وش المانع احبك ؟ واحبك بدون اسباب
‏ماعندي سبب مادامك انت اجمل اسبابي

ماا جيت أسمّعك الكلام اللي تبيه
‏جيت أودِع الذكرى القديمة فـ اللحد

‏خل الكلام الحاد والرأي الوجيه
‏يمكن يكون "الاعترااف" أقسى وأحد

‏ما كنت وجه وبس من ضمن الوجيه
‏إنسان عاهدني على شي ، وجحد

‏أنت الشعوور اللي ما قد حسيت فيه
‏وأنت الكلام .. اللي ما قد قلته لأحد .

وين اروح من الشعور الي كثير اسالته ؟
‏دام اشوف الواقع يضيّع جميع اوهامي

‏والله إني قد عطيتك  قلبّي .. و دللته
‏لـ الطريق الي من يُمره يعوّد ضامي

‏الحمّل لو ماقدرت إني اشيله ؟ شلته
‏والعُمر ماعاد يسوّى لا خسرت أحلامي

‏الكلام الي ( اخاف ) إنك تقوله ؟ قلته
‏والوداع الي يضايقني حصل قدامي

مرحبا يا أغلى من الشوف لعيون الضرير
‏المشاعر في حضورك تبدي لْك إعجابها
‏ㅤ
‏ما أنت عادي والذي حط لك رمشٍ غفير
‏أنت فرصة عمر يا سِعْد من يحظى بها
‏ㅤ
‏أخاف لا مريت قلبي من ضلوعي يطير
‏وأقوم أفتّش في زواياها .. وأقفّل بابها .

عيدك مبارك وكل عام المشاعر تجري
‏ما توّقفها الظروف ولا قليل الجيّة

‏والله إنك أوّل من أبارك له ومن يطري
‏ووالله إنك ما أنت حول العالم المنسيّة

‏العيادي منّك صوّرٍ تفرّح صدري
‏خذْتها منّك وأنا الي ما آخذ العيديّة ❤️.

عيديتي هي صوتك ب ليلة العيد
‏لاقلت لي كل عام و حبك نصيبي

‏و ارد ما اسمعك وش قلت عيد ؟
‏و ترد لي كل عام و انت حبيبي ❤️.

عيدكم مبارك 💗.

على مطلع العيد وعلى مطلع الافراح
‏يقولون بان العيد واقول مابنتي !!

‏تسامي على كل البني من عجم وأقحاح
‏و تغني على شعر .. مايستاهل الا انتي

‏على وجهك النير اشوف الكدر ينزاح
‏تلين الليالي القاسيه بس ما لنتي

‏ وانا في خيالي وجهك اللي عليه ارتاح
‏يقولون .. زنتي يعلم الله ماشنتي .

‏من الورد والريحان و العطر لا من فاح
‏علي الله المعبود .. .. بـ انك تكونتي !

‏يعرفون وقت العيد في هلاله الوضاح
‏وانا اشوف وجه العيد لامن تزينتي

‏مخارج حروفك عافيه ومبسمك ذباح
‏وقلبي معك يا غايته وين ما كنتي

‏على كل نجلا سحرها غالب ، و فضاح
‏ما مكنهم الله ، وانتي اللي .. تمكنتي

‏عيونك سكنها الموت ماترحم الأرواح
‏سلبتي مشاعرهم وعندي تهيمنتي

‏على كثر ماجاني من الضيق والألحاح
‏يكفيني انك .. ما نكرتي و لا خنتي ❤️.

العيد والله ثالث العيد يا سعود ❤️.

‏يصنع البسّمه لـ نفسه وهو قلبه صويّب
وإن جلس هوجس وكنّ البشر ماحدٍ معاه .

ودّك ترجّع كلّ شيّ بـ مكانه
‏بسّ المسير لوين والخطوة لمنّ
‏
‏لا خانك اللي كنت خوفه وأمانه
‏بـ يخونك التعبير ويخونك الظنّ .

‏" لا تنحنح .. وإقلط بمدهال صدري
‏والله إنك ما دخلت إلا ديارك "

القصيد العذب يا جرحه و طبّه
‏ما يعَدّ الا على وصلك و صدّك

إن تراضينا كتبت اللي تحبه
‏و إن تجافينا كتبت اللي يردك !

تباهي وغني واضحكي ولايهمك شيء
‏لامالت ظروفك فيه لك من يعدلها

‏بتلقين لك في جوف قلبي براد وفّي
‏هنا منزلك والناس تعرف منازلها

لا تنتظر حتى من الحب إعاده
بينك وبين معاوده يفتح الله

اللي يبي منك تناديه ناده
واللي يبي منك تخليه خله .

ليت قلبي يشبه لـ قلب ابو نوم ٍثقيل
‏اللي لو يشب فـ اطراف ثوبه ما صحى

‏بس انا من كثر ماني شقي نومي قليل
‏والهموم تدور في خاطري دور الرحى

‏صرت لـ الاحزان ملجى ولـ الضيقه عميل
‏واتظاهر بـ السعاده وانا حالي محى

‏وسالفة بـ اعدل النوم هذي مستحيل
‏والله يا بعض الليالي ما انام الا الضحى .

هوى القلب ياما قاد له رووسٍ ما تنقاد
‏عسى القلب ما ينزل به إلا من يحنّه .

وانا بعد خوفي منك يالله ماني بْخاف
إلا إني لا أتردّى عند غالي وانا غالي .