قصص واقعية ، 🌸 '

روزه:- وين هويشة بغداد
- باوع علية بصدمة، دلهم:- شنو

روزه:- ها اقصد زوجتك نضال ماكو

دلهم:- لا دزيتها للشقة ثانية اريد اخذ راحتي وياچ

اجة گعد واني هم گعدت اكل وهوَّ كل ساع لازم ايدي ويبوس
جف ايدي واني مليت وانزعجت

روزه:- كافي تريك

دلهم:- تريكت بجفوف ايدچ بعد ماريد

روزه:- هوَّ انتَ شبعت

گمت شلت الماعين داغسل بيهم وشفتة نزل بكل هيبتة ولابس بدلة العسكرية، دلهم:- ديري بالچ على روحچ ما تاخر

- هزيت براسي وهوَّ اخذ نفس، دلهم:- راح اسد الباب اخاف عليچ

اجة يمي باس جف ايدي وطلع واني كملت تنظيف البيت
وطلعت ملابسي الصيفية لانُ الجو كسر شوية وصار حار

مرّ الوقت وصار الظهر ، سمعت الباب نفتح عرفت هوَّ دخل
دلهم:- ياريت كل يوم اجي واشوف هذا الوجهة المنور بضحكتة

غزلة يخجلني دائمًا، كمت رحت احضر الغده واجة هوَّ ينشف
بشعرة بالخاولي

دلهم:- شنو الغدانة اليوم
روزه:- برياني

دلهم:- اويلي على البرياني شحبة من ايدينچ

- ابتسمت وكعدنا ناكل وهوَّ حاط ايدية بيدي
روزه:- مضايقة بس خلي اكل

دلهم:- اسكتي

- كملنا الغدة، دلهم:- يلا اساعدچ بالماعين

روزه:- لا ارتاح اني اكملهن
دلهم:- لا انتِ غسلي واني انشفهن

گعدت اغسل الماعين وهوَّ ينشفهن وحاط دعاء بمبايلة باوعت على
الجواء البيت حيل حلوة ومريحة واتمنى اظل على هذا الروتين

كملنا ورحت فرشت سجادتي وتفاجأت من صار كدامي
وفرش سجاده وحط تربة على السجادة باوعت عليَّ يصلي
وهوَّ ومنزل ايدة واني مچتفة ايدي هنا ادركت انو هوَّ شيعي
واني سنية، قطع سلسلة افكاري صوتة

دلهم:- الله واكبر

- كملنا صلاتنا والتفتت علية وهمس بحب، دلهم:- ربي لا تحرمني من هالنعمة

- ضحكت، دلهم:- تعالي نباوع مسلسل احبة

كعدنا نباوع ومحسيت بنفسي غير عفيت فزيت من النوم وشفتة
هوَّ نايم وجها احمر گمت جبت القلم ورسمت بوجها وهوَّ فز

دلهم:- شدسوين

- ضحكت، دلهم:- شبيچ

روزه:- گوم شوف روحك بالمراية

- گام شاف روحة وعاط، دلهم:- يا طايحة الحظ شمسوية بوجهي ولچ اويلي عليچ

- ضحكت من كُل كَلبي، وهوَّ هدت ملامحة
دلهم:- جـعـل مـحـد يـضـحك غـيـرچ يبنيت روحـي

- اخذ نفس، دلهم:- كومي اخذچ للمرطبات

ركضت فرحانة راح اطلع واخيراً لبست بنطرون وفوكاً صاية
وحذاء رياضي وهوَّ بنطرون وتشيريت وحذاء رياضي وشالي
ذبيته ذب على راسي بهمال ونزلت وشافني هوَّ وظل صافن بية !

دلهم:- يـا بوية ويـن اضـمـچ من عيون الناس

ابتسمت وطلعنا وطول الطريق مشغل قصيدة مال " باسم
كربلائي " " اخاف من اعوفك " واني ظليت ادندن ويا القصيدة

دلهم:- صوتچ حلو

باوعت عليَّ وشفت شِلون جان مركز وياي وصلنا لمكان
كله أضوية وناس كومة وهوَّ نزل واجة لزم ايدي ونزلني
‏
دلهم:- نگعد جوة لو برا

روزه:- لا خلينا هنا على الهواء

- گعدنا على طاولة وهوَّ جاب كيكات بس الطعم يخبل، كملنا
دلهم:- اخذچ للمول

روزه:- اي

رحنا وشفت الناس اشكال لابسة وهوَّ حضن ايدي ومشينا وكل
ساع ماخذلي شي وصلت للملابس وجهي صار ينطي الوان

دلهم:- راح اوكف هنا اخذي الي يعجبچ ومن تكملين صحيني
ادفع الحساب

صدك محتاجة هواي اشياء بس استحيت اخاف اخذ
ويطلع هواي سعر، اخذت شوية وكملت وصحتلة اجة
دفع وطلعنا وهوَّ شافت تراكات كلش حلوة اخذلي اربعة

فرحت كُلش بالطلعة وتونست وصارت ساعه بـ11 ورجعنا للبيت
ورحت ركض للفراش تمددت وحسيت بي اجة يمي

دلهم:- بنتي گاعدة

- بهمس ، روزه:- مم گاعدة

دلهم:- اجاني انذار هسة لازم اروح يومين يلة اجي بس امنت
خالة ام مرتضى جوارينة شتحتاحجين هيَّ موجودة متقصر وياچ

خفت حيل انُ ابقى وحدي وهاي ماعرفها منو بس مو بيدي
ودعتة ورجعت لفراشي نمت كعدت الصبح وكملت تنظيف
البيت وكعدت ارسم للعصر ونمت گعدت بـ9 بالليل، رحت للمطبخ
وطلعت تفاحة وكعدت اكل صدك خايفة بس مسيطرة على خوفي

سمعت الباب اندك مرديت وفجاة صار يندگ اقوة راسًا ركضت
لغرفتي وسديتها ودقايق وسمعت نكسرت الباب وصوت زلم يعيطون

:- وينها

لهجتهم غريبة سمعت صوت تكسير واجوي على غرفة يلي
اني بيها ويدگون الباب حيل گمت كعدت يم السرير وابچي
بصمت من الخوف

نزلت جوة السرير ختلت ورجفتي مو طبيعية حطيت ايدي على
حلگي حتى لا تنسمع شهگاتي دقايق وباب الغرفة ندفعت حيل
و وگع الباب

بهاي لحظة فقدت الامل و صوت ضحكهم تارس المكان گعدت أسمع كلامهم وَي لاخ:- مادري وين راحت دورنا عليها بشقة ماكو

- عاط ثاني:- لا لا لا تخافين نلگاها

روحي راحت منو هذول شنو يريدون مني متت خوف، فتحت
عيوني على كبرهم وسديت حلگي وگطعت انفاسي بَس شفت
رجل واحد منهم صار يم الجرباية وگف ثواني ونزل راسه وشافني

سحلني من شعري بكل قوتة واني عطت من الوجع
حسيت شعري انشلع وصرت ابچي واتوسل بيهم بس
همة ما مهتمين لكلام

👍11

664 views17:14