گــوم ارويـهـا
هــاي اطـفـالـك

زينب گصدت يم جافلها
مـحـتـاره وتتعثر بالهم
صاحت وينك يابو الغيره
هذا الماي اليجري تشوفه
اگصــد لــيـهـا
جــرد سـيـفـك
انـت بن الكرار اخبرها

انه اختك ياخويه وتدري
ليل انهار اتباري الضعني
مـاواحد يقدر يهضمني
جـيتك يا عباس ابطلبه
يــاوالــيــهـا
سـر قـلـب اخـتك
تشكيلك واسمع شكوتها

بـعـيونك تنظر للحاله
محتاره شنطيها و تسكت
هذا الماي الفايض يجري
هـاي الـما تعرف تتعذر
لا تـنـطيها لا تنطيها
و الرووس الباعت غيرتها

اطفال وتصرخ عطشانه
نـارين التهبن بضلوعي
يـاخـيمه الاوصل يمها
يـالجودك طوفان بفضله
مــانــاسـيـهـا
ادري عــهــودك




گــوم ارويـهـا
گــوم ارويـهـا

مـتگبـعه ابضيم الايام
تـشكي للعباس الآلام
بـوجـودك تقبل ننظام
مـنـعتنه انشربه الظلام
اگصــد لــيـهـا
و اگصــد لـيـهـا
وبـيوم الخندق ذكرها

جيبت امن الموطن بحماك
ماساعه الغمضت عيناك
مـاطول السيف ابيمناك
مـاظني اتردني وحاشاك
يــاوالــيــهـا
يــاوالــيــهـا
سـهله ماتصعب طلبتها

و إتشوف الأطفال إتلوع
مـا ظلت بعيوني إدموع
و إعـلـينه إمحرم ممنوع
قـوم إفتح دربه المقطوع
فـرصـة رحمه لا تنطيها
إحصدها و حلت ساعتها

تـتـعاتب ياخويه اوياي
نار احشاها ونار احشاي
كلها اتصيح الماي الماي
يـالطبعك نشمي ووفاي
مــانــاسـيـهـا
مــانــاسـيـهـا

القصيدة : الله يعلم
الرادود : باسم الكربلائي
الشاعر : احمد الذهبي

--------------------
الله يعلم هذا يا دم
قطره منه تسوه زمزم
دم اطهر من الماي
ما شايف ابدنياي
--------------------
مو جرح بالشد يطيب .. العله لأيام المشيب
كسرة الوالد عمر
يلگه كل ايامه سود .. البيته خيمه ابلا عمود
ليله وفراشه جمر
الناس اذا تلبس جديد .. شيلبس الدافنله عيد
بروحه يا فرحه التمر
اليخسر الأب اشوراه .. امعلعل وضايع دواه
وكشخته دموعه الحمر
الگلبه جمره تعرف امره
من تشوفه دموعه عمره
المرهم يكتله الداي
ما شايف ابدنياي
--------------------
بويه لا ترحل تعال .. ازغيره واحتاج الدلال
بزغري ليش تعذبت
زينب ويازينب آخ .. والسمع سالفتي داخ
من الطفولة وشيبت
آني مثل امي صفيت .. للحزن هم عندي بيت
هم مثلها اتحاربت
الغربة مو غربة ديار .. لو خيم تحرگها نار
ابموت ابويه تغربت
العافه گلبه جروحه صعبه
بعينه حتى الجنه غربه
النار انجوت بحشاي
ما شايف ابدنياي
--------------------
هذا مو وكت الرحيل .. حمل الموادع ثگيل
عالحسن يابو الحسن
صعبه وانا اسمي الكريم .. اسمي من باچر يتيم
الله لا ينطي الزمن
هجمت ارياح الخريف .. كسرت اضلوع المضيف
نكست راية وطن
اشتريها الفرحه بيش .. وآني لابس جرحي ليش
وانت لابسلك جفن
روحي صلفه تگلي تصفه
العينه راحت يمته يغفه
حتى ابحلم ما جاي
ما شايف ابدنياي
--------------------
هاك اخذني وشمني زين .. بلكي بأنفاس الحسين
گلبك ايردله النبض
لحظة افراگك ضماي .. يالعطشلك گلبي ماي
يرتوي ابغيرك رفض
من انگطع نبع الحنون .. ما يهمني اشما يكون
اويه النهر ما عندي حظ
ابنك الخيره امن اديه .. يا گلب يصبر عليه
يطلب من الله العوض
بيش ابدلك ماكو مثلك
غصني ذابل واعطشتلك
غيثك رحل بضماي
ما شايف ابدنياي
--------------------
مو گمر اني من اجيت .. شفتك اجنازه وطفيت
جرحي شگ صدري وطلع
لا سهم بعيوني طاح .. لا خذت صدري الرماح
ليش احس چفي انگطع
مو مهم لو ما اشوف .. مو وجع ضرب السيوف
موتتك بويه الوجع
العمره دنيه وما ابوه .. بالله يا ناس اسألوه‏
من حنان الاب شبع
العنده شده الأب يسنده
يا فراغك من يسده
مثلك سند وياي
ما شايف ابدنياي
--------------------
منحني جاي الهلال .. البيته ويدري الجمال
بروحة الوالد رحل
المات ابوه عيده الجروح .. العيد گلناله امشي روح
لهلك احنه ابلا أهل
هذا رمضان احنه غير .. مفارگين الوجهه خير
اليمشي ويوزع أمل
تسوه ديرة من الحنان .. البويه من ذاك اللسان
گلبه ما يعرف زعل ‏
البويه منه بحب تلمنه
كلمه لكن تسوه جنه
بلسانه حلوه اهواي
ما شايف ابدنياي
--------------------

نعي مفجع
ام البنين

هـاي ام الـبـنـيـن اشـضـال عـدهـه
ليل انهـار دمـعـتـهـه اعـلـه خـدهـه
لا تـنـشـف الـعــيـن ولا تـســدهـه
اربــع ولــد راحــوا والــدهـــه

*-------------------------*-------------------*

ضـل الـنـوح عـدهـه بـهـل مـديـنـه
وياهو الـيـجـي اتنشـده الـحـزيـنـه
هـلـبـت ظـعـن مــر اعـلــه عـيـنــه
ونـيـنـه ثاري الـبعـد يكتل ونـيـنـه


*-------------------------*------------------*
  
وطـول الـلـيـل تـتـسـلـه ابـچـيـهـه
لا واحــد نــشــد لا مــر عــلـيــهــه
اتــانـي الـولــد بـلـگــت تـجــيــهــه
بس بحـسيـن وخـوانــه حـچـيـهـه

*---------------------------*-------------------*

✍خادم ام البنين (ع)
الشاعر رعد الجريخي

قصيدة بحق العليله ع

يالماشين... هاي الروح... لو حنّت شاگلّلها
وهاي العين... بعد حسين... يانور اليكحّلها
لو رادت وطنها... شيهوّد حزنها
....
يحبابي هسّة انا ابعمر مو مال هَم وامتانه
يالعايفين ابروحي الَم ما أدري وين امـچانه
ثاري التعب مو للركظ هاي البشر غلطــانه
التفگد ابوها اتضل بعد طول العمر تعــبانه

بين النوح.... والمجروح.... ياهو اليگعد يحلها
وهذا الشوگ... يالغياب... بتكم تالي يكتلها
محتارة بزمنها.... شيهوّد حزنها
_**____
ما جاي اصدّگ واقـــــــتنع بويه السهر تعّبني
يالگتلي احبج من صدگ چا هيچ بويه تحبني
هيّه انا بس روح ونفس مـــــو مالت اتغرّبني
صعّدني وانا من المـرض من اشتكي عاتبني

يگضي الليل... بالي ايدور... بين الغربة والغربة
والمهظوم.... من يشتاگ... تطـــــلع غربته بگلبة
والحمّل ضعنها.... شيهوّد حزنها
_**____
من اهد غبشتكم بده هندس الوحشة براسي
يتكسّر ابصدري الحچي وبالگوّة اجر انفاسي
لو منگطع عنّي الهوى ولا أنگــــطع عن نّاسي
الله يعينك ياگلب ثاري المــــــــوادع جاسي

بوية حسين... وي ماسار... مركبكم خلص حيلي
تمشي النوگ... وانا الـ آخ... تتمشى بتفاصــــيلي
الراحوا گوّة عنها.... شيهوّد حزنها
_**____
انا ادري ماترجع بعد بس گاعـــدة متانيتك
معوّدني تشبگني گبُل كــــــــلما ترد البيتك
مرّن ثلــث تـ أيام الي يابوية ماحبّـــــيتك
وانا الچنت مانام اذا ما أشم عطر الحيتك

بين الريت.... والياريت... صاير مدمعي امتاعي
وتعب الروح... ماينگال.... چاسولفته للــــساعي
الحسرة شتحچي عنها.... شيهوّد حزنها
_**____
يهلي الانسان الينفرد گوّة من اليحبونه
مثل اليعيّشونه بغرب وبغربته يدفنونه
مرّات يوصل مرحلة مايدي وين اعيونه
من كثر ماينشد يضل بالناس اليلاگونه

ما خلّيت... حتى الريح... هم اگعد وانشدنّه
ها ياريح... گلّي حسين... ميّت لو بعد ضِنّه
الرايح كلشي منها... شيهوّد حزنها
_**____
بالمغرب الوادم ترد كلمـــــــــــــــن يرد الدارة
بس انا غايب والدي وما ادري شنهي اخبارة
والله احس يچوي الگلب كلما سأل خـــطارة
لو طافية عيوني ولا تطفـــــي ابو الاكبر نارة

ديرة وشال... منها النور... چا گلّي شيضل بيها
بعد حسين ... ضلمة تبات...تشبهني بمـــعانيها
العفتوها بسجنها... شيهوّد حزنها

كاظم عبد الحسين الحولاوي

هله بمسلم هله
امير المرجله
****
ابواق الحرب كل ساع تندك
طب مسلم وحلك المعركه انشك
حته الخاتل ابيته غده ازرك
والكوفه بدماهم اجت تغرك

كل العسكر يشوفه   تراجع بس تقدم
ومن كد ما ذبح بيها   وصل يم ريشته الدم
ركبها وساك الكحيله   وابو طاهر تحزم
   بالجو روسهم طارت  وصاحت طوعه تسلم

الحرب تشهد اله
**
كالو خل نسوي خطة انزال
ومن فوك السطوح انذب الحبال
صارت بالعكس والعسكر انشال
وما مر بعرضته اهناك رجال

ضل يصعد عجاج الخيل   والتربان تصعد
ومن كثر الرعب والخوف   يبلع ريجه محد
الكوفه دخلها انذار  كلها بزوده تشهد
والفرسان وين تروح   صكار الزلم هد

العلم بيده حله
****


مسلم صال والكوفه دخلها
طب للمعركه وهوس بهلها
حملة حيدر اعليهم حملها
ومنه فرت الفرسان كلها

لفه انكابه بجفوفه  وشد اعله المعسكر
مسلم قالع الكوفه   وحيدر قلع خيبر
عنده بالحرب خبره   وطب مترهي يفتر
صدر بصدر لاكاها   والعسكر تحير

علي وصوته اعتله
****
طلع من باب طوعه وشرداها
كلها استسلمت من حاصراها
مسلم هجم والكوفه خذاها
وحمره امن الدمه صارت سماها

اهناك بسيفه الليلوحه  كام ايشطره نصين
عاف الدنيه والبيها  مسلم ناصر حسين
هذا النشمي المهيل  ابد ما يحجي وجهين
والقوات من عنده   احتارت تشرد امنين

لحكها الكربله
****


ضل فوك الكحيله يروح ويرد
وخله الجيش بس يتمنه يكعد
للموت الكتايب ضلت اتعد
ضل مثل ابو فاضل مسلم ايهد

قادات الحرب صاحت  هذا اعظم محارب
ذوله اهل العزم ذوله  شجعان ابو طالب
مسلم من دخل زعلان  داس اعله الشوارب
اول ما نزل للجيش   طشرها الكتايب

الفخر يستاهله
*
تمت
تحسين الخفاجي


ht

صحت ع الشمر كافي الضرب .. بس عين
يمتني من السياط انخاك .. بس عين
وعلي انه بطيحة العباس .. بس عين
اشوفن بيها لو ضاعت رقية

تعال لبنت اخيّك .. يمره بيها
رقية وياهو بعدك .. يمره بيها
اركضت ومچلبة لچن .. يمره بيها
بجدمها النار من فرت علية

كبر بالطف يبو فاضل .. تره الماي
وزينب وين من عگبك .. تره الماي
ألمّن والسهم طشر .. تره الماي
وطاحت خيمتي الچانت علية

وين تريد بالهزّل .. يمتني
وداع حسين والكافل .. يمتني
وراك امشاگف اهوايه .. يمتني
لو چتفوا چفين لرقية

فاضل الجهلاوي

چفوفي امن الاحبال شلون .. تنضام
و أنه الچانت بچف الگمر .. تنضام
افه و ام عون يالعباس .. تنضام
وبديها جروح و تحامي لرقية

فاضل الجهلاوي

وكتي الما نصح مرّة .. ولاحسين
الي ود البقة لزينب .. و لاحسين
اتمنه الاجل ياخذني .. ولاحسين
ولا اشوفن ضعن مابي رقية


ليالي العسر يخت احسين .. مرّة
وردت منچ لعد الدار .. مرّة
لون عينچ تصد يام عون.. مرّة
چا شفتي اشعمل فرگاچ بية

فاضل الجهلاوي

الى مؤلاتي ام البنين

راسه بليل عاشر ... يروي لنه
العطش والماي ما صح .. يروي لنه
الخيل اثگال بالطف ..يروي لنّه
وضاع امن السحگ والد رقية

فاضل الجهلاوي

ياهو الگال بالطف .. مايل ابني
أيت  وشفت راسه .. مايل ابني
حرت وين الگه بالطف .. مايل ابني
وأشرب المنذبح بچفوف اديه


خادم ال محمد
فاضل فرحان الجهلاوي

ليالي السبي ياعباس .. مرات
بدليلي وحيل هنه ثگال .. مرات
عثرت امن الخيم لحسين .. مرات
ادور اعليك لو شيلن رقيه




فاضل الجهلاوي

الي ماي الوصل عباس وجفيت
بغيابك من سرت ياخوي وجفيت
النذل جرني ولعد الشمر وجفيت
بنص محضر زلم ويعت اديه



فاضل الجهلاوي

كلبي انمرد من شفتك بلادين
الحده بختك وحك امك بلادين
الوكت فراني بغيابك بلادين
بلد سبني وبلد موت رقيه



فاضل الجهلاوي

زينـــب يخـتي   كسروه كـلبي
بوجهي مبين      هـمي وتعبي
راح اليّـحمي ضعوني
طايح مااي  عيوني

كسروه كلبي

*


بعيني بس عباس واكف ومات هسه عله النهر
ويا نهيبــتنا الجبيره  والطايح احزام الضهر
يعني هسه انت سبيه  وانه مكطوع النحر
اني وانت ام عون  يختي  بعد ما عدنا كمر

اول مره    خويه يكلي
جايك كتله يابعد اهلي

تغير شكلي ولوني
طايح ماي  عيوني

كسروه كلبي

***
صاااح  اخوي  حسين الحكَ  واركض تعنيت اله 
وكتله ياعباس بعدك  حسـين  من  يلحك اله
هاي الطلابه اشيفضـــها  صوتي يم راسه عله
حيل ما عندي لوداعك الحيـــل  طااااح  بكربله

راجع منه      تخط جدامي
ادور النااار    تلوح  اخيامي


هسه الناس يدروني
طايح ماي عيوني

***

من وصلته وشفته طايح  نابت ابعينه السهم
كتله ها عباس يبني  ومن سمع صوتي ابتسم
موذرينه يـــختي زينب  ومايفيد ابجسمه لم
حاولت زينب المه  وكال يحـــسـين الخيم


حاولت اجمع  ..جسمه بأيدي
صاحب كَلبي    ..  وهم وليدي

انهدلن يختي  متوني
طايح ماي  عيوني

كسروه كلبي

***


يختي ماكو  احزام ضهري    راح ابو الغيره الكلف
يختي غربه الدنيا بعده  وماكو بالوادم  عرف
جيشي  جان وراح جيشي  وصار ضهري منــكشف
حيره شيحامي خيااامي   واهجمو سبعين الـــف


ضجت وادم   .. واني لوحدي
عباس الحك  ... عبرو  حدي

كوم ازلام لاكَوني
طايح ماي عيوني

***

راجع الجن خويه مايل   الهوه من يدفعني اطيح
خويه كافل ضعني  ماشي   اباب المخيم اصيح
الحبل يوصل جف رقية    بنت  ابو النحر الذبيح
لو  جريح بسيف  هينه   يختي بس كلبي جريح


الخيل الوصلت  .. تسحك صدري
باقي لوحدي  .. وحاير بمري


كَولي الناس سلبوني
طايح ماي عيوني



الحمد لله

خالد عبد السادة البديري

نعي
الليله السادسه
الانصار


غيـرة ومـرجـلـه وهـمـه
             شنسولف عـلـى الانصـار
بـذلـوهـه النفس لحسين
              وسوو بـالحـرب مـا صار
بـهـمـه اتـرجلـوا لـلـمـوت
             وخـلـوها الـعـده تـحـتـار
حــتـى الــمـاعــرف ربـه
             مـنـهـم صـاح يـا سـتـار

الـهـم يـشـهـد الـتـاريـخ
             انـصـار ونــعــم مـنـهـم
ما هـمـو أجيوش وموت
            وبـزفـة عـرس چـنـهــم
حبـيـب تـحـزم بـشيـبـه
             يـالــرايــد خـبــر عنـهـم
بعقيده ثابـتّـه واخلاص
             وفّـوو بـالـعـهـد كـلـهـم

بـدمـهـم سـجلـوا عـنـوان
             رفَـعـة راسـنـه السـبـعـيـن
ابــد مـا يــوم نـنـسـاهـم
              ذولــه الـقـدمـو لـلـديـن
مـا عـافـو ابـو الـسـجـاد
            ولحسين العمر مـن طين
صـاروا قـدوة الاحـرار
                ولـهـم ديـن مطلوبين

*-------------------*---------------*

احيـود ونـعـم كـلـهـم غـيـاره
ويـن الـوفـي الـمـاخـذ قـراره
بـحـب النبي وألـه افـتـخـاره
اليمشي بدرب واضح مساره
لـحسـيـنـكـم صـغـتـو عـبـاره
نـدري العـمـر بـعـدك خـسـاره
وي الـسـبـط عـدكـم تـجـاره
دمـكـم صـبـغ گـاع الـمـعـاره
واجمل شـهـاده الـكـم بشاره
كـلـهـه تـجـي وتـقـره الزياره

*------------------*---------------*

دم ابــكــربــلــه طـاهـــر    فضلهم
وكـل حــر وأبـي يـعـرف    فضلهم
ابشمس محد وصل ليهم   فضلهم

الـتـراب بـيـوم ضلوا عـالـوطيـه

*-----------------*-------------*

انين الروح اجـاني وصحت    ينصار
بـوكـت مـاكـو صحيب البيه    ينصار
كـسـرتـوا ظـهـر ابـو السجاد    ينصار

وخـذتـكـم حيف مـن يـمـه الـمـنـيـه

*--------------------*-----------------*

✍خادم الحسين ع
الشاعر رعد الجريخي

فوگ الگاع من شفنه علمنا
عرفنه اشصار وياكم علمنا
اجه السلاب ضل يشتم على امنا
يحز بالروح شتمه اعله الزچيه

علي سليم الحسناوي