ ﺗﻠﻔﺰﻳﻮﻧﻪ ﻣﺎﻳﺸﺘﻐﻞ ﻭﻣﺘﺎﺑﻌﻪ ﻣﺴﻠﺴﻞ ..

ﺩﺧﻠﺖ ﻟﺒﻴﺘﻬﻢ ﺑﻴﻨﺎﺗﻨﻪ ﺑﺲ ﺳﻴﺎﺝ ﻭﺑﺎﺏ ﺍﻟﻤﻄﺒﺦ ﻣﺎﻟﺘﻬﻢ ﻣﺎﻳﻨﻘﻔﻞ ﺍﻧﻲ ﻣﺘﻄﻔﻠﻪ ﻭﺍﻟﻠﻪ ﻟﻮﺗﺪﺭﻱ ﻣﺎﻣﺎ ﺟﺎﻥ ﺍﺷﺴﻮﺕ ..

ﺟﺎﻥ ﺍﻟﺒﻴﺖ ﻫﺪﻭﺀ ﻣﺤﺪ ﺍﻛﻮ ﺭﺣﺖ ﺍﺭﻳﺪ ﺍﻓﺘﺢ ﺍﻟﺘﻠﻔﺰﻳﻮﻥ ﻭﺍﺳﻤﻊ ﺻﻮﺕ ﻋﻤﻲ ﻭﻣﺮﺗﻪ ‏( ﺑﺪﺭﻳﻪ ‏) ﻃﺎﻟﻊ ﻣﻦ ﺍﻟﻐﺮﻓﻪ ...

ﺗﻘﺮﺑﺖ ﺷﻮﻳﻪ ﺟﺎﻥ ﺻﻮﺗﻬﻢ ﻭﺍﺿﺢ ﺑﺤﻜﻢ ﻣﺤﺪ ﺑﺎﻟﺒﻴﺖ ﻭﺍﺳﻤﻊ ﺣﺪﻳﺜﻬﻢ ...

ﻋﻤﺎﺩ .. ﺍﺳﻜﺘﻲ ﺻﺮﻋﺘﻲ ﺭﺍﺳﻲ ﺑﻴﺖ ﻣﻨﺎﺣﻲ ﻳﺮﺩﻭﻥ ﻓﺼﻞ ﻣﻼﻳﻴﻦ ﻟﻮ ﺍﺑﻴﻊ ﻛﻞ ﺣﻼﻟﻲ ﻣﺎﻳﺴﺪ ...

ﻟﻮ ﺍﻧﻄﻴﻬﻢ ﻓﺼﻠﻴﻪ ﺷﻌﻨﺪﻱ ﻭﺍﻧﻄﻲ ﻫﻦ ﺑﻨﺎﺕ ﺟﻬﺎﻝ ﻟﻮ ﺩﻣﻲ ﻣﻬﺪﻭﺭ ...

ﺑﺪﺭﻳﻪ .. ﻭﻛﻞ ﻋﻘﻠﻚ ﺗﺒﻴﻊ ﺍﻣﻼﻛﻚ ﺷﻜﻠﺖ ﻟﺮﻭﺣﻚ ﻣﻦ ﻃﻜﻴﺘﻬﻢ ﻭﺑﻜﺎﻋﻬﻢ ﻣﺎﻓﻜﺮﺕ ﺑﺤﺰﺗﻬﻪ ﻳﺎﻣﺼﻴﺒﺘﻲ ﺷﻌﺪﻧﻪ ﻭﻧﺒﻴﻊ ﻟﻮﺍﺧﻮﻙ ﺍﻟﺠﺎﻱ ﺣﺎﺩ ﺍﺳﻨﻮﻧﻪ ﻋﻠﻴﻨﻪ ..

... ﻳﺎﻣﺮﻩ ﺳﺎﻋﻪ ﺷﻴﻄﺎﻥ ﺷﻤﺪﺭﻳﻨﻲ ﺗﺠﻲ ﺑﻜﻠﺒﻪ ﺭﺩﺕ ﺑﺲ ﺍﺧﻮﻓﻬﻢ ﺳﻮﻭ ﺯﻟﻤﻪ ﺑﺮﺍﺳﻲ ﻭﻫﻮ ﻃﻜﻪ ﻭﻧﺺ ..

... ﺍﺣﻤﺪ ﺭﺑﻚ ﻟﺴﻪ ﻣﺎﺫﺑﻮﻙ ﺑﺎﻟﺴﺠﻦ ﺟﺎﻥ ﻣﺤﺪ ﻃﻠﻌﻚ ﺭﻭﺡ ﺩﺣﻜﻠﻚ ﺣﻞ ﺍﻧﻄﻴﻬﻢ ﻓﺼﻠﻴﻪ ﻭﺍﺳﻜﺖ ...

... ﺷﻨﻄﻴﻬﻢ ﻣﻨﻴﻠﻲ ﺍﻧﻲ ﻋﺸﺮ ﺑﻨﺎﺕ ﻳﻮﻟﻮ ﻫﻦ ﺑﻨﺎﺗﺞ ﺍﺛﻨﻴﻦ ﺟﻬﺎﻝ ...

... ﻋﻨﺪﻙ ﺛﺮﻳﻪ ﺟﺒﻴﺮﻩ ﻋﻤﺮﻫﻪ 18 ﺯﻭﺟﻬﻪ ﺍﻧﺖ ﺍﺑﻮﻫﻪ ﻭﺍﻧﺖ ﺗﻘﺮﺭ ﺍﺫﺍ ﺑﻌﺖ ﺍﻻﻣﻼﻙ ﺑﻴﺶ ﺗﻌﻴﺶ ..

ﻋﻤﺎﺩ ﻣﺎﺧﻠﻴﻚ ﺗﺒﻴﻊ ﺷﺒﺮ ﻭﺍﺣﺪ ﺩﺣﻜﻠﻚ ﺣﻞ ﻟﻤﺼﻴﺒﺘﻚ ﺍﻧﻄﻴﻬﻢ ﺑﻨﺘﻚ ﻭﺍﺳﻜﺖ

... ﺟﻨﺞ ﻧﺴﻴﺘﻲ ﻓﺎﺭﻭﻕ ﻭﺍﺧﻮﺗﻮ ﻭﺍﻟﻠﻪ ﻣﺎﻳﺘﻬﺎﻭﻧﻮﻥ ﺑﻜﺘﻠﻲ ﻭﻣﺎﻳﺨﻠﻮﻧﻲ ﺍﻣﺲ ﺛﺮﻳﺘﻬﻢ ...

... ﺍﻧﺖ ﺍﺑﻮﻫﻪ ﻭﺗﻘﺮﺭ ﻭﻫﻲ ﺍﻭﻟﻬﻪ ﻭﺗﺎﻟﻴﻬﻪ ﺗﺘﺰﻭﺝ ﻭﺑﻴﺖ ﻣﻨﺎﺣﻲ ﺧﻴﺮ ﻣﻦ ﺍﻟﻠﻪ ﺧﺎﻑ ﺩﻛﻮﻝ ﻓﮕﺮ ﻋﻠﻴﻬﻢ ...

... ﺑﺎﺣﺮﻣﻪ ﺍﺳﻜﺘﻲ ﻫﺎﻱ ﺍﻟﺴﺎﻟﻔﻪ