ما يعرف..
فهمت ليش يريد بسرعة يمكن
يحس بنقص وعباله الناس تكول مو رجال
خليته براحته..
كلي نزعي البدلة انة اضوج من سالفة
انزعها..
كتله افتح الزنجيل وانة انزع
بس فتحه ونزعتها بالحمام وطلعت لابسة
السيت وفوكه الروب
هو جان كاعد بس بالشورت..
من شافني تقرب يمي تلمسني
اخذني ويمشي بيه للجرباية
باس كتفي بوسة خاطفة
وبقى يتلمس بوجهي ويباوعلي
انة غمضت لان استحي صح الضوا
خافت
بس صعبة اول مرة رجال يشوفني هيجي
بس قويت نفسي لخاطره ماريد احبطه..
باسني بخدي وبكصتي شعري كلي
ليش فاتحته اضوج من هيج شعر طويل..
انقهرت كلش من حجايته بس عبرتها
بعدين اعاتبه بيها
ماتقرب لشفتي او باسني ابد ولا حتى جسمي
باسه بوسه رومانسية
بوساته جانت خاطفة وسطحية..
بعدين بلا اي مقدمات او حتى اهيأ نفسي
راد ياخذني
ماقبلت وكتله اصبر مو هيج بس هو ابد ولا
يسمع..
بدون اي اهتمام لحجيي او طلبي
يتوقف لان كلش اذاني ..
اخذني...الالم الكاتمته كله ماكدرت اكتمه بعد
طلعت صرخة عالية كلش...
دفعته كتله كافي بس اخذ النيشان ووخر لان
تاذيت
وامي نبهتني اول مايطلع النيشان اخذه
حتى لا يخف اللون او بعدين ماكدر..
وادفع بي واحجي وماكو
وهو عبالك رجل الي مااهتم ابدااا
الى ان..ارتاح ..
عطت بي ..انت شسويت؟؟؟
للحكاية بقية

فراشات تخشى الاحتراق
الجزء العاشر

دفعته بسرعة وعطت بي..ايااد
شصخمت ولك انت شسويت؟؟؟
هو حس ع نفسه وكام بسرعة يباوعلي وانة كمت
مثل المخبلة نسيت حتى الوجع ..
وهو يباوعلي مستغرب ..
ش ش ش بييج؟
اباوع لا بقى نيشان ولا شي احتاريت امتزج كلشي
والفراش وكلشي تدمر
رجع كال ه ه هو ..من من منو ..ي ي ي يسأل ..
عن عنه..
جاوبته وانة احاول اكتم غضبي...
تحجي صدك بهذا برودك؟؟
مايهمني منو يسال عنه بس هذا شي غالي
بالنسبة الي واريده ..
وافرض اهلك رادو مو يمكن يشكون بيه؟؟
م م محد ..يسسسال ..ع ع دنا.. به ه ه ه سوالف..
استغفر الله اعوذ بالله من الشيطان
لفيت نفسي وكمت للحمام همزين
بالغرفة جان انحجت حجايتي..
دخلت جوا الماي الدافي احس متت برد
جانت بداية شهر كانون وجاية موجة برد
قوية
اكو هيتر بالحمام فتحته
ووكثرت الماي الحار ع البخار
بس ردت جسمي يدفى..
جريت طبلة بلاستك وكعدت عليها جوا
الماي خليته يصب
شوية شوية جسمي فك ودفى
سبحت وخلصت صحت على اياد..
كتله جيبلي الخاولي والروب بكنتوري
راح شوية جابهن واجه ..
لبست وطلعت ..هو كاعد ع الجرباية
ينتظرني..
لفيت الروب عدل ومشيت اريد انظف
الجرباية
هو كام ويباوعلي بخجل..
ا ا ا اسف ...ح ح حبيب تي..
ب ب ب س ..ما ما ما ..س س س يطرت..
ع ع على ..اعص ص ص ابي..
صار كدامي ورفع راسه لفوك بحسره ..
ح بي ..ه ه ه واي ..س س معت .. ح ح حجي...
مايهم بعدين نحجي روح هسه
ادخل اسبح وارتاح على مااحضر
الجرباية حتى ننام..
راح للحمام وانة عدلت الجرباية وطلعت
جرجف جديد فرشته
طلعت تلفوني واباوع مكالمات من امي
ومن عمة ومن ابوي
عددهن هائل
واخر مكالمة قبل دقيقتين
بادن رجليه ياستار شنو الصاير
كعدت وانة اردد يارب دخيلك يارب..
اريد ادك ورجعت خابرت امي
اول ماجاوبت
امي حاجتني برعب..
جمانة يمة خذاج رجلج لو لو بعده احجييي؟؟؟
كوة كدرت انطق واجاوبها..
اي يمه اخذني ليش !
صخام بوجهي يمه ولج عليج انطاره
سودة بوجهي راحت البنية...
صفني حجي امي انة منا محتارة وقلقلة
بسبب النيشان ومنا امي
مدري شجاي تحجي..
يمه فدوة شتحجين فهميني..
يمه كله مني انة مافهمتج انة سليمة
اعتمدت على افنان وتكول ناسية
يمه شسوي هسه يمه...
استغفر الله يمه لخاطر الله فهميني شجاي
تنطقين مو انة اليوم مابقالي
صبر رحموني شوية فهموني؟؟؟
اخذت التلفون عمة وامي اسمعها تبجي..
حاجتني عمة بهدوء..
جمانة حبيبة هاي خرافات بس هي امج تصدك
باعي انت يوم ثاني ودلاتج نزل
عليج دم
شنو؟؟حجيتها باستغراب وطلع اياد ينشف
بسعره صفن عليه اشر بيده شكو؟
جاوبته ..لا احاجي عمة..
هز راسه وطلع ..عمه من سمعتني حاجيته
سكتت
كتلها راح ورجعت كملت...
من شافت بيبيتج الدم كالت هاي الينزل عليها
دم باول ايام ولادتها
لازم رجلها ماياخذها الا ورا اذان الفجر..
ضحكت بسخرية وهزيت راسي..ههه وليش عود
صدك تحجون ؟هسه امي تلوم
بروحها على هذا الشي؟
واذا قبل الفجر عاد شيصير؟
اسم الله على اسمج اسم الله ع اساس اسم الله تموتين...
بلة حنة تامنين بهالسوالف ؟
لا وكلت لامج ذني خرافات بس هي من كالت
افنان ماكلت لجمانة تنتظر للفجر
امج انخبصت وبقت تلوب
هم حقها ام وتخاف حتى من الخرافات مو بيدها..
ادري بيها بعد كلب والدة بس انت حاجيها
بس منج تاخذ حجاية هي
لا يضل بالج انت روحي مدام شغلتج خلصت
هذا هو نعمة..
الحمدلله يلا سلميلي..
يوصل ..
سديته من عمة وانة مسطورة احس راسي
صدع كلش
طلعت مو ليلة العمر ليلة الصدمات هاي
انوب البدعة هاي مالت ورا الفجر
الله يرحمجن عجايز قبل عدجن سوالف
ماتنحجي وتنكال..
رحت طلعتلي سيت نوم طويل ومستور
لبسته ورحت للثلاجة بلكي الكى بندول
صدك لكيت اخذتلي وحدة شربت
وتمددت وتغطيت
الغرفة دافية حيل حسيت روحي منهكة
وبس اريد ارتاح ..
اياد طلع مارجع وين راح مادري..
اخذت التلفون خابرته كطع الخط
وراها دخل للغرفة..
ها ها ها ..خ خ خو...
ما ما ...بي بيهم ..ش ش ي اه ه لج؟
لا بس يتطمنون عليه...
ز ز ين ..ما ما ما..ت ت تعشششين..
لا ابد مااشتهي نعسانة ومصدعة كلش
جان اكلت انت..
اي اك ك ك لت  ..م م منار.. م م محضرته..
ف ف فوك..
بل بل بل ..م م م طبخ...
عاشت ايدها بس ماكدر اكل اريد انام حيل تعبانة..
ح ح حتى..ا ا ني....
يلا جا تعال نام وارتاح اهلك خو ماسالو؟
للللا...ما ما ..نز ززلت..
اها..الله كريم ..
اجه تمدد يمي وشال راسي خلاه ع ايده
حضني حيل بحضنه عصرني عصر...
اح ح ح بج...
ان ن نت..ك ك كل ع مري...
بسته بصدره وكتله ربي يحفظك الي..
غفيت من تعبي ودوختي بس ردت اختم
هذا اليوم بسلام
يوم ثاني الفجر كعدت ع المنبه
كمت توضيت واجيت كعدت اياد
حاولت ويا حتى مليت ماقبل يكعد
عبالك داخل بغيبوبة
خليته براحته لان البارحة تعب..
صليت ورجعت نظفت الغرفة وشغلت الغسالة
مابية نومة بعد لان نمنا من وكت
خلصت واخذت سلة الملابس وطلعت
البيت هدوء واظلم...
سميت بسم الله وسلمت لان امي تكول اذا
دخلتو مكان اظلم
سمو بسم الله وكولو السلام عليكم..
اخذت ا

لملابس صعدت فوك الباب مطبوك قوي
ترددت افتحه خاف افززهم بهالفجر
جريت السركي على كييف ماكو
جريته قوي صارت صوت عالي
كلت لا هسه عبالهم حرامي
ويصكوني..
تصنتت لجوا محد زين الظاهر نومهم ثكيل
طلعت بالسطح لا حبل لا شي
شسوي وين اودي ملابسي والجرجف
والسطح بي طبقة تراب تعادل
صحراء الانبار ..
اخذت سلتي ونزلت رجعت للغرفة
اياد بعده نايم
كلت اسبح وابدل واخذهن اشرهن جوا بس
اكعد اياد يجي وياي..

دخلت للحمام سبحت وطلعت جاي امشط
كعد اياد...
ص ص صبااح ..ال ال الخيير..
صباح الخيرات عيني صح النوم ..
ش ش كرا..
خ خ خو ...ما ما ما ..زععع لانة..
مممن ..ال ال بارحة؟
لا بس لازم نكعد نحجي شوية لان السويته غلط
صح انة عديتها لان شي وصار
وما ممكن يتصلح
بس انت غلطان هواي...
ص ص ح..ب ب بس..س س سمعت ..
ه ه هواي...ح ح حجي...
يخسى اليجيب سيرتك انت رجال بالف رجال
لا تتاثر بكلام احد
ترى مقهورين منك لان حلو ولازم الشغل كله
بشطارتك..
ص ص دك؟؟ي ي يعني.. ه ه هم ..اكوو..
اح ح د..يغ يغ يغاار..م م مني؟
جاي شلون مايغارون يا ايو بس عيونك
الحلوة تضغطهم..
ههههه ..ا ا ا عششق..تتترابج ..ا ا اني...
فداك انة ايو ..يلا كوم اسبح وصحصح
حتى تدليني وين اشر ملابس...
خ خ خوش..رااايح...
راح للحمام وانة رتبت الجرباية وطلعتله ملابس
خليتهم ع الجرباية وكعدت انتظره..
طلع بدل ونزلنا البيت هدوء بعده
الساعة ستة وربع..
سالته شو محد كال يبقون نايمين كلهم
بس ايهم ابن خاله الي هالسنة طالب مرحلة
اولى نفس السنة هو وريان ..
بس هو وابو اياد يكعدون من وكت
بس غدير دوامها عصري..
وايثار اخوهم الجبير يطلع بالتسعة للشغل
هم عدهم
بالاضافة للمعمل مالت الماي
مخازن مال مشروبات غازية
وعصائر
هذا الشغل لازمه ايثار وابوهم
وبشار
بس بشار مو دائماً لان طالب مرحلة اخيرة
جامعة..
طلعنا برا اكو حديقة خلفية بيها منشر وحبلين
كال هنا شريهن
شريت وخلصت واخذت السلة ودخلنا
ماعبالك عرسان طالعين بالبيت من الصبح
نفتر والجماعة كلها نايمة..
رجعنا لغرفتنا سالت اياد اسويلك ريوك
كال لا ماشتهي بعدني توه كاعد..
دك التلفون امي خطية تخابر طبعا بقى
بالها يمي لو تشيل من راسها
هالامور الي مالها صحة ولا الها اصل..
حاجيتها وطمنتها وهي تسال خو مابيج شي
كتلها لا مامتت تطمني بسبع ارواح
مو تكولين من جنت ببطنج بطلة وقاومت
لازلت صامدة واقاوم..
شوية حسيتها فكت وضحكت..كالت نجيج بالعشرة
كتلها هلا بيكم عاد صدك اشتاقيتلهم..
ورا ماخلصت مكالمة كعدت اسولف وي اياد
كال ماردت اذيج او اضيع النيشان
بس جنت معصب كلش وهم
احنا بعائلتنا ابد محد يسال عنه ..
وحجالي شلون سامع حجي من اولاد عمه
يضحكون ويستهزأون بي
ع اساس مايكدر وبالتحديد
حاجين كلمة معينة اياد
صار *** ..
بقينا نسولف لحد مادكو الباب علينا
كام هو فتحه دخلت امه..
هلهلت وكالت..صباح الخير عرسان..
شلونكم عاد خلصت مووو...
طبعا امه من تحجي انة حلكي يضل يوجعني
هواي تفر حلكها...
جاوبها هو خلصت وكلشي تمام وبوسته
وباركتله..
انة بوستني وانطتني علاكة كالت
هاج هاي دراعة جبتها
الج من بغداد البسيها وتعالو نزلو تريكو..
شكرا خالة هسه نبدل وننزل..
يلا مو تتاخرون ترى لاحكين ميطير هههه...
طلعت وسدت الباب وراها واياد كام للكنتور
اخذله تراك لبسه وراح يمشط
انة اخذت الكلابية الجايبتها امه كلت عيب
افشلها رغم انة اشتريت ثوب ابيض
منقوش باطرافه فضي ونازك حيل
بس ماردت ارد هديتها..
طلعتها من العلاكة لونها احمر يدوخ وبيها
شغل كله لمع!!يبووي انة البس هيج
احس روحي فنانة قديمة من الفلكلور
وانوب شعرضها عليه..
عفتها ورحت اخذت مالتي لبستها كاعدة
فيت عليه
خليت مكياج خفيف ووطلعت انة وياد
هو عجبته ملابسي كال حلو هذا خوش
مختارته امي كتله بكلبي لو تدري بامك
شجايبتلي
بس جاوبته ذاك قياسه جبير ومارهملي...
نزلنا ولكينا خالاته من شافونا هلهلو
وسوولهم اجواء
امبينين كلش عدهم حس موسيقي
لان شي تغني شي تركص عبالك فرقة
متكاملة...
امه كدامهم كالت..ياااا جومانة ليش ملبستي
الجبتها الج؟؟؟
هي تسميني جومانة لان الواو عدها بكلشي تحطه...
جاوبتها..عمة مو قياسي كلش جبير عليه...
سكتت ماصدكت جنها
وكعدنا تريكنا وخلصنا ورحنا جوا
متحمعين خالات وخوال وولد ووبنات..
هم عدهم خمس خالات واربع خوال
واحد ميت وثلاثة موجودين
ومستقرين هنا بالبصرة
والخالات ثنين هنا وثلاثة ببغداد..
بس ع مود العرس كلها جاية
وعمامهم هم ببغداد بس واحد هنا ..
جانو كلش هواي بس هو البيت واسع واكثر
من ديوانية بي لهذا متوزعين
انة كاعدة ويمي خالته تسولف وياي عن البارحة
كتلها الحمدلله كلشي تمام
وهي هم خوش مرة من اول ماخطبوني اسلوبها
حلو وياي
واحنا نسولف دكت تلفوني اجو اهلي..
كلت لاياد وراح هو وامه استقبلوهم
وانة انتظرت بالدوانية التصير يم الباب الخارجي
اجت بس امي وعمة حنة
وامي كدام ام اياد بس تنفخ بيه وتكلي
البيت اظلم جنتي تلمعين بي مثل الثريا
وطلعت علبة بيها سوارات لبستني
حسيتها تريد تبين

لامه معزتي عدها
لان حسيت امي وام اياد بينهن فد موقف
رغم تعاملها بمنتهى اللطف جان
بس اليوم حسيتها متغيرة اسلوبها وياي بز
بالحجي..
بس بقت طول الكعدة يمنا ماكدرت اسولف وي عمة
بس كتلها نتخابر ونسولف
وهم ماطول حكم ربع ساعة وكامو
ورا ماراحو انة رجعت جوا
وامه راح للمطبخ لان جانو يحضرون للغدا
سالتني خالته..
لعد انعام وينها ..
راحت للمطبخ يم البنات..
اي بعد ماضل شي للغدا ب١١ خو مامشتهية
شي نسويلج..
جاوبها واحد يعني شكله نهاية ثلاثينات
اذا مو اكثر
ام سلوان شلج بالسؤال مو عييب...هههه
وردت عليهم خالته الثانية
قصدها شريب عيني حيااوي..
وبقو يصنفون وانة وجهي مدنكة الم براغيه من الكاع
مو بس فلت تفلش..
غير ميانة زفرة هاي عدهم..
بقينا كاعدين لحد ماصار اذان الظهر
ترخصت منهم كتلهم اروح اصلي
بت خالته كالت..عااا بشار واخيراً دخل
لبيتكم فرد يهديكم للاسلام...
جاوبها بشار..
اي وانة اول المهتدين كولي امين..واندارلي
جمانة اريد تشجيع بشرفج
اريد تدخليني للاسلام حتى لو دفر..
ضحكت عبالي جاي يتشاقون وسالتهم
جا كومو صلو من هسه بس اياد
وين خل نصعد نصلي سوا..
سالت بت خالته بفضول..يااا يعني بدا يصلي
خوووش تاثيرج قوي جوجه
سالتها ببلاهة..
شون يعني مافهمت؟؟
يعني قصدي اياد الطول عمره ماواكف
ع سجادة ومصلي
انت غيرتي عفية عليج...

للحكاية بقية

فراشات تخشى الاحتراق
الجزء الحادي عشر

حجي بت خالته حسيته راشدي وسطرني
ع عيوني
للحظة كلت يمكن تريد تغثني او جذب 
الحجته
بس نظرات بشار ثبتت صحة كلامها
حاولت اتلافى الموضوع ماردت ابيت شي
كدامهم..
ترخصت وصعدت بلا مااحسسهم بحجم 
النار التسعر بداخلي..
اول مادخلت للغرفة انهاريت 
احس تحملت هواي او ..بمعنى اصح
تحملت كلشي
بس اتحمل بعده عن رب العالمين وجهله
للصلاة !!
لا لا مستحيل هذا الشي فجعني ..
زين هو ليش جذب عليه وكال يصلي
بلة الناس من واخد يسال 
يمكن ينزهون الشخص وهو سيء
بس هو حجاها بلسانه هو يصلي
يعني جذب عليه...
حسيت بوقتها غضبي سيطر عليه
كمت تعوذت من الشيطان
توضيت واجيت فرشت سجادتي 
صلاتي ودعائي كله بس اطلب من ربي
يرشدني شنو اتصرف 
لان عقلي قفل ومايعرف شيقرر..
بعد ماكملت صلاة كعدت اسبح 
احس هدأت وسيطرت على غضبي
قررت احاجيه وافهم منه ليش مايصلي
يمكن يجذبون وهو يصلي صدك
واذا مايصلي اخيره بيني
وبين صلاته..
لان مامستعده اعاشر انسان بعيد عن اتصاله
بربه...
بقيت كاعدة هواي ع السجادة اردد ادعية
وابجي واناجي ربي يفرجها..
جنت منتچية ع الكنتور وسبحتي بيدي وراسي
مخليته ع باب الكنتور..
دخل هو باوعلي ونزل راسه بسرعة
واضح بتصرفاته واصله الحديث 
الصار بيني وبين بسار وبت خالته...
بقيت اباوعله طولت نظرتي بي
هو يباوع بالغرفة بس مو بوجهي 
لحد مااجه كعد كدام السجادة...
انة ماخليته يشوفني ابجي ماردت اضعف
لان اذا شافني ضعيفة 
مايتقبل اي شي اكوله ..راح يستضعفني ويكول
ماعدها اصرار 
لهذا بينت كدامه قوية وماايكدر يهزمني...
دنك راسه يباو لايديه شلون اسبح..
حجيت بهدوء وياه..بس بصيغة امر..
يلا كوم صلي حتى تكون اول صلاة تجمعنا سوا
وندعي من ربي السعادة...
رفع راسه كال..
ما ما ..اصصصصلي..
ليش؟؟؟
كگلج...ب ب بشار ..
صح كال بس انة مايهمني السمعته من بشار..
اليهمني زوجي ونصفي الثاني يكون مناظر الي
يكون مكمل الي بكلشي
مثل ماكتلك قبل...
راح تكدر تكون هيج؟؟
لو انسحب من حياتك لان ماكدر اكمل حياتي
وي شخص مو مثلي...
مد ايده لزم ايدي حيل..للللا..ت ت تعوفيني...
مسدت على ايده وباوعت بعيونه..
اذا تريدني وياك دوم لا تجذب عليه...
ليش ماكلت من اول يوم انت ماتصلي؟؟؟
ليش كتلي اصلي واصوم؟؟؟
اييي..ا ص ص صوووم... ب ب س..مااا..
اصصصصلي...
و و و و كتلج..ا ص ص صلي..
ح ح تى...ت ت ت توافقين
لاااان...ا ا اول ...ما ما شفففففتج...
ح ح ح بيتج....
ب ب بس ..ت ت تعرفين..
ما ما..ا ص ص صلي..ت ت ترفضين...
ويييي..يعني اياد خفت مني ارفض وجذبت
وكلت تصلي
وماخفت من ربك وانت مالازم سجادة ومتوجه
لربك يوم!!
انة شنو مقابل رضا ربك ..
اياد اليبدي حياته بجذب يتعب 
رجاءاً اذا ضام عليه شي بعد احجي لا تخليني
كل يوم انصدم بشي 
احجيلي واساندك واساعدك بكلشي
بس لا تخلي الغير يقلل منك 
او يحجي عليك...
تقرب وذب روحه بحضني وبقى يتنفس
حيل 
ودافن راسه بحضني ومجلب بالاحرام قوي 
خليته براحته واستمريت ادعي 
وهو بحضني..
شوية وكام كال تعاي علميني اتوضى 
وبقى يعتذر لان جذب عليه
كال اذا عرفتي ماصلي ماتقبلين لان ايمن
رجل رند من ردت اخطبج
مدح بيج وكال مؤمنة وملتزمة 
عاتبته لان جذب بس مالحيت مدام 
راد يصلي هسه ورادني اعلمه..
رحنا للحمام وعلمته الوضوء ..توضى 
واشوفه متحمس ويباوعلي بحب
سكتت مالحيت عليه بعد 
اخذته للسجادة مفروشة وكتله اوكف صلي 
كدامي 
وانة وراك لان لازم الرجال يتقدم المرة بالصلاة
صدك وكف ع السجادة وبقيت 
وراه واحجي وهو يردد ..
خلص اول فرض وكعد يسبح واندار عليه
مبتسم يكول جاي احس نفسي
مسافر مدري طاير 
بس احس روحي فووك..
شجعته وكتله هذا يدل على طيب نفسك
رب العالمين تقبل منك 
وكملنا الفرض الثاني وهو خلص واخذ ايدي
ورحنا للجرباية...
باسني بخدي وبكصتي وهم تقربلي بدون 
اي تمهيدات
احسه يريد هالشي ويحبني 
بس مادري مايعرف مادري يتملل 
اياد لغز صعب كلش
وكل يوم لازم احل منه شوية ..
ورا شوية تمدد بصفي وجرني لحضنه
بس انة كمت للحمام بسرعة
غسلت ورجعت هو متمدد ع ظهره..
باوعلي من طلعت من الحمام وفتح ايده
وميل راسه ..
اجيت تمددت ع ايده وبقى حاضني حيل 
يحاول يحجي بس يضوج
ويتعب من كلامه 
بس مع هذا يحجيلي شكد حبني من اول 
ماشافني وكانه لاكي كنز 
وابن خاله المرحوم هو المشجعة يكول
لامه وهي امه هم كايلتله 
عجبتني وحطيتها ببالي الك...
بس جان كل كلامه بي قهر من امه بالذات 
ووصلي فكرة هي تفرق بينه
وبينه اخوانه 
وتستهزأ بي او معتبرته حمل ثقيل
من قبل الحادث هالحجي هي تصرفاتها..
انة ماردت اجرحه ولا حجيت بس 
فهمت شيقصد..
امه ماتريده لان مو مشيطن ولان هي تحب
المظاهر 
وهو مايعرف شنو مظاهر...
بيومها نسولف وغفينا شوية وفزينا ع دكة 
الباب..
اجو صاحولنا نتغدا 
بس جنا نعسانين ورجعنا نمنا وهم مارجعو هم 
ووللعصر يلا كعدنا..
سبحنا ورتبت الغرفة وذبيت الملابس بالغسالة
طبعي اغسل ملابس يوم بيومه
وخصوصا الجرجف 
ورا مالبسنا كال خل ننزل جوا يمهم..
انة لبست وا

خذت السلة ونزلنا..
باوعت بالهول كاعد بشار يباوع فلم
وهدووء ماكو بس
صوت الفلم عالي..
من شافنا سوا ومبتسمين استغرب حسيته
يمكن توقع بعد السمعته راح نتخارب..

كعد لحيله وكال هلا بالعرسان عمي 
صح النوم..
ههه شكرا متغدي لو تتغدا ويانا..؟
مااكلت هواي اذا تصبون اكل..
يلا اخلص ملابس واصب..
ماشي جايين وراج..
طلعت شريت الملابس وعفت السلة برا حتى
المهن فد مرا بيها واخذهن بعدين
ورجعت للمطبخ اكو جدورة ع الطباخ
اخذتلي صفنة بالطباخ 
اسود بي هواي بقيت اتفحص بالمطبخ 
الكاونتر بي خرايط 
بقيت احوس بودي هسه اكنف واجلفه..
حميت الاكل جان سوب لحم والجدر الثاني
تمن وحشو 
كملت وصبيت ثلث مواعين وفتحت الثلاجة
لكيت خضرا اكو وطاسة طرشي جبيرة
طلعتها اخذت منها واخطط ببالي 
لازم تنحط بدبة مو طاسة حتى لتطلع ريحة
بقيت اصحح للوضع الاشوفه ببالي 
بصراحة مارتاااحيت ...
صحت عليهم اجو اكلو ..وسالت بشار اشو هدوء؟
بعد كلمن راح لبيته طاحت عليه جكليته...
هههه شعجب من وكت رايحين..
بعد محافظات لازم يطلعون من وكت 
اي صح يوصلون بالسلامة...
خلي انطيج نظامنا حتى ماتدوخين..
امي وابوي ينامون يكعدون العصر كلش
وايثار يروح للشغل بالاربعة يرجع ب٨ 
مرته بغرفتها هي وبتها 
غدورة ماتشوفيها لا تحسبيها موجودة 
معلكة مثل القرد بغرفتها..
وايهم لازم التلفون بغرفتنا ذاناته راح يموعن
من كد مايخابر..
هههه خوش موجز هذا كون مانسيت احد..
اذا انسى ذكريني عود الله يكطعهم هواي
ينسون..
هههه اسم الله...
ارتاحيت لبشار ولطبعه واشوف اياد هم انطلق
ويانا رغم جان ملتهي يراسل
بس شوي شاركنا بالحجي..
ورا ماخلصنا كعدنا بالهول صارت خمسة الا ثلث مابقى شي
للاذان لان شتا 
كتلهم راح ياذن خل نكوم..
اياد ابتسم وكام قبلي 
بشار باوعلنا بنظرات مبهمة...وكال
..طيب اگي معاكو..
هههه هلا بيك بس بشرط تصلي ..
اي عاد علموني..
ياريت اتونس انة ..تعال لغرفتنا ..
ها عادي ادخل؟؟
اي شكو بيها غرفة اخوك وانة هم اختك 
امشي لا تستحي..
صعدنا وووكفو هو واياد بعد توضو 
وانة وراهم احجي وهم كدامي يرددون
من خلصنا الفرض الاول 
بشار مد لسانه كال تعبببت..
ضحك عليه اياد كله انجب كوم
ماتتعب....
صدك كملو صلاتهم واباوعلهم مثل المتعلمين
شي عجيب..
سالتهم انتو محد علمكم صلاة
كال بشار..
جانو يحجون علينا حتى نصلي..
بس مالحو والشي الماتتعلمه
من الصغر صعب هسه تتعلمه
امي مو دائما تصلي كله تكول رجليه 
بس ابوي يصلي
وايثار من تزوج بقى يصلي ..
يلا المهم هسه بعد عرفتوها وما تتركونها 
لان راحة نفسية ولله..
خلصنا صلاة وكتلهم روحو انة اصلي وحدي لان
صلاتي جانت تعليم الهم
نزلو قبلي وانة وراهم بشوية نزلت
امهم متمددة بالهول لابسة
برمودا كابوي وتشيرت ابيض
ربع ردن 
منظرها صدمني ههه لان هي سمينة 
واللبس طبقات صاير...
ضبطت ضحكتي وسلمت وهي كالت 
ها توج كعدتي؟
الظاهر ماشايفة اياد جوا مدري توها كاعدة
من النوم..
لا عمة من مساع بس خلصت صلاة
ونزلت 
ها زين بس لويش تكولين عمة؟كولي خالة
احلى..
ماكو فرق بعد لساني اخذ ع هالكلمة..
اي صح موانتو متعودين ع هالكلمات 
الم...وكطعت الحجاية ماكملتها...
اسلوبها خباثة مبطنة واستهزاء واضح
انة بينتلها انه ماحسيت بقصدها وكلش 
عادي عبرتها 
سالتها عن اياد كالت ماشفت احد
كالت رغد مرت ايثار بالمطبخ تسوي
العشا
كمت انة يمها لان امبينة رغد البيت براسها
غدير حسب حجي بشار ماتنزل من غرفتها
والام واضح ما تجيس شي..
دخلت للمطبخ رغد واكفة ع الطباخ والمطبخ
معفوس 
كتلها اساعدج بالاول رفضت
بس لحيت قبلت لان امبينة طاكة روحها خطية..
ساعدتها وكملنا عشا كالت فرشي الميز اذا تكدرين
اخذت السفرة فرشتها وسمعنا صوت رجال
بالهول ..
اكلج رغد صوت رجال منو اجه؟
مدت راسها ورجعت..
لا هذا مو غريب قرايب خالتي بيتهم هنا
كدامنا ودائماً يجي..
بس جان مسافر ماحضر عرسكم امبين هسه 
جاي
امشي سلمي عليه عيب خوش ولد..
يلا امشي وهم نكلهم ع العشا
عدلت حجابي نريد نطلع وطفت الكهرباء..
اخذت الجداحة لان جانت قريبة مني فتحتها..
خليتها بوجه رغد واحاجيها..
شعجب ماكو لايت؟
يو يمعودة عطلن ومحد يقبل ينزلهن ويركب جدد
خررب بيها من عائلة
انة ابتسمت كتلها اعصابج خية..
شمعة ماكو؟
اي هو انة حاطتلي شمعة للطوارئ يمج بصف 
الخواشيك..
يتبع

فراشات تخشى الاحتراق
الجزء الثاني عشر

جانت الدنيا ظلمة من انجريت انرعبت
بس همس باذني..ح ح حبي ..لا لا تخخافين...
واخذني ركض للغرفة وهو يضحك..
طفى اللايت وجانت الغرفة
داافية وظلمة
اخذني بحضنه يشمشم
ذبيت الحجاب وكال لتفتحين شعرج
بس مستمر يشم بركبتي
لحد مااخذني للجرباية وصرت بحضنه
بعدها تمددنا سوا
متغطين ووهدوء ودفو..
هو خله راسه ع صدري وهمس..
للاا .. تتتتخلين ..ع ع عني...
اكيد لا ايو مستحيل اتركك..
هههه.. اح ح بج..مممن..تكليلي..ا ا ايو...
وبعد ايو هم تدلل هههه..
واحنا جاي نسولف اجت الكهرباء
بس جان اصلا ضوا الغرفة مطفي
بي ضوا النوم مفتوح..
كال الجو مال نوم نعسان اني كتله اذا تريد
ابقى نام انة مانعسانة..
صدك شوية وغفى..
كمت للحمام اسبح جانت ساعة ب٨ تقريبا
فتحت الدوش
وكفت جوا ونزل الماي فاتر طفيت البارت خليت
بس الحار اشو هذا نزل بااارد
انوب تورطت وانة جوا وكملت سبحاتي
بماي مثلج
كوة خلصت طلعت ارجف..
طلعت التفيت بالروب وطلعتلي
دشداشة ثخينة كلش
ولبست فوكها كب شتوي
شعري شسورته بس ردت ادفى
حسيت البرودة اخترقت عظمي..
مشطت واستقريت شوية دفيت بس استحيت
انزل بعد ..
خابرت على عمة اكثر من مرة ماجاوبت
اكيد هسه كاعدة ع التلفزيون
وتلفونها بالمطبخ لو بالغرفة
ماتبطل عادتها تذبه بكل مكان..
شكد اشتاقيتلها واشتاقيت
لابوي خابرني الصبح بس صوته مقهور
سودة عليه ..
جاوبت رسايل البنات ومهجة دزيتلها مسج
بسرعة جاوبت..
سالتها باستغراب..شعجب سي السيد
مخليج براحتج اليوم؟
هههه تخيلي هو كلي جاوبيها تطمني عليها..
الله يهدي هو يحبني ها..
اي انت غير شكل عنده عشتو..شلونه رجلج
بعده نفس الشي؟
اي بعد مثل ماكتلج بس يمكن نفسياً تعبان لهذا
مايعرف يعبر عن مشاعره..
هو صح اليتعب نفسياً تاثر بي بس مو ع البوس
هههه...
هسه انت ليش مصرة ع البوس متكليلي..
وج اكو واحد لحد هسه مابايس مرته والاضرب
مرته الحمارة من اسالها شلونه رومانسي؟؟
تكلي اييي..
ههههه اي شمدريني بس هو حباب وتعامله
بلطف..
غير لطف هذا مابي بوس وج انة رجلي يوم
ثاني الخطوبة اجه طالب شفتي ثار ..
هههه انتو منحرفين احنا مؤدبين ..
خلصت مراسلة وي مهجة ورحت للفراش
جو يساعد ع النوم بس المشكلة
جعت واستحي انزل..
خليت ورحت نمت ..حسيت ع صلاة الفجر ..
بس احس حرارة نار تطلع مني
كلش مصخنة..
باوعت اياد مو بفراشه
صوت ماي بالحمام..
كمت بالكوة من فراشي وملتفة باللحاف
طلع هو من الحمام
وبس شافني كال كلش مصخنة
وخفت اكعدج
كتله ع الماي كال لان طفت الكهرباء
بس همزين لكيت حار هسه..
دخلت توضيت بالكوة احس مكسرة
وطلعت صليت انة ويا
ورا اماخلصنا كال متت جوع امشي
ناكل وشربي دوا..
طلعنا كال يولي هذا المطبخ امشي
نروح للجوا..
صدك نزلنا جوا هدوء كلش
فتح هو ضوا الهول وانة رحت للمطبخ
شفت الثلاجة مفتوحة
ماميزت منو بيها
من فتحت الضوا شفت واحد فز وبقى يركض
احتار وين يروح لان لابس بس
شورت
درت وطلعت بسرعة..
انضربت باياد وضحكت..ههه هذا يمكن ايهم
خطية اقتحمته بالمطبخ ..
ششششعنده.. ك ك اعد ..ه ه هسه هذا ال***
انصدمت يااا وانة اكول اياد عاقل
ذبله حجاية هلكدها..
راح للمطبخ ورجع كال تعاي صعد
رحت للمطبخ وحضرت ريوك
كعدنا تريكنا وكملنا ونظفت المطبخ
شربت دوا همزين لكيت عدهم بندول
فلاونزا قوي..
ورا شوية اجه بشار كال ..
صباح الخير ياانشط ثنائي
بالعالم..
ههه صباح الخير تعال تريك..
اي اذا اكو ليش لا..دخل وصاح وراه..
ابوو الهيم تعال ترى هاي مو استاذ عبد النبي
هي صح انضباط
بس مو هو..
دخل ايهم مبتسم كال ..عذريني
ماخذ راحتي عبالي
محد ينزل
متعودين محد يكعد هيج وكت..
لا بسيطة ماصار شي..
تعالو تريكو حتى تلحكون تبدلون..
سويتلهم ريوك وكملو وراحو وكعد
عمي وايثار وصبيتلهم
وخطية عمي شكد شكرني وحسيته فرحان
بيه ويشكرني هم ويوصيني باياد
ورا ماخلصو وطلعو كلهم للدوام
بس اياد بقى كاعد ع التلفزيون بالهول
واخذ لابتوبه كال عندي شغل..
تقريبا ساعة  تسعة انة صعدت للغرفة
اجيت انظف كلشي مالكيت
لا مكناسة لا فرشة لا ماسحة
ومو كلش اندل البيت..
صعدت بقيت بالغرفة شوية تمددت
همزين خفت صخونتي وحسيت روحي
احسن
ورا شوية واجت رغد دكت الباب
دخلت وابتسمت..
صباح الخير عرووس..
صباح الخيرات تعاي دخلي..
لا اريد انزل وراي جهاد بس كلت اشوفج
البارحة نمتو من وكت وعمي
ماقبل نكعدكم..
اي بعد اياد كال نعسان وانة استحيت انزل..
المن مستحية راسليني
واجيلج ونزلي لا تبقين ترى يكتلج
الجوع والقوم في غفلة ههههه...
هههه يلا خلينا ننزل حتى تدليني وين اشياء
التنظيف..
دكومي كومي لاحكة ع الكراب تعاي تريكي..
طلعت وياها ونسولف وكتلها تريكت وريكتهم
خطية حسيتها فرحت كالت ايثار مايكعدني
لان يشوفني تعبانة هو يتريك
كتلها ريكته وياهم ..
ونزلنا سوا نظفنا وكلشي تسوي اساعدها
لان البيت كلللش جبير
تصميم البيت يكون باب خارجي واسع سحب
وباب جانبي صغير
اول ماتدخل ممر واسع ارضيته كرانيت وع الجانب
اكو حديقة كلش وا

سعة
مكتضة بهواي اشجار وحلوة فرهة..
وداير مداير البيت اكو طارمة بحيث ورا البيت مجال واسع
يكفي فد غرفتين
الي هو المكان نشر بي الملابس ..
واول مدخل البيت باب المطبخ ع جهة
ومدخل ثاني باب يدخل على
هول واسع وبي درجين متجاورات
كل درج يصعدك لجناح
جناحنا الايسر بي اربع غرف وداخلها حمام
وحمام خارجي موجود
والحناح الايمن بي بيت ايثار هم نفس الفصال
وبالنص هول جبير مفروش
وبنهايته مطبخ
اما الطابق الجوا بي ثلث
ديوانيات كبار وحدة
بصف الثانية
بحيث اذا انفتحتن الابواب مالتهن
تصير قاعة جبيرة..
وجوا كل درج اكو غرفتين وحمام
والمطبخ بابه ع الهول
هم واسع حيل
واكو ديوانية خارجية كلش واسعة تصير ببداية البيت
معزولة بس بيها
باب ينفتح ع الديوانية الداخل البيت..
وحمامين خارجيات كبار ..
طبعا تصميمه يجنن بس يرادله اعتناء
ومستحيل يكدر شخص واحد بالاضافة هي عدها
طفلة عمرها اربع سنوات
حسيتها طاكة روحها منهم وبالذات من عمتي
يعني تحجي عليها بحركة كلب
كتلها ميخالف واحد يسوي لله
كالت من تشوفين بعينج ماراح تلوميني..
كلت بكلبي الله يستر..
ومشى الاسبوع ع هالحال اياد ماراح للشغل بعد
بس يخلص كم شغلة بالبيت
باللابتوب
وبقية الوقت وياي مرات يجي يمي بالمطبخ
لان انة دخلت المطبخ ومحد كلي بعدج
عروس او منعني
بالاصح هم تمنو ادخل للمطبخ
وانة ماعجبني وضع كاعدة ورغد صايرة دوامة
طول اليوم تفتر حرام عليه
وهم الوصخ مااتحمله كلش ..
ابوي بين كل يومين يخابرني بس صوته
تعبان ومن اساله
يكلي فراكج مو هين احسه يختنك بعبرته
ماصدكت وسالت عمة تكول كلشي مابي
وصحته زينة بس ياجمينة
فراكج هد حيلنا
جنتي مغيرة جو البيت وامج تعبانة
تفكر بيج ومقهورة تكول خاف ماتنسعد..رغم كل ماتخابرني
اطمنها بس بعد كلب الام..

خلصت عطلتي واليوم لازم اداوم واياد هم
يروح للمعمل
كعدت من الفجر صليت ونزلت
نظفت الطابق الجوا كله
لان رغد كالت الفوك من يكعدون انة انظفه
انت عليج الجوا
عاد بلشت بي تنظيف وطلعت غسلت الحمامات
واستغلها فرصة لان فجر وهم نايمين
اكدر اكنف رداني او ارفع دشداشتي
ولله تنظيف الفجر حلووو شكد احبه..
خلصت وسويت الريوك تسع بيضات
عيون
واجبان ومربى وخيار وطماطة وحضرت السفرة
وصعدت بدلت لكيت اياد جاي يبدل
من شافني ابدل ابتسم..
باوعتله مبتسمة..ها مو عيب تباوع؟
لااا ..مو مو ..ع ع عيب..لللان ..
ج ج سم ..ط ط طفلة..
ههه لا عاد هذا قصف..
ب ب بس..ط ط طفلة..
نا ا ا ضجة..ت ت تشهي..
اممم يعني امكانياتي حلوة..؟
ت ت تخببل..
ههه كافي عيونك خليني اكمل
تبديل لا نتاخر ويبرد البيض..
ي ي يلا..ناازل..ق ق قبلج..
اوكي مااتاخر..
كملت لبس واخذت جنطتي وحذائي بيدي
ونزلت..
رحت للمطبخ لكيت بشار وايهم كاعدين..
صباح الخير شباب..
صباح الخير ست جمانة ننتظركم هسة وكتها
تتاخرون هلكد..
اشو صاير خفيف بشار بس لا عداك ايهم؟
باوعلي ايهم بضحكة..
مقبولة منج بس ترى بشار هو منحط بلادي..
باوعتلهم بطرف عيني..يلا تريكو حتى الحك
اكف واروح لدوامي...

خليتهم يتريكون واخذتلي لفة واكل وارتب
بالمطبخ
واجه عمي وايثار هم كعدو تريكو
ع ماكامو ونظفت وراهم كال اياد انتظرج
بالحديقة
خلصت شغلي واخذت جنطتي وطلعت ماهو
بالحديقة والسيارة ماكو
تمشيت للباب لكيته برا جاي ينتظرني
فتحت الباب وصعدت..
ها تاخرت عليك؟
للال..ب ببس..ح ح حميت..ال ال السييارة...
ع على..ما ما..خ خ لصتي..
اي الجو اليوم كلش مثلج بس جنها بيها مطر؟
ك ك كالو ..بل بل بلاخببار ..مممطر...
يلا زين ماعندي ملابس ع الحبل
مطر خير انشالله..
واستمرينا نسولف طول الطريق
حجيتله عن ابو منذر قبل من جان يجيني
ونفتر كم منطقة ناخذ الطالبات
ومن كتله عمو بعد ماروح وياك لان تغير
طريقي شكد ضاج خطية..
لحد ماوصلنا للمدرسة قبل لا انزل
سالني شوكت يجيلي
كتله انة اخابرك شوكت مااخلص..
ونزلت من السيارة ..سديت الباب وانداريت
تحسين منتجي ع سيارته
ومكتف ايده يباوع بنظرات
فوق الاستهزاء او عدم التصديق
عبرت من يمه لان قريب الباب مالت
المدرسة واكف
ضحك باستهزاء ومشى لسيارته..
مشيت وتصرفت كاني ماشفت احد
واول دخلتي للمدرسة
لاكيت رجاء..شافتني واجتني ركض..
يااابعد عمري ياهلا بالحنينة شكد مشتاقتلج..
حضنتني وتبوس بيه وترجع تحضن
وتكول ولج وحشة كلش بدونج..
اخذتها ورحنا جوا اول مادكيت باب المدير
سلمت عليه وباركلي
والمعاونة هم باركتلي وكلولي لو ماخذة
اجازة ..
مابقى بس اسبوع لامتحانات نصف السنة
وراها نكعد ..
ههه باوع استاذ للمدرسة المجدة هسه لو هنادي
جانت اخذت حتى امومة هم..
ههههه لا تشجعوني اجدد اجازتي..
لا ماتسويها..
ههه يلا عن اذنكم..
طلعت رجاء كالت رايحة اكمل شغلي
بعدين نتشاوف..
دخلت لغرفة المدرسات وهجمن عليه
صار غزو مغولي ماشفت دربي
بعد السلام والضحك ووكاحتهم
اجت المعاونة كالت يابه ست جمانة
اليوم ع شرفج انطيت الطالبات اول
درسين استراحة..
والبنات محضريلج مفاجأة وهدية زواجج
اخذو وقتكم هسه
حتى الدرس الثالث نكمل دروسنا ..
شكرا ست جا

ي تخجلوني كلش..
تستاهلين كل خير ست انت وردة..
الله يخليج ست..
طلعت هي والبنات حضرو الميز وجايبين
كيكة وطابعير بيها صورتي وياهم بزواجي
يخببل شكلها
وعصير وكرزات وصارت كعدة توب
اجيت اخابر رجاء كالت زمن خابرتها
هسه تجي..
تجمعنا كلنا بسوالف ولمة حلوة وكصيتنا الكيكة
كلنا متجمعين والبنات
وحدة مادة ايدها من فوك وحدة من الطرف
صدك لحظات حلوة وتفرحنا
وراها كعدنا ناكل وهم ودو للمدير والمعاونة
وبقية الكادر
وانطوني علبة كالو فتحيها..
فتحتها لكيت مشتريلي سوار ناعم وبنصه
عين زركة..
حيل عجبني ورغم بقيت احجي عليهم لان جايبيلي
ذهب
كالو الكل شارك بيها ورجاء هي الراحت جابتها..
باوعتلها وضحكت..
ها ولج صايرة تشترين ذهب..
غمزتلي وحجت بهدوء..
شبكنا الحكومة وصرنا
ارايب..
ههههه عمي الحكومة خوش خرستلج البغل
العندج..
اوف سكتي هذا مايخرس الا ينكص لسانه..
شبي بعد؟
بعدين اسولفلج البي صاير البيت جحيم
بس ادعيلي الله يخلصني..
دحجي شبيج؟
بعدين احسن..
دسولفي عاد فتيتي مرارتي...
خية البيك مصاحبلة وحدة جبيرة اكبر منه..
يا!!!وتالي؟
اااه ياجمانة شحجي ..يريد يتزوجها وهي
ارملة وعدها ولد واحد متزوج
وهي حالتها زينة وهالايام تصرف
عليه صرف ماصاير
وهو تعدل وصاير اللبس والعطور والكشخة..
استغفر الله اكلج هذا رجلج هم اكو وحدة تباوعله..
لا حبيبة تعاي شوفي هسه ما يكل لفلك ولك..
زين عركته هسه وياج ع شنو؟
يكلي روحي لاهلج ماريدج بعد اريد اتزوجها
واروح اكعد ببيتها..
استغفر الله وانت شتكولين؟
انة مخليته براحته يحجي لان ماضل شي
لامتحانات الجهال
وماريد وضعهم يتخربط ويرسبون
خل يخلصون امتحانات واشوفله حل..
الله يساعدج ويشيل عنج...
ورا ماخلصنا حفلتنا الصغيرة رحنا لدروسنا
والطالبات شكد جايبيلي هدايا
وانة انحرجت اخذهن بس كالو استأذنا من
المعاونة وجبنا لان فرحانين بيج
بيومها جمعت ثلث علاكات كبار مليانة
مغلفات مال هدايا..
قبل لا نخلص خابرت اياد حتى مايتاخر عليه
صدك ع ماكملت درسي
وجاي اجمع اغراضي دك عليه..
طلعت وشايلة العلاكات شافني ابو منذر
باركلي ويكلي شكد مكانج فارغ
واخذ مني العلاكات خطية رغم ماقبلت
وصلهن للسيارة وسلم ع اياد من الجامة
بس اياد بقى يكلب الوان خطية مايكدر
يحجي وينحرج
حرك شفايف ع كيف ع اساس جاوب
هاي الحيلة علمتها اله من ينحرج
وبقى يسويها وتنجح..
ورا ماراح ابو منذر باوعلي وابتسم..
ه ه هذا ..ال ال حجي..م م مو..ر راحة..هههه...
هههه هو شباقي بي مسكين..
ههه..ش ش نو..ه ه العلاكات؟
ذولي هدايا من طالباتي خطية
وهذا السوار من الكادر التدريسي متشاركين..
ح ح حقهم..ي ي يحبوج..
ان ان انت..ت ت تسكنين..بل بل بلكلب...
اروح فدوة لكلبك..
مد ايده لزم ايدي حيل وبقى يسوق
لحد ماوصلنا للبيت خله السيارة برا
مادخلها..
دخلنا جوا شفت بباب المطبخ احذية نسائية
التفتت لاياد سالته منو عدنا
كال مادري ماجيت للبيت بعد من الشغل
الج كبل..
دخلنا جوا هو مشى كدامي دخل وانة
دخلت وراه
الهول فارغ محد بي
خليت وصعدت للغرفة بدلت وغسلت
هو كال بس صلى كال
نعسان كلش راح انام وكعديني
بتلاثة كتله تمام..
اخذت تلفوني وطلعت..خابرت رغد
ماكو ماجاوبت
رحت تمشيت ليم غرفتها دكيت الباب
محد
هي هيج وقت رجلها بالشغل يعني وحدها
بس استحيت افتح الباب
رجعت دكيت محد..
لفت نظري صوت !!مريب و..صوت مو طبيعي
خليت اذني ع بابهم هدوء..
مشيت للغرف البقية
قبل لا اوصل لاخر غرفة وكفت وبصراحة
حيلي كله رجف
معقولة الجاي اسمعه حقيقي!!!
صوت تأوهات يخززي بس لا هذا
مو حقيقي !!

للحكاية بقية

فراشات تخشى الاحتراق
الجزء الثالث عشر

بقيت اتسمع هذا الصوت مو حقيقة
ويا كلمات اجنبية؟
يمكن فلم هذا واحد مشغلة لان صوت البنية
ولغتها انكليزي
بس انة مدري شبيه كمت ارجف ولعبت نفسي
رحت نزلت بسرعة
دخلت للمطبخ شفت رغد طابخة فتحت
الثلاجة حضرت مواد الزلاطة
وعزلت الجدوره ع جهة ونكعت الطباخ
بمزيل دهون
كل يومية انكع شوية وجاي يجيب نتيجة زين..
وانة اثرم بالزلاطة وافكر بالصوت واتعوذ
من الشيطان
منو هذا المشغلة وبصوت عالي معناها يعرف
بينا ماكو ورغد يم الخطار
استغفر الله ياربي شلون يتحملون ذنب زنا العين
ذول
لازم اسال رغد منو غرفته يم
غرفتهم ..
توني كمت اغسل ايدي ودخلت عمتي ورغد
سلمت عليهم وعمتي كالت..
هاي شوكت اجيتي ..
ماصارلي نص ساعة ..
اي جان اجيتي سلمتي ع جارتنا اجت تبارك
وماشافتج
يا شكد عيب ..مو انة من اجيت مالكيت
احد ودكيت على رغد ماكو..
عاد بيش دكيتي ع رغد بصوندة ههه
عيني كولي خابرت دكيت شنووو..
انة استغربت هاي شبيها !!حجت رغد
بسرعة وبقصد..
ياا صدك هذا تلفوني شكد داكه ولا ادري
هي خلصت وراحت جوا..
بس طلعت من الطبخ رغد رفعت ايدها ودعت
ربي جليطة صغيرة وخلصنا منها..
نزلت ايدها وكتلها حراام ولج مو زين واحد
يدعي..
وداعتج ربل لا ياثر بيها دعاء ولا بهاء..
هههه كليلي وين جنتو بيا ديوانية؟
الاولى خية بس الباب مسدود وماينسمع الصوت
بس شبيج وجهج اصفر جنج
مريضة؟؟
لزمت خدي وتلمسته..هيج امبين عليه؟
كلش وجهج شبيج ولج شصاير؟
باوعت للباب ورجعت باوعتلها..اذا احجي
خو محد يسمع؟
لا محد نعامة راحت لغرفتها وعمي بالغرفة
والولد بعدهم بالكلية..
ا..باعي ماردت احجي لان واجبي استر
بس هذا شي هين يعني..
شبيج ولج؟؟
باعي الغرفة اليمكم غرفة منو؟
غدير غدرتها الوجعة..
ههه لسانج يكنس ويرش ..حجيتها وانة
اخبط الوان..
باوعتلي رغد بخوف..شبيها جمانة
شنو شفتي؟؟
بصراحة...ماشفت بس سمعت..
يو عادي اذا سمعتي دوم اسمعها تحاجي ولد
بالتلفون وكم مرة حذرتها
تالي كلت يطبها حريشي..
يااا عزااا صدك؟؟الله يستر الله يستر
مو خطية اهلها واخوانها تنزل راسهم..
لا تخافين تطيح وهي واكفة خافي
ع راسج انت
هذا كلبج الطيب راح يفين حظج
دحجي شبيها عاد؟؟
ا..شسمه سمعت صوت وحدة اجنبية ووواستغفر الله..
دحجي يحظي راح تموتين عليه وابتلي
بيج كملي..
استغفر الله سمعت من غرفتها صوت تأوهات
يمكن فلم مو زين..
يو صدك ع نياتج وخايفة ومرعوبة وجهج
اصفر
خايبة هاي لاكفتها بالمية مرة بالجرم المشهود
والفلم مشتغل..
لا تكولين!!
لا خية هذا الصدك هي الصبح لان محد
هنا تاخذ راحتها
وانة الصدك لو شتسوي كلت مالي علاقة
هسه حتى من اشوفها تخابر
لو شما تسوي شعليه..
تشوفينها يومية غايبة عن دوامها والام ملتهية
ولا تدري بيها وين ..
بس ترى مراهقة هي وتحتاج النصح
بهيج فترة خصوصا..
نصحت بس شدت وياي وبقت توز بنعامة
هي نعامة ترى بس ماعدها رگبة..
هههه عاد عوفيها بحالها احنا وين نحجي
وانت طفرتيلها..
طلرت للكبر كولي امين ..
كافي رغد حملتيني غيبة حمال ولج حرام..
لا مو حرام بيهم ذولي
تعاي انة رجلي هسه على جية خل نصب
فد مرة وناكل..
لا مو اياد نام كال كعديني بثلاثة انة كلت
انتظرك ونتغدا سوا..
اذا هيج روحي ارتاحي بغرفتج..
انة راح اغدي عمي وعمتي ورجلي وبتي
واغسل مواعينه واروح ارتاحلي شوية..
خوش اذا تحتاجين شي راسليني انة رايحة
اتمدد..
ماتقصرين حبيبة اخذي راحتج..
صدك بتج وين؟
بتي النقال بيدها ومكابلة جدها وكاعدة
مادري بيها ولا اسمع حسها اذا لزمته..
يااا ليش تخليها هيج ولج مو زين..
سكتي خية قابل بيدي نعامة الفكر حطته
بيدها وخربتها..
هم رجعنا لنعامة اروح احسن هههه...
خليتها بالمطبخ وطلعت البيت هدوء
صعدت الدرج وعيني ع الجهة اليمنى
مدري شبيه رجفت من باوعت لجهة
غرفة غدير..
فتت للغرفة ظلمة لان الجو مغيم كلش
ومنا مطفي الضوا ودافية حيل
كلت اخذلي غفة شوية لان متعودة ع نومة الظهر..
بدلت ملابسي بدشداشة خفيفة قصيرة
للركبة وجواريب صوف حاكتهن
الي عمة حنة ..
واجيت للفراش
اياد نايم وناطي ظهر..
تمددت يمه اريد احضنه ورعدت الدنيا
شكد احب صوت الرعيد
خل اكوم اباوع هسه تمطر وانة احب
اباوع للمطر وادعي..
كمت شلت البردة اريد اردها ماتنرد
مشكلة من فوك بقراصات
رحت جبتلي شريط ولفيتها كلها ورفعتها
الشباك واسع تقريبا ماخذ اغلب الحايط
باوعت للمنظر يجنن
البيوت الكدامنا كلها بيها اشجار عالية
وحديقتنا واشجارها صاير منظر مريح
للاعصاب
بعد يوميه افتحها حتى تتهوى الغرفة وهم
منظر حلوو وهمزين الجام مضلل مايبين..
جبت الكرسي وخليته يم الشباك وصافنة ع
الدنيا تبرق وترعد
الشجر ينحني ويكوم وي كل هبة هوى عالية..
بالضبط مثل النشر من يتعرض لبلاء
يحني بس يرجع يستقيم ويوكف
ع رجليه وكله بمشيئة رب العالمين..
بدت الدنيا تمطر ناعم والشارع هدووء
منظر يريح النفس فعلا ونعسني
بالزايد
كمت جبت مخدة وخليتها ع ذراع الكرسي
وخليت راسي عليها
يرادلي كرسي هزاز وي هذا المنظر يصير
خوش جو مال ا

ستراحة..
بقيت اباوع وغلبني النعاس واجت لقطات
واحداث ماصايرة بين عيوني
هالمرة شفت نفسي شايلة طفل
خطفت صورة ثانية اياد وجهه حيل مريض
هزيت راسي حتى تروح هاللقطة
ماردت خيالي يصورها ..
بعدها غفيت...
فززني اياد ايده ع جتفي ينده بيه..
ج ج جمانة..ل يش..م م مكسرة ..ررروحج..هنا..
باوعتله مغوش شوية ركزت بي وكعدت..
ها هنا المنظر حلو بقيت اباوع وغفيت ..
ههه ..ا ا اصلا..ج جو..ك ك كئيب..حجاها وعقج
نونته..
كمت من الكرسي وسالته..ليش مامنشف وجهك
باردة لا تتمرض..
هو عصر عيونه حيل ورفع راسه ..
لزم صفحته قوي وطاح بالكاع..
كعدت يمه واباوع بوجهه خايفة..شبييك اياد؟؟
شنو يوجعك..
ب بعد..م م م اكدر..حجاها وصرخ بصوت عالي
تمدد بالكاع ..
باوعتله وجهه صار اصفر ويصب عرك
غاب عن الوعي بين ايدي
العرك اخذه وشفايفه ابيضت..
اضرب خدوده اريده يجاوب ماكو
عفته بالكاع وكمت لبست عبايتي
وطلعت اركض لرغد..
دكيت الباب حيل بسرعة طلعت تركض
وايثار اجه يصيح من جوا شكوو شبييكم؟؟
جريت نفس بالكوة وكتلها..
اياد تخربط مدري شبي عرك ووجهه شحب..
صاح ايثار اجيته لا تخافين..
على صوتنا اجو ايهم وبشار وغدير
كلهم اجو وياي للغرفة..
لبسو تشيرته وبنطرونه كوة وشالو
بس طلعو من الغرفة لبست جبتي وحجابي
وركضت وراهم
اجه ايثار ويانا وطلعنا بي للمستشفى
اباوع لايثار ساكت ماحجه..
بس بشار كال كله منه ماياخذ دواه..

سالته وانة حاسة اياد ضام شي..
يادوا بشار اياد شبي؟؟؟
جاوبني ايثار بتنهيدة..
كلياته من ورا الحادث تعبن ووحدة منهن
على وشك توكف..
انعصر كلبي وانة اسمع حجي ايثار
هذا كله واياد ماكلي
ليش ماحجه واشوفه موجوع مرات
اسأله يكول مابيه شي..
على ماوصلنا للمستشفى وانة اتحسس
نبضه ضعيف
نزلو الولد ثلاثتهم وسندو واخذو جوا
بقيت برا انتظر
مسباحي بجيبي واردد ..امن يجيب المضطر
اذا دعاه ويكشف السوء..
بعد وقت طويل مر والولد يمي كاعدين
اجه ايثار كال الكلية واكفة لازم تنشال
هنا احسها ضاكت عليه الدنيا
شبيها وي هذا الولد
مارتاح من يوم العرفته..
حاجاني ايثار ويخفف عني ..كولي ياالله
جمانة انت مؤمنة وادعيله
هو ضم عليج وماقبل نحجي يكول كافي
يومية ماذيها بامراضي
مارادج تعرفين حتى لا تقلقين..
بس انة مرته اذا مااوكفله منو اله ..
الله يوكفله انشالله ويطلع بسلامة..حجاها وكال لبشار..
بشار انت ابقى هنا اني اخذ جمانة للبيت
واجيب المستمسكات والفلوس واجي..
انة كمت ويا وسالته..يعني ماكدر اشوفه هسه؟
لا ماتكدرين ولا يضل بالج ..
امشينا هسه انطيني مستمسكاته حتى
انطي اهلي خبر وننقله للخاص ونسوي العملية
ويطلع سلامات لا تخافين عليه..
الله يسهل انشالله..
رجعت وي بشار للبيت وانة اطلب من ربي
الصبر
هذا ابتلاء ولازم اصبر مو اجزع من اول اختبار
الحمدلله ع كل حال...
رجعنا للبيت وكت غروب ..دخلنا رغد كاعدة
بالمطبخ من شافتنا كامت واجت يمي ..
الله يشافيه ويرجعه الج جمونة انشالله
شدة وتزول ..
الله ارحم الراحمين ادعيله فدوة..
حاجاها ايثار..
رغد تعاي للغرفة وجمانة عفية بس
طلعي مستمسكاته..
صعدت للغرفة طلعت جنطة المستمسكات
واستغفر ربي وادعي
يعني ام وكت غروب وابنج بين الحياة
والموت ونايمة لهسه ولا اصلا درت بي
استغفر الله ربي شنو من كلب
معقولة ماحست..
اخذت اوراقه انطيتها لايثار وكال انة اطمنج
انت صلي وادعيله يكوم بسلامة
ومن يكعد الحجي كلوله
ماكدرت اكعده لان هو ماله خلك اليوم..
كتله انشالله ..
ومر ع دخلة اياد للمستشفى فترة طويلة
من بعد فحوصات واجراءات
صارت العملية
ابوي ومعين بيومها اجو وياي
بس ابوي وضعه زاد همي
وجهه ذابل واصفر وضعفان
ومن اساله شبيك يكول كلشي مابيه..
روح افحص ..
فحصت وصحتي احسن منج..
حسيت نفسي مجهدة هاي الايام وحتى الدوام
اخذت اجازة
مرن شهرين ع عمليته شفت بيهن الويل
جانت مناعته صفر
اكله لازم نظام معين وهو كلش قل اكله
اجبره ياكل بالكوة...
من بين الركضة والتعب والقلق
عرفت نفسي حامل
خبر زيد املي وثبت ثقتي بربي شما ضاكت
تفرج
اياد من بعد الخبر كلش فرح وحسيت صحته
تحسنت اكثر..
جان الكل فرحان بهذا الخبر..
بس خلال هالاشهر معاملة امه تعتبتني كلش
تنتقد كل تصرف وكل حجاية
مني واسمعها  اكثر من مرة تكول معيدية
بس ردت تحجيها كدامي حتى افهمها
المعيدي يعني الاصلي ..مو اللفو مثلها
واشرحلها كلمةمعيدي
حتى مرة ثانية تحترمها من تلفظها
بس ماتحجيها كدامي..
اليوم دخلت بشهري الرابع ..واياد الحمدلله
صحته تحسنت وكام ع حيله..
الي ساعده هالقترة وخصوصا بشغله
لان عمي ورا مرض اياد زاد مرضه
عنده انسداد بالشرايين
وبشار مرحلة اخيرة والتهى بدراسته
لان مابقاله بس شهرين للامتحانات..
بهاي الفترة طول ماهو كاعد بالبيت اقاربهم
الي يصير جيرانه هو ساعده
ولزم مكانه بالمعمل العصر
لان الصبح يداوم ..
جان كلش خوش انسان ومحترم ومثقف
ابد مايشبههم ولا جنه
اقارب عمتي ...
وحتى بتعامله وياي رسمي حيل
رغم وي رغد اشوف بينهم ميانة
بس انة يمكن لان جديدة ..
وبعده مامتعود عليه..
جا

نت الساعة بالسبعة المغرب موعد
رجعة اياد من الشغل
لان راح لشغله بعد غياب طويل..
كاعدة اسوي عشا ورغد اليوم عيد زواجهم
ودت بتها لاهلها وطلعو هي وايثار..
دخلت عمتي للمطبخ ..ها جومانة عشاج
خلص بعده؟
ها عمة جاي اكلي مابقىشيويكمل..
يلا استعجلي نريد نطلع انة وعمج..
اي عشر دقايق ويكمل..
اي عفية خالة..طبعا لازم تكول خالة
حتى تذكرني اكلها خالة مو عمة
بس انة مااكلها..
حضرت السفرة وخابرت ايهم وبشار
نزلو وصبيت العشا وكعدو..
كال عمي..ها بابا كعدي تعشي
ويانا..
لا عمو بالعافية ناكل سوا انة واياد..
بارك الله بيج بنتي..
مشكور عمو..
عمتي باعتلي بخزرة وكلتله ..يلاا خف ايدك
خنروح ..
ورا شوية خلصو والولد كامو هم انة جاي انظف
المطبخ ودخل اياد..
ه ه لاو..
الله يساعدك هلا بيك..تاخرت؟
اي اي اي..ص ص صارلي..ف ف فترة..
ع ع عايف ..ال ال الشششغل..
ه ه هواي ..اش ش ياء..مت مت متوقفة...
ولوو.. ج ج ياد..ما ما ما ..ق ق قصر..
اي صحيح الله يوفقه ذيك الفترة
شال عنك حمل..
اكعد خل نتعشى انة جعت وابنك هم جاع..
هههه..ا ح ح حبكم..ث ث ثنينكم..
غير احنا نموت عليك وماناكل الا وياك..
واحنا نحجي اجه بشار مبدل ويريد يطلع..
اني طالع جامخانة محتاجة شي؟
اي محتاجة تعدد اسمي يااخي شوهتة..
اي مو انت هسه بيج طفل يعني صدك
جامخانة ومضموم ببطنها طفل..
باوعتله بنظرات مستهزاة..الله يهديك وين مولي؟
رايح اشوف الفرخة..طبعا هو عنده علاقة بجيرانه
كله يسميها الفرخة..
اصغر منه بسنة وحدة ومامكملة دراسة
اسمها طيبة بس كلش وكحة ولسان
اكثر من مرة محاجيتها هو يطلب مني
لان رغد متعاركة وياها..
بس حيل لسان هي وهو عنده علاقه بيها صارلهم سنتين
وناوي يخطبها ورا مايتخرج..
صدك وشلون تشوفها بهالليل؟
طالعين للبصرة العائلي هي وبيت خالتها وهناك
يتم التنسيق..
اي زين مكان عام احسن..
لا تشيلين هم سيارة موجودة..
باوعله اياد وحاجاه..
و ولي يلااا...د د دوختنا..
هو ضحك وطلع...
وانة واياد كملنا عشانا صعدنا لان اهله
طلعو
انطيته علاجه وسويتله عصير شربه وتمدد..
عصرتله راسه وكصته شوية وغفى
الحمدلله شوية متحسن وجهه هالاته قلت ..
كمت طفيت الضوا ورديت البردة وفتحت الشباك
لان هوا كلش حلو
طلعت من الغرفة اريد اخابر عمة مشتاقة احاجيها
جانت الاضوية الفوك مطفية..
وانة صارت بيه سولة بس اطلع افتحها..
كلت انزل للحديقة اكعد هم اغير مزاجي وهم اخابر..
فتحت ضوا الهول جان مسدود..
انتبهت للغرفة الي تصير بصف
غرفة عمتي ضواها مفتوح..
احنا حاطين بيها فراش وبيها
بوفية جبيرة بيها الاغراض
محد يدخللها هواي واصلا صايرة بالنهاية
جوا الدرج..
رحت اريد اسد ضواها كلش وصلت
اريد افتح الباب
واسمع صوت بوس بس هالمرة الصوت
حقيقي!!

للحكاية بقية

فراشات تخشى الاحتراق
الجزء الرابع عشر

سمعت الصوت وانة اغالط نفسي
فركت وجهي هزيت راسي اريد اعرف
الجاي اسمعه صدك!
بس السمعته صوت بوس وياه غزل
وغزل ماجن وحجي
انة متزوجة وماسامعته ولا اعرفه..
والاغرب والاعجب هذا صوت ايهم
ايهم وي غدير ..
اعوذ بالله ذول شجاي يصخمون انوب
هاي ببيت اهلها وتسوي هيج
وهو يدنس عرضه وبت عمته
اعوذ بالله ربي استر علينا ربي
احس رجليه ثكلت حتى ماكدر اتحرك
شسوي هسه ادخل عليهم؟
واذا دخلت شسوي واليتجرأ هيج يسوي
بنص بالبيت راح يخاف مني مثلاً..
كوة جريت نفسي طلعت للحديقة لكيت الباب مقفول
معناها ماخذين احتياطهم ومقفلين
البيبان اشوفهم ماخذين راحتهم
وعبالهم احنا فوك ماننزل...
فتحت القفل وطلعت
انوب انة فارت روحي رغم الجو حلو
بس انة احس دمي يغلي بعروگي
وكفت يم المغسلة ذبيت شالي
شعري رفعته بنص راسي كعكة
بقيت اخذ ماي بيدي الثنين واذب ع روحي
وجهي وصدري بس اريد ابرد
صدك احس انقهرت ..
انقهرت عليهم لان شباب وطايشين وماكو
منو يوجههم
وانقهرت ع الولد وابوهم بتهم
هيج تسوي بنص بيتهم
لان عمي والولد نفسهم طيبة وماعدهم غل
الغل كله موجود بعمتي
الي ماخذتها الدنيا وماتعرف ببتها شبيها
مابيها..
مخلين ثنين مراهقين ببيت واحد والغرف
كل واحد وحده والشيطان غدار ..
احس يوم بعد يوم اشوف العجايب بهذا البيت
عجيب الرحمة شلون تنزل عليه ..
بردت نفسي شوية ارتاحيت باوعت لنفسي
بمراية المغسلة
ساحت كحلتي ..غسلت وجهي بالصابونة وفركته
حيل وانشخطت الحلقة بشفتي
حلقتي مشبكة على شكل كلوب ناعمة ومتصلة
وحركتي العنيفة بلا شعور
اذيت نفسي..
غسلت حلكي ونظفت الدم همزين قليل
كعدت ع الدچة مالت باب الديوانية الخارجية
غمضت عيني اريد استرخي وفززني صوت الباب
كمت مسحت وجهي بشالي ولبسته
مشيت للباب وهو شوية بعيد عن بداية البيت
لحد ماوصلت اندك الباب اكثر
من ثلث مرات..
من كد ما عقلي مو وياي ماصحت منو
كبل فتحته..
صار كدامي جياد اقاربهم الي اغلب
وكته لابس رسمي
ولحد هسه ماشفته بكاجول بس مرة وحدة
لو قاط لو قميص ورسمي..
كتله بكلبي هسه وكتك تباوع من ورا خشمك..
كال السلام عليكم ..
عليكم السلام تفضل ..
باوعلي بنظرة مريبة ودخل وانة دخلت كدامه
بس رجل تطك برجل
اخاف يدخل للهول ويشوف ذول اهل
المصايب طالعين من الغرفة
ياربي سترك ماننفضح..
كعد بالهول وانة رحت للمطبخ صبيت
ماي حار من البراد وسويتله كهوة وخليت يمها
جكليته دائما هيج نصبله من يجي
مايريد الا كهوة..
اخذت الصينية وطلعت هو كاعد بالهول
ومخلي رجل ع رجل وهادىء..
خليت الصينية وكتله عن اذنك اكعد اياد..
باوع بتفاجأ..اياد نايم؟
اي خطية اجه تعبان تعشى ونام...
لا لا هذا هو لتكعدي باجر امرله
لا عادي ماصارله هواي من نام..
لا رجال تعبان الله يساعده خلي مرتاح..
وشرب كهوته شربه وحدة وكام وكف..
يلا اروح اني وسلمي على الكل..
وعليكم السلام..
مع السلامة ..
كمت وراه اريده اطلع التفت ونزيت..
ضحك وكال باستغراب ..
ههه شسالفة يمعودة ابقي لتطلعين..انت حامل
وتعبانة والباب بعيد..
لا شلون مايصير..
لا يصير يلا طالع اني وانت ارجعي...
حسيته حجاها بمغثة كتله بكلبي طبك طوب
هو انة كاعدة وركبي سابن من الخوف
ياساعة طالعين علينا انجلينا وريتشارد كير
اهل التمطك وفاضحينا
وهذا بطران..
بس طلع طبكت الباب ماقفلته
ورحت صعدت فوك ..
اياد نايم والغرفة جوها مريح
بدلت ملابسي بثوب خفيف ونمت يمه
حضنته من ظهره وغمضت
اريد اليوم يخلص ع خير لان كل ماجاي
اكتشف شي اكره نفسي
ماريد اصير ببيت معدوم بي ذكر الله
حاولت اصفي ذهني واسكت عقلي
من التفكير حتى اغفى..
اجت الصور بين عيني بس مبهمة ومو واضحة
غفيت ع هالحال
كعدت ع صوت الاذان
كمت صليت وكعدت اياد صلى
ورجع نام
وانة نزلت نظفت لان اليوم راح اداوم
نظفت وحضرت الريوك واجو الولد
صبحو وكعدو..
انة ماكدر حتى اباوع بوجه ايهم
احس متقززة منه
هم مامتعودين عليه ساكته لان يومية
يتشاقون ويضحكون..
حجه بشار وياي..ها جامخانة ماسالتي
شلونها الفرخة ..
تصنعت الابتسامة وحاجيته..
صدك شخباركم امس شفتها لا؟
اي صعدنا الدولاب سوا ولفي يدنيا لفي
وغمز..
ههه بالعافية عاد مشتهية اصعد دولاب
بس خل اجيب اول شي اسوي هذا ههه..
انشالله تكومين بسلامة شكد متحمس
اشوف ابنكم ..
ههه انشالله تتزوج وتفرح بابنك هم..
باوعلي ولوا شفته بضوجة وماحرجته
بسؤال
لان امبين مايريد يحجي كدام ايهم...
وطول الحديث ايهم ماحجه..
خلصت شغلي وطلعنا انة واياد للمدرسة
وصلني وراح
اول مادخلت استقبلوني البنات ورجاء
خطية بالهم يمي
والمديرة كالت بعد لا تاخذين دروس
انت حامل ومسؤوليتج هواي
خليت شغلج اداري..
كتلها مثل ماتردين ماكو فرق..
بيومها كعدت جنا نحضر الكارتات لان
يريد ينطون الدخول للبكلوريا
وكعدت اشتغل بالادارة ..تقريبا
ساعة عشرة ونص
اجه ابو الريسبشن ويا القاضي..
وصله للغرفة مالت الادارة وراح
دخل والمدير سلم عليه بحرارة
وهو باوعلي بنظرات حزينة وصارت عيونه
ع بطني..
مبروك ست انشال

له تكومين بسلامة..
شكرا جزيلا لحضرتك ..باوعت للمدير وكتله
انة اترخص استاذ
كال القاضي..لا تروحين كملي شغلج
انة جاي اخذ مايا ونطلع ..
وباوع للمدير كله..اريد اخذها تكمل فحوصات
اريد اعقدلهم وانة الوصي عنها..
استغربت شيعقد تالي تذكرت هي كال
زياد برجي يريدها
هو كلي ..يمكن ست ماتدرين
بس زياد ابني خطب مايا ..
ابتسمت وجاوبته..ربي يوفقهم
ويتمم بخير ..
الخير يصيبج ..
وبقى واكف ينتظر مايا ع مااجت
طبعا مياي سافرة
والحاجب جنح طير واصل لاذنها
شكلها متغير جذريا صدك عروس
سلمت عليه ويوستني
حسيته شوية مستقرة مو مثل ماجانت مرگولة..
اخذها عمها القاضي وطلع وانة كملت
شغلي وحتى خطية ماتطمنت على رجاء
كتلها نكعد نسولف
لان هذا رجلها ملتهي بذيج صاحبته
وهي كالت بس يمتحنون الجهال
اخذهم واطلع ماابقى ويا..
خلصت ساعة ١١ وثلث وكمت لغرفة المدرسات
اخابر اياد حتى مايتاخر عليه..
لكيت زمن ومها وفاطمة كاعدين..
ها شلة شعدكم حاطين روسكم بتلفون..حاجيتها
وافتح بجنطتي اريد اطلع
تلفوني..
رفعت راسها زمن..جاي نباوع ملابس لحكي
اذا يعجبج حجزي حتى كلنا بفد طلبية..
اوكفي خل الكى تلفوني بس اخابر زوجي..
كلبت الجنطة فوك جوا تلفوني ماكو
اعوذ بالله ياربي
انة حطيته بالحنطة لو لا؟
اكيد حاطته اصلا من وصلت للمدرسة ماطلعته
بعد..
دورت عفست ماكو
جيوب الجبة دورتهن ماكو..
البنات كامن وياي ويدورن كلشي ماخلو الا دورو
بي
حتى اللوكرات كلهن فتحنها
جوا الميز جوا القنفات
كتلهم يمكن ناسيته بالبيت
لان دكن عليه كالن يدك وماكو رد..
بس اياد خطية هسه يدك محد يجاوبه
يلا هو يجي ب١٢ ميخالف..
بقيت يمهن لحد ساعة ١٢ وشوية يلا
احه اياد
وانة طلعت وكفتله برا
حتى اجنبه الاحراج ادري بي يستحي
يحاجي الاستعلامات او يدز عليه احد
بقيت يم الباب لحد مااجه ورحتله للسيارة..
اول ماصعدت عاط بيه..
و و وين؟؟تتتلفونج؟؟؟
الله يساعدك بالاول ..وتلفوني يمكن ناسيته بالبيت
لان مالكيته بالجنطة..
ب ب بقى..باااالي... ق ق قلقتيني..
اي حقك صدك انة هم فكرت كلت هسه
يقلق
بس شسوي صايرة كلش انسى..
سكت ماجاوبني وبقىيسوق بهدوء..
وصلنا للبيت بطلعة الروح ازدحام
كلش
تقريبا وحدة الا يلا دخلنا..
جانو كاعدين يتغدون ..كال عمي كعدو اكلو
ع واهسنا تالي بدلو..
اياد كعد لان امبين جوعان ..انة لبست صدرية
وصبيتله وصبيتلي
جانو ايثار ورغد وبتهم وعمي وعمتي كاعدين..
جبت مواعينه وكعدت..
بدينا ناكل وايثار وعمي يسولفون
ورغد حاجتني ..
جمونة شوكت تروحين للدكتورة؟
هذا الاسبوع انشالله لان مارحت بس مرة وحدة..
اي عفية حتى اروح وياج وننزل للسوك
محتاجة ملابس وانت هم اخذيلج
كم قطعة للعنون..
ابتسمت بفرح..
اي اي خلينا نروح الخميس..

عمي كال ..اذا عرفتو جنسه شنو حتى نجهزلة
جرباية والعاب ..
الله يخليك عمو وتزفه بيدك ..
الله يحفظج جمونة المعدلة..
كامت عمتي وطكت الكرسي اليمها وانكلب
عافته وراحت للطباخ
صبتلها جاي...
هو خزرها بس البقية محد اهتم لتصرفها
بس انة ملاحظتها
كل مايحاجيني عمي تضوج..
اياد كمل وصعد وانة ساعدت رغد نظفنا
المطبخ
وخلصت وصعدت..
لكيته نايم ع وجهه ومخطي راسه بمخدة
غطيته وبدلت
وكعدت ادور ع تلفوني
نبشت الغرفة كلها ماكو
لبست ونزلت جوا دورت البيت كله
مالكيته
رغد بغرفتها استحيت ادك الباب اسالها..
رجعت لغرفتي وانة خايفة التلفون وين
راح
بي صور وبي محادثاتي وي صديقاتي
محادثاتي وي مهجة ورجلها مايتفاهم
لو رقمها انتشر
دخليك ربي الطف بيه...
شكد ماتعبانة مابقت عندي نومة
رحت فتحت البردة وكابلت
الشباك وكعدت
مليت من الكعدة كمت طلعت للمطبخ
الفوك..
هو جان شبه مخزن بعد فوك ومتروك وشحاله
بس نظفته وسويته مطبخ مال بشر
بس عمتي ماتقبل احد يطبخ
فوك
لهذا مخلينا جاي كهوة وبس
والولد يصعدون اكلهم فوك ياكلون بي
لان قريب ع غرفهم..
باوعت بي كم ماعون امبين ملات الخاتون
غدير
غسلتهم وغسلت السنك وطلعت
دكيت الباب ع غرفة بشار..
منوو؟؟؟
انة جمانة..
سكت شوي تالي كال دخلي دخلي..
فتحت الباب ودخلت لكيته طفة الجكارة
بالطفاية..
ها ابو الجكاير شبيك مدري شلونك..
حجيتها ودنكت الم الملابس
من الكاع
غرفته صايرة بيها كارثة كونية..
دعوفي من ايدج تعاي كعدي انت هلكدوتج
جنج
فستقاية وفوكها حامل..
ههههه لا تعيب ترى مو شايف طيبة طويلة
تكعد تقلد عليه..
خرب طيبة ونعال بكصتها..
يااا شنو هالالفاظ !!شبيك..
انتجيت ع ميز المراية وهو باوعلي
وضايج..
جمانة ماريدها وجاي تلح ع الخطوبة..
شنو ماتريدها؟؟
مو مواعدها بس تتخرج تخطبها؟
اي بس اكتشفت هي مو مال ارتباط..
شنو هو لعب جهال ب-ار؟؟
جمانة مو لعب بس هي ماتصلح ام بيت
وزوجة صالحة..
هسه انت اخذتي اياد صفر
بس حطيتيله قيمة كل رجال يحلم بيها..
غلطان اياد مو صفر انتو الحواليه محسسينه
هو صفر
انة مجرد انطيتها مكانه الصح ..
اياد شخصية طيبة وماعده غل ولا دغش
الكدام عينه باب..يكول هذا باب وبس
مايكول خلف الباب شنو اكو
انسان مسالم وهادىء..ونفسه نظيفة
لدرجة هو كلي علميني اصل

ي
قبل لا انة اتعب نفسي او اجبره
معناها ربك يحبه وحطني بطريقه
وامي دوم تكول اليحبه ربه
يرزقه بمرة زينة ..
صح بس الحادث صنع منه انسان عاجز..
اكيد كل انسان بمكانه راح يتاثر
صديق عمره وبيت سره يشوفه ينخرط
رصاص كدامه
شتريده يسوي وهو انسان هش وداخله
مابي بس العطف؟؟
اكيد عواطفه كلها تنهار والجان باني كله انهد
خلاص انهار وفرغ
لهذا تكول رجع للصفر..
ابتسم وكام وكف وطك ايد بايد..
فتح الشباك وطلعله جكارة وكال..
عذريني ماتحمل الا ادخن راح انفخ الهوا
برا..
باوع لبطني وكال ..من رخصتك عمو راح ادخن..
باوعتله ورافعة حاجبي..
شبيك ؟؟
جمانة هذا حجيج خلاني ازيد اصرار انة مااخطب
طيبة..
ليش؟؟؟
ماشفتي نفسج شنو وصفتي اياد وشلون دافعتيله
حتى اشطر من جياد بالدفاع عن المتهم..
اي زوجي وحجيت واقع قابل نمقته ولزكت
بي صفات ماموجودة؟
لا بالعكس فاهمته صح وحجيتي حسناته
كلها وماحسستي احد بمساوئه..
اني المرة الاريدها تعرفني تفهمني
تعرف داخل بشار شنو؟؟
مو همها كله نشتري احلى
غرفة
البس اجمل بدلة
بشار عجبني هذا المحبس..
اي غير انت عودتها من البداية..
المهرة من خيالها والمرة من رجالها..
وهم تكدر بالزواج تعودها ع طبعك
رغم هي لسانها ماكل لغودها
بس تموت عليك..
واخر زعلة بينكم تخبلت من عفتها
مدام تحبك لا تخسرها ومدام دنستها
لا تطعن بيها..
بشار ترى العرض مردود
وانت عندك اخوات وعندك بنت اخو
حرام عليك..
ذب الجكاره وراد يكفخني بالجذب وضحك
وخري منااا صوت الضمير
الحي ..تخربطين افكار اكبر واحد
شحلات ام ايثار من تكلك ..
تولييييي..تذب قندرتك توكع فوك الف..
اي الالف التعرفهن ام ايثار ذني بالحضيض
يعني هن والكاع سوا
ماتشوف قندرتك تطيح عليهن..
ابتسم وباوعلي وهز راسه..
معجزة بشرية ..بنية وزن لسانها اعلى من وزنها..
عابتلك هو صوجي احاجيك..
اروح لغرفتي احسن..
ويين بشرفج لااا..
ههه لا مابقى شي ويكعد اياد اروح احضرله
ملابسه..
اي علينا ملابسه ها..
انجب لك ..حجيتها بضحكة وطلعت ..
دخلت للغرفة اياد كاعد من النوم وتلفونه بيده
من شافني سده وحطه ع جهة..
اجيت كعدت يمه ع الجرباية وابتسمت..
مشتاقتلك صارلك كم يوم متقاعس
بالك ابد مو يمي..
ما ما مالي خلك..ت ت تعب..ال ال شغل..
لك لك لكيتي..تلفونج؟
لا دورت بكل مكان ماكو بلة دك عليه..
اخذ تلفونه ودك عليه مغلق انوب عزاا

للحكاية بقية

فراشات تخشى الاحتراق
الجزء الخامس عشر

باوعلي بعصبية..كال
ا ا كيييد..ان بببباك بال ال ال مدرسسسة...
جاوبته وانة كوة ابلع ريكي لان صدك سالفة
تخوف..
لا اياد ماطالعته من الجنطة ابد..
اي اي...ما ما طلعتي ..غ غ غيرج طلعه..
ج ج جيبي..و و وصل..ال ال شريحة ..
ح ح حتى ..نحرگها ..
كمت ادور باوراقي وارجف من التفكير
الله يستر من سالفة التلفون بس..
وانة ادور دك تلفونه كال هذا ابوج يخابر
اخذته وجاوبت...
ها بابا بعد عمري شلونك..
شهك وكال..هلا بهالصوت بابا خو مابيج
شي؟
ضل بالي يمج اخابر وماحصلج..
ها اي بابا تلفوني ضاع..
ضاع شلون؟؟من يمتى..
مادري اليوم رحت للدوام ورجعت مالكيته
استغفر الله ..حجاها وتنهد..
شلونج وضعج شلونه..
تمام الحمدلله مشتاقتلك كلش كلت اجيكم
الجمعة..
علواه تجين بعد ابوج شو صرتي اضرب من
اخواتج تجن بالقطارة..
ههه لا انشالله اجي بس انت تعرف بالحال..
اعرف بنيتي جبل ثابت بالكاع ما ينهز..
تربيتك ابو معين حبيبي امي وعمة والولد
شلونهم..
كلهم زينين عمتج تلوب لان مخابرتج ما حصلتج
سودة علية شلونها خو ماتعبانة؟
لا نعمة احسن صارت..
الحمدلله...
خلصت مكالمة وي ابوي واياد يباوع
ويهز برجله بتوتر..
بس خلصت عاط بيه رزالة وسواني فاهية
ومااحرص ومااهتم
لحد مافرغ عصبيته بيه وراح للحمام..
غلست كلشي ماحجيت لان مالي خلك جدال
تفكيري بالتلفون شدهني..
حضرتله ملابسه وبدل وراح للشغل وانة
متعودة اطلع ويا لحد الباب الخارجي..
بس طلع وسديت الباب تذكرت ماكتله على
جية جياد ..
لا حقه من يكول فاهية لان صايرة انة افوت
الظاهر زهايمر مرحلته متقدمة...
رجعت جوا البيت هدوء لا بي حس
ولا بي روح..
دورت بالمطبخ على طحين كلت اسويلي
شي حلويات
صدك لكيت طحين وكل المستلزمات
سويت لفة خميرة ورشيتها جوز
خدرت جاي وكعدت انتظره...
نزلو رغد وايثار شاف الماعون ع الميز
اخذله وحدة كتله انتظر الجاي كال مستعجل
طلع وراحت رغد وراه شوية ورجعت..
اول مادخلت للمطبخ ابتسمت..
شعدج هنا امشي يمي بالغرفة جاي ارتب
كنتوري..
باوعتلها بقلق..ولج رغد تلفوني مالكيته بالجنطة
ودورت بالدوام وهنا ماكو..
باوعت وهي عاقدة حواجبها..تحجين صدك؟؟ولج
خاف وحدة تكرهج باكته؟
ماعندي وحدة تكرهني ابد ومدرستنا متعودين
نعوف الجنط ونطلع مايوم
صارت بوكة..
مدري شكلج خية عاد حركي الشريحة لا يسوولج
بيها مصيبة..
اي انطيت اياد الوصل كال يمر للشركة ..
تعاي نطلع بالحديقة ناكل خنكة البيت ..
يلا اروح اجيب بان واجي ..
راحت هي وانة حضرت الصينية وطلعت
برا كعدة الكاع حلوة خصوصا فوك الحشيش
شغلت الماطور وكفت ارشه حتى يبرد
واجت رغد وبتها يمي..
كعدنا ناكل ونسولف..
اندك الباب وراحت رغد فتحته..
اجت غدير من الدوام ..ذبت جنطتها بالكاع
واخذت لفة من الماعون..
امم ميتة جوع منو جابه هذا ..
انة سويت..
ها خوش لعد متسوين دوم مدامج تعرفين..
حجتها واخذت ثانية وراحت..
غمتها رغد وكالت سم وزويحير ببطنج وبطن
امج..
اذا ماذبتلها ن.. ماطلع بت ابوي..
اوو رغد شجاج حرام تدعين..
ولج شدعي دشوفي لبسها وشعرها طالع
نصه واحمر
تكول بت ... مو بت اوادم..
الله يستر عليها شكد اتمنى انصحها ترى طفلة
هي ..
هاي بتج اذا عفتيها براحتها راح تنجرف وي
كل موجة تشوفها..
سكتي جمانة ترى ضغطي علك من طيبتج
لا تخليني اسبج واسب رجلج..
دكومي كومي جوا مابقى شي وياذن ..
كمنا دخلنا جوا لكيت عمي كاعد بالهول
كتله اصبلك جاي ولفة خميرة سويت
كال ياريت ..
رحت صبيتله وجبت الصينية لكيت عمتي
متمددة يمه ع القنفة
برمودتها حمرة والبدي اسود ربع ردن
ورافعة رجلها ع ايد القنفة..
انا حطيت الصينية وكتلها..عمة اجيبلج
جاي ؟
تثاوبت وكالت..جيبي جيبي ميتة جوع ..
رحت صبيتلها وحطيته يمها..
باوعتلي جان تكول..اكلج جمانة كلي لاياد
ينطيج مصرف واشتريلج ملابس..
لا عندي ملابس ماحتاج..
وين يمعودة شوفيهن الوانهن ترابية وعريضات
اشتريلج تراك بنطرون شي بي حظ...
كلشي عندي بس خو ماالبس كدام عمي!!
هي طفرت وكالت لااا لااا قصدي اذا محد
موجود..
ابتسمت ورحت صعدت ..غير عجيبة
هالمرة انوب تغار مني ع رجلها استغفر الله
حتى مايحل عليه بعد خوفها من شنو مادري..
دكيت الباب ع بشار كتله كووم صلي
هو جاوبني اييي بعد اخوج كايم..
باوعت لغرفة غدير كلت اروح احاجيها
بس تالي تراجعت
خليها غير وكت..
خلصت صلاتي ونزلت وي رغد نسوي العشا
واجه اياد..
الله يساعدك..
و و و يسسساعدج...حجاها وهو ضايج ..
ت ت تعاي..لللللغرفة..
ها يلا جاية..
طلع من المطبخ وانة غسلت وطلعت
وراه اسمع عمتي تكله
ابقى ابقى اثول هيج هو صعد الدرج ساكت
وانة صعدت ورا بس ودي اجاوبها
واسكتها ..
دخلت ورا للغرفة ذب ملابسه وفات
للحمام بسرعة
لميتهن من الكاع وعلكت بنطرونه
طلع من الحمام ينشف بوجهه..
اخذ العلاكة الجابها ويا كعد ع الجرباية وفتحها..
تتتعاي..ه ه هذا..ت ت لفون...ج ج جبته..
الج..
وال ش ش شريحة..ح ح حركتها...وج جبتلج..
نففسها..
الله يحفظك حبيبي مشكور ..
شششعندي ..غ غ غيرج..ب ب بس..

ض ضجت..
م م مساع...
ه ه هذا..ا ا ايفون..اذا اذا..ضضضاع...
ما ما ما يخووف..
اه ولو متعودة ع السامسونك بس يكولون
حلو الايفون..
ح ح حلو..ووو ..ا امين..
فتحته لكيته حاط بي حساب اب ستور
ومخلي الشريحة
اجتني هواي رسايل
اول ماخابرت ابوي وطمنته وحجيت وي
امي هم..
بعدها نزلنا تعشينا لكيناهم متعشين وطالعين
عمتي ماعدها حل وسط
لو نايمة لو طالعة..
اجيت اساله شبيها ويا مساع بس
كلت بلكي هو يحجي..

تعمدت نبقى جوا بالهول حتى اكطع
الطريق ع غدير
فتحنا التلفزيون
طالع فلم للناقل جديد ماشايفته وانة كلش احبه
جاي اباوع وتذكرت
جياد اكتله البارحة اجه وانت نايم
كال ماخابرني اليوم شعجب
وخابر عليه ماجاوب
بعدها هو دك عليه ..كله هسه جايلك..
كمت حضرتله كهوته بسرعة ماريد
يفوتني الفلم
واياد راح للباب لان هو كدامنا بيته كلش
قريب
حضرت الصينية وواكفة بباب المطبخ
اباوع للفلم والناقل يطفر
وانة اطفر وياه وصبعي بحلكي
من التوتر..
دخل جياد وسلم ..رديتله السلام وركضت
للمطبخ جبت الصينية حطيتها
يمه باستعجال ورجعت كعدت ..
مركزة كلش وهو التهى يحجي وي
اياد..
وانة مركزة ماانتبهت الا كال اياد..
ج ج جمااانة..ششسالفة..ج جاي..نححجي..
ها العفو ماانتبهت..
حجه جياد بهدوء..اذا تسمحين كرري الكهوة..
كمت بسرعة اخذت الكوب خطبتها ع السريع
واركض اخاف يفوتني الفلم
ورجعت للهول ركض خليتها ع الطبلة وهو مد
ايده يريد ياخذها
عزااا هذا الكوب باارد صبيت البارد بدل
الحار..
هو اخذ الكوب عود ردت اشيله..حس ببرودته
امبين من ملامحة..
انة غلست وكعدت جني مامسوية شي
والافكار تخربطت والناقل شرد من المستشفى
وكله بسبب هذا
رجعت اعيد تركيزي بالفلم وهو بقى يمطك
بالكهوة المثلجة
وركز بالفلم بقو ثنينهم يباوعون
وطبعا اذا احذ باوع وياك فلم شكو لقطة تعبانة
تطلع
وطلعت شلون لقطة خرعتني وفلت وجهي
بحيث كمت بسرعة للمطبخ
كلت ماارجع بعد واراويهم وجهي شكد عيب
بقيت كاعدة شوية وطلع هو واياد
رجعت للهول شلت الصينية وهذا شارب
الكهوة كلها بس عجيب
هالمرة مامدخن
كل مرة يترس الطفاية..
وصله اياد ورجع صعدنا سوا فوك..
وعدت الايام واحنا نفس وضعنا
بس وضع اياد يعني تحسن
بس دائما قلق وشارد مو مثل قبل جان ينام
بحضني مثل الطفل
هسه يتذمر ع طول ويكول انت ماترديني
مجبورة بية
اكثر من مرة ازعل منه من يحجي هيج
يكلي هذا واقع
اذا هي امي تستعر مني وتستحي تكول هذا
ابني
تردين انت تقنعيني انت راضية بوضعي..
وكل مرة اقنعه بنظرته الغلط بس بالعكس
زاد ..
خلال الامتحانات جنت اروح ساعتين وارجع
مااطول بالمدرسة لان شغلي خفيف
بواحد من الايام توة اياد جاي عليه وطلعت
تحسين واكف يم سيارته قريب الباب
استغربت جيته هيجي وكت بعدها
اخته ماتطلع هسه...
مشيت ومن وصلت يمه وحجه بتنهيدة..
بالعافية ع الخنيثة هيج نثية وحامل انوب ااخ..
فار دمي من حجايته هذا كلش مصخها
لو مااياد واكفلي جان رزلته ورجعته
لوعيه بس سكتت..
مشيت للسيارة وصعدت ..اياد كال كلش
عطشت اروح اجيب ماي واجي
جان اكو محل يم المدرسة ..
نزل وانة قفلت السيارة ودنكت خفت
يجي تحسين يمي..
صدك ثواني واجه..دك الجامة شكد وقح
يعني شكد مستصغر اياد بحيث هيج
تصرف وماحسبله حساب..!
مرتين وثلاثة دك الجامة
نزلتها وحاجيتها بغضب مكتوم..
تفضل اخي؟؟؟
هو ابتسم بطرف شفته كال..شكرا اختيييي بس
ردت اسالج رجاء مخلصة شغلها
لو بعدها..
رجاء مامداومة اصلا..وخابرتها ماجاوبت..
هو تغيرت ملامحة للجدية..
شلون مو كالت باجر ارجع وياك من وكت !
ماعرف ورجاءاً روح لا يجي زوجي..
باوع بوجهي بعتب..هي حظوووظ.. زوجي هه...
وراح رفع تلفونه يخابر..
انة رجعت خابرت رجاء هم ماجاوبت
بقى بالي يمها شعجب ماكو مسكينة
اجه اياد ورجعنا للبيت..
وتغدينا وصعدنا..
انة صايرة كلش احتر صح بطني مو جبيرة
رغم دخلت بشهري السابع
بس احس بثكل وحرارة
سبحت ولبست ثوب قصير واجيت تمددت
يم اياد..
جريت ايده خليت راسي عليها..هو جر ايده وكال..
ش ش شعرج..م م مبلل.. ا ا اضوج..
رجعت راسي ع المخدة وهو باوعلي وحجه..
ل ل لش..ما تككصي؟
شنو شعري؟؟
اي اي ما ما حلو...طططويل..
انة احبه طويل وهذا شي يخصني اذا اكصه
او اخليه..جاوبته بقهر وغمضت..
بقيت مغمضة الى ان غفيت
فززني صوت التلفون
باوعت للشاشة رجاء تخابر..
جاوبتها وانة اعدل بصوتي ..هلا رجوة وينج..
جاوبتني بهدوء وصوت تعبان..
هلا خية حبيبة شلونج انت..
الحمدلله كليلي وينج ليش ماكو اليوم..
جمانة طلكني..
استغفر الله العظيم شلون شوكت؟
مطلكني وانة مادري بالمحكمة واليوم
كملها وطلكني شيخ
طلعني انة والجهال جمانة الصبح بعز الحر
وج جهاله ذول جهاله
مارف كلبه عليهم عجيب..
يطبه مرض هو يمتى حن عليهم يولي الله
خلصج منه..
اي خية هو منو الي مو اول طلاك الي رجعوني
عليه وشمروني مثل الزبالة..
حشاااج لا تحجين هيج واهلج اذا مارادوج
اجريلج مكان وحطي
جهالج وكعدي
راحو خامس ابتدائي يعني كبار مو اطفال
وانت وياهم وتعيشون ولا الذلة..
الله كريم خية شسوي بيد ال

له..
ذمة بركبتج تخابريني من تردين شي..
طبعا خية انت اخيتي وامون عليج..
يلا الله وياج..هلا بيج..
ااخ يارجاء شكد متعوبة .. صدك قهرتني
واحس كلبي انمرد عليها
كمت وانة ضايجة ومقهورة حتى نومت راحت
واحس وجع بظهري ازمني يمكن
نومتي غلط
بدلت وحضرت لاياد ملابس
ساعة ب٣ حطيتله المنبه قريب عليه
حتى يفز بسرعة وطلعت..
نزلت للمطبخ لكيت بشار كاعد يتغدى
شافني وذب سماعته وسد التلفون..
هلا جامخانة وينج مشتاقلج صايرة
ماتتحصلين..
انة موحودة انت دوم مختفي ..
اي صح مالي خلك معتكف هلايام
بس انت طامسة بالغرفة عمي لا تجيبين
ع كيفكم..
باوعتله باستهزاء..صير ظريف بس مو
خفيف ..عيب احترم..
حك راسه وابتسم..رزالتج تحسسني بفشلة مدري
ليش..
لان انت فاشل هه..
حجيتها ووكفت ظهري زاد وجعه
لزمته وغمضت..
انوب زاد عندي الالم اكثر
احس كهرباء ومشت بجسمي من ظهري
لبطني لرجليه ..
انتجيت ع الكاونتر وصرخت خفيف
من وجعي
بشار من شافني هيج تبهذل ماعرف
شيسوي
لزم ايدي سندني ويسال
شبيج شنو جمانة شكووو؟؟
وهو يحجي حسيت نفسي تبللت ماي
ودم..
للحكاية بقية

مساء الخير

فراشات تخشى الاحتراق
الجزء السادس عشر

باوعت لنفسي فضت وبشار سالني برعب
جمااانة راح تجيبين شنووو؟؟
حاجيته وكوة انطق ..يمكن عفية صيح
رغد..
هو بقى ساندني وجر التلفون خابر رغد 
وبقى يصيح ع امه حيل 
بس ماكو ماهي..
نزلت رغد تركض من شافتني هيج كلت لبشار..
ابقى ساندها اروح اجيبلها عباية 
وناخذها للمستشفى..
راحت رغد تركض ودخل عمي سامع
الصوت مالت بشار..
ها بابا شنو ولادة؟؟
حاجيته وكوة لازمة نفسي استحي اتوجع كدامهم
يمكن عمو مادري ..
خير خير انشالله اروح اصيح نعيمة واجي..
راح وشوية واجت رغد لبستني وانة فايضة
والوجع كاتلني
واياد خطية مكعدته رغد اجه يركض توة
كاعد من النوم..
كلتله رغد جيب مستمسكاتها وفلوس
والحكنا احنا ناخذها..
رجع صعد واخذوني للسيارة وطلع عمي
يدكم بردان قميصه
صعد يم بشار كله اطلع بسرعة..
وانة كاتمة صرختي كوة واقرا وادعي 
بصوت ناصي..
طلعنا وبشار نزل سد الباب الخارجي
وتلاكه وي جياد
مادري شنو حاجاه واجه صعد بشار..
طلع بينا للمستشفى وانة الطسة تاخذ من عمري
مأخذ 
بشار كال لعمي جياد خطية سال شبيكم وكتله
جمانة يمكن ولادة وكال اجي وياكم
خاف تحتاجون دم وهسه اجه ورانا
بقى عمي يمدح بي لان كلش يحبه..
لحد ماوصلنا ونزلت كوة كلش انطوني
كرسي متحرك يم باب السيارة
ورغد ساندتني وبشار 
اخذوني بسرعة ومن فحصت الدكتورة
تخبلت بقت تركض وتسوي الاجراءات
كالت عملية بسرعة
اول مرة اشوف دكتورة هلكد عدها انسانية
عبالك امي وهيج خافت عليه..
كلتلهم حضروها بس رجلها خل يوقع ويفتح
فايل
كلتلها رغد جاي ورانا بس سوو الاجراءات 
صدك لحظات ووصل اياد 
وانة روحي تلوب ووجهي شحب احس
بي صار بارد..
حاجاني اياد وعيونه تصب..ان ن ن ت..ق ق قوية..
راااح..ت ت ترجعين؟؟مووو..
ما ما ماتععوفيني؟؟ما ما ..ت ت تعوفين..
اي ي يوو..
بست ايده وابتسمت وحجيت بتعب..
اكيد ارجعلك حبيبي بس خابر امي
خل تجي فدوة لعمرك...
ه ه هسه ..اخ خ خابرها...
اخذوني بعدها الممرضات وحضروني
من بعد كم فحص سوو
ودخلت للعمليات بس رغم الوضع الانة بي
احس متفائلة 
بقو يسولفون وياي الاطباء
واحد منهم ضحك وحاجاني وانة نايمة
ع السدية ..
هاي شكدودتج هههه
اول مرة بتاريخي الطبي اسوي
عملية لباربي مدري فلة
اخاف افتح بطنج والكى بيها
لعابة كطن...
وهو فوك راسي ويحجي ويخدرني..
ابتسمت بتعب وبدا وجهه يتلاشى 
الى ان غبت بغير عالم...
ماعرف شكد طولت..بس فتحت عيوني
بصعوبة واحس غواش
رمشت اكثر من مرة وتعدلت الرؤية..
شفت امي كاعدة يمي وبيدها دعاء تقرا
ودموعها تصب..
حاجيتها بصوت خافت..
امي حبيبتي..باوعتلي بفرحة وكالت 
اللهم صل على محمد وال محمد..الحمدلله 
ياربي على سلامة بنيتي
شلونج يمة نونو مبروك ماجاج..
الله يحفظج يمه وينه ابني..
بالخدج ماما بعدين اخذج تشوفي
ابوج من شافه طار من الفرح واهله حيل
فرحانين بي..
خطية حماج واقاربهم تبرعو بدم وابد ماقصرو
بس عمتج شعجب ماكو؟
ماعرف من طلعنا نايمة يمكن 
بس عمج فرحان خطية امبين الله يحفظه 
اي خطية عمي كلش فرحان من حملت
لهسه..
بعدها اجت الممرضة حطتلي مغذي وابرة 
شوية ونمت 
وبقيت بالمستشفى ثلث ايام 
بعدها طلعت لبيت اهلي..امي بقت وي ابني
الي يومية اروح اباوعله بالحضانة
يجنن يشبه اياد كلش وحجمه زين وزنه
٢ كيلو 
بس من اباوعله احس املك الدنيا كلها
فرحاااانة...
اياد واكف يمي يباوعله..لزم ايدي قوي
وكال..
ك كل..ي ي يوم..ا ا افتخر..ب ب بيج..
اكثرر..
حبيبي انت شكرا لان خليتني ام لهذا
الملاك الصغير..
ر ر راح..اخ خ خليج..ت ت تصيرين..
ااام..ل ل كووومة ..م مملائكة..هههه...
هههه اي حبيبي بس يكبر شوية نجيب ثاني
اريدهم يكونون نفس العمر 
ويسندون بعضهم بكلشي سواء
بنات او ولد اريدهم كلهم
كلب واحد..
ا ا اكيد..م م مدام..ا ا انت..ا مههم..
وطبعا بوجود ابوهم ايو ههه..
بعد ماطلعت لبيت اهلي بقى 
اياد خطية يومية يجيلي 
من يرجع من شغله مباشرة يجي
وينام عدنا ويرجع للشغل 
امي وابوي مايخلو يطلع ابد 
وعمة حنة وكفتلي وكفة سودة عليه 
الى ان طلع ادم من الحضانة او الخدج
جبته لحضني يلا ارتاحيت 
استلمته امي وعمة 
احسن عناية واحسن اهتمام وعمة لان
مربيتنا تعرف للطفل
والها واهس بي كلش..
بقيت عد اهلي شهرين ونص يلا رجعت
لبيت عيالي 
بعد ماكبر ادم ونشنش وصار دنفوشي حيل
بس للاسف ماكدرت ارضعه لان
ماعندي حليب
شكد حاولت بس ابد حليبي ناشف لهذا
اعتمدت ع الحليب الطبي
والحمدلله هو صحته عليه زينة...
خلال هالفترة بقيت اتواصل وي 
رجاء ماتركتها
بس وضعها مأساة لان اخوها مايريدها
وتدور ع بيت ايجار ع كد فلوسها
ماجاي تحصل..
انة كتلها اجري وشكد مايصير دفعي
العندج واكملج الباقي
بس رفضت رفض قاطع وماقبلت
وكل يوم احاجيها لو من تجيني
تكسر كلبي..
الى ان صاعدة بالبيتونة مالت بيت اهلها
ومسكفتها جينكو ونايلون ومسويتها غرفة
اهلها ولجهالها..
وشهر الثامن والحر يكتل والبيتونة مابيها
كهرباء 
جارتلها سيار من جوا ومركبة كلوب عليه
وبنكة عمودية لان ماعدها لا سبلت
ول

ا غيره..
شكلها صاير بلا حياة سمرا وهالات زرك
ماخذة نص جمال وجهها
وجهالها ذول الحلوين بشرتهم محتركة
من حر السطح 
لان يطلعون يلعبون بي..
لان خالهم شارط عليها ماينزلون
ويختلطون بجهاله..
ومخليلها البيتونة موقت ع ماتلكى بيت
ايجار..
انة وصيت كل الاعرفهم وحاولت اساعدها
وخابرت زمن وكتلها اذا تكدرون ساعدوها..
يوم ثاني خابرتني زمن كالت تحسين يكول خل 
تجي تعيش ببيتي منها تخدمني ومنها لاكية
بيت يأويها..
بس من حاجيتها ماقبلت كالت شلون اعيش 
ببيته وهو من حقه ياخذ راحته وبيته
اجي اضيق عليه..
وبقت ع وضعها وتنتظر رحمة
الله القريبة..
رجعت لبيت عيالي بعد غياب طويل
كالعادة رغد مبتلية بكلشي
وغدير وامها متفرجات
رغم رغد اول مااجيت ماقبلت ابد اسوي
اي شي 
بس انة اصلا عمليتي طابت
لان اعتناء ومستشفى خاص 
ودوا مضبوط
بحيث حتى اول ايام الوجع مو قاتل مثل
مايوصفوه ..
لهذا كمت وياها وساعدتها بكلشي
بشار كلش فرحان بادم
بحيث اغلب الوقت لو يجي لغرفتنا
لو ياخذه يمه..
ورا العشا بعد مانام ادم وحطيته 
بجربايته 
دخلت سبحت ولبست ثوب اسود
قصير 
شعري لفيته طبعا لان كمت ابد يم اياد
ماافتحه..
الغرفة باردة وظلمة..
طلعت بالغرفة اياد بعده جوا 
اجيت تمددت ع الجرباية واخذت 
تلفوني جاوبت تعليقات ع صورة ادم..
دزتلي مهجة مسج..ها ام ادم صايرة ماتتحصلين..
ههه وج الطفل ياخذ الوكت كله حلوو
يونس..
اول مرة اشوف وحدة تحب دوخة الطفل
بكلشي مشكلبة انت..
امشي اصلا اريد اجيبله اخو واربيهم واصادقهم
واسويهم احسن شباب...
ياا وج اليوم رحعتي يااخو هذا وانت عملية
صبري ع روحج..
هسه اليسمعج يكول حبلت شبيج مخترعة..
اي مو انت مطفية ورجلج مابي بريك
تخوفون..
ههههه امداج حتى الفاظج مخربطة مثلج..
لا عشتو صدك هو وينه رجلج؟
جوا بعده ماصعد..
هاا وانت متحضرة امبينة؟وج انت مو راحة
بس رجلج شريف زيادة ع لزوم
هسه كون ذاك جان ركضج البيت كله..
انجبي لج حيوانة شلج بهالحجي..هو صح رجلي
شريف هههه بس ترى زين ههه...
اي خية زين ينيشن بسرعة..دكومي صيحيله
قبل لا تطفرين ع الغرفة اليمج 
من الجفاف ..
ههههه وج الغرف اليمي كلها شبعت
بقى بس اياد لازم يشبع 
اي شبعو وبشهادتج هم خرب يومج حاضرة
كل المعارك 
اي خية معارك بنات وولد ..
عييييع تذكرت حماتج امداج جمينة شلون تقبلتيها
انة لو منج الزمها بكلينسة..
شسويلها ولج قابل راح اخطبها انة ..
خطبيها عاد واهديها مثل رجلج وحماج ..
هههههه وتالي اصلي بيهم جماعة..
اي وخصوصا اذا صرتي اول وحدة كدامهم 
يغتصبوج ذولة ..
خرب يومج ولي خل ادك ع رجلي..
ها صعد الجفاف روحي خية روحي..
هههه وج حرفتيني امداج اليشوف حجيي وياج
مايصدك انة نفسي..
اي عادي انت دومج وجهج بريء وسوالفج
....
هههه ولي بااااي...

خلصت حجي وياها ودكيت ع اياد 
فصله..
دزيتله مسج ماجاوب..
مرت نص ساعة ماكو هذا وينه بس 
لا غفى بمكانه..
كمت لبست الروب الثخين فوك ملابسي
ولبست حجابي ونزلت..
الاضوية مطفية يااا ..بس لا بالمطبخ..
دخلت للمطبخ الباب مالت مفتوح..
طلعت برا اباوع ..ركزت بالحديقة
كاعدين هو وجياد 
اووو هذا شجابه هسه..انوب شافني 
خل اروح اسلم..
تمشيت الهم وسلمت..السلام عليكم..
اهلا ام ادم عاش من شافج والحمدلله
ع سلامة..
شكرا الله يسلمك ..باوعت لاياد وحجيت..
شنو اجيبلكم شي تشربو
لو شاربين..
كال اياد..كهوة اذا تسمحين ..
كتله بكلبي منين طلعتلي انت هسه ابني
يكعد ويخرب كلشي...
رحت سويتله كهوة وجبت الصينية كام هو
قبل لا اوصل اخذها وتشكر مني..
ورحع كعد يشرب ويسولف 
لا هذا امبين للوحدة ماينشلع..
خليت ورحعت لغرفتي تمددت ..شوية وعاط
ادم 
كمت انطيته ممه وغيرت حفاظته ورجعته 
نام
وانة طفيت من النعس خليت ونمت..
ماحسيت غير اياد حاشكني
بحضنه 
فتحت عيوني هو باوعلي وابتسم 
وبدا يبوس بخدودي وكالعادة شفتي محرمة
عليه..
الى ان تقربلي..بس صار عندي الم اكثر
من يوم عرسي..
لان هو قسى شوية وماعاملني برقة مثل
كل مرة..
ردت اكوم اسبح ماقبل..بقاني بحضنه
ورجع تقربلي من جديد
هالمرة حتى كفخ كفخته من وجعي
ماصدك اخلص واروح للحمام..
سبحت والماي بارد ارتاحيت شوية وهدات..
طلعت هو متمدد بمكانه 
فتحلي ذراعه واجيت تمددت عليها...
ش ش شبيج؟متاذية؟؟
مادري وجع ودم شوية..
اي اي اي..صاصاصارلنا..ف و و وك..خ خمس..
اشهر ..
اي حبيبي صح يلا بس اول فترة..
ه ه هسه..اط ط يبج..ا ا اني..
ههه لا فدوة..
ش ش شنوو؟؟ما تش ش شوفيني..ا رييد..
حاولت اتملص منه بس اليوم ناوي عليه
رجع مرة ثالثة وانة احس انصلخت مثل
اليذبون عليه ماي حار
لحد مافكني من وجعي غفيت بسرعة..
ورا مدة قليلة فزيت همزين بعده مااذن..
كمت بسرعة سبحت وفرشت سجادتي وكعدت
اصلي الشفع والوتر
لان باقي وقت قليل مالحك لنافلة الليل..
صليت وخلصت وكعدته يصلي...كوة كام
ومتملل نعسان..
بس كمل صلاته رجع لفراشه وتغطى..
انة موجوعة حتى مااكدر اخذ راحتي بكعدتي
لو مشيتي 
دورت عندي بعلاجي مالت العملية لكيت
حبوب التهابات 
بس ماكدر ع معدة فارغة..طلعت 
برا