ضربني دلهم على ايدي ، دلهم:- خوش تكوم هاي وكعت ست
اشهر اذا كمت منها سلامات

مؤمل:- خاب متنجب يلا شوكت يدخلوني

دخل مجتبى وجها مخطوف وعاط ، مجتبى:- دلهم الحگ روزه

__
هناسه

باچر عندي اشتماع آباء وامهات منو يجي ! شبعت قهر گوة
گعدت اكمل قرايتي والگحة موتتني شكت زردومي

مرت ساعات ودخلوا وشفت مؤمل مدمر دمار جوه عيونة زرگ
وجهة متگطع بس يمشي عدل ويفشر ويغلط وازاد ودلهم ومعن
يغلطون ويا، سمعت دلهم يحچي بالمبايل

دلهم:- اريد ضيافه خوش ضيافة باچر اريد مؤمل يبرد كلبه بي

حجيه تبوس بي وبقى شوية يمها وكلهم راحوا لـ غرفهم واني
رحت لغرفتي نمت وحسيت احد گعد على قنفتي، فتحت عيوني
شفت ازاد راسًا چفلت

هناسه:- شجابك هنا انتَ شنو لزگت يمي هاي شبيك

- محچة شي بس جر خدي وباسني، ازاد:- عشگچ بسكوتي الصغيرة هنيالچ كثر ما كل ضلع من ضلوع كلبي يحبچ ديربالچ على نفسچ يا نفسي

ظليت ساكتة لان اصلا اكرها واكرها وجودة يمي كُلش ! بَس
مو بيدي شي ماعندي واحد يلزم ظهري

ازاد:- ادعيلي

حچة هل كَلمة وطلع بسرعة واني هزيت ايدي والله بس
ناقصني مخابيل تالي الليل هيَّ مظلت بس هاي شسوي
الحمدلله هاي ولا غيرها، رجعت نمت گعدت الصبح بدلت
رحت لمرت ابن عمي سويلي كصيبتين ومعن اخذنا واخذ
ويا ديمه وحطها بحضنة ويسوق ونزلنة مرّ 3 دروس

:- اهاليكم اجوي !

- اجتي طيبه:- امشي محد يجينة

ظلينا نمشي بالساحة اني وطيبه وصديقتنا ويانه شوية
واجتي ام صديقتي وراحت ويا امها وشفت من بعيد معن
وازاد مبتسمين واجة معن حضني







معن:- روح فدوه للشاطرات رفعتن راس ابوجن

- بستة، هناسه:- شعندة غيرك عمو

ازاد:- اخ انتِ اني اعلمچ شو يگولون لسانه وكحة مسوية المدرسة
مكان مصارعة

معن:- لا يگول السانة شطولة حيث خالتها تقرأ قصيدة برفع
العلم مرتين وتعاركت وكتبت تعهد ومرة ثالثة اذا سوت غلط تره
نطردها من مدرسة بابا هناسه ديربالچ صيري عاقلة عيب انتِ
بنية مو ولد صيري هادئ شوفين البنات شلون هادئات

ازاد:- هذا الحچي دينحچي كل يومية بس ميفيد

- رجعت شعري بغرور وابتسمت، هناسه:- انتَ معليك عمو معن ديحچي لا تدخل رجاءًا

- صگ سنونة، ازاد:- خوش اني علمچ بالبيت

مهتميت ومعن انطانة مصرفنة وراحوا وازاد شفتة من بعيد
ظل يباوع علية ومشوا واني ضربت صديقتي مو بالقصد
بَس لانُ متعودة وصاحت صديقتي من الوجع

- عاط معن من بعيد، معن:- هناسه وتالي ستوني شلغيت رجعي للبيت والله كريم

مهتميت اصلا عادي اعرف معن ميسوي شي وبعد تعب
حلينة وازاد اجة ياخذنة اني وطيبه وبنات عمي واني گعدت
بصدر والجو بارد فاتح الجام وظليت كح وجهي صار احمر!
وهوَّ ما مهتم

نوره:- ازاد سدهن ترا والله چرشنه من البرد

- سدهن ونزلن البنات وصاح، ازاد:- اليوم عزمچ على شي يخبل

هزيت ايدي ونزل قبلي مشة واني غميتة بسرعة بَس من
غبائي وصلة صوت ضربت جفوف ايدي بس مصد علية ابد
واني شوية ريحت گلبي

صعدت بدلت ونزلت اشوفهم كلهم مجموعين ومعن يحچي لـ حجية شلون مستوانة صاحت:- تعالي يالعرمة مثل ابوچ صل حية

طلعت الساني الها وهيَّ تريد اشيل النعال وركضت ورا
مجتبى وظليت امشي ولازمة ظهر مجتبى لحد ما هدت
هيَّ و گعدت ، صارت العصر و غسل الطرمة علية ظليت
اغسلها واغني - تعبنا وبدي حاكيك -

- دخل ازاد:- اليوم شعجب الوصخة صاير نظية وتنظف

- نترت بي، هناسه:- شعليك انظف مانظف مالك دخل واي والله
دنظف وخلي الوصخ الك، عليك الله مالي خلكك شوف بلاعيمي
رايحة بالگوة احچي وإريد اغسل هاي طرمة شطولة ارجوك دخل جوة

هز ايده ودخل، خلصت كُلشي ولليل دخلت لغرفتي وحسيت
ريحة شي غريب خنگتني بس ماهتميت ثواني وحسيت احد
دخل وراي! اريد التفت بَس اجمدت من حسيت ايد صارت على
خصري وانسحبت وحط ايدة على حلگي

- بَس سرعان ما ارتاحيت شوية من سمعت صوتة !
ازاد:- نفس ماريد والله هسه اگطع نفسچ بس اسمع منچ نفس
اموتچ اهشش

ظليت ساكتة والخوف ياكل بية اخذني لنفس المكان وراسًا
ذكرت لما اكل ضفدع اكيد حيسوي مثل هذاك اليوم ظليت
ارجف وجسمي صار ثلچ

يربي شلون شجابة علية، ضحك بوجهي وفتح العلبة وفزيت
من مكاني بس شفت حية سودة ملتفة على شكلة دائرة...


يتبع ..

لوحَ الظلام - الظـلام ثامن عشر 🌪️ -
__
هناسه

يربي شلون شجابة علية، ضحك بوجهي وفتح العلبة وفزيت
من مكاني بس شفت حية سودة ملتفة على شكلة دائرة...

عطت بكل صوتي وكمز هوَّ و وگعت الحية من ايدة واجة علية حط
ايدة على حلگي و اني باوعت على حية تجي علينا سودة تخوف

نترت بازاد وگمزت ابتعدت واجتي الحية علينا وهوَّ گنبص
ونزل ايده يم راسها ولزمها وشالها وهيَّ تفر بذيلها وفجاة
سمعت صوت مؤمل يغني الخوف سيطر علية خفت اعيط و
ازاد ياذيني ومؤمل صوتة شوية شوية اختفى وهوَّ ظل لازم الحية ويضحك وكُل ثانية صوت ضحكتة تتعاله، حشگت نفسي بزاوية

حطيت ايدية على اذاني حتى لا سمع صوت طنين الحية
وصوت ضحكتة، شهگت وضميت وجهي بين رجليه وظليت
اشهـگ بالبچي شوية وحسيت ايده على رجلية عطت بخوف
وهوَّ بحركة سريعة لزم حنچي بيدة وجعص وجهي! بكل قوتة

ازاد:- تشوفين شسوي بالضبط اذا غمضتي عيونچ اسوي
بيچ بيبي صغير مثلچ فاهمة

أبتسم باستهزاء وردف بصوت هامس، ازاد:- صيري حبابة مو بنيتي

هزيت راسي ودموعي تنزل ابتعد علية وحط الحية بحلگة
وطلع شي ابيض وبلعة وظل يبحبش بيها، طلع منها كمية
سائل اخضر على اصفر ممزوج لزم راسها! گطعة بالحظة
سريعة وشال جلد الحية

ظليت أهدي بكلام بصوت ناصي ويا روحي إريد اسد عيوني
اخاف اسدهن وغواش صار بعيوني من المنظر ادركت بهاللحظة
اني بعالم مراح اطلع منة ابد

قسم الحية وجاب سجين قطعها قطع صغيرة وحطها على
طباخنة الصغير بترك كملها و اجة گعد يمي و اني ظليت
ارجع ليورا و اني اصلاً لازگ بل حايط حشگت نفسي
بالزاوية وجسمي ظل يرجف

ازاد:- يلة بابا اكلي شوفيها شكد طيبة

هزيت براسي بـ لا وهوَّ ظل يلح حطيت ايدي على حلگي
ودموعي ينزلن على ايدي واهز براسي مـثل خبلة، تقدم بهدوء
علية و وخر ايدي بقوة وحط ايدة على حلگي وعصر بكل قوتة

دخل قطع من الحية بحلگي وحسيت بطعم حامض على
مالح طعم لحم مخلوط بدم، نفسي لعبت وگمزت من مكاني

ظليت اعيط بصوت خافت وهوَّ گعد يباوع علية بهدوء واني
ظليت اكمز لحد ما تعبت وتمددت بالگاع فاقدة ماحس بشي
احس نفسي بغير عَالم ظليت فاتحة عيني گوة وصفنت عليَّ
شلون ياكل بالحية






خلص أكل واجة تقرب علية وباوعلي وراح واني ظليت متمددة
مسويت شي وهوَّ راح غسل واجة يمي شالني وغسلي عافني
وهم راح مدري شسوه بالبيت ورجع شالني واخذني للغرفة

معدتي موتتني من الوجع وحسيت حموضة بمعدتي! مگدرت
اتحمل اكثر زوعت على صدرة وبسرعة حط ايدة على حلگي

ازاد:- اسم الله

ظليت تقيء على ايدة متت روحي طلعت كله حامض وهوَّ
شافني وگفت من تقيء بسرعة شالني وغسل ايدة وغسل
وجهي وايدية واخذني للغرفة نومني واني كل كل حركة ماسويت

- باسني، ازاد:- وداعت امي حبيتج حب محد حب بگدي
بس مو بيدي اخخخ ضيعتيني وضيعتي كلبي هذا
كلبي فتحتي بابة ودخلتي خوفچ وملامحچ برائتچ
طفولتچ ودموعچ يچون هذا

اشر على كلبة وعافني وراح وطلع من الغرفة واني ظليت
ارجف ومسحيت بنفسي من نمت صرت اتخيل غرفتي و
الحياية كلها مجمعة علية فزيت من الحلم مخروعة وعطت
ركضت لقرب غرفة دك الباب فتحة مؤمل مانتبهت لشي
بَس إريد ادخل باوع علية بخوف

مؤمل:- اسم الله شبيچ هنوسه

- ظليت ابچي واشهـگ ، هناسه:- حية حية حتاكلني بالغرفة

دخلني لغرفتة وباوعت عليَّ ملابس تيشيرت دخلني لفراشة وظليت ابچي واحچيلة الحلم وشوفتة ايدي شلون ترجف وشهگت بخوف

هناسه:- شوف شوف

حضني، مؤمل:- ميخالف ميخالف هوَّ حلم تعالي نامي يمي

نومني يمة، وجاب مخدة وحطها بيناتنا، هناسه:- لا لا وخر مخدة

- مقبلت واني ظليت ابچي، مؤمل:- بابه ميصير الله يذبنة بنار

- مسكتت ابد ظليت ابچي وعيط بصوت رايح، هناسه:- عادي عادي بس هسه

استغفر ومسح على شاربة وشال المخدة واني بسرعة طفرت
بحضنة ودحست نفسي بحضنة وسديت عيني وجسمي يرجف

- بصوت هامس، مؤمل:- يربي مو نيتي غير شي بس طفلة وخافت اتمنى متحسبة حرام

نمت مرتاحة بحضنة ومحسيت بشي بعد، فزيت على صوت
الجهال وشفتها ساعه بـ11 طلعت من غرفه مؤمل ونزلت شفت
الحجية وصبحت عليهم وتريكت وياهم

للعصر طلعنا نشتري وشفت لمة ولد وظلو يباوعون واني
ضايجة وكفشتي شعلواتها حجة واحد:- ولك غير تموت
حتى هيَّ ومكفشة تخبل صح

- عطت بصوت عالي، هناسه:- شبيك لك حقير شبيك شلون
تباوع ادبسز دباوع مرة ثانية هيج شايف هذا اصابيعي
احطهن بعيونك يا حقير






عفتهم ومشيت رحت اشتريت ورجعت وشفت ازاد نزيت
من يمي وختلت ورا نوره ومن الخوف وهوَّ ابتسم بهدوء!

ازاد:- شبيچ فزيتي ترا ما اكل ناس اني

باوعتله صفح وعفتة وصعدت فوك ادرس شوية لانُ اليوم
عدنة امتحان و شگد كره الماده شوية و حضرت نفسي وانطلقت للمدرسة، اجتي مجموعة ساره الاكرها واني ومجموعتي دنقرأ

عاطت، ساره:- هي اكلچ انتِ شعندچ بيت عمچ اهلچ وين شنو ميردوچ

- حزت بنفسي كُلش وضجت بس عبرتها ومحچيت عتبرتها
ما موجوده اصلا، ردت صديقتي:- هاي شبيچ

هناسه:- علاج جاهل تجاهل فختولي نقرأ احسن ما نسمع لهيچ سوالف تعبانة

- ردفت بدلع وگلبت معدتي، ساره:- اي سولف تعبانة ومن تعيشين
بيت عمچ وكله ولد الله يعلم كم واحد منهم نايمة بحضنة

- عصرت ايدي وظليت اعبر الها، ساره:- اي وباجر عگبة تزوجيلچ واحد منهم حتى لا يفضحچ

- ابتسمت ببرود ، هناسه:- شتريدين هسه انتِ كملتي

ساره:- لا بس اريد طلع فضايحج ام ولد

طفرت عليها وجريتها من كفشتها ونومتها بالگاع وذكرت حركة
دلهم من يتعارك ويا ازاد او مؤمل سويت نفسها وحطيت ايدي
على بالعومها وخنگتها وظلت ترفس مـثل دجاج المفلس، صارت
هوسة وعياط واجتي المشرفة اخذتنا أحنا الاثنين يم مديرة

:- انطوني رقم اهلكم

بدون تردد انطيت رقم مؤمل لانُ عرف نفسي مغلطانة ربع ساعة
ودخل مؤمل بشخصية غير شخصيتة يلي بالبيت شخصية جادة
بدون تحشيش، ظلت مديرة تحچي سالفة شوية وصاحوا البنات
يلي جانوا موجودات بوقت العركة وحچو كُلشي صار وطلع الغلط
من ساره لانُ هيَّ بلشت

- مديرة ظلت تحچي:- بنتكم مسوية ازعاج يا هيَّ التحچي
وياها تكتلهه رادت اليوم تموت البنية

- ظلت تحچي ومؤمل يرد بهدوء واني رحت يم مؤمل شاورتة
هناسه:- مؤمل اخذلي اجازة

- اخذلي اجازة اني وطيبه وطلعنا، مؤمل:- ماريد تحچين لـ ازاد صار شيخلصچ منه حتى طيبه سالفه بيناتنا

طيبه:- تمام

صعدت بسيارة بصدر وعلكت اغاني فرحانة ولا كانو جنت
متعاركة وصلنا للبيت وذبيت جنطتي بباب المطبخ دخلت لگيت
ازاد واگف ويهز برجلة وشكلة متوتر وبس شافني عاط بصوت

ازاد:- اي زين شرفت ست هناسه تعالي

رحت يمة مخايفة وبكل ثقة وهوَّ راسًا جرّ اذاني كدام الكل
وصلخني براجدي فر راسي فر مو ضربة ماي حار ونزل
على خدي بس ما بچيت لزمت روحي وباوعت عليَّ وهوَّ صاح

ازاد:- جود جيب العصى وتعال

- خفت طگطگت من الخوف، هناسه:- شحسوي






- صاح بصوت عالي رج البيت، ازاد:- اريد اربيچ كل يومية
متصلة علية المديرة وانتِ كاتلتلچ بنية شنو هالعرامة والوكاحة
العندچ شنو ماعندچ احد يلفيچ ويربيچ منا وهيج اني اربيچ
كلبة والفيچ دايحين اهلچ وحاطيچن على كلبنا روحي شوفي
اختج طيبه طالعلها صوت مو محترمة نفسها وگاعدة بغرفتها
مصيرين مثلها

محد حچة ولا دخل شكد كرهتهم، اجة جود شايل عودة
وفرحانة كانوا حيشوف مسرحية ماكو احد من الولد بس
الچناين ومن سوء حظي روزه ماكو حتى تنقذني وبنات عمي

فززني من صفنتي من ضربني على ركبت رجلي حبست
عيطتي وما حچيت شي، ضربني مرة ثانية على ضهري
ظلل يضرب صح توجعت بس ظليت بمكاني مخايفة صح
يوجع بس اني سباعية

- عطت بي ! هناسه:- ما انزل نفسي الك واتوسل حتى تعوفني

- شافني هيچ صار بركان تخبل صاح، ازاد:- جود جيبلي الحزام عسريع لو گطعة على راسك

طلع جود يركض والبنات حچن ودفعنا ماكو ميهدني قافل
علية اليوم لازم يموتني ؟ سمعت صوت حجية اجتي تمشي
بالگوة رادت تدخل عاط هوَّ

ازاد:- اذا دخلتي ياحچية اصرف غير تصرف معليكم اني الاخذتها

جاب الحزام ورگعني بوحدة ظليت اطفر وظل يضرب وجسمي
صار نار خدر، فقد وهوَّ ولا عبالك يضرب بشر وطفلة صغيرة لا
عبالك حيوان ظل يضربني بكل قوتة وفجاة دفرني بطني وكعت
بالگاع وشاعت روحي

صار يضرب مـثل المخبل ميهتم وكُل ضربة يضربها اعيط
اكثر إريد واحد يساعدني ينقذني ماكو ! دخل مؤمل

ازاد:- ودين محمد اذا دخلت هسه احرك البيت فوك راسك

شلني من شعري وسحلني ودخلني بـ غرفه الحجية وسد
الضوء وعاط بتحذير

ازاد:- اذا فتحتي الضوء والله حسبي نفسچ بگبر فاهمة

فاقدة ماحس بشي ميتة من الوجع احس شي حار ينزل
من راسي على رگبتي، ورا فترة سمعت صياح دلهم خفت
من ظلمة والاصوات ساعة اسمع اصوات مرعب بمعنى كلمة
وجسمي يهتز مثل منخل وبردانة وصوتي رايح شوية ودخلت
روزه تملخ بوجها هيَّ وعمتي:- سودة علية

مگدرت احچي شي بس اشرتلها على راسي وشافت عبارة
عن دم تخبلت وظلت اصيح واتصلت على مؤمل، دقايق
ماكو دخل مؤمل ومصطفى شافوا راسي تخبلو وجهم صفر

- صاح، مؤمل:- لبسوها شي امشي وياية الله ياخذك ازاد
مثل ماشليت البنية خطية الله لا ينطيك عمي

بسرعة بسرعة نزلوني وشفت طيبه تبچي واني بالگوةامشي
ركبوني بسيارة وظليت اشهگ مقهورة على نفسي ماعندي
احد لا ابوي وامي ماكو

مؤمل:- اخذها لاقرب صيدلية

شافوا النزيف زايد مؤمل ظل يضرب بالستيرن ويغلط ويفشر
على اهلي وتليفون مؤمل ظل يدگ ومؤمل يشوف الاسم ميرد!






بلاخير مل و رد وعاط مؤمل:- ابن جلب ماخذ هناسه نشوف راسها من ورا افعالك فد يوم اجي للبيت الكاها ميتة الله ليوفقك تف عليك

سد الاتصال وشمر التليفون و وصلنا للصيدلية لزموني ونزلوني
ودخلت لصيدلية شافوا راسي:- يحتاج خياط

گعدوني على سكملي وعمتي طاوس ظلت تقنع بية حتى بس
يخيطون راسي مقبلت وبس ابچي مگدر احچي اهز براسي
وعيوني تتوسل بيهم حتى لا يخيطون راسي ودخل ازاد مبين
خوف عليَّ حيل

- اجة گعد يم رجلي، ازاد:- بنيتي شبيچ

- شاف راسي وضرب ايد بايد وصاح، ازاد:- ليش متنظفو اشو جيب

اخذ من عنده القطن وظل ينظف بس نار يحط براسي وخايفة
منة اخاف اطلع صوت ويعيط، ظليت اتوسل بعيوني لمؤمل وازاد
ولا مهتم ينظف

مؤمل:- عوف البنية خلي همه يشوفون شغلهم

شفت دكاترة لزم الابرة يريد يخيط راسي تخبلت وظليت اتوسل
بمؤمل انُ ما يخليهم يخيطون راسي التفت شفت على ازاد حاير
ويشر بيدة وبراسه لعمتي اجتي عمتي يمي

ظلت تقنع بية واني ما اقبل فجاة گام ازاد اجة جرني بسرعة
وحطني بحضنة وقيد ايدي ورجلي بحضنة وظليت ابچي وهز
براسي اتمنى يعوفني

ازاد:- شوفو شغلكم

تخبلت ظليت احرك براسي يمنة ويسرا حتى مايخيطون ومن
الخوف والوجع دخت صاح

ازاد:- شگد عرمة گعدي خلي يشوفون شغلهم

بلش يخيط ورغم حاطيلي بنج بس من الوجع ابچي دارني
لصدرة وحاط ايده على راسي من وره وظليت ابچي ودموعي
تنزل على البدي مالتة وسمعت صوتة يستغفر

- كُل ساع يردد:- ها هيَّ كملنا كملنا بنيتي بس لا تبچين

شدو راسي وكومني ازاد اخذني للسيارة ورجعنا للبيت
واني تعبانة دخلت لغرفتي ودخل ازاد وياي للغرفة انوب
كلهم طلعوا وبقيت اني ويا وخايفة منة معنى كلمة

گام غير ملابسي واني ما حچيت كَلمة وحدة الخوف مسيطر
علية وغسل وجهي وايديه من الدم

ازاد:- نامي

سندت نفسي ورحت تمددت حتى انام سديت عيني واباوع
من جوة جوة شفت گعد على سكملي ويشرب چگاير وبلاخير
شفتة حط الچگارة بچف ايده وطفاها بيدة؟ شنو من انسان
هذا اخذتني عيوني للظلام من التعب

فزيت على انفاس حارة نار بوجهي فتحت عيني شفت ازاد
گاعد گدامي ويمسح بوجهي بخاولي واني رجعت نمت

گعدت من الـنوم ومطلعت ابد ظليت اقرءة للامتحان والدنيا
ليل وصوت ماكو ابد مليت ومتحملت وطلعت لحديقة شفت
كلهم گاعدين بالحديقة والكل انتبه علية من حچت الحجية






:- سودة علية يمة تعالي يمي كسر بيدك ان شالله ازاد تعالي بنيتي

رحت گعدت يمها وگعدت هيَّ تسولف و روزه تضحك و دلهم
كل ساعة مسويلة حركة موتونة ضحك، صدك اضحك بَس اني
ضايجة اكو شي بـ داخلي مكسور من كُل الموجودين عفتهم
وگمت تمشيت وشوية وگعدت بمكان وشفت ازاد اجة يمي گعد

ازاد:- كسر بيدي اذا ضربتچ بعد شايفة هذا ايدية اذا ضربتچ بيهن
كسريهن والله اليوم حالتچ كسرت ضلع ضلع من ضلوع كلبي

مهتميت لوجودة ولكلام درت وجهي عنة واخذ نفس قوي
وحسيت ايدة صارت على چتفي؟

ازاد:- اشو صدي عليَّ شبيهة بنيتي زعلانة مني يروحي لا
تزعلين باعي علية

دار وجهي عليَّ وباسني بخدي واني راسًا عفتة وگمت رجعت
يمهم ومؤمل ظل يغني اغنية - نهار وليل - كرهني بيها

مؤمل:- احچيلكم شي
صاحن البنات:- احچي

مؤمل:- اسمعوا كلشي من عندي بس

- عاطت طيبه:- هلا هلا

- رجع يغني وياشر على حچية ، مؤمل:- حرير

طيبه:- ستي تلبس كله حرير

مصطفى:- اني اكل خبز شعير

كملت الاغنية بشقة وحب وضحك وانتبهت على ازاد منتبه علية
ويضحك على ضحكي وكلهم طشروا لغرفهم واني ظليت گاعدة
اباوع على نجوم وعيوني مدمعة

ليش مو مثل باقي صديقاتي اني لا عندي ام لا اب بَس همة
عايشين بس وينهم مخلبني اعيش ويا وحش والله مو انسان
يكتلني محد يگول ليش خطية بعدني عمري 15 سنة تعبت حيل

- سمعت طكت چگارة وشفتة ازاد اجة يمي وراسًا رجعت ليورا
ازاد:- تعالي والله ما اذيچ بس تعالي يمي

- ظليت بمكاني واجة حط راسي على رجلة وظل يحچي وياية
ازاد:- اني مثلچ جنت بهذا العمر حرام علية اكل اكلة
زينة حرام علية ابچي حرام علية اشوف الناس او اطلع
چان ابوي يخلينا اكل محدد اذا اكلنا اكثر يكتلنة ويحرمنة
من اكل كلنا وأشوفة يكتل دلهم اكثر شي مابدينة شي ولا
نگدر نحچي لانُ نصير بدالة كبرت حرام علية اشوفلي بنية
واذا انتبة علينا منتبهين على بنية يرجع يلچع صوندة على ظهرنة

- اخذ نفس وفرك لحيتة، ازاد:- احجيلچ موقف على دلهم

هناسه:- اي

- عدل گعدتة واخذ نفس بقهر
ازاد:- مرة دلهم راد مرة عاجبتة اجة على ابوي كله امشي
عليها مگال غير هالشي وانوب راحوا مشوا مشيت نسوان
و عجبتهم البنية و امي تسولف بيها حلوة بس معجبتها
تصرفاتها بس ماحچت وره يومين ابوي ردولة خبر الناس مو
خوش اوادم اجة ودلهم طلع بنصالليل يلة رجع وابوي منتظرة
بالبيت وحنى جان قانون عدنة الولد لازم بـ10 يرجعون للبيت
هوَّ تاخر لـ1 وماكو ظل بالنة وفجاة دخل يمشي بالگوة ويروح
يمنة ويسرى وعرفتة شارب وابوي ضربة بنعال على راسة وجاب
صوندة من الحديقة بطولي لسه ذكر لونها احمر وزرگ حطها
على نار ولزگت بطباخ كثر ما حماها ولزگت بالحديدة شلعها
وحطة على ظهرة استغربت من رد فعلة دلهم مسوة شي وابوية
كمل وطلع من يمنة

ازاد:- تعرفين يمنة العذاب تدريبات هواي عذبنا

- باوع على ساعة الموبايل وشاف ساعة، ازاد:- ولچ گومي لهيتيني باجر ورانا طلع للنجف وكربلاء يلا گومي ابوي

- گمت ورحت للبيت اركض وصاح ، ازاد:- لا توگعين ولچ

مهتمين اله دخلت لغرفتي ما نمت ظليت افكر بدلهم
واتمنيت اشوف هسه شلون صار ظهرة بس مستحيل

گعدت الصبح على هوسة مو طبيعية وطيبه تگعدني كُل شوية
وطاختني شفتة الساعة بالخمسة بدلت واخذت ملابس وياي
وغسلت وجهي واجة ازاد يم مغسلة

ازاد:- اخذي احتياجاتچ

- غمز، ازاد:- موعدها هالايام

فشلني جلب خجلت وضربتة على ايدة واخذت العباية بيدي
وطلعت هوسة واطفال وكبار وسيارة شكبرها صعدت وشفت
طيبه گاعدة يم مؤمل يم الشباك ورحت مبرطمة يم ازاد

هناسه:- شوف طيبه گاعدة يم الجامة واني اريد اكعد يم الجامة

- سوالي مكان وابتسم، ازاد:- تعالي اگعدي

گعدت يمة والسدية باردة والدنيا فجر ظليت اسولف ويا
وحچالي موقف ضحكني وشفت علاگة بالگاع

هناسه:- هاي شنو

ازاد:- حلويات الچ لانو طريق طويل تلتهين بيهن

- لا ارادياً بستة بطفولة بدون قصد اشو هذا عاط بية بعصبية
ازاد:- بعد لا تعيديها

انقهرت وگلبت وجهي هذا شبي وظلت تمشي السيارة
وشفت ابراج مثل برج ايڤل وصحت بحماس

هناسه:- ازاد

- مرد علية باوعت عليَّ شفتة عرگان ويصك بسنونة
هناسه:- عمو اها اقصد ازاد هذا برج ايڤل بالعراق

- ضحك ومسح عرگة، ازاد:- لا هذا عامود توصل كهرباء

نعست والطريق طويل وحطيت راسي على رجل ازاد وغفيت
شوية وفز من حسيت شخص لزمني شالني وحطني بحضنة
غطة وجهي بقمصية الثاني يلي جايبة ويا ونمت وگعدت على
رجة السيارة، سمعت عماتي يصلن على نبي واطفال يبچون
هوسة مو طبيعية

ازاد حط ايدة وحضني اكثر وضمني لصدرة وحسيت نفسي
دخلت بنص صدرة

____
𖡻 روزه 𖡻

حسيت بدوخة قوية وعيوني صارن ثگال وجسمي خدر وگعت
ماحسيت بشي، گعدت مادري اني وين وراسي ياجع مابية
حيل، باوعت داير مدايري شفت نفسيَ بالمستشفى والدكتورة يمي

- گوه حچيت، روزه:- شبيه !

:- ماكو شي بس قلق لان انتِ حامل وضاهر نفسيتچ تعبانة

- دخل معن خطية يطمن علية، معن:- لا تخافين انتِ المريضة ومؤمل مابي شي

ارتاحيت شوية من كلامه وظليت افكر شنو صار شسالفة
اريد اربط الموضوع ماكو ماذكر شجابني للمستشفى فزيت
على فتحة الباب ودخل دلهم






دلهم:- صح نوم بنيتي
روزه:- وين نايمة ؟

دلهم:- شنو ما نايمة هوَّ من بارحة شابعة نوم

روزه:- مادري بروحي

دلهم:- ليش هيج ضغطين على نفسچ
روزه:- خفت على مؤمل

دلهم:- موجود كلشي مابي ديحشش علينا هوَّ انتِ تعبانة مو هوَّ طايح حظ

روزه:- لا خطية لا تحچي عليَّ هوَّ الولد تعبان

دلهم:- دسكتي كون تشوفين شسوة بالبنچ يعيط مثل المرة
ويغني ماكلچ هسه من ترتاحين اني اخذچ للبيت واسولفلچ

- هزيت راسي، روزه:- اريد اطلع

دلهم:- اطلعچ بس يخلص المغذي لانُ مؤمل گال باچر يطلعونة
اليوم مايطلع الة على مسؤليتنة

روزه:- لا خلي لا يطلع احسن يظل هنا دكاترة تراقب
حالتة بس اني اريد اطلع ريحة المعقمات بزايد تعبتني

- ضحك، دلهم:- وريحتي متعبچ كل ما اجي يمچ وگلتي
وخر دلهم ريحتك مو طيبة خرب حظك دلهم صارت ريحتك مو
طيبة تالي وكت اويلي عليچ

روزه:- غير ابنك اني شعلية

دلهم:- اروح فدوه الة والامه بس اتمنى تجيني بنوتة حتى تطلع
نسخة من امها

روزه:- يعني اذا اجة ولد متريدة

دلهم:- شنو ماريدة غير قطعة من گلبي

روزه:- فكرت ما تريدة

دلهم:- تفكيرچ طايح حظهن مثلچ

- فتحت عيوني، روزه:- اني طايحة الحظ!

دلهم:- وبعد ادبسزز وسوقية

- گلبت وجهي!، روزه:- وكت اني اصير سوقية وانتَ الفقير

برطمت وسويت روحي زعلانة واجة تقرب يم وجهي واني بعدت وجهي
روزه:- وخر دلهم شدسوي شبيك لا تجي الدكتورة عيب

دلهم:- العيب بالجيب

- تقرب علية وباسني من راسي، دلهم:- بس خلي اخـذ اوكسجين منچ

روزه:- لا ها هيَّ اذا اني اوكسجين

دلهم:- مو بس اوكسجين روحي متعلكة بيچ

روزه:- شوكت نطلع ترا روحي طلعت مادري من هذا المعقم
و ريحتة مو طيبه

دلهم:- اخخ هوَّ دلهم ريحته مو طيبة مو المعقم ريحتة مو طيبة
منو الريحتة طيبة متكليلي

روزه:- حبيبي وليدي طفلة يمه فديتة

دلهم:- يلا حضري روحچ لحد ما احضر اوراق الخروج

گمت حضرت نفسي وكملت وطلعنا ومؤمل طلع ويانة على
مسؤوليتة ورجعنا للبيت تلگونا البنات والحجية يبچن صاح






مؤمل:- زين تحبوني تبچون علية لعد لو ميت شسون يلا زين
يكولن الميت يحس و يسمع يعني اسمع منو الي تعيط ومنو الي
تبچي والمتبچي وتعيط ادز تجي وياي اكولهم اريد فلان تجي وياي

- ضحكنة كلنا على سوالفة:- بعدك هستوك اجيت شبسرعة لحگت على تحشيش

- اجتي طيبه وسبحة بيدها وتمسح بدموعها وصاح
مؤمل:- دشوف هاي تمسح بخنينها تگول ميت شكو تبچين

- اجتي يمة وحضتنة، طيبه:- ليش عفتنة وروحت
مؤمل:- لا تخافين ما اموت

- صاح مجتبى:- اي مو اگول سامع عار يموت

مؤمل:- طايح الحظ ماكو غيرك عار
- صاحت الحجية:- شنو نظل احنا هنا

مؤمل:- فكرت راح ذبحون بقرة جوة رجلي عمي ماريد بقرة
لو ذابحين غنمة عمي اقبل

- اجة حسن جايب غنمة بيده ذبحها جوة رجل مؤمل وضحكنة
عليك وعاط مؤمل من الصدمة ، مؤمل:- ترا فلوسها مو علية

- صاح دلهم:- عمي اني دفعت بس اسكت

طبينة كلنا جوة و لگينة حطين قنفة لمؤمل بالصالة و رحت
لغرفتي مددتت احس روحي احسن شوية، ظليت صافنة
بالحايط وضجت بالغرفة وحدي خلي اطلع احسن ! طلعت
يم البنات لگيت ديطبخن والبيت مگلوب گلاب والخطار هذا
يصح وهوسة

صاحت هناسه:- يمعودة رجعي لمكانچ

هزيت بيدي، روزه:- لا اجي يمچن على الواهس ترا الغرفة اخذت روحي

:- تعالي اگعدي هلا بيچ اجوي بيت ضياء

- صفنت عليهم اول مرة اسمع بيهم، صاحت طيبه:- يبو اجتي ام حلگ

روزه:- ها بدينة نكص بالعالم

طيبه:- انتِ بس شوفيها وسمعي سوالفها الأ تگومين تگطعيها مثل ما السنة هذيچ گطعتها نوره لا ذكريني ماريد اضحك عيب اني ثكيلة

- طبن كلهن بناطير وبدون حجاب ومكياج اخر موديل ويخبلن
روزه:- لا راح دلهم من ايدي

طيبه:- اي هاي ام حلگ حاطة عينها على دلهم

باوعت عليهن شنو من جمال يشبهن شيماء قاسم بالجمال
انوب عيونهن خضر استحيت من شفتهن دخلن البنات ودن ماي

- اجي هاي البنيه ام حلك:- اوي ولچن عيني شنو هالحر تحتاجن شي

نوره:- عيني نريد سلامتچ

گعدت يمنة وتباوع شوية ودخل دلهم اشو هاي گامت طفرت
وراحت اسلم عليَّ ، مد ايده من بعيد

دلهم:- هلا بيچ بنت الغالي
:- تسلم عيوني

- انوب تتموع انتبة علية دلهم:- بنتي اريد ماي

- صاحت:- اني جيبلك

- ابتسم وباوع علية، دلهم:- لا ماكلفچ هاي مريتي اجيب






:- شنو تزوجت شو مندري

دلهم:- اي وجايني طفل بالطريق اي اني سويتها سكتاوي

:- مو اگول مني هاي البنية

دلهم:- اي هاي مملكتي الخاصة
:- هيچ تحبها

دلهم:- كَلمة احبها ابد متوصف حبي الها

اباوع عليها عيونها صارن دم خلت وراحت ودلهم باوع علية
وضحك والبنات ماتن ضحك گمت دجيبلة ماي وهوَّ صاح

دلهم:- لا تعبين روحچ حبيبتي اني اجيب

- صدك راح يجبيب ماي وطيبه شالت المبايل بحماس!
طيبه:- مافوت هذا الحدث لمؤمل

- ظلت تدگ عليَّ ، مؤمل:- اكيد ام حلك اجتي وجها يطلع منه نار

طيبه:- اكلك مؤمل، دخل دلهم هيَ طفرت بَس شافتة تريد
تسلم عليَّ انوب دلهم كَال لروزه جيبلي ماي وهيَّ گمزت
تريد هيَّ اجيب ماي عاد دلهم صدمها وكَال حبيبتي جيبلي
انوب تخبلت انوب عرفت مزوج لو شوف شكلها شِلون صار
وشلون طلعت تلف بشعرها

مؤمل:- طاح حظجن فاتني هذا الموقف چان صورتيلي امداچ
كضيتي عمرچ ثولة

طيبه:- مو صوجك صوچ يلي يتصل عليك تف

- سدت المبايل بوجها ومتنة ضحك وگامت نوره سوتلي غدة
نوره:- مو زين تغدي وروحي نامي

- تغديت وصعدت لغرفتي وشفت دلهم ديلبس بساعات
روزه:- خير وين رايح

دلهم:- مو راح يجون كبار بدولة
روزه:- شكو

دلهم:- يحققون على قضية مؤمل وبعدين اشرحلچ

طلع مستعجل، واني اخاف من هالسالفة وظل بالي يم دلهم
ونمت وفزيت على صوت ديمه فاحطة بالبچي واني مداستوعب
حلم لو حقيقة هالشي اخذ ثواني واستوعبت وطفرت بسرعة من
صياحها ركضت لغرفة معن لكيتها مزدود الجرار على ايدها وتبچي

- شلتها ونفخت على اصبعها حتى يبرد واجة معن يركض
معن:- اخوي شكو شبيها ديمه

روزه:- مزدود الجرار على ايدها

معن:- سودة علية شجاني وعفتچ

اخذها وشالها وظلت تبچي وطلعها من الغرفة واني رجعت
لمكاني كضيت اليوم بس نوم وفزيت على دخلت دلهم

دلهم:- اگعدي بنتي مغرب ميصير هواي نمتي

روزه:- مادري اخذتني نومة

- فركت وجهي، روزه:- اسويتوا على مؤمل

دلهم:- ما گالو شي كامشيهم وسجنوا الي تعرضو الأ وانطوا
قطعة ارض وهالكلاوات معروفه ماگلچ مؤمل

روزه:- حگة غير زرفو جسمة زرف

دلهم:- اي عاد هوَّ لو اشوفي مثل الفرس بس يسولف يلة
بنتي نزلي خلي نتعشة

هزيت براسي وعدلت دشداشتي نزلت اني ودلهم وشفت
مؤمل منطلق يسولف ولا كانو صاير شي كملنا اكل وصعدت
للغرفة ولحگني دلهم

دلهم:- بدلي اطلعچ للمطعم شوية غيري جؤو انتِ نفسيتچ هواي تعبت

فَرحت لانو جد نفسيتي تعبانة واحتاج طلعة، حضرت روحي
ركض ركض وصعدت بسيارة وهوَّ كل ساع مطلعلي اغنية لحد
ما وصلنا، نزلنا للمطعم اني ويا وهوَّ لازم ايدي وگفت بمكاني
متفاجاة من شفت...

يتبع ...

لوحَ الظلام - الظـلام تاسع عشر 🌪️ -

____
روزه

نزلنا للمطعم اني ويا وهوَّ لازم ايدي وگفت بمكاني متفاجاة
من شفت... روحي المشتاقتلها سما گاعدة ويا امها واختها
و باوعت عليها متغيرة حيل ضعفانة التعب مبين عليها ! من
فرحتي بشوفتها حتى نسيت الناس الموجودة رحت ركض عليها
وحضنتها بكل قوتي! وهيَّ ظلت مصدومة مبادلتني الحضنة
وصدمتني بكلامها

سما:- منو انتِ ؟

نزلت دموعي بسكوت ظليت ساكتة وهيَّ صفنت علية وصاحت
بعلو صوتها وماهتمت للناس الموجودة

سما:- روزه يروحي مشتاقتلچ وين هالغيبة

شبگتني وظلينا نبچي اني وياها، سلمت على خالة واختها
والكل يبچي شلت عيني باوعت الناس تباوع مصدومة من
شفناهم كلهم يباوعون علينا گعدتني خالة ام سما يمهم وكل دقيقة بايستني وتعدل بشالي وشعري طالع وطلبت عصير على حسابها

ام سما:- ويا منو جاية

- شهگت بخفة نسيت اني جاية ويا دلهم صفنت صدك نسيت دلهم وينة
روزه:- ويا زوجي

گعدنا نسولف وانطيتهم رقمي وبعد وقت ترخصت منهم شفت
دلهم كاعد باحد طاولات ويخابر شكلة منفعل وعصبي رحت
يمة انتظرة يكمل مكالمتة

روزه:- اعذرني والله شفت صديقتي بعد فترة طويلة ونسيت

- گرصني من خدي، دلهم:- ها شو من اول صديقة نسيتيني
لو تجي بنيتي حتى اسمي تنسينة

- ضربتة على ايده، روزه:- لا مو لهدرجة انساك وشعرفك بنية يمكن ولد

- ضحك بهدوء، دلهم:- شيجي الحمدلله اذا ولد او بنية نعمة من الله بس اريد بنية تشبهچ تشبة تصرفاتچ اسميها ريحانة تاخذ من عطرچ

ظليت اسولف سوالف عامة وهوَّ صافن بية وابد ماحچة وكلمة
بس يستمع الية ، ابتسم ابتسامة عريضة وردف بحنية

دلهم:- روحِي تتعافى بشوفة عيونچ وسوالفج الحلوة

- نزلت راسي بخجل، دلهم:- احبچ من تخجلين

- سكت هوَ واني مرديت حرت شسوي ظليت العب باصابيعي
دلهم:- شجيبلچ






- رفعت راسي ابتسمت، روزه:- گص

- ضرب ايد بلاخ بخفية وغير ملامحة لشخص فقير وحزين
دلهم:- نسيت اني ماعندي فلوس فقير الام و الاب ما تتبنيني يمچ

- ضحكت على سوالفة، روزه:- اني اشتريلك

ضحك وراح جاب الاكل واجة كعدنا ناكل وكل دقيقة وگارصني
من ايدي وبلاخير صحت ، روزه:- اويي شبيك وجعتني

- اشو هذا خرزني ، دلهم:- وجع صوتچ اشتعلوا عيب منا العالم

طنگرت وعفت الأكل، دلهم:- هم طنگرت اويلي ابوية شورطني وزوجت

روزه:- محد مگال الك تزوج بنية بگد بنتك شايب ويزوج طفلة

- ضحك ، دلهم:- اويلي شلون لسان ينگرط مال اكرطة اخخ

محچيت ويا وظليت گالبة وجهي وهوَّ كمل اكل وطلعنا من المطعم
واني مطنگره صعدنة بالسيارة مسافة ونزل شترالي حلويات

دلهم:- هاي مال صلح

باوعتلة صفح، روزه:- منو گال اقبل اصالحك واني ما احچي وياك بعد روح

دلهم:- عادي اني اعرف شلون اصالحچ

باوعت عليَّ وفتحت عيني وهوَّ راسًا غمز الي! وضربتة على
چتفة وردفت بصوت ناصي

روزه:- سرسري

- ضحك ، دلهم:- لا مو سرسري بس يمچ اصير سرسري

درت وجهي على جامة لحد ما رجعنا للبيت ولكل ماكو صعدت
فوگ سبحت لبست شورت للركبة وثوب وطلعت من الحمام لگيتة
متمدد على جرباية وبيده مبايل من شافني صوفر

دلهم:- ابوية موش بنية ضيم ضيم اخ شتعل كلبك مؤمل وحترگ ببانزين ونفط

روزه:- يا شبي خطية مؤمل ليش ترا هوَّ حباب

دلهم:- واني هم حباب متنطيني حقي

- عقدت حواجبي بفهاوة، روزه:- ياحق

ابتسم ونظرات شيطانيًا وكمز عليه حضني ونومني على
صدره وبطنة ومسح على راسي بهدوء

دلهم:- حقي الزوجي حرام عليج حارمتني الله يعاقبچ ماتنطين حقوق

- بحركه سريعة ضربتة على صدره، روزه:- يا ما تستحي عيب أبنة يسمع شنو تحچي

دلهم:- عادي اني اريده يطلع سا* على ابو

روزه:- ضايجة عاجبني ارگص عادي تطلع اريد ارگص

- ضحك ضحكة طويلة، دلهم:- اي عادي ليش اطلع ارگصي
گدامي شنو حرام زوجج تـعرفين اني قبل چنت اگول ما اخـذ
وحـدة اذا متعرف ترگص احد شروطي جانت اذا متعرف اطلكها

- رفعت راسي من صدرة بصدمة، روزه:- صدك عود

دلهم:- وداعتچ يلة هسه كومي نرگص






- ضربتة على صدرة، روزه:- شبيك عيب شنو ارگص گدامك

دلهم:- عادي مو حرام حلالي ترگصين گدامي امشي اطلع اغنية

گام وشالني حطني بايدة وبيدة ثانية گعد يبحث باليوتيوب
شوية وطلع اغنية رومانسية

دلهم:- يلة گومي نرگص بس اوگفي بالبداية انتِ ارگصي

- سمعت الاغنية، روزه:- لا اريد ردح موهاي طلعلي

ابتسم وراسًا طلع اغنية ردح واني ما صدگت اخذني الواهس
وگعدت أرگص وذبيت لحم وما استحيت ابد باوعت عليَّ شفتة
فاتح حلگة بصدمة وگمز علية وسحبني وردف بصدمة

دلهم:- بنت الحلو شلون ترگص تميل بخصرها اني علمچ

وبدت ليلتنة بحب وحنان بين احضانة، گعدت الصبح شفتة نايم
ملامح وجها تجنن، صرت العب برموشة الطوال وشواربة واجر
بيهن غفلت عنة لحظات ومحسيت غير عض اصبعي، صحت

روزه:- اوي هاي شبيك ليش هيچ والله وجعتي

دلهم:- يلة حبيبتي اسف نعيد ليلة البارحة

غمز وايده تسلسلت وبسرعة ضربتة بايده وگمت وهوَ گام دخل
يسبح وحضرت ملابسة وشوية وصاح

دلهم:- بنيتي روزتي اريد منشفة

گمت اخذت المنشفة ومديت ايدي ومحسيت غير جرني شهگت
ودخلني ويا للحمام وتبللت بالماي البارد

روزه:- يا هاي شبيك دلهم بللتني وماي بارد

دلهم:- هسه اكاسره

سوه ماي حار وذب ملابسي سبحني ويا وكملنا لف المنشفة
على جسمي وشالني ودخلني للغرفة ونزلني على جرباية و..

حضرت ملابسة و گمت رتبت نفسي ونزلنا يم العائلة وترگينة
وياهم ومثل كل مرة منخلص من عركات طيبه ومؤمل ومنا ازاد
وهناسه وابد ازاد ميعوف هناسه رغم شگد ياذيها بس هيَّ
متعلقة بي متعوفة اشوف اهتمامة منة هواي

صفنت عليهم يربي يكون من قسمتها متلگة رجال مثل ازاد
هيچ يحبها و يداريها ، خلصنة ريوگ و گمنا ننظف بالبيت
وكملت شغلي ولليل گاعدين فجاة گالـو:- حضرن نفسچن
الفجر نطلع لنجف ولكربلاء نزور

صعدت فوگ الغرفتي ودلهم ماكو طلع وتاخر الوقت هواي
واني طفيت بعد متحملت ونمت بسرعة، فزيت الصبح لگيت
نفسي بحضن دلهم وسحبت نفسي بهدوء وهوَّ حس علية

- بصوت ثگيل ، دلهم:- ارجعي مشبعت منچ

روزه:- مظل وكت احضر نفسي ملابسي ملابسك وهم يلة كوم اسبح

عفته وگمت سبحت طلعت من الحمام گعدت على المراء امشط
اجة بتجاهي ولزمني من خصري وگفني وباسني وريحتة عطر
تخلخلت بانفاسي ريحة چگاير مخلوطة بنعناع الاحبهاا، تلمس
شعري بهدوء






دلهم:- أحم شعرچ حلو واحبة

- ابتسمت على كلامة، روزه:- اي حلو طول من اجيت يمكم چنت ما احبة طولة بس استعملت الة زيوت وطول شوف طولة لخصري

لزمت شعري رجعته ليوره واشرتله على طول شعري وهوَّ
باوع على طول شعري وهز براسه

دلهم:- نجو نجو وجوه خصرچ بشوية

- غمز ابتسم ابتسامة خبيث وعطت بدون قصد، روزه:- حقير لا تباوع هيچ علية عيب

عقد حواجبه ولزم ايدي عوجها وظهري انضرب بصدره !
وتاذيت من حركتة، روزه:- دلهم عوفني عوفني اه ايدي

- ضحك وضربت رجلي بالگاع اريده يعرف ايدي توجعت!
دلهم:- هاي غلط عليمن

- بصوت عالي وبدون خوف ، روزه:- عليك

- حسيت باضافير نبتت بيدي ، روزه:- دتوجعني تره

- مهتم لكلامي وكال بجدية، دلهم:- علية

روزه:- لا مو عليك اخخ ولچ عمه تعالي

- سمعت صوت عمتي دگت الباب واخيراً اجة فرج:- هسه وكتكم تنامون مظل وكت سايق ينتضر

- صدني عليَّ وباوع بعيوني وايده تمشي على خصري وغمز
ابتسم نص ابتسامة، دلهم:- عبالها انسوي سوالف كبار متدري
مرتي حارمتني منهن الصبح

- ضربته بصدره، بانفعال! روزه:- صدرك انتَ متستحي والله
عيب يعني هسه اني شلون اطلع گدامها والله حتى للزياره ما اروح

- ضحك وباسني ، دلهم:- كملي ونزلي وراي بابا وعوفي
سوالف المزعطة صرتي چبيرة

عقجت وجهي وعفتة وكملت تجهيز و طقمت ويا كُلة اسود ونزلنا
ما تريگت اخاف نفسي تلعب بالطريق وصعدنا بسيارات ومشينا ومسافة الطريق وديمة ظلت تبچي وابوها حتار بيها

معن:- اخذيها والله سطرتني

اخذتها ومتقبل علية وهيَّ بس على ازاد ومؤمل وعلية بَس
هالمرة مدري شبيها شفت مؤمل نايم خطيه وازاد هناسه
نايمة على صدرة واني مالي خلك منا نفسي تلعب شوية
وانتبه ازاد علية خطية همس بصوت خافت حتى لا تگعد هناسه

ازاد:- جيبيها اني اسكتها

انطيتها الة اشو هاي اول ما راحت يمة سكتت باوعت عليَّ
ابتسمت شلون حط هناسه بصفحة و ديمه بصفحة حتى
ينامون، تعجبت من قدرتة باوعت عليهم واني هم نعست ما
گدرت اقاوم وعجبني منظرهم من كل كلبي دعيت ازاد ياخذ
هنوس، الطول طريق و اني تعبانة من ورا الحمل و خلصت
الطريق بَس نايمة على جتف دلهم






فجاة سمعت صوت الكل وهوسة مهتميت ظليت نايمة وصلنا واخيراً

____
هناسه

والسيارة طخت بالگاع ونضرب راسي بصدر ازاد مرتين
اسمع عمتي واهلي كلهم يصيحون :- شجاك لو ميتين

رفعت راسي من صدرة ازاد وشفتة يضحك ورجعت راسي
مطمنة ماكو شي، شوية ورجعت رفعت راسي وازاد نزل راسه
ونضرب راسي بي وحسيت الجرح مال راسي انفتح وشاغت
روحي والدمع صارت بطرف عيني وحبست عيطتي ولزمت
نفسي ما بچيت وهوَّ شافني هيچ نخبص عبالة بية شي ظل
يبوس براسي ويمسح بوجهي

فجاة صفنت وذكرت اني شِلون انام بحضنة وهوَّ ياذيني لازم
ابتعد عنة بس اني ما اكدر شكد مايعذبني مگدر ابتعد عنة
ظليت بحضنة نايمة ...

شوية ونزل للمطعم لانُ الطريق بعيد ولازم ناكل گاعد اتمشى
وشفت اخوي محمد احبة هواي لانُ بس هوَّ حنين علينا من
بين اهلي صالي اشهر مشايفتة بس دوم يتواصل ويسئل
علينا اني وطيبه ويدز فلوس بيد الولد النة وكل ما يسئل علينا
يزيد حبي الة وما ياذي احد ابد حتى طرت من شفتة لانُ بس
مرتين شايفتة

باوعت عليَّ واگف يم الولد وطويل حيل وضخم ركضت عليَّ
من فرحتي حضنتة كُل قوتي وشالني بيد وحدة و حضني
حسيت بحنان مو معقول عطرة دخل ريتي يجنن گام يوزع
بوسات براسي وبوجهي ونزلني وظل لازم ايدي ودخلني للمطعم

- فجاة جرني ازاد بدون ما ينتبه انو اني لازم ايد محمد اخوية
ازاد:- امشي اگعدي على هذاك الكرسي مثل العاقلة واني اجيج

رحت گعدت انتظرة شوية واجة جايب الاكل الاحبة گعد يمي
وظل يوكل بية شوية وكملنا اكل وفجاة اجاني وجع براسي
غريب مو طبيعي عقجد وجهي من الوجع وبين على ملامحي
وضعي مو تمام وانتبه علية ازاد

ازاد:- شبيچ
هناسه:- راسي يوجعني

هز راسة، ازاد:- امشي للسيارة اني اشوفة الچ اخاف ورم راسچ

گمت قبلة ورحت للسيارة اركض شوية واجة وراي، باوعت على
ايده شايل علاگة سودة، بصوت طفولي، هناسه:- هذا شنو عمو

گرصني بخدي، ازاد:- يبعد روحة لعمچ مشتاق الكلمة عمو منچ

حط العلاگة بحضني وفتحت العلاگة شفتهن حلويات وطرت من
الفرح گعدت اكل محسيت غير ذب حجابي واني چفلت من يمي

ازاد:- معليچ داشوف الجرح اكلي عوفيني

ضربت گصتي، هناسه:- يعني شلون اكل وانتَ حاط ايدك امده حظي

- ضحك بصوت عالي والكل انتبه علينا، ازاد:- لسان الدلالات متر ابد متگدرين ضمي

محچيت شي شاف راسي ورجع گعد بمكانة بدون كلام وروزه
طريق كله لعبانة نفسها وتتقيء ودلهم حاير بيها خطية، بعد تعب
وصلنا نزلنا كلنا واني ظليت يم ازاد لازمة ايدة ما فارگته ابد
ورحنا نتوضأ واني رحت ويا ازاد بس عمتي سحبتني
‏
:- ادري حتى بحمامات الزلم تدخلين ويا انتظري هنا






الولد راحوا يتوضون واني رحت ويا النسوان و روزه ظلت
تعلمني شِلون اتوضى توضيت وكملنا كلنا وطلعنا لگيناهم
منتظرينة باوعت على ازاد ابتسملي ، ردنا ندخل للامام و
گفونة لبسوا البنات عباية واجة ازاد طلع عباية على عمري

ازاد:- اشو اوگفي

- لبسنياها باوعلي وابتسم بهدوء، ازاد:- هسه طلعت بنيتي مرة ازوجج اخلص منچ

- ابتسمت ، ازاد:- اوگفي

وگفني عدل وابتسم واخذلي صوره باوعت على مؤمل وطيبه
واحد يضرب بـ ثاني وبعدها دخلنا كَلنه احنا البنات داخل
الامام وزرنة وخلصنا زيارة وكُلشي گعدنة بمكان يلي اتفقنة
عليَّ وننتظر الولد شوية واجوا الولد وشفت ازاد من بعيد اجة يمنة

- بقهر، هناسه:- محد تعلمني اصلي اريد اصلي

- سند راسي علي ولزم ايدي، ازاد:- امشي

- باوعت عليَّ استغربت، هناسه:- وين

ازاد:- اعلمچ صلين

گمت ويا وجاب تربة وگعد يعلمني على صلاة وعلمني واني انتبهت على بنية شفتها مكتفة ايدها واني سويت مثلها وازاد أنتبه علية

ازاد:- لا ميصير بابا نزلي ايدچ

- عوجت راسي ، هناسه:- لا اريد مثل هاي البنية

- سمعتة يستغفر بهدوء، ازاد:- عادي يلة بوية

گام يعلمني شِلون اصلي وصلينا وكملنا ورجعنا يمهم گعدنا كلنا
مؤمل:- ميت جوع تره شوكت تطلعون هاي الدولمة لموتتني ريحتهن

- ضربته عمتي:- بقيت بس اني ماعلفتني ادري شگد تاكل

طلع بيتزا من جنطتة وكلنه تفاجأنا هاي مين جابها وصاح على طبيه
مؤمل:- طيبه تعاي اكلي

راحت گعدت تاكل ويا واجتي يمهم نوره تريد تاكل طردها واني
ردت اروح يمهم عاط بية، مؤمل:- هيهي رجعي لمكانچ خلي
أليمچ يجيبلچ اني ماصرف عليكم كلكم

- رفعت ايدي وغميتة، هناسه:- امداك يا اصلع ماعندك شعراية تعال انطيك من عندي

مؤمل:- امده حظي غير الدهر جبرني اصير اصلع

- باوعت عليَّ شِلون ياكل واشتهيت وضربت ازاد برجلي
هناسه:- شوفة ميقبل ينطيني احجي ويا

باوعت ازاد ملتهي ويا عائلة مهتملي وانقهرت حيل غميتة
بحرگة گلب وغميت مؤمل ويا

هناسه:- سم ان شا الله ينزل لمعتك انتَ وهاي

اشرت على طيبه و درت وجهي اشوف ازاد ملتهي ويا العائلة
ضجت وحدي انتبهت على روزه ضايجة گرصها دلهم من خدها
بثنين ايده وباوع داير مدايرة شاف محد يباوع باسها من خدها

فجاة عمه باوعت عليهم! وصاحت:- حتى بلامام متتحمل
فضحتنا روح اخذ غرفة بفندق ولو فضحتونة الله يفضحكم






باوعت على ازاد انتبهت حاط طفلة بحضنة ويطلع عمرها
اربع سنين وظل يلعب وياها ويشاقيها؟ وانطاها فلوس وطلع
چبس من حلوياتي واني فتحت عيوني بقهر

انوب هيَّ شنو تخبل شعرها كيرلي وزعلانة ومن انطاها چبس
باستة احس گلبي بي نار معدتي موتتني! ضجت وظليت اباوع
شلون يتعامل وياها ويسولفون وكل ثانية بايستة اختنكت وشفت
مؤمل يغمزلي ويضحك وحيل انقهرت شلون يعاملها وينطيها من
چبسي ونزلت دمعتي بهدوء

شافني هيچ ضحك بحيث العالم كلها انتبهت وعمتي كرصتة
من رجلة وروزه اجتي گعدت يمي

روزه:- شبيچ حبيبتي ضايجة

هناسه:- ماكو شي بس ضايجة اريد ارجع للبيت

- ضحكت وحضنتني، روزه:- عادي حبيبتي هسه نروح نشتري وتروح ضوجة

انتبهت اجتي اختها للبنية يطلع عمرها اشهر وگعدهن
بحضنة وكل وحدة گاعد بصفحة وهنه ظل يبوسن بي و
حتى ببطنة باسوا وحسيت معتي بيها نار من القهر و
ظليت اكل بنفسي، سمعت ضحكت روزه و دلهم شفتهم
يباوعون على ازاد وعلية ظليت اعصر باصبيعي وطگطگ
بيهم حتى يروح التوتر مني وبلاخير متحملت ورحت گعدت يمة

باوع علية ورجع نظراتة للبنات ويلعب وياهم وينطيهم
حلوياتي خلصهن كلهن، ردفت بصوت مخنوك

هناسه:- ترا جايبهن الي مو الهن منو سمحلك تنطيهن

جاهلني وبَس ابتسم وهز راسة متقبل الوضع انطة الطفلة
الصغيرة لابوها وثانية راحت واجة گعد يمي وحضني گدامهم
عادي وحط راسي بحضنة ماعرف شلون طلعت من عندي
شهگات وحسيت نار بگلبي و اريد اطلعها من كلبي ظليت
ابچي وسمعت مؤمل يضحك

مؤمل:- امداچ زعطوط مو راح نزوجج تغار من جهال

- ضربت ازاد بصدرة، هناسه:- احچي ويا شوف شيسوي

- عاط بي ازاد ورزلة وباوعلي مسح دموعي
ازاد:- بابا عيب ميصير انتِ جبيرة على ابسط الامور تبچين

- ابتسم بوجهي وعدل شالي ودخل شعري الطالع من الشال
هناسه:- ضوجني والله الحجاب اريد اذبة ما مرتاحة بي

- اخذ نفس قوي وهمس، ازاد:- ميصير حرام

سكتت بعد كلامة ! وگعدوا كلهم على غدة واني وطيبه گعدنة
يم اخوي محمد وكل ثانية مقدم گدامنة شي وكملنا اكل

عمتي گالت:- هم يلا نروح نحجز غرف وشوية نتمشة بسوگ نشوف شكو بي

رد الرجال وابنة لتقينا وياهم يم الامام اقارب:- عيب اني موجود وبيتي موجود وتروحون فندق لا بيتي مفتوح الكم ماخليكم تطلعون بعد

ظل دلهم يحچي ويا واتفق دلهم انو ياخذ غرفة بفندق واحنا
نروح لبيت اقارب عمو

____
𖡻 روزه 𖡻






رحنا توضينة ودخلنة الامام وصلينة وشوية وخلصنة وتجمعنة
كلنة بمكان واحد ومنخلص من عركات مؤمل وطيبة ضد هناسه
وهناسه تغار منهم

باوعت على هناسه شفتها حيل ضايجه من تصرفات ازاد
حسيتها تحبة بس هيَّ طفلة مو مال حب جديد عمرها 16
سنه بَس وين شافت بي حنية و هوَّ كلـة ينومها و يكعدها
بكتلة عربانة هالابنية

رحت كعدت يمها واطمنها وظليت احچي وياها شوية هدءت
واجة رجال من اقاربهم اخذهم واني ودلهم رحنا للفندق، دخلت
للفندق مابيه حيل امشي ميتة تعب انوب المصعد عطلان تقدم
دلهم راد يشيلني

روزه:- لا اني اصعد ماريد

گوة صعدت الدرج وصلت للغرفة و دخلت شوية ارتاحيت
وگمت اريد اسبح سمعت دلهم يحچي بعصبية بَس مسمعت
شي صوتة كُلش ناصي طلع من الحمام وشافني ارتبك وسد
الاتصال واجة حضني ويشم بية

دلهم:- احبچ ماخذذ اعلى درجات بگلبي

- ابتسمت بس بالي مشغول؟ اريد اعرف منو يلي حجة
ويا بلاتصال شفتة راح اتصل بغرفة ثانية ورحت يم باب
الغرفةاتصنط يحچي بعصبية وكاتم صوتة وگوة سمعت

دلهم:- انتِ حامل و روزه هم حامل وين اروح اني اوگفيلي
حسابچ عندي والله لراوي نجوم الظهر گتلچ اخذي حب مانع
هسه حامل، اني شسويلچ واني ماريد اطفال بس من روزه
ماريد من غيرها !

انصدمت صدمة عمري وجسمي رجف وهوَّ سد الاتصال
فتحت الباب وشافني تغير ملامح وجها وارتبك وعرگ واني
عطت بصوت يرجف من القهر

روزه:- شنو السمعتة صح! هاي مني

تقدم عليَّ وقيد جسمي وصار مثل منخل احس گلبي راح ياگف!
دلهم:- بَس خلي افهمچ والله وحدة قضيتها يمي

- عذرًا اقبح من فعلتة عطت بي !، روزه:- شنو قضيتها وسمعتك باذاني يلي ياكلها نمل ماريد اطفال غير من روزه صدك تحچي تضحك علية اني تعبت وتحملت تخوني شسويت اني گلي حرام عليك

دفعتة بكل قوتي واستهترت وگمت اضرب ببطني واعيط وابچي
روزه:- هذا ماريدة ماريدة هسه تاخذني اذبة ماريد منك طفل يا خاين

ملخت شعري وكسرت كُلشي كدامي وهوَّ گاعد بهدوء تام ومشفت منه رد فعل شفتة هادئ بدون رد فعل تخبلت اكثر وعطت بي!

روزه:- عا* متنحسب على الزلم چلب حقير

ماحس غير ضربني راجدي وحسيت بطعم دم بين سنوني
وباوعت عليَّ بحقد، دلهم:- مو زين قبلت بيچ وسترتچ
واخذتچ لو ما اني چان هسه مادري بيا مزبلة

حقد عليَّ حقد مصاير! معقول يعيرني نار صارت بنص گلبي
وجع مو طبيعي احس روحي تطلع سكتت دخلت مكسورة
للحمام وظليت اشهك وطلعت كل قهر سنين الضامتة






حسبي الله ونعم وكيل عليكم اهلي لو اهلي بيهم خير جان
ما شمروني على عمتي، ظليت بالساعتين بالحمام حسيت
بدفرات ببطني اول مرة هيج يصير متت من الوجع و نزلت
حرارة بين رجلي رجعتلي الرجفة وخفت وركضت فتحت باب
الحمام ماريد اخسر طفلي بسببة ركضت يمة انصدم من
برودة عافني ماسوة شي ...

_
هناسه

طلعنا نمشي وعمتي هيَّ وعلاليگها وهوسة كلش و راحوا
دلهم و روزه، ظليت امشي يم اخوي ولازمة ايدة وحسيت
احد سحب ايدي باوعت شفتة ازاد ابتسم الي

ازاد:- مو ردتي هذاك الدب الابيض

- گمزت بحماس، هناسه:- ايي عفية اريد منة حباب ازاد

ازاد:- مجتبى امشو قبلنة هسه اجي وراكم

- باوعت على مؤمل شفتة يغمزلي وضربت ازاد بيدة
هناسه:- شوف هذا بس يغمز مشايف بنية اذا ما غمز الك
ميستحي والله ربو

- ضحك وباوع داير مدايرة، ازاد:- امشي نروح نرتاح وشوفي
الدنيا مغرب ويصير ليل نطلع واشتريلچ

هزيت براسي وكملنا طريقنة وبعد مشي ربع ساعة واخيراً
وصلنا دخلنة لبيت چبير صوت قران يجنن

طلعت مرة جبيرة لابسة حجاب ابيض رحبت بينة ومن كلامها
وترحيبها حبيتها كلش وشفت بنات ثنين بعمري وحدة اكبر
مني يمكن، ظليت يم ازاد ودخلنا للاستقبال جبير ومرتب و
عطر بخور وراحة نفسية وگعدنا كلنا سوة وشوية وجابوا قهوة

- ورها ماكملوا اجتي بنتهم:- نلعب بالحوش

- رحت على ازاد، هناسه:- حروح العب ويا البنات

- خزرني، ازاد:- عيب اگعدي مرة شكبرچ شكو تروحين تلعبين ويا الجهال اگعدي

طنگرت وعفتة ورحت يم البنات العب وياهم مهتميت لكلام ازاد
وشفت ولد بعمري تقريبن هم لعب وياي وشوية وطلعوا الكبار
بالحديقة واجة ابنهم :- شگد حلوة انتِ واختچ تشابهن

هناسه:- انچب شنو شگد حلوة متستحي ترا والله اروح لعمو
اگلة يتغزل بية صدك بايع المستحة دعيد كلامك والله اطفر سنونك

غمني وراح يمهم واني هم رديتلة الغمة بس محد انتبة ظلينا
نلعب ويا البنات ودخلوا كلهم للبيت واجة ازاد عاقد حواجبة
وشكلة يخوف يبين واصلة حدها يمة

ازاد:- فضحتينا هاي ليش هيچ ملابسچ موسختيهن هاي
ايدچ ليش بابا مرض شنو من بشر انتِ

- تقرب علية وحط ايدة على چتفي وعصر چتفي حيل!
هناسه:- هاي شبيك تتوجعني فضحتني گدام صديقاتي

خزرني ولزمني من زندي واخذني للحمامات وغسل وجهي
بَس شنو عصرة عصر، غسلي وكمل ورجعني ويا للاستقبال
وظليت گاعد وگالبة خلفتي






شوية وفرش للولد بلاستقبال واحنا يم البنات كَلنة ركضنة
لفراشنة فرحانين، دخلت بفراشي بَس ذكرت كلام ازاد گال
طلعچ بليل اشتريلچ دب

گمت بهدوء تسلسلت شوية شوية وطلعت من الغرفة اني وكفشتي لگيت گدامي ابنهم الكرها:- يمه اسم الله جفلتيني شبيچ تفترين بنص ليالي على زلم

- نترت بي، هناسه:- والله مو مثلك افتر شلك دخل جاية يمك ومفترة يمك مالك دخل مجاية لبيتك جايه لبيت ابوك امشي من وجهي

هز ايدة وراح، واني هم رحت على ازاد ادور عليَّ شفت هواي
فراشات باوعت بتركيز شفت ازاد عرفتةمن شعره نايم بنهاية
الاستقبال رحت يمة بهدوء كعدت يم راسة همست باسمة مرة
مرتين ميرد عاد جريت البطانية وشفته ذاب بلوزة وجهي انگلب
وصرت كركم من المستحة ضربتة بخدة بخفة واريد ابچي من
الفشلة وهوَّ شوية وفز

- بصوت خافت، ازاد:- شسوين يمي ولد هنا

- برطمت، هناسه:- انتَ مو گلتلي نطلع بليل للسوگ

- تغيرت ملامحة لشخص عصبي !
ازاد:- بنت جلـ* هسه اكو سوگ محلات امشي روحي
انطمري لو والله هسه امددچ بالارض امشي خليني نايم
وعيب تفترين ببيت العالم والزلم منا نايمين رجعي لمكانچ يلة

قهرني كُلش وظليت ابچي وهوَّ انخبص لا يسمعون صوتي ويگعدون
ازاد:- ولچ بنت گـ** اسكتي فضحتينة اسكتي

- گعد گدامي وظل يمسح بدموعي ويحچي بصوت ناصي
ازاد:- شلون ورطة يربي

- يمسح بدموعي وضحك ولد:- يمعود شبيك هاي شنو جابها يمنة

ازاد:- نام معليك هسه تسكت وتروح اعذرنا اخوية

- ضحك الولد:- بنتك اشو سئلتك گالتلي مامزوج هاي مين اجتي

ازاد:- اي بنتي اني مربيها

- ضحك الولد ورجع نام ، ازاد:- امشي يلة اني باچر اشتريلچ نفضحنة منا العالم عيب

بستة بخدة وطلعت رجعت المكاني راسًا نمت وگعدت الصبح
على حلم شفت بنية حلوة مرتبة لابسة سمائي وصيح عوفي
عوفي هذا الي لا تاخذي مني

ظليت افكر بل حلم وگمت غسلت وشفت عماتي والمرة
وبناتها كاعدات والمة حلوة وريوك وريحة الچاي والهيل يشهي
ونجمعنة كَلنا سوية على ريوك مثل كل مرة گمزت يم ازاد

حجت المرة:- هواي شفتها متعلقة بيك شصير منها

ازاد:- بنت عمي

گعدنا ناكل وكل شوية مقدملي ماعون كدامي وكملنا اكل
شوية واستاذنة منهم اجة دلهم سلم على رجال والوالدة
وتشكر منهم رجعنا للبيت وطريق كضيتة نوم بس هالمرة
گعدت يم البنات

نزلو جابوا اكل ورجعوا واجة ازاد انطاني علاگة حلويات
وظلينا گاعدين ومبايلي خلص شحن واني ضجت وصحت

هناسه:- ازاد انطيني مبايلك

انطاني مبايلة ونزلت العاب وظليت العب لحد ما روزه تقيئت
باوعت عليهم شفت دلهم انخبص عليها مع العلم زوعت على
ايدة ومحچة شي ابد بس اني من يمي لعبت روحي ما تتقبل هوَّ
شلون تقبل ماعرف عاد وگفوا السيارة يم الحمامات ونزل غسلها

يتبع....

لوحَ الظلام - الظـلام عـشـرون 🌪️ -

__
روزه

ركضت فتحت باب الحمام ماريد اخسر طفلي بسببة ركضت
يمة انصدم من برودة عافني ماسوة شي، اخذت العلاج شوية
والنزيف وگف ورحت تمددت كرهت وجودة بالغرفة وياي ودموعي
تنزل من عيوني ما اگدر اقاوم والزم شهگاتي

شوية واجة حضني من ظهري وباسني من راسي شگد
حاولت أبعد بس ماكو لازگ بية وضجت من وضعية ونمت
گعدنا الصبح و وضعي احسن و انطلقنا للبيت بعد تعب
وصلنا واخيراً مرت الايام وظليت صادة على دلهم بهالفترة
وصادقت بنية اخت صديق دلهم وظليت احچي وياها وهيَّ
متزوجة وحبابة

:- دزيلي صورتچ

بالبداية خفت منها بس بعدين هيَّ صديقتي واثقة بيها ودازتلي
صورها خلي اني هم ادز صورتي، دزيت صورتي ومشت الايام
عادية وطلعت من غرفتي باوعت على بطني صارت تبرز حسيت
بدفرة على بطني فرحت شعور كلش حلو ويجنن وأخيرًا ابني وياي
بكل لحظة نزلت نظفت البيت وخلصت شغلي وصعدت فوگ لغرفتي

معاملتي ويا دلهم جافة لابعد حـد ومنا اني اتوحم على دلهم
بَس لازم نفسي واشتياقي يزيد الة بَس اذكر كلامة ويلي سواء
بيه عيرني بـ اهلي اكرها و ترجع معزتة لـ نقطة الصفر بس هم
كلامه صدك اني صدك ماعندي اهل براسهم خير

كعدت بالغرفة ابچي من كل گلبي تعبانة يربي اريد عمتي اريد
ارجع لـ طفولتي ارجع ويا عمي وعمتي مرتاحة ويا صديقاتي
گطع صفنتي فتحة الباب شفت دلهم دخل بنتر

دلهم:- حضري الحمام

- ابتسمت باستهزاء، روزه:- شبيك مكسورة ايدك او رجلك
متحضر لنفسك شنو جايبني خدامة يمك

عيونه صارت براسه واجة لوة ايدي وحطاها ورا ظهري ولزم
حنچي، بتحذير، دلهم:- تبطلين هاي سوالفلچ لو وكفل زينب
هسه اذبحچ اهنا ومااشفق عليچ فاهمة جري عدل

باخر كلمتين عاط واني ظليت مصدومةوصافنة عليَّ چفلني
من دخل للحمام وركع الباب ورا غلست عليَّ ولزمت التليفون
گعدت احچي ويا صديقتي وهوَّ دخل عاقد وجها






دلهم:- تتلاحظين نفسچ 24 ساعة لازمة المبايل

- عوجت حلكي وغلست، باوعت عليً گوة ضام الضحكة
روزه:- شعندك ضامها طلعها شبيك اضحك

عفته ورحت مرت ايام اني ويا واحد يصد على ثاني! " العصر
گاعدة وتليفوني طل يدگ شفتة رقم غريب استغربت ما جاوبت
وهوَّ ظل يلح دخلت للرقم شفت تهديد عفتة ورا ساعتين دز صور "

صابني الفضول اشوف شنو هاي الصور، دخلت اشوف
صوري حسيت الزمن وگف هنا ريگي نشف صخنت ايدي
مگاعد اسيطر الزم التليفون بيها !

بنفس الثانية الشفت بيها الصور عقلي افتر مين جابهن هذا
منو بسرعه اتصلت عليَّ وارجف والخوف مبين من صوتي

- همست بخوف ، روزه:- الو

لعبت نفسي من كلامه السم:- اويلي على هذا الصوت اموع عليَّ

وگفت وره الباب اطگطگ من الخوف اخاف واحد يجي فجاة
روزه:- الو انتَ شتريد عفيه مين جبت صوري

- ضحك ضحكة فززتني وقلد صوتي بمواعة:- منا لباجر بالليل تفتحين كام صورين الاريدة وبعدين اقرر صورچ تنحذف لو لا

احس حط سچين بگلبي من كلامه والرجفة بجسمي ودموعي
مگمت اسيطر عليهن سديت الاتصال وظليت افكر شلون المن
احچي اخذت نفس ورحت تمددت على سرير لفيت الحاف على
راسي ودخل دلهم تجاهلتة وهوَّ صاح

دلهم:- حضري الحمام مو تعرفين هيچ وقت ارجع

مرديت تجاهلتة وظليت متمددة وحاضنة جسمي بوضعية جنين
وهوَّ تقرب لزمني من ظهري وصاح بصوت ناصي

دلهم:- روزه بيچ شي ليش ترچفين

اختنكت صرت النفس اجرة بشهگاتطلعت من كُل گلبي
احسة حتى اختنگ الطفل، تقدم دلهم حطني على رجلة
وظل يهدي بية بس وجها ثكيل حسيت انطاني منوم ونمت

كعدت من نوم غسلت وجهي ونزلت شفت ماكو احد وذكرت مؤمل
اشوف واحجيلة كُلشي وهوَّ يحلها يتفاهم دخلت لغرفة مؤمل

مؤمل:- تفضلي مرت الغالي محتاجة شي

من حچة هيج شهكت بالبجي وهوَّ بين الخوف عليَّ واجة يمي
يريد يهديني بس يستحي يلزمني راح جاب ماي وانطاني

مؤمل:- اكعدي خير اخوي فهميني شصاير هاي شبيچ شبيها حالتچ

انطيتة الجهازي بدون ما احجي اشرتلة وهوَّ شافة المحادثات
وعيونه وصلت لراسه وضرب راسه بيدة وفرك ادينة وظل يستغفر

فزيت من رگعه الباب عبالك زلزل! دخل دلهم هجم علية ولزمني
من شعري وسحلني ونط مؤمل وگف بوجها ولزمة واني هم دفعة
بكل قوتي وجسمي يرچف رحت ختلت ورا مؤمل احتمي بظهره

شفت دلهم شيطان مو انسان حرارة تطاير من عيونة يريد
يلزمني بس لازمة مؤمل

مؤمل:- بس اخوي انتظر نتفاهم شصاير






شهگت، روزه:- مؤمل اخوي لا تعوفني والله يذبحني واني مالي ذنب

لزمني مؤمل مشاني ويا وسد باب غرفتة ورجعني ويا وانطا ماي لدلهم

مؤمل:- اشرب وافهمني وافهم السالفه شكو هيچ عصبي يمكن
سالفة متسوة هيچ، هذيچ مرتك وهيَّ حامل دشوف رچفتها حتى
سكر صار بيها وهيَّ حامل ماخفت على ابنك يموت وهيَّ تموت

- دلهم بس يهز براسة، وعاصر ايدة بكل قوته ويهز برجلينة
بعلامة التوتر گعد مؤمل:- احجيلي شصاير خير يعني هيچ
سالفة تخوف على هذا تصرفاتك

- عاط دلهم:- كاعد بالمكتب تجيني رسالة شوف صور مرتك
عندي لو رجال متخلي صورعرضك مطشرة ولد غريب يهددني
بگد اصبع رجلي الصغير ويهددني

طفر علية وسارعت خطواتي ليورا وهمزين لزمة مؤمل وگعدة
مؤمل:- اهداء على كيفك وياها ‏

دلهم:- مؤمل لو ما هيَّ دز الصور گلي مين يجيبوهن هسه
اخذ صور من بنية بدون ما دزهن هيَّ واني اشوفها 24 على
المبايل وشكيت اكو شي

- استغفر مؤمل:- شك بعرضك غير تفهم الموضوع مو هيچ بهمجية اجيت

احس صار صدئ براسي واذاني وحسيت بدوخة وحموضة
بطني والظلام اخذ عيوني محسيت بشي بعد، احس احد نايم
علية ويخنگني واني حارتلي حارة نار وبرودة بگصتي تسحب
الحرارة فتحت عيوني گوة شفت هناسه سوي كمادات ونيت
بوجع ولزمت بطني اخاف على ابني

روزه:- ماريدك ليش تجي للدنيا الله يموتك قبل لا تجي تجي
لامك ماعدها سند لو اب همجي عائلة مامتفاهمة متفككة

ظلت هناسه تحچي وياي وشوية هدتني ونمت وثاني يوم
الصبح يلة گعدت على صوت العصافير غسلت وكملت ونزلت جوة

:- اي عيني گعدت العروس النائمة صح النوم وين هالغيبة شنو
هاي كل وحدة حبلت هيج صارت بس نوم حتى شكولهن منشوفة
مو هياتنة حبلنة من خمسة اگعد اخبز لو هيَّ عيارة منچن اخ من عيارتچن امشي اشتغلي كل شي ممسويه اسوي ريوك وعليچ الماعين

اجاهلتة وسويتلهم ريوك گعدوا ياكلون بس منخلص من عركة
مؤمل وطيبه وهناسه وازاد كاعدين بهدوء وازاد يوكلها بايدة
علاقتهم اب وبنتة وازاد هواي يحبها بس ياذيها بحجة أربيها
الله يهدي ازاد

كملوا ريوك وغسلت الماعين واجتي زهراء:- امشي شري الملابس
ظهري انكسر انتِ ممسويه شي

محچيت شي صعدت اشرهن احس ظهري تكسر ومنا الحمل
احسة ثكيل علية يارب رحمتك خلصت بسرعة ونزلت للغرفة مالي
سبحت ومشفت دلهم اليوم ابد يمكن طالع واجب بعد ميرجع احسن

گعدت بغرفتي وسمعت صياح طفرت راسًا طلعت فهمت من
السالفة بنات داخلات گروب بنات و ولد وشايفيهن

عيوني راحت على هناسه تبچي عرفت ما راح تخلص من
العقاب اخذت نفس وصعدت فوك واني راسي يوجعني ونمت






انفجار والناس تموت وصياح دلهم من بيناتهم مبتسم فزيت
برعب على صوت انفجار احس نفسي لسه بحلم اريد اگعد منة

فززني تطشير الكزاز مال غرفة بعدني بداية الدرج طفت
الكهرباء والخوف والرجفة سرة بجسمي نزلت ولازمة بطني
على كيف نضربت بوحدة عرفتها عمتي شغلت الافلاش مال
موبايل ونجمعنة كلنه بمكان واشوف هناسه ونص البنات
ماكو فزينة على صوت تكسير كزاز

صوت جاي من المطبخ ويا التكسير سمعنة صوت هناسه
عاطت وگلبي وگع عليها بس لا بيها شي سمع صوت الولد
يصيحون ودخل ازاد ملهوف شايل هناسه

كعدها يمنة وظلت تستفسر منه عمتي مانطوا مجال البنات
يبچن وهنه بس يرچفن ظلينا ندعي وبالي كله متشدد يم دلهم
فجاة سمعت صوتة اجة والله اسمع صوتة رغم صوت الطلق
القوي بس صوته باذاني ضليت اردد الايات ولازمه بطني بيدي
احمي ابني لا يصير شي

ظلينا وقت طويل ما مفتهمين شي بس صوت طلق كانو صوت
قطرات مطر قوية شوية وخف الصوت وبس نسمع صوت صياح
الولد ونص اصواتهم اعرفها...

_
𖡻 هناسه 𖡻

رجعنا من زيارة ومرت الايام عادية واجتي فترة كورونا ويا
امتحانات ثالث متوسط، رحت للغرفة ما ياخذني نوم وخايفة
شفت ازاد گاعد يشتغل رحت يمة

هناسه:- اسفه اريد اگعد يمك

- رفع راسه ابتسملي، ازاد:- تعالي ابوية

- شال غراضه وسوو مجال الي دخلت بحضنة، هناسه:- نسولف

ازاد:- بس شنو انسولف اسئلي اي سؤال يجي بالچ

- صرت افكر واجة سؤال بالي من زمان ماعندي جوابة
هناسه:- بس اني ماعرف ادعي؟

ازاد:- ادعي هوَّ اليطلع من كلبچ يستجابة هوَّ رب العالمين
يفهمچ سولفي اشكي فضفضي هسه اني افهمچ وناس يفهمونچ
فـ كيف بالله، رب العالمين يسمعنة ويريد احنا نبارد يريد احنا
نطلب وندعي وبالحديث قال ولا يزال عبدي يتقرب الي بالنوافل
حتى احبة يعني فهم الحديث الچ يگول ادعوني في الصلاة في
الفرائض الباقية وگال في النوافل

هناسه:- زين شنو نوافل ما فهمتها

- مسد على شعري، ازاد:- نوافل هيَّ التي لم يفرضها الله مثل
صلاة الضحى الوتر سنة الوضوء الرواتب، هسه انتِ من شوفين
انسان مثلا دگولين حبيت هاي البنت حبيتها وانتِ ما تعرفيها ولا
تقرب الچ ولا قبل شايفتها

هناسه:- اي والله صايره وياي هواي ناس شايفتهم وحبيتهم واني ماعرفهم

ازاد:- اي ليش لانُ الله سبحان وتعال يحبة حب الناس في
الارض بي لو حتى ما يعرف يحبة

هناسه:- زين اني مرات ادعي بس رب العالمين ما يستجيب
الي وانتَ هسه دكول يستجيب الله دعاء

ازاد:- شوفي بابا دعاء صبر عبادة هذا دعائچ ما ستجاب
الله منه بس صار اجر الچ انتِ من تدعي ما تعرفين هذا دعاء
زين الچ او لا هوَّ رب العالمين اعرف يعرف هذا دعاء خير الچ
يمكن شر ما تستجاب بالدنيا بس تجيچ بالجنة على شكل
هداية تخبل تفرحين بيها

هناسه:- عمو اسئلك لعد
ازاد:- اي ابويه

هناسه:- زين انت هسه تعلمني بالدين واني اسمع منك
وانتَ تعلمت من عمه وعمو والبقية بس اكو اطفال غير دول
مايعرفون الدين يعني غير دين هم خطية محد علمهم مثلي
يعني يروحون لنار

- باوعلي وابتسم بوجهي
ازاد:- حلو سؤالج، شوفي بنيتي رب العالمين مايظلم احد كُل
واحد حسابة وحد عن انسان يعرف الدين و يعرف الاركان و
يعرف الله بس ما يعبد اكو ناس احسن دين دينهم يصلي يبعد
يصوم بس ظالم يظلم ناس ياكل اموال حرام اكو انسان لا يصوم
لا يصلي لا يعرف الله بس مايظلم ناس ياكل اكل حلال يتقن عملة
كله هذا عليَّ درجة توبة هسه اني عندي شغلة نسيت اكملها وهاي
شغلة درجة عملي استفاد منها رجعت للبيت بالوحدة ظهر مقهور
شلون نسيت هل شغلة وللصلاة ما مصليها وبعدين رحت صليت
فـ شوفيانقهرت على درجات راحت فـ كيف الصلاة تمر الايام واني
انساها ما اصليها وراحت وسجلت باعمالي العبدة والفرض مايصير
ننساها ابتعدي من ثلاث نقط مهمة بحياتچ ابد لا سويها " اموال ناس
عرض الناس قتل الناس "

- باوعلي ومسد على راسي وطبطب على چتفي، ازاد:- يلا نامي باجر بليل اكملچ نعستي

هزيت براسي حضنتة وگمت طلعت من الغرفة ورحت نمت
گعدت ثاني يوم الصبح ونزلت للمطبخ اسوي عصير وادرس
واجوب بنات عمي عاطوا

:- اكو هنا فتحوا محل عبارة عن حلويات متمشين نشتري

گمزت من مكاني فرحانة وضايجة اريد حلويات يردن الروح
واني ركضت لعمتي، هناسه:- إريد فلوس عمة

:- والله عمة ما شايلة شوفي بغرفتي

- شافني مؤمل طلعلي خمسة تالاف:- اشتري انتِ وطيبه

اخذت الفلوس وطلعت وياهم بدون مالبس شال وفرحانة كلش
طلعنة كلنا والمحل بعيد علينا تقريبن، اشترينة ورجعنة

- شفت ازاد عيونة واصل لراسه، ازاد:- طبي جوة وحسابچ بالبيت

رچفت بخوف ورحت گعدت بصف الحجية خايفة منه وبچيت بضعف
هناسه:- بيبي حيكتلني والله لا تخلي والله لسه توجعني ضربت مال ليل

دخل علينا مثل الاعصار وجرني من ايدي بكل قوتة وضربني
راجدي وسحلني من ايدي لغرفتة الحجية ظلت اصيح ورا بس
هوَّ ولا مهتم المهم يمه يكتلني

حجية:- بروح جدك عوفها لا تضربها ازاد

شمرني على الحايط شال الحزام وسوا على شكل دائري، واني
صرت بزاوية الغرفة من خوفي وهوَّ تقدم علية وجرني عليَّ وخلة
الحزام يطگطگ على جلدي جلدني جلد ظل يضرب بكل قوتة
وروحي طلعت من الصياح والاذية






ضربني على خشمي بچف ايدة وحسيت عيني تريد تطلع!
دخل مؤمل مثل الاعصار وسحبني منة وگام يعيط ويغلط

ازاد:- عوفها اربيها كم مرة گلتلها متطلعين برا البيت صرتي
مرة متستحين شطولچ خلي اشوفها طالعة بعد والله امحيها
من الدنيا كلها وتنحرم من الاكل سامعة

ظليت اشهك ولميت جسمي طلعوا همه وباوعت على حلوياتي
كلهن مطشرات گعدت اكل بيهن وأشهگ من كل گلبي، دخل
مؤمل حضني بكل قوتة ومسد على راسي وطلع وظليت گاعدة
صار الليل والرجفة بجسمي ما تقل وخايفة

دخل ازاد بَس شفتة زحفت للزاوية ولميت نفسي والغرفة ظلمة
وبچيت بخوف

هناسه:- والله ماطلعت من الغرفة ولا اكلت شي لا سويلي شي

- شالت الچيس مال حلويات وفتحتة الة، هناسه:- شوف والله
بس هذن اكلتهن لانُ جوعانة بعد ماعيدها والله لان جعت

- فرك وجها واستغفر وردف بهدوء، ازاد:- تعالي اگعدي اكلي

هناسه:- ماريد شبعانة

- صاح بكل صوتة ، ازاد:- اني شگلت مو گالت تعالي اكلي
تعانديني يعني الضرب ما جاب نتيجة بيچ

- من الخوف اجمدت وهوَّ عاط بية وهز البيت هز، ازاد:- هااااا!!!

هزيت براسي ونزلن ادموعي وتقدمت گعدت كدامة وبلش هوَّ
ياكل واني اخاف اكل وايدي ما اسيطر عليها ترجف اخاف
اسوي شي ويضربني، باوع علية مخنزر

ازاد:- متاكلين

- مديت ايدي، هناسه:- اريد الخبزة

هز راسة واخذ الخبزة سوالي لفة وانطانياها وگعدت اكل گوة
وهوَّ ظل يسويلي لفات وياكل خلصنة الاكل اخذ الصينية وسد
الضوء وگف يم الباب !

ازاد:- اذا نفتح الضوء والله اجنزچ ومحمد

رأسًا اذكرت ايام قبل من يسد الضوء واشوف مرية! وصحت
هناسه:- لا عليك الله والله اخاف تجيني المرة تريد تاخذني تخنگني

- ببرود، ازاد:- اشش

سد الباب وبقيت وحدي بالظلمة وگعدت ميتة خوف واقرة
وادعية العلمني عليهن مؤمل، لميت جسمي واهز بروحي
وشفت اجتي نفسه المرة تخوف سودة شعرها مخربط، گامت
تعيط وطلع وتضحك

ظليت اصيح مثل المخبلة اتمنى احد من البيت يسمعني
اتمنى عندي ام تسمع صياحي وخوفي ظليت اردد ادعية
العلمني عليهن مؤمل ولملمت روحي وحطيت راسي بين
رجلية ومن التعب نمت ...

گعدت الصبح شفت نفسي بغرفة الحجية ورجعت نفس الروتين
ازاد ما شفتة ابد، وروزه حالتها صيحية تتراجع كل يوم من ورا
الـحمل، للعصر عمتي شخصوها طلع عدها كورونا و جابوها
عزلوها بغرفة وحدها والكل اخاف يتقرب عليها وينعدي ...






نجمعنة كلنة بليل الولد والبنات سويت كيكة ويا البنات و مؤمل
اخذنة تحشيش، مؤمل:- مو كيكة طابوك بس شنسوي ناكل

كملنا وگعدنا على مبايل ودخلت للگروب قبل فترة بنات عمي
دخلوني بگروب بنات و ولد بس احنا ما نحچي ويا الولد بس
ويا البنات دوم يسلمون ولد علينة واحنا ما نرد، واني اول مرة
احچي بگروب كلهم حبابين

كَلنا گاعدين وكل واحد لازم الـتليفون واني اتراسل واضحك
ويا البنات، شوية والكل راحوا ناموا، محسيت غير انسحب
المبايل مني ورفعت راسي شفته ازاد بلعت ريگي بخوف !

ازاد:- ويامن تحچين

ماجاوبت احاول اخذ المبايل منه مگدرت گعد يفتش بي دخل
على محادثات و شاف الگروب و المشكلة بنت عمي ضحى
تحچي ويا الولد مصارلهم فترة من تعرفوا و واحد يحب ثاني
انوب هيَّ كملتها و دزت بصمة بنص الگروب وسمعها ازاد
تخبل وظل يصيح بالبيت وكل گام من نومة واجوي كلهم على
صوتة وشمر المبايل على عمي

ازاد:- شوف هاي بنتك وهاي بناتكم

لزموا التليفون شافوا المحادثة وعمي صار نار وضرب ضحى
گدامنة وصارت ليلة كشرة علينا

- صاح معن:- منو دخل البنات لهذا الگروب

- بصوت مخنوك، هناسه:- هاي نوره والله عمو معن اني ماحچي ويا الولد بس ويا البنات

عمي ظل يضرب بـ ضحى ويصيح انضربت بعشوائية على بطنها وسحلها من شعرها وطلعها اجة ازاد يمي وسحبني من شعري

ازاد:- حسابچ ماخلص تحچين ويا ولد مو ولچ تربيتي وين
راحت الصبح والعصر اكتل مايفيد باجر عكبة الكاچ ** من
واحد اني علمچ منا وهيچ اربيلي جلب احسلي

عتني من شعري واخذني لغرفتة وتمنيت مرة وحدة احد يدخل
من بيت عمي لو امي وابوي يساعدوني او بس يطلعوني من
جوة ايدة ! وگفني يمة وظل صافن علية وعرفت ورا هالصفنة
شنو عقابها وعقابها اقوي طلع باكيت الچگاره بهدوء

گاعدة بالگاع گدامة ارجف والمشكلة الاكبر اني لابسة
برمودة وهوَّ سحب رجلي بسرعة وابتسم ابتسامة خبيثة

بعد هاي ابتسامتة وعطت وحسيت بشيحار چوة لحم رجلي!
باوعت شفتها چگارتة شويه وشالها وحطها بچف رجلي ظليت
اشهگ وابچي وهوَّ بهدوء اصبعة على حلگة

ازاد:- اشش نفس ماريد

شال الچگارة من رجلي ورجع شربها بصوت هلكان
اراد:- اخ شكد طعمها طيب لو هيچ چگارة لو ماتنراد

خلصت الچگارة واني كاتمة شهگاتي وشغل الثانية وظل ينفخ
الدخان بوجهي لا ارادياً طلعت شهگاتي وهوَّ حط ايده على شفتي

ازاد:- اشش اني شگلت مو گلت نفس ماريد

سحب ايدي بهدوء، وايدي ظلت ترچف بين ايده ضغط عليها
وحط الچگارة بوسط چف ايدي ليفوگ شوية، واني رگعت روحي
بالگاع واعيط واسحب نفسي بَس للأسف هوَّ اقوة بأضعاف






عاف ايدي واني كمزت بسرعة لغير مكان ومتت من الوجع
رجلي وروحي شاغت وظليت اكمز من مكان الى مكان من
الوجع، نفسيتي دمرت شنو ذنبي كل يوم اتحمل هيچ تعذيب
باوعت عليَّ بحقد شفتة صافن علية ظليت اگمز متوجعة طاقتي
راحت استهترت وظليت ارگع راسي بالحايط ومن الوجع احس
ايد حاوطتني حضني بكل قوتة ويمنع حركتي ويهدي بية

ازاد:- بابا شبيچ يروحي اهدي اهدي

انطاني ماي واحس روحي مفرفحة گعدت بالكاع مرتجية
" منتجية " على الحايط ورافعة راسي أريد أقرا ادعية نسيت
كُلشي ماكو شي بالي گعدت انتظر هاي مرة تجي تخنگني
تعودت عليها ريگي ناشف وروحي رايحة

تقدم ازاد گعد يمي وحط ايده ولزم راسي ماحس غير راسي
نرگع بالحايط وهنا شاغت روحي ودخت وكتمت صرختي

مسويت شي بس انتظرتة يطلع وهوَّ ظل گاعد شوية وسمعت
مؤمل يصيح وهوَّ طلع وسد الضوء انتظرت المرة تجي بس
ما اجتي تمددت بدون مخدة ولا فراش على گاع الباردة

بَس اني عرگانة تعبت جسمي نار وظليت افكر اذا احد اجة
تقدملي اوافق لو حتى عجوز اقبل اخذني الظلام وفزيت الفجر
على انفجار قوي بين صاحية ونايمة عبالي حلم !

سمعت صوت عماتي وعمامي صوت النسوان واحس
رجلية ميساعدني اتحرك خايفة وظلمة والكهرباء طفت
وشوية اجة الضوء من الشيعواط وصارت ظلمة مرة ثانية

سندت نفسيَ وگمت فتحت الباب وتمشيت على كيف من
وجع رجلي وسمعت صوت طلق قوي وصوت عياط النسوان
والجهال وسمعت عياط مؤمل

مؤمل:- روزه سلاحي بغرفتي طلعي

نزلت دخلت للمطبخ امشي واتلمس بالغراض وكُلشي ما اشوف !
اني شجابني لو ظالة گاعدة فوگ احسن ظليت الوم بنفسيَ

محسيت غير صار صوت تكسير الگزاز فوگ راسي سمعت
عياط ازاد و دلهم:- مات امشي شيلو اني اواجهم

اريد ارجع لمكاني وگوة تمشيت وفجاة حسيت شي دخل برجلي
وروحي شاغت وبچيت وحسيت شخص واگف فوگ راسي وظل
جبير خفت اضعافات خوفي

____
مؤمل

- خلصت تدريب بعد تعب اجيت على سيارتي اني وصاحبي
" مهدي وليل " فتحت باب السيارة شفت بيها تهديد ! ورقة
حمرة دم! وبيها طلقة مهتمينه ابد سالفة تهديدات متعودين
عليها، ركبنه سياره وانطلقنا للبيت ...

گعدنه سوالف وضحك ! وماكو شي فجاة گبت العيطة بالبيت
ومشاكل وازاد كتل هناسه و.... اخذت صاحبي للديوان وعفنا
الباب مفتوح ونمنة!

فزيت على صوت انفجار كُلش قوي عبالي اني بتدريب
مهتميت رجعت إريد اغفة وصار رمي مطر علينة واجتني
لحظة ادراك گمت طفرت باوعت على ديوان شفت الباب
مسدودة والشبابيك تكسرت






طفرت ادور على بلوزي إريد الحگ البس شي اخذ اسلاحي
واطلع اشوف شكو ! عطت بصاحبي بسرعة گعد وطفرنة
نشوف شكو

طلعت شفت الكهرباء مال منطقه طافية وطلق مستمر منعرف
من يا اتجاها ، ظلينا ندقق عرفنه الاتجاهه فجاة طفر شي حار
بوجهنه واني و ازاد ما اهتمينه وكُل واحد شايل اسلاحة ويرمي
احس جسم يم رجلي بَس ماكدر اشوف شكو

سمعت اعياط من بيتنه:- روزه و هناسه ماتو!

ازاد و دلهم تخربطت اوضاعهم، وباوعت عليهم كُل واحد ركض
بجها يركضون للبيت... بعد ساعتين! اختفوا وخلص الرمي

انتجيت على الحايط الوراية وجهي بي دم مدري منين اجة
باوعت على الگاع شفت صاحبي " ليل " نايم على وجها
وجسمة كله تراب وغرگان بدمه ...

حسيت الدنيا نجمعت بعيني وكرهت كُلشي اخذنا واخذنا
كُل مصابين للمستشفى " جيرانة و صاحبي و..."

طلعو الميتين حطوهم بثلاجة المؤتى وظليت طول الوقت گاعد
يمه صاحبي ما عفته رغم بروده المكان بَس جسمي نار...

- استشهد " ليل "

____
هناسه

ركزت بريحة العطر عرفتة ازاد راسًا حضني بكل قوتة
بحيث شالني ويا الحضنة ظل حاضني لحد ماوصلنا
للصالة وعمتي شغلت ضوء للصالة على شحن

كلنا خايفين گاعدين عمتي و روزه وظلنا يسألن جاهلنة
وشوية ودخل دلهم ورجع ازاد ويا ومستمر صوت الطلق
احسة مطر مو طلق

نص ساعة نسمع صياحهم:- اخذوا للمستشفى هواي صابات عدنة

دخل ابن عمي علينا وگمزت عمتي تسأل شصار وگعد يحچيلها كُلشي:- وهسه راحوا للمستشفى

اني گاعد يم روزه وارچف وحاضنتها كل قوتي من الخوف
وحرگ الچگارة لسه يوجعني ونار بجسمي، صعدت روزه
لغرفتها ترچف حالها مو احسن من حالتي؟ واني صعدت
وطيبه حطتلي دهن ومن الخوف والرعب الشفناه نمنا

حلمت نفس الموقف الصار احس جسمي نار واسمع
صوت ونات مني تطلع وجسمي ثكيل حيل وحار نار

گعدت الصبح على صوت هوسة محد اله نفس يتريك
فزينة على صوت طلق خفت يرجع مشهد البارحه ينعاد
وطلعت ورا عمتي للطرمة، مرت ساعات ودخل دلهم

دلهم:- حضرن نفسچن وغراضچن طالعين من البيت

- الحجية گمزت ظلت تحچي:- ماطلع من بيت جدك لو على گص رگبتي ظالة اني هنا انتَ اخذ مرتك واهلك وطلعو اني ولدي مانطلع

- ظل يتوسل بيها، دلهم:- والله خطر عليكم المفروض اخذكم
لامن منطقة موجودة بالعراق اذا بقيتو بعد كم ساعة الكل يروح
بيها تقبلين احد من ولدنا يموت تخسرينة كلنا






اقتنعت بكلامة شوية ! واشرلنة دلهم انو لموو عراضكم بين
ما اقنعها وصعدت لغرفتنا اخذت الاتراكات وملابس النوم
وكتبي كلشي احتاجة

- دگ تليفوني شفتة ازاد رفعت الخط، ازاد:- عفية هناسه حضري ملابسي ما اگدر اوصل للبيت وملابس مؤمل وياچ

ساد الخط حتى مالحكت احچي شي گعدت احضر ملابس ازاد
ومؤمل بس استحيت اطلعلهم داخليات بس طلعت اتراكات

فتحت كنتور ازاد شفت اسواري بالكنتوره صار فترة واني
ادور عليها وكُلش عزيز علية لانو من الحجية اخذتة وكملت
كُلشي وكلنا حضرنة نفسنة ورحت لغرفة روزه شفتها تبچي
ولازمة بطنها وركضت عليها بخوف

- احچي وياها مترد هيَّ بس صيح، روزه:- حموت هناسه ساعديني

حرت شسوي اخذت المبايل دور على رقم دلهم ماكو يرب
شسوي دخلت قائمة الحظر اكيد متعاركين وحاظرتة شفتة
بالحظر لغيتة الحظر وتصلت عليَّ ورد بصوت هادئ

دلهم:- ها يا ماي عيني

هناسه:- دلهم دلهم اني هناسه روزه عفية الحگ حتموت

سديت الخط وباوعت على روزه فدنوب تعض بإصبعها
وايدها الثانية تضربها بالكاع شلتها بكل حيلي انوب هيَّ
ثكيلة بنسبة الي باوعت على ملابسها دم عطت مفزوعة

هناسه:- روزه دمم هاي مين اجة

گعدت ابچي وياها اخاف اعوفها شوية ودخل دلهم ملهوف عليها
دلهم:- ها يحيلي شبيچ

- ظلت تضربة وتبچي وتحچي عليَّ وتضرب، دلهم:- يشيب كلبي مو حتى بنص كلبي طلع شيب

نزلت راسي واستحيت وطلعت من يمهم وطلعوا غراضهم
بالطرمة وشفت ازاد ومؤمل استغربت هوَّ مو گال ماگدر
اجي يعني يضحك علية

- رحت يمة وخزرتة وتخوصرت وهوَّ ابتسم بوجهي، ازاد:- ههلا يا رموش عيني ثالثاً

- بعصبية، هناسه:- مو گالت ما اگدر اجي حضري ملابسي
حضرت جنابك تضحك علية

- آشو ضحك بصوت عالي، عطت بي، هناسه:- اي عيني استاذ ازود طلعها ليش ضامها للضحكة

- گام يضحك بصوت اعلى، ازاد:- ولچ على منو ازود ادري طفل كدامچ دلعي ازود رجال شكبرني شعرضني والله عيب ازود بس حبيتها منچ

- عيبت عليَّ ومشيت وسمعتة يحچي، ازاد:- العقل من الله متنطينة العقل ربي

توزعنا كلنا بسيارات واخذ صعدت ويا مؤمل وصار الطريق
طويل حيل وتعب وسهر وعطش وصحت لحجية

هناسه:- عطشانة

مؤمل طلع راسه من السيارة وصاح على سيارة ازاد يلي تمشي بصفنة
مؤمل:- ولك بنيتك عطشانة جيبلها ماي والله اسوي خير اذا اكل الي والها






- غمتة الحجية:- مرض صابك شبيك ماعندك فلوس تنزل بجذب
كول اشتري لبيبيتي ماي جكليت ميتة جوع

- صفگ بيدة، مؤمل:- شوفي مفلس ربع دينار ماكو بجيبي

باوعت على سيارة ازاد وگفت وشوية وصار بصف
سيارة مؤمل وانطانة علاگة بيها بطالة ماي وحلويات

مشة الوقت ودخلنا لمكان احير شلون اوصفة بداية الحايط
عالي و دخلنا بوابة جبيرة حيل و نزل ازاد ودلهم شفتهم
تصافحوا ويا الحرس وسلام وظلوا يحچون ودخلونة
وانصدمت بشدة الجمال كل بيت اكبر من الثاني واحلى
وكل افرع بيَّ اكثر من بيت وبي حرس وجلاب سود كبار

الحجية غمت مؤمل بحرگة گلب:- دهر صابك ولك من زمان وجيبني هنا

هز بيدة ماعجبة كلامها وكفنة يم بيت شگد ماوصفة حلو قليل
بحقة نزل دلهم داس نقطة ونفتح الباب ودخلنا وباوعت بعد احلى
من داخل، دخلنا للبيت كلنا تعبانين والكل گعد بالاستقبال شوية
وصاح مؤمل

مؤمل:- ولد جلاب تعالوا اخذو جنطكم ابتليت اني

- طلعوا الولد دخلوا الجنط

_
روزه

𖡻 روزه 𖡻

من العصبية والقهر نزل علية دم بس الحمدلله اخذت دوه
وسبحت ارتاحيت شوية وثاني يوم طلعنا بعد تعب من الحادث
البارحة لغير منطقة دخلنز بيت شكد ما اوصف جمالة مينوصف

- دخل دلهم واشرلي اجي يمة، دلهم:- اشوفچ غرفتنا ترتاحين تعبتي اليوم

هزيت براسي ودخلنا لغرفة تركيا حلوة وبيها حمام داخلي
واصالة ومكتبة صغيرة عجبتني الغرفة كلش وكعدت على
جرباية ونزعت الشال اهفي النفسي احس الجو حار من التعب
تمدتت حطيت ايدي على بطني اسولف ويا ابني ولسه ماعرف
شنو الجنس ولد او بنية .

:- ماما اعذرني اليوم الطريق طويل تعبتك نام ارتاح اني هم انام ارتاح

طلع دلهم من الحمام وراسه ينطگ ماي ولابس بس شورت
وراح للصالة ورجع شايل بيدة مبايلي انطانيا بدون كلام
واني عفتة على جرباية هوَّ هم گعد لزم المبايل

- بخوف، روزه:- دلهم عادي احچي وياك
دلهم:- اي تفضلي

- ظليت صافنة ماعرف شلون ابلش فززني صوتة!
دلهم:- بوية شبيچ متوترة احچي صارلچ شي

- تمتمت بكلامي، روزه:- مو مو اني اجيت اعتذر منك على
صار والله مو من كلبي طلعت ساعة عصبية

- ظل صافن علية لحظات وردف، دلهم:- اني المفروض اعتذر
منچ قهرتچ المفروض ما احچي هيچ وياچ والله انتِ صرتيلي
بنيتي ومريتي وكلشي بحياتي مستحيل بيوم اكسرچ ساعة
عصبية طلعت مني

لزم راسي وباسني وضمني على صدرة ورفعت عيوني باوعت
بعيونة تعبانة ورموشة اثخان

دلهم:- ترا هذاك اليوم مجنت اخابر احد جنت اشاقة وياچ وماعندي غيرچ ابد وداعتچ بَس شفتچ غلطتي واني فقدت وحچيت كلام ميصير ينحچي






- همست بصوت ناصي، روزه:- احب لون عيونك وحنية
عيونك ربي ما يحرمني من شوفتهن

- ابتسم
دلهم:- اني لسه ما عاذرچ على السويتي مستحيل اسامحچ
ليش تثقين وتنطين صورچ شوفي بية لا تثقين شلون ثقيتي
بالبنية ودزيلها الله ستر بساعتها مانشرت الصورة لحگت
عليهن وخجلت من نفسي گدام ازاد واحد يخابرني يگلي
لم عرضك وشوف صورها كلهن عندي تعرفين لو ضاربيني
طلقة ولا سامع هذا الكلام وكل هذا ضميتي علية ورايحة
حاجيه لمؤمل مو عيب لعد شنو اني هنا طرطور ناقصني
بس اشد گرون وكابلچ وهاي الغلطة غلطتيها مرة ثانية متنعاد
اذا نعادت احسبي ما موجودة بالدنيا كلها

- هزيت راسي وعيوني تدمع وهوَّ ضحك، دلهم:- ولچ بـ** ما
مشتاقتلي ولچ طاك گلبي عليچ شگلتي لروحچ هيچ عايفتني
مشتاق لحنيتچ لدفو حضنچ

- بحركة سريعة صار فوگاي وهمس بصوت ناصي
دلهم:- حبچ تربع بنص گلبي مستحيل بعد
ما يطلع قفل باب گلبي وگعد بنصة

ضحكت وتقرب علية ويباوع بعيوني وباسني وحط شفايفة
على شفايفي معافني اله اني دفعتة من صدره اريد نفس
باوعت عليَّ خجلانة من تصرفاتة

روزه:- عادي نتابع فلم

هز راسة وطلعت فلم رعب هوَّ من النوع اليحبة يحط راسي
بصدرة و يحضني و كل ما تطلع لقطة مرعبة يضم راسي
وعيوني بصدرة وكمل الفلم وسمعني انواع الغزل وقضينا
ليلتنا بحب

گعدت على صوت طكطة من الحمام فركت عيوني وصحصحت
وطلع دلهم من الحمام

دلهم:- صح النوم عروستي يلة گوم وليدي كسلان اسبح حتى تصحصح

- گمزت وصاح هوَّ، دلهم:- على كيفچ بوية مو حتى جاهل طلع من خشمچ

- ضحكت ورحت بسته، دلهم:- وين احط هاي بوستچ تضحكين
على طفل امشي اسبحي لو نعيد الليل

هزيت براسي لا وضحكت دخلت للحمام سبحت ونسيت اخذ
ملابس وياي صحت باسمة اكثر من مرة ميرد لزمتني الرجفة
من البرد شوية وسمعت صوت الباب نفتحت وصحت

روزه:- دلهم

- اجاني صوتة الحمدلله، دلهم:- وين ادري نمتي بالحمام

روزه:- دلهم عفية اريد ملابسي من زمان انتظرك تجي متت من البرد

جابلي ملابس ولبست وطلعت مشطت شعري وخلصت
كُلشي واتجهت للمطبخ اشوف شمسوين ريوگ والكل گاعد
على ريوك انتبهت على رجل هناسه مشدودة ومطولتها وگاعدة
تاكل وازاد يمها وطيبه حاطة ايدها مرتجية على ايد مؤمل

- صاح بيها، مؤمل:- والله مو حتى زري زرفتي حتى الله
ميقبلها من صباحية الله اصبح بوجهچ






- ندارت عليَّ وغمتة، طيبه:- عساس اني اريد اصبح بوجهك
تعرف اني دعيت عليك حتى اخلص منك

- احب سوالفهم الصبح بنص الريوگ طيبه تعارك مؤمل ....

____
𖡻 هناسه 𖡻

ازاد اجة لزمني ونترت ايدة وهوَّ خزرني وصك على سنونة
ازاد:- امشي صعدني فوك احلى من الجوة

صعدت ويا وفتح باب الغرفة، ازاد:- هاي انتِ وطيبه ماريد احد
من البنات تگعد وياچن البيت جيير يكفي

هزيت براسي ومن طلع تفلت عليَّ هوَّ التفت علية وهز براسة
بتوعد! ، ازاد:- اني اعلمچ طالعة عينچ يرادلچ تربية ظاهر الچگاير والضرب ما فاد وياچ

غلست عليَّ ورحت اخذت سرير وشوية ونزلت جوة واخذت النت
شفت طيبه حايرة وصحتها ، هناسه:- امشي هاي غرفتنة

صعدنا وسبحت وبدلت بس إريد انام اجيت اسد الضوء
وسمعت الباب يندگ فتحت شفت ازاد انتچيت على باب !

هناسه:- خير شرايد نريد انام

- غمز ، ازاد:- اريد حلگ

خزرتة وهوَّ ضحك بستهزاء ورفع ايدة بسرعة وضربني راجدي
خفيف وانطاني چيس

ازاد:- هاچ هذا اكل الچ والطيبه وبي حلويات

اخذتهم وسديت الباب ونمت كعدنا على صياح الحجية ونزلنا
كلنا وگفنة بنهاية الدرج وهيَّ لازمة چفير ونزل مؤمل مسوي
نفسـة نايم ميشوف وهيَّ راسًا ضربتة بچفير وهوَّ كمز وابتعد
وصاح

مؤمل:- صدك جذب والله حتى الله ميقبلها اگعد من الصبح بدال
لا اسمع صباح الخير يا خيري احصل ضربة وين صايرة هاي

- ظل يفرك بمكان ضربة
مؤمل:- ادري حجية عفتي كل الأمكنة ضربتيني بـ** مو
حتى بواسير حيصير بية من ورا ضربتچ

- غمته :- ظل ظل زعطوط بهاي سوالفك امشي اسمم

اخذت منة المبايلات ودلهم نزل هوَّ و رزوه و روزه انطت
التليفون بس دلهم رفع حاجبة ماعجبة الحچي والحجية نزلت
اخذت النعال وضربتة على حاجبة هوَّ ظل ساكت ماحچة
شي وبلاخير فقد اعصابة

دلهم:- يعني انتِ صدك تحچين لو تشاقين

- صاحت:- شوكت شاقيت وياك لا عبالك صرت زلمة وناس
تدگلك تحياتة ومشورب يعني ما اضربك لو صير جد هم اظل
اضربك ويلة انطيني مبايلك

- ضحك وفرك مكان الضربة، دلهم:- شنسوي حبيبي حكم
القوي على ضعيف مو بيدنا

انطاها التليفون وگعدنا تتريگ هالمرة مو يم ازاد گعدت
وگعدت يم طيبه وحسيت نسحبت من ثوبي ورفعت راسي
شفتة ازاد گعدني بصفة

هناسه:- اوف يربي هم من صباحيات الله شوكت الله يخلصني

- تقرب يم اذاني همس، ازاد:- ‏يا حظي من الصبح اتريگ بهيج ومنظر

دفعتة وگعدت اكل وكملنا وگعدت غسلنة الماعين وخلصناهن
صعدنة نستكشف البيت

البيت حيل چبير وحرنا من وين نبدي صعد فوك وشوفت
هواي غرف وچفلت على صيحت مؤمل يضرخ بكل قوتة...

يتبع ...

لوحَ الظلام - الظـلام واحد وعشرين 🌪️ -

____
𖡻 روزه 𖡻

مرت فترة على حملي تعب يوم عن يوم بطني تكبر وظهري
يوجعني واتنسة بنص ليل، ساعة بـ3 بالليل اجة بالي طرشي
اشتهيتة وليمون وملح متت عليَّ

رحت گعدت دلهم ظليت اگعد بي ميگعد، اضرب بجسمة حتى
يگعد تربعت وگعدت ابچي مادري شبية عبالك طفلة بَس ميتة
بيهن اريد يجيبلي واكل !

ظليت اضرب بي ودموعي ما وگفن انتبهت چتفة يهتز وضربتة
ضربة قوية وضميت راسي وبچيت من كل گلبي وحسيت بي
حضني بيدة وضمني بحضنة

صرت مثل العصفور بنص صدرة وشهگاتي تتعالة شنو سبب
البچي ماعرف فززني صوت ضحكتة، تنرفزت من يمي مديت
ايدي على رمشة وشلعتة بيدي وعطت اني واشهگ!

روزه:- هذا عقابك گوم جيبلي طرشي داموت أريدة وشوف اذا
ماجبت يطلع بابنك اني ماعليةوخطية من يكبر الاطفال يتنمرون
علية وينقهر واذا كال " ليش يمة " اگول الة " ابوك ما قبل يجيبلي "

- ضحك، دلهم:- يا نسمة كلبي انطيچ روحي هم اكُليها
امري لـ الله شسوي انگوم بنص ليل

- كام يلبس ملابسة ويتفف ويحچي بصوت ناصي
دلهم:- ادري اني شورطني وياها هسه يا ابو محل عاقل فاتح
والقهر تريد طرشي هسه اني وين الگة يارب صبرك على هاي
المرة بين ما تولد بسلامة

ضحكت من جوة بطانية وباوعت عليَّ منظرة يضحك گام لبس
البجامة عكس اهنا مگدرت اتحمل طگيتها بضحكة من كل كلبي

دلهم:- ربي هذا اليزوج هيچ يصير بي من انعل ابو زواج
لابو القنعني ازوج مو چنت مرتاح جابني على زواج، انوب
مزوج وحدة بگد بنتي حتى الله ميقبلها عقلها عقل طفل

- عدل بجامتة، دلهم:- اي عيني مدام دلهم بعد شنو محتاجة غير الطرشي

گعدت افكر صدك خطية خلي هسه اشوف شنو اريد بعد
ميگدر يطلع مرة ثانية لو حتى اسحل نفسي وابچي اصلاً
يكتلني بدم بارد، جفلت على رگعت الباب هزيت ايدي اي
والله ناس مخبلة مو زين رضينة بيك بگد ابوي مزوجتك و
الشيب تارس وجهك

گمت سبحت ولبست شي مريح للنوم ماكدر البس شي ثخين
اختنگ وعدلت شعري وحطيت عطر وظليت منتظرتة تاخر
ساعة وهوَّ ماكو ظليت احچي على نفسي







ادري شچاني هيچ ودزيتة بس لا صاير شي عليَّ يربي اخ
روزه يعني ماتحملتي يصير الصبح

مرّ كم ساعة وظليت اروح واجي اتصلت عليَّ وسمعت صوت
تليفونة بلغرفة عرفت ناسي، ضربت كصتي، اي هيَّ هاي
ناقصتني ناسي المبايل ماگدر اطلع بهذا لبسي لا احد
موجود ويشوفني مرت ساعتين وهوَّ ماكو ضربت على وجهي

- ولج رجال وين راح يربي والله بس يرجع سالم بعد لو اموت
ما دزه لبست، جادر الصلاة ونزلت طلعت برة بالحوش وصوت الجلاب ومحد ماكو تصوصي ظلمة هندس عالم نايمة واني هنا واگفة

ظليت واگفة والوم بنفسي يارب شجاني ودزيتة باوعت على
الجو غريب ورحت فتحت باب الحوش محد بشارع چفلت على
صوت الچلب صار بوجهي بسرعة سديت الباب وانتچيت لزمت
كَلبي ينبض بسرعة

شوية وشفت مؤمل نازل شايل سلاح استغربت سئلت بفضول
روزه:- وين رايح وهذا شنو السلاح

- رفع راسة وجها صار اصفر، مؤمل:- لا لا صاحبي حتاجني
اروحله انتِ شعندج نازلة بهذا الليل دلهم وين

- فكرك اصابيعي بفشلة، روزه:- راح يجيبلي طرشي

بصدمة، مؤمل:- طرشي وبهذا الليل المن اكو عاقل ياكل طرشي

- هزيت راسي، روزه:- اني اكل والله وظل بالي يمة خايفة لا
صار بي شي والله مو بقصدي بس لان شتهيتة واني حامل
يطلع بطفل وخطية يتنمرون عليَّ

- سمعت صوت دلهم يحجي بصوت عالي !
دلهم:- هالشلعان گلب علمود ابن المطي وشلون يطلع علية
اسمر اچلح محد يقبل بي بس الخاطر بنيتي كل شي يهون

صديت وجهي باوعت عليَّ وضحكت ومؤمل تفاجئ باوع على
دلهم ملابسة كلهن طين واني مگدرت اضم ضحكتي

خزرني، دلهم:- اضحكي اضحكي شنو وراج اني مشتعل
شيب جدي هذا حالي امشي صعدي فوك لو ومحمد انهيچ
شعندچ طالعة بنص الليل تفترين وهاچ طرشي اخذي وياچ
انعل ابوي القنعني على زواج امي داعية علية باذان الفجر

- باوعت على مؤمل حط السلاح بالگاع وظل يضحك وصاح دلهم
دلهم:- شعندچ واگفة امشي

- ركضت اريد ادخل للبيت صاح مؤمل، مؤمل:- الشفتي روزه
ماريد احد يعرف بي وانتِ هم اريدچ كانو ما شافتي شي تمام

- هزيت براسي وصعدت اركض اجة وراي دلهم يهز بيدة
دلهم:- طفلة والله طفلة وين انطي وجهي هسه لو مزوجلي ثلاثينية

- ماهميت الة نزعت جادر الصلاة وهوَّ صوفر، دلهم:- ولك ابوي هذا شنو هذا كله الي

مرديت كُل همي بطني رحت بحبشت شنو جايبلي وطلعت
الغراض من العلاگة ليمون وملح وطرشي وگعدت اكل بشراها
وهوَّ لازم التليفون

- ردفت والطرشي بحلگي، روزه:- دلهم لعد ليش تاخرت ظل بالي يمك

دلهم:- شسوي مالگيت بمحلات بمدينتنا جبت من غير مدينة
وسيارتي مابيها بانزين رجلي زلگت بالطين ودخلت لابو المحل
فشلان من نفسي ومن منظري خطية هوَّ هم ضام ضحكتنة
راد يموت الولد بسببنة، واذا مات تنسجنين انتِ والفريخ
‏
- فتحت عيوني وعفت البيدي ، روزه:- يعني صدك اذا مات تاخذوني للسجن







- بحماس، دلهم:- اي چا شلون غير مات الولد لازم تاخذين
عقابچ وعقاب عذاب زوجج موجود بالقانون تاكدي

- شهكت بخوف، روزه:- عليك الله شوفة من تطلع باجر الصبح

دلهم:- بوية شنسوي كملي لازم اخذچ على گد
عقلچ يا مدوخة عقلي وتفكيري

گعدت اكل وما اشبع ابد اخذت الخيار وكصكتهن قطعتين
وضفت عصرت ليمون وملح وباوعت على دلهم

- بغباء، ورزه:- هاي شبيك شصاير شنو مصخن

- ضغط على سنونة
دلهم:- من انعل الخلفوچ وانعل الجابلچ هذا الطرشي بنص ليل
ولچ ابوي لا تاكلين هيچ اكلي عدل مو حتى گلبي مرمرتي

- بدلع، روزه:- اوي هاي شبيك حبيبي لعد شلون اكل واني
مشتهيتة وابنك يريد هيچ اكله

- فرك گصته بنتر، دلهم:- انطيچ يخبل طعم يخبل شني هذا
اصلاً، تدمنين مالي وكل ليل تطلبي

روزه:- اي شنو هوَ جيبه الي حباب اشو شتهيته اعضه

- ضحك بخباثة، دلهم:- شيلي هاي الهوسة وتعالي اشوفچ

كرطت الخياره ونضفت الهوسه وصعدت يمه على جرباية
گعدت ادور على شي يمة واستغربت اشو ماكو يمه شي
شنو يضحك علية

- بضجر، روزه:- شنو هاي دلهم تضحك علية خليتني الم
الهوسه وعوف الطرشي والله بعد تحلم احچي وياك

- ضحك ، دلهم:- اي بوية كملتي كلامچ

هزيت راسي كعدت ابجي ماعرف على شنو بس صدك ضايجة
عطت بخوف من دفعني فجاة وصار فوگاية

دلهم:- هسه شبيچ ليش مستعجلة على نصيبچ يا بويه هسه
شوية شوية ...

قبل لا احجي عض شفتي معافني لحد ما حسيت بطعم دم
بحلكي وكملنا ليلتنا بحب ... نمنّا گعدت الصبح على هوسة
البنات والولد وجنت اتمنى قبل عائلة جبيرة ونلتم كلنا على
حب من طفولتي احلم بهذا شي، ابتسمت واشوفهم كلهم
گاعدين ورحت يم هناسه اطمئن رجلها شلون صارت واكلنا
وخلصنة والكل طلع لشغلة

اتفقنا ويا عمتي اراجع الدكتورة اليوم موعد كشف الجنين
وطلعنا اني وعمتي للدكتورة وصلنا وازدحام كُلش هواي
:- افتر بين ما يوصلكم الدور

طلعنا اني وعمتي نشتري عصير لفت انتباهي مجموعة
عسكرين الصدمة اعتلت كل جسمي من شفت مؤمل يحچي
وياشر بتركيز وينطيهم معلومات !

هاي شنو يسوي هنا ردت احچي لعمتي درت وجهي شفتها
تحچي ويا مرة تذكرت كلامه من حذرني انو ما احچي لاحد







شفت دلهم من بعيد جاي ويا ثنين يمشون بس شكلهم تعبانين
ويمشور عوج عبالك واحد ساحلهم وانتبهت عليَّ لازم شي بيده
وصفنت عليَّ

من يمي غرت عليَّ، ضخامة جسمة وجمالة اول ما اتقدم عليهم ضربولة تحية، دمعت عيوني بفخر اخذت عمتي ورحنا قبل لا يشوفونة ...

- دخلت للدكتورة شعور حلو كُلش:- الطفل صحتة جيده والحجم كلشي ممتاز عاشت ايدچ حافظتي عليَّ

- اندگ الباب، :- تفضل

- دخلت سكرتيرة:- زوج البنية يريد يدخل استاذ دلهم

حسيت بطني تشنجت خفت لا شايفني لانو طالع بدون علمة
مدري منين عرف، دخل بهيبتة ليشوفة يكول شايف نفسة، تقدم
وصافح الدكتورة

دلهم:- شلون مريتي وبنيتي صحتهم

ابتسمت الدكتورة اجتي يمي مررت الجهاز على بطني
الشعور حلو وكفت يمي الطفل يتحرك بشاشة

دلهم:- شنو جنس الجنين

:- يعني متعرفو

دلهم:- لا بعدنة

- رجعت الجهاز على بطني:- بيچ ولد

- ابتسم دلهم، واني عيوني دمعت من الفرحة بس ذكرت هوَّ يريد بنية
دلهم:- شكرا دكتورة

- ترخصن منها وطلعنا، روزه:- ضايچ لانُ ولد وانتَ رايد بنية

- حضني وباسني من كصتي
دلهم:- شيچي من الله نعمة وخير علينا اذا ولد او بنية
اهمشي تماماً الخلقة لسهما مصدك يجيني طفل قطعة
منچ اريدة مثل ملامحچ وبرائتچ بس اكون مو عليچ فاهي

عمتي ويانا مبتسمة وكلش مبين عليها الفرح صعدنا بسيارة
اني وعمتي وهوَّ راح جاب حلويات من المحل وصعد وصلنا يم
السيطرة وشفت مؤمل واگف بس بغير لبس

- سلم على الواگفين والولد باركوا لدلهم:- والله وگدها وصار عنده ولد، عندي فكرة الك بالمستقبل بعيد عن الزوجة والاطفال

- ضحك دلهم وانطاهم حلويات وصعد مؤمل ويانة
مؤمل:- بربك مطلعلي ساجدة مو حتى كرهت هيثم يوسف
شتحس من مطلعلي عيون ناس تحسد كل حبيبين شكد
بطران هاي ومرتك يمك

رفعت ايدها عمتي وعاطت:- اكون مؤمل يعشق بنية بـ بزرة
وتعوفة حتى يعرف شنو الحب

- رفع ايده وعاط، مؤمل:- اسم الله يمه تحچين صدك

ظل يحچي ونضحك على سوالفة واخيرا وصلنا للبيت
ونزلت والبنات يركضن يريدون يعرفون جنس الجنين

روزه:- ولد

- بَس عرفو ولد عاطوا
هناسه:- حرمات اني اريد بنية اني اريد اربيها واسميها هناسه
مثل اسمي تطلع مثلچ بيضة سويلها تسريحات نلبسها بدلات

ازاد:- عادي ازوج واسمي بنيتي على اسم امها

- ضربته عمتي:- اشو ماتنچب ازاد يريد يزوج بنية بگد بزرة
اخخ يمة نشلع گلبي يلة قبل دلهم يزوج شوكت انتَ تفرحني وتزوج







مارد انتبهت ازاد يباوع على هناسه يلي گاعدة يم البنات
يلعبن لعبت خاتم وياهن مؤمل

ازاد:- انتظر تكبرين وصير حلالي وافرحج شعندچ مستعجلة

:- تحلم اخليك تاخذ هالطفلة وهيَّ من هسه مسلمت منك
منومها مكعدها بكتلة

باوع على عمتي وعلى هناسه وسكت واجتي هيَّ واكفت يم ازاد
هناسه:- شوف اخذو مني الدور وهذا دوري احچي ويا
مؤمل حاط عقلة ويا عقلنا كل ما نلعب ميخلينة نلعب براحتنا

- گام ازاد وكف يم مؤمل وضربة براسه ، ازاد:- شوكت ناوي
تبطل تحط عقلك ويا البنات وهناسه ما تلزمها وضوجها فاهم
وعلي اشحطك بعقوبة اخلي راسك من رجليك متعرف

استغربت من كلامهم هذا حسيت اكو شي ضامينة علينا .....

_
𖡻 هناسه 𖡻

البيت حيل چبير وحرنا من وين نبدي صعد فوك وشوفت
هواي غرف وچفلت على صيحت مؤمل يضرخ بكل قوتة...

مؤمل:- يا قوم

الكل ضايجين من الحجر الصحي مين اجة هذا علينة وكَلنا
نزلنا من غرفنة وتجمعنة بلاستقبال

صاح، مؤمل:- كل واحد يكعد بمكان اليوم اونسكم واليعجبة يورق خمسات

- صحت ، هناسه:- اني عندي فكرة كل واحد يشرب ماي
وينطي نكتة اليضحك ينضرب

گعد مؤمل بالنص وغمزت للبنات وهمه افتهموني راسًا وكلنا
ذبينة الماي من حلگنة بوجها مؤمل وهوَّ شهگ و وگف على
حيلة وظل يفشر

مؤمل:- ولد الكـلـ** مو هيچ

صارت مزعبلات كل شخص حط بحلگة ماي ويركض ورا
الثاني، نركض ونضحك منشوف عدل نضربت بنت عمي
ثنيناتنة وگعنة بالگاع وحسيت بشي حار نزل من خشمي
والسراميك ابيض صار عبارة عن حمار من الصدمة ماتحركت

حسيت انرفعت بلفهة من الگاع! شالني وحطني
بحضنة رفعت عيوني مليانة دموع شفته ازاد ظل
يمسح بخشمي ورفع راسي لحد مانكطع الدم ...

مر الوقت عادي وضوجة كلش لحد ما صاح مؤمل:- نطلع نغير
جو مو حتى من الحجر ملينة مين اجتي الكورونا

سمعه بيها طلعة طرنه من الفرح صعدت بدلت ونزلت شفتهم
كلهم جاهزين وطلعنة كلنا بسيارتين صعدت هالمرة ويا ازاد
وشوارع ازدحام لانُ اليوم مو حظر وازاد شاف مؤمل دايس
سرعة كُلش قوية عاط بي حتى يقلل

وصلنا للمطعم بي العاب والناس ولاعبالك اكو كورونا ومرض
خطير وبس حنى لابسين كفوف وكمامات بلاخص ازاد بسيارة
كل ثانية حاط معقم بيدة

- دخلنه للمطعم واخذنا مكان عائلي، مؤمل:- ازاد يلة حبيبي حرك جيبك بس اني ادفع انتَ هم ادفع







ازاد:- هوَّ انتَ شوكت صاير براسك خير ودافع كله بروسنه الدفع

مؤمل:- والله هذا الحچي يفيدك هذا العندي اني مو زين
طلعتكم من سيطرات ودخلتكم لهذا المطعم الراقي يلة حب
حرك جيبك وشوف طلبات العائلة الكريمة

جابوا المنيو وكلنا حددنة اكلنة وشويه وجابوا الاكل اريد امد ايدي
اكل وازاد جر ايدي عقمها، مرت بنية وعاط مؤمل بصوت ناصي

مؤمل:- ابوي ولك هاي شنو عمي ضيم موش مرة رشاشة

- طخ جتف عمتي گاعدة يمها، مؤمل:- طويسان الله ما يهديچ وتخطبين الي

- عمتي غمتة ودارت جسمها، سوة نفسة حزين ويقهرر
مؤمل:- هسه لو عندي ام جان خطبتلي قبل لا اكلها

- عمة باوعت عليَّ ولطمت على صدرها:- يمه وليدي عذرني والله
يمه بس دشوف لبسها ما مستور ادخل هيچ بنية لبيتي

- اشوف مؤمل باوعلي من فوك ليجوة وصحت، هناسه:- هي شكو هيچ تباوع ابو عيون العورة

- هز ايدة، مؤمل:- والله منطين خبز مامنطين اخلاق

غميتة ودرت وجهي وشفت طفلة ويا امها وابوها ورحت يمهم
إريد اخذ البنية بس ام البنية معرف شبيها

هناسه:- خالة عادي العبها هاي عائلتي بصفكم

بسرعة انطتنياها يبين متعاركة ويا الرجال الوياها، رجعت
گعدت بمكاني وشافني ازاد

ازاد:- شعندچ جايبتها اخاف توگع بنت العالم

هناسه:- والله شبيك حلوة شوف رجلينها شگد حلوات

ظليت العب وياها وابوها اجة علينة وگام ازاد اخذ الطفلة من ايدي
ازاد:- مشكور هاي الامانة

- راح الرجال وچلفنة على صوت مؤمل يصيح، مؤمل:- يا ناس
يا عالم ميت عطش صدك جذب واحد يعزمك على مطعم غير
يوكلك ويشربك ناس متستحي

- عمتي ضربت على وجها:- ولك اسكت فضحتنة الله يفضحك

- گام ازاد ضربة على راسه، ازاد:- فضحتنة هسه اجيبلك
قزرقط بس اسكت الله يفضحك

- صحت بصوت شبهه عالي، هناسه:- اي والله امين

ازاد:- وجع انتِ لصمي منو يمچ

ضجت منة شِلون تصد لكلامي علمود مؤمل! حسيت شي
حار مرة ثانية نزل من خشمي شافني مؤمل اجة يمي گعد على
كرسي و حط راسي بحضنة وظل يمسح الدم بس ابد ما نگطع

- عاطت بنت عمي:- يع لعبان نفس على لاكل عود نريد نطلع
مثل عالم وناس مو مثل مخابيل

- خزرها مؤمل وعاط! ، مؤمل:- ترا ومحمد اجي انهيچ

اجة ازاد جاب العصاير وگعدنة نشرب ظليت گاعدة يم مؤمل
وفتحت التليفون رحت على الكامرة حطيت ايدي بالحية مؤمل
واخذت صورة، بينت بس ايدي ولحيتة مؤمل