SINGLIM

Ko’cha-ko'yda iboli bo’lib,
Hammamizni o’ylab yur, singlim.
O’z vaqtida nomozing o’qib,
Ro'molingni o’rab yur, singlim.

Orzu-havas o’tkinchi, bilgin,
Sevmagin lek sevilib yurgin,
Kam bo’lmaysan, aytganim qilgin,
Ro'molingni o’rab yur, singlim.

Duo olib doim otamdan,
Baxtimga sen yayrab yur, singlim.
O’rnak olib faqat onamdan,
Ro'molingni o’rab yur, singlim.

Singlim bor deb yayrab yuraman,
Seni juda yaxshi ko’raman,
Nima desang, olib beraman,
Ro'molingni o’rab yur, singlim.

Qancha orzu qilsang yetasan,
Iymonli qiz bo’lib yur, singlim.
Ishon juda baxtli bo’lasan,
Ro'molingni o’rab yur, singlim.

02:04.26.06.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

🔥Yana bir premyera 👇

✍️Qodir Qaxxor - Kechirmayman

🎙Zarifjon Safarov ijrosida👇

https://youtu.be/MugmLZJnoqQ?si=kp-qJzMFMbFWVCJI

DO’STLARIM

Qizlarni ko’nglini olib yursa bas,
Oqibatni chetga surgan do’stlarim.
Avvalgidek endi ular oddiymas,
Pul topib o’zgarib ketgan do’stlarim.

Davri kelib mag’rur yurar osmonda,
Omadni qo’lidan tutgan do’stlarim.
Kibrga berilib mensimay qo’ygan,
Pul topib o’zgarib ketgan do’stlarim.

Hech vaqosiz qolay, yo’qlamang mayli,
To’ldirmang mayliga kam-u ko’stlarim.
Shunchaki, yig’ilib turaylik deyman,
Pul topib o’zgarib ketgan do’stlarim.

Qarz so’rab siz tomon bormayman, qo’rqmang,
Xudo berib qolar yurib ishlarim.
Chin do’stning qadrini bilarsiz bir kun,
Pul topib o’zgarib ketgan do’stlarim.

Hammaning davri bor, hammaning payti,
Og’irlik qilmasin Qodirning bayti,
Bir umr boy bo’lib yashasin, mayli,
Pul topib o’zgarib ketgan do’stlarim.

01:04.27.06.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Baxtlimisan?

Senga aytar so’zlarim bisyor,
Orzularim faqat sen bilan.
So’ramadim biroq hech sendan,
Baxtlimisan o’zi men bilan?

Sen bor - shirin suraman xayol,
Borlig’imsan, shuni bilib ol,
O’ylantirar faqat bir savol,
Baxtlimisan o’zi men bilan?

Erkalasam kulib qo’yasan,
Bir jilmayib jonim olasan,
Sevishingni qachon aytasan,
Baxtlimisan o’zi men bilan?

Olislasam yo’qlab qolasan,
Rashk qilasan, do’qlab qolasan,
So’rasam gar boshing egasan,
Baxtlimisan o’zi men bilan?

Dunyo bilsin baralla aytay,
Men baxtliman axir sen bilan.
Chiroyligim, ko’zlari qoram,
Baxtlimisan o’zi men bilan?

01:04.22.07.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Men sen bilan…

Yuragimda yolg’izim o’zing,
Visolingga shoshib qolaman.
O’zgalarni ko’zlaganim yo’q,
Men sen bilan baxtli bo’laman.

Topolmadim sendan bir nuqson,
Qalbim guli o’zingsan, ishon,
Yonimda bo’l, doim yonma-yon,
Men sen bilan baxtli bo’laman.

Seni o’ylab tunlarim bedor,
Yuragimga bermagin ozor,
Axir sensiz bu dunyolar tor,
Men sen bilan baxtli bo’laman.

Sevaman-da ko’zlaring charos,
Yarashadi senga oq libos,
Senga menday yor kerak xolos,
Men sen bilan baxtli bo’laman.

Ayirmasin bizni bu taqdir,
Endi yonib sevganda Qodir,
Visolingga yetaman oxir,
Men sen bilan baxtli bo’laman.

01:08.28.07.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Qizg’ongani qizg’ongan

Bir boqishda yondirib,
Yuragimdan joy olgan.
Rashki yomon yorim bor,
Qizg’ongani qizg’ongan.

Har zamon jerkib turar,
Mensiz u ko’zyosh qilar,
Shu qadar yaxshi ko’rar,
Qizg’ongani qizg’ongan.

Men ham oshiq o’ziga,
Oydan go’zal yuziga,
Chidolmayman noziga,
Qizg’ongani qizg’ongan.

Sevaman deb ayt desam,
Sevgisidan u tongan,
Pinxona sevsa kerak,
Qizg’ongani qizg’ongan.

Yonimda bo’ling deydi,
O’zgaga boqmang deydi,
Xiyonat qilmang deydi,
Qizg’ongani qizg’ongan.

Eritar bir so’z bilan,
Kuydiradi noz bilan,
Baxtliman shu qiz bilan,
Qizg’ongani qizg’ongan.

02:08.07.08.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Qo’lim yetmadi…

Bedarak yo’qoldi, izlab qoldim zor,
Yorim ketaman deb hatto aytmadi.
Bilsam boylar tomon ketibdi olis,
Qo’lim yetmadi-da, qo’lim yetmadi.

Umidvor yuragim hamon qo'msaydi
Essiz cho'ntagimda pulim bo’lsaydi,
Dardlarimni bugun hech kim bilmaydi,
Qo’lim yetmadi-da, qo’lim yetmadi.

Yorga yo’q ekan-da keragim endi,
Baxtli bo’lsin mayli, tilagim endi.
Kechirolsang kechir yuragim endi.
Qo’lim yetmadi-da, qo’lim yetmadi.

Bunchalar ham uzun bo’lmasa bu tun
Yuragim yarimta bo’lmaydi butun,
Gullardan ham go’zal yorimga bugun,
Qo’lim yetmadi-da, qo’lim yetmadi.

Endi ko’zlarimda kulgularim yo’q,
Endi o’sha shirin tuyg’ularim yo’q,
Qalbimni kuydirar, o’chmaydi bir cho'g’,
Qo’lim yetmadi-da, qo’lim yetmadi.

Yorga yo’q ekan-da keragim endi,
Baxtli bo’lsin mayli, tilagim endi.
Kechirolsang kechir yuragim endi.
Qo’lim yetmadi-da, qo’lim yetmadi.

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

👆Har kuni yangi sher bo’lishi uchun Likelarni❤️ kamentariyani to’ldirib tashaylik shunda zo’r ilxom keladi qadrdonlar..!😅

Endi seni yoring bor qo’shiqni eshitganlar bormi?

Manda faqat shu qo’shiq chiqyabdi qatga kirsam 🥰


Bizni muallifligim ostidagi navbatdagi trend desa ham bo’ladi olloxga bexisob shukurlar bo’lsin🥰

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Senga yoqib bo’lmadi…

Senga atab she'rlar yozdim ko’p,
Sira ko’ngling to’lmadi, gulim.
Orzuyingda shaxzodalarmi?
Senga yoqib bo’lmadi, gulim.

Xohlar edim birga bo’lishni,
Birga yashab, birga o’lishni,
Hech bilmadim ko’ngling olishni,
Senga yoqib bo’lmadi, gulim.

Arzon edi sovg’alarim ham,
Qimmatiga yetmadi qo’lim.
Oddiyligim yuzimga solding,
Senga yoqib bo’lmadi, gulim.

Bir adashib sevib qolibman,
Senga atab gullar olibman,
Essiz, bekor sarson bo’libman,
Senga yoqib bo’lmadi, gulim.

Hech qalbingga topilmadi yo’l,
Nima derdim? Peshonamiz sho’r,
Tengingni top, mayli, baxtli bo’l,
Senga yoqib bo’lmadi, gulim.

01:08.19.08.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Essiz…

Oq libosing yarashdi-yu lek,
To’yingda ham kulmading, essiz.
Armonlarda yashayman endi,
Sen meniki bo’lmading, essiz.

To’xtamaydi qara, ko’zyoshim,
Ayriliqqa yetmay bardoshim,
Qora ko’zim, ey qalamqoshim,
Sen meniki bo’lmading, essiz.

Olislarga ketaylik desam,
So’zlarimga kirmading, essiz.
Xursandmisan ayrilib endi?
Sen meniki bo’lmading, essiz.

O’sha eski surating olib,
Termulaman sog’inchda yonib,
Aytgim kelar yoningga borib,
Sen meniki bo’lmading, essiz.

Ma'nosi yo’q o’tmoqda kunim,
Alamlarda yonmoqda dilim,
Bir umrlik armonim, gulim,
Sen meniki bo’lmading, essiz.

02:08.26.08.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Vaqtida…!

Onam topgan qizlar sira yoqmaydi,
Bilmam, endi qachon ko’nglim to’larkan?
Senga o’xshagani uchragani yo’q,
Vaqtida qadringga yetsam bo’larkan.

Ikki qilmas eding aslo bir so’zim,
Sog’inyapman endi seni, gulyuzim,
Alamlar qiynaydi aybdorman o’zim,
Vaqtida qadringga yetsam bo’larkan.

Diling vayron qildim ketaver dedim,
Boraqol baxtingga yetaver dedim,
Seni sevganimni, afsus, kech bildim,
Vaqtida qadringga yetsam bo’larkan.

O’yin bildim sevgi degan tuyg’uni,
Essiz, qo’ling mahkam tutsam bo’larkan.
Sherik qilib oldim oxir qayg’uni,
Vaqtida qadringga yetsam bo’larkan.

Ayrilmaylik deya yig’laganing rost,
Baxtim sen ekansan, bilmadim xolos,
Essiz chiroyligim, ko’zlari charos,
Vaqtida qadringga yetsam bo’larkan.

02:00.06.09.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg

Dadamga…!

Har qadamda omadim kelar,
Bolam, deya qilsalar duo.
Ular meni ishongan tog’im,
Dadamga dard bermagin, Xudo.

Bizni deya tinmagani rost,
To’yib, yayrab kulmagani rost,
O’tinaman sendan, iltimos,
Dadamga dard bermagin, Xudo.

To’ylar qilay yayrasin, kulsin,
Davrim keldi, rohatim ko’rsin,
Yuz yoshda ham yonimda bo’lsin,
Dadamga dard bermagin, Xudo.

Yo’qchilikda yurgan onlarim,
Sotganda ham do’st-u yorlarim,
Qo’yvormagan sira qo’llarim,
Dadamga dard bermagin, Xudo.

Nolimayman hamma narsam bor,
Lek dadamsiz gadoman, gado.
Bor boyligim olgin-u ammo
Dadamga dard bermagin, Xudo.

00:00.15.09.2024

✍️Muallif: Qodir Qaxxor

@QodirQaxxorSherlari
✅Кўнгилга яқин шерлар..↙️
https://t.me/joinchat/AAAAAEO1DInIkVknPwF0Jg