قصيدة في ولادة الإمام المهدي المنتظر عجل ألله فرجه الشريف

مجنونك أفخر سمّوني
ادخل گلبي وهاك عيوني
مـنّ صبــاي. حبيتك
عشت وياي. حبيتك
ادخل گلبي وهاك عيوني
.....

مولاي المهدي بلا نورك ظلمه الكون
لاموني بحبك خلّيهم ما يدرون
گالوا اعقل وترك حبك كافي جنون
گلتلهم ورده بلا ماي تعيش شلون
لوما حبك ماتت روحي
بس ايدك تشفيها جروحي
تشفي الداي. حسّيتك
عشت وياي. حبيتك
ادخل گلبي وهاك عيوني
.......

شفتك كهف اليئوي الفقره من الخوف
چفّك مارد چف الجايع والملهوف
ياهيبت طه المختار وبي موصوف
عميان الوادم ما تندل وانت تشوف
چم واحد محتاج انطيته
والتايه عالحق دلّيته
يـامــــولاي. ناديتك
عشت وياي. حبيتك
ادخل گلبي وهاك عيوني
........

اتنفّس حبك يالمهدي وماانساك
مو غايب عايش ويّايه وعشت وياك
انت الغالي وغيرك ادنه ومايعلاك
مولاي اشملني بنظراتك اترجّـــاك
أوصاف المختار اوصافك
هنياله اللاگاك وشافك
اني هــواي. اذّيتك
عشت وياي. حبيتك
ادخل گلبي وهاك عيوني
.......

يالمهدي وليلة ميلادك كلها افراح
ناسي احزاني واوّل مرّه گلبي ارتاح
وجهك أشرق ضوّه الدنيا كالمصباح
مولاي وكل شيعي بعيدك همّه انزاح
ليلة ميلادك محلاها
مسرور وسهران وياها
عن عــداي. ضمّيتك
عشت وياي. حبيتك
ادخل گلبي وهاك عيوني
.........

فرحانه الزهره بميلادك وهل البيت
لاشك بكل محفل هيّه اطّش چكليت
نثرت ورد الجنّة بمهدك من حلّيت
تنتظرك تظهر يالمهدي لسيفك صيت
يا يوم الموعد مهدينه
بشّرنه بطيفك مر بينه
يـاوفّـــــاي. سمّيتك
عشت وياي. حبيتك
ادخل گلبي وهاك عيوني

سيد زيد الفحام
____



https://t.me/joinchat/UShxzSh6DyF31x9W

🎊لولادت اقمار الزاهره🎊


ثلــث اعیاد جتنه ما هی مفروده
ابوالیمه وعلی والگطعو ازنــوده
🪄🎀🪄🎀🪄🎀🪄🎀🪄
صار احسین ثالث بشهـر شعبان
ورابـع یوم العباس عـالی الشان
و السجاد بلخامس عـلینه وبــان
وبعد اهله اجانه شمعة الصبیان

للمهدی تهانی انودی واجدوده

بقلم بنت الزهراء

🎀🪄🎀🪄🎀🪄
فرح واعياد هذا الشهر يامــحلاه
نهنيه النبي وبالفرحه احنه اوياه
مولود الفرح لاولاده الیله سويناه
هوسات وهلاهل منه سمعـــــناه
والحاضر حفلنه ربـــي اتـــعوده

*الشاعره ام احمد البصراويه✍️
🪄🎀🪄🎀🪄🎀
وبهاذه الشهر علينه اجت رحمه
من الباري یشیعه های اكبر نعمه
عزيز الزهراء الیله صار ابـو اليمه
فوگ العرش بالسمه انكتب اسمه
واليوده یا ربی اتــعلي اسعوده

ام مهدي الفرطوسيه
🪄🎀🪄🎀🪄🎀
تهاني اليوم حيدر علــي مولانه
الشيعه امعيدة الكل اجت ويانه
شهر شعبان خيــر وفرح خلانه
باقمار المزهره مــــنوره دنيانه
والحيدر علي نبارك نجي العودة

ام عمار الصائغ
🪄🎀🪄🎀🪄🎀
هنينه الزجيه وعلي حامي الجار
ابمیلاد الاربعــه الچنهم الاقـــمار
عباس و علی اسجاد وابو الحرار
الفرح وسرور ابکل ابیوتنه تـندار
ونشد شدات ونهدیهم اوروده

ام زين العابدين المحمداويه

🪄🎀🪄🎀🪄🎀
فرحنه بهل شهر وزادت فرحتنه
طشينه الورد واعــلكنه شمعتنه
موالين العلــی و اهنــا جمعتنه
هنينه علي وهنينه قائـــدتـــنه
ومن الشیعه الفراح مریوده

ام زين العابدين المحمداويه

🪄🎀🪄🎀🪄🎀تمت بعون الله تعالئ
باقلام شاعرات رابطة رماد الكلمات ✍

#الشاعره ام احمد البصراويه ✍️




https://t.me/joinchat/UShxzSh6DyF31x9W

آنــه عـاشـــك والـعـشـــك خـــــلاني
هـايــم بـحـبــه الـســكــن وجـــــداني
مـاتـشــوف الـعـيــن
بـس حبيبــي حسيـــن
هـايــم بـحـبــه الـســكــن وجـــــداني
* * * * * *
عاشكــه ومجنــون بيــه حد الجنون
الصـار مقيــاس العشــك لليعشكون
بغيـر حبـه الدنيـه وحشـه ابهالعيون
لـحضــه مـانـاسـيــه
لســانــي يلهـــج بيـه
وكلبـي صـار يغــار مــن لـسـانــي
* * * * * *
يـفــز كـلـبـي مـن يمـر اســـم الحبيب
يـبـتـهـج ويـطـيـر وجـروحـه تطيــب
ذكـــره امــن البــال مالحضــه يغيب
شلـون ذكـره يروح
وهـــــوه صار الروح
قـسـم مـاشـئ عـن حـبـيـبـي الهــاني
* * * * * *
كلبي حبـــه وغيــره كلبــي مـايـريــد
أوي رمـش عينــاي ظـل حـبـي يزيد
بسمـه ذايــب لحضــه مـاأسكـن وهيد
صرت اصيح بصوت
اخلافه اهوى الموت
وحبــه الـروحــي إنه نـسـانــــــــي
* * * * * *
مـغـرم بـحـبـه وهـمـت حـد الهيـــام
أوالله احـسـنـه فـخــر هــذه الـغــرام
الدنيه هاذي اخلاف محبوبي ظــلام
بيــه إنـــه مفتـــون
عمـــري إلــه مرهون
ويجــري حبـه ويــه الـدم بشـرياني
* * * * * *
منهــو مثلــي بســم محبـوبــه فخور
ومنهــو مثلــه وبيــه تتباها العصور
النـور مـن نــوره أخـذ نـوره ينــور
حبـــه ظــل بالـــذات
مــارحـــل هيهــات
حسيــن كلبـي ومهجتــي وايمــانـي
* * * * * *
ســلام المشــعل




https://t.me/joinchat/UShxzSh6DyF31x9W

هوسات


خـبـر عاجل أجانه واجمل ابشاره
علي الاكبر يشيعه انتشرت انواره
شـمـس الله بجماله اليوم محتاره

شّـعـت بنواره الـمـعـمـوره

🌷÷÷÷÷÷÷÷÷÷🌷÷÷÷÷÷÷÷÷🌷

شـبـيـه المصطفى هالليله مـيلاده
الگمر خجلان منه وبده استعداده
فـرحـانـه العـوام بجيته والـسـاده

وتهني حسين بـمـيـلاده

🌷÷÷÷÷÷÷÷÷÷🌷÷÷÷÷÷÷÷÷÷🌷

نزف اجـمل تهاني الـيـوم بالميلاد
ونقدم ورد لـحـسـيـن ابو السجاد
رغم انف اليضدنه وكثرت الحِساد

بالمولد فرحانه الـشـيـعـه

🌷÷÷÷÷÷÷÷÷÷÷🌷÷÷÷÷÷÷÷÷÷÷🌷


✍بقلم خادم الحسين ع
الشاعر رعد الجريخي
https://t.me/+UShxzSh6DyF31x9W

🌴ابـــیــات ابـــوذیـــه🌴
🌹🌸🌹🌸🌹
بمناسبة میلاد منجی عالم البشریّه
صاحب العصر والزمان
المهدی الموعود(عج)🌙
لخادم اهل البیت(ع) الشاعرمردمقدم
🌸🌹🌸🌹🌸
الـمــهــدی بــل نـــصـر ربّــه وعدله
یقیم اعله الارض حکمه وعدله
اوصّـف بــیــش مــیــلاده وعدله
رحــمــه وخــیــر دنـیــه وآخــریّـه
...........
مته یومک یسر النظر ویحین
وانگـل الـنـکـــر مـعـنـاک ویحین
الـک زاد الگـلب دگّات ویحین
تعال وطیّب اجروحه السِعیّه
.........
مــیــلادک فـــرح وســـرور ویعید
اجـبـل خل یجینه الخیر ویعید
الحبّک یحسب الملگاک ویعید
یـمـوعـود الـنـبـی وحیدر وصیّه
.........
یحگلی ابحبّک امنحتفل ولــهـا
احـبـّک والـنـفــس بــهــواک ولــهـا
الشیعـه الـجیّـتک تـنـتـظـر ولــهـا
الفخر والزود بـسمک یا شفـیّـه
.........
الـمـهـدی لو ظـهـر بلعدل یسعه
الـتطـوّر والـعـلـم والـدین یسعه
یخلی کـل فـرد بل عدل یسعه
وخــیـر وعـافـیـه اتــعــم الــبـریّـه
.........
علیک اسـألت من الراح والــرد
وتانی الخبر بستعجال والــرد
مـیـلادک طـریـج الـفــرح والــرد
غـدت دنـیـای بـوجـودک زهـیّـه
.........
مـتـه اخـبـارک یبو صالح تصلّی
وروس الـخـانـوا الـبــیـعـه تصلّی
تـجـی وجدام ابـن مریم تصلّی
وعَـد مـکــتـوب مـن رب الـبـریّـه
..........
انــتـه الـحـمـد وفــروعــه وصوله
لیک الصعـب مایصعب وصوله
حـمـاسه ابجیّتک سوّی وصوله
واخـذ ثــارات یـوم الــغــاضــریّــه
.........
التحب تحسبلک الساعات وتعد
وتـــحـــضّــر زلــــم وســـیـــوف وتعد
اشوکت تظهـر یتاج الفخر وتعد
مـــلاحـــم کـــربـــلـــه والـــغــاضــریّــه
.........
مــال الــحــمــل یـا ســـاعـــه تعدلــه
وحگـنـه الضاع من عدنه تعدلــه
الشیعه صارت اضهورک تعدلــه
یـبـوصـالــح ثــوانــی ابـمـهـضـمـیّـه
.........
اشوکت برگاب عدوانک تحدّه
ســیـفـــک والــجـــزه حـــدّه تحدّه
جـــار الـــوکــت وبــجـــوره تحدّه
والــمـــظـلـوم مــا عــنــده تــچــیّــه
.........
اشـوکت بـرگـاب عـدوانک تسلّه
ســیـفــک والـــجـــزه حــدنــه تسلّه
بـیـنـه الـخـصــم یـل مـهـدی تسلّه
قتل ورهاب سـاد اعـلـه الوطیّه
........
الـدنیـا ابجیته المـهدی یسـرهــا
عـسرهـا ینتهی ویبدی یسـرهــا
عله اگلوب الـیضدّونـه یسـرهــا
ابـنـصر مـوعـود مـن رب الـبـریّه
.........
الــدنــیـــه ابـجــیّــت الــمــهــدی وردها
یـــــزهــــی ومــــوت عـــدوانـــــه وردها
یصیح احگـوگ الی ضاعت وردها
فـدک وحـسـیـن والــراحـت ســبــیّــه
..........
اسمه اسم النبی والوصف وصفه
احـلـه امنـل رحـیق الـعـذب وصفه
یــمـسلم بــنــتـظـاره اسـتـمـر وصفه
عــسـاک اتـشـاهــد انــواره الـبــهــیّـه
🌹🌸🌹🌸🌹🌸🌹

موال خماسي.لمولد اشبه الناس برسول الله علي الاكبر صلوات الله عليهم.

من دوحة المصطفى الليله انولد   مصطفى
وأرواح كل الخلك يمه لفت        مصطفى
معجزة رب العرش مثله أبد       مصطفى

الأكبر أله ألخلك للنبي بي             كرار
أنذهلت أعقول البشر لمن برز        كرار
شي كَالت المصطفى وشي كَالت ال  كرار

ألأكبر بدوحة مضر أجمل ورق    زهره
تفوح بعطر للسبط وعليه تشع       زهره
وارث سجايه الفضل من علي وال  زهره

وبخلاق جده النبي الباري أله هم     حسّن
ومن عنده وارث علم ويه الحلم وال  حسِن
والكرم ليه أرتقى من كرم عمه ال  حسن

وبيه السجايا ارتقن صوب العله    ولحسين
جي يوم طف كربله بدمه جرن      لحسين
يومين مولد أله يوم الوكَف       لحسين

وبشعبان يوم هدعش الباري اله    مصطفى
،،،،،
ياشبه المصطفى بكل شي والكبر
أظل للموت ألك خادم     وألك بار
أجينه ازغار يم كَبرك    والكبار
عيديه نريد من الزجيه
،،،،،،،،،،
تمت للشاعر والرادود
ثامر العارضي




https://t.me/joinchat/UShxzSh6DyF31x9W

🌹ميت هلا ميت هلا بيك يا شهر الفرح 🌹
__
لو تدري جنت احسب سنه يا شهر الافراح
حتى التگي وياك بفرح وطيب الإجراح
عطرك يضل بين الملا هليله فواح
والشايل هموم وحزن لا يهتم انزاح
__🌹🌹🌹🌹
إنت شكثر شايل بخت سولف يشعبان
يعني انولد بيك الطهر الأفضل إنسان
يعني انولد بيك الكمر مصدر للاخوان
والاكبر وزين العباد والمهدي البرهان
____🌹🌹🌹🌹
هذا الشهر شهر الفرح مولوده الامجاد
اولهم حسين انولد وبينه العزم زاد
والثاني عباس الكمر و زين العباد
والاكبر ويالمنتظر يا محلا الاعياد
____🌹🌹🌹🌹
واجب علينه بالفرح نتعده الحدود
نشعل شمعنا بهل مسه ونطش الورد
درب الحزن يهل الحزن هليله مسدود
وافرح حبيبك يلمحب هليله مولود
____🌹🌹🌹
عدنا استحاله اليفترگ ما ممكن ينام
وحنى بعشگنا نلتأم ونضمد الآلام
هليله شع نور العشگ شع على السلام
حضك چبير بدنيتك يالعاشگ ايمام
_🌹🌹🌹
نتوسل برب العرش راعي الكرامات
يا ربي تنعاد السنه علينه أبسلامات
هم مرجع نقيم الحفل نرفع صلاوات
الف الصلاة على النبي تتعاله الاصوات
_🌹🌹🌹
كلمات / حسن نعمة الناشي




https://t.me/joinchat/UShxzSh6DyF31x9W

نورك يشع اعلينه / يامنتظـــر
بصوت الفرح نادينه/يامنتضـر
ــــــــــــــــــــــــــــــــــــــــــــــــــــــ
ابمولدك غاب الگمـر
خجلان منك يعتذر
گام بجمالك يفتخـر
گلي بجمالك وينه /يامنتضــر
ـــــــــــــــــــــــــــــــــ
نهني الحسين ابمولدك
والروح ناذره الك
المشه بدربك ماهلك
نضل عالنهج تدرينـه/يامنتضـر
ـــــــــــــــــــــــــــــــــ
انقلك اشواگ المحب
يالعايش انته بالگلب
بگلب كل شيعي نكتب
ضل يسري حبك بينـــــــه/يامنتضـر
ــــــــــــــــــــــــــــــــــــــ
أحتار الشعر بوزانه
مثل الورد الوانه
الطير فوگ اغصانه
يهني النبي هادينه /يامنتظـر
ـــــــــــــــــــــــــــــــــــ
انت الشمس وضواها
ونور الارض وسماها
ونسمة هوه شمحلاها
وانوارك اليهدينه /يامنتضـر
ـــــــــــــــــــــــــــــــــــ
انت العدل واحكامه
ناشر اعلوم اسلامه
تاج وتظل عالهامه
وبچفك اتروينــــــه/يامنتضر


خادم الإمام الحجه (ع)
أبو سجاد الذهبي




https://t.me/joinchat/UShxzSh6DyF31x9W